Wylie

e-texts based on the ACIP/ALL Input

text in 2 volumes

volume 1 (tshad ma (de）) - volume 2 (tshad ma (ne）) -

རྒྱ་གར་སྐད་དུ། པྲ་མཱ་ཎ་བརྟི་ཀ་ཨ་ལངཀ་ར་ཊཱི་ཀཱ། བོད་སྐད་དུ། ཚད་མ་རྣམ་འགྲེལ་གྱི་རྒྱན ་གྱི་འགྲེལ་བཤད། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །གང་ཞིག་སྤང་དཀའ་ཨི་ཉེས ་ཚོགས་འཇོམས་མཛད་གསལ་ཞིང་འབར་བའི་ཤེས་རབ་འབྱུང་གནས་གྱུར། །བརྩོན་འགྲུས་དྲག་པོས་འཇིག་རྟེན་རྨོངས ་ཆེན་ལས་འདོན་ཐུགས་རྗེ་བརྟན་པོ་རྒྱ་ཆེན་འཁྲུངས། །ཤེས་རབ་ནོར་གྱིས་རབ་ཏུ་ཕོངས་པས་མ་རྟོགས་ཕྱིར་ན་སྤས་ཏེ་གནས་པ་ལས།། ་མ་ནོར་ལམ་སྟོན་འགྲོ་རྣམས་པ་དེ་སྐྱོད་དེ་ནི་དཔལ་ལྡན་ཆོས་ཀྱི་གྲགས་པ་ཡིན། །འདི་ནི་རི་རབ་མཐོ་མིན་ནམ་ཅི ་རྒྱ་མཚོ་ཆེན་པོ་ཟབ་པ་མིན་ནམ་ཅི། །མ་ཉམས་ས་གཞི་བརྟན་མིན་ནམ་ཅི་མཁའ་ཡི་དཀྱིལ་འཁོར་དང་བ་མིན་ནམ་ཅི། །དེ་འདྲ་དེ་རྣམས ་དང་མཚུངས་ཁྲོ་བ་ཆེན་པོ་ཞི་བྱེད་རྨོངས་ཉིད་སེལ་བྱེད་ཅིང། །བྲང་འགྲོའི་རྒྱལ་པོས་འཁྱུད་མི་ལེགས་པའི་བློའང་ལོག་པའི་ལམ་ཉིད ་ཡིན་ཞེས་པར། །རྨོངས་པས་རབ་ཏུ་སྨོད་པར་བྱེད་པའང་ཅི་འདྲ་བ་ཡིས་ལེགས་པ་ཡིན་པ་སྨྲོས། །ཆེན་པོ་རྣམས་ཀྱི་ལམ་ནི་ཆུད ་དཱུང་ཆེན་པོ་ཡིན་ཕྱིར་ཤིན་ཏུ་བརླིང་བ་ཉིད། །ལེགས་པར་བསྟོད་པའི་བློ་ཅན་དེ་ཡི་ལམ་ལ་གོམས་བྱེད་རྩོམ་པའི་ལུས་ཅན་ནི། །འགྲོ་བའི་ནང་ན་མི་བསྔགས ་བརྗོད་བྱ་མིན་ཕྱིར་འཆད་བྱེད་བདག་ལའང་ཅི་ཕྱིར་སྨོད། །རྒྱལ་བྱེད་རིགས་པའི་དོན་རྟོགས་པ། །རྣམས་ཀྱི་ཆ་ཙམ་བསྟན་པས་ཀྱང། །ཀུན་ཏུ་རྨོངས་པ་ཆེན་པོ ་ཡང། །སེལ་བར་བྱེད་པ་ངོ་མཚར་ཅི། །ཚད་མ་རྣམ་འགྲེལ་མཛད་པ་པོ་དང། དེའི་བཤད་སྦྱར་རྩོམ་པར་འདོད་པ་བདག་ཉིད་ཀྱང་ཁ་ཅིག་དག་གི་ཕྱིན་ཅི་ལོག་ལ ་ཞེན་པ་བྲལ་བར་འདོད་ནས་ཚད་མར་གྱུར་པ་ཞེས་བྱ་བ་ལ་སོགས་པའི་ཚིགས་སུ་བཅད་པ་གཉིས་སྨོས་ཏེ། དེ་ལ་སྡུག་བསྔལ་གྱི་རྒྱུར་གྱུར་པའི་ལོག་པའི་ཤེས ་པ་ཅན་ལ་ཡང་དག་པར་ཤེས་པ་བསྟན་པ་དང་འདྲ་བར་སློབ་དཔོན་ལ་བརྙས་པའི་ཁ་ན་མ་ཐོབས་འཁྲུལ་པའི་སྐྱེ་བ་ཡོངས་སུ་བསྐྱང་བར་འདོད་པའི་ཐུགས ་རྗེས་དེའི་གཞུང་གིས་བཤད་པར་གྱུར་བ་ཚང་མ་རྣམ་འགྲེལ་མཛད་པ་ཡིན་ནོ། །ཞེས་ཟེར་བ་དེ་ནི་མི་རིགས་ཏེ། འདི་ལ་ཚད་མ་མེད་དོ། །གང་གིས་ཕྱིར ་དེའི་གཞུང་ལ་ཁོ་བོས་བཤད་ཅེས་བྱ་བའི་ཚིག་མེད་པའི་ཕྱིར་རོ། །དེའི་ལུགས་ཞེས་བྱ་བ་ལ་སོགས་པ་ཡང། དེ་ཞེས་བྱ་བ་ནི་བཅོམ་ལྡན་འདས་སམ་རྗེས་སུ་འཛིན་པ་པོ་ཞེས ་བྱ་བའི་དོན་ཏོ། །དེའི་ལུགས་ནི་འདི་སྟོན་པ་མ་ཡིན་ཏེ། རྟོག་པ་དང་བྲལ་བ་ཉིད་ཅེས་བྱ་བ་ལ་སྲོགས་པའི་སྔོན་གྱི་སློབ་དཔོན་བརྒྱུད་པའི་ལུགས་ཀྱི་བཤད་བྱ་ཉིད་ཉེ་བར་བླངས ་པའི་ཕྱིར་རོ། །གདམས་ངག་ཀྱང་ཐམས་ཅད་ཚང་མ་ཡིན་གྱི་གནོད་པ་མེད་པ་ཅན་ཡིན་ནོ་ཞེ་ན་མ་ཡིན་ཏེ། དེའི་ལུགས་ཀྱང་དོན་གྱིས་བཤད་པའི་ཕྱིར་རོ། ཞེས་བྱ་བའི་གདམས ་ངག་ཡིན་གྱི་དེའི་ལུགས་ཉིད་མ་ཡིན་ཏེ། ལུང་ནི་ལྷག་པར་དོར་ནས་ནི་ཞེས་གང་བསྟན་པའོ། །དེའི་ལུགས་ནི་འགྲེལ་པ་བྱེད་པ་གཞན་གྱི་ལུང་ནི་མ་ཡིན་གྱི་དེའི་ལུགས་ནི ་དེ་ཡིན་ནོ་ཞེས་བྱ་བའི་ངེས་པ་ཡང་མེད་པའི་ཕྱིར་རོ། །ཁྱེད་ཀྱི་ལ་ཡང་ཉེས་པ་ཅི་ཞིག་ཡོད་ཅེ་ན། གཟིགས་པ་པོ་ཡི་མདོ་ནི་ཁོ་བོས་རྣམ་པར་དབྱེ་ཞེས་སྨོས་པའི་ཕྱིར་རོ། །སློབ་དཔོན་ཉིད་ནི་གཟིགས་པ ་པོ་མ་ཡིན་ཏེ། རིགས་པ་སེམས་པའི་བདག་ཉིད་ཀྱི་ཤས་པ་སྐྱེས་པའི་ཕྱིར་ཐོབ་པ་ཡང་མཐོང་བ་ཡིན་ན་དེ་ཡང་དག་པ་ཉིད། ས་ཐོབ་པའི་བར་དུ་ཐུགས་ལ་དགོངས་ཤིག་ཅེས་བྱ་བ་ལ་སོགས་པ ་གསལ་བ་ཡིན་ནོ། །ཚད་མ་ལ་སོགས་པ་ཙམ་མཐོང་བ་ཡོད་ཀྱང་དོན་ཡོད་པ་ཡིན་ལ་ལུགས་ཀྱང་ཡིན་པ་དེའི་ཞེས། རྣམ་པ་ཐམས་ཅད་གཟིགས་པ་ནི་འདིར་དོན་མ་ཉམས་པ་གསུངས་པ་ཡིན་གྱི་ཕྱོགས ་གཅིག་མཐོང་བ་ལ་ནི་མ་ཡིན་ནོ། །ཕྱོགས་གཅིག་མཐོང་བ་ཉིད་ལ་འདི་ལྟར་བརྟགས་པ་ཡང་མ་ཡིན་ནོ་ཏེ། དེ་ལྟར་བསྟན་པ་ལ་དགོས་པ་མེད་པའི་ཕྱིར་དང། གཙོ་བོ་ཡོད་པ་ལ་ཡང་ཡིན་པ་ལ་ཉེ་བར་གདགས ་པ་མི་རིགས་པའི་ཕྱིར་རོ། །རྟོག་པ་དང་ལྡན་པ་ནི། དེས་བསྟན་པའི་གཞུང་ལུགས་ལ། བལྟོས་པ་མེད་པ་ཡིན་ཏེ། བྱད་གྲོལ་ལ་སོགས་པ་དོན་དུ་གཉེར་བ་ལ་དེའི་ཐབས་རིག་པ་ནི། ཕྱིན་ཅི་ལོག་པའི་ཚད་མས ་རྟོགས་པར་འདོད་པ་ཡིན་ནོ། །དེ་ཡང་རྗེས་སུ་བཟུང་བས། དེ་ལ་བལྟོས་པ་དང་བཅས་པ་ཡང་མ་ཡིན་ཏེ། འཁྲུལ་བའི་སྐྱེ་བོས་རབ་ཏུ་སྦྱར་བ་སུན་འབྱིན་པ་ལྟར་སྣང་བ་གསལ་བའི་ཕྱིར་དང། ཇི་ལྟ་བ་བཞིན་ཀྱི་སྒྲུབ་པ་ཉེ་བར ་བསྟན་པའི་ཕྱིར་དེ་སྒྲུབ་པར་རིགས་སོ། །དེ་ལ་ཡང་དེ་ལྟ་བུའི་ཤེས་པ་འགྲུབ་པའི་རྒྱུ་དང་འབྲས་བུ་ཡང་མེད་དོ་ཞེས་བྱ་བ་ལ་སོགས་པའི་ལོག་པར་རྟོག་པ་རྣམ་པ་མང་པོ་རིག་པ་ཡིན་ནོ། ། ་བལྟོས་པ་མེད་པའི་སྟོན་པ་པོ་ཡང་ཉན་པ་པོ་སྦྱོར་བར་བྱེད་པ་མ་ཡིན་བཞིན་དུ་སྨྲ་བ་ཡིན་ན་ནི་ཇི་ལྟར་སྨོན་པ་མ་ཡིན། དེའི་གཞུང་ལུགས་བཤད་པའི་སྒོ་ནས་བལྟོས་པ་དང་བཅས་པར་སྒྲུབ་པར་བྱེད་པ ་ནི་མ་ཡིན་ཏེ། འཆད་པ་དང་ཉན་པས་ཆེས་དུབ་པའི་ཕྱིར་ཡང་ངོ། །འོན་ཏེ་དུབ་པ་ཉིད་བཟོད་དུ་ཟིན་ཡང་མི་ནུས་པས་སློབ་དཔོན་ལ་གུས་པ་མ་ཡིན་ཏེ། སློབ་དཔོན་རྣམས་ནི་མཛའ་ཡས་པའི་ཕྱིར་དེ ་རྣམས་ལ་མ་གུས་པ་ཡོངས་སུ་དོར་ནས་ཀུན་ཏུ་འདོད་པ་བླང་བར་ནི་མི་ནུས་ཀྱི་རང་ཉིད་ཀྱིའོ་ཞེ་ན། །མ་ཡིན་ཏེ། ཐམས་ཅད་ཀྱི་འདོད་པ་ཉིད་ཀྱིས་རང་ཉིད་ཀྱི་ཡིན་པའི་ཕྱིར་རོ། །སློབ་དཔོན་ཕྱོགས་ཀྱི་གླང ་པོས་རིག་པ་གསལ་བར་མཛད་པ་ལ། ཕ་རོལ་པོ་དག་དེས་གསུངས་པ་ལ་སྐུར་པ་འདེབས་པ་སྤོང་བར་བྱེད་དོ། །དེའི་འོག་ཏུ་ཕ་རོལ་པོའི་རྣམ་པར་འཁྲུལ་པ་སྤངས་པའི་རིགས་པའི་ལམ་སྐྱོན་གྱིས་མ ་གོས་པའི་རྣམ་འགྲེལ་རང་དབང་དུ་མཛད་ན། དེའི་འོག་ཏུ་སློབ་དཔོན་ཕྱོགས་ཀྱི་གླང་པོས་མ་ཤེས་པར་གྱུར་ཏོ། །སློབ་དཔོན་ཕྱོགས་ཀྱི་གླང་པོའི་ཚད་མ་ནི་འདི་ལྟ་བུའོ་ཞེས་བརྙས་པར་གྱུར་ཏེ། དེའི་གཞུང་ལ ་འདི་ལྟ་བུའི་རིགས་པ་མ་མཐོང་བའི་ཕྱིར་རོ། །སློབ་དཔོན་དབྱིག་གཉེན་ལ་སོགས་པ་སྔོན་པ་རྣམས་ནི་ཕ་རོལ་པོ་དག་ད་ལྟར་བཀུར་པ་མི་འདེབས་ཏེ། དེས་ན་དེའི་གཞུང་འཆད་པ་ལ་བརྙས་པ་སྤང་བར་མངོན་པར་འདོད་པ་མེད་དེ། མི་ནུས་པ་ནི་ཐུག་པ ་མེད་པར་འགྱུར་པའི་ཕྱིར་སློབ་དཔོན་གཞན་ལ་བརྙས་པ་ནི་མེད་དོ། །མངོན་པར་ཞེན་པ་མེད་པས་སྤོང་བ་མེད་པའི་ཕྱིར་རོ། །མཐོ་རིས་ལ་སོགས་པའི་ལམ་མི་བསླུ་བ་ཅན་གྱི་ཚད་མ་ཉིད་ལ་ནི་རྟོག་པ་དང་ལྡན་པ་རྣམས་བལྟོས་པ་ཡིན་པའི་ཕྱིར་དེ་ཉིད་བརྗོད་བྱ ་ཡིན་པར་གོང་དུ་བསྟན་པ་ཡིན་ནོ། །ཡང་འདི་ལྟར་དེ་ལ་བརྙས་པ་ཡོངས་སུ་སྤང་བ་ཡང་དེའི་མངོན་པར་འདོད་པའི་ཚད་མ་སྒྲུབ་པ་ཉིད་ཀྱི་ཕྱིར་དེ་ཉིད་བསྟན་པར་བྱ་བ་ཡིན། །བདེན་ཏེ། དེའི་འདོད་པ་འབའ་ཞིག་ནི་རང་དབང་དུ་ཚིག་ཉུང་ངུ་དག་གིས་བསྟན་པས་དོན་ལ ་སྦྱར་བ་ལ་རེག་པར་དཀའ་བས་དེའི་གཞུང་ལ་བརྟེན་ནས་བཟུང་བར་མི་ནུས་པས་སྨོད་པར་བྱེད་པའི་ཕྱིར་དེའི་གཞུག་དུ་བཤད་པའི་གདམ་ངག་གི་རྣམ་པས་ཚད་མས་གྲུབ་པའི་མངོན་པར་འདོད་པ་ད་བསྟན་པ་ཡིན་ནོ། །དེ་ནི་དེའི་གཞུང་གང་ཡིན་པ་འདིས་བཤད་པ་མ་ཡིན ་གྱི་སྔོན་གྱི་སློབ་དཔོན་བརྒྱུད་པ་ལས་འོངས་པ་རྟོག་པ་དང་བྲལ་བ་ཉིད་ཅེས་བྱ་བ་ལ་སོགས་པ་བཤད་པའི་ཕྱིར་སློབ་དཔོན་ཕྱོགས་ཀྱི་གླང་པོས་འདིར་ཡང་རྗེས་སུ་བརྗོད་པ་ཡིན་ལ། དེ་ཡང་དེ་ཁོ་ན་བཞིན་དུ་བཤད་པའི་དོན་དུ་རྣམ་འགྲེལ་མཛད་པས་ཀྱང ་རྗེས་སུ་བརྗོད་པ་ཡིན་ནོ། །དེའི་ཕྱིར་དེའི་གཞུང་གི་རྣམ་པར་བཤད་པ་ལ་བརྟེན་པ་མ་ཡིན་ལ། །དེ་ལ་བརྙས་པའི་རྒྱུས་དེ་མངོན་པར་འདོད་པའི་ཚད་མ་རབ་ཏུ་སྒྲུབ་པའི་ཕྱིར་ཡང་མ་ཡིན་ནོ། །གང་ལ་ཡང་ཐུན་མོང་མ་ཡིན་པའི་ཕྱིར་ཞེས་བྱ་བ་ལ་སོགས་པ་སྨོས ་པ་དེ་ལྟ་ན་དེ་ཇི་ལྟར་འདི་འཆད་པ་ཡིན་དེ་ཡང་རང་ཉིད་དོན་དེ་བརྗོད་པས་དེའི་གདམས་ངག་དེ་ཉིད་རབ་ཏུ་བསྟན་པའི་ཕྱིར་ཀུན་ཏུ་དྲངས་པ་ཡིན་ནོ། །དོན་ནི་འདི་ནི་དེ་ཡི་མ་ཡིན་པ་ཁོ་ན་ཏེ། གདམས་ངག་བརྒྱུད་པ་ལས་འོངས་པའི་ཕྱིར་རོ། །ཕྱོགས་ཀྱི་མཚན ་ཉིད་ལ་སོགས་པ་གང་དུ་ཡང་བསྟན་པ་དེའི་གཞུང་ཉིད་ལ་ཡང་བརྗོད་པའི་ཕྱིར་དེའི་དོན་འཆད་པར་བྱེད་ལ། དེ་ཡང་དྲངས་པ་ཁོ་ནར་དགོངས་པའོ། །བསྟན་པར་བླ་བའི་ཕྱིར་དེ་ལྟར་བྱས་པ་ཡིན་གྱི་དེའི་གཞུང་བཤད་པའི་ཕྱིར་ནི་མ་ཡིན ་ནོ། །འདི་ལྟར་ཡང། དེས་བཅོལ་བས་ཀྱང་མ་ཡིན་ལ་རྣམ་པར་རིག་པ་ཙམ་གྱི་ཚུལ་ལ་ཉེ་བར་བཀོད་པའི་གཏན་ཚིགས་ལྟར་སྣང་བ་ལ་སྡང་བ་ཡང་མ་ཡིན་པ་དེའི་ཕྱིར་ཡང་དང་ཡང་དུ་རྩོད་པ་ལ་དགོས་པ་མེད་དོ། །དེ་ཉིད་ཀྱི་ཕྱིར་དེའི་གཞུང་བཤད་པའི ་ཐབས་སུ་གྱུར་ནས་རྗེས་སུ་དཔག་པ་དང་པོར་བཤད་པ་ནི་མ་ཡིན་ནོ། །དེའི་དོན་ཚིགས་སུ་བཅད་པ་དང་པོ་བཤད་པར་ཡིན་པར་ཡང་གོ་བར་མི་བྱའོ། །ཅི་ཞིག་བཤད་པས་མ་མཛད་ཅེ་ན། ཡང་དག་པར་རྫོགས་པའི་སངས་རྒྱས་བཅོམ་ལྡན་འདས ་ཆོས་དང་ཆོས་མ་ཡིན་པ་སྟོན་པར་མཛད་པ་རྣམ་པར་དཔྱད་པར་བྱ་བ་མ་ཡིན་པ་སྒྲུབ་པར་བྱེད་པ་ཡིན་ལ་དེ་ཉིད་ནི་ཐམས་ཅད་ཀྱིས་བལྟོས་པར་བྱ་བ་ཡིན་པའི་ཕྱིར་དེ་ལ་བལྟོས་པ་མེད་པར་སྒྲུབ་པར་བྱེད་པ་ཡང་རིགས་པ་མ་ཡིན་ནོ། །བཅོམ་ལྡན་འདས་དེ ་ཡང་ཡང་དག་པའི་ཐ་སྙད་ལ་བལྟོས་ནས་རྒྱུ་དང་འབྲས་བུའི་གནས་སྐབས་ཀྱི་དབྱེ་བས་རྣམ་པ་གཉིས་ཏེ། རྒྱུའི་གནས་སྐབས་ནི་བྱང་ཆུབ་སེམས་དཔའ་ཨི་གནས་སྐབས་ཏེ། དེའི་དུས་སུ་ཡང་ཐམས་ཅད་རྗེས་སུ་དཔག་པས་རྟོགས་པར་བྱེད་པའི ་ཕྱིར་བཅོམ་ལྡན་འདས་ཀྱིས་རྗེས་སུ་དཔག་པ་ཐོག་མར་གསུངས་སོ། །ལུང་རིགས་དག་གི་རྣམ་དཔྱོད་པ་ཞེས་རྗེས་སུ་དཔག་པའི་ལེའུར་གང་འཆད་པར་གྱུར་པ་བསྟན་པ་ནི། འགྲོ་ལ་ཕན་བཞེད་སྟོན་པ་ཞེས་བྱ་བའོ། །དེ་བཞིན་དུ་འབྲས་བུའི་གནས ་སྐབས་ནི་རང་གི་དོན་དང་གཞན་གྱི་དོན་དག་ཕུལ་དུ་བྱུང་བའི་དབྱེ་བས་རྣམ་པ་གཉིས་སོ། །དེ་ལ་རང་གི་དོན་ཕུལ་དུ་བྱུང་བ་ནི་ཐམས་ཅད་ཀྱི་རྣམ་པ་ཐམས་ཅད་ཕྱིན་ཅི་མ་ལོག་པར་མངོན་དུ་མཛད་པའི་ཕྱིར་མངོན་སུམ་གྱི་རང་བཞིན་ནོ། །རྣམ་པ་དུ་མའི་ཐབས་མང་པོ་ཞེས ་གང་འཆད་པར་འགྱུར་བ་བསྟན་པ་ནི། བདེ་གཤེགས་སྐྱོབ་པ་ཞེས་བྱ་བའོ། །གཞན་གྱི་དོན་ཕུལ་དུ་བྱུང་བ་ཡང་བཅོམ་ལྡན་འདས་ནི་དེ་ཇི་ལྟ་བ་བཞིན་དུ་མངོན་པར་འདོད་པའི་ལམ་གཞན་རྣམས་ལ་སྟོན་པར་མཛད་པའི་ཕྱིར་གཞན་གྱི་དོན་གྱི་རྗེས་སུ་དཔག ་པའི་རང་བཞིན་ནོ། །དེ་ལ་རང་གི་དོན་ཕུལ་དུ་བྱུང་བ་རྩ་བ་ཡིན་པའི་ཕྱིར་ཐོག་མར་མངོན་སུམ་མོ། །དེའི་དབང་དུ་གྱུར་པའི་རྗེས་སུ་དཔག་པ་ཡང་ཚད་མ་ཡིན་པས་བསྒྲུབ་བྱ་ཇི་ལྟ་བས་ཁྱབ་པའི་དོན་དྲན་པར་བྱེད་པ་ཉིད་ཁོ་ནས་ཚིག་གི་ཐ་སྙད་ལ་ཉེ་བར་སྦྱོར ་བའི་ཕྱིར་རང་གི་དོན་གྱི་རྗེས་སུ་དཔག་པའི་འོག་ཏུ་གཞན་གྱི་དོན་གྱི་རྗེས་སུ་དཔག་པ་བསྒྲུབ་པར་འདོད་ནས་དེ་བསྟན་པ་ནི་སྐྱོབ་ལ་ཞེས་བྱ་བའོ། །ཚད་མ་གསུམ་པོ་འདིའི་ཡང་སྤྱིའི་མཚན་ཉིད་མེད་ན། རིག་བྱེད་ལ་སོགས་པ་ཚད་མ་མ་ཡིན་པ་མཚན་ཉིད་དང་བྲལ་བ་ཅན་མི་རྟོགས ་པའི་ཕྱིར་ཚད་མ་སྤྱིའི་མཚན་ཉིད་རབ་ཏུ་སྒྲུབ་པའི་ཕྱིར་ལེའུ་དང་པོས་ཏེ་དེ་བསྟན་པ་ནི་ཚད་མར་གྱུར་པ་ཞེས་བྱ་བའོ། །སྤྱིའི་མཚན་ཉིད་ཀྱི་རྣམ་པར་དབྱེ་བའི་ཚིག་དག་གི་སྔ་མ་དང་ཕྱི་མའི་ངེས་པ་ནི་མེད་དོ། །རྣམ་པར་ཕྱེ་བ་དག་གི་ཚད་མ་མ་ཡིན་པ་རྣམ་པར ་བཅད་པ་ནི་ཚད་མ་རྣམ་པར་ངེས་པ་ཇི་ལྟ་བ་བཞིན་ནོ། །སྤྱིའི་མཚན་ཉིད་ཀྱིས་ཚད་མ་མ་ཡིན་པ་རྣམ་པར་བཅད་པའམ་རྣམ་པར་དབྱེ་བ་འདི་ཉིད་དུ་རྣམ་པར་གཅོད་པ་ནི་རྣམ་པ་གཉིས་ཞེ་བྱ་བ་ལ་སོགས་པས་རྣམ་པར་དབྱེ་བ་སྟོན་པར་འགྱུར་ཏེ། བྱེ ་བྲག་གི་མཚན་ཉིད་ཀྱི་ཡན་ལག་ཡིན་པའི་ཕྱིར་རྣམ་པ་གཉིས་སོ། །དེས་ན་དང་པོ་ཉིད་ཅེས་བྱ་བ་ནི་ངེས་པའོ། །གང་གི་ཕྱིར་རྣམ་པར་དབྱེ་བས་བཞག་པ་དག་མེད་ན་ཤིན་ཏུ་ངེས་པའི་ངོ་བོ་རྟོགས་པར་འདོད་ཅིང་རྟོགས་པར་བྱེད་པར་འདོད་པར ་ཡང་མི་ནུས་སོ། །འདི་ལྟ་བུའི་ཚད་མ་དེ་ལ་ཕྱག་བཙལ་ནས་བཤད་པར་བྱ་ཞེས་བྱ་བར་སྦྱར་རོ། །གཞན་ཡང་བཅོམ་ལྡན་འདས་ཀུན་རྫོབ་དང་དོན་དམ་པའི་ངོ་བོ་གཞན་གྱི་འཁྲུལ་པ་སེལ་བ་འདིར་བསྒྲུབ་པར་བྱ་སྟེ། བག་ཆགས་དང་བཅས ་པའི་དྲི་མ་ཐམས་ཅད་རབ་ཏུ་སྤངས་པའི་ཕྱིར་ཡོན་ཏན་ཕུན་སུམ་ཚོགས་པ་བརྙེས་པས་ཕུལ་དུ་བྱུང་བ་དངོས་པོ་མ་ལུས་པ་གཉིས་སུ་མེད་པར་ཐུགས་སུ་ཆུད་པའི་ཕྱིར་མངོན་སུམ་པའི་བདག་ཉིད་ཅན་ནི་དོན་དམ་པར་རོ།། ་ཀུན་རྫོབ་ཏུ་ཡང་དེ་དང་རྗེས་སུ་མཐུན་པ་ཉིད་ཀྱི་ཚད་མ་ཡིན་པར་ཤེས་པའི་དོན་དུ་དེ་ལ་འཁྲུལ་པ་མེད་པའི་རྣམ་པར་རྟོག་པ་དང་ཚིག་གི་ངོ་བོ་རང་གི་དོན་དང་གཞན་གྱི་དོན་གྱི་རྗེས་སུ་དཔག་པའི་དབྱེ་བས་བསྟན་ཏེ། དེས་ན་རྩིག་པ་ལ་སོགས་པ་ལས་བྱུང་བས ་བསྟན་པ་རྣམས་ཉིད་ལ་ཡང་ཁོ་བོ་ཅིག་ཡིད་ཆེས་པ་མེད་དོ་ཞེས་ཟེར་བའི་གཞན་གྱི་འཁྲུལ་པ་བསལ་བ་ཡིན་ནོ། །གང་གི་ཕྱིར་མངོན་དུ་མཛད་པ་དེར་ངེས་པའི་གཏན་ཚིགས་ངེས་པ་དེ་རྟོགས་པ་པོའམ་ཚིག་ལ་རྟོག་པ་དང་ལྡན་པ་རྣམས་ཡིད་མི་ཆེས ་པར་མི་རིགས་ཞེས་བྱ་བའི་དོན་ཏོ། །ལྷག་མ་ནི་འདི་ལ་ཡང་མཚུངས་སོ་ཞེས་བྱ་བ་ནི་ལེའུའི་གོ་རིམས་སོ། །དེ་ལ་ཚད་མར་གྱུར་པ་ལ་ཞེས་བྱ་བའི་དང་པོའི་ཕྱེད་ནི་བསྟོད་པའོ། །ཚད་མ་གྲུབ་པ་འཆད་པར་བྱེད་པ་ཡིན་གྱི་སློབ་དཔོན་གྱིས་གཞུང་བཤད ་པའི་ཕྱིར་མ་ཡིན་པ་ནི་རྣམ་འགྲེལ་མཛད་པའི་དགོངས་པ་བསྟན་པའོ། །དེ་ལ་ཡང་གཏན་ཚིགས་ནི་རྟོག་གེ་ངན་འཁྲུལ་ཞེས་བྱ་བའོ། །གཞན་ཡང་ཁ་ཅིག་བཅོམ་ལྡན་འདས་མར་མེ་བཞིན་དུ་མྱ་ངན་ལས་འདས་ཀྱང་དེ་ཚད་མ་ཉིད་དུ་སྒྲུབ་པའི་ཕྱིར་རོ་ཞེ་ན། དེ་ལ ་ཚད་མར་གྱུར་ཞེས་བྱ་བ་ལ་སོགས་པ་སྨོས་སོ། །སྐྱོན་མེད་པར་དངོས་པོ་དོར་བར་རིགས་པ་མ་ཡིན་ཏེ་མྱ་ངན་ལས་འདས་པ་ལྟ་བུའོ། །དེ་བཞིན་དུ་ཐམས་ཅད་མཁྱེན་པའི་ཡེ་ཤེས་ཀྱང་སྟེ་དེ་བསྟན་བ་ནི་བདེ་གཤེགས་ཞེས་བྱ་བའོ། །དེ་ལྟ་བུའི་རང་བཞིན་ཡིན་ཡང་དངོས ་པོའི་རྒྱུན་གྱི་རྒྱུ་མེད་པའི་ཕྱིར་མར་ཁུ་ལ་སོགས་པ་ཟད་པའི་མར་མེ་བཞིན་དུ་ཟད་པ་མ་ཡིན་ནམ་ཞེ་ན། ཕན་བཞེད་པ། སྟོན་པ་ཞེས་བྱ་བ་སྨོས་ཏེ། འདིས་ཀྱང་རྒྱུ་བརྟན་པོ་གཞལ་དུ་མེད་པར་བསྟན་པ་ཡིན་ནོ། །འོན་ཏེ་དེ་ལྟ་ན་ཡང་འགའ་ཞིག་ཉེ་བར་སྦྱོར་བར་མི་བྱེད ་ཅིང་འདོར་ལ། །འགལ་བ་འདུ་བ་འམ་རང་ཉིད་སྐྱེ་བ་ཡིན་ནོ་ཞེ་ན། ཚད་མར་གྱུར་པ་ཞེས་བྱ་བ་སྨོས་སོ། །སྐྱེ་བ་ཐམས་ཅད་དུ་ཕན་པ་ཉེ་བར་བསྟན་པས་ཕན་བཏགས་པ་ཡིན་ན། དེ་དོན་མེད་པ་ཅན་མ་ཡིན་གྱི་ལན་ཅིག་བྱུང་བའི་ཕན་བཏགས་པ་བྱས་པ་དེས་ཀྱང་དགོས་པ་ཅི་ཞིག ་ཡོད་ཅེ་ན། མི་རིགས་ཏེ་ཕན་གདགས་པར་བྱ་བ་མཛའ་མེད་པ་ལ་ཕན་གདགས་པ་ཡང་མཛའ་མེད་པའི་ཕྱིར་འགྲོ་བ་ཐམས་ཅད་ཀྱི་དོན་བྱའོ་ཞེས་ཀྱང་དམ་བཅའ་བའི་ཕྱིར་ལ། དེ་ཡང་མ་རྫོགས་པའི་ཕྱིར་བཅོམ་ལྡན་འདས་ཉིད་ཀྱང་ཡོངས་སུ་མ་རྫོགས་པ་ཡིན་ཏེ། དེ་བསྟན ་པ་ནི་ཚད་མ་ཞེས་བྱའོ། །དེ་ལ་ཡང་འགལ་བ་མེད་པར་བསྟན་པ་ནི་ཡང་དག་ཅེས་བྱ་བའོ། །ཡང་དག་པ་ལ་ཡང་དག་པ་མ་ཡིན་པས་གནོད་པ་མ་ཡིན་ཏེ། ཉ་ཕྱིས་ཀྱི་ཤེས་པ་ལ་དངུལ་གྱི་ཤེས་པས་གནོད་པ་མ་ཡིན་ནོ། །ཡང་དག་པ་ལ་གནོད་པར་བྱེད་པ་ཡང་དག་པ་ཡིན་པར ་ནི་མཐོང་སྟེ་གྲང་བ་ལ་སྲེག་བྱེད་ལྟ་བུའོ། །དེ་བཞིན་དུ་འདིར་ཡང་སྙོམས་པར་འཇུག་པ་ལ་སོགས་པར་འགྱུར་རོ། །དེ་ནི་མ་ཡིན་ཏེ། གཏན་དུ་འགལ་བ་མ་ཡིན་གྱི་སྐད་ཅིག་དེ་ལ་འགལ་བ་སླར་ཡང་འབྱུང་བའི་ཕྱིར་ཏེ། དེ་བསྟན་པ་ནི། སྐྱོབ་པ་ཞེས་བྱ་བ་སྟེ། རྒྱུན ་གྱིས་གནས་པ་ཞེས་བྱ་བའི་དོན་ཏོ། །སྤྲུལ་པ་ཉེ་བར་བསྡུ་བ་ཙམ་གྱིས་ཡོངས་སུ་མྱ་ངན་ལས་འདས་པར་བསྟན་ཀྱང་ཐམས་ཅད་དུ་རྣམ་པར་རྒྱལ་བ་པོ་བཅོམ་ལྡན་འདས་ནི་འཁོར་བ་ཇི་སྲིད་བར་བཞུགས་པ་ཡིན་ནོ། །གང་ཡང་བཅོམ་ལྡན་འདས་ནི་རང་གིས་རང ་ཉིད་རྒྱུ་ལས་དབང་པོ་ལ་སོགས་པའི་མཚན་ཉིད་ཀྱི་ཚད་མ་ཉིད་ཀྱི་ཡེ་ཤེས་སྐྱེས་པ་ཡིན་གྱི། ཡོན་ཏན་ལ་སོགས་རྒྱུ་གཞན་ལས་ནི་མ་ཡིན་ནོ། །དེ་ཡོད་ན་ཡོད་པ་ཉིད་དུ་ངེས་པ་མེད་པ་ལས་ན་ཚད་མ་ཉིད་མ་ཡིན་ནོ། །དེ་ཙམ་ལ་མ་ཡིན་རྒྱུ་གཞན་གྱི་སྐྱོན ་ཡིན་པར་ངེས་པར་བྱེད་པ་ཡིན་ནོ། །ཞེས་གཞན་ལ་སྟོན་ཏོ། །ཅིའི་ཕྱིར་ཡོན་ཏན་དང་ལྡན་བའི་དབང་པོ་རྒྱུ་མ་ཡིན་པ་ནི་རྗེས་སུ་དཔག་པ་ལ་ནི་སྣང་བའི་ཕྱིར་ཏེ་གང་གི་ཕྱིར་རྗེས་སུ་དཔག་པ་ནི་ཚུལ་གསུམ་པ་ཉིད་དུ་ངས་པ་ལས་སྐྱེ་བ་ཡིན་གྱི་ཡོན་ཏན་དེ་ལས་ནི་མ་ཡིན་ཏེ་ངེས་པ་མེད་པའི་ཕྱིར་རོ། །མངོན་སུམ་ཡང ་ཤེས་པའི་རྒྱུ་ཉིད་ཡིན་པའི་ཕྱིར་ཚད་མ་ཉིད་ཀྱི་རྒྱུ་ཡིན་གྱི་གཞན་ནི་མ་ཡིན་ནོ་ཞེས་ཟེར་བ་ནི་ཅིག་ཤོས་རྣམས་སོ། །གཞན་དག་ན་རེ་མིག་སྨན་ལ་སོགས་པས་ཡོན་ཏན་བསྐྱེད་པ་ཡིན་ཏེ། དེ་སྐྱེས་པ་ནས་བརྩམ་ནས་ཡོད་པ་ཡང ་མ་ཡིན་ལ། དེའི་དབང་པོ་ཡང་ཚད་མ་བསྐྱེད་པར་བྱེད་པ་སྣང་ཡང་དེ་ལ་ཡོན་ཏན་རྣམས་ནི་མེད་དེ་རྒྱུ་མེད་པའི་ཕྱིར་རོ། །སྐྱེ་བས་ཐོབ་པའི་རབ་རིབ་ཅན་གྱི་ཤེས་པ་ཇི་ལྟར་ཡིན། དེ་ལ་མིག་སྨན་ལ་སོགས་པའི་སྦྱོར་བས་སྐྱོན་བསལ་བས་དབང་པོ་ཉིད་ཚད ་མར་གྱུར་པ་ཡིན་ནོ། །སྦྱོར་བས་སྐྱོན་བསལ་བས་ཡོན་ཏན་སྐྱེ་བར་བྱེད་པ་དེ་རྣམས་ལས་ཚད་མ་ཉིད་མ་ཡིན་ཏེ། འདི་ལ་ཚད་མ་མེད་པའི་ཕྱིར་དང་རབ་རིབ་འཇོམས་པའི་སྦྱོར་བ་ཞེས་ཀྱང་ཐོས་པའི་ཕྱིར་རོ། །རྟོག་པའི་ཉེས་པ་དུ་མ་དེ་རྣམས་ཀྱིས་སྐྱོན ་སེལ་བར་བྱེད་ཅིང་ཡོན་ཏན་ཡང་བསྐྱེད་པར་བྱེད་ལ། དེའི་ཕྱིར་དབང་པོ་ཉིད་ཚད་མ་ཡིན་ཞིང་ཚད་མ་མ་ཡིན་པ་ཡང་ཡིན་པ་དེ་ལས་འབྱུང་བ་མ་ཡིན་ཞིང། གཞན་ལ་བལྟོས་པ་ཡིན་ཏེ། འདི་གཞན་ལ་བལྟོས་པར་ཡང་མཐོང་ནི་ཡོན་ཏན་དང་དམ་པ་དང་འབྲེལ ་བའི་མིག་ལ་ཟླ་བ་གཉིས་ཀྱི་ཤེས་པ་ལྟ་བུ་སྟེ་དེར་ཡང་ཡོན་ཏན་ལ་མི་བརྟེན་པ་ཡང་མ་ཡིན་ལ། ཚད་མ་ཡང་མ་ཡིན་ནོ་ཞེས་བསྟན་པ་ཡིན་ནོ། །འཇིག་རྟེན་ཡང་གང་ཇི་ལྟར་རྟོགས་པ་དེ་དེ་བཞིན་དུ་རྗེས་སུ་བསྒྲུབ་སྟེ། དེར་ཡང་གཞན་ཡང་བལྟོས ་པ་མ་ཡིན་ནོ། །གཞན་དུ་ཡང་འགྱུར་རོ་ཞེ་ན། གཞན་དུ་ཡང་དོགས་པ་དེ་ལྟ་ན་ཡང་གཞན་ལ་བལྟོས་པ་ཡིན་ནོ། །ཐ་སྙད་པ་ཡང་ཡུལ་ལ་ཡོངས་སུ་མི་གཅོད་ཅིང་རབ་ཏུ་འཇུག་པ་མ་མ་ཡིན་ནོ། །ཡོངས་སུ་བཅད་པ་ལ་ཡང་གཞན་ལ་བལྟོས་པ ་ཅི་ཞིག་དགོས། བསླུ་བར་དོགས་པ་གཞན་ལ་བལྟོས་པ་ཡིན་ནོ་ཞེ་ན། དེ་ལྟ་ན་ཡང་སླུ་བར་བྱེད་པའི་རྒྱུ་རྣམས་ཉིད་ནི་བལྟོས་པ་ཅན་ཡིན་ལ་མི་བསླུ་བ་ཉིད་དུ་རྟོགས་པས་ངེས་པ་ཡིན་ནོ། །རིག་བྱེད་ནི་རང་ཉིད་ཚད་མ་ཡིན་ཏེ། དེ་ཡང་རང་ཉིད ་ཚད་མ་ཐམས་ཅད་ཀྱི་ཚད་མ་ཉིད་དུ་ངེས་པ་སྟེ། རང་ཉིད་ཡོད་པ་མིན་པ་སྟེ། །གང་ནའང་ཡོད་པ་མ་ཡིན་ནོ། །ཞེས་བསྟན་པའོ། །གཞན་གྱི་ལ་ནི་ད་འདྲ་བའི་ཤེས་པའི་རྒྱུ་མེད་པའི་ཕྱིར་མི་རིགས་ཏེ་མིག་གིས་ལན་ཅིག་གཟུགས་མངོན་དུ་བྱས་པས་མཐོང་བ་དུས་ཡང ་གཞན་དུ་མི་འགྱུར་ཏེ། རྒྱུ་ངེས་པའི་ཕྱིར་རོ། །དེ་ཡང་ཚད་མ་ཉིད་ནི་གཅིག་གིས་ཀྱང། །ཐམས་ཅད་མཁྱེན་པར་གང་གིས་བརྟགས། །ངེས་པར་མིག་གིས་རོ་ལ་སོགས། །ཐམས་ཅད་ཤེས་པར་བྱ་བར་འགྱུར་ཞེས་བསྟན་པའོ། །དེ་རྟོགས་པར་བྱེད་པའི་ཚད་མ ་ཡང་ཡོད་པ་མ་ཡིན་ཏེ། གང་གིས་གཞན་དུ་མི་འཐད་པའི་རྒྱུར་བརྟག་པར་བྱ་སྟེ། རེ་ཤིག་ད་ལྟར་ཀུན་མཁྱེན་གྱི། །བདག་ལ་སོགས་པ་མ་མཐོང་སྟེ། །ཕྱོགས་གཅིག་ན་ཡང་ཡོད་པར་ནི། །བརྟགས་མེད་ཕྱིར་ན་དཔག་བྱ་མིན། །ཞེས་བསྟན་པའོ། །རིག ་བྱེད་ཀྱང་ཚད་མར་མཐོང་བའི་ཕྱིར་ཅུང་ཟད་ཀྱང་བརྟག་པར་བྱ་བ་མ་ཡིན་པས། མི་མཐོང་བར་ཅུང་ཟད་ཀྱང་དཔྱད་པར་མི་བྱའོ་ཞེས་བྱ་བ་ནི་དཔྱོད་པར་རྣམས་ཀྱི་ཡིན་ནོ། །འདི་ལ་ལན་གདབ་པ་ནི་ཚར་མར་གྱུར་པ་ལ་ཞེས་བྱ་བ་སྟེ། རེ་ཞིག་རྗེས་སུ་དཔག་པ་ནི ་ཚུལ་གསུམ་པ་ཉིད་དུ་ངེས་པ་ལས་སྐྱེ་བ་ཡིན་གྱི་གཞན་ཡོན་ཏན་ལས་ནི་མ་ཡིན་ནོ། །ཞེས་གང་སྨྲས་པ་དེ་ནི་མི་རིགས་ཏེ། དེ་ཉིད་ཡོན་ཏན་ཡིན་པའི་ཕྱིར་དེ་མ་གཏོགས་པ་ཚུལ་གསུམ་པ་ཙམ་ནི་ཕྱིན་ཅི་ལོག་ཏུ་འཛིན་པ་ཚད་མ་མ་ཡིན་པ་བསྐྱེད ་པར་བྱེད་པ་སྟེ། འདི་ལྟར། སྐུལ་བྱེད་སོགས་པར་སྐྱེས་པའི་བློ། །ཚད་མ་ཡིན་ཏེ་སྐྱོན་བྲལ་རྒྱུས། །བསྐྱེད་ཕྱིར་བརྟགས་དང་ཡིད་ཆེས་པའི། །ཚིག་དང་དབང་པོའི་ཤེས་པ་བཞིན། ཞེས་པ་ལྟ་བུའོ། །འདི་ལ་སྐྱོན་དང་བབ?་བའི་རྒྱུས་བསྐྱེད་པ་ཉིད་ཀྱི་ངེས ་པ་མེད་ཀྱང་འདི་ལས་ཤེས་པ་སྐྱེ་བ་ཡིན་ནོ། །དེའི་ཕྱིར་ཕྱིན་ཅི་མ་ལོག་པའི་ཚུལ་གསུམ་པར་ངེས་པའི་རྗེས་སུ་དཔག་པའི་རྒྱུ་མ་ཡིན་ནོ། །འོན་ཀྱང་ཚད་མ་ཉིད་ཀྱི་རྒྱུ་ཡིན་པ་དེའི་ཕྱིར་དབང་པོ་རྣམས་ལ་ཡང་ཡོན་ཏན ་བརྟགས་པ་དེ་མ་ཉམས་པར་མཚུངས་པ་ཁོ་ན་ཡིན་ནོ། །ཡང་མིག་སྨན་ལ་སོགས་པའི་སྦྱོར་བས་སྐྱོན་མེད་པ་ཡིན་གྱི་ཡོན་ཏན་ནི་མེད་དེ་ཞེས་གང་སྨྲས་པ་དེ་ཡང་མ་ཡིན་ཏེ། གལ་ཏེ་དབང་པོ་ཙམ་ཚད་མ་སྐྱེད་བར་བྱེད་ན་ནི་ཐམས ་ཅད་དུ་སྐྱེད་བར་བྱེད་པར་འགྱུར་ཏེ་རྟག་ཏུ་ཡོད་པའི་ཕྱིར་རོ། །སྣང་བ་ལ་སོགས་པས་ཁྱད་པར་སྐྱེད་པ་ཡིན་ནོ་ཞེ་ན། དེ་ལྟ་ན་གཞན་ཉིད་ལས་ཚད་མར་འགྱུར་རོ། །དེ་ཡང། ཉི་མའི་ཟེར་གྱིས་ཟིལ་ནོན་ཕྱིར། །མིག་གི་ནུས་པའི་ཚོར་བ་ནི། རིམ་གྱིས ་རིམ་གྱིས་དེ་བཞིན་དུ། །བརྟགས་ནས་བསལ་བར་འགྱུར་བ་ཡིན། ཞེས་བསྟན་པར་འགྱུར་བའོ། །ཤེས་པ་ཉིད་ནི་ཡོན་ཏན་དང་སྦྱོར་དག་གིས་བསྐྱེད་བར་བྱ་བ་མ་ཡིན་གྱི་ཡོན་ཏན་དང་ལྡན་པ་དང་སྐྱོན་དང་ལྡན་པ་ནི་དབང་པོ་ཡིན་ཏེ། དེ་དག་མེད ་ཀྱང་འབྱུང་བའི་ཕྱིར། དབང་པོ་ཙམ་ལས་བྱུང་བ་སྐྱོན་དང་ལྡན་པ་ཡང་བྱ་བ་ལ་བྱེ་བྲག་མེད་པའི་ཕྱིར་ཤེས་པ་བཞིན་དུ་ཚད་མ་ཉིད་དུ་འགྱུར་རོ། །དབང་པོ་གོམས་པ་ལས་བྱུང་བའི་ཟིན་པོ་ན་ལུགས་ལ་སོགས་པ་རྣམས་ལ་བྱ་བ་བྱེད་པ་ཡང་མཐོང་སྟེ། དེ ་ཡང། གོམས་པས་ཕྱིར་ཞིང་ཟིན་པོར་གྱུར། སྔ་མ་རྣམས་ནི་མཇུག་སྡུད་ཅིང། །ཡུལ་ཆོས་ཐ་དད་མིན་ཉིད་དང། ཐ་དད་ཉིད་ཀྱི་དབྱངས་དང་ནི། །ཐོས་པའི་ཕ་རོལ་སོན་དང་གང། །དེ་ལ་ཤིན་ཏུ་མཁས་ཐོབ་འགྱུར། ཞེས་གསུངས་པའོ། །ཡང་རབ་རིབ ་འཇོམས་པའི་སྦྱོར་བ་ཞེས་ཀྱང་ཐོས་པ་ཞེས་གང་སྨྲས་པ་དེ་ཡང་མ་ཡིན་ཏེ། །དེ་ལྟར་རབ་རིབ་མེད་པའི་སྒོ་ནས་ཡོན་ཏན་ཐོབ་པར་སྨྲ་བ་ནི་གཞན་དུ་ཡོན་ཏན་ཐོབ་བར་སྨྲས་པའི་ཕྱིར་ཏེ། འདི་ལྟར་ཡང། བྱི་ལ་དང། རྔ་མོ་དང། སྤྱང་ཀི་ལ་སོགས ་པའི་མིག་སྐམས་པའི་ཕྱེ་མས་མིག་བཀུས་ན་མཚན་མོ་ཡང་ཉིན་མོ་བཞིན་དུ་མཐོང་ལ། འདི་ལ་ཡང་སྐྱོན་བསལ་བས་མེད་པ་མ་ཡིན་པའི་ཕྱིར་རོ། །ཡང་བསླུ་བར་དོགས་པས་གཞན་ལ་བལྟོས་པ་ཡིན་ནོ་ཞེས་བྱ་བ་དང། མི་བསླུ་བ་ཉིད་དུ་རྟོགས་པས ་ངེས་པ་ཡིན་ནོ་ཞེས་གང་སྨྲས་པ་ཡང། དེ་ལ་མི་སླུ་བ་དོན་དུ་གཉེར་བ་ཡང་ཚད་མ་ཉིད་ཚོལ་བ་ལ་བརྩོན་པ་ཡིན་ནོ་ཞེས་འོག་ནས་འཆད་པར་འགྱུར་རོ། །ཚད་མ་ནི་བཅོམ་ལྡན་འདས་ཕན་པར་བཞེད་པ་ཉིད་སྦྱོར་བ་པོ་ཉིད་ཀྱི་ངོ་བོའི་རྒྱུ་ཚོགས་པ་ཉིད་ཀྱིས་བདེ་བར ་གཤེགས་པ་ཉིད་ལ་སྦྱོར་བའི་ཕྱིར་ཏེ། དེ་ཉིད་ཀྱིས་ན་རྒྱུ་མི་དམིགས་པར་མ་གྲུབ་པོ། །སྐྱོབ་པ་ཡིན་པའི་ཕྱིར་འབྲས་བུ་མི་དམིགས་པ་ཡང་ངོ། །དེ་ལྟར་ཅི་ལས་ཤེས་ཤེ་ན། ཚད་མ་གྲུབ་པ་ཞེས་བྱ་བ་ལ་སོགས་པ་སྨོས་ཏེ། འདིར་རྒྱུ་ནི་རྟོག་གེ་ངན་པ་ཞེས་བྱ་བའོ།། ་བསྟན་པ་ལས་བྱིན་ཅི་ལོག་པ་ནི་ཚད་མ་མ་ཡིན་ནོ་ཞེས་བྱ་བར་ཤུགས་ཀྱིས་བསྟན་པ་ཡིན་ནོ། །གང་ཡང་དང་པོའི་ཕྱིར་ཀྱིས་བཅོམ་ལྡན་འདས་ལ་ཕྱག་འཚལ་ནས། གཞན་གཉེན?་པ་པོ་བསྟན་བཅོས་ལ་འཇུག་པའི་དོན་དུ་བརྗོད་པར་བྱ་བ་དང། དགོས་པ ་ལ་སོགས་པ་རྒྱུ་དང་བཅས་པར་བསྟན་པ་འམ་ཀུན་གྱིས་ཀྱང་ངོ། །དེ་ལ་བརྗོད་པར་བྱ་བ་ནི་འཆད་པར་འགྱུར་བའི་མཚན་ཉིད་ཅན་གྱི་ཚད་མ་འཇིག་རྟེན་ཕ་རོལ་པ་དོན་དམ་པར་རྟོགས་པའི་རྒྱུར་བཅོམ་ལྡན་འདས་ཉིད་འཇིག་རྟེན་པའི་ཚད་མ་ཉིད་ཡོངས་སུ་རྟོགས ་པ་ནི་འབྲས་བུ་དམན་པ་ཡིན་པའི་ཕྱིར། དེ་ཡང་ཆོས་དང་ཆོས་མ་ཡིན་པ་རྟོགས་པར་བྱ་བའི་ཕྱིར་དེའི་ངོ་བོ་དགོས་པ་ནི་ཤུགས་ཀྱིས་བསྟན་ཏོ། །ཡང་ན་ཚད་མའི་རྒྱུ་མཚན་གྲུབ་པའི་དེ་བཞིན་གཤེགས་པའི་ཕུན་སུམ་ཚོགས་ལ་ཉེ་བར་སྦྱོར་བ་གང་ཡིན་པ ་སྟེ། འགྲུབ་པར་འགྱུར་བ་ནི་འགྲོ་བའི་དོན་སྒྲུབ་པར་བྱེད་པ་ཅན་ཞེས་བྱ་བས་དེ་ཚད་མའི་སྒྲུབ་པའི་སྒོ་ནས་དེ་ཉིད་བསྟན་པའི་ཕྱིར་ཚད་མ་གྲུབ་པ་བཤད་པར་བྱའོ། །ཡང་ན་འདིས་སྒྲུབ་པར་བྱེད་པ་སྟེ་སངས་རྒྱས་བཅོམ་ལྡན་འདས་ཚད་མ་ཡིན་ནོ་ཞེས་རྒྱུ་ཕུན ་སུམ་ཚོགས་པ་སྟེ། དེ་རྟོགས་པའི་ཐབས་ཕུན་སུམ་ཚོགས་པ་གྲུབ་པ་ཡང་ཚད་མའི་གྲུབ་པའོ། །ཇི་ལྟ་བ་བཞིན་དུ་སྒྲུབ་པའི་བྱེད་པའོ། །ཞེས་བྱ་བ་འདིས་ཉེན་པ་པོ་དང་རྩོམ་པ་པོ་བྱ་བའི་འབྲས་བུ་དང་བསྟན་བཅོས་ཀྱི་དགོས་པ་དག་གི་ཐབས་དང ་ཐབས་ལས་བྱུང་བའི་མཚན་ཉིད་ནི་འབྲེལ་བའོ། །གཙོ་བོ་སྨོས་པའི་ཤུགས་ཀྱིས་བསྟན་ནོ། །གཞན་དུ་མེད་པ་འམ་མི་ནུས་པ་འམ་འདོད་པར་བྱ་བ་མ་ཡིན་པའི་ངོ་བོ་དོན་མེད་པར་དོགས་པ་ལ་ནི་འགའ་ཡང་འཇུག་པར་མི་འགྱུར་བ་དེས་ན། བསྟན ་བཅོས་བྱེད་པ་རྣམས་རང་ཉིད་ངག་དང་པོ་ལ་རབ་ཏུ་སྦྱོར་བ་ཡིན་ཏེ། གཞན་ལ་ཕན་པར་ཞུགས་པ་དེ་རྣམས་ལོག་པར་བརྗོད་པ་ལ་ནི་དགོས་པ་མེད་དོ། །དེས་ན་ཡང་ངག་གི་དོན་ལ་ཐེ་ཚོམ་དུ་འགྱུར་ལ་དེས་ནི་དོན་དུ་གཉེར་བ་རྣམས་འཇུག་པ་ཡིན་ནོ། །དོན་ལ་ཐེ་ཚོམ ་ཟ་བ་ཡང་ངེས་པ་ཅན་བཞིན་དུ་ཞིང་གི་ལས་ལ་སོགས་པ་ལ་འཇུག་པར་འགྱུར་བ་མཐོང་བའི་ཕྱིར་རོ་ཞེས་བྱ་བ་ནི་ཁ་ཅིག་གི་འདོད་པའོ། །བསྟན་བཅོས་བྱེད་པ་ལོག་པར་སྨྲ་བ་མ་ཡིན་པར་ཅི་ལས་ཤེས་ཤེ་ན། སྨྲས་པ། གཞན་བསླུ་བའི་ཆེད་དུ་ལོག་པར་བྱེད་པ་ནི་རྟོག་པ ་དང་ལྡན་པ་རྣམས་རང་ཉིད་བསླུ་བར་མི་བྱེད་པས་གཞན་བསླུ་བར་བྱ་བའི་ཕྱིར་བསྟན་བཅོས་ཀྱི་དང་པོར་ལོག་པར་བརྗོད་པ་ནི་མི་སྲིད་དོ། །མཁས་པ་ཉིད་དུ་རབ་ཏུ་གནས་པའི་ཕྱེད་དུ་དང་པོ་ཉིད་ནས་བརྩམས་ནས་ལོག་པར་སྨྲ་བ་ནི་ཇི་ལྟར་འདོད་པ་ལ་རབ་ཏུ་གནས་པ ་འཇིག་པ་ཡིན་པའི་ཕྱིར་གཞན་སླུ་བར་བྱེད་པར་འདོད་པ་ལས་རང་ཉིད་བསླུས་པ་ཁོ་ནར་འགྱུར་བར་རིགས་པའི་ཕྱིར་ལོག་པར་བརྗོད་པ་མ་ཡིན་ནོ། །དེ་ལྟར་ན་ཡང་ཕྱིན་ཅི་ལོག་པ་དོན་མེད་པ་མ་ཡིན་ཏེ། རིགས ་པས་ངེས་བཞིན་པའི་དོན་ཉིད་ནི་ངེས་པ་ཡིན་པའི་ཕྱིར་ཇི་ལྟར་དོན་ལ་ཐེ་ཚོམ་དུ་འགྱུར་བ་མེད་པ་ནི་མེད་པའི་ངོ་བོ་ཡིན་པའི་ཕྱིར་རོ། །དེ་ནི་མ་ཡིན་ཏེ། ལམ་འདི་ན་སྲོག་ཆགས་གདུག་པ་ལ་སོགས་པ་དོན་མེད་པར་འགྱུར་བ་མེད་པར་དེས་ན་གསེར་ལ་སོགས་པའི་དོན ་ཡོད་པར་ངེས་པར་འགྱུར་རམ་ཅི། སྲོག་ཆགས་གདུག་པ་ལ་སོགས་པ་མེད་པ་དང་གསེར་ལ་སོགས་པ་ནི་ཐ་དད་པའི་ཕྱིར་རོ། །འདི་ལ་ཡང་བྱ་རོག་གི་སོ་ལ་སོགས་པའི་བསྟན་བཅོས་བཞིན་དུ་བརྗོད་པར་བྱ་བའི་དགོས་པ་མེད་པ་མ་ཡིན་པར་ངེས་ན་དོན ་ཉིད་ཀྱང་ངེས་པར་འགྱུར་ཏེ། དེ་མ་ཡིན་པ་ནི་དེ་ཉིད་ཡིན་པའི་ཕྱིར་རོ། །བརྗོད་པར་བྱ་བ་ལ་སོགས་པའི་ཡུལ་ཚིག་ལས་རྣམ་པར་ཤེས་པ་ངེས་པ་མེད་པའི་རྒྱུ་མཚན་ལས་བྱུང་བའི་ངེས་པ་ཡང་ཕྱོགས་ཅན་ཡིན་བསེལ་བར་མི་བྱེད་པའི་བརྗོད་པར་བྱ་བ་ལ་སོགས་པ་ཉིད་ནི་ཡོད ་དམ་མེད་པར་ཐེ་ཚོམ་ཟབ་ཡིན་གྱི། ཕྱིན་ཅི་ལོག་པ་ཡང་མ་ཡིན་ལ་དེ་ཉིད་དུ་ངེས་པར་ཡང་མི་བྱེད་པ་མ་ཡིན་ནམ། །ངེས་པ་མེད་པའི་ཕྱིར་དེ་ཉིད་དོན་མེད་པ་མ་ཡིན་པར་རིགས་པས་ངེས་པ་དེའི་ངོ་བོའི་དོན་དུ་ངེས་པའི་ཕྱིར་དོན་མེད་པ་ལ་ཐེ་ཚོམ་ཟ་བ་མེད་པར་ངེས་པ་ནི ་དོན་མེད་པ་མ་ཡིན་པ་མ་ཡིན་ནོ་ཞེ་ན། དེ་དེ་ལྟར་ན་ཡང་དོན་མེད་པ་ལ་ཐེ་ཚོམ་ཟ་བ་མེད་པར་ངེས་པ་ཡིན་ཏེ། ཡོད་ཀྱང་རུང་མེད་ཀྱང་རུང་ཡོད་པ་ཡིན་ནོ་ཞེ་ན། ཚིག་ཙམ་གྱི་རིགས་པ་ལ་ནི་མཁས་ན་དོན་མེད་པར་ངེས་པ་ཡང་ལྡོག་པའི་ཡིན་ནོ། །དོན་མེད་པ་ལ་མེད་པར་ངེས་པ ་ཡང་དོན་ལ་ངེས་པ་ཉིད་ཅེས་བྱ་བར་རིག་པས་དེས་པ་ཉིད་དེ་ཐེ་ཚོམ་མེད་པར་དོན་ལ་འཇུག་པ་ཡིན་ནོ། །བསྟན་བཅོས་ནི་རྣམ་པ་གཉིས་ཏེ་སྒྲ་དང་དོན་ཏོ་ཞེས་ཡང་སྨྲས་པ་ལ། སྒྲའི་ཆ་ནི་རང་གི་དོན་རྟོགས་པར་བྱེད་པ་ཡིན་གྱི་དགོས་པ་གཞན་ནི་མེད་དོ། །དོན་ནི་མེད་པར ་ཡང་སྣང་བའི་ཕྱིར་དེའི་དགོས་པ་བསྟན་པ་ནི་སྒྲ་ཡོད་ན་འབྱུང་བ་མ་ཡིན་ཏེ་བསྟན་བཅོས་རྫོགས་པ་ལ་ཡང་མ་མཐོང་བའི་ཕྱིར་དང། བརྗོད་པར་བྱ་བ་ཡོད་ན་འབྱུང་བའི་ཕྱིར་རོ། །དེས་ན་ཡང་བརྗོད་པར་བྱ་བ་ཉིད་དོ། །དེ་ནི་མ་ཡིན་ཏེ་སྒྲའི་ཆའི་བྱ་བ་ནི་རང་གི་དོན་རྟོགས་པར་བྱེད་པ་ཁོ་ན་མ ་ཡིན་ཏེ། མངོན་པར་འདོད་པ་ཁོ་ན་ལ་གཏོད་པའི་ཕྱིར་རོ། །མངོན་པར་འདོད་པ་ཉིད་ཀྱང་རྟོགས་པར་བྱེད་པར་འདོད་པའི་ཚིག་རང་གི་དོན་བཞིན་དུ་བྱེད་པ་མ་ཡིན་གྱི་གང་ལ་གཏོད་པའི་སྒྲའོ། །དེ་ཉིད་ནི་སྒྲའི་དོན་གྱི་གཙོ་བོ་ཡིན་གྱི་རང་གི་དོན་ནི་མ་ཡིན་ཏེ། དེ་ལ་མི་གཏོད་པའི ་ཕྱིར་རོ། །བུད་ཤིང་གི་འབར་བ་ཙམ་ནི་བྱ་བ་རྫོགས་པ་མ་ཡིན་ཏེ། དེ་ཉིད་ཀྱི་རིམ་གྱིས་འཚེད་པ་ཉིད་ལ་འཇུག་པའི་ཕྱིར་ཚིག་ཉིད་ཀྱི་དགོས་པ་ནི་དེ་ཡིན་གྱི་ཀུན་ལས་བཏུས་པ་བཤད་པའི་ཕྱིར་ནི་མ་ཡིན་ཏེ། ཡང་དག་པའི་ཤེས་པ་ལ་དོན་གཞན་གྱི་བྱ་བ་མེད་ཀྱང་འབྱུང་བའི ་ཕྱིར་རོ། །དེ་ལྟ་ཡིན་ན་འགྲེལ་པར་དང་པོའི་ཚིག་སྨོས་པ་ཇི་ལྟར་ཡིན་འཆད་པར་འགྱུར་བའི་བསྟན་བཅོས་མ་ལུས་པའི་དོན་དུ་དམ་བཅས་པ་ཡིན་ལ། དེ་རྣམས་ཀྱང་གཞན་གྱི་དོན་གྱི་རྗེས་སུ་དཔག་པ་ཡིན་པའི་ཕྱིར་སྒྲ་མི་རྟག་སྟེ་ཞེས་བྱ་བ་ལ་སོགས ་བ་དང་འདྲ་བར་ཚད་མ་ཡིན་ཏེ། རྗེས་སུ་དཔག་པའི་ཡུལ་བསྟན་པར་དམ་བཅས་པའི་ཕྱིར་རྗེས་སུ་དཔག་པ་ཉིད་ཡིན་པ་དེ་ལྟ་ན་ཅིའི་ཕྱིར་དགག་།སྨྲས་པ་ཁྱབ་པར་བྱེད་པའི་གཏན་ཚིགས་ལ་མི་དགོས་པའི་ཕྱིར་ཞེས་འཆད་པར་འགྱུར་བའོ། །དེ་ཉིད་ཀྱི་རྒྱུན་ཕྱི་མ་རྣམས ་ཀྱང་སྒྲུབ་པར་བྱེད་པར་བརྟན་པའི་ཕྱིར་རོ། །ཡང་དང་ཡང་དུ་ཤིན་ཏུ་སྤོས་པས་ཆོག་གོ་།ཁྱབ་པར་བྱེད་པ་དགོས་པ་མེད་པའི་ཕྱིར་ཞེས་གཏན་ཚིགས་འཆད་པར་འགྱུར་བའོ། །ད་ནི་རང་ཉིད་ལ་སྒྲོ་འདོགས་པ་བསལ་བའི་ཕྱིར་སྨྲ་བ་པོ་ཞེས་བྱ་བ་ལ་སོགས་པ་སྨོས་སོ།། ་དེ་ལ་སྒྲོ་འདོགས་པ་ནི་རྣམ་པ་གཉིས་ཏེ། ད་ལྟར་བ་དང་འདས་པའོ། །རེ་ཞིག་ད་ལྟར་བ་བཞིན་དུ་གསལ་བར་བྱེད་པའི་འགྲེལ་བ་དང་འགྲེལ་བཤད་དེ། ཁྱེད་ཀྱི་དོན་དེ་འགྲེལ་པ་མེད་པས་དེ་ཡང་བཞག་གོ་།འོན་ཀྱང་གཞན་ཅུང་ཟད་ཉིད་རང་གི་ཤེས་རབ ་ཀྱི་ཉམས་བཞིན་དུ་བི་ལ་སི་ཏ་བརྗོད་པར་བྱ་སྟེ། དེ་ལ་སུ་ཞིག་རྩི་བར་འགྱུར། །རྣལ་མའི་ལམ་ནི་དོར་ནས་ན། །སུ་ཞིག་གོལ་བའི་ལམ་འགྲོར་རིགས། །ཤེས་འགྲེལ་པ་ལ་མངོན་པར་ཞེན་པའི་འགྲོ་བ་སྒྲོ་འདོགས་ཤིང་གྲགས་པ་མ་ཡིན་པས་ཉན་པ་པོ ་སེམས་འཇོམས་པར་བྱེད་དོ། །དེ་གསལ་བ་ཡང་འགྲེལ་པ་ལ་སོགས་པའི་སྐྱོན་བསྟན་པ་མ་ཡིན་ན་མི་འབྱུང་བའི་ཕྱིར་རིགས་པ་དང་འཇིག་རྟེན་དང་འགལ་བ་སྨྲ་བར་བྱ་བའི་ཚིག་མ་ཡིན་པ་གཞན་བརྗོད་པར་བྱེད་པ་དོན་ཆེན་པོ་དོན་མེད་པར་ངེས་པར་སྦྱོར ་པ་ལ་སོགས་པ་དེའི་སྐྱོན་རྣམས་བསྟན་པ་ནི་ཕྱེད་སྔ་མས་སོ། །གཞན་དག་གིས་ནི་དེ་ལས་བཟློག་པས་རང་གི་གཞུང་ལུགས་སྟོན་པར་བྱེད་པ་མིན་ཏེ། བརྩམས་པའི་དངོས་པོ་རྒྱུན་དུ་བྱེད་པ་རྣམས་ཕལ་ཆེ་བས་མི་མཐོང་ཞེས་བྱ་བ་ནི་སྨྲ་བར་བྱ་བའི ་ཚིག་མ་ཡིན་པ་སྨྲ་བའི་སྨྲ་པ་བོ་རྣམས་ཀྱིས་ཆེན་པོའོ། །མི་གསལ་བར་འདོད་པར་བྱེད་པས་སྐྱོན་དང་ལྡན་པ་ཉིད་སྤས་པ་ནི་ལྷང་ཅན་གྱི་དངུལ་དང་འདྲ་བར་རོ། །དེ་རྣམས་ཀྱང་ཕལ་ཆེར་འགྲེལ་བཤད་ལ་ཡོད་པ་ནི་རིགས་པ་དང་འགྲེལ་པའོ། །དེ་ལྟར་འདི་དག་ཉིད་ཀྱིས་སྨྲ ་བར་བྱ་བའི་ཚིག་མ་ཡིན་པ་ནི་གནས་སྐབས་མ་ཡིན་པ་ནི་རྒྱུན་ལས་ཕྱི་རོལ་དུ་གྱུར་བ་དང། མ་ཡིན་པ་ལ་སོགས་པ་རབ་ཏུ་སྒྲུབ་པར་བྱེད་པའི་ཚུལ་གྱིས་བདེ་བ་ལ་སོགས་པ་བཞིན་དུ་སྔོན་པོ་ལ་སོགས་པའི ་བདག་ཉིད་རིགས་པས་རྟོགས་པ་ཡིན་ནོ། །བདག་ཉིད་དང་མཚུངས་པར་སེར་པོ་ལ་སོགས་པ་རྣམ་པར་གཅོད་པ་ཡིན་གྱི་མི་དམིགས་པའམ་གཞན་ཡང་རུང་བ་ལ་བལྟོས་པ་མ་ཡིན་ནོ། །དམིགས་བྱར་གྱུར་པ་མ་ཡིན་པའི་སེར་པོ་ཡོད་པ་ཡང་མི་དམིགས་པ་ལ ་བལྟོས་པ་ཡིན་ལ། གཞན་ནི་བདེ་བ་ནི་ཡོད་ཀྱང་མི་སྣང་ལ། དེ་གཞན་ལ་མི་སྣང་བ་དེ་བཞིན་དུ་སེར་པོ་ཡང་ངོ། །སེར་པོ་ལ་སོགས་པ་རང་དང་གཞན་ལ་ཡང་སྣང་བ་མ་ཡིན་པ་ནི་བདེ་བ་ལ་སོགས་པ་དང་འདྲ་བ་ཁོ་ན་སྣང་བ་ལ་ཡང་ཁྱད་པར་དུ་གཞན་ལ་སྣང་བ་ནི་སེར ་པོ་ལ་བལྟོས་པ་ཡིན་ལ་བདེ་བ་ལ་ཡང་ཚུངས་པ་ཡིན་ནོ། །དེ་ཇི་ལྟར་བཞིན་དུ་བདེ་བ་ཡོད་པ་དེའི་རྒྱུད་ལ་སྡུག་བསྔལ་གྱི་ཚོར་བ་ཉིད་མི་མྱོང་བའི་ཕྱིར་མེད་པ་ཡིན་ནོ། །གཞན་གྱི་རྒྱུད་ལ་མོད་པ་ལ་ནི་ཐེ་ཚོམ་ཟའོ། །དེ་བཞིན་དུ་སྔོན་པོ་ལ་ཡང་སེར་པོ་རིག་པའི་བདག་ཉིད ་ཀྱི་ངོ་བོ་ལོག་པས་མེད་དོ། །རྒྱུད་གཞན་ལ་ཡོད་པ་ལ་ཡང་ཐེ་ཚོམ་ཟའོ། །དེའི་ཕྱིར་བདེ་བ་ལ་སོགས་པ་དང། སྔོན་པོ་ལ་སོགས་པ་དག་མེད་པ་མངོན་སུམ་གྱིས་གྲུབ་པའི་ཕྱིར་བྱེ་བྲག་མེད་པ་ལ་ཡང་བྱེ་བྲག་ཏུ་བརྟག་པར་བྱ་བ་མངོན་སུམ་གྱིས་གྲུབ་པའི་སྒྲའོ། །མངོན ་སུམ་གྱི་ཁོངས་སུ་གཏོགས་པའི་ཕྱིར་འཇིག་རྟེན་པ་མ་ཡིན་པའི་དོན་དུ་བཤད་དོ། །དེ་བཞིན་དུ་ལྐོག་ཤལ་ལ་སོགས་པ་ཅན་ནི་བ་ལང་ངོ་ཞེས་བྱ་བའི་ཐ་སྙད་བཞིན་དུ་དགག་པ་དེའི་ངོ་བོ་ལ་མི་དམིགས་པ་ཙམ་ལས་མེད་དོ་ཞེས་བྱ་བའི་ཐ་སྙད་ཙམ་བསྒྲུབ་པ་བསྟན ་པ་ནི་དཔེར་ན་ལྐོག་ཤལ་ལ་སོགས་པ་ལས་བ་ལང་དུ་གཏོགས་པ་བཞིན་ནི་ཞེས་རྣམ་འགྲེལ་ལས་བསྟན་ནོ། །དེ་ལ་མི་དམིགས་པས་ཁྱད་པར་དུ་མེད་པའི་ཐ་སྙད་དུ་བྱ་བར་རྟོགས་པ་ནི་དམན་པའི་རང་འདོད་ཡིན་ནོ། །ཆེན་པོའི་ཚིག་ཀྱང ་འཇིག་རྟེན་དང་མི་འགལ་བ་ཡིན་ལ། དེ་འདི་ལ་མེད་པའི་ཕྱིར་འཇིག་རྟེན་རང་འགལ་བ་ཡང་མ་ཡིན་ནོ། །རིམ་པ་ཇི་ལྟ་བ་བཞིན་དུ་བསྟན་པ་དེ་བཞིན་དུ་སྒྲུབ་པ་ནི་གནས་སྐབས་སོ། །སྐད་ཅིག་མ་ཉིད་ལ་སོགས་པ་ཅན་ཐམས་ཅད་མཁྱེན་པའི་རྒྱུ་མཚན་གྱི་དོན་རྒྱས ་པ་ནི་ཁྱབ་པ་ལ་སོགས་པ་བསྟན་པ་ལ་ཐེ་ཚོམ་མེད་པ་ཡིན་ན་དེ་ནི་དེ་དག་གིས་མ་བྱས་སོ། །རིམ་དང་ཅིག་ཅར་དག་གི་བྱེད་པ་པོ་ཉིད་ལན་ཅིག་མཐོང་བ་དེའི་རྒྱུ་མཚན་ཉིད་ཁྱབ་པ་ཡིན་ལ། རྟག་པ་ལ་ཡང་རིམ་དང་རིམ་པ་མ་ཡིན་པ་འགལ་བའི་ཕྱིར་མི་རྟག་པ ་ཉིད་དུ་རྣམ་པར་གནས་པ་ཡིན་ནོ། །བདེན་ཏེ་དེ་ལོག་པས་ལྡོག་པའི་བྱེད་པ་པོ་ཉིད་ལ་མི་རྟག་པ་ཉིད་ཀྱིས་ཁྱབ་པ་ཡིན་གྱི་སྐད་ཅིག་མ་ཉིད་ཀྱིས་ཀྱང་མ་ཡིན་ལ། མི་རྟག་པ་ཉིད་ནི་སྐད་ཅིག་མ་མ་ཡིན་ཏེ། ཟླ་བ་དང་པོ?་སོགས་པ་ཡང་མི་རྟག་པ་ཉིད་ཀྱི་ཕྱིར་རོ། །དེ ་ལྟར་གནས་པ་ནི་རྟག་པ་བཞིན་དུ་རིམ་དང་རིམ་པ་འགལ་བ་མ་ཡིན་ཏེ། ལྷན་ཅིག་དུ་མཐོང་བའི་ཕྱིར་རོ། །དེ་ལྟར་མཐོང་བ་མ་ཡིན་པ་གཞན་དུ་ཡང་མཐོང་བ་མེད་པའི་ཕྱིར། སྲོག་ཆགས་ལ་སོགས་པ་བཞིན་དུ་བྱེད་པ་པོ་བདག་ཉིད་ཀྱང་སྐད་ཅིག་མ་ཉིད་ཡིན ་པས་རྗེས་སུ་འགྲོ་བ་མ་ཡིན་ཞིང་ལྡོག་པ་མ་ཡིན་པའི་ཕྱིར་འགྲེལ་པ་བྱེད་པ་ནི་སྐབས་ཀྱི་དོན་རྒྱས་པ་བྱེད་པ་མ་ཡིན་ནོ། །སྐད་ཅིག་མ་གཉིས་པ་ལ་སོགས་པར་མི་གནས་པ་ཐ་མའི་སྐད་ཅིག་མ་ལ་དང་པོའི་སྐད་ཅིག་མ་བལྟོས་པ་ཡིན་གྱི་ཕྱི་མ་ནི་མ་ཡིན་པའི་ཕྱིར་སྐད་ཅིག་མ ་ཉིད་ཇི་ལྟར་མི་རྟག་པ་ཡིན་ན། རིམ་དང་ཅིག་ཅར་བདག་ཉིད་ཀྱིས་དོན་བྱེད་པ་འགལ་བའི་ཕྱིར་རོ་ཞེས་བྱ་བ་ལ་སོགས་པ་ནི་རྣམ་འགྲེལ་གྱི་དགོངས་པ་ཡང་ཡིན་ནོ། །སྣང་དུ་མི་རུང་བ་རྟག་པར་དམ་འཆའ་བ་འམ་སྣང་བ་ལ་ཡང་རུང་བའི་དངོས་པོ་ལ་ཞེས་སྐབས ་ཇི་ལྟ་བར་འཆད་པར་འགྱུར་རོ། །ལྷག་མ་ནི་སྔ་མ་བཞིན་ནོ། །དམ་པ་ནི་ཕྱིན་ཅི་མ་ལོག་པའི་རང་གི་ངོ་བོ་རིག་པའི་མངོན་སུམ་སོ། །དེའི་བྱ་བའི་ཡུལ་ཇི་སྙེད་པའི་ཐ་དད་པ་དང་ཅིག་ཤོས་ཏེ། དོན་དེ་དེས་བསྡུས་པ་སྟེ་བསྟན་བཙོས་ཀྱི་དོན་ཐམས་ཅད་དེའི་མཐར་ཐུག་པ ་ཉིད་དུ་རིགས་པས་གྲུབ་པའོ། །དམ་པའི་དོན་ལ་འདུས་པར་ཡང་རུང་སྟེ་ཉེ་བར་བསྡུ་བའོ། །བརྒྱུད་པས་སམ་དངོས་སུ་ཡང་རུང་སྟེ། བསྟན་བཅོས་མ་ལུས་པ་དེའི་དོན་ཡིན་པའི་ཕྱིར་རོ། །དེ་ལ་བློ་ནི་རེ་རེའི་རྣམ་པར་གྲིལ་པར་སྟོན་པ་ཡིན་ནོ། དེ་རྣམས་ལ་ནི་དེ་མེད་དེ། བརྒྱུད་དེ ་འོངས་པ་མི་ཤེས་པས་རིགས་པ་ལ་མི་སྣང་བའི་ཕྱིར་རོ། །དོན་མེད་པ་ནི་སྙིང་པོ་མེད་པའི་རིམ་པ་སྟེ་སྤངས་པ་ནི་བོར་བའོ། །ཆེན་པོའི་དོན་ལ་ཕྱིན་ཅི་ལོག་དུ་སྟོན་པའོ། །དེ་རྣམས་གང་ཡིན་པ་ལ་ནི་དེ་མེད་པ་དང་འབྲེལ་ཏོ། །འདིས་ཀྱང་སྒྲ་ལས་བྱུང་བ་ཡང་བསལ་བ་སྟོན་པའི ་ཕྱིར་ཞེས་བྱ་བའི་རྣ་བ་ལ་སོགས་པའི་ཤེས་པ་ལ། རིགས་མི་མཐུན་པའི་ཤེས་པ་ནི་མི་བསླུ་བ་མ་ཡིན་པའི་ཕྱིར་མ་ཁྱབ་པའི་སྐྱོན་སེལ་བར་བྱེད་པའི་སྨྲ་བ་པོ་རྣམས་ཀྱི་བྱ་བ་ལ་སོགས་པའི་དོན་མཐུན་པ་ཉིད་དུ་ངེས་པར་སྦྱོར་བའོ། །རང་ལས་རང་གི་ངོ་བོ་ཞེས་བྱ་བ་འདིའི ་ཡང་ཤེས་པའི་རང་གི་ངོ་བོ་ཁོ་ན་རང་ལས་རྟོགས་པ་ཡིན་གྱི་ཚད་མ་ཉིད་ནི་མ་ཡིན་པའི་ཕྱིར་སྐབས་ཀྱིས་གཞན་ལས་ཚད་མ་ཉིད་བསྒྲུབ་པར་འདོད་པ་ཡིན་ལ། དེ་ལས་བཟློག་པ་རང་ལས་ཚད་མ་ཉིད་ཤེས་པར་བྱ་བའི་ཕྱིར་བཤད་པ་ཡིན་ནོ། །གྱུར་པ་སྨོས་པ་ནི་མ ་གྱུར་པ་ཞེས་བྱ་བ་ལ་སོགས་པ་བསྟན་བཅོས་ཀྱི་བརྗོད་པར་བྱ་བ་བཅོམ་ལྡན་འདས་ཡིན་པར་སྒྲུབ་པར་བྱ་བ་ལ་འབྲས་བུའི་གཏན་ཚིགས་བརྗོད་པར་འདོད་པ་ལ། སྐབས་མ་ཡིན་པ་བཞིན་དུ་ཚིགས་བཅད་ཀྱི་གྱུར་པ་སྒྲ་བཤད་པར་འདོད་པ་ཉིད་ལ་འཇུག་པ་ཡིན་ནོ།། ་ཞེས་བྱ་བ་ལ་སོགས་པ་ཆེན་པོའི་དོན་ལ་དོན་མེད་པར་ཞུགས་ནས་སྨྲ་བ་ཡིན་ན་རང་གི་གཞུང་ནི་ཇི་སྐད་སྨྲས་པའི་སྐྱོན་མེད་པར། དེས་ན་ཞེས་བསྟན་པ་ཡིན་ནོ། །རོ་ཉམས་ཞེས་བྱ་བ་ནི་ཇི་སྐད་སྨྲས་པའི་སྐྱོན་མ་ལུས་པ་མེད་པར་མཚོན་པར་བྱེད་པ་ཡིན་ནོ། །ཤིན་ཏུ ་ཞེས་བྱ་བ་ཡང་རིམ་པ་གཞན་ལ་གུས་པ་ནི་འབྲས་བུ་ཕུལ་དུ་བྱུང་བ་ཡིན་ནོ། །སྐལ་བར་ལྡན་ཞེས་བྱ་བ་ལ་སོགས་པ་ནི་དེ་ལ་དབང་བྱེད་པའི་ཚིག་གོ་།སྐལ་བ་དང་ལྡན་པ་ཉིད་ནི་ངོ་བོ་ཉིད་ཀྱིས་བསྐྱེད་པའི་ཤེས་རབ་ཕུན་སུམ་ཚོགས་པའོ།། ་མཐོང་གྱུར་ཅེས་བྱ་བ་ནི་མངོན་པར་སྦྱངས་པ་ལས་བྱུང་བ་ཅན་ཡིན་པ་འམ། སྐལ་བ་དང་ལྡན་པ་ཉིད་ནི་རིགས་ཕུན་སུམ་ཚོགས་པ་ཡིན་ལ། མཐོ་གྱུར་བློ་ཉིད་ནི་ངོ་བོ་ཉིད་ཅན་ནམ་སྦྱངས་པ་ཅན་གྱི་ཤེས་རབ་ཕུལ་དུ་བྱུང་བ་དང་སྦྱར་རོ། །ཡང་ན་སྔ་མས་ནི་རིགས ་ཕུལ་དུ་བྱུང་བའོ། །གྲོགས་ཕུན་སུམ་ཚོགས་པ་དང་རིགས་ཕུན་སུམ་ཚོགས་པ་ཡང་རུང། བསམ་པ་ཕུན་སུམ་ཚོགས་པ་དང་སྦྱོར་བ་ཕུན་སུམ་ཚོགས་པ་ཡང་རུང་བར་གོ་རིམས་བཞིན་དུ་སྦྱར་བར་བྱའོ། །འདིར་ནི་དེ་ལྟ་བུའི་རྣམ་པ་ཉིད་ཀྱི་བྱེ་བྲག་འདོད ་པ་འམ་སྨྲས་པའི་སྐྱོན་རྣམས་དོར་བར་བྱ་བའི་ཆེད་ཀྱི་དབང་དུ་བྱས་པའོ། །ཤིན་ཏུ་དག་པ་ནི་ཉོན་མོངས་པ་དང་ཤེས་བྱའི་སྒྲིབ་པ་ཐམས་ཅད་བག་ཆགས་དང་བཅས་པ་སྤངས་པའི་ཕྱིར་དྲི་མ་མེད་པའི་བློ་ཐམས་ཅད་མཁྱེན་པའི་ཡེ་ཤེས་གཉིས་སུ་མེད་པར ་ཐུགས་སུ་ཆུད་པའི་ངོ་བོ་དེ་བཞིན་གཤེགས་པའི་ཤེས་རབ་སྟེ་འབྲས་བུའི་རང་བཞིན་བསྒྲུབ་པར་བྱེད་པ་རིགས་པ་སེམས་པའི་རང་བཞིན་ཅན་གྱི་བློས་སོ། །ཡང་དག་པ་སྟེ་སྔར་སྨྲས་པའི་སྐྱོན་ཡོངས་སུ་སྤངས་པས་སོ། །རབ་ཏུ་རྣམ་འབྱེད ་ཀྱི་ཁྱད་པར་ཅན་དུ་བཤད་པར་བྱེད་པའོ། །ཁྱད་པར་ཅན་གྱི་དོན་ཡིན་པའི་ཕྱིར་ཡོན་ཏན་མ་ལུས་པ་ཡོངས་སུ་བསྡུས་པ་བསྟན་པ་ཡིན་གྱི་འགྲེལ་པ་ལ་སོགས་པར་བསྟན་པ་ཙམ་སྒྲུབ་པར་བྱེད་པ་ནི་མ་ཡིན་པས་དེ་ནི་ཅི་ཡང་མ་ཡིན་ཏེ། ཕྱིས་བྱ ་བ་ཉམས་པར་མི་འགྱུར་རོ་ཞེས་བྱ་བའི་དོན་ཏོ། །རྣམ་འགྲེལ་མཛད་པ་སྐལ་ལྡན་བདག་ཉིད་ཀྱི་འདོད་པ་ཤིན་ཏུ་ཟབ་མོ་གང་ཡང་རུང་བ་ལ་འཇུག་པ་སྤོང་བར་བྱེད་པ་ནི། ཤེས་རབ་ཁྱད་པར་ཅན་དང་ལྡན་པའི་སློབ་མ་རྣམས་ཀྱིས ་ཀྱང་འཛིན་པར་མི་ནུས་པར་གཟིགས་ནས་ཡིད་མི་བདེ་བས་བློ་ཡི་ནུས་པ་ཆུང་བ་མིན་པ་དག་གིས་ཞེས་བྱ་བ་ལ་སོགས་པ་མཛད་དོ་ཞེས་གྲག་གོ་།དེ་ཡང་ད་དུང་དུ་ཡང་བདག་ལས་ལྷག་པ་གཞན་མ་རྙེད་པ་རྣམས་ལ་བཤད་པར་བྱེད་པས་སྤོང་བར་བྱེད་པ ་བསྟན་པའི་སྐབས་ཀྱི་དོན་ཞེས་བྱ་བ་ལ་སོགས་པ་ཡོན་ཏན་དང་ལྡན་པ་དེ་རྣམས་ཀྱིས་མ་མཐོང་བས་ཡིད་མི་བདེ་བ་གང་ཡིན་པ་དེ་ད་ལྟར་མེད་དོ་ཞེས་དགག་པ་གཉིས་སྦྱར་བ་ཡིན་ནོ། །ཅིའི་ཕྱིར་ཞེ་ན། གང་གི་ཕྱིར་རྣམ་འགྲེལ་འདི་ལ་སྐྱོན་ཐམས ་ཅད་སྤངས་པའི་བཤད་པ་བྱེད་པའི་སྒོ་ནས། ཕྱིན་ཅི་མ་ལོག་པའི་ཚད་མ་ཡོངས་སུ་གསལ་བས་བློ་གྲོས་བཟང་པོ་ཅན་རྟོགས་པར་བྱེད་པ་ཁོ་བོས་བྱས་སོ་ཞེས་བྱ་བ་ནི་རྒྱུ་ཉེ་བར་དགོད་པའོ། །ཡང་ན་རང་ཉིད་ལ་འམ་ཡུལ་སྐྱོན་ཡོད་པ་སྲིད་པ་མི་འཇུག ་པའི་ཡན་ལག་སྐྱོན་ཉེ་བར་བསྟན་པ་རྣམ་འགྲེལ་དང་དེའི་བཤད་པ་ལ་ཡང་གོ་རིམས་བཞིན་དུ་ཚད་མར་གྱུར་པ་ཞེས་བྱ་བ་ལ་སོགས་པ་ཚིགས་སུ་བཅད་པ་གཉིས་ཀྱིས་གསལ་བས་རྟོག་པ་དང་ལྡན་པ་རྣམས་འཇུག་པའི་ཡན་ལག་ཏུ་བྱེད་པ་ཡིན་ནོ། །དེ་དག་ལས ་ཚད་མར་གྱུར་པ་ཞེས་བྱ་བས་ནི་ཡུལ་ཏེ་རྣམ་འགྲེལ་ལ་སྐྱོན་ཡོད་པ་སྲིད་པ་བསལ་བ་ཡིན་ནོ། །རྟོག་གེ་ངན་པ་ཞེས་བྱ་བ་ལ་ནི་རང་ཉིད་ལའོ། །དེ་ཉིད་ཀྱིས་ནི་དེའི་བཤད་པའི་ཡུལ་ལ་ཡང་སྐྱོན་ཡོད་པ་སྲིད་པ་མ་ཡིན་ལ། རང་ཉིད་ལ་ཡང་མ་ཡིན ་པར་བསྟན་པ་ནི་ཕལ་ཆེ་བ་ཞེས་བྱའོ། །གཞན་ཡང་ཅིའི་ཕྱིར་རྣམ་འགྲེལ་མཛད་པས་རིག་བྱེད་ལ་སོགས་པ་རྣམ་པར་འགྲེལ་པར་མ་མཛད་ཀྱི། སངས་རྒྱས་པའི་མཛད་པ་ནི་གང་གི་ཕྱིར་ལོག་པའི་ཤེས་པར་བྱེ་བྲག་མེད་ཀྱང། རིགས་བྱེད ་ལ་སོགས་པ་བསལ་ནས་སངས་རྒྱས་པའི་ལྟ་བར་ཕྱོགས་གཅིག་ཏུ་ལྟུང་བར་མི་རིགས་སོ་སྙམ་དུ་སེམས་པ་ལ། དམ་པའི་དོན་ལ་བསླུ་བ་དང་མི་བསླུ་བར་བྱེད་པ་སངས་རྒྱས་དང་ཅིག་ཤོས་དག་ཕྱོགས་སུ་ལྟུང་བ་དང་མི་ལྟུང་བ་བསྟན་པ་ནི་ཚད ་མར་གྱུར་བ་ཞེས་བྱ་བའོ། །དེ་ཉིད་ཀྱིས་ན་ཡང་དེའི་རྣམ་འགྲེལ་མཉན་པ་དང་བཤད་པའི་ཕྱིར་བཤད་སྦྱར་གྱིས་ཉེ་བར་གཟུང་ཡང་རིགས་ཀྱི། དཔྱོད་པ་པ་ལ་སོགས་པའི་ནི་མ་ཡིན་པར་བསྟན་པ་ནི་ཕལ་ཆེར་ཞེས་བྱ་བའོ། ། ་ལྷག་མ་ནི་སྔ་མ་བཞིན་ནོ། །བཅོམ་ལྡན་འདས་ཉིད་ཚད་མ་ཉིད་དུ་རབ་ཏུ་སྒྲུབ་པའི་གནས་སྐབས་སུ་ཕྱག་འཚལ་བ་བྱེད་པ་ནི་བགེགས་མེད་པར་བསམ་པ་མཐར་ཕྱིན་པའི་ཕྱིར་ཡིན་ནོ། ཞེས་ཁ་ཅིག་ཟེར་བ་ནི་མི་རིགས་ཏེ། ཕྱག་འཚལ་བ་ལས ་བགེགས་མེད་པ་ཡིན་ཞེས་བྱ་བ་འདི་ལ་ཚད་མ་མེད་པའི་ཕྱིར་རོ། །ཡ་རབས་རྣམས་ཕྱག་འཚལ་བ་སྔོན་དུ་འགྲོ་བ་ཉིད་ཀྱིས་བསྟན་བཅོས་ལ་འཇུག་པ་ན་བགེགས་ཉེ་བར་ཞི་བར་འདོད་པར་མཐོང་བ་ཡིན་ལ་དེ་ལྟར་རྟོགས་པ་པོ་དེ་རྣམས་འཇུག་པ ་ཡང་ཚད་མ་མེད་པར་མི་འབྱུང་བ་མ་ཡིན་ནམ། འབྲས་བུ་ལས་རྒྱུ་ནི་ཐམས་ཅད་མཁྱེན་པའི་ཡེ་ཤེས་ཀྱིས་རྟོགས་པ་ཡིན་ལ། འབྲས་བུ་བགེགས་ཉེ་བར་ཞི་བ་ནི་ཕྱག་འཚལ་བའི་འབྲས་བུ་ཡིན་ནོ། །ཚད་མའི་འབྲས་བུ་མ་ཡིན་པར་ཡང་འཇུག ་པ་ཡོད་དོ། །མི་རིགས་ཏེ་རྟོག་པ་དང་ལྡན་པ་རྣམས་ཀྱི་འཇུག་པ་ནི་ཚད་མའི་འབྲས་བུ་ཡིན་པའི་ཕྱིར་རོ། །ཚད་མའི་འབྲས་བུ་ཉིད་ཤེས་པའི་རྟོག་པ་དང་ལྡན་པའི་འཇུག་པའི་ཉིད་མི་ཤེས་པ་ལས་གཅིག་པ་ལས་གཅིག་ལ་གཅིག་ཉེན ་པ་ཡིན་ནོ། །བདེན་ཏེ་ཚད་མ་གང་ཁོ་ན་ལས་བཅོམ་ལྡན་འདས་ཐམས་ཅད་གཟིགས་པར་གྲུབ་པ་དེ་ཁོ་ན་ལས་བསོད་ནམས་ཀྱི་ཞིང་བླ་ན་མེད་པར་ཡང་ཡིན་ནོ། །དེས་ན་དེ་ལ་ཕྱག་འཚལ་བ་བསྒྲུབ་པར་འདོད་པས་དེ་ཉིད་ལས་གྲུབ་པ་ཡིན་ནོ།། ་དེ་ལྟ་ན་ཡང་ཚིགས་སུ་བཅད་པ་འདོན་པ་ལ་སོགས་པར་མ་གཏོགས་པ་ཡང། ཨ་ཐའི་སྒྲ་རྗེས་སུ་བསྟན་པ་ལ་སོགས་པ་བཞིན་དུ། དབེན་པར་ལུས་དང་ངག་ལ་སོགས་པ་རྣམས་ཀྱིས་བཅོམ་ལྡན་འདས་མངོན་པར་མཆོད་ནས་འཇུག་པ ་ཡང་འདོད་པ་འགྲུབ་པའི་ཕྱིར་རོ། །ད་འདོན་པ་ནི་འབྲས་བུ་མེད་དོ། །དེ་ལྟ་ན་ཅིའི་དོན་དུ་ཚིགས་སུ་བཅད་པ་འདོན། གཞན་གྱི་དོན་དུ་སྟེ་གཞན་བོ?་རྣམས་ཀྱང་བཅོམ་ལྡན་འདས་ལ་དད་པ་མེད་པར་ཡང་བལྟ་བར་འདོད་པས་བསྟན་བཅོས་ལ་འཇུག་པ་ན། ཇི་ལྟ ་བུའི་འདོད་པས་ཀྱང་དང་པོར་ཕྱག་འཚལ་བ་སྐྱོ་དུབ་མེད་པར་བསྙེན་པས་བསོད་ནམས་ཀྱི་སྣོད་དུ་གྱུར་ཏེ། ཇི་སྐད་དུ་ཇི་ལྟར་འདོད་པ་འམ་དངོས་ཀུན་མིན་པས་སམ། །གཞན་རྗེས་འབྲང་བ་འམ་ཡིད་གཉིས་ཀྱིས་ཀྱང་རུང། །ཐུབ་དབང་ཟླ་བ་ཁྱོད་ལ་གང་ཞིག ་ཕྱག་བྱེད་པ། །དེས་ཀྱང་འཆི་མེད་ཕུན་སུམ་ཚོགས་པ་ཐོབ་པར་གྱུར། ཞེས་བསྟན་པའོ། །དེ་ལྟར་གཞན་གྱི་དོན་དུ་ཕྱག་བྱས་པ་ལ་རང་གི་དོན་གྱི་བགེགས་མེད་པ་ཡང་ཞར་ལ་འགྲུབ་བོ། །ཡང་ན་གང་ལས་འདི་ལྟ་བུའི་བསྟན་བཅོས་བྱེ་བར་ནུས་པའི ་བསོད་ནམས་ཀྱི་ཚོགས་ཡིན་པ་དེ་ལས་བགེགས་མེད་པ་ཡང་ཡིན་པ་ནི་གཞན་གྱི་དོན་ཉིད་ཡིན་པར་བསྟན་པ་ནི། འདི་ལ་བསྟན་བཅོས་ཀྱི་དང་པོར་ཞེས་བྱ་བ་སྟེ། བསྟན་བཅོས་ཀྱི་དོན་ཉིད་ཡིན་པའི་ཕྱིར་ཞེས་བྱ་བར་ཡང་བསྟན་བཅོས་ཀྱི་དོན་རྟོགས ་པར་བྱ་བ་ནི་མ་ཡིན་ཏེ། དེ་ལྟ་མོད་ཀྱི་དགོས་པ་སྟེ་གཞན་གྱི་དོན་ཡིན་ལ་དེ་བསྟན་བཅོས་ཀྱི་དོན་ཡིན་པའི་ཕྱིར་རོ། །གང་གི་བསྟོད་པ་ཡིན་པ་དེ་དེ་བཞིན་དུ་དེའི་བསྟན་བཅོས་ཡིན་པ་བཞིན་དུ་བསྟོད་པ་ཡང་གཞན་གྱི་དོན་ཡིན་ནོ་ཞེས་བྱ་བའི ་དོན་ཏོ། །ཡང་ན་ཕྱག་བྱས་པ་ལས་བགེགས་མེད་པས་བསྟན་བཅོས་ཡོངས་སུ་རྫོགས་པ་ཡིན་ལ་དེས་ན་ཕྱག་འཚལ་བ་བསྟན་བཅོས་ཀྱི་དོན་ཡིན་ནོ། །ཡང་ན་ཚིགས་སུ་བཅད་པ་འདོན་པ་ལ་སོགས་པ་མེད་པར་ཡང་དབེན་པར་བཅོམ་ལྡན ་འདས་ལ་མཆོད་པ་ལ་སོགས་པས་རང་གི་དོན་འགྲུབ་པ་ཡིན་ལ། ཚིགས་སུ་བཅད་པ་འདོན་པ་ནི་བསྟན་བཅོས་ཀྱི་དོན་ཡིན་པས་གཞན་གྱི་དོན་ཡིན་ནོ། །གཞན་རྣམས་ཀྱང་ཇི་ལྟར་འདོད་པས་ཀྱང་རུང་སྟེ་བཅོམ་ལྡན་འདས་ལ་ཕྱག་བྱེད་པ་ན ་རང་གི་དོན་ཐོབ་པར་འགྱུར་རོ། །གཞན་རྣམས་ཀྱང་དབང་བྱེད་པ་དང་དབང་མི་བྱེད་པ་དག་ལས་དབང་མི་བྱེད་པས་རྟོགས་པར་དཀའ་བའི་ཕྱིར། བསྟན་བཅོས་ཀྱི་དབང་དུ་བྱས་ནས་བཅོམ་ལྡན་འདས་ལ་བསྟོད་པ་ཡིན་གྱི་གཞན ་ནི་མ་ཡིན་ནོ། །དེ་ལ་བསྟོད་པའི་འབྲས་བུ་ཡང་སྔ་མ་ཉིད་ཡིན་ནོ། །ཞེས་བྱ་བའི་བསམ་པས་བསྟན་བཅོས་ཀྱི་དོན་ཡིན་པའི་ཕྱིར་ཞེས་བྱ་བ་ལ་སོགས་པ་སྨོས་སོ། །བསྟན་བཅོས་ནི་རྟོགས་པར་བྱ་བ་ཡིན་པའི་ཕྱིར་ཡང་བསྟན་བཅོས་ཀྱི་དོན་ཞི ་དམ་བཅའ་བའི་ངོ་བོའི་ཚིགས་སུ་བཅད་པ་ཡིན་ཞེས་བྱ་བའི་དོན་ཏོ། །དད་པའི་ཡུལ་ཉིད་ལ་ཕྱག་བྱ་བར་བསྟན་པས་བཅོམ་ལྡན་འདས་ཉིད་ལ་བལྟོས་པར་རྟོག་པ་དང་ལྡན་པ་རྣམས་ཀྱིས་རྟོགས་པར་བྱ་བ་ཡིན་གྱི། སློབ་དཔོན་གྱི་གཞུང་ནི ་མ་ཡིན་ནོ་ཞེས་བསྟན་པ་ཡིན་ནོ། །སློབ་དཔོན་གྱི་གཞུང་བཤད་པའི་སྒོ་ནས་ཀྱང་བཅོམ་ལྡན་འདས་ཉིད་རྟོགས་པར་བྱ་བ་ཡིན་ན་སྙམ་ན། དེ་ལྟར་རྟོགས་པར་བྱེད་པ་ལ་དགོས་པ་མེད་པའི་ཕྱིར་རོ། །གཞུང་དེ་བཤད་པས་འཕངས་པ་ཉིད་ལས་ཚད་མ ་ཉིད་ཇི་ལྟ་བ་བཞིན་དུ་རྟོགས་པར་བྱེད་པ་ཉིད་དུ་མི་ནུས་སོ་ཞེས་བསྟན་པ་ནི། ཚུལ་བཞིན་ཞེས་བྱའོ། །ཡང་ན་ཕྱེད་སྔ་མས་བཅོམ་ལྡན་འདས་ཉིད་ལ་བལྟོས་པ་ཉིད་དོ། །ཕྱེད་ཕྱི་མས་ཀྱང་རྒྱུ་དང་བཅས་པར་བསྟན་ཏོ། །དེ་ཉིད་ཀྱིས་ན ་བལྟོས་པ་དང་བཅས་པའི་ཕྱིར་ཚད་མ་གྲུབ་པ་ཉིད་སྒྲུབ་པར་འགྱུར་བ་ཡིན་གྱི་སློབ་དཔོན་གྱི་གཞུང་ནི་མ་ཡིན་ནོ། །ཕྱེད་སྔ་མས་ནི་གཏན་ཚིགས་སོ། །ཕྱི་མས་ནི་དམ་བཅས་པའི་འདོད་པའོ། །དེ་ལྟར་ན་ཡང་ཕྱག་བྱས་པས་རང་གི་དོན ་དང་གཞན་གྱི་དོན་ཉིད་ཞར་ལ་གྲུབ་པ་ཡིན་ནོ། །མངོན་སུམ་ལ་སོགས་པ་རྣམས་འཇིག་རྟེན་ལ་གྲུབ་པ་མ་ཡིན་ནམ། དེའི་ནང་དུ་འདུས་པ་བཅོམ་ལྡན་འདས་ཀྱང་གྲུབ་པ་ཉིད་ཡིན་པའི་ཕྱིར་བརྟག་པར་བྱ་བ་མ་ཡིན་ནོ། །ལོག་པར ་རྟོག་པ་ལ་བརྟག་པ་ཡིན་ནོ། །མི་ནུས་པའི་ཕྱིར་མ་ཡིན་ནོ། །དེ་རྣམས་ཀྱི་བརྟག་པ་ནི་ཕན་ཚུན་བརྟེན་པ་ཡིན་ནོ། །གལ་ཏེ་གཞན་རྣམས་ཀྱིས་ཡིན་ན་དེ་རྣམས་ཀྱིས་ཇི་ལྟར་ཡིན། གལ་ཏེ་དེ་ལས་ཀྱང་གཞན་པ་རྣམས་ཀྱིས་ཡིན་ན་ནི ་ཐུགས་པ་མེད་པར་འགྱུར་རོ། །རབ་ཏུ་གྲུབ་པ་རྣམས་ཀྱིས་མ་གྲུབ་པ་བརྟག་པ་ཡིན་ནོ་ཞེ་ན་མ་ཡིན་ཏེ། མཚན་ཉིད་མཚུངས་པའི་ཕྱིར་དེ་ལྟ་བུ་ཉིད་བསྒྲུབ་པར་བྱ་བར་མི་ནུས་སོ་ཞེས་བསྟན་པ་ཡིན་ནོ། །འོ་ན་ཇི་ལྟར་དེ་ཡོད་པ་བསལ ་བར་བྱས་ནས་ཡོད་པ་ལ་ཡང་དག་པར་སྦྱོར་བའི་སྐྱེས་བུའི་ཞེས་བྱ་བ་ལ་སོགས་པ་སྨྲས་པ་ཇི་ལྟར་ཡིན། ཕྱིན་ཅི་མ་ལོག་པའི་མངོན་སུམ་གྱི་རང་གི་ངོ་བོ་བསྟན་པ་དེ་ཡོངས་སུ་བརྟག་པ་ནི་མ་ཡིན་ནོ། །ཡོངས་སུ་བརྟག་པ་ཉིད་དགག ་བ་ཡིན་གྱི། ཡོངས་སུ་བརྟག་པ་བཞིན་དུ་མཚན་ཉིད་ཀྱང་ནི་མ་ཡིན་ནོ། །འཇིག་རྟེན་ལ་གྲུབ་པ་དེ་བཞིན་དུ་རྟོགས་པ་ལ་མི་ནུས་པ་ལ་དེ་སྐད་སྨྲས་པ་ཡིན་ན་ནི། ཡོངས་སུ་བརྟག་པ་ཡང་དེ་བཞིན་དུ་མི་རིགས་ཏེ། རབ་ཏུ་གྲུབ་པས ་མ་གྲུབ་པ་ཡོངས་སུ་བརྟག་པ་ཡིན་པར་བསྟན་པ་ནི། གཞལ་བྱ་རྟོགས་པ་ནི་ཚད་མ་ལ་རག་ལས་པ་ཡིན་ཞེས་བྱ་བ་སྟེ། ཚད་མ་མ་ཡིན་པ་རག་ལས་པ་ནི་མ་ཡིན་ཏེ། ཚད་མ་ཡིན་པ་དང་མཚན་ཉིད་མི་འདྲ་བ་ཉིད་ལ་ཚད་མར ་ཡོངས་སུ་བརྟག་པ་ཉིད་དུ་ཤེས་པར་བྱའོ། །མ་འཁྲུལ་བ་ཉེ་བར་བསྟན་པའི་མཚན་ཉིད་བརྗོད་པ་དེ་མ་ངེས་པའི་ཕྱིར། ལན་གྱི་ཚུལ་གྱི་ཡོངས་སུ་རྟག་པའི་ཤུགས་ཀྱིས་བསྟན་པས་བརྗོད་བྱ་མ་ཡིན་ནོ། །མ་ཡིན་ཏེ། མཚན ་ཉིད་བརྗོད་པ་ཉིད་ལོག་པར་རྟོག་པ་བསལ་བའི་དོན་དུ་ཡོངས་སུ་བརྟག་པ་ཡིན་གྱི་གཞན་ནི་མ་ཡིན་ནོ། །ཚད་མ་རྣམས་ལ་ཡོན་ཏན་དང་མི་བསླུ་བའི་ཤེས་པ་ལ་བལྟོས་ནས་ཡོངས་སུ་བརྟག་པ་དེ་ནི་མ་རིགས་ཏེ། ཐུག་པ་མེད་པའི ་ཕྱིར་རོ། །མ་ཡིན་ཏེ་དེ་བཀག་པས་ཚད་མ་ཉིད་དང་ཅིག་ཤོས་ཀྱི་རྣམ་པར་དབྱེ་བ་མེད་པར་ཐལ་བར་འགྱུར་རོ་ཞེས་འཆད་པར་འགྱུར་བའོ། །ཚད་མ་ལ་རག་ལས་པ་ཡིན་གྱི་ཤེས་བྱ་ལ་རག་ལས་པ་ནི་མ་ཡིན་ཏེ། ་མྱུ་གུ་ནི་ས་བོན་ལ་རག་ལས་པ་ཡིན་གྱི། ས་བོན་གྱི་ཤེས་པ་ལ་རག་ལས་པ་ནི་མ་ཡིན་ནོ། །དེའི་ཕྱིར་རྟོགས་པ་ཉིད་ལས་པ་ཡིན་གྱི་ཚད་མ་ཉིད་དུ་མ་རྟོགས་པ་ལས་རྟོགས་པའི་ཡུལ་དོན་དུ་གཉེར་བ་རྣམས་འཇུག་པ་ཡིན་གྱི། རྟོགས ་བ་ཙམ་ནི་འཇུག་པའི་ཡན་ལག་མ་ཡིན་ཏེ། རྨི་ལམ་ལ་སོགས་པ་དང་མཚུངས་པའི་ཕྱིར་རོ། །ཕྲད་པར་བྱ་བ་དང་འབྲེལ་བའི་ཕྱིར་རོ་ཞེ་ན། དེ་དང་འབྲེལ་བས་དེ་ཡིན་པ་དེ་ལྟ་ན་རང་ཉིད་ལས་ཤེས་པ་མ་ཡིན་པའི་ཕྱིར། གཞན་ཉིད་ལས་ཡིན་པར་ཤེས ་པར་བྱ་སྟེ། སྲེག་པ་ལ་སོགས་པའི་ཤེས་པ་ཡང་སྲེག་པ་ལ་སོགས་པ་གྲུབ་པའི་ཕྱེད་ཀྱི་ཐབས་ཉིད་ཀྱིས་འདོད་པ་ཡིན་གྱི་རང་གི་ངོ་བོ་ནི་མ་ཡིན་ཏེ། སྐྱེས་བུའི་དོན་མ་ཡིན་པའི་ཕྱིར་དང་ཕྲད་པ་ཉིད་ཀྱིས་མི་འཇུག་པར་ཐལ་བར་འགྱུར་བའི་ཕྱིར་ཡང་ངོ།། ་ཕྲད་པར་བྱ་བ་དང་འབྲེལ་པའི་ཤེས་པ་ཡང་མ་ཤེས་པ་ལ་ཕྲད་པ་མི་སྲིད་པའི་ཕྱིར། འདིར་འདིའོ་ཞེས་ཕྲད་པར་བྱ་བ་དང་འབྲེལ་བ་རིག་པ་ཡིན་གྱི་གཅིག་པོ་ནི་མ་ཡིན་ནོ། །དེ་ཉིད་ཀྱིས་བསལ་པ་ཡིན་ནོ། །ཕྲད་པར་བྱ་བའི་ཤེས་པ་ཉིད་ལས་དེ ་དོན་དུ་གཉེར་བ་པོ་འཇུག་པར་འགྱུར་བ་ཡིན་ན། དེའི་འབྲེལ་པ་ཤེས་པ་བར་གྱི་ཤ་ལྷག་གིས་ཅི་ཞིག་བྱ། ཕྲད་པར་བྱ་བ་རྟོགས་པ་ཡང་གཞལ་བྱ་རྟོགས་པ་ཡིན་གྱི་རང་གི་ངོ་བོ་ཙམ་རྟོགས་པ་ནི་མ་ཡིན་ནོ། །ཕྲད་པར་བྱ་བ་དང་འབྲལ་བའི་རང་གི་ངོ་བོ་རྟོགས་པ་དེ་ལས་དེ་རྟོགས་པ་ཁོ་ན། འབྲེལ་པ་རྟོགས་པ་ཡིན་ནོ་ཞེ་ན། གཅིག་རིག་པ་ལས་ནི་མ་ཡིན་གྱི་འབྲེལ་པ་རིག་པ་ལས་ཡིན་ཏེ། དུ་བ་རྩམ་རིག་པ་ལས་མེ་དང་འབྲེལ་པ་རིག་པ་མ་ཡིན་གྱི་མེ་མཐོང་ནས་དུ་བ་མ་མཐོང་བ་ན ་མཐོང་བའི་སྟོབས་དང་མ་མཐོང་བའི་སྟོབས་ལས་དེ་ལས་འདིའོ་ཞེས་དེས་བཞིན་པའི་དུ་བ་ནི་འབྲེལ་པ་ཅན་ཉིད་དུ་ངེས་པ་ཡིན་ཏེ། མཐོང་བ་གོམས་པ་ཁོ་ན་ལས་སོ། །འདིར་ཡང་ཕྲད་པར་བྱ་བ་ལ་ལྟ་བ་པོ་རང་གི་ངོ་བོ་ལ་དམིགས་པ་ན། དེ་ལས་འདིའོ་ཞེས་དེ ་ཁོ་ན་བཞིན་དུ་རྟོགས་པ་པོ་གོམས་པས་ཀྱང་རང་གི་ངོ་བོ་མཐོང་བ་ཁོ་ན་ལས་སོ། །གོམས་པ་མེད་པ་ལ་ནི་དེའི་འགྲེལ་པ་གཞན་ཉིད་ཁོ་ན་ལས་ཡིན་པར་ཤེས་པར་བྱ་བ་ཡིན་གྱི། རང་གི་ངོ་བོ་ཤེས་པ་ལས་ནི་མ་ཡིན་ནོ། །དེ་དག་ཙམ་ན་དུ་བ་ལས ་རང་གི་ངོ་བོའི་བྱེ་བྲག་སྟེ། འབྲས་བུ་དུ་བ་ཉིད་ལས་གོམས་ཀྱང་རུང་པས་ཤེས་པ་ཡིན་ལ། རང་གི་ངོ་བོ་ནི་ཕྲད་པར་བྱ་བའི་འབྲས་བུ་དེ་ཉིད་ཀྱིས་སོ། །འབྲས་དང་རྒྱུ་ཉིད་ཀྱི་དེ་ཉིད་མཐོང་བ་ཡང་རྒྱུན་གཅིག་ཏུ་གནས་པའི་སྐད་ཅིག་མ་རྣམས་གཅིག་ཏུ ་འདུས་པས་གནས་པའི་གཟུགས་ལ་སོགས་པ་མཐོང་བ་ཡང་ངོ། །དེ་ལྟར་ཕྲད་པར་བྱ་བ་དང་འབྲེལ་བ་ཅན་གྱི་རང་གི་ངོ་བོ་ཤེས་པ་དེ་ཉིད་ནི་ཕྲད་པར་བྱ་བའི་ཤེས་པ་སྟེ། དེ་ཉིད་ཀྱང་གཞལ་བྱ་རྟོག་པ་ཡིན་པའི་ཕྱིར། ཚད་མའི་ཤེས་པ་ཉིད་ནི་གཞལ ་བྱ་རྟོགས་པ་ཡིན་ནོ། །ཚད་མའི་ཤེས་པ་མེད་ན་གཞལ་བྱ་རྟོགས་པ་ག་ལ་ཡོད། ཡང་ན་མཚན་ཉིད་ནི་རང་གི་ངོ་བོ་བསྟན་པ་ཡིན་གྱི་ལོག་པར་རྟོགས་པ་བོས་གོ་བ་དེ་ཙམ་ནི་མ་ཡིན་ན། །སྒྲུབ་པར་བྱེད་པར་རྟོགས་པ་ཡིན་ནོ་ཞེ་ན། དེ་ལྟ་ཡིན་ན ་ཡོངས་སུ་བརྟག་པ་ཞེས་བྱ་བའི་དོན་ལ་འོངས་པ་ཡིན་ནོ། །ཡང་ན་ཚད་མ་ཞེས་བྱ་བ་ནི་མེད་པ་ཁོ་ན་ཡིན་ཏེ། མ་འཁྲུལ་པ་ལ་སོགས་པ་མེད་པའི་ཕྱིར་རོ། །དེས་ན་ཡོངས་སུ་བརྟག་པ་ཞེས་བྱ་ཅུང་ཟད་ཀྱང་མེད་དོ་ཞེས་ཚད་མ་ཐམས་ཅད་མེད་པར ་སྨྲ་བའི་རྒོལ་བ་རྣམས་སེམས་པ་ལ་གཞལ་བྱ་རྟོགས་པ་ནི་ཚད་མ་ལ་རག་ལས་པ་ཡིན་ཞེས་བྱ་བ་སྨོས་ཏེ། ཚད་མ་ནི་ཡོད་པ་ཡིན་ཏེ་སླུ་བ་མེད་པར་མཐོང་བ་ལ་སོགས་པའི་ཕྱིར་ཞེས་བྱ་བའི་དོན་ཏོ། །མངོན་སུམ་ཡིན་པའི་ཚད་མ་ནི་མེད་ཅེས་བྱ ་བས། རྗེས་སུ་དཔག་པ་མེད་པར་སྨྲ་བའི་རྒོལ་བ་པོའི་བྱེ་བྲག་གོ་།ཡང་ན་བདེ་བར་གཤེགས་པའི་གཞུང་ལུགས་སུ་རྣམ་པར་རིག་པ་ཙམ་ཡིན་ལ་དེ་ཉིད་དུ་དངོས་སུ་འམ་བརྒྱུད་པས་ཀྱང་རུང་མཐར་ཐུག་པ་ཡིན་ལ། དེ་ལ་ཡང ་གཞལ་བྱ་མེད་པའི་ཕྱིར་བསླུ་བ་མེད་པ་ཉིད་དམ་གཞན་ཡང་རུང་བས་འདིས་དཔག་པར་བྱ་བ་ཡིན་ཞེས་དེ་ལ་དམིགས་པའི་ཚད་མ་ཉིད་མི་སྲིད་དོ། །རང་གི་ངོ་བོ་རིག་པས་ནི་ཚད་མ་ཉིད་མ་ཡིན་ལ་ཕྲད་པར་བྱ་བའི་དོན་རིག་པ་ནི་ཚད་མ་ཉིད་ཡིན་ཏེ། ཇི་སྐད ་དུ། ཚད་མ་ཉིད་དམ་ཚད་མ་མིན་ཉིད་དམ། །བསོད་ནམས་སྡིག་པ་སོགས་དང་དེ་འབྲས་བུ། །ཞེས་བྱ་བ་ལ་སོགས་དེ་དག་ཐམས་ཅད་ཀྱང། དོན་གྱིས་སྟོང་པའི་བློ་ལ་མི་རིགས་འགྱུར། །ཞེས་བསྟན་ཏོ་ཞེས་ཟེར་བ་འདི་ལ། ཚད་མ་ལ་རག་ལས་པ ་ཡིན་ཞེས་བྱ་བ་སྨོས་ཏེ། ཕྲད་པར་བྱ་བ་དང་འབྲེལ་པ་ཉིད་ནི་འཇིག་རྟེན་པའི་ཚད་མ་ཡིན་ལ། དེ་རིག་པ་ཙམ་ཡང་ཁྱད་པར་ཅན་མ་ཡིན་ཞེས་བྱ་བའི་དོན་ཏོ། །ཡིན་དུ་ཟིན་ཀྱང་རིག་བྱེད་ལ་སོགས་པ་ནི་འཇིག་རྟེན་ཕ་རོལ་ལ་སོགས་པ་ལ་ཚད་མ་ཡིན ་པར་འཇིག་རྟེན་དུ་གྲུབ་བོ་ཞེས་བྱ་བ་ནི་ཡོངས་སུ་བརྟོག་པའི་གོ་སྐབས་མེད་པ་ཡིན་ཏེ། འདི་ལ་བཅོམ་ལྡན་འདས་ཉིད་ནི་ཞེས་བྱ་བ་སྨོས་སོ། །དེ་ལ་ཞེས་བྱ་བ་ནི་སྐབས་ཀྱི་རྒྱུ་མཚན་གཉིས་སམ་བསྒྲུབ་པར་བྱ་བ་དེ་ལའོ། །དེ་ལ་ཡང་དབྱེ་བ ་རྣམ་པ་བཞི་ཡོད་དེ། བཅོམ་ལྡན་འདས་ཉིད་ཆོས་ལ་ཚད་མ་ཡིན་པའམ་གཞན་ཉིད་དམ་གཉི་ག་མ་ཡིན་པ་ཞིག་ཅེས་ཡོངས་སུ་བརྟག་པ་ཚོལ་བ་ལ། འདིར་རྣམ་པ་འདི་བཞིར་བྱེད་པར་འགྱུར་བ་ནི། དེ་ལ་ཕྱོགས་གསུམ་པོ་བསལ་ནས་ཕྱོགས ་དང་པོ་ཡོངས་སུ་བཟུང་བར་བསྟན་པ་ནི། ཚད་མ་ཡང་བཅོམ་ལྡན་འདས་ཉིད་ཅེས་བྱ་བའོ། །གཞན་ཉིད་ལས་སྐྱེས་པའི་ཚད་མ་ཉིད་དེ་ཡང་རང་གི་འབྲས་བུ་ལ་མི་བལྟོས་པ་ཉིད་ཡིན་ལ། འབྲས་བུ་ཡང་དེའི་དོན་ཇི་ལྟ་བ་ལ་ངེས་པ་འམ་འཇུག ་པ་མ་ཡིན་ནམ། དེ་ལ་སྔ་མ་ནི་འབྲས་བུའི་ཤེས་པ་བྱུང་བའི་དུས་ཉིད་ལ་བར་དུ་མཆོད་པར་སྐྱེ་བར་མཐོང་བ་ལ་འཇུག་པར་བྱེད་པ་ཡང་དོན་ཇི་ལྟ་བ་ལ་ངེས་པའི་རྒྱུ་མཚན་དེ་ཡོད་ན་འབྱུང་བ་ཉིད་ཡིན་ཏེ། བལྟོས་ས་གཞན་ཡང་རྒྱུའི་ཡོན་ཏན་གྱི་ཤེས ་པ་ཉིད་ཡིན་ནོ་ཞེས་ན། དེ་ཡང་ཚད་མ་ཡིན་ན་བལྟོས་ས་ཡིན་གྱི་གཞན་དུ་ན་མ་ཡིན་ལ། དེས་ན་ཡང་དེའི་ཡང་བལྟོས་ས་ཡོན་ཏན་གྱི་ཤེས་པ་གཞན་ཡིན་ལ། དེའི་ཡང་གཞན་ཡིན་པས་ཐུགས་པ་མེད་པར་འགྱུར་རོ། །འོན་ཏེ་བལྟོས་ས ་ལས་ལྟོས་བྱེད་ཚད་མ་ཡིན་ན་ལྟོས་བྱེད་ཀྱང་གཞན་ལས་ཞེས་པ་ལ་སྐྱོན་མེད་དོ། །མ་ཡིན་ཏེ་ཕན་ཚུན་བརྟེན་པར་ཐལ་བར་འགྱུར་རོ། །བདག་ཉིད་ཐོབ་པ་ལ་ཡང་རྒྱུའི་ཡོན་ཏན་ལ་བལྟོས་པ་ཡིན་གྱི་རང་གི་འབྲས་བུ་ལ་ནི་མ་ཡིན་ཏེ། བུམ་པ་ལ ་རྫ་མཁན་ལ་སོགས་པ་ལྟ་བུའོ། །མི་བསླུ་བའི་ཤེས་པའི་བལྟོས་པ་ལ་ཡང་སྟེ། འདི་ཉིད་ཀྱང་སུན་འདོན་པ་གཉིས་དང་སྦྱར་བར་བྱའོ། །སྐད་ཅིག་མའི་རྣམ་པར་ཤེས་པ་ནི་ཡོན་ཏན་མི་བསླུ་བའི་ཤེས་པའི་དུས་སུ་གནས་པ་མ་ཡིན་ནོ། །དེའི ་ཕྱིར་ཚད་མ་ཉིད་དུ་ཁས་བླངས་པའི་ཚད་མ་ཉིད་བལྟོས་པ་དང་བཅས་པར་འགལ་བས་ཁས་ལེན་པར་མི་རིགས་པའི་ཕྱིར་དོན་གྱི་ཤུགས་ཀྱིས་བལྟོས་པ་མེད་པ་ཉིད་དུ་གྲུབ་བོ། །དེ་ཡང། གཅིག་པུ་ལྟོས་མེད་ཁོ་ན་ཉིད། །མཚན་མ་ཉིད་ཀྱི ་རྒྱུ་མཚན་སྟེ། །ལྟོས་བཅས་ཉིད་ལ་ཡང་དག་པར། །གནས་ན་དེ་ཉིད་རྣམ་ཉམས་འགྱུར། །གང་ཕྱིར་རྩ་བའི་ཕྱོགས་དོར་ནས། །སུ་ཞིག་རིགས་པ་སྨྲ་འདོད་འགྱུར། །གང་གིས་དེ་སྒྲུབ་པའི་ཐབས་ཀྱང། །རང་གི་ཚིག་གིས་རྣམ་ཉམས ་འགྱུར། །བལྟོས་བཅོས་ཚད་མ་ཉིད་དུ་ནི། །རྣམ་པར་གཞག་པ་གང་ནའང་མེད། ཅེས་བྱ་བ་དང། ཇི་སྟེ་མི་བསླུ་བའི་སྔ་མ་ཡིན། བསླུ་བ་མེད་ཅན་གཉིས་ཚད་ན། །ཕན་ཚུན་ཡང་དག་རྟེན་ཉིད་ཀྱིས། །ཚད་མར་བརྟག་བྱ་རྟེན་ཉམས་འགྱུར།། ་ཞེས་ཀྱང་བསྟན་པ་ཡིན་ནོ། །འདིར་དོན་ནི་འདི་ཡིན་ཏེ། མ་འཁྲུལ་བ་ཉིད་ནི་ཚད་མ་ཉིད་ཡིན་ལ། དེ་ཡང་ཤེས་པའི་དོན་དང་འབྲེལ་བ་ཡིན་གྱི། །དེར་ངེས་པ་ཡང་ཤེས་པ་དེས་སམ་ཤེས་པ་གཞན་གྱིས་ཡིན། དེས་ཡིན་ན་ནི་འབྲེལ ་པ་ཅན་དུ་དེས་པ་སྔོན་དུ་འགྲོ་བ་ཅན་དེ་ནི་ཤེས་པ་ཡིན་ཏེ་འབྲེལ་པ་ཅན་དུ་མ་དེས་ན་འབྲེལ་པ་མི་ཤེས་པའི་ཕྱིར་རོ། །འབྲེལ་པ་ཅན་ཡིན་ན་ནི་དོན་ལ་ངེས་པས་སྔ་མ་ཉིད་ཁོ་ན་ལས་འཇུག་པར་འགྱུར་ན་འབྲེལ་པ་ཤེས་པས་ཅི་ཞིག་བྱ། འོན་ཏེ ་འབྲེལ་པ་ངེས་པ་ལས་འབྲེལ་པ་ཅན་དོན་ལ་ངེས་པ་ཡིན་ན་ཕན་ཚུན་བརྟེན་པར་འགྱུར་རོ། །འོན་ཏེ་དོན་བྱེད་པའི་ཤེས་པ་ལས་ཡིན་ན། དེ་ཡང་དོན་བྱེད་པར་འབྲེལ་པ་ཤེས་ན། དོན་བྱེད་པར་ངེས་པར་བྱེད་པ་ཡིན་ཏེ། རྨི་ལམ་ལ་སོགས་པ ་དོན་གྱི་བྱེད་པ་དེ་ཉིད་ཤེས་པ་ཡིན་ན། དེ་ལ་ཡང་དེ་ལས་དོན་བྱེད་པའི་ཤེས་པ་གཞན་བཙལ་བར་བྱ་དགོས་ལ། དེ་ལ་ཡང་གཞན་ལས་ཡིན་པར་འགྱུར་རོ། །འོན་ཏེ་དོན་བྱེད་པའི་ཤེས་པ་སྣོད་པ་མེད་པར་དོན་བྱེད་པར་རིག་པ་ནི་རང་ཉིད ་ལས་ཚད་མ་ཡིན་ནོ། །སྔ་མ་ཡང་དེ་ཁོ་ན་བཞིན་དུ་རང་གི་འབྲས་བུ་ལ་བལྟོས་པ་མེད་པའི་ཚད་མའོ། །དེ་ཡང་དངོས་ཀུན་བདག་ཉིད་འཐོབ་དོན་དུ། རྒྱུ་ལ་ལྟོས་པ་ཉིད་དུ་འགྱུར། །བདག་ཉིད་ཐོབ་པར་རང་འབྲས་ལ། །རང་ཉིད་འཇུག་པར ་འགྱུར་པ་ཡིན། །གལ་ཏེ་རྣམ་ཤེས་སྐྱེས་འགྱུར་བའང། །ཇི་སྲིད་རྒྱུ་ནི་དག་ཉིད་དུ། །ཚད་མ་གཞན་གྱིས་མ་རྟོགས་པ། །ཇི་སྲིད་དོན་མེད་པར་དེས་འཛིན། །དེར་ནི་ཤེས་གཞན་སྐྱེ་བ་ཡིན། །རྒྱུ་གཞན་ལ་ནི་གཞེས་པ་ཡིན་ཞེས་སྨོས ་སོ། །དེའི་ཕྱིར་རིང་པོར་ལོན་པ་ཡང་དང་པོ་པ་བཞིན་དུ་ཡོངས་སུ་གཅོད་པ་ཙམ་ནི་ཚད་མ་ཉིད་ཀྱི་བྱ་བ་ཡིན་གྱི། །ཚད་མ་ཉིད་ཀྱི་ཤེས་པ་ཕྱི་མ་གཞན་སྔ་མ་ལས་བྱེ་བྲག་དུ་བྱེད་པ་མ་ཡིན་ནོ། །དོན་བྱེད་པ་ལ་གནོད་པ་མེད་པའི ་ཤེས་པ་བཞིན་དུ་ངེས་པར་བྱེད་པའི་ཤེས་པ་ཡང་རང་ཉིད་ལས་ཁོ་ན་བཞིན་དུ་ཚད་མ་ཡིན་ཏེ། བྱེ་བྲག་མེད་པའི་ཕྱིར་རོ། །དེ་ཡང། གང་ཚེ་རང་ལས་ཚད་མ་ཉིད། །དེ་ཚེ་གཞན་ཉིད་ཚོལ་མིན་ཏེ། །སྐྱོན་རིག་པ་ལས་བཅད་མེད་པར། །རྫུན་པ་ཉིད ་ནི་རྟོག་པར་འགྱུར། །ཞེས་སྨོས་སོ། །ཉ་ཕྱིས་ལ་དངུལ་དུ་ཤེས་པ་ཡང་སྔ་མའི་རྣམ་པར་ཤེས་པ་དང་མཚན་ཉིད་མི་འདྲ་བ་ཚོགས་པ་གཞན་ལ་བལྟོས་པ་ལས་བྱུང་བ་ཕྱིན་ཅི་ལོག་པའི་ཡུལ་ཅན་ཡང་དེ་ཉིད་ལ་ངེས་པ་ཅན་གཞན་ལ་བལྟོས་པ ་ཡིན་ལ། དེས་ན་ལྡོག་པའི་ཡུལ་ཡིན་པའི་ཕྱིས་གཞན་ལས་ཡིན་པར་བསྟན་ཏེ། དེ་ཡང། རང་དོན་ཚད་མ་ཡིན་པ་ཡང། །ཚད་མ་བཞིན་དུ་བལྟ་བར་བྱ། །ཞེས་སྨོས་པའོ། །དཔེར་ན་ཡུལ་གྱི་མ་རྟོགས་པར་ཙམ་དུ་བྱེད་པའི་ཚད་མ་བཞིན་དུ ་སྔ་མ་ཡང་དེ་དང་འདྲ་བའོ། །ཅིག་ཤོས་ནི་རང་ལས་ངེས་པ་མ་ཡིན་པའི་རང་གི་ངོ་བོ་ནི་གཞན་ལ་བལྟོས་པ་ཡིན་ཞེས་བྱ་བའི་དོན་ཏོ། །རིག་བྱེད་ལས་བྱུང་བའི་ཤེས་པ་ནི་དངུལ་གྱི་ཤེས་པ་བཞིན་དུ་འདི་ཡང་འགྱུར་བ་ནི་མ་ཡིན་ནོ། །རྫུན་པ ་བསྐྱེད་པར་བྱེད་པ་ལས་དེ་བཞིན་པའི་དོན་ཉིད་ལ་ངེས་པའི་ཤེས་པ་བདེན་པ་གཞན་ཡོད་པ་མ་ཡིན་ཞིང་སྐྱོན་གྱི་ཤེས་པ་ཡང་མ་ཡིན། སྐྱེས་བུས་བྱས་པ་མ་ཡིན་པའི་ཕྱིར་རོ། །རང་དུ་རྟོགས་པའི་སྒྲ་ཉིད་ནི་སོར་མོའི་རྩེ་མོ་ལ་སོགས ་པའི་ངག་བཞིན་དུ་དོན་ཇི་ལྟ་བ་མ་ཡིན་པའི་ཤེས་པ་སྐྱེས་པའི་སྐྱོན་ཡང་མེད་དོ། །ལན་ཅིག་ཀྱང་དེའི་རང་བཞིན་ལས་དེའི་རང་བཞིན་མ་ཡིན་པ་ཤེས་པར་མི་རིགས་ཏེ། དེ་ལས་རེས་འགའ་ཞིག་དོན་ཇི་ལྟ་བ་རྟོགས་པ་ཡིན་ནོ། །བདེན་ཡང་འབྱུང ་ལ་ད་ལྟ་མ་ཡིན་ཡང་འབྱུང་ཞེས་གང་སྨྲས་པ་ལ། རྫུན་པ་བསྐྱེད་པར་བྱེད་པ་ལས་བདེན་པ་མི་འབྱུང་ལ། འབྱུང་དུ་ཟིན་ཀྱང་དེ་ལས་སྒྲ་རང་ཉིད་སྐྱོན་ཅན་ཡིན་ཏེ། འོན་ཀྱང་སྐྱེས་བུའི་འདུས་པ་ལས་ཡིན་ལ། སྐྱེས་བུ་ཡང་བློ་སྔོན་དུ་འགྲོ ་བའི་ཚིག་གི་རིམ་པ་གཞན་དུ་ཡང་བྱེད་པའི་ཕྱིར། གཅིག་པུ་སླུ་བར་བྱེད་པ་ཡིན་གྱི་སྒྲ་ནི་མ་ཡིན་ནོ། །རིག་བྱེད་ལ་ནི་སྐྱེས་བུ་མེད་པའི་ཕྱིར། དེས་བྱས་པའི་རིམ་པ་མ་ཡིན་པའི་ཕྱིར། སླུ་བར་དོགས་པར་མི་བྱ་སྟེ། དེ་ཡང། ་རེ་ཞིག་སྒྲ་ལས་སྐྱོན་བྱུང་བ། །སྨྲ་བ་པོ་ལ་བལྟོས་གནས་ཡིན། ཞེས་སྨོས་པའོ། །དེ་ཉིད་ནི་གཞན་ལ་བལྟོས་པའི་ཚད་མ་ཉིད་ཡིན་གྱིས་འཇིག་རྟེན་དང་རིག་བྱེད་དུ་ཡང་ཚད་མ་རྣམ་པར་བཞག་པར་འགྱུར་བ་མ་ཡིན་ནོ་སྙམ་དུ་སེམས་པ ་ལ། དེ་ལ་ཚད་མའི་མཚན་ཉིད་སྤྱིར་སྟོན་པ་ནི་ཞེས་བྱ་བ་སྨོས་ཏེ། འདིས་མཚོན་པར་བྱ་བ་ཡིན་པས་ན་མཚན་ཉིད་དེ། རང་ལས་སམ་གཞན་ལས་ཀྱང་རུང་བའི་ཚད་མར་བརྟག་པར་བྱ་བ་ནི་འདིའི་དོན་ཏོ། །ཚད་མ་ཉིད་ནི་ཡོན་ཏན་གྱིས ་བསྐྱེད་པར་བྱ་བ་ཡིན་ཞེས་སྨྲས་པ་ལ། བུད་ཤིང་ལ་སོགས་པའི་གྲོགས་པོའི་མ་ལ་སོགས་པ་ནི་དུ་བ་ལ་སོགས་པ་བསྐྱེད་པར་བྱེད་པར་སྣང་ལ། དེ་བཞིན་དུ་ཤེས་པ་ཡང་གྲོགས་ལ་བལྟོས་པ་ཡིན་དང། སྐད་ཅིག་མ་ཇི་ལྟར་བལྟོས ་པ་ཉིད་ཡིན་མེ་ལ་སོགས་པ་ཡང་མཚུངས་པའི་ཕྱིར་ཅུང་ཟད་ཀྱང་ཡོད་པ་མ་ཡིན་གྱི་རྒྱུན་གྱི་དངོས་པོ་ལ་གཅིག་པ་ཉིད་དུ་ཞེན་པས་རྒྱུ་ཡིན་ནོ། །གྲོགས་བྱེད་པའི་ཕྱིར་དང་ཕན་པ་བྱེད་པའི་ཕྱིར་མེའི་བལྟོས་ས་ཤིང་ཡིན་པར་རིགས་པ་མ ་ཡིན་ནམ། ཤེས་པ་ཡང་ཡུལ་ངེས་པའི་ཕྱིར་གཞན་ཕན་པ་བྱེད་པ་ཅན་ཡིན་ནོ། །ཤེས་པ་ནི་ཡུལ་རྟོགས་པའི་ངོ་བོ་ཁོ་ན་མ་ཡིན་ནམ། དེ་ལྟ་ནི་མ་ཡིན་ཏེ། རང་གི་ངོ་བོ་རྟོགས་པའི་རང་བཞིན་ཡིན་ལ་དེ་ཡང་རང་ཉིད་ལས་ཚད་མ་ཡིན ་ཏེ། དེ་ཡང་ཤེས་པ་ཐམས་ཅད་ཀྱི་ཐུན་མོང་ཡིན་པའི་ཕྱིར། ཤེས་པ་ཐམས་ཅད་ཚད་མར་འགྱུར་ཏེ། གནོད་པ་མེད་པའི་ཕྱིར་རོ། །དེ་ཡང་སེར་པོའམ་དངུལ་དུ་མི་སྣང་བའི་ཕྱིར་གནོད་པར་འགྱུར་བ་ཡིན་ནོ། །འདི་ལྟ་བུའི་ཚད་མའི་དབང་དུ་བྱས ་པ་ནི་མ་ཡིན་ཏེ། དེའི་ཡང་ཕྲད་པར་བྱ་བའི་འབྲས་བུ་དང་འབྲེལ་པ་ནི་ཚད་མ་ཉིད་ཡིན་ལ། དེ་ཡང་རང་གི་ངོ་བོ་རྟོགས་པས་བཅས་པ་ནི་མ་ཡིན་ཏེ། གཞན་ཉིད་ལས་རྟོགས་པར་བྱ་བ་ཡིན་པའི་ཕྱིར་རོ། །གཅིག་ལ་གཅིག་བརྟེན ་བ་ཡང་མ་ཡིན་ཏེ། འདི་ལ་འདིའོ་ཞེས་དོན་རྟོགས་པ་ཁོ་ན་ཚད་མ་ཉིད་ཡིན་ཏེ། རྟོགས་པའི་ཕྱིར་རོ། །འདིས་ནི་དགོས་པ་མེད་པའི་ཕྱིར་བསལ་བ་ཡིན་ལ། ཕྲད་པར་བྱ་བའི་འབྲས་བུ་རྟོགས་པ་ཡང་རང་ཉིད་ལ་ཁོ་ན་ལས་རང ་ཁོ་ན་ངོ་བོ་བཞིན་དུ་ཐེ་ཚོམ་མེད་པ་ཡིན་ནོ། །དེ་དང་འབྲེལ་པ་ནི་མ་རྟོགས་ཏེ། དམིགས་པ་དང་མ་དམིགས་པ་དག་ལས་ཁོང་དུ་ཆུད་པར་བྱའོ། །འབྲས་བུ་རྟོགས་པ་ཙམ་ཚད་མ་མ་ཡིན་ནམ། དེ་བཞིན་སྔ་མ་ལ་ཡང་ཅིས་མི ་འགྱུར། ཇི་ཙམ་དུ་རྟོགས་པ་དེ་ཙམ་དུ་རང་ཉིད་ཁོ་ན་ལས་ཡིན་པར་ནི་བདེན་ན། འབྲས་བུ་ལ་འབྲེལ་པ་ནི་མ་རྟོགས་པ་ཡིན་ནོ། །བསྐྱེད་བྱའམ་སྐྱེད་བྱེད་དུ་ཡང་ཅིས་མ་རྟོགས། བདེན་ཏེ། སྐྱེད་བྱེད་དམ་ནི་རྟོགས་ན། དེ་ཁོ་ན་ཉིད ་ཀྱིས་ནི་མ་ཡིན་པའི་ཕྱིར། ཐུག་པ་མེད་པ་སོགས་པར་རྒལ་བ་ནི་ནམ་མཁའ་ལྡང་བ་དང་འདྲའོ། །ཚད་མ་ཉིད་ཀྱི་ཤེས་པ་ལས་ཕྱི་མ་ཡོངས་སུ་གཅོད་པ་ནི་སྔ་མ་ལས་བྱེ་བྲག་མེད་པ་ཡང་མ་ཡིན་ཏེ། དེའི་ཚེ་བྱེ་བྲག་མཐོང་བ ་ལས་དམིགས་པ་རྣམ་པར་བཞག་པའི་ཕྱིར་རོ། །དེ་ལྔ་ན་རིག་བྱེད་ལས་བསྒྲུབ་བྱེད་མཆོད་སྦྱིན་ལས་བསྒྲུབ་བྱ་མཐོ་རིས་ཐོབ་པར་བྱ་བར་ཤེས་པ་ཉིད་ཡིན་པའི་ཕྱིར་ཚད་མ་ཡིན་ནོ། །ཕྲད་པའི་ཕྱིར་འཇུག་པར་མི་འགྱུར་རོ། ། ་གོམས་པ་ལས་ཕྲད་པར་བྱ་བ་ངེས་པ་ཡིན་ན་མངོན་སུམ་ལས་ཇི་ལྟར་འཇུག་པ་ཡིན། ངེས་པ་རྟོགས་པའི་དོན་དུ་འཇུག་པ་ཡིན་པའི་ཕྱིར་སྐྱོན་མེད་དོ། །ངེས་པ་ཙམ་འདི་ལ་ཡང་རྟོགས་པ་ཁོང་དུ་ཆུད་པ་མེད་དོ་ཞེ་ན། ་ངེས་པ་མེད་དོ། །ཁྱེད་ལ་ཡང་ཅི་ལས་ངེས། ཕྲེང་བར་བྱ་བའི་འབྲས་བུ་ལ་རང་གི་ངོ་བོ་འཛིན་པ་ཡིན་པའི་ཕྱིར་རོ། །ཕྲད་པར་བྱ་བའི་འབྲས་བུའི་རང་གི་ངོ་བོ་ནི་འདི་ལ་ཡང་ངོ། །མ་ཡིན་ཏེ། ཐོབ་པར་བྱ་བ་ནི་དབང་པོ་ལས ་འདས་པ་ཉིད་ཀྱིས་དེའི་འབྲས་བུ་ཉིད། ཤེས་པ་མེད་པའི་ཕྱིར་རོ། །ཐོབ་པར་བྱ་བའི་འབྲས་བུའི་ཤེས་པ་ནི་རབ་རིབ་ཅན་གྱི་ཤེས་པ་བཞིན་དུ་སྐྱོན་ལས་བྱུང་བ་ཡིན་ལ། རིག་བྱེད་ལ་ནི་སྐྱོན་མེད་དོ། །བྱེད་པ་པོ་མེད་པའི་ཕྱིར་རོ། །འོ་ན ་རབ་རིབ་ཅན་ནམ། གཞན་ཡང་རུང་བའི་མི་སླུ་བ་དང་སླུ་བ་ཡང། ཉེ་བར་དམིགས་པས་ཐ་དད་པ་མ་ཡིན་ནམ། དེ་ནི་འདི་ལ་མེད་དེ་ཐོབ་པར་བྱ་བ་ནི་དབང་པོ་ལས་འདས་པ་ཉིད་ཀྱིས་དེ་གཉིས་མེད་པའི་ཕྱིར་རོ། །བསླུ་བ་ནི་སྐྱོན་གྱིས་བསྐྱེད་པ ་མ་ཡིན་ནམ་དེ་དག་ཀྱང་སྐྱེས་བུ་དང་འབྲེལ་པ་ལ་མ་ཡིན་གྱིས། རང་ཉིད་ལས་མ་ཡིན་ཏེ། འབྲས་བུ་དང་རྒྱུའི་ངོ་བོར་ངེས་པའི་ཕྱིར་རོ། །དེ་མེད་ན་སྐྱེས་བུའི་བྱ་བ་ཚིག་གི་རིམ་པ་ཇི་ལྟར་རིགས། དེ་ལྟ་ཡིན་དུ་ཟད་མོད་ཅེ་ན། སྐྱོན་དང་ངེས་བྱས་པའི ་སླུ་བ་ཡང་ཅིའི་ཕྱིར་གླ་བུར་དུ་མ་ཡིན་ཏེ། མཚུངས་སོ། །རིག་བྱེད་ཀྱི་རིམ་པ་གཞན་ཉིད་ཡིན་ཏེ། བྱེད་པ་པོ་མེད་པའི་ཕྱིར། དེའི་སྐྱོན་རྣམས་ཀྱང་ཡོད་པ་མ་ཡིན་ལ། ཤེས་པ་ཡང་སྐྱེད་པར་བྱེད་པ་ཡིན་སླུ་བ་མ་ཡིན་ཏེ། བྱེད་པ་མེད་པའི་ཕྱིར་རོ། །ཐོབ ་པར་བྱ་བའི་ཤེས་པ་ལ་ནི་མིག་གི་རྣམ་ཤེས་བཞིན་དུ་བྱེད་པའི་སྐྱོན་མེད་པར་ཤིན་ཏུ་ངེས་པ་ཡིན་ལ། གཞན་དུ་ཡང་བྱེད་པ་པོ་མེད་པ་ལ་ནི་སྒྲ་རང་ཉིད་ལ་སྐྱོན་ཡོད་པའམ་གཞན་ལས་མ་ཞེས་བྱ་བའི་དོགས་པ་ལྡོག་པ་མ་ཡིན་ནོ། ། ་རང་ཉིད་སྐྱོན་ཅན་ཡིན་ན་ནམ་དུ་ཡང་ཇི་ལྟར་བདེན་པ་ཉིད་དུ་འགྱུར། སྐྱེས་བུས་བྱས་པ་ནི་དེའི་ཡོན་ཏན་ལས་བདེན་པ་ཉིད་ཡིན་ལ། ཡོན་ཏན་རྣམས་ལ་ནི་སྐྱོན་ཡོད་པ་མ་ཡིན་ཞེས་བྱ་བ་གཏམ་ཙམ་ཡིན་ཏེ། ཚད་མ་མེད་པའི་ཕྱིར་ཕྱིན ་ཅི་ལོག་པར་ཐལ་བར་འགྱུར་རོ། །གང་ཞིག་གང་ལས་བྱུང་བར་སྣང་བ་དེ་ལས་བྱུང་བ་ཡིན་པ་དེའི་ཕྱིར་རོ། །ཡོན་ཏན་ལས་བདེན་པ་ཉིད་དང། སྐྱོན་ལས་རྫུན་པ་ཉིད་དུ་ནི་རིགས་པ་ཡིན་ནོ། །དེ་ལྟར་ཡང་ཚད་མར་གྱུར་པ་ཞེས་བྱ་བ་ལ་སོགས ་པ་དང་རྒྱས་པར་བཤད་པ་ཡིན་ནོ། །རིག་བྱེད་ལ་ནི་སྐྱེས་བུ་མེད་པའི་ཕྱིར། ཡོན་ཏན་ལས་བྱུང་བ་མ་ཡིན་ལ། དེས་ན་བྱེད་པ་མེད་པའི་ཕྱིར་བདེན་པ་ཉིད་མ་ཡིན་ནོ། །འདི་སྐད་བཤད་པར་འགྱུར་ཏེ། ཤེས་པ་ཕྱི་མ་ནི་རང་གི་ངོ་བོ་ཁོ་ན ་འདོད་པ་ཡིན་གྱི་དེ་ལས་གཞན་པ་ནི་མ་ཡིན་པའི་ཕྱིར་ཐུག་པ་མེད་པ་མ་ཡིན་ལ། སྔ་མ་ནི་དེའི་ཐབས་ཡིན་པ་ཉིད་ཀྱི་རང་གི་ངོ་བོ་ལས་མ་ཡིན་ཏེ། རང་ཉིད་ལས་རང་གི་ངོ་བོ་ཤེས་པ་ཡིན་ཡང། དེའི་ཐབས་ཉིད་ཡིན་པས་དུ་བ་བཞིན་དུ ་གཞན་ལ་ངེས་པ་ཡིན་ནོ། །རིགས་བྱེད་ནི་རང་གི་ངོ་བོ་རྟོག་པ་ཡིན་ཡང་དེའི་འདོད་པ་རྟོགས་པ་ནི་མ་ཡིན་ནོ། །དེ་མ་རྟོགས་པ་ལས་ན་རང་གི་ངོ་བོ་ནི་དེའི་ཐབས་ཉིད་ཀྱིས་རྟོགས་པ་མ་ཡིན་ཏེ། དེ་ཉིད་ལ་སྐྱོན་མེད་པར་ངེས་པ་ཡང་མེད ་ལ་སོ་སོར་སྣང་བ་བཞིན་དུ་སྐྱེས་བུ་མེད་པའི་ངེས་པ་ཡང་མེད་དེ། རང་ཉིད་ཀྱི་སྐྱོན་ཡིན་པའི་ཕྱིར་རོ། །ཤེས་པའི་འབྲས་བུ་ནི་དོན་ལ་ངེས་པ་མ་ཡིན་ནམ། དེ་ནི་དེ་ཉིད་ཀྱི་ཚེ་ཡོད་པ་ཡིན་ལ། དོན་དུ་གཉེར་བ་པོ་རྣམས་ནི་དེའི་རྒྱུ་མཚན ་ལ་འཇུག་པ་ཡིན་ནོ། །འོ་ན་གཞན་དུ་ངེས་པས་ཅིའི་ཕྱིར་འཇུག་པ་ཡིན་ཐོང་བར་བྱ་བའི་དོན་དུའོ། །ཐོབ་པ་ནི་ལག་པ་ལ་སོགས་པས་ཉེ་བར་ཐོབ་པ་ཉིད་དོ། །དེ་ནི་སྔར་མ་ངེས་པ་ཡིན་ནོ་ཞེ་ན། དེའི་ཆ་ཇི་ལྟར་ངེས་པ་ཡིན་ཞིང་འཇུག ་པ་ཡང་ཡིན། ངེས་པ་ནི་ཡོད་ཀྱང་དེ་ཆོས་དོན་དུ་གཉེར་བ་མ་ཡིན་ཏེ། ཐོབ་ཟིན་པའི་ཕྱིར་རོ་ཞེ་ན། དེ་ལྟ་ན་འདི་ནི་སྔ་ནས་ཐོབ་པར་བྱ་བ་དང་འབྲེལ་པ་ཅན་ཉིད་ཡིན་པར་ཤེས་པར་བྱའོ། །བདེན་ཏེ་ཕྲད་པར་བྱ་བ་ལ་སོགས་པའི་ཤེས ་པ་ལ་ཐུག་པ་མེད་པ་ནི་མ་ཡིན་ཏེ། མངོན་པར་འདོད་པ་ཉིད་ཀྱིས་ཚད་མ་ཉིད་ཡིན་པའི་ཕྱིར་རོ་ཞེས་འཆད་པར་འགྱུར་བའོ། །དེ་ལྟར་འགྱུར་ན་ནི་ཤེས་པ་ཁོ་ན་ཚད་མ་ཡིན་པར་མི་རིགས་ཏེ། དབང་པོ་ཡང་ཚད་མ་ཉིད་དུ་འགྱུར་པའི ་ཕྱིར་རོ། །འོ་ན་ནི་དབང་པོ་ནི་ཡུལ་ཐམས་ཅད་ལ་ཐུན་མོང་ཡིན་པའི་ཕྱིར་ཐམས་ཅད་ལ་མཚུངས་པ་ཁོ་ནར་འབྲས་བུ་འབྱིན་པར་འགྱུར་ཏེ། ཤེས་པ་ནི་གང་གི་རྣམ་པ་ཡིན་པ་དེའི་ཡུལ་ཅན་ཁོ་ནར་འགྱུར་རོ། །དེའི་ཕྱིར་དབང་པོ་ནི་ཚད ་མ་མ་ཡིན་གྱི་འོན་ཀྱང་ཚད་མ་བསྐྱེད་པར་བྱེད་པ་ཡིན་ནོ། །དེ་ནི་མ་ཡིན་ཏེ། དབང་པོ་ནི་འབྲས་བུ་སྐྱེད་པར་བྱེད་པ་ལ་བྱེ་བྲག་མེད་པར་ཁོ་བོ་ཅིག་གི་ཕྱོགས་ལ་ཇི་ལྟར་འགྱུར་བ་དེ་བཞིན་དུ་ཁྱེད་ཀྱི་ལ་ཡང་ཚད་མ་བསྐྱེད་པར་བྱེད་པ་ཡིན་པར ་བྱེ་བྲག་མེད་པ་ཁོ་ནར་འགྱུར་རོ། །དེ་ཡང། ཇི་ལྟར་ཚད་མ་ཉིད་ཡིན་པ། །ཐམས་ཅད་ལ་འབྲས་འབྱིན་འགྱུར་པ། །ཚད་མ་སྐྱེད་བྱེད་ཉིད་ལ་ཡང། །དེ་བཞིན་ཚད་མ་བསྐྱེད་བྱེད་འགྱུར། །ཞེས་སྨོས་པའོ་ཞེས་ཟེར་བ་འདི་ལ། དེ་ཡོད་ན་ཞེས ་བྱ་བ་སྨོས་ཏེ། དབང་པོ་ཡོད་ནི་ཡང་ཡུལ་ལ་འཇལ་བ་ཉིད་མ་ཡིན་གྱི་ཤེས་པ་ཡོད་ན་དེ་ལ་ངེས་པར་འགྱུར་པ་ཡིན་ནོ། །དེས་ན་ཤེས་པ་ཁོ་ན་སྒྲུབ་པར་བྱེད་པ་དམ་པ་ཡིན་གྱི་དབང་པོ་ནི་མ་ཡིན་ཏེ་བསྐལ་པ་ཡིན་པའི་ཕྱིར་ཁྱབ་ཆེས་པར ་འགྱུར་བ་ཡང་མ་ཡིན་ནོ། །ཡང་ན་ཚད་མ་ནི་རང་ལ་ཡོད་པ་བྱེ་བྲག་དུ་གཏོགས་པས་ཡུལ་བྱེ་བྲག་དུ་བྱེད་པ་ཡིན་གྱི་དབང་པོས་ནི་མ་ཡིན་ཏེ། དབང་པོ་ལ་འདས་པའི་ཕྱིར་རོ། །ཉེ་བ་ཙམ་གྱིས་ཀྱང་བྱེ་བྲག་དུ་བྱེད་པ་མ་ཡིན་པ། བྱེ་བྲག ་ཡོད་དུ་ཟིན་ཀྱང་བྱེ་བྲག་མེད་པར་འགྱུར་རོ། །སྐྱེད་པར་བྱེད་པ་ནི་བྱེ་བྲག་མ་རྟོགས་པར་ཡང་ཉེ་བ་ཙམ་ལས་ངེས་པར་བསྐྱེད་པར་བྱེད་པ་དེ་ལྟར་མཐོང་བའི་ཕྱིར་རོ། །དེས་མཚུངས་པ་མ་ཡིན་ནོ་ཞེ་ན། དེ་ཡོད་ན་ཞེས་བྱེ་བ་སྨོས་ཏེ། །ཤེས ་པ་ཡོད་ན་ཡུལ་ཡོངས་སུ་གཅོད་པ་ཡིན་གྱི་དབང་པོ་ནི་མ་ཡིན་ཏེ། དེར་རྟོགས་པའི་བྱེ་བྲག་མི་ཤེས་པའི་ཕྱིར་རོ། །ཤེས་པ་ལ་སྟོས་པ་མེད་པར་ཡང་སྐྱེད་པར་བྱེད་པ་ཡིན་ནོ་ཞེས་བྱ་བའི་དོན་ཏོ། །དབང་པོ་ཡང་བརྒྱུད་པས་དེ་ཉིད་ལ་བྱ་བ་བྱེད་པའི ་ཕྱིར་ཚད་མ་མ་ཡིན་ནམ། དེ་ནི་བདེན་ཏེ། དེ་ཉིད་ཀྱིས་ན་དེ་ནི་ཉེ་བར་བཏགས་པ་ཙམ་ཡིན་པར་བསྟན་པ་ནི། དབང་པོ་དང་དོན་ཞེས་བྱ་བའོ། །བསླུ་བ་མེད་པ་ཅན་ཉིད་ནི་འདོད་པའི་དོན་ལ་མ་འཁྲུལ་བ་ཉིད་ཀྱི་ཤེས་པ་དང་དོན་དག་འབྲེལ་པ་མ་ཡིན ་ནམ། དེ་ཡང་འབྲེལ་བ་ཅན་མ་བཟུང་ན་མི་འཛིན་པ་ཡིན་ཏེ། མ་བཟུང་བས་ནི་དེ་ལ་འཇུག་པ་མ་ཡིན་པས། དེ་བཟུང་བའི་དོན་དུ་དང་པོར་དོན་བཟུང་བ་ཡོད་ན་དེ་ཉིད་ལས་འཇུག་པར་འགྱུར་རོ། །འོན་ཏེ་དོན་འདི་ཉིད་ཅེས་དེས་པ་མེད་ན་དེས་ནི་དེ ་འཛིན་པ་ལ་བལྟོས་པ་ཡིན་གྱི་ཕན་ཚུན་བརྟེན་པར་ཐལ་བར་འགྱུར་བ་ནི་མ་ཡིན་ནོ། །མ་འཁྲུལ་ཅན་ཉིད་བཟུང་བ་ལས་དོན་བཟུང་བ་ཡིན་ལ། དེ་བཟུང་བ་ལས་ཀྱང་མ་འཁྲུལ་བ་ཅན་ཉིད་བཟུང་བ་ཡིན་ནོ་ཞེས་བྱ་བ་ལ་སོགས་པའི་སྐྱོན ་རྣམས་ཀྱིས་སྐྱོན་ཅན་ཡིན་པའི་ཕྱིར་བསླུ་བ་མེད་པ་ཅན་ཉིད་ཚད་མ་ཉིད་དུ་མི་རིགས་སོ། །གནོད་པ་མེད་པའི་རྟོགས་པ་ཉིད་ནི་རིགས་པ་ཡིན་ཏེ། སྐྱོན་ཅན་མ་ཡིན་པའི་ཕྱིར་རོ། །དེ་ཡང་ཤེས་པ་སྐྱེས་བུའི་དུས་སུ་གནོད་པ་ཅན་མ་བྱུང ་བར་ངེས་པ་ནི་འཇུག་པའི་ཡན་ལག་ཡིན་ནོ། །དེ་ཡང་སྐྱོན་མེད་པར་གོ་བར་མཚུངས་པར་ཤེས་པའི་ཕྱིར་ཏེ། མཚུངས་པར་གོ་བ་ནི་གནོད་པ་མེད་པར་རྟོགས་པ་ཡིན་ནོ་ཞེ་ན། འདི་ལ་མི་བསླུ་བ་དོན་དུ་གཉེར་བ་ཞེས་སྨོས་ཏེ། འཇིག་རྟེན ་པའི་དོན་གྱི་ཐ་སྙད་ཀྱི་ཡན་ལག་ལ་ནི་སྐྱོན་ཡོད་པ་སྲིད་ཀྱང། དོར་བའི་ཡན་ལག་མ་ཡིན་ཏེ། ཐ་སྙད་ཆད་པར་ཐལ་བར་འགྱུར་པའི་ཕྱིར་རོ། །སྐྱོན་རྣམས་ལ་ཡང་ལན་གདབ་པ་ནི། ཐ་སྙད་ཀྱང་དཔྱད་པར་བྱ་བ་ཡིན་ཏེ། གནོད་པ་མེད ་པ་ཉིད་ལ་དོན་དུ་གཉེར་བའི་སྐྱེས་བུ་འཇུག་པ་ནི་མ་ཡིན་ཏེ། དེའི་སྐྱེས་བུའི་དོན་མ་ཡིན་པའི་ཕྱིར་ཏེ་ཤེས་པ་སྐྱེས་པའི་དུས་ཉིད་དུ་ཐོབ་པའི་ཕྱིར་རོ། །འོན་ཏེ། གནོད་པ་མེད་པ་ཉིད་དུ་འགྱུར་བ་དོན་དུ་གཉེར་བ་ཡིན་པ་དེ་ལྟ་ན ་ནི། སྔར་མ་གཏོགས་པ་ཇི་ལྟར་འཇུག་པའི་ཡན་ལག་ཡིན། དེས་ན་དེ་བཞིན་དུ་སྐྱོན་གནས་སོ། །དེའི་ཕྱིར་འཇིག་རྟེན་ནི་སྐྱེས་བུའི་དོན་དུ་གཉེར་བས་འཇུག་པ་ཡིན་པའི་ཕྱིར། འཇིག་རྟེན་པ་ནི་དེ་དང་འབྲེལ་པ་ཅན་ཉིད་ཡིན་གྱི། གནོད་པ ་མེད་པ་ཅན་ཉིད་མ་ཡིན་ནོ། །སྙམ་དུ་དགོངས་པའོ། །དེའི་ཕྱིར། མི་སླུ་ཡོན་ཏན་རྣམ་ཤེས་ལ། །ལྷག་པར་མངོན་འདོད་སུ་ཞིག་ཡིན། །དེ་ལ་དང་པོའི་རག་ལས་པར། །གང་གིས་སྟོབས་ཀྱིས་འགྱུར་བ་ཡིན་ཞེས་བྱ་བས་གསལ་བ་ཡིན ་ནོ། །དེ་ལྟར་ནི་འགྱུར་ན། འཇིག་རྟེན་ན་དམ་བཅས་པའི་དོན་དང་ཕྲད་པར་བྱེད་པ་ལ་ནི་མི་སླུ་བ་ཡིན་གྱི་དམ་བཅས་པ་ཙམ་ནི་མ་ཡིན་ནོ། །དེ་བཞིན་དུ་ཤེས་པ་ཡང་བདག་ཉིད་དུ་གྱུར་བ་འམ། །གཞན་ལ་ཡང་རུང་བའི་འཇུག་པའི་ཡུལ་གྱི ་དོན་ཉེ་བར་བསྟན་པ་དང་ཕྲད་པར་བྱེད་པ་ནི་མི་སླུ་བ་ཅན་ཡིན་གྱི་ཤེས་པ་ཙམ་ནི་མ་ཡིན་ནོ། །དེ་ཡང་འཇུག་པར་བྱེད་པ་ན་ཞེས་སྨོས་པའོ། །འཇུག་པའི་ཡུལ་ནི་སྲེག་པ་ལ་སོགས་པའི་དོན་བྱེད་པ་ཅན་གྱི་ཤེས་པའི་ཡུལ་ཡིན་གྱི་སྐད་ཅིག ་གམ་སྒྲོ་བཏགས་པ་ཡང་རུང་བས་ཤེས་པས་བཟུང་བ་ནི་མ་ཡིན་པའི་ཕྱིར་འཇུག་པའི་ཡུལ་ཇི་ལྟར་ཡུལ་ཡིན། བདེན་ཏེ་སྔ་མ་དང་ཕྱི་མའི་སྐད་ཅིག་དག་གཅིག་པ་ཉིད་དུ་ཞེན་པ་ཉིད་ཀྱིས་འཇུག་པའི་ཡུལ་འཛིན་པ་ཡིན་ཏེ། དེ་ཡང ་ཡོངས་སུ་བཅད་ནས་ཞེས་སྨོས་པའོ། །དེ་ལྟར་ཡང་མེ་ལ་སྦྱིན་སྲེག་བྱས་པས་མཐོ་རིས་ཐོབ་པར་འགྱུར་རོ་ཞེས་བྱ་བའི་རིག་བྱེད་ལས་བྱུང་བའི་ཤེས་པ་དང། དུང་ལ་སེར་པོ་ལ་སོགས་པའི་ཡུལ་ཅན་གྱི་ཤེས་པ་ཙམ་ཚད་མ་ཡིན ་བར་སྨས་པར་འགྱུར་རོ། །འཇུག་པའི་ཡུལ་དུ་ཉེ་བར་བསྟན་པ་དེ་དང་ཕྲད་པར་བྱེད་པ་ནི་མ་ཡིན་ཏེ། ཐེ་ཚོམ་ལས་བར་མ་ཡིན་པ་ལས་ཀྱང་ངོ། །ཕྲད་པར་བྱེད་པ་ནི་ཚད་མ་ཡིན་ཏེ། ཡོང་སུ་བཅད་པའི་ཡུལ་ལ་ཡང་འཇུག་པ་ན། ཕྲད་པར་སྣང ་བའི་ཕྱིར་ཡོངས་སུ་གཅོད་པར་བྱེད་པ་ནི་འཇུག་པ་དང་ཕྲད་པ་དེ་དག་གི་རྒྱུ་མཚན་ཡིན་གྱི་གཞན་ལས་ནི་མ་ཡིན་པའི་ཕྱིར། ཡོངས་སུ་གཅོད་པའི་ངོ་བོ་ཉིད་ཁོ་ན་ཚད་མ་ཡིན་ནོ། །དེ་ཉིད་ཀྱིས་ན་སྔ་རོལ་ཉིད་དུ་ཡོངས་སུ་བཅད་པའི་རྒྱུ་ཡིན་ནོ། ། ་དེ་ཉིད་ཀྱིས་ན་ཡོངས་སུ་བཅད་པ་ན་ཚད་མའི་བྱ་བ་ཐམས་ཅད་ཡོངས་སུ་རྫོགས་པ་ཡིན་ནོ། །དེ་ཡང་དོན་རྟོགས་པ་ནི་འབྲས་བུ་ཡིན་ཞེས་བྱ་བས་བསྟན་ཏོ། །དེ་ལྟར་ཡང་མི་བསླུ་བ་ལ་སོགས་པའི་ཤེས་པ་བཞིན་ལ་བལྟོས་པ་ཉིད་མ་ཡིན ་པར་བསྟན་པ་ཡིན་ཏེ། གང་གི་ཕྱིར་དེ་ཉིད་ཀྱིས་ཕྲད་པའི་བར་གྱི་དོན་རྟོགས་པ་ཡིན་ནོ། །མི་བསླུ་བའི་ཤེས་པས་ནི་དགོས་པ་མེད་དེ། བྱེ་བྲག་མེད་པའི་ཕྱིར་རོ། །དེ་ཉིད་ཡུལ་ཡོངས་སུ་གཅོད་པ་ན་ཚད་མའི་བྱ་བ་རྫོགས་པ་ཡིན་ལ། ་རང་ཉིད་ཀྱི་རྟོགས་པ་ལ་གཞན་ཡང་ཡིན་ནམ་ཞེས་བྱ་བར་ཕྱིས་བྱུང་བ་ཡིན་པར་ཐེ་ཚོམ་ཟ་བས་དེ་ལ་གནོད་པར་བྱེད་པ་མ་ཡིན་ནོ། །དེས་ན་ཕྱི་རོལ་དུ་གྱུར་པའི་ཕྱིར་དང། རྣམ་གྲངས་ཀྱིས་ངེས་པར་འཛིན་པའི་ཕྱིར་སྤང་ངོ། །དེ ་ཡང་དེ་དང་ལྡན་པ་རྣམས་དེས་བསྡུས་པའི་ཕྱིར་ངེས་པར་ལྡོག་པ་ཡང་ཡིན་ཞེས་གསུངས་པ་དང། ཡང་གང་དང་གང་རབ་ཏུ་དབྱེ་བ་ཡོད་པ་དག་ནི་ཐེ་ཚོམ་གྱི་རྒྱུ་ཡིན་ལ། དེ་དག་གིས་ནི་དངོས་པོ་ཐམས་ཅད་བསྡུས་པའི་ཕྱིར་དང། དེ་དག ་གཅིག་པ་ཡང་ངེས་པ་མེད་པའི་ཕྱིར་ལ། དེའི་ཕྱིར་ཐེ་ཚོམ་གྱི་ཡན་ལག་ཡིན་ནོ། །གལ་ཏེ་དེ་ཡང་ཕུང་པོ་གཞན་དུ་འགྱུར་བ་དེ་ལྟ་ན་ཡང་བདག་མེད་པ་ཉིད་མེད་ན་ངེས་པར་བདག་དང་བཅས་པ་ཉིད་དུ་འགྱུར་གྲང་ན། རྣམ་པ་གཞན ་དུ་འགྱུར་བ་ཡང་སྲིད་པའི་ཕྱིར་ངེས་པ་མེད་པར་འགྱུར་རོ། །གཉིས་པོ་དག་ལས་ཀྱང་རྣམ་པ་གཅིག་ཏུ་ངེས་པ་མེད་པར་མཐོང་ན་ཐེ་ཚོམ་གྱི་འགྱུར་གྱི་གཞན་དུ་ན་ནི་མ་རྟོགས་པ་ཡིན་ནོ། །དེ་བཞིན་དུ་འདིར་ཡང་མེ་མཐོང ་བར་ངེས་ན་གཞན་དུ་མ་མཐོང་བའི་ཕྱིར་ཐེ་ཚོམ་གྱིས། ཚད་མའི་བྱེད་པར་ངེས་པ་ལ་གནོད་པར་བྱེད་པ་མ་ཡིན་ཏེ། དེ་ལ་གནོད་པ་ཡིན་ན་རང་ཉིད་མེད་པར་འགྱུར་རོ། །དེ་ཡང་འདིར་བྱུང་བ་གང་གི་ཕྱིར་ཅེས་ལྡོག་པར་འགྱུར། དེའི་ཕྱིར་དེ་ཙམ་ནི་གཞན་ལ ་ལྟོས་པའི་ཚད་མ་ཡིན་གྱི་རང་གི་ཡུལ་ལ་ངེས་པ་ནི་མ་ཡིན་ནོ་ཞེས་བྱ་བའི་བསམ་པས་འཕངས་པས་མི་བསླུ་བ་ཅན་ཉིད་དེའི་ཞེས་ཟེར་བ་ལ་འདི་ལ་ལན་དུ། ཤེས་པའི་རང་གི་ངོ་བོ་ཉིད་ཅེས་བྱ་བ་སྟེ། སྔོན་པོའི་ཤེས་པ་ནི་སྔོན་པོའི་རང་གི་ངོ་བོ ་ཡིན་ན། དེ་རྟོགས་པ་ཡང་དེ་ལ་ཚད་མ་མ་ཡིན་ཏེ། དུང་ལ་སེར་པོའི་ཤེས་པ་ཡང་དེ་ཉིད་དུ་ཐལ་བར་འགྱུར་བའི་ཕྱིར་རོ། །དུང་ལ་སེར་པོའི་ཤེས་པ་ལ་ཕྲད་པར་བྱ་བ་མེད་པའི་ཕྱིར། དེ་རྟོགས་པ་མ་ཡིན་ཞེས་བྱ་བ་ནི་མི་རིགས་ཏེ། ་ཅིག་གོས་ལ་ཡང་མཚུངས་པའི་ཕྱིར་རོ། །གཅིག་པར་ཞེན་པར་བྱེད་པ་ནི་སེར་པོའི་ཤེས་པ་ལ་ཡང་མཚུངས་སོ། །དེ་ལྟར་ཞེན་པས་ཕྲད་པར་བྱ་བའི་སེར་པོ་མེད་པའི་ཕྱིར་དེར་འཁྲུལ་པ་ཡིན་ནོ། །གཞན་ལ་ནི་ཕྲད་པར་བྱ་བ ་ཡོད་པའི་ཕྱིར་ཚད་མ་ཡིན་ནོ། །འདི་ལ་ཡང་ཕྲད་པར་བྱ་བ་ཡོད་པའི་ཚད་མ་ཅི་ཞིག་ཡོད། ཞེན་པས་ཡིན་ནོ། །དེ་ནི་གཞན་ལ་ཡང་མཚུངས་སོ། །དེ་ལ་མེད་པར་ཤེས་པ་གཞན་གྱིས་དུས་ཕྱིས་རྟོགས་པ་པ་ཡིན་ནོ། །འདི་ལ་ཡང ་དེར་ཞེན་པ་ཕྲད་པར་བྱ་བ་མེད་པར་ཡང་མཐོང་བའི་ཕྱིར། ཡོད་པ་དང་མེད་པར་ཞེན་པ་ཐུན་མོང་མ་ཡིན་པའི་ཕྱིར་ཐེ་ཚོམ་ཡིན་ནོ། །དེ་ནི་ངེས་པ་དང་འགལ་བ་ཅན་མ་ཡིན་ཏེ། རིམ་གྱིས་ངེས་པའི་ངོ་བོ་མཐོང་བའི་ཕྱིར་རོ། །ཐེ་ཚོམ་དང་ངེས ་པ་དག་ཏུ་མི་འགལ་ཞེས་ཟེར་བའི་ཤེས་རབ་མནོར་བ་ཅན་གྱི་བཙུན་པ་ཉོན་མོངས་སོ། །ཐེ་ཚོམ་ལ་ཡང་ཡོད་པ་ཉིད་དམ་མེད་པ་ཉིད་དུ་ངེས་པ་ཡིན་པ་འདི་ལ་འཇིག་རྟེན་ཤིན་ཏུ་གཅོད་པར་བྱེད་པ་མ་ཡིན་ཏེ། འཇིག་རྟེན་ནི་ངེས་པ་མ་བཟུང་བའི་བདག་ཉིད་ཅན ་གྱི་ཤེས་པ་ལ་ཐེ་ཚོམ་ཞེས་ཟེར་ཏེ། སྡོང་དུ་མ་མམ། མི་ཞེས་བྱ་བའི་ངེས་པ་མ་གཟུང་བའི་ཕྱོགས་གཉིས་ཀྱི་སྣང་བ་ལས་ཐེ་ཚོམ་ཟ་བའི་ལམ་གྱི་སྒྲས་བརྡར་བྱས་པའི་དོན་ནི་མ་ངེས་པ་ལ་མངོན་པར་དཔྱོད་པ་ཡིན་ཏེ། ཤེས་པ་གཉིས་པོ་དེ་དག ་རིམ་གྱིས་སྐྱེ་བའམ། རིམ་པ་ལས་གཞན་པར་སྐྱེ་ཡང་རུང་བའི་ཤེས་པ་ནི་རིམ་གྱིས་དངོས་པོ་གཉིས་སུ་མ་ངེས་པ་ལ་དཔྱོད་པ་ཡིན་པའི་ཕྱིར། མཐོང་བ་ངེས་པ་ཅན་མ་ཡིན་ཏེ། རིམ་གྱིས་སམ་གཞན་དུ་ཡང་རུང་སྟེ་ཐེ་ཚོམ་ཞེས་བྱའོ། །རིམ་པ ་དང་རིམ་པ་མ་ཡིན་པར་འབྱུང་བར་ངེས་པའི་སྔོན་པོ་ལ་སོགས་པའི་རིག་པ་རྣམས་ནི་ཐེ་ཚོམ་ཉིད་དུ་ཐལ་བར་འགྱུར་རོ། །དེའི་ཕྱིར་ཕྲད་པར་བྱ་བ་སྔོན་པོར་ཞེན་པའི་ངེས་པའི་རྒྱུ་མེད་པའི་ཕྱིར། ཆ་ཤས་གཅིག་པར་ཞེན་པ་ཡང་རིག་བྱེད་བཞིན་དུ ་གཞན་པ་ཉིད་དུ་དོགས་པ་མ་བསལ་བའི་ཕྱིར། ཐེ་ཚོམ་ཉིད་ཡིན་པས་རང་ཉིད་ལས་ཚད་མ་མ་ཡིན་ནོ། །དེ་ལྟར་ཡིན་ན་ཇི་ལྟར་འཇུག་པར་འགྱུར། ཚད་མ་མ་ཡིན་པ་ཉིད་གྱི་ཕྱིར། ཞུགས་ནས་ཀྱང་ཤེས་པ་གཞན་ཉིད་ཀྱིས་ངེས་པར་རྟོགས ་པ་ཡིན་གྱི། སྔ་མ་ཉིད་ནི་དེ་ལ་ཚད་མ་མ་ཡིན་ནོ། །སྔ་མས་ཀྱང་ཡུལ་གྱི་ངེས་པ་མ་གཟུང་ལ་ཤེས་པ་ཕྱི་མའི་དུས་སུ་རང་བཞིན་མི་འདོར་བས་ཡུལ་ངེས་པ་ཅན་དུ་མི་འགྱུར་རོ། །ཐེ་ཚོམ་ནི་ཕྱིས་ངེས་པ་དང་འབྲེལ་པ་ཅན་གཟུང་བར ་འདོད་པ་མ་ཡིན་ནོ། །དེའི་ཕྱིར་གང་དང་གང་གི་འབྲེལ་པ་འཛིན་པ་ཡིན། དུས་ཕྱིས་ཀྱང་དེ་དང་འདྲ་བ་མཐོང་བ་ལས་འཇུག་པ་ཇི་ལྟར་འགྱུར་བ་ཡིན། སྔ་རོལ་དུ་ངེས་པ་གཟུང་བ་ཡིན་ན་དེ་དག་གི་འབྲེལ་པ་འཛིན་པས་དེ་དང་མཐུན་པའི་རྗེས་སུ ་དཔག་པས་འཇུག་པ་ཐམས་ཅད་དུ་མཚུངས་པ་ཡིན་ནོ། །བདེན་ཏེ། ཕྱི་མ་འབའ་ཞིག་ཉིད་ནི་དེའི་ཚེ་དོན་མངོན་མི་འབྱུང་བ་ཉིད་ཀྱིས་གཟུང་བ་ཡིན་གྱི་སྔར་གྱི་ནི་མ་ཡིན་པའི་ཕྱིར་སྐྱོན་མེད་དོ། །དེ་དང་ལྡན་པ་རྣམས་དེས་བསྡུས ་པའི་ཕྱིར་ཞེས་ཀྱང་གང་སྨྲས་པ་ལ་ཕུང་པོ་གཞན་མེད་པར་བསྟན་པས་ཐེ་ཚོམ་གྱི་ཡུལ་དག་གི་ཅིག་མེད་ན་ཅིག་ཤོས་མ་ཡིན་ཞེས་བྱ་བ་ནི་དོན་གྱི་ངེས་པའོ། །ཕུང་པོ་གཞན་ཉིད་ཡོད་ན་ནི་དེ་ལྟར་མི་འགྱུར་རོ། །ཞེས་བསྟན་པའི་དོན་དུ་སྟེ། དེ ་ལྟར་མ་ངེས་པ་འཛིན་པ་ལ་ཐེ་ཚོམ་ཟ་བར་རིགས་པ་ཡིན་ནོ། །དེ་ཡང་གནས་མ་ཡིན་པ་ལ་མངོན་པར་ཞེན་པ་ཙམ་ཏེ། ཕུང་པོ་གཞན་མེད་པར་བསྟན་པ་ན་ཐེ་ཚོམ་གྱི་ཡན་ལག་ཡིན་གྱི་ངེས་པའི་ཡན་ལག་ནི་མ་ཡིན་ནོ། །དེ་སྐད་དུ་ཡང། ཚད་མ ་རྣམ་པར་ངེས་པ་ལས། བདག་ཡོད་པ་དང་རྣམ་པར་བཅད་པ་དག་གིས་ཐམས་ཅད་བསྡུས་པའི་ཕྱིར། ཐམས་ཅད་ཡོངས་སུ་གཏོགས་པ་མ་ཡིན་པར་མི་རིགས་ཏེ། ཐེ་ཚོམ་ཟ་བ་ཡིན་ནོ་ཞེས་ཀྱང་སྨོས་སོ། །ཕུང་པོ་གཞན་མེད་པའི་ཕྱིར་མ ་རྟོགས་པ་ཡིན་ནོ། །དེ་ཡང་རྟོགས་པ་ནི་གཉི་ག་རྟོགས་པ་ཡིན་ཏེ། ཐེ་ཚོམ་གྱི་ངོ་བོ་ཉིད་ཀྱི་ཕྱིར་ཏེ། དེ་གཉི་ག་ལས་ཕྱི་རོལ་དུ་གྱུར་དུ་གྱུར་པ་ཡིན་ན་ཇི་ལྟར་དེའི་ཁོངས་སུ་གཏོགས་པ་ཡིན་ཞེས་གསུངས་པ་ཡིན་ནོ། །དེ་བསྟན་པ་ནི ་གཉི་ག་ལས་ཕྱི་རོལ་དུ་གྱུར་པ་ནི་མེད་པར་ཤེས་པར་བྱ་སྟེ། དེ་མེད་པའམ་གཉི་གའི་ངོ་བོར་ཐེ་ཚོམ་ཟ་བ་ཡིན་ལ། དེ་དག་ལས་གཅིག་མེད་པར་ངེས་པ་ཡིན་གྱི་ཡུལ་གྱི་ངེས་པ་མ་གཟུང་བའི་ཐེ་ཚོམ་གྱི་ཤེས་པ་ཉིད་ནི་གཅིག་གི་ངོ ་བོ་ལ་ངེས་པར་མི་འགྱུར་ཏེ། དེ་མ་གཏོགས་པ་ཉིད་ནི་ཕུང་པོ་གཞན་མེད་པ་ལ་ཐེ་ཚོམ་དུ་འགྱུར་བར་ཐལ་བར་འགྱུར་བའི་ཕྱིར་རོ། །འགལ་བའི་ཕྱིར་མ་ཡིན་ནོ་ཞེ་ན། ཐེ་ཚོམ་ཟ་བ་ལ་ཡང་མཚུངས་སོ། །དེ་བས་ན་དངོས་པོ་གཅིག་ལ ་ངེས་པའི་ཕྱིར་ཤེས་པ་གཞན་ཡིན་པར་བསྟེན་གྱི་ཐེ་ཚོམ་ཉིད་ནི་མ་ཡིན་ནོ། །ཕྱི་མ་ཉིད་ནི་དོན་མེད་མ་ནི་འགྱུར་བའི་ཕྱིར་ཚད་མ་ཡིན་གྱི་སྔ་མ་ནི་མ་ཡིན་ནོ། །དེ་ཡང་མ་ཡིན་ཏེ་སྔ་མ་བཞིན་དུ་ཕྱི་མ་ཡང་གཅིག་པ་ཉིད་དུ་དོགས་པ་ཉིད་མ་གསལ་བ་ཡིན ་ནོ། །འདི་ལ་སྔ་མ་ལས་བྱེ་བྲག་ཅི་ཞིག་ཡོད་རབ་རིབ་ཅན་གྱི་ཡང་ཕྱི་མ་ལ་ཚད་མར་ཐལ་བར་འགྱུར་ཏེ། དེ་ལ་ཡང། གཅིག་ལ་ཤེས་པ་ཉིད་ཚད་མ་མ་ཡིན་པར་མི་རིགས་སོ། །ཞེས་བྱ་བ་ལ་སོགས་པ་ལ་ཡང། ཕན་ཚུན་བརྟེན་པ་དང། ཐུག ་པ་མེད་པ་ལ་སོགས་སྔ་མ་དང་མཚུངས་སོ། །དེ་ལྟ་ཡིན་ན་མི་བསླུ་བ་ཉིད་ཇི་ལྟར་ཡིན། སྨྲས་པ་སྲེག་པ་ལ་སོགས་པར་གཏོགས་པ་ནི་སྐྱེས་བུའི་དོན་ཡིན་ལ། རང་གི་ངོ་བོས་ནི་དེ་ཉིད་ཀྱང་ཕྲད་པར་བྱ་བ་ཡིན་ཏེ། དེའི་དོན་དུ་ཡང་སྐྱེས་བུ་འཇུག ་པ་ཡིན་གྱི་ཕྲད་པར་འདོད་པའི་ཕྱིར་དེ་ལས་ཕྱི་མ་ཆོལ་བ་ནི་མ་ཡིན་ནོ། །དེ་དང་མ་ཕྲད་པ་ཡིན་ན་དེ་འདོད་པས་དེའི་ཐབས་དོན་དུ་གཉེར་བ་ཡིན་ནོ། །ཤེས་པ་སྔ་མ་ནི་རང་གི་ངོ་བོ་རྟོགས་པ་ཡིན་ཡང་ཕྱི་མའི་ཐབས་ཉིད་དོན་དུ་གཉེར་བར ་བྱེད་པ་ཡིན་གྱི་རང་གི་ངོ་བོ་ནི་མ་ཡིན་ཏེ། སྐྱེས་བུའི་དོན་མ་ཡིན་པའི་ཕྱིར་ལ། འདིའི་རང་གི་ངོ་བོ་ནི་མ་ཡིན་ཏེ། དུ་བ་དང་འདྲ་བ་ངེས་པ་ཡིན་ནོ། །དེའི་ཐབས་ཉིད་ནི་གོམས་པ་མེད་ན་དུ་བ་ཁོ་ན་བཞིན་དུ་གཞན་ལས་ངེས་པར་བྱ་བ ་ཡིན་ལ། གོམས་པ་ཡིན་ན་ནི་དེ་ཉིད་ཁོ་ན་ལས་སོ། །དེའི་འབྲས་བུ་ཡིན་པའི་ཕྱིར་དེ་དང་གཅིག་པ་ཉིད་དུ་ཞེན་པས་དེ་དང་ཡུལ་མཚུངས་པ་ཉིད་དམ། དེ་སྔ་མའི་ཡུལ་ཉིད་ཡིན་ཡང་རུང་?་ལས་སེར་པོའི་ཤེས་པ་ནི་ཕྲད་པར་བྱ་བའི ་ཐབས་ཉིད་དམ། དེ་དང་གཅིག་པ་ཉིད་དུ་ངེས་པར་བྱེད་པ་ཉིད་མ་ཡིན་ཏེ། རང་གི་ངོ་བོ་ཙམ་ནི་མེ་མཐོང་བ་པོ་ལ་དུ་བ་ལ་ངེས་པ་ལྟ་བུར་ངེས་པར་བྱེད་པ་མ་ཡིན་ནོ། །དེས་ན་ཚད་མ་མ་ཡིན་པ་དང་ཐུན་མོང་མ་ཡིན་པའི་ཕྱིར་དང། ངེས ་པ་སྐྱེས་པའི་ཕྱིར་ཐེ་ཚོམ་ཟ་བ་མ་ཡིན་ཏེ། མེའི་ཤེས་པ་ལྟ་བུའོ། །རང་གི་ངོ་བོ་ནི་དང་པོ་མངོན་སུམ་གྱི་ངེས་པ་དང་གོམས་པ་ཡང་ཡོད་པ་ལས་དེ་དང་འབྲེལ་པ་ཅན་ཉིད་དམ། །དེ་ཉིད་ལ་ངེས་པར་བྱེད་པའི་ཕྱིར ་མངོན་སུམ་ཚད་མ་ཡིན་ནོ། །སྔ་མ་ནི་གོམས་པ་མེད་པ་ལ་ཡང་རང་གི་ངོ་བོ་ངེས་པ་ཡིན་ཏེ། ཕྲད་པར་བྱ་བ་ལ་ཐེ་ཚོམ་ཟ་བ་ནི་དེ་རྟོགས་ན་ཕྲད་པར་བྱ་བ་ལ་ཐེ་ཚོམ་ཟ་བ་ལྡོག་པ་ཡིན་ལ། དེ་ལོག་ན་རང་གི་ངོ་བོ་ལ་ངེས་པ་ཡིན་ཏེ། ཕྲད་པར ་བྱ་བ་རྟོགས་པ་དང་འབྲེལ་བ་ཅན་ཉིད་ཀྱིས་ངེས་པར་བྱེད་དོ། །དོན་འཛིན་པ་ལ་ཐེ་ཚོམ་ཟ་བའི་ཕྱིར་ཏེ། ཚད་མ་མ་ཡིན་ཡང་ཤེས་པའི་ངོ་བོ་ཡིན་པའི་ཕྱིར་ཕྱི་མ་ཡང་སྔ་མ་ལས་བྱེ་བྲག་མེད་པའི་ཕྱིར་འབྲེལ་པ་རིག་པ་མ་ཡིན་ནོ། །དེའི་ཕྱིར ་ཡང་དོན་བྱེད་པའི་བྱེད་པ་པོ་ཉིད་མ་ཡིན་མོད་ཀྱི། འོན་ཀྱང་གྲུབ་པ་སྟེ་བདག་ཉིད་ཐོབ་པ་ལ་མི་བསླུ་བའོ། །དེ་དང་འབྲེལ་བ་ཅན་སྔ་མ་ཚད་མ་ཡིན་ཏེ། ཕྲད་པར་བྱ་བ་བསྐྱེད་པར་བྱེད་པའི་ངོ་བོའི་དེ་ཁོ་ན་ཉིད་རྟོགས་པ་ནི་འབྲས་བུ་སྟེ། དོན་རྟོགས ་པ་ནི་འབྲས་བུའོ་ཞེས་གང་གསུངས་པའོ། །དེ་ལྟར་ཡང་དེ་ལ་མ་འཁྲུལ་བ་ཅན་གྱི་ངོ་བོ་དེ་ཉིད་ཀྱིས་རྟོགས་པར་བྱེད་པའི་ཕྱིར་ཏེ། དེ་ཉིད་ཀྱིས་དེ་ལྟར་རྟོགས་པ་ནི་ཚད་མ་ཉིད་ཡིན་གྱི་དེ་ཉིད་ཀྱི་རྒྱུ་ནི་མ་ཡིན་ཏེ། མེའི་དེ་མ་ཐག་པའི ་དུ་བའི་ཤེས་པ་ནི་མེ་ཤེས་པ་ཡིན་པ་དེ་བཞིན་དུ་ཕྲད་པར་བྱ་བ་ལ་མ་འཁྲུལ་བ་ཅན་ཉིད་ཀྱི་ཤེས་པ་ནི་ཕྲད་པར་བྱ་བའི་ཤེས་པ་ཡིན་ཏེ། མ་འཁྲུལ་བ་ཅན་ཉིད་རྟོགས་པ་བ་ཚད་མ་ཡིན་གྱི་རྟོགས་པར་བྱེད་པ་པོ་ཉིད་ནི་མ་ཡིན་ནོ ་ཞེས་བྱ་བའི་དོན་ཏོ། །དེ་ཡང་འདིའི་དོན་དང་འདྲ་བ་ནི་ཚད་མ་ཉིད་ཡིན་ནོ་ཞེས་གསུངས་པའོ། །ཕྲད་བར་བྱ་བ་དང་འདྲ་བ་ཕྲད་བར་བྱ་བ་ལ་མ་འཁྲུལ་བ་ཅན་གྱི་ངོ་བོ་དེ་ཉིད་ཀྱིས་ཡུལ་ངེས་པ་ཡིན་ཞེས་བྱ་བའི་དོན་ཏོ། །དེ་རྟོགས ་པ་ཉིད་ནི་ཕྲད་བར་བྱ་བ་རྟོགས་པ་ཡིན་ལ། རྟོགས་པ་ཡོད་ན་འཇུག་པ་ཡིན་ཏེ། རྟོགས་པ་དང་འཇུག་པ་དག་ནི་རྒྱུ་དང་རྒྱུ་ཅན་ཡིན་ཞེས་བྱ་བ་སོགས་པ་ཐམས་ཅད་ཕྱོགས་འདི་ལ་རིགས་པ་ཡིན་གྱི་ཁྱེད་ཀྱི་ཕྱོགས་ལ་ནི་མ་ཡིན་ཏེ། དེ་མི་སྲིད ་པའི་ཕྱིར་རོ། །དོན་ཡང་སོ་སོར་སྣང་བ་མ་ཡིན་ནམ། བདེན་ཏེ། དེ་ལ་ངེས་པའི་རྒྱུ་མེད་པའི་ཕྱིར་ཐེ་ཚོམ་ཅན་ཡིན་ནོ། །དེ་དེ་ལྟ་ཡིན་ན་རང་གི་ངོ་བོའི་ཕྱོགས་ལ་ཡང་མཚུངས་པ་ཡིན་ནོ། །མཚུངས་པ་མ་ཡིན་ཏེ། དེ་ནི་རང་ཉིད་རིག ་པས་ངེས་པ་ཅན་ཡིན་པའི་ཕྱིར་རོ། །འདི་ལ་ཡང་དོན་ལ་ངེས་པའི་དུས་ཕྱིས་སྐྱེས་པའི་ཐེ་ཚོམ་ནི་དེ་དང་འགལ་བ་ཅན་ཡིན་ནོ། །དེ་ལྟ་ན་ནི་སྒྲ་ལས་བྱུང་བ་ཡང་ངེས་པའི་དུས་ཕྱིས་དེ་དང་འགལ་བ་ཅན་མ་ཡིན་པར་འགྱུར་རོ། །དེ་ཉིད་ནི་ངེས ་པའི་རྒྱུ་མཚན་ཅན་མ་སྐྱེས་པའི་ཕྱིར་གཞན་ཉིད་དུ་ཐེ་ཚོམ་ཟ་བ་མ་བསལ་བ་ཡིན་ནོ། །དེ་ནི་འདི་ལ་ཡང་མཚུངས་སོ། །དེ་བཞིན་དུ་ཕྱི་མ་ལ་ཡང་བཤད་པར་བྱའོ། །ཤེས་པ་ཕྱི་མ་ནི་དོན་ལ་ངེས་པར་བྱེད་པ་ཅན་ཡིན་ཏེ། ་དེ་མ་ཐག་ཏུ་དོན་བྱེད་པ་སྐྱེད་པའི་ཕྱིར། དོན་ལ་ནུས་པ་ཅན་གྱི་མཚན་ཉིད་ཡིན་པའི་ཕྱིར་རོ། །མ་ཡིན་ཏེ། དེའི་ཚེ་ནུས་པ་མི་ཤེས་པའི་ཕྱིར་ཏེ། གཟུགས་ཉིད་མཐོང་བ་ན་ངེས་པ་སྐྱེས་པ་མ་ཡིན་ཏེ། སྔ་མ་བཞིན་དུ་ཐེ ་ཚོམ་ཟ་བ་ཡིན་ནོ། །དོན་བྱེད་པའི་ཤེས་པ་ནི་དོན་དང་དོན་བྱེད་པ་ཡང་རིགས་པ་ཡིན་ཞེས་བྱ་བ་ནི་མི་རིགས་ཏེ། ཅིག་ཅར་བ་མ་ཡིན་པའི་ཕྱིར་ཏེ། རིམ་པ་མེད་པ་ལ་རིམ་པ་དང་ལྡན་པར་རིགས་པ་ནི་མི་རིགས་སོ། །དེ་ན ་བྱེན་པ་པ་དང་རྗེས་སུ་མཐུན་པ་ཙམ་འདོད་པ་ཡིན་པའི་ཕྱིར་དོན་ཡིན་ནོ། །བདེན་པ་དང་མི་བདེན་པ་འབྱེད་པར་བྱེད་ན་ནི་ཐུག་པ་མེད་པ་ལ་སོགས་པར་འགྱུར་རོ། །ངེས་པ་ཅན་ལས་སྐྱེས་པ་ཡང་གློ་བུར་དུ་དུ་བ་ལས་མེའི་ཤེས ་པ་གང་ཡིན་པ་ཡང་འགྲེལ་པ་ངེས་པ་མེད?་ན་ཚང་མ་ཡིན་ཏེ། དེ་ཡང་ཆེས་ངོས་པ་ཆན་མ་ཡིན་པ་ལས་བྱུང་བ་ཡིན་ནོ། །རྗེས་སུ་དཔག་པ་ལ་ནི་ངེས་པ་ཅན་ལས་སྐྱེས་པ་ཉིད་ལ་སོགས་པ་དེས་པའི་རྒྱུ་མཚན་ཅན་གྱི་ན་དོན ་སུམ་ལ་ནི་མ་ཡིན་ཏེ། དེ་ནི་མཐོང་བ་ཉིད་ཀྱིས་དོན་ལ་ངེས་པ་ཡིན་ནོ། །དུང་ལ་སེར་པོ་ལ་སོགས་པ་ཤེས་པའི་ཡང་མཐོང་བ་ཡོད་ལ། དེས་པ་ཅན་ལས་སྐྱེས་པ་ཉིད་ལས་གཞན་པའི་བྱེ་བྲག་ནི་མེད་དོ། །དེ་ཡང། དོན་མེད་ན་ནི་མི་འབྱུང་ཕྱིར། ་མངོན་སུམ་ལ་ཡང་ཚད་མ་ཉིད། ཅེས་གསུངས་པ་སྟེ། དོན་ནི་ཕྲེང་པར་བྱ་བའོ། །དེའི་ཕྱིར། ཞིག་སླད?་པར་བྱ་བ་མི་འཁྲུལ་པ་ཅན་ཉིད་དུ་འཛིན་པ་དེ་ཚད་མ་མ་ཡིན་ཏེ། ཕྱི་རོལ་གྱི་དོན་དུ་སྨྲ་བ་བཞིན་དུ་རིགས་པས་བསྟན་པ་ལས་ཚང་མ་རྣམ ་པར་གཞག་པ་ཅི་ཡང་མེད་པར་ངེས་པ་ཡིན་ནོ། །སྔོན་པོའི་ཤེས་པ་ནི་དོན་བྱེད་པའི་ཤེས་པ་ལ་སོགས་པ་བཞིན་དུ་སྔོན་པོར་རྟོགས་པ་བྱེད་པ་མ་ཡིན་ནམ། དེ་ལས་གཞན་པ་རྣམ་པར་སྤྱོད་པར་བྱེད་པར་ཡང་མ་འདྲེས་པར་སོ་སོར་སྣང་བའི ་ཕྱིར་རོ། །དེ་ཡང་དེ་ཡོངས་སུ་གཅོད་པར་བྱེད་ཅིང་དེ་ལས་གཞན་པ་རྣམ་པར་གཅོད་པར་བྱེད་པ་ཞེས་གསུངས་པའོ། །དེ་ལས་གཞན་པ་རྣམ་པར་གཅོད་པ་དང་གཞན་ཉིད་ལ་ཐེ་ཚོམ་མེད་པ་ཅན་གྱི་ཡུལ་རྟོགས་པར་བྱེད་པ་ཡིན་ནོ། །རྟོགས ་པར་བྱེད་པ་ཉིད་སྤྱིར་བཏད་བ་ཅན་གྱི་ཚད་མ་ཉིད་དམིགས་ཀྱིས་བསལ་བ་ཉིད་དང་འགལ་བ་ཅན་ཡིན་བས་གསལ་བའི་ཕྱིར་གཞན་ལས་ཚད་མ་ཉིད་ཡིན་ཞེས་ཟེར་ཏེ། དེ་ཡང། དེ་ཕྱིར་རྟོགས་པའི་བདག་ཉིད་ཅན། ཉིད་ཀྱིས་རྟོགས ་པ་ཚད་མར་འགྱུར། །གཞན་མིན་ཉིད་རྒྱུ་ལས་སྐྱེས་པའི། །སྐྱོན་ཤེས་པ་ལས་ངེས་བཟུང་བྱེད། །ཅེས་བསྟན་ཏོ། །དམིགས་ཀྱིས་བསལ་བ་མེད་ན་སྒྲུབ་པའི་ངོ་བོ་ཡིན་པའི་ཕྱིར་ཚད་མ་ཡིན་ནོ། །རྟོགས་པའི་སྤྱི་ནི་མ་ཡིན་ཏེ ་ཐེ་ཚོམ་ཡིན་ཏེ་འགལ་བ་ཅན་གྱི་སྒྲུབ་པས་བསལ་བ་ཅན་ཡིན་པའི་ཕྱིར་རོ། བསལ་བ་ཅན་ནི་ཡོད་པ་མ་ཡིན་ཏེ། རང་གི་ངོ་བོ་རིག་པ་ལ་ཡང་ཐལ་བར་འགྱུར་རོ། །སྨྲས་པ། དེས་པ་ཅན་གྱི་རྒྱུ་མཚན་ལས་བྱུང་བའི་ཤེས་པ་ནི་རྗེས་སུ་དཔག་པ ་བཞིན་དུ་འདི་ལྟ་བུ་ཡིན་གྱིས་ཅིག་ཤོས་ཆ་ཤས་གཅིག་ཏུ་ངེས་པ་ཅན་ཡང་དེ་ལྟ་བུ་མ་ཡིན་ནོ། །གང་ལ་ཐེ་ཚོམ་མ་མ་ཕྱིན་ཅི་ལོག་པ་ཡང་རང་ཉིད་སྐྱེས་པ་ཡིན་ན་དེ་འདི་ལྟ་བུ་ཡིན་གྱི་གཞན་ནི་མ་ཡིན་ནོ། །མ་ཡིན་ཏེ། དེ་ཡང་བྱེ་བྲག་མ ་མཐོང་ན་རང་ཉིད་ཁོ་ན་སྐྱེས་པའི་ཕྱིར་རོ། །བྱེ་བྲག་ཀྱང་འདིར་ངེས་པ་ཅན་ལས་སྐྱེས་པ་ཉིད་ཡིན་ལ། དེ་ལ་མ་ངེས་ན་ཐེ་ཚོམ་ཟའམ་གཞན་ཡང་རུང་བ་ནི་རྣམ་པར་དབྱེ་བའོ། །དེས་ནི། མ་སྐྱེས་པ་ལའང་གནོད་པ་ཅན། །ཚོལ་བའི་རྨོངས་པ་གང ་ཡིན་བ། །དེ་ནི་ཐ་སྙད་ཐམས་ཅད་ལ། །ཡིད་གཉིད་ངོ་བོས་ཟད་དེ་འགྲོ། ཞེས་ཟེར་བ་དེ་བསལ་བ་ཡིན་ཏེ། གང་གི་ཕྱིར་བྱེ་བྲག་ཏུ་མཐོང་བ་ནི་ཐེ་ཚོམ་གྱི་རྒྱུ་ཡིན་གྱི་རྨོངས་པ་ནི་དེའི་རྒྱུ་མ་ཡིན་ཏེ། ཐལ་ཆེས་པའི་ཕྱིར་རོ། །སྡོང་དུམ་མམ ་ཞེས་བྱ་བ་ལ་སོགས་པ་ཡང་བྱེ་བྲག་མ་མཐོང་བའི་རྒྱུ་ཉིད་ལས་བྱུང་བའི་ཐེ་ཚོམ་ཡིན་ནོ། །རིག་བྱེད་ལས་བྱུང་བའི་ཤེས་པ་ནི་ངེས་པ་ཅན་ལས་སྐྱེས་པ་ཉིད་དུ་ངེས་པ་མ་ཡིན་ནོ། །འོན་ཏེ་ཚིག་རྣམས་དང། དེའི་དོན་རྣམས་དང་དེ་དང ་འབྲེལ་པ་ཡང་བརྟག་པ་ཡིན་ཏེ། སྐྱེས་བུས་བྱས་པ་ཉིད་དུ་མི་དྲན་པའི་ཕྱིར་རོ། །བ་ལང་ལ་སོགས་པའི་སྒྲས་བརྗོད་པར་བྱ་བ་ལ་ཐེ་ཚོམ་ཟ་བ་ཡིན་ན། དེའི་བརྡའི་ཚིག་འཕེལ་བ་དང། ཨ་ལས་ཨིར་གྱུར་པ་དང་འདྲ་བར་དྲན་པར ་བྱེད་པ་ཡིན་ནོ། །བ་ལང་ཞེས་བྱ་བ་འདི་ལ་དོན་གང་ཡིན་ཞེས་ཐེ་ཚོམ་ཟ་བ་ལ་ལྐོག་ཤེས་ལ་སོགས་པའི་ཁྱད་པར་ཅན་གྱི་གཟུགས་ཅན་ཡིན་ནོ་ཞེས་སྨྲས་པ་ལ་སོགས་པ་དྲན་པར་བྱེད་པ་ཉིད་མ་ཡིན་ནམ། གསལ་བ་ལ་སོགས ་བ་མཚན་ཉིད་ལ་འདྲ་བའི་གཟུགས་ཅན་ནི་བརྗོད་པར་བྱ་བ་ཡིན་ནོ། །ཞེས་བྱ་བའི་དོན་ཏོ། །དག་ཉིད་ཀྱང་བརྡར་བྱེད་པ་པོ་ཡིན་ནོ། །དེ་ལ་དྲང་སྲོང་པ་ནི་ཡིན་ནོ་ཞེ་ན། གཞན་ལ་ཡང་རྒད་པོ་ཁ་ཅིག་དང་བྱེ་བྲག་མེད་དོ། །རང ་བཞིན་ལས་བྱུང་བ་ལ་ནི་དོན་གྱི་འབྲེལ་བ་ཡོད་ན་དུ་བ་བཞིན་དུ་ཚིག་ལས་ཀྱང་མི་བསླུ་བར་འགྱུར་རོ། །བྲ?་ལང་རྫིའི་བུམ་པའི་དུ་བ་བསླུ་བ་ཅན་ཡིན་པ་དེ་བཞིན་དུ་།སོར་མོའི་རྩེ་མོ་ལ་སོགས་པའི་ཚིག་ཀྱང་དེ་དག་ཙམ་གྱི་སྒྲ་ལས་བྱུང་བ ་ཡང་ཚད་མ་མ་ཡིན་པ་མ་ཡིན་ཏེ། དུ་བ་གཞན་བཞིན་ནོ། །དུ་བ་གཞན་ནི་དོན་ལ་ངེས་པ་ཡིན་ནོ། །འདིར་ཡང་ཚིག་རྣམས་ནི་ཚིག་གི་དོན་རྣམས་ལ་ངེས་པ་ཡིན་ཏེ། རང་ཉིད་ཉེ་བ་ལས་དོན་ཉེ་བར་བྱེད་པ་ཡིན་བ། དེ་ཉིད་ཀྱང་གཅིག ་ལ་གཅིག་འབྲེལ་པ་ཡོད་པ་ཡིན་ན། བདག་གི་དོན་ཡིན་ནོ། །ལན་དུ་སྨྲས་པ། གང་གི་ཕྱིར་དུ་བ་ནི་རང་གི་རྒྱུས་འཕངས་པའི་རང་གི་དོན་ལ་ངེས་པར་བྱེད་པ་ཡིན་གྱི་ཚིག་རྣམས་ནི་དེ་ལྟ་མ་ཡིན་ཏེ། སྐྱེས་བུའི་འདོད་པས་བསྡུ་བ་བྱས་པའི ་ཚིག་རྣམས་ནི་དག་གི་དོན་གྱི་རྒྱུ་མཚན་ཡིན་གྱིས་གཅིག་གིས་ནི་མ་ཡིན་ཏེ། བསྡུས་པ་ཡང་འདི་ལས་འདི་ཡིན་ཏེ། འདི་ལས་ནི་འདི་མ་ཡིན་ཏོ་ཞེས་པའི་ཕྱིར་སྐྱེས་བུས་བྱས་པ་ཡིན་ནོ། །ཚིག་གཞན་རྣམས་ཉིད་ལ་ནི་རེ་རེས་སོ། །ཚིག ་གི་དོན་ནི་དོན་གཞན་དང་ལྡན་པ་ཡིན་པར་སྨྲ་བའི་ཕྱིར། བསྡུས་པ་ནི་དོན་རྟོགས་པའི་མན་ངག་མ་ཡིན་ཏེ། དེ་རྣམས་ཀྱང་བརྟག་པ་དང་དོན་དང་འབྲེལ་བ་ཅན་རྣམས་ནི་སྐྱེས་དུས་མངོན་པར་གསལ་བར་བྱས་པ་འབའ་ཞིག་ཡིན་ནོ། །དེ་ལྟ་ན ་ཡང་ཚིག་རྣམས་ནི་དུ་བ་བཞིན་དུ་རང་དབང་ཅན་མ་ཡིན་ཏེ། འདོད་པའི་གཞན་དབང་ཡིན་པའི་ཕྱིར་རོ། །མངོན་པར་གསལ་བ་མ་ཡིན་པའི་ཚིག་གམ་དེ་བསྡུས་པ་ཡང་རུང་སྟེ། ཡོད་པ་ཙམ་གྱིས་ནི་རྟོགས་པའི་ཡན་ལག་མ་ཡིན་ལ། ་དེའི་མངོན་པར་གསལ་བ་ཡང་སྐྱེས་བུའི་འདོད་པའི་དབང་གིས་ཡིན་གྱི། དུ་བ་མངོན་པར་གསལ་བ་ལྟ་བུ་ནི་མ་ཡིན་ཏེ། རང་གི་རྒྱའི་དབང་ཉིད་ཡིན་པའི་ཕྱིར་རོ། །བདེན་ཏེ་དུ་བ་ནི་དོན་གྱི་དབང་ཉིད་ཀྱིས་དེ་ལ་ངེས་པ་ཅན་ཡིན་གྱི་འདོད་པའི ་དབང་གིས་མངོན་པར་གསལ་བ་ཅན་གྱི་སྒྲ་ནི་དོན་ལ་ངེས་པ་ཅན་ཡིན་པར་མི་རིགས་ཏེ། དེའི་དབང་ཅན་མ་ཡིན་པ་དེ་ལ་ངེས་པ་ཅན་ཡིན་ཞེས་བྱ་བ་ནི་ལོག་པ་སྒྲུབ་པ་ཡིན་ནོ། །རྟག་པ་ཉིད་དང་རང་དབང་ཅན་ཡིན་པ་ཉིད་ཀྱིས་དེའི་དབང་དུ་གྱུར་བ ་མ་ཡིན་པ་ནི་དེ་རྗོད་པར་བྱེད་པ་ཉིད་ཀྱིས་ཀྱང་དེ་ལ་ངེས་པ་ཡིན་ནོ་ཞེ་ན། རྗོད་པར་བྱེད་པ་ཉིད་ནི་དེ་རྟོགས་པ་བསྐྱེད་པར་བྱེད་པ་ཉིད་ཡིན་ལ། དེ་ལྟར་དེ་ཉིད་ཀྱང་སྡོང་དུ་མ་མམ་ཞེས་བྱ་བ་ལ་སོགས་པ་བཞིན་དུ་མ་ངེས་པའི་རྒྱུ་མཚན་སྐྱེད་པར ་བྱེད་པ་ཉིད་སྒྲ་ལས་བྱུང་བ་ལ་ཐེ་ཚོམ་གྱི་རྒྱུ་མཚན་ཡིན་པ་ཕྱིར། དེ་ནི་ཚད་མ་ཡིན་ཏེ། རང་དབང་ཅན་ཡང་ཡིན་ལ་དེས་པ་ཅན་ཡང་ཡིན་པ་ནི་རིགས་པ་ཆེན་པོ་ཅན་ཡིན་ནོ། །རང་དབང་ཅན་ནི་འདོད་པའི་དབང་ཉིད་མངོན་གསལ་བའི་དོན་དུ ་མ་ཡིན་ནམ་རང་གི་ངོ་བོའི་དོན་དུ་ནི་མ་ཡིན་ནོ། །བདེན་ཏེ། མངོན་པར་གསལ་བཞིན་པའི་ངོ་བོ་ལས་གཞན་པར་མི་མཐོང་བའི་ཕྱིར་དང། དེ་ཡང་གཞན་ཉིད་ཡིན་པས་ངོ་ཤེས་པ་མ་ཡིན་པའི་ཕྱིར་འདོད་པའི་དབང་ཉིད་ཀྱིས་ཡིན་ནོ། །ངོ་ཤེས་པ ་ཉིད་ཡིན་ན་ཡང་འདོད་པའི་དབང་གིས་མངོན་པར་གསལ་བ་ཉིད་ཡིན་པའི་ཕྱིར་འདོད་པའི་དབང་ཉིད་དོ། ཆོག་གོ་།ཡང་རང་གི་ངོ་བོ་ལ་མངོན་པར་གསལ་བའམ་མངོན་པར་བརྗོད་པ་ལ་ལྟོས་པ་མ་ཡིན་ཏེ། དེའི་དབང་གིས་མ་ཡིན་པ་དང། དོན ་གཞན་དུ་ཁྲིད་པའི་ཕྱིར་རོ། །རྗོད་པར་བྱེད་པ་ཉིད་ནི་རྟོགས་པ་ཙམ་གྱི་རྒྱུ་མཚན་ཉིད་ཡིན་གྱི། ཚད་མའི་ཡན་ལག་མ་ཡིན་པར་བསྟན་ཏོ། །དེས་ན་ཤེས་པ་ཙམ་ལས་དོན་ལ་ངེས་པ་ནི་མ་ཡིན་ཏེ། ངེས་པར་བྱེད་པ་མ་ཡིན་པའི་ཕྱིར་རོ། ། ་བརྗོད་པར་བྱ་བ་རྣམས་ལ་སྐྱེས་བུའི་དབང་བྱེད་པ་འཇུག་པ་ཅན་རྣམས་ནི་དངོས་པོ་མཐོང་བ་ཅན་མ་ཡིན་ཏེ། ཇི་ལྟར་གོམས་པའི་རྣམ་པར་རྟོགས་པ་སད་པའི་རྒྱུས་འཇུག་པར་སེམས་པ་ཡིན་ན། རང་གི་ངོ་བོ་ལ་ངེས་པ་ཡིན་གྱི ་དེ་དག་ཙམ་གྱིས་མགུ་བ་ནི་མིན་ཏེ། རྨི་ལམ་ལ་སོགས་པ་ལ་ཡང་ཡོད་པའི་ཕྱིར་རོ། །ཕྲད་བར་བྱ་བ་དང་འདྲེལ་པ་ཅན་དུ་ངེས་པ་ཡོད་ན་དེ་ཉིད་ཚད་མ་ཡིན་ནོ། །ཕྲད་པར་བྱ་བ་ཉིད་ཀྱིས་རང་གི་ངོ་བོ་ལ་ངེས་པར་བྱེད་པ་ཡིན་གྱིས་ཕྲད་པར་བྱ ་བ་དང་འབྲེལ་པ་ཅན་ཉིད་ཀྱིས་ནི་མ་ཡིན་ནོ། །བདེན་ཏེ། ཕྲད་པར་བྱ་བ་མ་ཡིན་པ་ཡང་དེའི་འབྲས་བུ་ནི་དེ་ཉིད་ལས་རྟོགས་པ་ཡིན་ཏེ། ནག་པའི་བུ་ལ་ནག་པར་ཤེས་པ་ལྟ་བུའོ། །རྣམ་པ་མང་པོ་མཐོང་བ་ན་རྒྱུ་ལ་འབྲས་བུ་ཉིད་དུ་འམ། ་འབྲས་བུ་ཉིད་ལ་དེ་ཉིད་དུ་སྒོ་འདོགས་པ་ནི་འདྲ་བ་ལས་ཡིན་ཏེ་མཚོ་མ་དག་ལ་སོགས་པ་ལ་ལྟ་བུའོ། །འདི་ལ་ཡང་ཕྲད་པར་བྱ་བའི་འབྲས་བུ་ཉིད་ལ་དེ་ཉིད་དུའོ། །དེ་ལྟ་ཡིན་ན་དོན་དང་འདྲ་བ་ནི་ཚད་མ་ཡིན་ནོ་ཞེས་ཅིའི་ཕྱིར་གསུངས། ་དེའི་འབྲས་བུ་ཉིད་ཀྱི་ངོ་བོ་ནི་དེ་ཉིད་དང་འདྲ་བ་ཡིན་ཏེ། དོན་གྱི་དངོས་ཉིད་མ་སྤངས་པ་ཞེས་བྱ་བ་ཡིན་ཏེ། འདིར་དེ་ཉིད་བརྗོད་པ་ལས་འདི་དོན་དང་འདྲ་བའི་ངོ་བོ་ཡིན་པའི་ཕྱིར་རོ། །འདི་ལ་ཡང་འདྲ་བ་ཅན་ཁོ་ན་ཡིན་ནོ་ཞེ་ན། བསྲེག་པ་དང ་བཙོ་བ་ལ་སོགས་པ་རྣམས་ནི་མེ་དང་འདྲ་བ་ཉིད་མ་ཡིན་ལ། དེ་ཉིད་འབྲས་བུ་ཉིད་ནི་ཡིན་པའི་ཕྱིར་ཕྲད་པར་བྱ་བའི་དོན་གྱི་ངོ་བོ་འབྲས་བུ་ཉིད་གང་གི་ཡིན་པའི་དོན་དེ་ཉིད་ཀྱིས་ངོ་བོ་ཡིན་པ་དེ་ལྟ་ན། དེ་ཁོ་ན་ཉིད་རྟོག་པ་འབྲས ་བུ་ཡིན་ནོ། །དེ་ཁོ་ན་ཉིད་ནི་དེ་རྟོགས་པ་རྣམ་པར་གཞག་པའི་རྒྱུ་ཡིན་པའི་ཕྱིར་ཚད་མ་ཉིད་ཡིན་ནོ། །འཇིག་རྟེན་ན་ཡང་དམ་བཅས་པའི་དོན་དང་ཕྲད་བར་བྱེད་པ་ནི་མི་བསླུ་བར་བྱེད་པ་པོ་མ་ཡིན་ནམ། དམ་བཅས་པ་ཙམ་ནི་མ་ཡིན་ཞིང ་གཞན་དང་ཕྲད་པར་བྱེད་པ་པོ་ཡང་མ་ཡིན་ནོ། །དེ་བཞིན་དུ་ཤེས་པ་ཡང་བདེ་བ་ལ་སོགས་པ་མི་བསླུ་བ་ཅན་ཡིན་གྱི་རྟོགས་པ་ཙམ་མ་རྟོགས་ནས་གཞན་དང་ཕྲད་པར་བྱེད་པ་པོ་ནི་མ་ཡིན་ནོ། །འོ་ན་ཅི་ཞེ་ན། རྟོགས་ནས་ཕྲད ་པར་བྱེད་པ་ཡིན་ཏེ། རྟོགས་པའི་སྐད་ཅིག་མ་ཉིད་དང་ཕྲད་པར་བྱ་བ་རྟོགས་པ་ཡིན་པར་གཅིག་པ་ཉིད་དུ་ཞེན་པའི་ཕྱིར་རོ། །རྟོགས་པ་ཡོད་ན་ཕྲད་པ་ཡོད་པའི་ཕྱིར་རྟོགས་པ་ཉིད་ཚད་མ་ཡིན་གྱི་གཞན་ལས་ནི་མ་ཡིན་ནོ། །གཞན་ལས ་མ་ཡིན་ཞེས་བྱ་བ་དེ་ལྟ་ནི་མ་ཡིན་ཏེ། ཕྲད་པར་བྱ་བ་དོན་དུ་གཉེར་བ་དེ་དང་འབྲེལ་པ་ཅན་ཁོ་ནའི་ངོ་བོ་ཚད་མ་ཡིན་གྱི་རྟོག་པ་ཙམ་ནི་ཚད་མ་མ་ཡིན་ནོ། །དེ་ཡང་རྟོགས་པ་མ་ཡིན་པ་ནི་འཇུག་པའི་ཡན་ལག་མ་ཡིན་པའི་ཕྱི་རྟོགས་པ་ནི ་དེ་ལ་བལྟོས་པ་ཡིན་ནོ། །ཕྲད་པར་བྱ་བ་དང་འབྲེལ་པ་ཅན་གྱི་ཤེས་པའི་ངོ་བོ་ཡང་རྗེས་སུ་དཔག་པའི་ངོ་བོ་བཞིན་དུ་རང་ཉིད་ཀྱི་ཤེས་པ་ཡིན་ནོ། །དེ་ཉིད་ཤེས་པ་ཡིན་གྱི་དེ་དང་འབྲེལ་པ་ཅན་ནི་ཡིན་ནོ། །མ་ཡིན་ཏེ། ནག་པའི་བུ་ལ་ནག ་པའི་ཤེས་པ་བཞིན་དུ་དེ་ཉིད་ཤེས་པའི་ཡུལ་ནི་འབྲེལ་པ་ཡིན་བའི་ཕྱིར་རོ། །དེས་ན་དེ་ཉིད་ནི་ཚད་མ་ཡིན་ལ་དེ་ཤེས་པ་ནི་འབྲས་བུ་ཡིན་ནོ། །དེ་ཡང་དོན་དང་འདྲ་བ་ནི་ཚད་མ་ཡིན་ལ་དོན་རྟོགས་པ་ནི་ཚད་མའི་འབྲས་བུ་ཡིན་ནོ་ཞེས ་ཀྱང་གསུངས་པའོ། །དེའི་ཕྱིར་ཤེས་པའི་ངོ་བོ་ལ་སྒོ་བཏགས་པས་འཇུག་པ་ཡིན་གྱི་ཕྱི་རོལ་ལ་འཇུག་པ་ནི་མ་ཡིན་ནོ། །ཕྱི་རོལ་ལ་ཡང་ཤེས་པའི་ངོ་བོར་སྒྲོ་བཏགས་པ་ཡིན་ན་མི་འཇུག་པ་ཁོ་ན་ཡིན་ཏེ། དེ་དོན་དུ་གཉེར་བ་ནི་སུ ་ཡང་མ་ཡིན་ནོ། །ཤེས་པའི་ངོ་བོ་དང་ཕྱི་རོལ་དག་ནི་སོ་སོ་བ་མ་ཡིན་པའི་ཕྱིར་འཇུག་པ་ཡིན་ནོ་ཞེ་ན། སོ་སོ་བ་མ་ཡིན་ན་ཕྱིའི་དངོས་པོ་དོན་དུ་གཉེར་བ་རྣམས་ཆོས?