Wylie

e-texts based on the ACIP/ALL Input

ཤྲི་དང། བོད་ཀྱི་ལོ་ཙྪ་བ་དགེ་སློང་རིན་ཆེན་གྲུབ་ཀྱིས་བསྒྱུར་བའོ།། །།དཔལ་ལྡན་ཀལཱ་པར་འཇུག་པ་ཞེས་བྱ་བ་ཡུལ་རྣམས་ཀྱི་མཆོག་ཏུ་གྱུར་པ་ཤམྦྷ་ལར་འགྲོ་ཚུལ་གྱི་ལམ་ཡིག་འཕགས་པ་དོན་ཡོད་ལྕགས་ཀྱུས་གསུངས་པ་བཞུགས་སོ། །ོཾ་ཏྲཱི་སྭཱཧཱ། ཨོཾ་ཨདཀུ་ཤ་ཨདཀུ་ཤ་ཨ་མོ་གྷ་ཧཱི་སྭཱཧཱ། རྒྱ་གར་སྐད་དུ། ཀ་ལཱ་པ། ཨ་ཝ་ཏ ་ས་བོད་སྐད་དུ། ཀ་ལཱ་པར་འཇུག་པ། འཇིག་རྟེན་དབང་ཕྱུག་ལ་ཕྱག་འཚལ་ལོ། །འགྲོ་བའི་མགོན་པོ་ཐབས་དང་ལྡན། །དེ་བཞིན་གཤེགས་ལ་རབ་བཏུད་ནས། །གང་གིས་དགའ་བའི་གནས་ཐོབ་འགྱུར། །ཐབས་དེ་འདིར་ནི་བཤད་པར་བྱ། །གཞོན་ནུ་ཟུར་ཕུང་ལྔ་པ་ནི། །ཐུགས་རྗེ ་ལྡན་པ་འཇམ་པའི་དབྱངས། །རྒྱལ་སྲས་སྟོང་ཕྲག་བརྒྱད་དག་དང། །ལྷན་ཅིག་ཏུ་ནི་རབ་གཤེགས་ནས། །དབང་ཆེན་ཞེས་བྱ་རི་བོ་ཆེན་པོ་ནི། །ཤར་དང་ནུབ་ཏུ་ཆུ་གཏེར་ཟབ་མོ་གནས། །གང་གི་ཕྱོགས་གཉིས་མེ་ཏོག་འབྲས་བུས་བརྒྱན། །རིག་འཛིན་རྣམས་ཀྱིས་རོལ་པའི་གནས་དེར ་བཞུགས། །ཤེས་བྱ་ཀུན་ལ་མ་ཐོགས་པའི། །སྤྱན་དང་ལྡན་པ་འཇིག་རྟེན་དབང?། །རྒྱལ་སྲས་བྱེ་བའི་ཚོགས་བཅས་པ། །གནས་སྐབས་དེར་ནི་དེར་གཤེགས་ནས། །ལྷ་དང་ལྷ་མིན་འགྱུར་བོའི་དབང། །ལྟོ་འཕྱེའི་བདག་དང་ཀླུ་ཡི་གཙོ། །བསྐལ་བཟང་མཐུ་དང་ལྡན་པ་ཡི། །མི་དང་མི ་རྣམས་དེར་འདུས་ལ། །གང་ཞིག་བླ་ན་མེད་པ་མཆོག་།གཟི་བརྗིད་ཆེན་པོ་ཐེག་མཆོག་སྟེ། །བྱེ་བ་ཕྲག་བརྒྱའི་ཆོས་ཀྱི་གཏམ། །ཡང་དག་སྒྲོས་ནས་རབ་ཏུ་བསྟན། །བྷ་ར་ཏའི་དུམ་བུའི་འཛམ་གླིང་སྐྱེས། །ཀོ་ས་ལ་དང་ཡངས་པ་ཅན། །ལུས་འཕགས་མེ་ཐིལ་དག་ན། །བསྐལ ་བཟང་གཅིག་ཅིག་དེ་དག་ཡོད། །བློ་གྲོས་ཆེ་ལྡན་ལྔ་བརྒྱས་ནི། །དེ་འདྲའི་གཏམ་ནི་ཡང་ཡང་ཐོས། །གཞན་ལ་ཕན་བྱེད་རིག་པའི་བློ། །རྨད་བྱུང་མང་པོ་སྐྱས་པར་གྱུར། །དཀའ་བ་བརྒྱ་ཕྲག་འབད་པ་ཡིས། །དབང་ཆེན་གྱི་ནི་རི་ལ་སོང། །གཞོན་ནུར་གྱུར་པ་མི་སྣང་ནས། །ཕྱར ་ན་པདམོའི་ཞབས་ལ་བཏུད། །ཡང་དག་མཆོད་ནས་རབ་དྲིས་པ། །ཚངས་ལ་སོགས་པའི་ལྷས་བཏུད་ཅིང། །འགྲོ་བ་དྲུག་ལ་མཉམ་པར་རྩེ། །ཐོས་ནས་བདག་ཅག་འདིར་འོངས་ལགས། །གང་གི་ཞབས་དཀྲུའི་ཆུ་མཐུངས་པས། །བདེ་མེད་བདེ་བ་ལྡན་གྱུར་ཅིང། །འདོད་པ་དང་ནི་ཐར་པ ་འགྲུབ། ལྷ་ཡི་འང་ལྷ་ཁྱོད་ཕྱག་འཚལ་ལོ། །གང་ཟག་དང་ནི་ཆོས་ལ་སོགས། །འགའ་ཡང་མ་གཟིགས་དམིགས་སུ་མེད། །འོན་ཀྱང་མི་ཟད་ཐུགས་རྗེ་ཡིས། །ཀུན་ལ་སྐྱོབ་མཛད་འདི་རེ་མཚར། །འདིར་འོངས་འདི་དག་ལ་རྩེ་བས། །དོན་ཆེན་འགའ་ཞིག་ཞུ་འཚལ་ན། །ཕྱི་མའི་དུས་འགར་ཕན་པའི ་སླད། ཡང་དག་གསུང་པས་བཤད་དུ་གསོལ། །མ་ཐོངས་པ་ཡིས་དུས་ན་ནི། །རིགས་སྔགས་སྨྲ་བར་ཁས་འཆེ་ཞིང། །རྒྱལ་བའི་དགོངས་པ་མི་ཤེས་པ། །དེ་དག་ཕྱིན་ཅི་ལོག་ཏུ་བལྟ། །གང་ཕྱིར་འདི་དག་ཡང་དག་པའི། །ལམ་དུ་ངེས་པར་འཇུག་འགྱུར་བ། །ཇི་ལྟར་ཕྱུགས་ལ་དབྱུག་པ་ལྷའི ་ཐབས་དེ་གང་ལས་རྙེད་པར་འགྱུར། །དེ་ནས་བཅོམ་ལྡན་སྙིང་རྗེ་ཆེ། །སྤྱན་རས་གཟིགས་ཀྱིས་འདི་སྐད་གསུངས། །འགྲོ་རྣམས་མང་ལ་ཕན་འདོད་པས། །འདྲི་བ་འདི་ནི་ལེགས་སོ་ལེགས། །དབང་ཆེན་རི་ལ་མཆོད་འོས་པའི། །གཞོན་ནུར་གྱུར་པས་སྔོན་བཤད་དོ། །དོན་འདི་ཡང་ནི་ལེགས ་པར་བསྟན། །མཉམ་མེད་སེམས་ཅན་དོན་བྱེད་པའོ། །སྐྱེ་བོ་འདི་ལ་ཕན་བྱེད་ཕྱིར། །སྔགས་འཛིན་རལ་པ་གཅིག་མ་ལོངས། །སྙིང་རྗེ་ལྡན་པ་དོན་ཡོད་པའི། །ལྕགས་ཀྱུ་ཁྱོད་ནི་མཐུ་ཆེན་ལྡན། །ཁྱོད་དག་ཕན་ཚུན་སྒྲོས་པ་ཡིས། །དོན་ཆེན་འདི་ནི་སྨྲ་བར་གྱིས། །སྟོབས་བཅུ་ལྡན ་པའི་བསྟན་པ་ལ། །ཕྱི་མའི་དུས་ལ་དོན་ཆེན་འགྱུར། །འཇམ་དཔལ་རྗེས་སུ་འཇུག་པས་ནི། །ཁྱོད་ཀྱང་སྨྲ་བའི་མཐུ་དང་ལྡན། །དེ་སྐད་གསུངས་ནས་འཇིག་རྟེན་མགོན། །སྟོང་པ་ཉིད་ཀྱི་གནས་པས་བཞུགས།། །།དེ་ནས་ཡང་དེའི་ཚེ་འཕགས་པའི་གཙོ་བོ་དོན་ཡོད ་ལྕགས་ཀྱུས་གསུངས་པ། ཕྱི་མའི་དུས་ན་སྣ་ཚོགས་པའི། །བློ་གྲོས་ངན་པ་སྐྱེས་པས་ན། །ལྟ་མོ་སྒྱུ་འཕྲུལ་སྲས་ཀྱི་བསྟན། །ཤིན་ཏུ་ནག་པོས་དྲི་མར་བྱས། །བརྗོད་པ་སྣ་ཚོགས་ཐ་དད་དེ། །སྐྱེ་བོ་ཐ་དད་སྤྱོད་ལ་སྔགས། །དེ་ཕྱིར་དེ་ལྟར་སྤྱོད་རྣམས་ལ། །དབང་པོ་མེད་པས་རྣམ་པར ་འཁྲུགས། །འཇིག་རྟེན་འདས་པའི་དངོས་གྲུབ་ཀུན། །ནམ་ཡང་ཐོབ་པ་མེད་དེ་བཞིན། །གཞན་ཡང་དཀའ་བས་འགྲུབ་པ་དང། །དལ་བ་འབའ་ཞིག་བསྐྱེད་པར་བྱེད། །ཤིན་ཏུ་སྒྲིབ་བྱེད་ཀྱིས་སྒྲིབས་པས། །ཡི་དགས་སོགས་ཀྱང་ལྐོག་གྱུར་ན ་ལྷ་རྣམས་སྨོས་ཀྱང་ཅི་དགོས་ཏེ། །རྟོག་གི་ཕྲན་ཚེགས་འཇུག་ཤེས་ཉིད། །དེ་ཙམ་གྱིས་ཀྱང་གྲུབ་པར་བལྟའ། །འཕགས་པའི་སྐྱེ་བོ་ཡིད་ཀྱི་ལུས། །མཐོང་བའི་སྤྱོད་ཡུལ་ནམ་ཡང་ཅི། །དོན་མཆོག་འདོད་པའང་རྙེད་མི་འགྱུར། །འདི་ནས་བྱང་གི་ཕྱོགས་ཆ་ན། །ཀ་ལ ་ཤ་ཡི་རི་བོའི་དོགས། །གྲོང་ཁྱེར་ཀ་ལཱ་བ་ཞེས་ཡོད། །རྟག་ཏུ་བདེ་ཞིང་འབྱོར་པ་ཡིན། །དེ་ན་རྒྱལ་བའི་སྲས་པོ་མང། །མི་བདག་གཙོ་བོ་མཆོག་འཕགས་ཏེ། །དེ་རྣམས་རྟག་ཏུ་ཆོས་དང་ལྡན། །གཡོ་རྒྱུ་མེད་ཅིང་ཕྲ་མ་མེད། །རིགས་དང་རིགས ་མིན་དབྱེར་མེད་དེ། །གཟུགས་ལྡན་སྟོབས་དང་ལྡན་པ་ཡིན། སྐྱེས་བུའི་བསྒྲོད་པ་དཔག་ཚད་བཅུ། །རྟ་ཡི་ཉི་ཤུ་སོ་ལྡན་གྱི། །ལྔ་བཅུའི་ལམ་ཏེ་ཉིན་གཅིག་ལའོ། །ཡམས་དང་ཉེར་འཚོ་ཡོངས་མེད་དེ། །འཕྲོག་བྱེད ་ལག་ན་རྡོ་རྗེ་སོགས། །ཉིན་རེར་རྟག་ཏུ་སྲུང་བར་བྱེད། །རྣམ་པར་འདྲེན་པའི་བསྟན་བཅོས་ནི། །ཕྱོགས་དེ་དག་ཏུ་རྣམ་པར་རྒྱས། །ཤེས་རབ་ཕ་རོལ་ཕྱིན་མདོ་དང། །མདོ་སྡེ་ལང་ཀའི་གྲོང་དུ་འཇུག་།དགོངས་པ་ངེས་པར ་སྟོན་པ་དང། །འདུས་པ་ཆེན་པོའི་ཚོགས་ཀྱི་སྟེ། །སྒྲིབ་པ་རྣམ་པར་སེལ་བ་ཡིས། །མངོན་དུ་བྱས་པའི་དཀོན་མཆོག་སྤྲིན། །བདེན་པའི་ལེའུ་མཆོག་གི་རྒྱུད། །དྲག་ཤུལ་སྟོབས་དང་ལྡན་པ་ནི། །སོར་མོའི ་འཕྲེང་བའི་ཆེད་གསུངས་དང། །སྡོང་པོས་རྒྱན་པ་ལ་སོགས་པ། །ཐམས་ཅད་ཡུལ་དེ་ལས་རབ་འབྱུང། །འོད་དཔག་མེད་པའི་འཇིག་རྟེན་དང། །མངོན་དགའ་ཨི་བཀོད་པ་གསལ་བ་དང། །རྣམ་སྣང་མཛད་པའི་ཞིང ་ཁམས་ནི། །བརྒྱན་གྱི་བཀོད་པར་བཅས་པ་དང། །སྟུག་པོ་བཀོད་པའི་མདོ་སྡེ་དང། །དབང་ཕྱུག་ཆེན་པོས་བཤད་པ་ནི། །གནས་གཙང་ཆེན་པོ་ལ་སོགས་པར། །རྡོ་རྗེ་སྙིང་པོས་བཤད་དེ་བཞིན། །ཕལ་པོ་ཆེ་ཡི་མདོ་སྡེ་རྣམས། །ཐམས་ཅད་དེ་ན་རྣམ་པར་སྤྱོད། ། ་གང་ལ་དཔེ་ནི་འབུམ་ཕྲག་གིས། །གསལ་བར་བྱས་པ་ཕྱི་མའི་རྒྱུད། །དེ་བཞིན་གཤེགས་རྣམས་སྙིང་པོའི་དོན། །ཕྱིར་མི་བཟློག་པའི་གཏམ་ཡང་ཡིན། །ཕ་རོལ་ཕྱིན་པ་དྲུག་གི་མདོ། །སྟོང་ཕྲག་ལྔ་བཅུར་ལྡན་པ་ཡོད། །རིག་པ་འཛིན་པའི་སྡེ་སྣོད་ནི། །འབུམ ་ཕྲག་ཉི་ཤུ་དེར་སྤྱོད་ཏེ། །དེ་དག་རྗེས་སུ་འཇུག་པ་ཡི། །ངེས་པར་བསྟན་པ་འབུམ་ཕྲག་བརྒྱ། །མཁའ་དང་མཉམ་པ་རྒྱུད་ཀྱི་རྒྱལ། །དངོས་གྲུབ་ངེས་པར་བསྟན་པ་ཡི། །དགེས་བའི་རྡོ་རྗེ་ཆེན་པོ་དང། །རྗེས་སུ་རིག་པ་རྣལ་འབྱོར་རྒྱུད། །བདེ་གཤེགས་ཀུན་གྱི་འདུས་པ་ནི། སྟོང་ཕྲག་ཉི་ཤུ་རྩ་ལྔ་པ ་དམ་པ་དང་པོའི་སངས་རྒྱས་རྒྱུད། །སྒྱུ་འཕྲུལ་དྲ་བ་གཉིས་གཉིས་པ། །རྒྱལ་བ་རྒྱ་མཚོ་རྣམ་དབྱེ་བ། །རྣལ་འབྱོར་རྣལ་འབྱོར་མ་རྒྱུད་ཀྱིས། །རྣམ་པར་ཕྱེ་བ་བརྒྱད་པོ་རྣམས། །ཁྲི་ཁྲག་གཉིས་དང་སྟོང་ཕྲག་ནི། །གཅིག་སྟེ་དྲུག་བརྒྱས་ལྟག་པའི་ལོ། །ལྷག ་པའི་བརྒྱ་ཕྲག་མང་པོར་ནི། །ཕྱོགས་དེར་མངོན་སུམ་སྤྱོད་པའོ། །ཕྱག་ན་རིན་ཆེན་བློ་ཡི་བདག་།སྤོས་ཀྱི་གླང་པོ་མ་ཕམ་པ། །བདེ་ལྡན་དབང་ཕྱུག་ནམ་མཁའ་མཛོད། །རྡོ་རྗེ་གཟི་བརྗིད་རྡོ་རྗེ་སྙིང། །གནོད་སྦྱིན་གཙོ་བོ་ལ་སོགས་པས་།དེ ་རྣམས་རྗེས་སུ་འཇུག་པ་ཡིས། །ཚིག་རྣམས་དུ་མ་རྣམ་པར་ཕྱེ། །ནན་ཏན་ཆེན་པོར་གཏད་པས་ན། །མ་ལོག་དོན་ཆེན་འཚོལ་བ་རྣམས། །གངས་རིའི་དབང་པོ་དེར་སོང་ནས། །མི་དག་གྲུབ་པ་རྣམས་ལ་དྲིས། །གདོན་མི་ཟ་བར་དོན་གྲུབ་ཉིད། ། ་དེ་ནས་འཕགས་མ་རྡོ་རྗེ་སྲིན་མོ་རལ་པ་གཅིག་མས་ཞུས་པ། །ཀྱཻ་རྒྱལ་བའི་སྲས་པོ་མ་འོངས་པའི་དུས་ལྔ་བརྒྱ་ཐ་མ་ལ། དེ་བཞིན་གཤེགས་པའི་རྗེས་སུ་འཇུག་པར་འདོད་པ་རྣམས་ཀྱང། མུ་སྟེགས་ཅན་གྱི་གསང་ཚིག་འཚོལ་བ་ལ།། ་མངོན་པར་མོས་པས་མཆོག་ཏུ་གསུངས་པའི་དོན་ལས། །ཕྱིར་ཕྱོགས་པ་དེ་དག་ཡང་དག་པའི་ལམ་ལ་བཟུང་པ་དང། །མཆོག་གི་སྐལ་པ་ཅན་གང་དག་རང་དང་གཞན་ལ་ཕན་པའི་དངོས་གྲུབ་ཀྱི་རྒྱུར་གྲོང་ཁྱེར་ཀ་ལཱ་བར ་བགྲོད་བའི་ཐབས་དེ་ཡང་དག་བར་བསྟན་དུ་གསལ་ལོ། །དགེ་སྙེན་རྣམ་པར་མི་རྟོག་པ་ཅེས་བྱ་བ་དང། །བཟང་པོ་སྦས་པ་ཞེས་བྱ་བ་ལ་སོགས་པ་ལྔ་བརྒྱ་པོ་འདི་རྣམས་ཀྱི་དངོས་གྲུབ་མཆོག་གི་དོན་དང། ཕྱི་མའི་དུས་ཀྱི་རིག་པ་འཛིན་པའི་སྡེ་སྣོད་ལ་ཞུགས ་པ་མང་པོ་དག་གི་བདེ་བར་འགྱུར་བ་དང། ཕན་པར་འགྱུར་བ་དང། གྲུབ་པ་མཆོག་ཏུ་གྲུབ་པ་བླ་ན་མ་མཆིས་པའི་སླད་དུ་བཤད་པར་གསོལ། རབ་ཏུ་བཤད་པར་གསོལ། ལེགས་པར་བཤད་དུ་གསོལ།། །།དོན་ཡོད་ལྕགས་ཀྱུས ་གསུངས་པ། །སྔགས་རིག་རྣམས་ལ་ཕན་པའི་ཕྱིར། །ཁྱེད་རྣམས་ལེགས་པར་མཉོན་པ་དང། །ལྔ་བརྒྱའི་ཚོགས་རྣམས་ང་ལས་ཉོན། །ཕྱི་དུས་དོན་ཆེན་འདིར་འབྱུང་ངོ། །འདིར་སྒྲུབ་པ་པོ་གང་ཞིག་ལེགས་པའི་ལམ་ལ་གནས་པ། །བླ་ན་མེད ་པའི་བྱང་ཆུབ་སེམས་བསྐྱེད་ཅིང། །དཀྱིལ་འཁོར་དུ་དབང་བསྐུར་བ། རིག་པའི་ཆོ་ག་ཤེས་ཤིང་དམ་ཚིག་ལ་ཡང་དག་པར་གནས་པ། དེ་བཞིན་གཤེགས་པས་བསྟན་པའི་རྒྱུད་ལ་མངོན་དུ་ཕྱོགས་པ། གསལ་བ། ཡིད་གཞུངས་པ། ཤེས ་པ་དང་ལྡན་པ་དེས། དང་པོར་འདོད་པའི་ལྷ་མཉེས་པར་བྱའོ། །དེའི་འོག་ཏུ་མངོན་དུ་གྱུར་པ་འམ། རྨི་ལམ་དུ་མཐོང་བ་ཡིན་ཡང་རུང་ཏེ། འདོད་པའི་ལྷ་ལས་ནན་ཏན་དུ་གནང་བ་ཐོབ་པར་གྱུར་ན། །ཀེ་ལ་ཤར་འཇུག་པའི་ཐབས ་ལ་རྩོན་པར་བྱའི། གཞན་དུ་ན་ཀུན་ནས་ཉོན་མོངས་པར་འགྱུར་རོ།། །།རབ་ཏུ་མི་གསལ་བསམ་གཏན་དང། །ཟླས་བརྗོད་སྟོབས་ཀྱིས་དམན་པ་དང། །མཚན་མའི་དགེ་བས་པོར?་བ་གང། །འདོད་པའི་གོ་འཕངས ་གྲུབ་པ་མེད། །ངན་པའི་ལམ་གྱིས་ཁེངས་པ་དག་།ཆོག་ཙམ་གྱིས་གྲུབ་པར་ལྟ། །བྱིས་རྨོངས་འབྱིམ?་པའི་གོང་བུ་ལ། །འཛེགས་ནས་ཟླ་བ་འཛིན་པར་འདོད། །ཅི་སྟེ་གནང་པར་གྱུར་ན་འཕགས་པ་འཇམ་དཔལ་གྱི་སྙིང་པོ། །འབུམ་ཕྲག་བརྒྱད་ཟླས ་ཤིང། ཨུ་དུམ་ཝ་རའི་སྦྱིན་སྲེག་ཀྱང་ཁྲི་ཕྲག་བརྒྱད་བྱའོ། །བགེགས་རྣམས་འཇོམས་པའི་དོན་དུ། བདུད་རྩི་འཁྱིལ་པའི་རིག་པ་འབུམ་ཕྲག་བཟླས་ཤིང། སྦྱིན་སྲེག་ཀྱང་ཁྲི་ཕྲག་གཅིག་གོ། སྟོང་པ་ཐམས་ཅད་རབ་ཏུ་འཇིག ་པའི་དོན་དུ། །ཁྲོ་བོ་ཆེན་པོ་རབ་ཏུ་མི་བཟད་བ། །གཤིན་རྗེ་མཐར་བྱེད་ཀྱི་རིག་པ་འབུམ་དུ་བཟླས་ཤིང། །དེ་ནས་ཐོག་མ་ཉིད་དུ་ཀེང་ཤུ་ཀའི་སྦྱིན་སྲེག་སྟོང་ཕྲག་གཅིག་འབུལ་ལོ། །དེའི་འོག་ཏུ་བཱ་ཌའི་ཤིང་གི་སྟོང་ཕྲག་བཅུའོ། །དེའི ་འོག་ཏུ་ནི་ཙན་དན་དམར་པོ་དང། ཨ་བྷཱི་རའི་ཁུ་བ་ལ་སོགས་པ་རྨད་དུ་བྱུང་བའི་གཏོར་མ་དང་སྦྱིན་སྲེག་སྟོང་ཕྲག་བཅུས་མཉེས་པར་བྱས་ཏེ། དེ་ཐམས་ཅད་དུ་འདོད་པའི་དོན་ལ་གསོལ་པ་གདབ་པར་བྱའོ། །སྒྲུབ་པ་པོ་གང་ཞིག ་ཆོ་ག་དེ་རྣམས་རྩམས་ཤིང། རང་ཉིད་དངོས་གྲུབ་མཆོག་གི་དོན་དང། ལྷོ་ཕྱོགས་ཀྱི་སྐྱེ་བོ་མང་པོ་ལ་ཕན་པ་དང་བདེ་བའི་ཕྱིར། །གྲོང་ཁྱེར་ཀ་ལཱ་པར་འཇུག་པར་འདོད་པ། སྡིག་པ་མེད་ཅིང་གཡོ་རྒྱུ་མེད་པ། དེ་དག་ནི། འཆད་པར ་འགྱུར་བའི་རིམ་པ་འདིས། ངེས་པར་དེར་ཕྱིན་པར་འགྱུར་གྱི། བར་མ་དོར་ཉམས་ཉེས་པར་མི་འགྱུར་ཏེ། གལ་ཏེ་བདག་གི་ཚིག་འདི་རྫུན་པར་གྱུར་ན། བདག་གིས་འཚམས་མེད་པ་ལྔ་བྱས་པར་འགྱུར་རོ། །ཅི་ཏེ་ཆོ་ག་འཕྲུལ་པ ་འམ། །སྡིག། པའི་སེམས་དང་ལྡན་པ་དག་ཅིག་ཡིན་ན་ནི། ཀླུ་ཕྲན་ནམ་ལྟོ་འཕྱེ་འམ། གནོད་སྦྱིན་ནམ། འབྱུང་པོ་འམ། ལྷ་གང་དག་གཏུམ་པོ་རྣམས་ཀྱི་ཆད་པ་ཐོབ་པར་འགྱུར་གྱི་གྲུབ་པ་ནི་ནམ་ཡང་མ་ཡིན་ནོ།། །།གྲུབ་པ་རྣམས ་ལ་དཀའ་བ་མིན། །འབྱོར་བའི་ཁྱད་པར་གཞན་དང་གཞན། །སྔགས་དང་རླུང་གི་ལས་རྣམས་ཏེ། །རྒྱུད་ཀྱི་བསྒྲོད་པ་གཞན་ཡིན་ནོ། །ཤིན་ཏུ་ཉམས་ཆུང་འདི་མི་འགྲུབ། །སྒྲུབ་པོ་ནུས་ལྡན་གྲུབ་འདོད་པས། །མ་གྲུབ་དེ་དག་ལེགས ་ཐོབ་འགྱུར། །རིག་པའི་ཆོ་ག་འདི་ཡིས་སོ།། །།དེ་ནས་སྒྲུབ་པོ་དེས། གང་དུ་དེ་བཞིན་གཤེགས་པ་རྣམས་མངོན་པར་རྫོགས་པར་བྱང་ཆུབ་པའི་ཤིང་ཨ་ཤྭད་ཐ་ལ་མཆོད་པ་སྟོང་གིས་ཡང་དག་པར་མཆོད ་ནས། །ལམ་དུ་འཇུག་པར་བྱ་སྟེ། གླིང་འདིའི་ནུབ་ཕྱོགས་ཀྱི་རྒྱ་མཚོར་རཏན་སཱ་ག་ར་ཞེས་བྱ་བ་ལ། །དེད་དཔོན་མཆོག་དང་ལྷན་ཅིག་བྲུ་ལ་ཞེན་པས་བྱང་ཕྱོགས་སུ་བགྲོད་དེ། གླིང་སི་ཀོ་དྷ་ར་ཞེས་བྱ་བ་དང། ནོར་གྱི ་མཛོད་ཅེས་བྱ་བའི་གླིང་དུ་བགྲོད་པར་བྱའོ། །གླིང་དེའི་ནུབ་ཕྱོགས་ནི་ཀླ་ཀློའི་གྲོང་ཡོད་དེ། །སྒྲུབ་པ་པོ་དེར་འགྲོ་བར་མི་བྱ་ཞིང། །ཤར་གྱི་ཕྱོགས་ལ་ཉེ་བར་བརྟེན་པའི་གྲོང་ཁྱེར་དུ་ཟླ་བ་དྲུག་གདོད་པར་བྱའོ། །དེ་ན་བདེ ་བར་གཤེགས་པ་གསེར་ཐུབ་ཀྱི་མཆོད་རྟེན་ཡོད་དོ། །དེ་ལ་བསྐོར་བ་སྟོང་ཕྲག་ལྔ་བྱས་ཏེ་དེ་བཞིན་གཤེགས་པའི་ཡི་གེ་བརྒྱ་པ་འདོན་པར་བྱའོ། །དེ་ནི་འདི་ཡིན་ཏེ། ན་མ་སྟྲཻ་ཡ་དྷཱི་ཀཱ་ནཱཾ། ཏ་ཐཱ་ག་ཏ་ནཱཾ། སརྦ་ཏྲ་ཨ ་པྲ་ཏི་ཧ་ཧཱ། བཱ་པཏི་དྷརྨམ་ཏཱ་བ་ལ་ནཱི། ཨོཾ་ཨ་ས་མ་ས་མནྟ་ཏཉར?