Wylie

e-texts based on the ACIP/ALL Input

ཀཱིརྟི་དང། བོད་ཀྱི་ལོ་ཙཱ་བ་མཁས་པ་མར་པ་ཆོས་ཀྱི་དབང་ཕྱུག་གིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།*། །རྒྱ་གར་སྐད་དུ། ཤྲཱི་དྲི་བྷུ་ཛ་ས་ཧ་ཛ་སཾ་བ་ར་སཱ་དྷ་ནཾ། བོད་སྐད་དུ། དཔལ་བདེ་མཆོག་ཕྱག་གཉིས ་པའི་ལྷན་ཅིག་སྐྱེས་པའི་སྒྲུབ་ཐབས། དཔལ་བདེ་མཆོག་ལྷན་ཅིག་སྐྱེས་པ་ལ་ཕྱག་འཚལ་ལོ། །བདག་གི་དགེ་བས་ཁམས་གསུམ་སྲིད་མཛའ་ཨི་སྡུག་བསྔལ་མ་ལུས་པ། །བསལ་ནས་བདེ་བ་མཛའ་དག་ལ་ནི་དགོད་པར་བྱ་བའི་ཕྱིར། །སངས་རྒྱས ་ཐོབ་པར་བགྱིའོ་ཞེས་ཀྱང་སྨོན་པ་བསྐྱེད་ནས་སུ། །གཞན་དག་འཇུག་པའི་རང་བཞིན་ཡང་ནི་ཡོངས་སུ་སྤེལ་བར་བྱ། །རྣལ་འབྱོར་རྣམ་གསུམ་ཤེས་བྱ་སྟེ། །བྱིན་གྱིས་བརླབ་དང་རབ་བརྟགས་དང། །བསམ་གྱི་མི་ཁྱབ་གཟུགས་རྫོགས་པའི། ། ་རྣལ་འབྱོར་སངས་རྒྱས་རྣམས་ཀྱིས་བསྔགས། །གང་ཡང་སྐད་ཅིག་སྦྱོར་བ་ཡིས། །རང་ཉིད་རྡོ་རྗེ་མཁའ་འགྲོ་གྱུར། །རྫུས་ཏེ་སྐྱེས་པའི་སེམས་ཅན་བཞིན། །ས་བོན་མེད་པར་བསྒོམ་བྱ་སྟེ། །དཔྲལ་བར་གནས་པའི་ཐོད་ཕྲེང་ཅན། །ཟླ་བ་ཕྱེད ་པ་སྤྱི་བོར་འཆང། །ཕྱག་རྒྱ་དྲུག་དང་མགོ་ཕྲེང་ཅན། །སྤྱན་གསུམ་སྣ་ཚོགས་རྡོ་རྗེ་ཅན། །གཡས་བརྐྱང་གོམ་སྟབས་བཀོད་པ་ཡིས། །སྣ་ཚོགས་ཆུ་སྐྱེས་ཉི་མ་ལ། །གནས་པའི་འཇིགས་བྱེད་དུས་མཚན་བཅས། །མནན་ཅིང་སྟག་གིས ་པགས་པ་འཆང། །ནག་པོ་མི་བསྐྱོད་ཅོད་པན་ཅན། །རྡོ་རྗེ་དྲིལ་བུ་རལ་པར་ལྡན། །དཔའ་བོ་རྡོ་རྗེ་ཕག་མོ་ནི། །རྡོ་རྗེ་ཐོད་པ་ཁྲག་བཀང་བསྣམས། །དམར་པོ་སྐེ་རགས་དུམ་བུས་མཚན། །སྤྱན་གསུམ་མགོ་བོའི་ཕྲེང་བ་ཅན། །ཕྱག ་རྒྱ་ལྔ་མ་སྒྲ་གྲོལ་མ། །ཕྱོགས་གོས་སངས་རྒྱས་དབུ་བརྒྱན་མ། །དེ་ལྟར་སྐད་ཅིག་གིས་རྫོགས་པར། །བདག་གིས་ལུས་ནི་བསྒོམ་པར་བྱ། །ཡེ་ཤེས་ལྔ་ཡི་རང་བཞིན་གསལ། །སངས་རྒྱས་འོད་ཟེར་རྣམ་པར་འཕྲོ། །སེམས་ཀྱི་སྤྱོད ་ཡུལ་གཅིག་ཏུ་ནི། །དེ་དག་ཁོ་ན་ཡུན་རིང་བསམ། །སེམས་ཅན་གནས་དེར་བཞག་ནས་སུ། །དེ་ནས་སངས་རྒྱས་དགའ་བ་བརྩམ། །ཆོས་དབྱིངས་རྒྱལ་མཚན་ཀུན་ཆགས་ལས། །དམན་མིན་འཇིག་པ་ཕུན་ཚོགས་རྣམས། །ཡང་དག ་རིག་པ་དགའ་བའི་ཚོགས། །འཛག་པ་ཅན་མ་འཆར་བ་གང། །དེ་ནི་རྒྱ་ཆེན་ཡིད་བྱེད་པ། །འཕྲོ་བ་འདུས་བྱས་རྒྱུན་རྣམས་ལ། །རྟག་ཏུ་བསྒོམ་ཞིང་འདི་བཞིན་དུ། །འོད་གསལ་རྗེས་སུ་དྲན་པར་བྱ། །སྣ་ཚོགས་མཚོ་སྐྱེས་ཉི་མ་དང ་ནི་འཇིགས་བྱེད་དུས་མཚན་མོ། །མཛེས་མ་བདག་པོ་ནམ་མཁའ་ཨི་ནོར་བུ་དེ་བཞིན་གཤེགས་པ་ལྔ་ཡི་འོག་།ལུས་དང་ཡན་ལག་མཆོག་དང་འོད་དཀར་ཐིག་ལེ་ནཱ་ད་སྟེ། །འདི་རྣམས་སྒྲིབ་པ་མེད་པའི་གནས་སུ་རིམས་ཀྱིས་གཞུག་པར་བྱ། །ཇི་ལྟར་དབུགས ་རླུང་མེ་ལོང་ལ། །ཀུན་ནས་ཡལ་བར་འགྱུར་བ་ནི། །དེ་བཞིན་རྣལ་འབྱོར་ཡང་དག་མཐར། །ཡང་དང་ཡང་དུ་གཞུག་པར་བྱ། །ཐམས་ཅད་ཁྱབ་པ་སྣང་བ་མེད། །སྙིང་རྗེ་རོ་གཅིག་ཡིད་ཀྱིས་ནི། །བདག་པོ་ཡིན་བཞིན་སྟོང་པ་ཉིད། །སྐད་ཅིག་ཁོ་ནར ་འཁྱུད་པར་འགྱུར། །རྣམ་བཅས་རྣམ་པ་མེད་པའི་བཅོམ་ལྡན་འདས་མ་ཤེས་རབ་དེ་ཡིས་འཁྱུད་པ་པོ། །སྐྱེ་འཇིག་སྤངས་པ་མི་འགྱུར་བདེ་བ་རྒོད་པ་ལ་སོགས་བདེ་བ་སྤངས་པ་པོ། །སངས་རྒྱས་རྣམས་ནི་སྐྱེད་བྱེད་སྐུ་གསུམ་ལྡན་པ་ཁམས ་གསུམ་ཡང་དག་རིག་པ་པོ། །ཐམས་ཅད་མཁྱེན་པ་མཆོག་གི་དང་པོའི་སངས་རྒྱས་བཅོམ་ལྡན་དེ་ཉིད་ལ་ཕྱག་འཚལ། །མི་འགྱུར་བདེ་བ་ཡེ་ཤེས་དུས། །ཐབས་དང་ཐུགས་རྗེའི་བདག་ཉིད་དེ། །ཤེས་བྱའི་རྣམ་པར་འགྲོ་འཁོར་ལོ། །ཤེས ་རབ་སྟོང་ཉིད་བདག་ཉིད་དོ། །ཀཾ་དེ་བདེ་བ་རྒྱུ་མེད་བློ། །སྙིང་རྗེ་ཡེ་ཤེས་མི་འགྱུར་བ། །སྟོང་ཉིད་པྲི་ཏི་སེ་ན་བཞིན། །དངོས་པོ་ཐམས་ཅད་མཐོང་བའོ། །ཀུན་ནས་ཕྱག་དང་ཞབས་ལྡན་པ། །ཀུན་ནས་སྤྱན་དང་དབུ་དང་ཞལ། །ཀུན་ནས་དྲན ་ལྡན་འཇིག་རྟེན་དུ། །ཐམས་ཅད་ཀུན་ཏུ་གཡོགས་ནས་བཞུགས། །འདི་ནི་ངོ་བོ་ཉིད་ཀྱི་སྐུ། །སྟོང་ཉིད་སྙིང་རྗེ་གཉིས་མེད་པ། །མ་ནིང་ཞེས་བྱར་གྲགས་པ་སྟེ། །འགའ་ཞིག་ཏུ་ནི་ཟུང་འཇུག་ཅེས། །སྒྲིབ་པ་མེད་པའི་ཆོས་ཀྱིས་ནི། །ཕུང ་པོ་ལ་སོགས་འདི་ན་གནས། །རྟེན་དང་བརྟེན་པའི་མཚན་ཉིད་འདི། །ཐམས་ཅད་དཀྱིལ་འཁོར་ཉིད་ཡིན་ནོ།། །།དཔལ་བདེ་མཆོག་ཕྱག་གཉིས་པའི་ལྷན་ཅིག་སྐྱེས་པའི?་སྒྲུབ་ཐབས། དངོས་གྲུབ་བརྙེས་པའི་པཎྜི་ཏ་ཆེན་པོ་དཔལ་རྡོ་རྗེ་དྲིལ་བུ་པའི ་ཞལ་སྔ་ནས་མཛད་པ་རྫོགས་སོ།། །།རྒྱ་གར་གྱི་མཁན་པོ་ལྔ་རིག་པཎ་ཆེན་གྲུབ་པ་བརྙེས་པ་རྗེ་བཙུན་རཏན་རཀྵི་ཏ་ལི་ཞལ་སྔ་ནས་དང། ཆག་ལོ་ཙ་བ་ཤཱཀྱའི་དགེ་སློང་ཆོས་རྗེ་དཔལ་གྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །། ་ཀུན་གྱིས་སངས་རྒྱས་མྱུར་ཐོབ་ཤོག། །།*། །རྒྱ་གར་སྐད་དུ། ག་ཎ་ཙ་ཀྲ་བི་དྷི། བོད་སྐད་དུ། ཚོགས་ཀྱི་འཁོར་ལོའི་ཆོ་ག། དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །ནམ་མཁའ་ཨི་མདོག་ཅན་དྲི་མེད་རྣལ་འབྱོར་མ་ལ་རོལ། །ཁྱུང་རྣམས ་