་ཤིན་དུ་ཡང་མི་འཇུག་པའི་ཕྱིར་དེ་བསལ་བ་ཡིན་ནོ། །སྣང་བ་དང ་རྣམ་པར་རྟོགས་པ་དག་གཅིག་ཏུ་བྱས་ནས་ཞེས་བྱ་བ་ལ་སོགས་པ་དེ་ཁོ་ན་ཉིད་དུ་འདོད་པ་དེ་ལས་བྱུང་བ་ཉིད་ཀྱི་ཡུལ་ཅན་རྣམས་དེ་བཞིན་དུ་བཤད་པར་བྱའོ། །རྟོགས་པ་ཙམ་ཡང་ཆེར་མ་ཉིད་ཡིན་ན་ནི་སྒྲ་ལས་བྱུང་བ་ལ་ཡང་འགྱུར ་རོ། །སྒྲ་ལས་བྱུང་བ་ཡང་ཕྱི་རོལ་ཤེས་པར་བྱེད་པ་མ་ཡིན་ནམ། ཤེས་བྱ་དང་ཤེས་བྱེད་ལས་གཞན་པ་ལ་ནི་འབྲེལ་པ་མེད་དོ། །དེ་ལྟ་ནི་མ་ཡིན་ཏེ། ཤེས་བྱ་དང་ཤེས་བྱེད་ཀྱི་དངོས་པོ་ཉིད་དེ་དང་འབྲེལ་པ་ཡིན་གྱི་དེའི་ཤེས་པ ་ཙམ་ནི་མ་ཡིན་ནོ། །དངོས་པོ་ཡང་ཤེས་པ་ཉིད་མ་ཡིན་ནམ། ཉེ་བར་དམིགས་པ་ནི་ཡོད་པ་ཞེས་བརྗོད་དོ་ཞེས་གང་གསུངས་པའོ། །ཕྲད་པར་བྱ་བའི་རང་གི་ངོ་བོའི་ཉམས་སུ་མྱོང་བ་ནི་དམིགས་པ་ཡིན་གྱི་ཤེས་པ་ཙམ་ནི་མ་ཡིན་ནོ།། ་རིག་བྱེད་ལ་ནི་ཕྲེད་པར་བྱ་བའི་འབྲས་བུའི་རིག་པ་ཡོད་པ་མ་ཡིན་ལ། ཡོད་ན་ཡང་དེ་དོན་དུ་གཉེར་བ་རྣམས་འཇུག་པ་མ་ཡིན་ནོ། །རིག་པར་བྱེད་པ་ནི་ཡོད་ལ། རིག་པར་བྱ་བ་ནི་མེད་པ་ངེས་ན་རིག་པར་བྱ་བ་དོན་དུ་གཉེར་བ་རྣམས་འཇུག་པ ་ཡིན་ནོ། །མ་ཡིན་ཏེ། རིག་པར་བྱ་བ་དང་འབྲེལ་བ་མ་ཤེས་ན་འཇུག་པ་མེད་པའི་ཕྱིར་རོ། །འདས་ནི་ངེས་པར་སྦྱོར་བ་ཙམ་ལས་འཇུག་པ་གསལ་བ་ཡིན་ནོ། །ངེས་པར་སྦྱོར་བ་ཡང་དེ་ཉིད་ཀྱི་ཚེ་ཡོད་པའི་ཕྱིར་འཇུག་པ་མ་ཡིན་ནོ།། ་ངེས་པར་སྦྱོར་བ་ནི་བསྒྲུབ་པར་བྱ་བ་ཡིན་གྱི་དེའི་ཚེ་ནི་མེད་པ་ཡིན་ནོ། །དེ་ལྟ་ན་ཤེས་པ་དང་འབྲལ་པ་མི་ཤེས་པའི་ཕྱིར་དེའི་ཤེས་པ་ལས་འཇུག་པ་ནི་མ་ཡིན་ནོ། །དེས་ན་ཕྲད་པར་བྱ་བ་ལ་ངེས་པ་ཅན་ཉིད་ཀྱི་ཤེས་པ་ནི་དེ་ཁོ་ན་ཉིད ་ལ་ངེས་པ་ཅན་གྱི་ཚད་མ་ཡིན་གྱི་གཞན་ལས་ནི་མ་ཡིན་ནོ། །དབང་པོའི་གཟུང་བར་བྱ་བ་ཉིད་དུ་ཐལ་བ་ཡང་མ་ཡིན་ཏེ། རང་གི་ངོ་བོ་ལ་དེ་ཁོ་ན་ཉིད་དུ་སྒྲོ་འདོགས་པའི་ཡུལ་མ་ཡིན་པའི་ཕྱིར་རོ། །འབྲས་བུ་ཙམ་ཉིད་ལ་རྒྱུའི ་ཐམས་ཅད་ཉིད་དུ་སྒྲོ་གདགས་པར་བྱ་བ་མ་ཡིན་ནོ། །འདྲ་བ་ཉིད་ནི་གདགས་པའི་རྒྱུ་མཚན་ཡིན་ནོ། །མ་ཡིན་ཏེ། དེ་མེད་པ་ཡིན་ཡང་གཟུགས་དང་རེག་པ་དག་གི་རེག་པའི་འབྲས་བུ་གཟུགས་ཡིན་པའི་ཕྱིར་ཏེ། རྒྱུའི་རང་གི་ངོ་བོ་ལ་དེ་ཁོ་ན་ཉིད་དུ་སྒྲོ ་བཏགས་པའི་ཡུལ་ཡིན་ཏེ། དེ་ཡང་རྒྱུ་མ་ཡིན་པ་ཡུལ་མ་ཡིན་པར་བསྟན་པ་ནི། རིགས་བ་ཤེས་པ་ཡིས། ཤེས་པའི་རྣམ་པ་འཇོག་ནུས་པའི་རྒྱུ་ཉིད་ལ་གཟུང་བར་ཤེས་ཞེས་ཀྱང་གསུངས་པའོ། །ཤེས་པའི་རང་གི་ངོ་བོ་ལ་རང་གི་རྣམ་པ ་སྟེ། བདག་ཉིད་ཀྱི་ངོ་བོར་འཇོག་པ་སྟེ་སྒྲོ་འདོགས་པར་ནི་རིགས་པ་ཡིན་ཏེ། ཕྲད་པར་བྱ་བ་སྟེ་རྒྱུ་ལ་འབྲས་བུའི་ངོ་བོ་ཉིད་དུ་སྒྲོ་བཏགས་པའི་ཡུལ་ཞེས་བསྟན་ཏོ་ཞེས་བྱ་བའི་དོན་ཡིན་གྱི་ཤེས་པ་ལ་རང་གི་རྣམ་པ་སྟེ་རང་དང་འདྲ་བར་འདོགས ་པར་བྱེད་པ་ནི་མ་ཡིན་ནོ། །འབྲས་བུ་ཉིད་ལ་དེ་ཁོ་ན་ཉིད་དུ་སྒྲོ་འདོགས་པ་ཡང་ཁ་ཅིག་ལས་མཐོང་བ་ལས་ཐམས་ཅད་ལ་ནི་མ་ཡིན་པར་བཤད་ཟིན་ཏོ། །འདི་སྐད་བསྟན་པར་འགྱུར་གྱི་བདག་ཉིད་ཀྱི་ཁོངས་སུ་གཏོགས་པའི་བདེ་བ ་ཇི་ལྟར་རིགས་པ་དེ་བཞིན་དུ་སྔོན་པོ་ཡང་དོ། །བདེ་བ་ནི་གཞན་རིག་པ་མ་ཡིན་ཏེ། གཞན་རིག་པས་ནི་རིག་པ་མ་ཡིན་པའི་ཕྱིར་རོ། །སྔོན་པོ་ལ་ནི་བདེ་བ་ཉིད་ཡོད་པ་ཡིན་ནོ། །མ་ཡིན་ཏེ་དེ་ནི་སྔོན་པོ་བཞིན་དུ་རིག་པར་བྱ་བ་ཡིན་པའི ་ཕྱིར་རོ། །དེ་རིག་པ་ལ་ཡང་སྔོན་པོར་སྒྲོ་གདགས་པ་ཡིན་པས་བདག་ཉིད་རིག་པ་མ་ཡིན་པ་ཉིད་དུ་མི་ཤེས་པའི་ཕྱིར་རོ། །གཉིས་ལ་ཡང་ཚོགས་པ་ཡོད་ན་སྔོན་པོ་ལ་སོགས་པ་བཞིན་དུ་ཅིག་ཅར་འབྱུང་བའི་ཕྱིར་ཕྱིན་ཅི་ལོག་ཏུ ་འགྱུར་རོ། །ཞེན་པ་ཡང་གོམས་པ་ལ་ལྟོས་བ་ཡིན་གྱི་བདེ་བ་བཞིན་དུ་སྔོན་པོ་ནི་དུས་དེར་ཡུལ་ལ་འཇུག་པ་མ་ཡིན་ཞིང་ཕྲད་པར་བྱ་བ་ཡང་ངོ། །རྟོགས་པ་ལས་ནི་ཕྲད་པར་བྱ་བ་དང་དེར་འབྲེལ་པ་ནི་གཞན་ཉིད་ལས་ཤེས་བར ་བྱ་བ་ཡིན་གྱི་དེ་ཙམ་ལས་ནི་མ་ཡིན་ཏེ། ཐེ་ཚོམ་ཡོད་པའི་ཕྱིར་རོ། །དེ་ཉིད་ཀྱིས་ན་ངེས་པ་ཡང་ཡིན་ནོ་ཞེ་ན། མ་ཡིན་ཏེ། རང་གི་ངོ་བོ་ལ་ངེས་པ་ཡིན་པའི་ཕྱིར་རོ། །དབང་པོ་དང་ཡུལ་ལ་སོགས་པ་རྣམས་ཀྱི་རྒྱུ་མཚན་ལས ་སྐྱེ་བའི་རྣམ་པར་ཤེས་པ་ནི་འབྲེལ་པ་གང་ཡིན་པ་ལས་ཡུལ་གྱི་རྗེས་སུ་བྱེད་པ་ཡིན་གྱི་གཞན་ལས་ནི་མ་ཡིན་ཏེ། དེ་ཉིད་ལས་དེ་འཛིན་པ་ཡིན་གྱི་གཞན་ལས་ནི་མ་ཡིན་ནོ། །དེ་ལྟར་ན་གཅིག་ལས་གཅིག་ཏུ་བརྒྱུད་པས་དུབ་པ་ཡོངས ་སུ་འདོར་བར་འགྱུར་བ་ཡིན་ཞེས་གང་སྨྲས་པ་དེ་ནི་མ་ཡིན་ཏེ། འབྲས་བུ་ནི་རང་གི་རྒྱུ་ལས་བྱུང་བས་དེའི་རྣམ་པ་འམ་གཞན་དུ་ཡང་འབྱུང་བ་ཡིན་ལ། ཤེས་པ་ནི་རང་ཉིད་རིག་པ་ཡིན་གྱི་གཞན་ལས་ཀྱང་ནི་མ་ཡིན་པའི་ཕྱིར་དེ་དང་འདྲ་བ་མ་ཡིན ་ནོ། །དེ་དང་འདྲ་བ་ལ་ཡང་རང་ཉིད་རིག་པ་ཡང་བདག་ཉིད་སྔོན་པོར་རིག་པ་རྙེད་པར་དཀའ་བ་མ་ཡིན་ནོ། །དེ་ལྟར་ཡང་དེ་ཙམ་ནི་ཐམས་ཅད་ལ་ཡང་ཡོད་པས་ཐོབ་ཟིན་པའི་ཕྱིར་ཡང་འཇུག་པའི་ཡུལ་མ་ཡིན་ནོ། །དེའི ་ཐབས་ཉིད་ཀྱིས་ནི་རྟོགས་པ་དང་ལྡན་པ་རྣམས་ལྟོས་པ་ཡིན་པར་གཞན་ཉིད་ལས་ཤེས་པར་བྱ་བ་ཡིན་གྱི། རང་ཉིད་ལས་ནི་མ་ཡིན་པའི་ཕྱིར་གཞན་ལས་ཐེ་ཚོམ་ལྡོག་པ་ཙམ་ནི་མ་ཡིན་ནོ་ཞེས་བསྟན་པ་ཡིན་ནོ། །རྣམ་པ་ལས ་སྔོན་པོའི་ཞེས་རྗེས་སུ་དཔོག་པ་ཡིན་ནོ་ཞེ་ན། ཕྲད་པར་བྱ་བ་ལས་གཞན་པ་མ་ཡིན་ཏེ། སྔོན་པོ་མ་དམིགས་པའི་ཕྱིར་རོ། །ལྡོག་པ་ལས་འགྲུབ་པར་འགྱུར་ཞེས་བྱ་བ་ལ་སོགས་པ་གསུངས་པ་ནི་གལ་ཏེ་མཚུངས་པ་དེ་མ་ཐག་རྐྱེན ་ལས་ངེས་པ་མི་སྨྲ་ན་ཞེས་བྱ་བ་སྟེ། དེ་ལྟ་ན་ཡང་ཡུལ་མཚུངས་པའི་དེ་མ་ཐག་པ་ཡུལ་དུ་འགྱུར་རོ་ཞེས་ཀྱང་ངོ། །ཕྲད་པར་བྱ་བ་ཉིད་དང་རིགས་མཐུན་པ་ལ་གཞན་གྱི་བར་དུ་མ་མཆོད་པ་འདིའི་དེ་མ་ཐག་པ་ནི་མཚུངས་པ་དེ་མ་ཐག་པའི ་ཤེས་པ་ཞེས་ཀྱང་བསྟན་ཏོ། །དེ་ལྟ་ཡིན་ན་རང་གི་ངོ་བོ་བཞིན་དུ་ཐམས་ཅད་ལ་ཡིན་པའི་ཕྱིར། ཚད་མ་ཡིན་པ་མི་སྲིད་པར་འགྱུར་རོ། །མ་ཡིན་ཏེ། འདས་པའི་དེ་མ་ཐག་པ་ནི་ཚད་མ་མ་ཡིན་ཏེ། གཞན་ལས་བཟློག་པ་ཞེས་བྱ་བ་ནི་བྱ་བའི ་རྣམ་པར་དབྱེ་བའོ། །རྒྱུ་མ་ཡིན་པ་ཡུལ་མ་ཡིན་ཞེས་བྱ་བ་མ་ཡིན་ནམ། བདེ་བ་ལ་སོགས་རང་གིས་རིག་པ་ཇི་ལྟར་ཡུལ་ཉིད་ཡིན་ཏེ། རྒྱུ་མ་ཡིན་པའི་ཕྱིར་རོ། །རང་ཉིད་གྲུབ་པའི་རང་གི་ངོ་བོ་ནི་ཕྲད་པར་བྱ་བ་དང་ཐ་དད་པའི་ཕྱིར། ་ཇི་ལྟར་ཡུལ་ཡིན་ཞེས་ལྟོས་པ་དང་བཅས་པ་ལ་རྒྱུ་ཉིད་ལ་དེ་ཁོ་ན་ཉིད་དུ་སྒྲོ་བཏགས་པའི་ཕྱིར་ཞེས་བསྟན་ཏོ། །རང་ཉིད་རིག་པ་ལས་དེའི་བདག་ཉིད་ཡིན་པ་འདིས་ཚད་མ་མ་ཡིན་པར་གསལ་བ་ཡིན་ནོ། །བར་མ་ཆད་པར་སྨྲས་པས་ཆོག་གོ་།ཕྲད་པར ་བྱ་བའི་འབྲས་བུ་ཉིད་རང་གི་ངོ་བོ་ཡིན་པ་ནི་དེ་མེད་ན་མེད་པའི་ཕྱིར་ཏེ། རུ་བ་ནི་མེའི་འབྲས་བུའི་ཉིད་ཡིན་པ་ལྟ་བུའོ། །སྔར་གང་མཐོང་བ་ཉིད་ཡོད་པ་ལས་ཕྱིས་མཐོང་བར་འགྱུར་བ་གང་ཡིན་པ་དེ་ནི་དེའི་འབྲས་བུ་ཡིན་ཏེ། དེས་དྲངས་པའི་ཕྱིར་མེའི ་དུ་བ་ལྟ་བུ་མ་ཡིན་ནམ། དུ་བ་མཐོང་བ་དང་ལྡན་པ་ཙམ་ལས་ཇི་ལྟར་མེ་དམིགས་པར་འགྱུར། །དེ་ལ་འདས་པའི་དུས་ཀྱི་མེ་རྗེས་སུ་དཔོག་པར་བྱེད་པ་ནི་མ་ཡིན་ཏེ། བསླུ་བ་ཡིན་པས་ཚད་མ་མ་ཡིན་པའི་ཕྱིར་རོ། །འབྱུང་བར་འགྱུར་བ་ལ་མི་བསླུ ་བ་ཡིན་གྱི་འདས་པ་ལ་ནི་མ་ཡིན་ནོ། །དེ་ཉིད་འབྱུང་བར་འགྱུར་བ་ཡིན་ནོ། །ཞེ་ན། མ་ཡིན་ཏེ། འགལ་བའི་ཕྱིར་རོ། །འབྱུང་བར་འགྱུར་བ་ལ་བྱུང་བར་གྱུར་པ་ཡོད་པ་མ་ཡིན་ནོ། །དེའི་འབྲས་བུ་མ་ཡིན་པ་ཡང་དེ་ལ་མི་བསླུ་བ་ཅན་མ་ཡིན ་ཏེ། ཐལ་ཆེས་པའི་ཕྱིར་རོ། །དེ་དག་གཅིག་པ་ཉིད་དུ་ཞེན་པ་ལས་ཡིན་ནོ། །ཞེ་ན། དེ་ལྟ་ན་བྱུང་བར་གྱུར་པ་ལ་ཡང་འབྱུང་བར་འགྱུར་བ་ཉིད་དུ་ཞེན་པ་ཁོ་ན་ཡིན་ནོ། །རྒྱུ་ལ་ཉེ་བར་སྦྱོར་བ་མ་ཡིན་པ་ཅན་ནི་མཐར་ཐུག་གི་བར་དུ་ཡང ་ཉེ་བར་སྦྱོར་བ་ཅན་མ་ཡིན་ཏེ། སྐད་ཅིག་ཀྱང་རྒྱུན་མི་འཆད་པར་རྗེས་སུ་འཇུག་པ་ལ་ཉེ་བར་སྦྱོར་བ་མ་ཡིན་པའི་ཕྱིར་རོ། །ཕྲད་པར་བྱ་བ་ཡང་རང་གི་ངོ་བོ་ཡོད་ན་དེ་མི་ཟད་པ་ཡིན་ཏེ། དེ་ཡང་རྒྱུ་ལ་རྒྱུའི་ཆོས་རྗེས་སུ་འཇུག་པ་ཡིན ་ཏེ། ཐམས་ཅད་རྒྱུ་ཡིན་པར་ཐལ་བར་འགྱུར་བ་ཡིན་ནོ་ཞེ་ན། དེ་ལྟ་བུ་དེ་ནི་འདས་པ་ལ་ཡང་མཚུངས་སོ། །དེ་ལྟ་མ་ཡིན་ཏེ། འདི་ཡོད་ན་འདི་འབྱུང་ཞེས་བྱ་བར་བྱེ་བྲག་ཏུ་རྟོགས་པའི་ཕྱིར་རོ་ཞེ་ན། དེ་ལ་ཡང་མཚུངས་པ་ཉིད་ཡིན་ཏེ། རྒྱུ ་ཚོགས་པ་ཡིས་ཞེས་བྱ་བ་ལ་སོགས་པ་ཡང། དེ་ནི་རང་བཞིན་ཡིན་པར་བརྗོད། ཅེས་བྱ་བ་སྟེ་འབྱུང་བར་བྱེད་པས་འབྱུང་བ་སྟེ་རྒྱུའོ། །རང་གི་འབྱུང་བྱེད་ནི་རང་གི་རྒྱུ་ཞེས་བྱ་བའི་དོན་ཏོ། །ཚོགས་པ་ཉིད་ནི་རུང་བ་ཉིད་དུ་རྗེས་སུ་དཔག་པ ་ཡིན་པར་གསུངས་པ་མ་ཡིན་ནམ། བདེན་ཏེ། གང་ལ་གགས་བྱེད་པ་མེད་པའི་དེས་པ་མེད་ནའོ། །དེའི་དགོས་པ་ནི་དེ་ལྟར་འདས་དུས་གཅིག་རྣམས་ཀྱི་སྟེ་མ་འོངས་པ་རྣམས་ཀྱི་ནི་མ་ཡིན་ནོ་ཞེས་བྱ་བའི་ཚིག་ལས་སོ། །དེ་མེད ་པར་ངེས་པ་ཡིན་ན་མ་འོངས་པའི་འབྲས་བུ་དང་བྱུང་བ་ལས་རྒྱུ་ཉིད་ཤེས་པ་ཡིན་ཏེ། དུ་བ་ལས་མེ་ལྟ་བུའོ། །དེས་ན་ཡང། ཉོན་མོངས་པ་དང་བཅས་པའི་སེམས་ལ་སོགས་པ་མཐོང་བ་ལས། འཇིག་རྟེན་ཕ་རོལ་ཏུ་འབྱུང་པར་འགྱུར་བའི ་སེམས་ལ་སོགས་པ་འགྲུབ་པ་ཡིན་ནོ། །འདི་ལས་འཇིག་རྟེན་གཞན་དགོག་པའང་ཞེས་གང་འཆད་པར་འགྱུར་བའོ། །ཐོས་པ་དང་བསམ་པ་ལ་སོགས་པ་ཤིན་ཏུ་འབད་པ་ཆེན་པོས་བསྒྲུབ་པར་བྱ་བ་མཐོང་བའི་ལམ་ལ་སོགས་པ ་འཆི་བའི་དུས་ན་མེད་པའི་ཕྱིར་གང་བྱེད་པ་མེད་པར་ངེས་པ་ཡིན་ནོ། །ཉིད་མཚམས་སྦྱོར་མཐོང་ལྡན་མཐོང་གང། །དེ་ཅིར་གྱུར་ན་ཕྱིས་གང་མེད། །གང་གིས་མཚམས་སྦྱོར་ལྡན་མེད་ཡིན། ཞེས་གང་འཆད་པར་འགྱུར་བའོ། །འདི་ལ ་ཡང། དེས་ན་སྒྲ་ལ་རྒྱུ་ཉིད་དུ། དུས་གསུམ་དུ་ཡང་ཤེས་བྱ་མིན། ཞེས་བསྟན་པའོ། །རུང་བ་ཉིད་དུ་རྗེས་སུ་དཔག་པ་ལ་དེའི་རྒྱུ་ཉིད་ཀྱིས་དེས་པ་མེད་ན་གཞན་གྱི་རྒྱུ་ཉིད་ཀྱི་ངེས་པ་ཡོད་ཀྱང་དགོས་པ་ཡོད་པ་མ་ཡིན་ནོ། །དུ་བ་ནི་མེ་མཐོང་བ་ན་གྲུབ་པ་མ ་ཡིན་ནམ། རང་ཉིད་ཡོད་ན་ཡོད་པའི་རང་བཞིན་ཅན་གྱི་མེ་ལ་ཉེ་བར་བྱེད་པ་ཡིན་ལ། རང་གི་ངོ་བོ་ལ་ཡང་ཕྲད་པར་བྱ་བ་གྲུབ་པ་ཡིན་གྱི། དེ་ལ་རང་གི་ངོ་བོ་ནི་མ་ཡིན་ཏེ། དེ་ལྟར་རང་གི་ངོ་བོ་ཡིན་པ་དེར་འབྲེལ་པར་ངེས་པ་ཡིན། བདེན་ཏེ། ཕྲད་པར ་བྱ་བ་བཞིན་དུ་དེ་ཡང་ཕྲད་པར་བྱ་བ་ལ་མ་འཁྲུལ་བ་ཅན་ཉིད་དུ་གང་གིས་མ་ཤེས་པས་ཤེས་པར་བྱའོ། །ཤེས་པ་ཡིན་ཀྱང་རང་གི་ངོ་བོ་ལ་ཕྲད་པར་ཞེན་པ་ལས། །དེའི་འབྲས་བུ་ཉིད་དེ་ཁོ་ན་ཉིད་དུ་ཞེན་པའི་རྒྱུ་མཚན་དུ་བསྟན་ཏེ། ་དུད་ལ་སེར་པོ་ལ་སོགས་པའི་ཤེས་པ་ནི་དབྱིབས་ལ་སོགས་པའི་ཆ་ལ་ཚད་མ་ཡིན་ནོ། །ཁ་དོག་སེར་པོས་དོན་བྱེད་པ་མེད་ན་དེའི་སྒོ་ནས་དབྱིབས་ཀྱི་དོན་བྱེད་པ་མེད་པ་ལྟ་སྨོས་ཀྱང་ཅི་དགོས། དེའི་ཚེ་སེར་པོ་མེད་པ་ནི་མ་ཡིན་ཏེ། སྣང་བའི་ཕྱིར་རོ།། ་གཞན་དུ་ན་སྔོན་པོ་ཡང་མེད་པ་ཁོ་ན་ཡིན་ནོ། །ཅིས་ཏེ་སྔོན་པོ་ཅིག་པུ་ཕྲད་པར་བྱ་བར་འདོད་པ་ཡིན་ན་འདི་ལ་ཡང་དབྱིབས་གཅིག་པུ་འདོད་པ་ཡིན་ཏེ། སེར་པོ་དང་དཀར་པོ་ཐུན་མོང་བ་ཐོབ་པར་འགྱུར་བ་ཁོ་ན་ཏེ། ཁ་དོག་ནི་མ ་ཡིན་ནོ། །འོན་ཏེ་བདག་ཉིད་ཐམས་ཅད་ཁོ་ནས་ཚད་མ་མ་ཡིན་ཏེ། ཆ་ཤས་ཀྱིས་ཀྱང་ཚད་མ་ཉིད་ཡིན་ན་ནི་རྗེས་སུ་དཔག་པའི་རྣམ་པར་རྟོགས་པ་ཁོ་ན་ཚད་མ་ཡིན་ཞེས་སྟོན་པར་བྱེད་པར་མི་འགྱུར་ཏེ། ཐ་ན་སྒྲ་བའི་རྣམ་པར་རྟོག་པ་ཡང་དངོས ་པོ་རྩམ་གྱི་ཆ་ལ་མི་བསླུ་བ་ཡིན་པའི་ཕྱིར་རོ། །མ་ཡིན་ཏེ། མི་བསླུ་བ་དང་སླུ་བ་ཙམ་གྱིས་ཚད་མ་དང་གཅིག་ཤོས་ཉིད་དུ་ཁས་ལེན་པའི་ཕྱིར་ཏེ། འདོད་པ་དང་ཕྲད་པ་ཡོད་ན་ཚད་མ་ཡིན་ལ། དེ་མེད་པ་ལ་ནི་གཞན་དུའོ། །སེར་པོའི་ཤེས་པ་ལ ་དབྱིབས་དང། འགྲོ་བའི་ཤིང་མཐོང་བ་ལ་ཤིང་དང་གནས་དང་གཞན་ཡོད་པའི་ནོར་བུའི་ཤེས་པ་ནོར་བུ་དང། བདེན་པའི་རྨི་ལམ་གྱི་བུ་རྣམས་སུ་འདོད་པ་ཡིན་གྱི་དུས་ལ་སོགས་པར་མ་ཡིན་པ་དེའི་ཕྱིར། མངོན་པར་འདོད་པའི ་ཆ་ཤས་ལ་ཚད་མ་ཉིད་ཡིན་ནོ། །སྒྲ་ལས་བྱུང་བ་ཡང་མངོན་པར་འདོད་པ་སྟོན་པའི་ཕྱིར་ཞེས་གང་འཆད་པར་འགྱུར་བའོ། །རྣམ་པར་རྟོག་པ་ཙམ་ནི་དངོས་པོའི་ཆ་ཤས་ལ་ཡང་ཚད་མ་མ་ཡིན་ཏེ། མངོན་པར་འདོད་པའི་ཡུལ་མ་ཡིན་པའི་ཕྱིར་རོ།། ་འདིས་ནི་ཅི་ནས་ཀྱང་ཐོབ་པར་བྱེད་པ་མ་ཡིན་པར་བཤད་ཟིན་ཏོ། །མངོན་པར་འདོད་པའི་ཡུལ་ནི་རྣམ་པར་རྟོག་པ་ཅན་གྱི་རྗེས་སུ་དཔག་པ་ཡིན་ནོ། །ཞེས་བྱ་བ་ནི་རྣམ་པར་དབྱེ་བའོ། །ཆ་ཤས་ཀྱིས་ནི་ཚད་མ་དང་ཅིག་ཤོས་ཉིད་དེ། མངོན ་པར་འདོད་པ་དང་ཅིག་ཤོས་ཡིན་པའི་ཕྱིར་ཞེས་བྱ་བའི་དོན་ཏོ། །བྱེད་པ་པོ་ལ་གནས་པའི་བྱ་བ་ནི་བྱ་བ་ལ་གནས་པ་ཉིད་ཀྱི་ངེས་པ་ཅན་དུ་ཤེས་པར་བྱེད་པའི་ཕྱིར་དེ་ཉིད་དང་པོར་ཤེས་པར་བྱ་བ་ཡིན་ཏེ། གལ་ཏེ་དེ་ཤེས་པ་ཡིན་ན། བྱེད་པ་པོ་ལ་གནས ་པས་ཅི་ཞིག་བྱ། དེའི་ཐབས་ཡིན་པ་ཉིད་ཁོ་ནས་འདོད་པ་ཡིན་ནོ་ཞེས་བྱ་བའི་དགོངས་པས་དོན་བྱེད་གནས་པ་ཞེས་བྱ་བ་སྨོས་ཏེ། ཕྲད་པར་བྱ་བ་ཤེས་པ་ནི་འཇུག་པའི་ཡན་ལག་ཡིན་གྱི་རང་གི་ངོ་བོ་ནི་མ་ཡིན་ཏེ། བྱེད་པ་པོ་ལ་གནས་པའི་བྱ་བ ་ཁས་ལེན་པ་ཉིད་ཡིན་ན། རང་གི་ངོ་བོ་སྨྲས་པར་འགྱུར་རོ། །ཕྲད་པར་བྱ་བ་ལ་བལྟོས་པའི་རང་གི་ངོ་བོ་ནི་བྱ་བ་ཡིན་གྱི་རང་གི་ངོ་བོ་ཙམ་ནི་མ་ཡིན་ནོ། །བདེན་ཏེ་རང་གི་ངོ་བོ་ལ་ཚད་མ་ཉིད་མ་ཡིན་ཏེ། ཐལ་ཆོས་པའི་ཕྱིར་རོ། །ཕྲད་པར་བྱ ་བ་ལ་ནི་དེ་ཚད་མ་ཡིན་ནོ་ཞེས་དགོངས་པ་ཡིན་ནོ། །བྱེད་པ་པོ་ལ་གནས་པའི་བྱ་བ་ཁས་ལེན་པ་ཡང་དེ་ཉིད་ཡིན་པར་དགོངས་པ་ཡིན་གྱི། རང་གི་ངོ་བོ་ལ་དམིགས་པ་འབའ་ཞིག་ནི་ཇི་ལྟར་ཕྲད་པར་བྱ་བ་ལ་དམིགས་པར་འགྱུར་སྙམ་དུ་དོགས ་པ་བསལ་བའི་ཕྱིར། ཕྲད་པར་བྱ་བའི་བྱེད་པ་པོའི་ཤེས་པ་ཚད་མ་ཡིན་པར་བསྟན་ཏེ། དེ་དེ་ལྟར་ཡོངས་སུ་བཅད་པ་འདིས་དོན་གོ་བ་ཡིན་ནོ། །དེ་ལ་ཡང་དོན་ནི་འདི་ཡིན་ཏེ་རང་གི་ངོ་བོ་ལ་དམིགས་པ་ལ་ཕྲད་པར་བྱ་བ་ལ་དམིགས་པ་ཞེན་པར་ཡིན་ནོ། །འོན ་ཏེ་དོན་བྱེད་པ་ཞེས་བྱ་བས་འཇིག་རྟེན་པ་ཉིད་ཀྱི་ཚད་མ་བསྟན་པ་ཡིན་ལ། དང་པོས་ནི་དེ་འགྲུབ་པའི་ཐབས་སོ། །མ་ཡིན་ཏེ། དེ་ལ་དོན་ཡིན་པར་སྨྲ་ན་འདི་ཡང་ཤུགས་ཀྱིས་འགྲུབ་པའི་ཕྱིར་རོ། །སྐད་ཅིག་མ་དང་པོའི་ཤེས་པ་འམ་སྒྲོ་བཏགས་པ་ཡང ་རུང་བ་མ་ཡིན་ནམ། འདི་ནི་ཕྲད་པར་བྱ་བ་ཉིད་མ་ཡིན་ཏེ། ཕྲད་པར་བྱ་བ་ཡོངས་སུ་བཅད་པའི་ཕྱིར། དེའི་དོན་ཉིད་ཇི་ལྟར་གོ་བར་འགྱུར། །ཕྲད་པར་ཤེས་པའི་ཕྱི་རོལ་དུ་ཞེན་པའི་ངོ་བོ་ཉིད་ལས་རྗེས་སུ་དཔག་པ་ལ་ཡོད་པ་ཡིན་ཏེ། གང་གི་ཕྱིར་ཕྱི ་རོལ་ལ་ཕྲད་པར་བྱ་བ་ཞེན་པའི་ཕྱིར་རོ། །རང་གི་རྣམ་པ་འདི་ལ་ཕྱི་རོལ་ཏུ་ཞེན་པ་ཅན་ཡིན་ནོ་ཞེ་ན། ཇི་ལྟ་ཡིན་ན་ཡང་ཐམས་ཅད་དུ་ཕྲད་པར་བྱ་བར་ཞེན་པ་ཅན་ཡིན་ནོ། །དེའི་ནང་དང་ཕྱི་རོལ་ཡང་མ་ཡིན་ནོ་ཞེ་ན། མ་ཡིན་ཏེ། ཕྱི་རོལ་ཉིད་དུ་ཞེན ་པའི་ཕྱིར་དང། གྲུབ་པའི་མཛའ་མེད་པར་ཐལ་བར་འགྱུར་བའི་ཕྱིར་ཡང་ངོ། །ཕྱི་རོལ་ནི་གྲུབ་པའི་མཛའ་ལ་ཡིན་གྱི་གཉི་ག་མ་ཡིན་པ་ལ་མ་ཡིན་ཏེ། དེ་ནི་རང་རིག་པ་ཡིན་པའི་ཕྱིར། རང་གི་རྣམ་པ་མ་ཡིན་ལ། མངོན་སུམ་གྱིས་གཞན་དུ་རིག་པའི ་ཕྱིར། ད་ནི་ཕྱི་རོལ་ཡང་མ་ཡིན་ནོ་ཞེ་ན། མ་ཡིན་ཏེ། ཕྱི་རོལ་དང་རང་གི་རྣམ་པ་དག་ལ་གཅིག་པ་ཉིད་དུ་ཞེན་པས། གཉི་ག་མ་ཡིན་པའི་དེ་ཁོ་ན་ཉིད་དུ་རིག་པའི་ཕྱིར་རོ། །དེ་ཉིད་ལ་ཕྱི་རོལ་དུ་སྒྲོ་བརྟགས་པ་ཡིན་ན་ནི་ཡང་དེ་དང་ཕྲད་པའི་ཕྱིར ་ཐུག་པ་མེད་པར་འགྱུར་རོ། །དེས་ན་རྗེས་སུ་དཔག་པ་ལ་ལྟོས་པ་ནི་ཕྱིར་ཡོངས་སུ་བཅད་ཟིན་པ་བཟློས་པ་ཡིན་ནོ། །མངོན་སུམ་ལ་ཡང་སྐད་ཅིག་ཉིད་ལ་ཕྲད་པར་བྱ་བ་ཉིད་ཡིན་པའི་ཕྱིར་དེ་རིག་པ་ཡོད་པ་ཡིན་ནོ། །འོ་ན་ནི་ཤེས་པ་གཉིས་པ་ཐོབ་པ ་མ་ཡིན་ནམ། མ་ཡིན་ཏེ། གཅིག་ལ་ཤེས་པ་གཉིས་རིམ་གྱིས་པར་མི་རིགས་པའི་ཕྱིར་རོ། །གཉིས་པ་ནི། གཞན་ཡིན་ནོ་ཞེ་ན། དེ་ཉིད་དེ་དང་ཕྲད་པ་ཡིན་གྱི་གཞན་མ་ཡིན་པའི་ཕྱིར་ཇི་ལྟར་གཉིས་པ་ཡིན་ནོ། །འཇིག་རྟེན་པའི་མ་ཡིན་པའི་ཕྱིར ་སྐད་ཅིག་མ་ཐ་དད་པའི་སྔ་མ་ལ་ཡང་དེ་ཉིད་དང་ཕྱི་མ་ལ་ཡང་དེ་ཉིད་དུ་ཤེས་པའི་ཕྱིར་གཉིས་པ་ཉིད་ཡིན་ནོ། །དེ་ལྟ་ན་ཡང་དེ་ལ་བལྟོས་པ་མ་ཡིན་ཏེ། སྔ་མ་དང་བྱེ་བྲག་མེད་པའི་ཕྱིར་རོ། །བརྟན་པ་ཉིད་ཡིན་ནོ་ཞེ་ན། དེ་ནི་ཅི་ཡང་མ་ཡིན་ནོ། །དེས ་ནི་དོན་བྱེད་ནུས་པར་ཤེས་པ་ཡིན་ནོ་ཞེ་ན། མ་ཡིན་ཏེ། སྔ་མ་ཁོ་ནས་དེ་དག་ཙམ་དུ་ཤེས་པའི་ཕྱིར་རོ། །མི་གཞན་གྱི་ཤེས་པ་ལ་ལྟོས་པས་ན་སྐད་ཅིག་མ་ཡང་ཤེས་པ་གཉིས་པ་རུང་བ་ཉིད་ཡོད་པའི་ཕྱིར་ཕྲད་པར་བྱ་བ་ཉིད་མ་ཉམས་པ་ཡིན་ནོ། །དེས ་ན་ཕ་རོལ་པོའི་བཤད་པ་ལ་ནི་ཟློས་པ་ཉིད་སྤངས་པ་མེད་དོ། །དེའི་ཕྱིར་ཡོངས་སུ་བཅང?་ནས་ཏོ། དོན་དང་ཕྲད་པ་ནི་རང་གི་ངོ་བོ་ལ་ཕྲད་པར་བྱ་བ་ཉིད་དུ་ཞེན་པ་སྟེ། ཕྲད་པར་བྱ་བ་ལ་འཇུག་པ་དང། ཕྲད་པ་དག་གི་རྒྱུ་ཡིན་པར་གསུངས་པའི ་ཕྱིར་སྔ་མ་ཉིད་དམ་པ་ཡིན་ནོ། །མི་བསླུ་བ་ཅན་ཉིད་ཚད་མ་ཉིད་མ་ཡིན་ནམ། ཤེས་པ་ནི་ཤེས་པ་གཞན་ལ་མི་བསླུ་བས་ཚད་མ་ཡིན་ལ། དེ་ཡང་ཤེས་པ་གཞན་ལས་མི་བསླུ་བས་ཐུག་པ་མེད་པའི་ཕྱིར་མི་སྲིད་པ་ཡིན་ནོ། །དེ་བཞིན ་དུ་རྨི་ལམ་ལ་སོགས་པའི་ཤེས་པ་ལ་ཡང་ཡོད་པའི་ཕྱིར་ཁྱབ་ཆེས་པ་ཡིན་ཏེ། དགྲ་ལ་སོགས་པའི་ཡུལ་ལ་ཡང་ཤེས་པ་གཞན་མི་བསླུ་བ་མེད་པའི་ཕྱིར་ཁྱབ་པར་བྱེད་པ་མ་ཡིན་ནོ་སྙམ་དུ་དོགས་པ་ལ་དེ་གནས་པ་དེ་ཞེས་བྱ་བ ་སྨོས་ཏེ། གནས་པ་ནི་ཚད་མ་སྟེ་མི་གཡོ་བ་ཡིན་ལ། རྨི་ལམ་ལ་སོགས་པའི་ཤེས་པ་སྟེ། སད་པའི་གནས་སྐབས་ལ་སོགས་པ་ལས་གཡོ་བ་ཡིན་ནོ། །དེའི་ཕྱིར་ཁྱབ་ཆེས་པ་མ་ཡིན་ནོ། །རྣམ་པར་གནས་པའི་ཚིག་སྟེ། ་གནས་པའི་སྒྲ་སྨོས་པས་ནི་མི་སྲིད་པ་ཉིད་མ་ཡིན་ཏེ། དོན་བྱེད་པའི་ཤེས་པ་འཇུག་པའི་བར་ཆད་མེད་པ་ཉིད་ཀྱིས་རྣམ་པར་གནས་པ་ཡིན་པའི་ཕྱིར་ཤེས་པ་གཞན་ལ་ལྟོས་པ་མ་ཡིན་པ་དེ་ཉིད་ཀྱིས་ཕྱིར་ཁྱབ་པར་བྱེད་པ་མ་ཡིན་པ་མ་ཡིན་ཏེ། སྒྲ་ལ་སོགས ་པའི་རང་གི་ངོ་བོ་ལ་དམིགས་པ་ཉིད་ནི་མཐར་ཐུག་པར་འདོད་པའི་ཕྱིར་རོ། །དོན་བྱེད་པའི་ཤེས་པ་དེ?་བ་ལ་སོགས་པ་ཉམས་སུ་མྱོང་བ་མི་བསླུ་བ་མ་ཡིན་ནམ། དེ་ཡང་དེ་ལས་གཞན་པ་གང་ཡིན་པ་ནི་མེད་པའི་ཕྱིར་གང་ལ་མི་བསླུ་བ་ཅན ་ཉིད་ཡིན། བདེན་ཏེ་དངོས་པོ་ལ་དབྱེ་བ་མེད་ཀྱང་རྟོག་པའི་དབྱེ་བ་ལས་མི་རྟག་པ་ཉིད་དམ་བྱས་པ་ཉིད་དག་གི་གཏན་ཚིགས་དང། གཏན་ཚིགས་ཅན་ཉིད་བཞིན་དུ་མི་བསླུ་བ་དང་མི་བསླུ་བ་ཅན་ཉིད་དུ་འགྱུར་རོ། །ཕྲད་པར་བྱ་བའི་ཡུལ་ལ་ཚད ་མ་ཉིད་མ་ཡིན་ནམ། སྔ་མ་ལ་ནི་རིགས་ན་ཕྱི་མ་ལ་ནི་མ་ཡིན་ཏེ། ཕྲད་པར་བྱ་བ་ལ་ཐ་དད་པ་མེད་པའི་ཕྱིར་དང། ཐ་དད་པ་མ་ཡིན་པ་ཡོད་པ་ཡིན་ལ། སྔ་མ་ནི་དེ་ལྟ་བུ་མ་ཡིན་ཏེ་དེས་ན་ཡང་ཕྱི་མ་ཚད་མ་ཉིད་དུ་ཁས་ལེན་པ་ཡིན་ལ། ་སྔ་མ་ནི་མ་ཡིན་ཏེ། དེ་ལྟ་བུ་མེད་པའི་ཕྱིར་རོ། །བདེན་ཏེ་ཕྱི་མ་ཉིད་ནི་ཕྲད་པར་བྱ་བ་ལ་བར་དུ་ཆོད་པ་མེད་པའི་ཕྱིར། །ཚད་མ་ཡིན་ལ་སྔ་མ་ནི་ཤེས་པའི་ཆ་དང། ཤེས་བྱའི་ཆ་དག་དང་གཉི་གའི་ཡང་ཐ་དད་པར་ཞེན་པ་ཡིན་པའི་ཕྱིར་ཐ ་དད་པ་མེད་པ་ཁོ་ནར་ཚད་མ་ཉིད་ཀྱི་རྒྱུ་མཚན་ཡིན་ཏེ། དེ་ཡང་ཁ་ཅིག་ཏུ་ནི་བདེན་པ་ཡིན་ལ། ཁ་ཅིག་ཏུ་ནི་སྒྲོ་བཏགས་པ་ཉིད་ཡིན་ནོ། །རྗེས་སུ་དཔག་པ་ནི་ཕྲད་པར་བྱ་བ་ལ་ཐ་དད་པ་མེད་ཀྱང་སྒྲོགས་པ་ཡིན་ཏེ། མངོན་སུམ་མ ་ཡིན་ལ། གཞན་གྱི་དེ་མ་ཐག་པ་གཞན་མཐོང་བ་ལས་འབྱུང་བའི་ཕྱིར་རོ། །མངོན་སུམ་ནི་གལ་ཏེ་ཡང་རང་གི་ངོ་བོ་མཐོང་བ་ལས་བྱུང་བ་དེ་ལྟ་ན་ཡང། ཕྲད་པར་བྱ་བ་དང་དེའི་ངོ་བོ་དག་རྗེས་སུ་དཔག་པའི་ངོ་བོ་དང་ཕྲད་པར་བྱ་བ་བཞིན ་དུ་ཐ་དད་པ་མེད་པར་ཞེན་པའི་ཕྱིར་ཚད་མ་ལོག་པ་ཉིད་ཡིན་ནོ། །འདི་དག་ཙམ་ནི་མངོན་སུམ་དང་རྗེས་སུ་དཔག་པའི་དབྱེ་བ་ཡིན་ནོ། །མངོན་སུམ་དང་ཅིག་ཤོས་དག་གི་སོ་སོར་སྣང་བ་དག་གི་རིག་པར་བྱ་བ་ལ་ནི ་ཐ་དད་པ་ཡོད་པ་ཁོ་ན་ཡིན་ཏེ། ཕྲད་པར་བྱ་བ་ཉིད་ཀྱིས་རང་གི་ངོ་བོ་རིག་པ་ཉིད་ནི་མི་བསླུ་བ་རིག་པ་ཡིན་ཏེ། མི་བསླུ་བར་ཤེས་པ་ཉིད་ནི་ཚད་མ་ཉིད་ཡིན་ནོ། །དེས་ན་དུ་བ་ལ་སོགས་པ་ཚད་མར་ཐལ་བར་འགྱུར་བ་ནི་མ་ཡིན་ནོ། །ཕྲད ་པར་བྱ་བ་ལས་ཐ་དད་པའི་མངོན་པའི་ང་རྒྱལ་གྱིས་དེ་རིག་པ་ཡང་དེ་རིག་པ་མ་ཡིན་པའི་ཕྱིར་ཕྲད་པར་བྱའི་རང་གི་ངོ་བོ་ལ་དབྱེ་བ་མེད་པར་རྟོགས་ན། ཚད་མ་ཉིད་ཀྱི་ཡན་ལག་ཡིན་ནོ། །ཞེས་བྱ་བའི་དགོངས་པས། གང་ལ ་གཞན་གྱི་དོན་བྱེད་ཅེས་བྱ་བ་སྨོས་ཏེ། སྒྲོ་བཏགས་པའི་དབྱེ་བ་མེད་པ་ལས་བདེན་པའི་དབྱེ་བ་མེད་པ་ཕུལ་དུ་བྱུང་བ་ཡིན་ཞེས་བྱ་བའི་དོན་ཏོ། །སྒྲ་ལས་བྱུང་བ་སྟེ། སྒྲས་བསྐྱེད་པའི་ཤེས་པ་ནི་བསླུ་བ་མ་ཡིན་པའི་བསམ་པས་སྨྲ་བ ་པོས་མངོན་པར་བསམས་པ་རྟོགས་པའི་དོན་དང་མཚུངས་པའི་རྣམ་པའི་མངོན་པར་འདོད་པ་སྟོན་པའི་ཕྱིར། གསལ་བར་བྱེད་པའི་ཕྱིར་ཞེས་བྱ་བ་ནི་འདིའི་དོན་མ་ཡིན་ནམ། དེའི་ཕྱིར་འདི་ལ་ཁྱབ་པར་བྱེད་པ་མ་ཡིན་པ་བསལ་བར། ་ཇི་སྐད་བསྟན་པ་ཇི་ལྟ་ཡིན། །གལ་ཏེ་འདིའི་དོན་ཡིན་ན། །སྨྲ་བ་པོ་ཡི་བྱ་བ་ཡིན། །ཞེས་བྱ་བ་ལ་སོགས་པའི་དོན་གོ་བར་འགྱུར་རོ། །འདིས་ནི་དེ་ཉིད་ཀྱི་དོན་གསལ་བར་བྱེད་པ་ཡིན་ནོ། །འདི་ཉིད་ཀྱིས་ཆོག་མོད་མི་གསལ་བ ་དེས་ཅི་ཞིག་བྱ་བཤད་བྱ་དང་བཤད་བྱེད་ཉིད་ཡིན་ན་ཡང་དོན་ཐ་དད་པ་ཉིད་ཡིན་ན་ནི་མི་རིགས་སོ་ཞེས་བསྟན་པ་ནི། སྒྲའི་ཡུལ་ཅན་གྱི་ཤེས་པ་ནི་ཤེས་བྱ་བའོ། །གནོད་པ་མེད་པ་ཅན་གྱི་རྟོགས་པ་ནི་ཕ་རོལ་པོའི་འདོད་པ་མ ་ཡིན་ནམ། རང་གི་ངོ་བོ་རྟོགས་པ་ཙམ་གྱིས་ཤེས་བྱ་བས་དེ་རྟོགས་པ་ཙམ་ཇི་ལྟར་དགག་པ་ཡིན། ཀུན་ཏུ་རྨོངས་པ་འཇིག་རྟེན་པ་མ་ཡིན་པའི་དོན་སྨྲ་བ་པོའི་འདོད་པ་བསལ་བའི་ཕྱིར་ཡང་མ་ཡིན་ཏེ། དེ་རྣམས་ཀྱིས་ཀྱང་ཀུན་ཏུ་རྨོངས་པ་ལ་སོགས ་པ་དང་བྲལ་བར་རྟོགས་པའི་ཡུལ་དུ་ཁས་བླངས་པའི་ཕྱིར་རོ། །དེ་ཉིད་གནོད་པ་མེད་པ་ཅན་གྱི་རྟོགས་བ་ཞེས་བྱ་བ་འདིས་བསྟན་པའི་བྱེ་བྲག་མེད་པའི་རྟོགས་པ་ཙམ་ཚད་མ་ཡིན་ཏེ། དེ་ཡང་ཡོན་ཏན་གྱིས་བསྐྱེད་པ་མ་ཡིན་ཏེ། སྐྱོན་ལས ་ཀྱང་སྐྱེ་བའི་ཕྱིར་རོ། །སྐྱོན་གྱིས་བསྐྱེད་པ་ཡང་མ་ཡིན་ཏེ། དེ་མེད་ཀྱང་འབྱུང་བའི་ཕྱིར་རོ། །དམིགས་ཀྱིས་གསལ་བས་འབའ་ཞིག་དམིགས་ཀྱིས་གསལ་བ་ཡིན་པའི་ཕྱིར། སྤྱིར་བཏང་བ་ལས་བྱུང་བ་ཁོ་ན་ཚད་མ་ཡིན་ནོ་ཞེས་ཁ་ཅིག ་ཟེར་རོ། །དེ་ལ་རང་གི་ངོ་བོ་རྟོགས་ཙམ་གྱིས། ཤེས་བྱ་བ་སྨོས་ཏེ། དེ་ཡང། དམིགས་ཀྱིས་བསལ་བའི་ཡུལ་ཡོངས་སུ་སྡངས་པ་ལས་ཡིན་པའི་ཕྱིར། །སྤྱིར་བཏང་བའི་ཡུལ་ཉིད་མཐར་ཐུག་པ་ཡིན་ཞེས་བྱ་བའི་དོན་ཏོ། །གནོད་པ་ཅན ་མེད་པ་ཙམ་བྱེ་བྲག་ཡིན་གྱི་གཞན་ནི་མ་ཡིན་ཏེ། ཤེས་པའི་ཁོངས་སུ་གཏོགས་པ་མ་ཡིན་ནམ། དེས་ན་དོན་དུ་གཉེར་བ་པོ་ཡུལ་རྟོགས་པ་ཙམ་ལས་འཇུག་པ་ཡིན་གྱི་བྱེ་བྲག་ལས་ནི་མ་ཡིན་ནོ། །ཚད་མ་མ་ཡིན་པ་ལ་ནི ་གནོད་པ་ཅན་གྱི་ཤེས་པ་གཞན་ནམ། ཕྱི་རོལ་གྱི་བྱེ་བྲག་ལ་བལྟོས་པར་བྱ་བ་ཡིན་ན། འདི་ལ་ཡང་དེ་མེད་པ་ནི་བྱེ་བྲག་ཡིན་ནོ་ཞེས་བྱ་བར་ནི་མི་རིགས་ཏེ། གསོག་ཏུ་གྱུར་པའི་ཕྱིར་རོ། །སྐྱེས་པའི་དུས་ཉིད་ནི་རྙེད་པར་བླ་ཉིད ་ཀྱིས་བལྟོས་པ་མེད་པ་ཅན་ཡིན་པའི་ཕྱིར་རོ། །སྐྱེས་པའི་དུས་ན་དེ་མེད་པ་ནི་ཚད་མ་མ་ཡིན་པ་ལ་ཡང་དེ་ཡོད་པ་ཡིན་ཏེ། ཕྲད་པའི་དུས་ན་ཡང་སྐྱེས་པའི་དུས་ཤེས་པ་མ་ཡིན་པའི་ཕྱིར་གནོད་པ་ཅན་ཡོད་པ་བཞིན་དུ་དེ་མེད ་པ་ལ་ཡང་ཐེ་ཚོམ་ཟ་བ་ཡིན་ན་རྟོག་པ་དང་ལྡན་པ་རྣམས་འཇུག་པ་མ་ཡིན་ནོ། །ཡུལ་རྟོགས་པ་ཙམ་ལས་འཇུག་པ་ཡང་མ་ཡིན་ཏེ། ཚད་མ་མ་ཡིན་པ་ལ་ཡང་ཡོད་པའི་ཕྱིར་རོ། །ཕྲད་པར་བྱ་བའི་ཡུལ་རྟོགས་པར ་བྱ་བ་ཡིན་ནོ་ཞེ་ན། མ་ཡིན་ཏེ། དེ་སྔར་གང་གི་དུས་འཛིན་པ་ལས་འབྱུང་བ་ཡིན་ཞེས་བྱ་བར་ནི་མི་རིགས་ཏེ། མངོན་སུམ་ནི་ཡོད་བཞིན་པ་ལ་དམིགས་པར་བྱེད་པའི་ཕྱིར་རོ། །དེས་ན་ཡང་དངུལ་དུ་འཛིན་པ་ནི་ཡུན་རིང་པོ་གནས ་པ་ཉིད་དུ་འཛིན་པ་འདི་ནི་ལེགས་པར་སྨྲས་པ་མ་ཡིན་ནོ། །ཕྲད་པར་བྱ་བ་དང་རང་གི་ངོ་བོ་དག་ལ་གཅིག་པ་ཉིད་དུ་ཞེན་པ་ཡོད་ཀྱང། །དེ་ནི་དེ་དག་གི་འབྲས་བུ་ཉིད་ཀྱི་རྒྱུ་མཚན་ཡིན་ཏེ། དེ་ཤེས་ན་འབྱུང་བ་ཡིན་པའི་ཕྱིར་འདི་ལྟ་བུའི་ཡུལ ་རྟོགས་པ་ལས་འཇིག་རྟེན་པ་འཇུག་པ་ཡིན་གྱི། ཁྱེད་ཀྱིས་སྨྲས་པའི་རྟོགས་པ་ཙམ?་ལས་འཇུག་པ་ནི་མ་ཡིན་ནོ། །རིག་བྱེད་ལ་ནི་དེ་མི་སྲིད་དེ། དབང་པོའི་ཡུལ་ལས་འདས་པ་ཉིད་ཀྱི་ཕྲད་པར་བྱ་བའི་འབྲས་བུ་ཉིད་མི་ཤེས་པའི་ཕྱིར ་རོ། །རྗེས་སུ་དཔག་པ་ལ་ནི་རྟགས་དེའི་འབྲས་བུ་ཉིད་ཤེས་པ་ལས་ལྟོགས་པ་ཚན?་ཞེས་བྱ་བ་ལ་སོགས་པ་བསྟན་པ་ཡིན་ནོ། །ཡང་འདིའི་དཔེ་ཉེ་བར་དགོད་པ་ནི་དཔེར་ན་རྟོགས་པ་ཙམ་ནི་ཚད་མ་མ་ཡིན་པ་དེ་བཞིན་དུ་གནོད་པ་མེད་པའི ་རྟོགས་པ་ཡང་ཁྱབ་ཆེས་པའི་ཕྱིར་སྙམ་དུ་དགོངས་པའོ། །དཔེར་ན་རྟོགས་པ་ཙམ་ནི་རབ་ཏུ་སྦྱོར་བར་བྱེད་པ་མ་ཡིན་ཞིང་མངོན་པར་འདོད་པ་མ་ཡིན་ལ། དེ་བཞིན་དུ་གནོད་པ་མེད་པ་ཉིད་ཀྱང་སྐྱེས་བུའི་དོན་མ་ཡིན་པའི་ཕྱིར། རྟོགས་པ ་དང་ལྡན་པ་རྣམས་རབ་ཏུ་སྦྱོར་བར་བྱེད་པ་མ་ཡིན་ནོ་ཞེས་བསྟན་པ་ནི་ག?་རྟོགས་པ་ཙམ་དང་འབྲེལ་པ་ནི་ཞེས་བྱ་བའོ། །དེ་ཡང་མཚུངས་པ་ཉིད་དོ་ཞེས་བྱ་བ་འདི་ཡང་རབ་ཏུ་སྦྱོར་བར་བྱེད་པ་མ་ཡིན་པ་ཉིད་ཀྱིས་ཞེས་བྱ་བ་འདི་ལ ་བལྟོས་པར་བྱ་བ་ཡིན་ནོ། །རབ་ཏུ་སྦྱོར་བར་བྱེད་པ་ཉིད་མ་ཡིན་དུ་ཟིན་ཀྱང་ཁྱབ་ཆེས་པ་ཉིད་ཇི་ལྟར་ཡིན། གནོད་པ་མེད་པ་རྟོགས་པ་ནི་ཚད་མ་ཡིན་ཏེ། དངུལ་ལ་སོགས་པའི་ཤེས་པ་ནི་གནོད་པ་ཅན་ཡིན་ལ། ཕྱིས་འདི་མ་ཡིན་ནོ་ཤེས་ཞེས ་པ་ལས་དེའི་འོག་ཏུ་ཡང་ཉེ་ཕྱིས་སུ་ཏེ་དེ་རྣམས་ལས་ཀྱང་བར་མས་དང་པོ་བསལ་ནས་ཐ་མར་ཉ་ཕྱིས་ཀྱི་ཤེས་པ་ངེས་པར་བྱེད་པ་ཡིན་ལ། ཉ་ཕྱིས་ཤེས་པས་ཀྱང་དང་པོའི་དངུལ་དུ་ཤེས་པ་བསལ་ནས། བར་མ་འདི་མ་ཡིན་ནོ་ཞེས་བྱ་བ་ངེས ་པར་བྱེད་པ་ཡིན་ཏེ། དེས་ན་ཕན་ཚུན་བསྟེན་པ་མ་ཡིན་ནོ། །དེ་ཡང། རེ་ཞིག་ཐ་མས་དང་པོ་གཉིས། །བར་མས་དེ་བཞིན་ཐོག་མཛའ་དག། ཡོངས་གཅོད་དང་པོ་བསལ་ནས་ནི། ཐ་མ་ཚད་མ་ཉིད་ཡིན་ནོ། །ཞེས་སྨོས་པའོ། །ཡང་འདི ་རྣམས་ལས། གང་ལ་གནོད་པར་བྱ་བ་ཡིན། །འཇུག་པའི་ངོ་བོ་འབྲས་བུ་ལའོ། །འབྲས་བུ་ལ་ཅི་ཞིག་བྱས་པ་ལས་གནོད་པར་བྱེད་པ་ཡིན། གལ་ཏེ་དེ་བྱས་པས་གཞན་གྱིས་དེ་ལ་ཅི་བྱར་ཡོད། ཤིང་ལ་སོགས་པ་རྒྱུན་མི་འཆད ་པར་འབར་བ་ལ་སོགས་པར་སྣང་བ་ལ། འབར་བ་ལ་སོགས་པ་དེ་ལས་གཞན་བཙལ་བྱ་བར་འགྱུར་བར་ཐུག་པ་མེད་པར་འགྱུར་རོ། །དེའི་ཕྱིར་འབྲས་བུ་ལ་གནོད་པ་བྱེད་པ་ཁོ་ན་གནོད་པ་ཡིན་ཏེ། དེ་ཡང། ཤེས་པ་སྔ་མའི་འབྲས ་བུ་ནི། །རྣམ་གཅོད་ཕྱི་མ་གནོད་བྱེད་ཡིན། །འབྲས་བུ་འཇོམས་པ་གནོད་བྱེད་པ། །ཡིན་གྱི་ཁྱད་པར་ཅན་གཞན་མིན། ཞེས་སྨོས་པའོ། །ཡང་ཡུལ་འཕྲོག་པ་ནི་མ་ཡིན་ཏེ། དེ་མི་ནུས་པའི་ཕྱིར་རོ། །དེ་སྐད་དུ་ཡང། ་འདས་པ་ཡང་ནི་ཡུལ་ལས་ཀྱང། རྣམ་གཅོད་ཉིད་མི་ནུས་མིན་ཏེ། རྐུན་པོས་ནོར་བླངས་ནས་བྱེད་པ། །དེ་ལས་དཔྲོག་པ་སུ་ཡིས་ནུས། ཞེས་སྨོས་པའོ། །ཡང་ཡུལ་དེས་པ་ནི་འཇུག་པའི་རྒྱུ་མཚན་ཡིན་ལ། རྒྱུ་མཚན་ལ་གནོད་པ ་མེད་པ་ཡིན་ན། ཇི་ལྟར་དེ་ལ་གནོད་པར་བྱེད་པ་ཡིན། འདས་པའི་ཡུལ་མེད་པ་ཡང་ཤེས་པར་བྱེད་པར་ནུས་པ་ཉིད་ཀྱི་ཕྱིར་ཡུལ་འཕྲོག་པ་ཉིད་གནོད་པ་ཡིན་གྱི་གཞན་ནི་མ་ཡིན་ནོ་ཞེས་བསྟན་པ་ནི། སད་པའི་ཤེས་པས་ཤེས ་བྱ་བའོ། །བྱེ་བྲག་མ་མཐོང་བ་ལས་ཉ་ཕྱིས་ལ་དངུལ་གྱི་ཤེས་པ་སྐྱེས་པ་ཡིན་ལ། དེ་ལ་གནོད་པར་བྱེད་པ་ནི་བྱེ་བྲག་ཏུ་འཛིན་པ་ཅན་ཡིན་ནོ། །དེ་ཡང་ཉ་ཕྱིས་ཀྱི་ཤེས་པ་དང། འོག་ཏུ་ཡང་དེའི་བྱ་བའི་རྗེས་སུ་འབྲངས་པ་ཅན་འདི ་ནི་མ་ཡིན་ནོ། །ཞེས་བྱ་བ་ནི་འཇིག་རྟེན་པའི་ཐ་སྙད་ཀྱི་ཤེས་པའི་རིམ་པ་ཡིན་པས། ཕ་རོལ་པོ་སྨྲ་བ་ནི་མ་ཡིན་ནོ་ཞེས་བསྟན་པ་ནི། གནོད་པ་ཞེས་བྱ་བ་འདི་ནི་ཅི་ཞིག་ཅེས་བྱ་བ་སྟེ། ཡུལ་འཕྲོག་པར་ནུས་པ་ཡིན་ན། དེ་ཉིད ་གནོད་པ་ཅན་ཡིན་ནོ་ཞེས་བྱ་བ་འདི་ལ། གལ་ཏེ་གཞན་གྱི་ཡུལ་མེད་པར་ཞེས་བྱ་བ་སྨོས་པ་ལ། དོན་ནི་འདི་ཡིན་ཏེ། ཉ་ཕྱིས་ཀྱི་ཤེས་པ་ནི་རང་གི་ཡུལ་གྱི་ངོ་བོ་འཛིན་པ་ལ་འཇུག་པ་ཡིན་གྱི་གཞན་དུ་བྱེད་པ་ནི་མ་ཡིན་ནོ། །དེ་ཡོངས ་སུ་གཅོད་ཅིང་དེ་ལས་གཞན་པ་རྣམ་པར་གཅོད་པ་ནི་རིགས་པ་ཡིན་ནོ་ཞེ་ན། ཤེས་པ་ཐམས་ཅད་དེ་ལྟ་བུ་ཡིན་པའི་ཕྱིར་ཐམས་ཅད་གནོད་པ་ཅན་དུ་འགྱུར་ཏེ། དེ་ལྟར་ཡང་འཆད་པར་འགྱུར་བ་ཡིན་ནོ། །དེའི་ཕྱིར། དོན་དམ་པ ་པའི་གནོད་པར་བྱ་བ་དང། གནོད་པར་བྱེད་པ་ཉིད་ནི་མེད་པ་ཡིན་ལ་དེ་མེད་པའི་ཕྱིར། གནོད་པ་མེད་པ་ཅན་ཉིད་ཀྱང་མ་ཡིན་ཞེས་བྱ་བ་འདིས་ཁྱབ་ཆེས་པ་གསལ་བར་གྱུར་པ་ཡིན་ནོ། །གལ་ཏེ་འདོད་པ་དང་ཕྲད་པ་ལ་ཉེ་བར་སྦྱོར་བ ་ཉིད་ཡིན་པའི་ཕྱིར་གནོད་པ་མེད་པ་ཉིད་ངེས་པར་ཁས་བླངས་པ་ཉིད་ཡིན་ན་ཡང། དེ་ཡང་གནས་པ་སྟེ་མི་གཡོ་བ་ཡིན་ནོ་ཞེས་བསྟན་པ་ནི། འདི་ནི་དོན་བྱེད་པ་རྣམ་པར་གནས་པ་མ་ཡིན་ཏེ་ཞེས་བྱ་བའོ། །གནོད་པ་མེད་པ་ཙམ ་ཉིད་ནི་ཐུག་པ་མེད་པའི་ཕྱིར་མི་སྲིད་པ་ཉིད་ཡིན་པར་བསྟན་པ་ནི། གནོད་པ་མེད་པ་ཉིད་ཅེས་བྱ་བའོ། །འོན་ཏེ་གནོད་པ་མེད་པ་ཡིན་ན། དོན་ལ་དེས་པ་བསྐྱེད་པའི་ཚད་མ་ཉིད་ལ་འཇུག་པའི་ཡན་ལག་མ་ཡིན་ནམ། དེ་ལ་ཡང་གང་གི་ཚེ་དམིགས ་ཀྱིས་བསལ་བར་དོགས་པ་དེའི་ཚེ་སྔ་མ་ལས་བཟློག་པའི་དོན་འཛིན་པ་ཅན་གྱི་ཤེས་པ་གཞན་ནི་ཚད་མ་ཡིན་ལ། དེ་ལ་ཡང་དོགས་པ་ཡོད་ན་ཤེས་པ་བར་མས་བཟུང་བའི་དོན་ལས་བཟློག་པ་འཛིན་པ་ཅན་གྱི་ཤེས་པ་གསུམ་པ་དེ་ཉིད་ལས་སྔ་མ ་ཚད་མ་ཉིད་དུ་ངེས་པས་འདི་ཙམ་གྱིས་ཐ་སྙད་རྫོགས་པའི་ཕྱིར་ཤེས་པ་གཞན་བཙལ་བར་བྱ་བ་མ་ཡིན་ནོ། །དེ་ཡང། དེ་ལྟར་རྟོག་བྱེད་ཤེས་པ་ནི། གསུམ་ཅར་བསལ་བ་མ་ཡིན་ཏེ། །དེ་ཕྱིར་གནོད་པ་སྐྱེ་མིན་པའང། །གནོད་པ་ཅན་དཱུང ་དོགས་བྱ་མིན། ཞེས་སྨོས་པའོ། །གནོད་པ་ཅན་ལ་ཡང་གནོད་པ་ཅན་དུ་སྣང་བའི་ཕྱིར་གནོད་པ་ཅན་དཱུང་དོགས་བྱ་མིན་ཞེས་ཅིའི་ཕྱིར་སྨྲས་ཤེ་ན། རང་ཉིད་གང་ལ་ཐེ་ཚོམ་སྐྱེས་པ་དེ་ལ་ནི་ཤེས་པ་གཞན་ལ་བལྟོས་པ་ཡིན་གྱི། གང་ལ ་མ་སྐྱེས་པ་དེ་ལ་ནི་ནན་གྱིས་བསྐྱེད་པར་བྱ་བ་མ་ཡིན་ནོ། །གཞན་དག་ལ་སྐྱེས་པ་དེ་ལ་ནི་ནན་གྱིས་བསྐྱེད་པར་བྱ་བ་མ་ཡིན་ནོ། །གཞན་དག་ན་རེ་ནན་གྱིས་ཀྱང་བསྐྱེད་པར་བྱ་བ་ཡིན་ཏེ། དེ་ཡང་ཤེས་པ་གསུམ་བཞི་སྐྱེས་བཞིན་པ ་ཙམ་ལས་ལྡོག་པར་གཞན་དུ་མཐོང་བ་ཡིན་ལ། དེ་བཞིན་དུ་འདིར་ཡང་འགྱུར་བ་ཡིན་ཏེ། དེ་ཁོ་ན་བཞིན་དུ་མཐོང་བའི་ཕྱིར་རོ། །མ་སྐྱེས་པ་ལའང་གནོད་པ་ཅན། །ཚོལ་བའི་རྨོངས་པ་གང་ཡིན་པ། །དེ་ནི་ཐ་སྙད་ཐམས་ཅད་ལ། ། ་ཡིད་གཉིས་ངོ་བོ་ཟད་དེ་འགྲོ། །ཞེས་བྱ་བ་དང། ཀུན་ཏིའི་བུ་རྣམས་ཐེ་ཚོམ་དང། །བཅས་ལ་འཇིག་རྟེན་འདི་དང་གཞན། །མེད་ཅེས་ཐེ་ཚོམ་བདག་ཉིད་ཅན། ཁྱབ་འཇུག་གིས་ནི་སྨད་པ་ཡིན་ཞེས་སྨོས་པའོ། །རང་གི་ངོ་བོ་རང་གིས ་རིག་པས་ཕྲད་པར་བྱ་བ་དང་འབྲེལ་བ་པ་ཅན་རང་གིས་རིག་པ་པས་ཚད་མ་ཉིད་དུ་འགྱུར་བ་ནི་མ་ཡིན་ཏེ། ཤེས་པ་ལ་སྣང་བཞིན་པ་ཐམས་ཅད་ཕྱི་རོལ་ཉིད་དུ་ཤེས་པའི་ཕྱིར་རང་གི་ངོ་བོ་མ་ཡིན་ལ་མ་ཡིན་པ་ཉིད་དུ་ངེས ་པ་ཡིན་ནོ། །ཕྱི་རོལ་ལ་ཡང་ཁ་ཅིག་ལ་དོན་མེད་པའི་ཕྱིར། །དེས་དབེན་པའི་དོན་གྱིས་དམིགས་ཀྱིས་བསལ་བར་དོགས་པ་དང་བྲལ་བ་ཡིན་ན་རང་ཉིད་ལས་ཡིན་ནོ། །ཕྱི་རོལ་ཉིད་དུ་སྣང་བཞིན་པ་རང་གི་ངོ་བོ་མ་ཡིན་ཏེ། ཐལ་ཆེས་པའི ་ཕྱིར་རོ། །དམིགས་ཀྱི་བསལ་བར་དོགས་པ་དང་བྲལ་བ་ཡིན་ན། ཤེས་པར་བྱ་བ་དོན་མ་ཡིན་པ་མ་ཡིན་ཏེ། རང་གི་ངོ་བོ་ལ་ཡང་དེ་བཞིན་དུ་ཐལ་བར་འགྱུར་བའི་ཕྱིར་རོ། །དེ་བཞིན་དུ་ཤེས་པར་བྱ་བ་ཡང་སྐད་ཅིག་མ་ཡིན་ཏེ། སྔ་མ ་དང་ཕྱི་མའི་དུས་འགལ་བ་མེད་པ་ཅན་ཉིད་དུ་སྣང་བའི་ཕྱིར་རོ། །དེ་གནོད་པ་ཅན་དུ་དོགས་པ་ལྡོག་པ་ལ་མི་སླུ་བ་རྒྱུ་མཚན་མ་ཡིན་ཏེ། གཞན་ཉིད་འཇིག་རྟེན་པ་ལ་ཡོད་པའི་ཕྱིར་རོ། །དེ་ཡང། གནོད་པ་ཅན་དོན་གཉེར་པ་ལ། །གང ་ཞིག་གང་ལ་ལྟོས་པ་ཡིན། །ཡུལ་དུས་མ་ཡི་གནོད་སྐབས་ཀྱི། །དབྱེ་རྣམས་ཐ་སྙད་ཉིད་ལ་ངེས། ཞེས་སྨོས་པའོ། །ཐག་རིང་པོ་ན་གནས་པ་ཉིད་ཀྱི་ཕྱིར། གང་ལ་ཇི་ལྟ་བ་བཞིན་མཐོང་བ་མ་ཡིན་པར་དོགས་པ་དེ་ལ་ཐེ ་ཚོམ་ལོག་པའི་མཚམས་སྲིད་དུ། ཐག་ཉེ་བར་ཕྱིན་པ་ཉིད་ཡིན་གྱི་དུས་གཞན་ལ་སོགས་པ་ལ་གདོད་པ་ནི་མ་ཡིན་ཏེ། སྨིག་རྒྱུ་ལ་སོགས་པའི་ཤེས་པ་ལྟ་བུའོ། །དེ་བཞིན་དུ་དམག་གི་དུས་སུ་བ་ལང་དམ་རྟ་ལ་སོགས ་པར་ཐེ་ཚོམ་ཟ་བའམ། འཁྲུལ་པ་གང་ཡིན་པ་དེ་ལ་ངེས་པར་གསལ་བར་འགྱུར་བ་ནི་མཚམས་ཡིན་ནོ། །མཚན་མོ་སྲིན་པོ་མེ་ཁྱེར་ཡང། །མེ་དང་འདྲ་བར་ཀུན་གྱིས་མཐོང། །ཉིན་མོ་གསལ་བར་མཐོང་ཉིད་ཀྱིས། །འཁྲུལ ་པ་ཡིན་པར་གོ་བ་ཡིན། །དེ་བཞིན་དུ། ཟླ་བ་གཉིས་དང་ཕྱོགས་རྨོངས་དང། རིག་བྱེད་ཡི་གེ་དབྱངས་སོགས་རྣམས། །སྐྱེས་བུ་གཞན་ལ་ལོགས་དྲིས་ལས། །གཞན་པ་ཉིད་དུ་ངེས་འཛིན་འགྱུར། །འདོད་ཆགས་ཞེ་སྡང་མྱོས་དང་སྨྱོ། །བཀྲེས་སྐོམ? ་སོགས་ཀྱིས་དབང་ཉམས་པས། །ཤེས་བྱ་དོན་ལ་ལོག་རྟོག་པའི། །ཕྱིན་ཅི་ལོག་རྣམས་མེད་ལས་སོ། །དེ་བཞིན་ཕྲ་བ་སྐོར་བ་ལས། །འདྲང?་སོགས་རྣམས་ལ་འཁྲུལ་ཉིད། །རྒྱུ་ཡིས་ཕྱིན་ཅི་ལོག་གྱུར་ལས། །གཞན་པ་ཉིད་དུ་ངེས ་འཛིན་འགྱུར། །དེ་ལྟར་རྒྱུ་ཡི་སྐྱོན་རྣམས་སུ། །གང་ཞིག་གང་ལ་རྟོགས་འགྱུར་བ། །དེ་ཉིད་ཡོད་དང་མེད་པ་ལས། །དེ་ལ་བདེན་དང་རྫུན་བློ་དག་།ཅེས་བྱ་བར་དོགས་པ་ལ། དང་པོ་གནོད་པ་མེད་པ་ནི་ཞེས་བྱ་བ་སྨོས་ཏེ། དེ་ཉམས་སུ་མྱོང ་བའི་རང་གི་ངོ་བོ་རིག་པ་ཡིན་གྱི་གཞན་ཡང་རིག་པར་བྱ་བ་ནི་མ་ཡིན་ཏེ། །རིག་པ་མེད་པ་འམ་གཞན་རིག་པར་བྱ་བ་ཉམས་སུ་མྱོང་བ་ཡིན་ན་དོན་རིག་པ་མ་ཡིན་པར་ཐལ་བར་འགྱུར་རོ། །ཉམས་སུ་མྱོང་བ་རིག་པ་ནི་དོན་རྟོགས ་པ་ཡིན་ནོ། །ཉམས་སུ་མྱོང་བའི་དོན་རིག་པར་ཇི་སྐད་བསྟན་པ་སྟེ། དོན་གྱི་ཤེས་པ་ནི་བློ་སྒྲུབ་པར་བྱེད་པ་ཁས་ལེན་པ་ཡིན་གྱི་བློ་ནི་མ་ཡིན་ནོ། །ཞེས་བྱ་བ་ལ་སོགས་པའོ། །དབང་པོའི་བྱ་བ་དང་དེ་ཉེ་བར་ཞི་བདག་གི་བར ་གྱི་གནས་སྐབས་གང་ཡིན་པ་ནི་ཉམས་སུ་མྱོང་བ་ཡིན་ནོ། །དེ་ལ་ཐ་དད་པ་མ་ཡིན་པ་ཉམས་སུ་མྱོང་བའི་རང་གི་ངོ་བོ་ལ་ནི་དབྱེ་བ་མེད་པའི་ཕྱིར་ཐེ་ཚོམ་ཟ་བ་མ་ཡིན་ལ། ཐ་དད་པ་ཡིན་ན་ནི་འགྱུར་རོ། །བྱུང་བར་གྱུར་པ་ཡང་ཚད ་མ་གཞན་གྱིས་ལྡོག་པར་བྱེད་པ་ཡིན་ན་མི་རིགས་ཏེ། བྱེ་བྲག་མེད་པའི་ཕྱིར་རོ། །དེ་ཉིད་ཀྱི་དེ་ནི་རང་གི་ངོ་བོ་བཞིན་དུ་གསལ་བར་ནུས་པ་མ་ཡིན་ཏེ། རང་གི་ངོ་བོ་མ་ཡིན་པའི་ཕྱིར་རོ། །དེའི་ཕྱིར་འགྲོ་བ་ཐམས་ཅད་ཀྱི་ས་ལོང་བ་ཐོབ ་པ་ཡིན་ནོ། །རང་གི་ངོ་བོ་དང་ཕྲད་པར་བྱ་བ་དག་གི་རང་ཉིད་ལས་ངེས་པ་ཡིན་ནོ། །མངོན་སུམ་དང་མི་དམིགས་པ་སྒྲུབ་པར་བྱེད་པ་ལ་འཁྲུལ་པ་མེད་པ་ཡིན་ནོ། །རང་གི་ངོ་བོ་ཉིད་ནི་ཕྲད་པར་བྱ་བ་དང་འབྲེལ་པ་ཅན ་ཉིད་ཀྱི་ཡུལ་དང་དུས་དང་མིང་དང་གནས་སྐབས་ཀྱི་དབྱེ་བས་ཇི་ནས་ཀྱང་ཐ་དད་པར་བྱེད་པ་ཡིན་གྱི། ཕྱི་རོལ་གྱི་དོན་མེད་པར་རིག་པ་མ་ཡིན་ཏེ། དེ་ནི་ཕྲད་པར་བྱ་བ་དང་མཚན་ཉིད་མི་འདྲ་བར་ཤིན་ཏུ་མ་མཐོང་བའི་ཕྱིར་རོ། །ཕྲད་པར ་བྱ་བ་ཡང་རང་ཉིད་རིག་པར་བྱ་བའི་ཕྱིར་རོ། །དེའི་ཕྱིར་ཕྱིའི་དོན་དུ་སྨྲ་བ་ལ་ནམ་ཡང་ཐེ་ཚོམ་ལྡོག་པ་ཡོད་པ་མ་ཡིན་ཏེ། ངེས་པ་མེད་པའི་ཕྱིར་རོ། །མེད་ཅེས་ཐེ་ཚོམ་བདག་ཉིད་ཅན། ཁྱབ་འཇུག་གིས་ནི་སྨད་པ་ཡིན། ཞེས་བྱ་བ ་ལ་སོགས་པ་ཡང་དད་པ་ཙམ་གྱི་རྩ་བ་ཅན་ཡིན་གྱི་འདིར་ཡང་དང་ཡང་བཟླས་པར་འོས་པ་ནི་མ་ཡིན་ཏེ། གནས་སྐབས་མ་ཡིན་པའི་ཕྱིར་རོ། །འདི་ལྟར་ཡང་ཤེས་པ་གསུམ་པ་ལ་གནོད་པ་ཅན་དུ་དོགས་པ་ཡིན་གྱི་།རེ་ཞིག ་རང་ཉིད་མ་སྐྱེས་པའི་འབྲས་བུ་ལ་ནི་མ་ཡིན་ཏེ། དང་པོ་མ་སྐྱེས་པ་ནི་དང་པོ་ཤེས་པ་ལ་ཡང་ཡོད་པའི་ཕྱིར་རོ། །འདིར་ནི་ཕྱིས་སྐྱེས་པ་ཡིན་ནོ། །དེ་ལ་ཡང་ཕྱིས་སྐྱེས་པར་མི་འགྱུར་བ་ཇི་ལྟར་ཡིན། །འོ་ན་ནི་བྱེ་བྲག་མཐོང་བ། ་ལས་ཡིན་ནོ། །མ་ཡིན་ཏེ། བྱེ་བྲག་མེད་པའི་ཕྱིར་རོ། །དེ་དག་ཙམ་གྱི་ཐེ་ཚོམ་དང་བྲལ་བ་ཉིད་ནི་དང་པོ་བསྒྲུབ་པར་བྱ་བ་ཡིན་པའི་ཕྱིར་དང། དོན་ལ་མི་སླུ་བར་ཡང་ཁས་མི་ལེན་པའི་ཕྱིར་རོ། །ཐེ་ཚོམ་མ་སྐྱེས་པ་ཞེས་བྱ་བ་འདི་ཡང ་རྟོག་པ་དང་ལྡན་པའི་ཡུལ་ལ་མི་སྲིད་པའི་ཕྱིར་དང། བྱེ་བྲག་མ་མཐོང་ན་དགག་པར་བྱ་བ་མ་ཡིན་པའི་ཕྱིར་ཐེ་ཚོམ་སྐྱེས་པ་ཡིན་ནོ་ཞེས་བྱ་བའི་དོན་ཏེ། །རང་གི་ངོ་བོ་ཡང་གཞན་ལ་མི་བལྟོས་པར་ཉམས་སུ་མྱོང་བ་ལ་ཅི་ཐེ ་ཚོམ་མེད་པ་ཡིན། དེ་ཉིད་ཀྱི་ངོ་བོ་ཡིན་པའི་ཕྱིར་རོ། །ཕྱི་རོལ་ལ་ཡང་གཞན་ལ་བལྟོས་པས་ཉམས་སུ་མྱོང་བ་ཡང་དེ་ཉིད་ཀྱི་ངོ་བོ་ཡིན་ཏེ། ཕྱི་རོལ་གྱི་ཤེས་པས་གོ་བར་བྱ་བ་ཉིད་ལས་གཞན་པའི་ངོ་བོ་ཡོད་པ་མ་ཡིན་ནོ། །ཡིན་དུ་ཆུག་ཀྱང་དེ ་དག་ཙམ་གྱིས་ཕྱི་རོལ་ཉིད་ཡིན་གྱི། དེ་དག་ཙམ་ནི་ཚད་མ་ཡིན་པ་ལ་ཡང་ཡོད་པའི་ཕྱིར་རོ། །ཕྱི་རོལ་གྱི་དོན་འདིས་ནི་རྩ་བ་བརྗོད་པ་ཡིན་ཏེ། ཕྱི་རོལ་གྱི་དོན་དུ་སྨྲ་བ་ལ་ཚད་མ་དང་ཚད་མ་མ་ཡིན་པའི་རྣམ་པར་དབྱེ་བ་མི་སྲིད་པ་ཡིན་ནོ་ཞེས ་བྱ་བ་ནི་བརྩོད་པའི་གཞི་ཡིན་ནོ། །རང་གི་ངོ་བོ་དང་ཕྲད་པར་བྱ་བ་དག་གི་རང་ཉིད་རིག་པའི་ངེས་པ་དག་གི་འཁྲུལ་པ་མེད་པའི་ཤེས་པ་ནི་རྗེས་སུ་འགྲོ་བ་དང་ལྡོག་པ་ལས་རྙེད་པར་བླ་བ་ཡིན་པར་ཡང་བསྟན་ཟིན་ཏོ། །དུང་ལ་སེར་པོ ་ལ་སོགས་པའི་ཤེས་པ་ནི་ཇི་ལྟར་སྣང་བ་ལ་མི་བསླུ་བ་མ་ཡིན་པའི་ཕྱིར་རང་ཉིད་ཐམས་ཅད་ཀྱིས་ཚད་མ་ཉིད་མ་ཡིན་པ་ཁོ་ནའོ་ཞེས་བྱ་བ་དེ་ཉིད་བསྟན་པ་ནི་དུང་ལ་སེར་པོ་ཞེས་བྱ་བ་ལ་སོགས་པ་སྟེ། གང་ཡང་ཐ་སྙད་ལ་འཇུག་པ་པ་གང་ཞིག ་སེར་པོ་ལ་སོགས་པའི་ཤེས་པ་ལས། ལན་ཅིག་མིན་པར་མཐོང་བ་འཁྲུལ་པ་ཅན་འདི་སྙམ་དུ་སྤྱོད་དེ། གང་དུ་འདི་ལྟ་བུར་སྣང་བ་དེར་དབྱིབས་ཀྱིས་བསྒྲུབ་པར་བྱ་བའི་བྱེད་པ་དང་ཕྲད་པར་བྱེད་པ་ཡིན་ཏེ། དེ་ཁོ་ན་བཞིན་དུ་སྔར་མཐོང་བའི་ཕྱིར ་རོ། །དེ་བཞིན་དུ་རབ་ཏུ་བསྒྲུབས་པ་ཡང་རྗེས་སུ་དཔག་པར་བྱ་བ་ཉིད་ལས་འདས་པ་མ་ཡིན་ཏེ། དེ་ཡང་རྗེས་སུ་དཔག་པར་བྱ་བ་ཉིད་ཡིན་པས་རྟོགས་པ་པོ་ལ་བལྟོས་ནས་ཚད་མ་དང་ཅིག་ཤོས་ཉིད་དུ་རྣམ་པར་བཞག་པ་ཁོ་ན་ཡིན ་ནོ། །དེ་ནས་ཁས་བླང་བ་འདི་ནི་ཐ་ན་སློབ་མའི་རྣམ་པར་རྟོག་པ་ཙམ་ཡོད་པ་ཙམ་ལ་མི་བསླུ་བ་ཡང་རྟོག་པ་མེད་པ་འཛིན་པ་ཡིན་པའི་ཕྱིར་རོ། །རྣམ་པར་རྟོག་པ་འགའ་ཡང་བདག་ཉིད་ཐམས་ཅད་ཀྱིས་ནི་ཚད་མ་མ་ཡིན་པར་ཁས་བླངས ་པ་ཡིན་ལ། དེ་བཞིན་དུ་མ་འཁྲུལ་བ་འཛིན་པ་ལས་རྟོགས་པ་པོ་ལ་བལྟོས་ནས་སེར་པོ་ལ་སོགས་པའི་ཤེས་པ་ཡང་ཚད་མ་ལ་སོགས་པའི་ཤེས་པ་ཉིད་དུ་རྣམ་པར་བཞག་པ་ཡིན་ནོ། །ཇི་སྟེ་གང་ཞིག་དངོས་པོ་ཉིད་ལ་དབྱེ ་བ་གཉིས་མེད་པ་དེ་ནི་ཚད་མ་ཡིན་ན། དེ་ལྟར་ན་རྗེས་སུ་དཔག་པ་ཇི་ལྟར་ཡིན། རྗེས་སུ་དཔག་པ་ནི་འཁྲུལ་པ་ཡིན་ན་ཡང་འབྲེལ་རྤ་ཡོད་པ་ལས་ཚད་མ་ཡིན་ནོ། །མངོན་སུམ་ཡང་སྔོན་པོའི་ཡུལ་ཅན་ནི་སེར་པོ་ལ་སོགས་པ་ལ་ཚད་མ་མ་ཡིན ་ནོ། །དེ་ཡང། གཞན་སྒྲུབ་པ་གཞན་ཉིད་ལ། །སྒྲུབ་བྱེད་ལྟར་སྣང་ཡིན་པར་བཤད། ཅེས་འབྱུང་བའོ། །དེས་ན་ཡང་ཚད་མ་དང་ཅིག་ཤོས་ཀྱི་ཐ་སྙད་ཚད་པར་འགྱུར་རོ། །དེས་ན་གང་ཞིག་འདོད་པའི་ཆ་ལ་འཁྲུལ་པ་ཅན་མ་ཡིན་པ་དེ་ནི་མ ་འཁྲུལ་པ་ཡིན་ལ། གང་ཞིག་དེ་ལ་འཁྲུལ་པ་ཡོད་ན་དེ་འཁྲུལ་པ་ཅན་ཡིན་པ་ནི་རྣམ་པར་དབྱེ་བ་ཡིན་ནོ། །དེས་ན་མངོན་སུམ་ཡང། དུང་ལ་སེར་པོ་ལ་སོགས་པའི་ཤེས་པ་ཆ་ཤས་ཀྱིས་ཡིན་ནོ། །ཞེས་གཞན་དུ་བསྟན་པ་ཡིན་ནོ།། ་འདིར་ཡང་རྗེས་སུ་དཔག་པ་ཡིན་པའི་ཕྱིར་རྩོད་པ་མེད་དོ། །ཚད་མ་ནི་དངོས་པོ་ཡུལ་ལ་མ་ཡིན་ནམ། དབྱིབས་ཉིད་ནི་དངོས་པོ་མ་ཡིན་ཏེ་དུ་མ་རྣམས་ལ་གཅིག་ཏུ་སྣང་བའི་ཤེས་པ་ནི་ཤེས་པའི་བྱ་བའི་རྗེས་སུ་འཇུག་པ་སྟེ་དབྱིབས ་ཡིན་ལ། ཁ་དོག་ལ་འཁྲུལ་པ་ཡིན་ན་དེ་ཡང་འཁྲུལ་པ་ཅན་ཡིན་ནོ། །ཇི་སྐད་དུ། དབྱིབས་ནི་སོ་སོར་སྣང་བའི་ཆོས་སོ་ཞེས་སྨོས་སོ། །བདེན་མོད་ཀྱི་དབྱིབས་ནི་ཁ་དོག་ལས་ཐ་དད་པ་མ་ཡིན་ནོ། །ཁ་དོག་གི་བྱེ་བྲག་ཉིད ་ཡིན་ནོ། །ཁ་དོག་ཅེས་བྱ་བ་ཙམ་ནི་ཤེས་པའི་རྗེས་སུ་འགྲོ་བ་ཅན་མ་ཡིན། བུམ་པ་ལ་སོགས་པའི་བྱེ་བྲག་རྣམས་སྣང་པའི་ཕྱིར་རོ། །དེ་ལྟར་ཡང་རྩོད་པའི་རིགས་པར་ཡང། སོར་མོ་རྣམས་བརྐྱང་པ་ལས་ཁུ་ཚུར་གཞན་མ ་ཡིན་ནོ་ཞེས་བྱ་བ་ལ་སོགས་པས་རྒྱས་པར་བསྟན་པ་ཡིན་ནོ། །དེ་ནི་འདུས་པ་ཡིན་ནོ་ཞེ་ན། དེ་ཉིད་དབྱིབས་ཡིན་པར་ཁོ་བོ་ཅག་གིས་གོ་བ་ཡིན་ནོ། །དུང་སེར་པོའི་དབྱིབས་ལས་དཀར་པོའི་དབྱིབས་གཞན་ཡིན་པས་དེས་ན་མི་བསླུ་བ་མ་ཡིན ་ནོ། །སྔོན་པོའི་སྐད་ཅིག་འཛིན་པ་ཅན་གྱི་ཤེས་པའི་སྐད་ཅིག་གཞན་དང་ཕྲད་པ་ལ་མི་བསླུ་བར་མེད་པར་འགྱུར་རོ། །སྔོན་པོ་མ་ཡིན་པ་ལས་ལོག་པའི་ཕྱིར་གཅིག་ཉིད་ཡིན་ནོ་ཞེ་ན། འདི་ལ་ཡང་དུང་གི་དབྱིབས་མ་ཡིན་པ་ལས་ལོག་པའི་ཅིག ་ཉིད་ཡིན་པའི་ཕྱིར་མཚུངས་སོ། །སེར་པོ་མེད་པ་ཉིད་ཅེས་བྱ་བ་ཡང་མི་རིགས་ཏེ། དམིགས་པ་ནི་ཡོད་པ་ཡིན་ནོ་ཞེས་བསྟན་པ་དང་འགལ་བའི་ཕྱིར། ཁ་དོག་ལས་ལྡོག་པ་ཅན་ནི་དབྱིབས་ཀྱང་མ་ཡིན་ལ་འདུས་པ་ཡང་མ་ཡིན་ནོ། །ལྗང་གུ ་ལ་སོགས་པའི་ཁ་དོག་ཙམ་གྱིས་དངོས་པོ་ཡིན་ནོ། །དེ་ལྟར་ན་སྔོན་པོ་ནི་སྔོན་པོ་གཞན་ལས་ཐ་དད་པས་ཡིན་པར་འགྱུར་ལ། སེར་པོ་ཡང་སེར་པོ་ལས་གཞན་ལས་སོ། །ཤེས་པ་གཅིག་གི་ཡུལ་མང་པོ་རྣམས་ལ་ཤེས་པའི་བྱ་བ་གཅིག ་ཡིན་པའི་ཕྱིར། དེའི་རྗེས་སུ་འཇུག་པ་ཙམ་ནི་དབྱིབས་ཡིན་ལ། རྗེས་སུ་འཇུག་པ་ལ་བྱེ་བྲག་མེད་པའི་ཕྱིར་དབྱིབས་ལ་བྱེ་བྲག་མེད་པས་འགྲོ་བ་རྣམས་ཀྱི་སྣ་ཚོགས་པར་སྣང་བའི་ཡུལ་མེད་པར་གྱུར་པའི་ཕྱིར་ཁ་དོག་གི་བདག་ཉིད་འདུས ་པའི་སེར་པོ?་ནི་དབྱིབས་ཡིན་ལ། དེ་ཡང་ཁ་དོག་གི་བྱེ་བྲག་འདུས་བཞིན་པ་ཡིན་ནོ་ཞེས། དེ་དག་ཐམས་ཅད་བསྟན་པ་ནི་གང་གིས་ནམ་ཡང་ཞེས་བྱ་བའོ། །འཇུག་པ་དང་མི་འཇུག་པའི་ཐ་སྙད་ཀྱི་དབྱེ་བ་ལས། ཚད་མ་དང་ཅིག་ཤོས་པ་ཐ་དད ་པ་ཡིན་པ་དེ་ལྟར་ཅི་ལས་ཤེས་པར་བྱ་སྙམ་པ་ལ། །ཇི་སྟེ་འདི་ནི་ཞེས་བྱ་བ་སྟེ་རྣ་བའི་རྣམ་པར་ཤེས་པ་ནི་ཤེས་པ་བཞིན་ནམ་སེར་པོའི་ཤེས་པ་བཞིན་དུ་ཕྲད་པར་བྱ་བ་དང་ཐ་དད་པ་མེད་ཀྱང་མངོན་པར་འདོད་པ་ལ་འཇུག་པའི་མཚམས་སུ ་ངེས་པས་ཉམས་སུ་མྱོང་བ་དེའི་ཚེ་ཡོད་པ་ཡིན་པའི་ཕྱིར་མ་ཁྱབ་པ་མ་ཡིན་པར་བསྟན་པ་ནི་སྒྲའི་ཡུལ་ཅན་གྱི་ཞེས་བྱ་སྟེ། དེ་ལྟ་ཉིད་ནི་འཇིག་རྟེན་པའི་ཐ་སྙད་ལ་དཔྱོད་པ་དང་མཐུན་པ་ཡིན་པར་བསྟན་པ་ནི། གླུར་བླངས་ཞེས་བྱ་བ ་སྟེ་དྲུག་ལྡན་ལ་སོགས་པ་གླུ་ཐོས་པ་དང། རི་མོ་ལ་སོགས་པ་མཐོང་བ་ཅན་གྱིས་མཉན་པ་དང་ལྟ་བར་མངོན་པར་འདོད་པ་ཡིན་གྱི། གཞན་ནི་མ་ཡིན་ནོ་ཞེས་བྱ་བའི་དོན་ཏོ། །རྣམ་པར་གནས་པར་སྨྲ་བ་པོ་གནས་པའི་སྒྲ་སྨོས་པས་ཐུག ་པ་མེད་པ་བསལ་བ་བཞིན་དུ་མ་ཁྱབ་པ་བསལ་བ་ཡིན་ཏེ། དངོས་སུ་ན་ཁྱབ་པ་ཅན་ཡིན་པར་བསྟན་པ་ནི། འདི་རང་གི་ངོ་བོ་རིག་པ་ལས་གཞན་པ་ཞེས་བྱ་བའོ། །སྔོན་པོ་ལ་སོགས་པས་བསྒོས་པ་ལ་སོགས་པས་བྱ་བའི་མཐར་ཐུག་པ་ནི། ་བདེན་པ་བཞིན་དུ་རང་རིག་པའི་མཐར་ཐུག་པ་མ་ཡིན་ནམ། མ་ཡིན་ཏེ། རང་གི་ངོ་བོ་ནི་རང་རིག་པའི་མཐར་ཐུག་པས་དམིགས་པ་ཡིན་གྱི། གཞན་དུ་ནི་མ་ཡིན་ནོ། །རིམ་གྱིས་གཞན་གྱི་མཐར་ཐུག་པ་ཡིན་ཡང་ཞེས་བྱ་བ་འདི་ལ་མངོན ་སུམ་ནི་མ་ཡིན་ནོ་ཞེས་བསྟན་པ་ནི། གཟུགས་ལ་སོགས་པ་ལ་ཡ?་ཞེས་བྱ་བ་སྟེ། གཞན་ལ་ངེས་པ་མེད་ན་རང་གི་ངོ་བོ་རིག་པ་ཙམ་གྱིས་ནི་མགུ་བ་མ་ཡིན་པའི་ཕྱིར་ཐ་སྙད་འགའ་ཡང་མེད་པར་འགྱུར་རོ། །ཐ་སྙད་མ་ཉམས་པར་མཐོང ་བ་ཉིད་ཀྱི་ཕྱིར་དོན་དམ་པ་པའི་ཐ་སྙད་ལ་གཞན་དུ་མི་འཐད་པས་དོན་དམ་པ་བའི་བྱ་བའི་མཐར་ཐུག་པ་ཉིད་འཛིན་པ་ཡིན་ནོ། །དེའི་རང་གི་ངོ་བོ་རང་རིག་པ་ལས་ཤེས་བྱ་བས་གཞན་ཤེས་བཞིན་དུ་གཞན་ལ་འཇུག་པ་ཡིན་ན་ནི་ཐལ་ཚེས་པར ་འགྱུར་རོ་སྙམ་དུ་དོགས་པ་ལ་ལན་དུ། དེ་ཕྱིར་ཞེས་བྱ་བ་སྟེ། མངོན་སུམ་གྱི་བྱ་བ་ནི་རང་གི་ངོ་བོ་རིག་པ་ཁོ་ན་ཡིན་ལ་གཞན་དུ་ངེས་པའི་རྟོགས་པ་ནི་དེ་ཉིད་ལ་གནོད་པ་ཅན་ཡིན་ནོ། །ཐ་སྙད་ནི་སོ་སོར་སྣང་བ་མ་ཡིན་པ་ལ་ཡང ་འབྱུང་བར་འགྱུར་བའི་གཟུགས་ལ་སོགས་པ་དང། རེག་པ་ལ་སོགས་པའི་ཡུལ་གཞན་ལ་ཡང་རྟོགས་པའི་ངོ་བོའི་རྒྱུད་ཉིད་ཡིན་པའི་ཕྱིར་དང། ཚོགས་པ་གཅིག་ལ་རག་ལས་པ་ལས། གཅིག་པ་ཉིད་དུ་ཞེན་པ་ནི་ཤེས་པ་ཁོ་ན་དེའི་ཤེས་པ་ཡིན་ཏེ། ་རྗེས་སུ་དཔག་པ་དང་མཐུན་པའི་ཐ་སྙད་འབྱུང་བའི་ཕྱིར། དོན་གྱི་ཤུགས་ཀྱིས་ཟད་པ་ཡིན་ཞིང། །ཐལ་ཆེས་པ་ཡང་མ་ཡིན་ནོ་སྙམ་དུ་དགོངས་པའོ། །སྔར་ཤེས་པ་ཉིད་ཕྱིས་ཤེས་པར་འགྱུར་བ་ཉིད་མ་ཡིན་ནམ། དུས་ཀྱི་དབྱེ་བས་ངོ་བོའི་དབྱེ ་བར་སྣང་བ་མ་ཡིན་པའི་ཕྱིར་རོ། །དེ་བཞིན་དུ་མཐོང་བ་ཉིད་རེག་པར་བྱེད་པ་ཡིན་ཏེ། མཐོང་བ་དང་རེག་པ་དག་དོན་གཅིག་ལ་འཛིན་པའི་ཕྱིར་རོ་ཞེ་ན། དེ་ལྟ་ནི་མ་ཡིན་ནོ། །འདས་པ་ཡིན་ནོ་ཞེ་ན། རྟོགས་པར་འགྱུར་བཞིན་པ་ལ་འཇུག་པ་ནི ་མ་ཡིན་ཏེ། སོ་སོར་སྣང་བ་ཐ་དད་པའི་ཕྱིར་རོ། །ཇི་ལྟ་བུར་མཐོང་བ་ལ་དེ་ལྟ་བུར་རེག་པར་སྣང་བ་ནི་མ་ཡིན་ནོ་ཞེས་བསྟན་པ་ནི། འབྱུང་འགྱུར་དོན་ཞེས་བྱ་བའོ། །དེ་ལྟ་ན་རེག་པའི་ཡུལ་ལ་ལྷག་པར་སྒྲོ་བཏགས་པ་ཡིན་གྱི་གཟུགས་ལ་ནི་ཇི ་ལྟར་མཐོང་བ་ཕྲད་པར་བྱ་བ་ཡིན་པའི་ཕྱིར། །དོན་དམ་པ་པ་ཉིད་ཀྱི་ཚད་མ་ཁོ་ན་ཡིན་ནོ། །མ་ཡིན་ཏེ་མཐོང་བ་ཐ་དད་པས་སྣང་བ་ཐ་དད་པ་ལས་ཉམས་སུ་མྱོང་བ་ཐ་དད་པ་ཡང་དངོས་པོ་རྣམས་ཀྱི་དབྱེ་བ་ཡིན་པར་བསྟན་པ་ནི། ཇི ་ལྟར་ཡང་ཞེས་བྱ་བ་སྟེ། མཐོང་བ་ཁོ་ན་ལ་ལྟ་བ་ཡིན་ནོ། །ཞེས་བྱ་བའི་མངོན་པའི་ང་རྒྱལ་ཅན་ལ་ནི་གཅིག་པ་ཉིད་ཡིན་ལ། གཟུགས་དང་རེག་པ་དག་ལ་ཡང་མཐོང་ངོ་རེག་གོ་ཞེས་བྱ་བར་ཤེས་པར་མཚུངས་པ་ཡིན་གྱི། ཡན་ལག་ཅན ་ལ་ང་བཞིན་དུ་ཤེས་པ་ནི་མ་ཡིན་ནོ། །དེ་དག་ཉིད་ལ་དེ་ལྟར་དྲན་པ་ལས། གཞན་དང་གཞན་དྲན་པའི་ཕྱིར་ཞེས་བསྟན་པའི་ལྷག་པར་སྒྲོ་བཏགས་པས་ནི་ཞེས་བྱ་བའོ། །ད་ནི་ལྷག་པར་སྒྲོ་བཏགས་པའི་རྒྱུ་མཚན་བསྟན་པ་ནི། དེ་ལ ་འབྱུང་བར་འགྱུར་བ་ཞེས་བྱ་བ་ནི། སོ་སོར་སྣང་བ་འདིའི་རྒྱུ་འབྱུང་བར་འགྱུར་བའི་ངོ་བོ་ཉིད་ནི་དེའི་རྒྱུ་ཡིན་པ་དེས་ན་དེའི་ངོ་བོ་ཉིད་ནི་དེ་ཉིད་དེ། གཟུགས་བསྐྱེད་པར་བྱེད་པའི་ཚོགས་པ་རེག་པ་དང་ལྷན་ཅིག་པ་དང། རེག་པ་དང ་བསྐྱེད་པར་བྱེད་པ་ཡང་གཟུགས་དང་ལྷན་ཅིག་པ་ལས་འབྱུང་བར་འགྱུར་བའི་གཟུགས་སྐྱེད་པར་བྱེད་པ་ཡིན་ལ། དེས་ན་གཟུགས་བཞིན་དུ་རེག་པའི་ཡང་འབྲས་བུ་ཡིན་ནོ་ཞེས། ཚོགས་པ་གཅིག་ལ་རག་ལས་པའི་ཕྱིར། གཅིག་པ ་ཉིད་དུ་སྒྲོ་བཏགས་པ་ཡིན་པའི་ཕྱིར། འདིར་རིག་པ་ནི་དེ་རིག་པ་ཁོ་ན་ཡིན་ནོ་ཞེས་ཐ་སྙད་པ་ལ་རིག་པར་བྱ་བ་དང་རིག་པར་བྱེད་པ་དང་ཅིག་པ་ཉིད་ལ་མི་བསླུ་བ་ཡིན་པ་ནི། དུ་བ་ལ་སོགས་པ་ཐལ་ཆེས་པར་འགྱུར་བ་མ་ཡིན་ཏེ། ་འབྲས་བུ་དང་རྒྱུ་དག་ཐ་དད་པར་མངོན་པར་ཞེན་པའི་ཕྱིར་རོ། །རྗེས་སུ་དཔག་པ་དང་རྗེས་སུ་དཔག་པར་བྱ་བ་དག་ལ་ཐ་དད་པར་མངོན་པར་ཞེན་པ་མེད་པའི་ཕྱིར། སྔ་མ་བཞིན་དུ་གཅིག་པ་ཉིད་ཁོ་ན་ཡིན་ནོ། །འབྱུང་བར་འགྱུར་བའི་རིག ་པ་ལ་སོགས་པ་དེའི་བདག་ཉིད་ལ་ད་ལྟར་གྱི་རེག་པ་ལ་སོགས་པ་དེའི་བདག་ཉིད་དུ། སྒྲོ་བཏགས་པ་ཡིན་པའི་ཕྱིར། དེ་ལྟར་གྱི་ཤེས་པ་དེའི་ཤེས་པར་འགྱུར་བ་ཡིན་ནོ། །རིག་པ་གང་ཡིན་པ་ཁོ་ན་རྒྱུ་ཡིན་པར་འབྱུང་བར་འགྱུར་བ་ལ་སྒྲོ ་བཏགས་པའི་ཤེས་པ་དེ་ལ་འབྱུང་བར་འགྱུར་བའི་ཤེས་པ་བརྗོད་དོ། །དེས་ན་དེ་ལྟར་སྔོན་པར་སྟོན་པའི་ཚིག་གི་ནི་དེས་པར་མངོན་པར་བསམས་པའི་དངོས་པོ་རིག་པ་ཡིན་ན། རང་གི་ངོ་བོ་རིག་པ་ནི་མི་བསླུ་བ་འཐོབ་པ་ཡིན་པའི་ཕྱིར། ་གལ་ཏེ་དོན་རིག་པ་ཙམ་མི་སླུ་བ་ཡིན་པ་དེ་ལྟ་ན། སྨིག་རྒྱུ་ལ་ཆུང་ཤེས་པ་ཡང་ཚད་མར་འགྱུར་རོ། །འོན་ཏེ་རྒྱུ་ཐ་དད་པ་སྐྱེད་པར་བྱེད་པའི་དོན་རིག་པ་ཡིན་ན་ནི་སྣམ་བུའི་རིག་པ་ལས་བུམ་པའི་ཤེས་པ་ཚད་མར་འགྱུར་རོ། །འོན ་ཏེ་རྒྱུ་ཐ་དད་པ་མ་ཡིན་པ་སྐྱེད་པར་བྱེད་པ་ཡང། ཉ་ཕྱིས་ལ་དངུལ་གྱི་ཤེས་པ་ཕྱི་མའི་རྒྱུན་གྱིས་སྐྱེ་བཞིན་པ་ཇི་སྙེད་པ་མི་སླུ་བ་ཅན་ཡིན་པའི་ཕྱིར་ཚད་མར་འགྱུར་རོ། །འཆི་བ་མའི་དངོས་པོའི་ཤེས་པ་ཡུལ་དེ་ལ་རིག་པ་ཕྱི་མ་མེད་པ་ལ་མི་བསླུ་བ ་ཅན་མ་ཡིན་པའི་ཕྱིར་ཚད་མ་མ་ཡིན་པར་འགྱུར་རོ། །དེ་ཡང། ལན་ཅིག་སྐྱེས་ནས་རྣམ་འཇིག་པའང། །དོན་ལ་ཚད་མ་ཉིད་མིན་འགྱུར། །རྣ་བའི་ཤེས་པའང་གཞན་རྣམས་དང། །འབྲེལ་པ་མེད་པས་ཚད་མིན་འགྱུར། །འདི་ནི་རྣ་བའི་ཤེས་གཞན་ལ།། ་མི་བསླུ་བས་ན་ཚད་མར་གྲུབ། །ཅེ་ན་དེས་བསྐྱེད་རིག་བྱེད་ཀྱང། །རྣམ་ཤེས་གཞན་དང་འབྲེལ་ཕྱིར་རོ་ཞེས་སྨོས་པའོ། །ཞེས་ཕ་རོལ་པོས་གང་སྨྲས་པ་དེ་གསལ་བའི་ཕྱིར། །གང་ལ་དོན་བྱེད་པ་ཐ་དད་པར་མངོན་པར་འདོད་པ་ཞེས་བྱ་བ་ལ་སོགས་པ་ནས། ་མངོན་པར་འདོད་པ་ལ་མི་བསླུ་བ་མེད་པའི་ཕྱིར་རོ། །ཞེས་བྱ་བའི་བར་གྱིས་བསྟན་པ་ཡིན་ནོ། །མངོན་པར་བསམས་པའི་དངོས་པོ་ངེས་པར་རིག་པ་ནི་མི་བསླུ་བ་ཡིན་གྱི་རིག་པ་ཙམ་ནི་མ་ཡིན་ལ། རིགས་མཐུན་པ་དང་རིགས་མི་མཐུན་པའི་རྒྱུ་སྐྱེད་པར་བྱེད ་པ་རིག་པ་ཙམ་ཡང་མ་ཡིན་ནོ། །འཆི་ཀའི་ཤེས་པ་ནི་རང་གི་ངོ་བོ་རིག་པ་ཙམ་ལ་ཚད་མ་ཉིད་ཡིན་ཏེ། དེ་ཙམ་གྱི་དེ་ཁོ་ན་རིག་པ་ཡིན་པའི་ཕྱིར་རོ། །ཕྲད་པར་བྱ་བ་ལ་ནི་དེ་མེད་པའི་ཕྱིར་ཚད་མ་མ་ཡིན་པ་ཁོ་ནའོ་ཞེས་བྱ་བའི་བསམ་པ་ནི་བསྡུ་བའི ་ཚིགས་སུ་བཅད་པའོ། །དེ་ལྟར་ནི་འགྱུར་ན་མི་བསླུ་བ་ཅན་ཉིད་ནི་ཚད་མ་ཉིད་ཡིན་ལ། དེ་ཡང་ཁ་ཅིག་ཐ་དད་པ་མ་ཡིན་པ་ལ་ཡང་ལྡོག་པས་བྱས་པའི་ཐ་དད་པ་ཡོད་ལ། ཐ་དད་པ་ལ་ཡང་མངོན་པར་འདོད་པས་བྱས་པའི་ཐ་དད་པ་མེད་པ་ཡོད ་པའི་ཕྱིར་རོ། །ཁུང་བུ་དུ་མ་འགེགས་པས་ཉམ་ཐག་པ་ཡིན་ནོ། །གནོད་པ་མེད་པའི་རྟོགས་པ་ཉིད་ནི་གཞན་ལ་བལྟོས་པ་མ་ཡིན་པའི་ཕྱིར་སྐྱོན་འདི་མེད་དོ། །དེ་ཡང། ཚད་མ་འཛིན་པའི་སྔོན་རོལ་དུ། རང་གི་ངོ་བོས་རབ་ཏུ་གནས། རང་དོན་ ་དེ་ལ་བལྟོས་བཅས་མིན། །དཔག་བྱ་དཔགས་པས་གོ་བ་ཡིན། ཞེས་སྨོས་པའོ། །ཅི་སྟེ་གནོད་པ་ཅན་ཉིད་ནི་ཚད་མ་ཉིད་མ་ཡིན་ཏེ། དེ་ཡང་གཞན་ལ་བལྟོས་པ་ཡིན་ནོ། །མ་ཡིན་ཏེ། ཐེ་ཚོམ་དང་ཤེས་པ་དག་ནི་གཞན་ལ་མི་བལྟོས ་པའི་ཕྱིར་རོ། །འོན་ཏེ་ལོག་པའི་ཤེས་པ་ཡིན་ན་དེ་ལ་ཡོད་པ་ནི་བདེན་མོད་ཀྱི། འོན་ཀྱང་དོན་གཞན་ཤེས་པ་ཡིན་གྱི་དེ་ཉིད་ཤེས་པ་ཁོ་ན་ནི་མ་ཡིན་ཏེ། དངོས་པོ་མེད་པའི་ཤེས་པའམ། རྒྱུ་ལ་སྐྱོན་ཡོད་པའི་ཤེས་པ་ཡང་རུང་སྟེ། བལྟོས་པར་བྱ ་བ་ཡིན་ནོ། །དེ་ཡག་རང་ཉིད་ཁོ་ན་ལས་ཡིན་པའི་ཕྱིར་མི་མཐུན་མེད་པ་ཡིན་ནོ་སྙམ་དུ་སེམས་པ་ལ། གནོད་པ་ཅན་གྱི་ཤེས་པ་ཡང་ཞེས་བྱ་བ་སྨོས་སོ། །འདིར་དོན་ནི་འདི་ཡིན་ཏེ་དང་པོ་གནོད་པ་མེད་པ་ནི་ཤེས་པ་ཐམས་ཅད་ལ་ཡིན་ལ། དུས་ཕྱིས་གནོད་པ ་མེད་པ་ཡིན་ན་གནོད་པ་མེད་པའི་ཤེས་པ་དེ་ལ་ཡང་དུས་ཕྱིས་གནོད་པ་མེད་པའི་ཤེས་པ་གཞན་ལ་བལྟོས་པར་བྱ་བ་ཡིན་ལ། དེ་ཡང་གཞན་ལ་ཡིན་པའི་ཕྱིར་དང། འཇུག་པའི་མཐར་ཐུག་པ་ཁས་མི་ལེན་པའི་ཕྱིར་ཐུག་པ་མེད་པ་ཉིད་ཡིན་པར ་བཤད་ཟིན་ཏོ། །འདི་ལྟར་ཡང། གནོད་པར་མི་བྱ་བ་ཉིད་ནི་གནོད་པར་བྱ་བ་མ་ཡིན་པ་ཡིན་ལ། གནོད་པར་བྱ་བ་ཉིད་ཀྱང་གཞན་ལ་བལྟོས་པ་ཡིན་ཞིང། །གཞན་ཡང་དོན་གཞན་ཤེས་པ་ཁོ་ན་ཡིན་ཏེ། སྐྱོན་མེད་པ་དང་ཤེས་པ་དག་གི་བདག་ཉིད་འཐོབ་པ་ཡང ་དེ་ལ་བལྟོས་པའི་ཕྱིར་རོ། །དེ་ཉིད་ཀྱིས་ན་གང་ཁོ་ན་ཤེས་པ་སྔ་མ་ཡུལ་ལོག་པར་འཛིན་པ་ཅན་ལ་དེ་ཐམས་ཅད་གནོད་པ་ཅན་དུ་འགྱུར་རོ། །དེ་བཞིན་དུ་བུམ་པའི་ཤེས་པ་ལ་ཡུལ་ལ་ལོག་པར་འཛིན་གྱི་སྣམ་བུའི་ཤེས་པ་དང། ཉ་ཕྱིས་ལ་དངུལ་དུ་འཛིན་པའི ་ཤེས་པ་བཞིན་དུ་བུམ་པར་འཛིན་པ་ལ་ཡང་གནོད་པ་ཅན་དུ་འགྱུར་ཏེ་བྱེ་བྲག་མེད་པའི་ཕྱིར་རོ། །འོན་ཏེ་གནོད་པར་བྱ་བ་ཉིད་དུ་མངོན་པར་འདོད་པ་ཡིན་ན། ཡུལ་གཅིག་ཉིད་གནོད་པར་བྱ་བ་ཉིད་ཡིན་གྱི་ཐམས་ཅད་ལ་ནི་མ་ཡིན་ནོ། །ཡུལ་གཅིག་ཉིད་དམ ་གནོད་པར་བྱ་བ་ལ་མངོན་པར་འདོད་པ་ཅན་ཡིན་པ་དེ་ལྟ་ན། དེ་ལ་བལྟོས་པ་ཡང་གནོད་པར་བྱ་བ་མ་ཡིན་པ་ཉིད་ཡིན་ལ་དེ་དང་མཐུན་པ་ཡིན་པའི་ཕྱིར་དེ་ཇི་ལྟར་དོན་དམ་པ་པ་ཡིན། འདི་ནི་དེ་ལྟ་མ་ཡིན་ཞེས་བྱ་བའི་ཤེས་པ་དང་ལྷན་ཅིག་པ་ནི་ལོག་པར་འཛིན་པ་ལ་གནོད ་པ་ཅན་མ་ཡིན་ནམ། ཐམས་ཅད་ནི་མ་ཡིན་ན། །དེས་ན་གལ་ཏེ་མིན་ཅེས་བྱ་བ་བས་ཐལ་ཆེས་པ་མ་ཡིན་ལ། དོན་དམ་པ་བ་མ་ཡིན་པ་མ་ཡིན་ནོ་སྙམ་དུ་སེམས་པ་ལ། ལན་དུ་མིན་ནོ་སྙམ་པའི་ཤེས་པ་དེ་ཉིད་ཅེས་བྱ་བ་སྟེ། མི་མཆེས་པ་འདི་ཡང་ལོག་པར་འཛིན ་པ་ཙམ་གྱི་རྒྱུ་མཚན་ཡིན་གྱི་གཞན་ནི་མ་ཡིན་ནོ་ཞེས་བྱ་བའི་དོན་ཏོ། །དངོས་པོ་མེད་པའི་ཚད་མ་ལས་འདི་ནི་དེ་ལྟ་མ་ཡིན་ནོ་ཞེས་འགྱུར་བ་མ་ཡིན་ནམ། ལོག་པར་འཛིན་པ་ལས་ནི་མ་ཡིན་ཏེ། དེ་ཡང། ཚད་མ་རྣམས་ཀྱིས་མ་སྐྱེས་པ། །དངོས་པོ་མེད་པའི་ ་ཚད་མར་བསྟན། །དེ་བདག་ཉིད་ཡོངས་སུ་གྱུར་པའམ། །རྣམ་ཤེས་ཀྱང་རུང་དངོས་གཞན་ལ་།ཞེས་པའོ། །དེ་ཡང་འདི་ནི་དེ་ལྟ་མ་ཡིན་ཞེས་བྱ་བ་ཐམས་ཅད་ལ་སྐྱེད་པར་བྱེད་པ་མ་ཡིན་ཏེ། འོན་ཀྱང། ཡོད་པ་ཉིད་ཀྱི་དངོས་གཟུང་བས། དྲན་ནས་རབ་ཏུ་སྦྱོར ་བ་ཅན། དེ་ལ་གནོད་པ་ཉིད་ཡིན་གྱི་གཞན་ལ་ནི་མ་ཡིན་པའི་ཕྱིར་ཐལ་ཆེས་པ་མ་ཡིན་ནོ་སྙམ་སེམས་པ་ལ། དངོས་མེད་མཚན་ཉིད་ཅེས་སྨོས་པ་སྟེ། ཕ་རོལ་པའི་འདོད་པ་འདི་ནི་མི་རིགས་ཏེ། དངོས་པོ་མེད་པ་ནི་ཚད་མ་མ་ཡིན་ཏེ། ཤེས་པ་མ་སྐྱེས ་པ་ཙམ་བདག་ཉིད་ཡོངས་སུ་གྱུར་པའི་སྒྲའི་བརྗོད་པ་བྱ་བ་ནི། གཉིད་འཐུག་པོ་ལ་སོགས་པའི་གནས་སྐབས་ན་ཡང་ཡོད་པའི་ཕྱིར་རོ། །དངོས་པོ་ནི་གཞན་གྱི་ཤེས་པ་ནི་མ་ཡིན་ནོ། །དེ་ཡང། གཞན་ནི་དངོས་པོ་གཞན་ལས་ཡིན་ལ། དེ་ཤེས་པ ་ནི་དངོས་པོ་མེད་པའི་ཚད་མ་མ་ཡིན་ཏེ། དངུལ་གྱི་ཤེས་པ་ལ་ཉ་ཕྱིས་ཀྱི་ཤེས་པ་བཞིན་དུ་བྱེ་བྲག་མེད་པར་བུམ་པའི་ཤེས་པ་ལ་ཡང་དེ་ལས་གཞན་པའི་ཤེས་པ་གནོད་པ་ཅན་ཉིད་དུ་ཐལ་བར་འགྱུར་བའི་ཕྱིར་རོ། །དགག་པ་ཡང་དགག་པར་བྱ་བ་དང ་འབྲེལ་པ་ཤེས་པར་བྱ་བའི་ཕྱིར་ཚད་མ་མ་ཡིན་ནོ། །འདི་ན་བུམ་པ་མེད་ཅེས་བྱ་བ་ཡང་ས་ཕྱོགས་འདི་ན་བུམ་པ་ཡོད་པར་གྱུར་པ་གང་ཡིན་པ་དེ་མེད་པ་ཡིན་གྱི། འདི་ན་མེད་ཅེས་ས་ཕྱོགས་དང་འབྲེལ་བ་ཅན་ཉིད་མ་ཡིན་ཏེ། འདི་ས་ཕྱོགས་ཀྱི་དགག་པ ་ནི་མ་ཡིན་ནོ། །ཡང་ན་དགག་པར་བྱ་བ་དེ་ཉིད་འདི་ན་མེད་དོ་ཞེས་ཡུལ་གྱི་བྱེ་བྲག་ཉིད་ཀྱི་ཤེས་པ་ནི་ཚད་མ་ཡིན་པའོ། །རེ་ཞིག་དག་པར་བྱ་བ་ལ་དང་པོ་ས་ཕྱོགས་ཀྱི་མཐར་ཐུག་པ་མ་ཡིན་ལ། ཡུལ་གྱི་བྱེ་བྲག་ཉིད་ཀྱིས་མ་ཡིན་ཏེ། འབྲེལ་པ་མེད ་པའི་ཕྱིར་རོ། །དངོས་པོ་དང་དངོས་པོ་མེད་པ་དག་གི་ཕྲད་པ་འམ་འདུ་བ་ཡང་མ་ཡིན་ཏེ། དེ་དག་གི་རྫས་དང་ཡོན་ཏན་ལ་སོགས་པ་ཡུལ་ཡིན་པའི་ཕྱིར་དང་གཞན་ཡང་མེད་པའི་ཕྱིར་རོ། །བྱེ་བྲག་ལ་སོགས་པ་ཉིད་ཀྱང་དམིགས་པ་ཅན་ཞེས་བྱ་བ ་ལ་སོགས་པ་ཕྲད་པ་ལ་སོགས་པའི་རྒྱུ་མཚན་ལས་ཡིན་གྱི་འབྲེལ་པ་ལས་ནི་བྱེ་བྲག་ཉིད་ཡིན་ཏེ། ཕྲད་པ་ལ་སོགས་པ་མཚན་ཉིད་མི་མཐུན་པ་དེ་མེད་པའི་ཕྱིར་རོ། །ཡོད་དུ་ཟིན་ཀྱང་ཕྲད་པ་ལ་སོགས་པའི་རྟོག་པ་ལ་དོན་མེད་པའི་ཕྱིར་བྱེ་བྲག ་དང་འབྲེལ་པ་མེད་པའི་དངོས་པོ་ཡོད་པ་ལ་ཡང་འགྱུར་རོ། །བརྗོད་པར་འདོད་པ་ཡང་རྒྱུ་མཚན་ཡོད་ན་ཡིན་ཏེ། དེ་ཙམ་ལས་བྱུང་བ་ནི་དངོས་སུ་མ་ཡིན་པའི་ཕྱིར་རོ། །འོན་ཏེ་དངོས་པོ་དང་འབྲེལ་པ་ལས་ཡིན་ན་དེའི་དངོས་པོ་མེད་པ་ལས་ཀྱང་ཡིན ་ཏེ། ཕ་དང་འབྲེལ་པ་ནི་བུ་ལས་ཡིན་པ་བཞིན་ནོ། །དེ་ནི་བདེན་མོད་ཀྱི་ཉེ་བར་བཏགས་པ་ཙམ་ཡིན་ལ། །འདི་ནི་དོན་དམ་པའི་ཚད་མའི་དབང་དུ་བྱས་པ་ཡིན་ནོ། །གྲགས་པ་ནི་གཞན་དུ་ཡིན་ནོ་ཞེས་འཆད་པར་འགྱུར་རོ། །དགག་པར་བྱ་བའི ་ཡང་མ་ཡིན་ཏེ། དགག་པའི་དུས་སུ་དེ་མེད་པའི་ཕྱིར་རོ། །འབྲེལ་པ་ཅན་མེད་ན་འབྲེལ་པ་དེ་ཉིད་མེད་པ་ཡིན་ཏེ། སོ་སོར་སྣང་བ་མ་ཡིན་པའི་ཕྱིར་ཞེས་དགོངས་པའོ། །བུམ་པ་མེད་དོ་ཞེས་དྲན་བཞིན་པ་ན་བུམ་པ་དང་འབྲེལ་པ་ཅན་དགག་པར་ཤེས ་པར་བྱ་བ་མ་ཡིན་ནམ་སྙམ་དུ་སེམས་པ་ལ། དངོས་པོ་མེད་པའི་རང་གི་ངོ་བོ་ཞེས་བྱ་བ་སྨོས་སོ། །བུམ་པ་དྲན་པ་ན་གལ་ཏེ་རང་གི་ངོ་བོ་ཤེས་པ་ཡིན་པ་དེ་ལྟ་ན། དེ་དང་འབྲེལ་པ་ཅན་ཉིད་བཀག་པ་མ་ཡིན་པར་འགྱུར་ཏེ། འགལ་བའི་ཕྱིར་རོ། །དེའི་རང་གི་ངོ་བོ་རྟོགས ་པ་མེད་ན་ཡང་དེ་དང་འབྲེལ་པ་ཉིད་མེད་པ་ཡིན་ལ། དེ་རྟོགས་པ་ནི་ཡོད་ལ། དེ་ནི་མེད་པ་དེ་ལྟ་ན་ཡང་དེ་དང་འབྲེལ་པ་ཅན་ཉིད་མ་ཡིན་ལ། མེད་པ་ལས་ཡོད་པ་རྟོགས་པ་མ་ཡིན་ཏེ། དེ་ནི་ཡུལ་མ་ཡིན་པའི་ཕྱིར་རོ། །འོན་ཏེ་བདག་ཉིད་ཀྱིས་ཉམས་སུ་མྱོང་བའི ་སྤྱི་དྲན་པ་ཡིན་ན་དེ་འཕངས་པའི་བྱེ་བྲག་དངོས་པོ་མེད་པའི་ཚད་མ་དང་ལྷན་ཅིག་ཏུ་དགག་པར་བྱེད་པ་ཡིན་ནོ། །དེ་ལ་ནི། མ་རྟོགས་པ་ལས་ནི་ཞེས་སྨོས་ཏེ། རེ་ཞིག་རང་གི་ངོ་བོ་བྱེ་བྲག་འཕེན་པར་ནུས་པ་ནི་མ་ཡིན་གྱི། སྤྱིར་ནི་མ་ཡིན་ནོ། །དེའི་ཚེ་ན་ཡང ་དངོས་པོ་མེད་པ་ནི་དངོས་པོ་དང་འབྲེལ་པ་ཅན་ཉིད་མ་ཡིན་ཏེ། མ་རྟོགས་པའི་ཕྱིར་རོ། །རྟོག་པ་ཡིན་དུ་ཆུག་ཀྱང་སྔ་མ་བཞིན་དུ་ཐལ་བར་འགྱུར་རོ། །བདེན་མོད་ཀྱི་སོ་སོར་སྣང་བ་ཅན་ནི་དངོས་པོ་དང་དངོས་པོ་མེད་པ་དང་འབྲེལ་པ་མ་ཡིན་པ་ཉིད་ཡིན་ཏེ། ་ཀུན་རྫོབ་དུ་འབྲས་བུ་དང་རྒྱུ་ཉིད་ལྟ་བུ་ཡིན་ནོ། །ཇི་ལྟར་ཡང། འདས་པ་དང་མ་འོངས་པ་ཡང་རུང་རྟེན་འབྲེལ་ལས་འབྱུང་བའི་འབྲས་བུ་དམིགས་པ་ཡིན་པ་དེ་བཞིན་དུ་དངོས་པོ་ལ་དངོས་པོ་མེད་པ་ཡིན་པར་ཡང་སེམས་པ་ལ། ཇི་སྟེ་རྒྱུ་དང་འབྲས་བུ་ཡི་ཞེས་བྱ ་བ་སྨོས་ཏེ་འབྲས་བུ་ཉིད་ལ་སོགས་པ་བཞིན་དུ་དངོས་པོ་མེད་པ་དང་འབྲེལ་པ་ཡང་དངོས་པོ་མེད་པར་ངེས་པ་ཡིན་ཏེ། ཅིག་ཅར་མ་ཡིན་པ་ཉིད་དུ་འགལ་བ་མེད་དོ་ཞེས་བྱ་བའི་དོན་ཏོ། །ལན་ནི་བསྟན་མེད་པ་ཞེས་བྱ་བ་སྟེ། ཡོད་པའི་དངོས་པོ་མེད་པ་ནི་ཞིག་ནས ་མེད་པ་ཡིན་ལ། འབྱུང་བར་འགྱུར་བའི་དངོས་པོ་ནི་སྔ་ནས་མེད་པ་ཡིན་པས། འབྲས་བུ་ཉིད་དང་མཚུངས་པར་དམིགས་པ་ཡིན་ན་ཡང་གཏན་མེད་པ་ཇི་ལྟར་ཡིན་ཏེ། དེ་ཤེས་པ་ལ་ཡང་རིགས་པ་གཞན་བཙལ་བར་བྱ་བ་ཡིན་ལ། དེས་ན་ཞིག་ནས་མེད་པ་ལ ་སོགས་པ་ལ་ཡང་དེ་ཉིད་ཀྱིས་ཆོག་པའི་ཕྱིར། འབྲས་བུ་ཉིད་ཀྱི་རིགས་པ་ཁྱབ་པར་བྱེད་པ་མ་ཡིན་པས་ཅི་དགོས་ཤེས་བྱ་བའི་དོན་ཏོ། །བསྟན་མེད་པ་ཡང་གཅིག་ལ་གཅིག་མེད་པ་ངེས་པ་ཡིན་གྱི་འདི་ཉེ་བར་བཏགས་པ་ནི་མ་ཡིན ་ཏེ། ཐམས་ཅད་ཉེ་བར་བཏགས་པར་ཐལ་བར་འགྱུར་བའི་ཕྱིར་རོ། །ཉེ་བར་བཏགས་པ་ལས་གཞན་པ་ཉིད་དུ་ནི་གཙོ་བོ་ཡིན་པའི་ཕྱིར་ཁྱབ་པར་བྱེད་པ་མ་ཡིན་པ་འབའ་ཞིག་ནི་མ་ཡིན་ཏེ། མི་སྲིད་པ་ཡང་ངོ་བོ་ཞེས་བསྟན་པ་ནི་གཞན་ཡང་རྒྱུ་འབྲས་དག ་གི་ཞེས་བྱ་བ་སྨོས་ཏེ། མེ་དང་དུ་བ་དག་ལ་རིམ་གྱིས་དམིགས་པ་ལ་རྗེས་སུ་འགྲོ་བ་ལ་སོགས་པ་ལས་འབྲས་བུ་ལ་སོགས་པར་རྟོགས་པ་ཡིན་ཏེ། ཚད་མའི་རྩ་བ་ཡིན་པའི་ཕྱིར་རོ། །དངོས་པོ་མེད་པ་དང་འབྲེལ་པ་རིག་པ་ནི་ཚད་མ་མ་ཡིན་ཏེ། དངོས་པོ་མེད ་པར་རིག་པའི་རྟོགས་པ་ལས་བྱུང་བ་ཡིན་པའི་ཕྱིར་ཞེས་བྱ་བའི་ཕྱིར་ཏོ། །དངོས་པོ་དང་འབྲེལ་པ་བཞིན་དུ་དངོས་པོ་མེད་པའི་རང་གི་ངོ་བོ་ཡང་དངོས་པོ་མེད་པ་རྟོགས་པ་ཡིན་ནོ་སྙམ་དུ་སེམས་པ་ལ། གལ་ཏེ་དེ་ལ་དངོས་པོ་མེད་པའི་ཞེས་བྱ་བ་སྟེ། འབྲས་བུ ་ནི་གཞན་དུ་མི་འཐད་པ་ཡིན་པར་རྟོགས་པའི་རྒྱུ་ཉིད་ཀྱིས་མིག་ལ་སོགས་པ་ལ་སྣང་བ་ཡིན་ལ། དེ་བཞིན་དུ་དངོས་པོ་མེད་པ་ཡང་འབྲེལ་བ་ཅན་ཡིན་པ་ཁོ་ནར་དངོས་པོ་མེད་པའི་ཚད་མས་རྟོགས་པ་ཡིན་ནོ་ཞེས་བྱ་བའི་དོན་ཏོ། །ལན་དུ། གང་གི་དངོས ་མེད་ཅེས་བྱ་བ་ལ་སོགས་པའི་གཞད་གང་དུ་བྱེད་པ་སྟེ། གཟུགས་ཀྱི་ཤེས་པ་ནི་རྒྱུ་མ་གཏོགས་པར་མི་འབྱུང་བའི་ཕྱིར། མིག་ནི་དེ་ཉིད་ལ་རྗེས་སུ་དཔོག་པར་བྱེད་པ་ཡིན་པར་ནི་རིགས་ཏེ། འབྲས་བུ་ནི་དེ་ལ་མི་འཁྲུལ་བའི་ཕྱིར་རོ། །དངོས་པོ་མེད ་པ་ནི་དེ་ལྟ་མ་ཡིན་ཏེ། ཚད་མ་མེད་པའི་ཕྱིར་རོ། །ངེས་པ་མེད་པའི་ཤེས་པའི་རྒྱུ་མཚན་ལས་བྱུང་བ་ནི་དེ་ལྟ་མ་ཡིན་ནོ། །ཚད་མ་འཇུག་པ་ན་དོན་ཡོད་པ་ཉིད་དུ་ཤེས་པར་བྱེད་པ་ཡིན་ལ། དེ་ལྡོག་པ་ནི་མེད་པ་ཉིད་དུ་ཤེས་པར་བྱེད་པ་མ་ཡིན་ནམ། འདི ་ནི་དེ་བསལ་བ་ཡིན་ཏེ། ཚད་མ་ཡོད་པས་གཞལ་བྱ་ཡོད་པ་ཁྱབ་བྱ་མ་ཡིན་པའི་ཕྱིར་རོ། །ཚད་མ་ཐམས་ཅད་ལོག་པ་ནི་མེད་པར་རྟོགས་པར་བྱེད་པ་མ་ཡིན་པ་མ་ཡིན་ནམ། འོན་ཀྱང་གང་ལ་མེད་དོ་ཞེས་བྱ་བའི་ཤེས་པ་སྐྱེ་བ་དེ་ནི་དངོས་པོ་མེད་པའི་ཚད་མ་ཡིན་ནོ། །གཉིད ་ལོག་པ་ལ་སོགས་པ་ལ་ནི་དེ་མེད་པ་ཡིན་ཏེ། དེ་ཡང། དངོས་པོ་མེད་པ་འཛིན་པའི་ཞེས་སྨོས་པའོ། །དེ་དང་གཉིད་ལོག་པ་ལ་སོགས་པ་ལ་བྱེ་བྲག་ཅི་ཡང་མེད་དོ། །དགག་པར་བྱ་བ་དྲན་པ་དང་དངོས་པོ་ལས་གཞན་པ་འཛིན་པ་དག་དོར་བ་སྟེ། དེ་དག་ནི་དེའི་བྱེ་བྲག ་མ་ཡིན་ཏེ། རང་བཞིན་མེད་པའི་ཕྱིར་རོ། ཞེས་བསྟན་པ་ནི། དེ་ནི་དངོས་པོའི་རིགས་མེད་པར་ཞེས་བྱ་བའོ། །རང་བཞིན་མེད་པ་ཉིད་ཀྱང་ཚོགས་པ་ཅན་ཉིད་ཡིན་པས་དེ་དག་གི་བྱེ་བྲག་ཡིན་ཏེ། དེ་ལ་རྟོགས་པ་བསྐྱེད་པར་བྱེད་པ་ཅན་གྱི་ཚད་མ་ལྡོག་པ་ལ་ལྷན་ཅིག་བྱད ་པ་དེ་དག་ཡིན་པ་དེ་བསྟན་པ་ནི། གལ་ཏེ་དེ་འདིར་ཚོགས་པ་ཅན་ཞེས་བྱ་བ་སྟེ། ཡུལ་ལ་སོགས་པའི་དངོས་པོ་གཞན་འཛིན་པའི་ལྷན་ཅིག་པ་ཡང་ཚད་མ་ལྡོག་པ་ནི་དེ་དང་མཐུན་པའི་ཡུལ་ཡིན་གྱི་སྐལ་བའི་ཡུལ་ལ་ནི་མ་ཡིན་ནོ་ཞེས་བསྟན་པ་ཡིན་ན། །དེ་ཡང། ་ཡོད་པ་ཉིད་ཀྱི་དངོས་བཟུང་ནས། །དྲན་ནས་རབ་ཏུ་སྦྱོར་བ་ལ། །མེད་པ་ཉིད་ཅེས་རྟོགས་པ་ནི། །དབང་པོ་ལ་བལྟོས་མིན་པར་སྐྱེ་ཞེས་སྨོས་པའོ། །དེའི་ལྟ་བུའི་ཚད་མ་ལོག་པ་ནི་ཤེས་པ་གཞན་ཉིད་ཡིན་ཏེ། མཚན་ཉིད་མི་མཐུན་པའི་ཕྱིར་རོ། །དེའི་བུམ་པ་མེད ་པ་ཉིད་ཀྱང་དེ་ལས་གཞན་པ་ཉིད་ཡིན་པའི་ཕྱིར་ཚད་མ་ཡང་གཞལ་བྱ་ཡང་མ་ཡིན་ནོ། །དེ་བསྟན་པ་ནི། དངོས་པོ་མེད་པར་ངེས་པ་ཡིན་ཞེས་བྱ་བའོ། །བུམ་པ་མེད་པ་ཉིད་ནི་ས་ཕྱོགས་ཉིད་མ་ཡིན་པ་ལ་ཡིན་ནམ། དེ་ནི་བུམ་པ་ཡོད་ཀྱང་ཡོད་པའི་ཕྱིར་རོ། ། ་འབའ་ཞིག་པ་ཉིད་ཀྱང་ས་ཕྱོགས་ལས་ཐ་མི་དད་པའི་ཕྱིར་དེ་ལས་ཐ་དད་པ་ཡོད་པ་མ་ཡིན་པ་ཉིད་དུ་རང་གི་ཤེས་པས་འཛིན་པ་ཡིན། ཤེས་པ་ལྡོག་པ་ནི་ཤེས་པ་གཞན་ལས་ཐ་དད་པ་ཅན་དུ་འདིས་སྨྲ་བ་ལ། འདི་མེད་ཅེས་བྱ་བའི་ཤེས་པ་ནི་ཞེས་བྱ་བ ་སྨོས་སོ། །མི་དམིགས་པའི་ཚད་མ་ནི་གཞལ་བྱ་བུམ་པ་མེད་པ་ཉིད་ཡིན་ཏེ། རང་རང་གི་ཚད་མ་ཇི་ལྟ་བ་རྣམས་ཀྱིས་ངེས་པར་བྱེད་དོ། །དང་པོ་ནི་མངོན་སུམ་ལས་ཡིན་ལ། དེའི་འོག་ཏུ་ཞེས་བྱ་བ་ནི་ཁྱབ་པར་བྱེད་པ་མི་དམིགས་པའོ། །ཕྱི་རོལ་ཉིད་ཀྱིས་ནི ་ཤེས་པ་དང་ཤེས་བྱ་དག་ལྡོག་ངེས་པར་པའམ། གཏན་དུ་བའི་ཤེས་པར་འགྱུར་བ་ཡིན་གྱི་དངོས་པོ་མེད་པ་ཞེས་བྱ་བའི་ཡུལ་ཅན་དུ་མངོན་དུ་བྱ་བ་ནི་འགའ་ཡང་མེད་པ་ཉིད་ཡིན་ཏེ། འོ་ན་ཅི་ཞེ་ན། དེ་ལ་ནི་ཚད་མ་ལྡོག་པར་ངེས་པར་བྱ་བ་ཡིན་ཞེས་བྱ་བའི་དོན ་ཏོ། །མངོན་སུམ་གྱི་བྱ་བའི་རྗེས་སུ་འགྲོ་བ་ཅན་འདི་ནི་སྔོན་པོའོ་ཞེས་བྱ་བ་དང། རྗེས་སུ་དཔག་པ་སྟེ་རྣམ་པར་རྟོག་པ་རྣམ་པ་གཉིས་ནི་གཞན་གྱི་བག་ཆགས་ཙམ་ལས་འབྱུང་བ་ཉིད་ལ་ཚད་མ་ཉིད་ཡིན་གྲང་ན། རེ་ཞིག་རྗེས་སུ་དཔག་པ་ནི་མ་ཡིན་ཏེ། དངོས ་པོ་མེད་པ་མ་མཐོང་བ་ལ་ཁྱབ་པ་འཛིན་པ་མ་ཡིན་པའི་ཕྱིར་ཏེ། དངོས་པོ་མེད་པ་དང་དངོས་པོ་དག་གི་མངོན་སུམ་གྱིས་ཁྱབ་པ་འཛིན་པ་ཡིན་ལ། དེ་དག་གི་དངོས་པོ་མེད་པ་དག་གི་ཡང་ཁྱབ་པ་ཤུགས་ཀྱིས་གྲུབ་པ་ཡིན་ནོ། །དེས་ན་རྗེས་སུ་དཔོག་པའི་ ་ཤུགས་ཀྱིས་ཀྱང་མི་དམིགས་པ་ལས་དངོས་པོ་མེད་པར་རྟོགས་པ་ནི་དེ་ལས་གཞན་པ་དག་ཁོ་ན་ཡིན་ཏེ། དེ་དང་བྲལ་བ་དག་དམིགས་པའི་ཕྱིར་དེའི་རང་བཞིན་གྱི་དངོས་པོ་མེད་པ་ཡིན་ནོ། །དེ་དང་བྲལ་ཡང་མངོན་སུམ་ཡིན་པའི་ཕྱིར་ཁྱབ་པར་བྱེད་པ་མི ་དམིགས་པ་མ་ཡིན་ནོ། །དེ་ལྟ་ཡིན་ན་རྩོད་པའི་རིགས་པ་ལས། །དེ་མཐོང་བ་རྣམས་ལ་ཤེས་པ་ཡོད་པས་ཁྱབ་པའི་ཕྱིར་ཞེས་བྱ་བ་ཇི་ལྟར་ཡིན། ཚད་མ་རྣམ་པར་ངེས་པ་ལས་ཀྱང། ཁོ་བོས་འདི་ནི་མ་དམིགས་པ་འམ། ཞེས་བྱ་བའི་རྟོགས་པ་ཡང ་དག་འབྱུང་ཞེས་སྨོས་པའོ། །དམིགས་པ་དང་མི་དམིགས་པའི་རྣམ་པར་རྟོག་པ་དག་གི་མངོན་སུམ་ནི་བྱེད་པ་དང་བཅས་པར་བསྟན་པ་ཡིན་གྱི་འདི་ཡོད་འདི་མེད་དོ་ཞེས་བྱ་བ་འདི་དག་གིས་ནི་མ་ཡིན་ནོ། །སྨྲས་པ། དམིགས་པ་ནི་ཡོད་པ་ཡིན་པར་བསྟན་པ་ནི ་ཡོད་པ་དང་དམིགས་པ་དག་ནི་གཅིག་པ་ཉིད་དུ་བསྟན་པ་ཡིན་ནོ། །ཁོ་བོས་དམིགས་ཁོ་བོས་མ་དམིགས་ཞེས་བྱ་བའི་སྐྱེས་བུ་མཆོག་གི་ཚིག་གིས་ནི་རང་ཉིད་ཁོ་ནས་དམིགས་པ་ཡིན་ཡང་རུང། མ་ཡིན་ཡང་རུང་བའི་མངོན་སུམ་ལས་འགྲུབ་པ་ཡིན་གྱི་གཞན་ནི་མ་ཡིན་ནོ། །ཞེས ་བསྟན་པ་ནི་ཡིན་ནོ། །ཡོད་པ་དང་ཤེས་པ་དག་གི་ཁྱབ་པ་ཡང་མི་རྟག་པ་དང་བྱས་པ་བཞིན་དུ་ལྡོག་པས་བྱས་པ་ནི་སྐྱེས་བུ་མཆོག་བཞིན་དུ་རྒྱུད་གཞན་གྱིས་དམིགས་པའི་ངོ་བོའི་ཡོད་པ་རྣམ་པར་བཅད་པའི་དོན་དུ། དམིགས་པའི་རིག་བྱར་གྱུར་པའི་སྣང་བ་ཞེས་བྱ་བ ་ལ་སོགས་པའི་བྱེ་བྲག་ཀྱང་འདིའི་དོན་ཉིད་དུ། དངོས་པོ་མི་སྣང་པ་མི་ཤེས་པའི་ངོ་བོ་རྣམ་པར་བཅད་པར་བྱ་བ་ཡིན་ལ། དེ་ཡོད་པ་ནི་ཚད་མ་མ་ཡིན་ནོ། །གཞན་ལ་སྣང་བ་ཇི་ལྟར་ཡིན། མི་སྣང་བ་ནི་ཡུལ་གཞན་ལ་སོགས་པའི་མཐོང་བ་བཀག་པའི་ཕྱིར་རོ། །དེའི་ཕྱིར ་མེད་པ་ལས་ལོག་པའི་ཡོད་པ་དང་མི་ཤེས་པ་ལས་ལོག་པ་ནི་ཤེས་པ་ཡིན་ལ། དེ་བཞིན་དུ་སྔོན་པོ་མ་ཡིན་པ་ལས་ལོག་པ་ནི་སྔོན་པོ་སྟེ། མི་ཤེས་པ་ལས་ལོག་པ་དང་ཤེས་པ་ཞེས་བྱ་བ་གཅིག་པ་ཉིད་ཡིན་པ་འདི་ནི། ལྡོག་པའི་རྒྱུ་མཚན་གྱི་རྣམ་པར་རྟོག་པས ་ཐ་དད་པའི་དེ་ཉིད་བསྟན་པ་ཡིན་ལ། དེ་ཡང་མ་རྨོངས་པ་ལ་ནི་དེ་ཁོ་ན་བཞིན་དུ་སྟེ། བྱས་པ་དང་མི་རྟག་པ་ལྟ་བུའོ། །ས་ཕྱོགས་ཉིད་ལ་ནི་ལྡོག་པ་ལས་ཤེས་པ་དང་ཤེས་བྱ་ཡང་མངོན་སུམ་ཡིན་ནོ། །དེ་ཉིད་ནི་བུམ་པ་དང་དེའི་ཤེས་པ་དང་བྲལ་བ་ནི་བུམ་པ ་མེད་པ་དང། དེའི་ཤེས་པ་མེད་པ་ཡང་ཡིན་པའི་ཕྱིར་མི་དམིགས་པ་མ་ཡིན་ནོ། །དེ་ལྟར་རྟོགས་པར་མི་ནུས་པའི་རྨོངས་པ་ལ་ནི་དེ་ཡང་མི་དམིགས་པ་ཡིན་ནོ། །དེ་ཡང་རང་བཞིན་ཁོ་ན་ཡིན་གྱི་ཁྱབ་པར་བྱེད་པ་མ་ཡིན་ཏེ། གཞན་པའི་དངོས་པོའི་ས་ཕྱོགས ་དང་དེའི་ཤེས་པ་དག་གི་དེ་མི་དམིགས་པའི་ངོ་བོ་དག་ལ་དབྱེ་བ་མེད་པའི་ཕྱིར་མངོན་སུམ་གྱིས་གྲུབ་པའི་ཕྱིར་རོ། །གྲུབ་ཀྱང་ཐ་སྙད་དུ་རུང་བ་ཉིད་དུ་སྒྲུབ་པར་བྱེད་པའི་ཕྱིར་སྐྱོན་མེད་དོ། །ཁྱབ་པར་བྱེད་པ་མི་དམིགས་པ་ནི་ཁྱབ་པར་བྱ་བ་མངོན་སུམ་ཉིད་ཡིན ་ན་ཏེ། ཁྱབ་པ་ཡོད་བ་ཙམ་ལས་ནི་ཐམས་ཅད་ཡང་འགྱུར་རོ། །དེ་ནི་བུམ་པའི་ས་ཕྱོགས་དང་དེའི་ཤེས་པ་དག་ལ་ནི་མེད་དོ་ཞེས་བྱ་བ་འགྱུར་བ་ཉིད་མ་ཡིན་ནོ། །ས་ཕྱོགས་ཀྱི་ཤེས་པ་འབའ་ཞིག་ནི་མི་དམིགས་པའི་ཕྱིར་རོ་ཞེས་བྱ་བ་དེ་ལྟ་བུའི ་བསམ་པས། དེ་ནི་གང་ལས་སྐྱེས་པ་ཡིན་ཞེས་བྱ་བ་ལ་སོགས་པ་ནས། དེ་ལྟར་མིན་ན་མི་དམིགས་པ་ཞེས་བྱ་བའི་བར་གྱིས་བསྟན་པ་ཡིན་ཏེ། རྨོངས་པ་མ་ཡིན་པའི་མངོན་སུམ་ནི་ཅིག་ཤེས་ཀྱིས་མི་དམིགས་པ་ཡིན་ནོ། །འབའ་ཞིག་པ་ཉིད་ཀྱང་ས ་ཕྱོགས་ལ་སོགས་པའི་མེད་བ་བཞིན་དུ་མེད་པ་གཞན་མེད་ཀྱང་རང་ཉིད་ཁོ་ན་ལས་འགྲུབ་པར་བསྟན་པ་ནི། འབའ་ཞི་གང་ལས་ཞེས་བྱ་བ་ལ་སོགས་པ་ནས། ཐུག་བ་མེད་དོ་ཞེས་བྱ་བའི་བར་ཡིན་ནོ། །དེ་ལྟར་འགྱུར་ན་ནི་གལ་ཏེ་གཞན་མི་དམིགས་པ ་གཞན་གྱི་དངོས་པོ་མེད་པར་སྒྲུབ་པར་བྱེད་པ་ཡིན་ན་བྱེ་བྲག་མེད་པར་འགྱུར་རོ། །ཉི་བྱས་ཀྱི་ཤེས་བ་ནི་དངུལ་ཁོ་ནའི་མེད་པ་གྲུབ་པར་བྱེད་པ་མ་ཡིན་ཏེ། འོ་ན་ཅི་ཞེ་ན། མཚན་ཉིད་མི་མཐུན་པའི་ཁམས་གསུམ་པའི་འོ་ཞེས་བྱ་བའི་བསམ་པས་དེ་ཉིད ་དྲན་པའི་ཞེས་བྱ་བ་སྨོས་སོ། །དམིགས་པར་བྱ་བ་ལ་མཚན་ཉིད་མི་མཐུན་པ་མེད་བ་ཞེས་བྱ་བ་ཉིད་མཚན་མ་འཇུག་པར་བྱེད་པ་ནི་བདེན་མོད་ཀྱི?། །དངུལ་དུ་འཛིན་པར་འདོད་པའི་ཕྱིར། མེད?་པ་ཡིན་པར་གསལ་བར་བྱེད་པ་ཡིན་ནོ་ཞེས་བའི་དོན་ཏོ། །དངུལ ་གྱི་ཤེས་པ་ཡང་ཉ་ཕྱིས་མེད་དོ་ཞེས་གསལ་བར་བྱེད་པ་ཡིན་ནོ་སྙམ་དུ་སེམས་པ་ལ། དངོས་པོ་མེད་པ་ཞེས་བྱ་བ་སྨོས་སོ། །བདེན་མོད་ཀྱི། འདི་ཡང་དོན་དམ་པ་ཡིན་མོད་ཀྱི། འོན་ཀྱང་ཐ་སྙད་དུ་དངུལ་མེད་པ་ཡིན་གྱི། ཉ་ཕྱིས་མེད་པ་ནི་མ་ཡིན་པའི ་ཕྱིར་ཉ་ཕྱིས་ཀྱི་ཤེས་བ་མི་དམིགས་པ་ཡིན་གྱི། ཅིག་ཤོས་ནི་མ་ཡིན་ནོ། །ཞེས་བྱ་བའི་དོན་ཏོ། །ཐ་སྙད་བ་བསྟན་ནས་དོན་དམ་བ་བསྟན་བ་ནི། དེའི་ཕྱིར་འབའ་?་ཞིག་འཛིན་པ་ཞེས་བྱ་བ་སྟེ། གནད་པར་བྱ་བ་ཉིད་ཀྱང་ཐ་སྙད་པ་ཡིན་གྱི་དངོས་པོ་ཉིད་??་ནི་མ? ་ཡིན་པས། དེ་བཀག་པའི་ངོ་བོ་ནི་གནོད་པར་བྱ་བ་མ་ཡིན་པ་ཉིད་ཀྱང། དངོས་པོ་ལ་མ་ཡིན་པར་བསྟན་པའོ། །ཐ་སྙད་པ་ཉིད་ཀྱིས་ནི་མི་བསྒྲུབ་ཅན་ཉིད་དང། གནོད?་བྱ་མ་ཡིན་པ་ཉིད་དག་ལ་བྱེ་བྲག་མེད་ཀྱང། ཅི་ཡི་ཕྱིར་མི་བསླུ་བ་ཅན་ཉིད་ཁོ་ན་ཆོད?་མ་ཉིད་དུ་བསྟན ་གྱི་གནོད་བ་མེད་པ་ཉིད་ནི་མ་ཡིན་ནོ་སྙམ་དུ་སེམས་པ་ལ། ཕྲད་བར་བྱ་བ་ལ་འཇུག་པའི་མཐར་ཐུག་བར་མཐར་ཐུག་བར་འདོད་བ་ནི་ཁས་མ་བླངས་པའི་ཕྱིར་དང། གཡོ་བ་མེད་པ་ཉིད་ཙམ་འདོད་པ་མ་ཡིན་པའི་ཕྱིར། འཇིག་རྟེན་པ་མ་ཡིན་པ་ཉིད་དང། ཐ་སྙད་པ་མ ་ཡིན་པ་ཉིད་དུ་འདོད་པ་??་ཐུག་པ་མེད་པ་ཡིན་ཏེ། དང་པོ་ལ་གནོད་པ་མེད་པར་ནི་བྱེ་བྲག་མེད་པ་ཡིན་ཞིང་ཕྱི་མ་ལ་ནི་ཐེ་ཚོམ་ཟ་བ་ཡིན་ལ། དེ་ལས་ཀྱང་དེའི་ཕྱིར་ལ་ཡང་དེ་བཞིན་ཡིན?་པའི?་ཕྱིར་གང་དུ་ཡང་གནས་པ་མེད་དོ། །ཕྲད་བར་བྱ་བ་ལ་ཡང་གང་གི་སྟོབས ་ཀྱི་ཐུག་པ་མེད་པ་སེལ་པར་བྱེད་པ་ནི་ཅུང་ཟད་ཀྱང་མེད་དོ་ཞེས་བྱ་བའི་དགོངས་པས་ཉེ་བར་བསྡུ་བ་ནི། དེ་ཕྱིར་སྒྲ?་ལས་བྱུང་བ་ཡང་ཞེས་བྱ་བ་སྟེ། མངོན་པར་འདོད་པ་ལ་མི་སླ་བ་ནི་ཚད་མ་ཉིད་ཡིན་པའི་ཕྱིར། ཁྱབ་པ་མ་ཡིན་པ་ལ་སོགས་པའི་སུན་འདོན་གསལ ་བ་ཉིད་ཡིན་བར་ཉེ་བར་མཚོན་བར་བྱེད་པ་ནི། དེ་བསལ་བ་ཡིན་ཞེས་བྱ་བའོ། །དེ་ལྟར་ཡང་གང་བཤད་བ་མི་བསླུ་བ་ནི་དོན་ཇི་ལྟ་བ་རྟོགས་པ་ཡིན་པ་སྟེ། དེ་ནི་དོན་གྱི་ཆོས་སོ། །ཤེས་པ་ནི་དེ་ལྟར་རིགས་པ་སྟེ་དེ་ནི་ཤེས་པའི་ཆོས་སོ། །རྗེས་སུ་དཔག་པ ་ལ་ནི་དོན་ཇི་ལྟ་བ་ཡིན་པ་དང། དེ་རིག་པ་དག་མེད་པའི་ཕྱིར་དོན་བྱེད་པར་རྟོགས་པའི་མི་བསླུ་བ་མེད་པ་ཡིན་ཏེ། དེ་ནི་དོན་བྱེད་གནས་པ་ཞེས་བྱ་བས་བསྟན་པ་ཡིན་ཏེ། དོན་བྱེད་པ་གནས་བ་རྟོགས་པ་ཡིན་ནོ་ཞེ་ན། དེ་ནི་མི་རིགས་ཏེ་སྔར་མཐོར་བའི་མེ་ནི ་ཕྲད་པར་བྱ་བ་མ་ཡིན་པའི་ཕྱིར་རོ། །འདྲ་བའི་ཕྱིར་རོ་ཞེ་ན་མ་ཡིན་ཏེ། དེ་དོན་དུ་གཉེར་པ་མ་ཡིན་པའི་ཕྱིར་རོ། །སྲེག་པ་ལ་སོགས་པ་དོན་དུ་གཉེར་བ་ཡིན་ན་ཞེ་ན། །དེ་ལྟར་ན་སྲོག་པ་ལ་སོགས་པས?་འགྲུབ?་ཉེར?་བར?་པར་བྱ་བ་ཡིན་ལ། དེ་ཡང་མངོན་སུམ ་གྱིས་སྔར་ཤེས་ཟིན་པའི་ཕྱིར་མངོན་སུམ་དང་རྗེས་སུ་དཔག་པ་དག་ནི་མི་སླུ་བ་ལ་བྱེ་བྲག་མེད་དོ། །གནས་པ་རྟོགས་པ་ནི་སྒྲའི་དོན་མ་ཡིན་ཏེ། འདུག་པའི་ནག་པ་ནི་འགྲོ་བ་མ་ཡིན་ནོ། །འདིར་ཡང་འདུག་པ་དང། རྣམ་པར་གནས་པ་དང། རྣམ་པར་བཞག་པ་ཞེས ་བྱ་བའི་འཇིག་རྟེན་པའི་ཐ་སྙད་ཡོངས་སུ་དོར་ནས། དོན་གཞན་ཡོངས་སུ་བསྟན་པ་ལ་ཡང་དགོས་པ་མེད་པའི་ཕྱིར་དང། མི་ནུས་པའི་ཕྱིར་དང། བརྗོད་པར་བྱེད་པ་ཡིན་པའི་ཕྱིར་མི་རིགས་པ་ཉིད་ཀྱིས་བཀག་པའི་ཕྱིར་ཡང་ངོ། །གྲགས་པའི་དོན་བླངས་པ་ཡིན་ན། དགོས་པར ་བསྟན་པ་ཡིན་ནོ། །མི་སླུ་བ་ཅན་ཉིད་ཚད་མ་ཉིད་མ་ཡིན་ནམ། དེ་ཡང་རྟོགས་པ་པོའི་མངོན་སུམ་དང་རྗེས་སུ་དཔག་པ་ལ་ཡང་ཡོད་པའི་ཕྱིར། དེ་ཡོད་པ་ནི་ཡུལ་མཚུངས་པ་ཅན་གྱི་ཐབས་གཞན་ལ་གུས་པ་མ་ཡིན་ནོ། །བཅོམ་ལྡན་འདས་ནི་གཞན་གྱི་མངོན་སུམ་དང་རྗེས ་སུ་དཔག་པ་ཡང་མ་ཡིན་གྱི། དེ་དང་ལྡན་པ་ཡིན་པར་ནི་དེ་ལྡན་བཅོམ་ལྡན་ཚད་མ་ཉིད་ཅེས་འཆད་པར་འགྱུར་བ་སྟེ། གཙོ་བོ་ཡོད་བཞིན་དུ་ཉེ་བར་བཏགས་པ་དོན་དུ་གཉེར་བ་ནི་སུ་ཡང་མེད་པའི་ཕྱིར་གུས་པ་མ་ཡིན་ནོ། །དེ་ཡང། འོན་ཀྱང་གནས་སྐབས་ཀྱིས་ཅུང་ཟད། །ཏིལ ་མར་འབྲས་བཅས་མར་སོགས་བཞིན། །གང་དེ་ཀུན་གྱིས་ཀུན་མཁྱེན་པ། །ཡིད་དུ་ཟད་མོད་མི་འགག་གོ་ཞེས་སྨོས་སོ། །འོན་ཏེ་འུ་ཅག་ལ་སོགས་པའི་མངོན་སུམ་ལ་སོགས་པའི་ཡུལ་མ་ཡིན་པ་འཇིག་རྟེན་ཕ་རོལ་ལ་སོགས་པ་ལ་ནི་།བཅོམ་ལྡན་འདས ་འདོད་པ་ཡིན་ན་དེ་ཡང་མ་ཡིན་ཏེ། དེ་ཡང་མངོན་སུམ་ལ་སོགས་པའི་ངོ་བོ་ཡུལ་མ་ཡིན་པ་ཉིད་ཀྱིས་འཇུག་པ་མེད་པའི་ཕྱིར་དང། དངོས་པོ་གཞན་མེད་པའི་ཕྱིར་རོ། །རྟོགས་པ་པོ་ལ་བལྟོས་ནས་ཀྱང་བཏགས་པ་པ་ཡིན་པའི་ཕྱིར། མི་འཇུག་པས་དེ་ཡོངས་སུ ་བརྟག་པ་མ་ཡིན་ནོ། །སྣ་ཚོགས་པ་ཅན་གྱི་འཇིག་རྟེན་ལས་ཀྱང་འཇིག་རྟེན་ཕ་རོལ་ལ་སོགས་པ་རྗེས་སུ་དཔག་པ་ནི་ཇི་སྐད་དུ། ལས་ལས་སྐྱེས་བའི་འཇིག་རྟེན་ནི་སྣ་ཚོགས་པ་ཡིན་པའི་ཕྱིར། རྒྱུ་ཙམ་ལ་རྗེས་སུ་དཔག་པ་ཡིན་གྱི་བྱེ་བྲག་ཏུ་ནི་བཅོམ ་ལྡན་འདས་ཡིན་ནོ་ཞེས་བྱ་བ་ནི་ཡུལ་གྱི་དབྱེ་བ་ཡིན་ནོ་ཞེས་གང་སྨྲས་པ་ནི་མ་ཡིན་ཏེ། དེ་ལ་དེ་ལྟ་བུའི་ཤེས་པ་ལ་རྒྱུ་མེད་པའི་ཕྱིར་དང་པོར་རྗེས་སུ་དཔག་པ་མ་ཡིན་ཏེ། དེ་ནི་སྤྱིའི་སྤྱོད་ཡུལ་ཅན་ཡིན་པའི་ཕྱིར་རོ། །འོན་ཏེ་མི་སླུ་བ་ཅན་ཉིད་ནི་བཅོམ་ལྡན་འདས ་ཁོ་ནའི་ཡིན་གྱི་མངོན་སུམ་གྱི་ནི་མ་ཡིན་ཏེ། རང་གི་ངོ་བོ་ཙམ་ལས་ངེས་པའི་ཕྱིར་དང། རྗེས་སུ་དཔག་པའི་ཡང་མ་ཡིན་ཏེ། དེ་ལས་བྱུང་བ་ཉིད་ཀྱིས་ཁྱབ་པ་མ་གྲུབ་པའི་ཕྱིར་རོ། མ་ཡིན་ཏེ་སྒྲུབ་པར་བྱེད་པ་མ་ཡིན་པར་ཐལ་བར་འགྱུར་བའི་ཕྱིར་མངོན་སུམ་དང་རྗེས ་སུ་དཔག་པ་ཡང་དེའི་ཤེས་པ་བསྐྱེད་པའམ། གོ་བར་བྱེད་པ་ཡང་རུང་བ་སྒྲུབ་པར་བྱེད་པ་ཡིན་ལ། དེ་དག་མེད་ན་དེ་གྲུབ་པར་མི་འགྱུར་བའི་ཕྱིར་རང་ཉིད་མེད་པ་ཡིན་ནོ། །མངོན་སུམ་ལ་སོགས་པ་ཡང་ཚད་མ་ཡིན་ལ། དེ་ཉིད་མི་སླུ་བ་དང་འབྲེལ་པ་ཡིན་པའི་ཕྱིར་དེ་ཉིད ་ཀྱིས་ཆོག་གི་གཞན་ནི་མ་ཡིན་ཏེ། དེ་ཉམས་སུ་མྱོང་བ་མེད་པའི་ཕྱིར་འུ་བུ་ཅག་གིས་མི་སླུ་བའི་ཡུལ་དེ་ལ་མ་ཡིན་ཏེ། ཡུལ་མ་ཡིན་པ་ཉིད་ཀྱིས་ཕྱིར་རོ། །དེ་ལྟ་བུ་ཐམས་ཅད་ནི་བཏགས་པ་བ་ཁོ་ན་ཡིན་ཏེ། དེ་ཡང་ཉུང་དུ་ཤེས་པའང་ཀུན་ཤེས་པར། ཕལ ་པ་ལ་འཇུག་ཅེས་བརྗོད་པ་ཞེས་སྨོས་པ་སྟེ། དེ་བསྟན་པ་ནི། བཅོམ་ལྡན་འདས་ཚད་མར་གྱུར་པ་ཞེས་བྱ་བའོ། །དེ་ཉིད་ནི། དེ་ལྡན་བཅོམ་ལྡན་ཚད་མ་ཉིད་ཅེས་ཀྱང་འཆད་པར་འགྱུར་བ་མ་ཡིན་ནམ། དེ་ཡང། མངོན་སུམ་ལ་སོགས་པ་དང། བཅོམ་ལྡན་ཡུལ ་མཚུངས་པ་ཉིད་ཡིན་པར་དོགས་པ་ལ། དེ་བཞིན་དུ་བཅོམ་ལྡན་འདས་ཚད་མ་ཡིན་གྱི་དེ་ཉིད་ནི་མ་ཡིན་ཞེས་ཡུལ་གྱི་དབྱེ་བས་ཐ་དད་པར་སྒྲུབ་པར་བྱེད་པར་འགྱུར་རོ། །འོན་ཏེ་འདི་ལ་མངོན་སུམ་ལ་སོགས་པ་མི་སླུ་བ་ཅན་ལ་སོགས་པ་ཉིད་ཁོ་ན་བདེ་བར་གཤེགས ་པའི་ཕྱིར་དེ་ཉིད་ཁོ་ན་ཚད་མ་ཡིན་གྱི། གཞན་མ་ཡིན་ཏེ། མི་སླུ་བ་མི་ཤེས་པའི་ཕྱིར་ཞེས་བྱ་བ་ནི་ཕྱོགས་སྔ་མའོ། །དེ་ལྟར་དོགས་པ་དེ་ལ་ཡང། མངོན་སུམ་ལ་སོགས་པ་བཞིན་དུ་རྙེད་པར་བླ་བ་མི་སླུ་བ་ཅན་གྱི་ཤེས་པ་ཉིད་གྱིས་བཅོམ་ལྡན་འདས ་ཉིད་དམ། ཁྱད་པར་བྱེད་པའི་ཤེས་པ་དང་འབྲེལ་པ་ཅན་ཉིད་ཀྱིས་མི་སླུ་བ་ཅན་ཉིད་ནི་བཅོམ་ལྡན་འདས་ཁོ་ན་ཡིན་པའམ། གཞན་གྱིས་དེ་སྒྲུབ་པར་བྱེད་པ་དང་རྗེས་སུ་མཐུན་པ་ཉིད་ཀྱིས། ཇི་ལྟར་ཡང་འཆད་པར་འགྱུར་རོ། །དེ་དང་ལྡན་པ་ནི་མི་བསླུ ་བ་ལ་སོགས་པ་དང་ལྡན་པའི་བཅོམ་ལྡན་འདས་ཉིད་ཚད་མ་ཡིན་ནོ་ཞེས་བྱ་བའི་དོན་ཏོ། །འོན་ཏེ་མངོན་སུམ་ལ་སོགས་པ་ནི་མི་སླུ་བ་ཤེས་པ་ཡིན་པའི་ཕྱིར། རིགས་ན་བཅོམ་ལྡན་འདས་ནི་མ་ཡིན་ཏེ། རྟོགས་པའི་ངོ་བོ་མ་ཡིན་པའི་ཕྱིར་ལ། ཚད་མ་ནི་རྟོགས་པ ་ཡིན་ནོ་སྙམ་དུ་དོགས?་པ་ལ་དེ་དང་ལྡན་པ་སྟེ། མངོན་སུམ་ལ་སོགས་པ་དང་ལྡན་པ་དེའི་བདག་ཉིད་ཀྱིས། དེས་ན་བཅོམ་ལྡན་འདས་ཉིད་ཚད་མ་ཡིན་ནོ་ཞེས་འཆད་པར་འགྱུར་བའོ། །དེར་ཡང་མངོན་སུམ་ལ་སོགས་པ་ཉིད་ཚད་མའི་གཙོ་བོ་ཡིན་ཏེ། རྟོགས་པའི ་གཙོ་བོ་དག་ཡིན་པའི་ཕྱིར་རོ། །བཅོམ་ལྡན་འདས་ནི་ཚད་མ་དང་འདྲ་བས་ཚད་མར་གྱུར་པ་ཡིན་ནོ་ཞེས་བྱ་བའི་བསམ་པས་དོགས་པ་ལ། ཁྱབ་པར་བྱེད་པ་བྱེད་པ་རྟོགས་པའི་བདག་ཉིད་ཡིན་པའི་ཕྱིར། བཅོམ་ལྡན་ཁོ་ན་ཚད་མའི་གཙོ་བོ་ཡིན་ལ། ་གཞན་ནི་དེ་དང་མཐུན་པ་ཉིད་ཀྱིས་གཙོ་བོ་མ་ཡིན་ནོ་ཞེས་བསྟན་ཏོ། །གལ་ཏེ་དེའི་ཡུལ་ཐ་དད་པ་མ་ཡིན་པས་ཚད་མ་ཉིད་མ་ཡིན་ནོ་སྙམ་པས་ཡུལ་གྱི་དབྱེ་བ་ལས་ཚད་མ་ཉིད་ཡིན་པ་ནི་འདིར་དོན་ཡིན་ནོ་ཞེས་ཟེར་བ་དེ་ལྟ་ན། མངོན་སུམ་ལ་སོགས་པ ་བཞིན་དུ་ཡུལ་གྱི་དབྱེ་བས་ཚད་མ་ཐ་དད་པ་ཡིན་ན་ཚད་མ་ནི་རྣམ་པ་གཉིས་ཏེ་ཞེས་བྱ་བ་ཉམས་པར་འགྱུར་རོ་སྙམ་དུ་དོགས་པ་ལ་དེ་ལྡན་ཞེས་སྨོས་པ་ཡིན་ནོ། །གལ་ཏེ་ཡང་མཐོང་བ་དང་མ་མཐོང་བ་ཉིད་ཀྱིས་ཡུལ་ཐ་དད་པ་ཡིན་ན། དེ་ན་ཡང ་དེ་བཞིན་ཏེ། མངོན་སུམ་ལ་སོགས་པ་ཁོ་ན་བཞིན་དུ། མི་བསླུ་བས་བཅོམ་ལྡན་འདས་ཀྱང་བྱེ་བྲག་མེད་དོ་ཞེས་བྱ་བའི་དོན་འོ་ན་ནི་མི་བསླུ་བ་ཅན་ཉིད་ནི་བཅོམ་ལྡན་འདས་ཉིད་ཡིན་གྱི། གཞན་ནི་མ་ཡིན་ནོ་ཞེས་བྱ་བ་ནི་འདིར་དོན་ཡིན་ནོ། །མངོན ་སུམ་ལ་སོགས་པ་མེད་ན་དེ་ལྟ་ན་དེ་ཁོ་ན་ཉིད་དུ་བཅོམ་ལྡན་འདས་ཅི་ནས་ཀྱང་མི་འགྲུབ་བོ་སྙམ་དུ་དོགས་པ་ལ། མངོན་སུམ་ལ་སོགས་པ་སྒྲུབ་པར་བྱེད་པར་གྱུར་པས་དེ་དང་ལྡན་པའི་བསྒྲུབ་བྱར་གྱུར་པ་ཡང་བཅོམ་ལྡན་འདས་མ་ཡིན་ལ། དེ་དང་བྲལ་བས་ཀྱང་མ་ཡིན ་ཞེས། བྱ་བའི་དོན་དུ་འཆད་པར་འགྱུར་རོ། །གལ་ཏེ་ཡང་མངོན་སུམ་ནི་མི་བསླུ་བ་ལ་སོགས་པས་ཚད་མ་མ་ཡིན་པ་དེ་བཞིན་དུ་བཅོམ་ལྡན་འདས་ཉིད་ཁྱབ་པར་བྱེད་པ་དེ་ཉིད་ཡིན་པའི་ཕྱིར་ཐམས་ཅད་མི་རིགས་ཏེ། ཤེས་པའི་བདག་ཉིད་ཡིན་པའི་ཕྱིར་མི་བསླུ་བའི ་ཤེས་པ་ཚད་མ་ཡིན་ཏེ། བློ་ནི་ཚད་མ་ཡིན་ཞེས་བྱ་བའི་ཚིགས་ལས་སོ། །བཅོམ་ལྡན་འདས་ནི་ཡུལ་རྟོགས་པའི་ཤེས་པ་མ་ཡིན་ལ། དེར་ཞེན་པའི་ཡང་མ་ཡིན་ཏེ། དེ་ཁོ་ན་ཉིད་མི་ཤེས་པ་ཙམ་གྱི་ཡང་དབང་མེད་པའི་ཕྱིར་རོ་སྙམ་དུ་དོགས་པ་ལ་དེ་དང་ལྡན་པ ་སྟེ། མངོན་སུམ་ལ་སོགས་པ་དང་ལྡན་པའི་ཚད་མ་ནི་བཅོམ་ལྡན་འདས་ཡིན་ཏེ། ཇི་སྐད་བསྟན་པའི་མཚན་ཉིད་དང་ལྡན་པའི་མངོན་སུམ་ལ་སོགས་པ་བཅོམ་ལྡན་འདས་ལ་མངའ་བ་ཡིན་ཏེ། དེའི་བདག་ཉིད་ཀྱིས་ཞེས་འཆད་པར་འགྱུར་བའོ། །གཙོ་བོ་དང་གཙོ ་བོ་མ་ཡིན་པ་ཉིད་དང་ཁྱད་པར་བྱེད་པ་དང་ཁྱབ་པར་བྱེད་པ་མ་ཡིན་པ་ཉིད་དུ་གོང་དུ་བསྟན་པ་ཡིན་ལ། འདིར་ནི་ཤེས་པ་དང་མི་ཤེས་པ་ཉིད་ཀྱི་བྱེ་བྲག་ལ་ཐེ་ཚོམ་ཟ་བ་ལ་བྱེ་བྲག་མེད་དོ་ཞེས་བྱ་བ་ནི་གྲུབ་པའི་མཛའ་ཨོ། །བཅོམ་ལྡན་འདས་ནི་མཐོང་བའི་ཡུལ ་ལ་ཚད་མ་མ་ཡིན་ཏེ། གང་གིས་དེའི་ཡུལ་གཏོགས་པའི་མངོན་སུམ་ལ་སོགས་པས་རྟོགས་པའི་དོན་ལ་ནི་མ་ཡིན་ནོ། །འོ་ན་ཅི་ཞེ་ན། འུ་བུ་ཅག་ལ་སོགས་པའི་ཚད་མ་ཡུལ?་མ་ཡིན་པས་མ་མཐོང་བ་འཇིག་རྟེན་ཕ་རོལ་ལ་སོགས་པའོ་ཞེས་བྱ་བའི་དགོངས ་པས་ལན་དུ་དེ་ནི་མེད་དེ། །རང་དངོས་བཞེས་བྱ་བ་ལ་སོགས་པའོ། །རྗེས་སུ་དཔག་པ་ནི་རང་གི་ཙམ་འཛིན་པ་མ་ཡིན་པ་མ་ཡིན་ནམ། ཡིན་པ་དེ་ལྟར་ན་མངོན་སུམ་ཉིད་དུ་ཐལ་བར་འགྱུར་རོ། །འོན་ཀྱང་ཕྱི་རོལ་ལ་ཡིན་ནོ། །དེས་ན་དེ་ཉིད་འཇིག་རྟེན་ལ་སོགས་པའི ་ཡུལ་ཅན་ཡང་ཡིན་ནོ། །འབྱུང་རྡུབ་དབང་པོའི་ཤེས་རྣམས་ཀྱིས། །སྐྱེས་པ་ལུས་འབའ་ཞིག་ལས་མིན?། ཞེས་འཆད་པར་འགྱུར་བའོ། །འདི་ལ་རྗེས་སུ་དཔག་པ་ནི་ཞེས་སྨོས་པའོ། །དབུགས་རྡུབ་པ་ལ་སོགས་པ་རྣམས་གོམས་པ་ལས་བྱུང ་བའི་བྱེ་བྲག་ཉིད་ཡིན་ཏེ། གོམས་པ་སྔོན་དུ་འགྲོ་བ་ཅན་དུ་མཐོང་བ་མ་ཡིན་ན། སྐྱེ་བ་ལ་སོགས་པ་ལ་ཡང་རང་གི་རིགས་ཀྱིས་གོམས་པ་གོ་བར་བྱེད་པ་ཡིན་པའི་ཕྱིར་འབྲེལ་པ་འཛིན་པའི་སྒོ་ནས་གོ་བར་བྱེད་པ་ཡོད་པ་ཡིན་ནོ་སྙམ་སེམས་པ་ལ། ཁྱབ ་པ་ཅན་གྱི་འབྲེལ་པ་འཛིན་པ། །ཞེས་སྨོས་ཏེ། ཁྱབ་པ་ཅན་གྱི་འབྲེལ་པ་ནི་ཁྱབ་བྱ་ཁྱབ་བྱེད་ཀྱི་ངོ་བོ་སྟེ། མི་མཐུན་པའི་ཕྱོགས་མ་ལུས་པ་ལས་ལེག་པ་ཡིན་ན་འཛིན་པ་ཡིན་གྲང་ན། ཚུ་རོལ་མཐོང་བ་བས་ནི་དེ་ལྟར་མཐོང་བ་མ་ཡིན་ཏེ། མཐོང་བ་ནི་རང་གི་ངོ་བོ་མཐར ་ཐུག་པའི་ཕྱིར་རོ། །ལྷན་ཅིག་པ་ཉིད་དུ་ཡང་དང་ཡང་དུ་མཐོང་བ་ལས་ངེས་པའི་ཞེས་པ་ཡིན་ན་ནི་སྐྱོན་འདི་ཡིན་ཏེ། ལྷན་ཅིག་མིན་པར་ལྷན་ཅིག་པ་ཉིད་དུ་མཐོང་བ་རྣམས་ཀྱི་ཡང་འཁྲུལ་པར་མཐོང་བས་དོན་གྱིས་གོ་བ་མི་བསྐྱེད་པའི་ཕྱིར་རོ། །འབྲས་བུ་ཉིད་ནི་ལན ་ཅིག་ཀྱང་མངོན་སུམ་དང་མི་དམིགས་པ་དག་གིས་མཐོང་ན་འབྲེལ་པ་མི་འཛིན་པའི་སྐྱོན་མེད་དོ་སྙམ་དུ་སེམས་པ་ལ་ཐ་སྙད་ཙམ་དུ་ཚད་མ་ཡིན་གྱི་ཞེས་སྨོས་སོ། །མངོན་སུམ་གྱིས་འཛིན་པའི་དཔེའི་དོན་དུ་སྟེ། དཔེར་ན་མངོན་སུམ་ནི་རང་གི་ངོ་བོའི་ཡུལ ་ཅན་ཡིན་ཡང་འབྱུང་བར་འགྱུར་བའི་ཡུལ་ཅན་དུ་ཐ་སྙད་ཀྱི་ངེས་པ་ཡིན་ལ། དེ་བཞིན་དུ་རྗེས་སུ་དཔག་པ་ཡང་མངོན་སུམ་དུ་མི་དམིགས་པ་སྔོན་དུ་འགྲོ་བ་ཅན་གྱི་ངེས་པ་ལས་འབྲས་བུ་ཉིད་དང་འབྲེལ་པ་གྲུབ་པ་ལ་རྟེན་པ་ཡིན་གྱི། དེ་བཞིན་དུ་དོན་དམ་པ་པ ་དང་འབྲེལ་བ་ནི་མ་ཡིན་ནོ། །དེ་ལྟ་བུའི་རྗེས་སུ་དཔག་པ་ནི་ཐམས་ཅད་མ་བྱེད་པ་གྲུབ་པ་ལ་འགལ་བ་ཅན་མ་ཡིན་ཏེ། དེ་འགྲུབ་པའི་བསྒོམ་པས་འགྲུབ་པའི་ཕྱིར་རོ། །ཡང་ན་འབྲས་བུ་དང་རྒྱུ་ལས་བྱུང་བའི་རྗེས་སུ་དཔག་པ་དེ་ཉིད་ལས་དེ་རྟོགས་པའི ་ཕྱིར་ཞེས་བསྟན་པ་ནི། ཐམས་ཅད་མཁྱེན་པ་ཞེས་བྱ་བའོ། །བསྟན་བཅོས་ནི་འབྲས་བུའི་ཡུལ་ཅན་མ་ཡིན་ན། འབྲས་བུ་མཐོ་རིས་དང་འབྲེལ་པའི་ཡུལ་ཅན་ཡང་ཡིན་གྱི། རང་གི་ཡུལ་དང་འབྲེལ་པ་ལ་འཛིན་པ་ལ་ལྟོས་པ་ནི་མ་ཡིན་ཏེ། འཇིག་རྟེན་ལ་གྲགས་པའི་དངོས ་པོ་དང་འབྲེལ་པ་ཙམ་ལ་བལྟོས་པ་དང། འདོད་པ་ལ་སོགས་པས་ཕྱིའི་དོན་རྟོགས་པར་བྱེད་པ་ཡིན་པའི་ཕྱིར་རོ། །ཚད་མ་ནི་ཐེ་ཚོམ་མེད་པ་ཅན་གྱི་ཤེས་པ་བསྐྱེད་པར་བྱེད་པའི་ཕྱིར་དང། སྐྱེས་བུས་བྱས་པ་མ་ཡིན་པ་ཉིད་དུ་ངེས་པས་རྒྱུའི་སྐྱོན་མེད་པར ་ངེས་པ་ལ་ཕྱིན་ཅི་མ་ལོག་ཏུ་དོགས་པ་མེད་པའི་ཕྱིར་རོ། །མངོན་པར་འདོད་པ་དང་འཕྲད་པར་བྱེད་པ་ཉིད་ཀྱི་ཕྱིར་མི་བསླུ་བ་ཅན་ཡིན་གྱི་དེའི་ཡུལ་ལ་བཅོམ་ལྡན་འདས་ཚད་མ་མ་ཡིན་ཉེ་དེས་རྟོགས་པ་ཡིན་ནོ་ཞེས་བསྟན་པ་ལ་ཞེས་ཟེར་བ་ནི། གལ་ཏེ་རང་གི་ངོ་བོ་ཉིད ་ཅེས་བྱ་བ་ལ་སོགས་པའོ། །གྲུབ་པའི་མཛའ་ཡང་མདོར་བསྡུས་པ་ནི་སྒྲ་ལ་ནི་དུ་བ་བཞིན་དུ་དོན་དང་ལྷན་ཅིག་པའི་རང་བཞིན་ཅན་གྱི་འབྲེལ་བ་མེད་པའི་ཕྱིར་སྨྲ་བ་པོའི་རྒྱུད་ཀྱི་ཤེས་པའི་ཡུལ་གྱི་དོན་བརྡར་བྱས་པ་ཅན་ལ། སྒྲ་ལས་ཉན་པ་པོས་རྟོགས་པར་བྱེད་པ་ཡིན ་ཏེ། དེའི་ཚེ་སྒྲ་ནི་བརྟགས་སོ། །དོན་དེ་རྟོགས་པ་ཅན་གྱི་སྨྲ་བ་པོ་ནི་ཆོས་ཅན་ནོ། །རྟོགས་པའི་ཡུལ་གྱི་དོན་ནི་བསྒྲུབ་བྱ་ཡིན་ནོ། །རྟོགས་བཞིན་པའི་མེ་བཞིན་དུ་དོན་དེ་ཉེ་བར་གནས་པ་མ་ཡིན་པའི་ཕྱིར་རྟོགས་བཞིན་པ་ཉིད་མ་ཡིན་པ་ལས། ཇི་ལྟར་རྟོགས་ཀྱང ་རུང་དོན་མེད་པ་ཡིན་ན་ནི་སྒྲ་ལས་བྱུང་བ་ཡང་ངོ། །ཡིད་ཆེས་པས་བསྟན་པ་ཡིན་ན་གཞན་གྱི་དོན་གྱི་རྗེས་སུ་དཔག་པ་ཡིན་ལ། སྨྲ་བ་པོའི་བསམ་པ་ལ་འབྲས་བུ་ལས་བྱུང་བའི་ཡང་དག་པའི་རྗེས་སུ་དཔག་པ་ཡིན་ནོ། །དེ་ནི་འདིར་སྐབས་མ་ཡིན་ཏེ། དོན་ཏེ་ཡུལ ་བསམ་བྱ་ཡིན་པའི་ཕྱིར་རོ། །རྟགས་ཀྱང་དུ་བ་ལས་མི་རྗེས་སུ་དཔོག་པ་བཞིན་དུ་ཕྱོགས་ཀྱི་ཆོས་ཉིད་ལ་སོགས་པའི་ངེས་པ་མེད་ཀྱང། གང་ལས་གོ་བར་བྱེད་པ་ཡིན། དེ་ལ་ཡང་ངེས་འགའ་ཞིག་བྱ་བ་བཞིན་དུ་དེའི་ཆོས་ཉིད་ལ་སོགས་པ་འཛིན་པ་ཡོད་པར་རྟོགས་པའི ་དོན་དུ་བློ་ལ་གྲུབ་བ་དང་འབྲེལ་པ་ཅན་གྱི་སྒྲ་ལས་བྱུང་བ་ཡང་རྗེས་སུ་དཔག་པ་ཡིན་ནོ་ཞེས་བསྟན་པ་ནི། སྨྲ་བ་པོའི་བྱ་བའི་ཡུལ་ཞེས་བྱ་བ་ལ་སོགས་པས་བསྟན་པ་ཡིན་ནོ། །བློའི་ཡུལ་ཉིད་ནི་ཇི་ལྟར་ཐོས་པ་དོན་གྱི་དེ་ཁོ་ན་ཉིད་དེ་དོན་དམ་པའི་རྒྱུ་མཚན ་དང་འབྲེལ་པ་གང་ཡིན་པ་གང་གི་ཡིན་པ་དེ་ནི་རྗེས་སུ་དཔག་པ་ཉིད་ཅེས་བྱ་བའི་དོན་ཏོ། །བློ་ལ་གྲུབ་པ་དང་འབྲེལ་བ་ཅན་ཉིད་ཅེས་བསྟན་པ་ཡིན་ནོ། །རྒྱས་པར་ནི་སྒྲ་ལས་བྱུང་བ་རྣམ་པར་བཅད་པ་ལ་ལྟོས་པ་ཡིན་ནོ། །མངོན་པར་བརྗོད་པའི་བྱ་བ་ལོག་པ་ཡིན་ན ་སྨྲས་པའི་དོན་དང་མཚུངས་པའི་རྣམ་པ་སྨྲ་བ་པོའི་བློ་ལ་གནས་པའི་དོན་རྗེས་སུ་དཔག་པ་ལས་རྟོགས་པ་ནི་འཇིག་པའི་མ་ཡིན་པ་འགེགས་པ་བསྟན་པ་ནི། སྨྲ་བ་པོའི་བྱེད་པ་ནི་བརྗོད་པར་འདོད་པའོ་ཞེས་བྱ་བའོ། །ཉན་པ་པོ་ནི་སྨྲ་བ་པོའི་བསམ་པ་ལ་ཡོད ་པའི་དོན་ཇི་ལྟ་བ་གོ་བར་བྱེད་ལ། དེ་བཞིན་དུ་སྨྲ་བ་པོ་ཡང་ཉན་པ་པོའི་བློ་ལ་གནས་པར་བྱ་བའི་ཕྱིར་སྨྲ་བར་བྱེད་དོ་ཞེས་བྱ་བའི་དོན་ཏོ། །སྒྲ་ནི་མངོན་པར་བརྗོད་པ་ཉིད་ཀྱི་བྱ་བ་ཡིན་གྱི་གཞན་ནི་མ་ཡིན་ལ། དེ་ལྟ་ཡིན་ན་དེ་ནི་རྗེས་སུ་དཔག་པ་ཚད་མ་གཞན ་ཉིད་དུ་འགྱུར་ལ། ཁོ་བོ་ཅིག་གི་ཕྱོགས་ལ་ནི་དེ་རྗེས་སུ་དཔག་པ་ཡིན་ནོ་ཞེས་བསྟན་པ་ནི། སྒྲའི་བྱེད་པ་ནི་དེ་ཉིད་ལ་ཞེས་བྱ་བའོ། །གལ་ཏེ་སྨྲ་བ་པོའི་བརྗོད་པར་འདོད་པའི་ཡུལ་གྱི་བསྟན་བཅོས་ཐམས་ཅད་ཚད་མ་ཡིན་ན། དེ་ལས་གཅིག་ཀྱང་འཇུག་པར ་བྱེད་པ་ཉིད་ཀྱིས་ཚད་མ་ཉིད་ཡིན་གྱི། ཐམས་ཅད་ནི་ཐམས་ཅད་ཀྱིས་ནན་ཏན་དུ་བྱ་བར་མི་འགྱུར་བ་ཞིག་ནི། འདི་དག་ཐམས་ཅད་ཐམས་ཅད་ཀྱི་ཡིན་པ་ཁོ་ན་སྟེ། བྱེ་བྲག་གི་རྒྱུ་མེད་པའི་མེད་པའི་ཕྱིར་རོ། །གལ་ཏེ་བསྟན་བཅོས་རྣམས་ཀྱི་ཕན་ཚུན་འགལ ་བའི་དོན་ཉིད་ཀྱིས་དོན་དམ་པ་པོའི་འཇིག་རྟེན་ཕ་རོལ་གྱི་ཡུལ་ཉིད་མ་ཡིན་པ་དེ་ལྟ་ན་གང་ཞིག་ཡུལ་ཡིན་སྙམ་པ་ལ། དེ་ཕྱིར་གལ་ཏེ་སྨྲ་བ་པོ། ཞེས་བྱ་བ་ལ་སོགས་པའོ། །ཐམས་ཅད་རིག་པ་ཅན་གྱི་བཀའ་པ་ལས་ཀྱང་དེ་བཞིན་ནི་མིན་ནམ། དེས་ན ་གལ་ཏེ་སྨྲ་བ་པོ་ཐམས་ཅད་མཁྱེན་པ་མ་ཡིན་ན། གང་ཕུལ་དུ་བྱུང་བ་ཡིན་ཐམས་ཅད་ཐམས་ཅད་མཁྱེན་པའི་བཀའ་ནི་དོན་གྱི་དེ་ཁོ་ན་ཉིད་ཀྱི་ཡུལ་ཅན་ཉིད་ཡིན་པས་གཞན་གྱི་དོན་གྱི་རྗེས་སུ་དཔག་པ་ཉིད་ལ། གཞན་གྱི་ནི་རྗེས་སུ་དཔག་པ་ཙམ་ཡིན་པའི་ཕྱིར་སྙམ་དུ ་དགོངས་པའོ། །སྐྱེས་བུས་བྱས་པ་ལ་ནི་སྐྱོན་ཡོད་པར་དོགས་པས་འཇུག་པར་མི་བྱེད་པ་ཉིད་མ་ཡིན་ནམ། སྐྱེས་བུས་བྱས་པ་མ་ཡིན་པ་ལ་ཇི་ལྟར་ཡིན། སྒྲ་ནི་ཤིན་ཏུ་དྲི་མི་ཞིམ་པ་ཅན་བཞིན་དུ་རང་བཞིན་གྱིས་སྐྱོན་དང་ལྡན་པ་མ་ཡིན་ནོ། །སྒྲའི་དོན་དང་མ ་རེག་པ་ཉིད་ཀྱང་སྐྱེས་བུའི་སྐྱོན་ཁོ་ན་ཡིན་ནོ། །སྐྱོན་དང་ལྡན་པའི་སྐྱེས་བུ་ནི་བསམ་པའི་སྐྱོན་གྱིས་གཞན་དུ་གནས་པའི་དོན་ལ་གཞན་དུ་རབ་ཏུ་སྦྱོར་བ་ཡིན་ཏེ། རྩཝ་མཆོག་གི་རྩེ་མོ་ལ་གླང་པོ་ཆེ་བརྒྱ་ལྟ་བུ་ཡིན་ན། དེ་ལྟ་བུའི་ཚིག་ནི་ཡིད་ཆེས་པ་མ་ཡིན་ནོ།། ་དེ་ཡང་ཚིག་ཅིག་གིས་དགག་པ་ལ་རབ་ཏུ་སྦྱོར་ན་ཡིད་ཆེས་པ་མི་འདོར་བ་ཡིན་ནོ། །དེ་བཞིན་དུ་ཆུ་བོའི་དོགས་ན་འབྲས་བུ་རྣམས་ཞེས་བྱ་བ་ཡང་ཡིད་ཆེས་ལ་རབ་ཏུ་སྦྱར་བ་ཡིན་ན་བདེན་པ་ཡིན་ན། དེ་ཉིད་ཡིད་ཆེས་པ་མ་ཡིན་པས་རབ་ཏུ་སྦྱར་པ ་ཡིན་ན་རྫུན་པར་ཡང་འགྱུར་རོ། །རང་བཞིན་གྱིས་སྐྱོན་ཅན་ཡིན་ན། དུས་ཐམས་ཅད་ཉིད་དུ་རྫུན་པར་འགྱུར་རོ། །གཞན་དག་ན་དེ་འབྲེལ་པ་འཛིན་པའི་དུས་སུ་རྒན་པོ་རྣམས་ཐ་སྙད་དུ་བྱེད་པར། དྲུང་ན་གནས་པ་དག་སྒྲ་འདིའི་དོན་ཡིན་ཞེས་ཤེས་པ ་ཡིན་གྱི། སྔོན་ནས་དོན་དེ་ཡིན་པར་ཤེས་པ་དང་ལྡན་པ་ཡིན་ནོ། །དེས་ན་དྲན་པར་མི་འགྱུར་རོ། །སྒྲ་དེ་ཡང། དོན་ལ་སྒྲ་གཞན་ཉེ་བར་གྱུར་པ་འམ་རིང་ཡང་རུང་འདོད་པ་སྔོན་དུ་འགྲོ་བ་ཅན་གྱིས་སྨྲས་པ་ནི་དོན་གཞིན་དང་འབྲས་བུ་ཅན་དུ་བརྗོད ་པར་བྱེད་པ་ཡིན་ཏེ། དེ་ལྟར་རྟོགས་པའི་ཕྱིར་རོ། །དེ་ལྟར་ན་ཚིག་རྣམས་ནི་དོན་གཞན་དང་འབྲེལ་པ་ཅན་གྱི་དོན་ཉིད་དུ་རང་བཞིན་གྱིས་གྲུབ་པ་ཡིན་པ་ལ་སྐྱེས་བུའི་སྐྱོན་གྱིས་གཞན་དུ་བྱེད་པའི་ཕྱིར་སྒྲའི་སྐྱོན་མ་ཡིན་ནོ། །རིག་བྱེད་པ་ནི་སྐྱེས་བུ་མེད་པའི ་ཕྱིར་གཞན་དུ་བྱ་བ་མ་ཡིན་པའི་ཕྱིར་ཇི་ལྟར་འཇུག་པར་མི་བྱེད་པ་ཡིན། དེ་ཡང་ཡང་ན་གང་ཞིག་ཅེས་སྨྲ་བ་རང་འདོད་པ་ཉིད་དུ་བརྗོད་པ་སྟེ། དེས་ན་སྐུ་ལ་བྱེད་སྐྱོན་མེད་པ། །རྫུན་པ་ཉིད་དུ་འགལ་བ་ཡིན་སྙམ་དུ་སེམས་པ་ལ། སྐྱེས་བུས་མ་བྱས་པ་ལ ་ཡང་ཞེས་སྨོས་ཏེ། ཇི་ལྟ་དེ་ལྟ་ཡིན་དུ་ཟིན་ཀྱང་སྐུ་ལ་བྱེད་ཀྱི་བློ་ནི་ཐམས་ཅད་དུ་རང་གི་སོ་སོར་སྣང་བ་ཉིད་ཀྱི་དོན་ལ་ཚད་མ་ཡིན་གྱི་གཞན་ལ་ནི་མ་ཡིན་ནོ། །གཞན་གྱི་དོན་གྱི་རྗེས་སུ་དཔག་པ་ལ་ནི་དོན་གྱི་དེ་ཉིད་རང་བཞིན་གྱིས་འབྲེལ་པ་ཡིན་པའི་ཕྱིར་རོ། །ཚིག ་ནི་རང་ཉིད་འབྲེལ་པ་ཅན་མ་ཡིན་ཡང་འབྲེལ་བ་ཅན་ན་ཚོན་པར་བྱེད་པ་ཡིན་ཏེ། གཏན་ཚིགས་ཀྱི་ཚིག་རང་ཉིད་ནི། །ནུས་མེད་ཡིན་ཡང་ནུས་མཚོན་བྱེད། ཅེས་སྨོས་སོ། །བརྗོད་བྱའི་བྱེ་བྲག་རྟོགས་པ་ན་བརྗོད་བྱེད་རང་ཉིད་དང་འབྲེལ་པ་ཡིན་གྱི་གཞན་དུ་ན་མི་འཐད ་པ་ལས་ཞེས་བྱ་བ་མི་རིགས་པ་སྟེ། མངོན་སུམ་བཞིན་དུ་བྱེ་བྲག་རྟོགས་པ་མེད་པའི་ཕྱིར་རོ། །གཞན་གྱི་དོན་རྟོགས་པའི་ཐ་སྙད་ལས་རྗོད་བྱེད་ཀྱི་ཤེས་པ་མཚོན་པར་བྱེད་པ་ཡིན་ནོ་ཞེ་ན། གཞན་གྱི་ཡང་དེའི་ཤེས་པ་ཅི་ལས་ཡིན་གཞན་ལས་སོ། །དེ ་ཡང་གཞན་ཡིན་པའི་ཕྱིར་ལོང་བ་གཅིག་ལ་གཅིག་ལྟ་བུ་ཉིད་དོ། །ཡི་གེ་ལས་ཐ་དད་པ་ཅན་གྱི་སྒྲའི་ཤེས་པ་བཞིན་དུ་མཐོང་བ་མེད་ན། སྣང་བ་དང་འབྲེལ་བ་དེ་བཅོས་པ་ཡིན་པའི་དོན་ནི་སྒྲ་ལས་བྱུང་བ་རྣམ་པར་བཅད་པ་བསྟན་པ་ཡིན་ནོ། །མདོར་བསྡུས ་པ་བསྟན་ནས། འདིའི་རྒྱས་པ་སྨྲ་བ་པ་རྣམས་ཀྱི་འདོད་པའི་དབྱེ་བས་བསྟན་པར་འདོད་པས། ངེས་པར་སྦྱོར་བའི་དག་གི་དོན་ནི་ཞེས་བྱ་བ་སྨོས་ཏེ། མཆོད་སྦྱིན་དང་གཏོང་བ་ལས་བྱ་བའི་ལིང?་ངའི་དོན་གྱི་སྐད་ཀྱི་དབྱིངས་ཀྱི་དོན་ཏེ། བསྒོམ་པ་དང་མཚན ་ཉིད་མི་མཐུན་པའི་བསྒྲུབ་བྱའི་ངོ་བོ་བདག་ཉིད་འགྲུབ་པའི་དོན་དུ་གཞན་འཇུག་པར་བྱེད་པའི་ཕྱིར་གཅིག་ཏུ་འཛུད་པར་བྱེད་པ་ནི་ངེས་པར་སྦྱོར་བའི་རང་བཞིན་ནོ། །དེ་ཉིད་ཀྱང་འབྲས་བུ་དང་འབྲེལ་པ་ཅན་གྱི་འཛུད་པར་བྱེད་པའམ། དེ་དང་འབྲེལ ་པའི་འབྲས་བུ་ཡང་རུང་ཞེས་བྱ་བའི་དག་གི་དོན་ཉིད་ཀྱིས་བསྟན་ཏོ། །འཁྲུལ་འཁོར་ལ་སྐྱོན་བ་ལ་སོགས་པ་ཡང་དེའི་དབྱེ་བ་ཡིན་ནོ། །སྐྱེས་བུ་ཁ་ཅིག་ལ་འཇུག་པར་གྱི་སྒྲུབ་པར་གྱིས་ཞེས་བྱ་བ་ནི་དེའི་སྒྲུབ་པའོ། །སྒྲ་ནི་འཇུག་པ་དང། བྱེད་པ་དང། སྒྲུབ་པ་དེ་རྣམས ་ཀྱི་བྱེད་པ་པོ་དང། སྨྲ་བ་པོ་ཡིན་པའི་ཕྱིར་སྔ་ཕྱིར་ནི་མ་ཡིན་ནོ། །སྒྲ་ནི་བྱེད་པ་པོ་ཡིན་ལ་དེའི་བྱེད་པ་ནི་བྱ་བ་ལ་ཡིན་ཏེ། བྱ་བར་གྱུར་པ་ནི་སྐྱེས་བུའི་བྱ་བའོ། །བཤད་པ་ཐམས་ཅད་ལ་ཡོད་པ་ཅན་ལ་དེ་དུ་བར་བྱེད་པ་ལ་སོགས་པའི་དོན་དུ་སྨྲ་བའོ། །བྱ་བ་ཉིད་ཀྱི ་བྱེད་པ་ནི་བྱེད་པ་པོའི་རང་གི་བྱ་བ་དང་ལྷན་ཅིག་འབྲེལ་པའི་ཤེས་པ་ཡིན་པ་བཞིན་བྱ་བ་ནི་གཞན་ནོ། །སྐད་ཀྱི་དབྱིངས་ཀྱིས་རང་གི་དོན་བསྟན་པ་ཡིན་ལ། དེ་ཡང་མི་ཤེས་པ་འཇུག་པའི་ཡུལ་ཉིད་ཀྱིས་ཤེས་པར་བྱེད་པ་ནི་ལིང་ང་ལ་སོགས་པའི་ཚད་མ ་གཞན་བཞིན་དུ་བསྒྲུབ་པ་ཡིན་ནོ་ཞེས་བྱ་བ་ནི་གཞན་ནོ། །སྐད་ཀྱི་དབྱིངས་ཀྱིས་དོན་ཉིད་ནི་ལིང་ང་ལ་སོགས་པ་ཡོད་པའི་སྒྲུབ་བྱ་ཉིད་ཀྱིས་རྟོགས་བཞིན་པ་རང་ལ་གྲུབ་པའི་དོན་དུ་སྐྱེས་བུ་འཇུག་པས་འཕངས་པ་ནི་སྒྲུབ་པར་བསྟན་པ་ཡིན་ནོ་ཞེས་བྱ་བ་ནི་གཞན་ནོ། ། ་འདི་ལ་ངེས་པར་སྦྱོར་བ་ཞེས་བྱ་བ་སྨོས་ཏེ། རྣམ་པ་དུ་མ་དེ་དག་ཐམས་ཅད་བློ་ལ་ཇི་ལྟར་སྣང་བས་ཉེ་བར་བསླང་པ་ཡིན་གྱི། དོན་གྱི་དེ་ཁོ་ན་ཉིད་ཀྱི་རང་བཞིན་ལས་ནི་མ་ཡིན་ནོ། །རང་དངོས་ལས་དོན་སྒྲུབ་བྱེད་ན་སྟེ་འདོད་པ་སྒྲུབ་པ་ཡིན་ན། མི་འབྱུང་ནི་འབྱུང ་བར་མི་འགྱུར་བ་སྟེ། སྐྱེས་བུའི་དོན་མ་ཡིན་པའི་ཕྱིར་དང། སྐྱེས་བུའི་དོན་གྱི་རྒྱུ་ཡང་མ་ཡིན་པའི་ཕྱིར་རང་སྟེ་བདག་ཉིད་མེད་པ་ལས་དོན་ཏེ། འདོད་པའི་སྒྲུབ་བྱེད་དེ་བྱ་བ་སྒྲུབ་པ་ལ་བྱེད་པ་མེད་པའི་ཕྱིར་དེ་ནི་སྐྱེས་བུའི་དོན་མ་ཡིན་ཞིང་དེ་སྒྲུབ་པར་བྱེད་པ ་ཡང་མ་ཡིན་ཏེ། རྣམ་པར་རྟོག་པ་ཙམ་གྱི་ཡུལ་ལ་ཡང་ཡོད་པའི་རིག་བྱེད་ཀྱིས་དོན་དམ་པའི་སྦྱོར་བ་དང། མཐོ་རིས་དག་བདག་ཉིད་གྱི་ཡུལ་མ་ཡིན་པ་ལ། འབྲེལ་པ་ཉེ་བར་བསྟན་པ་ནུས་པ་མ་ཡིན་ནོ་ཞེས་བསྟན་ཏོ། །སྒྲུབ་པ་ཞེས་བྱ་བ་ནི་རེ་རེ་ལ ་སྦྱར་བར་བྱའོ། །དེ་རྣམས་ཐམས་ཅད་འདོད་པའི་རྒྱུ་ཉིད་མ་ཡིན་དུ་ཟིན་ཀྱང། གང་ཁོ་ན་སྒྲུབ་པར་བྱེད་པར་འདོད་པ་ཉིད་རིགས་བས་རྟོགས་པ་དེ་ཁོ་ན་དག་གི་དོན་ཡིན་དུ་ཟང་མོད། འདི་ལ་དེའི་ཕྱིར་ཞེས་བྱ་བ་སྨོས་ཏེ། དེ་རྣམས་ལས་གཅིག་ཀྱང་དེའི་རྒྱ་ཉིད ་དུ་མངོན་སུམ་ལ་སོགས་པའི་རིགས་བས་རྟོགས་པ་མ་ཡིན་ཏེ། འདིའི་རྒྱུད་བའི་འབྲེལ་བ་ཐམས་ཅད་དུ་རྙད་པར་བླ་བར་རིགས་པ་ཡིན་པའི་ཕྱིར་བྱེ་བྲག་མེད་དོ། །དེ་བསྟན་པ་ནི། སྒྲ་དེ་ནི་གང་ཇི་ལྟར་བརྗོད་པ་ཞེས་བྱ་བའོ། །གསལ་པར་རྙད་པ་ཉིད་ཀྱིས་འཇིག ་རྟེན་གྱིས་ཚད་མ་ཡིན་གྱི། འདོད་པ་སྒྲུབ་པར་བྱེད་པ་ཉིད་ལས་ནི་མ་ཡིན་ནོ། །གསལ་བར་བྱས་པའི་ཡུལ་དགོས་པ་གྲུབ་པར་བྱེད་པ་ཉིད་ཡིན་ནམ། གཞན་ཡིན་ནམ་ཞེས་བགྲོ་བ་བྱས་ནས་འཇུག་པར་འདོད་པ་ཅན་འཇུག་པ་འམ་མི་འཇུག་པ་ཡིན་གྱི་རིག་བྱེད་ནི ་གསལ་བར་བྱས་པའི་ཡུལ་ཡིན་ན་ཚད་མའི་བྱ་བ་རྫོགས་པ་ཡིན་ཏེ། ཡུལ་ལ་འཇུག་པ་པོར་རང་བཞིན་གཅིག་པའི་ཕྱིར་རོ། །ཚད་མ་རྣམས་ཀྱི་ཡུལ་ལ་རྣམ་པ་གཉིས་ཏེ། འདོད་པ་སྒྲུབ་པར་བྱེད་པ་དང། འཛུད་པ་པོར་རང་བཞིན་གཅིག་པར་ཡིན་པར་འདིར་སྨྲ་བ་ནི ་དེས་སྦྱན་ཉིད་ཀྱིས་འཇུག་ཅེ་ན་ཞེས་བྱ་བ་སྟེ་ངེས་པར་སྦྱོར་བ་ནི་ལག་པས་གཉའ་བཟུངས་བྱས་པ་དང། མཚུངས་པར་འགྲོ་བ་ཐམས་ཅད་ལ་ཐུན་མོང་ཡིན་ཏེ། ཐམས་ཅད་ལ་ཡང་ཤིན་ཏུ་དྲག་པའི་རླུང་བཞིན་དུ་མཐར་ཐུག་བར་འཛུད་པར་བྱེད་པ་ཡིན་པ་ནི་གེགས་བྱེད ་བ་མེད་པའི་ཕྱིར་ཏེ། ཕྱིན་ཅི་ལོག་པ་ལ་སོགས་པའི་གེགས་བྱེད་པའི་གེགས་བྱེད་བ་རྣམས་མེད་པ་ཞེས་བྱ་བའི་དོན་ཏོ། །དེ་ཡང། དེའི་ཕྱིར་རིག་བྱེད་སྒྲོན་མ་བཞིན། །ཀུན་གྱི་ཐུན་མོང་གནས་ཡིན་ཏེ། །ལོག་པར་རྟོག་བྱ་ཉིད་མ་ཡིན། ཞེས་སྨོས་པའོ། ། ་སློངས་མོ་ལ་སོང་ཐུན་མཚམས་ཀྱིས་བྱ་བ་གྱིས་ཞེས་བྱ་བ་འདི་ལ་ངེས་སྦྱོར་དབང་བྱེད་པ་མ་ཡིན་ནམ། སེམས་དང་བདག་ཉིད་ཀྱི་བྱ་བ་འགྲུབ་པ་ལ་སྐྱེས་བ་འཇུག་པར་བྱེད་པ་ཡིན་གྱི། རབ་ཏུ་གཏུམ་པའི་གཙོ་བོ་བཞིན་དུ་ནི་མ་ཡིན་ཏེ། འདོད་པ་གྲུབ་པར་བྱེད ་པ་ལྟ་བུའི་འཇུག་པའི་རྒྱུ་མཚན་ནོ། །བྱེ་བྲག་ཏུ་ནི་དབྱེ་བ་དེའི་ཚད་ལས་ཟློག་པ་ཡིན་ནོ། །ངེས་སྦྱོར་ནི་རང་གི་ཤེས་པ་ལས་བལྟོས་ནས་ནན་ཏན་དུ་བྱེད་པ་ཡིན་ལ། དེའི་ཤེས་པ་ཡང་ཅི་ནས་ཀྱང་ཕྱིན་ཅི་ལོག་བ་ཅན་རིག་པ་ལ་སྤྱོད་པ་མེད་པ་ལས་མི་འབྱུང་བའི་ཕྱིར་དེའི ་རང་བཞིན་ལས་སུ་ཡང་འཇུག་པར་མི་འགྱུར་རོ། །དེ་ཡང། གཞལ་བྱ་ཡིན་པའི་ཆོས་ལ་ནི། །རིག་བྱེད་ཀྱིས་བྱེད་བདག་ཉིད་ནི་ཞེས་སྨོས་སོ། །བྱ་བ་ཉིད་ཀྱི་ཆ་ལ་དཔྱོད་པ་པོའི་བསྟན་བཅོས་ལས་རྒྱས་པར་འཆད་པར་འགྱུར་རོ་སྙམ་དུ་སེམས་བ་ལ་ཕྱིན་ཅི་ལོག་དང ་མ་ལོག་པའི་ཞེས་སྨོས་ཏེ། རིག་བྱེད་ཀྱི་དོན་དཔྱོད་བ་པོའི་བསྟན་བཅོས་ཀྱི་ཡན་ལག་དང་བཅས་པ་ཡང་ཕན་པ་དང་མི་ཕན་བ་དག་བླང་བ་དང་དོར་བ་དག་གི་ཡན་ལག་མ་ཡིན་པས་རྟོག་པ་དང་ལྡན་པ་རྣམས་འཇུག་པ་ལ་སྦྱོར་བར་མི་བྱེད་དོ། །ཕྱིན་ཅི་ལོག ་གིས་རང་དང་རྗེས་སུ་མཐུན་པའི་བྱ་བ་ཡིན་པས་དབང་བྱེད་པ་ཡིན་ཏེ། རིག་བྱེད་ཀྱི་དོན་ནི་འཇུག་པར་བྱེད་ཙམ་ཡིན་ལ་འཇུག་པ་ཙམ་ཡང་རྗེས་སུ་མཐུན་པ་ཡིན་པའི་ཕྱིར་དེ་ཉིད་ལ་སྨྱོན་བ་དབང་བྱེད་པ་ཡིན་གྱི་གཞན་ནི་མ་ཡིན་ནོ། །དགོས་པ་མ་བསྟན་ན་བླུན་པོ་ཡང ་འཇུག་པར་མི་འགྱུར་བའི་ཕྱིར་རྟོགས་པ་དང་ལྡན་པ་རྣམས་སམ། གཞན་ཡང་རུང་བའི་རང་བཞིན་དུ་གནས་པ་རྣམས་ནི་རིག་བྱེད་ལ་དབང་བྱེད་པ་མ་ཡིན་ཏེ། མཚན་ཉིད་མི་མཐུན་པའི་ཕྱིར་རོ། །དགོས་པ་ལ་སོགས་པ་མ་རྟོགས་པ་ཅན་གྱི་རིགས། ་གསུམ་པོ་འམ་གཞན་ཡང་རུང་བ་ནི་དེ་ལས་བཟློག་པའི་རིག་བྱེད་དབང་མ་ཡིན་ཏེ། ནུས་པ་མེད་པའི་ཕྱིར་རོ། །འདི་ནི་སྤང?་བས་མ་འཇུག་པ་ཞེས་བྱ་བ་ཁས་བླངས་པ་ཡང་འདི་སྡང་བས་མི་འཇུག་པ་མ་ཡིན་ཏེ། འོ་ན་ཅེ་ཞེ་ན། རྟོགས་པ་དང་ལྡན་པ་ཉིད ་ཀྱིས་དབང་བྱེད་བ་མ་ཡིན་པའི་ཕྱིར་རོ། །ཞེ་སྡང་གི་རྒྱུས་ཀྱང་འཇུག་པར་མི་བྱེད་པར་མཐོང་བའི་ཕྱིར་དེ་ཡང་དེ་ལྟར་བསྟན་པ་ཡིན་ནོ། །གཞན་རྟོགས་པ་སྔོན་དུ་གཏོང་བ་ཉིད་ཡིན་ཡང་དབང་མི་བྱེད་པ་ཡང་འཇུག་པ་ཉིད་ཀྱི་ཕྱིར་ཕྱིན་ཅི་ལོག་ཉིད་ཡིན་ནོ།། ་རྟོག་པ་དང་ལྡན་པ་རྣམས་ཀྱིས་དབང་མི་བྱེད་པ་ཉིད་འདི་ཡང་བདག་ངེས་པར་སྦྱར་ཏོ་ཞེས་བྱ་བ་ལ་སོགས་པས་གསལ་བར་བྱེད་པ་ཡིན་ནོ། །དེས་སྦྱོར་ནི་སྒྲ་གཅིག་བུའི་སྤྱོད་ཡུལ་མ་ཡིན་ནམས་བསྒྲུབ་བྱ་དཔོག་པ་ལ་ངེས་པར་སྦྱོར་བ་ན་ཡུལ་ལ་ཞེས ་བྱ་བའི་རྣམ་པར་རྟོག་པས་བསླད་པ་ཙམ་ཡིན་ནོ། །ཚད་མས་དཔོག་པ་ལ་རང་དབང་དང། གཞན་དབང་ལ་སོགས་པའི་རྣམ་པར་རྟོགས་པས་སྨྱོན་པར་ནུས་པ་མ་ཡིན་ནམ། འོ་ན་ཅི་ཞེ་ན། འདི་དངོས་པོའི་ཆོས་ཡིན་པའི་ཕྱིར་གནས་སྐབས་འདིར་མ་བོར་ན་རྗེས་སུ ་བསྒྲུབ་པར་བྱ་བ་ཉིད་ནི་ལུང་གི་དོན་ཟློས་པར་བྱེད་པ་རྗེས་སུ་བསྒྲུབ་པར་བྱ་བར་མི་འགྱུར་རོ། །མཐོ་རིས་འདོད་པས་མཆོད་སྦྱིན་གྱིས་ཤིག་ཅེས་བྱ་བར་རྟོགས་པ་ཙམ་གྱིས་ཚིམ་པ་ནི་མ་ཡིན་ནོ། །གཟུང་བྱའི་ཡུལ་འཛུད་པར་བྱེད་པ་རྣམས་ཀྱི་མཐོ་རིས་འདོད་པའི ་སྐད་ཀྱི་དབྱིངས་ཀྱི་དོན་ཤེས་པ་རྣམས་ཀྱི་ཉེ་བ་ན་གནས་པ་ཉིད་རྟོགས་བཞིན་པ་དེའི་ཆོས་དེ་གྲུབ་པ་ཡིན་ན་བསྒྲུབ་བྱར་འགྱུར་གྱི་རང་དབང་དུ་ནི་མ་ཡིན་ནོ། །དེ་ཡང་མ་གྲུབ་པ་ལ་མ་གྲུབ་པའི་རྣམ་པར་རྟོག་པ་མ་བོར་བར་རྗེས་སུ་སྒྲུབ་པར་བྱེད་པ་ཕོས་པ་མ ་ཡིན་ནོ། །རེ་རེ་ཆོས་ཉིད་གསལ་བ་ཡིན་ན། བསྡུས་པའི་ཆོས་ཉིད་བཀག་པ་ཡིན་པར་དགོངས་པའོ། །ཆོས་ཅན་མ་གྲུབ་ན་ཆོས་དེ་ལ་བརྟེན་པར་མི་འགྱུར་བ་མ་ཡིན་ནམ། ཆོས་ཅན་ནི་རང་དབང་ཅན་ཡིན་པས་དེ་མ་གྲུབ་ཀྱང་འགྲུབ་པ་ཡིན་ཏེ། རྒྱ ་ཤུག་གི་འབྲས་བུའི་སྔོ་བ་ཉིད་ནི་སེར་པོ་ཉིད་མེད་ན་མེད་པར་མི་འགྱུར་རོ། །དེ་ཡང། ཨཱ་བིར་བ་བྷཱ་ཏི་རོ་བྷཱ་བའི། ཆོས་ཅན་རྣམས་ལ་རྗེས་འཇུག་གང། ཆོས་ཅན་ཞེས་སྨོས་སོ། །དེ་མ་གྲུབ་ཀྱང་མ་གྲུབ་པའི་ཆོས་ནི་རྗེས་སུ་བསྒྲུབ་པར་བྱ་བ་ཡིན་ནོ ་སྙམ་དུ་སེམས་པ་ལ། ཡོངས་སུ་རྫོགས་པ་ནི་རྗེས་སུ་བསྒྲུབ་པར་ནུས་པ་མ་ཡིན་ཞེས་སྨོས་སོ། །དེའི་ཕྱིར་ངེས་པར་སྒྱུར་བ་ལ་རྒྱ་ཤུག་གི་འབྲས་བུའི་སྔོ་བ་ནི་སེར་པོ་ལས་ཤིན་ཏུ་གཞན་པ་ཁོ་ན་ཡིན་ཏེ། རང་གི་དུས་འཛིན་པ་ཅན་གྱི་ཚད་མ་ཡིན་པ་ཉིད ་ཀྱིས་དེ་དང་གཅིག་པ་ཉིད་དུ་མ་རྟོགས་པའི་ཕྱིར་རོ། །སྔ་མ་འཛིན་པའི་དུས་སུ་ཕྱི་མ་མེད་པའི་ཕྱིར་གཟུང་པ་མ་ཡིན་ཏེ། ཡོད་པ་དང་མེད་པ་ཐ་དད་པའི་ཕྱིར་རོ། །གཅིག་པ་ཉིད་ཡིན་ན་ནི་སྣ་ཚོགས་པ་གཅིག་ཏུ་འགྱུར་རོ། །ཤེས་པ་ཕྱི་མའི་དུས་སུ་ནི་སྔ་མ་བྱུང་ཟིན་པའི་ཕྱིར་འཛིན ་མ་ཡིན་ནོ། །གཞན་དུ་ན་བུམ་པའི་ཤེས་པས་འདས་པའི་དུས་ཀྱི་ཁམས་གསུམ་པོ་འཛིན་པར་འགྱུར་རོ་ཞེས་བྱ་བའི་དོན་ཏོ། །བྱ་བའི་ཁྱད་པར་ཞེས་བྱ་བ་ནི་དབྱིབས་སོ། །སྔར་བཟུང་བ་ཤེས་པ་ཕྱི་མས་འཛིན་པ་མ་ཡིན་ནམ། དེ་ནི་ཤེས་པ་སྔ་མས་བྱས་པའི་ཤུགས ་ཡིན་ནོ། །མ་ཡིན་ཏེ། ཐམས་ཅད་དུ་ཤེས་པ་སྔ་མ་ཡོད་པའི་ཕྱིར་དེའི་བྱས་པའི་ཤུགས་ལས་ཕྱི་མའི་ནི་ཐམས་ཅད་འཛིན་པ་ཅན་ཉིད་ཡིན་དེ། དེའི་གནས་ཡིན་ནོ་ཞེས་བསྟན་པ་ནི། ད་ལྟར་བའི་རང་གི་ངོ་བོ་འཛིན་པ་ཞེས་བྱ་བའོ། །གང་དུ་དུས་ཐ་དད་པ་ལས་ཤེས ་པའི་ཐ་དད་པ་ཡིན་པ་རྟོགས་པ་ཡིན་པ་དེར་སྔ་མ་འཛིན་པུ་ཟིན་པ་ཡིན་ཀྱང། གང་དུ་མིག་མི་འཛུམ་པ་ལ་དེ་ཐ་དད་ཀྱང་ཤེས་པ་ཐ་མི་དད་པ་དེར་ཕྱི་མའི་ཤེས་པར་འགྱུར་རོ། །དེས་ན་དབང་པོ་ལས་སྐྱེས་ཤེས་འདིར་སྨོས་པ་ཡིན་ནོ། །དུས་ཐ་དད་པ་ལས་ཤེས ་པ་ཐ་དད་པ་མ་ཡིན་ནོ། །ཉིན་ཞག་ལ་སོགས་པས་ཁྱད་པར་ཅན་དུ་བྱས་པའི་ཤེས་པ་དེའི་མཐར་བྱེ་བྲག་གི་ཤེས་པ་ལས་དབྱེ་བ་མེད་པ་ཡིན་ལ། དེ་ལྟ་ཡིན་ན། ཉིན་ཞག་ལ་སོགས་པ་བཞིན་དུ་རྟོགས་པར་ཐལ་བར་འགྱུར་དོ་ཞེས་བྱ་བའི་དོན་ཏོ།། ་ཡུལ་གྱི་ཆོས་ཉིད་ཡིན་ན་ཡང་ཞེས་བྱ་བ་གཟུང་པར་བྱ་བའི་འཇུག་པའི་ཡུལ་ནི་སྐད་ཀྱི་དབྱིངས་ཀྱི་དོན་ཡིན་ནོ། །ངའི་ཆའི་བྱ་བ་དེ་ཡང་བསྒྲུབ་བྱ་ཡིན་པས་ཤེས་པའི་དུས་སུ་ཡོད་པ་མ་ཡིན་པའི་ཕྱིར་རོ། །དེ་ལ་བརྟེན་པའི་ངེས་པར་སྦྱོར་བ་ཡང ་དེའི་ཚེ་མེད་པར་འགྱུར་རོ་ཞེས་བྱ་བའི་དོན་ཏོ། །འཇུག་པའི་ཡུལ་ཉིད་ནི་སྐད་ཀྱི་དབྱིངས་ཀྱི་དོན་ཡིན་ནོ། །དེ་ཡང་རྫོགས་པར་བྱ་བ་ཉིད་དུ་ཡོད་པ་མ་ཡིན་པར་བསྟན་པ་ནི། རྗེས་སུ་སྒྲུབ་པར་བྱེད་པ་འམ་ཡུལ་ཞེས་བྱ་བའོ། །རྗེས་སུ་སྒྲུབ་པར་བྱེད་པའི ་ཡུལ་ཉིད་ཀྱིས་ཞེས་བྱ་བ་ནི་རིམ་པ་ཡིན་ནོ། །ལན་ནི་གང་གིས་དེ་ནི་ཡོད་པ་ཡི་ཞེས་བྱ་བ་སྟེ། དེའི་ཚེ་དེ་རྫོགས་པར་བྱ་བ་ཉིད་དུ་མེད་པའི་ཕྱིར་དེ་བཞིན་དུ་རྟོགས་པར་བྱེད་པ་མ་ཡིན་པའི་ཕྱིར་རོ། །རྗེས་སུ་སྒྲུབ་པར་བྱེད་པའི་ཡུལ་ཉིད་ཀྱི་སྐད་ཀྱི ་དབྱིངས་ཀྱི་དོན་ནི་རྫོགས་པར་བྱ་བ་ཉིད་ཀྱི་ཁྱད་པར་ཅན་གྱི་ངོ་བོ་ཡོད་པ་མ་ཡིན་པ་དེས་ན་རྗེས་སུ་བསྒྲུབ་པ་ཡིན་ནོ། །སྤྱིའི་ངོ་བོར་ནི་ཡོད་པ་དེས་ན་རྟོགས་པ་ཡིན་པར་སྨྲ་བ་ནི། དེའི་རྟོགས་བཞིན་ཉིད་གྲུབ་ཅིང་ཞེས་བྱ་བའོ། །དེར་སྨྲ་བའི་ངེས་སྦྱོར་ནི་ཞེས་བྱ་བའི ་བར་གྱི་རྗེས་སུ་བསྒྲུབ་པར་བྱའི་ཡུལ་གྱི་སྐད་ཀྱི་དབྱིངས་ཀྱི་དོན་རྫོགས་པར་བྱ་བ་ཉིད་ཀྱིས་རྟོགས་ན་ཡིན་གྱི་གཞན་གྱི་ནི་མ་ཡིན་ཏེ། བུམ་པ་རྟོགས་པ་ཡིན་ན་སྣམ་བུའི་རྗེས་སུ་སྒྲུབ་པར་བྱེད་པ་མ་ཡིན་ནོ། །བྱེ་བྲག་ལ་སྤྱིར་འཁྲུལ་པ་མ་ཡིན་པའི་ཕྱིར་དེ་ལྟ ་ཡིན་ནོ་ཞེ་ན། མ་ཡིན་ཏེ། གཙོ་བོ་དང་དབང་ཕྱུག་ལ་སོགས་པའི་སྤྱི་བཞིན་དུ་འདིའི་ཡང་བྱེ་བྲག་ལས་འཁྲུལ་པའི་ཕྱིར་ཞེས་བྱ་བའི་དོན་ཏོ། །སྤྱི་ནི་རྗེས་སུ་བསྒྲུབ་པར་བྱ་བ་ཉིད་མ་ཡིན་ཏེ། དེའི་བྱེ་བྲག་རྟོགས་པ་ཡིན་ལ། དེ་ཡང་རྗེས་སུ་བསྒྲུབ་པར ་བྱ་བ་ཡིན་གྱི་སྤྱི་ནི་མ་ཡིན་ཏེ། གྲུབ་ཟིན་པའི་ཕྱིར་རོ་ཞེ་ན། དེའི་རང་གི་ངོ་བོ་ནི་ཞེས་སྨོས་པའོ། །གལ་ཏེ་ཡང་བྱེ་བྲག་ཅན་གྱི་ངོ་བོ་རྗེས་སུ་བསྒྲུབ་པར་བྱ་བའི་སྐད་ཀྱི་དབྱིངས་ཀྱི་དོན་ལ་སོགས་པས་རྫོགས་པར་བྱ་བ་ནི་འཇུག་པར་བྱེད་པ་ཉིད་དུ་རྟོགས ་པ་མ་ཡིན་ནོ། །དེ་ལྟ་ན་ཡང་དེའི་སྤྱིའི་རྟོད?་པ་ལས་བྱེ་བྲག་ལ་འཇུག་པར་བྱེད་དོ། །ཤིང་དུ་རྟོགས་པ་ལས་ཤིང་ཤ་པ་ལ་སོགས་པ་བཞིན་དུའོ་ཞེ་ན། རྟོགས་བཞིན་པ་ཉིད་ཙམ་ཞིག་ན་ཞེས་བྱ་བ་སྨོས་ཏེ། དེ་རྟོགས་པ་ཡིན་ཡང་བྱེ་བྲག་དུ་རྟོགས་པ ་མེད་པ་ཡིན་ན་ནི་དེའི་འདིའོ་ཞེས་འབྲེལ་བའི་ཕྱིར་ཁམས་གསུམ་པོའི་ཅིའི་ཕྱིར་མི་འགྱུར་ཞེས་བྱ་བའི་དོན་ཏོ། །འོན་ཏེ་བྱེ་བྲག་ལ་སྤྱིར་འཁྲུལ་པ་མ་ཡིན་པའི་ཕྱིར་ངེས་འཕངས་པས་འཇུག་པ་ཡིན་ནོ་སྙམ་དུ་སེམས་པ་ལ། གལ་ཏེ་རྗེས་སུ་བསྒྲུབ ་པར་བྱ་བར་ཞེས་བྱ་བ་སྨོས་སོ། །བྱེ་བྲག་ནི་སྤྱིས་འཕངས་པ་ཡིན་ལ་སྤྱིས་འཕངས་པ་ཉིད་ཀྱི་རྗེས་སུ་དཔག་པ་ཡིན་ནོ་ཞེས་བྱ་བའི་དོན་ཏོ། །གཙོ་བོ་དང་དབང་ཕྱུག་ལ་སོགས་པ་སྤྱི་བཞིན་དུ་སྤྱི་ནི་བྱེ་བྲག་གི་འཕེན་བྱེད་མ་ཡིན་ཏེ། འཁྲུལ་པའི་ཕྱིར་རོ་ཞེས་བསྟན་པ་ནི། སྤྱིར ་རིག་ཡིན་ན་ཞེས་བྱ་བའོ། །མཆོད་སྦྱིན་བྱས་ཞེས་བྱ་བས་ངེས་པར་སྦྱོར་བ་ནི་མཆོད་སྦྱིན་གྱི་ཆོས་ཉིད་རྟོགས་པ་ཡོད་པ་ཡིན་ནམ། དེ་ལ་རིགས་པས་གནོད་པ་མ་ཡིན་ཏེ། དེ་ཡང་རིག་བྱེད་ཀྱི་ཚིག་ལས་དོན་གྱི་ཤེས་པ་ནི་མངོན་སུམ་ཡིན་ནོ་ཞེས་འབྱུང་བའོ། །རྗེས་སུ་དཔག ་པ་ནི་རིགས་པ་ཡིན་ལ་མངོན་སུམ་དང་འགལ་བའི་རྗེས་སུ་དཔག་པ་ནི་ཚད་མར་གྱུར་པ་མ་ཡིན་པར་སྨྲ་བ་ནི། གལ་ཏེ་སྦྱིན་སྲེག་ལ་སོགས་པ་ཞེས་བྱ་བའོ། །རྟོགས་པ་ནི་མངོན་སུམ་དུ་བྱེད་པ་མ་ཡིན་ཏེ། དོན་ཉེ་བ་ན་གནས་པ་མ་ཡིན་པའི་ཕྱིར་ལ་འབྱུང་བར་འགྱུར་པའི་དོན་ནི་ཤེས་པའི ་དུས་ན་ཡོད་པ་མ་ཡིན་ཏེ། ཉེ་བ་ན་གནས་པ་ཉིད་ནི་མི་མཐུན་པའི་ཕྱོགས་ལས་ལྡོག་པ་ཡིན་པའི་ཕྱིར་དང། བདག་ཉིད་ཀྱིས་ཁྱབ་པ་སྔོན་དུ་བྱེད་པ་ཉིད་ཀྱང་ལྡོག་པར་བྱེད་པའི་ཕྱིར་ཉེ་བ་ན་གནས་པ་མ་ཡིན་པ་ཉིད་ནི་མངོན་དུ་བྱེད་པ་དང་འགལ་བ་ཡིན་ནོ། །ཉེ་བ་ན་གནས ་པ་ཉིད་ནི་ཡོད་བཞིན་པ་ཉིད་ཡིན་ལ། དེ་ཉིད་མངོན་དུ་བྱེད་པ་ཡང་ཡིན་ནོ། །དམིགས་པ་ནི་ཡོད་པ་ཉིད་དེ་དངོས་པོའི་རུང་བ་ཉིད་ཀྱི་མཚན་ཉིད་དོ་ཞེས་གང་འཆད་པར་འགྱུར་བ་སྟེ། མངོན་དུ་བྱ་བཞིན་པ་ཁོ་ན་དངོས་པོ་ཡིན་གྱི། མངོན་དུ་བྱེད་པ་ནི་མ་ཡིན་ཏེ། ཐ་དད་པ་མ ་རྟོགས་པའི་ཕྱིར་རོ། །དེ་ཡོད་ན་དངོས་པོ་ཡོད་པ་ཡིན་ཏེ། དངོས་སུ་ན་དེ་ཙམ་ཡིན་པའི་ཕྱིར་རོ། །གལ་ཏེ་དངོས་པོ་མེད་ན་དེ་ཡང་མེད་པའི་ཕྱིར་རིག་བྱེད་ཀྱི་དོན་ཇི་ལྟར་རྟོགས་པར་བྱེད་པ་ཡིན་ཞེས་བྱ་བའི་དགོངས་པ་ནི། རྟོགས་པ་ཡོད་པ་མིན་ན་དེར་ཞེས་བྱ་བ་ལ་སོགས ་པའི་ཚིགས་སུ་བཅད་པ་གཉིས་སོ། །རང་གི་ངོ་བོ་ཉིད་མངོན་དུ་བྱེད་པ་ནི་ཉེ་བ་ན་གནས་པ་མ་ཡིན་པ་ལས་མ་ཡིན་པར་ཅི་ལས་ཤེས་ཤེ་ན། གང་ཞིག་རང་གི་ངོ་བོ་ཡིན་ཞེས་སྨོས་པའོ། །ལྐོག་ཏུ་གྱུར་པ་མ་ཡིན་པ་མངོན་དུ་བྱེད་པ་ནི་མངོན་སུམ་ཡིན་ལ། དེ་ཡང ་ཡུལ་ཉེ་བ་ཅན་ཉིད་དོ་ཞེས་བྱ་བའི་དོན་ཏོ། །ཉེ་བ་ན་གནས་པ་མ་ཡིན་པ་དེ་ཡང་ཡང་དག་པ་མ་ཡིན་པའི་ཕྱིར་མངོན་དུ་བྱེད་པ་མ་ཡིན་པས་ལྐོག་ཏུ་གྱུར་པ་ཡིན་ནོ་ཞེས་བསྟན་པ་ནི། རང་གི་ངོ་བོ་མེད་པ་ལ་ཞེས་བྱ་བའོ། །རྟོགས་པ་ཙམ་ནི་ཡོད་པ ་ཡིན་ལ། མ་རྟོགས་པ་ཙམ་ནི་མེད་པ་ཡིན་པར་དམིགས་པ་ནི་ཡོད་པ་ཉིད་དེ། དངོས་པོའི་རུང་བ་ཉིད་ནི་མཚན་ཉིད་དོ་ཞེས་བྱ་བས་འདིས་བརྗོད་པ་ཡིན་པར་བསྟན་པ་ནི། གང་གི་ཕྱིར་དམིགས་པ་ཡོད་པས་དེ་ཞེས་བྱ་བའོ། །མངོན་དུ་བྱེད་བཞིན་པ་ཉིད་ཁོ་ན་ནི ་ཡོད་པ་མ་ཡིན་ཏེ། རྗེས་སུ་དཔག་པ་དང་བྱ་བ་མེད་པར་ཐལ་བར་འགྱུར་བའི་ཕྱིར་རོ། །དེ་ཡང་རྗེས་སུ་དཔག་པའི་ཡུལ་རྟོགས་པ་ཡིན་པའི་ཕྱིར་ཡོད་པ་ཡིན། །དེ་ལ་བརྟེན་པ་ཡང་རུང་ཤེས་པ་སྐྱེ་བར་འགྱུར་བ་འཆད་པ་གང་ཡིན་པའོ། །ཉེ་བ་ན་གནས་པ་མ ་ཡིན་པ་རྟོགས་པར་ནི་མི་རིགས་ཏེ། རྗེས་སུ་དཔག་པ་མེད་པར་ཐལ་བར་འགྱུར་བའི་ཕྱིར་རོ། །འཇུག་པའི་ཡུལ་གྱི་དངོས་པོ་ལ་བལྟོས་པས་ཀྱང་རྗེས་སུ་དཔག་པ་ནི་འཁྲུལ་པ་མེད་པ་ཡིན་ལ། དེ་ཡང་འབྱུང་བར་འགྱུར་བ་ཡིན་པའི་ཕྱིར་མ་རྟོགས་པ་ཉིད་ཡིན་ནོ་སྙམ ་དུ་སེམས་པ་ལ། རྟོགས་པ་ཙམ་གྱི་དངོས་པོ་ནི་ཞེས་བྱ་བ་ལ་སོགས་པའོ། །དེས་ན་འཇུག་པར་བྱེད་པ་མ་ཡིན་པའི་ཕྱིར་ཚད་མ་ཉིད་མ་ཡིན་ཞེས་དེ་ལྟར་ཤེས་པར་བྱ་བ་ནི་གཞུང་འདིའི་རྣམ་པར་དབྱེ་བའོ། །རེ་ཤིག་རིག་ལས་བྱུང་བ་ལས་རྟོགས་པ་ནི་རྗེས་སུ་དཔག ་པ་མ་ཡིན་ཏེ། གཞན་རྟོགས་པ་ལ་འབྲེལ་པ་མེད་པའི་ཕྱིར་ལ་སྒྲ་ལས་བྱུང་བ་ནི་མ་ཡིན་ཏེ། དེ་ཡང་ཕན་ཚུན་འགལ་བ་ཤིན་དུ་མང་བ་ཅན་ཡིན་པའི་ཕྱིར་འདི་ལ་འདི་ཚད་མ་ཡིན་གྱི་གཞན་མ་ཡིན་ནོ་ཞེས་བྱ་བའི་རྣམ་པར་དབྱེ་བའི་རྒྱུ་མཚན་མ་ཡིན་ནོ། །དེའི་སོ ་སོར་སྣོད་པ་ལ་མ་འཁྲུལ་པ་ལ་སོགས་པ་ཡོད་པས་རང་གི་འདོད་པས་དམ་འཆའ་བ་ཡིན་ལ། རྟོགས་པ་ནི་དམ་འཆའ་བ་འགྲུབ་པ་ལ་ཡིན་ཡང་གཞན་གྱི་འདོད་པ་རྣམས་ཀྱིས་རྣམ་པར་འབྱེད་པའི་རྒྱུ་མཚན་གྱིས་སྦྱོར་བར་བྱེད་པ་མ་ཡིན་པ་ཉིད་དོན་ལ་མ་འཁྲུལ ་བ་ལ་མ་ཡིན་པར་སྨྲ་བ་ནི། རིག་བྱེད་ཉིད་ལས་ཞེས་བྱ་བའོ། །དེ་ལ་སྐྱེས་བུས་བྱས་པ་མ་ཡིན་པའི་ཕྱིར་དབང་པོ་བཞིན་དུ་རིག་བྱེད་པ་ནི་འཁྲུལ་པ་མེད་པ་ཡིན་ལ། གཞན་ལ་ནི་སྐྱེས་བུ་རྣམས་ཀྱི་སྐྱོན་ལ་བརྟེན་པའི་ཕྱིར་དོན་ལ་རེག་པ་མེད་པ་ཉིད་ཡིན་ནོ། །དེ་ཡང་རེ་ཞིག་སྒྲ་ལས ་སྐྱོན་བྱུང་བ། །སྨྲ་བ་པོ་ལ་རག་ལས་གནས། ཞེས་སྨོས་པའོ། །དབང་པོ་ཁོ་ན་བཞིན་དུ་སྐྱེས་བུས་བྱས་པ་མ་ཡིན་པ་ཉིད་ལ་འབྲེལ་པ་མེད་པ་ལ་སོགས་པའི་སྐྱོན་ཡང་རང་བཞིན་གྱིས་ཡོད་པ་མ་ཡིན་ནམ། སྐྱེས་བུས་བྱས་པ་ནི་སྐྱེས་བུའི་སྐྱོན་མེད་པའི་ཕྱིར་ཚད་མ ་ཡིན་ལ། དབང་པོ་ནི་སྐྱེས་བུའི་སྐྱོན་མེད་པ་ལས་ཚད་མ་ཡིན་ཏེ། རང་ལ་ཡོད་པའི་སྐྱོན་གྱིས་ཁ་ཅིག་ཏུ་ཚད་མ་མ་ཡིན་པའི་ཕྱིར་རོ་ཞེས་བསྟན་པ་ནི། འཇིག་རྟེན་རྗེས་འབྲེངས་ཞེས་བྱ་བའོ། །སྨྲ་བ་པོ་ཉིད་ནི་སྐྱེས་བུས་བྱས་པ་ཡིན་ལ། སྐྱེས་བུ་རྣམས་ཐ་སྙད་འདོགས ་པ་ན་དྲུང་ན་འདུག་པས་དེ་རང་བཞིན་གྱིས་གོ་བ་འདི་ཡང་གཏམ་ཙམ་ཡིན་ཏེ། སྔོན་བྱས་པ་ཉིད་ལ་དེ་བཞིན་དུ་རྟོགས་པའི་ཕྱིར་རོ། །ཚད་མ་ཡང་འདིར་དུ་བ་བཞིན་དུ་མ་རྟོགས་པ་ཡིན་ལ། དེ་བཞིན་དུ་མེའི་སྒྲའི་དོན་འདི་ཉིད་ཁྱེད་ཀྱིས་ཇི་ལྟར་ཤེས་ཞེས་བྲིས་པ ་ན། དེ་ཤེས་པ་ཡིན་ཞེས་སྐྱེས་བུ་གཞན་ཚད་མར་བྱེད་ལ་དེ་ཡང་གཞན་ལས་ཡིན་པའི་ཕྱིར་ལོང་བ་གཅིག་ལ་གཅིག་ལྟ་བུ་ཡིན་གྱི་དེ་ལྟ་བུ་ནི་ཁོ་ན་ཉིད་རྣམ་པར་བཞག་པ་མ་ཡིན་ནོ། །དེའི་རྗེས་སུ་འབྲེང་བ་ཉིད་ཀྱིས་རིག་བྱེད་ཀྱི་དོན་རྟོགས་པ་ནི་འདོད་པས་བསླང ་པ་བཞིན་དུ་ཇི་ལྟར་དུ་རྣམ་པར་བསླད་པ་མ་ཡིན་ཞེས་བསྟན་པ་ནི། འཇིག་རྟེན་ན་ཞེས་བྱ་བ་ལ་སོགས་པའོ། ཚིགས་རྣམས་ནི་ཚིག་ཚིག་གཞན་གྱི་དོན་དང་འབྲེལ་པའི་དོན་རྟོགས་པར་བྱེད་པའི་དག་མ་ཡིན་ནམ། དེ་རྣམས་ཀྱང་དེ་ལྟར་འཇིག་རྟེན་ལ་རབ་ཏུ ་གྲགས་པ་ཡིན་པ་ལ་ཡང་སྐྱེས་བུ་རྣམས་རང་གི་སྐྱོན་གྱིས་ཉེ་བར་བསླད་པར་བྱེད་པ་ཡིན་ནོ། །རིག་བྱེད་ལ་ནི་སྐྱེས་བུས་བྱས་པ་མ་ཡིན་པས་གཞན་དུ་བྱེད་པ་མ་ཡིན་པའི་ཕྱིར་དང། འཇིག་རྟེན་པ་ཉིད་ཀྱིས་ནི་བརྗོད་བྱ་བསྟན་པ་ཙམ་འཇིག་རྟེན་གྱི་རྗེས་སུ་འབྲང ་བ་ཡིན་པས་ཇི་ལྟར་ཉེ་བར་བསླང་བ་ཡིན་སྙམ་དུ་སེམས་པས་དེ་ལ་རྨོངས་པ་ཞེས་བྱ་བ་ལ་ལན་དུ་དེར་ཡང་ཞེས་བྱ་བ་སྟེ། རིག་བྱེད་ཀྱང་གསལ་ཏེ་འབྲེལ་པ་ཅན་གྱི་དོན་ཡིན་ཞེས་ཟེར་ན། གང་ཞིག་གང་དང་ཞེས་མ་རྟོགས་པ་སྟེ་རང་གི་དོན་གྱི་བྱེ་བྲག་ནི། ་ཤེས་པའོ། །འཇིག་རྟེན་ལ་གྲུབ་པའི་རྗེས་སུ་འབྲང་བ་ཡིན་ན་སྒྲ་ནི་འཇིག་རྟེན་པའི་དོན་དང་འབྲེལ་པ་རྗེས་སུ་འབྲེང་བས་འཇིག་རྟེན་བཞིན་དུ་རིག་བྱེད་ཀྱང་རྣམ་པར་བསླང་པར་འགྱུར་པར། འཇིག་རྟེན་ན་ཞེས་བྱ་བས་བསྟན་པ་ཡིན་ནོ། །དེ་ལ་འབྲེལ་པ་དང ་སྒྲ་ཡང་འཇིག་རྟེན་པའི་རྗེས་སུ་འབྲེངས་པ་ལས་ཡིན་ན། ཆོས་ཤིན་ཏུ་བསླད་པར་དོགས་པར་འགྱུར་རོ་ཞེས་བསྟན་པ་ནི། འཇིག་རྟེན་ཞེས་བྱ་བས་ཏེ། འཇིག་རྟེན་ན་གང་ལ་གང་དག་ཁོ་ན་འཇིག་རྟེན་པ་ཡིན་པ་དེ་དག་ཁོ་ན་རིག་བྱེད་པའི་སྒྲའི་དོན་ཡིན་ནོ།། ། ་འཇིག་རྟེན་པའི་རང་གི་དོན་ལ་གོམས་པ་སྔ་མ་སྔ་མའི་རྗེས་སུ་འབྲངས་པས་རིག་བྱེད་ལས་དོན་རྟོགས་པ་ཡིན་ན་ནི་འགའ་ཡང་དོན་ལ་སོ་སོར་ངེས་པར་མི་འགྱུར་ཞེས་བྱ་བའི་དོན་ཏོ། །སྐྱེས་བུས་མ་བྱས་པ་ཉིད་ནི་དོན་སོ་སོར་ངེས་པའི་ཡན་ལག་མ་ཡིན་ནོ ་ཞེས་བསྟན་པ་ལ་མཆོད་སྦྱིན་ལ་སོགས་པའི་དངོས་པོ་རྟོགས་པའི་དོན་དུ་སྐྱེས་བུ་རང་ཉིད་ཀྱིས་མི་ནུས་པས་རྟོགས་པའི་དོན་གསལ་བར་བྱེད་པ་ཉིད་ལ་རིག་བྱེད་ཚད་མ་ཉིད་མ་ཡིན་ནོ་སྙམ་པའི་བསམ་པས་གལ་ཏེ་རིག་བྱེད་ཅེས་ཟེར་བ་ལ། ལན་དུ་འདི ་ནི་ལུང་ཐམས་ཅད་ལ་ཞེས་བྱ་བ་སྟེ། ཚིག་གི་དོན་ཙམ་དུ་སྦྱར་བ་ནི་ལུང་གཞན་བཞིན་དུ་སྐྱེས་བུས་ནུས་པའི་ཕྱིར། སྐྱེས་བུའི་དོན་གྱི་རྗེས་སུ་འཇུག་པ་མ་ཡིན་པ་འགའ་ཡང་གཞན་ན་མེད་དོ་ཞེས་བྱ་བའི་དོན་ཏོ། །རིག་བྱེད་ཀྱི་དོན་ནི་ཁྱད་པར་ཅན་དུ་མ་ཡིན་པ ་མ་ཡིན་ནམ། དེ་རྣམས་ནི་སྐྱེས་བུ་མེད་པས་བཏང་ནས་སྐྱེས་བུས་བྱས་པ་ལ་གུས་ཤིང་ནན་ཏན་དུ་བྱེད་པས་ངེས་གཅིག་པ་ཉིད་ཀྱང་མ་ཡིན་ནོ། །དེ་ཉིད་ཀྱིས་ན་འཁྲུལ་པ་མེད་དོ། །དེ་ཡང་ཆོས་ཀྱི་རྩ་བ་རིག་བྱེད་དོ་ཞེས་སྨོས་པས། དམ་པས་བརྩི་བ་མིན་ཞེས་ཟེར ་བ་ལ། ལན་དུ་ཕན་ཚུན་བརྟེན་པ་ཞེས་བྱ་བ་སྨོས་ཏེ། དེ་རྣམས་ལ་ནི་རིག་བྱེད་ཀྱི་ན་དོན་སྐྱེས་བུའི་དོན་དང་འབྲེལ་པར་རྟོགས་པར་ནུས་པ་མེད་དེ། རིགས་པ་སྟོང་རིག་པས་ཇི་ལྟ་མ་མཐོང་ཞེས་བྱ་བ་ཡང་ལུང་ཐམས་ཅད་ཀྱི་རིགས་པ་རྟོགས་པར་མཚུངས་པ་ཡིན་ཏེ། རིག ་བྱེད་ཉིད་ལས་རྟོགས་པའི་ངེས་པ་མེད་པའི་ཕྱིར་བསལ་བ་ཡིན་པས་ཕན་ཚུན་བརྟེན་པ་ཡིན་ནོ། །དེས་ན་བྲམ་ཟེ་རྣམས་ཀྱང་རིག་བྱེད་ལས་དོན་བྱེད་པའི་རིམ་པའི་བྱེད་པ་པོ་མ་ཡིན་ནོ། །བསྟན་བཅོས་གཞན་ལ་སྨོད་པར་བྱེད་པའི་གཞི་མེད་དོ། །རིགས་ལས ་ཁྱད་པར་ཅན་དང་ཁྱད་པར་ཅན་མ་ཡིན་པ་ཉིད་ན་སྐྱེས་བུའི་དོན་ཉིད་རིག་པ་ལ་དགོངས་པ་མ་ཡིན་ཞིང། ཚད་མ་ཅན་ཉིད་ཀྱང་མ་ཡིན་པར་བསྟན་པ་ནི། བྲམ་ཟེ་སྐྱེ་གཉིས་པ་དག་ཀྱང་ཞེས་བྱ་བའོ། །རིགས་གསུམ་པ་རྣམས་ཀྱི་འཁྲུལ་པ་སྲིད་པ་མ་ཡིན་ནོ ་ཞེས་བྱ་བ་ལ་སོགས་པ་ནི་མི་རིགས་ཏེ། འགལ་བ་མ་གྲུབ་པའི་ཕྱིར་རོ། །དེ་ཁོ་ན་ཉིད་ཤེས་པ་ནི་འཁྲུལ་པར་འགལ་བ་ཡིན་ནོ། །རིགས་ཏེ་རིགས་གསུམ་པོ་ཉིད་ནི་རུས་ཏེ། ཚངས་པའི་བུ་རྣམས་ནི་བྲམ་ཟེ་རྣམས་སོ། །དེ་བཞིན་དུ་ཐོས་པ་ལ་ཚངས ་པའི་ཁ་ལས་ནི་མེ་དང། མི་རྣམས་ལས་བྲམ་ཟེ་རྣམས་སྤྲུལ་པ་ཡིན་ནོ། །ཁྱད་པར་ཅན་དང་རིག་བྱེད་དང་དག་ནི་དོན་མངོན་དུ་བྱེད་པ་དང། ཉམས་སུ་མྱོང་བ་དག་ཏུ་གྲུབ་པ་མ་ཡིན་ཏེ། ཕན་ཚུན་བརྟེན་པ་འབྲས་བུ་ཡིན་པའི་ཕྱིར་ཏེ། དེ་ཞེས་བྱ་བའི་སྒྲས་བསྟན ་ཏོ། །རིགས་བྱེད་ཀྱི་སྔོན་དུ་བྱེད་པ་ལས་ཁྱད་པར་ཅན་ཉིད་མ་ཡིན་ཏེ། འོ་ན་ནི་ཅི་ཞེ་ན། དེ་སྤྱོད་པ་ལས་སོ། །དེ་ལྟ་ན་དེ་མི་ཤེས་པ་རྣམས་ལ་དད་པ་མེད་པའི་ཕྱིར་ཇི་ལྟར་འདི་དེའི་དོན་ཉིད་ཤེས་པ་ཡིན་ཞེས་བསྟན་པ་ནི། དམ་པ་རིག་བྱེད་དོན་སྦྱོར་ལས། ཞེས་བྱ ་བའོ། །དོན་དང་འབྲེལ་པ་ཅན་ནི་མ་ཡིན་ལ། ཁྱད་པར་ཅན་གྱི་རིགས་གསུམ་པོ་ཉིད་དོན་དང་འབྲེལ་པ་ལ་སྦྱོར་བར་བྱེད་པ་མ་ཡིན་ཏེ། མ་ངེས་པ་ཡང་ཡིན་པར་བསྟན་པ་ནི། སྐྱེ་གཉིས་པ་དག་ཀྱང་ཞེས་བྱ་བའོ། །དེ་རྣམས་ནི་འཁྲུལ་པ་མི་སྲིད་པའི་ཕྱིར་རོ་ཞེ ་ཕྱིར་རོ་ཞེ་ན། སྡིག་ལ་ཞེས་བྱ་བ་སྨོས་ཏེ། དེ་ཁོ་ན་ཉིད་ཤེས་པ་དང། འཁྲུལ་པ་ནི་འགལ་བ་ཡིན་གྱི་རིགས་གསུམ་པོ་ཉིད་ཀྱི་འཁྲུལ་པ་ནི་བཀག་པ་མ་ཡིན་ནོ། །ལུང་གཞན་འཁྲུལ་པ་ཉིད་ཡིན་པ་ལ་ཚད་མ་ཉིད་མ་ཡིན་ལ། འཇུག་པ་རྣམས་ནི་སྐྱེ་གཉིས་པ ་ཉིད་མ་ཡིན་ནོ་ཞེ་ན། ཕན་ཚུན་བརྟེན་པ་ཡིན་ནོ་ཞེས་བསྟན་པ་ནི་སྡིག་ལས་ཞེས་བྱ་བའོ། །འཁྲུལ་པ་ཉིད་དང་ཁྱད་པར་ཅན་གྱི་རིགས་གསུམ་པོ་ཉིད་དུ་མི་འགྲུབ་སྟེ། ཚད་མ་མེད་པའི་ཕྱིར་རོ་ཞེས་བསྟན་པ་ནི། རིགས་དང་རུས་དང་ཞེས་བྱ་བ་སྟེ། རྣམ་པ་འཚོལ ་བ་ཞེས་བྱ་བ་ནི་རལ་པ་ཅན་དང། འདམ་འབྱིན་ལ་སོགས་པའོ། །རུས་ཀྱི་མཚན་ཉིད་སྐྱེ་བ་གཉིས་པ་ཉིད་ཡིན་པ་ཉིད་བསལ་བ་ཡིན་ནོ། །ཐུ་ཡུ་ཞེས་བྱ་བ་ལ་སོགས་པ་ལ་གདམས་ངག་ལ་བལྟོས་པས་མངོན་སུམ་དུ་ངེས་པ་མ་ཡིན་པར་བསྟན་པ་ནི། ་མངོན་སུམ་དོན་ལ་གཞན་གྱི་ནི་ཞེས་བྱ་བ་སྟེ། ས་འོག་དང་འདྲ་བར་ནམ་མཁའ་མཐོང་ངོ་ཞེས་བྱ་བའི་རིགས་པ་ལས་སོ། །མངོན་སུམ་ནི་ངེས་པར་བྱེད་པ་མ་ཡིན་ལ། གདམས་ངག་ནི་གདམས་ངག་ཏུ་བྱ་བ་ལ་ངེས་པ་ཡིན་གྱི། དེ་བཞིན་དུ་ནི་མ་ཡིན་ནོ་སྙམ་དུ་སེམས ་པ་ལ། གདམས་ངག་ཡོད་པའི་ཞེས་བྱ་བ་སྨོས་ཏེ། མངོན་སུམ་ཙམ་བཞིན་དུ་གདམས་ངག་ཡོད་པ་ཙམ་ཡང་ཐེ་ཚོམ་ཅན་ཉིད་ཡིན་ནོ་ཞེས་བྱ་བའི་དོན་ཏོ། །གདམས་ངག་གི་བྱེ་བྲག་ངེས་པ་ཅན་ཡིན་ན་མངོན་སུམ་གྱི་བྱེ་བྲག་ཀྱང་ཡིན་པར་བསྟན་པ་ནི། ་གལ་ཏེ་བྲམ་ཟེ་ཞེས་བྱ་བའོ། །མངོན་སུམ་ཙམ་དུ་སེམས་ན་གདམས་ངག་ཙམ་ཡང་མཚུངས་པ་ཡིན་ནོ་ཞེས་བྱ་བ་བསྟན་པ་ནི་དེ་ལྟ་ཡིན་ནོ་ཞེ་ན་ནི་ཞེས་བྱ་བའོ། །དེ་ལྟ་ན་ཡང་ཨུཏཔ་ལ་སྔོན་པོ་བཞིན་དུ་གཉི་ག་ཡིན་ན་མ་འཁྲུལ་པ་ཅན་ཡིན་ནོ་སྙམ་དུ་སེམས ་པ་ལ། དེ་ཉིད་ཀྱི་ཕྱིར་ཞེས་བྱ་བ་སྨོས་སོ། །ུཏཔལ་དང་སྔོན་པོ་དག་ནི་ཕན་ཚུན་བལྟོས་པ་མ་ཡིན་ཏེ། རང་གི་ཡུལ་རྣམ་པར་འཇོག་པ་ཡིན་ཡང་མངོན་སུམ་དང་གདམས་ངག་དག་ནི་དེ་ལྟ་མ་ཡིན་ཏེ། ཡུལ་ངེས་པ་མ་ཡིན་པའི་ཕྱིར་རོ་ཞེ་ན། གདམས་ངག ་མེད་པར་ཞེས་བྱ་བ་སྨོས་སོ། །མངོན་སུམ་ལས་ངེས་པ་མ་ཡིན་པའི་སྐད་ཅིག་མ་ཡང་སྔོན་པོ་དེས་ཕ་ལས་རྗེས་སུ་དཔོག་པར་བྱེད་དོ། །དེ་བཞིན་དུ་རིགས་ཀྱང་སྐྱེས་བུ་མངོན་སུམ་དུ་གྱུར་པ་ལས་དེར་མ་ངེས་པ་གདམས་ངག་ལས་དཔོག་པར་བྱེད་པ་ཡིན་ནོ་སྙམ་དུ་སེམས ་པ་ལ། གལ་ཏེ་དོན་གྲུབ་ཅེས་བྱ་བ་སྨོས་ཏེ། མངོན་སུམ་གྱི་སྔོན་པོ་ཙམ་དུ་ངེས་པ་ལ། དེ་སྐད་ཅིག་མ་ཉིད་དུ་མ་ངེས་པ་ལ་རྗེས་སུ་དཔག་པས་སྐད་ཅིག་མ་ཉིད་དུ་དཔོག་པར་བྱེད་པ་མ་ཡིན་ཏེ། སྐད་ཅིག་མ་ཉིད་མ་ཡིན་པ་བཞིན་དུ་དེ་དང་འགལ་བས་གཞི་མ་གྲུབ ་པ་བཞིན་དུ་གོ་བར་བྱེད་པ་མ་ཡིན་པའི་ཕྱིར་རོ། །དེ་བཞིན་རིགས་དང་བྲལ་བའི་དངོས་པོ་མངོན་སུམ་པ་དང་དེ་སྒྲུབ་པར་བྱེད་པའི་གདམས་ངག་འགལ་བ་ཅན་ཡིན་ཞེས་བྱ་བའི་དོན་ཏོ། །མངོན་སུམ་གྱི་དངོས་པོ་ཙམ་དུ་རྟོགས་པ་ལ་རྗེས་སུ་དཔག་པ་དང་གདམས་ངག་གིས ་སྐད་ཅིག་མ་ཉིད་དང། སྐྱེ་བ་གཉིས་པ་ཉིད་དུ་ཡང་རྟོགས་པར་བྱེད་དོ་ཞེས་བྱ་བ་མ་ཉམས་པར་ཅིས་མི་འགྱུར་སྙམ་དུ་སེམས་པ་ལ། རེ་ཞིག་དང་པོར་ཞེས་བྱ་བ་སྨོས་ཏེ། སྐད་ཅིག་མ་ཉིད་དང་རིགས་དང་བུལ་བར་ཡང་རྟོགས་པ་ཡིན་ན་མངོན་སུམ་གྱིས་གཞན་གྱིས ་ཀྱང་རུང་སེར་པོ་ལས་སྔོན་པོ་བཞིན་དུ་དེ་དང་ལྡན་པར་རྟོགས་པར་མི་ནུས་སོ་ཞེས་བྱ་བའི་དོན་ཏོ། །དེས་ན་གཞན་གྱིས་ཞེས་བྱ་བ་དེ་དང་འགལ་བས་ཚད་མ་གཞན་ལ་བལྟོས་པ་ཡིན་ནོ་ཞེས་བྱ་བའི་དོན་ཏོ། །དེའི་ཕྱིར་རྗེས་སུ་དཔག་པར་མ་གདམས་ངག་ཀྱང་རུང་མངོན ་སུམ་གྱི་བཅད་པ་ཉིད་ལ་ངེས་པར་བྱེད་པ་ཡིན་གྱི་དེ་དང་འགལ་བ་ཅན་ནི་མ་ཡིན་ཏེ། མི་ནུས་པའི་ཕྱིར་རོ་ཞེས་བསྟན་པ་ནི། གལ་ཏེ་མངོན་གྱིས་མ་རྟོགས་ན་ཞེས་བྱ་བའོ། །འོན་ཏེ་གདམས་ངག་ལས་དབང་པོ་ལས་འདས་པའི་རིགས་ཁོ་བོ་ཅག་རྟོགས་པ་ཡིན་ནོ ་ཞེ་ན། མ་ཤེས་པར་ཞུགས་པ་ཞེས་བྱ་བ་སྨོས་ཏེ། སྐྱེས་བུས་བྱས་པ་མ་ཡིན་པ་ལས་དོན་རྟོགས་པ་མ་ཡིན་ཏེ། ངེས་པ་མེད་པའི་ཕྱིར་རོ། །སྐྱེས་བུས་བྱས་པ་ནི་མངོན་སུམ་ལ་སོགས་པ་ལ་མ་ལྟོས་པར་དོན་རྣམས་ལ་ཚད་མ་མ་ཡིན་ཏེ། ནུས་པ་མེད་པའི་ཕྱིར་རོ་ཞེས ་བྱ་བའི་དོན་ཏོ། །རིགས་རྒྱུན་མ་ཆད་པར་ནི་དྲན་པ་རྣམ་པར་མ་ཆད་པ་ལས་ཤེས་པ་མ་ཡིན་ནམ། བུ་ནི་ཕ་ལས་ཕ?་ཡང་རང་གི་ཕ་ལས་དེ་ཡང་རང་གི་ལས་ཡིན་ནོ་སྙམ་དུ་སེམས་ན། རུས་ནི་རྣམ་པར་མ་ཆད་པའང་ཞེས་བྱ་བ་སྨོས་ཏེ། ངེས་མ་ཡིན ་ནི་ངེས་པར་མ་གྱུར་པའོ། །རང་ཉིད་ཀྱི་ཕ་ཉིད་ཀྱང་དབང་པ་ལས་འདས་པ་ཡིན་པའི་ཕྱིར་སུ་ཡིན་པའི་ངེས་པ་མེད་ན་དེའི་རུས་ཇི་ལྟར་ངེས་པ་ཡིན། དྲན་པ་ནི་སྒྲོ་བཏགས་པ་ལ་སོགས་པ་འགའ་ལས་ཀྱང་འཁྲུལ་པ་ཡིན་པའི་ཕྱིར་སྒྲུབ་པར་བྱེད་པ་མེད་པ་ཡིན་ནོ། ། ་རིགས་འཆོལ་པར་གསལ་བ་ཉིད་ནི་རྣམ་པ་ཆད་པ་ཡིན་པར་བསྟན་པ་ནི་སཱུ་ཏྲཱ་ཞེས་བྱ་བ་སྟེ་དེ་མཐོང་བ་ལས་མ་འོས་པའི་ཕྱིར་མ་མཐོང་བ་ལ་ཡང་ཐེ་ཚོམ་ཟ་བ་ཁོ་ན་ཡིན་པར་བསྟན་པ་ནི་ཞེས་བྱ་བའོ། །འདི་ལས་འདི་སྐྱེས་པར་དེའི་མས་ཤེས་སོ་ཞེ་ན། ་དེ་ཇི་ལྟར་རང་གི་སྐྱོན་གསལ་བར་སྟོན་པར་བྱེད། དེའི་ཕྱིར་དེའི་ཚིག་ནི་ཡིད་ཆེས་པར་བྱ་བ་མ་ཡིན་པ་བསྟན་པ་ནི། འདི་ནི་ཐོགས་མེད་ཅེས་བྱ་བའོ། །རིག་བྱེད་ཀྱི་དོན་དང་འབྲེལ་བ་མ་ཡིན་པ་ཕྱིས་འབྲེལ་པ་ཡིན་ན། སྒྲ་དང་དོན་བརྟག་པ་ཡིན་ལ། དེ་ཇི་སྲིད ་གནས་པར་འབྲེལ་བ་ཡང་རྟག་པར་འགྱུར་བའི་ཕྱིར་འགལ་བ་ཉིད་ཡིན་པར་བསྟན་པ་ནི། དོན་མེད་པའི་རིག་བྱེད་ཅེས་བྱ་བ་སྟེ། བརྡར་བྱས་བ་ཅན་ཡང་ཕྱིས་ཇི་ལྟར་འགྱུར། འབྲེལ་པ་ཅན་མ་ཡིན་པ་ཡང་བརྡ་འམ་གཞན་ལས་ཀྱང་རུང། འབྲེལ་པ ་ཅན་དུ་མི་འགྱུར་རོ་སྙམ་དུ་སེམས་པ་ལ། བྱ་བ་མེད་པའི་རང་བཞིན་ནི་ཞེས་སྨོས་སོ། །བརྡ་ལས་འབྲེལ་པ་ཅན་དུ་འགྱུར་རོ་ཞེས་སྨྲ་བ་མ་ཡིན་ནོ་འོ་ན་ཇི་ལྟ་ཞེ་ན། བརྡ་ཡོད་པ་ཡིན་ན་དེའི་བག་ཆགས་སད་པས་བརྡར་བྱས་པའི་ཡུལ་དྲན་པར་འགྱུར་བ ་ཡིན་ནོ། །སད་པ་ཡང་སྒྲ་ཁོ་ན་ལས་ནི་མ་ཡིན་ཏེ་གཞན་འགལ་ལས་ཀྱང་འབད?་པ་ལ་སོགས་པ་ལས་ཀྱང་འབྱུང་བའི་ཕྱིར་རོ། །དེ་ལྟར་ཡང་ཚད་མ་རྣམ་པར་ངེས་པ་ལས། དེ་ལས་འདི་རྣམས་ལ་ལར་ཅུང་ཟད་ཀྱང་མ་གྲུབ་པ་ཉེ་བར་བླངས་པ་མེད་དོ་ཞེས ་སྨོས་པའོ། །མི་རྟག་པ་ནི་རེས་འགའ་བར་རང་བཞིན་གྱིས་འགྱུར་བ་ཡིན་བར་བསྟན་པ་ནི། དོན་ཡོད་པ་དང་མེད་པ་ན་ཞེས་བྱ་བ་སྟེ། རིག་བྱེད་ངས་དོན་བྱེད་པ་ལ་དོན་ནི་དོན་དམ་པའོ། །ཚུལ་ནི་ལམ་མོ། །བྱེད་པ་ནི་བྱེད་བཞིན་པ་ཞེས་བྱ་བ་ཇི་ལྟར་ཐ་སྙད་མི་བསླུ་བ་ཡིན། མ་རྟོགས་པའི་དོན་གངས ་བར་བྱེད་པ་ཉིད་དོ། །འགའ་ཞིག་ནི་ཞེས་བྱ་བ་ནི་རིགས་གསུམ་པོ་ལས་གཞན་པ་ནི་དེ་ཁོ་ན་ཉིད་དུ་དོན་དང་འབྲེལ་པ་སྒྲུབ་པར་བྱེད་པ་མ་ཡིན་ཏེ། མ་ངེས་པའི་ཕྱིར་རོ་ཞེས་བྱ་བའི་དོན་ཏོ། །མངོན་དུ་བྱེད་པ་དང་འབྲེལ་པ་རྟོགས་པ་མེད་ན་རྟོགས་པ་ཙམ་ཡིན་པའི་ཕྱིར་ཚད་མ ་མ་ཡིན་ནོ་ཞེས་བསྟན་པ་ནི། ཡོངས་སུ་མ་བརྟགས་པའི་ཞེས་བྱ་བའོ། །སྤྱི་ལས་རྟོགས་པ་ཡིན་ན་བྱེ་བྲག་ལས་རྗེས་སུ་བསྒྲུབ་པར་བྱ་བ་ཡིན་ཞེས་བྱ་བ་ལ་སོགས་པ་ནི་བསལ་བ་ཡིན་ཞེས་བསྟན་པ་ནི། གྲུབ་པ་ནི་གཞན་ལ་ཞེས་བྱ་བ་སྟེ། གཞན་དུ་རྟོགས་པ་ལ་གཞན ་ལ་རྗེས་སུ་བསྒྲུབ་པ་མ་ཡིན་ལ། རྟོགས་པ་ཉིད་རང་གི་ངོ་བོས་རྗེས་སུ་བསྒྲུབ་པ་ཡང་མ་ཡིན་ཏེ། གྲུབ་པའི་ཕྱིར་རོ་ཞེས་འཆད་པར་གྱུར་པ་ལ་ཡང་བལྟ་བར་བྱ་བའོ། །མཐར་ཐུག་པ་མེད་ན་འཇུག་པའི་མཚམས་མེད་པའི་ཕྱིར་དོན་མེད་པ་ཡིན་ནོ་ཞེས་ཟེར་བ་ནི། འོན་ཏེ་ཞེས་བྱ་བ ་ལ་སོགས་པ་སྟེ། མི་བསླུ་བར་བྱ་བ་ཉིད་ག་ལས་ཤེ་ན། ངེས་པར་སྦྱར་བྱ་དང་བྲལ་བ་ཞེས་བྱ་བ་སྟེ། རྟོགས་པའི་དུས་སུ་ཡང་ཡུལ་ངེས་པར་སྦྱར་བྱ་ཉིད་རྟོགས་པར་བྱེད་ཅེས་བྱ་བའི་དོན་ཏོ། །ཡུལ་ངེས་པར་སྦྱར་བྱ་མ་གཏོགས་པར་ངེས་པར་སྦྱོར་བར་མི་འགྱུར་བར་ཅི་ལས ་ཤེས་ཤེ་ན། སྨྲས་པ། གང་ཕྱིར་ངེས་སྦྱོར་འཛུད་བྱེད་ཀྱི་ཞེས་བྱ་བ་སྟེ། ཡུལ་ལ་འཛུད་པར་གྱུར་བ་ནི་འབྲས་བུ་ཉིད་དེ། རྟོགས་བཞིན་པ་ནི་འཛུད་པར་བྱེད་པས་བྱས་པ་ཡིན་པ་དེས་ན། དེ་ནི་གཟུང་བར་བྱས་པ་ལ་བལྟོས་པ་ཡིན་ཏེ། འབྲས་བུ་མཐོང་བ་ལས་ཤེས་ཟེར་བ་ནི། ངེས ་པར་སྦྱར་བྱའང་ཞེས་བྱ་བ་སྟེ། དེ་ལྟ་བུའི་ངེས་པར་སྦྱོར་བ་དེ་ཡང་ཞེས་བྱ་བ་ནས་མི་འགྱུར་རོ་ཞེས་བྱ་བའི་བར་ནི་རྒོལ་བ་སྟེ། རང་གི་བྱ་བ་སྒྲུབ་པར་བྱེད་པར་བསྒྲུབས་པ་ཡིན་ནོ། །ཕན་ཚུན་འབྲེལ་བ་ཡང་འཇུག་པ་འཕེན་པར་བྱེད་པ་ཉིད་ཀྱིས་ངེས་པར་སྦྱོར་བ་ལ་ངེས་པར་སྦྱོར་བ ་གཞན་གྱི་དོན་རྟོགས་པར་འགྱུར་རོ་ཞེས་བསྟན་པ་ནི། ཁམས་ཀྱི་དོན་ལ་སོགས་པ་ཞེས་བྱ་བའོ། །གཞན་གྱི་ངོ་བོས་ནི་ཐུན་མོང་བས་སམ། སྒྲོ་བཏགས་པས་ཀྱང་རུང་རྟོགས་པ་ཡིན་ནོ་ཞེ་ན། གཞན་གྱི་ངོ་བོར་ཞེས་བྱ་བ་སྨོས་ཏེ། གཞན་གྱི་ངོ་བོ་ཞེས ་བྱ་བ་ནི་སྤྱི་རྟོགས་པ་ནི་མ་ཡིན་ཞེས་སྤྱི་ནི་དངོས་པོ་ཐམས་ཅད་ཀྱི་ཞེས་བྱ་བ་དེར་བསྟན་ཟིན་ཏོ། །སྒྲོ་བཏགས་པ་ནི་དངོས་པོར་ཡོད་པ་མ་ཡིན་པ་ལ་རྣམ་པར་རྟོགས་པས་བྱས་པའི་ཞེས་པས་ཕྱི་རོལ་དུ་རྟོགས་པ་ཡིན་ནོ་ཞེས་བྱ་བ་འདི་ལ་ཡང་སྤྱི་བཞིན་དུ་ཐལ་བར་འགྱུར ་རོ། །གཟུང་བྱའི་རྣམ་པའི་རང་རིག་པས་རྟོགས་པ་ཡིན་ཡང་དེའི་རྟོགས་པ་མ་ཡིན་པར་བསྟན་པ་ནི། གཞན་ནི་གཞན་ངོ་བོར་ཞེས་བྱ་བའོ། །འདི་ན་ཆུ་ཡོད་ཅེས་བྱ་བའི་གཟུང་བའི་རྣམ་པའི་དེ་ཁོ་ན་ཉིད་དུ་མངོན་པར་སེམས་པར་བྱེད་པ་ནི་རྟོགས་པས་ཡིན་པར་སྨྲ་བ་ནི། དེ ་ལྟ་ཡིན་དང་ཞེས་བྱ་བའོ། །དེ་རྣམས་རྟོགས་པས་བསྲེས་པ་ཡིན་ཞེས་པའི་རིགས་པས་རྟོགས་པ་ཉིད། དེ་ལྟ་བུའི་བྱ་བ་རྣམས་གཟུང་བའི་རྣམ་པ་ལས་ཤེས་པར་བྱ་བའི་ཁོངས་སུ་གཏོགས་པ་ཡིན་ཞེས་བྱ་བའི་དོན་ཏོ། །དེ་བཞིན་དུ་བྱ་བ་རྟོགས་པ་ཡིན་ན་ཕྱི་རོལ ་དུ་སྣང་བ་མ་ཡིན་ཡང་དེ་ལས་གཞན་བར་མངོན་པར་ང་རྒྱལ་བ་མེད་པའི་ཕྱིར་གཞན་སེལ་བ་རྟོགས་པ་ཡིན་པར་བསྟན་ཏོ། །དེས་ན་ཡང་ཕྱི་རོལ་ལ་འཇུག་པར་བསྟན་པ་ནི། གཞན་སེལ་བའི་ཞེས་བྱ་བའོ། །གཟུང་བའི་རྣམ་པ་ཡང་རང་རིག་པ་མ་ཡིན་ནམ། ཕྱི་རོལ ་དུ་མངོན་པར་བརྗོད་པ་ལས་བྱུང་བའི་ཤེས་པའི་ཡུལ་ནི་མ་ཡིན་ནོ། །ཕྱི་རོལ་ཉིད་དུ་ཞེན་པའི་ཡུལ་ཉིད་དུ་ཞེན་པས་སྒྲོ་བཏགས་པའི་བརྗོད་བྱ་ཡིན་ཏེ། ཚད་མ་རྣམ་པར་ངེས་པ་ལས། རང་གི་སོ་སོར་སྣང་བ་ནི་དོན་མ་ཡིན་པ་ལ་དོན་དུ་ཞེན་པ་ཞེས་སྨོས་ཏེ། དོན་མ ་ཡིན་པ་ཉིད་ནི་སྒྲོ་བཏགས་པ་ཉིད་ནི་གཟུང་བའི་རྣམ་པ་ལས་གཞན་མ་ཡིན་ནོ་ཞེས་བསྟན་པ་ནི། མཆོད་སྦྱིན་ལ་སོགས་པ་ཕྱིས་ཤིག་ཅེས་བྱ་བའོ། །ཕྱི་རོལ་གྱི་དོན་བྱེད་པ་ནི་སྒྲ་ལས་ངེས་པར་བྱེད་པ་ཡིན་གྱི། སྒྲོ་བཏགས་པ་ནི་མ་ཡིན་ནོ། །དེ་ཉིད་ཀྱིས་ནི ་འཇུག་པ་ཡིན་གྱི་སྒྲོ་བཏགས་པས་རང་དབང་དུ་གཏོགས་པ་ཡིན་ན་ནི་ཕྱི་རོལ་ལ་འཇུག་པ་མ་ཡིན་ནོ། །ཚད་མ་རྣམ་པར་ངེས་པ་ལས། འདི་ནི་བུམ་པ་མིན་ཞེས་པའི་ཤེས་ལ་ཁ་དོག་སྣང་ཕྱིར་རོ། །ཞེས་སྨོས་པའོ། །སྣ་ཚོགས་པ་ཉིད་མ་རྟོགས་པ་ནི་སྒྲོ་བཏགས་པའི་ཕྱི་རོལ་ཉིད ་དོ་ཞེས་པའི་མངོན་པའི་མངོན་པར་ཞེན་པས་འཇུག་པ་ཡིན་ན། གཟུང་བའི་རྣམ་པ་ཉིད་ཀྱི་ཕྱི་རོལ་དུ་ཞེན་པ་ནི་བཏགས་པ་བ་ཡིན་ལ། གཞན་གྱི་ནི་ཕྱི་རོལ་ཉིད་དུ་སྒྲོ་བཏགས་པ་ཉིད་ཡིན་ཡང་དེ་ལ་ཡང་གཞན་ཉིད་ཡིན་གྱི་ཕྱི་རོལ་ནི་མ་ཡིན་ལ། སླར་ཡང་བཏགས ་པ་ཡང་གཞན་ཉིད་ཡིན་ན་ཐུག་པ་མེད་པའི་ཕྱིར་རྟོགས་པ་མེད་པས་ཕྱི་རོལ་ལ་འཇུག་པ་མེད་དོ། །རྟོགས་པ་ཡིན་ན་ཡུལ་ནི་དེའི་བདག་ཉིད་ཀྱིས་ཕྲད་པ་ཡིན་ཞེས་བྱ་བའི་དོན་ཏོ། །ཕྱི་རོལ་གྱི་ཤེས་པ་ཡིན་ན་དེ་ཉིད་རྟོགས་པ་དང་འཇུག་པའི་ཡུལ་ཡིན་དུ་ཟད་མོད། ་གཟུང་བའི་རྣམ་པ་འཛིན་པས་ཅི་ཞིག་བྱ་བ་བསྟན་པ་ནི། བྱེད་པ་པོ་ཉིད་ཀྱང་ཞེས་བྱ་བ་སྟེ། རྟོགས་པ་པོ་ཙམ་ཡིན་གྱི་ཉེ་བ་ན་གནས་པ་མ་ཡིན་ཞེས་བྱ་བའི་དོན་ཏོ། །གང་དག་བྱུང་གྱུར་དེ་ཉིད་ལས་ཞེས་བྱ་བའི་རིགས་པས་དེ་ཉིད་ཇི་ལྟར་མ་ཡིན་ཞེ་ན། རྟོགས་པའི ་དུས་ན་ཞེས་བྱ་བ་སྨོས་ཏེ། བྱེད་པ་པོ་མ་ཡིན་པ་ལས་ཅིག་ཤོས་ནི་གཞན་ཡིན་ནོ་ཞེས་བྱ་བའི་དོན་ཏོ། །དེ་ལྟ་མིན་ན་བྱ་བའི་དངོས་པོ་ཉེ་བ་མ་ཡིན་པ་ཉིད་རྟོགས་པར་བྱེད་པ་ནི་སྒྲ་ཡིན་ཏེ། དེ་ཡང། ཡང་ན་གང་ཞིག་སྨྲ་པ་པོ་ཞེས། རང་དབང་དུ་བརྗོད་པ་སྟེ། སྙམ་དུ ་སེམས་པ་ལ། སྒྲས་སྔར་མ་རྟོགས་པ་ཞེས་བྱ་བ་སྨོས་ཏེ། འབྲེལ་པ་མ་བཟུང་བར་ནི་སུས་ཀྱང་སྒྲ་ལས་དོན་རྟོགས་པ་མ་ཡིན་ནོ། །འོན་ཏེ་ཚིག་ཉིད་ནི་དག་མ་ཡིན་ཏེ། ཚིག་གི་དོན་ལས་འབྲེལ་པ་མི་ཤེས་པ་རྣམས་ཐེ་ཚོམ་དང་ལྡན་པ་རྣམས་ལས་ངག་གིས ་དོན་ཤེས་པ་ཡིན་གྱི་དེར་འབྲེལ་བ་འཛིན་པ་ལ་བལྟོས་པ་ནི་མ་ཡིན་ནོ་སྙམ་དུ་སེམས་ན། གང་གིས་སྔར་ཞེས་བྱ་བ་སྨོས་སོ། །བྱེད་པ་པོའི་ཚིག་ལས་བྱ་བ་དང་བཅས་པའི་ཚིག་གི་དོན་སྔར་རྟོགས་པ་ཁོ་ན་རྟོགས་བྱ་ཡིན་གྱི་གཞན་དུ་ནི་མ་ཡིན་ཏེ། བྱེད་པ་པོ ་ཉིད་དུ་མི་འཐད་པའི་ཕྱིར་རོ། །དེ་ལྟ་ཡིན་དང་བྱེད་པ་པོ་ཡང་འཕངས་པ་ཡིན་ནོ། །དེ་ལྟར་སྔར་དམིགས་པའི་ཕྱིར་རོ། །དེ་བཞིན་དུ་འཕངས་པའི་བྱེ་བྲག་ཅན་ནི་ཉེ་བ་ན་གནས་པའི་བྱ་བ་འཕེན་པ་ཡིན་པར་ཅི་ལས་ཤེས་ཤེ་ན། དེ་བཞིན་དུ་སྔར་དམིགས ་པའི་ཕྱིར་ཏེ། དེ་ལྟ་ན་ཉེ་བ་ནི་གནས་པ་དང་རུང་བ་ལ་བལྟོས་པ་ཉིད་ནི་ཚོགས་བ་སྟེ། དེ་ཉིད་མི་དེ་ལས་གཞན་པ་ལས་ཐ་དད་པ་ཡིན་ཞེས་བྱ་བ་ནི་སྔོན་དང་ཕྱི་མ་ཉིད་དོ། །དེས་ན་ངག་གི་དོན་ཡང་སྔར་མཐོང་བ་ལ་བརྟེན་པ་ཉིད་དུ་ཤེས་པར་བྱ་ཞེས་བྱ་བའི་དོན་ཏོ། ་སྔར་མཐོང་བའི་རྗེས་སུ་འབྲང་བ་མེད་ན་སྒྲ་ལས་རྟོགས་པ་ཡང་མེད་པ་ཁོ་ན་ཡིན་པའི་ཕྱིར་སྒྲོ་བཏགས་པའམ། ཕྱི་རོལ་ཡང་རུང་རང་དབང་དུ་འཛིན་པ་མེ་ཡིན་པས་བསྟན་པ་ནི་གཞན་ནི་མ་ཡིན་ནོ་ཞེས་བྱ་བའོ། །སྔ་མའི་རྗེས་སུ་འབྲངས་ནས་མཐོང་བ་དང་སྣང ་བཞིན་པ་ཐུན་མོང་བ་ཉིད་ཀྱིས་རྟོགས་པ་ཡིན་གྱི། ཐུན་མོང་མ་ཡིན་པའི་ཡུལ་ཅན་ནི་མ་ཡིན་ཏེ། ཐུན་མོང་མ་ཡིན་པ་ནི་དངོས་པོ་ཡིན་ཏེ། དེ་མ་ཐག་ཏུ་དམིགས་པ་དང་གཞན་པའི་དངོས་པོའི་དོན་བྱེད་པར་མཐོང་བའི་ཕྱིར་རོ། །དེ་ཡང་དེ་མ་ཡིན་པ་ལས ་ལོག་པའི་ངོ་བོའི་རྗེས་སུ་འབྲེང་བ་ཅན་ནི་ཐུན་མོང་བའི་ཤེས་པ་ཡིན་ཏེ། རང་གི་སྣང་བའི་རྣམ་པ་དོན་མེད་པ་དོན་ལས་གཞན་པ་ལ་གཅིག་ནས་གཅིག་ཏུ་བརྒྱུད་པ་དོན་མཐོང་བ་ལས་འོངས་པ་ལ་དོན་ཉིད་དུ་མངོན་པར་ཞེན་པས་སྐྱེས་བུ་འཇུག་པར ་བྱེད་པའི་ཕྱིར་ཆ་གང་གིས་དངོས་པོར་འགྱུར་བ་མ་ཡིན་པ་དེས་དེང་མངོན་པར་ཞེན་པས་འཇུག་པར་བྱེད་པ་ཡིན་པའི་ཕྱིར་གཞན་སེལ་བའི་ཡུལ་ཅན་དུ་བསྟན་པ་ཡིན་ནོ་ཞེས་བསྟན་པ་ནི། སྔ་མའི་རྗེས་སུ་འབྲངས་ནས་ཞེས་བྱ་བ་སྨོས་སོ། །ངེས་པ་ཅན་ལས ་སྐྱེས་པ་འམ་ངེས་པ་ཅན་གྱི་སྒྲ་ལས་སྐྱེས་པ་ཡང་རུང་བའི་རྣམ་པར་ཤེས་པ་ཡང་གཞན་ལས་ལོག་པའི་ངོ་བོས་འཇུག་པའི་ཡུལ་ནི་དངོས་པོ་ཡིན་པར་རྣམ་པར་བཞག་པ་ཡིན་ན་གཞན་སེལ་བའི་ཡུལ་ཅན་དུ་འགྱུར་རོ། །འདི་ནི་ཚིག་ཙམ་ལས་བྱུང་བ ་དངོས་པོ་ལ་རེག་པ་མ་ཡིན་པའི་སྣང་བ་ནི་འཇུག་པའི་ཡུལ་ལ་དེ་ལྟར་བརྗོད་པར་བྱེད་པའི་ཕྱིར་ཇི་ལྟར་གཞན་སེལ་བའི་ཡུལ་ཅན་ཡིན་སྙམ་དུ་སེམས་ལ། མི་འདའ་ཨོ་ཞེས་བྱ་བ་སྨོས་ཏེ། ངེས་པ་ཅན་ལས་བྱུང་བ་ལ་སོགས་པ་ཉིད་གཞན་སེལ་པའི་ཡུལ་ཅན་ཡིན་པར ་ནི་བདེན་མོད་ཀྱི། འདི་ནི་དེ་ལྟ་བུ་མ་ཡིན་ཡང་བརྒྱུད་པས་དངོས་པོ་མཐོང་བ་སྔོན་དུ་འགྲོ་བ་ཅན་ཡིན་པའི་ཕྱིར་དེ་ལྟར་བསྟན་པར་ནུས་པ་ཡིན་ནོ་ཞེས་བྱ་བའི་དོན་ཏོ། །སྔར་མཐོང་བའི་དངོས་པོ་རྣམས་བསྒྲུབ་བྱ་ཉིད་དམ། སྒྲུབ་བྱེད་ཉིད་ཀྱིས་རྗེས་སུ་འབྲངས་ནས་ཚིག་གི ་དངོས་པོ་ལ་རེག་པས་དངོས་སུ་བྱ་བའི་བསྒྲུབ་བྱ་དད?་པ?། སྒྲུབ་བྱེད་ཉིད་ཀྱིས་ངོ་བོས་རྟོགས་པར་བྱེད་པ་མ་ཡིན་ནམ། དེ་དག་ཙམ་གྱིས་ལྟོས་པ་དང་བཅས་པ་འཇུག་པ་ཡིན་གྱི་འཇུག་པའི་ཡུལ་མཐོ་རིས་སྒྲུབ་པར་བྱེད་པ་ལ། དེའི་བྱེད་པ་པོ་ཉིད་དམ་ཚད་མར་བསྟན ་པ་ལ་མི་འཇུག་པ་ནི་མ་ཡིན་ན་སྙམ་དུ་སེམས་པ་ལ། ཐམས་ཅད་དུ་ཞེས་བྱ་བ་སྨོས་ཏེ། གལ་ཏེ་ཡང་འདོད་པར་བྱ་བ་ཡིན་པའི་ཕྱིར་མཐོ་རིས་ནི་བསྒྲུབ་བྱ་ཉིད་ཡིན་ལ་སྐྱེས་བུའི་བྱ་བའི་བྱེ་བྲག་ཡིན་པའི་ཕྱིར་མཆོད་སྦྱིན་ནི་སྒྲུབ་བྱེད་ཉིད་ཡིན་པའི་སྔར ་བརྟོགས་པ་ཡིན་ཡང། འདི་དག་ཕན་ཚུན་འབྲེལ་པའམ་རང་བཞིན་གཅིག་པའི་འབྲེལ་པ་ཡང་རུང་བ་སྔོན་དུ་མངོན་སུམ་ལས་སམ། གཞན་ལས་ཀྱང་རྟོགས་པ་མ་ཡིན་ཏེ། དེ་ཉིད་ཀྱིས་ན་འདོད་པ་ཙམ་གྱིས་བསྡུས་པའི་ཚིག་གིས་དོན་རྣམས ་ཀྱི་ཚོགས་པ་འདི་ནི་འཁྲུལ་པ་ཡིན་ཏེ། མོ་གཤམ་གྱི་བུ་འགྲོ་བ་བཞིན་དུ་སྣང་བ་ཙམ་ཡིན་ནོ། །སྐྱེས་བུས་བྱས་པ་མ་ཡིན་པ་ལ་བསྡུས་པ་ཡིན་པར་ཇི་ལྟར་ཤེས་པ་ཡིན་ཞེ་ན། ཚིག་གི་དོན་རྣམས་ནི་འཇིག་རྟེན་གྱི་རྗེས་སུ་འབྲངས་ནས་རྟོགས་པ་ཉིད་ནི ་བསྡུས་པ་རྟོགས་པའི་རྒྱུ་མཚན་ཉིད་ཡིན་གྱི། རིག་བྱེད་སྐྱེས་བུས་བྱས་པ་མ་ཡིན་པ་ནི་མ་ཡིན་ཏེ། དོན་གྱི་བྱེ་བྲག་ལ་རྗེས་སུ་སྦྱོར་བ་མ་ཡིན་པའི་ཕྱིར་ཞེས་བྱ་བའི་དོན་ཏོ། །ཐམས་ཅད་དུ་ཞེས་བྱ་བ་ནི་སྐྱེས་བུས་བྱས་པ་འམ་སྐྱེས་བུས་བྱས་པ་མིན་པ་ཡང་ཞེས ་བྱ་བའི་དོན་ཏོ། །བྱེད་པ་པོར་རྟོགས་པ་ཞེས་བྱ་བ་ནི་མཐོང་བའི་རྗེས་སུ་འཇུག་པའི་ཚིག་གི་དོན་རྟོགས་པ་ཡིན་གྱི། འདུས་པའི་བྱེ་བྲག་ནི་མ་ཡིན་ཏེ། དེ་ལ་མངོན་སུམ་ལ་སོགས་པའི་ཚད་མ་མི་འཇུག་པས་སོ་ཞེས་བྱ་བའི་དོན་ཏོ། །བྱེད་པ་པོ ་ཉིད་ལ་སོགས་པ་རྣམས་ཀྱི་ཡང་ཚིག་གི་དོན་དུ་བསྟན་པ་རྣམས་ནི་མངོན་སུམ་ལ་སོགས་པའི་ཡུལ་ཉིད་ཡིན་པའི་ཕྱིར་སྔར་མཐོང་བའི་རྗེས་སུ་འཇུག་པ་ཅན་མ་ཡིན་པར་བསྟན་པ་ནི་མངོན་སུམ་ལས་ནི་སྔར་བྱེད་པ་པོ་ཉིད་དུ་རྟོགས་པ་ཡང་མ་ཡིན་ཏེ་ཞེས ་བྱ་བའོ། །ཉེ་བ་ན་གནས་པའི་དངོས་པོའི་རང་བཞིན་ཙམ་འཛིན་པའི་མངོན་སུམ་ཡིན་པའི་ཕྱིར་ཡུལ་དང་དུས་གཞན་དུ་འབྱུང་བར་འགྱུར་བ་ནི་གཞན་བྱེ་བྲག་ཅན་གྱི་ངོ་བོའི་རིབ་སྒྲུབ་བྱ་ཉིད་དམ། སྒྲུབ་བྱེད་ཉིད་དུ་མི་རུང་བས་དེའི་བྱེ་བྲག་གི་ངོ་བོ་ཡང་མི ་རུང་བའི་ཕྱིར་འཛིན་པ་ཡང་མ་ཡིན་ཞེས་བྱ་བའི་དོན་ཏོ། །གལ་ཏེ་ཡང་མངོན་སུམ་གྱི་བྱ་བ་ནི་དོན་མཐོང་བར་བྱེད་པ་ལ་གནས་པ་ཡིན་པའི་ཕྱིར། དོན་བྱེད་ནུས་པ་འམ་གཞན་དེ་མེད་པ་ཡང་མཐོང་བར་བྱེད་པ་མ་ཡིན་ཏེ། དོན་མཐོང་བ་ཡིན་ཡང ་གཞན་ལས་མི་སྲིད་པ་ཐུན་མོང་མ་ཡིན་པའི་དོན་བྱེད་པ་དམིགས་པ་གཉིས་པོ་དེ་དག་གི་བྱ་བའི་རྗེས་སུ་འབྲང་བའི་ངེས་པས་དམིགས་པའི་དོན་ནི་ནུས་པ་ཅན་ཉིད་ཡིན་པར་རྣམ་པར་འཇོག་པར་བྱེད་ལ། དུས་གཞན་དུ་དོན་བྱེད་པར་མི་དམིགས་པ་ཡང ་དེ་ཉིད་ཀྱི་ངོ་བོའི་རྗེས་སུ་འབྲང་བ་རྣམས་ནུས་པ་ཅན་ཡིན་པར་ངེས་པར་བྱེད་པ་ནི་གནོད་པ་ཅན་མེད་ནའོ། །ཡོད་ན་ནི་ནུས་པ་ཅན་མ་ཡིན་ཏེ། རྨི་ལམ་ལྟ་བུ་ཡིན་ནོ་སྙམ་སེམས་པ་ལ། ཐ་སྙད་པའི་མངོན་སུམ་ཞེས་བྱ་བ་སྨོས་ཏེ། ཉམས་སུ་མྱོང་བའི ་དོན་ཙམ་ནི་བྱ་བའི་མཐར་ཐུག་པ་ཡིན་ཏེ། ཡོད་པ་འམ་མེད་པའི་རྣམ་པར་དབྱེ་བ་བྱེད་པ་ནི་མ་ཡིན་གྱི་དབྱེ་བ་བྱེད་པ་ནི་དེའི་རྗེས་སུ་འབྲང་བའི་ངེས་པ་མ་ཡིན་ལ་དེ་ཉིད་དབྱེ་བ་བྱེད་པ་ཡིན་ནོ་ཞེས་སྨྲ་བ་ནི། བཏགས་པ་བའི་ཉམས་སུ་མྱོང་བར་གྲུབ་པ་ཉིད་དུ་སྨྲས ་པར་འགྱུར་རོ་ཞེས་བྱ་བའི་དོན་ཏོ། །ངེས་པར་སྦྱོར་བ་ནི་རང་དབང་དང་ཅིག་ཤོས་ཉིད་ཀྱིས་རྣམ་པར་བཅད་ནས་རང་གི་ངོ་བོས་དཔྱད་པ་ནི་རུང་བ་ཉིད་ནི་དབང་བྱེད་པ་ཅན་ཉིད་མ་ཡིན་ཏེ། འོན་ཀྱང་ངེས་པར་སྦྱར་བ་ཉིད་ཡིན་ནོ་སྙམ་དུ་སེམས་པ་ལ། དཔྱོད་པའི་ཡུལ ་ལས་ཤེས་བྱ་བ་སྨོས་ཏེ། རྣམ་དཔྱོད་ལ་ནི་སྤྱོད་རྣམས་ཀྱི་ཞེས་བྱ་བ་ནི་ཕུང?་ཕོག་པའི་སྒྲུབ་པས་འཕངས་པའི་རྣམ་པར་དཔྱོད་པ་ལ་འཇུག་པ་ལ་ཡང་སློབ་དཔོན་གྱི་མན་ངག་ལ་སོགས་པ་ཐབས་མ་ཡིན་པ་ཉིད་ཀྱིས་གུས་པར་བྱ་བ་ཉིད་མ་ཡིན་ཞེས ་བྱ་བའི་དོན་ཏོ། །འབྲས་བུ་དག་པའི་ཞེས་བྱ་བ་ལ་སོགས་པས་ནི་ངེས་པར་སྦྱོར་བའི་རྣམ་པར་རྟོགས་བ་རྣམ་པ་བཅུ་གཉིས་ཏེ། སྐྱེས་བུའི་འཇུག་པ་འཕེན་པར་བྱེད་པ་ཉིད་དུ་ངེས་པར་སྦྱོར་བའི་མཚན་ཉིད་ལ་བྱེ་བྲག་མེད་པའི་ཕྱིར་རོ། །དེ་ཡང་སྐུལ་བྱེད་ཅེས ་བྱ་བ་ལ་འདུག་པར་བྱེད་པ་ཚིག་ཡིན་ཏེ་ཞེས་བྱ་བ་ནི་འདིའི་དོན་ཏོ། །དེས་ན་ཡང་འབྲས་བུ་མངོན་པར་བརྗོད་པ་ཉིད་དེས་སྦྱོར་ཡིན་པར་འཇིག་རྟེན་དུ་རྟོགས་པ་ཞེས་བྱ་བ་ནི་དེ་ལས་ཏེ་ཐ་སྙད་ལས་སོ། །ད་ལྟར་བའི་འབྲས་བུའི་ཡུལ་ལ་ངེས་པར་སྦྱར་བ་དང་འབྲེལ་བ ་སྒྲུབ་ཞེས་བྱ་བའི་དོན་ཡིན་ལ། དེ་ལ་མངོན་པར་བརྗོད་པར་བྱེད་པ་འདིས་ངེས་པར་སྦྱོར་བར་བྱེད་པ་ནི། ངེས་སྦྱོར་ཏེ་ལིང་ང་ལ་སོགས་པའོ། །དེས་ན་ཡང་ཞེས་པའི་ཡང་ནི་གོ་རིམ་བཟློག་པས་འཇིག་རྟེན་དུ་ཡང་ཞེས་བྱ་བར་སྦྱར་རོ། །དེས་ན་འཇིག་རྟེན་དུ་རིག་བྱེད ་ལ་ཡང་ཞེས་གསལ་བར་བྱེད་པ་ཡིན་ནོ། །དེ་ཉིད་བསྟན་པ་ནི། གང་ཕྱིར་ངེས་སྦྱོར་རྒྱན་དོན་དང་ཞེས་བྱ་བའོ། །འཇུག་པའི་ཡུལ་ཡིན་པའི་ཕྱིར་འབྲས་བུའི་སྒྲས་བརྗོད་པ་ཡིན་བར་སྨྲ་བ་ནི། འབྲས་བུའི་རང་བཞིན་ཞེས་བྱ་བའོ། །ལིང་ང་ལ་སོགས་པའི་དོན་ནི་འཛུད ་པར་བྱེད་པ་ལ་སོགས་པའི་ངོ་བོ་མ་ཡིན་ནམ། གཞན་ནི་མ་ཡིན་ནོ་ཞེ་ན། དེའི་ཁྱད་བར་གཞན་དག་ནི་ཞེས་བྱ་བ་སྨོས་ཏེ། དེའི་བྱ་བའི་ངོ་བོ་འཛུད་བྱེད་ནི་དེ་ལས་ཐ་མི་དད་པ་ཡིན་ཏེ། ཤིང་གི་འབར་བ་ལྟ་བུའོ། །དེ་ནི་འཛུད་པར་བྱེད་པ་ལ་སོགས་པ་བཞིན་དུ་བྱེ་བྲག ་ཉིད་དུ་འབྲས་བུའི་ཁོངས་སུ་རྟོགས་པ་མ་ཡིན་ནོ་ཞེས་ཟེར་བ་ནི། འདིར་ནི་དེའི་ཁྱད་པར་དུ། འདོད་པའི་འཛུད་བྱེད་ཅེས་བྱ་བ་སྨོས་ཏེ། འཛུད་པར་བྱེད་པའི་དངོས་པོའི་བྱ་བ་ནི་འཛུད་བྱེད་ཡིན་ཞེས་བྱ་བའི་དོན་ཏོ། །འཛུད་བྱེད་གཉིས་ནི་སྐྱེས་བུའི་བྱ་བ ་སྟེ། བྱ་བར་འདིས་པ་ཉིད་ཀྱིས་ཁོངས་སུ་གཏོགས་པ་ཡིན་ཏེ། འབྲས་བུ་ནི་ངེས་སྦྱོར་མ་ཡིན་ཏེ། དེའི་རང་བཞིན་མེད་པའི་ཕྱིར་རོ་ཞེས་ཟེར་བ་ནི། འཛུད་བྱེད་དག་བ་ངེས་སྦྱོར་དུ། ཞེས་བྱ་བ་སྟེ། ཐམས་ཅད་དུ་གཏོང་བ་དང། མཆོད་སྦྱིན་གྱི་ཞེས་བྱ་བ་ལ་སོགས་པ ་ལིང་དང། ལ་སོགས་ལ་སོགས་པ་ཡང་ངོ། །འཛུད་བྱེད་དང་དེའི་བདག་ཉིད་ཀྱིས་འབྲེལ་བ་ཉིད་འབྲས་བུའི་གཙོ་བོ་ཡིན་པའི་ཕྱིར་ངེས་སྦྱོར་དུ་བརྗོད་དོ་ཞེས་ཟེར་བ་ནི། འདི་ནི་ངའི་འབྲས་བུ་ཞེས་བྱ་བའོ། །འབྲས་བུ་དང་དེའི་བདག་ཉིད་ཀྱིས་འབྲེལ་པས ་གཙོ་བོ་ཡིན་པ་ནི་ངེས་སྦྱོར་ཡིན་ནོ་ཞེས་ཟེར་བ་ནི། འདིར་ནི་འགར་ཡང་འབྲས་མེད་པར། སྐྱེས་བུས་བསྐུལ་བར་བྱ་བ་མིན། ཞེས་བྱ་བའོ། །དེ་ནི་སྒྲུབ་པའི་དོན་ལས་གཞན་བའི་བསྒྲུབ་བྱ་དེ་ཉིད་ཀྱིས་འབྲས་བུའི་སྒྲའི་བརྗོད་བྱ་བཟུང་བ་ཉིད་ཡིན་ཞེས་ཟེར་བ ་ནི། འབྲས་བུ་འཛུད་བྱེད་ཡུལ་གྱི། ཞེས་བྱ་བ་སྟེ། བསྒྲུབ་པའི་དོན་གྱི་བྱ་བའི་ཡུལ་ནི་ལས་ཡིན་པའི་ཕྱིར་འབྲས་བུ་ཡིན་ཏེ། ཡུལ་གྱི་ངོ་བོ་ཉིད་དུ་སྒྲོ་བཏགས་པ་ཉིད་ཅེས་བྱ་བའི་དོན་ཏོ། །དེ་ཉིད་ཀྱིས་ན་ཡུལ་ལ་ཡུལ་ཅན་དུ་ཉེ་བར་བཏགས་ནས ་ཡིན་པར་བལྟ་བར་བྱའོ། །སྒྲུབ་པའི་དོན་ནི་རང་གི་བྱ་བ་ནི་བྱ་བ་དང་དེ་དང་ལྡན་པ་དག་ཐ་དད་པ་ལས་ཐ་དད་པའི་རང་གི་བྱ་བའི་ཡུལ་ལམ། གཞན་ཡང་རུང་བ་ལ་ལྟོས་ནས་འཇུག་པའི་ཡུལ་ཉིད་ཀྱང་དེ་ལྟ་དེ་ལྟར་བསྟན་པ་ཡིན་གྱི་དེ་བཞིན་ལིང་ལ་སོགས ་པ་རྣམས་ཀྱིས་རྟོགས་པ་ནི་མ་ཡིན་ནོ། །དེའི་ཕྱིར་ཡོད་པ་གཅིག་པོ་དེ་ངེས་སྦྱོར་ཐ་མ་ཐམས་ཅད་ཀྱིས་རྗེས་སུ་འཇུག་པ་ཡིན་ཏེ། ལིང་ལ་སོགས་པའི་བརྗོད་བྱ་མ་ཡིན་ཞེས་ཟེར་བ་ནི། གང་ཕྱིར་གྲུབ་གཅིག་ཚངས་པ་ནི་ཞེས་བྱ་བའི། །ཡུལ་ལ་བརྟེན་པའི ་སྐྱེས་བུ་ནི་འཁྲུལ་འཁོར་ལ་གནས་པར་བསྟན་པ་ཡིན་ནམ་དེ་ཉིད་ཀྱང། འདི་ནི་ངའི་སྤྱད་བྱ་ཞེས། ཞེས་བྱ་བར་ཡང་རྟོགས་པར་བྱེད་པ་ཡིན་ནོ་སྙམ་དུ་སེམས་པས། ལོངས་སྤྱད་བྱ་བ་སྐྱེས་བུ་ལ། །བལྟོས་ནས་བསྒྲུབ་བྱ་ཉིད་དུ་གནས། །དེ་ཉིད་ཀྱིས་ན་གཉིས་ལས ་གཅིག་།འཇུག་བྱེད་ཡིན་པ་ནི་གཞན་ལས་མ་ཡིན་པའི་ཕྱིར་ཟློས་པ་མ་ཡིན་ནོ་ཞེས་ཟེར་པ་ནི། འདི་ནི་དེའི་སྤྱད་བྱ་ཞེས་བྱ་བའོ། །དེ་བཞིན་དུ་ལོངས་སྤྱད་པར་བྱ་བ་ལ་བལྟོས་ནས་ལོངས་སྤྱོད་པར་བྱེད་པའི་སྐྱེས་བུ་བསྟན་བྱ་ཡིན་ཞེས་ཟེར་བ་ནི་འདིའི་ངའི་འབྲས་བུ་ཞེས ་བྱས་བྱ་བའོ། །གཟུང་པར་བྱ་བ་ལ་སོགས་པ་ལས་གཅིག་གི་ངོ་བོ་ཡང་ངེས་པ་ཅན་དུ་གོ་བར་བྱ་བ་མ་ཡིན་ནོ། །དེས་ན་རྣམ་པ་བརྒྱད་དུ་འགྱུར་བའི་ཕྱིར་རྣམ་རྟོགས་གི་བྱས་པ་མ་ཡིན་ནོ། ཞེས་བསྟན་པ་ནི། ངེས་པར་སྦྱོར་བ་ཚད་མ་འམ་ཅི་ཞེས་བྱ་བ་སྟེ། ་དེ་ལྟ་བུའི་རྣམ་པར་རྟོག་པ་རྣམས་ལས་གཅིག་གིས་ངོ་བོ་ཡང་འགལ་བ་ཅན་དུ་མ་མཐོང་བ་ཡིན་ཞེས་བྱ་བའི་དོན་ཏོ། །འབྲས་བུ་དག་པ་ལ་སོགས་པའི་ཕྱོགས་གསལ་ནས་བསྡུས་པའི་ངེས་སྦྱོར་གྱི་ཕྱོགས་སུན་དབྱུང་བའི་དོན་དུ། འབྲས་བུ་འཛུད་བྱེད་དང་བྲལ་བ ་ཞེས་བྱ་བ་སྨོས་ཏེ། འཛུད་པར་བྱེད་པ་ནི་སྐད་ཀྱི་དབྱིངས་ཀྱི་ཡུལ་ཉིད་ཀྱིས་འཛུད་པར་བྱ་བ་ཚོགས་པར་བྱེད་པ་ཉིད་ཀྱི་འཇུག་པ་ལ་བལྟོས་པར་བྱེད་པ་ཉིད་ཡིན་ནོ། །ཡན་འགར་བ་ནི་འཇུག་པར་བྱེད་པ་ཡང་ཡིན་པའི་ཕྱིར་དང་འབྲས་བུ་དག་པ་ནི་འཛུད་བྱེད་དང་བྲལ ་བ་ཉིད་ཀྱིས་འཇུག་པར་བྱེད་པར་བརྗོད་པའི་ངེས་པར་སྦྱོར་བའི་སྒྲས་བསྟན་པ་ཡིན་ནོ་ཞེས་ཟེར་བ་ནི། གང་ཚེ་འབྲས་བུ་དག་པ་ལ་ཞེས་བྱ་བའོ། །དེ་བཞིན་དུ་བཟུང་བྱ་དང་བྲལ་བའི་འབྲས་བུ་ནི་གང་ལ་བལྟོས་ནས་འཇུག་པའི་འཇུག་པར་བྱེད་པ་ཡིན་ཞེས་ཟེར་བ་ནི། ་གང་དུ་སྐྱེས་བུ་འབྲས་བུ་ལ་ཞེས་བྱ་བའོ། །འབྲས་བུ་ཉིད་ལ་འཛུད་པར་བྱེད་པ་ནི་སྐྱེས་བུའི་ཆོས་ཡིན་ལ། འབྲས་བུ་རྟོགས་པ་དག་ནི་རྟོགས་པ་ལས་སོ་ཞེས་ཟེར་ན། འཇིག་རྟེན་རྟོགས་པའི་ངེས་སྦྱོར་འདི། ཞེས་བྱ་བ་སྨོས་སོ། །འཛུད་པ་པོ་ནི་འཛུད་པར་བྱེད ་པར་བྱ་བའི་ངོ་བོ་ཡིན་པའི་ཕྱིར་ཆོས་ཡིན་ལ། དེ་ལྟ་ན་ཡང་དེ་ནི་འཕེན་བྱེད་མ་ཡིན་ཏེ། དག་པ་ཉིད་ཉམས་པར་ཐལ་བར་འགྱུར་བའི་ཕྱིར་རོ། །འབྲས་བུའི་མིང་མིང་ཅན་ལ་འཛུད་པ་པོའི་ཆོས་ནི་འཛུད་བྱེད་ཡིན་ནོ་ཞེས་བྱ་བའི་དོན་ཏོ། །འཛུད་པ་པོའི་བྱ་བ་ངེས ་སྦྱོར་རྫོགས་པར་བྱ་བ་ཉིད་ནི་འབྲས་བུར་བརྗོད་པ་ཡིན་ནོ་ཞེས་ཟེར་བ་ནི། དེ་ཉིད་འབྲས་བུ་ཉིད་ཡིན་ཞེ་ན་ཞེས་བྱ་བའོ། །གྲུབ་པ་ཡིན་ཡང་ཡུལ་མཐར་ཐུག་པ་ཉིད་ཀྱིས་ངེས་སྦྱོར་བསྒྲུབ་བྱ་ཡིན་གྱི། རང་ཉིད་འགྲུབ་པ་ལ་སྐྱེས་བུ་འཇུག་པ་ལ་ལྟོས་པར་བྱེད་པ་ཉིད ་ནི་ངེས་སྦྱོར་དུ་བསྟན་པ་ཡིན་ནོ་ཞེས་ཟེར་བ་ནི། བསྒྲུབ་བྱ་ཉིད་དུ་ཉེ་བར་བརྗོད་ཅེས་བྱ་བའོ། །འབྲས་བུ་ངེས་སྦྱོར་གྱི་ཡུལ་ལ་ཉེ་བར་བཏགས་པ་བ་ཉིད་དུ་འགྱུར་རོ་ཞེས་བསྟན་པ་ནི། དེའི་ཡུལ་ལ་ཉེ་བར་བཏགས་པས་ཞེས་བྱ་བ་སྟེ། བཏགས་པའི་ངེས་སྦྱོར་ཉིད ་ཀྱང་འབྲས་བུ་ཡིན་པ་ཁོ་ནས་རི་བོང་གི་རྭ་བཞིན་དུ་ཡོད་པ་མ་གྲུབ་པ་ཡིན་པས་འཛུད་པ་པོ་འགའ་ཡང་མེད་པར་བསྟན་པ་ནི། དེ་ནི་མ་གྲུབ་པ་ཡིན་ན་ཞེས་བྱ་བའོ། །རྟོགས་པ་ནི་མངོན་དུ་བྱེད་པ་ཡིན་ལ་རང་གི་ངོ་བོ་མ་གྲུབ་པ་ལ་ནི་མི་སྲིད་པ་ཡིན་པར་བསྟན ་པ་ནི། བསྒྲུབ་བྱ་རབ་ཏུ་མ་གྲུབ་དང་ཞེས་བྱ་བའོ། །ཤེས་པ་ཞེས་བྱ་བ་ནི་རྣམ་པར་རྟོགས་པའོ། །བསྒྲུབ་པའི་དོན་དང་དེའི་བྱ་བ་དག་གི་ངོ་བོ་འཛུད་པ་པོ་དང། འཛུད་པ་པོ་དག་གིས་རེ་རེ་བསྡུས་པའི་ཕྱོགས་བསལ་ནས་ང་ནི་ངེས་སྦྱོར་དེ་གལ་ཏེ་ཚད་མ་ཡིན་ན ་གཞལ་བྱ་ཡིན་པར་མི་རིགས་ལ། འོན་ཏེ་གཞལ་བྱ་ཡིན་ན་ཚད་མ་མ་ཡིན་ཏེ། འགལ་བའི་ངོ་བོ་གཉིས་སུ་དུས་གཅིག་པར་མི་རིགས་པའི་ཕྱིར་རོ་ཞེས་བསྟན་པ་ནི། །གལ་ཏེ་ངེས་སྦྱོར་དག་དོན་ན། །ཞེས་བྱ་བའོ། །ཇི་སྟེ་དག་གི་དོན་ཡིན་པ་དེས་གཞལ་བྱ ་ཡིན་ན་སྐྱེས་བུ་ནི་རྫོགས་པར་བྱེད་པ་ཉིད་ཡིན་པས་དེའི་བྱ་བ་སྐད་ཀྱི་བྱིངས་ཀྱི་དོན་གྱི་ཡུལ་རྟོགས་པར་བྱེད་པ་ཉིད་ཀྱིས་མཆོད་སྦྱིན་ལ་སོགས་ནི་དེའི་ཐབས་ཡིན་པ་ཉིད་ཀྱིས་འཛིན་པ་ཡིན་ལ། ངེས་སྦྱོར་ནི་འཛིན་པར་བྱེད་པ་ཉིད་ཡིན་པས་ཚད་མར་ཡང ་འགྱུར་བ་ཡིན་ནོ་སྙམ་དུ་སེམས་པ་ལ། གལ་ཏེ་ངེས་སྦྱོར་དེ་ཉིད་དུ། སྐྱེས་བུའི་ཞེས་བྱ་བ་སྨོས་ཏེ། ལིང་ལ་སོགས་པའི་སྒྲ་དང། འཛུད་བྱེད་དང་སྐྱེས་བུའི་བྱ་བ་མ་གཏོགས་པ་དེ་རྣམས་ཀྱི་བསྒྲུབ་པའི་དོན་འཛིན་པ་པོ་ནི་རང་དབང་དམ་གཞན་དབང་ཡང་རུང་རྟོགས་པར་བྱེད ་པ་གཞན་ནི་མེད་དོ་ཞེས་བྱ་བའི་དོན་ཏོ། །སྐྱེས་བུའི་བྱ་བ་ངེས་སྦྱོར་ནི་བསྒྲུབ་བྱ་ཡིན་པའི་ཕྱིར་སྒྲའི་བྱ་བ་ནི་འཇུག་པའི་ཡུལ་གྲུབ་བར་བྱ་བ་ཉིད་ཡིན་པའི་ཕྱིར་ལ། སྒྲའི་བྱ་བ་ནི་དེ་ཉིད་ཀྱི་ཚེ་སྒྲ་ཉིད་ཀྱིས་སྒྲུབ་པར་བྱེད་པ་ཉིད་ཀྱི་ཕྱིར་དེའི་འགྲུབ་བྱེད་དུ་ཡང་མི་རིགས་པར ་བསྟན་པ་ན། དེ་ནི་སྒྲ་ཉིད་ལས་འགྱུར་བས་ཞེས་བྱ་བའོ། །འོན་ཏེ་འཛུད་པར་བྱེད་པའི་བྱ་བ་ནི་སྒྲའི་མ་ཡིན་ཏེ། འོ་ན་ཅི་ཞེ་ན། སྒྲའི་བརྗོད་བྱའོ་བསྒྲུབ་པའི་དོན་གྱི་ཡིན་ནོ་སྙམ་སེམས་པ་ལ། འདི་ནི་ཇི་ལྟར་སྒྲ་ལས་ནི། ཞེས་བྱ་བ་སྨོས་ཏེ། སྒྲ་ལས་ནི་དེའི་བརྗོད་བྱ་འཛུད ་པར་བྱེད་པའི་བྱ་བ་དང་ལྡན་པ་གཞན་དམིགས་པ་མེད་པ་ཉིད་ཅེས་བྱ་བའི་དོན་ཏོ། །འབྲས་བུའི་མཐར་ཐུགས་པའི་སྒྲའི་བྱ་བ་ནི་ངེས་སྦྱོར་ཡིན་པའི་ཕྱོགས་ལ་ཡང་དམིགས་བྱ་མེད་པ་ཉིད་ཡིན་པར་བསྟན་པ་ནི། སྒྲ་ཡིས་བསྐུལ་ན་དེ་ཡི་བློ། ཞེས་བྱ་བ་སྟེ། ཤེས ་པའི་དུས་སུ་ལོངས་སྤྱད་པར་བྱ་བ་མེད་པའི་ཕྱིར་ལོངས་སྤྱོད་པར་བྱེད་པ་པོ་ཡང་དེའི་མཐར་ཐུག་པའི་ངོ་བོར་མེད་པའི་ཕྱིར་དེའི་རྟོགས་པ་ནི་དམིགས་བྱ་མེད་པ་ཉིད་ཡིན་ནོ། །གཞན་ཡང་དེ་ནི་མ་གྲུབ་པ་ཡིན་ན། ཇི་ལྟར་སྒྲུབ་བྱེད་རང་བཞིན་ཡིན་ཞེས་བྱ་བ་ལ ་སོགས་པ་སུན་དབྱུང་བ་རྒྱས་པར་བསྟན་པ་ནི་དེ་བཞིན་འཁྲུལ་འཁོར་ཞུགས་པ་ལ་སོགས་པ་ཞེས་བྱ་བའོ། །གལ་ཏེ་འབྱུང་བར་འགྱུར་བའི་རྟོགས་པར་བྱ་བ་ནི་དེའི་ཚེ་མེད་པའི་ཕྱིར་འཇུག་པར་མི་བྱེད་པ་ཡིན་ལ་དེའི་རྟོགས་པ་ཡང་དམིགས་བྱ་མེད་པ ་ཡིན་ན། མངོན་སུམ་དང་རྗེས་སུ་དཔག་པ་ལས་ཀྱང་འབྱུང་བར་འགྱུར་བའི་ཕྱད་བྱ་ལ་སྣང་བཞིན་བར་ཞེན་པ་ནི་སྣང་བ་རྟོགས་པ་ཉིད་ལ་དེ་རྟོགས་པ་ཡིན་པར་ཞེན་པས་འཇུག་པར་མི་འགྱུར་ཏེ། དེ་ནི་མེད་པ་ཉིད་ཀྱིས་དམིགས་པར་བྱ་བ་མེད་དོ་སྙམ་དུ་སེམས་པས ་སྨྲ་བ་ནི། རྟོགས་པའི་དུས་ན་ཐམས་ཅད་ནི། ཞེས་བྱ་བའོ། །དེར་ཡང་འབྱུང་བར་འགྱུར་བའོ། །ཡོད་པ་མ་ཡིན་པ་ནི་བདེན་མོད་ཀྱི་ངེས་པ་ཉེ་བར་དམིགས་པར་མཐོང་བ་འབའ་ཞིག་གི་རྗེས་སུ་འབྲངས་ནས། ངེས་པའི་ཡུལ་དུ་ངེས་པར་བཟུངས་པས་འཇུག ་པ་ནི་མི་བསླུ་བ་དང་འབྲེལ་པ་ཅན་ཡིན་ནོ། །དེས་ཐ་སྙད་པའི་ཚད་མ་ཉིད་དུ་འདི་དག་ཏུ་གནས་པ་ཡིན་ནོ། །རིག་བྱེད་ལ་ནི་དེ་ལྟ་བུའི་ངེས་བ་ཅུང་ཟད་ཀྱང་མཐོང་བ་མེད་པས་ཐ་སྙད་པའི་ཚད་མ་ཉིད་དུ་འདོད་པ་ཡང་མ་ཡིན་ནོ་ཞེས་བྱ་བའི་དོན་ཏོ། །ངེས་སྦྱོར་སུན་དབྱུང་བ་ནི་བྱ་བ ་ལ་ཡང་ཡིན་ཏེ། ཕྱོགས་སྔ་མར་སྔ་མ་བསྟན་པའི་ཕྱིར་སྦྱར་བའི་ཆེད་དུ། ང་ནི་བྱ་བ་དཔྱད་བར་བྱའོ་ཞེས་བྱ་བ་སྨོས་ཏེ། སྒྲའི་བདག་ཉིད་ཀྱི་བྱ་བ་ནི། ཀུན་གྱི་སྐྱེས་བུའི་དོན་ཏོ། བསྒྲུབ་པར་བྱ་བ་གང་ཡིན་པ་དེ་ལ་དེ་སྐད་ཅེས་བརྗོད་དོ། །བསྒྲུབ་པའི་རྫོགས་པའི་ཆ་ཉིད ་ཀྱིས་རྗེས་སུ་སྒྲུབ་པར་འོས་པ་ཡིན་པ་ནི་བྱ་བའི་དག་གི་དོན་ཡིན་ནོ། །དགག་པ་ཡང་འདོད་ཆགས་ལ་སོགས་པ་ལ་འཇུག་པ་བཀག་པ་ལ་ཡལ་བར་གནས་པར་མི་བྱ་ཞེས་ཟེར་བ་ནི། སྒྲས་ནི་སྐྱེས་བུའི་བྱ་བ་ཞེས་བྱ་བའོ། །སྒྲའི་བྱ་བ་ནི་འབྲས་བུ་འམ་བརྗོད ་བྱ་ཞེས་བྱ་བའི་རྣམ་པར་རྟོགས་པ་གཉིས་པོ་སྒྲའི་བྱེ་བ་ལ་སོགས་པ་དང། ཅི་སྟེ་རྟོགས་པར་བྱེད་པ་པོ་ཞེས་བྱ་བ་ལ་སོགས་པས་གོ་རིགས་བཞིན་དུ་བསྟན་པ་ལས་འབྲས་བུའི་ཕྱོགས་སུན་དབྱུང་བ་བསྟན་པ་ནི། གལ་ཏེ་སྒྲའི་བྱ་བ་ཡིན་ན་ཞེས་བྱ་བ་སྟེ། ་འབྲེལ་པ་འཛིན་པ་ནི་འདི་ལ་དུ་བ་བཞིན་དུ་ཤེས་པར་བྱེད་པའི་ཡན་ལག་ལ་བལྟོས་པར་བྱེད་པ་ཡིན་ཏེ། སྒྲ་ནི་ཁྱད་ཅག་གི་འདི་ལ་བྱ་བའི་བྱེད་པ་པོ་མ་ཡིན་ཞེས་བྱ་བའི་དོན་ཏོ། །ཅི་སྟེ་འབྲེལ་པ་འཛིན་པ་ནི་འཛུད་བྱེད་ལ་བསྟོས་བ་ཡིན་ལ་འཛུད་བྱེད་དེ་ཡང ་སྒྲ་ཉེ་བ་ཡིན་པར་རྟོགས་པ་ཡིན་གྱི་འདས་པ་མ་ཡིན་ཞིག་རྟག་པ་མ་ཡིན་ལ་གཞན་ལས་སྐྱེས་པ་ཡང་མ་ཡིན་ཏེ། སྒྲ་ལས་སྐྱེས་པ་ཡིན་ཏེ། ངེས་ན་བྱེད་པ་པོ་ཉིད་ཀྱང་ཤེས་པར་བྱེད་པ་ཡིན་པའི་ཕྱིར་འབྲེལ་པ་རྟོགས་པ་ལ་བསྟོས་བ་ཡིན་ནོ་ཞེས་བསམ ་བསམ་པས། འཛུད་པ་བྱེད་པ་དང་གསོལ་བ་འདེབས་པ་དག་ཁོ་ན་ལིང་ལ་སོགས་པ་ལ་བལྟོས་པ་ཡིན་པའི་ཕྱིར་དེ་དག་ཀྱང་སྐྱེས་བུའི་བསམ་པ་ཡིན་པའི་ཕྱིར་སྒྲ་ལས་སྐྱེས་པ་མ་ཡིན་ཞིང། བྱེད་པ་པོ་ཉིད་ཀྱི་ཡན་ལག་གི་བརྡ་འཛིན་པ་ཡང་མ་ཡིན་ལ། གང་གི་ཕྱིར་བརྡའ ་འཛིན་པ་མ་ཡིན་པར་བསྟན་པ་ནི་འཛུད་པར་བྱེད་པ་ནི་སྒྲའི་བྱེད་པ་ཡིན་ལ། བྱ་བའི་སྐྱེས་བུའི་བྱེད་པ་ལ་འཇུག་པའི་བསམ་པ་ཅན་ནི་བྱེད་པ་པོ་མ་ཡིན་ནོ། །འཛུད་པར་བྱེད་པ་ལས་བཟློག་པ་ནི་གསོལ་བ་འདེབས་པ་ཡིན་ནོ། །འཛུད་བྱེད་ལ་སོགས་པ་ནི་བྱེ་བྲག ་ཡིན་ཏེ། ཐུ་ཡུ་ལྟ་བུ་མ་ཡིན་ནམ་ལིང་གི་དོན་ནི་སྤྱི་ཡིན་ཏེ་བ་ལང་ཉིད་ལྟ་བུའོ། །དེ་ཡང་འཇུག་བྱེད་ཉིད་ནི་སྒྲའི་དོན། ཐམས་ཅད་དུ་ནི་མ་བོར་ཕྱིར། ཞེས་སྨོས་པའོ། འདི་ལ། དེ་མ་རྟོགས་ན་ཞེས་བྱ་བ་སྨོས་ཏེ། བ་ལང་ཉིད་ཀྱང་ཐུ་ཡུ་ལ་སོགས་པ་ལས་གཞན ་པ་མ་ཡིན་ཏེ། སྒྲ་རྣམས་ཀྱི་ཕྱི་རོལ་གྱི་དོན་ལ་དེ་མ་ཡིན་པ་ལས་ལོག་པའི་ཕྱིར་རོ་ཞེས་བྱ་བའི་དགོངས་པའོ། །གསོལ་བ་འདེབས་པ་ལ་སོགས་པ་རྣམས་ཀྱི་གནོད་བཞིན་པ་ཡིན་ནོ་ཞེས་བྱ་བའི་དོན་ཏོ། །ཡང་ན། དེ་མ་རྟོགས་པ་ཞེས་བྱ་བ་ནི་པགས་པ་ཅན ་དུ་ཕྱུགས་ཉིད་ལ་བྱེ་བྲག་མེད་ཀྱང། བྱེད་པ་པོ་ཉིད་འཇུག་པ་མེད་པའི་ཕྱིར་ལ། རིག་བྱེད་ལ་ནི་སྐྱེས་བུ་མེད་པས་བསམ་པ་མེད་པའི་ཕྱིར་དེའི་བྱེ་བྲག་ངེས་པར་སྦྱོར་བ་ཉིད་མེད་ཅེས་བྱ་བའི་དོན་ཏེ། དེ་ནི་འཇུག་པར་འདོད་པའི་བསམ་པ་ཅན་གྱི་ཡུལ་ཡང་འབྲས ་བུའི་བྱ་བ་བྱེད་པའི་གོ་སྐབས་ཀྱི་ངོ་བོ་དེའི་ཚ་མེད་དེ། འབྱུང་བར་འགྱུར་བ་ཉིད་ཡིན་པར་བསྟན་པ་ནི། ངེས་པར་སྦྱོར་བ་ཉིད་ཅེས་བྱ་བའོ། །ཡུལ་དེ་ལྟར་བ་མ་ཡིན་པའི་ཕྱིར་མངོན་སུམ་དེ་ལྟར་བའི་ཡུལ་ཅན་མ་ཡིན་དུ་ཆུག་ཀྱང་དེར་ཡང་ཤེས་པ་གཞན་དུ་འགྱུར ་བ་ཡིན་པའི་ཕྱིར་ཇི་ལྟར་འབྲས་བུ་མེད་པ་ཡིན་སྙམ་དུ་སེམས་ན། ཇི་ལྟར་རབ་ཏུ་སྦྱོར་བྱེད་དོ་ཞེས་བྱ་བ་སྨོས་ཏེ། རྗེས་སུ་དཔག་པ་ལ་ནི་འབྱུང་བར་འགྱུར་བ་ཡང་མེད་པ་མི་འབྱུང་བས་འཇུག་པར་བྱེད་པ་ཡིན་ལ། སྒྲ་ལས་བྱུང་བ་ནི་སྐྱེས་བུའི་བྱ་བ་མེད ་པ་མ་ཡིན་ནོ། །དེ་ལྟ་མོད་ཀྱི་རྟོགས་པར་བྱེད་པ་ཡིན་གྱི་རྟོགས་པའི་དུས་ན་དེ་ཡོད་པ་ནི་མ་ཡིན་ལ། འདིར་མེད་ན་མི་འབྱུང་བ་ཡང་མ་ཡིན་ནོ། །སྐྱེས་བུས་བྱས་པ་མ་ཡིན་པ་ཉིད་ལ་ཡང་མེད་ན་མི་འབྱུང་བར་མ་ངེས་པ་ཡིན་ཏེ། དེ་ལྟར་ཁས་ལེན་པ་ནི་ལུང ་ཐམས་ཅད་ཀྱི་ཐུན་མོང་ཡིན་པའི་ཕྱིར་རོ། །སྐྱེས་བུས་བྱས་པ་ཡང་དོན་དང་བྲེལ་པ་མ་ཡིན་བས། རིག་བྱེད་རྣམས་ནི་གོ་བར་བྱེད་པ་མ་ཡིན་པའི་ཕྱིར་ལ། གོ་བ་ཡང་སྐྱེས་བུས་བྱས་པ་དང་འབྲེལ་བའི་རྒྱུ་མཚན་ཡིན་པ་ཉིད་ཀྱིས་དེའི་ཚིག་གི་དོན་རྣམས་དོན ་དམ་པ་པ་མ་ཡིན་པའི་ཕྱིར་དང། དེའི་རྗེས་སུ་འཇུག་པའི་ངོ་བོ་ཡིན་པའི་ཕྱིར་དག་གི་དོན་ཡིན་ནོ། །དེ་ཡང་ཚིག་གི་དོན་གྱི་སྒོ་ནས་སྐྱེས་བུ་བློ་ཉིད་ཀྱི་བྱ་བ་ཡིན་ན། །རིག་བྱེད་ནི་ཚིག་དང་ངག་གི་བདག་ཉིད་ཅན་ཉིད་ཀྱི་ཉེ་བ་ཡིན་ལ། ཚིག་གི་དོན་རྣམས་ནི་ཉེ་བ ་ཅན་དུ་རུང་བ་ཉིད་ཡིན་ཡང་ཕན་ཚུན་མི་བལྟོས་པའི་ཕྱིར་སྒྲ་རྣམས་ནི་ཕྱི་རོལ་གྱི་དོན་ལ་ཚད་མ་ཉིད་ཡིན་ནོ་སྙམ་དུ་དགོངས་པས་སོ། །གནོད་བྱ་རྟོགས་པ་ཅན་ཡིན་ན་ཞེས་བྱ་བ་ནི་མངོན་སུམ་དང་འགལ་བས་འབྲེལ་བ་མེད་པ་ཡིན་ཏེ། རྟོགས་པར་བྱ་བཞིན ་མེད་ཀྱང་འབྱུང་བས་ཞེས་བྱ་བའི་དོན་ཏོ། །འབྲས་བུ་ལ་བྱ་བ་མེད་པའི་གནས་སྐབས་དེའི་ཚེ་མེད་པ་ཡིན་ཞིང། འབྱུང་བར་འགྱུར་བ་ལ་འབྲེལ་པ་འཛིན་པ་ཡང་མེད་པ་ཡིན་ཞེས་བྱ་བའི་དོན་ཏོ། །རྟོགས་བཞིན་པ་མེད་ན་ལྷན་ཅིག་བྱེད་པ་མེད་པར་རྟོགས་པའི་ཤེས་པ ་ཅུང་ཟད་ཀྱང་ཇི་ལྟར་སྐྱེ་ཞེ་ན། སྒྲ་ནི་བློ་དོན་ཞེས་བྱ་བ་སྨོས་ཏེ། དེ་ཉིད་གསལ་བར་བྱེད་པ་ནི་ཇི་ལྟར་རབ་ཏུ་སྦྱོར་བར་བྱེད་པའི་ཞེས་བྱ་བའོ། །རབ་ཏུ་སྦྱོར་བར་བྱེད་པ་རྟོགས་པ་ནི་ངེས་སྦྱོར་རྟོགས་པ་ཡིན་ནོ། །རབ་ཏུ་སྦྱོར་བར་བྱེད་པ་ཞེས་བྱ་བ་ནི་གང་ན་སྨྲ་བ་པོ་ཡོད ་པའོ། །རབ་ཏུ་སྦྱོར་བར་བྱ་བ་རྟོགས་པ་ཞེས་བྱ་བ་ནི་གདན་དེ་མེད་པའོ། །འདི་ལྟར། བདག་གི་རྟོགས་ཞེས་བྱ་བ་ལ་སོགས་པས་འཆད་པ་པོ་དང་ཉན་པ་པའོ་ཞེན་པའི་དབང་གིས་ཏེ། དགྲ་ལས་བྱུང་བའི་སྒྲའི་དོན་གྱི་རྗེས་སུ་དཔག་པ་ཉིད་ཡིན་གྱི་གཞན་གྱི ་དོན་གྱི་རྗེས་སུ་དཔག་པ་ནི་མ་ཡིན་ཏེ། ཕྱི་རོལ་མེད་པའི་ཕྱིར་རོ་ཞེས་སྟེན་པར་བྱེད་པ་ནི། བདག་གིས་ནི་རེ་ཞིག་འདི་ལྟར་རྟོགས་སོ་ཞེས་བྱ་བ་ནི་སྐྱེས་བུས་བྱས་པ་མ་ཡིན་པའི་ཡུལ་ལ་སྐྱེས་བུས་བྱས་པའི་བྱེ་བྲག་ནི་རིག་བྱང་ལ་ཡང་མཐོང་བའི་ཕྱིར་སྐྱེས་བུས་བྱས ་པ་ཉིད་ཡིན་ཏེ། རིག་བྱེད་ཀྱི་དོན་ནི་སྐྱེས་བུའི་བློ་ལས་བྱུང་བ་ཡིན་བར་བསྟན་བ་ནི། ཡང་ན་བརྗོད་པ་དེ་ཉིད་ལས་ཞེས་བྱ་སྟེ། དེ་ཞེས་བྱ་བ་ནི་གང་འཇིག་རྟེན་ལ་འདིའོ། །དེ་བརྗོད་ཅེས་བྱ་བ་ནི་དེ་བསྟན་པ་ལ་ཞེས་བྱ་བ་སྟེ། འཇིག་རྟེན་བའི་དག་གིས་བྱེ་བྲག ་འབྲེལ་བ་ཉིད་རིག་བྱེད་དུ་བསྟན་པ་ཡིན་ནོ། །ཡང་ན་དེ་དང་ཁྱད་པར་མེད་པའི་ཕྱིར་ཞེས་བྱ་བ་ལ་སོགས་པས་ཀྱང་སྐྱེས་བུས་མ་བྱས་པ་ཉིད་ནི་རྒྱུ་དོན་མེད་པར་ཡང་འབྱུང་བའི་ཕྱིར་མ་ངེས་པ་ཉིད་ཡིན་པར་བསྟན་པ་ནི། སྐྱེས་བུའི་བྱས་པ་དབང་པོ་ལས་འདས་པའི ་ཕྱིར་ཚིག་དེ་ནི་སྐྱེས་བུས་མ་བྱས་པ་ཞེས་བྱ་བ་ནི་སངས་རྒྱས་པ་ལ་སོགས་པའོ། །སྐྱེས་བུས་མ་བྱས་པ་ཉིད་ཡིན་ན་བཅོམ་ལྡན་འདས་ཀྱིས་ཆོས་བསྟན་ཏོ་ཞེས་ཐོས་པ་དོན་མེད་པར་འགྱུར་ཏེ། བརྗོད་བྱས་སྟོང་པའི་ཕྱིར་རོ་ཞེ་ན། དོན་མེད་པར་ཡང་དེ་བཞིན་དུ ་འགྱུར་བའི་ཕྱིར་ཞེས་བྱ་བ་ནས། དེ་ལ་ཞེས་བྱ་བའི་བར་དུའོ། །ལན་དུ་ཡང་རིག་བྱེད་ལ་ཡང་འདི་མཚུངས་ཞེས་བྱ་བའོ། །ངེས་བརྗོད་རིག་བྱེད་རི་བོར་བྱས། །སྙན་ཚིག་རིག་བྱེད་མཉམ་རིར་ཞེས། ཞེས་བྱ་བ་དང། ངེས་བརྗོད་དང་སྙན་ཚིག་ཤེས་པ་རྣམས་ཀྱི་ཚིག་ཡིན ་པར་དྲང་སྲོང་པྲ་བ་ཧ་ནའི་བུ་འདོད་པ་ཡིན་ནོ་ཞེས་བྱ་བ་ཡང་མི་རྟག་པའི་འབྲེལ་པར་ཐོས་པ་ཡོད་ལ། སྐྱེས་བུས་མ་བྱས་པ་ཡིན་ན། དེ་ལ་དོན་མེད་པ་ཡིན་ནོ། །ཐ་སྙད་པ་རྣམས་ཀྱི་ནན་ཏན་དུ་བྱ་བ་དོན་དུ་གཉེར་བ་ཡིན་པའི་ཕྱིར་ན་གཏན་དུ་བྱ་བ་བསྟན་པ་ནི་དོན ་གཞན་ཡིན་ལ། ནན་ཏན་དུ་བྱ་བ་ལ་གནས་པར་བསྟན་པ་དོན་གཞན་ཡིན་ན་དེ་དང་རྗེས་སུ་མཐུན་པའི་རྟོགས་པར་བྱེད་པ་ཡིན་ལ། ངེས་ན་ཤེས་པ་ཡིན་ཞེས་བྱ་བ་ནི་བསྟོད་པ་ཙམ་ཡིན་གྱི། དྲང་སྲོང་པར་བ་ཧ་ནའི་བུ་ཞེས་བྱ་བ་ཡང་པྲ་བ་ཧ་ནའི་བུ་མ་ཡིན་མོད? ་ཀྱི་རྟག་པ་ཉིད་ཅུང་ཟད་ཡོད་པའི་ཕྱིར་རོ་དོན་མེད་པ་མ་ཡིན་ནོ། །འདི་ལ་དོན་གཞན་ཉིད་ལ་རྟོག་ན་ནི་ཞེས་སྨོས་ཏེ། བཅོམ་ལྡན་འདས་ཀྱིས་གསུངས་པ་དེ་ལ་ཡང་དྲན་པ་ཡིན་ཞེས་བྱ་བ་འདི་ཡང་བཅོམ་ལྡན་འདས་དང་འབྲེལ་བ་ཉིད་ཀྱིས་དམ་པའི་ཆོས་ལ་ཡང ་བསྟོད་པ་ཁོ་ན་ཡིན་ཏེ། རིགས་པ་མཚུངས་པའི་ཕྱིར་ཞེས་བྱ་བའི་དོན་ཏོ། །དོན་མེད་པ་ཉིད་དང། སྐྱེས་བུས་བྱས་པ་མ་ཡིན་པ་ཉིད་དང། རྟོགས་པ་ཉིད་དང་དོན་གཞན་གྱི་ཡུལ་ལ་ཞེས་བྱ་བ་རེ་རེ་ལ་དང་ཞེས་བྱ་བ་སྦྱར་བར་བྱའོ། །དོན་གཞན་དུ་བརྟག་ན་ཞེས་བྱ་བའི་དྲི ་བ་དེ་ཉིད་ལ་ལན་གཞན་ཡིན་པའི་ཕྱིར་བཟློས་པ་མ་ཡིན་ནོ། །རིག་བྱེད་ཀྱི་དང་པོའི་དོན་བྱ་བ་ལ་བརྟེན་ནས་རྟོགས་པར་བྱ་བ་ཡིན་ལ། དེས་ན་དེའི་དོན་ནི་དང་པོའི་ཤེས་པ་བཞིན་དུ་དབང་པོའི་བྱ་བ་ཡིན་ལ། གཉིས་པ་ནི་རིགས་པ་རྗེས་སུ་དྲན་པའི་ངོ་བོའི་རྣམ་པར ་དཔྱོད་པ་ལ་བརྟེན་ནས་རྣམ་པར་རྟོག་པའི་ཤེས་པ་བཞིན་དུ་བརྡ་དྲན་པ་ལས་ཡིན་ལ། དེ་རང་རིག་བྱེད་ཀྱི་དོན་མ་ཡིན་ནོ་ཟེར་བ་ནི་འདི་ལྟར་དང་པོའི་ཞེས་བྱ་བའོ། །ཅི་སྟེ་ཡང་སྐྱེས་བུས་བྱས་པ་མ་ཡིན་པའི་རིག་བྱེད་ནི་ཐོག་མ་མེད་པ་ཡིན་པའི་ཕྱིར་རྒྱུད་པའི་རྗེས་སུ ་འབྲངས་ནས། དང་པོ་དང། བཅས་པའི་དོན་ཉིད་དུ་མི་རིགས་པས་རང་ཉིད་ཀྱི་དོན་གཞན་ཉིད་ཡིན་ནོ། །སྔོན་དང་ཕྱི་མ་དྲན་པ་ནི། །སྒྲ་ཡི་བློ་གཞན་བྱས་པ་ཡིན། ཞེས་བྱ་བ་ལ་སོགས་པའི་རིགས་པ་ལས་འགྱུར་པ་ཡིན་ནོ་སྙམ་དུ་སེམས་པས། དེ་ཡང་རིག ་བྱེད་དོན་ཡིན་ཞེས་བྱ་བ་སྨོས་ཏེ། ཐོས་བཞིན་པའི་དོན་གྱི་རྗེ་འབྲངས་ནས་དང་པོ་དང་ལྡན་པ་ཉིད་དང་སྒྲུབ་པའི་དོན་བརྗོད་པ་དག་ལས་གཅིག་ལ་ཡང་གནོད་པ་མེད་པར་བསྟན་པ་ནི་ཁྱེད་ཀྱི་འདི་ལ་ཚད་མ་མེད་ཅེས་བྱ་བ་སྨོས་སོ། །དང་པོ་མ་ཡིན་པ་ཉིད་དུ་གོ་བ་ཡིན ་ན་དོན་འདི་ཡང་གོ་བར་བྱེད་པ་ཡིན་ནོ་ཞེས་བྱ་བའི་བསམ་པ་མི་རིག་བྱེད་ཀྱི་བྱ་བ་ལས་དང་པོ་རྟོགས་པར་བྱེད་པ་ཡིན་ནོ། དེ་ལ་ལྟོས་པས་དམིགས་བྱ་ཉིད་མེད་པ་ཁོ་ནར་བསྟན་པ་ནི། དང་པོ་ཅི་ཕྱིར་མིན་ཞེས ་བྱ་བ་ལ་སོགས་པ་སྨོས་སོ། །དོན་གཞན་དུ་རྟོག་པ་ལ་ནི་བདེན་པ་དང་མི་བདེན་པ་དང་ཕྲད་བར་མཐོང་བ་ལས། མེ་ལ་སྦྱིན་སྲེག་ལ་སོགས་པ་དོན་གཅིག་པའི་དག་རྣམས་ལ་ཡང་ཐེ་ཚོམ་ཟ་བས་ཆད་པ་ཉིད་མ་ཡིན་པར་བསྟན་པ་ནི། དེ་ལྟ་ཡིན་ཡང་ཞེས་བྱ་བའོ། །ཅི་སྟེ ་ཐེ་ཚོམ་ཟ་བ་ཡིན་ཞེ་ན། རིག་བྱེད་ཀྱི་དོན་ཞེས་བྱ་བ་སྨོས་སོ། །གལ་ཏེ་ཉི་མ་གཉའ་ཤིང་ཡིན་ལ་ཞེས་བྱ་བ་ལ་སོགས་པ་ལ། དང་པོ་པའི་དོན་ཁོང་ནས་དོན་གཞན་དུ་རྟོགས་པ་ནི། དོན་གཞན་ཉིད་ཀྱིས་སྟོན་པའི་དོན་ཡིན་པའི་ཕྱིར་འགལ་བ་མེད་པ་ཡིན་ལ་བསྒྲུབ་བ་ཉེ་བར ་བསྟན་བ་ནི་དོན་གཞན་ཉིད་ཀྱིས་སྟོན་པ་མ་ཡིན་པ་དེས་ན་ཇི་ལྟར་དང་པོ་པའི་དོན་ཡོངས་སུ་འདོར་བ་ཡིན་ངེས་བརྟོགས་པ་ཡིན་པ་ནི་དེ་ལྟ་བུའི་མི་བདེན་པའི་དོན་ལ་དམིགས་པ་མ་ཡིན་པའི་ཕྱིར་ཇི་ལྟར་ཐེ་ཚོམ་པ་ཡིན་སྙམ་དུ་སེམས་པ་ལ། ད་ལྟར་བའི་བ་ལང་ཁྲ་བོ་ནི ་མཆོད་སྦྱིན་གྱིས་ཞེས་བྱ་བའི་སྐུལ་བྱེད་ནི་དོན་མེད་པར་མཐོང་སྟེ། ཆར་དབབ་པར་འདོད་པས་ལག་པས་བཞོས་པའི་འོ་མ་ཕོབ་བཞིན་དུ། འདི་ཡང་ད་ལྟར་བའི་ཡིན་གྱི་འཇིག་རྟེན་ཕ་རོལ་གྱི་འབྲས་བུ་ནི་མ་ཡིན་ནོ། །ངེས་སྦྱོར་ལས་བྱུང་བའི་འབྲས་བུ་ནི་དེ་མ་ཐག ་ཏུ་སྒྲུབ་བྱེད་མེད་པས་མངོན་སུམ་དུ་མ་དམིགས་པའི་ཕྱིར་གནོད་བྱེད་མེད་པ་མ་ཡིན་ཏེ། ལོ་ཏོག་སྐམས་པ་ལྟ་གསོ་བའི་ཕྱིར་ཚར་དབབ་པས་ཡོངས་སུ་འཕེལ་བར་འདོད་པའི་ཆོག་ལ་དུས་མ་ངེས་པ་ཉིད་ནི་མི་རིགས་སོ། །རྒྱལ་པོ་ནི་རྒྱལ་བུ་སྐྱེ་བའི་མཆོད ་སྦྱིན་བྱེད་ཅེས་བྱ་བ་ལ་སོགས་པ་རིགས་ཀྱི་བྱེ་བྲག་དང་རྗེས་སུ་འབྲེལ་ལ་རྟེན་ནས་དེ་མ་ཐག་པའི་འབྲས་བུ་ཉིད་ཁོ་ན་ཡིན་ན། འདི་ལ་ནི་དེ་ལྟ་བུའི་འབྲས་བུ་འབྱུང་བ་མ་ཡིན་ནོ་ཞེས་བསྟན་པ་ནི། ཕྱུགས་འདོད་པས་བ ་ཁྲ་བོའི་མཆོད་སྦྱིན་བྱའོ། །ཞེས་བྱ་བའོ། །མ་ཡིན་ཏེ། ཚད་མ་མེད་པའི་ཕྱིར་རོ་ཞེས་བྱ་བ་འདི་ལ་དོན་ནི་འདི་ཡིན་ཏེ། རྒྱུའི་དངོས་པོ་ནི་ཚད་མ་འགའ་ཞིག་གིས་དུ་བའི་མེ་བཞིན་དུ་རྟོགས་ལ། འབྲས་བུ་མེད་པ་ཡིན་ན་རྗེས་སུ་མཐུན་པ་མ་ཡིན་པར་རྟོག་པར ་བྱེད་པ་ཡིན་ཏེ། ཕྱུགས་ལ་བ་ལང་ཁྲ་བོ་རྒྱུ་ཉིད་ཡིན་པ་ནི་ཚད་མས་གྲུབ་པ་མ་ཡིན་ནོ། །དག་དེ་ཉིད་དེ་མ་ཐག་པའི་འབྲས་བུ་མེད་པས་ད་དུང་དུ་ཡང་ཚད་མ་ཉིད་མ་ཡིན་པ་དང། ཚད་མ་གཞན་ཡང་མ་དམིགས་པའི་ཕྱིར་རོ། །བདེན་ཏེ། ད་ལྟར་བ་ཉིད་དེ་མ་ཐག ་པར་ཡང་རེས་འགའ་མཐོང་བའི་ཕྱིར་འབྲས་བུ་སྒྲུབ་བར་བྱེད་པ་ནི་མངོན་སུམ་དང་འགལ་པ་མ་ཡིན་ནོ། །རེས་འགའ་དེ་ཡོད་ཀྱང་མི་འབྱུང་བ་ནི་འགའ་ཞིག་གི་ཕྱེད་ཟོས་པ་ན་སྔོན་གྱི་ལས་ཀྱིས་གེགས་བྱས་པའི་ཕྱིར་ཞེས་བྱ་བའི་རིགས་པས། ལས་གཞན་གྱིས ་གེགས་བྱས་པ་ཡིན་པའི་ཕྱིར་དེ་དང་བྲལ་ན་འབྱུང་བ་ཡིན་ནོ། །དེ་ཉིད་ཀྱིས་ན་མ་བྱས་པའི་ལས་རྣམས་ཀྱི་ཡང་དེའི་འབྲས་བུ་འབྱུང་བ་ཡིན་གྱི། འདི་དག་ཙམ་གྱིས་ད་ལྟར་བ་ཉིད་འཇོམས་པ་ནི་མ་ཡིན་ནོ། །ཡོད་ན་འབྱུང་བ་ཙམ་གྱིས་དེ་སྒྲུབ་པར་བྱེད་པ་ནི་མ་ཡིན་ཏེ། ་འོ་ན་ཅི་ཞེ་ན། དེ་མེད་ན་མི་འབྱུང་བ་ལས་ཡིན་ལ། བ་ལང་ཁྲ་བོ་ལ་སོགས་པ་ལ་ནི་དེ་དག་མེད་པ་ཡིན་ཏེ། ད་ལྟར་བའི་འབྲས་བུ་ལ་ཡང་སྒྲ་ཁོ་ན་སྒྲུབ་བྱེད་ཀྱི་དངོས་པོར་མཐོང་བར་བྱེད་པ་མ་ཡིན་ཏེ། དེ་ལྟ་བུའི་དངོས་པོ་མངོན་སུམ་གྱི་ཡང་ཡུལ་ཡིན་པའི་ཕྱིར་རོ། །གཞན ་དུ་ན་ད་ལྟར་བ་ཉིད་མེད་པར་ཐལ་བར་འགྱུར་བའི་ཕྱིར་རིག་བྱེད་ལ་སླུ་བའི་མངོན་སུམ་གནོད་པ་ཅན་དུ་གྲུབ་བོ། །དེ་ལྟར་གནས་པ་ཡིན་ལ་ངེས་སྦྱོར་ལས་བྱུང་བའི་འབྲས་བུ་དུས་མ་ངེས་པ་ཅན་དུ་འགྱུར་རོ་ཞེས་བྱ་བ་ལ་སོགས་པ་ཐམས་ཅད་སྐྱེས་བུའི་བློ་ལས་བྱུང་བ་ཁོ་ན ་ཡིན་པར་བསྟན་པ་ནི། དོན་གཞན་རྟོག་བ་ནི་ཞེས་བྱ་བའོ། །རྟགས་དང་སྒྲ་མ་གཏོགས་པར་རྗེས་སུ་དྲན་པ་ཙམ་ལས་ཏེ། སྔ་མ་རྗེས་སུ་དྲན་པའི་ངོ་བོ་ལས་དང་པོའི་དོན་རྟོགས་པ་ཡང་ཡིན་པར་བསྟན་པ་ནི། རིག་བྱེད་ལས་བདག་ཉིད་ཅེས་བྱ་བའོ། །སྒྲ་ནི་དབང་པོ་བཞིན་དུ་རང ་བཞིན་གྱིས་དོན་གོ་བར་བྱེད་པ་མ་ཡིན་ཏེ། འོ་ན་ཅི་ཞེ་ན། དོན་གྱི་དེ་མ་ཐག་ཉིད་ཀྱིས་འཛིན་པ་ཡིན་ནའོ། །དེ་ལྟར་འཛིན་པ་ཡང་འཕེལ་བ་དང། ཡོན་ཏན་ལ་སོགས་པ་བཞིན་དུ་སྔར་ཞུགས་པ་ལ་བརྟེན་པ་ཡིན་ཏེ། རིག་བྱེད་རྟོགས་པ་སྐྱེས་བུའི་བློའི་ནུས་པ་ལས ་ཡིན་ཏེ། སྒྲའི་ནུས་པ་ལས་ནི་མ་ཡིན་ནོ་ཞེས་བྱ་བའི་དོན་ཏོ། །ངེས་པར་སྦྱོར་བ་ནི་ཞེས་བྱ་བ་ལ་སོགས་པས་ནི་ངེས་སྦྱོར་དང་བྱ་བ་དག་མཚུངས་པར་སུན་བཏོ?་པ་ཡིན་ཡང་ངེས་སྦྱོར་སུན་བཏོན་བའི་དུས་སུ་མ་བསྟན་པ་བརྗོད་པར་བྱ་སྟེ། འདི་ལ་དོན་གྱི་རིགས་པ་འབའ་ཞིག་འགལ་བ་ཅན་མ ་ཡིན་ཏེ། འོན་ཀྱང་སྒྲའི་རིགས་པ་ཡང་ངོ་ཞེས་བྱ་བའི་དོན་ཏོ། །ཡང་སྟེ་ཕྱིས་དེ་ལས་ཏེ་བྱ་བ་རྟོགས་པ་ལས་སོ། །གལ་ཏེ་ལྷས་བྱིན་དང་མཆོད་སྦྱིན་དག་གིས་རེ་ལྡེ་བྱེད་ཅེས་བྱ་བ་འདི་ལ། ལས་ཏེ་བྱ་བ་གཅིག་པའི་ཕྱིར་བྱ་བ་གཅིག་པ་ཉིད་དེ་ཚིག་གཅིག་གི་རྒྱུ་མཚན་དུ་ཁས་ལེན་པར ་བྱེད་པ་དེ་ལྟ་ན་རེ་ལྡེ་བྱེད་པ་དག་ཅེས་པ་འདི་ལ་ཡང་གཅིག་གི་ཚིག་ཏུ་འགྱུར་བར་བསྟན་པ་ནི། གཅིག་ཕྱིར་ཞེས་བསྟན་པའོ། །འོན་ཏེ་འདི་ལ་བྱེད་པ་པོ་ཐ་དད་པས་བྱ་བ་ཐ་དད་པའི་ཕྱིར་གཉིས་ཀྱི་ཚིག་ཡིན་ན་བྱེད་དོ་ཞེས་བྱ་བ་འདི་ལ་ཡང་དེ་ཐ་དད་པས་ཐ་དད་པའི་ཚིག་ཏུ་འགྱུར ་བར་བསྟན་པ་ནི། དེ་འདྲའི་དབྱེ་བས་ཞེས་བྱ་བ་ནི་ཐ་དད་པ་ལས་སོ། །ལྷས་བྱིན་དང་མཆོད་སྦྱིན་དག་ཅེས་བྱ་བའི་སྐད་ཀྱི་བྱིངས་ཀྱི་དོན་ནི་ལས་ཀྱི་བྱ་བ་ཡིན་གྱི། བྱེད་པ་པོའི་བྱ་བ་ནི་མ་ཡིན་ཏེ། དེ་ཡང་བྱེད་པ་པོ་ཐ་དད་པ་ལས་འབྱེད་པ་ནི་མ་ཡིན་ཏེ། དེའི་བྱ་བ་མ་ཡིན་པའི ་ཕྱིར་འདིར་ནི་ལས་བརྗོད་པའི་ཡི་གེ་ལ་ཡིན་ཏེ། ལྷས་བྱིན་དང་མཆོད་སྦྱིན་དག་ནི་འདུག་པའོ་ཞེས་བྱ་བ་ལྟ་བུ་ཡིན་ནོ་ཞེས་ཟེར་བ་ནི། སྐད་ཀྱི་བྱིངས་ཀྱི་དོན་ཐ་མི་དད་པའི་ཕྱིར་ཞེས་བྱ་བའོ། །སྐད་ཀྱི་བྱིངས་ཀྱི་བྱེད་པ་པོའི་བྱ་བ་མ་ལུས་པའི་རྗོད་བྱེད་མ་ཡིན་ནམ། སྒྲ་དང ་སྐྱེས་བུ་དག་གི་ཡང་བྱ་བ་རྗོད་བར་བྱེད་པ་ཡིན་ཏེ། དེས་ན་ཇི་ལྟར་བྱེད་པ་པོ་ཐ་དད་པ་ལས་ཐ་དད་པ་མ་ཡིན་སྙམ་པའི་བསམ་པས། ལིང་ལ་སོགས་པའི་སྒྲའི་བྱ་བ་ནི་རེ་ཞིག་སྐད་ཀྱི་བྱིངས་ཀྱི་དོན་ལ་མི་འབྱུང་སྟེ། ལིང་ལ་སོགས་པ་མེད་ཅིང་སྐད་ཀྱི་བྱིངས་ཀྱང་མེད་པར ་ཡང་འབྱུང་བའི་ཕྱིར་རོ། །དེས་ན་ལིང་ལ་སོགས་པའི་བརྗོད་བྱ་ནི་རྐྱེན་ཡིན་ནོ། །ཞེས་ཟེར་ནི། དེ་ཡང་ཞེས་བྱ་བའི་ཡང་གི་སྒྲ་ངེས་པར་སྦྱོར་བའི་ཞེས་པའི་མཐར་སྦྱར་ལ། མ་ཡིན་ཞེས་བྱ་བ་ཡང་དེ་ཞེས་བྱ་བའི་མཐར་བལྟ་བར་བྱའོ། །དེས་ན་དོན་ནི་འདི་ཡིན་ཏེ་ངེས་བར ་སྦྱོར་བ་ཡང་དེ་མ་ཡིན་པའི་སྐད་ཀྱི་བྱིངས་ཀྱི་དོན་ཏོ། །འོ་ན་ཅི་ཞེ་ན། དེ་ལས་གཞན་པའོ། །དེ་ལྟ་ཡིན་ལ། སྐྱེས་བུའི་བྱ་བ་སྐད་ཀྱི་བྱིངས་ཀྱི་དོན་ཡིན་ཏེ། དེ་སྐད་དུ་ཡང་གཙོ་བོ་ཉིད་ཡིན་པས་སྐད་ཀྱི་བྱིངས་ཀྱིས་བསྟན་པའི་བྱ་བ་དང་ལྡན་པ་ནི་བྱེད་པ་པོ་ཡིན ་ནོ་ཞེ་ན། དེ་ཡང་སྟེ་ཞེས་བྱ་བ་ནི་བྱེད་པ་པོ་བསྒྲུབ་བྱ་ཡིན་པས་ཞེས་བྱ་བའོ། །རེ་ཞིག་ངེས་སྦྱོར་ནི་བསྒྲུབ་བྱ་མ་ཡིན་ཏེ། རང་གི་ངོ་བོར་གྲུབ་པའི་ཕྱིར་དང། བྱེད་པ་པོ་ལས་བྱ་བ་གཞན་ཡིན་པའི་ཕྱིར་ཡང་ངོ། །དེ་ཉིད་ཀྱིས་ན་སྐད་ཀྱི་བྱིངས་ཀྱི་དོན་མ་ཡིན་ནོ། །དེ་ལ་གནས ་བ་ཡང་དེ་དང་དེ་མ་ཡིན་པའི་བྱ་བ་ཡིན་པའི་ཕྱིར་རོ། །བྱ་བ་གཞན་ལས་བཏུས་པའི་དེའི་བྱ་བ་ཡུལ་ཅན་དུ་བྱེད་པ་ཡང་བདག་ཉིད་བཞིན་དུ་རྐྱེན་གྱིས་བརྗོད་བྱ་ཉིད་ཡིན་ལ། དེ་ཡང་བྱེད་པ་པོ་ཐ་དད་པ་ལས་ཐ་དད་པ་ཡིན་ཏེ། དེས་ན་གཉིས་ཀྱི་ཚིག་ཡིན་ལ་དེས ་ན་སྐད་ཀྱི་བྱིངས་ཀྱི་དོན་དང། སྐྱེས་བུའི་བྱ་བ་དག་གི་བརྗོད་བྱ་དག་ཐ་དད་པའི་ཕྱིར་བྱེད་དོ་ཞེས་བྱ་བ་དང། བྱེད་པ་དག་གི་ཞེས་བྱ་བར་འགྱུར་ལ། བྱ་བ་ཡན་འགར་བ་ཞེས་བྱ་བ་ནི། རང་གིས་བསྡུས་པའི་ཐ་དད་པ་དང་བྲལ་བ་ཞེས་བྱ་བའི་དོན་ཏོ། །ཡང་དངོས་པོ ་བཤད་པས་བརྗོད་པ་ཡིན་པའི་ཕྱིར་བཤད་པ་ཐམས་ཅད་ལས་འབྱུང་བའི་སྐྱེས་བུའི་བྱ་བ་ནི་འདི་ལ་སོགས་པ་ཡོད་ན་བསྒྲུབ་བྱ་རྟོགས་པ་ཡིན་གྱི་རང་ཉིད་འགྲུབ་པ་ནི་སྐྱེས་བུས་འཕངས་པ་ཡིན་པའི་ཕྱིར་ངེས་སྦྱོར་དུ་བརྗོད་དོ། །དེས་ན་རྐྱེན་ནི་བརྗོད་བྱ་ཡིན་ནོ།། ་བྱེད་པ་པོ་ཐ་དད་པ་ལས་བྱ་བ་ཐ་དད་པ་ཡིན་ན། སྐད་ཀྱི་བྱིངས་ཀྱི་དོན་ལ་ཡང་ཐ་དད་པར་འགྱུར་ཏེ། དེ་བསྒྲུབ་བར་བྱེད་པའི་སྒོ་ན་བྱ་བ་བསྒྲུབ་བྱ་ཡིན་པར་བསྟན་པ་ནི། གལ་ཏེ་འབྲེལ་ཕྱིར་ཐ་དད་ན་ཞེས་བྱ་བའོ། །བྱེད་པ་པོ་མ་བསྟན་པའི་དབང་དུ་བྱས་ནས ་བྱེད་པ་པོའི་གསུམ་པར་མི་འགྱུར་ཞེས་བྱ་བའི་དོན་ཏེ། བརྗོད་འདོད་གཞན་དབང་ཕྱིར་ཞེས་བྱ་བ་ལ་སོགས་པ་བསྡུ་བ་བསྟན་པ་ནི། གང་ཚེ་བྱ་བའི་དོན་དེ་ནི་ཞེས་བྱ་བ་ལ་སོགས་པའི་ཚིགས་སུ་བཅད་པ་གཉིས་སོ། །དེ་ཡང་སྐད་ཀྱི་བྱིངས་ཀྱི་དོན་ནི ་ངེས་སྦྱོར་ཡིན་ཞེས་བྱ་བ་ལ་སོགས་པས་ངེས་སྦྱོར་གཙོ་བོའི་དོན་ཡིན་པས་རྐྱེན་གྱི་དོན་ཉིད་ཡིན་ལ། བྱ་བ་ནི་དེའི་ཡུལ་ཉིད་ཡིན་བས་དེའི་ཡན་ལག་ཉིད་ཡིན་ནོ་སྙམ་དུ་སེམས་པའོ། །ད་ནི་བྱ་བ་ཉིད་འཇུག་པའི་ཡུལ་ཉིད་ཡིན་པས་གཙོ་བོའི་དོན་ཉིད་ཡིན་ལ། ངེས ་སྦྱོར་ནི་དེ་ལ་སྐྱེས་བུ་འཇུག་པར་བྱེད་པ་ཉིད་ཀྱི་སྦྱོར་བས་བྱེད་ཉིད་ཡིན་པའི་ཕྱིར་ཡན་ལག་ཡིན་ནོ། །དེ་ལ་ཡང་བྱ་བ་རྐྱེན་གྱི་དོན་ཉིད་ཡིན་ན་ཡན་ལག་དང་ཡན་ལག་ཅན་ཉིད་རིག་པ་ཡིན་ཏེ་གཞན་དུ་ནི་མ་ཡིན་ནོ་སྙམ་དུ་སེམས་པ་ལ། གང་གི་ཚེ་བྱེད་པ་པོའི་བྱ་བ ་ཞེས་བྱ་བ་སྨོས་སོ། །གལ་ཏེ་འཇུག་པའི་ཡུལ་རང་གི་བྱ་བ་རྐྱེན་རྟོགས་པར་བྱེད་པ་ཡིན་ལ་དེ་ཉིད་ལས་འཇུག་པར་འགྱུར་བ་ཉིད་ཡིན་ན་ངེས་སྦྱོར་གྱིས་ཅི་ཞིག་བྱ་སྙམ་པའི་བསམ་པས་ཟེར་བ་ནི། བྱ་བ་ནི་ངེས་པར་སྦྱར་བ་ཁྱད་པར་ཅན་ཡིན་པའི་ཕྱིར་ཞེས་བྱ་བ ་སྟེ། ངེས་པར་སྦྱར་བ་མེད་ན་བྱ་བ་ནི་བསྒྲུབ་བྱ་ཉིད་མ་རྟོགས་བཞིན་འཇུག་པ་མ་ཡིན་ཞེས་བྱ་བའི་དོན་ཏོ། །སྐྱེས་བའི་དོན་མ་རྟོགས་པའི་ངེས་པར་སྦྱར་བ་པོ་ཡང་ཇི་ལྟར་འཇུག་པ་ཡིན་སྙམ་པའི་བསམ་པས། འབྲས་བུ་འགའ་ཞིག་ཁོ་ན་རྟོག་པ་དང་ལྡན་པའི་འཇུག ་པར་བྱེད་པ་པོ་མ་ཡིན་ཏེ། འོན་ཀྱང་རང་གི་བྱ་བ་ཤེས་པ་ཡང་ཡིན་ནོ་ཞེས་ཟེར་བ་ནི། འདི་རང་གི་བྱ་བ་རྟོགས་པ་ཞེས་བྱ་བའོ། །ངེས་པར་སྦྱོར་བ་ཡོད་ཀྱང་ངའི་བྱ་བ་འདི་ཡིན་ཞེས་འབྲས་བུ་དང་འབྲེལ་བ་མེད་ན་མི་ཤེས་པ་ཡིན་པར་བསྟན་པ་ནི། འབྲས་བུ་མེད ་པར་ངེས་བར་ངའི་བྱ་བ་ཉིད་ཅེས་བྱ་བ་སྟེ། དེ་ལྟར་རེ་ཞིག་བྱ་བའི་ངག་གི་དོན་ཉིད་ཁས་ལེན་པས་དེ་དང་དེ་བསྟན་ནས། ད་ནི་བྱ་བ་ཚད་མས་རྟོགས་པ་མ་ཡིན་པར་བསྟན་པར་འདོད་ནས། སྦྱིན་བྱེད་ཅེས་བྱ་བ་སྨོས་ཏེ། སྦྱིན་བྱེད་ནི་མཆོད་སྦྱིན་ནོ། །གྲུབ་ཟིན ་པའི་ཕྱིར་ཡོད་ཀྱང་ལས་མེད་པ་ཅན་ཡིན་པ་ཉིད་ཀྱིས་རབ་ཏུ་སྦྱར་བར་བྱ་བའི་བྱ་བ་བརྗོད་པ་ཉིད་ཀྱིས། སྦྱོར་བར་བྱེད་པ་པོའི་བྱ་རྒྱུའི་བྱ་བ་མེད་པའི་ཕྱིར་སྒྲ་ལས་གཞན་ལས་ཀྱང་རུང་སྐད་ཀྱི་བྱིངས་ཀྱི་དོན་ལས་ཐ་དད་པའི་བྱ་བ་རྟོགས་པ་མ་ཡིན་ཞེས་བྱ་བའི་དོན ་ཏོ། །གལ་ཏེ་མཆོད་སྦྱིན་ལ་སོགས་པ་ལས་ཐ་དད་པའི་བྱ་བ་མེད་པ་ཡིན་ན། མཐོ་རིས་འདོད་པས་མཆོད་སྦྱིན་གྱིས་ཞེས་བྱ་བའི་མཐོ་རིས་དང། མཆོད་སྦྱིན་དག་བསྒྲུབ་བྱ་དང། སྒྲུབ་བྱེད་དག་གི་དེ་ཉིད་ཀྱི་རྟོགས་བཞིན་པ་དག་གི་ཡང་བསྒྲུབ་བྱ་གཞན་ལས་དང། ་སྒྲུབ་བྱེད་གཞན་ལས་རྣམ་པར་བཅད་ནས་འབྲེལ་བར་བྱེད་པ་པོ་མེད་པའི་ཕྱིར་ཕན་ཚུན་འབྲེལ་པ་མེད་པར་འགྱུར་བ་ཞིག་ན། དེ་ཡང་མཐོང་བའི་ཕྱིར་འབྲེལ་པ་ཅན་གྱི་བྱ་བ་ནི་དོན་གྱི་ཤུགས་ཀྱིས་འཕངས་བ་ཡིན་ནོ། །དེ་ལྟ་ནི་མ་ཡིན་ཏེ། མཆོད་སྦྱིན་དང་མཐོ་རིས་དག ་གི་རུང་བ་ཡིན་ན། ཉེན་གནས་པའི་བྱེ་བྲག་གིས་རང་བཞིན་གྱིས་འབྲེལ་པ་ཁོ་ན་ཡིན་པའི་ཕྱིར་བྱ་བ་འཕེན་པར་བྱེད་པ་མ་ཡིན་ཏེ། གཞན་དུ་ན་དེ་དང་ལྷན་ཅིག་པའི་འབྲེལ་པ་བྱེད་པ་པོ་གཞན་ཡིན་པ། དེའི་ཡང་གཞན་ཡིན་པའི་ཕྱིར་ཐུག་པ་མེད་དོ། །འགྱུར་ཡང ་སྐྱོན་ཅི་ཡོད་ཅེ་ན། འདི་ཡང་མི་རིགས་ཏེ་རང་གི་ངོ་བོ་རྟོགས་པ་མེད་ན། རྟོག་པ་ཙམ་ཡིན་ཏེ། དེ་ཡང་རྟག་བྱ་མ་གྲུབ་ན། དེ་ལ་དབང་བའི་གཞི་མ་གྲུབ་པའི་ཕྱིར་དེ་ཡང་མི་རིགས་པའི་ཕྱིར་ཐུག་པ་མེད་པ་ནི་སྐྱོན་ཡིན་ནོ་ཞེས་བྱ་བའི་དོན་ཏོ། །སྒྲ་གཞན་ཉིད་ཀྱིས ་དོན་གཞན་ཉིད་ལ་ཡིན་ན་ཐུག་པ་མེད་པ་ནི་བཤད་པ་ལས་བསྟན་པ་ཡིན་ནོ། །ཅི་བྱེད་ཅེས་པའི་དོན་ཅི་ཞིག་ཡིན་ཞེས་ཐེ་ཚོམ་ཟ་བའི་ཡུལ་རྣམས་ལ། མཆོད་སྦྱིན་ལ་སོགས་པ་རྣམས་ལ་གྲོད་ལ་སོགས་པ་རྣམས་སུ་བཞིན་དུ་འགྲོ་བར་བྱེད་ཅེས་བྱ་བའི་དོན ་གྱི་ཡུལ་ཅན་དུ་རྟོགས་པར་བྱེད་པ་ཡིན་ལ་དེ་ཉིད་བྱ་བ་ཡིན་པར་བརྗོད་དོ། །གལ་ཏེ་ཅི་བྱེད་ཅེས་འདྲི་བར་བྱེད་པ་ན་ལན་དུ། བྱེད་དོན་མཆོད་སྦྱིན་བྱེད་དོན་དག་ཅེས་བྱ་བ་སྟེ། རྐྱེན་གྱི་དོན་ནི་བྱ་བ་བྱེད་པ་ཡིན་ནོ་ཞེས་བྱ་བ་འདི་ལ་ཡང། མཆོད་སྦྱིན་བྱེད་ཅེས་བྱ་བ ་ལ་སོགས་པ་བཞིན་དུ་སྐད་ཀྱི་བྱིངས་ཀྱི་དོན་ཡིན་ཏེ། དེས་ན་ཅི་ཞེས་བྱ་བའི་ཚིག་གི་དོན་ནི་སྐད་ཀྱི་བྱིངས་ཀྱི་གྲ་ཉའི་དོན་ཞེས་བྱ་བ་ཉིད་དོ། །གལ་ཏེ་ཐེ་ཚོམ་ཟ་ན་འཆོད་པར་བྱེད་ཅེས་བྱ་བ་ལ་སོགས་པ་ཇི་ལྟར་ལན་དུ་བརྗོད་པར་བྱེད་ཅེས་བྱ་བའི་དོན ་ཏོ། །ཡང་ན་ཅི་བྱེད་ཅེས་བྱ་བའི་གྲ་ཉའི་དོན་གྱི་ཡུལ་ཉིད་ལ་ཐེ་ཚོམ་ཟ་བའི་ངོ་བོ་ནི་ཅི་ཞེས་བྱ་བའི་དོན་དུ་བསྟན་ཏེ། མཆོད་སྦྱིན་ལ་སོགས་པ་ལ་ཐེ་ཚོམ་ཟ་བ་ཞེས་བྱ་བའི་དོན་ཏོ། །སྤྱི་ཡི་རང་བཞིན་ཞེས་བྱ་བ་ནི་ཁྱད་པར་གྱི་ཡུལ་ལ་ཡང་ཐེ་ཚོམ་ཟ་བ་ནི། སྤྱིའི་ཡིན་པར་ཐ་སྙད ་འདོགས་པ་ཡིན་ཏེ། ཁྱད་པར་མ་འཁྲུལ་བས་ཐ་མི་དད་པར་བཏགས་ནས་ཞེས་བྱ་བའི་དོན་ཏོ། །གལ་ཏེ་ཡང་སྤྱི་རྟོགས་པ་ཙམ་ལས་མ་འཁྲུལ་བ་མ་ཡིན་ན། ཁྱད་པར་མ་རྟོགས་པ་ལ་ཡང་ཐེ་ཚོམ་ཟ་བ་ཡིན་ན། ཐལ་ཆེས་པར་བསྟན་པ་ནི། ཁྱད་པར་མེད་པར་སྤྱིའི ་ནི་ཞེས་བྱ་བའོ། །མ་འཁྲུལ་བས་ཀྱང་དུ་བ་ལས་མེ་བཞིན་དུ་སྤྱི་ལས་ཁྱད་པར་རྟོགས་པ་ལ་ཐེ་ཚོམ་ཟ་བར་མི་རིགས་པ་བསྟན་པ་ནི། དེ་ལྟ་ན། དེ་ཡང་ཞེས་པའོ། །འབྲེལ་པ་ཅན་ཡང་མཐོང་བ་ཉིད་ལ་སོགས་པའི་སྤྱི་དང་འགལ་བ་ཁྱབ་པར་མ་དམིགས་པ་ནི་ཉེ་བར ་བཞག་པ་ལ་ཐེ་ཚོམ་ཟ་བའི་རྒྱུ་མཚན་ཡིན་པར་བསྟན་པ་ནི། སྤྱི་དེ་ཉིད་ཅེས་བྱ་བའོ། །ཐམས་ཅད་མཁྱེན་པ་ལ་སོགས་པ་བཞིན་དུ་ཁྱད་པར་མེད་པའི་དམིགས་པ་ཙམ་ནི་ཡོད་པ་དང་མེད་པ་ཐུན་མོང་བ་ཡིན་པའི་ཕྱིར་ཐེ་ཚོམ་གྱི་རྒྱུ་མཚན་ཡིན་གྱི་སྤྱི་ནི་མངོན་སུམ ་ཉིད་མ་ཡིན་པར་བསྟན་བ་ནི། སྤྱིར་མི་དམིགས་པ་ཞེས་བྱ་བ་ལ་སོགས་པས་སོ། །དམིགས་པའི་རིག་བྱར་གྱུར་པ་ཞེས་བྱ་བ་འདིས་ནི་བྱེ་བྲག་མེད་པའི་མི་དམིགས་པའི་མེད་པ་སྨྲ་བ་ཡིན་ནོ། །ཁྱད་པར་གྱི་ངེས་པ་མ་བཟུང་བའི་དྲན་པ་ཉིད་ནི་ཐེ་ཚོམ་ཟ་བ་ཡིན ་ནོ་ཞེས་ཟེར་བ་ནི། ཁྱད་པར་དྲན་པའི་ཕྱིར་ཞེས་བྱ་བའོ། །ཁྱད་པར་དྲན་པ་ལ་སོགས་པའི་ཚོགས་པ་ལས་བྱུང་བ་ཡིན་པར་དེ་ལ་བྱེ་བྲག་མེད་པའི་ཕྱིར་ཞེས་བསྟན་པ་ནི། ཁྱད་པར་དྲན་པ་ལས་ཐེ་ཚོམ་གཞན་ནི་མ་ཡིན་ཏེ། ཞེས་བྱ་བའོ། །དེའི་ཁྱད་པར་ངེས་པར་མ ་བཟུང་བའི་ཕྱིར་སྤྱི་ཡིན་པར་བསྟན་བ་ནི། དེའི་ཕྱིར་བྱེད་པ་ཞེས་བྱ་བ་དེ་ཉིད་ཅེས་བྱ་བ་སྟེ། ཁྱད་བར་ངེས་པ་མ་བཟུང་བ་ཐུན་མོང་གི་ཚིག་ཡིན་པར་དགོངས་སོ་ཞེས་བྱ་བའི་དོན་ཏོ། །ཡུལ་ངེས་པ་ཅན་མ་ཡིན་པའི་མི་དམིགས་པ་ཙམ་ལས་ནི་ངེས་པར་བཟུང་བ་མེད་པ ་ཡིན་ལ། ཡུལ་ངེས་པ་ཅན་ནི་སྤྱི་མངོན་སུམ་དུ་གྱུར་པ་ཉིད་ལས་མ་ཡིན་སྙམ་དུ་སེམས་པ་ལ། ལ་ལར་ནི་དངོས་པོ་དང་དངོས་པོ་མེད་པའི་ཞེས་བྱ་བ་སྨོས་ཏེ། སྣང་བ་མི་གསལ་བ་འམ་ཐག་རིང་བ་ལ་ཡང་རྣམ་པ་མི་གསལ་བ་ཡིན་ལ། དེའི་གནས་སྐབས ་ཀྱི་མི་སྣང་བའི་བྱེ་བྲག་གིས་དབེན་པའི་བློ་འདི་ཉིད་ནི་མི་དམིགས་པ་ཡིན་ནོ་ཞེས་བྱ་བའི་དོན་ཏོ། །ས་ཕྱོགས་ལ་སོགས་པ་འགའ་ཞིག་ཏུ་མི་སྣང་བའི་དངོས་པོས་དབེན་པ་དམིགས་པའི་དངོས་པོ་ཡང་མི་དམིགས་པ་ཡིན་པར་བསྟན་པ་ནི། དམིགས་པར་བྱ ་བའི་དོན་གྱི་རང་བཞིན་ཞེས་བྱ་བ་སྟེ། མ་འཁྲུལ་བ་ཉིད་ཀྱི་དུ་བ་དང་མེ་བཞིན་དུ་སྤྱི་ལས་བྱེ་བྲག་རྟོགས་པ་ཡིན་ནོ། །གལ་ཏེ་སྔོན་པོ་དམིགས་པ་ཡོད་ན་དེའི་མིང་དྲན་པ་ལས་སྔོན་པོའི་ཞེས་བྱ་བའི་རྣམ་པར་རྟོག་པ་ཡིན་པ་དེ་བཞིན་དུ། ངེས་པ་མ་བཟུང་བའི་དམིགས ་པ་ལ་དེའི་མིང་ལ་སོགས་པ་དྲན་པ་ལས། མཐོ་ཡོར་ཡིན་པ་འམ། གཞན་ཡིན་པའི་རྣམ་པར་རྟོག་པའི་ཡིད་ནི་ངེས་པར་བཟུང་བ་མེད་པར་འབྱུང་བ་ཡིན་ནོ། །མ་ཡིན་ཏེ། དང་པོ་ཉིད་ནི་དྲའི་མིང་ལ་སོགས་པ་དྲན་པ་མེད་པའི་ཕྱིར་རོ། །དང་པོ་ཡང་ངེས་པར་བཟུང ་བ་མེད་པར་ཁྱད་པར་མ་དྲན་པའི་ཡུལ་དེ་ལ་ཇི་ལྟར་འགྱུར་བ་ཡིན། ཁྱད་པར་དྲན་པ་ཡིན་ན་འགྱུར་རོ་ཞེ་ན། དེ་ཉིད་ཁྱད་པར་དྲན་པ་ངེས་བར་བཟུང་བ་མེད་ན་ཐེ་ཚོམ་ཟ་བ་མ་ཡིན་ནམ། དེ་ལས་གཞན་པ་ནི་མ་ཡིན་ཏེ། འདི་ནི་ཁྱད་པར་ངེས་པ་མ་བཟུང་བའི་བདག་ཉིད ་ཡིན་པའི་ཕྱིར་རོ། །དེས་ན་ཁྱད་པར་དྲན་པ་དང་ལྷན་ཅིག་པའི་དབང་པོས་དེ་ཡིན་པ་ནི་མི་རིགས་སོ། །དེ་ཉིད་ཁྱད་པར་དྲན་པ་ངེས་པར་བཟུང་བ་མེད་པར་ཅི་ལས་འབྱུང་བ་ཡིན་པ་ཁྱད་པར་གཉིས་ཐུན་མོང་བའི་ངོ་བོ་དམིགས་པ་ལས་ཡིན་ཏེ། རྟག་པ་དང་མི་རྟག་པ་དག ་གཞལ་བྱ་ཡིན་པ་ལྟ་བུའོ། །དེ་ལྟ་མོད་ཀྱིས་མཐོན་པོ་མ་ཡིན་པ་ལས་ལོག་པར་ནི་ངེས་པ་ཅན་ཡིན་ལ། མཐོ་ཡོར་ལ་སོགས་པའི་བྱེ་བྲག་ངེས་པར་མ་བཟུང་བ་ནི་ངན་པའི་རྒྱུར་འགྱུར་བ་ཡིན་ནོ། །དེ་ཉིད་ལས་ངེས་པ་ཅན་ཉིད་མ་ཡིན་ནམ་ཅི་ལ་ཐེ་ཚོམ་ཟ་བ ་ཡིན། སྔོན་པོར་ངེས་པ་ལ་ནི་སེར་པོར་ཐེ་ཚོམ་ཟ་བ་འམ། དེའི་རྒྱུ་ཡང་མ་ཡིན་ནོ། །མི་དམིགས་པ་ལས་ཀྱང་མཐོ་ཡོར་རམ། །མི་དག་ཁོ་ནར་ཐེ་ཚོམ་ཟ་བ་མ་ཡིན་ཏེ། འོ་ན་ཅི་ཞེ་ན། གཅིག་པ་དེ་བོར་ནས་ཐམས་ཅད་ལ་འགྱུར་རོ། །འབྲེལ་བ་ལས་ནི་དེའི་ཁྱད་པར་ལ་ངེས་པ་ཡིན་གྱི ་སྤྱི་ནི་མ་ཡིན་ཏེ། ཐག་རིང་བ་བཞིན་དུ་ཉེ་བ་ལ་ཡང་དེའི་ཤེས་པར་ཐལ་བར་འགྱུར་བའི་ཕྱིར་རོ། །དེའི་ཕྱིར་མི་དམིགས་པ་ལ་ལོག་པ་ཅན་མཐོ་ཡོར་ཉིད་དམ། མི་ཉིད་དུ་ངེས་པ་ཅན་མ་ཡིན་པས་ངེས་པ་མ་བཟུང་བའི་ཕྱིར་ངེས་པར་བཟུང་བ་མེད་པའི་བདག་ཉིད་ནི་སྤྱི་ཡིན་ལ། དེའི ་ཤེས་པ་ཡང་ཐེ་ཚོམ་ཡིན་ནོ། །ཁམས་གསུམ་པོ་ལ་ཐལ་བར་འགྱུར་བ་མ་ཡིན་ཏེ། དེ་མ་ཡིན་པ་ལས་ལྡོག་པར་བྱེད་པ་ཉིད་དུ་ངེས་པས་ཁྱད་པར་ཅན་ཡིན་གྱི་ཡུལ་དུ་ངེས་པ་མ་བཟུང་བ་ནི་ཁོངས་སུ་གཏོགས་པ་ཡིན་པའི་ཕྱིར་རོ། །དེ་ཉིད་ཀྱིས་ན་བློ་ཉིད་ཅེས ་བསྟན་པ་དེའི་རྣམ་པ་མ་ཡིན་པས་དབེན་པ་ནི་ཐེ་ཚོམ་གྱི་ཤེས་པ་ཡིན་ནོ། །དེ་མ་ཡིན་པ་ལས་ལྡོག་པར་བྱེད་པ་ཡིན་ཡང་ཡུལ་ངེས་པ་ཅན་གྱི་ཁྱད་པར་གྱིས་ངེས་མ་བཟུང་བ་ཡིན་ཏེ། དངོས་པོ་དང་དངོས་པོ་མེད་པ་ཐུན་མོང་བདག་ཉིད་ཅན་ནི་ཐེ་ཚོམ་སྟེ། ཡིད་གཉིས ་ཀྱི་རྒྱུ་ཡིན་པའི་ཕྱིར་ཐེ་ཚོམ་ཡིན་ནོ་ཞེས་པའི་དོན་ཏོ། །དེ་ཡང་དེ་མ་ཡིན་པ་ལ་ལྡོག་པར་བྱེད་པའི་ངོ་བོས་སྣང་བ་མི་དམིགས་པ་ཡིན་པ་འམ། དེའི་ཁྱད་པར་ལ་བལྟོས་ནས་ཀྱང་སྣང་བ་མི་དམིགས་པ་ཡིན་ནོ། །དམིགས་བར་བྱ་བའི་དོན་གྱི་རང་བཞིན་ཞེས་བྱ་བ ་སྟེ། རྟོགས་པར་བྱ་བ་འམ། མི་དེ་མ་ཡིན་པ་ལས་ལྡོག་པར་བྱེད་པ་ཁྱད་པར་ངེས་པ་མ་བཟུང་བ་སྣང་བ་དང་ཅིག་ཤོས་ཀྱི་མི་དམིགས་པའི་བདག་ཉིད་ནི། ཐེ་ཚོམ་ཟ་བའི་རྒྱུ་ཡིན་པའི་ཕྱིར་ཐེ་ཚོམ་ཡིན་ནོ། །དེ་ལྟ་ན་ཐེ་ཚོམ་གྱི་ཤེས་པ་ནི་དབང་པོའི་དོན་ལས་ཁྱད ་བར་མ་གྱུར་ཏམ། དེ་ལྟ་ནི་མ་ཡིན་ཏེ། དོན་བྱེད་པ་ཅན་གྱི་དབང་པོའི་དོན་ཉེ་བར་གནས་པར་རུང་བ་ཉིད་ཀྱིས་སྟོབས་ལས་སྐྱེས་པ་ཞེས་བསྟན་པས། དོན་བྱེད་བ་ཅན་མ་ཡིན་པ་ཐག་རིང་བ་ན་གནས་པའི་སྟོབས་ལས་བྱུང་བ་ལ། ཐེ་ཚོམ་ཟ་བར་ཐལ་བར་འགྱུར ་བ་མ་ཡིན་ཏེ། ཐག་རིང་པོ་ན་གནས་པ་ཉིད་ནི་རབ་རིབ་བཞིན་དུ་འདི་ལྟ་བུ་ཤེས་པ་ལ་ནུས་པ་ཡིན་ལ། དབང་པོའི་དོན་ནི་དེའི་རྗེས་སུ་འཇུག་པས་ཉེ་བ་ན་གནས་པ་ཙམ་ལ་ནུས་པ་ཅན་ཡིན་ནོ། །དེ་ཡང་མིག་གིས་ནི་ཐག་རིང་པོ་ལ་མ་ཡིན་ཞེས ་བསྟན་པ་ཡིན་ནོ། །དོན་མཐོང་ན་ཞེས་བྱ་བ་ནི་མི་རིགས་ཏེ། དེ་ལ་དོན་བྱེད་པ་ཅན་མ་མཐོང་བའི་ཕྱིར་རོ། །གང་དུ་དེ་བྱེད་པ་ཅན་གྱི་ས་ཕྱོགས་ལ་སོགས་པ་མཐོང་བ་ཡིན་ནོ། དེ་ལྟར་ལྐོག་ཏུ་གྱུར་པའི་མེ་ལ་སོགས་པ་ལས་སྐྱེས་པའི་ཐེ་ཚོམ་ཟ་བ་མ་ཡིན་ལ། གང་དུ་དངོས ་པོ་གཞན་ལ་འཇུག་པ་མ་ཡིན་པའི་བྱེ་བྲག་གིས་དངོས་པོའི་མི་དམིགས་པ་དང། མི་དྲན་པ་ཡིན་ལ། དེ་དང་འདྲ་བ་ཉིད་ཀྱི་དོན་བྱེད་པ་ནི་བྱེད་པ་ཅན་མ་ཡིན་པ་ལས་ལྡོག་པར་བྱེད་པ་ཡང་དམིགས་པ་ཡིན་ན་ནི། དེ་ལ་ཕྱིན་ཅི་ལོག་པ་ཡིན་ཏེ། ཉ་ཕྱིས་ལ་དངུལ་གྱི ་ཤེས་པ་ལྟ་བུའོ། །གང་གི་ཚེ་འདྲ་བ་ལ་དམིགས་པ་དེའི་ཚེ་ཐ་དད་པར་མཐོང་བའི་ཕྱིར་དེ་ཉིད་དུ་སྒྲོ་འདོགས་པ་མེད་པ་མ་ཡིན་ནམ། འོན་ཏེ་དེ་ཉིད་ཡིན་པར་དམིགས་པ་ཡིན་ན་དབང་པོ་ལས་སྐྱེད་པ་ཇི་ལྟར་ཕྱིན་ཅི་ལོག་མ་ཡིན། དོན་བྱེད་པ་ཅན་དུ་ཉམས་སུ་མྱོང་བ་ཅུང ་ཟད་མཐོང་ན་ནི་ཕྱིན་ཅི་ལོག་མ་ཡིན་ལ། གཉི་ག་ཉིད་དུ་ངེས་པ་མ་བཟུང་ན་ནི་སྣང་བ་མ་ཡིན་ཏེ། གང་ཡང་རུང་བ་མེད་པར་ངེས་པའི་ཕྱིར། ངེས་པ་མེད་པ་ནི་ཐེ་ཚོམ་ཟ་བར་ཐལ་བར་འགྱུར་རོ། །འདྲ་བའོ་ཞེས་བྱ་བ་འམ་དེ་ཉིད་དོ་ཞེས་བྱ་བར་དམིགས་པ་མ་ཡིན ་དུ་ཟིན་ཀྱང། འོན་ཀྱང་འདྲ་བའི་དམིགས་པ་དང་འདྲ་བ་ཡིན་པའི་ཕྱིར་འདྲ་བ་ཉིད་དུ་མ་དམིགས་པ་ལ་དགོས་པ་ཅི་ཞིག་ཡོད། སྔོན་པོ་ཞེས་ཉེ་བར་མཚོན་པ་མ་ཡིན་པའི་སྔོན་པོར་མཐོང་བ། སྔོན་པོ་ཞེས་པ་བསྐྱེད་པར་བྱེད་པ་ཇི་ལྟ་ཡིན་པ་དེ་བཞིན་དུ་འདྲ་བའོ་ཞེས ་བྱ་བ་སྐྱེད་པར་བྱེད་པར་འགྱུར་རོ། །ཁྱད་པར་ཉེ་བར་མཚོན་པ་ཡིན་པ་ལ་ནི་དེ་དང་འདྲ་བ་ཞེས་བྱ་བ་མེད་པའི་ཕྱིར་དེ་ལས་འདི་ཇི་ལྟར་ཡིན། དེའི་ངོ་བོ་མཐོང་བའི་བག་ཆགས་ལས། ཟིན་པོར་གྱུར་པའི་དེ་འདིའོ་ཞེས་བྱ་བར་འགྱུར་པ་ནི་དབང་པོ་ལས་སྐྱེས་པ་མ་ཡིན ་བ་སྟེ། དབང་པོ་ལས་སྐྱེས་པས་ནི་འདྲ་བའི་དོན་བྱེད་པར་མཐོང་བ་ལས། དེའི་ངོ་བོ་ནི་ཡིད་ཀྱིས་སྒྲོ་བཏགས་པས་བརྡ་ཡོད་ན་དེ་འདི་ཡིན་ནོ་ཞེས་ཐ་སྙད་འདོགས་པ་ཡིན་ནོ་གཞན་དུ་ནི་མ་ཡིན་ནོ། །གཉི་གའི་བྱེ་བྲག་མ་མཐོང་བ་དེ་མཐོང་བའི་བག་ཆགས་ལས་ཟིན་པོར་གྱུར་པ ་མ་ཡིན་པ་ལས་ནི། ཐག་རིང་བ་ཉིད་ལ་སོགས་པའི་དབང་གིས་དབང་ལས་སྐྱེས་པ་ཉིད་རྣམ་པར་རྟོག་པའི་མཐོང་བ་ཡིན་ཏེ། གཉི་གའི་བྱེ་བྲག་དང་མཚན་ཉིད་མི་མཐུན་པའི་ཆའི་དོན་བྱེད་པ་གཉི་ག་མ་ཡིན་པ་ཐ་དད་པ་ཅན་དངོས་པོ་ལ་མེད་པའི་ཕྱིར་རོ། །ཚད་མའི་ཡུལ ་དུ་གྱུར་པའི་སྔོན་པོ་ལ་སོགས་པ་སྐད་ཅིག་མ་དང་སྐད་ཅིག་མ་མ་ཡིན་པའི་ངོ་བོར་མ་ངེས་པ་ཡང་དོན་བྱེད་པའི་གཞལ་བྱ་ཉིད་མངོན་སུམ་བ་ཡིན་ན། །མ་ངེས་པ་སྐད་ཅིག་མ་ཉིད་ལ་སོགས་པའི་ངེས་པ་མེད་པའི་བདག་ཉིད་ཅན་ནི་ཐེ་ཚོམ་འདིའི་རྒྱུ་ཡིན་ནོ་ཞེས་བྱ ་བ་ནི་རྣམ་པར་དབྱེ་བའོ། །དེ་ལྟ་བུའི་བློ་ཡི་གོ་བར་བྱ་བ་ནི། དེ་མ་ཡིན་པ་ལས་ལོག་པར་བྱེད་པའི་དབྱིབས་མ་ཡིན་ནམ། གཉིས་ཀྱི་བྱེ་བྲག་ངེས་པར་མ་བཟུང་བ་ཡིན་ཡང་དོན་བྱེད་པའི་ངོ་བོ་དངོས་པོ་ལས་ཐ་དད་པར་མངོན་སུམ་པ་ཡིན་ཏེ། སྐད་ཅིག་མ་ལ་སོགས ་པའི་བྱེ་བྲག་ངེས་པར་མ་བཟུང་བ་ཡང་སྔོན་པོ་ལ་སོགས་པའི་ངོ་བོ་བཞིན་དུ་ཡོད་པ་ཉིད་ན། དེ་ཡོད་པའི་ཕྱིར་དེ་ཇི་ལྟར་དབང་པོ་ལས་སྐྱེས་བ་མ་ཡིན་པར་ཐེ་ཚོམ་ཟ་བ་ཡིན་ཞེས་པའི་བསམ་པས། གལ་ཏེ་དབྱིབས་ཞེས་བྱ་བ་ལ་ལན་དུ་སྐྱེས་བུ་དང་མཐོ་ཡོར་གྱི་ཞེས ་བྱ་བ་སྟེ། གལ་ཏེ་དེ་དོན་བྱེད་པ་ཡིན་ན་ཐག་རིང་བ་འམ། ཉེ་བ་ལ་ཡང་སྔོན་པོ་བཞིན་དུ་ཁྱད་པར་ངེས་པར་མ་བཟུང་བ་དམིགས་པར་འགྱུར་བ་ཡིན་ནོ། །ཐག་ཉེ་བ་ལ་ནི་དེ་ལྟ་བུར་དམིགས་པ་མ་ཡིན་ཏེ། དེས་ན་ཁྱད་པར་གྱི་རྣམ་པ་ངེས་པར་མ་བཟུང་བའི་ཁྱད ་པར་སྣང་བ་ཉིད་དེ་ཡིན་ནོ། །ཁྱད་པར་གྱི་ངེས་པ་རྣམ་པ་མ་བཟུང་བའི་ཁྱད་པར་དུ་སྣང་བ་ཉིད་དེ་ཡིན་པར་བསྟན་པ་ནི། སྤྱིའི་དོན་གཞན་པ་ཉིད་ཡིན་ན་ཞེས་བྱ་བའོ། །གལ་ཏེ་ཁྱད་པར་གྱི་རྣམ་པར་ངེས་པ་མ་བཟུང་བ་ཡིན་ན་སྣང་བ་དེ་ཇི་ལྟར་དེའི་ཡིན་སྙམ ་དུ་སེམས་པས། གལ་ཏེ་ཁྱེད་ཀྱིས་ཕྱོགས་ལ་ཡང་ཞེས་བྱ་བ་ལ་སོགས་པ་ནས། དོན་མི་གསལ་བར་སྣང་བ་མིན་ཞེས་བྱ་བའི་བར་དུའོ། །ལན་དུ། གལ་ཏེ་དེ་རྣམ་ཅན་མིན་པའི་ཞེས་བྱ་བ་སྟེ། དེ་སྟེ། ངེས་པ་བཟུང་བ་འདིའི་རྣམ་པ་སྟེ། གང་ལ་རྣམ་པ ་དེ་ཡོད་པ་མ་ཡིན་པ་སྟེ། ལས་དེ་ཁྱད་པར་ལས་ཐག་རིང་བ་ཉིད་ཀྱི་ལྷན་ཅིག་བྱེད་པ་དེ་ལས་སྐྱེ་བར་འགྱུར་བ་ཉིད་ཀྱིས། དེ་ལས་སྐྱེ་བས་དེ་འཛིན་པ་ཉིད་དུ་བརྗོད་དོ། །འདི་སྐད་བསྟན་པ་ཡིན་ཏེ། ཁྱད་པར་གྱི་རྣམ་པ་ངེས་པ་མ་བཟུང་བའི་ཁྱད་པར་འཛིན་པ་ཅན་ནི། ཁྱད་པར་གྱི ་རྣམ་པའི་ཀུན་དུ་བཟུང་བ་ལ་བལྟོས་ན་མི་གསལ་བ་ཡིན་པར་བརྗོད་དོ། །དེ་ལྟ་བུའི་བློ་ནི་རྒྱུ་མེད་པའི་ཕྱིར་ཉེ་བ་ལས་མི་སྐྱེ་བ་ཡིན་ཡང་ཐག་རིང་བའི་ལྷན་ཅིག་པའི་ཁྱད་པར་ལས་སྐྱེ་བ་ཡིན་ལ། སྤྱི་ནི་རྫོགས་པ་ཡིན་ཏེ་ཐག་རིང་བོར་ཡང་རང་གི་ངོ་བོ་དམིགས་པ་ཡིན་ནོ།། ་ཉེ་བ་ལས་ནི་ཆེས་ཤིན་ཏུ་གསལ་བར་དམིགས་པར་འགྱུར་རོ། །མི་དམིགས་པའི་རྒྱུ་ཡོད་ན་དམིགས་པར་དང་དམིགས་པའི་རྒྱུ་ཡོད་ན་མི་དམིགས་པར་ནི་མི་རིགས་ཏེ། ཁྱད་པར་དང་སྤྱི་དག་གི་དམིགས་པར་བྱེད་པ་ལ་ནི་བྱེ་བྲག་ཅུང་ཟད་ཀྱང་མེད་དོ། །ཁྱད་པར ་ལས་ཅི་གཞན་མ་ཡིན་པ་ནི་བདེན་ཏེ། གཞན་གྱི་སྣང་བ་ནི་གཞན་ལ་མི་གསལ་བར་བརྗེད་པ་ནི་མ་ཡིན་ཏེ། དེ་ལྟ་མོད་ཀྱི་ཁྱད་པར་གྱི་རྣམ་པ་མ་བཟུང་བའི་བྱེ་བྲག་གི་ངོ་བོ་ནི་ཁྱད་པར་གྱི་རྣམ་པ་དང་ཐུན་མོང་བ་ཡིན་པའི་ཕྱིར་སྤྱི་ཡིན་པར་བརྗོད་པར་བྱ་བ་ཡིན་ནོ་སྙམ་དུ ་སེམས་པས། འོན་ཏེ་དེ་ཉིད་སྤྱི་ཡིན་ན་ཞེས་ཟེར་བ་ལ། ལན་ནི་བློ་དེ་ལས་ཞེས་བྱ་བ་ལ་སོགས་པས་བསྟན་པ་ཡིན་ཏེ། ཁྱད་པར་ངེས་པར་མ་བཟུང་བ་ནི་གཞན་ལས་མ་ཡིན་པའོ། །གཞན་ཡང་གཞན་ལས་ཀྱང་འདིར་བརྗོད་པར་བྱ་སྟེ། བྱེ་བྲག་ངེས་པར་མ་བཟུང ་བའི་ཁ་དོག་དང་དབྱིབས་བློ་ལ་སྣང་བ་དེ་དང་བྲལ་བ་ནི་སྤྱི་ཡིན་པར་འདོད་པ་ཡིན་ན། དོན་གང་དག་ཁོ་བོས་མཐོང་བ་དེ་དག་གི་མཐོང་བ་ཉིད་ཀྱི་ཚད་ཀྱི་ཆོས་གང་དག་ཡིན་པའི་ཆོས་དེ་དང་འདྲ་བ་ནི་ཆོས་འདི་ཡིན་ཏེ། འདྲ་བའི་རྣམ་པ་བསྐྱེད་པར་བྱ་བ་ནི ་དམིགས་པར་བྱ་བ་སྟེ། དེ་དག་གི་དོན་ལ་ཐེ་ཚོམ་ཟ་བ་ཡིན་ལ། འདྲ་བ་དོན་ནི་སྤྱིའི་དོན་ཡིན་ནོ་སྙད་དུ་སེམས་པས། གལ་ཏེ་སྣང་བ་ནི་ཁ་དོག་དང་དབྱིབས་ཉིད་ཡིན་ལ་ཞེས་བྱ་བ་སྟེ། ཐུན་མོང་ཡིན་པའི་ཕྱིར་ཞེས་བྱ་བ་ནི་འདྲ་བའི་ཕྱིར་རོ། །ལན་དུ། ཁ་དོག་ས་དབྱིབས་དེའི ་རང་བཞིན་ནི། ཞེས་བྱ་བ་སྟེ། དེའི་འདྲ་བ་ནི་འདིའི་ཆོས་ཡིན་གྱི། དེ་ཉིད་ནི་མ་ཡིན་ན་ཇི་ལྟར་དེ་དག་ལ་ཐེ་ཚོམ་ཟ་བ་ཡིན། གཉི་གའི་ཐུན་མོང་བ་ལ་གཅིག་པ་མེད་པའི་ཕྱིར་འདྲ་བ་ཉིད་ཁོ་ནར་སྒྲོ་བཏགས་པས་དེ་ཉིད་འདི་ཡིན་ནོ་ཞེས་ཟེར་བ་ནི་མི་རིགས་ཏེ། འཁྲུལ་བ་ཉིད ་དུ་ཐལ་པར་འགྱུར་བའི་ཕྱིར་རོ་ཞེས་བསྟན་པ་ནི། བློ་ནི་འཁྲུལ་པར་ཐལ་བར་འགྱུར་ཞེས་བྱ་བ་སྟེ། ཆོས་དག་གི་གཅིག་པ་ཉིད་དུ་འཛིན་པར་བྱེད་པའོ། །དེས་ན་གཉི་གའི་ཐུན་མོང་བ་ལ་གཅིག་ཏུ་སྣང་བ་གཉི་ག་མི་དམིགས་པ་ཡིན་ལ། གཉི་ག་ལ་ངེས་པར་འཛིན་པ ་མེད་པར་བྱེད་པ་མི་འགྱུར་རོ་ཞེས་བྱ་བར་ཉེ་བར་བསྡུ་བ་ནི། གལ་ཏེ་ཁ་དོག་དང་དབྱིབས་གཞན་དུ་རྟོག་ན་ཞེས་བྱ་བའོ། །ཡང་ན་མཐོ་བ་ཉིད་ནི་སྤྱི་མ་ཡིན་ཏེ། མཐོ་བའི་ཚད་དུ་གནས་པ་ཅན་ཡིན་པའི་ཕྱིར་ལ། །དེ་ཡང་ངེས་བར་བཟུང་བའི་ཕྱིར་རོ། །མཐོ་བ་ཉིད་ཀྱི་ཆོས་ཀྱང ་མ་ཡིན་ཏེ། དེ་ནི་ཐ་དད་པ་ལས་སྤྱིའི་ངོ་བོ་མ་ཡིན་པའི་ཕྱིར་རོ། །ཁ་དོག་དང་དབྱིབས་ཀྱི་སྤྱི་ནི་གཅིག་པ་ཡིན་ཏེ། བདག་ཉིད་དུ་འགྱུར་བའི་ཁྱད་པར་གཉི་ག་ཐུན་མོང་བ་ཡིན་པའི་ཕྱིར་དང། སྤྱི་ནི་ཐེ་ཚོམ་དུ་བྱེད་པ་ཡིན་ནོ་སྙམ་དུ་སེམས་པས། ཁ་དོག་དང་དབྱིབས ་དག་གི་དེ་ཉིད་ཅེས་ཟེར་བ་ལ་ལན་ནི། ཁ་དོག་དབྱིབས་དེའི་རང་བཞིན་ནི་ཞེས་བྱ་བ་ལ་གཞན་པས་ཏེ། ཐ་དད་པའི་རང་བཞིན་ལས་མཐོ་ཡོར་དང་མི་ལ་ཡོད་པའི་ཁ་དོག་དང། དབྱིབས་རྟོགས་པ་ལ་ཐ་མི་དད་པ་འདིས། དེ་ལས་དེ་དག་གཅིག་པ་ཉིད་ཇི་ལྟར་མི ་འཁྲུལ་པ་ཡིན། དེས་ན་སྤྱི་ནི་མངོན་སུམ་པ་མ་ཡིན་ལ། མངོན་སུམ་ནི་འཁྲུལ་པ་ཅན་མ་ཡིན་ནོ། །དེའི་ཕྱིར་མཐོ་ཡོར་དང་མི་ལ་ཡོད་པའི་ཁ་དོག་དང་དབྱིབས་ཐ་དད་པའི་ངེས་པ་མ་བཟུང་བ་ལ་སོགས་པ་ལས་སྤྱི་མ་ཡིན་པར་བརྗོད་དེ། དུས་མ་ཡིན་པའི་ཕྱིར ་དང། མི་དམིགས་པ་ཡིན་པའི་ཕྱིར་དང། འཁྲུལ་པ་ཉིད་དུ་ཐལ་བར་འགྱུར་བའི་ཕྱིར་ཡང་ངོ། །ཁ་དོག་དང་དབྱིབས་གཅིག་པ་མ་ཡིན་དུ་ཟིན་ཀྱང་ཡན་ལག་ཅན་ཡིན་ལ་དེ་ཡང་བར་མཚམས་སུ་ནི་གཅིག་ཏུ་སྣང་བ་ཡིན་ལ། དེའི་ཡང་འཁྱོག་པོ་བུ་ག ་ཅན་ལ་སོགས་པའི་བྱེ་བྲག་ཏུ་བྱེད་པ་གང་ཡིན་པ་རྣམས་དང། ལག་པ་ལ་སོགས་པ་དེ་རྣམས་སུ་ཐག་རིང་བ་ལ་སོགས་པ་མཐོང་བ་མ་ཡིན་ལ། ཁ་དོག་ལ་སོགས་པའི་ཁྱད་པར་ནི་ཡན་ལག་ཅན་མ་ཡིན་ཏེ། དེ་མི་འཛིན་པ་ཡང་དངོས་པོའི་ཉེ་བར་བསྒྱུར་བས ་ཡན་ལག་ཅན་ཤེལ་དུ་འཛིན་པའི་ཕྱིར་ལ། ཤེལ་ནི་གཞན་པ་ཉིད་དུ་དེར་སྐྱེས་པ་མ་ཡིན་ཏེ། དེའི་ཚེ་ཡང་སྔ་མ་ཉིད་དུ་ངོ་ཤེས་པའི་ཕྱིར་ཏེ། དེས་ན་བྱེ་བྲག་ངེས་པར་མ་བཟུང་བ་ཉིད་སྤྱི་ཡིན་པར་མི་རིགས་སོ་སྙམ་དུ་སེམས་པས། འོན་ཏེ་དེར་ཡན་ལག་ཅན ་སྣང་བ་ཞེས་བྱ་བ་ལ་སོགས་པ་སྨྲས་པ་ལ། ལན་ནི། ཁ་དོག་དབྱིབས་ཀྱི་རང་བཞིན་ལས་ཞེས་བྱ་བ་སྟེ། ཁ་དོག་ཙམ་ནི་རྫས་མ་ཡིན་ཏེ། ཐམས་ཅད་ཀྱང་དེའི་ངོ་བོ་ཉིད་དུ་བྱེ་བྲག་མེད་པར་ཐལ་བར་འགྱུར་བའི་ཕྱིར་ལ། རྫས་ཀྱང་དེའི་ངོ་བོ་ཉིད་ཀྱི་བྱེ་བྲག་ཏུ ་འབྱེད་པ་མ་ཡིན་ནོ། །དབྱིབས་ལ་བུམ་པ་ཉིད་ལ་སོགས་པར་བྱེ་བྲག་ཏུ་འབྱེད་པར་བྱེད་པ་ཡིན་ནོ་ཞེ་ན། འདི་ཡང་ཁ་དོག་ལ་ཡང་མཚུངས་ཏེ། ཁ་དོག་འཛིན་པ་ན་ཡང་ཉེ་བ་ན་གནས་པ་ལ་སོགས་པའི་དབྱིབས་ཙམ་འཛིན་པའི་ཕྱིར་རྫས་འཛིན་པ་ཡང་མ ་ཡིན་ལ། དབྱིབས་ཙམ་ནི་དོན་བྱེད་པ་མ་ཡིན་ནོ། །རྫས་ཀྱང་དེ་ལས་གཞན་པ་ལས་ཐ་དད་པ་མ་ཡིན་པར་མ་དམིགས་པ་མ་ཡིན་ནམ། ཇི་ལྟར་དོན་བྱེད་པ་ཡིན། དབྱིབས་དང་དེ་ལ་རྗེས་སུ་དཔོག་པའི་ཁ་དོག་གིས་ཁྱད་པར་ཅན་གྱི་དོན་བྱེད་པ་ཡིན་ནོ་ཞེ་ན། མི་རིགས་ཏེ། ་དཔག་བྱ་ཁ་དོག་དང་ཁྱད་པར་ཅན་གྱི་དབྱིབས་ལས་ཐ་དད་པའི་རྫས་མ་དམིགས་པའི་ཕྱིར་རོ། །སྣང་བའི་ཁ་དོག་དང་ཁྱད་པར་ཅན་ཉིད་ཀྱང་རྫས་བཞིན་དུ་དབྱིབས་ལ་ཡང་འཁྲུལ་པའི་ཕྱིར། མཁས་པ་མ་ཡིན་པའི་དེ་ནི་རྫུན་པ་ཡིན་ལ། མཁས་པ་རྣམས་ཀྱི་ཐ་དད ་པའི་བློ་ཡིན་ན་ཞེས་བྱ་བའི་རིགས་པས་སོ། །ཅི་ལས་ཤེས་བྱ་བ་ནི་དབང་པོ་ལས་ནི་མ་ཡིན་ལ། ཐག་རིང་བ་ཉིད་དང། རབ་རིབ་དང། ཉེ་བར་བསྒྱུར་བ་ལས་ཀྱང་མ་ཡིན་ཏེ། མི་དམིགས་པའི་རྒྱུ་ཡིན་པའི་ཕྱིར་རོ། །མི་དམིགས་པའི་རྒྱུ་ཡིན་ན་གསལ་བར་དམིགས་པ་ཡིན་ལ། ཉེ་བར ་བསྒྱུར་བ་ལ་སོགས་པ་དམིགས་པའི་རྒྱུ་ཡོད་ན་ཆེས་ཤིན་ཏུ་དམིགས་པར་འགྱུར་རོ། །ཡོན་ཏན་ཡིན་པའི་ཕྱིར་ཁ་དོག་དང་དབྱིབས་ཉིད་རྟེན་པ་ཉིད་ཡིན་པས་རྟེན་གྱི་རྫས་འཕེལ་བ་ཡིན་པར་བསྟན་པ་ནི། དེ་དག་ལས་ནི་གཞན་པ་ཡིན་ཞེས་བྱ་བ་སྟེ། དབྱིབས་ཀྱི་དངོས་པོ ་ལས་གཞན་པ་མ་དམིགས་པའི་ཕྱིར་མི་རྟེན་པ་ཉིད་ཡིན་ཏེ། དམིགས་པར་བྱ་བ་ནི་ཡོན་ཏན་ཡིན་པའི་ཕྱིར་རོ། །ཁྱབ་པར་བྱེད་པ་དང་འགལ་བ་མངོན་སུམ་པ་ཡིན་ཏེ། དེ་སྒྲུབ་པར་བྱེད་པ་ནི་མིག་མ་ཡིན་པའི་མངོན་སུམ་པ་ཉིད་ལ་སོགས་པ་གནོད་པ་ཅན་ཡིན་ཏེ། ་སྤྱི་ལ་སོགས་པས་མ་ངེས་པ་མ་ཡིན་ནོ། །དེ་ལས་གཞན་པ་ཉིད་ཀྱིས་ཁྱད་པར་ལ་ཡང་བློ་ཡིན་པར་འགྲུབ་པའི་གཏན་ཚིགས་ཉིད་ཡིན་གྱི་དུ་བ་བཞིན་དངོས་སུ་བ་ནི་མ་ཡིན་ནོ་ཞེས་བྱ་བའི་དོན་ཏོ། །ལྗང་གུ་དང་སེར་པོ་ལ་སོགས་པའི་ཁ་དོག་དང་ཆུང་ངུ ་དང་ཆེན་པོ་ཉིད་ལ་སོགས་པའི་དབྱིབས་ཀྱང་གཞན་དང་གཞན་དུ་འགྱུར་བ་མ་ཡིན་ནམ། རྒྱ་ལྟར་གྱི་འབྲས་བུ་ནི་མ་ཡིན་ཏེ། དེ་ཉིད་ནི་གནས་སྐབས་ཐམས་ཅད་དུ་དམིགས་པའི་ཕྱིར་རོ། །གང་ཞིག་འགྱུར་ན་ཡང་གང་མི་འགྱུར་བ་དེ་ནི་དེ་ལས་ཐ་དད་པ་ཡིན་ལ། ཁ ་དོག་དང་དབྱིབས་འགྱུར་ཡང་རྫས་ནི་མི་འགྱུར་བ་ཡིན་པའི་ཕྱིར་རྗེས་སུ་འགྲོ་བ་དང་ལྡོག་པའི་ཚད་མ་ཡིན་ནོ་སྙམ་དུ་སེམས་པ་ལ། སྔོན་པོ་ཉིད་ལ་སོགས་པའི་ཁ་དོག་གི་རང་བཞིན་ཉིད་ཅེས་བྱ་བ་སྨོས་ཏེ། སྔོན་པོའི་ཁ་དོག་དང་དབྱིབས་དམིགས་པའི་དུས་སུ ་དེའི་ཡན་ལག་བཞིན་དུ་རྫས་དམིགས་པ་ཅན་ནི་མ་ཡིན་ནོ། །དེ་བཞིན་དུ་སེར་པོ་ལ་སོགས་པའི་ཁ་དོག་དང་དབྱིབས་དམིགས་པའི་དུས་སོ་དོན་གཞན་ལ་དམིགས་པ་ནི་ཡང་དག་པ་མ་ཡིན་པར་བསྟན་པར་བྱ་བ་ཡིན་ལ། རྗེས་སུ་འགྲོ་ལྡོག་དག་ཀྱང་ཡིན་ཏེ། དེའི་དོན ་གཅིག་བྱེད་པའི་བྱེད་པ་པོ་ཉིད་དམ། དེ་སྒྲ་གཅིག་གི་བརྗོད་བྱ་ཉིད་ཡིན་ཡང་དོན་གཞན་ལ་སྦྱོར་བ་དག་ནི་མ་ཡིན་ནོ། །དེ་ལྟ་མོད་ཀྱི་དེ་དོན་གཅིག་བྱེད་པའི་བྱེད་པ་པོ་ཉིད་ནི་མང་པོ་རྣམས་ལ་ཡང་གཅིག་ཉིད་ཀྱི་ཐ་སྙད་ཀྱི་རྒྱུ་མཚན་ཡིན་ཏེ། ནགས་དང ་བ་ལང་གི་སྒྲ་ལ་སོགས་པ་ཡང་རྣམ་པ་མང་པོ་ལ་ཡིན་པར་འཇིག་རྟེན་དུ་སྣང་བ་ཡིན་ཏེ། གྲངས་དང། ནགས་དང། དམག་ལ་སོགས་པའི་སྒྲ་རྣམས་ཀྱི་བརྗོད་པར་བྱ་ལ་བྱེ་བྲག་མེད་པར་ལྟུང་བའི་ཕྱིར་དང། དོན་བྱེད་པའི་ཡུལ་ཡིན་པའི་ཕྱིར་ཡང། གྲངས་ཀྱང ་བགྲང་བྱ་ལ་དགོས་པ་ཉིད་དུ་ཉེ་བར་བླངས་ནས། མང་པོ་རྣམས་ལ་ཚིག་མང་པོར་ཐལ་བར་འགྱུར་རོ། །རྫས་བཞིན་དུ་གྲངས་ལ་སོགས་བ་ལ་ཡང་ཁ་དོག་དང་དབྱིབས་ལས་ཐ་དད་པ་ཅན་མ་ཡིན་ཏེ། དེ་འཛིན་པའི་མངོན་སུམ་ལ་དེ་དང་འདྲ་བའི་སྣང་བ ་མེད་པའི་ཕྱིར་ཡོད་པ་མ་ཡིན་ཏེ། རྒྱུ་མཚན་དེ་དག་ཉིད་ཐ་དད་པར་རྣམ་པར་འབྱེད་པ་དང། ཚིག་གི་དབྱེ་བ་ལ་སོགས་པ་རྣམས་ནི་བརྗོད་པར་འདོད་པའི་ཡུལ་ལ་རྣམ་པར་གནས་པ་ཡིན་ནོ། །ཁ་དོག་དང་དབྱིབས་ནི་ཐ་དད་པར་དམིགས་པ་ཡིན་ལ ་ཕྱིས་མངོན་སུམ་གྱི་དུས་སུ་དེ་ཉིད་དང་རྗེས་སུ་འགྲེལ་བའི་ངོ་བོར་མ་ཡིན་ནམ། རྗེས་སུ་འཇུག་པ་ཉིད་ཀྱི་རྫས་ཡིན་ལ། དེ་ཉིད་ལས་ལོག་པ་ཉིད་ཀྱི་གནས་སྐབས་ནི་ཡོན་ཏན་ཡིན་ནོ་སྙམ་དུ་སེམས་ལ། དེ་ལས་ཐ་དད་པའི་རྫས་གཞན་ཞེས་བྱ ་བའོ། །དེའི་རྗེས་སུ་འགྲོ་བའི་ངོ་བོ་རྫས་མ་ཡིན་ནམ་དབྱིབས་དང་ཁ་དོག་གི་རྟེན་ཡིན་ལ། དེ་ལ་བརྟེན་པ་དེ་དག་ནི་ཀུན་ཏུ་མི་དམིགས་པ་ཡིན་པའི་ཕྱིར་ལ། དེ་བཞིན་དུ་མ་དམིགས་པ་ཡང་གྲུབ་པ་ཡིན་ནོ་སྙམ་དུ་སེམས་པས། འོན་ཏེ་ཁ་དོག་དང་དབྱིབས ་དང་ལྡན་པའི་རྫས་ཡིན་ནོ་ཞེ་ན། ལན་དུ་མ་ཡིན་ཏེ། དེ་ལས་ཐ་དད་པར་ཞེས་བྱ་བ་སྟེ། ལྗང་ཁུ་དང་སེར་པོའི་ཁ་དོག་དང་དེའི་དབྱིབས་སུ་སྣང་བའི་དུས་སུ་སྣང་བ་ཡིན། སྔར་མཐོང་བ་ངོ་ཤེས་པ་ཡང་མཐོང་བའི་ཡུལ་ལ་ཡིན་ལ། དེའི་ཡུལ་དང་ལོག ་པར་འཛིན་པའི་ཕྱིར་མཐོང་བ་ཉིད་ཀྱིས་གནོད་པ་ཡིན་ནོ། །གནོད་པར་བྱེད་པ་ལས་ཀྱང་ཁྱད་པར་གྱི་རྣམ་པར་ངེས་པ་མ་བཟུང་བའི་ཁྱད་པར་ཙམ་མམ། ཐག་རིང་བ་ཉིད་ཀྱང་སྣང་བ་ཡིན་གྱི་རྫས་སམ་ཅིག་ཤོས་ནི་མ་ཡིན་ན། །དེའི་གནས་སྐབས་ན་ཡོད་བཞིན་བ་གནས ་སྐབས་གཞན་དུ་འགྱུར་བ་མ་ཡིན་པར་བསྟན་པ་ནི། གསལ་བ་དང་མི་གསལ་བ་ཞེས་བྱ་བ་ལ་སོགས་པ་སྟེ། སྔ་མའི་ཁ་དོག་དང་དབྱིབས་གཞན་ཡིན་པ་ཉིད་དམ། གཞན་དུ་ཡང་རྟོགས་པ་ནི་གསལ་བ་ཉིད་དུ་ཐ་སྙད་འདོགས་པ་མེད་པར་ཐལ་བར་འགྱུར་རོ་ཞེས ་བྱ་བའི་དོན་ཏོ། །མཐོང་བ་དང་ཕྲད་པར་བྱེད་པ་མཐོང་བ་ནི་ཚད་མ་ཡིན། ཕྲད་པར་བྱེད་པ་ཡང་རེག་པའི་དབང་པོས་འཛིན་པ་མ་ཡིན་ནམ། དེའི་ཕྱིར་མཐོང་བ་དང་རེག་པ་དག་གི་དོན་ཅིག་འཛིན་པ་ཡིན་པའི་ཕྱིར་གཟུགས་དང་རེག་བྱ་ལ་ལོག་པ་གཅིག་པུ་ནི་རྫས ་ཡིན་ཏེ། དེ་མེད་ན་མངོན་སུམ་ཉིད་ཚད་མ་ཉིད་དུ་མི་འགྱུར་རོ་སྙམ་དུ་སེམས་པས། འོན་ཏེ་ཡང་ཁ་དོག་དེ་ནི་ཐོབ་པ་མིན་ཞེས་བྱ་བའོ། །ལན་ནི་དེ་ཉིད་དུ་ན་གལ་ཏེ་དེ་ཞེས་བྱ་བའོ། །ཇི་ལྟར་ཡང་མཐོང་བ་ལ་གཟུགས་དང་དབྱིབས་ཀྱང་སྣང་བ་ཡིན་ལ། རྫས་ཀྱང་དེའི་རྟོགས་བྱ ་ཡིན་པའི་ཕྱིར་དེ་ཁོ་ན་བཞིན་དུ་སྣང་བར་འགྱུར་རོ། །དེ་བཞིན་དུ་རེག་པས་དམིགས་པར་བྱ་བ་ཡིན་ན། འཇམ་པ་དང་རྩུབ་པ་ལ་སོགས་པ་བཞིན་དང། དེའི་དཔག་བྱ་ཁ་དོག་དང་དབྱིབས་བཞིན་དུ་དེ་ལས་གཞན་པའི་རྫས་སུ་དམིགས་པར་འགྱུར་ཏེ། རང་གི ་ངོ་བོ་དེ་བཞིན་དུ་མ་དམིགས་པ་ལ་དམིགས་པ་ཡིན་པར་སྨྲ་བར་མི་རིགས་སོ་ཞེས་བྱ་བའི་དོན་ཏོ། །དེ་ལྟ་ཡིན་ན་རེག་བྱ་ཐོབ་བྱེད་ཡིན་པས་མཐོང་བ་ཇི་ལྟར་ཚད་མ་ཡིན་སྙམ་དུ་སེམས་པ་ལ། རྗེས་སུ་སྦྱོར་བ་ནི་ཞེས་བྱ་བ་སྨོས་ཏེ། ཡུལ་གཟུགས་མཐོང ་བ་ནི་ཐོབ་བྱ་རང་གི་འབྲས་བུའི་ངོ་བོ་ལ་དེ་ཉིད་ལ་དེའི་འབྲས་བུ་ཉིད་དུ་སྒོ་བཏགས་པས་དེ་ཉིད་མཐོང་ངོ་ཞེས་མངོན་པར་ཞེན་པས་ཐོབ་པར་བྱ་བ་ཡིན་ལ། རེག་བྱ་ལ་ནི་དེ་དང་ཚོགས་པ་གཅིག་པའི་འབྲས་བུ་ཡིན་པ་ཉིད་ཀྱིས་རྣམ་པར་རྟོགས་པས ་སྤྲུལ་པའི་ཡུལ་གཅིག་པ་ཉིད་ཀྱིས་ཐ་སྙད་པ་ཡིན་གྱི་རྫས་ནི་ཡུལ་མ་ཡིན་ཏེ། འོ་ན་ཅི་ཞེ་ན། ཡུལ་ནི་གཟུགས་དང་རེག་བྱ་དག་ཡིན་ཏེ། དེ་ལྟར་ངེས་པ་ཡིན་པའི་ཕྱིར་རོ། །དེ་ཡང། ཁ་དོག་སོ་སོར་སྣང་བ་ལས། འདི་ནི་བུམ་མིན་བཞིན་ཤེས་པ་ལ་ཞེས ་གསུངས་པའོ། །འདི་ཉིད་ཀྱི་དགོངས་པས་ནི་དེ་འཛིན་པ་མེད་ན་དེའི་ཤེས་པ་མེད་དོ་ཞེས་གསུངས་པའོ། །དེ་ནི་རྗེས་སུ་འགྲོ་བའི་མཐར་ཐུག་པ་ཡིན་ཏེ། ཐལ་བར་འགྱུར་བ་དང། ཕྱིན་ཅི་ལོག་པ་ལ་རྟེན་པའི་ཕྱིར་རོ། །དེས་ན་དེའི་ཁ་དོག་དང་དབྱིབས་འཛིན་པ་ན། དེ་དང་དེ ་མ་ཡིན་པའི་བདག་ཉིད་ཀྱི་བློ་ནི་གཅིག་གི་བློ་ཡིན་ཏེ། ཐ་དད་པ་དང་ཐ་དད་པ་མ་ཡིན་པའི་རྫས་སམ་གཞན་ཡང་རུང་བའི་བློ་ནི་མ་ཡིན་ཏེ། གཅིག་ཉམས་སུ་མྱོང་བ་གང་ཡིན་པ་འདི་དེ་ཉིད་ཁ་དོག་དང་དབྱིབས་ཉམས་སུ་མྱོང་བ་ཡིན་ནོ་ཞེས་བྱ་བའི་དོན་ཏོ། །དཀར ་པོ་དང་དུང་ནི་རྣམ་པར་བཅད་བྱ་དང་རྣམ་པར་གཅོད་བྱེད་ཡིན་པས་རྫས་དང་ཡོན་ཏན་དག་མངོན་སུམ་ཡིན་པས། དང་པོའི་དབང་པོའི་དུས་དེ་ཉིད་དུ་སྣང་བ་ཡིན་པའི་ཕྱིར། རྫས་མི་དམིགས་པ་མ་གྲུབ་པ་ཡིན་ནོ་སྙམ་དུ་སེམས་པ་ལ། སྔར་བསྟན་པའི ་རིམ་པས་དབྱིབས་ལས་གཞན་པ་གཅིག་པུའི་བྱེ་བྲག་ཏུ་བྱ་བ་འམ་ཐུན་མོང་བའི་ངོ་བོ་མེད་པའི་ཕྱིར་ཁྱད་པར་གྱི་རྣམ་པའི་ངེས་པ་མི་འཛིན་པ་ཉིད་སྤྱི་ཡིན་ནོ་ཞེས་ཉེ་བར་བསྡུས་པ་ཡིན་ནོ། །དེའི་ཕྱིར་ཐུན་མོང་བ་ཞེས་བྱ་བའོ། །མཆོད་སྦྱིན་ལ་སོགས ་པའི་བྱེ་བྲག་རྣམས་ཀྱི་བྱེད་པའི་དོན་ནི་ངེས་པར་འཛིན་པ་མེད་པ་ཁོ་ན་ཡིན་པར་བསྟན་པ་ནི། དེ་བས་ན་བྱེད་པ་ཞེས་བྱ་བའོ། །དེས་པར་སྦྱོར་བའི་ཡུལ་སྐད་ཀྱི་བྱིངས་ཀྱི་དོན་དང། བྱེད་པའི་དོན་དག་ནི་རྟོག་པས་ཕྱེ་བ་ཡིན་ནོ། །དེ་ལྟ་མོད་ཀྱི་ཡུལ་མེད ་བ་ནི་མ་ཡིན་ནོ་སྙམ་དུ་སེམས་པ་ལ། རང་གི་བྱ་བ་དང་ཞེས་བྱ་བ་སྨོས་ཏེ། སྔ་མའི་བག་ཆགས་དང་དོན་ཡང་ཤེས་པ་དེའི་རྒྱུ་མཚན་ཡིན་གྱི། རེ་རེའི་ནི་མ་ཡིན་ནོ། །གཏན་མེད་པའི་དོན་ལ་སྒྲ་ནི་ཤེས་པའི་བྱེད་པ་ཡིན་ནོ་སྙམ་དུ་སེམས་པས་སྨྲ་བ་ནི། ་མངོན་སུམ་ནི་ཞེས་བྱ་བ་སྟེ། གཏན་མེད་པ་ཞེས་བྱ་བ་ནི་ད་ལྟར་བ་མ་ཡིན་པ་འབྱུང་བར་འགྱུར་བ་དང་བྱུང་ཟིན་པའི་ངོ་བོ་ཞེས་བྱ་བའི་དོན་ཏོ། །ལན་དུ་མཐོང་བ་མེད་པའི་དོན་དེ་ནི་ཞེས་བྱ་བ་སྟེ། ད་ལྟར་བ་མ་ཡིན་པའི་ཡུལ་ལ་ཡང་སྒྲའི་ཤེས་པ་འབྱུང་བ་ནི་དོན་ཡོད་པའི་ངོ་བོར ་གྲུབ་པ་ཡིན་ན་ནི་བདེན་ན། རྟོགས་པ་འདི་ཉིད་ལ་དོན་ཡོད་པ་ནི་མ་ཡིན་ཏེ། རང་གི་ངོ་བོ་རིག་པའི་ཕྱིར་མཐོང་བ་མེད་པ་ཞེས་བྱ་བའི་དོན་ཡིན་ནོ། །འབྲས་བུ་ལ་བྱ་བ་བྱེད་པ་པོའི་ངོ་བོ་མི་ཤེས་པ་ཡིན་ན། དེའི་བྱེད་པ་མེ་ལ་སྦྱིན་སྲེག་བྱས་པས་མཐོ་རིས་ཐོབ་བོ་ཞེས་བྱ་བའི ་ཤེས་པ་རྟོགས་པར་བྱེད་པ་མ་ཡིན་པར་བསྟན་པ་ནི། མེའི་སྦྱིན་སྲེག་ལ་སོགས་པ་ལ་ནི་འབྲས་བུའི་རྒྱུ་ཉིད་ཅེས་བྱ་བའོ། །མི་འཇུག་པ་འཇུག་པར་བྱེད་པ་དེས་སྦྱོར་མ་ཡིན་ནམ། སྐྱེས་བུ་ནི་དེ་ལ་སྦྱར་བྱ་ཡིན་པ་ཉིད་ཀྱིས་དེ་དང་འབྲེལ་བ་ཅན་ཡིན་གྱི་བྱེད་པ་པོ་ཉིད ་ཀྱིས་ནི་མ་ཡིན་ན། །སྐད་ཀྱི་བྱིངས་ཀྱི་དོན་ནི་ཡུལ་ཉིད་ཀྱི་འབྲེལ་བ་ཅན་ཡིན་གྱི་བྱེད་པ་ཉིད་ཀྱི་མ་ཡིན་ལ། དེ་ལིང་ལ་སོགས་པའི་བྱ་བ་ནི་མ་ཡིན་ཏེ། འཛུད་པར་བྱེད་པའི་བྱ་བ་ཉིད་དང། ཚད་མ་གཞན་གྱིས་སྤྱོད་ཡུལ་ཡིན་པའི་ཕྱིར་དང། མ་བཅད་པ་གཅོད་པ ་བོ་ཉིད་མེད་པར་ཐལ་བར་འགྱུར་རོ། །འདི་ནི་རྫོགས་བྱ་ཉིད་ཀྱིས་འབྲས་བུ་ཡང་ཡིན་ལ། འཇུག་པ་ལ་ཕྱོགས་པའི་གེགས་བྱེད་པས་དགག་པ་ཡང་ཡིན་ཏེ། སྐྱེས་བུའི་འཛུད་བྱེད་དང། སྒྲིབ་བྱེད་དག་གི་བསྒྲུབ་པ་དང་དགག་པའི་དོན་དག་ནི་དེ་ཙམ་གྱིས་ཀྱང ་རྫོགས་པ་ཡིན་གྱི། འབྲས་བུ་དང་བྱ་བ་ལ་སོགས་པའི་རྟོགས་པ་བྱེད་པ་ནི་མ་ཡིན་ནོ་སྙམ་དུ་སེམས་པ་ནི། འོན་ཏེ། བདག་གི་ནུས་པ་ཞེས་བྱ་བ་སྟེ། བྱ་བའི་འབྲས་བུའི་བྱེད་པ་པོ་དང། ད་དང་འདྲེས་པ་དང་མཚན་ཉིད་མི་མཐུན་པའི་ལིང་གི་དོན་ཏེ། རྫོགས་བྱ ་ཡིན་པས་འབྲས་བུ་ཡིན་པ་ནི་ངས་སྦྱོར་ཡིན་ནོ་ཞེས་བྱ་བའི་དོན་ཏོ། །འབྲས་བུའི་རྒྱུ་ཉིད་མི་ཤེས་པ་ཡིན་ལ། བསྐུལ་ཡང་རྟོག་པ་དང་ལྡན་པ་རྣམས་འཇུག་པར་མི་འགྱུར་བར་བསྟན་པ་ནི། གལ་ཏེ་དེ་ནི་མཐོ་རིས་ཀྱི། རྒྱུ་མིན་པར་ནི་ཞེས་བྱ་བ་སྟེ། འབྲས་བུ་ཉིད་ནི ་སྔ་མའི་རྗེས་སུ་འབྲེངས་ནས། ལུང་ཐམས་ཅད་དུ་རྟོགས་པ་ཡིན་པའི་ཕྱིར་རིགས་བྱེད་དང་རིག་བྱེད་མ་ཡིན་པ་དག་ལ་བྱེ་བྲག་ཅི་ཡང་མེད་པ་ཡིན་ལ། སྐྱེས་བུས་བྱས་པ་ལ་ནི་དེ་ལྟ་བུའི་ལས་མེད་པ་མ་ཡིན་ནོ་ཞེས་བྱ་བའི་དོན་ཏོ། །འབྲེལ ་པ་ནི་སྐྱེས་བུས་བྱས་པ་ཡིན་པའི་ཕྱིར་རིག་བྱེད་རང་ཉིད་ཀྱི་ཤེས་པ་བསྐྱེད་པར་བྱེད་པ་མ་ཡིན་པས་སྐྱེས་བུས་བྱས་པའི་འབྲེལ་པའི་རྗེས་སུ་འབྲངས་པས་རྟོགས་པ་ཡིན་ན། ཐེ་ཚོམ་ཅན་ཡིན་གྱི། འབའ་ཞིག་ནི་མ་ཡིན་ནོ། །མཐོང་བྱ་དང་བརྟག་བྱ་དག་གི ་དོན་ཅིག་དུ་བྱས་ནས་འཇུག་པར་བྱེད་པའི་ཕྱིར་འཁྲུལ་པ་ཉིད་ཡིན་པར་བསྟན་པ་ནི། སྣང་བ་དང། རྣམ་པར་བརྟགས་པ་གཅིག་ཏུ་བྱས་ནས་ཞེས་བྱ་བའོ། །མངོན་སུམ་ལ་སོགས་པའི་ཤེས་པ་ནི་རྒྱུ་ཡོད་ལ་རྐྱེན་མེད་པ་ཡིན་ན། ཚད་མ་ཉིད་སྐྱེད་པར ་བྱེད་པ་མ་ཡིན་ནམ། རིག་བྱེད་ལ་ཡང་དེ་དག་ཙམ་གྱིས་སྦྱོར་བར་བྱེད་པ་ནི་ཡོད་པ་ཉིད་ཡིན་ལ། སྐྱོན་རྣམས་ནི་ཚད་མ་ཉིད་མ་ཡིན་པ་ལ་སྦྱོར་བར་བྱེད་པ་ཡིན་ཏེ། སྐྱེས་བུས་མ་བྱས་པ་ཉིད་ཀྱི་ཕྱིར་མི་སྲིད་པ་ཡིན་ནོ། །མངོན་སུམ་ལ་སོགས་པས ་རྟོགས་པའི་དོན་ཉིད་ནི་ཚད་མ་ཉིད་ལ་སྦྱོར་བར་བྱེད་པ་མ་ཡིན་པ་དེས་ན་དེ་མེད་ཀྱང་སྐྱོན་མེད་པ་ཡིན་ནོ། །དོན་ཇི་ལྟ་བ་བཞིན་ལ་ངེས་པ་ཡིན་ན་སྐྱོན་མེད་པ་མ་ཡིན་ནམ། དེས་པ་ཡང་དོན་བྱེད་པ་ལ་མི་བསླུ་བ་ཉིད་ཀྱི་ཕྱིར་ཏེ། སྔ་མ་ལ་སྐྱོན་མི་དམིགས་པ ་ཙམ་ནི་ཐེ་ཚོམ་གྱི་རྒྱུ་ཡིན་ན། མི་བསླུ་བ་ཡང་སྐྱེས་བུའི་དོན་ཉིད་ལ་འཇུག་པའི་མཚམས་ཡིན་པའི་ཕྱིར་ཐེ་ཚོམ་ཟ་བ་ཡིན་ན་ཚད་མ་ཉིད་ལ་སྦྱོར་བར་བྱེད་པ་མ་ཡིན་ནོ། །སྔར་གྱི་གནོད་པ་ཅན་ཡང་སྔ་མ་བཞིན་དུ་ཐེ་ཚོམ་ཅན་ཡིན་ནོ། །འཇུག ་པ་ལ་ཡང་བསླུ་བ་ཅན་ཉིད་ཡིན་ན། མི་བསླུ་བ་དང་བསླུ་བ་དག་ཁོ་ན་ཚད་མ་ཉིད་དང། ཚད་མ་མ་ཡིན་པ་ཉིད་ལ་སྦྱོར་བར་བྱེད་པ་ཉིད་ཡིན་གྱི་རིག་བྱེད་ལ་ནི་ཚད་མ་ཉིད་ལ་སྦྱོར་བར་བྱེད་པའི་ཚད་མ་གཞན་མི་སླུ་བ་ཡོད་པ་མ་ཡིན་ལ། དེའི་ཚེ་ཉིད ་སླུ་བ་ནི་ཡོད་པ་ཡིན་ཏེ། འབྱུང་བར་འགྱུར་བ་ལ་ཡང་མ་འཁྲུལ་བའི་རྒྱུ་མཚན་མེད་པའི་ཕྱིར་སྲིད་པ་ཡིན་ནོ། །སྐྱེས་བུས་བྱས་པ་མ་ཡིན་པ་ཉིད་ལ་ནི་མི་བསླུ་བ་ལ་སྦྱོར་བར་བྱེད་པ་དང། རང་བཞིན་པའི་ཡང་འབྲེལ་བ་མེད་པའི་ཕྱིར་ནམ་མཁའ་བཞིན་དུ་གོ་བར ་བྱེད་པ་ཉིད་མ་ཡིན་ནོ། །དེས་ན་ཡང། སྐྱོན་མེད་ཤེས་པ་ལས་བྱུང་བའི། མངོན་སུམ་གྱིས་བསྒྲུབས་སྐྱེས་བུ་ནི། །མིན་པའི་བྱེ་བྲག་བསྐུལ་བྱེད་བློའི། །བརྗོད་བྱ་མེད་སྨྲ་རྣམས་ཀྱི་ཡིན། །ཞེས་བྱ་བ་ནི་མི་རིགས་པ་ཉིད་ཡིན་པའི་ཉེ་བར་བསྡུ་བ་ནི། དེའི་ཕྱིར། ་འཆད་པ་པོའི་བྱེད་པ་འམ་ཡུལ་ཞེས་བྱ་བ་སྟེ་འདི་སྐད་བསྟན་པར་འགྱུར་ཏེ། རེ་ཤིག་ཚད་མ་ཉིད་ཤེས་པ་ནི་དབང་པོ་ལ་སོགས་པའི་རྒྱུའི་ངོ་བོས་སྐྱེད་པར་བྱ་བ་མ་ཡིན་ཏེ། རང་ལས་ཚད་མ་ཐམས་ཅད་ཀྱིས། །ཚད་མ་ཉིད་དུ་གཟུང་བྱ་ཡིན། རང་ལས་ཏེ། བདག ་ཉིད་ཀྱི་རྒྱུ་ཁོ་ན་ལས་ཡིན་ཏེ་རྒྱུ་གཞན་ལས་ནི་མ་ཡིན་ཏེ། རྒྱུའི་རང་གི་ངོ་བོ་ནི། ཚད་མ་མིན་ལའང་ཡོད་པའི་ཕྱིར། ཞེས་གང་གསུངས་པའོ། །ཚད་མ་ཉིད་དུ་ཡང་མ་ཤེས་པ་ནི་དོན་ཡོངས་སུ་གཅོད་པའི་འབྲས་བུ་འམ། འཇུག་པའི་ཁོ་བོའི་འབྲས་བུ་ཡང་བྱེད ་པ་མ་ཡིན་ཏེ། ཤེས་པའི་སྔ་རོལ་དུ་བྱུང་བ་དང་ཕྱིས་འབྱུང་བ་ལ་ཡང་བྱེ་བྲག་མེད་པའི་ཕྱིར་ཏེ། དངོས་པོ་རྣམས་ཀྱི་བདག་ཉིད་འཐོབ་ལ་རྒྱུ་ལ་བལྟོས་པ་ཉིད་ཡིན་ཏེ། བདག་ཉིད་འཐོབ་པ་རང་འབྲས་ལ། །རང་ཉིད་ཁོ་ན་འཇུག་པར་འགྱུར། ཞེས་སྨོས་པས། ཡོངས ་སུ་གཅོད་པ་ཙམ་ནི་ཚད་མ་མ་ཡིན་པ་ཙམ་ལ་ལ་ཡང་ཡོད་པའི་ཕྱིར་རོ། །དེ་ལྟར་ཡང། དེ་ཕྱིར་བློའི་བདག་ཉིད་ཀྱིས་ནི། །བློ་ཡིས་ཚད་མ་ཉིད་འཐོབ་ན། །དོན་གཞན་ཉིད་རྒྱུ་ལས་བྱུང་བའི། །སྐྱོན་ཤེས་པ་ལས་སེལ་བ་ཡིན། ཞེས་སྨོས་པའོ། །དམིགས་ཀྱིས་བསལ ་བའི་ཡུལ་བཏང་ནས། སྤྱིར་བཏང་བ་ལ་འཇུག་པར་བྱ་སྟེ། དེས་ན་ཤེས་པའི་རྒྱུའི་བྱེ་བྲག་ཅན་ཚད་མ་མ་ཡིན་པ་མེད་པ་ཅན་གྱིས་ཚད་མ་ཉིད་བསྐྱེད?