། ཨ་ནནྟ་བཱཔཏི་ཤཱ་ས་ནི། ཧ་ར་ཧ་ར། སྨ་ར་སྨ་ར་ཎ། བི་ག་ཏ་རཱ་བ། བུདྡྷ་དྷརྨ་ཏེ་ས་ར་ས་ར། ས་མ་བ་ལ། ཧ་ས་ཧ་ས། ཏྲ་ཡ་ཏྲ་ཡ། ག་ག་ན། མ་ཧཱ་ཝ་ར་ལཀྵ་ཎེ། ་ཛཝོ་ལ་ཛཝོ་ལ་མས་ག་རེ་སྭཱཧཱ། དད་པ་སྟོབས་ཞན་དེ་དང་དེས། །ནམ་ཡང་གྲུབ་པ་ཡོད་མ་ཡིན། །ཆོ་ག་མི་སྨོད་སྔགས་ལ་མིན། །ལྷ་དང་ཆོས་ལ་འཕྱས་མི་གདགས། །ངེས་པར་འགྲུབ་སྙམ་ཡིད་བརྟན་དང། །ཤིན་ཏུ་དད ་པའི་ཤུགས་སྟོབས་ཀྱིས། །འབྱོར་པ་དང་ནི་གྲོལ་བ་སྟེ། །དགེ་ཆོས་འཛོམས་ལ་ནམ་ཡང་མིན།། །།དེ་ནས་སྒྲུབ་པ་པོ་དེ་གྲུབ་བགྲོད་པས་བྷ་ར་ཏའི་དུམ་བུ་འདི་ཉིད་དུ་འོང་བར་བྱ་སྟེ། གཞན་དུ་ན་ནོར་གྱི་མཛོད་ཅེས་བྱ་བའི་གླིང་དེ་ཉིད ་ལས་བང་གི་ཕྱོགས་ལ་ཉེ་བར་བསྟེན་པའི། གླིང་གཞན་དང་ཡུལ་མཛའ་གཞན་མང་པོ་དག་ནི་ལེགས་པར་སྤྱོད་པ་མ་ཡིན་པའི་ཕྱིར། སྒྲུབ་པ་པོ་ཀུན་ཏུ་འཁྱམས་པར་འགྱུར་རོ། །དེ་ལ་གླིང་འདི་ནི་ཆུ་ཀླུང་སྔོན་པོ་ཞེས་བྱ་བའི་མཚོ་དང ་འབབ་ཆུ་དག་དང་ཤར་ནུབ་ཏུ་ཐང་མཉམ་པ་ཡིན་ཏེ། དེའི་ཕྱིར་དབང་པོའི་ཕྱོགས་བོར་ནས། སྒྲུབ་པ་པོ་དབང་ལྡན་གྱི་ཕྱོགས་སུ་འགྲོའོ། །ཕྲེང་ཁྱེར་དུག་མ་དང། རཱ་ས་རི་དང། ཀ་ཊ་ཀཱི་ལ་དང། མ་དྷ་ཝཱ་ན་དྷ་ལ་སོགས་པ། བྱང་ཕྱོགས་ནས་བྱང ་ཕྱོགས་སུ་ཟླ་བ་དགུ་ཏུ་སྒྲོད་པར་བྱ་སྟེ། དེ་དག་གི་ཕ་རོལ་མཆུ་བོ་ཆེན་པོ། ས་ཏྲུ་ཞེས་བྱ་བ་དང། ཀ་ཀཱ་རི་ཞེས་བྱ་བ་གངས་ཀྱི་རི་ཡོད་དེ་དེ་དག་ལས་ཀྱང་རྒལ་བར་བྱའོ། །ཡུལ་འཁོར་དེ་རྣམས་ན་གནས་པའི་མི་རྣམས་ནི། དྲང་པོའི་རང་ ་བཞིན་ཅན་གྱི་ཕྱིར། བགྲོད་པར་དཀའ་བ་མ་ཡིན་ཞིང་འཇིག་པ་ཡང་མེད་དེ། །རི་དེ་ལས་ཏུ་ཛ་ན་ཡ་ཞེས་བྱ་བའི་སྨན་རོ་མཆོག་ཏུ་མདར་བ་དང། ཏཱི་ལ་ཀ་ཞེས་བྱ་བ་ཤིན་ཏུ་ཁ་བ་ཏེ་དེ་དག་ཀྱང་འོ་མ་ལྟར་འཛག་བ་དག་ཡོད་དོ།། ་གང་གི་མེ་ཏོག་ཉི་མ་འཆར་ཀའི་མདངས་ལྟར་རབ་ཏུ་དམར་བ། དེའི་འདབ་མ་ཡང་དགྲ་སྟའི་སོ་ལྟ་བུ། ཚེར་མ་རྣོན་པོ་ཅན། ལྟོ་ངོས་སུ་མངོན་དུ་ཕྱོགས་པའི་གྲག་ལས་བྱུང་བ་དེ་ནི་ཏུ་ཛ་ན་ཡང་ཡིན་ནོ། །དམ་གྲོག་དག་གི ་ངོས་ལ། །འཕྱར་ཞིང་འཕྱང་བ་མ་ཧེ་མོའི་ནུ་མ་ལྟ་བུའི་མེ་ཏོག་དཀར་པོ་དང་ལྡན་པ་ནི། ཏཱི་ལ་ཀའ། དེ་དག་གི་ཕྱོགས་བཞིར། རྡོ་རྗེ་སྲིན་པོ་སྟོབས་པོ་ཆེའི་རིགས་སྔགས་ལན་བདུན་བཟླས་བཞིན་དུ། ཤིང་བ་ཏ་ལའི་ཕུང ་བུས་བཏབ་ནས། དེ་དག་གི་བ་ཐག་དབྱུང་བར་བྱའོ། །ཞག་བདུན་དུ་དེ་དག་ཡོངས་སུ་སྐམས་པར་བྱས་ནས། བྲག་གི་ཕུག་པར་བདུད་རྩི་ཐལ་སྦྱོར་བཟླས་པས་སྲུང་ཞིང་སྦ་པར་བྱའོ། །ཕྱོགས་དེ་ན་ཙག་ཁ་དོག་ལྔ་པོ་དག་ཡོང་ཏེ། ་དཀར་པོ་དང་སེར་པོ་དང་དམར་པོ་དང་ནག་པོ་དང་ལྗང་ཁུ་དག་གོ་།དེ་དག་བླངས་ནས་གངས་ཀྱི་ཆུ་བོས་ཁྲུས་བྱས་ནས་རྡོ་ལེབ་དཀར་པོའི་གཞི་ལ་ལྷ་མོ་འོད་ཟེར་ཅན་མའི་སྐུ་གཟུགས་བྲི་བར་བྱ་སྟེ། མདོག་གསེར་གཙོ ་མ་ལྟ་བུ། ཀ་ར་བཱི་རའི་མེ་ཏོག་ལྟར་དམར་བའི་སྤྱན་གསུམ་པ། གཡས་ཀྱི་ཞལ་དམར་པོ་གཡོན་གྱི་ཞལ་ནི་ཕག་གི་གདོད་ནག་པོ་རབ་ཏུ་ཁྲོས་པ། དར་སྔོན་པོའི་གི་ཤ་འཕྱར་བ། ནམ་མཁའ་ཨི་ཕྱག་རྒྱ་ཅུང་ཟད་གསལ་བར ་བྱེད་པས། ལྷ་དང་ལྷ་མ་ཡིན་དང་ཕྱུགས་རྣམས་དབང་དུ་བྱེད་པ། ཕྱག་དང་པོ་གཉིས་ཀྱིས་མེ་ཏོག་གི་མངའ་དང་གཞུ་འགེངས་པ། བར་མ་གཉིས་ཀྱིས་ཁབ་དང་སྐུད་པ་དང་མྱ་ངན་མེད་པ་རྣམ་པ། ཐ་མ་གཉིས་ཀྱིས ་ཐོད་པ་དང་ཁ་ཊཝཾ་ག་ལྟེ་བའི་དཀྱིལ་འཁོར་གྱི་གཡས་གཡོན་དུ་འཛིན་པ། ཕག་གི་སྟེང་ན་སྡང་བ་དང་གདུག་པ་ཐམས་ཅད་ཡོངས་སུ་གནོན་པ། འདི་ལྟ་བུ་བྲིས་ནས་ཆོ་ག་ཇི་ལྟ་བས། མཆོད་པ་དང་བཟླས་པ་བྱའོ། །དེ་ལ་སྔགས་ནི ་འདི་ཡིན་ཏེ། །ན་མོ་རཏན་ཏ་ཡཱ་ཡ། ཏ་དྱ་ཐཱ་ཨོཾ་བ་ཏཱ་ལ་བི་དཱ་ལ། བི་ར་ལ་བི་ར་ཧ་མུ་ཁཱ་སརྦ་དུཥྣཱན་ཁྲ?་དུཥྚཱན། བནདྷ་བནདྷ་མུ་ཁཾ་སྭཱཧཱ། ཅེས་པ་འདིས་ཨ་ཤོ་ཀའི་ཤིང་དང། མེ་ཏོག་དམར་པོ་བརྒྱ་ཕྲག་ལྔས་སྦྱིན་སྲེག་བྱའོ། །སྙིང་པོའི ་སྔགས་འདི་ཡང་ཁྲི་ཕྲག་བཟླས་པ་བྱ་སྟེ། ཨོཾ་བཛྲ་བེ་ཏ་ལཱི་ཙཱུཾ་ཕཊ། ཚངས་པར་སྤྱོད་ལ་ལེགས་གནས་པ། སྙིང་རྗེས་སྒྲུབ་པ་ལེགས་པ་སྟེ། །གདུག་ལ་གདུག་པ་ངེས་སྦྱོར་བ། །རྟག་ཏུ་བྱམས་པའི་ཡིད་ཀྱིས་སོ། །གང་གང ་འདུལ་ལ་དེ་དང་དེ། །སྔགས་པས་རབ་སྦྱོར་དེ་དེའོ། །ཉོན་མོངས་སྤྱོད་ལས་ནམ་ཡང་མིན། །ནང་གི་བདག་ཉིད་དུལ་བས་སོ། །དེའི་འོག་ཏུ་བདུད་རྩི་འཛག་པའི་སྨན་དེ་དག་བཏགས་ཏེ། གངས་ཀྱི་བ་མེན་ངག་གི་འོ་མ་དྷུང་བ་ལ་ཡོངས་སུ་བསྐོལ ་ནས། །བཅོམ་ལྡན་འདས་མའི་སྤྱན་སྔར་བཞག་པར་བྱའོ། །སྙིང་པོའི་མཐར། བདུད་རྩི་ཐིག་པ་སྒྲུབས་ཤིག་ཅེས་སྤེལ་པས། ལན་སྟོང་དུ་བཟླས་པར་བྱས་ནས། ལྷ་མོ་ལ་ཡང་དག་པར་མཆོད་དེ་དངོས་གྲུབ་བླངས་ནས། སྨན་བཏུང་བར ་བྱའོ། །ཕྱི་ནས་སྐུ་གཟུགས་དེ་ཡང་བྱང་ཕྱོགས་ལ་བལྟས་དེ་གཞག་ལ། མེ་ཏོག་དང་འབྲས་བུ་སྣ་ཚོགས་པས་སྦ་བར་བྱའོ། །དེས་ནི་བཀྲེས་པ་དང། སྐོམ་པ་དང། ངལ་བ་དང། དུབ་པ་མེད་དེ། ལྷ་མོའི་མཐུ་ལས་བར་དུ་གཅོད?་བ ་ཐམས་ཅད་ཀྱང་བདག་གིས་དབང་དུ་བྱེད་པར་འགྱུར་རོ། །དེ་ནས་བྱང་ཕྱོགས་སུ་ལྟས་ནས་ཉིན་ཞག་ཉི་ཤུ་རྩ་གཅིག་ཏུ་འགྲོ་བར་བྱ་སྟེ། ལམ་དེ་ལ་ནི་རྩ་ཡང་མེད། ཤིང་གེལ་བ་ཡང་མེད། ཆུ་ཡང་མེད་དོ། །དེའི་ཕ་རོལ་ན ་ཆགས?