Wylie

e-texts based on the ACIP/ALL Input

པ་ནི་དེ་བཞིན་གཤེགས་པའི་དགེ་བསམ་གཏན་ཞེས་བྱའོ། །ཆོས་ཀྱི་རྣམ་གྲངས་ཀྱི་བརྗེད་བྱད་ཞེས་བྱ་བ་ལོ་ཙཱ་བ་ཆེན་པོ། །དཔལ་བརྩེགས་པ་ཀཱི་ཏ་ལ་སོགས་པ་རྣམས་ཀྱིས་མཛད་པ་རྫོགས་སོ།། །། ་ཆོས་ཀྱི་རྣམ་གྲངས་ཀྱི་བརྗེད་བྱང་གི་རྩ་བ་ཨ་ཙརྱ་དཔལ་བརྩེགས་ལ་སོགས་པས་མཛད་པ། །ཆོས་ཀྱིས་རྣམ་གྲངས། །དཔལ་འཇམ་པའི་དབྱངས་ལ་ཕྱག་འཚལ་ལོ། །ཕུང་པོ་ལྔ་ནི། གཟུགས་ཀྱི་ཕུང་པོ་དང། ཚོར་བའི་ཕུང་པོ་དང། འདུ ་ཤེས་ཀྱི་ཕུང་པོ་དང། འདུ་བྱེད་ཀྱི་ཕུང་པོ་དང། རྣམ་པར་ཤེས་པའི་ཕུང་པོའོ། །དེ་ལས་གཟུགས་ཀྱི་ཕུང་པོ་ནི་བཅོ་ལྔ་སྟེ། འབྱུང་བ་ཆེན་པོ་བཞི་དང། དེས་རྒྱུད་བྱས་པའི་གཟུགས་བཅུ་གཅིག་གོ་།འབྱུང་བ་ཆེན་པོ་བཞི ་ནི་སའི་ཁམས་དང། ཆུའི་ཁམས་དང། མེའི་ཁམས་དང། རླུང་གི་ཁམས་སོ། །རྒྱུར་བྱས་པའི་གཟུགས་ནི། མིག་གི་དབང་པོ་དང། རྣ་བའི་དབང་པོ་དང། སྣའི་དབང་པོ་དང། ལྕེའི་དབང་པོ་དང། ལུས ་ཀྱི་དབང་པོ་དང། གཟུགས་དང། སྒྲ་དང། དྲི་དང། རོ་དང། རེག་བྱ་རྣམ་པར་རིག་བྱེད་མ་ཡིན་པའོ། །ཚོར་བའི་ཕུང་པོ་ནི་གསུམ་ཏེ་བདེ་བ་དང། སྡུག་བསྔལ་དང། གཉི་ག་མ་ཡིན་པ་རྣམས་སོ། ། ་འདུ་ཤེས་ཀྱི་ཕུང་པོ་ཡང་གསུམ་སྟེ། ཆུང་ངུ་དང། རྒྱ་ཆེན་པོར་གྱུར་པ་དང། ཚད་མེད་པའོ། །འདུ་བྱེད་ཀྱི་ཕུང་པོ་ནི་སེམས་ལས་བྱུང་པའི་འདུ་བྱེད་ལྔ་བཅུ་རྩ་གཅིག་དང། སེམས་དང་མི་ལྡན་པ་བཅུ་བཞིའོ། ། ་སེམས་ལས་འབྱུང་བའི་འདུ་བྱེད་ན། རོག་པ་དང། ཡིད་ལ་བྱེད་པ་དང། ཚོར་བ་དང་འདུ་ཤེས་དང། སེམས་པ་དང། ལྔ་ནི་ཀུན་ཏུ་འགྲོ་བའོ། །འདུན་པ་དང། མོས་པ་དང། དྲན་བ་དང། ཏིང་ངེ་འཛིན་དང། ་ཤེས་རབ་ནི། ཡུལ་སོ་སོར་ངེས་པའོ། །དད་པ་དང། ངོ་ཚ་ཤེས་པ་དང། ཁྲེལ་ཡོད་པ་དང། མ་ཆགས་པའི་དགེ་བའི་རྩ་བ་དང། ཞེ་སྡང་མེད་པའི་དགེ་བའི་རྩ་བ་དང། གཏི་མུག་མེད་པའི་དགེ་བའི་རྩ་བ ་དང། བརྩོན་འགྲུས་དང། ཤིན་ཏུ་སྦྱངས་པ་དང། བག་ཡོད་པ་དང། བཏང་སྙོམས་དང་རྣམ་པར་མི་འཚེ་བ་དང། བཅུ་གཅིག་པོ་འདི་ནི་དགེ་བའོ། །འདོད་ཆགས་དང། ཁོང་ཁྲོ་བ་དང། ང་རྒྱལ ་དང། མ་རིག་པ་དང། ལྟ་བ་དང། ཐེ་ཙོམ་དང། དྲུག་ནི་ཉོན་མོངས་པའོ། །ཁྲོ་བ་དང། འཁོན་དུ་འཛིན་པ་དང། འཆབ་བ་དང། ཚིག་པ་དང། ཕྲག་དོག་དང། སེར་སྣ་དང། གཡོ་དང། རྒྱུ ་དང། རྒྱགས་པ་དང། རྣམ་པར་འཚེ་བ་དང། ངོ་ཚ་མེད་པ་དང། ཁྲེལ་མེད་པ་དང། རྨུགས་པ་དང། རྒོད་པ་དང། མ་དད་པ་དང། ལེ་ལོ་དང། བག་མེད་པ་དང། བརྗེད་ངས་པ་དང། རྣམ ་པར་གཡེང་བ་དང། ཤེས་བཞིན་མ་ཡིན་པ་དང། ཉི་ཤུ་ནི་ཉེ་བའི་ཉོན་མོངས་པ། །འགྱོད་པ་དང། གཉིད་དང། རྟོག་པ་དང། དཔྱོད་པའོ། །བཞི་པོ་འདི་གཞན་དུ་འགྱུར་བའོ། །དེ་ལ་ལྔ་ནི་ཀུན་ཏུ་འགྲོ ་བའོ། །ལྔ་ནི་ཡུལ་སོ་སོར་ངེས་པའོ། །བཅུ་གཅིག་ནི་དགེ་བའོ། །དྲུག་ནི་ཉོན་མོངས་པའོ། །ཉི་ཤུ་ནི་ཉེ་བའི་ཉོན་མོངས་པའོ། །བཞི་ནི་གཞན་དཱུང་འགྲོ་བའོ། །དེ་ལ་ང་རྒྱལ་ནི་རྣམ་པ་བདུན་ཏེ། ང ་རྒྱལ་དང། ཚ?