་པར་བྱ་བ་ཡིན་གྱི་བྱེ་བྲག་དེ་ཡང་ཤེས་པའི་རང་གི་ངོ་བོ་བྱེད་པ་ནི་མ་ཡིན་ཏེ། དེ་མེད་པར་ཡང་འབྱུང་བའི་ཕྱིར་རོ། ་དེ་ཉིད་ཀྱིས་ན་རང་གི་ངོ་བོ་ཡོངས་སུ་གཅོད་པ་ཙམ་ནི་ཚད་མ་ཉིད་ཀྱི་འབྲས་བུ་མ་ཡིན་ཏེ། ཚད་མ་མ་ཡིན་པ་ལ་ཡང་ཡོད་པས་ཐེ་ཚོམ་ཅན་ཡིན་པའི་ཕྱིར་རོ། །བྱེ་བྲག་མཐོང་ན། ཐག་རིང་པོ་ལ་མཐོ་ཡོར་དང་མི་ལྟ་བ་པོ་རྣམ་པར་དཔྱོད་པ་ན། སྐྱོན་གྱིས ་ཤེས་པ་མ་ཤེས་ན། ཚད་མ་ཡིན་པའི་དགོས་པ་མེད་ཅེས་བྱ་བ་ཙམ་གྱིས་གསལ་བར་ནུས་པ་མ་ཡིན་ནོ། །དེ་ལྟ་བུའི་ཡུལ་རང་ཉིད་ཁོ་ན་སྐྱེ་བར་རྣམ་པར་དཔྱོད་པ་ཡིན་ནོ་ཞེ་ན། ཡོངས་སུ་གཅོད་པ་ཙམ་ལ་ཡང་ཁྱབ་པར་མ་མཐོང་བར་བྱེ་བྲག་མེད་པ་ཡིན་ཏེ། དང་པོ ་ནི་གནོད་པ་ཅན་མེད་པའི་ཁྱད་པར་དུ་མ་ངེས་པ་ཡིན་ལ། དུས་ཕྱིས་འཇུག་པའི་དུས་སུ་ནི་ཡོད་པ་མ་ཡིན་ཕྱིར་ཐེ་ཚོམ་ཡིན་ནོ། །གོམས་པའི་ཡུལ་ལ་ནི་ལན་ཅིག་མིན་པར་འཇུག་པ་པོ་འཐོབ་པའི་ཡོང་བ་དང་མེད་པ་དག་གིས་མཚོན་པ་ནི་མ་འཁྲུལ་བའམ། ཅིག་ཤོས ་ཀྱི་ངོ་བོ་ཉིད་ནི་ཁྱད་པར་ཡིན་པའི་ཕྱིར་ཐེ་ཚོམ་སྐྱེ་བ་མ་ཡིན་ནོ། །གནོད་པ་ཅན་མ་དམིགས་པ་ཙམ་ལས་ནི། གནོད་པ་ཅན་ཡོད་པ་དང་མེད་པའི་ཐུན་མོང་བ་ལས་མ་ཡིན་ནོ། །དེ་ལྟར་ན། རྒྱུའི་སྐྱོན་མ་དམིགས་པ་ལ་ཡང་བརྗོད་བྱ་འཇུག་པ་ཡིན་ཏེ། དང ་པོ་རྒྱུའི་སྐྱོན་མ་དམིགས་པའི་མ་ངེས་པ་ཡིན་ལ། ཕྱིས་ནི་སྔ་མ་མ་གྲུབ་པ་ཡིན་ནོ། །ཁ་ཅིག་ཏུ་ལན་ཅིག་མིན་པར་འཇུག་པ་དང། ཐོབ་པ་དག་གིས་ཤེས་པ་ནི་མ་འཁྲུལ་བའི་ངོ་བོ་ཉིད་ཡིན་པ་ནི་བྱེ་བྲག་ཡིན་པའི་ཕྱིར་དེ་མཐོང་བ་ལ་འཇུག་པ་ནི་གནོད ་པར་བྱེད་པའི་རྒྱུ་སྐྱོན་མ་དམིགས་པ་ལས་འཇུག་པ་མ་ཡིན་ཏེ། དེའི་ཕྱིར། དང་པོར་ཡོངས་སུ་བཅད་པ་ནི་དོན་དང་དོན་མ་ཡིན་པའི་ཐུན་མོང་བ་ཡིན་པའི་ཕྱིར་ཐེ་ཚོམ་ཡིན་ཡང། དེའི་ཚེ་དེ་ཉིད་ལ་འཇུག་པ་ཡིན་ཏེ། ད་ལྟར་འཇུག་པར་ཡང་མཐོང་བའི་ཕྱིར་རོ།། ་དུས་ཕྱིས་ནི་མ་འཁྲུལ་བའི་ཤེས་པ་ལས། ཤེས་པའི་རང་གི་ངོ་བོ་ཉིད་ཁོ་ན་ལས་འཇུག་པ་ཡིན་ཏེ། རང་གི་ངོ་བོ་འཛིན་པར་བྱེད་པ་འམ་དོན་བྱེད་པ་འཛིན་པར་བྱེད་པ་ལ་གཞན་ལ་བལྟོས་པ་ཡིན་ཡང་ཐུག་པ་མེད་པ་མ་ཡིན་ཏེ། དོན་བྱེད་པའི་བདེ་བ་ལ ་སོགས་པའི་ངོ་བོ་ཉིད་ཡིན་པ་དང། རང་གི་ངོ་བོ་ལ་ཤེས་པ་ལས་ཐ་དད་པ་མ་ཡིན་པ་དང། རང་རིག་པའི་མངོན་སུམ་ཡིན་པ་ཉིད་ཀྱིས་ཐེ་ཚོམ་བསལ་བའི་ཕྱིར་རོ། །མངོན་སུམ་ལ་ཡང་རེ་ཞིག་དོན་གྱི་རང་གི་ངོ་བོ་སྣང་བ་ཅན་ལ་གོམས་པ་མེད་ན་ཐེ་ཚོམ་ཁོ་ན་ཡིན་ན། རེག ་བྱེད་ལ་ནི་དོན་གྱི་རང་གི་ངོ་བོ་ལ་རེག་པར་བྱེད་པ་མ་ཡིན་པ་རྣམ་པར་རྟོག་པ་ཙམ་ལ་ནི་སྨོས་ཀྱང་ཅི་དགོས་ཏེ། དབང་པོ་ལས་འདས་པའི་ཡུལ་ཅན་ཉིད་ཀྱིས་གོམས་པ་མི་སྲིད་པའི་ཕྱིར། དེ་དག་ཙམ་གྱི་རྒྱུ་བསྐྱེད་པར་བྱ་བའི་ཤེས་པ་ནི་དོན་བྱེད་པ་མ་ཡིན ་བ་ཉིད་ཀྱིས། དང་པོའི་ཤེས་པ་ལས་ཁྱད་པར་མེད་པའི་ཕྱིར་རིག་བྱེད་ལ་ཡང་བརྗོད་པར་བྱེད་པའི་རྗེས་སུ་འཇུག་པའི་བློ་ནི་རྣམ་པ་བརྒྱར་འགྱུར་བའི་ཕྱིར་ཕ་རོལ་པོའི་ཕྱོགས་ནི་རྗེས་སུ་མཐུན་པ་མ་ཡིན་ལ། ཕ་རོལ་པོའི་རྣམས་ཀྱིས་མི་བསླུ་བ་ཤེས་པ་གཞན ་པ་ཙམ་ནི་དེ་དག་ཙམ་གྱི་རྒྱུ་བསྐྱེད་བྱར་བརྗོད་པ་མ་ཡིན་ནོ། །དེ་ལྟ་མོད་ཀྱིས་གྲང་བ་ལྡོག་པར་བྱ་བ་ལ་སོགས་པ་རང་ཉིད་རིག་པར་བྱ་བ་ཡིན་ནོ། །དེས་ན་ཕ་རོལ་པོའི་དངོས་པོས་སྟོང་པ་འདྲེན་པར་འདོད་པ་ཙམ་ནི་གུས་པར་བྱ་བ་མ་ཡིན་ནོ། །གོམ་པ་མེད་པའི་དུས ་ཀྱི་ཚད་མ་ཉིད་ནི་གཞན་གྱི་རྗེས་སུ་འབྲེང་བའི་བདག་ཉིད་ཅན་གྱི་འབྲས་བུ་ཅན་ཡིན་ཏེ། འབྲས་བུ་དང་རྒྱུ་ཙམ་ནི་ཚད་མ་དང་ཅིག་ཤོས་མཚུངས་པ་དེས་ན་ཕྲད་པར་བྱ་བ་མེད་ན་མི་འབྱུང་བའི་ངོ་བོ་ནི་གོམས་པ་ལས་རྟོགས་པ་ཡིན་ལ། མཐར་ཐུག་པར་གནོད་པ ་མཐོང་བའམ། གཞན་ཡང་རུང་བ་ལ་འགྲུབ་པ་ལ་འཁྲུལ་པ་མ་ཡིན་པ་ཉིད་ཀྱི་ཕྱིར། །དེ་ཉིད་མ་རྟོགས་ལས་བྱུང་བ། །སྤྱི་ཡིན་སྨྲ་རྣམས་འདི་ལ་གནས། རྒྱལ་བ་ཅན་དེའི་ཇི་ལྟ་ཡིན། །ཚིག་ཏུ་བརྗོད་པར་སྨྲ་ཡིན། །ཞེས་བྱ་བའོ། །བཅོམ་ལྡན་འདས་ཉིད་ཆོས ་ལ་སོགས་པ་རྣམས་ལ་ཐ་སྙད་པ་མ་ཡིན་པའི་ཚད་མ་ཡིན་གྱི། ཅིག་ཤོས་ནི་མ་ཡིན་ནོ་ཞེས་དང་པོར་ཁས་བླངས་པ་མ་ཡིན་ནམ། གང་གི་ཕྱིར་དེ་ནི་དབང་ཕྱུག་ལ་སོགས་པའི་ཡུལ་ཉིད་ཡིན་ནོ་སྙམ་སེམས་པ་ཡིན་ནོ། །དེ་ནི་དགག་པར་བྱ་བ་ཡིན་ནོ།། ་ཀུན་རྫོབ་ནི་མི་འདོད་ཅེས་བྱ་བ་ཇི་ལྟར་ཡིན། སྔར་མཐོང་བ་ངོ་ཤེས་པ་ནི་ཆོས་ལ་སོགས་པའི་ཡུལ་ཉིད་ལ་དེ་དང་བསྒྲུབ་པ་མ་ཡིན་ཏེ། རྟོག་པ་ཉིད་ཡིན་པས་སྐབས་མ་ཡིན་པ་མ་ཡིན་ཏེ། མངོན་སུམ་དང་རྗེས་སུ་དཔག་པའི་ངོ་བོ་ཉིད་དག་གིས་གཉིས ་ཀའི་ངོ་བོ་ཡིན་པའི་ཕྱིར་དང། བཅོམ་ལྡན་འདས་ཀྱང་ལས་དང་འབྲས་བུ་འབྲེལ་པ་མཁྱེན་པ་ལ་རྣམ་པར་རྟོག་པ་གཙོ་བོ་ཡིན་པའི་ཕྱིར། དོར་བ་ལ་སོགས་པའི་རྣམ་པར་རྟོག་པ་མེད་པར་ཉམས་སུ་མྱོང་བ་ཙམ་གྱིས་འཇུག་པར་མ་ཡིན་པའི་ཕྱིར་ཡང་རྗེས ་སུ་མཐུན་པ་ཡང་ཡིན་ནོ། །འོན་ཏེ་ཉམས་སུ་མྱོང་བའི་ངོ་བོའི་བཅོམ་ལྡན་འདས་ནི་བདག་ཉིད་དམ། གཞན་ཡང་རུང་བ་དེའི་དུས་སུ་རིག་པ་ཡིན་ལ། རྣམ་པར་རྟོག་པ་ནི་དེ་དང་དེ་མ་ཡིན་པའི་དུས་སུ་རིག་པར་བྱེད་པ་ཡིན་པའི་ཕྱིར་དེ་དང་འགལ་བ་ཅན་ཡིན ་པའི་ཕྱིར་གསལ་བར་བྱ་བ་ཡིན་ནོ། །མ་ཡིན་ཏེ། ཉམས་སུ་མྱོང་བ་དེ་མ་ཡིན་པའི་ཡུལ་ཅན་ཉིད་ཡིན་ན། དེ་ལ་རག་ལས་པའི་རྣམ་པར་རྟོག་པ་ཡང་འཛིན་པར་བྱེད་པར་མི་འགྱུར་རོ། །དེ་ལ་རག་མི་ལས་པ་ཉིད་ཡིན་ན་དེ་ཡོད་ན་འབྱུང་བ་ནི་སྔོན་པོའི་རྣམ ་པར་རྟོག་པ་བཞིན་དུ་མི་འགྱུར་བའི་ཕྱིར་ཉམས་སུ་མྱོང་བ་ཡང་ཞེན་པའི་བདག་ཉིད་ཁོ་ན་ཡིན་པར་ཤེས་པར་བྱའོ། །དེ་མ་ཡིན་པའི་དུས་རིག་པ་ནི་ཤེས་པ་ཉིད་ཁོ་ན་ཉིད་ཡིན་ནོ། །གོམས་པར་བྱ་བའི་ཡུལ་ལ་རྗེས་སུ་འཇུག་པ་ལ་སྦྱངས་པ་ཡིན་ན། མིག ་ཕྱེ་བའི་མོད་ལ་དེ་ཉིད་རྟོགས་པ་རྣམ་པར་རྟོགས་པ་ཅན་མ་ཡིན་པ་ཡོད་པ་ཡིན་ཏེ། དེ་ལ་དྲན་པའི་རྗེས་སུ་འཇུག་པ་ལ་སོགས་པ་སྲིད་པ་མ་ཡིན་ནོ། །མ་འམ་པ་ལ་ཡང་ཐ་སྙད་ལ་བསླབས་པ་ལ་སོགས་པས་གོམས་པར་གྱུར་པ་ནི་མཐོང་བ་ཙམ་གྱིས་མི་ཤེས་པ ་མ་ཡིན་ནོ། །དེ་ནི་འདྲ་བར་རྟོགས་པ་ཡིན་ཞེས་བྱ་བར་ནི་མི་རིགས་ཏེ། སྦྱངས་པའི་ཟིན་པོ་མ་ཡིན་ན། འདྲ་བར་རྟོགས་པ་མེད་པའི་ཕྱིར། དེ་ལ་ཟིན་པ་ཡིན་ན་འདྲ་བར་རྟོགས་པ་བཞིན་དུ་དེ་ཁོ་ན་ཉིད་རྟོགས་པ་བསལ་བར་བྱས་པ་མ་ཡིན་པ་ཉིད་ཡིན་ནོ། །སྔ་མའི ་རྗེས་སུ་འབྲངས་པ་མེད་ན་འདྲ་བར་རྟོགས་པ་མེད་པ་ཡིན་ནོ། །སྔར་ཉམས་སུ་མྱོང་བའི་ཡུལ་ཉིད་འཛིན་པ་ཁོ་ན་ཉིད་ཤེས་པ་ཡིན་ཞེས་བྱ་བའི་རྣམ་པར་རྟོག་པ་མེད་པ་ཅན་ནི་སྔར་མཐོང་བའོ་ཞེས་པ་ཡིན་ལ། རྣམ་པར་རྟོག་པ་ཡང་དེའི་འོག་ཏུ་དེ་ཉིད་འདི་ཡིན་ནོ ་ཞེས་བྱ་བ་ནི། སྔོན་པོར་ཉམས་སུ་མྱོང་བའི་རྣམ་པར་རྟོག་པ་ཁོ་ན་བཞིན་དུ་སྔར་མཐོང་བ་ངོ་ཤེས་པ་ནི་རྣམ་པ་གཉིས་ཏེ། རྣམ་པར་རྟོག་པ་དང་ཅིག་ཤོས་ཀྱི་ངོ་བོས་ཡིན་པའི་ཕྱིར་ཉམས་སུ་མྱོང་བའི་བདག་ཉིད་བཅོམ་ལྡན་འདས་ནི་སྐད་ཅིག་མ་ཉིད་ལ་སོགས ་པར་རིག་པ་པོ་མ་ཡིན་ཞིང། རྣམ་པར་རྟོག་པ་ཡང་མ་ཡིན་པའི་ཕྱིར་ཚད་མ་མ་ཡིན་ལ་སྒྲ་ནི་ཡིན་ཏེ། སྔར་མཐོང་བ་ངོ་ཤེས་པ་ལས་སྒྲ་དང་དོན་དགུ་གིས་རྟག་པ་ཉིད་དུ་གྲུབ་པས་འབྲེལ་པ་ཡོད་པའི་ཕྱིར་རོ། །ཡང་ན་ཉམས་སུ་མྱོང་བ་ནི་རང་གི་དུས་སུ ་རིག་པ་ཡིན་གྱི་དུས་གཞན་དུ་ནི་མ་ཡིན་ལ། རྣམ་པར་རྟོག་པ་ནི་དེ་དང་དེའི་དུས་མ་ཡིན་པར་ཡང་རིག་པར་བྱེད་པ་ཡིན་ཏེ། ཉམས་སུ་མྱོང་བ་ལས་ནི་འབའ་ཞིག་འབྱུང་བ་ཡིན་གྱི། དེའི་བྱ་བའི་ཡུལ་དུ་བྱེད་པ་ནི་མ་ཡིན་ཏེ། དེ་ཡང། དང་པོ་དག་པའི ་དངོས་པོ་ལས། །བྱུང་བའི་མིག་གིས་རྣམ་ཤེས་ཡོད། །ཅེས་སྨོས་པའོ། །དང་པོ་ཞེས་བྱ་བ་ནི་རྒྱུ་མཚན་ཡིན་ཏེ། རང་གི་ཡུལ་ལ་གཏོང་པར་བྱེད་པ་ནི་མ་ཡིན་ཏེ། དེ་ནི་དག་པའི་དངོས་པོ་ལས་སྐྱེས་པ་ཞེས་ཟེར་བའོ། །རྣམ་པར་རྟོག་པ་ནི་ཡུལ་གཞན་ལ ་ཡིན་ཏེ། དེའི་འོག་ཏུ་དངོས་དེ་ཡང། །རིགས་ཚོགས་རྣམས་ཀྱི་ཆོས་རྣམས་དང། །བཅས་པའི་བློ་གང་གིས་ངེས་པ། །དེ་ཡང་ཚད་མ་ཉིད་དུ་འདོད་ཅེས་བྱ་བ་སྟེ། མངོན་སུམ་མ་ཡིན་ཞིང་རྟགས་མེད་པའི་ཕྱིར་རྗེས་སུ་དཔག་པ་ཡང་མ་ཡིན་ནོ། །ཉམས་སུ ་མྱོང་བ་ཁྱད་པར་རིག་པ་ཅན་དང་འགལ་བ་ཡང་མ་ཡིན་ཏེ། དེས་བསྒྲུབ་པ་ཉིད་རྣམ་པར་རྟོག་པས་བརྟགས་པ་ཉིད་དུ་རྟོགས་པའི་ཕྱིར་རོ། །རྟག་པར་རིགས་པས་ཀྱང་ཉམས་སུ་མྱོང་བ་དེ་དང་འགལ་བ་ཡང་མ་ཡིན་ཏེ། དངུལ་གྱི་ཤེས་པ་ལ་ཡང་ཉ་ཕྱིས་ཀྱི་ཤེས ་པ་ལྟ་བུའོ། །དེ་ལྟར་དང་པོ་ལ་གནོད་པ་མེད་པས་ཕྱི་མ་སྐྱེ་བར་ཡང་རིགས་པའི་ཕྱིར་གཉི་གའི་བདག་ཉིད་ཅན་གྱི་དངོས་པོ་ལ་ཉམས་སུ་མྱོང་བས་མི་རྟག་པར་རྟོགས་ལ། རྣམ་པར་རྟོག་པས་རྟག་པར་རྟོགས་པའི་ཕྱིར་རྗེས་སུ་དཔག་པ་ལས་གཞན ་པའི་ཚད་མ་གཉིས་གྲུབ་པ་ཡིན་ནོ། །མངོན་སུམ་དང་སྔར་མཐོང་བ་ཡང་ངོ། །འདི་སྐད་བསྟན་པར་འགྱུར་ཏེ། ཉམས་སུ་མྱོང་བ་ཉིད་རྣམ་པར་རྟོགས་པར་འགྱུར་ལ། ཕྱིས་ཀྱི་དྲན་པ་གཞན་པར་ནི་མི་འཐད་པར་ཤེས་པས་རང་ཉིད་ཀྱང་གོམས་པར་བྱས་པའི་ཡུལ་རྟོགས ་པ་ཡིན་ཏེ། དེ་ཡང་ད་ལྟར་བ་ཙམ་འཛིན་པ་ཅན་རྟོག་པ་མེད་པ་ཡིན་ལ། དེའི་ནུས་པ་ལས་རྣམ་པར་རྟོག་པ་གཞན་སྔར་མཐོང་བ་ངོ་ཤེས་པ་ཡིན་ནོ། །སྔ་མ་དང་ཕྱི་མའི་ཤེས་པ་ཐམས་ཅད་དུ་གཞི་མཐུན་པར་མཚུངས་པ་ཉིད་དུ་རྟོགས་པ་ལ་བསྙོན་པར་ནུས་པ ་མ་ཡིན་ནོ་སྙམ་དུ་སེམས་པ་ལ། གལ་ཏེ་དོན་བྱེད་པར་གནས་པ་ཞེས་བྱ་བ་སྨོས་ཏེ། སྔར་མཐོང་བ་ངོ་ཤེས་པ་ཞེས་བྱ་བ་ལ་སོགས་པའི་སྒྲས་ནི་ཡན་ལག་ཅན་ལ་སོགས་པའི་ཤེས་པ་བཟུང་ངོ། །ལན་ནི། འདིར་བརྗོད་པ་ཞེས་བྱ་བ་སྟེ། རེ་ཞིག་ཉམས་སུ ་མྱོང་བ་ཉིད་ངེས་པ་པའི་བདག་ཉིད་ཅན་ཡིན་པར་གང་སྨྲས་པ་དེ་ནི་མི་རིགས་ཏེ། རྟའི་རྣམ་པར་རྟོག་པ་མཐོང་བའི་དུས་སུ་ཡང་བ་ལང་མཐོང་བ་ལས་རྟ་ཡིན་པར་རྣམ་པར་རྟོག་པའི་ཕྱིར་དང། མཐོང་བ་དང་རྟོག་པ་དག་བྱེ་བྲག་མེད་པར་ཐལ་བར་འགྱུར་བའི་ཕྱིར་དང། བྱེ་བྲག ་ཀྱང་རྟོག་པ་ལ་གྲུབ་པའི་ཕྱིར་དང། དོན་གྱི་གོ་བ་ཡིན་པའི་ཕྱིར་ཡང་ངོ། །ཇི་ལྟར་མཐོང་བ་དེ་བཞིན་དུ་རྣམ་པར་གཞག་པ་ཡིན་ན། གནོད་པ་མེད་པ་ཡིན་ཏེ། མཐོང་བ་དང་སྒྲིན་པོ་ཉིད་ཡིན་ན་དྲན་པ་སྐྱེ་བའི་ཕྱིར་མཐོང་བ་ནི་རྣམ་གཉིས་ཏེ། ཆེས་མོང་རྟལ་བ་འགྲོ་བ་པོའི ་རྩིའི་རེག་པ་བཞིན་དུ་མ་གོམས་པའི་དུས་སུ་དང། དེ་ལས་བཟློག་པ་ཆེས་ཟིན་པོ་ཡིན་པའོ། །དེ་ལ་ཡང་དེའི་མཚན་ཉིད་ཀྱི་དྲན་པ་སྐྱེ་བ་ལ་མཚན་ཉིད་ཁོ་ན་ནི་ངེས་པ་མ་ཡིན་ཏེ། དྲན་པ་དང་ཅིག་ཤོས་དག་གི་མཐོང་བ་དང་ཀུན་རྫོབ་དག་ཐད་པའི་ཕྱིར་རོ། །འོན་ཏེ། གོམས ་པ་པ་ལ་སོགས་པར་སྦྱངས་པའི་ཟིན་པོ་ཡིན་པའི་ཕྱིར་དང་པོ་ཉིད་གནང་བ་ན་མཐོང་བ་ཙམ་གྱིས་གོ་བ་ཡིན་ནོ། །དེ་ལ། དེ་ཉིད་འདི་ཡིན་ནོ་སྙམ་པ་ཞེས་བྱ་བ་སྨོས་ཏེ། ཕ་ལ་སོགས་པ་དང་པོ་ཉིད་མཐོང་བ་ལས་རྟོགས་པ་དང། དེ་ལ་དགོས་པར་རྟོགས་པ་ཡང་མ་ཡིན་ཏེ། དང ་པོ་བཞིན་དུ་ཉེ་བར་གནས་པ་ཉིད་ཀྱི་ཕ་ནི་རྟོགས་པ་ལ་སོགས་པའི་ཡུལ་ཡིན་ཏེ། དང་པོ་པ་ལ་སོགས་པའི་ཐ་སྙད་ལ། སྔ་མ་ཉིད་བལྟོས་པ་མ་ཡིན་ལ། དེ་ལ་དགོས་པ་ཡང་བལྟོས་པ་མ་ཡིན་ནོ། །རྣམ་པར་རྟོག་པ་ནི་དེར་ཉེ་བ་ན་གནས་པའི་ཕ་ལ་སོགས་པའི་ཡུལ་ལ ་བཟུང་བ་ལ་འཛིན་པ་ཡིན་ནོ། །ཉེ་བ་ན་གནས་པ་མཐོང་བའི་ཡུལ་ཅན་ཡིན་པའི་ཕྱིར། དེ་ཉིད་འདི་ཡིན་ནོ། །ཞེས་བྱ་བ་དེ་ལ་ཡང་ཕ་ཡིན་པར་རྟོགས་པ། འདི་ལ་ཡང་ཡིན་ནོ་ཞེས་བྱ་བའི་དོན་ཏོ། །ཡང་ན་དེ་ཉིད་འདི་ཡིན་ནོ་ཞེས་བྱ་བ་ནི་དེ་དང་འདྲ་བ་ཡིན་ནོ་ཞེས་བྱ་བའི་དོན་ཏོ།། ་འདྲ་བ་ཉིད་ཀྱི་རྒྱུ་མཚན་ལས་དེ་ཉིད་འདི་ཡིན་ནོ་ཞེས་བྱ་བར་འགྱུར་པ་ཡིན་ནམ། བ་ལང་དང་འདྲ་བ་ནི་བ་མེན་ནོ་ཞེས་བྱ་བ་ལྟ་བུའོ། །བདེན་ཏེ། དེ་ཉིད་འདི་ཡིན་ནོ་ཞེས་བྱ་བ་བླུན་པོ་རྣམས་ལ་ནི་འདྲ་བ་ཉིད་ལ་དེ་ལྟ་བུའོ་ཞེས་བྱ་བ་འགྱུར་ཏེ། བ་ལང་ལྟ་བུའི་བ་ལང་མ་ཡིན ་ནོ་ཞེས་བྱ་བ་ལྟ་བུའོ། །ཤིན་ཏུ་འདྲ་བ་ཉིད་ལ་དེ་ཉིད་འདི་ཡིན་ནོ་ཞེས་བྱ་བ་ནི་སྐྲ་དང་སེན་མོ་ལ་སོགས་པ་ཡང་བྱེ་བྲག་པ་ཡང་སྐྱེ་བལྟ་བུའོ། །དེ་ལ་བར་ཚིགས་སུ་མགོ་བླུམ་དུ་མཐོང་བ་ནི་གཅིག་པ་ཉིད་ལ་གནོད་པ་ཅན་ཡིན་ལ། འདི་ལ་ཡང་སྔ་མ་དང་ཕྱི་མ་དག་གི ་མཐོང་བ་དག་ལ་མཐར་ཐུག་པར་འཛིན་པ་གནོད་པ་བྱེད་པ་ཡིན་གྱི། མ་ཡིན་ནོ་ཞེས་བྱ་བ་ནི་བྱེད་པ་འཛིན་པ་ཉིད་ཀྱི་རྗེས་སུ་བསྒྲུབ་བྱར་བྱེད་པ་ཡིན་ནོ། །འདྲ་བའི་ཤེས་པ་ཡང་མཐོང་བ་ཙམ་ལ་མེད་པ་ཡིན་ལ། སྦྱངས་པའི་ཟིན་པོ་ལ་ནི་འབྱུང་བ་ཡིན་ནོ། །ཟིན་པོ་དེ་ལ ་དང་གཅིག་པ་ཉིད་དུ་འཛིན་པར་ཅིས་མི་བྱེད་པ་ཡིན། རང་གི་དུས་སུ་འཛིན་པ་ཉིད་ནི་གོམས་ཡོད་པ་ལ་ཡང་མཐོང་བའི་ཆོས་ཡིན་ལ། འདྲ་བ་ཡང་ཡིན་ནོ། །རང་གི་དུས་སུ་དང་འདྲ་བ་ལ་ཞེས་བྱ་བ་མཐོང་བ་ལ་ཇི་ལྟར་ཡིན་ཞེ་ན། དེ་ལྟ་བུ་མེད་ཀྱང། འདྲ་བར་རྟོགས་པ་ལ ་སྔོན་པོ་ལྟ་བུའོ། །དེ་ཁོ་ན་ཉིད་དུ་ནི་དེའི་ཡུལ་མ་ཡིན་པའི་ཕྱིར་བརྒྱད་གོམས་པས་ཀྱང་རྟོགས་པ་མ་ཡིན་ཏེ། མི་མཐུན་པའི་མཚན་ཉིད་དང། མཐུན་པའི་མཚན་ཉིད་དག་གི་གོམས་པ་ཡིན་ཡང་བཟང་པོ་མ་ཡིན་པའི་མཚན་ཉིད་དང་མི་མཐུན་པ་མ་ཡིན་པའི་མཚན ་ཉིད་ཀྱང་འདྲ་བར་བརྗོད་པ་ནི་མ་ཡིན་ནོ། །དེ་ཉེ་བ་ཡིན་ཡང་དེའི་གཅིག་པ་ཉིད་ནི་ཉེ་བ་མ་ཡིན་ལ། དེ་དང་མཚན་ཉིད་མི་མཐུན་པའི་མ་ཡིན་པ་ཉེ་བ་ཡིན་ཡང། དེ་ནི་མ་ཡིན་པའི་ཕྱིར་དེ་དག་འཛིན་པ་མ་ཡིན་ན། མངོན་སུམ་ཇི་ལྟར་རྟོགས་པ་ཡིན། དེ་བཞིན་དུ་མཚན་ཉིད་མི ་མཐུན་པ་ཡང་ངོ། །དངོས་པོ་ཀུན་ལ་ཐ་དད་དང། ཐ་དད་མིན་གཞན་ལྡོག་པ་ཉིད་ནི་རང་གི་ངོ་བོ་ཙམ་རིག་པ་ལས་སོ། །དེས་ན་ཡང་རྗེས་རེ་རེ་ཞིང་ཐ་དད་པའི་ངོ་བོར་དམིགས་པའི་ཕྱིར་འདི་ཡོངས་སུ་ཉམས་པར་འགྱུར་རོ། །དེའི་ཕྱིར་གཟུང་བ་འཛིན་པ་ལས་སྔ་མ་དང་ཕྱི ་མའི་ཡུལ་ཅན་ཡིན་པའི་ཕྱིར་མཐོང་བ་ཀུན་རྫོབ་མ་ཡིན་པ་ནི་རྣམ་པར་རྟག་པ་མ་ཡིན་པར་དགོངས་པའོ། །དེ་ཉིད་ལ་དེའི་ཡིན་ནོ་ཞེས་བྱ་བར་རྟོགས་པར་བྱེད་པ་ཡིན་ཞིང་འདི་ཡིན་ཞེས་བྱ་བ་ཡང་དེ་ཉིད་ཡིན་ནོ། །དེས་ན་ཤེས་པ་གཉིས་དག་གི་ཡུལ་གཅིག་ཉིད་ཡིན ་ན་ཇི་ལྟར་འདྲ་བའི་ཡུལ་ཅན་ཉིད་དམ། མཚན་ཉིད་མི་མཐུན་པའི་ཡུལ་ཅན་ཡིན་ཤེས་པའི་གཅིག་པ་ཉིད་དམ་དུ་མ་ཉིད་ཀྱང་དགོངས་པ་ཅན་མ་ཡིན་ཏེ། རྟོགས་བཞིན་པ་ནི་གཅིག་པ་ཉིད་ལ་ལོག་པར་རྟོགས་པའི་ཕྱིར་དེ་ཡང་བསལ་བ་ཡིན་པ་ནི་འོན་ཏེ་སྔ་མ་དང་ལྷན ་ཅིག་གཅིག་ཏུ་རྟགས་སོ་ཞེས་ཟེར་བ་ལ། ལན་དུ་དེ་ནི་མ་རིགས་ཏེ་ཞེས་བྱ་བ་སྟེ། གཅིག་པ་ཉིད་དུ་རྟོགས་པ་ནི་མངོན་སུམ་དུ་མི་འགྱུར་རོ་ཞེས་བསྟན་པ་ནི། མངོན་སུམ་ལས་སྔོན་རིག་མེད་ན་ཞེས་བྱ་བའོ། །རྣམ་པར་རྟོག་པ་ནི་ཡིན་ཏེ། གོམས་པ་ཡིན་ན་སྔ་མ་སྔ་མ ་བརྫུན་པའི་བག་ཆགས་ཀྱི་དབང་གིས་དོན་གཅིག་བྱེད་པ་ཉིད་ཀྱི་རྒྱུ་མཚན་བྱས་ནས། ཡི་གེ་ག་ལ་སོགས་པ་རྣམས་ལ་གོའི་སྒྲར་ཤེས་པ་ལྟ་བུའོ། །དེ་ལ་ཡང་ཡི་གེ་ག་ལ་སོགས་པ་ལས་ལྡོག་པར་དམིགས་པ་ཉིད་ནི་གནོད་པ་ཅན་ཡིན་ལ། དེ་ནི་འདི་ལ་ཡང ་བྱེ་བྲག་མེད་པར་ཡིན་པ་ཅན་བསྟན་པ་ནི། དེས་ན་སྔ་མ་སྔ་མ་ཡི། །རྟོག་ལས་ཀུན་རྫོབ་པ་ཞེས་བྱ་བ་སྟེ། རྣམ་པར་རྟོག་པ་ནི་གཅིག་པར་རུང་བ་ཉིད་མ་ཡིན་ཏེ། གཅིག་པ་ནི་དངོས་པོའི་ཆོས་ཡིན་པའི་ཕྱིར་ལ། དེ་ཡང་བདག་ཉིད་ཐམས་ཅད་ཀྱིས་མངོན་པར་རུང་བའི་ཕྱིར་ཞེས ་བྱ་བའི་དོན་ཏོ། །འདི་སྐད་བསྟན་པར་འགྱུར་ཏེ། སྔོན་པོ་མཐོང་བའི་འོག་ཏུ་སྔོན་པོ་ཞེས་པའི་རྣམ་རྟོག་ནི་བཟུང་བ་ཙམ་ལ་འཛིན་པ་ཡིན་ལ། བུམ་པའོ་ཞེས་བྱ་བ་ཡང་བརྡའི་བག་ཆགས་ལ་བརྟེན་ནས་མཐོང་བ་ཉིད་ཀྱི་གཟུགས་ལ་སོགས་པ་ཚོགས་པ་ལ་རྣམ་པར་རྟོག་པར་བྱེད ་པ་ཡིན་ཏེ། ཕ་ལ་སོགས་པར་ཡང་གོམས་པ་ལ་དེ་ཉིད་དུ་མཐོང་བ་ཉིད་ཡིན་པར་ནི། གཟུང་བ་འཛིན་པའི་ཕྱིར་ཞེས་ཞེས་བྱ་བ་ལ་སོགས་པས་བསྟན་ཏོ། །སྔ་མ་སྔ་མའི་བག་ཆགས་ཙམ་ལས་འབྱུང་བའི་རྣམ་པར་རྟོག་པ་གོ་བར་བྱེད་པ་ཉིད་ཀྱི་དགོངས་པས་གསུངས ་པ་ནི། ཀུན་རྫོབ་ནི་ཞེས་བྱ་བ་ལ་སོགས་པའོ། །རྣམ་པར་བརྟོག་པ་ཁ་ཅིག་ནི་ཚད་མ་མ་ཡིན་ཏེ། གང་གི་ཕྱིར་གཟུང་བ་ལ་འཛིན་པ་སྟེ། ཀུན་རྫོབ་བ་ཞེས་བྱ་བའི་དོན་ཏོ། །གཞན་ཡང་ནི་མ་ཡིན་ནོ། །ཡང་ན་མངོན་སུམ་ནི་མཐོང་བ་ཙམ་ལས་ཚད་མ་མ་ཡིན་ཏེ། མཐོང ་བ་རྣམ་པ་ཐམས་ཅད་ཡུལ་ཡིན་པ་ཉིད་ཀྱི་བྱེ་བྲག་མེད་པའི་ཕྱིར་རོ། །ཁྱད་པར་ཅན་གྱི་རྣམ་པར་ངེས་པ་ནི་ཡུལ་ཉིད་ཡིན་ནོ། །ངེས་པ་ཡང་ཆོས་དང་རྟགས་དང་འབྲེལ་པ་ལ་སོགས་པ་རྣམས་ཀྱི་མངོན་སུམ་མ་ཡིན་པ་ཉིད་ཀྱིས་རྗེས་སུ་དཔག་པ་ལས་ཡིན་ནོ། ། ་མངོན་སུམ་ནི་ཐ་དད་པ་མ་ཡིན་པར་ངེས་པ་མེད་ཀྱང་སོ་སོར་སྣང་བཞིན་པའི་དོན་ལ་ངེས་པ་བསྐྱེད་པར་བྱེད་པའི་ཕྱིར་ཚད་མ་ཡིན་ནོ། །འདི་མཐོང་ངོ་ཞེས་བྱ་བ་ནི་མངོན་སུམ་གྱི་བྱ་བ་མཐོང་བའི་རྗེས་སུ་འབྲངས་པས་ཉེ་བར་རྟོག་པའི་བྱ་བ་བཏང་ནས་རྣམ་པར་རྟོག་པ་སྐྱེ་བ ་ནི། འདི་ནི་སྔོན་པོ་ཡིན་གྱི་སེར་པོ་ནི་མ་ཡིན་ནོ་ཞེས་ལྡོག་པ་གཅིག་གསལ་པོར་བྱེད་ཀྱི་གཞན་ནི་མ་ཡིན་ཏེ། ངེས་པ་མེད་པའི་ཕྱིར་རོ། །མངོན་སུམ་ནི་དེ་བསྐྱེད་པར་བྱེད་པ་ལས་ཆད་མ་ཡིན་ཏེ། དེ་གསལ་བར་བྱེད་པ་རྣམས་ཀྱི་ཡུལ་དུ་དེ་གནས་པ་ཡིན་ན་ཞེས ་བྱ་བ་ནི་ལྡོག་པ་གཅིག་ལ་ངེས་པའི་མཐར་ཐུག་པ་ཡིན་ལ། འདིའི་ཡང་བྱ་བ་ནི་རྗེས་སུ་དཔག་པ་ཡིན་ནོ། །གཞན་དུ་ན་སྔོན་པོའི་ཡོད་པ་ཉིད་སྐད་ཅིག་མ་ཡིན་པ་ཉིད་ཁོ་ན་ངེས་པའི་ཕྱིར་སྐད་ཅིག་མ་ཉིད་དུ་སྒྲུབ་པར་བྱེད་པར་མི་འགྱུར་ཏེ། འགལ ་བའི་ཕྱིར་རོ། །འགའ་ཞིག་ཀྱང་མ་ཡིན་ཏེ། མ་གྲུབ་པའི་ཕྱིར་དེ་སྐད་ཅིག་མ་ཉིད་དང་བྲལ་བ་ནི་ཚད་མར་ངེས་པ་མ་ལྡོག་པ་གཅིག་ལ་ཐུག་པ་ཅན་ནི་ཚད་མའི་བྱ་བ་ལ་དོན་བྱེད་ནུས་པའི་ཆ་ཡུལ་ལ་འཇུག་པར་བྱེད་པ་ཡིན་གྱི་ཡུལ་གཞན་ལ་ན་མི་ཡིན་ནོ།། ་དེས་ན་ཡུལ་གྱི་ཆ་སྔོན་པོ་ལ་འཇུག་པར་བྱེད་པ་ཡིན་པའི་ཕྱིར་སྐད་ཅིག་མ་མ་ཡིན་པ་ཉིད་དུ་ངེས་པ་ཅན་ཡང་དེའི་ཡུལ་མ་ཡིན་ནོ། །དེས་ན་ཚད་མ་གཞན་གྱིས་གནོད་པར་བྱ་བ་ཡིན་ནོ། །དེ་ལྟར་ན་མངོན་སུམ་དང་འགལ་བ་ཡང་མ་ཡིན་ཏེ། འདིའི་ནུས་པའི ་ཆའི་མཐར་ཐུག་པ་ཡིན་པའི་ཕྱིར་རོ། །མངོན་སུམ་ནི་ཡུལ་ལ་རྣམ་པར་རྟོགས་པའི་གཞན་ཡིན་ལ། བཅོམ་ལྡན་འདས་ཀྱང་མངོན་སུམ་གྱི་བདག་ཉིད་ཡིན་ཏེ། རྣམ་པ་ཐམས་ཅད་ཀྱི་ཡུལ་ལ་མཐོང་བ་ཁོ་ན་བཞིན་དུ་མ་ཡིན་ནོ་སྙམ་དུ་སེམས་པ་ལ། ཤེས ་པ་དེ་དག་གི་བཟུང་དོན་ལ་ཞེས་བྱ་བ་སྨོས་ཏེ། རྣམ་པར་རྟོག་པ་ཉིད་ནི་མཐོང་བའི་གཞན་དབང་ཡིན་གྱི། མཐོང་བས་རྣམ་པར་བཞག་པ་མ་ཡིན་པའི་ཚལ་ནི་དེའི་མིང་ལ་སོགས་པ་དྲན་པ་མེད་ན། དེ་ལ་སྦྱོར་བར་བྱེད་པའི་བདག་ཉིད་རྣམ་པར་རྟོག་པ་མི་འབྱུང ་ངོ། །མ་མཐོང་བ་ནི་སྦྱོར་བར་བྱེད་པ་མ་ཡིན་པའི་ཕྱིར་རྣམ་པ་ཐམས་ཅད་པའི་ཡུལ་མཐོང་བ་ཡིན་ཡང། ཆེས་ཟིན་པ་ནི་རྣམ་པ་གང་དང་གང་ལ་དེའི་མིང་ལ་སོགས་པ་དྲན་པ་ཉིད་ཀྱིས་ངེས་པར་སྐྱེད་པར་བྱེད་པ་ནི་རྣམ་པ་དེ་ལ་ཚད་མ་ཡིན་གྱི། རྣམ་པ ་ཚོགས་པ་རྣམས་ལ་ཚད་མ་གཅིག་ཉིད་མ་ཡིན་ནོ། །གང་གིས་དོན་བྱེད་པའི་ནས་པ་ཅན་ཉིད་དུ་མཐོང་བ་ཡོད་པ་ཡང་སྐད་ཅིག་མ་ཡིན་པ་ཉིད་དུ་ངེས་པ་ཡིན་ལ། ཡོད་པ་ཉིད་དང་སྐད་ཅིག་མ་མ་ཡིན་པ་ཉིད་དུ་ཡང་སོ་སོར་ངེས་པ་ལོ་ན་ཡིན་པའི་ཕྱིར ་ཇི་ལྟར་ཡོད་འབའ་ཞིག་གི་གཏན་ཚིགས་མ་ཡིན་ཞིང་ཇི་ལྟར་འགའ་བ་ཉིད་ཡིན་ཏེ། སྐད་ཅིག་མ་མ་ཡིན་པར་ངེས་པ་ལ་ཚད་མས་གནོད་པའི་ཕྱིར་རོ། །གང་ཆ་ཤས་མཐོང་བ་ལ་མི་ཟིན་པ་དེ་ལ་ངེས་པའི་རྒྱུ་མཚན་རྗེས་སུ་དཔག་པ་ཡིན་ལ། དེ་ལ་རྟགས་མེད་ན་ཚད ་མ་མ་ཡིན་པའི་ཕྱིར་རོ། །རང་ཉིད་དམ་གཞན་ཡང་རུང་བའི་རྗེས་སུ་དཔག་པས་ངེས་པའི་དངོས་པོ་ལ་གོམས་པ་ཕུལ་དུ་བྱུང་བས། རིམ་གྱི་རྣམ་པ་ཐམས་ཅད་པའི་མངོན་སུམ་རྟོག་པ་མེད་པ་ད་ལྟ་བ་བཞིན་དུ་འབྱུང་བར་འགྱུར་རོ། །མཐོང་བའི་བྱ་བ་ནི་ཡན་ལག་མེད ་པའི་ཕྱིར་གཅིག་མིན་ཡང་དུ་མ་ཉིད་དུ་རྣམ་པར་གཞག་པར་བྱ་སྟེ། ངེས་པ་བསྐྱེད་པར་བྱེད་པ་དང་མི་བྱེད་པ་བཞིན་པའོ་ཞེས་བྱ་བའི་དོན་ཏོ། །དེ་ལྟར་ན་དེ་གནས་སྐབས་པའི་ཚད་མ་ཉིད་དང་འགལ་བ་ཉིད་ཀྱིས་རྣམ་པར་རྟོག་པ་ཚད་མས་ཡིན་པར་བསྟན་ནས། དེ ་མེད་ཀྱང་དེ་དང་རྗེས་སུ་མཐུན་པ་མཐོང་བ་ལ་ཡིན་ཏེ། ཚད་མ་ཉིད་མཐོང་བའི་ཕྱིར་རོ་སྙམ་དུ་སེམས་པར་བཟློག་པར་བྱེད་པ་སྨྲ་བ་ནི། གལ་ཏེ་སྔ་མ་དང་ཕྱི་མ་ཞེས་བྱ་བ་ལ་སོགས་པའོ། །མཐོང་བ་ནི་གོམས་པ་མེད་ན་འཇུག་པར་བྱེད་པ་མ་ཡིན་ལ། རྣམ་པར་རྟོགས ་པ་ནི་མཐོང་བ་ལ་སྔ་མ་གཅིག་པ་ཉིད་དུ་འཛིན་པ་ཅན་ནི་འཇུག་པར་བྱེད་པ་མ་ཡིན་ནམ། དེ་ཡང་ཡུལ་དེ་ལ་དེ་བཞིན་དུ་གོམས་པ་ན་མཐོང་བའི་ཡུལ་དུ་གྱུར་པ་ཡིན་ན་གོམས་པས་འཇུག་པར་བྱེད་པ་ཡིན་གྱི། མཐོང་བ་ནི་མ་ཡིན་ཏེ། སྔ་མ་བཞིན་དུ་བྱེ་བྲག་མེད་པའི ་ཕྱིར་རོ། །བརྟག་ཆ་འཛིན་པ་ལས་གཞན་པ་འདིའི་བྱེ་བྲག་ན་འཇུག་པའི་ཡན་ལག་མ་ཡིན་ཏེ། རྣམ་རྟོག་འབའ་ཞིག་ནི་གོམས་པ་མེད་ན་རང་ཉིད་ཁོ་ན་འཇུག་པའི་ཡུལ་རྟོགས་པར་བྱེད་པ་ཡིན་ལ། གོམས་པ་ན་ནི་དེའི་ཡུལ་ཉིད་འཛིན་པར་མོས་པ་མཐོང་བར་སྒྲོ ་འདོགས་པ་ལོག་པའི་ཕྱིར་གཉི་ག་ལ་ཡང་འཇུག་པ་ནི་རྣམ་པར་རྟོག་པའི་ནུས་པ་ཡིན་གྱི། མཐོང་བའི་ནི་མ་ཡིན་ཏེ། བརྟག་བྱ་ཡུལ་མ་ཡིན་པ་ཉིད་ཀྱིས་རྗེས་སུ་འགྲོ་བ་ལ་སོགས་མེད་པའི་ཕྱིར་གོམས་པ་ན་ཡང་ད་ལྟར་བ་ཙམ་འཛིན་པར་བྱེད་པའི་ཕྱིར་མཛའ་ ་བའི་སྔ་མ་དང་གཅིག་ཏུ་ཇི་ལྟར་སྣང་བར་བྱེད་པ་ཡིན། །གོམས་བའི་ཡུལ་ཡིན་པ་ལས་གོམས་བྱ་ཡང་དེ་ཉིད་ཡིན་ལ་གོམས་པ་ནི་སྔ་མའི་ཤེས་པ་དེའི་ཡུལ་མཐོང་བ་ལ་དེ་ཉིད་མཐོང་ཞེས་བྱ་བར་བརྗོད་པ་ཡིན་གྱི། གཞན་ལ་གོམས་པ ་ལས་གཞན་མཐོང་ཞེས་བྱ་བ་ནི་མི་རིགས་སོ། །སྔར་མཐོང་བ་ལོག་ན་དེས་མཐོང་བྱ་ཉིད་དམ། དེའི་དུས་ཀྱི་དེ་ཉིད་ལྡོག་པ་ཡིན་གྱི་ད་ལྟར་བའི་ཡུལ་ཇི་ལྟར་ཡིན། ཡང་ན་ཇི་ལྟར་མ་འཁྲུལ་བ་མ་ཡིན། དངོས་པོ་མེད་པ་མ་ཡིན་པ་ལས་རྟོགས་པ་གྲུབ་པའི་ཕྱིར ་དང། གནོད་བ་ཅན་མེད་པའི་ཕྱིར་ཞེས་བྱ་བ་ནི་དངོས་པོ་མེད་པ་མ་ཡིན་པ་ལས་ནི་མ་འཁྲུལ་བ་ཉིད་མ་ཡིན་ལ། མ་འཁྲུལ་བ་ལས་ཀྱང་དེ་མེད་བ་མ་ཡིན་པ་ཡིན་པའི་ཕྱིར་གཅིག་ལ་གཅིག་ཡིན་ལ། ད་ལྟར་གྱི་ཡུལ་མཐོང་བ་དེའི་ཡུལ་ཅན་ཇི་ལྟར་ཡིན། ་དེ་ལ་གོམས་བ་ཡིན་ན་རྣལ་འབྱོར་པའི་ཤེས་པ་བཞིན་དུ་འདས་པ་ལ་སོགས་པའི་ཡུལ་ཉིད་མཐོང་བ་ལ་འགལ་བ་མེད་དོ། །རྣལ་འབྱོར་པའི་ཤེས་བ་ནི་གཞལ་བྱ་དེ་ལ་དེ་བཞིན་དུ་འཛིན་པར་བྱེད་པ་ཡིན་ལ། མཐོང་བ་ཡང་རྣམ་པར་བརྟག་པའི་ཕྱིར་བྱེ ་བྲག་མེད་དོ། །རྣམ་པར་རྟོག་པ་ནི་རྗེས་སུ་དཔག་པ་ཡང་མ་ཡིན་ཏེ། རྟགས་ལས་སྐྱེས་པ་མ་ཡིན་པའི་ཕྱིར་རོ། །དེ་ཉིད་ནི་དེའི་དོན་བྱེད་པའི་བྱེད་པ་པོ་ཉིད་ནི་དེའི་ངོ་བོ་མཐོང་བ་ལས་གྲུབ་པའི་ཕྱིར་གཞལ་བྱ་ཉིད་ཡིན་ནོ། །མ་ཡིན་ཏེ། དེའི་ངོ་བོ་འཛིན ་པ་ཉིད་རྣམ་པར་རྟོགས་པ་ཡིན་པའི་ཕྱིར་དེ་ཡང་གཞལ་བྱ་ཉིད་ཡིན་ན་ཐུག་པ་མེད་པར་འགྱུར་རོ། །དེ་དང་འདྲ་བས་དེ་ཡིན་ནོ་ཞེ་ན། མ་ཡིན་ཏེ། དེ་ཉིད་འཛིན་པ་མ་ཡིན་ན་དེ་དང་འདྲ་བ་ཡང་འཛིན་པ་མ་ཡིན་པའི་ཕྱིར་རོ། །རྟགས་འཛིན་པ་ལ་རྟགས་ལས ་བྱུང་བ་གྲུབ་པ་ཡིན་པ་དང། དང་པོ་ལས་སྐྱེས་པ་མ་ཡིན་པའི་ཕྱིར་མངོན་སུམ་ཡང་མ་ཡིན་ཏེ། དབང་པོ་ནི་སེམས་པ་ཅན་མ་ཡིན་པའི་ཕྱིར་སྔ་མ་དྲན་པ་མ་ཡིན་ལ་སྦྱོར་བར་བྱེད་པ་ཡང་མ་ཡིན་ནོ། །སྐྱེས་བུ་ནི་ཐག་ཉེ་བ་ལ་དེ་བཞིན་དུ་འཛིན་པར་བྱེད་པ་ཡིན ་ཏེ། སེམས་བ་ཅན་ཡིན་པའི་ཕྱིར་ཞེས་བྱ་བ་ནི་བདག་ལས་སྐྱེས་པའི་རྣམ་པར་རྟོག་པ་ཡིན་ནོ། །དེ་ཡང་བདག་ལ་གནས་ཤེས་ནི། །དེ་འདིར་རྟོགས་བྱེད་ཡིན་ཞེས་བྱ། །དྲན་པ་ལ་ཡང་ནུས་ལྡན་ཞིང། །འབྲེལ་པ་སོགས་དང་ལྡན་པའང་ཡིན། །ཞེས་སྨོས་བ་དེ། སྔ་མ་དང ་ཕྱི་མ་མཐོང་བའི་བག་ཆགས་ལས་བྱུང་བའི་ཕྱིར་ཡིན་ནོ། །བདག་ལས་སྐྱེས་བ་ཉིད་དམ་ཡིད་ཉིད་ཀྱང་རུང་ཐམས་ཅད་དུ་ཐལ་བ་མ་ཡིན་ཏེ། རྣལ་འབྱོར་པའི་ཤེས་པ་བཞིན་དུ་འམ་རྗེས་སུ་དཔག་པ་བཞིན་དུ་འཇུག་པར་བྱེད་པ་ཉིད་ཀྱིས་མི་བསླུ་བའི་ཕྱིར་ཡང ་ཁ་ཅིག་ཁོ་ན་ཚད་མ་ཡིན་པའི་ཕྱིར་གཞན་དུ་མཐོང་བ་གཞན་དུ་རྣམ་པར་བརྟག་པར་བྱ་བ་ཡིན་ནོ། །མེད་པའི་རྟོག་པ་ཇི་ལྟ་བུ་ཡིན་ཞེ་ན། མཐོང་བ་སྔ་མ་དང་ཕྱི་མའི་མཐོང་བྱ་ཉིད་གཅིག་པ་ཉིད་དུ་རྟོག་པའི་ཕྱིར་སྐྱོན་མེད་དོ། །གཅིག་པ་ཉིད་དུ་མ་མཐོང་བ་ལ་ཇི་ ་ལྟར་རྟོག་པར་བྱེད་པ་ཡིན། མཐོང་བྱ་མ་ཡིན་པ་ཡང་འབྲས་བུ་ཉིད་བཞིན་དུ་བརྟག་བྱ་ཡིན་པའི་ཕྱིར་མཐོང་བྱ་ཡིན་ནོ། །དེས་ན་དེ་དག་ཙམ་གྱིས་ནི་མཐོང་བའི་ཡུལ་གྱི་ཁྱད་པར་དུ་འགྱུར་བ་ཡིན་གྱི། ཅིག་ཤོས་ནི་མ་ཡིན་ལ། རྣམ་པར་རྟོག་པ་ལ་ཁྱད ་པར་མེད་པ་ཡིན་ནོ། །གོམས་པ་ལ་ནི་འབྲས་བུ་ཉིད་ཁོ་ན་བཞིན་དུ་མཐོང་བའི་ཡུལ་ཡང་བྱེ་བྲག་མ་ཡིན་པ་ཡིན་ནོ། །དེའི་འབྲས་བུ་ཉིད་ནི་ཉེ་བའི་ཕྱིར་སྣང་བ་ཡིན་ནོ་ཞེ་ན། དེའི་བྱེ་བྲག་མ་ཡིན་པ་ཡང་ཉེ་བ་ཡིན་པའི་ཕྱིར་བྱེ་བྲག་མེད་དོ། །དེ་ནི་ཉེ་བ་མ་ཡིན་ནོ་ཞེ་ན། ་དེའི་འབྲས་བུ་ཉིད་ལ་ཡང་མཚུངས་སོ། །འབྲས་བུ་ཉིད་ནི་ཉེ་བ་ཡིན་ནོ། །བྱེ་བྲག་མ་ཡིན་པ་ཡང་དེ་ལྟ་བུ་ཡིན་པའི་ཕྱིར་བྱེ་བྲག་མེད་དོ། །གོམས་པ་ཡིན་ཡང་མཐོང་བས་དེ་འཛིན་པ་མ་ཡིན་ན། དེ་དོན་དུ་གཉེར་བ་པོ་རྣམས་འཇུག་པར་མི་འགྱུར་ཏེ། རྣམ་པར་རྟོག་པ་ཡང་དེ ་འཛིན་པར་བྱེད་པ་མ་ཡིན་པའི་ཕྱིར་རོ། །དེ་ལྟ་ཡིན་ན་དེའི་འཛིན་པ་མ་ཡིན་ཡང་རྗེས་སུ་དཔག་པ་བཞིན་དུ་འཇུག་པར་བྱེད་པར་མི་རིགས་ཏེ། རྗེས་སུ་དཔག་པ་ནི་དེ་ལ་ངེས་པ་ལས་འཇུག་པའི་ཕྱིར་འཛིན་པ་དང། ངེས་པ་པ་དག་ཡུལ་ལ་འཇུག་པའི་ཡན་ལག་ཡིན་ནོ།། ་གོམས་པ་མ་ཡིན་པ་ལ་ནི་དེ་གཉི་ག་ཡང་མེད་པའི་ཕྱིར་འཇུག་པར་མི་འགྱུར་རོ། །དེའི་ཕྱིར་གོམས་པ་ཡིན་ན། མཐོང་བ་དེ་འཛིན་པར་བྱེད་པ་ཡིན་ཏེ། འཇུག་པར་བྱེད་པའི་ཕྱིར་རོ། །རྗེས་སུ་བརྗོད་པ་ཉིད་མ་ཡིན་ཏེ། དེ་ཉིད་ད་ལྟར་མི་འཛིན་པའི་ཕྱིར་རོ། ། ་ད་ལྟར་བའི་ཡོད་པ་ཉིད། སྔ་མའི་བློ་ཡིས་རྟོགས་པ་མིན་སྙམ་དུ་སེམས་པ་ལ། གལ་ཏེ་ཡང་འབྱུང་བར་འགྱུར་བའི་ཞེས་བྱ་བ་སྨོས་ཏེ། སྔོན་མཐོང་བ་ཇི་ལྟ་བ་ཉིད་ད་ལྟར་མཐོང་བ་མ་ཡིན་ལ་དེ་བཞིན་དུ་གོམས་པ་ལ་ཡང། སྔོན་གྱི་ཉིད་ད་ལྟར་བའི་མ་ཡིན་ཏེ། ད་ལྟར་བའི ་ཡུལ་ཉིད་ཡིན་པས་བྱེ་བྲག་མེད་པའི་ཕྱིར་རོ། །གོམས་པ་མཐོང་བའི་ཡུལ་ནི་འབྲས་བུ་ཉིད་དུ་ཡིན་ནོ་ཞེ་ན། མ་ཡིན་ཏེ། འབྲས་བུ་ཉིད་ནི་ཉེ་བ་ཡིན་པའི་ཕྱིར་རོ། །དེ་ལ་ངེས་པའི་ངོ་བོའི་འབྲས་བུ་ནི་གཞན་ལ་བལྟོས་པ་ཡིན་གྱི། འདི་ཉིད་ཀྱི་གཅིག་པ་ཉིད་ནི ་རང?་བཞིན་དུ་མ་ཡིན་ཏེ། ཉི་བ་ཉིད་ནི་གཅིག་པ་ཉིད་དེ་ཉིད་ཀྱི་ངོ་བོ་ཡིན་པའི་ཕྱིར་ཐམས་ཅད་དུ་ཉེ་བ་འཛིན་པར་བྱེད་པར་མཐོང་བའི་ཡུལ་ནི་དེ་ཉིད་མ་ཡིན་ནོ། །གོམས་པ་ལས་བྱུང་བའི་རྣལ་འབྱོར་པའི་ཤེས་པ་ནི་མཐོང་བར་བྱེད་པ་ཡིན་ཡང་ཇི་ལྟར་འདས་པ་འཛིན ་པ་ཡིན། དེ་ཡང་ཉེ་བ་ཉིད་མཐོང་བར་བྱེད་པ་ཡིན་ལ། འདས་པ་ལ་སོགས་པ་དེའི་ཡུལ་ཉིད་ཡིན་པ་ནིའུ་བུ་ཅག་ལ་སོགས་པ་ལ་བལྟོས་ནས་ཡིན་ནོ། །ཞེས་འཆད་པར་འགྱུར་རོ། །འདས་པ་ལ་སོགས་པ་མི་འཛིན་པ་ཡིན་ན་ཇི་ལྟར་འཇུག་པར་བྱེད། ཇི་ལྟར ་འདས་པ་དང་ད་ལྟར་བ་ལ་ཡང་འཇུག་པ་མ་ཡིན་ནམ། ཕྲད་བར་འདོད་པ་པོ་ནི་ད་ལྟར་བ་ལ་དེ་དང་གཅིག་པ་ཉིད་དུ་ཤེས་པ་ཡིན་ན་འཇུག་པ་ཡིན་ནོ་ཞེ་ན། མ་ཡིན་ཏེ། ཕྲད་བ་ནི་རྟོགས་པའི་ངོ་བོ་ཉིད་ཡིན་པའི་ཕྱིར་ལ། དེ་ནི་གྲུབ་ཟིན་པའི་ཕྱིར་དོན་དུ་གཉེར ་བ་མ་ཡིན་ནོ། །འབྱུང་བར་འགྱུར་བ་རྟོགས་པའི་དོན་དུ་འཇུག་པ་ཡིན་ནོ་ཞེ་ན། དེ་ལྟ་ཡིན་པ་ནི་བདེན་ན། དེ་ད་ལྟ་ནི་མེད་པ་ཡིན་ན། ཇི་ལྟར་མཐོང་བས་འཛིན་པར་བྱེད། སྔོན་མཐོང་བ་དེའི་ངོ་བོ་མཐོང་བ་ལས་འདིར་རྗེས་སུ་རྟོགས་པར་བྱེད་པ་ཡིན་ནོ་ཞེ་ན། ་མི་རིགས་ཏེ། དེའི་ངོ་བོ་འཛིན་པ་ན་དེ་རྟོགས་པར་མ་མཐོང་བའི་ཕྱིར་རོ། །དེ་ནི་འབྱུང་བར་འགྱུར་བ་དེ་ལ་ཡིན་ནོ་ཞེ་ན། དེ་དེ་ལྟར་ཡིན་ན། གོམས་པ་ཡོད་པའི་མཐོང་བའམ། གཞན་གྱིས་ཀྱང་རྟོགས་པ་ཇི་ལྟར་འཇུག་པའི་ཡུལ་ཡིན། འདི་སྐད་བསྟན་པར་འགྱུར་ཏེ། དེ ་ལྟར་བ་མཐོང་བ་ནི་སྔོན་མཐོང་བ་མ་ཡིན་ཏེ། ཐེ་ཚོམ་ཡིན་པའི་ཕྱིར་ལ། གཉིས་པ་ལ་ཡང་གོམས་པ་མེད་པ་ཡིན་ན། དེ་ཉིད་ཡིན་པའི་རྣམ་པར་རྟོག་པས་འཇུག་པར་བྱེད་པར་མི་འགྱུར་ཏེ། ཐོབ་ཟིན་པ་ཉིད་ཀྱི་ཕྱིར་རོ། །ཐོབ་པ་ནི་རྟོགས་པའི་ངོ་བོ ་ཡིན་པའི་ཕྱིར་དེ་ནི་འབྱུང་བར་འགྱུར་བ་ཉིད་ཀྱི་རྣམ་པར་རྟོག་པས་འཇུག་པ་མ་ཡིན་ཏེ། འབྱུང་བར་འགྱུར་བ་ཉིད་ལ་ཡང་ཐོབ་པ་ཉིད་དོན་དུ་གཉེར་བ་མ་ཡིན་པའི་ཕྱིར་རོ། །དོན་བྱེད་པ་ཡང་དེ་ཉིད་དཔག་པ་ཡིན་ན། ཇི་ལྟར་འཇུག་པའི་ཡུལ་ཡིན། དོན་བྱེད་པ་ནི་གཞན་དེ ་དང་འདྲ་བ་ཡིན་ལ། དེས་ན་དོན་དུ་གཉེར་བ་པོའི་དེའི་ངོ་བོ་ལས་ཡང་སྔ་མ་ལས་གཞན་པ་ཉིད་ཡིན་ནོ་ཞེ་ན། ད་ལྟར་ནི་གཅིག་པ་ཉིད་ཀྱི་གཏམ་ཙམ་ཡང་མེད་པར་སོང་ཡང་ཁོ་བོ་ཅག་གི་ངོ་བོ་དེ་ཉིད་དོན་བྱེད་པ་ཡིན་པར་སྨྲའོ། །མ་གོམས་པ་ལ་རྣམ་པར་རྟོག ་པས་དེ་ཉིད་མི་འཛིན་པའི་ཕྱིར་འཇུག་པའི་ནུས་པ་མེད་པ་ཡིན་ན། གོམས་པ་ལ་ཡང་མཐོང་བས་ནུས་བར་སྒྲོ་བཏགས་ཀྱང་འཇུག་པར་བྱེད་པ་ཉིད་ག་ལ་ཡིན། མཐོང་བ་ནི་དོན་བྱེད་པར་ཡང་དེའི་ཚེ་མི་རིགས་པ་ཡིན་ལ། རྗེས་སུ་དཔག་པ་ཡང་དེ་རིག ་པར་བྱ་བ་མ་ཡིན་པའི་ཕྱིར་དེ་དོན་དུ་གཉེར་བ་པོ་རྣམས་ཇི་ལྟར་འཇུག་པ་ཡིན། དེ་དང་འབྲེལ་བ་ཅན་ཉིད་ཤེས་པ་ལས་ཡིན་ནོ་ཞེ་ན། མཐོང་བ་ནི་དེ་དང་འབྲེལ་བ་ཅན་ཉིད་རིག་པ་མ་ཡིན་ནོ། །གོམས་པ་ཡིན་ན་རྗེས་སུ་དཔག་པ་ཡིན་ནོ་ཞེ་ན། དེ་ཉིད་མེད་ལ་དེ ་ཉིད་ཀྱི་རྟོགས་པ་ཡིན་པར་འགྱུར་རོ། །མ་གོམས་པའི་དུས་སུ་དེ་ཡོད་པར་འགྱུར་བ་ཡིན་ནོ་ཞེ་ན། དེ་ལྟ་ཡིན་ན། ཤི་ཟིན་པའི་ཁྱིམ་བྱ་ཡང་སྒྲ་སྒྲོགས་པར་འགྱུར་རོ། །གང་གི་ཚེ་དེ་ཡོད་པ་དེའི་ཚེ་དེ་རིག་པ་ཡིན་གྱི་གཞན་གྱི་ཚེ་ཇི་ལྟར་ཡིན། དེས་འཕགས ་པའི་སྦྱངས་པས་མཐོང་བ་ནི་དེ་རིག་པ་ཡིན་ནོ་ཞེ་ན། མ་ཡིན་ཏེ། ཡུལ་མ་ཡིན་པ་ལ་མི་འཇུག་པའི་ཕྱིར་རོ། །གཞན་དུ་ན་གོམས་པ་ལ་དུ་བ་ལས་ཐག་རིང་བའི་མེ་ནི་རྗེས་སུ་དཔག་པས་རྟོགས་པ་ཡིན་ཏེ། གོམས་པ་ལ་ནི་མངོན་སུམ་གྱིས ་ཡིན་ནོ། །འདི་ཉིད་ནི་དེ་དང་འབྲེལ་བ་ཅན་ཉིད་ཉེ་བ་ཡིན་པའི་ཕྱིར་རྗེས་སུ་དཔག་པ་ལ་ཡང་མཚུངས་པ་ཡིན་པར་བརྗོད་དོ། །དུ་བའི་ངོ་བོ་ནི་མེའི་བསྐྱེད་བྱ་ཡིན་གྱི་གོམས་པ་ལ་ནི་མཐོང་བས་ངེས་པ་ཡིན་ཡང་མེའི་ངོ་བོ་ནི་མ་ཡིན་ནོ། །དེ་བཞིན་དུ་འདི་ལ་ཡང ་དོན་བྱེད་པས་བསྐྱེད་བྱ་འམ་སྐྱེད་བྱེད་ཀྱི་ངོ་བོ་མཐོང་བ་ཉིད་ཁོ་ན་ལས་གོམས་པ་ཡིན་ན། དོན་བྱེད་པར་ངེས་པ་མ་ཡིན་པ་ལ་སྐྱོན་མེད་དོ། །རྟོག་པ་མེད་ན་ཇི་ལྟར་ངེས་པ་ཡིན། མ་ཡིན་ཏེ། དེས་པའི་སྒྲས་ནི་ཡོངས་སུ་གསལ་བར་མཐོང་བར་རྗོད་པར་བྱེད ་པའི་ཕྱིར་རོ། །རྗེས་སུ་དཔག་པས་ནི་དོན་བྱེད་པའི་རང་གི་ངོ་བོ་ཉིད་ངེས་པ་ཡིན་ལ། མཐོང་བས་ནི་དེའི་བསྐྱེད་བྱ་དང་བྱེད་སྐྱེད་བྱེད་ཀྱང་ཡིན་ནོ་ཞེས་བྱ་བའི་ཁྱད་པར་རོ། །རང་གི་ངོ་བོ་ངེས་པ་ལས་རྗེས་དཔག་འཇུག་པར་བྱེད་པ་ཡིན་ལ། རང་གི་ངོ་བོ་དང ་འབྲེལ་བར་ངེས་པ་ལས་ནི་མཐོང་བ་ཡིན་ནོ་ཞེས་བྱ་བའི་དོན་ཏོ། །རྗེས་སུ་དཔག་པ་ལ་ནི་རང་གི་ངོ་བོ་འཛིན་པ་མེད་དོ། །རང་གི་ངོ་བོ་ལ་ངེས་པ་ནི་ཡོད་དོ་ཞེ་ན། འདི་ལ་ཡང་རང་གི་ངོ་བོ་དང་འབྲེལ་བར་ངེས་པ་ཡོད་པའི་ཕྱིར་འཇུག་པར་བྱེད་པ་ཉིད་ཉམ ་པ་མ་ཡིན་ནོ། །རྣམ་པར་རྟོག་པ་མེད་ཀྱང་ཞེས་བྱ་བ་ནི་རྣམ་པར་རྟོག་པའི་བག་ཆགས་མེད་པར་ཡང་ཞེས་བྱ་བའི་དོན་ཏོ། །ཅི་ལས་ཤེས་ཤེ་ན། གོམས་པ་མེད་པ་གང་ཡིན་པ་དེར་ཞེས་བྱ་བ་སྨོས་སོ། །རྗེས་སུ་དཔག་པ་ནི་རྣམ་པར་རྟོག་པ་ཁོ་ན་མ ་ཡིན་ནམ། དེའི་ཕྱིར་དེའི་རྗེས་སུ་དཔག་པ་ཉིད་ཅེས་བྱ་བ་ཇི་ལྟར་ལན་ཡིན། འདི་སྐད་བསྟན་པར་འགྱུར་ཏེ། དེ་ཉིད་འཛིན་པའི་རྣམ་པར་རྟོག་པ་ཡིན་གྱི། དེ་ཉིད་ཡོད་པ་ནི་མ་ཡིན་ལ་འཇུག་པར་བྱེད་པ་ཡང་མ་ཡིན་ཏེ། ཡུལ་ཐོབ་པའི་ཕྱིར་རོ། །དེ་ཡང། ་གཟུང་པ་ལ་འཛིན་པའི་ཕྱིར་ཞེས་བསྟན་པ་ཡིན་ནོ། །དེས་ན་དེའི་ནུས་པས་མཐོང་བ་སྤང་བ་ནི་མ་ཡིན་ཏེ། དེས་ན་གོམས་པ་ལ་ཡང་རྣམ་པར་རྟོག་པ་མི་འཇུག་པར་བྱེད་པ་མ་ཡིན་པའི་ཕྱིར་རྣམ་པར་རྟག་པ་ནི་ནུས་པ་ཅན་མ་ཡིན་ནོ། །མ་གོམས་པ་ལ་ནི་རྗེས་སུ་དཔག་པ་ལས ་བལྟོས་ནས་གཞན་དུ་ཡང་དེ་ཉིད་ཡིན་ཞེས་བྱ་བར་མི་རིགས་ཏེ། མཐོང་བ་དང་རྗེས་སུ་དཔག་པ་དག་གི་ཡུལ་ནི་ཐ་དད་པ་ཡིན་པའི་ཕྱིར་བློ་ཉིད་འཇུག་པར་བྱེད་པའི་ཕྱིར་ཚད་མ་ཡིན་ནོ། །མི་བསླུ་བ་ཅན་ཉིད་ཚད་མ་ཉིད་དུ་བསྟན་པ་ཡིན་ནམ། དེ་ཡང་རྣམ་པར་རྟོག ་པའི་ནི་མ་ཡིན་ཏེ། ཕྲད་པ་དང་ཕྲད་པར་བྱེད་པ་ཡིན་པའི་ཕྱིར་རོ། །སྔ་མ་དང་ཕྱི་མའི་མཐོང་བས་ཡུལ་དུ་བྱས་པ་ནི་དེ་དག་ཉིད་ཕྲད་པར་བྱེད་པ་ཡིན་ལ། དེ་དག་གི་གཅིག་པ་ཉིད་ནི་རྣམ་པར་རྟོག་པས་ཡིན་ནོ། །བློའི་ནི་མ་ཐོབ་པའི་དོན་བྱེད་པའི་ངོ་བོ་ཐོབ་པར་བྱེད ་པའི་ཕྱིར་ཚད་མ་ཉིད་ཡིན་པར་བསྟན་པར་བྱ་བ་ཡིན་ན། འཇུག་ལ་དེ་གཙོ་ཡིན་ཕྱིར་དང་ཞེས་ཅིའི་ཕྱིར་བསྟན། འཇུག་པར་བྱེད་པ་ཉིད་ནི་གནས་སྐབས་མ་ཡིན་ཏེ། དེ་འགེགས་པར་བྱེད་པ་ལ་ཡང་དེ་ཉིད་རབ་ཏུ་བསྒྲུབ་པར་བྱ་བ་ཡིན་ནོ། །བདེན་ཏེ། མི་བསླུ་བ་ཅན ་ཉིད་དེ་ཁོ་ན་འཇུག་པར་བྱེད་པ་ཡིན་ན་ནི་འགྱུར་གྱི། རྣམ་པར་རྟོག་པ་ལ་ནི་དེ་མེད་པ་ཡིན་ཏེ། ཕྲད་པ་དང་ཕྲད་པར་བྱེད་པ་ཡིན་པའི་ཕྱིར་ཞེས་བྱ་བའི་བསམ་པས་སྐྱོན་མེད་དོ། །དེ་བསྟན་པ་ནི། དེ་ལྟར་ན་རེ་ཞིག་ཅེས་བྱ་བའོ། །དེ་ཉིད་དམ་མི་བསླུ་བའི་རྒྱུ་མཚན ་འཇུག་པར་བྱེད་པ་ཉིད་ནི་རྟོག་པའི་ངོ་བོའི་འབྲས་བུའི་ཡུལ་གྱི་རྣམ་པར་དབྱེ་བས། གོ་བར་བྱེད་པའི་དོན་དུ་ཡུལ་གྱི་རྣམ་པའི་དབྱེ་བས་ཤེས་པ་གསུངས་པ་ཡིན་ནོ་ཞེས་ཁ་ཅིག་ཟེར་བ་ནི་དམ་པ་མ་ཡིན་ཏེ། རེ་ཤིག་གཅིག་ནི་རྣམ་པར་རྟོག་པ་ལས་བློ ་མཚན་ཉིད་ནི་མི་མཐུན་པ་ཉིད་ནི་ཐ་སྙད་པ་ཡིན་པར་བསྟན་ནས། ད་ནི་མཚན་ཉིད་མི་མཐུན་པ་གཞན་རྟོགས་པ་ཐ་དད་པའི་བློ་ཉིད་ཀྱིས་ཀྱང་རྣམ་པར་རྟོགས་པ་ལས་ནི་མ་ཡིན་ནོ། །འདི་དག་ཙམ་དུ་བསམས་པ་ཡིན་ཏེ། དེ་ཡང་འཇུག་པར་བྱེད་པ་ཉིད་ཀྱི་རྒྱུ་མཚན ་ནམ་།ཅིག་ཤོས་ཀྱང་ཞེས་བྱ་བ་ནི་འདིར་སྐབས་མ་ཡིན་ནོ། །ཡོངས་སུ་བཅད་ནས་འཇུག་བཞིན་པ་ཞེས་བྱ་བ་ལ་སོགས་པ་ལ་ཡང་རྒྱུ་མཚན་ཉིད་རྟོགས་པར་བྱེད་པ་ནི་རྣམ་པར་རྟོག་པ་ལ་སོགས་པ་ལས་མཚན་ཉིད་མི་མཐུན་པ་ཁོ་ན་ཡིན ་པར་བསམས་ཏེ། ཚད་མ་གཞན་དགག་པའི་སྐབས་ཉིད་ཡིན་པའི་ཕྱིར་ཞེས་བྱ་བའི་དགོངས་བས། ད་ནི་རྟོགས་པའི་འབྲས་བུ་ཞེས་བྱ་བ་སྨོས་སོ། །གལ་ཏེ་རྣམ་པར་རྟོག་པ་ནི་སྣང་བཞིན་པའི་དོན་ལ་སྔ་མ་ཉིད་འཛིན་པར་བྱེད་པ་ལས་འཇུག་པ་མ ་ཡིན་པའི་ཕྱིར་ཚད་མ་ཉིད་མ་ཡིན་ནོ། །བློ་ནི་འཇུག་པར་བྱེད་པ་ཉིད་ཀྱི་ཚད་མ་ཉིད་ཡིན་པའི་ཕྱིར་རྣམ་པར་རྟོག་པ་ལས་མཚན་ཉིད་མི་མཐུན་པ་ཉིད་ཡིན་ན། གང་གི་ཚེ་འཇུག་པར་མི་བྱེད་པ་དེའི་ཚེ་ཚད་མར་མི་འགྱུར་རོ་སྙམ་དུ་སེམས་པས། མཚན ་ཉིད་མི་མཐུན་པ་ཉིད་གཞན་རྟོགས་པར་བྱེད་པ་ཡང་ཡུལ་གྱི་རྣམ་པ་ཞེས་བྱ་བ་ལ་སོགས་པ་ལ་འཇུག་པར་བྱ་བར་བསྟན་པ་ནི། འཇུག་པར་བྱེད་པ་ལས་ནི་ཚད་མ་མ་ཡིན་གྱི། ཞེས་བྱ་བ་ལ་སོགས་པའོ། །གལ་ཏེ་ཤེས་པ་ལ་ཡུལ་གྱི་རྣམ་པ་ཡིན ་ན་དེ་ཡང་ཡུལ་བཞིན་དུ་རྟོགས་པ་མ་ཡིན་པའི་ངོ་བོར་འགྱུར་རོ་ཞེས་བྱ་བ་ནི་གླིན་ཆེན་གྱི་གཏམ་རྒྱུད་ལྟ་བུ་འགེགས་པར་བྱེད་པ་བསྟན་པ་ནི། འདིའི་ཡུལ་གྱི་རྣམ་པ་ལྟ་བུ་ཞེས་བྱ་བའོ། །འབྲེལ་བ་གང་གིས་མིག་ལ་སོགས་པའི་ཚོགས་པས་བསྐྱེད ་པར་བྱ་བའི་ཤེས་པ་ནི་ཡུལ་ཉིད་ཀྱི་རྗེས་སུ་བྱེད་པ་མ་ཡིན་ནམ། མིག་ལ་སོགས་པའི་ནི་མ་ཡིན་ནོ། །བུ་ནི་ཟ་བ་པོར་ནས་ཕ་མ་དག་གི་རྗེས་སུ་བྱེད་པ་ལྟ་བུའོ། །དེས་ནི་ཡུལ་ཉིད་འཛིན་བར་བྱེད་པ་ཡིན་ནོ། །དེ་བཞིན་དུ་དང་པོ་རྣམ་པར་རིག་པ་མ ་ཡིན་ལ། དེ་ནས་ཡུལ་རིག་པར་བྱེད་པ་འམ་རྣམ་པར་རིག་པར་བྱེད་པ་ཉིད་ཀྱང་རུང་།དེ་རིག་པར་བྱེད་པ་ཡིན་པའི་ཕྱིར་གཅིག་ནས་གཅིག་ཏུ་བརྒྱུད་པས་དུབ་པ་དང་ཉེ་བར་བཏགས་པ་ཡང་སྤངས་པ་ཡིན་ཏེ། བརྒྱུད་པ་འམ་ཉེ་བར་བཏགས་པ་ནན་གྱིས་སྒྲོ་འདོགས ་པ་དགའ་ཡང་མེད་དེ། དེ་ལྟ་མོད་ཀྱི་དངོས་པོའི་ཉམས་སུ་མྱོང་བ་ལ་དཔྱོད་པར་བྱེད་པ་ཡིན་ནོ། །སྔོན་པོ་ནི་བདེ་བ་བཞིན་དུ་རང་རིག་པར་བྱེད་པས་རྟོགས་པ་ཡིན་གྱི་གཞན་གྱི་ནི་མ་ཡིན་ཏེ། མི་དམིགས་པའི་ཕྱིར་རོ། །དེས་ན་དེའི་ཤུགས་ལས་དེ་ཉིད་ཡུལ་རིག་པར་བྱེད ་པ་ཁོ་བོ་ཅག་སྨྲའོ། །ཡུལ་དང་འདྲ་བ་ཉིད་ཅེས་བྱ་བ་ཇི་ལྟར་ཡིན། འདྲ་བའི་ཕྱིར་རྣམ་པར་ཤེས་པའི་ཡུལ་ལ་འཛིན་པར་བྱེད་པ་མ་ཡིན་ཏེ། ཐལ་ཆེས་པའི་ཕྱིར་རོ། །གཟུགས་ཀྱི་ཤེས་པ་ནི་རེག་བྱ་ལ་ཚད་མར་མི་འགྱུར་ཏེ། མི་འདྲ་བའི་ཕྱིར་རོ། །དེའི་ཕྱིར་དོན་ནི ་འདི་ཡིན་ཏེ། གཟུགས་ཀྱི་ཤེས་པ་ནི་ཕྲད་བྱ་ཡུལ་གཟུགས་སམ་རེག་བྱ་ལས་འབྱུང་བས་སྔོན་པོའོ། །ཞེས་བྱ་བ་འམ་མེའོ་ཞེས་བྱ་བར་དེ་ཉིད་ཡིན་པར་སྒྲོ་འདོགས་པར་བྱེད་པ་ཡིན་ནོ། །དེས་བསྐྱེད་པར་བྱ་བ་ཡིན་པའི་ཕྱིར་ནག་པའི་བུ་ལ་དེར་ཤེས་པ ་ལྟ་བུ་དང། བྲེགས་པ་ལས་སྐྱེས་པའི་སྐྲ་ལ་སོགས་པ་བཞིན་དུ་འདྲ་བ་ཉིད་ལ་དེ་ཉིད་ཡིན་པར་བསམས་པའི་ཕྱིར་སྐྱོན་མེད་དོ། །དེའི་ཕྱིར་གང་གི་ཡུལ་གྱི་རྣམ་པ་ཡིན་པ་དེ་ནི་ཡུལ་གྱི་རྣམ་པ་ཡིན་ཞེས་བསྟན་པ་ཡིན་ནོ་ཞེས་བསྟན་པ་ཡིན་ནོ། །ཡུལ་གྱི ་རྣམ་པ་དང་འདྲ་བའི་རྣམ་པ་གང་གི་ཡིན་པ་དེ་ནི་ཡུལ་གྱི་རྣམ་པ་ཡིན་ཏེ། ཡུལ་གྱི་བསྐྱེད་པར་བྱ་བ་ཉིད་ཡིན་པ་ནི་དེ་བཞིན་དུ་སྒྲོ་འདོགས་པའི་རྒྱུ་མཚན་ཡིན་ཞེས་བྱ་བའི་དོན་ཏོ། །ཤེས་པ་ནི་གལ་ཏེ་བདག་ཉིད་ལ་གནས་པའི་ཡུལ་གྱི་རྣམ་པས ་ཡུལ་རིག་བར་བྱེད་པ་ཡིན་ན། ཡུལ་གྱི་རྣམ་པ་ཇི་ལྟར་རིག་པ་ཡིན། གཟུང་བྱའི་རྣམ་པ་ཅན་ནི་འཛིན་པར་བྱེད་པ་མ་ཡིན་ལ། རྣམ་པ་གཞན་དུ་རྟོག་པ་ཡིན་ན་ཐུག་པ་མེད་དོ་སྙམ་དུ་སེམས་པ་ལ། དེ་ཐ་དད་པ་ནི་ཡུལ་གྱི་རྣམ་པ་ཐ་དད་ཞེས ་བྱ་བ་སྨོས་ཏེ། བདག་ཉིད་ཀྱི་རྣམ་པ་ཁོ་ནས་ཡིན་གྱི་རྣམ་པ་གཞན་ལ་བལྟོས་པ་ནི་མ་ཡིན་ནོ་ཞེས་བྱ་བའི་དོན་ཏོ། །ཡང་ན་གལ་ཏེ་དེས་བསྐྱེད་བྱ་ཉིད་ལ་དེ་ཉིད་དུ་སྒྲོ་འདོགས་པའི་རྒྱུ་མཚན་གྱིས་རང་གི་ངོ་བོས་བསྐྱེད་པར་བྱ་བའི་ཤེས་པ་ནི་མ་ཡིན་ཏེ། ཇི་ལྟར ་དེ་ཉིད་དུ་སྒྲོ་འདོགས་པ་ཡིན་ཞེས་བྱ་བ་དེ་ལ་ཡུལ་ལྟ་བུའི་རྣམ་པ་ཐ་དད་པ་ནི་ཞེས་བྱ་བ་སྨོས་ཏེ། ཡུལ་ལ་མངོན་པར་ཕྱོགས་པ་ཉིད་ནི་རང་གི་ངོ་བོ་ལ་མངོན་པར་ཕྱོགས་པ་ཉིད་ཡིན་ཏེ། རང་གི་ངོ་བོ་རྟོགས་པའི་ཞེས་བྱ་བའི་དོན་ཏོ། །ཡང་ན་གཟུགས་ཀྱི ་ཤེས་པ་ནི་ཕྲད་བྱ་གཟུགས་ལ་ཚད་མ་ཡིན་ཞེས་འདི་ལ་དང་པོ་སྦྱོར་བར་བྱ་ཞིང། རེག་བྱ་ལ་སོགས་པ་ལ་ཚད་མ་ཡིན་ཞེས་བྱ་བ་འདི་ལ་གཉིས་པའོ། །ཡུལ་དང་འདྲ་བ་ཉིད་དམ་ཡུལ་ལ་མངོན་དུ་ཕྱོགས་པ་འམ་ཞེས་མངོན་དུ་ཕྱོགས་པ་དེ་ཉིད་ལ། དེས ་བསྐྱེད་བྱ་ཡིན་པས་དེ་ཉིད་དུ་སྒྲོ་བཏགས་པ་ཡིན་ནོ། །དེ་ཉིད་བསྟན་པ་ནི། ཡུལ་གྱི་རྣམ་པ་དེ་ཡང་ཤེས་པའི་བདག་ཉིད་དུ་གྱུར་པ་ཡིན་ཏེ་ཞེས་བྱ་བ་སྟེ། ཡུལ་གྱི་རྣམ་པ་ནི་ཕྲད་པར་བྱ་བའི་རྣམ་པ་སྟེ། ཕྲད་ཉིད་ཅེས་བྱ་བའི་དོན་ཏོ་བྱ་བ་དང། བྱེད་པ་པོ ་རྟག?་གི་རང་གི་ངོ་བོའི་རྣམ་པ་ཡང་གནས་པའི་ཕྱིར་རྣམ་པར་བཞག་བྱ་དང་རྣམ་པར་འཇོག་བྱེད་ཀྱི་ངོ་བོས་ཚད་མ་དང་འབྲས་བུ་ཉིད་ནི་ཐ་དད་པ་ལ་ཡང་འགལ་བ་མེད་པ་ཡིན་གྱི། འབྲས་བུ་དང་རྒྱུའི་ངོ་བོ་ཉིད་མ་ཡིན་ནོ། །དེས་ན་ཇི་ལྟར་སེང ་ལྡེང་བཅད་པ་ན། པ་ལ་ཤ་ཡི་འཆད་པ་མིན། །དེ་བཞིན་སྟ་རེ་དར་བ་ནི་དབྱ?། །འཇིག་རྟེན་ལ་ནི་གཅིག་པ་མིན། །ཞེས་བྱ་བ་ཡང་སུ?་ན་??་བ་མ་ཡིན་ཏེ། འབྲས་བུ་དང་རྒྱུའི་ངོ་བོ་ཡང་བྱ་བ་དང་འབྲས་བུ་དག་ལས་འབྱེད་པ་མ་ཡིན་ཏེ། །བྱུང་བ་གང་རྣམས ་ཀྱི་བྱ་བ། དེ་ཉིད་བྱེད་པ་པོ་ཉིད་དུ་བརྗོད་ཅེས་བྱ་བ་ནི་འགལ་བ་མེད་དོ། །ཡུལ་མངོན་པར་ཕྱོགས་པ་ཉིད་ཀྱི་ཤེས་པ་ནི་དེའི་རྣམ་པ་མ་ཡིན་ནམ། ཡུལ་གྱིས་ཤེས་པར་བྱ་བའི་ཤེས་པའི་བདག་ཉིད་ནི་དེ་ཉིད་ཀྱི་རིག་པ་ལས་གཞན་པ་དེ་ལས་མངོན་པར ་ཕྱོགས་པ་ཉིད་མ་ཡིན་ཏེ། རིག་བྱའི་དེ་ཉིད་ཚད་མ་ཡིན་ལ། ཡུལ་རིག་པ་ནི་འབྲས་བུ་ཡིན་ཞེས་བྱ་བ་ན་རྣམ་པར་དབྱེ་བའོ། ཡུལ་དང་འབྲེལ་པ་ཅན་ཉིད་མི་བསླུ་བ་ཅན་ཉིད་མ་ཡིན་ནམ། དེ་ཡང་བསྐྱེད་བྱ་ཉིད་དེ་ཉིད་དུ་སྒྲོ་འདོགས་པའི་ཡུལ་ཡིན་པའི ་ཕྱིར་མི་བསླུ་བ་ལས་གཞན་པའི་ཡུལ་གྱི་རྣམ་པ་ཉིད་མ་ཡིན་ནོ། །བདེན་པ་ཡིན་མོད་ཀྱི་དེའི་བསྐྱེད་ཉིད་ནི་བསླུ་བ་ཅན་ཉིད་དང། དེ་ཉིད་དུ་སྒྲོ་བཏགས་པ་ནི་དེའི་རྣམ་པ་ཉིད་ཡིན་ཞེས་བྱ་བ་ནི་བསྡུས་པའོ། །མིག་ལ་སོགས་པ་རྣམས་འབྲས་བུ་བསྐྱེད་པར་བྱེད་པ ་ཉིད་ཡིན་ཐམས་ཅད་ཡུལ་ཡིན་པའི་ཕྱིར་ཐལ་ཆེས་པ་ནི་ཚད་མ་སྐྱེད་པར་བྱེད་པ་པོ་ཉིད་ལ་ཡང་མཚུངས་པ་ཡིན་ནོ་སྙམ་པའི་བསམ་བས་ཟེར་བ་ནི། ཇི་ལྟར་དེ་རྣམ་པར་ཤེས་པ་ལ་བདག་ཉིད་ཅེས་བྱ་བ་སྟེ། ཐམས་ཅད་དུ་སྐྱེད་པར་བྱེད་པ་ཞེས་བྱ་བ་ནི ་དུས་ཐམས་ཅད་དུ་རྨི་ལམ་ལ་སོགས་པ་ལ་དམིགས་པ་ཡོད་པའི་ཕྱིར་འབྲས་བུར་འགྱུར་རོ་ཞེས་བྱ་བ་ནི་ཐལ་ཆེས་པའི་དོན་ཡིན་ཏེ། ཡུལ་ལ་ནི་མ་ཡིན་ནོ། །ཤེས་པ་གཞན་ཡོད་ན་ཐམས་ཅད་དུ་འབྱུང་བ་ཡིན་ཞེས་བྱ་བ་ནི་རྣམ་པའི་བྱེ་བྲག་ཡིན་པར ་བསྟན་པ་ནི། དེ་ཡོད་ན་འདི་ཡོད་པ་ཉིད་ཅེས་བྱ་བའོ། །ཚད་མ་མི་བསླུ་བ་ཅན་ཤེས་པ། ཞེས་བྱ་བ་དོན?་ནི་ཤེས་པ་ཙམ་བྱེ་བྲག་ཏུ་བསྟན་པ་ཡིན་ལ། འདིར་ནི་དེའི་རྣམ་པའི་ཁྱད་པར་ཡིན་ནོ་ཞེས་བྱ་བ་ནི་བྱེ་བྲག་གོ་།རྟོགས་པ་ཙམ་ནི་ཚད་མ་མ་ཡིན་ཞིང་དེ ་སྒྲུབ་པར་བྱེད་པ་ཡང་མ་ཡིན་ཏེ། ཐལ་ཆེས་པའི་ཕྱིར་རོ། །ཕྲད་བྱའི་མཐར་ཐུག་པ་ཡིན་ན་ནི་འགྱུར་ཏེ། བྱེ་བྲག་མཐོང་བ་ནི་ཕྲད་བྱའི་བདག་ཉིད་དམ། དེ་དང་འབྲེལ་པ་ཅན་གྱི་བདག་ཉིད་ཡིན་ཏེ། མི་བསླུ་བ་ཅན་ཡིན་པའི་ཕྱིར་ཐ་དད་པ་མ་ཡིན་ནོ། །གལ ་ཏེ་དེ་ལས་གཞན་པ་ཡིན་ན་ནི་ཚད་མ་མ་ཡིན་པར་ཚད་མ་མི་བསླུ་བ་ཅན་ཞེས་བྱ་བས་བསྟན་པ་ཡིན་ནོ། །ད་ནི་དེ་ཡང་རང་ལས་སམ་གཞན་པས་ཡིན་ཞེས་རྣམ་པར་བསྐྱེད?་པར་བྱ་བ་ཡིན་ཏེ། བསྐྱེད་པ་ལས་བལྟོས་ནས་ཚད་མར་གྱུར་པ་ལ་ཞེས་བྱ་བ་དེར ་རྣམ་པར་དཔྱད་ཟིན་ཏོ། །མི་བསླུ་བ་ཅན་ཉི་ནི་རྟོགས་པ་ཡིན་ན་རང་གི་འབྲས་བུ་བྱེད་པ་ཉིད་ཡིན་ལ། དེའི་ཤེས་པ་ཡང་རང་ཉིད་ལས་མ་གྲུབ་པ་ཡིན་ན་གཞན་ལ་བལྟོས་པ་ཡིན་ནོ་ཞེས་བྱ་བ་ཡང་ཚད་མ་མི་བསླུ་བ་ཅན་ཞེས་བྱ་བ་འདིས་མཚོན་པ་ཉིད་ཡིན་ན། ་ད་ལྟར་ལྷག་པ་ཅི་བྱར་ཡོད། །གང་ལས་རང་དངོས་རང་ལས་རྟོགས་པ་ཅན་ཞེས་བྱ་བ་ལ་སོགས་པས་སེམས་བར་བྱེད་པ་ཡིན། རང་རིག་པའི་ཤེས་པའི་བདག་ཉིད་ནི་ཚད་མ་ཡིན་ལ། དེས་ན་རང་ཉིད་ལས་རིག་པ་ཉིད་ནི་དེ་ཡིན་ནོ་ཞེས་རྟོགས་པ་ཡིན ་ནོ། །རང་གི་ངོ་བོ་ཡིན་ཞེས་བྱ་བ་ནི་མི་རིགས་ཏེ། ཚད་མ་མི་བསླུ་བ་ཅན་ཞེས་བྱ་བ་འདིས་གཞན་ལས་ཚད་མ་ཉིད་དུ་སྒྲུབ་པར་བྱེད་པ་དང་འགལ་བའི་ཕྱིར་རོ། །དེས་ནི་ཚད་མ་ཉིད་ཀྱི་ངོ་བོ་བསྟན་པ་ཡིན་ལ། གཞན་ལས་ཞེས་བྱ་བས་ནི་ཐ་སྙད་ལས་ནི་ཚད་མ ་ཉིད་དེ་དོན་བྱེད་པའི་ངོ་བོས་ངེས་པར་བྱེད་པའོ། །དེ་ལྟ་ན་ཡང་རང་གི་ངོ་བོས་ཞེས་བྱ་བ་ནི། །རང་ལས་ཞེས་བརྗོད་པར་བྱེད་པ། ཉམས་པ་ཡིན་ནོ། །རྟོགས་པ་ལ་བལྟོས་ནས་རང་ཉིད་ཅེས་བརྗོད་པར་བྱེད་པ་ཡིན་ལ། དེས་པ་ལ་བལྟོས་ནས་ཅིག་ཤོས་ཅེས ་བྱ་བ་ལ་ནི་འགལ་བ་མེད་དོ། །དེ་ལྟ་ན་ཡང་གཞན་ལས་ཤེས་བརྗོད་པ་ཉིད་ཀྱིས་རང་གི་ངོ་བོ་རྟོགས་པ་ཡིན་པའི་ཕྱིར་དེའི་དོན་དུ་ཚད་མ་མི་བསླུ་བ་ཅན་ཞེས་བྱ་བ་ཚིག་ལྷག་ཏུ་སོང་ངོ་སྙམ་དུ་སེམས་པ་ལ། རང་ལས་རང་གི་ངོ་བོ་རྟོགས། ཞེས་བྱ་བ་ལ་སོགས ་པས་དོན་གཞན་ཉིད་དོགས་པ་སྔོན་དུ་འགྲོ་བས་སྨྲ་བ་ནི། གལ་ཏེ་ཤེས་པ་འདི་ཐོབ་པར་བྱེད་པ་ཡིན་ནོ་ཞེས་བྱ་བ་ལ་སོགས་པ་ནས། མངོན་སུམ་དང་ནི་རྗེས་དཔག་ལས། གཞན་གྱི་ཚད་མ་ཡོད་མ་ཡིན། ཞེས་བྱ་བའི་བར་གྱིས། ཚད་མ་གཉིས་པོ ་མ་རྟོགས་པ་ལས་ནི་དོན་དམ་པ་པའི་ཚད་མ་ཉིད་ཡིན་ནོ་སྙམ་དུ་སེམས་པ་ལ། ལན་ནི། འདིར་སྨྲས་པ། ཞེས་བྱ་བ་ལ་སོགས་པའོ། །ཇི་ལྟར་མཐོང་བ་ལས་དེ་ཉིད་དུ་རྣམ་པར་གཞག་པའི་ཕྱིར་དེ་ཉིད་དོན་དམ་པ་པ་མ་ཡིན་པ་ཉིད་དུ་ཁས་ལེན་པ་ཡིན་ཏེ། ་ཐ་སྙད་པ་རྣམས་ཀྱི་འདའ་བར་མི་བྱ་བ་ཡིན་པའི་ཕྱིར་རོ། །དེའི་ཕྱིར་མི་བསླུ་བ་ཅན་ནམ། ཅིག་ཤོས་ཀྱི་ཤེས་པ་ཡང་རང་རིག་པ་འབྱུང་བའི་དུས་སུ་ཤེས་པར་བྱེད་པ་མ་ཡིན་པར་བསྟན་པ་ནི། རང་རིག་པའི་མངོན་སུམ་གྱིས་ཞེས་བྱ་བ་ལ་སོགས་པ་ནས་ཐེ ་ཚོམ་དུ་ཡང་མི་འགྱུར་རོ་ཞེས་བྱ་བའི་བར་དུ་སྟེ། དེ་བཞིན་དུ་གནོད་པ་མེད་པ་ཉིད་ཀྱི་མཚན་ཉིད་ཀྱང་རང་ལས་ཡིན་ནོ་སྙམ་པ་སྔོན་དུ་འགྲོ་བས་ཟེར་བ་ནི། འོན་ཏེ། གནོད་པ་མེད་པ་ཉིད་ཅེས་བྱ་བ་ལ་སོགས་པ་ནས། ཚད་མ་གཞན་ནི་ཡོད་མ་ཡིན་ཞེས་བྱ་བའི་བར་གྱིས་སོ། །དོན་གྱིས་གོ? ་བས་ཤེས་པ་དེའི་ཞེས་བྱ་བ་ནི་དོན་ཡོངས་སུ་བཅད་པ་ལ་གཞན་དུ་མི་འཐད་པར་རྟོགས་པའི་ཤེས་པ་ནི་ཚད་མར་གྱུར་པ་ཉིད་དུ་ཤེས་པ་ཡིན་ཞེས་བྱ་བའི་དོན་ཏོ། །ཚད་མ་ཉིད་ཀྱིས་ཤེས་པ་བཞིན་དུ་དངོས་པོ་ཡང་རང་ཉིད་ཁོ་ན་ལས་ཡིན་ནོ་ཞེས་ཟེར་བ་ནི། གཞན་ཡང་རྣམ ་པར་ཤེས་པ་ནི་རྒྱུ་ལས་སྐྱེ་བ་ཡིན་པ་ཞེས་བྱ་བའོ། །རང་ཉིད་ལས་ཞེས་བྱ་བ་ནི་ཤེས་པ་ནི་བདག་ཉིད་ཁོ་ནའི་རྒྱུ་ལས་ཡིན་ནོ་ཞེས་བྱ་བའི་དགོངས་པས། གལ་ཏེ་རང་ལས་ཚད་མ་ཉིད་ཅེས་བྱ་བ་སྨོས་ཏེ། དབང་པོ་ལ་སོགས་པའི་རང་གི་ངོ་བོའི་ཤེས་པ་བཞིན་དུ་ཚད་མ་ཉིད་ལ ་ཡང་བྱ་བ་ཡིན་ནོ། །ཞེས་བྱ་བའི་དོན་ཏོ། །འོན་ཏེ་རྟག་པའི་རང་བཞིན་ཡིན་པས་རང་ཉིད་ལས་ཡིན་གྱིས་རྒྱུ་ལས་ནི་མ་ཡིན་ནོ་ཞེས་བྱ་བའི་བསམ་པས། དེ་ལ་ཡང་སྨྲ་བ་ནི། ཅི་སྟེ་བདག་ཤེས་རང་བཞིན་ཕྱིར། ཞེས་བྱ་བ་ལ་སོགས་པ་ནས། དེ་གཞན་དུ་འགྱུར་ཡོད་མ ་ཡིན་ཞེས་བྱ་བའི་བར་དུ་སྟེ། རྒྱུའི་སྐྱོན་ལ་སོགས་པའི་དབང་གིས་རྟག་པ་གཞན་ཉིད་དུ་འགྱུར་བ་མ་ཡིན་ཞེས་བྱ་བའི་དོན་ཏོ། །སྐྱོན་ལྷན་ཅིག་བྱེད་པ་ཅན་ཡིན་པའི་དབང་པོ་རྗེས་སུ་འགྲོ་བ་དང་སྡོག་པའི་རྗེས་སུ་བྱེད་པའི་རྣམ་པར་འགྱུར་བ་མཚད་མ་ཉིད་མ་ཡིན་པའི་དངོས་པོ ་ཡིན་ལ། དེ་ནི་རྟག་པ་ལ་ཡང་ཡིན་པའི་ཕྱིར་གཞན་དུ་འགྱུར་བའི་ཤེས་པའི་ངོ་བོ་རྟག་པ་ཉིད་ཡིན་ན་ཡང་འགལ་བ་མེད་དོ་ཞེས་ཟེར་བ་ནི། གལ་ཏེ་སྐྱོན་ཅན་རྒྱུ་ཡོད་པས། ཞེས་བྱ་བའོ། །རྗེས་སུ་འགྲོ་བ་དང་ལྡོག་པའི་བྱེ་བྲག་ལས་ཚད་མ་ཉིད་ཀྱང་ཡོན་ཏན་གྱིས་བྱས་པར ་འགྱུར་བར་བསྟན་པ་ནི། ཡོན་ཏན་ལྡན་རྒྱུ་དང་འབྲེལ་ཕྱིར་ཞེས་བྱ་བའོ། །ཡོན་ཏན་རྣམས་ཀྱི་བྱ་བ་ལས་ནི་སྐྱོན་མེད་པ་ཉིད་དང་གཞན་དུ་འགྲུབ་པ་ནི། རྗེས་སུ་འགྲོ་བ་དང་ལྡོག་པ་དག་ཡིན་ནོ་ཞེས་ཟེར་བ་ནི། གལ་ཏེ་ཉེས་པ་མེད་པའི་ཕྱིར་ཞེས་བྱ་བའོ། །སྐྱོན་རྣམས་ཀྱི་བྱ་བ ་ལས་ནི་ཡོན་ཏན་མེད་པ་ཉིད་དང། གཞན་དུ་འགྲུབ་པ་ནི་རྗེས་སུ་འགྲོ་བ་དང་ལྡོག་པ་དག་ཡིན་པར་བསྟན་པ་ནི། ཡོན་ཏན་མེད་ཕྱིར་ཚད་མིན་པར་ཞེས་བྱ་བའོ། །རྟོགས་པའི་ངོ་བོ་ཉིད་ཀྱིས་བདག་ཉིད་ཀྱི་དམིགས་པ་ཡིན་ན་རྟག་པའི་ཕྱིར་གཉིད་ལོག་པ ་ལ་སོགས་པ་ཡང་མི་ལྡོག་པའི་ཕྱིར་རིག་པར་བྱེད་པར་འགྱུར་བར་བསྟེན་པ་ནི། གལ་ཏེ་དེ་རྟོགས་བདག་འདོན་ན་ཞེས་བྱ་བའོ། །གལ་ཏེ་རང་ལ་མི་བསླུ་བ་ཅན་ཉིད་དུ་ཤེས་པ་མ་ཡིན་ལ། ཤེས་པ་གཞན་ལས་ནི་ཤེས་པར་བྱེད་པ་ཉིད་ཡིན་པར་བསྟེན་པ་ནི། གལ་ཏེ ་མི་བསླུ་བའི་ཤེས་པ་དེ་ཞེས་བྱ་བའོ། །སྒྲུབ་པར་བྱེད་པའི་ཤེས་པ་ནི་རང་ཉིད་ཁོ་ན་ལས་ཚད་མ་ཡིན་ཏེ། རྟོགས་པའི་བྱ་བ་རྫོགས་པའི་ཕྱིར་མ་ཡིན་ནམ། དེའི་འོག་གི་ཐེ་ཚོམ་ནི་དེ་དང་འགལ་བ་ཅན་མ་ཡིན་ཏེ། གང་གི་ཕྱིར་རིམ་གྱིས་ངེས་པའི་དོན་འཛིན་པ་ནི་ཐེ ་ཚོམ་ཡིན་ནོ། །འབའ་ཞིག་ནི་དོན་བྱེད་པའི་ཤེས་པ་ལས་ལྡོག་པ་ཡིན་སྙམ་དུ་སེམས་པ་ལ་།སྒྲུབ་པར་བྱེད་པའི་ཤེས་པའི་ཡང་ཞེས་བྱ་བ་སྨོས་ཏེ། འདིའི་ཡུལ་ནི་ཐེ་ཚོམ་ཡིན་ལ་དེའི་ངོ་བོ་དེ་ཉིད་ཡིན་པ་དེའི་ཕྱིར་ཐེ་ཚོམ་དུ་བྱ་བ་ཡིན་པས་ཐེ་ཚོམ ་ཡིན་ཏེ། དོན་ལ་དོན་བྱེད་པ་ཉིད་དུ་ངེས་པར་འཛིན་པ་ཡིན་ན། ངེས་པར་མི་འཛིན་པའི་བདག་ཉིད་ནི་ཐེ་ཚོམ་ཡིན་ལ། ཅུང་ཟད་ཀྱང་རྣམ་པར་འཇོག་པར་བྱེད་པ་མ་ཡིན་ཞེས་བྱ་བའི་དོན་ཏོ། །གནོད་པ་མེད་པའི་དོན་ཞེས་བྱ་བར་ཡང་ཉེ་བར་ཡང་དགོད་པ་ནི་བཙུན་པའི་འདོད ་པའི་དབང་གི་ཡིན་ནོ། །གཞན་སྒྲུབ་པར་བྱེད་པའི་རིག་པ་བཞིན་དུ་དོན་བྱེད་པ་རིག་ཡང་ཡོད་པ་དང་མེད་པ་མཚུངས་པའི་ཕྱིར་མཐོ་ཉིད་བཞིན་དུ་མི་ཉིད་ཡིན་པ་ལ་ཐེ་ཚོམ་ཟ་བ་ངེས་པ་མ་བཟུང་བའི་བདག་ཉིད་ཅན་ཁོ་ན་ཡིན་པར་བསྟན་པ་ནི། ཚད་མ་སྔར་གྲུབ་པ ་མེད་པ་གང་ཞེས་བྱ་བ་སྟེ། ཇི་ལྟར་རྟོགས་པའི་བདག་ཉིད་སྒྲུབ་པར་བྱེད་པའི་ཤེས་པ་ནི་ཡོད་པ་དང་མེད་པར་རམ་བྱེ་བྲག་མེད་པའི་ཕྱིར་ཡུལ་རྣམ་པར་འཇོག་པར་བྱེད་པ་ཅན་མ་ཡིན་པ་དེ་བཞིན་དུ་དོན་བྱེད་པའི་ཤེས་པ་ཡང་དོན་བྱེད་པ་དང་ཅིག་ཤོས་ཐུན་མོང་པའི ་ཕྱིར་ཞེས་བྱ་བའི་དོན་ཏོ། །དེ་ནི་ཞེས་བྱ་བ་ཚད་མའི་ཐུན་མོང་བ་ཉིད་ཀྱི་ཐེ་ཚོམ་གྱི་ཡུལ་ཅན་གྱིའོ། །དེ་ལས་ཞེས་བྱ་བ་ནི་ཐུན་མོང་བ་ཉིད་ཀྱིས་ཐེ་ཚོམ་གྱི་ཡུལ་ཅན་དོན་བྱེད་པའི་ཤེས་པ་ལས་སོ། །གལ་ཏེ་ཚད་མ་སྔར་གྲུབ་ན་ཞེས་བྱ་བ་ལ་སོགས་པས་ནི་མེ་དང་དུ་བ ་བཞིན་དུ་གོ་བྱ་གོ་བྱེད་ཀྱང་ངོ། །དེས་ན་རང་དབང་དུ་ཚད་མར་གྲུབ་པ་ཡིན་གྱི་གཞན་དུ་ནི་མ་ཡིན་ནོ། །ལྐོག་ཤལ་ལ་སོགས་པ་ལས་བ་ལང་ཉིད་བཞིན་དུ་དོན་བྱེད་པ་ལས་ཚད་མ་ཉིད་དུ་ཉེ་བར་མཚོན་པ་ཡིན་གྱི། གོ་བར་བྱ་བ་མ་ཡིན་པ་དེས་ན་འབྲེལ་པ་འཛིན་པ་ལ ་བལྟོས་པ་མ་ཡིན་ནོ་སྙམ་དུ་སེམས་པས་སྨྲ་བ་ནི། དོན་བྱེད་པ་ལས་ཤེས་དེ་ནི་ཞེས་བྱ་བའོ། །ཚད་མ་དང་ཅིག་ཤོས་ཐུན་མོང་བའི་དོན་བྱེད་པ་ནི་ཚད་མར་ཉེ་བར་མཚོན་པར་བྱེད་པ་མ་ཡིན་པར་བསྟན་པ་ནི། དོན་བྱེད་པར་ནི་བྱུང་བ་དེ་ཞེས་བྱ་བ་སྟེ། ཚད་མ་མིན་པར་རྟོགས ་ལས་ཤེས་པའི་རྟོགས་པ་ནི་ཐ་ན་རེག་པའི་ཤེས་པ་ལས་སོ། །ཚད་མ་ཁོ་ན་ལས་དོན་བྱེད་པ་ཡིན་གྱི་སེར་པོའི་ཤེས་པ་ལས་ནི་མ་ཡིན་ཏེ། ཇི་ལྟར་མཐོང་བ་དང་ཕྲད་པ་མ་ཡིན་ནོ་སྙམ་དུ་སེམས་པ་ནི། དེ་ལས་དོན་བྱེད་དེ་མིན་ན་ཞེས་བྱ་བའོ། །ཚད་མ་ལས་འཇུག་པའི ་དོན་བྱེད་པ་བཞིན་དུ་ཚད་མ་མ་ཡིན་པ་ལས་ཀྱང་འགྱུར་རོ་ཞེས་བསྟན་པ་ནི། གཞན་ལས་ཀྱང་ཇི་ལྟར་འདོད་ཅེས་བྱ་བ་སྟེ། གཞན་དུ་འང་ཞེས་བྱ་བ་ནི་ཚད་མ་ལ་ཡང་ཁ་ཅིག་ཏུ་མ་ཕྲད་པ་ཡོད་དོ་ཞེས་བྱ་བའི་དོན་ཏོ། །སྔར་མེད་ན་མི་འབྱུང་བའི་ངོ་བོར་མཐོང་བ་ཡིན ་ན་གོམས་པར་འགྱུར་གྱི་གཞན་དུ་ནི་མ་ཡིན་ནོ་ཞེས་ཟེར་བ་ནི། གོམས་ལས་རྣམ་པ་མི་མཐུན་པ་ཞེས་བྱ་བའོ། །མངོན་སུམ་ལས་མེད་པ་མི་འབྱུང་བའི་ངོ་བོ་མཐོང་བ་མ་ཡིན་དུ་ཟིན་ཀྱང་རྗེས་སུ་དཔག་པ་ལས་ཡིན་ནོ་ཞེས་ཟེར་བ་ནི། དེ་མཐོང་ཉིད་ན་ཞེས་བྱ་བའོ། །མངོན ་སུམ་མེད་ན་འབྲེལ་པ་འཛིན་པ་མེད་པའི་ཕྱིར་རྗེས་སུ་དཔག་པ་ཡང་མི་སྲིད་དོ་ཞེས་བསྟན་པ་ནི། རྗེས་དཔག་དེ་ཡང་ཞེས་བྱ་བའོ། །འོན་ཏེ་རིག་པ་ལས་གཞན་པའི་རིག་བྱ་མེད་པ་ཡིན་ལ། དེས་ན་སྒྲུབ་པར་བྱེད་པ་དང་བྱེད་པ་ཡང་རིག་པའི་ཁོངས་སུ་གཏོགས་པ་ཉིད་ཡིན ་པའི་ཕྱིར་དེ་དང་འབྲེལ་བ་བདེ་བར་གཤེགས་པ་ཉིད་ཡིན་ནོ་སྙམ་དུ་སེམས་པ་ལ། རང་དངོས་རང་དམིགས་རྣམ་པ་ནི་ཞེས་བྱ་བ་སྨོས་ཏེ། རང་གི་ངོ་བོ་ཙམ་རིག་པ་དག་གི་གཞན་དང་གཞན་དུ་རིག་པ་མ་ཡིན་པ་ལས་དེ་གཉིས་ལས་ཡོད་པའི་འབྲེལ་བ་རིག་པར ་བྱེད་པ་ནི་མ་ཡིན་ནོ་ཞེས་བྱ་བའི་དོན་ཏོ། །འབའ་ཞིག་ནི་འབྲེལ་པ་འཛིན་པར་མི་ནུས་པ་མངོན་སུམ་འབའ་ཞིག་ནི་མ་ཡིན་ལ། དེའི་ཁྱབ་པ་འཛིན་པར་མི་ནུས་པ་ཡིན་པར་བསྟན་པ་ནི། ཡུལ་དང་དུས་གཞན་ཁྱབ་པར་ནི་ཞེས་བྱ་བ་སྟེ། གང་དུ་འབྲེལ་བ་འཛིན་པར་བྱེད་པ ་ཡིན་པ་དེར་ཡང་ཁྱབ་པ་མ་བཟུང་བ་ལས་ཚད་མ་མ་ཡིན་ཏེ། གང་དུ་འབྲེལ་བ་ཡང་མི་འཛིན་པ་ལ་ནི་སྨོས་ཀྱང་ཅི་དགོས་ཞེས་བྱ་བའི་དགོངས་པས་ཁྱབ་མིན་ལྷན་ཅིག་འགྱུར་གང་ཡིན་ཞེས་སྨོས་སོ། །ལྷན་ཅིག་པ་ཉིད་དུ་རེ་ཞིག་འདི་དག་གིས་མཐོང་བ་མ་ཡིན་ནམ། ་གང་དུ་ཡང་འཁྲུལ་པར་ནི་མ་མཐོང་ངོ། །མཐོང་བར་འགྱུར་བ་ཡིན་ནོ་ཞེ་ན། ངེས་པ་མེད་དོ། །དེ་ཉིད་ཀྱིས་ན་ཐེ་ཚོམ་ཡིན་ནོ་ཞེ་ན། འཁྲུལ་པར་མ་མཐོང་བ་ཁྱད་པར་ཅན་དང་ལྷན་ཅིག་པ་མཐོང་བ་མང་པོ་ལས་དེ་ལྟར་འགྱུར་བ་མ་ཡིན་ནོ། །འདི་ནི་འདི་ལ་ངེས་པ་ཡིན ་ནོ་ཞེས་ངེས་པ་ཡིན་པ་དེས་ན། དོན་གྱི་གོ་བ་དང་ལྷན་ཅིག་པའི་མངོན་སུམ་ལ་ཁྱབ་པ་ངེས་པར་འགྱུར་བ་ཡིན་ནོ་སྙམ་དུ་སེམས་པ་ལ། ཡུལ་སོགས་བཟུང་བ་མེད་པར་ནི་ཞེས་བྱ་བ་སྨོས་ཏེ། འཁྲུལ་པ་ནི་གལ་ཏེ་མ་བཟུང་བ་ཡིན་ཡང། ཡུལ་མ་བཟུང་བ་ཡིན ་ན་དེའི་མེད་པ་ཉིད་རིག་པར་བྱེད་པ་མ་ཡིན་ནོ། །ཡོད་ཀྱང་རིག་བྱ་ནི་མ་ཡིན་ནོ། །དེ་ཉིད་ཀྱིས་ན་ཐེ་ཚོམ་ཡིན་ཞེས་བྱ་བའི་དོན་ཏོ། །དེའི་བྱ་བ་ནི་ཡུལ་ལ་སོགས་པའོ། །དེ་ལྟ་ན་ཡང་ཐ་སྙད་པ་རྣམས་ཀྱིས་འདའ་བར་བྱ་བ་མ་ཡིན་པའི་ཕྱིར་རྟོགས་པར་བྱེད་པ་ཉིད་དང། དེ ་ལས་བཟློག་པ་ཚད་མ་མ་ཡིན་པ་ཉིད་ལས་གཞན་པ་མ་མཐོང་བའི་ཕྱིར་ཁས་བླང་བར་བྱ་བ་ཡིན་པར་ཚིགས་སུ་བཅད་པ་གཉིས་ཀྱིས་གོ་རིམས་བཞིན་དུ་བསྟན་པ་ནི། དེ་ཕྱིར་རང་ལས་ཚད་མ་ཉིད་ཅེས་བྱ་བའོ། །དེ་ལ་རེ་ཞིག་གནོད་པ་མེད་པའི་རྟོགས་པ་ཉིད་ཚད་མ ་ཡིན་ན། །སྐྱེས་པའི་དུས་སུ་ཚད་མ་དང་ཅིག་ཤོས་དག་མཚུངས་པ་ཡིན་པར་བསྟན་པ་ནི། གནོད་བྱེད་མེད་པ་ཙམ་གྱིས་ནི་ཞེས་བྱ་བ་སྟེ། འཇུག་པའི་དུས་ཕྱིས་གནོད་པ་མེད་པ་ཉིད་དུ་ནི་སྔར་མ་ངེས་པ་ཡིན་ན། ཇི་ལྟར་འཇུག་པའི་རྒྱུར་འགྱུར་ཞེས་བསྟན་པ་ནི། ཐོབ་པའི ་དུས་སཱུང་ཞེས་བྱ་བའོ། །དོན་བྱེད་པ་ལ་མི་སླུ་བ་ཉིད་ཀྱང་ཚད་མ་ཡིན་ལ། འདུག་པའི་སྔ་རོལ་དུ་ངེས་པ་མེད་པ་ནི་འཇུག་པའི་ཡན་ལག་མ་ཡིན་པ་ཁོ་ནའོ་ཞེ་ན། དེ་ཡང་རང་དངོས་ཞེས་བྱ་བ་སྨོས་སོ། །ཐ་སྙད་པ་རྣམས་ཀྱི་འདའ་བར་མི་བྱ་བ་ཉིད་ཡིན་ཞེས་བྱ་བ་ལ་རིགས ་པ་ཅིར་ཡང་མེད་ལ། རིགས་པས་བརྟགས་པ་ན་རང་ལས་སམ་གཞན་ལས་ཀྱང་རུང་ཚད་མ་ཉིད་དུ་རྣམ་པར་གནས་པ་མ་ཡིན་ཞེས་པ་ནི་ཕྱོགས་སྔ་མའོ། །གྲུབ་པའི་མཛའ་ནི་ཤེས་པའི་རང་གི་ངོ་བོ་སྐད་ཅིག་མ་ཉིད་དུ་ཤེས་པ་ཙམ་ཉིད་ལ་སོགས་པ་ལ། ཐར་པ་འདོད ་པ་རྣམས་ཀྱི་གཞལ་བྱ་ལ། གཞན་ལ་བལྟོས་པ་མེད་པ་ཉིད་ཀྱིས་རང་ཉིད་རིག་པས་ངེས་པ་ནི་རང་ཉིད་ལས་ཏེ་དོན་དམ་པ་བའི་ཚད་མ་ཉིད་ཡིན་ནོ། །ཕྱི་རོལ་ལ་ནི་ཐོབ་བྱ་དང་འབྲེལ་པ་ལ་སོགས་པ་གཞན་ལ་བལྟོས་པའི་ཕྱིར་རང་རིག་པ་མ་ཡིན་པ་ལ་ཐོག་མ་མེད་པའི ་བག་ཆགས་ལས་སྐྱེས་པའི་ཐ་སྙད་ཀྱི་མིང་ཅན་གྱི་རྣམ་པར་རྟོག་པ་དེ་གཙོ་བོར་གྱུར་པའི་རྗེས་སུ་དཔག་པས་རྟོགས་པ་ནི་གཞན་ལས་ཏེ། དོན་དམ་པ་མ་ཡིན་པ་སྟེ། མངོན་སུམ་ལ་སོགས་པའི་ཚད་མས་རྟོགས་པ་མ་ཡིན་པའི་ཕྱིར་རོ། །འདི་ལས་ནི་ཇི་ལྟར་མཐོང ་བ་ལས་དེ་ཁོ་ན་ཉིད་དུ་རྣམ་པར་གཞན་པའི་ཕྱིར་གཉི་ག་ཙུག་ཀྱང་རིགས་པ་ཡིན་པར་བསྟན་པ་ནི། འདིར་བསྟན་པ། རང་ལས་རང་གི་ངོ་བོ་རྟོགས་ཞེས་བྱ་བའོ། །ཤེས་པའི་རང་གི་ངོ་བོ་ཉིད་ཚད་མར་གྲུབ་པ་ཡིན་པར་ནི་མི་རིགས་ཏེ། གཞན་གྱི་ངོ་བོའི་ཡང་སྔོན་པོ་ལ་སོགས ་པར་ནི་བདེ་བ་ལ་སོགས་པ་རིགས་པའི་དུས་སུ་རིག་པའི་ཕྱིར་རོ། །བདེ་བ་བཞིན་དུ་ཤེས་པའི་རང་གི་ངོ་བོ་རིག་པ་ཉིད་ནི་སྔོན་པོ་ལ་སོགས་པའི་དོན་བྱེད་པ་མ་ཡིན་ཏེ། ཕྱི་རོལ་ཉིད་ནི་གང་ལས་དེའི་བྱེད་པོ་ཉིད་ཡོད་པ་ཡིན་ཞེས་བྱ་བར་མི་འགྱུར་བའི་ཕྱིར་རོ། །གང་ལས་རང ་གི་ངོ་བོ་རིག་པ་ལས་གཞན་པ་དེ་ལ་དོན་བྱེད་པ་གང་ཡིན་པ་དེའི་དོན་དུ་ཐ་སྙད་འདོགས་པ་པོ་རྟོགས་པ་ཡང་འཇུག་པ་ཡིན་ལ། དེ་ལ་བལྟོས་པའི་བྱེད་པ་པོ་ཉིད་ཡིན་པ་ནི་རིག་པར་བྱེད་པའི་བྱེད་པོ་ལས་གཞན་ཉིད་ཡིན་པའི་ཕྱིར་བདེ་བ་དང་མཚན ་ཉིད་མི་མཐུན་པ་གཟུང་བྱ་སྔོན་པོའི་ངོ་བོ་བཞིན་དུ་རྟོགས་པ་མེད་པ་དོན་དམ་པ་པ་ཉིད་ཡིན་ནོ་སྙམ་དུ་སེམས་པ་ལ་།རང་ལས་ནི་རང་གི་ངོ་བོ་ཉིད་རྟོགས་ཀྱི་ཞེས་བྱ་བ་སྨོས་ཏེ། བདེ་བ་བཞིན་དུ་སྔོན་པོ་ཡང་རང་རིག་པ་ཁོ་ན་ཡིན་ཏེ། བྱེ་བྲག་མེད་པའི་ཕྱིར་རོ།། ་ཕན་ཚུན་པའི་བྱ་བ་མེད་པའི་ཕྱིར་རང་རིག་པ་ཉིད་ལས་མི་གཞན་པའི་དོན་བྱེད་བ་ནི་བདེ་བ་བཞིན་དུ་རང་གི་རྒྱུད་ཀྱིས་བྱེད་པ་ལ་འགལ་བ་མེད་དོ་ཞེས་བྱ་བའི་དོན་ཏོ། །ཅི་ལས་ཤེས་ཞེ་ན། དབང་པོ་ལ་བརྟེན་པ་ནི་མངོན་སུམ་མོ་ཞེས་བྱ་བའི་དོན་ནི་བརྟེན་པ་ཉིད ་ཡིན་པར་བསྒྲུབས་པ་ཡིན་ཡང་མངོན་སུམ་གྱི་སྒྲ་ནི་མངོན་དུ་བྱེད་པའི་མཚན་ཉིད་དུ་སྟོན་པ་ཡིན་ལ། མངོན་དུ་བྱེད་པ་ཡང་ལྐོག་ཏུ་གྱུར་པ་མ་ཡིན་པ་ཉིད་ཡིན་གྱི་ཡང་དག་བར་རིག་པ་ལས་གཞན་པ་དང། དུས་གཞན་པ་ཡང་ཕྱི་རོལ་ནི་ལྐོག་ཏུ་མ་གྱུར་པ ་མི་སྲིད་པར་བསྟན་པ་ནི། མངོན་སུམ་ནི་མངོན་དུ་རྟོགས་པ་ཡིན་ནོ་ཞེས་བྱ་བའོ། །སྐད་ཅིག་མ་ཉིད་ཀྱི་ཤེས་པ་ཙམ་ལ་སོགས་པ་བཞིན་དུ་ཐོ་བྱ་དང་འབྲལ་བ་ཅན་ཉིད་ཀྱང་ཤེས་པའི་རང་གི་ངོ་བོ་ཉིད་ཡིན་པ་དེས་ན། ཇི་ལྟར་མངོན་དུ་མི་བྱེད་པ་ཞེས་བྱ ་བ་ཡིན་སྙམ་དུ་སེམས་པ་ལ། ཐོབ་པར་བྱ་བའི་དོན་མ་བཟུང་བར་ནི་ཞེས་བྱ་བ་སྨོས་སོ། །ཡུལ་ལ་སོགས་པ་ལ་མེ་དང་འབྲེལ་བ་ཅན་ཉིད་བཞིན་དུ་ཤེས་པ་ཡང་ཕྲད་བྱ་དང་འབྲེལ་བ་ཅན་ཉིད་ནི་གཞན་ལ་བལྟོས་པའི་ཕྱིར་རང་གི་ངོ་བོ་མ་ཡིན་ལ་དེ་ཉིད་རིག ་པ་མ་ཡིན་ལ། རིག་པར་བྱེད་པར་མི་འགྱུར་བ་ཉིད་ཀྱིས་རང་ལས་སམ་གཞན་ལས་ཀྱང་རུང་ཚད་མ་ཉིད་ཡིན་པ་མི་སྲིད་དོ། །འདི་སྐད་བསྟན་པར་འགྱུར་ཏེ། གང་ཞིག་གང་གི་ཚེ་ཡོད་པ་དེའི་ཚེ་དེ་ཡོད་པར་ངེས་པ་ཡིན་གྱི། གཞན་གྱི་ཚེ་ནི་མ་ཡིན་ནོ། ། ་ལྐོག་ཏུ་གྱུར་པ་རྣམས་ནི་ཡོད་པར་ངེས་པ་མ་ཡིན་ཏེ། འབྱུང་བར་འགྱུར་བའི་ཐོབ་བྱ་ལ་གནོད་པར་བྱེད་པ་དེའི་མེད་པ་ཡང། དུས་དེ་ཉིད་ཀྱི་ཚེ་ཡིན་པ་དེས་ན་སྔར་ནི་གནོད་པ་མེད་པ་ཉིད་ཀྱི་མཚན་ཉིད་ཅན་གྱི་ཚད་མ་ཉིད་དང། ཅིག་ཤོས་ཀྱང་རང་ལས་རྟོགས་པ་མ་ཡིན་ནོ།། ་དེ་ལྟ་མོད་ཀྱི་རང་གི་ངོ་བོ་ཉིད་ཅེས་བྱ་བ་ཡིན་ནོ། །ཐོབ་བྱའི་དོན་འཛིན་པ་མེད་ན་དེ་དང་འབྲེལ་བ་འཛིན་པ་ཡང་མེད་པའི་ཕྱིར་ལ། དེས་ན་དེ་ལ་ཐོབ་བྱ་དང་འབྲེལ་པ་ཡིན་ལ། ཐོབ་བྱ་ཡང་དེར་ཉེ་བ་ཡིན་པར་བསྟན་ཏོ། །འོན་ཏེ་ཚད་མ་ཉིད་རང་གི་ངོ་བོ་ཉིད་ན། འབྲེལ་བ་ཅན་གྱི་ངོ ་བོ་ཉིད་དུ་བརྗོད་དོ། །འབྲེལ་པ་ཅན་ཙམ་ནི་འབྲེལ་པ་ཡིན་ཞེས་བྱ་བ་ནི་ཟློས་པ་ཉིད་མ་ཡིན་པ་མ་ཡིན་ནོ། །ལན་ནི། ཐོབ་བྱའི་རང་བཞིན་དང་འབྲེལ་བའི། ཤེས་པའི་ངོ་བོ་ཞེས་བྱ་བ་སྟེ། གང་ལ་འབྲེལ་པ་ཡོད་པ་དེ་ནི་འབྲེལ་པ་ཅན་ཡིན་ཏེ། གཞན་གྱི་ཉེ་བར་བྱས ་པའི་དངོས་པོ་ཡིན་གྱི། དངོས་པོ་ཙམ་ནི་མ་ཡིན་ཞེས་བྱ་བའི་དོན་ཏོ། །གཞན་གྱིས་ཉེས་པར་བྱས་པ་མེད་ན་ཤེས་པ་ཙམ་ནི་ཚད་མས་རྣམ་པར་བཞག་པ་མི་ཐོབ་པ་ཡིན་པར་བསྟན་པ་ནི། རང་གི་ངོ་བོ་ཙམ་ཞིག་ནི་ཞེས་བྱ་བ་སྟེ། དེ་ཞེས་བྱ་བ་ནི་ཚད་མ་ཉིད་དོ། ། ་ཐོབ་བྱ་ཉེ་བར་བྱས་པ་མ་ཡིན་ན་ཤེས་པའི་ངོ་བོ་ཉིད་དུ་ཡང་མི་རིགས་པ་མ་ཡིན་ནམ། འདི་ཤེས་པས་ཤེས་པ་འམ། འདི་ཤེས་བར་བྱེད་པས་ཤེས་པ་ཞེས་ཤེས་བྱ་བ་གནས་པ་ཉིད་ཡིན་ཞེས་བརྗོད་པར་བྱེད་པའི་ཕྱིར་ཇི་ལྟར་རང་གི་ངོ་བོ་ཉིད་ཚད་མ་ཉིད ་ཡིན་ཞིང། ཇི་ལྟར་དེའི་ངོ་བོ་ཉིད་ཚད་མ་མ་ཡིན་སྙམ་དུ་སེམས་པ་ལ། ཤེས་པའི་རང་གི་ངོ་བོ་ནི་ཚད་མ་མ་ཡིན་ཏེ་ཞེས་བྱ་བ་སྨོས་ཏེ། ཤེས་པ་ནི་རང་ཉིད་དམ་རང་གི་ཡུལ་ཡང་རུང། དེ་དག་ཙམ་གྱིས་ནི་མ་ཡིན་ཏེ། དེ་ཙམ་ནི་ཐམས་ཅད་ལ་ཡོད་པས་ཚད་མ་དང ་ཅིག་ཤོས་ཀྱི་རྣམ་པར་དབྱེ་བ་མེད་པའི་ཕྱིར་ལ། ཐོབ་བྱ་ཡོད་པ་དང་མེད་པ་དག་རྣམ་པར་དབྱེ་བ་ལས་དེ་དང་འབྲེལ་པ་ཉིད་ཚད་མ་ཉིད་ཡིན་ལ། གཞན་ནི་གཞན་དུ་ཡིན་ཞེས་རྣམ་པར་བཞག་པར་བྱེད་པ་ཡིན་ཏེ། དེར་ཡང་བཤད་ཟིན་ཏོ། ཞེས་བྱ་བའི་དོན་ཏོ། གལ་ཏེ། ་ཐར་པའི་དོན་དུ་ཚད་མ་ལ་སོགས་པའི་རྣམ་པར་དབྱེ་བ་ཅིའི་དོན་དུ་འབད་ནས་སྤོང་བར་བྱེད་ཅེ་ན། དེ་ལས་འཇུག་པ་དང་ལྡོག་པ་ཞེས་བྱ་བ་སྨོས་སོ། །གཞན་ཡང་གནོད་པ་མེད་པ་ཉིད་ནི་ཚད་མ་ཉིད་མ་ཡིན་ཏེ། འཇིག་རྟེན་པ་མ་ཡིན་པའི་ཕྱིར ་ལ། མི་བསླུ་བ་ཅན་ཉིད་ནི་ཐ་སྙད་པའི་ཡིན་པའི་ཕྱིར་འགྱུར་བ་ཡིན་པར་ནི། ཚད་མ་མི་བསླུ་བ་ཅན་ཞེས་བྱ་བ་འདིས་བསྟན་པ་ཡིན་ནོ་ཞེ་ན། དེ་ནི་མི་རིགས་ཏེ། མི་སླུ་བ་ཅན་ཉིད་ནི་ཕྱི་རོལ་གྱི་དོན་ལ་མ་ཡིན་ཏེ། ཐེ་ཚོམ་ཡིན་པས་རྣམ་པར་བཞག་པ་མེད་པའི་ཕྱིར་རོ།། ་རྣམ་པར་རིག་པ་ཙམ་དུ་སྨྲ་བ་ལ་ཡང་མ་ཡིན་ཏེ། སྔ་མ་དང་ཕྱི་མ་དག་གི་ཤེས་པ་དག་གི་འབྲེལ་པ་ནི་དེ་དག་གིས་གཞན་གྱིས་ཀྱང་ཤེས་པར་མི་ནུས་པའི་ཕྱིར་རོ། །གནོད་པ་མེད་པ་ཉིད་ཀྱི་ཤེས་པ་ནི་རང་ཉིད་ཁོ་ན་ལས་ངེས་པ་ཡིན་གྱི་གཞན་སྒྲུབ་པར་བྱེད་པ་ནི་མ ་ཡིན་ནོ། །སྔོན་པོའི་ཞེས་བྱ་བར་འཛིན་པའི་བདག་ཉིད་ལ་ནང་དུ་འཇུག་པ་ཡིན་པའི་ཕྱིར་གཞན་ལ་གནས་པ་མ་ཡིན་སྔོན་པོར་རྟོགས་པར་བྱེད་པ་ཡིན་ནོ། །དབང་པོའི་བྱ་བ་ལས་སྔ་མ་ནི་ཕྱིས་འབྱུང་བའི་དངོས་པོ་ལས་མཚན་ཉིད་མི་མཐུན་པ་མ་ཡིན་ནམ། དེས་ན་བར་དུ་འབྱུང ་བའི་ངོ་བོ་ལྐོག་ཏུ་མ་གྱུར་པ་ནི་འདིའོ་ཞེས་བརྗོད་དོ། །བདེན་སྟེ། གལ་ཏེ་དེ་ཡང་དེ་དང་འདྲ་བའི་ང་རྒྱལ་མེད་ན། དེ་ཙམ་གྱི་ང་རྒྱལ་བྱེད་པའི་གཉིས་ཀྱི་ངོ་བོ་ལས་འདི་ལ་གཉིས་དག་ཏུ་རྗོད་པར་བྱེད་པ་མ་ཡིན་ཏེ། དེ་ཡང་གང་གི་ཕྱིར་དེ་ནི་སྤྱིའི་ཡུལ་དང་འབྲེལ་པ་ཅན་མངོན ་སུམ་དུ་དམིགས་པར་བྱེད་པ་ཡིན་ལ། ཕྱིའི་ཡུལ་ཡང་འཛིན་པར་བྱེད་པ་ལ་བལྟོས་ནས་ཡིན་ཏེ། དེའི་ཕྱིར་ཕྱི་རོལ་ཞེས་འདིར་འདི། །འཛིན་བྱེད་ཆ་ལས་ཕྱེ་བ་ཡིན། །རིག་བྱ་སྔོན་པོ་སེར་པོ་སོགས། །མངོན་སུམ་ལ་སོགས་པར་བསྟན་ཡིན། ཞེས་སྨོས་པའོ། །ཕྱི་རོལ ་ཉིད་ནི་འཛིན་པར་བྱེད་པ་ལ་བལྟོས་ནས་ཡིན་ལ། དེ་འཛིན་པ་མེད་ན་ཇི་ལྟར་གཟུང་བྱར་འགྱུར། ཕྱི་རོལ་ཉིད་ཀྱི་ཡིན་ནོ་ཞེ་ན། མི་རིགས་ཏེ། ཕྱི་རོལ་ཉིད་རིག་པ་ནི་འཛིན་པ་པོའི་ཉམས་སུ་མྱོང་པ་ལ་བལྟོས་པ་ཡིན་ལ། དེའི་ཉམས་སུ་མྱོང་བ་ཡང་དེའི་རིག་པ་ལས་ཡིན་པའི ་ཕྱིར་རོ། །དེ་ལྟ་ནི་མ་ཡིན་ཏེ། སྔོན་པོ་བཞིན་དུ་བདག་གོ་ཞེས་འཛིན་པར་བྱེད་པ་ནི་རྟོགས་པ་ཉིད་ཡིན་ཏེ། སྔོན་པོར་བདག་གིས་ཤེས་སོ་ཞེས་ཉམས་སུ་མྱོང་བའི་མཚན་ཉིད་ནི་དུ་བ་ནི་མེའི་བྱ་བ་ཡིན་པ་བཞིན་ཡིན་ནོ། །ཅི་ལས་ཤེས་ཤེ་ན། རེ་ཞིག་གཉི་ག་རིག་པར་བྱེད་པ་ཡིན ་ཏེ། རྒྱུ་ཡང་དེའི་ཤུགས་ཀྱིས་རྟོགས་པར་བྱེད་པ་ཡིན་ལ། དེ་བཞིན་དུ་སྔོན་པོར་ཉམས་སུ་མྱོང་བའི་མཚན་ཉིད་ནི་དུ་བ་ནི་མེའི་བྱ་བ་ཡིན་བ་བཞིན་དུ་གོམས་པ་ཡིན་ན་མཐོང་བ་ཁོ་ན་ལས་ངེས་པ་ཡིན་ཏེ། བསྙེན་པར་འོས་པ་མ་ཡིན་ནོ། །འདི་ཉམས་སུ་མྱོང་བའི་བདག་ཉིད་ཁོ ་ན་མ་རིག་པའི་དབང་གིས་ཕྱི་རོལ་བཞིན་དུ་འཇོག་པར་བྱེད་པ་ཡིན་ཞེས་བྱ་བ་འདི་ཡང་མནའ་བསྐྱལ་བས་བསྒྲུབ་པར་བྱ་བ་ཡིན་ཏེ། གཉིས་ཉིད་ཉམས་སུ་མྱོང་བའི་ཕྱིར་རོ། །ཉམས་སུ་མྱོང་བ་མེད་ན་ཡང། བགས་ཆགས་མེད་ན་མ་རིག་པ་མི་འབྱུང་བའི་ཕྱིར་རོ། །ཐ་དད ་པའི་དེ་ལྟ་བུའི་བག་ཆགས་ཀྱིས་བསྐྱེད་བྱ་ནི་རྣམ་པར་རྟོག་པ་མ་ཡིན་ནམ། དེ་ཡང་དེས་བསྐྱེད་བྱ་ཡིན་ཞེས་ཕན་ཚུན་རྒྱུ་ཉིད་ཡིན་ཏེ། ས་བོན་དང་མྱུ་གུ་ལྟ་བུའོ། །དེ་ལྟར་ཡང་མཐོང་བ་ནི་དངུལ་མ་ཡིན་པ་ལ་དངུལ་དུ་ཤེས་པ། །དངུལ་གྱི་རྣམ་པ་ནི་དེ་ལ་དོན་མེད་པའི་ཕྱིར་དང ་གཉི་ག་མ་ཡིན་པ་མེད་པའི་ཕྱིར་ཤེས་པའི་བག་ཆགས་ཡོད་པའི་དབང་གིས་ཕྱི་རོལ་བཞིན་དུ་ཞེས་བྱ་བ་ནི་མི་རིགས་ཏེ། བདེན་པའི་དངུལ་གྱི་རྣམ་པ་བཞིན་དུ་འདིའི་ཡང་ཤེས་པ་ལས་ཕྱི་རོལ་ཉིད་དུ་རྟོགས་པའི་ཕྱིར་བདེན་པ་དང་མི་བདེན་པའི་རྣམ་པར་དབྱེ་བ་ཉིད་ཉེ་བ་དང ་ཉེ་བ་མ་ཡིན་པ་དག་གིས་དེ་བསྟན་པ་ཡིན་ཏེ། དབང་པོས་འཐོབ་མིན་པར་བདག་འདོད་ཅེས་བྱ་བ་ཡིན་ཏེ། ཉེ་བ་མ་ཡིན་པ་ཇི་ལྟར་དམིགས་པ་ཡིན། གལ་ཏེ་དོན་ཉེ་བ་མ་ཡིན་པ་དེ་ལྟ་ན་ཁོ་བོ་ཅག་གི་ཕྱོགས་ལ་ཅིའི་ཕྱིར་ལྡོག་པར་འགྱུར། བདེན་པའི་ཤེས་པ་ལ་ནི་སོ་སོར་སྣང ་བ་དགོས་པ་ཅན་ཡིན་གྱི། རང་གི་ངོ་བོ་ཉེ་བ་མ་ཡིན་ནོ། །བདེན་པའི་རྒྱུ་དམིགས་པ་ནི་མི་བདེན་པར་མངོན་པར་འདོད་པ་ལ་ཡང་དེ་མ་ཉམས་པའི་ཕྱིར་བག་ཆགས་ཀྱི་ནུས་པ་ཤེས་པ་མ་ཡིན་ནོ། །དེ་ལྟ་ན་ཤེས་པ་ལས་སྔ་བའི་དངོས་པོ་ཡོད་པ་ལས་ཚད་མ་ཡོད་པ་མ ་ཡིན་ཏེ། ཤེས་པའི་དུས་ཙམ་ན་འབྱུང་བ་ནི་ཤེས་པ་ཁོ་ན་བཞིན་དུ་འགྱུར་རོ། །མ་ཡིན་ཏེ། གང་གི་ཕྱིར་སྔོན་པོའི་དངོས་པོ་ནི་རེས་འགའ་ཞིག་རྟོགས་པར་བྱེད་པ་མ་ཡིན་གྱི་དབང་པོ་ཙམ་ལས་བྱུང་བ་ནི་མ་ཡིན་ཏེ། དེ་ཡོད་ཀྱང་རེས་འགའ་མེད་པའི་ཕྱིར་དང། དེ་ཉིད ་ཀྱིས་ན་ཡུལ་གཞན་པ་ཙམ་ལས་བྱུང་བ་ཡང་མ་ཡིན་ནོ། །དེས་ན་དེ་བཞིན་དུ་དབང་པོ་དང། ཡུལ་གཞན་མཚན་ཉིད་མི་མཐུན་པ་དང། བག་ཆགས་དང་མཚན་ཉིད་མི་མཐུན་པ་ལ་སྔོན་པོ་སྒྲུབ་པར་བྱེད་པ་རྟོགས་པ་ཡིན་ན། སྔོན་པོ་རྟོགས་པ་ཡིན་གྱི་དེ་མེད་པ་ལས ་ཐལ་ཆེས་པ་ནི་མ་ཡིན་ཏེ། དེའི་ཡང་ཡུལ་གཞན་ཉིད་ཡིན་པས་མ་ཡིན་པར་དགག་པ་ཡིན་པའི་ཕྱིར་རོ། །དེ་བཞིན་ཉེ་བའི་དངོས་པོ་མ་རྟོགས་པ་ཡང་དབང་པོའི་དབང་གིས་རྟོགས་པར་འགྱུར་ལ། བག་ཆགས་ཀྱི་དབང་གིས་ཉེ་བ་མ་ཡིན་པ་ཡང་ངོ་ཞེས་བྱ་བ་ནི་རྣམ་པར ་དབྱེ་བའོ། །དེ་ཡང། དོན་དང་ཤེས་པ་དག་གིས་འདིར། གང་ཞིག་ཚད་མ་དང་འབྲེལ་བ། །རྒྱུ་དང་འབྲས་བུའི་ངོ་བོ་འདི། །གཞན་དུ་དེ་ལྟར་མཐོང་བ་མིན། །འདི་སྐད་བསྟན་པར་འགྱུར་ཏེ། བག་ཆགས་དང་དབང་པོ་ལ་སོགས་པ་ཚོགས་པའི་དབང་གིས་དོན་རྟོགས་པ་ཉིད་ཀྱི ་མཚན་ཉིད་ནི་ཁྱད་པར་ཅན་དུ་འགྱུར་བ་ཡིན་ནོ། །དེ་ལས་གཞན་དུ་མི་འཐད་པའི་བདག་ཉིད་ཀྱང་ཤེས་པ་པོའི་ངོ་བོ་དབང་པོ་ལ་སོགས་པའི་བྱ་བའི་ངོ་བོ་ནི་ཤེས་པར་བྱེད་པ་ཡིན་ལ། དེ་ནི་བློ་ཡིན་པར་བརྗོད་དོ། །སོ་སོར་སྣང་བ་ཉེ་བ་ཡང་དེའི་ཀུན་ཏུ་སྦྱོར་བ་ལས་སྐྱེས ་པ་ནི་མངོན་སུམ་ཡིན་ལ། ཅིག་ཤོས་ནི་མངོན་སུམ་ལྟར་སྣང་བ་འམ་ཚད་མ་གཞན་ཡིན་པ་ནི་གནོད་པ་ཅན་མེད་པ་དང་ཡོད་པ་དག་ལས་རྟོགས་པར་བྱེད་པ་ཡིན་ནོ། །གནོད་པ་ཅན་གྱི་ཤེས་པ་ཐོབ་པ་ནི་སྔར་གནོད་པ་མེད་པ་ཡིན་ན་མི་སྲིད་དོ། །དེ་ཡོད་པའི་ཕྱིར ་ཚད་མ་མ་ཡིན་པར་རྟོགས་པ་ཡིན་ན་ཕན་ཚུན་རྟེན་པ་མ་ཡིན་ནོ། །བག་ཆགས་ལས་སྐྱེས་པའི་ཤེས་པས་ནི་ཉེ་བ་ལ་དངུལ་དུ་རྟོགས་པར་བྱེད་པ་ཡིན་ན། ཉེ་བ་མ་ཡིན་པ་ཇི་ལྟར་ཡུལ་ཉིད་ཡིན། དེ་ཉིད་ཀྱིས་ན་ཕྱིན་ཅི་ལོག་ཡིན་པར་གསལ་བ་ཡིན་ལ། དེ་ལྟ ་ཡིན་པར་གནོད་པ་ཅན་གྱིས་རྟོགས་པར་བྱེད་པ་ཡིན་ནོ། །སྔར་དངུལ་ཡོད་པ་ཉིད་ལ་དེ་ལྟར་རྟོགས་ལ། དུས་ཕྱིས་དེ་ལྟ་མ་ཡིན་པའི་ཤེས་པས་དེ་བཞིན་དུ་མཐོང་ན་མེད་པར་འགྱུར་རོ། །དེ་མཐོང་བ་ལ་ནི་མི་རིགས་པ་མ་ཡིན་ནོ། །དེ་མ་ཡིན་པ་ལ་ཡང་དེའི་ངོ་བོར་རྟོགས་པའི་ཕྱིར ་དང། དེའི་མེད་པ་རྟོགས་པའི་ཕྱིར་དྲན་པ་མེད་པ་ལས་འཇིག་རྟེན་པའི་རྣམ་པར་རྟོག་པ་ནི་མི་རིགས་སོ། །དེ་ཡང། འགལ་བ་རྣམས་ནི་རིགས་པ་ལ་འང། གཅིག་པ་ཡང་མི་སྲིད་དེ། །གཅིག་གི་རྣམ་པར་གཅིག་འགྱུར་ཞེས། །དབང་ཕྱུག་གིས་ནི་བསྟན་པ་མིན། ཞེས་སྨོས་པའོ། །གང ་ཞིག་ཇི་ལྟ་བ་ཉིད་དུ་དམིགས་པར་བྱ་བ་དེ་དེ་ལྟར་ཁས་བླང་བར་བྱ་བ་ཡིན་ནོ། །དེའི་ཕྱིར་སྔོན་པོ་ནི་ཤེས་པའི་ངོ་བོ་མ་ཡིན་ཏེ། ཉམས་སུ་མྱོང་བར་བྱ་བ་ཉིད་ལས་རྟོགས་པའི་ཕྱིར་དང། ཤེས་པ་མི་འཛིན་པ་ལ་འཛིན་པའི་ཕྱིར་དང། དེ་མི་འཛིན་པ་ལ་ཤེས་པ་འཛིན་པའི་ཕྱིར་རོ། །དེའི ་ཚེ་བདག་གི་དོན་ཅུང་ཟད་ཀྱང་བཟུང་བར་དྲན་པ་མེད་དོ། ཞེས་བྱ་བ་ནི་བཟུང་བྱའི་ངོ་བོ་མ་རྟོགས་པ་ནི་འཛིན་བྱེད་སྐྱེས་པར་དྲན་པའོ། །བཟུང་བའི་དོན་ཅུང་ཟད་ཀྱང་ཞེས་བྱ་བས་དོན་ཉིད་ཀྱི་སྤྱི་དྲན་པ་ཡིན་ཞེས་བྱ་བར་ཡང་མི་རིགས་ཏེ། དོན་ལ་ཐེ་ཚོམ་ཟ་བའི་ཕྱིར་དང། ངེས་པ ་མེད་པའི་ཕྱིར་དང། འཛིན་པར་བྱེད་པ་ལ་ཕྱིན་ཅི་ལོག་པ་ཡིན་པའི་ཕྱིར་རོ། །དེའི་རྣམ་པ་མ་ཡིན་པ་ཇི་ལྟར་འཛིན་པར་བྱེད་པ་ཡིན་ཞེ་ན། དེའི་རྣམ་པ་ཉིད་ཀྱང་ཅིའི་ཕྱིར་ཡིན་ཞེས་མཚུངས་པ་ཡིན་ནོ། །དེ་ལས་སྐྱེ་པའི་ཕྱིར་རོ་ཞེ་ན། དབང་པོའི་རྣམ་པ་ཉིད་ཀྱང་ཡིན་པར་འགྱུར་རོ།། ་དེ་ལས་སྐྱེ་བར་བྱེ་བྲག་མེད་ཀྱང་དོན་གྱི་རྣམ་པ་ཉིད་ཡིན་ཏེ། ཉེ་བ་ཡིན་པའི་ཕྱིར་རོ། །དེ་ལྟ་ཡིན་ན་དེ་ཉེ་ཉིད་ཀྱི་ཉེ་བ་ཡིན་པས་འགའ་ཞིག་ཁོ་ན་འཛིན་པར་བྱེད་པ་ཡིན་གྱི། ཐམས་ཅད་ཀྱི་ནི་མ་ཡིན་ཞེས་རྣམ་པར་གཞག་པ་འགྲུབ་པའི་ཕྱིར་དེའི་རྣམ་པ་ཉིད་ནི་མ་ཡིན་ནོ། །དེའི ་རྣམ་པ་ཉིད་ཁོ་ན་ཉེ་བ་ཡིན་ནམ། དབང་པོ་ལ་སོགས་པ་ལ་ནི་དེ་ཡོད་པ་མ་ཡིན་ནོ། །དེ་བཞིན་དུ་ཉམས་སུ་མྱོང་བ་ལྐོག་ཏུ་གྱུར་པ་ཉིད་དམ། དེ་མ་ཡིན་པའི་རྣམ་པ་ཉིད་ཡིན་ནོ། ཇི་ལྟར་དོན་ལྐོག་ཏུ་མ་གྱུར་པ་ཡིན། དེ་ཉིད་ལ་ཡང་ཤེས་པ་དེ་ཉིད་ཡིན་པའི་ཕྱིར ་ཇི་ལྟར་ཕྱིན་ཅི་ལོག་ཡིན། འདི་ལ་སྨྲས་པ། དབང་པོ་འམ་བདག་ཉིད་ཀྱི་ཡུལ་དུ་བྱུང་བ་ནི་བློ་དེའི་སྟོབས་ཀྱིས་ཉམས་སུ་མྱོང་བའི་མིང་ནི་གནས་སྐབས་ཀྱི་བྱེ་བྲག་ཏུ་བྱུང་བ་ཡིན་པའི་ཕྱིར་ཤེས་པ་ནི་དེའི་རྣམ་པ་ཉིད་མ་ཡིན་ལ། མངོན་སུམ་ཉིད་ཀྱང་ངོ། །དོན་ཤེས་པ་ཉིད ་ཡིན་ན་ཐག་རིང་བ་དང་ཉེ་བ་དག་གི་རྟོགས་པ་པོ་དག་ལ་ཐག་རིང་བ་དང་ཉེ་བ་ཉིད་ལྐོག་ཏུ་གྱུར་པ་དང། ལྐོག་ཏུ་མ་གྱུར་པ་ཉིད་དུ་མི་འགྱུར་རོ། །དེ་ཉིད་ཀྱིས་ན་དོན་དང་ཤེས་པ་དག་གི་རྣམ་པའི་དབྱེ་བ་རང་ཉིད་ལས་གྲུབ་པ་ཡིན་ལ། ཡུལ་གྱི་ཤེས་པ་བཞིན་དུ་ཡུལ་གྱི་ཤེས་པ ་དེ་ཉིད་ཤེས་པ་དག་གི་བྱེ་བྲག་ཏུ་ཡང་འགྱུར་རོ། །རྟོགས་པའི་དོན་ཞེས་བྱ་བ་ནི་ཉམས་སུ་མྱོང་བ་དྲན་པའི་གནས་སྐབས་ཀྱི་དོན་ཉིད་ཡིན་གྱི་ཤེས་པའི་མ་ཡིན་ཏེ། དོན་དང་ཤེས་པ་དག་གི་རྗེས་སུ་འགྲོ་བ་དང་ལྡོག་པ་དག་གི་ཕྱིར་རོ། །དེ་ཡང་གཞན་དང་རྗེས་སུ་མི་མཐུན ་པ་མ་ཡིན་པ་ལ་ཡང། དེའི་རྗེས་སུ་མི་མཐུན་པ་ཡིན་ན། མེད་པའི་ཕྱིར་གྲུབ་པ་ཡིན་ནོ། །དེས་ན་སྐྱེས་ནས་འཇིག་པ་ཡིན་པའི་ཕྱིར་རྩོབ་པ་མེད་དོ། །སྐད་ཅིག་མ་ཡང་ཞེས་བྱ་བ་ལ་སོགས་པ་ནི་སྐད་ཅིག་མ་ཉིད་དུ་སྒྲུབ་པར་བྱེད་པའི་ཚད་མ་མེད་པར་བསམས་པ་ཡིན ་གྱི། སྐད་ཅིག་མ་ཉིད་དུ་ཁས་བླངས་ནས་འབྲས་བུ་དང་རྒྱུའི་ངོ་བོ་མེད་པར་བསམས་པ་ནི་མ་ཡིན་ནོ། །རྟག་ཏུ་ཡོད་པ་འམ་མེད་པའང་རུང་རྒྱུ་མེད་པ་ཞེས་བྱ་བའི་རིགས་པས་སྐྱེ་བའི་དུས་ཉིད་ན་འཇིག་པ་འམ་ཅིས་མ་ཡིན། མ་ཡིན་ཏེ། འཇིག་པའི་རྒྱུ་མེད་པའི་ཕྱིར་ཞེས ་བྱ་བ་ལ་མ་མཐོང་བ་ཙམ་ལ་འཇིག་པར་སེམས་པའི་ཕྱིར་རོ། །མཐོང་བ་ལ་སོགས་པ་ཉིད་ལས་མ་མཐོང་བ་ནི་མ་ཡིན་ཏེ། དུས་གཞན་ཡང་ཡོད་པའི་ཕྱིར་རོ། །དེའི་ཕྱིར་དམིགས་པ་ནི་ཡོད་པ་ཡིན་ལ་མི་དམིགས་པ་ནི་མེད་པ་ཡིན་ནོ་ཞེས་བྱ་བའི་རྒྱུ་ཞིག་ནི་འབྲས ་བུ་འབྱུང་བ་ཞེས་བྱ་བ་སྟེ། རྒྱུ་མི་དམིགས་པ་ཡིན་ན་འབྲས་བུར་འགྱུར་ཞེས་བའི་དོན་ཏོ། །དེས་ན་རྒྱུའི་ཞིག་པ་ནི་རྒྱུ་ལས་ཐ་དད་པའི་ཕྱིར་དེས་ན་དེའི་དུས་སུ་འབྱུང་བའི་འབྲས་བུ་ནི་རྒྱུའི་དུས་སུ་ཡིན་པར་འགྱུར་ཞེས་བྱ་བ་ཡང་སེལ་བར་འགྱུར་བ་ཡིན་ནོ། །དེས་ན ་སྐད་ཅིག་མ་ཉིད་ལ་སྔ་མ་དང་ཕྱི་མའི་སྐད་ཅིག་མ་རྣམས་ཀྱི་འབྲས་བུ་དང། རྒྱུ་ཉིད་ཀྱི་ངོ་བོའི་བག་ཆགས་བསལ་བར་བྱེད་པར་མི་ནུས་སོ། །འབྲས་བུ་ནི་མེད་པའི་བདག་ཉིད་ཐོབ་པའི་དོན་རྒྱུ་ལ་བལྟོས་པ་ཡིན་ལ། དེ་ལ་བལྟོས་པའི་དུས་སུ་རྒྱུའི་ཡོད་པ་ནི་རྒྱུ་ཉིད་ཡིན་གྱི་འབྲས ་བུའི་དུས་སུ་ནི་མ་ཡིན་ཏེ། བལྟོས་པ་མེད་པའི་ཕྱིར་རོ་སྙམ་དུ་དགོངས་པའོ། །བཟུང་བ་དང་འཛིན་པ་དག་གཅིག་པ་ཉིད་དུ་གང་སྨྲས་པ་ཡང། དེ་ཡང་གཅིག་འཛིན་པ་ནི་གཉིས་ཀྱི་རྣམ་པ་འཛིན་པ་ནི་སྐྱེ་བ་དང་འཇིག་པ་དག་ལ། རུང་བ་དང་མི་རུང་བ་ཉིད་ནི་འཛིན་པར་བྱེད་པ ་ལས་གཞན་པ་ཡོད་པ་དང་མེད་པ་ལ་སོགས་པའི་རྒོལ་བ་ལ། དེའི་ལན་ནི། ཤེས་པའི་ཆ་ཐ་དད་པ་དང། སྔ་མ་དང་ཕྱི་མའི་ཤེས་པ་ཐ་དད་པས་ཀྱང་གཟུང་བ་དང་འཛིན་བྱེད་ཉིད་ཀྱིས་ཉེ་བར་བླངས་པས། དེ་གཤའ་མར་བྱེད་པའི་བློའི་རྒྱུ་ནི་གཟུང་བྱ་དང་འཛིན་བྱེད་གཅིག ་པར་འདོད་པ་ཡིན་ན། གཅིག་པ་ཉིད་ཀྱི་བདག་ཉིད་ལ་དཔེ་ནི་ཁྱེད་ལ་གདན་ཡང་ཡོད་པ་མ་ཡིན་ནོ་ཞེས་བྱ་བའི་གཞན་གྱི་འདོད་པ་ཉེ་བར་བརྗོད་ནས། དེ་ལ་ནུས་པ་ཅན་དང། དཔེ་མེད་པར་ངེས་པར་བསྟན་པ་ཞེས་བྱ་བ་ལ་སོགས་པ་ཡང་རྣལ་འབྱོར་སྤྱོད་པའི་ཐེག་པ་དང་རྗེས ་སུ་མཐུན་པ་མ་ཡིན་ཏེ། དེས་གཟུང་མེད་པས་དེས་འཛིན་མེད། ཅེས་བྱ་བ་ནི། གཟུང་འཛིན་གྱིས་སྟོང་པའི་ཤེས་པ་ནི་དེ་ཁོ་ན་ཉིད་གཅིག་པུ་ཡིན་ནོ་ཞེས་བྱ་བ་ནི་དེ་རྣམས་ཀྱི་ལྟ་བ་ཡིན་པའི་ཕྱིར་རོ། །དམིགས་པ་དང་བཅས་པར་ངེས་ལ། སྔོ་དང་དེ་བློ་ཐ་དང་མིན ་ཞེས་བྱ་བ་ཡང་གཟུང་འཛིན་གྱི་རྣམ་པ་ཐ་དད་པས་སྟོང་པ་ནི་དེ་ཁོ་ན་ཉིད་ཡིན་ཏེ། ཐ་མི་དད་པར་ཉེ་བར་དམིགས་པའི་ཕྱིར་རོ་ཞེས་བྱ་བའི་དོན་ཏོ། །སྟོང་པ་ཉིད་དུ་གང་བཤད་པ་ཇི་ལྟར་ཡིན། ཁོ་བོ་ཅག་གི་རྣམ་པའི་དབྱེ་བ་མ་མཐོང་བའི་ཕྱིར་གཟུང་བ་དང་འཛིན་པའི་བདག་ཉིད ་གང་ཡིན་པའི་རྣམ་པར་དབྱེ་བ་ཁས་བླངས་པ་དེ་ནི་མེད་པ་ཡིན་ནོ་ཞེས་བྱ་བའི་དོན་ཏོ། །དེའི་ཕྱིར་ཉམས་སུ་མྱོང་བ་ཉིད་ཁོ་ནས་སྔོན་པོ་ལ་སོགས་པ་དེ་ལས་ལྡོག་པ་ཡང་དེའི་རྣམ་པ་དང་བྲལ་བར་མཐོང་བའི་ཕྱིར་ཐ་མི་དད་པར་སྒྲུབ་པར་བྱེད་པ་ནི་མངོན་སུམ་དང་འགལ་བ ་ཡིན་ནོ། །བསྒྲུབ་བྱ་དང་འབྲེལ་པར་མ་མཐོང་ན་སྒྲུབ་བྱེད་ཀྱི་རྗེས་སུ་དཔག་པ་འཇུག་པ་ཡིན་པའི་ཕྱིར་རྟགས་ལ་སོགས་པ་འཛིན་པར་བྱེད་པའི་མངོན་སུམ་ལ་རྗེས་སུ་དཔག་པ་བལྟོས་པ་ཡིན་ཏེ། དེས་ན་དེ་དང་འགལ་བ་ཡིན་གྱི་མངོན་སུམ་ནི་དེ་ལྟ ་མ་ཡིན་ནོ། །དེ་ནི་བདག་ཉིད་དོན་གྱི་དེ་མ་ཐག་པར་ངེས་པར་བྱེད་ན། རང་གི་ཡུལ་ལ་རྣམ་པར་གཞག་པར་བྱེད་པ་མ་ཡིན་ཏེ། གང་གིས་དེ་ལ་མ་འགྲུབ་པར་ཐེ་ཚོམ་ཟ་བ་ཡིན་ན། རྗེས་སུ་དཔག་པ་ལ་བལྟོས་པར་འགྱུར་རོ། །འོ་ན་ཅི་ཞེ་ན། སོ་སོར་སྣང་བ་ཉིད་ལས་སོ།། ་འདི་སྔོན་པོའི་ཞེས་བྱ་བ་ནི་སོ་སོར་སྣང་བ་ལ་ཐེ་ཚོམ་ཟ་བ་མ་ཡིན་ནོ། །དེ་ཡང་ཀ་བའོ་ཞེས་བྱ་བ་འམ་རྩིག་པའོ་ཞེས་བྱ་བར་ཤིན་ཏུ་ངེས་པའི་བློ་ཇི་ལྟར་ཕྱིན་ཅི་ལོག་པར་འགྱུར་ཞེས་སྨོས་པའོ། །དང་པོ་ལ་ནི་ལེགས་པར་དཔྱད་པས་ལན་ཐེབས་པ་ཡིན་ནོ། །གང་ལས ་འགྲོ་བ་ཐམས་ཅད་ཀྱི་ཉམས་སུ་མྱོང་བར་བྱ་བ་ཉིད་དུ་སྣང་བ་ཡིན་ལ། དེས་ན། བུད་མེད་ཅིག་གི་ལུས་ལ་ཡང། །དཀའ་ཐུབ་པ་དང་འདོད་ལྡན་ཁྱེའི། །རོ་དང་འདོད་བྱ་གཟའ་བ་སྟེ། །རྣམ་པར་རྟོག་པ་རྣམ་གསུམ་འབྱུང། །རྣམ་པ་ཐམས་ཅད་པའི་དངོས་པོ་ལ་ངེས་པའི ་བག་ཆགས་ཀྱི་དབང་གི་ཐམས་ཅད་དོན་ཐམས་ཅད་འཛིན་པ་ནི་མ་ཡིན་ནོ། །དེ་བཞིན་དུ། སྐར་མ་རྒྱུ་སྐར་ཚེས་གྲངས་རྣམས། ཞེས་བྱ་བ་ལ་སོགས་པའི་རྟགས་ཀྱི་བྱེ་བྲག་འཛིན་པ་ནི། སྒྲའི་དབྱེ་བའི་ཐབས་ཅན་དང། དབྱིབས་དང། སྐྱེ་གནས་ཀྱིས་ཀྱང་འགྲིབ་པ ་དང་འཕེལ་བ་དང་དེ་གཉི་ཀའི་དངོས་པོའི་ཚུལ་གྱི་རྟགས་རྣམས་ཀྱིས་བརྗོད་པར་འདོད་པའི་དབང་གིས་སྦྱོར་བ་ཇི་ལྟ་བ་བཞིན་དུ་ངེས་པ་ཉིད་འཛིན་པ་ཡིན་གྱི། ཐམས་ཅད་ཀྱིས་ཐམས་ཅད་ནི་མ་ཡིན་ནོ། །དེས་ན་དེ་ལྟར་ངེས་པའི་ངོ་བོ་གཞན་འཛིན་པ་ནི་གཞན ་སྒྲུབ་པར་བྱེད་པ་མ་ཡིན་པ་གནོད་པ་མེད་པ་དོན་དམ་པ་བ་ནི་གཞན་ལ་མི་བལྟོས་པའི་ཕྱིར་རོ། །མི་བསླུ་བ་ཅན་ཉིད་ནི་ད་ལྟ་མ་ཡིན་ཏེ། འཇིག་རྟེན་པ་ཉིད་མ་ཡིན་པ་ལ་ཡང་སྐྱོན་མེད་དེ་ཚད་མ་ཅན་ཉིད་ཡིན་པའི་ཕྱིར་རོ་སྙམ་དུ་སེམས་པ་ལ། རང་ལས་རང་གིས་ངོ་བོ ་རྟོགས་ཞེས་བསྟན་པ་ཡིན་ཏེ། སྔོན་པོའི་རང་གི་ངོ་བོ་ཉིད་ནི་རང་ཉིད་ལས་རྟོགས་པར་བྱ་བ་ཡིན་གྱི། དེའི་གཟུང་ཉིད་དམ་འཛིན་པ་ཉིད་ལས་ནི་མ་ཡིན་ནོ། །བདེ་བ་ལ་སོགས་པ་བཞིན་དུ་འདི་ནི་སྔོན་པོའོ་ཞེས་གཞན་ཉིད་ལས་རྟོགས་པ་ཡིན་ནོ་ཞེ་ན། བདེན་ཏེ། མཐོང་བ ་ནི་གཞན་ཉིད་ལས་གོ་བ་མ་ཡིན་ལ་རྣམ་པར་རྟོག་པ་ནི་སྔོན་པོ་དེ་ལ་སྔོན་པོ་མ་ཡིན་པར་རྣམ་པར་སྤྱོད་པས་སམ། མི་ཤེས་པ་རྣམ་པར་སྤྱོད་པས་རྗེས་སུ་འགྲོ་བ་དང་ལྡོག་པ་དག་ལས་གཅིག་བཟུང་ནས་ཐ་དད་པའམ་གཞན་དུ་ཡང་སྣང་བར་བྱེད་པ་ནི་བག་ཆགས་ཀྱི ་སྟོབས་ཡིན་པར་བརྗོད་དེ། ཐ་དད་པར་ཡང་འཛིན་པར་བྱེད་པ་ཡིན་ནོ། །དེ་ནི་དོན་ཡང་དག་པར་བྱེད་པ་ཡིན་ལ། བདག་ཉིད་དང་སྲེ་བར་བྱེད་པ་ནི་བདག་ཉིད་དོན་དུ་སོ་སོར་སྣང་བའི་སྟོབས་ཀྱིས་དོན་བཞིན་དུ་བདག་ཉིད་ཀྱང་དེའི་བྱ་བའི་རྗེས་སུ་འབྲངས་ནས། བདག་གིས ་འདི་རིག་གོ་ཞེས་བྱ་བར་འགྱུར་རོ། །ཉམས་སུ་མྱོང་བའི་མྱོང་བ་ནི་དོན་ཉམས་སུ་མྱོང་བ་ཡིན་ནོ། །ཉམས་སུ་མྱོང་བ་ལ་མི་བལྟོས་པ་ཡིན་པ་ཐུག་པ་མེད་པའི་ཕྱིར་དོན་ཉམས་སུ་མྱོང་བར་མི་འགྱུར་རོ། །ལྐོག་ཏུ་མ་གྱུར་པ་ཡང་དག་པར་རིག་པ་ནི་ང་རྒྱལ་གྱི་ཡུལ་ཡིན ་ལ། དེའི་རྒྱུ་ཡང་དབང་པོ་ལ་སོགས་པའི་ཡིན་པའི་ཕྱིར་དེ་དག་ཙམ་ནི་བདག་གི་དངོས་པོ་ཡིན་གྱི་ཅིག་ཤོས་ནི་མ་ཡིན་ཏེ། མི་རྟོགས་པའི་ཕྱིར་རོ། །དེ་ཡང་སྐད་ཅིག་མ་རེ་རེ་ལ་གཞན་དང་གཞན་ཡིན་ཏེ། རྒྱུ་ཉེ་བར་དམིགས་བཞིན་པ་ལ་འཁྲུལ་པས་འདི་ཉིད་ནི་ཕྱི ་རོལ་ལོ། །འདི་ཉིད་ནི་ཕྱི་རོལ་ལོ་ཞེས་ཉེ་བར་རྟོག་པ་ཡིན་གྱི་དེས་ཕྱི་རོལ་གྱི་ཕྱོགས་སུ་འཇོག་པ་ཡིན་ཡང་ཕྱི་རོལ་བར་སོ་སོར་སྣང་བ་མ་ཡིན་ཏེ། མཐོང་བ་ལ་དེ་ལྟ་བུ་མི་སྣང་བའི་ཕྱིར་རོ། །སྔོན་པོར་མཐོང་བ་ནི་ཕྱི་རོལ་རིག་པ་མ་ཡིན་ཏེ། ཐ་མི་དད་པར་རྟོགས ་པའི་ཕྱིར་རོ། །སྔོན་པོ་ཉིད་ནི་ཤེས་པ་མ་ཡིན་ཏེ། དེ་མེད་ན་ཡང་སེར་པོ་ལ་སོགས་པ་ཡོད་པའི་ཕྱིར་རོ། །མ་ཡིན་ཏེ། དེ་དག་ཐ་དད་པ་ཡིན་ན་དེ་ལས་ལྡོག་པ་མ་ཡིན་པའི་ཤེས་པ་ཁྱད་པར་ཅན་ཡང་ཐ་དད་པར་འགྱུར་རོ། །ཁྱད་པར་ཅན་ཡང་སྔར་ནི་དེ་དང་བྲལ་བ་ཡིན ་ལ། དབང་པོ་ལ་སོགས་པའི་སྟོབས་ཀྱིས་འགྱུར་བ་ཡིན་ནོ། །མ་ཡིན་ཏེ། གནས་སྐབས་དེ་ནི་གང་ནས་ཀྱང་རྙེད་པ་མ་ཡིན་ཏེ། ཁྱད་པར་ཅར་གྱི་ཕྱི་རོལ་ཡིན་པའི་ཕྱིར་རོ་ཞེ་ན། མ་ཡིན་ཏེ། གཅིག་ལ་གཅིག་བརྟེན་པར་འགྱུར་བའི་ཕྱིར་ཏེ། འདིར་ཕྱི་རོལ་ཡིན ་པའི་ཕྱིར་ཁྱད་པར་ཅན་ཉིད་དུ་གྲུབ་པ་ཡིན་ལ། གྲུབ་པ་དེ་ཡང་འདིའི་ཕྱི་རོལ་ཉིད་ཡིན་ནོ། །དབང་པོ་དང་ཡུལ་ལས་གཞན་པ་ཡོད་པར་གྱུར་ཀྱང་གང་མེད་ན་སོ་སོར་སྣང་བ་མི་འབྱུང་བ་ཡིན་ལ། དེ་ནི་འདིའི་ཡིན་གྱི་ཤེས་པའི་ནི་མ་ཡིན་ཏེ། དེ་མ་ཡིན་པས་དྲངས་པ་ཉིད་ཀྱི་ཕྱིར ་རོ་ཞེ་ན། མི་རིགས་ཏོ། དེ་མ་ཐག་པའི་ཤེས་པ་ལས་གཞན་པ་དེ་ལས་གཞན་རྟོགས་པ་མེད་པའི་ཕྱིར་རོ། །སྔོན་པོའི་ཤེས་པའི་དེ་མ་ཐག་པའི་སེར་པོའི་ཤེས་པ་ཇི་ལྟར་ཡིན། མ་ཡིན་ཏེ། དེ་ལ་ཡང་སེར་པོའི་ཤེས་པ་ཉིད་དེ་མ་ཐག་པ་ཡིན་པའི་ཕྱིར་འབའ་ཞིག་པོ་དེ་ནི ་ཉེ་བ་མ་ཡིན་ཏེ། འདས་པ་ཡིན་ནོ། །དེ་ཡང་མཚུངས་པ་ནི་ཡོད་པ་མ་ཡིན་ལ། དེ་མ་ཐག་པ་ནི་བར་ཆད་པ་མེད་པ་ཡིན་ཏེ། འདི་ནི་རིགས་མཚུངས་པའི་དེ་མ་ཐག་པ་ཡིན་ནོ། །དེ་ལྟ་བུ་ལས་བྱུང་བ་ནི་བག་ཆགས་ལས་བྱུང་བ་ཡིན་པར་བརྗོད་དེ། སྔ་མ་དང་ཕྱི་མའི་སྐད་ཅིག་མ ་རྣམས་ཀྱི་འབྲས་བུ་དང། རྒྱུ་ཉིད་བག་ཆགས་ཡིན་ལ། སྐད་ཅིག་མ་ཉིད་ཡིན་པར་ཡང་སྒྲུབ་པར་བྱེད་པར་འགྱུར་རོ། །དྲན་པ་ནི་འདས་པའི་ཉམས་སུ་མྱོང་བ་ལས་འབྱུང་བ་སྟེ་བག་ཆགས་ལས་འབྱུང་བ་ཞེས་བརྗོད་དོ། །སང་བ་པོ་མེད་ན་ཇི་ལྟར་བག་ཆགས་ལས་བྱུང་བ ་ཡིན་ཁྱེད་ལ་ཡང་མཚུངས་སོ། །ཁོ་བོ་ནི་ཡུལ་དང་དུས་ལ་སོགས་པའི་རྒྱུ་མཚན་དུ་འདོད་དོ་ཞེ་ན། ཁོ་བོ་ཡང་དེར་སྣང་བའི་ཤེས་པ་རྒྱུ་མཚན་ཡིན་ནོ། །དེ་ཅི་ལས་ཡིན། ཁྱོད་ཀྱི་ཡང་ཅི་ལས་ཡིན། རང་གི་རྒྱུ་ལས་སོ། །ཁོ་བོའི་རང་གི་བག་ཆགས་ཡིན་ནོ། །སྨོན་ལམ ་ལ་སོགས་པ་འཇིག་རྟེན་པ་ཉིད་ཀྱི་སང་བའི་རྒྱུ་ནི་རྙེད་པར་དཀའ་བ་ཡིན་ནོ། །དེ་སྐད་དུ་ཡང། གལ་ཏེ་མཚུངས་པ་དེ་མ་ཐག་།རྐྱེན་ལས་ངེས་པར་མི་སྨྲ་ནའོ་ཞེས་གསུངས་པའོ། །མཐོང་བའི་གཟུང་བྱ་ཉིད་ཀྱི་རྣམ་པར་རྟོག་པ་ལས་དེའི་ཡུལ་སྔོན་པོའི་རྣམ་པར་རྟོག་པ་ལས ་བཞིན་དུ་རྟོགས་པར་འགྱུར་གྱི། རྟག་པའི་རྣམ་པར་རྟོག་པ་ལས་ནི་མ་ཡིན་ཏེ། འཁྲུལ་པའི་ཕྱིར་རོ། །དེ་ལ་གཞན་དུ་མཐོང་བ་ནི་གནོད་པ་ཅན་ཡིན་ནོ། །གཟུང་བྱ་འཛིན་པ་ཞེས་བྱ་བ་འདི་ལ་ཡང་མཚུངས་སོ། །ཉམས་སུ་མྱོང་བ་ནི་རྗེས་སུ་དཔག་པའི་བསྒྲུབ་བྱ་མ་ཡིན་ནོ། །དེ་ལྟ་ཡིན་ན ་ཤེས་པ་ལ་ཐ་དད་པ་ཉམས་སུ་མྱོང་བ་མེད་པའི་ཕྱིར་དེའི་བག་ཆགས་སམ། རྣམ་པར་རྟོགས་པ་ཡང་མེད་དོ། །མ་ཡིན་ཏེ་ནམ་པར་རྟོག་པ་གཞན་གྱིས་ཉམས་སུ་མྱོང་བའི་ཕྱིར་ལ། དེ་ཡང་བག་ཆགས་གཞན་ལས་ཡིན་ཞིང། དེ་ཡང་རྣམ་པར་རྟོག་པ་གཞན་ལས་ཡིན་ཏེ། ཐོག ་མ་མེད་དོ། །མཐོང་བ་ནི་རང་གི་བག་ཆགས་ལས་འབྱུང་བ་མ་ཡིན་པ་ལ་དེ་བཞིན་དུ་རྣམ་པར་རྟོག་པ་ཡང་ངོ་ཞེས་སྟོབས་མཚུངས་པའི་ཕྱིར་གང་གིས་གང་ལ་གནོད་པ་ཡིན། གཉི་ག་དག་གིས་གཉིས་ཀ་འགྲུབ་པ་ཡིན་ན། གཉིས་མེད་པ་ཉིད་དམ། ཅིག་ཤོས་སུ་འགྱུར་རོ། ་མ་ཡིན་ཏེ། དངུལ་གྱི་རྣམ་པར་རྟོག་པ་བཞིན་དུ་མཐོང་བའི་ཡུལ་ལ་རྟོག་པར་བྱེད་པ་ཡིན་ལ། གཉིས་མེད་པར་མཐོང་བ་ནི་ཉ་ཕྱིས་བཞིན་དུ་གནོད་པ་ཅན་ཡིན་ནོ། །དེ་བཞིན་དུ་བཟློག་པ་དེ་དང་འདྲ་བའི་ངོ་བོ་ནི་རྣམ་པར་རྟོགས་པ་ཉིད་ཀྱིས་རྟོགས་པར་འགྱུར་རོ་ཞེ་ན། མ་ཡིན་ཏེ། ་མཐོང་བའི་ཡུལ་ཡང་དེ་ལས་བཟློག་པ་ཡིན་པའི་ཕྱིར་རོ། །བྱ་བ་ལས་ཡིན་ནོ་ཞེ་ན། དེ་དེ་ལྟ་ཡིན་ན་རྣམ་པར་རྟོག་པ་བྱེད་པ་པོར་གྱུར་པའི་ཕྱིར་རིགས་པ་ཅན་ཆེན་པོ་ཉིད་དུ་གསལ་བར་བྱས་པ་ཡིན་ནོ། །གཅིག་དངོས་གཅིག་གི་རྣམ་པ་ཞེས། །དབང་ཕྱུག་གིས་ནི་བསྟན་པ་མིན ་ཞེས་བྱ་བ་ཡིན་ནོ། །མ་ཡིན་ཏེ། ཚད་མས་གྲུབ་པའི་ཕྱིར་རོ། །གཉི་ག་ཤེས་པ་ཡིན་ནོ་ཞེས་ན། མ་ཡིན་ཏེ། རང་དབང་དུ་མི་རྟོགས་པའི་ཕྱིར་རོ། །རྒྱབ་རྟེན་གང་གིས་མཐོང་བ་གནོད་པར་བྱེད་པ་ཡིན། རེ་ཞིག་དོན་ནི་མེད་པ་ཡིན་ལ། བག་ཆགས་ཀྱང་གཉི་ག་མ་མཚུངས་པ ་པ་ཡིན་ནོ། །མཐོང་བས་རང་གི་ཡུལ་ལ་རྣམ་པར་འཇོག་པར་བྱེད་ན་བཟློག་པ་སེལ་བར་བྱེད་པའི་ཕྱིར་དང། མ་བསལ་བ་ཡིན་ན་རྣམ་པར་འཇོག་པ་མེད་པ་ཡིན་ནོ། །མཐོང་བས་ངོ་བོ་གཞན་མ་མཐོང་བ་ཉིད་ནི་རྣམ་པར་རྟོག་པའི་ཡུལ་ཡིན་གྱི། རང་དབང་བ་ནི་མ་ཡིན་ཏེ། དེ་ཉིད ་ནི་ངོ་བོ་གཞན་ལ་རྟོག་པར་བྱེད་པའི་ཕྱིར་རོ། །མ་ཡིན་ཏེ། ངོ་བོ་གཉིས་ཕན་ཚུན་རྗེས་སུ་འཇུག་པ་མ་ཡིན་པས་གཅིག་མ་ཡིན་པའི་ཕྱིར་དེས་རྟོགས་པ་ཞེས་བྱ་བ་ནི་རང་དབང་མ་ཡིན་པའི་ཕྱིར་གནོད་བྱ་ཉིད་ཡིན་ནོ། །རྣམ་པར་བརྟག་བྱའི་བཟློག་པ་ནི་མཐོང་བ་ལས་གཞན ་པ་ཉིད་དུ་རྟོགས་པ་མ་ཡིན་པའི་ཕྱིར་མ་འགྱུར་རོ། །མཐོང་བའི་བྱ་བའི་རྗེས་སུ་འཇུག་པ་ཅན་ནི་སྔོན་པོའི་རྣམ་པར་རྟོག་པ་ལས་ཡིན་པ་བཞིན་དུ། དེ་མ་ཡིན་པ་ཡོངས་སུ་སྤངས་ནས་འཇུག་པ་ནི་འགལ་བ་མ་ཡིན་ནོ། །དེ་ཉིད་ནི་ཐོག་མ་མེད་པའི་བག་ཆགས་ལས་བྱུང་བའི་རྣམ་པར ་རྟོག་པས་ཕྱི་རོལ་ཉིད་དུ་སྒྲོ་བཏགས་པ་ན་མཐོང་བ་ན་མེད་དོ་ཞེས་ཟེར་བ་ནི། བྱེ་བྲག་ཏུ་རབ་ཏུ་མ་གྲུབ་པ་ལ་སོགས་པ་རྣམས་ཀྱི་དམིགས་པར་བྱ་བ་མ་ཡིན་ནོ། །འདིར་སྨྲས་པ། དེ་ནི་རྟོགས་བྱེད་བརྗོད་བྱ་ཉིད། །ཚད་མ་བ་ལ་རིགས་མ་ཡིན། །ཚད་མ་ལ་ལྟོས་མི་དེ་ཉིད། །དེ་ལ ་ལྟོས་པ་མེད་པར་གནས། ཤེས་བྱ་བ་དེ་ཡོངས་སུ་རྟོག་པར་བྱེད་པའི་སློབ་མ་རྣམས་ལ་གཏན་ཚིགས་ཀྱིས་སྟོན་པར་བྱེད་པ་ཡིན་ནོ། །བློ་ལ་བརྟེན་ནས་ཉེ་བར་དམིགས་པ་ནི་སྒྲུབ་བྱེད་བཞིན་དུ་འཇུག་པར་བྱེད་པ་མ་ཡིན་ཏེ། མངོན་སུམ་དང་འགལ་བའི་ཕྱིར་རོ། །སྒྲུབ་བྱེད་ཀྱིས ་ནི་བསྒྲུབ་བྱ་ལ་དམིགས་པ་ལས་བྱེ་བྲག་མེད་པས་དམིགས་པ་མེད་པར་དམ་འཆའ་བ་ལ་གནོད་པར་བྱེད་པ་མ་ཡིན་ཏེ། དེ་མ་ཡིན་པའི་ངོ་བོ་ཡོངས་སུ་སྤངས་པས་རྣམ་པར་རྟོག་པ་རྣམས་འཇུག་པར་མཐོང་བའི་ཕྱིར་དང། ཕྱི་རོལ་སྣང་བ་ལ་ཡིན་པའི་ཕྱིར་དང། མངོན་པར ་འདོད་པ་ཙམ་གྱིས་དེའི་ཡུལ་ཉིད་དུ་ཁས་བླངས་པ་དང་མི་འགལ་བའི་ཕྱིར་ཏེ། རང་ཉིད་ལ་དམིགས་པ་མ་ཡིན་པ་ཉིད་ཡིན་ན། ཁས་བླངས་པ་ཉམས་པ་ཡང་མ་ཡིན་ནོ། །རང་ཉིད་ལ་བྱེད་པ་འགལ་བས་སུ་ཡང་དེ་ལྟར་ཁས་མི་ལེན་པའི་ཕྱིར་རོ། །དེ་ཉིད་གསལ་བའི་ངོ་བོ ་གཞན་ལ་མི་བལྟོས་པ་ནི་དམིགས་པ་མེད་པའི་ཕྱིར་མི་དམིགས་པར་འདོད་དོ། །དེ་ལྟར་ན་ཆོས་དང་ཆོས་ཅན་དང་གཏན་ཚིགས་དང་དཔེ་ལ་སོགས་པའི་དབྱེ་བ་ནི་རྣམ་རྟོག་གི་སྤྲུལ་པ་ནི་དོར་བྱ་མ་ཡིན་ཏེ། འགལ་བ་མེད་པའི་ཕྱིར་རོ། །བདེ་བ་ལ་སོགས་པ་ནི་འཛིན་བྱེད་ཡིན ་ལ། གཟུང་བྱ་ནི་སྔོན་པོ་ལ་སོགས་པ་ཡིན་ནོ་ཞེ་ན། མ་ཡིན་ཏེ། རྣམ་པར་རྟོག་པ་མེད་པ་དེ་དག་གི་དེ་ལྟ་བུ་ཉིད་ཉམས་སུ་མ་མྱོང་བའི་ཕྱིར་གཉིས་པོ་ཞེས་བྱ་བ་ནི་འདི་ལྟར་སྔོན་པོ་དང་སེར་པོ་བཞིན་དུ་གཟུང་བྱ་དང་འཛིན་བྱེད་མ་ཡིན་ལ། རྣམ་པར་རྟོག་པ་ནི་མི་བསླུ་བའི་ཚད་མ་ཡིན ་ནོ། །དེ་དག་ཉིད་ལ་མི་བསླུ་བ་ནི་མ་ཡིན་ལ། བཟློག་པ་ལ་ནི་མཐོང་བའི་ཕྱིར་མི་བསླུ་བ་ཡིན་ནོ། །དེ་ལྟར་ན་ཕྱི་རོལ་ཉིད་མ་གྲུབ་པའི་ཕྱིར་དོན་གྱི་ཤུགས་ཀྱིས་འཛིན་པར་བྱེད་པའི་རྣམ་པར་རྟོགས་པ་སྤངས་པ་ཡིན་ནོ། །རྒྱུར་བརྟགས་པ་ལ་ནི་དབང་པོ་འམ་བག་ཆགས་ཀྱང་རུང་རྒྱུ་ཡིན ་ནོ་ཞེས་བྱ་བར་ཡང་བཟུང་བ་ཅི་ཡང་ཞེས་བྱ་བས་བཤད་ཟིན་ཏོ། །ཐེ་ཚོམ་འམ་ངེས་པ་མ་ཡིན་ན། ཤེས་པའི་ངོ་བོའི་ངེས་པ་ལས་དོན་གྱི་དབྱེ་བ་ནི་མི་རིགས་ཏེ། བཟུང་བ་ཞེས་བྱ་བ་ནི་སྤྱི་ཙམ་དུ་ངེས་པ་ཡིན་ལ། ཅི་ཡང་ཞེས་བྱ་བ་ནི་ཁྱད་པར་གྱི་ངོ་བོར་མ་ངེས་པ་ཡིན ་པའི་ཕྱིར་རོ། །སྤྱི་ཙམ་དུ་ངེས་པ་ཡིན་ཡང་གདོན་མི་ཟ་བར་ཁྱད་པར་དུ་ངེས་པ་མ་ཡིན་ནོ། །ཐག་རིང་པོར་ཤིང་དུ་ངེས་པ་ཡིན་ཡང། ཤིང་དྷ་བ་ལ་སོགས་པར་ངེས་པ་མ་ཡིན་ནོ། །ཤེས་པ་ཡང་ཤེས་བྱ་རྣམས་ཀྱི་ཐུན་མིན་ལ། སྤྱི་ནི་དེ་མ་ཡིན་པ་ལས་ལོག་པའི ་ཕྱིར་དེ་དང་ལྡན་པ་ལས་གཞན་མ་ཡིན་ནོ། །གལ་ཏེ་མི་ཤེས་པ་ལས་ལོག་པ་ནི་ཤེས་པ་ལས་གཞན་མེད་ན་ཇི་ལྟར་ཡིན། མ་ཡིན་ཏེ། རྟོག་པའི་ཉམས་སུ་མྱོང་བྱ་ཡོད་པའི་ཕྱིར་རོ། །མེད་པའི་རྟོག་པ་ཅི་འདྲ་ཞིག། རྟོག་པ་ཡོད་ན་དངོས་པོར་འགྱུར། ཞེས་བྱ་བ་ཡིན་ནོ་ཞེ་ན། འདི ་ལ་སྨྲས་པ། རྟག་པ་དང་དབང་ཕྱུག་ལ་སོགས་པའི་རྣམ་པར་རྟོག་པ་བཞིན་དུ་མེད་པ་ལ་ཡང་རྟོག་པ་སྐྱེ་བ་ཡིན་ནོ། །དེ་བཞིན་དུ་རོ་དང་འདོད་པ་བྱ་བ་དང་བཟའ་བ་དང་བུད་མེད་དང་སྐྱེས་པ་དང་མི་ནང་ལ་སོགས་པའི་ཐ་སྙད་རྣམས་ཇི་ལྟར་གོམས་པས་དེ་མ་ཡིན་པའི་ངོ་བོ་སྤངས ་ནས་འཇུག་པ་ཡིན་པར་བཤད་པར་བྱའོ། །ཚོགས་པ་སྔ་མ་ཅན་ཉིད་ནི། །ཤེས་བཅས་ཡུལ་གྱི་སྐད་ཅིག་མ། །སྣང་བར་བཅས་པའི་གཟུགས་བཞིན་བྱེད། །དེས་ན་ལྷན་ཅིག་རིག་པར་འགྱུར། ཞེས་བྱ་བ་ཡིན་ནོ་ཞེ་ན། དེ་ལས་ཅིར་འགྱུར། གཟུང་བྱ་ལ་སོགས་པའི་རྣམ ་པར་རྟོག་པ་བཀག་པ་ཡིན་ལ། རྣམ་པར་རྟོག་པ་མེད་པ་ནི་གཉིས་ལས་སྐྱེས་པ་བཞིན་དུ། ཕན་ཚུན་བྱེད་པ་མ་ཡིན་པའི་ཕྱིར་དེ་ནི་གཉིས་མེད་པར་འགྱུར་རོ། །རྣམ་པར་རྟོག་པའི་གཟུང་བྱ་ནི་ཕྱི་རོལ་ཡང་ཡིན། ནང་ཡང་མ་ཡིན་པ་མ་ཡིན་ནམ། དེ་བཞིན ་དུ་རྟོག་པ་མེད་པ་ལ་ཡང་ཡིན་ནོ། །དེའི་འདི་ནི་གྲོང་དུ་རྐུན་པོ་བྱེད་པ་ལས་དགོན་པར་སྐྱབས་སུ་རེ་བ་ལྟ་བུ་ཡིན་ཏེ། རྟོག་པ་མེད་པའི་གཟུང་བྱ་ལ་བསྙོན་པར་བྱེད་ན་རྣམ་པར་རྟོག་པ་ལ་ཅི་ཞིག་ཁུར་ཆེན་པོ་ཡིན། མངོན་པར་འདོད་པ་ཙམ་ནི་མངོན་པར་འདོད་བཞིན་པའི་ཡུལ ་ཉིད་ཡིན་པ་ལ་བར་ཆད་ཡོད་པ་ཡིན་ཏེ། བར་ཆད་ཡོད་པའི་ཡུལ་གཞན་མི་དམིགས་པའི་ཕྱིར་རོ། །དེ་ལྟར་ན་ཤེས་པ་ཉིད་ཀྱང་བདེ་བ་ལ་སོགས་པ་བཞིན་དུ་གཅིག་ནི་ལྐོག་ཏུ་མ་གྱུར་ཀྱང་གཞན་གྱི་ལྐོག་ཏུ་གྱུར་པ་ཡིན་ཏེ། དེ་མ་ཡིན་པའི་རྒྱུད་ལ་ཡོད་པའི་ཕྱིར་རོ།། ་ཐག་རིང་བ་དང་ཉེ་བ་གནས་པ་དག་གི་གསལ་བ་དང་ཅིག་ཤོས་སུ་སྣང་བ་དུ་མ་ཉིད་ཡིན་ལ། གཅིག་ཏུ་མངོན་པར་འདོད་ཡང་དེའི་བྱ་བ་མི་བྱེད་པ་རྣམ་པར་བཅད་པས། སྐྱེས་བུ་ཉིད་ཀྱི་བདེ་བ་ཡིན་པ་ལ་སྐྱོན་མེད་དོ། །དེ་ཉིད་ཀྱིས་ན་རང་ལས་གཞན་གྱིས་ཉམས་སུ ་མྱོང་བ་མ་ཡིན་པའི་ཕྱིར་རམ། ཉམས་སུ་མྱོང་བ་ལ་ཡང་རུང་ཤེས་པའི་དུས་ཀྱི་ཤེས་པ་ཐམས་ཅད་ལ་ཐུན་མོང་བ་ཉིད་ཡིན་པས། འཇུག་པའི་ཡུལ་མ་ཡིན་པས། ཕྲེང་བྱ་མ་མཐོང་བ་ལས་ཐེ་ཚོམ་ཡིན་པའི་ཕྱིར་གནོད་པ་མེད་པ་ཉིད་མེད་པས་དེ་དང་འབྲེལ་པ་ཅན་ཉིད ་ཁོ་ན་འཇུག་པའི་ཡན་ལག་གི་ཚད་མ་ཉིད་ཡིན་ཏེ། ཚད་མས་གྲུབ་པ་ཡིན་སྙམ་དུ་དགོངས་པའོ། །ཡང་ན་ཚད་མ་མི་སླུ་བ་ཅན་ཞེས་བྱ་བ་དེས། གཞན་ལས་ཚད་མ་ཉིད་ཡིན་པ་རབ་ཏུ་བསྒྲུབས་ནས། །རང་ལས་ཚད་མ་ཐམས་ཅད་ཀྱི། །ཚད་མ་ཉིད་ཅེས་གཟུང་བར ་བྱ། །ཞེས་པ་སེལ་བར་བྱེད་པ་བསྟན་པ་ནི། རང་ལས་རང་གི་ངོ་བོ་རྟོགས་ཞེས་བྱ་བ་ཡིན་གྱི། ཚད་མ་ཉིད་ཀྱི་ནི་མ་ཡིན་ནོ། །སྔར་བདག་ཉིད་རིག་པ་ནི་དུས་ཕྱིས་འབྲེལ་པ་ཅན་ཉིད་མི་རིགས་པ་ཡིན་ན་ཕྱི་མ་ཡང་དེ་བཞིན་དུ་མ་ཡིན་ནམ། གཞན་ལས་ཡིན་ནོ་ཞེ་ན་ཡང། དེ ་ཡང་དེ་འདྲ་བ་ཁོ་ན་ཡིན་ནོ། །དེ་འདྲ་བ་མ་ཡིན་ན་དེ་དང་འདྲ་བ་སྔ་མ་ཡང་ཡིན་པའི་ཕྱིར་གནོད་པ་མེད་པ་ཉིད་ཇི་ལྟར་ཚད་མ་ཉིད་མ་ཡིན། ཕྱི་དང་འབྲེལ་བ་ཅན་ཉིད་སྔ་མའི་རང་གི་ངོ་བོ་ཡིན་པའི་ཕྱིར་དེ་རིག་པ་ཉིད་ཀྱིས་རིག་པ་མ་ཡིན་ནམ། དེའི་ཚེ་འདིའི་ངེས་པ་འབའ་ཞིག་ནི་མེད་པའི་ཕྱིར ་ཤེས་པ་ཕྱི་མས་ངེས་པར་བྱེད་པ་ཡིན་གྱི་འཛིན་པར་བྱེད་པ་ནི་མ་ཡིན་ནོ། །དོན་གྱིས་རང་གི་ངོ་བོ་གཅིག་།བདག་ཉིད་མངོན་སུམ་ཡིན་པ་ལ། །ཚད་མ་རྣམས་ཀྱིས་བརྟག་བྱ་གང། །མ་མཐོང་ཆ་གཞན་ཅི་ཞིག་ཡོད། །དེ་ཕྱིར་དངོས་པོ་མཐོང་བ་ཡིས། །ཡོན་ཏན་མཛའ་དག་མཐོང་བ་ཉིད ་ཅེས་འཆད་པར་འགྱུར་བའོ། །དེས་ན་འདི་ལྟར་གོམས་པ་ཡོད་ན་རྟོགས་པར་ངེས་པ་ནི། རང་ཉིད་ཁོ་ན་ལས་ཡིན་པའི་ཕྱིར་དེ་ལ་ངེས་པའི་དོན་དུ་ཡང་གཞན་ལ་ལྟོས་པ་མ་ཡིན་ལ། གང་དུ་བཟུང་བ་ལ་ཡང་ཕྱིན་ཅི་ལོག་ཏུ་ངེས་པས་སྒྲིབས་པ་ནི་ཉ་ཕྱིས་ལ་དངུལ་གྱི་ཤེས་པ ་བཞིན་དང། མི་རྟག་པ་ལ་རྟག་པའི་ཤེས་པ་བཞིན་དུ་དེ་ལས་གཞན་པ་ཉིད་ཚད་མ་ཡིན་གྱི་སྔ་མ་ནི་མ་ཡིན་ཏེ། བྱ་བ་ཡོངས་སུ་མ་རྫོགས་པའི་ཕྱིར་རོ། །འདི་ཡང། གཟུགས་ཆོས་མཐུན་པ་མཐོང་བ་ལས། ཉ་ཕྱིས་ལ་དངུལ་རྣམ་པ་ལྟར། གལ་ཏེ་འཁྲུལ་པའི་རྒྱུ་མཚན ་གྱིས། །ཡོན་ཏན་གཞན་སྦྱོར་མི་བྱེད་ན། །འཁྲུལ་པའི་ངེས་པར་མི་བྱེད་པས། སྒྲུབ་པ་རབ་ཏུ་འཇུག་པ་ཡིན། ཞེས་ཀྱང་འཆད་པར་འགྱུར་བའི་ཐེ་ཚོམ་ནི་ཚད་མའི་བྱ་བ་ལ་གནོད་པར་བྱེད་པ་མ་ཡིན་ནོ། །དེ་ལྟ་ཡིན་ན་དུ་བ་དང་ལྡན་པ་ལས་མེ་དང་ལྡན་པ་ཉིད་ལ་མེར་མི ་རིགས་པ་ནི་རང་ཉིད་ལས་ཤེས་པ་ཡིན་པར་འགྱུར་རོ། །འོན་ཏེ་མེ་ལ་བལྟོས་ནས་དེ་དང་ལྡན་པ་ཉིད་ཡིན་ལ། དེ་མི་འཛིན་པ་ཉིད་ཡིན་ན་འཛིན་པར་བྱེད་པ་མ་ཡིན་ཏེ། གཞན་ལ་བལྟོས་པའི་རིག་པ་ནི་ཕྱིན་ཅི་ལོག་ཏུ་སྒྲོ་བཏགས་པས་བར་དུ་བསྒྲིབས་པ་ཡིན་ནོ། །ད ་ལྟ་ཡིན་ན་ཕྱིན་ཅི་ལོག་ཏུ་སྒྲོ་བཏགས་པས་བར་དུ་ཆོད་པ་དེ་དང་ལྡན་པ་ཉིད་རིག་པ་ཇི་ལྟར་མ་བསྒྲིབས་པ་ཞེས་བྱ་བ་ཡིན། ཐག་རིང་བ་ལ་ནི་ཤིང་དུ་འཛིན་པ་ཡིན་ཡང་དེའི་བྱེ་བྲག་ཤིང་དྷ་བ་དང་ཤིང་པ་ལ་ཤ་ཡིན་ཞེས་བྱ་བ་ལ་ནི་ཐེ་ཚོམ་གྱིས་ནོན་པས་གཞན་ལ་བལྟོས ་པ་ཉིད་ཀྱི། ཐེ་ཚོམ་ཙམ་མམ། དེ་ལས་གཞན་གྱིས་སྤོང་བར་བྱེད་པ་མ་ཡིན་ཏེ། ཤིང་དྷ་བ་ལ་སོགས་པར་སྔ་མ་རིག་པའི་ཕྱིར་རོ། །དེ་ཉིད་ཤིང་དྷ་བ་ཡིན་ནོ་ཞེ་ན། མ་ཡིན་ཏེ། དེ་ཉིད་དུ་ཞེན་པ་མེད་པའི་ཕྱིར་རོ། །ཕྱིས་ཞེན་པ་ཡིན་ནོ་ཞེ་ན། གང་མཐོང་བ་ལས་དེ་བཞིན་དུ ་ཞེན་པ་ཡིན་ལ་དེ་ནི་བྱེ་བྲག་གཞན་ཡིན་ཏེ། མཐོང་བ་ཉིད་མཐོང་བ་ལ་ལག་པ་ལ་སོགས་པ་ལྟ་བུའོ། །མཐོང་བ་ཉིད་དུ་རིག་པ་ནི་ལག་པ་ལ་སོགས་པ་རིག་པ་མ་ཡིན་ཏེ། ཐེ་ཚོམ་མེད་པར་ཐལ་བར་འགྱུར་བའི་ཕྱིར་རོ། །གཅིག་ཉིད་ལ་ནི་དེ་བཞིན་དུ་འགྱུར་ལ། འདི་ནི་ཉ་ཕྱིས་ཀྱི ་ཤེས་པ་བཞིན་དུ་འགྱུར་ཏེ། ཉ་ཕྱིས་ལ་ཡང་དངུལ་ལས་བྱེ་བྲག་ཡིན་ལ། དངུལ་ལ་འམ་དེ་ལས་བྱེ་བྲག་ཏུ་བཟུང་བ་ཡིན་ན། གནོད་པ་ཅན་གྱི་ཤེས་པ་བཞིན་དུ་སྒྲོ་བཏགས་པ་མེད་པར་ཐལ་པར་འགྱུར་རོ། །དེའི་ཕྱིར་གང་ལས་ཀྱིས་འབྱུང་བ་ནི་བྱེ་བྲག་འཛིན་པ་ལ་ངེས ་པ་ཡིན་གྱི། དེ་ལ་སྔར་ནི་དེ་འཛིན་པ་མེད་པ་ཡིན་ཏེ། དྲུག་ལྡན་ལ་སོགས་པ་འཛིན་པ་ལྟ་བུ་སྟེ། མ་གོམས་པ་རྡུལ་ལྡན་ལ་སོགས་པའི་བྱེ་བྲག་རིག་པ་མ་ཡིན་ནོ། །དེའི་ཚེ་རིག་པ་མ་ཡིན་ན་དབང་པོའི་བྱ་བ་ཡོད་ཀྱང་ཕྱིས་ཇི་ལྟར་རིག་པར་བྱེད་པ་ཡིན་ཏེ། བྱེ་བྲག་མེད་པའི ་ཕྱིར་རོ། །དབང་པོའི་བྱ་བ་བྱེ་བྲག་ཏུ་མི་འགྱུར་ཏུ་ཟིན་ཀྱང་ཡིན་ནོ་གོམས་པ་ཡིན་ན། བྱེ་བྲག་ཆེན་པོར་འགྱུར་རོ། །དབང་པོ་ལས་སྐྱེས་པ་ནི་མངོན་དུ་བྱེད་པ་ཡིན་ན། ཇི་ལྟར་ཡིད་ཀྱིས་བྱེད་པ་ཡིན། མཐོང་བའི་ཕྱིར་སྤངས་པ་མ་ཡིན་ནོ། །དབང་པོ་མེད་ཀྱང་འབྱུང་བ་ནི་གཞན ་གྱི་ཚེ་ཡང་ཡིན་ན་དེས་བསྐྱེད་པར་ཇི་ལྟར་འགྱུར། བདེན་ཏེ། དེའི་ཚེ་ཡང་ཡིད་ཀྱི་ཉིད་དངོས་ཀྱི་རྒྱུ་ཡིན་ལ། དབང་པོ་ནི་རྗེས་སུ་འཇུག་པ་ཡིན་ནོ། །དེས་ནི་ངེས་ཆོག་གོ་།དེ་སྐད་དུ་ཡང། ཚད་མ་རྣམ་པར་ངེས་པ་ལས། དེ་ལྟར་རབ་ཏུ་བསྒྲུབས་པ་ནི་རྗེས་སུ་དཔག་ཉིད་འདོར་བ ་མ་ཡིན་ཏེ། ཞེས་སྨོས་པ་ལ་མི་བསླུ་བ་ལ་སོགས་པའི་ཁྱད་པར་ཡོད་པའི་སྒོ་ནས་ཐོབ་པར་བྱ་བ་ལ་ཚད་མ་ཉིད་ནི་རྗེས་སུ་དཔག་པར་བྱ་བ་ཡིན་གྱི། མངོན་སུམ་ནི་མ་ཡིན་ཏེ། གཞན་ལ་བལྟོས་པའི་ཕྱིར་རོ། །གོང་དུ་ཡང་མི་བསླུ་བ་དང་བསླུ་བ་ལ་སོགས་པས་དམིགས ་པ་ནི་གཞན་གྱི་དབང་ཡིན་པར་བསྟན་པ་དེ་ལ་ཡང་སྐྱོན་ཡོད་པར་བསྟན་པ་ཡིན་ནོ་ཞེས་བྱ་བའི་དོན་ཏོ། །དེ་ལྟ་ཡིན་ན་བྱེ་བྲག་དེ་སྔར་ཤིན་ཏུ་མ་བཟུང་བ་ཡིན་ནོ། །དེ་ལྟ་ནི་ཅི་ཞིག་བཟུང་བ་ཡིན། སྤྱི་ཡིན་ནོ། །ཅི་དེ་ལྟར་གྱི་ཁས་ལེན་པ་ཡིན་ན། བདེན་ཏེ། དེ་ཉིད་ཤེས་པའི་སོ་སོར་སྣང་བ ་ཁྱད་པར་དུ་བའི་ཐུན་མོང་བའི་སྤྱི་ཡིན་ཏེ། ཐག་རིང་པོར་ཡལ་ག་ལ་སོགས་པ་ཅན་དུ་སྣང་བ་ལྟ་བུའོ། །དེ་ཡང། རྟགས་ནི་སྤྱིའི་ཡུལ་ཅན་དུ། །སྔར་བསྟན་ཐ་དད་མི་གནས་ཕྱིར། ཞེས་བྱ་བ་དང། གཟུགས་ཆོས་མཐོང་བ་ལས་ཞེས་ཀྱང་གསུངས་པའོ། །གང་དུ་རིག་པར་བྱེད་པ ་ནི་གཞན་ལ་བལྟོས་པ་མ་ཡིན་ཏེ། སྐད་ཅིག་མ་ཉིད་ཀྱི་ཤེས་པ་ཙམ་ལ་སོགས་པ་ལའོ། །དེ་ལ་ནི་མངོན་སུམ་ཉིད་ལས་ཚད་མ་ཡིན་ལ། ཐོག་མ་མེད་པ་ལ་སོགས་པའི་དུས་ཀྱི་མ་རིག་པའི་ས་བོན་གྱི་རྗེས་སུ་འབྲང་ནས་ཐ་སྙད་འདོགས་པ་པོ་ཡུལ་མཐོང་ནས་ཡུལ་ཅན་ལ ་འཇུག་པར་བྱེད་པ་ནི་སྐྱེད་བྱེད་ཉིད་དུ་བརྗོད་པར་ཕ་ཉིད་ལ་འཇུག་པ་ལྟ་བུ་ཡིན་པའི་ཕྱིར་སྔ་ན་མེད་པར་སྒྲུབ་པར་བྱེད་པ་ནི་མ་ཡིན་ནོ། །འདི་ལ་ཡང་ཚད་མ་རྣམ་པར་ངེས་པ་ལས། གཞན་ཉམས་སུ་མྱོང་བའི་ཡུལ་རྣམས་ལམ་ཞེས་སྨོས་པ་སྟེ། ཡུལ་རིག་པར་བྱེད་པ་ལ་གཞན ་ལ་བལྟོས་པ་མེད་པ་རྣམས་ལས་ཞེས་བྱ་བའི་དོན་ཏོ། །ཡུལ་ཡང་རང་གི་ངོ་བོ་ཉིད་ཡིན་ནོ། །དེ་ཉིད། དོན་གྱི་རང་གི་ངོ་བོ་ཉིད་གཅིག་ཅེས་བྱེ་བ་ལ་སོགས་པ་ཡང་དོན་འདི་ཉིད་ཡིན་པར་ཤེས་པར་བྱའི་རང་དབང་དུ་ནི་མ་ཡིན་ནོ་ཞེས་བྱ་བ་ནི་འདིར་འདིའི་དོན་ཡིན་ཞེས་བྱ་བའི་དོན་ཏེ། ་གཅིག་སྟེ་གཞན་ལ་མི་ལྟོས་པའི་དོན་གྱི་རང་བཞིན་ཏེ་རང་གི་ངོ་བོའི་ཁོངས་སུ་གཏོགས་པ་ནི་མངོན་སུམ་སྟེ། རབ་ཏུ་གསལ་བའི་ངོ་བོ་ལ་སྐད་ཅིག་མ་ཉིད་ལ་སོགས་པར་རྟོགས་པ་ཡིན་ན། གཞན་ཏེ། ངོ་བོ་གཞན་མ་རྟོགས་པའི་རྒྱུ་མཚན་ཡོད་པ་མ་ཡིན་པ་ནི་གང་ཤེས་པར་བྱེད་པའི ་ཚད་མ་གཞན་བཙལ་དགོས་པའོ། །དེ་ལྟ་ཡིན་ན་སུ་ཞིག་ཚད་མ་གཞན་ཚོལ་བར་བྱེད་པ་ཡིན་ལྡོག་པའི་སྒོ་ནས་བསྟན་པ་ནི། མི་བྱེད་ན་ཞེས་བྱ་བ་ལ་འཁྲུལ་པའི་རྒྱུ་མཚན་གྱིས་ཏེ། མེ་ལ་སོགས་པ་དང་བྲལ་བའི་རི་ལ་སོགས་པ་མཐོང་བ་ལས་སམ། ཐག་རིང་བར་ཤིང་དྷ་བ་ལ་སོགས ་པའི་ཁྱད་པར་དང་བྲལ་བའི་ཤིང་ཙམ་དུ་མཐོང་བས་སམ། ཕྱི་མ་དང་འབྲེལ་བ་དང་བྲལ་བའི་སྔ་མ་མཐོང་བས་ཀྱང་རང་སྟེ། དེ་ལས་གཞན་པས་མི་གནོད་པས་ཕྱིན་ཅི་ལོག་ཏུ་སྒྲོ་འདོགས་པ་ཡིན་ན་ཁྱད་པར་དུ་འདོད་པ་སྒྲུབ་པའི་དོན་དུ་ཚད་མ་གཞན་ཚོལ ་བར་བྱེད་པ་ཡིན་ཞེས་བྱ་བའི་དོན་ཏེ། །གང་དུ་ཡང་གཞན་ལ་མི་བལྟོས་པ་དེར་ཡང་ཐོག་མ་མེད་པའི་ཕྱིན་ཅི་ལོག་གི་བག་ཆགས་ལས་བྱུང་བའི་མངོན་པར་འདོད་པས་བསླུས་པ་ཡིན་པ་ཐ་སྙད་དུ་མ་བྱེད་པ་ཐ་སྙད་ལ་འཇུག་པར་བྱེད་པ་ཡིན་པར་བསྟན་པ་ནི། དེ་ཕྱིར་དངོས་པོ ་མཐོང་བ་ཡིས། །ཡོན་ཏན་མཛའ་དག་མཐོང་བ་ཉིད། །འཁྲུལ་པས་ངེས་པར་མི་བྱེད་པས། །བསྒྲུབ་པ་རབ་ཏུ་འཇུག་པ་ཡིན། །ཞེས་གསུངས་པའོ། །དེའི་ཕྱིར་ཕྱི་མ་དང་འབྲེལ་པ་ཅན་ཉིད་ནི་སྔ་མའི་རང་གི་ངོ་བོ་མ་ཡིན་ཞིང་རང་ལས་ནི་མི་རིགས་པས་རིག་པར་བྱེད་པ་ལ ་བལྟོས་པ་ཡིན་གྱི་དེ་ཡང་ཡོད་པ་མ་ཡིན་པའི་ཕྱིར་ཚད་མ་དང་ཅིག་ཤོས་ཀྱི་རྣམ་པར་དབྱེ་བ་ནུབ་པར་འགྱུར་རོ། །སྙམ་དུ་སེམས་པས། འོ་ན་ཇི་ལྟར་ཚད་མ་ཉིད་ཅེས་བྱ་བ་སྨྲས་པ་ལ། ལན་དུ། ཐ་སྙད་ལས་ནི་ཚད་མ་ཉིད། །ཅེས་བྱ་བ་སྨོས་ཏེ། འཇིག་རྟེན་པའི་ཐ་སྙད་ནི ་འཁོར་བ་བཞིན་དུ་ཡོད་པ་ཡིན་ལ། ཚད་མ་དང་ཅིག་ཤོས་ཀྱི་རྣམ་པར་དབྱེ་བ་ཡང་ཡོད་པའི་ཕྱིར་དེ་ནི་དེ་ལས་འགྲུབ་པར་བརྗོད་པ་ཡིན་ནོ། །མངོན་སུམ་ལ་སོགས་པ་ནི་ཐ་སྙད་ཀྱི་གཞི་མ་ཡིན་ཏེ། དེས་གྲུབ་པ་ནི་ཚད་མས་རིག་པ་མ་ཡིན་པའི་ཕྱིར་བག་ཆགས ་ཉིད་ནི་གཞི་བོ་ཡིན་ནོ། །དེ་ཡང་རྣམ་པར་རྟོགས་པའི་བག་ཆགས་ཀྱིས་གཞག་པ་ཡིན་ཞེས་བསྟན་ཟིན་ཏོ། །བག་ཆགས་ལས་བྱུང་བ་ཡིན་ཡང་ཉམས་སུ་མྱོང་བ་ཉིད་ནི་སྔ་མ་ཉིད་དམ། ཕྱི་མ་ཉིད་ཀྱིས། ཨུ་ལེ་ཁ་ཏི་སྲེ་བར་བྱེད་པ་འམ། འབྱེད་པར་བྱེད་པ་ཡང ་རུང་སྟེ། བག་ཆགས་དང་ཉམས་སུ་མྱོང་བ་དང་འབྲེལ་པའི་ཕྱིར་རོ། །ཉམས་སུ་མྱོང་བ་དང་འབྲེལ་བར་ཅི་ལས་ཡིན་ཞེས་བཤད་ཟིན་ཏོ། །ཉམས་སུ་མྱོང་བ་དང་འབྲེལ་པའི་བག་ཆགས་ལས་བྱུང་བ་ནི་ཇི་ལྟར་ཉམས་སུ་མྱོང་བ་འཛིན་པ་ཡིན་གྱི་རྣམ་པར་རྟོག་པའི་བག་ཆགས ་ལས་ནི་མ་ཡིན་ཏེ། བརྫུན་པ་འཛིན་པའི་བག་ཆགས་ལས་སོ། །རང་གི་ངོ་བོ་མ་འདྲེས་པ། །དེ་རྣམས་རྟོག་པས་འདྲེས་པར་བྱེད། །ཅེས་བསྟན་པ་ཡིན་ནོ། །དེ་ལྟ་བུ་དེ་ནི་ཕྱི་མ་དང་འབྲེལ་པ་ཅན་གྱི་སྔ་མ་ཉིད་ཀྱི་འམ། དེ་དང་བྲལ་བ་ཉིད་ཀྱང་རུང་སྟེ། ཐ་སྙད་ཀྱི་རྣམ་པར་རྟོག ་པས་གྲུབ་པ་ཡིན་གྱི། ཚད་མས་ནི་མ་ཡིན་ནོ་ཞེས་བྱ་བའི་དོན་ཏོ། །རང་གི་ངོ་བོ་ཞེས་བྱ་བ་ཤེས་པའི་ཡིན་གྱི་ཚད་མ་ཉིད་ཀྱི་ནི་མ་ཡིན་ནོ་ཞེས་བྱ་བའི་དོན་རིགས་པ་གང་ལས་ཤེས་པ་ཡིན་ཞེ་ན། དེའི་ཚེ་ཚད་མ་ཉིད་ཀྱི་རང་གི་ངོ་བོ་བརྗོད་པར་བྱེད་པ་ཉིད་ཁོ་ན་རིགས་པ་དང ་འགལ་བ་ཉིད་དུ་འགྱུར་གྱི། ཤེས་པའི་རང་གི་ངོ་བོ་བརྗོད་པར་བྱེད་པ་ནི་མ་ཡིན་པར་བསྟན་པ་ནི། །ཞན་ཡང་ཐ་སྙད་པའི་ཚད་མ་ཞེས་བྱ་བ་སྟེ། ཐ་སྙད་ལས་ནི་ཚད་མ་ཉིད། །ཅེས་བྱ་བ་འདིས་ནི་ཚད་མ་ཉིད་ཀྱི་རང་གི་ངོ་བོ་ཉིད་ནི་ཐ་སྙད་ལས་གྲུབ་པར་བསྟན་པ་ཡིན་ནོ།། ་དེ་ལྟ་མ་ཡིན་ན། དེ་རྗོད་པར་བྱེད་པ་དོན་མེད་པ་ཅན་དུ་འགྱུར་རོ། །དེ་ལྟར་རྗོད་པར་བྱེད་པ་ཉིད་ལས་ཚད་མ་ཉིད་ནི་རང་གི་ངོ་བོ་ལས་གཞན་པ་ཡིན་ནོ། །རང་གི་ངོ་བོ་རྟོགས་བཞིན་པ་དེ་དང་འབྲེལ་པ་ཅན་ཆོས་ཅན་གྱི་ཤེས་པའི་ངོ་བོ་ཉིད་དུ་བསྟན་པ་ཡིན་ནོ། །གཞན་ནི་དབང ་བྱེད་པ་མ་ཡིན་ཞེས་བྱ་བའི་དོན་ཏེ། །ངེས་པར་བཟུང་བ་གཉིས་པ་བསྟན་པ་ནི། །འདི་ལྟར་གལ་ཏེ་ཚད་མ་ཉིད་ཅེས་བྱ་བའོ། །གང་གིས་དེ་མ་ཐག་ཏུ་དོན་བྱེད་པ་ཉམས་སུ་མྱོང་བ་དེའི་ཤེས་པ་ནི། དེ་དང་འབྲེལ་པ་ཅན་ཉིད་ཚད་མ་ཉིད་ཡིན་པར་ཐ་སྙད་ཅེས་བྱ་བར་རྣམ ་པར་རྟོག་པ་གང་ཡིན་པ་ལས་གྲུབ་པ་ཡིན་ལ། གང་ལ་དེ་མེད་པ་དེ་ལ་ཇི་ལྟར་ཐ་སྙད་ཀྱིས་གྲུབ་པ་ཡིན་སྙམ་དུ་སེམས་པ་ལ། དེ་ཕྱིར་ཐ་སྙད་ཙམ་དུ་ཞེས་བྱ་བ་སྨོས་ཏེ། དེ་ཡང་ཐ་སྙད་ཙམ་ཏེ། དོན་བྱེད་པ་དང་འབྲེལ་བ་འཛིན་པར་བྱེད་པའི་རྣམ་པར་རྟོག་པས་རབ་ཏུ་གྲུབ ་པ་སྟེ། བསྐྱེད་པ་ནི་དེ་དང་འདྲེ་བར་མཐོང་བའི་རྟག་པས་བྱུང་བ་རྗེས་སུ་དཔག་པའི་ཚད་མ་གང་ཡིན་པ་དེ་ལ་བརྟེན་ནས་གྲུབ་པ་ནི་དོན་བྱེད་པ་རྟོགས་པ་འབྲེལ་པ་སྟེ། གཞལ་བྱ་ལ་བརྟེན་ནས་འཇུག་པ་ཡིན་ཞེས་བྱ་བར་སྦྱར་རོ། །དེ་ནི་འདི་ཡིན་ནོ་ཞེས་བྱ་བ་ནི་ཚད་མའི ་ངོ་བོ་བསྟན་པ་ཡིན་ལ། མཐོང་བས་ཤེས་བྱ་བ་ནི་གཞལ་བྱ་བསྟན་པ་ཡིན་ཏེ། མིག་གི་རྣམ་པར་ཤེས་པ་ལ་སྣང་བ། འདས་པའི་དོན་བྱེད་པ་ལ་དམིགས་ནས་ཕྱོགས་དེ་ཉིད་ཀྱི་དེ་བསྒྲུབ་པར་བྱེད་པ་ཉིད་དུ་རྗེས་སུ་དཔོག་པ་ཡིན་ན། འཇུག་པའི་ཡུལ་དུ་གྱུར ་བ་ལ་ནི?་ཞེས་བྱ་བའི་འོན་ཏོ། །གལ་ཏེ་སྣང་བའི་དོན་བྱེད་པར་སྒྲུབ་པར་བྱེད་པ་ཉིད་དུ་རྟོགས་ནས་འཇུག་པ་ཡིན་ཞེས་བྱ་བ་ནི་མི་རིགས་སོ། །འོན་ཅི་ཞེ་ན། དེ་ཉིད་མཐོང་ལ་དེ་ཉིད་ཕྲད་བྱ་ཡིན་ནོ་ཞེས། དེས་པས་འཇུག་པར་བྱེད་པ་ཡིན་པའི་ཕྱིར་རོ། །འོན་ཏེ་མཐོང་བའི་བྱ་བའི ་རྗེས་སུ་འབྲངས་ནས་ཐ་དད་པར་དཔྱོད་པས་བསྒྲུབ་བྱ་ཉིད་དང། སྒྲུབ་བྱེད་ཉིད་དུ་བརྗོད་དོ། དེ་ལྟ་ན་ཡང་མཐོང་བ་ནི་རང་རང་གི་ངོ་བོའི་མཐར་ཐུག་པ་ཡིན་པའི་ཕྱིར་སྒྲུབ་པར་བྱེད་པ་ཉིད་ནི་མ་ཡིན་ཏེ། དེས་རྟོགས་པར་བྱ་བའི་ཚད་མ་ནི་སྒྲུབ་བྱེད་ཉིད་ཀྱི་ཤེས་པ་ཡིན་ནོ་སྙམ ་དུ་སེམས་པ་ནི། གལ་ཏེ་མཐོང་བས་ནི་ཞེས་བྱ་བའོ། །གཞན་ཡང་ཐ་སྙད་དུ་ནི་གཅིག་པའི་ཕྱིར་ཞེས་བྱ་བའོ། །གལ་ཏེ་ཡང་མཐོང་བ་ནི་དེ་སྒྲུབ་པར་བྱེད་པ་འམ་ཅིག་ཤོས་ཀྱང་རུང་རྟོགས་པར་བྱེད་པ་མ་ཡིན་ཡང་མཐོང་བ་དང་ལྷན་ཅིག་བྱེད་པའི་བག་ཆགས་ལས་བྱུང་བ ་ཉིད་ནི་མེ་དང་དུ་བ་བཞིན་དུ་རྗེས་སུ་འགྲོ་བ་དང་ལྡོག་པ་ཡིན་པར་རྟོགས་པར་བྱེད་པ་ཡིན་ལ། དེ་ཉིད་ནི་དེ་སྒྲུབ་པར་བྱེད་པ་ཡིན་ཏེ། དེ་དང་ཚོགས?་པ་གཅིག་པའི་སྒྲུབ་བྱེད་ཉིད་དམ་དེ་དང་ཡུལ་གཅིག་པ་ལ་སོགས་ཀྱི་རྒྱུ་མཚན་ལ་བརྟེན་ནས་དེ་དང་གཅིག་པར་ཐ ་སྙད་འདོགས་པ་པོ་སེམས་པ་ཡིན་ལ། དེའི་བསམ་པས་མཐོང་བ་དེ་ཉིད། འཐོབ་བྱ་དེ་ཉིད་ཡིན་པར་བརྗོད་དོ། །རྟོག་གེ་པའི་རྣམ་པར་རྟོག་པ་ཙམ་གྱི་ཡུལ་ནི་རྗེས་སུ་འགྲོ་ལྡོག་ལས་བྱུང་བ་དེ་བསྒྲུབ་པར་བྱེད་པ་ཡིན་ལ། ཕ་རོལ་པོས་བརྟགས་པའི་ཡན་ལག?་ཅན ་ལ་སོགས་པ་འགེགས་པར་བྱེད་པ་ཡང་ཡིན་གྱི། གང་དུ་འདི་ལྟ་བུའི་རྒྱུ་མཚན་དང་བྲལ་པ་རྣམ་པར་རྟོག་པ་ཙམ་ནི། མེའི་སྦྱིན་སྲོག་ལས་མཐོ་རིས་ཐོབ་པ་ཡིན་ཞེས་ཟེར་བ་བཞིན་དུ། དེ་ནི་ཚད་ན་མ་ཡིན་ཞེས་བྱ་བའི་དོན་ཏོ། །མངོན་སུམ་ལ་སོགས་པ་ཚད ་མར་མངོན་པར་འདོད་པའི་རང་གི་ངོ་བོ་ཉམས་སུ་མྱོང་བ་ཡིན་ན། དོན་བྱེད་པ་ཉམས་སུ་མྱོང་བ་ནི་རིག་བྱེད་ལ་སོགས་པའི་རྣམ་པར་རྟོག་པ་ལས་བྱེ་བྲག་ཏུ་བསྟན་པ་མ་ཡིན་ནམ། དེ་ཡང་རེས་འགའ་བ་ཉིད་ཡིན་པས་རྣམ་པར་རྟོག་པ་ཙམ་ལས་མི་སྲིད་དོ། །ཁྱབ་པས་ཚད་མ ་མངོན་པར་འདོད་པ་དེ་ལ་ཡང། དེ་ཡོད་པ་མ་ཡིན་པའི་ཕྱིར་བྱེ་བྲག་མེད་པ་ཡིན་ནོ་སྙམ་དུ་སེམས་པས་ཟེར་བ་ནི། གལ་ཏེ་དོན་བྱེད་པ་ཐོབ་པར་བྱེད་པ་ཉིད་ཀྱིས་ཞེས་བྱ་བའོ། །ཚད་མའི་ཐོབ་པར་བྱེད་པ་ཉིད་ནི་ཤེས་པར་བྱེད་པ་ཉིད་མ་ཡིན་ནམ། དེ་ཇི་ལྟར་བྱེད་པ་པོ་ཉིད ་ཡིན་པར་སེམས་པ་ནི། དོན་མེད་ན་ནི་མེད་པའི་ཕྱིར་ཞེས་བྱ་བའི་དོན་མེད་ན་མི་འབྱུང་བ་ཅན་ཉིད་ཡིན་པར་སེམས་པ་དེ་ལྟ་ན་ཡང་དོན་གྱི་འབྲས་བུ་ཞེས་བྱ་བར་སྨྲ་བར་རིགས་པ་ཡིན་ལ། ཇི་ལྟར་དོན་གྱི་བྱེད་པ་པོ་ཡིན་ཞེས་བྱ་བའོ། །གདོན་མི་ཟ་བར་འབྱུང་བའི་འགྱུར ་བའི་འབྲས་བུ་ནི་རྒྱུ་ཉིད་ཡིན་ནོ་ཞེས་བྱ་བའི་བསམ་པ་ཡིན་པས་སྐྱོན་མེད་དོ། །དེའི་ཕྱིར་དོན་མེད་ན་མི་འབྱུང་བ་ཉིད་ཤེས་པ་འམ། དོན་མེད་ན་མི་འབྱུང་བ་ཉིད་ཀྱང་ངོ་ཞེས་བྱ་བའི་དགོངས་པས། ཤེས་པར་བྱེད་པ་པོ་དང། དོན་བྱེད་པ་པོ་ཞེས་བྱ་བའི་རྣམ་པར་དབྱེ ་བ་མེད་དོ། །གཅིག་གིས་འདོད་པའི་ལན་ནི། འབྲས་ལ་ཐེ་ཚོམ་ཡོད་ཅེས་ཏེ། ཞེས་བྱ་བ་ཡིན་ནོ། །འདི་ནི་ཆུ་ཡིན་ནོ་ཞེས་བྱ་བ་ཙམ་ནི་ཐ་སྙད་མ་ཡིན་ཏེ། ཁྲུས་ཙམ་མམ། བཏུང་བ་འམ་ཞེས་བྱ་བར་ཡང་མཐོང་བའི་ཕྱིར་རོ། །དེ་ལྟ་ཡིན་ན་དེ་ཉིད་དུ། དེ་དང་འབྲེལ་བ ་ཅན་ཉིད་རིག་པར་འགྱུར་གྱི། ཆུ་བོ་ཞེས་བྱ་བ་ནི་མ་ཡིན་ནོ། །མ་ཡིན་ཏེ། ཁྲུས་ལ་སོགས་པ་ལ་ནུས་པ་ཅན་དུ་བརྗོད་པའི་ཕྱིར་དང། གཞན་འདོད་པ་མ་ཡིན་པའི་ཕྱིར་རོ། །མི་འདོད་པ་ནི་རྒན་པོ་རྣམས་ཀྱི་ཡང་ཐ་སྙད་ཀྱི་ཡུལ་མ་ཡིན་ནོ། །དེ་རྣམས་ཐར་བསྒྲུབ་བྱེད་པར།། ་རྟག་པར་རིག་བྱེད་ལས་རྟོགས་ཏེ། །དེ་དང་འདྲ་བས་ཆོས་ཉིད་ཡིན། །ཞེས་ཀྱང་སྨོས་པའོ། །དེ་ལྟ་ཡིན་ན། འདི་ནི་ཆུ་བོ་ཞེས་བྱ་བ་ལ་སོགས་པའི་ཤེས་པའི་ཡུལ་ནི་དོན་བྱེད་ནུས་པའི་དངོས་པོ་ཡིན་གྱི་དོན་བྱེད་པ་ནི་མ་ཡིན་པའི་ཕྱིར་རོ། །ཇི་ལྟར་དེ་དང་འབྲེལ་པའི་ཚད་མ་ཉིད ་ཡིན། དངུལ་གྱི་ཤེས་པ་ནི་ཉ་ཕྱིས་ལ་མི་སླུ་བ་ཅན་མ་ཡིན་ལ། ནོར་བུའི་འོད་ལ་ནོར་བུའི་ཤེས་པ་ནི་དོན་བྱེད་པ་ལ་མི་སླུ་བ་ཡིན་པའི་ཕྱིར་ཚད་མ་ཉིད་དུ་འགྱུར་རོ། །འོན་ཏེ། དོན་ནི་སྲེག་པ་ལ་སོགས་པ་མིན་ལ་བྱེད་པ་ནི་བྱ་བ་བྱེད་པ་ཡིན་ནོ། །བྱེད་པ་པོ་ཉིད་ནི ་མེའི་ངོ་བོ་ཡིན་ལ། དེ་ལ་ཡང་མངོན་སུམ་ལ་སོགས་པ་མི་སླུ་བ་ཅན་ཉིད་ཡིན་ཏེ་ཐལ་ཆེས་པ་ན་མ་ཡིན་ནོ་ཞེས་བྱ་བ་ནི་གཅིག་གི་ཡིན་ནོ། །ལན་ནི་འབྲས་ལ་ཐེ་ཚོམ་ཡོད་ཅེས་ཏེ་ཞེས་བྱ་བ་སྟེ། འདོད་པའི་ཐབས་ཉིད་ཤེས་པ་ནི་འཇུག་པའི་ཡན་ལག་ཡིན་ཏེ། ཐབས་ལས ་བྱུང་བ་ལ་ཐེ་ཚོམ་ཟ་བ་ཡིན་ཡང། ཐབས་ཉིད་ལ་མ་ངེས་པ་ཉིད་ནི་མ་ཡིན་ཏེ། མཐོང་བ་གཉིས་ལ་སོགས་པའི་དེའི་ངོ་བོ་ཉིད་ལ་ངེས་པ་ཡིན་པའི་ཕྱིར་རོ། །ཐེ་ཚོམ་ལ་ནི་ཚད་མ་ཉིད་དུ་ཁས་མི་ལེན་པ་ཡིན་ནོ། །འདིར་སྨྲས་པ། སྐྱེས་བུས་འཇུག་དང་ལྡོག་བྱེད ་ཀུན། ཞེས་བྱ་བ་སྟེ། ཐབས་ཉིད་ལ་ངེས་པ་ལས་ཚད་མ་ཉིད་ཡིན་ན་ནི་རིག་བྱེད་ལས་བྱུང་བ་ལ་ཡང་འགྱུར་རོ། །མངོན་སུམ་ལ་སྣང་བ་ཉིད་ཀྱི་ཚད་མ་ཡིན་ལ། རྗེས་སུ་དཔག་པ་ཅན་མཐོང་བ་ལས་སྒྲུབ་བྱེད་དུ་ངེས་པ་ལས་སོ། །རིག་བྱེད་ལས་བྱུང་བ་ནི་དངོས་སུ་མཐོང ་བ་ལས་མ་ཡིན་ལ། དེས་བ་ཅན་མཐོང་བ་ལས་དེས་པ་ཡང་མ་ཡིན་ནོ་ཞེ་ན། མ་ཡིན་ཏེ། མེའི་ཕུང་པོ་ལ་སོགས་པ་མཐོ་རིས་ཀྱི་ཐེབས་ཉིད་དུ་ངེས་པའི་ཕྱིར་དེའི་ངེས་པ་ཡང་ཁ་ཅིག་ཏུ་མཐོང་བ་ལས་ངེས་པ་མཐོང་བ་ཡིན་པ་འམ། ཁ་ཅིག་ཏུ་རྒྱུ་སྐྱོན་ཅན་མ་ཡིན ་པའི་ཕྱིར་རྒྱུའི་སྐྱོན་མེད་པ་ནི་རིག་བྱེད་སྐྱེས་བུས་བྱས་པ་མ་ཡིན་པའི་ཕྱིར་རོ། །ངེས་པ་ཅན་མཐོང་བ་ཁོ་ན་ལས་ངེས་པ་ནི་མ་ཡིན་ཏེ། གཞན་དུ་ཡང་མཐོང་བའི་ཕྱིར་རོ། །མཐོང་བ་ཡང་ཚད་མ་ཡིན་པ་ནི་ཐབས་ལས་བྱུང་བ་ལ་ཐེ་ཚོམ་ཡིན་ཡང་དེ་ནི་དོན་གྱི་ཐབས ་ཉིད་རིག་པ་ཡིན་ནོ། །ཇི་ལྟར་དེས་པར་བྱེད་ཅེ་ན། དེ་ནི་ཅིག་ཤོས་ལ་ཡང་མཚུངས་སོ། །དེ་ལ་ཐབས་ལས་བྱུང་བ་ལ་ཁ་ཅིག་ཏུ་མཐོང་བ་ཡིན་ལ། གཞན་དུ་ནི་དེ་དང་འདྲ་བ་མཐོང་བ་ལས་ངེས་པར་བྱེད་པ་ཡིན་ནོ་ཞེ་ན། དེ་ལྟ་ཡིན་ལ་ཐབས་ལས་བྱུང་བ་དེས་པ ་ཉིད་ནས་ཚད་མ་ཉིད་དུ་གྱུར་པ་ཡིན་ལ། རིག་བྱེད་ལས་ནི་ཐབས་ལས་བྱུང་བ་མ་མཐོང་བ་ལས་ན་ཐམས་ཅད་ཇི་ལྟར་ངེས་པར་བྱེད་པ་ཡིན། འོན་ཏེ་གཉི་ག་ཡང་རིག་བྱེད་ཉིད་ལས་ངེས་པ་ཡིན་ལ། རྒྱུའི་སྐྱོན་མེད་པས་རྗེས་སུ་དཔག་པ་བཞིན་དུ་ཚད་མ་ཡིན་ནོ། །མ་ཡིན་ཏེ། ་རྗེས་སུ་དཔག་པ་ནི་མཐོང་བ་དང། ཆོས་མཐུང་པ་ཉིད་ཀྱིས་ཚད་མ་ཡིན་པའི་ཕྱིར་རོ། །རིག་བྱེད་ལ་ནི་མཐོང་བ་དཔེར་བྱ་བ་གང་ན་ཡང་མེད་དོ། །སྔར་མཐོང་བ་ཁོ་ན་མཐོང་བ་ཉིད་ཡིན་ནོ་ཞེ་ན། མ་ཡིན་ཏེ། རང་གི་ངོ་བོ་མ་མཐོང་བའི་ཕྱིར་རོ། །མངོན་སུམ་ལ་ཡང་དོན་བྱེད ་པའི་ངོ་བོ་མཐོང་བ་མ་ཡིན་ནོ་དེ་དང་འབྲེལ་པ་ངེས་པར་བྱེད་པ་ཡིན་ནོ་ཞེས་སྔར་བསྟན་པ་ཡིན་ཏེ། འབྲེལ་པ་ནི་དོན་བྱེད་པའི་ངོ་བོ་ཉེ་བ་ཡིན་ལ། དེ་ཉིད་ཀྱིས་ན་ཐ་སྙད་གྲུབ་པ་ཡིན་ནོ། །དེ་ལྟ་ཡིན་ན་རིག་བྱེད་ལ་ཡང་དེའི་ངོ་བོ་ཐ་སྙད་ལས་གྲུབ་པ་ཡིན་ནོ། །དེ་ལྟ་ཡིན ་ན་རིག་བྱེད་ལ་ཡང་དེའི་ངོ་བོར་ཐ་སྙད་ལས་གྲུབ་པའི་ཕྱིར་མི་མཐུན་པ་མེད་དོ། །རྒྱུའི་སྐྱོན་མེད་པར་ཇི་ལྟར་ངེས་པ་ཡིན། སྐྱེས་བུས་བྱས་པ་མ་ཡིན་པ་ཉིད་ཀྱིས་དེའི་སྐྱོན་འཕོ་བ་ནི་མི་སྲིད་པའི་ཕྱིར་རོ། །རབ་རིབ་ཅན་གྱི་ཤེས་པ་ལས་དེ་སྐྱོན་འཕོ་བ་མེད་པའི་ཕྱིར་ཚད ་མར་འགྱུར་རོ། །སྒྲ་ལས་ནི་རིགས་པ་འདི་ཡིན་ཏེ། འདི་ལྟར་སྐྱེས་བུའི་སྐྱོན་ཡོད་པ་དང་མེད་པ་དག་གིས་ཚད་མ་དང་ཅིག་ཤོས་ཉིད་ཡིན་ལ། གཞན་ཉིད་ལ་ནི་གཞན་དུ་ཡིན་ནོ་ཞེ་ན། དེ་ལྟ་ནི་མ་ཡིན་ཏེ། སྐྱེས་བུས་བྱས་པ་ལ་ནི་དེའི་སྐྱོན་མེད་པ་དང་ཡོད་པ་དག་གིས ་ཚད་མ་དང། ཅིག་ཤོས་དག་རིགས་པ་ཡིན་ན། སྐྱེས་བུས་མ་བྱས་པའི་རིག་བྱེད་ལས་བྱུང་བའི་མངོན་སུམ་ལ་སོགས་པ་ལ་ནི་རང་ལ་སྐྱོན་མེད་པ་དང་ཡོད་པ་དག་ཁོ་ནས་ཚད་མ་དང་ཅིག་ཤོས་ཉིད་ཡིན་པའི་ཕྱིར་སྐྱེས་བུས་མ་བྱས་པ་ཉིད་ལ་ཡང་རང་ལ་ཡོད་པའི ་སྐྱོན་མེད་པར་མ་ངེས་པ་མ་ཡིན་ནོ། །སྒྲ་ལས་བྱུང་བ་ཉིད་ཀྱིས་མཚུངས་པ་ཡིན་ཡང་སྐྱེས་བུས་བྱས་པ་མ་ཡིན་པ་ལས་ནི་མ་ཡིན་ནོ་ཞེ་ན། ཤེས་པ་ཉིད་ཀྱིས་ཡིན་པར་ནི་མཚུངས་པ་ཡིན་ལ། རབ་རིབ་ཅན་ལས་ཤེས་ནི་མ་ཡིན་ཏེ། རིག་བྱེད་ཀྱི་རིགས་པ། རབ ་རིབ་ཅན་ལ་ཡང་ཡིན་པར་འགྱུར་རོ། །ཐབས་ཀྱི་ངེས་པ་ཅན་ཉིད་ཀྱིས་འཇུག་པའི་ཡན་ལག་མ་ཡིན་པ་ནི་རྟོགས་པ་པའི་མཚན་ཉིད་ཀྱི་ངེས་པས་རྟོགས་པ་ལ་ཡང་ཡང་འཇུག་པ་མ་ཡིན་ཏེ། འཇུག་པར་མི་འདོད་པ་མེད་པར་ཐལ་པར་འགྱུར་པའི་ཕྱིར་རོ།། ་འོན་ཏེ་དོན་བྱེད་པའི་ངོ་བོ་མི་རྟོགས་པའི་ཕྱིར་དེའི་དོན་དུ་འཇུག་པ་ཡིན་ནོ་ཞེ་ན། ཇི་ལྟར་གཞན་དུ་རྟོགས་ལ་གཞན་ལ་འཇུག་པ་ཡིན། དེས་ནི་དེའི་ངེས་པ་ཉིད་ནི་འཇུག་པ་ལ་སྦྱོར་བར་བྱེད་པ་ཡིན་གྱི་ཐབས་རྟོགས་པ་ནི་མ་ཡིན་ནོ། །འདི་ནི་ཡོད་པ་མ་ཡིན་པའི་ཕྱིར་འཇུག ་པ་ལ་སྦྱོར་བར་བྱེད་པ་མ་ཡིན་ལ། སྦྱོར་པར་བྱེད་པ་མ་ཡིན་པ་ཐབས་མ་ཡིན་པ་ཉིད་ཀྱི་ངེས་པ་གཞན་དག་ཡོད་ཀྱང་དགོས་པ་ཅི་ཡང་མེད་དོ་ཞེས་བྱ་བའི་དོན་ཏོ། །དོན་བྱེད་པ་སྒྲུབ་པར་བྱེད་པའི་ཤེས་པ་ལས་དུས་ཕྱིས་འབྱུང་བར་འགྱུར་བ་ཚོགས་པ་གཞན་ལ་ལྟོས ་པ་ནི་རེས་འགའ་ཡིན་གྱི། སྒྲུབ་པར་བྱེད་པའི་ཤེས་པས་ངེས་པར་བྱེད་པ་ནི་མི་ནུས་པ་མ་ཡིན་ནམ། ནུས་པ་ཡིན་ན་ནི་སྒྲུབ་པར་བྱེད་པ་ངེས་པས་དོན་བྱེད་པ་ལ་འཇུག་པར་བྱེད་པ་ཡིན་གྱི་གཞན་དུ་ངེས་ལ་གཞན་ལ་ཇི་ལྟར་འཇུག་པ་ཡིན་ཞེས་བྱ་བ་བརྗོད་བྱ ་མ་ཡིན་ཏེ། དྲན་པ་དང་མངོན་པར་འདོད་པ་དག་གི་སྐྱེ་བྱེད་ཡིན་ན་འཇུག་པར་བྱེད་པ་ཉིད་ཡིན་པའི་ཕྱིར་རོ། །དེ་ཡང་ཐ་སྙད་འདི་ནི་སྲོག་དང་བཅས་པ་ཙམ་ཡིན་ནོ་ཞེས་སྨོས་པའོ། །སྒྲུབ་པར་བྱེད་པ་དམིགས་པ་ཡིན་ན་དེ་ལས་དྲན་ནོ། །དེ་ལས་ནི་འདོད་པ་དང། ་འཇུག་པ་དང་ཕྲད་པ་ཡང་ཡིན་ནོ་སྙམ་དུ་སེམས་པས་ཚད་མས་ནི་དོན་ཤེས་པར་བྱ་བ་ཡིན་གྱི་ཞེས་ཟེར་བ་ལ་ལན་དུ། གང་གི་དོན་དུ་འདི་ཙམ་པ། ཞེས་བྱ་བའོ། །གལ་ཏེ་ཉམས་སུ་མྱོང་བ་ལ་དྲན་པ་ཡིན་ན། ཇི་ལྟར་དེ་ལ་འདོད་པ་འམ་འཇུག་པ་ཡིན། ་དེ་སྒྲུབ་པར་བྱེད་པར་འདོད་པ་ཡིན་ནོ་ཞེ་ན། དེ་ཡང་ཐོབ་པ་ཡིན་ནོ། །འོན་ཏེ་དེས་བསྒྲུབ་པར་བྱ་བ་དོན་བྱེད་པ་ལ་ཡིན་ན?། དེའི་ངེས་པ་ཅན་མ་ཡིན་ན་དེ་ལ་དྲན་པ་འམ་འདོད་པ་ཇི་ལྟ་ཡིན་པ་བསམ་དགོས་སོ། །མ་གྲུབ་པ་དེ་མ་ངེས་པས། བསྒྲུབ་བྱ་དོན་བྱེད་པའི་ངོ་བོ ་དང་འབྲེལ་བ་གང་གི་ཡིན་པ་དེ་ལྟར་རོ། །སྒྲུབ་པར་བྱེད་པ་ངེས་པ་ཡིན་ཡང་དོན་བྱེད་པ་ལ་ཐེ་ཚོམ་ཟ་བ་ལས་ནི་འཇུག་པ་ཉིད་མ་ཡིན་ཏེ། ཐོབ་བྱ་དོན་བྱེད་པ་ལ་ཐེ་ཚོམ་ཟ་བ་ལས་ནི་འཇུག་པ་ཉིད་མ་ཡིན་ཏེ། ཐོབ་བྱ་དོན་བྱེད་པ་ལ་སྒྲུབ་པར་བྱེད་པ་ཉིད་དུ་མ་ངེས་པའི་ཕྱིར ་དང། རིག་བྱེད་ཀྱི་ཤེས་པ་ལས་ཀྱང་མེའི་སྦྱིན་སྲེག་སྒྲུབ་བྱེད་ཉིད་དུ་ངེས་པ་ཡིན་ན། འབྱུང་བར་འགྱུར་བ་མཐོ་རིས་ཀྱི་དོན་བྱེད་པ་ལ་ཐེ་ཚོམ་ཟ་བཞིན་དུ་འཇུག་པར་ཐལ་བར་འགྱུར་རོ། །དེ་དང་འདྲ་བའི་རྗེས་སུ་དཔག་པ་ལས་འཇུག་པ་ཡིན་ནོ་ཞེ་ན། མ་ཡིན་ཏེ། འདས ་པའི་དོན་བྱེད་པ་སྒྲུབ་པར་བྱེད་པ་ཉིད་ནི་མངོན་སུམ་ཡིན་པའི་ཕྱིར་རོ། །གང་ལ་འཇུག་པར་དེ་ལ་ཚད་མ་མ་ཡིན་པའི་ཕྱིར་ཐབས་ཀྱིས་ངེས་པ་ནི་འཇུག་པ་ལ་སྦྱོར་བར་བྱེད་པ་མ་ཡིན་ནོ་ཞེས་བྱ་བའི་དགོངས་པས། གལ་ཏེ་གསལ་བར་བྱེད་པའི་ཞེས་བྱ་བ་སྨོས་སོ།། ་འོན་ཏེ་བྱུང་བར་འགྱུར་པའི་རྗེས་སུ་འབྲངས་ནས་འབྱུང་བར་འགྱུར་བའི་དོན་བྱེད་པ་སྒྲུབ་པར་བྱེད་པ་ཉིད་ཁོ་ན་སྒྲུབ་བྱེད་ཀྱི་ཤེས་པས་ངེས་པར་བྱེད་པ་ཡིན་ནོ་སྙམ་དུ་སེམས་པ་ནི། གལ་ཏེ་དོན་བྱ་བ་བྱེད་པ་ཞེས་བྱ་བའོ། །དོན་སྒྲུབ་པར་བྱེད་པའི་དངོས་པོ་ནི་འབྱུང་བར་འགྱུར ་བའི་དོན་བྱེད་པ་སྒྲུབ་པར་བྱེད་པའོ། །དོན་བྱེད་པ་ནི་སྔོན་པོ་ལ་སོགས་ངོ་བོ་མཐོང་བ་ལས་འབྱུང་བར་འགྱུར་བའི་དངོས་པོ་གཞན་མ་ཡིན་ནམ། མེ་ལ་སོགས་པ་ལ་ནི་རིག་པ་ཡིན་ལ། ཆུ་ལ་སོགས་པ་ལ་ནི་བཏུད་བ་དང། ཀུན་ཏུ་རེག་པ་དག་ཡིན་ཏེ། དེ་ལྟ་བུ ་ཐམས་ཅད་སྒྲུབ་པར་བྱེད་པའི་ཤེས་པ་ཉིད་ཀྱི་སྟོན་པ་ཡིན་ནོ། །དེ་ལྟ་མོད་ཀྱི་དེ་ནི་སྣང་བཞིན་པའི་དོན་ངེས་པར་བྱེད་པ་ཉིད་ཀྱིས་ཚད་མ་ཡིན་ལ། མ་ངེས་པ་ལ་ནི་སྐད་ཅིག་མ་ཉིད་བཞིན་དུ་འཇུག་པར་བྱེད་པ་མ་ཡིན་པའི་ཕྱིར་ཚད་མ་ཡིན་ནོ། །ངེས་པ་ཡང་འདི ་ནི་སྔོན་པོའི་ཞེས་སྐད་ཅིག་མ་གང་ལ་མཐོང་བ་དེའི་རྒྱུན་ཡུལ་ཡིན་པ་འམ། དེ་དང་ཚོགས་པ་གཅིག་པ་ཅན་གྱི་བསྐྱེད་བྱའི་རྒྱུན་ཡུལ་ཡིན་པའོ། །མཐོང་བ་ནི་སྐྱེད་པར་བྱེད་པ་ལས་དེ་དང་མཚུངས་པའི་ཡུལ་ལ་ཚད་མར་འགྱུར་བ་ཡིན་གྱི། དེ་ནི་བདག་ཉིད་དམ་ཡུལ་ཡང ་རུང་སྟེ་རྗེས་སུ་དཔག་པ་བཞིན་དུ་ཐོབ་བྱའི་དེ་མ་ཐག་པར་ངེས་པར་བྱེད་པ་ལས་ནི་ཚད་མ་མ་ཡིན་ནོ། །འོ་ན་ཅི་ཞེ་ན། སོ་སོར་སྣང་བཞིན་པའི་དོན་ལ་ངེས་པར་བྱེད་པ་ཉིད་ཀྱིས་ཡིན་ནོ། །དེ་ཉིད་ཀྱིས་ན་མངོན་སུམ་ནི་རྗེས་སུ་དཔག་པ་ལས་ཐ་དད་པ་ཡིན་ནོ་སྙམ་དུ་སེམས་པ ་ལ། གང་གི་འཇལ་བར་བྱེད་ཅིང་ཞེས་བྱ་བ་སྨོས་ཏེ། བདེན་ཏེ། འདི་ནི་སྔོན་པོའོ་ཞེས་བྱ་བ་ནི་སྔོན་པོ་མ་ཡིན་པ་ལས་ལོག་པ་ཡིན་ཡང་སྔོན་པོ་གཞན་ལས་ཀྱང་ལོག་པར་ངེས་པར་བྱེད་པ་ཡིན་ནོ། །འདི་ནི་དུང་ལ་སེར་པོ་ལ་སོགས་པའི་ཤེས་པ་ལ་ཡང་མཚུངས་སོ། །འོན ་ཏེ་དེ་ནི་གནོད་བྱ་ཡིན་ལ། གནོད་བྱ་མ་ཡིན་པ་ནི་ཚད་མ་ཡིན་ཏེ། གནོད་པ་ཅན་མེད་པ་ལས་འཁྲུལ་པར་མ་གྲུབ་པའི་ཕྱིར་རོ། །འབྱུང་བར་འགྱུར་བའི་ཡུལ་མི་འཛིན་པ་ཁོ་ན་འདིའི་གནོད་བྱ་ཉིད་མ་ཡིན་ནམ། དེ་འདི་ཚད་མར་མངོན་པར་འདོད་པ་ལ་ཡང་མཚུངས་སོ། །འོན་ཏེ་འཛིན ་པ་ཡིན་ཡང་གནོད་བྱ་ཉིད་དུ་ནི་མི་བདེན་པ་ཡིན་ལ། གནོད་བྱ་མ་ཡིན་པ་ཉིད་དུ་ནི་བདེན་པ་ཉིད་ཡིན་ནོ། །གལ་ཏེ་དེའི་ཚེ་ཉིད་ཐོབ་བྱ་རྟོགས་པ་ཡིན་ན་ཅིའི་དོན་དུ་འཇུག་པར་བྱེད། འོན་ཏེ་ཐོབ་བྱ་མ་རྟོགས་པ་ཡིན་ན་དེ་ལྟ་མོད་ཀྱི་ངེས་པ་ཡིན་པ་མ་རྟོགས་པ་དེ་ལྟ་ན་ཡང་ངེས་པ ་ཡིན་པའི་ཕྱིར་ཇི་ལྟར་རྟོགས་པ་དང་ངེས་པ་དག་གི་ཡུལ་གཅིག་ཉིད་ཡིན། འོན་ཏེ་རྟོགས་པའི་རྣམ་པར་དཔྱོད་པའི་ངེས་པ་རྗེས་སུ་དྲན་པ་ལས་དེ་ལྟ་བུར་ངེས་པ་ཡིན་ནོ་ཞེ་ན། དེ་ལྟ་ཡིན་དུ་ཟིན་ཀྱང་རྣམ་པར་དཔྱད་པའི་ཡུལ་ལ་རྟོགས་པའི་བྱ་བ་ལ་དེ་ནི་རྟོགས་པ་མེད ་པ་ལས་འབྱུང་བ་ཡིན་གྱི། དེས་པ་རྟོགས་པ་དང་ལྷན་ཅིག་ཡུལ་གཅིག་པ་ནི་མ་ཡིན་ནོ་ཞེས་བྱ་བའི་དོན་ཏོ། །བྱེད་པར་ངེས་པ་མ་ཡིན་ཡང་དོན་ཙམ་ལས་ངེས་པ་ཡིན་ན་འཇུག་པ་ཡིན་ལ། རིག་བྱེད་ལས་ཀྱང་མཐོ་རིས་ལ་མ་ངེས་པ་ཡིན་ཡང། མེའི་སྦྱིན་སྲེག་ལ་ངེས ་པ་ཡིན་ན་བྱེ་བྲག་མེད་པ་ལས་འཇུག་པར་འགྱུར་རོ་ཞེས་བྱ་བའི་དོན་ཏོ། །དེ་ལྟ་ཡིན་ན་མངོན་སུམ་བཞིན་དུ་རིག་བྱེད་ལས་བྱུང་བ་ཡང་ཚད་མར་འགྱུར་རོ། །དོན་བྱེད་པའི་ངོ་བོར་སྔར་མངོན་སུམ་གྱིས་མཐོང་བ་ཡིན་ན་དེ་དང་འདྲ་བ་མཐོང་བ་ལས་སྲིད་པ་དེའི་རང་གི་ངོ་བོ་ཡིན ་པའི་ཕྱིར་དེའི་རིགས་སུ་འགྱུར་གྱི་རིག་བྱེད་ལ་ནི་དེ་ལྟར་མཐོང་བ་འམ། དེའི་རིགས་ཡིན་པ་འམ། སྲིད་པར་བྱེད་པ་མ་ཡིན་ཏེ། མཐོང་བ་མེད་པ་ཉིད་ཀྱི་ཕྱིར་རོ། །དེ་མེད་པ་ལ་དེ་སྲིད་པ་ནི་རི་རབ་ཀྱི་སྟེང་ན་རི་བོང་གི་རྭ་སྲིད་པ་བཞིན་དུ་ཐེ་ཚོམ་ཡོད་པའི་ཕྱིར་ཚད་མ་མ་ཡིན་ནོ། །དེ་བསྟན་པ་ནི། རང ་གི་ངོ་བོ་དོན་བྱེད་པའི། །ངེས་པར་རིག་པ་མ་ཡིན་ཕྱིར། །ཞེས་བྱ་བའོ། །འདི་སྐད་དུ་བསྟན་པ་ཡིན་ཏེ་རྣམ་པར་ཤེས་པ་ལ་ནི་ཐམས་ཅད་དུ་དོན་བྱེད་པ་དང་འབྲེལ་པ་ཁོ་ན་ཡིན་པར་རྟོགས་པར་བྱེད་པ་ཡིན་ནོ། །འདི་སྔོན་པོའོ་ཞེས་བྱ་བ་ནི་དོན་བྱེད་པར་ནུས་པའི་ངོ་བོ་ཡིན་གྱི་དངོས་པོ་ཙམ ་ནི་མ་ཡིན་ཏེ། ནུས་པ་ཉིད་ཀྱང་འབྲེལ་པ་ཁོ་ན་ཡིན་ལ། དེ་ཉིད་ནི་ཁོ་ན་ཉིད་ཀྱི་ཤེས་པའི་ཡུལ་ཡིན་ཞེས་བྱ་བ་ཡང་དེ་དང་དེར་བསྟན་ཟིན་ཏོ། །ཤེས་པ་ལ་ནི་གང་ལ་ངེས་པ་ཅན་གྱི་དོན་བྱེད་པ་ཐོབ་པ་དེ་ལ་དེའི་འབྲས་བུ་ཉིད་དམ། དེའི་རྒྱུ་ཉིད་དམ། དེའི་རང་བཞིན་ཉིད་ལས་ཚད་མ ་ཉིད་ཡིན་ནོ། །དེ་ལྟ་ཡིན་ན་གང?