Wylie

e-texts based on the ACIP/ALL Input

བ་རྒྱ་གར་ཤར་ཕྱོགས་ཀྱི་ཛ་གང་དྷ་ལའི་པཎྜི་ཏ་ཆེན་པོ་བི་བྷཱུ་ཏི་ཙནྡྲས་ཕྱོགས་གཅིག་མཛད་པ་རྫོགས་སོ།། །།པཎྜི་ཏ་དེ་ཉིད་ཀྱིས་རང་འགྱུར་དུ་མཛད་པ།། (།།རྡོ་རྗེ་ཐེག་པ་དུས་ཀྱི་འཁོར་ལོའི་རྩ་ལྟུང་བཞུགས།།)་།། ་རྒྱ་གར་སྐད་དུ། ཀཱ་ལ་ཙཀྲཱ་བཛྲ་ཡཱ་ན་མཱུ་ལ་པ་ཏི། བོད་སྐད་དུ། རྡོ་རྗེ་ཐེག་པ་དུས་ཀྱི་འཁོར་ལོའི་རྩ་བའི་ལྟུང་བ། དཔལ་དུས་ཀྱི་འཁོར་ལོ་ལ་ཕྱག་འཚལ་ལོ། །འཕགས་པ་འཇམ་དཔལ་ལ་ཕྱག་འཚལ་ལོ། །ཤེས་རབ་ཐབས ་བདག་སྦྱོར་བ་ཡིས། །སྐུ་ཡིས་དབྱིབས་ཀྱི་རྫུ་འཕྲུལ་འགྲོ་།རྡོ་རྗེ་སེམས་དཔའ་སེམས་དཔའ་ཆེ། །བྱང་ཆུབ་སེམས་ལ་ཕྱག་འཚལ་ཏེ། །རྩ་བའི་ལྟུང་བ་བཅུ་བཞི་ནི། །དུས་འཁོར་ལས་གསུངས་བཤད་པར་བྱ། །བུ་ཡི་རྩ་བའི་ལྟུང་བ་ནི། ། ་དཔལ་ལྡན་བླ་མའི་ཐུགས་སུན་ཕྱུང། །རི་བོང་འཛིན་པ་རུ་ནི་འགྱུར། །དེ་ཡི་བཀའ་ལས་འདས་པ་གཞན། །དེ་བཞིན་མིག་ཏུ་འགྱུར་བ་ཡིན། །སྤུན་ལ་ཁྲོས་པ་ཡོན་ཏན་ནོ། །བྱམས་པ་འདོར་བ་རིག་བྱེད་དེ། །བྱང་ཆུབ་སེམས་འདོར་མངའ་ཡིན ་ནོ། གྲུབ་པའི་མཛའ་སྨོད་དབང་པོ་ཡིན། །ཡོངས་སུ་མ་མིན་སྐྱེ་བོ་ལ། །གསང་བ་སྟོན་པ་གཞན་ཡང་རི། །དྲག་པའི་ཆོས་ལ་མི་དད་པ། །གཟའ་ཞེས་རབ་ཏུ་གྲགས་པའོ། །སྒྱུ་ཡི་བྱམས་པ་ཕྱོགས་སུ་འགྱུར། །མིང་སོགས ་བྲལ་བས་བདེ་སྟེར་པ། །རྟོག་པ་དྲག་པོ་དུ་ནི་འགྱུར། །དག་པའི་སེམས་ཅན་ལ་སྐྱོན་བརྗོད། །ཉི་མ་རུ་ནི་འགྱུར་བ་ཡིན། །དམ་ཚིག་རྙེད་ནས་སྤོང་བ་ནི། །ཡན་ལག་ཅེས་སུ་གསུངས་བའོ། །པུང་མེད་ཀུན་ལ་སྨོད་པ་ནི། །ལྟུང་བ་ས་རུ་འགྱུར་བ་ཡིན།། ་རྡོ་རྗེ་ཐེག་ལ་གནས་རྣམས་ཀྱིའོ། །བུམ་པའི་གསང་བ་གནས་བརྒྱ་ལ། །བརྟུལ་ཞུགས་ངེས་པའི་དབང་གིས་ཏེ། །གོང་མ་ལ་ནི་དག་པ་མེད། །དམ་ཚིག་གང་དགོས་མི་ལྡན་པའི། །རིག་མ་བསྟེན་པ་ཟླ་བའོ། །ཚོགས་འཁོར་བ་ཡི་སྟོན་མི་ལ།། ་རྩོད་པ་ལྟུང་བ་མིག་ཅེས་བྱ། །བསྟེན་པར་མི་འོས་རིག་མ་ལས། །བདུད་རྩི་ཐོབ་བྱེད་ཡོན་ཏན་འགྱུར། །གསང་ཆོས་ཤེས་ཀྱང་འདོད་པ་འམ། །སེར་སྣས་སྣོད་ལྡན་སྤོང་རིག་བྱེད། །དད་པས་སེམས་ཅན་ཆོས་ཀྱི་གཏམ། །དྲི་མེད་དུས་འདས ་གྱུར་པ་མངའ་། །ཉན་ཐོས་སྐྲག་དང་ལྡན་པ་ཡི། །ནང་དུ་ཞག་བདུན་འདས་པར་རོ། །ཤེས་རབ་སྐྱོབ་པ་མི་ཤེས་སྦྱིན། །རློམ་སེམས་སྔགས་པར་སྟོན་པ་རི། །སྣོད་དང་མི་ལྡན་སེམས་ཅན་ལ། །གསང་སྔགས་སྟོན་པ་བཀྲ་ཤིས་བརྗོད།། ་འདི་བརྒྱད་ཡན་ལག་ཉེས་པའོ། །སྲོག་གཅོད་གཞན་གྱི་ནོར་འཕྲོག་དང། །གཞན་གྱི་བུད་མེད་སྤྱོད་དང་རྫུན། །མྱོས་བྱེད་ཁུ་བ་འཐུང་བ་ཡི། །སྡིག་པ་གཞན་པའི་ཆོས་ལྔ་ཡང། །ཆོ་ལོ་ཁ་ན་མ་ཐོའི་ཟས། །ཚིག་ངན་འབྱུང་བོ་ཀླ་ཀློའི་ཆོས། ་ཐུབ་པའི་བཀའ་དང་མི་མཐུན་པ། །ལྔ་པོ་སྤང་བར་བྱ་བ་ཡིན། །བ་ལང་དང་ནི་བྱིས་པ་དང། །བུད་མེད་སྐྱེས་བུ་ཐུབ་པ་ལྔ།། །།གསོད་པ་གདུག་པའི་བྲམ་ཟེ་ཡི། །འཚེ་བར་བྱེད་པ་ཆོས་ལྔ་ཡང། །གྲོགས་དང ་?་དཔོན་སངས་རྒྱས་དང། །རང་ལ་དགེ་འདུན་དབུགས་འབྱིན་ལ། །འཁུ་བ་ལྔ་ཞེས་བྱ་བ་སྟེ། །བྱས་པ་མི་སྐྱོ་རྣམ་ལྔ་སྤང། །དབང་པོ་ལྔ་རྣམས་ཡུལ་གནས་ཀྱི། །འདོད་ཡོན་ལྔ་ལ་ཆགས་པ་སྤང། །མུ་སྟེགས་བརྟུལ་ཞུགས་ཉི་ཤུ་ལྔ། ། ་སངས་རྒྱས་པ་ཡིས་སྤང་བར་བྱ། །རྡོ་རྗེ་ཐེག་པ་དུས་ཀྱི་འཁོར་ལོའི་རྩ་བའི་ལྟུང་བ་ཡན་ལག་དང་བཅས་པ། །བྱང་ཆུབ་སེམས་དཔས་མཛད་པ་རྫོགས་སོ།། །།དམ་པ་རྣམས་ལ་ཕྱག་འཚལ་ལོ། །བདེན་པ་དབྱེར་མེད་དུས་འཁོར ་