་བའི་ང་རྒྱལ་དང། ང་རྒྱལ་ལས་ཀྱང་ང་རྒྱལ་དང། ངའོ་སྙམ་པའི་ང་རྒྱལ་དང། མངོན་པའི་ང་རྒྱལ་དང། ཅུང་ཟད་སྙམ་པའི་ང་རྒྱལ་དང། ལྷག་པའི་ང་རྒྱལ་ལོ། །ལྟ་བ་ནི་རྣམ་པ་ལྔ་སྟེ། འཇིག ་ཚོགས་ལ་ལྟ་བ་དང། མཐར་འཛིན་པར་ལྟ་བ་དང། ལོག་པར་ལྟ་བ་དང། ལྟ་བ་མཆོག་ཏུ་འཛིན་པ་དང། ཚུལ་ཁྲིམས་དང། བརྟུལ་ཞུགས་མཆོག་ཏུ་འཛིན་པའོ། །སེམས་དང་ལྡན་པ ་མ་ཡིན་པའི་འདུ་བྱེད་ནི་གཟུགས་དང། སེམས་སེམས་ལས་འབྱུང་བའི་གནས་སྐབས་ལ་གདགས་ཏེ། ཐོབ་པ་དང། འདུ་ཤེས་མེད་པའི་འགོག་པ་ལ་སྙོམས་པར་འཇུག་པ་དང། འགོག་པའི་སྙོམས་པར་འཇུག་པ་ལ ་འདུ་ཤེས་མེད་པ་དང། སྲོག་གི་དབང་པོ་དང། རིགས་མཐུན་པ་དང། སྐྱེ་བ་དང། རྒ་བ་དང། གནས་པ་དང། མི་རྟག་པ་དང། མིང་གི་ཚོགས་དང། ཡི་གེའི་ཚོགས་དང། སོ་སོའི་སྐྱེ་བ་ཉིད་དང། དེ་ལྟ་བུའི ་ཆ་དང། མཐུན་པ་རྣམས་སོ། །རྣམ་པར་ཤེས་པའི་ཕུང་པོ་ནི། རྣམ་པར་ཤེས་པ་བརྒྱད་དེ། མིག་གི་རྣམ་པར་ཤེས་པ་དང། རྣ་བའི་རྣམ་པར་ཤེས་པ་དང། སྣའི་རྣམ་པར་ཤེས་པ་དང། ལྕེའི་རྣམ་པར་ཤེས་པ ་དང། ལུས་ཀྱི་རྣམ་པར་ཤེས་པ་དང། ཡིད་ཀྱི་རྣམ་པར་ཤེས་པ་དང། ཉོན་མོངས་པ་ཅན་གྱི་ཡིད་དང། ཀུན་བཞི་རྣམ་པར་ཤེས་པའོ། །ཡིད་ཀྱི་རྣམ་པར་ཤེས་པའི་དབང་པོ་ནི་རྣམ་པར་ཤེས་པ་དྲུག་པོ་འགགས་མ་ཐག ་པའོ། ཡུལ་ནི་བརྒྱད་དེ། ཚོར་བ་དང། འདུ་ཤེས་དང། འདུ་བྱེད་དང། རྣམ་པར་རིག་བྱེད་ཡིན་པ་དང། འདུས་མ་བྱས་ནམ་མཁའ་དང། སོ་སོར་བརྟགས་པ་མ་ཡིན་པའི་འགོག་པ་དང། སོ་སོར་བརྟགས་པའི ་འགོག་པ་དང། དེ་བཞིན་ཉིད་དོ། །ཉོན་མོངས་པ་ཅན་གྱིས་ཡིད་ཀྱི་འཁོར་བཞི་ནི། བདག་ཏུ་ལྟ་བ་དང། བདག་ཏུ་ང་རྒྱལ་པ་དང། བདག་ཏུ་ཆགས་པའོ། །ཀུན་བཞི་རྣམ་པར་ཤེས་པ་འདི། ས་བོན་ཐམས་ཅད ་ཀྱི་གཞི་ཉིད་དང། ལུས་ཀྱི་ཀུན་བཞི་དང། རྒྱུ་ཉིད་དང། ལུས་ལ་གནས་པ་ཉིད་དང། དམིགས་པ་དང། རྣམ་པ་ཡོངས་སུ་མཆོད་པ་དང། རིས་གཅིག་པ་དང། རྒྱུན་ཆགས་པར་འཇུག་པའོ། །སྐྱེ ་མཆེད་བཅུ་གཉིས་ནི། མིག་གིས་སྐྱེ་མཆེད་དང། རྣ་བའི། སྣའི། ལྕེའི། ལུས་ཀྱི། ཡིད་ཀྱི། གཟུགས་ཀྱི། སྣའི། དྲིའི། རོའི། རེག་བྱའི། ཆོས་ཀྱི་སྐྱེ་མཆེད་དོ། །ཁམས་བཅོ་བརྒྱད ་ནི་མིག་གི་ཁམས་དང། གཟུགས་ཀྱི་ཁམས་དང། མིག་གི་རྣམ་པར་ཤེས་པའི་ཁམས་དང། རྣ་བ། སྣ། ལྕེ། ལུས། ཡིད། རྣམ་པར་ཤེས་པའི་ཁམས་སོ། རྟེན་ཅིང་འབྲེལ་པར་འབྱུང ་བ་ནི། ཕྱི་རྟེན་ཅིང་འབྲེལ་པར་འབྱུང་བའོ། །ནང་རྟེན་ཅིང་འབྲེལ་པར་འབྱུང་བའོ། །ཕྱིའི་རྟེན་ཅིང་འབྲེལ་པར་འབྱུང་བ་ནི། ས་བོན་ལས་ནི་མྱུ་གུ། མྱུ་གུ་ལས་མདབ་མ། མདབ་མ་ལས་སྡོང་བུ ་སྡོང་བུ་ལས་སྦུ་གུ། སྦུ་གུ་ལས་སྙིང་པོ། །སྙིང་པོ་ལས་མེ་ཏོག་མེ་ཏོག་ལས་འབྲས་བུའོ། །རྐྱེན་དྲུག་སྟེ། ས་དང་ཆུ་དང། མེ་དང་རླུང་དང། ནམ་མཁའ་དང་དུས་ཀྱི་ཁམས་རྣམས་སོ། །ནང་གི་རྟེན་ཅིང་འབྲེལ ་པར་འབྱུང་བ་ནི། འདི་ལྟ་སྟེ། མ་རིག་པའི་རྐྱེན་གྱི་འདུ་བྱེད། འདུ་བྱེད་གྱིས་རྐྱེན་གྱིས་རྣམ་པར་ཤེས་པ། རྣམ་པར་ཤེས་པའི་རྐྱེན་གྱིས་མིང་དང་གཟུགས། མིང་དང་གཟུགས་ཀྱི་རྐྱེན་གྱིས ་སྐྱེ་མཆེད་དྲུག། སྐྱེ་མཆེད་དྲུག་གི་རྐྱེན་གྱིས་རེག་པ་རེག་པའི་རྐྱེན་གྱིས་ཚོར་བ། ཚོར་བའི་རྐྱེན་གྱིས་སྲེད་པ། སྲེད་པའི་རྐྱེན་གྱིས་ལེན་པ། ལེན་པའི་རྐྱེན་གྱིས་སྲིད་པ། སྲིད་པའི་རྐྱེན་གྱིས་སྐྱེ་བ། སྐྱེ་བའི་རྐྱེན ་གྱིས་རྒ་ཤི་དང། མྱ་ངན་དང་སྨྲེ་སྔགས་འདོན་པ་དང། སྡུག་བསྔལ་བ་དང། ཡིད་མི་བདེ་བ་དང། འཁྲུག་བ་རྣམས་འབྱུང་སྟེ། དེ་ལྟར་སྡུག་བསྔལ་གྱི་ཕུང་པོ་འབའ་ཞིག་པོ་འདི་དག ་འབྱུང་བར་འགྱུར་རོ། །དེ་ལ་མ་རིག་པ་འགག་པས་འདུ་བྱེད་འགག་འདུ་བྱེད་འགགས་པས་རྣམ་པར་ཤེས་པ་འགག་།རྣམ་པར་ཤེས་པ་འགག་པས་མིང་དང་གཟུགས་འགག་།མིང་དང ་གཟུགས་འགག་པས་སྐྱེ་མཆེད་དྲུག་འགག་།སྐྱེ་མཆེད་དྲུག་འགག་པས། རེག་པ་འགག་།རེག་པ་འགག་པས་འཚོར་བ་འགག་།ཚོར་བ་འགག་པས་སྲེད་པ་འགག་།སྲེད་པ་འགགས ་པས་ལེན་པ་འགག། ལེན་པ་འགགས་པས། སྲིད་པ་འགག་སྲིད་པ་འགགས་པས་སྐྱེ་བ་འགག་།བསྐྱེ་བ་འགགས་པས་རྒ་ཤི་དང་མྱ་ངན་དང། སྨྲེ་སྔགས་འདོན་པ་དང། སྡུག་བསྔལ་བ ་དང། ཡིད་མི་བདེ་བ་དང། འཁྲུག་པ་རྣམས་འགག་པར་འགྱུར་ཏེ། དེ་ལྟར་སྡུག་བསྔལ་གྱི་ཕུང་པོ་འབའ་ཞིག་པོ་འདི་དག་འགག་པར་འགྱུར་རོ། །རྐྱེན་ནི་ཁམས་དྲུག་སྟེ། ས་དང། ཆུ་དང། ་མེ་དང། རླུང་དང། ནམ་མཁའ་དང། རྣམ་པར་ཤེས་པའི་ཁམས་སོ། །དེ་དག་ཀྱང་རྣམ་པ་ལྔར་བལྟ་སྟེ། རྟག་པར་མ་ཡིན་པ་དང། ཆད་པར་མ་ཡིན་པ་དང། འཕོ་བར་མ་ཡིན་པ་དང། རྒྱུ་ཆུ ་དུ་ལས་འབྲས་བུ་ཆེན་པོར་འབྱུང་བ་དང། དེ་དང་འདྲ་བའི་རྒྱུད་དོ། །རྒྱུ་དྲུག་ནི་བྱེད་པའི་རྒྱུ་དང། ལྷན་ཅིག་འབྱུང་བའི་རྒྱུ་དང། སྐལ་པ་མཉམ་པའི་རྒྱུ་དང། མཚུངས་པར་ལྡན་པའི་རྒྱུ་དང། ཀུན་ཏུ ་འགྲོ་པའི་རྒྱུ་དང། རྣམ་པར་སྨིན་པའི་རྒྱུའོ། །རྐྱེན་གཞི་ནི་དམིགས་པའི་རྐྱེན་དང། བདག་པོའི་རྐྱེན་དང། དེ་མ་ཐག་པའི་རྐྱེན་དང། རྒྱུའི་རྐྱེན་ནོ། །འབྲས་བུ་ལྔ་ནི། རྣམ་པར་སྨིན་པའི་འབྲས་བུ་དང། རྒྱུ་མཐུན་པའི་འབྲས ་བུ་དང། བྲལ་བའི་འབྲས་བུ་དང། སྐྱེས་བུ་བྱེད་པའི་འབྲས་བུ་དང། བདག་པོའི་འབྲས་བུ་དང། བདེན་པ་གཉིས་ནི། ཀུན་རྫོབ་ཀྱི་བདེན་པ་དང། དོན་དམ་པའི་བདེན་པའོ། །ཀུན་རྫོབ་ཀྱི་བདེན་བ་ལ་ཡང་གཉིས ་ཏེ། ཡང་དག་པའི་ཀུན་རྫོབ་དང། ཡང་དག་པ་མ་ཡིན་པའི་ཀུན་རྫོབ་བོ། །མཚན་ཉིད་གསུམ་ནི་ཀུན་བརྟགས་དང། གཞན་དབང་དང། ཡོངས་སུ་གྲུབ་པའོ། །ཆོས་ལྔ་ནི་མིང་དང། རྒྱུ་མཚན་དང། རྣམ ་པར་རྟོག་པ་དང། ཡང་དག་པའི་ཡེ་ཤེས་ཀྱི་དེ་བཞིན་ཉིད་དོ། །བདག་མེད་བ་གཉིས་ནི། ཆོས་ལ་བདག་མེད་པ་དང། གང་ཟག་ལ་བདག་མེད་པའོ། །ཐེག་པ་གསུམ་ནི། ཉན་ཐོས་ཀྱི་ཐེག་པ་དང། རང ་སངས་རྒྱས་ཀྱི་ཐེག་པ་དང། ཐེག་པ་ཆེན་པོའོ། །དཀོན་མཆོག་གསུམ་པོ་ནི། སངས་རྒྱས་དཀོན་མཆོག་དང། ཆོས་དཀོན་མཆོག་དང། དགེ་འདུན་དཀོན་མཆོག་གོ་།བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ ་བདུན་ནི། དྲན་པ་ཉེ་བར་གཞག་པ་བཞི་དང། ཡང་དག་པར་སྤོང་བ་བཞི་དང། རྫུ་འཕྲུལ་གྱི་རྐང་པ་བཞི་དང། དབང་པོ་ལྔ་དང། སྟོབས་ལྔ་དང། བྱང་ཆུབ་ཀྱི་ཡན་ལག་བདུན་དང། འཕགས་པའི་ལམ་ཡན་ལག་བརྒྱད་དོ།། ་དྲན་པ་ཉེ་བར་གཞག་པ་བཞི་ནི། ལུས་དྲན་པ་ཉེ་བར་གཞག་པ་དང། ཚོར་བ་དྲན་པ་ཉེ་བར་གཞག་པ་དང། སེམས་དྲན་པ་ཉེ་བར་གཞག་པ་དང། ཆོས་དྲན་པ་ཉེ་བར་གཞག་པ་དང་བཞིའོ། །ཡང་དག་པར་སྤོང་བ་བཞི་ནི། སྡིག་པ་མི་དགེ་བའི་ཆོས་མ་སྐྱེས་པ་རྣམས ་མི་བསྐྱེད་པར་བྱ་བའི་ཕྱིར། འདུན་པ་བསྐྱེད་པ་དང། སྡིག་པ་མི་དགེ་བའི་ཆོས་སྐྱེས་པ་རྣམས་སྤོང་བའི་ཕྱིར། འདུན་པ་བསྐྱེད་པ་དང། དགེ་བའི་ཆོས་མ་སྐྱེས་པ་རྣམས་བསྐྱེད་པའི་ཕྱིར་འདུན་པ་བསྐྱེད་པ་དང། དགེ་བའི་ཆོས་སྐྱེས་པ་རྣམས་གནས ་པར་བྱ་བ་དང། ཕྱིར་བཞིན་འབྱུང་བ་དང། ཉམས་པར་མི་འགྱུར་བ་དང། ཡོངས་སུ་རྫོགས་པར་བྱ་བའི་ཕྱིར། འདུན་པ་བསྐྱེད་པ་དང་བཞིའོ། །རྫུ་འཕྲུལ་གྱི་རྐང་པ་བཞི་ནི། འདུན་པའི་ཏིང་ངེ་འཛིན་སྤོང་བའི་འདུ་བྱེད་དང་ལྡན་པའི་རྫུ་འཕྲུལ་གྱི་རྐང་པ་དང། སེམས་ཀྱི ་ཏིང་ངེ་འཛིན་སྤོང་བའི་འདུ་བྱེད་དང་ལྡན་པའི་རྫུ་འཕྲུལ་གྱི་རྐང་བ་དང། སྤྱོད་པའི་ཏིང་ངེ་འཛིན་སྤོང་བའི་འདུ་བྱེད་དང་ལྡན་པའི་རྫུ་འཕྲུལ་གྱི་རྐང་པའོ། །དབང་པོ་ལྔ་ནི་དད་པའི་དབང་པོ་དང། བརྩོན་འགྲུས་ཀྱི་དབང་པོ་དང། དྲན་པའི་དབང་པོ་དང། ཏིང་འཛིན་གྱི་དབང་པོ་དང ་ཤེས་རབ་ཀྱི་དབང་པོའོ། །སྟོབས་ལྔ་ནི། དད་པའི་སྟོབས་དང། བརྩོན་འགྲུས་ཀྱི་སྟོབས་དང། དྲན་པའི་སྟོབས་དང། ཏིང་ངེ་འཛིན་གྱི་སྟོབས་དང། ཤེས་རབ་ཀྱི་སྟོབས་སོ། །བྱང་ཆུབ་ཀྱི་ཡན་ལག་བདུན་ནི། དྲན་པ་ཡང་དག་བྱང་ཆུབ་ཀྱི་ཡན་ལག་དང། ཆོས་རྣམ ་པར་འབྱེད་བ་ཡང་དག་བྱང་ཆུབ་ཀྱི་ཡན་ལག་དང། བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་དང། དགའ་བ་ཡང་དག་བྱང་ཆུབ་ཀྱི་ཡན་ལག་དང། ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་དང། ཏིང་ངེ་འཛིན་ཡང་དག་བྱང་ཆུབ་ཀྱི་ཡན ་ལག་དང། བཏང་སྙོམས་ཡང་དག་བྱང་ཆུབ་ཀྱི་ཡན་ལག་གོ། འཕགས་པའི་ལམ་ཡན་ལག་བརྒྱད་ནི། ཡང་དག་པའི་ལྟ་བ་དང། ཡང་དག་པའི་རྟོག་པ་དང། ཡང་དག་པའི་ངག་དང། ཡང་དག་པའི་ལས་ཀྱི་མཛའ་དང། ཡང་དག་པའི་ཚོ་བ་དང། ་ཡང་དག་པའི་རྩོལ་བ་དང། ཡང་དག་པའི་དྲན་པ་དང། ཡང་དག་པའི་ཏིང་ངེ་འཛིན་ཏོ། །ལམ་ལྔ་ནི། ཚོགས་ཀྱི་ལམ་དང། སྦྱོར་བའི་ལམ་དང། མཐོང་བའི་ལམ་དང། སྒོམ་པའི་ལམ་དང། མཐར་ཕྱིན་པའི་ལམ་མོ། །ཚོགས་ཀྱི་ལམ་ལྔ་ནི། སོ་སོ ་སྐྱེ་བོའི་ཚུལ་ཁྲིམས་དང། དབང་པོའི་སྒོ་བསྡམ་པ་དང། ཟས་ཀྱི་ཚོད་ཤེས་པ་དང། ནམ་གྱི་ཆ་སྟོད་ཆ་སྨད་ལ་མི་ཉལ་བར་རྣལ་འབྱོར་ལ་བརྩོན་པ་དང། ཤེས་བཞིན་དུ་གནས་པ་ལ་མངོན་པར་དགའ་བའོ། །སྦྱོར་བའི་ལམ་ནི། མོས་པ་སྤྱོད་པའི་ས་བཞི་སྟེ། སྣང་བ་ཐོབ་པར ་ཏིང་ངེ་འཛིན་དང། སྣང་བ་མཆེད་པའི་ཏིང་ངེ་འཛིན་དང། དེ་ཁོ་ན་དོན་ཚིག་གི་ཕྱོགས་གཅིག་ཏུ་ཞུགས་པའི་ཏིང་ངེ་འཛིན་དང། དེ་མ་ཐག་པ་སེམས་ཀྱི་ཏིང་ངེ་འཛིན་ཏོ། །མཐོང་བའི་ལམ་ནི་བྱང་ཆུབ་སེམས་དཔའ་ཨི་ས་དང་པོའོ། །སྒོམ་པའི་ལམ་ནི། ས་གཉིས་པ་ནས་ས ་བཅུ་པའི་བར་དུའོ། །མཐར་ཕྱིན་པའི་ལམ་ནི་སངས་རྒྱས་ཀྱི་སའོ། །ཕ་རོལ་ཏུ་ཕྱིན་པ་བཅུ་ནི། སྦྱིན་པའི་ཕ་རོལ་ཏུ་ཕྱིན་པ་དང། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང། བཟོད་པའི་ཕ་རོལ་ཏུ་ཕྱིན་པ་དང། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང། བསམ་གཏན་གྱི་ཕ་རོལ་ཏུ ་ཕྱིན་པ་དང། ཤེས་རབ་ཀྱི་ཕ་རོལ་ཏུ་ཕྱིན་པ་དང། ཐབས་ཀྱི་ཕ་རོལ་ཏུ་ཕྱིན་པ་དང། སྟོབས་ཀྱི་ཕ་རོལ་ཏུ་ཕྱིན་པ་དང། སྨོན་ལམ་གྱི་ཕ་རོལ་ཏུ་ཕྱིན་པ་དང། ཡེ་ཤེས་ཀྱི་ཕ་རོལ་ཏུ་ཕྱིན་པའོ། །བྱང་ཆུབ་སེམས་པའི་ས་བཅུ་ནི། རབ་ཏུ་དགའ་བ་དང། དྲི་མ་མེད་པ་དང། འོད ་བྱེད་པ་དང། འོད་འཕྲོ་བ་དང། ཤིན་ཏུ་སྦྱངས་དཀའ་བ་དང། མངོན་དུ་གྱུར་པ་དང། རིང་དུ་སོང་བ་དང། མི་གཡོ་བ་དང། ལེགས་པའི་བློ་གྲོས་དང། ཆོས་ཀྱི་སྤྲིན་ནོ། །སངས་རྒྱས་ཀྱི་ས་ནི་ཀུན་ཏུ་འོང་ངོ། །སངས་རྒྱས་ཀྱི་ཡེ་ཤེས་བཞི་ནི་མེ་ལོང་ལྟ་བུའི་ཡེ་ཤེས་དང ་མཉམ་པ་ཉིད་ཀྱི་ཡེ་ཤེས་དང། སོ་སོར་རྟོག་པའི་ཡེ་ཤེས་དང། བྱ་བ་ནན་ཏན་གྱི་ཡེ་ཤེས་སོ། །སངས་རྒྱས་ཀྱི་སྐུ་གསུམ་ནི། ཆོས་ཀྱི་སྐུ་དང། ལོངས་སྤྱོད་རྫོགས་པའི་སྐུ་དང། སྤྲུལ་པའི་སྐུའོ། །དེ་བཞིན་གཤེགས་པའི་སོ་སོ་ཡང་དག་པར་རིག་པ་བཞི་ནི། ་ཆོས་སོ་སོ་ཡང་དག་པར་རིག་པ་དང། དོན་སོ་སོ་ཡང་དག་པར་རིག་པ་དང། ངེས་པའི་ཚིག་སོ་སོ་ཡང་དག་པར་རིག་པ་དང། སྤོབས་པ་སོ་སོ་ཡང་དག་པར་རིག་པའོ། །དེ་བཞིན་གཤེགས་པའི་མི་འཇིགས་པ་བཞི་ནི། ཆོས་ཐམས་ཅད་མངོན་པར་རྫོགས ་བས་བྱང་ཆུབ་པ་ལ་མི་འཇིགས་པ་དང། ཟག་པ་ཐམས་ཅད་ཟད་པར་མཁྱེན་པ་ལ་མི་འཇིགས་པ་དང། བར་དུ་གཅོད་པའི་ཆོས་རྣམས་གཞན་དུ་མ་འགྱུར་བར་ངེས་པར་ལུང་བསྟན་པ་ལ་མི་འཇིགས་པ་དང། ཕུན་སུམ་ཚོགས་པ་ཐམས་ཅད ་ཐོབ་པར་འགྱུར་བ་ལ་ངེས་པར་འབྱུང་བའི་ལམ་དེ་བཞིན་ཉིད་དུ་གྱུར་པ་ལ་མི་འཇིགས་པའོ། །དེ་བཞིན་གཤེགས་པའི་མངོན་པར་ཤེས་པའི་དྲུག་ནི། ལྷའི་མིག་དང། ལྷའི་རྣ་བ་དང། སེམས་ཀྱི་རྣམ་གྲངས་ཤེས་པ་དང། ལུས་ཀྱི་རྫུ་འཕྲུལ་ཤེས་པ་དང། སྔོན ་གྱི་གནས་རྗེས་སུ་དྲན་པ་དང། ཟག་པ་ཟད་པ་ཤེས་པའོ། །དེ་བཞིན་གཤེགས་པའི་སྟོབས་བཅུ་ནི། གནས་པ་དང་གནས་མ་ཡིན་པ་མཁྱེན་པའི་སྟོབས་དང། ལས་ཀྱི་རྣམ་པར་སྨིན་པའི་མཁྱེན་པའི་སྟོབས་དང། མོས་པ་སྣ་ཚོགས་མཁྱེན་པའི་སྟོབས ་དང། ཁམས་སྣ་ཚོགས་མཁྱེན་པའི་སྟོབས་དང། དབང་པོ་མཆོག་དང་མཆོག་མ་ཡིན་པ་མཁྱེན་པའི་སྟོབས་དང། ཐམས་ཅད་ཏུ་འགྲོ་བའི་ལམ་མཁྱེན་པའི་སྟོབས་དང། བསམ་གཏན་དང་རྣམ་པར་ཐར་པ་དང་ཏིང་ངེ་འཛིན་དང། སྙོམས་པར ་འཇུག་པ་བཞི་དང། ཀུན་ནས་ཉོན་མོངས་པ་དང། རྣམ་པར་བྱང་བ་དང། ལྡན་པ་ཐམས་ཅད་མཁྱེན་པའི་སྟོབས་དང། སྔོན་གྱི་གནས་རྗེས་སུ་དྲན་པ་མཁྱེན་པའི་སྟོབས་དང། འཆི་འཕོ་བ་དང། སྐྱེ་བ་མཁྱེན་པའི་སྟོབས་དང། ཟག་པ་ཐམས ་ཅད་ཟད་པར་མཁྱེན་པའི་སྟོབས་སོ། །དབང་བཅུ་ནི་ཚེ་ལ་དབང་བ་དང། ཡོ་བྱད་ལ་དབང་བ་དང། སེམས་ལ་དབང་བ་དང། ལས་ལ་དབང་བ་དང། སྐྱེ་བ་ལ་དབང་བ་དང། མོས་པ་ལ་དབང་བ་དང། སྨོན་ལམ་ལ་དབང་བ་དང། རྫུ་འཕྲུལ་ལ་དབང་བ ་།ཆོས་ལ་དབང་བ་དང། ཡེ་ཤེས་ལ་དབང་བ་དང། དེ་ལ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ནི། དེ་བཞིན་གཤེགས་པ་ལ་འཁྲུལ་པ་མི་མངའ་བ་དང། ཅ་ཅོ་མི་མངའ་བ་དང། བསྙེལ་བ་མེད་པ་དང། སེམས་མཉམ་པར་མ་བཞག་པ ་མེད་པ་དང། ཐ་དད་པའི་འདུ་ཤེས་མེད་པ་དང། སོ་སོར་མ་བརྟགས་པའི་བཏང་སྙོམས་མེད་པ་དང། འདུན་པ་ཉམས་པ་མེད་པ་དང། ཤེས་རབ་མཉམ་པ་མེད་པ་དང། རྣམ་པར་གྲོལ་བ་ཉམས་པ་མེད་པ་དང། ལུས་ཀྱི་ལས་ཐམས་ཅད་ཡེ་ཤེས་ཀྱི་སྔོན་དུ ་འགྲོ་ཞིང། མེ་ཤེས་ཀྱི་རྗེས་སུ་འབྲང་བ་དང། དག་གི་ལས་ཐམས་ཅད་ཡེ་ཤེས་ཀྱི་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང་བ་དང། ཡིད་ཀྱི་ལས་ཐམས་ཅད་ཡེ་ཤེས་ཀྱི་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང་བ་དང། མ་འོངས་པའི་དུས་ལ་མ ་ཆགས་མ་ཐོགས་པའི་ཡེ་ཤེས་མཐོང་བ་ལ་འཇུག་པ་དང། འདས་པའི་དུས་ལ་མ་ཆགས་མ་ཐོགས་པའི་ཡེ་ཤེས་མཐོང་བ་ལ་འཇུག་པ་དང། ད་ལྟར་བཞུགས་པའི་དུས་ལ་མ་ཆགས་མ་ཐོགས་པའི་ཡེ་ཤེས་མཐོང་བ་ལ་འཇུག་པའོ། །སྡེ་སྣོད ་གསུམ་ནི། མདོ་སྡེའི་སྡེ་སྣོད་དང། འདུལ་བའི་སྡེ་སྣོད་དང། ཆོས་མངོན་པའི་སྡེ་སྣོད་དོ། །གསུང་རབ་ཡན་ལག་བཅུ་གཉིས་ནི། མདོའི་སྡེ་དང། དབྱངས་ཀྱི་བསྙད་པའི་སྡེ་དང། ལུང་དུ་བསྟན་པའི་སྡེ་དང། ཚིགས་སུ་བཅད་པའི་སྡེ་དང། ཆད་དུ་བརྗོད ་པའི་སྡེ་དང། གླེང་གཞིའི་སྡེ་དང། རྟོགས་པ་རྗོད་པའི་སྡེ་དང། དེ་ལྟ་བུར་བྱུང་པའི་སྡེ་དང། སྐྱེས་པའི་རབས་ཀྱི་སྡེ་དང། ཤིན་ཏུ་རྒྱས་པའི་སྡེ་དང། སྨད་དུ་འབྱུང་བའི་སྡེ་དང། གཏན་ལ་ཕབ་པའི་སྡེའོ། །དགོངས་པ་བཞི་ནི། མཉམ་པ་ཉིད་ལ་དགོངས ་པ་དང། དུས་གཞན་ལ་དགོངས་པ་དང། དོན་གཞན་ལ་དགོངས་པ་དང། གང་ཟག་གི་བསམ་པ་ལ་དགོངས་པའོ། །སྡེམ་པོར་དགོངས་པ་བཞི་ནི། གཞུག་པ་ལ་ལྡེམ་པོར་དགོངས་པ་དང། མཚན་ཉིད་ལ་ལྡེམ་པོར་དགོངས་པ་དང། གཞེན་པོ་ལ་ལྡེམ་པོར་དགོངས་པ་དང་བསྒྱུར་བ་ལ་ལྡེམ? ་པོར་དགོངས་པའོ། །བདེན་པ་བཞི་ནི། སྡུག་བསྔལ་དང། ཀུན་འབྱུང་དང། འགོག་པ་དང། ལམ་མོ་སྡུག་བསྔལ་གྱི་བདེན་པ་ལ་བཞི་སྟེ། མི་རྟག་པ་དང། སྡུག་བསྔལ་བ་དང། སྟོངས་པ་དང། བདག་མེད་པའོ། །ཀུན་འབྱུང་གི་བདེན་པ་ལ་ཡང་རྣམ་པ ་བཞི་སྟེ། ཀུན་འབྱུང་དང། རྒྱུ་དང། རྐྱེན་དང། རབ་ཏུ་འབྱེད་པའོ། །འགོག་པའི་བདེན་པ་ལ་ཡང་རྣམ་པ་བཞི་སྟེ། འགོག་པ་དང། ཞི་བ་དང། གྱ་ནོམ་པ་དང། ངེས་པར་འབྱུང་བའོ། །ལམ་ལ་ཡང་བཞི་སྟེ། ལམ་དང། རིགས་པ་དང། སྒྲུབ་པ ་དང། ངེས་པར་འབྱིན་པའོ། །ཉན་ཐོས་ཀྱི་ཚོགས་ལམ་ལྔ་སྟེ། སོ་སོ་སྐྱེ་བོའི་ཚུལ་ཁྲིམས་དང། དབང་པོའི་སྒོ་བསྡམ་པ་དང། ཟས་ཀྱི་ཚོད་ཤེས་པ་དང། ནམ་གྱི་ཆ་སྟོད་ཆ་སྨད་ལ་མི་ཉལ་བར་རྣལ་འབྱོར་ལ་བརྩོན་པ་དང། ཤེས་བཞིན་དུ་གནས ་མངོན་པར་དགའ་བའོ། །སྦྱོར་བའི་ལམ་ནི་ངེས་པར་འབྱེད་པའི་ཆ་བཞི་སྟེ། དྲོད་དང། རྩེ་མོ་དང། བཟོད་པ་དང། འཇིག་རྟེན་ཆོས་ཀྱི་མཆོག་གོ་།མཐོང་བའི་ལམ་ནི་སེམས་ཀྱི་སྐད་ཅིག་མ་བཅུ་དྲུག་གོ་།བསྒོམས་པའི་ལམ་ནི། ལམ་ཆུང་ངུ་དང། ལམ ་འབྲིང་པོ་དང། ལམ་ཆེན་པོ་དང། སྦྱོར་བའི་ལམ་དང། བར་ཆད་མེད་པའི་ལམ་དང། རྣམ་པར་གྲོལ་བའི་ལམ་དང། ཁྱད་པར་གྱི་ལམ་མོ། །ལམ་ཆུང་ངུ་ལ་ཡང་རྣམ་པ་གསུམ་སྟེ། ཆུང་ངུའི་ཆུང་ངུ་དང། ཆུང་ངུའི་འབྲིང་པོ་དང། ཆུང་ངུའི་ཆེན་པོའོ། ། ་ལམ་འབྲིང་པོ་ལ་ཡང་གསུམ་སྟེ། ཆེ་འབྲིང་ཆུང་གསུམ་མོ། །ལམ་ཆེན་པོ་ལ་ཡང་གསུམ་སྟེ། ཆེ་འབྲིང་ཆུང་གསུམ་མོ། །མཐར་ཕྱིན་པའི་ལམ་ནི། །མི་སློབ་པའོ། །ཉན་ཐོས་ཀྱི་ཤེས་པ་བཅུ་དྲུག་ནི། སྡུག་བསྔལ་ལ་ཆོས་ཤེས་པའི་བཟོད་པ་དང། སྡུག་བསྔལ ་ལ་ཆོས་ཤེས་པ་དང། སྡུག་བསྔལ་ལ་རྗེས་སུ་རྟོགས་པར་ཤེས་པའི་བཟོད་པ་དང། སྡུག་བསྔལ་ལ་རྗེས་སུ་རྟོགས་པར་ཤེས་པའོ། །ཀུན་འབྱུང་ལ་ཆོས་ཤེས་པའི་བཟོད་པ་དང། ཀུན་འབྱུང་ལ་ཆོས་ཤེས་པ་དང། ཀུན་འབྱུང་ལ་རྗེས་སུ་རྟོགས་པར ་ཤེས་པའི་བཟོད་པ་དང། ཀུན་འབྱུང་ལ་རྗེས་སུ་རྟོགས་པར་ཤེས་པའོ། །འགོག་པ་ལ་ཆོས་ཤེས་པའི་བཟོད་པ་དང། འགོག་པ་ལ་ཆོས་ཤེས་པ་དང། འགོག་པ་ལ་ཆོས་རྗེས་སུ་རྟོགས་པར་ཤེས་པའི་བཟོད་པ་དང། འགོག་པ་ལ་རྗེས་སུ ་རྟོགས་པར་ཤེས་པའོ། །ལམ་ལ་ཆོས་ཤེས་པའི་བཟོད་པ་དང། ལམ་ལ་ཆོས་ཤེས་པ་དང། ལམ་ལ་རྗེས་སུ་རྟོགས་པར་ཤེས་པའི་བཟོད་པ་དང། ལམ་ལ་རྗེས་སུ་རྟོགས་པར་ཤེས་པའོ་ཉན་ཐོས་ཀྱི་རྣམ་པར་བྲལ་བའི་ལམ་ནི་བརྒྱད་དེ། འཇུག་པ་བཞི་དང། འབྲས ་བུ་ལ་གནས་པ་བཞིའོ། །འཇུག་པ་བཞི་ནི། རྒྱུན་ཏུ་ཞུགས་པ་དང། འཇུག་པ་དང། ལན་ཅིག་ཕྱིར་འོང་བ་ལ་འཇུག་པ་དང། ཕྱིར་མི་འོང་བ་ལ་འཇུག་པའི་དང། ངག་བཅོམ་པ་ལ་འཇུག་པའོ། །འབྲས་བུ་ལ་ནི། གནས་པ་བཞི་ནི། རྒྱུན་ཏུ་ཞུགས་པ ་དང། ལན་ཅིག་ཕྱིར་འོང་བ་དང། ཕྱིར་མི་འོང་བ་དང། དགྲ་བཅོམ་པའོ། །རྒྱུན་ཏུ་ཞུགས་པ་ནི་གཉིས་ཏེ། རིམ་གྱིས་པ་དང། ཅིག་ཆར་ངེས་པ་འབྱིན་པའོ། །རིམ་གྱིས་པ་ནི། ཇི་སྐད་བསྟན་པ་ཡིན་ནོ། །ཅིག་ཅར་ངེས་པར་འབྱུང་བ་ནི་།གང་བདེན ་པ་རྣམས་མངོན་པར་རྟོགས་པར་བྱས་ནས། མི་ལྕོགས་པ་མེད་པ་ལ་བརྟེན་ཏེ། འཇིག་རྟེན་ལས་འདས་པའི་ལམ་གྱི་ཁམས་གསུམ་ན་སྤྱོད་པའི། །ཉོན་མོང་པ་ཅིག་ཅར་སྤོང་སྟེ། འདི་ནི་རྒྱུན་ཏུ་ཞུགས་པའི་འབྲས་བུ་དང། དགྲ་བཅོམ་པའི་འབྲས་བུ་ཉིད་ལ་གནས ་སོ། །རང་སངས་རྒྱས་ནི་གཉིས་ཏེ། བསེ་རུ་ལྟར་གཅིག་ཏུ་གནས་པ་དང། ཚོགས?་དང་སྤྱོད་པའོ། །དེ་ནི་ཉན་ཐོས་སྡེ་སྣོད་ལ་དམིགས་ནས། ཆོས་ཀྱི་རྗེས་སུ་མཐུན་པའི་ཆོས་གྲུབ་པས། སངས་རྒྱས་འབྱུང་བ་མེད་པའི་འཇིག་རྟེན་གྱི་ཁམས་སུ་སྡུག་བསྔལ་མཐར ་འབྱིན?་པའོ། །འཇིག་རྟེན་གྱི་ལམ་ནི་བརྒྱད་དེ། བསམ་གཏན་བཞི་དང། སྙོམས་པར་འཇུག་བ་བཞིའོ། །བསམ་གཏན་བཞི་ནི་དང་པོ་དང། གཉིས་པ་དང། གསུམ་པ་དང། བཞི་པའོ། །སྙོམ་པར་འཇུག་པ་བཞི་ནི་ནམ་མཁའ་མཛའ་ཡས་སྐྱེ་མཆེད་དང། རྣམ་ཤེས ་མཛའ་ཡས་སྐྱེ་མཆེད་དང། ཅི་ཡང་མེད་པའི་སྐྱེ་མཆེད་དང། འདུ་ཤེས་མེད། འདུ་ཤེས་མེད་མིན་སྐྱེ་མཆེད་དོ། །བསམ་གཏན་དང་པོ་ལ་ཡན་ལག་ལྔ་སྟེ། རྟོག་པ་དང། དཔྱོད་པ་དང། དགའ་བ་དང། བདེ་བ་དང། སེམས་རྩེ་གཅིག་པ་ཉིད་དོ། །བསམ་གཏན་ ་གཉིས་པ་ལ་ཡན་ལག་བཞི་སྟེ། ནང་རབ་ཏུ་དང་བ་དང། དགའ་བ་དང། བདེ་བ་དང། སེམས་རྩེ་གཅིག་པ་ཉིད་དོ། །གསུམ་པ་ལ་ཡན་ལག་ལྔ་སྟེ། བཏང་སྙོམས་དང། དྲན་བ་དང། ཤེས་བཞིན་དང། བདེ་བ་དང། སེམས་རྩེ་གཅིག་པ་ཉིད་དོ། །བསམ་གཏན ་བཞི་པ་ལ་ཡན་ལག་བཞི་སྟེ། བཏང་སྙོམས་ཡོངས་སུ་དག་པ་དང། དྲན་པ་ཡོངས་སུ་དག་པ་དང། སྡུག་བསྔལ་བ་ཡང་མ་ཡིན། བདེ་བ་ཡང་མ་ཡིན་པའི་ཚོར་བ་དང། སེམས་རྩེ་གཅིག་པ་ཉིད་དོ། །ཡང་གཉེན་པོའི་ཡན་ལག་དང། ཕན་ཡོན་གྱི་ཡན་ལག་དང། དེ་གཉི་གའི་གནས་ཀྱི ་རང་བཞིན་གྱི་ཡན་ལག་གོ་།རྣམ་པར་ཐར་པ་བརྒྱད་ནི། གཟུགས་ཅན་གཟུགས་རྣམས་ལ་ལྟ་བ་དང། ནད་གཟུགས་མེད་པར་འདུ་ཤེས་པས་ཕྱི་རོལ་གྱི་གཟུགས་རྣམས་ལ་ལྟ་བ་དང། སྡུག་པའི་རྣམ་པ་མངོན་དུ་བྱས་ནས་གནས་པ་དང། ནམ་མཁའ་མཛའ་ཡས་སྐྱེ་མཆེད་དང ་རྣམ་ཤེས་མཛའ་ཡས་སྐྱེ་མཆེད་དང། ཅི་ཡོད་མེད་པའི་སྐྱེ་མཆེད་དང། འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་དང། འདུ་ཤེས་དང། ཚོར་བ་དང། འགོག་པ་མངོན་དུ་བྱས་ནས་གནས་པའོ། །ཟིལ་གྱིས་གནོན་པའི་སྐྱེ་མཆེད་བརྒྱད་ནི་དཀར་པོ་དང། དམར་པོ ་དང། སེར་པོ་དང། སྔོན་པོ་དང། སྡུག་པ་དང། མི་སྡུག་པ་དང། བཟང་པོ་དང། ངན་པའོ། །མཐར་གྱིས་གནས་པའི་སྙོམས་པར་འཇུག་པ་དགུ་ནི། མི་རྟོག་པ་དང། དགའ་བ་དང། བདེ་བ་དང། བཏང་སྙོམས་དང། ནམ་མཁའ་མཛའ་ཡས་སྐྱེ་མཆེད་དང། རྣམ་ཤེས་ ་མཛའ་ཡས་སྐྱེ་མཆེད་དང། ཅི་ཡང་མེད་པའི་སྐྱེ་མཆེད་དང། འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་དང། འགོག་པའི་སྙོམས་པར་འཇུག་པའོ། །ཟད་པར་གྱི་སྐྱེ་མཆེད་བཅུ་ནི། ཟད་པར་དཀར་པོའི་སྐྱེ་མཆེད་དང། ཟད་པར་དམར་པོའི་སྐྱེ་མཆེད་དང། ཟད ་པར་སེར་པོའི་སྐྱེ་མཆེད་དང། ཟད་པར་སྔོན་པོའི་སྐྱེ་མཆེད་དང། ཟད་པར་སའི་སྐྱེ་མཆེད་དང། ཟད་པར་ཆུའི་སྐྱེ་མཆེད་དང། ཟད་པར་མེའི་སྐྱེ་མཆེད་དང། ཟད་པར་རླུང་གི་སྐྱེ་མཆེད་དང། ཟད་པར་ནམ་མཁའ་ཨི་སྐྱེ་མཆེད་དང། ཟད་པར་རྣམ་པར་ཤེས་པའི་སྐྱེ་མཆེད་དོ། །སེམས ་ཅན་གྱི་ཁམས་གསུམ་ནི། འདོད་ཁམས། གཟུགས་ཁམས། གཟུགས་མེད་པའོ། །འདོད་པའི་ཁམས་ན་སེམས་ཅན་གྱི་རིས་ཉི་ཤུ་གནས་ཏེ། ཚ་བའི་དམྱལ་བ་བརྒྱད་དང། གྲང་བའི་དམྱལ་བ་བརྒྱད་དོ། །ཉི་ཚེ་བའི་སེམས་ཅན་དམྱལ་བ་ནི། གཅིག་གམ་གཉིས ་མང་པོ་རང་རང་གི་རྒྱུ་ལས་གྲུབ་པའོ། །དུད་འགྲོ་ནི་ཆུ་དང་ཐང་དང་ནམ་མཁའ་ཨི་སྤྱོད་ཡུལ་ལོ། །ཡི་དགས་རྣམས་ནི། །ཆོས་ཀྱི་རྒྱལ་པོ་ཤིན་རྗེའི་ཕོ་བྲང་ནའོ། །མིང་གླང་བཞི་ནི། བ་ལང་སྤྱོད་སྒྲ་མི་སྙན་ལུས་འཕགས་པོ་འཛམ་བུ་གླིང་།ལྷའི་རིས་དྲུག་ནི། རྒྱལ་ཆེན་རིས ་བཞི་དང། སུམ་ཅུ་རྩ་གསུམ་དང། འཐབ་བྲལ་དང། དགའ་ལྡན་དང། འཕྲུལ་དགའ་དང། གཞན་འཕྲུལ་དབང་བྱེད་དོ། །གཟུགས་ཁམས་བཅུ་བདུན་ནི། ཚངས་པ་དང། ཚངས་ཆེན་དང། ཚངས་པ་མདུན་ན་འདོན་ནོ། །བསམ་གཏན་གཉིས་པ་ལ། འོད་ཆུང་དང། ་འོད་གསལ། ཚད་མེད་འོད་དོ། བསམ་གཏན་གསུམ་པ་ལ་ནི། དགེ་ཆུང་དང། དགེ་རྒྱས་དང། ཚད་མེད་དགེའོ། །བཞི་པ་ལ། སྤྲིན་མེད་དང། བསོད་ནམས་སྐྱེས་དང། འབྲས་བུ་ཆེའོ། །གནས་གཙང་མའི་ལྷ་ལྔ་ནི། མི་ཆེ་བ་དང། མི་གདུང་བ་དང། གྱ་ནོམ ་སྣང་བ་དང། ཤིན་ཏུ་མཐོང་བ་དང། འོག་མིན་རྣམས་སོ། །གཟུགས་མེད་པའི་ལྷ་རིས་བཞི་ནི། ནམ་མཁའ་མཛའ་ཡས་སྐྱེ་མཆེད་དུ་ཉེ་བར་འགྲོ་བ་དང། རྣམ་ཤེས་མཛའ་ཡས་སྐྱེ་མཆེད་དུ་ཉེ་བར་འགྲོ་བ་དང། ཅི་ཡང་མེད་པའི་སྐྱེ་མཆེད་དུ་ཉེ་བར་འགྲོ་བ་དང ་འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་དུ་ཉེ་བར་འགྲོ་བའོ། །ཆོས་ཀྱི་རྣམ་གྲང་ཆུང་ངུ་ཨཱ་ཙརྱ་དཔལ་བརྩེགས་ཀྱིས་མཛད་པ་རྫོགས་སོ།། །།ཕོ་བྲང་སྟོང་ཐང་ལྡན་དཀར་གྱི་བཀད་དང་བསྟན་བཅོས་འགྱུར་རོ་ཅོག་གི་དཀར་ཆག་དཔལ་རྩེགས་དང་ནམ་མཁའ་ཨི་སྙིང་པོས་མཛད་དོ།། ་