་ལ་དེའི་ཚེ་ཁོ་ན་དོན་བྱེད་པ་མེད་པའི་ཤེས་པ་དེ་ཇི་ལྟར་ཚད་མ་ཡིན། ཇི་ལྟར་ཡང་མ་ཡིན་ཏེ། དེ་ཡང་དོན་གྱི་བྱ་བ་བྱེད་པ་གལ་ཏེ་དོན་གསལ་བར་བྱེད་པ་མ་ཡིན་ན། དེ་དང་རབ་རིབ་ཅན་གྱིས་མཐོང་བའི་སྐྲ་ཤད་ལ་སོགས་པ་དོན་མེད་པ་དང་ཁྱད ་པར་ཅི་ཞིག་ཡོད་ཅེས་བྱ་བ་ལ་སོགས་པ་གསུངས་པ་ཡིན་ནོ། །དེའི་ཕྱིར་རིག་བྱེད་ལ་དོན་བྱེད་པ་ཉིད་ལ་མི་བསླུ་བ་མེད་དོ། །མངོན་སུམ་ལ་སོགས་པ་ལ་ནི་དོན་བྱེད་པ་ལ་སླུ་བར་བྱེད་པ་མེད་དོ། །ད་ལྟར་བར་བསྟན་པ་ནི། མི་བསླུ་བ་མེད་པའི་རིག་བྱེད་ལ་སོགས་པ་ལས ་རྗེས་སུ་དཔག་པ་ལ་སོགས་པའི་ཁྱད་པར་དང་ཚད་མ་ཐམས་ཅད་ལ་སྐུར་པ་འདེབས་པ་སེལ་བར་བྱེད་པ་ཡང་བསྟན་པ་ཡིན་ནོ། །དོན་དེ་སྲེག་པ་ལ་སོགས་པ་བྱེད་པ་སྟེ། བྱེད་པ་པོ་ཉིད་ཡིན་པར་བཤད་པ་ཡིན་ན། ཁྱད་པར་མ་བསྟན་པར་འགྱུར་རོ། །དོན་ཡོངས་སུ་བཅད ་ནས་ཞེས་བྱ་བས་དོན་རྟོགས་པའི་ཕྱིར་རོ། །དོན་ཞེས་བྱ་བས་ཀྱང་ནུས་པའི་ངོ་བོ་བསྟན་པ་ནི། དོན་བྱེད་ནུས་པ་གང་ཡིན་པ། །དེ་འདིར་དོན་དམ་ཡོད་པ་ཡིན། །ཞེས་བྱ་བའི་ཚིགས་གིས་སོ། །དེའི་ཕྱིར་དོན་བྱེད་པ་ལ་མི་སླུ་བ་ཉིད་ནི་ཐམས་ཅད་དུ་རྟོགས་པས་གྲུབ་པ་ཡིན ་ལ། དེ་ཡང། ཁ་ཅིག་ཏུ་དེ་བདེན་པ་དེར་ནི་ཚད་མ་ཉིད་ཡིན་ལ། གཞན་དུ་ནི་མི་བདེན་པ་ཡིན་པའི་ཕྱིར་ཚད་མ་ཉིད་མ་ཡིན་ནོ། །དེ་ཡང་གཞན་ཉིད་ལས་དེ་ཐ་སྙད་ཀྱི་མིང་ཅན་ལས་གྲུབ་པ་ཡིན་པའི་ཕྱིར་གཞན་ལས་ཞེས་བརྗོད་ལ། དོན་དམ་པ་ཉིད་དུ་རང་རིག ་གི་ངོ་བོ་རིག་པ་ཁོ་ན་ཡིན་པར་ངེས་པའོ། །དེའི་ཕྱིར་རིག་བྱེད་བཞིན་དུ་བྱེད་པ་ལ་ཚད་མ་ཡིན་ཏེ། རྩོད་པའི་གཞིར་གྱུར་པ་ཡིན་པར་བསྟན་ཏོ། །སླུ་པར་བྱེད་པ་མ་ཡིན་པ་ཞེས་བྱ་བ་ནི་ད་ལྟར་བར་ཉེ་བར་བསྟན་པ་ཁོ་ནས་ཡིན་ཞེས་དགོངས་པའོ། །མི་བསླུ་བར་ངེས་པ་ཅན་ཡང་རྒྱུན ་དུ་འབྱུང་བའི་ཤེས་པ་རྒྱུ་མཚན་འགའ་ཞིག་གིས་ཚད་མ་མ་ཡིན་ན། མི་བསླུ་བ་མ་ཡིན་པ་ལྟ་ཅི་སྨོས་ཞེས་བྱ་བའི་དོན་ཏོ། །དོན་ཡོངས་སུ་བཅད་ནས་ཞེས་བྱ་བ་ནི་དོན་བྱེད་པ་དང་འབྲེལ་པ་རྟོགས་པ་ཡིན་པར་བསྟན་པ་ཡིན་ནོ། །དོན་བྱེད་པ་ལ་སླུ་བར་བྱེད་པ་མ ་ཡིན་པ་ཞེས་བྱ་བ་ནི་དེ་དང་འབྲེལ་པར་བདེན་པ་ཉིད་ཀྱི་ཚད་མ་ཉིད་དུ་བསྟན་པ་ཡིན་ནོ། །གཞན་གྱིས་བཤད་པ་ཡང་མི་བདེན་པའི་དོན་དུ་འགྱུར་བ་མ་ཡིན་ནམ། དེ་ལྟ་ན་འབྲེལ་པ་ཅན་དག་གི་གཉིས་པོ་དག་ཀྱང་ཡོད་པས་འབྲེལ་པ་བདེན་པ་ཉིད་བསྟན་པ་ཡིན་གྱི། རབ་རིབ ་ཅན་གྱིས་མཐོང་བའི་སྐྲ་ཤད་ལ་སོགས་པ་དང་བྱེ་བྲག་མེད་པའི་ཕྱིར་གཞན་གང་ཡང་རུང་བ་ནི་མ་ཡིན་ནོ། །དོན་ཡོངས་སུ་བཅད་ན་ཞེས་བྱ་བ་སྒྲུབ་བྱེད་དང་དོན་བྱེད་པའི་ཞེས་བྱ་བ་བསྒྲུབ་བྱ་དང། འཇུག་བཞིན་པ་ཞེས་བྱ་བས་ནི་མི་སླུ་བའི་རྒྱུ་མཚན་བསྟན་པ་ཡིན་ཏེ། ་འཇུག་པ་ཙམ་གྱི་འབྲས་བུ་ལ་ཚད་མ་མ་ཡིན་ལ། རིག་བྱེད་ལས་བྱུང་བའི་ནི་འཇུག་པ་ཙམ་འབྲས་བུ་ཡིན་ལ། དེ་ནི་སྐྱེ་བ་འདི་འམ། སྐྱེ་བ་གཞན་ཉིད་དུ་དོན་བྱེད་པ་འཐོབ་པའི་རྒྱུ་མ་ཡིན་ཏེ། མ་མཐོང་བའི་ཕྱིར་དང། ཐེ་ཚོམ་ཟ་བའི་ཕྱིར་ཡང་ངོ། །རྟོགས་པར་བྱེད ་པ་ཉིད་ཚད་མ་ཉིད་ཡིན་ཡང། དེ་ཡང་འབྱུང་བར་འགྱུར་བའི་སྐྱེས་བུའི་དོན་ཏེ། ཡུལ་ལ་མངོན་སུམ་དང་རྗེས་སུ་དཔག་པ་དག་ལ་ཡོད་པ་ཡིན་གྱི། རིག་བྱེད་ལ་ནི་སོགས་པ་ལ་ནི་མ་ཡིན་ནོ་ཞེས་བསྟན་པ་ཡིན་ནོ། །འདི་དག་གིས་ནི་མ་ཡིན་ནོ་ཞེས་བྱ་བ་ནི་མེ་ལ་ངེས་པ ་ཉིད་ཀྱི་དུ་བའི་ཤེས་པ་ལས་མེ་ལ་ངེས་པ་ནི་མེ་མ་ཡིན་པ་དགག་པ་མེད་ན་མ་ཡིན་ནོ་ཞེས་བྱ་བའི་དོན་ཏོ། །ཐབས་ལས་བྱུང་བ་ལ་འཇུག་པ་ལ་སྦྱོར་བར་བྱེད་པ་ཉིད་ནི་ངེས་པ་ཡིན་པར་བསྟན་པ་ནི། དོན་བྱེད་པའི་ཤེས་པ་གང་ཡིན་པ་ཞེས་བྱ་བ་སྟེ། དེ་དོན་བྱེད་པ་ཞེས་བྱ་བ་ནི་འདི་ཉིད་དོན ་བྱེད་པ་ཡིན་ལ། སྒྲུབ་པར་བྱེད་པ་ཡང་དེ་ཡིན་ལ་ཤེས་པར་བྱེད་པ་ཡང་དེ་ཡིན་ནོ། །ཐབས་ལས་བྱུང་བ་ནི་འབྱུང་བར་འགྱུར་བ་ཉིད་ཡིན་པའི་ཕྱིར་སྔར་མེད་པ་ཉིད་མ་ཡིན་ནམ། དེའི་ཚེ་དེ་ཇི་ལྟར་ཤེས་པ་ཡིན་སྙམ་དུ་སེམས་པ་ལ། སྔར་གྱི་སྒྲུབ་པར་བྱེད་པའི་ཤེས་པ་ཞེས་བྱ་བ ་སྨོས་ཏེ། གལ་ཏེ་འདི་ལྟ་བུར་དམིགས་ནས་དེ་དང་ཕྲད་པའི་དུས་སུ་འབྱུང་བར་མཐོང་བ་ཡིན་ན། དེས་ན་འདིར་ཡང་ཕྲད་པའི་དུས་སུ་འབྱུང་བ་ཡིན་ལ། གལ་ཏེ་དོན་དེ་བསྟན་པ་ཉིད་དུ་ངེས་པར་འགྱུར་བ་ཡིན་ན། སྔར་གྱི་སྒྲུབ་པར་བྱེད་པ་དོན་ཡིན་ཏེ། ཐ་དད་པ་འམ་ཅིག་ཤོས་ཀྱི་ཤེས ་པར་དེའི་ཚེ་འགྱུར་ཞེས་བྱ་བར་སྦྱོར་རོ། །ངེས་པར་བཟུང་བ་ནི་ངེས་པ་མ་ཡིན་ནམ། མངོན་སུམ་ནི་འབྱུང་བར་འགྱུར་བ་ལ་སྔ་མ་རང་བཞིན་དུ་ངེས་པར་བཟུང་བར་འགྱུར་བར་བྱེད་པ་མ་ཡིན་ཏེ། ཉེ་བའི་སྣང་བ་ཡིན་པའི་ཕྱིར་རོ་ཞེ་ན། སྔ་མའི་རང་བཞིན་ནི་ཞེས་བྱ་བ་སྨོས་ཏེ། ཇི་ལྟར་སྔོན ་པོའི་ཤེས་པ་ནི་དེ་ཡོད་ན་གདོན་མི་ཟ་བར་ཡོད་པ་ནི་དེའི་རང་བཞིན་ཡིན་ལ། དེ་བཞིན་དུ་འབྱུང་བར་འགྱུར་བ་ཡང་སྔ་མ་ཡོད་ན་གདོན་མི་ཟ་བར་ཡོད་པས་རང་བཞིན་ཁོ་ན་ཡིན་ཏེ། རང་བཞིན་གྱི་ཐ་སྙད་ནི་དེ་དག་ཙམ་གྱི་རྒྱུ་མཚན་ལས་ཡིན་ནོ་ཞེས་བྱ་བའི་དོན་ཏོ། །དངོས་སུ་ནི་ཞེས ་བྱ་བ་ནི་དེ་ཡོད་ན་གདོན་མི་ཟ་བར་ཡོད་པ་ཁོ་ན་རང་བཞིན་ཐ་སྙད་ཀྱི་རྒྱུ་མཚན་ཡིན་ཏེ། གཅིག་པ་ཉིད་ལ་སོགས་པ་མེད་པའི་ཕྱིར་རོ། །གཅིག་ཅེས་བྱ་བ་ནི་ཅུང་ཟད་ཀྱང་མེད་དེ་རྒྱ་ཆེ་བར་མཐོང་བ་ལས་སྟེང་དང་འོག་གི་ཆ་ལ་སོགས་པ་རྣམས་ཀྱི་ཡུལ་དང་ཕྱོགས་ལ་སོགས་པའི ་གཅིག་ལས་གཅིག་གི་དབྱེ་བས་རང་བཞིན་ཐ་དད་པར་རིགས་པ་ཡིན་ན། གཅིག་ཉིད་ཀྱི་ཐ་སྙད་ཀྱི་ཡུལ་མེད་པར་ཐལ་བར་འགྱུར་བའི་ཕྱིར་རོ། །དེ་ལས་འབྱུང་བའི་མཐུ་ཡིས་ནི་ཞེས་བྱ་བ་བཤད་པར་འདོད་ནས། ཡང་ན་གདོན་མི་ཟ་བར་འབྱུང་བ་ཞེས་བྱ་བ་སྨོས་ཏེ། ་ཇི་ལྟར་སྣང་བ་ནི་སྔ་མ་དང་ཕྱི་མ་དག་གི་ཐ་དད་པ་ཡིན་གྱི་གཅིག་ཉིད་ན་མ་ཡིན་ནོ། །དེ་ལྟ་མོད་ཀྱི་སྔ་ན་ཡོད་ན་འབྱུང་བའི་ཕྱིར་ཕྱི་མ་ནི་འབྲས་བུ་ཉིད་ཡིན་ནོ། །དེ་ལྟ་ཡིན་ན་འཛིན་པ་དང་མི་འཛིན་པ་ལ་གཅིག་པ་དང་དུ་མའི་ཐ་སྙད་གང་ལ་ཡིན། གང་ལ ་འཛིན་པ་ན་གང་ཞིག་གདོན་མི་ཟ་བར་འཛིན་པར་བྱེད་པ་དེ་ནི་དེ་ལས་ཐ་མི་དད་པ་ཡིན་ལ་གཞན་ནི་ཐ་དད་པ་ཡིན་ནོ། །འཛིན་པ་ཡིན་ཡང་ཡུལ་དང་རྣམ་པ་ལ་སོགས་པའི་དབྱེ་བ་ནི་ཐ་དད་པར་བྱེད་པ་མ་ཡིན་ཏེ། འཛིན་པ་དང་མི་འཛིན་པའི་གོ་སྐབས་མེད་པ་ཉིད ་ཀྱིས་དོན་མེད་པ་ཅན་ཉིད་དུ་ཐལ་བར་འགྱུར་བའི་ཕྱིར་རོ། །འབྱུང་བར་འགྱུར་བ་ནི་སྔ་མ་བཟུང་བ་ཡིན་ཡང་མི་འཛིན་པའི་ཕྱིར། དེའི་རང་བཞིན་མ་ཡིན་ནོ། །དེ་ལྟ་མོད་ཀྱི་དེ་ལ་མ་འཁྲུལ་བའི་ཕྱིར་འབྲས་བུ་ནི་མ་ཡིན་ནོ། །དེ་ལྟ་ཡིན་དང་རྒྱུ་ལས་འབྲས་བུ་རྟོགས ་པར་འགྱུར་བ་ཞིག་ན། དེ་ནི་མི་རིགས་ཏེ་རྒྱུ་རྣམས་ནི་གདོན་མི་ཟ་བར་དེ་དང་ལྡན་པ་མ་ཡིན་ཞེས་བྱ་བ་ནི་འཁྲུལ་པ་ཡིན་པར་ཁས་བླངས་པའི་ཕྱིར་རོ། །བྱེ་བྲག་ཅན་གྱི་རྒྱུ་ནི་འབྲས་བུ་ལ་མི་འཁྲུལ་བ་ཅན་ཡིན་ནོ་ཞེ་ན། དེ་ལྟ་མ་ཡིན་ན་རྒྱུའི་བྱེ་བྲག་དེ་འབྲས ་བུ་བཞིན་དུ་མ་འཁྲུལ་བ་ཅན་ཡིན་པས་འབྲས་བུ་ཉིད་ཡིན་ནོ། །གཞན་གྱི་གཞན་ལ་མ་འཁྲུལ་པ་ནི་དེ་ལས་བྱུང་བ་ལས་གཞན་མ་ཡིན་ནོ་ཞེས་རྗེས་སུ་དཔག་པ་ལ་རྟོགས་པར་བྱ་བ་ཡིན་པར་ནི། གཞན་དུ་གཞན་ནི་གཞན་དག་དང། ངེས་པར་ཡོད་པའི་ངེས ་པ་གང། ཞེས་བྱ་བ་དང། རྒྱུ་དང་འབྲས་བུའི་དངོས་པོ་ལས་སམ་ཞེས་བྱ་བས་བསྟན་པ་ཡིན་ནོ། །ཁྱབ་པའི་ཕྱིར་ཞེས་བྱ་བ་ནི་དེ་ཉིད་ལ་ཡོད་ན་ཡོད་པའི་ཕྱིར། །འབྲས་བུ་ཉིད་དུ་འགྱུར་རོ་ཞེས་བྱ་བའི་དོན་ཏོ། །འབྱུང་བར་འགྱུར་བའི་ངོ་བོ་ངེས་པར་འབྱུང་ཞེས་བྱ་བ ་ཅི་ལས་ཡིན། ཡུལ་མཚུངས་པ་ལ་དེ་ལྟར་ངེས་པ་ཡང་ཇི་ལྟར་ཡིན། འདི་མངོན་སུམ་ནི་ཡུལ་ནི་མ་ཡིན་པས་མངོན་སུམ་གྱི་ཡུལ་རིང་པོར་གནས་པའི་འཛིན་བྱེད་ཀྱང་ཇི་ལྟར་ཡིན་སྙམ་པའི་དགོངས་པས། ཐ་དད་པའི་ཁྱབ་པར་བྱེད་པ་གང་ཡིན་པ་ཞེས་བྱ་བ ་སྨོས་ཏེ། ཁྱབ་པར་བྱེད་པ་ནི་འདི་འབྱུང་བའི་ཕྱིར་རོ། །འབྱུང་བར་འགྱུར་བའི་ཡོད་པ་ནི་གཉི་ག་དག་གིས་ཀྱང་ཁས་བླངས་པ་ཡིན་ཡང་དེ་ཇི་ལྟར་རྟོགས་པ་ཡིན་ཏེ་འདི་ནི་དེ་ལ་ལོག་པར་རྟོག་པ་ཡིན་ནོ་ཞེས་བྱ་བའི་དོན་ཏོ། །གང་གི་ཚེ་འབྱུང་བར་འགྱུར་བ་བསྐྱེད་བྱ་ཡིན ་པ་དེའི་ཚེ་སྔ་མ་ཡོད་པ་མ་ཡིན་ནམ། དེ་ནི་ཐམས་ཅད་ལ་འདོད་པ་མ་ཡིན་པའི་ཕྱིར་གང་གིས་ཀྱང་བསྐྱེད་བྱ་ཇི་ལྟར་ཡིན། གང་གི་ཚེ་ཇི་ལྟར་འབྱུང་བར་འགྱུར་བ་བསྐྱེད་པ་ཡིན་ན། དེའི་ཚེ་ཡང་སྔ་མ་ཞིག་པ་ཡིན་ན་ཇི་ལྟར་སྐྱེད་བྱེད་ཡིན། འོན་ཏེ་གང་གི་ཚེ་དེ་ཉིད་བསྐྱེད ་བྱ་ཡིན་པ་དེ་ལྟ་ན་གཉི་ག་ཡང་མེད་པ་ལ་གང་ཞིག་གང་གིས་བསྐྱེད་བྱ་ཡིན་སྙམ་དུ་སེམས་པས། མ་སྐྱེས་པ་ཇི་ལྟར་རྒྱུ་ཡིན་ཞེས་ཟེར་བ་ལ། ལན་ནི་སྐྱེས་པ་ཡང་ཞེས་བྱ་བ་སྟེ། སྔ་མ་ནི་རང་གི་རྒྱུ་ལས་སྐྱེས་བཞིན་པ་ནི་འབྱུང་བར་འགྱུར་བའི་དངོས་པོ་ལ་བལྟོས་པ་ཡིན ་ཏེ། གཞན་དུ་ན་འདི་དེ་ཉིད་ལ་ཇི་ལྟར་འབྱུང་བ་ཡིན་ཞེས་བྱ་བའི་དོན་ཏོ། །གལ་ཏེ་ད་ཡོད་ན་འབྱུང་བ་ཞེས་བྱ་བ་དེ་དག་ཙམ་ནི་རྒྱུ་མཚན་ཉིད་མ་ཡིན་ནོ། །དེ་ལྟ་མོད་ཀྱི་གང་གི་ཡོད་པ་དང་སྐྱེ་བ་དང་སྒྲུབ་པར་བྱེད་པ་དང་བྱ་བ་ཡང་རུང་བ་གཙོ་བོར་བྱས་ནས་འབྱུང་བ་དེས་དྲངས ་པ་ལྟ་བུར་གང་འགྱུར་བ་དེའི་རྒྱུ་དེ་ཡིན་ནོ་སྙམ་དུ་སེམས་པས། འདི་ཡོད་ན་འདི་འབྱུང་ཞེས་པ་ལ། དེ་ཡོད་ན་འབྱུང་བ་ཉིད་ཅེས་བྱ་བ་འདི་ནི་རྒྱུའི་མཚན་ཉིད་ཀྱི་ཡོད་པ་ཉིད་བྱེ་བྲག་ཡིན་ཏེ། སྐྱེ་བ་ལ་སོགས་པ་རྣམས་ནི་འདི་ཉིད་ཀྱི་ཁོངས་སུ་གཏོགས་པའི་ཕྱིར་རོ་ཞེས ་བསྟན་པ་ནི། ཡོད་དང་སྐྱེ་སོགས་དངོས་པོ་ཡི་ཞེས་བྱ་བ་སྟེ། ཇི་ལྟར་འདི་རྣམས་ཀྱི་བྱེ་བྲག་རྟོགས་པར་གྲུབ་པ་ཡིན་པ་དེ་བཞིན་དུ་ཁོངས་སུ་གཏོགས་པ་ལ་ཡང་ཞེས་པའི་དོན་ཏོ། །གཉིད་སྟུག་པོས་ནོན་པའི་ཡང། རྨི་ལམ་རྩོམ་པ་ན་འབྱུང་བའི་སེམས་བྱེ་བྲག་མ་། ་ལུས་པ་དང་བྲལ་བ་ལས་ཉེ་བར་མཚོན་པ་འགྲོ་བའི་ཚེ་རྩཝ་ལ་ཀུན་ཏུ་རེག་པའི་རྣམ་པར་ཤེས་པ་བཞིན་དུ་བསམ་པ་ཙམ་སྐྱེ་བ་ཡིན་ལ། དེ་ལས་སད་པ་ནི་སེམས་སྐྱེ་བ་ཡིན་ནོ་སྙམ་པའི་དགོངས་པས་ལུས་ལ་སོགས་པའང་ཞེས་བྱ་བ་སྨོས་ཏེ། གོམས་པ་ལས ་འབྱུང་བར་འགྱུར་བའི་བྱེ་བྲག་རྗེས་སུ་འགྲོ་བ་དང་ལྡོག་པའི་རྗེས་སུ་བྱེད་པ་ཅན་གྱི་རྣམ་པར་རྟོག་པའི་ཤེས་པ་ནི་དེའི་བྱེ་བྲག་མེད་པ་ལས་ལུས་ལ་སོགས་པ་བཞིན་སེམས་ཙམ་སྐྱེ་བ་མ་ཡིན་ནོ། །གང་གི་ཕྱིར་ཁོངས་སུ་བཏོགས་པ་དེའི་ཕྱིར་བདེ ་ཡོད་ན་འདི་འབྱུང་ཞེས་བྱ་བ་ལ་སོགས་པའི་ཤེས་པའི་ཡུལ་ནི། དེ་དག་ཙམ་ཡིན་པར་བསྟན་པ་ནི། དེས་ན་རང་གི་ངོ་བོ་ལས་ཞེས་བྱ་བ་སྟེ། ཤེས་པ་འདི་སྔར་ཡོད་པའི་དུས་སུ་འབྱུང་བར་འགྱུར་བ་ནི་མ་ཡིན་ཏེ། དེའི་ཚེ་ཕྱི་མ་མེད་པའི་ཕྱིར་དང། གཉི་ཀ་ལ་བརྟེན་པའི ་ཕྱིར་རོ། །ཕྱི་མའི་དུས་སུ་འབྱུང་བ་དེའི་ཚེ་ནི་འབྱུང་བར་འགྱུར་བ་ཡིན་ནོ་སྔ་མ་མེད་པ་ཡིན་པའི་ཕྱིར་འབྱུང་བར་འགྱུར་བ་དང། བྱུང་བར་གྱུར་པ་ལ་ཡང་མེད་པ་ཉིད་དུ་བྱེ་བྲག་མེད་དོ་ཞེས་བསྟན་པའི་དོན་དུ་།འབྲས་བུའི་དུས་སུ་ནི་ཞེས་བྱ་བ་སྨོས་སོ། །བྱུང ་བར་གྱུར་པ་ནི་དེ་རྟོགས་པའི་དུས་སུ་ཡོད་པ་མ་ཡིན་དུ་ཟིན་པ་དེ་ལྟར་ན་ཡང། དེ་ཡོད་པ་ཉིད་ན་འབྱུང་བ་འབྱུང་བ་ཞེས་བྱ་བ་སྟེ། ངེས་པར་འབྱུང་བའི་ཕྱི་མ་འབྲས་བུ་ཉིད་ཡིན་ནོ། །འདི་ནི་སྔ་མ་ལ་ཡང་མཚུངས་པར་ཡིན་པར་བསྟན་པ་ནི། མེད་ན་མི་འབྱུང་བ་ཙམ ་ཞེས་བྱ་བ་སྟེ། འབྱུང་བར་འགྱུར་བ་ལ་ཞེས་བྱ་བ་སྟེ། ཡུལ་འབྱུང་བར་འགྱུར་བ་ལ་མེད་ན་མི་འབྱུང་བ་ཙམ་གྱི་རྒྱུ་ལ་ཡང་ཞེས་བྱ་བར་སྦྱར་རོ། །མཐོང་བ་འམ་སྔ་མ་ཉིད་ཀྱང་རུང། དེ་ཡོད་ན་འབྱུང་བ་ཉིད་རྒྱུ་ཡིན་གྱི་འབའ་ཞིག་ནི་མ་ཡིན་ནོ་སྙམ་དུ་སེམས་པས། ་འོན་ཏེ་མཐོང་བ་གང་ཡིན་པ་དེ་ཞེས་ཟེར་བ་ལ། དེ་ཡོད་ན་འབྱུང་བ་ཉིད་ཅེས་བྱ་བ་ནི་རྒྱུ་ཉིད་དུ་མ་ངེས་པ་ཡིན་ནོ། །གཟུགས་བཞིན་དུ་མཐོང་བ་འམ་སྔ་མ་ཉིད་ནི་མ་ཡིན་ནོ་ཞེས་ཟེར་བ་ལ་ལན་དུ། མཐོ་བ་རང་གིས་ངོ་བོ་ཡིས་ཞེས་བྱ་བ་སྨོས་ཏེ། སྒྲོ་བཏགས་པས་ནི་ངེས་པ ་མ་ཡིན་པས་སོ། །དེ་ཡོད་ན་འབྱུང་བ་ཉིད་ཅེས་བྱ་བ་འདི་ལ་དེ་ཡོད་ན་ཞེས་བྱ་བ་ནི་ངེས་པ་ཅན་ཡིན་ལ། ཡོད་པ་ནི་མ་ངེས་པ་ཅན་ཡིན་ཏེ། དེ་ཡོད་པ་འམ། གཞན་དུ་ཡང་ཞེས་བྱ་བར་ཤེས་པར་བྱ་བ་ཡིན་ཏེ། གཞན་དུ་ན་ཞེས་པར་བཟུང་བ་དོན་མེད་པ་ཡིན་ནོ། ། ་དེ་ལྟར་རྟོགས་པ་ནི་སྒྲོ་བཏགས་པ་ཉིད་ཡིན་པར་བསྟན་པ་ནི། དེའི་ཚེ་དེ་འབྱུང་བ་དང་བྱུང་བའི་ཞེས་བྱ་བའོ། །དེ་དམིགས་པ་ཡིན་ན་དེ་དམིགས་པ་དང་དེ་མ་དམིགས་པ་ཡིན་ན། དེ་མ་དམིགས་པ་དང། དེ་མི་དམིགས་པའི་ཚེ། དེ་མི་དམིགས་པ་ཞེས་བྱ་བ་མངོན་སུམ་དང། མི་དམིགས་ལྔ་པོ་རྒྱུ ་ཉིད་དང། འབྲས་བུ་ཉིད་ལ་སྒྲུབ་པར་བྱེད་པ་མ་ཡིན་ན། དེ་ཉིད་དམ་རྒྱུ་ཉིད་ལ་སོགས་པ་ཡིན་པས་ངེས་པ་ཉིད་དང། མ་ངེས་པ་ཉིད་དང། འབྲས་བུ་དང་རྒྱུ་ཉིད་ཅེས་ཇི་ལྟར་བརྗོད་པ་ཡིན་སྙམ་དུ་སེམས་པ་ལ། གཞན་དུ་འབྱུང་བའི་རང་བཞིན་ཞེས་བྱ་བ་སྨོས་སོ། །མངོན་སུམ་ལ་སོགས ་པ་ལྔ་པོ་མེ་དང་དུ་བ་བཞིན་དུ་དེ་ལས་གཞན་པ་དང་དུ་བ་དག་ཀྱང་ཡོད་པ་དེ་ལ། དེ་ལས་གཞན་པ་མེད་ཀྱང་མི་ཡོད་ན་དུ་བ་དེ་འབྱུང་ཞེས་བྱ་བ་འདི་ཁོ་ན་ལྟར་བརྗོད་པར་བྱ་བ་ཡིན་ལ། དེ་ལྟ་ཡིན་ན་རྒྱུ་ནི་ཁྱད་པར་བྱེད་པ་མ་ངེས་པ་ཡིན་ལ། འབྲས་བུ་ཅིག་ཤོས་ཡིན་ཞེས་བྱ་བའི ་ཐོག་ཏུ་འོང་བ་ཡིན་ནོ་ཞེས་བྱ་བའི་དོན་ཏོ། །མཐོང་བ་ལ་ནི་སྔ་མ་ཉིད་དུ་སྒྲོ་བཏགས་པ་ཡིན་ན་རྒྱུ་ཉིད་མ་ཡིན་ནམ། མ་མཐོང་བ་འབྱུང་བར་འགྱུར་བ་ལ་ནི་མ་ཡིན་ནོ་སྙམ་དུ་སེམས་པས། འོན་ཏེ་རང་བཞིན་གང་གིས་ཤེས་ཟེར་བ་ལ། འབྱུང་བར་འགྱུར་བའི་འབྲས་བུ་ལས་རྒྱུ ་ནི་འབྱུང་བར་འགྱུར་བ་ཉིད་དུ་རྟོགས་པ་འམ་མཐོང་བ་ཡིན་ལ། དེ་བཞིན་དུ་རྟོགས་པར་འགྱུར་བ་དང། མཐོང་བར་འགྱུར་བ་ཡང་ཡིན་ནོ་ཞེས་བྱ་བར་བྱེ་བྲག་མེད་པར་བསྟན་པ་ནི། འབྱུང་བར་འགྱུར་བའི་རང་བཞིན་ཞེས་བྱ་བའོ། །མཐོང་པ་ནི་དེ་ལྟར་ནུས་པར་ངེས་པ་ཡིན་ལ། ་མཐོང་བར་འགྱུར་བ་ནི་མ་ཡིན་ཏེ། ལྟ་བའི་ཡུལ་མ་ཡིན་པའི་ཕྱིར་རོ་སྙམ་དུ་སེམས་པས། མཐོང་བར་འགྱུར་བ་ཇི་ལྟར་ཞེས་ཟེར་བ་ལ་ལན་དུ། དེའི་ཚེ་མེད་པའི་ཕྱིར་མཐོང་བ་ལས་ཞེས་བྱ་བ་སྟེ། དེའི་ཚེ་ཞེས་བྱ་བ་ནི་འབྱུང་བར་འགྱུར་བའི་དུས་སུ་ཏེ། གང་དུ་ཁྱབ་པ་འཛིན ་པ་ནའོ། །མཐོང་བ་དེ་ལྟར་རྟོགས་པ་ཡིན་ན། འབྱུང་བར་འགྱུར་བ་རྟོགས་པ་ཉིད་ཡིན་ལ། དེ་མ་རྟོགས་པ་ཡིན་ན་མཐོང་བ་ཉིད་ཀྱང་དེ་བཞིན་དུ་མ་རྟོགས་པ་ཡིན་ཞེས་བྱ་བའི་དོན་ཏོ། །སྔ་མ་དེ་བཞིན་དུ་རྟོགས་པ་ནི་རྒྱུ་ཉིད་ཁོ་ནས་ཡིན་གྱི། འབྲས་བུ་ཉིད་ཀྱིས་ནི་མ ་ཡིན་ནམ། ཕྱི་མ་ཡང་འབྲས་བུ་ཉིད་ཁོ་ནས་ཡིན་གྱི། རྒྱུ་ཉིད་ཀྱིས་ནི་མ་ཡིན་ན་ཇི་ལྟར་འབྱུང་བར་འགྱུར་བ་རྟོགས་པ་ཙམ་གྱི་རྒྱུ་ཉིད་རྟོགས་པ་ཡིན་སྙམ་དུ་སེམས་པས། ཡོད་པའི་ཕྱིར་ཞེས་ཟེར་བ་ལ་དེ་ལྟར་རྒྱུ་ཙམ་རྟོགས་པ་ཞེས་བྱ་བ་བདེན་མོད་ཀྱི ་བྱེ་བྲག་ཅན་གྱི་རྒྱུ་ནི་ངེས་པར་འབྱུང་བར་འགྱུར་བའི་འབྲས་བུ་ལ་རྒྱུ་ཉིད་དུ་འཛིན་པ་ཡིན་ཡང། འབྲས་བུ་ཡོངས་སུ་གཏོགས་པ་ཉིད་དུ་རྟོགས་པ་ཡིན་གྱི། གཞན་དུ་ན་རྒྱུའི་བྱེ་བྲག་ཉིད་ནི་ཤེས་པར་མི་འགྱུར་རོ་ཞེས་བསྟན་པ་ནི། མཐོང་བར་འགྱུར་བ་ལ་ཡང་ཞེས་བྱ་བ ་སྨོས་ཏེ། དེ་ཞེས་བྱ་བ་ནི་ཁྱབ་པར་བྱེད་པ་ཉིད་ཀྱི་རྒྱུ་ཉིད་དུ་རྟོགས་པ་ཡིན་ནོ། །དེའི་ཕྱིར་ཐམས་ཅད་རང་གི་རྒྱུ་ལས་སྐྱེ་བཞིན་པ་ན་རང་གི་འབྲས་བུ་ལས་ཀྱང་སྐྱེ་བ་ཡིན་ཏེ། དེ་ལ་བལྟོས་པས་རྒྱུའི་བྱེ་བྲག་ཡིན་པར་བསྟན་པ་ནི། དེའི་ཚེ་མ་ཡིན་ནོ་ཞེས་བྱ་བ་འདི་ནི་གཉི ་ཀ་ལ་ཡང་མཚུངས་སོ་ཞེས་བྱ་བའོ། །སྔ་མ་དང་ཕྱི་མ་ཉིད་ནི་རྒྱུ་ཉིད་དང་འབྲས་བུ་ཉིད་དག་ལ་སྦྱོར་བར་བྱེད་པ་མ་ཡིན་ཞེས་བྱ་བ་ལ། སྔ་མ་ཉིད་དོ་ཞེ་ན་ཞེས་བྱ་བ་སྨོས་ཏེ། གལ་ཏེ་སྦྱོར་བར་བྱེད་པའི་བྱེ་བྲག་ཡོད་པ་ཡིན་ནོ་ཞེས་རྒོལ་བ་ཡིན་ན། འདི་ནི་ཤིན་ཏུ་ཆུང་ངུ་ཆུང ་པ་ཡིན་པར་བརྗོད་དེ། སྔོན་ནི་འབྲས་བུ་འམ་རྒྱུར་ཡང་མཐོང་བ་ཡིན་ནོ། །སེར་པོ་དེ་བཞིན་དུ་ཇི་ལྟར་འགྱུར་ཞེས་བྱ་བ་འདི་ཡང་རྩ་འགྲེལ་བྱར་འགྱུར་རོ་ཞེས་ཟེར་བ་ནི། འོ་ན་གཅིག་ནི་སྔོན་གྱི་རང་བཞིན་དུ་ཞེས་བྱ་བ་ལ་སོགས་པ་ནས། འགར་ཡང་དགོས་པ་མེད་ཅེས་བྱ ་བའི་བར་དུའོ། །ཅི་ཙམ་ཞིག་དགོས་པ་ཡིན། གང་མེད་ན་མི་འབྱུང་ཞེས་བྱ་བ་སྨོས་ཏེ། དེ་ཡོད་པ་ཉིད་ན་འབྱུང་བ་ནི་དེ་ཡོད་ན་ཡོད་པ་ཉིད་ཡིན་ཞེས་བྱ་བ་ཡང་འབྲས་བུ་ཉིད་ལ་འམ་རྒྱུ་ཉིད་ལ་རྒྱུ་མཚན་ཡིན་ཞེས་བྱ་བའི་དོན་ཏོ། །བྱེ་བྲག་ཅན་གྱི་རྒྱུ་ལ་ནི་རྒྱུ་མཚན་གཉིས ་ཡོད་པའི་ཕྱིར་གཉིས་ཀ་ལྟར་ཡང་ཡོད་པར་བསྟན་པ་ནི། རྒྱུ་སྔ་མ་མེད་ན་ཞེས་བྱ་བ་སྟེ། གདོན་མི་ཟ་བར་འབྱུང་བ་ནི་ངེས་བར་འབྱུང་བ་སྟེ། འབྲས་བུ་གང་གི་རྒྱུ་ཡིན་པ་དེ་ནི་དེ་བཞིན་ནོ། །རྒྱུ་མཚན་མཚུངས་ཕྱིར་གཉི་ག་ཡང་ཞེས་བྱ་བ་ལ་སོགས་པ་ཚིག་རྐང ་གསུམ་གྱི་བར་སྐབས་ཀྱི་ཉེ་བར་བསྡུ་བ་ཡིན་ནོ། །ཁྱད་པར་ཅན་གྱི་རྒྱུ་ལས་འབྲས་བུ་ཉིད་རྟོགས་པའི་དགོས་པ་བསྟན་པ་ནི། འཇིག་རྟེན་ཕ་རོལ་ཞེས་བྱ་བའོ། །རྒྱུ་མཐོང་བ་ལས་འབྲས་བུ་རྗེས་སུ་དཔོག་པར་བྱེད་པ་ནི་མ་ཡིན་ཏེ། འཁྲུལ་པའི་ཕྱིར་རོ། །རུང་བ་ཉིད་ཀྱི་རྗེས་སུ ་དཔག་པ་ཡང་འབྲས་བུ་ངེས་པ་ཅན་རྟོགས་པ་ཡིན་པར་ནི་མི་རིགས་ཏེ། དེས་པ་ནི་རྗེས་སུ་དཔག་པ་ཉིད་ཡིན་ནོ་ཞེས་བྱ་བའི་དོན་ཏོ། །ཁྱད་པར་ཅན་གྱི་རྒྱུ་ཉེ་བར་མཚན་པ་ཡང། དེ་མཐོང་ཉིད་ན་མཐོང་རྣམས་ལ་ཞེས་བྱ་བ་ལ་སོགས་པས་དེ་དང་དེར་བསྟན་པ་ཡིན་ནོ་ཞེས་ཟེར་བ་ལ་།གལ ་ཏེ་དོན་སྐྱེད་ཤེས་པ་དེ་ཞེས་བྱ་བ་སྨོས་ཏེ། དེ་ཡོད་པ་ཉིད་ན་དང་ཡོད་པ་ཉིད་དག་སྟེ། དེ་ལྟ་བུའི་རྣམ་པ་ཅན་གྱི་རྣམ་པར་རྟོགས་པའི་ཤེས་པ་ཐ་སྙད་ཀྱི་བརྗོད་པ་ཡིན་པར་བསྟན་པ་ནི། ཁྱབ་པ་དེའི་བདག་ཉིད་དང་ཞེས་བྱ་བའོ། །རྣམ་པར་རྟོག་པའི་ཤེས་པ་འདི་མངོན་སུམ་གྱི་བྱ་བའི ་རྗེས་སུ་འབྲངས་བ་ཡིན་པའི་ཕྱིར་མངོན་སུམ་མ་ཡིན་ནམ། གལ་ཏེ་རྗེས་སུ་དཔག་པ་ཡིན་ན་ནི་འབྲེལ་པ་ལ་སོགས་པ་འཛིན་པ་ལ་བལྟོས་པར་འགྱུར་རོ། །གལ་ཏེ་དེ་ཉིད་ཡིན་ན་གཅིག་ལ་གཅིག་བརྟེན་པར་འགྱུར་རོ། །གལ་ཏེ་རྗེས་སུ་དཔག་པ་ལས་གཞན་ཡིན་ན ་ཐུག་པ་མེད་པར་འགྱུར་ལ་ཚད་མ་གཞན་མི་སྲིད་དོ། །དེའི་ཕྱིར་རང་ཉིད་ལས་མངོན་སུམ་ཡིན་ཏེ། སོ་སོར་སྣང་བཞིན་པའི་དོན་ལ་ངེས་པར་བྱེད་པས་ཡུལ་ལ་རྣམ་པར་འཇོག་པར་བྱེད་པ་ཡིན་ལ། རྗེས་སུ་དཔག་པ་ལ་བལྟོས་པ་ཡིན་ན་ནི་གཅིག་ལ་གཅིག་བརྟེན་པ ་ཡིན་ཏེ། མངོན་སུམ་ནི་རྗེས་སུ་དཔག་པ་ཡོད་ན་ཡུལ་ལ་རྣམ་པར་འཇོག་པར་བྱེད་པ་ཡིན་ལ། དེས་ན་རྟགས་དང་འབྲེལ་པ་ལ་སོགས་པ་ཅན་གྱི་རྣམ་པར་འཇོག་པ་ཡིན་ན་རྗེས་སུ་དཔག་པ་ཡིན་ནོ་སྙམ་དུ་སེམས་པས་ཟེར་བ་ནི། གལ་ཏེ་ཇི་སྲིད་ཅེས་བྱ་བའོ།། ་གལ་ཏེ་ཡང་མངོན་སུམ་ནི་སྔོན་ལ་སོགས་པའི་རང་གི་ངོ་བོས་རྣམ་པར་འཇོག་པར་བྱེད་པ་ཡིན་གྱི། དོན་བྱེད་པར་ནུས་པ་ཅན་དང་ཅིག་ཤོས་ཀྱིས་བྱེད་པར་ནི་མ་ཡིན་པའི་ཕྱིར་རྣམ་པར་འབྱེད་པར་བྱེད་པ་ནི་རྗེས་སུ་དཔག་པ་ལ་བལྟོས་པ་ཉིད་ཡིན་ཏེ། དེས་ན་ཁྱེད་ཀྱི་ལས ་ཡང་དེ་ཉིད་གཅིག་ལ་གཅིག་བརྟེན་པ་ཡིན་ན་སྙམ་སེམས་པས་ཟེར་བ་ནི། འོན་ཏེ་རྗེས་སུ་དཔག་པས་ཞེས་བྱ་བའོ། །དོན་བྱེད་པའི་ཤེས་པ་ནི་གལ་ཏེ་མངོན་སུམ་ཡིན་ཡང་སྔ་མ་ལ་བརྟེན་པ་ཡིན་ལ། དེ་ཡང་དེ་ལས་གཞན་པ་ལ་ཡིན་ན་ཐུག་པ་མེད་པ ་མ་ཡིན་ནམ། རྗེས་སུ་དཔག་པ་ཡིན་ཡང་དེ་བཞིན་དུ་གཅིག་ལ་གཅིག་བརྟེན་པས་ཡིན་ནོ། །དེ་ལ་དོན་བྱེད་པའི་ཤེས་པ་ནི་ཞེས་བྱ་བའོ། །སྔ་མའི་ཤེས་པས་ནི་སྔོན་པོར་རྣམ་པར་འཇོག་པ་ཡིན་ལ་དེ་ཙམ་གྱི་དེའི་བྱ་བ་རྫོགས་པ་ཡིན་ཏེ། བྱ་བ་གཞན་མེད་པའི ་ཕྱིར་རོ། །ཤེས་པའི་བྱ་བ་ནི་ཡུལ་རྣམ་པར་འཇོག་པ་ལས་གཞན་མ་ཡིན་ཏེ། ཤེས་པའི་བྱ་བ་རྫོགས་པ་ཡིན་ན། དོན་བྱེད་པ་ལ་ཤེས་པའི་ནུས་པ་འམ་ཅིག་ཤོས་དག་ལ་ཐེ་ཚོམ་ཟ་བས་དོན་མེད་ཀྱང་འབྱུང་བ་ཉིད་དུ་ཐེ་ཚོམ་ཟ་བ་ནི་ཚད་མའི་བྱ་བ་མ་ཡིན་ཏེ། ་རང་ཉིད་ལ་གྲུབ་པ་ཡིན་ནོ། །ཐེ་ཚོམ་དེ་ཡང་གནས་ཅི་ཞིག་གི་བྱེ་བྲག་མཐོང་བ་ལས་ནི་ལྡོག་པ་ཡིན་ནོ། །ཐག་རིང་བ་ལ་ཐེ་ཚོམ་ཟ་བ་ནི་ཉེ་བ་ཡིན་ན་ལྡོག་པ་ཡིན་ནོ། །དོན་བྱེད་པ་ཉམས་སུ་མ་མྱོང་བར་ཐེ་ཚོམ་སྐྱེ་བ་ནི་དེ་ཉམས་སུ་མྱོང་བ་ལས་སོ། །རྗེས ་སུ་དཔག་པ་འམ་མངོན་སུམ་ཡང་རུང་བ་ནི་དེ་ཚད་མ་ཉིད་དུ་རྣམ་པར་འཇོག་པར་བྱེད་པ་ལ་བལྟོས་པར་བྱ་བ་མ་ཡིན་ཏེ། དེས་ན་ཐུག་པ་མེད་པ་དང་གཅིག་ལ་གཅིག་བརྟེན་པར་ཡང་ཐལ་བར་འགྱུར་བ་མ་ཡིན་ཞེས་བྱ་བའི་དོན་ཏོ། །དེ་ལ་གང་འདས་མ་ཐག་ཏུ ་བསྟན་པའི་གང་ལས་རེ་ཞིག་གིས་ཐེ་ཚོམ་ལྡོག་པ་ཡིན་ཞེས་བྱ་བ་ལ་འདི་ལས་ལོག་པ་ཡིན་ཞེས་བྱ་བ་སྟེ། འདི་ལ་གསུངས་པ་ནི། ཐེ་ཚོམ་ཞིག་ཅེས་བྱ་བའོ། །ཐེ་ཚོམ་ལོག་པས་ནི་འགའ་ཡང་སྟེ། །དོན་དུ་གཉེར་བ་པོ་དེས་འཇུག་པར་བྱེད་པ་མ་ཡིན་ནོ། །ཐོབ ་བ་ལས་ཀྱང་ཚད་མའི་བྱ་བ་ཡོངས་སུ་རྫོགས་པའི་ཕྱིར་འཇུག་པར་བྱེད་པར་མི་འགྱུར་རོ། །དེ་ལྟ་ཡིན་ན་ཅི་ཞིག་ལས་འཇུག་པར་བྱེད་པར་འགྱུར་འཇུག་པའི་ཡུལ་ངེས་པས་ཞེས་བྱ་བའི་དོན་ཏོ། །བྱེ་བྲག་ཅན་མཐོང་བ་ཁོ་ན་འཇུག་པའི་ཡུལ་ངེས་པ་ཅན་མ ་ཡིན་ནམ། དེ་ལྟ་ན་དེ་ཉིད་འཇུག་པའི་ཡན་ལག་ཡིན་ལ་དེ་ཡང་སྔར་ཡོད་པ་ནི་མ་ཡིན་ནོ། །དོན་བྱེད་པ་ཉམས་སུ་མྱོང་བ་ལ་སོགས་པའི་བྱེ་བྲག་ཅན་མཐོང་བ་ནི་སྔར་མེད་པའི་ཕྱིར་ཇི་ལྟར་འཇུག་པའི་ཡུལ་ངེས་པ་ཅན་ཡིན། དེའི་འོག་གི་ཐེ་ཚོམ་ཡང་ཇི་ལྟར་ཡིན། ཡུལ་ངེས་པ ་ཡིན་པ་ལས་ཡང་ཐེ་ཚོམ་ཟ་བ་ནི་མ་ཡིན་ཏེ། ཕྱི་མ་ལ་ཡང་ཐེ་ཚོམ་ཟ་བར་འགྱུར་བའི་ཕྱིར་རོ། །དེའི་ཕྱིར་ཇི་ལྟར་བྱེ་བྲག་མཐོང་བ་ཡིན་ན་ཐེ་ཚོམ་མེད་པ་བཞིན་དུ་སྔ་མ་ཡང་ཐེ་ཚོམ་དུ་མི་འགྱུར་བ་ཞིག་ན་ཡང་ཡོད་པ་ཡང་ཡིན་ཏེ། དེས་ན་བྱེ་བྲག་མཐོང་བ་མ་ཡིན་ནོ།། ་དེ་ལྟ་མོད་ཀྱང་མཐོང་བ་ཙམ་ཡིན་ན། མཐོང་བ་ཙམ་གྱི་བྱ་བ་རྫོགས་པའི་ཚད་མའི་བྱེ་བྲག་མཐོང་བའི་བྱ་བ་རྫོགས་པ་མ་ཡིན་ནོ་ཞེས་ཟེར་བ་ནི། གལ་ཏེ་དོན་བྱར་སྣང་དེ་ཉིད་ཅེས་བྱ་བའོ། །ཇི་ལྟར་ཕྱི་མ་མཐོང་བ་དེ་བཞིན་དུ་སྔ་མ་ཡང་མ་ཡིན་ནམ། དེས་ན་འདི་དག་ལ་ནི ་བྱེ་བྲག་ཅི་ཡང་མེད་དོ་སྙམ་དུ་སེམས་པ་ལ་མངོན་སུམ་འམ་རྗེས་སུ་དཔག་ལས་ཞེས་བྱ་བ་སྟེ། གལ་ཏེ་སྔ་མ་བཞིན་དུ་བྱེ་བྲག་མེད་ན་དུས་ཀྱིས་ཀྱང་ཐེ་ཚོམ་ལྡོག་པར་མི་འགྱུར་ཞེས་བྱ་བའི་དོན་ཏོ། །བྱེ་བྲག་མཐོང་བ་ཡིན་ན་ཐེ་ཚོམ་ལྡོག་པ་ལ་ཡང་སྐྱེ་བ་ནི་སྔ་མ ་ལས་དེ་བཟློག་པ་ཇི་ལྟར་མཐོང་བ་ཡིན་ཞེ་ན། དེ་གལ་ཏེ་དེ་ནི་མངོན་སུམ་གྱི་དངོས་ཡིན་ཞེས་བྱ་བ་སྨོས་སོ། །འོན་ཏེ་བྱེ་བྲག་འདི་དེ་ཉིད་ཀྱི་ཡིན་པར་ཕྱིས་མཐོང་བ་གང་ཡིན་པའོ། །དེས་ན་ཐེ་ཚོམ་དེ་ཉིད་ལས་ལྡོག་པ་ཡིན་པར་བསྟན་པ་ཡིན་ནོ་ཞེས་བྱ་བའི་བསྡམ་པས་འདིར ་ནི་ཐེ་ཚོམ་དེ་ལྡོག་པས་ཞེས་བྱ་བ་སྟེ། སྔར་འཇུག་པའི་དུས་སུ་ཐེ་ཚོམ་ལྡོག་པ་མ་ཡིན་ན། དུས་ཕྱིས་ཀྱང་མི་འཇུག་པ་ཡིན་ན། དེ་ལྡོག་པ་ལ་དོན་ཅི་ཞིག་ཡོད། །སྔར་དོན་མཐོང་བ་ལས་འཇུག་པར་བྱེད་པ་མ་ཡིན་ནམ། དེ་ལ་ཐེ་ཚོམ་མི་ལྡོག་པ་ལ་དགོས་པ་ཅི་ཡོད ་ཅེས་བྱ་བའི་བསམ་པས། ཤེས་པ་ཀུན་གྱི་དོན་དང་ནི་ཞེས་བྱ་བའོ། །དོན་དང་འབྲེལ་པ་ཅན་གྱི་ངོ་བོའི་ངེས་པ་ཅན་ནི་བྱེ་བྲག་མཐོང་བ་ཡིན་ལ། དེ་ནི་སྔར་ཡོད་པ་མ་ཡིན་ནོ། །གང་དོན་བྱེད་པ་འབྱུང་བར་འགྱུར་བ་དེ་ལ་སྔར་དོན་ཡོད་པ་ཡིན་ནོ། །དེ་གང་གིས་མཐོང་བ་ཡིན། ་རེ་ཞིག་སྔ་མའི་ཤེས་པས་ནི་མ་ཡིན་ཏེ། དོན་མེད་པས་དབེན་པའི་དོན་མ་མཐོང་བའི་ཕྱིར་རོ། །མཐོང་བ་ཙམ་ནི་དོན་དང་ཅིག་ཤོས་ཀྱི་དབྱེ་བ་མ་མཐོང་བས་ཐེ་ཚོམ་ཉིད་ཡིན་ཏེ། དེ་དག་ཙམ་ཉིད་ནི་ཐེ་ཚོམ་ཉིད་ཡིན་ནོ་ཞེས་བྱ་བའི་དོན་ཏོ། །གལ་ཏེ་དེ་ལྟ ་ན་སྔར་བྱེ་བྲག་ཅན་གྱི་དོན་མ་མཐོང་བ་ཡིན་ན། དོན་བྱེད་པ་ཉམས་སུ་མྱོང་བ་ཡིན་ཡང་དེ་བྱེ་བྲག་ཅན་དུ་ཇི་ལྟར་འགྱུར། ཇི་ལྟར་དོན་བྱེད་པ་དང་འབྲེལ་པ་རྣམ་པར་རྟོག་པས་སྤྲུལ་པ་ཡིན་པ་དེ་བཞིན་དུ་དེའི་བྱེ་བྲག་ཀྱང། དེས་ན་ཐ་སྙད་ལས་ཚད་མ་ཡིན་ཞེས་བཤད ་དོ། །ཚད་མའི་མཐོང་བ་ནི་ཐ་སྙད་ལས་གྲུབ་པའི་ཕྱིར་རམ་མ་གྲུབ་པ་ལ་ཡང་རུང་སྟེ། དེ་དཔག་བྱ་ཡིན་པ་ཙམ་ལས་འཇིག་རྟེན་པའི་ཐ་སྙད་ལས་གྲུབ་པའི་ཕྱིར་དང། མ་མཐོང་བའི་དོན་ཡང་དེ་དང་མཚུངས་པ་ཉིད་ཀྱིས་རྗེས་སུ་འཇུག་པ་བདེ་བར་བྱེད་པ་ཉིད་ཀྱི ་ཕྱིར་མཚན་ཉིད་བྱེད་པ་ལ་ཉེ་བར་སྦྱོར་བར་བྱེད་པ་མ་ཡིན་ཏེ། དེ་ཡང་ཐ་སྙད་ཀྱི་རྗེས་སུ་འཇུག་པ་ཡིན་ལ། ཐ་སྙད་ལ་རྨོངས་པ་ལོག་པ་མ་ཡིན་ན། དེའི་ཐབས་ཀྱི་མཚན་ཉིད་ལ་ལྡོག་པར་འགྱུར་བ་མ་ཡིན་ཏེ། ཐ་སྙད་པ་རྣམས་ཁོ་ན་གཅིག་ལས་གཅིག ་གི་རྨོངས་པ་ལྡོག་པའི་ཕྱིར་རོ། །རང་གི་རིག་པ་ནི་བཟུང་བ་དང་འཛིན་པ་ལ་སོགས་པའི་དབྱེ་བ་དང་བྲལ་པའི་ཕྱིར་དེ་ནི་བསྒོམ་པ་ལ་མངོན་པར་བརྩོན་པ་ནི་མཐོང་བ་ལས་བྱུང་བའི་ཉོན་མོངས་པ་རྣམས་ཀྱི་གནས་མེད་དེ། བསྒོམས་པ་ལས་བྱུང་བའི་བསྟན་པ་ཉིད ་ནི་ཕྱིན་ཅི་ལོག་འགོག་པར་བྱེད་པ་སྟེ། དྲུངས་འབྱིན་པར་བྱེད་པ་ཡིན་པའི་ཕྱིར་མཐོང་ཟིན་པ་ཡིན་པས་ཚད་མ་གཞན་ལ་བལྟོས་པ་མ་ཡིན་ནོ། །དེ་དང་དེ་མ་ཡིན་པའི་བསྒོམ་པ་རྣམས་ལ་ཡང་དེ་ཁོ་ན་བཞིན་དུ་ཡིན་པའི་ཕྱིར་སྦྱིན་པ་ལ་སོགས་པ་རྣམས་དང ་མཐོ་རིས་ལ་སོགས་པ་རྣམས་སྒྲུབ་པ་ལ་མངོན་སུམ་ལ་སོགས་པའི་ཡུལ་མ་ཡིན་པ་ཉིད་ཀྱི་གསུང་རབ་དང་དེའི་རྣམ་པར་འགྲེལ་པ་དང་ཚད་མ་གཞན་ཚོལ་བར་བྱེད་པ་ཡིན་ནོ། །མ་ཡིན་ཏེ། དེ་ལ་ཡང་རྒྱུ་མཐུན་པའི་འབྲས་བུ་མཐོང་བ་ཡིན་ནོ། །རྣམ་པར ་སྨིན་པ་ལ་མཐོང་བ་ཡིན་ནོ་ཞེ་ན། མ་ཡིན་ཏེ། དེར་མིག་གི་འབྲེལ་པ་མེད་པས་ཚད་མ་ཡིན་པའི་ཕྱིར་རོ། །དེ་སྐད་དུ་ཡང། དོན་གྱི་དེ་ཉིད་རྒྱུ་མཚན་མིན་ཞེས་བསྟན་པའོ། །ཐམས་ཅད་མཁྱེན་པའི་གསུངས་ནི་དོན་གྱི་དེ་ཉིད་ཀྱི་རྒྱུ་མཚན་ཅན་ཡིན་ནོ་ཞེ་ན། གལ་ཏེ་དེ་ནི་ཕུལ་དུ། ་བྱུང་བར་ཤེས་ནུས་དོན་འདི་འདོད་པ་ཡིན་སྐད་ཅིག་མ་དང་རྣམ་པར་རིག་པ་ཙམ་གྱི་ངག་གི་ཕྱོགས་གཅིག་རྣམས་བདེན་པ་ཉིད་དུ་མཐོང་བས་གཞན་ལ་ཡང་དེ་ཉིད་དུ་གོ་བ་ཡིན་ནོ་ཞེ་ན། མ་ཡིན་ཏེ། འབྲེལ་པ་མེད་པའི་ཕྱིར་རོ། །དུ་བ་ནི་མེ་དང་འབྲེལ་པ་ཅན་ཉིད་དུ་མཐོང་བ ་ཡིན་ན། རང་ཉེ་བ་ཡིན་པ་ལས་དེ་ཉེ་བ་ཡིན་པར་མཚོན་པར་བྱེད་པ་ཡིན་ཏེ། འབྲེལ་པའི་ཕྱིར་རོ། །དོན་གྱི་གཙོ་བོ་ལ་མི་བསླུ་བ་ཅན་གྱི་ཚིག་ཀྱང་བདེན་པ་ཉིད་དུ་རྗེས་སུ་རྟོགས་པར་འཇིག་རྟེན་དུ་མཐོང་བ་ཡིན་ནོ་ཞེ་ན། དེ་ལྟ་ཡིན་ན་ཐ་སྙད་ཉིད་ལས། དེ་ཁོ་ན་ཉིད་རྗེས ་སུ། རྟོགས་པ་བྱུང་བའི་ཕྱིར་རྣམ་འགྲེལ་དང། གསུང་རབ་ཀྱང་གྲུབ་ཟིན་པ་ལ་སྒྲུབ་པར་འགྱུར་རོ། །རྣམ་པར་རིག་པ་ཙམ་ཉིད་ལ་སོགས་པ་ལ་དེ་ཁོ་ན་ཉིད་བཞིན་དུ་སྦྱིན་པ་ལ་སོགས་པའི་དག་བདེན་པ་ཉིད་དུ་གྲུབ་པའི་དོན་དུ་མི་སླུ་བའི་ཡུལ་དེ་ངེས་པར་བསྟན་པ་ཡིན ་ནོ་ཞེ་ན། དེ་ལྟ་ཡིན་ན། དེ་ཙམ་ལ་བཅོམ་ལྡན་ཕ་རོལ་གནོད་པ་ཡིན་པ་འམ་དེ་ལ་ཡང་མ་ཡིན་པ་སྟེ། རིག་བྱེད་ལ་སོགས་པ་དང་ཐུན་མོང་བ་ཉིད་ཀྱིས་སོ། །འདི་སྐད་བསྟན་པར་འགྱུར་ཏེ། མངོན་སུམ་པའི་ཡུལ་ལ་ནི་བསྟན་བཅོས་དགོས་པ་མ་ཡིན་ནོ། །མངོན་སུམ་གྱི ་དོན་ལ་གཞན་གྱི་མན་ངག་གཅེས་པ་མ་ཡིན་ཏེ། གཞན་ལ་ཡང་བསྟན་བཅོས་གཞན་ཡོད་པའི་ཕྱིར་རོ། །མཆོད་རྟེན་ལ་ཕྱག་བྱ་བ་ལ་སོགས་པ་དེའི་ཡུལ་མ་ཡིན་པ་ཡང་རང་མཆོད་ཆ་ཡིན་པར་བསྟན་པའི་ཆེད་དུ་བཤད་པ་སྲིད་པའི་ཕྱིར་གསུང་རབ་དང་དེའི་རྣམ་པར ་འགྲེལ་པ་ཡང་དགོས་པ་ཅུང་ཟད་ཀྱང་ཡོད་པ་མ་ཡིན་ནོ་སྙམ་དུ་སེམས་པ་ལ། གལ་ཏེ་དེ་ལྟར་ཐ་སྙད་ཚད་མ་ཉིད་ཡིན་ན་ཞེས་ཟེར་བ་ལ་ལན་དུ། བསྟན་བཅོས་རྨོངས་པ་བཟློག་བྱེད་ཡིན། ཞེས་བྱ་བ་སྨོས་ཏེ། རྣམ་པར་རིག་པ་ཙམ་ལ་སོགས་པ་བསྒོམ་པ་དང ་དེའི་ཡན་ལག་བསྒོམ་པ་ཡང་ཐར་པ་སྒྲུབ་པར་བྱེད་པ་ཉིད་དུ་འདོད་པ་ཡིན་པ་ནི་བདེན་ཏེ། མངོན་སུམ་གྱི་རྗེས་སུ་འགྲོ་བ་དང་ལྡོག་པ་དག་གི་ཡུལ་ཉིད་ཡིན་ནོ། །འཁྲུ?་བ་སྒྲུབ་པར་བྱེད་པ་ལ་ཨ་རུ་ར་ཟ་བ་ཡིན་པ་དེ་བཞིན་དུ་དེ་ཁོ་ན་ཉིད་གཟིགས་པའི ་གསུང་ཉིད་གཞན་གྱི་བློའི་ཡུལ་དུ་འགྱུར་བ་ཡིན་གྱི་གཞན་ནི་མ་ཡིན་ནོ། །ཚིག་མེད་ན་ཚད་མའི་ཡུལ་ཡིན་ཞེས་བྱ་བ་ཁོ་ནས་དངོས་པོ་འཇིག་རྟེན་པའི་བློ་ལ་གནས་པར་འགྱུར་བ་ནི་མ་ཡིན་ལ། གཞན་འགའ་ཞིག་ཉིད་ནི་དེ་ལ་དེ་བཞིན་དུ་བྱེད་པ་མ་ཡིན་ཏེ། ་གྲངས་ལ་སོགས་པ་རྣམས་ལ་ཐ་སྙད་པ་རྣམས་ཀྱིས་དེ་ལྟར་མི་ནུས་པའི་ཕྱིར་རོ། །ཁ་ཅིག་ལ་ནུས་པ་ཡོད་པ་ཡང་ཡིན་ནོ། །དེ་ལྟ་མ་ཡིན་ན་དེ་ཉིད་ཡང་དག་པའི་སངས་རྒྱས་ཡིན་པའི་ཕྱིར་འདི་ནི་འཇིག་རྟེན་ལས་ཕུལ་དུ་བྱུང་བ་ཆེན་པོ་ཡིན་ནོ། །དེ་ལྟར་དེས་ཉེ ་བར་བསྟན་པ་ཡང་དམན་པ་རྣམས་ནི་ཚུལ་བཞིན་པ་རྟོགས་པར་བྱེད་པ་མ་ཡིན་པའི་ཕྱིར་ཚུལ་བཞིན་ཡིད་ལ་བྱེད་པའི་དོན་དུ་རྣམ་པར་འགྲེལ་བ་ཡིན་ནོ། །རྐྱེན་གཉིས་ནི་དགེ་བ་སྐྱེད་པར་བྱེད་པར་གསུངས་ལ། རྒྱུ་གཉིས་དང་རྐྱེན་གཉིས་ཀྱང་དགེ་བའི་ཆོས་རྣམས ་ཕྱེད་པའི་དོན་དུ་འདི་ལྟ་སྟེ། གཞན་གྱི་དག་ལས་སམ། ནད་གི་བདག་ཉིད་ཚུལ་བཞིན་ཡིད་ལ་བྱེད་པ་ཡང་མ་ཡིན་ནོ། །དེ་ལ་གཞན་གྱི་དག་ནི་གསུང་རབ་ཡིན་ལ། ཚུལ་བཞིན་ཡིད་ལ་བྱེད་པ་ནི་རྣམ་པར་འབྲེལ་བ་ཡིན་ནོ། །འདི་ལ་ཡང། དོན་གཟིགས་ཕྱིར་ན་ ་བརྫུན་པ་མིན། །ཉོན་མོངས་མེད་ཕྱིར་མི་མཐུན་མིན། །ལེགས་པར་སྦྱར་ཕྱིར་གོ་བྱེད་པའི། །ཁྱེད་གསུངས་དུས་གསུམ་དགེ་བ་ཡིན། ཞེས་གསུང་ལ་བསྟོད་པ་བསྟན་པའོ། །སྦྱིན་པ་དང་རྣམ་པར་འཚེ་བ་ལས་ལྡོག་པའི་སེམས་ལས་བྱུང་བའི་གསུང་རྣམས་དང། དེའི ་བཤད་པ་ཡང་དོན་གྱི་གཙོ་བོ་ལ་མི་བསླུ་བས་ཚད་མ་ཉིད་ཡིན་པའི་ཕྱིར་འཇུག་པར་བྱེད་པ་ཉིད་ཡིན་པར་བསྟན་པའི་ཕྱིར་བསྟན་པ?་??་རྨོངས་པ་ཟློག་བྱེད་ཡིན་ཞེས་བྱ་བ་གསུངས་པ་ཡིན་ནོ། །དེ་ལྟར་ནི་རྣམ་པར་འགྲེལ་བའི་མཚན་ཉིད་ཡིན་པར་ནི། གལ་ཏེ ་ཐ་སྙད་ལས་ཚད་མའི་རང་བཞིན་རྟོགས་པ་ཡིན་ཞེས་བྱ་བ་ནས་བསྟན་བཅོས་དེ་ཡིས་ཟློག་པར་བྱེད་ཅེས་བྱ་བའི་བར་གྱི་བསྟན་པ་ཡིན་ནོ། །དེ་ཉིད་ཀྱི་ཕྱིར་ཐམས་ཅད་མཁྱེན་པས་གསུངས་པའི་བསྟན་བཅོས་ཁོ་ནས་ཞེས་བྱ་བ་ལ་སོགས་པ་ནི་གསུང་རབ་ཀྱི་ཡིན་ལ། དེས་ན་ཐ་སྙད ་ལས་མ་ཡིན་ཞེས་བྱ་བ་ནི་ཐ་སྙད་ཙམ་ལས་མ་ཡིན་པའོ། །ཐ་སྙད་ངེས་པར་རྟོགས་པའི་ཕྱིར་ཞེས་བྱ་བའི་ཁྱད་པར་ཅན་གྱི་ཐ་སྙད་དེ། །དེ་ཁོ་ན་ཉིད་ལ་ཀུན་ཏུ་རེག་པ་ཅན་རྟོགས་པས་སོ། །འདིའི་བྱེ་བྲག་ཅི་ཞིག་ཡིན་ཞེ་ན། འདི་ལ་ཚད་མ་མི་སླུ་ཅན་ཤེས་པ། ཞེས་གསུངས ་པ་སྟེ། དེ་ཡང་མངོན་སུམ་རྗེས་སུ་དཔག་པའོ། །དེ་དང་མཚུངས་པའི་ཐམས་ཅད་མཁྱེན་པའི་ཡེ་ཤེས་སམ། དེའི་གསུང་ཡིན་གྱི་རིག་བྱེད་ལ་སོགས་པ་ནི་མ་ཡིན་ཏེ། རིག་བྱེད་ལ་བལྟོས་ནས་དང་ཐམས་ཅད་མཁྱེན་པ་ལ་སོགས་པའི་ཁྱད་པར་སོམས་ཤིག་།དེ་ཉིད ་ཀྱི་ཕྱིར་ཞེས་བྱ་བ་ནི་མངོན་སུམ་ལ་སོགས་པ་ལ་བལྟོས་ནས་ཀྱང། ཐམས་ཅད་མཁྱེན་པའི་ཁྱད་པར་བསྟན་པ་ནི། དེ་ཉིད་ཀྱི་ཕྱིར་ཞེས་བྱ་བ་སྟེ། ཐ་སྙད་རྟོགས་ནས་རིག་བྱེད་ལ་སོགས་པ་ཇི་ལྟ་བ་ཁོ་ན་ལས། མངོན་སུམ་ལ་སོགས་པའི་ཁྱད་པར་དེ་ལྟ་བུ་ཁོ ་ན་ལ་ཡིན་ལ། དེ་ལས་ཀྱང་ཐམས་ཅད་མཁྱེན་པའི་ཡེ་ཤེས་ཞེས་བྱ་བའི་དོན་ཏོ། །ཐ་སྙད་ཀྱི་བྱེ་བྲག་དེ་ཉིད་མངོན་སུམ་ལས་འདི་རྟོགས་པ་ཡིན་པར་བསྟན་པ་ནི། གཞན་ནི་ཚད་མ་མ་ཡིན་ཏེ་ཞེས་བྱ་བ་ལ་ལྷན་ཅིག་པའི་ཁྱད་པར་ཅན་ཡིན་ཏེ། འཇིག ་རྟེན་གྱིས་རྟོགས་པར་མི་ནུས་པ་ཡིན་ཡང་འཇིག་རྟེན་པ་ལ་དེ་སྒྲོགས་པར་བྱེད་དོ་ཞེས་བྱ་བའི་དོན་ཏོ། །དེ་ལྟ་ནི་ཡིན་ན་མི་བསླུ་བ་ཅན་ཉིད་ནི་སྔར་མཐོང་ངོ་ཤེས་པ་ལ་ཡང་ཡོད་བ་ཡིན་ན། དེ་ཡང་སྣང་བཞིན་པ་ལ་མཐོང་བ་ཉིད་དུ་སྲེ་བར་བྱེད་པ་ནི་མི་སླུ་བར་བྱེད ་པ་ཉིད་དོ། །མ་ཡིན་ཏེ་དོན་བྱེད་པ་ཞེས་བྱ་བ་ནི་ཁྱད་པར་ལས་ཡིན་ནོ་ཞེ་ན། མ་ཡིན་ཏེ། འདི་སྔོན་པོ་ལ་སོགས་པ་ཞེས་དོན་བྱེད་ནུས་པ་ཉིད་དུ་རྟོགས་པའི་ཕྱིར་རོ། །ནུས་པ་ཉིད་ཀྱང་འདྲེལ་པ་ཡིན་པར་བརྗོད་དེ། དོན་བྱེད་པ་དང་སྣང་བཞིན་པ་དང་འབྲེལ་བ་ཉིད ་སྔར་མཐོང་བ་ཉིད་དང་བསྲེ་བ་ནི། སྔར་མཐོང་བ་ངོ་ཤེས་པ་ཞེས་བྱ་བའི་དོན་ཏོ། །དེ་ལྟ་ན་ཡང་སྔ་མ་དང་ཕྱི་མ་དག་གི་གཟུང་བ་དག་སྲེ་བ་ནི་དེ་ལས་ཡིན་ནོ་ཞེ་ན། ཡིན་ན་ཡང་སྐྱོན་ཅི་ཡོད་ཚད་མའི་མཚན་ཉིད་ཀྱིས་མ་ཡིན་པར་དགག་པ་མ་ཡིན་ཏེ། ་རྒྱུན་ཏུ་བྱུང་བའི་ཤེས་པ་འདིས་བསྟན་པ་ཡིན་ནོ། །འོན་ཏེ་འཇུག་པར་བྱེད་པ་ནི་ཕྲད་པར་བྱེད་པ་ཡིན་ནོ་ཞེ་ན། དང་པོ་མཐོང་བ་ཁོ་ན་དེ་ལྟ་བུ་ཡིན་པའི་ཕྱིར་སྔར་མཐོང་བ་ངོ་ཤེས་པ་ནི་མི་སླུ་བར་བྱེད་པ་ཡིན་ཏེ། གོམས་པ་ལ་མ་མཐོང་བའི་ཕྱིར་རོ། །རྗེས་སུ་འགྲོ་བ་དང་ལྡོག་པ ་ངག་གིས་ནུས་པའི་རྗེས་སུ་འཇུག་པ་ཉིད་ཡང་རྒྱུན་ཏུ་བྱུང་བའི་ཤེས་པ་བསལ་བར་ནི་མི་ནུས་སོ། །རྟོགས་པའི་དོན་ལ་ནི་མི་བསླུ་བ་འམ་གཞན་ཡིན་པ་བསལ་དགོས་ཏེ། མ་རྟོགས་པ་ལ་ནི་མ་ཡིན་ནོ། །དེའི་ཕྱིར་མ་རྟོགས་པ་རྟོགས་པར་བྱེད་པ་ཉིད་ནི་ཚད་མའི་སྔར་བྱུང ་བའི་ཤེས་པ་ཡིན་པའི་ཕྱིར་དེ་ཉིད་ཚད་མའི་མཚན་ཉིད་དུ་ལག་པ་ཡིན་ལ། དེ་ཉིད་ཀྱང་མི་འདོད་པ་བསམ་པ་ཡང་རྙེད་པར་བླ་བ་ཡིན་ནོ། །འདི་ལྟ་བུའི་བསྟན་བཅོས་ནི་དོན་དང་ལྡན་པའི་བསྟན་བཅོས་དེ་ནི་མ་མཐོང་བ་ལ་ཚད་མ་ཡིན་ནོ་ཞེས་བྱ་བའི་ཚིག་ལས། ལྐོག ་ཏུ་གྱུར་བ་ལ་ཚད་མ་ཡིན་ན་ཐམས་ཅད་མཁྱེན་པའི་ཤེས་པ་ནི་ཚད་མ་གཞན་ལ་རུང་བའི་ཤེས་པ་ཙམ་ཉིད་ལ་སོགས་པ་མཐོང་བར་བྱེད་པ་ཡིན་ཡང། འདི་ལྟ་བུ་མ་ཡིན་པའི་ཕྱིར་ཚད་མ་མ་ཡིན་ནོ། །རྗེས་སུ་དཔག་པ་ནི། གང་ཞིག་གང་གི་ཚེ་མཐོང་བར་བྱེད ་པ་དེ་ནི་དེའི་ཚེ་དེ་ཉིད་ཡིན་པའི་ཕྱིར་འདི་ལ་མཚན་ཉིད་ཀྱི་རྗེས་སུ་མི་འཇུག་པའི་སྐྱོན་མེད་དོ། །བསྟན་བཅོས་ཀྱིས་མཐོང་བའི་དོན་ཉིད་དམ་ཕྱི་རོལ་རིག་པ་ནི་གནོད་པ་མེད་པ་ལས་ཡིན་ལ་མི་བསླུ་བ་ཡང་བསླུ་བ་མེད་པ་ནི་གནོད་པ་ཅན་མེད་པ་ཁོ་ན་ཏེ། གནོད་པ་ཅན་དང ་བྲལ་བ་དོན་རིག་པ་ཁོ་ན་དོན་བྱེད་པ་ཡིན་པའི་ཕྱིར་སྐྱེས་བུའི་དོན་རྗེས་སུ་མི་འཇུག་པའི་སྐྱོན་སྤངས་པ་ཡིན་སྙམ་དུ་སེམས་པ་ལ། རེ་ཞིག་ཤེས་པ་གཉིས་པ་ནི་ཤེས་པ་སྔ་མས་མ་བསྒྲུབས་པ་ཡིན་ན། དེ་ཙམ་ལ་ནི་དགོས་པ་མེད་པས་མི་བསླུ་བ་ཅན་མ་ཡིན་པའི་ཕྱིར ་མཚན་ཉིད་ནི་ཁྱབ་ཆེས་པ་མ་ཡིན་ནོ། །དེ་ཙམ་གྱི་དགོངས་པས་བཟུང་བ་ལ་འཇིག་པའི་ཤེས་པ་བསལ་བར་ནུས་པ་ཡིན་ལ། མི་བསླུ་བ་ཅན་འཛིན་པས་མ་ཡིན་ལ། སྔར་ཡོད་པ་ཙམ་གྱིས་རྟོགས་པར་བྱེད་པ་ཉིད་ཀྱང་མ་ཡིན་ཏེ། སྐྱེས་བུའི་དོན་ལ་མཁོ་བ་མ་ཡིན་པ་ནི་ཚད་མའི ་མཚན་ཉིད་སེམས་པས་བརྩོན་པར་བྱ་བ་མ་ཡིན་པའི་ཕྱིར་དེ་སྤངས་ནས་རྟོགས་པ་དང་ལྡན་པ་རྣམས་དོན་བཞིན་དུ་མི་བསླུ་བ་ཅན་ཉིད་ལ་བརྩོན་པར་བྱེད་པ་ཡིན་ན་ནི། དེ་ལྟ་བུས་སྐྱོན་ཅི་ཡང་མེད་དོ། །གཞན་གྱི་སྨྲས་པ་ཙམ་འབའ་ཞིག་ཀྱང་ཁས་བླང་པར་བྱ་བ་ཡིན་པ་ལ ་སྐྱོན་མེད་པར་བསྟན་པ་ནི། མ་ཤེས་དོན་གྱི་བསལ་བྱེད་ཀྱང་ཞེས་བྱ་བ་སྟེ། མངོན་སུམ་ལ་སོགས་པར་རུང་བའི་དངོས་པོ་ཡང་ཐམས་ཅད་མཁྱེན་པའི་ཡེ་ཤེས་མཐོང་བར་བྱེད་པ་ཡིན་ཞིང། འཇིག་རྟེན་ལ་ཚད་མ་ཉིད་ཡིན་ཏེ། དེ་མེད་ན་མངོན་སུམ་ལ་སོགས་པ་ཙམ་གྱིས་མི ་རྟོགས་པའི་ཕྱིར་དང། མ་རྟོགས་པ་ལ་ཡང་རྟོགས་པར་བྱེད་པས་ཚད་མར་འདོད་དོ། །རིག་བྱེད་ལས་བྱུང་བའི་ཤེས་པ་ནི་གོ་བར་བྱེད་པ་ཡིན་ཡང། རབ་རིབ་ཅན་གྱི་ཤེས་པ་བཞིན་དུ་དེའི་རྟོགས་བྱའི་དེ་ཉིད་མ་རྟོགས་པའི་ཕྱིར་ཚད་མ་མ་ཡིན་པ་ཉིད་དོ། །དོན་བྱེད་པ་ལ་བྱ ་བ་བྱེད་པའི་དངོས་པོ་ནི་དོན་ཡིན་ནོ། །དེ་ཡང་རིག་བྱེད་ལ་ནི་གོ་བར་དཀའ་བ་ཡིན་ཏེ། དོན་བྱེད་པར་མ་མཐོང་བའི་ཕྱིར་རོ། །དོན་བྱེད་པ་དང་འབྲེལ་བ་ནི་མི་བསླུ་བ་ཡིན་པའི་ཕྱིར་མི་བསླུ་བས་ནི་དོན་ཉིད་ལ་མ་ངེས་པ་མ་ཡིན་ལ། དེ་ཉིད་ཀྱང་དེ་ལ་ནུས་པ་ཅན་གྱི་ངོ་བོའི་སྒྲ་རྣམས ་ཀྱིས་བརྗོད་པར་བྱ་བ་ཡིན་ནོ། །བུམ་པ་ཞེས་བྱ་བ་ནི་དངོས་པོ་གཞན་གྱི་བསྒྲུབ་པར་བྱ་བ་མ་ཡིན་པའི་འབྲས་བུ་ལ། བྱ་བ་བྱེད་པའི་ངོ་བོ་ཡིན་པར་བརྗོད་པར་བྱ་བ་ཡིན་གྱི། དེ་ལྟ་བུ་ནི་ཀུན་རྫོབ་ལ་ཡོད་པ་མ་ཡིན་ལ། རིག་བྱེད་ལ་སོགས་པའི་རྟོགས་བྱ་ནི་དེ་ལ་ནུས་པ་མེད ་པའི་ཕྱིར་ཀུན་རྫོབ་ཏུ་ཡོད་པ་ཡིན་དུ་ཆུག་ཀྱང་དེ་ལ་དོན་བྱེད་པ་མེད་པའི་ཕྱིར་མི་བསླུ་བ་མ་ཡིན་པར་ནི་མ་རྟོགས་པ་ཡིན་ཞིང་མི་སླུ་བས་དོན་ཉིད་རྟོགས་པ་ཡང་མ་ཡིན་ཏེ། མི་བསླུ་བ་ལ་ཡིན་ཡང་ཀུན་རྫོབ་དུ་ཡོད་པ་རྣམས་ཀྱི་དོན་ཉིད་མ་གྲུབ་པའི་ཕྱིར་ཞེས་བྱ་བ་ལ ་སོགས་པའི་དོན་ཅི་ལ་དགོངས་པ་ཡང་མི་ཤེས་སོ། །འོན་ཏེ་སྔ་མ་དང་ཕྱི་མའི་ཤེས་པ་ལ་སོགས་པ་ལས་དེ་དག་དང་འབྲེལ་པ་འམ་གཞན་ཡང་རུང་སྟེ་བག་ཆགས་ལས་བྱུང་བའི་རྣམ་པར་རྟོག་པ་ལས། ཐ་སྙད་དུ་མངོན་པར་བརྗོད་པས་ཤེས་བཞིན་པ་ནི ་ཀུན་རྫོབ་ཏུ་ཡོད་པ་ཡིན་ནོ། །དེ་ལ་ཡང་འབྲེལ་པ་ཅན་དག་ཁོ་ན་དེ་མ་ཡིན་པ་རྣམ་པར་གཅོད་པར་བྱེད་པའི་ངོ་བོའི་ནུས་པ་ཅན་ཉིད་ཡིན་པའི་ཕྱིར་དོན་ཉིད་མཉམས་པ་ཡིན་ནོ། །ཐ་སྙད་པའི་ཚད་མ་དང་གཞལ་བྱ་ཡང་རུང་བ་ནི་སྐབས་མ་ཡིན་ལ་དེས་ན་མི་བསླུ་བ་ནི་དོན ་ཉིད་བསལ་བྱ་མ་ཡིན་པ་མ་ཡིན་ནོ། །འོན་ཏེ་གཟུགས་ལ་སོགས་པ་རྣམས་ལ་ཡན་ལག་ཅན་གཅིག་ཏུ་འཛིན་པ་དང་སྔ་མ་ཕྱི་མ་ཡང་རུང་གཅིག་ཏུ་འཛིན་པ་ཡིན་པའི་ཕྱིར་ཀུན་རྫོབ་ཏུ་ཡོད་པ་ཡིན་ནོ། །མ་ཡིན་ཏེ། དེ་ལྟ་བུ་ནི་རབ་རིབ་ཅན་གྱིས་མཐོང་བའི་སྐྲ་ཤད ་ལ་སོགས་པ་བཞིན་དུ་ནུས་པ་ཅན་མ་ཡིན་པས་ཀུན་རྫོབ་འབའ་ཞིག་ཉིད་དུ་ཡང་ཡོད་པར་མི་རིགས་པས་སོ། །འབའ་ཞིག་ནི་དེ་ལྟར་རྟོགས་པར་བྱེད་པ་མ་ཡིན་ལ། དེས་ན་ཡོད་པ་ཡིན་ནོ་ཞེ་ན། ཟླ་བ་གཉིས་པ་ལ་སོགས་པ་ཡང་དེ་བཞིན་དུ་འགྱུར་ཏེ། དེ་ལ་ཡང ་རྟོགས་པར་བྱེད་པ་འགའ་ཡང་མེད་པའི་ཕྱིར་རོ། །རྟོགས་པ་ཞེས་བྱ་བ་ཡང་དོན་བྱེད་པ་ལ་འགའ་ཞིག་གི་བྱ་བའི་རྗེས་སུ་རྟོགས་པ་ཡིན་པ་འམ། དེའི་མེད་པ་རྗེས་སུ་རྟོགས་པ་ཡང་རུང་བའོ། །གང་གི་བྱ་བ་ཡིན་པ་དེ་ཡོད་པ་ཡིན་ལ། གང་ཞིག་དེ་ལྟ་མ་ཡིན ་པ་དེ་ནི་གཞན་དུ་ཡིན་ནོ། །རྟོགས་པ་ཞེས་བྱ་བས་ནི་ཀུན་རྫོབ་ཏུ་ཡིན་ཏེ། དེ་དེ་བཞིན་དུ་རྟོགས་པར་བྱེད་པའི་ཕྱིར་ཀུན་རྫོབ་ཡིན་ལ། རང་ཡང་དག་པར་རིག་པ་ཙམ་དུ་རྟོགས་པར་བྱ་བ་ནི་དོན་དམ་པ་པ་ཡིན་ཞེས་བྱ་བ་ནི་དོན་དམ་པར་རོ། །གང་གི་ཕྱིར་བུམ ་པ་ལ་སོགས་པའི་ཤེས་པ་ནི། གཅིག་པ་ཉིད་ལ་སོགས་པ་ལ་བསླུ་བ་ཅན་ཡིན་ལ། དེའི་དོན་བྱེད་པའི་བྱེད་པ་པོ་ཉིད་ལ་སོགས་པ་ལ་ནི་མི་བསླུ་བས་ཚད་མ་ཉིད་ཡིན་ཞེས་བྱ་བ་འདི་ནི་གཞན་གྱི་འདོད་པ་ཉིད་ཡིན་ནོ་ཞེས་བྱ་བའི་དོན་ཏོ། །རང་གི་འདོད་པ་ཉིད་དུ་ནི་དེ་ལྟ ་བུའི་མཚན་ཉིད་རང་དབང་ཡིན་པ་ནི་དོན་དམ་པ་ལ་བལྟོས་ནས་ཡིན་ལ། དེ་ལ་ནི་དོན་ཉིད་རྟོགས་པ་ལ་བལྟོས་པར་བྱ་བ་ཅུང་ཟད་ཀྱང་མེད་པ་ཡིན་ཏེ། རང་ཡང་དག་པར་རིག་པ་ཉིད་དུ་གྲུབ་པའི་ཕྱིར་རོ། །རིག་བྱེད་ལ་སོགས་པ་ལ་ནི་དེ་ལྟ་བུའི་ཚད་མ་ཉིད་རྗེས་སུ་མཐུན་པ ་མ་ཡིན་པ་ཉིད་མ་ཡིན་ཏེ། དེ་ཡང། དོན་གང་བློ་ལ་བསལ་བ་ནི། དེ་ལ་སྒྲ་ནི་ཚད་མ་ཉིད། ཅེས་གསུངས་པའོ་ཞེས་བྱ་བའི་དགོངས་པས། ཡང་ན་འདིར་དོན་གྱི་སྒྲས་ནི་ཞེས་བྱ་བ་སྨོས་ཏེ། བསལ་བྱེད་ཅེས་བྱ་བ་ནི་ཉམས་སུ་མྱོང་བའི་བདག་ཉིད་ཀྱིས་ལྐོག་ཏུ་གྱུར་པ ་མ་ཡིན་ཞེས་བསྟན་པ་ཡིན་ལ། དེས་ཀྱང་རང་བཞིན་དང་རྒྱུའི་དངོས་པོ་ཉིད་འཛིན་པར་བྱེད་པའི་བདག་ཉིད་དང། འཛིན་པའི་བདག་ཉིད་ཀྱང་བཀག་པ་ཡིན་ནོ། །མ་ཤེས་པ་ཞེས་བྱ་བ་ནི་གཟུང་བྱ་ཉིད་དོ། །གཟུང་བྱ་ཉིད་ཅེས་བྱ་བ་ལ་སོགས་པ་དང་བྲལ་བ་ནི་ཡང་གཅིག་པུ ་ནི་མ་ཡིན་ཏེ། རྒྱ་ཆེ་བ་ལ་དམིགས་པའི་ཕྱིར་རོ། །ཡུལ་ཐ་དད་པ་ལ་དམིགས་པ་ནི་གཅིག་པ་མ་ཡིན་ཏེ། ཡུལ་གྱི་དབྱེ་བས་འགལ་བའི་ཆོས་དང་འདྲེ་བའི་ཕྱིར་རོ། །དུ་མ་ཡང་མ་ཡིན་ཏེ། ཡང་མི་དམིགས་པ་རྗེས་སུ་དཔག་པས་རྡུལ་ཕྲ་རབ་ཀྱི་ངོ་བོར་ཡང་མེད ་པའི་ཕྱིར་རོ། །ཇི་སྙེད་དམིགས་པ་དེ་སྙེད་པ་ཡུལ་ཐ་དད་པ་ཡིན་བས། གཅིག་པ་འམ་དུ་མ་ཉིད་ནི་ཅུང་ཟད་ཀྱང་མེད་པའི་ཕྱིར་དངོས་པོ་མེད་པ་དེ་ཉིད་ཀྱིས་ན་དེའི་དགག་པ་ཡང་མེད་པས་དངོས་པོ་དང་དངོས་པོ་མེད་པའི་རྟོག་པ་ཟད་པ་ནི་མྱ་ངན་ལས་འདས་པ་ཡིན ་ནོ་ཞེས་བྱ་བ་གཅིག་གི་ཡིན་ནོ། །དེ་ལ་དོན་ཞེས་བྱ་བ་སྨོས་ཏེ། གང་གི་ཕྱིར་ཤེས་པ་ནི་རང་རིག་པའི་ཁོངས་སུ་གཏོགས་པ་ཉིད་ཀྱིས་དེའི་བྱེ་བྲག་ཅན་ཡིན་གྱི། ཡུལ་གྱི་དབྱེ་བས་འབྱེད་པ་ནི་མ་ཡིན་ཏེ། ཡུལ་ཡང་དེའི་བྱེ་བྲག་ཅན་ཡིན་པས་ཐ་མི་དད་པའི་ཕྱིར ་རོ་ཞེས་བྱ་བའི་དོན་ཏོ། །དེའི་ཕྱིར་ཤེས་པ་ནི་ཚད་མ་ཉིད་ཡིན་ཏེ། མི་བསླུ་བ་ཅན་ཉིད་དང་མ་ཤེས་པའི་དོན་རིག་པ་ཅན་ཉིད་དང། རང་ཡང་དག་པར་རིག་པ་ཡང་རུང་མཐོང་བ་དང་ཅིག་ཤོས་ལ་དགོས་པ་ཅན་ཉིད་ཡིན་པའི་ཕྱིར་རོ། །རྟོགས་པར་བྱེད་པ་ཉིད་ནི་མ ་ཡིན་ཏེ། ཚད་མ་མ་ཡིན་པ་དང་ཅིག་ཤོས་ལ་ཐུན་མོང་བ་ཉིད་ཡིན་པས་དགོས་པ་མེད་པའི་ཕྱིར་རོ། །གནོད་པ་མེད་པ་ཉིད་ནི་མི་བསླུ་བ་ཅན་ཉིད་ཁོ་ན་ཡིན་ཏེ། གཞན་ལ་ནི་མི་སྲིད་པ་ཉིད་དང། དགོས་པ་མེད་པ་ཅན་ཉིད་དུ་བསྟན་པ་ལ་གཏོང ་པ་ཡིན་པར་ཤེས་པར་བྱའོ། །དེ་ལྟ་ཡིན་ན་ནི་མཐོང་བ་ལས་མ་ཤེས་པ་ནི་སྣང་བཞིན་པ་ན་མཐོང་བ་ཉིད་དམ་ཕྱི་རོལ་ཉིད་ལ་ཡང་དེ་ཉིད་འདི་ཡིན་ནོ་ཞེས་སྔར་མཐོང་བ་ངོ་ཤེས་པས་རྟོགས་པ་ཡིན་ནོ། །དེའི་དོན་བྱེད་པ་ལ་མི་བསླུ་བར་ཡོད་པ་མ་ཡིན་ཏེ། དེའི་རང་གི ་ངོ་བོ་ལས་ཐ་དད་པ་མེད་པ་ནི་རྣམ་པར་ཤེས་པ་བཞིན་དུ་སྟེ། རྣམ་པར་ཤེས་པ་ལ་ཡང་རང་གི་ངོ་བོ་རིག་པ་ལས་གཞན་པའི་དོན་བྱེད་པ་མེད་པ་ཡིན་ལ། རེ་ཞིག་མཐར་དོན་བྱེད་པ་འདི་ནི་ཡོད་པ་ཡིན་ཏེ། འདི་ལྟར་རང་གི་ཤེས་པ་བསྐྱེད་པར་བྱེད་པ་ཡིན་ལ། དེ ་ཉིད་ནི་རང་གི་ཤེས་པ་ངོ་ཤེས་པ་ཡིན་པའི་ཕྱིར་དེ་ཉིད་དོན་བྱེད་པ་ཡིན་པས་སྤྱི་ཡོད་པ་ཡིན་ལ། མཐོང་བ་ཉིད་ནི་རང་གི་ཤེས་པ་མ་ཡིན་ཏེ། དེས་ན་གང་མཐོང་བ་དེ་ཉིད་དེའི་རང་གི་ཤེས་པ་མ་ཡིན་ནོ། །སྤྱི་ནི་སྔར་མཐོང་བ་ངོ་ཤེས་པས་མཐོང་བ་ཉེ་བར་དམིགས ་པའི་མཚན་ཉིད་ནི་འདིའི་ཡོད་པ་ཡིན་ལ། ཡོད་པ་ཡང་དབང་པོ་དང་མཐོང་བ་དག་གི་རུང་བ་ཉིད་ཡོད་ཀྱང། རྣམ་པར་རྟོག་པ་ཉིད་ཀྱིས་གོ་བ་ཡིན་ལ། དེས་ན་སྤྱིའི་ཤེས་པ་ནི་ཐ་སྙད་པ་འམ་དོན་དམ་པའི་ཚད་མར་འགྱུར་རོ་སྙམ་དུ་སེམས་པས་གལ་ཏེ་མ་ཤེས ་པའི་དོན་གསལ་བར་བྱེད་པའི་ཚད་མ་ཡིན་ན་ཞེས་བྱ་བ་སྟེ། སྤྱི་ལ་སོགས་པ་ཡོད་པ་ཡིན་པས་དེའི་ཡུལ་བསྟན་བཅོས་ཀྱང་ཚད་མར་འགྱུར་རོ་ཞེས་བྱ་བའི་དོན་ཏོ། །ལན་ནི། རང་གི་མཚན་ཉིད་མ་ཤེས་པ། ཞེས་བྱ་བ་སྟེ། རེ་ཞིག་སྣང་བ་དེ་ཉིད་མཐོང ་བས་ཉ་ཕྱིས་ལ་དངུལ་ཉིད་བཞིན་དུ་ཕྱིན་ཅི་ལོག་ཏུ་འཛིན་པས་གནོད་པ་ཡིན་ཞེས་བསྟན་ཟིན་ཏོ། །གཉི་གའི་བདག་ཉིད་ཀྱང་མ་ཡིན་ཏེ། མཐོང་བས་དེ་ཁོ་ན་ཉིད་དུ་མ་ངེས་པའི་ཕྱིར་དང། སྣང་བ་ཡང་དེ་ལ་མི་རུང་བ་ཉིད་དུ་མི་རིགས་པའི་ཕྱིར་རུང་བ་ཉིད་ཡིན་ན ་སྣང་བ་ཉིད་ཀྱི་ཁྱད་པར་གཞན་དུ། སྤྱི་ཡང་མཐོང་བའི་ཡུལ་ཡིན་པའི་ཕྱིན་བཟུང་བ་ལ་འཛིན་པའི་རྣམ་པར་རྟོག་པ་ཡིན་ནོ་ཞེས་བྱ་བ་འདི་ཡང་ངོ། །དེ་ལྟར་ནི་མ་བཟུང་བ་ལ་འཛིན་པ་ཉིད་དུ་ཁས་བླངས་ནས་བརྗོད་པ་ཡིན་ནོ། །སྤྱིའི་ཤེས་པ་མ་བཟུང་བ་ཤེས་པ་ཡིན་ཡང་སྤྱི་ནི་སྔ ་མ་དང་ཕྱི་མ་དག་གཅིག་པ་ཉིད་དམ། ཕྱི་རོལ་ཉིད་ཀྱང་རུང་དོན་ཅུང་ཟད་ཀྱང་བྱེད་པ་མ་ཡིན་ལ། ཤེས་པ་ཙམ་དོན་བྱེད་པ་ནི་རྨི་ལམ་གྱི་ཤེས་པ་བཞིན་དུ་འགའ་ཡང་དེ་ལ་འགྲུས་པར་བྱེད་པ་མ་ཡིན་ནོ། །དེ་ལ་གཅིག་ཏུ་ཞེན་པ་ཡིན་ཡང་དེ་ལ་དོན་མེད་ན། དེ་དོན་དུ་གཉེར ་བ་པོ་འཇུག་པར་བྱེད་པ་མ་ཡིན་ཏེ། དེ་གཅིག་པ་ཉིད་དམ་ཕྱི་རོལ་ཉིད་ཀྱིས་ཀྱང་དེའི་བྱེད་པའི་མཚན་ཉིད་ལས་འཇུག་པའི་ཕྱིར་རོ། །མི་རིགས་ཏེ། དེ་བྱེད་པ་ཉིད་ཁོ་ནས་དེ་གཅིག་པ་ཉིད་དམ་ཕྱི་རོལ་ཉིད་དུ་མཚོན་པར་བྱ་བའི་ཕྱིར་དེ་མེད་ན་འཇུག་པ་ཉིད་དུ་མི་རིགས་པའི་ཕྱིར་ཞེས ་བསྟན་པ་ནི། ཤེས་ཀྱང་གལ་ཏེ་དེའི་རང་གི་མཚན་ཉིད་མ་ཤེས་ན་ཞེས་བྱ་བ་སྟེ། དེའི་སྟེ། དེའི་གཅིག་པ་ཉིད་དམ་ཕྱི་རོལ་ཉིད་ཙམ་གྱི་རང་གི་མཚན་ཉིད་ཀྱི་དོན་གྱི་བྱ་བ་བྱེད་པ་ཉིད་དེ། དེའི་གཅིག་པ་ཉིད་ཀྱང་དེའི་བྱེད་པ་ཉིད་ཁོ་ན་ཡིན་པར་བསྟན་པ་ནི། རང་གི་མཚན ་ཉིད་ཤེས་ན་ནི་ཞེས་བྱ་བའོ། །རང་གི་མཚན་ཉིད་མ་ཡིན་པའི་ངོ་བོའི་གཅིག་པ་ཉིད་དམ་ཕྱི་རོལ་ཉིད་ཤེས་པ་ཡིན་ཡང་འཇུག་པ་མ་ཡིན་ལ། རང་གི་མཚན་ཉིད་ཀྱི་ངོ་བོ་ལ་ནི་ཡིན་ནོ་ཞེས་བྱ་བའི་དོན་ཏོ། །སྒྲ་རྣམས་ཀྱི་ཡུལ་ནི་རྣམ་པར་རྟོགས་པ་རྣམས་ཀྱི་དོན ་གྱི་བྱ་བ་བྱེད་པའི་ཡུལ་ཡིན་ཏེ། རྟོགས་པ་དང་ལྡན་པའི་འདོད་པ་ཡིན་པའི་ཕྱིར་གཞན་ལས་ནི་མ་ཡིན་ཞེས་བསྟན་ཟིན་ཏོ། །དོན་དམ་པའི་ཕྱོགས་ལ་ནི་ཤེས་བྱའི་ཤེས་པ་ནང་ཉིད་ཡིན་པའི་ཕྱིར་སྤྱིའི་ནི་ཤེས་བྱ་མ་ཡིན་ལ་དེའི་ཤེས་པ་ཡང་མ་ཡིན་པའི་ཕྱིར་གང ་ཚད་མ་ཡིན་ཞེས་བསྟན་བ་ནི། གང་གི་ཚེ་གཉིས་སུ་མེད་པ་དེའི་ཚེ་ཞེས་བྱ་བའོ། །གང་གི་ཚེ་རང་གི་མཚན་ཉིད་དམ་ཅི་ཡང་རུང་ནང་ན་ཡོད་པའི་ཤེས་པ་ནི་རང་གི་ངོ་བོ་ལ་གནས་པ་ཡིན་པའི་ཕྱིར་གཞན་རྟོགས་པར་བྱེད་པ་མ་ཡིན་ལ། །དེའི་ཚེ་དེ་དག་གི་སྔ་མ་དང ་ཕྱི་མ་དག་ཉིད་དེ་དེ་དག་ལས་གཞན་པས་ཤེས་པར་བྱ་བ་མ་ཡིན་པར་བསྟན་པ་ནི། རང་གི་མཚན་ཉིད་རྟོགས་པའི་འོག་ཏུ་ཞེས་བྱ་བའོ། །གལ་ཏེ་སྔ་མ་ཕྱི་མ་ཉིད་ལ་ཚད་མ་མེད་ན་དེ་དག་གིས་རྟོགས་པ་མ་ཡིན་ཡང་གྲུབ་པ་ཇི་ལྟར་ཡིན་སྙམ ་དུ་སེམས་པ་ལ། ཤེས་གང་རིག་མེད་ཅེས་བྱ་བ་སྨོས་ཏེ། རེ་ཞིག་ཐ་མི་དད་པ་ནི་མངོན་སུམ་གྱིས་ཀྱང་རྟོགས་པར་བྱེད་པ་ཡིན་ལ། ཐ་དད་པ་ནི་རྣམ་པར་རྟོག་པ་ཁོ་ནས་ཡིན་ཏེ། འདི་ནི་དོན་ཉེ་བ་ལ་མི་བལྟོས་པའི་ཕྱིར་དང། འདོད་པས་བཟློག་པར་ནུས་པའི ་ཕྱིར་དང། བརྫུན་པ་འཛིན་པའི་བག་ཆགས་ལས་བྱུང་བའི་ཕྱིར་ཡིད་ཙམ་གྱི་རྒྱལ་པོ་ཡིན་པའི་རྣམ་རྟོག་བཞིན་དུ་ཤེས་པ་དེ་ནི་ཚད་མར་འགྱུར་བ་མ་ཡིན་ནོ་ཞེས་བྱ་བར་སྦྱར་རོ། །གཉིས་མེད་པའི་རྣམ་པར་རྟོག་པ་ནི་དེ་ལྟ་བུ་ཉིད་ཡིན་ཡང་ཚད་མས་གྲུབ་པའི ་ངོ་བོ་ལ་སླུ་བྱེད་མ་ཡིན་པ་ཉིད་ཀྱིས་བྱེ་བྲག་ཅན་མ་ཡིན་པར་བསྟན་པ་ནི། འདིར་ནི་ཤེས་པ་ཐམས་ཅད་རང་གི་མཚན་ཉིད་ཅེས་བྱ་བ་སྟེ། གལ་ཏེ་ཡང་འུ་བུ་ཅག་ལ་སོགས་པའི་མངོན་སུམ་ནི་དབྱེ་བ་འཛིན་པ་མ་ཡིན་ལ། ཐམས་ཅད་མཁྱེན་པའི་ཡེ་ཤེས་ནི་དབྱེ་བ ་འཛིན་པ་ཅན་ཡིན་ཞིང། དེ་བཞིན་དུ་དེའི་གསུང་ཡང་ཕུང་པོ་ལ་སོགས་པའི་དབྱེ་བ་ལ་འབབ་པ་ཡིན་ནོ་སྙམ་དུ་སེམས་པ་ནི། འོན་ཅིའི་ཕྱིར་བཅོམ་ལྡན་འདས་ཀྱིས་ཞེས་བྱ་བ་སྟེ། དེའི་བསམ་པ་ལས་ཞེས་བྱ་བ་ནི་དབྱེ་བ་བྱས་པའི་ལྔ་པའོ། །གལ་ཏེ་གཉིས་ ་མེད་པ་ཉིད་དུ་གདུལ་བྱའི་བསམ་པ་ལས་གསུངས་པ་ཡིན་ཞེས་བྱ་བར་ཅིས་མི་འགྱུར་སྙམ་དུ་སེམས་པ་ལ། རང་རིག་པའི་མངོན་སུམ་གཅིག་པོ་ཉིད་ཅེས་བྱ་བ་སྨོས་སོ། །དེ་ལྟ་ཡིན་ན་གཉིས་སུ་མེད་པའི་མངོན་སུམ་དེ་ཉིད་གདུལ་བྱ་ལ་བཤད་པར་བྱ་བ་ཡིན་ལ། ་གཉིས་ཀྱིས་ཅི་དགོས་ཤེ་ན། ཇི་ལྟ་ཇི་ལྟར་ཞེས་བྱ་བ་སྨོས་ཏེ། དབྱེ་བ་ཐམས་ཅད་ལ་འཛིན་པ་ལྡོག་པ་ནི་གཉིས་ཀྱིས་དབེན་པ་ནི་འཇུག་པ་ཡིན་ཏེ། དེ་ལ་རེ་ཞིག་བདག་དང་ཡན་ལག་ཅན་དང་སྤྱི་ལ་སོགས་པ་འཛིན་པ་ལས་ལྡོག་པར་ཉེ་བར་བསྟན་པས ་གཟུང་པ་དང་འཛིན་པ་དག་གི་ཕྱོགས་གཅིག་དང་བྲལ་བ་ཉིད་ལ་འཇུག་པ་ཡིན་ལ། དེ་ནས་ཀྱང་ཕུང་པོ་ལ་སོགས་པ་དང་བྲལ་བ་ཉིད་ཅེས་བྱ་བའི་དོན་ཏོ། །ཕུང་པོ་ལ་སོགས་པ་བསྟན་པ་ནི་བདག་ལ་སོགས་པ་དང་བྲལ་བའི་ཕྱིར་དེ་ཁོ་ན་ཉིད་བསྟན་པ་ཉིད་དུ་ཅིའི་ཕྱིར ་མི་འགྱུར་ཞེས་དོགས་པས་དེ་ག་ལས་ཤེས་ཞེས་ཟེར་བ་ལ་ལན་དུ། རང་གི་མཚན་ཉིད་དེ། དོན་དམ་པ་རྣམ་པར་དཔྱད་པའི་ཕྱིར་རོ། །བདག་ལ་སོགས་པ་རྣམ་པར་དཔྱོད་བཞིན་པ་ནི་དེ་ཁོ་ན་ཉིད་མ་ཡིན་པའི་ཕྱིར་དོར་བ་ཡིན་པར་ནི་ཕུང་པོ་ལ་སོགས་པ་ལ་ཡང་མཚུངས ་པ་ཡིན་ནོ་ཞེས་བྱ་བའི་དོན་ཏོ། །དེ་ལྟ་ཡིན་ན་བདག་ལ་སོགས་པ་དང་ཕུང་པོ་ལ་སོགས་པ་ཡང་ལན་ཅིག་ཉིད་རྣམ་པར་དཔྱད་པར་བྱ་བ་ཡིན་ན། ཅིའི་ཕྱིར་དོར་བ་ཉིད་ལ་སོགས་པའི་བྱེ་བྲག་ལ་སོགས་པའི་བྱེ་བྲག་ལས་རིམ་གྱིས་ཡིན་སྙམ་དུ་སེམས་པ་ལ། དེ་ཉིད ་བཅོམ་ལྡན་འདས་ཀྱིས་ཞེས་བྱ་བ་སྨོས་སོ། །དབྱེ་བ་ཡང་ང་རྒྱལ་གྱི་གཞི་དང་ཅིག་ཤོས་ཀྱིས་མངོན་སུམ་དུ་གྲུབ་པ་ཁོ་ན་ཡིན་ནོ་སྙམ་དུ་སེམས་པ་ལ། ཕྱི་དང་ནང་ཞེས་ཤེས་པ་ཡིན་ཞེས་སྨོས་སོ། །གལ་ཏེ་གཉིས་སུ་མེད་པ་ཡིན་ན་སྔོན་པོ་ལ་སོགས་པ ་ཇི་ལྟར་ང་རྒྱལ་གྱི་གཞི་མ་ཡིན། རེས་འགའ་བའ་ཨི་ཉེ་བར་དམིགས་པ་ཉིད་ཡིན་པའི་ཕྱིར་ཞེས་ཁོ་བོ་སྨྲ་སྟེ། གང་ཞིག་རྟག་ཏུ་དམིགས་པ་དེ་ནི་ང་རྒྱལ་གྱི་གཞི་ཡིན་ཏེ། ལུས་ལྟ་བུའོ། །བདག་གི་ལུས་ཞེས་བྱ་བ་འདི་ལ་ཡང་རྣམ་པར་ཤེས་པ་དང་ཚོར་བ་ལ ་སོགས་པ་ཐ་དད་པ་ལ་བལྟོས་ནས། ཙན་དན་གྱི་དྲི་ཞེས་བྱ་བ་ལྟ་བུའོ། །དེ་བསྟན་པ་ནི། ཕྱི་དང་ནང་ཞེས་ཤེས་པ་ཡིན། །ཞེས་བྱ་བའོ། །དེ་ཡང་ཟླུམ་པོ་ཡིན་ལ་འདི་ཡང་ཡིན་ནོ་ཞེས་ཟླུམ་པོ་ཉིད་དུ་གཅིག་པ་ལ། དོན་དུ་མི་གཉེར་བ་ཡང་མཐོང་བ་ཉིད ་ཁོ་ནས་རྟོགས་པ་ཡིན་ལ། དོན་གྱི་བྱ་བ་བྱེད་ཉིད་མ་ཡིན་ཏེ། དབྱིབས་ལ་སོགས་པའི་བྱེ་བྲག་ནི་མི་རྟོགས་པར་བརྗོད་པ་མ་ཡིན་ནོ། །ཇི་ལྟར་འདི་ནི་མ་ཡིན་པ་ལས་ཁྱད་པར་ཅན་ཡིན་པ་དེ་བཞིན་དུ་དེ་ལས་གཞན་པས་ཀྱང་ཡིན་ནོ་ཞེས་བྱ་བ་ནི་མཐོང ་བའི་ནུས་པ་ཡིན་ནོ། །གཅིག་པ་ཉིད་དུ་རྟོགས་པ་ནི་གཉིས་སུ་མེད་པར་བྱེད་པ་ཡིན་པ་དེས་ན་དེ་བཞིན་དུ་རྟོགས་པ་ཉིད་ཀྱི་ཕྱིར་དེ་ལ་བྱེད་པ་པོ་ཉིད་ཁོ་ན་དེ་དག་གི་གཅིག་པ་ཡིན་ཞེས་བྱ་བའི་དོན་ཏོ། །དེ་དང་འདྲ་བ་ནི་དེ་བཞིན་དུ་ཡིན་ནོ། །ཞེས་བྱ ་བའི་འདྲ་བར་བརྗོད་པ་པོ་མེད་པའི་ཕྱིར་དང། གྱུར་པའི་སྒྲ་ནི་མ་གྱུར་པ་ལས་ལྡོག་པའི་དོན་ཉིད་ཀྱིས་དེའི་རྗོད་བྱེད་མ་ཡིན་པའི་ཕྱིར་དང། ཀུན་ཏུ་ལྡོག་པའི་དགོས་པ་མེད་པའི་ཕྱིར་མི་རིགས་པ་ཡིན་ལ། དེ་འདི་ལ་ཡོད་ཅེས་དེ་དང་ལྡན་པར་འཆད་པར་འདོད་པས ་ཕྱོགས་སྔ་མ་བྱེད་པར་བཅུད་པ་ནི། འོ་ན་ཇི་ལྟར་བཅོམ་ལྡན་འདས་ཚད་མ་མ་ཡིན་ཞེས་བྱ་བའོ། །འདི་སྐད་བསྟན་པར་འགྱུར་ཏེ། རང་གི་ངོ་བོ་ནི་ཐོབ་བྱ་དང་འབྲེལ་པ་ཉིད་ཡིན་ལ། ཐོབ་བྱ་ཡང་འབྱུང་བར་འགྱུར་བ་ཉིད་ཡིན་པས་ཉེ་པ་མ་ཡིན་པའི་ཕྱིར་སྒྲོ ་བཏགས་པའི་ཡུལ་འབའ་ཞིག་སྟེ། ཐ་སྙད་པ་ཁོ་ན་ཡིན་གྱི་བཅོམ་ལྡན་འདས་ནི་དེ་ལྟ་མ་ཡིན་ཏེ། གང་གི་ཕྱིར་བཅོམ་ལྡན་འདས་ནི་སྒྲོ་བཏགས་པས་མ་ཡིན་ནོ། །གཞན་དུ་ན་དེའི་ཡུལ་འཇིག་རྟེན་ཕ་རོལ་ལ་སོགས་པ་ལ་རྟོགས་པ་དང་ལྡན་པར་མི་འཇུག ་པར་ཐལ་བར་འགྱུར་བའི་ཕྱིར་རོ། །མཐོང་བ་ལ་ནི་ཐོབ་པར་ནུས་པ་ཡིན་ན། ཇི་ལྟ་ཇི་ལྟར་ཡང་འཇུག་པ་བསལ་བྱ་མ་ཡིན་ཏེ། འཇིག་རྟེན་ཕ་རོལ་ཐེ་ཚོམ་ཡང། མཁས་པས་མི་དགེ་སྤང་བྱ་ཡིན། གལ་ཏེ་མེད་ན་ཅི་ཡིས་དགེ། གལ་ཏེ་ཡོད་ན་མེད་སྨྲ་ཕུང། ཞེས ་པས་མ་མཐོང་བ་ལ་ཡང་དེའི་མཚན་ཉིད་ནི་ཚད་མ་ཁོ་ན་ཡིན་ནོ་ཞེ་ན། བདེན་ཏེ། མངོན་སུམ་ལ་སོགས་པ་ལས་ཀྱང་སྒྲོ་བཏགས་དང་ཅིག་ཤོས་ཉིད་ཀྱིས་བཅོམ་ལྡན་འདས་འབའ་ཞིག་ཁྱད་པར་ཅན་དུ་དམ་འཆའ་བ་ནི། གཞལ་བྱ་ཁྱབ་བྱ་མིན་པའི་ཕྱིར། ་གཞན་ནི་ཚད་མ་ཉིད་མ་ཡིན། མ་ཁྱབ་པ་ན་འབྲས་སོགས་དང། །ལྡན་པ་ཡོངས་སུ་འཛིན་པ་ཡིན། ཞེས་བྱ་བས་སོ། །ཁྱད་པར་དེ་ནི་རྟོག་པ་དང་ལྡན་པ་ཤིན་ཏུ་འཇུག་པར་བྱེད་པས་ཚོལ་བར་བྱེད་པ་ཡིན་ནོ། །མི་སྲིད་པ་ཙམ་གྱིས་གཅིག་ཀྱང་མ་ཤེས ་པ་ཡིན་ན། མ་ཉམས་པ་བསྒྲུབ་པར་མི་རིགས་པ་མ་ཡིན་ནམ། མཐོང་བ་ལ་ནི་སྒྲོ་བཏགས་པ་ལས་ཀྱང་འཇུག་པ་ཡིན་ཏེ། ནུས་པའི་ཕྱིར་རོ། །མ་མཐོང་བ་ལ་ཤེས་པ་དེ་སྒྲོ་བཏགས་པར་འདོད་པ་མ་ཡིན་ཏེ། མི་ནུས་པའི་ཕྱིར་རོ་ཞེས་བྱ་བའི་དོན་ཏོ། །སྔར་དྲིས་པའི་ཁྱད་པར་རྟོགས ་པར་བྱེད་པར་འདོད་ནས། དེ་ལྡན་བཅོམ་ལྡན་ཚད་མ་ཉིད། ཅེས་བྱ་བ་སྨོས་ཏེ། སྒྲོ་བཏགས་པ་མ་ཡིན་པའི་འཇུག་པའི་ཡུལ་རབ་ཏུ་ཤེས་པ་བཅོམ་ལྡན་འདས་ཁོ་ནའི་ཁྱད་པར་ཡིན་གྱི་གཞན་གྱི་ནི་མ་ཡིན་ལ། འདིའི་ཁྱད་པར་དེ་ཡང་སྐབས་མ་ཡིན་པའི་ཕྱིར་ཇི་ལྟར་རྟོགས་པ ་པོས་སྒྲ་དེ་ལས་སྐབས་ཡིན་པར་རྗེས་སུ་རྗོད་པར་བྱེད་པ་ཡིན། གལ་ཏེ་དེ་ནི་ཕུལ་བྱུང་བར། ཤེས་ནུས་དོན་འདི་འདོད་པ་ཡིན། ཞེས་བྱ་བ་ལ་སོགས་པ་དེ་དང་དེར་ནི་སྐབས་ཁོ་ན་ཡིན་ནོ། །ཕུལ་དུ་བྱུང་བ་ཡང་སྒྲ་བཏགས་པ་མ་ཡིན་པའི་ཤེས་པའི་ངོ་བོ་ནི། འུ་བུ་ཅག་ལ ་སོགས་པ་རྣམས་ལས་ཁྱད་དུ་འགྱུར་བ་ཁོ་ན་ཡིན་ནོ། །དེ་ལྟ་བུ་ནི་འདིར་སྐབས་མ་ཡིན་ནོ། །འཆད་པར་འགྱུར་བ་ནི་རྟོགས་བྱ་མ་ཡིན་པ་ཉིད་ཡིན་ལ། བློ་ལ་གནས་པ་ནི་རྟོགས་བྱ་ཉིད་ཡིན་ནོ་ཞེ་ན། བློ་ལ་གནས་པ་ཉིད་ཅི་ལས་ཤེས་པར་བྱ་བ་ཡིན་ཞེས་བྱ་བ་དེ་ཉིད་དྲིས ་བ་ཡིན་ནོ། །རྟོགས་པ་ལས་ཡིན་ནོ་ཞེ་ན། མ་ཡིན་ཏེ། མ་ངེས་པའི་ཕྱིར་རོ། །ཕུལ་དུ་བྱུང་བ་ཉིད་ནི་རྟོགས་བྱ་ཡིན་ནོ་ཞེས་སུས?་སྨྲས། འོ་ན་ཅི་ཞེ་ན། དོན་བྱེད་པ་ལ་མི་སླུ་བ་ཅན་ཉིད་དམ། མ་ཤེས་པའི་དོན་བསལ་བར་བྱེད་པ་ཉིད་ཚད་མའི་མཚན་ཉིད་ཀྱི་སྐབས་ཡིན་ལ། ་དེ་ཡང་བཅོམ་ལྡན་འདས་འདིའི་ཡིན་གྱི་གཞན་དུ་ནི་མ་ཡིན་ནོ། །དེ་ནི་འུ་བུ་ཅག་ལ་སོགས་པ་ལ་ཡང་ཡོད་པ་མ་ཡིན་ནམ། དེའི་ཕྱིར་ཇི་ལྟར་བཅོམ་ལྡན་འདས་འགྲོ་བ་ཁོ་ནའི་ཡིན། དེ་ལྟ་ཡིན་དང་དེ་ནི་དེ་ལས་གཞན་ལས་ཁྱད་པར་ཅན་ཡིན་པས། དེ་ཁོ་ན་ཡིན ་བར་བརྗོད་དོ། །དཔེར་ན་བྲམ་ཟེ་གཞན་རྣམས་ཡོད་པ་ཡིན་ན་ཡང། ཕུལ་དུ་བྱུང་བར་བསྟན་པའི་ཕྱིར་འགའ་ཞིག་ལ་འདི་ནི་བྲམ་ཟེ་ཡིན་ནོ་ཞེས་རྗོད་པར་བྱེད་པ་དེ་བཞིན་དུ་འདིར་ཡང་འུ་བུ་ཅག་ལ་སོགས་པ་ལས་འདི་ཕུལ་དུ་བྱུང་བ་སྒྲོ་བཏགས་པ་མ་ཡིན་པའི་ཡེ་ཤེས ་ཉིད་ཡིན་པར་བསྟན་པ་ནི། བཅོམ་ལྡན་འདས་ནི་མངོན་སུམ་གྱི་རང་བཞིན་ཉིད་ཀྱི་ཚད་མ་ཡིན་ཏེ་ཞེས་བྱ་བའོ། །འདི་ཞེས་བྱ་བ་ནི་སྒྲོ་བཏགས་པ་མ་ཡིན་པའི་ཤེས་པའོ། །རིག་བྱེད་ལ་སོགས་པ་འུ་བུ་ཅག་ལ་སོགས་པ་ཡང་མཚུངས་པ་མ་ཡིན་ན། དེ་ཅི ་ལས་མ་མཐོང་བ་ལ་ཚད་མ་ཉིད་ཡིན་ཞེས་བསྟན་པ་ནི། དེའི་ཕྱིར་དེ་ཉིད་ཅེས་བྱ་བའོ། །རྣམ་འགྲེལ་ནི་བཤད་བྱའི་ངོ་བོར་བྱས་པ་མ་ཡིན་པའི་ཕྱིར་རང་དབང་ཡིན་པའི་ཕྱིར་ཕྱོགས་ལ་འདྲ་བའི་དོན་ཡང་རྙེད་བླ་བ་ཡིན་པར་བསྟན་པ་ནི། ཡང་ན་དོན་དམ་པར་ཞེས་བྱ་བ་སྟེ། གང་གི ་ཕྱིར་འཇིག་རྟེན་པའི་ཚད་མ་ནི་གཉིས་ཀྱི་ངོ་བོར་བསྟན་ཏེ། རང་ལས་རང་གི་ངོ་བོར་རྟོགས་ཞེས་བྱ་བ་དང། ཐ་སྙད་ལས་ནི་ཚད་མ་ཉིད། ཅེས་བྱ་བ་ཡང་ངོ། །དེ་བཞིན་དུ་མ་མཐོང་བའི་དོན་ལ་ཡང་ཚད་མ་ནི་གཉིས་ཀྱི་ངོ་བོ་ཁོ་ན་ཡིན་ནོ་ཞེས་བྱ་བའི་དོན་ཏོ། །རང་ཡང ་དག་པར་རིག་པ་ཙམ་ནི་དེ་ཁོ་ན་ཉིད་མ་ཡིན་ནམ། སྐད་ཅིག་མ་ཉིད་ཀྱང་ཞེས་བྱ་བ་ལ་སོགས་པས་དེ་ཁོ་ན་ཉིད་གསུངས་པས་དེ་ཁོ་ན་ཉིད་དུ་གསུངས་པ་ནི། འབྲས་བུའི་རང་བཞིན་ཡིན་པ་ལས་རྒྱུ་ནི་ཡང་དག་པ་ཇི་ལྟ་བ་ཤེས་པ་རྟོགས་པ་ཡིན་ནོ། །དེའི་ཕྱིར་ཉེ་བར ་བསྟན་པ་ནི་རྨོངས་པ་ལས་ཀྱང་འབྱུང་ངོ་ཞེས་བྱ་བ་ནི་རིག་བྱེད་ལ་སོགས་པ་ནི་འགའ་ཡང་དོན་དང་འགྲེལ་པ་མེད་པས་ཚད་མ་མ་ཡིན་ན་ཞེས་བྱ་བ་ལ་སོགས་པ་ཉིད་ཀྱིས་བསལ་བ་ཡིན་ལ། འདི་ཉིད་དབང་ཕྱུག་ལ་སོགས་པ་ཡོད་པར་སྨྲ་བ་ཡང་བསལ་བའི ་ཕྱིར་རྩོད་བ་ཅུང་ཟད་ཀྱང་མེད་པ་མ་ཡིན་ན། ཚད་མ་རྟག་པ་ཉིད་ཡོད་མིན། ཞེས་བྱ་བ་ལ་སོགས་པས་གཞན་བཙལ་བྱ་ཅི་ཞིག་ཡོད། དེ་ནི་ཅི་ཡང་མ་ཡིན་ཏེ། ཚད་མའི་སྟོབས་ཀྱིས་གཞན་ཡང་རྟོགས་པའི་ཕྱིར་རོ། །དེ་ལྟ་ཡིན་ན་དེ་ཉིད་ཡང་དག་པ་ཉིད ་དུ་གསུངས་པ་ལས་ཤེས་པ་ནི་རྟག་པར་འགྱུར་རོ། །འགྱུར་དུ་ཟིན་ཀྱང་ཕ་རོལ་པོའི་ཕྱོགས་ཡིན་ནོ། །དབང་ཕྱུག་ལ་སོགས་པ་གཞན་ཉིད་ཉེ་བར་འཕེན་པར་བྱེད་པ་འམ། འགེགས་པར་བྱེད་པ་ཡང་མ་ཡིན་ལ། དེ་བཞིན་དུ། ཚད་མ་རྟག་པ་ཉིད་ཡོད་མིན་ཞེས་བྱ ་བས་རྟགས་ཉིད་ཆོས་ཉེ་བར་བླངས་པ་སེལ་བར་བྱེད་པ་ཡིན་གྱི་ཆོས་ཅན་ནི་མ་ཡིན་ཞིང། གཞན་བཙལ་བྱ་ཅི་ཞིག་ཡོད་ཅེས་བྱ་བ་ཡང་ངོ། །ཡང་དག་པ་ཉིད་དུ་གསུངས་པས་དཔགས་པ་ཡང་ཞེས་བྱ་བ་འདི་ཡང་ཡིན་དུ་ཟད་མོད། །གཞན་ཅི་ཞིག་དགོས། རབ་ཏུ་གྲུབ་པ ་ལས་གཞན་པ་ཉིད་ཀྱི་རྟག་པ་ཉིད་ཁོ་ན་རབ་ཏུ་གྲུབ་པའི་རྟག་པ་ཉིད་ཡིན་པའི་ཕྱིར་དང། ཐམས་ཅད་བྱེད་པ་པོ་ཡིན་པའི་ཕྱིར་དང། ཡང་དག་པ་ཉིད་དུ་གསུངས་པའི་བྱེད་པ་པོ་ཉིད་མ་ཉམས་པ་ཡིན་ནོ། །ཡང་ན་ཤེད་བུ་ལ་སོགས་པའི་ངག་ལས་བཞིན་དུ་ཡང་དག ་པ་ཉིད་དུ་གསུངས་པ་ལས་ཀྱང། རྗེས་སུ་དཔག་པར་བྱ་བའི་རིག་བྱེད་རྟག་པ་ཉིད་ཡིན་དུ་ཆུག་ཀྱང་སྣང་བཞིན་པ་ལ་ནི་དེ་ལྟ་བུ་མེད་པའི་ཕྱིར་རོ། །ཤེད་བུ་ལ་སོགས་པ་དང་བཅོམ་ལྡན་འདས་པ་ཡིན་ཏེ། དྲན་པ་པོ་ཡིན་པའི་ཕྱིར་ལ་དེས་གསུངས་པ་ཡང་བྱེད་པ ་པོར་ཐུན་མོང་པ་ཡིན་པའི་ཕྱིར་རྗེས་སུ་དཔག་པ་ཚད་མར་འགྱུར་རོ། །འགལ་བ་ཡིན་པས་མངོན་སུམ་ནི་ལྟོས་པ་མེད་པ་མ་ཡིན་ཏེ། རྟག་པ་ལས་ཕྱི་རོལ་པ་ཉིད་ལ་སོགས་པ་དང་རིག་བྱེད་འགལ་བའི་ཕྱིར་ཐམས་ཅད་གཡོ་འགུལ་དང་དྲན་པ་ལྟ་བུ་ཡིན་ནོ་ཞེ་ན། འདི ་ཐམས་ཅད་ཚངས་པའི་རྣམ་ཤེས་ནི་མ་ཡིན་ཏེ། ཚངས་པ་ཞེས་བྱ་བ་དང་བསྙེན་གནས་པ་ཞེས་བྱ་བ་ཡང་འགལ་བ་ཉིད་ཀྱིས་ཚད་མ་ཉིད་མ་ཡིན་ནོ་ཞེས་ཟེར་བ་ཡིན། རིག་བྱེད་རྟག་པ་ཚད་མ་མ་ཡིན་ཏེ་ཞེས་བྱ་བའོ། །ལན་ནི། ཚད་མ་རྟག་པ་ཉིད་ཡོད་མིན་ཞེས ་བྱ་བ་སྟེ། སྐད་ཅིག་མ་ཉིད་ཀྱི་ཤེས་པ་ཙམ་ཉིད་ལ་སོགས་པ་ནི་ཡང་དག་པ་ཉིད་དུ་གསུངས་པས་དེ་དང་ཕྱིན་ཅི་ལོག་ཏུ་རྟོགས་པར་བྱེད་པར་འགལ་བ་ཡིན་ཏེ། རྟག་པ་ཉིད་དང་བྱས་པ་ཉིད་ལྟ་བུའོ། །ཚད་མ་གཞན་ཡང་ཡོད་པ་མ་ཡིན་ཏེ། དེ་ཉིད་བསྟན་པ་ནི། ཚད ་མ་མེད་པའི་ཕྱིར་རོ་ཞེས་བྱ་བ་སྟེ། འདིས་ནི་སྒྲུབ་པར་བྱེད་པ་མེད་པར་བསྟན་ཏོ། །ཐེ་ཚོམ་ཡང་ཡོད་པ་མ་ཡིན་ཏེ། གནོད་པར་བྱེད་པ་ཡིན་ནོ་ཞེས་བསྟན་པ་ནི། གཞན་ཡང་དངོས་པོ་ཡོད་པ་ཡི། ཞེས་བྱ་བ་སྟེ། ཕ་རོལ་པོས་སྨྲས་པ་རྣམས་ནི། །སྒྲུབ་པར་བྱེད་པ་མ ་ཡིན་པར། སྡོད་འཇུག་ཅེས་བྱ་བ་ལ་སོགས་པས་འཆད་པར་འགྱུར་བ་ཡིན་ཏེ། ཤེས་པ་ཉིད་ནི་ཚད་མ་ཡིན་ཏེ། དོན་ཡང་དག་པར་རིག་པའི་བདག་ཉིད་ཡིན་པའི་ཕྱིར་རོ། །ཚད་མའི་གཙོ་བོ་ནི་མི་གླུ་བ་ཅན་གྱི་ཤེས་པ་ཡིན་པར་བསྒྲུབས་པ་ཡིན་ལ་དེ་ཡང་ཀུན ་རྫོབ་ཡིན་ནོ། །ལུས་དང་ས་ལ་སོགས་པའི་ཤེས་བྱ་འཛིན་པར་བྱེད་པ་ཉིད་ཀྱིས་དེ་ལ་གནས་པ་དེའི་རང་གི་ངོ་བོའི་རྗེས་སུ་བྱེད་པ་སྟེ། དེ་ཡོད་པ་དང་མེད་པའི་རྗེས་སུ་བྱེད་པ་པོ་ཡོད་པ་དང་མེད་པ་ཡང་མི་རྟག་པ་ཡིན་ལ། དེ་བཞིན་དུ་དབང་ཕྱུག་ལ་སོགས་པ་ལ་ཡང། ཤེས ་བྱ་མི་རྟག་པ་ཉིད་ཀྱིས། །དེ་ཡང་མི་བརྟན་པ་ཡིན་ནོ་ཞེས་བྱ་བ་སྟེ། དེ་ཉིད་གལ་ཏེ་ཤེས་བྱ་མི་རྟག་པས་ཤེས་པ་མི་རྟག་པ་ཉིད་ཡིན་ནོ་ཞེས་བྱ་བ་འདི་ག་ལས་ཤེས་ཤེ་ན། ཞེས་བྱ་བའི་དྲི་བ་སྔོན་དུ་འགྲོ་བ་ཅན་གྱིས་སྒྲུབ་བར་བྱེད་པ་ཡིན་ནོ། །འུ་བུ་ཅག་ལ་སོགས ་པ་རྣམས་ཀྱི་ཡང་ཤེས་བ་ན་ཤེས་བྱ་དང་ཡོད་པ་དང་མེད་པའི་རྗེས་སུ་བྱེད་པ་ཡིན་པར་ཅི་ལས་ཤེས་པ་ཡིན། དེ་ནི་ཤེས་བྱ་ལས་སྐྱེས་པ་འམ་ཤེས་བྱའི་བདག་ཉིད་ཀྱང་མ་ཡིན་ནོ། །འོ་ན་ཅི་ཞེ་ན། ཤེས་བྱའི་བྱ་བ་ལས་འཛིན་པར་བྱེད་པ་ཁོ་ན་སྙམ་དུ་སེམས ་པ་ནི། གལ་ཏེ་ཤེས་བྱ་མི་རྟག་པས། ཞེས་བྱ་བའོ། །གང་གི་ཕྱིར་ཤེས་བྱའི་བདག་ཉིད་དམ། སྐྱེ་བཞིན་པ་ནི་གཞན་ལས་ཡིན་པ་ཇི་ལྟ་བ་ཁོ་ན་བཞིན་དུ་བྱ་བ་བྱེད་པ་པོ་ཡང་ཡིན་པར་བསྟན་པ་ནི། ཤེས་བྱའི་རང་བཞིན་ལ་བྱ་བ་བྱེད་པ་ཞེས་བྱ་པའོ། །དེ་ལ ་གལ་ཏེ་ཞེས་བྱ་བ་སྨོས་ཏེ། ཤེས་པ་ནི་ཤེས་བྱ་མེད་ན་བྱ་བ་མེད་པ་ཡིན་ལ། དེ་ཡོད་ཀྱང་དེའི་ངོ་བོ་ཡིན་ན་ཇི་ལྟར་འཛིན་བྱེད་ཡིན། དེས་ན་ཤེས་བྱ་དང་བྲལ་བ་བྱ་བ་བྱེད་པ་པོ་མ་ཡིན་པ་ལས་ཤེས་བྱའི་དུས་སུ་བྱ་བ་བྱེད་པ་ནི་གཞན་ཡིན་ན། །ཤེས་པ་ནི་དད་བ ་དབྱེ་བ་མེད་པ་མ་ཡིན་ནམ། མེ་ལོང་བཞིན་དུ་ཤེས་བྱ་དེ་དང་དེ་ཉེ་བ་ཡིན་ན་གཟུགས་བརྙན་འཛིན་པ་ཡིན་ཏེ། གཟུགས་བརྙན་ཡོད་པ་དང་ཅིག་ཤོས་ཀྱི་དུས་དག་ཏུ་དེའི་བྱེ་བྲག་ཡོད་པ་མ་ཡིན་ནོ་སྙམ་དུ་སེམས་པ་ནི། འོན་ཏེ་དེ་ནི་མེ་ལོང་གི། ཞེས་བྱ་བའོ། །དེ་ལྟ ་ཡིན་ན་ཐམས་ཅད་དུ་འགྲོ་བ་དེའི་ཤེས་བྱ་ཐམས་ཅད་ལ་ཉེ་བ་ཡིན་པའི་ཕྱིར་ཐམས་ཅད་མཁྱེན་པ་ཉིད་དུ་འགྱུར་རོ། །འོན་ཏེ་ཐམས་ཅད་དུ་འགྲོ་བ་ཡིན་ཡང་མིག་ལ་སོགས་པའི་ཚོགས་པ་བལྟོས་ནས་ཡིན་ཏེ། དེ་ནི་ཡུལ་ངེས་པ་ཡིན་པའི་ཕྱིར་ངེས་པ་འཛིན་པ་ཡིན་ནོ། །དང་པོར་ངེས ་པ་མ་ཡིན་པ་ནི་དེ་ཉེ་བ་ལས་ངེས་པ་ཅན་དུ་མི་འགྱུར་ཏེ། རྟག་པའི་ཕྱིར་རོ། །གཞན་པ་དེ་ནི་དེ་ལས་འབྱུང་བ་ཡིན་པར་ནི་རིགས་སོ་ཞེས་བྱ་བའི་དགོངས་པས། འོན་ན་ནི་རང་གི་ཚོགས་པ་ཞེས་བྱ་བ་སྨོས་ཏེ། རང་གི་ཚོགས་པ་ལས་ཏེ་མིག་ལ་སོགས་པ་ལས་དེ་ལྟར་ཏེ། ཤེས་བའི ་ངོ་བོ་ནི་དེ་ན་དེ་ཉིད་ལ་རྗེས་སུ་འགྲོ་བ་དང་ལྡོག་པ་དག་གིས་མིག་ལ་སོགས་པ་ཉིད་ཀྱི་ནུས་པ་ལས་རྟོགས་པའི་ཕྱིར་རོ། །དེ་ལྟར་མིག་གི་བྱ་བ་མེད་པ་ཡིན་ཡང་དོན་རྟོགས་པ་ཉིད་ནི་དེ་ལ་བལྟོས་པ་ཡིན་པ་དེ་བཞིན་དུ་ཤེས་པ་ཡང་ཡིན་ནོ་སྙམ་དུ་སེམས་པ་ནི། འོན་ཏེ་མིག ་མི་འགུལ་བར་ཕྱི་བ་ཞེས་བྱ་བའོ། །ཤེས་པ་ཉིད་ནི་བྱ་བ་གཞན་མེད་ཀྱང་རྗེས་སུ་འགྲོ་བ་ལ་སོགས་པའི་ནུས་པ་ཅན་དུ་རྟོགས་པ་ཡིན་ནོ། །མ་ཡིན་ཏེ། དེ་ལ་ལྡོག་པ་མེད་པའི་ཕྱིར་རོ། །རྗེས་སུ་འགྲོ་བ་ཡོད་པ་ཡིན་ནོ་ཞེ་ན། མ་ཡིན་ཏེ། དེ་མེད་ན་གཞན་ཡོད་ཀྱང་མི་འབྱུང ་ཞེས་བྱ་བར་མི་འགྲུབ་ན། དེའི་རྗེས་སུ་འགྲོ་བའི་ནུས་པ་མི་རྟོགས་པའི་ཕྱིར་རོ་ཞེས་ལན་དུ་བསྟན་པ་ནི། རྗེས་སུ་འགྲོ་དང་ལྡོག་པ་ལས། ཞེས་བྱ་བའོ། །དེའི་ཕྱིར་དབང་ཕྱུག་ལ་ཡང་དོན་གྱི་ཤེས་པ་ནི་དེའི་མིག་ལ་སོགས་པའི་རྗེས་སུ་འགྲོ་བ་དང་ལྡོག་པའི་རྗེས་སུ་བྱེད་པ་ཡིན་གྱི ་དེ་ལས་གཞན་པ་བརྟག་པ་རྟགས་པའི་ངོ་བོ་ནི་བསྐྱེད་བྱ་མ་ཡིན་པར་ཉེ་བར་བསྡུ་བ་ནི། དེའི་ཕྱིར། ཇི་ལྟར་འགྱུར་བ་དེ་ནི་དོན་ཉིད་ཡིན་གྱི་ཞེས་བྱ་བའོ། །མིག་ལ་སོགས་པ་ལས་བྱུང་བའི་དོན་རྟོགས་པ་ཉིད་ཐ་མི་དད་པའི་ཕྱིར་འཛིན་པར་བྱེད་པ་ཡིན་པ་ནི་བདེན་མོད་ཀྱི། དེ་ཡང་རྟོགས ་པ་ཉིད་བཞིན་དུ་དེ་དང་ཡང་རྟག་པ་འབྲེལ་བ་ཅན་ཡིན་ནོ། །དེའི་ཕྱིར་དེས་ཀྱང་འཛིན་པ་ཡིན་གྱི་ཕྲད་པ་དང་དེའི་བདག་ཉིད་འདག་ལ་བྱེ་བྲག་ཅི་ཡང་མེད་དོ་སྙམ་དུ་སེམས་པ་ནི། འོན་ཏེ་དོན་དེ་ཚད་མ་ཡིན་མོད་ཅེས་བྱ་བ་སྟེ། རེ་ཤིག་དོན་ནི་རྟོགས་པ་ཉིད་དང་ཐ་མི་དད་པའི་ཕྱིར་དོན ་གྱི་འཛིན་པ་པོར་འགྱུར་ལ། ཕན་པ་མི་བྱེད་པ་གཞན་ནི་ཉེ་བ་ཙམ་གྱིས་ནམ་མཁའ་བཞིན་དུ་འཛིན་པར་བྱེད་པ་མ་ཡིན་ཞེས་བྱ་བའི་དོན་ཏོ། །འབྲེལ་པ་ནི་ཕན་པར་བྱེད་པ་ཉིད་ཡིན་ཏེ། ཕན་པ་ནི་མཁོ་བའོ། །ཉེ་བ་ཡིན་པར་བྱེ་བྲག་མེད་ཀྱང་དོན་དེ་ཉེ་བར་སྟོན་པ ་ཡིན་གྱི། གཞན་དུ་ནི་མི་འཐད་པས་དེ་ཉིད་ཀྱིས་དོན་སྟོན་པ་ཡིན་པར་ཤེས་པར་བྱ་སྟེ། ནམ་མཁའ་ཨི་ནི་མ་ཡིན་ནོ་སྙམ་དུ་སེམས་པ་ལ། མཁའ་ལ་དོན་དེ་བསྟན་མེད་ཕྱིར། ཞེས་བྱ་བ་སྨོས་སོ། །ཇི་ལྟར་ཡང་རྟོགས་པའི་དོན་ནི་དེ་ལས་སམ་གཞན་ལས་ཀྱང་ཞེས་བྱ ་བའི་ལྡོག་པ་མེད་པའི་ཕྱིར་དབང་པོ་ལ་སོགས་པ་བཞིན་དུ་ངེས་པར་བྱེད་པ་མ་ཡིན་ནོ། །དེ་བཞིན་དུ་ཉེ་བར་བསྟན་པ་ཡང་ཡིན་ཏེ། ཁ་ན་བསྟན་པ་ནོ། བསྟན་པའི་ཚིག་ཡིན་དེའི་ཕྱིར། ཞེས་བྱ་བའོ། །ཇི་ལྟར་སྣལ་མ་རྣམས་ནི་ཚིག་པ་ལ་སོགས་པ་མེད་ན་སྣམ་བུར ་འགྲུབ་པ་མ་ཡིན། ཡོད་ན་ནི་འགྲུབ་པར་བྱེད་པ་མ་ཡིན་ནམ། དེ་བཞིན་དུ་དེ་ཡང་ལྷན་ཅིག་བྱེད་པ་མེད་ན་མི་བྱེད་པ་ཡིན་ལ། དེ་ཡོད་ན་བྱེད་པ་ཡིན་ནོ་སྙམ་དུ་སེམས་པ་ལ། རྣམ་པ་ཀུན་དུ་ལྡོག་མེད་ལ་ཞེས་བྱ་བ་སྨོས་ཏེ། སྣལ་མ་རྣམས་ནི་ཚིག་པ་ལ ་སོགས་པ་མེད་ན་མི་བྱེད་པ་ཡིན་ཞེས་བྱ་བ་ནི་མི་རིགས་ཏེ། ཚིག་པ་ལ་སོགས་པ་ཡོད་ཀྱང་སྣལ་མ་མེད་ན་སྣམ་བུ་ལ་སོགས་པ་མེད་པའི་ཕྱིར་འདི་ལ་ནི་མིག་ལ་སོགས་པ་ཡོད་ཀྱང། དེ་མེད་ན་འབྲས་བུ་མེད་པར་སྣང་བ་མ་ཡིན་ནོ། །དེས་ན་དེའི་རྒྱུ་ཉིད་རྟོགས ་པ་ཡིན་གྱི་ཤེས་བྱ་བཞིན་དེ་དང་ཐ་མི་དད་པའི་ཕྱིར་རྟག་པ་མ་ཡིན་ལ་དེའི་རྒྱུ་ཡང་རྟག་པ་དང་ཐ་མི་དད་པ་ཡིན་ཞེས་བྱ་བ་ལ་སོགས་པའི་རིགས་པས་རྟག་པ་ཉིད་མ་ཡིན་ཞེས་བྱ་བའི་དོན་ཏོ། །དེའི་ཕྱིར་དེ་ལྟར་དོན་རྟོགས་པ་ཉིད་ལས་ཤེས་པ་གཞན་ནི་ཁྱབ ་བ་ཡིན་པར་མ་མཐོང་ལ་རྟོགས་པ་ཉིད་ཀྱང་ཤེས་བྱ་དང་ཐ་མི་དད་པ་ཡིན་ཏེ། ཤེས་བྱ་ཐ་དད་པ་ཡིན་ན་ཐ་དད་པ་ཡིན་ནོ། །དེ་ནི་དབང་པོ་བཞིན་དུ་རྟོགས་པ་ཉིད་ཀྱི་རྒྱུ་ཡང་མ་ཡིན་ཏེ། དབང་པོ་ལ་སོགས་པ་ཙམ་ཉིད་ལས་དེ་གྲུབ་པའི་ཕྱིར་རོ། །གཞན་མི ་ནུས་པའི་ཕྱིར་རོ་ཞེས་བསྟན་ཟིན་ཏོ། །ད་ནི་དེ་མེ་ལོང་དང་འདྲ་བ་ཡིན་ན་ཡང་དེ་ལྟ་ན་ཡང་དེའི་ཉེ་བ་ནི་འདས་པ་དང་མ་འོངས་པ་ནི་དེ་དང་མ་ཡིན་པའི་ཕྱིར་ཇི་ལྟ་དེའི་གཟུགས་བརྙན་ཡིན་པར་བསྟན་པ་ནི། དོན་གང་འདས་དང་མ་འོངས་པ་ཞེས་བྱ་བའོ། །འོན་ཏེ་ཤེས་བྱ་ཙམ་དེ་ལྟར ་སྣང་བ་ཡིན་གྱི་ཉེ་བ་དང་ཅིག་ཤོས་ཀྱི་རྣམ་པར་དབྱེ་བ་ནི་མ་ཡིན་ནོ་སྙམ་དུ་སེམས་པ་ལས། འདས་པ་ཉིད་དུ་མ་ཤེས་པར་ཞེས་བྱ་བ་སྨོས་ཏེ། ཉེ་བ་ལ་འཛིན་པ་ཡིན་ན་དེའི་ཚེ་གཞན་དུ་འུ་བུ་ཅག་ལ་སོགས་པའི་གནས་སྐབས་ཀྱང་ཐམས་ཅད་མཁྱེན་པར་འགྱུར་རོ།། ་དེའི་ངོ་བོ་ལ་བྱེ་བྲག་མེད་པའི་ཕྱིར་རོ། །འོན་ཏེ་འདོད་ཆགས་ལ་སོགས་པས་བསྒོམ་པའི་འུ་བུ་ཅག་ལ་སོགས་པའི་ཤེས་པ་ནི་མེ་ལོང་དྲི་མ་ཅན་བཞིན་དུ། ཉེ་བ་ན་གནས་པ་ལས་གཞན་པ་རིག་པར་བྱེད་པ་མ་ཡིན་ནོ་ཞེ་ན། མེ་ལོང་དུ་ནི་འཕོ་མ་ཡིན། ཞེས་བྱ་བ་སྨོས ་སོ། །གང་གི་ཕྱིར་མེ་ལོང་དྲི་མ་མེད་པ་དེ་བཞིན་དུ་ཉེ་བ་ཉིད་ཁོ་ན་སྣང་བ་ཡིན་ན། ཉེ་བ་མ་ཡིན་པ་ནི་མ་ཡིན་ནོ་ཞེས་བྱ་བ་ཐམས་ཅད་མཁྱེན་པ་ཉིད་ནི་དེ་ལྟ་མ་ཡིན་ནོ། །མེ་ལོང་ཡང་དོན་ཡོད་པ་ནི་དེ་བཞིན་དུ་འགྱུར་བས་མི་རྟག་པ་ཡིན་པའི་ཕྱིར་རྟག་པ་དང་འགལ ་བར་བསྟན་པ་ནི། དེ་ལྟ་བུའི་སྣང་བ་ནི། ཞེས་བྱ་བའོ། །རྟག་པ་དང་འབྲེལ་བ་ཅན་གྱི་སོ་སོར་སྣང་བ་ནི་གང་གི་ཡང་བསྐྱེད་བྱ་བ་མ་ཡིན་ཏེ། ཤིན་ཏུ་སྒྲོ་མ་བཏགས་པ་ཡིན་པའི་ཕྱིར་རོ། །རྣམ་པར་འགྱུར་བའི་ཤེས་པའི་ངོ་བོ་ནི་འདིའི་རྟག་པ་ཡིན་ཡང་འགལ་བ་མེད་དོ་ཞེ་ན། ་ནམ་མཁའ་ལ་སོགས་པ་དག་ཀྱང་ཞེས་སྨོས་སོ། །བརྟེན་བ་ཕུལ་དུ་བྱུང་བ་ཉིད་ཡིན་ཡང་ནམ་མཁའ་འམ་གཞན་ཡང་རུང་བ་དང་བྱེ་བྲག་མེད་དོ། །ངེས་པ་ཅན་གྱི་དོན་རྗོད་པར་བྱེད་པའི་ཚིག་ཀྱང་དོན་ཐམས་ཅད་མཐོང་བ་ཡིན་ནོ་ཕྱིན་ཅི་ལོག་གིས་ཁྱབ་པ་བསྟན་པ་ནི། དོན ་རྣམས་ཐམས་ཅད་མཐོང་བ་དེའི་ཞེས་བྱ་བ་སྟེ། ཐལ་བར་འགྱུར་བ་ནི་ཕྱིན་ཅི་ལོག་ལ་འབབ་པ་ཡིན་པར་བསྟན་པར་བྱའོ། །སྣ་ཚོགས་པ་ལ་རུ་བ་ནི། །ཞེས་བྱ་བ་ཡང་རིགས་པས་ངེས་པར་འཇུག་པའི་ཡུལ་ཉེ་བར་མ་བསྟན་པའི་ཕྱིར། དེའི་ཚིག་ནི་འཇུག་པར་བྱེད་པ ་མ་ཡིན་པར་བསྟན་པ་ནི། དོན་ཀུན་མཐོང་བ་ལས་བྱུང་བའི་ཞེས་བྱ་བ་སྨོས་སོ། །དོན་ཐམས་ཅད་མཐོང་བའི་རྒྱུ་མཚན་ལས་བྱུང་བའི་ཚིག་ཀྱང་དོན་ལ་ངེས་པ་ཡིན་ཏེ། བརྗོད་པར་འདོད་པའི་ངེས་པ་ལས་བྱུང་བའི་ཕྱིར་འགལ་བ་མེད་དོ། །སྙམ་དུ་སེམས ་བ་ལ། བརྗོད་འདོད་ངེས་པ་ཞེས་བྱ་བ་སྨོས་ཏེ། དོན་ཐམས་ཅད་མཐོང་བ་ཡིན་ཡང་དོན་ལ་ངེས་པའི་བརྗོད་པར་འདོད་པ་ཉིད་དུ་ཇི་ལྟར་འགྱུར་ཞེས་བྱ་བའི་བོན་ཏོ། །དོན་དུ་མ་མཐོང་བའི་བརྗོད་པར་འདོད་པ་ངེས་པ་སྨྲ་བ་པོ་ཡང་མཐོང་བ་ཁོ་ན་ཡིན་ནོ་ཞེ་ན། བརྗོད་འདོད ་དེ་དག་ཅེས་བྱ་བ་སྨོས་སྟེ། བརྗོད་པར་འདོད་པ་དང་མཐོང་བ་དེ་རྣམས་ཀྱང་རིམས་ཀྱིས་འབྱུང་བ་ཡིན་པར་བདེན་ན། གཞན་གྱི་སྔ་མ་དང་ཕྱི་མ་གཅིག་པ་ཉིད་ཀྱིས་འབའ་ཞིག་ནི་མ་ཡིན་ནོ་ཞེས་བྱ་བའི་དོན་ཏོ། །གལ་ཏེ་ཡང་བརྗོད་པར་འདོད་པ་དང་མཐོང་བ་ལས ་ཐ་དད་པ་ནི་ཡོད་པ་མ་ཡིན་ཡང་དེའི་ངོ་བོ་གཅིག་པ་ཉིད་དུ་འགྱུར་རོ་སྙམ་དུ་སེམས་པ་ལ། བརྗོད་པར་འདོད་དང་གཞན་པའི་དེ་ཞེས་བྱ་བ་སྨོས་ཏེ། བརྗོད་པར་འདོད་པ་ནི་སྨྲ་བར་འདོད་པ་ཡིན་ལ། གཞན་པ་ནི་མཐོང་བ་སྟེ་དེ་དག་རྣམ་པར་རྟོག་པ་དང་གཞན་ཉིད ་ཀྱིས་བསལ་བ་ཁོ་ནར་ཐ་དད་པ་ཡིན་ནོ་ཞེས་བྱ་བའི་དོན་ཏོ། །བརྗོད་པར་འདོད་པ་དང་མཐོང་བ་ཞེས་བྱ་བ་ལ་སོགས་པ་ནི་རང་རིག་པ་ལ་བལྟོས་ནས་རྟོགས་པ་མེད་པ་ཉིད་མ་ཡིན་ན། ཇི་ལྟ་རྣམ་པར་རྟོག་པ་དང་ཅིག་ཤོས་སུ་ཐ་དད་པར་ཇི་ལྟར་འགྱུར་སྙམ་དུ ་སེམས་པས། གལ་ཏེ་དེ་ཡང་ཡང་དག་དུ། ཞེས་བྱ་བ་ལ་སོགས་པའི་ཚིགས་སུ་བཅད་པ་སྨྲས་པ་ལ་ལན་ནི། རང་བཞིན་གཅིག་ཉིད་རིམ་གྱིས་ནི། ཞེས་བྱ་བ་སྟེ། རང་རིག་པ་གཉིས་རིམ་གྱིས་འབྱུང་བ་བོར་ནས་དུས་དང་ཡུལ་ལ་སོགས་པ་ནི་ཕན་ཚུན་གཅིག ་ཉིད་དུ་རྟོགས་པར་བྱེད་པ་མ་ཡིན་ཞེས་བྱ་བའི་དོན་ཏོ། །ཕྱི་རོལ་ལ་རིམ་པ་དང་ལྡན་པས་དེ་ནི་འདི་ཡིན་ནོ་ཞེས་གཅིག་པར་རང་མ་གཞན་གྱིས་ཀྱང་རུང། ངོ་ཤེས་པར་བྱེད་པ་མ་ཡིན་ནོ། །དེ་བཞིན་དུ་ནར་ཡང་ཡིན་ནོ་སྙམ་དུ་སེམས་པ་ལ། སྡང་མཐོང ་བ་ངོ་ཤེས་པ་ལ་གནོད་པ་ཅན་བསྟན་པ་ནི། དངོས་གང་དེའང་གཞན་དུ་ན། ཞེས་བྱ་བའོ། །དབང་ཕྱུག་ནི་དབང་ཕྱུག་གི་ཡོན་ཏན་བརྒྱད་དང་འབྲེལ་པས་ཕུལ་དུ་བྱུང་བ་ཅན་ཡིན་ལ། བདག་ཉིད་སྔ་མ་དང་ཕྱི་མ་ཉིད་ལ་ཕྱི་རོལ་བཞིན་དུ་འདས་པ་ལ་སོགས་པ་ཉིད་དུ་རྟོགས་པར ་བྱེད་པ་ཁོ་ན་ཡིན་ནོ་སྙམ་དུ་སེམས་པས། འོན་ཏེ་བདག་དེ་རང་ཉིད་ནི་ཞེས་བྱ་བའོ། །རང་རིག་པའི་སྔ་མ་དང་ཕྱི་མའི་ངོ་བོ་ནི་ད་ལྟར་པ་བཞིན་དུ། ད་ལྟར་བ་ཉིད་ཁོ་ནར་འགྱུར་རོ་ཞེས་བྱ་བ་ནི་ལན་དུ་སྨྲས་པ་ཡིན་ཏེ། དེ་ནི་དེ་ལྟར་ཡིན་ནོ་ཞེས་བྱ་བའོ། །དོན་དམ་པའི་ཕྱོགས ་ལ་ཡང་ཤེས་པ་ནི་རང་རིག་པ་ཡིན་ཏེ། སྔ་མ་དང་ཕྱི་མའི་ཆ་དང་བྲལ་བ་ཡིན་ན་མི་རྟག་པ་ཁོ་ན་ཡིན་ལ། སྔ་མ་ལ་སོགས་པ་མ་རིག་པའི་ཕྱིར་དེའི་ཁྱད་པར་དང་བྲལ་བ་ཉིད་ཇི་ལྟར་རིག་པར་འགྱུར་བ་ཡིན་ཞེ་ན། དེ་དང་གཅིག་ཀྱང་རྟག་ཀྱང་རྟག་པ་ཉིད་ནི་དེ ་འཛིན་པ་མེད་ཀྱང་འཛིན་པར་འགྱུར་རོ། །དེས་ན་རྟག་པ་མ་ཡིན་ལ་མི་རྟག་པ་ཡང་མ་ཡིན་པའི་ཕྱིར་དེ་ལྟ་བུ་ནི་དེ་བཞིན་གཤེགས་པ་ཉིད་ཀྱི་རང་བཞིན་ཡིན་ཏེ། གཞན་ནི་མ་ཡིན་ནོ། །དེ་ཡང་རང་ལས་རང་གི་ངོ་བོ་རྟོགས་ཞེས་གསུངས་པ་སྟེ། དེ་བསྟན་པ་ནི་རིག ་ཉིད་ལས་གཞན་པ་ནི་ཞེས་བྱ་བ་སྟེ། སྔར་ནི་བསྒྲུབ་པ་ཡིན་ཞེས་བྱ་བ་ནི་དེ་དེ་ལྟར་ན་དབང་ཕྱུག་གི་ཤེས་པ་རྟག་པ་ཡིན་ལ། དེ་ཉིད་ཁོ་ན་དབང་ཕྱུག་ཡིན་པར་ཁས་བླངས་ནས་མི་རྟག་པ་ཉིད་བསྟན་པ་ཡིན་ནོ། །ཤེས་པ་ལས་གཞན་པའི་བདག་ནི་དབང་ཕྱུག ་མ་ཡིན་ནམ། ཤེས་པ་ནི་མ་ཡིན་ནོ། །དེའི་ཤེས་པ་ནི་ཤེས་བྱའི་ཡུལ་ལ་འུ་བུ་ཅག་ལ་སོགས་པ་བཞིན་དུ་གཞན་ཁོ་ན་ཡིན་ཏེ། འུ་བུ་ཅག་ལ་སོགས་པའི་བདག་དང་ཡིད་དང་དབང་པོ་ལ་སོགས་པའི་ཡུལ་ངེས་པ་ཅན་ཡིན་ལ། འདིའི་ནི་ཡིད་ཙམ་ལས ་ཡུལ་ཐམས་ཅད་པ་ཡིན་ཞེས་བྱ་བ་འབའ་ཞིག་བྱེ་བྲག་ཡིན་ནོ། །བདག་ནི་རྟག་པ་ཉིད་ཡིན་ཏེ། ཉིན་ཞག་གཞན་ལ་མཐོང་བ་ལ་ཡང་ཉིན་ཞག་ཕྱི་མ་ལ་འདི་དག་གིས་མཐོང་བ་ཡིན་ནོ་ཞེས་བྱ་བར་འགྱུར་བ་ཡིན་ཞེས་གང་སྨོས་པ་སྟེ། མཐོང་བ་པོ་ཡོད་པའི་སྔར ་ངོ་ཤེས་པ་ནི་རྟག་པ་ཉིད་དུ་རིག་པར་བྱེད་པ་ཡིན་ལ། དབང་ཕྱུག་ཀྱང་མཐོང་བའོ་ཡིན་པ་དེས་ན་རྟག་པ་ཡིན་ནོ་སྙམ་དུ་སེམས་པ་ལ། རིམ་བཞིན་སྐྱེ་བ་ཅན་དག་ནི། །རྟགས་ལས་སྐྱེ་བ་མི་འཐད་ཕྱིར་ཞེས་བྱ་བ་སྨོས་སོ། །དེ་ཞིག་ནམ་མཁའ་བཞིན་དུ ་འགའ་ལ་ཡང་ཕན་པ་མི་བྱེད་པའི་བདག་ནི་ཁས་བླངས་པ་མ་ཡིན་ནོ། །འོ་ན་ཅི་ཞེ་ན། དོན་གྱི་ཤེས་པའི་རྒྱུ་མཚན་ནི་ཡིན་ནོ། །དེའི་དེ་ཁོ་ན་ཉིད་ཀྱང་ཅི་ནས་ཀྱང་མི་རིགས་ཏེ། རྟག་པའི་ཕྱིར་རོ། །དེ་ནི་འདིའི་ཞེས་བྱ་བའི་སྔར་མཐོང་བ་ཡང་མ་ཆད་པར ་འགྱུར་བ་ཡིན་ཞེས་བྱ་བའི་དོན་ཏོ། །དེ་ཉིད་ཁོ་ན་ནམ་མཁའ་ལྟར་རྟག་པ་ཁྱབ་པ་ཞེས་བྱ་བ་ལ་སོགས་པས་སྒྲུབ་པར་བྱེད་པ་ཡིན་ནོ། །ཤེས་བྱ་ནི་རིམས་ཀྱིས་འབྱུང་བའི་ཕྱིར་མི་རྟག་པ་ཡིན་པས། ཤེས་པ་ཡང་རིམ་གྱིས་འབྱུང་བ་ཡིན་པར་ནི་མི་རིགས་པ་མ་ཡིན་ནམ། ་བདག་དང་ཡིད་ཕྲད་པ་ལས་བྱུང་བ་དང། འབྱུང་བར་འགྱུར་བ་དང། ད་ལྟར་བའི་ཡུལ་ལ་གཅིག་པ་ཉིད་དུ་ཤེས་པ་ནི་དོན་གཅིག་འཛིན་པར་བྱེད་པ་དུས་གཅིག་ཁོ་ན་སྐྱེས་པ་ཡིན་ནོ། །དེ་ལྟར་སྐྱེས་པ་ཡང་འཇིག་པའི་རྒྱུ་མེད་པས་མི་འཇིག་པ་ཡིན་པ་དེ་ལ ་རིམ་པར་ཀྱེས་པས་ཅི་ཞིག་དགོས་སྙམ་དུ་སེམས་པ་ལ། རྟག་པ་ཁྱབ་པ་ཞེས་བྱ་བ་སྨོས་སོ། །གལ་ཏེ་བདག་དང་ཡིད་ཕྲད་པ་ནི་དེ་ལྟ་བུའི་ཤེས་པ་བསྐྱེད་པར་ནུས་པ་ཡིན། འུ་བུ་ཅག་ལ་སོགས་པ་ལ་ཡང་དེ་ཡོད་པའི་ཕྱིར་དེ་ལྟ་བུའི་ཤེས་པར་འགྱུར ་བར་བསྟན་པ་ནི། གལ་ཏེ་རང་བཞིན་དེ་ཉིད་ཀྱི་ཤེས་བྱ་བའོ། །ཐམས་ཅད་ཀྱི་ཚེ་ཞེས་བྱ་བ་ནི་འུ་བུ་ཅག་ལ་སོགས་པའི་གནས་སྐབས་ན་ཡང་ངོ། །འོན་ཏེ་མ་རིག་པ་ལ་སོགས་པའི་དྲི་མ་དང་བྲལ་བས་ཕུལ་དུ་བྱུང་བར་གྱུར་པ་ཅན་གྱི་བདག་དང་ཡིད་ཕྲད ་པ་ལས་དེ་ལྟ་བུའི་ཤེས་པར་འགྱུར་གྱི། གཞན་གྱི་ཚེ་ནི་མ་ཡིན་ནོ་སྙམ་དུ་སེམས་པ་ལ། ཁྱད་པར་ཡོད་ན་ཞེས་བྱ་བ་སྨོས་སོ། །བྱེ་བྲག་ཅན་མ་ཡིན་པའི་བདག་ལ་ནི་བདེན་ན། བདག་པོར་གྱུར་པ་ལ་སོགས་པས་དབང་ཕྱུག་དུ་གྱུར་པས་རང་ཉིད་ལ ་གྲུབ་པས་ཁྱད་པར་ཅན་དུ་བྱེད་པ་དེ་ལྟ་བུ་འབའ་ཞིག་ཏུ་ཤེས་པ་ཡིན་ལ། འུ་བུ་ཅག་ལ་སོགས་པ་ལ་ནི་དེ་མེད་པའི་ཕྱིར་མ་ཡིན་ནོ་སྙམ་དུ་སེམས་པ་ནི། འོན་ཏེ་ཁྱད་པར་མེད་པས་ཀྱང་ཞེས་བྱ་བའོ། །ལན་ནི་མ་ཡིན་ཏེ། བལྟོས་པ་མི་རུང་བའི་ཕྱིར་ཞེས་བྱ་བའོ། །ཕུལ ་དུ་བྱུང་བའི་ཆོས་ཀྱི་བསྐྱེད་བྱ་བདག་པོར་གྱུར་པ་ལ་སོགས་པའི་ཡོན་ཏན་རྣམས་ཁོ་ན་རང་བཞིན་གྱིས་ཕུལ་དུ་བྱུང་བའི་ཤེས་པ་སྐྱེད་པར་བྱེད་པས་རྒྱུ་ཡིན་གྱི་དབང་ཕྱུག་ནི་རྒྱུར་མི་འགྱུར་རོ། །དེ་ལྟ་ན་ཡོན་ཏན་དེ་རྣམས་འདུས་པའི་དབང་ཕྱུག་གི་སྒྲས་བརྗོད་པར ་བྱ་བ་རྟག་པ་རྒྱུར་འགྱུར་བ་ཡིན་ནོ་སྙམ་དུ་སེམས་པ་ལ། དེ་ལ་བལྟོས་ནས་དེ་ཡང་ཞེས་བྱ་བ་སྨོས་ཏེ། དེའི་ཞེས་བྱ་བ་ཡོན་ཏན་ཅན་གྱི་སྟེ། དེ་ལ་བལྟོས་ནས་ཞེས་བྱ་བ་ཡོན་ཏན་དེ་རྣམས་ལ་བལྟོས་ནས། ཡོན་ཏན་རྣམས་ལ་བརྟེན་པ་ཉིད་ཀྱིས་རྒྱུ་ཉིད་ཡིན་ཏེ། ་འབའ་ཞིག་པ་རྣམས་ནི་མ་ཡིན་ཏེ། མ་མཐོང་བའི་ཕྱིར་དེའི་ཕྱིར་ཡོན་ཏན་རྟག་པ་ནི་རྒྱུ་ཉིད་དུ་མི་རིགས་སོ་ཞེས་བྱ་བའི་དོན་ཏོ། །གལ་ཏེ་ཁྱབ་བདག་བཞིན་དུ་རྟེན་ལ་བལྟོས་བཞིན་པ་ཡང་རྟག་པ་ཉིད་ཡོན་ཏན་ཉིད་ཡིན་ནོ་ཞེ་ན། བལྟོས་པ་དེ་དང་དེ་ཞེས ་བྱ་བ་སྨོས་ཏེ། བལྟོས་པའི་སས་ཕན་མི་བྱེད་པ་ཡིན་ན། ཇི་ལྟར་བལྟོས་པ་ཡིན་ཞེས་བྱ་བའི་དོན་ཏོ། །འོན་ཏེ་དབང་ཕྱུག་ཉིད་དང་འབྲེལ་ཅན་ནི་བདག་དག་ཡིད་ཕྲད་པ་ལས་བྱུང་བ་ཡིན་ལ། སྐྱེ་བ་དང་ལྡན་པ་ཐམས་ཅད་ནི་འཇིག་པར་མཐོང་བའི་ཕྱིར་སྐྱེ་བ་ཡོད ་ན་འཇིག་པ་དང་འབྲེལ་པའི་ཕྱིར་ཅི་ཞིག་གིས་འཇིག་པར་བྱེད་པར་འགྱུར། དེ་ལྟ་ཡིན་དང་སྐད་ཅིག་ཕྱི་མ་ལ་མི་ཤེས་པར་འགྱུར་རོ། །དེའི་རང་བཞིན་གྱི་ཐམས་ཅད་བསྐྱེད་བྱ་ཡིན་པས་དེའི་ཚེ་ཉིད་འབྱུང་བའི་ཕྱིར་རིམ་པར་བྱེད་པ་མ་ཡིན་པར་བསྟན་པ ་ནི། རྟག་པ་ནི་ཐམས་ཅད་ཀྱི་ཚེ་ཞེས་བྱ་བ་སྨོས་ཏེ། ཡང་ན་དབང་ཕྱུག་ཅེས་བྱ་བ་དེ་རྟག་པའི་ཚད་མ་ཡིན་ན་རང་རིག་པ་འམ། རིག་པར་བྱེད་པ་གཞན་གོ་བར་བྱ་བ་ཡིན་གྲང་ན་རེ་ཞིག་རང་རིག་པ་ནི་མ་ཡིན་ཏེ། དེའི་ཉེ་བ་ཉིད་ཀྱིས་མི་རྟག་པ་ཡིན་ནོ་ཞེས ་བསྟན་པ་ནི། ཚད་མ་རྟག་པ་ཉིད་ཡོད་མིན་ཞེས་བྱ་བའོ། །རིག་པར་བྱེད་པ་ཡིན་པའི་ཕྱིར་རིག་པར་བྱ་བ་གཞན་གོ་བར་འགྱུར་ན། དེ་ཡང་མ་ཡིན་པར་བསྟན་པ་ནི། དངོས་ཡོད་རྟོགས་པས་ཏེ་ཚད་མ་མཐོང་བ་ཉིད་ཡིན་ཏེ། མཐོང་བ་དེ་ནི་སྣང་བའི་ཡུལ ་ཡིན་ཏེ། དེའི་རྣམ་པ་ཉིད་ཀྱིས་རྣམ་པར་གཞག་པར་བྱེད་པ་ཡིན་ཏེ། ཤེས་བྱ་གང་ཡིན་པའི་མི་རྟག་པ་ཉིད་ཀྱིས་དེའི་བདག་ཉིད་དུ་མཐོང་བ་ཡང་མི་རྟག་པར་བསྟན་པ་ནི། ཤེས་བྱ་མི་རྟག་པ་ཉིད་ཀྱིས། དེ་ནི་མི་བསྟན་ཉིད་ཡིན་པའི་ཕྱིར་རོ། །དེས་ན་དེ་ལྟ་བུ་མཐོང ་བས་རྣམ་པར་གཞག་པར་སྣང་བ་སྐྱེ་བར་བྱེད་པ་ཡིན་ལ། སྐྱེད་པར་བྱེད་པ་དེ་ཡང་སོ་སོར་སྣང་བ་ཁོ་ན་ཡིན་ཏེ། རིམ་བཞིན་འབྱུང་བའི་ཤེས་དུས་དེ་ཉིད་ཀྱི་ཚེའི་ཤེས་བྱ་རྟོགས་པའི་ཕྱིར་རྟག་པ་ཉིད་ཡིན་པར་བསྟན་པ་ནི། རིམ་བཞིན་སྐྱེ་བ་ཅན་དག་ནི། །རྟག་ལས ་སྐྱེ་བ་མི་འཐད་ཕྱིར། །ཞེས་པ་ཡང་ཤེས་བྱ་ལས་སྐྱེ་བ་ཉིད་ཡིན་པ་ནི། དེའི་རྣམ་པ་དང་ལྡན་པ་ཉིད་ཁོ་ན་ཡིན་པའི་ཕྱིར། དེས་བསྐྱེད་པ་ནི་དེའི་རྣམ་པ་ཉིད་ཡིན་གྱི། རིམ་གྱིས་འབྱུང་བའི་ཤེས་པ་ནི་རྟོག་པའི་རྣམ་པ་ཡོད་པ་མ་ཡིན་ནོ་ཞེས་བྱ་བའི་དོན་ཏོ། །མི ་རྟག་པ་ནི་སྐད་ཅིག་ཙམ་འབྱུང་བ་ཡིན་པ་ཉིད་ཀྱིས་དུས་གཞན་མེད་པའི་ཕྱིར་རིམ་བཞིན་དང་འགལ་བ་མ་ཡིན་ནམ། རྟག་པ་ནི་མ་ཡིན་ཏེ། ལན་ཅིག་མཐོང་བ་ཡང་ཉེ་བར་དམིགས་པར་སྲིད་པའི་ཕྱིར་རོ། །ཡུལ་གཞན་དང་དུས་གཞན་དུ་ཉེ་བར་དམིགས ་པར་ནི་བདེན་མོད་ཀྱི་སྔར་མཐོང་བ་ཁོ་ན་ཡུལ་ཉིད་དང་གཅིག་པ་ཉིད་དུ་མ་རྟོགས་པའི་ཕྱིར་དང། ཐ་དད་པ་ཡང་ཉེ་བར་དམིགས་པ་ཐ་དད་པ་ཙམ་གྱི་རྒྱུ་མཚན་ཉིད་ཀྱིས་མི་རྟག་པ་ཡིན་པའི་ཕྱིར་ཡུལ་དུས་ལ་སོགས་པ་ལ་ལྟོས་པས་རྟག་པ་ནི་རིམ་བཞིན་པར ་མི་རིགས་པར་བསྟན་པ་ནི། བལྟོས་པ་མི་རུང་བ་ཡི་ཕྱིར་ཞེས་བྱ་བས་ཏེ། དུས་དང་ཡུལ་གཅིག་པའི་དུས་དང་ཡུལ་གཞན་གྱི་བྱེ་བྲག་ཉིད་ལ་བལྟོས་པར་མི་རིགས་ཏེ། ཐ་དད་པར་ཐལ་བར་འགྱུར་ཞེས་བྱ་བའི་དོན་ཏོ། །ཇི་ལྟར་མར་མེ་གཅིག་བུ་ཡང་ཡུལ་གཞན ་དུ་འོད་འཕྲོ་བ་དང་མར་དང་སྡོང་བུ་ཟད་པ་ཞེས་བྱ་བ་ལ་སོགས་པ་བྱ་བ་དུ་མ་བྱེད་པ་དེ་ཁོ་ན་བཞིན་དུ། གཅིག་ཉིད་དུས་ཐ་དད་པ་ལ་དུ་མ་བྱེད་པ་ཡིན་པས་བྱེ་བྲག་མེད་པ་ཡིན་སྙམ་དུ་སེམས་པ་ལ། བལྟོས་པ་ཞེས་བྱ་བ་སྨོས་ཏེ། མར་མེའི་རང་བཞིན་གང་ཁོ་ནས་བྱ ་བ་གཅིག་བྱེད་པ་ཁོ་ནས་གཞན་ཡིན་ནོ་ཞེས་བལྟོས་པ་མེད་པའི་ཕྱིར་ཞེས་བྱ་བའི་དོན་ཏོ། །ཡུལ་ཐ་དད་པ་ལ་དུ་མ་ཇི་ལྟར་བྱེད་པ་ཡིན་ཞེ་ན། མཐོང་བའི་ཕྱིར་སྐྱོན་མེད་དོ། །དེའི་རང་བཞིན་གྱི་གདོད་པ་ལ་མར་མེ་ལ་སོགས་པ་ལ་མཐོང་བའི་ཕྱིར་རྟག་པར་མི་བྱའོ། །ཡང་ན་སྒྲ་ལས ་བྱུང་བའི་ཚད་མ་ནི་རྟག་པར་རིག་པའི་བདག་ཉིད་དུ་ཡོད་པ་ཉིད་མ་ཡིན་ནམ། རང་བཞིན་གཞན་ནི་ཤེད་བུ་ལ་སོགས་པ་བཞིན་དུ། དེ་འམ་དེའི་དོན་ལ་ཡང་དྲན་པ་པོར་འགྱུར་རོ། །ཇི་སྐད་དུ་མཐོང་བའི་དོན་ནི་གཞན་མ་ཡིན་པའི་ཕྱིར་རྟག་པར་འགྱུར་ཏེ། གནས་སྐབས་ཁ་ཅིག་ཏུ་འཚེད་པར ་བྱས་ཞེས་བྱ་བའི་སྒྲ་དམིགས་ནས་དེའི་རང་གི་ངོ་བོ་ལ་གོས་པ་མེད་པའི་ཕྱིར་འབྲས་བུ་དང་ལྡན་པ་ཉེ་བ་ལ་འབྲས་བུ་མེད་པ་དེའི་ཡན་ལག་ཡིན་ཞེས་རིགས་པའི་ཕྱིར་དང། རུང་བའི་ཕྱིར་འབྲས་བུ་དང་ལྡན་པའི་ཐ་སྙད་ཀྱི་ཡན་ལག་གི་དོན་རྟོགས་པར་བྱེད་པ་ཡིན་ལ། སྒྲ་ནི་དེའི ་ཡན་ལག་དང་ཡན་ལག་ཅན་ཉིད་དུ་གོ་བར་བྱེད་པ་ཡིན་ནོ། །འབྲས་བུ་དང་ལྡན་པའི་ཐ་སྙད་ཀྱི་ཡན་ལག་ཏུ་གྱུར་བའི་དོན་རྟོགས་པའི་ཡན་ལག་ཉིད་ལ། སྒྲ་འབྲས་བུ་མེད་པ་ཉིད་ཡིན་ན། རུང་བ་ཉིད་དུ་གོ་བར་བྱེད་པ་མ་ཡིན་ཏེ། དོན་རྟོགས་པའི་རིགས་པས་གྲུབ་པའི་ཡན་ལག ་ཉིད་ཀྱིས་རྟག་པ་ཉིད་ཁྱད་པར་བྱེད་པ་ཡིན་པར་རྣམ་པར་གཞག་པ་ན། མི་རྟག་པ་ཉིད་དང་འགལ་བ་ཅན་ཡིན་པའི་ཕྱིར་གནོད་པ་ཅན་ནོ། །མི་རྟག་པ་ཉིད་ལ་ནི་སྒྲ་དོན་རྟོགས་པའི་ཡན་ལག་མ་ཡིན་ནོ། །འབྲེལ་པ་མ་བཟུང་བས་མ་རྟོགས་པའི་ཕྱིར་རོ། །འདི་འདིའི་རྗོད་བྱེད་ཡིན ་ཞེས་བྱ་བར་གཟུང་ནས། དེ་ཉིད་ཀྱི་རྗེས་སུ་འབྲངས་ནས་རྟོགས་པར་བྱེད་པ་འམ། རྟོགས་པར་བྱེད་པ་ལ་འཛུད་པ་ཡིན་ལ། དེ་ལྟར་ན་རྟག་པ་ཉིད་ཁོ་ན། དོན་འབྲེལ་མ་མཐོང་ན་རྗོད་བྱེད། །ནུས་ལྡན་མི་འགྱུར་དེ་ལྟ་ན། །སྔ་ན་མེད་པའང་དེར་འགྱུར་ཏེ། །ཀུན་ཀྱང་ཀུན་ལ་གསལ ་བྱེད་འགྱུར། །བསལ་བ་ཉིད་ནི་ཉེ་བ་ཙམ་གྱིས་གསལ་བར་བྱེད་པ་ཡིན་ན། མི་རྟག་པ་ལ་ཡང་འགལ་བ་མ་ཡིན་ཏེ། མེ་ནི་མངོན་སུམ་གྱི་གཞལ་བྱ་ཡིན་པའི་ཕྱིར་དེ་ཉིད་ལ་ཡང་གསལ་བར་བྱེད་པ་མ་ཡིན་ནོ། །དུ་བ་བཞིན་དུ་སྒྲ་ཡང་གསོལ་བར་བྱེད་པར་འགྱུར ་རོ་ཞེ་ན། བདེན་ཏེ་འབྲེལ་བ་འཛིན་པ་ཉིད་ཡིན་ན་འགྱུར་ལ། དུ་བའི་འབྲེལ་བ་ནི་རྗེས་སུ་འགྲོ་བ་དང་ལྡོག་པ་དག་ཡིན་ནོ། །སྒྲ་ནི་དེ་དག་ཉིད་དང་བྲལ་བའི་གོ་བྱེད་ཉིད་ཡིན་ཏེ་མི་ལྟ་བུའོ། །སྒྲ་ལ་ནི་དེ་རང་བཞིན་པ་འབའ་ཞིག་ལ་བལྟོས་པ་ཡིན་ལ། མེ་ནི་དེ་ལྟ་མ་ཡིན་ཞེས ་བྱ་བའི་བྱེ་བྲག་མཐོང་བ་ཉིད་ཀྱི་ཕྱིར་ཅུང་ཟད་ཀྱང་གནོད་པར་མེད་པ་མ་ཡིན་ནོ། །མི་རྟག་པ་ལ་ནི་དེ་འཛིན་པ་མི་སྲིད་དོ། །ལན་གཉིས་གསུམ་དུ་མ་མཐོང་བ་ནི་མཐོང་བ་ཙམ་ལས་འབྲེལ་པ་ཅན་ཉིད་གོ་བར་བྱེད་པར་མི་འགྱུར་ཏེ། སྐད་ཅིག་མ་ཉིད་ལ་ནི་སྒྲས་དེ་བཞིན་དུ་རྟོགས་པ ་མི་སྲིད་དོ། །དོན་ལྡན་སྔར་མཐོང་ཡིན་ཞེ་ན། །དེ་ནི་དེ་ཙམ་ལོང་ཡོད་མིན། །ལན་གཉིས་ལན་གསུམ་མ་མཐོང་བ། །དོན་དང་ལྡན་པར་རྟོགས་པ་མིན། རྟག་པའི་ཕྱོགས་ལ་ཡང་མཐོང་བ་ནི་རང་གི་དུས་ཙམ་ཡུལ་ཡིན་པས་ཐེར་ཟུག་པ་ཉིད་དུ་མི་རྟོགས་པའི་ཕྱིར་ཇི་ལྟར་འབྲེལ་བ ་འཛིན་པར་འགྱུར་ཡང་དང་ཡང་དུ་མཐོང་བ་ཡིན་ན་དེའི་ཤུགས་ཀྱི་འདི་འདི་དང་ལྷན་ཅིག་པར་ངེས་པ་འམ། འདི་འདིའི་རྗོད་བྱེད་ཡིན་ཞེས་བྱ་བར་ཡང་འགྱུར་བར་ཤེས་པའོ། །འདི་ལ་ཡང་ཁ་ཅིག་མངོན་སུམ་དུ་འདོད་ལ། གཞན་དག་ནི་དོན་གྱིས་གོ་བར་འདོད་དོ། །ཞེས་པ ་འདི་ལ་ཡང་ངེས་བྱ་ངེས་བྱེད་ངམ་རྗོད་བྱ་རྗོད་བྱེད་དུ་ཡང་དུས་དང་ཡུལ་དང་དུས་དག་ལས་མ་ངེས་པར་རྟོགས་པ་ཡིན་པས་རྟག་པར་བརྗོད་དོ། །གང་ཞིག། དུས་དང་ཡུལ་ལ་སོགས་པ་ལས། །མ་ངེས་པ་ཡི་དངོས་ཡོད་པ། །དེ་ནི་རྟག་དང་ཁྱབ་བདག་འདོད། །བདག་ནི་ཁྱབ ་བདག་ཉིད་དུ་བརྗོད་།ཅེས་གང་སྨོས་པའོ། །མཐོང་བ་ནི་ངེས་པ་ལས་འཇུག་པའི་ཕྱིར་ཕྱིན་ཅི་ལོག་ཏུ་རྟོགས་པའི་གནོད་བས་སྒྲ་ཙམ་ལས་ངེས་བར་གནས་པ་ནི་མ་ཡིན་ནོ། །ཡོངས་སུ་བཅད་པ་ནི་གདོང་གི་རིང་བ་ཉིད་ལ་སོགས་པ་བཞིན་དུ་གསལ་བར་བྱེད་པའི་ཆོས་སུ་གནས ་པ་ཡིན་ཏེ། གསལ་བྱེད་སྒྲ་ལ་རག་ལས་ཕྱིར། །དེའི་ཡུལ་ལ་འཛིན་བྱེད་དེ། །སྒྲ་རྣམས་ཀྱིས་ནི་ནུས་པ་མིན། །ནམ་མཁའ་བར་མཚམས་མེད་བྱ་བ?་ཡིན། །དེ་ཕྱིར་མ་བཅད་དངོས་ཉིད་ཀྱིས། །འདི་ནི་གཞན་དུ་རྟོགས་བྱེད་མིན། །འདི་མཐོང་བ་ཡང་གཅིག་ཡིན་པས་??་ཉིད ་དང། ཁྱབ་ཉིད་ལ་སོགས་པའི་དབང་གི་ཉི་མ་བཞིན་དུ་ཡུལ་སྣ་ཚོགས་པར་མཐོང་བར་ཤེས་པ་ཡིན་ནོ། །གང་གི་ཚེ་སྐྱེས་བུ་ཅིག་ཤར་དུ་བལྟས་པས་ཉི་མ་མཐོང་བ་དེའི་ཆེ་ལྷོ་ཕྱོགས་ཉིད་ནི་གནས་བས་ཀྱང་རང་ལ་བལྟས་པར་མཐོང་ལ་དེ་བཞིན་དུ་གཞན་རྣམས་ཀྱིས་ཀྱང་ཡིན་གྱི ་གཉིས་སུ་མཐོང་བ་ནི་མ་ཡིན་ཏེ། དེའི་གཅིག་ཉིད་ཡུལ་སྣ་ཚོགས་པ་ཡིན་པར་ཤེས་པར་བྱའོ། །ཇི་ལྟར་ཡང་ལྷས་བྱིན་རིམ་གྱིས་ཡུལ་སྣ་ཚོགས་པར་ཕྱིན་ཀྱང་ཐ་དད་པར་མི་འགྱུར་རོ། །དེ་བཞིན་དུ་སྒྲ་ཡང་ངོ། །འདི་ཅི་བཞིན་དུ་ཤེས་པ་ནི། །གཅིག་ཉིད་ཡང་དང་ཡང་མཐོང་བ ་དུས་ཀྱི་དབྱེ་བས་ཐ་དད་མིན། །དེ་བཞིན་སྒྲ་ནི་ཡུལ་ལས་མིན། །འདིའི་གཅིག་ཉིད་དུ་བསྲེ་བ་ནི་སྤྱིའི་ཡུལ་མ་ཡིན་ཏེ། ཆ་ཤས་མེད་པ་ཉིད་ཀྱིས་གོང་བུ་ལས་གཞན་མེད་པའི་ཕྱིར་རོ། །དེའི་ཕྱིར་སྤྱི་ཤེས་པ་ཡིན་ཡང་གོང་བུ་ཡུལ་ཉིད་ཡིན་ནོ། །དེས་ན་བ་ལང་གི་སྒྲ་ཆེན་པོ་འམ། ་ཆུང་ངུ་ཡང་ཞེས་བྱ་བས་ཆེན་པོ་དང་ཆུང་ངུ་ཡིན་པའི་ཕྱིར་བསལ་བར་བྱེད་པའི་ཤེས་པ་ཡང་ཆེན་པོ་དང་ཆུང་ངུ་ཉིད་ཁོ་ནར་གནས་པ་ཡིན་ལ། གླིང་བུ་དང་རྫ་རྔ་ལ་སོགས་པ་གསལ་བར་བྱེད་པའི་སྒྲ་རྣམས་ཆེན་པོ་ལ་སོག་པར་མཐོང་བ་ཡང་ཡིན་ནོ། །སྒྲ་དེ་རྣམས་ནི་སྒྲ་ཉིད་ཡིན ་ནོ་ཞེས་བྱ་བ་ནི་ཁ་ཅིག་གིའོ། །ཡི་གེ་དང་ཡི་གེ་མ་ཡིན་པའི་བདག་ཉིད་ཀྱིས་སྒྲ་ནི་རྣམ་པ་གཉིས་ཡིན་པའི་ཕྱིར། རྐན་ལ་སོགས་པ་རླུང་རྣམས་ཀྱིས་ཉེ་བར་བསྐྱོང་བ་ལས་ཡི་གེ་བདག་ཉིད་དུ་མངོན་པར་གསལ་བར་བྱེད་པ་ཡིན་ཏེ། ཉེ་བར་བསྐྱོད་བ་ནི་གཞན་ཡིན་ནོ། །ཞེས ་བྱ་བ་ནི་གཞན་རྣམས་ཀྱིའོ། །གཞན་དག་ནི་རླུང་རྣམས་ཉིད་གནས་ཉེ་བར་བསྐྱོད་པ་དང། ཉེ་བར་བསྐྱོད་པ་མ་ཡིན་པ་དག་གིས་ཡི་གེ་དང་ཡི་གེ་མ་ཡིན་བ་དག་ཏུ་མངོན་པར་གསལ་བྱེད་བ་ནི་གསལ་བ་དང་མི་གསལ་བའི་སྒྲ་གསལ་བ་ཡིན་པར་སྨྲའོ། །དེ་ཡང་ཡན་ལག ་དང་བཅས་པ་ཡིན་པའི་ཕྱིར་ཆེན་པོ་ཉིད་ལ་སོགས་པ་དང་འབྲེལ་བ་ཅན་རྣམས་གསལ་བར་བྱ་བ་ལ་བློ་དེ་སྐྱེད་པར་བྱེད་པ་ཡིན་ནོ། །སྒྲ་རྣམས་རྣ་བས་གོ་བྱེད་བར། །ཁ་ཅིག་སྨྲ་དེ་དེ་ཡི་ཕྱིར། །དེ་རྣམས་རླུང་གིས་བསྐུལ་བ་ཉིད། །རྣ་བ་ལེགས་བར ་སྦྱངས་པ་ཡིན། །རྔ་བ་ཊ་ཧ་ལ་སོགས་པ་རྣམས་ལ་དབྱུག་པ་ལ་སོགས་པས་མངོན་པར་བསྣུན་པའི་རླུང་གིས་བསྐུལ་བས། རྣ་བའི་ཡུལ་དུ་འདོས་བ་རྣམས་དེ་ལེགས་པར་སྦྱངས་པ་ལས་བདག་ཉིད་འཛིན་པར་བྱེད་དུ་འཇུག་པ་ནི་རྐན་ལ་སོགས་པ་བསྐྱོད་པ་མེད་པའི ་ཕྱིར་ཡི་གེའི་བདག་ཉིད་ཁོ་ན་ཐོས་པ་ཡིན་ཞེས་བྱ་བའི་དོན་ཏོ། །དེས་ཉེ་བར་བསྐྱོད་པ་ནི་ཡི་གེར་མངོན་པར་གསལ་བར་བྱེད་པ་ཡིན་ཏེ། དེ་ལ་ཡང། ཡི་གེ་གསལ་བ་མཐོང་བའི་ཕྱིར། །དེ་རྣམས་མ་མཐོང་བར་བསྟན་མིན། །ཞེས་སྨོས་པའོ། །ཡང་འདོད་པ་གཞན ་བསྟན་པ་ནི། །རྐན་སོགས་ཕྲད་དང་དབྱེ་བ་ཡིས། །བསྐུལ་བས་གསལ་བ་ཡི་གེ་ནི། །གསལ་བྱེད་ཡིན་འདོད་གཞན་དག་ནི། །སྒྲ་ཉིད་ཀུན་དང་འབྲེལ་འདོད་པ། །དེ་ཕྱིར་ཡུལ་ལ་སོགས་པ་ཐ་དད་པ་དང། ཆེན་པོ་དང་ཆུང་ངུ་ཉིད་ལ་སོགས་པ་ཡང་བོར་ནས་སྒྲ་ཙམ་ལ ་དམིགས་བཞིན་པའི་རྣམ་པར་རྟོག་པ་ལ་ནི་བསྙོན་པར་འོས་པ་མ་ཡིན་ནོ། །དེ་ལ་སྙོན་པར་བྱེད་པ་ཡིན་ན་ནི་རྗེས་སུ་དཔག་པ་ལ་སོགས་པ་མེད་པར་འགྱུར་རོ། །གང་གི་ཕྱིར་དེ་མེད་ན་ཁྱབ་པ་འཛིན་པ་མེད་དོ། །ཕྱོགས་འགའ་ནི་ཡོད་པར་མཐོང་བ་ནི་ཁྱབ་པ་འཛིན་པར་བྱེད ་པ་མ་ཡིན་ཏེ། ཁྱབ་པ་ནི་དེ་ལས་བཟློག་པ་ཡིན་པའི་ཕྱིར་རོ། །གོང་བུ་རྣམས་ཁོན་རྣམ་པར་རྟོགས་པ་དེས་རྣམ་པར་མ་བཅད་པས་རྟོག་པར་བྱེད་པ་ནི་མ་ཡིན་ཏེ། དེ་རྣམས་ཀྱི་དེ་མ་ཡིན་པའི་ངོ་བོ་ཉིད་ཡིན་ན་འཁྲུལ་པར་ཐལ་བར་འགྱུར་བའི་ཕྱིར་རོ། །གནོད་བ་ཅན་མེད ་པ་ལས་ནི་འཁྲུལ་པ་མི་འགྲུབ་པའི་ཕྱིར་རྣམ་པར་བཅད་པ་དེ་རྣམས་ཀྱི་རྣམ་པར་བཅད་པ་མེད་པ་ཡིན་ལ། དེས་ན་འཁྲུལ་པ་མ་ཡིན་ནོ། །དེ་ལྟ་ཡིན་ན་སྒྲའི་རྟག་པ་ཉིད་དང་ཁྱབ་བདག་ཉིད་དུ་འགྱུར་བ་ཡིན་ནོ་སྙམ་དུ་སེམས་པ་ལ། ཚད་མ་བརྟག་པ་ཞེས་སྨོས་པ་ནི་སྒྲའི ་རེ?་བེའོ?། །ཉིད་ཡོད་མན་ནི་ཉེ་བར་མ་དམིགས་པའོ། །བ་ལང་གི་སྒྲ་ནི་རེ་རེ་ལ་བརྗོད་པས་ཐ་དད་ཉིད་དུ་ཉེ་བར་དམིགས་པ་ཡིན་གྱི། །ཉེ་བར་དམིགས་པ་ལ་རྣམ་པར་རྟོག་པས་གནོད་པ་ཡང་མ་ཡིན་ཏེ། དངོས་པོ་ཡུལ་མ་ཡིན་པའི་ཕྱིར་རོ། །དངོས་པོ་ནི་རྣམ་པར ་རྟོག་པའི་ཡུལ་མ་ཡིན་པ་ཉིད་དེ། ཡིད་ཙམ་གྱི་ལ་དུ་རྣམས་ནི་དངོས་པོ་མ་ཡིན་པའི་ཕྱིར་རོ། །མཐོང་བའི་རྗེས་སུ་འབྲངས་ནས་དེ་ཡུལ་ཡིན་ནོ་ཞེ་ན། དེ་ལྟ་ན་དེའི་ཡང་མཐོང་བ་ཉིད་ཉེ་བར་དམིགས་པར་བྱེད་པ་ཡིན་པའི་ཕྱིར་མཐོང་བའི་དབང་གིས་རྣམ་པར་རྟོག་པ་ཅན་གྱི་ཚད་མ ་ཡིན་ནོ། །ད་ཡང་ལྟ་བྱ་སོ་སོར་སྣང་བས་ཁྱད་པར་བྱེད་པ་མ་ཡིན་ཏེ། འོན་ཀྱང་ཞེས་པས་ནི་མ་ཡིན་ནོ། །མཐོང་བ་ན་སོ་སོར་སྣང་བ་ཡིན་ལ། །དེ་ནི་གང་ཡང་སོ་སོར་སྣང་བས་འཛིན་པ་ཡིན་གྱི་ངེས་པས་ནི་མ་ཡིན་ནོ། །ངེས་པ་རྣམས་ཀྱི་མ་ངེས་པ། །དེ་ནི་ཇི་ལྟར་དེ་དག་ཡུལ། ། ་དེའི་ཕྱིར་དེ་ལྟ་བུའི་དོན་གྱི་ངོ་བོ་འཛིན་པར་མཐོང་བ་ལ་ནི་དེ་དང་མི་འདྲ་པའི་རྣམ་པར་རྟོག་པར་གནོད་པ་མ་ཡིན་ནོ། །གནོད་པ་ཡིན་ཡང་དངོས་པོ་སྤངས་ནས་བླང་བྱ་ལ་སོགས་པའི་རྣམ་པར་དབྱེ་བ་མེད་པས་འགྲོ་བ་རྣམས་འཇུག་པ་དང་ལྡོག་པ་མི་བྱེད་པར་འགྱུར་རོ། །རྣམ་པར་རྟོག་པ ་ནི་དངོས་པོ་མཐོང་བ་ཅན་མ་ཡིན་ཏེ། མངོན་སུམ་གྱི་མཐོང་བ་ལས་ཇི་ལྟར་ཡང་དེ་ཉིད་ལས་སམ། གཞན་ལས་ཀྱང་རུང་བརྡའི་རྗེས་སུ་འབྲངས་པ་འམ་ཅིག་ཤོས་དག་གི་རྣམ་པར་བརྟག་པའི་ཕྱིར་རོ། །དེ་སྐད་དུ་ཡང། བཟུང་བ་འཛིན་ཕྱིར་ཀུན་རྫོབ་ནི། །མི་འདོད་ཅེས་གསུངས ་བའོ། །དེའི་དེ་ལྟ་དུ་ཡང་རྟག་པ་ལས་བྱུང་བ་མ་ཡིན་ཏེ། རིམ་ཅན་མིན་ལས་རིམ་སྐྱེ་མེད། ཅེས་བྱ་བས་འགགས་པར་འགྱུར་པ་ཡིན་ནོ། །འདི་ལ་ནི་མཐོང་བ་ཞེས་བྱ་བའི་རྣམ་པར་དབྱེ་བ་ཡིན་ནོ། །ཤེས་བྱའི་སོ་སོར་སྣང་བ་མི་རྟག་པ་ཉིད་ཀྱིས་དེའི་བདག་ཉིད་མཐོང ་བ་ཡང་མ་རྟག་པ་ཡིན་གྱི། རྟག་པར་འཛིན་པ་ནི་མ་ཡིན་པར་བསྟན་པ་ནི། ཤེས་བྱ་མི་རྟག་པ་ཉིད་ཀྱིས་བྱ་བ་ལ་སོགས་པའོ། །མི་རྟག་པ་ཡང་རྟག་པ་འཛིན་པ་མ་ཡིན་པར་བསྟན་པ་ནི། རིམ་བཞིན་སྐྱེ་བ་ཞེས་བྱ་བ་སྟེ། མི་རྟག་པ་ནི་རྟག་པ་ལས་སྐྱེ་བར་མི་འཐད ་པའི་ཕྱིར་རྟག་པས་རང་གི་སོ་སོར་སྣང་བ་སྐྱེད་པར་བྱེད་པའི་སྒོ་ནས་མཐོང་བ་སྐྱེད་པ་ནི་དེའི་འཛིན་བྱེད་དུ་འགྱུར་རོ། །དེས་བསྐྱེད་པར་བྱ་བའི་སོ་སོར་སྣང་བ་ནི་རྟག་པ་མ་ཡིན་པའི་ཕྱིར་དེ་ཇི་ལྟར་འཛིན་པ་ཡིན། རང་གི་སོ་སོར་སྣང་བ་སྐྱེད ་པར་བྱེད་པ་ཉིད་ནི་གཟུང་བྱ་ཉིད་ཡིན་ནོ། །ཇི་སྐད་དུ། རིགས་ཤེས་པས། །ཤེས་པའི་རྣམ་པར་འཇོག་ནུས་པ། །རྒྱུ་ཉིད་ལ་ནི་གཟུང་བར་ཤེས། ཞེས་གསུངས་པའོ། །དེ་རྟག་པ་ཡང་གསལ་བར་བྱེད་པའི་དབང་གིས་ཡིན་པར་ནི་ངེས་པ་ཅན་མ་ཡིན་ཏེ། གསལ ་བར་བྱེད་པའི་སྒྲ་ནི་སོ་སོར་སྣང་བ་ལ་རག་ལས་པའི་ཕྱིར་རོ། །དེ་འཛིན་པ་ནི་ཡུལ་དེ་ལ་ལྟོས་པ་ཡིན་ནོ་ཞེ་ན། བལྟོས་པ་མི་རུང་བ་ཡི་ཕྱིར་ཞེས་བྱ་བ་སྨོས་སོ། །གསལ་བར་བྱེད་པ་ནི་སྣང་བ་ལ་བལྟོས་ནས་སྒྲ་ཐ་དད་པར་མཐོང་བ་ལ་སྙོན་པར་བྱེད་ན་རི་བོང ་ལ་རྭ་ཡོད་པར་ཁས་བླངས་པས་སྟོན་པར་མི་བྱེད་པ་མ་ཡིན། ཡུལ་དང་དུས་ལ་སོགས་པའི་ངེས་པས་སྒྲ་སོ་སོར་སྣང་བ་ཡང་གཞན་དུ་ཡང་ཡིན་པ་ཉིད་དུ་ཇི་ལྟར་སྲིད་པར་འགྱུར། གློ་བུར་བའི་སྣང་བ་འདི་བུམ་པ་ལ་སོགས་པས་ཀྱང་ཇི་ལྟར་སྤོང་བར་བྱེད། ་འོན་ཏེ་རྐན་ལ་སོགས་པའི་བྱ་བ་ཡོད་ན་སྒྲ་ནི་གང་འདོད་པ་དེ་ལྟར་སྣང་བ་ཡིན་ལ། དེས་ན་རྟག་པ་དང་ཁྱབ་པ་ཅན་དུ་ཡང་གང་དང་གཟུང་བའི་ཡུལ་དེ་ཐམས་ཅད་ན་སྒྲ་ཡོད་པ་ཡིན་ནོ། །དེ་བཞིན་དུ་རྒྱུ་ཡོད་ན་བུམ་པ་ལ་སོགས་པ་ཡང་ཡིན་ནོ།། ་ཡན་ལག་དང་བཅས་པ་ཡིན་པའི་ཕྱིར་དེ་རྣམས་རྟག་པ་མ་ཡིན་ཞེ་ན། ཡུལ་ལ་སོགས་པའི་རྣམ་པར་དབྱེ་བ་བཞིན་དུ་ཆ་ཤས་ལ་སོགས་པའི་རྣམ་པར་དབྱེ་བ་ཡང་གསལ་བར་བྱེད་པའི་རྒྱུ་མཚན་དུ་ཅིའི་རྟོགས་པར་མི་བྱེད། ཆོས་ཐམས་ཅད་དུ ་མཐོང་བར་ཁས་ལེན་པར་བྱེད་པ་ཡིན་ལ། །ཤེས་པ་དང་འདོད་པ་ལ་སོགས་པ་བདག་གི་ཆོས་རྣམས་དེའི་གནས་སྐབས་ཆ་ཤས་མེད་པ་ཡིན་ཡང་ཇི་ལྟར་རྟག་པར་ཁས་ལེན་པ་ཡིན། དེའི་ཕྱིར་མཐོང་བ་ཚད་མར་བྱེད་ན་བུམ་པ་ལ་སོགས་པ ་བཞིན་དུ་སྒྲ་མི་རྟག་པར་ཁས་བླང་བར་བྱ་དགོས་སོ། །གཞན་དུ་ན་ཐམས་ཅད་རྟག་པ་ཉིད་དམ་ཐམས་ཅད་མེད་པར་འགྱུར་རོ་ཞེས་བྱ་བ་འདི་ནི་ངེས་པ་ཡིན་ནོ། །བུམ་པ་ལ་སོགས་པ་རྣམས་ཀྱི་མི་རྟག་པ་ཉིད་ཀྱང་སྤྱི་རྟག་པ་ཡིན་པའི་ཕྱིར་ཐ་སྙད་ནི་དེ་ཉིད་ཀྱི་རྗེས་སུ་འབྲངས་པ་ལས ་སྐྱེ་བར་འགྱུར་བ་ཡིན་ལ། སྒྲ་ནི་མ་ཡིན་ཏེ། སྤྱི་མེད་པའི་ཕྱིར་རོ། །སྒྲ་ལ་སྤྱི་མེད་པ་ཡིན་བར་ཚེ་དང་ལྡན་པ་ཁྱོད་ཀྱི་ཅི་ལས་ཤེས། ཆ་ཤས་མེད་པ་ཡིན་ནོ་ཞེ་ན། མ་ཡིན་ཏེ། རྗེས་སུ་དཔག་པ་ལ་མངོན་སུམ་གྱི་སྤྱི་ཤེས་པས་གནོད་པར་བྱེད་པའི་ཕྱིར་ཤེས་པ་དང་འདོད་པ་ལ་སོགས ་པ་རྣམས་ཀྱི་ཆ་ཤས་མེད་པའི་སྤྱི་མེད་པ་མ་ཡིན་ཏེ། གཉི་གའི་སོ་སོར་སྣང་བས་སྤྱི་དང་ཁྱད་པར་དག་མ་བཀག་པའི་ཕྱིར་སྒྲ་ཉིད་ཀྱི་སོ་སོར་སྣང་བཞིན་པའི་སྤྱི་ནི་ཡོད་པ་ཡིན་ནོ། །དེ་ལྟ་ན་དེ་ཉིད་ཐ་སྙད་ཀྱི་རྒྱུ་མཚན་ཡིན་ནོ། །མ་ཡིན་ཏེ། མཐོང་བ་ལ་སྤྱི་མི་སྣང་བའི་ཕྱིར ་རོ། །སྤྱི་ནི་རྣམ་པར་རྟོག་པས་ཀྱང་ཐ་དད་པར་གོ་བར་བྱེད་པ་མ་ཡིན་ཏེ། སྣང་བ་ཁོ་ན་ལ་དེ་ཉིད་ལ་སོགས་པར་ཞེན་པའི་ཕྱིར་དང། དེ་ལྟར་མཐོང་བ་དང་འགལ་བའི་ཕྱིར་དང། དེའི་དོན་གཅིག་ཏུ་བྱ་བ་ཉིད་དེ་ཉིད་དུ་རྣམ་པར་གནས་པ་ཡིན་པའི་ཕྱིར་སྤྱིར་ཐལ་བའི་སྐྱོན་མེད་དོ། ་གོང་བུ་དེ་རྣམས་ཉིད་རྣམ་པར་རྟོག་པས་དེ་མི་བྱེད་པར་རྣམ་པར་བཅད་པས་ཡུལ་ངེས་པར་རྟོགས་པ་ཡིན་ཏེ། སྤྱི་ལ་ངེས་པ་ཡིན་ཡང་གོང་བུ་མ་ངེས་པ་ཡིན་ཐ་སྙད་མེད་པའི་ཕྱིར་རོ། །དེས་ན་གོང་བུའི་མཚན་ཉིད་ཀྱིས་ཐ་སྙད་ལ་དང་པོ་ཉིད་དུ་དེ་ལྟར་འགྱུར་བའི་ཕྱིར ་སྤྱི་ནི་གྲུབ་པ་ལ་ཉེ་བར་འགོད་པ་ཡིན་པས་དགོས་པ་མེད་བཞིན་དུ་སྐྱེད་པར་བྱེད་པ་ཡིན་ནོ། །གོང་བུ་ནི་གཅིག་ཁོ་ན་མ་ཡིན་ཏེ། སོ་སོར་མངོན་དུ་ཕྱོགས་པས་དུ་མའི་སྒྲར་ཉེ་བར་དམིགས་པའི་ཕྱིར་ཏེ། །ཉི་མ་བཞིན་དུ་ཅིག་ཅར་བ་ཉིད་ཡིན་ནོ་ཞེ་ན། དེ་ཡང ་གཅིག་པ་ཡིན་བར་ཅི་ལས་ཤེས། ལྷས་བྱིན་ནི་སྔ་དྲོ་ཤར་དུ་བལྟས་པ་ན་ཉི་མ་མདུན་ན་གནས་པར་མཐོང་ལ། དེའི་གཡས་ཕྱོགས་ན་གནས་པ་གཉིས་ཀྱིས་རང་གི་ད་ལྟར་བ་དང། གཡོན་ཕྱོགས་ཀྱི་ལྷས་བྱིན་གྱི་ཞེས་གཉིས་སུ་མཐོང་བ་མེད་པའི་ཕྱིར་གཅིག་ཡིན ་ནོ་ཞེ་ན། དེ་ལྟ་ཡིན་ལ་གང་ལ་གཉིས་སུ་མཐོང་བ་དེ་ལ་ཇི་ལྟར་དེ་བཞིན་དུ་གཅིག་གི་བདག་ཉིད་ཡིན་པ་ནི་སྒྲ་དག་ལ་གཉིས་སུ་མཐོང་བ་ཡིན་ནོ། །འབྲས་བུའི་ཡུལ་རྣམས་ཉིད་ནི་ཐ་དད་པ་ཡིན་ཡང་སྒྲ་ནི་མ་ཡིན་ནོ་ཞེ་ན། ཡུལ་བཞིན་དུ་དེའི ་ཡུལ་ཅན་ཡང་ཐ་དད་ཉིད་དུ་སྣང་བ་ཡིན་ནོ། །དེའི་ཕྱིར་འདི་ཡང། ཡུལ་གྱི་དབྱེ་བས་ཐ་དད་ཉིད། །ཡིན་པར་འདི་ཡང་དཔག་བྱ་ཡིན། །དེ་ཉིད་འདི་ཞེས་མངོན་སུམ་པའི། །ཤེས་པ་དེ་ལ་གནོད་བྱེད་ཡིན། །ཞེས་བྱ་བས་བསལ་བ་ཡིན་ནོ། །དེའི་ཕྱིར་དེ་ལྟར་ན་སྒྲ་ནི ་སྐད་ཅིག་རེ་རེ་ཞིང་དུ་བ་བཞིན་དུ་ཐ་དད་པ་ཡིན་ཡང། སྣང་བཞིན་པའི་རྣམ་པར་རྟོག་པ་བསྐྱེད་བ་ཡིན་ན། དེས་ན་ཡང་དེ་བཞིན་དུ་ཞེན་པ་ལས་རྗོད་བྱེད་དུ་འགྱུར་རོ། །རྗོད་བྱེད་ཉིད་དུ་གྲུབ་པ་ལ་གང་ཡང་བརྗོད་པ་ཙམ་གྱིས་འཇིག་པ་ནི་རྟོགས་པར་བྱེད་པར་མི་ནུས་པའི་ཕྱིར ་གཞན་གྱི་དོན་དུ་བརྗོད་པར་བྱེད་པར་མི་འགྱུར་ཞེས་རྒོལ་བ་དང། འགའ་ཡང་དོན་དང་ལྡན་པ་མ་ཡིན་ཏེ། ཐམས་ཅད་དོན་མེད་པའི་ཕྱིར་རོ་ཞེས་རྒོལ་བ་གང་སྨྲ་བ་འདི་ཡང་བསྙེག་པ་ཙམ་ཡིན་ཏེ། དེ་ནི་འབྲེལ་པ་འཛིན་པའི་དུས་སུ་དེ་དང་གཅིག་ཏུ་སྲེ་བས་ཐམས ་ཅད་འབྲེལ་བ་ཅན་ཡིན་པས་འཛིན་པའི་ཕྱིར་རོ། །གཅིག་ཏུ་སྲེ་བའི་རྒྱུ་མཚན་ནི་འདྲ་བར་བསྟན་པ་ཡིན་གྱི། གནོད་པ་ཅན་གྱི་རྒྱུ་མཚན་ནི་མ་ཡིན་ནོ། །དེས་ན་དོན་དང་ལྡན་པ་སྟེ། འདྲ་བ་ལ་དོན་རྟོག་པ་ཡིན་ནོ་ཞེ་ན་ཞེས་བྱ་བ་ནི་གཞན་གྱི་འདོད་པ་ཡིན་པར་དོགས ་པ་མ་ཡིན་ནོ། །དེས་ན་སྒྲས་བརྗོད་པ་ལས་གཅིག་བུ་རྟོགས་པ་ཡིན་ཏེ། འབྲེལ་བ་འཛིན་པའི་ཕྱིར་རོ། །དེ་བཞིན་དུ་ཕྱི་མ་ལས་ཀྱང་ངོ་ཞེས་གང་བསྟན་པའོ། །དེ་ཡང་འདྲ་བ་ལས་རྗོད་བྱེད་ཡིན་པ་ནི་མ་ཡིན་ནོ། །འོན་ཏེ་འདི་དོན་ཡོད་པ་ཡིན་ཡང་སུ་ཡང ་འཛིན་པར་བྱེད་པ་མ་ཡིན་ནོ། །ཕྱི་མའི་ཡང་དེ་དང་མཚུངས་པ་ཡིན་པའི་ཕྱིར་འདྲ་བ་ཡིན་ན་ཅིས་རྗོད་བྱེད་མ་ཡིན་ཞེས་བྱ་བར་ཕ་རོལ་པོའི་ཡང་མཐུན་པ་ཉིད་ཡིན་ནོ། །མང་པོ་རྣམས་བ་ལང་གི་སྒྲ་རྣམས་སུ་བརྗོད་པ་ན་དེ་ཉིད་ལ་དེའོ་ཞེས་ཤེས་པ་མ ་ཡིན་ནམ་དེ་དང་འདྲ་བའོ་ཞེས་འདྲ་བ་ཉིད་ཀྱི་ཤེས་པ་ནི་མ་ཡིན་ནོ། །འདྲ་བ་ཉིད་དུ་མ་ཤེས་ན་དེའི་སྒོ་ནས་ཀྱང་རྗོད་བྱེད་མ་ཡིན་ཏེ། འདྲ་བ་རྣམ་པ་གཉིས་ལ་གཅིག་པར་དེ་ཉིད་ཤེས་པའི་གོ་ཆ་ཡིན་ལ། གཞན་ནི་འདྲ་བའི་ཤེས་པ་སྐྱེད་པར་བྱེད་པ་ཡིན་ནོ། །གཅིག་པ་ཉིད ་དུ་མཐོང་བ་དང་འགལ་བའི་ཕྱིར་འཁྲུལ་པ་ཉིད་ཡིན་ནོ། །བརྡ་ལ་སོགས་པ་ཡིན་ན་སྒྲ་ནི་ལྕགས་དང་ལྕགས་ཀྱུ་བཞིན་དུ་དྲན་བྱེད་ཡིན་གྱི། རང་བཞིན་གྱིས་རྗོད་བྱེད་དུ་ནི་མི་འགྱུར་རོ་ཞེ་ན། ཇི་ལྟར་སྣང་བ་དེ་ལྟར་ཡིན་དུ་ཟད་མོད་སྒྲ་ནི་དུ་བ་བཞིན་ནམ་བསལ་བ་བཞིན་དུ་བརྗོད་བྱ ་ལ་ངེས་པ་ཅན་དང་བསལ་བར་བྱེད་པ་མ་ཡིན་པ་དེ་ལྟར་མཐོང་བ་ཡིན་ནོ། །སྒྲ་དང་དོན་ཡང་རྟག་པར་འགྱུར་དུ་ཟིན་ཡང་ཕན་ཚུན་ལྟོས་པ་མེད་པའི་ཕྱིར་དེ་དག་ལ་བདག་དང་ནམ་མཁའ་བཞིན་དུ་འབྲེལ་པར་བསྟན་པ་ནི་ལྟོས་པ་མི་རུང་བའི་ཕྱིར་ཞེས་བྱ་བ་སྟེ། གཞན་ལ ་ལྟོས་པ་འབྲེལ་པ་ཡིན། །དེ་མེད་ཇི་ལྟར་ལྟོས་པ་ཡིན། །ཡོད་ན་འང་ཐམས་ཅད་འདོད་མིན་ན། །དངོས་པོ་ཇི་ལྟར་ལྟོས་བྱེད་ཉིད། ཅེས་བྱ་བའི་ཚིག་གི་ལྟོས་པའི་མཚན་ཉིད་ནི་འབྲེལ་པ་ཡིན་ནོ། །སྒྲ་ནི་མེ་དང་འདྲ་བ་རང་བཞིན་གྱིས་གསལ་བར་བྱེད་པ་ཡིན་ནོ་ཞེ་ན། དེ་ལྟ་ཡིན་ན ་རྟག་པ་ཉིད་དུ་སྒྲུབ་པ་ལ་དོན་མེད་དོ། །དེ་འབྲེལ་པ་འཛིན་པའི་ཡན་ལག་ཡིན་ནོ་ཞེ་ན། འཛིན་པ་མེད་ན་རྟག་པ་ཡིན་ཞེས་བྱ་བའི་འབྲེལ་པ་འཛིན་པར་བྱེད་པ་མ་ཡིན་ལ། དེ་བཞིན་དུ་འཛིན་པ་ཡང་མཐོང་བ་ལས་མ་ཡིན་ཏེ། རྣམ་པར་རྟོག་པ་ཡང་མཐོང་བའི་རྗེས་སུ ་འབྲངས་ནས་རྟག་པ་ཉིད་དུ་རྟོག་པ་མ་ཡིན་ཏེ། འོན་ཀྱང་དེ་མི་བྱེད་པ་རྣམ་པར་གཅོད་པར་བྱེད་པ་ན་རང་གི་མཚན་ཉིད་ཁོ་ནས་ཡིན་ལ། དེ་ལ་ནི་དགོས་པ་མེད་ལ་གཞན་དུ་ཡང་རིགས་པ་ཡིན་ནོ། །དེའི་ཕྱིར་སྒྲ་རྟག་པ་ཉིད་དུ་སྒྲུབ་པར་བྱེད་པ་ནི། ད་ནི་མི་ཆན་པོའོ ་ཞེས་བྱ་བ་ཙམ་ཡིན་ནོ། །དེ་ལྟ་ཡིན་ན་དོན་དང་འབྲེལ་པ་ནི་དུ་བ་བཞིན་དུ་རང་བཞིན་གྱིས་མི་རྟག་པ་ཡིན་ཏེ། དོན་གྱིས་སམ་སྐྱེས་བུས་ཕན་གདགས་པར་བྱ་བ་ཡིན་པའི་ཕྱིར་རོ་སྙམ་དུ་སེམས་ལ། རྣམ་འགས་ཕན་གདགས་བྱ་མིན་ཕྱིར། ཞེས་བྱ་བ་སྟེ་དོན ་གྱིས་སོ། །དེ་ཉེ་བ་ལ་མ་ལྟོས་པར་བྱེད་པའི་ཡོན་ཏན་དང། སྨྲ་བར་འདོད་པ་དག་གི་དབང་གིས་འབྱུང་བའི་ཕྱིར་རོ། །མེ་བཞིན་དུ་གསལ་བར་བྱེད་པ་ཉིད་ཀྱང་དེ་བཞིན་དུ་འཛིན་པ་མ་ཡིན་ན་མི་འགྱུར་རོ། །རང་བཞིན་གྱིས་གསལ་བར་བྱེད་པ་ཡིན་ན ་མེ་དང་འདྲ་བ་དེ་བཞིན་དུ་འཛིན་པ་ལ་ཕན་པར་བྱེད་པ་མ་ཡིན་ཞེས་ཀྱང་བསྟན་པ་ཡིན་ནོ། །འབྲེལ་པ་ཅན་མ་ཡིན་པ་ཡང་རང་བཞིན་གྱིས་འབྲེལ་པ་ཅན་དུ་བྱེད་པ་ནི་སྐྱེས་བུ་ཡིན་ནོ་ཞེ་ན། མ་ཡིན་ཏེ། དེའི་རང་བཞིན་ལ་དེས་དེ་ལྟར་བྱེད་པར་མི་ནུས་པའི་ཕྱིར་རོ། །མ་ཡིན ་ཏེ། ནས་ནི་ཁྲེའི་མྱུ་གུ་དང་འབྲེལ་པ་ཅན་དུ་བྱ་བར་མི་ནུས་སོ། །ཕྲད་པར་བྱེད་པར་ནུས་པ་ཡིན་ནོ་ཞེ་ན་མ་ཡིན་ཏེ། སྒྲ་དང་དོན་དག་རྫས་མ་ཡིན་པ་ཉིད་ཀྱིས་ཕྲད་པ་མེད་པའི་ཕྱིར་རོ། །འདུ་བ་འབྲས་བུའི་རྗོད་བྱེད་ཉིད་མ་ཡིན་པ་གོ་བྱེད་ཉིད་དུ་བྱེད་པ་ནི་ཡིན་ནོ།། ་རྗོད་བྱེད་མ་ཡིན་པ་ཇི་ལྟར་དེ་ལྟར་བྱེད་པ་ཡིན། དེ་ལྟ་མ་ཡིན་ན་མེས་དུ་བའི་བྱེད་པ་དང་གོ་བྱེད་ཀྱང་ཇི་ལྟར་ཡིན། བདེན་ཏེ། མེས་བསྐྱེད་བྱ་དེ་ཉིད་ཡིན་པ་ནི་རྗེས་སུ་འགྲོ་བ་དང་ལྡོག་པའི་རྗེས་སུ་བྱེད་པ་ལས། རང་བཞིན་གྱིས་གོ་བར་བྱེད་པ་མིན་ལ། སྒྲ་ནི་དེ ་བཞིན་དུ་དོན་གྱིས་བསྐྱེད་བྱ་དང་དེའི་རྗེས་སུ་འགྲོ་བ་དང་ལྡོག་པའི་རྗེས་སུ་བྱེད་པ་ཅན་མ་ཡིན་ཏེ། བརྗོད་པར་འདོད་པ་ལ་སོགས་པ་ལས་བྱུང་བའི་ཕྱིར་རོ། །དེ་ལས་བྱུང་བ་ཡིན་ཡང་མངོན་པར་བསམ་པས་རྗོད་བྱེད་ཡིན་ནོ་ཞེ་ན། བསམ་བརྗོད་ཉིད་དམ་བརྗོད ་བྱ་ཉིད་ནི་དངོས་སུ་བ་མ་ཡིན་པའི་ཕྱིར་རྩིག་པ་ལ་རི་མོ་བཞིན་དུ་སྒྲར་གྲུབ་པ་ཡིན་ན་རྗོད་བྱེད་དུ་འོངས་པ་ཡིན་ནོ། །སྐྱེས་བུས་འདུས་བྱས་བའི་དངོས་པོར་བྱེད་པ་ཡིན་ནོ་ཞེ་ན། མ་ཡིན་ཏེ། དེ་ལྟ་བུའི་རྐྱེན་ལས་གཞན་པར་མ་མཐོང་བའི་ཕྱིར་རོ། །རྐྱེན་རྟོགས ་བཞིན་བ་འཕངས་པ་ཡིན་ནོ་ཞེ་ན། ནམ་མཁའ་ཨི་མེ་ཏོག་ལ་སོགས་པ་ཡང་ད་ནི་དངོས་པོར་ཐལ་བར་འགྱུར་རོ། །དེའི་ཕྱིར་རྗོད་བྱེད་ཉིད་ནི་སྨྲ་བ་པོས་དེ་ལྟར་རྣམ་པར་གཞག་པ་ཡིན་བས་བློའི་ཆོས་ཡིན་གྱི། དངོས་པོའི་ཆོས་ནི་མ་ཡིན་ནོ། །ཇི་སྐད་དུ་དེ་ནི་རྣམ ་པར་རྟོག་པ་ཡིན་པས་མེད་པའི་ཕྱིར་བྱེད་བཞིན་པའི་ཡང་འབྲེལ་པ་ནི་སྒྲ་དང་ལྷན་ཅིག་བྱེད་པ་མ་ཡིན་ཏེ། སྒྲ་དང་འབྲེལ་པ་དང་དེའི་ཐ་སྙད་དུ་བྱེད་པ་རྣམས་རིམ་བཞིན་འབྱུང་བ་ཉིད་ཀྱི་ལྷན་ཅིག་བྱེད་པར་མི་ནུས་པའི་ཕྱིར་རོ། །སྒྲ་བརྗོད་པ་དང་འབྲེལ་བྱེད་དང། །ཐ་སྙད་པར་ནི་བྱེད ་པ་དང། རིམ་གྱིས་འབྱུང་བའི་རང་བཞིན་ཕྱིར། །གང་དུ་ཅིག་ཅར་བྱེད་སུས་ནུས། ཞེས་སྨོས་པའོ། །སྒྲ་བརྗོད་པས་ཀྱང་འབྲེལ་པ་བྱེད་པ་མ་ཡིན་ཏེ། བྱེད་པའི་དུས་སུ་སྒྲ་ཞིག་པའི་ཕྱིར་རོ། །བྱས་པ་ཡིན་ན་ཡང་དེ་ལ་དགོས་པ་ཅི་ཡང་མེད་དོ། །རེ་ཞིག་སྒྲ་ཡིས་མ ་བརྗོད་ན། །འབྲེལ་པར་བྱེད་པ་ཅི་ལས་ཡིན། །བརྗོད་པ་ཙམ་གྱིས་ཞིག་པ་ལ། །འབྲེལ་པ་དགོས་པ་མེད་པ་ཡིན། རྣམ་པར་བརྟག་པ་ལ་ནི་བྱེད་པ་འམ་སྟོན་པ་ཉིད་དེ་བདེ་བར་བྱེད་པ་ཡིན་ནོ། །དེ་ལ་བལྟོས་ནས། དངོས་པོ་རང་ཉིད་མ་འདྲེས་པ། །དེ་རྣམས་རྣམ་རྟོག ་གིས་འདྲེས་བྱེད། ཅེས་བྱ་བའི་ཚིག་གིས་ནི་དེ་ཐམས་ཅད་བསླད་པ་ཡིན་ནོ། །དེའི་ཕྱིར། ཞིག་མེད་ད་ལྟར་བ་རྣམས་ལ། །བརྗོད་པ་སྲིད་པ་མ་ཡིན་ནོ། །ཞེས་བྱ་བ་འདི་ལ་ནི་འབྲེལ་པ་མེད་པ་ཡིན་ཏེ། ཞིག་པ་ལ་སོགས་པའི་སྒྲ་རྣམས་ལ་ནི་དེ་བྱེད་པ་མ་ཡིན་པ་རྣམ་པར ་གཅོད་པའི་བདག་ཉིད་ཀྱི་རྣམ་པར་རྟོག་པས་ཞེན་པའི་སྒྲ་རྣམས་ལ་བརྟེན་ནས། འབྲེལ་པ་རྣམ་པར་བཞག་པ་དང་བརྗོད་པ་དག་ཡོད་པའི་ཕྱིར་རོ། །གང་ཞིག་གང་གིས་བྱེད་པ་འམ། །རྗོད་པར་བྱེད་པ་ཡིན་ཞེ་ན། མ་གྲུབ་པའི་གྲུབ་པས་སོ། །གང་དག་གྲུབ་པ་ཡིན ་པ་ནི། །བརྗོད་པར་དཀའ་བ་ཡིན་ནོ་ཞེ་ན། ལེགས་པར་སྦྱངས་པ་རྣམས་ཀྱིས་བརྗོད་པའི་སྒྲས་ནི་འདི་རྗོད་སླ་བ་ཁོ་ན་ཡིན་ནོ། །ཡུལ་ཨདྷ་ལ་སོགས་པའི་རང་སྐད་ཀྱི་སྒྲས་ལེགས་པར་སྦྱར་བའི་སྐད་ཀྱི་དོན་གོ་བར་མཐོང་བ་ཡིན་ནོ། །ལེགས་པར་སྦྱར་བའི་སྐད་ཀྱི་དོན་གོ ་བར་མཐོང་བ་ཡིན་ནོ། །ལེགས་པར་སྦྱར་བ་ཁོ་ན་སྒྲ་མ་ཡིན་ནམ་སྐད་ཅེས་བྱ་བ་འགའ་ཡང་ཡོད་པ་མ་ཡིན་ཏེ། གོའི་སྒྲ་ཁོ་ན་བརྗོད་པར་འདོད་པས་ཀྱང་མི་ནུས་པ་ནི། གོ་བའི་སྒྲ་ལ་སོགས་པ་རྗོད་པར་བྱེད་དོ། །དོན་དང་ལྡན་པ་གཞན་ནི་འདྲ་བ་ཉིད་ལ་རྗོད་བྱེད ་མ་ཡིན་ནོ། །དེས་ན་མི་ནུས་པས་ཀྱང་ཤུགས་ཀྱིས་གོ་བའི་སྒྲ་བརྗོད་པ་ཡང་ཡིན་ལ་བརྗོད་ཀྱང་གོའི་སྒྲ་ཉིད་ཡིན་ནོ། །འདྲ་བ་ཉིད་ལ་བརྗོད་བྱེད་ཉིད་ཡིན་ན། གའུ་རའི་སྒྲ་ལས་ཀྱང་ལྐོག་ཤལ་ལ་སོགས་པའི་དོན་རྟོགས་པར་འགྱུར་རོ། །ག་བི་ལ་སོགས ་པ་ཡང་གོའི་བློ། །རྩ་པའི་སྒྲ་ཡི་རྗེས་འབྲངས་ཡིན། །འདི་ཡི་རྒྱུ་མཚན་འདྲ་བ་ལས། །གའུ་རའི་སྒྲ་ལས་ངེས་པར་འགྱུར། །སྨྲས་པ། ཙཱི་གཱ་བི་དང། ཨ་བི་ཞེས་བྱ་བ་ལ་སོགས་པའི་སྒྲ་རྣམས་གོའི་སྒྲ་དྲན་པར་བྱེད་པ་ཡིན་ལ་དེ་ལས་གོ་ཉིད་དུ་ཤེས་པ་ཡིན་ནམ། ་འོན་ཏེ་གོའི་སྒྲ་ཉིད་དེ་བཞིན་དུ་རྟོགས་པའི་རྗོད་བྱེད་ཡིན་པར་འགྱུར་གྲང་ན། རེ་ཞིག་དྲན་པར་བྱེད་པ་ནི་མ་ཡིན་ཏེ། ཀླ་ཀློ་ལ་སོགས་པ་གཞན་རྣམས་ཀྱི་ཐ་སྙད་པའི་གོའི་སྒྲ་ལ་སོགས་པ་ནི་དྲན་པ་མ་ཡིན་པའི་ཕྱིར་རོ། །ལེགས་པར་སྦྱར་བ་རིག་པ་རྣམས ་ཀྱང་སྐད་ཀྱི་ཐ་སྙད་ཀྱི་དུས་སུ་ལེགས་པར་སྦྱར་བ་དྲན་པ་ལས་བར་དུ་ཆོད་པ་མ་རྟོགས་པའི་ཕྱིར་རོ། །གོའི་སྒྲ་ཉིད་ནི་ད་ལྟར་རྟོགས་པ་མ་ཡིན་ཏེ། སྣང་བ་ཐ་དད་པའི་ཕྱིར་རོ། །ག་བི་ལ་སོགས་པ་རབ་ཏུ་སྦྱོར་བ་ལ་ཡང་གོའི་སྒྲ་ཉིད་རྗོད་བྱེད་མ་ཡིན་ཏེ། །མ་རྟོགས ་པ་ནི་རྗོད་བྱེད་མ་ཡིན་པའི་ཕྱིར་རོ། །དེ་ལྟ་ཡིན་ན་སྒྲ་རྣམས་ཀྱི་དེ་ཉིད་དུ་ཐལ་བར་འགྱུར་པའི་ཕྱིར་རོ། །དེའི་ཕྱིར་གཙང་སྦྲ་ཅན་རྣམས་ཀྱི་རྣམ་པར་སྤྲོས་པ་དེས་ཆོག་གོ་།དེའི་ཕྱིར་གང་ཞིག་ལ་གང་གྲགས་པ་དེ་ནི་དེའི་རྗེས་སུ་འབྲངས་ནས་སམ་ཐ་སྙད་མཐོང ་བ་ལས་གཞན་དུ་རྟོགས་པ་ཡིན་གྱི། །དོན་དམ་པ་པ་ནི་མ་ཡིན་ཞེས་བྱ་བར་གནས་སོ། །དེ་ལ། མི་རྟག་པ་ལའང་ཚད་མེད་ཉིད། །ཅེས་བྱ་བ་སྨོས་སོ། །འབྲས་བུ་ལ་རྟག་པ་ལྷན་ཅིག་བྱེད་པ་ལ་ལྟོས་པ་ཅི་ལས་ཡིན་ཏེ་མི་རིགས་སོ། །གང་གི་ཕྱིར་ལྷན ་ཅིག་བྱེད་པས་བྱས་པ་ཕུལ་དུ་བྱུང་བ་ཡིན་ན། རྟག་པ་ཡང་རིམ་གྱིས་བྱེད་པར་འགྱུར་རོ་སྙམ་དུ་སེམས་པ་ལ། རྣམ་འགས་ཕན་གདགས་བྱ་མིན་ཕྱིར། ཞེས་བྱ་བ་སྨོས་ཏེ། ལྷན་ཅིག་བྱེད་པས་བྱས་པ་རྣམས་ཀྱི་གནས་སྐབས་ཉིད་བྱེད་པ་པོ་ཡིན་པའི་ཕྱིར ་དེའི་སྒོ་ནས་གནས་སྐབས་པའི་བྱ་བ་ཉིད་ཡིན་ན། བྱ་བ་དང་ཅིག་ཤོས་དག་ལ་བྱེ་བྲག་མེད་པར་བྱེད་པ་པོ་ཉིད་ཡིན་ལ། བྱེ་བྲག་མེད་ན་ཡང་ཐུག་པ་མེད་པ་ཡིན་ཏེ། གནས་སྐབས་ཉིད་ཀྱི་རྗེས་སུ་འགྲོ་བ་ལ་སོགས་པའི་རྗེས་སུ་བྱེད་པའི་འབྲས་བུ་ཡིན་གྱི ་གནས་སྐབས་པའི་མ་ཡིན་པའི་ཕྱིར་རྟག་པར་བྱེད་པ་པོ་མ་ཡིན་ནོ། །ལྷན་ཅིག་བྱེད་པ་ཉིད་དུ་ཕུལ་དུ་བྱུང་བ་ཡིན་གྱི། གཞན་ནི་མ་ཡིན་པ་མ་ཡིན་ནམ་དེ་ཡང་རེས་འགའ་བ་ཡིན་པའི་ཕྱིར་འབྲས་བུ་ཡང་རེས་འགའ་བ་ཡིན་གྱི། དེས་ན་རྟག་པ་ནི་འགའ་ཡང ་ཁྱད་པར་དུ་བྱེད་པ་མ་ཡིན་ཏེ། བྱེད་པ་ཡིན་ན་ཡང་དེ་ཡང་ཇི་ལྟར་ཡིན་ཁྱད་པར་གཞན་བྱེད་པ་ཡིན་ན་ཡང་ཐུག་པ་མེད་པ་ཡིན་ནོ། །དེའི་ཕྱིར་མཛའ་ཨི་གནས་སྐབས་བཞིན་དུ་ལྷན་ཅིག་བྱེད་པ་པོ་ཉིད་ཁོ་ན་རྒྱུ་ཉིད་ཡིན་གྱི། ཁྱད་པར་དུ་བྱེད་པ་པོ་ཉིད་མ་ཡིན་ནོ་སྙམ ་དུ་སེམས་པ་ལ། རྣམ་འགས་ཕན་གདགས་བྱ་མིན་ཕྱིར། ཞེས་བྱ་བ་སྨོས་སོ། །དེ་ལྟ་ཡིན་ན་དང་པོའི་གནས་སྐབས་གང་ཡིན་པ་ཅན་ལྷན་ཅིག་བྱེད་པའི་དུས་སུ་ཡང་གནས་སྐབས་དེ་ཉིད་ཡིན་པས་ཕན་གདགས་པ་མ་ཡིན་པའི་ཕྱིར་དང་པོ་བཞིན་དུ་ཁྱད ་པར་ཅན་མི་བསྐྱེད་པ་ཡིན་ལ། དུས་ཕྱིས་ཀྱང་ཡལ་བར་འདུག་པ་ཡིན་ཞེས་བྱ་བའི་དོན་ཏོ། །འབྲས་བུ་ནི་ལྷན་ཅིག་བྱེད་པ་ཁོ་ན་ལས་བྱུང་བ་ཡིན་ནོ། །དེ་ལྟ་ཡིན་ན་གཞན་ན་ལྷན་ཅིག་བྱེད་པ་ཡོད་ཀྱང་ཅིས་མི་འབྱུང་བ་ཡིན། དེ་ལྟ་ཡིན་ན་དང་པོ་སྐྱེད ་བྱེད་མ་ཡིན་པའི་ངོ་བོ་དེ་བཅད་པ་ཡིན་ནོ། །ཡང་ན། གལ་ཏེ་རྟག་པ་དུས་གཞན་ན་ཡང་ཡོད་བ་རིམ་བཞིན་བྱེད་པོ་ཉིད་མ་ཡིན་ན་སྐད་ཅིག་མ་ནི་ཆེས་ཤིན་ཏུ་མ་ཡིན། སྐད་ཅིག་ཕྱི་མ་ལ་རེག་པ་མ་ཡིན་པའི་ཕྱིར་རིམ་གྱིས་མ་ཡིན་ནོ་སྙམ་དུ་སེམས་པ ་ལ། རྣམ་འགས་ཕན་གདགས་བྱ་མིན་ཕྱིར། ཞེས་བྱ་བ་སྨོས་ཏེ། མི་རྟག་པ་ལ་འང་རིམ་བཞིན་པ་ལ་ཚད་མ་མེད་ཅེས་པ་ལ། མིན་ཞེས་བྱ་བ་དང་སྦྱར་རོ། ཅི་ལས་ཤེས་ཤེ་ན། མི་རྟག་པ་ལ་རྣམ་འགས་ཕན་གདགས་པར་བྱ་བ་ཉིད་ཡིན་པའི་ཕྱིར་རོ། །ས་ལ ་སོགས་པ་རྣམས་ཀྱིས་ས་བོན་ལ་རིམ་གྱིས་ཕན་པ་བྱེད་པར་མཐོང་བས་ཐུག་པ་མེད་པས་ཡང་ཡིན་ཏེ། སྐད་ཅིག་དང་པོ་ལ་ཅེ་བར་འགྲོ་བའི་རྒྱུ་རྣམས་ཀྱི་ཚོགས་པར་ཁྱད་པར་ཙན?