Wylie

e-texts based on the ACIP/ALL Input

པའི་སངས་རྒྱས་འདི་རྟོགས་མཛད། །དེས་ན་རང་འབྱུང་རང་ཉིད་ནི། །རྫོགས་སངས་རྒྱས་ཞེས་བརྗོད་པ་ཡིན། །མཛའ་བཞི་ལས་ནི་གྲོལ་བ་ཡིན། །དུས་གསུམ་སངས་རྒྱས་རང་བཞིན་ཉིད། །སྒོམ་པ་དེ་ནི་རིང་པོ་ཉིད། ། ་མི་ཐོགས་རྡོ་རྗེ་སེམས་དཔར་འགྱུར། །དཔལ་འཁོར་ལོ་སྡོམ་པའི་རིམ་པ་ལྔ་པ། སློབ་དཔོན་ཆེན་པོ་མཁས་པ་རྡོ་རྗེ་དྲིལ་བུ་པས་མཛད་པ་རྫོགས་སོ།། །།རྒྱ་གར་གྱི་པཎྜི་ཏ་ཀྲིཥྞ་པ་དང། དགེ་སློང་ཚུལ་ཁྲིམས་རྒྱལ་བས ་བསྒྱུར། ཕྱིས་བླ་མ་སུ་མ་ཏི་ཀཱིརྟི་དང། དགེ་སློང་བློ་ལྡན་ཤེས་རབ་ཀྱིས་བཅོས་པའོ། །དཔལ་པཾ་མཐིང་པའི་རྒྱུད་པ་མ་ནོར་བའི་བཤད་པའོ།། །། *། (།དཔལ་འཁོར་ལོ་སྡོམ་པའི་རིམ་ལྔའི་འབྲེལ་བ་བཞུགས།།)་།། ་བླ་མ་དམ་པ་རྣམས་ལ་ཕྱག་འཚལ་ལོ། །དཔལ་ལྡན་འཁོར་ལོ་སྡོམ་པ་ཡི། །རྣལ་འབྱོར་ལུས་ཀྱི་དཀྱིལ་འཁོར་ནི། །སེམས་ཅན་རང་བཞིན་ཡོངས་ཤེས་ཤིང། །རྫོགས་པའི་ལས་ལ་འཇུག་རྣམས་ལའོ། །དང་པོ་ཚོགས་པ་ཀུན་ལྡན་པས། །བླ་མེད་དོན ་འབྱུང་དགའ་བས་ཉལ། །བཞི་ཡིས་ཉེར་བསྐུལ་ཞལ་བཞི་པ། །བདུད་འདུལ་དཔའ་བོ་ཆེན་པོ་བཞེངས། །ཁྲུས་བྱས་བདེ་བའི་སྟན་ལ་གནས། །རི་ལུ་ཁར་བཅུག་སྙིང་ཀ་ཧཱུཾ། །སྔོན་པོའི་འོད་ཀྱིས་རང་ལུས་སྦྱང། །བ་སྤྲུལ་སྤྲོས་ཁ་དོག་ལྔས། ། ་འགྲོ་ཀུན་ལུས་སྦྱང་སྒོ་གསུམ་དག་།སྤྲིན་འདྲའི་འོད་ཀྱིས་རང་འདུན?་དུ། །མཁའ་ལ་བླ་མའི་འཁོར་ལོ་དང། །ཕྱོགས་དབང་མིག་གི་ལྷ་རྣམས་ནི། །གསལ་གདབ་རྟེན་དང་བརྟེན་པར་བྱས། །ཕྱག་དང་མཆོད་སོགས་བྱས་ནས་ནི། །མཛོད ་སྤུའི་གནས་ནས་རང་ལུས་བཞུག་།ལུས་ལ་རྟེན་དང་བརྟེན་པ་ཡི། །འཁོར་ལོ་གསལ་གདབ་ཉེ་བར་དམིགས། །རྟོག་དང་སྤྲོས་པ་དགའ་འགྱུར་ན། །ཆོས་ཀྱི་འཁོར་ལོར་འདབ་མ་བཞི། །མདོག་གསལ་ཧཱུཾ་ལས་ལྟེ་བ་རུ། །ཐབས་དང་ཤེས ་རབ་བདག་ཉིད་བསམ། །ཕྱོགས་འདབ་རིགས་ཀྱི་ས་བོན་ལས། །སྙིང་པོའི་རྣལ་འབྱོར་མ་བཞི་བསྐྱེད། །སྟེང་འོག་ལུས་ཀྱི་ཆ་ཤས་ལ། །པུ་ཛཱ་ལ་སོགས་ཉི་ཤུ་བཞིས། །འཁོར་ལོ་གསུམ་གྱི་བདག་ཉིད་དྲན། །ཆོས་འཁོར་ཕྱི་ཡི་འདབ་བརྒྱད་ལ། །རིང་པོའི་ཧཱུཾ་ལས ་ཁྲོ་མོ་བརྒྱད། །དེ་ལྟར་ལྷ་རྣམས་ཐམས་ཅད་ནི། །མེ་ལོང་ནང་གི་གཟུགས་བརྙན་བཞིན། །ཕྱི་ཡི་དཀྱིལ་འཁོར་ལྟ་བུར་དམིགས། །མི་གསལ་རྩ་ཡིག་ཐམས་ཅད་ལ། །དག་པའི་ལྷ་ཉིད་མོས་ཤིང་དྲན། །ཕྱག་རྒྱ་སྔགས་ཀྱི་དོན་ལྡན་པས། །ཡེ་ཤེས ་སྤྱན་དྲང་ལེགས་མཚད་ནས། །ཡི་གེ་བཞི་ཡིས་རང་གནས་འཇུག་།གནས་གསུམ་བྱིན་བརླབས་གོ་ཆ་བཅིང། །སངས་རྒྱས་དཔའ་བོ་རྣལ་འབྱོར་མ། །ཐམས་ཅད་ནམ་མཁར་ཉེར་དམིགས་ཏེ། །དབང་བསྐུར་ཡིད་ཀྱིས་གསོལ་བ་གདབ། །བདུད་རྩིས་དབང་བསྐུར ་ཐམས་ཅད་ལ། །རྡོ་རྗེ་མཚན་མ་འཛིན་པའོ། །གཙོ་བོ་མ་ཞི་ཁྲོ་མོ་དང། །སྐུ་གསུང་ཐུགས་ཀྱི་འཁོར་ལོ་ལ། །མི་བསྐྱོད་རིན་ཆེན་དོན་ཡོད་དང། །རྟག་པ་གར་དབང་ཐུགས་རྡོ་རྗེས། །རིམ་པ་བཞིན་དུ་སྤྱི་བོར་མཚན། །བསྡུས་ལམ་བསྡུས་པའི་དབུ་རྒྱན་ཉིད།། ་དེ་ནས་སྔགས་རྣམས་རིམ་གྱིས་མཆོད། །བདུད་རྩིས་ཉེ་བར་ཚིམ་བྱས་ནས། །དགྱེས་པ་སྔགས་ཀྱི་སྒྲ་བྱུང་བསམ། །བདུད་རྩི་མྱངས་ལ་བསྟོད་ཆེན་བྱ། །ལྷ་རྣམས་རང་གནས་ཐིམ་བྱས་ཏེ། །བསམ་གཏན་ཆེན་པོ་ལས་ཀྱི་ལམ། །རྫོགས་པའི་རིམ་པ་ལེགས ་གནས་བྱ། །དེ་ནས་གཏོར་མའི་ལས་རིམ་དང། །སྨོན་ལམ་བཏབ་སྟེ་ལྡང་བར་བྱ། །སློབ་དཔོན་ཆེན་པོ་རྡོ་རྗེ་དྲིལ་བུ་པའི་མན་ངག་ལུས་ཀྱི་དཀྱིལ་འཁོར་གྱི་མངོན་པར་རྟོགས་པ་རྫོགས་སོ།། །།རྒྱ་གར་སྐད་དུ། ཤྲཱི་ཙཀྲ་སཾ་བར་པཉྩ་ཀྲ་མ་བྲིཏྟི ་བོད་སྐད་དུ། དཔལ་འཁོར་ལོ་སྡོམ་པའི་རིམ་པ་ལྔ་པའི་འགྲེལ་པ། དཔལ་འཁོར་ལོ་སྡོམ་པ་ལ་ཕྱག་འཚལ་ལོ། །སྙིང་གའི་ཧཱུཾ་ལས་འོད་ཟེར་སྤྲོས་ལ། ཨ་བ་དྷཱུ་ཏཱི་ནས་གྲེ་བར་བྱུང་ནས་སྣ་བུག་གཡས་པ་ནས་བྱུང་སྟེ་ས་ལ་བབས་པ་ཙམ་གྱིས་ཧཱུཾ་དུ་གྱུར་ཏ། ཧཱུཾ ་