Wylie

e-texts based on the ACIP/ALL Input

མ་ལ་སྱ་པན?་ཙིཀ། བོད་སྐད་དུ། སྐྱེས་པའི་རབས་ཀྱི་རྒྱུད་ཀྱི་དཀའ་འགྲེལ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །ཐུགས་རྗེ་སྟོབས་ཀྱིས་ཐབས་ཀྱི་སྤྱོད་པ་རྒྱ་ཆེ་དང། ཤེས་རབ་ཀྱིས་ནི་དེ་ཉིད་དོན་གཟིགས ་ཆགས་བྲལ་བ། །མཛའ་གཉིས་མི་གནས་ཡོན་ཏན་རྒྱ་མཚོ་དང་ལྡན་པའི། །འགྲོ་བ་ཀུན་སྐྱབ་རྒྱལ་དང་དེ་སྲས་རྣམས་ལས་འདུད། །གང་སྤྱིར་ཞིག་འགྲོ་བ་མཛའ་དག་ཡོངས་སུ་སྐྱོབ་པའི་ཐུགས་རྗེ་ཆེན་པོ་དང་ལྡན་ཞིང། །ཤེས་རབ་ཀྱིས ་འགྲོ་བའི་བྱ་བ་ལ་རབ་དུ་མ་རྨོངས་པ། །བརྩོན་འགྲུས་ཀྱི་སྟོབས་མཚུངས་པ་མེད་པས་སེམས་ཅན་གྱི་དོན་སྤྱོད་པ་ལ་རབ་ཏུ་མི་ངལ་བ། །བདག་གི་བདེ་བ་ལ་མི་ཆགས་ཤིང་བག་ཡོད་ཕ་ལ་རབ་ཏུ་གནས་བ། །ཡོན་ཏན་རིན་པོ་ཆེའི་གཏེར ་སྡུད་པར་བྱེད་པའི་བྱང་ཆུབ་སེམས་དཔའ་དེ་ཚོགས་གཉིས་ཀྱི་བདག་ཉིད། །ཕ་སློབ་དཔོན་འདིའི་བཞེད་པས་སྦྱིན་པ་ཚུལ་ཁྲིམས་བཟོད་པ་གསུམ་ནི་བསོད་ནམས་ཀྱི་ཚོགས་ལ་བསམ་གཏན་དང་ཤེས་རབ་གཉིས་ནི་ཡེ་ཤེས་ཀྱི་ཚོགས་ཡིན་ལ་བརྩོན་འགྲུས་གཉི་གར་བཏོགས ་བའོ། །ཕ་རོལ་ཏུ་ཕྱིན་པ་དྲུག་གི་སྤྱོད་པས་རང་གི་སངས་རྒྱས་ཀྱི་ཆོས་ཡོངས་སུ་རྫོགས་པར་བྱེད་པ་དང་ཕ་རོལ་ཏུ་ཕྱིན་དྲུག་པོ། དེ་ཉིད་བསྡུ་བའི་དངོས་པོ་བཞིར་གྱུར་པས་གཞན་སེམས་ཅན་ཡོངས་སུ་སྨིན་པར་བྱེད་པ་ནི་རྒྱལ་བའི་སྲས་ཀྱི་སྤྱོད་བ་ཡིན་ལ་ཁྱད་པར་རུང ་བཞིན་གཤེགས་པ་ཤཱཀ་ཐུབ་པས་ཀྱང་སྔོན་དེ་ལྟ་བུའི་སྤྱོད་པ་རྣམ་པ་དུ་མ་མཛད་དོ། །དེའི་ཕྱོགས་ཤིག་ཙམ་སློབ་དཔའ་བོས་སྦྱར་བ་ཡིན་ལ། དེ་དག་ཕ་རོལ་དུ་ཕྱིན་པ་དྲུག་དང་བསྡུ?་བའི་དངོས་པོ་བཞི་གང་དག་གི་བདག་ཉིད་ཡིན་པ་དང། སློབ་དཔོན ་འཕགས་པ་ཐོགས་མེད་ཀྱིས་བྱང་ཆུབ་སེམས་དཔའ་ཨི་སར་གསུངས་པའི་ཕ་རོལ་དུ་ཕྱིན་པའི་ཁྱད་པར་གང་དང་གང་ཡིན་དང། ཐབས་ལ་མཁས་པའི་ཁྱད་པར་ལ་སོགས་པར་གྱུར་པའི་དོན་ཕྱོགས་ཙམ་ཅིག་བསྟན་པར་བྱའོ། །དེ་ལ་གཡང་ཆུ་ཤེས་རབ ་གྲགས་པ་ཁ་ཅིག་ན་རེ་གཞུང་འདི་ནི་སློབ་དཔོན་གྱིས། །ཡོངས་སུ་མ་རྫོགས་པར་མངོན་ལྷག་ལུས་པར། ཏེ། དེ་ལྟར་བསྟན་མཆོད་བརྗོད་དང་དགོས་འབྲེལ་ལ་སོགས་པ། བཅོས་རྩོམ་པ་དང་འབྲེལ་པའི་ཡན་ལག་ཡོད་ཀྱང། མཇུག་དུ་དགེ་བ་བྱང་ཆུབ་ཏུ་བསྔོ་བ་ལ ་སོགས་པ། བསྟན་བཅོས་ཡོངས་སུ་རྫོགས་པའི་བྱ་བ་མ་བྱས་བའི་ཕྱིར་དང། ཕ་རོལ་ཏུ་ཕྱིན་པ་དང་པོ་གསུམ་ལ་བཅུ་བཅུ་ཡོད་ཀྱང། །བརྩོན་འགྲུས་ལ་བཞི་ཙམ་ལས། ཀྱི་བཅུ་ཚན་ཡང་མ་ཚད་ལ་བསམ་གཏན་དང་ཤེས་རབ་ཀྱི་དབང་དུ་བྱས་པའི་གཞུང་མ། ་སྣང་བའི་ཕྱིར་དང་དང་པོ་གསུམ་ལ་སྡོམ་གྱི་ཚིགས་སུ་བཅད་པས་མཇུག་བསྡུས་པས་བརྩོན་འགྲུས་ལ་མཛའ་ཨི་བཞི་ཚན་ལ་སྡོམ་གྱི་ཚིགས་སུ་བཅད་པ་མེད་པའི་ཕྱིར་རོ་ཞེས་ཟེར་ཏེ་དཔྱད་དགོས་སོ། །འགྲེལ་ལས་རྒྱལ་བུ་ཟླ་བའི་སྐྱེས་རབ་བརྩོན་འགྲུས་པོ་ལྕགས་ཀྱི་ཁྱིམ་དང་མ་ཧེ་གཉིས་བསམ་གཏན་ནི་བྱོ་ཤིང་ལྷ་མོ ་ཤེས་རབ་དུ་གསུང་བ་འཐད་བར་སྣང་ངོ། །དེ་ལ་?་བཅུ་ཚན་དང་པོས་ནི་སྦྱིན་པ་བསྟན་ཏོ། །བཅུ་ཚན་གཉིས་པས་ཚུལ་ཁྲིམས་བསྟན་ཏོ། །བཅུ་ཚན་གསུམ་པས་ནི་བཟོད་པ་བསྟན་ཏོ། །དེ་ལ་བཅུ་ཚན་དང་པོ་ལས་དང་པོས་ནི་ལུས་རིལ་གྱིས་སྦྱིན་པ་བསྟན་ཏེ། །གཉིས ་པ་ནི་ཡན་ལག་གི་མཆོག་དམིག་སྦྱིན་མཐོང་པའི་ཆོས་ཉིད་ལ། སླར་ཡང་སྤྱན་ཐོབ་པའི། འབྲས་བུ་རྒྱ་ཆེན་པོ་ཐོབ་པ་བསྟན་ཏོ། །གསུམ་པ་ནི་ལོངས་སྤྱོད་དམན་?་ཆངས། པ་སྦྱིན་པ་ཡང་རྣམ་པར་སྦྱིན་པ་དང་རྒྱུ་མཐུན་པ་རྒྱ་ཆེར་བསྟན་ཏོ། །བཞི་པར་སྦྱིན་པ ་ལ་བདུད་ཀྱིས་མི་ཕྲོགས་པར་བསྟན་ཏོ། །ལྔ་པས་ནི་ཡོ་བྱད་ཉུང་བས་སྦྱིན་པ་ལས་མི་ལྡོག་བར་སྟོན་ཏོ། །དྲུག་པས་ནི་རྟེན་དམན་ཡང་སྦྱིན་པ་ལས་མི་ལྡོག་པ་བསྟན་ཏོ། །བདུན་པ་འབྱོར་བ་ཆེན་པོ། ལས་ལོངས་སྤྱོད་ཡོངས་སུ་མི་འཛིན་ཡང་གཏོང་བ་མི ་ཟད་པར་སྟོན་ཏོ། །བརྒྱད་པས་ནི་སྦྱིན་པ་ལ་བཏེན་ནས་གཏན་དུ་ཐར་པ་ཐོབ་པར་སྟེན་ཏོ། །དགུ་པས་ནི་ལོངས་རི་བོང་དུད་འགྲོའི་སྤྱོད་མཆོག་ལ་མ་ཆགས་པར་སྟོན་ཏོ། །བཅུ་པས་ནི་འཚེ་བ་སྤོང་ཞིང་གཞན་མང་པོ་དག་གི་སྡིག་པ་སྤོང་པ ་ཐབས་ལ་མཁས་པའི་ཁྱད་པར་སྟོན་ཏོ། །དེ་དག་ནི་ཕྱོགས་རེ་རེའི་དབང་དུ་བྱས་པ་སྟེ། རྣམ་པ་གཞན་དང་གཞན་དཱུང་དཔྱད་དུ་ཡོད་དོ། །གཞན་ཡང་ཟང?་ཟིང་གི་སྦྱིན་པ་ནི་གཉིས་ཏེ། ལུས་སྦྱིན་པ་དང་ལོངས་སྤྱད་སྦྱིན་པའོ། །དང་པོ་ནི་ལེའུ་བཞིས་སྟོན་ཏེ། དང་པོ ་དང་གཉིས་པ་དང། དྲུག་པ་དང། བརྒྱད་པའོ། །ལྷག་མ་དྲུག་ནི་ལོངས་སྤྱོད་སྦྱིན་པའོ། །ཞིང་གི་ཁྱད་པར་གང་ལ་སྦྱིན་པའི་དབང་དུ་བྱས་ན། བཞི་པ་དང་བཅུ་པས་ནི་ཡོན་ཏན་གྱི་ཞིང་ལ་སྦྱིན་པའོ། །ལྷག་མ་ནི་སྡུག་བསྔལ་བའི་ཞིང་ལ་སྦྱིན་བའོ། །བཅུ་པོ་ཐམས་ཅད་ལ་ཡང་ལེགས་པར་བཤད་པའི་ཁྱད་པར་ནི་ཆོས་ཀྱི་སྦྱིན་པ ་ཡིན་ལ། དང་པོ་དང། གཉིས་པ་དང། དྲུག་པ་དང། བརྒྱད་པ་དང། ནི་ལུས་སྦྱིན་པ་དགེ་བ་ལྷག་མ་དྲུག་ནི་ལོངས་སྤྱོད་སྦྱིན་པའོ། །ཞིང་གི་ཁྱད་པར་གང་ལ་སྦྱིན་པའི་དབང་དུ་བྱས་ན། བཞི་པ་དང། བཅུ་པས་ནི་ཡོན་ཏན་གྱི་ཞིང་ལ་སྦྱིན་པའོ། །དགུ་པ་དང ་བཅུ་པས་ནི་གཞན་སྡུག་བསྔལ་བ་ལ་སྐྱོབ་པ་མི་འཇིགས་པའི་སྦྱིན་པ་ཡང་ཡིན་ནོ། །གཙོར་སྦྱིན་པ་ཡིན་གྱི་ཕ་རོལ་ཏུ་ཕྱིན་པ་གཞན་ལྔ་དང་ཡང་ལྡན་ཏེ། །འདི་ལྟར་ཐམས་ཅད་ཀྱང་བྱང་ཆུབ་སེམས་དཔའ་ཨི་དགེ་བ་ཆོས་སྡུད་པའི་ཚུལ་ཁྲིམས ་ཡིན་ལ། ཅི་རིགས་པར་གཞན་གྱི་སྡུག་བསྔལ་སེལ་བར་བྱེད་པ་ལ་སོགས་པ། སེམས་ཅན་གྱི་དོན་བྱ་བའི་ཚུལ་ཁྲིམས་ཀྱང་ཡོད་དོ། །སྡོམ་པའི་ཚུལ་ཁྲིམས་ནི་དོན་གྱིས་སྔ་མ་གཉིས་ཀྱི་རྟེན་ཉིད་དུ་རྣམ་པར་གནས་པ་སྟེ། རབ་ཏུ་བྱུང་བའི ་རྟེན་ལ་ནི་རབ་ཏུ་བྱུང་བའི་སྡོམ་པ་ཡོད་ལ། །གཞན་ཐམས་ཅད་ལ་དགེ་བསྙེན་སྡོམ་པས་བསྡུས་པའོ། །ཐམས་ཅད་ལ་སྡུག་བསྔལ་དང་དུ་ལེན་པའི་བཟོད་པ་ཡོད་ལ། དང་པོ་དང་གསུམ་པ་དང། བཅུ་པ་མ་གཏོགས་པ་ལྷག་མ་བདུན་ལ་ནི། །གནོད ་པ་བྱེད་པ་ལ་ཇི་མི་སྙམ་པའི་བཟོད་པ་ཡོད་དོ། །ཐམས་ཅད་ལ་ཡང་སེམས་ཅན་གྱི་དོན་བྱེད་པའི་བརྩོན་འགྲུས་ཡོད་ལ། དེའི་རྒྱུར་དགོས་པས་དགེ་བ་བསྒྲུབ་པ་དང་རྒོ་ཆའི་བརྩོན་འགྲུས་དག་ཀྱང་ཡོད་དོ། །ཐེག་པ་དམན་པར་མི་གཡེང་བས་བསམ ་གཏན་གྱི་ཕ་རོལ་ཏུ་ཕྱིན་པ་ཡིན་ལ། །དེ་ནི་བྱང་ཆུབ་ཆེན་པོར་སྨོན་པས་ན་སྨོན་ལ་ཕལ་ཆེར་གཞུང་ན་སྣང་ངོ། །ཤེས་རབ་ལས་ཀྱང་ཀུན་རྫོབ་ལ་དམིགས་པ་དང། སེམས་ཅན་གྱི་དོན་བྱ་བ་ལ་དམིགས་པ་ནི་ཤེས་རབ་སྟེ ་རྒྱུའི་སྒོ་ནས་དོན་དམ་པ་ལ་དམིགས་པའི་ཤེས་རབ་ཀྱང་ཡོད་དོ། །འདི་དག་ནི་ཕ་རོལ་ཏུ་ཕྱིན་པའི་ཕན་ཚུན་རྣམ་པར་ངེས་པའོ། །གཞན་ཡང་བདུན་པ་ནི་ཆོས་ཀྱི་སྦྱིན་པ་གཙོ་ཆེ་བ་ཡིན་ཏེ། བརྒྱ་བྱིན་ལེགས་པར་བཤད་པས་ཚིམ་པར་བྱ་བའི་ཕྱིར་རོ།། ་བཅུ་པ་ནི་མི་འཇིགས་པའི་སྦྱིན་པ་གཙོ་ཆེ་བ་ཡིན་ཏེ། །དུད་འགྲོ་རྣམས་གསོད་པ་ལས་བསྐྱབས་ཤིང་མི་རྣམས་རྒྱུ་བཟློག་སྡིག་པ་པས་ངན་འགྲོ་ལས་བསྐྱབས་པའི་ཕྱིར་རོ། །ལྷག་མ་ནི་ཟང་ཟིང་གི་སྦྱིན་པ་གཙོ་དྷེ་ཞེས་བྱར་ཡང་རུང་ངོ། །བཅུ་ཚན་འདི་ལ ་གྲངས་ངེས་པ་དང་གོ་རིམ་ངེས་པར་མི་བསམ་མོ། །ཚུལ་ཁྲིམས་ཀྱི་དབང་དུ་བྱས་པའི་བཅུ་ཚན་ནི། །དོན་གཉི་ཀྱི་དབང་དུ་བྱས་ཏེ། ལུས་ངག་གི་ལས་ཡོངས་སུ་དག་པ་དང། ཡིད་ཀྱི་ལས་ཡོངས་སུ་དག་པའོ། །དང་པོ་ནི་བདུན་ནོ། །གཉིས་པ་ནི་ལྷག་མ ་གསུམ་མོ། །དང་པོ་ལ་ཡང་གཉིས་ཏེ། རང་བཞིན་གྱི་ཁ་ན་མ་ཐོ་བ་སྤོང་བ་དང། བཅས་པའི་ཁ་ན་མ་ཐོ་བ་སྤོང་པས་ཏེ། དང་པོ་དྲུག་དང། གཉིས་པ་བདུན་པའོ། །དང་པོ་ལ་གཉིས་ཏེ། ལུས་ཀྱི་ལས་ཡོངས་སུ་དག་པ་དང། ངག་གི་ལས་ཡོངས་སུ་དག་པ ་བདེན་པའི་ཚིག་བརྗོད་པ་སྟེ། གསུམ་དང་གསུམ་གོ་རིམས་བཞིན་ནོ། །ལུས་ཀྱི་ལས་ཡོངས་སུ་དག་པ་ལ་གསུམ་སྟེ། སྲོག་གཅོད་པ་སྤོང་བས་རབ་ཏུ་ཕྱེ་བ་དང་པོ་དང། མ་བྱིན་པར་ལེན་པ་སྤོང་བས་རབ་ཏུ་ཕྱེ་བ་གཉིས་པ་དང། ལོག་པའི ་གཡེམ་པ་སྤོང་བས་རབ་ཏུ་ཕྱེ་བ་གསུམ་པའོ། །ཐ་མ་གསུམ་ཡིད་ཀྱི་ལས་ཡོངས་སུ་དག་པས་རབ་ཏུ་ཕྱེ་བ་ཇི་ལྟར་གཞག་ཅེ་ན། གོ་རིམས་བཞིན་སྡིག་པའི་གྲོགས་པོས་བཟློག་ཀྱང་འདོད་པའི་རྣམ་པར་རྟོག་པ་ལ་སོགས་པས་ཡང་མི་ཕྲོགས ་པ་དང། སྨོན་ནས་ཚངས་པར་སྤོང་པ་སྤངས་པ་དང། རབ་ཏུ་བྱུང་བའི་བར་ཆད་ཀྱི་མི་རྫི་བས་མ་ཆགས་པ་ལ་སོགས་པ་ཤས་ཆེ་བའི་ཕྱིར་རོ། །དང་པོ་བདུན་པོས་ནི་ཕོངས་པའི་དུས་ན་ཡང་བརྟན་པར་སྟོན་ཏེ། ཕོངས་ཀྱང་རང་ཉིད་སྡིག་པ་ལ་མི ་འཇུག་པ་ནི་དང་པོ་གསུམ་གྱིས་སྟོན་ལ། རང་གཞན་གཉི་ག་ཕོངས་པ་ལས་སྐྱོབ་པ་ནི་བཞི་པ་དང། ལྔ་པ་དང་དྲུག་པས་སྟོན་ཏོ། །གཞན་ཚུལ་ཁྲིམས་ལ་དགོད་པ་བདུན་པས་སྟོན་ཏོ། །དང་པོ་དྲུག་གི་ནི་ལུས་ཀྱི་རྐྱེན་གྱིས་མི་ཕྲོགས་པ་སྟོན་ལ།། ་ཐ་མ་གསུམ་གྱིས་ནི་སྡིག་པའི་གྲོགས་པོས་མི་འཕྲོགས་པར་སྟོན་ཏོ། །དེ་ལྟ་བུའི་རྣམ་པར་གཞག་པ་ནི་མང་དུ་དཔྱད་དུ་ཡོད་དོ། །གཞན་ཡང་ལུས་དང་ངག་དང་ཡིད་ཀྱི་ཉེས་པ་སྤོང་པ་ཐམས་ཅད་ཀྱང་སྡོམ་པའི་ཚུལ་ཁྲིམས་སོ།། ་དགེ་བ་བསྒྲུབ་པའི་བྱ་བ་ཡིན་པས་ཐམས་ཅད་ཀྱང་དགེ་བ་ཆོས་སྡུད་པའི་ཚུལ་ཁྲིམས་སོ། །བདུན་པ་ནི་གཞན་ལ་ཕན་འདོགས་པས་གཙོར་སེམས་ཅན་གྱི་དོན་བྱ་བའི་ཚུལ་ཁྲིམས་སོ། །དང་པོ་གསུམ་ཡང་གཞན་ལ་གནོད་པ་སྤོང་བས ་སེམས་ཅན་གྱི་དོན་བྱ་བའི་ཚུལ་ཁྲིམས་ཡིན་ནོ། །གཞན་གསུམ་ནི་གཞན་ལ་ཕན་འདོགས་པས་རྟོགས་པར་སླའོ། །ཐ་མ་གསུམ་དག་ཀྱང་རྒྱུར་གྱུར་པས་སེམས་ཅན་གྱི་དོན་བྱ་བའི་ཚུལ་ཁྲིམས་ཞེས་བྱང་རུང་ངོ། །ཕན་ཚུན་རྣམ་པར ་ངེས་པའི་དབང་དུ་བྱས་ན་ཚུལ་ཁྲིམས་ཐམས་ཅད་ཀྱང་ཆོས་ཀྱི་སྤྲིན་པའི་གྲོགས་སུ་འགྲོའོ། །ཞེས་འབྱུང་བའི་ཕྱིར་དང། བྱེ་བྲག་དུ་ལེགས་པས་བཤད་པ་ཐམས་ཅད་ནི་ཆོས་ཀྱི་སྦྱིན་པའོ། །དང་པོ་དྲུག་ནི་སྡུག་བསྔལ་གྱིས་མི་འཁྲུགས ་པས་སྡུག་བསྔལ་དང་དུ་ལེན་པའི་བཟོད་པའོ། །ཐ་མ་བཞི་ནི་གནོད་པ་བྱེད་པ་ལ་ཇི་མི་སྙམ་པའི་བཟོད་པ་སྟེ། སེམས་ཅན་གྱི་དོན་ལེགས་པར་བསྒྲུབ་པ་ལ་མི་ཁྲོ་བའི་སྒོ་ནས་སོ། །ཐམས་ཅད་ཀྱང་དགེ་བ་བསྒྲུབ་པའི་བརྩོན་འགྲུས་ཏེ། བཞི་བ ་དང་ལྔ་པ་དང་དྲུག་པ་དང་བདུན་པ་ནི་སེམས་ཅན་གྱི་དོན་བྱ་བའི་བརྩོན་འགྲུས་ཀྱང་ཡོད་དོ། །གོ་ཆའི་བརྩོན་འགྲུས་ནི་དེ་དག་གི་སྔོན་དུ་འགྲོ་བའོ། །བསམ་ཐེག་པ་དམན་པར་སེམས་མི་གཡེང་བ་གཏན་དང་ཤེས་རབ་ཀུན་རྫོབ་དང་སེམས་ཅན་གྱི་དོན ་ཤེས་པའི་ཤེས་རབ་ནི་སྔ་མ་བཞིན་ནོ། །བཟོད་པའི་དབང་དུ་བྱས་པའི་བཅུ་ཚན་ནི་གཙོར་བཟོད་པ་གཉིས་ཀྱི་དབང་དུ་བྱས་པ་སྟེ། སྡུག་བསྔལ་དང་དུ་ལེན་པའི་བཟོད་པ་དང། གནོད་པ་བྱེད་པ་ལ་ཇི་མི་སྙམ་པའི་བཟོད་པའོ། །ཆོས་ལ ་ངེས་པར་རྟོགས་པའི་བཟོད་པ་ཡང་གཉིས་པོ་དེ་དག་གི་རྒྱུ་ཉིད་དུ་དོན་གྱིས་གནས་སོ། །དེ་ལ་གསུམ་པ་དང་དགུ་པ་ནི་སེམས་ཅན་གྱི་ལོག་པར་བསྒྲུབ་པ་འབའ་ཞིག་བཟོད་པས་གནོད་པ་བྱེད་པ་ལ་ཇི་མི་སྙམ་པའི་བཟོད་པའོ། །བཅུ་པ་ནི་སྡུག་བསྔལ ་དང་དུ་ལེན་པའི་བཟོད་པ་སྟེ། །གཞན་གྱི་གནོད་པ་བྱས་པ་ནི་མེད་ཀྱི་གཞན་ལ་ཕན་འདོགས་པའི་སྡུག་བསྔལ་ཉིད་བཟོད་པའི་ཕྱིར་རོ། །ལྷག་མ་བདུན་ནི་བཟོད་པ་གཉིས་ཀས་བསྡུས་ཏེ། སེམས་ཅན་གྱི་ལོག་པར་བསྒྲུབ་པ་དང་དེས་བྱས་པའི་སྡུག ་བསྔལ་གཉིས་ཀ་བཟོད་པའི་ཕྱིར་རོ། །དང་པོ་ནི་ནང་གི་ཁྲོ་བ་ཉེ་བར་ཞི་བས་ཕྱི་རོལ་གྱི་གནོད་པ་བཟློག་པའི་ཕན་ཡོན་དང་ལྡན་པ་སྟོན་ཏོ། །གཉིས་པ་ནི་རྟེན་དམན་པ་ལ་ཡང་ཡོན་ཏན་དང་བཟོད་པ་ཡོད་པར་སྟོན་ཏོ། །གསུམ་པ་དང་བདུན་པ་ནི་བྱས་པ་གཟོ་བས ་གཞན་ཡལ་བར་མི་འདོར་བ་སྟོན་ཏོ། །གཞན་གྱིས་བསྙས་ཀྱང་ཡལ་བར་མི་འདོར་བ་དང། ཕོངས་ཀྱང་ཡལ་བར་མི་འདོར་བའོ། །ཡང་ན་ཚེ་གཞན་གྱི་དོན་དང་ཚེ་འདིའི་དོན་ཡལ་བར་མི་འདོར་བ་སྟོན་པའོ། །བཞི་པ་དང་ལྔ་པ་དང་དྲུག་པ་ནི་གནོད་བྱེད ་ཉམ་ཉེས་པར་གྱུར་པ་ཡལ་བར་མི་འདོར་བ་སྟོན་ཏོ། །བརྒྱད་པས་ནི་ལོག་པར་བསྒྲུབ་པ་ལ་ཚེ་འདིའི་དོན་བྱ་བར་མ་ནུས་ཀྱང། །བདག་གི་བཟོད་པའི་འབྲས་བུ་དེ་ལ་ཐོབ་པར་སྨོན་པ་སྟོན་ཏོ། །དགུ་པས་ནི་སྡུག་བསྔལ་གྱི་རྒྱུ་ལ་གནས་པ་ཤིན་ཏུ ་བརྩེ་བའི་གནས་ཡིན་པ་དང། གཙོ་བོ་དགེ་བ་ལ་བཀོད་པས་གཞན་དུ་མའི་དོན་དུ་གྱུར་པས་ཐབས་ལ་མཁས་པའི་ཁྱད་པར་སྟོན་ཏོ། །བཅུ་པས་ནི་ངན་འགྲོའི་རྟེན་ལ་གཞན་དུ་མའི་སྡུག་བསྔལ་སྐྱོབ་པས་རྟེན་དམན་པས་བཟོད་པ་ལ་སོགས ་པའི་ཡོན་ཏན་མི་འདོར་བ་སྟོན་ཏོ། །དེ་ལྟ་བུའི་དགོས་པ་རྣམ་པ་དུ་མ་དཔྱད་དུ་ཡོད་དོ། །བཟོད་པ་དེ་དག་ཀྱང་ཕ་རོལ་ཏུ་ཕྱིན་པ་གཞན་ལྔ་དང་ལྡན་ཏེ། ལེགས་པར་བཤད་པ་ཐམས་ཅད་ཆོས་ཀྱི་སྦྱིན་པ་ཡིན་ལ་བྱེ་བྲག་ཏུ་དགུ་པ་ལ་སོགས་པ ་ཆོས་ཀྱི་སྦྱིན་པ་ཤིན་ཏུ་ཡང་གཙོ་ཆེའོ། །བཅུ་པ་ནི་ཟང་ཟིང་གི་སྦྱིན་པའོ། །བཅུ་པོ་ཐམས་ཅད་ནི་དགེ་བ་ཆོས་སྡུད་ལ་ཅི་རིགས་པར་སེམས་ཅན་གྱི་དོན་བྱེད་པ་དང་སྡོམ་པའི་ཚུལ་ཁྲིམས་ནི་སྔ་མ་གཉིས་ཀྱི་རྟེན་དུ་དོན་གིས་པས། ཚུལ་ཁྲིམས་སུ་གྱུར་པའི་དོན་ནི་སྔ ་མ་བཞིན་ནོ།། བཅུ་པོ་ཐམས་ཅད་ནི་སེམས་ཅན་གྱི་དོན་བྱེད་པའི་བརྩོན་འགྲུས་ཡིན་ལ། དེའི་རྒྱུར་དགེ་བ་སྒྲུབ་པའི་བརྩོན་འགྲུས་དང་གོ་ཆའི་བརྩོན་འགྲུས་ཀྱང་ཡོད་པའོ། །ཀུན་རྫོབ་དང་སེམས་ཅན་གྱི་དོན་བྱེད་པ་ཤེས་པའི་ཤེས་རབ་བརྩོན་འགྲུས་དང་བསམ་གཏན་དང་ཤེས ་རབ་ཀྱི་དོན་ཡང་སྔ་མ་བཞིན་ནོ། །བརྩོན་འགྲུས་ཀྱི་དབང་དུ་བྱས་པའི་བཞི་ཚན་ནི། སེམས་ཅན་ལ་ཕན་འདོགས་པའི་བརྩོན་འགྲུས་དང། རང་ཉིད་ཀྱི་དགེ་བ་བསྒྲུབ་པའི་བརྩོན་འགྲུས་ཏེ། དང་པོ་དང་གསུམ་པ་དང། ཐེག་དམན་པར་སེམས་མ་གཡེང ་བའི་བཞི་པ་ནི་དང་པོ་ཡིན་ལ། གཉིས་པ་ནི་གཉིས་པ་ཡིན་ནོ། །དང་པོ་ཡང་གཉིས་ཏེ། ཚེ་འདི་དང་གཞན་ལ་ཕན་པ་བསྒྲུབ་པའི་བརྩོན་འགྲུས་དང། ཚེ་འདིའི་དོན་བསྒྲུབ་པ་སྟེ། དང་པོ་ནི་དང་པོ་ཡིན་ནོ། །ཚེ་འདིའི་དོན་བསྒྲུབ་པ་ལ ་གཉིས་ཏེ། མི་གནོད་པ་བསྒྲུབ་པ་དང་ཕན་པ་བསྒྲུབ་པ་སྟེ། གསུམ་པ་དང་བཞི་པ་ནི་རིམ་པ་བཞིན་ནོ། །གཞན་ཡང་དང་པོ་དེ་ཉིད་དང་གཞན་དུ་མ་ལ་ཕན་འདོགས་པ་ཡིན་ལ། གསུམ་པ་དང་བཞི་པ་དེ་ཉིད་ལ་ཕན་པ་ཙམ་བསྒྲུབ་པའོ། །དེ ་བཞིན་དུ་སྡུག་བསྔལ་བཟློག་པ་དང་དེའི་རྒྱུ་བཟློག་པ་ལ་སོགས་པ་རྣམ་པ་མང་དུ་དཔྱད་དུ་ཡོད་དོ། །བརྩོན་འགྲུས་དེ་ཡང་གཞན་ལ་ལེགས་པར་བཤད་པས་སྦྱིན་པ་ཡིན་ལ། ཐམས་ཅད་ཀྱང་སེམས་ཅན་དོན་བྱེད་ཀྱི་ཚུལ་ཁྲིམས་ཡིན་ལ། བདེན ་པར་སྨྲ་བ་དང་ཁྱིམ་གྱི་གནས་ནས་མངོན་པར་བྱུང་བ་དང་འཚེ་བ་སྤོང་བ་དག་ནི་སྡོམ་པའི་ཚུལ་ཁྲིམས་ཀྱང་ཡིན་ནོ། །དང་པོ་གནོད་པ་ལ་ཇི་མི་སྙམ་པ་ཡིན་ལ། །གཉིས་པ་ནི་སྡུག་བསྔལ་དང་དུ་ལེན་པ་སྟེ། མངོན་པར་འབྱུང་བས་འདོད་པའི ་བདེ་བ་གཏོང་ཞིང་རྐ་ཐུབ་ཀྱི་གནོད་པ་བཟོད་པའི་ཕྱིར་རོ། །གསུམ་པ་དང་བཞི་པ་ནི་གཙོར་གནོད་པ་བྱེད་པ་ལ་ཇི་མི་སྙམ་པའོ། །བསམ་ཐེག་པ་དམན་པར་སེམས་མི་གཡེང་བའི། གཏན་དང་ཤེས་རབ་ནི་སྔ་མ་བཞིན་ནོ། །གཞན་ཡང་སྦྱིན་པ་ལ་སོགས ་པ་དེ་ཉིད་གཞན་དུ་རྗེས་སུ་འཛིན་པས་བསྡུ་བའི་དངོས་པོ་བཞིའི་གྲངས་སུ་འགྲོ་སྟེ། །སྦྱིན་པ་ནི་ཟང་ཟིང་གི་སྦྱིན་པ་ཉིད་གཟུང་གི་ཆོས་ཀྱི་སྦྱིན་པ་ནི་སྙན་པར་སྨྲ་བ་ཞེས་བྱ་བའི་གྲངས་སུ་ཀུན་རྫོབ་དང་དོན་དམ་སེམས་ཅན་གྱི་དོན་བྱེད་པ་ཤས་པའི་ཤེས་རབ ་འགྲོའོ། །མི་འཇིགས་པའི་སྦྱིན་པའང་དོན་སྤྱོད་པའམ་དོན་མཐུན་པ་ཞེས་བྱ་བར་བརྗོད་དོ། །གཞན་ཡང་ཕ་རོལ་ཏུ་ཕྱིན་པ་དྲུག་ལ་སྦྱིན་པའི་ཕ་རོལ་ཏུ་ཕྱིན་པ་ནི་སྦྱིན་པའོ། །ཚུལ་ཁྲིམས་དང་བཟོད་པའི་ཕ་རོལ་ཏུ་ཕྱིན་པ་ནི་སྙན་པར་སྨྲ་བའོ། ་བརྩོན་འགྲུས་ནི་དོན་སྤྱོད་པའོ། །བསམ་གཏན་དང་ཤེས་རབ་ནི་དོན་མཐུན་པའོ། །གཞན་ལ་ཆོས་སྟོན་པའི་ཁྱད་པར་སྙན་པར་སྨྲ་བ་དེ་དག་གི་ཆོས་ཀྱི་དོན་ནི་བསྡུས་ན་འདི་དག་ཡིན་ཏེ། དང་པོར་ནི་འཁོར་བའི་ཉེས་པ་དང་བདག་ལ་ཆགས་པ་སྤང ་བའོ། །གཉིས་པ་དང་གསུམ་པ་དང་བཞི་པ་དང་ལྔ་པས་ནི་སྦྱིན་པའི་བསྔགས་པ་དང་སེར་སྣའི་ཉེས་པའོ། །དྲུག་པས་ནི་བསོད་ནམས་ལ་འབད་པའོ། །བདུན་པར་ནི་ཐེག་པ་ཆེན་པོའི་ལམ་ལ་གནས་པ་དང་ཆོག་ཤེས་པ་དང་གྲོགས་པོ་ངན་པ ་སྤངས་པ་དང་དམ་པ་དང་མི་མཐུན་པའི་རྐྱེན་དང་འབྲལ་བར་བརྟག་པའོ། །བརྒྱད་པར་ནི་ཐེག་པ་ཆེན་པོར་སེམས་བསྐྱེད་པ་དང། སྡིག་པ་ལྔ་སྤང་བ་དང། སྦྱིན་པའི་བསྔགས་པ་བརྗོད་པའོ། །དགུ་པར་སྦྱིན་པ་ལ་འབད་པར་བྱ་བའོ། །བཅུ་པར ་སྡིག་པ་སྤང་པའོ། །བཅུ་གཅིག་པར་འཚེ་བ་བཟློག་པའོ། །བཅུ་གཉིས་པར་ངོ་ཚ་ཤེས་པ་ལ་གནས་པར་བྱ་བའོ། །བཅུ་གསུམ་པ་ཡང་དེ་བཞིན་ནོ། །བཅུ་བཞི་པ་དང་བཅོ་ལྔ་པ་དང་བཅུ་དྲུག་པར་བདེན་པའི་བྱིན་རླབས་བརྗོད་པའོ། །བཅུ་བདུན་པར ་ཆང་གི་ཉེས་པའོ། །བཅོ་བརྒྱད་པར་ནི་ཁྱིམ་གྱི་གནོད་པ་དང་འདོད་པའི་ཉེས་པའོ། །བཅུ་དགུ་པར་འདོད་པའི་ཉེས་པའོ། །ཉི་ཤུ་པར་ནི་གཞན་གྱིས་ཡོན་ཏན་དང་ལྡན་པར་རེ་བ་བསྒྲུབ་པའོ། །ཉི་ཤུ་རྩ་གཅིག་པར་ནི་ཁྲོ་བའི་ཉེས ་པའོ། ཉི་ཤུ་རྩ་གཉིས་པར་ནི་ཡོན་ཏན་ལ་འབད་པའོ། །ཉི་ཤུ་རྩ་གསུམ་པར་ལྟ་བ་ངན་པ་ཚར་གཅད་པ་དང། སྡིག་པའི་གྲོགས་པོ་སྤང་བ་དང། བསོད་ནམས་ལ་འབད་པ་དང་ཆོས་ཀྱིས་རྒྱལ་སྲིད་བསྐྱང་བའོ། །ཉི་ཤུ་རྩ་བཞི་པར་སྡིག་པ་སྤང ་བའོ། །ཉི་ཤུ་རྩ་ལྔ་པར་རི་དགས་ལ་གནོད་པ་སྤང་བ་དང་གཞན་ལ་གནོད་པ་སྤང་བ་དང། བསོད་ནམས་ལ་འབད་པར་བྱའོ། །ཉི་ཤུ་རྩ་དྲུག་པར་སྡིག་པ་སྤང་པ་དང་སྙིང་རྗེ་བསྐྱེད་པ་དང་ཆོས་ཀྱིས་སྲིད་བསྐྱང?་པའོ། །ཉི་ཤུ་རྩ་བདུན་པར ་བྱས་པ་དྲིན་དུ་བཟོ་བ་དང་ཆོས་ཀྱིས་རྒྱལ་སྲིད་བསྐྱང་བའོ། །ཉི་ཤུ་རྩ་བརྒྱད་པར་བསོད་ནམས་ལ་འབད་པ་དང་བག་ཡོད་པར་བསྒྲུབ་པ་དང་བཟོད་པ་ལ་གནས་པར་བྱ་བའོ། །ཉི་ཤུ་རྩ་དགུ་པར་ནི་ཡང་དག་པའི་ལྟ་བ་བསྐྱེད་པའི་ཐབས་དང་ལོག ་པར་ལྟ་བའི་ཉེས་དམིགས་དམྱལ་བའི་གནོད་པ་དང་མཐོ་རིས་དང་ཐར་པའི་ལམ་མོ། །སུམ་ཅུ་པར་སྙིང་རྗེས་གཞན་དབུགས་དབྱུང་བ་དང། སྨོན་ལམ་ཆེན་པོ་གདབ་པའོ། །སུམ་ཅུ་རྩ་གཅིག་པར་ཐོས་པའི་བསྔགས་པ་དང་ལེགས་པར་བཤད་པའི ་ཁྱད་པར་བཞི་དང་གཞན་ལམ་བཟང་པོ་ལ་སྦྱར་བའོ། །སུམ་ཅུ་རྩ་གཉིས་པར་འཁོར་བའི་ཉེས་པ་དང་འཆི་བ་བསྒོམ་པའོ། །སུམ་ཅུ་རྩ་གསུམ་པ་དང་རྩ་བཞི་པར་བཟོད་པའི་ཕན་ཡོན་ནོ། །དེ་ལྟར་སྦྱིན་པས་འདུན་པར་བྱས་ནས་སྙན་པར་སྨྲ་བས་གདམ ་ག་བྱས་ཤིང་དོན་སྤྱོད་པས་གདམ་ངག་གི་དོན་བསྒྲུབ་པ་ལ་བཙུད་ལ། །དོན་མཐུན་པས་ཕ་རོལ་བའི་དོན་བསྒྲུབ་པ་ལ་བརྟན་པར་འགྱུར་པས་གཞན་གྱི་དོན་བསྒྲུབ་པའི་ཐབས་རྣམས་ནི་བསྡུ་བའི་དངོས་པོ་བཞི་ཁོ་ནའོ། །བསྡུ་བའི་དངོས་པོ་བཞི་པོ་དེ་ཉིད་ཅི་རིགས་པར་རང་གི་སངས ་རྒྱས་ཀྱི་ཆོས་ཡོངས་སུ་རྫོགས་པར་བྱེད་པ་དང། སེམས་ཅན་ཡོངས་སུ་སྨིན་པར་བྱེད་པའི་ཐབས་ལ་མཁས་པའི་ཁྱད་པར་ཡིན་ཏེ། ཐ་ན་གཞན་གྱི་རྗེས་སུ་ཡི་རང་བ་ཙམ་གྱིས་ཀྱང་དེ་དག་གི་དགེ་བའི་རྩ་བ་འཕེལ་བར་འགྱུར་བའི་ཕྱིར་དང། དེའི་ཕྱིར་སྤྱོད་པ ་རྨད་དུ་བྱུང་བས་ཐེག་པ་དམན་པ་ལས་ལོག་པ་དང་ཞུགས་པ་བརྟན་པ་དང་གཞན་གྱི་དོན་ལ་ཆེད་ཆེར་འཛིན་པ་ལ་སོགས་པའི་དགོས་པ་དུ་མ་གཟིགས་ཏེ། དེ་སྟོན་པའི་གཞུང་ཉེ་བར་བཀོད་པས་འདི་ནི་དོན་ཆེན་པོ་དང་ལྡན་པས་རིན་པོ་ཆེ་ཆེན་པོ་ལྟ་བུ་ཡིན ་ནོ། །དེས་ན་ཚིག་འདིའི་དོན་དྲན་པར་བྱས་ལ་རྗེས་སུ་ཡི་རང་བར་བྱའོ། །བདག་ཀྱང་འདི་ལྟ་བུའི་སྤྱོད་པ་རླབས་པོ་ཆེ་ལ་གནས་ནས་ཇི་ལྟར་ཚོགས་རྫོགས་པར་འགྱུར་སྙམ་དུ་ཡིད་ལ་བྱའོ། །གཞན་དག་ལ་སྤྱོད་པ་རླབས་པོ་ཆེ་བསྒྲགས་ཤིང་མོས་པ་སྐྱེད་དུ་གཞུག ་གོ། རྣམ་པར་རྟོག་པ་ཤས་ཆེ་བ་ལ་ངོ་མཚར་དང་ལྡན་པའི་གཏམ་རྒྱས་པར་བཤད་པ་དགའ་བ་ལ་ཡང་ཐ་མལ་པའི་གཏམ་སྤངས་ཏེ་གཏམ་འདི་ལྟ་བུར་བརྗོད་པར་བྱ་སྟེ་དེ་དག་ཀྱང་དད་པ་མ་ཐོབ་པར་ཐོས་པས་ཀྱང་ཐར་པའི་ས་བོན་འཇོག་པར ་བྱེད་དོ། །མྱ་ངན་གྱིས་གདུངས་པ་དང་ཡི་ཆད་ཅིང་ཞུམ་པ་དག་ལ་མྱ་ངན་བསལ་ཞིང་སྤྲོ་བ་བསྐྱེད་པས་བྱ་སྟེ། འཁོར་བའི་ཉེས་པ་ལ་སོགས་པ་དང་འཕོངས་པའི་དུས་ན་ཡང་བྱ་བ་དེ་དག་དང་དེ་ལྟ་བུ་བྱེད་ན་བདག་ཅིའི་ཕྱིར་ཞུམ་པར་བྱེད་སྙམ་སྟེ་སྤྲོ་བ ་འཐོབ་པའོ།། །།ད་ནི་ཡི་གེའི་དཀའ་བའི་གནད་ཅུང་ཟད་བཤད་པར་བརྩམ་པར་བྱའོ། །རྩོམ་པ་དང་འབྲལ་པའི་ཡན་ལག་ཚིགས་སུ་བཅད་པ་བཞི་པོ་འདི་ནི་དོན་གསུམ་དུ་གནས་ཏེ། བརྗོད་བྱ་དང་བརྗོད་བྱེད་ཀྱི་ཁྱད་པར་གྱིས་བཤད་པར་དམ ་བཅའ་བ་དང། དགོས་པ་བརྗོད་པ་སྔོན་དུ་འགྲོ་བས་བཤད་པར་དམ་བཅའ་བ་རྒྱས་པར་བཤད་པ་དང། དཀོན་མཆོག་གསུམ་ལ་མཆོད་པ་བརྗོད་པའོ། །དེ་ལ་བརྗོད་བྱའི་ཁྱད་པར་ཚིག་གསུམ་གྱིས་བསྟན་ལ། དེ་བརྗོད་བྱེད་ཇི་ལྟ་བུས་བརྗོད་པ་ཡང ་རྐང་པ་ཐམས་བསྟན་ཏེ་འདིའི་དོན་ནི་བྱང་ཆུབ་སེམས་དཔའ་ཨི་སྤྱོད་པའི་ཁྱད་པར་དོན་རྨད་དུ་བྱུང་བ་དེ་སྙན་དངགས་ཀྱི་ཚིག་ངོ་མཚར་དུ་གྱུར་པ་མེ་ཏོག་གི་འཕྲེང་བ་ལྟ་བུས་གསལ་བར་བྱའོ་ཞེས་བྱ་བའོ། དེ་ལ་ཐུབ་པའི་སྐུ་ཚེ་སྔ་མའི་སྤྱོད་པ་ཞེས་གསུང ་པའི་ཐུབ་པ་དེ་ཇི་ལྟ་བུ་ཞེ་ན། དཔལ་ལྡན་ཞེས་བྱ་བ་ལ་སོགས་པའི་རྐང་པ་དང་པོ་གཉིས་ཏེ་ཐུབ་པ་ཉིད་ཀྱི་ཡོན་ཏན་ནོ། །དེ་དཔལ་ལྡན་ནི་ཁྱད་པར་གྱི་གཞི་སྟེ་ཚོགས་གཉིས་ཡོངས་སུ་རྫོགས་པའི་འབྱོར་བ་དམ་པ་གཉིས་དང་ལྡན་པར་སྟོན་ཏོ། ཡོན་ཏན་དམ་པས ་ཡོངས་བཟུང་བཀྲ་ཤིས་པ་ནི་རང་དོན་ཕུན་སུམ་ཚོགས་པ་སྟེ་ཡོན་ཏན་དམ་པས་ནི་སྟོབས་ལ་སོགས་པའོ། །དེས་བཟུང་བའི་དེ་དང་ལྡན་པ་སྟེ་ཡེ་ཤེས་ཕུན་སུམ་ཚོགས་པའོ། །བཀྲ་ཤིས་པ་ནི་སྤངས་པ་ཕུན་སུམ་ཚོགས་པ་སྟེ་སྒྲིབ་པ་ཐམས་ཅད་སྤངས་པས་རྒུད་པ་ཐམས་ཅད་ལས་འདས་པའི ་ཕྱིར་རོ། །གྲགས་པའི་གཞིར་གྱུར་མ་སྨད་ཤིན་ཏུ་ཡིད་དུ་འོང་བ་ནི་གཞན་དོན་ཕུན་སུམ་ཚོགས་པ་སྟེ་དེ་ནི་གཞན་ལ་ཕན་འདོགས་པས་རབ་ཏུ་ཕྱེ་བའི་གཟུགས་ཀྱི་སྐུ་གཉིས་པོའོ། །གྲགས་པའི་གཞིར་གྱུར་པ་ནི་གཉིས་ག་ཡང་གཞན་ལ་གྲགས་ཤིང་གཞན ་གྱིས་མཐོང་བས་ཕན་འདོགས་པའི་ཕྱིར་རོ། །མ་སྨད་པ་ནི་ལོངས་སྤྱོད་རྫོགས་པའི་སྐུ་སྟེ་གདུལ་བྱ་མཆོག་གི་ཡུལ་དུ་གྱུར་པའི་ཕྱིར་རོ། །ཤིན་ཏུ་ཡིད་འོང་བ་ནི་སྤྲུལ་པའི་སྐུ་སྟེ་གདུལ་བྱའི་བསམ་པ་དང་མཐུན་པར་འཇུག་པའི་ཕྱིར་རོ། །ཐུབ་པ་ནི ་སྤྱི་མིང་བྱེ་བྲག་ལ་འཇུག་པ་སྟེ་ཐུབ་པ་ནི་ལུས་དང་ངག་དང་ཡིད་ཡང་དག་པར་བསྡམས་པ་ཡིན་ལ་དེ་ཐུན་མོང་མ་ཡིན་པ་དང་ལྡན་པ་ཐུབ་པའི་མཆོག་ལ་དེ་སྐད་ཅེས་བྱའོ། །དེའི་སྐུ་ཚེ་སྔ་མའི་སྤྱོད་པ་སྟག་མོ་ལ་ལུས་བྱིན་པ་ལ་སོགས་པ་ནི ་རྨད་དུ་བྱུང་བ་སྟེ་བྱ་དཀའ་ཞིང་ཕན་འདོགས་པ་ཆེ་བའི་ཕྱིར་རོ། །ཡང་ན་དཔལ་ལྡན་ཞེས་བྱ་བ་ལ་སོགས་པ་ནི་ཐུབ་པའི་སྐུ་ཚེ་སྔ་མ་ཉིད་ཀྱི་གནས་སྐབས་ཀྱི་སྤྱོད་པ་མཛད་པའི་དུས་ཀྱི་ཡོན་ཏན་ཏེ་རང་དོན་ཕུན་སུམ་ཚོགས་པའོ། །ཡོན་ཏན་དམ་པས ་ཉན་ཐོས་དང་རང་རྒྱལ་དང་སངས་རྒྱས་3་ཀ་ལ་འཇུག་པ་ལས་འདིར་སྐབས་ཀྱི་སྟོབས་ཀྱི་ཡོངས་སུ་བཟུང་བ་ནི་ཤེས་རབ་དང་སྙིང་རྗེ་ལ་སོགས་པས་བཟུང་བ་སྟེ་དེ་དང་ལྡན་པའོ། །བཀྲ་ཤིས་པ་ནི་སེར་སྣ་ལ་སོགས་པའི་དྲི་མ་བསལ་བས་རྒུད་པ་ཉེ་བར་ཞི་བའོ། །མ་སྤང་བ་ནི ་བསམ་པའི་ཁྱད་པར་སྙིང་རྗེ་ཆེན་པོའོ། །ཤིན་ཏུ་ཡིད་དུ་འོང་བ་ནི་གཞན་ལ་ཕན་འདོགས་དགའ་བའི་ཕྱིར་སྦྱོར་བའོ། །དེ་ཉིད་ཀྱིས་ནི་གྲགས་པའི་གཞིར་གྱུར་པའོ། །དེ་བདག་གིས་སྙན་དངགས་ཀྱིས་མཆོད་དེ་བརྗོད་བྱེད་དེས་བརྗོད་བྱ་ལ་དགའ་བ་བསྐྱེད་དོ་ཞེས་བྱ་བའོ།། ་མེ་ཏོག་སྙིམ་པ་ན་གནས་པ་ཕུལ་བས་དགའ་བ་སྐྱེ་བའི་རྒྱུར་གྱུར་པ་ཡིན་པས་དེ་དང་ཆོས་མཐུན་པས་མེ་ཏོག་སྙིམ་པས་གུས་པར་མཆོད་ཅེས་སྨོས་སོ། །དགོས་པ་བརྗོད་པ་སྔོན་དུ་འགྲོ་བས་དམ་བཅའ་བརྒྱས་པར་བཤད་པ་ནི་ཚིགས་སུ་བཅད་པ ་གཉིས་ཏེ། དགོས་པ་བརྗོད་པ་དང་དགོས་པ་དེ་དང་ལྡན་པ་བརྩམ་པར་ཞལ་གྱིས་བཞེས་པ་སྟེ་ཚིགས་སུ་བཅད་པ་རེ་རེ་དང་རིམ་པ་བཞིན་ནོ། །གྲགས་པའི་མཚན་མར་གྱུར་པ་འདི་རྣམས་ཀྱིས་ཏེ་རྟོགས་པས་བརྩམ་ཞེས་སྦྱར་རོ་ཞེས་བྱ་བ་ཚིག་ལྷག ་མའོ། །གྲགས་པ་ནི་སྙན་དངགས་སོ། །དེའི་རྒྱུ་ཚན་ནི་མཚན་མར་གྱུར་པའོ། །བཟང་པོ་ནི་སྤྱོད་པ་བཟང་པོ་རྨད་དུ་བྱུང་བ་འོག་ནས་འབྱུང་བ་འདི་རྣམས་ཀྱིས་ཏེ་དེ་དག་རྟགས་ཤིང་ཤེས་པས་སོ། །འདིར་དགོས་པ་གསུམ་སྟེ། ཐེག་པ་ཆེན་པོའི་ལམ ་གསལ་བར་བྱས་པ་དང། བསྟན་པ་ལམ་ཞུགས་པ་དད་པར་འགྱུར་བ་དང། ཐེག་པ་ཐུན་མོང་བ་དང་བསྟན་པ་ལ་ཞུགས་པ་རྣམས་ཆོས་དང་མཐུན་པའི་གཏམ་གྱིས་དགའ་བ་སྟེ། ཚིག་གསུམ་དང་གོ་རིམས་བཞིན་ནོ། །དེ་ནི་ཉེ་བར་མཚོན་པ་ཙམ ་དུ་ཟད་དོ། །དགོས་པ་དེ་དང་ལྡན་པས་རྩོམ་པ་ནི་སྙན་དངགས་འདི་བརྩམས་སོ་ཞེས་སྦྱར་རོ། །སྙན་དངགས་དེ་ཡང་སྤྲོས་པས་འཇིགས་པ་ལ་བརྗོད་བྱ་ཤིན་ཏུ་ཉུང་ངུ་བསྡུས་པས་ཁྱད་པར་དུ་བྱས་པ་སྟེ། འཇིག་རྟེན་མཆོག་གི་སྤོང་པ་དམ་པའི ་ཕྱོགས་ཙམ་གྱིས་ཤེས་པར་བྱ་བ་སྟེ་།རྫོགས་པ་ནི་མཛའ་ཡས་པས་བརྗོད་པར་མི་ནུས་སོ་སྙམ་དུ་བསམས་པའོ། །འཇིག་རྟེན་ན་མཆོག་ཏུ་གྱུར་བའི་གང་ཟག་ནི་བྱང་ཆུབ་སེམས་དཔའ་ཡིན་ལ། དེའི་སྤྱོད་པ་ནི་སྤྱོད་ཉན་ཐོས་ལ་སོགས་པའི་པ་གཞན ་ལས་དམ་པའི་སྤྱོད་པ་སྟེ་དེ་ནི་མཆོག་ཏུ་གྱུར་པའི་ཕྱིར་རོ། །དེས་ནི་བརྗོད་བྱ་བསྡུས་པས་ཁྱད་པར་དུ་བྱས་པའོ། །བརྗོད་བྱེད་རྣམ་པར་དག་པ་བསྟན་པའི་ཕྱིར། །མཉན་དུ་རུང་བར་བྱ་བའི་ཕྱིར་ལུང་དང་གཙུག་ལག་རིག་པར་མི་འགལ་ལམ་དག་གིས་འདི་རྩམས ་སོ་ཞེས་བྱ་བའོ། །མཁས་པའི་སྐྱེ་བོས་དོན་བཟང་ཞིང་ཚིག་སྤེལ་ལེགས་པས་མཉན་དུ་རུང་བར་བྱ་བའི་ཕྱིར་རམ་ཆེད་དུ་ལུང་བླ་མ་བརྒྱུད་པ་དང་མི་འགལ་བ་དང། གཙུག་ལག་ནི་བཀའ་དང་མི་འགལ་བ་དང། རིག་པ་ནི་ཆད་མ་དང་རང་གི་ཚིག་དང་མི་འགལ་བའོ། །དེ ་ལྟ་བུའི་ལམ་ནི་ཚུལ་ཏེ་ཐབས་སུ་གྱུར་པའི་ཚིག་གོ། དེ་ལྟར་འཇིག་རྟེན་པའི་དོན་འགྱུར་སྙམ་ནས་ཞེས་བྱ་བ་ནི་སྔ་མ་དགོས་པ་གསུམ་དང་སྦྱར་རོ། །འདི་བརྩམས་ཞེས་བྱ་བ་ནི་བརྗོད་བྱའི་ཁྱད་པར་སྟེ་བརྗོད་པར་བྱེད་པའི་དག་དྲི་མ་མེད་པ་འོག་ནས་འབྱུང་བ ་འདི་ཅེས་བྱ་བའོ། །དེ་ལྟར་དགོས་པ་བརྗོད་ནས་ཡུལ་ཁྱད་པར་ཅན་ལ་ཕྱག་འཚལ་བས་བསོད་ནམས་འཕེལ་བ་ནི་ཕྱི་ནང་གི་བར་ཆད་ཞི་བས་རྩོམ་པ་མཐར་ཕྱིན་པའི་ཡན་ལག་ཡིན་པས་དཀོན་མཆོག་གསུམ་ལ་ཕྱག་འཚལ་བར་བྱེད་དེ། ་དེ་ལ་སངས་རྒྱས་ནི་རྒྱུ་ཐུན་མོང་མ་ཡིན་པ་དང་རང་གིས་ངོ་བོ་ཐུན་མོང་མ་ཡིན་པའི་ཡོན་ཏན་གྱིས་ཕྱི་རོལ་དང་ཉན་ཐོས་ལ་སོགས་པ་གཞན་ལས་ཁྱད་པར་དུ་འཕགས་པར་སྟོན་ཏེ། དེ་ལ་ཐུན་མོང་མ་ཡིན་པའི་རང་དོན་བརྩོན་པས་གཞན་དོན་བརྩོན་པ་གང་ཡིན་པའོ།། ་ཡོན་ཏན་བསྒྲུབ་པ་བཟང་པོའི་རྗེས་སུ་མཐུན་མ་གྱུར་ཅེས་བྱ་བ་སྟེ་རང་དོན་བརྩོན་པ་ནི་ཉན་ཐོས་དང་རང་སངས་རྒྱས་ཡིན་ལ། གཞན་དོན་བརྩོན་པ་གང་ཡིན་པའི་ཡོན་ཏན་བསྒྲུབ་པ་བཟང་པོ་ནི་བྱང་ཆུབ་སེམས་དཔའ་སྟེ། བྱང་ཆུབ་སེམས་དཔའ་གཞན ་གྱི་དོན་དུ་ཞུགས་པ་ཉིད་ཡོན་ཏན་བསྒྲུབ་པ་ཡིན་ལ་དེ་ཉིད་ལེགས་ཤིང་ཕན་པས་བཟང་པོ་སྟེ་ཡོན་ཏན་དེ་མཆོག་ཡིན་པས་ཉན་ཐོས་ཀྱི་རྗེས་སུ་མཐུན་པར་མ་གྱུར་ཏེ་ཤིན་ཏུ་དམན་པས་སོ། །ཡང་ན་རང་དོན་བརྩོན་པས་གཞན་དོན་བརྩོན་པ་གང་ཡིན་པའི་བྱང་ཆུབ ་སེམས་དཔའ་གང་ཡིན་པ་ཕ་རོལ་ཏུ་ཕྱིན་པ་དྲུག་གི་ཡོན་ཏན་བསྒྲུབ་པ་དེ་མི་གནས་པའི་མྱ་ངན་ལས་འདས་པ་བཟང་པོའི་རྗེས་སུ་མཐུན་པར་གྱུར་ཅེས་པའི་དོན་ཏོ། །དེས་ན་ཁྱད་པར་དུ་གྱུར་པའི་ཡོན་ཏན་དེ་ནི་རྒྱུས་བསྡུས་པའོ། །རང་བཞིན་གྱི་ཡོན་ཏན་ནི། །ཐམས ་ཅད་མཁྱེན་ཅེས་བརྗོད་པ་མ་ནོར་གསལ་བར་གྲགས་ཞེས་སྨོས་ཏེ་ཉན་ཐོས་དང། རང་སངས་རྒྱས་རྣམས་ནི་ཐམས་ཅད་མཁྱེན་པ་མ་ཡིན་ཏེ་ཤེས་བྱའི་སྒྲིབ་པ་ཡང་མ་སྤངས་པའི་ཕྱིར་རོ། །དེས་ན་སངས་རྒྱས་ལ་ཐམས་ཅད་མཁྱེན་ཅེས་བརྗོད་པ་སྟེ། དོན ་དང་ལྡན་པའི་བརྗོད་པ་ཡིན་ནོ་ཞེས་བྱ་བའི་ཐ་ཚིག་གོ། ཡང་ན་འདི་དག་ནི་ཕྱི་རོལ་པའི་སྟོན་པ་ཐམས་ཅད་མཁྱེན་པར་འདུ་ཤེས་པ་དྲང་སྲོང་ཆེན་པོ་གཟེགས་གཟན་དང་སེར་སྐྱ་ལ་སོགས་པའམ་ཁྱབ་འཇུག་དང་ཚངས་པ་ལ་སོགས་པ་ལས་ཁྱད་པར་དུ ་སྟོན་ཏེ། དེ་དག་ནི་རང་གི་དོན་ལ་བརྩོན་ཏེ་འཚེ་བ་ལ་སོགས་པས་བདག་ཉིད་ཀྱི་དོན་བསྒྲུབ་སྟེ་ལྷ་ལས་ཕུལ་དུ་བྱུང་བའི་སྟོང་བར་བཤད་པ་ལྟ་བུའོ། །གཞན་གྱི་དོན་ལ་བརྩོན་པ་གང་ཡིན་པའི་ཡོན་ཏན་བསྒྲུབ་པ་བཟང་པོ་དེ་བཞིན་གཤེགས་པའི ་གཞན་ལ་ཕན་པ་བསྒྲུབ་པ་ཕུན་སུམ་ཚོགས་པའོ། །དེའི་རྗེས་སུ་མུ་སྟེགས་བྱེད་ཀྱི་སྟོན་པ་མཐུན་པ་མ་ཡིན་ལ་འདི་ནི་ཐམས་ཅད་མཁྱེན་ཅེས་བརྗོད་པ་མ་ནོར་གསལ་བར་གྲགས་ཏེ་བརྗོད་པ་དོན་དང་མཐུན་པའོ། །ཡང་ན་ཚིག་རྐང་པ་དང་པོ་གཉིས ་ཀྱིས་ནི་གཞན་ལ་ཕན་པ་བསྒྲུབ་པ་ཕུན་སུམ་ཚོགས་པ་བསྟན་ཏེ། ཕྱི་རོལ་པ་དང་ཐར་ཉན་ཐོས་ལ་སོགས་པ་པ་ཐོབ་པའི་སྐྱེ་བོ་ལས་ཁྱད་པར་དུ་འཕགས་པ་གཞན་དོན་བསྒྲུབ་པའི་ཐབས་ལ་གནས་པར་སྟོན་ལ། རྐང་པ་གསུམ་པས་ནི ་རང་གི་དོན་ཕུན་སུམ་ཚོགས་པ་བསྟན་ཏེ། ཐམས་ཅད་མཁྱེན་པ་ནི་སྒྲིབ་པ་ཐམས་ཅད་ཟད་པའི་མཁྱེན་པ་ཡིན་པས་སྤངས་པ་དང་ཡེ་ཤེས་ཕུན་སུམ་ཚོགས་པ་བསྟན་ཏོ། །དེ་ཉིད་ཀྱིས་ནི་མཉམ་མེད་ཕྱི་རོལ་པའམ ་སློབ་པ་ཐམས་ཅད་ལས་ཁྱད་པར་དུ་འཕགས་པའི་ཕྱིར་རོ། །དེ་ལྟར་སངས་རྒྱས་ལ་བསྟོད་ནས། ཆོས་དང་དགེ་འདུན་ཞེས་སྨོས་ཏེ། སྟོན་པ་དེའི་བསྟན་པ་དང་སློབ་པའི་ཚོགས་དག་ཡིན་ཏེ། དཀོན་མཆོག་གསུམ་ལ་སྤྱི་བོས་བཏུད་པ་ནི་ཕྱག་འཚལ་བ ་སྟེ། ཕྱག་འཚལ་བ་ནི་བྱ་བའི་ཁྱད་པར་ཡིན་ཏེ། མགོ་ས་ལ་གཏུག་པ་ནི་གཙོ་བོ་ཡིན་པས་དེ་སྨོས་ཏེ། ཡོན་ཏན་བརྗོད་པས་དག་སྔོན་དུ་འགྲོ་བས་ཆོས་ཡིད་དགེ་འདུན་མ་སྨོས་ཀྱང་གྲུབ་སྟེ་དོན་གྱིས་ལས་གསུམ་གྱི་རང་བཞིན་ནོ། །ཡང་ན་རྩོམ་པ ་དང་འབྲེལ་བའི་དོན་གསུམ་དུ་གནས་ཏེ། རྒྱུའི་ཆེ་བ་ལ་མཆོད་པ་བརྗོད་པ་དང། དགོས་པ་བརྗོད་པའི་སྒོ་ནས་རྒྱུའི་ཆེ་བ་དེ་བཤད་པར་དམ་བཅའ་བ་དང། དམ་བཅས་དངོས་སུ་པས་མཐར་ཕྱིན་པའི་ཡན་ལག་འབྲས་བུ་དཀོན་མཆོག་གསུམ་ལ་མཆོད ་པ་བརྗོད་པ་དེ། ཚིགས་སུ་བཅད་པ་ཅིག་དང་གཉིས་དང་བ། བསྡུས་དོན་འདི་ལེགས་ཅིག་གིས་རིམ་པ་བཞིན་ནོ། །དེ་ལ་དོན་དང་པོ་ཡང་ཡུལ་གང་ལ་གང་ཟག་གིས། མཆོད་པའི་དངོས་པོ་གང་གིས་མཆོད་པ་སྟོན་ཏེ། ཡུལ་ནི་རྐང་པ་དང་པོ་གསུམ་མོ ་གང་ཟག་ནི་བདག་གིས་ཞེས་བྱ་བའོ། །མཆོད་པའི་དངོས་པོ་ནི་སྙན་དངགས་མེ་ཏོག་སྙིམ་པ་ཡིས་སོ། །ཡུལ་ནི་ཐུབ་པའི་སྐུ་ཚེ་སྔ་མའི་སྤྱོད་པ་རྨད་དུ་བྱུང་བ་རྣམས་སོ། །ཁྱད་པར་དུ་བྱེད་པའི་ཐུབ་པ་ཉིད་བཤད་པ་ནི། དཔལ་ལྡན་ཡོན་ཏན ་དམ་པ་ཡོངས་སུ་བཟུང་བཀྲ་ཤིས་པ། གྲགས་པའི་གཞིར་གྱུར་མ་སྨད་ཤིན་ཏུ་ཡིད་དུ་འོང་ཞེས་པའོ། །དེའི་ཡི་གེའི་དོན་སྔ་མ་བཞིན་ནོ། །ཡང་ན་སྐུ་ཚེ་སྔ་མའི་སྤྱོད་པ་རྨད་དུ་བྱུང་བ་ཉིད་ཇི་ལྟ་བུ་ཞེ་ན། དཔལ་ལྡན་ཞེས་བྱ་བ་ལ་སོགས་པ་སྟེ་ཡི ་གེའི་དོན་ནི་སྔ་མ་བཞིན་ནོ། །རྒྱུའི་ཆེ་བ་དེ་བཤད་པར་དམ་བཅའ་པ་ནི། འཇིག་རྟེན་མཆོག་གི་སྤྱོད་པ་དམ་པའི་ཕྱོགས་ཙམ་གྱིས། །བདག་གིས་སྙན་དངགས་འདི་བརྩམས་སོ་ཞེས་བྱ་བ་སྟེ། ཡི་གེའི་དོན་ནི་སྔ་མ་བཞིན་ནོ། །དེ་ཡང་དགོས་པ་གང་གིས་རྩོམ ་ཞེ་ན། གྲགས་པའི་མཚན་མ་གྱུར་པ་ཞེས་བྱ་བའི་ཚིགས་སུ་བཅད་པ་གཅིག་སྟེ་ཡི་གེའི་དོན་ནི་སྔ་མ་བཞིན་ནོ། །དམ་བཅས་པ་དེ་མཐར་ཕྱིན་པའི་ཡན་ལག་རྒྱུའི་ཆེ་བ་དེའི་འབྲས་བུ་ཐུན་མོང་མ་ཡིན་པ་དང་ལྡན་པའི་སངས་རྒྱས་དཀོན་མཆོག་དང་དེའི ་ཆོས་དང་དེ་སྒྲུབ་པའི་དགེ་འདུན་ལ་ཕྱག་འཚལ་ལོ། །རང་དོན་སྒྲུབ་པས་ཞེས་བྱ་བ་ལ་སོགས་པའི་ཚིགས་སུ་བཅད་པ་ནི་གཅིག་སྟ་ཡི་གེའི་དོན་ནི་སྔ་མ་བཞིན་ནོ། །རྒྱུ་མེད་པར་བྱམས་པ་ཞེས་བྱ་བ་ནི་འཇིག་རྟེན་པའི་བྱམས་པའི་རྒྱུར་གྲགས་པའི་མཛའ་བཤེས་དང་ཕན་བཏགས ་པ་ལ་སོགས་པ་མེད་པས་རྒྱུ་མེད་ཡིན་གྱི་བྱང་ཆུབ་ཀྱི་སེམས་རབ་ཏུ་གོམས་པའི་རྒྱུ་མཆོག་ཏུ་གྱུར་པ་ནི་མེད་པ་མ་ཡིན་ནོ། །བླ་མའི་དོན་ནི་གསུམ་གྱིས་ཏེ། བླ་མར་བྱེད་པ་དང། དཀོན་མཆོག་གསུམ་གོང་མར་བྱེད་པས། རང་ཉིད་ཀྱི་བསྒྲུབ་པའི་མཆོད་པ། བླ་མ་མགུ་བ་བྱས ་པ་དང། བླ་མར་གྱུར་པ་སྟེ་ཚིག་གསུམ་དང་སྦྱར་རོ། །སྐྱེས་པའི་ལས་བྱས་པ་ཞེས་བྱ་བ་ལ་སོགས་པ་བཙས་སྟོན་དང་སྐྲ་འཚམས་དབྱེ་བའི་ཆོ་ག་ལ་སོགས་པའོ། །རང་བཞིན་གྱིས་ཡིད་གསུངས་པ་ནི་སྐྱེས་ཐོབ་ཀྱི་ཡོན་ཏན་གྱི་ཁྱད་པར་རོ། །མགོན ་སྐྱབས་ཀྱི་རང་ཉིད་གཞན་ནི་ཁྱད་པར་ནི་དགེ་བའི་བཤེས་གཉེན་གྱིས་ཡོངས་སུ་བཟུང་བའོ། །ཤེས་པ་ཆེད་ཆེར་འཛིན་པ་དང་ལེ་ལོ་མེད་པ་ནི་སྦྱོར་བའི་ཁྱད་པར་སྟེ་གུས་པར་སྦྱོར་བ་དང་རྒྱུན་དུ་སྦྱོར་བའོ། །རིག་པའི་གནས་བཅོ་བརྒྱད་ནི། རོལ་མོ་དང། ་འཁྲིགས་པའི་ཐབས་དང། མཚོན་ཆ་དང། གྲངས་དང། སྒྲ་དང། གསོ་སྤྱད་དང། ཆོས་ལུགས་དང། བཟོ་དང། འཕོངས་སྤྱད་དང། གཏན་ཚིག་དང། རྣལ་འབྱོར་དང། ཐོས་པ་དང། དྲན་པ་དང། སྐར་མའི་དཔྱད་དང། རྩིས་དང། མིག་འཕྲུལ་དང། སྔོན་གྱི ་རབས་དང། སྔོན་བྱུང་བའོ། །དེ་ལ་སློབ་དཔོན་གྱིས་གོ་འཕང་ཐོབ་པ་ཡིན་ཏེ། དེ་དག་མཐར་ཕྱིན་པར་?་པའོ། །?་གཞན་སློབ་དཔོན་སྒྱུ་རྩལ་རྣམས་ལ་ཞེས་བྱ་བ་ལ་སྒྱུ་རྩལ་ནི་སྒྱ་མ་དང། ཡི་གེ་དང། ལག་རྩིས ་དང། གྲངས་དང། རྩིས་དང། འཛིན་སྟངས་དང། ཐར་ཚུགས་དང། གོམས་སྟངས་དང། ལྕགས་ཀྱུས་གྱུར་ཐབས་དང། རལ་གྲིའི་ཐབས་དང། ཞགས་པ་གདབ་པ་དང། མངའ་བོ་ཆེ་འོས་སུ་གྱུར་འཕེན་པའི་ཐབས་དང། འཕོང་གི་སློབ་དཔོན་དང། ་མདུན་དུ་བསྒྱུར་བ་དང། ཕྱིར་སྒྱུར་བ་དང། གཅད་པ་དང། དྲལ་བ་དང། དབྱུག་པ་དང། རྒྱབ་ནས་རྡག་པ་དང། སྒྲ་དྲག་པར་ཕོག་པ་དང། གནད་དུ་ཕོག་པ་དང། མི་འཆོར་བར་ཕོག་པ་དང། གནས་ལྔ་ལ་བྱང་བ་དང། འཆོངས་པ་དང། ་གྱད་གྱི་འཛིན་སྟངས་དང། བང་དང། རྐྱལ་བ་དང། གླང་པོ་ཆེའི་གཉར་བཞོན་པ་དང། ཤིང་སྟའི་ཐབས་དང། མངའ་གཞུག་པ་དང། འགྱེད་སྟོབས་དང། དེ་ལ་སོགས་པ་དྲུག་ཅུ་རྩ་བཞི་ཞེས་འབྱུང་ངོ། །དེ་དག་ལ་བདག་གི་རིགས ་དང་མི་འགལ་བ་ནི་ཁ་ཅིག་ནི་གཞན་ལ་སོགས་པས་བྱང་ཆུབ་སེམས་དཔའ་མི་མཛད་པའི་ཕྱིར་རམ་བྲམ་ཟེའི་རིག་པ་མི་འགལ་བ་མི་ཕྱེད་ཕའོ། །དེ་དག་ལ་སློབ་དཔོན་གྱི་གོ་འཕང་ཐོབ་པ་ནི་སྔ་མ་བཞིན་ནོ། །རིག་བྱེད་ཤེས་ལ ་ཞེས་བྱ་བ་ལ་སོགས་པའི་ཚིགས་སུ་བཅད་པའི་དོན་ནི་བྲམ་ཟེས་བཀུར་བ་དང། རྒྱལ་རིགས་ཀྱིས་བསྐུར་པ་དང་གང་ཟག་སྤྱིར་ཐམས་ཅད་ཀྱིས་བཀུར་པ་དང་སློབ་མའི་ཚོགས་ལ་ཕན་འདོགས་པའི་ཁྱད་པར་གྱིས་སྟོར་ཏེ། རིག་ཕྱེད་ཤེས ་པའི་བྲམ་ཟེ་རྣམས་ཀྱིས་ཚངས་པ་ལྟར་བཀུར་པ་སྟེ། རིག་བྱེད་ནི་ཚངས་པས་དྲན་པ་དང་དེ་ལས་ཆེས་མཁས་པ་མེད་པར་གྲགས་པ་ལྟར། བདག་ཉིད་ཆེན་པོ་ཡང་རིག་བྱེད་ཤིན་པ་མཁས་པར་གྲགས་པའི་ཕྱིར་ཚངས་པ་གཉིས་པ་ལྟ་བུར ་འདུ་ཤེས་པའོ། །དེ་ལ་རིག་བྱེད་ནི་གསུམ་སྟེ། ངེས་བརྗོད་དང། སྙན་དངགས་དང་མཆོག་སྦྱིན་ནོ། །ཁ་ཅིག་ནི་སྲིད་བསྲུང་བ་དང་བཞི་འདོན་ནོ། །རིག་བྱེད་དེ་ཡན་ལག་དང་བཅས་པ་དང་ཉེ་བའི་ཡན་ལག་དང་བཅས་པ་ལ་མཁས་པ་སྟེ། ཚེའི་རིག་བྱེད་གསོ ་འབྱེད་དང་སྐར་མའི་དཔྱད་ལ་སོགས་པ་ལ་མཁས་པའོ། །རྒྱལ་པོ་རྣམས་ཀྱིས་བཀུར་བས་ན་རྒྱལ་པོའི་མཆོག་འཁོར་ལོས་སྒྱུར་པ་ལ་སོགས་པ་ལྟ་བུར་གྱུར་པའོ། །སྐྱེ་དགུས་སྤྱིར་མཐོང་བ་དཀའ་ཞིང་ངོ་མཚན་གྱི་གནས་སུ་འཛིན་པས་བརྒྱ་བྱིན ་མངོན་སུམ་དུ་མཐོང་བ་ལྟ་བུར་འདུ་ཤེས་པའོ། །ཤེས་འདོད་ནི་རིག་བྱེད་ལ་སོགས་པ་སློབ་པ་དོན་དུ་གཉེར་བའི་སློབ་མ་རྣམས་ཏེ་དེ་དག་གི་དོན་སྤྱོད་ནུས་བས་ཕས་བུའི་དོན་བསྒྲུབ་པ་དང་འདྲའོ། །སྐལ་པ་དང་ལྡན་པ་ནི་སྐྱེས་ཐོབ་ཀྱི་ཡོན་ཏན་ནོ། །ཡོན་ཏན ་ཁྱོད་པར་དུ་གྱུར་པ་ནི་སྦྱོར་བ་ལས་བྱུང་བའོ། །དགོངས་བསྒྲུབ་བཞིན་དུ་དེའི་སློབ་མར་གྱུར་ཞེས་བྱ་བ་ལ་དགོངས་པ་གྲུབ་པ་ནི་བྱང་ཆུབ་སེམས་དཔའ་ཨོ། །དེ་དང་མཐུན་པས་བཞིན་དུ་སྟེ་དེའི་རྗེས་སུ་བྱེད་པའོ། །བུ་བུ་ཞེས་གཉིས་བརྗོད་པ་མི་རིངས་པ་དང ་ངོ་མཚར་བའོ། །བྱམས་པའི་འཚམས་ལས་འདས་ཞེས་བྱ་བ་ནི་བྱམས་པའི་འཚམས་ནི་བྱམས་པ་ཤིན་ཏུ་ཆུང་ཡང་བདག་གམ་བདག་གི་བུ་ལ་བྱམས་པ་ཡིན་ལ་དེ་ཡང་མེད་བས་དེ་ལས་འདས་པའོ། །འདམ་བུ་མས་ཚིག་བཞིན་ཞེས་བྱ་བ ་ནི་འདམ་བུ་མེས་ཚིག་པ་ནི་ཞུམ་ཞིང་ཐལ་བར་མྱུར་དུ་འགྱུར་ཏེ། དེ་བཞིན་དུ་འགྱོད་པས་ཞུམ་ཞིང་རྩོལ་བ་མེད་པའོ། །ཕྲུག་གུ་བསང་ལས་གཅན་མོ་བསྲུང་བ་དང་ཞེས་བྱ་བ་ནི་ཕྲུག་གུ་བསད་པ་ལས་བསྲུང་བ་ནི་རྒྱུ་གང་གིས་བསད་པ་ལས ་བསྲུང་ཞེ་ན། གཅན་མོ་བསྲུང་སྟེ་གསོད་དུ་མི་གཞུག་པའོ། །གཅན་མོ་ལས་ཀྱང་དེའི་ཕྲུག་གུ་བསྲུང་ཞེས་བྱ་བ་ནི་གཅན་མའི་སྲོག་བསྲུངས་པ་ལས་ཀྱང་མའི་ནུ་ཞོའི་སྟོབས་ཀྱིས་ཕྲུག་གུ་བསྲུང་བའོ། །སྐུ་གདུང་རིན་ཆེན་ནི་སྐུ་གདུང་ཉིད་རིན་ཆེན ་ཡིན་པས་དེའི་མཆོད་རྟེན་ལ་ཡང་དེ་སྐད་ཅེས་བྱའོ། །དེ་འཛིན་ཅིང་ལྡན་པའི་ས་གཞི་ཁེངས་པར་བྱས་ཏེ། གང་གིས་ཞེ་ན་སྔར་གྱི་འཕྲེང་བ་ལ་སོགས་པའི་ཆར་གྱིས་སོ། །སྟག་མོ་ལ་ལུས་བྱིན་པའི་རབས ་ཏེ་རྟོགས་པ་བརྗོད་པ་དང་པོའོ།། །།སྤྲོ་བ་ནི་བསམ་པ་སེམས་ཅན་གྱི་དོན་ལ་མི་སྐྱོ་བའོ། །གསང་ཚིག་ནི་ནང་བློན་པོ་རྣམས་ལ་སྨྲ་བའི་ཁྱད་པར་ཏེ། བྱ་བ་དང་བྱ་བ་མ་ཡིན་པ་འགྲོ་བའོ། །གཟི་བྱིན་གྱི་མཐུ ་ནི་གཟུགས་བཟང་ཞིང་དབང་ཆེ་བར་གྲགས་པའོ། །སྐལ་བ་ཕུན་སུམ་ཚོགས་པ་ནི་སྔོན་བསོད་ནམས་བསགས་པས་རང་བཞིན་གྱིས་གཞན་འདུན་པའོ། །དེ་ལ་འཁོར་གསུམ་རྗེས་མཐུན་ཡོན་ཏན་ཚོགས། །ཕན་ཚུན་འདྲན་པ ་བཞིན་དུ་གནས་པར་གྱུར། །ཅེས་བྱ་བ་ལ། འཁོར་གསུམ་ནི་འབངས་ལ་སོགས་པའི་གྲོས་མཐུན་པའི་སྲིད་དང། ལོངས་སྤྱོད་ཀྱི་འབྱོར་པ་དང། ཡོན་ཏན་གྱི་ཞིང་དང་སྡུག་བསྔལ་བ་ལ་སྦྱིན་པ་རྒྱ་ཆེན་པོ་བྱེད་པའི་ཆོས་ཀྱི ་འབྱོར་པ་སྟེ། དེ་རྗེས་སུ་མཐུན་ཞིང་འཚམ་པའི་ཡོན་ཏན་གྱི་ཚོགས་ཅིག་པས་ཅིག་བཟང་བས་ཕན་ཚུན་འགྲན་པ་བཞིན་དུ་གནས་པའོ། །དངོས་པོ་ཐམས་ཅད་ཡོངས་སུ་རྫོགས་པ་ནི་ཡོན་ཏན་གྱི་དངོས་པོ་འམ་འདོད་པའི་དངོས ་པོའོ། སླུ་བའི་ཚིག་ནི་རྩུབ་མོ་དེའི་སྦྱིན་པ་བསབ་པ་ནི་ཅི་ཡང་མེད་ཅེས་བྱ་བ་ལ་སླུ་བའི་ཚིག་ཉིད་རྩུབ་པ་སྟེ་མི་འདོད་པའི་འབྲས་བུ་སྒྲུབ་པའི་ཕྱིར་རོ། །དེའི་སྦྱིན་པ་བསབ་པ་ནི་ཅི་ཡང་མེད་དེ་དེ་དགེ་བ་འབའ་ཞིག་གིས་ཕན་པར ་འགྱུར་བ་ནི་མེད་དོ། །ལས་ཚིག་ངན་པས་སྦྱིན་པ་བརྡལ?། ཨེ་མའོ་རླབས་ཆེ་བ་ནི་སྦྱོར་བ་ཁྱད་པར་ཅན་ནོ། །ེ་མའོ་སྙིང་རྗེ་ཆེ་བ་ནི་བསམ་པའི་ཁྱད་པར་སྟེ་སྔར་གྱི་གཏོང་བའི་བསྔགས་པའོ། །དེའི་འབྲས་བུ་མཐོང་བའི་ཆོས་ལ་མངོན་སུམ་དུ ་བྱས་པས་ན། འདིའི་སེམས་ནི་ཇི་ལྟར་རྣམ་དག་ལྟོས་ཞེས་བྱ་བའོ། །གཉི་གའི་ཡོན་ཏན་གྱིས་ཨེ་མའོ་ཞེས་བྱ་བ་ཕྱེད་འོག་མའོ། །ཁྱོད་ཀྱིས་བྱིན་གྱིས་རྒྱལ་བ་ནི་དགེ་བ་བྱས་པས་དུས་ཕྱིས་བདེ་ལེགས་ཀྱི་ཁྱད་པར་ཐོབ་པའོ། །བྱིན་དང་སྤྱོད་པས་ནོར ་རྣམས་དོན་ཡོད་བྱོས། ཞེས་བྱ་བ་ནི་གཞན་ལ་བྱིན་པས་དོན་ཡོད་པ་ནི་གཏོང་བའོ། །སྤྱད་པས་དོན་ཡོད་པ་ནི་ལེན་པ་པོས་སོ། །ཡང་ན་བྱིན་པས་སྦྱིན་བདག་ལ་དོན་ཡོད་ལ་བདག་གིས་སྤྱད་པས་ཀྱང་བདག་གི་ལུས་རྟས་པས་དགེ་བ་ལ ་སོགས་པ་བསྒྲུབ་པས་བདག་ལ་དོན་ཡོད་པའོ། །འཇིག་རྟེན་འདི་ལ་གྲགས་པ་ཆེ་བ་འབྱུང་ལ་ཚེ་གཞན་དུ་བདེ་བ་འབྱུང་བའི་ལམ་ཡིན་པས་འཇིག་རྟེན་འདི་དང། ཞེས་རྐང་པ་གཉིས་སོ། །དེ་ལྟར་རིམ་འགྲོ་བསྐྱེད་དེ། བསོད་ནམས་བསགས ་པའོ། འབྲས་བུ་ཡིད་དུ་འོང་ལ་ཚེ་འདི་ལས་བྱུང་བར་བསྟན་ཅིང་གོ་བར་བྱས་པ་ཡིན་ནོ། །ཡིད་དུ་འོང་བ་ཇི་ལྟ་བུ་ཞེ་ན། མེ་ཏོག་ལྟ་བུའོ། །མེ་ཏོག་འདྲ་བ་གང་ཞེ་ན། བདག་གི་མཐུ་ཆེན་པོ་ཐོབ་པར་འགྱུར་པ་སྟེ། སྨོན་ལམ་གྱི་ཁྱད་པར་མཆོག ་ཐོབ་པའོ། །དེའི་གྲགས་པ་ནི་དུས་རྒྱུན་ཡུན་རིང་དུ་རྗེས་སུ་འབྲེལ་པས་གྲགས་པས་རྒྱུན་ཆགས་པའོ། །དེས་ན་ཕྱིས་ཀྱི་སྐྱེ་བོ་རྣམས་བསོད་ནམས་ལ་སྤྲོ་བ་བསྐྱེད་པར་བྱ་བར་བསྟན་ཏོ། །ཤི་བི་བའི་སྐྱེས་པའི་རབས་ཏེ་གཉིས་པའོ།། །། ་དེ་དགྲ་དྲེགས་པ་རྣམས་ཀྱང་བཏང་ཞེས་བྱ་བ་ནི། རྒྱགས་པ་དང་དྲེགས་པ་ཉིད་དགྲ་སྟེ་གནོད་པའི་རྣམ་པ་ཡིན་པའི་ཕྱིར་རོ། །དེ་སྤངས་པས་དེ་སྐད་ཅེས་བྱའོ། །དེ་ལ་རྟེན་པ་ནི་རྒྱལ་པོ་ལ་བརྟེན་པའི་གཉེན་བཤེས་རྣམས་ལ་དེ་ཆགས་པ་བཏང ་ཞེས་བྱ་བར་སྦྱར་ཏེ་རྗེས་སུ་ཆགས་པ་མེད་པའོ། །མི་མཐུན་པ་ལ་ཁྲོ་བ་བཏང་ཞེས་བྱ་བར་སྦྱར་ཏེ་ཁོང་ཁྲོ་བ་མེད་པའོ། །སེམས་ཅན་ཐམས་ཅད་ཀྱི་ལ་བྱམས་པའི་རྗེས་འབྲེང་དཔལ་དེ་བྱམས་པས་འབྱོར་པའི་ཡོན་ཏན་དེ་དང་ལྡན་པའོ།། ་དེ་ལྟ་བུའི་ཡོན་ཏན་རྒྱལ་པོ་ལ་ཡོད་པས་རྒྱལ་པོ་གཞན་ལ་དེ་ལྟར་གྱུར་པ་སྟེ། རྗེས་སུ་ཆགས་པ་མེད་པ་ཁོང་ཁྲོ་བ་དང་དྲེགས་པ་མེད་ལ་སེམས་ཅན་ཐམས་ཅད་ལ་བྱམས་པ་དེ་ལྟར་གྱུར་ཅེས ་པའོ། ཚུལ་ཁྲིམས་ཀྱི་སྡོམ་པ་ངན་པ་མ་ཡིན་པ་ནི་ངེས་པར་བྱུང་བའི་ཚུལ་ཁྲིམས་ཡིན་གྱི་མཐོ་རིས་འདོད་པ་ལ་སོགས་པ་མ་ཡིན་པའི་ཕྱིར་རོ། །གསོ་སྦྱོང་གི་ཡན་ལག་བརྒྱད་པའོ། །ངེས་པར་གནས་པ་ནི་དུས་ཁྱད་པར ་ཅན་ལ་ཁས་ལེན་པའོ། །ནོར་མང་དཔལ་ཡང་རྗེས་ཆགས་ཞེས་བྱ་བ་ནོར་མང་པོ་འབྱོར་པ་ནི་ནར་མང་དཔལ་ལོ། །དེ་རྗེས་སུ་ཆགས་ཤིང་མ་བཏང་བས་རྗེས་སུ་ཆགས་པའོ། །དོན་དང་རྒྱུ་མཚན་མ་ཕྱེ་བར། ཞེས་བྱ་བ་ལ ་དོན་ནི་བརྗོད་པའི་དགོས་པ་སྟེ་བསོད་ནམས་ལ་སྤྲོ་བ་བསྐྱེད་པའོ། །རྒྱུ་མཚན་དེ་དྲན་པའོ། །ཡང་ན་སྐྲ་དེའི་དོན་ཉིད་རྒྱུ་མཚན་ཡིན་པས་དོན་དང་རྒྱུ་མཚན་ནོ། །གཞན་གྱིས་བསྙས་ཤིང་ང་ལ་དམན་པའི་གླ་དེ་ཡང། སྐྱབས ་སུ་རེ་ཞིང་མ་འཚོར་དོགས་ནས་དེ་ལ་ཞུགས་ཞེས་བྱ་བ་ནི་གཞན་གྱི་གླའི་ལས་བྱེད་པའི་དགོས་པ་སྔོན་ཏེ། གཞན་རྗེས་དཔོན་ལ་སོགས་པས་བསྙས་ཤིང་བྱིན་པའི་རྫས་དམན་པ་དང་ཁ་ཟས་དམན་པ་དང་གོས་ངན་པ་ལ ་སོགས་པ་དེ་ཡང་ང་ལ་སྐྱབས་སུ་རེ་ཞིང་ཕན་པར་མཐོང་ནས་སོ། །ཇི་ལྟར་ཕན་འདོགས་ན་མི་འཚོར་དོགས་ནས་གླའི་རྔན་པ་ལ་མ་བརྟེན་ན་འཆི་བའི་ཉེན་ཡོད་པའི་ཕྱིར་རོ། །དེས་ན་ང་དེ་ལ་ཞུགས་ཤིང་བྱ་བ་དེ་བྱས་སོ།། ་ཞེས་བྱའོ། །གྲགས་དང་དཔལ་དང་སྦྱིན་པ་ཕུན་སུམ་ཚོགས་པས་འབར། ཞེས་བྱ་བ་ལ་གྲགས་པ་ཕྱོགས་སུ་རྒྱས་པའི་ཕྱིར་དང། རྒྱལ་སྲིད་ཀྱི་འབྱོར་པ་ཕུན་སུམ་ཚོགས་པའི་ཕྱིར་དང། འབྱོར་བ་དེ་ལས་གཞན་ཕུན ་སུམ་ཚོགས་བའི་སྒོ་ནས་རྒྱས་པའོ། །ས་ཆེན་སྐྱོང་བའི་ས་ཆེན་པོ་དེ་ནི་རྒྱ་མཚོ་ཆེན་པོའི་གོས་གྱོན་པ་སྟེ། གོས་ཀྱིས་ལུས་གཡོགས་པ་ལྟར་རྒྱ་མཚོ་ཆེན་པོས་འཛམ་བུའི་གླིང་གི་ས་ཆེན་པོ་མཛའ་བསྐོར་བའི་ཕྱིར་རོ། །རྒྱ་མཚོ ་དེ་ཉིད་ཇི་ལྟ་བུ་ཞེ་ན། བསེར་མ་ལངས་པས་རླབས་བསྐྱོད་དེ་རླུང་གིས་གཡོ་བར་བྱས་པའི་རླབས་དང་ལྡན་བའོ། །དེ་ལྟ་བུའི་ས་ཆེན་པོ་ཆོས་ཀྱི་ཚུལ་བཞིན་དུ་ཡུན་རིང་དུ་སྐྱོང་བས་ཕན་འདོགས་པ་རྒྱ་ཆེན་པོ་ཡུན་རིང་དུ་སྟོན་ཏོ།། ་སྦྱིན་པ་ལས་བྱུང་ཡོན་ཏན་དགའ་ལ་སོགས་པ་སྣ་ཚོགས་གྲགས་དང་ལྡན། ཞེས་བྱ་བ་ལ་སྦྱིན་པ་ལས་བྱུང་བའི་བསོད་ནམས་ནི་ཡོན་ཏན་སྣ་ཚོགས་དང་ལྡན་པ་སྟེ། དགའ་བ་དེ་དང་གཟུགས་བཟང་པ་ལ་སོགས་པ་དག་དང་ལྡན ་ཞེས་གྲགས་པ་རྒྱ་ཆེན་པོ་དང་ལྡན་པའོ། །བྱུང་བ་ཞེས་བྱ་བ་ནི་རང་བཞིན་ནོ། །སྦྱིན་པ་དེ་དཔེའི་སྒོ་ནས་བསྔགས་པ་ནི། གཏེར་དང་ཆུ་དང་གཞོན་པ་དང་གྲོགས་པོའི་སྒོ་ནས་རྐང་པ་བཞི་རིམ་པ་བཞིན་ནོ། །ཕུན་སུམ་ཚོགས་པ་ཐོབ་པ་གཞན ་ཚིགས་བཅད་ཅིག་གོ་།འབྲས་བུའི་ཆེ་བ་ནི་སྙིང་པོ་ལེན་པ་དང་དབང་ཕྱུག་གི་རྒྱུ་ཡིན་པ་སྟེ་ཐར་པ་དང་ལོངས་སྤྱོད་ཀྱི་རྒྱུ་ཡིན་པའི་ཕྱིར་གོ་རིམས་བཞིན་ནོ། །རྟེན་གྱི་ཁྱད་པར་ནི་སྐྱེ་བོ་མཆོག་གི་ཚུལ་ལོ། །ཡང་ན་རང་གི་ངོ་བོ་སྡེ་དམ་པའི ་སྤྱོད་པ་ཞེས་བྱ་བའི་ཐ་ཚིག་གོ། ཤེས་རབ་ཆུང་བས་རྡུལ་ཙམ་སྦྱིན་མ་ནུས་ཞེས་པས་བཟློག་པས་རྒྱུའི་ཁྱད་པར་སྟོན་ཏོ། །ཤེས་རབ་ཀྱི་ཁྱད་པར་ནི་རྒྱུའོ། །ཟན་དྲོན?