་ཐུག་པོ་དག་ཡོད་དེ། སྤྲུལ་དང་སྟག་ལ་སོགས་པ་གནས་པའི་འབྲོག་དགོན་པའི་ལམ་ལ་ཉི་མ་བཅུ་གཉིས་འགྲོ་བར་བྱའོ། །དེའི་ཕ་རོལ་ན་རིའི་རྒྱལ་པོ་གནདྷ་ར་ཞེས་བྱ་བ་ཡོད་དེ། དཔངས་སུ་ནི་དཔག་ཚད་ཉི་ཤུའོ། །རི་དེ་ནི་སྨན་རྣམ་པ ་སྣ་ཚོགས་ཀྱིས་གང་བ་ཡིན་ནོ། །དེ་ན་ནི་སེང་གེ་བཤོག་པ་ཅན་དག་གནས་ཏེ། །ཉི་མ་རེ་རེར་ཡང་སྲོག་ཆགས་མང་པོ་དག་གསོད་པར་བྱེད་དོ། །དེར་རི་དགས་ཀྱིས་ཁྱད་པར་ཞིག་ལུས་སྒྱུར་བ་ཞེས་བྱ་བ་ཡོད་དོ། ། ་དེ་ལུས་ཀྱི་ཆ་བྱད་རྣམ་པ་སྣ་ཚོགས་པར་བསྒྱུར་བ་ཡིན་ཏེ། །སེང་གེ་དེས་བསད་པའི་ཁྲག་ལས། །རྡོ་ལེབ་ནག་པོ་ལ། སྲིན་མོ་མན?་དེ་ཧ་ཞེས་བྱ་བ། རྣམ་པར་གཙིགས་ཤིང་འཇིགས་སུ་རུང་བའི་ལུས་ཅེ་ན། །ཁ ་དོག་དམར་བ་མིའི་ལྤགས་པས་སྨད་དཀྲིས་ཤིང། ལག་པ་གཡོན་པ་ན་རལ་གྲི་འཛིན་པ། གཡས་པ་ན་ནི་བ་ལང་གི་ལྤགས་པ་གསར་པའི་ནང་དུ་ཤ་ཁྲག་དང་སྙིང་གིས་གང་བ་འཛིན་ཅིང་ཟ་བ་བྲིས་ཏེ། སྣོད ་དག་ཏུ་ཤ་དང་ཁྲག་གི་གཏོར་མ་བཤམས་པར་བྱའོ། །བདག་ཉིད་གཤིན་རྗེ་མཐར་བྱེད་མི་བཟད་པ་དབྱུག་པ་དང་ཞགས་པ་ཐོགས་པ་མ་ཧེ་ལ་གནས་པར་བྱས་ནས། ཨོཾ་ཧྲཱི(མདོ་འགྲེལ་མནདེ་ཧ་ར་ཀྵ་སཱི། ཨཱ་གཙྪ་ཨ་གཙྪ་ཧྲི(མདོ་འགྲེལ་སྟོབས་ཀྱིས་གཟིར་བར་བྱའོ། །དེས་ཀྱང་སྒྲུབ་པ་པོ་ཅི་འདོད་ཅེས་སྨྲ་བར་འགྱུར་རོ། །ཀྱེ་སྲིན་མོ་བདག་སེམས་ཅན་ཐམས་ཅད་ལ་ཕན་པར་འདོད་པ་དང་བདེ་བར་འདོད་པས། གྲོང་ཁྱེར་ཀ་ལཱ་པར་འགྲོའི། ཡུལ་སྟོང་པ་འདི ་རྣམས་སུ་ཁ་ཟས་འབྱོར་བར་གྱིས་ཤིག་།ངེས་ཀྱང་དེ་བཞིན་དུ་བྱའོ། །དེ་ནས་དེ་མི་སྣང་བར་འགྱུར་ཏེ། ཤིང་ཨར་ཛུ་ནའི་རྩ་བ་ན། རབ་ཏུ་ཆགས་པ། མེ་ཏོག་ཀུན་ད་ལྟར་ཁ་དོག་དཀར་བའི་བཅུད་རོ་སྦྲང་རྩི་འདྲ་བ་དག། ་ནུབ་མ་དང་ནུབ་མོ་གནས་པའི་ས་དག་དོག་ལ་སྟེར་བར་འགྱུར་རོ། །དེ་ནས་བྱང་ངོས་སུ་གངས་ཅན་ཆེན་པོ་ཞེས་བྱ་བའི་རི་ཡོད་དེ། །དཔག་ཚད་བརྒྱ་ཕྲག་གསུམ་གྱི་འཁོར་ཡུག་ཅན། དེ་ནི་གནོད་སྦྱིན་རྣམས་དང། ་དཀའ་ཐུབ་ཅན་རྣམས་དང། གྲུབ་པ་རྣམས་དང། མི་འམ་ཅི་དག་གིས་ཡོངས་སུ་གང་པ་ཡིན་ནོ། །ཅི་ཏེ་སྒྲུབ་པ་པོ་ཕ་རོལ་གནོན་པའི་འཕྲུལ་དང་ལྡན་པ་ཡིན་ན་ནི། དེར་སོང་ནས་དགའ་བར་བྱ། རྩི་བར་བྱ། ་ལོངས་སྤྱོད་དག་ཀྱང་བྱ་སྟེ། དེ་ནས་མཐར་གྱིས་དེ་དག་གི་ཕྲག་པ་ལ་ཐོགས་ནས། གྲོང་ཁྱེར་ཀ་ལཱ་པར་ཡུད་ཀྱིས་ཕྱིན་པར་འགྱུར་རོ། །ཅི་ལྟེ་ཕ་རོལ་གནོན་པའི་སྙོབས་དེ་མེད་ན་ནི་དེར་འགྲོ་བར་མི་བྱ་སྟེ། རླུང་གི་ཕྱོགས་ཀྱི་ལམ་ཆེན་པོ་རབ ་ཏུ་གསལ་བ་ལ་ཉེ་བར་བརྟེན་ཏེ་མྱུར་བར་འགྲོ་བར་བྱའོ།། །།སྲིད་གསུམ་གནས་ཀྱི་རྒྱུད་རྣམས་ནི། བསོད་ནམས་ཆུང་ཡང་འགྲུབ་པར་བླ། ཚངས་འཇོམས་དེ་ཡི་གྲོགས་ཀྱང་སྟེ། ཆེ་བའི་ཆེ་བའང་རྙེད ་མ་ཡིན། །རྟག་ཏུ་དགེ་བའི་སྟོབས་དང་ལྡན། །བག་མེད་དོན་གྱི་དེ་ཉིད་རིག་།བྱང་ཆུབ་སེམས་ནི་ཡང་དག་བསྐྱེད། །མཆོག་གི་རིག་སྔགས་དེ་ཡིས་འཇུག?། །།གངས་རི་དེ་ལས་ཤར་དང་ནུབ་ཏུ་ཆུ་བོ་རབ་ཏུ་འབབ་པ། སའི ་གཞི་ལ་ལུ་མ་ཆེན་པོ་སྟོང་ཕྲག་བརྒྱད་ཅུ་དང་ཡོངས་སུ་འདྲེས་ཏེ། མཚོ་ལྟར་སྣང་ཞིང་རྒྱུ་བ་ཡང་མི་མངོན་པ། ཁ་དོག་དཀར་པོར་སྣང་བ་ཡོད་དེ། དེ་ལ་འདི་ནི་ཆུ་བོ་སཱི་ཏ་ཞེས་བྱའོ། །ཆུ་རླུང་འདི་ནི་ཀྱུས་སུ་དཔག་ཚད་སྟོང་ཕྲག ་ཕྱེད་དང་གསུམ་པ། ཤར་དང་ནུབ་ཏུ་རྒྱ་མཚོ་དུག་ཅན་པ་ལ་ཡོངས་སུ་འཇུག་པ། ཞེང་དུ་ནི་དཔག་ཚད་ཙམ་མོ། །ཆུ་འདི་ནི་ཤིན་ཏུ་གྲང་བ་ཡིན་ཏེ། དམྱལ་བའི་འགྲོ་བ་མ་གཏོགས་པ། བྱ་དང་ཉ་དང་ཆུ་སྲིན་ལ་སོགས་པ་སྲོག ་ཆགས་འགའ་ཡང?་མེད་དོ། །ཆུ་བོ་དེའི་ཚུར་འགྲམ་ན་ཟངས་ཀྱི་མདོག་ཅེས་བྱ་བའི་རི། ཕུག་པ་སྟོང་དང་ལྡན་པ་དག་ཡོད་དེ། ཤིན་རི་ཥ་ཀ་དང། ཀུ་ལུ་མ་ཀ་དང། ཏ་མ་རུ་དང། དེ་བ་ད་ཏུ་དང། ཤུག་པས་ཡོངས་སུ་གང་བ ་ཡིན་ནོ། །རི་དེ་ལ་ནི་སྲིན་མོ་གློག་འགྱུ་མ་ཞེས་བྱ་བ་གནས་ཏེ། དེའི་ཆོ་ག་ཡང་སྔ་མ་དང་མཚུངས་པ་ལས། ལག་ན་ནི་བརྟུན་ཤིང་འཛིན་པ། གླང་པོ་ཆེའི་ལུས་ལ་ཟ་བ། ཆར་སྤྲིན་གྱི་མདོག་ཅན་ཏེ། གཉ?་དང། ཏ་རི་དང ་ནགས་ཀྱི་བ་ལང་དང། གླང་པོ་ཆེའི་ཁྲག་རྣམས་ཀྱིས་བྲི་བར་བྱ་ཞིང། གཏོར་མ་ཡང་དེ་དག་རྣམས་ཉིད་དོ། །བདག་གི་རྣལ་འབྱོར་ནི་ཁྲོ་བོ་གཤིན་རྗེ་གཤེད་པོ། །ཞག་དྲུག་པ་དུས་མཛའ་ཨི་སྤྲིན་དང ་མཚུངས་བ། ཞབས་དྲུག་པ། ཕྱག་བཅུ་གཉིས་པ། རལ་གྲི་དང་དགྲ་སྟ་དང། གྲི་གུག་དང། ག་ད་དང། འཁོར་ལོ་དང། ཏྲི་ཤུལ་རྣམས་གཡས་ན་འཛིན་བའོ། །གཤིན་རྗེའི་དབྱུག་པ་དང། དུས་ཀྱི་ཞགས་པ ་དང། ཁ་ཏྭ་ག་དང། ལྕགས་ཀྱུ་དང། །ཐོད་པ་ཁྲག་གིས་གང་བ་དང། སྡིག་མཛུབ་རྣམས་ནི་གཡོན་པ་ནའོ། །རྣམ་པ་འདི་ལྟ་བུ་ལས་སྔགས་ནི་འདི་ཡིན་ཏེ། ཨོཾ་སརྦ་དུཥྚཱན་སྟཾ་བྷ་ཡ་ཧཱུཾ། ན་དི་ཝ་རཱ་ཐཱ་ར་ཎི་ཀུ ་མཱ་ར་ཀྲི་ཌ་ཏཱ་བི་ཎེ་བནདྷ་བནདྷ་ས་མ་ཡ་མ་ནུ་ས་མ་ཕཊ་ཕཊ་སྭཱཧཱ། ཅེས་པའོ། །པིཡུ?་རུད?་ཙ་ལ་ཙ་ལ། པྲ་ཙ་ལ་པྲ་ཙ་ལ། པིཡུ?་རུད་ཛི་ཧྭ། ས་ཧ་སྲ་མུ་ཁ་ས་ཧ་སྲ་བ་ཧ་ཝེ། ར་ར་ར་ར་རཀྵ་སི་བྷཡོ(མདོ་འགྲེལ་ནི་སྲིན་མོའི་སྔགས་སོ། །དེ་ལ་སྒྲུབ་པ་པོས་ལམ་བསྟོན་ཅིག་ཅེས་བརྗོད་པར་བྱ་སྟེ། དེས་ཀྱང་ཆུ་བོ་སཱི་ཏ་ལ་ལམ་སྟོན་པར་འགྱུར་ཏོ། །ཆུ་ཀླུང་དེའི་རབ་ཏུ་གྲང་བས་ནི། སའི་སྟེང་གི་གངས་དང་རླུང་པོའི ་རེག་པ་ཐམས་ཅད་ཀྱང་ཟིལ་གྱིས་གནོན་པའི་ཕྱིར། དགུན་ཟླ་འབྲིང་པོ་ལ་ཡང་ཆབ་བྲོམ་ཆགས་པ་མེད་ན། སྲིན་མོ་འདིའི?་རྫུ་འཕྲུལ་གྱིས། དབྱར་ཟླ་བ་དང་པོ་ལ་ཡང་ཆབ་བྲོམ་ཤིན་ཏུ་བརྟན་པར་ཆགས་ནས། ། ་སྒྲུབ་པ་པོ་འཇིགས་པ་མེད་པ་ཉིད་ཀྱིས་ཆུ་བོའི་ཕ་རོལ་ཏུ་འགྲོ་བར་འགྱུར་རོ། །ཆུ་བོ་འདི་ནི་བྷ་ར་ཏའི་དུམ་བུ་ཞེས་བྱ་བ། གླང?་འདིའི་བྱེད་ཀྱི་དབུས་ལ་གྱུ?་བ་ཡིན་ཏེ། ལྷོ་དང་བྱང་དུ་ཡུལ་ཆེན་པོ་དགུ་བཅུ་རྩ་དྲུག་དང ་དགུ་བཅུ་རྩ་དྲུག་དག་གནས་པ་ཡིན་མོད་ཀྱི། འོན་ཀྱང་ཤར་ནུབ་ཏུ་ནི་བྱང་ཕྱོགས་ལྷག་པར་ཡངས་པ་ཡིན་ནོ། །ཆུ་བོ་དེའི་ཕ་རོལ་ན། ཤིང་ཀེ་ཏ་ཀ་དང། བཻ་ལ་དང། ཀ་བྷི་ཏ་དང། པ་ཏུ་ཤ་དང། བ་དང་དད?། ཀ་པི་ཏ་དང། ་ཨ་ར་ཛུ་ན་དང། ཏ་ལའི་ནགས་ཚལ་དག་ཡོད་དེ། དེར་ཟླ་བ་གཅིག་ཏུ་ངལ་བསོ་བར་བྱ། །རྩ་བ་དང་འབྲས་བུ་དག་ཀྱང་བཟའ་བར་བྱ་སྟེ། །གང་འདིའི་རྩ་བ་དང་འབྲས་བུ་དང་ལོ་མ་དང་མེ་ཏོག་དག་ནི་བཅུད་དང་ལྡན་པ་དང་མཐུ་དང ་ལྡན་པ་དག་ཡིན་ནོ། །དར་ལྷ་མོ་བསྐུལ་བྱེད་མའི་རིག་པ་སངས་རྒྱས་བྱེ་བ་ཕྲག་བདུན་གྱི་བྱིན་གྱིས་རླབས་པ། ཡི་གེ་དགུ་པའི་བཟུང་སྔགས་སྟོང་ཕྲག་ལྔ་བཟླས་པས། སྒྲུབ་པ་པོ་རང་གི་ཡན་ལག་ལས། ཁྲག་ནག་པོ་ནག ་པར་ལྕང་བ་དག་ཟག་པར་འགྱུར་རོ། །ཅི་སྟེ་རྨི་ལམ་དུ་དེ་ལྟར་གྱུར་ན་ཡང་རུང་སྟེ། ལུས་མད་མེད་ཅིང་སྟོབས་དང་ལྡན་པ་དང། ཤིན་ཏུ་ཡང་བར་འགྱུར་རོ།། །།དམ་ཚིག་རྣམ ་པར་སྤངས?