་སྐྱེད་པར་བྱེད་པ་ཡིན་པའི་ཕྱིར་རོ། །གནས་སྐབས་དེ་ཁོ་ན་འབྲས ་སྐྱེད་པར་བྱེད་པ་ནི་མ་ཡིན་ཏེ། ཕྱི་མ་བཞིན་དུ་དང་པོ་ཡང་ཡིན་པར་ཐལ་བར་འགྱུར་རོ། །བཤད་པར་བྱེད་པས་བཤད་པ་ནི། ཚད་མ་རྟག་པ་ཉིད་ཡོད་མིན། ཞེས་བྱ་བ་ནི་ཐེར་ཟུག་པའི་རྟག་པ་ནི། དུས་འདི་དང་དུས་ཕྱི་མར་ཡང་གཅིག་པའི་བདག་ཉིད་ཡིན་ལ། དེ ་ལ་བཟློག་པས་ཁྱབ་བ་ཡིན་པས་མི་ཤེས་པའི་ཕྱིར་ཡང་དག་ཉིད་དུ་གསུངས་ཞེས་བྱ་བས་བསལ་ནས། ད་ནི་རྒྱུན་གྱིས་རྟག་པ་ནི་སེམས་ཀྱི་རང་བཞིན་རྣམས་ཀྱི་སེམས་དང་ལྡན་པ་དར་སེམས་དང་མི་ལྡན་པ་བཞིན་དུ་སྐྱོན་གྱི་གཉེན་པོ་ཡོན་ཏན་གྱི་རྒྱུ་སྟོན ་པར་བྱེད་པས་ཡང་དག་པ་ཉིད་གསུངས་པ་ནི་ཚད་མ་ཉིད་ཡིན་ལ། དེ་ལས་བྱུང་བ་མ་ཡིན་པས་ནི་དེའི་ནུས་པ་མ་མཐོང་བས་ནི་སྟོན་པ་ནི་དེ་ལས་བྱུང་བ་མ་ཡིན་པའི་ཕྱིར་གོ་བར་བྱེད་པ་མ་ཡིན་ནོ་ཞེས་བསྟན་པ་ནི། རྣམ་འགས་ཞེས་བྱ་བ་ལ་སོགས་པའོ། །མཉེས ་པ་ཡིན་ན་འདོད་ཆགས་ལ་སོགས་པ་ཉེ་བར་ཞི་བའི་རྒྱུ་ཡིན་པས་དེའི་ནུས་པ་འདི་འབྱུང་བ་ཡིན་ནོ། །མཉེས་པ་ཡིན་ན་དུག་ཞི་བ་དང་རི་ལུ་དང་མིག་སྨན་ལ་སོགས་པ་གྲུབ་པར་མཐོང་བ་ཡིན་ནོ་སྙམ་དུ་སེམས་པས། འོན་ཏེ་མཉེས་པར་བྱ་བའི་རིམ་གྱིས་ཞེས་བྱ་བ ་ལ་སོགས་པ་ཟེར་བ་ལ་ལན་ནི། དེ་བཤད་རྗེས་སུ་སྒྲུབ་བ་ཡིས། །འཇིག་རྟེན་རྗེས་འཛིན་ཞེས་བྱ་བ་སྟེ། འདོད་ཆགས་ལ་སོགས་པ་ཉེ་བར་ཞི་བའི་ངོ་བོ་གང་གིས་རྟོགས་པའི་སྲོགས་ཆགས་སྡིག་པའི་དུག་ཞི་བར་ནུས་པས། ཀླུའི་རྒྱལ་པོ་འཇོག་པོའི་དུག་སེལ་བའི ་ནུས་པ་ཤེས་བར་མི་རིགས་ཏེ། སྐྱེས་བུའི་དོན་བག་ཙམ་བྱེད་པར་ནུས་པར་མཐོང་བ་ལས། ཕུལ་དུ་བྱུང་བའི་ཡོན་ཏན་ཕུན་སུམ་ཚོགས་པ་མ་ལུས་བ་ཕུལ་དུ་བྱུང་བ་དང་འབྲེལ་བ་ཅན་བླ་ན་མེད་པའི་བསོད་ནམས་ལ་སོགས་པས་བསྒྲུབས་པའི་མྱ་ངན་ལས ་འདས་པ་འམ་དེ་སྟེར་བའི་ནུས་པ་རྟོགས་པ་ནི་མ་ཡིན་ཏེ། ཐལ་ཆེས་པའི་ཕྱིར་སྐྱེས་བུའི་དོན་བག་ཙམ་བྱིན་པའི་ནུས་པ་གང་ཡང་ཡོད་པ་མ་ཡིན་ཞེས་བྱ་བའི་དོན་ཏོ། །མངོན་སུམ་ལ་སོགས་པ་ནི་འཇུག་པའི་ཡུལ་ཉེ་བར་འཐོབ་པར་བྱེད་པ་ཉིད་ཀྱིས་ཕན་པར་བྱེད་པ་ཡིན་པའི ་ཕྱིར་ཚད་མ་མ་ཡིན་ནམ། ཕན་གདགས་པར་བྱ་བ་ཡོད་པའི་ཕྱིར་ནི་མ་ཡིན་ནོ། །དེའི་ཕྱིར་ཚད་མ་ཉིད་ལ་ཕན་གདགས་པར་བྱ་བ་ཉིད་ཡིན་པ་ནི་འགལ་བ་མེད་དོ་སྙམ་དུ་སེམས་པ་ལ། གང་ཞིག་ཅི་ཞིག་རྣམ་པ་ལྟར། ཞེས་བྱ་བ་སྨོས་ཏེ། མི་མཐུན་པའི་ཕྱོགས་མཐོང ་ནས་གཉེན་པོ་དམིགས་པ་ན། ནུས་པ་ཉེ་བར་དམིགས་པ་ལས་སྟོན་པར་བྱེད་པ་ནི་གཞན་གྱི་ཚད་མ་ཡིན་ནོ། །གཞན་དུ་ན་ནུས་པ་མ་ཤེས་པ་ཡིན་ན་མི་མཐུན་པ་དང་གཉེན་པོ་དག་ཇི་ལྟར་སྟོན་པར་བྱེད་པ་ཡིན་ཞེས་བྱ་བའི་དོན་ཏོ། །འདོད་ཆགས་དང་བྲལ་བ་ཉམས་སུ ་མྱོང་བས་ནི་དེའི་ལམ་མམ་དེ་ལས་བཟློག་པ་ཡང་ཤུགས་ཀྱིས་གོ་བ་ཁོ་ན་ཡིན་ནོ་ཞེ་ན། དེ་ལ་ནི་འདི་འདྲ་བའི་བྱ་བ་ཡོད་པ་མ་ཡིན་ཏེ། ཞེས་བྱ་བ་སྨོས་སོ། །ཅི་ཡང་ཡོད་ཅེས་བྱ་བ་ནི། ཤུགས་ཀྱིས་གོ་བ་ནི་བདེན་ནོ། །ཅི་ཡང་མེད་ཅེས་རྣམ་ཤེས་པ། །མི་རྣམས་ལ ་ནི་གང་དུ་དགོས། འདོད་ཆགས་དང་བྲལ་བ་ཇི་ལྟར་བཞིན་དུ་དོན་ཐམས་ཅད་མཐོང་བ་ཡང་འདིའི་ཡོད་པ་མ་ཡིན་ནམ། ཇི་ལྟར་ནུས་པ་ཡོངས་གཅོད་པ་ཡིན་སྙམ་དུ་སེམས་པས་ཟེར་བ་ནི། འོན་ཏེ་དེའི་ཐམས་ཅད་ཅེས་བྱ་བའོ། །ལན་ནི་དེ་ནི་མི་རིགས་ཏེ། འདོད་ཆགས ་ལ་སོགས་པ་ཉམས་སུ་མ་མྱོང་ན་ཞེས་བྱ་བའོ། །གཞན་ལ་ཡོད་པའི་འདོད་ཆགས་ལ་སོགས་བཟུང་བྱ་ཉིད་དུ་རིགས་པ་ཡིན་ཏེ། རྗེས་སུ་འཛིན་པ་དང་ཉེ་བར་འཇོམས་པ་བདག་ཉིད་ཀྱིས་ནི་མ་ཡིན་ཏེ། འདི་ནི་རང་གི་རིག་པ་ཡིན་པའི་ཕྱིར། དེ་ཉིད་ཀྱི་ངོ་བོ་རང ་མཚན་ཉིད་ཡིན་གྱི་གཞན་ནི་མ་ཡིན་ནོ། །ཞེས་བྱ་བའི་དོན་ཏོ། །རང་རིག་པ་ཉིད་ཉམས་སུ་མྱོང་བ་ཉིད་ཀྱི་གྲོལ་བ་མ་ཡིན་པར་བསྟན་པ་ནི། ཉམས་སུ་མྱོང་ན་ནི་ཞེས་བྱ་བའོ། །འོན་ཏེ་འདོད་ཆགས་ལ་སོགས་པ་དང་ལྡན་པ་འདི་དབང་ཕྱུག་ཉིད་ལ་སོགས་པ་དང་ལྡན ་པ་ནི་འདོད་ཆགས་དང་བྲལ་བ་མ་ཡིན་སྙམ་དུ་སེམས་པ་ནི། འོན་ཏེ་འདོད་ཆགས་བ་ཞེས་བྱ་བའོ། །གལ་ཏེ་འདོད་ཆགས་ལ་སོགས་པ་དབང་ཕྱུག་ཉིད་ཀྱི་མི་མཐུན་པའི་ཕྱོགས་མ་ཡིན་ན་གཞན་ལ་ཡང་དེའི་གཉེན་པོ་སྟོན་པ་ལ་དོན་མེད་པ་ཡིན ་ནོ། །དེ་ཁོ་ན་བཞིན་དུ་དེ་དང་འབྲེལ་པ་ལ་ཡང་དབང་ཕྱུག་ཉིད་ཡོད་པའི་ཕྱིར་རོ། །ཞེས་ལན་དུ་བརྗོད་པ་ནི། གལ་ཏེ་འདོད་ཆགས་ལ་སོགས་དང་ལྡན་ཡང་ཞེས་བྱ་བ་སྨོས་སོ། །གང་འདོད་ཆགས་པ་དང་ལྡན་པ་དེ་དག་གི་དེ་སྤངས་པ་ཡིན་ན་དབང་ཕྱུག་ཉིད་དུ་འགྱུར་བ ་ཡིན་ལ། མ་སྤངས་ན་ནི་མ་ཡིན་ཏེ། རང་ཉིད་ལས་གྲུབ་པ་མེད་པའི་ཕྱིར་རོ། །རང་ཉིད་ལས་གྲུབ་པ་ཡིན་ན་ནི་འགལ་བ་མེད་དོ་སྙམ་དུ་སེམས་པས། འོན་ཏེ། འདི་ནི་དངོས་པོའི་གནས་ལུགས་ཡིན་ཏེ་ཞེས་བྱ་བ་སྟེ། འདོད་ཆགས་དང་བྲལ་བ་དང་འབྲེལ་བ་ཅན་བདག ་པོར་གྱུར་པ་ལ་སོགས་པ་ཡོན་ཏན་རྣམས་འདོད་ཆགས་དང་བཅས་པ་ལ་ནི་མ་ཡིན་ཏེ། འགལ་བའི་ཕྱིར་རོ་ཞེས་བྱ་བའི་དོན་ཏོ། །ལན་ནི། གལ་ཏེ་དེ་ལྟར་ཆགས་བྲལ་སོགས། ཞེས་བྱ་བ་སྨོས་ཏེ། དེ་ལྟ་ཡིན་ན་དེ་ཡང་འདོད་ཆགས་ལ་སོགས་པ་དང་འགལ ་བ་འདོད་ཆགས་དང་བྲལ་བ་ལ་སོགས་པ་སྒོམ་པ་དང་འབྲེལ་བ་ཅན་དབང་ཕྱུག་ཉིད་ལ་སོགས་པ་རྣམས་ཡིན་ནོ་ཞེས་བྱ་བའི་དོན་ཏོ། །དུ་བ་དང་མེ་དག་གི་བསྐྱེད་བྱ་དུ་བའི་དབྱེ་བ་བཞིན་དུ་གོམས་པས་བསྐྱེད་བྱ་དང་ཅིག་ཤོས་ཐ་དད་པར་འགལ་བ་ཡིན ་ནོ། །ཞེ་ན། འདོད་ཆགས་དང་བྲལ་བ་ལ་སོགས་པ་གཉེན་པོ་ལ་སོགས་པ་ཞེས་བྱ་བ་སྨོས་ཏེ། དང་པོ་གོམས་པ་ལས་བྱུང་བ་ལས་དེ་ལས་གཞན་པ་དེ་ལས་འབྱུང་བ་ཡིན་པ་ནི་མེ་ལས་བྱུང་བའི་དུ་བ་ལས་གཞན་པའི་དུ་བ་བཞིན་དུ་ཞེས་བྱ་བར་ནི་རིགས་སོ ་ཞེས་བྱ་བའི་དོན་ཏོ། འོན་ཏེ་རྣལ་འབྱོར་བའི་ནུས་བ་བསམ་གྱིས་མི་ཁྱབ་པའི་ཕྱིར་འདོད་ཆགས་ལ་སོགས་པ་དང་འབྲེལ་བ་ཡིན་པ་ཡང་ཡོན་ཏན་རྣམས་འབྱུང་བ་ཡང་ཇི་ལྟར་ཡིན། དེ་ལྟ་ཡིན་ན་དེ་དང་འབྲེལ་པ་གཞན་ཡང་དེའི་ནུས་པ་ཉིད་ལས་ཡོན་ཏན ་དེ་རྣམས་སུ་འགྱུར་ལ་དེ་ལས་ང་འདོད་ཆགས་དང་བྲལ་བའི་བསྒོམ་པ་བསྟན་པ་ལ་དགོས་པ་ཅི་ཡོད་སྙམ་དུ་དགོངས་བས། གང་གིས་དབང་ཕྱུག་བསྒྲུབ་པ་དང་ཞེས་བྱ་བ་སྨོས་སོ། །འོན་ཏེ་གཞན་གྱི་འདོད་ཆགས་ལ་སོགས་པ་དང་འགལ་བ་ལས་འདོད་ཆགས་དང་བྲལ་བ ་དང་འབྲེལ་པ་ཅན་གྱི་ཡོན་ཏན་དུ་བྱ་བར་མི་ནུས་ན་ནི་རང་ལ་ཡང་དེ་རྣམས་ཀྱིས་འགལ་བར་བྱེད་པ་ཇི་ལྟར་ནུས་སྙམ་དུ་སེམས་པ་བཞིན་དུ་བསྟན་པ་ནི། འོན་ཏེ་དེ་ལ་ནུས་པ་དེ། མེད་ན་ཞེས་བྱ་བ་སྟེ། གཞན་ཡང་སྟེ། རང་ལ་ཡང་བྱེད་པར་ནུས་པ་ཇི་ལྟར་ཡིན། དེ་དག ་ཙམ་ནི་དེའི་རང་གི་དོན་དང་གཞན་གྱི་དོན་ཕུན་སུམ་ཚོགས་པ་དང་བྲལ་བས་དེའི་སྐྱེས་བུའི་དོན་ཉིད་ཚད་མ་མ་ཡིན་པར་བཤད་ནས། ད་ནི་རྗེས་སུ་འཛིན་པའི་ནུས་པ་ཅན་དེ་ལྟ་བུའི་དབང་ཕྱུག་ལ་སྟེ། གང་ལ་ཚད་མ་མེད་པ་དེ་ཞེས་འབྲུ་མང་པོ་བའི་བསྡུ་བའི་དོན་དུ ་བཤད་བར་བྱེད་པ་ནི། རྗེས་སུ་འཛིན་པའི་ཞེས་བྱ་བ་སྟེ། དེ་ཉིད་རྣམ་པར་དབྱེ་བ་ནི། འདི་ཡང་དོན་ཡིན་ཏེ་ཞེས་བྱ་བ་ལ་སོགས་པས་སོ། །ཞི་བ་བ་དང་ཕྱུགས་བདག་ལ་སོགས་པའི་གྲུབ་མཛའ་ལས། འབྲས་བུར་གྱུར་བ་ལས་བྱེད་པ་པོ་ཀཱ་དམ་པ་ནི་སྙན་ངགས ་པ་ལ་སོགས་པ་བཞིན་དུ་གོ་བ་ཡིན་ལ། དེ་ཡང་དེ་ལྟར་གོ་པ་ནི་གྲུབ་པའི་མཐས་རྗེས་སུ་འཛིན་བར་བྱེད་པ་ཡང་སྲིད་པ་ཡིན་ནོ། །གཞན་དུ་ན་འདི་ཉིད་ཅིའི་ཕྱིར་བྱས་པ་ཡིན། དེ་ལྟར་གནས་བ་ཡིན་ན་གང་དེ་དེ་བཞིན་དུ་མི་བྱེད་པ་དེ་ལ་མི་ནུས་པའི་ཕྱིར་ཞེས ་གོ་བ་ཡིན་ནོ་སྙམ་དུ་སེམས་པ་ནི། འོན་ཏེ་མཉེས་པར་བྱས་པ་ལ་སོགས་པ་ཞེས་བྱ་བའོ། །རྗེས་སུ་འཛིན་པར་བྱེད་པ་དེ་ལྟ་མ་ཡིན་ན་ཞེས་བྱ་བ་ནི་བཤད་པ་ཉིད་མེད་ནའོ། །ལན་ནི། དེས་བཤད་རྗེས་སུ་བསྒྲུབས་པ་ཡིས་ཤེས་བྱ་བ་སྟེ། དེ་བྱེད་པ་ཡིན ་ཡང་རྗེས་སུ་འཛིན་གཞན་བྱེད་པར་ཅི་ལས་ངེས་པ་ཡིན། སྲིད་པ་ལས་ངེས་པ་ཡིན་ནོ་ཞེ་ན། དེ་ལས་བཟློག་བ་ཉིད་དུ་ཅིས་མི་སྲིད་པ་ཡིན་ཏེ། རེ་འགའ་ནི་ཤིན་ཏུ་སླུ་བ་ཁོ་ནའི་དོན་དུ་དེ་ལྟར་བྱེད་པ་ཡིན་ནོ། །འོན་ཏེ་ལུང་ལ་སོགས་པ་ལས་དེ་གོ་བ་ཡིན་ཏེ། ་རྗེས་སུ་འཛིན་པ་གཞན་དུ་བྱེད་པར་འདོད་པས་འདི་བྱེད་པ་ཡིན་གྱི། སླུ་བའི་དོན་དུ་ནི་མ་ཡིན་ནོ་སྙམ་དུ་སེམས་པ་ནི། དེས་བཤད་ཅེས་བྱ་བའོ། །རྗེས་སུ་འཛིན་པ་གཞན་བྱེད་པར་འགྱུར་ཞེས་བྱ་བའི་ཚིག་ཀྱང་མངོན་སུམ་ལ་སོགས་པའི་རྗེས་སུ ་འཛིན་པ་མེད་ན། དེ་གྲུབ་པ་པོ་ཉིད་སྒྲུབ་པར་བྱེད་པ་མ་ཡིན་ཞེས་ལན་དུ་བརྗོད་པ་ནི། དེ་ལྟ་ན་ཕན་ཚུན་བརྟེན་པར་འགྱུར་ཞེས་བྱ་བའོ། །དེ་ཉིད་བསལ་བར་བྱེད་པ་ནི། དེས་བཤད་ཕྱིར་དེ་ལུང་ཡིན་ལ་ཞེས་བྱ་བ་སྟེ། རྗེས་སུ་འཛིན་པའི་བྱེད་པ་པོ་ཉིད་ཀྱི་ཚིག་ཚད ་མ་ཡིན་པ་ནི། དེས་བཤད་པ་ལ་ངེས་བ་ཅན་དུ་དེ་བྱེད་པ་པོ་ཉིད་ཀྱིས་བྱས་པ་ཁོ་ན་ཡིན་པའི་ཕྱིར་ངས་པ་ཡིན་གྱི་གཞན་དུ་ནི་མ་ཡིན་ནོ་ཞེས་བྱ་བའི་དོན་ཏོ། །དེ་ལྟར་ན་འབྲས་བུ་མི་དམིགས་པ་བསྟན་པ་ཡིན་ནོ། །རྒྱུ་མི་དམིགས་པ་བསྟན་པ་ནི། དེའི་ནུས ་པ་འདི་འདྲ་སྟེ་ཞེས་བྱ་སྟེ། ཐམས་ཅད་རྗེས་སུ་འཛིན་པ་ཉིད་དང། ཐམས་ཅད་མཁྱེན་པ་ཉིད་ཀྱི་ངོ་བོའོ། །ཡུལ་དང་དུས་དང་རྣམ་པ་ལ་ངེས་པའི་ངོ་བོ་རྒྱུན་ཅན་མ་ཡིན་པར་ནི་མི་དམིགས་སོ། །སྔ་མ་སྔ་མའི་རྒྱུད་དུ་བྱུང་བ་ཙམ་ཞེས་བྱ་བ་ནི་སྣང་བཞིན་པ ་མ་ཡིན་པ་རྟོགས་པ་མ་ཡིན་ཏེ། ཐལ་ཆེས་པའི་ཕྱིར་རོ། །ཞེས་བྱ་བའི་དོན་ཏོ། །སྦྱིན་པ་ལ་སོགས་པའི་ཐབས་ལ་གོམས་པའི་རྒྱུ་ལས་འབྲས་བུ་འབྱུང་བ་ནི་ཁོ་བོ་ཅག་གི་ནི་མ་ཡིན་ཏེ། རྒྱུ་མེད་པའི་ཕྱིར་རོ། །ཞེས་བསྟན་པ་ནི། དེ་ཡི་ཐམས་ཅད་མཐོང་བ ་དང། རྗེས་སུ་འཛིན་ཅེས་བྱ་བའོ། །ཇི་ལྟར་རྒྱུ་མཐོང་བ་ལས་འབྲས་བུ་སྲིད་བ་དེ་བཞིན་དུ། ངེས་བ་ཅན་མེ་ལ་སོགས་པའི་རང་བཞིན་མཐོང་བ་ལས་ཀྱང། དེའི་རང་བཞིན་གཞན་སྲིད་བར་མཐོང་བ་ཁོ་ན་ཡིན་ནོ་སྙམ་དུ་སེམས་བ་ནི། འདིར་དེ་ལྟ་བུ་བྱུང་བའི ་དངོས་པོའོ། །ཞེས་བྱ་བའོ། །ལན་ནི། གལ་ཏེ་རང་བཞིན་མངོན་སུམ་དུ་ཞེས་བྱ་བ་སྟེ། དེས་པའི་རང་བཞིན་མཐོང་བ་ལས་གཞན་ཡང་དེས་པ་ཅན་གྱི་རང་བཞིན་ཙམ་གང་ཅུང་ཟད་ཅེས་བྱ་བར་འགྱུར་ལ། དེ་ཡང་ཐམས་ཅད་མཐོང་བ་དང། རྗེས་སུ་འཛིན་པའི ་ངོ་བོ་དང། ཅིག་ཤོས་ཞེས་བྱ་བར་ཅི་ལས་ངེས་པ་ཡིན། དེས་པ་ཡིན་ན་འདི་ལ་དངོས་པོའི་རང་བཞིན་ཉིད་ཅེས་བྱ་བ་ལ་སོགས་པ་ལན་ཡིན་ལ། མ་ངེས?་པ་ལ་ནི་མ་ཡིན་ནོ། །གལ་ཏེ་མཐོང་བའི་ཡུལ་ལའང་འདི་ཇི་ལྟར་ལེན་ཡིན། གལ་ཏེ་མཐོང་བ་ཉིད་ཀྱིས་སྲེག་པར ་བྱེད་པ་ཡིན་ན། འབྱུང་བ་ཉིད་ཀྱང་མཐོང་བ་ཡིན་པའི་ཕྱིར། དངོས་པོ་དེས་ཀྱང་སྲེག་པར་འགྱུར་རོ། །དེའི་ཕྱིར་ནམ་མཁའ་ཡང་སྲེག་བྱེད་འགྱུར་བའི་ཕྱིར། མཐོང་བ་ཉིད་ནི་མ་ངེས་པ་ཅན་ཡིན་ནོ། །དེའི་ཕྱིར་ངེས་པའི་ངོ་བོས་སྲེག་བྱེད་ཡིན་པར་ནི་རིགས་ལ། དེ་ནི་མཐོང ་བ་དང་མ་མཐོང་བ་ལ་ཡང་བྱེ་བྲག་མེད་དོ་སྙམ་དུ་སེམས་པ་ནི། གལ་ཏེ་འབྱུང་བ་ཉིད་ཀྱིས་ཞེས་བྱ་བའོ། །ངེས་པ་ཅན་ནི་མཐོང་བ་ན་དེ་ལྟ་བུ་ཡིན་ནོ། །ཞེས་སྨྲ་བར་ནུས་པ་ཡིན་ན། མ་མཐོང་བ་ལས་ཇི་ལྟར་ཡིན་ལན་ནི་མི་མཚུངས་ཏེ། མེ་ནི་མཐོང་བའི་ཕྱིར་དང། ཞེས་བྱ ་བ་སྟེ། མ་མཐོང་བ་ལ་དེ་ལྟར་སྨྲ་བ་ཡིན་ན་ནི་ཐལ་ཆེས་པར་བསྟན་པ་ནི། བདག་ཉིད་མངོན་འདོད་འགའ་ཞིག་ཅེས་བྱ་བའོ། །ཇི་ལྟར་རྟག་པ་ཚད་མ་ཡིན་པར་ཚད་མས་རྟོགས་པ་མ་ཡིན་པ་དེ་བཞིན་དུ། ཁྱེད་ཀྱི་འདོད་པའི་མི་རྟག་ཡང་ཡིན་ཏེ། གང་གི་ཕྱིར་ཕན་བྱེད་མི ་ཕན་བྱ་སློབ་མ་བཞིན་དུ་མི་རྟག་པའི་ཕན་པར་མི་འགྱུར་བ་ཡིན་ཏེ། གཞན་དུ་ན་མི་རྟག་པ་ཉིད་དུ་མི་རིགས་པའི་ཕྱིར། རྟག་པ་ཡང་མཉེས་པ་ལ་ལྟོས་ནས་རྗེས་སུ་བྱེད་པ་ཡིན་ན་ནི། མཉེས་པས་རྗེས་སུ་བྱ་བ་དང་མ་མཉེས་པས་སླར་གནོད་པར་བྱ་བ་ཡང་མ ་ཡིན་ཏེ། འགའ་ཞིག་ནི་དེ་ནི་དེ་ཡོད་ན་ཕན་པ་བྱེད་པ་འམ། གནོད་པ་བྱེད་པ་ཡིན་སྙམ་དུ་སེམས་པ་ན། རྣམ་འགས་ཕན་གདགས་བྱ་མིན་ཕྱིར་ཞེས་བྱ་བ་སྨོས་ཏེ། མི་རྟག་པ་ལ་འང་ཚད་མ་མེད་ཉིད་ཅེས་གང་བསྟན་པ་དེ་ལ། མིན་ཞེས་བྱ་བ་དང་སྦྱོར་ཏེ། མི ་རྟག་པ་ཡང་རྒྱུའི་དབང་གིས་འབྱུང་བ་ཡིན་ན། འུ་བུ་ཅག་ལ་སོགས་པའི་ཕན་པ་བྱེད་པ་ཡིན་པའི་ཕྱིར། མངོན་སུམ་བཞིན་དུ་ཚད་མ་ཡིན་ནོ། །ཞེས་བྱ་བའི་དོན་ཏོ། །ཡང་ན་རྟག་པ་ཚད་མ་མ་ཡིན་ཏེ། མ་རྟོགས་པའི་ཕྱིར་རོ། །མི་རྟག་པ་ཡང་ཚད་མ ་ཡིན་ཏེ། ཕན་བྱ་མ་ཡིན་པའི་ཕྱིར་རོ། །འབྲས་བུ་ལ་སོགས་པ་ཉིད་ནི་སྔ་ན་མེད་པ་མངོན་སུམ་དུ་མཐོང་བར་རང་ཙམ་རིག་པས་མ་རིགས་པའི་ཕྱིར་རོ། །འོན་ཏེ་ཡང། དོན་འདི་ལ་ལུང་ནི་སྐད་ཅིག་མ་ལས་སམ། སྐད་ཅིག་མ་མ་ཡིན་པ ་ལས་ཀྱང་ཚད་མ་མ་ཡིན་པར་བསྟན་པ་ནི། རྣམ་འགས་ཕན་གདགས་བྱ་མིན་ཕྱིར་ཞེས་བྱ་བའོ། །ཡང་ན་ཇི་ལྟར་རྟག་པ་མ་རྟོགས་པའི་ཕྱིར། ཚད་མ་མ་ཡིན་པ་དེ་བཞིན་དུ་མི་རྟག་པ་ནི་ཉན་ཐོས་དང་རང་སངས་རྒྱས་ཀྱི་ཚུལ་ལ་ཚད་མར་གྲུབ་པ་ཡིན་ཡང། ་ཁོ་བོ་ཅག་གི་ཚད་མ་ཡིན་ཏེ། ཕན་པ་བྱེད་པ་མ་ཡིན་པའི་ཕྱིར་རོ། །དེ་ནི་བླ་ན་མེད་པའི་ཆོས་སྟོན་པའི་སྒོ་ནས་བདག་ཅག་ལ་ཕན་པ་བྱེད་པ་མ་ཡིན་ཏེ། རང་གི་བདག་ཉིད་ཙམ་གདུལ་བར་བྱེད་པ་ཡིན་ནོ། །ཞེས་བསྟན་པ་ནི། རྣམ་འགས་ཕན་གདགས་བྱ་མིན ་ཕྱིར་ཞེས་བྱ་བ་སྟེ། བླ་ན་མེད་པའི་ཆོས་བསྟན་པས་བདག་ཅག་ལ་སོགས་པ་ལ་ཕན་གདགས་པར་བྱ་བ་འདི་ལ་མེད་ཅེས་བྱ་བ་ནི། ཕན་གདགས་བྱ་བ་མིན་པ་སྟེ། དེའི་ངོ་བོ་ནི་དེ་ཉིད་དེ། དེའི་ཕྱིར་རོ། །རིག་བྱེད་ཀྱི་མཛའ་རིག་པ་བ་རྣམས་དང། ཇི་སྲིད་འཚོ་བ་ལ ་སོགས་པ་རྣམས་ཀྱི་མངོན་པར་འདོད་པའི་ཚད་མ་ཡང་རིགས་པ་འདི་ཉིད་ཀྱིས་བསལ་བ་ཡིན་པར་རིག་པར་བྱའོ། །དེ་ལྟ་མོད་ཀྱི་རེ་ཞིག་བདག་དམ་པ་གཅིག་པོ་ནི་ཐམས་ཅད་ཤེས་པ་དང་བྱེད་པ་པོ་ཡིན་ལ། འུ་བུ་ཅག་རྣམས་ཀྱི་བདག་ནི་དེའི་ཕྱོགས་གཅིག་གི ་རང་བཞིན་ཡིན་ལ། མ་རིག་པ་རྣམ་པར་གཅོད་པས་ནམ་མཁའ་ལ་བུམ་པ་ལ་སོགས་པས་རྣམ་པར་གཅོད་པ་བཞིན་དུ་རྟོག་པ་ཡིན་ནོ། །དེ་ལས་རྣམ་པར་གཅོད་པའི་ཡོད་པ་དང་མེད་པ་དག་གིས་བཅིངས་པ་དང། གྲོལ་བ་དང་རྟག་པ་དང་མི་རྟག་པ་ལ་སོགས་པ ་རྣམ་པར་གཞག་པ་ཡིན་ཏེ། གནས་སྐབས་ཐ་དད་པས་གནས་སྐབས་ཅན་དུ་ཡོད་པའི་ངོ་བོ་ཐ་དད་པ་ནི་མ་ཡིན་ཏེ། ཐམས་ཅད་དུ་གཅིག་པའི་ངོ་བོ་ཉིད་ཡིན་པའི་ཕྱིར། དེ་ཁོ་ན་ཉིད་ཡིན་ཏེ། དེའི་ངོ་བོ་འཛིན་པ་ལ་མ་འཁྲུལ་བའི་ཕྱིར་རོ། །བུམ་པ་འཛིན་བ་བཞིན ་དུ་དེའི་འཛིན་པ་ཡང་སྣམ་བུ་འགེགས་པ་མ་ཡིན་ཏེ། མ་འཁྲུལ་བ་ཅན་ཉིད་ཚད་མ་མ་ཡིན་ནོ། །དེ་ཡང། མེད་བའི་དངོས་པོ་ཡོད་པ་མིན། ཡོད་པའི་དངོས་པོ་མེད་པ་མིན་ཞེས་སྨོས་ཏེ། མེད་པ་བུམ་པ་ལ་སོགས་པའི་ཡོད་པ་ནི་མེད་དེ། རྨི་ལམ་བཞིན་དུ་འཁྲུལ་པ་ཡིན ་པའི་ཕྱིར་རོ། །ཡོད་པ་སྟེ་ཡོད་པའི་ངོ་བོ་མེད་པ་ནི་མེད་དེ། མ་འཁྲུལ་བ་ཡིན་པའི་ཕྱིར་རོ། །ཞེས་བྱ་བའི་དོན་ཏོ། འདི་ཉིད་དང། ཅིག་ཤོས་ཀྱི་ངོ་བོ་ཉེ་བར་སྟོན་པ་ཡིན་པར་བསྟན་པ་ནི། འབྱུང་པོ་རྣམས་ཀྱི་མཚན་མོ་གང། དེ་ནི་ལེགས་གདམས་རབ་སད་ཡིན་ཏེ། ཡོད་པའི་ངོ་བོ་ལ ་ཞེས་བྱ་བའི་དོན་ཏོ། །འབྱུང་པོ་རྣམས་ཀྱི་རབ་སད་གང། དེ་ནི་ཐུབ་པས་མཚན་མོར་མཐོང་སྟེ། བུམ་པ་ལ་སོགས་པའི་དབྱེ་བའི་སྤྲོས་པ་ཞེས་བྱ་བའི་དོན་ཏོ། །གཞན་དག་ན་རེ་བདག་དམ་པ་རྟག་པ་ལས་བདག་ཅག་ལ་སོགས་པའི་བདག་ནི་སྤྲོས་པ་ཡིན་ཏེ། ལྕགས་ཀྱི ་གོང་བུ་ལས་འཕྲོས་བ་བཞིན་དུ་སྐྱེ་བ་ཡིན་ནོ། །དེས་ན་རྟག་པ་དང་མི་རྟག་པ་ལ་སོགས་པ་རྣམ་པར་གཞག་པ་ཡིན་ཞེས་ཚངས་པ་རིག་པ་པོ་རྣམས་སོ། །ངོ་ཚ་མེད་པ་པ་རྣམས་ནི་སྲོག་ཅིག་ཁོ་ན་རིམ་པ་དང་རིམ་པ་མ་ཡིན་པ་འབྱུང་བས་དངོས་པོ་སྣ་ཚོགས་པ་རྟོགས ་པ་གནས་སྐབས་ཅན་ནི། ཁྱད་པར་གྱི་དབྱེ་བས་འབྱེད་པ་ན། རྟག་པ་ཡང་རྣམ་པ་འགས་མི་རྟག་པ་ཡང་ཡིན་ཞེས་རྣམ་པར་བཞག་པར་བྱེད་པ་ཡིན་ཏེ། དཔེར་ན་ཡི་གེ་ག་དང་ཨཽ་དང་ཚེག་དྲུག་རྣམས་ཀྱང་རང་ཉིད་རྟག་པ་དང། རིམ་པ་མེད་པ་ཡིན་ཡང། རྐན་ལ་སོགས་པ ་རྣམས་དང། དེ་ལ་མངོན་པར་གསལ་བའི་སྐད་གདངས་རྣམས་ཀྱི་མངོན་མར་གསལ་བ་ཡིན་པ་ནི་རང་ཉིད་རྟག་པ་དང་རིམ་པས་མི་རྟག་པ་ནི་ཚད་མ་ཡིན་ལ། གང་གི་ཕྱིར་རིམ་པ་མེད་ན་དེ་རྣམས་རྗོད་བྱེད་མ་ཡིན་ཏེ། དེ་ལ་བལྟོས་པ་མེད་པ་ཡིན་ན། རས་ལས་ར? ་ས་བཞིན་དུ་བྱེ་བྲག་མི་ཤེས་པའི་ཕྱིར་རོ། །ཡི་གེ་ཁོ་ན་རིམ་པ་དང་ལྡན་པ་ཡིན་གྱི་གཞན་དུ་ནི་མ་ཡིན་ནོ། །ཞེ་ན་མ་ཡིན་ཏེ། དེ་མེད་ཀྱང་ཡི་གེ་ག་ལ་སོགས་པ་ངོ་ཤེས་པའི་ཕྱིར་རོ། །རིམ་པ་ནི་གསལ་བའི་ངོ་བོ་བཞིན་དུ་དེ་ཉིད་གསལ་བྱེད་ཀྱི་རྗེས་སུ་འབྲངས་པར ་བྱེད་པར་མི་ནུས་ཏེ། དེ་ལོག་ན་ལྡོག་པའི་ཕྱིར་རོ། །འདས་པ་ཉིད་ནི་ངོ་ཤེས་པ་ལས་ཡིན་པར་མི་རིགས་སོ། །ཤི་བ་ཡང་ཚོགས་པ་ཡོད་ན་འགྱུར་བ་ཡིན་ལ། མེ་པོ་ལ་སོགས་པ་ལ་ནི་ཚོགས་མེད་པ་ཡིན་ནོ་ཞེ་ན། མ་ཡིན་ཏེ། དེ་ཉིད་ལ་འཆི ་བས་གནད་པར་བྱས་པའི་ཕྱིར་ངོ་ཤེས་པ་ལས་དེ་དང་གཅིག་པ་ཉིད་དུ་ནི། རྐན་ལ་སོགས་པའི་ཚོགས་པ་དང། དེ་དང་གཅིག་པར་བྱེད་པའི་དོན་དུ་ཡང་རྣམ་པར་གནས་ཏེ། དེ་དང་དོན་གཅིག་པར་བྱེད་པ་ལ་སོགས་པའི་ཡུལ་ལ་ངོ་ཤེས་པའི་ཐ་སྙད ་དུ་བརྗོད་པ་ཡིན་ལ། འདི་ཉིད་ཀྱིས་སྟེང་གཡོགས་དང་ཁང་ཁྱིམ་ཡང་བཤད་པ་ཡིན་ཏེ། ཞིག་བ་བཞིན་དུ་ཡང་དང་ཡང་དུ་ཕུབ་པའི་ཁང་ཁྱིམ་ནི། བྱས་པ་རེ་རེ་ཞིང་གཞན་ཡིན་ཡང། དེ་ཚོགས་པ་གཅིག་པ་ལ་སོགས་པའི་ཡུལ་དུ་ངོ་ཤེས་པ་ལས་གཅིག ་པར་སྨྲ་བ་ཡིན་ལ། དེས་ན་འདི་ནི་ཐ་སྙད་ལས། ཐེར་ཟུག་མིན་པ་འདི་རྟག་པར་འགྱུར། རིམ་བཞིན་བྱེད་བཞིན་བ་ཡང་གངས་སུ་ཡང་རུང་བས་བྱེད་པ་མ་ཡིན་ཏེ། འོ་ན་ཅི་ཞེ་ན། རྒན་པོས་ཇི་ལྟར་མཐོང་བ་ཡིན་ནོ། །ཞིག་པ་ཇི་ལྟར་བྱེད་པ་ཡིན་འདྲ་བའི་ཚོགས་པ ་ལས་དེ་ཡིན་པ་ལ་སྐྱོན་མེད་དོ། །སྨྲ་པོ་འགའ་ཡང་རང་དབང་དུ། །རིམ་པ་བྱེད་པ་མ་ཡིན་ཏེ། །གཞན་གྱིས་ཇི་ལྟར་འདི་བརྗོད་པ། །དེ་ལྟ་ཉིད་དུ་འདི་བརྗོད་བྱེད། ཡི་གེ་ལ་ཡང་ངོ་ཤེས་པ་ནི་དེ་དང་ཚོགས་པ་གཅིག་བའི་ཡུལ་མ་ཡིན་ནམ། དེ་དང་དོན་གཅིག་བར ་བྱེད་པའི་ཡུལ་ལ་ཡང་ཅིའི་ཕྱིར་མ་ཡིན། དེ་ལ་རྐན་ལ་སོགས་པའི་ཚོགས་པ་དང། དེའི་དོན་བྱེད་པ་མེད་པ་མ་ཡིན་ནོ། །བདེན་ཏེ། གཅིག་པ་ཉིད་མེད་པ་ཡིན་ན། ངོ་ཤེས་བ་ནི་ཚོགས་པ་ལ་སོགས་པའི་ཡུལ་དང། རིགས་ལ་སོགས་པའི་ཡུལ་ལ་རྣམ་པར ་གནས་པ་ཡིན་ལ། རིམ་པ་དང་ལྡན་པའི་ཡི་གེ་རྣམས་ལ་ནི་གཅིག་པ་ཉིད་མི་སྲིད་པ་མ་ཡིན་ཏེ། ཚིག་གཞན་ལ་ཡང་དེ་ཁོ་ན་བཞིན་དུ་ངོ་ཤེས་པའི་ཕྱིར་རོ། །རིམ་པ་ལ་ནི་དེ་ལྟ་བུ་མི་སྲིད་པ་ཡིན་ཏེ། གཞན་གྱིས་སྨྲས་པ་བདག་སྨྲ་ཞེས། །བརྗོད་འདོད་འདི ་འདྲ་ལས་སྨྲ་ན། །དེས་ན་རྟག་པ་ཉིད་དུ་ལྟུང། །རྒྱུ་མཚན་གཞན་ནི་ཁྱོད་ལ་མེད། །ཚོགས་པ་ལ་སོགས་མཚན་མ་གཞན་ནི་བརྟག་པར་བྱ་བ་མ་ཡིན་ཏེ། གཅིག་པོ་ཉིད་ཡིན་པའི་ཕྱིར་ཞེས་བྱ་བའི་དོན་ཏོ། །དུས་ཀྱི་ཆོས་ཡིན་པའི་རིམ་པ་ལ་ནི་ཡི་གེ་རྣམས་རྟའི ་བད་མི་ལ་མེད་པ་བཞིན་དུ་ཕན་འདོགས་པར་བྱེད་པ་མེད་པ་ཡིན་ཏེ། གཅིག་ལ་གཅིག་བརྟེན་པའི་ཕྱིར། དུས་ཀྱི་རིམ་པ་ལས་དེའི་རིམ་པ་ཡིན་པ་དང། དེ་ལས་ཀྱང་དུས་ཀྱི་རིམ་པར་འདོད་པ་མ་ཡིན་ཏེ། དངོས་རྣམས་ཀྱི་རིམ་པ་མེད་ན་དུས་ཀྱི་རིམ་པ་མེད་པ་ཡིན་ཏེ། རང ་ལས་དེའི་རིམ་པ་མ་ཡིན་པའི་ཕྱིར་རོ། །དེས་ན་རྟའི་བད་བཞིན་གཞན་གྱི་ནི། ཆོས་ལ་འང་ཡན་ལག་ཉིད་དུ་བརྗོད་ཅེས་བྱ་བ་འདི་ཡང་གསལ་བ་ཡིན་ནོ། །གཞན་གྱི་ཆོས་ལ་ཡང་ནི་དུས་ཀྱི་ཆོས་ལ་ཡང་ངོ། །དངོས་པོ་གང་དག་ཁོ་ན་རིམ་པ་དང་ལྡན་པ་འམ། གཞན་ནི་དུས་ཡིན་ནོ། ་ཉིན་ཞག་ལ་བྱས་པ་དང་མྱུར་དུ་བྱས་པ་ཞེས་བྱ་བའི་བྱ་བ་དང། བྱས་པ་ལས་གཞན་ཡིན་པར་རྟོགས་པ་ཡིན་ནོ། །བྱ་བ་རག་པ་ཉིད་ནི་མྱུར་བ་མ་ཡིན་ཏེ། དེའི་ཤེས་པ་དང་མི་མཐུན་པའི་ཕྱིར་རོ། །བྱ་བ་ཁ་ཅིག་ཉིད་ལ་མྱུར་བ་ཞེས་བརྗོད་ཀྱི། མ་མཐོང་བ་ནི་བརྟག་བྱ་མ ་ཡིན་ཏེ། བྱེ་བྲག་ཉིད་དུ་མི་རིགས་པའི་ཕྱིར་རོ། །ཁྱད་པར་མ་བཟུང་ན་ཁྱད་པར་ཅན་ལ་བློ་མི་སྐྱེ་སྟེ། རང་གི་ཤེས་པས་གཞན་ལ་རྒོད་པར་བྱེད་པ་ནི་ཁྱད་པར་ཞེས་བྱ་བ་ཡིན་ནོ། །བ་ཞེས་ཙམ་དུ་འདུག་ཅེས་བྱ་བའི་བྱ་བ་ཉིད་བྱ་བ་གཞན་ཡོངས་སུ་སྤྱོད་པ་ཙམ་དུ་སྣང ་ངོ། །ཞེས་དེ་ལྟར་ཡང་བརྟག་པར་མི་བྱའོ། །དེ་བཞིན་དུ་གཅིག་དམིགས་བྱ་ཡིན་ན། གཞན་དམིགས་ནས་ཞིག་པ་ནི་འདས་པ་ཡིན་ལ་རྒྱུའི་ཚོགས་པ་ཅན་མཐོང་བ་ལས་མཐོང་བ་ནི་མ་འོངས་པ་ཡིན་ཞིང། ཉེ་བར་དམིགས་བཞིན་བ་ནི་ད་ལྟར་བ་ཡིན་པའི་ཕྱིར། དངོས་པོ ་ཉིད་དུས་སུ་བརྗོད་པར་བྱ་བ་ཡིན་ནོ། །གཞན་ཁྱབ་བདག་རིམ་པ་མ་ཡིན་པ་ནི་འདས་པ་ཉིད་ལ་སོགས་པ་ཡིན་པ་མི་སྲིད་དོ། །དེའི་ཕྱིར་ཡི་གེ་རིམ་པ་དང་ལྡན་པ་གསལ་བཞིན་བ་རྣམས་ཁོ་ན་བརྗོད་བྱེད་ཡིན་ཏེ། སྐྱེས་བུ་སྐྱོན་ཅན་རྗེས་སུ་ཞུགས་པས་གཞན་དུ་བྱེད་པ ་ཡང་མ་ཡིན་ཏེ། རིམ་པ་སྔ་མ་སྔ་མའི་རྗེས་སུ་འབྲངས་པའི་ཕྱིར་རོ། །འདི་ཡིས་རྟོགས་པར་བྱེད་བཞིན་བའང། ཡི་གེ་དེ་རྣམས་རིམ་པ་ཡི། །རྟོགས་བྱེད་མ་ཡིན་འདྲ་མིན་ཏེ། །སྔར་གྲུབ་ཡོངས་སུ་འཛིན་ཕྱིར་རོ། །མི་རྟག་པའི་རིམ་པ་དང་ལྡན་པའི་མི ་རྟག་པའི་ཡི་གེ་རྣམས་རྗོད་བྱེད་ཡིན་ཞེས་བྱ་བའི་དོན་ཏོ། །དངོས་པོའི་བདག་ཉིད་ཐམས་ཅད་ཁོ་ན་རྣམ་པ་འགས་ནི། འཇིག་པ་ཡིན་ལ། རྣམ་པ་འགས་ནི་གནས་པ་ཡིན་པའི་ཕྱིར། གཏན་ཞིག་པ་མ་ཡིན་ནོ། །ཁ་ཅིག་ཏུ་ཡོད་པ་འདི་ནི་བརྟགས་པ་ཡིན་པར་བརྗོད་དོ། །ཁ ་ཅིག་ཏུ་ཡོད་པ་འདི་ནི་བརྟགས་པ་མ་ཡིན་པར་བརྗོད་དོ། །གལ་ཏེ་སྐྱེ་བ་ཅན་ཡིན་ན། །མི་རྟག་ཉིད་དང་འཇིག་ཉིད་བརྗོད། །བྱེ་བྲག་ཅན་དུ་མ་གྲུབ་པས། །དེ་ཕྱིར་འདི་ལས་མི་མཐུན་འགྱུར། །འོན་ཏེ་སྒྲ་ནི་སྔ་མའི་གནས་སྐབས་ལས་རྣམ་པ་གང་གིས་ཀྱང་གཞན་དུ་འགྱུར ་པ་ཡིན་ན། དེ་ལས་གྲུབ་པ་ལ་སྒྲུབ་པ་ཡིན་ཏེ། མངོན་པར་གསལ་བ་ཡིན་པའི་གནས་སྐབས་ལས། མངོན་པར་གསལ་བའི་གནས་སྐབས་སུ་རྣམ་པ་འགས་མི་རྟག་པ་ཉིད་དུ་ཁས་བླངས་པའི་ཕྱིར། ཞེས་བྱ་བའི་ཕྱོགས་གཞན་གྱི་རྣམ་པར་རྟོག་པ་ཡིན་པར་བསྟན་ཏོ།། ་ཇི་ལྟར་རྣམ་འགར་འདོད་ཡིན་ན། །མི་རྟག་པ་ནི་བརྗོད་བྱ་ཉིད། །མངོན་པར་གསལ་མིན་གནས་སྐབས་ལས། །དེ་ནི་གསལ་བའི་བདག་ཉིད་འདོད། །དེ་ཡང་གསལ་བ་འདི་མཐོང་བ་དང་རྗོད་པར་ཡང་བསྟན་པ་ཡིན་ལ། དེ་ཡང་དོན་གྱི་ཤེས་པའི་ཡན་ལག་ཡིན་པའི་ཕྱིར ་གཞན་གྱི་དོན་དུ་རྟག་པ་ཉིད་དུ་སྒྲུབ་པར་བྱེད་ཅིང་མི་རྟག་པ་ཉིད་དུ་དམ་འཆའ་བ་གནོད་པར་བྱེད་པ་ཡིན་ནོ། །མི་རྟག་པའི་ཕྱོགས་ལ་ནི་རང་གི་དོན་དུ་སྨྲ་བའི་ནུས་པ་མེད་དེ། འབྲེལ་པ་ལས་ལྟོས་པ་ཡིན་པའི་ཕྱིར་རོ། །ཞེས་བྱ་བས་རང་གི་ཚིག་དང་ཁས་བླངས་པ་དང ་འགལ་བར་སྨྲས་པ་ཡིན་ནོ། །དེས་ན་དོན་གྱི་ཤེས་ཐོབ་ཕྱིར། །རྟག་པས་མི་རྟག་ལ་གནོད་ཡིན། །དོན་རྗོད་པ་ཡིས་ཤུགས་ཀྱིས་ནི། །ཁས་བླངས་པ་ནི་སྒྲུབ་པར་བྱེད། །དང་པོར་ཁས་བླངས་པ་ཡིས་ཏེ། །མི་རྟག་ཉིད་ལ་གནོད་པར་བྱེད། །རྣམ་འཇིག་ཉིད་དུ ་སྒྲ་གང་གིས། །སྒྲུབ་པར་བྱེད་པ་སྨྲ་དགོས་ཏེ། །ཡོན་ཏན་གསུམ་འདི་འམ་གང་ཟག་གམ། ཡང་ན་ནམ་མཁའ་ཨི་ཡོན་ཏན་ནམ། ཡིག་ལས་གཞན་བའམ་དེ་བདག་ཉིད། །རླུང་གིས་དངོས་སམ་མི་བརྗོད་པའམ། །ཚིག་དག་བདག་ཉིད་གསལ་བྱེད་པ་འམ། །འདྲ་བའི་དངོས་པོ་ས་མི ་ལྡོག་པ་འམ། །ཞེས་གང་སྨྲས་པ་དེ་རྣམས་ཡིན་ན་ནི་སྒྲུབ་བྱ་ཉིད་གྲུབ་པ་དང། གཞི་ཁོ་བོ་ལ་མ་གྲུབ་པའི་གཏན་ཚིགས་སུ་འགྱུར་རོ། །ཁོ་བོ་ཅག་འདོད་པའི་སྒྲའི་ཆོས་འདི་དེ་བཞིན་དུ་ཁྱེད་ཀྱིས་ཁས་བླངས་པ་ཁོ་ན་ཡིན་ནོ། །ཞེས་བྱ་བ་ལ་སོགས་པའི་སུན་འདོན ་བྱེད་བ་དེ་ནི་རྩེད་མོ་ཙམ་ཡིན་ཏེ། འཇིག་རྟེན་ལ་གྲགས་པའི་ཆོས་དང། ཆོས་ཅན་དཔེ་ཁས་བླངས་པ་ཙམ་གྱིས་ཐ་སྙད་མཐུན་པ་ནི་གཞན་དུ་མི་གྲུབ་པའི་ཕྱིར་རོ། །གོང་བུ་རྣམས་ཉིད་ཁོ་ན་འཇིག་རྟེན་ན་སྒྲའི་བརྗོད་བྱ་ཡིན་ཏེ། རྟོག་པ་དང་ལྡན་པ་འཇུག་དོན་བྱེད་པར་ནུས ་པ་ལ་གནས་པའི་ཕྱིར་རོ། །ཇི་ལྟར་དེ་ལ་གནས་པ་ཡིན་ཞེ་ན། རྟོག་གེ་པ་རྣམས་དཔྱོད་པར་བྱེད་པ་ཡིན་པས་སྨྲ་བ་ནི། སྤྱི་ཡིས་ཞེས་བྱ་བ་སྟེ། བསྟན་བཅོས་ལ་གྲགས་པའི་ཆོས་ཁས་བླངས་པས་ཐ་སྙད་འགའ་ཡང་འགྲུབ་པ་མ་ཡིན་ནོ། །དེ་ཉིད་བསྟན་པ་ནི། རང་ཉིད ་ཅེས་བྱ་བ་ནི་བསྟན་བཅོས་ལ་ལྟོས་པ་མ་ཡིན་པར་ཁས་ལེན་པར་སྟོན་པར་བྱེད་པ་ཡིན་ནོ། །ཞེས་གསུངས་པའོ། །དེའི་ཕྱིར་གོང་བུའི་སྒྲའི་ཚིག་གིས་ནི་བརྗོད་པར་ནུས་པ་མ་ཡིན་ནོ། །ཞེས་བྱ་བ་དེ་ནི་མི་རིགས་ཏེ། ཐམས་ཅད་ཀྱི་གོའི་སྒྲ་ཅིག་ཅར་བརྗོད་པ་ན། བ་ལང ་ཐམས་ཅད་ཤེས་པས་རྟོགས་པའི་ཕྱིར་རྣམ་པ་བརྗོད་པ་ཉིད་ཡིན་གྱི་མི་རྟག་པ་བརྗོད་པས་ཞིག་པ་ནི། རྣམ་པས་འབྲེལ་པར་བྱ་བར་མི་ནུས་ཏེ། རྣམ་པའི་བྱེ་བྲག་ལ་ངེས་པར་རྟོག་པའི་དུས་ཀྱི་བར་དུ་མི་གནས་པའི་ཕྱིར་རོ། །ས་ཡི་རྫས་ཀྱི་ཡོད་ལ་སོགས། །འཇུག་མ ་ཉིད་སོགས་འདུས་ཕྱིར་དང། །རབ་ཏུ་སྦྱོར་བ་མང་པའི་ཕྱིར། །བ་ལང་ཉིད་དུ་ངེས་གཟུང་མིན། །འདིར་མི་རྟག་པ་ལ་སྒྲ་ནི་མཐོང་བས་ཞིག་པའི་ཕྱིར། འབྲེལ་བར་བྱ་བས་མི་ནུས་ཞེས་བྱ་བའི་ཚིག། རྟག་བ་ལ་ནུས་པ་ཡིན་ནོ། །ཞེས་བྱ་བར་ཤེས་པ་ཡིན་ཏེ། མིག་གཡོན ་པས་མཐོང་བ་བཀག་པ་ཡིན་ན། མིག་གཡས་པ་ཡིན་པར་སྒྲུབ་པར་ཤེས་པ་ལྟ་བུའོ། །མི་རྟག་པ་ལ་ནི་དོན་དང་འབྲེལ་པ་དང་ལྡན་པར་ཁ་ཅིག་ཏུ་འགྱུར་བ་ཡིན་གྱི། ཐམས་ཅད་ལ་ནི་མ་ཡིན་པ་མ་ཡིན་ནོ། །དེས་ན་འབྲེལ་པར་བྱེད་པ ་ཡོད་པར་ཁས་བླང་བའི་ཕྱིར་རྟག་པ་ཞེས་བྱ་བ་འདིའི་དོན་ཡིན་གྱི། འབྲེལ་པ་ནི་བཅོས་མ་ཡིན་པའི་ཕྱིར་རྟག་པ་མ་ཡིན་ནོ། །དེས་ན་འདི་བསྟན་པ་ཡིན་ནོ། །འབྲེལ་པ་བཅོས་མ་ཉིད་ཡིན་ཏེ། །དེའི་སྦྱོར་ཉིད་ཤེས་པའི་ཕྱིར། །གོང་བུ་དེ་གཅིག་ལ་གནས་ཕྱིར། །ཐམས ་ཅད་དུ་ནི་འགྲོ་བ་མིན། །ཞེས་བྱ་བའོ། །མ་ཡིན་ཏེ། སྦྱོར་བ་དམན་པ་སྤངས་ནས་གཞན་དུ་དེའི་སྦྱོར་བ་མཐོང་བའི་ཕྱིར་འགའ་ཡང་དོན་དང་ལྡན་པ་མ་ཡིན་ནོ། །ཞེས་བྱ་བའི་རིགས་པས་འབྲེལ་པ་མེད་པ་ཁོ་ན་ཡིན་པར་འགྱུར་གྱི་།གོང་བུ་གཅིག་ལ་གནས་པ་ཉིད་ནི ་མ་ཡིན་ནོ། །ཡང་ན་བ་ལང་གི་སྒྲའི་རྗོད་པར་བྱེད་པ་ཉིད་ཀྱིས་རྗེས་སུ་འགྲོ་ལྡོག་ངེས་པའི་བརྗོད་བྱ་ཉིད་ནི་མི་རྟག་པ་ཉིད་དང་འགལ་བ་ཅན་དུ་བརྗོད་པར་བྱ་བ་ཡིན་ནོ། །ཡན་གར་གོ་སྒྲ་བརྗོད་པ་ཉིད། །རིང་ནས་རྟོགས་པར་བྱེད་ཡིན་ལ། །དེ་སྲིད་པར་དུ་བསྟན་པ་ནི། །ཕྱིས ་ནི་གང་གིས་འཇིག་འགྱུར་ཡིན། །ཡང་རྣམ་པ་ནི་དཔག་བྱ་ཉིད་ཡིན་པས་གཞན་ལ་སྒྲ་གཅིག་པུས་བསྟན་པར་བྱ་བ་བརྗོད་བྱ་ཡིན་ལ་དེའི་རྒྱུ་ལས་སྔ་རོལ་དུ་མ་རྟོགས་པའི་ཕྱིར་འབྲེལ་པ་བྱེད་པར་ནུས་པ་མ་ཡིན་པར་སྨྲ་བ་སྟེ། གོའི་སྒྲ་ལན་བརྒྱད་ཉིད་བརྗོད་པ་ཡིན་ཞེས ་ཟེར་བ་ནི་གྲངས་མེད་པའི་ཕྱིར་གོའི་སྒྲ་བརྒྱད་མ་ཡིན་ཏེ། གང་དུ་ལན་གྲངས་ཀྱི་སྒྲ་ཡིན་པ་དེར་ངོ་ཤེས་པ་ངེས་པར་འབྱུང་བ་ཡིན་ཏེ། བྱ་བ་སྤྱི་ལ་འང་དི་ལ་རྟེན་པ་ལ་ངེས་དེ་ཉེ་བར་བརྗོད་པས་ངོ་ཤེས་པ་ཉིད་དུ་མཚོན་པ་ཡིན་ལ། ངོ་ཤེས་པ་ལས་ཀྱང་སྒྲ་ནི་རྟག་པ་ཡིན ་ནོ། །ཞེས་བྱ་བའི་དོན་ཏོ། །དེ་ཡང་སྦྱར་བ་འདིས་ནི་དོ་ཤེས་ལ། ཉེ་བར་མཚོན་པར་བྱེད་པ་ཡིན་ཞེས་སྨོས་པའོ། །ཤིན་ཏུ་འདྲ་བའི་ཕྱིར་གཞན་ཉིད་མ་རྟོག་པས། དེ་ཉིད་འདི་ཡིན་ཞེས་བྱ་བའི་ལས་བཞིན་དུ་འགྱུར་བ་ཡིན་ནོ་ཞེ་ན། འདྲ་བ་ཉིད་དུ་མ་རྟོགས་པ་ཡིན་ན་དེའི་རྒྱུད ་མཚན་ཇི་ལྟར་ཡིན། འདྲ་བ་ཉིད་དུ་རྟོགས་པ་ཡིན་པ་ནི་ཅུང་ཟད་མ་རྟོགས་པ་ལས་དེ་ཉིད་འདི་ཞེས་བྱ་བ་འབྱུང་པ་འདི་འཁྲུལ་བ་ཅན་ཡིན་ནོ། །རྟག་ཏུ་འདྲ་བ་ཉིད་ཅེས་པ། །གང་ལ་གནས་པའི་བློར་འགྱུར་ཏེ། །དེ་ཞེས་བྱ་བར་ངོ་ཤེས་པ། །དེ་ལ་འཁྲུལ་པ་ཡིན་པར་རྟག་།སྣ་ཚོགས ་བ་ཉིད་དང། འདྲ་བ་ཉིད་དུ་མ་རྟོགས་པ་ཁོ་ན་དེ་ལྟར་འགྱུར་བ་མ་ཡིན་ནམ། བདེན་ཏེ། དེ་རྟོགས་པ་ཡིན་ཡང་རྒྱུ་མཚན་བརྗོད་པར་ཇི་ལྟར་འགྱུར་རེས་འགའ་དམིགས་པ་ཉིད་ཡིན་ནོ་ཞེ་ན། མ་ཡིན་ཏེ། བ་ལང་གི་སྒྲ་རྣམས་ལ་དེ་ལྟ་བུ་ཉིད་དུ་མ་རྟོགས་པའི་ཕྱིར་རོ། །འདི་ལ་རྟག ་ཏུ་དེ་ཉིད་ཅེས། །རྣམ་ཤེས་བརྟན་པོ་སྐྱེད་འགྱུར་ན། །དེ་ཚེ་ཡོད་ཉིད་རྟག་པ་ལས། །དེ་ཡི་ཚད་མ་ཉིད་བསྒྲུབས་འགྱུར། །གོའི་སྒྲ་ལ་དེ་ཉིད་དུ་ཤེས་པ་ནི་འདྲ་བ་ཉིད་ཀྱི་རྒྱུ་མཚན་ཉིད་དུ་མི་ཤེས་པ་མ་ཡིན་ནམ། ལས་སུ་ནི་ཤེས་པ་ཁོ་ན་ཡིན་ནོ། །ཡུལ་གསལ་བ་ཐ་དད ་པ་ལས་རིགས་པ་ཐ་དད་བ་མ་ཡིན་ཏེ། ཐལ་ཆེས་པའི་ཕྱིར་རོ། །མཚན་ཉིད་དང་ལྡན་པ་ལ་གནོད་པ་ཡོད་ན་དེའི་མཚན་ཉིད་ཁོ་ན་སུན་ཕྱུང་བ་ཡིན་གསུངས་པ་སྟེ། རེ་ཤིག་རྗེས་སུ་དཔག་པ་ལ་སོགས་པ་ལས་ནི་སྔར་མཐོང་བར་ཤེས་པ་མ་ཡིན་ཏེ། སྤྱིའི་ཡུལ་ཅན་ཡིན ་པའི་ཕྱིར་རོ། །མཐོང་བ་དང་སྣང་བཞིན་པའི་ངོ་བོ་གཅིག་པ་ཉིད་ཡིན་ཏེ། དེ་ལྟ་བུའི་གཅིག་པ་ཉིད་ནི་འདིར་རྟག་པ་ཉིད་ཀྱི་དབང་དུ་བྱས་པ་ཡིན་ནོ། །དེ་ཡང་མངོན་སུམ་ཉིད་ཀྱི་བྱེ་བྲག་ཁོ་ན་ལས་སྔར་མཐོང་བ་ངོ་ཤེས་པ་ཡིན་པར་ཤེས་པར་བྱའོ། །དེའི་བྱེ་བྲག་ཅན ་གྱི་མངོན་སུམ་གྱི་ཡིན་གྱི་ལན་འགར་བས་ནི་མ་ཡིན་ནོ། །དེས་ན་དེ་ཉིད་རྟག་པ་དང་མི་རྟག་པར་འདོད་པ་པོས་བསྒྲུབ་པར་བྱ་བ་འམ། དགག་པར་བྱ་བ་ཡིན་གྱི་དེ་ཙམ་ནི་མ་ཡིན་ནོ། །ངོ་ཤེས་པ་ལ་མ་ལྟོས་པའི་མངོན་སུམ་གྱིས་ནི་ཅི་ཞིག་དགོས། །དེའི་ཕྱིར་དེ་དག ་མངོན་སུམ་མ་ཡིན་ནོ། །འོན་ཏང་ན་མངོན་སུམ་དག་རྟག་པ་ཁོ་ན་ཡིན་ནོ་ཞེས་བྱ་བ་ནི། འདིར་འདིའི་དོན་ཡིན་ནོ། །མངོན་སུམ་གྱི་བྱེ་བྲག་ཅན་གྱི་སྔར་མཐོང་བ་དོ་ཤེས་པ་ནི་རྟག་པ་ཉིད་དུ་སྒྲུབ་པར་བྱེད་པ་ཡིན་ཏེ། བྱེ་བྲག་ཅན་གྱི་ཡུལ་ཡིན་པའི་ཕྱིར་གཞན་ནི་མ ་ཡིན་ཏེ། སྤྱིའི་ཡུལ་ཅན་ཡིན་པའི་ཕྱིར་རོ། །མངོན་སུམ་བཀག་པ་ཡིན་ཡང་དེའི་བྱེ་བྲག་ཅན་གྱི་སྔར་མཐོང་བ་ངོ་ཤེས་པ་ནི་བཀག་པ་མ་ཡིན་ནོ། །མངོན་སུམ་ཡིན་པའི་རྫས་ལ་ཡོད་བའི་ལས་ནི་མངོན་སུམ་པ་དང། དབང་པོའི་བྱ་བའི་མཚན ་ཉིད་ཀྱི་བློ་ཡང་མི་ཤེས་པ་ནི། རྗེས་སུ་དཔག་པ་ལས་རྟོགས་པ་ཡིན་ནོ། །ཞེས་བྱ་བ་ལ་སོགས་པས་བསྟན་ཟིན་ཏོ། །དབང་པོ་ལས་འདས་ལས་གནས་གང། །དེ་ནི་མངོན་སུམ་མིན་ཞེས་བརྗོད། །མངོན་སུམ་མིན་པའི་བློ་ཡང་ནི། །སྟོང་པར་སྨྲ་བས་ངེས་པར ་བརྟགས། །མངོན་སུམ་བའི་རྫས་ལ་ཡོད་པའི་ལས་སམ། གཟུགས་ལ་སོགས་པ་ཡང་ཡི་གེ་བཞིན་དུ་མངོན་སུམ་གྱི་སྔར་མཐོང་བ་ངོ་ཤེས་པ་ལས་རྟག་པ་ཡིན་པར་གསལ་བར་བྱེད་པའི་ཆོས་ཀྱི་རྗེས་སུ་བྱེད་པ་ལས་ཀྱང། མྱུར་བ་དང་ངལ་བ་ལ་སོགས ་པའི་རྣམ་པར་དབྱེ་བ་བཞིན་དུ་ཡི་གེ་རྣམས་ཀྱི་རང་བཞིན་ཅན་མ་ཡིན་པ་ཞེས་བྱ་བ་འདི་ཁོ་ན་ལེགས་པར་རྟོགས་པ་ཡིན་ཏེ། ཡང་བའི་ཕྱིར་རོ། །གསལ་བ་དང་རིགས་དང་དེའི་བྱེད་པ་པོའི་གསལ་བ་དང་ཐ་དད་པ་དང་རྟག་པ་ཉིད་རྣམས་ཀྱི་སོ་སོའི་གཞུང ་ལུགས་ལ་སོགས་པ་ནི་མ་མཐོང་བའི་རྟོག་པས་ཉམ་ཐག་པ་ལ་ཚད་མ་གང་ཡང་ཡོད་པ་མ་ཡིན་ནོ། །མངོན་སུམ་རྫས་ལ་ཡོད་རྣམས་ཀྱི། །བྱ་བ་གང་ཞིག་སྣང་གྱུར་པ། །དེ་རྣམས་ཡི་གེ་བཞིན་དུ་ནི། །ངོ་ཤེས་པ་ལས་རྟག་ཉིད་འདོད། །དེ་ཡི་གསལ ་ཕྱེད་མེད་རྣམས་ཀྱི། །རྟག་ཏུ་ཡོད་པར་མ་མཐོང་ཉིད། །དེ་ལྟར་དེ་ཉིད་ཀྱི་སྒོ་ནས། །བརྗོད་བྱ་དཀར་སོགས་ཀྱང་རྟག་ཉིད། །འདྲེས་པའི་དབྱེ་བ་ཙམ་གྱིས་ནི། །དེ་ལ་འང་ཐ་དད་བློ་རུ་འགྱུར། །རང་གི་དངོས་ལ་དེ་ཉིད་ཅེས། །རིགས་སུ་སུ་ཞིག་རྟོག་བྱེད་འགྱུར། ་ཞེས་བྱ་བའོ། །སྒྲ་དང་ལས་དང་གཟུགས་ལ་སོགས་པ་སྔར་མཐོང་བ་ངོ་ཤེས་པ་ལས་གཅིག་པ་ཉིད་ཡིད་དུ་ཟིན?་ཀྱང། བློ་ནི་རང་རིག་པའི་ངོ་བོ་ཡིན་ཏེ། རྟོགས་བྱ་རེ་རེ་ཞིང་ཐ་དད་པར་མེད་དག་པར་རིག་བཞིན་པ་མ་ཡིན་ནམ། ཇི་ལྟར་གཅིག་པ་ཉིད་དུ་རྗོད ་པར་བྱེད། དེ་ཡང་སེམས་ཅན་གྱི་བདག་ཉིད་ཐ་མི་དད་པའི་ཕྱིར་གཅིག་ཉིད་ཡིན་ནོ། །ཤེས་བྱ་ཡོད་པ་དང་མེད་པའི་དུས་རྟག་ཏུ་བྱེ་བྲག་མེད་པས་ཤེས་བྱའི་དུས་སུ་ཡང་ཡལ་བར། འདུག་པ་ཉིད་ཀྱི་ཕྱིར་ཇི་ལྟར་དེ་ཡང་དག་པར་རྣམ་པར་གཞག་པར་འགྱུར་ཞེ་ན། ཇི་ལྟར་མེ་ལོང ་ལ་གང་དང་གང་ཉེ་བར་བྱས་པ་དེ་དང་དེའི་གནས་སྐབས་ལ་ཡང་སྣང་བ་ཡིན་པ་དང། ཇི་ལྟར་མེ་ནི་སྲེག་པར་ནུས་པ་ཅན་ཡིན་ཡང་ཉེ་བའི་བསྲེག་བྱ་ཁོ་ན་བ་སྲེག་པར་བྱེད་པ་ཉིད་ཡིན་གྱི་གཞན་ནི་མ་ཡིན་ནོ། །ཇི་ལྟར་མེ་ནི་རང་ངོ་བོས། །རྟག་ཏུ་སྲེག་བྱེད་ལས་ཅན་ནི། །ཉེ་དོན ་བསྲེག་བྱ་སྲེག་བྱེད་ཀྱི། གཞན་མིན་གཞན་གྱི་དུས་སུ་འང་མིན། །ཇི་ལྟར་དང་པའི་མེ་ལོང་ངམ། །ཇི་ལྟར་ཤེལ་སྒོར་ངང?་པ་ལ། །གང་དག་ཉེ་བར་གྱུར་པ་དེའི། །དེ་ཡི་གཟུགས་བརྙན་སྣང་བ་ཡིན། །དེ་བཞིན་དུ་སེམས་ཀྱི་རང་བཞིན་ཡང་མ་རིག་པའི་དྲི་མས་གཡོགས་པའི་སྐྱེས ་བུ་ནི་ཤིན་ཏུ་གཉིད་འོག་བ་ལྟ་བུ་འདུག་བ་ཡིན་ལ། གང་གི་ཚེ་དེ་ཆོས་དང་ཆོས་མ་ཡིན་པས་བསྐུལ་བའི་དབང་པོ་ལ་སོགས་པ་བྱེད་པའི་གྲོང་ཁྱེར་བུམ་པ་ལ་སོགས་པ་ལ་ཉེ་བར་བྱེད་པ་དེའི་ཚེ། རྟོགས་པར་བྱེད་པ་ཡིན་ལ་བྱེ་བ་དེ་ཉེ་བར་ཟད་ན་དེ་ཁོ་ན་ལྟར་ཤིན་ཏུ ་གཉིད་ལོག་པ་བཞིན་དུ་འདུག་པའི་ཕྱིར། ལྷན་ཅིག་བྱེད་པའི་དབང་དང་ཉེ་བར་བྱེད་པ་པོའི་དབང་གིས་ནམ་ཞིག་འབྲས་བུ་མཐོང་བ་ཡིན་ན་ཡང་རྟག་པའི་འབྲས་བུ་ཉམས་པ་མ་ཡིན་ནོ། །དེ་བཞིན་རྟག་ཏུ་སེམས་བཅས་པའི། །སྐྱེས་བུ་རྣམས་ཀྱི་ལུས་གནས་པ།། ་གཟུགས་སོགས་བྱེད་པ་བླངས་ནས་ནི། །འཛིན་པ་འདི་ནི་བློར་འདོད་དོ། །དེ་ཡང་འདི་ནི་ཤེས་བྱ་གཞན་དང་གཞན་ཉེ་བར་གཟུང་བའི་དབང་གིས་ཐ་མི་དད་པ་ཡིན་ན་ཡང་ཐ་དད་པ་བཞིན་དུ་སྣང་བ་ཡིན་ཏེ། །བུམ་པ་གླང་པོ་སོགས་བློ་ཉིད། །དེ་ཐ་དད་པར་འཇིག ་རྟེན་འདོད། །དེས་ན་དེ་ཉིད་ཐ་དད་དོན། །རྗེས་འབྲངས་རྣམས་ཀྱི་བློར་འདོད་དོ། །ཡུལ་གྱི་དབྱེ་བ་ཡོངས་སུ་དོར་ནས་དག་པའི་ཡང་དག་བར་རིག་པ་ཁོ་ན་རྟོགས་པར་བྱེད་ན་འབྱུང་བ་ནི་དེ་ཉིད་ཡིན་ནོ་ཞེས་སྔར་མཐོང་བ་དོ་ཤེས་པ་ཡིན་ནོ། །ཐ་དད་དོན་ལ་བརྟེན ་མིན་ན། །སྔར་མཐོང་ངོ་ཤེས་ཡོད་མ་ཡིན། བུམ་པ་རིག་པ་ཐ་དད་པ་མ་ཡིན་པ་ཡང་སྣམ་བུའི་དུས་སུ་ཡུལ་ཆེས་ཐ་དད་པ་ཡིན་པའི་ཕྱིར་དེ་ཉིད་ཡིན་པར་རྟོགས་པར་མི་བྱེད་པ་ན་ཐ་དད་པར་རྟོགས་པ་ཡིན་ཏེ། དེ་བཞིན་དུ་དོན་དམ་པ་ནི་མ་ཡིན་ནོ་ཞེས ་བྱ་བའི་དོན་ནོ། །དེ་གང་ལས་མ་རིག་པའི་དྲི་མ་དང་བྲལ་བ་ཡིན་ན་ཉེ་བ་མ་ཡིན་པ་ཡང་སྣ་ཚོགས་པ་སྣ་ཚོགས་པའི་ངོ་བོ་སྣང་བ་ཡིན་ལ། དེས་ན་འདི་ཐམས་ཅད་མཐོང་བར་འགྱུར་བ་ཡིན་ནོ། །དེའི་འདོད་པའི་དབང་གིས་མངོན་པར་འབྱུང་བ་ཡིན་པའི་ཕྱིར་སྣ་ཚོགས ་པའི་བྱེད་པ་པོ་ཡིན་ནོ། །དེ་ཡོད་པ་དང་མེད་པའི་དུས་དག་ཏུ་འདི་ལ་བྱེ་བྲག་མེད་པས་ནམ་མཁའ་བཞིན་དུ་མི་ཤེས་པ་ནི་བྱེད་པ་པོར་མི་འགྱུར་བ་མ་ཡིན་ནམ། སྣ་ཚོགས་པ་ཁོ་ན་རང་གི་རྒྱུས་དེ་ལྟ་དེ་ལྟར་འགྱུར་ཞེས་བྱ་བ་ཡང་ཡིན་ནོ། །སྨྲས་པ་ཡོད་པའི་ངོ་བོ་རིག ་པ་དང་དེ་སྣང་བ་ནི་རྨི་ལམ་བཞིན་དུ་སྐྱེ་བ་སྣང་བའི་བདག་ཉིད་གཞན་དང་གཞན་དུ་ཡང་ཡོད་པའི་ངོ་བོ་མ་ཡིན་ཏེ། སྲོག་ནི་ཕྱི་རོལ་གྱི་རིག་པའི་བདག་ཉིད་ཀྱི་ཐ་དད་པ་ཡིན་ཡང་རིག་པའི་བདག་ཉིད་ནི་མ་ཡིན་ཏེ། ཤེས་པའི་ངོ་བོའི་རྣམ་པ་ནི་རྟག་པ ་ཡིན་ཡང་འགལ་བ་མེད་པ་ནི། མངོན་པར་གསལ་མིན་གནས་སྐབས་ལས། །དེ་མངོན་པར་གསལ་བདག་ཉིད་འདོད། །ཅེས་བྱ་བའི་ཚིག་གིས་རྟག་པ་དང་ཅིག་ཤོས་ཀྱི་བདག་ཉིད་ནི་ཅེས་བྱ་བའི་བྱེ་བྲག་མེད་པའི་སྐྱོན་མེད་དོ། །སྒྲ་དང་བློ་ལ་སོགས་པ་ཡང ་ཡོད་བའི་ཕྱིར་སྐད་ཅིག་མ་ཉིད་མ་ཡིན་ནམ་ཡོད་པ་ནི་དོན་བྱེད་པའི་བྱེད་པ་པོ་ཡིན་ནོ། །རིམ་དང་ཅིག་ཅར་ཉིད་ཡོད་ན་དམིགས་པ་ཡིན་ལ། དེ་དག་གིས་ཁྱབ་པ་ཡིན་པའི་ཕྱིར་དེ་དག་ལོག་ན་ལྡོག་བ་ནི་མི་རྟག་བ་རྣམས་ལ་ཡང་གནས་བ་ཡིན་ཏེ། རྟག་བ་ལ ་རིམ་གྱིས་འབྲས་བུ་འབྱུང་བ་མ་ཡིན་ཏེ། ཤིན་ཏུ་བལྟོས་པ་མེད་པའི་ཕྱིར་རོ། །ལྷན་ཅིག་བྱེད་པ་ཉིད་ཤིན་ཏུ་རེས་འགའ་བ་ཡིན་བའི་ཕྱིར་དེ་ཉིད་ལས་འབྲས་བུར་འགྱུར་བ་ནི་དེ་དང་འདྲ་བའི་ཕྱིར་རོ། །གཞན་གྱི་ཚེ་དེ་ཡོད་ཀྱང་ཅིའི་ཕྱིར་མི་འབྱུང་བ་ཡིན། དེ་ལྟ་ཡིན ་ཡང་དེའི་དུས་སུ་སྔ་མ་བའི་ངོ་བོ་སྐྱེད་པར་བྱེད་པ་བཅད་པ་ཡིན་ནོ། །བཅད་པ་དང་ཅིག་ཤོས་ཀྱང་དེ་བཞིན་དུ་རྟོགས་པ་ཡིན་ནོ་ཞེ་ན། མ་ཡིན་ཏེ། བཅད་པ་ལས། ཅིག་ཤོས་ཐ་དད་པ་ཡིན་པའི་ཕྱིར། བྱེད་པ་པོ་མ་ཡིན་པ་ཉིད་དུ་དེ་གནས་སོ། །མ་ཡིན་ཏེ། བཅད་པ་ཉིད་ལ་མ ་བཅད་པ་ཡིན་ཞེས་རྟོགས་པ་ལ་སྐྱོན་མེད་པའི་ཕྱིར་རོ། །རྟོགས་པ་ནི་བརྒལ་ཞིང་བརྟག་པར་བྱ་བ་མ་ཡིན་ཏེ། མི་རྟག་པར་གཅིག་པའི་ངོ་བོ་ཉིད་ལ་ནི་མངོན་སུམ་མེད་པ་ཡིན་ཏེ། མཐོང་བ་དང་རྟག་པ་ཉིད་མི་འགལ་བའི་ཕྱིར་རོ། །རྟག་པ་ལ་སྐད་ཅིག་གཅིག་ལ་མཐོང ་བར་མི་འགྱུར་བ་མ་ཡིན་ལ། དེ་ཙམ་མཐོང་བས་སྔ་མ་དང་ཕྱི་མའི་སྐད་ཅིག་དག་ལ་མེད་པ་ཡང་མ་ཡིན་ཏེ། སྤྱི་ལ་ཡང་དེ་ལྟར་ཐལ་བར་འགྱུར་བའི་ཕྱིར་རོ། །སྤྱི་ནི་སྔ་མ་དང་ཕྱི་མ་དག་ལ་མེད་པར་འགྱུར་བ་ནི་མ་ཡིན་ནོ། །འདི་ནི་སྤྱི་གང་ཅུང་ཟད་ཀྱང། །ཀུན་གྱིས ་རྟག་པར་རྟོག་པར་བྱེད། །མི་རྟག་ཉིད་ན་གོང་བུ་རྣམས། །གང་ལ་འང་ཁྱབ་པ་ཅན་མི་འགྱུར། །མཐོང་བ་ཙམ་མམ། དེ་ཙམ་ལས་བྱུང་བ་ཡང་དངོས་པོ་མ་ཡིན་ཏེ། དེ་གཅིག་གིས་མཐོང་བ་ལས་དངོས་པོ་མ་ཡིན་ན་གཞན་གྱིས་མ་མཐོང་བ་ལས་དངོས་པོ་མ་ཡིན ་པར་འགྱུར་རོ། །དེའི་ཕྱིར་རང་གི་ཚོགས་པ་ལས་བྱུང་བར་མཐོང་བས་སྣང་བ་ཡིན་ནོ། །དེ་ལྟར་ཡང་མཐོང་བའི་དུས་ཀྱི་ངེས་པ་དང་ལྡན་པར་མཐོང་བ་ནི་ཚད་མ་མ་ཡིན་ཏེ། ངེས་པ་ཡང་སྔོན་པོ་ཉིད་ལ་ཡིན་གྱི། སྐད་ཅིག་མ་ཉིད་ལ་ནི་མ་ཡིན་ནོ། །གལ་ཏེ ་སྔོན་པོ་ཉིད་བཞིན་ང?་དེ་ལ་ཡང་ཡིན་ན་ནི། འཁོར་བ་ཐོག་མ་མེད་པ་ལ་སྐད་ཅིག་བར་ཡང་ངེས་པ་ཁོ་ནར་འགྱུར་རོ། །དེ་ཡང་མ་མཐོང་བ་ཙམ་གྱིས་མེད་པ་ཡིན་པར་གོ་ནས་ཞིག་པ་ཡིན་པར་བརྟག་པར་བྱ་བ་མ་ཡིན་གྱི། ཚད་མ་མ་ཡིན་པ་ཉིད་དུ་རིག་པ་ཉིད་ཡིན ་མེད་པ་ཡིན་ཞེས་བྱ་བར་གོ་བ་ཡིན་ནོ། །དེས་ན་དེ་བཞིན་དུ་མཐོང་བ་དང་རྟག་པ་ཉིད་འགལ་བ་མེད་པས་དེ་ཉིད་ལ་དེ་ངེས་པ་འམ་མཐོང་བ་ཉིད་ནི་ཚད་མ་ཡིན་ཏེ། མ་མཐོང་བ་ལ་དྲན་པ་མ་གྲུབ་པའི་ཕྱིར་ངེས་པ་མེད་དོ་ཞེས་བྱ་བ་ནི་གཞན་གྱི་འདོད་བའོ། །རྒྱུ་མེད ་པར་འཇིག་པ་ཡིན་ན། དེ་མ་ཐག་ཁོ་ན་འགྱུར་རོ་ཞེ་ན། དེ་བཞིན་དུ་སྔ་མ་ལ་ཡང་འགྱུར་ཏེ། རྒྱུ་མེད་པ་ཉིད་ཀྱིས་རྟག་ཏུ་བར་ཐལ་བར་འགྱུར་རོ། །དེས་བ་ཡིན་ན་ཡང་དེ་ཉིད་དུ་རྒྱུ་ཡིན་པའི་ཕྱིར་ཞིག་པ་ནི་འབྲས་བུ་ཉིད་ཡིན་ནོ། །དེ་ཡོད་པ་ཡིན ་ན་ཡང་དེའི་གནས་སྐབས་ཅན་ཉིད་དངོས་པོ་ཡིན་པ་འམ། དངོས་པོ་མེད་པའི་རྒྱུ། དངོས་པོར་བྱ་བར་ནུས་པ་ཉིད་མ་ཡིན་པ་ལ་སོགས་པ་གཞན་ལ་རང་ཉིད་ཀྱིས་སྨྲས་པའི་སྐྱོན་ཐོབ་པ་ཡིན་ནོ། །དེ་མ་ཐག་ཏུ་ཞིག་པར་སྣང་བ་ནི་མ་ཡིན་ཏེ། གང་གི་ཚེ་མཐོང ་བ་དེའི་ཚེ་ཡང་རྒྱུ་ལ་རག་ལས་པ་ཡིན་པའི་ཕྱིར་མཐར་ཞིག་པ་མཐོང་བ་ལས་སྔ་ན་ཡོད་པ་ཉིད་དུ་རྗེས་སུ་དཔག་པ་མ་ཡིན་ཏེ། དེའི་ཚེ་དེའི་རྒྱུ་མེད་པའི་ཕྱིར་རོ། །ཞིག་པ་འབྲས་བུ་ཉིད་ཡིན་ན་འཇིག་པའི་ཞིག་པ་ལས་དངོས་པོར་ལྡང་བ་ནི་ཞིག་པའི་རྒྱུ་མེད་པའི ་ཕྱིར་རོ། །དེ་ལྟར་བྱས་ཀྱང་དངོས་པོར་བྱུང་བ་ཅི་དགོས་ཤེས་ན། དེས་ན་དངོས་པོ་ཅུང་ཟད་ཀྱང་བྱེད་པ་མ་ཡིན་ཏེ། དེའི་རྒྱུས་དངོས་པོ་དེ་བྱས་པ་ཡིན་ཞེས་བྱ་བར་འགལ་བ་ནི་ཉེ་བར་བརྟགས་ནས་དངོས་པོ་མེད་པའི་ཐ་སྙད་དུ་བྱེད་པ་ཡིན་ཏེ། དེ་དག་ཙམ་གྱིས ་དངོས་པོ་ཞིག་པ་ཡིན་ནོ། །སྒྲ་དང་བློ་ལ་སོགས་པ་རྣམས་ཀྱི་ནི་དེ་ལྟ་བུའི་འཇིག་པ་མ་ཡིན་ཏེ། ཡན་ལག་ལ་མི་བལྟོས་པའི་ཕྱིར་རོ། །སྣལ་མ་ལ་སོགས་པའི་ཡན་ལག་ལ་བལྟོས་པའི་སྣམ་བུ་ལ་སོགས་པ་ནི། དེའི་ཕན་ཚུན་སྦྲེལ་བ་བཀྲོལ་བ་འམ། དེ ་ཞིག་པས་འཇིག་པར་འགྱུར་བ་ཡིན་པར་རྟོགས་པ་ཡིན་ནོ། ཡན་ལག་མ་ཡན་ལག་ཅན་གྱི་གཞན་ཡང་རུང་བ་ཡོད་པ་མ་ཡིན་ཏེ། འབྲེལ་པར་སྣང་བ་མེད་པའི་ཕྱིར་རོ། །རླུང་སྒྲ་ཉིད་དུ་གྱུར་པ་ཡིན་ནོ་ཞེ་ན། མ་ཡིན་ཏེ། སྒྲ་ལ་སོགས་པ་ལ་རེག་པ་ལ་སོགས ་པའི་ཡན་ལག་དང། འབྲེལ་པ་མི་སྣང་བ་ཡིན་ལ། དེའི་ཕྱིར་འདིའི་འདི་ལྟ་བུའི་ངོ་བོ་གང་ཡིན་པ་ནི་འཇིག་པར་འགྱུར་བ་མ་ཡིན་ཏེ། དེ་ལྟར་རྟོགས་པའི་ཕྱིར་རོ། །སྐད་ཅིག་མ་གཉིས་པ་ལ་དམིགས་བྱ་མ་ཡིན་པ་ཉིད་ཞིག་པ་ཡིན་ནོ། །ཞེ་ན། དེའི་ཚེ་དེ་ཡིན ་དུ་ཟིན་ཀྱང་ཅི་ཞིག་འོངས་ནས་གང་གིས་སྔ་མ་འཇིག་པར་འགྱུར། དེ་ལྟ་ཡིན་ན་དེ་ནི་དེ་ལ་ངེས་པ་ཅན་ཡིན་ན། དེའི་བསྐྱེད་བྱ་ནི་དངོས་པོ་ལས་ཐ་དད་པ་འམ་གཞན་དུ་མི་རིགས་ཏེ། དགོས་པ་མེད་པའི་ཕྱིར་རོ། །དེའི་བྱེད་པ་ལ་སོགས་པའི་སྐྱོན་དུ་ཐལ་བར་འགྱུར་བས་འགའ་ ་ཞིག་གིས་ཉེ་བར་དམིགས་པ་ལ་ཡང། གཞན་གྱིས་མ་དམིགས་པའི་ཕྱིར་མེད་པར་འགྱུར་རོ། །དམིགས་བ་ཐམས་ཅད་ལྡོག་བའི་ཕྱིར་མེད་པ་ཡིན་ནོ་ཞེ་ན། མ་ཡིན་ཏེ། ཐམས་ཅད་ཀྱི་དམིགས་པ་ལྡོག་པ་ཡིན་ཞེས་བྱ་བ་འདི་ནི་གོ་བར་དཀའ་བ་ཡིན་ནོ། །རྒྱུ་མ་ཚད་བ ་མེད་པས་རུང་བའི་མི་དམིགས་པ་མེད་པ་ཉིད་དུ་ཤེས་པའི་འབྲས་བུ་ཅན་ནི་ཅིག་ཤོས་མ་ཡིན་ནོ། །ཞེས་བྱ་བ་འདི་ནི་གོ་སླ་བ་ཡིན་ནོ། །ཞེ་ན། མ་ཡིན་ཏེ་དེ་ཉིད་འདི་ཡིན་ནོ་ཞེས་ཤེས་པའི་ཕྱིར་རོ། །ཇི་ལྟ་བ་ཁོ་ནའི་སྔོན་པོའི་ཞེས་བྱ་བའི་རྗེས་སུ་འབྲང་བའི་རྣམ་པར་རྟོག་པ ་ནི། མངོན་སུམ་ཉིད་ཡིན་པ་ལ་འགལ་བ་མེད་པས་ཐ་སྙད་འཐུན་པ་ཡིན་ནོ། །དེ་བཞིན་དུ་ད་ཉིད་འདི་ཡིན་ཞེས་བྱ་བ་འདི་ལས་ཀྱང་ཡིན་ནོ། །གཞན་དུ་མཐོང་བ་དང་རྣམ་པར་རྟོག་པ་དག་མི་མཐུན་པའི་ཕྱིར། ཐ་སྙད་མེད་པར་འགྱུར་རོ་།སྔོན་པོ་དང་རྟག་པའི་རྣམ་པར ་རྟོག་པ་དག་ལ་ཡང་ཕུལ་དུ་བྱུང་བ་མ་ཡིན་ཏེ། མཐོང་བ་དང་བག་ཆགས་ལས་སྐྱེ་བ་ལ་ཁྱད་པར་མེད་པའི་ཕྱིར་རོ། །དེ་སྐད་དུ་ཡང་ཚད་མའི་ཐུ་བོ་མངོན་སུམ་ཡོད་ཀྱང། ཚད་མ་མ་ཡིན་བ་ཉིད་དུ་འགྱུར་བ་ནི་མ་ཡིན་ནོ། །ཞེས་སྨོས་པའོ། །ངེས་པ་ལས་ནི་མཐོང་བའི་ཡུལ ་ཡིན་ལ། སྔོན་པོ་བཞིན་དུ་མི་རྟག་པ་ཉིད་ནི་མ་ཡིན་ཏེ། ཐ་སྙད་མེད་པའི་ཕྱིར་རོ། །དེ་བཞིན་དུ་རྟག་པ་ཉིད་ནི་མ་ཡིན་ནོ། །དེ་ཉིད་རྟོགས་པ་ལས་རྗེས་སུ་དཔག་པས་ངེས་པ་ཡིན་ནོ་ཞེ་ན། མངོན་སུམ་དང་འགལ་བ་ཡིན་ན། རྗེས་སུ་དཔག་བ་ཚད་མར་འགྱུར་བ་མ་ཡིན་ནོ། །དོན ་བྱེད་པ་པོ་ཉིད་ཡོད་པ་ཉིད་ནི་རིམ་དང་ཅིག་ཅར་ལ་མི་བལྟོས་པས་ངེས་ཁྱབ་པ་མ་ཡིན་ནམ། བལྟོས་པ་དང་བཅས་པ་ཉིད་ན་ལན་ཅིག་ཀྱང་དེ་ཡོད་ན་མེད་པའི་ཕྱིར་རྟག་པ་ནི་རིམ་པ་མ་ཡིན་ཏེ་སྡོང་པར་མཐོང་བའི་ཕྱིར་རོ། །དེ་ཉིད་དུ་དུས་གཞན ་ཀུན་ཏུ་རྒྱུ་བ་ཡིན་ནོ་ཞེ་ན། རང་བཞིན་དེ་མ་བོར་ན་ཀུན་ཏུ་རྒྱུ་བ་ཞེས་བྱ་བ་མ་ཡིན་ནོ། །གནས་སྐབས་ཐ་དད་པ་ལ་ཡང་གནས་སྐབས་ཅན་ནི་མི་རྒྱུ་བ་ཡིན་ཏེ། གནས་སྐབས་དེ་ཡིན་པའི་ཕྱིར་རོ། །དེ་མ་ཡིན་པའི་གནས་སྐབས་ཡིན་ན་ཕྱོགས་ཉམས ་བ་ཡིན་ནོ། །གནས་སྐབས་གཞན་ཁས་བླངས་པ་ལ་ཡང་སྐྱོན་དེ་དང་མཚུངས་པ་ཡིན་ནོ། །ཤི་བ་ཁོ་ན་འབྱུང་བ་ཡིན་པས་ཀུན་ཏུ་རྒྱུ་བ་ཡིན་ནོ་ཞེ་ན། སྔ་མ་དྲན་པ་མེད་པའི་ཕྱིར་དང། དེ་ཉིད་ཀྱིས་ན་ཕྱི་མ་ཡང་མ་ཡིན་ནོ། །གཅིག་པོ་དུས་གཅིག་གི་ཚེ་ཡོད་པ ་དང་མེད་པ་ཡང་མ་ཡིན་ནོ། །འཆི་བ་དང་སྐྱེ་བ་དག་སྐད་ཅིག་མ་ཉུང་ཟད་དུ་གནས་པ་ཡང་མ་ཡིན་ཏེ། མཐོང་བ་རྒྱུན་ཆད་པ་དང་འགལ་བའི་ཕྱིར་རོ། །ཁོ་བོའི་ཕྱོགས་ལ་སྔ་མའི་ཤི་བ་ཕྱི་མ་ཉིད་ཡིན་པ་ལ་སྐྱོན་མེད་དོ། །དེ་དེ་ལྟར་རྟག་པ་ལས་བཟློག་པ་ལ་རིམ ་བ་ཉེ་བར་དམིགས་པ་དེ་དང་འགལ་བ་ཡིན་ནོ། །ཞེས་འདིར་གསུངས་པ་ཡིན་ནོ། །སྐད་ཅིག་ཉིད་དུ་མཐོང་བ་ནི་མ་ཡིན་ནོ། །དེས་ན་རིམ་པ་དང་ལྡན་པ་དང་ཡོད་པ་ཉིད་ནི་བཟློག་པ་དང་འགལ་བ་མེད་དོ། །ལྡོག་པ་ཉེ་བར་དམིགས་པ་ནི་ཕྱིན་ཅི་ལོག་ཏུ་སྒྲོ་འདོགས་པ ་འཇོམས་པར་བྱེད་པ་ཡིན་ཏེ། འགལ་བའི་ཕྱིར་རོ། །དེ་ཉིད་ཉེ་བར་དམིགས་པ་ཡིན་ཏེ། རིམ་པ་དང་ལྡན་པ་དམིགས་པའི་ཡོད་པ་ཉིད་དང་སྐད་ཅིག་པ་ཉིད་དུ་འགལ་བ་ཡིན་ཏེ། ཕྱིན་ཅི་ལོག་པས་ཁྱབ་པའི་ཕྱིར་རོ། །མ་གྲུབ་པ་ནི་མ་ཡིན་ཏེ། མཐོང་བའི་རྗེས་སུ་འབྲངས ་པའི་རྣམ་པར་རྟོག་པས་རྟག་པ་ཉིད་བཞིན་དུ་རྣམ་པར་གཞག་པ་ཉིད་ཡིན་པའི་ཕྱིར་རོ། །དེ་རྟོགས་པས་བཟློག་པ་མ་རྟོགས་པ་ཡིན་ན་འགལ་བ་ཡིན་ཏེ། གཉི་གའི་ངོ་བོར་རྟོགས་པ་ཡིན་ན་འགལ་བ་མེད་པའི་ཕྱིར་རོ། །བློ་ལ་མི་གནས་པ་ཇི་ལྟར་འགལ་བ ་ཅན་ཡིན་ཞེ་ན། སྒྲོ་བཏགས་པ་ཡིན་པའི་ཕྱིར་སྐྱོན་མེད་དོ། །དེ་ལྟ་ཡིན་ཡང། དངོས་སུ་བའི་འགལ་བ་མ་ཡིན་པ་མ་ཡིན་ཏེ། ཕྱིན་ཅི་ལོག་ཏུ་རྟོག་པ་དངོས་སུ་བ་ཡིན་པའི་ཕྱིར་རོ། །དེ་ལྟ་ཡིན་ཡང་གནོད་པ་ཅན་གྱི་བཞི་པོ་དག་དོན་གཅིག་པ་ཉིད་དུ་རྟོགས ་པའི་དོན་ཉིད་མ་ཡིན་ཏེ། ཐུན་མོང་བ་དང་ཅིག་ཤོས་ཀྱི་དབྱེ་བས་ཡུལ་ཐ་དད་པའི་ཕྱིར་ཤིང་མ་ཡིན་པ་དང། མེ་མ་ཡིན་པ་བཞིན་དུ་ཕྱིན་ཅི་ལོག་ཏུ་མ་གྲུབ་པ་ཡིན་ཡང། ལྡོག་པར་མ་ངེས་པ་ནི་མ་ཡིན་ཏེ། ཉེ་བར་དམིགས་པ་ཡུལ་དུ་རྣམ་པར་གཞག་པས་ཕྱིན་ཅི་ལོག་སྤངས ་པའི་ཕྱིར། དྲོ་བ་དང་དྲོ་བ་མ་ཡིན་པ་ཉིད་བཞིན་དུ་འགལ་བ་གྲུབ་པའི་ཕྱིར་རོ། །ཐམས་ཅད་རིག་པ་རྣམས་ཀྱི་རང་གི་ངོ་བོ་ལ་ངེས་པས་རིམ་པ་འཛིན་པ་མེད་པ་ནི་མ་ཡིན་ནོ། །བག་ཆགས་ཀྱི་དབང་གིས་བྱུང་བས་འདས་བ་རིག་པ་དྲན་པའི་རྣམ་པར་རྟོག་པས་རིག་པའི་ཕྱིར་རོ།། ་བག་ཆགས་ཀྱང་དེ་དང་འདྲ་བའི་རྣམ་པར་རྟོག་པ་གཞན་གྱིས་བསྐྱེད་པར་བྱ་བ་ཡིན་པ་ནི་དགག་པར་བྱ་བ་མ་ཡིན་ནོ། །རྣམ་པར་རྟོག་པ་ཡང་ཁ་ཅིག་ནི་སྔོན་པོའོ། །ཞེས་གཟུང་བའི་རྗེས་སུ་འབྲངས་པ་ཡིན་ལ། ཁ་ཅིག་ནི་དེའི་ཁྱད་པར་གྱི་རིམ་པའོ། །ཁ་ཅིག་ནི་དེ་ཡོད་ན་འབྱུང ་བ་ཉིད་དམ། འབྲས་བུ་དང་རྒྱུ་ཞེས་བྱ་བ་ཡང་ངོ། །རྟོགས་པ་དེ་ཡང་མཚམས་སྦྱོར་བར་བྱེད་པ་གཞན་ཤུགས་ཀྱིས་རྟོགས་པར་བྱེད་པ་ནི་མ་ཡིན་ནོ། །བག་ཆགས་ཡོད་ན་དེ་ལས་བདག་གིས་འདི་མཐོང་ངོ། །ཞེས་བྱ་བ་བཞིན་དུ་རྟག་པ་སྲིད་དམ། མི་རྟགས་པ ་སྲིད་པར་རྟོགས་བ་ནི་ཚད་མ་ཡིན་ཏེ། རྣམ་པ་གསུམ་པ་གཞན་དམིགས་པའི་ཕྱིར་རོ། དེ་ལྟ་བུར་མ་མཐོང་བ་ཡིན་ན། དམིགས་བཞིན་པ་ལས་ཡོད་པ་ལས་ཁས་བླངས་པ་དགག་པར་ངེས་པར་མི་ནུས་ཏེ། མ་བསྐལ་བ་ཡིན་པའི་ཕྱིར་རོ། །དེ་ཉིད་འདི་ཡིན་ཞེས ་བྱ་བས། །འདིའི་དེ་ཉིད་དོན་བྱ་མ་ཡིན། །དབང་པོའི་སྟོབས་བྱ་ནི་མ་ཡིན་ཏེ། དངོས་པོའི་རང་གི་ངོ་བོ་ཡུལ་ཡིན་པའི་ཕྱིར་ཏེ། དེའི་ཐོག་མ་མཐོང་བ་ལྟ་བུའོ། །དེ་ལྟ་ཡིན་ན། དེ་ཉིད་རིག་པ་འདི་ནི་མི་སླུ་བའི་བདག་ཉིད་ཅན་གྱི་ཡིད་ཀྱི་ཡིན་གྱི། དངོས་སུ་བ་ནི་མ་ཡིན་ནོ།། ་ཤེས་པ་སྔ་མའི་ཡུལ་མ་ཡིན་པའི་ཕྱིར་རམ། དེའི་ཁྱད་པར་ཅན་རིག་པའི་ཤུགས་ཀྱིས། དོན་ཉིད་དེའི་ངོ་བོ་ཡིན་པ་ཡང་རུང་བ། སྔར་མཐོང་བ་ངོ་ཤེས་གོ་བར་བྱེད་པ་ཡིན་ཏེ། དེའི་ངོ་བོ་ཉིད་མ་ཡིན་ན་གནོད་པ་མེད་པས་དེ་ལྟར་རྟོགས་པ་མི་རིགས་པའི་ཕྱིར་རོ། །དྲན་པ་དང ་ཉམས་སུ་མྱོང་བ་དང་ལྡན་པ་རྟོགས་པའི་དོན་རྟོགས་པར་བྱེད་པ་ནི་སྔར་མཐོང་བ་ངོ་ཤེས་པ་ལས་སོ། །དེ་ཁོ་ན་བཞིན་དུ་ནང་གི་རྟོགས་པ་ཡང་ཡིན་ཏེ། སྔར་རྟོགས་པ་དུས་ཕྱིས་རྟོགས་པ་ན་དེ་ཉིད་འདི་ཡིན་ནོ་ཞེས་བྱ་བའི་དྲན་པས་ཉམས་སུ་མྱོང་བའི ་ཡུལ་དུ་གྱུར་པར་ངེས་པ་ཡིན་ནོ། །དང་པོ་མཐོང་བ་བཞིན་དུ་དངོས་པོ་ཙམ་ཇི་ལྟ་བ་བཞིན་དུ་རྟོགས་པ་དེ་ལྟ་བུའི་དངོས་པོ་མ་ཡིན་ནམ། དེ་འགྲུབ་པ་ནི་དེ?་ལ་བལྟོས་པའི་ཕྱིར་རོ། །སྙམ་དུ་སེམས་པ་ལ་དེའི་ཕྱིར་མི་རྟག་ན་ཡང་སྟེ། ཡང་གི་སྒྲས་རྟག་པ་ཡོད?་ཞེས་བྱ་བ ་སྨོས་ཏེ། དེ་གཉི་གའི་ངོ་བོ་ཡང་ཁས་བླངས་པ་ཡིན་ན་ནི། ཚད་མ་སྟེ། འདིའི་གོ་བྱེད་ཀྱི་ཚད་མ་ཉིད་མེད་དོ། །ཅི་ལས་ཤེས་ཤེ་ན། སྨྲས་པ། རྣམ་འགལ་ཏེ། རྣམ་པ་གང་གིས་ཀྱང། རྟག་པ་ལ་མིན་ཞེས་བྱ་བའི་དོན་ཏེ། ཕན་གདགས་པར་བྱ་བ་ཡོད་པ་མིན་པ ་ནི། སྣང་བ་དང་འབྲེལ་བ་ཅན་ཉིད་ཀྱིས་སམ། དེ་ཉིད་དུ་སྒྲོ་བཏགས་པའི་ཡུལ་ཉིད་ཀྱིས། འདི་ལ་དེ་བསྐྱེད་པར་བྱ་བ་དེ་ལྟ་བུ་ཉིད་ཀྱི་ཕྱིར་རོ། །སྒྲ་དང་བློ་ལ་སོགས་པས་རྟག་པའི་རྣམ་པ་འཛིན་པར་སྣང་བ་མ་ཡིན་ཏེ། དེར་སྣང་བ་ཅན་ཡིན་པའི་ཕྱིར་རོ་ཞེས་བྱ་བའི ་དོན་ཏོ། །རྣམ་པར་རྟོགས་པ་ནི་མཐོང་བ་དང། སྣང་བཞིན་བ་དག་ལ་འབར་བ་དང། བྲེགས་པའི་སྐྲའི་སྐྱེ་བ་བཞིན་དུ་འདྲ་བའི་ཡུལ་དུ་རྣམ་པར་གནས་པ་ཡིན་ཏེ། དེ་ཉིད་ལ་ནི་ཕྱིན་ཅི་ལོག་ཏུ་འཛིན་པར་མཐོང་བས་འགལ་བའི་ཕྱིར། མཐུན་པ་མ་ཡིན་པར་ཐལ ་བར་འགྱུར་རོ། །ཕྱི་བཞིན་དུ་དེ་ལྟར་འགྱུར་བ་ནི་མ་ཡིན་ཏེ། ཁས་བླངས་པ་མ་ཡིན་པའི་ཕྱིར་རོ། །བ་ལང་ངོ་ཞེས་བྱ་བའི་རྣམ་པར་རྟོག་པ་ནི། ཇི་ལྟར་གཅིག་དེ་བྱེད་པ་མ་ཡིན་པར་རྣམ་པར་གཅོད་པར་བྱེད་པའི་བདག་ཉིད་དུ་རྟོགས་པ་དེ་བཞིན་དུ། གཞན་ཡང་ཡིན ་པའི་ཕྱིར། དེ་ནི་དེ་རྣམས་ཀྱིས་སྤྱི་ཡིན་པར་བརྗོད་དོ། །དེས་ནི་འདིར་སྤྱི་གང་ཅུང་ཟད་ཀྱང་རྟག་པར་ཐམས་ཅད་ཀྱིས་བརྟགས་པ་བཀག་པ་ཡིན་ནོ། །ཞིག་པ་བཞིན་དུ་འདི་ཡང་འགྱུར་པ་མ་ཡིན་ནམ། ཞིག་པ་ནི་སྔ་མ་དང་ཕྱི་མ་ཡང་མི་དམིགས་པ་ཡིན་ཡང། དེའི ་ཚེ་ཁོ་ན་སྐྱེད་བར་བྱེད་པ་ནི་མ་ཡིན་ཏེ། སྐྱེ་བ་དང་ལྡན་པ་ཐམས་ཅད་ཀྱི་འཇིག་པ་མཐོང་བས་དེ་ཞིག་པ་ཡིན་ན། དངོས་པོར་ལྡང་བར་ཐལ་འགྱུར་རོ། །གང་ལ་རྒྱུ་ཡོད་དེ་འཇིག་པ་འང། མྱུ་གུ་བཞིན་དུ་མཐོང་བ་ཡིན། ཞིག་པ་ལ་ནི་འཇིག་མེད་པ། དེའི་ཕྱིར་བྱས་པ་མ་ཡིན ་ནོ། །བྱས་པ་ཡང་རྒྱུ་མེད་པ་ལས་འཇིག་པ་མ་ཡིན་པར་ནི་མི་རིགས་ཏེ། ཡུན་རིང་པོར་མ་མཐོང་བ་རྣམས་ཀྱང་ཡང་འབྱུང་བར་མཐོང་བའི་དངོས་པོ་ལྟ་བུའོ། །སྲིད་བཞིན་པ་ཡིན་པའི་ཕྱིར། ཡོད་པ་དང་མེད་པ་དག་བདག་ཉིད་ཐམས་ཅད་ཀྱིས་མཚུངས་པ་ཉིད ་མ་ཡིན་ནོ། །དེ་ཉིད་ཀྱིས་ན་མ་བྱུང་བ་འཇིག་པ་ཡིན་ནོ་ཞེ་ན། དེ་ལྟ་ཡིན་ན་བྱས་པ་ཉིད་དམ་ཅིག་ཤོས་ཀྱང་ཞིག་པ་ཉིད་དུ་འམ། གཞན་དུ་ཡང་ངེས་པ་མ་ཡིན་ནོ། །ཞིག་པ་འམ་སྔ་མ་མེད་པ་ཡང་དེ་མེད་ཀྱང་འབྱུང་བའི་ཕྱིར་རོ། །དངོས་པོ་ཉིད་ཀྱི་བྱེ་བྲག་ནི་འཁྲུལ ་པ་ཅན་མ་ཡིན་ནོ་ཞེ་ན། དེ་བཞིན་དུ་དངོས་པོ་ལ་ཡང་འཁྲུལ་བར་དོགས་པ་ཡིན་ནོ། བྱེ་བྲག་གིས་སྐྱོབས་པ་མ་ཡིན་ནོ། །དེའི་ཕྱིར་འཇིག་པའི་རྒྱུ་མེད་པ་ཅན་ཡིན་ནོ། །རྒྱུ་རྩལ་མ་ཐག་ཉིད་དུ་དམིགས་པ་ཡིན་གྱི། སྔ་མ་དང་ཕྱི་མ་ནི་མ་ཡིན་པས་འཁྲུལ་པའི ་ཕྱིར་དེའི་བྱས་པ་ཉིད་དམ་མེད་པ་ཉིད་མི་འགྲུབ་པོ། །ཞིག་པ་ནི་གནས་སྐབས་ལས་སྔ་མ་དང་ཕྱི་མ་ཡོད་པའི་གནས་སྐབས་མ་ཡིན་ནམ། དེའི་ཚེ་ཞིག་པ་ནི་མ་ཡིན་ཏེ། དངོས་པོ་དང་འགལ་བའི་ཕྱིར་རོ། །དེའི་ཚེ་ཁོ་ན་འབྱུང་ན་ཇི་ལྟར་རྒྱུ་མེད་པ་ཡིན་ཏེ། ངེས ་པ་ནི་རྒྱུ་ལ་རག་ལས་པའི་ཕྱིར་དང། དེ་ལ་རག་ལུས་པ་མ་ཡིན་ན་རྒྱུ་ལ་ངེས་པར་མི་རིགས་པའི་ཕྱིར་རོ། །དེ་ཡོད་ན་འབྱུང་བའི་དངོས་པོའི་རྒྱུས་ཅི་ཞིག་བྱས་པ་ཡིན། གང་གིས་སྔར་བཞིན་དུ་འབྱུང་བར་མི་འགྱུར་བ་ནི་དེ་དག་འགལ་བ་ཡིན་ཞེས་བྱ་བ་ནི ་མི་རིགས་ཏེ། ཅུང་ཟད་ཀྱང་མི་བྱེད་པས། འགལ་བ་མེད་པའི་ཕྱིར་རོ། །རྒྱུས་དེའི་རང་གི་ངོ་བོ་ཉམས་པ་ཁོ་ན་བྱས་པ་ཡིན་ན་ཞེ་ན། དེ་ཡིན་ན་ཡང། དངོས་པོ་ཡང་རྗེས་སུ་འཇུག་པར་འགྱུར་རོ། །འགལ་བའི་ཕྱིར་མ་ཡིན་ནོ་ཞེ་ན། ཅུང་ཟད་ཀྱང་མི་བྱེད་པས་ཇི ་ལྟར་འགལ་བ་ཡིན་ཞེས་པ་དེ་ཉིད་སླར་ཁྱོད་ལ་དྲི་བར་བྱའོ། །དངོས་པོའི་ཞིག་པ་ཡིན་ནོ་ཞེ་ན། དེ་ཡང་བྱ་བའི་རྒྱུ་མ་ཡིན་ཏེ་དངོས་པོ་དང་འགལ་བའི་ཕྱིར་དང། ཐུག་པ་མེད་པའི་ཕྱིར་རོ། །དེ་ཡོད་ན་དངོས་པོ་རང་གི་ངོ་བོ་ཉིད་མེད་པ་ཡིན་ཏེ། ་དེ་ལས་ཅུང་ཟད་ཀྱང་འབྱུང་བར་མི་འགྱུར་རོ་ཞེ་ན། དེ་ཡོད་ཀྱང་དེ་དང་འདྲ་བ་འདི་སྔར་བཞིན་དུ་ཕྱིས་ཀྱང་དོན་བྱེད་པ་ཉིད་དུ་བྲལ?་བར་འགྱུར་བ་ཡིན་ཏེ། བྱེ་བྲག་མེད་པའི་ཕྱིར་རོ། །དེ་ཉིད་བྱེ་བྲག་ཡིན་ནོ་ཞེ་ན། འདི་ལ་དེ་ཡོད་ཀྱང་དེ་ཅི་ཞིག་བྱས་པ་ཡིན་ཞེས་སྨྲས་ཟིན ་ཏོ། །ཁོ་བོའི་ཕྱོགས་ལ་ནི་དེ་མེད་པ་ཡིན་ལ། དེ་ནི་གཞན་ཁོ་ན་སྐྱེ་བ་ཡིན་ཏེ། དུས་གཞན་ཡོད་པ་ནི་མ་ཡིན་ནོ་ཞེས་བྱ་བའི?་དོན་ཏོ། །དེ་ལྟ་ཡིན་ན་མི་སྐྱེ་བ་དེ་ཉིད་མེད་པ་ཡིན་ནོ་ཞེ་ན། དེའི་ཞིག་པ་ལ་ལྟོས་ནས། དེ་ལྟ་བུའི་ཐ་སྙད་ཡིན་པར་བདེན་མོད་ཀྱི་གཞན་སྐྱེ་བ ་ལ་ནི་མ་ཡིན་ཏེ། འགལ་བ་མེད་པའི་ཕྱིར་རོ། །དེ་ལྟ་མོད་ཀྱི་མ་དམིགས་པ་ནི་མེད་པ་མ་ཡིན་ཏེ། ཡོད་པ་ལ་ཡོད་པའི་ཕྱིར་རོ། །རུང་བ་ཡང་མ་ཡིན་ཏེ། །སྒྲུབ་བྱེད་མེད་པའི་ངོ་བོ་ཡིན་པའི་ཕྱིར་རོ། །དེའི་ཕྱིར་དེ་ལྟ་བུའི་དམིགས་པ་ཡོད་པ་ཉིད་ཀྱིས་ཁྱབ་པའི ་ཕྱིར། དེ་ལོག་པས་ལྡོག་པ་གྲུབ་པ་ཡིན་པའི་ཕྱིར། མ་དམིགས་པ་ནི་མེད་པ་མ་ཡིན་ནོ། །གལ་ཏེ་དམིགས་པ་མེད་པ་བཞིན་དུ་རུང་བའི་མེད་པར་ཡང་རང་ལས་རྟོགས་པར་ཅིས་མི་འདོད། །དེ་ལྟ་བུའི་མེད་པ་ནི་མ་ངེས་པ་མ་ཡིན་ནོ། །དེ་ལྟ་བུའི་རྟོགས་པར ་དཀའ་བ་ཡིན་ནོ་ཞེ་ན་ཡང། དམིགས་པར་ཇི་ལྟར་ཉེ་བར་མཚོན་པ་ཡིན། དེའི་ཡང་མ་རྟོགས་པས་མ་རྟོགས་པའི་མེད་པ་ནི་མ་ཡིན་ནོ། །དེའི་ཕྱིར་རུང་བ་དང་དམིགས་པའི་ཡང་མ་རྟོགས་པ་ནི། དེ་མ་ཡིན་པ་རྟགས་ཡིན་ན། གཟུགས་བཞིན་དུ་བརྗོད ་པ་དང་འདི?་བ་ལ་བལྟོས་པ་མེད་པ་དབང་པོའི་བྱ་བ་བསྐྱེད་པའི་ཤེས་པར་བྱེད་པ་ཡིན་ནོ། །དེ་ཉིད་ཀྱི་རང་བཞིན་ཐམས་ཅད་དང་བྲལ་བའི་མཚན་ཉིད་མ་ཡིན་ཏེ། དངོས་པོ་མེད་པའི་རང་བཞིན་དུ་མངོན་སུམ་ལ་སོགས་པས་གྲུབ་པའི་ཕྱིར་རོ། །ནུས་པ་ཐམས ་ཅད་དང་བྲལ་བ་མ་ཡིན་ཏེ། ཤེས་པའི་རྒྱུ་ཡིན་པའི་ཕྱིར་རོ། །ཡོད་པ་དང་ཞིག་པ་དག་གི་རྒྱུ་ཐ་དད་པའི་ཕྱིར་གཞན་ཉིད་ཡིན་ཞེས་བྱ་བ་ལ་སོགས་པར་ཤེས་པར་བྱའོ། །མ་ཡིན་ཏེ་དེ་ལ་དེའི་རྟོགས་པ་དགག་པའམ། དེའི་མི་སྐྱེ་བའི་ངོ་བོ་འམ་གཞན་རྟོགས་པ་ཡང་ཡིན ་ཞེས་བྱ་བ་དེ་དག་ཙམ་གྱི་དབྱེ་བ་ཡོད་པ་ཡིན་ཏེ། དེའི་བྲལ་བ་ནི་དེའི་མ་འདྲེས་པ་ཉིད་ཡིན་ཞེས་བྱ་བ་ལ་སོགས་པ་ཡང་དེའི་མི་སྐྱེ་བ་ཁོ་ན་ཡིན་གྱི་གཞན་ནི་མ་ཡིན་ནོ། །གཞན་ཤེས་པ་ཡིན་ན་མ་རྟོགས་པ་པོ་འབའ་ཞིག་ནི་ཡོད་པ་མ་ཡིན་པར་བསྟན་པ་ཡིན ་ལ། དེ་བསྟན་པས་ཡོད་པ་ལས་བཟློག་པ་གཞན་ནི་མ་ཡིན་ནོ། །དེ་བཞིན་དུ་གཞན་གྱི་མངོན་སུམ་ཡིན་ན་དེའི་ཐ་སྙད་ཡིན་པའི་ཕྱིར་མེད་པ་མངོན་སུམ་དུ་གྲུབ་པར་བརྗོད་དོ། །མ་རྟོགས་པ་ཉིད་མ་ཡིན་པར་ཁས་བླངས་ན། མཚན་ཉིད་མི་མཐུན་པའི་ནུས་པ་རྟོགས ་པའི་རྟོགས་པ་དང་འགལ་བ་མེད་པ་ཡིན་ཏེ། དེ་ལྟ་བུའི་རྟོགས་པས་རྟོགས་བྱ་རྟོགས་པ་ཉིད་ནི་དེའི་ཐ་སྙད་ཀྱི་རྒྱུ་ཡིན་པའི་ཕྱིར་རོ། །དམིགས་སུ་རུང་བ་མ་རྟོགས་ན། རྒྱུ་གཞན་ཚོགས་པ་ཡིན་ན་ཡང་མེད་པ་ཡིན་པར་བསྟན་པ་ཡིན་ནོ། །དམུས་ལོད ་གཉིས་ཐ་སྙད་འདོགས་པ་ན་སྔོན་པོ་ལ་སོགས་པ་ལ་དེ་ཡོད་པ་མ་ཡིན་ནོ། །དེ་བཞིན་དུ་འཇིག་པ་ལ་རྒྱུ་མེད་པ་ཉིད་དུ་སྨྲ་བ་པོས་མ་རྟོགས་པ་ཙམ་དུ་བསྟན་པ་ཡིན་གྱི། ཐ་སྙད་དུ་ཡོད་པ་ནི་མ་ཡིན་ནོ། །དེས་ན་དེ་བཞིན་དུ་མ་མཐོང་བ་ནི་སྒྲ་ལ་འམ། བློ་ལ་སྔ ་མ་དང་ཕྱི་མའི་ང་འམ་དེ་ལ་རུང་བའི་རང་བཞིན་རྟགས་པར་བྱེད་པ་མ་ཡིན་ཏེ། སྔར་མེད་པའི་བྱས་པ་ཉིད་ཕྱིས་ཡོད་པའི་ངོ་བོ་ནི་མི་རྟག་པ་ཡིན་ཞེས་དེ་དག་གི་འབྲེལ་བ་ངེས་པ་ཡིན་ཏེ། སྔ་ན་མེད་པ་ལ་སོགས་པ་གཞན་མེད་པའི་ཕྱིར་རོ། །དེའི་ཡང་སྐད ་ཅིག་མར་གནས་པའི་ཆོས་ཅན་གྱི་དངོས་པོ་ཉིད་ནི་འཇིག་པ་ཡིན་ནོ་ཞེས་གསུངས་པ་དང། དེ་ཡང་གཞན་ལས་རང་བཞིན་གྱིས་མི་སྐྱེ་བའི་མཚན་ཉིད་ནི་ཞིག་པ་ཡིན་གྱི། རང་བཞིན་ཡོངས་སུ་འདོར་བའི་མཚན་ཉིད་ནི་མ་ཡིན་ནོ། །རང་བཞིན་གྱིས་ཟུམ་པ་དང ་བསྡུས་པ་དང། མ་རྟོགས་པ་དང། མི་འཛིན་པ་རྣམས་ནི་དོན་ཐ་དད་པ་མ་ཡིན་ནོ། །གཉིད་སྟུག་པོས་ནོན་པ་ལ་སོགས་པའི་མ་རྟོགས་པ་ནི་མེད་པའི་ཐ་སྙད་སྒྲུབ་པར་བྱེད་པ་མ་ཡིན་ཏེ། རང་གི་ངོ་བོ་ཉེ་བར་བསྡུས་པའི་རང་བཞིན་ནི་དེ་སྒྲུབ་པར ་བྱེད་པ་ཡིན་པའི་ཕྱིར་རོ། །རྒྱུ་གཞན་ཚང་བ་ཡིན་ན་རུང་བའི་མ་རྟོགས་པ་ཉིད་ཀྱི་འབྲས་བུ་ནི། མེད་པ་ཉིད་ཀྱི་ཤེས་པ་ཡིན་གྱི། གཞན་གྱི་ནི་མ་ཡིན་པའི་ཕྱིར་བྱེ་བྲག་ཏུ་བསྟན་པ་ཡིན་ནོ། །ཁྱབ་བྱེད་ལོག་པས་ཁྱབ་བྱ་ལྡོག་པ་ནི་མ་ཡིན་ནོ། །དེ་བཞིན ་དུ་ཐ་སྙད་ནི་ཤེས་པ་ལ་ཡོད་པ་ལ་ཁྱད་པར་ཅན་དུ་མ་རྟོགས་པ་ནི་མེད་པའི་བླ་སྒྲུབ་པར་བྱེད་པ་ཡིན་པར་གཅིག་དམིགས་པ་ཉམས་སུ་མྱོང་བ་ལ་སོགས་པ་ཞེས་བྱ་བས་བསྟན་པ་ཡིན་ནོ། །འདི་ངས་མ་མཐོང་ངོ་ཞེས་བྱ་སྐྱེས་བུའི་མཆོག་གི་ཚིག་ལ་ཡང་ཤེས་པ ་ཁོ་ན་བཞིན་དུ་འདི་ཡང་དེ་ལྟ་བུ་ཡིན་ནོ་སྙམ་དགོངས་པ་ཡིན་གྱི་དེ་ལོག་པས་ནི་མ་ཡིན་ནོ། །དེས་ན་དེ་ལྟར་སྔ་མ་ཉིད་ལ་སོགས་པ་ལ་འདི་འམ། དེ་འདིར་རང་བཞིན་ཉེ་བར་བསྡུ་བ་ལས་སམ། དེ་ལས་བཟློག་པའི་རང་བཞིན་རྣམས་ལ་ནི་སྐད་ཅིག་མ་ཡིན་པ་མེད་པ་ཡིན ་ནོ་ཞེས་སྨྲས་པ་ཡིན་ནོ། །དེས་ན། སྐད་ཅིག་མིན་ལ་མེད་དེ་རྣམས། །རིམ་དང་རིམ་མིན་འགལ་ཕྱིར་རོ་ཞེས་བྱ་བ་ཡང་ལེགས་པར་གསུངས་པ་ཡིན་ནོ། །དེས་ན་སྔོན་པོ་ནི་དེ་མེད་པ་རྣམ་པར་གཅོད་པར་བྱེད་པ་ཡིན་ཞེས་བྱ་བའི་ཚིག་གི་རང་བཞིན་གྱི་འདུས་པ་སྒྲུབ ་པར་བྱེད་པ་ནི་གཞན་ལ་ནི་མ་ཡིན་ནོ། །ཞེས་པ་ལྟ་བར་བྱའོ། །དེ་ཉིད་ཀྱིས་ན་མངོན་སུམ་གནོད་པ་ཅན་ཡིན་པར་བསྟན་པས་རྗེས་སུ་འགྲོ་བ་ལ་སོགས་པ་མ་གྲུབ་པ་མ་ཡིན་ནོ། །རྩ་བ་དང་ཆུ་ལ་སོགས་པ་བཞིན་དུ་སྐད་ཅིག་མ་ཡིན་པའི་སྒྲ་ཡང་རང་གི་ཉེ་བར་ལེན་པ་ལ། ་ལས་སྐྱེ་བ་མ་ཡིན་ནམ། །དེའི་བྱ་བ་ལས་སྐྱེ་བ་ནི་མ་ཡིན་ནོ། །ཉེ་བར་དམིགས་པའི་རྒྱུ་ཡང་རྣམ་པ་གཉིས་ཏེ། དབང་པོ་ལ་སོགས་པ་རྣམས་ཀྱང་སྒྲ་རྣམས་ཀྱང་རྩ་བ་དང་ཆུ་ལ་སོགས་པ་ལ། དབང་པོས་ལ་སོགས་པའི་སྒྲིབ ་གཡོགས་མེད་པ་ཇི་ལྟ་བ་བཞིན་དུ། དེ་དག་ཙམ་ཡིན་གྱི་དེའི་བྱ་བའི་བསྐྱེད་བྱ་ནི་མ་ཡིན་ཏེ། རང་གི་ཉེ་བར་ལེན་པ་ལས་བྱུང་བའི་སྐྱེས་བུའི་བྱ་བ་འབའ་ཞིག་རྒྱུ་མཚན་ཙམ་ཡིན་ནོ། །དེའི་བྱ་བས་གསལ་བྱར་ནི། །བྱས་པ་འམ་རྩ་བ་ཆུ་སོགས་ཀྱི། །གསལ་བྱས་བྱས ་པ་ཉིད་ཀྱང་རུང། །དེ་རྣམས་བརྐོས་སོགས་ཀྱིས་བསྐྱེད་མིན། །བུད་ཤིང་སྤན་སྤུན་ལ་སོགས་པའི་རྩེ་མཐོང་བས་རྩ་བ་ལ་སོགས་པ་ཡོད་པ་ཉིད་དུ་རྗེས་སུ་དཔག་པ། སྐྱེས་བུའི་བྱ་བས་གསལ་བར་བྱེད་པ་ཡིན་པར་བརྗོད་པ་ཡིན་ལ། སྒྲ་ནི་སྔ་ན་ཡོད་པ་ཉིད་དུ་དཔག་པར ་བྱ་བ་མ་ཡིན་ཏེ། སྔར་མཐོང་བ་ངོ་ཤེས་པ་ནི་མཐོང་བ་དང་སྣང་བཞིན་པ་དག་ཁོ་ནའི་གཅིག་པ་ཉིད་དུ་ཡིན་གྱི། དེའི་ཚེ་ཡོད་པ་ནི་མ་ཡིན་ནོ། །དེའི་ཚེ་ཡོད་པ་མ་ཡིན་ན་གཅིག་པ་ཉིད་དུ་ཡང་མི་འགྱུར་རོ་ཞེ་ན། གཅིག་པ་ཉིད་ནི་འདྲ་བ་ཉིད་ཀྱིས་ཀྱང་ཡིན་པའི་ཕྱིར་དོན ་གྱིས་གོ་བ་ནི་མ་ཡིན་ནོ་ཞེས་བྱ་བར་འདོད་པའོ། །སྔ་ན་ཡོད་ན་བརྩམས་མ་ཐག་།བྱུང་བའི་ཤེས་པ་དེས་མི་འབྱུང། །ཞེས་བྱ་བ་ཡང་ངོ། །དེ་ཉིད་ནི་རྟག་བར་རུང་བ་མེད་ན་རྒྱུ་མི་དམིགས་པ་ཡིན་ཏེ། ཐོག་མེད་བག་ཆགས་ལས་བྱུང་བའི། །རྣམ་པར་རྟོག་པས་ཡོངས ་བསྒྲུབས་པ་ནི་ཆོས་དང་ཆོས་ཅན་ཏེ་ཕྱིན་ཅི་ལོག་ཏུ་རྟོགས་པ་དེ་དགག་པར་རྟོགས་པ་ནི་འབྲས་བུ་ཡིན་པའི་ཕྱིར། མ་གྲུབ་པ་ཉིད་ལ་སོགས་པར་སྨྲ་བ་ནི་འབྲེལ་བ་ཅན་མ་ཡིན་ནོ། །འབའ་ཞིག་པོ་ཡོད་ཀྱང་མ་མཐོང་བ་ནི་ཡུལ་མ་འོངས་པ་ཡིན ་པའི་ཕྱིར་རོ། །དེའི་ཕྱིར་རང་ཉིད་ལས་ཕྱིས་གནས་པ་མ་ཡིན་ཞེས་བྱ་བ་མ་གྲུབ་པ་ཡིན་ནོ། །ཡང་ན་རྟག་པ་ནི་དབང་པོ་བཞིན་དུ་རུང་བ་ཉིད་མ་ཡིན་ཏེ། དབང་པོ་འབའ་ཞིག་ནི་རྗེས་སུ་དཔག་པའི་ཡུལ་ཡིན་གྱི་ཅིག་ཤོས་ནི་མ་ཡིན་ཏེ། ཁས་བླངས་པ་ཙམ ་དུ་གྲུབ་པའི་ཕྱིར་རོ། །འགྲོ་བ་དང་འབྲས་བུ་འདིས་ཀྱང་རྒྱུར་གྱུར་བ་འཕངས་པ་ཡིན་ནོ་སྙམ་དུ་སེམས་པ་ལ། རྣམ་འགས་ཕན་གདགས་བྱ་མིན་ཕྱིར། ཞེས་སྨོས་ཏེ། དབང་པོའི་ནུས་པ་ནི་རིམ་པ་དང་ལྡན་པའི་འབྲས་བུས་རིམ་པ་ཅན་ཉིད་དུ་རྟོགས་པར་བྱེད་པ་ཡིན ་ལ་རྟག་པ་ནི་དེ་ལྟ་མ་ཡིན་ཏེ། རིམ་པ་མེད་པའི་ཕྱིར་རོ། །གཅིག་ཏུ་ཉེ་བར་བསྡུས་པ་གཞན་ལས་སྐྱེས་པའི་ངོ་བོ་ནི་གཞན་ལ་འགྱུར་བ་མ་ཡིན་ནོ། །རྣམ་འགས་ཀྱང་རིམ་པ་མེད་པ་ཉིད་ཀྱིས་བསྒྱུར་བྱ་མ་ཡིན་པའི་ཕྱིར་དང། ཕན་གདགས ་པ་ནི་རྣམ་པར་བསྒྱུར་བ་ཙམ་ཉེ་བར་མཚོན་པ་ཉིད་ཀྱི་ཕྱིར་རོ། །འོན་ཏེ་རྟག་པ་ནི་རིམ་པ་མེད་པ་ཡིན་ཡང་ལྷན་ཅིག་བྱེད་པའི་རིགས་ལས་རིམ་གྱིས་བྱ་བ་བྱེད་པ་ནི་མར་མེ་ལྟ་བུ་སྟེ། མར་མེ་ནི་ཇི་ལྟར་གཅིག་ཉིད་ཀྱང་ལྷན་ཅིག་བྱེད་པའི་དབྱེ་བ་ལས་རྣམ་པར་ཤེས་པ ་དང། སྡོང་བུའི་འགྱུར་བ་དང། འབར་བའི་རྒྱུན་ཕྱི་མ་རྣམས་ཀྱི་བྱེད་པ་ཡིན་ལ། དེ་ཐ་དད་པ་ནི་མ་ཡིན་ཏེ། དུས་དང་ངོ་བོ་དང་ཡུལ་རྣམས་ཐ་མི་དད་པས་ཐ་མི་དད་པ་ཉིད་དུ་ཚད་མས་གྲུབ་པའི་ཕྱིར་རོ། །གཅིག་ཉིད་ནུས་པའི་བྱེ་བྲག་གིས་དེ་རྣམས་སྐྱེད་བར་བྱེད་པ་ནི ་མ་ཡིན་ཏེ། སོ་སོར་ངེས་པའི་རང་བཞིན་གྱི་འབྲེལ་པ་མེད་ན། དེ་རྣམས་ཀྱི་ཐམས་ཅད་དུ་སྐྱེ་བ་སྔར་མ་མཐོང་བའི་ཕྱིར་རོ། །རང་བཞིན་གང་གིས་སྡོང་བུའི་འགྱུར་བའི་རྒྱུ་ཡིན་པ་དེ་ཁོ་ནས་འབར་བ་དང། ཉེ་བར་དམིགས་པ་དག་གི་ཡང་མ་ཡིན་ཏེ། སྡོང་བུའི་འགྱུར ་བ་བཞིན་དུ་དེ་དག་ཀྱང་དེའི་རང་བཞིན་དུ་ཐལ་བར་འགྱུར་བའི་ཕྱིར་རོ། །ལྷན་ཅིག་པ་ཉིད་ཁོ་ན་རྗེས་སུ་འགྲོ་ལྡོག་དག་གིས་ཐམས་ཅད་དུ་རྒྱུ་ཉིད་དུ་རྟོགས་པ་ཡིན་གྱི། གཅིག་གི་ངོ་བོ་ནི་མ་ཡིན་ཏེ། རྒྱུའི་རང་བཞིན་ཐ་དད་པ་མེད་པ་ཡིན་ན། འབྲས་བུ་ཐ་དད ་བ་གློ་བུར་བ་ཅན་ཉིད་དུ་ཐལ་བར་འགྱུར་བའི་ཕྱིར་རོ། །དེ་ལྟ་ཡིན་ན་སྣ་ཚོགས་པའི་ཐ་དད་པའི་ངོ་བོ་ཉིད་ལ་རྒྱུ་མེད་པར་འགྱུར་རོ། །ལྷན་ཅིག་བྱེད་པ་དེ་རྣམས་ཀྱིས་འདི་ལ་ཅུང་ཟད་ཀྱང་བྱེད་པ་མ་ཡིན་ཏེ། དེ་རྣམས་ཀྱི་ཕུལ་དུ་བྱུང་བའི་བྱེ་བྲག་ཏུ་བྱས་པར་མ ་རྟོགས་པའི་ཕྱིར་རོ། །ཞིང་ལ་སོགས་པ་རྣམས་ས་བོན་ལ་སྡོད་པ་བཞིན་དུ་ཐལ་བར་འགྱུར་རོ། །དེ་དང་ལྡན་པ་མ་ཚད་པ་འབའ་ཞིག་ནི་མ་ཚང་བ་མེད་པས་བསལ་བ་ཡིན་ཏེ། འགལ་བའི་ཕྱིར་རོ། །རྟག་པ་ནི་དེ་བཞིན་དུ་ཅིག་ཅར་བྱེད་པ་མ་ཡིན་ཏེ། ལྷན ་ཅིག་བྱེད་པ་རྣམས་ཀྱི་རང་གི་རྒྱུ་མ་ཚང་བ་ཉིད་ཀྱིས་ཅིག་ཅར་བ་ཉིད་མ་ཡིན་པའི་ཕྱིར་རོ། །དེའི་ཕྱིར་མར་མེ་བཞིན་དང་མཛའ་ཨི་ཚོགས་པ་བཞིན་དུ་ལྷན་ཅིག་བྱེད་པ་རྣམས་ཀྱི་མ་ཚང་བ་བསལ་བས། མ་ཉམས་པའི་བདག་ཉིད་ཀྱི་རྟག་པ་ནི་རིམ་གྱིས་བྱེད་པ་ཡང་ཡིན་ནོ། ་སྙམ་དུ་སེམས་པ་ལ། །རྣམ་འགས་ཞེས་བྱ་བ་སྨོས་ཏེ། རྣམ་པ་འགས་ཀྱང་སྟེ་ལྷན་ཅིག་བྱེད་པ་རྣམས་ཀྱིས་ཕན་གདགས་པར་བྱ་བ་ཉིད་མ་ཡིན་པའི་ཕྱིར་ཏེ། མ་ཚང་བ་ཉིན་མེད་ཀྱང་དེ་དེའི་དུས་ཉེ་བར་མཚོན་པའི་བྱེད་པ་པོ་མ་ཡིན་པའི་ངོ་བོ་མ་སྤངས་པའི་ཕྱིར་རོ།། ་མ་ཚང་བ་ཉིད་ཁོ་ན་མི་བྱེད་པ་ནི་མ་ཡིན་ཏེ། དེ་ཉེ་བར་མཚོན་པ་ཡང་དེ་དང་མཚུངས་པས་དེ་དང་འབྲེལ་བ་ཉིད་ཡིན་ནོ། །རྒྱུའི་རང་བཞིན་ཁོ་ན་ཡིན་ཡང། དེའི་འབྲས་བུ་མི་འབྱུང་བ་ཡིན་ནོ་ཞེ་ན། འབྲས་བུ་ལ་གེགས་བྱེད་པ་ཡིན་ན། དེ་ལ་གནས་པའི་བྱེད་པ་པོ་ཉིད ་ལ་གེགས་བྱས་པ་ཡིན་གྱི། ཇི་ལྟར་མར་མེ་ལ་ཡིན། དེའི་ཡང་མ་ཚང་བར་ཉེ་བར་མཚོན་པ་ཡིན་ན། ཚང་བ་ཡིན་ཡང་མ་ཚང་བ་བཞིན་དུ་ཉམས་པ་ཡིན་ནོ། །མཛའ་ཨི་ཚོགས་པ་ནི་རེ་རེ་ཞིང་དེའི་འབྲས་བུ་ལ་ནུས་པ་ཅན་ཡིན་ཏེ། རྒྱུའི་དབང་གིས་དེ་བཞིན་དུ་འབྱུང་བ ་ཡིན་ནོ། །ལྷན་ཅིག་བྱེད་པ་གཅིག་ཉེ་བར་གྱུར་པས་བསྒྲུབ་པར་བྱ་བ་འབྲས་བུ་ཡང་རྒྱུན་དུ་བྱུང་བའི་ཤེས་པ་ལ་སོགས་པ་ནུས་པ་ཐ་དད་པ་ལས་རང་བཞིན་ཐ་དད་པ་ནི་གཞན་གྱི་བྱེ་བྲག་ཅན་མ་ཡིན་ཏེ། སྐད་ཅིག་མའི་དབྱེ་བ་ཙམ་བསྐྱེད་བྱེད་ཡིན་པའི་ཕྱིར ་རོ། །མར་མེ་ལ་སོགས་པའི་མི་རྟག་པ་ལ་ཡང་སྡོང་བུའི་འགྱུར་བ་དང་ཤེས་པ་བ་དང། འབར་བའི་རྒྱུ་ན་ཕྱི་མ་འབྲས་བུའི་བྱེད་པ་པོ་ལ་སོ་སོའི་ལྷན་ཅིག་བྱེད་པའི་རྐྱེན་གྱིས་བྱེད་པ་པོ་མ་ཡིན་པའི་ངོ་བོ་མ་ཉམས་པ་ཡིན་པ་ལ་ཡང། ཚད་མ་ཡོད་པ་མ་ཡིན་ན། ་རྟག་པ་གཅིག་པུའི་ངོ་བོའི་རང་བཞིན་ལ་ལྟ་ཅི་སྨོས་ཤེས་བྱ་བའི་དོན་ཏོ། །དེའི་ཕྱིར་རང་གི་རྒྱུ་ཚོགས་པ་ལས་འབྲས་བུ་དུ་མ་བྱེད་པའི་ཚོགས་པ་ཕྱི་མ་གཟུགས་དང་རོ་ལ་སོགས་པ་བཞིན་དུ། ཇི་ལྟར་མཐོང་བ་ཁས་བླང་བར་བྱ་བ་ཡིན་ནོ། །ཉེ་བ?་ལེན་པ ་དང་ལྷན་ཅིག་བྱེད་པ་ལ་སོགས་པ་ཉིད་ནི། ཅི་ནས་ཀྱང་གང་གི་ཡང་ཡིན་ནོ། །ཁ་ཅིག་ཏུ་ནི་བསྟན་བཅོས་ཀྱི་རྣམ་པར་དབྱེ་བ་ཇི་ལྟ་བ་ཁོ་ན་ཡིན་པའི་ཕྱིར་རོ། །ཤིན་ཏུ་སྙིང་པོ་མེད་པ་བློ་གྲོས་ངན་པའི་སྤྲོས་པ་རིང་དུ་བསྲིངས་པས་ཆོག་གོ་།སྐད་ཅིག་མ་ཉིད ་ལ་སྔ་མ་ཉིད་ཙམ་ལས་རྒྱུ་ཉིད་ཇི་ལྟར་ཡིན་ཏེ། ཐལ་ཆེས་པ་མ་ཡིན་ནམ་དྲིལ་དྲི་དང་གཟུགས་དག་སྔ་མ་ཉིད་ལས་བྱེ་བྲག་མེད་དོ། །བྱ་བ་ལས་ཡིན་ནོ་ཞེ་ན། སྐད་ཅིག་མ་ལ་བྱ་བ་མེད་དོ། །སྐྱེ་བཞིན་པའི་དྲི་ལ་སོགས་པ་ནི་གང་གི་ཚེ་གཟུགས་ཞིག་པ་དེའི ་འབྲས་བུ་མི་འདོད་པ་གང་ཡིན་པ་དེ་བཞིན་དུ། གཟུགས་གཞན་རྣམས་ཀྱང་ཡིན་ནོ། །རྟག་པ་ནི་དུས་གཞན་དུ་ཡང་རྗེས་སུ་གནས་བཞིན་པ་ཡིན་པས་བྱ་བ་བྱེད་པར་ནུས་པ་ཡིན་པའི་ཕྱིར་རྒྱུ་ཡིན་ནོ། །དེའི་ཕྱིར་སྔར་འབྲས་གྲུབ་པ་ལ། གང་གི་བྱ་བ་མཐོང་བ ་ནི། དེ་ཉིད་དེའི་རྒྱུ་ཡིན་གྱི་དེ་མ་ཐག་པ་ཙམ་ཉིད་མིན། གལ་ཏེ་བྱ་བ་ཡིན་ཡང་རྒྱུ་ཡིན་ཞེས་ཅི་ལས་ཤེས་རྒྱུ་ཉིད་ཀྱིས་རྟོགས་པའི་ཕྱིར་རོ། །འདི་ལ་ཡང་དེའི་འབྲས་བུ་ཉིད་ཡུལ་ཡིན་པ་དེ་ཉིད་ཀྱིས་རྟོགས་པ་ནི། ལྷས་བྱིན་གྱི་བུ་ལ་ལྷས་བྱིན་དུ་ཤེས་པ་བཞིན ་དུ། གང་ལ་ཡོད་པ་དེ་ཉིད་རྒྱུ་ཡིན་གྱི། གཞན་གྱི་མ་ཡིན་ནོ་ཞེས་བྱ་བ་ནི་རྣམ་པར་དབྱེ་བའོ། །འབྲས་བུ་ལ་རང་བཞིན་གྱིས་རྗེས་སུ་འགྲོ་བར་ངེས་པར་རྒྱུ་ཉིད་ཡིན་ཏེ། དྲི་ལ་རོའི་ནི་མ་ཡིན་ནོ། །ཇི་ལྟར་ཇི་ལྟ་བས་རྒྱུ་ནི་མ་ཡིན་ཏེ། གང་ཞིག་གང་ལས་ཀྱང་ཐལ ་བར་འགྱུར་བའི་ཕྱིར། ངེས་པ་མ་ཡིན་པར་མ་མཐོང་བ་ལ་ཐལ་འགྱུར་ཡང་མ་ཡིན་ཏེ། དེ་ནི་མཐོང་བའི་རྗེས་སུ་འབྲང་བ་ཡིན་པའི་ཕྱིར་རོ། །འཇིག་རྟེན་པ་ནི་འགའ་ལ་ཡང་སྐད་ཅིག་མ་ཉིད་དུ་ཞེན་པ་མེད་དོ། །དེའི་ཕྱིར་རྒྱུ་ཁས་བླངས་པ་ཡིན་ན། །སྔ་མ ་སྔ་མ་རྒྱུར་འགྱུར་རོ། །མཚན་ཉིད་མི་མཐུན་པ་ནི་མ་ཡིན་ཏེ། དེ་ལྟ་བུར་མ་རྟོགས་པའི་ཕྱིར་རོ། །ཞེས་བརྗོད་པ་ན་མཚན་ཉིད་མི་མཐུན་པ་ཉེ་བར་གནས་པའི་གནས་སྐབས་གང་ཡིན་ཞེས་བྱ་བའོ། །གཏིང་དཔག་དཀའ་འདི་གཏིང་ཐག་ནི། །བློ་དམན་བདག ་གིས་མི་ཆོད་ཅིང། །འདི་ལ་འང་ཤིང་རྟ་ཆེའང་དུ་བ་ན། ཆེས་དམན་ལ་གཏམ་ག་ན་ཡོད། །དེ་ལྟ་བུའི་ཚད་མ་ཉིད་དུ་སྒྲུབ་པ་ལ། །ཡང་དག་ཉིད་གསུངས་ཞེས་པ་ལས་གཞན་པ་རྗེས་སུ་དཔག་པ་ཡིན་ཞེས་སྨོས་པ་ཡིན་ལ། རྩོད་པའི་གཞི་ནི་ཉེ་བར་དམིགས་པ་དང ་ལྡན་པའི་རྒྱུ་ཅན་ཡིན་ཏེ། སྐྱེ་བ་དང་ལྡན་པ་ཉིད་ཀྱི་ཕྱིར་རོ། །སེམས་དང་མི་ལྡན་པ་ཉེ་བར་ལེན་པ་ཅན་ཉིད་ཡིན་པའི་ཕྱིར་གོས་ལ་སོགས་པ་ལྟ་བུའོ། །གང་ཁོ་ན་གཞན་གྱི་བློ་དང་ལྡན་པ་ཉིད་ཀྱི་རྒྱུ་ཅན་ཡིན་པར་འགགས་པར་བྱེད་པ་དེ་ཁོ་ན་རྩོད་པའི་ཡུལ་དུ ་བརྗོད་པས་རྟོགས་པ་ཡིན་ལ། བསྒྲུབ་བྱའི་བྱེ་བྲག་བརྗོད་པས་ནི་བྱེ་བྲག་གྲུབ་པའི་ཕྱིར་རོ། །མ་ཡིན་ཏེ། བསྒྲུབ་བྱ་ལ་སོགས་པ་རྣམ་པར་བཞག་པ་ནི་རྩོད་པ་ཟླ་བོ་ལ་བལྟོས་པའི་ཕྱིར་རོ། །རང་བཞིན་པ་ཉིད་ཡིན་ན། །རང་གི་ངོ་བོ་བཞིན་དུ་ཕྱོགས་ཉིད་ལ ་སོགས་པ་ཡང་ཇི་སྲིད་རྫས་ཡོད་ཀྱི་བར་དུ་ཡིན་པར་འགྱུར་ལ། སྨྲ་པ་པོ་གཞན་ལ་བལྟོས་ནས་གཞན་དུ་མི་འགྱུར་ཞིང། དེ་བཞིན་དུ་བསམ་པའི་བསྐྱེད་བྱར་ཡང་འགྱུར་རོ། །ཚད་མས་བཀག་པའི་བསམ་པས་བསྐྱེད་པ་ནི་དེ་ལོག་ཀྱང་ལོག་པ་མ་ཡིན ་ཏེ། གང་གི་ཕྱིར་རྫ་མཁན་ལྡོག་པ་ཡིན་ཡང། དེ་ལས་བྱུང་བའི་བུམ་པ་མེད་པ་མ་ཡིན་ནོ། །བསམ་པ་ཡང་ཕྱི་རོལ་གྱི་སྐྱེད་བྱེད་ཉིད་ཡིན་ན། བཀག་པ་ཡང་སྐྱེ་བར་བྱེད་པར་འགྱུར་ཏེ། རང་གི་ངོ་བོར་བོར་བ་དང། བར་དུ་ཆོད་པ་དག་མེད་པའི་ཕྱིར་ངེས ་པ་མེད་པ་ཡིན་ན། གཏན་ཚིགས་ཉིད་ཕྱིན་ཅི་ལོག་ཏུ་གྱུར་པའི་ཕྱིར། འཁྲུལ་བ་ཅན་དུ་འགྱུར་བའི་ཕྱིར་རྒྱུ་དང་དེའི་སྣང་བ་དག་ཏུ་རྣམ་པར་གཞག་པ་ཆད་པར་འགྱུར་རོ། །སྨྲ་བ་པོའི་འདོད་པ་ཙམ་ལས་བྱུང་བ་ཉིད་ཀྱིས་དངོས་སུ་བ་མ་ཡིན་པའི་ཕྱིར། དངོས་སུ ་ཁྱབ་པ་ཅན་གྱི་འབྲེལ་པའི་རྗེས་སུ་འབྱུང་བར་བྱེད་པའི་གཏན་ཚིགས་ཡིན་གྱི། དེའི་རྣམ་པར་གཞག་པའི་རྗེས་སུ་འཇུག་པ་མ་ཡིན་ཏེ། དེས་ན་གཏན་ཚིགས་ལ་སོགས་པའི་རྣམ་བཞག་འགྲུབ་པ་ཡིན་པའི་ཕྱིར། བསྒྲུབ་བྱའི་བྱེ་བྲག་ཁོ་ན་འཛིན་པ་ཡིན་གྱི ་གཞན་ལ་རྩོད་པ་ནི་མ་ཡིན་ནོ། །དེ་འཛིན་པ་ཡིན་ན་གནས་སྐབས་མི་ཤེས་པས་ཕམ་པར་འགྱུར་བ་ཡིན་ནོ། །བསྒྲུབ་བྱའི་ཚིག་འདི་ཡང?་བསྒྲུབ་བྱ་དངོས་སུ་གྲུབ་པའི་ཡན་ལག་མ་ཡིན་ཏེ། གཏན་ཚིག་སྨྲས་པ་ལ་དོན་མེད་པར་འགྱུར་བའི་ཕྱིར ་རོ། །སྒྲུབ་བྱེད་ལ་དད་པ་བསྐྱེད་པའི་དོན་དུ་འདོད་པ་འཛིན་པ་ནི་མ་ཡིན་ནོ། །ཁྱབ་པ་ཅན་ནི་སྒྲུབ་བྱེད་མེད་ན་ངེས་པ་མེད་པའི་ཕྱིར་རོ། །ཡུལ་ཤེས་པར་བྱེད་པའི་དོན་དུ་ཡིན་ནོ་ཞེ་ན། མ་ཡིན་ཏེ། དེའི་ཤེས་པ་ནི་དེ་ལྟ་བུའི་སྒྲུབ་བྱེད་བརྗོད་པ་ཁོ་ན་གྲུབ་པའི་ཕྱིར་རོ།། ་གང་བྱས་པ་དེ་མི་རྟག་པ་ཡིན་ཏེ། བུམ་པ་ལ་སོགས་པ་ལྟ་བུ་ཞེས་བརྗོད་པ་ལ་ཕྱིན་ཅི་ལོག་ཏུ་དོགས་པ་མ་ཡིན་ནོ། །རྟག་པ་ལ་བྱས་པ་ཉིད་རྗེས་སུ་འགྲོ་བར་བརྗོད་པ་ནི་ཇི་ལྟར་འཁྲུལ་པ་ཉིད་ཡིན་ནོ་ཞེ་ན། དེ་ལྟ་ཡིན་ན། དེ་ཉིད་ཀྱིས་རྟག་པ་ལ་ཕྱིན་ཅི་ལོག་ཏུ ་བརྗོད་པ་ཡིན་པར་ཅིས་མི་འགྱུར། བྱས་པ་ཉིད་ནི་གང་གིས་ནམ་མཁའ་ལ་སོགས་པ་ལ་རྟག་པ་ཉིད་ཀྱིས་ཁྱབ་པར་རྗོད་པར་བྱེད་པ་ཡིན་པ་དེས་ན་སྒྲ་ལ་ཡང་རྟག་པ་ཉིད་དུ་འདོད་པར་འགྱུར་རོ། །བསྒྲུབ་བྱ་དང་སྒྲུབ་བྱེད་དང་ཆོས་ཅན་དང། དཔེ་དང་རྗེས་སུ་འགྲོ་བ་རྣམས ་ཀྱི་ཡུལ་ནི་བྱེ་བྲག་ཡིན་ནོ་ཞེ་ན། མ་ཡིན་ཏེ། འགལ་བ་ཅན་ལ་ཡང་མཚུངས་པའི་ཕྱིར་རོ། །བསྒྲུབ་བྱ་དང་འགལ་བའི་ཆོས་ཅན་དཔེ་ལ་ནི་ཕྱིན་ཅི་ལོག་གི་ཁྱབ་པ་ཅན་དུ་རྟོགས་པའི་ཤུགས་ཀྱིས་གཏན་ཚིགས་ནི་བསྒྲུབ་བྱ་ཕྱིན་ཅི་ལོག་ཏུ་སྒྲུབ་པར་བྱེད་པ་ནི་བྱ་བར ་སླ་བ་ཉིད་དོ། །ནམ་མཁའ་ལ་སོགས་པ་ལ་ནི་བྱས་པ་ཉིད་མེད་པས་བསྒྲུབ་པར་བྱ་བ་མ་ཚང་བ་ཉིད་ཁོ་ན་ཕམ་པའི་གཞི་ཡིན་གྱི། ཕྱིན་ཅི་ལོག་པས་ཁྱབ་པ་ཅན་ནི་མ་ཡིན་ཏེ། བུམ་པ་ལ་སོགས་པའི་རྟག་པ་ཉིད་ལ་སོགས་པ་སྤངས་པ་ཡོངས་སུ་བརྟན ་པའི་ཡུལ་ཉིད་ཡིན་པས་དེའི་ཚེ་རིང་ནས་རྟོགས་པ་ཡིན་པའི་ཕྱིར་རོ། །བསྒྲུབ་བྱའི་ཚིག་མེད་ན་རྗེས་སུ་འགྲོ་བའི་ཚིག་ནི་གཉི་ག་ལ་མཚུངས་པའི་ཕྱིར། ཕྱིན་ཅི་ལོག་པ་ཅན་ལས་དེ་ཁོ་ན་ཉིད་སྨྲ་བ་པོ་ལ་ཁྱད་པར་ཅན་དུ་རྟོགས་པར་མི་འགྱུར་རོ། །གང་ཞིག ་གང་གིས་རྗེས་སུ་འགྲོ་བའི་ངེས་བ་ཅན་མེད་པས་ཤུགས་ཀྱི་ཕྱིན་ཅི་ལོག་གིས་ཁྱབ་པར་ངེས་པར་གཟུང་བ་མེད་པའི་ཕྱིར། འདོད་པའི་བསྒྲུབ་བྱ་བསྟན་པ་ལ་ནི། ཡིད་མི་ཆེས་པ་མེད་པ་ཡིན་ཏེ། ངག་གི་བྱེ་བྲག་གི་ཡོན་ཏན་དང་སྐྱོན་བརྗོད་པས་དེ་སློང་བར་བྱེད་པའི་བསམ་པ ་ཉིད་ཀྱི་ཕྱིན་ཅི་ལོག་པ་དང། ཕྱིན་ཅི་མ་ལོག་པ་ཉིད་གྲུབ་པ་ཡིན་ལ། གཞན་གྱིས་ནི་མ་ཡིན་ཏེ། དེ་བསྒྲུབ་པ་ལ་ཚད་མ་མེད་པའི་ཕྱིར་རོ། །དེ་བསྟན་པ་ལ་ཡང་ཆོས་ཅན་གྱི་ཚིག་ནི་གཉི་ཀ་ལ་མཚུངས་པ་ལ་མ་ཡིན་ནམ། ཆོས་ཀྱི་ཚིག་ནི་མཐོང་བ་ན་བཞིན་དུ་འཁྲུལ་བའི ་རྒྱུ་མཚན་མ་ཡིན་ཏེ། ལན་གཉིས་བརྗོད་པས་འཁྲུལ་པ་མ་ཡིན་ནོ། །དེ་ཡིན་ན་གཏན་ཚིགས་ལ་སོགས་པ་ལ་འཁྲུལ་པར་དོགས་པ་མེད་པར་མི་འགྱུར་ཏེ། གཞན་ལ་དེ་མེད་པས་གཞན་ལ་ཡང་དེ་བཞིན་དུ་འགྱུར་བ་མ་ཡིན་ནོ། །ལྷག་པའི་སྐྱོན་དུ་ཡང་ཐལ་བར་འགྱུར ་ཏེ། འཁྲུལ་པ་སྲིད་པ་ཡང་ཡང་བརྗོད་པ་ཡང་མ་བསལ་བའི་ཕྱིར། དག་གི་བྱེ་བྲག་ལས་དེ་ལྟ་བུའི་བསམ་པ་རྟོགས་པས་ཡོན་ཏན་དང་སྐྱོན་སེམས་པ་ཡིན་པ་ནི་འཁྲུལ་བར་དོགས་པ་མ་ཡིན་ནོ་ཞེ་ན། ཅིག་ཤོས་ལ་ཡང་མཚུངས་པ་ཡིན་ནོ། །འགལ་བ་ཅན་ལ་ཇི ་ལྟར་འཁྲུལ་པར་རྟོགས་པ་ཡིན། མ་ཡིན་ཏེ། དེ་ལ་ཡང། སྨྲས་ལ་སེམས་པ་ཉིད་ཡིན་ནོ། །འབའ་ཞིག་ནི་ཁྱབ་པ་གྲུབ་པ་ལས་ཕྱིན་ཅི་ལོག་པར་བརྗོད་བཞིན་པ་ལ་སྤྱོད་པར་བྱེད་ན། འཁྲུལ་པའི་ཤེས་པ་ཡིན་ནོ། །ཕྱིན་ཅི་ལོག་པའི་གཏན་ཚིགས་ནི་བསྒྲུབ ་བྱ་དང། འགལ་བའི་ཆོས་ཅན་གྱི་དཔེ་ལ་རྗེས་སུ་འགྲོ་བ་ཡིན་ནོ། །དེ་དག་ཙམ་གྱིས་ནི་སྔར་རབ་ཏུ་གྲུབ་པ་ལ་དཔྱོད་བར་བྱེད་པ་ཡིན་ཏེ། ཕྱིན་ཅི་ལོག་པས་ཁྱབ་པ་ལ་རྟོགས་པ་མེད་པའི་ཕྱིར་རོ། །དེ་ལ་དཔྱོད་པ་ལ་གཉི་གར་ཡོངས་སུ་རྟོགས་པས་དུབ་བ་ལ ་དེ་དང་འདྲ་བ་ཡོད་པའི་ཕྱིར་དང། དེའི་ཚེ་ཉིད་བསྒྲུབ་བྱ་ཕྱིན་ཅི་ལོག་པ་ལ་ཁྱབ་པའི་བློ་ཅན་གྱིས། ཕྱིན་ཅི་ལོག་པའི་ངག་བརྗོད་ངག་མི་ནུས་པ་ཉིད་ཀྱི་མི་སྲིད་པའི་ཕྱིར་དང། གང་བྱས་པ་དེ་ནི་རྟག་པ་ཉིད་ཡིན་ཏེ། ནམ་མཁའ་ལྟ་བུའོ་ཞེས་དཔེར་བརྗོད་པ་ཉིད་ཡིན་ལ། ་རབ་ཏུ་གྲུབ་པ་ལས་ཕྱིན་ཅི་ལོག་པར་བརྗོད་པ་ཡིན་ན། མྱུར་བར་ཕྱིན་ཅི་ལོག་པས་ཁྱབ་པ་ཉིད་དུ་བློ་ལ་སྣང་བའི་ཕྱིར་རོ། བསྒྲུབ་བྱ་ཕྱིན་ཅི་ལོག་ཏུ་སྒྲུབ་པར་བྱེད་པའི་སྐྱོན་ཉིད་ཡིན་ནོ། །སྒྲུབ་བྱེད་མ་ཚང་བ་ནི་མ་ཡིན་ཏེ། རིང་ནས་རྟོགས་པ་ཡིན ་པའི་ཕྱིར་རོ། །ཕྱོགས་བསྟན་པ་ལས་གཞན་པའི་གནས་སྐབས་མ་ཡིན་ཏེ། གང་ལས་བསྒྲུབ་བྱའི་བྱེ་བྲག་སྒྲུབ་པ་ཡིན་ཞེས་གང་སྨྲས་པ་དེ་ནི་མ་ཡིན་ཏེ། གང་ཅུང་ཟད་བསྟན་པ་སྒྲུབ་པར་བྱེད་པའི་སྦྱོར་བ་ནི་མ་ཡིན་ཏེ། དེ་ལྟར་འཇུག་པ་ནི་སྨྱོན་པའི ་ཚིག་བཞིན་དུ་ལྷུར་བླང་བར་བྱ་བ་མ་ཡིན་པར་ཐལ་བར་འགྱུར་རོ། །གང་གིས་ཀྱང་རྩོད་པ་བྱེད་པ་ནི་འདྲི་བ་པོ་ཉེ་བ་ཡིན་ན་དེའི་སྦྱོར་བ་འབྱུང་བ་ནི་གནས་སྐབས་ཀྱི་རྗེས་ཐོགས་སུ་འབྱུང་བ་ཡིན་ལ། སྤྱིའི་གནས་སྐབས་ལ་ནི་སྒྲུབ་པའི་བྱེ་བྲག་སྦྱོར ་བར་བྱེད་པ་མ་ཡིན་ཏེ། ལྷུར་བླང་བར་བྱ་བ་མ་ཡིན་པ་ཉིད་དུ་ཐར་བར་འགྱུར་བ་ཁོ་ནའོ། །དེའི་ཕྱིར་སྨྲས་པའི་ཁྱབ་པ་ཅན་ལ་གཏན་ཚིགས་ཀྱི་ནུས་པས་བསྒྲུབ་བྱ་གྲུབ་པ་ཡིན་ན། དེ་བསྟན་པ་ལྷག་པ་ཉིད་ཡིན་ནོ། །ཁྱབ་པ་འདི་ལ་མཁས་པ་རྣམས ་ལ་ནི་གཏན་ཚིགས་འབའ་ཞིག་བརྗོད་པར་བྱེད་ཅེས་གསུངས་པའོ། །ཡོངས་སུ་རྟོགས་པས་དུབ་པ་བསལ་བའི་དོན་བསྒྲུབ་བྱ་བརྗོད་པར་བྱ་བ་ཡིན་ཏེ། གཞན་དུ་ན་ཁྱབ་པར་བྱེ་བྲག་མེད་པས་སྒྲུབ་བྱེད་ཙམ་ལས་བསྒྲུབ་བྱ་མཚོན་པར་རྟོག་པ་ཡིན ་ན། མི་འདོད་པའི་བསྒྲུབ་བྱ་ཡང། འཕེན་པའི་ཕྱིར། དེ་ཉིད་དུ་སྨྲ་བ་དང་འགལ་བ་སྨྲ་བ་དག་ལ་བྱེ་བྲག་མེད་པར་འགྱུར་རོ། །འདིས་བསྒྲུབ་པར་བྱ་བ་དང། སྒྲུབ་པར་བྱེད་པ་པོས་པ་ཞེས་བྱ་བ། བསྒྲུབ་བྱ་དང་སྒྲུབ་བྱེད་ངག་ཏུ་ཉེ་བར་བཀོད་པའི་ཕྱིར་ཐལ་ཆེས ་པ་མ་ཡིན་ནོ་ཞེ་ན། དེ་ལྟ་ཡིན་ན་འགལ་བའི་གཏམ་ཙམ་ཡང་ནུབ་པར་འགྱུར་བ་ཡིན་ནོ། །འཁྲུལ་པས་ཡོད་པ་ཡིན་ནོ་ཞེ་ན། དེ་ལྟ་ཡིན་ན་དག་ཞིག་པའི་དོན་དུ་འདོད་པའི་ཚིག་སྨོས་པ་མ་ཡིན་ནོ། །ཐམས་ཅད་དུ་གོས་པ་མེད་པ་ཡིན་ན ་ཕྱོགས་ཀྱི་མཚན་ཉིད་བྱེད་པ་ནི་ང་རྒྱལ་ཅན་གྱི་སྐྱེས་བུའི་བྱ་བ་ཙམ་དུ་འགྱུར་རོ། །དེའི་བསྒྲུབ་བྱ་བསྒྲུབ་བྱ་མ་ཡིན་པའི་དངོས་པོ་ཤེས་པར་བྱེད་པ་ནི་འབྲས་བུ་ཡིན་ནོ་ཞེ་ན། གཏན་ཚིགས་ཙམ་སྦྱོར་བ་ཡིན་ན་ཕྱིན་ཅི་ལོག་པ་དང། དེ་ཁོ་ན་ཉིད་དུ་སྨྲ་བ་པོའི་ཁྱད་པར་རྟོག ་པར་མི་འགྱུར་རོ། །དེའི་ཕྱིར་ངེས་པར་བརྗོད་པ་མ་ཡིན་ཞེས་བྱ་བས་ངེས་པ་བཀག་པ་མ་ངེས་པ་སྒྲུབ་པར་བྱེད་པ་ཡིན་གྱི། རང་གི་ངོ་བོ་འགགས་པ་ནི་མ་ཡིན་ནོ། །དེ་ལྟ་ན་དཔེ་ལ་མེད་ན་མི་འབྱུང་བར་ངེས་པའི་གཏན་ཚིགས་ཉེ་བར་སྦྱོར་བ་ནི། ཕྱོགས་ལ་ཁྱད ་པར་བྱེད་པ་ཉིད་དུ་གྲུབ་པ་ཡིན་ན། བསྒྲུབ་བྱ་ལ་ངེས་པར་བྱེད་པའི་ཕྱིར། དེ་ལ་ཉེ་བར་སྦྱོར་བ་ནི་སྒྲུབ་པར་བྱེད་པའི་ཡན་ལག་ཡིན་ནོ། །གཞན་དུ་ན་ངེས་པ་ཅན་བསྒྲུབ་པར་བྱ་བ་མི་རིགས་པའི་ཕྱིར་རོ། །བདེན་ཏེ། དམ་བཅའ་བ་སྨྲས་པའི་གཏན་ཚིགས་ལ ་ཆོས་ཅན་རྗེས་སུ་འགྲོ་བ་གྲུབ་པ་ཡིན་ན། ཡང་བརྗོད་པ་ལ་དགོས་པ་མེད་པར་འགྱུར་རོ། །དེ་ལ་འབྲེལ་པ་ཅན་མ་ཡིན་པ་ཡང། མིག་གིས་གཟུང་བར་བྱ་བ་ཉིད་ལ་སོགས་པ་དེ་ལྟར་བརྗོད་པར་མཐོང་བ་མ་ཡིན་ནམ། ཇི་ལྟར་དེ་དག་ཙམ་ལས་དེ་རྗེས་སུ་འགྲོ་བ ་དེས་པ་ཡིན། དེའི་ཉེ་བར་སྦྱོར་བ་ལས་ཀྱང་ཇི་ལྟར་ངེས་པ་ཡིན། མེད་པ་ལ་ཡང་དེ་ཡོད་པའི་ཕྱིར་རོ། །མེད་པ་ལ་ཡང་སྦྱོར་བར་བྱེད་པ་ནི་གཏན་ཚིགས་ལ་ཡན་ལག་ལྔ་དང་ལྡན་པར་མི་སྦྱོར་བ་ནི་མ་ཡིན་ཏེ། དེ་ལྟར་གཞུང་ལུགས་སུ་བྱས་པའི་ཕྱིར་རོ། །དེའི ་ཕྱིར་ཆོས་ཅན་དང་འབྲེལ་པར་བསྟན་པ་ཡང། ཚད་མ་ལས་དེ་ཉིད་དང་ཅིག་ཤོས་སུ་ངེས་པར་རྟོགས་པས་གཏན་ཚིགས་དང། གཏན་ཚིགས་ལྟར་སྣང་བ་དག་མེད་ན་མི་འབྱུང་བ་བཞིན་དུ་རྣམ་པར་བཞག་པ་ཡིན་གྱི་ཚིག་ལས་ནི་མ་ཡིན་ནོ། །དམ་བཅའ་ ་སྔོན་དུ་འགྲོ་བ་ཅན་གྱི་གཏན་ཚིག་ལ། དེ་དང་འབྲེལ་པའི་ཤེས་པ་མ་ཉམས་པ་ཡིན་ཏེ། ཉེ་བར་སྦྱོར་བ་སྔོན་དུ་འགྲོ་བ་ཅན་གྱི་མེད་ན་མི་འབྱུང་བ་བརྗོད་པ་ལས་རྗེས་སུ་འཇུག་པའི་དངོས་པོ་ཅན་ཉིད་ཡིན་པའི་ཕྱིར་རྗེས་སུ་འཇུག་པ་རྣམས་ཀྱི་རྗེས་སུ་འགྲོ་བ་དག ་གི་མཇུག་བསྡུ་བ་ལས་ཡིན་ནོ་ཞེས་བྱ་བ་ཡང་གཏམ་ཙམ་ཡིན་ཏེ། དེ་མེད་ཀྱང་ཉེ་བར་བསྡུ་བའི་མཐར་ཐུག་པ་ཅན་གྱི་རྗེས་སུ་འགྲོ་བ་རྟོགས་པའི་ཕྱིར་རོ། །ཁྱབ་པ་པ་སྔོན་དུ་འགྲོ་བ་ཅན་གྱི་སྦྱོར་བ་ལ་ཕྱིས་ཉེ་བར་སྦྱོར་བ་ནི་རང་གི་དོན་གྱི ་རྗེས་སུ་དཔག་པའི་རྗེས་སུ་འབྲང་བ་ཡིན་ལ། དེ་ལ་ཡང་ཁྱབ་པ་ཉིད་ཀྱི་རྗེས་སུ་འབྲངས་ནས་དེ་ཉིད་ཉེ་བར་བརྗོད་ནས་རྟོགས་པ་ཡིན་ཏེ། གང་བྱས་པ་དེ་མི་རྟག་པ་ཡིན་ཏེ། དཔེར་ན་བུམ་པ་ལྟ་བུའོ། །སྒྲ་ཡང་བྱས་པ་ཉིད་ཡིན་ནོ་ཞེས་བྱ་བའོ། །དཔེ ་ཙམ་དང་ལྷན་ཅིག་པའི་གཏན་ཚིགས་བརྗོད་པ་ཁོ་ན་ལས་བསྒྲུབ་བྱ་འགྲུབ་པ་ཡིན་ན་གནོད་པ་ཅན་སྦྱར་བ་མེད་པར་ཐལ་བར་འགྱུར་རོ། །དེ་མ་སྦྱར་བ་ལ་ཡང་སྒྲུབ་པ་བྱེད་པའི་ནུས་པ་མེད་པའི་ཕྱིར། །སྒྲུབ་པར་བྱེད་པའི་ཡན་ལག་ཡིན་པར་བརྗོད་པ་ནི ་ཕམ་པའི་གནས་ཡིན་ནོ། །དེའི་ཕྱིར་མི་མཐུན་པའི་ཕྱོགས་ལ་གནོད་པ་ཅན་གྱི་ཚད་མ་ཉེ་བར་བཀོད་པ་ནི་འབྲས་བུའི་སྒོ་ནས་མཇུག་བསྡུ་བ་ཡིན་ཏེ། དེའི་དོན་ནི་གནོད་པ་ཅན་གྱི་འབྲས་བུ་ཡིན་པའི་ཕྱིར་རོ། །མི་མཐུན་པའི་ཕྱོགས་ལ་མེད་པ་ཙམ་ལས ་ནི་ཐུན་མོང་མ་ཡིན་པ་བཞིན་དུ་བསྒྲུབ་བྱ་གྲུབ་པ་མ་ཡིན་པའི་ཕྱིར་ཕྱོགས་ལ་སོགས་པ་ཡོད་པར་བརྗོད་པ་ཡིན་ནོ། །གནོད་པ་ཅན་དངོས་སུ་མ་བསྟན་པ་མཇུག་སྡུད་མ་ཡིན་ནམ། གལ་ཏེ་འབྲས་བུ་ལས་ཡིན་ནོ་ཞེས་ཟེར་ན་ནི་གནོད་པ་ཅན་གྱི་འབྲས་བུ ་མེད་ན་མི་འབྱུང་བའི་དག་ལ་ཡང་ཡོད་པ་ཡིན་པའི་ཕྱིར་ཏེ། དེས་ན་དེ་སྐད་བསྟན་པ་ཡིན་ནོ། །རྗེས་སུ་འགྲོ་བ་ཙམ་བརྗོད་པ་ལ་མཇུག་སྡུད་ཀྱིས་ཅི་དགོས་ཤེ་ན། དེ་ལྟ་མ་ཡིན་ཏེ། ཁ་ཅིག་ཏུ་ཁ་ཅིག་གི་ངེས་པ་བརྗོད་པ་ལས་།ངེས་པ་ཡང་ཕྱོགས ་མེད་ན་དེ་མེད་པར་ཡང་གནོད་པ་ཅན་གྱི་དབང་གིས་མི་མཐུན་པའི་ཕྱོགས་ཡིན་པའི་དོགས་པ་རྣམ་པར་བཅད་པ་ཡིན་ན། ངེས་པར་འགྱུར་བ་ཡིན་པའི་ཕྱིར་རང་ཡང་ཉེ་བའི་མི་མཐུན་པའི་ཕྱོགས་རྣམ་པར་བཅད་པའི་དེས་པ་ནི་རྒྱུ་ངེས་པ་ལས་ངེས་པ ་ཡིན་ལ། ངེས་པ་དེའི་ཚར་མ་འཇུག་པའི་ཡུལ་མཐོང་བར་བྱེད་པའི་དཔེ་ཡིན་པའི་ཕྱིར། འདི་ལས་ལྷག་པའི་བྱ་བ་བྱེད་པར་མཇུག་སྡུད་པ་ནི་མ་ཡིན་ནོ། །འདིས་ནི་གནོད་པ་མེད་པའི་ཡུལ་ཉིད་མཇུག་སྡུད་ཀྱི་དོན་ཏེ། གཉེན་པོ་དང་བཅས་པ་མ་ཡིན་པ་ཉིད་དུ་ཉེ་བར་སྦྱོར་བ ་བཅད་པ་ཡིན་ནོ། །འདི་ནི་འདི་ལས་ཡིན་ནོ་ཞེས་གནོད་པ་ཅན་གྱི་ངེས་པ་ཡིན་ན། གནོད་པར་བྱ་བའི་ཉིད་དུ་མི་སྲིད་པ་ཡིན་ཏེ། དེ་ཉིད་མི་མཐུན་པའི་ཕྱོགས་ཡིན་པའི་ཕྱིར། བསྒྲུབ་བྱ་ཕྱིན་ཅི་ལོག་པ་ལའམ། དེས་ཁྱབ་པ་ལ་ཡང་སླར་སྒྲུབ་པར་བྱེད་པ་མི་སྲིད་པ་ཡིན ་ཏེ། དེ་ཉིད་ཀྱི་སྤངས་པ་ཡིན་པའི་ཕྱིར་རོ་གཞན་དག་ན་རེ་རང་གི་དོན་གྱི་རྗེས་སུ་དཔག་པ་ལ་ཆོས་ཅན་ས་ཕྱོགས་ལ་སོགས་པ་ལ་དུ་བ་ལ་སོགས་པའི་རྟོགས་མཐོང་ལ། དེ་ལས་ཀྱང་འབྲེལ་བ་དྲན་པ་ཡིན་ལ། དེ་ལས་མེ་ཡོད་དོ་ཞེས་བྱ་བ་ལ་སོགས་པའི་ཤེས་པར ་འགྱུར་རོ། །དེ་རྣམས་ལ་ཆོས་ཅན་མཐོང་བར་ནི་དམ་བཅའ་བའི་ཚིག་གིས་བརྗོད་པ་ཡིན་ཏེ། གཞི་མ་གྲུབ་པ་ཉིད་སྤང་བའི་ཕྱིར། དེ་ཡང་ཆོས་ཅན་ཙམ་བཤད་པར་བྱ་བ་ཡིན་ལ། གྲུབ་པའི་བསྒྲུབ་བྱ་ཉིད་ཡིན་པ་སྤང་བའི་དོན་དུ་བསྒྲུབ་བྱའི་ཆོས་དང་བྱེ་བྲག ་ཅན་ཉིད་ཀྱིས་བརྗོད་པ་ཡིན་ལ། གཏན་ཚིགས་ཀྱིས་ཀྱང་རྟགས་ཀྱི་སྒྲུབ་བྱེད་ཉིད་བརྗོད་པ་ཡིན་ནོ། །གལ་ཏེ་ཡང་དཔེས་བསྒྲུབ་བྱ་དང་ལྡན་པ་ཉིད་རྗོད་པ་ཡིན་ན་ཡང། དེ་ལྟ་ཡང་སྒྲུབ་བྱེད་མ་བརྗོད་པ་ཡིན་ནོ། །བསྒྲུབ་བྱ་སྒྲུབ་བར་བྱེད་པ་ལ་ཡང་སྦྱར་བྱ་ཉིད ་དམ་སྦྱོར་བྱེད་ཉིད་དུ་དཔེས་བརྗོད་པར་བྱ་བ་ཡིན་ཏེ། མི་རྟག་པ་ཉིད་ལ་བྱས་པ་ཉིད་ནི་སྦྱོར་བྱེད་ཡིན་པས་རྟགས་ཡིན་ལ། མི་ལ་བུ་བ་ནི་སྦྱར་བྱས་ཡིན་ནོ་ཞེས་སྦྱར་བྱ་དང་སྦྱོར་བྱེད་ཉིད་དུ་ཤེས་པ་ཅན་གྱི་བསྒྲུབ་བྱ་ཆོས་ཅན་ལ་ཡང་ཡོད་པར་བརྗོད་པའི་མཇུག ་བསྡུ་བ་ནི་མ་གྲུབ་པ་བསལ་བའི་ཕྱིར་ཡིན་ནོ། །དམ་བཅའ་བའི་འོག་ཏུ་གཏན་ཚིགས་ཀྱི་ཚིག་ལས་ཆོས་ཅན་ལ་ཡོད་པར་གོ་བར་བྱེད་པ་ནི་མ་ཡིན་ཏེ། ཆོས་ཅན་གྱི་བྱེ་བྲག་གི་དཔེ་ལ་རྗེས་སུ་འགྲོ་བ་མེད་པར་ཐལ་བར་འགྱུར་བའི་ཕྱིར་རོ། །དེས་ན ་གཏན་ཚིགས་ཀྱི་ཚིག་ལ་གནས་སྐབས་ལ་བལྟོས་པ་མེད་དོ། །མེད་ན་མི་འབྱུང་པའི་ཤེས་པ་ནི་ཆོས་ཅན་ལ་ཉེ་བར་སྦྱོར་བ་ཡིན་ན། དེའི་བྱེ་བྲག་ཐུན་མོང་མ་ཡིན་པ་ཉིད་དུ་དོགས་པ་དེ་བསལ་བའི་དོན་དུ་མཇུག་བསྡུ་བ་ཡིན་ནོ། །ཐུན་མོང་མ་ཡིན ་པ་ཕྱིན་ཅི་ལོག་ཏུ་ཐལ་བར་འགྱུར་བ་བསལ་བས། བསྒྲུབ་བྱ་ཉེ་བར་བཞག་པར་བྱེད་པ་ནི་མ་ཡིན་ནོ་དེ་ན་དེ་ལྟ་མ་ཡིན་ཏེ། རང་གིས་རྟོགས་པ་ཡིན་ན་ནི་སྔར་མེད་ན་མི་འབྱུང་བ་མཐོང་བ་དེ་ལས། །ཆོས་ཅན་ལ་མེད་ན་མི་འབྱུང་བ་མཐོང་བ་ཡིན་ན། དེ་ལས་བསྒྲུབ་བྱ་རྟོགས ་པ་ཡིན་ནོ། །ཆོས་ཅན་ལ་དུ་བ་མཐོང་བ་ཡིན་ན་མེད་ན་མི་འབྱུང་བ་དྲན་པའི་དུས་ཕྱིས། དེ་ཉིད་འདི་ཡིན་ནོ་ཞེས་མེད་ན་མི་འབྱུང་བ་ཤེས་པ་མ་ཡིན་ནམ། སྔར་ནི་མ་ཡིན་ནོ། །དེ་ལྟ་ནི་མ་ཡིན་ཏེ། དེའི་ངོ་བོ་མི་ཤེས་ན་དྲན་པ་ཉིད་མེད་པའི་ཕྱིར་རོ། །དེའི་ཕྱིར ་འཛིན་པའི་ཤེས་པ་ནི་གཞན་མ་ཡིན་ནོ། །རང་གི་རྟོགས་པ་ཁོ་ན་བཞིན་དུ་གཞན་གྱིས་རྟོགས་པའི་དོན་དུ་ཡང་བརྗོད་པ་ནི་མི་རྟག་པ་ཡིན་ཏེ་བུམ་པ་ལྟ་བུའོ། །སྒྲ་ཡང་བྱས་པ་ཡིན་ནོ་ཞེ་ན། བྱ་བ་ཁོ་ན་ཡིན་ནོ། །དེ་རྣམས་སུ་ཡང་སྒྲ་ཡང་བྱས་པ་ཡིན ་ནོ་ཞེས་བྱ་བ་གཞི་མ་གྲུབ་པ་ཉིད་ཡིན་པ་དང། རང་གི་ངོ་བོ་མ་གྲུབ་པ་ཡིན་པ་ཡང་བཀག་པ་ཡིན་ནོ། །ལྷག་མས་ནི་དེའི་བསྒྲུབ་བྱའི་ངེས་པ་ཉིད་དུ་བརྗོད་པས་ཐུན་མོང་མ་ཡིན་པ་ཉིད་དང། ཐུན་མོང་བ་ཉིད་དང། ཕྱིན་ཅི་ལོག་གིས་ཁྱབ་པ་ཡང་བཀག་པ ་ཡིན་ནོ། །སྒྲུབ་པར་བྱེད་པ་ཉིད་ངེས་པ་ཉིད་ཁོ་ན་ཡིན་པ་དེ་བརྗོད་ན། བརྗོད་པ་ཉིད་ཡིན་པའི་ཕྱིར། དམ་བཅའ་བ་དང། གཏན་ཚིགས་དང་མཇུག་བསྡུ་བ་རྣམས་བརྗོད་པ་དོན་མེད་པ་ཡིན་ནོ། །འོན་ཏེ་ཡང་རང་གི་རྟོགས་པ་ཡིན་ན་ཆོས་ཅན་ལ་ཡོད་པར ་མཐོང་བ་དང། མེད་ན་མི་འབྱུང་བ་དྲན་པ་ལ་སོགས་པའི་རིམ་པ། ཡིན་ན། འདི་ལ་ཡང་དམ་བཅའ་བས་སྒྲུབ་བྱེད་ཀྱི་གཞི་མ་གྲུབ་པ་ཉིད་བཀག་པ་ཡིན་པར་བསྟན་ཏོ། །སྒྲུབ་བྱེད་ཉིད་ནི་གཏན་ཚིགས་ཀྱིས་བཀག་པ་ཡིན་ན་ཇི་ལྟར་མ་གྲུབ་པ་ཉིད ་ཡིན་པར་དོགས་པ་ཡིན། གང་གིས་ཉེ་བར་སྦྱོར་བའི་གནས་སྐབས་སུ་འགྱུར། ཆོས་ཅན་གྱི་བྱེ་བྲག་གི་དཔེ་ལ་རྗེས་སུ་འགྲོ་བ་ཇི་ལྟར་ཡིན་ཞེ་ན། མ་ཡིན་ཏེ། ཆོས་ཅན་ལ་ཡོད་པ་ཤེས་པ?་ཡིན་ཞེས་ཁོ་བོ་ཅག་སྨྲའི། ཆོས་ཅན་གྱི་བྱེ་བྲག་ཏུ་བྱས་པའི་དེ་ཉིད་ཡིན ་ནོ་ཞེས་ནི་མ་ཡིན་ནོ། །བསྒྲུབ་བྱ་མེད་ན་མི་འབྱུང་བ་བརྗོད་པས་ཀྱང། སྦྱར་བྱ་ལ་སོགས་པ་ཉིད་བརྗོད་ན་ཐུན་མོང་བ་མ་ཡིན་པ་དང། ཅིག་ཤོས་ཉིད་ལ་སོགས་པར་དོགས་པ་མ་ཡིན་པའི་ཕྱིར་འཇུག་བསྡུ་བ་དོན་དང་ལྡན་པ་མ་ཡིན་ནོ། །དེས་ན་ཡན་ལག ་གསུམ་མམ། ཡན་ལག་གཉིས་པའི་དག་ཡིན་པ་འདི་དག་ཙམ་གྱིས་རྟོགས་པ་རྫོགས་པ་ཡིན་པའི་ཕྱིར་རོ། །འཇིག་རྟེན་ན་ཡན་ལག་ལྔའི་དག་གི་ཐ་སྙད་བྱེད་པར་མཐོང་བ་ཡིན་ནོ་ཞེ་ན། མཁས་པའི་ཐ་སྙད་ཁོ་ན་ལྷུར་བླང་བར་བྱ་བ་ཡིན ་པའི་ཕྱིར་ཤིན་ཏུ་འབྲེལ་པ་མེད་པ། བྱིས་པ་རྣམས་དགའ་བར་བྱེད་པས་ཆོག་གོ། གཅིག་དེ་ལྟ་བུ་ཉིད་དུ་མི་རིགས་པའི་ཕྱིར། མཚན་ཉིད་གསུམ་པའི་གཏན་ཚིགས་ཀྱང་ཇི་ལྟར་ཡིན་ཞེ་ན། མི་མཐུན་པའི་ཕྱོགས་རྣམ་པར་བཅད་པ་ཡིན་ན། བསྒྲུབ་བྱ ་དང་སྒྲུབ་བྱེད་ཀྱི་རྗེས་སུ་འགྲོ་བར་འགྱུར་བ་ཡིན་གྱི། ལྷན་ཅིག་པ་ཙམ་ནི་མ་ཡིན་པའི་ཕྱིར་རྗེས་སུ་འགྲོ་བ་ཁོ་ན་ལྡོག་པ་ཡིན་ལ། ལྡོག་པ་ཁོ་ན་རྗེས་སུ་འགྲོ་བ་ཐ་མི་དད་པ་ཡང། དེ་དང་དེ་ལས་ལྡོག་པའི་དབྱེ་བ་ལས་ཡིན་པའི་ཕྱིར་དེ་ལྟར་བརྗོད་པ་ཡིན་ནོ།། ་འབྲེལ་པ་ཅན་ཡང་ཁ་ཅིག་ཏུ་མ་དམིགས་པ་ཡིན་ན་རྟོགས་པའི་ཡན་ལག་མ་ཡིན་པའི་ཕྱིར། གཏན་ཚིགས་ནི་མཚན་ཉིད་གསུམ་པ་ཁོ་ན་ཡིན་གྱི་བཞི་དང་ལྔ་དང་གཅིག་གི་མཚན་ཉིད་ཅན་ནི་མ་ཡིན་ནོ། །དེ་ལྟ་ན་ནི་ཁད?་ཆེན་ལ་སོགས་པ་སེམས་དང ་མི་ལྡན་པའི་ཉེ་བར་ལེན་པས་བསྐྱེད་པ་ནི། བློ་དང་ལྡན་པའི་བྱིན་རླབས་ཡོད་པ་ཡིན་ན་འགྲུབ་པར་འགྱུར་བ་ཡིན་གྱི། དེ་ཡོད་པ་མ་ཡིན་པ་ནམ་མཁའ་ལ་སོགས་པ་ནི་མ་ཡིན་པ་དེས་ན་དེ་ལ་དེས་པ་ཅན་ཡིན་ནོ། །དེ་ལ་ཚད་མ་ཡིན་པ་ཡང་བྱས་པ ་ཉིད་བཞིན་དུ་དང། མི་རྟག་པ་ཉིད་ནི་ཁྱིམ་ལ་སོགས་པ་ལ་བྱིན་གྱིས་རློབ་པ་པོ་མཐོང་བ་ལས་ཀྱང་མི་མཐུན་པའི་ཕྱོགས་ཉིད་ཡིན་པར་འཁྲུལ་པ་མ་ཡིན་ཏེ། དབང་པོ་བཞིན་དུ་མ་མཐོང་བ་ཁོ་ནའི་བྱིན་གྱིས་རློབ་པ་པོ་ཡིན་པའི་ཕྱིར་རོ། །དཔེ ་དང་མི་མཐུན་པ་ཡང་མ་ཡིན་ཏེ། བློ་དང་ལྡན་པ་ཙམ་ལ་ཁྱབ་པར་བྱེད་པ་ཉིད་དུ་རྟོགས་པའི་ཕྱིར་དང། དེ་ལས་གཞན་པའི་རྣམ་པར་དབྱེ་བ་ནི་རྣམ་པར་བརྗོད་པར་འདོད?་པ་མ་ཡིན་པའི་ཕྱིར་རོ། །མི་སྣང་བའི་ཕྱིན་གྱིས་རློབ་པ་པོ་སེམས་པ་ཅན་ཅི་ལས་རྟོགས་པ་ཡིན། ཉེ ་བར་ལེན་པ་རྣམས་སེམས་པ་ཅན་མ་ཡིན་པའི་ཕྱིར་རོ། །ཁྱིམ་ལ་སོགས་པ་བཞིན་དུ་ས་བཞི་ལ་སོགས་པའི་ཉེ་བར་ལེན་པ་རྣམ་པ་ཅན་ཡིན་པར་བྱེ་བྲག་ཅི་ཡང་མེད་དོ། །དེས་ན་སེམས་མེད་པའི་བྱེད་པ་པོ་རྣམས་བསམ་པ་དང་ལྡན་པ་ལ་ལྟོས་པ་ཡིན་པར ་གཉི་ག་ལ་ཡང་མཚུངས་པའི་ཕྱིར་ཞིང་ལ་སོགས་པ་ལ་བྱིན་གྱིས་རློབ་པ་པོ་སེམས་པ་ཅན་ཡིན་པར་གྲུབ་པ་ཡིན་གྱི། དེའི་ཕྱིར་ཆོས་ཅན་རྣམས་ཀྱི་དབྱེ་བས་འབྱེད་པ་ཡང་མ་ཡིན་ཏེ། ཡུལ་དེ་ནི་དེ་ལ་བྱེ་བྲག་ཅན་དུ་བྱེད་པ་མ་ཡིན་ནོ་ཞེས་བྱ་བའི་རིགས ་པས་སོ། །གང་གི་ཕྱིར་བྱས་པ་ཉིད་དམ་མི་རྟག་པ་ཉིད་ཀྱང་སྒྲ་དང་བུམ་པའི་དབྱེ་བས་འབྱེད་པ་མ་ཡིན་ནོ། །དེའི་ཕྱིར་དེ་ལྟར་སེམས་པ་ཅན་དང་ཐུན་མོང་དུ་གྲུབ་པ་ནི་མེའི་སྤྱི་བཞིན་དུ། རང་གི་བསྒྲུབ་པ་དང་མི་འགལ་བ་ཅན་གྱི་བྱེ་བྲག་འཕེན་པར་བྱེད་པ་ཡིན ་ནོ། །ཁྱིམ་ལ་སོགས་པ་སྒྲུབ་པར་བྱེད་པ་པོ་སེམས་པ་ཅན་ནི། འདིའི་བྱིན་གྱིས་རློབ་པའི་ནུས་པ་ཅན་མ་ཡིན་ལ། དེ་ཁོ་ན་བཞིན་དུ་ལུས་གྱི་བྱ་བས་བྱིན་གྱིས་རློབ་པ་པོ་ཉིད་ཀྱང་མ་ཡིན་ཏེ། ཐུག་པ་མེད་པ་ལ་སོགས་པའི་སྐྱོན་ཡོད་པས་ཐུན་མོང ་དུ་གྲུབ་པ་འགལ་བའི་ཕྱིར་རོ། །ཇི་ལྟར་ཡང་བདག་ཅག་ལ་སོགས་པ་སེམས་པ་ཅན་ནི་ལུས་ལ་འདུ་བ་ཅན་ནི་བྱ་བ་མེད་ན་ལུས་གཞན་མ་རྟོགས་པ་དེ་ཡོངས་སུ་ཤེས་པ་ཙམ་མ?་འདོད་པ་ཙམ་གྱིས་བྱིན་གྱིས་རློབ་པར་བྱེད་པ་པོ་མ་ཡིན་པ་དེ་བཞིན ་དུ་འདི་ལ་ཡང་འགྱུར་རོ། །ཁྱིམ་ལ་སོགས་པ་སྒྲུབ་པར་བྱེད་པ་པོ་ནི་ཤིང་དང་སོ་དག་ལ་སོགས་པ་འདི་དག་ཙམ་གྱིས་འདི་རྫོགས་པ་ཡིན་ནོ་ཞེས་ངེས་པར་བྱེད་པ་མ་ཡིན་ནམ། དེ་ལྟ་ན་ནི་ས་གཞི་ལ་སོགས་པ་ལ་ཡང་ཅིའི་ཕྱིར་ངེས་པར་བྱེད་པ་མ་ཡིན ་རྡུལ་ཕྲན་གཉིས་ཅན་ལ་སོགས་པ་དབང་པོ་ལས་འདས་པ་རྣམས་ཀྱི་བྱ་བ་རྣམས་ཡོད་པ་ལ་ཚད་མ་ཅུང་ཟད་ཀྱང་མེད་དོ། །འོན་ཏེ། རེ་ཞིག་སེམས་པ་ཅན་གྱི་བྱིན་གྱིས་རློབ་པར་བྱེད་པ་པོ་ཡོད་པ་ནི། ཅི་ལས་ཤེས་པ་པོ་ཡོད་པ་ཡིན་པའམ། ཁྱད་པར་ལས ་ཀྱང་རུང་འདི་ལ་གེགས་ཡོད་པ་མ་ཡིན་ནོ། །དེ་དེ་ལྟར་སེམས་པ་ཅན་སྤྱི་ནི་འཕངས་པ་དང་མི་འགྲལ་བའི་ཁྱད་པར་ཏེ། དབང་ཕྱུག་གི་སྒྲས་བརྗོད་པར་བྱ་བ་ཡིན་པའི་ཕྱིར། དེའི་བརྗོད་བྱ་མ་ཡིན་པའི་ཕྱིར་སྐྱོན་སྤངས་པ་ཡིན་ནོ། །དེ་ད་ནི་གཅིག་གམ་དུ་མ་ཡིན ་ཞེས་བསམ་པར་བྱ་བ་ཡིན་ནོ། །གང་གི་ཕྱིར་འབྲས་བུའི་གཅིག་པ་ཉིད་དམ། དུ་མ་ཉིད་ལ་ནི་དེའི་གཅིག་ཉིད་དམ། དུ་མ་ཉིད་ཀྱི་ཚད་མ་ཡོད་པ་མ་ཡིན་ཏེ་དུ་མ་ལས་ཀྱང་གཅིག་ལ་གཅིག་ལས་ཀྱང་དུ་མ་ཡིན་ཏེ། བཟོ་བོ་མཁས་པ་ལས་མཐོང་བའི ་ཕྱིར་རོ། །སྨྲས་པ་དུ་མ་ཡིན་ན་གཅིག་ལ་གཅིག་རྣམ་པར་ཉམས་པར་བྱ་བར་འདོད་པ་རྣམས། རང་དབང་གིས་པར་འདྲེན་ཚུལ་འདྲེན་བྱེད་པས་འབྲས་བུ་མི་མཐོང་བར་ཐལ་བར་འགྱུར་བའི་ཕྱིར་གཅིག་ཡིན་པར་ངེས་པ་ཡིན་ནོ། །དུ་མ་ཉིད་ཡིན་ན་ཡང་བསམ་པ ་འཐུན་པ་རྣམས་ཀྱི་ནི་འབྲས་བུ་གྲུབ་པ་ཉིད་དུ་མཐོང་བ་ཡིན་ནོ་ཞེ་ན། བདེན་མོད་ཀྱི་དེ་ལྟ་བུར་རྟོག་པ་ནི་རྟོག་པ་མང་པོར་འགྱུར་ཏེ། དེ་རྣམས་ཁོ་ན་ཐ་དད་པའི་ནུས་པ་ཅན་རྣམས་དང། ཚོགས་པ་ལ་སོགས་པ་རྣམས་ཀྱི་ཉོན་མོངས་པའི་འཇིགས་པས་གཅིག ་ཡིན་པར་རྟོག་པ་ཡིན་ནོ། །གང་ཡང་གང་དུ་ངེས་པ་ཅན་མ་ཡིན་པ་དེ་ནི་དེའི་གོ་བྱེད་མ་ཡིན་ཏེ། ཇི་ལྟར་འདི?་བའི་འགྱུར་བ་ཉིད་ནི་རྫ་མཁན་གྱི་འབྲས་བུ་ཉིད་ཡིན་པ་ནི། མདོག་སྐྱ་བ་ཉིད་དང་མེའི་ནི་མ་ཡིན་ནོ། །དེ་མེད་ན་ཡང་ཁྱིམ་གྱི་ར་བ་དང་གམ་ལ་སོགས་པ་དང་?? ་ཆེན་དཀར་པོ་ལ་སོགས་པ་ལ་ཡང་ཡོད་པའི་ཕྱིར་རོ། །འབྲས་བུ་ཡང་བྱེད་པ་པོ་དང། བྱེད་པ་དང་ལས་སྔོན་དུ་འགྲོ་བ་ཅན་གྱི་བུམ་པ་ལ་སོགས་པ་མཐོང་བ་ཡིན་པའི་ཕྱིར། ས་བཞི་ལ་སོགས་པ་ཡང་འབྲས་བུ་ཡིན་ཏེ། ཡན་ལག་དང ་བཅས་པའི་ཕྱིར་དེ་ལྟ་བུར་འགྱུར་བ་ཡིན་ནོ། །རང་དབང་ཅན་གྱི་བྱེད་པ་པོ་ཉིད་ནི་སེམས་བ་ཅན་ཁོ་ན་ཡིན་བའི་ཕྱིར། འཕངས་པའི་བྱེ་བྲག་ཅན་གྱི་སྤྱི་ནི་རྗེས་སུ་དཔག་པའི་ཡུལ་ཡིན་པར་གྲུབ་པ་ཡིན་ནོ། །དེ་བཞིན་དུ་རྗེས་སུ་མི་འཇུག་པའི་སྐྱོན་ཡང་མེད ་པ་ཡིན་ཏེ། རྗེས་སུ་དཔག་པ་ཐམས་ཅད་ཆད་པར་འགྱུར་བའི་ཕྱིར་དང་ཤུགས་ཀྱི་གྲུབ་པའི་བྱེ་བྲག་ཉིད་ཀྱི་ཕྱིར་རོ། །ཤུགས་ནི་ཚད་མ་གཞན་ཡང་མ་ཡིན་ཏེ། རྗེས་སུ་དཔག་པ་ཉིད་ནི་དེ་ཙམ་དུ་ལྷུར་བླང་བ་ཡིན་པའི་ཕྱིར་རོ། །གཞན་དུ་ནས་ཕྱི་ཙམ་ཡུལ ་ཡིན་པ་ཉིད་ཀྱིས་གྲུབ་པ་ལ་སྒྲུབ་པ་ཡིན་པས། རྗེས་སུ་དཔག་པ་ཚད་མ་མ་ཡིན་པར་ཐལ་བར་འགྱུར་རོ། །འདེས་ནི་མངོན་སུམ་ཡུལ་གཞན་ལ་སོགས་པ་ལས་ལྡོག་པའི་བྱེ་བྲག་རྣམ་པར་འཇིག་པར་བྱེད་པ་ཡིན་བར་བཤད་པ་ཡིན་ནོ། །དེ་རྣམ་པར ་འཇོག་པར་བྱེད་པ་མ་ཡིན་འཇུག་པའི་ཡུལ་ཉེ་བར་མ་མཐོང་བས་ཚད་མ་མ་ཡིན་པར་འགྱུར་རོ། །བྱེད་པ་པོའི་ནུས་པ་ཐམས་ཅད་ཡོངས་སུ་ཤེས་པའི་མཚན་ཉིད་ཅན་གྱི་བྱེད་པ་པོ་ཉིད་ནི་འདས་པ་ལ་སོགས་པ་ལ་མཐོང་བ་ཉིད་ཡིན་ཏེ། དེ་ལ་རྫ ་མཁན་ལ་སོགས་པར་བརྟག་པ་མ་ཡིན་ཏེ། དེ་ཡང་རང་གི་འབྲས་བུ་ལ་བྱེད་པ་པོའི་དུས་པ་ཐམས་ཅད་ཀྱི་ཤེས་པ་མཐོང་བའི་ཕྱིར་རོ། །དེ་ཡང་དེ་ལྟར་མཐོང་བའི་བྱེ་བྲག་གི་ཡུལ་ཁྱད་པར་གྱིས་ཕུལ་དུ་བྱུང་བས་ན་ཐམས་ཅད་མཁྱེན་པ་ཉིད་དུ་བརྗོད ་པ་ཡིན་ནོ། །ཁྱད་པར་དེ་ཉིད་མ་མཐོང་བའི་ཕྱིར་ཇི་ལྟར་འབྲེལ་པ་འཛིན་པ་ཡིན་ཞིང། ཇི་ལྟར་རྗེས་སུ་དཔོག་པ་ཡིན་ཞེ་ན། དེ་ལྟ་ཡིན་ན་གཟུགས་ལ་སོགས་པ་རྣམ་པར་རིག་པ་ཙམ་ལས་ཇི་ལྟར་མིག་ལ་སོགས་པའི་རྗེས་སུ་དཔག་པ་ཡིན་ན་མིག་ལ ་སོགས་པ་རྣམས་ནི་བྱིན་གྱིས་རློབ་པའི་ངོ་བོ་ཉིད་མ་ཡིན་ནོ། །དེའི་ཉེ་བར་དམིགས་པ་ལས་བྱ་བ་ནི་བྱེད་པས་བསྒྲུབ་པར་བྱ་བ་ཡིན་པ་མཐོང་བར་བྱ་བ་ཡིན་ནོ་ཞེ་ན། རྣམ་པར་རིག་པ་ལ་ཡང་བྱ་བ་ལས་བྱེད་པ་གྲུབ་པ་ཡིན་ལ། བྱེ་བྲག་ལ་ཡོངས་སུ་དཔྱོད་པས་བྱེད་པ ་པོའི་བྱེ་བྲག་གྲུབ་པ་ཡིན་པ་དེ་བཞིན་དུ་བྱེད་པ་པོའི་སྒྲུབ་བྱའི་བྱ་བ་མཐོང་བ་དང། བྱ་བའི་བྱེ་བྲག་ལ་ཡོངས་སུ་དཔྱོད་པས་བྱེད་པ་པོའི་བྱེ་བྲག་གྲུབ་པའི་ཕྱིར་ལོག་པར་རྟོགས་པར་བྱ་བ་མ་ཡིན་ནོ། །བྱེ་བྲག་གྲུབ་པ་ཡིན་ཡང་བྱེ་བྲག་ཐམས་ཅད་གྲུབ་པ་ནི་མ ་ཡིན་ཏེ། གང་སྒྲུབ་བར་བྱེད་པ་ཇི་སྙད་པའི་དོན་རྟོགས་པ་ལ་ཁྱབ་པར་བྱེད་པ་ཡིན་ལ། དེ་ལས་དེ་སྙེད་བ་ཁོ་ན་དེས་པ་ཡིན་གྱི། དོན་གཞན་ནི་མ་ཡིན་ནོ། །གང་གི་ཕྱིར་མེས་ཁྱབ་པའི་དུ་བ་ལས་བྱེ་བྲག་ཙམ་དུ་གྲུབ་པ་ཡིན་ཡང། རྩཝ་ལ་སོགས་པའི་ངོ་བོའི་བྱེ ་བྲག་ནི་གྲུབ་པ་མ་ཡིན་ནོ། །དེ་མ་གྲུབ་ན་ཅིག་ཤོས་བྱེ་བྲག་གྲུབ་ཀྱང། དོན་བྱེད་པ་དོན་དུ་གཉེར་བ་མི་འཇུག་པ་ནི་མ་ཡིན་ཏེ། དེའི་ཕྱིར་འབྱུང་བ་ཆེན་པོ་ལ་སོགས་པ་རྣམས་ལ་དེའི་ཉེ་བར་ལེན་པ་དང་ཉེ་བར་བྱེད་པ་ལ་སོགས་པའི་རང་བཞིན་ཤིན་ཏུ་བསྐལ་བ་ཡིན ་པའི་ཕྱིར། ཚུ་རོལ་མཐོང་བས་དེ་ཡོངས་སུ་ཤེས་པ་སྔོན་དུ་འགྲོ་བ་ཅན་གྱི་སྦྱོར་བར་བྱེད་པ་པོ་ཉིད་མི་སྲིད་པའི་ཕྱིར། དེའི་མངོན་པར་འདོད་པའི་བྱེ་བྲག་ནི་དེའི་སྒྲུབ་བྱེད་བརྗོད་པ་ཁོ་ན་ལས་ཐམས་ཅད་དུ་འགྲུབ་པའི་ཕྱིར་བྱེ་བྲག་དང་འགལ་བ་ཅན་རྣམས་ནུབ་པ་ཡིན་ནོ། ་ལས་ཀྱི་ས་བོན་རྣམས་ལ་གྲུབ་པའི་ཕྱིར་གྲུབ་པ་ལ་སྒྲུབ་པ་ཡང་མ་ཡིན་ནོ། །གང་གི་ཕྱིར་སེམས་པ་ཅན་ཡིན་པའི་ལས་ནི་སེམས་པ་ཅན་མ་ཡིན་པའི་བྱིན་གྱིས་རློབ་པ་པོ་མ་ཡིན་ཏེ། བསམ་པ་མེད་པ་ཉིད་ཀྱིས་ཡུལ་ལ་སོགས་པའི་ངེས་པ་མེད་ཀྱིས་འབྲས ་བུ་སྐྱེད་པར་བྱེད་པ་མེད་པའི་ཕྱིར་དང། བྱེད་པ་པོ་ཉིད་ནི་ཉེ་བར་ལེན་པ་ལ་སོགས་པ་ལ་ཡོད་པའི་ནུས་པ་ཡོངས་སུ་ཤེས་པའི་མཚན་ཉིད་ཡིན་པའི་ཕྱིར་རོ། །འོན་ཏེ་སེམས་པ་ཅན་གྱི་ལས་ཡིན་པ་དེ་ལྟ་ན་ཡང་དེ་ཚུ་རོལ་མཐོང་བ་རྣམས་ཀྱི་ས་གཞི་ལ་སོགས ་པའི་རྒྱུ་ལ་སྦྱོར་བར་བྱེད་པ་ནི་མ་ཡིན་ཏེ། སྤྱོད་ཡུལ་མ་ཡིན་པའི་ཕྱིར་རོ། །དོན་ཐམས་ཅད་རིག་པ་པོའི་སེམས་ཡིན་ནོ་ཞེ་ན། མ་ཡིན་ཏེ། དེ་ནི་བྱེད་པ་པོ་ཉིད་ཡིན་པར་ཁས་མི་ལེན་པའི་ཕྱིར་ལ་ཁས་ལེན་པ་ཡིན་ན་ནི། དེ་ཉིད་དབང་ཕྱུག་བྱེད་པ ་པོ་ཡིན་ནོ། །བེའུ་ལ་སོགས་པ་ཆེར་བསྐྱེད་པའི་དོན་དུ་འོ་མ་ལ་སོགས་པ་བྱིན་གྱིས་བརླབས་པ་མེད་པ་ཇི་ལྟར་ཆེར་སྐྱེ་བ་ཡིན་ཞེ་ན། མ་ཡིན་ཏེ། དེ་ལ་ཡང་བྱིན་གྱིས་བརླབས་ཀྱིས་བསྒྲུབ་པའི་ཕྱིར་རོ། །གཞན་དུ་ན་བེའུ་ཤི་བ་འམ་ཆེར་སྐྱེས་པ་ན་འང། འོ་མ ་འཕེལ་བའི་ཕྱིར་རྒྱུན་མི་འཆད་པར་ཐལ་བར་འགྱུར་ཏེ། སེམས་མེད་པའི་ཕྱིར་རོ། །དེས་ན་དེ་ལྟར་རྗེས་སུ་དཔག་པ་ནི་སྤྱིའི་ཡུལ་ཅན་ཉིད་ཡིན་པས། བྱེ་བྲག་ལ་བལྟོས་པ་ཡིན་པས་འགལ་བ་ཅན་བཞིན་དུ། དཔེ་ལ་བསྒྲུབ་བྱ་མ་ཚད་པ་ཉིད་བསལ་བར་བྱ ་བ་ཡིན་ཏེ། རྗེས་སུ་དཔག་པ་ཐམས་ཅད་ལ་བྱེ་བྲག་འཕེན་པའི་ཕྱིར་རོ། །ཇི་ལྟ་བུར་མཐོང་བ་དེ་ལྟ་བུར་ཡིན་ནོ། །བདེན་ཏེ། འདི་ལ་ཡང་མཐོང་བ་ཉིད་ཡིན་ཏེ། འབྲས་བུ་ཤིན་ཏུ་ཆེན་པོ་ཉིད་ཡིན་པའི་ཕྱིར། རྒྱུ་ཡང་དེ་བཞིན་ཡིན་ནོ་ཞེས་འབའ་ཞིག་འཛིན ་པ་ནི་མ་ཡིན་ནོ། །དེ་ལྟར་ན་མི་འབྱུང་བར་རབ་ཏུ་གྲུབ་པའི་རྗེས་སུ་དཔག་པས་ཐམས་ཅད་བྱེད་པ་པོར་དེ་ཡོངས་སུ་ཤེས་པ་དང་ལྡན་པར་ཡང་གྲུབ་པ་ཡིན་ན་འབྲས་བུ་འབྱུང་བ་ཆེན་པོ་ལ་སོགས་པའི་བྱེད་པ་པོ་དབང་ཕྱུག་མ་ཡིན་ཏེ། གཞལ་བྱ་ཡིན་པའི་ ་ཕྱིར། བུམ་པ་ལ་སོགས་པ་བཞིན་དུ་རྗེས་སུ་དཔག་པ་གཞན་བསལ་བ་ཡིན་ཏེ། དཔེ་ལ་བསྒྲུབ་བྱ་མ་ཚང་བའི་ཕྱིར་དང། ཕྱོགས་ཀྱི་བྱེ་བྲག་མ་གྲུབ་པའི་ཕྱིར་རོ། །བྱེད་པ་པོའི་དགོས་པ་ཅི་ཞིག་ཡིན་ཅེ་ན། དགོས་པའི་བསམ་པ་མེད་པར་ནི། རྨོངས་པ ་འང་འཇུག་པ་མ་ཡིན་ནོ། །གཞན་གྱི་དོན་བྱེད་པར་འདོད་པས་འཇུག་པ་ནི། གཞན་དུ་མི་འཐད་པར་གྲུབ་པ་ཡིན་ལ། འཇུག་པ་ཡང་འབྲས་བུ་ལས་གཞན་དུ་མི་འཐད་པའི་ཕྱིར། གཞན་གྱིས་བསྐུལ་བས་བདེ་བ་ཁོ་ནར་སྐྱེད་པར་བྱེད་པ་ཡིན་གྱི། སྡུག་པ ་ནི་མ་ཡིན་ནོ་ཞེ་ན། ཆོས་དང་ཆོས་མ་ཡིན་པའི་ཐབས་སྣ་ཚོགས་པ་ཅན་གྱི་བྱེད་པ་པོ་ནི། འབྲས་བུ་སྣ་ཚོགས་པ་མཐོང་བ་ལས། རྗེས་སུ་དཔོག་པ་ཡིན་པའི་ཕྱིར་སྐྱོན་མེད་དོ། །འདི་དེ་བཞིན་དུ་བྱེད་པ་རང་གི་དོན་ཡིན་པ་དང། དོན་མ་ཡིན་པ་རྣམ་པར་བཅོམ་པ ་གང་ཡིན། གང་ཡང་མ་ཡིན་ནོ། །ཅིའི་དོན་དུ་དེ་ལྟར་བྱེད་པ་ཡིན་གྱི། ཇི་ལྟར་ཇི་མ་རང་བཞིན་གྱིས་གསལ་བར་བྱེད་པའི་རང་བཞིན་དེ་ཁོ་ན་བཞིན་དུ་འཇུག་པ་ཡིན་ནོ་ཞེ་ན། འདི་སེམས་པ་ཅན་ཡིན་པས་ཅི་ཞིག་ཏུ་འགྱུར་བ་ཡིན་ཞེ་ན། དོན་རྣམས་ཀྱི་སྐྱེ་བའི ་རྒྱུ་ཇི་སྙེད་ཡིན་པ་དེ་སྙེད་པ་ཁོ་ན་ལ་བྱིན་གྱིས་རློབ་པ་ལས་བྱེད་པ་པོ་རྗེས་སུ་དཔོག་པར་བྱེད་པ་ཡིན་གྱི། གཞན་རྣམས་ཀྱི་ནི་མ་ཡིན་ལ། སེམས་པ་ཅན་ཡིན་པ་དང་འགལ་བ་མེད་དོ། །དེའི་ཕྱིར་ཡོད་པ་ལ་དམིགས་པར་བྱེད་པའི་ཚད་མ་ལྡོག་པ་ཡང ་མ་ཡིན་ནོ། །དོན་འདི་ལ་མིག་སྣ་ཚོགས་དང། ཁ་སྣ་ཚོགས་དང། ལག་པ་སྣ་ཚོགས་དང། རྐང་པ་སྣ་ཚོགས་པ་ཅན་ཏེ་ལག་པ་དག་གིས་བུས་ལས་ཕུན་སུམ་ཚོགས་པ་དང། རིག་བྱེད་གསུམ་པ་དང། མཐོ་རིས་དང། ས་གཞི་རྣམས་སྐྱེད་པར ་བྱེད་པའི་ལྷ་ཅིག་ཡིན་ཞེས། ལུང་ལས་ཀྱང་འབྱུང་བ་ཡིན་ལ་དྲང་སྲོང་རྒྱས་པས་ཀྱང། སྐྱེས་བུ་ང་ཡི་མཆོག་གཞན་ནི། །དམ་པའི་བདག་ཉིད་ཅེས་བརྗོད་པ། །གང་ཡིན་ཁམས་གསུམ་ནང་བཞུགས་པས། །དབང་ཕྱུག་རྟག་པས་བྱས་པ་ཡིན ་ཞེས་སྨྲས་པའོ། །ཆོས་ལ་སོགས་པའི་རང་གི་ངོ་བོ་བཞིན་དུ། ལུང་ནི་ཐམས་ཅད་དུ་རང་གི་ངོ་བོ་རྟོགས་པའི་ཡུལ་ཅན་མིན་ཏེ། དེའི་ཡུལ་ཅན་ཉིད་ཡིན་ལ། དེ་མ་རྟོགས་པ་ཡིན་ན། དེ་ལ་འཇུག་པ་མེད་པར་ཐལ་བར་འགྱུར་བའི་ཕྱིར་དང། ཚད་མ ་རྣམས་ནི་རྟོགས་པར་བྱེད་པ་ཉིད་ཙམ་བྱ་བ་ཡིན་པའི་ཕྱིར་རོ། །དེ་ལ་སྐྱེས་བུའི་དོན་ཉིད་ནི་དབང་ཕྱུག་གི་རང་གི་ངོ་བོ་རྟོགས་པ་བསྒྲུབ་པ་ཡིན་ལ་དེ་ཉིད་རིག་ནས་འཆི་བ་ལས་བརྒལ་བར་འགྲོ་བ་ཡིན་གྱི། གང་གིས་བྱང་གྲོལ་སྒྲུབ་པར་འགྲོ་བར་བྱེད་པའི ་ལམ་གཞན་ཡོད་པ་ནི་མ་ཡིན་ནོ། །ཐམས་ཅད་ཤེས་པ་མ་ཡིན་པ་རྣམས་ཀྱི་ཐམས་ཅད་ཤེས་པ་ཡིན་པར་ཇི་ལྟར་ཤེས་པ་ཡིན་ཞེས་བྱ་བ་ཡང་མི་རིགས་པ་ཡིན་ཏེ། གང་གིས་ཕྱིར་འཇིག་རྟེན་གྱི་རྫ་མཁན་ལ་སོགས་པའི་བྱེད་བ་པོ་རྣམས་ཀྱིས ་དེའི་ཤེས་བྱ་དང། ཤེས་པ་དང་ལྡན་པ་རྣམས་ཁོ་ནས་དེ་མཁས་པ་ཡིན་པར་གོ་བ་ནི་མ་ཡིན་ཏེ། སྣ་ཚོགས་པ་རིག་པ་ཞེས་བྱ་བར་ཕྱིས་ཀྱང་དེ་རྟོགས་པར་གྲུབ་པ་ཡིན་ནོ། །དེ་བཞིན་དུ་ལུང་ལས་ཀྱང་ཐམས་ཅད་ཤེས་པ་བསྙེན་པ་ལས། མེའི་སྦྱིན་སྲེག་མཐོ ་རིས་བསྒྲུབ་པར་བྱེད་པ་ཡིན་པ་བཞིན་དུ་བྱང་སྒྲོལ་སྒྲུབ་པར་བྱེད་པ་ཉིད་དུ་སྒྲུབ་པ་ནི་ཐམས་ཅད་ཤེས་པ་ལ་གསོལ་བ་བཏབ་པས། སྔོན་གྱི་ལས་སད་པ་ནི་མཆོག་སྦྱིན་པ་ཡིན་པར་མི་རིགས་ཏེ། དེ་རབ་ཏུ་སད་བ་ལས་ཀྱང་སྐྱེས་བུའི་དོན་ནི་དེའི་ཚིག་ལས་འགྲུབ་པའི ་ཕྱིར་རོ། །ལུང་ལས་རྣ་བ་ལ་སོགས་པ་ལ་རྟག་པ་ཉིད་དུ་རྟོག་པ་བཞིན་དུ་དེ་ལ་འགལ་བ་ཡོད་པ་ནི་མ་ཡིན་ལ། རྟག་པ་ཉིད་ལ་ཡང་མ་ཡིན་ནོ། །དེ་མ་ཐག་དེའི་ཞལ་རྣམས་ལས། །རིག་བྱེད་བཞི་པོ་རྣམ་འཕྲོས་པ། །དུས་གཞན་རེ་རེ་ཉིད་ལ་ནི། །ཐོས་པ་གཞན ་ནི་སྒྲུབ་བྱེད་ཡིན་ཞེས་སྨོས་པའོ། །རིག་བྱེད་དང་ཨི་ཏི་ཧ་ས་ལ་སོགས་པ་རྣམས་ལ་བཅོས་མ་ཉིད་དྲན་པའི་ཕྱིར། བྱེ་བྲག་ཅན་གྱི་སྐྱེས་བུ་བྱེད་པ་པོ་ཉིད་དུ་གྲུབ་པའི་ཕྱིར་སྐྱེས་བུ་ནི་དབང་ཕྱུག་ཡིན་ནོ། །ལུད་ལས་གྲུབ་པའི་རྫས་ནི་གཙང་སྤྲ་དང་གཙང་སྤྲ་མ་ཡིན་པ་བཞིན ་དུ། རྗེས་སུ་དཔག་པས་ཀྱང་བསལ་བ་མ་ཡིན་ཏེ། ཡུལ་ཐམས་ཅད་ལ་དེའི་ཤེས་པ་ནི་རྗེས་སུ་དཔག་པ་དང། ལུང་དང་དེ་སྣ་ཚོགས་པ་ཀྲིག་པ་ཡིན་ཞེས་བྱ་བ་ལ་སོགས་པས་ཀྱང་རྟོགས་པ་ཡིན་ནོ། །དེ་ལྟ་བུ་ལས་ཀྱང་དེ་ལྟ་བུའི་བྱེད་པ་རྟོགས་པ་ཡིན་ན ་ཡང། རྟོག་པ་ཆེན་པོར་འགྱུར་བའི་ཕྱིར་རྟག་པ་ཉིད་ལ་ཚད་མ་དང་འགལ་བ་མེད་དོ། །ལུང་ལས་ཀྱང། བྱེད་པ་པོ་ཉིད་ཡིན་ཡང། བཞི་པོ་ལྷན་ཅིག་གྲུབ་པ་ནི། །བདེ་དང་ཤེས་པ་མཛའ་ཡས་ཚངས། །ཤེས་བྱ་བའོ། །ཐོས་པ་ལས་ཀྱང། ལག་པ་རྐང་པ་ཡོད ་མེད་བཞིན། །འཛིན་དང་མིག་མེད་བཞིན་མཐོང་དང། །རྣ་བ་མེད་བཞིན་ཐོས་པ་ནི། །སྣ་ཚོགས་རིག་པ་དེ་ཡིན་ལ། །གཞན་ནི་དེ་རིག་པ་མེད་དོ། །ཞེས་བྱ་བ་དང། སྐྱེས་བུའི་ཆེ་མཆོག་དེ་སྐད་སྨྲ། ཞེས་སྨོས་པས་ཀྱང་བྱེད་པ་རྣམས་བཀག་པས་རྟག་པ་ཉིད་ཁོ་ནར་གྲུབ་པ་ཡིན ་ལ། བློ་དེ་ཡང་མངོན་སུམ་གྱི་མ་ཡིན་ནོ། །དབང་པོ་དོན་དུ་ཕྲད་པ་མེད་ན་དེ་ཉིད་ཇི་ལྟར་ཡིན་ཞེས་ཟེར་ན་ཡང། དེ་ལྟ་བུའི་ཁོ་བོ་ཅག་ལ་སོགས་པ་རྣམས་ཀྱི་མངོན་སུམ་མ་ཡིན་ཏེ། འདི་ནི་དེ་ཉིད་མ་ལུས་པ་དངོས་སུ་རྟོགས་པའི་བདག་ཉིད་ཅན་ནི་མཚན་ཉིད་གཞན་ཁོ ་ན་ཡིན་ནོ། །འདིའི་ཆོས་ནི་འདོད་པ་བཞིན་དུ་བྱ་བའི་ནུས་པ་མ་ཉམས་པ་ཡིན་པར་བརྗོད་པ་ཡིན་གྱི། སྒྲུབ་པ་ནན་ཏན་དུ་བྱེད་པས་བསྒྲུབ་པར་བྱ་བའི་བསོད་ནམས་ནི་མ་ཡིན་ཏེ། དགོས་པ་མེད་པའི་ཕྱིར་རོ། །སྡུག་བསྔལ་མེད་པའི་ཕྱིར་ཆོས་མ་ཡིན་པ་ཡང་སྤངས ་པ་ཡིན་ནོ། །དེ་དག་མེད་པས་འདོད་ཆགས་དང་བྲལ་བ་དང། རབ་ཏུ་ལྡང་བ་ཡང་མེད་དོ། །དེ་ཡང་བདག་ཅག་ལ་སོགས་པའི་བདག་དང་མི་སྐྱེ་བར་འབྲེལ་པས། ལས་རྣམས་ཀྱིས་བྱིན་གྱིས་བརླབས་པའི་ས་གཞི་ལ་སོགས་པ་རྣམས་ཀྱི་བྱེད་བ་པོ་ཉིད་དུ་རྗེས་སུ་དཔག ་བ་ཁོ་ནས་གྲུབ་བོ། །འདིར་སྦྱོར་བར་བྱེད་པ་མེད་པ་ཉིད་ཀྱང་མ་ཡིན་ཏེ། ཕྱོགས་ལ་ཁྱབ་པར་བྱེད་པའི་རྗེས་སུ་འགྲོ་བ་དང། ལྡོག་པ་ཅན་ནི་སྦྱོར་བར་བྱེད་པ་ཉིད་མ་ཡིན་ན། རྗེས་སུ་དཔག་པ་ཐམས་ཅད་ལ་ཡང་བྱེ་བྲག་མེད་པས་དེ་ཁོ་ན་བཞིན་དུ་འགྱུར་རོ་སྙམ་དུ་སེམས ་པས། གལ་ཏེ་ཚད་མ་ཡོད་པ་མ་ཡིན་ཏེ། སྡོད་འཇུག་དབྱིབས་ཀྱི་ཁྱད་པར་དང། ཞེས་པ་ནས། དཔེར་ན་བུམ་པ་ལ་སོགས་པ་བཞིན་ཞེས་བྱ་བའི་བར་གྱིས། ཐམས་ཅད་དབང་ཕྱུག་སྒྲུབ་པར་བྱེད་པ་ཡིན་པར་ཉེ་བར་མཚོན་པ་ཡིན་ནོ། །ལན་དུ་སྡོད་འཇུག་དབྱིབས ་ཀྱི་ཁྱད་པར་དང། དོན་བྱེད་པ་ལ་སོགས་རྣམས་ལ། ཞེས་བྱ་བ་སྟེ། སོགས་པའི་སྒྲས་ནི་བསྐྱེད་པ་དང་སེམས་ཅན་མ་ཡིན་པའི་ཉེ་བར་ལེན་པ་ཉིད་ལ་སོགས་པ་བཟུང་བ་ཡིན་ཏེ། རིགས་པ་མཚུངས་པའི་ཕྱིར་རོ། །གང་འདི་སེམས་ཅན་མ་ཡིན་པའི་ཉེ་བར་ལེན ་པ་ཉིད་དང། །དེའི་ཁྱད་པར་ཅན་བསྐྱེད་པ་ཡང་ཁྱིམ་ལ་སོགས་པའི་ངོ་བོ་ནི། ས་གཞི་ལ་སོགས་པ་ལས་ལྡོག་པ་དེ་དང་འདྲ་བའི་འབྲས་བུ་གཞན་དང་ཐུན་མོང་བའི་ཁྱིམ་དང། བུམ་པ་ལ་སོགས་པའི་སྒྲའི་ཁྱད་པར་གྱིས་ཉེ་བར་མཚོན་པ་འམ་བྱ ་མ་མཐོང་བ་ཡང་བྱས་བར་བློས་ཉེ་བར་མཚོན་པ་ཡང། དེའི་བློ་དང་ལྡན་པ་མེད་ན་མི་འབྱུང་བ་ཡིན་ཏེ། དེའི་བློ་ནི་ཆེས་ཤིན་ཏུ་མཁས་པ་དེའི་བློའི་རྗེས་སུ་འབྲངས་པའི་བྱེ་བྲག་ཉིད་ཡིན་པའི་ཕྱིར། རི་མོ་གཞན་ལྟ་བུའོ། །ས་བཞི་ལ་སོགས་པ་ལ་ནི་དེ་ལྟ་བུའི་ངོ་བོ་ཡོད ་པ་མ་ཡིན་ནོ། །ཁྱིམ་ཞིག་པའི་ཤིང་དང་སོ་ཕག་ལ་སོགས་པའི་ཕུང་པོའི་ངོ་བོ་བཞིན་དུ་མཚན་ཉིད་མི་མཐུན་པ་ཡིན་པའི་ཕྱིར། བྱས་པ་ཡིན་ཞེས་བྱ་བའི་བསྒྲུབ་བྱའི་ཤེས་པར་མི་འབྱུང་ངོ། །རྒྱུ་མཚན་གང་གིས་དེ་ཉིད་ཀྱི་ངོ་བོ་ཡིན་ཞེ་ན། བྱས་པ་རྣམས ་ཀྱང་རེ་ཞིག་དངོས་པོ་རེ་རེའི་རང་གི་ངོ་བོའི་རྣམ་པ་ཐ་དད་པ་ཁོ་ན་ཡིན་ན་མ་བྱས་པ་རྣམས་ལྟ་ཅི་སྨོས། །འཇིག་རྟེན་པ་ལ་བྱས་པ་དང་མ་བྱས་པའི་རྣམ་པར་དབྱེ་བ་དགག་བྱ་མ་ཡིན་ནོ། །འོན་ཏེ་བྱས་པ་ཉིད་མ་བྱས་པ་བཞིན་དུ་སྣང་བ་ཡིན་ཏེ། དངུལ་ཆུ་ཞུགས ་པའི་གསེར་ལྟ་བུའོ། །དེ་ལྟ་ན་ཡང་ཐེ་ཚོམ་ཅན་གྱི་ས་གཞི་ལ་སོགས་པའི་ངོ་བོ་ལས་ནི། རླངས་བ་ལ་སོགས་པའི་ངོ་བོ་ཐེ་ཚོམ་ཟ་བའི་དུ་བ་ལས་མེ་བཞིན་དུ། བསྒྲུབ་བྱ་མི་འགྲུབ་པའི་ཕྱིར་མ་གྲུབ་པ་ཉིད་དམ། ཐེ་ཚོམ་ཟ་བའི་མ་གྲུབ་པ་ཡིན་པར་ནི། ་དཔེ་མ་གྲུབ་ཅེས་བྱ་བས་བསྟན་པ་ལ། བྱས་པར་ངེས་པ་ལ་མ་བྱས་པ་ཉིད་དུ་ཐེ་ཚོམ་ཟ་བར་འགྱུར་བ་མ་ཡིན་ཏེ། གཟུགས་ལ་སོགས་པའི་སོ་སོར་སྣང་བ་ལ་ཡང། ཕྱིན་ཅི་ལོག་བར་དོགས་པས་ཐ་སྙད་ཐམས་ཅད་ནུབ་པར་ཐལ་བར་འགྱུར་བའི ་ཕྱིར་རོ། །འཇི་བའི་གོང་བུ་ལས་བུམ་པ་ཁྱད་པར་མེད་པར་སེམས་དང་ལྡན་པ་འགའ་ཡང་ངེས་པར་བྱེད་པ་མ་ཡིན་ནོ། །དེ་ཡང་དེའི་ལྟ་བུའི་ངོ་བོས་ས་གཞི་ལ་སོགས་པ་ལ་མི་སྲིད་པའི་ཕྱིར། བློ་དང་ལྡན་པས་ཁྱབ་པ་ཅན་ཉེ་བར་དམིགས་པའི་ཕྱིར་རོ།། ་དེ་དང་ལྡན་པ་ཉིད་དུ་སྒྲུབ་པར་བྱེད་དོ། །གང་ཡང་སེམས་ཅན་མ་ཡིན་པའི་ཉེ་བར་ལེན་པ་ཉིད་ཙམ་སྒྲའི་བརྗོད་བྱའི་བདག་ཉིད་དུ་མཚུངས་པ་དེ་ནི་དེ་བཞིན་དུ་ཁྱབ་བ་ཅན་མ་ཡིན་ནོ། །བློ་ཕུལ་དུ་བྱུང་བ་དང་ཅིག་ཤོས་དག་གིས་ཕུལ་དུ་བྱུང་བ་དང། ཅིག་ཤོས་སུ་མ་མཐོང་བའི ་ཕྱིར་རོ། །གལ་ཏེ་ཁྱིམ་དང་ཅིག་ཤོས་དག་གི་ཉེ་བར་ལེན་པ་རྣམས་སེམས་ཅན་མ་ཡིན་པ་ཉིད་དུ་ཁྱད་པར་མེད་པ་ཡིན་ན། གཅིག་ལ་དེ་ལྟོས་པ་ཡིན་གྱི་ཅིག་ཤོས་ནི་མ་ཡིན་ཞེས་ཇི་ལྟར་རྣམ་པར་དབྱེ་བ་ཡིན། དེ་ལྟ་ན་བུམ་པ་དང་སྣམ་བུ་དག་གི་དེའི་ཉེ་བར ་ལེན་པ་ཉིད་ལ་བྱེ་བྲག་མེད་ཀྱང། ཇི་ལྟར་རྫ་མཁན་དང་ཐག་པ་ལ་སོགས་པའི་བྱེ་བྲག་ལ་བལྟོས་པ་ཡིན་གྱི་ཐག་པའི་བློ་ལས་བྱུང་བའི་བྱེ་བྲག་ནི་གཞན་ལས་མ་ཡིན་ནོ་ཞེ་ན། གཞན་ལ་ཡང་བློ་ལས་བྱུང་བའི་བྱེ་བྲག་ནི་ཉེ་བར་ལེན་པ་ཙམ་ལས་ནི་མ་ཡིན་ནོ། ་དེ་མ་ཡིན་པ་ལས་བྱུང་བར་ཅིས་མི་འགྱུར། བསམ་པ་མེད་པའི་བྱ་བའི་ཉེ་བར་ལེན་པ་ལས་ཇི་ལྟར་ཡུལ་ལ་སོགས་པའི་ངེས་པ་ཅན་གྱི་འབྲས་བུ་ཇི་ལྟར་བསྐྱེད་པ་ཡིན་ཞེ་ན། དེའི་བསམ་པ་ལས་ཀྱང་ཇི་ལྟར་ཡིན་ཏེ། བྱེ་བྲག་མེད་པར་མཚུངས་པའི་ཕྱིར ་རོ། །མ་མཐོང་བ་ལ་སོགས་པའི་ལྷན་ཅིག་བྱེད་པའི་དབྱེ་བ་ལས་དེ་ཉིད་ལས་དེ་ངེས་པར་འགྱུར་དུ་ཟིན་ཀྱང་གང་གི་ཕྱིར་ངེས་པ་ནི་བློའི་བསྐྱེད་བ་མ་ཡིན་ཏེ། ལྷན་ཅིག་བྱེད་པ་ཡོད་པ་དང། མེད་པའི་རྗེས་སུ་བྱེད་པ་ཡིན་པའི་ཕྱིར་དང། དྲི་བ་ལ་སོགས་པ ་དང་བདེ། བ་ལ་སོགས་པ་རང་གི་ངོ་བོའི་ངེས་པ་བཞིན་དུ་ཡུལ་ལ་སོགས་པའི་ངེས་པ་ཡང་དེ་ཉིད་ཁོ་ནས་རྙེད་པར་བླ་བའི་ཕྱིར་རོ། །དེ་ཡང་བརྟགས་པ་ཡིན་པ་ནི་ཇི་སྙེད་པ་རྣམས་བསྐྱེད་པའི་དོན་རྒྱུ་རྣམས་ཡོད་ན། དེ་རྣམས་ཀྱི་བྱིན་གྱིས་རློབ་པ?