Wylie

e-texts based on the ACIP/ALL Input

མེད་ལ། །སྐྱེ་མེད་སྙད་ཀྱི་སྒྲ་མི་གདགས། །ནམ་མཁའ་འདི་ནི་མེད་དོ་ཞེས། །བླུན་པོ་གང་ཞིག་རྟོག་བར་བྱེད། །མཁས་པ་སྔོན་ནས་ཡོད་མི་འཛིན། །མེད་པར་མི་རྟོག་ཚིག་མི་བརྗོད། །སེམས་ལས་མ་རྟོཌ་ཆོས་མེད་ཕྱིར། བསྒོམ་བྱའི་ཆོས ་ཉིད་གུད་ན་མེད། །སེམས་ཀྱང་ཡེ་ནས་མ་སྐྱེས་ན། །བསྒོམ་པ་པོའང་གང་ལ་ཡོད། །བརྗོད་པའི་རྩ་བ་སེམས་ཉིད་ནི། །མ་སྐྱེས་དངོས་གཞི་ཡོད་མིན་ན། །བསྒོམ་དང་བསྒོམ་དུ་མེད་པ་ཡི། །ཐ་སྙད་གང་ཞིག་གང་ལ་འཇུག། འགྲོ་ལ་སེམས ་རྒྱུད་གཉིས་མི་འཆད། །དེ་ནི་མ་སྐྱེས་རང་མི་དམིགས། །དེ་ལས་གཞན་པའི་སེམས་མེད་ཕྱིར། །བཅོས་ཤིང་གནས་པ་གང་ཞིག་ཡོད། །འཁྲུལ་རྟོག་རྐྱེན་དང་ལྡན་གྱི་བར། །དམིགས་རྒྱུ་བཞིན་དུ་སེམས་སྣང་ན། །རིང་བཞིན་ཤེས་པས ་བཅོས་སུ་མེད། །མི་ཤེས་དམིགས་རྒྱུ་བཅོས་པ་བཞིན། །མི་རྟོག་མཚན་མེད་སེམས་རྣམས་ཀྱིས། །མ་རྟོགས་མཚན་མ་མེད་ལའང་གནས་མཁྱེད། །མཚན་མ་མེད་ལ་མི་གནས་ན། །མཚན་མར་གནས་པ་སྨོས་ཅི་དགོས། བསྒྲུབ་པ་མེད ་ཅིང་གནས་པ་མེད། །འདུ་བྱེད་མེད་པ་མཁའ་འདྲ་བས། །འདུ་བྱེད་ལས་བྱུང་བསམ་གཏན་སྐྱོན། །མ་ལུས་ཀུན་གྱིས་གོས་པ་མེད། །ཇི་ལྟར་རྟོག་མེད་ཟབ་མོ་ཞིག། བློ་ཡི་ཡུལ་དུ་སྣང་ཞེ་ན། །མི་རྟོག་ཟབ་མོའི་ཉམས་མྱོང་ག། མྱོང་བ ་ཡིན་ཕྱིར་དེ་ཉིད་མིན། །ལྟ་བ་དགུམ་ཆུང། །མཛའ་ཨི་མུན་སེལ་སྒྲོན་མ། །བོད་ཀྱི་པཎྜི་ཏ་ཨཱཙར་བསྙན་དཔལ་དབྱངས་ཀྱིས་མཛད་པའོ། །ཐབས་ཤེས་སྒྲོན་མ་བཞུགས་སོ། །དུས་གསུམ་རྒྱལ་བས་ཇི་ལྟར་ཐུགས་ཆུད་པའི། །ཆོས ་ཀྱི་རང་བཞིན་རིག་པའི་རྣལ་འབྱོར་པས། །མ་ཐོབ་ཐོབ་ཕྱིར་བརྩོན་པར་མི་བྱེད་ཀྱང། །སྙིང་རྗེའི་བྱེ་བྲག་ཐབས་ཀྱི་སྤྱོད་པའང་སྟོན། །ཇི་ལྟར་མཁའ་ལ་འཇའ་མཚོན་རྣམ་མང་ཡང། །ནམ་མཁའ་ཨི་དང་དུ་རོ་ཅིག་བྱེ་བྲག་མེད། །དེ་བཞིན་རྒྱལ ་བའི་གཟུགས་སྐུ་རྣམ་མང་ཡང། །ཡེ་ཤེས་དབྱིངས་སུ་རོ་ཅིག་བྱེ་བྲག་མེད། །བདེ་གཤེགས་སྙིང་པོ་སེམས་ཀྱི་རང་བཞིན་ལ། །ཡུན་རིང་དུས་ནས་རྨོངས་པའི་སེམས་ཅན་རྣམས། །བདག་ཏུ་འཛིན་པའི་སེམས་རྒྱུད་སོ་སོར་སྣང། །རང་བཞིན་ཉིད་ནི? ་རྒྱལ་བའི་ཆོས་སྐུར་ཅིག། ཡེ་ཤེས་སྒྱུ་མར་སྣང་བའི་སངས་རྒྱས་དང། །ལོག་རྟོག་སྒྱུ་མར་སྣང་བའི་སེམས་ཅན་གཉིས། །ཡེ་ཤེས་ལོག་རྟོག་ཁྱད་པར་བསམ་ཡས་ཀྱང། །སྙམ་ཡིན་ཕྱིར་རང་བཞིན་ཡོངས་ཀྱིས་མཉམ། །སེམས་ཅན་སངས ་རྒྱས་བདེན་པར་ཚུལ་ཅིག་ཅིང། །རང་གི་སེམས་ཉིད་སངས་རྒྱས་ཡིན་ཤེས་ན། །གཞན་ནས་བསྒྲུབ་པར་བྱ་བ་ཅི་ཡང་མེད། །དེ་ལྟ་བས་ན་སྤང་བར་བྱ་བའང་མེད། །འདི་ལྟ་བུ་ཡི་ཆོས་ཀྱི་ཚུལ་རིག་ན། །མ་རིག་རྣམས་ལ་སྙིང་རྗེ་ཡོངས་ཀྱིས་སྐྱེ།། ་སྙིང་རྗེ་སྐྱེས་ནས་སྒྱུ་མའི་ཏིང་འཛིན་གྱིས། །ཕན་འདོགས་ཐབས་ཀྱི་སྤྱོད་པ་ཅིར་ཡང་སྟོན། །སངས་རྒྱས་དགོངས་པ་ཇི་ལྟ་བ། །སེམས་ཀྱི་རང་བཞིན་གནས་མེད་དེ་ལྟར་བསྒོམ། །ཐུགས་རྗེའི་འབར་བ་རབ་འབྱམས་ཇི་ལྟ་བ། །རྣལ་འབྱོར་ཐབས ་ཀྱི་ཏིང་འཛིན་དེ་ལྟར་སྤྲུལ། །བདག་དང་བདག་གིར་འཛིན་པ་མེད་པའི་ཕྱིར། །ཕ་རོལ་ཕྱིན་དྲུག་དམིགས་མེད་རྫོགས་པར་ལྡན། །ཐབས་ཀྱི་སྤྱོད་པས་གདུལ་བྱ་ཀུན་འདུལ་ཡང། །སྒྱུ་མའི་བློ་ལྡན་རླམ་སེམས་ཅི་ཡང་མེད། །མ་སྐྱེས་སེམས ་ལ་སེམས་ཅན་མེད་པའི་ཕྱིར། །ངོ་བོ་ཉིད་ཀྱི་ཆོས་སྐུའི་ང་རྒྱལ་འཆང། །ཆོས་ཀུན་སྒྱུ་མར་མངོན་སུམ་གསལ་བའི་ཕྱིར། །ཏིང་འཛིན་སྒྱུ་མས་ཅི་འདུས་དེ་ལྟར་སྟོན། །ཆོས་སྐུ་མཉམ་ཉིད་རྟོགས་ནས་?་དོན་དུ། །བདེ་གཤེགས་ཕྱིན་བརླབས ་ཅིང་ཡང་སྟོན་པ་ལྟར། །བདག་ཉིད་ཆོས་སྐུ་རིག་པའི་རྣལ་འབྱོར་པས། །ཐབས་ཀྱི་བྱེ་བྲག་ད་ནས་དེ་ལྟར་བརྗོད། །ཐབས་དང་ཤེས་རབ་ལྡན་པའི་སྒྲོན་མ་རྫོགས་སོ།། །།སློབ་དཔོན་དཔལ་དབྱངས་ཀྱིས་མཛད་པའོ།། །། ་