་དང་བླ་མ་སྨོད། །དུས་མིན་འཆི་དང་དམྱལ་བ་བརྒྱད་པར་འགྲོ། །དཀྱིལ་འཁོར་མ་མཐོང་དབང་བསྐུར་དམན་པ་ཡང། །རིག་སྔགས་སྦྱོར་བ་ནམ་ཡང་གྲུབ་བ་མེད། །ཁེངས་ཞིང་ང་རྒྱལ་ཁྲོ་ལ་མི་བདེན་པ། །དངོས ་གྲུབ་ཐོབ་ཅེས་རྒྱལ་བ་མི་གསུང་སྟེ། །མི་རྟག་སྡུག་བསྔལ་སྟོང་པའི་དོན་སེམས་པ། །མི་དེ་དག་ནི་མྱུར་འགྲུབ་འཕགས་རྣམས་གསུང། །རིགས་དང་གཟུགས་དང་ནོར་དང་དབང་ཕྱུག་དང། །ཆོས་དང་རིག་པ་སྔགས་ཀྱིས ་མྱོས་པ་སྤང། །རྨི་ལམ་གཟུགས་སྙན་དྲི་ཟའི་གྲོང་ཁྱེར་བཞིན། །བྱེད་པོ་བྱ་བ་དང་ནི་ལས་རྣམས་མཐོང། །མ་ཆགས་དུལ་དང་ཡང་དག་གཉེན་པའི་སེམས། །མཆོད་དང་སྦྱིན་པ་བཟོད་དང་བརྩོན་འགྲུས་བསྐྱེད། ་བདག་དང་བདག་གིར་སྤོང་ལ་མངོན་དགའ་བ། །དེ་དག་དངོས་གྲུབ་མཆོག་ལ་རེག་པར་འགྱུར།། །།ཡང་དེ་ནས་ནགས་ཚལ་དེ་ལས་ཁཊཱུ་ཛའི་འབྲས་བུ་གསེར་གྱི་མདོག་དང་མཉམ་པ་དག་བླངས ་ཏེ། ལམ་རྒྱགས་སུ་འཁུར་བར་བྱའོ། །འདིར་ནི་སྒྲུབ་པ་པོ་རང་ཉིད་ཀྱིས་ཇི་ཙམ་ལེན་ནུས་པ་དེ་འཁུར་བར་བྱ་ཡི། །ནམ་ཡང་ལྕིད་ཀྱིས་ནོན་པར་མི་འགྱུར་བས། །མི་ཐེག་པར་དོགས་པ་མི་བྱའོ། །ནགས ་དེ་ཉིད་དང་བར་འཚམས་མེད་པར་གངས་ཀྱི་རི་ཆུང་ངུ་ཆུང་ངུ་དག་གྲལ་དུ་སྒྲིགས་པས་ཤར་ནུབ་གྱིས་རྒྱ་མཚོའི་བར་ཁྱབ་པ་ཡིན་ནོ། །དེ་དག་ལས་ཆུ་འབབ་པ་ཐམས་ཅད་ཀྱང་ལྷོ་ཕྱོགས་ཀྱི་ངོས་སུ ་འབབ་པ་ཡིན་པས། དེ་དག་ཏུ་ཆུ་མང་པོ་ཅན་ནོ། །རི་དེ་དག་ལས་རྒལ་ནས་བྱང་ཕྱོགས་སུ་དཔག་ཚད་ལྔ་བཅུ་ཚུན་ཆད་ན་ནི་མཐུར་ཏུ་རུང་བའི་ཆུ་མེད་པ་ཡིན་ནོ། །འོན་ཀྱང་སྒྲུབ་པ་པོ་དེ་ལུས་སྟོབས་དང་ལྡན་པ ་དར་ཡང་བའི་ཕྱིར། །ཞག་བདུན་དུ་ཐད་ཆེན་པོ་དེའི་ཕ་རོལ་ཏུ་ཕྱིན་པར་འགྱུར་ལ། ཁཊཱུ?་ཛའི་འབྲས་བུ་དེ་ཟོས་པས། བཀྲེས་པ་ཡང་མེད། སྐོམས་པ་ཡང་མེད་དོ། །ཐད་དེ་འདས་པ་ན། སྔོན་མང་དུ་ཁྱེར ་དུ་ཟིན་ཡང་རུང་སྟེ། འབྲས་བུ་དེ་ཡང་ཟད་པར་འགྱུར་རོ། །དེའི་ནུབ་ཀྱི་མཚམས་ན། རི་བོ་ཤིན་ཏུ་དཀར་བ་ནགས་ཚལ་ཡིད་དུ་འོང་བ་དུ་མས་མཛེས་པ་ཞིག། རྒྱང་རིང་མོ་ནས་མཐོང་བར་འགྱུར་མོད་ཀྱི། ་སྒྲུབ་པ་པོ་དེར་འགྲོ་བར་མི་བྱའོ། །དེ་ཅིའི་ཕྱིར་ཞེ་ན་ནི་སྲིན་མོ་ཟངས་ཀྱི་མཆུ་ཅན་ལྔ་བརྒྱ་དག་གནས་ཏེ། ལྷ་མ་ཡིན་གྱི་ཕོ་ཉ་མོ་དེ་དག་གིས་སྒྲུབ་པ་པོ་ལ་འཚེ་བར་བྱེད་པའི་ཕྱིར་རོ། །དེ་ལྟ་བས་ན་བྱང་ཕྱོགས ་དྲང་བོའི་ལམ་པོ་ཆེ་བཟུང་ནས་འགྲོ་བར་བྱའོ། །ཉི་མ་གཅིག་གིས་རི་བོ་ཀེ་ཏ་ར་ཞེས་བྱ་བར་ཕྱིན་པར་འགྱུར་རོ། །དེ་ཡང་ཁ་དོག་ནག་ཅིང་ངན་པ། འཇིགས་པ་བསྐྱེད་པར་བྱེད་པ། ཀ་བ་བཙུགས་པ་ལྟ་བུ་དཔག་ཚད་བཅུའི་སྤངས་དང ་ལྡན་པ་ཡོད་དོ། །རི་དེའི་ནང་ནི་གསེར་དངུལ་འབའ་ཞིག་གིས་གང་བ་ཡིན་ཏེ། དེའི་ཕྱོགས་བཞིན་ནི་པདྨ་དང་ཨུཏཔ་གླའི་མཚོ། དང་བ་དང་ཙཀྲ་བ་ཀ་དང། ཀ་རཎྜ་ལ་སོགས་པ། ཆུ་ལ་རྒྱུ་པའི་འདབ་ཆགས་གཟུགས་དང་ཁ་དོག ་མཛེས་པ་སྐད་སྙེན་པས་གང་བ་དག་ཡོད་དོ། །རི་དེ་ལ་འཇིག་རྟེན་སྐྱོང་བ་འཕགས་སྐྱེས་པོ། །དུས་དུས་སུ་དགའ་ཞིང་རྩེ་བར་བྱེད་པ་ཡིན་ཏེ། ལྷ་མིན་གྱི་ལང་ཚེ་མ་དག་དང། གདུག་ཅིང་གཏུམ་པའི་ཀླུ་རྣམས་ཀྱི་བུ་མོ ་སྟུག་གུ་མ་སྟོང་སྙེད་ཀྱིས་མཆོད་པར་བྱེད་དོ། །དེའི་འཁོར་དུ་རྟོགས་པའི་ཡི་དགས་མཐུ་ཆེ་ཞིང། རྫུ་འཕྲུལ་ཆེ་བ་མང་པོ་དག་ཀྱང་ཡོད་དེ། དེར་སྒྲུབ་པ་པོ་དེ་ཅི་ཏེ་འབྱོར་བར་གྱུར་ན་ནི། རྩ་བ་དང་འབྲས་བུ་རྣམས་དང ་ན་རི་ཀ་ལའི་འབྲས་བུ་དང། ཤ་དང་ཉ་ཤ་དག་གི་གཏོར་མ་རྣམ་པ་སྣ་ཚོགས་པ་དག་བྱའོ། །ཅི་ཏེ་འབྱོར་པར་མ་གྱུར་ན་ཐམས་ཅད་ཡིད་ཀྱིས་བྱའོ། །དེ་ལ་སྔགས་ནི་འདི་ཡིན་ཏེ། ཨོཾ་བི་བི་བི་བི་བི་རུ་དྷ་ཀ། ས་པ་རི་ལཱ ་རོ་བྷཡ(མདོ་འགྲེལ་ཅི་དང། ལྷ་མིན་དང་སྲིན་པོ་དང། ཡི་དགས་དང། ཤ་ཟ་དང། མཁའ་འགྲོ་མ་རྣམས་ཀྱི་གནོད་པས་མི་ཚུགས་པར་འགྱུར་རོ།། །།འགའ་ཞིག་རྣམ་ཐར་གསུམ་གནས་གཞན་ནི་རྩེ་བའི ་བདག་ཉིད་དཔའ་པོ་དང། བྱིན་རླབས་རིམ་པ་ཕན་ཚུན་རྒྱུ་དང་འབྲས་བུར་མཁས་པས་རིག་པར་བྱ། འདོད་པའི་དཔུང་འཇོམས་དེ་ལས་དག་པའི་ལམ་ཏེ་གྲུབ་པ་རྗེས་སུ་འཇུག། མུན་པ་ཉམས་དང་དགའ་པའི་རྒྱུ ་ལས་རབ་བདེ་ཅི་ཕྱིར་ཐོབ་མ་ཡིན།། །།དེ་ནས་སྒྲུབ་པ་པོ་བྱང་ཕྱོགས་སུ་སོང་ན། མི་རིང་པ་ན་མེ་ན་ཀོ་ཞེས་པའི་རི་ཆེན་པོ་ཡོད་དེ། དེ་ནི་ཙམ་པ་ཀ་དང་ཀརྐོ་ལ་དང། མ་ར་ཀ་དང། ཀེ་ཏུ་ཀ་དང། ཀིམཔ་ཀ་དང། ་ནཱ་ག་པུཥཔ་དང། ཙན་དན་ས་མཆོག་རྣམས་ཀྱི་ནགས་ཀྱིས་བསྐོར་བ། རི་དེའི་ཁྲོད་ན་སྲིན་པོའི་བུ་མོ་རྟའི་གདོང་པ་ཅན་དང། ལྷ་མིན་མོ་དག་དང། ཀླུ་ཕྲན་གྱི་བུ་མོ་དག་གར་དང་དབྱངས་དང་རོལ་མོ་སྣ ་ཚོགས་པས་རྟག་ཏུ་རྩེ་བར་བྱེད་པ་དག་ཡིན་ཏེ། དེར་སྒྲུབ་པ་པོ་བུད་མེད་དེ་དག་ལ་ཆགས་པར་ཡང་མི་བྱ་གླུ་དང་རོལ་མོ་དེ་དག་ལ་དགའ་བར་ཡང་མི་བྱ་སྟེ། གཞན་དུ་ན་བསོད་སྙོམས་དག་བླངས་ཏེ་འགྲོ་བར ་བྱའོ། །དེའི་ཕ་རོལ་ན་ཆུ་བོ་ཆེན་པོ་ཤར་ནས་ནུབ་ཏུ་འབབ་ཅིང། རྦ་ཀློང་འཁྲུགས་པ་ཤིན་ཏུ་བགྲོང་བར་དཀའ་བ་ཡོད་ཏེ། ཆུ་ཀླུང་དེའི་མིང་ནི་ས་ཏྭ་ལོ་ཏ་ན་ཞེས་བྱའོ། །དེ་ལ་ནི་ཉ་རྣམས་ཁ་དོག་སྣ་ཚོགས་པ་དང། ་གདོང་རྣམ་པ་སྣ་ཚོགས་པ་དག་ཡོད་ཏེ། སྟག་དང། སེང་གེ་དང། གུང་དང། བ་ལང་དང། སྤྲེའུ་དང། ནེ་ཙོ་དང། །པྲ?་དང། མའི་གདོང་ལ་སོགས་པའོ། །ཆུ་ཀླུང་དེའི་སྐབས་འགའ་ན་ནི། རྡོ་ལས་སྐྱེས་པའི་ནྱ་གྲོ ་དྷའི་གདོང་པོ་ཡལ་གས་ཕན་ཚུན་གྱི་འགྲམ་དུ་ཁྱབ་པ་དག་ཡོད་དེ། ཤིང་དེ་ལ་བརྟེན་ནས་སྒྲུབ་པ་པོ་འགྲོ་བར་བྱའོ། །ཡང་ན་ནི་ཉའི་སྟོབས་ཀྱིས་འགྲོ་བར་བྱ་སྟེ། ཕྱོགས་དེ་དང་ཉེ་བ་ན། ལོ་ཧི?