Wylie

e-texts based on the ACIP/ALL Input

རིམ་པ་ལྔ་པའི་འགྲེལ་པ་པཎྜི་ཏ་སུ་མ་ཏི་ཀཱིརྟི་དང། ལོ་ཙ་བ་མར་པ་བནདེ་ཆོས་ཀྱི་དབང་ཕྱུག་གིས་བསྒྱུར་བའོ། །རྫོགས་སོ།། །། *། །རྒྱ་གར་སྐད་དུ། ས་ཧ་ཛ་སཾ་བ་ར་སཱ་དྷ་ནཾ། བོད་སྐད་དུ། བདེ་མཆོག་ལྷན་ཅིག་སྐྱེས་པའི ་སྒྲུབ་ཐབས། འཁོར་ལོ་སྡོམ་པ་ལ་ཕྱག་འཚལ། །ཤེས་བྱ་རྣལ་འབྱོར་ཆོ་ག་གསུམ། །བྱིན་གྱིས་རློབ་དང་རབ་ཏུ་རྟོག་།བསམ་བྲལ་གཟུགས་བརྙན་ཡོངས་སུ་རྫོགས། །སངས་རྒྱས་ཀྱིས་གསུངས་རྣལ་འབྱོར་དུ། །སེམས་ཅན་རྫུས་ཏེ་སྐྱེས་པ་བཞིན། ། ་གང་ཞིག་སྐད་ཅིག་སྦྱོར་བ་ཡིས། །ས་བོན་མེད་པར་རྣམ་པར་བསྒོམ། །རང་ཉིད་རྡོ་རྗེ་མཁའ་འགྲོར་གྱུར། །ཟླ་བ་ཕྱེད་པ་སྤྱི་བོར་འཛིན། །དཔྲལ་བར་ཐོད་པའི་ཕྲེང་བ་བསྣམས། །ཕྱག་རྒྱ་དྲུག་ལྡན་མགོ་བོའི་ཕྲེང། །སྤྱན་གསུམ་སྣ་ཚོགས་རྡོ་རྗེ་ཅན། །སྣ་ཚོགས ་པདྨ་ཉི་མར་གནས། །འཇིགས་བྱེད་དུས་མཚན་བཅས་པར་དགོད། །གཡས་བརྐྱང་བ་ཡིས་ཞབས་ཀྱིས་གཅིབས། །རྡོ་རྗེ་དྲིལ་བུ་རལ་པར་ལྡན། །གནག་ཅིང་མི་བསྐྱོད་སྤྱི་བོའི་གཙུག་།སྟག་གི་ལྤགས་པས་ཡང་དག་བཅིངས། །དཔའ་བོ་རྡོ་རྗེ་ཕག་མོ་ནི། ། ་སྤྱན་གསུམ་དམར་ཞིང་མགོ་ཕྲེང་ལྡན། །རྡོ་རྗེ་ཐོད་པ་ཁྲག་གིས་བཀང། །རྐེད་བརྒྱན་དུམ་བུས་མཚན་པ་འཛིན། །ཕྱོགས་ཀྱི་གོས་ལ་ཕྱག་རྒྱ་ལྔ། །དབུ་སྐྲ་གྲོལ་ཞིང་སངས་རྒྱས་གཙུག་།འདི་ལྟར་སྐད་ཅིག་གིས་རྫོགས་པའི། །བདག་ཉིད་ལུས་ནི་སྒོམ ་པར་བྱ། །ཡེ་ཤེས་ལྔ་ཡི་རང་བཞིན་གཟུགས། །སངས་རྒྱས་འོད་ཟེར་རྣམ་པར་སྤྲོ། །སྤྱོད་ཡུལ་གཅིག་གིས་སེམས་ཀྱིས་སུ། །འདི་ཉིད་ཁོ་ན་ཡུན་རིངས་སམ། །གོ་འཕང་འདི་ལ་སེམས་ཅན་དགོད། །ཆོས་དབྱིངས་རྒྱལ་མཚན་ཡང་དག་སྦྱོར། །གཉིས ་གཉིས་སྦྱོར་བ་བདེ་ལས་བྱུང། །དགའ་བ་ཟག་པའི་ཕུན་ཚོགས་ཀྱིས། །རང་རིག་དགའ་བས་ཡོངས་སུ་ཁེངས། །ཟག་པས་སྐྱེད་པར་བྱེད་པ་གང། །དེས་ནི་རྒྱ་ཆེན་ཡིད་ལ་བྱེད། །འདུས་བྱས་སྤྲོས་པའི་རྒྱུན་འདི་ནི། །འདི་ལྟར་རྟག་ཏུ་སྒོམ་པ་པོས། ། ་འོད་གསལ་རྗེས་སུ་དྲན་པར་བྱ། །སྣ་ཚོགས་པདྨ་ཉི་མ་དང། །འཇིགས་བྱེད་དང་ནི་དུས་མཚན་མོ། །སྡུག་མ་བདག་མོ་མཁའ་ནོར་བུ། །དེ་བཞིན་གཤེགས་པ་ལྔ་ཡི་འོག་།སྐུ་དང་ཡན་ལག་མཆོག་དང་ནི། །ཟླ་བ་ཐིག་ལེ་ནཱ་ད་རྣམས། །འདི་རྣམས་རིམ ་གྱིས་མི་སྣང་གཞུག་།ཇི་ལྟར་མེ་ལོང་དབུས་ཀྱི་རླུང། །ཐམས་ཅད་ཐིམ་པར་གྱུར་པ་ལྟར། །ཡང་དག་མཛའ་རུ་ཡང་ནས་ཡང། །དེ་བཞིན་རྣལ་འབྱོར་རབ་ཏུ་གཞུག་།གྲུབ་ཐོབ་རྡོ་རྗེ་དྲིལ་བུ་པས་མཛད་པའི་བདེ་མཆོག་ལྷན་སྐྱེས་ཀྱི་སྒྲུབ་ཐབས་རྫོགས་སོ།། །། ་པཎྜི་ཏ་རྡོ་རྗེ་གདན་པ་ནིས་ཀ་ལཾ་ཀའི་ཞལ་སྔ་ནས། དཔྱལ་ལོ་ཙ་བ་དཔལ་ཆོས་ཀྱི་བཟང་པོས་བསྒྱུར་བའོ།། (།།དཔལ་འཁོར་ལོ་བདེ་མཆོག་སྒྲུབ་པའི་ནོར་བུ་བཞུགས།།)་།།*། །རྒྱ་གར་སྐད་དུ། ་