་ཡིན ་གྱི་།རྫ་མཁན་བཞིན་དུ་རང་དབང་གིས་ཅུང་ཟད་བྱ་བའི་ངེས་པ་བྱེད་པ་ནི་མ་ཡིན་ཏེ། ལས་ཀྱི་བྱ་བ་རྫོགས་པ་ནི་སྒྲུབ་པར་བྱེད་པའི་རིགས་པ་ལས་འདས་པ་ཡིན་པའི་ཕྱིར་རོ། །དེས་ནི་དེ་རྣམས་ཀྱི་ནུས་པའི་ཤེས་པ་ནི་འགའ་ཡང་ཕུལ་དུ་བྱུང་བར་སྒྲོ་འདོགས ་པ་མ་ཡིན་ཏེ། རྫ་མཁན་གྱིས་དེ་ཤེས་པ་ཡིན་ན། དེའི་བློའི་ལས་བྱུང་བའི་བྱེ་བྲག་གྲུབ་པའི་བྱེ་བྲག་ཆེན་པོ་ཡིན་ནོ། །དེས་ནི་ནན་གྱིས་དེ་ཡོངས་སུ་བསྒྱུར་བ་ཡིན་ན། དབང་ཕྱུག་ནི་དེ་བཞིན་དུ་ནན་གྱིས་བྱེད་པ་ནི་མ་ཡིན་ཏེ། དགེ་བ་གཅིག ་ཅིག་འབྱིན་པར་ཐལ་བར་འགྱུར་ལ། དེའི་ནུས་པ་ཕུལ་དུ་བྱུང་བ་ལས་དེའི་ཉེ་བར་ལེན་པ་རྣམས་ཚོགས་པ་ནི་བྱེད་པ་ཡིན་ནོ་ཞེ་ན། མ་ཡིན་ཏེ། དེ་རྣམས་ཉིད་རང་གི་རྒྱུ་རྣམས་ཀྱིས་བསྡུས་པ་རྣམས་རང་གི་ནུས་པ་ཉིད་ཀྱིས་སྐྱེད་པར་བྱེད་པའི་ཕྱིར། རེ་ཞིག་དེའི ་ཤེས་པ་ནི་དགོས་པ་ཅན་མ་ཡིན་ཏེ། ནུས་མཐུ་ནི་ལྷན་ཅིག་བྱེད་པ་རྣམས་ཁོ་ནའི་ལས་རྣམས་སུ་བརྟགས་པ་ཡིན་པར་བསྟན་པ་ནི། འདོད་བསྒྲུབ་པ་འམ་ཞེས་བྱ་བ་སྨོས་སོ། །བྱེད་པ་བོ་དང། བྱེད་པ་ལ་སོགས་པ་སྔོན་དུ་འགྲོ་བ་ཅན་གྱི་འབྲས ་བུ་དམིགས་པ་ཡིན་ནོ་ཞེ་ན། འདི་ལ་བྱེ་བྲག་ལ་སོགས་པ་ཞེས་སྨྲས་པ་ཡིན་ཏེ། བྱེད་པ་པོ་ཙམ་མམ་སེམས་པ་ཅན་མ་ཡིན་པ་ཡང་ཤིང་རྣམས་སྲེག་བྱེད་བཞིན་དུ་འགྱུར་རོ། །སེམས་པ་ཅན་མཐོང་བ་ཡིན་ནོ་ཞེ་ན། ངེས་བྱས་པའི་འབྲས་བུ་ཡང་གཞན ་ཉིད་ཁོ་ན་ཡིན་ནོ། །ས་གཞི་ལ་སོགས་པ་བསྐྱེད་པ་འམ། འབྲས་བུ་ཉིད་ནི་ནམ་མཁའ་ལ་སོགས་པ་ལ་བློ་དང་ལྡན་པ་མེད་པས་འབྱུང་བ་མ་ཡིན་ནོ་ཞེ་ན། ཡོད་པ་མ་ཡིན་ཡང་མི་འབྱུང་བ་ཡིན་ཏེ། གང་གི་ཕྱིར་དེ་ནི་གོས་ལ་སོགས་པ་ལ་ཡོད་པ་མ ་ཡིན་པར་བསྟན་ཟིན་ཏོ། །དཔེ་མ་གྲུབ་ཅེས་བྱ་བ་ནི་བསྒྲུབ་པར་བྱ་བ་མ་ཚད་བ་ཉིད་ཡིན་ཞེས་བྱ་བའི་དོན་ཏོ། །དེ་བཞིན་དུ་དུ་བ་དང་བྱས་པ་ཉིད་ལ་སོགས་པ་ནི་དཔེ་དང་དཔེ་ཅན་ལ་ལྟོས་ནས་ཆོས་ཅན་ཙམ་གྱིས་གཞན་དུ་ཕྱེ་བ་མ་གཏོགས་པ་གཞན ་མ་ཡིན་ནོ། །དེ་ལྟ་བུ་དེ་ཡང་དཔེ་ལ་རྗེས་སུ་འགྲོ་བ་མེད་པ་ན་མི་མཐུན་པའི་ཕྱོགས་ལ་མ་མཐོང་བ་ཙམ་གྱིས་སྒྲུབ་བྱེད་མ་ཡིན་ཏེ། འཁྲུལ་པར་དོགས་བཞིན་པའི་ཕྱིར་འཁྲུལ་པ་ཡིན་པར་མཐོང་བ་ལྟ་བུའོ། །ཇི་ལྟར་སྐྱེ་བ་ཉིད་ཙམ་ནི་མེ་ལ་འམ་འཇི ་བའི་འགྱུར་བ་ཙམ་ཉིད་ནི་རྫ་མཁན་གྱི་བྱ་བ་ཉིད་ལ་སྒྲུབ་བྱེད་མ་ཡིན་ཏེ། དེ་ལ་ཡང་མ་འཁྲུལ་པའི་ངེས་པ་མེད་པའི་ཕྱིར་རོ། །དེ་བསྟན་པ་ནི། ཡང་ན་ཐེ་ཚོམ་ཟ་བ་ཡིན་ཞེས་བྱ་བའོ། །ཆད་པ་ལ་སོགས་པའི་བྱེད་པ་སྔོན་དུ་འགྲོ་བ་ཆེན་གྱི་བྱ་བ་མཐོང་བ་མ་ཡིན་མ? ་རྣམ་པར་རིག་པའི་བྱ་བ་ནི་ཇི་ལྟར་མི་ལ་སོགས་པའི་དབང་པོ་ལས་འདས་པ་རྟོགས་པར་བྱེད་པ་ཡིན་པ་དེ་བཞིན་དུ་འདི་ལ་ཡང་བྱ་བ་ལས་དབང་པོ་འདས་པའི་བྱེད་པ་པོ་གྲུབ་པ་ཡིན་ནོ་ཟེར་བ་དེ་ལ། འདོད་པ་སྒྲུབ་པ་འམ་ཞེས་བྱ་བ་སྨོས་ཏེ། དབང་པོ་བཞིན་དུ ་སེམས་པ་ཅན་མ་ཡིན་པ་ཉིད་དུ་གྲུབ་པའི་ཕྱིར་རམ། ཤེས་པའི་བསྐྱེད་བྱའི་བྱེ་བྲག་མེད་པའི་ཕྱིར་སྨྲ་བ་པོའི་འདོད་པ་གྲུབ་པ་ཡིན་ནོ། །ཐམས་ཅད་ཤེས་པ་མ་ཡིན་པའི་བྱེད་པ་པོ་སྔོན་དུ་འགྲོ་བ་ཉིད་ནི་ཕྱིན་ཅི་ལོག་དུ་སྒྲུབ་པར་བྱེད་པ་མ་ཡིན་པ་ནི ་གལ་བ་ཅན་མ་ཡིན་ཏེ། འབྲས་བུ་ཉིད་ཙམ་ལ་སོགས་དང་བློ་དང་ལྡན་པ་ཙམ་གྱིས་ཁྱབ་པ་མ་གྲུབ་པའི་ཕྱིར་རོ། །གྲུབ་པ་ཡིན་ན་ནི་འགྱུར་བ་ཁོ་ན་ཡིན་ཏེ། དཔེར་ན་མིག་ལ་སོགས་པ་ནི་གཞན་གྱི་དོན་བྱེད་པ་ཡིན་ཏེ། འདུས་པ་ཡིན་པའི་ཕྱིར་མལ་ཆ ་དང་སྟན་ལ་སོགས་པ་བཞིན་ནོ། །མལ་ཆ་ལ་སོགས་པ་ཉིད་ལ་གཞན་གྱི་དོན་ཉིད་ཀྱིས་ཁྱབ་པ་མཐོང་བ་ཡིན་ནོ། །ཇི་ལྟར་མ་ཐོང་བ་བཞིན་དུ་འདུས་པའི་བྱེ་བྲག་ཁོ་ན་གཞན་གྱི་དོན་ཉིད་སྒྲུབ་པར་བྱེད་ན། འདོད་པ་ལས་བཟློག་པ་སྒྲུབ་པར་བྱེད་པའི་ཕྱིར་འགལ་བ ་ཅན་ཡིན་ནོ། །མཐོང་བའི་བྱེ་བྲག་གི་རྗེས་སུ་འབྲེང་བར་བྱེད་པའི་ཕྱིར་འཕེན་པར་བྱེད་པ་ཡིན་ནོ། །ཆོས་ཅན་གྱི་རིགས་ཀྱི་བྱེ་བྲག་བཞིན་དུ་ཆོས་ཀྱི་རིགས་ནི་ཐ་དད་པ་མ་ཡིན་ཏེ། རང་གི་ངོ་བོ་བཞིན་དུ་ཁྱད་པར་ཡང་མཐོང་བར་བྱེད་པ་ཡིན་པའི་ཕྱིར་རོ། །མཐོང ་བའི་དབྱག་པ་དང་མཚན་ཉིད་མི་མཐུན་པའི་མིག་ནི་ཇི་ལྟར་རྗེས་སུ་དཔོག་པ་ཡིན་ཞེ་ན། མ་ཡིན། མཐོང་བ་ཁོ་ནའི་བྱིན་རླབས་དེའི་ནུས་པ་ཙམ་གྱི་འབྲས་བུ་ལས་བྱིན་གྱིས་བརླབས་པའི་དབང་པོ་ཉིད་ཡིན་ན། ཐོབ་པར་བྱེད་པ་ཉིད་དུ་གོ་བར་བྱེད་པ་ཡིན ་ཏེ། དེའི་ཕྱིར་ཐག་རིང་བ་དང། ཉེ་བ་ལ་སོགས་པའི་དབྱེ་བ་ལ་སོགས་པའི་དབྱེ་བས་འཛིན་པ་དང། མི་འཛིན་པ་རྣམ་པར་བཞག་པར་མི་འགྱུར་ཏེ། མ་ཐོབ་པར་བྱེ་བྲག་མེད་པའི་ཕྱིར་འདི་ཡང་གཏམ་ཙམ་ཡིན་ནོ། །ཐོབ་པར་བྱེད་པ་ཉིད་ནི་བདག་ཡིན ་ཏེ། དུས་དང་ཕྱོགས་ལ་སོགས་པ་ཐོབ་པ་ཡོད་པའི་ཕྱིར་རོ། །གསལ་བར་བྱེད་པའི་རླུང་དང་ཕྲད་པ་དང་བྲལ་བ་དང་འབྲེལ་བས། རྣ་བ་ནི་དེ་རྣམས་ཀྱི་ཡང་འཛིན་བྱེད་དུ་འགྱུར་རོ། །རུང་བ་མ་ཡིན་པའི་ཕྱིར་མ་ཡིན་ནོ་ཞེ་ན། ཐོབ་བྱ་མ་ཡིན་པ་ཡང་རུང་བ་མ་ཡིན་པའི་ཕྱིར ་ཐག་རིང་བ་ལ་འཛིན་པར་བྱེད་པ་མ་ཡིན་ཏེ། ཡུལ་ཇི་སྙེད་པ་ཤེས་པ་སྐྱེད་པར་བྱེད་པ་དེ་སྐྱེད་ལ་རུང་བ་ཡིན་ཏེ། དེ་ནི་འབྲས་བུའི་གོ་བྱེད་ཡིན་པའི་ཕྱིར་རོ། །ཟླ་བའི་ཆ་གཞན་མ་མཐོང་བ་ཇི་ལྟར་རྗེས་སུ་དཔོག་པ་ཡིན། ངེས་ན་སྐྱེ་བ་ལས་སྐྱེ་བ་གཞན་རྗེས་སུ་དཔོག ་པ་ཡང་མི་རིགས་སོ། །མཐོང་བའི་ཆའི་སྐྱེ་བ་དང་མཚུངས་པས་དབྱེ་བ་མེད་པའི་ཕྱིར་རོ། །སྔོན་གྱི་ལས་མ་མཐོང་བ་ལ་ཇི་ལྟར་ཡིན་ཞེ་ན། དེ་ཅི་ད་ནི་གསེང་ཡོད་པའི་ཕྱིར་གཏུན་ཤིང་ཡང་ཤོད་པ་ཡིན་ནམ། འབྲས་བུ་སྣ་ཚོགས་པ་ལས་རྒྱུ་སྣ་ཚོགས་པ་ཉིད་ཡིན ་པ་མ་ནི་ཆོས་ངོ་མཚར་བར་བྱ་བ་མ་ཡིན་ནོ། །དེ་དྲག་ཙམ་གྱིས་འདོད་པར་འགྲུབ་པ་ཡིན་ནོ། །དེ་ལས་གཞན་པར་རྟོག་པར་བྱེད་ན་ངོ་མཚར་བྱེད་པར་འགྱུར་རོ། །དེའི་ཕྱིར་འབྲས་བུ་ལ་སོགས་པ་ཙམ་གྱིས་ཁྱབ་པ་མ་གྲུབ་པ་ཡིན་ཏེ། མ་འཁྲུལ་པར་མ་ངེས་པའི ་ཕྱིར་རོ། །དེ་ལ་དཔེ་ལ། ཡང་ན་ཐེ་ཚོམ་ཟ་བ་ཡིན་ཞེས་བྱ་བ་སྨོས་ཏེ། བཤད་པ་བྱེད་པས་ནི་སེམས་ཅན་གྱི་ལས་ནི་བྱིན་གྱིས་རློབ་པ་པོ་ཉིད་ཡིན་པར་ཁས་བླངས་པར་འདོད་པ་གྲུབ་པར་བསྟན་པ་ནི། སེམས་པ་ཅན་ལ་སེམས་པ་ཅན་གཞན་ནི་དགོས་པ ་མེད་པ་ཡིན་ནོ། །དཔེ་ལ་ནི་དེ་བཞིན་དུ་མ་གྲུབ་པའི་ཕྱིར་དབང་ཕྱུག་དེ་ཉིད་ནི་ནོན་བྱེད་པའི་བྱེད་པ་པོ་ཉིད་ལ་སོགས་པར་མ་ངེས་པ་ཉིད་ཡིན་ཏེ། དེ་ལ་གཞན་བྱིན་གྱིས་རློབ་པར་བྱེད་པ་ཉིད་གཞན་ཡོད་པ་མ་ཡིན་ཏེ། དེ་བསྟན་པ་ནི། ཡང་ན་ཐེ་ཚོམ ་ཟ་བ་ཡིན་ཞེས་བྱ་བའོ། །དེའི་ཕྱིར་འདིར་ས་གཞི་ལ་སོགས་པ་ལ་བློའི་བསྐྱེད་བྱའི་བྱེ་བྲག་མེད་པའི་ཕྱིར་དང། དབང་ཕྱུག་གིས་བྱས་པར་མི་རིགས་སོ། །དེ་ཁས་ལེན་ན། ཐ་དད་དངོས་ལ་རབ་གྲུབ་པ། །སྒྲ་མཚུངས་པས་ཐ་དད་མེད་ཕྱིར། ཞེས་བྱ་བ་དང་མ་འབྲེལ་པར ་འགྱུར་རོ། །དེའི་ཕྱིར་ཡུལ་ལ་སོགས་པའི་ངེས་པ་ཙམ་མཐོང་བས་དེའི་རྒྱུ་མ་མཐོང་བ་ཙམ་ཡོད་པར་གོ་བ་ཡིན་གྱི་དེ་ཡང་སེམས་པ་ཅན་མ་ཡིན་ཏེ། དེའི་བསྐྱེད་བྱའི་བྱེ་བྲག་མ་མཐོང་བའི་ཕྱིར། སེམས་པ་ཅན་གྱིས་རྗེས་སུ་འགྲོ་བ་ཉིད་ཡིན་པ་གཞན་ནི་མ་ཡིན་ནོ་ཞེས ་བྱ་བ་འདི་ལ་ཡང་ཚད་མ་ཅུང་ཟད་ཀྱང་མེད་ལ། ལས་ལ་ནི་བྱེད་པ་པོ་ཐམས་ཅད་ཀྱི་ནུས་པ་ཉིད་ཀྱི་ཤེས་པ་ཡང་མི་སྲིད་པ་ཡིན་ནོ། །རེ་ཞིག་འབྲས་བུའི་ངེས་པ་མཐོང་བ་ལས་ངོས་པར་བྱེད་པ་མ་མཐོང་བ་ལ་སོགས་པ་གོ་བ་ཡིན་ཞེས་གང་སྨྲས་པ་དེ་ནི་རིགས་པ ་ཡིན་ནོ། །བསྙེམས་པ་དེ་བོར་ནས་སེམས་པ་ཅན་གྱི་བྱེ་བྲག་སྒྲུབ་པར་བྱེད་པ་གང་ཡིན་པ་དེ་ལ་འདི་དཔྱད་པར་བྱ་སྟེ། རེ་ཞིག་ས་གཞིས་སོགས་བ་འུ་བུ་ཅག་ལ་སོགས་པའི་ལོངས་སྤྱད་པར་བྱ་བ་རོ་ལ་སོགས་པ་བཞིན་དུ་ལས་ཀྱི་ཉེ་བར་བསྒྲུབ་པ་ཡིན་པར་གོ་བ་ཡིན་ནོ། ་ལས་ཀྱང་གནས་ལ་སོགས་པ་དོན་དུ་གཉེར་བའི་སྙིང་པོ་ཅན་ནམ། བྱེད་པ་ལ་སོགས་པ་དོན་དུ་གཉེར་བའི་སྙིང་པོ་ཅན་ཏེ། བདག་ལྷ་འམ་ཀླུར་གྱུར་ཅིག་ཅེས་བྱ་བའི་སེམས་ཉིད་ཡིན་ནོ། །དེས་ན་འབྲས་བུ་དང་རྒྱུ་དང་དེའི་འབྲས་བུ་ལ་སོགས་པ་ཐམས་ཅད་དུ ་ལྷག་པར་ཞེན་པ་རྣམས་བག་ཆགས་ཀྱི་སྒོ་ནས་གནས་པ་ནི་བྱིན་གྱིས་རློབ་པ་པོར་རྟོགས་པ་ཡིན་ནོ། །འདིས་ནི་བསོད་ནམས་ཀྱི་བློའི་ནུས་པ་བཤད་པ་ཡིན་ནོ། །གལ་ཏེ་ཡང་རྣམ་པ་ཐམས་ཅད་མ་མཐོང་བ་དེ་ལྟ་ན་ཡང་དེ་སྣ་ཚོགས་པ། རིག་པ་ཡིན་ཞེས་ཐམས ་ཅད་ཤེས་པ་ཡོངས་སུ་ཤེས་པ་བཞིན་དུ་ཐམས་ཅད་དུ་ལྷག་པར་ཞེན་པ་ཅན་གྱི་སོ་སོར་སྣང་བའི་བྱིན་གྱིས་རློབ་པ་པོ་པོར་ནས་དེ་ལ་གཞན་དུ་རྟོགས་པ་ལ་ནི་ཚད་མ་ཅུང་ཟད་ཀྱང་མེད་དོ། །དེ་ལྟར་ན་བྱེད་པ་མེད་པའི་བློ་རྟོགས་བྱ་མ་ཡིན་པ་རྟག་པ་ནི་རང་བཞིན ་ཉིད་ཀྱི་བྱིན་གྱིས་རློབ་པ་པོ་ཉིད་ཡིན་ཞེས་བྱ་བ་ལ་སོགས་པ་མ་མཐོང་བ་དུ་མའི་རྟོགས་པ་ཡོངས་སུ་དུབ་པ་ཡང་བསལ་བ་ཡིན་ནོ་ཞེས་དགོངས་པའོ། །དེས་པ་ཅན་ཙམ་སྒྲུབ་པ་ཡིན་ན་གྲུབ་པ་ལ་སྒྲུབ་པ་ཉིད་ཡིན་ཏེ། སེམས་པ་ཅན་གྱི ་བྱེ་བྲག་གྲུབ་པ་ཡིན་ན་མཉན་བྱ་ཉིད་བཞིན་དུ་རྗེས་སུ་འགྲོ་བ་མེད་པའི་ཕྱིར་འཁྲུལ་པ་སྲིད་པས་ལྷག་པ་དང་ལྡན་པར་འགྱུར་ཞེས་བྱ་བའི་དོན་ཏོ། །སེམས་པ་ཅན་མ་ཡིན་པས་བྱིན་གྱིས་བརླབས་པའི་བྱེད་པ་པོ་རྣམས་ནི་བྱ་བ་བརྩམས་ནས་རྩོམ་པར་བྱེད་པ་པོར ་ཅི་མི་འགྱུར་ཞེ་ན། མིག་ལ་སོགས་པ་དང་མེ་ལ་སོགས་རྣམས་ནི་ཇི་སྙད་པ་ཚོགས་པ་ཡིན་ན། རྣམ་ཤེས་དང་དུ་བ་ལ་སོགས་པའི་བྱ་བ་བརྩམས་པ་ཡང་རྩོམ་པར་བྱེད་པ་ཁོ་ན་ཡིན་ལ་ས་གཞི་ལ་སོགས་པ་དར་སྣམ་བུ་ལ་སོགས་པའི་བྱ་བ་ལ་ནི་བརྩམ ་པ་བྱས་པ་ཡང། སྣལ་མ་དང་རྡུལ་ཕྲ་རབ་ལ་སོགས་པ་རྣམས་ཀྱིས་རྩོམ་པར་བྱེད་པ་མ་ཡིན་ཏེ། མ་མཐོང་བ་ལ་སོགས་པ་ངེས་པ་ཅན་གྱི་ལྷན་ཅིག་བྱེད་པ་མེད་པའི་ཕྱིར་དང། བྱེད་པ་པོ་རྣམས་ཀྱི་ནུས་པ་ནི་འབྲས་བུ་ལ་རྟོགས་པར་བྱ་བ་ཡིན་པའི ་ཕྱིར། ཅིའི་ཕྱིར་མཇུག་པ་ལྡོག་པ་ཡིན་ཞེས་བརྒལ་ཞིང་བརྟག་པས་ཅི་ཞིག་བྱ། དུ་བ་ལ་སོགས་པ་རྣམས་ནི་གཏན་ཚིགས་ཡིན་གྱི། དེ་དག་ནི་མ་ཡིན་པར་བསྟན་པ་ནི། །གང་གི་ཕྱིར་དེ་དག་ཡོད་ཀྱང་ཞེས་བྱ་སྟེ། འདོད་པ་ཉིད་ནི་གྲུབ་པ་ཉིད་ཡིན་ནོ། །རྩོད ་པའི་གནས་ཡིན་པའི་ཕྱིར་ཇི་ལྟར་ཆོས་ཅན་དུ་བྱེ་བྲག་དུ་བྱེད་པ་དེ་བཞིན་དུ། ཉེ་བར་དམིགས་པ་དང་ལྡན་པ་ཆོས་ཉིད་དང་བྱེ་བྲག་དུ་བྱ་བ་ཡིན་ནོ། །གཞན་དུ་ན་གྲུབ་ལ་སྒྲུབ་པ་ཡིན་ནོ་ཞེས་བསྟན་པ་ནི། གང་ལ་རྩོད་པ་ཡོད་པ་དེ་ཞེས་བྱ་བ་སྨོས་སོ། ། ་དབང་ཕྱུག་བསྐུལ་བྱེད་ཡིན་པ་ནི་འདིའི་འགྲུབ་པར་འགྱུར་རོ་ཞེས་ཀུན་ཏུ་རྟོག་པ་ཡིན་ལ། ཆོས་ལ་སོགས་པའི་བྱེད་པ་ཉིད་ཀྱིས་ནི་མ་ཡིན་ཏེ། དབྱིགས་ལ་སོགས་པ་བཞིན་དུ་སེམས་ཅན་མ་ཡིན་པའི་ཕྱིར་རོ། །དེས་ཉེ་བར་དམིགས་པ་ཅན་གྱི་རྒྱུ ་ཉིད་དུ་དམ་བཅས་པ་ཉིད་ཀྱིས་སེམས་པ་ཅན་མ་ཡིན་པ་བསལ་བ་ཡིན་ནོ། །དེའི་ཕྱིར་སྒྲུབ་བྱ་གྲུབ་པ་མ་ཡིན་ནོ་སྙམ་དུ་སེམས་པ་ནི། ལས་ལས་སྐྱེས་པ་ཉིད་ཡིན་ནོ་ཞེས་བྱ་བ་ནི། སྒྲུབ་བྱ་མ་ཡིན་པ་མ་ཡིན་ནམ་ཞེས་བྱ་བའོ། །ལས་ཁས་ལེན་པ་ཡིན་ན་དེ་ཉིད ་ཀྱིས་ཆོས་སེམས་པ་ཅན་ཙམ་དུ་ཁས་ལེན་པ་ཡིན་པ་ཡིན་པས་རྟོགས་པ་ཡང་བར་དུ་འགྱུར་བ་ཡིན་ལ་དབང་ཕྱུག་ལ་ནི་དེ་དང་ཆོས་ཅན་གྱི་རྟོགས་པ་ཡང་ཡིན་པ་ཞེས་བྱ་བས་ལྕི་བ་ཡིན་པར་བསྟན་པ་ནི། གལ་ཏེ་སེམས་པ་ཅན་གྱི་རང་བཞིན་གྱི་ལས་ཡོད་ན་ཞེས ་བྱ་བ་སྨོས་སོ། །དེ་ཉིད་འདི་ཡིན་པ་ནི་སེམས་པ་ཅན་དང། ཅིག་ཤོས་དང། བྱེད་པ་པོ་དང་བྱེད་པ་པོ་ཞེས་བྱ་བ་གཉིས་པོ་ཁྱེད་ཀྱིས་ལས་ཡིན་པར་བཤད་པ་དང། བདག་གི་བྱེད་པ་པོ་ཡིན་ཤེས་བྱ་བ་མིང་ཙམ་གྱིས་བྱེ་བ་ཡིན་སྙམ་དུ་སེམས་པ་ལ། དེ་ལ་སེམས་པ ་མེད་པ་རྣམས་ཞེས་བྱ་བ་སྨོས་སོ། །གང་གི་ཕྱིར་མིང་ཙམ་གྱི་ཐ་དད་པར་ཁྱེད་ཇི་ལྟར་འདོད་པ་ཡིན། ཁྱེད་ཀྱིས་ཀྱང་ལས་ནི་ཁས་བླངས་པ་ཡིན་ལ། དེ་ལ་ཡང་སེམས་པ་ཅན་དུ་ལྷག་པར་ཁོ་བོས་བརྗོད་པ་ཡིན་ལ། དེས་ན་ཐ་དད་པའི་དབང་ཕྱུག་།དགག་པ་ལེན་པར ་བསྟན་པ་ནི། ལས་ཀྱི་རང་བཞིན་སེམས་པ་ཉིད་ཅེས་བྱ་བ་སྟེ། བཤད་པའི་རིགས་པས་ལས་ཀྱིས་བསྐུལ་བ་བྱིན་གྱིས་བརླབ་པར་གྲུབ་པ་ཡིན་ན། སེམས་པ་ཅན་གཞན་ལྷག་པ་ཁོ་ན་ཡིན་ཏེ། དེའི་བྱ་བ་ལྷག་པ་མེད་པའི་ཕྱིར་རོ། །བུམ་པ་ལ་སོགས་པ་ལ ་རྫ་མཁན་ལ་སོགས་པའི་ལྷག་མི་ལྟ་བུ་ཡིན་པར་བསྟན་པ་སྟེ། འདོད་པ་གྲུབ་པ་ཉིད་ལ་གཏན་ཚིགས་སམ་དཔེ་ལ་མ་གྲུབ་པ་ཡིན་ཞེས་སྦྱོར་བར་བྱེད་པ་ནི། དེ་ལྟ་ན་ཡང་དཔེ་མ་གྲུབ་ཅེས་བྱ་བ་ནི་སེམས་པ་ཅན་ལ་ཡང་སེམས་པ་ཅན་གཞན་དུ་རྟོག་པ་ཡིན་ནོ།། ་རྫ་མཁན་ལ་སོགས་པ་ལ་ཡང་རང་གི་བྱ་བའི་ཡུལ་ཤེས་པ་ཡིན་པས་ཐམས་ཅད་ཤེས་པ་ལས་བྱེ་བྲག་མེད་དོ་ཞེས་བྱ་བའི་དོན་ཏོ། །བྱིས་པ་ཉིད་ཀྱི་གནས་སྐབས་ལས་བྱེ་བྲག་ཡིན་པར་སྨྲ་བ་ནི། འོན་ཏེ་རྫ་མཁན་སོགས་དེ་ཡང་ཞེས་བྱ་བའོ། །དེའི་ཚེ་ཡང ་རྒན་པོ་རྣམས་ལས་དེའི་སྒྲུབ་པ་མཐོང་པའི་ཕྱིར། དབང་ཕྱུག་གི་གནས་སྐབས་མེད་པར་བསྟན་པ་ནི། བྱེད་པོ་གྲུབ་ན་ཀུན་ཤེས་ཉིད། ཅེས་བྱ་བའོ། །མཐོང་བའི་ཡུལ་ལས་སྐྱེ་བ་པོ་རང་ཉིད་དབང་བྱེད་པ་ཡིན་པར་ནི་བདེན་ན། མ་མཐོང་བ་ལ་ཇི་ལྟར ་ཡིན་རྒན་པོ་རྣམས་ཀྱང་དེ་ལ་དབང་མེད་པ་ཉིད་ཡིན་ཏེ། དབང་པོ་ལས་འདས་པའི་ཕྱིར་རོ་སྙམ་དུ་སེམས་པ་ལ། གལ་ཏེ་དེ་ཐམས་ཅད་ཤེས་པ་ཡིན་ན་ཞེས་བྱ་བ་སྨོས་ཏེ། ད་ལྟར་བ་བཞིན་དུ་སྤྱོད་པ་མེད་པའི་བྱ་བ་མཐོང་བ་ལས་ཕྱིན་ཅི་ལོག་པར་གོ་བ་མ ་ཡིན་ནོ་ཞེས་བྱ་བའི་དོན་ཏོ། །དཔྱོད་པ་མེད་པའི་འབྲས་བུ་ནི་དཔྱོད་པ་དང་འགལ་བ་ཡིན་པར་མི་རིགས་ཏེ། གདམས་ངག་དམ་པ་དང་མཚམ་པའི་འབྲས་བུ་སྦྱིན་པ་དག་གི་རྣམ་པར་དཔྱོད་པའི་བྱ་བ་ཡིན་པའི་ཕྱིར་རོ་སྙམ་དུ་སེམས་པ་ནི། འོན་ཏེ། དོན ་དམ་པ་ཉིད་ཀྱི་ཉེ་བར་བསྟན་པ་ཉིད་ཅེས་བྱ་བའོ། །ལན་དུ་དཔྱད་པ་མེད་པའི་བྱ་བ་བྱེད་པའི་ཕྱིར་དཔྱོད་པ་མེད་པའི་བྱ་བ་ཉིད་ཡིན་པར་བསྟན་པ་ནི། འདི་ནི་ཆོས་མིན་པ་ལའང་ཞེས་བྱ་བ་སྟེ། ཚོད་ཡོད་བཞིན་ཆོས་མ་ཡིན་པ་ལ་འཇུག་པར་བྱེད་པ་ནི། དཔྱོད ་པ་མེད་པ་ཅན་གྱི་བྱ་བ་ཡིན་ལ། དེའི་བྱ་བ་ཡང་དེའི་འབྲས་བུ་སྟེར་བ་ཡིན་ཞེས་བྱ་བའི་དོན་ཏོ། །ཆོས་མ་ཡིན་པ་ཉིད་ནི་ཆོས་མ་ཡིན་པའི་འབྲས་བུ་བསྐྱེད་པར་བྱེད་པ་མ་ཡིན་ནམ། དབང་ཕྱུག་ནི་མ་ཡིན་ཏེ། དེས་ན་དཔྱད་པ་མེད་པའི་བྱ་བའི་ལས་སུ ་སྟེར་བ་མ་ཡིན་ནོ་སྙམ་དུ་སེམས་པ་ནི། འོན་ཏེ་ཆོས་མ་ཡིན་པ་ཞེས་བྱ་བའོ། །དེ་ལྟ་ན་ཡང་སྡིག་པ་དགག་པར་བྱ་བ་མ་ཡིན་པ་ན། དེའི་འབྲས་བུ་སྟེར་བ་ནི་དཔྱོད་པ་མེད་པའི་བྱ་བ་ཁོ་ན་ཡིན་པར་བསྟན་པ་ནི། དབང་ཕྱུག་གཞན་ནི་ནུས་མེད་པས། ཞེས་བྱ ་བ་སྨོས་ཏེ། གལ་ཏེ་དབང་ཕྱུག་གཞན་བཞིན་དུ་འདི་ཡང་སྡིག་པ་དགག་པ་ལ་ནུས་པ་མེད་པ་ཡིན་ན། དེ་ལྟ་ན་སྡིག་པ་དགག་པ་ལ་བཞིན་དུ། སྡིག་ཅན་རྣམས་ལ་དགོས་པ་བྱེད་པ་ཉིད་ཀྱི་ཆོས་དང། དེའི་འབྲས་བུ་བྱེད་པ་པོ་ཉིད་དུ་མི་འགྱུར་བའི ་ཕྱིར། དབང་ཕྱུག་གིས་བྱེད་པ་པོར་མ་ཡིན་པར་ཐོབ་པར་བསྟན་པ་ནི། སྡིག་བཞིན་ཐམས་ཅད་དབང་ཕྱུག་གིས། ཞེས་བྱ་བའོ། །གལ་ཏེ་ཡང་སྡིག་པ་དང་སྡིག་པ་དགག་པ་དང་དེའི་སྒོ་ནས་ཆོས་དང་དེའི་འབྲས་བུ་རྣམས་བྱེད་པ་མ་ཡིན་དེ་དེ་ལྟ་ན་ཡང། བདག་ཉིད་ཐམས་ཅད ་ཀྱི་བྱེད་པ་པོ་མ་ཡིན་པ་མ་ཡིན་ཏེ། སྡིག་པའི་འབྲས་བུ་བྱེད་དོ་སྙམ་དུ་སེམས་པ་ལ། དབང་ཕྱུག་མེད་ན་འཇིག་རྟེན་པ་ཞེས་བྱ་བ་སྨོས་ཏེ། ཇི་ལྟར་དེ་མེད་ཀྱང་མོས་ནི་རང་གི་རྒྱུ་ཁོ་ན་ལས་སྐྱེ་བ་ཡིན་ལ། དེ་བཞིན་དུ་དེའི་འབྲས་བུ་ཡང་ཡིན་པའི་ཕྱིར། རྒྱུ་བཞིན་དུ་འབྲས་བུ ་ཡང་ངས་བྱས་པ་མི་སྲིད་པ་ཡིན་ཏེ། དཔྱོད་པ་མེད་པ་ཅན་གྱི་བྱ་བ་ཉིད་ནི་དཔྱོད་པ་ཅན་གྱི་གྲུབ་པ་དང་འགལ་བའི་ཕྱིར་རོ་ཞེས་བྱ་བའི་དོན་ཏོ། །ཆོས་མ་ཡིན་པ་ནི་ཆོས་ཀྱི་འབྲས་བུ་ཉམས་སུ་མྱོང་བ་ལ་བར་དུ་གཅོད་པར་བྱེད་པ་ཡིན་ལ། དེ་ཟད་པའི་དོན་དུ ་དེའི་འབྲས་བུ་མྱོང་བར་བྱེད་དུ་འཇུག་པ་ནི། བདེ་བའི་དོན་དུ་མ་ཡིན་ནམ། དེ་ཇི་ལྟར་དཔྱོད་པ་མེད་པའི་འབྲས་བུ་ཅན་ཉིད་དུ་སེམས་པ་ནི། འོན་ཏེ་དེ་མེད་པར་ནི་འགའ་ཞིག་བྱ་བའོ། །ལན་ནི། རྟོག་པ་དང་ལྡན་ཇི་ལྟར་ན། ཞེས་བྱ་བ་སྟེ། དེས་མ་བྱས་པ་ལས་ནི་ཆོས་མ་ཡིན ་པའི་འབྲས་བུ་མི་འབྱུང་ལ། ཆོས་མ་ཡིན་པ་རྣམས་ཀྱིས་ཀྱང་བར་དུ་བཅད་པས། ཆོས་ཀྱི་འབྲས་བུ་མི་འབྱུང་བའི་ཕྱིར། འབྲས་བུ་གཉི་ག་མེད་པ་ནི་སྲོགས་ཆགས་ཀྱི་ཐར་པ་ཉིད་སྐྱེས་བུའི་དོན་གྱི་གཙོ་བོ་ཡིན་པའི་ཕྱིར། དཔྱོད་པ་ཡོད་པ་ཆོས་མ་ཡིན་པའི་འབྲས་བུ ་སྟེར་བ་པོ་མ་ཡིན་པ་ཉིད་ནི། དཔྱོད་པའི་འབྲས་བུ་ཡིན་ལ་བྱེད་པ་པོ་ཉིད་ནི་དཔྱོད་པ་དང་འགལ་བའི་འབྲས་བུ་ཅན་ཡིན་ཞེས་བྱ་བའི་དོན་ཏོ། །རྟོག་པ་དང་ལྡན་པ་ནི་དཔྱོད་པ་དང་ལྡན་པའོ། །རྩེད་མོས་བྱེད་པ་ནི་དཔྱོད་པ་ཡོད་ན་འགལ་བའི་འབྲས་བུ་ཡིན་པས་མི་བྱ་བ་ཡིན ་པར་བསྟན་པ་ནི། རྟོག་པ་སྔོན་བྱེད་ག་ལ་ཡིན་ཞེས་བྱ་བའོ། །ཚིག་ནི་ཤེས་པ་སྔོན་དུ་འགྲོ་བ་ཅན་དུ་མཐོང་བ་མ་ཡིན་ནམ། དེའི་ཡང་ཚིག་ནི་མེའི་སྦྱིན་སྲེག་ལ་སོགས་པའི་ཡུལ་ལ་ཤེས་པ་སྔོན་དུ་འགྲོ་བ་ཅན་ཡིན་པའི་ཕྱིར། ཤེས་པའི་བྱེ་བྲག་པ་འབྲེལ་བ་ཅན ་ཉིད་དུ་གྲུབ་པ་ཡིན་ན། དེ་ལས་བཟློག་པ་གང་ཡིན་པ་བསལ་བ་ཡིན་ནོ། །ཆོས་མ་ཡིན་པའི་འབྲས་བུ་ནི་ངང་ལས་སམ་གཞན་ལས་འབྱུང་བར་འགྱུར་རོ་སྙམ་དུ་སེམས་པ་ལ། གལ་ཏེ་བསྟན་བཅོས་གཞན་པ་ཀུན་ཞེས་བྱ་བ་སྨོས་ཏེ། གཅིག་ལ་གཅིག ་བཅད་བྱ་དང་གཅོད་བྱེད་ཉིད་ཀྱིས་འབྲེལ་བ་ཅན་དང། བྱེད་པར་ནུས་པ་ཅན་གྱི་དངོས་པོ་ཉེ་བར་སྟོན་པ་ཡིན་ན། ཤེས་པ་སྔོན་དུ་འགྲོ་བ་ཅན་གྱི་ཚིག་ཡིན་ཏེ། འབྲེལ་པ་ཅན་མ་ཡིན་པ་ནི་མ་ཡིན་ནོ། །ཚིག་འདི་ནི་མེའི་སྦྱིན་སྲེག་གི་མཐོ་རིས་སྒྲུབ་པར་བྱེད་པ་དང། ཅིག ་ཤོས་དག་ནི་འགལ་བ་ཡིན་ཏེ། དོར་བ་དང་བླང་བའི་ཡུལ་ཅན་མ་ཡིན་པ་ཉིད་ཀྱིས་སྨྱོན་པའི་ཚིག་བཞིན་དུ་དཔྱོད་པ་མེད་པ་སྔོན་དུ་འགྲོ་བ་ཅན་ཡིན་གྱི། དཔྱོད་པ་ལ་རྣམ་པར་འཇོག་བྱེད་པ་མ་ཡིན་ནོ། །སྟོབས་མཚུངས་པ་དང་འགལ་བ་ཡིན་ན་རྣམ་པར་རྟོག་པར ་འགྱུར་བ་མ་ཡིན་ནམ། ཆ་བཅུ་དྲུག་པའི་འཛིན་པ་དང་མི་འཛིན་པ་བཞིན་དུ་འཆེས་མཚན་མོའི་དུས་སུ་ཆ་བཅུ་དྲུག་པ་ཅན་འཛིན་པའམ། ཆེས་མཚན་མོ་ཆ་བཅུ་དྲུག་ཅན་མི་འཛིན་པ་ཞེས་བྱ་བའོ། །འདི་ལ་ཡང་མཚུངས་པ་ཡིན་ཏེ། བར་ཆད་ཡོད་པས་བཀག་པ་ནི ་དེའི་ཚ་ཉིད་མངོན་པ་ལ་སྒྲུབ་པ་ཙམ་ལས་སྒྲུབ་པར་བྱེད་པར་འགྱུར་ཞེ་སྒོ་བ་མ་ཡིན་ཏེ། ཕན་ཚུན་འགལ་བར་ཚད་མ་ཉིད་མ་ཡིན་པ་ཁོ་ནའི་རྗེས་སུ་མཐུན་པའི་ཕྱིར་རོ། །གཞན་དུ་ན་མ་མཐོང་བའི་དོན་གྱི་ཚིག་ཚང་མ་མ་ཡིན་མི་འགྱུར་རོ་ཞེས་བྱ་བའི་དོན་ཏོ། ། ་སངས་རྒྱས་ལ་སོགས་པའི་བསྟན་བཅོས་ནི་གཞན་གྱིས་བྱས་པ་མ་ཡིན་ནམ། དེས་ན་འགལ་བ་མ་ཡིན་པའི་ཕྱིར་ལ། མི་འགལ་བ་ནི་རྗེས་སུ་འགྲུབ་པར་རུང་བར་ཉེ་བར་སྟོན་པར་བྱེད་པ་ནི་དཔྱོད་པ་དང་ལྡན་པ་ཁོ་ན་ཡིན་ནོ་སྙམ་དུ་སེམས་པ་ནི། འོན་ཏེ་བསྟན་བཅས ་མཛའ་དག་བྱེད་པ་ལས་མ་ཡིན་ནོ་ཞེས་བྱ་བའོ། །ས་གཞི་ལ་སོགས་པ་དང་རིག་བྱེད་ལ་སོགས་པ་ནི་དཔྱད་པ་དང་ལྡན་པའི་རྒྱུ་ཅན་ཡིན་ཏེ། འབྲས་བུ་ཡིན་པར་ཕྱིར་ཞེས་བྱ་བ་ནི་མ་ངེས་པ་ཡིན་ཏེ། དེ་རྒྱུ་མ་ཡིན་པ་ལ་ཡང་ཡོད་པའི་ཕྱིར་ཞེས་བསྟན ་པ་ནི། དེའི་ཚེ་བསྟན་བཅོས་གཞན་བཞིན་དུ་ཞེས་བྱ་བའོ། །མ་རིག་པའི་གཞན་དབང་གི་སེམས་པ་ཅན་གྱི་འབྲས་བུ་མཐོང་བའི་ཕྱི། །དེ་ལས་ཀྱི་ངོ་བོ་ཉིད་ཁོ་ནར་གྲུབ་པ་ཡིན་གྱི་གཞན་མ་ཡིན་པའི་ཕྱིར་འདོད་པ་གྲུབ་པ་ཁོ་ན་ཚད་མས་གྲུབ་པ་ཡིན་པའི་ཉེ་བར་བསྡུ་བ་ནི་དེ་ལ་སྐྱེ ་པོ་ཐ་མལ་པ་ཐམས་ཅད་ཅེས་བྱ་བའོ། །རིལ་སོགས་པ་ཆེན་པོ་ཐམས་ཅད་ཀྱི་བྱ་བ་ལ་བདག་ཅག་ལ་སོགས་པ་ཐམས་ཅད་ཀྱི་བདག་བྱེད་པ་པོ་མ་ཡིན་པ་མ་ཡིན་ནམ། །དེ་བཞིན་དུ་བྱེད་པ་པོ་ཉིད་མ་མཐོང་བའི་ཕྱིར་དང། མི་ནུས་པའི་ཕྱིར་རོ། །འདིའི་ཕྱིར་འབྲས་བུའི་བྱེ་བྲག ་མཐོང་བ་མས་བདག་ཅག་ལ་སོགས་པ་གཅིག་པུ་དང་མཚན་ཉིད་མི་མཐུན་པ་དབང་ཕྱུག་ཡིན་ནོ་སྙམ་དུ་སེམས་པ་ནི། བདག་ཀུན་བྱེད་པོ་མིན་ཞེ་ན་ཞེས་བྱ་བའོ། །བདེན་ཏེ་གཅིག་པུ་ལས་མཚན་ཉིད་མི་མཐུན་པར་གོ་བ་ན། དུ་མ་ལས་ཀྱང་ཡིན་གྱི་ཐུལ་དུ་བྱུང་བ་གཅིག ་ཕུ་ནི་མ་ཡིན་ནོ་ཞེས་ལན་འདེབས་པ་ནི། དེའི་ཐམས་ཅད་ཀྱི་ཞེས་བྱ་བ་སྟེ། དེའི་ནི་ཕུལ་དུ་བྱུང་བའི་འོ། །ཐམས་ཅད་ཀྱི་ནི་ས་གཞི་ལ་སོགས་པའི་འོ། །ཕུལ་དུ་བྱུང?་བའི་དང་བྲལ་བའི་བདག་ཉིད་ཁོ་ན་རང་གི་ལས་ཀྱིས་བྱིན་གྱིས་རླབས་པ་རྣམས་ཀྱི་མཐོང་བ་ལ ་ཐམས་ཅད་ཀྱི་བྱེད་པར་ཁས་ལེན་པ་ཡིན་ན། ཕུལ་དུ་བྱུང་བ་དང་ལྡན་པ་དུ་མར་རྟོག་པ་ནི་སྐྱོན་ཅིས་ཏེ་མ་ཡིན་ཞེས་བྱ་བའི་དོན་ཏོ། །ཇི་ལྟར་མཐོང་བ་དེ་ཉིད་དུ་རྣམ་པར་གཞག་པ་ཡིན་ན། བདག་ཅག་ལ་སོགས་པའི་བདག་རྣམས་རང་གི་ལས་ཀྱི་བྱིན་གྱིས་རླབས ་པ་རྣམས་ཀྱིས་གཞི་ལ་སོགས་པ་ཐམས་ཅད་བྱེད་པ་ཡིན་པར་ཡང་འགྱུར་བ་མ་ཡིན་ནམ། སྲོག་ཆགས་རྣམས་ལ་མཆོག་སྦྱིན་པ་ལ་སོགས་པའི་ལགས་པ་ནི། དབང་ཕྱུག་གཅིག་པུ་ཉེས་པ་མེད་ན་མི་འགྲུབ་པའི་ཕྱིར་ལེགས་པའི་དོན་དུ་གཉེར་བ་རྣམས་ཀྱིས ་མཉེས་པར་བྱ་བའི་དོན་དུ་འདི་འདོད་པར་བྱ་བ་ཡིན་གྱི། ཐམས་ཅད་ཀྱི་བྱེད་པའི་དོན་དུ་ནི་མ་ཡིན་ནོ་སྙམ་དུ་སེམས་པ་ནི། འོན་ཏེ་གཞན་དུ་ཀུན་ཤེས་ཉིད། ཅེས་བྱ་བ་སྟེ། དེའི་འདི་ལྟ་བུ་ཉིད་ལ་ནི་ལུང་ཚད་མ་ཡིན་ནོ་ཞེ་ན། མ་གྲུབ་པས་མ་གྲུབ་པ་སྒྲུབ ་པར་བྱེད་པ་ཡིན་ཏེ། དོན་བྱེད་པ་དང་དོན་མི་བྱེད་པ་འདྲེས་པའི་ཕྱིར་འཁོར་བ་བཞིན་དང་དུག་དང་ཟན་འདྲེས་པ་བཞིན་དུ་འདི་དོར་བའི་ཕྱོགས་སུ་བཅུག་པ་ཁོ་ན་ཡིན་ནོ་ཞེས་བྱ་བར་ལན་འདེབས་པ་བསྟན་པ་ནི། དོན་ནི་དོན་མེད་བྱེད་ནུས་པ་ཞེས་བྱ་བ ་སྟེ། ཕན་བྱེད་པ་མིན་ཕྱིར་ན་གནོད་པ་བྱེད་པ་ཡིན་ནོ། འདི་ཇི་སྲིད་དུ་ལེགས་པར་སྦྱིན་པ་སྦྱིན་པར་བྱེད་པར་ངེས་པ་མེད་པ་དེ་སྲིད་དུ། བསྙེན་བཀུར་ལ་སོགས་པ་ལ་འཇུག་པ་མ་ཡིན་པར་བསྟན་པ་ནི། ཀུན་ཤེས་ཉིད་དུ་གྲུབ་པ་ནི་ཞེས་བྱ་བའོ། །རྟོག་པ་ཐམས ་ཅད་ཉིད་ནི་མཐོང་བའི་རྗེས་སུ་འབྲངས་པ་ལས་འབྱུང་བ་ཡིན་ལ། དེ་ལས་བཟློག་པའི་དབང་ཕྱུག་ལ་ནི་མ་ཡིན་པར་བསྟན་པ་ནི། ཐམས་ཅད་ཤེས་མིན་བྱེད་པ་པོ་ཞེས་བྱ་བའོ། །བུམ་པ་ལ་སོགས་པ་ལ་རྫ་མཁན་ལ་སོགས་པའི་ནུས་པ་མཐོང་བ་ལས་ཡིན ་གྱི་རྟོག་པ་གཞན་ནི་མ་ཡིན་པར་བསྟན་པ་ནི། རང་གི་བྱ་བ་ལ་རྫ་མཁན་སོགས་ཞེས་བྱ་བའོ། །ས་གཞི་ལ་སོགས་པའི་ལས་ཀྱི་ནུས་པ་ཙམ་དུ་རྟོག་པས་དོན་རྟོག་པ་མ་ཡིན་པར་བསྟན་པ་ནི། ལས་ཀྱི་ནུས་པས་གྲུབ་འགྱུར་ན་ཞེས་བྱ་བའོ། །གལ་ཏེ་མི ་ཤེས་པ་མེད་པ་ཙམ་ཁོ་ནས་རྫ་མཁན་ལ་སོགས་པ་འཇུག་པ་ཡིན་ན། དུས་ཐམས་ཅད་དུ་འཇུག་པར་འགྱུར་པ་མ་ཡིན་ནམ། དེ་ལྟ་ནི་མ་ཡིན་པ་དེའི་ཕྱིར། འགའ་ཞིག་གིས་བརྩོད་པར་བྱ་བ་ཡིན་པར་སེམས་པ་ནི། གལ་ཏེ་ཤེས་ཀྱང་རྫ ་མཁན་སོགས་བྱ་བའོ། །འཛུད་བྱེད་དུ་ཡང་དུས་ཐམས་ཅད་དུ་ཅིས་མི་འགྱུར་པ་ཡིན་ཞེས་བྱ་བའི་ལན་དུ་ཁྱད་པར་མེད་པར་དབང་ཕྱུག་ཀྱང་ཞེས་བྱ་བ་སྨོས་ཏེ། འོན་ཏེ་གང་གི་ཚེ་ཁོ་ན་དབང་ཕྱུག་གི་བདག་ཉིད་ཀྱི་ཐམས་ཅད་ཞེས་པ་ཉིད་ལ་སོགས་པའི་དབང ་ཕྱུག་ཉིད་ཡིན་པར་གཞན་རྣམས་ཀྱི་གོ་བར་འདོད་པ་དེའི་ཚེ། སྐུལ་བར་བྱེད་པ་ཡིན་ལ། དེ་མེད་ན་ནི་སྐུལ་བྱེད་མ་ཡིན་པའི་ཕྱིར་ངོས་འགའ་བའ་ཨི་སྐུལ་བྱེད་ཡིན་པར་རིགས་པ་ཡིན་ན་སྙམ་དུ་སེམས་པ་ནི། འོན་ཏེ་བདག་ཉིད་ཀུན་ཤེས་པར་ཞེས་བྱ་བའོ། ་རྫ་མཁན་ལ་སོགས་པར་ཡང་གང་གི་ཚེ་འདོད་པ་དེའི་ཚེ་བྱེད་པ་ཡིན་པར་ཅིས་མི་འགྱུར་པར་བསྟན་པའི། དེ་ནི་དེ་ལྟར་གང་གིས་ཤེས་ཞེས་བྱ་བས། སྐྱེས་བུ་ཡིས་ནི་མཆོག་གཞན་ནི། །དམ་པའི་བདག་ཉིད་ཅེས་བརྗོད་པ། །གང་ཡིན་ཁམས་གསུམ་ན་བཞུགས་པས།། ་དབང་ཕྱུག་རྟག་པས་བྱས་པ་ཡིན། ཞེས་ཟེར་བ་བསལ་བ་ཡིན་པའི་ཕྱིར། བསྡད་ནས་འཇུག་པ་མ་ངེས་པ་ཉིད་ཡིན་ནོ། །ཡང་ན་ཐེ་ཚོམ་ཟ་བ་ཡིན་ཞེས་བསྟན་པ་བཤད་པ་ནི། བདག་ཉིད་བརྟགས་ནས་བྱེད་པ་གང་ཞེས་བྱ་བའོ། །བསྟན་བཅོས་ཀྱི་དོན་ལ་སོགས ་པའི་ཡུལ་བློ་ན་མི་གོམས་པའི་ཡུལ་ལ་གནན་དང། གཞན་སྔར་མ་བྱུང་བའི་རྒོལ་བ་དང་ལན་གྱི་རྣམ་པ་ཅན་བསྲེས་པ་དང་མི་ཤེས་པ་དང་ཡིད་ལ་མི་འདོད་པ་རྣམས་ནི་རང་ཉིད་བསྐྱེད་པར་བྱེད་པར་ནུས་པ་མ་ཡིན་གྱི། གཞན་གྱི་བསྐྱེད་བྱ་ཉིད་ཡིན་ནོ་ཟེར་བ་ནི། ཀུན ་གྱི་བློ་ཉིད་དབང་ཕྱུག་ལས་ཞེས་བྱ་བ་སྟེ། གོམས་པ་དང་ལྡན་པའི་སྔར་མ་བྱུང་བའི་རྒོལ་བ་དང་ལན་དུ་སྣང་བ་ནི་སྔ་མ་སྔ་མའི་རྒན་པོའི་ཐ་སྙད་ལ་གོམས་པ་ཡིན་པའི་ཤུགས་ཀྱིས་དབང་ཕྱུག་རྒྱུ་མཚན་ཡིན་པར་མི་འགྱུར་རོ་ཞེས་བྱ་བའི་དོན་ཏོ། །དེ་དེ་ལྟར་ས ་བཞི་ལ་སོགས་པ་ནི་སེམས་པ་དང་ལྡན་པའི་འབྲས་བུ་ཉིད་མ་ཡིན་པར་བསྒྲུབས་པ་ལ། གྲངས་ཅན་གྱིས་དམིགས་ནས་དཔེ་དེ་ཉིད་ཀྱིས་བུམ་པ་ལ་སོགས་པ་ལ་ཡང་ཡིན་པར་བསྒྲུབ་པར་འདོད་པས་ཟེར་བ་ནི། ཤིང་སོགས་རྣམས་ཀྱི་དབྱིབས་སེམས་པའི་ཞེས ་བྱ་བ་སྟེ། བུམ་པ་ལ་སོགས་པ་ཡང་འཇི་བའི་གོང་བུ་ལ་སོགས་པ་ལ། བུམ་པ་ལ་སོགས་པ་ཕྲ་བའི་གནས་སྐབས་ཀྱིས་བཅུག་པ་ཉིད་ཁོ་ན་མངོན་པར་བྱུང་བ་ཡིན་ཏེ། ཇི་ལྟར་ཤིང་ནི་ཤིང་གིས་བཅུག་པའི་ས་བོན་ལས་ཡིན་པ་ལྟ་བུའོ། །ཤིང་གིས་བཅུག ་པ་ཉིད་ཀྱང་གཞན་དག་གི་ཤིང་གཞན་ལས་ས་བོན་ཡིན་ལ། ས་བོན་ལས་ཀྱང་ཤིང་གཞན་ཞེས་བྱ་བའི་བསམ་པས་ཡིན་ལ་གྲངས་ཅན་རྣམས་ཀྱི་ས་བོན་ལ་གནས་པའི་ཤིང་ཕྲ་མོ་ལས་ཡིན་ཞིང་ཕྲ་བའི་ངོ་བོ་དེ་ཉིད་གཙོ་བོ་ཡིན་ཞེས་ཟེར་ལ། རྫ་མཁན་ལ ་སོགས་པ་ནི་གར་མཁན་གར་ལ་སྦྱོར་བ་ལ་འཁོར་འདུས་པའི་བཞིན་དུ། དབང་པོ་ཡིད་ཀྱི་འདི་འདིའི་ངོ་བོས་བྱེད་པ་པོ་ནི་མ་ཡིན་ཏེ། འཇི་བའི་གོང་བུ་ལས་གཞན་པ་ཡང་སྐྱེད་བྱེད་དུ་ཐལ་བར་འགྱུར་པའི་ཕྱིར། སྐྱེས་བུའི་འདོད་པ་ལས་འབྱུང་བ་ལ ་ངེས་པ་མེད་དོ་ཞེས་བྱ་བའི་དོན་ཏོ། །ས་བོན་གྱི་རྒྱུའི་ཤིང་ལས་ས་བོན་ཡིན་ལ། དེའི་འབྲས་བུ་ཤིང་གི་དབྱིབས་དང་ཁ་དོག་ལ་སོགས་པ་སོ་སོར་ངེས་པ་ཡིན་ནོ་ཞེ་ན། ས་བོན་གྱི་རྒྱུའི་ཤིང་ནི་ཞེས་བྱ་བ་སྨོས་སོ། །སྣང་བཞིན་པའི་ས་བོན་ལ་སོགས་པ་ནི ་རྒྱུ་ཉིད་ཡོད་པ་མ་ཡིན་ནམ། །རྒྱུ་ལ་ཡོད་པ་དེས་ཇི་ལྟར་དགོས་སྙམ་དུ་སེམས་པ་ལ། དབང་ཕྱུག་ཀྱང་མ་ཡིན་ཏེ་ཞེས་བྱ་བ་སྨོས་སོ། །གལ་ཏེ་ས་བོན་ལ་སོགས་པས་སམ་གཞན་གྱིས་ཀྱང་མེད་པར་བྱེད་པ་ཡིན་ན། ས་བོན་གཞན་ལས་ཅིས་མི་བྱེད། ་མི་ནུས་པའི་ཕྱིར་རི་ཞེ་ན། འབྲས་བུའི་ངོ་བོ་ཉིད་ནུས་པ་ཡིན་ནོ། །གཞན་ཡིན་ནོ་ཞེ་ན། གཞན་ལས་ཅིའི་ཕྱིར་མི་འབྱུང་ཞེས་མཚུངས་པར་རྗེས་སུ་སྦྱར་བ་ཡིན་ནོ་ཞེས་བྱ་བའི་དོན་ཏོ། །མར་མེ་བསལ་བའི་སྔ་ན་མེད་པར་བྱེད་པ་མ་ཡིན། དེ་བཞིན་དུ་རྫ ་མཁན་གྱིས་ཡིན་པའི་ཕྱིར། ཇི་ལྟར་ནུས་པ་མེད་པ་ཡིན་སྙམ་དུ་སེམས་པ་ལ། དེས་ན་རྫ་མཁན་ལ་སོགས་པའི་སྐྱེས་བུ་ཞེས་བྱ་བ་སྨོས་ཏེ། རེ་ཞིག་བསལ་བ་ནི་དངོས་པོ་ལས་ཐ་དད་པ་མ་ཡིན་ཏེ། སྔ་མ་བཞིན་དུ་བྱེ་བྲག་མེད་པར་ཐལ་བར་འགྱུར་བའི ་ཕྱིར་རོ། །ཐ་དད་པ་མ་ཡིན་ན་ཡང་མ་བྱས་པར་འགྱུར་རོ། །སྔ་མ་དང་ཕྱི་མ་དག་གཅིག་པ་ཉིད་དུ་ཤེས་པའི་ཕྱིར། གཞན་དུ་བྱས་པ་ཡང་མ་ཡིན་ལ། དེ་དང་གཞན་གཅིག་པ་ཡང་མ་ཡིན་ཏེ། འགལ་བའི་ཕྱིར་རོ། །དེའི་ཕྱིར་གཙོ་བོ་ཁོ་ན་ཆུ་བཞིན ་དུ་རླབས་དང། ཅིག་ཤོས་ཉིད་ཀྱིས་འབྲས་དང་ཅིག་ཤོས་ཉིད་དུ་གནས་པ་ཡིན་གྱི། རྫ་མཁན་ལ་སོགས་པ་ནི་མ་ཡིན་ནོ་ཞེས་བྱ་བའི་དོན་ཏོ། །གཙོ་བོ་ཁོ་ནའི་རྒལ་བ་དང་འབྱིང་བ་ཡིན་པས་འབྲས་བུས་སྐྱེ་བ་དང་འཇིག་པ་དག་ཡིན་ཞེས་སྟོན་པར་བྱེད ་པ་ནི། སྐྱེས་བུའི་ཉེ་བར་ལོངས་སྤྱོད་པ་ཞེས་བྱ་བ་སྟེ། གང་གི་ཕྱིར་རྒལ་བ་དང་བྱིང་བ་ཡིན་ན། སྐྱེ་བ་དང་འཇིག་པ་དག་ཡིན་ལ་དེའི་ཕྱིར་ཡང་སེམས་པ་ཅན་དང་ཅིག་ཤོས་ཀྱི་རྒྱུའི་ནུས་པ་ཉིད་མེད་པར་ཉེ་བར་སྡུད་པ་ཡིན་ནོ། །དེས་ན་བློ་དང་ལྡན་པ་ཡིན་ཞེས་བྱ ་བའོ། །སྐྱེས་བུའི་འདོད་པས་གཙོ་བོར་མངོན་པར་གསལ་བར་མ་ཡིན་ནམ། འདོད་པ་ཡང་མཐོང་བའི་ཡུལ་ལ་ཡིན་ཞིང་མཐོང་བ་ཡང་འཇི་བའི་གོང་བུ་ལ་སོགས་པའི་གནས་སྐབས་སུ་གསལ་བ་མ་ཡིན་ན་བདག་ཅག་ལ་སོགས་པ་མི་འབྱུང་བའི་ཕྱིར། ་མཐོང་བར་བྱེད་པ་པོའི་དབང་པོ་ལས་འདས་པ་མཐོང་བ་པོ་འགའ་ཞིག་ཐོབ་པ་པོ་ཉིད་ནི་འདི་ལ་ཡང་ཡིན་ནོ་སྙམ་དུ་སེམས་པ་ནི། འོན་ཏེ་སྐྱེས་བུ་སོ་སོ་ནི་ཞེས་བྱ་བ་སྟེ། འབྲས་བུའི་རང་བཞིན་འདོད་པས་དབང་ཕྱུག་རྒྱུ་ཡིན་པར་གྲུབ་པོ་ཞེས་བྱ་བའི་དོན་ཏོ། ་ནུས་པ་ཅན་གྱི་ཚོགས་ལས་རྗེས་སུ་དཔོག་པ་ཡིན་ན། འདོད་པ་འབྱུང་བར་སྨྲ་བ་ནི་འདི་ལ་བཤད་ཟིན་ཏོ་ཞེས་བྱ་བ་དེའི་འདོད་པ་ཡང་གཙོ་བོ་ནི་སེམས་པ་ཅན་མ་ཡིན་པ་མ་ཡིན་ནམ། མི་ཤེས་པ་ཉིད་ནི་མི་འཇུག་པའི་ཕྱིར་ལ་སེམས་པ་ཅན་ནི་འཇུག་པར ་བྱེད་པ་ཡིན་ནོ་སྙམ་དུ་སེམས་པས་ཟེར་བ་ནི། མི་ཤེས་ཕྱིར་ནི་འོ་མ་ནི་ཞེས་བྱ་བ་སྟེ། སེམས་པ་ཅན་མ་ཡིན་པ་འཇུག་པར་མཐོང་བ་ཡིན་ན་གཞན་འཇུག་པར་བྱེད་པ་ཉིད་ནི་མ་ཡིན་ཏེ། ཇི་ལྟ་བ་མཐོང་བ་ཉིད་ལ་གནས་པའི་ཇི་ལྟ་བ་མ་མཐོང་བ་ལ་ཡང་ཆེས ་ཐལ་བར་འགྱུར་རོ་ཞེས་བྱ་བའི་དོན་ཏོ། །དེ་ལྟར་ན་འདི་ཙམ་གྱིས་ནུས་པ་ཅན་གྱི་ནུས་པར་བྱེད་པ་ལ་སོགས་པ་བསྟན་ནས། དེ་ནི་གོང་བུ་རྣམས་ཀྱི་རྗེས་སུ་འགྲོ་བ་བསྟན་པ་ཡིན་པར་བརྗོད་པ་ནི་བུམ་པ་དང་ཁམ་ཕོར་ལ་སོགས་པ་རྣམས་ནི་འཇི་བའི་རྗེས ་སུ་འགྲོ་བར་མཐོང་བའི་ཕྱིར། འཇི་བའི་ངོ་བོ་ནི་རྒྱུ་ཡིན་ལ། དེ་བཞིན་དུ་འཇི་བ་དང་ཆུ་ལ་སོགས་པ་རྣམས་ཀྱང་རྫས་ཀྱི་རྗེས་སུ་འགྲོ་བའི་ཕྱིར་དེའི་ངོ་བོ་ཡིན་ལ། དེ་ལས་ཀྱང་དེའི་ངོ་བོར་རྟོགས་ན་མཐར་བདེ་བ་ལ་སོགས་པའི་རྗེས་སུ་འགྲོ་བའི་ཕྱིར ་དེའི་བདག་ཉིད་ཅན་གྱི་གཙོ་བོའི་མིང་ཅན་དུ་གནས་པ་ཡིན་ནོ་ཞེས་བྱ་བའི་བསམས་པས་ཟེར་བ་ནི་དེའི་ཕྱིར། མཐར་བདེ་བ་ལ་སོགས་པ་ཞེས་བྱ་བའོ། །གཙོ་བོ་དང་དབང་ཕྱུག་ཀྱང་ཅིའི་ཕྱིར་མ་ཡིན་སྙམ་དུ་སེམས་པ་ལ། གཉི་ག་བསྡུས་པ་ལ་གནོད་པ ་ཅན་བསྟན་པ་ནི། དོན་རྣམས་རྟོག་པ་སྔོན་འགྲོ་བ་ཅན་ཞེས་བྱ་བ་སྟེ། སེམས་པ་མེད་པའི་སྐྱེད་བྱ། ས་གཞི་ལ་སོགས་པ་འབྲས་བུའི་ངོ་བོ་དམིགས་པ་ཡིན་ནོ་ཞེས་བྱ་བའི་དོན་ཏོ། །སེམས་པ་ཅན་གྱི་བསྐྱེད་བྱ་ཁྱིམ་ལ་སོགས་པའི་ངོ་བོ་དེ་ལས་གཞན་པ་དང་མཚན ་ཉིད་མི་མཐུན་པ་ཡོད་པ་ཉིད་མ་ཡིན་ནམ་སྙམ་དུ་སེམས་པ་ལ། དོན་རྣམས་རྒྱུ་ནི་རྟོག་པ་དང་མི་ལྡན་པ་ནི་ཞེས་བྱ་བ་སྟེ། ས་གཞི་དང་བུམ་པ་ལ་སོགས་པའི་ངོ་བོའི་གཟུགས་ཉིད་དུ་བྱེ་བྲག་མེད་དོ་ཞེས་བྱ་བའི་དོན་ཏོ། །སེམས་པ་ཅན་མ་ཡིན་པའི་འབྲས ་བུའི་ངོ་བོ་མཐོང་བ་ལས། སེམས་པ་ཅན་མ་ཡིན་པ་རྒྱུ་གང་ཡང་ཡོད་པ་མ་ཡིན་ནམ། གཙོ་བོའམ་ཅིག་ཤོས་ཞེས་ཅི་ལས་ངེས་པ་ཡིན་སྙམ་དུ་སེམས་པས་ཟེར་བ་ལ། དེ་ལྟ་ན་གཙོ་བོ་ཉིད་ཅེས་བྱ་བ་སྟེ། འབྲས་བུའི་རྗེས་སུ་འགྲོ་བ་ལས་ཡིན་པར་རྟོག་པ་ན ་དེའི་ངོ་བོ་གཙོ་བོ་ཁོ་ནར་འགྱུར་བ་ཡིན་གྱི་གཞན་ནི་མ་ཡིན་ནོ་ཞེས་བྱ་བའི་དོན་ཏོ། །གལ་ཏེ་ཁྱིམ་དང་བུམ་པ་ལ་སོགས་པའི་བྱེ་བྲག་རྣམས་དང། ས་གཞི་དང་ཆུ་བོ་ལ་སོགས་པ་རྣམས་ཀྱང་བདེ་བ་དང་སྡུག་བསྔལ་བ་དང་གཏི་མུག་རྣམས་ཀྱི་བདག་ཉིད་ཀྱིས ་རྗེས་སུ་འགྲོ་བར་མཐོང་བའི་ཕྱིར། དེའི་བདག་ཉིད་ཅན་གྱི་རྒྱུ་ཡིན་ན། བདེ་བ་ལ་སོགས་པ་རྣམས་དང་སྐྱེས་བུ་རྣམས་ཀྱང་དངོས་པོ་ཉིད་ཀྱིས་རྗེས་སུ་འཇུག་པ་ཡིན་ཡང། དེའི་ངོ་བོ་རྒྱུ་མ་ཡིན་པའི་ཕྱིར། རྗེས་སུ་འགྲོ་བ་མཐོང་བར་མ་ངེས་པ་ཡིན ་པར་བསྟན་པ་ནི། དངོས་པོ་ཉིད་ཀྱི་ཕྱིར་བདེ་སོགས་དང་ཞེས་བྱ་བ་སྟེ། དེ་ཉིད་ནི་དངོས་པོ་ཉིད་དམ། སེམས་པ་ཅན་ཉིད་དོ། །གང་ཡང་ཕྱེ་མ་དང་རྡོ་བ་ལ་སོགས་པ་ལ་བུམ་པ་དང་དབྱིབས་ལ་སོགས་པ་མེད་པ་དང། མི་སྐྱེ་བ་ནི་འབྲི?་བའི་གོང་བུ་ལ ་ཡོད་པ་དང། སྐྱེ་བར་གོ་བར་ཡིན་ལ། དེ་ཡང་ཡོད་པ་དང་སྐྱེ་བ་དག་གི་རྗེས་སུ་འགྲོ་བ་མེད་ན། ཡོད་པ་མེད་པའི་ཕྱིར་མ་ཡིན་ནོ་ཞེས་བཟློག་པ་ངེས་པ་མེད་པའི་ཕྱིར་མི་རིགས་པ་ཡིན་པར་བསྟན་པ་ནི། ཡང་དག་པར་ན་གཙོ་བོ་ལ་དབྱིབས་དང་མདོག་སོགས་ཞེས་བྱ་བ ་སྟེ། ཕྱེ་མ་ལ་སོགས་པ་ལ་ནི་རྒྱུ་མེད་པས་འབྲས་བུ་མི་འབྱུང་བ་ཡིན་གྱི་འབྲས་བུ་མེད་པ་ལས་ནི་མ་ཡིན་ཏེ། ཁྱེད་ཀྱི་འདོད་པ་ལྟར་ན་གཙོ་བོ་བདག་གི་འབྲས་བུ་དེ་ལ་ཡང་ཡོད་པའི་ཕྱིར་རོ་ཞེས་བསྟན་པ་ནི། ཇི་ལྟར་གཙོ་བོ་ཁ་དོག་ལ་སོགས་པའི་འབྲས་བུ་ཞེས་བྱ་བའོ། ་གཙོ་བོ་ཡང་བྱ་བ་རེ་རེ་ཞིང་ཐ་དད་པ་ཡིན་ལ། ཕྱེ་མ་ལ་ནི་འཇི་བ་ལ་སོགས་པ་ལྟ་བུ་ཡོད་པ་མ་ཡིན་པ་མ་ཡིན་ནམ་སྙམ་དུ་སེམས་པ་ནི། ཇི་སྟེ་ནུས་པའི་རང་བཞིན་གྱིས་ཞེས་བྱ་བ་སྟེ། དེར་ནི་ཞེས་བྱ་བ་ཡང་དེ་ལ་མཐོང་བའི་འཇི་བ་ལ་སོགས་པའི་ནུས་པ་ཡོད་ན་བསལ ་བ་ཡིན་ལ། མ་མཐོང་བའི་རྟོག་པ་ལ་ནི་ཚད་མ་ཡོད་པ་མ་ཡིན་པར་བསྟན་པ་ནི། གཞན་བཞིན་མཐོང་མེད་དེ་ལ་ནི་ཞེས་བྱ་བ་སྟེ། བདེན་ཏེ་གང་གི་ཚེ་འཇི་བ་གོང་བུ་ཁོ་ན་ལས་བུམ་པ་ཡིན་པ་དེའི་ཚེ་གཙོ་བོ་མ་ཡིན་ལ། གང་གི་ཚེ་ཡང་འཇི་བ་ལ་སོགས་པ ་རྒྱུ་མིན་པ་དེ་ལས་ཀྱང། དེའི་རྒྱུ་ཞེས་བྱ་བ་ལ་སོགས་པའི་རྟོག་པ་ཡིན་ན། མཛའ་ཨི་རྒྱུ་ཅིག་པུ་གནས་པ་ཡིན་ལ། གང་ལས་འདི་སྤྲོས་པ་དེ་གཙོ་བོ་ཡིན་པར་བརྗོད་དེ། དེ་ཡོད་པར་མཐོང་བ་ཡིན་ན་ཇི་ལྟར་མ་མཐོང་བར་འགྱུར་བ་ཡིན་ཞེས་བྱ་བ་ལ་སྐྱོན་མེད་དོ་སྙམ་དུ ་སེམས་པ་ལ། འབྲས་བུ་འབྲས་བུ་གཞན་ལས་ཏེ་ཞེས་བྱ་བ་སྨོས་ཏེ། དེའི་ཚེ་ཡང་མཐོང་བའི་རྗེས་སུ་འབྲངས་ནས་རྟོག་པ་ལ་ཡང་དེ་མི་རྟག་པ་ཉིད་དུ་འགྱུར་རོ། །དེ་ལྟ་ཡིན་ན་འབྲས་བུ་ནི་འབྲས་བུ་གཞན་སྔོན་དུ་འགྲོ་བ་ཅན་ཁོ་ན་མཐོང་བ་ཡིན་ནོ་ཞེས་བྱ་བའི་དོན ་ཏོ། །གང་གི་ཕྱིར་འབྲས་བུ་ནི་མཐོང་བའི་བྱེ་བྲག་གི་བྱེ་བྲག་ཅན་ཁོ་ནར་རྒྱུ་ཡིན་པར་རྟོགས་པར་བྱེད་ཀྱི་ཤིན་ཏུ་མ་མཐོང་བའི་རྟག་པ་ཉིད་ཀྱི་བྱེ་བྲག་ཅན་ཡིན་ནོ་ཞེས་དགོངས་པས་རྒྱུ་མེད་པའི་རྒྱུ་ནི་མ་དམིགས་སོ། ཞེས་པས་རྣམ་པར་འགལ་བ་ཡིན་ནོ། །དབྱེ་བ ་རྣམས་ཀྱི་འགྲོ་བ་མཐོང་བ་ལས་རྒྱུད་རྟག་པ་ན་རྗེས་སུ་འགྲོ་བ་གཞན་ཡང་ན་མི་རྟག་པར་འགྱུར་བ་མ་ཡིན་ནམ། མེད་ན་མི་རྟག་པ་ཁོ་ན་ཡིན་ཏེ། རྒྱུ་རྟོག་པ་ལ་ཚད་མ་མེད་པའི་ཕྱིར་རོ་སྙམ་དུ་སེམས་པ་ནི། འོན་ཏེ་ཐ་དད་པ་རྣམས་རྗེས་སུ་འགྲོ ་བའི་ཕྱིར་ཞེས་བྱ་བའོ། །དབྱེ་བ་རྣམས་ཀྱི་རྗེས་སུ་འགྲོ་བ་མ་མཐོང་བ་ནི་མ་ངེས་པ་ཡིན་པས་རྒྱུའི་གོ་བྱེད་མ་ཡིན་ནོ། །དེ་ཡང་མཐོང་བའི་བྱེ་བྲག་ཁོ་ན་ཡིན་གྱི་མ་མཐོང་བའི་བྱེ་བྲག་ནི་མ་ཡིན་ནོ་ཞེས་ལན་འདེབས་པ་ནི། སྙིང་སྟོབས་ལ་སོགས་པ་དང་ཞེས་བྱ ་བའོ། །དེ་ལྟ་ཡིན་ན་བདེ་བ་ལ་སོགས་པ་རྣམས་དང་སེམས་པ་ཅན་རྣམས་ལ་དངོས་པོ་ཉིད་ཀྱིས་རྗེས་སུ་འགྲོ་བ་ལས། དངོས་པོའི་ངོ་བོ་གཅིག་ཡིན་ལ། དེ་ཉིད་གཙོ་བོ་ཡིན་ནོ་སྙམ་དུ་སེམས་པ་ནི། ཡང་རྒྱུ་གཞན་གཅིག་ཉིད་ཅེས་བྱ་བའོ། །དེ་ལྟ་ཡིན་ན ་ཡོན་ཏན་གསུམ་གྱི་བདག་ཉིད་གྱི་གཙོ་བོ་སྒྲུབ་པ་ལ་དབྱེ་བ་རྣམས་ཀྱི་རྗེས་སུ་འགྲོ་བ་མཐོང་བ་ནི་དེ་ལས་བཟློག་པའི་དངོས་པོ་ཉིད་ཙམ་གྱི་བདག་ཉིད་བསྒྲུབ་པ་ཡིན་པའི་ཕྱིར་འདོད་པ་ལ་གནོད་པར་བྱེད་པའི་འགལ་བ་ཡིན་པར་བསྟན་པ་ནི། ཡོན་ཏན་གསུམ་རྫོགས ་རང་བཞིན་དུ་ཞེས་བྱ་བའོ། །ཇི་ལྟར་འདོད་པ་ལ་གནོད་པ་ཡིན་དངོས་པོ་ཉིད་ཀྱི་རྗེས་སུ་འགྲོ་བ་ལས་དངོས་པོའི་བདག་ཉིད་དུ་གྲུབ་པ་ཡིན་ན་ཇི་ལྟ་བ་ལ་སོགས་པའི་ཡོན་ཏན་གསུམ་གྱི་བདག་ཉིད་ཡིན་ནོ་སྙམ་དུ་སེམས་པ་ནི། དངོས་པོ་ཞེས་རྗེས་སུ་འགྲོ ་བའི་ཕྱིར་ཞེས་བྱ་བའོ། །ཐམས་ཅད་ཀྱི་བདག་ཉིད་ཅན་ནི་ཡོན་ཏན་གསུམ་གྱི་བདག་ཉིད་མ་ནུས་པ་ཐམས་ཅད་ཀྱི་བདག་ཉིད་ཡིན་ཏེ། སྤྲོ་བ་ལ་སོགས་པ་ལ་གནས་པ་ཡིན་ནོ་ཞེས་བྱ་བའི་དོན་ཏོ། །ཇི་ལྟ་བ་བཞིན་པའི་དེ་ཉིད་ལ་རྣམ་པར་བཞག་པ་ལས་མཚན ་ཉིད་མི་མཐུན་པ་འམ། ཅིག་ཤོས་རྒྱུ་ཡིན་ལ་མཚན་ཉིད་མི་མཐུན་པ་མ་ཡིན་པར་རྟོགས་པ་ཡིན་ནོ། །དེ་ཙམ་གྱི་ནུས་པ་མཐོང་བས་གནོད་པ་ཅན་དང། རྟོག་པ་ལྕི་བ་དང་ཐལ་ཆེས་པར་འགྱུར་རོ། །ཞེས་བྱ་བའི་ལན་དུ། ངོ་བོ་ཉིད་ཀྱི་རྣམ་ཀུན་དུ་ཞེས་བྱ་བ་སྨོས ་སོ། །རྒྱུ་ཉིད་ལ་ཚད་མ་གང་ཡིན། གང་གིས་མ་མཐོང་བ་ལ་རྟོག་པ་ནི་རྗེས་སུ་འགྲོ་བ་དང་ལྡོག་པ་དག་ལ་གནོད་པར་བྱེད་པ་ཡིན་ནོ་སྙམ་དུ་སེམས་པ་ལ། མཚན་ཉིད་མེ་མཐུན་པ་མ་ཡིན་པའི་རྒྱུ་ཉིད་ལ་མངོན་སུམ་སྒྲུབ་བྱེད་མ་ཡིན་ཞིང། རྗེས་སུ་དཔག་པ་ཡང་མ་ཡིན་ཏེ། ་འབྲེལ་པ་མེད་པའི་ཕྱིར་ཞེས་བསྟན་པ་ནི། གལ་ཏེ་འདྲ་བ་དང་ཞེས་བྱ་བའོ། །དེ་ལྟ་ན་ནི་འོ་ན་འགའ་ཡང་མ་ངེས་པ་ཞེས་བྱ་བར་མི་འགྱུར་ཏེ། ཞེས་བྱ་བའི་བྱེ་བྲག་གིས་སམ། ཕྱོགས་སུ་བྱེད་པས་འཁྲུལ་པ་བསལ་བ་ཡིན་ནོ། །བློ་ལ་གྲུབ་པའི་ཚུལ་གསུམ་ཉིད་ནི ་ཕྱོགས་དང་མཐུན་པའི་ཕྱོགས་གང་ཡང་རུང་བ་ཉིད་ལྟ་བུ་ཡིན་ན། ཅུང་ཟད་ཀྱང་མ་ངེས་པ་ཡིན་པར་མི་འགྱུར་རོ། །ཞེས་བྱ་བའི་དོན་ཏོ། །རྗེས་སུ་འགྲོ་ལྡོག་མེད་པ་ཡིན་ན་ཇི་ལྟར་ལས་རྟོག་པ་ཡིན་སྙམ་དུ་སེམས་པ་ནི། འདི་ནི་ལས་ཀྱི་ཡོངས་གྱུར་ཅེས་བྱ་བའོ། །ས ་གཞི་ལ་སོགས་པ་ཙམ་ལས་འབྲས་བུ་སྣ་ཚོགས་པ་མི་སྲིད་པས་དོན་གཞན་དུ་རྟོག་པར་བྱེད་ལ། དེས་ན་དེའི་རྟོགས་པ་ལ་རྗེས་སུ་འགྲོ་བ་ལ་སོགས་པ་མི་འགལ་བ་ཡིན་པར་འཆད་པར་འགྱུར་པ་ཡིན་པར་བསྟན་པ་ནི་འདི་ནི་རེ་ཞིག་གཞག་སྟེ་ཞེས་བྱ་བའོ། །དེ་དེ་ལྟར ་དབྱིབས་ལ་སོགས་པ་གཙོ་བོས་བྱས་པ་ཉིད་ལ་ཚད་མ་མེད་པས་བསལ་བ་ཡིན་ན། དབང་ཕྱུག་གི་བྱ་བ་ཉིད་ཁོ་ནར་འགྱུར་བ་ཡིན་ཡང། དེ་ལ་ཡང་བདེ་བ་དང་མི་བདེ་བ་ལ་སོགས་པའི་འབྲས་བུ་སྣ་ཚོགས་པ་ཉིད་མཐོང་བ་ནི་རྣམ་པར་དཔྱོད་པ་དང། སྙིང་རྗེ་ལ་སོགས ་པ་དང་ལྡན་པའི་དབང་ཕྱུག་བྱེད་པ་པོ་ཉིད་ཡིན་ན། འགལ་བས་ཁྱབ་པ་ཡིན་པར་ནི་གལ་ཏེ་འདི་ཐམས་ཅད་ཤེས་པ་ཉིད་ཡིན་ན། མི་ཤེས་པའི་འགྲོ་བ་རྣམས་མེད་པའི་ཐ་སྙད་ལ། ཅིའི་ཕྱིར་འཇུག་པར་བྱེད་པ་ཡིན་ཞེས་བསྟན་ཟིན་པ་ཡིན་ལ། རྣམ་པར་དཔྱོད ་པ་དང་སྙིང་རྗེ་ལ་སོགས་པ་དང་བྲལ་བའི་དབང་ཕྱུག་གི་ཕྱོགས་ལ་ཡང། འདོད་ཆགས་ལ་སོགས་པའི་གཉེན་པོ་བསྟན་པ་དོན་མེད་པར་འགྱུར་རོ་ཞེས་བྱ་བ་ལ་སོགས་པ་རྣམས་ཀྱི་མི་མཐུན་པའི་ཕྱོགས་ལ་མ་ཡིན་པ་ཉིད་ཀྱིས། དབང་ཕྱུག་ཉིད་དང་མི་འགལ ་པའི་ཕྱིར་གཉེན་པོ་བསྟན་པ་ནི། བློ་སྔོན་དུ་འགྲོ་བ་མ་ཡིན་དུ་ཟིན་ཀྱང་རྩོད་པ་དང་སླུ་བ་ལ་སོགས་པ་སྔོན་དུ་འགྲོ་བ་དེ་ནི་ཡོད་པ་ཁོ་ན་ཡིན་ནོ་སྙམ་དུ་སེམས་པས་སྨྲ་བ་ནི། འདོད་ཆགས་ལ་སོགས་པ་དང་ལྡན་ཡང་ཞེས་བྱ་བ་ལ་སོགས་པ་འདོད ་ཆགས་དང་ཞེ་སྡང་ལ་སོགས་པ་དང། རིག་པ་དང་འདོད་ཆགས་དང་བྲལ་བ་ཉིད་ལ་སོགས་པའི་བསྐྱེད་བྱ་འབྲས་བུ་སྣ་ཚོགས་པ་ཉིད་མཐོང་བའི་ཕྱིར། དེ་ལྟ་བུའི་ངོ་བོ་གཅིག་པུ་ཁོ་ན་ཡིན་ཞེས་བྱ་བའི་དོན་ཏོ། །ལན་ནི། མི་ཤེས་ཆགས་པ་དང་ལྡན་རྣམས་ཞེས་བྱ ་བ་སྟེ། དེ་ལྟ་བུའི་ལས་ཡོད་ན་ཤུགས་ཀྱིས་དེ་ལྟ་བུ་གཞན་མི་འཐོབ་པོ་ཞེས་བྱ་བའི་དོན་ཏོ། །ེ་ལྟ་བུའི་ལས་ཀྱིས་རྟོགས་པའི་དོན་ཡིན་ཡང། དག་པ་མ་ཡིན་པ་མ་ཡིན་ནོ་ཞེ་ན། སྨྲས་པ་དག་པའི་བདག་ཉིད་མིན་ཞེས་བྱ་བ་སྨོས་ཏེ། རང་བཞིན་གྱིས་སམ། དམྱལ ་བ་ལ་སོགས་པའི་འཇིག་པས་དག་བ་ནི། རྩེད་མོ་ལ་སོགས་པ་ལ་རྒྱུ་དང་འགལ་བ་ཡིན་ཞེས་བྱ་བའི་དོན་ཏོ། །དམྱལ་བའི་སྡུག་བསྔལ་ལ་སོགས་པ་དང་ལྡན་པ་ནི་ལས་མ་ཡིན་ནམ། དབང་ཕྱུག་མ་ཡིན་ན། དེ་ཇི་ལྟར་དེས་རྟོགས་པའི་དོན་ཡིན། དེ་ཡང་རང་གི ་འབྲས་བུ་བསྐྱེད་པ་ལ་བྱེད་པ་པོ་ལ་ལྟོས་པའི་ཕྱིར་རོ་སྙམ་དུ་སེམས་པ་ནི། དེ་ལ་འཇིག་པ་དེ་མེད་པས་ཤེས་བྱ་བའོ། །ལས་ཡོད་ན་འདོད་ཆགས་ལ་སོགས་པའི་འབྲས་བུ་འབྱུང་བ་བཞིན་དུ་དབང་ཕྱུག་ལ་ཡང་འགྱུར་ཏེ། རྒྱུ་ཡོད་ལ་གེགས་མེད་ན་འབྲས ་བུའི་དེས་པ་ཁས་བླངས་པའི་ཕྱིར་རོ་ཞེས་བསྟན་པ་ནི། གལ་ཏེ་འདོད་ཆགས་ལ་སོགས་ཀྱིས་ཤེས་བྱ་བའོ། །འོན་ཏེ་འདི་སྔགས་དང་སྨན་ལ་སོགས་པས་གེགས་བྱེད་པ་ཡོད་པ་དེས་ན། མི་འགྱུར་བ་ཡིན་ནོ་སྙམ་པ་སེམས་པ་ལ། བསྒོམ་པའི ་སྟོབས་ལས་ཡང་དག་བྱུང་ཞེས་བྱ་བ་སྨོས་ཏེ། བཏང་སྙོམས་ཅན་ཉིད་བསྒོམས་པས་ཕུལ་དུ་བྱུང་བར་སོན་པ་ནི། སྡུག་བསྔལ་ཉམས་སུ་མྱོང་བ་ལ་གེགས་བྱེད་པ་ཡིན་གྱི། གཞན་ནི་མ་ཡིན་པར་ཡང་འཆད་པར་འགྱུར་རོ་ཞེས་བྱ་བའི་དོན་ཏོ། །འདིའི ་བཏང་སྙོམས་དེ་ཉིད་ནི་བསྒོམ་པ་མེད་ཀྱང་རང་བཞིན་ཉིད་ཀྱིས་ཡིན་ནོ། ཞེས་བྱ་བ་འདི་ལ་ཚད་མ་ཡོད་པ་མ་ཡིན་ཏེ། འབྲས་བུ་ནི་རྒྱུ་ལ་ངེས་པའི་ཕྱིར་རོ་ཞེས་བསྟན་པ་ནི། དེ་ནི་དེ་ལྟ་ཉིད་གྱུར་པ་ཞེས་བྱ་བའོ། །དེའི་བཏང་སྙོམས་ཅན་ཉིད་ནི། བསྒོམ་པ་མི་འབྱུང ་བ་ཡིན་པར་ཅི་ལས་ཤེས་ཞེ་ན། སྨྲས་པ། དབང་ཕྱུག་དབང་ཕྱུག་ལས་འགྱུར་ཅིང་ཞེས་བྱ་བ་སྟེ། གང་གི་ཕྱིར་འབྲས་སུ་ནི་རྒྱུ་དང་འབྲེལ་བ་ཅན་ཡིན་པས་དེ་མེད་ན་མི་འབྱུང་བའི་ཕྱིར། རེ་ཞིག་དབང་ཕྱུག་ཉིད་རྒྱུ་ཡིན་པར་གོ་བར་བྱེད་པ་ཡིན་ལ། དེ་ལ་བསྒོམ་པ ་གང་གིས་བསྐྱེད་བྱའི་བྱེ་བྲག་ཡིན་པ་ནི་དེའི་བསྒོམ་པར་རྟོགས་པར་བྱེད་པ་ཡིན་ལ། གཞན་ནི་གཞན་དུ་རྟོགས་པ་ཡིན་ཞེས་བྱ་བའི་དོན་ཏོ། །ཁྱད་པར་དང་ལྡན་པའི་དབང་ཕྱུག་ཉིད་ནི་རྒྱུའི་ཁྱད་པར་མེད་ན་མི་སྲིད་པ་ཡིན་པར་བསྟན་པ་ནི། བརྒྱ་བྱིན་ཚངས་པ་ཉིད་སྲིད ་པས། །ཡོན་ཏན་ཁྱད་འབྱུང་སྲིད་ན་ནི་ཞེས་བྱ་བའོ། །བརྒྱ་བྱིན་ཉིད་ལ་སོགས་པའི། དབང་བྱེད་པ་ནི་བྱེ་བྲག་དང་ལྡན་པ་གཞན་ཉིད་ཡིན་ལ། བྱེ་བྲག་དང་མི་ལྡན་པ་འདི་ཡང་གཞན་ཉིད་ཡིན་ནོ་སྙམ་དུ་སེམས་པ་ནི། འོན་ཏེ་དེ་ཡང་མེད་ཉིད་ན་ཞེས་བྱ་བའོ། །གང་ཁོ ་ན་ཁྱད་པར་དང་ལྡན་པ་ཕུལ་དུ་བྱུང་བ་ཡོད་ན་འབྱུང་བ་དེ་ཁོ་ན་ཁྱད་པར་མེད་དོ་ཞེས་བྱ་བ་གཞན་མ་ཡིན་པར་བསྟན་པ་ནི། གང་ཞིག་འདི་ལ་སྐུར་འདེབས་པ་ཞེས་བྱ་བ་སྟེ། གང་གི་ཕྱིར་དེ་ལྟ་ཡིན་ན་འཁོར་བ་ནི་འདིའི་འབྲས་བུ་ཉིད་ཡིན་པས་ཡོད་པའི་ཕྱིར ་འཁོར་བ་པ་ཡིན་ལ་དེ་མེད་པ་ཡིན་ཞེས་བྱ་བར་སྦྱར་རོ། །ཚད་མ་ལ་ཡོད་པའི་དོན་ལ་སྐུར་བ་འདེབས་པ་ནི། ཁས་མི་ལེན་པ་ཡིན་ན་དེ་ལས་བཟློག་པ་ནི་ཆོས་ཤིན་ཏུ་ཡང་ཁས་མི་ལེན་པར་བསྟན་པ་ནི། གང་ཞིག་སྐྱེ་བོ་དམ་པ་ནི་ཞེས་བྱ་བའོ། །དེ་དེ་ལྟར ་དབྱིབས་ཀྱི་བྱེ་བྲག་དང་ལྡན་པ་ཉིད་ཀྱང་འདོད་པ་ཁོ་ནའི་སེམས་ཅན་བྱིན་གྱིས་རླབ་པ་པོར་སྒྲུབ་པར་བྱེད་པ་མཇུག་སྡུད་པ་ནི། དངོས་པོ་དབྱིབས་དང་འབྲེལ་པའི་ཕྱིར་ཞེས་བྱ་བའོ། །སེམས་པ་ཅན་ནི་ཤིན་ཏུ་ཆེ་བའི་ས་གཞི་དང། རི་ལ་སོགས་པའི་འབྲས ་བུ་ལ་བྱེད་པ་པོ་མ་ཡིན་པ་མ་ཡིན་ནམ། དེས་ན་འབྲས་བུའི་བྱེ་བྲག་མཐོང་བ་ལས་རྟོགས་པའི་བྱེད་པ་པོའི་བྱེ་བྲག་ཇི་ལྟར་ཚད་མ་ཅན་མ་ཡིན་སྙམ་དུ་སེམས་པ་ལ། རྒྱུ་མེད་ཡོན་ཏན་ལྡན་པར་གོ། ཞེས་བྱ་བ་སྟེ། ཁྱད་པར་ཅན་གྱི་སེམས་པ ་ཅན་ཉེ་བ་ཙམ་གྱིས་བྱིན་གྱིས་རློབ་པ་པོ་ཡིན་གྱི། འབྲས་བུའི་བྱེ་བྲག་བྱེད་པ་ཉིད་ཀྱིས་ནི་མ་ཡིན་ཏེ། དེ་ཉིད་ཁོ་ན་ལས་དེ་ལས་ཡང་ཁྱད་པར་མ་ཡིན་ལ། དེའི་ཕྱིར་དེས་དགོས་པའི་དོན་ཡིན་ཞེས་བྱ་བའི་དོན་ཏེ། འབྲས་བུ་ལ་མ་ཡིན་དུ་ཟིན་ཀྱང་སྲིད་བ་ཡིན་ནོ ་ཞེས། ཡོན་ཏན་ཆེས་ཁྱད་པར་ཅན་དུ་མཐོང་བའི་ཕྱིར་ཞེས་བྱ་བ་སྟེ། ཁྱད་པར་དང་ལྡན་པའི་རྒྱུ་ལ་ཁྱད་པར་དང་ལྡན་པའི་འབྲས་བུ་མཐོང་ནས། རྒྱུའི་བྱེ་བྲག་སྲིད་པ་ནི་འབྲས་བུའི་བྱེ་བྲག་སྲིད་པ་ཡིན་གྱི། རྒྱུ་མ་ཡིན་པ་ནི་མེད་དོ་ཞེས་བྱ་བའི་དོན་ཏོ། །ཡོན ་ཏན་ཆེས་ཁྱད་པར་ཅན་ཞེས་བྱ་བ་ནི་ཁྱད་པར་དང་ལྡན་པའི་འབྲས་བུ་མཐོང་བར་བསྟན་པ་ཡིན་ནོ། །མངོན་པར་བརྩོན་པ་ཞེས་བྱ་བ་ནི། རྒྱུའི་ཁྱད་པར་མཐོང་བའོ། །ནུས་པས་ནི་མ་མཐོང་བ་སྲིད་པའི་ཡུལ་བསྟན་པ་ཡིན་ནོ། །རྟག་པ་ལ་ནི་རྒྱུ་སྲིད་པ་མེད་པའི་ཕྱིར། ་དེ་སྲིད་པ་མ་ཡིན་པར་བསྟན་པ་ནི། ཤིན་ཏུ་མཚན་ཉིད་མི་མཐུན་པ་ཞེས་བྱ་བ་སྟེ། རྒྱུ་མི་དམིགས་པ་འམ་རྒྱུ་འགལ་བ་དམིགས་པ་ཡིན་ཞེས་བྱ་བའི་དོན་ཏེ། །དེ་ད་ལྟར་དབྱིབས་ཀྱི་གཞན་དུ་མི་འགྲུབ་པ་ཉིད་བསྟན་ནས། མ་གྲུབ་པ་ཉིད་བསྟན་པ་ནི། དབྱིབས་ཞེས ་བྱ་བ་འདི་དངོས་པོའི་ཞེས་བྱ་བའོ། །དབྱིབས་ནི་རིང་བ་དང་སྤོམ་པའི་ཚད་དུ་གྲུབ་པ་ཁོ་ན་མ་ཡིན་ནམ་སྙམ་དུ་སེམས་པ་ལ་བཤད་པ་ནི། རྡུལ་ཕྲ་རབ་དག་ལས་ཐ་དད་པའི་ལུས་ཞེས་བྱ་བ་སྟེ། རྡུལ་ཕྲ་རབ་གཞན་དང་གཞན་མ་རྟོགས་པ་སྤོམ་པ་ཉིད་ཀྱི ་དབྱིབས་ནི་མ་ཡིན་ཏེ། གཅིག་ལ་གཉིས་པ་ཉེ་བ་ཡིན་པར་བརྗོད་པས་རྡུལ་ཕྲ་རབ་རྣམས་ལས་ཐ་དད་པ་འམ། ཅིག་ཤོས་ཀྱི་དབྱིབས་ནི་མ་མཐོང་བ་ཡིན་པར་བསྟན་ཟིན་ཏོ། །དངོས་པོའི་ཆོས་མ་ཡིན་དུ་ཟིན་ཀྱང་གྲགས་པས་གྲུབ་པ་ཉིད་ཡིན་ནོ་སྙམ ་དུ་སེར་གྱི?་པ་ནི། འོན་ཏེ་དེའི་འཇིག་རྟེན་གྱི་གྲགས་པ་ཞེས་བྱ་བའོ། །སོར་མོ་བརྐྱང?་བ་དང། ཁུ་ཚུར་གྱིས་དབྱེ་བ་བཞིན་དུ་འདུ་བ་འབའ་ཞིག་དབྱེ་བས་འབྲས་བུ་ཐ་དད་པ་ཡིན་པའི་ཕྱིར། དབྱིབས་ཡོད་པ་ཁོ་ན་ཡིན་ནོ་སྙམ་དུ་སེམས་པ་ནི། འོན་ཏེ་རྡུལ་ཕྲ་རབ་བདག ་ཉིད་ཅེས་བྱ་བའོ། །དེ་ལྟ་ཡིན་རྡུལ་ཕྲན་རྣམས་མི་མཐུན་པའི་ཕྱོགས་མ་ཡིན་ཏེ། འོ་ན་ཅི་ཞེ་ན་ཕྱོགས་ཡིན་ལ་དབྱིབས་ཀྱང་འབྲས་བུའི་བྱེ་བྲག་ཡིན་ཏེ། མཐུན་པའི་ཕྱོགས་ཀྱི་ཕྱོགས་གཅིག་ལ་འཇུག་པ་ཡིན་པར་བསྟན་པ་ནི། དེ་ལྟ་ཡིན་ན་རྡུལ་ཕྲ་རབ་རྣམས་ཀྱང་ཞེས ་བྱ་བ་སྟེ། དབྱིབས་ཀྱི་ཁྱད་པར་དང་ལྡན་པ་ཉིད་ཀྱི་ཕྱིར། འདི་འབྲས་བུ་ཉིད་ཁོ་ན་ཡིན་ནོ། །འབྲས་བུའི་བདག་ཉིད་ཁོ་ན་དགོད་པ་ནི་འབྲེལ་པ་ཡོད་པའི་ཕྱིར་ལ། གཞན་དུ་ནི་མ་ཡིན་ཏེ། དེ་མེད་པའི་ཕྱིར་རོ་ཞེས་བྱ་བར་སྦྱར་རོ། །གང་གི་འདོད་པ་ལ་གཉིས་ཉིད་བཞིན ་དུ་དབྱིབས་ནི་འབྲས་བུ་མ་ཡིན་ཏེ། དེའི་ངོ་བོ་ཡང་མ་གྲུབ་པ་ཁོ་ན་ཡིན་ནོ། །འོན་ཏེ་དེ་ལ་ཡང་དེ་ལྟ་བུར་གྱུར་པའི་རྟོགས་པ་སྐྱེད་པར་བྱེད་པ་རྣམས་ཀྱི། དེ་སྐྱེད་བྱེད་མ་ཡིན་པ་རྣམས་དང་མཚན་ཉིད་མི་མཐུན་པ་དེ་ལྟར་བརྗོད་པ་ཡིན་ནོ་སྙམ་དུ་སེམས་པ་ནི། འོན་ཏེ ་དེ་ལྟ་བུར་འཁྲུལ་པ་ཞེས་བྱ་བའོ། །དེ་ལ་རྟོགས་པ་མ་རྟོགས་པ་རྡུལ་ཕྲ་རབ་རྣམས་ལ་འབྲས་བུ་མེད་པར་བསྟན་པ་ནི། གལ་ཏེ་རྡུལ་ཕྲན་དངོས་སུ་ན། ཞེས་བྱ་བའོ། །འབྲས་བུ་མེད་ན་དོན་མེད་པའི་བྱ་བ་བསྙེན་པ་ཡིན་པར་བསྟན་པ་ནི། གལ་ཏེ་ངེས་པར་བརྟགས་ན་ནི། ་ཞེས་བྱ་བའོ། །འོན་ཏེ་རིག་པ་ཅན་གྱི་བསམ་པས་དབྱིབས་འབྲས་བུ་ཡོད་དེས་ན་འཇུག་པ་ཡིན་ནོ། །ཕ་རོལ་པོས་ཁས་བླངས་པ་ཡིན་ཡང་རང་ཉིད་མ་མཐོང་ན། དེའི་རིགས་སུ་ཇི་ལྟར་བྱེད་པ་ཡིན་སྙམ་དུ་སེམས་པ་ཉིད་ལ། འོན་ཏེ་དབྱིབས་ནི་གཞན་དག་གི་ཞེས་བྱ ་བ་སྟེ། གཞན་གྱི་ཁས་བླངས་པའི་ཁས་བླངས་ནི། གཞན་གྱི་ཁས་བླངས་པའོ། །གོང་དུ་མ་གྲུབ་པ་ལ་འམ་དཔེ་ལ་ནི་ཞེས་བྱ་བའི་འབྲེལ་པ་བྱས་པ་དེ་ལ་ལྟོས་ནས། ཡང་རྐང་པ་ལ་ཐེ་ཚོམ་ཟ་བ་ཡིན་ནོ་ཞེས་སྨོས་པ་ཡིན་ནོ། །སེམས་པ་ཅན་གྱི་རྒྱུ་ཉིད་དུ་སྒྲུབ ་པ་ཡིན་པ་ལ། དེས་ན་སྒྲུབས་པའི་བྱ་བའི་དུས་ན་མ་ངེས་པ་ཉིད་ཡོད་པ་མ་ཡིན་པའི་ཕྱིར། ཇི་ལྟར་སྒྲུབ་པར་བྱེད་པའི་སྐྱོན་ཡིན། ཆུ་བོ་འགྱུར་ནས་རགས་བརྩིགས་པ་ལ་དགོས་པ་མེད་པ་ཡིན་ནོ་སྙམ་དུ་སེམས་པ་ལ་།དབང་ཕྱུག་དེ་ནི་སྔར་ཅིང་བསྡད ་ཅེས་བྱ་བ་སྨོས་སོ། །སྒྲུབ་བྱ་ལ་ངེས་པའི་སྒྲུབ་བྱེད་རང་གིས་རྟོགས་པ་ཡིན་ན། གཞན་གྱི་དོན་ལ་ཡང་དེ་ལྟ་བུའི་སེམས་པ་ཅན་མ་ཡིན་པའི་བླང་བྱ་ཡིན་ལ་སེམས་པ་ཅན་སྔོན་དུ་འགྲོ་བ་ལ་ཡང་སྒྲུབ་བྱེད་ཀྱི་ངེས་པ་མེད་དོ། །དེའི་ཕྱིར་སྒྲུབ་བྱེད་ཉིད་དུ་འགལ་བ་ཅན་མ ་ཡིན་པའི་བྱེ་བྲག་ལ་ལྟོས་པ་ཅན་ནི་འདོད་པ་ལས་བཟློག་པའི་སེམས་པ་ཅན་གྱི་ཁྱད་པར་འཕངས་པར་གྲུབ་པ་ལ་སྒྲུབ་པར་བྱེད་པ་ཡིན་ནོ། །མ་འཕངས་པའི་ཁྱད་པར་གྱི་སྤྱི་ནི་རྗེས་སུ་དཔག་ཡུལ་མ་ཡིན་ཏེ། འཇུག་པར་བྱེད་པའི་ཕྱིར་དང། འདོད་པའི་ཁྱད་པར་དང ་འགལ་བའི་ཕྱིར་རོ། །དེ་ཉིད་ཀྱི་མ་ངེས་པ་ཡིན་པས་ཁྱད་པར་དང་འགལ་བའི་ཕྱིར་ཁྱད་པར་འཕངས་པ་མ་ཡིན་ཞེས་བྱ་བའི་དོན་ཏོ། །དེ་ལ་ཡང་ཁྱད་པར་དུ་བསྒྲུབ་པར་བྱ་བ་ལ་རང་ཉིད་མི་ནུས་པ་ཉིད་ཡིན་ན། དབྱིབས་དང་ལྡན་པ་ཉིད་ཁྱད་པར་ཅན་སྒྲུབ་པར ་བྱེད་པ་ཁོ་ན་ཡིན་ནོ་སྙམ་དུ་སེམས་པ་ནི། འོན་ཏེ་འདི་ནི་རང་ཉིད་ནུས་པ་ཡིན་ཞེས་བྱ་བའོ། །ཁྱད་པར་དང་བཅས་པའི་གཏན་ཚིགས་ཐུན་མོང་མ་ཡིན་པ་འམ། མ་གྲུབ་པ་ཡང་ཡིན་པར་བསྟན་པ་ནི། རྫ་མཁན་ལ་སོགས་པ་ཡང་ཞེས་བྱ་བ་སྟེ། སོགས ་པའི་སྒྲས་ནི་ལས་བརྗོད་པ་ཡིན་ལ། ལས་ཡོད་པ་ཡིན་ན་ནུས་པ་ཅན་གྱི་རྒྱུ་མེད་པ་ཅན་དུ་མ་གྲུབ་པ་ཡིན་གྱི། དཔེར་ན་རྫ་མཁན་ཡོད་པ་ཡིན་ཞེས་བྱ་བའི་དོན་ཏོ། །མངོན་སུམ་དང་རྗེས་སུ་དཔག་པ་ངག་གི་རྫ་མཁན་དང་ལས་ལ་ནུས་པ་མཐོང་བས་བསྒྲུབ ་བྱ་དོན་གཞན་ལ་གཞན་གྲུབ་པ་ཉིད་ཡིན་པར་བསྟན་པ་ནི། དབང་ཕྱུག་ལ་ཡང་དབང་ཕྱུག་དམ་པར་ཞེས་བྱ་བའོ། །ཡང་ན་ཐུག་པ་མེད་པ་ཡིན་ན་རྩ་བ་མ་གྲུབ་པས་བསྒྲུབ་བྱ་ལ་རྗེས་སུ་འགྲོ་བ་མེད་པའི་ཕྱིར། མ་ངེས་པ་ཉིད་ཡིན་ལ། དེ་བཞིན་དུ་ཕན་ཚུན ་རྟེན་པ་ཡང་ཡིན་ཞེས་བྱ་བའི་དོན་ཏོ། །འོན་ཏེ་བསྒྲུབ་པར་བྱ་བའི་ཆོས་ཅན་ལ་ཇི་ལྟར་ཡང་དབྱིབས་སུ་འདོད་པ་ཡིན། དེ་ལ་བྱེ་བྲག་མེད་པའི་ཕྱིར། རྡུལ་ཕྲ་རབ་རྣམས་ལ་ཡང་འགྱུར་བའི་ཕྱིར། ལྡོག་པ་མ་གྲུབ་པ་དང་ཐེ་ཚོམ་ཟ་བ་ཉིད་ཡིན་པར་བསྟན་པ་ནི། རྡུལ་ཕྲན ་དག་ལ་དབྱིབས་མེད་ཅེས་ཞེས་བྱ་བའོ། །རེ་ཞིག་དངོས་པོ་རྣམས་ནི་མཛའ་ཡས་པས་འཇིག་པ་མེད་པ་མ་ཡིན་ནམ། རི་རབ་བཞིན་དུ་ཆ་ཙམ་ཡང་མི་དཔོག་པ་ཉིད་དུ་འགྱུར་བའི་ཕྱིར། མཐར་དངོས་པོ་མེད་པ་ཡང་མ་ཡིན་ཏེ། མེད་པ་ལས་དངོས་པོ་སྐྱེ་བར་ཐལ ་བར་འགྱུར་རོ། །དེའི་ཕྱིར་རྡུལ་ཕྲ་རབ་ནི་ཆ་ཤས་མེད་པ་ཡིན་སྙམ་དུ་སེམས་པ་ནི། རགས་པ་གང་ཡིན་པ་དེ་ནི་ཞེས་བྱ་བ་སྟེ། རྡུལ་ཕྲ་རབ་གཉིས་པའི་ཕ་རོལ་ནི་ཆ་ཤས་དང་བཅས་པ་མ་ཡིན་ཏེ། མཛའ་ཡས་པ་ཉིད་ཀྱིས་དཔག་ཏུ་མེད་པར་ཐལ་བར་འགྱུར་རོ ་ཞེས་བྱ་བའི་དོན་ཏོ། སྣང་བ་ལས་ཕྱི་མའི་ངོ་བོ་ནི་ཚད་མས་རྟོགས་པ་མ་ཡིན་པར་བསྟན་པ་ནི། རྡུལ་བརྒྱད་པ་ལས་ཕ་རོལ་གྱི་ཞེས་བྱ་བ་སྟེ། མཛའ་མེད་པ་དེ་བསྒྲུབ་པ་རྡུལ་ཕྲན་བརྒྱད་པ་ཁོ་ནས་ཚད་མ་ཡིན་ཏེ། དེ་མེད་ན་འདིའི་ངོ་བོ་ཉིད་ཁོ་ན་མེད་པར་འགྱུར་རོ ་སྙམ་པའི་དགོངས་པས། འདི་རྡུལ་བརྒྱད་པའི་རང་བཞིན་ནམ་ཞེས་བྱ་བའོ། །སྣང་བའི་དངོས་པོ་ནི་རགས་པ་ཉིད་ཁོ་ན་ཡིན་པ་ལས་རྡུལ་ཕྲན་གྱི་གོ་བྱེད་མ་ཡིན་ནམ། གྲངས་ཀྱི་དབྱེ་བས་སོ་སོར་སྣང་བས་ཅི་ཞིག་བྱ་སྙམ་དུ་སེམས་པ་ནི། འོན་ཏེ་ཤིན་ཏུ་དེ་རགས ་དེས་ཤེས་བྱ་བའོ། །ཁ་ཅིག་ལ་ལྟོས་ནས་ཁ་ཅིག་རགས་པ་ཡིན་པ་འདི་ལ་ནི་སྣང་བ་ལས་གཞན་པ་མ་མཐོང་བ་ལྟོས་བྱ་ཡིན་པའི་ཕྱིར། དེ་མ་གྲུབ་པ་ཡིན་པར་བསྟན་པ་ནི། གང་ཚེ་རྡུལ་གཉིས་ཅན་སོགས་པ་ཞེས་བྱ་བའོ། །དངོས་པོ་རྣམས་མཛའ་ཡས་པས། ་འཇིག་པ་མེད་པར་མི་དཔོགས་པ་ཉིད་དུ་བསྟན་པ་མ་ཡིན་ནམ། མཐར་དངོས་པོ་མེད་པ་ལ་ཡང་དབྱེ་བ་མེད་ན་དབྱེ་བར་མི་རིགས་པའི་ཕྱིར། གང་མཐར་འཇིག་པ་དེ་རྡུལ་ཕྲ་རབ་དུ་དཔོག་པར་བྱེད་པ་ཡིན་སྙམ་དུ་སེམས་པ་ནི། རྗེས་སུ་དཔག་པ་ལ་ལྟོས་ན་ཞེས ་བྱ་བའོ། །རྗེས་སུ་དཔོག་བཞིན་པ་ཡང་དེ་ཇི་ལྟར་མཐོང་བ་ཁོ་ན་ཡིན་པའི་ཕྱིར། མཚན་ཉིད་མི་མཐུན་པ་ཡང་མ་ཡིན་ལ། དཔག་ཏུ་མེད་པ་ཡང་མ་ཡིན་ཏེ། ཆ་ཤས་མེད་ཀྱང་བློ་ལ་སོགས་པ་འཇིག་པར་མཐོང་བའི་ཕྱིར། བྱེ་བ་ཉིད་ཀྱིས་འཇིག ་པར་ངེས་པ་མ་ཡིན་ལ། རྒྱུ་ནི་སྣང་བ་གཞན་གྱི་སྣང་བ་ཁོ་ན་ཡིན་ནོ། །སྤྲོ་བ་ལ་སོགས་པ་ལ་མི་སྣང་བ་ཡིན་ནོ་ཞེ་ན། མ་ཡིན་ཏེ་འཇིག་རྟེན་གྱི་ཁམས་ཀྱི་གཞན་གྱི་སྣང་བ་ཡིན་པའི་ཕྱིར་རོ། །དེ་ཉིད་ལ་ཚད་མ་གང་ཡིན་སྤྲོས་པ་ལ་ཡང་གང་ཡིན་ཞེས་མཚུངས ་པ་ཡིན་པར་བསྟན་པ་ནི། ཐུག་པ་མེད་པར་ཐལ་བར་འགྱུར་ཞེས་བྱ་བ་སྟེ། སྣང་བའི་དངོས་ལས་གཞན་པ་ལ་ནི་མངོན་སུམ་མ་ཡིན་ཞིང་རྗེས་སུ་དཔག་པ་ཡང་མ་ཡིན་ཞེས་བྱ་བའི་དོན་ཏོ། །བོད་པ་ནི་བཀོས་པ་ན་ཕྱིས་ཤིང་ཕྱིས་ཤིང་རྗེ་ཆུང་འགྲོ་བ་མ་ཡིན་ནམ ་གང་ལ་ཆུང་ངུར་འགྱུར་དུ་མི་བཏུབ་པའི་མཆོག་ཏུ་ཕྲ་བ་དེ་ལ་རྡུལ་ཕྲ་རབ་ཅེས་བྱ་བ་བདག་ཅག་རྣམས་ཟེར་རོ། །དེ་ཡང་ཆ་ཤས་དང་བཅས་པ་ཉིད་ཡིན་ན་ཆ་ཤས་དེའི་ཡང་ཆ་ཤས་རྣམས་དང་དེའི་ཆ་ཤས་ཀྱི་ཡང་ཆ་ཤས་རྣམས་ཞེས་བྱ་བའི་རྟོག ་པ་འདི་ཡང་ཐུག་པ་མེད་པས་མཛའ་མེད་པས་མཛའ་མེད་པའི་ཕྱིར། རྫས་རྣམས་ཐམས་ཅད་ཀྱི་ཚད་དང་ལྕི་བ་ཉིད་དག་གི་གྲངས་དང་འབྲས་བུ་དང་རྒྱུ་དག་གི་མཚུངས་པའི་ཚད་ཉིད་ལ་སོགས་པའི་ཚད་ཉིད་ལ་སོགས་པར་མི་འགྱུར་རོ། །དེ་ལྟར་ཡང ་བགྲང་དུ་མེད་པའི་ཕྱིར་ཕྲ་བའི་ཕྲ་བ་ཉིད་ཀྱང་ལྡོག་པར་འགྱུར་རོ། །འོན་ཏེ་དབྱེ་བྱེད་ནི་མཛའ་མེད་པ་མ་ཡིན་ཏེ། དེ་ལྟ་མོད་ཀྱི་ཟད་པའི་མཛའ་ཨི་བར་དུ་ཡིན་ནོ་སྙམ་ན་ཡང། དེ་ཡང་མི་རིགས་ཏེ། དབྱེ་བྱ་ཟད་ན་དབྱེ་བྱེད་མི་འཐད་པའི་ཕྱིར་རོ། །དབྱེ་བ་ནི ་ཞིག་པ་ཡིན་པ་ལ་དབྱེ་བྱ་མེད་ན་ནི་མི་རིགས་སོ། །དེའི་ཕྱིར་རེ་ཞིག་ས་ཕྱོགས་རྒྱ་ཆེན་པོ་ལ་ཉེ་བར་དམིགས་པར་སྣང་བ་ནི། ཆ་ཤས་དང་བཅས་པ་ཁོ་ན་ཡིན་པས་ས་ཕྱོགས་དང་བཅས་པའི་དོན་དང་ཕྲད་པ་ཡིན་ཏེ། དོན་དང་རྫས་སུ་ཕྲད་པ་ཡིན་གྱི ་དེ་རྒྱ་ཆེ་བ་ནི་མ་ཡིན་ནོ། །གཞུང་ལུགས་དེས་ཆོག་སྟེ་ཚད་མ་ལ་འཇུག་པའི་རྗེས་སུ་འབྲང་བར་བྱ་བའོ། །ཡུལ་ངེས་པ་ལ་དངོས་པོར་མཐོང་བར་བྱེད་ན་ཚད་མ་ནི་འཇིག་རྟེན་འཇུག་པར་བྱེད་པ་ཡིན་གྱི། ཕྲད་པ་ནི་མ་ཡིན་ཏེ། དེའི་ཕྲད་པ་ནི་དེ་ལ་ཉེ་བ་ལས་དེ་ཡང་ཉེ་བ ་ཡིན་པ་དེ་ལྟ་མིན་པ་དེ་ཉིད་ཀྱིས་ན་རྒྱ་ཆེ་བ་དེ་ནི་དུ་བ་བཞིན་དུ་ཡིན་གྱི་ཆ་ཤས་དང་བཅས་པའི་སྣང་བ་མ་གཏོགས་པ་ཆ་ཤས་དང་བཅས་པའམ། ཅིག་ཤོས་ཉེ་བར་དམིགས་པ་མ་ཡིན་ནོ། །དོན་གྱི་གོ་བས་ཀྱང་དམིགས་པ་མ་ཡིན་ཏེ། གཞན་དུ་ཡང་ཡོད་པའི་ཕྱིར་རོ། ། ་དེ་ལྟར་ན་བུམ་པ་བྱེ་བའི་རྒྱུ་དང་བཅས་པ་ལས་ཁམ་ཕོར་དམིགས་པ་ཡིན་ཏེ། བུམ་པ་ནི་འཇིག་པའི་དངོས་པོའི་ཆོས་ཉིད་ཀྱིས་འཇིག་པ་ཡིན་ཏེ། ཁམ་ཕོར་དང་བཅས་པ་ལས་དེ་ལས་གཞན་བསྐྱེད་ནས་འཇིག་པ་ཡིན་ལ། དེ་ཡང་དེ་ལས་གཞན་པར་ཐ་མའི་སྣང ་བ་རྣམ་པར་འབྱེད་པའི་ལྷན་ཅིག་བྱེད་པ་མེད་པའི་ཕྱིར་འདྲ་བའི་འབྲས་བུ་སྐྱེད་པར་བྱེད་པ་ཡིན་ནོ། །རིག་པའི་བྱེ་བྲག་དང་ལྡན་པ་གཞན་དང་ཕྲད་པ་ལས་འབྲས་བུ་གཞན་རྩོམ་པར་མི་བྱེད་པར་རང་ཉིད་དངོས་པོའི་ཆོས་ཉིད་ཀྱི་ཞིག་པ་ཡིན་གྱི་ཆ་ཤས་སུ་ཕྱ་བ་ཉིད ་ཞིག་བ་མ་ཡིན་ཏེ། སྒྲ་དང་བློ་ལ་སོགས་པ་ལ་མ་མཐོང་བའི་ཕྱིར་རོ། །རིགས་པ་འདི་རྫས་ཉིད་ལ་ནི་མ་ཡིན་ཏེ། ཤིང་ལ་མེ་དང་ཕྲད་པ་ལས་ཞིག་པ་ལ་མ་མཐོང་བའི་ཕྱིར་རོ། །གང་གི་ཕྱིར་མེ་ནི་ཕྲུ་བ་ལ་སོགས་པ་དུམ་ཕུར་བྱེད་པ་མ་ཡིན་པ་ནི་གཞུང་ལུགས ་ཡིན་ལ། དེའི་ཕྱིར་ཐུག་པ་མེད་པ་འམ་དེ་ཉིད་ཕྲ་མོར་བྱས་པ་ཡང་མ་ཡིན་པའི་ཕྱིར། ཐམས་ཅད་ཞིག་པ་ཡིན་ན་ཇི་ལྟར་ཕྲད་པ་ཡིན། རྡུལ་ཕྲ་རབ་རྣམས་ཡོད་པ་ཡིན་ན་དེ་རྣམས་མཐོང་བ་ཅེས་པ་དེ་ཡིན་པར་འགྱུར་རོ། །དངོས་པོའི་བསྐྱེད་པ་ནི་རྒྱུ་མེད་ན་མེད ་པ་ཡིན་ནོ། །མ་ཡིན་ཏེ། ཐམས་ཅད་འཇིག་པར་ཁས་མ་བླངས་པའི་ཕྱིར་དང། འགའ་ཡང་ད་ལྟར་རེག་པ་དང་ལྡན་པས་རེག་པར་ཁས་མ་བླངས་པའི་ཕྱིར་རོ། །གང་ཞིག་བདག་ཉིད་ཐམས་ཅད་ཀྱིས་ཞིག་པ་དེ་ལས་འབྲས་བུ་འབྱུང་བར་མི་འགྱུར་རོ། །ཤིན ་ཏུའོ། །དེ་དང་འདྲ་བ་ཡོད་པ་ལས་དེ་དང་འདྲ་བ་སྐྱེ་བ་ལ་ནི་ཐམས་ཅད་དུ་སྐྱོན་མེད་དོ། །དེ་ལྟར་ན་དེ་ཉིད་སྣང་བའི་ངོ་བོ་ནི་རྡུལ་ཕྲ་རབ་ཡིན་ཏེ། སྣང་བ་གཞན་མེད་པའི་ཕྱིར་རོ་ཞེས་ཁས་ལེན་ན། དེ་དབྱིབས་དང་ལྡན་པ་ཉིད་ཡིན་ནོ་སྙམ་དུ་སེམས་པ་ཉིད་ནི། འོ་མ ་ཏེ་མཐོང་བའོ་ཞེས་བྱ་བའོ། །སྣང་བའི་ངོ་བོ་ནི་རྡུལ་ཕྲ་རབ་མ་ཡིན་པ་མ་ཡིན་ནམ། གཞན་ཡང་ཚད་མ་མེད་པ་ཅན་ཡིན་པའི་ཕྱིར། རྒྱུ་མེད་པས་ཆ་ཤས་ཅན་ཡིན་ནོ། །གལ་ཏེ་སྣང་བ་ཉིད་ཀྱི་ངོ་བོ་རྡུལ་ཕྲ་རབ་ཡིན་ན། དེའི་ཚེ་ཡང་དེ་རྣམས་ཉིད་མང་པོར་སྣང་བ་ཡིན་ལ། ་དེའི་ཕྱིར་ཆ་ཤས་ཅན་དུ་འགྱུར་བ་མ་ཡིན་ནོ་ཞེས་སྣང་བ་དང་མི་སྣང་བའི་རྡུལ་ཕྲ་རབ་བསྒྲུབ་པ་དང་དགག་པ་འབྲས་བུ་ཡིན་པར་ཉེ་བར་བསྡུ་བ་ནི། གལ་ཏེ་རྡུལ་ཕྲན་གྲུབ་མིན་ན་ཞེས་བྱ་བའོ། །ཆ་ཤས་མེད་པའི་རྡུལ་ཕྲ་རབ་དང། རགས་པ་ནི་འགལ་བའི ་འབྲས་བུ་ཡིན་པར་བསྟན་པ་ནི། ཕྱོགས་གཅིག་གིས་ནི་རེག་ན་དེ་ཞེས་བྱ་བ་སྟེ། རྡུལ་ཕྲ་རབ་རྣམས་ཕྲད་པ་མེད་ན་འབྲས་བུ་རྩོམ་པ་མ་ཡིན་ཏེ། ཕྲད་བ་དང་ཅིག་ཤོས་དག་ལ་དབྱེ་བ་མེད་པར་ཐལ་བར་འགྱུར་རོ། །བདག་ཉིད་ཐམས་ཅད་ཀྱི་ཕྲད་པ་ཡང་མ་ཡིན་ཏེ། ་ཆ་ཤས་མེད་པའི་རྡུལ་ཕྲ་རབ་རྣམས་ནི་བྱར་མེད་པ་ཉིད་ཀྱིས་རྡུལ་ཕྲ་རབ་གཞན་ལ་ཆུ་ལ་འོ་མ་བཞིན་དུ་རྗེས་སུ་འཇུག་པར་མི་རིགས་པའི་ཕྱིར་ལ་ཕྱོགས་གཅིག་གིས་ཀྱང་མ་ཡིན་ཏེ། ཆ་ཤས་མེད་པའི་ཕྱིར་ཞེས་བྱ་བའི་དོན་ཏོ། །ཕྱོགས་ནི་གཅིག་ཉིད ་ཀྱིས་ཞེས་བྱ་བས་དེ་བདག་ཉིད་ཐམས་ཅད་ཀྱིས་ཞེས་བྱ་བར་ཉེ་བར་མཚོན་པ་ཡིན་ནོ། །འོན་ཏེ་ཕྱོགས་གཅིག་གིས་མ་ཡིན་ལ། བདག་ཉིད་ཐམས་ཅད་ཀྱིས་ཀྱང་མ་ཡིན་ཏེ། ཆ་ཤས་མེད་པ་ཉིད་ལ་ཆ་ཤས་སུ་རྟོགས་པ་མི་སྲིད་པའི་ཕྱིར། །རགས་པ་འབའ་ ་ཞིག་བསྐྱེད་པར་མཐོང་བ་ལས། མཛའ་ཨི་རྒྱུ་རྣམས་ཀྱི་ཕྲད་པ་ཙམ་ཡོད་པར་གོ་བ་ཡིན་ནོ་སྙམ་དུ་སེམས་པ་ལ། ཐམས་ཅད་ཕྱོགས་ནི་གཅིག་ཉིད་ཀྱིས། ཞེས་བྱ་བ་འདི་ཡང་བདག་ཉིད་ཐམས་ཅད་ཀྱི་ཞེས་བྱ་བར་ཉེ་བར་མཚོན་པ་ཡིན་ཏེ། གང་གི་ཕྲད་པ ་ཡོད་ན་འབྲས་བུ་སྐྱེ་བར་མཐོང་བའི་ཕྱིར་རྟོག་བཞིན་པ་ནི་ཇི་ལྟར་སྣང་བའི་མཐོང་བའི་བྱེ་བྲག་ཡིན་གྱི། གཞན་མ་ཡིན་ལ་བྱེ་བྲག་མེད་པ་འམ་མ་མཐོང་བའི་བྱེ་བྲག་ཅན་གྱི་སྤྱི་ནི་རྗེས་སུ་དཔག་པའི་ཡུལ་མ་ཡིན་པར་བསྟན་པའི་ཕྱིར་ཞེས་བྱ་བའི་དོན་ཏོ། །རྡུལ་ཕྲ་རབ་མ ་ཡིན་ལ་ཁྱད་པར་གྱི་རིགས་གཞན་ཡང་མ་ཡིན་ནོ། །ཕྲད་པའི་ལྷན་ཅིག་པའི་རྡུལ་ཕྲ་རབ་རྣམས་འབྲས་བུ་རྩོམ་པར་བྱེད་པ་མ་ཡིན་ནམ། འདི་ལྟ་སྟེ། འབྱར་བ་དང་ཅིག་ཤོས་ཀྱི་དབྱེ་བར་མི་འགྱུར་ལ། དེའི་ཚེ་དེ་རྣམས་གཅིག་ལ་གཅིག་འབྱར་བ་ཡང་མ་ཡིན་ཏེ། ་འབྱར་བ་ཡང་ཕྲད་པ་ཡིན་ན་འབྲས་བུ་ལ་ཕྲད་པ་གཞན་བལྟོས་པ་ཡིན་པའི་ཕྱིར་ཐུག་པ་མེད་པ་ཡིན་པས་འབྲས་བུ་གཞན་དུ་མི་འགྱུར་རོ་སྙམ་དུ་སེམས་པས། འོན་ཏེ་ཡང་རྡུལ་ཕྲ་རབ་གཉིས་ཀྱིས་ནི་ཞེས་བྱ་བའོ། །ལན་ནི་གལ་ཏེ་མ་རེག་པར་ཡང་ནི་ཞེས་བྱ ་བ་སྟེ། རང་གི་ངོ་བོ་ཉིད་ནི་རྡུལ་ཕྲ་རབ་རྣམས་ཕན་ཚུན་རེག་པ་ནི་ཕྲད་པ་ཡིན་པ་དེ་ལྟ་ན་ཐུག་པ་མེད་པ་ཡང་མ་ཡིན་ནོ། །ཐ་དད་པ་ཡིན་ན་དེ་ཁོ་ན་དེ་སྟེ་ཀུན་དུ་རེག་པའི་བདག་ཉིད་ཡིན་གྱི་རྡུལ་ཕྲ་རབ་མ་ཡིན་ནོ། །དེ་ལྟ་ཡིན་ན་སྐྱོན་ཅི་ཡོད་ཅེ་ན། ཇི་ལྟར་གོང ་བུའི་རྣམ་པ་ཅིག་ཅེས་བྱ་བ་སྟེ། འབྱར་བའི་བདག་ཉིད་ཀྱི་ཕྲད་བ་ཡིན་ན། དེའི་ངོ་བོ་དང་བྲལ་བའི་རྡུལ་ཕྲ་རབ་རྣམས་ལ་དེ་ལྟར་རྟོགས་པར་མི་འགྱུར་ཏེ། གཞན་གྱི་ངོ་བོ་གཞན་དུ་འགྱུར་བ་མ་ཡིན་ནོ་ཞེས་བྱ་བའི་དོན་ཏོ། །འོན་ཏེ་ཆ་ཤས་ཅན་ན་སྤང?་པའི་འབྱར ་བའི་བདག་ཉིད་ཀྱི་རྡུལ་ཕྲ་རབ་རྣམས་འདུས་པ་ཤེས་པ་དེའི་ཡུལ་ཡིན་གྱི་རྡུལ་ཕྲ་རབ་ནི་ཡུལ་མ་ཡིན་ནོ་སྙམ་དུ་སེམས་པ་ནི། འོན་ཏེ་ཡན་ལག་ཅན་གཞན་དེར་ཞེས་བྱ་བ་སྟེ། རྡུལ་ཕྲ་རབ་རྣམས་ལ་གཅིག་ཏུ་ཤེས་པ་ནི་རྡུལ་ཕྲ་རབ་ཏུ་གནས་པའི་དངོས་པོའི ་ཡུལ་ཡིན་པའི་ཕྱིར། གཞན་དུ་གྲུབ་པ་ཡིན་ནོ་ཞེས་བྱ་བའི་དོན་ཏོ། །དེ་ལྟ་ཡིན་ན་དེ་ཡོད་པའི་དུས་སུ་རྡུལ་ཕྲ་རབ་རྣམས་ཀྱང་མ་ཞིག་པ་ཡིན་ལ། ཡུལ་དུ་རུང་བ་ཡིན་ཡང་ཅིས་མི་སྣང་བ་ཡིན་ཞེས་བསྟན་པ་ནི། རྟོག་པའི་ཕྱིར་ན་མཐོང་བར་འགྱུར་ཞེས ་བྱ་བའོ། །གལ་ཏེ་ཡང་རུང་བའི་ཡིན་ཡང་དེ་རྣམས་ཀྱི་རང་གི་ངོ་བོར་ནི་རུང་བ་མ་ཡིན་ནོ་སྙམ་དུ་སེམས་པ་ལ། གལ་ཏེ་འུ་ཅག་ལ་སོགས་ཀྱི་ཞེས་བྱ་བ་སྨོས་ཏེ། དབང་ཕྱུག་ལ་བལྟོས་ནས་སྣ་ཚོགས་པ་ཡིན་ནོ་ཞེས་བྱ་བའི་དོན ་ཏོ། །འདུ་བ་ཅན་དག་གི་དང་འདུ་བ་སོ་སོར་མཐོང་བ་ཡིན་ན། ཐ་མི་དད་པར་གྲུབ་པ་དག་གི་འབྲལ་བ་ནི་འདུ་བ་ཡིན་པར་མི་འགྱུར་བར་བསྟན་པ། མཐོང་ན་འདུ་བ་ཇི་ལྟར་ཡིན་ཞེས་བྱ་བ་སྟེ། གང་གི་ཕྱིར་ཐ་མི་དད་པར་གྲུབ་པ་རྟེན་དང་བརྟེན་པ་ཉིད་ནི། སྣལ་མ ་དང་སྣམ་བུ་དག་གི་།སྣལ་མའི་ཆ་དང། སྣལ་མ་དག་ལ་རྟེན་པའི་ཕྱིར་མི་སྲིད་དོ། །ཐ་དད་པར་རྟོགས་པ་དང་ལྡན་པ་ཉིད་ནི་དེ་ལ་རུང་བའི་ངོ་བོ་ཡིན་ལ། དེ་ཡང་ཇི་ལྟར་སྣང་བས་ཐ་དད་པ་ཁོ་ན་ཡིན་ཏེ། དབང་ཕྱུག་ལ་ལྟོས་ནས་ཐམས་ཅད་དེ་ལྟར་ཡིན་པའི་ཕྱིར ་ཐ་མི་དད་པར་གྲུབ་པ་མ་ཡིན་ནོ་ཞེས་བྱ་བའི་དོན་ཏོ། །གཟུགས་དར་སྒྲ་དག་གི་དོན་གཅིག་ལ་འདུ་བ་ཅན་དང། སྣལ་མ་དང་སྣམ་བུ་དག་གི་འདུ་བ་ཡང་འུ་བུ་ཅག་ལ་སོགས་པ་རྣམས་ཀྱིས་ཐ་དད་པར་མ་མཐོང་ཡང་ཐ་མི་དད་པར་གྲུབ་པ་མ་ཡིན་ནོ་སྙམ་དུ་སེམས ་བ་ལ། གཞན་དུ་ནི་མཐོང་བ་འཁྲུལ་པ་ཉིད་དུ་འགྱུར་ཞེས་བྱ་བ་སྡེ། འུ་བུ་ཅག་ལ་སོགས་པ་ནི་སྣལ་མ་དང་སྣམ་བུ་དག་དུ་བ་ཡང་ཐ་དད་པར་སྣང་བ་མ་ཡིན་ནོ། །སྣལ་མ་རྣམས་ནི་སྣམ་བུ་མ་ཡིན་པ་མ་ཡིན་ནམ། གཅིག་དང་དུ་མར་སོ་སོར་སྣང་བ་དག་གི ་ཡུལ་ཐ་དད་པའི་ཕྱིར་རོ། །གཅིག་ཏུ་སྣང་བ་མ་ཡིན་ཏེ། གཞན་དུ་ན་དེའི་སྒྲ་ནི་བརྡའི་རྗེས་སུ་འབྲང་བའི་རྟོག་པ་ཡིན་པའི་ཕྱིར་ལ། དེ་བཞིན་དུ་དབང་ཕྱུག་གིས་ཐ་དད་པར་མཐོང་ལ། འུ་བུ་ཅག་ལ་སོགས་པ་ཐམས་ཅད་ཀྱིས་ཐ་མི་དད་པར་མཐོང་བས ་གནོད་པ་ཡིན་ཏེ། འདུ་བ་མེད་པ་ཡང་དེ་དང་འདྲ་བ་ཁོ་ན་ཡིན་ནོ་ཞེས་བྱ་བའི་དོན་ཏོ། །གལ་ཏེ་སྣང་བའི་མཛའ་མ་ནི་དེ་ལས་གཞན་པ་དང་ཆ་གཅིག་གིས་ཕྲད་པ་ཡིན་ན། དེའི་ཆ་གཅིག་ཀྱང་དེ་བཞིན་མིན་པའི་ཕྱིར། མཐར་ཐུག་པ་མེད་པས་ཕྲ་མོ་དཔག ་ཏུ་མེད་པར་འགྱུར་བའི་ཕྱིར། དེ་དང་སྨྱོན་མཚུངས་སོ་སྙམ་དུ་སེམས་པ་ལ། རགས་པ་ཆ་ཤས་ཉིད་དུ་སྔོན་དུ་འགྲོ་བ་ཅན་ཞེས་བྱ་བ་སྨོས་ཏེ། གང་ལ་ཆ་ཤས་ཕྲད་པ་སྔོན་དུ་འགྲོ་བ་ཅན་ཉིད་དུ་མཐོང་བ་དེ་དེ་ལྟར་འགྱུར་དུ་ཟིན་ཀྱང་དཔེར་ན་འཇི་བའི་སྐྱོང་བུ་སྔོན་དུ་འགྲོ་བ ་ཅན་གྱི་བུམ་པ་དང། སྣལ་མ་སྔོན་དུ་འགྲོ་བ་ཅན་སྣམ་བུ་ལྟ་བུའོ། །སྣང་བའི་མཛའ་མ་ནི་དེ་ལྟ་བུའི་དང་མཐོང་བ་མ་ཡིན་པའི་ཕྱིར་ཆ་ཤེས་སྔོན་དུ་འགྲོ་བ་ཅན་ཉིད་དུ་ཅི་ལས་ཤེས། གང་གིས་དཔག་ཏུ་མེད་པར་འགྱུར། ཞེས་བྱ་བའི་དོན་ཏོ། །ཆ་ཤས་དང་ཕྲད་པ་མེད ་ཀྱང་ཆ་ཤས་དང་བཅས་པར་མཐོང་བ་ཡིན་པར་བསྟན་པ་ནི། ཝ་ཊའི་ས་བོན་ཤིན་ཏུ་ཆུང་ཞེས་བྱ་བ་སྟེ། གང་གི་ཚེ་སྔ་ན་ཡོད་པའི་ཡན་ལག་རྣམས་ནི་མ་དམིགས་པའི་ཡོད་པ་མ་ཡིན་ལ། དེའི་ཚེ་དེ་རྣམས་ཕྲད་པའི་སྒོ་ནས་ཡན་ལག་ཅན་རྩོམ་པར་བྱེད་པ་མ་ཡིན ་པར་བསྟན་པ་ནི། ཡན་ལག་ཅན་ཡང་ག་ལ་ཡིན་ཞེས་བསྟན་པའོ། །ཤིང་ཝ་ཊའི་མྱུ་གུ་ཡང་སྣང་བའི་མཛའ་མ་བཞིན་དུ་ཡན་ལག་སྔོན་དུ་འགྲོ་བ་ཅན་ཉིད་ཀྱིས་ཕྱོགས་ཁོ་ན་མ་ཡིན་ནམ་སྙམ་དུ་སེམས་པ་ནི། འོན་ཏེ་ནམ་མཁའ་ཨི་ཕྱོགས་ཞེས་བྱ་བའོ། །དེ་ལྟ་ཡིན་ན ་ཤིང་ཝ་ཏ་རྣམས་ཀྱི་ནུས་པ་མ་ཡིན་ཏེ། མ་མཐོང་བའི་བྱེ་བྲག་གི་ལྷན་ཅིག་བྱེད་པའི་རྡུལ་ཕྲ་རབ་རྣམས་ཉིད་མྱུ་གུ་ལ་སོགས་པའི་རྒྱུར་འགྱུར་རོ་ཞེས་ལན་དུ་བསྟན་པ་ནི། གནས་པ་ལ་སོགས་པར་བྱེད་དམ་ཅི་ཞེས་བྱ་བ་སྟེ། མྱུ་གུ་ནི་ཤིང་ཝ་ཊ་ལ་སོགས ་པའི་ས་བོན་ལ་བལྟོས་པ་ཡིན་གྱི་མ་མཐོང་བའི་ཡན་ལག་ཚོགས་པས་འཕེན་པར་བྱེད་པ་མ་ཡིན་ཏེ། ཐལ་ཆེས་པར་འགྱུར་རོ་ཞེས་བྱ་བའི་དོན་ཏོ། །ཇི་ལྟར་ཡན་ལག་དང་བཅས་པའི་སྣམ་བུ་ནི་ཡན་ལག་ཚོགས་པ་ཡིན་ན་འགྱུར་བ་དེ་བཞིན་དུ། སྣང་བའི ་མཛའ་མ་འམ། ཤིང་ཝ་ཊའི་མྱུ་གུ་ཞེས་རྟོག་པ་ཡིན་ན། ཡན་ལག་བཞིན་དུ་ཡན་ལག་ཅན་ཡོད་པ་ཁོ་ནར་འབྱུང་བར་འགྱུར་རོ་སྙམ་དུ་སེམས་པ་ཁོ་ནས་ཟེར་བ་ནི། འོན་ཏེ་མེད་ཀྱང་དཔེ་ལས་ནི་ཞེས་བྱ་བའོ། །འདི་མཐོང་བ་ཡོད་པ་ཉིད་ཁོ་ན་གང་མིག་ལས ་བ་ནི་མར་མེ་ལ་སོགས་པ་རྣམས་ཀྱིས་གསལ་བར་བྱེད་པ་ཡིན་པ་ནི་སྒྲོན་མའི་དཔེའི་སྟོབས་ཀྱིས་ན་ཞེས་བྱ་བའོ། །མར་མེ་གསལ་བར་བྱེད་པ་ཉིད་ཁོ་ན་དབང་ཕྱུག་མེད་ན་གསལ་བར་བྱེད་པར་མི་འགྱུར་རམ་སྙམ་དུ་སེམས་པ་ལ། དེ ་ཡང་སེམས་པས་བྱིན་བརླབས་ན། ཞེས་བྱ་བ་སྟེ། ཅིའི་ཕྱིར། གཞན་དེ་མི་བྱེད་པ་ཡིན་ཞེས་བྱ་བའི་དོན་ཏོ། །ཐམས་ཅད་ཀྱང་ཡོད་བཞིན་པ་ཉིད་ཀྱིས་བྱ་བ་མེད་པའི་ཕྱིར། སེམས་པ་ཅན་གཞན་ཡང་རུང་བྱེད་པ་པོ་མ་ཡིན་པར་བསྟན་པ་ནི། དེ་དེ་དེ་དང་དེ་ལྟས ་ཡིན། དེའི་ཕྱིར་སྣང་བའི་མཛའ་མ་འམ། མྱུ་གུ་ནི་ཇི་ལྟ་བུའི་མི་རྟག་པ་ལས་སམ། །སེམས་པ་ཅན་མ་ཡིན་པ་ལས་སྐྱེ་བ་ཡིན་ལ། དེ་ཉིད་དེ་ལ་ནུས་པ་ཡིན་གྱི་རྡུལ་ཕྲ་རབ་རྣམས་ཀྱི་འམ་དབང་ཕྱུག་གི་ནི་མ་ཡིན་པའི་ཕྱིར། དེ་ཙམ་གྱི་རྒྱུ་མཚན་ཉིད་ནི་རྒྱུ ་མཚན་མེད་པ་དང་འགལ་བ་ཡིན་པར་ཉེ་བར་བསྡུ་བ་ནི། དེས་ན་གང་གང་གང་ལས་ཞེས་བྱ་བའོ། །དབང་ཕྱུག་ལ་ཡང་མ་མཐོང་བ་ཡོད་དོ་ཞེས་བྱ་བ་ནི་ཁ་ཅིག་གིའོ། །འོན་ཏེ་དེ་ལ་ཚད་མ་མ་ཡིན་ན། དབང་ཕྱུག་ལ་ཡང་མི་འགྱུར་རོ་ཞེས་བསྟན་པ ་ནི། མངོན་སུམ་གནོད་པས་མིན་ཞེ་ན། ཞེས་བྱ་བ་སྟེ། ཕ་རོལ་པོའི་འཁྲུལ་པས་སྒྲོ་འདོགས་པ་དགག་པ་ཡིན་གྱི། ཁྱད་པར་མ་གྲུབ་པ་ཉིད་ལ་སོགས་པ་རྣམས་སུ་བསྒྲག་པར་བྱ་བ་མ་ཡིན་ནོ། །ས་གཞི་ལ་སོགས་པ་སེམས་པ་ཅན་མ་ཡིན་པའི་ཉེ་བར ་ལེན་པ་ཉིད་དམ། ཅིག་ཤོས་ནི་ངེས་པ་ཅན་ཡིན་གྱི་ངེས་པར་བྱེད་པ་ཙམ་དུ་གོ་བར་བྱེད་པ་ཡིན་གྱི་སེམས་པ་ཅན་ནི་མ་ཡིན་ནོ་ཞེས་བསྟན་ཟིན་ཏོ། །དེ་ལྟར་ཅི་ལས་ཤེས་ཤེ་ན། དབྱིབས་སོགས་ཅི་འདྲ་བྱིན་རློབ་པོ། །ཡོད་མེད་ཅེས་བྱ་བ་སྨོས་ཏེ། གང་གི ་ཕྱིར་ངེས་པ་ནི་ཡོད་པ་དང་མེད་པ་དག་གིས། ངེས་པར་བྱེད་པ་ཙམ་གྱི་རྗེས་སུ་སྒྲུབ་པར་བྱེད་པ་ཡིན་གྱི། སེམས་པ་ཅན་ནི་མ་ཡིན་ཏེ། དེའི་ཕུལ་དུ་བྱུང་བ་དང། ཅིག་ཤོས་དག་གི་ཕུལ་དུ་བྱུང་བ་དང། ཅིག་ཤོས་དག་མེད་པའི་ཕྱིར་རོ། །དེ་ཡང་ཅི་འདྲ་བ? ་ལས་ཇི་ལྟ་བུར་གང་དམིགས་པ། དེ་འདྲ་བ་ཉིད་རྗེས་སུ་དཔོག་པར་བྱེད་དོ་ཞེས་བསྟན་པའོ། །ཡང་ན་ངེས་པ་ཅན་ནི་ངེས་པར་བྱེད་པ་ཙམ་དུ་གོ་བར་བྱེད་པ་ཡིན་པར་འདོད་པ་གྲུབ་པ་ཞེས་བྱ་བ་ལ་སོགས་པས་བསྟན་ཟིན་ཏོ། །ངེས་པ་ཅན་གྱི་བྱེ་བྲག་གི་སེམས ་པ་ཅན་ལ་སོགས་པ་ངེས་པའི་བྱེ་བྲག་ནི། ངེས་པའི་བྱེ་བྲག་མཐོང་བ་ཡིན་ན་གོ་བར་བྱེད་པ་ཡིན་གྱི། ངེས་པ་ཅན་ཙམ་མ་ཡིན་ཞིང་ངེས་པའི་བྱེ་བྲག་མ་རྟོགས་པ་ལ་ཡང་མ་ཡིན་པར་བསྟན་པ་ནི། ཅི་འདྲ་བ་ལས་ཇི་ལྟ་བུར་གང་དམིགས་པ་ནི་ཞེས་བྱ་བ་སྟེ། གཞན ་དུ་ནི་མ་ཡིན་ནོ་ཞེས་དཔེ་དང་བཅས་པའི་ལྡོག་པ་བསྟན་པ་ནི། ཐ་དད་དངོས་པོར་རབ་སྒྲུབ་པ་ཞེས་བྱ་བ་ལ་སོགས་པ་སྟེ། ལྡོག་པའི་ངེས་པ་བསྟན་པ་ཉིད་ཀྱི་ཤུགས་ཀྱིས་རྗེས་སུ་འགྲོ་བ་བསྟན་པར་གོ་བ་ཡིན་ནོ་ཞེས་བྱ་བའི་དོན་ཏོ། །དེ་ལྟ་ཡིན་ནོ་རིག་བྱེད ་དང་ཨ་ཏི་ཧ་སའི་གཙུག་ལག་ལ་སོགས་པ་དང། ཁྲོན་པ་རྙིང་པ་དང་ལྷ་རྟེན་ལ་སོགས་པ་རྣམས་ཀྱིས་ཡང་བྱེད་པ་བོ་དྲན་བཞིན་པ་མ་ཡིན་པ་ནི། བློ་ཕུལ་དུ་བྱུང་བ་ལ་སོགས་པའི་རྗེས་སུ་བྱེད་པ་ཡིན་གྱི་སེམས་པ་ཅན་ཙམ་ལ་ནི་མི་སྲིད་པ་ནི་དེའི་བྱེ་བྲག་སྟེ། ་དབང་ཕྱུག་ཉིད་ལ་སོགས་པའི་བྱེ་བྲག་རྗེས་སུ་དཔོག་པ་ཡིན་ལ། དེ་ལྟ་བུའི་ཤེས་པ་ཕུལ་དུ་བྱུང་བས་དགོས་པ་ཡིན་ཏེ། བསྙེན་བཀུར་གྱི་གནས་ཡིན་པའི་ཕྱིར་ཏེ་གཞན་གྱི་ཇི་དགོས། འུ་ཅག་ལ་སོགས་པའི་སེམས་པ་ཅན་ཙམ་ལས་ནི། དེ་ལྟ་བུའི་འབྱུང་བ་མ ་ཡིན་ཏེ། དབང་པོ་ལས་འདས་པ་དང་མི་ལས་འཕགས་པ་ལས་དེའི་དོན་རང་བཞིན་ཡིན་པའི་ཕྱིར་དེ་ཁོ་ན་ཚད་མ་ཡིན་ནོ་ཞེ་ན། ཡོད་མེད་རྗེས་འཇུག་ཅན་གྲུབ་པ་ཞེས་བྱ་བའོ། །སྙན་དངག་ལ་སོགས་པ་ཡང་མ་ཡིན་པ་ཙམ་ལས་བྱུང་བ་མ་ཡིན་ལ། བུམ་པ ་ལ་སོགས་པ་ཡང་རུང་སྟེ་ཐམས་ཅད་ཀྱིས་དེའི་བྱེད་པ་མ་ཡིན་ལ། དེ་དག་ཙམ་གྱིས་ཐམས་ཅད་ཕུལ་དུ་བྱུང་བའི་སེམས་པ་ཅན་དུ་གྲུབ་པ་མ་ཡིན་ཏེ། དེའི་ཕྱིར་གོམས་པའི་བྱེ་བྲག་དང་ལྡན་པའི་འུ་བུ་ཅག་ལ་སོགས་པ་འགའ་ཁོ་ན་རྫ་མཁན་ལ་སོགས་པ་བཞིན ་དུ་རྗེས་སུ་དཔོག་པར་བྱེད་པ་ཡིན་གྱི། ཤིན་ཏུ་དབང་པོ་ལས་འདས་པའི་ནུས་པ་ཅན་ནི་མ་ཡིན་ནོ། །དེ་ལྟ་བུའི་ཕུལ་དུ་བྱུང་བ་མེད་ན་ཇི་ལྟར་དབང་པོ་ལས་འདས་པའི་ཡུལ་ཉེ་བར་སྟོན་པ་ཡིན། དེ་འདི་ནི་བསྐྱེད་བྱའི་དངོས་པོ་འབྲས་བུ་ལ ་ཡང་མཚུངས་པ་ཡིན་ནོ། །དེ་ལ་བརྫུན་པ་ཡིན་གྱི་རིག་བྱེད་ལ་ནི་མ་ཡིན་ཏེ། གྲུབ་མཛའ་པ་ཐམས་ཅད་དང། རིགས་ཐམས་ཅད་ཀྱང་ཐ་སྙད་ལ་མི་བསླུ་བས་ཚད་མ་ཉིད་ཡིན་པའི་ཕྱིར་རོ། །འདི་ཡང་བར་སིག་རྣམས་དང་ཐོད?་པ་ཅན་ལ་སོགས་པ་མང་པོ ་རྣམས་ཀྱི་རང་རང་གི་ལུང་རྣམས་ལ་ཐ་སྙད་མི་བསླུ་བའི་ཕྱིར་མཚུགས་པ་ཡིན་ཏེ། དོན་ལ་མི་བསླུ་བ་ནི་གཉི་ག་ལ་ཡང་མེད་པའི་ཕྱིར། འདི་དང་མི་འདྲ་བའི་བྱིན་གྱིས་རློབ་པ་པོ་འགྲུབ་པ་ནི་མ་ཡིན་ནོ་ཞེས་བྱ་བའི་དོན་ཏོ། །རིག་བྱེད་རྟག་པ་ཡིན་པས་དག་བྱེད ་དང་དག་བྱེད་མ་ཡིན་པའི་རྫས་ཉིད་ཀྱིས་ཤེས་པ་བཞིན་དང། མེའི་སྦྱིན་སྲེག་ལ་སོགས་པ་བསྒྲུབ་པར་བྱེད་པའི་ཤེས་པ་བཞིན་དུ་དབང་ཕྱུག་གི་རང་གི་ངོ་བོའི་ཤེས་པ་ཡིན་ལ། དེ་ཡང་བྱང་གྲོལ་སྒྲུབ་པར་བྱེད་པའི་ཕྱིར། སྐྱེས་བུའི་དོན་སྒྲུབ་པར་བྱེད་པ་ཡིན ་ནོ་ཞེ་ན། ཡོད་མེད་རྗེས་འཇུག་ཅན་གྲུབ་པ་ཞེས་བྱ་བ་སྨོས་ཏེ། གལ་ཏེ་རིག་བྱེད་རྣམས་རྟག་པ་ཉིད་ཡིན་ན། དབང་ཕྱུག་རྟག་པ་ཉིད་རིག་བྱེད་རྟག་པ་ཉིད་ཀྱི་བརྗོད་བྱར་འགྱུར་ཏེ། འོན་ཀྱང་བྱེད་པ་པོ་ལས་མ་བྱུང་བ་མ་ཡིན་པའི་ཕྱིར། འགལ་བའི་འབྲས ་བུ་བློའི་རྗེས་སུ་འབྲང་བའི་སྦྱོར་བའི་བྱེ་བྲག་མཐོང་བས་རྟག་པ་བཀག་པ་དེའི་ཕྱིར། དོགས་པའི་སྐྱོན་དེས་དབང་ཕྱུག་མ་གྲུབ་པོ་ཞེས་བྱ་བའི་དོན་ཏོ། ཡང་ན་ཡུལ་སྟོང་པ་མ་སོགས་པ་ལ་བྱེད་པ་པོ་མི་དྲན་པའི་ལྷ་རྟེན་རྙིང་པ་ལ་སོགས་པ་མཐོང་ནས། དེ་དང་འདྲ ་བའི་བྱེད་པ་པོ་མཐོང་བ་ཡིན་ན། ཇི་ལྟར་མཐོང་བ་ལས་བྱེད་པ་པོ་རྗེས་སུ་དཔག་པར་རིགས་པ་ཡིན་གྱི། ས་གཞི་ལ་སོགས་པའི་དབྱིབས་ལ་སོགས་པ་རྣམས་ལ་ནི་དེ་ལྟ་བུ་ཡོད་པ་མ་ཡིན་ཏེ། དེ་ལྟ་བུ་ནི་བློ་ལས་བྱུང་བ་ཉིད་ཀྱིས་མ་མཐོང་བའི་ཕྱིར ་རོ་ཞེས་བསྟན་པ་ནི། ཡོད་མེད་རྗེས་འཇུག་ཅན་གྲུབ་པ་ཞེས་བྱ་བའོ། །བློ་སྔོན་དུ་འགྲོ་བ་ཅན་གྱི་སྔར་མཐོང་ནས། ལྷ་རྟེན་རྙིང་པ་ལ་སོགས་པ་དག་ལ་དེ་ཉིད་ཀྱི་རྗེས་སུ་བྱེད་པས། བློ་ལ་རྗེས་སུ་དཔོག་པར་བྱེད་པ་མ་ཡིན་ནམ། གཞན་དུ་ནི་མ་ཡིན་ལ་དེ་འདི་ནི་ས་གཞི ་ལ་སོགས་པ་ལ་ཡང་མཚུངས་པ་ཡིན་ལ། དེ་ལ་ནི་བསྐྱེད་པས་སམ། སེམས་པ་ཅན་གྱི་ཉེ་བར་ལེན་པ་ཉིད་ཀྱི་རྗེས་སུ་མི་བྱེད་པ་ནི་མ་ཡིན་ནོ། །མངོན་སུམ་གྱི་རྟོགས་བྱར་ཐ་དད་པ་ཁོ་ན་ཡིན་ནོ་ཞེས། དེ་ནི་གཞན་ལ་ཡང་མཚུངས་སོ། །ཕྱོགས་ལ་ཁྱབ་པར ་བྱེད་པ་མཐུན་པའི་ཕྱོགས་ལ་ཡོད་ལ། མི་མཐུན་པའི་ཕྱོགས་ལས་ལོག་པ་ཁྱབ་པ་མ་ཚང་བའམ། སྦྱོར་བྱེད་ཉིད་ཀྱང་མ་ཡིན་པ་མ་ཡིན་ཏེ། གཏན་ཚིགས་ཉིད་དུ་འདོད་པ་ལ་ཡང་དེ་ལྟ་བུ་ཉིད་དུ་ཐལ་བར་འགྱུར་རོ་སྙམ་དུ་སེམས་པ་ལ། ཐ་དད་དངོས་ལ་རབ་གྲུབ་པ ་ཞེས་བྱ་བ་སྨོས་ཏེ། བུམ་པ་དང་ལྷ་རྟེན་ལ་སོགས་པའི་ངོ་བོ་ནི་ཕུལ་དུ་བྱུང་བའི་སེམས་པ་ཅན་གྱི་རྗེས་སུ་འགྲོ་བ་དང། ལྡོག་པའི་རྗེས་སུ་བྱེད་པའི་ཕྱིར་དེས་ཁྱབ་པ་ཡིན་ལ། སེམས་པ་ཅན་ནི་དེ་ལ་ཁྱབ་བྱེད་དུ་ངེས་པ་ཡིན་ཏེ། དུ་བ་ལ་མེ་ལྟ་བུ་དེ་ཉིད་ལས ་གྲུབ་པར་འགྱུར་གྱི། ཁྱབ་པ་ཅན་མ་ཡིན་པ་ས་གཞི་ལ་སོགས་པའི་ངོ་བོ་ལ་ནི་མ་ཡིན་ནོ། །ལྡོག་པ་ཙམ་ལས་ཁྱབ་པ་ཙམ་དུ་འགྲུབ་པ་ནི་མ་ཡིན་ཏེ། རྟག་པ་ཉིད་ལ་མཉན་པར་བྱ་བ་ཉིད་ལྟ་བུའོ། །བུམ་པ་ལ་སོགས་པའི་ངོ་བོ་ཉིད་ནི་དེའི་ངོ་བོ་མ་ཡིན་ཏེ ་གང་གི་རྗེས་སུ་འགྲོ་བར་འགྱུར། བུམ་པ་དང་ལྷ་རྟེན་ལ་སོགས་པའི་ངོ་བོ་ནི་ཆོས་ཅན་གྱི་དབྱེ་བ་མ་གཏོགས་པའི་ཐ་དད་པ་ཡོད་པ་མ་ཡིན་ཏེ། དུ་བ་དང་བྱས་པ་ལྟ་བུའོ། །སྐད་ཅིག་མའི་དབྱེ་བ་རྗེས་སུ་དཔག་པ་ལ་དགོས་པ་ཡོད་པ་མ་ཡིན་ཏེ། རྗེས་སུ ་དཔག་པ་ལ་སོགས་པའི་ཐ་སྙད་ཀྱང་ཡུལ་ངེས་པ་ཅན་ཡིན་པའི་ཕྱིར་རོ། །ངེས་པ་ཅན་ཡང་དེ་དང་གཅིག་པ་ཉིད་ཡིན་ལ། དེ་བཞིན་དུ་ས་གཞི་ལ་སོགས་པའི་ངོ་བོ་ནི་དེ་ལ་ངེས་པ་མ་ཡིན་ནོ། །དེའི་ཕྱིར་དེས་སེམས་པ་ཅན་ཉིད་དུ་ངེས་པར་འགྱུར་བ་མ་ཡིན་ཏེ ་མདོག་སྐྱེ་བ་ཉིད་མ་ལ་ངེས་པ་མ་ཡིན་པ་ལྟ་བུའོ། །མཐུན་པའི་ཕྱོགས་དང་མཐུན་པའི་ཕྱོགས་མ་ཡིན་པ་དག་ལ་ཡོད་པ་དང་མེད་པ་ཙམ་ནི་རྗེས་སུ་འགྲོ་བ་དང་ལྡོག་པ་དག་མ་ཡིན་ཏེ། རྗེས་སུ་འགྲོ་བ་ལ་སོགས་པའི་སྒྲ ་རྣམས་ནི་ངེས་པར་བརྗོད་པར་བྱེད་པ་མ་ཡིན་པའི་ཕྱིར། ཁྱབ་པ་ཅན་ལས་ནི་གྲུབ་པ་ཡིན་ལ། ཁྱབ་པ་ཅན་མ་ཡིན་པ་ལས་ནི་མི་འགྲུབ་པོ་ཞེས་བྱ་བའི་དོན་ཏོ། །ཡང་ན་ཇི་ལྟར་ས་གཞི་ལ་སོགས་པའི་ངོ་བོ་ངེས་པ་དང་ལྡན་པ་ནི་ངེས་པར་བྱེད་པའི་ལས་ཀྱི་འཕངས ་པ་ཡིན་པ་དེ་བཞིན་དུ། བུམ་པའི་ངོ་བོ་དེ་བཞིན་དུ་སེམས་པ་ཅན་ཡང་ཅིའི་ཕྱིར་མ་ཡིན་ཞེ་ན། ཐ་དད་དངོས་ལ་རབ་གྲུབ་པ་ཞེས་སྨོས་པ་ཡིན་ཏེ། དངོས་སུ་བའི་འབྲེལ་པའི་རྗེས་སུ་འབྲངས་ནས། གང་ཡང་རུང་བ་ཅུང་ཟད་ཀྱང་གོ་བར་བྱེད་པ་ཡིན་གྱི་སྐྱེས ་བུའི་འདོད་པའི་དབང་གིས་ནི་མ་ཡིན་ནོ་དེ་ཉིད་ཀྱི་ནི་གཞན་དུ་མ་ཡིན་ནོ་ཞེས་བྱ་བས་བསྟན་པ་ཡིན་ཏེ། ཁྱད་པར་བྱེད་པ་སྒྲུབ་པར་བྱེད་པ་ཡིན་གྱི་གཞན་དུ་སྒྲུབ་པར་བྱེད་པ་ནི་མ་ཡིན་ནོ་ཞེས་བྱ་བའི་དོན་ཏོ། །མདོག་སྐྱ་བ་ཉིད་ནི་མེ་སྒྲུབ་པ་ལ་མ་ངེས་པ་མ ་ཡིན་ནམ། ཟླ་བ་དང་མེ་ཏོག་ཀུན་ད་ལ་སོགས་པ་ལ་དེ་ཡོད་ཀྱང་མེད་པའི་ཕྱིར་རོ། །དེ་བཞིན་དུ་སེམས་པ་ཅན་མ་ཡིན་པའི་ཉེ་བར་ལེན་པ་འམ་སྐྱེད་པ་ནི་བློ་དང་ལྡན་པ་མ་ཡིན་པ་ནམ་མཁའ་ལ་སོགས་པ་ལ་ཡོད་པ་ནི་མ་ཡིན་ནོ་ཞེས་བརྒལ་བ་བྱེད་པ་ནི། ་འོན་ཏེ་འགྱུར་ན་ཡང། གལ་ཏེ་ཁྱད་པར་དང་བྲལ་བའི་མདོག་སྐྱ་བ་ཉིད་ལས་ཤེས་བྱ་བའོ། །ལན་ནི་གནོད་པ་མེད་པ་ཙམ་གྱིས་ནི་ཞེས་བྱ་བ་སྟེ། ཇི་ལྟར་ཁོ་ན་ནི་མདོག་སྐྱ་བ་ནི་མེ་མེད་ཀྱང་ཡོད་པས་མ་འཁྲུལ་བར་མ་ངེས་པའི་ཕྱིར་སྒྲུབ་བྱེད་མ་ཡིན་ལ ་དེ་བཞིན་དུ་ས་གཞི་ལ་སོགས་པའི་ངོ་བོ་ཡང་བློ་དང་ལྡན་པ་ཡིན་ན་བུམ་པ་ལ་སོགས་པ་ལ་འབྲེལ་བ་ཅན་དུ་དམིགས་པ་མ་ཡིན་ཏེ། གཞན་མཐོང་བ་ཡིན་ན་དེའི་མཐོང་བ་མ་ཡིན་ཏེ། དབང་ཕྱུག་ནས་ཡིན་པ་བྱེད་པ་པོ་ཉིད་དུ་ཐལ་བར ་འགྱུར་བའི་ཕྱིར་རོ་ཞེས་བྱ་བའི་དོན་ཏོ། །ཐལ་ཆེས་པ་དེ་ཉིད་བསྟན་པ་ནི། དེ་ལྟ་མིན་ལ་རྫ་མཁན་གྱིས་ཞེས་བྱ་བ་སྟེ། འཇི་བའི་འགྱུར་བ་ཅན་གྱི་བུམ་པའི་ངོ་བོ་ནི་རྫ་མཁན་གྱི་བསྐྱེད་བྱར་དམིགས་ནས། གཞན་དུ་དེའི་བྱ་བ་ཇི་ལྟ་བ་ཁོ་ན་མ་མཐོང་བ་ཡང ་དེ་དང་འདྲ་བ་མཐོང་བ་ལས་གོ་བ་ཡིན་ལ། དེ་བཞིན་དུ་གྲོག་མཁར་ལ་སོགས་པ་ལ་ཡང་གོ་བར་འགྱུར་རོ། །ཁྱིམ་གྱི་ར་བ་དང་མཁར་གྱི་བ་གམ་ལ་སོགས་པ་ངེས་མ་བྱས་པ་ལ་ཡང་མཐོང་བའི་ཕྱིར་རོ། །འདི་ཡང་མ་ངེས་པ་ཁོ་ན་ཡིན་ནོ་ཞེ་ན། སེམས ་པ་ཅན་མ་ཡིན་པའི་ཉེ་བར་ལེན་པ་ཡང་བེའུ་ཆེར་བསྐྱེད་པའི་ཆེད་དུ། འོ་མ་ལ་སོགས་པའི་འཇུག་པ་མཐོང་བའི་ཕྱིར། མ་ངེས་པ་ཅན་ཉིད་ཁོ་ནའོ། །འདི་ཡང་ཕྱོགས་སུ་བྱེད་པའི་ཕྱིར་སྐྱོན་མེད་དོ་ཞེ་ན། དེ་ལྟ་ཡིན་ན་མཐོང་བཞིན་པ་མ་ཡིན་པའི་བྱེད ་པ་པོ་གཞན་ཉིད་ཡིན་ན། འཇི་བའི་འགྱུར་བ་ཡིན་པའི་ཕྱིར་ཞེས་བྱེ་བྲག་ཅན་དུ་སྨྲས་པར་འགྱུར་རོ། །བྱེ་བྲག་དང་འཁྲུལ་པའི་ཡུལ་ཕྱོགས་སུ་བྱེད་པ་དག་ལ་བྱེ་བྲག་ཅི་ཡང་མེད་དོ། །བུམ་པ་ལ་སོགས་པ་དང་ས་གཞི་ལ་སོགས་པ་བུམ་པ་བྱེད་པའི་བྱེད་པ ་པོ་ཉིད་ལྡོག་པ་ལ་ཡང་བྱེ་བྲག་ཅན་གྱི་འཇི་བའི་འགྱུར་བ་ཉིད་མི་ལྡོག་པའི་ཕྱིར་འཁྲུལ་པ་མ་ཡིན་ནམ། མ་ཡིན་ཏེ། གྲོག་མཁར་ཉེ་བར་མཚོན་པ་ཉིད་ཀྱིས་དེ་ཉིད་ཕྱོགས་ཡིན་པའི་ཕྱིར་རོ། །ཆུ་དང་མེ་ལ་སོགས་པ་རྣམས་ཀྱང་ཕྱོགས་ཡིན་ན་ནི་ཁྱད་པར ་བྱེད་པ་ཡིན་ནོ་ཞེ་ན། མ་ཡིན་ཏེ་ས་འཇིམ་ཙམ་ཕྱོགས་ཡིན་པའི་ཕྱིར་རོ། །བྱེ་བྲག་ཅན་ཉིད་ཀྱིས་འཁྲུལ་པ་མེད་པ་ཁོ་ན་ཡིན་པར་བསྟན་པ་ནི། གྲོག་མཁར་རྫ་མཁན་གྱིས་བྱས་པ་ལ་ནི་ཞེས་བྱ་བ་སྟེ། གྲོག་མཁར་གྱི་ཉེ་བར་མཚོན་པས་ས་གཞི ་ལ་སོགས་པ་ཉིད་ཕྱོགས་སུ་བྱེད་པར་ཡང་བསྟན་པ་ནི། འབྲས་བུ་དེ་ལ་མ་མཐོང་ཞེས་བྱ་བའོ། །བྱེ་བྲག་གི་འཁྲུལ་པ་སྤངས་པ་ཡིན་པར་ཡང་བརྟག་པར་དཀའ་བོ་ཞེ་ན། ཁྱེད་ཀྱི་ཡང་ཕྱོགས་སུ་བྱེད་པ་ཡིན་པས་འཁྲུལ་པའི་ཡུལ་ཡང་དཀའ་བར ་མཚུངས་པ་ཡིན་པར་བསྟན་པ་ནི། དེ་དབང་ཕྱུག་ལ་ཡང་མེད་དམ་ཅི་ཞེས་བྱ་བའོ། །བྱེད་པ་པོའི་རྗེས་སུ་འཇུག་པའི་ངོ་བོའི་རྒྱུ་ནི་གྲོག་མཁར་ལ་བཞིན་དུ་ས་གཞི་ལ་སོགས་པ་ལ་ཡང་མ་གྲུབ་པ་ཉིད་ཡིན་པར་བསྟན་པ་ནི། གལ་ཏེ་དེ ་ལྟ་ཡིན་ན། ཁྱོད་ཀྱི་འདི་ཆེས་ཞིབ་ཏུ་རྟོག་པ་ཡིན་ཏེ་ཞེས་བྱ་བའོ། །གཞན་ཡང་ཐེ་ཚོམ་ཟ་བའི་མ་གྲུབ་པ་ཡིན་པར་བསྟན་པ་ནི། ས་འཛིན་ཉེ་བར་མཁོ་མེད་པས་དབྱིབས་ཞེས་བྱ་བ་ལ་སོགས་པའོ། །བུམ་པ་ལ་སོགས་པ་བཞིན་དུ་ས་གཞི་ལ་སོགས་པའི ་ངོ་བོ་ཡང་བློ་དང་ལྡན་པའི་འཁྲུལ་བ་ཁོ་ན་མ་ཡིན་ནམ། དེ་ལྟར་རབ་ཏུ་གྲགས་པའི་ཕྱིར་དང་སྲོང་ངན་སྤོང་ལ་སོགས་པ་རྣམས་ཀྱིས། ཀུན་གྱི་སྟོན་པ་ཁྱད་པར་ཅན། །ཕྲ་བ་ལས་ཀྱང་ཕྲ་བ་ནི། འོད་གསལ་རྨི་ལམ་བློ་ཡི་ཡུལ། །རིག་པའི་མཐར་ཐུག་སྐྱེས ་མཆོག་སྟེ། །འདི་ནི་འབྱུང་བ་ཐམས་ཅད་ལ། མཚུངས་པར་མངོན་ཁྱབ་ལུས་རྣམས་ཀྱིས། །སྐྱེ་དང་ཆེར་སྐྱེས་འཇིག་རྣམས་ཀྱིས། །རྟག་ཏུ་འཁོར་ལོ་བཞིན་འཁོར་བྱེད། ཅེས་གང་བསྟན་པའོ། །འཇིག་རྟེན་ཡང་དེ་ལྟར་བརྗོད་པ་ཡིན་ཏེ། གླིང་གཞན་ནས ་སམ། རྒྱ་མཚོའི་ནང་ནས་སམ། ཕྱོགས་ཀྱི་མཛའ་གནས་གློ་བུར་དུ་སྒྲུབ་པར་བྱེད་ཅིང་མངོན་པར་འདོད་པ་ལ་མངོན་པར་ཕྱོགས་པར་བྱེད་པས་འཇུག་པར་བྱེད་པས་སྒྲུབ་པར་བྱེད་པ་ཉིད་ནི་རིག་བྱེད་ཀྱིས་བྱེད་པ་ཡིན་པའི་ཕྱིར་བྱེད་པ་མ་མཐོང་བ་ལ་ཡང། བྱས ་པའི་བློ་འདི་ལ་ཡང་མ་ཉམས་པ་ཡིན་ནོ། །དེའི་ཕྱིར་བདག་ཅག་ལ་སོགས་པ་དང་མཚན་ཉིད་མི་མཐུན་པའི་བློ་ཅན་ནི། ཉེ་བར་དམིགས་པའི་ངོ་བོའི་བྱེ་བྲག་མཐོང་བའི་མེའི་བྱེ་བྲག་བཞིན་དུ་འཇིག་རྟེན་གྱི་སྤང་བར་བྱ་བ་མ་ཡིན་ཏེ། དང་པོ་ཉིད་ཀྱི་གནོད ་པའི་བློ་བསལ་བའི་ཡུལ་ཡིན་པའི་ཕྱིར་རོ། །དང་པོའི་དངུལ་གྱི་བློ་ལ་ཡང་བྱེ་བྲག་མཐོང་བ་ལས་ཉ་ཕྱིས་ཀྱི་བློས་གནོད་ཉེར?་བྱེད་པ་ཡིན་ལ། འདི་ལ་ནི་བུམ་པ་ལ་སོགས་པ་དང་ས་གཞི་ལ་སོགས་པའི་བྱེ་བྲག་གནོད་པར་བྱེད་པ་མ་ཡིན་ཏེ། གཉི་ག་ལ་ཡང ་བསྒྲུབ་བྱ་གྲུབ་པ་ལ་གནོད་པ་མེད་པའི་ཕྱིར་དང། རྗེས་སུ་དཔག་པ། གཞན་ཡང་འདི་ལ་གནོད་པར་བྱེད་པ་མ་ཡིན་ཏེ། འཇིག་རྟེན་ཐམས་ཅད་ལ་གྲགས་པས་གནོད་པའི་ཕྱིར་རི་བོང་ཅན་ཟླ་བ་མ་ཡིན་ཞེས་བྱ་བ་ལྟ་བུའོ་སྙམ་དུ་སེམས་པ་ནི། སྐྱོན་འདི་འབྲས་མཚུངས་མ ་ཡིན་ནམ་ཞེས་བྱ་བའོ། །ལན་དུ་འབྲས་ལ་ཞེས་བྱ་བ་སྨོས་ཏེ། འབྲས་བུ་ཉིད་ལ་སོགས་པ་ལ་སྒྲུབ་པར་བྱེད་པ་ནི་གཏན་ཚིགས་སོ། །སྤྱིས་ཀྱང་ནི་བུམ་པ་དང་ས་གཞི་ལ་སོགས་པ་ཐུན་མོང་བའི་ངོ་བོས་ཀྱང་ངོ། །ཡང་གཏན་ཚིགས་འདི་ཅི་ལས་ཤེས་ཤེ་ན། བསྒྲུབ་བྱས ་རྗེས་འགྲོ་ཕྱིར་ཞེས་བྱ་བ་སྟེ། བསྒྲུབ་པར་བྱ་བའི་བྱེ་བྲག་ངེས་པར་བྱེད་པ་ཙམ་གྱིས་ལ་སོགས་པའི་ལྷན་ཅིག་བྱེད་པས་འབྲས་བུའི་ངེས་པའི་ངོ་བོའི་རྗེས་སུ་འགྲོ་བ་ལས། འབྲེལ་བ་ཅན་ནི་ཐ་དད་པའི་ཕྱིར་ཏེ་བུམ་པ་དང་ས་གཞི་ལ་སོགས་པ་ཐ་དད་པའི་ཕྱིར་ཐ་དད ་པར་ཉེ་བར་བཀོད་པ་ནི་འབྲས་བུ་མཚུངས་པའོ། །དཔེར་ན་འབྲས་བུ་ཉིད་དེ་སྒྲ་བསྒྲུབ་པར་བྱ་བ་ལ་བརྩལ་བའི་འབྲས་བུ་སྒྲུབ་བྱེད་ནི་སྤྱིས་ཏེ་བསྐྱེད་པ་དང་མངོན་པར་གསལ་བར་ཐུན་མོང་བའི་ངོ་བོས་ཀྱང་ངོ། །གཏན་ཚིགས་ལ་ཞེས་པ་ནི་ཡུལ་གྱི་བདུན་པ་སྟེ། ཐ ་དད་པར་བརྗོད་པའི་སྐྱོན་གྱི་ཡུལ་ཅན་ལ་ལྟོས་ནས་སོ། །དེ་ལྟ་ཡིན་ན་ཡང་སྒྲུབ་བྱེད་ཡིན་པར་ཅི་ལས་ཤེས། རྟག་པ་ལ་ནི་ཤིན་ཏུ་རེག་ལས་བར་བྱ་བ་མ་ཡིན་པའི་ཕྱིར་མངོན་པར་གསལ་བ་ཡིན་པར་མི་རིགས་ཞེས་བྱ་བའི་ཕྱོགས་ལ་བསྒྲུབ་བྱས་ཞེས་བྱ་བ ་འབྲས་བུ་ཉིད་ལ་སོགས་པས་དེ་ཙམ་གྱིས་རྗེས་འགྲོའི་ཕྱིར་ཞེས་བྱ་བ་རྗེས་སུ་འཇུག་པའི་ཕྱིར་ཡིན་ཏེ། གཞན་དུ་ན་མ་ངེས་པ་ཡིན་ནོ། །བསྐྱེད་པ་དང་མངོན་པར་གསལ་བ་རྗོད་བྱེད་ཉིད་ཀྱི་འབྲས་བུ་མ་ཡིན་པ་ཐུན་མོང་བའི་ཕྱིར་རོ་ཞེས་བྱ་བའི་དགོངས་པས་སྤྱིས་ཀྱང་སྒྲུབ ་པར་བྱེད་པ་ལ་ཞེས་བྱ་བ་བྱེ་བྲག་ཡིན་ནོ་ཞེས་དཔེ་ལ་གནས་པ་ཉིད་ཀྱིས་གསལ་བར་བྱེད་པ་ཡིན་གྱི། སེམས་པ་ཅན་གྱིས་བྱིན་གྱིས་བརླབས་པའི་སྒྲུབ་བྱེད་ལ་འབྲས་བུ་དང་མཚུངས་པ་མ་ཡིན་ཏེ། ནུས་པ་ལ་སོགས་པ་དང་ཐུན་མོང་བའི་ངོ་བོ་ཉིད་ནི་སེམས་པ་ཅན་ཕུལ ་དུ་བྱུང་བའི་རྗེས་སུ་བྱེད་པ་ཉིད་ཀྱིས་དེའི་རྗེས་སུ་འགྲོ་བའི་ཕྱིར་རོ། །ས་གཞི་ལ་སོགས་པའི་ངོ་བོ་ནི་དེ་དང་མཚན་ཉིད་མི་མཐུན་པ་ཉིད་ཀྱིས་རྗེས་སུ་འགྲོ་བ་མ་ཡིན་ནོ། །འཇིག་རྟེན་དུ་ནི་བདག་གིས་སྔོན་བྱས་པའི་ལས་སོ་ཞེས་སྨྲ་བ་ནི་ལས་ཁོ་ན་ལ་འབྱིན ་བྱེད་དང། དབང་ཕྱུག་ཅེས་སྨྲ་བ་ཡིན་ནོ། །ལུང་ཡང་དོན་འདི་ལ་རིགས་པ་ཡིན་གྱི། གཞན་ལ་ནི་མ་ཡིན་ཏེ། བསླུ་བ་ཡིན་པའི་ཕྱིར་རོ། །འདིས་ནི་ཇི་ལྟར་བུམ་པ་ལ་སེམས་པ་ཅན་ཡོད་ཀྱང་ལས་སྒྲུབ་པ་ཡིན་པ་དེ་བཞིན་དུ། ས་གཞི་ལ་སོགས་པ་ལས་ཡོད་ཀྱང་བྱིན ་གྱིས་རློབ་པ་པོ་སེམས་པ་ཅན་ཅིས་སྒྲུབ་པར་མོ་བྱེད་ཅེས་པ་བསལ་བ་ཡིན་ཏེ། དེས་བྱིན་གྱིས་རློབ་པའི་ངོ་བོ་མི་མཐོང་བའི་ཕྱིར་རོ། །འདུས་པ་ཉིད་ལ་གཞན་གྱི་དོན་ཉིད་གྱིས་ཁྱབ་པ་མིན་ལ། གཞན་ལ་འགྱུར་ཞིང་དེ་ལ་ཡང་དོན་དེ་ཉིད་ཡིན་པས་ཐུག་པ་མེད་པའི ་ཕྱིར། དེ་ཙམ་དུ་ཡང་འགྲུབ་པར་མི་འགྱུར་ཏེ། དཔེར་ན་དུ་བ་ལས་དུ་བའི་མེའི་ངོ་བོའི་ལྟ་བུའོ། །དེའི་ཕྱིར་སྒྲུབ་བྱེད་ལས་བཟློག་པའི་སྒྲུབ་བྱ་ལ་སྒྲུབ་བྱེད་གནས་པ་ཡིན་པའི་ཕྱིར། གཞན་འདུས་པ་མ་ཡིན་པ་ཉིད་ཡིན་ཏེ། དུ་བའི་ངོ་བོ་མ་ཡིན་པའི་མེ་ལྟ་བུར་རྣམ ་པར་གནས་པ་ཡིན་ནོ། །དེ་ལྟར་གྲུབ་པ་ཡིན་ན་ཤུགས་ཀྱིས་གྲུབ་པས་རྗེས་སུ་འགྲོ་བ་མེད་པ་འམ། འགལ་བ་ཉིད་དམ་པ་སྒྲུབ་བྱ་མ་ཚང་བ་ཉིད་སྐྱོན་ཡང་མེད་པ་ཡིན་ཏེ། རྗེས་སུ་དཔག་པ་ཐམས་ཅད་ཆད་པར་ཐལ་བར་འགྱུར་བའི་ཕྱིར་རོ། །ཤུགས་ཀྱིས ་གྲུབ་པའི་མེ་དང་རྗེས་སུ་འགྲོ་བ་ལ་སོགས་པ་རྣམས་མེད་པ་མ་ཡིན་ནོ་སྙམ་དུ་སེམས་པ་ལ། བསྒྲུབ་བྱས་ཞེས་བྱ་བ་སྨོས་ཏེ། སྤྱིའི་ངོ་བོས་ཀྱང་རྗེས་སུ་འགྲོ་བ་ལས་འབྲས་བུ་ལ་ནི་དུ་བ་ལ་སོགས་པ་ལ་ཏེ། ཉེ་བར་མཚོན་པའི་དོན་ཡིན་པའི་ཕྱིར་བྱས་པ ་ཉིད་ཀྱང་ངོ། །བྱེ་བྲག་ཏུ་སྒྲུབ་པར་ནུས་པའི་སྒྲུབ་བྱེད་ཡིན་ཡང་ས་ཕྱོགས་ལ་གནས་པའི་མེ་སྒྲུབ་པ་ནི་མེ་ཡིན་ནོ། །འགལ་བ་ཉིད་དང་བསྒྲུབ་བྱ་མ་ཚང་པ་ཉིད་དུ་ཐལ་བར་འགྱུར་བའི་ཞེས་བྱ་བ་ལ་སོགས་པ་འདི་ནི་འབྲེལ་པ་ཅན་ཐ་དད་པས་བསྒྲུབ་བྱའི་ཁྱད་པར ་ཐ་དད་པ་འམ། རྗེས་སུ་འགྲོ་བ་མེད་པ་འམ། འགལ་བ་ཉིད་དམ། བསྒྲུབ་པར་བྱ་བ་མ་ཚང་བ་རྣམས་རྗོད་པ་ཉེ་བར་བཀོད་པ་དེ་ཁོ་ན་འབྲས་བུ་མཚུངས་པའི་སྐྱོན་མ་ཡིན་ནམ། གང་གི་ཕྱིར་འབྲས་བུ་ཡང་རང་བཞིན་གྱིས་བསྒྲུབ་བྱ་དང་རྟག་ཏུ་འབྲལ་པ་ཡིན་པའི་ཕྱིར་ཐ་མི ་དད་པ་ཁོ་ན་ཡིན་ལ། འབྲེལ་པ་མེད་ན་ནི་ཐ་དད་པ་ཁོ་ན་ཡིན་ནོ། །དེ་བཞིན་དུ་ཕྱིན་ཅི་ལོག་པ་དང་མ་ཚང་བ་ཉིད་ཀྱང་མེད་པའི་རྣམ་གྲངས་ཉིད་ཡིན་པའི་ཕྱིར། ཐ་དད་པའི་སྒྲའི་བརྗོད་བྱ་ཡིན་ཏེ། དཔེར་ན་ལུས་ཀྱི་ཐ་དད་པ་ལ་སོགས་པ་ལྟ་བུའོ། །འདི་སྐད་བསྟན་པར་འགྱུར ་ཏེ་མཐོང་བ་དང་འདྲ་བའི་བྱེ་བྲག་རྣམས་ཉིད་ནི་དུ་བ་ཞེས་བྱ་བ་འམ། མེ་ཞེས་བྱ་བའི་རྣམ་པར་རྟོག་པས་བསྐྱེད་བྱ་ཉིད་དམ། སྐྱེད་བྱེད་ཉིད་ཀྱི་ཡུལ་ཅན་དུ་བྱས་པ་ནི་སྤྱི་ཡིན་ལ། མཚན་ཉིད་མི་མཐུན་པ་མ་ཡིན་ཏོ། དེའི་སྐྱེད་བྱེད་མ་ཡིན་པ་ཉིད་ཀྱི་དེའི་ཡུལ་མ ་ཡིན་པ་ཉིད་ཀྱི་ཕྱིར་བརྡ་ལྟ་བུའོ། །སྤྱིས་ཀྱང་རྗེས་སུ་འགྲོ་བ་ལས་བསྒྲུབ་བྱའི་བྱེ་བྲག་གྲུབ་པ་ལ་མཚན་ཉིད་མི་མཐུན་པའི་བྱེ་བྲག་ཉེ་བར་བཀོད་པས་དེ་མ་ཡིན་པ་འགྲུབ་པའི་གནས་སྐབས་གང་ཡིན། དེས་ན་བྱེ་བྲག་ཐམས་ཅད་འགྲུབ་པ་ནི་མ་ཡིན་ཏེ། རྗེས་སུ ་དཔག་པའི་ཕྱག་རྒྱའི་དབྱེ་བ་ཉེ་བར་བཀོད་པ་འབྲེལ་པ་མེད་པའི་ཕྱིར་རོ། །འདུས་པ་སྟེ་གཞན་ལ་ཡང་མཐར་ཐུག་པ་མེད་པ་མ་ཡིན་ཏེ། སྒྲུབ་བྱེད་ཐམས་ཅད་ལ་མཐར་ཐུག་པ་མེད་པའ་ཕྱིར་རོ། །རིགས་པ་དེ་ཉིད་ཀྱིས་དེ་ལས་ཀྱང་གཞན་དང་གཞན་དུ་འགྱུར་བ་ཡིན ་ནོ་ཞེ་ན། ཡིན་དུ་ཟད་མོད་སྐྱོན་ཅི་ཡོད་དེ། འབྲས་བུ་དུ་བས་འབྲས་བུ་མ་ཡིན་པའི་མེ་མི་འགྲུབ་པ་འམ། མཛའ་མེད་པ་ཡང་མ་ཡིན་ལ་འདི་ནི་སེམས་པ་ཅན་སྒྲུབ་པ་ལ་ཡང་མཚུངས་པ་ཡིན་ཏེ། དེ་ལ་ཡང་མཚན་ཉིད་མི་མཐུན་པའི་ཁྱད་པར་གྲུབ་པའི་ཕྱིར་ལས ་གྲུབ་པ་ཁོ་ན་ཡིན་ནོ། །མཐོང་བ་ཁོ་ནའི་བྱེ་བྲག་གི་ཡུལ་ངེས་པ་ཙམ་སྔ་ན་མེད་པའི་རྗེས་སུ་དཔག་པ་ལ་ཡིན་ལ། དེ་ལ་ནི་དེ་དང་ཡང་བྱེ་བྲག་གཞན་ཡང་ཡིན་པའི་ཕྱིར་ཐ་དད་པ་ཡིན་ནོ། །བསྐྱེད་པ་དང་མངོན་པར་གསལ་བ་བསྒྲུབ་བྱར་མཚུངས་པས་ཀྱང ་བཙལ་མ་ཐག་ཏུ་བྱུང་བ་ཉིད་རྗེས་སུ་འཇུག་པའི་ཕྱིར། འབྲས་བུ་ཉིད་ཀྱི་ངོ་བོའི་བསྒྲུབ་བྱ་འགྲུབ་པ་ཡིན་པར་འདོད་པ་ཡིན་ནོ། །མངོན་པར་གསལ་བ་དང་བསྐྱེད་པ་དག་ཐ་དད་པའི་བསྒྲུབ་བྱའི་འབྲེལ་བ་ཅན་གྱི་དབྱེ་བ་ཡིན་ན་ནི། གཏན་ཚིགས་ཀྱི་རྗེས་སུ ་མི་འགྲོ་བ་དང་འགལ་བ་དང་མ་ཚང་བའི་དབྱེ་བ་ཉེ་བར་བཀོད་པའི་སྐྱོན་རྣམས། རྐང་མིག་པའི། །སློབ་དཔོན་བདག་ཉིད་ཀྱི་འམ། །སྐལ་ལྡན་རྣམ་འགྲེལ་མཛད་པ་རྣམས་ཀྱི་ཡང་འབྲས་བུ་མཚུངས་པའི་སྐྱོན་ཡིན་པར་གོ་བར་བྱའོ། །བསྐྱེད་པ་དང་མངོན་པར་གསལ ་བའི་དབྱེ་བ་ལས་འབད་པའི་འབྲས་བུ་དུ་མ་ཡིན་པར་གང་བསྟན་པ་དེ་ལ། འབྲས་བུ་གཞན་ཉིད་ཡིན་ན་ནི་ཏེ་འབྲས་བུ་དུ་མ་ཉིད་ཡོད་པ་ཡིན་ན་གང་དུ་འབྲས་བུ་གཞན་ཉིད་མི་དམིགས་པ་ལ། རྒྱུ་འཐད་པ་ནི་བསྒྲིབ་པ་ཡིན་པར་འཐད་པའོ། །དེ་ལ་རྩོལ་བ་རྒྱུ་ཉིད་མ ་ཡིན་པ་ནི་འབྲས་བུ་ཉིད་ལ་མ་ངེས་པའི་ཕྱིར་རོ། །སྒྲ་ལ་ནི་བུམ་པ་ལ་རྩིག་པ་ལ་སོགས་པ་དབང་པོའི་གཟུང་བྱར་མཚུངས་པ་བཞིན་དུ། སྒྲིབ་བྱེད་མེད་པ་ཡིན་ལ་དེས་ན་གཏན་ཚིགས་ཁོ་ན་ཡིན་ནོ་ཞེས་བསྟན་པ་ནི། འབྲས་བུ་གཞན་ཉིད་ཡིན་ན་ཞེས་བྱ་བ་ལ ་སོགས་པའོ། །སྒྲིབ་གཡོག་མེད་དུ་ཟིན་ཀྱང་མངོན་པར་གསལ་བ་དང་མངོན་པར་གསལ་བ་མ་ཡིན་པའི་བདག་ཉིད་ཀྱིས་ཁྱད་པར་ཡོད་པ་ཁོ་ན་ཡིན་ནོ་སྙམ་དུ་སེམས་པ་ལ། བར་དུ་ཆོད་པ་ཡོད་བ་དང་མེད་པ་དག་ཁོ་ནས་མངོན་པར་གསལ་བ་མ་ཡིན་པའི་སྤྱི་དང་ཁྱད ་པར་དག་གི་དངོས་པོ་གཞན་དུ་བུམ་པ་ལ་སོགས་པ་ཡང་འཇི་བའི་གོང་བུ་ལ་སོགས་པ་ལས་མངོན་པར་གསལ་བ་ཁོ་ནར་ཐལ་བར་འགྱུར་རོ་ཞེས་བྱ་བའི་དོན་ཏོ། །རྩ་བ་དང་ཆུ་ལ་སོགས་པ་ཡང་བརྐོས་པ་ལ་སོགས་པས་མངོན་པར་གསལ་བ་ནི་སྔ་ན་ཡོད ་པ་ལ་ཚད་མ་འཇུག་པ་ཁོ་ནས་རྟོགས་པ་མ་ཡིན་ནམ། སྔར་མཐོང་བ་ངོ་ཤེས་པའི་ཚད་མ་དེ་ན་སྒྲ་ལ་ཡང་ཡོད་པ་ཡིན་གྱི། འཇི་བའི་གོང་བུ་ལ་བུམ་པ་ཡོད་པ་ནི་ཚད་མ་མེད་དོ། །དེས་ན་མངོན་པར་གསལ་བ་དེ་ཇི་ནུས?་ཀྱང་མ་ཡིན་ནོ། །སྒྲ་ལ་ཡོད་པ་མ་ཡིན་ཞེས ་བྱ་བར་ཚད་མ་གང་ལས་ཤེས་པ་ཡིན། བཟློག་པ་ལ་ནི་རྟོགས་པ་ཡིན་ནོ་ཞེས་བྱ་བའི་དོན་བསྟན་པ་ནི། སྒྲ་ལ་འང་ཞེས་བྱ་བ་སྨོས་ཏེ། རྟག་པ་ལ་འང་ཞེས་བྱ་བ་ནི་གཅིག་གི་རང་བཞིན་དུ་གནས་པའོ། །སྔར་མཐོང་བ་ངོ་ཤེས་པ་ནི་སྔ་ན་ཡོད་པར་གྲུབ་པ་ལ་ཚད་མ་མ ་ཡིན་ནམ། མ་དམིགས་པའི་དུས་ན་ནི་ཡོད་པ་མ་ཡིན་ཏེ། སྒྲིབ་པ་མེད་པའི་ཕྱིར་རོ། །བསྒྲིབས་པ་ནི་དབང་པོའི་གཟུང་བྱར་མཚུངས་པ་ཡིན་ལ། སྒྲ་ལས་གཞན་པ་ཉིད་ལ་རྣ་བའི་དབང་པོས་གཟུང་བར་བྱ་བ་མེད་དོ། །མངོན་པར་གསལ་བ་ནི་ཕུལ་དུ་བྱུང་བ་ལ་རག ་ལས་པ་མ་ཡིན་ཏེ། ཕུལ་དུ་བྱུང་བ་ནི་ཐ་དད་པ་དང་ཐ་མི་དད་པ་དག་ལ་ཕུལ་དུ་བྱུང་བ་མ་ཡིན་པ་དང། མི་རྟག་པ་ཉིད་ལ་སོགས་པའི་སྐྱོན་ཡོད་པའི་ཕྱིར་རོ་ཞེས་བྱ་བའི་རིགས་པས་མ་དམིགས་པའི་ཚེ་ན། མེད་པ་བྱས་པ་ཉིད་ལས་ཉེ་བར་དམིགས་པ་ཡིན་པར་གྲུབ ་པ་ཡིན་ཏེ། སྔར་མཐོང་བ་ངོ་ཤེས་པ་ནི་དེ་དང་འདྲ་བའི་རིགས་ལ་རྣམ་པར་གནས་པ་ཡིན་ཏེ། རང་གི་ངོ་བོས་འཁྲུལ་པ་ཉིད་ཡིན་ན་སྙམ་དུ་དགོངས་པ་ནི། སྒྲ་ལའང་ཞེས་བྱ་བ་སྟེ། སྐྱེས་པ་ནི་བྱུང་བའོ། །མ་དམིགས་པའི་རྒྱུ་བར་དུ་ཆོད་པ་ལ་སོགས་པ་རྣམས་སམ། ་ཕུལ་དུ་བྱུང་བ་ལ་རག་ལས་བ་ཡང་མི་སྲིད་པ་ནི་རྗེས་སུ་དཔག་པ་ཡིན་ནོ། །སྔར་མཐོང་བའི་ངོ་ཤེས་པ་ནི་མངོན་སུམ་ཡིན་ལ་མངོན་སུམ་དང་འགལ་བའི་རྗེས་སུ་དཔག་པ་ནི། ཚད་མར་མི་འགྱུར་བའི་ཕྱིར་མི་དམིགས་པའི་གནས་སྐབས་ན་ཡང་ཡོད་པར་གྲུབ་པས ་མི་དམིགས་པའི་རྒྱུ་ནི་ཇི་ལྟ་བུ་ཡང་བརྟག་པ་ཡིན་ནོ་ཞེ་ན། ལན་དུ་སྒྲ་ལ་འང་བར་ཆོད་ལ་སོགས་པ་ཞེས་བྱ་བ་སྨོས་ཏེ། ཁྱེད་ཀྱི་ལ་ཡང་མ་དམིགས་པའི་ཚེ་ན་ཡོད་པར་སྔར་མཐོང་བ་ངོ་ཤེས་པ་ཉིད་ཀྱིས་ཁས་བླངས་པ་ཡིན་པར་བསྟན་པ་ནི། བུམ་པ་ལ་སོགས ་བ་ལ་ཡང་ཞེས་བྱ་བ་སྨོས་ཏེ། བརྒྱུད་ནས་ཤེས་བྱ་བ་ནི་གཞན་ཡོད་པ་ཡིན་ལ། དེས་དམིགས་པ་ལ་བདག་གི་མཐོང་བ་ཁོ་ན་ཡིན་གྱི་གཞན་མ་ཡིན་ཞེས་བྱ་བ་ལ་སོགས་པའི་རྗེས་སུ་འབྲངས་པ་ཡིན་ནོ། །སྔར་མཐོང་བ་ངོ་ཤེས་པ་ལ་ནི་ཐམས་ཅད ་བདག་ཉིད་ཀྱི་རིག་བྱ་ཡིན་གྱི་བརྒྱུད་པས་ནི་མ་ཡིན་ནོ་ཞེས་ཟེར་བ་ནི། རང་ཉིད་ངོ་ཤེས་པ་ལས་དངོས་སུ་ནི་མ་ཡིན་ནོ་ཞེས་བྱ་བའོ། །གཞན་ཡང་དེའི་ཚེ་ཡོད་པ་ཤེས་པ་ཙམ་གྱིས་དམིགས་པར་བྱེད་པ་མ་ཡིན་ཏེ། འོ་ན་ཅི་ཞེ་ན། སྔར་མཐོང ་བ་ངོ་ཤེས་པ་ཁོ་ན་མིན་ནོ་ཞེས་པའི་བརྒྱུད་པས་ཉམས་ཐག་པ་དང། སྔར་མཐོང་བ་ངོ་ཤེས་པ་ཡང་ཡིན་ཞེས་བྱ་བ་དེ་ཉིད་ནི་འབད་པ་ཆེས་ཡིན་པར་བསྟན་པ་ནི། གཞན་གྱིས་ཀྱང་ནི་ངོ་ཤེས་ལས་ཞེས་བྱ་བ་སྟེ། གང་གི་ཕྱིར་འབྲས་བུ་མཚུངས་པའི ་སྐྱོན་ལ། རྐང་མིག་བའི་ལན་ནི་མི་རིགས་པ་དེའི་ཕྱིར། འདི་ལྟ་སྟེ་འབྲས་བུ་མཚུངས་པའི་སྐྱོན་ལ། ཐམས་ཅད་མི་རྟག་པར་སྨྲ་བས་ཁྱད་པར་ཅན་ཡིན་པས་སྤྱིས་ཀྱང་སྒྲུབ་པར་བྱེད་པ་ལ་སྟེ། གཉི་ག་ལྟར་ཡང་སྒྲུབ་པར་བྱེད་པ་སྟེ། འབྲས་བུ་མཚུངས་པའོ། །གཉི་ག་མ ་ཡིན་པ་ལྟར་ཡང་སྒྲུབ་པར་བྱེད་པ་སྟེ། འབྲས་བུ་མཚུངས་པའོ། །གཉི་ག་མ་ཡིན་པ་ལྟར་སྒྲུབ་པར་བྱེད་པ་ཡིན་ན་ནི་མ་ངེས་པ་ཉིད་ཡིན་ནོ་ཞེས་སྔར་བརྗོད་པ་ཉིད་ལན་ཡིན་ནོ། །འབྲས་བུ་ཉིད་ནི་བྱས་པ་ཉིད་དེ་བསྒྲུབ་བྱ་དང་ཅིག་ཤོས་ཀྱི་ཆོས་ཅན་དང། ཁྱད་པར་ཅན་ཉིད ་ཀྱིས་བཞིན་ཡིན་པ་ནི། དེའི་ཆ་ཡིན་གྱི་རང་གི་ངོ་བོ་ནི་མ་ཡིན་ཏེ། དེའི་བསྒྲུབ་བྱས་ཁྱབ་པའི་ཕྱིར་རོ། །རྣམ་གསུམ་ཞེས་བྱ་བ་ནི་བུམ་པ་ལ་ཡོད་པའི་བྱས་པ་ཉིད་ནི་སྒྲ་ལ་མ་གྲུབ་པར་སྣང་བ་དང། བུམ་པ་ལ་ཡོད་པའི་མི་རྟག་པ་ཉིད་ཀྱིས་ཁྱབ་པའི་ཕྱིར་སྒྲ་ལ་ཡོད ་པར་འགལ་པ་སྣང་བ་དང། སྒྲ་ལ་ཡོད་པ་བུམ་པ་ལས་ལོག་བ་ནི་རྟག་པ་ལས་ཀྱང་ལྡོག་པར་འགྱུར་བ་ཡིན་ནོ་སྙམ་དུ་དགོངས་པས། ཐུན་མོང་མ་ཡིན་པའི་ཕྱིར་མ་ངེས་པར་སྣང་བ་ཡིན་ནོ། །ཆོས་ཅན་ཐ་དད་པའི་རྟོག་པས་ཆོས་ཐ་དད་པར་རྟོག་པ་ནི་རྣམ་པར་རྟོག ་པར་མཚུངས་པ་ཅི་ལས་མི་འགྱུར་སྙམ་དུ་སེམས་པ་ལ། རྣམ་པར་རྟོག་པ་མཚུངས་པ་ནི་ཞེས་བྱ་བ་སྨོས་སོ། །བུམ་པ་དང་ས་གཞི་ལ་སོགས་པའི་ཆོས་ཅན་ཐ་དད་པས་དབྱིབས་ལ་སོགས་པའི་དབྱེ་བར་རྟོག་པས་སློབ་དཔོན་གྱི་མཚན་ཉིད་དང་ལྡན་པའི ་ཕྱིར་འབྲས་བུ་མཚུངས་པ་ལ་སུན་འདོན་པ་མ་ཡིན་ནམ་སྙམ་དུ་སེམས་པ་ནི། གལ་ཏེ་འདིར་ཡང་དབྱིབས་ཉིད་ཅེས་བྱ་བའོ། །ལན་ནི། དབྱིབས་ལ་སོགས་པ་དག་གི་སྤྱི་ཞེས་བྱ་བ་སྟེ། གལ་ཏེ་དབྱིབས་ཀྱི་སྤྱི་ལ་སེམས་བ་ཅན་གྱིས་ཁྱབ་པར་གྲུབ་པ་ཡིན་པ་དེ ་ལྟ་ན། ཆོས་ཅན་ཐ་དད་པ་ལས། ཐ་དད་པར་རྟོག་པ་ནི་འབྲས་བུ་མཚུངས་པར་འགྱུར་རོ། །ཇི་སྙེད་བའི་བུམ་པ་དང་ཁྱིམ་ལ་སོགས་པ་རྣམས་ཀྱི་དབྱིབས་ནི་སེམས་པ་ཅན་སྔོན་དུ་འགྲོ་བར་དམིགས་པ་ཡིན་ནོ། །བྱེད་པ་མ་མཐོང་བ་ཡིན་ཡང་དེ་ཉིད་ཡིན་པར་སྔར ་མ་མཐོང་བ་ངོ་ཤེས་པ་ལས་སེམས་པ་ཅན་སྒྲུབ་པར་བྱེད་པའི་ཕྱིར་སྤྱིར་འགྱུར་བ་ཡིན་ནོ། །ས་གཞི་ལ་སོགས་པའི་དབྱིབས་ནི་དེ་བཞིན་དུ་སྤྱིར་འགྱུར་བ་མ་ཡིན་ནོ་ཞེས་བྱ་བའི་དོན་ཏོ། །དེ་བཞིན་དུ་མ་མཐོང་བ་ཡང་རེས་འགའ་བ་ཡིན་པའི་ཕྱིར། འབྲས་བུའི ་ནི་རྒྱུ་རྟོགས་བྱེད་ཡིན་ན། སེམས་པ་ཅན་གྱི་རྟོགས་བྱེད་མ་ཡིན་ནམ། གང་གི་ཕྱིར་འབྲས་བུ་ནི་བྱེད་པ་པོ་དང་བྱེད་པ་དང་ལས་རྣམས་སྔོན་དུ་འགྲོ་བ་ཅན་དུ་མཐོང་བ་ཡིན་ཏེ། དཔེར་ན་བུམ་པ་ལ་སོགས་པ་སྔོན་དུ་འགྲོ་བ་ཅན་དུ་མཐོང་བ་ཡིན་ལ་གཟུགས་ཉེ་བར ་དམིགས་པ་ཡང་བྱ་བ་ཁོ་ན་ཡིན་པའི་ཕྱིར། མིག་གི་དབང་པོའི་རྟོག་པ་ཡིན་དུ་སེམས་པ་ལ། དེ་ནི་ཤིང་སོགས་གཞན་ལ་ཡང་ཞེས་བྱ་བ་སྨོས་ཏེ། མཐོང་པ་ཙམ་གྱིས་རྒྱུ་ཡོད་ན་འབྱུང་བའི་ཕྱིར། བྱེད་པ་པོ་གཞན་དོན་མེད་དོ་ཞེས་བྱ་བའི་དོན་ཏོ། །ཤིང་སོགས ་ཤེས་བྱ་བ་ནི་དཔེ་ཡིན་ནོ། །ཁྱིམ་དང་བུམ་པ་ལ་སོགས་པའི་དབྱིབས་ཀྱི་སྤྱི། སེམས་པ་ཅན་གྱི་ཁྱབ་པའི་དབྱིབས་ཁོ་ན་ཡིན་ནོ་ཞེས་འཛིན་པ་ན་ས་གཞི་ལ་སོགས་པའི་རྗེས་སུ་འཇུག་པ་ཁོ་ན་འཛིན་པ་མ་ཡིན་ནམ། གང་གི་ཕྱིར་དེ་ལྟ་བུའི་ཤེས་པ་ལ་དེ་ལ་ཡོད ་པའམ་ཅིག་ཤོས་ཞེས་བྱ་བའི་དབྱེ་བ་མེད་དོ་སྙམ་དུ་སེམས་པ་ལ། འབྲེལ་བ་ཅན་གྱི་ཁྱད་པར་ནི་ཞེས་བྱ་བ་སྨོས་ཏེ། གང་གི་ཕྱིར་ཁྱད་པར་མཐོང་བ་ལས་འབྱུང་བ་ཡིན་ན། དེ་བཞིན་དུ་ཤེས་པ་ནི་ཐམས་ཅད་ཐུན་མོང་པའི་ཡུལ་དུ་མི་འགྱུར་རོ། །དུ་བ་མཐོང་བ་ལས ་འབྲས་བུ་ཉིད་དུ་ཤེས་པ་ནི། འབྲས་བུ་ཙམ་གྱི་ཡུལ་ཅན་མ་ཡིན་ནོ་ཞེས་བྱ་བའི་དོན་ཏོ། །འབྲེལ་པ་ཅན་མ་ཡིན་པ་ཉིད་ཙམ་ལ། དཔེ་ནི་མི་རྟག་ཅེས་བྱ་བ་ལ་སོགས་པའོ། །བྱ་རོག་གི་ནག་པོ་ཉིད་དང་ཆུ་སྐྱུར་གྱི་དཀར་པོ་ཉིད་ཅེས་བྱ་བ། ་བྱ་ཀ་ར་ཎའི་བཤད་པ་བྱེད་པའི་ཚིག་ཡིན་པའི་ཕྱིར་བསྡུ་བ་མེད་དོ། །དེ་ལ་ཡོད་པའི་ཡོན་ཏན་རྣམས་ཀྱིས་དྲུག་པའི་བསྡུ་བ་ཡིན་གྱི། དེའི་བྱེ་བྲག་རྣམས་ཀྱི་མ་ཡིན་ནོ། ཞེས་བྱ་བ་ནི་རྣམ་པར་འབྲེལ་པའི་ཚིགས་ལས། ད་ལྟར་ཉེ་བ་བཞིན་དཱུམ། འབད་དང་གུས་པའི་བསྡུ ་བ་ལྟ་བུའི་བསྡུ་བ་ཁོ་ནར་འགྱུར་རོ། །འདིའི་བློ་སྔོན་དུ་འགྲོ་བ་ཡང་ཡིན་ལ་བྱེད་པ་ཡང་ཡིན་པའི་བྱེད་པ་ནི་བྱས་པ་ཉིད། དེའི་རྗེས་སུ་འགྲོ་བ་ནི་གཞན་དུ་མཐོང་པ་ལ་གཞན་དུ་བྱེད་པ་མ་མཐོང་ཡང་རྗེས་སུ་འཇུག་བཞིན་པ་ཉིད་ཡིན་ནོ། །གལ་ཏེ་ཡང་བྱས ་པ་ཉིད་ཀྱིས་རྗེས་སུ་འཇུག་པ་མ་ཡིན་ཡང་དབྱིབས་ཡིན་ནོ་ཞེས་བྱ་བར་རྗེས་སུ་འཇུག་པ་ཁོ་ན་ཡིན་ནོ། །གང་གི་ངོ་བོ་སྙ?་རྗེས་སུ་འཇུག་པ་མ་ཡིན་པ། དེ་ཉིད་ཀྱི་ངོ་བོ་ནི་མེད་དོ། །དེས་ན་སྒྲུབ་བྱེད་མ་ཡིན་ནོ་ཞེས་དོན་ལ་ཐེ་ཚོམ་ཟ་བ་ནི། གལ་ཏེ་བློ་སྔོན་དུ ་བྱེད་པའི་ཞེས་བྱ་བའོ། །ལན་ནི། རྟོག་པ་ཙམ་གྱིས་སྦྱར་པའི་ཆོས། །དོན་དང་འབྲལ་བ་དང་བྲལ་ལས་།ཞེས་བྱ་བའི་ཚིག་རྐང་གཉིས་ཀྱིས་གོ་རིམས་བཞིན་དུ། འཇལ་བྱེད་གཞལ་བྱ་མ་གྲུབ་པར་བསྟན་པ་ཡིན་ལ། དེ་ལས་དོན་འབྱུང་བ་སྟེ། ་ཡོད་པ་ཡིན་ན་དབྱིབས་ཞེས་བྱ་བ་གཅིག་ཉིད་ལ་ཐ་དད་པ་མཐོང་བས་མངོན་སུམ་གྱིས་གནོད་པ་ཡིན་ནོ་ཞེས་བྱ་བའི་དོན་ཏོ། །འདིར་ཡང་རིག་གཞན་ཞེས་བྱ་བའི་བསྡུས་པའི་དེ་ཡིན་ཏེ། རིགས་གཞན་ལ་ནི་ཞེས་བྱ་བ་ནི། བུམ་པ་ལ་སོགས་དབྱིབས་ ་ལ་ཏེ་ཁྱབ་བྱ?་ལ། ཁྱབ་བྱེད་ཉིད་དུ་སེམས་པ་ཅན་གྲུབ་པ་ཡིན་ནོ། །ཡང་ན། རིགས་གཞན་ལ་རབ་གྲུབ་པ། ཞེས་བྱ་བ་སྟེ། བུམ་པ་ལ་སོགས་པའི་དབྱིབས་ཀྱི་རིགས་ལ་རབ་ཏུ་མ་གྲུབ་པ་ནི་དབང་ཕྱུག་ཡིན་ཏེ། འདུས་པ་མ་ཡིན་པ་འདི་ལ་ཡང་གོ་རིམས ་བཞིན་དུ་དཔེ་ནི་གོའི་སྒྲ་ཡིན་པའི་ཕྱིར་ཞེས་དང་པོའི་དོན་དུ་བསལ་བ་ཡིན་ལ། གཉིས་པ་ལ་ནི་རྭ་ལྟ་བུའོ། །འདིར་ཚིག་ལ་སོགས་ཞེས་པའི་སོགས་པའི་སྒྲས་གསལ་བར་བྱེད་པར་འགྱུར་བས་རྭ་དང་མཚན་ཉིད་མི་མཐུན་པ་ཅུང་ཟད་བསྟན་པ་ཡིན་པར་བལྟ་བར་བྱའོ།། ་གྲངས་ཅན་གྱི་ཡང་གསལ་བ་དང་གསལ་བ་མ་ཡིན་པ་ཉིད་ཀྱིས་ཞིག་པ་དང། ཅིག་ཤོས་ཀྱི་ཐ་སྙད་ཀྱི་ཡུལ་ནི་དངོས་སུ་བར་གནས་པ་ཁོ་ན་མ་ཡིན་ནམ། ཇི་སྐད་དུ། གསལ་བ་རྣམས་ཀྱི་ནང་ནས་ནི། མི་གསལ་སོགས་བར་བྱུང་བ་རྣམས། །ཞེས་སྨོས་པ་ཡིན ་ན་སྙམ་དུ་སེམས་པ་ལ། མི་རྟག་པ་ཉིད་གྲངས་ཅན་ལ་ཞེས་བྱ་བའོ། །མི་གསལ་བ་སྟེ་མ་དམིགས་པ་ཙམ་ལ་སོགས་པ་གང་གི་ཡིན་པ་དེ་རྣམས་ནི་དེ་ལྟར་ཡིན་ནོ་བསྒྲུབས་པས། དེའི་སྟེ་གྲངས་ཅན་གྱི་མི་གསལ་བ་སྟེ། བྱེ་བྲག་མེད་བས་མ་དམིགས་པ་ཡིན་གྱི། རྗེས་སུ ་འགྲོ་བ་ཞིག་བ་ན་མ་ཡིན་ཏེ། རྗེས་སུ་འགྲོ་བ་མེད་བ་ཞིག་མ་ཡིན་པ་ནི་མ་ལུས་པར་ཞིག་པ་མ་ཡིན་ཏེ། སྣང་བ་མི་དམིགས་པ་མ་ཡིན་ཞེས་པའི་དོན་ཏོ། །མངོན་པའི་མི་གསལ་བ་སྣང་བ་དང་ཅིག་ཤོས་ཀྱི་མི་དམིགས་པའི་སྤྱི་མཐོང་བ་ཙམ་ནི་མི་རྟག་པའི་ཐ་སྙད་ཀྱི ་ཡུལ་མ་ཡིན་ཏོ། དེ་ཡང་མ་ཡིན་པའི་ཐ་སྙད་དུ་རུང་པ་ལ་ཡང་ཡོད་པའི་ཕྱིར་རོ་ཞེས་བསྟན་པ་ནི། རི་བོང་གི་རྭ་ལ་སོགས་པ་དང་ཞེས་བྱ་བ་སྟེ། དབང་པོ་ལ་སོགས་པའི་སྐྱེད་བྱད?་མཐོང་བ་ནི་སྣང་བ་ཉིད་ཡིན་ལ། དེ་ཡང་དངོས་པོའི་གནས་སྐབས་སུ་གྱུར་པ་དང་ཐ ་མི་དད་པ་ཡང་ཡིན་ནོ་ཞེས་བྱ་བ་ནི་ཁ་ཅིག་གིའོ། །ཐ་དད་པ་དང་ཤེས་པའི་མིང་ཅན་ཡིན་ནོ་ཞེས་བྱ་བ་ནི་གཞན་གྱིའོ། །དེས་ན་འདོད་པ་དེ་གཉིས་རྣམ་པའི་དཔྱད་པར་དོན་དུ་སྣང་བ་ཞེས་བྱ་བ་འདི་ཅི་ཞིག་ཅིས་?