་ཏ་ཞེས་བྱ ་བའི་རི་དམར་པོ་ཆུང་ངུ་མང་པོ་དག་ཡོད་དེ། དེ་དག་ལ་ནི་ས་ལུ་དམར་པོ་དང། མུང་ག་དང། མན་ཌུ་བ་དག་མ་སྨོས་པར་སྐྱེ་བ་ཡིན་ཏེ། དེ་ལས་བླངས་ནས་ཟན་དུ་བཙོས་ཏེ། ཕྱོགས་ཕྱོགས་སུ་ཤིང་ལས་སྦྲང་རྩི་མང་པོ་ལྟུང་བ་དག ་ཀྱང་བླངས་ཤིང། དེ་དག་བསྲེས་ཏེ་ནམ་མཁའ་ཨི་མཛོད་ཅེས་བྱ་བ་འཕགས་པའི་སྔགས་ཀྱིས་ཡང་དག་པར་སྤེལ་ཞིང་སྤྱངས་ལ། སྔགས་འདིས་ཉའི་ཚོགས་རྣམས་ལ་གཏོར་མར་སྦྱིན་ནོ། །ོཾ་མཾ་མཾ་མཾ་མཾ་མཾ་མཏ་སྱ་རཱ་ཛ། ་མར་སྱ་ག་ཎ་ས་ཧི་ཏ་བྷུཉྫ་ཧོ་བཏཀྑ་ཧོ། སརྦ་མཏ་སྱ་ད་ཝ་ཏཱ་ཨི་མཾ་བ་ལིཾ་གྲིཧྞ་གྲིཧྞ་ཀ་ར་ཀ་ར་ཀི་རི་ཀི་རི་ཀུ་རུ་ཀུ་རུ་མ་ར་མ་ར་མི་རི་མི་རི་མུ་རུ་མུ་རུ། མ་མ་ཀཱ་ཏྱཾ་སྱ་དྷ་ཡ། སརྦ་བུདྡྷ་ཨ་ཛྙེ་བ་ཡ་ཏི་སྭཱ་ཧཱ། དེ་ལྟར་ལན་ལྔ ་བརྒྱར་གཏོར་མ་སྦྱིན་ཅིང། འདོད་པའི་ལྷ་ལ་གསོལ་བ་གདབ་པར་བྱའོ། །དེར་ཉ་རྣམས་ཀྱི་རྒྱལ་པོ་སྒྲུབ་པ་པོའི་མདུན་དུ་འོངས་པ་ལ། སྒྲུབ་པ་པོས་སྨྲས་པ། ཀྱེ་ཉའི་རྒྱལ་པོ། སེམས་ཅན་ཐམས་ཅད་ལ་ཕན་པའི་དོན་དང། བདེ ་བའི་དོན་བུ?་ཁོ་བོ་ནི་གྲོང་ཁྱེར་ཀ་ལཱ་པར་འགྲོ་ཡི། ཆུ་པོའི་ཕ་རོལ་ཏུ་བསྒྲལ་བར་མཛོད་ཅིག། གནས་འདི་ལ་ནི་དེ་བཞིན་གཤེགས་པ་རྣམས་དབང་པོའོ་ཞེས་བརྗོད་པར་བྱའོ། །དེ་ནས་ཉེའི་རྒྱལ་པོ་དེས་སྒྲུབ་པ་པོ་དེ་རྒྱབ་ཏུ་ཁུར ་ནས་ཆུ་བོའི་ཕ་རོལ་ཏུ་འགྲོ་བར་འགྱུར་རོ། །ཀ་ཀ་རའི་གངས་ཀྱི་བྱང་ཕྱོགས་ནས་ཆུ་བོ་འདིའི་བར་གྱི་ལམ་གང་ཡིན་པ་དེ་དག་ན་ནི། །མིའི་འགྲོ་བ་གནས་པ་མེད་དེ། གང་མི་མ་ཡིན་པའི་འགྲོ་བ་དང། གནོད་སྦྱིན་གཏུམ ་པོ་མི་བཟང་པ་དག་གནས་པ་ཡིན་ནོ། །འོན་ཀྱང་ལམ་འདི་དག་གི་ཤར་དང་ནུབ་ཏུ་དཔག་ཚད་ལྔ་བརྒྱས་བཅད་པའི་ཕ་རོལ་ན་ནི། གྲོང་དང་གྲོང་ཁྱེར་དང་གྲོང་ང་ལ་དག་ཀྱང་ཡོད་མོད་ཀྱི། ལམ་དེ་དག་ནས་སོང་ན་ནི། ལོ་བརྒྱ? ་ཕྲག་གིས་ཀྱང་གྲོང་ཁྱེར་ཀ་ལཱ་པར་ཕྱིན་པར་མི་འགྱུར་ཏེ་ཀུན་ཏུ་འཁོར་བར་འགྱུར་རོ། །ཆུ་ཀླུང་སཱི་ཏིའི་བྱང་ཕྱོགས་དེའི་བར་མཚམས་ཐམས་ཅད་ནི་རི་ཁ་བ་ཅན་མང་པོས་ཀུན་ཏུ་གང་བ་ཡིན་ནོ།། ་འོན་ཀྱང་གངས་ཀྱི་རི་བར་བཅད་པ་ནི་མེད་དོ། །དེ་ནས་ཆུ་ཀླུང་དེ་ཡོངས་སུ་རྒལ་བའི་བྱང་ཕྱོགས་ན་ནི། འཛམ་བུའི་གླིང་གི་བྱང་ཕྱོགས་ཀྱི་གྲོང་ཁྱེར་རྣམས་ཡོད་དེ། ཡུལ་དང་གྲོང་དང་གྲོང་ཁྱེར་དང་གྲོང་རྡལ་དག ་གི་གང་པ། རབ་ཏུ་འབྱོར་པ་དང་བདེ་བ་དང་ལོ་ལེགས་པ་ཡིན་ནོ།། །།གང་ལ་སྙིང་རྗེའི་བདག་པོ་ནི། །མིག་གསུམ་གཟུགས་ཀྱིས་གནས་པ་ཏེ། །དེ་ཡི་གནས་ཀྱིས་མཚན་པས་ན། །ཤམྦྷ་ལ་ཞེས་རབ་ཏུ ་གྲགས། །གང་ལ་ཤམྦྷ་ལས་མཚན་པ། །སེང་གེས་མཚན་པའི་རྒྱལ་མཚན་ནི། །སེང་གེའི་རྒྱལ་མཚན་རབ་གྲགས་ལྟར། །ཤམྦྷའི་ཡུལ་ཞེས་དེ་ལ་བརྗོད། །གང་ན་ཀླ་ཀློ་མེད་པ་དང། །བདེན་སྨྲ་བརྫུན་པ་མ་ཡིན་དང ་མུན་པའི་སྟོབས་ནི་ཉམས་གྱུར་ལ། །སྙིང་སྟོབས་ཡོན་ཏན་རྒྱས་པ་ཡིན།། །།ཆུ་བོ་དེ་དང་ཀཻ་ལ་ཤའི་བར་གྱི་ཡུལ་ནི་རྣམ་པ་མང་པོ་སྟེ། །ཉ་ཞེས་བྱ་བའི་ཡུལ་དཔག་ཚད་ཉི་ཤུའོ། །བུ་ལ་ནི་དོ་ཞེས་བྱ་བ་ཡང ་དཔག་ཚད་ཉི་ཤུའོ། །བྷ་ང་སྱ་ན་ཞེས་བྱ་བ་དཔག་ཚད་བརྒྱའོ། །ཙཱི་ན་ཞེས་བྱ་བ་དཔག་ཚད་སྟོང་སྟེ་དབུས་ཀྱི་ཆ་ལའོ། །དར་དོ་ཞེས་བྱ་བ་དཔག་ཚད་བརྒྱའོ། །ཀུ་རུ་ཞེས་བྱ་བ་ཡང་དཔག་ཚད་བརྒྱའོ། །བྷ་དེ་ཀ་ཞེས་བྱ་བ ་དཔག་ཚད་ལྔ་བཅུའོ། །དེ་དག་གི་ཕ་རོལ་ན། གནདྷར་ཞེས་བྱ་བ་དཔག་ཚད་ཉི་ཤུའོ། །ཀཱ་ཤ་ཞེས་བྱ་བ་དཔག་ཚད་ཉི་ཤུའོ། །བྷ་ཏྲ་ཞེས་བྱ་བ་དཔག་ཚད་ཉིས་བརྒྱའོ། །མཧཱ་ཙཱི་ན་ཞེས་བྱ་བ་དཔག་ཚད་སྟོང་སྟེ་དབུས ་ཀྱི་ཆ་ལའོ། །དྷ་ར་དྷཽ་ཞེས་བྱ་བ་དཔག་ཚད་བརྒྱ་ཏེ་རིའི་ངོས་ལ་གནས་པའོ། །བྲི་གི་ཀ་ཞེས་བྱ་བ་དཔག་ཚད་ཉིས་བརྒྱའོ། །དེ་དག་གི་ཡང་ཕ་རོལ་ན། མ་ཧི་ཥ་ཀ་ཞེས་བྱ་བ་དཔག་ཚད་ཉིས་བརྒྱའོ། །མ་ཧི་ལ་ཀོ་ཞེས་བྱ་བ་དཔག ་ཚད་སྟོང་ཏེ་དབུས་ཀྱི་ཆ་ལའོ། །བརྦ་ར་ཞེས་བྱ་བ་དཔག་ཚད་ཉིས་བརྒྱའོ། །པུ་ཏཱ་ཕ་ལ་ཞེས་བྱ་བ་དཔག་ཚད་ལྔ་བརྒྱའོ། །དེ་དག་གི་ཕ་རོལ་ན། །ཀ་ཌུ་ཀ་ཞེས་བྱ་བ་དཔག་ཚད་ལྔ་བཅུའོ། །བཱ་ར་ཞེས་བྱ་བ་དཔག་ཚད ་ལྔ་བརྒྱ་ཏེ་དབུས་ཀྱི་ཆ་ལའོ། །ཀོམཔ་ཇི་ཞེས་བྱ་བ་དཔག་ཚད་བརྒྱའོ། །དེ་དག་གི་ཤར་དང་ནུབ་ཀྱི་ཆ་དག་ལ་ཡང། །ཡུལ་འཁོར་དང་གྲོང་ཁྱེར་གཞན་དག་ཀྱང་ཡོད་དོ།། །།དེ་དག་ཆུ་ནི་མང་པོ་དང། །མཚོ ་དང་མཚོ་བྲན་དུ་མས་བརྒྱན། །གངས་ཀྱི་རི་དང་རི་པོ་བཟང། །སྨན་ལྗོངས་ཉམས་དགའ་དུ་མ་དང། །ནགས་དང་ཀུན་དགའ་ཡིད་འོང་དང། །སྨན་རྣམས་དག་གི་གང་བ་ཡིན། །རྒྱལ་པོའི་ཕོ་བྲང་སྣ་ཚོགས་དང། །ཚོད་འདུས ་དང་ནི་ཚོང་ཁང་དང། །ཟོང་རྣམས་རྣམ་པ་སྣ་ཚོགས་དང། །ཡོ་བྱད་རབ་ཏུ་རྒྱས་པ་ཡོད། །དེ་ན་འཇིགས་པ་འགའ་ཡང་མེད། །ཉམས་དར་གྱུར་པ་ཡོད་མ་ཡིན། །འོན་ཀྱང་དེ་ལ་མི་ལྟ་སྟེ། །སྲིད་པས་སྒྲུབ་པོའི ་གགས་བྱེད་དོ། །གྲོང་ཁྱེར་མཆོག་ནི་ཀ་ལ་བ། །འབའ་ཞིག་བསམས་ཏེ་འགྲོ་བར་བྱ། །རྒྱ་ཡུལ་རྒྱ་ཡུལ་ཆེན་པོ་དང། །བ་ཡི་ལ་ཀོ་ཁ་ར་རྣམས། །བྱང་ནས་བྱང་དུ་བགྲོད་བྱ་སྟེ། །ལམ་དེ་ཤིན་ཏུ་རིང་བ་ཡིན། །སྟོང ་ཕྲག་མང་པོ་དེ་དག་ཀྱང། །སྔགས་ཀྱི་ཤུགས་འཆད་དེ་ཡིས་ནི། །ཞག་བདུན་ཟླ་བ་ཕྱེད་ལ་སོགས། །ཟླ་དྲུག་ལས་གཞན་ལྷག་པས་མིན། །དེ་རྣམས་ལས་ཀྱང་རབ་རྒལ་ན། །འབྱུང་ཁུངས་རྣམ་པ་སྣ་ཚོགས་ཡོད། ། ་ཁ་ཅིག་ལ་ནི་དུག་གི་རྒྱུན། །ཁྱད་པར་ཁྱད་པར་ལྡན་པ་བབས། །གསར་གྱི་རྡུལ་བརྩེགས་རི་བོ་དང། །དེ་བཞིན་དངུལ་དང་ཟངས་ཀྱི་སྡེ། །ཁ་ཅིག་ལྕགས་དང་ཨ་བྷ་དང། །རང་གི་བྷད་ག་དེ་བཞིན་ནོ།། ་དེ་དག་ས་འདི་འཐུག་པོ་དང། །བྱེ་མ་རྡོ་བས་གཡོགས་པ་ཡིན། །གསེག་མ་རྣམ་པ་སྣ་ཚོགས་དག། ཁ་ཅིག་རིན་ཆེན་དུ་མས་ཁྱབ། །ཡུལ་དེ་དག་གིས་ཕྱོགས་ན། །རྩ་དང་ལྗོན་ཤིང་རྣམ་པར་སྤངས། །ནོར་བུ ་ཇི་བཱནྟི་དང་ནི། །བྱུ་རུ་རྣམ་བ་དུ་མ་སྐྱེས། །གསེར་ལས་འཆི་བར་བྱེད་པའི་ཆུ། །སྨྱོ་བར་བྱེད་པ་དངུལ་ལས་ཏེ། །གཞན་ནི་སྤུ་དང་ལྤགས་པ་ལྟུང། །ཁ་ཅིག་དུ་མའི་ནད་རྣམས་སོ། །འབྱུང་ཁུངས་དག་ནས་དཔག་ཚོད ་གསུམ། །འདས་ན་དྲི་དྲལ་ཆུ་ཉིད་དེ། །སྒྲུབ་པོ་སྔགས་ཀྱི་མཐུ་ཡིས་ནི། །དེ་ཀུན་ཡོན་ཏན་བྱེད་པ་ལས་སོ། །གསེར་གྱི་ཚེ་ནི་རིང་པོ་སྟེ། །དངུལ་གྱི་དེ་བཞིན་མདངས་བཟངས་བ། །ལྷག་མ་གང་རྣམས་དེ་རྣམས་ཀྱི། །ནད་ཀུན ་འཇིགས་པར་བྱད་པ་ཡིན།། །།ཡང་དེ་དག་རྒལ་བའི་ཕ་རོལ་ན། །རི་ལྔ་བ་ཞེས་བྱ་བ། རིན་པོ་ཆེ་དུ་མས་བརྒྱན་པ། །ཤིང་ཨ་དྲ་དང། སྭ?