Wylie

e-texts based on the ACIP/ALL Input

ཕྱག་ན་རྡོ་རྗེ། མདོར་བསྟན་པ་ཡིས་ཏེ་མདོར་བསྡུས་པས་གསལ་བར་བཤད་དོ་ཞེས་པ་བཅོམ་ལྡན་འདས་ཀྱི་གསུངས་སོ། །ནག་ཕྱོགས་རྩ་བ་ཕྱུང་ནས་རྟག་ཏུ་ནི། །འཇིག་རྟེན་རྣམས་ལ་བདེ་བ་སྟེར་གྱུར་ཅིག་།ཉོན་མོངས་ཚ་བ་སེལ་བར་བྱེད་པ ་ཡི། །དབང་བསྐུར་ཟླ་བའི་ཟླ་འོད་གསལ་བར་བརྗོད། དབང་བསྐུར་མདོར་བསྟན་པའི་བརྗོད་བྱང་འདི་ནི་དཔལ་དུས་ཀྱི་འཁོར་ལོ་པ་པཎྜི་ཏ་རྣམ་པར་རྒྱལ་བ་དབང་པོའི་ཞབས་ཀྱིས་མཛད་པའོ། །།གཞུང་གི་ཚད་ནི་ཚིགས་སུ་བཅད་???རྩ་བདུན ་ལྷག་པའི་བརྒྱ་ཕྲག་བཞིའོ།། །།ལོ་ཙཱ་བའི་མིང་ཙམ་འཛིན་པ་དཔང་དཔལ་ལྡན་བློ་གྲོས་བརྟན་པས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།འདིས་སེམས་ཅན་དཔག་ཏུ་མེད་པ་ལ་ཕན་པར་གྱུར་ཅིག།། །། ་རྗེ་བཙུན་འཕགས་མ་སྒྲོལ་མའི་སྒྲུབ་ཐབས་པཎྜི་ཏ་གནས་བརྟན་དཔེ་མེད་ཀྱིས་བསྲུངས་པས་མཛད་པར། དེའི་རྗེས་སུ་སྔར་སྙིང་གར་གནས་པའི་རི་དགས་ཀྱི་མཚན་མ་ཅན་གྱི་དཀྱིལ་འཁོར་གྱི་དབུས་ན་ཡད་པའི་ཨུཏཔ་ལ་སྔོན་པོ་རོལ་པའི་ལྟེ་བའི་ནང་ན་གནས ་པའི་མཚན་མོའི་མགོན་པོའི་དཀྱིལ་འཁོར་ལ་གནས་པའི་ཏཱཾ་ཡིག་སེར་པོའི་ས་བོན་ལས། བཅོམ་ལྡན་འདས་མ་འཕགས་མ་སྒྲོལ་མ་སྐུ་མདོག་ལྗང་གུའི་མདོག་ཅན། ཕྱག་གཉིས་མ། །ཞལ་རབ་ཏུ་བཞད་པ། ཡོན་ཏན་བླ་ན་མེད་པ་མ་ལུས་པའི་བཞི། སྐྱོན་མ་ལུས ་པ་དང་བྲལ་པ་ལྷ་ལས་བྱུང་བའི་གསེར་དང་ནོར་བུ་དང་མུ་ཏིག་གི་རིན་པོ་ཆེ་ལ་སོགས་པའི་རྒྱན་གྱིས་བརྒྱན་པ་དོ་ཤལ་གྱི་ཕྲེ་བ་ཡིད་འཕྲག་པ་བརྒྱ་ཡིས་ནུ་མ་ཟུང་ལ་རྒྱན་དུ་བྱས་པ། ལྷ་ལས་བྱུང་བའི་ཁྲིག་མའི་དང་རྒྱན་དང་དཔུང་རྒྱན་ལ་སོགས་པས་ཕྱག ་གཉིས་བརྒྱན་པ། སྐ་རགས་ཀྱི་ནོར་བུ་དྲི་མ་མེད་པའི་ཚོགས་ཀྱི་འོད་ཟེར་གྱི་ཕྲེང་བས་རྐྱེད་པའི་རྒྱབ་ཀྱི་ཆ་ཤིན་ཏུ་མཛེས་པར་བྱས་པ། རིན་པོ་ཆེ་སྣ་ཚོགས་པས་སྤྲས་པའི་རྐད་གདུབ་འཁྲོལ་བས་ཞབས་གཉིས་རྣམ་པར་མཛེས་པར་བྱས་པ། ཤིང་ཡོངས་སུ་འདུས་སོཌ། ་པའི་མེ་ཏོག་གི་སྙེ་མ་ཀུན་དུ་ཕྲེང་བར་བྱས་པ་ཡོངས་སུ་རྒྱས་པས་དབུ་སྐྲ་མཛེས་པར་བཅིངས་པ། བཅོམ་ལྡན་འདས་དོན་ཡོད་གྲུབ་པ་དེ་བཞིན་གཤེགས་པས་དབུའི་ཕྱོགས་རྣམ་པར་གསལ་བར་བྱས་པ། སྐུ་ཁྱད་པར་དུ་འཕགས་པ་དང་ལྡན་པ། མཆོག་ཏུ་སྒེག་པ་འབང་བའི་སྐུ ་ཅན། མངོན་པར་གསལ་བའི་ལང་ཚོ་དང་ལྡན་མ། སྟོན་ཀའི་ཨུཏཔ་ལ་སྔོན་པོ་དྲི་མ་མེད་པའི་འདབ་མ་ལྟ་བུའི་སྤྱན་ཅམ་ལྷའི་གོས་ཀྱི་ན་བཟས་སྐུ་གཡོགས་པ། ཤིང་རྟའི་འཁོར་ལོའི་ཚད་ཙམ་པའི་པདྨ་དཀར་པོའི་སྟེང་དུ་བསིལ་བའི་འོད་ཟེར་ཅན་གྱི་དཀྱིལ་འཁོར་གྱི ་སྟེང་ན་སྐྱིལ་ཀྲུང་ཕྱེད་པས་བཞུགས་པ། ཕྱག་གཡས་པས་མཆོག་སྦྱིན་པ། གཡོན་པས་རྣམ་པར་རྒྱས་ཤིང་མཛེས་པའི་ཨུཏཔ་ལ་སྔོན་པོ་འཛིན་པར་གྲུབ་པར་བྱས་ནས་བསམ་པར་བྱའོ། །དེ་ལྟ་བུའི་ངོ་བོའི་བཅོམ་ལྡན་འདས་མ་ཇི་སྲིད་འདོད་པ་དེ་སྲིད་དུ་བསྒོམ་པར་བྱའོ། །ཞེས ་གསུངས་སོ། །འདིའི་དབུ་ཞབས་རྣམས་ནི་སློབ་དཔོན་འདི་ཉིད་ཀྱིས་མཛད་པའི་མགོན་པོ་སྤྱན་རས་གཟིགས་དབང་ཕྱུག་མཁའ་ལ་གཤེགས་པའི་སྒྲུབ་ཐབས་དང་འདྲེས་སྣང་ངོ།། །།མིག་གལ་བྷརྦ་ཏུ།། །།རྡོ་རྗེའི་ཚིག་གི་སྙིང་པོ་བསྡུས་པ་ཞེས ་བྱ་བ་བཞུགས་སོ།། །། *། །རྒྱ་གར་སྐད་དུ། བཛྲ་བཱ་ད་གརྦྷ་སཾ་གྲ་ཧ་ནཱ་མ། བོད་སྐད་དུ། རྡོ་རྗེའི་ཚིག་གི་གི་སྙིང་པོ་བསྡུས་པ་ཞེས་བྱ་བ་བཅོམ་ལྡན་འདས་ཧེ་རུ་ཀ་ལ་ཕྱག་འཚལ་ལོ། །རྡོ་རྗེ་འཛིན་པ་ཇི་ལྟ་བུ། །དེ་ལྟར་སློབ་དཔོན་གཟུགས་ཉིད་དེ། །སེམས་ཅན་རྗེས་སུ ་གཟུང་བའི་ཕྱིར། །ཕལ་བའི་གཟུགས་ཀྱིས་གནས་པ་ཡི། །ཡང་དག་ཡེ་ཤེས་སྣང་བ་པོ། །གྲུབ་པས་བླ་མ་མངོན་ཕྱག་འཚལ།། །།ཡན་ལག་དྲུག་བསྒོམ་རྣལ་འབྱོར་པས། །རྫོགས་པ་ཡི་ཡང་རིམ་པ་ཉིད། །ཧེ་རུ་ཀ་ནི་བསྐྱེད་པའི་རྒྱུ། །དང་པོར་གཅིག་ནི ་བསྒོམ་པར་བྱ། །དངོས་པོ་ཉིད་ཀྱིས་རྣམ་གྲོལ་ཞིང། །དེ་ཡོངས་ཤེས་པས་གྲོལ་བ་ཡིན། །དངོས་པོ་བསྒོམ་འགྱུར་ཤེས་རབ་ཅན། །དངོས་པོ་མེད་པ་ཡོངས་ཤེས་པས། རྟོག་པ་ཐམས་ཅད་ཡང་དག་སྤངས། །དེ་ལྟར་ཧེ་རུ་ཀ་བསྒོམ་བྱ། །ཤྲཱི་ནི་གཉིས་མེད་ཡེ་ཤེས་ཏེ། །ཧེ་ནི་རྒྱུ་ཆོག ་