Wylie

e-texts based on the ACIP/ALL Input

ཆེན་གྱི་ལོ་ཙ་བ་དགེ་སློང་དཔལ་རྩེགས་རཀྵི་ཏས་བསྒྱུར་ཏེ་གཏན་ལ་ཕབ་པའོ།། །། !། (།རིགས་པའི་ཐིགས་པའི་དོན་བསྡུས་པ་སློབ་དཔོན་ཛི་ནི་མི་ཏྲས་མཛད་པ་བཞུགས་སོ།)་།རྒྱ་གར་སྐད་དུ། ནཱ་ཡ་བིནདུ་པཎྜི་ར་ཐཱ། བོད་སྐད་དུ། རིགས་པའི་ཐིགས་པའི་དོན་བསྡུས་པ། འཇམ ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །གང་གི་རིགས་པ་བཞི་མཁྱེན་དང། །རྒྱལ་བ་མཛད་དང་མདོ་མཛད་དང། ཕན་བྱེད་དེ་ལ་ཕྱག་འཚལ་ཏེ། མདོ་རུ་བསྡུས་པ་བརྩམ་པར་བྱ། །མངོན་སུམ་དག་ནི་མཚན་ཉིད་དང། །རང་དང་གཞན་གྱི་དོན་གྱི་དཔག?་།རྗེས་སུ་དཔག ་སྣང་གཉེན་པའོ། །ད་ལ་མངོན་སུམ་མཚན་ཉིད་ནི། །གྲངས་དང་སྤྱོད་ཡུལ་རྒྱུ་འབྲས་དང། །རང་གི་ངོ་བོ་རྣམ་པ་བཞི། །ལོག་རྟོག་རྣམ་བཞིའི་གཉེན་པོ་ཡིན། །རྗེས་སུ་དཔག་པའི་མཚན་ཉིད་ནི། །གྲངས་དང་ཡུལ་དང་རྒྱུ་འབྲས་དང། །ཚུལ་དགུ་རྟགས་གསུམ ་སྦྱོར་བ་དང། མི་དམིགས་པ་ལ་བཅུ་གསུམ་སྟེ། །སྤྱི་དང་དུས་དང་སྦྱོར་བའོ། །མདོར་ན་ཉི་ཤུ་དགུ་རུ་འདོད། །རྗེས་དཔག་མཚན་ཉིད་དྲུག་ཏུ་འདོད། །དེ་ཡི་གཉེན་པོར་རབ་ཏུ་བསྟན། །གཞན་གྱི་དོན་གྱི་རྗེས་དཔག་ལ། །རྣམ་པ་གཉིས་སུ་བསྟན་པ་སྟེ། ། ་ཆོས་མཐུན་པ་དང་ཆོས་མི་མཐུན། །རེ་རེ་ལ་ཡང་བཅོ་ལྔའོ། །མཐུན་པའི་ཕྱོགས་ལ་བགྲང་བ་ནི། །མི་དམིགས་པ་དང་རང་བཞིན་དང། །འབྲས་བུའི་རང་བཞིན་རྣམ་པ་གསུམ། རང་བཞིན་དག་དང་ཁྱད་པར་གྱུར། ཁྱད་པར་བྱེ་བྲག་སྦྱོར་བའོ། །དེ་ནི་རེ་རེ་དག་ལ ་ཡང། །རྗེས་སུ་འགྲོ་དང་ཕྱོགས་ཀྱི་ཆོས། །ལྡོག་པ་དག་ནི་ཤུགས་ཀྱིས་བསྟན། །སྤྱི་རུ་བཅོ་ལྔ་མངོན་པར་བརྗོད། །མི་མཐུན་ཕྱོགས་ལ་སྦྱོར་ན་ནི། །དེ་དང་འདྲའོ་གཞན་དུ་ནི། །ལྡོག་དང་ཕྱོགས་ཆོས་དངོས་སུ་བསྟན། །འགྲོ་བ་ཤུགས་ཀྱིས་རྟོགས་པར ་བྱའོ། །ཡང་དག་མ་ནོར་ཕྱོགས་བཞི་ནི། །དངོས་པོ་ཉིད་དང་བདག་ཉིད་འདོད། །མ་བསལ་བའོ་ཕྱོགས་ལྟར་བཞི། །མངོན་སུམ་དག་རང་རྗེས་སུ་དཔག་།གྲངས་དང་ཚིག་མ་བསལ་བའོ། །མདོར་བསྡུས་སུམ་ཅུ་བརྒྱད་དུ་བཞེད། །དེ་རྣམས་དག་གིས་འཇོམས་པར་བྱེད། ། ་རྗེས་སུ་དཔག་པ་ལྟར་སྣང་བ། །རྣམ་པ་གཉིས་སུ་ཤེས་པར་བྱ། །གཏན་ཚིགས་ལྟར་སྣང་ཉི་ཤུ་བཞི། །དཔེ་ཡི་སྐྱོན་རྣམས་ཉི་ཤུའོ། །གཏན་ཚིགས་ལྟ་བུ་བགྲང་བ་ནི། །མ་ཚད་མ་གྲུབ་མ་ངེས་པ། །འགལ་དང་འགལ་བ་མི་འཁྲུལ་ཅན། །མ་ཚང་བ་ནི་རྣམ་པ་གཉིས། །མ་གྲུབ་པ ་ནི་རྣམ་པ་དྲུག། མ་ངེས་པ་ལ་བརྒྱད་དུ་འདོད། འགལ་བ་དག་ལ་རྣམ་པ་བཞི། །འགལ་བ་མི་འཁྲུལ་གཉིས་ལ་བཞི། །མདོར་ན་ཉི་ཤུ་རྩ་བཞིའོ། །སྤང་བར་བྱའོ་དཔེ་ཡི་སྐྱོན། །མཐུན་པའི་དཔེ་དང་མི་མཐུན་དཔེ། །རྣམ་པ་གཉིས་སོ་གཞན་ལ་ནི། །མཐུན་པའི་ཕྱོགས་ལ ་རྣམ་པ་དགུ། །བསྒྲུབ་བྱ་བསྒྲུབ་དང་གཉི་ག་ཡི། །ལས་དང་རྡུལ་དང་བུམ་པའོ། །ཐེ་ཚོམ་ཟ་བ་དེ་ལ་གསུམ། །རྗེས་འགྲོ་མེད་དང་མ་བསྟན་པ། །ཕྱིན་ཅི་ལོག་ཏུ་བསྟན་པའོ། །མི་མཐུན་ཕྱོགས་ལ་རྣམ་པ་དགུ། །དེ་དང་འདྲའོ་རྣམ་པ་དྲུག་།ལྡོག་པ་མེད་དང་མ་བསྟན་པ། །ལྡོག་པ ་ཕྱིན་ཅི་ལོག་དང་གསུམ། །དྲུག་ནི་གོང་ངོ་རབ་ཏུ་རྟག་།གཉེན་པོ་དག་ལ་སུན་འབྱིན་ནི། །ཡང་དག་པ་དང་ལྟག་ཆོད་དོ། །མདོར་ན་ཉི་ཤུ་དག་དང་གཉིས། །སྤྱིར་ན་བརྒྱ་དང་ཉི་ཤུ་གཅིག་།སྤང་པར་བྱ་བ་བཞི་བཅུ་དྲུག་།བསྒྲུབ་པར་བྱ་བ་བདུན་ཅུ་ལྔ། །དེ་ནི་ཚིག་རྐྱང་བདུན་ཅུ ་གསུམ། །ཤལོ་ཀ་བཅོ་བརྒྱད་རྐང་པ་གཅིག་།ཡོངས་སུ་བསྡོམས་ཏེ་མངོན་པར་བརྗོད། །རིགས་ཐིགས་དོན་བསྡུས་འདི་དག་ལ། །འཁྲུལ་ཅིང་ནོར་པ་མཆིས་པ་རྣམས། །འཕགས་དང་མཁས་པ་རྣམས་ལ་ཡང། །བཟོད་པར་གསོལ་ལོ་མཁས་པ་རྣམས ་མ་ཧཱ་དཎྜི་བཟོད་པ་མཛོད། །འཁྲུལ་ནོར་གཞུང་རྣམས་བསྲུ་འདུ་གསོལ། །རིགས་པའི་ཐིགས་པའི་དོན་བསྡུས་པ། །རྒྱ་གར་གྱི་མཁན་པོ་ཛི་ན་མི་ཏྲས་མཛད་པ་རྫོགས་སོ།། །།རྒྱ་གར་གྱི་མཁན་པོ་སུ་རེནྡྲ་བོ་དྷི་དང། ཞུ་ཆེན་གྱི་ལོ་ཙ་བ་བནདེ་ཡེ་ཤེས་སྡེས ་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །། !། (།གཏན་ཚིགས་ཐིགས་པའི་རྒྱ་ཆེར་འགྲེལ་པ་སློབ་དཔོན་དུལ་བའི་ལྷས་མཛད་པ་བཞུགས་སོ།)་།རྒྱ་གར་སྐད་དུ། ཧེ་ཏུ་བིན་དུཊཱི་ཀ། བོད་སྐད་དུ། གཏན་ཚིགས་ཀྱི་ཐིགས་པ་རྒྱ་ཆེར་འགྲེལ་པ། སངས་རྒྱས་ལ་ཕྱག་འཚལ་ལོ ་