་ལ། ཤལམ་ལི་དང། སཱ་ལ་དང། ཏམ ་ལ་དང། ད་ཤཱ་མ་དང། ནིཥ་ཀླ་ར་དང། ཨ་མྲ་དང། ཀ་ར་བཱི་ར་དང། ཤི་ལིན་དང། བ་ཀུ་ལ་དང། གནདྷ་མོད་དང། མ་དོ་དྷ་མ་ལ་སོགས་པ་ལྗོན་ཤིང་གི་རིགས་བརྒྱ་ཕྲག་དུ་མས་གང་བ་ཡིན་ནོ། །རི་དེ་ལ་ནི ་ནི་སད?་མ་ཅི་དང། མི་འམ་ཅི་མ་དག། འདོད་པའི་ཡོན་ཏན་སྣ་ཚོགས་ཀྱིས་རྩེ་བར་བྱེད་ཅིང། །རྟག་ཏུ་དགའ་བས་གནས་པ་ཡིན་ནོ། །དེ་རྣམས་ཀྱི་སྒྲུབ་པ་པོ་ལ་འདྲིད་པར་བྱེད་པའི་ཕྱིར། །རབ་ཏུ་སྙན་པའི་གླུ་དང ་རོལ་མོ་བྱེད་པ་དག་ཀྱང་ཡོད། སྡིག་པའི་ཕྱིར་འཇིགས་པའི་སྒྲ་འབྱིན་པ་འམ། གཟུགས་སྣ་ཚོགས་སུ་བསྒྱུར་བ་དག་ཀྱང་ཡོད། རབ་ཏུ་སྐྱོ་བ་རེ་བྱེད་པའི་ཕྱིར། དུད་མོ་ལ་སོགས་པ་སྣ་ཚོགས་པ་སྦྱོར་བར་ཡང་བྱེད་དོ། །དེ་དག་ལ ་སྒྲུབ་པ་པོ་ཆགས་པར་མི་བྱ། འཇིགས་པར་མི་བྱ། སྐྱོ་བར་མི་བྱ། སྟེ། གཞན་དུ་ན་སྟོང་པ་ཉིད་ཀྱི་གནས་པས། ཟིལ་གྱིས་གནན་ཏེ་འགྲོ་བར་བྱའོ། །གལ་ཏེ་རྣམ་པ་དེ་ལྟ་བུ་ལས་གཞན་པས་འགྲོ་ན་ནི། སྒྲུབ་པ་པོ་ལ་སྡུག ་བསྔལ་ཆེན་པོ་སྟེར་རོ། །དེ་ནས་རི་བོ་དེ་ཡང་འདས་པ་ན་བྷོ་ན་དང་ལས་སུ་དཱ་བྷོ་ན་དང། སྲ་བྷོ་ན་ཞེས་བྱ་བའི་ཡུལ་ཆུང་ངུ་དག་ཡོད་དོ། །དེ་དག་ན་ནི་རྡོ་རྗེ་མཁའ་འགྲོ་མ་དག་མིའི་བུ་མོ་རྫུ་འཕྲུལ་ཅན་གྱི་རྣམ་པར་གནས་སོ།། ་དེར་སྒྲུབ་པ་པོས་ཞག་བདུན་དུ་གནས་པར་བྱ་ཞིང། གསོལ་བ་གདབ་པར་བྱའོ། །དེ་ནས་དེ་རྣམས་ཀྱིས་སྨྲས་བ། ཀྱེ་སྒྲུབ་པ་ཁྱོད་ལ་ཅི་ཞིག་དགོས། །སྒྲུབ་བ་པོས་སྨྲས་པ། བདག་གྲོང་ཁྱེར་ཀ་ལཱ་བར་མྱུར་དུ ་བསྒྲོད་པར་མཛད་ཅིག་།དེ་ནས་མི་མོ་རྫུ་འདུལ་དང་ལྡན་པ་གཅིག་ཅིག་གིས། སྒྲུབ་པ་པོ་བྲག་པ་ལ་ཐོགས་ཏེ། དཔག་ཚད་བཞི་ཡིས་མཐོ་བའི་གངས་ཀྱི་རི་བོ་ཆེན་པོ་དང། གངས་ཁྲོད་ཀྱི་ལམ་དཔག་ཚད་བརྒྱ་ཕྲག ་ལྷག་པ་ཡང། ཆུ་ཚོད་གཅིག་གིས་མངོན་པར་བསྒྲོད་ནས། རི་བོ་ཙནྡྲ་ཀ་ལ་ཞེས་བྱ་བ་ཤིང་ཧི་ན་ཏ་ལ་དང། མ་ཏཱ་ལ་དང། ཀོ་ལ་ཀ་དང། སིནདྷུ་རྦ་ར་དང། ན་གུ་མལ་དང་འཀདྭནད་ད་པད་སོ་མ་ལརྡྷ?་དང། ་ས་མ་ན་དང། ནི་བུ་ལ་ད་དང། བི་དུ་རྨ་དང། ཏིན་བུ་ལ་སོགས་པ་སྣ་ཚོགས་པས་ཡོངས་སུ་གང་བ། སྨན་ལྗོངས་ཤིན་ཏུ་ཉམས་དགའ་བ་དང་བཅས་པ་དེར་ཕྱིན་པར་བ་གྱུར་པའོ།། །། ་སྒེག་པའི་གཟུགས་ལའང་དགའ་མིན་ཏེ། །ཆ་བྱད་འཇིགས་ལའང་དེ་བཞིན་ནོ། །རྡོ་རྗེའི་མིག་དང་ལྡན་དེ་དག། །དགེ་བར་སྤྱོད་ལ་དགེས་བར་གྲགས། །དེ་དང་སྡིག་ལྡན་རྣམས་ལ་ཡང། །སྙིང་རྗེ་ལྡན་རྣམས ་མཉམ་པར་བྱམས། །སྒྲུབ་པོ་རང་ཉིད་སྡིག་པ་ནི། །ཟད་པས་བདེ་བར་སྣང་བ་ཡིན།། །།རི་བོ་དེ་ནི་ཤམྦྷ་ལའི་ཡུལ་མཛའ་ཡིན་ཏེ། ཕྱོགས་དེ་ན་འཕགས་མ་བྷྲི་ཀུ་ཊཱི་ཐོར་ཚུགས་གཅིག་མ་བཞུགས་སོ། ། ་དེ་ལ་མེ་ཏོག་ཀུན་ད་དང། ཀུ་སུམྦྷའི་མེ་ཏོག་གིས་སྦྱིན་སྲེག་སྟོང་ཕྲག་བརྒྱད་ཕུལ་ནས། །དངོས་གྲུབ་ཀྱི་དོན་དུ་གསོལ་བ་བཏབ་ཏེ་འགྲོ་བར་བྱའོ། །དེ་ལས་གངས་ཀྱི་པུཎྚ་རཱི་ཀ་གཅིག་དག་བླངས་ཏེ། ཨོཾ་ཤྭ་ཏ་ཤྭེ་ཏ ་ཤྭེ་ཏ་ཛཱ་ཊཱི་ནི་ཤྲུ་ཏི་སྨྲི་ཏི་བི་ཛ་ཡ། བྷྲིཾ་སྭཱཧཱ། ཞེས་པའི་རིག་པ་ལྔ་སྟོང་དུ་བཟླས་ནས། སྤྱི་བོར་བཅིངས་པ་ཙམ་གྱིས་གནོན་སྦྱིན་གཏུམ་པོ་མཛའ་དག་དབང་དུ་བྱེད་པ་དང། ཐམས་ཅད་ལ་འཇུག་པའི་ཤེས་རབ་ཐོགས་པ་མེད ་པ་སྐྱེ་བར་འགྱུར་རོ། །དེ་ནས་བྱང་ཕྱོགས་སུ་སོང་ཏེ། མེ་གྷ་ཀེ་རུ་ཞེས་བྱ་བའི་ཡུལ་ལོ། །དེའི་ཡང་ཕ་རོལ་ན་སཱ་ལ་དང། ཏ་ལའི་ནགས་ཆེན་པོ་དག་ཡོད་དེ། ནགས་དང་གྲོང་ཁྱེར་དེ་དག་གི་གཞི་ལ་དཔག་ཚད་བརྒྱས ་ཡོངས་སུ་བཅད་པ་ཡིན་ནོ། །དེ་དག་གི་ཡང་བྱང་ཕྱོགས་སུ་སོང་བ་ན། ཤུ་ནི་ཀ་ར་ཎ་ཞེས་བྱ་བའི་ཡུལ་དང། བི་བི་ཛ་ལ་ཞེས་བྱ་བ། ཁ་དི་ར་དང་ཙན་དན་གྱི་ནགས་ཆེན་པོ་དག་ཡོད་དེ། །དེ་ཡང་བསྒྲོད་པར་བྱ་བ ་དཔག་ཚད་བརྒྱ་པ་ཡིན་ནོ། །དེའི་ཕ་རོལ་ཏུ་ལྗོངས་ཆེན་པོ་སམ་སུ་ཁ་ཞེས་བྱ་ཡོད་དེ། གང་འཛམ་བུ་གླིང་ན་ཡོད་པའི་ཤིང་གི་རིགས། གང་ཡིན་པ་དེ་ཐམས་ཅད་ཡུལ་དེ་ན་ཡོད་དེ། མ་ལུས་ཤིང་ལུས་པ་མེད ་པས་བརྒྱན་པའོ། །དེའི་ཕ་རོལ་ན་ཀུན་ཏུ་དགའ་བ་ཞེས་བྱ་བའི་ནགས་ཡོད་དེ། དེ་ཡང་འདས་པའི་ཕ་རོལ་ན་གྲོང་ཁྱེར་ཀ་ལཱ་པ་ཡོད་དོ། །དེར་སྒྲུབ་པ་པོས་བྱང་ཆུབ་སེམས་དཔའ་སེམས་དཔའ་ཆེན་པོ་མི་བདག་གི་རྣམ་པ་འཛིན་པ ་དེ་ལས། ཆོས་ཉན་པ་ཐོབ་པར་བྱ་བའི་ཕྱིར། ཕོ་བྲང་ཆེན་པ་ཀ་ལཱ་པ་དེའི་ཕྱོགས་བཞི་ཀུན་ནས་ཕྱག་འཚལ་བར་བྱ། །གདུག་སྤོས་ཀྱང་བཏུལ་བར་བྱ། །མེ་ཏོག་དག་ཀྱང་གཏོར་བར་བྱ། །བསྐོར་བ་དག་ཀྱང་བྱ་སྟེ། ཡང་ན ་ནི་ཞག་གཅིག། ཡང་ན་ནི་ཞག་བདུན། ཡང་ནི་ནི་ཟླ་བ་ཕྱེད། ཡང་ན་ནི་ཟླ་བ་གཅིག་གོ་།དེ་ལྟར་སྒྲུབ་པ་པོ་ཉིད་ཀྱི་ཇི་ལྟ་ཇི་ལྟར་སྡིག་པ་ཟད་པ། གྱུར་བ་དེ་ལྟ་དེ་ལྟར། མི་བདག་བྱང་ཆུབ་སེམས་དཔའ་ཨི་བཀའ་ ་ཡིས་གནང་བ་བྱིན་ཏེ། གང་གི་ཞབས་ཀྱི་པདྨའི་དྲུང་དུ་འཁྲིད་པར་བྱེད་དོ། །གང་གི་ཆེ་སེམས་དཔའ་ཆེན་པོ་མཐོང་བ་དེའི་ཚེ། སེམས་ཤིན་ཏུ་མཉམ་པར་བཞག་པ་དང། གཡོ་བ་མེད་པ་དང། དང་བའི་སེམས ་ཀྱིས་དབྱུག་པ་འགྱེལ་པ་ལྟར། ཡན་ལག་བརྒྱད་དང་ལྡན་པ་རབ་ཏུ་འདུད་པས། ལན་བརྒྱ་སྟོང་དུ་མར་ཕྱག་བྱའོ། །རིན་པོ་ཆེ་འམ་མེ་ཏོག་དག་ཀྱང་གཏོར་བར་བྱའོ། །གལ་ཏེ་དེ་སྒྲིབ་པ་བཤེས་ཆུང་བ་ཞིག་ཡིན ་ན་ནི། དེའི་ཞབས་ལ་མགོ་བོས་བཏུགས་པ་ཙམ་གྱིས་འདོད་པའི་དངོས་གྲུབ་ཐོབ་པར་འགྱུར་རོ། །རྣམ་པ་གཞན་ནི་བྱང་ཆུབ་སེམས་དཔའ་དེའི་བཀའ་ལས་འདོད་པའི་དངོས་གྲུབ་ཏུ་འགྱུར་ལ། །དེ་བཞིན་དུ་གཞན ་ཡང། །དངོས་གྲུབ་ཕྲ་མོ་དག?