་ཆངས་ཅིག་གི་རབས?་ཏེ་གསུམ་པའོ།། །། ་ཡོན་ཏན་དང་སྤྲོ་པ་ཕུན་སུམ་ཚོགས་པས་ནོར་ཕུན་སུམ་ཚོགས་པ་དང་ནི་ལྡན་ཞེས་བྱ་བ་ལ་ཡོན་ཏན་གྱི་ནོར་དང་ལྡན་པས་ནི་སྔོན་དགེ་བ་བསགས་པས་སམ་གཞན་གྱིས་བསྙེན་བཀུར་བྱས་པས་སོ། །སྤྲོ་བ་དང་ལྡན་པ་ནི་འབད་པས་ཚོད ་ལ་སོགས་པའི་བྱ་བས་ལེགས་པར་བསྒྲུབས་པས་ཞེས་བྱ་བའི་ཐ་ཚིག་གོ་།དེའི་ལག་པ་པདྨའི་མཆོག་ནི་ལྷུང་བཟེད་ཐོགས། ཞེས་བྱ་བ་ནི་ལག་པ་ཉིད། མཛེས་པས་པདྨ་མཆོག་ལྟ་བུ་ཡིན་པས?་པདྨ ་མཆོག་གོ་།ཡང་ན་པདྨ་མཆོག་གི་ལྷུང་བཟེད་ཐོགས་པས། ཏེ་ལག་པ་པདྨས་མཛེས་པར་བྱས་པ་ལྟར་ལྷུང་བཟེད་ཀྱིས་ཕྱག་བརྒྱན་པ་ཞེས་བྱ་བའི་ཐ་ཚིག་གོ་།ནོར་ནི་འཁོར་གསུམ་ཁྱད་པར་རྒྱུ་ཡིན། ཏེ་ཞེས་བྱ་བ་ནི་སྲིད་དང་ཆོས་དང ་ལོངས་སྤྱོད་དོ། །དམྱལ་བའི་གཤེད་པོ་མི་བཟང་འབར་བའི་ལྕེ། དེ་ཕྱིར་ཁྱོད་ནི་བཟའ་བར་འདིར་འོངས་སོ། །ཞེས་བྱ་བ་ལ་དམྱལ་བའི་གནོད་པ་ཉིད་སྡུག་བསྔལ་བསྐྱེད་པས་གཤེད་པོ་དང་འདྲ་བས་གཤད་པོའོ། །མི་བཟད་འབར་བ་ནི་སྡུག ་བསྔལ་མི་བཟང་འབར་བའོ། །ཇི་ལྟར་གཅན་ཟན་སྟག་མོ་ལ་སོགས་པས་ལྕེ་བརྐྱང་བས་ཁ་ཟས་ཟ་བ་ལྟར་གནོད་པ་དྲུང་དུ་འོངས་ཏེ་ནང་དུ་འདུད་པས་ལྕེ་དང་འདྲ་བས་ལྕེའོ། །དེ་ཕྱིར་ང་ཞེས་བྱ་བ་ནི་གང་ཕྱིར་ནོར་ཆུད་གསན་པའི་སྡིག་པ་བྱས ་པ་དེའི་ཕྱིར་རོ། །ཉེས་པ་བྱུང་བའི་སྔོན་ན?་མ?་འོག་ཏུ་ཡང་ཞེས་བྱ་བ་ནི་དེ་མ་ཐག་ཏུའོ། །བདེ་དང་ལྡན་ན་གུས་པ་དྲན་པར་གྱིས་ཞེས་བྱ་བ་ནི་སྦྱིན་པ་དོར་བའི་ཚེའོ། །ཡང་ན་འགྱོད་བཞིན་ནི་དྲན་པར་བྱོས?་ཞེས་བྱ་བ་ནི་མ་བོར་བའི་ཚེ་ནའོ། །ཟོ ་འབྲུ་དཀར་པོ་སོའི་འཕྲེང་བ་དང། །བདུད་ལ་འཕྱ་བ་བཞིན་དུ་རྒོད་པར་གྱུར་ཞེས་བྱ་བ་ནི་འཇིག་རྟེན་ན་གཞན་ལ་ཁྲེལ་བས་རྒོད་པའི་ཚེ་སོའི་འཕྲེང་བ་དཀར་པོ་དང་བཅས་པས་རྒོད་པར་བྱེད་དོ། །དེ་བཞིན་དུ་པདྨའི་ཟེ་འབྲུ་དཀར་པོ་དག་བདུད་ལ ་ཁྲེལ་བས་བཞད་པར་བྱེད་པ་ལྟ་བུར་གྱུར་པའོ། །བདུད་ཀྱི་བགེགས་བྱ་བར་མི་ནུས་པའི་རབས་ཏེ་བཞི་པའོ།། །།རླབས་ཆེ་ལ་ཞེས་བྱ་བ་ནི་རྒྱ་མཚོར་རིན་པོ་ཆེ་ལེན་པ་ལ་སོགས་པའོ། །རིམ་པ་འདི ་ནི་གཏོང་བའི་ཚུལ་ཏེ་ཕུན་སུམ་ཚོགས་ནས་ཅུང་ཟད་སྦྱིན་ནོ་སྙམ་པའོ། །དེའི་དོན་ཉིད་ཚིགས་སུ་བཅད་པས་རྒྱས་པར་སྟོན་པ་ནི་ལྟོས་ཤིག་ཅེས་བྱ་བ་ལ་སོགས་པའོ། །ནོར་བསྒྲུབ་པའི་རྒྱུ་ནི་བདག་གི་བློ་ཡིས་ལྕོགས་ཤིང་ཞེས་བྱ་བ་ལ་སོགས་པ་རྐང ་པ་གསུམ་མོ། །རྐང་པ་དང་པོས་ནི་ཞིང་ལས་ཀྱི་ཁྱད་པར་དེ། བསམ་པ་མ་ཡེངས་ཤིང་སྦྱོར་བ་གྲིམས་པའོ། །རྐང་པ་གཉིས་པ་ནི་ཚོད?་གི་ཁྱད་པར་ཏེ། རིགས་དང་མཐུན་པའི་རིགས་བཟང་པོས་ཚོད་དམན་པ་སྤངས་པའི་ཕྱིར་རོ། །དེ་ཉིད་གྲགས་པའི་རྒྱུ ་ཡིན་ཏེ་གཞན་གྱིས་དཔྱས་པར་འགྱུར་བའོ། །ལས་ཀྱིས་ཡོན་ཏན་བཟོ་དང་གསོ་སྦྱང་ལ་སོགས་པའོ། །མངོན་པར་ཆགས་བཞིན་དཔལ་གྱིས་འཁྱུད་པར་གྱུར་ཞེས་བྱ་བ་ནི་ལྷག་པར་ཆགས་བཞིན་འབྱོར་པ་མང་པོ་དང་མི་འབྲལ་བར་གྱུར་ན་ཅེས་པའོ ་བདེ་བའི་རིམ་པ་ནི་ལོངས་སྤྱོད་པའི་རིམ་པ་དེ་ལོངས་སྤྱོད་ཆུད་པ་ལ་སྤྱད་དྲགས་པ་ཡང་དམན་པར་སྟོན་ཏོ། །སྡོམ་ཞིང་མི་གཡང་བ་ནི་སྦྱིན་པའི་དུས་བསམ་པའོ། །སྦྱིན་དགོས་པའི་ཞེས་བྱ་བ་ནི་བདག་ཉིད་ཀྱི་ཆེ་གཞན་གྱི་འདི་སྦྱིན་པ་ལ་ལྟོས་པའི ་ཕྱིར་རོ། །དེ་ལྟར་ཐོག་པའི་ལམ་ཞེས་བྱ་བ་ནི་དམ་པས་སྔོན་སྤྱད་པའི་ཕྱིར་དེ་ལས་གཞན་དུ་མི་རིགས་པའོ། །ང་ཡིས་སླུས་པ་ནི་བརྒྱ་བྱིན་བདག་གིས་སོ། །ཟིལ་གྱིས་མི་ནོན་པ་སྟེ་ལྔ་པའོ།། །།བདག་གིས་པགས ་པ་ཨ་ཛྙི་གྱོན། རང་གི་སྤུ་ཡིས་ཤུན་པགས་བྱས་ཞེས་བྱ་བ་ནི་དགོན་པ་ན་གནས་པའི་དྲང་སྲོང་རི་དགས་ཀྲི་སྣ་ལ་སོགས་པའི་པགས་པ་གྱོན་ཤིང་ཤུན་གྱི་སྐྱེ་རགས་ཡོད་པ་དང་ཆོས་མཐུན་པས་དེ་སྐད་ཅེས་བྱའོ། །དེས་ན་ཐུབ་པ་བཞིན་དུ་ཞེས ་སྨོས་སོ། །ཅིག་ལ་ཅིག་སློབས་པ་ནི་ཡིད་བཙུགས་པས་མི་ཕོང་པ་མེད་པའོ། །དུལ་བ་ནི་ངེས་པ་སྟེ་འཇམ་པའོ། །སྡོམ་པ་ནི་ཚུལ་ཁྲིམས་སོ། །སྦྱོང་པ་ནི་བསྒྲུབ་པའི་དགེ་བ་གཞན་ནོ། །ཡང་ན་སྡོམ་པ་ཉིད་ནི་རྣམ་གྲངས་སོ། །བདེ་དང་མཐུན་ཞིང་ཡོན་ཏན ་མི་མཐུན་ཚུལ་ནི་སྐྱེ་བོ་དམན་པ་སྟེ་འཕྲལ་གྱི་བདེ་བའི་ཕྱིར་ཡོན་ཏན་འདོར་བའོ། །ཡོན་ཏན་མཐུན་ཞིང་བདེ་དང་མ་མཐུན་ཚུལ་ནི་སྐྱེ་བོ་དམ་པ་སྟེ་འཕྲལ་སྡུག་བསྔལ་ཡང་ཡོན་ཏན་མི་འདོར་བའོ། །དེ་ལྟར་གཉིས་ཡོད ་པ་ལས་མི་ཡང་ཞེས་བྱ་བ་ལ་སོགས་པའོ། །ཡོན་ཏན་རྗེས་འགྲོ་ནི་སྦྱོར་བའི་ཡོན་ཏན་ནོ། །རང་བཞིན་ཕུན་སུམ་ཚོགས་པ་ནི་སྐྱེས་ཐབ་བོ། །ཡང་ན་ཡོན་ཏན་གྱི་རྗེས་སུ་བྱེད་པའི་གྲགས་པ་ཞེས་སྦྱར་རོ། །གང་གི་གྲགས་པ་ཞེ་ན་རང་བཞིན་ཕུན ་སུམ་ཚོགས་པ་ཞེས་བྱ་བ་སྟེ་དེའི་ཡོན་ཏན་ནོ། །དེ་ཡིས་བསྐྲད་པ་བཞིན་ཞེས་བྱ་བ་ནི་དཔལ་མིནྟེ་རྒུད་པའོ། །དེ་དང་མི་མཐུན་དྲུང་དུ་ཞེས་བྱ་བ་ནི་བསོད་ནམས་ཆེ་བ་དང། འགལ་བ་བསོད་ནམས་མ་ཡིན་པ་ལ་བྱའོ། །ཁྲོ་བཞིན་དུ་དེ་ཕུང་བར ་བྱེད་པར་འགྱུར་རོ། །བཀུར་སྟི་བྱ་བ་ཡོངས་སུ་བཟུང་ཞིང་ནི་བཀུར་སྟི་བདག་གིར་བྱ་བའོ། །ཞི་བ་ཞེས་བྱ་བ་ནི་དབེན་པ་དང་ཉམས་དགའ་བའི་གནས་ཏེ་དགོན་པ་ཞེས་བྱ་བའི་ཐ་ཚིག་གོ་།དེའི་རྗེས་སུ་བཟུང་བ་ཡང་བདག་གིས་བདག་གིར? ་བྱ་བའོ། །སྐྱིན་འཁོར་ཞེས་བྱ་བ་ནི་སྲོག་ཆགས་ཀྱི་ཁྱད་པར་ཤི་བའི་རོ་བཟང་རུང་བའོ། །ཚངས་པ་ཞེས་བྱ་བ་ནི་བྲམ་ཟེ་ལ་བོད་པ་སྟེ་ཚངས་པའི་བུ་ཐུ་བོ་ཡིན་པའི་ཕྱིར་རོ། །རིགས་པའི་མཆོག་ཞེས་བྱ་བ་ནི་རིགས་བྱེད་ལ་སོགས ་པ་ཤེས་པའི་ཕྱིར་རོ། །མུད?་ཀ?་ནི་འབྲུའི་ཁྱད་བར་རོ། །སྦྱིན་པར་བྱ་བ་དང་ལྡན་བ་ནི་ཡུལ་དང་ལྡན་པའོ། །རྨན་མ་ཞེས་བྱ་བ་ནི་གོས་ལ་སོགས་བ་རྙིང་པ་འམ། །ཟས་ཀྱི་ལྷག་མ་དག་ཀྱང་ཞེས་བྱ་བའི་ཐ་ཚིག་གོ་།ཡོན་ཏན་གོམས་པ ་བསྒོམས་པའི་རྒྱུའོ། །དམ་པའི་སྤྱད་པ་ནི་འབྲས་བུའོ། །རི་བོང་གི་རབས་ཏེ་དྲུག་པའོ།། །།མཁས་པའི་ཕྱིར་ན་དེའི་གྲགས་པ་དང། གཏོང་བ་དང་ནི་དེའི་དཔའ་བར་ལྷག་པར་འགྱུར་ཞེས་བྱ་བ་ལ་མཁས་པའི ་ཕྱིར་ཕྲད་ཉ་ཡིས་དེའི་གྲགས་པ་ཕྱོགས་སུ་རྒྱས་ལ་དེ་ཡང་གཏོང་བ་དང་བརྟན་པ་དང་བབས་པས་ལྷག་པར་གྲགས་པའོ། །དེ་ཉིད་ནམ་མཁའ་དྲི་མ་མེད་པ་དང་ཟླ་བ་ཉ་བ་གཉིས་ཀྱིས་ལྷག་པར་མཛེས་པ་དཔེར་བྱའོ། །སྲིད་པའི་ཡོན་ཏན་ནི་འཇིག་རྟེན ་པའི་བྱ་བ་ལ་མཁས་པ་དང། རིག་བྱེད་ལ་སོགས་པ་ལ་མཁས་པའོ། །དཔྱོད་དང་དབང་པོ་རབ་ཏུ་ཞི་ཞིང་དུལ་ཞེས་བྱ་བ་ལ། སྤྱོད་པ་རབ་ཏུ་ཞི་བ་ནི་ལུས་ཀྱི་སྤྱོད་པ་གཞན་གྱིས་དཔྱས་བྱར་མེད་པའོ། །བརྟུལ་ཞུགས་བསྡམས་ལ་ངེས་བྱས ་ནི་ཚུལ་ཁྲིམས་ཡང་དག་པར་བསྟན་པའོ། །བློའི་མཐུ་ཆུང་རྣམས་ཀྱིས་ཐུབ་པ་ཞེས་པ་སྟེ་དགྲ་བཅོམ་པ་ཡིན་སྙམ་དུ་སེམས་པའོ། །ངེས་པའི་བདག་ཉིད་ཅན་ཞེས་བྱ་བ་ནི་བརྟན་པའི་བདག་ཉིད་ཅན་ནོ། །ཁྲོས་པ་བཞིན་དུ་ཞེས་བྱ་བ་ནི་ཁྲོས་པ་དག ་གནོད་པ་སྒྲུབ་པར་བྱེད་པ་དང་བླངས་པ་མཐུན་པས་སམ། ཁྲོ་བའི་མ་དཔྱད་པ་གཟུ་ལུམས་ཀྱིས་བྱ་བ་བྱེད་པ་དེ་དང་ཆོས་མཐུན་པའི་སྒོ་ནས་དེ་སྐད་ཅེས་བྱའོ། །འཕོངས་པའི་གནས་སུ་གྱུར་པའི་ཕྱིར། བྱིས་པ་ཐ་མ་ཡིན་པར་འདོད་ཅེས་ཐ་མ་སྟེ ་དམན་པ་སྡུག་བསྔལ་བའོ། །དེས་ན་སྙིང་རྗེའི་ཡུན་ཡིན་པས་བྱིས་པ་འདི་དག་ཅེས་བྱ་བ་ལ་སོགས་པའོ། །ཇི་ལྟར་བྱས་ཀྱང་བྱིས་པ་ལ། ཕན་གདགས་པར་ནི་མི་ནུས་ཏེ་ཞེས་བྱ་བའི་དོན་ནི་སློབ་དཔོན་ཤིན་ཏ་དེ་པའི་ཇི་སྐད་དུ། བྱིས་དང་སྐལ་མཉམ ་སྤྱོད་ན། །ངེས་པར་ངན་འགྲོར་འགྲོ་འགྱུར་ཏེ། །སྐལ་བ་མཉམ་པར་ཁྲིད་བྱེད་ན། །བྱིས་པ་བརྟེན་པས་ཅི་ཞིག་བྱ། །སྐད་ཅིག་གཅིག་གིས་མཛའ་འགྱུར་ལ། །ཡུད་ཙམ་གྱིས་ནི་དགྲར་ཡང་འགྱུར། །དགའ་པའི་གནས་ཁྲོ་བར་བྱེད་པས། །སོ་སོའི ་སྐྱེས་བུ་མགུ་བར་དཀའ་། །ཕན་པར་སྨྲས་ནའང་ཁྲོ་བར་བྱེད། །བདག་ཀྱང་ཕན་ལ་བཟློག་པར་བྱེད། །དེ་དག་དག་ནི་མ་མཉན་ན། །ཁྲོས་ན་ངན་འགྲོར་འགྲོ་བར་འགྱུར། །ཞེས་བྱ་བ་ལ་སོགས་པ་གསུངས་པ་ལྟ་བུའོ། །སློབ་དཔོན་འདི་ཉིད་ཀྱིས་ཀྱང? ་དེ་ཉིད་རྒྱས་པར་བཤད་པ་ནི། དེ་ལྟ་བས་ན་ཞེས་བྱ་བ་ལ་སོགས་པ་གསལ་བར་བྱེད་དོ། །དེ་ལྟར་ལ་ཕན་གདགས་པར་མི་ནུས་ལ། ནུས་ན། བདག་ཅག་ལྟ་པུས་ཇི་ལྟར་ན། དེ་ལ་ཕན་པ་བརྩོན་མི་བྱེད ་ཅེས་བྱ་བ་ཡིན་ནོ། །ཚུལ་མ་ཡིན་པ་ནི་བྱ་བ་ཚུལ་མ་ཡིན་པ་སྟེ་མི་དགེ་བའོ། །ཚུལ་མ་ཡིན་པ་དེ་ཉིད་ནི་དུས་དང་དང་པོའི་རིམ་པ་དང་མི་མཐུན་པ་སྟེ་ཉེས་པར་སྤྱོད་པ་དང་གཡོ་དང་སྒྱུ་ཀུན་ཏུ་སྤྱོད་པའོ། །མཁས་པའི་ང་རྒྱལ་གཏི་མུག ་མེས་བསྲེགས་ཞེས་བྱ་བ་ནི། མཁས་བའི་ང་རྒྱལ་ཕྱེད་པའི་ཀུན་ཏུ་རྨོངས་པ་ཉིད་མེ་དང་འདྲ་སྟེ་ཕན་པའི་གདམ་ངག་ཉིད་སྲེག་ཅིང་ཆུང་གསོན་པའི་ཕྱིར་རོ། །འདུལ་བ་བརྩོན་འགྲུས་ཆུང་བ་ནི་དབང་པོའི་སྒྲོ་སྡོམས་པའམ་ལགས ་པར་སྤྱོད་པ་ལ་འབད་མི་ནུས་པ་སྟེ། དེ་དག་གིས་ན་གཟུ་ལུམས་ཅན་ཏེ་ལེགས་པར་དཔྱོད་པོའི་ཤེས་རབ་མེད་པའི་ཕྱིར་རོ། །དེ་ལྟར་བཤད་ནས་འཇུག་བསྡུས་པ་ནི་ལྷའི་གཙོ་བོ་དེ་བས་ཞེས་བྱ་བ་ལ་སོགས་པའི་ཚིགས་སུ་བཅད་པའི ་ལེགས་བར་སྨྲས་པས་རིན་ཆེ་བ། །རིན་ནི་ཅི་ཡང་ཡོད་མ་ཡིན། །ཞེས་བྱ་བ་ནི་ཡོན་དབུལ་བར་འོས་ཀྱང་དེ་མེད་པའོ། །འོན་ཀྱང་དགའ་བའི་མེ་ཏོག་སྙིམ་པས་འཐོར་དཀར་བཞིན་ཏེ་ལེགས་སྤྱད་ལ་དགའ་ཞིང་རྗེས་སུ་ཡི་རང་བ་ཉིད་མེ་ཏོག ་སྙིམ་པས་བཀང་ནས་འབུལ་བ་ལྟ་བུ་ཡིན་ནོ། །ཞེས་བྱ་བའོ། །འོན་ཀྱང་ཁྱོད་ལ་ཚེ་རིང་བ་འམ་ཡོ་བྱད་འཕེལ་བ་ལ་སོགས་པའི་མཆོག་སྦྱིན་གྱིས་སློངས་ཤིག་ཅེས་འདིར་ཡང་ཁྱོད་ལ་མཆོག་སྦྱིན་ཞེས་སྨྲས་སོ། །སྐྱེས་བུ་དམ་པ ་གནས་སྐབས་ཐམས་ཅད་དུ་བདེ་བ་བསྟན་པའི་ཕྱིར་ཞེས་བྱ་བ་གནས་སྐབས་ཐམས་ཅད་ནི་མཐོང་བ་དང་ཐོས་པ་དང་འགྲོགས་པ་དང་སྨྲ་བའོ། །དེ་ཉིད་བརྟན་པ་མཐོང་ཞིང་ཞེས་བྱ་བ་ལ་སོགས་པའི་ཚིགས་སུ་བཅད་པའོ། །བརྟན་བ ་དེ་ནི་དགེ་བ་བསྒྲུབ་པ་ལ་བསམ་པ་འམ་སྦྱོར་བ་ཐམས་ཅད་བརྟན་པ་སྟེ་དགེ་བའི་བཤེས་གཉེན་ནོ། །དེ་སྒོས་ཤིག་ཞེས་བྱ་བ་ནི་བརྟན་པ་དེའོ། །བརྟན་པས་ཁྱོད་ལ་ཅི་ཞིག་ཞེས་བྱ་བ་ནི་དེ་མཐོང་བ་ལ་སོགས་པའོ། །འོད་སྲུང་ཞེས་བྲམ་ཟེའི ་རིགས་ཀྱི་སྒོ་ནས་བོ་ད?་པའོ། །བརྟན་པ་གཞན་འདོད་བས་ཁྱོད་མི་བརྟན་པ་ལྟ་བུར་གྱུར་ཏེ། བརྟན་པ་ནི་མི་གཡོ་བ་ཡིན་ན་ཁྱོད་ནི་བརྟན་པ་གཞན་འདོད་སྤས་གཡོ་བ་དང་བཅས་པས་མི་བརྟན་པའོ། །བརྟན་པ་དེ་ནི་དགེ་བའི་བཤེས་གཉེན ་གྱི་ཁྱད་པར་སྟེ་དེ་དང་ཕྲད་པ་ལ་སོགས་པ་ནི་དོན་ཚེ་བའི་ཕྱིར་རོ་ཞེས་སྟན་པ་ནི་གྲོགས་པོ་ཉོན་ཅིག་ཞེས་བྱ་བ་ལ་སོགས་པའོ། །དེའི་ཚིག་ནི་ཕན་པ་དང་ལྡན་པ་ཡིན་ཞེས་པ་ནི་མཁས་པའི་ང་རྒྱལ་གཏི་མུག་མེས་བསྲེགས་པ། ཕན་པར་སྨ་ལས་ཁྲོ ་བས་རྩུབ་འགྱུར་བ་ལས་བཟློག་པའོ། །གཡོ་སྒྱུ་མེད་པའི་དུལ་བས་རྟག་ཏུ་བརྒྱན་ཅིང་འདུལ་ལ་བརྩོན་འགྲུས་ཆུང་བས་གཟུ་ལུམས་ཅན་ལས་བཟློག་པའོ། །དེ་ལྟ་ཕན་པ་དག་ཀྱང་བརྟན་པར་ནུས་པ་ནི་དེ་ལྟ་བུ་དག་ལ་ཕན་གདགས་པར་ནུས་པའོ ་ཞེས་བྱ་བའམ། ཡང་གྲོགས་སྐལ་བ་དང་ལྡན་པ་དག་ལ་ནི་བདག་གིས་ཀྱང་ཕན་པ་བརྟན་པས་ཕན་གདགས་པར་ནུས་པ་སྨྲོས་ཞེས་པ་ལས་བཟློག་པའོ། །དེ་བས་བདག་གིས་ཡོན་ཏན་བརྟན་པའི་དགེ་བ་རབ་ཏུ་གཞོལ་བར་འགྱུར་ཏེ། དགོས ་པ་གང་གིས་ཞེ་ན། བདག་ཀྱང་ཡོན་ཏན་དེ་ལ་རབ་ཏུ་དགའ་བའི་ཕྱིར་སྟེ་གྲོགས་བཟང་པོའི་ཡོན་ཏན་ནི་བདག་ལ་བགོ་བ་སྟེ། འོག་ནས་ཇི་སྐད་དུ། དམ་པ་རྣམས་ནི་སུས་ཀྱང་མི་བསྲིད་དོ། །དུལ་བའི་ཚུལ་གྱིས་དགེ་བ་བསྙེན་བར་བྱ། དེ་དང་ཉེ་ན ་དེའི་ཡོན་ཏན་རྡུལ། །ཆེད་དུ་མ་བྱས་པ་ཡང་འགྲོ་བར་འགྱུར་ཞེས་གསུངས་པ་ལྟ་བུའོ། །སྦྱིན་པའི་ཚོགས་པ་ཚང་བར་སྨོན་པའི་སྒོ་ནས་སྦྱིན་པ་ལ་རབ་ཏུ་དགའ་བ་དེ་བརྟན་པའི་ཕྱིར་སྨྲས་པ་ཞེས་སྨྲས་སོ། །ཚོགས་བ་ཚངས་པ་ནི་གསུམ ་གྱིས་ཏེ། དངོས་པོ་དང་བསམ་པ་དང་ཞིང་གི་ཁྱད་པར་གསུམ། ཁ་ཟས་བཟང་པོ་ཉེས?་པ་སྤངས་པ་ཞེས་བྱ་བ་དང། ཡིད་ཀྱང་སྦྱིན་ལ་དགའ་དང་མཐུན་གྱུར་ཞིང་ཞེས་པ་དང། སློབ་པ་རྣམས་ཀྱང་ཚུལ་ཁྲིམས་རྣམ ་དག་པ་རྒྱན་ཞེས་པ་དང་རིམ་པ་བཞིན་ནོ། །ཁྱོད་ཀྱིས་འདི་དག་བདག་ལ་ཡིད་གྱུར་མཆོག་སློང་ངོ་ཞེས་སྦྱར་རོ། །དེ་ནས་ནམ་ནངས་ཞེས་པ་ལ་སོགས་པ་ལ་སྦྱིན་པའི་ཚོགས་པའོ། །མཆོག་བསླད་བ་ལས་གཅིག་ནི་བྱང་ཆུབ་སེམས་དཔའ་ ་ལ་ཡོད་པ་ཡིན་ལ་གཞན་གཉིས་བྱིན་པས་སྦྱིན་པ་རྒྱ་ཆེན་པོ་བྱས་པའོ། །དཀའ་ཐུབ་ཅན་དང་མཐུན་པའི་ཚུལ་དག་གིས་གནས་པ་ནི་སྦྱངས་པའི་ཡོན་ཏན་ལ་གནས་པའོ། །བསམ་གཏན་ཚད་མེད་སྡོམ་དང་ཞི་པའི་ཚུལ་གྱིས་གནས ་ཞེས་བྱ་བ་ལ་བསམ་གཏན་ཚད་མེད་ནོ་དངོས་གཞིའོ། །སྡོམ་པ་ནི་རྒྱུའོ། །ཞི་བ་ནི་འབྲས་བུ་མྱ་ངན་ལས་འདས་པ་དེའི་ཆེད་དུའོ། །། གང་སྤྱའི་རབས་ཏེ་བདུན་པའོ།། །། ་རྒྱལ་པོ་དེ་ཡང་དེ་དག་བཞིན་དུ་གྱུར་ཞེས་བྱ་བ་ནི་དེ་དག་ལ་དེ་བཞིན་དུ་གྱུར་པ་སྟེ་བདེན་པ་དེ་ཞིང་སྡུག་བསྔལ་ན་སྡུག་བསྔལ་བའོ། །དེ་བས་ན་ཞེས་བྱ་བ་ནི་སྙིང་རྗེ་དང་ལྡན་པ་བཞིན་ནོ། །མཚོན་ཆས་གོམས་པ་ནི་མཚོན་ཆའི་ཐབས་ལ ་གོམས་པའོ། །གཙུག་ལག་ནི་རྒྱལ་པོའི་སྤྱོད་ཚུལ་སྟན་པའི་གཙུག་ལག་པའོ། །འབངས་དེ་རྣམས་རྒྱལ་པོའི་བཀའ་ལ་གནས་པས་ཕན་ཚུན་འཚོ་བ་མེད་པས་མཚོན་ཆ་མི་དགོས་མེད་ཀྱིས་མཛེས་པའི་ཕྱིར་མཚོན་ཆ་ཐོགས་པར་བྱེད་པས། ་དེའི་མཚོན་ཆ་རྒྱན་དང་འདྲ་བར་འགྱུར། འཇིག་རྟེན་ལ་ཕན་པ་བསྒྲུབ་པ་འབྱུང་བའི་སྙན་དངགས་ཀྱི་ཚུལ་ལུགས་ཀྱིས་བསྟན་བཅོས་དོན་དང་ལྡན་པའོ། །དེས་ན་གཙུག་ལག་གསལ་བར་སྣང་བ་ནི་དེ་ལ་བརྟེན་ནས་བྱ་བ་དང་བྱ་བ་མ་ཡིན་པ་ཀུན ་ཤེས་པའོ། །ཚར་གཅད་པའི་བྱ་བ་ནི་ཆོས་དང་འགལ་མི་བྱེད་པ་ནི་གསོད་པར་མི་བྱེད་པ་དང་གང་ལ་གང་འོས་པ་ལས་ལྷག་པར་མི་འདའ་བའ་ཨོ། །ཕན་བཏགས་པ་ལ་ཆོས་དང་འགལ་བའི་བྱ་བ་མི་བྱེད་པ་ནི་ཕན་གདགས་པར་འོས་པ་ལ་མི་འདོགས ་པའམ་ཆེར་བཏགས་པ་ལ་རྒྱུ་ཆུང་ངུ་ཙམ་ལས་མི་བྱེད་པ་སྟེ་དེ་མི་བྱེད་པའོ། །ཚུལ་མཁས་པ་ནི་རྒྱལ་པོའི་སྤྱོད་ཚུལ་ལ་མཁས་པའོ། །ཡང་ན་ཕ་རོལ་པོའི་སྤྱོད་ཚུལ་གང་ཕན་གནོད་དུ་གྱུར་པ་ཤེས་པའོ། །དེས་སྐྱེས་དགུ་འབངས་ཀྱི་དོན་ལ་རྟོགས ་མཁས་པས་དོན་དང་མཐུན་པའི་བྱ་བ་བྱེད་པས་ཕ་བཟང་པས་བུ་ལམ་བཟང་པོ་ལ་སྦྱོར་བ་ལྟ་བུའོ། །བདེན་པ་དང་གཏོང་བ་དང་ཉེ་བར་ཞི་བ་དང་ཤེས་རབ་ནི་བྱིན་གྱིས་བརླབས་བཞི་སྟེ། དེ་བཞི་དང་ལྡན་པས་སངས་རྒྱས་དང་བྱང་ཆུབ་སེམས་དཔའ་ ་བྱིན་གྱིས་བརླབས་བ་ལྟར་སྣོད་དུ་རུང་བར་འགྱུར་བའོ། །བདེན་པ་ནི་བདེན་པར་སྨྲ་བའོ། །གཏོང་བ་ནི་གཏོང་བ་ལ་མཁས་པའོ། །ཉེ་བར་ཞི་བ་ནི་དབང་པོ་མི་རྒོད་ཅིང་དུལ་བའོ། །ཤེས་རབ་ནི་བྱ་བ་དང་བྱ་བ་མ་ཡིན་པ་ལ་མི་རྨོངས་པ་སྟེ། གཞན་ན་གཅིག ་ཏུ་ཕན་ན་བདེན། མི་ཕན་ཕྱིར་ན་གཅིག་ཤེས་བརྫུན། ཇི་ལྟར་རྒྱལ་པོའི་ཉེས་པ་དག། སྦྱིན་བརྩལ་གཅིག་གི་སྤེད་པ་ལྟར། ཉེ་བར་ཞི་བ་བབ་པའི་ཕྱིར། མཆོག་ཏུ་གུས་པ་བྱེད་པར་འགྱུར། ཤེས་རབ་ལྡན་པས་བློ་མི་འཕྲོགས་གཞན་གྱི་དྲིང་མི་འཇོག་ཅིང་བརྟན། འཕགས་པ་ཀླུ་གྲུབ་ཀྱིས་རིན་པོ་ཆེའི་འཕྲེང་བ་ནས ་བཤད་པ་ལྟ་བུའོ། །ཁྱད་པར་དུ་བྱུང?་བ་ནི་སེམས་ཡོངས་སུ་སྨིན་པར་བྱེད་པའོ། །རླབས་ཆེ་བའི་རིམ་པས་དར་བ་ནི་རང་གི་སངས་རྒྱས་ཀྱི་ཆོས་ཡོངས་སུ་རྫོགས་པར་བྱེད་པའོ། །ཡང་ན་སྐྱེ་དགུ་རྣམས་ཀྱིས་ཡོངས་སུ་སྐྱོང་བས་ན་དེ་རྣམས་དར་བ་སྟེ་དེ་དག་བདེ? ་ལེགས་ཐོབ་པའོ། །ཡང་དག་།དེའི་རྒྱུ་ནི་སྔ་མ་བཞིན་གཉིས་པའོ། །གནོད་པ་ཐམས་ཅད་མེད་པ་ནི་ཕྱི་ནང་གི་ཉེ་བར་འཚོ་བ་མེད་པའོ། །དགེ་པ་སྣ་ཚོགས་ཡོད་པ་ནི་ལུས་དང་ལོངས་སྤྱོད་ཀྱི་འབྱོར་པའོ། །ཕུན་སུམ་ཚོགས་པ་མཆོག་དང་ལྡན་པ་ནི ་རྒྱལ་པོའོ། །མིང་ནི་དོན་དང་མཐུན་མ་གྱུར་ཞེས་བྱ་བ་ནི་གནོད་སྦྱིན་ཞེས་བྱ་བ་གཞན་ལ་གནོད་པ་སྦྱིན་ཞིང་མདངས་འཕྲོག་པ་ལ་སོགས་པ་བྱེད་པ་ཡིན་ན་དེའི་ནུས་པ་མེད་པས་སྒྲ་དོན་མི་གནས་སོ་སྙམ་པའོ།། ་གང་ལས་ཐར་པར་འགྱུར་བ་རབ་དཀའ་ཞེས་པ་ནི་མི་ཤ་དང་ཚིལ་དག་ཟ་བའི་སྲིན་པོ་ཞེས་བྱ་བ་དང་སྦྱར་བའོ། །ཇི་ལྟ་བུ་དག་ཀྱང་ཐར་པར་དཀའ་ན་རིགས་སྔགས་ཀྱིས་སྲུང་བ་འམ། དེའི་བཟླས་བརྗོད་བྱས་པའོ། །དཀའ་ཐུབ་ནི་ཚུལ ་ཁྲིམས་དང་སྨྱུང་བར་གནས་པ་ལ་སོགས་པས་སོ། །བདེ་ལེགས་ཏེ་ཡོངས་སུ་བསྐྱབས་པའི་ཁྱད་པར་རོ། །དེས་ནི་མི་མ་ཡིན་པའི་སྲུང་བའོ། །མིའི་སྲུང་བ་ནི་གྲོགས་ཀྱིས་ཞེས་བྱ་བ་ལ་སོགས་པའོ། །དེ་དག་ནི་གཞན་གྱི་སྟོབས་ཡིན ་ལ་རང་གི་སྟོབས་ནི་དཔའ་ལ་འཇིགས་པ་མེད་ཞེས་བྱ་བས་སོ། །གང་དུ་ཐར་པར་དཀའ་ཞེ་ན། ནགས་ཚལ་རབ་ཏུ་དབེན་ཞིང་ཟབ་པ་ཡང་བ་འཇིགས་པའི་ས་ན་ཞེས་བྱ་བ་སྟེ་དེ་ནི་གཞན་གྱི་རྐྱེན་དང་རང་གི་རྒྱུ་ཡོད་ཀྱང་ཞེས་བྱ་བའོ།། ་བདེ་ལེགས་ཆེན་པོ་ཞེས་བྱ་བ་ནི་རིགས་སྔགས་དང་དཀའ་ཐུབ་ཐམས་ཅད་པས་མཆོག་ཏུ་གྱུར་པས་རྒྱལ་པོའོ། །རྣམ་པར་གནོན་པ་གཞན་ཟིལ་གྱིས་གནོན་པར་བྱེད་པའོ། །ཉིད་ཀྱི་རྒྱལ་པོའི་མཐུ་དེ་ལྟ་བུ་ནི་རང་གི་ཆེ་བ་ཉིད་ཀྱིས་ཐོབ་པའོ།། ་ཞེས་བྱ་བ་ནི་རང་གི་སྔོན་བསོད་ནམས་ཀྱི་ཚོགས་བསགས་པའི་ཁྱད་པར་གྱིས་ཐོབ་པའོ། །དེ་དཔུང?་བྱམས་པ་ཞེས་བྱ་བ་ནི་བྱམས་པ་ཉིད་ཀྱིས་དགྲ་རྣམས་མི་འབྱུང་བས་དགྲའི་དཔུང་བཟློག་པ་ནི་སེམས་ཅན་ཐམས་ཅད་ལ་བྱམས་པ་ཡིན་ནོ་ཞེས་བྱ་བའི་ཐ་ཚིག་གོ་། ་ཇི་སྐད་དུ་བྱམས་པའི་སྟོབས་ཀྱིས་ཐུབ་པ་ཡོངས་བསྲུངས་ཏེ། ཞེས་གསུངས་པ་ལྟ་བུའོ། །འོ་ན་རྒྱལ་པོ་དེ་ལ་དཔུང་གི་ཚོགས་ཤིང་རྟ་ལ་སོགས་པ་མེད་དམ་ཞེ་ན། རུ་མཚོན་ཁྲ་བོ་དཔུང་ནི་གོ་ཆ་ཙམ་ཞེས་པ་སྟེ་བ་དན་དང་རྒྱལ་མཚན་ཁྲ་བོས་ཐོག ་དྲངས་པའི་དཔུང་ཡོད་ཀྱང་ལྟད་མོ་ཙམ་དུ་ཟད་ཀྱི་དགྲ་འདུལ་བ་ལ་མི་དགོས་ཞེས་པའོ། །དེ་ནི་མི་ཁྲོ་ཚིག་རྩུབ་མི་སྨྲ་ཡང། ལེགས་པར་བསྲུང་ཞེས་བྱ་བ་ནི་བསམ་པ་དང་སྦྱོར་བ་རྩུབ་པས་ནན་ཏུར་བྱ་མི་དགོས་ཀྱི་བྱམས་པའི་ལུས་དང་ངག་གི་ལས་ཀྱིས ་གཞན་ཉེས་པ་ལས་ཟློག་པར་བྱེད་དོ་ཞེས་བྱ་བའོ། །ཁྱེད་དེར་དོང་ན་རྒྱལ་པོའི་ཡོན་ཏན་རྒྱ་ཆེར་ཤེས་པར་འགྱུར་རོ། །ཞེས་སྦྱར་རོ། །གང་གི་སྒོ་ནས་ཤེས་ཞེ་ན། འབངས་ལ་ཡོད་པའི་ལེགས་པའི་ཁྱད་པར་དང་ལྡན་པས་དེ་ལས་དཔགས་པས་རྒྱལ་པོའི་ཡོན ་ཏན་ཤེས་པར་འགྱུར་རོ། །འབངས་ཀྱི་ཡོན་ཏན་ནི་སྐྱེ་བོ་རྣམས་རང་གི་ཆོས་ལ་དགའ་བས་ཡ་རབས་ཀྱི་ཚུལ་ལ་གནས་པ་ལ་སོགས་པའོ། །ཡོན་ཏན་བརྗོད་པས་གཞན་ལས་ཐོས་པས་མཐོང་བར་འདོད་ལ་མཐོང་ཞིང་ལེགས་པར་བརྟགས་པར་ངེས་པར ་མངོན་སུམ་དུ་འགྱུར་རོ་ཞེས་བྱ་བའོ། །བརྟུལ་ཞུགས་མ་ཉམས་པདྨའི་སྤྱན་ཞེས་བྱ་བ་རྒྱལ་པོ་འཁོས་པའོ། །སྙིང་རྗེ་མེད་ཀྱང་ཕ་རོལ་གསད་པར་མི་ནུས་ན་ཡང་འབད་པ་དོན་མེད་པར་འགྱུར། གལ་ཏེ་གསད་པར་ནུས་ན་བདག་ལ་ཕན་པར་བྱེད་པ་ལ་གོམས་པ ་ཡིན་ན་ཡང་དེ་ལ་དཀའ་བ་ཅི་ཞིག་ཡོད་དེ་ལྟ་བུ་གསད་པར་དཀའ་བ་བཞིན་ནོ། །དེ་དག་གིས་ནི་ཟས་བསྒྲུབ་པའི་དུས་ཀྱི་གནོད་པ་བསྟན་ནས། འབྲས་བུའི་ཉེས་པ་བསྟན་པའི་ཕྱིར་སྙིང་རྗེ་མེད་ཅིང་མ་ཞི་བ་ཞེས་བྱ་བ་ལ་སོགས་པའོ། །བཅོས་པའི་སྡུག་བསྔལ་ནི ་ཆེད་དུ་བསྒྲུབས་པའོ། །ཤིན་ཏུ་བཟང་པོ་ནི་དོན་ཆེ་བ་སྟེ་འདི་གཞན་གྱི་སྲོག་རྟེན་པ་དང་གཞན་དུ་བདག་གི་བྱང་ཆུབ་ཆེན་པོ་ཉེ་བར་རྟེན་པའི་ཕྱིར་རོ། །ལྷས་འདི་དག་མི་མཁྱེན་པ་ཡང་མ་ལགས་ཏེ་ཞེས་བྱ་བ་ནི། འདི་དག་བསམ་པ་གང་གིས་སློང་བའི་བསམ་པ ་མཁྱེན་པའི་རིགས་ཏེ། དེས་ན་གཏང་བར་མི་རིགས་པའོ། །བསམ་པ་གང་ཞེ་ན། སྐྱེ་དགུ་རྣམས་ལ་གནོད་པ་གང་དང་གང་དེ་དང་དེ་དག་གིས་གནོད་སྦྱིན་རྣམས་ལ་དགའ་བས་རྒྱལ་པོ་ལ་གནོད་པས་གཞན་རྣམས་ལ་ཡང་གནོད་པའི་ཕྱིར་སློང་བ་ཡིན་གྱི་རྒྱལ ་པོ་ལ་སློང་བ་ཙམ་ནི་མ་ཡིན་ནོ་ཞེས་བྱ་བའོ། །དེའི་དོན་གསལ་བར་བྱ་བའི་ཕྱིར། སྐྱེས་བུ་དཔའ་བོ་ཁྱོད་ཀྱི་མཐུས་སྐྱབས་པའི། །འཇིག་རྟེན་གདོན་མི་ཟ་བར་འདིས་མི་བཟོད་ཅེས་བྱ་བ་སྟེ་དེའི་རྒྱུས་སློང་ངོ་ཞེས་བྱ་བའི་ཐ་ཚིག་གོ་། ་ཚུལ་གྱིས་ཚུལ་མིན་སྐྱེ་དགུ་ཕུང་བར་འདོད་ཞེས་བྱ་བ་ནི་གུས་པར་སློང་བའི་ཚུལ་གྱིས་བླངས་པས་རྒྱལ་པོ་གྲོངས་པར་འགྱུར་བ་དང་སྐྱབས་མེད་པའི་སྐྱེ་དགུ་རང་དབང་དུ་ཕུང་བར་བྱེད་དེ་ལྟ་རྒྱལ་པོ་ལ་བརྟེན་ནས་མ་ནུས་སོ་སྙམ་པའོ། །རྒྱལ་པོའི་ཤ? ་ཁྲག་ཙམ་གྱིས་ཆོག་པར་འཛིན་ཅིང་དེ་ཙམ་དོན་དུ་གཉེར་བ་མ་ཡིན་པར་ཅིས་ཤེས་ཞེ་ན། མཆོད་སྦྱིན་ཚེ་ན་སུམ་ཅུ་རྩ་གསུམ་པའང། ཚིལ་དང་ཞག་ལ་སོགས་པ་བསྲགས་པས་མགུ་ཞེས་བྱ་བ་སྟེ། ལྷ་རྟེན་ལ་མཆོད་སྦྱིན་བྱེད་པའི་ཚེ་ན་གནོད་སྦྱིན་པས ་བཟང་བའི་སུམ་ཅུ་རྩ་གསུམ་པ་ལ་ཡང་དེ་ཙམ་གྱིས་མགུ་ན་གཞན་ལྟ་ཅི་སྨོས་པ་ལས་ད་ལྟ་ནི་ཁྱོད་ཀྱི་ཞལ་ཟས་ཕུན་སུམ་ཚོགས་པ་དག་གུས་པར་བྱིན་ཡང་འདི་དག་འདོད་པར་མི་འགྱུར་པའི་ཕྱིར་རོ། །ཆོས་ཀྱི་བཀའ་ཁྲིམས་དག་ལ་ཐོག ་མར་འགྲོ་བ་ནི་གང་གིས་ལྷག་པར་བྱ་དགོས་པའི་རྒྱལ་པོ་ལྟ་བུའོ། །གནས་སྐབས་ཇི་ལྟར་འགྱུར་ཞེས་བྱ་བ་ནི་ངན་པའི་སྤྱོད་པ་ཁོ་ནར་འགྱུར་རོ་སྙམ་པའོ། །གཏོང་བ་འདི་ཡང་སྐྱེ་དགུ་རྣམས་ཀྱི་དོན་གྱི་ཕྱིར་ཏེ་དེ་ལ་རྗེས་སུ་ཡི་རང་བ་ལ་སོགས ་པས་སློབ་དུ་གཞུག་པའི་ཕྱིར་རོ། །དེས་ནི་གོང་དུ་སྐྱེ་དགུ་ལ་གནོད་པར་འགྱུར་སྙམ་པའི་ལན་དོན་གྱིས་བཏབ་པ་ཡིན་ནོ། །དགེ་བའི་གཟི་ཅི་འདྲ་སྟེ་གཟི་ཉམས་པར་འགྱུར་ཏེ་ཟླ་བ་གཟས་ཟིན་པ་ལྟ་བུའོ། །ལེགས་སམ་གལ་ཏེ་མ་ལེགས ་ཀྱང་ཞེས་བྱ་བ་ནི་སློང་བ་པའོ། །དེ་ལྟར་བྱེད་པ་ཅི་འདྲར་འགྱུར་ཞེས་བྱ་བ་ནི་སྦྱིན་པའི་གེགས་བྱེད་པའི་ཉེས་པ་སྟོན་ཏོ། །ཐེ་ཚོམ་ཟན་རྒྱ་ཆེར་མི་འགྱུར་བ་གཏད་དམ་མི་གཏད་ཞེས་ཐེ་ཚོམ་ཟ་ན་དགེ་བ་རྒྱ་ཆེར་མི་འགྱུར་ཏེ། བྱང་ཆུབ་སེམས་དཔའ་ཨི ་སྦྱིན་པ་ནི་ཤིན་ཏུ་ངེས་པས་གཞན་གྱི་མི་འཕྲོགས་པ་ཡིན་ཞེས་གསུངས་སོ། །འཇུང་ཞིང་ཞུམ་པ་ནི་སེར་སྣས་མི་གཏོང་བར་ངེས་པར་བྱས་པ་སྟེ། དེ་ནི་བྱང་ཆུབ་ཀྱི་ལམ་གཏོང་བ་ལ་ཤིན་ཏུ་སྒྲིབ་པས་མུན་པའི་མཆོག་སྟེ་མུན་པ་བས་ཆེས་མུན་པ ་ཞེས་བྱའོ། །དཀའ་བ་མཆོག་དང་ལྡན་པས་ལུས་མ་ཉམས་ཏེ་མ་འགྱེལ་བའོ། །བརྟན་པ་དང་ལྡན་པས་སེམས་མ་བརྒྱལ་བའོ། །ལུས་ཀྱི་ཡོན་ཏན་ལྡན་པས་ཏེ་ལུས་རྒྱས་པས་ཁྲག་གི་རྒྱུན་ཡང་མ་ཟད་པའོ། །སྡུག་བསྔལ་མང་པོ་ཞེས་བྱ་བ་ལ ་སོགས་པའི་ཚིགས་སུ་བཅད་པ་གཅིག་གིས་ནི་སྤྱིར་ལུས་དོན་མེད་པ་གནོད་པའི་གནས་ཡིན་ཡང་བདག་གི་ལུས་དོན་དང་བཅས་པར་མཐོང་བས་ལུས་ལ་ཡང་དྲིན་དྲན་པ་ལྟ་བུར་གྱུར་ཏོ་ཞེས་བྱ་བའོ། །ལུས་སྡུག་བསྔལ་མང་པོའི་གནས ་ཡིན་པ་དང་བྱས་པ་མི་གཟོ་བ་དཔས་བྱིན་གྱི་མདོ་ལ་སོགས་པ་དང། སློབ་དཔོན་ཤན་ཏ་དེ་བས་ཀྱང། འཇིགས་གནས་ཆུང་ལ་འཇིགས་སྐྱེ་བ་ཞེས་པས་བསྟན་ཏོ། །རལ་གྲི་རྣོན་པོས་ལུས་བཅད་པས་སྡུག་བསྔལ་དྲངས་པ་དང་བྱིན་པས ་དགའ་བས་ཡང་ཡུན་རིང་དུ་བསྐྲད་པ་དང་དེའི་སྡུག་བསྔལ་ཡིད་ལ་བྱེད་པ་དང་འཇུག་པ་ཆུང་བར་འགྱུར་ཏེ། དོན་གང་ལ་སྐྱོ་ཞིང་ལན་དེ་ལ་དམིགས་པའི་ཡིད་ལ་ཕྱེད་པ་ཆུང་བ་ལྟ་བུའོ། །གུས་པའི་དབང་གིས་སྐྱེ་བོ་ཁྱོད་ཀྱི་གྲགས་པ་སྒྲོགས ་པ་ནི་བ་ལང་རྫི་ལ་སོགས་པ་རྒྱལ་པོ་ལ་སྟོད་པ་དག་གོ། ཐོག་ཏུ་བབ་པ་ནི་བདེན་པར་ངེས་པ་སྟེ་སྙིང་རྗེའི་སྤྱོད་པ་རླབས་པོ་ཆེ་མཐོང་པའི་ཕྱིར་རོ། །དཔལ་ནི་ཡིད་དུ་འོང་བའི་འབྱོར་པ་ཕུན་སུམ་ཚོགས་པ་པདྨའི་ནགས་ཚལ?་ཀུ་མུ་ཏའི་སྐྱེད་མོས་ཆལ ་ལྟ་བུ་ལ་གྲགས་ན་དེ་ནི་སྐྱེ་བོ་རྣམས་ཀྱི་དགའ་བའི་རྒྱུ་ཡིན་ཏེ། རྒྱལ་པོ་ཉིད་སྐྱེ་དགུ་དགྲ་རྣམས་ལ་ཕན་འདོགས་པས་དཔལ་ཉིད་རྒྱལ་པོ་ལ་བརྟེན་པ། ཐོག་ཏུ་བབ་སྟེ་ཡིད་ཆེས་སོ་ཞེས་བྱའོ། །སུམ་ཅུ་རྩ་གསུམ་གྱི་ལྷ་རྣམས་བརྒྱ་བྱིན་མངོན ་སུམ་དུ་གྱུར་ཀྱང་དེ་ལ་མི་རྣམས་ཀྱིས་སྨོན་པར་མི་འོས་ཀྱི་རྒྱལ་པོ་ཁྱོད་ཀྱི་མཐུས་པ་སྐྱབས་པའི་ལྷ་མི་འདི་མཐོ་རིས་སུམ་ཅུ་རྩ་གསུམ་གྱི་ལྷ་རྣམས་ཀྱིས་མིའི་རྒྱལ་པོ་དང་བཅས་པ་མཐོང་བར་སྨོན་ཅིང་འདོད ་པར་ངེས་ཏེ་གལ་ཏེ་བག་ཡོད་པས་བསྒྲུབ་པའི་མི་རྣམས་ལ་མི་སྨོན་པར་བག་མེད་པའི་ལྷ་ལ་སྨོན་ན་བསླུས་པ་ལགས་ཏེ་འཁྲུལ་པ་ཡིན་ཞེས་བྱ་བའི་ཐ་ཚིག་གོ། ཇི་སྐད་དུ་མདོ་ལས་འཇིག་རྟེན་གྱི་ཁམས་མངོན་པར་དགའ་བ་ན་གནས ་པའི་མི་རྣམས་གང་གི་ཚེ?་སུམ་ཅུ་རྩ་གསུམ་དུ་ཕྱིན་པ་དེའི་ཚེ་ལྷ་རྣམས་ལ་སྨོན་པར་མི་བྱེད་དེ། དེ་ཅིའི་ཕྱིར་ཞེ་ན། བདག་ཅག་གི་ལོངས་སྤྱོད་འདི་དག་ལ་མི་སྨན་ལ་བདག་ཅག་ལྷག་པར་དེ་བཞིན་གཤེགས་པ་བཞུགས་པའི་ཕྱིར་རོ།། ་ལྷ་རྣམས་མིའི་ནང་དུ་འོངས་པའི་ཚེ་ནི་སྨོན་པར་བྱེད་དེ་མི་རྣམས་ཀྱི་ལོངས་སྤྱོད་བདག་ཅག་ལས་མི་དམན་གྱི་སྟེང་དུ་ནི་འདི་ན་དེ་བཞིན་གཤེགས་པ་བཞུགས་པའི་ཕྱིར་རོ། །ཞེས་སེམས་སོ་ཞེས་འབྱུང་བ་དང་འདྲའོ་སྙམ་དུ་བསམས་པ ་ཡིན་ནོ། །ཐམས་ཅད་པའི་བདག་པོ་ནི་ཐམས་ཅད་ཀྱི་བདག་པོ་སྟེ་འཁོར་ལོ་བསྒྱུར་བའི་རྒྱལ་པོའོ། །ནོར་གྱིས་ཕྱུགས་པ་ནི་རྣམས་ཐོས་སོ། །རྣམ་པར་གྲོལ་བ་ནི་ཐར་པ་སྟེ་ཉན་ཐོས་དང་རང་སངས་རྒྱས་ཀྱི་བྱང་ཆུབ་གཉིས་སོ། །སའི ་བདག་པོ་དང་ནོར་གྱིས་ཕྱུག་པ་མི་འདོད་པ་ནི་སྲིད་པའི་ལོངས་སྤྱོད་བདེ་མི་འདོད་ཅེས་པའོ། །དབང་པོ་དང་ཚངས་པ་མི་འདོད་པ་ནི་ལྷ་དབང་དཔལ་ཡང་འདོད་པ་མ་ཡིན་ནོ་ཞེས་པའོ། །རྣམ་པར་གྲོལ་བ་མི་འདོད་པ་ན་བདག་གི་སྡུག་བསྔལ ་ཟད་པ་ཙམ་གྱི་ཕྱིར་ངའི་ཡིད་ནི་མགུ་བར་འགྱུར་མ་ཡིན་ཞེས་སོ། །འོ་ན་ཅི་འདོད་པ་ནི་འགྲོ་བའི་དན་གྱི་བྱང་ཆུབ་ཆེན་པོ་འདོད་པར་སྟོན་པ་ནི་སྡུག་བསྔལ་མི་ཟད་ཅེས་བྱ་བ་ལ་སོགས་པའོ། །ཁྱོད་ཀྱི་མཛད་པ་འདི་ཀུན་ནི། །འཇིག་རྟེན་ཕན ་པའི་ཕྱིར་ལགས་ཀྱིས། །བདག་ཅག་རང་ལ་ཕན་འཚལ་བས། །དེ་ཚེ་བདག་ལ་དགོངས་སུ་གསོལ་ཞེས་བྱ་བ་ལ། ཆོས་ཀྱི་ལམ་ལ་ཞེས་བྱ་བ་ལ་སོགས་པའི་ཚིགས་སུ་བཅད་པ་དེ་ཁས་བླངས་པའོ། །བདག་གི་དོན་ཡང་ཞེས་བྱ་བ་ལ་སོགས་པ ་བཟོད་པ་གསོལ་བའི་ཚིགས་སུ་བཅད་པའོ། །ལམ་འདི་ནི་ང་ལ་ཕན་པ་ཡིན་གྱི་གནོད་པ་མ་ཡིན་པས་མི་བཟོད་དུ་དོགས་པ་མ་བསྐྱེད་ཅིག་ཞེས་པའོ། །ཁྱད་ཀྱི་བཀའ་ཡང་བདག་ཅག་ལ་འཛེམ་པ་མེད་པར་རྩལ་བའི་རིགས་ཏེ། དཔེར་ན་རྒྱལ་པོ་ཉིད ་ཀྱིས་རྗེས་སུ་བཟུང་བའི་འོས་སུ་གྱུར་པའི་བློན་པོ་དག་ལ་བཀའ་སྩལ་པ་ཅེས་པ་དེའི་ལན་ནི། དེ་ནི་དེ་ལ་དགའ་བར་ཤེས་བྱས་ནས་ཞེས་བྱ་བ་ལ་སོགས་པའི་ཚིགས་སུ་བཅད་པའོ། །དེ་ན་གནས་པའི་རྡ་རྣམས་ཞེས་བྱ་བ་ནི་གསེར་གྱི་རི་དང ་རི་རབ་ལ་གནས་པའི་ལྷའི་སྒྲའོ། །རྒྱ་མཚོ་ཆེན་པོའི་རླབས་རང་བཞིན་ལས་ལྷག་པ་ནི་དུས་སུ་གཡོ་བའི་རླབས་པས་ཆེས་ལྷག་པར་དུས་མ་ཡིན་པར་གཡོ་བའོ། །འགྲོ་བ་བརྫུན་པའི་ལུས་ནི་གཟི་མདངས་ཅན་ཞེས་བྱ་བ་ནི་རྒྱལ ་པོ་སྟེ། འགྲོ་བ་ལ་བརྫུན་པས་དེ་འགྲོ་བ་ལ་ཕན་འདོགས་པར་བརྩོན་པའོ། །དེ་ལྟ་བུ་སའི་བདག་པོས་བཟློག་ཅིང་སྤྱན?་པ་ལྟ་བུར་རྒྱ་མཚོའི་ཞུགས་ཀྱིས་རླབས་ཀྱི་སྒྲ་འབྱུང་ངོ་ཞེས་བྱ་བའོ། །ེ་མའོ་སྐྱེ་བོ་དམ་པའི་ཆོས་དང་བཟང་ཞེས ་བྱ་བ་ནི་བརྟན་པ་དང་འབྲས་བུ་བཟའ་?་བ་སྟེ། གཞན་ལ་ཕན་པའི་འབྲས་བུ་དང་བྱང་ཆུབ་ཆེན་པོའི་རྒྱུར་གྱུར་པའི་ཕྱིར་རོ། །ེ་མའོ་ཡོན་ཏན་གོམས་པ་རྒྱ་རེ་ཆ་ཞེས་བྱ་བ་ནི་རྒྱུའི་ཡོན་ཏན་དེ་རྒྱུ་ཡུན་རིང་དུ་གོམས་པར་མ་བྱས་པར་གཏོང ་བ་དེ་ལྟ་བུ་མི་ནུས་པའི་ཕྱིར་རོ། །ེ་མའོ་གཞན་ལ་ཕན་པའི་བློ་རེ་རེ་ངེས་ཞེས་བྱ་བ་ནི་བསམ་པ་དང་སྦྱོར་བ་གཞན་གྱིས་མི་ཕྲོགས་པའི་ཕྱིར་རོ། །དེ་ལྟ་བུའི་ཡོན་ཏན་དང་ལྡན་པས་ས་འདི་ཁྱོད་ལ་གཏད་པ་སྟེ་རྒྱལ་པོར་བསྐོས་པའོ།། ་མི་རྣམས་ནི་མགོན་དང་བཅས་པ་སྟེ་གནོད་པ་རྣམས་ལས་སྐྱོབ་པའི་བྱ་བ་བྱེད་དོ་ཞེས་བྱ་བའི་ཐ་ཚིག་གོ་།གཟེང་བསྟོད་པ་ནི་སྤྲོ་བ་བསྐྱེད་པའོ། །སྙིང་རྗེའི་ཡོན་ཏན་བསྔགས་པ་ནི་སྙིང་རྗེས་གཞན་ལ་ཕན་པ་དང ་རང་གི་ཚོགས་རྫོགས་པའི་ཕྱིར་རོ། །དེ་བཞིན་གཤེགས་པའི་ཆེ་བ་ནི་རྒྱུའི་ཆེ་བའི་སྒོ་ནས་སྟེ་ཉན་ཐོས་ལ་སོགས་པ་ལ་ནི་རྒྱུ་དེ་ལྟ་བུ་མེད་པའི་ཕྱིར་རོ། །སྟི་སྟང་བྱས་ཏེ་ཆོས་མཉན་པ་ནི་དེ་ལྟར་ཚོགས་བསགས་པའི་རྒྱལ་བ་རྙེད་པར་དཀའ་ ་བས་དེའི་ཆོས་ཐོས་པར་དཀའ་ཞིང་དོན་ཆེ་བར་ཤེས་པར་བྱའོ། །གཞན་ཡང་གནོད་སྦྱིན་དེ་དག་གིས་ཆོས་ཐོས་པ་དེ་དག་གི་ཡང་དོན་དུ་འགྱུར་བས་ན། ཆོས་ཐོས་པ་དོན་ཆེ་བར་ཡང་སྦྱར་བར་བྱའོ། །དགེ་སློང་ལྔ་པོ་འདི་དག་ཅེས་བྱ་བ ་ནི་ལྔ་སྡེ་བཟང་པོ་སྟེ། ཀོའུ་ཌི་ནྱ་དང། རྟ་ཐུལ་དང། རླངས་པ་དང། མིང་ཆེན་དང། བཟང་ལྡན་ནོ། །འདི་དག་མང་དུ་བྱེད་བྱེད་ཞེས་བྱ་བ་ནི་དེ་བཞིན་གཤེགས་པས་དེ་དག་ལ་ཕན་པ་མང་དུ་བྱས་པ་འདི་ལྟ་བུ་ལ་སོགས་པ་སྟག་ཕྲུག་ལྔ ་ཤེས་གསོས་པ་དང་ཤུ་ཏོ་ལ་ཀར་ནེ་ལ་སོགས་པའི་རྟོགས་པ་བརྗོད་པ་དང་སྦྱར་བར་བྱའོ། །ཆོས་ཀྱི་བདུད་རྩི་སྦྱིན་པ་ནི་ཐོག་མར་ཆོས་བཤད་པས་ཆོས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་པའོ། །བྱམས་པའི ་སྟོབས་ཀྱི་རབས་ཏེ། བརྒྱད་པའོ།། །།དབང་པོ་དུལ་པ་ལ་སོགས་པ་ནི་རྒྱུའི་ཡོན་ཏན་ཏེ་ཚེ་རབས་དུ་མར་རང་དབང་པོ་བསྡམས་པ་དེའི་སྒོ་ནས་སོ། །དཔའ་བ་ནི་སྙིང་སྟོབས་སོ། །ཚུལ་ནི་རྒྱལ་པོའི་སྤྱོད་ཚུལ ་ལུགས་ཀྱི་བསྟན་བཅོས་བསྒྲུབ་པའོ། །དུལ་བ་ཕུན་སུམ་ཚོགས་པ་ནི་བཟོད་ཅིང་ངེས་པའོ། །དེ་ལྟ་བུ་དག་གིས་གཞན་ལས་ཁྱད་པར་དུ་འཕགས་པའི་རྒྱལ་སྲིད་རྣམ་པར་རྒྱལ་པའི་དཔལ་ཐོབ་པའོ། །བརྟགས་པའི་དོན་གྱི་དེ་ཁོ་ན་ཉིད ་ནི་རྟ་བརྟག་པ་དང་གླང་པོ་ཆེ་བརྟག་པ་ལ་སོགས་པ་བརྟག་པ་བཅོ་བརྒྱད་ལ་མཁས་པའོ། །ནང་གི་འཁོར་རྣམས་ཀྱིས་བཀའ་ཁྲིམས་བཟང་པོ་བསྒྲགས་པ་ཞེས་སྦྱར་ཏེ་ནང་གི་བློན་པོ་དག་གིས་རྒྱལ་པོའི་བཀའ་ཁྲིམས་བཅས་ཤིང ་བསྒྲགས་པའོ། །བློན་པོ་དེ་དག་གི་ཡོན་ཏན་ཡང་རང་གི་ཆོས་དང་ལས་ལ་འབད་ཅེས་བྱ་བ་ལ་སོགས་པའོ། །ཆོས་ནི་ཚེ་གཞན་གྱི་ཆེད་དུ་བསོད་ནམས་རྩོམས་པའོ། །ལས་ནི་ཚེ་འདིའི་བྱ་བའོ། །ཡིད་མ་བྱུང་བ་ནི་བྱ་བ་ལ་སྐྱོ་བ་མེད ་པའོ། བདེ་བར་འཚོ་བ་ནི་ལེགས་པར་འཚོ་བ་སྟེ་ཉོན་མོངས་ཤིང་སྡིག་པ་དང་མ་འབྲེལ་པའོ། །སྙིང་ཉེ་བ་ནི་རྒྱལ་པོ་བཀའ་སྩལ་པ་བསྒྲུབ་པར་སེམས་པའོ། །དཔལ་སྙིང་ཉེ་བ་ནི་འཁོར་དང་འབྱོར་པ་བདག་གི་བསམ་པ་དང་མཐུན་པར་འཇུག ་པ་སྟེ། དཔེར་ན་རིགས་ལྡན་ཆུང་མ་བཞིན་དུ་ཞེས་བྱ་བ་སྨོས་ཏེ་རྒྱལ་པོའི་བཙུན་མོ་དམ་པ་ལ་སོགས་པ་རྒྱལ་པོའི་བསམ་པ་དང་མཐུན་པར་བྱེད་པ་ལྟ་བུའོ། །དཀའ་ཐུབ་ནི་ཚུལ་ཁྲིམས་དང་སྦྱངས་པའི་ཡོན་ཏན་དང་ལྡན་པའོ། །རིག་པའི ་གནས་ལྔ་པ་མཁས་པར་གོམས་པས་ན་མཁས་པའོ། །སྒྱུ་རྩལ་ནི། དགྲ་ཐུལ་བའི་ཐབས་ལ་མཁས་པ་ལ་སོགས་པའོ། །རྒྱལ་ཚབ་ཏུ་གྱུར་ཏེ་ཞེས་བྱ་བ་ནི་འཁྲུངས་པར་གྱུར་པའོ། །དེ་རིམ་གྱིས་ནར་སོན་ཏེ་དེའི་ཡོན་ཏན་གཞོན་ཡང་ཞེས་བྱ་བ་ལ ་སོགས་པའོ། །གྲགས་དང་ཆོས་ལ་མ་བལྟས་པར་བྱ་བ་ནི་གཞན་ལ་ཕྲག་དོག་གི་སློང་དུ་བཅུག་པ་གྲགས་པ་ངན་པའི་རྒྱུ་ཡིན་ཞིང་སྡིག་པའི་རྒྱུ་ཡིན་ཡང་ཚེ་འདི་ལ་གྲགས་པ་ངན་པ་དང་ཚེ་གཞན་གྱི་གནོད་པ་ལ་མི་ལྟ་བའོ། །ཁྱོད ་ཀྱི་རྒྱལ་བ་ནི་རྒྱལ་བར་བྱེད་པས་རྒྱལ་བ་ཕུན་སུམ་ཚོགས་པ་ཐམས་ཅད་ཀྱི་གཞི་དེ་ཉིད་གང་ཞེ་ན། གཟུགས་ཅན་ཞེས་ཏེ་གླང་པོ་ཆེ་ཉིད་ལ་བརྗོད་པའོ། །འཁོར་གསུམ་རྟེན་ལ་མཁས་པ་ནི་སྡུག་བསྔལ་བ་དང་ཕན་འདོགས་པ་དང་ཡོན ་ཏན་གྱི་ཞིང་ལ་བསྙེན་བཀུར་བྱེད་པའོ། །ཡང་ན་ཡུལ་དང་བསམ་པ་དང་ཚུལ་ལ་མི་ལྟ་བ་ནི་རྒྱལ་སྲིད་བསྒྲུབ་པའི་ཚུལ་ལུགས་ཀྱི་བསྟན་བཅོས་ལ་འབྱུང་བ་ཡིན་ལ་དེ་ཡང་མི་ལྟ་ཞིང་དེའི་རྗེས ་སུ་བྱེད་པ་མ་ཡིན་གྱི་ཆོས་ཀྱི་རྗེས་སུ་བྱེད་པའོ། །འདུལ་དང་འགལ་བའི་ལམ་མི་འགྲོ་ནི་གཞན་གྱིས་བཅས་པའི་ཁྲིམས་མི་འཇིག་པའོ། །བག་མེད་པ་ལ་མི་དགའ་བ་ནི་བསམ་བའོ། །ཉེས་པ་བྱས་པ་མ་མཐོང་བ་ནི་སྦྱོར་བའོ། །འདོད ་ཆགས་བདོ་བའི་སློབ་དཔོན་གྱིས། །བསྟན་པའི་རྨ་བྱ་གར་བྱེད་ཅེས་པ་ནི་ཇི་ལྟར་མི་རྣམས་ཀྱི་གར་མཁས་པའི་ཁྱད་པར་ནི་སློབ་དཔོན་གྱིས་སློབ་པ་ལྟར་རྨ་བྱ་ཡང་ཆགས་པའི་སྟོབས་ཀྱིས་གར་བྱེད་པའོ། །མ་སྨད་པ་ནི་ཉོན་མོངས ་པའི་རྒྱུར་མི་འགྱུར་བའོ། །འབྲས་བུ་ཞིམ་པོ་ཡོད་པའི་གྲིབ་ཤིང་དག་ནི་ཤིང་ཨ་མྲའི་སྡོང་པོ་འམ་བཟའ་ཤིང་གི་ཁྱད་པར་རོ། །དེའི་འབྲས་བུ་དང་གྲིབ་མས་སྐྱེ་བོ་ལ་ཕན་འདོགས་པ་ཡོད་པ་ལས་སྐྱེས་བུ་བྱིས་པའི་རང་བཞིན ་ཅན་གྱིས། གཅད་པའི་ཕྱིར་སྟ་རེ་གཟས་པ་ལས་འཛིན་པའི་ས་ཞེས་བྱ་བ་ནི་ཤིང་དང་མི་བརྟེན་པའི་ས་ཕྱོགས་སོ། །ངོ་མཚར་མ་གྱུར་པ་ནི་འདིར་བྱར་མི་རུང་ཞེས་མི་ཟློག་པའོ། །དེ་ནི་ས་ལ་སེམས་མེད་ཅིང་བེམས་པོ་ཡིན་པས་མི ་བཟློག་གི་བསམ་པ་ཡོད་ན་དེ་ཅི་སྟེ་མི་བཟློག་ཅེས་བྱ་བའོ། །ཡང་ན་བྱིས་པ་ཤིང་གི་ཁྱད་པར་གཅོད་པ་ཤིང་དེ་ལྟ་བུ་དང་ལྡན་པའི་ས་ཕྱོགས་དང་བཅས་པ་ངོ་མཚར་དུ་མི་འཛིན་ཅིང་ཆུད་གཟོན་པའི་མི་དེ་སེམས་མེད་པ་བཞིན ་དུ་བླུན་པར་མངོན་ནོ་ཞེས་བྱ་བའོ། །དཔེ་དེ་བཞིན་དུ་རྒྱལ་པོ་ཐམས་ཅད་སྒྲོལ་དབུལ་པོ་ཐམས་ཅད་ཀྱི་བདེ་བའི་རྒྱུར་གྱུར་བ་སྐྱེད་པར་བྱེད་ཅིང་གཅེས་པར་མི་འཛིན་པ་ནི་དེ་འདྲའོ་ཞེས་བྱ་བའོ། དཔེ་གཞན་ཡང་ཆུ་གཙང་ཞིང་ཞིམ་པོ ་བསིལ་བས་གང་བའི་རྫིང་བུ་འདྲལ་བ་དག་ཀྱང་མི་(མི་སྐྱོབ་པས་དེ་ལས)་འགག་པའི་སྐྱེས་བུ་བྱིས་པའི་རང་བཞིན་ཅན་ཡིན་བ་ལྟར་རྒྱལ་པོ་སྐྲོང་པ་ལ་མི་འགག་པ་ཡང་དེ་བཞིན་ཏེ། འཇིག་རྟེན་སྐྱོང་རྣམས་མིང་ནི་དོན་མེད་གྱུར་པ་ནི་སྒྲའི་དོན་མི་གནས་པས་ཡུལ་ན་བློན་པོ ་ལ་སོགས་པ་འཛངས་པ་མེད་པར་མངོན་ནོ་ཞེས་བྱ་བའོ། །བཟང་པོ་གྲགས་པ་ཟད་དམ་ཞེས་བྱ་བ་ནི་འཇིག་རྟེན་སྐྱོང་བ་གྲགས་པ་ཟད་དམ་སྟེ་ཐམས་ཅད་ཤི་བར་གྱུར་ཏམ། འོན་ཏེ་གུད་དུ་སོང་སྟེ་གཞན་རེ་ཞིག་སོང་ངམ་ཞེས་བྱ་བའོ། །སློངས་མ་བའི་སྲོག་ལ་རྒོལ ་བ་སྟེ་རྒྱལ་པོ་བསྐྲོད་པའོ། །དེ་མི་སྲུང་ཞིང་དེ་ལས་སློངས་མོ་བ་ཕུང་བྱེད་མཁས་པ་མེད་དེ་དེ་ཉིད་ཕུང་པའི་རྒྱུ་ཆེན་པོའོ། །གང་ན་འདི་ལྟར་གློ་བུར་དུ་འོངས་པ་ཞེས་བྱ་བའི་ཚིགས་སུ་བཅད་པ་ནི་ནགས་ཚལ་གྱི་མཐུའི་ཁྱད་པར་སྟོན་ཏོ། །ནགས་ཚལ་གང་ན་ཞེས ་བྱ་བའོ། བྱམས་པའི་རྩ་བ་ཟུག་སྟེ་ཕན་འདོགས་པའི་རྩ་འཇམ་པོ་སྐྱེས་པའོ། །གཞན་ཡང་རི་དགས་ཀྱི་མཆོག་བདག་ཅག་གི་ཤིང་རྟས་འདྲེན་པ་ལ་སོགས་པ་གནས་ཤིང་འཁད་པ་དང། དཀའ་ཐུབ་ཅན་གྱིས་གནས་བྱིན་གྱིས་བརླབས་པས་ལྷ་ལ་སོགས ་བས་བཀུར་སྟི་བྱ་བའི་གནས་སུ་བྱ་བའི་ནགས་ཚལ་མཐུ་ཆེན་ཁྱད་པར་འཕགས་པ་འདི་ལ་ལྟོས་ཞེས་པའོ། །དེ་ནས་བཙུན་མོས་འདི་ནི་ནགས་ཚལ་གྱི་ཡོན་ཏན་མ་ཡིན་གྱི་ཁྱོད་ཉིད་ཀྱི་དགེ་བའི་རྩེ་བའི་སྟོབས་ཡིན་ནོ་ཞེས་སྟོན་པ་ནི། དམ་པ་རྣམས་ཀྱི་ཞེས ་བྱ་བ་ལ་སོགས་པ་སྟེ། རབ་ཏུ་གོམས་ཀྱང་ཞེས་བྱ་བ་ནི་རབ་ཏུ་གོམས་པ་ནི་ཞེས་བྱ་བའི་ཐ་ཚིག་སྟེ། ཆེད་དུ་མ་གཉེར་བ་ཡང་སྐྱེ་བོ་ཕལ་པ་དང་མི་འདྲ་བས་ཉེ་བར་མཁོ་བའི་ཡོ་བྱད་འབྱུང་གི་གཞན་ལ་ནི་འདོད་ཀྱང་མི་འབྱུང་བས་བདག་གི་བསམས ་ན་མཐུ་ཆེན་དེ་སྟེ། རི་དགས་བཞི་ཤིང་ལྟ་ཁུར་བ་ནི་རྒྱལ་པོ་ཁྱོད་ཀྱི་ལགས་པ་སྙམ་མོ། །དེ་ལྟ་བུའི་བསོད་ནམས་ཀྱི་འབྲས་བུ་དམིགས་པས་སྔར་བྱས་པའི་ཡིན་པར་ཤེས་པར་བྱ་བའི་དཔེ་ནི། མཚོའི་ནང་ན་སྐར་མའི་གཟུགས་བརྙན་རྣམས། །ཀུ ་མུད་རྒྱས་པ་རབ་ཏུ་མཛེས་གྱུར་པ། །ཟླ་བའི་འོད་ཟེར་ལྟད་མོ་ལྟ་བ་བཞིན། །ཞེས་སྨོས་ཏེ་མཚོའི་ནང་ན་སྐར་མའི་གཟུགས་བརྙན་རྣམས་ཟླ་བའི་འོད་ཟེར་བཅས་པའི་གཟུགས་བརྙན་ནམ་མཁའ་ཨི་སྐར་མ་ལ་ལྟད་མོ་ལྟ ་བ་བཞིན་མཚོའི་ནང་དུ་བྱུང་བ་ནི་ནམ་མཁའ་ཨི་ཟླ་བ་དང་སྐར་མ་ལ་བརྟེན་ཏེ་བྱུང་བའོ། །མཚོའི་ནང་དུ་གཟུགས་བརྙན་བྱུང་བ་དེ་ཀུ་མུད་ཏ་རྒྱས་པའི་མཚོ་འམ་སྐྱེད་མོས་ཚལ་བས་ཀྱང་རབ་ཏུ་མཛེས་ཏེ། སྐར་མའི་གཟུགས་བརྙན་ཡང་མེ་ཏོག ་དཀར་པོ་དང་འདྲ་བས་དེ་སྐད་སྨྲས་སོ། །འདིར་མཆི་བའི་རི་དགས་རྣམས་ཀྱི་རྒྱུར་གྱུར་པ་ཡང་ཁྱོད་ཉིད་ལགས་པ་སྙམ་མོ། །ཐམས་ཅད་སྒྲོལ་གྱི་རབས་ཏེ་དགུ་པའོ།། །།གདུགས་ཟླ་མེད་པ་ནི་རང་གི་རྒྱལ་སྲིད་ལ་དབང་པ ་ལ་རྒྱལ་པོ་དེ་ལས་གཉིས་པ་དང་ལྷན་ཅིག་ཏུ་ཡུལ་ད་བར་བྱེད་པ་མ་ཡིན་པས་རྒྱལ་པོ་དེའི་སྤྱི་བོར་གདུགས་ཆེན་པོ་ལྟ་བུའི་གཟུགས་ཅན་གཞན་མེད་པའོ། །བགོས་སྐལ་གྱི་རིམ་པར་ཐོབ་པ་ནི་རང་གི་བགོས་སྐལ་གྱིས་ཐོབ་པའོ། ་དབང་པོའི་དགྲ་ནི་དབང་པོ་མ་བསྡམས་པ་ཉིད་དགྲ་ཡིན་ལ་དེ་ལེགས་པར་བསྡམས་པས་ཐུབ་པའོ། །དེ་ནི་སའི་མགོན་ཏེ་དེ་ནི་ས་ལ་གནས་པ་རྣམས་ཀྱི་སྐྱེ་དགུ་རྣམས་ཀྱི་མགོན་དུ་གྱུར་པའི་ཕྱིར་རོ། །འབྲས་བུ་སྨིན་ལས་དགེ་བའི་འབྲས ་བུ་དང་ལོངས་སྤྱོད་ཀྱི་འབྱོར་བ་ལ་མ་ཆགས་པར་སྤྱོད་པས། རང་དོན་རྣམ་སྨིན་སྲེད་སྤངས་པས། །དགེ་བ་ཀུན་ཏུ་བསྲུངས་པར་འགྱུར་ཞེས་བྱ་བ་ལ་གནས་པའོ། །དངོས་པོ་ཀུན་གྱི་ནི་སྦྱིན་པ་ལ་སོགས་པ་དང་བསྡུ་བའི་དངོས་པོ་ཀུན་གྱིས་སོ།། ་ཐུབ་པ་སངས་རྒྱས་ལྟར་ཅིག་ཏུ་སེམས་ཅན་ལ་ཆོས་ཀྱི་དོན་བྱེད་པའོ། །དེ་ཡང་གཞན་མང་པོ་ལ་ཕན་པར་མཐོང་བ་ནི་སྐྱེ་དགུ་རྣམས་ལ་ནི་ཞེས་བྱ་བ་ལ་སོགས་པའོ། །ཕ་རོལ་ཏུ་ཕྱིན་པ་དྲུག་གི་ཡོན་ཏན་ནོར་ཡང་སྦྱིན་ཞེས་བྱ་བ་ནི་སྦྱིན ་པ་ལ་གནས་པའོ། །དེ་ཚུལ་ཁྲིམས་ཀྱི་སྤྱོད་པ་མནོས་ཏེ་ཡང་དག་པའི་ཚུལ་ཁྲིམས་དང་ལྡན་པའོ། །བཟོད་པ་རྟེན་པ་བདག་གི་སྡུག་བསྔལ་དང་ལོག་པར་བསྒྲུབ་པའོ། །འགྲོ་བའི་དོན་ཡང་སྤྱོད་པ་ནི་བརྩོན་འགྲུས་སོ། །འགྲོ་ལ་ཕན་སེམས་བྱམས་པ ་ལ་སོགས་པ་དང་ལྡན་ཞིང་མཐོང་ན་ཞི་བར་སྣང་བའི་གཟུགས་ཅན་དེ་བསམ་གཏན་ལ་ལེགས་པར་གནས་པའོ། །ཆོས་ཀྱི་སྦྱིན་པ་ནི་ཤེས་རབ་ཀྱིས་ཏེ་དེ་ལྟར་ཕ་རོལ་ཏུ་ཕྱིན་པ་དྲུག་གིས་མཛེས་པའོ། །དེའི་སྡུག་བསྔལ་མི་བཟོད་པས་དེ ་ལས་ཐར་པ་ཐབས་དྲིས་སོ། །ཞེས་སྦྱར་རོ། །བགྱི་བ་ངེས་པ་ནི་ངེས་པར་བགྱི་བའོ། །ས་གཞི་ཐོབ་པ་ནི་ཐོག་མར་རོ། །ཡོངས་སུ་བསྐྱང་བ་ནི་དེ་དག་གི་རྒྱུན་ནོ། །ཡང་ན་ཐོབ་པ་ནི་ཐོབ་པའི་རྒྱུ་སྟེ་ཆོས་སོ། །བསྐྱངས་པ་ནི་དེའི་འབྲས་བུ་བདེ་བ་མི ་ཉམས་པར་བྱ་བའོ། །དེ་དག་ཁྱོད་ཀྱིས་དུས་ལས་འདའ་མི་མཛད། །ཞེས་བྱ་བ་ནི་རྒྱུའི་དུས་སུ་ཆོས་སྒྲུབ་ཅིང་འབྲས་བུའི་དུས་ན་བདེ་བ་བསྐྱངས་པ་ལའོ། །བཞིན་ཞེས་བྱ་བ་ནི་སྔར་ད་ལྟར་ཡིན་པས་ཆར་ཕབ་པའི་བདེ་བ་ཐོབ་པའི་ཆེད་དུ་མཆོད ་སྦྱིན་གྱི་ཆོས་བསྒྲུབ་དགོས་ཞེས་བྱ་བའོ། །དེ་སྒྲུབ་པ་ལ་རྒྱལ་པོ་མཐུ་དང་ལྡན་པར་སྟོན་པ་ནི་འཁོར་གསུམ་རྟེན་ལ་མཁས་པར་གྱུར་པ་དང། འབངས་ལ་ཕན་ཕྱིར་སྣམ་རུ་བསྣམས་པ་དེ་ཞེས་བྱ་བ་སྟེ་འཁོར་གསུམ་ནི་སྲིད་དང་ལོངས་སྤྱོད ་དང་ཆོས་བསྟེན་པ་ལ་མཁས་ཤིང་འབངས་ལ་ཕན་པའི་ཕྱིར་སྣམ་རུ་ནི་གཞུ་སྟེ། གཞུ་བརྡུངས་པ་ལྟར་བསམ་པ་བརྟན་པ་ལ་དེ་སྐད་ཅེས་བྱའོ། །ཁྱོད་ནི་དབང་བསྐུར་ཞེས་བྱ་བ་ནི་ཁྱོད་ཉིད་ལས་དགེ་བའི་དྲི་མ་མེད་ཀྱང་ཞེས་བྱ་བའོ། །སྤྱིར ་བཅངས་པ་དང་བཅས་པ་ལ་ལྷ་མི་མཉེས་པས་ཆར་མི་འབེབ་པ་ལ་མཉེས་པར་བྱ་དགོས་སོ་ཞེས་བྱ་བའོ། །དེ་ལ་བརྫུན་ཞེས་པའི་འཐད་པ་ནི་གཞན་གྱིས་བྱས་པའི་ཕ་རོལ་སུ་ཞིག་འཐོབ་ཅེས་བྱ་བ་སྟེ་མ་བྱས་པ་དང་ཕྲད་པར་ཐལ ་བའོ། གལ་ཏེ་དུད་འགྲོས་ཀྱང་བདེ་འགྲོའི་ལས་བྱས་པས་ཞེ་ན་ལེག་པར་ཞེས་བྱ་བ་ལ་སོགས་པའོ། །རང་གི་རིགས་ལ་གནོད་པ་ནི་རང་གི་རིགས་ཀྱི་སྐྱེ་བོ་ཉུང་བའོ། །ཡུལ་ལ་གནོད་པ་ནི་ཡུལ་ལ ་གནས་པའི་སྐྱེ་བོ་རི་དགས་ལ་སོགས་པ་དང་བཅས་པ་ལའོ། །མཆོད་སྡོད་ལུས་བཏགས་ཞེས་བྱ་བ་ནི་མཆོད་སྡོང་ལ་ལུས་བཏགས་པའོ། །གྲམ་ཞིང་སྐམ་པ་ཞེས་བྱ་བ་ནི་ཉམ་གྲམས་ཤིང་ཤ་སྐམས་པའོ། །འདི་ལྟར་ཅི་ནས་ངའི ་ཡུལ་ནས་ནི། །གཡེན་སྤྱོད་དབུལ་བ་ནོར་ནི་མེད་པར་འགྱུར། །ཞེས་ཚིག་སྦྱར་རོ། །གནམ་གྱི་འཇིགས་པ་ནི་ཐན་པ་དང་ཆར་ཆེས་པ་ལ་སོགས་པའོ། །རྒྱལ་པོ་དགེ་བའི་བསམ་པ་དང་ལྡན་པས་སྐྱེ་བོ་མང་པོ་དགེ་བ་ལ་བཀོད་པས་མང་པོའི ་དགེ་བའི་མཐུས་གནོད་པ་རྣམས་ཟད་པར་སྟོན་པ་ནི་དེ་ལྟར་གནོད་པ་རྣམས་ཀྱི་མཐུས་ཚེགས་མེད་པར་ཟད་པར་འགྱུར་ཞེས་ཚིག་སྦྱར་རོ། །དུས་ཚིགས་དུས་བཞིན་མཐུན་པ་ནི་དུས་འཁྲུལ་པ་མེད་པར་ཆར་གྱི་དུས་སུ་ཆར་པ་འབབ་པ་ལ ་སོགས་པའོ། །སྐྱེ་བ་ཕངས་པ་ནི་སྡུག་བསྔལ་དང་གནོད་པ་ནི་རབ་ཏུ་ཞི་བར་འགྱུར། །ཞེས་བྱ་བ་ལ་སོགས་པའི་ཚིག་གི་སྔར་གྱི་ཚིགས་སུ་བཅད་པའི་དོན་རྣམས་ཇི་ལྟར་མཐུན་མཐུན་དུ་བསྡུས་པའོ། །གོང་ནས་གོང་དུ་སྤྱོད་པ་ནི་ཐོག་མར ་འཚེ་བ་བཟློག་པ་དང་བར་དུ་དགེ་བ་ལ་བཀོད་པ་དང་ཐ་མར་ཞིང་ཁྱད་པར་དུ་གྱུར་པ་ལ་མཆོད་སྦྱིན་རྒྱ་ཆེན་པོ་བྱས་ཏེ་དེ་དག་གི་དགེ་བ་ཆུང་ངུ་དང་འབྲིང་དང་ཆེན་པོར་གྱུར་པས་མཆོག་དང་འབྲིང་དང་ཐ་མའི་དགོས་པ་རྟག་ཏུ་གཟིགས ་པས་ན་ཞེས་སྨོས་སོ། །གྲི་སྣ་འཛིན་མ་གསོལ་ཞེས་བྱ་བ་ནི་ཟླ་བ་དཀར་བ་བཞིན་དུ་རི་དགས་དཀར་པོ་བཞིན་དུ་མི་དགེ་བ་མེད་པའོ། །དབང་བཀུར་ལྡན་པས་རང་བཞིན་མཛེས་པའི་སྤྱོད་པ་ཡོད་མ་ཞུམ་ཞེས་བྱ་བ་ནི་རྒྱལ་པོ་གཞན་གྱིས ་དབང་བསྐུར་ཞིང་འབངས་རྣམས་ཀྱིས་རྒྱལ་པོར་བསྐོས་པས་རྒྱལ་པོའི་གཟི་བརྗིད་ཆེ་བར་སྟོན་པའོ། །དབུ་མཛེས་དཀྱིལ་མོ་བ་ནི་དབུ་མཛེས་པས་མཐོ་བའོ། །དེ་ལྟར་ཚིག་རྐང་བཞི་ས་ནི། ཉེས་པས་མ་གོས་པ་དང། གཟི་བརྗིད་དང་ལྡན་པ ་དང། སྐུ་ལུས་མཛེས་པ་དང། གཏོང་བའི་གྲགས་པ་དང་ལྡན་པ་བཞི་རིམ་པ་བཞིན་དུ་བསྟན་ཏོ། །མཆོག་སྦྱིན་གཞན་གསོད་ཅིང་འབྲས་བུ་དམན་པ་ངན་འགྲོ་ལ་སོགས་པ་འབྱུང་བས། འབྲས་བུ་བཟང་པོ་འབྱུང་བ་སུས་ཤེས་པ ་མཆོད་སྦྱིན་ལགས་ཀྱི་ཞེས་པའོ། །སྦྱིན་པ་རང་གི་དོན་དུ་གཏོང་བ་ཙམ་ཡང་ནོར་ཡོད་པ་དང་གཏོང་བའི་སྐྱེ་བོ་ལ་ཡོད་ཀྱིས་གཞན་ལ་མེད་ལ། རང་གི་དོན་དུ་ཚུལ་ཁྲིམས་བསྲུང་བ་ཡང་འཇིག་རྟེན་བདེ་བ་ལ་ཕྱོགས་ཏེ་ཕ་རོལ་ལ ་གནོད་པ་སྤོང་ལ་མཐོ་རིས་འདོད་ལ་ཆགས་ཤིང་མཐོ་རིས་འདོད་པ་དང་ལྡན་པ་སྟེ་གཞན་ལ་མེད་པའོ། །སེམས་ཅན་ཐམས་ཅད་ཀྱི་ཆེད་དུ་དེ་གཉིས་བསྒྲུབ་པ་ནི་སྐྱེ་བོ་དམ་པ་འགའ་ཞིག་ལས་གཞན་ལ་མེད་པར་སྟོན་པ་ནི་གཞན་དོན་བསྒྲུབ ་ཕྱིར་ཞེས་བྱ་བ་ལ་སོགས་པའོ། །དེ་ལྟ་བས་ན་ཞེས་བྱ་བ་ལ་སོགས་པ་མཇུག་བསྡུ་བའི་ཚུལ་གྱིས་གདམས་པ་ནི་དོན་ལྔའི་སྒོ་ནས་ཏེ་གོ་སླའོ།། །།མཆོད་སྦྱིན་གྱི་རབས་ཏེ་བཅུ་པའོ།། །།ལྷ་དབང ་དཔལ་ནི་སྤྱིར་ལྷའི་ལུས་ཕུན་སུམ་ཚོགས་པའོ། །དེ་ལ་རྟེན་བཅས་པས་ཞེས་བྱ་བ་ནི་བརྒྱ་བྱིན་དེ་ལ་རྟེན་བཅས་པའོ། །གང་ཕྱིར་ལྷ་མ་ཡིན་རྣམས་ཚམ་ཚོམ་མེད་པར་ནི། །ཕྱོགས་ཀྱི་གླང་ཆེན་མཆེ་བས་ལྟོ་བ་ཟེད་འོང་བ། །ཞེས་བྱ་བ་ལ ་རྒྱུ་མཚན་གང་གི་ཕྱིར་ལྷ་མ་ཡིན་རྣམས་ཚམ་ཚོམ་མེད་པར་ལྷ་རྣམས་ལ་འཐབ་དུ་འོང་བ་ནི་ལྷ་རྣམས་ཀྱི་ཕུན་སུམ་ཚོགས་པ་མི་བཟོད་པའི་སྒོ་ནས་སོ། །ཕྱོགས་ཀྱི་གླང་ཆེན་ནི་ལྷ་རྣམས་ཀྱི་དཔུང་གི་གླང་པོ་ཆེ་རབ་བརྟན་ལ་སོགས ་པའོ། དེ་རྣམས་ཀྱི་མཆེ་བ་དང་ལྡན་པའི་དཔུང་གི་གནོད་པ་ལྷ་མ་ཡིན་རྣམས་ཀྱིས་ལྟོ་བ་ཟེད་ཅིང་སྲོན་པ་ཞེས་བྱ་བའི་ཐ་ཚིག་གོ་།ལྷའི་ཕུན་སུམ་ཚོགས་པ་ཉིད་སྟོན་པ་ནི། སྐལ་པ་ཆེ་བས་བདེ་བ་ཐོབ་པའི་དཔལ་དེ་ནི ་ཞེས་བྱ་བ་སྟེ། དགེ་བའི་རྩ་བ་དུ་མ་བསགས་པས་ལེགས་པར་འཐོབ་པའི་ལུས་དང་ལོངས་སྤྱོད་ཕུན་སུམ་ཚོགས་པའོ། །དེའི་སྙིང་དྲེགས་པའི་དྲི་མ་ཅན་དུ་བྱེད་པ་ནི་ལྷ་མ་ཡིན་གྱི་སྙིང་དྲེགས་པ་ནི་དེ་ལ་ཕྲག་དོག་གི་དྲི་མར་བྱས་ཤིང་ལྷག ་པར་འཁྲུག་པའོ། །ཆོས་ཀྱི་བདག་ཉིད་ཡིན་ཞེས་བྱ་བ་ནི་རྒྱལ་པོའོ། །རྒྱལ་པོ་དེ་ལ་ལྷ་མ་ཡིན་ནང་རྩོད་པ་དེ་རོལ་པ་ནི་བདེ་བར་གནས་པའོ། །དེའི་གགས་སུ་གྱུར་པར་མཐང་པ་དང་ཡིད་བྱུང་བ་ནི་སྐྱོ་བའོ། །འགྲོ་བ་ལྷ་དང་དེའི་ཕྱོགས་སུ ་གཏོགས་པ་ལྷ་མ་ཡིན་གྱི་གནོད་པས་འཇིགས་པར་མཐོང་ནས་གཟི་བརྗིད་ཅན་གྱི་བྱང་ཆུབ་སེམས་དཔའ་ཨི་སྙིང་རྗེའི་སྟོབས་ཀྱིས་ཚུལ་བཞིན་ཏེ་ལེགས་པར་བཟློག་པར་རིགས་པས་ན་ལྷའི་དབང་པོའི་སྙིང་ནི་དམག་དྲངས་ཀྱི་ཕྱོགས་ལ ་གཡེལ་བར་གྱུར་ཏེ་དེ་བཟློག་དགོས་པའི་ཕྱིར་རོ། །ཤིང་རྟ་དམ་པའི་སྟེང་དུ་འདུག་ནས་ཞེས་སྦྱར་རོ། །རྒྱ་མཚོ་འགྲམ་ནི་རོལ་མཚོའི་འགྲམ་མོ། །ལྷ་རྣམས་དགའ་?་བའི་འཁོར་གྱི་ནང་དུ་སོང་ཞེས་བྱ་བ་ནི་འཁོར་རྣམས་གྲོང་ཁྱེར་ལྟ་ན་སྡུག་གི་ནང ་དུ་སོང་བའོ། །དེ་ཉིད་ཞེས་བྱ་བ་ནི་སྙིང་རྗེའི་རྒྱུར་བདག་ཉིད་ཀྱི་སྲོག་ལ་མ་ཆགས་པའི་སྦྱོད་པ་དེ་ཉིད་ཀྱིས་ཞེས་བྱ་བ་སྟེ་དེས་ཚེ་འདི་ལ་ཕན་པ་ཐོབ་པའོ། །དེ་བས་གསུངས་པ་ཞེས་བྱ་བ་ནི་ལུང་ལས་སོ། །རྒྱ་མཚོ་དུས་བཞིན་ཞེས་བྱ་བ་རྒྱ་མཚོའི ་རླབས་ཞག་བདུན་བདུན་གྱི་དུས་ལས་མེ་ཡོལ་བ་ལྟ་བུའོ་ཞེས་བྱ་བའོ།། །།བརྒྱ་བྱིན་གྱི་རབས་ཏེ་བཅུ་གཅིག་པའོ།། །།ཐོས་པ་ལྡོབ་པ་ནི་མྱུར་དུ་འཛིན་པའོ། །འཛིན་གསལ་ནི་གསལ་བར་འཛིན་པའོ། །དེ ་དག་གིས་ནི་ཤེས་རབ་མྱུར་བ་དང་གསལ་བར་འཇུག་པས་དབང་པོ་རྣོ་བར་བསྟན་ཏོ། །རང་གི་རིགས་བཟང་བར་གྲགས་པ་དང་བླ་མ་ལ་གུས་ཤིང་དབང་པོ་དུལ་བ་དང་ལང་ཚེ་དང་ལྡན་ཡང་རྒྱགས་པ་སྤངས་པས་ཞི་བའོ། །ཆོས་བཟང་བ་ནི ་དཀར་པོའི་ཆོས་ལ་ལེགས་པར་གནས་པ་སྟེ་ཚུལ་ཁྲིམས་ཡང་དག་པར་བླངས་པའོ། །ཇི་ལྟར་སྔགས་ཀྱི་ཁྱད་པར་དང་ལྡན་པའི་མཐུས་སྤྲུལ་གདུག་པའམ་འབྱུང་པོ་ལ་སོགས་པ་ལ་དབང་བྱེད་པ་ལྟར། གཉེན་པོ་སྟོབས་ཆེ་བས་རང ་གི་སེམས་ལ་དབང་བྱེད་པ་ནི་ཡོན་ཏན་དབང་དུ་བྱེད་པའི་སྔགས་དེ་རྫས་དང་འདྲ་བའི་བྱམས་པ་ལ་སོགས་པ་གོམས་པའོ། །དེ་རྟག་ཏུ་མ་ཉམས་ཞེ་སྡང་མཐུ་དང་ལྡན་པས་ཞེ་སྡང་འཁྲུག་པའི་རྒྱུ་གནོད་པ་བྱུང་ཡང་དེ་ལ་རང ་གི་སེམས་དབང་དུ་བྱེད་ཅིང་ཁོང་ཁྲོ་བའི་དབང་དུ་མི་འགྱུར་ན་ཐ་མལ་བའི་སེམས་ཉོན་མོངས་པའི་རྐྱེན་ཤས་ཆེན་པོ་མེད་ན་ལྟ་ཅི་སྨོས་ཏེ་ཤིན་ཏུ་རང་གི་སེམས་ལ་དབང་ཡོད་པའོ། །དབུལ་བ་འབྲས་བུ་རེ་བ་མེད། ཅེས་བྱ་བ་ནི་ཚེ ་འདི་ལ་ཡང་ཟོང་གིས་བསྒྲུབས་པའི་ནར་གྱི་འབྲས་བུ་འམ་ཞིང་ལ་སོགས་པས་བསྒྲུབས་པའི་འབྲུའི་ཁྱད་པར་ལ་རེ་བ་མེད་པའོ། །བདག་གིས་མི་ལའང་སྨྲར་མེད་པ་ནི་བདག་དབུལ་པས་གཞན་གྱི་རེ་ལྟོས་ཀྱི་སར་མ་གྱུར་པས་ཞུམ ་པར་གནས་པའོ། །དགའ་སྟོན་ཆེ་ནའང་དགའ་མི་མྱོང་བ་ནི། དབུལ་བས་བདག་ལ་དགའ་སྟོན་བྱར་མེད་པ་དང། གཞན་གྱིས་ཀྱང་མི་སྟེར་བ་དང། བྱིན་ཡང་བདག་ལ་ཁ་ལན་མེད་པས་ཞུམ་ཞུམ་པོར་འདུག་པའོ། །སྦྱིན་པའི་གཏམ་ཡང་ཞེ་ན? ་པ་ནི་བདག་ཉིད་སྦྱིན་པ་བྱར་མེད་པར་བསྔགས་པ་བརྗོད་ཀྱང་ཁ་གསག་ལྟ་བུར་མངོན་པའོ། །དེ་རྣམས་ཀྱིས་སྨ་བབ་པ་ལྟ་བུ་ཡིན་ལ་ཡོ་བྱད་ཆུང་ངུ་འཚོ་བ་ཡང་སྡུག་བསྔལ་དང་བཅས་པས་ཉོན་མོངས་ངལ་བའི་གཞི་ཞེས་པའོ། །ངོ ་ཚ་ཤེས་པའི་བསྔགས་པ་དང་ལྡན་པའི་མདོ་སྡེ་ལ་སྦྱར་བར་བྱ་བ་ནི་མདོ་སྡེའི་དོན་ཡང་འདིས་གསལ་བར་བསྒྲུབ་པའམ་འདི་ཡང་མདོ་སྡེ་དང་མཐུན་པ་ཡིན་ནོ་ཞེས་བསྟན་པ་ཡིན་ནོ། །འཇིག་རྟེན ་ལ་དབང་བྱེད་པ་ནི་གཞན་གྱི་དཔྱས་པས་འཇིགས་ནས་སྡིག་པ་ལ་འཛེམ་པ་སྟེ་ཁྲེལ་ཡོད་པ་ཡིན་ལ་དེའི་དབང་དུ་བྱས་པའི་མདོ་སྡེ་ཡང་དེ་དང་མཐུན་ནོ་ཞེས་བྱ་བའོ།། །།བྲམ་ཟེའི་རབས་ཏེ་བཅུ་གཉིས ་པའོ། །ཁྱིམ་ན་གཉི་གས་ཡང། ཞེས་བྱ་བ་ནི་ཕ་མའི་ཁྱིམ་དང་ཁྱིམ་འཐབ་ཀྱི་ཁྱིམ་མོ། །འདི་ཅི་ཀུ་མུ་ཏ་ཡིན་ནམ་ཞེས་བྱ་བ་ནི་ལྷ་མོའི་ཁྱད་པར་ཞིག་གོ་།ཁྱིམ་འདི་ལྷ་ཡིན་ཞེས་བྱ་བ་ནི་ཁྱིམ ་འདི་ལྟ་མོའི་ཡིན་ན་མ་ཞེས་བྱ་བའོ། །དེའི་ལུས་བཟངས་བཅས་ཤིང་འགྲེང་དང་ལྟ་བ་ལ། ཆགས་པས་ཆ་ཅིག་ཡིད་དུ་གྱུར་ཅིག་འདུག་པའི་ཚེ། ཞེས་བྱ་བ་ནི་སྔར་ལམ་དུ་མྱོས་བྱེད་མ་དང་ཕྲད་པའི་ཚེའོ། །དོན་སྒྲུབ་གོ ་རིམས་སྦྱིན་པའི་ཆབ་ཚོད་སྒྲ་གྲག་པའི། །ཆབ་ཚོད་ཞེས་བྱ་བ་ནི་བགྲོད་པའི་གནས་སུ་འགྲོ་བར་དོན་སྒྲུབས་ཅིང་རིམས་ཀྱིས་འགྲོ་བར་སྤྲོན་པའི་ཆུ་ཚོད་ཀྱི་ཚང་འཛིན་པའི་རྡ་རྡུང་བའི་སྒྲ་གྲག་པ་དང་དུང་འབུད་པའི་སྒྲ་གྲགས་པས ་འགྲོ་དགོས་ཤིང་རྟ་ཁྲིད་པ་དེའི་ཚེ། ངའི་སེམས་ལ་ཞེ་སྡང་ལྡང་སྟེ། མ་རངས་པར་གྱུར་ཏེ། ཡུལ་འདས་ཀྱང་མྱོས་བྱེད་མ་ལ་ལྟར་ཡོད་ན་དགའ་ཨོ་ཞེས་བྱ་བའོ། །ཆོས་སྤྱད་པ་ལས་ཞེས་བྱ་བ་ནི་སྔོན་དགེ་བ་བྱས་པ་ལས་སོ། །དཔལ ་ཐོབ་པ་ནི་ལུས་དང་ལོངས་སྤྱོད་ཀྱི་འབྱོར་པ་ཐོབ་པའོ། །དེ་ཉིད་ལ་ཡང་གནོད་པ་བྱེད་པ་ནི་ཚེ་གཞན་དུ་དེ་ཉམས་པའི་རྒྱུ་སྡིག་པ་བརྟེན་པའོ། །དེས་ན་གཞན་དུ་ཡང། ཇི་ལྟར་ཁྱོད་ལ་རྟག་ཏུ་སྐུ་འཕངས་པ་བཞིན་དུ་ཆོས་འཕངས་པར ་མཛོད་ཅེས་གསུངས་པའོ། །འདི་དང་ཕ་རོལ་སྲེག་པར་འགྱུར་ཞེས་བྱ་བ་ནི་འདིར་ནི་རྒྱལ་པོའི་ཆད་པས་ཡིན་ནོ། །ཕ་རོལ་ཏུ་ནི་ཉེས་པ་མེད་པའི་བུད་མེད་པོར་ཞིང་སྨད་པའི་ལས་ལ་སྦྱར་བའི་ཕྱིར་རོ། །དུས་ཚིག་མཆོད་པའི་ཡོན་ཏན་ནི་ཤིང་གི ་འབྲས་བུ་སྨིན་པའི་དུས་སུ་འབྲས་བུ་དེ་འབུལ་བ་ལ་སོགས་པའོ། །ལྷ་དང་དཔལ་གྱིས་རབ་ཏུ་སྤངས་པར་འགྱུར་ཞེས་བྱ་བ་ནི་ལྷས་ཀྱང་མི་སྲུང་ལ་དགེ་བའི་འབྲས་བུ་ཡང་ཐག་རིང་བའོ། །ཁྱོད་ནི་དེ་ལྟར་ཞི་གྱུར་པ་ཞེས་བྱ་བ་ནི་དབང་པོའི་སྒོ ་བསྡམས་པའོ། །དེ་ལ་ངོ་མཚར་ཆེ་མི་འགྱུར་ཞེས་བྱ་བ་མཁས་པའི་སྐྱེ་བོས་བརྟགས་ན་དེ་ལ་ངོ་མཚར་མེད་དེ་ཡོན་ཏན་ལ་གོམས་པའི་ཕྱིར་རོ། །ཞེས་བྱ་བའི་ཐ་ཚིག་གོ་།མྱོས་བྱེད་མའི་རབས་ཏེ་བཅུ་གསུམ་པའོ།། །། ་བདག་ཅག་ཡུལ་ནི་གཉི་ག་ལས་ཞེས་བྱ་བ་ནི་རང་གི་ཡུལ་དང་རིན་པོ་ཆེ་བླང་བའི་གནས་ལས་སོ། ། ན་དྷོ་དྷིལ་གྱི་མདོག་ནི་འཐིང་ཀའོ། །མརྒད་ནི་ལྗང་ཀུའོ། །ལྷ་མོ་ཉིད་ལ་ཞེས་བྱ་བ་ནི་ཙན་དྷི་སྟེ་དབུ་ཨུ་མ་ལའོ། །ལེགས་པར་ཕ་རོལ་ཏུ ་ཕྱིན་པའི་རབས་ཏེ་བཅུ་བཞི་པའོ།། །།དགེ་དང་མི་དགེ་ལས་རྣམས་གོམས་བྱས་ནས། མི་རྣམས་ལ་ནི་འདྲིས་པ་ཉིད་དུ་འགྱུར། །ཞེས་བྱ་བ་ནི་མི་རྣམས་ལ་ཆེ་དེ་ལ་གོམས་ན་ཚེ་དེ་ལ་སྤྱོད་པ་ཙམ་མཐོང་ལ། བྱང་ཆུབ ་སེམས་དཔའ་ཉར་གྱུར་པས་ཚེ་དེ་ལ་མ་བསྒོམས་ཀྱང་ཚེ་རབས་གཞན་ལ་གོམས་པས་ཆེ་འདི་ལ་རྨི་ལམ་བཞིན་དུ་སྔོན་གྱི་སྟོབས་ཀྱིས་སྤྱོད་དོ་ཞེས་བྱ་བའོ། །ཉའི་རབས་ཏེ་བཅོ་ལྔ་པའོ།། །།ཆོ་གའི་ཟས ་པ་ཞེས་བྱ་བ་ནི་དཀའ་ཐུབ་བྱེད་པའི་མི་དག་འབྲས་ཀྱི་གཟེམས་མས་འཚོ་བར་བྱེད་པ་ལ་སོགས་པའོ། །ངོ་ཚ་མེད་པར་ལེགས་པར་འཚོ་བ་ནི་འཕྲལ་ཉོན་མི་མོངས་པར་བསྐྱིད་པའོ། །འཚོ་བ་ཤིན་ཏུ་ཉོན་མོངས་ལྡན་ཞེས་བྱ་བ་ནི་ཉོན་མོངས་པས ་གོས་ཤིང་སྡིག་པ་དང་འབྲེལ་པའོ། །བདག་གི་རྐང་པ་མིང་དོན་མེད་ཅིང་འདབ་མ་མེད། ཞེས་བྱ་བ་ནི་རྐང་པ་ཡོངས་སུ་མ་རྫོགས་ཤིང་འདབ་མ་ཡོངས་སུ་མ་རྫོགས་པས་མིང་གི་དོན་ལེགས་པར་མི་གནས་པའོ། །འགྲོན་བྱང?་རུང ་བ་ནི་སྦྱིན་སྲེག་གི་རྫས་ཏེ་འབྲས་ཆན་དང་ཞོ་ལ་སོགས་པའོ། །རྒྱ་མཚོའི་རླབས་དུས་ལས་མི་ཡོལ་ཞིང་སྐྱེ་བོ་བརྟན་པ་ཡང་པ་རླབ་པ་ལེགས་པར་མི་འདའ་བ་བཞིན་བདེན་པ་གོམས་པའི་ངག་ལས་ནི་མེ་ཡང་མི་འདའ་བས་བདེན་པ་ལ ་གོམས་པར་བྱའོ་ཞེས་སྟོན་པ་ནི་དེ་ཅིའི་ཕྱིར། ཞེས་བྱ་བ་ལ་སོགས་པས་སྟོན་ཏོ། །སྲེག་པའི་རབས་ཏེ་བཅུ་དྲུག་པའོ།། །།འཇིག་རྟེན་ཡོངས་ཀྱིས་ཕལ་ཆེར་དཔལ་ལྡན་ན། ཞེས་བྱ་བའོ། །དཔལ་གྱི་རང་བཞིན ་ཤེས་པ་ནི་འབྱོར་པ་ལ་བག་ཡོད་པར་བྱ་བ་ཤེས་པའོ། །གཟི་བརྗིད་ཀྱིས་གཞན་ཟིལ་གྱིས་གནོན་པས་གཟི་ཆེན་ཉི་མ་འཆར་འདྲའོ། །སྟོན་གྱི་ཟླ་བ་ཉ་བ་གང་བ་མཛེས་པ་ལྟར་ལྟ་ན་སྡུག་པ་མཛེས་པས་ཟླ་བ་བཞིན་ནོ། །དེ་ལྟར་ཁྱོད ་ཀྱི་སྐུ་མཛེས་ཐུབ་པ་འགའ་ཞིག་ལགས་པར་གདའ་སྟེ་འདོད་ཆགས་དང་བྲལ་བའམ་ཐར་པ་ཐོབ་པའི་སྐྱེ་བོ་ཞིག་ཡིན་ནམ་ཞེས་པའོ། །ཆང་གི་ཉས་པ་བསྡུས་པ་ནི་ཁྱེད་ཅག་འཇིག་རྟེན་གཞན་ལ་མི་འཇིགས་ཤིང། ཆེ་འདི་ལ་ཡང ་བརླག་པས་མི་འཇིགས་ན་ཞེས་བྱ་བའོ། །འབྲིང་སྣ་ཨན་དྷ་དག་ཀྱང་མེ་བྱུང་ནས། དབྱིག་ཆེན་ཐོགས་ཏེ་ཕན་ཚུན་ཐལ་བར་བྱུང། ཞེས་བྱ་བ་ནི་འབྲི་སྣ་དང་ཨན་དྷ་ནི་མིའི་རིགས་ཀྱི་ཁྱད་པར་སྟེ་དེ་དག་ཆང་གིས་མྱོས་པས་དབྱིག་པ ་ཆེན་པོ་ཐོགས་ཏེ་ཕན་ཚུན་བསད་ཅིང་རང་གི་ཉེ་འབྲེལ་མང་དུ་བསད་པ་སྟེ་སྔོན་གྱི་ལོ་རྒྱུས་ལས་ཤེས་པར་བྱ་སྟེ་བདག་གིས་ལེགས་པར་ཐོས་པ་མེད་དོ། །གང་གི་ཉིས་པས་སྔོན་གྱི་ལྷ་རྣམས་མྱོས། ལྷའི་རྒྱལ་པོའི་དཔའ་ནི ་ཉམས་གྱུར་ནས། །སྐྱབས་འདོད་ཕྱིར་ནི་རྒྱ་མཚོའི་ནང་དུ་གག་།ཅེས་པ་ལས་སྔོན་གྱི་གཏམ་རྒྱུད་ལས་ཤེས་པར་བྱ་སྟེ་བདག་གིས་ལེགས་པར་ཐོས་པ་མེད་དོ། །ཕན་པར་སྨྲ་ལ་མཆོད་པར་བྱ་བ་ནི། །བསྒོ་བའི་ཚིག་བཞིན་ཉམས་སུ་ལེན་པ ་ཡིན་ཞེས་བྱ་བ་ནི། གཞན་ལས་ཀྱང་དེ་བཞིན་གཤེགས་པ་ནི་བསྒྲུབ་པའི་མཆོད་པས་མཉེས་པ་ཡིན་གྱི་ཟང་ཟིང་གི་མཆོད་པས་ནི་མཉེས་པ་མ་ཡིན་ནོ་ཞེས་སོ། །གྲགས་དང་དཔལ་གྱི་ལམ་ནི་འདི་ཡིན་ཏེ་ཞེས་བྱ་བ་ནི་ཚེ་འདིའི་ཡོན་ཏན་ཏེ ་དཔལ་ནི་འབྱོར་པ་ཕུན་སུམ་ཚོགས་པ་མི་ཉམས་ཤིང་འཕེལ་བའོ། །ངའི་ཡུལ་ལ་བརྟེན་ཅེས་བྱ་བ་ནི་བདག་གང་ལ་སྤྱོད་པ་དེ་ཉིད་ལ་སྤྱོད་པ་དེ་ཉིད་ལ་སྤྱོད་ཅིག་ཞེས་བྱ་བའོ། །བུམ་པའི་རབས་ཏེ་བཅུ་བདུན་པའོ།། །།ཡོན ་ཏན་ལས་བརྟགས་ན་ཕྱི་མའི་བཀུར་སྟི་བྱ་བའི་གནས་ཡིན་ལ། སྐྱོན་ལ་བརྟགས་ན་ནང་མི་ཡང་སྨད་པར་བྱ་བའི་གནས་སུ་འགྱུར་བས་ཡོན་ཏན་སྐྱོན་ལས། ཞེས་བྱ་བ་ལ་སོགས་པ་སྨོས་སོ། །སྔ་ནས་ཡོད་པའི་རིགས་དང་གཟུགས་ལ་སོགས? ་པའི་ཡོན་ཏན་ལ་ཚུལ་ཁྲིམས་དང་ཤེས་པའི་ཡོན་ཏན་དང་ལྡན་པས། ལྷག་པར་བརྗོད་ཅིང་མཛེས་པའོ། །ས་གཞི་རབ་ཏུ་བཟང་པོ། ངོ?་བོ་ཐལ་གྱིས་བྱུགས་པའི་ཁང་བཟངས་ལ་སོགས་པའོ། །ཐོས་པའི་དོན་ནི་ཁྱོད་ཀྱིས་ཡོད་པར་བྱོས། །ཞེས ་བྱ་བ་ནི་ཉི་མ་དོན་མེད་པར་མི་བྱ་སྟེ། སྦྱིན་པ་ལ་སོགས་པ་སྤྱད་ཞེས་བྱ་བ་ལ་སོགས་པ་དང། སྦྱིན་སྲེག་ལ་སོགས་པའི་ལས་ཀྱིས་ཁྱིམ་དུ་དོན་ཡོད་པར་གྱིས་ཤིག་ཅེས་པའོ། །དེ་ཉིད་བཤད་པ་ནི་བུ་མཆོག་ཅེས་བྱ་བ་ལ་སོགས་པའོ།། ་ནན་ཏུར་དྲག་ཤུལ་གྱི་ལས། སྦྱུག་པ་དང་གསད་པ་ལ་སོགས་པའོ། །བདེ་བ་ལ་ཆགས་པ་སྤོང་བ་རྒྱུ་གང་གིས་ཞེ་ན། བདེ་པ་འགྲུབ་པའི་ངེས་པ་ཡོད་པ་མ་ཡིན་ཞེས་བྱ་བ་དེ་ཇི་སྐད་དུ། བདེ?་བའི་དོན་དུ་ལས་བྱས་ཀྱང། །བདེ་འགྱུར་མི ་འགྱུར་གཏོལ་མེད་ཀྱིས་ཞེས་གསུངས་པ་ལྟ་བུའོ། །གཞན་ཡང་བདེ་བ་འགྲུབ་ཀྱང་གདོན་མི་ཟ་བར་གྲགས་པ་མེད་པར་འགྱུར་ཏེ། བདེ་བ་རྐམ་པས་སྡིག་པ་བྱས་ལས་མི་སྙན་པ་འབྱུང་བའི་ཕྱིར་རོ། ། ་གཞན་ཡང་བདེ་བའི་རྒྱུར་གྱུར་པའི་ཡུལ་མ་མ་ཐོབ་པའམ་ཐོབ་པ་ལས་ཉམས་པ་ལས་ཡིད་གདུང་པ་སྐྱེད་དོ། དེ་དག་ནི་ཆེ་འདིའི་ཉེས་པ་ཡིན་ལ་ཆེ་གཞན་དུ་ངན་འགྲོར་ལྟུང་བའོ། །ཡོངས་སུ་རྟོགས་པའི་དོན་དུ་མ་གྱུར་ན་ཞེས་བྱ་བ་བསམ ་པའི་དོན་མ་གྲུབ་པའོ། །འདི་ལ་ནམ་ཞིག་ཇི་ལྟར་གང་ལ་བདེ་ཞེས་བྱ་བ་ནི་ཁྱིམ་ན་གནས་པ་འདི་ལ་རྒྱུ་མཚན་གང་གིས་བདེ་ཞིང་དུས་ནམ་ཡིག་བདེ་ལ་དངོས་པོ་གང་བདེ་ཞེས་བྱ་བའི་ཐ་ཚིག་གོ་།འདོད་པའི་ཡོན་ཏན་གྱི་གཙོ་བོ་ནི་ཡུལ་གྱི ་བཟང་མོ་ལ་སོགས་འཁྲིག་པའི་བདེ་བ་ཡིན་ནོ་ཞེས་འཇིག་རྟེན་ལ་གྲགས་མོད་ཀྱི་དེ་ལ་ཡང་བདེ་བ་མེད་པར་སྟོན་པ་ནི། །རྨོངས་པས་འདོད་ཆགས་ཉ་བར་སྤྱོད་པ་ཡང། རྨ་གཡའའཕྲུག་པའི་བདེ་བ་བཞིན་དུ་ཟད། ཅེས་བྱ་སྟེ། གཡན ་པ་འཕྲུག་པའི་བདེ་བ་ལྟ་བུ་སྟེ་གོ་སླའོ། །གཞན་ཡང་ཕལ་ཆེར་ནི་འདི་ལྟ་བུ་ཡིན་ཏེ། ཞེས་བྱ་བ་ཁ་ཟས་ཟོས་པའི་བདེ་བ་ལ་སོགས་པ་ཡང་ངོ། །ཡང་ན་འོག་མ་སྟོན་པའི་འཚམས་སྦྱོར་བའོ། །དེ་བས་ན་བཅུན་པ་བདག་གིས་ཁྱེད་ལ ་གདམ་ངག་དུ་བྱ་བ་ནི། ཁྱིམ་གྱི་ཉེས་པ་དང། དགོན་པའི་ཡོན་ཏན་དང། དེར་གནས་པར་དམ་བཅའ་བ་ནི་ཚིགས་སུ་བཅད་པ་གསུམ་གྱིས་རིམ་པ་བཞིན་བསྟན་ཏོ། །དེ་ལ་ཁྱིམ་གྱིས་ཉེས་པ་ནི་སྤྲུལ་གདུག་པའི་ཚད་དང་མཚུངས་པར ་སྟོན་ཏེ། ཉོན་མོངས་པ་སྤྲུལ་དང་འདྲ་བར་གནས་སུ་གྱུར་པ་དང། སྤྲུལ་གདུག་པ་ཅན་གྱི་ཚད་དུ་ཕྱིན་ན་སྲོག་འཇིག་པ་ལྟར་མྱ་གན་ལས་པའི་བདེ་བ་མ་ཐོབ་པའི་ཡོངས་སུ་ཉམས་པས་འཇིག་པའི་ཕྱིར་དང། སྤྲུལ་གྱི་དུག་གིས་མ་ཞིང ་བར་དུ་ལུས་སྐྲངས་པའི་སྡུག་བསྔལ་མི་བཟད་པའི་རྟེན་དུ་གྱུར་པ་ལྟར་ཚེ་འདི་དང་གཞན་གྱི་སྡུག་བསྔལ་མང་པོའི་གནས་སུ་གྱུར་པའི་ཕྱིར་རོ་ཞེས་སྟོན་པ་ནི་དྲེགས་དང་ཞེས་བྱ་བ་ལ་སོགས་པའོ།། །།ཕྱུག ་པོའི་རབས་ཏེ་བཅོ་བརྒྱད་པའོ།། །།ཆོས་དང་སྲིད་དང་དེ་བཞིན་བདེ་བ་འཕེལ། ཞེས་བྱ་བ་ལ་ཆོས་ནི་དགེ་བའི་ལས་སོ། །སྲིད་ན་རང་གི་འཁོར་སྐྱོང་བའོ། །བདེ་བ་ནི་ལུས་དང་ལོངས་སྤྱོད་དམ་ཆོས་ཚེ་འདིར་འཕེལ་བས་འཇིག ་རྟེན་ཕྱི་མ་ལ་ཡང་བདེ་བར་འགྱུར་རོ། །དགེ་བ་རྣམས་ཀྱི་བརྟན་པའི་རྒྱུ། །རྣམ་པར་འཕེལ་བ་བཞིན་དུ་མངོན་པ་ནི་གང་ཟག་བསམ་པ་དགེ་བའི་སྡུག་བསྔལ་གྱིས་མི་ཕྲོགས་པ་བརྟན་པ་རྣམ་པར་འཕྲོ་བ་སྟེ་ཆེས་གསལ་བར་རྟོགས་སོ་ཞེས ་བྱ་བའོ། །དེ་བས་རབ་དང་འབྲིང་དང་ཐ་མ་རྣམས། །འདི་དང་ཕ་རོལ་ཏུ་ཡང་འདོད་པས་གསོད་པར་བྱེད། ཅེས་བྱ་བ་ལ་ལྷ་དང་མི་དང་ངན་འགྲོ་རྣམས་སམ། མི་ཉིད་ཀྱི་བྱེ་བྲག་རྒྱལ་པོ་ལ་སོགས་པ་རྣམས་དང། ཕལ་པ་རྣམས་དང། རིགས་ངན ་ལ་སོགས་པ་དག་གོ། །།དཀའ་ཐུབ་ཅན་གྱི་རབས་ཏེ་བཅུ་དགུ་པའོ།། །།ཇི་ལྟར་ཚིག་ཅིག་པ་དག་གིས་ཞེས་བྱ་བ་ཚིག་བག་ཙམ་ལས་མ་སྨྲས་པ་འམ། ཚིག་གིས་ཀྱང་མ་སྨྲས་པར་ཞེས་བྱ་བའི ་ཐ་ཚིག་གོ་།འཛངས་ཤིང། ཞེས་བྱ་བའི་རྐང་པ་གཉིས་ནི་ཡོན་ཏན་ནོ། །དེ་ལྟར་ཡོན་ཏན་དང་ལྡན་ཡང་སྐྱོན་གྱི་རྣམ་པ་མི་བརྟན་ཞིང་བདག་ཅག་ནང་མི་ལ་སྙིང་རྗེ་མེད་པ་འདི་ཇི་ལྟར་ལོབས་ཞེས་བྱ་བའོ། །ནགས་ཚལ་དགོན་པར་གང་བཙལ་བ་ནི ་ཆོས་བསྒྲུབ་པའོ། །དེ་ནི་ཁྱིམ་དཱུང་འགྲུབ་སྟེ་གཙང་སྦྲ་ཏེ་བསོད་ནམས་སྤང་པའོ། །ཚུལ་ཁྲིམས་ནི་བསྙེན་གནས་ལ་སོགས་པའོ། །ནོར་དང་ལྡན་པས་སྦྱིན་པ་བསྒྲུབ་པར་ནུས་པའོ། །རྗེས་སུ་མཐུན་ཞིང་ཆོས་གྲགས་བྱེད། །ཉེས་པ་མེད་པ་ནི་བུ ་མེད་དོ། །ཀྱེ་མའོ་གདམ་གྱིས་མནར་བ་ལྟ། ཞེས་པ་ནི་འཇིག་རྟེན་པ་རྣམས་དེ་ནི་ད་ལྟར་རིགས་པ་ན་མ་བསྐོས་པ་ཡིན་ནོ་ཞེས་འཛེར་ཏོ། །གང་ཕྱིར་འཇིག་རྟེན་དག་ན་སྲིད་པ་ནི། །བདེ་དང་སྡུག་བསྔལ་དག ་ལ་མཚུངས་པར་སྤྱོད། །ཞེས་པ་ནི་མཛའ་བཤེས་པ་སོགས་པ་བདེ་བའི་ཚེ་ཡང་ལྷན་ཅིག་སྤྱོད་དེ་དགའ་སྟོན་ལ་སོགས་པའོ། །སྡུག་བསྔལ་ཡང་ལྷན་ཅིག་སྤྱོད་སྟེ་ཤི་བར་གྱུར་པའི་དུས་སུ་ཐམས་ཅད་ཀྱང་ཡོངས་སུ་གདུང་བར་བྱེད ་དོ། དེའི་སྡུག་པ་དེའི་ཚེ་ཡང་སྡུག་པ་ལྷན་ཅིག་སྤྱོད་པས་དེ་བས་འདི་ཡང་ཞེས་བྱ་བ་ལ་སོགས་པའོ། །ཚུལ་ངན་ན་ཞེས་པ་ནི་སྤྱོད་ཚུལ་ངན་ན་ཞེས་པ་སྟེ་སྐྱོན་ལ་དད་ཅིང་ཡོན་ཏན་འདོར་བ་ཉིད་དོ། །དེ་ལྟར་གྱུར་ན་སྐྱེ་བོ་དགེ་བས ་སྤང་བར་བརྩི་བར་འགྱུར་ཏེ་སྐྱེ་བོ་དམ་པ་བརྟན་པ་རྣམས་ཀྱིས་ཡང་བ་སྟེ་མི་བརྟན་པ་དགེ་བ་ལ་སྒྲོ་བ་ཆུང་བར་བརྩི་བར་འགྱུར་ཏེ། དམ་པས་སྨད་པ་ཞེས་བྱ་བའི་ཐ་ཚིག་གོ་།དེ་བས་སྐྱེ་བོ་རེ་བ་སྐོང་བར་བྱ། ཞེས་སྦྱར་ཏེ་རབ་ཏུ ་བྱུང་བར་རེ་བ་དེའོ། །དེ་ཡང་ཇི་ལྟར་སྒྲུབ་ན་སྤང་བ་དང་བླང་བ་གཉིས་ཏེ། དང་པོ་ནི་སྤྱོད་པ་ངན་པས་ཉོན་མོངས་ཁྱིམ་སྤངས་ནས་ཞེས་པ་སྟེ། སྤྱོད་པ་ངན་པའི་ལོངས་སྤྱོད་བསྒྲུབ་པ་དང་བསྲུང་བ་ལ་སོགས་པ་ཉོན་མོངས་ཤིང་གདུང ་བའི་རྒྱུར་གྱུར་པའོ། །བླང་བ་ནི་དཀའ་ཐུབ་ནགས་ན་དགའ་བའི་ཡོན་ཏན་གྱིས་ཉམས་སུ་གླངས་ཏེ་ཞེས་བྱ་བ་སྟེ་ཚུལ་ཁྲིམས་དང་དེའི་མཐུན་རྐྱེན་སྦྱངས་པའི་ཡོན་ཏན་ལ་སོགས་པའོ། །ནོར་དང་ཐབས་དང་མཐུ་རྩལ་གང་དག་གིས། །ང་ལ ་ཐུབ་པར་གྱུར་པ་མ་ཡིན་པའོ། །སྡུག་བསྔལ་གང་གིས་ཞེས་བྱ་བ་ལ་སོགས་པ་ནོར་གང་གིས་དབུལ་བ་མ་བཟློག་པ་དང། ཐབས་གང་གིས་ནང་ལ་སོགས་པར་མ་གྱུར་པ་དང། མཐུ་རྩལ་གང་གིས་དགྲ་ལ་སོགས་པ་མ་བཟློག ་པའོ། དེ་ལས་ནོར་འདོད་ང་ལས་ནོར་ཁྱེར་ཅིག་པ་དང། གཞན་གཉིས་ཀྱིས་གནོད་པ་ཡོད་ནི་གནོད་ཅིང་དགྲ་བཟློག་པར་བྱ་བའོ། །གང་ཞིག་ཕ་རོལ་པོ་དེ་དག་རབ་ཏུ་འབྱུང་བར་སེམས་ན་ཡང་བདག་ཉིད་ཕྱས་སུ་གྱུར་པ་ག་ལ་སྲིད། བྱ་བ ་ཉམས་ཀྱིས་མི་ལྕོགས་པ། །གཞན་གྱིས་སྤད་ཀྱང་བྱར་མི་རུང། །དགེ་དགེ་ཞེས་བརྗོད་པས། མེ་རུ་འཇུག་ཏུ་ག་ལ་རུང། ཞེས་བརྗོད་པ་ལྟ་བུའོ་སྙམ་པ་ཡིན་ནོ། །མཛའ་བོར་འཐམས་པས་ཞེས་བྱ་བ་ནི་མཛའ་བོར་བྱས་ཤིང་གྲོགས ་བཤེས་སུ་གྱུར་པ་འམ་གཉེན་འབྲེལ་དུ་གྱུར་པའོ། །རང་གི་མཛའ་བོ་བག་མེད་ཅིང་ཚེ་འདི་ལ་གཞན་གྱིས་དོན་ལས་ཉམས་ཤིང་གནོད་པ་དང་འབྲེལ་པ་མཐོང་ན་དེ་ལས་བཟློག་པའི་ཕན་པར་འགྱུར་བའི་ལམ་ལ་སྦྱོར་བ་ལ་རྩུབ་པ ་སྟེ་དྲག་ཤུལ་གྱི་ལས་བྱ་བར་རིགས་ན་ཕན་ཞིང་འཇམ་ན་སྨོས་ཀྱང་ཅི་དགོས་ཏེ། དོན་དེ་ནི་ཉོན་མོངས་བཅས་ཀྱང་འཆོས་མི་བྱེད། ཅེས་གསུངས་སོ། །ད་ལྟ་ནི་བག་མེད་པའི་གནས་སུ་འཇུག་པ་མ་ཡིན་པས་དགག་པར་མི་རིགས་པར ་སྟོན་པ་ནི་ནགས་པས་ཞེས་བྱ་བ་ལ་སོགས་པ་སྟེ། ནགས་ན་གནས་པར་དོགས་ཤིང་འཇིགས་པ་མེད། ཐ་མལ་གནས་པ་ཡིན་པ་ལ། དེ་ལྟར་ཇི་ལྟར་མི་སེམས་ཞེས་བྱ་བའོ། །དེ་ལ་དགོས་པ་ནི་གཞན་དག་གིས་དཔྱས་པ་ལ་སོགས ་པ་སྤངས་པ་འམ་གཞན་གྱི་སེམས་སྲུང་དགོས་པ་ཡིན་ན་དེ་ནགས་ན་མེད་པའོ། །འཇིགས་པ་ནི་ལོངས་སྤྱོད་ཉམས་པ་འམ་དགྲ་ལ་སོགས་ཏེ་དེ་མེད་པའོ། །དེ་ཉིད་ཀྱིས་ན་ཐ་མལ་པར་གནས་པ་སྟེ་ཀུན་ནས་ཉོན་མོངས་པ་སྐྱེ་བའི་རྐྱེན ་ཚེར་མ་ལྟ་བུས་མ་དཀྲུགས་པའི་ཕྱིར་རོ། །དགྲ་དང་དམག་འགྱེད་དེ་དང་དེ་དག་ཏུ། ཞེས་པ་ནི། དགྲ་དང་འཐབ་པ་དང་ཆུ་ལ་རྒལ་བ་ལ་སོགས་པ་ཡང་ངོ། །འཕོངས་པར་གྱུར་པའི་ཚེ་ནའང་མཛའ་བོ་རྣམས་ཚུལ་འཆོས་པའོ། །མཆི་མས ་འཇུ་ཞིང་འོང་བའི་དཔེ་ཡང་མཐོང་བ་ནི་རང་ཉིད་འཕོངས་ཞིང་ཉམས་ཆུང་བའོ། །ཕན་འདོགས་མི་ནུས་ནའང་དེ་རྣམས་མཛའ་བོ་གཞན་ཉམ་ཉེས་ན་རྡུ་བ་ལ་སོགས་པ་མཐོང་ལ། ད་ལྟ་ནི་ཕན་གདགས ་ནུས་ཀྱང་ཕན་མི་འདོགས་པ་ནི་མི་རིགས་སོ་ཞེས་སྟོན་པ་ནི། མཛའ་བོའི་རང་བཞིན་ཞེས་པ་ལ་སོགས་པའོ། །གཡོ་དང་འཐབ་བྱེད་པ་ནི་ཇི་ལྟར་ཚུལ་འཆོས་ཞེ་ན་ཕྱི་བཞིན་མི་འབྲང་བར། སླར་ཟློག་པའི་ཕྱིར་ནི་སྐད་འཛེར་ཅིང། ་མིག་ནས་མཆི་མས་གང་བཞིན་སྨྲ་བའི། །ཚུལ་འཆོས་པ་ལ་ཡང་བླ་མ་དང་འདྲ་བ་ནི་མགོ་བོས་བཏུད་དེ་འདི་དག་ཕྱག་འཚལ་བ། དེ་གཡོ་དང་འཐབ་བྱེད་དེ་ཚུལ་འཆོས་པ་ཡིན་ནོ། །མཚུངས་ཤིང་མཉམ་པས་ཕྱག་གི་གནས ་སུ་མ་གྱུར་པ་ལ་ཡང་བླ་མ་ལ་ཕྱག་འཚལ་བ་ལྟར་བྱེད་པ་དང་ཚུལ་འཆོས་པ་ཡིན་ནོ། །འདི་དག་བྱམས་ན་བདག་རབ་ཏུ་འབྱུང་བའི་རྗེས་ལ་རབ་ཏུ་འབྱུང་བར་རིག་པ་ལའོ། །དམ་པའི་སེམས་ནི་ངོ་མཚར་གྱུར་པ། གར ་མཁན་སྤྱོད་པ་བཞིན་དུ་མི་འགྱུར་རམ། ཞེས་བྱ་བ་ནི་གཞན་ལ་འཕྱ་བ་སྟེ། གཞན་དག་ཕན་པར་འདོད་པའི་སེམས་སུ་གྱུར་པ་འདོད་པ་དེ་ལ་དམ་པའི་སེམས་ཞེས་བྱ་བ་གཞན་ཁས་ལེན་པའི་ཕྱིར་རོ། །དེ་ནི་ངོ་མཚར་གྱི ་སྤྱོད་པ་གར་མཁན་ལྟ་བུ་དེ་རེས་འགའ་གཅེས་པར་མི་རིགས་ལ་རེས་འགའ་གཅེས་པར་འཛིན་ཅིང་མི་གཅེས་པར་མི་རིག་པ་ལ་མི་གཅེས་པའི་ཕྱིར་རོ། །དེ་ཉིད་བསྟན་པ་ནི་ཡོན་ཏན་མེད་པ་ཞེས་བྱ་བ་ལ་སོགས་པའི ་ཡོན་ཏན་མེད་པ་ནི་བདག་ལ་གཞན་གྱིས་ཕན་གདགས་པར་མི་ནུས་ཏེ། བདག་དང་ལྷན་ཅིག་དུ་འཆི་བའི་ཚེ་ཡང་གྲོགས་པོ་ཡོད་ལ། ཡོན་ཏན་ཡོད་ལ་ནགས་སུ་འགྲོ་བ་ནི། གྲོགས་པོ་ཅིག་ཀྱང་མེད་པ་ངོ་མཚར་ཆེ། ཞེས་བྱ་བ ་སྟེ་གོ་སླའོ། །ཡོན་ཏན་མེད་པའི་ཚེ་གྲོགས་ཡོད་པ་ཉིད་གསལ་བར་བཤད་པ་ནི་གླང་ཆེན་སྨྱོན་པ་ཞེས་བྱ་བ་ལ་སོགས་པ་སྟེ་གོ་སླའོ། །དེ་དག་ཡིན་ནམ་ང་ཡང་དེ་མ་ཡིན་པ་ཞེས་བྱ་བ་ནི་དག་ཀྱང་མ་ཡིན་ནམ་ཡང་ན ་བདག་ཀྱང་ཡིན་ཞེས་བྱ་བ་སྟེ། མི་གཅེས་པའི་ཚེ་བདག་མ་ཡིན་ལ་དེའི་ཚེ་ཁྱེད་ཀྱང་བདག་གི་མཛའ་བཤེས་མ་ཡིན་ནའོ། །གཅེས་པར་འཛིན་པའི་ཚེ་བདག་ཀྱང་ཡིན་ལ་ཁྱེད་ཀྱང་ཡིན་པའོ། །དེ་ལྟར་བྱམས་པ་མེད་པར ་གྱུར་པའི་ཡོན་ཏན་ཀྱང་རྗེས་སུ་མི་འབྲང་བའོ། །དེའི་རྒྱུ་ཉེས་པ་བྱས་པས་བདག་མི་དྲན་ན། བདག་གི་མཛའ་བོ་འདི་ལྟར་འཁོད་བཞིན་དུ་སྟེ་བདེ་བླག་ཏུ་གནས་བཞིན་དུ། འདི་ལྟར་འགྱུར་རམ་རུང་ངམ་ཅི་ཞེས་བྱ་བ་ནི། བདག་གི ་གྲོགས་མི་བྱེད་པ་རིགས་སམ་ཅི་ཞེས་བྱ་བའོ། །བདག་ལ་ཡོན་ཏན་མེད་པ་དེ་ལྟར་འགྲང་ཞེས་བྱ་བ་ནི་བདག་གི་ཡོན་ཏན་མ་མཐོང་བ་རྣམས་རྗེས་སུ་མི་འབྲང་བ་དེ་ལྟར་རིགས་ཀྱང་ཞེས་བྱའོ། །བདག་གིས་ཡོན་ཏན་དག་ལ་རྗེས་སུ ་ཆགས་པ་རྣམས། །དེ་ལྟར་འབྲང་པར་ནུས་པ་སུ་ཞིག་ཡོད་དེ་དག་ནི་བདག་རྗེས་སུ་འབྲང་བར་རིགས་པའོ། །འོན་ཀྱང་མི་མཁས་པའི་རྣམ་པར་རྟོག་པ་ལ་བརྟག་པར་མི་རིགས་སོ་ཞེས་ཤེས་པ་ནི་གང་དག་ཞེས་པ་ལ་སོགས ་པའི་ཚིགས་སུ་བཅད་པའོ། །དི་རིང་བདག་འདོར་བ་ནི་གཏི་མུག་ཡིན་ཞེས་བྱ་བ་ནི་སྡུག་བསྔལ་གྱི་རྒྱུ་མི་ལྡོག་ཅིང་བདེ་བའི་རྐྱེན་གྱི་བར་ཆོད་བྱེད་པ་དེ་ནི་བདག་ཆུང་གསོན་པ་ཡིན་ལ་དེ་ནི་ཀུན་ཏུ་རྨོངས་པ་ལས་གྱུར་བའོ། །ཉེས་པ་དེ་དག ་མངོན་དུ་གཞོམ་པར་བྱ་བ་ན་བདག་ལ་སྡིག་པའི་རྩ་བར་གྱུར་པ་དེ་ཉིད་བདག་གིས་གཞོམ་པར་བྱའོ། །ཆོས་སྒྲུབ་པའི་གྲོགས་དཀོན་པ་ནི་དེ་ཚེ་གང་ཟག་འགས་ཀྱང་རབ་ཏུ་བྱུང་བ་ལ་སྐུལ་མ་མ་བཏབ་པའི་ཕྱིར་རོ། །ཚོང་དཔོན་གྱིས ་རབས་ཏེ་ཉི་ཤུ་བའོ།། །།སྦྱོར་བའི་ཡོན་ཏན་ངེས་པ་ནི་བརྟན་པའོ། །དེ་ཡུན་རིང་དུ་གྱུར་བ་ན་ཞེས་བྱ་བ་ནི་ཡུན་རིང་དུ་བསླབས་པའོ། །དེ་འདོད་པ་རྣམས་ཡོངས་སུ་སྤངས་ནས་ཞེས ་འབྲེལ་ཏོ། །བུད་མེད་དག་ནི་ལྟར་ཡང་མེད་པར་བྱེད་པ་ནི། སྤྱིར་དཀའ་ཐུབ་ཅན་གཞན་དག་སྟེ་བུད་མེད་ནི་ནམ་དུ་ཡང་མི་མཐོང་པའོ། །རྒྱགས་པས་བསྙེམས་སམ་གལ་ཏེ་མ་བརྟགས་པ་ཞེས་བྱ་བ་ལ་གལ་ཏེ་ཕ་རོལ་པོ་དྲེགས ་ཤིང་སྙེམས་པ་སྟེ་བདག་ཁྱད་དུ་གསོད་པ་དང་གལ་ཏེ་མ་བརྟགས་པར་དེ་གཟུ་ལུམས་སུ་བདག་ལ་གནོད་པ་བྱེད་པའོ། །སྒྲའི་དོན་ཐད་ཀ་ལ་དེ་ཡིན་ལ་དེ་ནི་སྙེམས་པའི་དྲེགས་པ་རང་དབང་མེད་པར་འབྱུང་བ་དང་མ་བརྟགས ་པར་འབྱུང་བ་གཉིས་ཀ་སྤང་བར་བྱ་ཞེས་བྱ་བའོ། །བདག་ཉིད་གསོན་བཞིན་དེ་ནི་ཡོངས་མ་གཏང། ཞེས་བྱ་བ་ནི་ཕ་རོལ་དགྲའོ། །བདག་ཉིད་གསོན་པར་མ་གཏང་སྟེ་ལེགས་པར་སོད་པར་བྱའོ་ཞེས་བྱ་བའོ། །ཡང་ན་བདག་ཉིད་མ་ཤི་བར་དུ་དགྲ་དེ ་མི་གཏང་བའོ། །དོན་ནི་རང་གི་ཞེ་སྡང་ལ་སྦྱར་རོ། །ད་དུང་གསོན་ཞེས་པ་ནི་ད་རུང་ཅུང་ཟད་གསོན་དེ་མྱུར་དུ་ཤིན་ལེགས་པའོ། །ཀྱེ་མའོ་བདག་དགར་བགྱིས་པ་གང་ལ་སྲིད། ཅེས་པ་ནི་ཇོ་བོ་དགྱེས་རུང་མ་དགྱེས་རུང་བདག་གིས་དགྱེས་པ་ནི་མ ་ཡིན་ཀྱང་བདག་ཉིད་ཀྱི་དགེ་བ་བསྒྲུབ་པའི་བར་ཆད་ལ་སོགས་པ་ཞི་བར་གྱུར་པའི་སླད་དུ་ཚུལ་དུ་འབྲངས་སོ། །ཞེས་བྱ་བའོ། །སྐྱེས་ནས་གང་ཞིག་མི་མདོར་ལ། ཞེས་བྱ་བ་ནི་ཁོང་ཁྲོ་བ་སྐྱེས་ནས་དགེ་བ་མི་མངོན་ཞིང་འགྲིབ་པའོ། །དེ་མ་སྐྱེས་ན་ནི ་།དགེ་བར་མངོན་ཞིང་དགེ་བ་ལ་འཇུག་པའི་གོ་སྐབས་ཡོད་དེ་ཞེས་བྱ་བའོ། །མ་ཕན་འདོད་པའི་མི་ནི་དགྲ་སྟེ་དེ་དག་ནི་གཞན་ཡིད་མི་བདེ་ཞིང་འཁྲུགས་ན་དགའ་བས་དེ་ཉིད་ཀྱིས་ན་དགྲ་རྣམས་དགའ་འགྱུར་ཞེས་པ། མཛའ་བཤེས ་དག་གིས་རབ་ཏུ་བཅུག་གྱུར་ཀྱང། ཞེས་བྱ་བ་ནི་མཛའ་བཤེས་ཀྱིས་ཕན་བཏགས་ཀྱང་ངོ། །ཀུན་ཏུ་རྒྱུ་བྱང་ཆུབ་ཀྱི་རབས་ཏེ་ཉི་ཤུ་རྩ་གཅིག་པའོ།། །།ཟླ་བའི་ན་ཆུང་སྐར་མ་རྣམས། །སྤྱི་ཡི་གདོང་ལྟ་མེ་ལོང་བཞིན། །ཞེས་བྱ་བ་ཇི ་ལྟར་ན་ཆུང་རྣམས་ཀྱིས་བྱེད་ཀྱི་གཟུགས་བརྙན་མེ་ལོང་ལ་འཆར་བ་ལྟར་ཟླ་བ་དང་སྐར་མ་ལ་སོགས་པ་ན་ཆུང་མཛེས་པ་དེ་དག་གིས་གཟུགས་བརྙན་མཚོ་དེའི་ནང་དུ་མཚན་མོ་འབྱུང་ངོ། །དགའ་ཞིང་མི་འཇིགས་ཡོན་ཏན་བཅས། །ཞེས་བྱ་བ་ལ་རྒྱལ་པོའི ་འཁོར་དང་བཅས་པ་དགའ་ཞིང་མི་འཇིགས་པ་སྒྲོགས་པས་ཡོན་ཏན་བཅས་ཏེ་མི་འཇིགས་པའི་ཡོན་ཕུལ་བའོ། །ཁྱོད་ཀྱི་རྙེད་པ་ཡང་དེ་བཞིན་ལ་ཞེས་བྱ་བ་ནི་བློན་པོ་བདག་བཟུང་བས་རྒྱལ་པོ་བྱ་དགའ་རྩོལ་པའོ། །བདག་གིས་གསོལ་བ་གནང་སྟེ་རང་པའི ་རྒྱལ་པོ་བཏང་བའོ། །དེ་ནས་ཡོན་ཏན་གཞན་ཡང་ང་ལ་མང་པོ་དགའ་བར་བགྱིད་པར་འགྱུར་ཏེ། རྒྱལ་པོ་དང་བཅས་པ་ཐམས་ཅད་དགའ་ཨོ། །དེ་བས་མཛའ་བའང་དེ་བཞིན་འགྱུར་ཞེས་བྱ་བ་ནི་ངང་པ་མང་པོའི་མཛའ་བཤེས་ཀྱི་ཕྱོགས་ཐམས ་ཅད་ཀྱང་དགའ་པར་འགྱུར་བའོ། །ཁྱོད་ཀྱི་ཆོས་ཀྱི་སྐུ་ལ་རྨ་མེད་དམ་ཞེས་བྱ་བ་ནི་ཆོས་བསྒྲུབ་པའི་རྟེན་གྱི་ལུས་བདེ་འམ་ཞེས་བྱ་བའོ། །ཡང་ན་ཚིག་རྐང་པ་དང་པོ་གཉིས་ཀྱིས་རང་ཉིད་བདེ་བར་བཞུགས་སམ་ཞེས་བསྟན་ལ། ཚིག་རྐང་པ་གཞན ་གཉིས་ཀྱིས་ནི་འབངས?་རྣམས་བདེ་བར་གནས་སམ་ཞེས་བསྟན་པའི་ཚིག་སྟེ། སྐུ་ཆོས་ཀྱི་སྐུ་ནི་ཆོས་ཀྱིས་བསྐྱངས་པར་བྱ་བའི་འཁོར་གྱི་ཚོགས་སྟེ་དེ་རྣམས་ལ་གནོད་པ་མེད་དམ་ཞེས་བྱ་བའོ། །དེ་ཉིད་གསལ་བར་བྱ་བའི་ཕྱིར་བཀའ་ལུང་སྙན་པས་རྒྱ ་ཆེད་དབུགས་བྱུང་ངམ་ཞེས་པ་སྟེ། རྒྱལ་པོ་འམ་འབངས་ཡོངས་སུ་བཟུང་བའི་ཚིག་གིས་འབངས་རྣམས་བདེ་བར་གནས་སམ་ཞེས་བྱ་བའོ། །ཕན་གདགས་ཞེས་བྱ་བའི་རྐང་པ་གཉིས་ཀྱིས་ནི་གཞན་ལ་ཕན་པ་བསྒྲུབས་སམ་ཞེས་བྱ་བའོ། །འབངས ་རྣམས་གློ་བ་ཉེ་ཞིང་ཕན་གཏགས་སམ། ཞེས་པ་ནི་འབངས་ཀྱི་བསམ་པ་དང་སྦྱོར་བས་རྒྱལ་པོ་ཡང་ལེགས་པའི་བྱ་བ་བྱེད་དམ་ཞེས་པའོ། །བློན་པོ་མཛངས་ཤིང་གློ་བ་ཉེ་བ་རྣམས། །བརྟག་པའི་ཐབས་ཀྱིས་ལེགས་པར ་བརྟགས་ལགས་སམ། ཞེས་བྱ་བ་ནི་བློན་པོའི་ཁྱད་པར་བྱ་བའི་ཁྱད་པར་སོ་སོ་བསྒྲུབ་པ་ལ་བརྟགས་ཤིང་བསྐོས་སམ་ཞེས་བྱ་བ་སྟེ། ཇི་སྐད་དུ་འཆར་བྱེད་ཀྱི་མདོ་ལས་འཚལ་ཟ་གུས་པ་དང་ནུས་བ་དང་ཤེས་པ་བརྟགས་ནས་ལེགས་པར ་བསྐོས་ཤིང་དེ་དག་ལ་ཚུལ་དང་མཐུན་པའི་བསྙེན་བཀུར་བྱེད་པའི་ཡོན་ཏན་དང་བཟློག་པའི་ཉེས་པ་རྒྱ་ཆར་གསུངས་པ་ལྟ་བུའོ། །དེ་དག་མ་མཁྱེན་པར་ནི་ཞེས་བྱ་བ་ནི་གཞན་ལ་ཕན་པའི་ཐབས་སོ། །དཔལ་ཞིང་ཐབས་ལ་མཁས་པའི་བཀའ་ ་ནན་གྱིས་ཞེས་བྱ་བ་ནི་སྙིང་སྟོབས་དང་ཤེས་རབ་ཀྱིས་བློན་པོའི་ཁྱད་པར་བསྐོས་པས་རྒྱལ་ཕྲན་རྣམས་ལེགས་པར་བསྒྲུབས་སམ་ཞེས་པའོ། །ཐམས་ཅད་དུ་ཡང་བསམ་པ་བཟང་སྟེ་ཆོས་ཀྱི་དོན་དུ་འགྱུར་བས་ཐུགས་རྗེ་ཆེན་པོའི་མཛེས་པ ་མཆིས་ལགས་སམ། ཞེས་པའོ། །བློ་གཏད་པར་མི་འོས་པའི་ཚལ་ཟ་བ་ལ་སོགས་པ་ལ་བློ་གཏད་པ་ནི་ཉེས་པ་ཡིན་པས། ཐུགས་རྗེ་བག་མེད་པར་མི་མནལ་གྲང། ཞེས་བྱ་བའོ། །ཆོས་ནི་དགེ་བ་བསྒྲུབ་པའོ། །བདེ་བ་ནི་དེའི་ལོངས་སྤྱོད་ཀྱི ་འབྱོར་པའོ། །སྲིད་ནི་འབངས་རྣམས་མ་འཁྲུག་པའི་བཀའ་བསྒོས་པས་ཉན་པའོ། །དེ་གསུམ་མཐུན་ལགས་སམ། ཞེས་བྱ་བ་སྟེ་རྫོགས་པར་ཡོད་དམ་ཞེས་པའོ། །བདག་གི་ཡོན་ཏན་གྱི་སྟོབས་ཀྱིས་ཚེར་མ་བཅད་པའི་དགྲ་རྣམས་ལས་ཁྱད ་པར་དུ་གྱུར་ཞིང་ཟིལ་གྱིས་གནོན་ཏམ་ཞེས་ཁྱོད་ཀྱིས་ཞེས་བྱ་བ་ལ་སོགས་པའོ། །རྒྱལ་པོ་ཆེན་པོ་ཁྱོད་ལ་བརྟེན་ཅིང་ལྟ་ཞེས་པ་ནི་བདག་བྱའི་རྒྱལ་པོ་ཡང་མིའི་རྒྱལ་པོ་ལ་བརྟེན་ཅིང་ལྟ་སྟེ་ལྟོས་པ་དང་བཅས་པའོ་ཞེས་བྱ་བའོ། །ཅིའི་ཕྱིར་ཞེ ་ན་ཁྱོད་ནི་འགྲོན་ལ་དགའ་ཞིང་ཡོན་ཏན་འདོད་ཅེས་སྨོས་ཏེ་དེའི་ཕྱིར་རོ། །འདི་ལྟར་གྱུར་པ་ངེས་པར་གོམས་པའི་ཡོན་ཏན་ཞེས་སྨོས་པ་སྟེ་ཡོན་ཏན་ལ་དགའ་ཞིང་འགྲོན་རྣམས་སྦྱིན་པའི་ཞིང་འགུས་པ་ཡང་སྔོན་གོམས་པའི་ཡོན་ཏན་ཡིན་ནོ་ཞེས་བྱ་བའོ།། ་འབངས་ལ་ཕན་ཕྱིར་རྒྱལ་པོའི་ཚུལ་འཛིན་པ། །ཁྱོད་ཀྱི་རང་གི་ཡོན་ཏན་དང་གི་གནས། །ཞེས་སྦྱར་རོ། །དེའི་དོན་ནི་རྒྱལ་སྲིད་ཀྱི་བདེ་བ་ལ་རྐམ་པས་རྒྱལ་སྲིད་བཟུང་བ་མ་ཡིན་གྱི། གཞན་ལ་ཕན་པའི་ཕྱིར་རྒྱལ་སྲིད་བཟུང་བས་ཁྱོད་ནི་ཡོན་ཏན་དང་ལྡན་པ་ཡིན ་ནོ། ཇི་ལྟར་དྲང་སྲོང་མཉམ་བཞག་དཀའ་ཐུབ་འབད་པ་བཞིན་ཏེ་འཇིག་རྟེན་པའི་དྲང་སྲོང་སེམས་བྱམས་པ་ལ་སོགས་པ་མཉམ་པར་འཇོག་ཅིང་ཚུལ་ཁྲིམས་ལ་སོགས་པ་ལ་འབད་པ་ནི་ཡོན་ཏན་དང་ལྡན་པ་ཡིན་པས་ཉེ་བར་ཞི་བའོ། །རང་བཞིན་དུལ ་བ་ཁྱོད་ལྷ་ལེགས་ཀྱང་མོད་ཞེས་པ་སྟེ་དྲང་སྲོང་དང་འདྲ་བར་སྟོན་ཏོ། །དེ་བས་སྡོད་པར་འོས་པའི་ཡོན་ཏན་བདེ་སྟེ་བདེ་བར་དེ་བསྒྲུབ་པོ་ཞེས་བྱ་བའོ། །འབྱུང་པོའི་ཉེས་པའི་ཅོང་རང?་ཞེས་བྱ་བ་ནི་སྐྱེ་བོ་དག་ཉེས་པ་ལ་བཅུག་པའི་ཉེས་པ་ནི་གཅོང་རོང་གི ་གནས་ལྟར་སྡུག་བསྔལ་པའི་གནས་ཡིན་པས་དེར་མི་འདོད་ཞིང་དོར་རོ་ཞེས་བྱ་བའོ། །འཁོར་ཡུལ་ནི་འཁོར་རམ་ཡོངས་སྤྱོད་དོ། །རྒྱལ་པོ་ཡོན་ཏན་ཅན་གྱིས་ཐོབ་པར་འགྱུར། ཞེས་བྱ་བ་ནི་དུལ་བ་དང་བཟོད་པ་དང་ཤེས་རབ་ལ་སོགས་པའི་ཡོན་ཏན ་ད་ལྟ་ཡོད་ཅིང་སྔོན་གོམས་པའི་རྒྱུ་དགེ་བ་དེ་ལས་འདོད་པ་ཐོབ་པོ་ཞེས་པའོ། །ལྷའི་རྒྱལ་པོའི་དཔལ་ནི་བརྒྱ་བྱིན་ལ་སོགས་པའི་འབྱོར་པའོ། །ཡོན་ཏན་ཡོད་ན་རྒྱུད་ཀྱང་རབ་ཏུ་འཕེལ་བ་ནི་ཡོན་ཏན་དང་ལྡན་པའི་རིགས་རྒྱུད་ཀྱང་དབང་བསྐུར་བར་འོས ་ཤིང་རྒྱལ་སྲིད་ཀྱི་རྒྱུན་བརྟན་ཏེ། རྒྱལ་པོ་སྔ་མའི་རྗེས་སུ་རྒྱལ་པོ་ཕྱི་མ་ཡང་རྗེས་སུ་འཇུག་པའི་ཕྱིར་རོ། །བདག་ཉིད་ཆེན་པོའི་མཐུ་ནི་དགྲ་འདུལ་བ་ལ་སོགས་པའོ། །དེ་ཉིད་བཤང་པ་ནི་ཟླ་བའི་འོད་ལས་ཞེས་བྱ་བ་ལ་སོགས་པའོ། །དོན་གྱི་མཆོག་ནི་དགོས ་པའི་མཆོག་སྟེ་ཇི་ལྟར་དོན་གྱི་མཆོག་ཡིན་ཞེ་ན། རྒྱལ་པོ་ཆོས་ལ་དགའ་བར་གྱུར་ན་ནི་ཞེས་སྨོས་ཏེ་ཕན་འདོགས་ཤིང་བྱམས་སེམས་དང་ལྡན་པའི་ཞེས་བྱ་བའི་ཐ་ཚིག་གོ། བདག་གི་གྲོགས་མང་སྡུག་བསྔལ ་འབད་པ་བཞིན་ཞེས་བྱ་བ་ནི་དང་པོའི་ཚོགས་རྣམས་རྗེ་དཔོན་མེད་པས་སྡུག་བསྔལ་བས་དེ་དག་བདག་འབོད་པ་ལྟར་དེ་དག་གི་དྲུང་དུ་འགྲོ་དགོས་སོ་སྙམ་པའོ།། །།དང་པའི་རབས་ཏེ་ཉི་ཤུ་རྩ་གཉིས་པའོ།། །། ་བསོད་ནམས་གཞི་ལས་འབར་བའི་ཡོན་ཏན་རྣམས། །ནན་ཏན་སྒྲུབ་པའོ། །བྱིན་གྱིས་དགའ་བར་འགྱུར་ཞེས་བྱ་བ་ནི་སྔོན་གྱི་བསོད་ནམས་ཀྱི་སྟོབས་ཀྱིས་བསྒྲུབས་པའི་ཡོན་ཏན་ཚེ་འདི་ལ་ཡང་འབད་པས་བསྒྲུབ་པའི་ཉམས་སུ་ལེན་པའི་དེ ་ནི་དེའི་མཐུས་སྐྱེ་བོ་ཐམས་ཅད་དགའ་བར་འགྱུར་རོ། །དེ་ལྟར་དགའ་བས་དགྲ་ཡང་ཞེས་བྱ་བ་ལ་སོགས་པ་སྨོས་སོ། །ལོངས་སྤྱོད་ཡོན་ཏན་ཕུན་སུམ་ཚོགས་ཞེས་བྱ་བ་ནི་བདག་ལ་ལོངས་སྤྱོད་ཡོད་ཅིང་ཕ་རོལ་པོ་ཡོན་ཏན་དང་ལྡན་པའི ་འགྲོན་འོངས་ན་ཞེས་བྱ་བའོ། །སྲིད་དང་འདོད་དང་མི་མཐུན་པ་ནི་རྒྱལ་པོའི་སྲིད་བསྒྲུབ་པ་དང་མི་མཐུན་ཞིང་འདོད་པ་ལ་ལོངས་སྤྱོད་པ་དང་མི་མཐུན་པའོ། །ལན་ཞིག་ཙམ་ཞིག་སྨྲ་བབ་གྱུར་པ་ཡིས། །སྔོན་ཅད་ཕན་བཏགས་པ་དང་ག་ལ ་མཉམ་ན། གལ་ཏེ་བསྐྲད་ནས་སྨྲ་བབས་པས་སྔར་བྱས་པ་ཐམས་ཅད་མི་དྲན་པར་ཉམས་ནས་མི་རུང་ངོ་སྙམ་ནའོ། །ཞེས་འགྲས་པ་དང་ལྷན་ཅིག་ཏུ་གནས་པར་མི་བྱ་བ་ནི་བྱམས་པའོ། །ཞེས་བྱ་བ་ལ་སོགས་པའོ། །བདེ་བ་འདོད་ཅིང ་ནི་འཕྲལ་ལའོ། །ཉེས་པ་མི་འདོད་པ་སྡིག་པ་ལ་སོགས་པར་མི་འདོད་པས་རབ་ཏུ་དད་པ་སྟེ་བྱམས་པ་དང་བརྩེ་བ་ལ་བརྟེན་པར་རིགས་པའོ། །གུས་པར་བྱེད་ཀྱང་ཞེས་བྱ་བ་ནི་སྦྱིན་བདག་གོ་།གཞན་དུ་ཕྱོགས་ཀྱང་ཞེས་བྱ་བ་ནི་དེས ་མི་མགུ་བ་ལ་ལོངས་སྤྱོད་པའོ། །དེ་ཡང་དོར་བར་བྱའོ། །གཞན་དུ་ཕྱོགས་ཀྱང་ཞེས་བྱ་བ་ནི་སྦྱིན་བདག་གོ་།ཞུམ་པས་དེ་ལ་ལྟ་བ་ནི་ལོངས་སྤྱོད་པ་པོ་ཞུམ་ཞུམ་པོར་བྱས་ཏེ་ནན་གྱིས་སློང་བའོ། །དེ་གཉི་གཉིས་པ་ཡིན་ཏེ་སྡིག་པ་སོགས་པའི་རྒྱུར ་འགྱུར་བའོ། །རྟེན་པའི་མི་རྣམས་ལ་གྲིབ་མའི་ལྗོན་ཤིང་ཡང་ཇི་སྲིད་ཉེ་བར་མཁོ་བ་གཞན་མ་བྱུང་བ་དེ་སྲིད་དུ་བཞག་ལ། གལ་ཏེ་ཉེ་བར་མཁོ་བ་གཞན་དུ་ནི་སྤྱད་དགོས་པ་ལྟར་བདག་ལ་རྟེན་པའི་མི་ཡང་བདག་གིས་གནོད་པར་མི་འགྱུར ་ཞིང་གཞན་གྱི་ཆེད་དུ་སྤྱད་མི་དགོས་ན་བསྐྱང་ལ་གང་གི་ཚེ་དགོས་པ་དེའི་ཚེ་དེ་ཉིད་ལ་བྱས་པ་མི་གཟོ་བ་བྱས་ཀྱང་རྒྱལ་པོའི་ཆོས་ལུགས་ཀྱི་ཉེས་པ་མེད་པའོ། །ཡོན་ཏན་གོམས་པ་ནི་བྱམས་པ་ལ་དྲན་དུ་གཟེ་བའི་ཡོན་ཏན་ནོ། །ཉེས ་པ་བྱས་པ་ནི་བྱང་ཆུབ་སེམས་དཔའ་ལ་བརྙས་ཤིང་སྨད་པའོ། །བདག་གི་ལྟ་བ་ཡང་གནོད་པའི་ཚིག་གང་གིས་གཞན་ལ་སྨོད་བྱེད་པ་ཞེས་བྱ་བ་ནི་ཐམས་ཅད་ལ་ཉེས་པ་མདོར་སྟོན་ཏེ། རྒྱུ་མེད་ན་བྱང་ཆུབ་སེམས་རབས་མ་བྱས་པ ་མེད་ཅིང། དབང་ཕྱུག་རྒྱུ་ཡིན་ན་ཡང་དེས་བྱས་པས་གཞན་བྱང་ཆུབ་སེམས་དཔས་སྤྲེའུ་བསད་ཅེས་ལ་བསྒོ་བར་མི་རིགས་པ་དང། ལས་རྒྱུ་ཡིན་ན་ཡང་སྤྲེའུ་དེ་ཉིད་ཀྱི་ལས་ཡིན་པས་བྱང་ཆུབ་སེམས་དཔའ་ལ་ཉེས་པ་བརྗོད་པར་མི་རིགས་པ་དང། ་ལས་བྱས་པ་ཆུད་ཟན་ཡང་དེ་དང་འདྲ་པ་དང། རྒྱལ་རིགས་ཀྱི་གཞུང་ལུགས་བདེན་ན་ཡང་བདག་ལ་ཕན་འདོགས་པའི་ཡན་ལག་ཡིན་པས་བྱ་བར་འོས་པས་བདག་གཉིས་པ་མ་ཡིན་པ་སྟེ། རྒྱས་པར་རེ་རེ་ནས་འོག་ཏུ་སྟོན་ནོ།། ་གཞན་གྱི་མི་སྙན་སྒྲགས་དེ་ནི། བདག་ལ་གནོད་པ་བྱེད་པ་ཡིན་ནོ། །ཞེས་བྱ་བའོ། །བདག་ལ་ཅི་ཕྱིར་སྡིགས་གྱུར་བསད་དུ་མ་ཟད་དམ། ཞེས་བྱ་བ་ནི་རྒྱུ་མེད་པས་གསང་དུ་མ་ཟད་དམ་ཞེས་བྱ་བའོ། །གལ་ཏེ་པདྨའི་སྡོང་བུ་སྐྱེས་ལ་སོགས་པར ་དང?་ཞེས་བྱ་བ་ནི་དེ་དག་དང་འདྲ་བར་རྒྱུ་མེད་ནའོ། །དཔེ་མ་གྲུབ་པ་ཡིན་ཏེ་འོ་ན་རྟག་ཏུ་རྒྱུ་མེད་པར་ཡང་ཅིས་མི་འགྱུར་དེ་པདྨའི་སྡོང་བུ་ལ་སོགས་པ་རེས་འགའ་བ་མ་ཡིན་པར་ཐལ་བར་འགྱུར་རོ།། ་དེ་དག་ལ་ཡང་རྒྱུ་འབྲས་ཀྱི་མཚན་ཉིད་དང་ལྡན་པར་སྟོན་པ་ནི། ཆུ་ལ་སོགས་པ་ཞེས་པ་ལ་སོགས་པའོ། །གཏན་ཚིགས་བཅས་བར་རྒྱུ་མེད་ཟེར་བ་ནི། བདག་ཉིད་ཀྱིས་ནི་ཁས་ཆེས་སུན་དབྱུང་པོ། །ཞེས་བྱ་བ་ནི་རྒྱུ་མེད ་པ་ལ་ཤེས་བྱེད་འགོད་པར་འདོད་ན་ནི་རྒྱུ་ལ་ལྟོས་པར་འདོད་ལ་རྒྱུ་མེད་པར་ཡང་ཁས་ལེན་པས་རང་གི་ཚིག་དང་འགལ་བ་སྟེ། རྗེས་སུ་དཔག་པ་ཚད་མ་ཡིན་ནོ། །ཞེས་བྱ་བའམ་སྨྲ་བ་ཐམས་ཅད་བརྫུན་ནོ་ཞེས་བྱ་བ་ལྟ་བུར ་འགྱུར་ཏེ། རྒྱུ་ལ་ལྟོས་ནས་འབྲས་བུ་འགྲུབ་པར་ཤུགས་ལས་ཁས་བླངས་ཏེ་དེ་ལྟར་མ་ཡིན་ན་གཞན་ལ་ལྟོས་པར་བྱ་བའི་གཏན་ཚིགས་བསྟན་པ་དོན་མེད་པར་འགྱུར་རོ། །དངོས་སུ་ནི་དངོས་པོ་ཐམས་ཅད་རྒྱུ་མེད་པར་དམ་བཅས ་པས་ཤུགས་ལ་ཁས་བླངས་པ་དངོས་སུ་སྨྲས་པ་འགལ་བར་འགྱུར་རོ། །གལ་ཏེ་རྟགས་མི་སྟོན་ན་ནི་གཞན་གྱིས་རྟོགས་པར་མི་འགྱུར་བས་འདོད་པ་མི་འགྲུབ་བོ། །ཞེས་སྟོན་པ་ནི་ད་སྟེ་གཏན་ཚིགས། ཞེས་བྱ་བ་ལ་སོགས་པའོ།། ་གང་ཞིག་ཅེས་བྱ་བ་ནི་རྒྱུ་མེད་པར་སྨྲ་བའི་གང་ཟག་གོ། ཁ་ཅིག་ཏུ་ནི་རྒྱུ་མེད་རྐྱེན་མེད་མཐོང་བས། ཞེས་བྱ་བ་ནི་སྣོད་ཀྱི་འཇིག་རྟེན་ལ་སོགས་པའོ། །དེའི་རྒྱུ་རྐྱེན་སེམས་ཅན་གྱི་ཐུན་མོང་གི་ལས་ཡིན་པ་མ་མཐོང་ཞིང་མ ་ཤེས་པས་དངོས་པོ་ཐམས་ཅད་རྒྱུ་མེད་པར་སྨྲ་ན་དུ་བ་མེའི་རྒྱུ་དང་བཅས་པར་མཐོང་བས་མཐོང་བ་དང་འགལ་བའོ། །མ་མཐོང་བ་དེ་ཉིད་དུ་ཡང་མེད་པར་གཞག་པར་མི་ནུས་པར་སྟོན་པ་ནི། གལ་ཏེ་གང་ན་ཞེས་བྱ་བ་ལ་སོགས ་པའི་ཚིགས་སུ་བཅད་པའོ། །ཐམས་ཅད་དབང་ཕྱུག་གིས་བྱས་ན་དབང་ཕྱུག་མཉེས་པར་བྱ་བའི་ཕྱིར་མཆོད་པ་ལ་སོགས་པ་བྱ་བར་མི་རིགས་ཏེ་དེའི་བྱེད་པ་པོ་ཡང་དབང་ཕྱུག་ཡིན་པའི་ཕྱིར་རོ་ཞེས་སྟོན་པ་ནི། དབང་ཕྱུག་ལ་ནི་རེ་བ་ཡིས ་ཅི་ཕྱིར་ཕྱག་ལ་སོགས་པ་འཚལ། ཞེས་བྱ་བའོ། །ཁྱོད་ཀྱི་དེ་ནི་རང་འབྱུང་སྟེ་ཞེས་བྱ་བ་ནི་ཁྱོད་ཀྱི་དབང་ཕྱུག་མཆོད་པ་དེ་ནི་དབང་ཕྱུག་རབ་ལས་བྱུང་གི་བྱེད་པ་པོ་གཞན་མེད་པའི་ཕྱིར་གང་གིས་བྱས་པ་དེའི་ལས་ཡིན་ཏེ་ཐམས་ཅད་དེས ་བྱས་པའི་ཕྱིར་རོ། །དེ་ཉིད་གསལ་བར་བཤད་པ་ནི་མཆོད་སྦྱིན་ཁྱོད་ཀྱིས་གང་བྱས་པ་དེ་ནི་དབང་ཕྱུག་གིས་མི་བྱེད་པ་མ་ཡིན་ཏེ་ཐམས་ཅད་དེས་བྱས་པའི་ཕྱིར་རོ། དེ་ཡང་དོགས་པ་གང་གིས་ཕྱིར་བྱེད་ན་བདག་ཉིད་འབྱོར་པ་ཐོབ་པར་བྱ་བའི ་ཕྱིར་དེ་དབང་ཕྱུག་རང་གི་བསྙེན་བཀུར་ལ་སོགས་པ་བསྒྲུབ་པའི་ཕྱིར་གང་བྱེད་པའི་དབང་ཕྱུག་དེ་ཉིད་བྱེད་པ་པོ་ཡིན་པའི་ཕྱི་རོ། །དེ་ལྟར་ན་དབང་ཕྱུག་ལ་བྱས་པ་དོན་མེད་དམ་ཞེས་བྱ་བའོ། །གཞན་ཡང་ཐམས་ཅད་ཀྱི་བྱེད་པ་པོ་དབང ་ཕྱུག་ནི་སྐྱེ་དགུ་ལ་གནོད་པ་དང་འབྲེལ་པར་བྱེད་པས་གུས་བའི་ཡུལ་དུ་མི་རུང་ངོ། ཞེས་སྟོན་པ་ནི་སྡིག་པ་ཆེན་པོ་ཞེས་བྱ་བའི་ཚིགས་སུ་བཅད་པའོ། །དེ་ཡང་དབང་ཕྱུག་འགྱུར་པ་ནི། །ཆོས་སམ་གཞན་ལས་འགྱུར་འགྲང། ན་ཞེས་བྱ་བ་ནི་དེ ་ཡང་འགྲོ་བ་རྣམས་ལ་དབང་མེད་བའི་དབང་ཕྱུག་དུ་འགྱུར་བར་འདོད་ན་དབང་ཕྱུག་ཉིད་ཀྱི་རབ་བཞིན་ཆོས་ཞེས་བྱ་བས་འགྲོ་བ་རྣམས་བསྐྱེད་པར་འདོད་ནས་རྐྱེན་གཞན་ལ་ལྟོས་ནས་བྱེད་པར་འགྱུར་ཞེས་ཕྱོགས་གཉིས་སུ་བརྟགས་པའོ།། ་དེ་ལ་གལ་ཏེ་ཆོས་ལས་འགྱུར་ན་ནི་དེའི་སྔར་དབང་ཕྱུག་མིན། ཞེས་སྨོས་ཏེ་ཆོས་དང་མ་ལྡན་པའི་ཚེ་སྐྱེད་པར་མི་ནུས་པས་དབང་ཕྱུག་མ་ཡིན་པར་གྱུར་ལ། གལ་ཏེ་དབང་ཕྱུག་དེ་ཡི་ནས་ཆོས་དང་ལྡན་ན་སྐྱེད་བྱེད་མ་ཚང་བ་མེད་པར ་ཡོད་པས་ཅིག་ཅར་སྐྱེ་བར་འགྱུར་ཞེས་བྱ་བ་ནི་ཤུགས་ལ་རིག་པར་བྱའོ། །ཕྱོགས་གཉིས་པ་འགོག་པ་ནི་གང་དག་གཞན་གྱིས་བྱས་འགྱུར་པ། །དེ་ནི་བྲན་དུ་འགྱུར་བ་ཉིད་ཅེས་སྨོས་ཏེ། གཞན་ལ་ལྟོས ་པ་རང་དབང་ཅན་མ་ཡིན་པའི་ཕྱིར་བྲན་དང་འདྲའོ་ཞེས་བྱ་བའོ། །གཞན་ཡང་འབྲས་བུ་སྐྱེད་པ་རྐྱེན་ལ་ལྟོས་ན་དེ་ཉིད་ཀྱང་རྐྱེན་གཞན་ལ་ལྟོས་དགོས་ཏེ། ཇི་ལྟར་དབང་པོ་རྣམ་ཤེས་སྐྱེད་པ་ཡུལ་གྱི་རྐྱེན་ལ་ལྟོས་པས་དབང་པོ་ཉིད་རྒྱུ ་གཞན་ལ་ལྟོས་པ་ལྟ་བུའོ་སྙམ་དུ་བསམས་པས། དབང་ཕྱུག་དེ་ནི་ཅིའི་ཕྱིར། རྒྱུ་ཡིས་བྱས་པར་མ་གྱུར་ཀྱེ་ཞེས་སྨོས་སོ། །བདག་གིས་བསད་ཀྱི་སྔོན་གྱི་ལས་མ་ཡིན་ཞེས་བྱ་བ་ནི་ལས་ཁོ་ན་མ་ཡིན་པ་སྟེ། འཕྲལ་གྱི་སྐྱེས་བུའི ་བྱེད་པ་ཡང་ཁས་ལེན་པའི་ཕྱིར་རོ་ཞེས་བྱ་བའོ། །གལ་ཏེ་ལས་སྔ་མ་ཟད་པར་བྱ་བའི་ཕྱིར་སྔོན་གྱི་ལས་མ་ཡིན་པ་དཀའ་ཐུབ་ཀྱི་ལས་ཁས་ལེན་ན་ཐམས་ཅད་ལས་ཀྱིས་བྱས་པ་མ་ཡིན་པར་འགྱུར་རོ། །སྡུག ་བསྔལ་རྒྱུ་ཡང་ཞེས་བྱ་བ་ནི་ཚིགས་སུ་བཅད་པ་གཞན་གྱི་འདོད་པ་བླང་བའོ། །དེ་ལྟར་མ་ཡིན་པར་སྟོན་པ་ནི་བདེ་དང་སྡུག་བསྔལ་དེ་ལྟར་གྱུར་པའང་མེད། ཞེས་བྱ་བ་ལ་སོགས་པའོ། །འགྲོ་བ་འཕྱ་བ་དག་གིས་འཇིགས ་ནས་སུ། །སྡིག་པ་སྤང་ཞིང་དགེ་ལ་གནས་ན་ནི། །སྡིག་པའི་འབྲས་བུ་གཞན་མི་འབྱུང་ཡང་གཞན་གྱིས་རྗེས་སུ་དེ་དང་བསྟུན་པའོ། །སྙམ་ན། གང་གི་ཚིག་དང་མི་མཐུན་སྤྱོད་པའི་ཚེ། །འགྲོ་བ་འཕྱ་བ་འདི་ཡང་མེད་མི ་འགྱུར། ཞེས་བྱ་བ་ནི། ཚིག་གིས་ཚེ་རབས་གཞན་མེད་ཅེས་ཟེར་ལ་སྤྱོད་པའི་ཚེ་གཞན་ཡང་ཡོད་པར་སྤྱོད་པས། འགལ་བར་སྨྲས་པས་གཞན་རྣམས་ཀྱིས་དཔྱས་པར་འགྱུར་རོ། །དེ་ཉིད་གསལ་བར་འཆད་པ་ནི། འཇིག ་རྟེན་ཚུལ་ཞེས་བྱ་བ་ལ་སོགས་པའོ། །གང་ན་རིག་པའི་གཞུང་ལྡན་འདི་འདྲ་བ། །དེའི་མི་རིགས་འཁྲུལ་པ་ཅི་འདྲ་སྟེ། ཞེས་བྱ་བ་ནི་འགལ་བ་འདུ་བའོ། །ེ་མའོ་སྤྱི་བརྟོལ་ཅན་གྱིས་ཟིལ་གནོན་ནས། ཞེས་བྱ་བ་ནི། རིག ་པའི་རྗེས་སུ་མི་འཇུག་པའི་གཟུ་ལུམས་ཀྱིས་བདེན་པ་ཁྱད་པར་དུ་བསད་པའོ། །གཙུ་ལག་ནི་རྒྱ་ལ་རིགས་ཀྱི་ཆོས་སོ། དོར་ཆོས་མིན་དོར་བར་བྱས་ཏེ་སྡིག་པ་འཕེལ་བའོ། །ཁྱེད་ཅག་དགའ་བ་དེ་ནི་ཡོད་མི་མཐོང་ཞེས་བྱ་བ་ནི་དམ ་བཅའ་བའོ། །འཐད་པ་ནི་འགལ་བ་འདུ་བ་སྟེ་གཙུག་ཞེས་པ་ལ་སོགས་པས་སྟོན་ནོ། །རྒྱུ་ལས་གྲུབ་པར་མཐོང་བཞིན། ཞེས་བྱ་བ་ནི་རྒྱུ་མེད་པ་སྤོང་ངོ། །རང་དབང་ཞེས་བྱ་བ་ནི་དེ་མེད་པས་དབང་ཕྱུག་མེད་པར་ཤེས་པའོ། །འཇིག་རྟེན ་རོལ་ཤེས་པས་ཆད་པ་མ་ཡིན་པའོ། །ལས་མ་ཡིན་པར་ཤུགས་ལ་གནས་པའོ། །དགེ་བ་ཁས་ལེན་པས་རྒྱལ་རིགས་ཀྱི་ཆོས་སྤང་བའོ། །མིའི་བདག་པོ་ནི་བོད་པའོ། །ལྟ་བ་བཟང་ངན་ངེས་པར་སྟོན། ཞེས་སྦྱར་ཏེ། གང་གིས་ཞེ་ན། ཚིག ་དང་སྤྱོད་པ་རྣམས་ཀྱིས་སོ། །དེ་ཡང་ནམ་གྱི་ཚེ་ན་ཁྱོད་ཀྱིས་བརྟགས་ན་ནི་ཞེས་པའོ། །གང་གིས་བརྟགས་ཞེ་ན། རིགས་མཐུན་ལས་ནི་བསྒྲུབ་པའི་རྒྱུ་དག་གིས་ཞེས་བྱ་བ་སྟེ། རིག་པ་ནི་དཔེ་དང་སྒྲུབ་པའི་རྒྱུ་ནི་གཏན་ཚིགས། །དེ་དང་དེ་ནི ་གཞན་གྱིས་འདོད་པ་དེ་དང་དེའོ། །འཐད་པ་དེ་ལྟ་བུ་དེ་ཡང་དག་བའི་བཤེས་གཉེན་ལ་རགས་ལས་པ་ནི་སྐྱེ་བོ་ངན་པའི་ཞེས་པའི་རྐང་པ་གཉིས་སོ། །སྡིག་པའི་གྲོགས་པོ་ཉིད་བསྟན་པ་ནི་མི་སྡོམ་པར་ཡང་ཞེས་བྱ་བ་ལ་སོགས་པའོ། །རྒྱུ་མེད ་པར་སྨྲ་བ་ལ་སོགས་པ་ནི་གང་ཟག་གོ། རྩུབ་པོས་བསྒོས་བ་ནི་ལྟ་བ་ངན་པས་སེམས་དབང་སྒྱུར་བའོ། །དེ་ན་ཁྱད་པར་མངོན་པས་སྤྱང་ཀི་བཞིན་ཞེས་བྱ་བ་ལ། དེ་ན་ཞེས་བྱ་བ་ནི་ཕ་རོལ་གྱི་འདོད་པ་དེ་ནའོ། །ཁྱད ་པར་མངོན་པ་ནི་དཔྱད་ན་ཁྱད་པར་དུ་མི་བདེན་པར་རྟོགས་པ་སྟེ། དཔེར་ན་སྲིན་པོ་སྤྱང་ཀིའི་རྗེས་ཡིན་ནོ་ཞེས་བསླུས་པའི་གཏམ་རྒྱུད་ལྟ་བུ་སྟེ་བརྟགས་ན་ཕྱིན་ཅི་ལོག་པར་རྟོགས་བའོ། །ཆུན་པ་ནི་ཞིང་འཆུ་བའོ། །དེ་རྣམས་རྒྱུད་དཔྱས་དབུལ་བ་སྟེ ་མར་ལ་སོགས་པ་འབུལ་ལོ། །དེ་རྣམས་ཤིང་གི་ཁྱད་པར་སྐྱོང་བ་ལྟར་མ་བསྐྱངས་པ་ན་ཞེས་བྱ་བའོ། །སྨན་རྣམས་ནི་མར་དང་སྦྲང་རྩི་ལ་སོགས་པའོ། །དབུ་རྨོག་མི་བརྩན་བ་ནི་གཞན་གྱིས་བརྙས་པའོ། །ཞབས་ཏོག་ཆེར་འབུལ་བ་ནི་ཆེར་ཕན་བཏགས ་པའོ། བྱ་དགའ་རྩལ་བ་ནི་བསྙེན་བཀུར་དང་མཐུན་པར་གཞན་ལ་ཕན་གདགས་པའོ། །ནན་ཏུར་ནི་དྲག་ཤུལ་གྱིས་ཚར་གཅད་པའོ།། །།བྱང་ཆུབ་ཆེན་པོའི་རབས་ཏེ་ཉི་ཤུ་རྩ་གསུམ་མོ།། །།ཁྱོད་ཀྱི་ཕྱིར་ནི་ད ་ཡང་སྡིག་ཅན་གྱུར་ཞེས་བྱ་བ་ནི་ཤིན་ཏུ་སྨད་པའི་ཕྱིར་སྨྲས་ཀྱི་བྱང་ཆུབ་སེམས་དཔའ་ལ་ནི་སྡིག་པ་ཅུང་ཟད་ཀྱང་མེད་དོ། །བྱས་པ་ལ་དྲིན་དུ་གཟོ་བའི་ཡོན་ཏན་ནི་གཉིས་ཏེ། མཐོང་བའི་ཆོས་ལ་ཡོད་པ་དང། ཚེ་གཞན་ལ་ཡོད་པའོ། །དང་པོ་ནི ་བཞི་སྟེ། གྲགས་པ་འཐོབ་པ་དང་གཞན་གྱིས་བྱ་བ་ལ་གྲོགས་བྱེད་དང། གཞན་དགའ་བ་དང། དགྲས་མི་རྫི་བ་སྟེ། མཛའ་བོ་རྣམས་ལ་སེམས་ནི་བྱམས་པ་གྲགས་པ་འཐོབ། ཅེས་བྱ་བའི་ཚིག་བཞི་དང་སྦྱར་རོ། །ཚེ་གཞན་ལ་ཡོད་པ་ནི་མཐོ ་རིས་ཐོབ་པར་འགྱུར་བའོ། །སྤྲེའུའི་རབས་ཏེ་ཉི་ཤུ་རྩ་བཞི་པའོ།། །།གསུམ་དུ་དགྱེས་པ་བྱེད་པ་ནི་ལུས་ངག་ཡིད་གསུམ་དུ་གྱུར་བའོ། །ཤ་ར་བའི་རབས་ཏེ་ཉེར་ལྔ་པའོ།། །།རུ་རུ་དང་སྤྲ་རྒྱལ་གཉིས ་ནི་རྟོགས་པར་སླ་སྟེ་འདིར་མ་བཀྲལ་ལོ། །ཉེར་དྲུག་ཉེར་བདུན་པའོ།། །།རབ་དང་འབྲིང་དང་ཐ་མའི་བྱེ་བྲག་སྣ་ཚོགས་བའོ། །སྐྱེ་བོ་འདི་དག་ངོ་བོ་ཉིད་ལས་གྱུར་མ་ཡིན། ཞེས་བྱ་བ་ལ། རབ་ནི་ལྷའོ། །འབྲིང་ནི་མིའོ། །ཐ་མ་ནི་ངན ་སོང་དག་གོ། དེ་དག་ངོ་བོ་ཉིད་ལས་ཏེ། རྒྱུ་མེད་པ་མ་ཡིན་ཏེ་རེས་འགའ་བ་ཡིན་པའི་ཕྱིར་རོ་ཞེས་བྱ་བའོ། །གཞན་གྱིས་བསྐྱེད་མི། ཞེས་བྱ་བ་ནི་དབང་ཕྱུག་དང་དུས་ལ་སོགས་པས་ཏེ་དེ་དགག་པ་ནི་གཞན་ནས་ཤེས་པར་བྱའོ། །ལས་ནི་རྣམ་པ་གསུམ ་ལས་གྱུར་ཅེས་བྱ་བ་ནི་མི་དགེ་བ་དང་དགེ་བ་ཆུང་ངུ་དང་འབྲིང་པོ་དང་ཆེན་པོ་དང་གསུམ་གྱིས་འབྲས་བཱུང་ཆུང་ངུ་དང་འབྲིང་དང་ཆེན་པོ་གསུམ་རབ་ཏུ་འགྲུབ་པོ་ཞེས་བྱ་བའོ། །འགྲོ་བའི་ཆོས་ཉིད་དེ་ལྟར་ངེས་པར་གནས་ཤིང་རྒྱུ་སོ་སོ་བ་ལ ་དག་ལས་པས་འདོད་པའི་འབྲས་བུ་ཐོབ་པར་འདོད་པས་དེའི་རྒྱུ་དགེ་བ་རྟེན་དགོས་ལ་དེ་ཡང་མྱུར་དུ་བསྒྲུབ་དགོས་ཏེ། སོག་ཀྱང་མ་བརྟན་ཤིང་དང་ཉེ་བར་ཤེས་ནས་ནི་ཞེས་པ་རྒྱུ་མཚན་དུ་སྦྱར་རོ། །གྲགས་དང་བདེ་བ་ཐོབ་པའི་ལམ་ནི་འདི་ཡིན ་ནོ། ཞེས་བྱ་བ་ནི་ཚེ་འདི་རང་གཞན་གྱི་བདེན་པ་གཉི་ག་བདེ་བ་ལ་རེག་ལས་པར་སྟོན་པའོ། །སྡིག་པ་སྤང་བར་གྱིས། ཞེས་པའི་སྡིག་པ་གང་ཞེ་ན། གཙོ་བོ་བཟུང་ནས་སྨྲས་པ་ནི་ཡིད་ལ་ཞེ་སྡང་ཞེས་པ་ལ་སོགས་པའོ། །དགེ་བའི་ཕྱོགས་ལ་བརྟེན ་ནས་ཞེས་གསུངས་པའི་དགེ་བ་ནི་གཉེན་པོ་རྣམས་ལ་བརྟེན་ནས་ཞེས་བྱ་བ་སྟེ་སྐབས་འདིར་བཟོད་པ་བཟུང་ངོ། །དེ་ཡང་གཉེན་པོ་ཉིད་དུ་ངེས་པར་མྱོང་བས་གྲུབ་པར་སྟོན་པ་ནི། དགོན་པའི་མི་ནི་ཞེས་བྱ་བ་ལ་སོགས་པའི་ཚིགས་སུ་བཅད་པའོ།། ་??་དེའི་རྒྱུ་ཟིལ་གྱིས་མནན་པས་བཟོད་པས་སྡིག་པ་?་ཞེས་བྱ་བ་ནི་འདིར་སྡིག་པ་ནི་ལུས་དང་ངག་གི་ཉེས་པ་སྤྱོད་པ་ཡིན་ལ་དེའི་རྒྱུ་གཙོ་བོ་ཡང་ཁྲོ་བ་ཡིན་པས་རྒྱུ་བཀག་བས་འབྲས་བུ་མི་འབྱུང་ངོ་ཞེས་བྱ་བའོ། །གཉེན་པོ་བཟོད ་པ་ལ་བརྟེན་པའི་མཐོང་བའི་ཆོས་ཀྱི་ཕན་ཡོན་ནི་དེའི་ཕྱིར་ཞེས་བྱ་བ་ལ་སོགས་པ་རྐང་པ་གཉིས་སོ། །མ་མཐོང་བའི་ཕན་ཡོན་ནི་བསོད་ནམས་བྱས་པའི་ཡོན་ཏན་གྱིས་མཐོ་མར་མཐོ་རིས་འགྱུར་ཞེས་པའོ། ་དགེ་བའི་རང་བཞིན་ཅན་དུ་གྲགས་ཞེས་བྱ་བ་ལ་སོགས་པའི་ཚིགས་སུ་བཅད་པ་གཅིག་གིས་རང་གི་དོན་དུ་འགྱུར་བའི་ཡོན་ཏན་སྟོན་ཏེ་དམ་པས་བསྔགས་པ་དང་ཚེ་འདི་དང་གཞན་ལ་ཕན་པ་འཕེལ་བ་དང་སྡིག་པ་འདག་པ་དང་ཡོན ་ཏན་དུ་མ་ཐོབ་པ་དག་རྐང་པ་རེ་རེས་རིམ་པ་བཞིན་སྟོན་ཏོ། །གཞན་ལ་གནོད་པ་ཞེས་བྱ་བ་ལ་སོགས་པའི་ཚིགས་སུ་བཅད་པ་གཅིག་གིས་གཞན་གྱི་དོན་དུ་འགྱུར་བ་སྟོན་ཏོ། །གཞན་ལ་གནོད་པ་རྟག་ཏུ་སྔོ་མི་ཤེས་ཞེས་བྱ་བ་ནི་གཞན་ལ ་གནོད་པ་སྤང་བ་དང། སྙིང་སྟོབས་ཅན་གྱི་ཆོས་ཉིད་ཡིད་དུ་འོང་བ་ནི་གཞན་གྱིས་བརྙས་ཀྱང་རྨ་མི་བྱིན་པས་གཞན་ཡང་དགའ་བར་འགྱུར་ཏེ། གཙུག་ཕུད་བྱང་ཆུབ་ཡིན་ནོ། །ཡོན་ཏན་མངོན་བསྒྲུབ་བཟོད་པ་མཛེས་པའོ། །མི་ནི ་འབྲས་བུའི་མིང་གིས་རྒྱུ་ལ་བརྟགས་པ་སྟེ་མཛེས་པ་བསྒྲུབ་པས་ཡང་དང་ཡང་འདྲེན་པའོ། །སྙིང་རྗེས་བཀའ་སྩལ་འཇིག་རྟེན་དོན་བྱེད་པའོ་ཞེས་བྱ་བ་ནི་སྙིང་རྗེས་དེ་བཞིན་གཤེགས་པས་བཀའ་སྩལ་པ་དང་མཐུན་པའི་གཞན ་གྱི་དོན་བསྒྲུབ་པའི་རྒྱུ་ཉིད་དུ་སྟོན་ཏོ། །རྒྱན་དང་སྟོབས་དང་ཆུ་དང་གོ་ཆ་དང་མེ་ཏོག་གི་དཔེ་ཡིས་སྟོན་པ་ལྔ་མཐུ་དང་ལྡན་པ་རྣམས་ཀྱི་ཞེས་བྱ་བ་ལ་སོགས་པའོ། །གཉིས་ཀའི་ཚལ་དོན་མེད་ཞི་བར་བྱེད་ཅེས་བྱ་བ་ནི་ཚེ་འདི་དང་གཞན ་གྱི་གནོད་པ་རབ་ཏུ་སྤོང་བའོ། །དེའི་གྲགས་པའི་ཡན་ལག་ནི་ལུས་ཅན་ཏེ་ཨ་ག་ནི་ལུས་དང་ཡན་ལག་གཉི་གའི་མིང་ངོ། །ཐར་པ་ཐོབ་པར་བྱེད་པས་མི་མཐུན་པ་འཇོམས་པ་ནི་རྐང་པ་གཅིག་གོ་།གཉེན་པོ་འཕེལ་བ་ནི་གཉིས་ཏེ། ཐར་པ ་ཙམ་གྱི་དབང་དུ་བྱས་ན་རྣམ་པར་ཐར་པའི་བདེ་བའང་བཟོད་པས་འཐོབ་ཞེས་པའོ། །ཐམས་ཅད་མཁྱེན་པའི་རྒྱུར་འགྱུར་བའི་དབང་དུ་བྱས་ནས་དེའི་གྲགས་པའི་ཡན་ལག་ཞེས་བྱ་བ་སྟེ་ཕ་རོལ་ཏུ་ཕྱིན་པ་བསྒྲུབ་པ་ལ་གནས་ན་ཕན་པ་སྟེ། ་གཞན་ལ་ཕན་པ་མཆོག་ཏུ་གྱུར་པ་ཐམས་ཅད་མཁྱེན་པ་ཐོབ་པར་སྟོན་ཏོ། །དེ་ལྟར་དོན་ཆེ་བས་བཟོད་པ་བསྒྲུབ་པར་གདམས་པ་ནི། བཟོད་པ་དེ་ནི་མ་བྱེད་སུ་ཞིག་ཡོད་ཅེས་བྱ་བའོ། །བདེན་པ་བཞིན་དུ་མཐར་ཕྱིན་ཅིང་ཞེས་བྱ་བ་ནི་བདེན་པ ་མཐོང་བ་འཁོར་བ་ལས་ངེས་པར་འདའ་བར་སྟོན་པའོ། །ཐུབ་པ་བཞིན་དུ་ཞེས་བྱ་བ་ནི་དགྲ་བཅོམ་པ་བཞིན་དུའོ། །འདི་ལྟར་སྨན་པ་སྐལ་བ་མེད་ལས་གྱུར་བ་ནི་དབུལ་བ་དགེ་བ་མ་བསགས་པས་ཞེས་བྱ་བའོ། །དེ་ལྟ་བུ་འགྲོ་བ་ལ་མང་དུ ་ཡང་བ་དེའི་ཕྱིར་བདག་གིས་སེམས་ཡིད་ལ་ཞེས་བྱ་བ་ལ་སོགས་པ་སྨོས་སོ། །གདམ་ངག་ལ་ནི་དམ་པས་གསུངས་པའི་རྒྱལ་པོའི་སྤྱོད་ཚུལ་བསྟན་པའོ། །ཆོས་ནི་དགེ་བའོ། །སྲིད་ནི་འབངས་བསྐྱངས་པའོ། །བདེ་བ་ནི་ལུས་དང་ལོངས་སྤྱོད་ཀྱི ་འབྱོར་པའོ། །འབྱོར་བ་མི་རྟག་པ་བརྟན་པ་ལ་ཡང་བརྗོད་པར་བྱའོ། །ཞེས་བྱ་བ་ནི་རྒྱལ་པོའི་མཐུ་ཕུན་སུམ་ཚོགས་པ་དེ་མ་ཐག་ཏུ་ཉམས་པ་ལས་ཤེས་པར་བྱའོ། །བཟོད་པར་སྨྲ་བའི་རབས་ཏེ་ཉི་ཤུ་རྩ་བརྒྱད་པའོ།། །། ་བསམ་གཏན་གོམས་པར་བྱས་པས་ཚངས་པའི་འཇིག་རྟེན་དུ་སྐྱེ། ཞེས་བྱ་བ་ནི་བསམ་གཏན་དང་པོ་ཞེས་བྱ་བའི་ཐ་ཚིག་སྟེ་འབྲས་བུ་སྐྱེ་བའི་བསམ་གཏན་སོ་སོར་སྐྱེ་བ་ནི་དེའི་རྒྱུ་སྙོམས་འཇུག་སོ་སོ་བ་ལ་ལྟོས་ཏེ། ཇི་སྐད་དུ། འདོད་སྤྱོད ་དགའ་དང་བདེ་དང་སྡུག་བསྔལ་དག་།རྣམ་པར་སྤངས་པའི་བསམ་གཏན་བཞི་པ་ཡིས། །ཚངས་དང་འོད་གསལ་དག་དང་དགེ་རྒྱས་དང། །འབྲས་བུ་ཆེ་ལྷ་རྣམས་དང་སྐལ་མཉམ་འཐོབ། །ཅེས་གསུངས་པ་ལྟ་བུའོ། །ཁྱོད་ཀྱི་ཞབས་དང་ཕྱག ་མཛེས་པདྨ་གཉིས། །ཞེས་བྱ་བ་ནི་དེ་གཉིས་མཛེས་པ་ནི་པདྨ་གཉིས་ལྟ་བུའོ་ཞེས་པའོ། །ནམ་མཁའ་ས་བཞིན་ཡོངས་སུ་འཛིན་པར་བགྱིད་པ། ནི་དེ་ལ་ལྟུང་བ་མེད་པར་གནས་པའོ། །བསམ་གཏན་ཚུལ་ཁྲིམས ་དྲི་མ་མེད་པ་དང། དབང་པོ་རྣམས་ནི་རབ་ཏུ་བསྡམས་པ་དག་།ཞེས་བྱ་བ་ལ་བསམ་གཏན་དང་པོ་ཚངས་པའི་འཇིག་རྟེན་དུ་སྐྱེ་བའི་དངོས་ཀྱི་རྒྱུའོ། །ཚུལ་ཁྲིམས་དྲི་མ་མེད་པ་ནི་བསམ་གཏན་དེའི་རྒྱུ་སྟེ་ཚུལ་ཁྲིམས་རྣམ་པར་དག་བ་ནི་འགྱོད ་པ་མེད་པས་ཏིང་ངེ་འཛིན་སྐྱེ་བའི་ཕྱིར་རོ། །དབང་པོའི་སྒོ་བསྡམ་པ་ནི་གཉི་གའི་རྒྱུ་སྟེ་དེས་ཚུལ་ཁྲིམས་རྣམ་པར་དག་པར་ཡང་འགྱུར་ལ་འདོད་པའི་རྣམ་པར་རྟོག་པ་ལ་སོགས་པ་བསྲབས་པས་བསམ་གཏན་ལ་གནས་པར་འགྱུར་བའི ་ཕྱིར་རོ། །ཡང་ན་ཚུལ་ཁྲིམས་དྲི་མ་མེད་པ་ནི་བསམ་གཏན་གྱི་སྡོམ་པའོ། །མངོན་སུམ་ལ་སོགས་པས་རྗེས་སུ་དཔག་པ་བསྡུའོ། །ཡིད་གཙུགས་པའི་ཚིག་གིས་བསྟན་པ་ནི་ལུང་སྟེ་ཡིད་བརྟན་དུ་རུང་བ་ཉེས་པའི་ཚིག་ཅེས་བྱ་བའི་ཐ ་ཚིག་གོ་།བརྟག་པའི་རིམ་པ་ནི་དེ་ལ་བརྟེན་ནས་བརྟག་པ་སྟེ་ལུང་ལ་བརྟེན་པའི་རྗེས་དཔག་གོ་།འཇིག་རྟེན་ཕ་རོལ་ཡང་རྣལ་འབྱོར་བ་ཁ་ཅིག་ལ་མངོན་སུམ་དུ་སྣང་སྟེ། ཉི་ཟླ་སྐར་མས་བརྒྱན་པ་དང། དུད་འགྲོ་རྣམ་པ་ཐུན་མོང་དུ་སྣང་བ ་བཞིན་དུ་ཞེས་བྱ་བ་ནི་དཔེའོ། །འདི་ལ་ཐེ་ཚོམ་བློ་ངན་ཁྱེད་མ་སྐྱེད་ཅེས་བྱ་བ་ནི་ཐེ་ཚོམ་གྱི་སྒོ་ནས་མི་ཚེས་པ་མི་སྐྱེད་ཅེས་བྱ་བའོ། །དེ་ནི་གཞན་གྱིས་གཞན་གྱི་འཇིག་རྟེན་ཕ་རོལ་ཤེས་པའོ། །ཚེ་རབས་དྲན་པའང་དེ་དང་དེ་ན་ཡོད་ཅེས་བྱ ་ནི་རང་གིའོ། །འཇིག་རྟེན་ཕ་རོལ་དེ་ལས་རྗེས་སུ་དཔོག་ཞེས་བྱ་བ་ནི་ལུང་ལ་བརྟེན་པའི་རྗེས་སུ་དཔག་པ་སྟེ། དེ་སྐད་གསུངས་པས་ན་བདག་ལ་འཇིག་རྟེན་གཞན་ཡོད་པར་རིག་པར་བྱའོ་ཞེས་བྱ་བའོ། །དེ་ལ་ལུང་ལ་བརྟེན་པའི་རྗེས་སུ་དཔག་པའི ་དོན་ནི་འཆི་འཕོ་བ་དང་སྐྱེ་བ་ཤེས་པའི་མངོན་པར་ཤེས་པ་ཡོད་པ་རྣམས་ཀྱིས་གཞན་གྱི་ཚེ་རབས་ཤེས་པ་ཡོད་པར་གསུངས་པ་དང། སྔོན་གྱི་གནས་རྗེས་སུ་དྲན་པའི་མངོན་པར་ཤེས་པ་ཐོབ་པ་རྣམས་ཀྱིས་རང་གི་ཚེ་རབས་གཞན་དྲན་པ་གསུངས ་པས་ན་བདག་ལ་ཡང་ཚེ་རབས་གཞན་ཡོང་དུ་རུང་ང་ཞེས་བྱ་བ་སྟེ་རང་བཞིན་གྱི་གཏན་ཚིགས་སོ། །ད་བདག་ལས་ཀྱང་མངོན་པར་མི་འགྱུར་བ་ཞེས་བྱ་བ་སྟེ་དངོས་པོ་སྟོབས་ཞུགས་ཀྱི་རྗེས་སུ་དཔག་པ་སྟེ་གང་དང་གང་འབྲས་བུ་མི་འདྲ་བ་དེ་དང ་དེ་ནི་རྒྱུ་མི་འདྲ་བ་སྔོན་དུ་འགྲོ་བ་མཐོང་སྟེ། དཔེར་ན་དུ་བ་དང་མྱུ་གུ་ལྟ་བུའོ། །བདག་དང་གཞན་གྱི་ལུས་མི་འདྲ་བ་ཡང་སྔོན་གྱི་རྒྱུ་མི་འདྲ་བ་ལ་ལྟོས་སོ་ཞེས་བྱ་བ་སྟེ། འབྲས་བུའི་གཏན་ཚིགས་སོ། །གལ་ཏེ་ཚེ་འདིའི་རྒྱུ་མི་འདྲ་བ་ལས་འབྲས ་བུ་མི་འདྲ་བ་ཡིན་ལ་ཚེ་རབས་གཞན་གྱི་རྒྱུ་ལ་མི་ལྟོས་སོ་སྙམ་ན། དེའི་རྒྱུ་མི་འདྲ་བ་སྔ་མ་བྱས་པ་དེ་ཡང་དེའི་སྔ་མ་ལ་ལྟོས་པ་ཡིན་ཏེ་དེ་ལྟ་མ་ཡིན་ན་ད་ལྟར་བ་འདི་ཡང་སྔ་མ་ལ་མི་ལྟོས་པར་འགྱུར་རོ་ཞེས་བྱ་བའོ། །གལ་ཏེ་སྔ ་མ་སྔ་མ་ཡོད་ཀྱང་འབྱུང་ལ་སྔ་མ་ནི་གཟུགས་ཡིན་ནོ་ཞེས་ཀྱང་བརྗོད་པར་མི་ནུས་ཏེ། དེ་ལྟའི་ཤེས་པ་སྔ་མ་རྒྱུར་མཐོང་ལ་ཤེས་པ་སྔ་མ་དེ་ནི་གཟུགས་སྔ་མ་ཡིན་ན་རྒྱུ་མི་འདྲ་བ་འབྲས་བུ་མི་འདྲ་བའི་བྱེད་པ་པོ་མ་ཡིན་པས་མཛའ་དག ་གི་སྣ་ཚོགས་གི་རྒྱུ་མེད་བ་ཅན་དུ་འགྱུར་ཏེ་གཏན་ཚིགས་འོག་མའི་ཁྱབ་པ་དང་མཐུན་ནོ། །སྔ་མའི་བློ་ལས་ཕྱི་མའི་བློ་འགྲུབ་ན། འཇིག་རྟེན་ཕ་རོལ་པོ་དང་དེ་ལས་མངོན། ཞེས་བྱ་བ་ནི་ཁྱབ་པ་བརྗོད་པའོ། །མངལ་ན་འདུག་པའི་སྔ་རོལ ་བློ་དེ་ནི། །ཞེས་བྱ་བ་ནི་མངལ་དུ་ཞུགས་མ་ཐག་པའི་བློ་ཞེས་བྱ་བ་སྡེ་ཆོས་ཅན་ནོ། །དེ་མ་ཐག་པའི་ཚེ་རབས་སྔ་མའི་བློ་ཞེས་བྱ་བ་དེའི་གོང་མའི་བློ་ལ་ལྟོས་སོ་ཞེས་བྱ་བ་བསྒྲུབ་བྱའོ། །བློའི་རང་བཞིན་ཡིན་པའི་ཕྱིར་ཞེས་བྱ་བ་གཏན་ཚིགས ་སོ། ཤེས་བ་ནི་ཡུལ་ལ་ལྟོས་པར་གྲགས་ལ་མངལ་ན་གནས་པའི་བློའི་ཡུལ་དུ་ཡང་ཚེ་འདིའི་གཟུགས་ལ་སོགས་པ་མི་རུང་བས་གཞན་དུ་མཐོང་བའི་གཟུགས་ལ་སོགས་པ་ཡིན་ལ་དེ་ལྟར་ན་ཚེ་རབས་གཞན ་འགྲུབ་པོ་ཞེས་བྱ་བ་ནི། ཤེས་བྱ་རྟོགས་པར་བྱེད་པ་ཞེས་བྱ་བ་ལ་སོགས་པའི་ཚིགས་བཅད་ཅིག་གོ་།གལ་ཏེ་ཚེ་རབས་གཞན་གྱི་རྒྱུ་མེད་ན་ཕ་མའི་རྐྱེན་ཙམ་ལས་ཡིན་པས་བུ་རྣམས་འདྲ་བར་རིག་པ་ལས་མི་འདྲ་བ་དུ་མ་དམིགས ་ཏེ། གང་ཐ་མི་དད་ཀྱང་གང་ཐ་དད་པ་དེ་ནི་དེ་ཙམ་གྱི་འབྲས་བུ་མ་ཡིན་ཏེ། རྫ་མཁན་ཐ་མི་དད་ཀྱང་བུམ་པའི་བྱེ་བྲག་དམིགས་པས་བུམ་པ་ང་རྫ་མཁན་ཙམ་གྱི་རྒྱུ་ཅན་མ་ཡིན་པ་ལྟ་བུའོ། །ཞེས་པའི་དོན་འཆད་པ་ནི། སྐྱེ་དགུ་བདེ་བ་ལ ་སོགས་པའི་ཚོགས་བཅད་གཅིག་གོ་།གང་དང་གང་རང་གི་ལས་ལ་རང་གི་དང་གིས་འཇུག་པ་དེ་ནི་སྔ་མ་གོམས་པ་ལ་ལྟོས་པ་ཡིན་ཏེ། དཔེར་ན་བཟོ་བོ་ལ་སོགས་པའི་སེམས་ཀྱི་བྱེ་བྲག་ལྟ་བུའོ། །ནུ་ཞོ་འཐུང་བ་དང་ཁ་ཟས་ཟབ ་ལ་རང་གི་ངང་གིས་འཇུག་པའི་ཕྱིར་རོ་ཞེས་བྱ་བའི་འབྲས་བུའི་རྟགས་སྟོན་པ་ནི། བློའི་མཐུ་སྟོབས་ཞེས་བྱ་བ་ལ་སོགས་པའི་ཚིག་གཉིས་ཏེ། བྱེད་དང་གཉིས་ནི་འཐད་པའོ། །ཕྱེད་ནི་དེའི་ཁྱབ་པའོ། །སུས་ཀྱང་མ་བསྟན་པར་ན ་ཞོ་འཐུང་བ་ཙམ་གྱིས་སྔ་མའི་གོམས་པ་ལ་ལྟོས་པར་མ་ངེས་ཏེ། སུས་ཀྱང་མ་བརྟན་པར་ཉི་མའི་མཐུས་པདྨ་འབྱེ་བ་ལྟ་བུ་ཞེས་མ་ངེས་པར་དགོས་པ་ནི་དེ་ལ་ཞེས་པ་ལ་སོགས་པའོ། །དེའི་ལན་གྱི་དོན་ནི་པདྨ་ནི་བསམ་པ་ལ ་ཅུང་ཟད་ཀྱང་མི་ལྟོས་ཀྱི་ནུ་ཞོ་འཐུང་བ་ནི་བསམ་པ་ལ་ལྟོས་པའི་ཕྱིར་རོ། །བསམ་པ་ལ་ལྟོས་པ་བསམ་པ་སྔ་མ་གོམས་པར་བྱས་པའི་ཕྱིར་རོ་ཞེས་བྱ་བའོ། །བདག་ཉིད་ངན་བས་འདི་ལའང་ནོར་གྱི་སྐྱེན་བ་སྟེར་བ་མེད་ཅིང ་ཚེ་གཞན་དཱུང་ནོར་གྱི་སྐྱིན་པ་སྟེར་མི་ནུས་ཏེ། དེ་ལས་ཚེ་འདི་ལས་ངན་པ་ལས་ནི་ནོར་མི་འབྱུང་བ་ནི་འདི་ལ་ཡང་ཞེས་པ་སྟེ་ཚེ་འདི་ལ་ཡང་ངོ། །ནོར་ནི་མི་གཏོང་ཞེས་སྦྱར་རོ། །ཚེ་འདིའི་འབྱོར་པ་བདག་ཉིད་ངན་པ་སྟེ་ཕ་རོལ་སླུ་བ་དང ་གོ། སླུ་བ་མ་ཡིན་ཡང་སྐོམ་པ་སྟེ་དང་པོར་སླུ་བའི་བསམ་པ་མེད་ཀྱང་ཆགས་པས་ཕྱིས་འཇལ་བར་མི་བྱེད་པའོ། །ཆགས་ནས་བདག་གིར་བྱེད་པ་མེད་ཀྱང་ལེ་ལོས་མི་འཇལ་པར་སྡོད་པའི་ཕྱིར་རོ། །དེ་ལ་གཏོང་ན་ནོར་གྱི་མཛའ་ནི་དེ ་ཉིད་ཡིན་ཏེ་ཕྱིས་མི་འཕྲད་དོ་ཞེས་བྱ་བའོ། །དེ་ལས་བཟློག་པ་ལ་བྱིན་པ་ནི་ཕྱིས་ཆུད་མི་ཟ་བ་ཡིན་པས་གང་དག་ཞེས་བྱ་བ་ལ་སོགས་པའོ། །བདག་ཉིད་ངན་པས་ནི་ཚེ་གཞན་དུ་ཡང་བུ་ལོན་སྦྱིན་པར་མི་ནུས་ཏེ། བདག་ཉིད་ངན་པའི ་སྐྱོན་གྱིས་ངན་འགྲོར་སྐྱེས་པ་བུ་ལོན་འཇལ་བའི་ནུས་པ་མེད་དོ་ཞེས་སྟོན་པ་ནི་འཇིག་རྟེན་གཞན་ལ་ཞེས་བྱ་བ་ལ་སོགས་པ་སྟེ། བུ་ལོན་གཞལ་བར་བྱ་བ་ཁྱོད་ལ་སུ་ཞིག་སྐུལ་ཞེས ་སྦྱར་ཏེ། ཅིའི་ཕྱིར་ཞེ་ན། ཁྱོད་ནི་རང་ཉིད་ལས་ཀྱི་ཉེས་པས་དམྱལ་པར་སྐྱེ་བར་འགྱུར་ཏེ་འཇལ་བའི་མཐུ་མེད་དོ་ཞེས་བྱ་བའོ། །གལ་ཏེ་ཞིང་དེ་ལ་བྱིན་པས་རྣམ་སྨིན་འཐོབ་པོ་སྙམ་ན་ཡང་ངན་པར་ལྟ་བ་སྤྱོད་པ་ཁྱོད་ལ་ནི། ནོར ་རྣམས་བྱིན་ཡང་དོན་ནི་མེད་པར་འགྱུར། ཞེས་བྱ་བ་སྟེ་གཏན་མེད་མ་ཡིན་མོད་ཀྱི་ཞིང་གི་སྐྱོན་གྱིས་གལ་ཏེ་མི་འབྱུང་བའམ་ཤིན་ཏུ་ཆུང་བ་ཉིད་དོ་སྙམ་དུ་བསམས་པའོ། །དེ་ན་ཞེས་བྱ་བ་ནི་དམྱལ་བའི་གནས་དེ་ན་ཞེས་བྱ་བའོ། །མིའི་འཇིག ་རྟེན་ན་ཉི་མ་དང་ཟླ་བའི་འོད་ཀྱིས་ཤར་པ་ལ་སོགས་པའི་ས་ཕྱོགས་གང་མཐོང་ན་དགའ་བ་སྐྱེ་བས་ན་ཆུ་ལྟ་བུ་སྟེ། ཕྱོགས་དེ་མི་སྣང་བ་ཞེས་བྱ་བ་སྟེ་ཉི་མ་དང་ཟླ་བ་དང་བྲལ་བས་མུན་གྱིས་གཡོགས་པའི་ཕྱིར་རོ་ཞེས་བྱ་བའོ། །གཞན ་ཡང་ཀུ་མུད་རྒྱས་པའི་མཚོ་ལྟ་བུའི་ནམ་མཁའ་ཡང་དེ་ནི་མི་སྣང་ངོ་ཞེས་བྱ་བ་ནི་སྐར་མ་ཞེས་བྱ་བ་ལ་སོགས་པའོ། །གྲང་བའི་སྡུག་བསྔལ་བཤད་པ་ནི་མེད་པར་ལྟ་བ་ཞེས་བྱ་བའི་ཚིགས་སུ་བཅད་པའོ། །མུན ་ནག་ཞེས་བྱ་བ་ལ་སོགས་པས་ཚ་བའི་དམྱལ་བའི་གནོད་པ་སྟོན་ཏོ། །དེ་བས་མུན་ནག་ཅེས་བྱ་བ་ལ་སོགས་པའི་ཚིགས་སུ་བཅད་པ་གཉིས་ནི་ཡང་སོས་ཀྱི་གནོད་པ་གཙོར་སྟོན་ཏོ། །ཤིང་མཁན་བཞིན་དུ་དང་གཤིན་རྗེ ་གཤེད་པོ་ལ་སོགས་པའི་ཚིགས་སུ་བཅད་པ་གཉིས་ཀྱིས་ནི་ཐིག་ནག་གི་གནོད་པའོ། །ཁ་ཅིག་འབར་པའི་ཞེས་བྱ་བའི་ཚིགས་བཤད་གཉིས་ཀྱི་ནི་བསྡུས་འཇོམས་ཀྱི་གནོད་པའོ། །ལྕགས་བཏུན་ཞེས་བྱ་བ་ལ་སོགས ་པའི་ཚིགས་བཤང་ཅིག་གིས་ནི་ངུ་འབོད་ཀྱི་གནོད་པའོ། །བྱི་རུ་ཞེས་བྱ་བ་ལ་སོགས་པའི་ཚིགས་བཤད་གཉིས་ཀྱིས་ནི་ངུ་འབོད་ཆེན་པོའི་གནོད་པའོ། །ཁ་ཅིག་ས་གཞི་ཞེས་བྱ་བ་ལ་སོགས་པའི་ཚིགས་བཤད་གཉིས་ནི་ཚ་བའི ་གནོད་པའོ། །ཁ་ཅིག་མེ་ཞེས་བྱ་བ་ལ་སོགས་པ་ནི་ལྷག་པའི་གནོད་པ་ཉེ་འཁོར་གྱི་གནོད་པས་ཏེ་ཚིགས་སུ་བཅད་པ་དང་པོས་ཆུ་བོ་རབ་མེད་ཀྱི་གནོད་པའོ། །གཞན་དག་ཞེས་བྱ་བའི་ཚིགས་སུ་བཅད་པས་རོ་མྱགས་མི་གཙང་བའི་འདམ ་རྫོབ་ཀྱི་གནོད་པའོ། །ཁ་ཅིག་ཞེས་བྱ་བའི་ཚིགས་སུ་བཅད་པས་ནི་མེ་མར་པུར་གྱི་འོབས་ཀྱིས་གནོད་པའོ། །གཞན་ཞེས་བྱ་བ་ནི་ཚིགས་སུ་བཅད་པས་ནི་ཚོན་ཆས་གཏམས་པའི་ཚལ་སྟོན་ཏེ་ཚིགས་བཅད་གཉིས་སོ། །ལ་ལ་སྣ་ཚོགས ་ཞེས་བྱ་བ་ལ་སོགས་པའི་གནོད་པ་ནི་རལ་གྲི་ལོ་མའི་ཚལ་ན་ཡོད་པའི་གནོད་པའོ། །ལྕགས་ཀྱི་རྫ་ཆེན་ཞེས་བྱ་བ་ལ་སོགས་པའི་ཚིགས་སུ་བཅད་པས་ནི་རབ་ཏུ་ཚ་བའི་གནོད་པའོ། །ས་གཞི་མེ་འབར་ཞེས་བྱ་བ་ལ་སོགས་པའི་ཚིགས་སུ ་བཅད་གཉིས་ཀྱིས་ནི་མནར་མེད་པའི་གནོད་པའོ། །མཇུག་བསྡུ་བ་ནི་བུ་ཡུག་ཞེས་བྱ་བ་ལ་སོགས་པ་སྟེ་གྲང་བའི་དམྱལ་བའི་སྡུད་པ་ནི་ཚིགས་སུ་བཅད་པ་གཅིག་གིས་ཡིན་ལ་ལྷག་མ་གཉིས་ནི་ཚ་བའི་དམྱལ་བ་མཇུག་སྡུད་པའོ། །སྔོན་གྱི་རྒྱལ་པོ་ཡོན ་ཏན་དགའ་བ་རྣམས་ཀྱི་སློབ་མཆོག་ཚུལ་ཏེ་དེ་དག་གི་སློབ་མ་མཆོག་གི་ཚུལ་གྱིས་ལ་དགེ་སྤྱོད་དང་བྲམ་ཟེ་དང་འབངས་ལ་རང་གི་སྤྱོད་ཚུལ་སྙིང་རྗེ་དང་ལྡན་པར་བསྟན་ཅིང་གདམས་པ་དང། སྦྱིན་པ་དང་ཕན་གདགས་པ་བྱས་ན་དེ་ནི་གྲགས་པ་རྒྱ་ཆེན་པོ ་འཐོབ་བོ། །མཐོ་རིས་སུ་འགྲོ་བའི་ལམ་ཡིན་ནོ་ཞེས་བྱ་བའོ། །ཆོས་ཉིད་ངེས་པ་གང་དག་བརྟན་ལ་རྟོགས་ཞེས་བྱ་བ་ནི་ལས་རྒྱུ་འབྲས་ཀྱི་ཆོས་ཉིད་ངེས་པ་གང་དག་མཁས་པའི་སྐྱེ་བོས་བསྟན་པ་ལ་རང་ཉིད་རྣམ་པར་དཔྱོད་ཅིག་པའོ། །ཁྱོད་ཀྱི་བསམ་པ ་ཡང་དག་ལྟ་དགེ་ཞིང། །སྦྱོར་བ་རྒྱལ་པོའི་ཚུལ་གྱིས་ཏེ། །ཆོས་དང་མཐུན་པའི་རྒྱལ་སྲིད་བསྒྲུབ་པའི་ཚུལ་ལམ་ལམ་གྱིས་འདོད་པའི་འབྲས་བུ་ཐོབ་པར་འགྲོ་བར་གྱིས་ཅིག་པའོ། །ཡང་དག་པའི་ལྟ་བ་ཉིད་ཇི་ལྟར་སེམས་པ་ཡིན་ཞེ་ན། ཡོན་ཏན་མི་དགའ་ཨི ་སེམས་དེ་མེད་པར་བྱོས་ཞེས་བྱ་བ་ལ་སོགས་པའོ། །བསམ་པ་དེའི་སྦྱོར་བ་ནི་ཚུལ་ཁྲིམས་བརྟན་ཞིང་ཞེས་བྱ་བ་ལ་སོགས་པའོ། །རང་གི་བསོད་ནམས་རྒྱལ་པོའི་དཔལ་གྱི་གཟི་བརྗིད་ཞེས་བྱ་མི་རྒྱལ་པོའི་གཟི་བརྗིད་གཞན་ཟིལ་གྱིས་གནོན་པ་ནི། སྔོན? ་བསོད་ནམས་བྱས་པ་འདིར་གཞན་ཟིལ་གྱིས་གནོན་པའམ། ཡང་ན་ཆོ་གཞན་གྱི་དོན་དུ་བསོད་ནམས་བསྒྲུབས་པ་ཉིད་གཟི་བརྗིད་ཡིན་པའོ། །མཛའ་བཤེས་དང་འབངས་རྣམས་ལ་ཡིད་དུ་འོང་བའི་སྒྲ་བསྒྲགས་ཏེ་དགེ་བ་ལ་སྦྱར་ཏེ་དེ་རྣམས་ཀྱི་སྡུག་བསྔལ་བསལ་ཞིང་ཕན་གདགས་པར་བྱའོ་ཞེས་བྱ་བའི་མཇུག ་ཤེས་ཞེས་བྱ་བ་ལ་སོགས་པའོ། རང་གི་ཁྱད?་བསྒྲུབ?་པ་ནི་བདག་གི་ཞེས་པའི་རྐང་པ་གཅིག་གོ་།རང་གཞན་གཉི་གའི་དོན་བསྒྲུབ་པ་དཔེའི་བསྒྲུབ་ནས་བསྒྲུབ་པར་བྱེད་དེ། ད་ལྟར་ཤིང་རྟའི་བདག་པོ་དང་དཔོན་ལྟ་བུས་རང་གི་གནས་སུ་འགྲོ་བར་འདོད་པ་ལ་ཤིང་རྟ་ཉིད་དང་མིག་འཇམ་པ་དང་འཁོར་ལོ་ཟུང་དུ་གྱུར་པ་དང། འཁོར་ལོའི་སྲོག་ཤིང་དང་ལྡན་པ ་དང། རྟ་དུལ་བས་དྲངས་ཤིང་སྲབ་སྐྱོགས་ཀྱིས་ཁ་སྲབས་པ་དང། ལྕགས་གིས་རྟ་བསྒུལ་བ་དང། ཤིང་རྟའི་ནང་དུ་དགྲ་ལ་སོགས་པ་བཟློག་པའི་མཚོན་ཆ་རྣོན་པོ་དང་ལྡན་པ་དང། ལམ་དུ་འགྲོ་བའི་ཁ་ཟས་ལ་སོགས ་པའི་ཡོ་བྱད་དང་ལྡན་པ་དང། བདག་ལ་ཤིང་རྟའི་ནང་ན་གྲོགས་པོ་བཟང་པོ་དང་ལྡན་པ་དང། ཤིང་རྟའི་གཉའ་ཤིང་རྟ་ལ་འགེལ་བས་གཉའ་ཤིང་དང་ལྡན་པ་དང། འགྲོ་བ་རྟག་པ་དང་ཆགས་ཀྱི་སྒྲ་མེད་པ་དང། ཤིང་གི་སྐད་ཅུང་ཟད་གྲག་པ ་དང། འཚམས་མ་ཕྱེ་བ་དང། ལམ་དྲང་པོ་ནས་འགྲོ་བ་དང། དེ་ལྟ་བུའི་ཐེག་པ་འམ་གཞོན་པ་རུ་མཚོན་ཕྱར་བ་དང། ཁལ་དུ་མ་བཀལ་བ་དང། རྒྱལ་མཚན་མཐོན་པོ་བཙུགས་པ་སྟེ། དེ་ལྟ་བུ་དག་དང་མཐུན་པར་བདག་ཉིད་ཀྱི་སེམས་དང་ལུས ་ཀྱི་རྒྱུད་འཇམ་ཞིང་སྦྱིན་པ་དང་ཚུལ་ཁྲིམས་ལ་གནས་ཏེ་དགེ་བའི་ཆོས་ལ་འདུན་པ་དང་ལྡན་པ་དབང་པོའི་སྒོ་དྲན་པས་བསྡམ?