| Wylie | e-texts produced with BDRC’s OCR application |
སྐད་གསར་བཅད་ཀྱིས་ཀྱང་བཅོས་ནས་གཏན་ལ་ཕབ་པ། བམ་པོ་གཉིས་དང་ཤླཽ་ཀ་བརྒྱ་རྩ་བརྒྱད།། །། རྒྱ་གར་སྐད་དུ། ཨརྱ་སཱུ་རཿ ་པའི་པྲྀ་ཙཱ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་ངེས་པས་ཞུས་པ་ཞེས་བྱ་བ་ཐེག་པ་ཆེན་པོའི་མདོ།། བམ་པོ་གཅིག་པ། སངས་རྒྱས་དང་བྱང་ཆུབ་སེམས་དཔའ་ཐམས ་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་རང་ན།། དགེ་སློང་སྟོང་ཅེས་བརྒྱ་ལྔ་བཅུའི་དགེ་སློང ་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་སུམ་ཁྲི་ཉིས་སྟོང་དག་དང་ཐབས་ཅིག་ཏུ་བཞུགས་ཏེ། འཁོར་བཞི་དང་། རྒྱལ་པོ་དང་། བློན་པོ་དང་། མོང་རྡལ་གྱི་མི་དང་། ལྗོངས་ཀྱི་མི་རྣམས་ཀྱིས་བཀུར་སྟིར་བྱས། བླ་མར་བྱས། ་རིམ་གྲོར་བྱས། མཆོད་པར་བྱས་སོ།། དེའི་ཚེ་མཉན་ཡོད་ཀྱི་མོད་ཁྱེར་ན། གྲོང་ཁྱེར་གྱི་མི་དངུལ་པོ་ངེས་པ་ཞེས་བྱ་བ། སངས་རྒྱས་ལ་དད་པ་མི་ཕྱེད་བ་དང་ལྡན་པ། ཆོས་ལ་དད་པ་མི་ཕྱེད་པ་དང་ལྡན་པ། ་དགེ་འདུན་ལ་དད་པ་མི་ཕྱེད་པ་དང་ལྡན་པ། བསླབ་པའི་གཞི་ལྔ་ཡོངས་སུ་བཟུང་བ།། དགེ་བ་བཅུའི་ལས་ཀྱི་ལམ་དང་ལྡན་པ། བྱམས་པ་ལ་གནས་ཏེ། སེམས་ཅན་ཐམས་ཅད་ལ་སེམས་སྙོམས་པ། སྙིང་རྗེས་ལ་གནས་ཏེ། ་ཡིད་ཡོངས་སུ་སྐྱོ་བ་མེད་པ། དགའ་བ་ལ་གནས་ཏེ། ཆོས་ཀྱི་ཀུན་དགའ་ལ་དགའ་ཞིང་མོས་པ། གཏང་སྙོམས་ལ་གནས་ཏེ། བདེ་བ་དང་སྡུག་བསྔལ་གྱིས་མི་སྐྱོད་པ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཡང། ་དག་པར་ཞུགས་པ། སྔོན་གྱི་ཚུལ་ཕུན་སུམ་ཚོགས་པ། ཐབས་ལ་མཁས་པས་སེམས་ཅན་རྣམས་ཡོངས་སུ་སྨིན་པར་བྱེད་ཅིང་། དངུལ་པོར་མིང་དུ་ཆགས་པ་ཞིག་གནས་ཏེ། ལྷའི་དབང་། ་དརྒྱ་བྱིན་གྱིས་ལྷའི་མིག་རྣམ་པར་དག་པ་མི་ལས་འདས་པས་གྲོང་ཁྱེར་གྱི་དབུལ་པོ་ངེས་པ་ཤིན་ཏུ་འདོད་པ་ཆུང་བ། ཆོག་ཤེས་པ། ཚུལ་ཁྲིམས་དང་བརྟུལ་ཞུགས་དང་ལྡན་པ། ཡིད་ལ་འཁྲུག་པ་མེད་པ། རྟག་ཏུ་བཞིན ་འཛུམ་པ།། གཞན་གྱི་འཁྲུལ་པ་དག་ལ་སྐྱོན་དུ་མི་ལྟ་བ། སེམས་ཅན་ཐམས་ཅད་ཀྱི་སེམས་སྲུང་བ། བརྣམ་པ་མེད་པ། ཤེས་བཞིན་དུ་སྤྱོད་པ། ཆོག་ཤིས་ཤིང་དགང་སྦལ་གསོ་སླབ། བསམ་པ་སུན་སུམ་ཚོགས་པ། ་གཡོ་མེད་པ། ང་རྒྱལ་མེད་པ། བཀའ་བློ་བདེ་བ། འཐུན་པར་འཛིན་པ། རྟག་ཏུ་གསོ་སྦྱོང་གི་ཡན་ལག་བརྒྱད་དང་ལྡན་པ། ལག་ན་ཤིང་ལོའི་སྣོད་ཐོགས་པ། རྩཝ་བཏིང་བ་ལ་ཉལ་བ། གོས་ངན་པ་གྱོན་པ། རྙེད་ཀྱང་མི་ལེན་པ། ་བཟང་ཡང་རུང་། ངན་ཀྱང་རུང་བགོ་བཤའ་བྱས་ནས་ཟ་བ། དུས་གསུམ་དུ་དེ་བཞིན་གཤེགས་པ་ལ་ལྟ་བ། ཆོས་ཉན་པར་འདོད་པ། གཏམ་སྣ་ཚོགས་བྱུང་བ་ལ་སྤོབས་པ་དང་ལྡན་པ། སེམས་ཅན་ཐམས་ཅད་ཀྱིས་མཐོང ་ན་དགའ་བ་དེ་མཐོང་ངོ་།། མཐོང་ནས་འདི་སྙམ་དུ་སེམས་ཏེ། ཅི་གྲོང་ཁྱེར་གྱི་དབུལ་པོ་འདི་ཡི་དམ་ལ་བརྟེན་ནམ། མི་བརྟེན་པ་བདག་གིས་བརྟག་གོ་སྙམ་མོ།། དེ་ནས་ལྷའི་དབང་པོ་བརྒྱ་བྱིན་གྱིས་མི་མང ་མངོན་པར་སྤྲུལ་ནས། གྲོང་ཁྱེར་གྱི་དབུལ་པོ་ངས་པ་ལ་ཚིག་ངན་པ་དག་གིས་གཤེ་ཞིང་སྤྱོད་པར་བྱེད་དེ། བོད་དང་། དབྱུག་པ་དང་། མཚོན་མ་དག་ཀྱང་བསྟན་ན། ངེས་པ་དེ་བཟོད་པའི་སྟོབས་ཀྱིས་དང་དུ་ལེན་པར་བྱེད་དེ། མི་འཁྲུག ་ཅིང་གནོད་སེམས་མི་སྐྱེད་དོ།། དེ་ནས་ལྷའི་དབང་པོ་བརྒྱ་བྱིན་གྱིས་མི་གཞན་དག་ཅིག་ཏུ་སྤྲུལ་ནས་ངེས་པ་དེའི་མདུན་དུ་བཞག་སྟེ། ངེས་པ་དེ་ལ་དགའ་བའི་ཚིག་གིས་ཁོ་བོ་ཅག་ནི་ཁྱོད་ཀྱི་དོན་བྱེད ་པར་འདོད་པ་ཡིན་གྱིས། ཇི་སྟེ་ཁྱོད་འདོད་པ་ལྟ་ན། ཁྱོད་ལ་སྡིག་པའི་དགྲ་གང་ཡིན་པ་དེ་དག་ཁོ་བོ་ཅག་གིས་ཚར་གཅོད་པར་བྱའོ་ཞེས་སྨྲས་སོ།། ངེས་པས་སྨྲས་པ། གྲོགས་པོ་དག་ཐོང་།། དེ་སྐད་མ་ཟེར་ཅིག། གལ་ཏེ་མི ་འདི་དག་གིས་ཁོ་བོའི་ལུས་དུམ་བུ་བརྒྱར་དུམ་བུ་དུམ་བུར་གཏུབས་སུ་ཟིན་ཀྱང་། ཁོ་བོ་ནི་མི་འདི་དག་ལ་སྡིག་པའི་སེམས་མི་སྐྱེད་དེ། གྲོགས་པོ་དག་འཇིག་རྟེན་དག་ནི་དགེ་བ་དང་། མི་དགེ་བའི་ཕྱོགས་གཉིས་ལ་གནས་ལ། ་དེའི་འགྲོ་བ་ནི་གཉིས་ཁོ་ན་སྟེ། དགེ་བའི་ཕྱོགས་ཀྱི་ནི་བདེ་འགྲོའོ།། མི་དགེ་བའི་ཕྱོགས་ཀྱི་ནི་ངན་འགྲོའོ།། དེ་བས་ནི་ཁོ་བོ་ནི་སེམས་ཅན་ཕ་རོལ་ཚིག་པ་ཟ་བར་བྱེད་པའང་མི་འདོད་ན། གཙེ་བ་ལྟ་ཅི་སྨོས། དེ་ནས་དེའི་ཚེ ་ཚིགས་སུ་བཅད་པ་འདི་དག་སྨྲས་སོ།། ས་བོན་ཚ་བ་རྣམས་ཀྱི་ནི།། འབྲས་བུ་ཚ་བ་སྐྱེ་བར་འགྱུར།། ས་བོན་མངར་བ་རྣམས་ཀྱི་ནི།། འབྲས་བུ་མངར་བསྐྱེ་བར་འགྱུར།། དཔེ་ཟླར་བྱས་པ་འདི་ཡིས་ནི།། སྡིག་པའི་རྣམ་སྨིན་ཚ་བ་དང་།། ་དཀར་པོའི་འབྲས་བུ་མངར་པ་ཡང་།། མཁས་པའི་མིས་ནི་ཤེས་པར་འགྱུར།། རྟག་ཏུ་ལུས་དང་ངག་ཡིད་ཀྱིས།། སྡིག་པ་རྣམ་གསུམ་མི་བྱ་ཞིང་།། གཞན་དག་བྱེད་ཀྱང་མཁས་པ་ཡིས།། རྗེས་སུ་དགའ་བར་མི་བྱའོ།། ལུས་དང་། ་ངག་དང་ཡིད་རྣམས་ཀྱི།། དཀར་པོ་རྣམ་གསུམ་རྟག་ཏུ་བྱ།། གང་དག་དགེ་བ་སྤྱོད་བྱེད་པ།། གཞན་དག་ལ་ཡང་ཡིད་རང་བྱ། དེ་ནས་ལྷའི་དབང་པོ་བརྒྱ་བྱིན་གྱིས་དུས་གཞན་ཞིག་ན། ངེས་པ་ལ་དབྱིག་དང ་གསེར་མང་པོ་བསྟན་ནས་འདི་སྐད་ཅེས་སྨྲས་སོ།། ངེས་པ་འོ་ནི་ལས་ཁྱེར་ལ་སྦྱིན་པ་བྱིན་ཅིག། བསོད་ནམས་ངག་གྱིས་ཤིག། གོས་རང་རྒྱན་དག་ཀྱང་ཐོགས་ཤིག། ཁྱོད་ངམ་ཅིང་དབུལ་བས་ཅི་ཞིག་བྱ། ངེས་པས ་སྤྲས་པ། གྲོགས་པོ་སྔོན་སེམས་ཅན་རྣམས་ལ་ལུས་ཀྱིས་ཉེས་པར་སྤྱད་པ་དང་། ངག་དང་ཡིད་ཀྱིས་ཉེས་པར་སྤྱད་པས་འདིར་དངུལ་པོ་ཞེས་བྱ་བར་གྱུར་ཏོ།། དེ་བས་མ་ཁེ་བོ་ནི་མ་བྱིན་པར་ལེན་པ་བྱེད་པར་མི་འདོད་དོ།། ་བརྒྱ་བྱིན་གྱིས་སྨྲས་པ། ངེས་པ་ཁྱོད་ད་ལྟར་ཇེ་བདེ་བར་འཚོ་བར་གྱིས་ཤིག། འཇིག་རྟེན་ཕ་རོལ་བསམ་པས་ཁྱོད་ལ་ཅི་ཞིག་བྱ། ངེས་པས་སྨྲས་པ། གྲོགས་པོ་གང་ཚེ་འདི་ཆེད་ཆེར་འཛིན་པ་དེ་ནི་བྱིས་པའི་ཆོས་ཡིན་གྱི། ་མཁས་པ་རྣམས་ནི་ཚེ་ཕྱི་མཆེད་ཆེར་འཛིན་ཏོ།། འདོད་པས་ཟིལ་གྱིས་ནོན་པ་དང་། ཞེ་སྡང་གིས་ཟིལ་གྱིས་ནོན་པ་དང་། གཏི་མུག་གིས་ཟིལ་གྱིས་ནོན་པ་དང་། འདོད་ཆགས་ཀྱིས་ཟིལ་གྱིས་ནོན་པ་དག་ནི་མ་བྱིན་པར་ལེན ་པར་བྱེད་ཀྱི། མཁས་པ་དག་ནི་བརྐམ་པ་མ་ཡིན་ནོ།། སོགས་འཇོག་ཆེད་ཆེར་འཛིན་པ་དག་ནི་མ་བྱིན་པར་ལེན་པར་བྱེད་ཀྱི། མཁས་པ་དག་ནི་སོགས་འཇོག་མི་བྱེད་དོ།། བདག་གིར་འཛིན་པ་དང་བཅས་ཤིང་ཡོངས ་སུ་འཛིན་པ་དང་བཅས་པ་དག་ནི་མ་བྱིན་པར་ཡ་ལེན་པར་བྱེད་ཀྱི། མཁས་པ་དག་ནི་བདག་ཏུ་མི་འཛིན་ཅིང་ཡོངས་སུ་འཛིན་པར་མི་བྱེད་དོ།། ལུས་དང་སྲོག་ལ་ལྟ་བ་དག་ནི་མ་བྱིན་པར་ལེན་པར་བྱེད་ཀྱི། མཁས་པ་དག ་ནི་ལུས་དང་སྲོག་ལ་མི་ལྟའོ།། ངོམས་མི་ཤེས་ཤིང་ཆོག་མི་ཤེས་པ་དག་ནི་མ་བྱིན་པར་ལེན་པར་བྱེད་ཀྱི། མཁས་པ་དག་ནི་ངོམས་ཤེས་ཤིང་ཆོག་ཤེས་པ་ཡིན་ནོ།། འཚོ་བ་ཡོངས་སུ་མ་དག་པ་དག་ནི་མབྱིན་པར་ལེན་པར ་། བྱེད་ཀྱི། མཁས་པ་དག་ནི་འཚོ་བ་ཡོངས་སུ་དག་པ་ཡིན་ནོ།། ལས་མ་མཐོང་བ་དག་ནི་མ་བྱིན་པར་ལེན་པར་བྱེད་ཀྱིས།། མཁས་པ་དག་ནི་ལས་མཐོང་བ་ཡིན་ནོ།། རྣམ་པར་འཚེ་བ་ཆེར་ཆེར་འཛིན་པས། ་ནིམ་བྱིན་པར་བྱེད་ཀྱི། མཁས་པ་དག་ནི་རྣམ་པར་མི་འཚེ་བ་ཆེད་ཆེར་འཛིན་ཏོ།། བྱམས་པའི་སེམས་མེད་པ་དག་ནི་མ་བྱིན་པར་ལེན་པར་བྱེད་ཀྱི།། མཁས་པ་རག་ནི་བྱམས་པའི་སེམས་དང་ལྡན་ནོ།། བྱིན་ཅི་ལོག་བཞིས་སེམས ་བསླད་པ་དག་ནི་མ་བྱིན་པར་ལེན་པར་བྱེད་ཀྱི། མཁས་པ་དག་ནི་སེམས་ཕྱིན་ཅི་མ་ལོག་པ་ཡིན་ནོ།། གཞན་ཡང་སེམས་ཅན་དངུལ་པོ་གང་ཡིན་པ་དེ་དག་ཁོ་བོས་ཚིགས་སུ་བཅད་པ་དག་གིས་བཤད་ཀྱིས་ཉོན་ཅིག། ་བྱེ་བ་ཕྲག་སྟོང་གཏེར་ཡོད་ཀྱང་།། གང་དག་ལ་ནི་གཏོང་མེད་པ།། དེ་དག་འཇིག་རྟེན་འདིར་དབུལ་ཞེས།། ཐོས་མང་རྣམས་ཀྱིས་དེ་སྐད་བཤད།། གང་ལ་ཟན་གཅིག་མེད་བཞིན་དུ།། དེ་ནི་གཏོང་ལ་རབ་གནས་ན།། དེ་ནི་འཇིག་རྟེན ་ནོར་ཆེ་ཞེས།། ཡང་དག་གཟིགས་པ་རྣམས་ཀྱིས་བཤད།། གང་ལ་སྡིག་མེད་འཕགས་པ་ནི། རྣམ་པ་ཀུན་གྱིས་མཛེས་པ་ཡིམ། བྱིས་པ་སྡིག་པ་བྱེད་པ་ནི།། ཤིན་ཏུ་བརྒྱན་ཀྱང་མཛེས་མ་ཡིན།། མཁས་པ་དག ་གིས་སྤྱོས་བླ་ཡི།། བྱིས་པས་བསྔགས་པ་དེ་ལྟ་མིན།། བྱིས་པ་སྡིག་པ་བསྔགས་པར་བྱེད།། མཁས་པ་དག་ནི་སྡུག་ལ་སྤོད་། དེ་ནས་ལྷའི་དབང་པོ་བརྒྱ་བྱིན་གྱིས་དུས་གཞན་ཞིག་ན་མི་གཞན་ཞིག ་སྤྲུལ་ཏོ།། དེ་ནས་མི་དེས་གསེར་མང་པོ་ཁྱེར་ཏེ། ངེས་པ་ལ་འདི་སྐད་ཅེས་སྨྲས་སོ།། ཀྱེ་ངེས་པ་གསེར་ཁྱེར་ལ། ཁོ་བོ་མི་གཞན་ཞིག་དང་རྩོད་པ་དེ་ལ་ཁྱོད་གཅིག་པུས་ཆེ་བཞི་བྱ་བར་ཁོ་བོས་བྱས་ཀྱིས།། དེར་ཁེ་རེའི ་ཆེ་བཞི་གྱིས་ཤིག། དེས་པས་སྤྲས་པ། གྲོགས་པོ་ཐོང་། ཁྱོད་དེ་སྐད་མ་ཟེར་ཅིག། ཁོ་བོ་ནི་བརྫུན་ཟེར་དུ་མི་འདོད་ངོ་དོ།། ཀྱེ་གྲོགས་པོ་བརྫུན་དུ་སྨྲ་བ་ནི། བདགུ་ལའང་སྤུ་ནིང་པ་རོལ་ཡང་སྲུ་ལ།། འཕགས ་པའང་སླུ་བ་ཡིན་ཏེ། ཆགས་པ་ཉམས་པར་བྱེད་པ་དང་། ཡིད་མི་ཆེས་པ་དང་། ཡིད་དུ་མི་འོང་བར་བྱེད་པ་དང་། བརྙས་པར་བྱེད་པ་དང་། སེམས་ཡོངས་སུ་གདུང་བར་བྱེད་པ་ཡིན་ནོ།། ཀྱེ་གྲོགས་པོ་བརྫུན་དུ་སྡུང ་ནི་ཁ་མནམ་པར་བྱེད་པ་དང་། ལུས་སྤད་པར་བྱེད་པ་དང་། ལྷའི་ཡིད་དུ་མི་འོང་བར་བྱེད་པ་ཡིན་ནོ།། ཀྱེ་གྲོགས་པོ་བརྫུན་དུ་སྨྲ་བ་ནི། དགེ་བའི་རྩ་བ་རྣམས་ལ་རྐུ་བ་དང་། དྲན་པ་རྨུགས་པར་བྱེད་པ་དང་། མཐོ་རིས་ཀྱི ་ལམ་ལ་སྒྲིབ་པ་ཡིན་ནོ།། ཀྱེ་གྲོགས་པོ་བརྫུན་དུ་སྨྲ་བ་ནི། འཕགས་པ་རྣམས་ཀྱིས་བཙན་པར་མི་བྱ་བ་དང་། ཡང་དག་པར་སྨྲ་བ་རྣམས་ཀྱི་ནང་དུ་ཚིག་མི་མཛེས་པ་དང་། མཁས་པ་རྣམས་ཀྱིས་སྤང་པ་དང་། ་སྡིག་པ་ཐམས་ཅད་ཀྱི་རྩ་བ་དང་། བརྟུལ་ཞུགས་ཡོངས་སུ་སྐོང་བའི་རྩ་བ་གཅོད་པ་དང་། ངན་འགྲོ་ཐམས་ཅད་ཀྱི་རྩ་བར་གྱུར་པ་ཡིན་ནོ།། དེར་ནས་དེའི་ཚེ་གྲོང་ཁྱེར་གྱི་དབུལ་པོ་ངེས་པས་ཚིགས་སུ་བཅད་པ་འདི་དག་སྨྲས་སོ།། ་བརྫུན་དུ་སྨྲ་བའི་ཁ་ནས་ནི།། རུལ་བའི་དྲི་ཡང་མནམ་པར་འགྱུར།། དགོན་པོ་ཇི་ལྟར་བཅོམ་པ་བཞིན།། སྔོན་གྱི་དཀར་རྣམས་སྤོང་བར་བྱེད།། རྨོངས་པས་བདག་དང་ལྷ་རྣམས་དང་།། འཕགས་རྣམས་ཡིད་ཀྱང་འབྱུང་བར ་བྱེད། མཽ་ནི་གང་ཞིག་བརྫུན་ཟེར་བ།། དེ་ནི་རྟག་ཏུ་དོགས་པར་འགྱུར།། བརྫུན་དུ་སྨྲ་བར་བྱེད་པ་རེ། སྡིག་པ་ཀུན་གྱི་རྩ་བ་དང་།། དཀའ་ཐུབ་ཅན་གྱི་རྩ་གཅོད་དང་།། ངན་འགྲོར་འགྲོ་བ་ཞེས་ཀྱང་བྱ།། གལ་ཏེ་འཛམ ་གླིང་གང་བ་ཡི།། གསེར་དག་ཁྱོད་ཀྱིས་བྱིན་ན་ཡང་།། ཁོ་བོས་ཆོས་ནི་བསྲུང་བའི་ཕྱིར།། རྟག་ཏུ་བརྫུན་ནི་སྤུ་མི་བྱེད།། དེ་ནས་བརྒྱ་བྱིན་གྱིས་སྤྲུལ་པའི་མིས་ངེས་པ་བརྫུན་ཟེར་དུ་གཞུག་མ ་ནུས་ནས་སོང་ངོ་།། དེ་ནས་ལྷའི་དབང་པོ་བརྒྱ་བྱིན་གྱིས་ལྷའི་བུ་མོ་ཉི་འོད་དང་། སྤྲ་མ་ཡིན་གྱི་བུ་མོ་བདེ་སོགས་ལ་འདི་སྐད་ཅེས་སྨྲས་སོ།། ཁྱེད་གཉིས་སོང་ལ་བརྟུལ་ཞུགས་དང་དཀའ་ཐུང་བྱེད ་པ་འདི། ཅི་འདོད་པ་ལ་ལོངས་སྤྱོད་པ་ཞིག་གམ། འོན་ཏེ་འདོད་པ་དོན་དུ་མི་གཉེར་བ་ཞིག་ཡིན་པ་རྟོགས་ཤིག། དེ་ནས་ལྷ་མ་ཡིན་གྱི་བུ་མོ་བདེ་སོགས་དང་། ལྷའི་བུ་མོ་ཉི་འོད་ནམ་ནངས་ནས་ཕྱོགས་གང་ན་ངེས་པ ་འདུག་པའི་ཕྱོགས་དེར་སོང་ནས།། ངེས་པ་ལ་ཚིག་སྙན་པར་སྨྲ་ཏེ། ངེས་པ་བཞེངས། བདག་ཅག་གཉིས་ནི་ཁྱོད་ཀྱི་བསྙེན་བཀུར་བགྱིད་པ་ལགས་སོ།། ངེས་པ་བདག་ཅག་གཉིས་ཀྱི་གཟུགས་ཕུན་སུམ་ཚོགས་པ་ལ ་གཟིགས། ཤ་ཚུགས་དང་། ཁ་དོག་དང་། དབྱིབས་དང་། ལུས་བྱུགས་པ་དང་། རྒྱན་དང་། ཆེས་དང་། ལྷབ་ལྷུབ་དག་ལ་གཟིགས། ན་ཚོགས་དང་པོའི་ལང་ཚོ་ལ་བབ་པ་ལ་གཟིགས། ངེས་པ་ཁྱོད་ཀྱིས་བསྙེན་བཀུར ་བགྱིང་བ་འདི་འདྲ་བ་བདག་ཉིད་ཀྱི་བསོད་ནམས་ཕུན་སུམ་ཚོགས་པ་ལ་གཟིགས། ངེས་པས་བལྟས་ནས་སྤེས་པ།། ཁྱེད་གཉིས་ནི་སེམས་ཅན་དམྱལ་བ་དང་། དུང་འམོ་སྐྱེ་གནས་དང་། གཤིན་རྗེའི་འཇིག་རྟེན་དུ་སུ ་བ་རྣམས་ཀྱི་བསྙེན་བཀུར་བྱེད་པ་ཡིན་གྱི། ལྷ་དང་མིར་ཞུགས་པ་དག་གི་ནི་མ་ཡིདན་བྱེང་གཉིས་ཀྱི་ལུས་ནི་སྤྱམ་དང་རྨི་ལམ་གྱི་རང་བཞིན་ལྟ་བུར་ཁོ་བོས་མཐོང་ངོ་།། ཁྱེད་གཉིས་ཀྱི་གཟུགས་ནི་ལྔ་བ་དང་། མུ་རུར་དྲིས ་སྨིག་རྒྱུ་ལྟ་བུར་མཐོང་ངོ་།། ཁྱེད་ཙན་དན་གྱི་ལྡེ་གུས་བྱུགས་པ་ནི་པགས་པ་རློད་པ་ཤས་ཡོག་པ་ལྟ་བུར་མཐོང་ངོ་།། ཁྱེད་ཀྱི་རྒྱན་དང་ལྤང་ལྷུབ་ནི་མིག་སྲུ་བའི་སྒྱུ་མ་བྱས་པ་ལྟ་བུར་མཐོང་ངོ་།། ཁྱེད་ཀྱི་ལང་། ་ནི་མི་རྟོག་པ་དང་འགྱུར་བའི་ཆོས་ཅན་མཐོང་ངོ་།། བསོད་ནམས་མ་ཡིན་པར་མཐོང་བའི་ཕྱིར་ཁྱེད་གཉིས་ལ་ཁོ་བོ་མ་ཆགས་སོ།། ཁྱེད་གཉིས་ནི་སྤྲེའུ་དང་བུད་མེད་ཀྱི་སེམས་ལྟ་བུར་གྱུར་པ་རྣམས་ཀྱི་བསྙེན་བཀུར ་བྱེད་པ་ཡིན་གྱི། སེམས་དྲན་པས་ཀུན་ནས་སྲུང་བ་དག་གི་ནི་མ་ཡིན་ནོ།། ཆེ་ཞེ་དག་འདོད་པ་ལ་རྟེན་པ་ནི་མི་སྡུག་པའོ།། འདོད་པ་ལ་རྟེན་པ་དེ་ནི་དྲི་ང་བའོ།། འདོད་པ་ལ་རྟེན་པ་ནི་རུལ་བའོ།། འདོད་པ་ལ་རྟེན ་བ་ནི་ཤིན་ཏུ་སྡུག་བསྔལ་བའོ།། འདོད་པ་ལ་རྟེན་པ་ནི་བདེ་བ་ཐམས་ཅད་ཡོངས་སུ་འགྲིབ་པར་བྱེད་པའོ།། འདོད་པ་ལ་རྟེན་པ་ནི་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་ལ་རྟེན ་པའོད་འདོད་པ་ལ་རྟེན་པ་ནི་ངན་འགྲོ་ན་གནས་པའོ།། འདོད་པ་ལ་རྟེན་པ་ནི་འཐབ་པ་དང་། རྩོད་པ་དང་། འགྱེད་པ་དག་ལ་རྟེན་པའོ།། འདོད་པ་ལ་རྟེན་པ་ནི་མི་མཐུན་པ་དང་གོ་ར་ན་གནས་པའོ།། འདོད་པ་ལ་རྟེན ་པ་ནི་ཕྱིན་ཅི་ལོག་སྐྱེད་པའོ།། འདོད་པ་ལ་རྟེན་པ་ནི་སྲིད་པའི་བག་ལ་ཉལ་ལ་གནས་པའོ།། འདོད་པ་ལ་རྟེན་པ་ནི་རྣམ་པར་རྨོངས་ཤིང་ཤིན་ཏུ་རྨོངས་ལ་ཀུན་ཏུ་རྨོངས་པའོ།། འདོད་པ་ལ་རྟེན་པ་ནི་ཉེ་བར་གཟེར་ཅིང་རྣམ ་པར་གཟིར་ལ་ཀུན་ཏུ་གཟིར་བའོ།། འདོད་པ་ལ་རྟེན་པ་ནི་ཀུན་ཏུ་གདུངས་ཤིང་རྣམ་པར་གདུངས་ལ་ཡོངས་སུ་གདུངས་པའོ།། འདོད་པ་ལ་རྟེན་པ་ནི་མི་དགེ་བའི་རྗེས་སུ་འཇུག་ཅིང་དགེ་བ་ཡོངས་སུ་ཉམས་པར་བྱེད ་#པའོད་། འདོད་པ་ལ་རྟེན་པ་ནི་མི་དགེ་བུའི་རྩ་བསྐྱེད་པའོ།། འདོད་པ་ལ་རྟེན་པ་ནི་མི་དགེ་བའི་སྤྲིན་གྱི་དྲ་བས་ཀུན་ནས་ཁེབས་པའོ།། འདོད་པ་ལརྟེན་པ་ནི་སྲིན་མོ་དང་འདྲིས་པར ་བྱེད་པ་དང་། གཟུགས་མི་སྡུག་པ་དང་འདྲིས་པར་བྱེད་པ་དང་། ཤ་ཟ་མོ་དང་འདྲིས་པར་བྱེད་པའོ།། འདོད་པ་ལ་རྟེན་པ་ནི་བགླང་དང་། བོང་བུ་དང་། ཁྱི་དང་། ཕག་དང་། རྔོམོ་དང་། གླང་པོ་ཆེ་དང་། རྟ་དང་། ལུག་དང་། ཝ་ལ་རྟེན ་པའོ།། འདོད་པ་ལ་རྟེན་པ་ནི་སྐྱེས་བུ་དམ་པ་མ་ཡིན་པ་ལ་རྟེན་པའོ།། འདོད་པ་ལ་རྟེན་པ་ནི་ཚུལ་ཁྲིམས་དང་།། བོས་པ་དང་། གཏོང་བ་ཡོངས་སུ་འདོར་བ་ལ་རྟེན་པའོ།། འདོད་པ་ལ་རྟེན་པ་ནི་བརྟུལ་ཞུགས་དང་། ་ཐུཐུབ་འདོར་བའོ།། འདོད་པ་ལ་རྟེན་པ་ནི་ཤིན་ཏུ་བག་མེད་པའོ།། འདོད་པ་ལ་རྟེན་པ་ནི་ཉོན་མོངས་པ་ཤིན་ཏུ་འཕེལ་བར་བྱེད་པའོ།། འདོད་པ་ལ་རྟེན་པ་ནི་ཤིན་ཏུ་བར་དུ་གཅོད་པར་བྱེད་པའོ།། ་ནས་དེའི་ཚེ་གྲོང་ཁྱེར་གྱི་དབུལ་པོ་ངེས་པས་ཚིགས་སུ་བཅད་པ་འདི་དག་སྨྲས་སོ།། འདོད་པ་མི་རྟག་རྟག་ཏུ་སྨད་པ་སྟེ།། ཤིན་ཏུ་སྡུག་བསྔལ་བདེ་བ་འཇིག་པར་བྱེད།། རྟག་ཏུ་ངན་སོང་ས་རྣམས་ཁྱིམ་དུ་གྱུར། ་སེམས་རྨོངས་གྱུར་པ་དག་གིས་རྟག་ཏུ་བསྟེན།། འཐང་རྩོད་ཅན་དེ་མི་བདེན་མཚང་དུ་གྱུར།། རྟག་ཏུ་འགྱིད་ཅིང་མི་མཐུན་གོ་རར་གནས།། འདི་དག་ཕྱིན་ཅི་ལོག་སྐྱེད་གཞི་ཡིན་ཏེ།། འདོད་རྟེན་སྲིད་པ་འཕེལ་བྱེད་པ། ་བ་མེད།། རྣམ་རྨོངས་རབ་རྨོངས་དེ་བཞིན་ཀུན་ཏུ་རྨོངས།། འདོད་རྟེན་རྟག་ཏུ་གཟེར་ཅིང་གནོད་པ་སྟེ།། འདི་ནི་ཀུན་གདུངས་རྣམ་གདུངས་ཡོངས་སུ་གདུངས།། སྡིག་པར་སྦྱོར་ཞིང་དགེ་བ་ཆུང་གཟེན་པ།། འདི་ནི་མི་དགེ། ་ཀུན་གྱི་རྩ་བ་སྟེ།། འདོད་རྟེན་དཔེར་ན་སྨིན་གྱི་དྲ་བ་འམ། འདོད་རྟེན་ཤ་བ་མོ་དང་སྲིན་མོ་དང་།། ཟད་མེད་གཟུགས་མི་སྡུག་དང་འདྲིས་བྱེད་བཞིམ། འདི་ནི་བཟང་དོང་དྲ་རྟ་དག་དང་། དྲག་དང་ཅི་དང་ལ་དང་ཡོངས ་གླང་ཆེན་ལུག་རྣམས་ཀྱིས་ཀྱང་རྟེན་པ་སྟེ།། འདོད་པ་སྐྱེས་དུ་དམ་པ་རྣམས་ཀྱིས་སྤངས།། འདོད་རྟེན་ཚུལ་ཁྲིམས་ཐོས་དང་གཏོང་བ་དང་།། དཀའ་ཐུབ་བརྟུལ་ཞུགས་རྣམས་ནི་འཇོམས་པ་སྟེ།། འདི་ལ་རྟག་ཏུ་བག་མེད་ཅེས་པ ་འཕེལ།། དེ་ཕྱིར་ཐར་འདོད་རྟག་ཏུ་བུད་མེད་སྤོང་།། གལ་ཏེ་འཇིག་རྟེན་འདི་དག་ཁྱེད་འདྲ་བའི།། མདངས་ལྡན་གཟུགས་ཅན་དག་གིས་གང་གྱུར་ཀྱང་།། ཡོན་ཏན་གནས་པ་ཁོ་བོའི་སེམས་གཅིག་ཀྱང་།། འདོད་ཆགས ་ལ་ནི་རྣམས་ཀྱང་རྟོན་མི་འགྱུར། དེ་ནས་ལྷ་མ་ཡིན་གྱི་བུ་མོ་བདེ་སོགས་དང་། ལྷའི་བུ་མོ་ཉི་འོད་སོང་ནས། ལྷའི་དབང་པོ་བརྒྱ་བྱིན་ལ་ཚིགས་སུ་བཅད་དེ་སྨྲས་པ། དེས་ནི་འདི་ན་བུད་མེད ་རྣམས་ཀྱི་སྐྱོན་ཡང་དག། གང་ལ་དེ་དག་ཤིན་ཏུ་མཐོང་བར་དོགས་མ་མཆིས།། ཇི་ལྟར་དེ་ཡི་སེམས་ནི་ཡུལ་ལས་ལོག་གྱུར་པ།། དེ་ལྟར་འདོད་པ་རྣམས་ལ་སེམས་ནི་ཆགས་མ་མཆིས།། དེ་ནས ་ལྷའི་དབང་པོ་བརྒྱ་བྱིན་མོང་ཁྱེར་གྱི་དབུལ་པོ་ངེས་པའི་ཐད་དུ་སོང་ནས་ཚིགས་སུ་བཅད་དེ་སྨྲས་པ། ཅི་ཞིག་དོན་གཉེར་ངེས་པ་ཆོས་སྤྱོད་པ།། བརྟུལ་ཞུགས་དེ་ནི་སྤྱོད་པ་རྣམ་དག་སྤོས།། འདི་ཡིས་ཉི་ཟླ་འམ་ཡང་ན ་དབང་པོ་འམ།། ཚངས་པ་འམ་ལྷ་རྒྱལ་ཅི་ཞིག་ཁྱོད་སློང་བྱེད།། ངེས་པས་སྨྲས་པ། ཉི་མ་ཟླ་བ་དེ་བཞིན་བརྒྱ་བྱིན་དང་།། ཚངས་པའང་རྒྱལ་པོའམ་འདི་ན་གཞན་དག་ཀྱང་།། འགྲོ་བ་རྒྱ་ཆེན་གང་ཡོད་དེ་དག་ཀུན།། གར་བྱེད ་ལྔ་བཞིན་མི་རྟག་མི་བརྟན་ན།། མཁས་པ་སུ་ཞིག་དེ་ལ་དགའ་བར་བྱེད།། གང་ལ་སྐྱེ་མེད་རྒ་མེད་འཆི་བ་མེད། སྡུག་དང་མི་སྡུག་རྣམས་དང་ཕྲང་པའང་མེད་།། འཚེར་གྲོལ་མཛད་སངས་རྒྱས ་འགྱུར་བ་ཞེས།། དེ་ཐོབ་བྱ་ཕྱིར་སེམས་ཀྱི་སྤྱོད་པ་ངེས།། བརྒྱ་བྱིན་གྱིས་སྨྲས་པ། ཕན་བྱེད་ཁྱོད་ཀྱི་ཚིག་ལ་རྗེས་སུ་ཡི་རང་སྟེ།། ཁྱོད་ཀྱིས་སྨོན་ལམ་བཏབ་པ་ལེགས་པར་གྲུབ་གྱུར་ཅིག། བདུད་རྣམས་སྡེར་བཅས ་མྱུར་དུ་ངེས་པར་བཅོམ་ནས་ནི།། ཤཱཀྱ་སེང་གེ་རྒྱལ་ལྟར་བྱང་ཆུབ་ཐེབ་གྱུར་ཅིག་དེ་ནས་གྲོང་ཁྱེར་གྱི་དབུལ་པོ་ངེས་པས་དུས་གཞན་ཞིག་ན་ནོར་བུ་རིན་པོ་ཆེ་རིན་ཐང་མེད་པ་ཞིག་རྙེད་ནས། དེ་འདི ་སྙམ་དུ་སེམས་ཏེ། ནོར་བུ་རིན་པོ་ཆེ་འཛམ་བུའི་གླིང་ན་མཆོག་ཏུ་གྱུར་པ་འདི་བདག་གིས་མཉན་ཡོད་འདི་ན་ཐམས་ཅད་ཀྱི་ནང་ན་དབུལ་པོ་གང་ཡིན་པ་དེ་ལ་སྦྱིན་གོར་མ་ཆག་གོ་སྙམ་ནས་དེ་གྲོང་བར་དུ་སོང་སྟེ། ཐམས ་ཅད་ཀྱི་ནང་ན་དབུལ་པོ་སུ་ཡིན་པ་དེ་ལ་རིན་པོ་ཆེ་འདི་སྦྱིན་ནོ་ཞེས་སྒྲ་བསྒྲགས་པ་དང་། དབུལ་པོ་མགོན་མེད་པ་ཕལ་པོ་ཆེ་དེར་འདུས་ཏེ། བདག་ཅག་དབུལ་པོ་ཡིན་གྱིས། བདག་ཅག་ལ་བྱིན་ཅིག་ཅེས་འཛེར་ཏོ།། དུས ་པས་སྦས་པ། ཁྱེད་ནི་དབུལ་པོ་མ་ཡིན་གྱི། མཉན་ཡོད་འདི་ན་ཆེས་དངུལ་པོ་གཞན་ནིག་ཡོད་ཀྱི།། དེ་ལ་སྦྱིན་ནོ།། དེ་དག་གིས་སྨྲས་པ།། གང་ཡིན།། དེས་པས་སྨྲས་པ། རྒྱལ་པོ་གས་རྒྱལ་འདི་ཡིན་ནོ།། དེ་དག་གིས ་སྨྲས་པ། ཁྱོད་དེ་སྐད་མ་ཟེར་ཞིག། རྒྱལ་པོ་གསལ་རྒྱལ་ནི་ཕྱུག་ཅིང་ནོར་མངལ་ལོངས་སྤྱོད་ཆེ་བ་ཡིན་གྱི། བདག་ཅག་ནི་དབུལ་ཞིང་མགོན་མེད་པ་ཡིན་ནོ།། དེས་པས་སྨྲས་པ། ནོར་མང་གིས་ནི་ཅི་ཞིག་བྱ།། རྒྱ་མཚོག ་ནི་རླུང་རྣམས་བཞིན།། གང་དག་ལ་ནི་ཆོག་མེད་པ།། མ་བསྣམས་དེ་དག་དབུལ་པོ་ཡིན།། གང་དག་འདོད་པ་རབ་འཕེལ་ཞིང་།། ཡང་ཡིད་ནི་སྐྱེ་འགྱུར་བ།། རྨོངས་པ་དེ་དག་ཚེ་འདི་དང་།། ཕ་རོལ་ཏུ་ཡང་དངུལ་པོར་འགྱུར།། དེ་ནས ་གྲོང་ཁྱེར་གྱི་དབུལ་པོ་ངེས་པ་སྐྱེ་བོ་ཕལ་པོ་ཆེ་དེ་དག་གིས་ཡོངས་སུ་བསྐོར་ཅིང་ནོར་བུ་རིན་པོ་ཆེ་དེ་ཁྱེར་ནས། རྒྱལ་པོ་གསལ་རྒྱལ་གྱི་དོན་བྱ་བའི་ས་ག་ལ་བ་དེར་སོང་ངོ་།། དེའི་ཚེ་རྒྱལ་པོ་གསལ་རྒྱལ་གྱིས་ཀྱང་ཚོང ་དཔོན་དང་། ཁྱིམ་བདག་རིགས་དང་ལྡན་པའི་མཆོག་ལྔ་བརྒྱ་ཙམ་ཞིག་གཡོན་ཆུང་ངུའི་ཕྱིར་བདོག་པ་ཐམས་ཅད་ཐོགས་སོ།། གྲོང་ཁྱེར་གྱི་དངུལ་པོ་ངེས་པས་ནོར་བུ་རིན་པོ་ཆེ་དེ་རྒྱལ་པོ་ལ་ཕུལ་ཏེ། རྒྱལ་པོ་ཆེན་པོ་ནོར ་བུ་རིན་པོ་ཆེ་རིན་ཐང་མ་མཆིས་པ་འཛམ་བུ་གླིང་ཐམས་ཅད་རི་བ་བདག་གིས་རྙེད་པ་འདི་བདག་གིས་འདི་སྙམ་དུ་བསམས་ཏེ། མཉན་ཡོད་འདི་ན་ཐམས་ཅད་ཀྱི་ནང་ན་དབུལ་པོ་གང་ལགས་པ་དེ་ལ་སྩལ་ཏེ་སྙམ་མོ།། ་དེ་ལ་བདག་གིས་འདི་སྙམ་དུ་བསམས་ཏེ། ཁྱོད་ནི་འདི་ན་ཐམས་ཅད་ཀྱི་ནང་ན་དབུལ་པོ་ལགས་སོ་སྙམ་བགྱིད་ཀྱིས།། ཀྱེ་ནོར་བུ་རིན་པོ་ཆེ་འདི་བཞེས་སུ་གསོལ། དེ་ནས་རྒྱལ་པོ་གསལ་རྒྱལ་ཡུལ ་ཡུལ་པོར་གྱུར་ཅིང་ངོ་ཚ་བར་གྱུར་ནས། གྲོང་ཁྱེར་གྱི་དབུལ་པོ་ངེས་པ་ལ་འདི་སྐད་ཅེས་སྨྲས་སོ།། ངེས་པ་ཅིང་ཁྲོད་པས་ཀྱང་ཆེས་དབུལ་ལམ།། ངེས་པས་སྨྲས་པ། ལྷ་དེ་ལྔ་ལགས་ཏེ་བདག་པས་ཆེས་ཁྱོད་དབུལ ་ལགས་སོ།། རྒྱལ་པོས་སྨྲས་པ། རྣམ་གྲངས་གང་གིས་དབུལ། ངེས་པས་ཚིགས་སུ་བཅད་དེ་སྨྲས་པ། གང་གིས་འདོད་པ་རབ་མང་རྣམ་པར་འཕེལ་ཞིང་ལོངས་སྤྱོད་དག་གིས་ཆོག་མ་འཚལ། ་གནོད་པ་བགྱིད་པའི་སླང་དུ་རྒྱལ་སྲིང་འཁྲུག་ཅིང་བདག་ཉིད་ཀྱང་ནི་འདོར་བགྱིད་པ།། དེ་ནི་འདྲི་ན་འཇིག་རྟེན་མི་སྲུང་ཡོན་ཏན་ཆུང་དྲ་དག་ལ་མཆོག་ཏུ་འཛིན།། དེ་ཕྱིར་འདི་ནིད་དེ་ལ་རྟག་ཏུ་ཆོས ་འདོད་རྣམས་ནི་དངུལ་པོ་ལགས་པར་སེམས།། གང་ཞིག་བྱམས་པ་རབ་ཏུ་བསྒོམས་ཏེ་སེམས་ཅན་རྣམས་ལ་ཟ་བ་མ་མཆིས་ཤིང་།། རྟག་པར་རྒྱུན་དུ་ངན་ངོན་ཙམ་གྱིས་ཆོག་པར་འཛིན་ཅིང་འདོད་པ་མ་མཆིས་ལ། ་ཉམ་ཐག་མཐོང་ན་རྟག་ཏུ་སྙིང་རྗེ་བགྱིད་ཅིང་ཤར་གཉེར་བགྱིད་པ་མ་མཆིས་པ།། དེ་ནི་ཕྱུག་ཅིང་ནོར་བཟང་ཤིན་ཏུ་ནོར་ཆེ་དང་པ་ལ་སོགས་ལོངས་སྤྱོད་གནས།། གང་ཞིག་འཚེ་བ་འདི་ན་དབང་ཕྱུག་རྒྱ་ཆེན་ལྡན་ལ་ཆོས ་སྲུང་མི་བགྱིད་དང་།། གང་ཞིག་འདི་ན་སྐྱེ་བོ་དམན་ཞིང་སྡུག་བསྔལ་གཟིར་བ་བཟུང་ནས་ཆད་པས་གཅོད།། གང་ཞིག་ཆུང་མ་དག་གིས་མདུན་བལྟས་དགའ་ཞིང་འཇིག་རྟེན་ཕ་རོལ་མི་ལྟ་བ།། དེ་ནི་ཆོས་སྲུང་མི་བགྱིད ་ཤིན་ཏུ་དངུལ་ཞིང་དམན་པའི་མི་ཞེས་རིག་པར་བགྱིད།། དད་པས་བསམས་པ་དྲི་མ་མེད་ཅིང་རང་རྟེན་ཚུལ་ཁྲིམས་དག་ལ་ཡང་དག་གནས།། རྟག་ཏུ་ངོ་ཚ་ཤེས་ཤིང་ཁྲེལ་ཡོད་ཐོས་པ་འཛིན་ཏེ་གཏོར་ལ་དགའ་བ་དང་། ་ཤེས་རབ་ཀྱི་ནི་མཐར་ཕྱིན་བློ་གྲོས་ལྡན་ཞིང་འཇིག་རྟེན་ཀུན་ལ་ལྟ་བགྱིད་པ།། དེ་དག་རྟག་ཏུ་མི་དབུལ་ཐོབ་ཅིང་ཆོས་འདོད་རྣམས་ཀྱིས་མཆོད་པར་འོས་པ་ལགས།། གང་དག་ལོངས་སྤྱོད་རྣམས་ལ་རབ་ཆགས ་བདེ་ལ་དགའ་ཞིང་གཏོང་བ་མ་མཆིས་ལ།། ལུས་དང་སྲོག་ལ་སྙིང་པོར་འཛིན་ཅིང་རྟག་པར་སྙིང་པོ་དོན་དུ་མི་གཉེར་དང་།། གང་དག་གླང་ཆེན་མྱོས་པ་ལྟ་བུར་རྟག་ཏུ་ཡོད་མྱོས་རྣམ་པར་རྒྱུ་བ་དང་།། ལྷན་ཅིག། ་གང་དག་དྲན་པ་མ་མཆིས་དེ་དག་དངུལ་བ་ཉིད་ནི་ཐོབ་པ་ལགས།། གང་དག་དཀོན་མཆོག་གསུམ་པོ་དྲི་མ་མེད་ལ་གུས་པ་ཤིན་ཏུ་ཆེ་བ་དང་།། ལུས་དང་སྲོག་དང་ནོར་རྣམས་ལས་ནི་རྟག་ཏུ་སྙིང་པོ་སྒྲུབ་པའི ་མཁས་པ་དག། རྟག་ཏུ་མི་བརྐམ་སྡང་བར་མི་བགྱིད་གླེན་པ་མ་ལགས་རབ་ཏུ་རྒྱགས་མ་མཆིས།། ལྷ་གཅིག་གང་དག་ཆོས་ཀྱི་བརྒྱན་པ་དེ་དག་ནོར་ཆེ་སྐྱེས་བུ་དམ་པ་ལགས།། ལྷ་གཅིག་མེ་ནི་རྟག་ཏུ་ནགས ་ཀྱི་སྤུན་སྤུན་སྐམ་པོ་བསྲེགས་པས་ཆོག་མ་འཚལ།། ལྷ་གཅིག་འདི་ན་རྒྱ་མཚོ་ཆུ་ཀླུང་རྣམས་ཀྱི་རྒྱུ་འཛིན་པས་ཀྱང་ཆོ་ག་མ་འཚལ།། འདི་ན་ཉི་མ་ཟླ་བ་འདི་དག་མཁའ་ལ་མཐར་གྱིས་རྒྱུ་བས་ཆོག་མ་འཚལ། ་རྒྱལ་པོ་བརྐམ་ཕྱིན་རྟག་ཏུ་ལོངས་སྤྱོད་དག་གིས་ཆོག་མི་མཁྱེན་པས་རླག་པར་འགྱུར།། ཞུགས་ནི་གུམ་པར་གྱུར་པས་རྩ་མང་དག་གིས་སླར་ཡང་འབར་བར་ཡོངས་མི་བགྱིད།། དེ་བཞིན་མཁས་པས་ཤེས་རབ ་ཆོག་པར་མི་འཛིན་ཉོན་མོངས་རྣམས་ཀྱིས་འབར་མི་བགྱིད།། ཆུ་ཡི་ཐིགས་པ་བཞིན་དུ་རྒྱལ་སྲིད་དག་ཀྱང་མི་བརྟན་འཇིག་པར་རང་ཕྱོགས་ན།། གནོད་པའི་རྩ་བར་གྱུར་ཅིང་དགེ་བ་འཇོམས་པའི་རྒྱལ་སྲིད་དེ་ནི་སྲ ་ཞིག་འཚལ། དེ་ནས་རྒྱལ་པོ་གསལ་རྒྱལ་སེམས་འཁྲུགས་ནས།། གྲོང་ཁྱེར་གྱི་དབུལ་པོ་ངེས་པ་ལ་འདི་སྐད་ཅེས་སྨྲས་སོ།། ངེས་པ་དེ་ལྟར་ང་ནི་དབུལ་ལ། ཁྱོད་ལ་ཕྱུག་པར་ཁྱོད་ལ་དབང་སུ་ཡོད ་ངེས་པས་སྨྲས་པ། ལྷ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཉན་ཡོད་འདི་ཉིད་ན་བཞུགས་པ་ཁྱོད་ཀྱིས་མ་གས་ན་ཏམ།། རྒྱལ་པོས་སྨྲས་པ། ངས་མཐོང་ཡང་མཐོང་ངོ་།། ་ངེས་པས་སྨྲས་པ། ལྷ་དེ་ནི་ལྷ་དང་བཅས་པའི་འཇིག་རྟེན་གྱི་མིག་ཏུ་གྱུར་ཅིང་ཚད་མར་གྱུར་པ་སྟེ། དེ་ནི་བདག་གི་དབང་ལགས་སོ།། རྒྱལ་པོས་སྨྲས་པ། སོང་ལ་དེ་བཞིན་གཤེགས་པ་དེ ་སྤྱན་དྲོངས་ཤིག་དང་། རེས་ཇི་སྐད་དུ་ལུང་བསྟན་པ་དེ་བཞིན་དུ་ངས་གཟུང་བར་བྱའོ།། དེས་པས་སྨྲས་པ་ཀ་སྟོན་པ་དེ་ལ་ངན་བུ་འམ། པོ་ཉ་གཞན་གཏར་འོས་མ་ལགས།། འདིར་ནི་བདག་གིས ་བསམ་བགྱིས་ན།། དེ་མཁྱེན་ནས་ནི་གཤེགས་པར་འགྱུར།། འཇིག་རྟེན་འདི་འམ་ཕ་རོལ་ལ།། དེ་ནི་མི་མཁྱེམ་སང་མེ་མངའ།། ཐུགས་ཀྱིས་བསམ་པ་མཁྱེན་ནས་ཀྱང་།། འདྲེན་པ་དེ་ནི་གཤེགས་པར་འགྱུར།། ་སེམས་ཅན་རྣམས་ལ་ཐུགས་བརྩེ་བས།། དེ་ལ་ང་རྒྱལ་སྐྱོ་མི་མངའ།། སེམས་ཅན་རྣམས་ལ་ལེགས་དགོངས་པས།། ཤིན་ཏུ་རབ་ཏུ་འང་གཤེགས་འགྱུར་གྱིས།། རྒྱལ་ཆེན་བདག་གིས་གསོལ་པ་ལ།། དུ་ནི ་ལེགས་པར་ཐུགས་ཆེས་མཛོད།། གང་གིས་སྟོན་པ་འདིར་གཤེགས་པའི།། བདེན་པའི་བྱིན་བརླབས་བགྱི་བར་འཚལ།། མེ་ཏོག་སྤོས་དང་མེ་ཏོག་འཕྲེང་།། རྒྱལ་མཚན་གདུགས་དང་བྱུག་པ་དང་།། སིལ ་སྙན་སྟ་གོན་མཛོད་ཅིག་དང་།། འདྲེན་པ་དེ་ནི་གཤེགས་པར་འགྱུར།། ངེས་པས་ཐལ་མོ་སྦྱར་ནས་ཀྱང་།། ཕྲག་པ་གཅིག་ཏུ་གོས་གཟར་འདུག། པུས་མོས་ལ་བཙུགས་བྱས་ནས།། འདི་སྐད་དུ་ནི་ཚིག་ཀྱང་སྤྲས། ་ཀུན་མཁྱེན་བདེན་པ་གང་གིས་སུ།། བདག་གི་བསམ་པ་མཁྱེན་ཅེ་ན།། བདེན་པའི་ཚིག་ནི་འདི་ཉིད་ཀྱིས།། ཐུབ་པ་བདག་གི་མདུན་དུ་བཞུགས། དེ་ནས་ཚིག་འདི་སྨྲས་ནས་ཀྱང་།། ས་ནི ་རབ་ཏུ་གཡོས་པར་གྱུར།། ས་གཞི་རྣམ་པར་བརྟོལ་ནས་ནི།། དེ་བཞིན་གཤེགས་པ་བྱུང་བར་གྱུར།། རྫུ་འཕྲུལ་རག་དང་ལྡན་པ་ཡི།། ཉན་ཐོས་ལྔ་བརྒྱས་ཡོངས་སུ་སྐོར།། བརྒྱ་ཕྲག་འདུ་གཅིས་སྙེད ་ངག་གི། བྱང་ཆུབ་སེམས་དཔའ་རྣམས་དང་ནི།། སྐྱོང་བ་དང་ནི་ལྷ་ཀླུ་དང་།། བརྒྱ་བྱིན་ཚངས་པས་མདུན་གྱིས་བལྟས།། དེ་འདྲིའི་རྫུ་འཕྲུལ་མཐོང་ནས་ནི།། དེ་ཚེ་འཇིག་རྟེན་ངོ་མཚར་འཛིན།། ་རྒྱལ་པོ་དཔུང་བཅས་བློན་པོར་བཅས།། སྟོན་པའི་ཞབས་ལ་འདུད་པར་བྱེད།། དེར་ནི་སྲོག་ཆགས་སྟོང་དག་གིས།། སྟོན་པ་ལ་ནི་མཆོད་པ་བྱས།། རྫོགས་པའི་སངས་རྒྱས་མཆོད་བྱས་ནས།། བྱང་ཆུབ ་དོན་དུ་ཡིད་བཏུང་ངོ་།། དེ་ནས་གྲོང་ཁྱེར་གྱི་དབུལ་བི་དེས་པས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། བཅོམ་ལྡན་འདས་ལ་ལན་བདུན་བསྐོར་བ་བྱས་ཏེ། འདི་སྐད ་ཅེས་གསོལ་ཏོ།། བཅོམ་ལྡན་འདས་བདག་མཉན་ཡོང་འདི་ན་འཁྱམ་ཞིང་མཆིས་མཆིས་པ་ལས། ནོར་བུ་རིན་པོ་ཆེ་རིན་ཐང་མ་མཆིས་པ་ཞིག་རྙེད་ནས། དེ་ལ་བདག་འདི་སྙམ་བགྱིད་དེ།། མཉྫུ་ན་ཡོད ་འདི་ན་ཐམས་ཅད་ཀྱི་ནང་ན་དངུལ་པོ་གང་ལགས་པ་དེ་ལ་སྩལ་ཏོ་སྙམ་ནས།། དེ་ལ་བདག་འདི་སྙམ་བགྱིད་དེ། རྒྱལ་པོ་གསལ་རྒྱལ་འདི་ནི་ཐམས་ཅད་ཀྱི་ནང་ན་ཆེས་དབུལ་བ་སྟེ། འདི་ནི་ཕ་རོལ་གྱི་ནོར ་འཕྲོག་པར་དགྱིད་པས་ན། ངོམས་མ་འཚལ་བ་ལགས་སོ།། སྦར་ཞིང་དོན་དུ་གཉེར་བར་བགྱིད་པས་ན། ཆོག་མ་འཚལ་བ་ལགས་སོ།། གཞན་གྱི་ལོངས་སྤྱོད་དག་གིས་ངོམས་མ་འཚལ་བ་ལགས། ་སོད་། སྡུག་བསྔལ་བ་རྣམས་ལ་རྣམ་པར་མཐོ་འཚམ་པ་ལགས་སོ།། སྐྱིང་པ་རྣམས་ཐལ་མར་འབྱིན་པ་ལགས་སོ།། དཕུལ་པོ་རྣམས་རབ་ཏུ་རུང་བར་གྱིད་པ་ལགས་སོ།། ་པོ་རྣམས་ཚར་གཅོད་པ་ལགས་སོ།། ཤིན་ཏུ་རབ་ཏུ་མྱོས་པ་ལགས་སོ།། རྒྱལ་པོའི་ལོངས་སྤྱོད་རྣམས་དང་སྲེད་པས་རྣམ་པར་བཅིངས་པ་ལགས་སོ་སྙམ་ནས། དེ་ལ་བདག་གིས་སྩལ་ན་ལེན་པར་མི་བགྱིད་པར ་འདི་སྐད་དུ་དེ་ལྟར་ང་ནི་དབུལ་ལ། ཁྱོད་ནི་འབྱོར་པར་ཁྱོད་ལ་དཔང་སུ་ཡོད་ཅེས་ཀྱང་མཆིའོ།། དེའི་སླད་དུ་བཅོམ་ལྡན་འདས་སེམས་ཅན་ཐམས་ཅད་ལ་ཐུགས་སྙོམས་པ། ངོ་ཟློག་གི་སྤྱོད་པ་མི་མངའ་བ། ཐ་བ་དང་། ་དྲི་མ་དང་། ཁོང་ཁྲོབ་མི་མངའ་བ། བཅོམ་ལྡན་འདས་ཀྱིས་དོན་འདི་ལེགས་པར་ལུང་བསྟན་པར་གསོལ། བཅོམ་ལྡན་འདས་ཀྱིས་བཀའ་སྩལ་བ། རྒྱལ་པོ་ཆེན་པོ་ཁྱོད་ནི་ཚེ་འདིའི་རྒྱལ་སྲིད་ཀྱི ་དབང་ཕྱུག་གི་ལོངས་སྤྱོད་གསེར་དང་། ནོར་བུ་དང་། མུག་ཏིག་དང་བི་ཊུཪྵ་དང་། དུང་དང་། མན་ཤེལ་དང་། བྱུང་རུ་དང་། ས་ལེ་སྦྲམ་དང་། དངུལ་དང་། རྟ་དང་། གླང་པོ་ཆེ་དང་། ཤིང་རྟ་དང་། དཔུང ་བུ་ཆུང་དང་། བཞོན་པ་དང་། མཛོད་དང་། བང་མཛོད་ཐོབ་པ་གང་ཡིན་པ་འདི་དག་གིས་བདག་ཕྱུག་གོ་སྙམ་དུ་སེམས་སོ།། རྒྱལ་པོ་ཆེན་པོ་ངེས་པ་ནི་སྦྱིན་པ་དང་། དུལ་བ་དང་། ལེགས་པར་སྡོམ་པ་དང་། ་བཟོད་པ་དང་། ངེས་པ་དང་། ཚུལ་ཁྲིམས་དང་། བརྟུལ་ཞུགས་དང་། བཀའ་ཐུབ་དང་། བག་ཡོད་པ་དང་། སྦྱངས་པའི་ཡོན་ཏན་དང་། ཡོ་བྱད་བསྙུངས་པ་ལ་གནས་པ་དང་། བྱམས་པ་དང་ཀ་སྙིག ་རྗེ་དང་། དགའ་བ་དང་། བཏང་སྙོམས་ལ་གནས་པ་དང་། སངས་རྒྱས་དང་། ཆོས་དང་། དགེ་འདུན་ལ་དང་བ་དང་། དང་པ་དང་། ཚུལ་ཁྲིམས་དང་། ངོས་པ་དང་། གཏོང་བ་དང་། ཤེས་རང་དང་། ་ཤེས་པ་དང་།། ཁྲེལ་ཡོད་པ་དང་། བརྟན་པ་དང་། སྡོམ་པ་གང་ཡིན་པ་དེ་དག་གིས་བདག་ཕྱུག་གོ་སྙམ་དུ་སེམས་སོ།། རྒྱལ་པོ་ཆེན་པོ་ཁྱོད་ཀྱི་འོག་ཏུ་གཏོགས་པའི་སེམས་ཅན་ཇི་སྙེད་པ་དེ་དག་འདི ་ལྟར་ཁྱོད་དང་འདྲ་བར་ནོར་དང་ལྡན་པར་གྱུར་ཀྱང་། དེ་དག་ནི་ངེས་པས་གོམ་པ་བདུན་བོར་བའི་བར་གྱི་ཚུལ་ཁྲིམས་དང་།། ཐོས་པ་དང་། བརྟུལ་ཞུགས་དང་། དཀའ་ཐུབ་དང་། བག་ཡོད་པའི་བསོད་ནམས་ཀྱི་ཕུང་པོའི ་ང་རྒྱའི་ཆར་ཡང་མི་ཕོད་པ་ནས། དེ་པའི་བར་དུའང་མི་བཟོད་དོ།། གསལ་རྒྱལ་གྱིས་གསོལ་པ། བཅོམ་ལྡན་འདས་བདག་གི་ཡུལ་ན་སེམས་ཅན་ཡོན་ཏན་གྱི་ཆེ་བ་ཉིད་འདི་ལྟ་བུ་དང་ལྡན་པ་དག ་གནས་པ་ནི། བདག་གི་རྙེད་པ་ལེགས་པར་རྙེད་ལགས་སོ།། བཅོམ་ལྡན་འདས་ཀྱིས་བཀའ་སྩ་ལ། རྒྱལ་པོ་ཆེན་པོ་ཁྱོད་ཀྱི་ཡུལ་ན་སེམས་ཅན་ཡོན་ཏན་གྱི་ཆེ་བ་ཉིད་འདི་ལྟ་བུ་དང་ལྡན་པ་དག་མང་དུ་གནས་སོ།། ་དེ་ནས་རྒྱལ་པོ་གསལ་རྒྱལ་གྱིས་ངེས་པ་ལ་ཚིགས་སུ་བཅད་དེ་སྨྲས་པ། ཁྱོད་ཀྱིས་གླེངས་པས་ཁོ་བོའི་ང་རྒྱལ་ངེས་བཅོམ་ཕྱིར།། ངེས་པ་ཁྱོད་མི་ངོ་བོའི་སྟོན་པ་གཉིས་པ་སྟེ།། རྒྱལ ་སྲིད་འདི་ཀུན་ཁྱོད་སྦྱིན་ཁོ་བོ་དཔུང་དང་བཅས།། ཁྱོད་ཀྱི་སློབ་མ་ཡིན་གྱིས་ཁྱོད་ཀྱིས་བདག་སློབས་ཤིག། ཁོ་བོ་ཡུན་རིང་དག་ཏུ་ང་རྒྱལ་གྱིས་ཀྱང་བསླུས།། སྡིག་པའི་གྲོགས་པོ་དག་གིས་བསྐོར་ཅིང ་བཟུང་བ་ལས།། ངེས་པ་ཁྱོད་ཉིད་ལས་ནི་ཆོས་འདི་ཐོས་པས་མ།། རབ་ཏུ་བསྡམས་ཏེ་ཁོ་བོས་ཆོས་བཞིན་སྤྱད་པར་བྱ།། ཁྱིམ་ན་གནས་པ་བརྒྱ་ཕྲག་ལྔ་པོ་འདི་དག་ནི།། ནོར་གྱི་ཆེད་དུ་ལོ ་བོས་གོ་རང་བཅུག་པ་སྟེ།། ཁོ་བོས་ཐམས་ཅད་གཏང་གིས་བདེ་བར་འཁོད་པར་གྱིས།། ཕྱིན་ཆད་འདི་འདྲ་བ་དག་ཁོ་བོས་ཡོངས་མི་བྱེད།། ལྔ་བརྒྱ་བཏང་བར་གྱུར་པ་གང་ཡིན་དེ་དག་ཀྱང་།། དེས་པ་ལ་ནི་ཞེས་ལེགས་པར ་བསྐྱེད་ནས་ཀྱང་།། སེམས་ནི་སྐྱོ་བར་གྱུར་ཀྱང་ཅི་ལའང་མི་ལྟ་བར།། བདེ་བ་ཐམས་ཅད་མཁྱེད་པ་ཉིད་དུ་སྨོན་ལམ་བཏབ།། ང་ནི་དབུལ་པོ་མ་ཡིན་ཁྱོད་ནི་དབུལ་པོ་ཞེས།། ངེས་པ་ཁྱོད་ཀྱིས་ཚིག་འདི་ལེགས་པར་སྨྲས་པ་སྟེ། ་ངེས་པ་ལ་ནི་གང་ཞིག་དངུལ་པོ་ཞེས་བརྗོད་པ།། མི་དེ་རྒྱལ་པོའི་ཁྲིམས་དང་འགལ་བར་བྱེད་པ་ཡིན། དེ་ནས་བཅོམ་ལྡན་འདས་ལ།། རིགས་ཀྱི་བུ་ངེས་པས་འདི་སྐད་ཅེས་གསོལ་ཏོ།། བཅོམ་ལྡན་འདས ་སྐྱེ་བོའི་ཚོགས་ཆེན་པོ་འདུས་པ་འདི་ནི་བཅོམ་ལྡན་འདས་ལ་བལྟ་བས་ཆོག་མ་འཚལ་བ་ལགས་ན། བཅོམ་ལྡན་འདས་དེའི་སླད་དུ་ཅི་ནས་འདི་དག་གིས་དེ་བཞིན་གཤེགས་པ་མཐོང་བ་དོན་མཆིས་པར་གྱུར་པ་དེ་ལྟ་དེ ་ལྟར་འདི་དག་ལ་ལེགས་པར་ཆོས་བསྟན་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ངེས་པ་རིགས་ཀྱིས་བུ་ཆོས་བཞི་དང་ལྡན་ན།། དེ་བཞིན་གཤེགས་པ་ལེགས་པར་མཐོང་བ་ཡིན་ནོ།། བཞི་གང་ཞེ་ན། ་ཡིད་ཆེས་པ་དང་། དད་པ་དང་། འཕངས་པར་འཛིན་པ་དང་། གུས་པ་སྟེ། ཆོས་བཞི་པོ་དེ་དག་དང་ལྡན་ན།། དེ་བཞིན་གཤེགས་པ་ལེགས་པར་མཐོང་བ་ཡིན་ནོ།། གཞན་ཡང་བཞི་སྟེ། དེ་བཞིན་གཤེགས་པའི ་གཟུགས་ཀྱི་སྐུ་མཐོང་མ།། བདག་ཀྱང་འདི་འདྲ་བར་གྱུར་ཅིག་ཅེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེད་པ་དང་། དེ་བཞིན་གཤེགས་པ་ནི་སླུ་བར་མི་མཛད་པའི་ཕྱིར་ལྷག་པའི་བསམ་པ་ཡོངས ་སུ་དག་པར་སེམས་སྐྱེད་པ་དང་། སེམས་ཅན་ཐམས་ཅད་རྟོན་ཅིང་ཆེར་ན་རབ་ཏུ་གྲོལ་བར་བྱ་བའི་ཕྱིར་ཡང་སེམས་སྐྱེད་པ་དང་།། དཀོན་མཆོག་གསུམ་གྱི་གདུང་མི་འཆད་པར་བྱ་བའི་ཕྱིར་དམ་པའི་ཆོས་ཡོངས་སུ ་བཟུང་བར་ཡང་སེམས་དེ་སྐྱེད་པ་སྟེ། བཞི་པོ་དེ་དག་དང་ལྡན་ན།། དེ་བཞིན་གཤེགས་པ་ལེགས་པར་མཐོང་བ་ཡིན་ནོ།། གཞན་ཡང་བཞི་སྟེ། གཟུགས་དབེན་པར་མཐོང་བ་དང་། ཚོར་བ་དང་། འདུ་ཤེས་དང་། ་འདུ་བྱེད་དང་། རྣམ་པར་ཤེས་པ་དབེན་པར་མཐོང་བ་དང་། ཁམས་བཞིནམ་མཁའ་དང་འདྲ་བར་མཐོང་བ་དང་། སྐྱེ་མཆེད་གྲོང་སྟོང་པ་ལྟ་བུར་མཐོང་བ་སྟེ། བཞི་པོ་དེ་དག་དང་ལྡན་ན།། དེ་བཞིན་གཤེགས་པ ་ལེགས་པར་མཐོང་བ་ཡིན་ནོ།། གཞན་ཡང་བཞི་སྟེ། བདག་མེད་པའི་ཕྱིར་བདག་རྣམ་པར་དག་པ་དང་།། སེམས་ཅན་མེད་པའི་ཕྱིར་སེམས་ཅན་རྣམ་པར་དག་པ་དང་། སྲོག་མེད་པའི་ཕྱིར་སྲོག་རྣམ་པར ་དག་པ་དང་། གང་ཟག་མེད་པའི་ཕྱིར་གང་ཟག་རྣམ་པར་དག་པ་སྟེ། བཞི་པོ་དེ་དག་དང་ལྡན་ན།། དེ་བཞིན་གཤེགས་པ་ལེགས་པར་མཐོང་བ་ཡིན་ནོ།། གཞན་ཡང་བཞི་སྟེ། ལྷའི་མིག་མངོན་པར་འདུ་བྱེད་པ་མེད་པ་དང་། ་ཤེས་རབ་ཀྱི་མིག་ཀུན་ཏུ་སྤྱོད་པ་དང་། ཆོས་ཀྱི་མིག་གིས་སོ་སོར་རྟོག་པ་དང་། སངས་རྒྱས་ཀྱི་སྤྱན་རྗེས་སུ་རྟོགས་པར་བྱེད་པ་སྟེ། བཞི་པ་དེ་དག་དང་ལྡན་ན།། དེ་བཞིན་གཤེགས་པ་ལེགས་པར་མཐོང་བ་ཡིན་ནོ།། ་གཞན་ཡང་བཞི་སྟེ། མི་དམིགས་པའི་ཕྱིར་ཚུལ་ཁྲིམས་ཀྱི་ཕུང་པོ་ཡོངས་སུ་དག་པ་དང་། ཆོས་ཐམས་ཅད་མཉམ་པ་ཉིད་ཀྱི་ཕྱིར་ཏིང་ངེ་འཛིན་གྱི་ཕུང་པོ་ཡོངས་སུ་དག་པ་དང་། ་འཇིག་རྟེན་ལས་འདས་པའི་ཡེ་ཤེས་ཁོང་དུ་ཆུད་པའི་ཕྱིར་ཤེས་རབ་ཀྱི་ཕུང་པོ་ཡོངས་སུ་དག་པ་དང་། དེའི་རྣམ་པར་གྲོལ་བ་མཐོང་བའི་ཕྱིར་རྣམ་པར་གྲོལ་བའི་ཡེ་ཤེས་མཐོང་བའི་ཕུ་པོ་ཡོངས་སུ་དག་པ་སྟེ། ་ངེས་པ་རིགས་ཀྱི་བུ་ཆོས་བཞི་པོ་དེ་དག་དང་ལྡན་ན། དེ་བཞིན་གཤེགས་པ་ལེགས་པར་མཐོང་བ་ཡིན་ནོ།། དེ་ནས་བཅོམ་ལྡན་འདས་ཀྱིས་སྐྱེ་བོའི་ཚོགས་ཆེན་པོ་དེ་དག་ཆོས་ཀྱི་གཏམ་གྱིས ་ཡང་དག་པར་དགའ་བར་མཛད་ནས། ངད་པའི་རྒྱལ་པོ་ལྟར་འཁོར་དང་བཅས་ཏེ་བར་སྣང་ལ་གཤེགས་སོ།། དེ་ནས་ཀོ་ས་ལའི་རྒྱལ་པོ་གསལ་རྒྱལ་གྱིས།། རིགས་ཀྱི་བུ་ངེས་པ་ལ་འདི་སྐད ་ཅེས་སྨྲས་སོ།། དེས་པ་ཁྱོད་ནམ་དེ་བཞིན་གཤེགས་པ་ལ་ལྟར་འགྲོ་བ་དེའི་ཚེ་ཁོ་བོ་ལའང་སྦྲོན་ཅིག་དང་། ཁོ་བོའང་དེ་བཞིན་གཤེགས་པ་ལ་ལྟར་འགྲོའོ།། ངེས་པས་སྨྲས་པ། རྒྱལ་པོ་ཆེན་པོ་དེ་ལྟར་བགྱིའོ།། ་བདག་ནི་ཁྱོད་བུད་མེད་དང་། གཞོན་ནུ་དང་། བློན་པོ་ལ་སོགས་པའི་འཁོར་དང་བཅས་ཏེ། དེ་བཞིན་གཤེགས་པ་གཟིགས་སུ་གཤེགས་པར་འཚལ་ལོ།། རྒྱལ་པོ་ཆེན་པོ་བྱང་ཆུབ་སེམས་དཔའ་རྣམས་ནི་བདག་གཅིག ་བུ་ལ་ཕན་པའི་ཕྱིར་ཞུགས་པ་མ་ལགས་ཏེ།། བྱང་ཆུབ་སེམས་དཔའ་རྣམས་ནི་འཁོར་ཕལ་ཆེན་མཛེས་སོ།། རྒྱལ་པོས་སྨྲས་པ།། དེས་པ་བྱང་ཆུབ་སེམས་དཔའི་འཁོར་གང་ཡིན། ངེས་པས་སྨྲས་པ། ་རྒྱལ་པོ་ཆེན་པོ་ཡོངས་སུ་སྨིན་པར་བགྱིད་དང་། གདུལ་བའི་སླད་དུ་སེམས་ཅན་ཐམས་ཅད་ནི་བྱང་ཆུབ་སེམས་དཔའི་འཁོར་ལགས་སོ།། རྒྱལ་པོ་ཆེན་པོ་གཞན་ཡང་ཐེག་པ་གཞན་ལ་འདོད་པ་མ་མཆིས་པའི་སླད་དུ། ་གཞན་དག་ཀྱང་བྱང་ཆུབ་ཡང་དག་པར་འཛིན་དུ་འཇུག་པའི་བྱང་ཆུབ་ཀྱི་སེམས་ནི་བྱང་ཆུབ་སེམས་དཔའི་འཁོར་ལགས་སོ།། རྒྱལ་པོ་ཆེན་པོ་སེམས་ཅན་གཡོན་ཅན་འདུལ་བར་འགྱུར་ངའི་ལྷག་པའི་བསམ་པ་ནི་བྱང་ཆུབ ་སེམས་དཔའི་འཁོར་ལགས་སོ།། རྒྱལ་པོ་ཆེན་པོ་ཕྱིར་མི་ལྡོག་པར་འགྱུར་བའི་འདུན་པ་དྲག་པོ་ནི་བྱང་ཆུབ་སེམས་དཔའི་འཁོར་ལགས་སོ།། རྒྱལ་པོ་ཆེན་པོ་སེམས་ཅན་སེར་སྣ་ཅན་ཡོངས་སུ་སྨིན་པར་བགྱིད་པར ་འགྱུར་བའི་སྦྱིན་པ་ནི་བྱང་ཆུབ་སེམས་དཔའི་འཁོར་ལགས་སོ།། རྒྱལ་པོ་ཆེན་པོ་སེམས་ཅན་ཚུལ་ཁྲིམས་འཚལ་པ་ཡོངས་སུ་སྨིན་པར་བགྱིད་པར་འགྱུར་བའི་ཚུལ་ཁྲིམས་ནི་བྱང་ཆུབ་སེམས་དཔའི་འཁོར་ལགས་སོ།། ་རྒྱལ་པོ་ཆེན་པོ་སེམས་ཅན་གནོད་སེམས་ཅན་ཡོངས་སུ་སྨིན་པར་བགྱིད་པར་འགྱུར་བའི་བཟོད་པ་ནི་བྱང་ཆུབ་སེམས་དཔའི་འཁོར་ལགས་སོ།། རྒྱལ་པོ་ཆེན་པོ་སེམས་ཅན་ལེ་ལོ་ཅན་ཡོངས་སུ་སྨིན་པར་བགྱིད་པར་འགྱུར ་བའི་བརྩོན་འགྲུས་ནི་བྱང་ཆུབ་སེམས་དཔའི་འཁོར་ལགས་སོ།། རྒྱལ་པོ་ཆེན་པོ་སེམས་ཅན་སེམས་རྣམ་པར་གཡེངས་པ་ཡོངས་སུ་སྨིན་པར་དགྱིད་པར་འགྱུར་བའི་བསམ་གཏན་ནི་བྱང་ཆུབ་སེམས་དཔའི་འཁོར་ལགས ་སོ།། རྒྱལ་པོ་ཆེན་པོ་སེམས་ཅན་འཆལ་པའི་ཤེས་རབ་ཅན་ཡོངས་སུ་སྨིན་པར་བགྱིད་པར་འགྱུར་བའི་ཤེས་རབ་ནི་བྱང་ཆུབ་སེམས་དཔའི་འཁོར་ལགས་སོ།། རྒྱལ་པོ་ཆེན་པོ་སེམས་ཅན་ཐམས་ཅད་ལ་སེམས་སྙོམས ་། པའི་བྱམས་པ་ནི་བྱང་ཆུབ་སེམས་དཔའི་འཁོར་ལགས་སོ།། རྒྱལ་པོ་ཆེན་པོ་འཁོར་བ་ལ་ཡོངས་སུ་མི་སྐྱོ་བའི་སྙིང་རྗེ་ནི་བྱང་ཆུབ་སེམས་དཔའི་འཁོར་ལགས་སོ།། རྒྱལ་པོ་ཆེན་པོ་ཆོས་ཀྱི་ཀུན ་བགའ་ལ་དགའ་ཞིང་མོས་པའི་དགབ་པ་ནི་བྱང་ཆུབ་སེམས་དཔའི་འཁོར་ལགས་སོ།། རྒྱལ་པོ་ཆེན་པོ་རྗེས་སུ་ཆགས་པ་དང་། ཁོང་ཁྲོ་བ་སྤོང་བའི་བཏང་སྙོམས་ནི་བྱང་ཆུབ་སེམས་དཔའི་ཁོར་ལགས་སོ།། རྒྱལ་པོ ་ཆེན་པོ་སེམས་ཅན་ཐམས་ཅད་ཡོངས་སུ་སྨིན་པར་བགྱིད་པར་འགྱུར་བའི་བསྡུ་བའི་དངོས་པོ་བཞི་པོ་དག་ནི་བྱང་ཆུབ་སེམས་དཔའི་འཁོར་ལགས་སོ།། རྒྱལ་པོ་ཆེན་པོ་སངས་རྒྱས་ཀྱི་ཞིང་ཡོངས་སུ་དག་པར་བགྱིད་པར ་འགྱུར་བའི་དགེ་བའི་རྩ་བ་རྣམ་པ་སྣ་ཚོགས་སོགས་པ་ནི་བྱང་ཆུབ་སེམས་དཔེའི་འཁོར་ལགས་སོ།། རྒྱལ་པོ་ཆེན་པོ་བདུད་གྱི་ལས་ཐམས་ཅད་ལས་ཡང་དག་པར་འདའ་བར་འགྱུར་བའི་སྟོང་པ་ཉིད་དང་། མཚན ་མ་མེད་པ་དང་། སྨོན་པ་མེད་པ་རྣམས་ནི་བྱང་ཆུབ་སེམས་དཔའི་འཁོར་ལགས་སོ།། རྒྱལ་པོ་ཆེན་པོ་ཚིག་བཙུན་པར་འགྱུར་བའི་བདེན་པ་དང་། མི་རྩུབ་པ་ནི་བྱང་ཆུབ་སེམས་དཔའི་འཁོར་ལགས་སོ།། རྒྱལ ་པོ་ཆེན་པོ་སྤོབས་པ་ཕུན་སུམ་ཚོགས་པར་འགྱུར་བའི་མི་འཕྱ་བ་དང་།། འཐིང་སླད་མི་བགྱིད་པ་ནི་བྱང་ཆུབ་སེམས་དཔའི་འཁོར་ལགས་སོ།། རྒྱལ་པོ་ཆེན་པོ་བརྗེད་ངས་པར་མི་འགྱུར་བའི་ཐོས་པའི་ཡོད་བྱེད་སོགས ་པ་ནི་བྱང་ཆུབ་སེམས་དཔའི་འཁོར་ལགས་སོ།། རྒྱལ་པོ་ཆེན་པོ་ཐོས་པ་འཛིན་པར་འགྱུར་བའི་སླད་དུ་སློབ་དཔོན་དང་མཁན་པོ་ལ་གུས་པ་ནི་བྱང་ཆུབ་སེམས་དཔའི་འཁོར་ལགས་སོ།། རྒྱལ་པོ་ཆེན་པོ་དམ ་པའི་ཆོས་ཡོངས་སུ་འཛིན་པར་འགྱུར་བའི་ཐོས་པ་འཛིན་པ་ནི་བྱང་ཆུབ་སེམས་དཔའི་འཁོར་ལགས་སོ།། རྒྱལ་པོ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་བསྙེན་པ་ཡང་དག་པར་འཛིན་པར་འགྱུར་བའི ་དམ་པའི་ཆོས་ཡོངས་སུ་འཛིན་པ་ནི་བྱང་ཆུབ་སེམས་དཔའི་འཁོར་ལགས་སོ།། རྒྱལ་པོ་ཆེན་པོ་དགེ་བའི་རྩ་བ་ཐམས་ཅད་ཡོངས་སུ་རྫོགས་པར་འགྱུར་བའི་དབེན་པ་ལ་གནས་པ་ནི་བྱང་ཆུབ་སེམས་དཔས ་འཁོར་ལགས་སོ།། རྒྱལ་པོ་ཆེན་པོ་སེམས་ཅན་མ་དད་པ་དད་པར་འགྱུར་བའི་འཚོ་བ་ཡོངས་སུ་དག་པ་ནི་བྱང་ཆུབ་སེམས་དཔའི་འཁོར་ལགས་སོ།། རྒྱལ་པོ་ཆེན་པོ་བྱང་ཆུབ་ཀྱི་ཕྱོགས་ཀྱི་ཆོས་སྒྲུབས་པར ་འགྱུར་བའི་བག་ཡོད་པ་ནི་བྱང་ཆུབ་སེམས་དཔའི་འཁོར་ལགས་སོ།། དེ་ནས་རྒྱལ་པོ་གསལ་རྒྱལ་དགའ་ཞིང་མགུ་ལ་ཡི་རངས་སྟེ། རབ་ཏུ་དགའ་ཞིང་དགའ་བ་དང་ཡིད་བདེ་བསྐྱེས་ནས། ་རྒྱལ་པོ་ལ་འོས་པའི་རས་བཅོས་བུ་ཟུང་སྟོང་ཆོས་ལ་དགབ་པའི་ཕྱིར་ངེས་པ་ལ་བྱིན་ནོ།། ངེས་པས་སྨྲས་པ། རྒྱལ་པོ་ཆེན་པོ་བདག་ལ་བཀུར་སྟི་དང་མཆོད་པ་མཛད་པས་འཚལ་ཏོ།། གང་གིས་བདག ་འཚལ་བར་འགྱུར་བའི་གོས་རས་རུལ་བའི་དུམ་བུ་བརྒྱ་བཙེམས་པ་བདག་ལ་མཆིས་ཀྱིས། བདག་ནི་བདག་གིར་འཛིན་པ་དང་བཅས་ཤིང་ཡོངས་སུ་འཛིན་པ་དང་བཅས་པའི་གྲོས་རྣམས་མི་འཚལ་ལོ།། ་རྒྱལ་པོ་ཆེན་པོ་དཔྱིད་ཀྱི་དུས་ན་རས་རུལ་བའི་དུམ་བུའི་གོས་འདི་ཤིང་གི་ཡལ་ག་ལ་བཀལ་ཏེ་དགུང་གཅིག་གམ།། དགུང་གཉིས་སམ། དགུང་བཅུ་འམ། དགུང་བརྒྱར་མཆིས་ཀྱང་།། དེ་ལ་སུའང་ལེན་པ ་མ་མཆིས་ཤིང་། དེ་ལ་སུའང་ཆགས་པའི་སེམས་སྐྱེད་པ་མ་མཆིས་ཏེ། བདག་ཀྱང་དེ་བོར་ནས་མི་ལྟ་བར་མཆི་བའི་དུས་དེ་མཆིས་སོ།། རྒྱལ་པོ་ཆེན་པོ་བདག་ནི་བདག་གིར་འཛིན ་པྲ་དང་ཡོངས་སུ་འཛིན་པ་དང་བཅས་པའི་གོས་རྣམས་མི་འཚལ་ལོ།། རྒྱལ་པོ་ཆེན་པོ་བྱང་ཆུབ་སེམས་དཔས་ནི་གང་ལ་བདག་ཉིད་ཀྱང་འདོད་པ་སྤོང་བར་འགྱུར་ཞིང་། གཞན་ཡང་འདོད་པའི་སེམས་སྐྱེད་པར ་མི་འགྱུར་བ་དེ་ལྟ་བུའི་གོས་བཅང་བར་བགྱིའོ།། རྒྱལ་པོས་སྨྲས་པ།། ངེས་པ་གལ་ཏེ་དེ་ལྟར་རས་བཅོས་བུ་ཟུང་འདི་དག་ཁྱོད་མི་ལེན་མཁོ་བོ་ལ་སྙིང་བརྩེ་བའི་ཕྱིར་རྐང་པས་རྫིས་ཤིག། ངེས་པས་ལྕེ་དེ ་བཞིན་དུ་བགྱིའོ་ཞེས་སྨྲས་ནས། རས་བཅོས་བུ་ཟུང་དེ་དག་ལ་རྐང་པས་བརྫིས་ཏེ་སོང་ངོ་།། རྒྱལ་པོས་སྨྲས་པ། ངེས་པ་རས་བཅོས་བུ་ཟུང་ཁྱོད་ཀྱི་རྐང་པའི་སྨན་མར་གྱུར་པ་འདི་རྣམས་ཇི་ལྟར་བྱ།། དེས ་བས་སྨྲས་པ་ཀ། རྒྱལ་པོ་ཆེན་པོ་སེམས་ཅན་དབུལ་པོ་གཅེར་བུ་གོས་མ་མཆིས་པ་གང་ལགས་པ་དེ་དག་ལ་སྩལ་ཅིག། རྒྱལ་པོས་ངེས་པ་དེ་ལྟར་བྱའོ་ཞེས་སྨྲས་ནས། རྒྱལ་པོའི་མི་རྣམས་ལ་བསྒོ་སྟེ།། དེ་དག ་གིས་ཀྱང་ཇི་སྐད་བསྒོ་བ་བཞིན་དུ་བྱས་སོ།། རས་བཅོས་བུ་ཟུང་དེ་དག་དབུལ་པོ་དེ་དག་གིས་བགོས་མ་ཐག་ཏུ་འདི་སྙམ་དུ་སེམས་བསྐྱེད་དེ། བདག་ཅག་གིས་ངེས་པ་ལ་ཇི་ལྟར་ལན་བླན་པར་བྱ་སྙམ་པ་ལས། སངས ་རྒྱས་ཀྱི་བྱིན་གྱི་རླབས་དང་། ངེས་པའི་སྨོན་ལམ་གྱི་སྟོབས་ཀྱིས།། དེ་དག་གིས་བར་སྣང་ལས་ཚིགས་སུ་བཅད་པ་འདི་དག་ཐོས་སོ།། འདོད་པ་བཞིན་དུ་ལན་ནི་བླ་ན་བྱ་བ།། མེ་ཏོག་དང་ནི་སྤོས་དང་བྱུག་པང། ་ཟས་སོམ་ནོར་རྣམས་ཀྱིས་ཀྱང་མི་རུས་ཏེ།། བྱང་ཆུབ་སེམས་ཀྱིས་ངེས་པ་དགཔ་པར་འགྱུར།། ངེས་པ་གོས་དང་བས་འདོད་མ་ཡིན་ཏེ།། རྙེད་དང་བཀུར་སྟི་གྲགས་པ་འདོད་པ་འིན།། ངེས་བཟ ་ཆུབ་སེམས་ལས་ཆོས་འདོད་དེ།། བྱང་ཆུབ་སེམས་ཀྱིས་ངེས་པ་དགའ་བ་སྟེ། དེ་ནས་དུས་གཞན་ཞིག་ན་རིགས་ཀྱི་བུ་ངེས་པ་དང་། རྒྱལ་པོ་གསལ་རྒྱལ་བཙུན་མོའི་འཁོར་དང་བཅས ་བློན་པོ་དང་བཅས། འཁོར་དང་བཅས་པ་དང་། མཉན་ཡོད་ཀྱི་སྐྱེས་པ་དང་། བུད་མེད་དང་། ཁྱེའུ་དང་། བུ་མོ་དང་། སྲོག་ཆགས་བརྒྱ་ཕྲག་མང་པོ་དག། བཅོམ་ལྡན་འདས་བལྟ་བའི་ཕྱིར་རོང ་། དེ་ནས་མཉན་ཡོད་དང་རྒྱལ་བུ་རྒྱལ་བྱེད་ཀྱི་ཚལ་གྱི་བར་དུ་ལྷའི་དབང་པོ་བརྒྱ་བྱིན་གྱིས་འཁོར་གྱི་ཁྱམས་ཆེན་པོ་བཀྲ་བ། བལྟ་ན་སྡུག་པ། ཡངས་ཤིང་མཛེ་ལ་རྒྱན་ཐམས་ཅད་ཀྱིས ་བརྒྱན་པ། འདི་ལྟ་སྟེ། དཔེར་ན་སུམ་ཅུ་རྩ་གསུམ་པའི་ལྷ་རྣམས་ཀྱི་ཁང་བཟངས་རྣམ་པར་རྒྱལ་བ་ལྟ་བུ་ཞིག་སྤྲུལ་ཏེ། དབུས་སུ་ཤིང་ཡོངས་འདུ་ས་བ་རྡོལ་སྤྲུལ་ཏོ།། ཡོངས་འདུས་བརྟོལ་གྱི་དྲུང ་རུའང་། བཅོམ་ལྡན་འདས་ཀྱི་གདན་སེང་གེའི་ཁྲི་བཀྲུ་བ་བལྟ་ན་སྡུག་ཅིང་ཆུ་ཞེང་གང་པ་ལ། ལྷའི་རས་བཅོས་བུ་བརྒྱ་སྟོང་དུ་མ་བཏིང་བ་མངོན་པར་སྤྲུལ་ཏོ།། བྱང་ཆུབ་སེམས་དཔའ་རྣམས་ཀྱི་སྟན་དྲུག ་ཁྲི་དག་ཀྱང་མངོན་པར་སྤྲུལ་ཏེ།། ལྷ་མ་ཡིན་གྱི་བུ་མོ་བདེ་སོགས་ལ་སོགས་པ་ལྷའི་བུ་མོ་ཁྲི་ཉིས་སྟོང་ཡང་མེ་ཏོག་དང་། བདུག་པ་དང་། སྤོས་དང་། མེ་ཏོག་འཕྲེང་དང་། བྱུག་པ་དང་། ལྷའི་ཙན་དན་གྱི ་ཕྱེ་མ་དག་ཁྱེར་ནས་སིལ་སྙན་དང་ཕེག་རྡོབ་པ་དག་བྱེད་ཅིང་།། ངེས་པའི་གཡོག་བྱ་བའི་ཕྱིར། བཅོམ་ལྡན་འདས་ཀྱི་སེང་གེའི་ཁྲི་བརྒྱན་པར་བྱེད་དོ།། དེ་ནས་བཅོམ ་ལྡན་འདས་ཀྱིས་སྐྱེ་བོའི་ཚོགས་ཆེན་པོ་དེ་དག་འོང་བར་ཐུགས་སུ་ཆུད་ནས། གཙུག་ལག་ཁང་ནས་བྱུང་སྟེ། བྱང་ཆུབ་སེམས་དཔའ་དང་ཉན་ཐོས་རྣམས་ཀྱིས་ཡོངས་སུ་བསྐོར་ཅིང་གདན་བཤམས་པ་ལ་ཞུགས ་སོ།། དེ་ནས་དྲི་ཟིའི་བུ་གཙུག་པུད་ལྔ་པས་ལྷའི་བུ་མོ་ཉི་འོད་ལ་སྨྲས་པ། བཟང་མོ་ཚུར་ཤོག། ངེས་པའི་གཡོག་བྱ་བའི་ཕྱིར་རྒྱུད་ཀྱི་སྒྲ་དང་གླུའི་སྒྲ་དབྱངས་ཀྱིས་དེ་བཞིན་གཤེགས་པ་ལ་མཆོད ་པར་བྱའོ།། དེ་ནས་ལྷའི་བུ་མོ་ཉི་འོད་ཀྱིས་ལྷའི་བུ་མོ་ལྔ་བརྒྱ་ཙམ་དང་ཐབས་ཅིག་ཏུ་རྒྱུད་ཀྱི་སྒྲར་སྦྱར་བའི་ཚིགས་སུ་བཅད་པ་དག་གིས་བསྟོད་པ། ཁྱོད་ཀྱིས་བསྐལ་པ་བརྒྱར་ནི་སྔན་ཆད་དཀའ་ཐུབ་སྤྱད།། ཁྱོད ་ནི་བསྡུ་བ་དག་དང་དུལ་དང་སྦྱིན་ལ་དགྱེས།། ཁྱོད་ཀྱི་སྐུ་གསུང་ཐུགས་རྣམས་ཡོངས་སུ་དག་པ་སྟེ། སྲིད་གསུམ་འཇིག་རྟེན་བྷྲ་མ་ལ་ནི་བདག་ཕྱག་འཚལ།། ཁྱོད་ནི་ཐ་བ་མི་མངའ་བཟོད་དང་བྱམས་ལ་དགྱེས། ་ཁྱོད་ནི་བརྩོན་འགྲུས་བརྟན་དང་སྟོབས་ཀྱིས་ཕ་རོལ་གཤེགས།། ཁྱོད་ནི་བསམ་གཏན་བློ་དང་ཚུལ་རྣམས་སྣང་ལ་དགྱེས།། དྲི་མ་གསུམ་གྱི་ཉེས་པ་སེལ་ལ་བདག་ཕྱག་འཚལ།། ཁྱོད་ནི་འདོད་ཆགས་ཞེ་སྡང ་གཏི་མུག་སེལ་ལ་དགྱེས།། ཁྱོད་ཀྱི་ཐུགས་ནི་ཞི་ཞིང་སྙོམས་ལ་ཐུགས་རྗེར་ལྡན།། ཁྱོད་ནི་ཡང་དག་གསུང་ཞིང་དམ་པའི་དོན་ཡང་མཁྱེན།། སྲིད་པ་གསུམ་པོ་ཐར་པར་མཛད་ལ་བདག་ཕྱག་འཚལ།། ཁྱོད་ནི ་མཐོང་བ་རྣམས་ཀྱི་ཐེ་ཙོམ་སེལ་བར་མཛད།། ཁྱོད་ནི་མཐོང་བ་རྣམས་ཀྱི་སྐྱོན་རྣམས་མཐའ་དག་སེལ།། ཁྱོད་ནི་མཐོང་བ་རྣམས་ལ་མཆོག་ཏུ་དགའ་བར་མཛད།། བདག་ནི་རྒྱལ་ལ་སྲོག་གིས་སྐྱབས་སུ ་མཆི་བར་བགྱི།། ལྷ་ཡི་བུ་མོ་མཆོག་ནི་འདོད་ཆགས་ཆགས་གྱུར་པ།། གང་གིས་མཐོང་བ་དེ་ཡང་ཆོས་ལ་དགའ་བར་འགྱུར།། དགའ་བས་དྲན་པ་ཤིན་ཏུ་རྒྱ་ཆེན་ཐོབ་འགྱུར་ཏེ།། དགའ་བས་སྡུག་ལ ་འདོད་པའི་དགའ་དང་བྲལ་བར་འགྱུར།། མཚན་མཆོག་སུམ་ཅུ་རྩ་གཉིས་དག་གི་རྒྱན་རྣམས་ཀྱིས།། ལེགས་པར་བརྒྱན་པ་གསལ་བའི་ཡོན་ཏན་མཆོག་མངའ་བ།། གསུང་མཆོག་མི་ཡི་དམི་པ ་གསུང་ནི་རྣམ་པར་དག། མཚུངས་པ་མེད་པའི་འོད་མངའ་ཁྱོད་ལ་བདག་ཕྱག་འཚལ།། འཕགས་པ་འཛམ་བུའི་ཆུ་བོའི་གསེར་མདོག་ཕྱག་མཐིལ་སྡུག། ཐུབ་པའི་སྐུ་སྟོད་སེང་གེའི་འདྲ་ཞིང་གླང་ཆེན ་སྟབས།། སྨིན་ཚུགས་ལེགས་ཤིང་ཤངས་ལེགས་ཚེམས་སྙོམས་ཐགས་བཟང་མཛེས།། དཔལ་གྱི་སྙིང་པོ་ཤཱཀྱ་ཐུབ་མཆོག་ཁྱོད་ལ་འདུད།། རྒྱལ་བ་ཡོན་ཏན་བརྒྱ་ཕྲག་དག་གིས་རྒྱས་གྱུར་པ།། བདེ ་གཤེགས་ཤིན་ཏུ་དགའ་བ་སྐྱེད་མཛད་བསྟོད་པ་ཡི།། བསོད་ནམས་ཡོན་ཏན་མཐའ་ཡས་བསྒྲུབ་པ་གང་ལགས་པ།། དེ་ཡིས་འདིར་ནི་འཇིག་རྟེན་སངས་རྒྱས་མཉམ་གྱུར་ཅིག། དེ་ནས ་རིགས་ཀྱི་བུ་ངེས་པ་སྐྱེ་བོའི་ཚོགས་ཆེན་པོ་དེ་དག་གིས་ཡོངས་སུ་བསྐོར་ནས།། བཅོམ་ལྡན་འདས་ག་ལ་བ་དེར་སོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ ་འདུག་གོ།། དེ་ནས་རྒྱལ་པོ་གསལ་རྒྱལ་གྱིས། རིགས་ཀྱི་བུ་ངེས་པ་ལ་ཁྲིའུ་སྟན་བཟང་པོ་བདག་ཉིད་ཀྱིས་བྱིན་ཏེ། འདི་ལ་འདུག་ཅིག་ཅེས་བྱས་ནས། རིགས་ཀྱི་བུ་ངེས་པའི། ་སྟན་བཟང་པོ་དེ་ལ་འདུག་གོ།། རྒྱལ་པོ་གསལ་རྒྱལ་བ་ཁོར་དང་བཅས་པའང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་རང་རང་གི་བསྟན་ལ་འཁོར་རོ།། དེ་ན་རིགས་ཀྱི་དུ་གང་དག་གིས།། དེས ་པ་སྔོན་མ་མཐོང་བ་དེ་དག་འདི་སྐད་དུ་དབུལ་པོ་གོས་ངན་པ་གྱོན་པ་འདྲི་ལ་འདི་ལྟ་བུར་མཆོད་པ་བྱེད་དོ་ཞེས་འཛེར་ཏོ།། དེ་ནས་ལྷའི་དབང་པོ་བརྒྱ་བྱིན་གྱིས། ལྷའི་བུ་དེ་དག་ལ་འདི་སྐད་ཅེས་སྨྲས་སོ།། གྲོགས ་པོ་དག་འདི་ལ་བརྙས་པར་མ་བྱེད་ཅིག། རིགས་ཀྱི་བུ་འདི་ཡོན་ཏན་གྱི་ཆེ་བ་ཉིད་ཇི་སྙེད་པ་དང་ལྡན་པ་དེ་ནི་ཁོ་བོའི་མངོན་སུམ་དུ་གྱུར་ཏོ།། གྲོགས་པོ་དག་ཁྱེར་རེ་ཞིག་སྡོད་ཅིག་དང་། རིགས་ཀྱི་བུ་འདིའི་ཡོན་ཏན་གྱི་བཀོད ་པ་མཐོང་བར་འགྱུར་རོ།། དེ་ནས་རིགས་ཀྱི་བུ་ངེས་པས། ལྷའི་བུ་དེ་དག་གི་བསམ་པ་རྟོགས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བྱང་ཆུབ་སེམས་དཔའ་རྣམས་ཀྱི་སེམས་ཅན ་ཡོངས་སུ་སྨིན་པར་བགྱི་བའི་བཀོད་པའི་ཐབས་དང་། ཡེ་ཤེས་ཀྱི་བཀོད་པའི་ཐབས་བཅོམ་ལྡན་འདས་ཀྱིས་བཤད་དུ་གསོལ། དེ་ནས་བཅོམ་ལྡན་འདས་ཀྱིས་སྐུ་ལས་འོད་ཕྱུང་སྟེ། འོད་དེས་དེས ་པའི་ལུས་ལ་རེག་ནས། ལྷའི་དབང་པོ་བརྒྱ་བྱིན་གྱི་གཟུགས་ཀྱི་ལུས་ཡོངས་སུ་གྲུབ་པ་ཅི་འདྲ་བ་དེ་ལས་འདུམ་གྱུར་པས་ཀྱང་ཆེས་ལྷག་པར་གྱུར་ཏོ།། དེ་ནས་ལྷའི་བུ་དེ་དག་ཡ་མཚན་དུ་འཛིན་པར་གྱུར་ཏེ། ངེས་པ ་ལ་མེ་ཏོག་དྲུག་གིས་གཏོར་ཏོ།། དེ་ནས་བཅོམ་ལྡན་འདས་ཀྱིས། རིགས་ཀྱི་བུ་ངེས་པ་ལ་བཀའ་སྩལ་པ།། ངེས་པ་གང་གི་ཚེ་བྱང་ཆུབ་སེམས་དཔའ་རྡོ་རྗེ་ལྟ་བུའི་མཐུལ་གནས་པའི་ཚེའང་། སེམས་ཅན་ཡོངས་སུ་སྨིར ་པར་བྱ་བའི་ཕྱིར་དམན་པར་སྟོན་ཅིང་དམན་པའི་མཐུ་ལ་གནས་ཀྱང་།། སེམས་ཅན་ཡོངས་སུ་སྨིན་པར་བྱ་བའི་ཕྱིར་མཆོག་ཏུ་སྟོན་པར་བྱེད་པ་འདི་ནི་དེའི་དཀོད་པ་ཡིན་ནོ།། ཡེ་ཤེས་ལ་གནས་ཀྱང་མི་ཤེས་པར་སྟོན ་ཅིང་མི་ཤེས་པར་སྟོན་ཀྱང་ཤེས་པར་སྣང་བ་འདི་ནི་དེའི་བཀོད་པ་ཡིན་ནོ།། ཡེ་ཤེས་མ་ཐོབ་པ་རྣམས་ལའང་ལུས་ཀྱི་སྤྱོད་པ་དང་། སྤྱོད་ལམ་གྱིས་དད་པ་སྐྱེད་པར་བྱེད་ཅིང་།། ཡེ་ཤེས་ཐོབ་པ་རྣམས་ལའང་སྤྱོད ་པ་ཐམས་ཅད་ཡང་དག་པར་སྟོན་པས། རྫུ་འཕྲུལ་སྟོན་པར་བྱེད་པ་འདི་ནི་དེའི་བཀོད་པ་ཡིན་ནོ།། རྟག་ཏུ་སེམས་ལ་དབང་བྱེད་པས་ངན་ཅིང་དབུལ་བར་སྟོན་ཀྱང་།། ཚངས་པས་ཀྱང་མཆོད་པ་དང་། མཆོག་གི་བཀོད་པ ་ལ་གནས་ཀྱང་སྐྱེ་བོ་ཕལ་གྱིས་ཀྱང་མཆོད་པ་འདི་ནི་དེའི་བཀོད་པ་ཡིན་ནོ།། སེམས་ཅན་བསྡུ་བའི་ཕྱིར་ངན་ཅིང་དབུལ་བར་ཡང་ཉེ་བར་སྟོན་ལ། སེམས་ཅན་རྣམས་ལ་མངོན་པར་འབྱུང་བ་བསྐྱེད་པའི་ཕྱིར་ལོངས ་སྤྱོད་རྒྱ་ཆེན་པོ་དང་ལྡན་ཡང་མངོན་པར་འབྱུང་བ་སྟོན་པ་འདྲི་ནི་དེའི་བཀོད་པ་ཡིན་ནོ།། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ།། བཅོམ་ལྡན ་འདིས་རིགས་ཀྱི་བུ་ངེས་པས་ཇི་སྲིད་ཅིག་ནས་བྱང་ཆུབ་ཀྱི་ཕྱིར་སྤྱད་པ་བགྱིས་ལགས། བཅོམ་ལྡན་འདས་ཀྱིས་བཀའ་སྩལ་པ།། ཀུན་དགའ་བོ་རིགས་ཀྱི་བུ་ངེས་པ་ནི་སངས་རྒྱས་བྱེ་བ་མང་པོ་ལ་བསྙེན་བཀུར་བྱས ་པ་སྔོན་གྱི་ཚུལ་ཕུན་སུམ་ཚོགས་པ། བཟོད་པ་གསུམ་ཐོབ་པ། སྤོབས་པ་ཐོབ་པ། མངོན་པར་ཤེས་པས་རྣམ་པར་རྩེ་བར་བྱས་པ། སེམས་ཅན་ཡོངས་སུ་སྦྱིན་པར་བྱ ་བ་ལ་མཁས་པ་སྟེ། ངན་ཅིང་དབུལ་བས་སེམས་ཅན་རྣམས་འདུལ་བར་བྱེད་དོ།། གསོལ་པ། བཅོམ་ལྡན་འདས་འདིས་ངན་ཅིང་དབུལ་བ་འདིས་སེམས་ཅན་ཇི་སྙེད་ཅིག་བཏུལ་ལགས། བཅོམ་ལྡན ་འདས་ཀྱིས་དཀའ་སྩལ་བ། ཀུན་དགའ་བོ་ལྷའི་བུ་འབུམ་ཕྲག་མང་པོ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་བྱས་ཏེ། མི་རྣམས་ཀྱང་དེ་དང་འདྲའོ།། ཀུན་དགའ་བོས ་གསོལ་པ།། བཅོམ་ལྡན་འདས་ཇི་སྲིད་ཅིག་ན་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར། འདིའི་སངས་རྒྱས་ཀྱི་ཞིང་གི་བཀོད་པ་རྣམས་ནི་ཅི་འདྲ་བ ་ཞིག་ཏུ་འགྱུར། མིང་ནི་ཇི་སྐད་ཅེས་བགྱི་བ་ཞིག་ཏུ་འགྱུར་ལགས། 6། དེ་ནས་བཅོམ་ལྡན་འདས་ཀྱིས།། ཚེ་དང་ལྡན་པ་ཀུན་དགའ་བོ་ལ་ཚིགས་སུ་བཅད་དེ་བཀའ་སྩལ་པ། སེམས་ཅན་དོན་ལ་བརྩོན ་དང་བརྟུལ་ཞུགས་བརྟན་པ་དང་།། གྲགས་པ་རྒྱ་ཆེན་དག་གིས་བསམ་པ་ཁྱབ་བྱས་དང་།། བྱང་ཆུབ་ཡོན་ཏན་གནས་པའི་སྤྱོད་པ་ཅི་འདྲ་བ།། ངས་ནི་ཁྱོད་ལ་བཤད་ཀྱིས་ཀུན་དགའ་ཁྱོད་ཉོན་ཅིག ་འདི་ན་རྒྱལ་ལ་མཆོད་མཆོག་ཕྱིར་ནི་གུས་བྱེད་ཅིང་།། དམ་པའི་ཆོས་ནི་བསྲུང་ཕྱིར་རབ་ཏུ་བརྩོན་བྱེད་པ།། ངེས་པ་ཡི་ནི་སྤྱོད་པོའི་རྣམ་པ་གང་ཡིན་པ།། དེ་དག་འདིར་ནི་བཟང་བར་ནུས་པར་མི་འགྱུར་རོ།། ་ཕ་རོལ་ཕྱིན་པ་འདི་དག་ལ་ནི་ལེགས་པར་བསྒྲུབས།། མངོན་པར་ཤེས་པ་དག་གིས་སྔན་ཆད་རྩེ་བར་བྱས།། ཚངས་པའི་གནས་རྣམས་ཀྱི་ནི་མཐའ་མར་ཕྱིན་པར་སོང་།། ཐངས་ལ་མཁས་པའི་སྤྱོད་པ། ་དག་ལ་ལེགས་པར་བསླབས།། འདིར་ནི་དེ་ཡིས་འདུས་བྱས་སྐྱོན་རྣམས་ལེགས་པར་མཐོང་།། སངས་རྒྱས་བྱང་ཆུབ་ཀྱང་ནི་མངོན་སུམ་གྱུར་པར་བྱས།། འདིས་ནི་སེམས་ཅན་ཇི་ལྟ་ཇི་ལྟར་བར་གྱུར་པའི།། ་རྣམ་པར་སྨིན་པའི་མཚན་ཉིད་ལ་ཡང་ལེགས་པར་བསླབས།། འཇིག་པ་མེད་ཅིང་བློ་དང་རྟོགས་དང་དྲན་དང་ལྡན།། སྤོབས་པ་དང་ནི་གཟུངས་རྣམས་དང་ཡང་ལྡན་པ་སྟེ།། བདུད་ཀྱི་ལྕགས་ཀྱི་ཉོན་མོངས ་རྫབ་ལས་ངེས་བྱུང་ཞིང་།། སངས་རྒྱས་སྤྱོད་ཡུལ་དྲོན་ཆེན་ལ་ནི་རབ་ཏུ་གནས།། འཇིག་རྟེན་ཆོས་རྣམས་མང་པོ་དག་གིས་མ་གོས་ལ།། ཆགས་པ་ལ་སོགས་རྣམས་ཀྱིས་བྲག་ལྟར་ཡོངས་མི ་གཡོས།། སུ་ཡི་དྲུང་དུ་མི་འགྲོ་རིང་དུ་བྱེད་པའང་མིན།། ནམ་མཁའ་ལྟ་བུར་བཅིངས་དང་གྲོལ་བ་མེད་པ་ཡིན།། སྙིང་རྗེས་གནས་ཤིང་སེམས་ཅན་ཡོངས་སུ་སྐྱོ་བ་མེད།། ཤིན་ཏུ་བསྡབས ་ཤིང་ནེམ་ནུར་ཅན་ལ་བྱམས་སེམས་ལྡན།། སེམས་ཅན་ཀུན་ལ་བདག་དང་འདྲ་བར་སྡུག་པར་ལྟ།། སྐྱོན་ལ་མི་ལྟ་འཁྲུལ་པ་དག་དང་ལྡན་མ་ཡིན།། ཇི་ལྟར་བསྟན་པ་བཞིན་དུ་བསྒྲུབས ་པ་རྣམས་ལ་གནས།། འདི་ནི་ཇི་སྐད་སྨྲས་པ་བཞིན་དུ་སྤྱོད་པར་བྱེད།། ཆོས་ཉིད་ལ་ནི་ཆོས་ཀྱི་ཚུལ་གྱིས་ལེགས་པར་བསླབས།། སྟོང་པ་ཉིད་ལ་མོས་ཤིང་གཉིས་ལས་རྣམ་པར་གྲོལ། ་བཟོད་པ་གསུམ་ཐོབ་སྐྱེ་བའི་སྤྱོད་ཡུལ་མ་ཡིན་ཏེ།། སངས་རྒྱས་ཚུལ་དང་ཡོན་ཏན་དག་ལ་རབ་ཏུ་གནས།། འདི་ནི་འཇིག་རྟེན་གང་དུ་རྒྱུ་བ་བྱེད་པ་ན།། དེར་ནི་སྐྱེ་བོ་མང་པོ་རྣམ ་པར་གྲོལ་བར་བྱེད།། སངས་རྒྱས་ཀྱི་ནི་སྲས་འདི་གང་དུ་གནས་པ་དེར།། དེ་བཞིན་གཤེགས་པས་ཡུལ་ནི་སྟོངས་པ་མ་ཡིན་ཏེ།། དེ་ལ་ལྷ་དང་བཅས་པའི་འཇིག་རྟེན་མ་ལུས་པས།། ཇི་ལྟར་སངས་རྒྱས ་བཞིན་དུ་འདི་ལ་གུས་པར་གྱིས།། ད་ནི་མྱ་ངན་འདས་ནས་ཉམས་པའི་དུས་བབ་ཚེ།། ངེས་པ་འདི་ནི་སངས་རྒྱས་སྤྱོད་པ་སྤྱད་ནས་ཀྱང་།། སྔོན་ཆད་གནས་པ་མངོན་པར་དགའ་བའི་འཇིག་རྟེན་ཁམས།། ། ་མི་འཁྲུགས་འཇིག་རྟེན་ཉིད་དུ་ཕྱིར་ཡང་འགྲོ་བར་འགྱུར།། བརྟེན་པོ་སྲོག་ཆགས་རྣམས་ལ་ཕན་པར་བྱ་བ་དང་།། ཞིང་གི་འབྱོར་པ་དག་ནི་ཡོངས་སུ་བཙལ་བ་དང་།། བྱང་ཆུབ་ཏུ་ནི་སེམས་ཅན་ཡོངས་སུ་སྨིན ་བྱའི་ཕྱིར།། བསྐལ་པ་མངས་མེད་གསུམ་དུ་སྤྱད་པ་སྤྱོད་པར་བྱེད།། དེ་ཡི་འོག་ཏུ་དེ་ནི་སྐྱོབ་པ་རྒྱལ་བར་འགྱུར།། མིང་ནི་འཇིག་རྟེན་རྒྱལ་པོ་དབང་ཕྱུག་ཅེས་ཀྱང་བྱ།། དེ་བཞིན་གཤེགས་པ་མི་འཁྲུགས ་པ་ཞེས་བྱ་བ་ཡི།། ཞིང་དང་དེ་ཡི་འཇིག་རྟེན་དུ་ནི་མཚུངས་པ་ཡིན།། འཇིག་རྟེན་ཁམས་དེ་ལགས་པར་སྤྲུལ་པ་ཞེས་བྱ་སྟེ།། ཡོན་ཏན་ཐམས་ཅད་དང་ནི་ལྡན་པར་འགྱུར་བ་ཡིན།། དེ་ཡི་ཚེ་ཡི་ཚད ་ནི་ལོ་ཁྲིར་ཐུབ་པར་འགྱུར།། དེ་ཡི་དགེ་འདུན་ཤིན་ཏུ་མང་སྟེ་བགྲང་ལས་འདས།། ཉན་ཐོས་ཐེག་པ་ཅན་གྱི་དགེ་འདུན་ཉུང་བར་འགྱུར།། ཕལ་ཆེར་བྱང་ཆུབ་དོན་དུ་བརྩོན་པ་བྱས་ནས་སུ།། དེ་དག་ཐམས་ཅད ་ཡེ་ཤེས་སྟོབས་དང་རྫུ་འཕྲུང་ལྡན།། རྣམ་པར་ཐར་པ་རྣམས་དང་ལྡན་ཞིང་འཇིག་པ་མེད།། གཅིག་ཏུ་ངེས་པར་ཆོས་ནི་ལེགས་པར་བཤད་རྣམས་ཀྱིས།། འཇིག་རྟེན་ཁམས་དེར་རྟག་ཏུ་སྒྲ་ཆེད ་བསྒྲགས་པར་འགྱུར།། དེ་ན་བདུད་རྣམས་མེད་ཅིང་སྲིད་པར་ཆགས་པ་མེད།། དེ་དག་ཐམས་ཅད་ཡང་དགྲ་རིག་ཅིང་རྣམ་པར་དག། དདེ་བར་གཤེགས་དེ་ཡོངས་སུ་མྱ་ངན་འདས་གྱུར་ནས།། ལོ་ནི ་དུརྒྱད་ཅུ་དག་ལས་བཞི་ལྷག་རྣམས་སུ་ཡང་།། དེ་ཡི་དམ་པའི་ཆོས་ནི་རབ་ཏུ་སྤྱོད་པར་འགྱུར།། དེ་ཚེ་དེ་ཡི་ཆོས་ཀྱི་ཚུལ་ནི་འཁྲུགས་པ་མེད།། ངེས་པ་དེ་ཡིས་གང་དག་ཡོངས་སུ་སྨིན་བྱས་པ། ་དེ་དག་བྱང་ཆུབ་བླ་ན་མེད་པའི་དོན་དུ་སྤྱོད།། ནིང་དེར་སེམས་ཅན་གང་དག་འབྱུང་བར་འགྱུར་བ་རྣམས།། དེ་དག་ཐམས་ཅད་སྐྱོན་རྣམས་དང་ནི་བྲལ་བ་ཡིན། བཅོམ་ལྡན་འདས་ཀྱིས ་རིགས་ཀྱི་བུ་ངེས་པའི་ལུང་བསྟན་པ་བཻཤར་མ་ཐག་ཏུ། དེ་ནས་དེའི་ཚེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམ་པ་དྲུག་ཏུ་གཡོས་ཏེ། ལྷའི་མེ་ཏོག་དང་། ཕྱེ་མ་དང་། གོས་དང་། རྒྱན་གྱི ་ཆར་ཡང་མངོན་པར་བང་པོ།། ཐམས་ཅད་དང་ལྡན་པའི་འཁོར་གྱིས་ཀྱ་བ་རང་རང་གི་གོས་རྣམ་རིགས་ཀྱི་བུ་ངེས་པ་ལ་བཀབ་བོ།། ཚོང་དཔོན་དང་། ཁྱིམ་བདག་དང་། ཟམ་ཟེ་བརྒྱ་དྲུག་མང་པོ་དག་ས ་རབ་ཏུ་བྱུང་ངོ་།། དེ་ནས་བཅོམ་ལྡན་འདས་ལ། ངེས་པས་འདི་སྐད་ཅེས་གསོལ་ཏོ།། བདག་ཀྱང་ལེགས་པར་གསུངས་པའི་ཆོས་འདུལ་བ་ལ་རབ་ཏུ་དབྱུང་བར་གསལ།། དེ་ནས་བཅོས ་ལྡན་འདས་ཀྱིས་རིགས་ཀྱི་བུ་ངེས་པའི་མགོ་བོ་ལ་ཕྱག་གིས་བྱུགས་སོ།། བཅོམ་ལྡན་འདས་ཀྱིས་རིགས་ཀྱི་བུ་ངེས་པའི་མགོ་བོ་ལ་རེག་མ་ཐག་ཏུ། གོས་ངུར་སྨྲིག་བགོས ་ཤིང་དགེ་སློང་དུ་སྣང་བར་གྱུར་ཏོ།། དེ་ནས་བཅོམ་ལྡན་འདས་ཀྱིས། ཚེ་དང་ལྡན་པ་ཀུན་དགའ་བེ་ལ་འདི་སྐད་ཅེས་བཀའ་སྩལ་ཏོ།། ཀུན་དགའ་བོ་སྙིགས་མ་ལྔ་པོ་དུས་ཀྱི་སྙིགས་མ་དང་། ་སེམས་ཅན་གྱི་སྙིགས་མ་དང་། ཞིང་གི་སྙིགས་མ་དང་། ཚེའི་སྙིགས་མ་དང་། ཉོན་མོངས་པའི་སྙིགས་པའི་དུས་སུ་ང་བྱང་ཆུབ་མངོན་པར་རྫོགས་པར་སངས་རྒྱས་ནས། དེར་ངེས་པས་ཇི་ལྟར་འདུལ་བ་ལས ་རྣམ་པ་གཞན་གྱིས་གདུལ་བར་མི་བྱའོ།། ཀུན་དགའ་བོ་ང་ནི་འཇིག་རྟེན་གྱི་ཁམས་མི་མཇེད་དུ་སངས་རྒྱས་ཀྱི་འདུལ་བས་སེམས་ཅན་རྣམས་འདུལ་བར་མི་བྱེད་ཀྱི།། ཀུན་དགའ་བོ་ང་ནི་ངན་ཅིང་དབུལ་བ་དང་། ་ངན་འགྲོའི་འཇིགས་པས་བསྡིགས་པས་སེམས་ཅན་རྣམས་འདུལ་བར་བྱེད་དོ།། ཀུན་དགའ་བོ་གལ་ཏེ་འཇིག་རྟེན་གྱི་ཁམས་འདིར་ངས་སངས་རྒྱས་ཀྱི་ཡུལ་གྱིས་ཆོས་བསྟན་ཅིང་། སངས་རྒྱས་ཀྱི་ཡུལ ་ཉེ་བར་བསྟན་དུ་ཟིན་ན།། སེམས་ཅན་གཅིག་ཀྱང་འདུལ་བར་མི་འགྱུར་ལ། ཆོས་ཀྱང་རྟོགས་པར་མི་འགྱུར་རོ།། ཀུན་དགའ་བོ་དེ་ལྟ་བས་ན། ང་དང་ངེས་པ་ཇི་ལྟར་འདུལ་བར་བྱེད་པ་དེ་བཞིན་དུ་ཁྱོད་ཀྱིས་ཀྱང ་སེམས་ཅན་གདུལ་བར་གྱིས་ཤིག། ཀུན་དགའ་བོ་སེམས་ཅན་དད་པ་ཅན་དང་རྟོག་པ་མང་བ་དག་འབྱུང་བར་འགྱུར་ཏེ། དེ་དག་གིས་ཆོས་ཀྱི་རྣམ་གྲངས་འདི་ཐོས་མ་དད་པ་རྙེད་ཅིང་དེ་བཞིན་དུ་སྒྲུབ་པར ་འགྱུར་རོ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་དང་། བྱང་ཆུབ་སེམས་དཔའ་ངེས་པ་དང་། བྱང་ཆུབ་སེམས་དང་བ་དེ་དག་དང་། དག་སློང་། ་དེ་དག་དང་། ལྷའི་དབང་པོ་བརྒྱ་བྱིན་དྲང་། རྒྱལ་པོ་གསལ་རྒྱལ་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱི་གསུངས་པ་ལ་མངོན་པར ་བསྟོད་།། འཕགས་པ་དཀོན་མཆོག་བརྩེགས་པ་ཆེན་པོའི་ཆོས་ཀྱི་རྣམ་གྲངས་སྟོང་ཕྲག་བརྒྱ་པ་ལས། འཕགས་པ་ངེས་པས་ཞུས་པའི་ལེའུ་ཞེས་བྱ་སྟེ། འདུས་པ་ཉི་ཤུ་རྩ་བདུན་པ་རྫོགས ་སོ།། རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེན་དྲ་བོ་དྷི་དང་། ཞུ་ཆེན་གྱི་ལོ་ཙ་བ་བན་དེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། ་