་དང། ཤེས་པ་དག་ཀྱང་ཐོབ་པར་འགྱུར་རོ། །ཅི་ཏེ་འཛམ་བུའི་གླིང་གི་ལྷོ་ཕྱོགས་སུ་སྐྱེ་བོ་མང་པོ་ལ་ཕན་པ་དང་བདེ་བའི་དོན་དུ་ངེས་པར་བསམས་པ་ཡིན་ན་ནི། དེའི་ཐབས་གང་ཡིན ་བ་དེ་ཡང་དྲི་བར་བྱ་ཞིང། དེས་ཇི་སྐད་བསྟན་པ་བཞིན་དུ། སྒྲུབས་ན་དེ་ཁོ་ན་བཞིན་དུ་འགྲུབ་པར་འགྱུར་རོ། །དེ་ནས་སྒྲུབ་པ་པོས་ཡུལ་གྱི་མཆོག་དང་མཆོག་དེ་དག་བལྟ་བར་བྱ། །དེ ་བཞིན་གཤེགས་པས་གསུངས་པའི་གླེགས་བམ་དག་ཀྱང་མངོན་དུ་བྱ། གཙུག་ལག་ཁང་རྣམ་པ་སྣ་ཚོགས་པ་དང། མཆོད་རྟེན་རྣམ་པ་དུ་མ་དེ་དག་ལ་ཡང་ཕྱག་འཚལ་བར་བྱ། སྨོན་ལམ་དག ་ཀྱང་གདབ་པར་བྱའོ།། །ཡུལ་དེ་ཟླུམ་པོར་མཉམ་པ་ཏེ། །གངས་དང་ལྡན་པས་བསྐོར་བ་ཡིན། །འབྱུང་པོ་ཡི་ནི་ཕྱོགས་ཆ་ན། །དཔག་ཚད་ལྔ་བཅུར་འཕགས་པ་ནི ་མཆོག་དང་གྲགས་པ་རབ་ལྡན་པ། འབྱུང་པོའི་དབང་པོ་མགྲིན་སྔོན་གྱི། །རྟག་ཏུ་བརྟེན་ཅིང་དགེ་བའི་ས། །རི་དབང་ཀཻ་ལ་ཤ་ཞེས་བྱའོ། །སྣ་ཚོགས་རིག་པ་སྨན་གྱི་ལས། །སྒྱུ་རྩལ་དབྱེ་བ་གཞན་དང་གཞན།། ་བཟོ་རྣམས་དུ་མ་མཛའ་ཡས་པ། །ཉིན་དང་ཉིན་ལ་རྟག་ཏུ་སྤྱོད། །ཕོ་བྲང་མཆོག་ནི་ཀ་ལཱ་པ། །རིན་ཆེན་སྣ་ཚོགས་ལས་སྒྲུབས་ཤིང། །གྲུ་བཞི་ལྷམ་པའི་གཞི་ལ་གནས། །ལྷ་ཡི་བཟོ་བོས་བྱས ་པ་ཏེ། །གྲོང་ཁྱེར་དེ་ཡི་གཡས་ངོས་ན། །ཙན་དན་ཨ་ཀར་ནགས་ཀྱིས་ཁྱབ། །དངས་ཤིང་གསལ་བ་ཡིད་འོང་བའི། །ཡིད་ཀྱི་མཚོ་དག་ཡོད་པ་ཡིན། །གང་ཞིག་ཡུལ་དེའི་དབུས་ན་ནི། །དེ་བཤད ་དེ་དག་གནས་པའོ། །ནགས་རྣམས་དང་ནི་ལྗོངས་དག་གི་།འཕྲེང་བ་རིམ་པ་གསུམ་གྱིས་མཛེས། །གྲོང་རྡལ་ཉི་ཤུ་རྩ་བརྒྱད་དང། །ཡུལ་ཕྲན་དུ་མས་རྣམ་པར་བརྒྱན། །ཕྱོགས་མཚམས ་ཀྱི་ནི་ལམ་དག་ན། །རྩེ་མོ་བརྒྱད་དང་བརྩེགས་པ་ཡང། །དེ་རྣམས་ལ་ནི་གོ་དགོས་པའི། །སྲུང་བ་པོ་ནི་འབུམ་ཕྲག་ཡོད། །གངས་དང་རི་བོ་དེ་དག་ལ། །གླང་ཆེན་སྤོས་ཀྱི་གླང་པོ་དང། །མཆེ་བ་དྲུག་པ་མུ་ཏིག་ཅན། ་ནགས་ཚལ་རི་དགས་དུ་མས་མཛེས། །གདོང་ལྔ་པ་དང་རྐང་བརྒྱད་པ། །གླང་པོའི་གདོང་དང་བྱ་ཚོགས་དང། །འདབ་ཆགས་སྐྱེས་བུའི་ལུས་ཅན་ཡོད། །དབུས་ལས་རྒྱབ་ཀྱི་ཕྱོགས་ཆ་ན། །རྒྱང་གྲགས ་ཚད་ཀྱི་རི་བོ་བཟང། །མཚར་དུ་མངར་བ་བཅུ་ཡིན་ཏེ། །བཟང་སྐྱོང་ལྷུན་པོ་རྩེ་འཛིན་དང། །ས་ཡིས་སྙིང་པོ་གཙུག་ཕུད་འཛིན། །ཧ་ལཱ་ཧ་ལ་སྒྲོལ་མཛད་པ། །ལྕང་ལོའི་བདག་པོ་སྐྲ་ཅན་མ། །དོན་དམ ་ཡང་དག་འཕགས་དེ་བཞིན། །བཅུ་པ་མ་རྒྱལ་བ་ལས་རྒྱལ། །དེ་དག་རྣམས་ཀྱིས་བརྟེན་པ་ཏེ། །བྱེ་བ་ཕྲག་བརྒྱའི་ཆོས་ཀྱི་གནས། །རྟག་ཏུ་བྱང་ཆུབ་སེམས་དཔའ་ནི། །སྟོང་ཕྲག་བཅུ་བཅུས་སྟེན་ང? ་ཡིན། །ཀཻ་ལ་ཤ་ཡི་འགྲམ་དོགས་ན། །མཁའ་ཁམས་རྡོ་རྗེ་རྣམས་པར་གནས། །སྟོང་ཕྲག་བརྒྱད་ཀྱི་སྨན་རྣམས་དང། །མཐུ་ལྡན་སྲོག་ཆགས་དུ་མ་དང། །མེ་ཏོག་འབྲས་བུའི་ཁྱད་པར་ཀུན། །དེ་ན་རྟག ་ཏུ་སྤྱོད་བ་ཡིན། །མུ་ཏིག་ཟླ་བ་ཆུ་ཤེལ་དང། །དམར་པོ་ཨིནྟྲ་ནཱི་ལ་དང། །མར་ཏ་ཀ་དང་གཡས་སུ་འཁྱིལ། །པུཥཔ་ར་ག་བྱུ་རུའི་སྟེ། །སྨ་གརྦྷ་གསེར་ལ་སོགས། །ཁམས ་རྣམས་སྣ་ཚོགས་མཛའ་ཡས་ཡོད། །དངུལ་ཆུའི་ཁྱད་པར་མང་པོས་གང། །པ་རུ་ཤ་ཀ་བཻཌུརྱ། །དེ་ན་སྙེད་པར་དཀའ་མིན་ཏེ། །ཁ་ཟས་རོ། །བཅུད་སྣ་ཚོགས་པ། །དེ་དག ་མི་འབྱུང་གང་ཡང་མེད། །སྣ་ཚོགས་གོས་ཀྱི་ཁྱད་པར་ནི། །བསམ་པ་ཇི་བཞིན་བགོ་བྱད་ཏེ། །དགེ་མིན་ལས་ཀྱི་ལམ་བཅུ་པོ། །རྟག་ཏུ་སྤྱོད་པའི་སྐྱེ་བོ་ཉུང། །ཕལ་ཆེར་དགེ་ལ་གནས་པ་ཡིན། ། ་ཐེག་པ་གསུམ་གྱི་ལམ་གནས་པའི། །དྲང་སྲོང་དཔག་ཏུ་མེད་པས་བརྟེན། །ཐམས་ཅད་ལྷ་ཡི་སྐད་དུ་སྨྲ། །དེ་ན་གནས་པའི་མི་རྣམས་ནི། །ཚེ་ནི་ལོ་བརྒྱ་ལས་མི་ཐུང། །དུས་མིན་འཆི་བ་ཉུང་པ་ཡིན། །རྟག་ཏུ ་འདོད་ལ་དགའ་བར་སྤྱོད། །འོན་ཀྱང་དགེ་བ་ལས་མི་ཉམས། །ཆོས་དང་འདོད་པ་དེ་བཞིན་གཞན། །ནོར་དང་ཐར་པའི་དོན་ཅེས་པ། །རྫོགས་ལྡན་བཞིན་དུ་རབ་སྤྱོད་ཏེ། །འདི་མཚུངས་གཞན་ནི་ཡོད་མ་ཡིན། ། ་རྒྱལ་པོའི་བུ་ནི་གང་བཙེས་པར། །ནོར་བུ་རིན་ཆེན་འོད་འགྱུར་ལ། །ཞག་བདུན་འོད་བཟང་འཕྲོ་འགྱུར་བ། །དེ་ནི་བྱང་ཆུབ་སེམས་དཔར་ཤེས། །གང་གིས་སྔོན་ཆད་མ་མཐོང་བའི། །མེ་ཏོག་རབ་ཏུ་རྒྱས་པ་ཆེ། ། ་ཁྱིམ་དུ་མངོན་པར་སྐྱེས་གྱུར་པ། །དེ་ནི་ལྷ་ཡིས་ཡན་ལག་མའོ། །མི་བདག་ཡན་ལག་མར་བཅས་པ། །རྒས་པ་མེད་ཅིང་ན་མེད་སྟེ། །འཇམ་པོའི་ཁྲིམས་ཀྱིས་རྟག་ཏུ་མཚོ། །འཁོར་ལོས་སྒྱུར་དང་མཚུངས ་པ་ཡིན། །རྟག་ཏུ་བྱང་ཆུབ་སེམས་དཔའ་དང། །དྲང་སྲོང་སྔགས་ཀྱི་སྤྱོད་པ་ཅན། །ཡང་དག་རིག་པ་ཉིད་སྟོན་གྱི། །རྟོག་གེས་བགྲོད་མེད་དེ་མིང་ཙམ། །ལས་རྣམས་རྣམས་པ་སྣ་ཚོགས་དང། ་གྲུབ་པ་བརྒྱད་ལ་སོགས་རྣམས་དང། །གང་གཞན་དངོས་གྲུབ་སྣ་ཚོགས་དག་།དེར་ནི་མངོན་སུམ་རྙེད་དཀའ་མིན། །ཟླ་བ་རེ་རེར་སྒྲུབ་པ་པོ། །འདི་དེ་འདོད་པའི་དངོས་གྲུབ་ཅེས། །ཆོས་ཀྱི་འགའ་ ་བའི་གཏམ་ཆེན་པོས། །རྟག་ཏུ་ངོ་མཚར་དགའ་བ་ཡིན། །ཆགས་བྲལ་བྱེད་དང་དགའ་བ་དང། །སྤྱོད་པ་གཅིག་ཏུ་དགེ་བའི་བློས། །དག་པའི་སེམས་ནི་གཉེན་གཤིན་པ། །སྦྱིན་དང་བཟོད་དང་དུལ་བ་དང། །མི་མཚེ ་བ་དང་རྩེ་གཅིག་དང། །རིག་དང་ཤེས་དང་ལེགས་པར་ཐོས། །བསམ་གཏན་ཟླས་དང་མཆོད་དེ་བཞིན། །ཡང་དག་དེ་ཉིད་སྒྲོམ་པའོ། །དེ་སྐད་གསུངས་པས་འདུས་པ་དེ། །ཐམས་ཅད་རྗེས་སུ་ཡི་རང་འགྱུར། ། ་སྐལ་བཟང་ལྡན་པ་ལྔ་བརྒྱ་པོས། །ཡང་ཡང་འདུད་ཅིང་བསྐོར་བ་བྱས། །དེ་ནས་རྩེ་ལྡན་འཇིག་རྟེན་མགོན། །རབ་ཏུ་གཞད་ཅིང་ལེགས་སོ་ལེགས། །སྐྱེ་བོ་མང་པོ་གྲོལ་དོན་དུ། །དོན་ཡོད་ལྕགས་ཀྱུས་འདི ་བཤད་དོ། །འཁོར་རྣམས་ཀྱིས་ནི་འདི་བཟུང་ནས། །རྟག་ཏུ་བཅད་ཞིང་ཆུབ་པར་གྱིས། །བློ་གྲོས་ལྡན་པ་ལྔ་བརྒྱ་པོ། །ཏིང་ངེ་འཛིན་གྱི་ཤུགས་ཐོབ་ནས། །གྲོང་ཁྱེར་དྲུག་ཏུ་ཡུད་ཀྱིས་སོང། །ཐེག་མཆོག་ཆོས ་ནི་རབ་བཤད་ནས། །རིམ་པའི་ཆོ་ག་འདི་ཉིད་ཀྱིས། །གྲོང་ཁྱེར་ཀ་ལཱ་པར་སོང་ངོ། །དེ་ལས་བརྒྱ་ཕྲག་བཞི་རྣམས་ཀྱིས། །འདོད་པའི་དངོས་གྲུབ་ཆེན་པོ་ཐོབ། །གང་མིང་རྣམ་པར་མི་རྟོག་པ། །དེ་སོགས་ལྷག ་མ་གང་ཡིན་དེ། །ཟབ་དང་རྒྱ་ཆེའི་ཚུལ་རྟོགས་ནས། །གྲོང་ཁྱེར་དྲུག་ཏུ་སླར་ཡང་འོངས་།དོན་ཡོད་ཞགས་པའི་མདོ་སྡེ་ནི། །སྟོང་ཕྲག་ལྔ་བཅུ་ཅིག་པ་དང། །རིག་པ་མཆོག་གི་འབུམ་སྡེ་སོགས། །གཞན ་ཡང་རིག་སྔགས་སྣ་ཚོགས་དང། །རལ་པ་གཅིག་མའི་ཆོ་ག་དང། །འཇམ་པའི་རྡོ་རྗེའི་རྟོག་པ་ནི། །སྟོང་ཕྲག་ཉི་ཤུ་ལྔ་པ་སྟེ། །ཆོ་ག་དུ་མ་རྒྱས་པར་བྱས།། །།གང་ཞིག་ཀ་ལཱ་པར་འཇུག ་བའི། །ཐབས་འདི་བྲིས་པའི་བསོད་ནམས་ཀྱིས། །འགྲོ་བ་དྲུག་ཏུ་འཁོར་བ་རྣམས། །འཇམ་པའི་དབྱངས་དང་མཚུངས་གྱུར་ཅིག། ཅེས་པ་དཔལ་ལྡན ་ཀ་ལཱ་བར་འཇུག་པ་ཞེས་བྱ་བ། ཐེག་པ་ཆེན་པོའི་ཐབས་ཆོས་ཀྱི་རྣམ་གྲངས་ཇི་སྙེད་པ་རྫོགས་སོ།། །།རྒྱལ་ཁམས་པ་ཏཱ་ར་ནཱ་ཐབས་བལ ་པོའི་དཔེ་ལས་བསྒྱུར་བ་ཏེ། དོན་དཀའ་བ་དཀའ་བ་རྣམས་བྲམ་ཟེའི་པཎྜི་ཏ་ཀྲིཥྞ་ཞེས་བྱ་བ་ལ་དྲིས་ཤིང་གཏན་ལ་ཕབ་ཏེ་ཞུས་དག་བྱས་པའོ།། མངྒ་ལཾ།། །། ་