་ཤིང་ཤེས་བཞིན་དང་མང་དུ་ཐོས་པ་དང་ལྡན་ཞིང་དེ་ཆ་ཤེས་པ་དང་སྤྱོད་ལམ་མཛེས་པས་བཟོད་པ་དང་ངེས་པ ་དང་ལྡན་པར་བྱས་ཏེ་ཚིག་གིས་ཉེས་པ་མེད་པ་ཡིད་དུ་འོང་བའི་ཚིག་གིས་གཞན་ལ་སྨྲ་ཞིང་ཚུལ་ཁྲིམས་མ་ཉམས་པ་དང་དྲང་པོའི་རང་བཞིན་གྱི་ཐེག་པ་ལྟ་བུའི་ལམ་སྙིང་རྗེས་སེམས་ཅན་གྱི་དོན་ཁུར་བཟོད་ཅིང་ཐོབ་པར་བྱ་བའི་གོ་འཕང ་མྱ་ངན་ལས་འདས་པའི་འཐོབ་པར་བྱེད་པ་དེ་ནི། རང་དང་གཞན་གྱི་དོན་ཆེན་པོར་འགྱུར་གྱི་དམྱལ་པ་ལ་སོགས་པའི་ངན་འགྲོར་འགྲོ་བར་ལྟ་ག་ལ་གྱུར་ཞེས་པའོ། །ཇི་སྐད་དུ་འཕགས ་པ་དཀོན་མཆོག་བརྩེགས་པ་ལས་གྲུའི་དཔེས་ཉེ་བར་མཚོན་པས་ཐེག་པ་ཆེན་པོའི་ལམ་བཤད་པ་ལྟ་བུའོ།། །།ཚངས་པ་ཆེན་པོའི་རབས་ཏེ་ཉི་ཤུ་རྩ་དགུ་པའོ།། །།ཁྲོས་པ་ཉིད་རླུང་དང་འདྲ ་སྟེ་རླུང་གིས་ཡུལ་གཞན་དུ་འཕེན་པ་ལྟར་ཁྲོས་པའི་རྒྱུས་དེ་དག་ཀྱང་ཡུལ་གཞན་དུ་བསྐྲད་པའི་ཕྱིར་རོ། །རྣམ་རྟོག་ངན་པས་ཚིག་གིས་གདམས་སུ་མེད། ཞེས་བྱ་བ་ནི་ཤེས་རབ་ཆུང་པས་གདམ་ངག་གི་སྣོད་དུ་མ་གྱུར་པའོ། །མ་གཏགས་སྟོད་གཡོགས ་ཞེས་བྱ་བ་ནི་ཐགས་སུ་མ་བཏགས་པའི་རང་འབྱུང་གི་རས་ཀྱི་སྟོད་གཡོགས་སོ། །བསྙོམས་པས་གད་པ་སྙོམས་པའི་མཚན་མ་ཅན། ཞེས་བྱ་བ་ནི་སྙེམས་ཤིང་དྲེགས་པས་གང་པ་ལ་སོགས་པ་འདྲལ་ཅིང་འཇིག་པ་གང་གིས་མཚོན་ཅིང་དེའི? ་མཚན་མ་གང་ཡིན་ན་དེ་ནི་མཆེ་བ་གཉིས་པས་དེ་ལ་དེ་སྐད་ཅེས་བྱའོ། །ེ་མའོ་རང་བཞིན་འཕགས་པ་ཕུན་སུམ་ཚོགས། །དོན་བཞིན་བསྒྲུབས་པ་འདི་ཡིས་བསྟན་པར་འགྱུར། ཅེས་བྱ་བ་ནི་བྱང་ཆུབ་སེམས་དཔའ་ཨི་རང་བཞིན་གཞན་ལས་ཁྱད་པར་དུ ་འཕགས་པ་ཕུན་སུམ་ཚོགས་པ་དང་ལྡན་པ་དེ་ནི་བདག་ཅག་གི་དོན་བཞིན་རབ་ཏུ་བསྒྲུབས་པའི་ལུས་བཏང་བ་འདིས་བསྟན་པར་གྱུར་ཅིང་གསལ་བར་བྱས་པའོ།། །།གླང་པོ་ཆེའི་རབས་ཏེ་སུམ་ཅུ་པའོ།། །། ་ནོར?་མེད་ན་ནི་རྒྱལ་པོའི་དཔལ་དེ་ཡང། དགའ་བར་མ་གྱུར། ཞེས་བྱ་བ་ནི་གཞན་དག་གིས་དགའ་པར་མི་བྱེད་ཅིང་བརྙས་པར་བྱེད་དེ། སྨད་འཚོང་བུད་མེད་བཞིན་ཏེ་བུད་མེད་སྨད་འཚོང་མ་སྐྱེས་བུ་དབུལ་པོ་ལ་བརྙས་ཤིང་ཁྱད་དུ་གསོད་པ་བཞིན་ནོ། །གང ་ཞིག་ཐོས་ནས་ཡིད་ནི་དད་གྱུར་ནས། །ལེགས་པར་དགའ་ལ་བརྟན་པ་ཉིད་དུ་འགྱུར། །ཞེས་བྱ་བ་ནི་ཆོས་ཐོས་པས་དད་པའི་བསམ་པ་རྟས་པ་དེའི་སྒོ་ནས་དག་པའི་ལས་ལ་སྦྱོར་བ་ཕུན་སུམ་ཚོགས་པ་བསྟན་པར་འགྱུར་རོ་ཞེས་བྱ་བའོ། །རང་གི་ཤས ་ཀྱང་ངོ?་ནི་ཉོ་པའི་རིགས་ཞེས་བྱ་བ་ནི་འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ་ལས་བཅོམ་ལྡན་འདས་སྔོན་བྱང་ཆུབ་སེམས་དཔར་གྱུར་པའི་ཚེ་ཟླ་བ་གཅིག་གི་བར་དུ་ཤ་སྲད་གསུམ་གསུམ་བཅད་དེ་ཡོན་དུ་བྱིན་ནས་ཚིགས ་སུ་བཅད་པ་གཅིག་ཙམ་ཟིན་པ་ལྟ་བུ་དང། ཚིགས་སུ་བཅད་པ་ཕྱེད་ཀྱི་ཕྱིར་ཡང་བྲག་ལ་ལུས་བོར་བ་ལྟ་བུའོ། །གཏི་མུག་ནི་མུན་པ་ལྟ་བུ་སྟེ་ཡང་དག་པའི་དོན་རྟོགས་པའི་གགས་སུ་གྱུར་པའི་ཕྱིར་རོ། །དེ་ནི་ཕྱི ་རོལ་གྱི་སྣང་བ་དང་མི་འགལ་གྱི་ཤེས་རབ་ཀྱི་སྣང་བ་དང་འགལ་བས་སྒྲོན་མ་ལྟ་བུའོ། །ཐོས་པ་ནི་འཕགས་པའི་ནོར་བདུན་གྱི་ཁོངས་སུ་གཏོགས་པ་སྟེ། ཇི་སྐད་དུ། དད?་དང་ཚུལ་ཁྲིམས་གཏོང་དང ་ཐོས་པ་ནི། །དྲི་མེད་ངོ་ཚ་ཤེས་དང་ཁྲལ་ཡོད་དང། །ཤེས་རབ་ནོར་བདུན་ལགས་པར་ཐུབ་པས་གསུངས། །དོན་གཞན་ཕལ་པ་དོན་མ་མཆིས་རྟོགས་མཛོད། །ཅེས་གསུངས་ཏེ། དེ་ནི་འཇིག་རྟེན་གྱི་ནོར་ལས་ཁྱད་པར་འཕགས་པར ་ཐོགས་མེད་ཀྱིས་གསུངས་སོ། །དེར་གཞན་གྱིས་འཇིག་རྟེན་པའི་ནོར་དཔྲལ་བར་ནུས་པ་དང་ཐོས་པའི་ནོར་མི་ནུས་པའི་ཁྱད་པར་ཡང་གསུངས་སོ། །རྨོངས་པ་ནི་དགྲ་ཡིན་ཏེ། ཇི་འཕགས་པ་ཀླུ་སྒྲུབ་ཀྱི་བཤེས་པའི་འཕྲིན་ཡིག་ལས། སྐད་དུ། བདེ་བ་འདོད་ཀྱང ་གཏི་མུག་པས། །རང་གི་བདེ་བ་དགྲ་ལྟར་འཇོམས། །སྡུག་བསྔལ་འདོར་འདོད་སེམས་ཡོད་ཀྱང། །སྡུག་བསྔལ་ཉིད་ལ་མངོན་པར་རྒྱུག་།ཅེས་བཤད་པ་ལྟ་བུ་སྟེ། ཀུན་ཏུ་རྨོངས་པ་ནི་ཉེས་པ་ཐམས་ཅད་ཀྱི་རྩ་བ་ལྟ་བུ་ཡིན་ལ་དེ་འཇེམས? ་པས་མཚོན་ཆ་ལྟ་བུའོ། །གྲོགས་པོ་བཟང་པོ་ནི་ཐབས་ཀྱི་ཁྱད་པར་བསྟན་པས་ཕན་འདོགས་པ་སྟེ། ཇི་ལྟར་དེད་དཔོན་སེང་གེ་འཛིན་གྱིས་ཆོད?་པ་རྣམས་ཐར་པར་བྱས་པ་ལྟ་བུ་ཡིན་ལ་དེའི་བྱ་བ་ཡང་ཆོས་ཐོས་པ་ལས་འགྲུབ་པས ་གྲོགས་ཀྱི་མཆོག་གོ། མཛའ་བཤེས་བཟང་པོ་ནི་ཕོངས་པའི་ཚེ་མི་འདོར་བ་སྟེ། ཇི་ལྟར་ངང་པའི་རྒྱལ་པོ་ཡུལ་འཁོར་སྲུང་སྙིས་ཟིན་པ་ལ་བློན་པོ་བཞིན་བཟངས་ཀྱིས་གྲོགས་བྱས་པ་ལྟ་བུ་ཡིན་ཏེ། དེ་ཡང་ཐོས་པ་ལ་ཡོད་དེ ་དེ་ནི་དུས་ཀུན་ཏུ་མི་འབྲལ་ཞིང་གྲོགས་ཀྱི་བྱ་བ་བྱེད་དེ་རྒུད་པ་ལས་འདའ་བ་དང་འབྱོར་པ་ཐོབ་པའི་ཐབས་ཤེས་པའི་ཕྱིར་རོ། །མྱ་ངན་གྱི་གདུང་བ་ནད་ལྟ་བུ་སེལ་བས་གནོད་པ་མེད་པའི་སྨན་ཏེ་གནོད་པའི་སྨན་ནི་སྨན་དཀའ་བ་ལ་སོགས་པ་ཡིན ་ན་དེ་ཡང་མེད་ལ་མྱ་ངན་ཀྱང་སེལ་བར་བྱེད་པ་སྟེ། ཇི་ལྟར་གནས་བྱེད་ཀྱི་བུ་དང་དུས་མཐུན་པའི་བྲམ་ཟེ་མོ་དེ་བཞིན་གཤེགས་པ་ལ་ཆོས་ཐོས་པའི་མྱ་ངན་བྲལ་བའི་རྟོགས་པ་བརྗོད་པ་དཔེར་བྱའོ། །ཉེས་པ་ཆེན་པོའི་དཔུང་ནི་ཉེས་པ་མང་པོའི་དཔུང ་སྟེ་ཉེས་པ་དང་དེས་ཀུན་ནས་བསླང་པའི་སྡིག་པའི་ལས་ཏེ་དེ་རྣམས་འཇོམས་པས་དཔུང་ལྟ་བུ་ཡིན་ཏེ། དམག་གི་དཔུང་ནི་གང་ཟག་གཅིག་གིས་ཐུབ་པར་མི་ནུས་ཀྱི་རང་གི་དམག་ཚོགས་མང་པོ་ལ་ལྟོས་པ་ལྟ་བུ་ཡིན་པས་དེ་དང་ཆོས་མཐུན ་ཏེ་མང་པོ་འཇོམས་པ་ཐོས་པ་ལ་དུ་མ་ཡོད་པས་དཔུང་ཞེས་བྱ་བ་འམ། ཡང་ན་ཐོས་པ་ཉིད་དུ་མ་སྟེ། མི་སྡུག་པ་ཐོས་པ་ནི་འདོད་ཆགས་ཀྱི་གཉེན་པོ་ཡིན་ལ་བྱམས་པ་ཐོས་པ་ནི་ཞེ་སྡང་གི་གཉེན་པོ་ཞེས་བྱ་བ་ལ་སོགས་པས་ཐོས་པ ་ཉིད་དུ་མ་ཡིན་པ་དེ་སྐད་ཅེས་བྱའོ། །གྲགས་དང་དཔལ་གྱི་གཏེར་གྱི་མཆོག་ཀྱང་ཡིན། ཞེས་བྱ་བ་ནི་རིན་པོ་ཆེ་སྣོད་གང་དུ་བཅུག་ནས་སྤས་པ་ནི་རིན་པོ་ཆེའི་གཏེར་སྟེ་འབྱུང་གནས་ཡིན་ནོ། །དེ་བཞིན་དུ་མང་དུ་ཐོས་པ་ཡང་གྲགས་པའི ་འབྱུང་གནས་ཡིན་ཏེ། མང་དུ་ཐོས་པ་རྒྱ་མཚོ་ལྟ་བུ་ནི་རྣམ་པ་དུ་མར་བསྒྲགས་ཏེ་བྱང་ཆུབ་སེམས་དཔའ་ས་གསུམ་པར་ཆུད་པ་དག་ཀྱང་ཚིགས་སུ་བཅད་པ་གཅིག་གི་ཆེད་དུ་ཡང་འཇིག་རྟེན་གྱི་ཁམས་མེས་ཡོངས་སུ་གང་བ་རྒལ་ནས ་ཆོས་ཉན་པར་གསུངས་པའི་ཕྱིར་རོ། །དཔལ་ནི་འབྱོར་པ་ཕུན་སུམ་ཚོགས་པ་སྟེ། མང་དུ་ཐོས་པ་ཤེས་རབ་དང་ལྡན་པའི་མཁས་པའི་ཡོ་བྱད་ཀྱི་འབྱོར་པས་འཕོངས་པར་མི་འགྱུར་ཏེ། གཞན་གྱིས་བསྙེན་བཀུར་བྱེད་པའི་ཕྱིར་ཏེ། ཇི ་སྐད་དུ་གོང་དུ་སྦྱིན་བདག་རྣམས་ཀྱིས་གསོལ་པ་བཏབ་པས་ནོར་ནི་རྒྱ་ཆེ་བར་འགྱུར་ཅེས་བཤད་པ་ལྟ་བུའོ། །ཡང་ན་དཔལ་ནི་འཇིག་རྟེན་ལས་འདས་པའི་ཕུན་སུམ་ཚོགས་པ་སྟེ། ཇི་སྐད་དུ་དེ་བཞིན ་གཤེགས་པའི་གསང་བ་བསམ་གྱིས་མི་ཁྱབ་པ་ལས། འཇིག་རྟེན་གཏེར་ཆེན་རྣམས་ནི་རྒྱལ་པོ་དང། །རྐུན་པོ་མེ་ཆུས་བསླུས་པས་ཟད་པར་འགྱུར། །དེ་བཞིན་གཤེགས་པ་རྣམས་ཀྱི་གཏེར་ཆེན་ནི། །སྐལ་པ་བྱེ་བ་མང་པོར ་ཆུད་མི་ཟ། །སེམས་ཅན་དོན་བརྩོན་བྱང་ཆུབ་སེམས་དཔའ་ནི། །ཚུལ་བཞིན་ཉིད་ཀྱི་དབེན་སེམས་གང་ཡིན་དང། །རྟག་ཏུ་བག་ཡོད་འཆི་མེད་རྒྱུ་ཡིན་ཏེ། །ཡོངས་སུ་འཛིན་མེད་བདེ་བ་ཀུན་གྱི་རྒྱུ། །ཞེས་འབྱུང་བ་ལྟ་བུའོ། །ཡ་རབས ་རྣམས་དང་ཕྲད་ན་སྐྱེས་ཀྱི་མཆོག་།ནི་དམ་པ་རྣམས་ཐོས་པ་ལས་རྟོགས་པ་འཐོབ་པས་ཕྱིན་ཅི་མ་ལོག་པའི་ཐོས་པ་ཉིད་དོན་དུ་གཉེར་ཞིང་གཞན་ལ་ཡང་དེ་ཉིད་འཆད་ཀྱི་ནོར་ལ་སོགས་པའི་སྐྱེས་ནི་མ་ཡིན་ཏེ། ཉེར་རྒྱལ་གྱིས ་བདུད་རྩི་ཐོབ་པའི་དོན་ཉིད་པར?་ནས་སྐྱེས་ཀྱིས་ཞུས་ཤིང་དཔེ་བཤད་པས་ཆོས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་ལྟ་བུའོ། །ཚོགས་ཀྱི་ནང་ན་མཁས་པ་དག་དགའ་བར་འགྱུར་པ་ནི་དཔེར་ན་དབུལ་པོ་ངེས?་བ་ལྟ ་བུ་སྟེ། དེ་ལ་ཐོས་པ་ལ་སོགས་པའི་ནོར་ཡོད་པས་དེ་བཞིན་གཤེགས་པ་ལ་སོགས་པ་འཁོར་གྱི་ཚོགས་ཀྱིས་བསྔགས་ཏེ། སེམས་ཅན་གྱི་ཚོགས་ཐམས་ཅད་རྒྱལ་པོ་གསལ་རྒྱལ་ལྟ་བུར་གྱུར་པ་དག་གིས་ངེས་པའི ་གོམ་པ་བདུན་པོར་བའི་ཆར་ཡང་མི་ཕོད་དོ་ཞེས་གསུངས་པ་ལྟ་བུའོ། །ཕལ་གྱི་རྒོལ་བ་ཉི་མ་འོད་དང་འདྲ་བ། ཞེས་བྱ་བ་ནི་འོད་གཞན་རྣམས་ཉི་མའི་འོད་ཀྱིས་ཟིལ་གྱིས་གནོན་པ་ལྟར་ཕ་རོལ་སྨྲ་བ་རྣམས་ཀྱང་མང་དུ་ཐོས ་བས་ཚར་གཅོད་དོ། །ཇི་སྐད་དུ་གཡུལ་ངོའི་ཚེ་ན་དཔའ་བོ་བལྟ། །བཟའ་བཏུང་ཚེ་ན་ཉེ་དུ་བལྟ། །མི་བཟད་དུག་ལ་གསང་སྔགས་བལྟ། །དོན་རྟགས་ཚེ་ན་མཁས་པ་བལྟ། །ཞེས་གསུངས་པ་སྟེ་དོན་གང་ལ་རྩོད་པ་ལ་ཕ་རོལ་ཟིལ?་གྱིས་གནོན ་པ་ནི་མང་དུ་ཐོས་པའི་ཤེས་རབ་སྟེ་སློབ་དཔོན་འཕགས་པའི་ལྷས་མུ་སྟེགས་ཀྱི་སྟོན་པ་རྟ་དབྱངས་ཚར་གཅད་པ་ལྟ་བུའོ། །འགྲན་པ་རྣམས་ཀྱི་གྲགས་དང་དྲེགས་བསེལ། །ཞེས་བྱ་བ་ནི། ཇི་ལྟ་ཀུན་ཏུ་རྒྱུ་བྱང་ཆུབ་ཆེན་པོས་ཕྲག་དོག་གི་དྲི་མས་རྒྱུད ་ཉམས་པ་བློན་པོ་ལྔ་ཆོས་དང་མཐུན་པར་ཚར་གཅད་པ་ལྟ་བུའོ། །མི་ཤེས་རྣམས་ཀྱང་ཕ་རོལ་མང་དུ་ཐོས་པ་ཆོས་སྨྲ་བ་རྣམས་ཀྱི་ཡོན་ཏན་གྱི་ཁྱད་པར་རབ་ཏུ་ཆེ་བ་རྣམ་པར་སྒྲོགས་ཤིང་སྙན་པར་སྨྲ་བར་བྱེད་པ་སྟེ། ལེགས་པར་གསུངས་པ་ངོ ་མཚར་ཏོ་ཞེས་ཆེད་དུ་བརྗོད་པ་ཆེད་དུ་བརྗོད་དོ་ཞེས་བྱ་བ་མདོ?་དུ་མ་ལས་མཐོང་པའོ། །གཞན་དག་ལ་ཡིད་ཆེས་པ་སྐྱེད་པར་བྱེད་པའི་ཡོན་ཏན་ནི། གཏན་ཚིགས་དོན་རྣམས་རབ་ཏུ་གསལ་བར་སྟོན། གཙུག་ལག་ལུང་རྣམས་སྣ་ཚོགས་དོན་དང་མཐུན ་ཞེས་བྱ་བ་སྟེ། གཏན་ཚིགས་ཀྱིས་ལྐོག་དུ་གྱུར་པ་མི་རྟག་པ་ལ་སོགས་པར་ངེས་པར་བྱེད་དོ། །ལྐོག་ཏུ་གྱུར་པ་ཁ་ཅིག་ཀྱང་གཙུག་ལག་སྟེ་ལུང་དང་ལུང་སྟེ་བླ་མ་བརྒྱུད་པའི་ཚིག་གི་སྒོ་ནས་ངེས་བསྐྱེད་པ་འམ་ཡང་ན་གཙུག་ལག་གི་ལུང ་ཞེས་སྦྱར་ཏེ་སངས་རྒྱས་ཀྱི་བཀའ་ཞེས་བྱ་བའི་ཐ་ཚིག་གོ་།གཉེན་ཞིང་སྦྱངས་པ་ཡིད་དུ་འོང་བའི་ཕྱིར་མེ་ཏོག་འཕྲེང་བ་མ་རྙིངས་བཀྲམ་པ་བཞིན་ཞེས་བྱ་བ་ནི་མེད་དུ་ཐོས་པས་ལུས་དང་སེམས་ལས་སུ་རུང་བ་དང་དགའ་བ་སྐྱེད་པས་མེ་ཏོག ་འཕྲེང་བ་མ་རླེངས?་པ་ལྟ་བུའོ། །མང་དུ་ཐོས་པས་ཤིན་ཏུ་སྦྱངས་པ་སྐྱེ་བ་ནི་ཇི་སྐད་དུ་གཞན་ལས། ཇི་ལྟ་ཇི་ལྟར་ཆོས་ཐོས་པ་དེ་ལྟ་དེ་ལྟར་དོན་སོ་སོར་ཡང་དག་པར་རིག་པར་འགྱུར་ལ་དེ་ལས་རབ་ཏུ་དགའ་བ་དང་དེ་ལས་ཡིད་བདེ་ཞིང་ཤིན་ཏུ་སྦྱངས་པ་སྐྱེ?་ཞིང ་བདེ་བ་དང་ཡིད་བདེ་བས་མཉམ་པར་འཇོག་ཅིང་སེམས་རྣམ་པར་གྲོལ་བའི་བར་དུ་འགྱུར་རོ་ཞེས་གསུངས་སོ། །དེ་ནི་ཐོས་པའི་འབྲས་བུ་ཆེ་བ་ཡིན་ནོ། །དུལ་ཞིང་རབ་ཏུ་གསལ་བའི་སྤོབས་པ་སྐྱེ། ཞེས་བྱ་བ་ནི་ཐོས ་པ་ལས་འཕྲལ་ལ་ཤེས་རབ་ཀྱི་སྤོབས་པས་ཕ་རོལ་ལ་ཆོས་སྟོན་པའམ་ཆོས་དང་མཐུན་པར་ཚར་གཅོད་པར་བྱེད་ལ་དེ་ལྟར་ན་རྒྱགས་པ་དང་དྲེགས་པ་མི་འབྱུང་བས་དུལ་བའོ། །གྲགས་པ་ཆེན་པོ་ཆོས་བསྟན་པ་འམ་ཕ་རོལ་སྨྲ་བ ་ཚར་གཅད་པ་ལས་ཏེ། དེ་ཡང་མང་དུ་ཐོས་པ་ལས་འབྱུང་ངོ། །ཤིན་ཏུ་སྤྱངས་པའི་སྟོབས་ཀྱིས་སྨྲ་ལྕེ་བདེ་འགྱུར་ཞེས་སྨོས་སོ། །ཁྱད་པར་ཅན་གྱི་རྒྱུ་ཞེས་བྱ་བ་ནི་སྨྲ་ལྕེ་བདེ་བ་ཉིད་ཁྱད་པར་ཅན་གྱི་རྒྱུ་ཡིན་ནོ་ཞེས་བྱ་བའི་ཐ་ཚིག་གོ་། ་དོན་གསལ་རྟོགས་པར་འགྱུར་བ་ནི་བསམ་པ་དང་བསྒོམས་པ་ལས་བྱུང་བའི་རྒྱུར་སྟོན་ཏོ། །འགལ་བ་མེད་པ་ནི་མི་མཐུན་པ་མེད་པ་གཅིག་གི་གྲོགས་སུ་ཅིག་འགྲོ་བའོ། །འཁོར་གསུམ་ལམ། ནི་ཆོས་དང་སྲིད་དང་འབྱོར་པའོ། །དེའི་ལམ ་ནི་དེའི་ཐབས་སོ། །དེ་ལ་གནས་པར་འགྱུར་རོ་ཞེས་བྱ་བའོ། །ཐོས་པའི་རྗེས་འཇུག་བསྒྲུབ་པ་སྙིང་པོར་བྱེད་པ་ནི་ཇི་སྐད་དུ་ཐོས་ན་ཤེས་པར་འགྱུར་རོ། །ཤེས་ན་ནན་ཏན་བྱེད་དོ་ཞེས་འབྱུང་ངོ། །ནན་ཏན་བྱས་པ་ལས་སྐྱེ་བའི་རྫིང་ལས ་ཚོགས་ཆུང་ཐར་པར་འགྱུར་ཞེས་བྱ་བ་སྟེ། སྐྱེ་པའི་ཉམས་པ་ནི་གནས་མ་ཡིན་པས་རྫིང་ལྟ་བུའོ། །དེ་ལས་ཡང་དག་པར་འདའ་མི་མྱ་ངན་ལས་འདས་པ་ཐོབ་པར་འགྱུར་རོ་ཞེས་བྱ་སྟེ་མཐར་ཐུག་པའི་འབྲས་བུ་ཡིན་ནོ། །ཐོས་པའི ་འབྲས་བུ་ཡང་ཐོས་པས་ཆོས་རྣམས་ཤེས་པར་འགྱུར། །ཐོས་པས་སྡིག་ལས་ལྡོག་པར་འགྱུར། །ཐོས་པས་མྱ་ངན་འདའ་བར་འགྱུར་ཞེས་གསུངས་སོ། །དཀའ་ཐུབ་སྤྱོད་དང་མུ་སྟེགས་འགྲོ་བའི། །ཉོན་མོངས་མེད་པར་བསོད་ནམས ་ཡོན་ཏན་འགྲུབ་ཅེས་བྱ་བ་ལ་དཀའ་ཐུབ་ཀྱི་སྤྱོད་པ་ནི་བསྙུང་བར་གནས་པ་ལ་སོགས་པའོ། །མུ་སྟེགས་འགྲོ་བ་ནི་འཇུག་ངོགས་སུ་འཁྲུས་བྱེད་པ་ལ་སོགས་པ་སྟེ། དེ་ལྟ་བུའི་ངལ་བ་མ་བྱས་ཀྱང་བསོད་ནམས་ཀྱི་འབྲས་བུ་དེ་དག་ལས་ཁྱད་པར་དུ་འཕགས ་སོ་ཞེས་བྱ་བའོ། །ཐར་པ་ཐོབ་པས་འཇིག་རྟེན་གསུམ་ལ་འདའ་བའ་ཨི་ལམ་ཞེས་སྨོས། མཐོ་རིས་ཀྱི་གནས་སུ་འཇུག་པས་ལྷའི་གནས་སུ་འཇུག་པའི་སྒོ་ཡང་ཡིན་ཞེས་སྨོས་ཏེ། ཇི་སྐད་དུ། བདེན་པར་སྨྲ་ཞིང་ཁྲོ་མི་བྱ། །སློང་ལ་ཆུང་ཡང་སྦྱིན་པར་བྱ། །རྣམ་པ་འདི ་གསུམ་གནས་ཀྱིས་ན། །ལྷའི་གནས་སུ་སྐྱེ་བར་འགྱུར། །ཞེས་གསུངས་པ་ལྟ་བུའོ། །འཁོར་བའི་རྫིང་ལས་ཐར་པའི་ཟམ་པ་ཡིན་ཞེས་བྱ་བ་ནི་འཇིག་རྟེན་གསུམ་ལ་འདའ་བ་མདོ་ལས། དང་དོན་ཅིག་ཆོད་ཀྱི་དཔེའི?་ཆེ་བའི་ཚུལ་གྱིས་ཐ་དད་དུ་བསྟན་ཏེ། རང་གི་ཁྱིམ ་གྱི་དགའ་བའི་ཁྱད་པར་མི་རིགས་པར་བསྟན་པའི་ཕྱིར་རྔ་སྒ་ཞེས་བྱ་བ་ལ་སོགས་པ་སྨོས་སོ། །མི་ཅིག་གིས་མི་དུ་མ་ཐུབ་ན་རང་གི་སེམས་ཉིད་མི་ཐུབ་པ་ནི་མི་རིགས་སོ་ཞེས་སྟོན་པ་ནི་རྒྱལ་པོ་ཅིག་པུས་ཞེས་བྱ་བ་ལ་སོགས་པའོ།། །། ་སུ་ཏ་མའི་རབས་ཏེ་སུམ་ཅུ་རྩ་གཅིག་པའོ།། །།གང་གི་སྨིན་པ་དྲག་ཏུ་འབབ་པ་འདྲ་ཞེས་བྱ་བ་ནི་ཆུའི་གང་ག་སྨིན་ཅིང་བྲུག?་པ་ཕྱོགས་ཀུན་ཏུ་འབོ་བ་དང་འདྲའོ་ཞེས་བྱ་བའོ། །རྒྱ་མཚོ་ཆེན་པོ་རྣམས་ཀྱི་སྒྲ་ཡང་བྱུང། །ཞེས་པ་འབྲུག ་སྒྲ་ཆེན་པོ་རྣམས་ཀྱི་སྒྲ་ཡང་ཕུང་ཞེས་པ་མེ་གྷ་སར་ཞེས་བྱ་བ་ནི་འབྲུག་སྒྲའོ། །ཐབས་དང་རབ་ཏུ་ལྡན་པ་ནི་འཛངས་པའི་ཁྱད་པར་རོ། །མཐུ་ཡོད་པ་ནི་ཤིན་ཏུ་དཔའ་བ་སྟེ་དེ་ལྟ་བུར་གྱུར་ཀྱང་ངོ། །བདེ་དང་བསོད་ན?་རྣམས་གྲགས་པ་ཐོབ་པར་འགྱུར་ཞེས་བྱ་བ་ལ ་བདེ་རང་གྲགས་པ་ནི་ཚེ་འདི་ལ་ཕན་པའི་རྒྱུའོ། །བསོད་ནམས་ནི་གཞན་ལ་ཕན་པའི་རྒྱུའོ། །མི་རྣམས་ཆོས་ཀྱིས་བསྲུངས་ཀྱི་ཞེས་བྱ་ནི་ཆོས་དང་ལྡན་ན་ཚེ་འདི་དང་གཞན་གྱི་གནོད་པ་ལས་བསྲུང་བར་འགྱུར། ཇི་སྐད་དུ་གན་ལ་དོན་དུ་དེ་འཕངས་པ། །དེ་ལ་དོན ་དུ་བདག་ལུས་འཕངས། །ཞེས་གསུངས་པ་ལྟ་བུའོ། །ཆོས་ཀྱི་བདེ་བ་ཆེན་པོ་འཐོབ་པ་ནི་མཐར་པའི་བདེ་བའོ། །ཤིན་དགའ་བ་ནི་འགྱོད་པ་མེད་པའོ། །ལས་ཀྱི་ཁྱད་པར་དག་ཀྱང་ཇི་བཞིན་གནས་ཞེས་བྱ་བ་ནི། རང་རང་གི་འབྲས་བུ ་ཇི་ལྟ་བ་བཞན་གནས་ཏེ་དའི་རྒྱུ་ཡིན་ནོ་ཞེས་བྱ་བའི་ཐ་ཚིག་གོ་།དེ་ཉིད་བཤད་པ་ནི་ལྷག་མ་ཚིག་རྐང་གསུམ་མོ། །འཆི་བའི་འདུ་ཤེས་བསྐྱེད་པའི་བསྔགས་པ་བརྗོད་པ་བྱ་བ་ལ་སོགས་པ་ལ་འཆི་བའི་འདུ་ཤེས་དང་འཇིག་རྟེན་ཐམས་ཅད་ལ ་མངོན་པར་མི་དགའ་བ་ལ་སོགས་པའི་འདུ་ཤེས་ལ་སོགས་པ་ནི་ཤིན་ཏུ་དོན་ཆེ་བ་སྟེ། བསླབ་པ་གསུམ་གྱིས་མྱ་ངན་ལས་འདས་པའི་གྲོང་ཁྱེར་དུ་འགྲོ་བའི་མི་མཐུན་པའི་ཕྱོགས་པ་སྡུག་པའི་མཚན་མར་འཛིན་པ་ལ་སོགས་པ་བཅུའི་གཉེན ་པོར་མི་སྡུག་པའི་འདུ་ཤེས་དང། མི་རྟག་པའི་འདུ་ཤེས་དང། མི་རྟག་པ་ལ་སྡུག་བསྔལ་བའི་འདུ་ཤེས་དང། སྡུག་བསྔལ་བ་ལ་བདག་མེད་པའི་འདུ་ཤེས་དང། ཟས་ལ་མི་མཐུན་པའི་འདུ་ཤེས་དང། འཇིག་རྟེན་ཐམས་ཅད་ལ་མངོན་པར ་མི་དགའ་བའི་འདུ་ཤེས་དང། སྣང་བའི་འདུ་ཤེས་དང། འདོད་ཆགས་དང་བྲལ་བའི་འདུ་ཤེས་དང། འགོག་པའི་འདུ་ཤེས་དང། འཆི་བའི་འདུ་ཤེས་སོ་ཞེས་དོན་ཆེ་བར་གསུངས་སོ། །ལྕགས་ཀྱི་ཁྱིམ་ནས་སྐྱེས་པའི་རབས་ཏེ་སུམ་ཅུ་རྩ ་གཉིས་པའོ།། །།ལས་ཀྱི་དབང་གི་དེ་ལྟར་དེར་གྱུར་ཏམ། །སྔོན་སྙིང་རྗེ་ལ་སོགས་པ་གོམས་ཀྱང་ཚུལ་ཁྲིམས་ངན་པའི་རྒྱུས་ངན་འགྲོར་སྐྱེ་བ་སྲིད་པ་ཉིད་དོ། །དེ་ཉིད་མཐུ་ཡིས་དེ་ནི་དེ་ལྟར་གྱུར་ཅེས ་བྱ་བ་ལ་མི་དགེ་བའི་རྣམ་པར་སྨིན་པའི་རྒྱུའི་འཕེན་པ་དེ་དང་དེ་ལས་འབྲས་བུ་ངན་འགྲོའི་ལུས་དང་དེ་དང་དེ་ལྟ་བུ་སྟེ་ཚིགས་སུ་བཅད་པ་གཉིས་པོ་དེས་ནི་ལས་ཀྱི་ནུས་པའི་སྟོབས་ཤིན་ཏུ་གསལ་བར་བྱེད་དོ། །ཅེས་བྱ་བ་ནི་སྐྱེ་བ་ལ ་དབང་ཐོབ་པའོ། །ལས་ཀྱི་དབང་གིས་ཡིན་པ་ཉིད་གསལ་བར་བྱེད་པ་ན་ཇི་སྐད་དུ། ཞེས་པ་ལ་སོགས་པའོ། །ལས་ཀྱི་སྟོབས་ཀྱིས་སྐྱེ་བ་ལ་ཡང་དགེ་བས་ངན་འགྲོར་མི་འགྲོ་བས་མི་དགེ་བ་ཉིད་ཀྱིས་ལས་ཀྱིས་ནུས་པ་ཡོད་པར་སྟོན་པ་ནི་ཡང? ་ཞེས་བྱ་བའོ། །ལས་ཀྱི་བག་ཆགས་ཀྱིས་དེ་དང་དེ་བརྟེན་ཏེ་དེ་ལྟ་དེ་ལྟར་གྱུར་ཅེས་བྱ་བ་ལ་མི་དགེ་བའི་རྣམ་པར་སྨིན་པའི་རྒྱུའི་འཕེན་པ་ད་དང་དེ་ལས་འབྲས་བུ་ངན་འགྲོའི་ལུས་དེ་དང་དེ་ལྟ་བུ་སྟེ། ཚིགས་སུ་བཅད་པ་གཉིས་པ་ངེས་ནི་ལས་ཀྱི་ནས་པའི ་སྟོབས་ཤིན་ཏུ་གསལ་བར་བྱེད་དོ། །རབ་ཏུ་རྣམ་པར་འགྱུར་བར་བྱེད་ཞེས་བྱ་བ་ནི་རྣམ་པར་འཚེ་ཞིང་འཐོ་འཚམ་པར་བྱེད་པའོ། །དམན་པའི་ཚུལ་གྱི་སྤྱོད་པ་ནི་ཤིན་ཏུ་སྙིང་རྗེ་བ་ལ་སོགས་པར་སྟོན་པའི་གཡོ་བྱེད་པའོ། །ཚ་ཞིང་དྲོད་ཆེ་རྩུས་པས ་སྒྲུབ་པའི་ཞེས་བྱ་བ་ནི་དེ་ལྟ་བུའི་སྨན་གྱིས་བསམ་པ་བསྒྲུབ་པར་བྱའོ། །དེ་ནི་བསིལ་བ་དང་འཇམ་པ་དང་མངར་བ་ལ་སོགས་པའི་སྨན་གྱིས་འཕེལ་བ་ཞེས་བྱ་བའོ། །དེ་ལས་གཞན་པ་དྲིན་མེད་ཅི་འདྲ་ཞིག་ཅེས་བྱ་བ་ནི་ཕན་འདོགས་པ་ཆེ ་བ་ལ་གནོད་པར་སེམས་པ་ནི་དྲིན་མེད་པ་ཡིན་པས་དེ་སྐད་ཅེས་བྱའོ། །ཡོན་ཏན་རྣམས་ལ་མི་དགའ་ཞིང་ཞེས་བྱ་བ་ནི་བཟོད་པ་ལ་མི་དགའ་བར་མ་བྱས་ན་ཡང་ནུས་པ་སུ་ཞིག་ཡོད་ཅེས་སྦྱར་རོ། །སྦྱོར་བའི་སྒ་ནས་མི་སྲུན་པ་ནི་མ ་བཏུལ་ན། ཞེས་པ་དང། བསམ་པའི་སྒོ་ནས་བཟོད་པ་སྡོམ་པ་མ་བཏང་ན་ཞེས་སྦྱར། གཞན་ལ་གནོད་པ་བྱས་པའི་བདེ་བ་འམ། །སྡུག་བསྔལ་འབྱུང་བ་དགག་པར་འདོད་པ་དེའི། །ཞེས་བྱ་བ་ལ་གཞན་ལ་གནོད་པ་བྱས་པས་བདག ་ལ་བདེ་བ་དང་བདག་ལ་སྡུག་བསྔལ་འབྱུང་བ་དགག་པར་འདོད་པ་ཞེས་བྱ་བ་དེ་མ་འགྲུབ་པས་མཁས་དེ་མི་བྱེད་དོ་ཞེས་བྱ་བ་ཚིག་ཕྱི་མ་གཉིས་སོ། །དེ་ལྟར་རང་གི་དོན་གྱི་བཟོད་པའི་སོགས་པ་བསྟན་ནས་གཞན་གྱི་དོན་དུ་འགྱུར ་བའི་དགོས་པ་སྟོན་པ་ནི། དེ་བས་ཞེས་པ་ལ་སོགས་པའི་ཚིགས་སུ་བཅད་པ་གཅིག་གོ་།དེ་བས་བདག་གིས་བཟོད་པ་ལ་གནས་ནས། ཐབས་ཀྱིས་བསྒོ་ཡང་གལ་ཏེ་མི་གོ་ན། ཞེས་བྱ་བ་ནི་གནོད་པ་བྱེད་པ ་ཉིད་ལ་ཡང་དོན་གྱིས་བཟོད་པ་བསླབས་པ་ཡིན་ནོ་ཞེས་བྱ་བའི་ཐ་ཚིག་གོ་།གལ་ཏེ་དེ་ལམ་ཕན་ན་ཡང་གཞན་བཟོད་པ་ལ་གནས་པར་འགྱུར་བ་ནི་བཟོད་པ་ཆུང་བ་གཞན་དག་ཡོད་པས་ན། དེ་དག་འདི་ནི་ལོག་པའི་ལམ ་ལས་བཟློག་།ཅེས་བྱ་བ་སྟེ་དེ་ནི་གནོད་པ་བྱེད་པའི་གང་ཟག་ལ་ཕན་པའི་དབང་དུ་མ་བྱས་ཀྱི་གནོད་པ་བྱེད་པ་ལ་མི་བཟོད་པའི་སྐྱེ་བོ་ལ་ཕན་པའི་དབང་དུ་བྱས་པའོ། །བདག་དང་གཞན་ལ་ཕན་པ་དེས་ན་སྐྱེ་བོ་དེ་ལྟ་བུས ་བརྙས་བྱས་ན། བདག་ལྟ་བཱུང་དེ་ལྟར་དེ་མི་བྱེད་ཅེས་བྱ་བ་སྟེ་བདག་ལྟ་བུ་ཕར་གནོད་པ་ནུས་ཀྱང་དེ་ལྟར་གནོད་པ་དེ་མི་བྱེད་ཅེས་བྱ་བའོ། །ཕ་རོལ་གྱིས་ཀྱང་ཉེས་དམིགས་མཐོང་ན་དེ་ལྟར་ཕྱིས་མི་བྱེད་པས་འོན་ཏེང་བདག་ནི ་གནོད་པ་དེ་ལས་ཐར་བར་འགྱུར་ཞེས་བྱ་བའོ།། །།མ་ཧེའི་རབས་ཏེ་སུམ་ཅུ་རྩ་གསུམ་པའོ།། །།བདུད་རྩིར་གྱུར་ཞེས་བྱ་བ་ནི་མི་འཆི་བར་གྱུར་ཅིག་ཅེས་བྱ་བའོ། །ཕན་བཏགས ་དྲིན་མེད་པའི?་དུལ་མེ་ཏོག་བཞིན་ཞེས་བྱ་བ་ནི་ཤིང་པི་དུལ་ཞེས་བྱ་བའི་མེ་ཏོག་ལས་འབྲས་བུ་མི་འབྱུང་བ་དང་འདྲ་བར་ངན་པ་ལ་ཕན་བཏགས་ཀྱང་ཕན་པ་མི་འབྱུང་ངོ་ཞེས་བྱ་བའི་ཐ་ཚིག་གོ་།ཡོན་ཏན་གྲགས་དང་བཅས ་པའི་ལུས་བཀྲུས་པས། །གླང་པོ་ཆེའི་ཚུལ་དུ་སྤྱད་པར་མི་འགྱུར་རམ། ཞེས་བྱ་བ་ནི་སྔ་མ་ཆུད་གཟན་པའི་ཉེས་པ་སྟེ་ཕན་བཏགས་པ་ལ་གནོད་པ་བྱས་ན་ནི་ཕན་བཏགས་བསོད་ནམས་དང་ཕན་བཏགས་པའི་གྲགས་པ་གཉིས ་ཀ་ཉམས་པར་བྱས་པའི་ཕྱིར་ཏེ། ཇི་ལྟར་གླང་པོ་ཆེ་ལུས་ཀྱི་དྲི་མ་བཀྲུ་བའི་ཕྱིར་མཚོར་ཞུགས་ལ་ཡང་བསྐ་མ་པའི་ཕྱིར་བྱེ་མ་ལ་འགྲེས་པས་སྔ་མ་ཆུད་གཟན་པ་ལྟ་བུའོ། །དྲིན་མེད་པའི་ཉེས་པ་སྟོན་པ་ནི་ཕ་རོལ་ཞེས་བྱ་བའི་ཚིགས་སུ ་བཅད་པའོ། །ཕ་རོལ་ལ་ཉེས་པ་ཡོད་ཀྱང་བདག་དེ་ལ་ཉེས་པ་མེད་པར་བྱེད་པ་ནི་འདི་ལ་ཞེས་བྱ་བ་ལ་སོགས་པའོ།། །།བྱ་ཤིང་རྟ་མོའི་རབས་ཏེ་སུམ་ཅུ་རྩ་བཞི་པའོ།། །།སྐྱེས ་པའི་རབས་ཀྱི་རྒྱུད་ཀྱི་ཚིག་གི་ཆ་དཀའ་བ་རྣམ་པར་འགྲེལ་པ། སློབ་དཔོན་པིརྱ་སིད་ཧས་མཛད་པའི། །རྫོགས་སོ།། །།འགྱུར་གྱི་ཉེས་པ་འམ་ཡི་གེ་ལྷག་ཆད་དམ། །དེ་ལྟ་མིན་ཡང་ཤེས་རབ་ཞན་པ་ཡིས། ་ཚིག་གི་དོན་གང་ཉེས་པར་བཤད་གྱུར་པ། །དམ་པ་རྣམས་ལ་དེ་ནི་བཟོད་པར་གསོལ། །གང་དག་ལེགས་པར་བཤད་གྱུར་པས། །སྐྱེ་བོ་བློ་ངན་དག་ལ་ཕན་གྱུར་པའི། །དགེ་བ་བདག་གིས་བསགས་པ་གང་དེ་ཡིས། །འཇིག་རྟེན་མ་ལུས ་སྒྲོལ་བའི་བླ་མར་ཤོག། །། །།དབང་ཕྱུག་བྱེད་པ་པོ་ཉིད་སེལ་བ་དང་ཁྱབ་འཇུག་བྱེད་པ་པོ་ཅིག་ཉིད་སེལ་བར་བྱེད་པ་བཞུགས།། །། ་