་པའོ། །དངོས་པོའི་བདག་ཉིད་དུ་མཐོང་བ་ལོག་ན། དེའི ་གནས་སྐབས་ཀྱི་དངོས་པོ་ཉིད་ལྡོག་པར་བསྟན་པ་ནི། གལ་ཏེ་དོན་གྱི་རང་གི་ངོ་བོ་ཞེས་བྱ་བ་སྟེ། སྣང་བའི་དངོས་པོ་ཡོད་ཀྱང་མི་སྣང་བ་ཉིད་ནི་མི་སྲིད་དོ་ཞེས་བྱ་བའི་དོན་ཏོ། །ཐ་དད་པ་མཐོང་བའི་ཕྱོགས་ལ་ཡང་དེ་ཉིད་ཞིག་པ་དང་རྗེས་སུ་འགྲོ་བ་ཡིན་པར་བསྟན་པ ་ནི། འོན་ཏེ་སྣང་བའི་བདག་ཉིད་ཅེས་བྱ་བའོ། །མཐོང་བ་ལོག་པ་ནི་མངོན་སུམ་གྱིས་གྲུབ་པ་མ་ཡིན་ནམ། སྣང་བ་ལྡོག་པ་ཡང་ཁོངས་སུ་འདུས་པ་མེད་དོ། ཞེས་བྱ་བའི་ཐ་སྙད་དུ་བྱེད་པ་ཡིན་ནོ་སྙམ་དུ་སེམས་པ་ལ། །གཞན་མེད་ན་ཞེས་བྱ་བ ་སྨོས་ཏེ། རེ་ཞིག་མཐོང་བ་ནི་སྣང་བའི་ཁྱབ་བྱད་མ་ཡིན་ཏེ། ཐ་དད་པའི་ཕྱིར་རོ། །རྒྱུ་ཡང་མ་ཡིན་ཏེ། འབྲས་བུ་ཡིན་པའི་ཕྱིར་རོ། །འབྲས་བུ་ཡིན་པ་གོས་པ་མེད་པ་ཡིན་ན་འབྲེལ་པ་ཅུང་ཟད་ཀྱང་མེད་པ་ཡིན་ཏེ། །དེ་ཉིད་འཇུག་པ་དང་ལྡོག་པ་ཡང་ཡིན་གྱི་དངོས་པོ ་ནི་མ་ཡིན་པས། དངོས་པོ་མི་རྟག་པ་ཉིད་མ་ཡིན་ཏེ། འབྲེལ་པ་མེད་པའི་ཕྱིར་རོ་ཞེས་བྱ་བའི་དོན་ཏོ། །དངོས་པོའི་འབྲས་བུ་ཇི་ལྟ་བ་མཐོང་བ་མེད་ན་མི་འབྱུང་བའི་ཕྱིར་ལ། དེ་བཞིན་དུ་དངོས་པོའི་རྒྱུ་ཡང་ཡིན་ཏེ། དེ་མེད་པ་ཡང་དེའི་སྣང་བའི་དངོས་པོ་མེད ་པའི་ཕྱིར་རོ་སྙམ་དུ་སེམས་པ་ལ། དེ་ཡང་ཐམས་ཅད་ཀྱི་ཚེ་ཞེས་བྱ་བ་སྨོས་ཏེ། དེ་དང་འདྲ་བ་མ་ཡིན་པ་ནི་རིག་པར་བྱ་བ་མ་ཡིན་པའི་ཕྱིར། དངོས་པོའི་དེ་བཞིན་བ་ཉིད་ཁོ་ན་རིག་པ་མ་ཡིན་ཞེས་བྱ་བའི་དོན་ཏོ། །འཆི་བའི་སྒྲ་འཇུག་པ་ཙམ་ཉིད་ཅེས་བྱ་བ་ནི་སངས ་རྒྱས་པ་ལ་ལྟོས་ནས་ཡིན་ནོ། །ཅི་ལས་ཤེས་ཤེ་ན། རྣམ་ཤེས་ལ་སོགས་འགགས་པ་ནི་ཞེས་བྱ་བ་སྨོས་སོ། །ཤིང་རྣམས་ལ་ནི་ཡོད་པ་མ་ཡིན་ནམ། དེའི་ཕྱིར་དེ་མེད་ན་ཅིས་མི་འགྱུར་སྙམ་དུ་སེམས་པ་ལ་རྣམ་པར་ཤེས་པ་འགགས་པ་ནི་ཞེས་བྱ་བ་སྟེ། རྣམ ་པར་ཤེས་པ་མེད་པ་ཙམ་ནི་འཆི་བ་མ་ཡིན་ཏེ། དེ་ལྟ་མོད་ཀྱི་ཞིག་པ་ནི་ཡིན་ཏེ། དེ་ཡང་ཡོད་པ་སྔོན་དུ་འགྲོ་བ་ཅན་གྱི་ཡིན་གྱི་ཤིང་རྣམས་ལ་ནི་ཡོད་པ་ཉིད་དོ་ཞེས་བྱ་བའི་དོན་ཏོ། །རྣམ་ཤེས་མེད་ན་དེ་ཞིག་པའི་འཆི་བ་མེད་དུ་ཆུག་གི་ཤིང་རྣམས་ལ་ཤེས་པ་མེད ་པའི་བདག་ཉིད་ཀྱི་ཚེ་ནི་ཡོད་པ་ཡིན་ལ། དེ་ཞིག་པའི་འཆི་བ་ནི་འདི་ལ་ཡང་ཡོད་དོ་སྙམ་དུ་སེམས་པ་ལ། ཚེ་ཡང་དེ་བཞིན་ཏེ་ཞེས་བྱ་བ་སྨོས་ཏེ། འགག་པ་ཡིན་ནོ་ཞེས་བྱ་བར་སྦྱར་རོ། །རྣམ་པར་ཤེས་པ་དང་ཚེ་འདི་གཉིས་ནི་མི་འབྲལ་བ་ཡིན་ཏེ། ་གཅིག་མེད་ན་ཅིག་ཤོས་ཀྱང་མེད་པ་ཡིན་ནོ་ཞེས་བྱ་བའི་དོན་ཏོ། །མི་འབྲལ་བ་ཉིད་བསྟན་པ་ནི། ཚེ་ནི་སྲོག་ཡིན་དྲོད་དང་མི་ཞེས་བྱ་བའོ། །མཚན་ཉིད་ཀྱི་རྣམ་གྲངས་སྲོག་ཉིད་ཡང་འགྲེལ་བ་ནི། དྲང་ནི་རྣམ་ཤེས་རྟན་ཞེས་བྱ་བའོ། །འདིའི་ཕྱིར་ཕྱོགས་གཅིག་ཉིད་ཀྱིས་འཆི་བ་ཡང ་ཤིང་རྣམས་ལ་ཡོད་པ་མ་ཡིན་པར་བསྟན་པ་ནི། འཆི་བ་པས་ལེན་ན་ཞེས་བྱ་བའོ། །དེ་ལྟ་ཡིན་ན་ཤིང་རྣམས་ལ་སངས་རྒྱས་པ་རྣམས་འཇིག་རྟེན་པ་བཞིན་དུ་འཆི་བའི་ཐ་སྙད་ཇི་ལྟར་བྱེད་པ་ཡིན་སྙམ་དུ་སེམས་པ་ལ། དེས་ན་འདི་ཤིང་དག་ལ་ཞེས་བྱ་བ་སྨོས་ཏེ། འདི་ཞེས ་བྱ་བ་ནི་སངས་རྒྱས་པའོ། །གལ་ཏེ་འཆི་བའི་སྒྲའི་རྒྱུ་མཚན་བསྐམས་པ་ཡིན་ན་འདམ་ལ་སོགས་པ་ཅིས་མ་ཡིན། དེས་ན་སྒྲ་ངེས་པ་ཅན་ཡིན་པའི་ཕྱིར་བསྐམས་པ་ལས་གཞན་པ། དངོས་པོར་གྱུར་པའི་འཆི་བ་ཡིན་ནོ་སྙམ་དུ་སེམས་པ་ནི། འཆི་བའི་སྒྲ་འཇུག ་པའི་ཕྱིར་ཞེས་བྱ་བའོ། །བསྐམས་པ་བརྗོད་པར་བྱེད་པ་ཡང་ཡིན་པའི་སྒྲ་ནི་རྒན་པོ་རྣམས་ཀྱི་ཤིང་ལ་སོགས་པ་ལ་ངེས་པ་ཡིན་པས། འདམ་ལས་སྐྱེས་པ་བཞིན་དུ་ཡུལ་ངེས་པ་ཅན་ཡིན་ཞེས་ལན་དུ་བསྟན་པ་ནི། འདི་ལ། བརྗོད་པར་འདོད་པའི་གཞན་དབང་ཕྱིར་ཞེས ་བྱ་བསྟན་ཟིན་ཏོ། །ཅི་བརྗོད་པར་འདོད་པའི་སེམས་པ་ལས་སམ། འོན་ཏེ་དོན་གྱི། ངེས་པ་ལས་ཡིན་ཞེས་ཐེ་ཚོམ་ཟ་བ་ཡིན་ནོ་སྙམ་སུ་སེམས་པ་ནི། འོན་ཏེ་དོན་མཐོང་བས་ཞེས་བྱ་བའོ། །སྐམས་པ་མ་གཏོགས་པ་གང་གིས་ཤིང་རྣམས་འཆི་བའི་སྒྲའི་བརྗོད་བྱར་མ་གྲུབ ་པ་ཡིན་ན། ཇི་ལྟར་ཐེ་ཚོམ་ཟ་བ་ཡིན། གཉི་གའི་ཁྱད་པར་དྲན་པའི་ངོ་བོ་ཡིན་པའི་ཕྱིར་རོ་ཞེས་བྱ་བ་འདིའི་ལན་དུ་།འཆི་བ་གྲུབ་ན་ཞེས་བྱ་བ་སྨོས་ཏེ། མངོན་སུམ་ལ་སོགས་གྲུབ་པ་མེད་ན། བརྡ་འཛིན་པ་མེད་པའི་ཕྱིར། སྒྲ་ནི་དོན་གྱི་འབྲོག་བྱེད་མ་ཡིན་ནོ་ཞེས་བྱ ་པའི་དོན་ཏོ། །དབང་པོ་ལ་སོགས་པའི་སྒྲ་བཞིན་དུ་དབང་པོ་ལས་འདས་པའི་ཡུལ་ཅན་ནི། རྟག་ཏུ་སྒྲའི་དཔག་བྱ་མ་ཡིན་ནམ་སྙམ་དུ་སེམས་པ་ནི། འོན་ཏེ་སྒྲ་དང་དོན་གྱི་འབྲེལ་པ་ཞེས་བྱ་བ་སྟེ། སྐྱ་བོ་མ་ཡིན་པ་ལས་ལོག་པས་མེ་སྒྲུབ་པ་བཞིན་དུ་དབྱིབས་མ ་ཡིན་པ་ལས་ལོག་པའི་དངོས་པོ་ཉིད་ནི་སེམས་པ་ཅན་གྱི་སྒྲུབ་བྱེད་མ་ཡིན་ཏེ། དེ་ཙམ་ལ་དེས་མ་ཁྱབ་པའི་ཕྱིར་རོ་ཞེས། ཐ་དད་དངོས་ལ་རབ་གྲུབ་པ། ཞེས་བྱ་བས་བསྟན་ཟིན་ཏོ། །རིགས་གཞན་ལ་ནི་རབ་གྲུབ་པ་ཞེས་བྱ་བ ་འདིས་ནི་དངོས་པོ་སྟོང་པའི་སྒྲ་གཅིག་པུ་མཐོང་བ་ལས་ནི་བསྒྲུབ་བྱ་འགྲུབ་བ་མ་ཡིན་པའི་ཕྱིར། ཟློས་པ་མ་ཡིན་པར་ནི་དོན་གཅིག་ན་ཡང་སྐྱ་བོ་ལས། ཞེས་བྱ་བས་བསྟན་ཟིན་ཏོ། །ཇི་ལྟར་སྐྱ་བོ་ཉིད་དེ་མི་བྱེད་པ་རྣམ་པར་གཅོད་པའི་བདག་ཉིད་ཀྱིས ་དངོས་པོ་ཡིན་ལ། དེ་བཞིན་དུ་དབྱིབས་སམ་བསྐྱེད་པ་ཡང་མ་ཡིན་ནམ། དེའི་ཕྱིར་ཇི་ལྟར་སྒྲ་ཙམ་མཚུངས་པ་ཡིན། དོན་ལ་འཁྲུལ་པ་ཅན་ཡིན་པར་བྱས་པས་སྒྲ་ལ་ཡང་མ་ཡིན་ནམ། གང་གིས་དེ་ལྟར་ལོག་པར་རྟོགས་པར་བྱེད་ཇི་ལྟར་སྒྲ་མ་ངེས་པ ་ཡིན་པ་དེ་བཞིན་དུ། དངོས་པོ་ཡང་དེས་བརྗོད་པ་མ་ཡིན་པར་བསྟན་པ་ཡིན་ནོ་ཞེ་ན། སྐྱ་བོ་ཉིད་ལ་སོགས་པ་ཉིད་ཀྱིས་བསྟན་པ་ཁོ་ན་ཡིན་ནོ། །ལྡོག་བས་ཐ་དད་པ་རྗོད་པར་བྱེད་པའི་མ་ཡིན་པའི་སྒྲ་བསྡུས་པ་རྗོད་པར་བྱེད་པའི་སྒྲུབ་བྱེད་དུ་ཁས་ལེན་པ ་ཡིན་ན། སྐྱོན་འདི་བརྗོད་པ་ཡིན་ནོ་ཞེ་ན། མ་ཡིན་ཏེ། དངོས་པོ་ཡོད་པའི་ཕྱིར་རོ། །གང་གི་ཕྱིར་བསྐྱེད་པ་ནི་སྒྲ་ཙམ་མ་ཡིན་ལ། བརྟགས་པའི་སྐྱོན་རྣམས་ནི་འདི་དག་ཙམ་མམ་ཞེ་འམ། ཡང་དག་པ་མ་ཡིན་ནོ། །དེ་ལྟ་ཡིན་ན་དེའི་སྒྲ་གཅིག་ཡོད་པས་དོན ་གཅིག་ཡོད་པར་རློམ་སེམས་པས་ཉེ་བར་དགོད་པ་བྱེད་པ་ཡིན་ཏེ། སྐྱ་བོ་མ་ཡིན་པ་ལས་ལྡོག་པ་བཞིན་དུ། དབྱིབས་མ་ཡིན་པ་ལས་ལྡོག་པ་ནི་མ་ངེས་པ་ཡིན་ལ། དེའི་བྱེ་བྲག་ཉིད་ལ་སེམས་པ་ཅན་གྱིས་ཁྱབ་པའི་ཕྱིར་རོ་ཞེས་བསྟན་པ་ལ། དེའི་སྒྲ ་གཅིག་ཉིད་ཀྱིས་ཡང་དེའི་བྱེ་བྲག་མེད་པར་རྟོགས་པ་དེ་ལ་དེ་སྐད་བསྟན་པ་ཡིན་ཏེ། སྒྲ་གཅིག་ཉིད་ཡིན་ཡང་དོན་གཅིག་ཉིད་མ་ཡིན་ཏེ། གོའི་སྒྲ་གཅིག་ཉིད་ལ་ཡང་དེའི་བརྗོད་བྱ་ལྐོག་ཤལ་ལ་སོགས་པ་དང་ལྡན་པ་དང། ཚིགས་ལ་སོགས་པ་རྣམས ་ཐ་དད་པའི་ཕྱིར་རོ། །དེ་བཞིན་དུ་བསྐྱེད་པ་ལ་སོགས་པ་ནི་དངོས་པོའི་དབྱེ་བ་མ་ཡིན་ནོ་ཞེ་ན། མ་ཡིན་ཏེ། དེ་ལ་ཡང་རྫ་མཁན་ཁོ་ན་ལས་བུམ་པ་ལ་སོགས་པའི་བསྐྱེད་པ་དང། ས་གཞི་ལ་སོགས་པའི་བསྐྱེད་པ་ཡང་རང་གིས་ངོ་བོ་ཕན་ཚུན་མཚན་ཉིད་མི་མཐུན་པ་ཉིད་ཀྱིས ་སྒྲ་ཙམ་ཉིད་ཐ་མི་དད་པ་ཡིན་ནོ། །དེ་བཞིན་དུ་བུམ་པ་དང་སྣམ་བུ་ལ་སོགས་པ་རྣམས་ཀྱི་བསྐྱེད་བྱའི་དངོས་པོ་གཅིག་རྗེས་སུ་འཇུག་པ་ནི་ས་གཞི་ལ་སོགས་པ་རྣམས་ལས་ལྡོག་པ་ཡིན་པ་ལ། དེ་བཞིན་ས་གཞི་ལ་སོགས་པ་རྣམས་ཀྱང་ཡིན་པའི་ཕྱིར། དེས་ཀྱང ་རིགས་མི་མཐུན་པའི་དངོས་པོ་ཉིད་ཡིན་ལ། འདིས་ནི་སྐྱ་བོ་ཉིད་ཀྱང་ངེས་པ་ཡིན་ནོ། །འགྲེལ་པ་ཡང་དེ་ལྟ་བུ་ཉིད་དུ་བཤད་པར་བྱའོ། །རང་གི་ངོ་བོ་ཐ་དད་པ་ནི་རང་རིག་པར་བྱ་བ་ཡིན་པའི་ཕྱིར། དེའི་རང་གི་ངོ་བོའི་དབྱེ་བའི་སྒོ་ནས་སྔར་ལན་བལྟན་པ་ནི་མ་ཡིན་ནོ།། ་བདེན་ཏེ། སྒྲ་ལ་དབྱེ་བ་མེད་པས་དེའི་དབྱེ་བ་ནི་ཤིང་བཞིན་དུ་མི་སྲིད་པས་འདི་བསྟན་པའི་ཕྱིར་སྐྱོན་མེད་དོ། །འདིས་ནི་འདུས་པ་དང། འདུས་པ་མ་ཡིན་པ་དག་དང་ལས་དང་རྫ་མཁན་ལ་སོགས་པ་རྣམས་དང། དབང་ཕྱུག་ལ་སོགས་པ་རྣམས་ཀྱི་གཞན་སེམས ་པ་ཅན་ལ་སོགས་པའི་སྒྲ་གཅིག་ཉིད་ཡིན་ཡང། དངོས་སུ་ནི་རིགས་མི་མཐུན་པ་ཉིད་ཡིན་པར་བསྟན་པར་རིག་པར་བྱའོ། །འདུས་པ་ཡིན་པའི་ཕྱིར་དང་རྫ་མཁན་ལ་སོགས་པའི་བསྐྱེད་བྱའི་ངོ་བོའི་བྱེ་བྲག་ལས་ཀྱང་རིགས་གཞན་གང་ཡིན་པ་སྟེ། སྒྲུབ་བྱེད ་གཞན་ལ་དེ་ཁྱབ་པར་བྱེད་པ་ཉིད་དུ་གྲུབ་པའི་འདུས་པ་ཅན་ཡིན་པ་དབང་ཕྱུག་ལ་སོགས་པ་ནི། དེའི་རིགས་སུ་མ་གྲུབ་པ་ཡིན་ནོ་ཞེས་བྱ་བའི་དོན་ཏོ། །དེའི་རིགས་སུ་གྲུབ་པའི་སྒྲ་ཙམ་གྱི་སྤྱི་ལས་སྒྲུབ་བྱེད་སྒྲུབ་བྱར་མི་རིགས་སོ། །ལྐོག་ཤལ་ལ་སོགས་པ་དང ་ལྡན་པ་ཉིད་དུ་གྲུབ་པའི་རྭ་ལ་སོགས་པ་འདུས་པའི་ངོ་བོ་ཉིད་ལ། གོའི་སྒྲ་སྤྱི་ལས་ཚིག་ལ་སོགས་པ་རྣམས་ཀྱི། སོགས་པའི་སྒྲ་ནི་གསལ་བར་བྱེད་པ་ཡིན་པའི་ཕྱིར། རྭ་ལ་སོགས་པ་ལ་ཡང་སྦྱང་པར་བྱའོ། །དེས་ན་རྭ་ལ་སོགས་པ་རྣམས་ཀྱི་བཞིན ་ཚིག་ལ་སོགས་པ་རྣམས་ཀྱང་གོའི་སྒྲ་ལས་ཡིན་ནོ་ཞེས་བྱ་བའི་དོན་ཏོ། །དེ་བཞིན་དུ་སྒྲུབ་བྱེད་དམ་བསྒྲུབ་བྱའི་ངོ་བོ་མཚན་ཉིད་མི་མཐུན་པར་མངོན་སུམ་གྱིས་ངེས་པ་ཡིན་པས་ཚིག་གཅིག་སྦྱར་བས་གཅིག་པར་འགྱུར་པ་མ་ཡིན་ཏེ། ་དེ་དང་འགལ་བའི་ཕྱིར་རོ་ཞེས་བསྟན་པ་ཡིན་ནོ། །སྒྲ་དེ་དང་འགལ་བར་ཅིས་མི་འགྱུར། དེ་ཡང་གསལ་བར་བྱེད་པ་ཉིད་ཡིན་པར་ཁྱད་པར་མེད་པའི་ཕྱིར་རོ་ཞེ་ན། འདོད་པའི་དབང་གིས་མངོན་པར་གསལ་བ་ཉིད་ཀྱིས་དོན་ལ་གཞན་དབང་ཉིད་མེད་པའི་ཕྱིར། ཉེ ་བར་གནས་པར་བྱེད་པ་མ་ཡིན་པར་བསྟན་པ་ནི། རྗོད་པར་འདོད་པའི་གཞན་དབང་ཕྱིར་ཞེས་བྱ་བའོ། །དབང་པོ་ལས་སྐྱེས་པ་བཞིན་དུ་སྒྲ་ལས་བྱུང་བ་ཚད་མ་ཡིན་ཏེ། དོན་མཐོང་བའི་ཕྱིར་རོ་ཞེ་ན། མ་ཡིན་ཏེ། དོན་གྱི་རང་གི་ངོ་བོ་མ་མཐོང་བ་ཡིན་ཏེ། དེ་ལ ་མངོན་སུམ་གྱིས་གཞན་དུ་མཐོང་བའི་ཕྱིར་རོ། །ཤེས་པ་ཐམས་ཅད་ཀྱི་རང་གི་ངོ་བོ་རིག་པ་ནི་དངོས་སུ་བ་ཡིན་ལ། ཐོབ་བྱའི་དོན་རིག་པ་ནི་དེས་བསྐྱེད་པར་བྱ་བ་ཡིན་པ་ཉིད་ཀྱིས་དེ་དང་འབྲེལ་པ་ཡིན་པའི་ཕྱིར་དེའི་བདག་ཉིད་དུ་ཉེ་བར་བསྟན་པ་ཡིན་ནོ།། ་དེ་ལས་བྱུང་བ་མ་ཡིན་པ་སྒྲ་ལས་བྱུང་བ་ལ་ནི་རིགས་པ་འདི་མ་ཡིན་ནོ། །དམིགས་བྱ་ཉིད་ཙམ་ནི་རྒྱུ་ཉིད་མ་ཡིན་ཏེ། ཟླ་བ་གཉིས་ལ་སོགས་པ་རྣམས་ལ་ཡང་དེ་ཡོད་པས་ཤེས་པ་དེ་ཚད་མ་ཉིད་དུ་ཐལ་བར་འགྱུར་བའི་ཕྱིར་རོ། །དེ་ནི་དབང་པོ་ལས་ ་སྐྱེས་པ་ཡིན་ཡང་ཕྲད་པ་མེད་པའི་ཕྱིར་ཁོ་བོ་ཅག་ཚད་མར་མི་འདོད་དོ། །འདི་སྐད་བསྟན་པར་འགྱུར་ཏེ། ཡུལ་གང་དུ་དུས་གང་གི་ཚེ་རྣམ་པ་གང་དང་ལྡན་པའི་དངོས་པོར་ངེས་ཀུན་དུ་མཐོང་བར་བྱས་པ་དེ་ལྟ་བུ་མེད་དོ་ཞེས་བྱ་བའི་དོན་ཏོ་ཞེ་ན། ཡུལ ་གཞན་ལ་སོགས་པ་ལ་ཡང་དེས་མཐོང་བ་མ་ཡིན་ནོ། །གཞན་གྱི་མཐོང་བ་མ་ཡིན་ནོ་ཞེ་ན། དེ་ལྟ་ཡིན་ན་དེའི་ཡུལ་ཡིན་གྱི་གཞན་གྱི་ཡུལ་མ་ཡིན་པའི་ཕྱིར་ཡུལ་མེད་པར་འགྱུར་ལ། དེས་ན་ཡང་དེ་ཉིད་དཔག་བྱ་ཡིན་ན་ཇི་ལྟར་དབང་པོ་དང་མི ་འཕྲད་པ་ཡིན། རྣམ་པ་གང་གིས་དཔོག་པ་དེ་དེ་ལ་མེད་པའི་ཕྱིར་རོ་ཞེ་ན། གང་དུ་སྣང་བ་དེ་ན་མེད་པ་ཡིན་ན་གཞན་ན་ཡང་དེ་བཞིན་དུ་མེད་པ་ཡིན་ཏེ། མི་སྣང་བའི་ཕྱིར་རོ། །མེད་པ་ཡང་མ་ཡིན་ཏེ། སྣང་བ་དང་འགལ་བའི་ཕྱིར་རོ། །དེས་ན་ཤེས་པའི་རང་གི་ངོ ་བོ་ཁོ་ན་ཡིན་ནོ། །དེའི་ཕྱིར་དམིགས་བྱ་མ་ཡིན་པ་ཉིད་དམ། རྒྱུ་ཉིད་ཀྱི་ཕྱིར་སྣང་བས་བྱེ་བྲག་མེད་པའི་ཕྱིར། བདག་ཉིད་ཁོ་ན་ཤེས་པ་རྣམས་ཀྱི་སྣང་བ་ཁོ་ན་ཡིན་ནོ། །དེ་ཡང་ཕྲད་བྱ་དང་འབྲེལ་བའི་ཕྱིར་གནོད་པ་མེད་པ་ཡིན་ལ། དེ་མེད་ན་གནོད་པ་མེད་པའི ་ཕྱིར་ཚད་མ་ཉིད་དམ་ཅིག་ཤོས་རྣམས་སུ་རྣམ་པར་གཞག་པ་ཡིན་ནོ། །དེ་ལྟར་ན་སྒྲ་རྣམས་ནི་ཚད་མ་ཉིད་མ་ཡིན་ཏེ། འབྲེལ་པ་མེད་པའི་ཕྱིར་རོ། །དེ་བཞིན་དུ་སྒྲ་གཅིག་ཉིད་ལ་ཡང་དོན་གཅིག་པ་མ་ཡིན་ཏེ། ཐ་དད་པར་སྣང་བ་དང་འགལ་བའི་ཕྱིར་རོ་ཞེས་བསྟན ་ནས། ད་ནི་རྒོལ་བ་དང། ཕྱིར་རྒོལ་བ་དག་ལས་གང་ཡང་རུང་བའི་ཁས་ལེན་པ་དང་འགལ་བའི་ཕྱིར་ཡང། དོན་མི་འགྲུབ་པ་ནི་སྒྲུབ་བྱེད་མ་ཡིན་པར་བསྟན་པ་ནི། སེམས་པ་མེད་པ་དད་མི་རྟག་པ་ལ་སོགས་པའི་གཏན་ཚིགས་ལས་དང། སེམས་པ་ཅན ་དང་ཤུན་པ་བཤུས་ན་འཆི་བའི་ཕྱིར་ཞེས་དཔྱད་པ་ཡིན་ནོ་ཞེས་བྱ་བར་སྦྱར་རོ། །བློ་ནི་སེམས་པ་ཅན་མ་ཡིན་ཏེ། མི་རྟག་པའི་ཕྱིར་ཞེས་བྱ་བ་མི་མངོན་པར་གྱུར་པ་ཙམ་ནི་རྒོལ་བ་གྲངས་ཅན་ལ་མི་རྟག་པ་ཉིད་ཀྱི་འཇིག་པའི་ངོ་བོ་མ་གྲུབ་པ་ཡིན་ནོ། །ཤིང ་རྣམས་ནི་སེམས་པ་ཅན་ཡིན་ཏེ། ཤུ་པ་ཐམས་ཅད་བཤུས་ནས་འཆི་བའི་ཕྱིར་ཞེས་བྱ་བ་ངོ་ཚ་མེད་པའི་སྦྱོར་བ་ལས་སྦྱོར་རྒོལ་བ་སངས་རྒྱས་པའི་རྣམ་ཤེས་ལ་སོགས་པ་འགག་པ་འཆི་བའི་དངོས་པོ་ནི་མ་གྲུབ་པ་ཡིན་ལ། སྒྲ་ནི་གཅིག་པུ་གཉི་ག་ལ ་གྲུབ་པ་ཡིན་ཡང་སྒྲུབ་བྱེད་དམ་སྒྲུབ་བྱེད་དུ་འདོགས་པར་བྱེད་པ་ཡང་མ་ཡིན་ནོ། །གལ་ཏེ་ད་ལྟ་ཡིན་ན་དབྱིབས་སམ། བསྐྱེད་པ་བུམ་པ་ལ་སོགས་པ་དང་མཚན་ཉིད་མི་མཐུན་པ་ནི་ས་གཞི་ལ་སོགས་པ་སེམས་པ་ཅན་དུ་སྒྲུབ་པར་བྱེད་པ་མ་ཡིན་ལ། ཞིག་པ ་ཉིད་ལ་ཡང་གྲུབ་པར་བྱེད་པར་མི་འགྱུར་རོ། །བསྐྱེད་པ་ལ་སོགས་པའི་སྒྲ་འམ་རྟོགས་པ་ཡང་གཅིག་པའི་ཕྱིར། གཅིག་ཉིད་ཁོ་ན་ཡིན་པའི་ཕྱིར། གཉིས་སུ་མེད་པས་གནོད་པ་མ་ཡིན་ནོ། །དེ་འདི་ནི་སེམས་པ་ཅན་དུ་སྒྲུབ་པར་བྱེད་པ་ལ ་ཡང་མཚུངས་པ་ཡིན་ན། ཇི་ལྟར་དེ་སྤོང་བར་བྱེད་ཅེས་ཟེར་བ་ནི། གལ་ཏེ་ཁྱད་པར་ཡོངས་སུ་བརྟགས་པས་ཤེས་བྱ་བའོ། །དེ་བཞིན་དུ་མི་རྟག་པ་ཉིད་ནི་གྲངས་ཅན་རྒོལ་བ་ལས་མ་གྲུབ་པ་ཡིན་ནོ། །འཆི་བ་ནི་ཕྱིར་རྒོལ་བ་སངས་རྒྱས་པ་ལ་མ་གྲུབ་པ་ཡིན་ཏེ། ་དེའི་ཕྱིར་ཡན་འགར་བ་ལ་མ་གྲུབ་པ་ཡིན་ནོ། །སྒྲུབ་བྱེད་ཀྱི་སྐྱོན་ཡིན་ན་སྒྲུབ་བྱ་དང་སྒྲུབ་བྱེད་དང་ཆོས་དང་ཆོས་ཅན་གྱི་རང་གི་ངོ་བོ་དང། དེའི་བྱེ་བྲག་གི་རྗེས་སུ་འགྲོ་བ་ལ་སོགས་པའི་ཡང། ཡན་འགར་བ་ལ་མི་འགྲུབ་པའི་སྐྱོན་དུ་འགྱུར་རོ། །སྒྲུབ་བྱེད་ཁོ ་ན་སྐྱོན་ཡིན་ལ། བསྒྲུབ་བྱ་ལ་སོགས་པ་ནི་མི་རིགས་ཏེ། རིགས་པ་མཚུངས་པའི་ཕྱིར་རོ། །ཕྱོགས་ཀྱི་ཆོས་ཉིད་མ་གྲུབ་པ་ལ་ཇི་ལྟ་བ་ཁོ་ན་ཕྱིར་རྒོལ་བའི་གཏན་ཚིག་མི་འཐོབ་ལ། དེ་བཞིན་རྗེས་སུ་འགྲོ་བ་དང་ལྡོག་པ་དག་ལ་སྒྲའི་ཆོས་ཅན་གྱི་ཡོན ་ཏན་གསུམ་ལ་སོགས་པ་ལ། སངས་རྒྱས་པ་ལ་སོགས་པ་ལ་མ་གྲུབ་པའི་བྱེ་བྲག་ཅན་གྱི་ཕྱོགས་ཡིན་ཞིང་གཞི་མ་གྲུབ་པའི་གཏན་ཚིགས་ཡིན་ནོ། །སངས་རྒྱས་པ་མངོན་པར་འདོད་པའི་ཆོས་ཅན་ལ་ནི། ཕན་ཚུན་མ་གྲུབ་བྱེ་བྲག་དང། གཞི་མ་གྲུབ་པའི ་གཏན་ཚིགས་འགྱུར། །འོན་ཏེ་བདག་གི་འདོད་ཕྱོགས་ན། །རང་ཉིད་འདི་ནི་གཉིས་སུ་འགྱུར། །དེ་བཞིན་དུ་མི་རྟག་པ་ཉིད་ཀྱི་འཇིག་པ་ཉིད། གལ་ཏེ་ངེས་པ་ཅན་བརྗོད་ན། །དེ་ཕྱིར་འདི་ལས་གཉེན་པོར་འགྱུར། ཁྱད་པར་དུ་ཡང་མ་གྲུབ་པའོ། །ངེས་པ་ཅན་གྱི ་རྣམ་རྟོག་ཀྱང། །ལྡོག་དང་འཇིག་པ་དག་ཏུ་ནི། །གོང་དུ་ཡང་ནི་ཁས་བླངས་པས། །གྲངས་ཅན་རྒྱལ་དཔོག་དག་ཏུ་འགལ། དེ་ལྟར་ན་གཏན་ཚིགས་དང་འབྲེལ་བ་ལ་སོགས་པའི་རྣམ་པར་རྟོགས་པས་མ་གྲུབ་པ་དང། མ་ངེས་པ་ལ་སོགས་པའི ་སྐྱོན་ཡིན་ན། ཐ་སྙད་པ་རྣམས་ཀྱི་ཡུལ་དྲི་བི་ཌ་པ་དང། འཕགས་པ་དག་བཞིན་དུ་ཕན་ཚུན་མི་མཐུན་པའི་ཕྱིར། འགྲོ་བ་རྣམས་ཐ་སྙད་མེད་པར་འགྱུར་རོ། །དེ་བསྟན་པ་ནི། རྒོལ་བ་གཞན་ལ་བལྟས་པས་སམ་རྣམ་པར་བརྟགས་པས་ཞེས་བྱ་བའོ། །དེ་ཉིད་ཀྱང་གོ ་བཞིན་དུ་རྣམ་པར་འགྲེལ་བ་ནི། ནམ་མཁའ་ཨི་ཡོན་ཏན་སྒྲའི་ཆོས། ཞེས་བྱ་བའོ། འདི་ལ་ལན་དུ། དངོས་པོའི་ངོ་བོར་མ་གྲུབ་ལ་ཞེས་བྱ་བ་སྟེ། བསྒྲུབ་བྱ་གང་གིས་ངེས་པའི་ངོ་བོ་གང་ཡིན་དེ་མ་གྲུབ་པ་ལ་ཚུལ་འདི་ནི་དཔེ་དང་དཔེ་ཅན་དག་ཐ་དད་པའི་རྣམ་རྟོག་གི ་ངོ་བོའི་སྐྱོན་ཡིན་ན། །གང་གི་ཕྱིར་སེམས་པ་ཅན་དང་རྗེས་སུ་འགྲོ་བ་ཅན་གྱི་ངོ་བོ་བུམ་པ་ལ་སོགས་པ་ལ་ཡོད་པའི་ངོ་བོ་ནི་ས་གཞི་ལ་སོགས་པའི་ཆོས་ཅན་ལ་ཡོད་པ་མ་ཡིན་ཏེ། འཇུག་པ་ཅན་དུ་ངེས་པ་ནི་གཏན་ཚིགས་གཞན་གྱིས་གྲུབ་པ་སྙམ་ཉིད ་དང་བྲལ་བ་ནི་བུམ་པ་བཞིན་དུ་ས་གཞི་ལ་སོགས་པ་ལ་ཡང་ཡུལ་ལ་སོགས་པའི་ངེས་པ་དང་ལྡན་པ་དེ་ཉིད་ལས་ཡིན་ལ། དེ་ལ་ཡང་ཆོས་ལ་སོགས་པའི་བྱེ་བྲག་གི་རྣམ་པར་རྟོག་པ་ནི་སྐྱོན་མ་ཡིན་ཏེ། བསྒྲུབ་བྱ་ལ་ངེས་པ ་ལས་འདོད་པ་གྲུབ་པ་ལ་གནོད་པ་མེད་པའི་ཕྱིར་རོ། །སྦྱོར་བྱེད་མ་ཡིན་པའི་བྱེ་བྲག་གི་ངོ་བོ་མ་གྲུབ་པ་ཡིན་ཡང། བསྒྲུབ་བྱ་ལ་ངེས་པ་ཅན་གྱི་སྤྱིའི་ངོ་བོ་ཙམ་གྱི་རྒྱུ་མཚན་ཅན་གྱི་རྗེས་སུ་དཔག་པ་ལ། ནམ་མཁའ་ཨི་ཡོན་ཏན་ཉིད་མ་གྲུབ་པ་བཞིན་དུ་གཞིའི་སྐྱོན ་ཅི་ཡང་མེད་དོ། །ལུང་ལས་གྲགས་པའི་ཞེས་བྱ་བ་ལ། དཔེ་རྣམ་པར་འགྲེལ་པ་ནི། ཁྱད་པར་ཡོངས་སུ་རྟོག་པ་ལ་ཡང་ཞེས་བྱ་བ་སྟེ། གྲུབ་ན་ཁྱད་པར་གནོད་པ་ཅན་མ་ཡིན་ལ། མ་གྲུབ་ན་ཡང་ཞེས་རྣམ་པར་འཆད་པ་སྟེ། བུམ་པ་དང་ས་གཞི་ལ ་སོགས་པའི་ངོ་བོ་ཡོངས་སུ་རྟོག་པ་ནི། མི་རྟག་པ་ཉིད་ལ་སྦྱོར་བར་བྱེད་པ་མ་ཡིན་ཞེས་བྱ་བའི་དོན་ཏོ། །སེམས་པ་ཅན་དུ་སྒྲུབ་པ་ལ་ནི་དེའི་རྟོག་པ་སྦྱོར་བྱེད་ཁོ་ན་ཡིན་ཏེ། ངེས་པ་དང། ཅིག་ཤོས་རྣམ་པར་དཔྱོད་པའི་ཕྱིར་ཡིན་ནོ་ཞེས་བསྟན་པ་ནི། དངོས ་པོའི་ངོ་བོར་མ་གྲུབ་ལ་ཚུལ་འདི་ཞེས་བྱ་བ་ལ་དེ་རྣམ་པར་འགྲེལ་བ་ནི། དབྱིབས་ལ་སོགས་པ་ལ་ནི། ཞེས་བྱ་བའོ། །ཡང་ན་གྲངས་ཅན་ལ་སོགས་པ་ལ་ལྟོས་ནས་མི་རྟག་པ་ཉིད་ལ་སོགས་པ་གང་ཡང་རུང་བ་མ་གྲུབ་པའི་སྐྱོན ་ཡིན་ལ། ཆོས་དང་ཆོས་ཅན་གྱི་རྗེས་སུ་འགྲོ་བ་ལ་ལྟོས་ནས་ཀྱང། དེ་ལྟར་རྟོག་པ་ཡིན་ན། གང་ཡང་གཏན་ཚིགས་ཉིད་དུ་མི་འགྱུར་རོ་སྙམ་དུ་སེམས་པ་ལ། དངོས་པོའི་ངོ་བོ་མ་གྲུབ་ལ། ཚུལ་འདི་ཞེས་བྱ་བ་སྨོས་ཏེ། རྒོལ་བ་འམ་ཕྱིར་རྒོལ་བའི ་དངོས་པོའི་ངོ་བོ་བསྒྲུབ་བྱ་འམ། སྒྲུབ་བྱེད་དམ་རྗེས་སུ་འགྲོ་བ་ལ་སོགས་པ་གང་ལ་མ་གྲུབ་པ་དེ་ལ་གཅིག་ལ་མ་གྲུབ་པའི་སྐྱོན་ནི། རིགས་པ་འདི་ནི་རྣམ་པར་དཔྱད་པར་བྱ་བའི་ཡུལ་ཡིན་ཏེ། ཁྱོད་ཀྱིས་ནི་གཉི་ག་ལ་གྲུབ་པའི་ཆོས་ཅན་ལ་སོགས་པ་ལ ་གཅིག་ལ་མ་གྲུབ་པ་ཡིན་པར། མ་གྲུབ་པའི་བྱེ་བྲག་དང། གཞི་མ་གྲུབ་པའི་གཏན་ཚིགས་འགྱུར་ཞེས་བྱ་བ་ལ་སོགས་པའི་སྨྲས་པ་ཡིན་ནོ། །དེ་བསྟན་པ་ནི། ལུང་ལས་གྲགས་པ་ནི་ཞེས་བྱ་བའོ། །དེ་བཞིན་དུ་བྱས་པ་ཉིད་ཀྱང་དཔེ་དང་དཔེ་ཅན་རྣམས་ཀྱི་བསལ ་རྣམ་ལས་མི་གཞན་པའམ། སྣ་ཚོགས་པ་གསལ་བ་རེ་རེས་ཐ་དད་པ་དེ་རྣམས་ལས་གལ་ཏེ། དཔེ་ལ་ཡོད་པ་ཉེ་བར་བཟུང་ན་མ་གྲུབ་པ་ཡིན་ཏེ། གལ་ཏེ་དཔེ་ཅན་ལ་ཡོད་པ་ཡིན་ན་ནི་ཐུན་མོང་མ་ཡིན་པ་ཉིད་ཡིན་ནོ། །བསྒྲུབ་བྱས་སྟོང་པའི་རྗེས་སུ་འགྲོ་བ་དང། ་ཕྱོགས་ཀྱིས་སྟོང་པ་དང་མཐུན་པའི་ཕྱོགས་ལ་མེད་པའི་ཕྱིར་མ་ཚང་བའི་སྒྲུབ་བྱེད་ཡིན་པ་དང། སྣ་ཚོགས་པ་དང་གསལ་བ་སོ་སོ་ལ་གཅིག་ཉིད་པ་རྣམས་ནི། སངས་རྒྱས་པ་དང་སྤྱོད་པ་པ་ལ་སོགས་པ་ལ་མ་གྲུབ་པ་ཡིན་ནོ། །གཞན་གསལ་བ ་སོ་སོའི་གཅིག་པ་ཡང་སངས་རྒྱས་པ་དང། བྱེ་བྲག་པ་ལ་སོགས་པ་ལ་མ་གྲུབ་པ་ཡིན་ནོ། །དབང་ལས་བྱུང་བ་ཉིད་ལ་སོགས་པ་ལ་དངོས་པོའམ་ཅི་ཞེས་ངེས་པར་རྟོག་པའི་བྱ་བ་ནི་གསལ་བ་རྣམས་ལས་ཐ་མི་དད་པ་འམ། སྣ་ཚོགས་ཉིད་ཀྱི ་ཐ་དད་པ་དང་ཐ་མི་དད་པ་རྣམས་གསལ་བ་ཡིན་ནོ། །དེ་ལ་ཐུན་མོང་མ་ཡིན་པ་དང་མ་གྲུབ་པ་དང་བསྒྲུབ་བྱ་མ་ཚང་བ་དང་ཐུན་མོང་ཕྱོགས་ཉིད་ལ་མ་ཚང་བ་ཉིད་ཀྱི་རྗེས་སུ་འབྲངས་ནས་བརྗོད་པར་བྱ་བ་ཡིན་ནོ། །རྒོལ་བ་ལ་བལྟོས་ནས་ཞེས་བྱ་བ་ལ་སོགས་པ་ནི ་སུན་འབྱིན་པའི་ལམ་དང་ས་བོ་གཉིས་སུ་མེད་པར་བསྒྲུབ་པ་ལ། གྲུབ་པའི་མཛའ་ཐ་དད་པ་ལ་བརྟེན་པར་མི་རིགས་པའོ་ཞེས་བྱ་བར་གྲུབ་པ་ལ་ཡང། ཁྱད་པར་གནོད་མིན་ཞེས་བྱ་བ་ལ་སོགས་པས་བསྟན་པ་ཡིན་པར་བསྟན་པ་ནི། དེ་བཞིན་དུ་ཁྱད་པར ་ཡོངས་སུ་རྟོག་པ་ལ་ཡང་ཞེས་བྱ་བའོ། །མ་ངེས་པ་འམ་ཞེས་བྱ་བ་ནི་ཐུན་མོང་མ་ཡིན་པའོ། །ཐུན་མོངས་ཡིན་པ་ཉིད་ཀྱིས་ཞེས་བྱ་བ་ནི་ཕྱོགས་དང་མཐུན་པའི་ཕྱོགས་མཚུངས་པ་ཉིད་ཀྱིས་ཐུན་མོང་གི་མ་ངེས་པའོ། །ནམ་མཁའ་ཨི་ཡོན་ཏན་ཉིད་དང་ཡོན་ཏན ་གསུམ་ཉིད་ལ་སོགས་པའི་ཁྱད་པར་མ་གྲུབ་པ་ཡིན་ན། སྒྲ་ནི་རང་གི་ངོ་བོའི་ཆོས་ཅན་ཉིད་ཀྱིས་གྲུབ་པ་ཁོ་ན་ཡིན་པར་མི་རིགས་པ་མ་ཡིན་ནམ། གང་གི་ཕྱིར་ཁྱད་པར་མེད་པ་སྤྱི་ལ་ནི་མ་མཐོང་བའི་ཕྱིར་རེ་སྙམ་དུ་སེམས་པ་ལ། ཆོས་ཅན་ཉིད་ནི་ཚད ་མས་གྲུབ་པའི་ཕྱིར་ཞེས་བྱ་བ་སྨོས་ཏེ། གྲུབ་པའི་མཛའ་ལས་གྲགས་པའི་ཁྱད་པར་མ་གྲུབ་པ་ཡིན་ཡང། མངོན་སུམ་གྱིས་ཚད་མས་གྲུབ་པའི་དངོས་པོ་ནི་ཡོད་པ་ཁོ་ན་ཡིན་ནོ་ཞེས་བྱ་བའི་དོན་ཏོ། །ལུང་ལས་གྲགས་པའི་བྱེ་བྲག་མེད་ཀྱང་སྣང་བ་ལས་བྱུང ་བའི་ཤེས་པའི་གཟུང་བྱའི་ངོ་བོ་ཁོ་ནས། དོན་གྱི་བྱ་བ་བྱེད་པ་ཡིན་པར་བསྟན་པ་ནི། ཁྱད་པར་ཡོངས་སུ་རྟོག་པར་ཡང་ཞེས་བྱ་བའོ། །བྱས་པ་ཉིད་ལ་སོགས་པའི་གསལ་བ་རྣམས་ལས་གཞན་པ་མ་ཡིན་པ་འམ། སྣ་ཚོགས་པ་འམ་གཞན་མ་ཡིན ་པ་ཡང་གསལ་བ་སོ་སོ་ལས་ཐ་དད་པ་ཡང་རུང་བའོ། །ཐ་མི་དད་པ་ཡང་རུང་བའོ། །དེ་བཞིན་དུ་སྣ་ཚོགས་པ་ཉིད་ལ་ཡང་བརྗོད་ནས་ཐུན་མོང་མ་ཡིན་པ་ཉིད་ལ་སོགས་པ་བརྗོད་བྱ་མ་ཡིན་ནམ་སྙམ་དུ་སེམས་པ་ལ། དེ་ལ་གདོན་མི་ཟ་བར་ཞེས་བྱ་བ་སྨོས ་སོ། གལ་ཏེ་རྒོལ་བ་དང་ཅིག་ཤོས་ལ་ལྟོས་པས་མ་ཡིན་པ་དེ་ལྟ་ན། རྒྱུ་གང་ཡིན་ཞེས་བསྟན་པ་ནི། མི་རྟག་པ་དང་ཞེས་བྱ་བའོ། །ཁྱད་པར་རབ་ཏུ་གྲུབ་པ་ནི་ཞེས་བྱ་བ་སྟེ། རྒོལ་བ་ལ་སོགས་པ་ལ་ལྟོས་ནས་སོ། དེའི ་ཁྱད་པར་མེད་ན་སྤྱི་ཉིད་མེད་པར་འགྱུར་པ་མ་ཡིན་ནམ་སྙམ་དུ་སེམས་པ་ལ། ཚད་མས་གྲུབ་པའི་ཁྱད་པར་གཞན་ཡིན་པར་བསྟན་པ་ནི། རྒྱུའི་དེ་མ་ཐག་ཅེས་བྱ་བའོ། །དེའི་ཕྱིར་བསྒྲུབ་བྱའི་སྤྱི་ཞིག་པ་ཉིད་ལ་སོགས་པ་ཡོན་ཏན་ལ་སོགས་པ་ལ་སྐྱ་བོ་ཉིད ་བཞིན་དུ་བསྐྱེད་པ་དང་ལྡན་པ་ཉིད་ལ་སོགས་པ་ནི་སྒྲུབ་བྱེད་ཁོ་ན་ཡིན་ལ། དེའི་ཁྱད་པར་ལ་ནི་དེ་ཙམ་དུ་མ་ངེས་པའི་ཕྱིར་ངེས་པ་ཅན་གྱི་ཁྱད་པར་གྱི་རྣམ་པར་རྟོག་པས་སྒྲུབ་པར་བྱེད་པ་ཉིད་ཡིན་ཏེ། མེ་ལ་སྐྱ་བོ་ཉིད་ཀྱི་བྱེ་བྲག་ལྟ་བུའོ། །སྒྲ་ཡོད་ན་དོན ་ཡོད་པ་མ་ཡིན་ཏེ། དེ་ལྟ་བུའི་རྗེས་སུ་འགྲོ་བ་མ་མཐོང་བའི་ཕྱིར་མི་རྟོག་པ་དང་འཆི་བ་ལ་སོགས་པ་ནི་རྒོལ་བ་དང་ཕྱིར་རྒོལ་བ་དག་གིས་བླངས་པ་མ་ཡིན་ནོ། །ཇི་ལྟར་ཕྱོགས་དང་མཐུན་པའི་ཕྱོགས་ཐུན་མོང་བ་མ་ཡིན་པ་ན་སྒྲུབ་བྱེད་མ་ཡིན་ཏེ། ་རྗེས་སུ་འགྲོ་བ་མེད་པའི་ཕྱིར་རོ། །དེ་བཞིན་དུ་རྒོལ་བ་དང་ཕྱིར་རྒོལ་བ་ཐུན་མོང་མ་ཡིན་པ་ཡང་ཡིན་ཏེ། མ་རྟོགས་པའི་ཕྱིར་དང། དེའི་སྒྲུབ་བྱེད་མ་ཡིན་པའི་ཕྱིར་རོ། །སྒྲ་ལ་གཅིག་ཉིད་མེད་ཀྱང་དོན་ལ་གཅིག་མེད་པ་འམ་གཏན་ཚིགས་ཉིད་མ ་ཡིན་པ་ཡང་མ་ཡིན་ནོ་ཞེས་གནས་སྐབས་ཀྱི་རྗེས་སུ་འཇུག་པ་ཡིན་པར་བསྟན་པ་ནི། སྒྲ་མ་གྲུབ་ཀྱང་སྟེ་མེད་ཀྱང། དངོས་པོ་གྲུབ་ན་ཏེ་ཡོད་ནའོ། །གྲུབ་པར་འགྱུར་པ་ནི་བསྒྲུབ་བྱའོ། །གལ་ཏེ་ཡང་བསྒྲུབ་བྱ་ཡུལ་གཅིག་པ་ཉིད་ཀྱིས་སྒྲ་གྲུབ་པ་མ ་ཡིན་པ་དེ་ལྟ་ན་ཡང། དོན་གཅིག་པའི་ལུས་ཉིད་ཡོད་པའི་ཕྱིར་རྡུལ་ཕྲ་རབ་རྣམས་ཆ་ཤས་དང་བཅས་པ་འམ། མི་རྟག་པ་འགྲུབ་པར་མི་རིགས་པ་མ་ཡིན་ནམ། ལུས་ཉིད་ཀྱི་བྱས་པའི་མི་རྟག་པ་ཉིད་ལ་སོགས་པ་ནི། བུམ་པ་ལ་མ་ཡིན་ནོ།། ་འོ་ན་ཅི་ཞེ་ན། བྱས་བ་ཉིད་ཀྱིས་སྦྱར་བ་ཡིན་ནོ། །དེས་ན་ལུས་ཉིད་ནི་སྦྱོར་བྱེད་མ་ཡིན་ནོ། །གཞན་དུ་གྲུབ་པའི་བསྒྲུབ་བྱ་ལ་རབ་ཏུ་སྦྱར་བ་ཡོད་པའི་ཕྱོགས་འདི་ལ་མ་གྲུབ་པའི་ཕྱིར། མ་གྲུབ་པ་ཡིན་ནོ། །དེ་ལྟ་ཡིན་ན་གཏན་ཚིགས་ལྟར་སྣང་བ་ཐམས་ཅད་མ་གྲུབ་པ་ཁོང ་ཡིན་ཏེ། རྒྱུ་མཚན་གཞན་ཡོད་པ་ལས་མི་གཞན་ཐོབ་པ་ཡིན་ཏེ། འདི་ལྟར་ཕྱོགས་དང་མཐུན་པ་མ་ཡིན་པ་དག་ལ་ངེས་པའི་ཕྱིར་ཐུན་མོང་གི་མ་ངེས་པ་ཡིན་ནོ། །ཕྱིན་ཅི་ལོག་པ་དག་དེས་པའི་ཕྱིར་འགལ་བ་ཡིན་ནོ། །ཕྱོགས་གཉི་ག་དང་འབྲེལ་པའི་ཕྱིར་གནས ་སྐབས་མཚུངས་པ་ཡིན་ནོ། །གནོད་པར་བྱེད་པའི་ཡུལ་ཡིན་པའི་ཕྱིར་དུས་ལས་འདས་པར་སྨྲ་བའོ། །འདི་ནི་རྒྱུ་མཚན་གཞན་མེད་པའི་ཕྱིར་མ་གྲུབ་པ་ཁོ་ན་ཡིན་ནོ་སྙམ་དུ་སེམས་པ་ལ། དེ་ལྟ་ན་ཡང་དེས་མངོན་པར་འདོད་པའི་དོན་ཞེས་བྱ་བ་སྨོས་ཏེ། འདིའི་སྦྱོར ་བྱེད་གང་ཡིན་དུ་བ་ལ་མ་བཞིན་དུ་རྒྱུ་མཚན་ཉིད་ཡིན་ལ། རབ་ཏུ་སྦྱར་བ་ཉིད་ཀྱང་དུ་བ་བཞིན་དུ་རྒྱུ་མཚན་ཉིད་ཡིན་ནོ། །དེ་ལྟ་ནི་རོ་ནི་གཟུགས་ལ་སོགས་པའི་སྦྱར་བྱ་འམ་སྦྱོར་བྱེད་མ་ཡིན་ནོ། །དེ་བཞིན་དུ་ཤིང་ཉིད་ལ་ཤིང་ཤ་བ་ཉིད་དོ། །འོན་ཏེ་མེད་ན་མི ་འབྱུང་བ་བྱས་པ་ཉིད་ལ་སོགས་པ་སྦྱོར་བྱེད་ཉིད་དམ། ཅིག་ཤོས་ཡིན་ནོ། །དེ་འདི་ནི་ལུས་ཉིད་ལ་སོགས་པ་ལ་ཡང་མཚུངས་སོ། །འོན་ཏེ་རྒྱུ་རྡུལ་ཕྲ་རབ་རྣམས་ནི་རགས་པ་ཉིད་ལས་གཞན་དུ་མི་འཐད་པ་ཉིད་ཀྱིས་རྗེས་སུ་དཔག་བྱ་རྣམས་ཀྱི་ཆ་ཤས་དང ་བཅས་པ་ཉིད་ཀྱིས་མཛའ་མེད་པའི་ཕྱིར་རི་རབ་དང་ཡུངས་ཀར་དག་གི་བོང་ཚོད་དང། ལྕི་ཡང་ཉིད་མཉམ་པར་འགྱུར་རོ། །དེའི་ཕྱིར་ཆ་ཤས་མེད་པའི་ཕྱིར་ལ། མི་རྟག་པ་ཉིད་ཡིན་ཡང་རྒྱུའི་རྩ་བ་མེད་པའི་ཕྱིར་ལ། དངོས་པོ་མེད་པ་ལས་དངོས་པོ་སྐྱེ་བར ་འགྱུར་རོ་ཞེས་བྱ་བའི་རྗེས་སུ་དཔག་པ་ནི། མི་རྟག་པ་ཉིད་ལ་སོགས་པའི་སྒྲུབ་བྱེད་ཀྱི་ལུས་ཉིད་ལ་གནོད་པར་བྱེད་པ་ཉིད་ཡིན་ཏེ། དེ་མེད་ན་ཆོས་ཅན་མི་འགྲུབ་པས་འདིའི་འཇུག་པ་ཡང་མེད་པའི་ཕྱིར་རོ། །བདེན་མོད་ཀྱི་ཆོས་ཅན་ཙམ་སྒྲུབ་པར་བྱེད་པ ་ལ་བལྟོས་ནས་ཆ་ཤས་དང་བཅས་པ་དང། མི་རྟག་པ་ཡང་སྒྲུབ་པར་བྱེད་པའི་ཕྱིར་སྐྱོན་མེད་དོ། །བོད་ཚོད?་དང་ལྕི་ཡང་མཉམ་པ་ཡིན་པ་དང། ཐམས་ཅད་དངོས་པོ་མེད་པ་ལས་དངོས་པོ་སྐྱེ་བར་འགྱུར་ཞེས་བྱ་བ་ཡང། ཇི་ལྟར་མཐོང་བ ་དེ་ཉིད་དུ་རྣམ་པར་འཇོག་པའི་ཕྱིར་དང། དངོས་པོ་གཞན་ཡང་དེ་ཁོ་ན་འདྲ་བར་དུས་གཞན་ཉིད་ཁས་བླངས་པའི་ཕྱིར་ཡང་ངོ། །མ་གྲུབ་པ་ཉིད་ཀྱིས་སམ་ཁྱད་པར་ལ་ཡང་རྒྱུ་མཚན་གཞན་ཡོད་པའི་ཕྱིར་མིང་གཞན་འཇུག་པར་མི་རིགས་སོ། །འདི་ཉིད་མྱུར་དུ་གཽ་བ ་ཉིད་ཀྱིས་ཕམ་པའི་གཞི་ཉིད་ཀྱིས་མཐར་ཐུག་པ་ཡིན་ཏེ། རྒྱུ་མཚན་གཞན་ལ་འདོད་མེད་པའི་ཕྱིར་རོ་ཞེས་བྱ་བའི་དོན་ཏོ། །ཇི་ལྟར་སྒྲུབ་བྱེད་ལ་སྒྲའི་དབང་ཉིད་དུ་ཐེ་ཚོམ་དུ་གྱུར་པ་དེ་བཞིན་དུ། བསྒྲུབ་བྱ་ལ་ཡང་ཡིན་ནོ་ཞེས་ཟེར་བ་ནི། གལ་ཏེ་ཇི་ལྟར་ཞེས ་བྱ་བ་སྟེ། དོན་ལ་སྟེ། དབྱིབས་ལ་སོགས་པ་ལ་བརྟེན་པའི་དཔྱད་པ་ནི། བུམ་པ་དང་ས་གཞི་ལ་སོགས་པ་ལ་ཐ་དད་པར་རོ། །དངོས་པོའི་འཁྲུལ་བ་ཞེས་བྱ་བ་ནི། དངོས་པོ་ནི་དོན་དེའི་འོ། །དེ་བཞིན་དུ་སྒྲ་གཅིག་གི་ཡོད་པ་དང་མེད་པ་དག་གིས་སྒྲུབ་བྱེད ་ཅིག་ཡོད་པ་དང་མེད་པ་དག་ཚིགས་སུ་བཅད་པ་གཉིས་ཀྱིས་བཀག་པ་ཡིན་ནོ། །དེའི་ཡོད་པ་དང་མེད་པ་དག་གིས་བསྒྲུབ་བྱ་ཡོད་པ་དང་མེད་པ་ནི་མ་ཡིན་ཏོ། དེ་ལྟར་ལོག་པར་རྟོག་པ་མེད་པའི་ཕྱིར་རོ། །དབྱིབས་ཀྱི་ཙམ་ནི་སྒྲུབ་བྱེད་མ་ཡིན་པ་ ་ཉིད་དེ་ཞེས་བྱ་བ་དེ་ལ་སྒྲུབ་བྱེད་གཅིག་ཉིད་ཅེས་པ་བལྟོས་པ་ཡིན་ནོ། །དེ་བཞིན་དུ་སྒྲ་ཡོད་ཀྱང་མི་འབྱུང་ལ་མེད་ཀྱང་མི་འབྱུང་བའི་ཕྱིར། སྒྲུབ་བྱེད་ནི་དེའི་དབང་མ་ཡིན་ནོ་ཞེས་ཟེར་བས་བསྒྲུབ་བྱ་ནི་སྒྲུབ་བྱེད་མེད་ན་སྒྲ་ཡོད་ཀྱང་མི་འགྲུབ་པ་ལ། དེ་མེད ་ཀྱང་སྒྲུབ་བྱེད་ཡོད་ན་འགྲུབ་པ་ཡིན་པས་དེའི་དབང་དུ་འགྱུར་བ་ཡིན་ནོ་ཞེས་བསྟན་པར་འགྱུར་རོ། །དེའི་ཕྱིར་གང་ལ་ཡང་སྒྲ་རྟག་པ་ཡིན་ཏེ། གཞལ་བྱ་ཡིན་པའི་ཕྱིར་རོ། །མི་རྟག་པ་ཡང་ཡིན་ཏེ། མིག་གིས་གཟུང་བར་བྱ་བ་ཡིན་པའི་ཕྱིར ་ཞེས་བྱ་བ་ལ་སོགས་པ་ལ་གཞལ་བྱ་ཉིད་ལ་སོགས་པའི་སྒྲ་ནི་རང་གི་བརྗོད་བྱ་ཉེ་བར་འཇོག་པ་ཉིད་ཀྱིས་གཅིག་བསྒྲུབ་བྱའི་ཆོས་ལ་མ་འཁྲལ་བ་ཡིན་ལ། །དེ་དག་ལ་ཡང་སྒྲུབ་བྱེད་འཁྲུལ་པའི་ཕྱིར་དང། མ་གྲུབ་པའི་ཕྱིར་བསྒྲུབ་བྱ་ནི་དེའི་དབང་དུ་མི་འགྱུར་པའི་ཕྱིར ་སྐྱོན་དེ་ཁོ་ནས་སྐྱོན་ཅན་ཡིན་ལ། སྒྲའི་ཡོན་ཏན་གྱིས་ཡོན་ཏན་མ་ཡིན་པར་བསྟན་པ་ནི། དེ་ཉིད་འཁྲུལ་ལ་སོགས་ཡིན་ན་ཞེས་བྱ་བ་སྟེ། སྒྲུབ་བྱེད་ཀྱི་ཡོན་ཏན་ཇི་ལྟར་བ་ཁོ་ནས་ཡོན་ཏན་ཡིན་ལ། སྒྲའི་སྐྱོན་གྱིས་སྐྱོན་མ་ཡིན་ཏེ། ཇི་སྐད་དུ་སྒྲ་མ་གྲུབ་ཀྱང ་དངོས་པོ་ནི་ཞེས་སྟོས་པའོ། །དེ་བཞིན་དུ་དེ་ཉིད་དེ་སྒྲུབ་བྱེད་ཀྱི་སྐྱོན་ཡང་ཡིན་གྱི་དེའི་ཚེ་ཡོན་ཏན་དང་ལྡན་པ་ཉིད་སྐྱོབ་བྱེད་མ་ཡིན་ནོ་ཞེས་བྱ་བའི་དོན་ཏོ། །སྒྲའི་དངོས་པོའི་དཔེ་བ་གང་ཡིན་ནས། གང་གིས་དེ་ལྟར་ཡིན་པ་བསྟན་པ་ནི། དངོས་ལས་ཤེས ་བྱའི་སྒྲ་ནི་སྒྲུབ་བྱེད་ཀྱི་ཡུལ་ལ་ཡིན་གྱི། བསྒྲུབ་བྱའི་ཡུལ་ནི་མ་ཡིན་ནོ། །དེ་ལྟ་ཡིན་ན་ནི་སྒྲུབ་བྱེད་ཀྱི་སྦྱོར་བ་མེད་པར་ཐལ་བར་འགྱུར་རོ། །དེས་ན་སྒྲུབ་པར་བྱེད་པ་ལ་དབང་བར་གྲུབ་པ་ཡིན་པས། དེའི་སྐྱོན་ཁོ་ནས་སྐྱོན་ཅན་ཡིན་ནོ་ཞེས་བྱ་བ་ནི་ཞར་ལ་བྱུང་བ ་བ་ཡིན་ནོ། །རིགས་གཞན་ལ་ནི་རབ་གྲུབ་པ། ཞེས་བྱ་བ་དང། སྒྲ་མ་གྲུབ་ཀྱང་དངོས་པོ་ནི། ཞེས་བྱ་བའི་ཚིགས་སུ་བཅད་པ་ཉིད་ཀྱིས་སྒྲུབ་བྱེད་ལ་སྒྲ་དབང་བ་མ་ཡིན་པར་བསྟན་པས་སྒྲུབ་བྱ་ལ་སྒྲུབ་བྱེད་དབང་བྱེད་པར་གསུངས་པ་ཡིན་ལ། དངོས་ལས ་དངོས་ནི་གྲུབ་ཕྱིར་རོ་ཞེས་བྱ་བ་འདིས་རྗེས་སུ་བརྗོད་པ་ཡིན་ནོ། །གང་དབང་བྱེད་པ་དེ་ཁོ་ནའི་སྐྱོན་གྱིས་བསྒྲུབ་བྱ་འགྲུབ་པ་ལ་གནོད་པས་སྒྲུབ་བྱེད་ཀྱི་སྦྱོར་བ་སྐྱོན་ཅན་ཡིན་གྱི་སྒྲའི་ཡོན་ཏན་ནི་སྐྱོབ་བྱེད་མ་ཡིན་ནོ་ཞེས་བྱ་བ་འདི་ལ་གཏན་ཚིགས་ཉིད ་ཀྱིས་རྣམ་པར་འགྲེལ་པ་ནི། ཇི་ལྟར་སྒྲ་མ་གྲུབ་ཀྱང་ཞེས་བྱ་བ་སྟེ། སྒྲུབ་བྱེད་ཀྱི་ཡུལ་མ་ཡིན་པ་ཉིད་ཀྱིས་བསྒྲུབ་བྱ་བ་རེག་པ་མ་ཡིན་ནོ་ཞེས་བྱ་བའི་དོན་ཏོ། །གལ་ཏེ་ཡང་སྒྲ་བསྒྲུབ་བྱ་ལ་དངོས་སུ་རེག་པ་མ་ཡིན་ཡང་སྒྲུབ་བྱེད་ཀྱི་སྒོ་ནས་རེག་པ་ཁོ་ན་ཡིན ་ནོ་ཞེ་ན། སྒྲ་ནི་བསྒྲུབ་བྱ་ལ་དངོས་སུ་རེག་པར་ནུས་པ་མ་ཡིན་ཏེ། སྒྲུབ་བྱེད་ཀྱི་སྦྱོར་བ་དོན་མེད་པར་ཐལ་བར་འགྱུར་པའི་ཕྱིར་རོ། །སྒྲུབ་བྱེད་ཀྱི་སྒོ་ནས་ཀྱང་མ་ཡིན་ཏེ། དེ་ནི་འཁྲུལ་པ་ལ་སོགས་པའི་སྐྱོན་གྱིས་སྒྲུབ་བྱེད་མ ་ཡིན་པའི་ཕྱིར་རོ་ཞེས་བསྟན་པ་ནི། རེ་ཞིག་དངོས་པོ་འཁྲུལ་པ་ལ་སོགས་པར་གྱུར་ན་ཞེས་བྱ་བ་སྟེ། དངོས་པོའི་ངོ་བོར་མ་གྲུབ་པ་ལ་འདི་ཡིན་ཞེས་བྱ་བས་སེམས་པ་ཅན་བཞིན་དུ་མི་རྟག་པ་ཉིད་ལ་ཡང་བསྐྱེད་པ་ལ་སོགས་པ་ཙམ་སྒྲུབ་བྱེད་དུ་མི་འགྱུར ་རོ། །རྒོལ་བ་ལ་བལྟོས་ནས་སམ་གཅིག་ལ་མ་གྲུབ་པ་ནི་མ་གྲུབ་པ་བཞིན་དུ་གྲུབ་ཀྱང། གྲུབ་མཛའ་ཐ་དད་པ་ལ་བརྟེན་པར་འགྱུར་རོ་ཞེས་བྱ་བའི་ཐལ་ཆེས་བ་བསལ་བ་ཡིན་ནོ། །བསྒྲུབ་བྱའི་རྗེས་འགྲོ་ཕྱིར་འབྲས་ལ་ཞེས་པ་འདིས་ཀྱང་སེམས་པ ་ཅན་ཁ་དབྱིབས་ལ་སོགས་པའི་དཔེ་དང་དཔེ་ཅན་དག་ཐ་དད་པ་ཡིན་པར་གསུངས་པས། ལྟག་ཆོད་དུ་སྦྱར་བ་ཡིན་ན་ཞེས་རྒོལ་བ་ནི་བསྒྲུབ་པ་འབྲས་བུ་ཉིད་ལ་བཙལ་མ་ཐག་ཏུ་འབྱུང་བ་ཉིད་ནི་བསྐྱེད་པ་ལ་ཡོད་པ་འམ། མངོན་པར་གསལ་བ་ལ ་ཡོད་པར་ལྟག་ཆོད་དུ་བསྟན་པས་གསལ་བ་ཡིན་ལ། སེམས་པ་ཅན་གྱི་ཁྱད་པར་མ་གྲུབ་པ་འམ། རྗེས་སུ་དཔག་པ་ཐམས་ཅད་ལ་ཁྱད་པར་མ་གྲུབ་པའི་ཐལ་བར་འགྱུར་བ་བསལ་བ་ཡིན་པའི་ཕྱིར་ཟློས་པ་མ་ཡིན་ནོ། །བུམ་པ་དང་རི་ལ ་སོགས་པ་ལ་བསྐྱེད་པ་འམ་དབྱིབས་ཀྱང་རུང་སྟེ། རིགས་མི་མཐུན་པ་ཉིད་ཀྱིས་ཐ་དད་པ་ཡིན་ཏེ། དེའི་ཕྱིར་བུམ་པ་ལ་ཡོད་པར་མ་གྲུབ་པའམ། ཡང་ན་ཞེས་བྱ་བ་འདིས་རི་ལ་སོགས་པ་ལ་ཡོད་པ་ཐུན་མོང་བ་ཡང། ཡང་ན་དཔེ་ལ་ཐེ་ཚོམ་ཟ་བ་ཡིན ་ཞེས་བྱ་བ་བསྟན་ནས། ད་ནི་མི་རྟག་པ་ཉིད་ལ་སོགས་པ་བཞིན་དུ། གཞལ་བྱ་ཉིད་དེ་ཙམ་དུ་ཐུན་མོང་བ་ཡིན་པར་བསྟན་པ་ནི་ཇི་ལྟར་དངོས་པོ་ཞེས་བྱ་བ་སྟེ། ཇི་ལྟར་དེ་ནི་དབྱིབས་ལ་སོགས་པ་ཙམ་མོ། །དངོས་པོ་ཞེས་བྱ་བ་ནི་ཁྱད་པར་ལ་བལྟོས ་པ་མ་ཡིན་པར་བསྟན་པའོ། །རྒྱུ་ནི་ཉེ་བར་དམིགས་པའི་འབྲས་བུ་ལ་ཚད་མ་ཡིན་ཏེ། བུམ་པ་ལ་སོགས་པ་ལ་དེ་ཙམ་གྱི་སེམས་པ་ཅན་ཙམ་དང་ལྷན་ཅིག་པར་མཐོང་བའི་ཕྱིར་དེ་ཁོ་ན་བཞིན་དུ། རིལ་སོགས་པ་ལ་སེམས་པ་ཅན་དང་ལྷན་ཅིག་པར་མ་མཐོང ་བའི་ཕྱིར། རྒྱུ་མ་ཡིན་ཏེ། ཚད་མ་མ་ཡིན་པ་ལ་མ་ངེས་པ་ཡིན་ཞེས་བྱ་བའི་དོན་ཏོ། །ཕྱོགས་ཀྱི་འཁྲུལ་བ་ཡིན་གང་ལ་རྗེས་སུ་དཔག་པ་མ་ཡིན་པ་མ་ཡིན་ནམ། མངོན་སུམ་ཉིད་ཀྱང་ནམ་མཁའ་ལ་སོགས་པ་ཕྱོགས་སུ་བྱེད་པས་མི་རྟག་པ་ཉིད་སྒྲུབ་བྱེད་དུ ་འགྱུར་རོ། །དེའི་ཕྱིར་ཕྱོགས་སུ་བྱེད་པ་ནི་འདོད་པས་སྤྲུལ་པ་ཡིན་པའི་ཕྱིར། དེས་དངོས་སུ་བའི་མ་ངེས་པ་ཉིད་བསལ་བ་མ་ཡིན་ནོ། །གང་གི་ཚེ་དེ་ལྟ་ཡིན་པ་དེའི་ཚེ། དེ་ནི་སྟེ། དབྱིབས་ཙམ་ནི་རྒྱུ་གང་གིས་ཚད་མར་འདོད་ཅིང། རྒྱུ་གང་གིས་རྒྱུ་མ་ཡིན་པར་མི་འདི ་གཞལ་བྱ་ཉིད་རྒྱུ་ཡིན་ཞེས་བྱ་བར་སྦྱར་བར་བྱ་སྟེ། རིགས་པ་མཚུངས་པའི་ཕྱིར་རོ། །ཡང་ན་དབང་ཕྱུག་ལ་རྒྱུ་ཉིད་འཛིན་པར་བྱེད་པ་མེད་པ་ཡིན་ལ། རྒྱུ་ཉིད་འཛིན་པར་བྱེད་པའི་ཚད་མ་ནི་ཡོད་པ་ཡིན་པར་བསྟན་པ་ནི། ད་ལྟར་དེ་ནི་དབང་ཕྱུག་ཡིན་པར་བཤད་ལ། ་རྒྱུ་ཉིད་ཀྱིས་ཤེས་འདོད་པ་ནི། གནས་སྐབས་ཀྱི་རིལ་སོགས་པ་ལ་ཡིན་གྱི། དེའི་ཆ་ཤས་ལ་སོགས་པ་ལ་ནི་མ་ཡིན་ནོ། །དེ་ལྟ་ཉིད་དེ་དེའི་རྒྱུ་མ་ཡིན་པར་ལྷ་སྦྱིན་ལ་སོགས་པ་འདོད་པ་ཡིན་གྱི་ཆ་ཤས་ལ་སོགས་པ་ནི་མ་ཡིན་ཏེ། དེ་ལས་བྱུང་བ་ཉིད་དུ་མི ་ཤེས་པའི་ཕྱིར་རོ། །དེ་ནི་སྟེ། དབང་ཕྱུག་ཅེས་བྱ་བ་ཁོ་ན་གང་གི་རྒྱུ་ཡིན་པར་འདོད་ཅིང། གང་གི་རྒྱུ་མ་ཡིན་པར་མི་འདོད། །དེ་ལྟ་ན་ནི་ལྷས་བྱིན་ལ་སོགས་པ་ཡང་རྒྱུ་ཡིན་པར་ཐལ་བར་འགྱུར་ཏེ། དེ་ལས་བྱུང་བ་ཉིད་དུ་ཤེས་པ་མ་ཡིན་པ་ཉིད་དུ་བྱེ་བྲག ་མེད་པའི་ཕྱིར་རོ། །ཆ་ཤས་ལ་སོགས་པའི་རྒྱུས་ལྷས་བྱིན་ལ་སོགས་པ་རྒྱུ་ཉིད་དུ་བསྒྲུན་བཟོད་པ་མ་ཡིན་ཏེ། དེ་ལས་བྱུང་བ་ཉིད་དུ་ཤེས་པ་དང་མེད་པ་དག་གིས་བྱེ་བྲག་མེད་པའི་ཕྱིར་རོ་ཞེས་ཀྱང་བསྟན་པ་ནི། ཇི་ལྟར་དེ་ནི་ཆ་ཤས་ལ་སོགས་པའི་དངོས ་པོ་སྟེ། རྒྱུའི་ཡིན་ཏེ། དེ་ལས་བྱུང་བ་ཉིད་དུ་ཤེས་པའི་ཕྱིར་རོ། །དེ་བཞིན་དུ་དེ་རྒྱུ་མ་ཡིན་པར་ཡང་གྲུབ་པ་ཡིན་ཏེ། དེ་ལས་བྱུང་བ་ཡིན་པར་ཤེས་པའི་ཕྱིར་རོ། །གང་གི་ཚེ་དེ་ལྟ་ཡིན་པ་དེའི་ཚེ་དེ་ནི་སྟེ། དབང་ཕྱུག་ཅེས ་བྱ་བ་དེ་ལས་བྱུང་བ་མ་ཡིན་པར་ཤེས་པ་ན། གང་གིས་རྒྱུར་འདོད་ཅིང་གང་གིས་རྒྱུ་མ་ཡིན་པར་མི་འདོད། དེ་ལྟ་ཡིན་ན་ལྷས་བྱིན་ལ་སོགས་པ་ལ་ཡང་རྒྱུ་ཡིན་པར་བྱེ་བྲག་མེད་པར་སྔ་མ་བཞིན་དུ་སྦྱར་བར་བྱའོ། །གལ་ཏེ་དེ་ལས་བྱུང་བ་ཉིད་དུ་ཤེས ་པ་མེད་ཀྱང་དབང་ཕྱུག་དེ་རྒྱུ་ཡིན་ན་ལྷས་བྱིན་ལ་སོགས་པ་ཡང་དེ་བཞིན་དུ་འགྱུར་རོ། །གཞན་དུ་ན་ནི་རྫ་མཁན་གྱིས་ཤེས་བྱ་བས་འདི་ཐལ་འགྱུར་དུ་བསྒྲུབས་པ་ཡིན་ན། ཅིའི་ཕྱིར་བསྟན་ཞེ་ན། གོང་དུ་མི་འཇི་བའི་རྒྱུར་འགྱུར་བ་ཉིད་བྱེ་བྲག་དང་བཅས་པ ་ནི་དབང་ཕྱུག་ལས་བཟློག་པ་ཡིན་པར་སྒྲུབ་པར་བསྟན་པ་ཡིན་ལ། འདིར་ནི་དེ་ཁོ་ནའི་དབྱིབས་ལ་ཡིན་པའི་ཕྱིར་ཟློས་པ་མ་ཡིན་ནོ། །ཡང་ན་དབྱིབས་ལ་སོགས་པ་གནས་སྐབས་མཚུངས་པ་ཡིན་པར་བསྟན་པ་ནི། ཇི་ལྟར་ཞེས་བྱ་བ་ལ་སོགས་པ་སྟེ། དེ་སྟེ ་དབང་ཕྱུག་ཅེས་བྱ་བ་གང་གི་རྒྱུ་ཡིན་པ་སྟེ། དེ་ལྟ་ཉིད་དེ་དངོས་པོའི་དབྱིབས་ལ་སོགས་པ་ལ་མི་རྟེན་པའི་བྱེ་བྲག་གོ་།རྒྱུ་ཡིན་ནི་རྒྱུ་མ་ཡིན་པ་སྟེ། དེ་རྒྱུ་མ་ཡིན་པ་གང་གིས་ཡིན་པ་དེ་ཡང་བྱེ་བྲག་མེད་པའི་དབྱིབས་ཡིན་ནོ། །འདིའི་རྒྱུ་དབང་ཕྱུག་གམ་ཅིག ་ཤོས་ཡིན་ཞེས་དཔྱོད་པར་བྱེད་པ་ཡིན་ཏེ་དེའི་ཕྱིར་གཏན་ཚིགས་ལྟར་སྣང་བ་ཡིན་ནོ། །ཐེ་ཚོམ་གྱི་རྒྱུ་ཡིན་ཡང་མ་ངེས་པ་ནི་མ་ཡིན་ཏེ། མངོན་སུམ་ལྟར་སྣང་བས་ཀྱང་མ་ངེས་པ་ཉིད་ཐོབ་པའི་ཕྱིར་རོ། །དེའི་ཕྱིར་གཉི་གའི་མཐར་ངེས་པ་ཅན་ནི་མ ་ངེས་པ་ཡིན་གྱི་གཞན་ནི་མ་ཡིན་ནོ། །རྟག་པ་ནི་ཆོས་མི་དམིགས་པ་བཟློག་པ་ལས་དམིགས་པའི་ངོ་བོ་ནི་ཁྱད་པར་དང་བཅས་པ་ནི་གཏན་ཚིགས་ལྟར་སྣང་བ་མ་ཡིན་པ་མ་ཡིན་ནམ། དེ་བཞིན་དུ་མི་རྟག་པའི་ཆོས་ཉེ་བར་དམིགས་པ་ཡང་ངོ། །འོན་ཏེ་མ ་དམིགས་པ་ཙམ་ནི་མ་ངེས་པ་ཁོ་ན་ཡིན་ཏེ། ཡོད་པ་དང་མེད་པ་ཐུན་མོང་བ་ཉིད་ཀྱི་ཕྱིར་རོ། །དེ་ལྟ་དེ་བཞིན་ཡིན་ན་དབྱིབས་ཙམ་ནི་མ་ངེས་པ་ཡིན་གྱི། ཁྱད་པར་ངེས་པ་ཅན་ཡིན་ནོ། །དེ་ལྟ་ཡིན་ཡང་དབྱིབས་ལ་སོགས་པ་ནི་སྒྲུབ་བྱེད་མ་ཡིན་ནོ་ཞེས་བྱ་བའི་དོན ་ཏོ། །བཤད་པ་མཛད་པ་བོ་ནི་དབང་ཕྱུག་རྟག་པར་ཁས་ལེན་པ་ཡིན་ན། མི་རྟག་པ་ལ་འང་ཚད་མ་མེད་ཅེས་བྱ་བའི་གང་གི་སྒྲ་མཚོན་པ་ཡིན་ལ། དེ་ནི་ནམ་མཁའ་ལ་སོགས་པ་དང་རྟག་པ་ཉིད་དུ་ཁྱད་པར་མེད་པས་རྒྱུ་ཉིད་དང་ཅིག་ཤོས་དག་ལ་དབྱེ་བ་མེད་པར་འགྱུར ་རོ་ཞེས་འཆད་པ་ཡིན་ནོ། །དེ་ཡང་དེ་ལས་བྱུང་བ་ཉིད་ཀྱི་ཤེས་པ་མེད་པར་བྱེ་བྲག་མེད་པ་ཁོ་ན་ཡིན་པའི་ཕྱིར། རྟག་པ་དང་མི་རྟག་པར་ཁས་ལེན་པ་དག་ལ་བྱེ་བྲག་ཅི་ཡང་མེད་དོ། །དེ་བཞིན་དུ་མཚོན་དང་སྨན་སོགས་དང་འབྲེལ་ལས་ཞེས་བྱ་བ་ལ་སོགས་པ་ནི། ་ཡུལ་ངེས་པར་བསྟན་པ་ཡིན་ནོ། །གཞན་དུ་ན་ཤིན་དུ་འབྲེལ་པར་མི་འགྱུར་རོ་ཞེས་བྱ་བ་ལ་མི་འགུ་བས། ཡང་ན་ཇི་ལྟར་བསྐྱེད་པ་ལས་སྔར་ཞེས་བྱ་བ་སྨོས་སོ། །རྟག་ལས་སྐྱེ་བ་མི་འཐད་ཕྱིར་ཞེས་བྱ་བ་སྟེ། རྟག་པ་ཉིད་ཡིན་པས་འབྲས་བུ་ཡོད་པ་དང་མེད ་པའི་དུས་སུ་བྱ་བ་མེད་པར་འདུག་པ་ཡིན་པར་བསྟན་ནས། འདིར་ནི་འདོད་ཆགས་པ་སོགས་པ་དང་བྲལ་བའི་ཕྱིར། རྟག་པ་དང་མི་རྟག་པར་ཁས་ལེན་པ་དང་མཚུངས་པ་ནི་བྱེ་བྲག་གོ་།བཤད་པ་འདི་ལ་ནི་རྒྱུ་ཡིན་པ་དང། རྒྱུ་མ་ཡིན་པ་ཉིད་དུ་འཛིན་པར། ་མཚོན་དང་སྨན་ལ་སོགས་ཞེས་བྱ་བ་འདིས་བསྟན་པ་ཡིན་ནོ། །རྒྱུ་ཉིད་ནི་འགའ་ཞིག་གིས་མངོན་སུམ་ཉིད་ཀྱིས་མི་ཤེས་པ་མ་ཡིན་ནམ། འབྲས་བུས་ཀྱང་དབང་པོ་ལ་སོགས་པ་བཞིན་དུ་དེའི་ཤེས་པ་འབྱུང་བའི་ཕྱིར་ཞེས་བྱ་བ་ནི། སྡོད་འཇུག་ཅེས་བྱ ་བར་སེམས་པ་དེ་ལ་ལན་ནི། སེམས་པ་ཅན་དང་ཅིག་ཤོས་དག་གིས་འབྲས་བུ་མཚན་ཉིད་མི་མཐུན་པ་ཡིན་གྱི། སེམས་པ་ཅན་ལ་བྱེ་བྲག་མེད་པར་གོ་བར་བྱེད་པ་མ་ཡིན་ནོ་ཞེས་བསྟན་པ་ཡིན་ནོ། །ད་ལྟར་ནི་སེམས་པ་ཅན་མ་ཡིན་པའི་འབྲས་བུ་རི ་ལ་སོགས་པ་གང་ཡིན་པ་དེ་ཡང་རྒྱུ་གཅིག་གིས་བསྐྱེད་བྱ་མ་ཡིན་ཏེ། དེ་ལྟ་མོད་ཀྱི་ཚོགས་པ་ཅན་གྱི་བསྐྱེད་བྱ་ཡིན་ལ། དེ་ལ་ནི་སྣ་ཚོགས་པའི་བདག་ཉིད་ཡིན་པའི་ཕྱིར་སེམས་པ་ཅན་ཡང་ནང་དུ་འདུས་པར་འགྱུར་བར་སྲིད་པ་ཡིན ་ཏེ། དབང་པོ་ལས་འདས་པས་ཤེས་པའི་དཀའ་བའི་ཕྱིར་དང། མེད་པར་ངེས་པ་མེད་པའི་ཕྱིར་རོ། །ཡོད་པ་སྲིད་པ་ནི་འབྲས་བུ་མཐོང་བ་ལས་དགག་བྱ་མ་ཡིན་ཏེ། ཤིན་ཏུ་ཡུན་རིང་པོར་མ་མཚོན་པ་རྣམས་ཀྱང་ཡང་ཉེ་བར་མཚོན་པར་དམིགས་པའི་ཕྱིར་རོ།། ་འབྲས་བུའི་དབྱེ་བ་ཡང་སེམས་པ་ཅན་ལ་རྗེས་སུ་མི་མཐུན་པ་མ་ཡིན་ཏེ། འབྲས་བུའི་བྱ་བའི་བསྐྱེད་བྱར་འདོད་པ་ཙམ་ལས་བྱུང་བས་མི་ཚུངས་པའི་ཕྱིར་རོ། །འདི་ལམ་གྲུབ་པ་འམ་ཞེས་བྱ་བ་འདིས་མ་གྲུབ་པ་ཉིད་དམ། ཐེ་ཚོམ་ཟ་བས་མ་གྲུབ་པ་ཉིད་དུ ་ལན་བཏབ་པ་མ་ཡིན་ནམ། སེམས་པ་ཅན་དུ་གྲུབ་པར་ངེས་པ་ཡིན་ན། དེ་སུན་དབྱུང་བར་བདེན་པ་ཡིན་ན་འདིར་ནི་དེའི་སྲིད་པ་ནི་འབྲས་བུ་ཙམ་མཐོང་བ་ལས་འབྱུང་བ་ཡིན་ནོ་ཞེས། འོན་ཏེ་འགྱུར་ན་ཡང་དབང་ཕྱུག་ཀྱང་བརྒྱ་ཞིག་ལ་ཞེས་བྱ་བ་ལ་སོགས ་པར་ཐེ་ཚོམ་ཟ་བ་ནི། འབྲས་བུ་ལ་དེས་བྱས་པའི་ཁྱད་པར་མེད་པས་བསལ་བ་ཡིན་ནོ། །དེ་སྐད་དུ་ཡང། རང་བཞིན་ནོ་འབྲས་བུ་སྟེ། དེའི་དབྱེ་བ་དེས་བྱས་པ་ནི་ཁྱད་པར་ཏེ་དེ་མེད་ན་སེམས་པ་ཅན་གྱི་བྱེད་པ་སྲིད་པར་ནི་མི་རིགས་ཏེ། དབང་པོ་ལས་འདས ་པའི་བྱེད་པའི་བྱ་བ་ནི་དེས་བྱས་པའི་འབྲས་བུའི་ཁྱད་པར་མཐོང་ན་མིག་གི་གཟུགས་ཤེས་པ་བཞིན་དུ་ངེས་པ་མ་ཡིན་ལ། བྱེ་བྲག་མེད་ན་དེ་ཡང་མེད་པ་ཡིན་ཏེ། དཔེར་ན་དེ་ཉིད་ལ་རོ་འཛིན་བཞིན་ནོ། །ཇི་ལྟར་དེ་ཉིད་ལ་རོ་འཛིན་གྱི་སྲིད་པ་མ་ཡིན་པ་ལྟ་བུའོ།། ་དབང་པོ་ལས་འདས་པ་རྣམས་ཀྱི་བྱ་བ་ཡང་དེས་བྱས་པའི་ཁྱད་པར་ཡོད་པ་དང་མེད་པ་དག་གིས་ཡོད་པ་དང་མེད་པ་དག་གི་ངེས་པ་ནི་རང་གི་ངོ་བོ་བཞིན་དུ་བྱ་བར་དཀའ་བ་མ་ཡིན་ཞེས་བྱ་བའི་དོན་ཏོ། །ང་ནི་འགྲེལ་པ་རྣམ་པར་འབྱེད་པ་ཡིན་ཏེ། སྒྲུབ ་བྱེད་ནི་གཞན་དུ་མི་འཐད་པ་ཡིན་གྱི། ནམ་མཁའ་ལ་སོགས་པ་དང་མཚུངས་པའི་ཡོན་ཏན་ཅན། དེ་མ་ཡིན་པའི་གནས་ལས་སམ་གཞན་ལས་གྲུབ་པ་མ་ཡིན་ཏེ། གཞན་དུ་གྲུབ་པའི་ཕྱིར་རོ་ཞེས་བསྟན་པ་ན། ཇི་ལྟར་དབང་ཕྱུག་ཁྱབ་པ་ཉིད་དང་རྟག་པ་ཉིད་ལ་སོགས ་པ་སྟེ། ནམ་མཁའ་ལ་སོགས་པ་དང་མཚུངས་པའི་ཡོན་ཏན་ཅན་གཞན་དུ་གྲུབ་པ་ལ་གཞན་དུ་སེམས་པ་ནི། འོན་ཏེ་དེ་ནི་ཞེས་བྱ་བའོ། །དེ་ལ་ཡང་སྟེ་ཤེས་པ་ལ་ཡང་མཚུངས་པའི་ཕྱིར་ཏེ་དབྱིབས་བཞིན་དུ་ཤེས་པ་ལ་ཡང་ནམ་མཁའ་ཉིད་རྒྱུ་ཡིན་ནོ་ཞེས་བྱ་བའི་དོན་ཏོ།། ་མཐོང་བའི་རྗེས་སུ་འབྲངས་ནས་ཀྱང་རྟོག་པ་ཡིན་ནོ་བྱེད་པར་འདོད་པ་ཙམ་ནི་རྒྱུ་མ་ཡིན་པའི་ཕྱིར་བོར་ནས་རྫས་ཙམ་གྱིས་མཐར་ཐུག་པ་ཡིན་པའི་ཕྱིར། ནམ་མཁའ་ཁོ་ན་ལ་ཡོད་པ་ཡིན་ནོ་ཞེས་བསྟན་པ་ནི། བྱེད་པར་འདོད་པ་ཙམ་གྱིས་ནི་ཞེས་བྱ་བ་སྟེ། གལ ་ཏེ་ཡང་སེམས་པ་ཅན་གྱི་ཁྱད་པར་གྱིས་འབྲས་བུ་ནི་ལས་ལ་སོགས་པར་མཐར་ཐུག་པ་ཡིན་པར་བསྟན་པ་ནི། གལ་ཏེ་ལས་ལ་སོགས་ཞེས་བྱ་བ་སྟེ། བསལ་ནས་ནི་སྤངས་ནས་སོ། །དེ་ལྟ་མིན་ན་ཞེས་བྱ་བ་ནི། ལས་ལ་སོགས་པའི་ནུས་པ་ཉིད་ཡོད་ཀྱང་གཞན ་དུ་རྟོག་པ་ཡིན་ན་གཅིག་ཏུ་མི་འགྱུར་ཏེ། འོན་ཀྱང་ཐམས་ཅད་དུ་འགྱུར་ལ། དེ་ཡང་གཅིག་གི་མ་ཡིན་ཏེ་འོན་ཀྱང་ཐམས་ཅད་ཀྱིའོ། །འབྲས་བུའི་ནི་རྒྱུའི་བྱ་བ་ཡོད་ན་འབྱུང་བ་ཡིན་གྱི་དེ་དང་བྲལ་བ་ནི་འགལ་བའི་འབྲས་བུ་ཡིན་པར་བསྟན་པ་ནི། འདོད་ཆགས་ལ ་སོགས་པ་ཐམས་ཅད་ཅེས་བྱ་བའོ། །འདོད་ཆགས་ལ་སོགས་པ་སྤངས་ཀྱང་ལས་ཀྱི་བྱ་བ་དང་བཅས་པར་འགྱུར་བ་ཡིན་ནོ་སྙམ་དུ་སེམས་པས། འཇིག་རྟེན་གྱི་ལས་ཞེས་བྱ་བའོ། །ལས་ཀྱི་གཞན་དབང་ཉིད་ཡིན་ཡང་རྒྱུ་མཚན་འགྲུབ་པ་ཡིན་གྱི་བྱེད་པ་པོ་ནི ་མ་ཡིན་ཏེ། རང་དབང་མེད་པའི་ཕྱིར་རོ་ཞེས་བསྟན་པ་ནི། ཕ་རོལ་ལས་ཀྱི་གཞན་དབང་ཞེས་བྱ་བའོ། །འདི་ནི་ཕ་རོལ་ལས་ཀྱི་གཞན་དབང་མ་ཡིན་ཏེ། འོན་ཀྱང་སྙིང་རྗེས་ཡིན་ནོ། །དེས་ན་རང་དབང་མེད་པ་མ་ཡིན་ནོ་སྙམ་དུ་སེམས་པ་ནི། དེ་ལ་བརྩེ་ཚུལ་ཞེས ་བྱ་བའོ། །བརྩེ་བ་དང་ལྡན་པ་ཡིན་ན་དགེ་བ་གཅིག་པུའི་བསྐྱེད་བྱེད་དུ་འགྱུར་ལ། མི་དགེ་བ་ནི་འགལ་བའི་འབྲས་བུ་ཡིན་པར་བསྟན་པ་ནི། དམྱལ་སོགས་ཞེས་བྱ་བའོ། །འོན་ཀྱང་འཇིག་རྟེན་ལ་མི་དགེ་བའི་ལས་ཡོད་ཀྱང་འདི་ལ་བྱིན་གྱིས་བརླབས ་པ་མེད་ན། འབྲས་བུ་བསྐྱེད་པར་ནུས་པ་མེད་པའི་ཕྱིར་འདི་འབའ་ཞིག་བྱིན་གྱིས་རློབས་པ་པོ་ཡིན་གྱི། བྱེད་པ་པོ་ནི་མ་ཡིན་ནོ་སྙམ་དུ་སེམས་པ་ནི། འཇིག་རྟེན་ལས་ཉིད་ཅེས་བྱ་བའོ། །དེས་བྱིན་གྱིས་མ་བརླབས་ན་འབྲས་བུས་མེད་ལ། བྱིན་གྱིས་བརློབས་པས་ནི་འབྲས ་བུ་ལྡན་པར་བྱས་པ་ཡིན་གྱི། འཕགས་པ་ནི་མ་ཡིན་ཏེ། འདོད་ཆགས་ལ་སོགས་པ་དང་ལྡན་པར་འགྱུར་རོ་ཞེས་བསྟན་པ་ནི། འདི་འཕགས་པ་མིན་ཞེས་བྱ་བའོ། །འདོད་ཆགས་དང་བྲལ་བ་ཡིན་ཡང་གཞན་གྱི་དོན་ལ་འཇུག་པ་ནི་མི་དགེ་བའི་ལས་ལ་བདེ་བར་བྱ ་བར་མི་ནུས་པའི་ཕྱིར། མི་བདེ་བར་བྱེད་པ་ཡིན་ནོ་ཞེ་ན། འཕགས་པ་གལ་ཏེ་ཞེས་བྱ་བའོ། །དེ་ལ་ཇི་ལྟར་བྱ་བར་སྟན་པ་ནི་བཏང་སྙོམས་ཉིད་ཅེས་བྱ་བའོ། །འོན་ཏེ་འགྲོ་བ་སྣ་ཚོགས་པ་ནི་བདེ་བ་ཅན་དང་སྡུག་བསྔལ་ཅན་ལ་སོགས་པ་བྱེད་པ་པོ་མེད་ན་ལས་བཞིན ་དུ་མ་གྲུབ་པ་དེ་ལྟ་བུར་གོ་བར་བྱེད་པ་ཡིན་ནོ་སྙམ་དུ་སེམས་པ་ནི། འོན་ཏེ་ཚུལ་འདི་ཞེས་བྱ་བའོ། །ལས་ཡོད་ན་དབང་ཕྱུག་ཡོད་ཀྱང་གཞན་དུ་སྣ་ཚོགས་པ་ཉིད་འགྲུབ་པར་བསྟན་པ་ནི། འདི་བདག་ཉིད་ལ་ཡང་དབང་མེད་པའི་ཕྱིར་ཞེས་བྱ་བ་སྟེ། རང་གི་ལས་ཏེ་དགེ ་བའི་འམ་མི་དགེ་བའི་འཚམས་པའི་ལས་ཀྱི་སྤྱོད་པ་བྱེད་པ་དང། ཐོབ་པའི་ངོ་བོ་གང་ཡིན་པ་དེ་དེ་བཞིན་ནོ། །ལས་ཀྱིས་མ་འཕངས་པ་འབྲས་བུ་མེད་པ་མ་ཡིན་ནམ། ལས་མེད་ཀྱང་དགེ་བ་གཅིག་པུ་སྐྱེད་བྱེད་དུ་ཐལ་བར་འགྱུར་བའི་ཕྱིར་རོ། །འཕེན་བྱེད་མ་ཡིན ་པ་ནི་གཉི་ག་ལ་མ་གྲུབ་པར་བསྟན་པ་ནི། དབང་ཕྱུག་གིས་བསྐུལ་ན་ཞེས་བྱ་བའོ། །ས་དང་ས་བོན་ལ་སོགས་པའི་ཚོགས་པ་ལ་ཡོད་པ་ཡང་ཕན་ཚུན་བརྟེན་པའི་ཕྱིར། ཕུལ་དུ་བྱུང་བར་སྒྲོ་བཏགས་པ་མ་ཡིན་ནམ་སྙམ་དུ་སེམས་པ་ལ། གཅིག་ཀྱང་ནི་ཞེས ་བྱ་བ་སྨོས་ཏེ། དབང་ཕྱུག་ནི་རྟག་པ་ཉིད་ཀྱི་ཕྱིར་སྒྲོ་བཏགས་པ་ཕུལ་དུ་བྱུང་བ་མ་ཡིན་ལ། ས་བོན་ནི་ཡིན་ནོ་ཞེས་བྱ་བའི་དོན་ཏེ། །འོན་ཏེ་ཚུལ་འདི་ནི་འདི་ལྟ་བུ་ཞེས་བསྟན་པ་ཉེ་བར་བསྡུ་བ་ནི། གལ་ཏེ་དབང་ཕྱུག་ལ་ནི་ནུས་མེད་ན་ཞེས་བྱ་བ་སྟེ། མེད་ན་ཞེས་བྱ ་བ་ནི་མ་ཡིན་ནམ་ཞེས་བྱ་བའི་དོན་ཏོ། །འགྲོ་བ་ལས་ཀྱི་བསྒྲུབ་པར་འགྱུར་ཞེས་བྱ་བར་བལྟ་བར་བྱའོ། །ལེགས་པའི་ལས་ཀྱིས་བསྒྲུབས་པ་ནི་དག་པའི་ལས་ཀྱི་འབྲས་བུ་སྟེ། དབང་ཕྱུག་གིས་ཕྱིན་ཅི་ལོག་ཏུ་བྱེད་པས་བྱ་བའི་དོན་ཏོ། །འོན་ཏེ་འཇིག་རྟེན་ཡང་ཕྱིན ་ཅི་ལོག་པ་ཁོ་ན་ཡིན་ལ། དེས་ན་དབང་ཕྱུག་ཀྱང་དེ་བཞིན་དུ་ཡིན་ནོ་སྙམ་དུ་སེམས་པ་ལ་འཇིག་རྟེན་རང་དབང་ཞེས་བྱ་བ་སྟེ། འདི་ནི་འཇིག་རྟེན་ནོ། །རང་དབང་ནི་ཕྱིན་ཅི་ལོག་ཏུའོ། །ལན་ནི་ལས་སྨྲ་བ་ཉིད་ཅེས་བྱ་བའོ། །ཡང་ན་སྔ་མ་དང་འདི་ཡང་བསྡུས་ནས་བསྟན ་པ་ནི། གལ་ཏེ་དབང་ཕྱུག་ལ་ནི་ནུས་མང་ན་ཞེས་བྱ་བ་སྟེ། ནན་གྱིས་བྱེད་པ་ཡིན་པ་དེ་ལྟ་ན་དགེ་བ་མང་པོ་བསྐྱེད་པར་བྱེད་པར་འགྱུར་རོ། །གལ་ཏེ་དེ་ཞེས་བྱ་བ་དབང་ཕྱུག་རང་དབང་དུ་བྱེད་པ་སྟེ། དགེ་བ་དང་མི་དགེ་བ་ལ་སོགས་པས་སྣ་ཚོགས་པ་ཡིན་པ་དེ ་ལྟ་ན་ལས་ཉིད་སྣ་ཚོགས་པ་ཡོད་པའི་ཕྱིར་སྣ་ཚོགས་པ་གཞན་ལ་དོན་མེད་དོ་ཞེས་བྱ་བའི་དོན་ཏོ། །ཅི་སྟེ་ཡང་ཞེས་བྱ་བ་ལ་སོགས་པའི་རྒོལ་བའི་ལན་དུ་དེ་ལྟ་ན་འོ་ན་ནི་ཞེས་བྱ་བ་སྨོས་སོ། །རྒྱུན་གྱིས་སམ་པ་ཞེས་བྱ་བ་ལ་སོགས་པས་ཕྱེད་སྔ་མ་རྣམ ་པར་འགྲེལ་བ་ཡིན་ནོ། །དེའི་དབང་དུ་བྱས་ནས་བསྟན་པ་ནི། ཇི་ལྟར་རྫ་མཁན་ལ་སོགས་པ་ཞེས་བྱ་བའོ། །ལྡོག་པའི་ཕྱིར་ཞེས་བྱ་བ་ནི་འབྲས་བུ་མེད་པའི་དུས་ན་མེད་པ་ནི་ལྡོག་པ་ཡིན་ལ། དེའི་དུས་ན་ཡོད་པའི་རྟོག་པ་ནི་དེར་མི་འགྱུར་རོ་ཞེས་བྱ་བའི་དོན་ཏོ།། ་འདི་ལྟ་བུའི་ལྡོག་པ་དང་མཚན་ཉིད་མི་མཐུན་པ་ནི། གཉི་གའི་དེ་ཡོད་ན་འབྱུང་བ་ཙམ་མ་ཡིན་པར་བསྟན་པ་ནི། གང་དག་ཡོད་ན་ཞེས་བྱ་བ་སྟེ། རྗེས་སུ་འཇུག་པ་མེད་པ་སྟེ་ཚད་མ་མེད་པ་ཅན་ནོ། །རྟོག་པ་ནི་ཡོན་ཏན་ཅན་གྱི་རྒྱུ་མཐོང་ནས་གཞན་དུ་རྟོག ་པ་ཡིན་ལ། དེ་ལ་ཡོན་ཏན་ཅན་དུ་མཐོང་ནས་གཞན་དུ་རྟོག་པར་འགྱུར་རོ། །བརྟགས་པའི་ནུས་པས་ཀྱང་གཞན་དུ་རྟོག་པ་མ་ཡིན་ན། མཐོང་བ་དེ་བཞིན་ཁོ་ན་ཡིན་གྱི་གཞན་དུ་རྟོག་པ་ནི་མ་ཡིན་ནོ་ཞེས་བྱ་བའི་དོན་ཏོ། །གེགས་ཞེས ་བྱ་བ་ནི་བར་དུ་གཅོད་པའོ། །ཐུག་པ་མེད་པ་ལ་སོགས་པ་ཞེས་བྱ་བས་ནི་མ་མཐོང་བས་རྟོག་པ་ནི་ནན་མཐོང་བ་ཉམས་པ་ཡིན་ནོ་ཞེས་བྱ་བའི་དོན་ཏོ། །རྟག་ཏུ་གནས་པ་ཞེས་བྱ་བ་ནི་འབྲས་བུ་མེད་པའི་དུས་ཀྱི་མེད་པ་མེད་པར་བསྟན་པ་ཡིན་ཏེ་ཉེ་བར་མཚོན་པ ་ལ་སོགས་པའི་བར་དུ་ཡིན་ནོ། །གཤོལ་གྱི་བྱེད་པའི་ཁྱད་པར་ཞེས་བྱ་བ་ནི་རྒྱུའི་ཁྱད་པར་ཏེ། དེའི་བསྐྱེད་བྱ་མེད་ན་ངེས་པར་མི་འབྱུང་ངོ་ཞེས་བསྟན་པ་ཡིན་ནོ། །འགྱུར་བ་ཞེས་བྱ་བ་ནི་དེས་བྱས་པའི་འབྲས་བུ་ལ་ཡོད་པའི་ཁྱད་པར་ཏེ། རྒྱུ་ཉིད་དུ་ཤེས་པར ་བྱེད་པ་བསྟན་ཏོ། །མིག་དང་གཟུགས་ཀྱི་ཁྱད་པར་ལས་ཞེས་བྱ་བའི་ཚིགས་སུ་བཅད་པས་འབྲས་བུ་དང་རྒྱུ་ཕུལ་དུ་བྱུང་བ་རྟོག་པར་བྱེད་པས་རྟག་པ་རྣམས་ཀྱི་འབྲས་བུ་མེད་པའི་དུས་ན་མེད་པ་ཉིད་ཀྱི་རྒྱུ་ཉིད་ནི་དེ་གོ་བར་བྱེད་པའི་འབྲས་བུའི་ཁྱད ་པར་བཞིན་དུ་མི་སྲིད་དོ་ཞེས་ཡང་ཡང་བརྗོད་པ་དང་ལྷན་ཅིག་བརྗོད་པས་ཁྱད་པར་ཇི་ལྟ་བས་འདིར་ཡང་བསྟན་པ་ཁོ་ན་ཡིན་པར་ཉེ་བར་བསྡུ་བ་ནི་དེས་ན་ཞེས་བྱ་བའོ། །ཡང་དག་པར་བསྟན་པས་གཞན་གྱིས་སམ་ཡང་དག་པར་རིག་པས་དབྱིབས་ལ ་སོགས་པ་རྣམས་ཀྱི་ཚད་མ་འདིའི་རང་གི་ངོ་བོ་འཛིན་པས་རྟོགས་པར་བྱ་བ་མ་ཡིན་ནམ། རང་གི་དུས་ཙམ་འཛིན་པས་ནི་རྟག་པ་ཉིད་སྤངས་པར་ཐལ་བར་འགྱུར་རོ། །དེས་ན། དངོས་ཡོད་རྟོགས་པ་ཚད་ཡིན་ཕྱིར། ཞེས་བྱ་བ་ལ་སོགས་པ་ནི་གནོད ་པ་ཅན་མ་ཡིན་ནོ། །ཚད་མ་ལ་སྣང་བའི་སྐད་ཅིག་མ་ཞེས་བྱ་བར་རྣམ་པར་བཞག་པར་མི་ནུས་ཏེ། དེ་ཉིད་ཀྱི་ཕྱིར་སྒྲུབ་པ་བོ་མེད་དོ། །གཞལ་བྱ་མེད་པའི་རྟག་པར་རྟོགས་པ་ཙམ་འབའ་ཞིག་ཡིན་ཏེ། རྟོགས་པ་ཙམ་ནི་ཚད་མ་ཉིད་མ་ཡིན་ཏེ། གང་གིས་རང ་གི་ངོ་བོ་འཛིན་པ་ཉིད་སྐད་ཅིག་མ་ཡིན། འབྲེལ་པ་ཅན་ལས་རྟོགས་པ་ཡིན་ན་དེ་མི་འཛིན་པ་ལ་སོགས་པའི་སྐྱོན་དུ་ཡང་འགྱུར་རོ། །འདི་ལ་ནི་རང་གི་ངོ་བོ་མ་གཏོགས་པ་འབྲས་བུའི་བྱ་བ་ཡང་མེད་དོ། །རྟོག་པ་དེ་རྨོངས་པ་ཉིད་ལས་ཞེས་བྱ་བར་ཡང་མི་རིགས་ཏེ། སྒྲུབ ་བྱེད་དང་གནོད་བྱེད?་མེད་པས་ཐེ་ཚོམ་གྱི་ཡུལ་ཅན་ཡིན་པའི་ཕྱིར་དུས་གཅིག་ལ་ངེས་པ་དུས་གཞན་ལ་ཇི་ལྟར་འགྱུར་བ་ཡིན་ཞེས་བྱ་བའི་རྩོད་པ་ཡང་མ་ཡིན་ཏེ། ཡུལ་དང་དུས་ལ་སོགས་པའི་ཁྱད་པར་ཉིད་ཀྱི་ཕྱིར་རོ། །དེ་ལྟར་ན་རྟག་པ་ཞེས་བྱ་བར་རྟོག་པར་རྣམ་པར ་གནོད་པར་བྱེད་པའི་ཁྱད་པར་ཡོད་པ་ཙམ་མ་གཏོགས་པ་བྱེ་བྲག་གང་ཡང་མི་སྣང་ངོ། །དེ་ལྟ་བུ་མི་ཟད་པ་ཡིན་ལ། འདི་ལྟ་བུའི་འགྲོ་བ་ཐམས་ཅད་མངོན་པར་འབྱུང་བ་ཡང་ཡིན་པའི་ཕྱིར་དེ་ཡང་རྒྱུར་བརྗོད་དོ། །འདི་ལ་བར་མ་ཆོད་པའི་ཡོད་པ་ཅན། །དངོས་གང་ཡུལ ་དང་དུས་ལ་ནི། །དེ་ནི་རྟག་དང་ཁྱབ་བདག་འདོད། །དེའི་ཕྱིར་བདག་ནི་ཁྱབ་བདག་བརྗོད་ཅེས་སྨོས་པའོ། །ལྡོག་པ་མ་གྲུབ་པ་ཡང་མ་ཡིན་ཏེ། དེ་ནི་ཐམས་ཅད་དུ་ཡོད་པས་དེ་མེད་ན་འབྲས་བུ་ཡོད་པར་མི་འགྲུབ་པ་ཁོ་ན་ཡིན་ཏེ། ལྡོག་པ་ཡིན་པའི་ཕྱིར་རོ། །རྗེས་སུ ་འགྲོ་བ་ནི་དེ་ཡོད་ན་རེས་འགའ་འབྱུང་བ་ལས་སོ། །ཐམས་ཅད་དུ་དེ་ཡོད་པ་ལས་འབྲས་བུ་ཡང་དེ་བཞིན་དུ་ཡོད་པ་མ་ཡིན་ཏེ། དེ་ཡོད་ན་འབྱུང་བ་ཁོ་ན་ཡིན་ནོ། །ཞེས་འབྲས་བུ་ཉིད་ཀྱི་རྒྱུ་མཚན་དེ་ཡིན་པའི་ཕྱིར་རོ། །དེ་ཡོད་ན་འབྱུང་བ་དེ་ཁོ་ན་མ་ཡིན་ནམ། གཅིག་ཁོ་ན ་རྒྱུ་མ་ཡིན་ཏེ། འོན་ཀྱང་ཚོགས་པ་ནི་སྐྱེད་བྱེད་ཡིན་ཏེ། ལྷན་ཅིག་བྱེད་པ་རྣམས་ཀྱང་མི་རྟག་པར་འདུས་པ་ཡིན་པའི་ཕྱིར་རོ། །ལྷན་ཅིག་བྱེད་པ་རྣམས་ཀྱིས་དེ་ལ་ཅུང་ཟད་ཀྱང་བྱས་པ་མེད་དོ། །མ་ཚང་བ་ཉིད་དུ་སྔ་ན་ཡོད་པ་དེ་ཚང་བས་ལྡོག་པ་ཁོ་ན་ཡིན་པའི་ཕྱིར ་དེ་རྒྱུ་ཡིན་ན་དེས་བྱས་པའི་ཁྱད་པར་སྣང་བ་ཡིན་ནོ་ཞེས་བྱ་བ་ནི་མི་རིགས་ཏེ་ཁྱད་པར་ཐམས་ཅད་དབང་པོའི་ཡུལ་མ་ཡིན་པའི་ཕྱིར་རོ། །དེ་ལྟ་བུའི་ཕུལ་དུ་བྱུང་བ་དེས་བྱས་པ་ཡོད་ན་ཡང་འུ་བུ་ཅག་ལ་སོགས་པའི་སྤྱོད་ཡུལ་མ་ཡིན་ཏེ། དེའི་ཕྱིར་རང་གི ་ངོ་བོ་བཞིན་དུ་རྒྱུ་འདི་ཉིད་ཀྱང་དོར་བྱ་མ་ཡིན་ཏེ། ཐེ་ཚོམ་ཅན་གྱི་དེ་ཉིད་ལྟ་བུའོ། །ལན་ནི་རྟག་ལ་ལྡོག་པ་མེད་པའི་ཕྱིར་ཞེས་བྱ་བ་སྟེ་གང་སྔར་བྱ་བ་བྱེད་པ་དེའི་འབྲས་བུ་འདས་པ་ཡིན་ཡང། དེ་ཐེར་ཟུག་ཏུ་ཡོད་པ་ཡིན་ན་ཅིས ་འབྲས་བུ་མི་འབྱུང་བ་ཡིན། རྒྱུ་མེད་པ་མ་ཡིན་པའི་ནི་མེད་པར་མི་རིགས་སོ། །སྔ་མ་བཞིན་དུ་ལྷན་ཅིག་བྱེད་པ་མེད་ན་མི་བྱེད་པ་ཡིན་ནོ་ཞེ་ན། དེ་ལྟ་ཡིན་ན་བྱེད་པ་པོ་ཉིད་ཉམས་པ་ཡིན་པའི་ཕྱིར་དེ་ཇི་ལྟ་རྟག་ཏུ་ཡོད་པར་འགྱུར། གང་གི་འབྲས་བུ་མེད ་པའི་དུས་སུ་མེད་པར་ཤེས་པ་དེ་འབྲས་བུའི་དུས་ན་ཡོད་ན་རྒྱུ་ཉིད་ཡིན་ཏེ། དཔེར་ན་ལྷན་ཅིག་བྱེད་པ་ལྟ་བུ་སྟེ་ཡོད་པ་ཙམ་གྱིས་མ་ཡིན་ཏེ། ཐལ་ཆེས་པའི་ཕྱིར་རོ། །དེའི་ཕྱིར་འབྲས་བུ་མེད་པའི་དུས་སུ་མེད་པ་ཉིད་ཀྱི་རྒྱུ་ཉིད་ཡིན་ལ་རྟག་པ་ཉིད་ནི་དེའི ་དུས་སུ་ཡོད་པ་ཡིན་པས་འགལ་བ་ཡིན་ན། ཇི་ལྟར་ཁས་ལེན་པར་བྱེད་སྔར་འབྲས་བུ་འབྱུང་བའི་དུས་སུ་དེ་བྱ་བ་མེད་པར་འདུག་པའི་འབྲས་བུའི་དུས་སུ་སྐྱེད་པར་བྱེད་པའི་ངོ་བོ་ནི། རྟག་པ་ཉིད་བྱ་བ་མེད་པའི་ངོ་བོ་དང་འགལ་བ་ཡིན་པར་བསྟན་པ་ཡིན་ནོ།། ་དེའི་ཕྱིར་ཟློས་པ་ཉིད་མ་ཡིན་ནོ། །ལྡོག་པ་མེད་པའི་ཕྱིར་འབྲས་བུ་མེད་པའི་དུས་ན་དེ་མེད་པ་མ་ཡིན་པའི་ཕྱིར། དེའི་ཁྱད་པར་གྱི་ནུས་པ་ཉིད་ཀྱིས་རྒྱུ་ཉིད་ཡོད་པ་མ་ཡིན་ཞེས་བྱ་བའི་དོན་ཏོ། །འབྲས་བུ་མེད་པའི་དུས་ན་རྒྱུ་མེད་པ་ཉིད་ཡིན་པའི་ཕྱིར་རྒྱུ ་མེད་པ་ཉིད་ནི་ཁྱབ་བྱེད་ཡིན་པར་བསྟན་པས། དེ་མེད་ན་སྟེ་རྒྱུ་ཡོད་པས་ཁྱབ་བྱ་འབྲས་བུ་མེད་པ་ཡང་ལྡོག་པ་ནི། འབྲས་བུ་ཡོད་པ་ཁོ་ན་ཡིན་པའི་ཕྱིར་རྗེས་སུ་འགྲོ་བ་གྲུབ་པ་ཡིན་གྱི། ཡོད་པ་ཙམ?་ནི་མ་ཡིན་ནོ་ཞེས་བསྟན་པ་ནི་གང་དག ་ཡོད་ན་ཞེས་བྱ་བའོ། །འདི་སྐད་བསྟན་པར་འགྱུར་ཏེ་ནུས་པ་ཅན་མ་ཡིན་པ་ཐ་མི་དད་པ་ལ་བལྟོས་ནས་གཅིག་ཏུ་བསྲེ་བ་ཡིན་ལ། དེ་ཡོད་ན་འབྱུང་བ་ཁོ་ན་རྒྱུ་རྣམས་གདོན་མི་ཟ་བར་དེ་དང་ལྡན་པར་མི་འགྱུར་རོ། །ཞེས་བྱ་བ་ལ་སོགས་པར་ཡང་ཤེས ་པར་བྱ་བའོ། །ནུས་པ་ཅན་རྒྱུ་ཡིན་ན་འབྲས་བུ་འབྱུང་བ་ཁོ་ན་ཡིན་ལ། དེ་མེད་པའི་དུས་ན་རྒྱུ་ཡང་མེད་པ་ཁོ་ན་ཡིན་ཏེ། དེ་ཡོད་ཀྱང་མི་འབྱུང་བའི་ཕྱིར། དེ་ལ་དབང་བྱེད་པ་མ་ཡིན་པའི་ཕྱིར་རོ། །གང་ལ་དེ་ལ་དབང་བྱེད་པ་མ་ཡིན་པ་དེ་ཐམས་ཅད་རྒྱུ་ལ་ཁྱབ ་པའི་ཕྱིར། ཐུག་པ་མེད་པའི་ཕྱིར་ཐལ་ཆེས་པ་ཡིན་ཏེ། འདི་རྒྱུ་ཡིན་གྱི་འདི་ནི་མ་ཡིན་ནོ་ཞེས་རྣམ་པར་གནས་པ་མ་ཡིན་ཞེས་བྱ་བའི་དོན་ཏོ། །ཡང་ན་མཐོང་བའི་རྒྱུ་འདི་ལྟ་བུའི་ཡོན་ཏན་ཅན་ཡིན་པར་དམིགས་ནས། རྒྱུ་གཞན་དུ་རྟོག་པ་ཡིན་ན། དེ་ལྟ་ན་བརྟག ་བྱ་དེ་འདི་ལྟ་བུ་ཞེ་འམ། དེ་བཞིན་དུ་གཞན་དུ་རྟོག་པར་བྱེད་པ་ཡང་ཡིན་ཏེ། རྒྱུ་མཚན་ལ་བྱེ་བྲག་མེད་པའི་དེའི་ཕྱིར་ཐུག་པ་མེད་པར་འགྱུར་རོ། །འོན་ཏེ་རྟོག་པར་མི་བྱེད་པ་དེ་དག་ཙམ་གྱིས་མགུ་བ་ཡིན་ན། ཡོངས་སུ་མགུ་བའི་རྒྱུ་ཡོན་ཏན་གཞན་དེ་དག་ཙམ ་དུ་འགྲོ་བ་ཅན་རྣམས་ཉིད་ལ་ཡང་ཡོད་པའི་ཕྱིར། མགུ་བར་འགྱུར་རོ། །ཡོན་ཏན་ཅན་གཞན་ཡང་རྒྱུ་ཉིད་དུ་བརྟགས་པ་རྣམས་ལས་གཞན་དུ་རྟོག་པ་ཉིད་ཀྱིས་སར་པར་དེའི་གནས་པ་ནི་རྒྱུ་ཉིད་ཀྱི་རྣམ་པར་གནས་པ་ཡིན་ལ། དེ་མ་ཡིན་པ་ནི་ཐུག་པ་མེད ་པ་ཡིན་ནོ། །མཐོང་བ་རྣམས་ཀྱི་རྒྱུ་རྣམས་ཅི་དེ་ཉིད་ཀྱི་ཐུག་པ་མེད་པ་དང། མཐོང་བ་ཉམས་པ་དང་མ་མཐོང་བའི་རྟོག་པ་རྣམས་ཡིན་ནོ། །ཡང་ན་བརྟགས་པ་བཞིན་དུ་འམ་རྟོག་བཞིན་པ་ལ་ཡང་ཐལ་བར་འགྱུར་བའི་ཕྱིར། བརྟགས་པ་དང་བརྟག་བྱ་ཐམས ་ཅད་ཀྱི་རྒྱུ་རྣམས་མེད་པ་ཁོ་ན་ཡིན་ནོ། །དེའི་ཕྱིར་དངོས་པོ་རྣམས་རྒྱུ་མེད་པ་ཅན་དུ་འགྱུར་རོ། །དེ་དག་ལས་གཞན་པའི་རྟོག་པ་ཡིན་ན་ཡང་རིགས་པ་མཚུངས་པ་ཉིད་ཀྱིས་བརྟགས་པ་དང། རྟོག་བཞིན་པ་ཡང་ཐལ་བར་འགྱུར་བ་ལ་ཐུག་པ ་མེད་པས་རྒྱུ་རྣམས་དེའི་འབྲས་བུ་ཐམས་ཅད་ལ་སར་བ་མ་ཡིན་པ་སྟེ། རྟག་པར་ནམ་མཁའ་ལ་སོགས་པ་བཞིན་དུ་གནས་པར་འགྱུར་གྱི། འཇིག་པ་དང་སྐྱེ་བ་དག་ཏུ་མི་འགྱུར་རོ་ཞེས་བྱ་བའི་དོན་ཏོ། །རྟག་ཏུ་ཡོད་པ་འམ་རྒྱུ་མེད་པར་ཞེས་བྱ་བ་ལ་སོ ་པའི་རིགས་པ་ནི། འདི་ལ་མཚོན་བྱེད་ཡིན་པར་བྱའོ། །རྗེས་སུ་འགྲོ་བ་དང་ལྡོག་པ་ཡང་འབྲས་བུ་མེད་པའི་དུས་ན་མེད་པའི་ངོ་བོའི་རྒྱུ་ཉིད་ནི་དེའི་དུས་ན་ཡོད་པ་བརྟག་པའི་ངོ་བོས་འགལ་བ་ཡིན་པར་བསྟན་ཏོ། །ས་གཞི་ལ ་འདི་ནི་མ་མཐོང་ལ་འདི་མྱུ་གུ་ལ་སོགས་པའི་རྒྱུ་མ་ཡིན་པ་ཡང་མ་ཡིན་ཏེ། དེ་ལྟར་རྟོགས་པའི་རྟག་ཏུ་གནས་པ་ནི་འབྲས་བུ་མེད་པའི་དུས་ན་ཡང་ཡོད་དོ་སྙམ་དུ་སེམས་པ་ལ། མྱུ་གུ་བསྐྱེད་ལས་སོགས་ཞེས་བྱ་སྟེ། ཡོངས་སུ་གྱུར་པའི་ས་གཞི ་ལ་མྱུ་གུ་ལ་སོགས་པའི་རྒྱུ་ཡིན་གྱིས་ཙམ་ནི་མ་ཡིན་ལ། ཡོངས་སུ་གྱུར་པ་ཡང་འབྲས་བུ་མེད་པའི་དུས་ན་མེད་པ་ཡིན་ནོ། །དེ་ལྟ་བུ་ཡོད་ན་འབྲས་བུ་མེད་པར་འགལ་བ་ཡིན་ཏེ། དེའི་ཁྱད་པར་ཡོད་ན་འབྲས་བུའི་ཁྱད་པར་མཐོང་བའི་ཕྱིར་ཡོངས ་སུ་གྱུར་པར་གྲུབ་པ་ཡིན་ནོ། །ཡང་ན་འབྲས་བུའི་རང་བཞིན་རྒྱུར་བྱས་པའི་ཁྱད་པར་གྱིས་འགའ་ཞིག་གི་རྒྱུ་ཉིད་དུ་རྟོགས་པ་ཡིན་གྱི་རི་ལ་སོགས་པའི་ཁྱད་པར་འགའ་ཡང་ལས་ཀྱིས་བྱས་པའི་འབྲས་བུའི་ངེས་པ་ལ་སོགས་པ་མ་གཏོགས ་པ་དབང་ཕྱུག་གིས་བྱས་པ་ནི་མ་ཡིན་ནོ་ཞེས་བྱ་བ་ནི་མི་རིགས་ཏེ། མ་ངེས་པའི་ཕྱིར་རོ། །འབྲས་བུ་ལ་ཁྱད་པར་རག་ལས་ཁོ་ན་ཡིན་པའི་ཕྱིར་རྒྱུ་ཉིད་མཐོང་བ་མ་ཡིན་ལ། གང་གི་ཕྱིར་ས་གཞི་ལ་མྱུ་གུ་ལ་སོགས་པའི་འབྲས་བུའི་བྱེ་བྲག་འགའ་ ་ཡང་རག་ལས་པར་མཐོང་བ་མ་ཡིན་ཞིང། དེ་རྒྱུ་མ་ཡིན་པ་ཡང་མ་ཡིན་ནོ་སྙམ་དུ་སེམས་པ་ལ། འབྲས་བུ་ཐམས་ཅད་ལ་རྒྱུས་བྱས་པའི་ཁྱད་པར་ཐམས་ཅད་མཐོང་བ་ལ། མྱུ་གུ་སྐྱེད་ལས་ལ་སོགས། རང་བཞིན་ཡོངས་སུ་གྱུར་ནས་ནི་ཞེས ་བྱ་བ་སྟེ། འབྲས་བུ་ལ་ཡོད་པའི་ཁྱད་པར་ལ་རག་ལས་པ་ཁོ་ན་ཡིན་ཞེས་བྱ་བའི་དོན་ཏོ། །འདི་ཅི་ལས་ཤེས་ཞེ་ན། དེའི་གཤོལ་ལ་སོགས་པས་བྱས་པའི་དབྱིབས་ཡིན་ན། དེའི་ཁྱད་པར་ཏེ་འབྲས་བུའི་ཁྱད་པར་མཐོང་ཕྱིར། དབང་ཕྱུག་གི་ཁྱད་པར ་གྱིས་ཁྱད་པར་དུ་སྣང་བ་ནི་མ་ཡིན་ཏེ། དམིགས་བྱ་བ་མ་ཡིན་པའི་ཕྱིར་ཏེ། དེའི་ཁྱད་པར་ལ་རག་ལས་བས་དབང་ཕྱུག་རྒྱུ་ཉིད་མ་ཡིན་ནོ་ཞེས་བྱ་བའི་དོན་ཏོ། །འདིས་ནི་སྨན་དུ་མ་ལས་བྱུང་བའི་འབྲས་བུ་ལ་རྒྱུས་བྱས་པའི་ཁྱད་པར་མཚོན་པ་བསལ་བ་ཡིན་ཏེ། རྗེས ་སུ་འགྲོ་བ་དང་ལྡོག་པ་དག་གི་རྒྱུའི་བྱེ་བྲག་གིས་དེའི་ཁྱད་པར་ཉེ་བར་མཚོན་པ་ནི་བྱ་སླ་བ་ཉིད་ཀྱི་ཕྱིར་ཁྱད་པར་རྗེས་སུ་མཚོན་པ་མ་ཡིན་ཡང། རྒྱུ་ཉིད་ཡིན་ན་སྲིད་པ་ནི་རྩ་བ་མེད་པའི་ཕྱིར་རོ། །དེ་བཞིན་དུ་འབྲས་བུ་མེད་པའི་དུས་ན་མེད་པ་ནི་རྒྱུ་ཡིན་ལ། དེ ་ཉིད་ཀྱང་ཁྱད་པར་ཁོ་ནས་ཤེས་པ་ཡིན་ནོ་ཞེས་བྱ་བ་འདི་ལ་ཕྱི་རོལ་བསྟན་ནས་ནང་གི་དཔེ་བསྟན་པ་ནི། གལ་ཏེ་ཇི་ལྟར་ཡུལ་དབང་པོ་ཞེས་བྱ་བ་སྟེ། འབྲས་བུ་མེད་པའི་དུས་ན་མི་འབྱུང་བ་འམ་འབྲས་བུ་ལ་ཡོད་པ་མ་ཡིན་ན། འབྲས་བུ་ཙམ་མཐོང་བ་ལས ་དབང་པོ་ལ་སོགས་པ་རྒྱུ་ཡིན་ལ། དེ་ལྟར་དབང་ཕྱུག་ལ་སོགས་པ་གོ་བྱ་ཡིན་ནོ་ཞེ་ན། ལན་ནི་མིན་ཞེས་བྱ་བའོ། །ཅི་ལས་ཤེ་ན། དེ་ལ་ཡང་སྟེ་དབང་པོ་ལ་སོགས་པའི་རྒྱུ་འམ་འབྲས་བུ་རྣམ་ཤེས་ལ་ཁྱད་པར་ཡོད་པ་ཁོ་ན་ཡིན་ནོ། །ཁྱད་པར་དེ་ཉིད་ལྷན་ཅིག ་བརྗོད་པས་བསྟན་པ་ནི། དེ་ལ་དབང་པོ་ལ་སོགས་པ་རྣམས་སོ་སོར་ནུས་པ་མེད་པ་རྣམས་ཚོགས་ཀྱང། ནུས་པ་མེད་པར་འགྱུར་ལ། དེའི་ཚེ་ཡང་དེའི་རང་གི་ངོ་བོ་མི་འདོར་བའི་ཕྱིར་རོ། །སྡོད་པར་མི་བྱེད་པ་རྣམས་ཀྱི་ཡང་ཉེ་བར་འགྲོ་བའི་རྒྱུ་རྣམས་ཀྱིས། བྱ་བ ་མེད་པར་བདུག་པ་ཉམས་པ་རྣམས་ཁོ་ནར་ཉེ་བར་འགྲོ་བར་བྱས་པའི་ཕྱིར། རྒྱུན་གྱི་ཁྱད་པར་ཡིན་ལ། གཞན་རྣམས་ཀྱི་ནི་ཕན་ཚུན་གྱིས་ཡིན་ཞེས་ཞེས་བྱ་བ་ནི་རྣམ་པར་དབྱེ་བའོ། །ཁྱད་པར་དེ་ཡང་གལ་ཏེ་ཁྱད་པར་གཞན་གྱིས་ནི་ཡིན་ན་ནི་ཐུག་པ་མེད་པས ་རྒྱུ་མ་ཡིན་པ་ཉིད་དོ། །གལ་ཏེ་གཞན་དུ་ཡིན་ན་འབྲས་བུ་ཉིད་ཅི་སྟེ་མི་བྱེད། སྨྲས་པ་ཉེ་བར་འགྲོ་བའི་ཁྱད་པར་གྱི་ཁྱད་པར་ཡིན་ན། ལྷན་ཅིག་བྱེད་པ་པོ་ཉིད་ཡིན་གྱི་ཁྱད་པར་གཞན་གྱིས་ནི་མ་ཡིན་ཏེ། འབྲས་བུ་ལ་ནི་ཁྱད་པར་གྱིས་དེ་ལྟར་མ་མཐོང ་པའི་ཕྱིར། །བྱེད་པ་པོ་ཉིད་ཀྱང་རྣམ་པ་གཉིས་ཏེ། ཁྱད་པར་དང་ལྷན་ཅིག་པ་དག་གོ། རྒྱུན་གྱི་ཁྱད་པར་མེད་པ་ནི་ལྷན་ཅིག་བྱེད་པ་པོ་ཙམ་ཁས་ལེན་པ་ཡིན་ན་འབྲས་བུ་བརྗོད་པ་ཙམ་ལ་ཡང་འགྱུར་རོ། །ཚོགས་པ་སྐྱོན་གྱིས་བསྒྲིབས ་པ་གསལ་བར་བྱེད་པ་ཡིན་གྱི་ཁྱད་པར་ནི་མ་ཡིན་ནོ་ཞེ་ན། དེ་ཡང་དེའི་ཚེ་ཁོ་ན་ཡིན་པའི་ཕྱིར་ཇི་ལྟར་འབྲས་བུ་དུས་གཞན་ལ་ཡིན། ནུས་པ་ཡོད་པའི་ཕྱིར་སྐྱོན་ཡོད་ཀྱང་ཅིས་མི་བྱེད། དེའི་ཕྱིར་བྱེད་པ་པོ་ཉིད་མ་ཡིན་པ་གཞན་གྱིས་གསལ་བ་ཡིན་ཡ། ་བྱེད་པ་པོ་ཉིད་ཀྱང་དེའི་ཚེ་ཁོ་ན་མངོན་པར་འབྱུང་བ་ཡིན་པས་སྔ་ན་ཡོད་པ་མ་ཡིན་པའི་ཕྱིར་འབྲས་བུ་མེད་པའི་དུས་ན་མི་འབྱུང་བའི་མི་རྟག་པ་རྣམས་ཀྱི་ཁྱད་པར་གྲུབ་པ་ཡིན་གྱི། འདི་རྟག་པ་རྣམས་ལ་ནི་མི་སྲིད་དོ། །དེ་བཞིན་དུ་ཁྱད་པར་ནི་རིགས ་པར་ནི་རིགས་པའི་རྟོགས་བྱ་འབའ་ཞིག་ཀྱང་མ་ཡིན་ཏེ། དེ་ལྟ་མོད་ཀྱི་སྣང་བ་ཉིད་ཡིན་པར་བསྟན་པ་ནི། མིག་དང་གཟུགས་ཀྱི་ཁྱད་པར་ལས་ཞེས་བྱ་བའོ། །དོན་འདི་རྣམ་འགྲེལ་ལས། ཡོངས་སུ་བསལ་བའི་ཕྱིར་འགྲེལ་པ་མཁན་གྱིས་མ ་བཤད་དོ། །འབྲས་བུའི་ངོ་བོའི་ཁྱད་པར་ལས་བཞིན་དུ་རྒྱུ་ཉིད་ཅིས་ཤེས་པར་བྱ་བ་ཡིན། མ་བྱས་པ་དེའི་བྱེ་བྲག་ཀྱང་དེ་ཉིད་ཤེས་པའི་རྒྱུ་མཚན་མ་ཡིན་ཞེས་བྱ་བ་ནི་མི་གསལ་བའི་ཕྱིར་འདི་འཆད་པར་བྱེད་པ་ནི། མིག་ལ་སོགས་པ་རྣམས་ནི ་འབྲས་བུའི་རང་བཞིན་གྱི་ཞེས་བྱ་བ་ལ་སོགས་པས་སོ། །ཁྱད་པར་ཉིད་ལ་ཞེས་བྱ་བ་ནི་འབྲས་བུ་ལ་ཡོད་པ་ལས་སོ། །འབྲས་བུ་རྣམ་པར་ཤེས་པ་ནི་མིག་གི་གཟུགས་འཛིན་པར་སོ་སོར་ངེས་པ་ཡིན་ལ། ཡུལ་ལས་དེའི་རྣམ་པ་ཅན་དུ ་ཡིད་ལ་བྱེད་པ་ལས་རྟོགས་པའི་རང་བཞིན་ཅན་ཡིན་པའི་ཕྱིར། ཕན་ཚུན་རང་བཞིན་མི་མཐུན་པའི་འབྲས་བུའི་ཁྱད་པར་གྱིས་མཚན་ཉིད་མི་མཐུན་པ་ཁོ་ན་རྒྱུ་ཡིན་པར་རྟོགས་པར་བྱའོ། །ཁྱད་པར་དེ་ཅིག་སྐྱེད་པར་བྱེད་པ་ལས་ཁྱད་པར་གཞན ་མེད་པས་སོ་སོ་ནས་ནུས་པ་མེད་པ་རྣམས་ཀྱི་རྒྱུན་ཏེ། འབྲས་བུའི་ཁྱད་པར་ནི་ངེས་པ་ཅན་གྱི་ཁྱད་པར་ཏེ། རྒྱུ་ངེས་པ་ཅན་གྱི་བསྐྱེད་བྱ་ཡིན་ལ་གཟུགས་འཛིན་པའི་སོ་སོར་ངེས་པ་ལ་སོགས་པ་མེད་ན་རྟོགས་བྱེད་མ་ཡིན་པའི་ཕྱིར། ཚོགས་ཀྱང་རྒྱུ་མ་ཡིན་པ་ཉིད ་དུ་འགྱུར་བ་ཞིག་ན་ངེས་པ་ཅན་རྒྱུའི་བསྐྱེད་བྱ་ངེས་པ་ཅན་གྱི་ཁྱད་པར་རྗེས་སུ་འགྲོ་བ་དང་ལྡོག་པའི་རྟོགས་བྱ་ཡང་ཡོད་པ་ཡིན་ལ། དབང་ཕྱུག་གི་བསྐྱེད་བྱའི་ཁྱད་པར་རི་ལ་སོགས་པ་ལ་ནི། དེ་ལྟར་རྟོགས་པར་བྱ་བ་མ་ཡིན་ནོ། །ཁྱད་པར་བསྐྱེད་པར་བྱེད་པའི་སྒོ ་ཁོ་ན་ནས། ཤེས་པ་ཉིད་དབང་པོ་ལ་སོགས་པ་རྣམས་ཀྱི་བསྐྱེད་བྱ་ཡིན་གྱི། དེ་ཙམ་མམ་དེའི་ཁྱད་པར་གྱི་ཁྱད་པར་ཅན་ཉིད་དེའི་རྒྱུ་ཉིད་དུ་གོ་བར་བྱེད་པ་གཞན་ནི་དབང་པོ་ལ་སོགས་པ་ཉིད་ལ་ཡོད་པར་བསྟན་པ་ནི། མིག་དང་གཟུགས་ཀྱི་ཁྱད་པར་ལས། ཞེས་བྱ་བ ་ལས། འདི་ལ་རྣམ་འགྲེལ་དུ་ཡོངས་སུ་མི་གསལ་བ་ཡིན་པའི་དགོངས་པ་འགྲེལ་པ་མཛད་པས་ཡོངས་སུ་གྱུར་པའི་ཁྱད་པར་ཉིད་ཀྱིས། རྒྱུ་སྐྱེད་པར་བྱེད་པ་ཡིན་པ་དེའི་ཕྱིར་འབྲས་བུ་མི་འབྱུང་བའི་དུས་ན་མེད་པ་ཡིན་ནོ་ཞེས་བྱ་བ་དེ་ལྟ་རྒྱུ་ཉིད་ཡིན་ཏེ་གཞན་དུ ་ནི་མ་ཡིན་ནོ་ཞེས་བྱ་བར། འོན་ཏེ་མིག་ཕྱ་བ་ན་ཞེས་བྱ་བ་ལ་སོགས་པས་འཆད་པར་བྱེད་པ་ཡིན་ནོ། །ཡང་ན་གལ་ཏེ་ཇི་ལྟར་ཡུལ་དབང་པོ་ཞེས་བྱ་བ་ནི་འབྲས་བུའི་ཁྱད་པར་རྒྱུ་ཉིད་དུ་གོ་བར་བྱེད་པར་བསྟན་པ་སྟེ། མིག་དང་གཟུགས་ཀྱི་ཁྱད་པར་ལས་ཞེས ་བྱ་བ་ནི། རྒྱུ་ནི་འབྲས་བུ་མེད་པའི་དུས་ན་མེད་པ་སྒྲུབ་པའི་དོན་དུ་ཡིན་གྱི། འདི་གཉིས་ཀྱང་རྒྱུ་ཉིད་ཡིན་པའི་རྒྱུ་མཚན་དབང་ཕྱུག་ལ་མེད་དོ་ཞེས་བྱ་བར་ཉེ་བར་བསྡུ་བ་བསྟན་པ་ནི། དེའི་ཕྱིར་སོ་སོར་ཞེས་བྱ་བ་སྟེ། སོ་སོར་ནུས་པ་མེད་པ་རྣམས་ལ་ཏེ། ཁྱད ་པར་གཞན་གྱི་ནུས་པ་མེད་པ་རྣམས་ལའམ་འབྲས་བུ་ལ་ཡང་སྟེ། སོ་སོར་ནུས་པ་མེད་པ་རྣམས་ལ། གང་དག་ལ་ཡོད་འགྱུར་ན་སྟེ་འབྲས་བུའི་ཡོན་ཏན་གྱི་ཁྱད་པར་ཡོད་ནའམ། གང་དག་ལ་སྟེ་ཡུལ་ལ་ཡང་རུང་ཡོད་པར་འགྱུར་བ་ཡིན་ན། ་ཚོགས་པ་ནི་དེ་དག་ཁོ་ན་རྒྱུ་ཉིད་དུ་ཚད་མས་གྲུབ་པ་ཡིན་གྱི། དབང་ཕྱུག་ལ་སོགས་པ་རྣམས་ནི་མ་ཡིན་ཏེ། ཁྱད་པར་མེད་པའི་ཕྱིར་འབྲས་བུ་མེད་པའི་དུས་ན་རང་ལ་ཡོད་པའི་ཁྱད་པར་མེད་པས། འབྲས་བུ་ལ་ཡོད་པའི་ཁྱད་པར ་མེད་པའི་ཕྱིར་ཏེ། དཔེ་གཉིས་ཀྱང་ཡུལ་མང་པོ་ཉིད་བསྟན་པས། བསྟན་པར་བྱ་བའི་དོན་དུའོ། །སྐད་ཅིག་མ་ཉིད་ལ་སོགས་པར་ཡང་དག་པར་གསུངས་པས་ཀྱང། རྟོགས་བཞིན་པའི་ཡང་དག་པ་གཟིགས་པ་པོ་ནི། སྐད་ཅིག་པ་སྣ་ཚོགས་པ་ཙམ་གྱི ་ངོ་བོ་ཙམ་མམ། འདོད་ཆགས་ལ་སོགས་པས་སོ་སོར་རིག་པ་མ་ཡིན་ནམ། དེས་གསུངས་པའི་གཉེན་པོ་ནི་དེའི་རིགས་པ་མ་ཡིན་པས་དེའི་གཉེན་པོའི་ནུས་པ་མི་ཤེས་པས་བསྟན་པར་འགྱུར་ཏེ། དེ་ཡང་དེ་བཞིན་དུ་འདོད་ཆགས་དང་ལྡན་པ་ཡིན ་ལ། ལས་དང་འབྲས་བུ་ཤེས་པའི་སྟོབས་མ་སྐྱེས་པས་སྐྱེས་པས་སྙིང་རྗེ་དང་ལྡན་པ་ཡིན་ཡང། གང་གིས་འདི་ནི་བྱང་གྲོལ་གྱི་དོན་ཡིན། འདི་ནི་མཐོ་རོས་ཀྱི་དོན་ཡིན་ཞེས་ཤེས་པར་འགྱུར། ཤེས་པའི་དུས་ན་ནི་བྱ་བའི་རང་གི་ངོ་བོ་མེད་པའི་ཕྱིར་མངོན ་སུམ་གྱིས་ཀྱང་དེ་རིགས་པ་མ་ཡིན་ཏེ། ཉེ་བ་ཙམ་འཛིན་པ་ཅན་གྱི་མངོན་སུམ་ནི་དེ་ལྟ་བུ་མ་ཡིན་པ་ལ་ཚད་མ་མ་ཡིན་ཏེ། འབྲས་བུའི་དུས་ན་ནི་དེ་ཤེས་པ་མེད་པ་ཡིན་ལ་དེའི་ཚེ་ན་དེ་འདས་པ་ཡིན་པས་འདི་ལས་འདི་ཡིན་ནོ་ཞེས་ཤེས་པ་ནི་མངོན ་སུམ་མ་ཡིན་པའི་ཕྱིར་རོ། །འབྲས་བུ་ལས་རྒྱུ་ཙམ་གྱི་ཡུལ་ལ་རྗེས་སུ་དཔོག་པ་ཡང་ཁྱད་པར་རམ་བསོད་ནམས་སམ་ཅིག་ཤོས་ཀྱང་ཡིན་ཞེས་མི་ཤེས་ཏེ། དེ་ལྟ་བུའི་ངེས་བ་ནི་འཇུག་པའི་རྒྱུ་ཡིན་པའི་ཕྱིར་རོ། །ཤེས་གང་འཇུག་པའི་ཡན ་ལག་ཡིན། དེའི་རྩ་བ་བརྟག་བྱ་ལ། ཅི་ཡང་ཡོད་པའི་ཤེས་པ་ནི། །མི་རྣམས་ལ་ནི་ཅི་ཞིག་དགོས། རྩ་བ་དེ་ཡང་ཇི་སྐད་བསྟན་པའི་རིམ་པས་རིག་བྱེད་མ་ཡིན་ལ། རྟག་པ་ཉིད་འགའ་ཞིག་ནི་དབང་ཕྱུག་ལ་སོགས་པ་མ་ཡིན་གྱི། བསྒོམ ་པ་ལས་བྱུང་བའི་མངོན་སུམ་རྩ་བ་ཡིན་ཞེས་བྱ་བར་མི་རིགས་ཏེ། མཐོང་བ་མེད་ན་བསྒོམ་པ་མི་རིགས་པའི་ཕྱིར་རོ། །འགའ་ཞིག་ཏུ་དངོས་པོ་མཐོང་བ་ན་བསྒོམ་པས་གཞན་དུ་སྣང་བར་འགྱུར་བ་ཡིན་ནོ། །འདོད་པ་དང་མྱ་ངན་དང་འཇིགས་པ་དང་མྱོས་པ་དང ་རྨི་ལམ་ལ་སོགས་པས་ཉེ་བར་བསླད་པ་རྣམས་ནི་ཡང་དག་པ་མ་ཡིན་ཡང། མདུན་ན་གནས་པ་བཞིན་དུ་མཐོང་བ་ཡིན་ནོ་ཞེ་ན་ཡང། ཡང་དག་པ་མ་ཡིན་པའི་ཡུལ་ཅན་ཇི་ལྟར་ཚད་མ་ཡིན་ཡང་དག་པའི་ཡུལ་ཅན་ནི་ཚད་མ་ཡིན་ནོ་ཞེ་ན། དེ་ལྟ་ན ་དེ་རང་གི་ངོ་བོས་མཐོང་བ་ཡིན་ན་བསྒོམ་བར་འགྱུར་རོ། །ཐོས་པ་ཡིན་ནོ་ཞེ་ན། ཐོས་པ་ནི་ཚུལ་གསུམ་པའི་རྟགས་མཚོན་པར་བྱེད་པ་ཡིན་གྱི། མི་ཤེས་ན་རྗེས་སུ་སྒྲུབ་པར་བྱེད་ན་འབྲས་བུ་སྟེར་བ་ཡིན་གྱི། མི་ཤེས་ན་རྗེས་སུ་བསྒྲུབ་པར་བྱེད་ན ་ཡང་མེད་དོ། །ལས་བཞིན་དུ་དེའི་ཤེས་པ་ཡང་ཡོད་པ་ཉིད་དུ་ངེས་པར་རྟོགས་པ་ཡིན་ནོ། །དེ་ལ་ཡང་བསྒོམ་པ་ལས་བྱུང་བ་མེད་དེ། ད་ལྟར་བཞིན་དུ་མངོན་སུམ་ལ་སོགས་དེ་རྟོགས་པ་མེད་པས་དེ་ལས་བསྒོམ་པ་མི་རིགས་པའི་ཕྱིར་རོ། །ཉམས ་སུ་མྱོང་བ་དྲན་པ་ལ་གོམས་བྱས་ཀྱང་དེ་ཤེས་པ་མ་ཡིན་ཏེ། དེ་བཞིན་དུ་ཉམས་སུ་མྱོང་བ་མེད་ན་བསྒོམ་པ་ལས་ཀྱང་དེ་དྲན་པ་མེད་པའི་ཕྱིར་འཇིག་རྟེན་ཕ་རོལ་ནི་འཇིག་རྟེན་འདི་བཞིན་དུ་ཉམས་སུ་མྱོང་བ་ཡིན་ན་དྲན་པ་གོམས་པ་ལས་དྲན་པར་གྱུར ་པ་ཡིན་གྱི་ལས་དང་འབྲས་བུ་དང་འབྲེལ་བ་ནི་མ་ཡིན་ནོ། །སྲིད་པ་སྔ་མ་ལ་ལས་ཉམས་སུ་མྱོང་བའི་འབྲས་བུ་འདི་ལ་ཞེས་བྱ་བའི་འཇིག་རྟེན་གཉི་ག་རིག་པ་པོ་དེ་དག་གི་དེ་ཉིད་རྗེས་སུ་འགྲོ་བ་དང་ལྡོག་པ་དག་གིས་མ་རིག་པ་མ་ཡིན་ནས་།དུ ་བ་འམ་མེ་ནི་རང་གི་ངོ་བོས་རིག་པ་ཡིན་ན་རྗེས་སུ་འགྲོ་བ་ལ་སོག་པས་གཏན་ཚིགས་ལ་སོགས་པ་ཉིད་མི་རིག་པ་མ་ཡིན་ནོ་ཞེ་ན། མ་ཡིན་ཏེ། དེའི་ཚེ་ཡང་ཤེས་པ་དེའི་ཐབས་མེད་བསམ་ཤེས་པ་ལ་རྗེ་སུ་བསྒྲུབ་པ་མེད་པའི་ཕྱིར་རོ། །འཇིག ་རྟེན་ནི་ཤེས་པ་ལ་རྗེས་སུ་བསྒྲུབ་པ་ཡིན་ཏེ། འདི་ནི་བསོད་ནམས་སོ། །འདི་ནི་སྡིག་པའོ། །ཞེས་པའི་ཚིག་གཉིས་པོ་ལ། །རིགས་ངན་མཐར་ཐུག་མི་རིགས་ཀྱི། །བསྟན་བཅོས་དགོས་པ་ཆུང་བ་ཡིན། ཞེས་བྱ་བ་ཡིན་ནོ་ཞེ་ན། མ ་ཡིན་ཏེ། མངོན་སུམ་ལ་སོགས་པ་མ་གཏོགས་པར་འཇིག་རྟེན་ཚད་མ་ཉིད་མ་ཡིན་པའི་ཕྱིར། འདི་རྣམས་ཡོངས་སུ་དོར་ནས་ནི། །ལེགས་ན་འཇིག་རྟེན་ཚད་མ་མེད། །ཅེས་བྱ་བ་སྟེ། གང་གི་ཕྱིར་འཇིག་རྟེན་ཡང་དེ་ཉིད་ལ་རྩ་བར་འདོད་པ་ཡིན་ཏེ། འཇིག ་རྟེན་རྩ་བ་ཉིད་ཡིན་ན་དེ་བཞིན་དུ་བདག་ཅག་ལ་ཡང་དེ་ཉིད་ཡོད་པ་མ་ཡིན་པའི་ཕྱིར། ད་ལྟར་ཐམས་ཅད་ཤེས་པ་ཉིད་བརྟག་པ་ལ་དོན་མེད་དོ། །དྲན་པ་གོམས་པ་ལས་ཉམས་སུ་མྱོང་བ་དྲན་པས་སྔ་ན་མེད་པའི་ལས་ཀྱི་འབྲས་བུ་དང་འབྲེལ་བ་ལ ་སོགས་བ་ཡིན་ན། སྔ་ན་མེད་པའི་རྒོལ་བ་དང་ལན་བཞིན་དུ་ཀུན་ཏུ་སྣང་བར་ནི་མི་རིགས་སོ། །རྒོལ་བ་དང་ལན་དག་ནི་བསྟན་བཅོས་ཀྱི་དོན་དང་འབྲེལ་བས་སོ་སོར་སྣང་བ་ཡིན་ལ། མཉམ་པར་གཞག་པའི་བྱེ་བྲག་ལས་རིགས་པ ་ཡིན་གྱི་ལས་དང་འབྲས་བུ་དང་འབྲེལ་པ་ཅན་ཡིན་པ་ནི་དེ་བཞིན་དུ་ཅུང་ཟད་ཉམས་སུ་མྱོང་བ་མེད་དོ། །འབྲས་བུ་འགྲོ་བ་སྣ་ཚོགས་པ་ཉིད་ནི་རྒྱུ་ལས་སྣ་ཚོགས་པ་ཉིད་དུ་རྟོག་པར་བྱེད་པ་ཡིན་ནོ་ཞེ་ན། མ་ཡིན་ཏེ། དེའི་འབྲས་བུ་ཉིད་ཡོངས་སུ ་མ་བཅད་པས་རྒྱུ་ཙམ་དུ་རྟོག་པ་ཡིན་ན་འབྱུང་བ་སྣ་ཚོགས་པ་ཉིད་ཀྱིས་ཀྱང་ཁྱད་པར་སྤངས་པ་མ་ཡིན་ནོ། །འདི་སྐད་བསྟན་པར་འགྱུར་ཏེ་འཇིག་རྟེན་ཕ་རོལ་གྱི་འབྲས་བུ་ཆོས་དང་ཆོས་མ་ཡིན་པ་ལ་སོགས་པ་ན། འཇིག་རྟེན་འདིར་འབྲས་བུ་མ ་ཡིན་ཏེ། གང་གི་རྗེས་སུ་འགྲོ་བ་དང་ལྡོག་པས་རྟོགས་བྱར་འགྱུར། དེས་ན་འབྲས་བུའི་དུས་ན་དེའི་ངོ་བོ་འདས་པའི་ཕྱིར་ལ། དེའི་ཚེ་ཡང་འབྲས་བུ་མ་འོངས་པ་ཡིན་པའི་ཕྱིར་དེ་སྒྲུབ་པར་བྱེད་པ་ཉིད་ཀྱིས་ཆོས་ཉིད་དང། དེའི་འབྲས་བུ་ཉིད་ཡིན ་པའི་ཕྱིར་དེའི་འབྲས་བུ་ཉིད་དམ་སྒྲུབ་བྱེད་དང་འབྲས་བུ་དག་ལ་དབང་བྱེད་པ་ཡིན་ལ། དེ་ཁོ་ན་བཞིན་དུ་དབང་པོ་ལས་འདས་པ་ཡིན་པའི་ཕྱིར། ཅི་ལས་དེ་ལ་མངོན་སུམ་འམ་རྗེས་སུ་དཔག་པ་འཇུག་པར་འགྱུར། དེ་དག་མེད་ན་མཐོང་བའི་རྗེས་སུ་འབྲང་བའི ་བསྒོམ་པའི་རྒྱུ་མེད་དོ་ཞེས་རྒྱུ་མི་དམིགས་པ་ཡིན་པས་འབྲས་བུ་དེའི་ཤེས་པ་ཡང་མེད་དོ། །མ་འོངས་པ་ལ་ནི་མངོན་སུམ་གྱི་ནུས་པ་ཅུང་ཟད་ཀྱང་མ་མཐོང་ངོ། །རྟགས་ལ་སོགས་པ་དང་བྲལ་བའི་རྗེས་སུ་དཔག་པ་ལ་སོགས་པ་ཡང་གང་དུ་ཡང་མ་ཡིན ་ནོ། །བཅོམ་ལྡན་འདས་དང་འབྲེལ་པ་ཅན་གྱི་མིག་གི་དབང་པོ་ནི་རྣམ་པ་དེ་ལྟ་བུའི་ཤེས་པ་བསྐྱེད་པར་བྱེད་པ་ཡང་མ་ཡིན་ཏེ། མིག་གི་ཡིན་པའི་ཕྱིར་བདག་ཅག་གི་མིག་ལྟ་བུའོ། །གང་གི་རིགས་ཀྱི་ཚད་མས་ཀྱང། །རིགས་གང་གིས་ནི་དོན་མཐོང་བ། ་ད་ལྟར་འཇིག་རྟེན་གྱིས་མཐོང་བ། དུས་གཞན་དུ་ཡང་དེ་ལྟར་འགྱུར། ཐག་རིང་པོར་མཐོང་བར་བྱ་རྒོད་ལ་སོགས་པ་རྣམས་དང། ཐག་རིང་པོར་ཐོས་པའི་ཕག་ལ་སོགས་པ་རྣམས་ཁྱད་པར་ཅན་དུ་མཐོང་བ་ལས། ཤིན་ཏུ་ཁྱད་པར་ཅན་གྱི་རྟོག་པ་དེ་ཡང་རང ་གི་ཡུལ་མ་བོར་བ་ཁོ་ནས་ཁྱད་པར་ཅན་དུ་མཐོང་བའི་ཕྱིར་རོ། །གང་ལའང་བྱེ་བྲག་མཐོང་བ་ནི། །དེ་ཡང་རང་དོན་མ་བོར་བས། །རིང་པོར་ཕྲ་སོགས་དངོས་ལ་འགྱུར། །གཟུགས་ལ་རྣ་བའི་འཇུག་པས་མིན། །གཟུགས་དང་རོ་ལ་སོགས་པ་རྣམས། འདས་པ་དང ་མ་འོངས་པ་དང་ད་ལྟར་བྱུང་བ་རྣམས་ལ་མིག་གི་དབང་པོ་ལས་བྱུང་བའི་རྣམ་ཤེས་ཀྱིས་འགའ་ཡང་འཛིན་པ་ཡིན་ཞེས་བྱ་བའི་རྟོག་པ་ཡང་མ་ཡིན་ཏེ། མིག་གིས་ནི་དེ་ལྟ་བུའི་རྣམ་པའི་རྣམ་ཤེས་བསྐྱེད་པ་ལ་རྒྱུ་ཉིད་དུ་མ་མཐོང་བའི་ཕྱིར། ལྕེ་ལ ་སོགས་པའི་རྗེས་སུ་འགྲོ་བ་ཅན་གྱི་རོ་ལ་སོགས་པའི་མངོན་སུ་བྱེད་པ་ནི་གཞན་ལས་བྱུང་བ་མ་ཡིན་ཏེ། ལན་ཅིག་ཀྱང་དེ་ལས་མ་བྱུང་བར་ཐལ་བར་འགྱུར་བའི་ཕྱིར་རོ། །བྱུང་ན་བར་འབྲས་བུ་མེད་པ་ཉིད་དུ་ཐལ་བར་འགྱུར་ཏེ། གཉི་ག་ཡོངས་སུ་དོར ་ནས་དེ་དབང་བྱེད་པ་མ་ཡིན་པའི་ཕྱིར་རོ། །འདི་ཉིད་ན། ཚད་མ་ཉིད་ནི་གཅིག་ཉིད་ཀྱིས། །གང་གིས་ཀུན་མཁྱེན་དུ་རྟོག་བྱེད། །དེ་ནི་ངེས་པར་མིག་གིས་ནི། །རོ་ལ་སོགས་ཀུན་རྟོག་པར་བྱེད་ཅེས་བྱ་བས་ཚིག་འཁྱོག་པོས་བསྟན ་པ་ཡིན་ནོ། །སྐད་ཅིག་མ་ཉིད་དམ་རྣམ་པར་རིག་པ་ཙམ་ཉིད་ཚད་མར་རུང་བ་མ་ཡིན་ནམ། ཐོས་པ་དང་བཅས་པ་ལ་སོགས་པའི་རིམ་གྱིས་བསྒོམ་པར་བྱེད་པས་དེའི་ཡུལ་ལམ་དེའི་ཡན་ལག་གི་ཡུལ་གང་ཡང་རུང་བ་ཤེས་པ་དང། དེ་ཁོ་ན་ཉིད ་ལས་དེའི་འབྲས་བུ་ཉོན་མོངས་པ་ཐམས་ཅད་རབ་ཏུ་སྤངས་པར་འགྱུར་བ་ཁོ་ན་ཡིན་ནོ། །དེ་ལྟར་ཡང་སྦྱིན་པ་ལ་སོགས་པ་རྣམས་ནི་མཐོ་རིས་བསྒྲུབ་པར་བྱེད་པ་ཉིད་ལ་སོགས་པ་ནི་ཤེས་པ་ནི་ཚད་མར་མི་རུང་བའི་ཕྱིར་མ་ཡིན་ནོ། །དེའི་ཕྱིར་ཇི་ལྟར ་ཐམས་ཅད་ཤེས་པ་ཡིན། དེ་ལས་ཉོན་མོངས་པ་རབ་ཏུ་བཅོམ་པ་ལ་སོགས་དེར་འགྱུར་བ་མ་ཡིན་ཏེ། དེ་ནི་གཞན་ལས་འོངས་པ་ཡིན་པའི་ཕྱིར་རོ། །ད་ལྟར་ཡང་ཤེས་པ་ཆེས་ཤིན་ཏུ་ཆེ་བ་ཡིན་ཏེ། ཉོན་མོངས་པ་ཆེས་ཤིན་ཏུ་ཆེན་པོ ་བཞིན་དུ་དབང་པོ་ལས་འདས་པའི་ཤེས་པ་མ་མཐོང་བའི་ཕྱིར་ལ། དེ་བཞིན་དུ་དབང་པོ་ལས་འདས་པ་ཉིད་ཀྱིས་ཆོས་ལ་སོགས་པ་ནི་བསྒོམ་པའི་ཡུལ་མ་ཡིན་པའི་ཕྱིར། དེ་ལས་བྱུང་བ་མ་ཡིན་པའི་ཤེས་པ་ནི་ཉེ་བར་བསྟན་པའི་རྩ་བར་འགྱུར་རོ།། ་ཇི་སྐད་དུ་ཉེ་བར་བསྟན་པ་ནི་རྨོངས་པ་ལས་ཀྱང་འབྱུང་བའི་ཕྱིར་ནུས་པའི་ཡུལ་ལ་མི་ཤེས་པ་རྣམས་ཀྱི་ཉེ་བར་བསྟན་པ་ཡིན་པར་བརྟག་པར་མི་བྱའོ། །དེའི་ཕྱིར་ཤེས་པ་རྩ་བ་ཡིན་པར་ཤེས་པར་བྱའོ། །མི་ནས་པའི་ཡུལ་ལ་ནི་ཚད་མ་ཉིད་རྗེས་སུ་སྒྲུབ ་པར་འདོད་པས་བཅོལ་བར་བྱ་བ་ཡིན་གྱི། གཞན་གྱི་ཡུལ་ལ་ནི་མ་ཡིན་ཏེ། ལྟོས་པ་མེད་པའི་ཕྱིར་རོ་ཞེས་ཟེར་བ་ནི། ཚད་མ་ལྐོག་གྱུར་དོན་ཤེས་ཡིན་ཞེས་བྱ་བ་སྟེ། སྐད་ཅིག་མ་ལ་སོགས་པ་ནི་རྨོངས་པས་མ་རྟོགས་པ་ཡིན་ན། ཆོས་ལ་སོགས ་པ་བཞིན་དུ་ལྐོག་ཏུ་གྱུར་པ་ཁོ་ན་ཡིན་པའི་ཕྱིར། དེའི་ཤེས་པ་ཡང་ཚད་མ་ཁོ་ན་ཡིན་ལ། དེ་ཡང་ཉེ་བར་བསྟན་པ་ལས་གོ་བར་བྱེད་པ་ཡིན་ནོ། །ཉེ་བར་བསྟན་པ་ནི་ཚིག་མ་ཡིན་ནམ། གལ་ཏེ་དེ་ཡིད་ཆེས་པའི་སྐྱེས་བུ་ལས་སམ་དབང་པོའི་ཡུལ་ཡང ་སྟེ་ལོག་པ་མ་ཡིན་པར། བདེན་པར་སྨྲ་བ་ཁོ་ན་ཡིད་ཆེས་པའི་ཚིག་ཡིན་པར་བརྗོད་པ་ཡིན་ལ་དབང་པོའི་ཡུལ་ལ་ཡང་ཞེས་བྱ་བ་འདིས་ཀྱང་མངོན་སུམ་ལ་སོགས་པ་ཉིད་དུ་ཡིན་ནོ། །དོན་རྟོགས་པར་སྨྲ་བའི་མངོན་སུམ་ལ་སོགས་པའི་ཡུལ་ཅན་གྱི ་ཚིག་ནི་ཕྱི་རོལ་གྱི་དོན་ལ་ཚད་མ་ཡིན་གྱི། ལྐོག་ཏུ་གྱུར་པའི་ཤེས་པ་ལ་ནི་མ་ཡིན་ནོ། །ཇི་ལྟར་མཐོང་བའི་དོན་སྨྲ་ཉིད། །གལ་ཏེ་ཡིད་ཆེས་ལས་ཡིན་ན། །དབང་པོ་ཞེས་བྱ་རྩ་བ་སྟེ། །འདི་ན་ཡོད་ཅེས་དེས་སྨྲས་ཡིན། །བསྡུས་པའི་དོན་གྱི་ཡང་སྒྲ།། ་སྔ་མ་ལ་འམ་ཕྱི་མ་ལའང་རུང། །གཉི་ག་ལ་ཡང་རྟོག་བར་བརྗོད། །སོ་སོར་སླར་ཡང་བརྗོད་པ་ཡིན། །འོན་ཏེ་ཡིད་མི་ཆེས་བ་ལས་དང་དབང་པོའི་ཡུལ་མ་ཡིན་པ་ཡང་ཞེས་རྣམ་པར་རྟོག་པའི་དོན་ལ། ཡང་གི་སྒྲ་ཡིན་ནོ་ཞེས་བྱ་བའི་དོན་ཏོ། །དེ་བཞིན་དུ ་ནུས་པའི་དོན་ལ་ཡང་བརྫུན་པ་ཉིད་དུ་མཐོང་བ་ནི་ཡོད་ཀྱང་ནུས་པ་མེད་ནའོ། །འདིས་ཡིད་ཆེས་པ་ལས་ཞེས་བྱ་བས་མི་བདེན་པར་སྨྲ་བའི་ཚིག་དག་ག་ལ་ཡིན་ནོ། །དབང་པོའི་ཡུལ་ཡང་ཞེས་བྱ་བས་བདེན་པར་སྨྲ་བའི་ཡང་མི་ནུས་པའི་ཡུལ་ཡང་ངོ།། ་ནུས་བའི་ཡུལ་ལ་ཡང་བདེན་པར་སྨྲ་བའི་ཇི་ལྟ་བུར་མཐོང་བའི་དོན་མི་བརྗོད་པའི་ཕྱིར། ལོག་པར་སྨྲ་བ་ལ་སོགས་པ་སྔོན་དུ་སྨྲ་བ་ཅན་སུས་དག་དང་ནུས། དབང་པོའི་ཡུལ་ཉིད་དུ་བརྗོད་པ་ཁོ་ན་ལས་གདོན་ཇི་ལྟར་སྟོན་པ་ཡིན་པ་སྨྲ་བར་མི་རིགས ་ཏེ། ཡུལ་ངེས་པ་ལ་འཁྲུལ་པ་ཡིན་པའི་ཕྱིར་རོ། །བརྗོད་པ་ཡང་སྔ་མ་དེ་ཉིད་ཀྱིས་ཚིག་ལས་རྟོགས་པར་བྱ་བ་ཡིན་ལ། མ་རྟོགས་ན་དེ་ལ་དབང་བྱེད་པ་ཉིད་དང། དེ་བཞིན་མིན་པ་མ་ཡིན་པ་ཉིད་དུ་མ་ངེས་པ་ཡིན་ནོ། །དེས་ན་དོན་ལ་ཤེས་སྐྱེད་ལ།། ་ཉན་པའི་ཤེས་པ་འང་ངག་ལས་ནི། །འདི་ཡིས་ངེས་པར་ཤེས་སོ་ཞེས། །སྨྲ་བའི་ཤེས་པ་ལ་བློ་འགྱུར། །སྔ་རོལ་དུ་ནི་དོན་ནི་རྟོགས་ཀྱང། །དེ་ལ་རྟེན་ནས་ངེས་པ་ཡིན། །དེས་ན་དོན་ཤེས་གོ་བྱ་ཡང། །ཚད་མ་དེ་ཉིད་སྔར་བརྟེན ་པའོ། ཤེས་པ་ནི་རྟོགས་བྱ་ཡིན་པར་བདེན་ཏེ། ཡིད་ཆེས་པ་ཙམ་བཞིན་དུ་དེ་དང་གཞན་ཉིད་ཁོ་ན་ལས་སྨྲ་བ་པོའི་རང་བཞིན་དང་སྤྱོད་ཡུལ་ལ་སོགས་པ་གང་ལས་ཀྱང་འབའ་ཞིག་རྟོགས་པ་ཡིན་གྱི། ཚིག་ལས་ནི་མ་ཡིན་ཏེ། དོན་ཁོ་ན་དེ་ལས ་རྟོགས་པའི་ཕྱིར་ཚིག་ལས་དོན་ངེས་པའི་དུས་སུ་སྨྲ་བ་པོའི་ཤེས་པ་རྟོགས་པར་བྱ་བ་ཡིན་ཏེ། གཞན་དུ་ན་མ་ངེས་པའི་ཕྱིར་རོ་ཞེས་དེ་དག་ཙམ་དུ་ཁོ་བོ་ཅག་རྣམས་སྨྲ་བ་ཡིན་གྱི་ཚིག་ལས་སམ་གཞན་ལས་ཞེས་ངེས་པ་ནི་མ་ཡིན་ལ་ཚིག ་ཀྱང་ཤེས་པའི་སྒྲུབ་བྱེད་དུ་འདོད་པ་ཡིན་ནོ། །མི་མཁས་པས་ཉེ་བར་བསྟན་པ་ནི། བརྟག་བྱ་མ་ཡིན་ཞེས་བསྟན་ནས། རྨོངས་པ་མེད་ན་རིག་བྱེད་ལས་ཀྱང་ཡིན་ནོ་ཞེས་སྨྲ་པོས་སོ། །དེའི་ཕྱིར་ཡིད་ཆེས་པ་ལས་ཞེས་བདེན་པར་སྨྲ་བ་ཉིད་དུ་བརྗོད ་བཞིན་པའི་ཡུལ་དོན་ཇི་ལྟ་བ་ཤེས་པ་ནི་དབང་པོའི་ཡུལ་ཡང་ཞེས་བྱ་བ་འདིས་བསྟན་པ་མ་ཡིན་ནམ། དེ་བཞིན་གཞུང་ཉམས་པ་འབའ་ཞིག་མ་ཡིན་ཏེ། འོན་ཀྱང་སྐྱེས་བུས་བྱས་པའི་ཚིག་ཉིད་ལས་སྐྱེས་བུ་འདི་རིག་པར་བྱེད་པ་ཡིན་ཞེས ་བྱ་བར་ཤེས་པར་འགྱུར་བའི་ཕྱིར་འདིས་ནི་བྱས་པ་ལ་བྱེད་པའི་ཕྱིར་མི་མཁས་པ་ཡིན་ནོ། །གཅིག་གི་ཤེས་པ་བརྗོད་བྱ་ཡིན་པར་བསྟན་པ་ཡིན་ལས་གཅིག་ཤོས་ཀྱི་སྐྱོན་མེད་པའི་དོན་དུ་ཡོན་ཏན་བརྗོད་པས་ཐ་དད་པ་ཡིན་ནོ་ཞེ་ན། མ་ཡིན་ཏེ། དེ་ལས ་ཤེས་པའི་སྒོ་ན་དོན་ངེས་པ་ཁོ་ན་བརྗོད་པར་འདོད་པ་ཡིན་པའི་ཕྱིར་ཞེས། སྔ་རོལ་དུ་ནི་དོན་རྟོགས་ཀྱང། དེ་ལ་རྟེན་ནས་ངེས་པ་ཡིན། །ཞེས་བྱ་བས་བསྟན་པ་ཡིན་ནོ། །གང་གི་ཚེ་མཐོང་བ་པོ་ཉིད་དང་བདེན་པར་སྨྲ་བ་ཉིད་ཀྱང་ཡིད་ཆེས་པ་ལས ་ཡིན་ཞེས་བསྟན་པ་དེའི་ཚེ་ཡང་བདེན་པར་སྨྲ་བས་དབང་པོ་དབང་དབང་པོ་མ་ཡིན་པའི་ཡུལ་ཐ་མི་དད་པས་ཞེས་དགག་པ་སྤྱིར་བསྟན་ནས། དབང་པོའི་ཡུལ་སླར་ཡང་བསྐྱེད་པའི་དོན་དུ་དམིགས་ཀྱིས་བསལ་བ་ནི། དབང་པོའི་ཡུལ་ལམ་ཞེས་བྱ་བ་སྟེ། འམ་ཞེས ་བྱ་བ་ནི་རྣམ་པར་བརྟག་པའི་དོན་ནོ། །དམིགས་ཀྱི་བསལ་བ་ཡོད་ན་སྤྱིར་བཏང་བ་རྣམ་པར་གཅོད་པ་བསྟན་པ་ནི། འོན་ཏེ་ཡིད་མི་ཆེས་པ་ལས་དང་དབང་པོའི་ཡུལ་མ་ཡིན་པ་ཡང་ཞེས་བསྡུས་པའི་དོན་ནི། འམ་གྱི་སྒྲ་སྟེ་ཡིད་ཆེས་པའི་ཚིག་གམ ་དབང་པོའི་ཡུལ་མ་ཡིན་ཞེས་བྱ་བའི་དོན་ཏོ། །དེ་ཁོ་ན་བརྟེན་ནས་ཀྱང་ཚིག་མེད་ཀྱང་དེ་སྐྱེས་བུས་ཤེས་པར་ནུས་ན་ཞེས་བྱ་བ་ལ་སོགས་པ་སྦྱར་བ་ཡིན་ནོ། །དེ་ལྟ་ཡིན་ན་འགའ་ཡང་ཉམས་པ་མེད་དོ། །ཡིད་ཆེས་པ་ཡང་དབང་པོ་ལས་འདས་པ་མ ་མཐོང་བ་ཡིན་ནོ། མི་བསྒོམ་པའི་ཕྱིར་རྒྱུ་མེད་པས་དེའི་ཤེས་པ་ཡང་མེད་པ་མ་ཡིན་ནམ། ཇི་ལྟར་ཉེ་བར་བསྟན་པས་དེ་རྟོགས་པ་ཡིན་ཞེས་ཟེར་བ་ནི། དེ་སྒྲུབ་བྱེད་པ་ལ་འང་སྟེ་བསྒོམ་པ་ཡང་ངོ། །མེད་པའི་ཕྱིར་ནི་མཐོང་བ་མེད་པའི་ཕྱིར་རོ། །དབང་པོ་ལས ་འདས་པ་རྟོགས་པའི་དོན་ཏུ་སྦྱིན་པ་དང་ཚུལ་ཁྲིམས་ལ་སོགས་པས་སྨྲ་བ་པོའི་ནན་ཏན་བྱེད་པ་མ་ཡིན་ཏེ། དེ་ཤེས་པ་མེད་ན་ཉེ་བར་བསྟན་པ་ནི་དེ་སྔོན་དུ་འགྲོ་བ་ཅན་མ་ཡིན་པའི་ཕྱིར་དང། ཉན་པ་པོ་ནི་ཤེས་པ་བོ་མ་ཡིན་པའི་ཕྱིར། དེའི་དོན་ནན་ཏན་དུ ་བྱེད་པ་མ་ཡིན་ནོ། །ཤེས་པ་པོ་མེད་པར་བསྟམས་པ་ན། །ད་ལྟར་བདག་ཅག་སོགས་རྣམས་ཀྱིས། །རེ་ཞིག་ཀུན་ཤེས་མཐོང་བ་མིན་ཞེས་བྱ་བ་ནི་ཡིན་གྱི། །མངོན་སུམ་ལོག་པ་ནི་མེད་པ་ལ་ཚད་མར་བརྗོད་པ་མ་ཡིན་ནོ། །ཐམས་ཅད་ཤེས་པ་སྔོན་དུ་བྱུང ་བར་གྱུར་ཏོ་ཞེས་བྱ་བ་འདི་ལ་ཡང་ཚད་མ་མེད་དོ། །ཐམས་ཅད་ཤེས་པ་སྔན་མེད་པ་ཡིན་ཞེས་བྱ་བ་འདི་ལ་ནི་རྗེས་སུ་དཔག་པ་ཉིད་ཚད་མ་ཡིན་ཏེ། འདས་པའི་དུས་སུ་ཡང་ཐམས་ཅད་ཤེས་པས་སྟོང་པ་ཡིན་ཏེ། དུས་ཡིན་པའི་ཕྱིར་ད་ལྟར་བྱུང་བའི་དུས ་ལྟ་བུའོ་ཞེས་བྱ་བ་དེ་ལྟ་བུ་ལ་སོགས་པའི་བསལ་བ་བྱེད་པ་བཞིན་དུ། སྔོན་མ་བྱུང་ངོ་ཞེས་བརྟག་པར་ནུས་པ་ཡིན་ནོ། །རེ་ཞིག་ཐམས་ཅད་ཤེས་པ་མ་ཡིན་པ་ཉིད་ཅེས་བྱ་བ་ལས་བརྩམས་ནས། གཞུང་ལགས་ཐམས་ཅད ་ལ་ཡང་པ་ཡིན་ནོ་ཞེས་བྱ་བའི་བར་གྱི་ཐམས་ཅད་ཤེས་པའི་ཤེས་པ་ནི་རྒྱུ་མེད་པར་བསྟན་པ་ཡིན་ནོ། །དེའི་ངེས་པའི་རྒྱུ་ཡང་ཞེས་བྱ་བ་ལ་སོགས་པས་ཤེས་པ་པོ་མེད་པར་ཡང་ངོ། །ཚད་མ་གཞན་གྱི་སྤྱོད་ཡུལ་གྱི་དོན་རྟོགས་པར་བྱེད་པ་པོའི་སྐད་ཅིག ་ཉིད་ལ་སོགས་པར་དག་ལ། སངས་རྒྱས་ཀྱིས་གསུངས་པ་ཉིད་ཚད་མ་ཡིན་གྱི་ཁྱབ་པ་དང་ལྡན་པར་དམིགས་པ་མ་ཡིན་ནམ། ད་ལྟར་ནི་མཆོད་རྟེན་ལ་ཕྱག་བྱ་བ་ལ་སོགས་པའི་ངག་ལ་ཡང་དེ་ཉེ་བར་དམིགས་པ་ནི། ཚད་མ་ཉིད་ཀྱི་སྒྲུབ་བྱེད་ཡིན་ཏེ། ་ཤེས་པ་དེ་ནི་སྟོན་པ་པོའི་ཡིན་པར་རྟོགས་པར་བྱེད་པ་ཡིན་ནོ། །གང་ཡང་དབང་པོ་ལ་སོགས་པ་དང་འཕེལ་པ་ཅན་གྱི་ཡུལ་ལ། བདེན་པ་སྨྲ་བ་པོ་ཉིད་མཐོང་ནས་དེའི་ཚིག་ཉིད་ཀྱི་དད་པས་དོན་ལ་ཡང་རྟོག་པར་བྱེད་པར་འགྱུར་རོ། །སྨྲས་པ་ཚད་མ་གཞན ་དང་མི་བསླུ་བ་དང་ལྡན་པའི་སྐད་ཅིག་མ་ལ་སོགས་པའི་དག་ནི་ཚད་མ་ཡིན་གྱི། སངས་རྒྱས་ཀྱིས་གསུངས་པ་ཙམ་གྱིས་རབ་ཏུ་སྦྱོར་བ་ནི་མ་ཡིན་ནོ། །དེའི་ཕྱིར་རབ་ཏུ་སྤྱོད་པར་བྱེད་པ་ནི་གཏན་ཚིགས་ཡིན་ཏེ། དེས་ན་གཞན་དབང་ཉིད་ཀྱིས་ཀྱང། །ཚད ་མ་ཉིད་དུ་བསྒྲུབ་པ་ཡིན། །དེ་ནི་རང་ལས་ཚད་ཉིད་ནི། །དབང་པོ་གཞན་སོགས་ལ་གང་བལྟོས། །དེའི་ཕྱིར་གང་ཁོ་ན་སྐད་ཅིག་མ་ལ་སོགས་པའི་ངག་ཚད་མ་གཞན་མི་བསླུ་བའི་ངོ་བོ་ཚད་མ་ཉིད་དུ་སྦྱོར་བར་བྱེད་པ་ཁོ་ན་མཆོད་རྟེན་ལ་ཕྱག་བྱ་བ ་Fལ་སོགས་པའི་ངག་རྣམས་ལ་ཉེ་བར་དམིགས་བཞིན་པའི་ཚད་མ་ཉིད་དུ་སྒྲུབ་པར་བྱེད་པ་ཡིན་ནོ། །སངས་རྒྱས་ཀྱིས་གསུངས་པ་ཇི་ལྟ་བ་ཁོ་ན་འདིར་དབང་པོ་ལ་སོགས་པ་རྣམས་ཀྱིས་ཡོངས་སུ་གཅོད་པས་ཚད་མ་ཉིད་དུ། དད་པས་ཀྱང་དེ་ཁོ་ན ་ཉིད་དུ་འགྱུར་གྱི། རང་དབང་གིས་འཐོབ་པ་ནི་མ་ཡིན་ནོ། །རབ་ཏུ་སྦྱོར་བར་བྱེད་པ་ཉིད་ཡིན་ན་ནི། །མཆོད་རྟེན་ལ་ཕྱག་བྱ་བ་ལ་སོགས་པའི་ངག་འགལ་བ་ཡིན་ལ། ཚད་མ་གཞན་གྱིས་རྟོགས་པའི་དུས་ལ་སངས་རྒྱས་ཀྱིས་གསུངས་པ་ཙམ་གྱིས་ཚད་མ་མ་ཡིན ་ཏེ་སྐད་ཅིག་མ་ལ་སོགས་ངག་ལྟ་བུའོ། །ཇི་ལྟར་དེ་དག་བདེན་པ་ཉིད། །གཏན་ཚིགས་འདིས་ནི་གྲུབ་པ་ཉིད། །དེ་བཞིན་གཞན་གྱིས་མི་རྟོགས་དོན། །ཚད་མ་མེད་པའི་སྒྲུབ་བྱེད་ཡིན་འདི་ནི་གཞན་དུ་སྒྲུབ་པར་བྱེད་པ་དང་བཅས་པའི་གཏན་ཚིགས ་ཡིན་ཏེ། མཆོད་རྟེན་ལ་ཕྱག་བྱ་བ་ལ་སོགས་པའི་ངག་ནི་མི་བདེན་པ་ཡིན་ཏེ། དབང་པོ་ལས་འདས་པའི་དོན་རྟོགས་པར་བྱེད་པ་ཉིད་ཀྱིས་སྐྱེས་བུའི་ངག་ཡིན་པའི་ཕྱིར། སྤུ་བཏོག་པ་ལ་སོགས་པའི་ངག་ལྟ་བུའོ། །འོན་ཏེ་འཇིག་རྟེན་པ་མིན་དོན།། ་སྐྱེས་བུའི་ངག་ནི་རྒྱུ་ཡིན་ན། ཕན་ཚུན་མཐུན་པའི་ཕྱོགས་ཡིན་ཕྱིར། །རིག་བྱེད་དག་རྣམས་བརྫུན་ཉིད་འགྱུར། །གལ་ཏེ་སྦྱོར་བྱེད་མ་ཡིན་པའི་སངས་རྒྱས་ཀྱི་གསུང་ཡང་མཆོད་རྟེན་ལ་ཕྱག་བྱ་བ་ལ་སོགས་པའི་ངག་བདེན་པའི་སྒོ་ནས་ཐམས ་ཅད་ཤེས་པ་ཉིད་སྒྲུབ་པར་བྱེད་པ་ཡིན་ན་དེ་ལྟ་ན་སངས་རྒྱས་ཐམས་ཅད་ཤེས་པ་མ་ཡིན་ཞེས་བྱ་བའི་བདག་གི་ཚིག་ཀྱང་བདེན་པར་འགྱུར་ཏེ། བདག་གིས་སྨྲོས་པ་ཡིན་པའི་ཕྱིར་དྲོ་བ་ལ་སོགས་པའི་ངག་ལྟ་བུའོ། །སངས་རྒྱས་ལ་སོགས ་པ་རྣམས་ཐམས་ཅད་ཤེས་པ་མ་ཡིན་ཞེས་བྱ་བའི་བདག་གི་ཚིག་ནི་བདེན་པ་ཡིན་ཏེ། བདག་གི་སྨྲས་པ་ཡིན་པའི་ཕྱིར་དཔེར་ན་མེའི་དྲོ་བ་དང་གསལ་བ་ལྟ་བུའོ། མཆོད་རྟེན་ལ་ཕྱག་བྱ་བ་ལ་སོགས་པའི་ངག་རྣམས་སངས་རྒྱས་ཀྱིས་གསུངས་པ་ཉིད། ་ཐམས་ཅད་ཤེས་པ་མ་ཡིན་ནོ་ཞེས་བྱ་བ་ལ་ཐེ་ཚོམ་ཟ་བ་ཡིན་ནོ། །བདག་གི་སྨྲས་པ་ཉིད་མངོན་སུམ་ཡིན་ནོ་ཞེས་བྱ་བ་ནི་བྱེ་བྲག་སྟེ། བདག་གིས་སྨྲས་པ་མངོན་སུམ་ཡིན། །དེ་ཕྱིར་བདག་གི་གཏན་ཚིགས་འགྱུར། ཁྱེད་ཀྱི་སྒྲུབ་བྱ་དེ་གསུངས་པ།། ་ཐེ་ཚོམ་ཟ་བའི་མ་གྲུབ་པའོ། །གང་ལ་ཡོད་པ་དགག་བའི་བསྒྲུབ་བྱ་ལ། གཞལ་བྱ་ཉིད་ལ་སོགས་པའི་སྒྲུབ་བྱ་ཐམས་ཅད་ལ་འཁྲུལ་པ་ཅན་ཡང་མངོན་སུམ་ལ་སོགས་པས་མི་སླུ་བ་ཅན་དུ་སྒྲུབ་པར་བྱེད་པ་ཡིན་ལ། དེའི་ཡོད་པ ་ཉིད་དུ་འདོད་པ་སྒྲུབ་པར་བྱེད་ཅེས་པ་ནི། །མངོན་སུམ་ལ་སོགས་མི་བསླུ་ཅན། གཞལ་བྱ་ཉིད་སོགས་གང་གིས་ནི། །ཡོད་པ། ཉིད་ནི་དགག་ནུས་པ། །དེ་ལས་སུ་ཞིག་རྟོགས་པར་འགྱུར། །དྲང་སྲོང་བརྒྱད་པོ་ལ་སོགས་པ་བཞིན་དུ། དྲན་པ་ནི་ཐམས ་ཅད་ཤེས་པ་ཉིད་ཡོད་པ་ཉིད་ལ་ཚད་མ་མ་ཡིན་ཏེ། རྩ་བ་བཅད་པའི་ཕྱིར་རོ། །རྩ་བ་མ་བཅད་པའི་དྲན་པ་ནི་ཚད་མར་ཉེ་བར་འཇོག་པར་བྱེད་པས་ཚད་མར་འགྱུར་རོ། །འདི་ནི་ཐམས་ཅད་ཤེས་པའི་དྲན་པ་ནི་ཤཱཀྱའི་དགེ་སློང་ཁ་ཅིག་ལ་གྲགས ་བ་ཡིན་ཏེ། ཡོངས་སུ་གཟུང་བའི་ཕྱིར། རྩ་བའི་རྟོག་པ་ལ་ནུས་པ་ཅན་མ་ཡིན་ནོ། །དྲང་སྲོང་བརྒྱད་པོ་ལ་སོགས་པ་རྣམས་ཀྱི་ཁྱད་པར་ཡིན་ཏེ། མ་ལུས་པ་ཁྱད་ཀྱི་དྲན་པ་ལས་བཟློག་པས་རྟོགས་པའི་ཕྱིར་ཡིན་གྱི། དྲན་པ་རྣམ་པར་མ་བཅད ་པ་ལས་ཐམས་ཅད་ཤེས་པར་རྟོགས་པ་ཡང་མ་ཡིན་ཏེ། རྩ་བ་རྣམ་པར་བཅད་པའི་ཕྱིར་རོ། །འགའ་ཞིག་ཁོ་ནས་ཡོངས་སུ་འཛིན་པའི་ཕྱིར་ཞེས་བྱ་བའི་བསམ་པས་ཞེས་ཟེར་བ་ནི། ཕྱོགས་གཅིག་མི་བསླུ་བ་ཞེས་བྱ་བ་སྟེ། རེ་ཞིག་ཐམས ་ཅད་མཁྱེན་པ་ཉིད་མ་ཡིན་པ་ཞེས་བྱ་བས་རྒྱུ་མེད་པར་བསྟན་པ་ཉིད་ལྐོག་ཏུ་གྱུར་པའི་དོན་ཐམས་ཅད་ནི་མངོན་དུ་བྱེད་པར་སྲིད་པ་མ་ཡིན་ཏེ་ཞེས་བྱ་བ་བསལ་བར་བྱེད་པ་ཡིན་ཏེ། ཀུན་ཤེས་བྱ་བའི་རྣམ་ཤེས་ནི། །དེ་ཡི་ཤེས་བྱ་ཤེས་མེད་པར། ་གང་ལས་ཞེས་བྱ་བ་ལ་སོགས་པས་ཤེས་པ་པོ་མེད་པ་དང། ཐམས་ཅད་ཤེས་པ་མེད་པར་ཡང་རིགས་པར་ཚད་མས་གསལ་བར་བྱེད་པ་ཡིན་ཏེ་སངས་རྒྱས་ཀྱི་ཤེས་པའི་ཤེས་བྱ་སྐད་ཅིག་མ་དང་སྟོང་པ་དང་བདག་མེད་པ་ཉིད་དང་ཆོས་དང ་ཆོས་མ་ཡིན་པ་ལ་སོགས་པའི་ཡུལ་རྣམས་རྟོགས་པ་དང་བྲལ་བས་འདས་པ་དང་མ་འོངས་པ་དང་ད་ལྟར་བྱུང་བའི་སྐྱེས་བུ་རྣམས་ཀྱིས་ཐམས་ཅད་ཤེས་པར་གཟུང་བ་མེད་པའི་ཕྱིར་ཚད་མ་ཐམས་ཅད་མེད་པས་མེད་པར་རྟོགས་པ་ཡིན་ནོ། །དེའི་གཏན་ཚིགས ་ཀྱིས་དོན་ནི་འདི་ཡིན་ཏེ་དུས་གསུམ་གྱི་སྐྱེས་བུ་རྣམས་དུས་གསུམ་དུ་ཡང་ཐམས་ཅད་ཤེས་པར་འཛིན་པ་མ་ཡིན་ཏེ། དེར་ཤེས་པ་དང་ཤེས་བྱ་དག་རྟོགས་པ་དང་བྲལ་བའི་ཕྱིར་བདག་ཅག་ལ་སོགས་པའི་བཞིན་དུའོ། །གང་ཞིག་རེས་འགའ་ཡང་མི ་འཛིན་པ་དེ་ནི་མེད་པ་ཡིན་ཏེ་རི་བོང་གི་རྭ་ལྟ་བུའོ། །འདི་ནི་ཀུན་ཤེས་ཡིན་ནོ་ཞེས། །དེའི་དུས་སུ་འང་རྟོགས་འདོད་རྣམས། །དེའི་ཤེས་བྱ་རྟོགས་མེད་པས། ཇི་ལྟར་རྟོགས་པར་བྱ་བ་ཡིན་ཞེས་བྱ་བའི་དོན་ཏོ། །འོན་ཏེ་དེ་འཇིག་རྟེན་པ་འགྲུབ་པའི་དོན་དུ་ཐམས ་ཅད་ཤེས་པ་གཞན་འདོད་པ་ཡིན་ན། དེ་ལས་ཀྱང་གཞན་པར་རྟོགས་པར་ཡིན་ཏེ། ཐུག་པ་མེད་པར་འགྱུར་ལ། འདི་ནི་འདོད་པ་ཡང་མ་ཡིན་ནོ། །ཁྱེད་ཀྱིས་ཐམས་ཅད་ཤེས་པར་ནི། །རྟོག་པའང་མང་པོར་འགྱུར་བ་ཡིན། །གང་ཞིག་ཀུན་ཤེས ་མིན་འགྱུར་བ། །དེས་ནི་ཀུན་ཤེས་རྟོགས་པ་མིན། དེ་བསྟན་པ་མི་དེ་ཡི་ཤེས་བྱ་བ། ཤེས་ན་འང་དེ་ཉིད་ཀུན་རིགས་འགྱུར་ཞེས་བྱ་བའོ། །ཐམས་ཅད་ཤེས་པ་ཡིན་ཡང་དེ་ལྟ་ན་ཡང་དེའི་འདོད་ཆགས་དང་བྲལ་བ་ཉིད་ཡིན་པའི་ཕྱིར་ཉེ་བར་སྟོན་པ་པོ་ཡིན ་པས། །སླུ་བྱེད་རྣམས་ཀྱིས་བྱས་པ་ཉིད། །མཆོད་རྟེན་ཕྱག་བྱ་སོགས་བསྟན་པ། །མངོན་སུམ་ལ་སོགས་མེད་རྣམས་ཀྱིས། །སོ་སོར་རྟོག་པ་ལས་ཡིན་ནོ། །འདི་ནི་འདོད་ཆགས་བྲལ་ཡིན་ནོ། །བྱ་བ་མེད་པར་རྣམ་པར་གནས། །སོ་སོར ་རྟོག་པ་མེད་པའི་ཕྱིར། །གཞན་གྱིས་བསྟན་པར་བྱས་ཉིད་འགྱུར་ཞེས་ཟེར་བ་ནི། གང་ཞིག་ཆགས་སོགས་དང་བྲལ་ཞིང་ཞེས་བྱ་བ་སྟེ། སངས་རྒྱས་ཀྱི་གསུངས་པའི་ཕྱིར་ཞེས་བྱ་བའི་གཏན་ཚིགས་འདི་མ་གྲུབ་པ་ཉིད་དུ་བསྟན་པ་ཡིན་ནོ། །ཐམས་ཅད ་ཀྱི་ཤེས་པ་དེ་ཡང་རེ་ཞིག་ཐོག་མ་དང་ཐ་མ་མེད་པ་ཉིད་ཀྱིས་ཐམས་ཅད་ཀྱི་རིམ་གྱིས་རིམ་པ་མི་སྲིད་པ་ཡིན་ཏེ། དེ་ཁོ་ན་ཉིད་མེད་པར་ཐལ་བར་འགྱུར་བའི་ཕྱིར་རོ། །དེ་ཉིད་བསྟན་པ་ནི། བྱུང་གྱུར་བྱུང་དང་འབྱུང་འགྱུར་དངོས་ཞེས་བྱ ་བ་སྟེ། ཕྱོགས་གཅིག་པ་ཙམ་གྱིས་ནི་ཐམས་ཅད་ཤེས་པ་མ་ཡིན་ཏེ། ཐམས་ཅད་ཀྱང་དེ་ལྟ་བུ་ཉིད་དུ་ཐལ་བའི་ཕྱིར་རོ་ཞེས་ཟེར་བ་ནི། ཕྱོགས་གཅིག་ཡོངས་སུ་ཤེས་པ་ནི། ཡུལ་མེད་ཅེས་བྱ་བ་སྟེ། དེ་ཉིད་ཀྱི་ཕྱིར་སྐད་ཅིག་མ་ཉིད་ལ་ཕྱོགས ་གཅིག་ཤེས་པ་མི་བསླུ་པས་ཀྱང་ཐ་དད་པར་བྱ་བ་ལ་སོགས་པའི་ཡུལ་གྱི་ཤེས་པ་ལ་ཡོད་པ་སྲིད་པར་བྱ་བ་མ་ཡིན་ནོ་ཞེས་ཟེར་བ་ལ། སྐྱེས་བུ་མང་དུ་རྟོག་པ་ལ་ཞེས་བྱ་བའོ། །འོན་ཏེ་ཕྱོགས་གཅིག་ཟོས་པ་དང་བསམས་པ་ལ་སོགས་པ་གཞན ་འདྲ་བའི་མི་བསླུ་བ་ཡོད་ན་ཤིན་ཏུ་ཁྱད་པར་ཅན་ཤེས་པར་སྲིད་པ་ནི་མ་ཡིན་ནོ་སྙམ་དུ་སེམས་པས་ཟེར་བ་ནི། ཁྱད་པར་དང་ལྡན་ཞེས་བྱ་བའོ། །འོན་ཏེ་དེ་ཉིད་ཕྱོགས་གཅིག་ཤེས་པ་ཙམ་ཉིད་ལ་ལ་སོགས་པ་གཞན་འདྲ་བའི་ཤེས་པ་ལས་ཐ་དད་པར ་བྱ་བ་ལ་སོགས་པའི་ཤེས་པའི་སྲིད་པ་ཡིན་ནོ་སྙམ་དུ་སེམས་པས་ཟེར་བ་ནི། ཕྱོགས་གཅིག་དེ་ཉིད་ཤེས་པ་ནི་ཞེས་བྱ་བ་སྟེ། དེ་ཉིད་ཤེས་པའི་ཤེས་པ་ངེས་འགྲེལ་པ་གྲུབ་པ་མེད་པའི་ཕྱིར་མི་རིགས་སོ་ཞེས་བྱ་བའི་དོན་ཏོ། །འོན་ཏེ་ཅིག་ཅར་རིག་པར ་བྱེད་ཅེས་པའི་ཕྱོགས་ཡིན་ན་དེ་ལ་ཡང་སྨྲས་པ་ནི། ཅིག་ཅར་ཐམས་ཅད་རྣམ་ཤེས་ན་ཞེས་བྱ་བའོ། །འོན་ཏེ་མི་མངོན་པ་ཁོ་ནར་ཐམས་ཅད་ཀྱི་ཤེས་པ་བསྟན་པས། བདག་ཅག་ལ་ཕན་བཏགས་པ་ཡིན་ནོ། །སྐྱེས་བུ་དེ་ཡི་ཉེ་བ་ཙམ། །ཡིད ་བཞིན་ནོར་བུ་ཇི་བཞིན་དུ། ཇི་ལྟར་འདོད་པ་འབྱུང་བ་ནི། །རྩིག་པ་ལ་སོགས་སྟོན་པར་འགྱུར་ཞེས་བྱ་བ་ནི་མི་རིགས་ཏེ། མི་མངོན་པ་དེ་ལྟ་བུའི་ཤེས་པ་ལས་བྱུང་བའི་བསྟན་པ་རྣམས་མི་ཤེས་པའི་ཕྱིར་རོ། །དེ་ལྟ་ལ་སོགས་བསྟན་པ་ནི། དད་དང ་ལྡན་ན་ལེགས་གྱུར་ན། །རྩིག་པ་ལ་སོགས་ལས་བྱུང་ཕྱིར། །བསྟན་པ་རྣམས་ལ་ཡིད་ཆེས་མེད་སྙམ་དུ་སེམས་པ་ལ་ནན་ཏན་དུ་བྱེད་པར་འདོད་པ་རྣམས་ཀྱི་ལྟོས་པ་སྟེ། ནན་ཏན་དུ་བྱ་པའི་ཤེས་པ་ནི་འདི་ལ་མངའ་བ་ཡིན་ནོ་ཞེས་བྱ་བའི་ཚད་མ་བསྟན ་པ་ནི་དེས་གསུངས་རྟོགས་པར་བྱ་བའི་ཕྱིར་ཞེས་བྱ་བ་སྟེ་ཤེས་པ་དང་ལྡན་པ་ཚོལ་བར་བྱེད་པ་ནན་ཏན་དུ་བྱེད་པའི་ཡན་ལག་ཁོ་ན་ཡིན་པ་ནི་གལ་ཏེ་ནན་ཏན་དུ་བྱ་བའི་ཤེས་པ་དང་ལྡན་པ་ཡོད་ན་ཡིན་ཏེ་རང་གི་བཞིན་དུ་གཞན་ལ་ཤེས་པ་ཡོད་ཀྱང་དེ ་མེད་ན་ནན་ཏན་བྱེད་པ་མེད་པའི་ཕྱིར་རོ། །དེ་ལ་ཡང་རང་གི་ཤེས་པ་མེད་ན་ཇི་ལྟར་གཞན་གྱི་ཤེས་པ་གོ་བར་བྱེད་པ་མ་ཡིན་ཏེ། དེ་ཡོད་ན་འམ་དེ་ཡིན་དུ་ཆུག་ཀྱང་མངོན་སུམ་བཞིན་དུ་འཇུག་པར་བྱེད་པ་ཡིན་ན་དབང་པོ་ལས་འདས་པ་ལ་ཡང་འགྱུར ་རོ། །དེ་ཡང་འཇུག་པར་བྱེད་པ་ཡིན་ནོ་ཞེ་ན་གང་ལ་དེ་ཡིན་པ་ལ་ནི་བདེན་ན་གཞན་གྱི་ཤེས་པ་གཞན་ལ་འཇུག་པར་བྱེད་པ་ནི་མ་ཡིན་ཏེ། ཚིག་ལ་སོགས་པའི་སྒོ་ནས་གཞན་ལ་ཡང་དེ་ཚད་མར་གྱུར་པ་ཁོ་ན་ཡིན་པར་འགྱུར་རོ། །དེ་བསྟན་པ་ནི་ཡུལ ་ཐག་རིང་སོགས་མཉམ?་རྣམས་ལ། ཡིད་ཆེས་སྨྲས་ལ་བློ་གནོད་མིན། ཞེས་བྱ་བའོ། །ནུས་པའི་ཡུལ་ལ་ཡིན་ན་མི་ནུས་པ་ལ་ཇི་ལྟར་ཡིན། མ་ཡིན་ཏེ་ཐམས་ཅད་ནུས་པ་ཡིན་པའི་ཕྱིར་རོ། །འདི་ལྟར་སྐད་ཅིག་མ་ཉིད་དང་ཤེས་པ་ཙམ་ཉིད་ཀྱི་ཞེས་པ ་ནི་ཡན་ལག་བཞིན་དུ་བྱང་གྲོལ་སྒྲུབ་པར་ནུས་པ་ཡིན་ཏེ། མངོན་སུམ་ལ་སོགས་པ་སྒྲུབ་བྱེད་ཡིན་པའི་ཕྱིར་རོ། །དྲན་པ་གོམས་པའི་ཟིན་པོ་ཡིན་ན་བློ་གསལ་པོ་སྐྱེས་པས་ཡུན་རིང་པོར་རྗེད་པ་རྣམས་ཀྱང་དྲན་པར་སྣང་བས། སྔོན་གྱི་གནས་རྗེས་སུ ་དྲན་པ་འབྱུང་བའི་ཕྱིར་མངོན་པར་འབྱུང་བ་སྒྲུབ་པར་བྱེད་པ་ནི་རྗེས་སུ་འགྲོ་བ་དང་ལྡོག་པ་རྣམ་པར་དཔྱོད་པ་ལས་བྱུང་བ་མ་ཉམས་པ་ཡིན་ལ། དེ་ལ་ཡང་དེ་ཤེས་པ་མེད་པ་ལས་ནན་ཏན་བྱེད་པ་མ་ཡིན་པ་མ་ཡིན་ཏེ། འབྲས་བུ་མཐོང་བའི་ཕྱིར་རོ།། ་དེ་ཡང་ཇི་ལྟར་ཡང་འབྱུང་བ་ཡོངས་སུ་གྱུར་བའི་བྱེ་བྲག་ཅན་གྱི་རྟོག་པས་འབྱུང་བ་ནི་མ་ཡིན་ཏེ། རྣམ་པར་དཔྱད་པར་འཆད་བར་འགྱུར་བའི་ཕྱིར་རོ། །ཤེས་པ་དེ་ཡང་ཇི་ལྟར་ཡིན་ཞེས་རྣམ་པར་དཔྱད་པ་ཡང་མ་ཡིན་ཏེ། ་འབྲས་བུའི་ཤེས་པ་དང་འགལ་བའི་ཕྱིར་རོ། །དེའི་སྒྲུབ་བྱེད་ཉིད་ཀྱིས་ཤེས་པ་ཉིད་ལས་འཇུག་པའི་ཡན་ལག་ཀྱང་མ་ཡིན་ཏེ། འདོད་ཆགས་ལ་སོགས་པས་ཀྱང་གདུངས་པ་བཞིན་དུ་འཇུག་པར་མ་མཐོང་བའི་ཕྱིར་རོ། །ད་ལྟར་ཡང་དེ་ཁོ་ན ་བཞིན་དུ་ཡིན་ནོ་ཞེས་བྱ་བར་ཡང་མི་རིགས་ཏེ། རིག་བྱེད་དང་དབང་ཕྱུག་ལ་སོགས་པའི་ཚད་མཚོལ་བས་སེམས་འཁྲུག་པའི་ཕྱིར་རོ། །དེ་བཞིན་དུ་འཇུག་པ་ཡིན་ན་ཡང་ངེས་པ་ཅན་གྱི་བྱང་གྲོལ་དང། མངོན་པར་འབྱུང་བ་ལ་སོགས་པའི ་འབྲས་བུ་མངོན་པར་འཐོབ་པའི་མ་ཅིག་ཤོས་འཐོར་བ་ཞེས་བྱ་བ་ནི་ཡིན་ཏེ། ཇི་སྐད་དུ་དེ་ནི་འདི་རྣམ་པར་མ་དཔྱད་པར་གང་ཡང་རུང་བ་ཉེ་པར་ལེན་ན་རྣམ་པར་ཉམས་པ་ཉིད་དམ་དོན་མེད་པར་འགྱུར་རོ་ཞེས་བསྟན་པའོ། །བཅོམ་ལྡན་འདས ་ཐུགས་རྗེ་དང་ལྡན་པ་ངེས་པ་ཅན་སྒྲུབ་པར་བྱེད་པའི་ཤེས་པ་ནི། སྔོན་གྱི་གནས་རྗེས་སུ་དྲན་པའི་རིམ་གྱིས་ཐོབ་ནས་འདོད་པ་དང་མི་འདོད་པའི་རྣམ་པར་དབྱེ་བས་སྒྲུབ་བྱེད་དུ་མ་ཡན་ལག་དང་བཅས་པར་སྟོན་པར་མཛད་ལ། གཞན་གྱིས་ཀྱང་འཇུག ་པར་འདོད་པས་དེ་དེ་བཞིན་དུ་འཇུག་པའི་ཡུལ་ལ་མཁས་པར་འགྱུར་བར་བྱ་བ་མ་ཡིན་ནོ། །དེ་ལ་ཡང་རང་ཉིད་ལས་རིག་པ་མེད་པ་ཡིན་ཏེ། ཇི་སྐད་གསུངས་པའི་གདམས་ངག་མེད་པའི་ཕྱིར་རོ། །དེའི་ཕྱིར་ཤེས་པ་དང་ལྡན་པ་དེ་བཙལ་བར་བྱ་བ ་ཡིན་ཏེ། རང་དང་གཞན་ལ་ཤེས་པ་མེད་ན་འཇུག་པར་མི་རིགས་པའི་ཕྱིར་རོ། །ད་ལ་རང་ལ་ཤེས་པའི་ཐབས་མེད་ཅེས་ཏེ། གཞན་ལ་མེད་པར་ཤེས་པར་བྱ་བ་མ་ཡིན་ཏེ། པྲ་བརྟག་པ་ལ་སོགས་པ་བཞིན་དུ་ཉིད་ཆེ་བ་ཡིན་པའི་ཕྱིར་རོ། །སྲིད་པ་ཡིན་ན ་ཡང་ངོ་ཤེས་པ་ལ་ཡང་དེ་སྔོན་དུ་འགྲོ་བ་ཅན་དུ་བསྟན་པ་ནི། འདི་ཁོ་ན་ཡིན་གྱི་གཞན་མ་ཡིན་ནོ་ཞེས་ཅི་ལས་ཤེས། །གལ་ཏེ་བདེ་གཤེགས་ཀུན་ཤེས་ན། །སེར་སྐྱ་མིན་ཞེས་ཚད་མ་གང། ཞེས་བྱ་བའི་ཚིག་ལས་སོ། །ཕྱོགས་གཅིག་ལ་མི་བསླུ་བས ་ཤེས་པ་སྔོན་དུ་འགྲོ་བ་ཅན་གྱི་ཤེས་པ་སྔོན་དུ་འགྲོ་བ་ཅན་གྱི་ཤེས་པ་ཡང་མ་ཡིན་ཏེ། མ་ངེས་པའི་ཕྱིར་དང་སྐྱེས་བུའི་དོན་ཕྲན་ཚེགས་ཀྱི་ཤེས་པ་ནི་ཐམས་ཅད་ལ་རྙེད་བླ་བའི་ཕྱིར་རོ། །བྱང་གྲོལ་དུ་བསྟན་པ་ནི་སྐྱེས་བུའི་དོན་གྱི་རམ་པ་ཐབས་དང་བཅས ་པ་ནི་མི་བསླུ་བ་ཅན་ཡིན་པའི་ཕྱིར་དེ་དང་དགོངས་པ་གཅིག་པས་གསུངས་པའི་མཐོ་རིས་ལ་སོགས་པའི་སྐྱེས་བུ་དོན་ཕྲན་ཚགས་དག་གི་སྔ་རོལ་ཉིད་དུ་དེ་ཉིད་ཤེས་པ་ཡིན་ཏེ། སྐྱེས་བུའི་དོན་གྱི་དམ་པ་ལ་མི་བསླུ་བ་ཡིན་ན་ཅིག་ཤོས་ལ་བསླུ་བ་ཡིན་ནོ་ཞེས་ཐེ ་ཚོམ་ཟ་བ་མ་ཡིན་ནོ། །བཟློག་པ་ལ་ནི་དེ་ལྟར་འགྱུར་རོ་ཞེས་བྱ་བའི་བསམ་པའི་དབྱེ་བ་ཤེས་པ་ནི་འཇིག་པའི་ཡིན་ལ། འཇིག་རྟེན་གྱི་ཐབས་དང་ལྡན་པ་ནི་གཞན་དུ་རྣམ་པར་བཞག་པར་མི་རིགས་སོ། །སེར་སྐྱ་ལ་སོགས་པ་ལ་ནི་འདི་མེད་པ་ཡིན་ཏེ་དེའི་ཕྱིར ་སླུ་བ་ཅན་ཉིད་དོ། །གཞན་ལས་ཐོས་ནས་སྨྲ་བ་ཡིན་པར་མི་རིགས་ཏེ། གང་གིས་ཚད་མ་ཡོད་པ་ཅན་གྱི་དངོས་པོའི་བསྐོམ་པས་འདོད་པ་དང་མྱ་ངན་ལ་སོགས་པ་བཞིན་དུ་སྔོན་དུ་བྱེད་པ་སྲིད་པའི་ཕྱིར་རོ། །གཙོ་བོ་ཉེ་བར་སྟོན་བ་པོ་ཉིད་གཞན་ཡང་ཞེས་ཅི ་ལས་དེ་ལྟ་བུ་ཉིད་ཀྱི་དྲན་པ་རྣམ་པར་གཅོད་པ་མ་ཡིན་པ། རིགས་བྱེད་ལ་སོགས་པ་སྐྱེས་བུས་བྱས་པ་མ་ཡིན་པ་ལ་སོགས་པ་བཞིན་དུའོ། །རིག་བྱེད་ལ་སོགས་པ་ལ་ནི་སྐྱེས་བུའི་དོན་གྱི་གཙོ་བོ་ལ་མི་སྣང་བར་ཡིད་ཆེས་པ་ཉིད་ཀྱི་ཤེས་པའི་རྒྱུ་མེད ་དོ། །དེའི་དེ་ལས་གཞན་པ་ལ་ཡང་ཡིད་ཆེས་པ་ཉིད་དུ་ངེས་པ་མེད་པར་བསྟན་པ་ནི་མི་ཤེས་པ་ནི་སྐྱེས་བུའི་དོན་གྱི་གཙོ་བོའི་དད་པར་བྱ་བའི་ཤེས་པ་སྲིད་བ་མེད་པས་སོ། །སྟོན་པར་བྱེད་པ་ཞེས་བྱ་བ་ནི་ཉེ་བར་བསྟན་པར་བྱ་བ་སྟེ་ནན་ཏན་དུ་བྱ་བའོ། །དེ་ལ ་བྱེད་པ་ནི་ནན་ཏན་དུ་བྱ་བའོ། །དེ་ལ་བསླུ་བ་ཡིན་པར་དོགས་རྣམས་ཀྱི་ཞེས་བྱ་བ་ནི་སྐྱེས་བུའི་དོན་གྱི་གཙོ་བོའི་ཤེས་པའི་རིམ་གྱིས་དང་པར་བྱ་བའི་ཤེས་པ་ཁོ་ན་ཚོལ་པར་བྱེད་པ་ཡིན་ཏེ། ཐབས་དང་བཅས་པའི་སྐད་ཅིག་མ་ཉིད ་མཐོང་ན་ཅིག་ཤོས་མི་མཐོང་བ་མ་ཡིན་ཏེ། མཐོང་བའི་སྒྲུབ་བྱེད་སྒོམ་པ་ཡིན་པའི་ཕྱིར་རོ། །གང་གི་ཕྱིར་སྐད་ཅིག་མ་ཉིད་ལ་སོགས་པའི་བསྒོམ་པས་སྒྲིབ་པ་མ་ལུས་པའི་ཉེས་པ་སྤངས་པ་ཡིན། དྲན་པ་གོམས་པ་ཕུན་སུམ་ཚོགས་པ་ལས་སྔོན་གྱི ་གནས་རྗེས་སུ་དྲན་པའི་ཤེས་པ་འཐོབ་པ་ལས། ལས་དང་འབྲས་བུ་དང་འབྲེལ་པར་བདེན་པར་རྟོགས་པའི་ཕྱིར་དྲན་པས་གོམས་པ་བཞིན་དུ་གཙོ་བོའི་ཤེས་པ་ཡང་དེ་ལ་མཁོ་བ་ཡིན་ནོ། །དེའི་ཕྱིར་སྐྱེས་བུའི་དོན་གྱི་གཙོ་བོ་རྟོགས་པ་སྔོན་དུ་འགྲོ་བ་ཅན་གྱི ་དྲན་པ་གོམས་པའི་བློ་གསལ་བ་ནི་ཉམས་སུ་མྱོང་བ་དྲན་པའི་རྒྱུ་ཡིན་ཏེ། གེགས་བྱེད་པ་མེད་ན་མཐོང་བ་བཞིན་དུ་སྙིང་རྗེ་གོམས་པ་ཕུལ་དུ་བྱུང་བ་ལས་གེགས་བྱེད་པ་མེད་པར་ཤིན་ཏུ་ངེས་པ་ཡིན་པའི་ཕྱིར་གདོན་མི་ཟ་བར་འབྱུང་བའི་འབྲས་བུ་ནི་རྒྱུ ་ཡིན་ལ། མ་འོངས་པའི་འབྲས་བུ་སྔོན་གྱི་གནས་རྗེས་སུ་དྲན་པའི་འབྲས་བུ་ཡིན་ཏེ། དེ་མེད་ན་མེད་པར་བྱེ་བྲག་མེད་པའི་ཕྱིར་རོ། །འཇིག་རྟེན་པའི་གཙོ་བོ་ལ་མི་བསླུ་བས་ཅིག་ཤོས་ལ་ཡང་མི་བསླུ་བའི་ཤེས་པ་ལས་ཡིད་ཆེས་པའི་ཤེས་པ་ཡིན ་པར། གཙོ་བོའི་དོན་ལ་བསླུ་མིན་ལས། གཞན་ལ་རྗེས་སུ་དཔག་པ་ཡང་ཞེས་བྱ་བས་འཆད་པར་འགྱུར་རོ། །འདིར་ནི་དེ་ཡོངས་སུ་མ་ཤེས་པའི་སྐྱོན་བརྗོད་པ་ཡིན་ལ། འདི་ལ་ཡང་འདིའི་ནན་ཏན་དུ་བྱ་བའི་ཤེས་པ་ནི་རྟོགས་བྱ་ཡིན་པར་བསྟན་པ ་ཡིན་ལ། དེ་ལ་ནི་ཡུལ་ཅན་ཐམས་ཅད་དམ། ཡང་ན་ནན་ཏན་བྱ་བ་དང་ནན་ཏན་བྱེད་པར་རང་ཉིད་རྟོགས་པ་དང་ལྡན་པ་ལ། །འགའ་ཞིག་ཁས་བླང་བར་བྱ་བ་ཡིན་ནོ། །གཞན་དུ་ཤེས་པ་ཞེས་བྱ་བ་ནི་རྟོགས་པ་ཡིན་ལ། གང་ལ་དེ་མེད་པ་ནི་འདིའི་མི ་ཤེས་པར་སྟོན་པའོ། །དེ་ལས་བྱེད་པ་ནི་བྱེད་པ་སྟེ། ནན་ཏན་དུ་བྱེད་པ་བསླུ་བ་སྲིད་པ་ཡིན་ཏེ། མངོན་སུམ་དང་རྗེས་སུ་དཔག་པའི་རྒྱབ་རྟེན་དང་བྲལ་བའི་ཉེ་བར་བསྟན་པ་ཙམ་ལས་ནི་བཅོས་མ་མ་ཡིན་པ་ལས་ཀྱང་དོན་དང་འབྲེལ་བའི་རང་བཞིན་ཅན་མ་ཡིན ་པའི་ཕྱིར། །དེ་ཙམ་ནན་ཏན་དུ་བྱེད་པ་ནི་རང་གི་རྟོག་པ་ཙམ་ནན་ཏན་བྱེད་པ་བཞིན་དུ་ཡིད་ཆེས་པའི་གནས་མ་ཡིན་ནོ། །དེའི་ཉེ་བར་བསྟན་པ་ནི་རྨོངས་པ་ལས་ཀྱང་འབྱུང་བ་ཡིན་ལ། །རྨོངས་པ་མེད་ན་རིག་བྱེད་ལས་ཀྱང་འབྱུང་ཞེས་པ་བསལ་བ་ཡིན་ཏེ། དོན ་དང་འབྲེལ་པ་སྐྱེས་བུས་བྱས་པ་ཉིད་ཀྱིས་རྨོངས་པ་སྲིད་པ་མི་ལྡོག་པའི་ཕྱིར་རོ། །དེའི་ཕྱིར་དེ་ལྟ་བུའི་རྣམ་ཤེས་བསྐྱེད་པ་ལ་མིག་ལ་སོགས་པ་རྒྱུ་མ་ཡིན་ལ། བསྒོམ་པ་ཡང་ཡིན་པར་ནི་མི་འགྱུར་ཏེ། དབང་པོ་ལས་འདས་པའི་ཕྱིར་རོ། །ཅུང་ཟད་ཀྱང ་མངོན་སུམ་གྱི་ནུས་པས་མ་མཐོང་བ་ཡིན་ཞེས་བྱ་བ་ལ་སོགས་པ་ཡང་བསལ་བ་ཡིན་ཏེ། དྲན་པ་སྒོམས་པ་ལས་ཉམས་སུ་མྱོང་བ་དྲན་པའི་རྒྱུ་མཚན་ཡིན་པའི་ཕྱིར་རོ། །དེ་ལྟ་ཡིན་ན་དྲན་པས་ཤེས་པ་ཡིན་གྱི་མངོན་སུམ་གྱིས་ནི་མ་ཡིན་ནོ་ཞེ་ན། མ ་ཡིན་ཏེ། ཤིན་ཏུ་གོམས་པ་ལས་གསལ་བར་སྣང་བ་ཉིད་ཀྱིས་མངོན་སུམ་ཡིན་པའི་ཕྱིར་རོ། །དེ་ལྟར་ན་ཉེ་བར་བསྟན་པ་ལས་ཤེས་པ་ནི་ལ་སོགས་པའི་ཉེ་བར་བསྟན་པ་བཞིན་དུ། རྟོགས་བཞིན་པ་ཡིན་ན་ཁྱད་ཀྱིས་ཅི་ལས་ཤེས་ཞེས་གླགས་ ་བཙལ་བར་བྱ་བ་མ་ཡིན་ཏེ། ཤིན་ཏུ་གོམས་པ་ལས་ནི་རྟོགས་པར་མ་བྱས་ཀྱང་ལུས་དང་དག་གི་ཐ་སྙད་མཐོང་བའི་ཕྱིར་རྟོགས་པ་མེད་ན་ཇི་ལྟར་སྟོན་པ་ཡིན་ཞེས་བྱ་བ་བསལ་བ་ཡིན་ནོ། །དེ་གལ་ཏེ་ཡིད་ཆེས་པ་ལས་སམ་དབང་པོའི་ཡུལ་ཞེས ་བྱ་བས། བདེན་པ་སྨྲ་བ་ཉིད་དང་དབང་པོའི་ཡུལ་དུ་སྨྲ་བ་ཉིད་ཡིད་ཆེས་པའི་མཚན་ཉིད་བསྟན་པ་ཡིན་ལ། དེ་ཡང་འཇིག་རྟེན་ཕ་རོལ་པའི་ལས་རྗེས་སུ་སྒྲུབ་པ་ལ་དགོས་པ་ཡོད་པ་མ་ཡིན་ལ། དེའི་དོན་ཉིད་དུ་རྟོགས་པ་དང་ལྡན་པ་རྣམས་རྩོམ་པའི ་ཕྱིར། སྐྱེས་བུས་བྱས་བ་མ་ཡིན་པ་ཉིད་ལས་སམ། གཞན་ལས་ཀྱང་དེ་འབྱུང་བར་མི་འགྱུར་བའི་ཕྱིར་དབང་པོ་ལས་འདས་པ་མཐོང་བ་དེས་ན་སྐལ་བ་དང་ལྡན་པ་ཡིན་པར་བསྟན་པ་ནི། ཤེས་ལྡན་ཚོལ་བྱེད་བ་ཞེས་བྱ་བ ་སྟེ། འབྲས་བུ་དང་དེའི་ཁྱད་པར་མཐོང་བ་ལས་རྒྱུ་དང། དེའི་ཁྱད་པར་དག་པ་ཡིན་ལ། དེ་ལས་ཀྱང་དེ་ལས་གཞན་པ་ཡིན་པས་རྗེས་སུ་དཔག་པས་ངེས་པ་ཡིན་ཏེ། གོམས་པ་ཁྱད་པར་ཅན་གྱིས་ཆེས་གསལ་བ་ལ་ནི་མ་ལུས་པ་མངོན་སུམ་དུ་འགྱུར ་བའི་ཕྱིར་རོ། །ཇི་ལྟར་ཐོག་མ་དང་ཐ་མ་མེད་པ་འགལ་བ་ཡིན། རྣམ་པར་རྟོག་པ་བཞིན་དུ་མངོན་སུམ་གྱི་རྟོགས་པས་བསྒོམ་པ་ཙམ་ལས་འབྱུང་བ་གསལ་བ་ཡིན་པའི་ཕྱིར་ལ། མངོན་སུམ་ཉིད་ཉམས་པ་ཡང་མ་ཡིན་ཏེ། སྐད་ཅིག་མ་གཞན ་ལ་ཡང་དེ་དང་འདྲ་བ་ཁོ་ནའི་རྒྱུན་གྱིས་འུ་བུ་ཅག་གི་ཤེས་པ་བཞིན་དུ་འཇུག་པའི་ཕྱིར་རོ། །གདུལ་བྱ་མཛའ་ཡས་པ་ཉིད་ཀྱིས་ཀྱང་སྐད་ཅིག་མ་རེ་རེ་ལ་ཡང་མངོན་པར་འདོད་པར་བྱེད་པའི་ཕྱིར་ཚད་མ་ཡིན་ཏེ་དེའི་ཕྱིར་ཁྱད་པར་ཡོད་དོ། །ཕ་རོལ ་ལ་ཡོད་པའི་འདོད་ཆགས་པ་རིག་པའི་ཕྱིར་དེས་དེ་དང་ལྡན་པ་ཡིན་ཞེས་བྱ་བ་ལ་སོགས་པའི་རྒོལ་བ་དང་ལན་རྒྱས་པར་ནི་རྣལ་འབྱོར་པའི་མངོན་སུམ་རྣམ་པར་བཤད་པ་ལས་ཤེས་པར་བྱའོ། །གཟུགས་ལ་སོགས་པ་མངོན་དུ་བྱེད་པ་མིག ་ལ་སོགས་པ་རྗེས་སུ་འཇུག་པ་ཅན་ནི་བསྒོམས་པ་ལས་སམ་གཞན་ལས་ཀྱང་ཇི་ལྟར་འགྱུར། གླུར་བླང་བྱ་ལ་སོགས་པ་ཙམ་ལ་སོགས་པ་ཡང་ཁྱད་པར་ཅན་གྱི་དང་པོའི་དབང་པོ་དང་འབྲེལ་པ་ལས་འབྱུང་བ་ནི་བསྒོམ་པའི་རྗེས་སུ་འཇུག ་པའི་ཤེས་པ་གསལ་བར་ཉེ་བར་དམིགས་པ་མ་ཡིན་ནོ་ཞེས་སྨྲ་བ་རྣམས་ཀྱིས་བསྒོམ་པའི་བསྐྱེད་བྱ་བརྗོད་པ་ལ་འདི་ཙམ་ཞེས་བྱ་བ་མེད་དོ། །དབང་པོ་རྣམས་ལྷན་ཅིག་བྱེད་པ་ཉིད་ཀྱིས་རྗེས་སུ་འཇུག་པར་བྱེད་པ་རྣམས་ཡུལ་སོ་སོར་ངེས་པ ་ཡིན་ན་གཞན་དུ་མེད་པའི་ཕྱིར་ཐམས་ཅད་ཤེས་པ་མ་ཡིན་པ་ཉིད་ལ་སྔོན་པོ་དང་སྔོན་པོ་མ་ཡིན་པ་འམ། རིག་པ་འམ་རིག་པར་བྱེད་པ་མ་ཡིན་ཞེས་བྱ་བར་འགྱུར་ཏེ་འགལ་བ་མེད་པའི་ཕྱིར་མ་ཡིན་ཞེས་བྱ་བར་མཚུངས་ཏེ། ཐམས་ཅད་མཁྱེན་པ་མ ་ཡིན་པ་ལ་ནི་འགལ་བ་མེད་དོ། །ཐམས་ཅད་ཤེས་པ་མ་ཡིན་པ་ཉིད་ཐམས་ཅད་མཁྱེན་པར་འགྱུར་ཏེ་དཔྱོད་པ་བ་མ་ཡིན་པ་དཔྱོད་པར་འགྱུར་བ་བཞིན་དུའོ། །ཐབས་ཡོད་པའི་ཕྱིར་ཏེ་དྲན་པ་གོམས་པ་ནི་ཐབས་ཡིན་པའི་ཕྱིར་རོ། །མཐོ་རིས་དང་ཐར ་པའི་ལམ་ཤེས་པ་ཉིད་ཀྱིས་རྗེས་སུ་སྒྲུབ་པར་འདོད་པ་རྣམས་ཀྱི་བསྙེན་པ་བྱ་བ་འདི་ཡིན་གྱི། དོགས་པ་མེད་པ་ཐམས་ཅད་ཀྱི་ཤེས་པ་ལས་ནི་མ་ཡིན་ནོ་ཞེས་བསྟན་པ་ནི། ཐམས་ཅད་རིག་པ་ཞེས་བྱ་བ་ཚད་མ་གཞན་ནི་འདོད་པ་མ་ཡིན་གྱི། ་འོན་ཀྱང་ཞེས་བྱ་བའོ། །ཐམས་ཅད་ཤེས་པ་ཡིན་པའི་ཕྱིར་ཡང་ཤེས་པ་ཕུལ་དུ་བྱུང་བ་དང་ལྡན་པའི་ཕྱིར་བསྙེན་པར་བྱ་བ་མ་ཡིན་ནམ། དེ་ཡང་ཐམས་ཅད་ཀྱི་ཤེས་པ་ལ་ཆེས་ཤིན་དུ་ཡིན་པའི་ཕྱིར་ཐམས་ཅད་ཀྱི་ཤེས་པ་ལ་གུས་པ་མ་བྱས ་པས་སྐྱེས་བུའི་དོན་གྱི་ཤེས་པ་ཉིད་ཇི་ལྟར་ཚོལ་བར་བྱེད་སྙམ་དུ་སེམས་པས་ཅིའི་ཕྱིར་ཞེས་ཟེར་བ་ལ། ལན་དུ་དེས་གསུངས་ཞེས་བྱ་བ་སྟེ། རྟོགས་པར་བྱ་བའི་ཕྱིར་ནི་ནན་ཏན་དུ་བྱ་བའི་དོན་དུ་ཡིན་གྱི། ཤེས་པ་ཁྱད་པར་ཅན་དང་ལྡན་པ་ཉིད་ཙམ ་ཁོ་ན་ལས་འདི་བསྙེན་པར་བྱ་བ་ནི་མ་ཡིན་ཏེ། འོན་ཀྱང་ནན་ཏན་དུ་བྱ་བའི་ཡུལ་ཤེས་པ་ཁྱད་པར་ཅན་དང་ལྡན་པ་ཉིད་ཀྱི་ཕྱིར་ཞེས་བྱ་བའི་དོན་ཏོ། །ཡུལ་གཞན་ཤེས་པ་ཁྱད་པར་དང་ལྡན་པ་ཤེས་པ་ཡིན་ན་ཡང་འཇུག་པའི་ཡུལ་ཁྱད་པར་ཅན་དང ་ལྡན་པ་མི་ཤེས་ན་མི་འཇུག་སྟེ་རང་ཉིད་དམ་གཞན་གྱི་ངེས་པར་བརྟགས་པ་ལ་འཇུག་པ་ཡིན་པར་བསྟན་པ་ནི་གཞན་རྗེས་སུ་སྒྲུབ་པར་འདོད་པས་ཞེས་བྱ་བའོ། །ཡུལ་གཞན་ཤེས་པ་ཁྱད་པར་ཅན་དང་ལྡན་པ་ཉིད་ཤེས་ཀྱང། འཇུག་པའི་མུལ་ཤེས ་པས་ཁྱད་པར་ཅན་དང་ལྡན་པ་སྲིད་པ་ཡིན་ན་འཇུག་པར་འགྱུར་བ་མ་ཡིན་ནམ་སྙམ་དུ་སེམས་པ་ལ། དེ་དེས་ཀྱང་ཞེས་བྱ་བ་སྟེ་འཇུག་པའི་ཡུལ་ཤེས་པ་ལ་ངེས་པ་མེད་ན་འགའ་ཡང་འཇུག་པར་མི་འགྱུར་ཏེ། ཡུལ་གཞན་ལ་ ་ངེས་པ་ཡང་ཡུལ་དེ་ལ་ཐེ་ཚོམ་ཟ་བའི་ཕྱིར་རོ། །ཐེ་ཚོམ་ཉིད་ནི་འཇུག་པའི་ཡན་ལག་མ་ཡིན་ཏེ། འཇིག་རྟེན་ཕ་རོལ་ལ་སོགས་པ་ལ་བསླུ་བར་དོགས་པ་ཡིན་ན། རྟོག་པ་དང་ལྡན་པ་རྣམས་མི་འཇུག་པའི་ཕྱིར་རོ་ཞེས་བྱ་བའི་དོན་ཏོ། །འཇུག་པའི ་ཡུལ་ཤེས་པར་ངེས་པ་ཁོ་ན་ཡིན་པར་ནི་བདེན་ཏེ། དེའི་ངེས་པ་འབའ་ཞིག་བཞིན་དུ་ཡུལ་གཞན་ཤེས་པ་ལ་ངེས་པ་ཡང་དེ་ལ་ཡོད་དོ་ཞེས་བདག་སྨྲ་བ་ཡིན་ནོ་སྙམ་དུ་སེམས་པ་ནི། འོན་ཏེ་དེར་ཡང་ཞེས་བྱ་བའོ། །ཤེས་པ་དེའི་ཤེས་བྱ ་ཤེས་པ་མེད་ན་དེའི་ཤེས་པ་ལ་ཇི་ལྟར་ངེས་པ་ཡིན་ཞེ་ན། ལན་དུ་ཐམས་ཅད་དུ་ཤེས་པ་ལ་ཞེས་སྨོས་སོ། །ཉེ་བར་བསྡུ་བ་ནི་དེའི་ཕྱིར་ཞེས་བྱ་བ་སྟེ། དེ་ཉིད་ཅེས་བྱ་བ་ནི་ནན་ཏན་དུ་བྱ་བ་ཁོ་ན་ཡིན་པར་ཤེས་པར་བྱ་བ་སྟེ། བསླུ་བ་ཡིན་པར ་དོགས་རྣམས་ཀྱིས་ཞེས་བྱ་བ་དང་སྦྱར་རོ། །དེས་ནི་ཉེ་བར་བསྟན་པ་ལས་སོ། །ཅི་ལས་ཐེ་ཚོམ་ཟ་བ་ཡིན་ཞེ་ན། མི་ཤེས་ཞེས་བྱ་བ་ནི་རང་ཉིད་ལ་འཇུག་པའི་ཡུལ་ལ་ངེས་པར་རྟོགས་པ་མེད་པར་ངེས་པར་བསྟན་པ་ཡིན་ལ། མི་ཤེས་པ་ཉེ་བར་སྟོན ་བ་ཞེས་བྱ་བ་ནི་གཞན་ལ་ངེས་པར་རྟོག་པ་མེད་པར་བསྟན་པའོ། །འདི་ཚད་མ་ཉིད་དོ་ཞེས་བྱ་བ་འདི་ལ་ཡང་ཤེས་ན་ཞེས་བྱ་བ་རྗེས་སུ་འཇུག་པ་ཡིན་ཏེ། སྐྱེས་བུའི་དོན་ངེས་པ་ཁྱད་པར་ཅན་དང་ལྡན་པ་ཉིད་ཀྱི་ཤེས་པ་ལ་ཚད་མ་ཡིན་ཏེ་རྗེས་སུ ་འཇུག་པའི་ཕྱིར་རོ་ཞེས་བྱ་བའི་དོན་ཏོ། །གལ་ཏེ་ཡུལ་གཞན་ཤེས་པ་ཁྱད་པར་ཅན་ལ་ངེས་པ་མ་ཡིན་ན་འོ་ན་ཅི་ཞིག་ཅེ་ན། སྲིད་པ་ཡིན་པར་འགྱུར་བསྟན་པ་ནི་གཞན་ལ་ཡང་དེའི་ཞེས་བྱ་བ་སྟེ། སྐྱེས་བུའི་དོན་ཤེས་པ་ཁྱད་པར་ཅན་ལ ་སྲིད་པ་ནི་སྒྲུབ་པར་བྱེད་པ་དང་གནོད་པ་ཅན་མེད་པའི་ཕྱིར་ཐེ་ཚོམ་ཡིན་ལ། འདི་འཇུག་པའི་ཡན་ལག་ནི་མ་ཡིན་ཏེ། འཁྲུལ་པ་སྲིད་པར་འགྱུར་བའི་ཕྱིར་དང། །ཐམས་ཅད་དུ་ཡང་འཇུག་པའི་ཐལ་བར་འགྱུར་བའི་ཕྱིར་རོ། །དེའི་ཕྱིར་ངེས་པ་ཅན་གྱི་སྐྱེས་བུའི་དོན ་གྱི་གཙོ་བོའི་ཤེས་པ་ལ་ངེས་པ་ནི་འཇུག་པའི་ཡན་ལག་ཡིན་པར་བསྟན་པ་ནི། སྐྱེས་བུའི་དོན་གྱི་གཙོ་བོ་ཤེས་པ་ཞེས་བྱ་བ་སྟེ། སྐྱེས་བུའི་དོན་ཀུན་གྱི་གཙོ་བོ་ལས་གཞན་པའི་ཡུལ་ཤེས་པ་ལ་ཇི་ལྟར་ཤེས་པ་ཡིན་ཞེས་རྒོལ་བ་ནི་རིག་བྱེད་དང་དབང ་ཕྱུག་ལ་སོགས་པ་རྣམས་བསྙེན་པ་ལ་ཡང་མཚུངས་པ་ཡིན་ལ། དེ་ལ་ཁྱེད་ཀྱི་ལན་གང་ཡིན་པ་དེ་ཁོ་བོ་ཅག་གི་ཡང་ཡིན་པར་མཚུངས་པར་བསྟན་པ་ནི། ལྷག་མ་ཐམས་ཅད་ནི་ཞེས་བྱ་བའོ། །གལ་ཏེ་རིག་བྱེད་དང་དབང་ཕྱུག་ལ་སོགས་པ་ཡང ་བསྙེན་པར་བྱ་བ་མ་ཡིན་དུ་ཟིན་ཀྱང་བདག་ལ་གནོད་པ་ཅི་ཡོད་ཅེ་ན། ཅིའི་ཕྱིར་མི་གནོད་པ་ཡིན་ཏེ་བསྙེན་པར་བྱ་བ་ཐམས་ཅད་དགག་པ། བསྙེན་བྱ་གང་ཁོ་ན་དེ་ཁོ་ན་ཇི་ལྟར་ཤེས་པ་ཡིན་ཞེས་བྱ་བར་མཚུངས་སོ། །བདག་ཅག་གི་བསྙེན་པར ་བྱ་བ་ནི་འགའ་ཡང་མེད་པ་ཁོ་ན་ཡིན་ནོ་ཞེ་ན་དེ་ལྟར་ཡིན་ན་འཇིག་རྟེན་པའི་ཐ་སྙད་ལ་རྗེས་སུ་འཇུག་པར་བྱེད་པས་ཁྱོད་འཇིག་རྟེན་པ་ཡིན་ཏེ། སྐྱེས་བུའི་དོན་གཙོ་བོ་ཤེས་པ་ལ་ངེས་པར་བྱེད་ན་ཤེས་པ་གཞན་ལ་སྲིད་པར་བྱེད་པས་འཇུག་པར ་བྱེད་པ་ཡིན་ན། གཞན་ལ་ནི་མ་ཡིན་ཏེ་དེ་ལྟར་ཤེས་པ་མེད་པས་སླུ་བ་ཡིན་པར་དོགས་པ་ཡིན་པའི་ཕྱིར་ཞེས་བསྟན་པ་ནི། གང་ཞིག་ཚད་མས་མཐོང་བ་ཞེས་བྱ་བའོ། །ཤེས་པ་དང་ཉེ་བར་བསྟན་པ་དག་གིས་ཀྱང་ཉེ་བར་བསྟན་པ་མཐོང་བ་ལས ་ཐེ་ཚོམ་ཟ་བ་ཡིན་ནོ་ཞེས་ཟེར་བ་ནི། འོན་ཏེ་ཐམས་ཅད་ཡོངས་སུ་མི་ཤེས་ན་ཞེས་བྱ་བ་སྟེ། ཐམས་ཅད་ནི་ལས་ཀྱི་འབྲས་བུའི་བདག་ཉིད་ཀྱི་འགྲོ་བ་ཡིན་ཏེ། གཞན་ལ་མེད་པའི་ཕྱིར་ལ་གལ་ཏེ་དེ་ཤེས་ན་ཐམས་ཅད་ཀྱི་ཤེས་པ་ཁོ་ན་ཚིག་བསལ་བ ་འདི་ཁོ་ནས་བརྗོད་པ་ཡིན་ལ། དེ་ལ་ཡང་ནུས་པ་མེད་པར་བསྟན་པ་ཁོ་ན་ཡིན་ནོ་ཞེས་བྱ་བའི་དོན་ཏོ། །ལན་དུ་ལས་དང་འབྲས་བུ་འབྲེལ་པ་སྔོན་དུ་བྱེད་པ་ཡོད་པ་ལས་དེ་བཞིན་དུ་ཐམས་ཅད་ཀྱི་ཤེས་པ་འཐོབ་པ་ཡིན་ན་འགའ་ཡང་ཉམས ་པ་མེད་ལ་ཤེས་པ་མེད་པ་ཡང་མ་ཡིན་ནོ་ཞེས་བསྟན་པ་ནི། ཚད་མ་མེད་པའི་དངོས་པོ་ལ་ཞེས་བྱ་བ་སྟེ། རིག་བྱེད་གྲངས་ཅན་ལ་སོགས་པ་ལ་ཚད་མ་མེད་པའི་ཕྱིར་ཉེ་བར་བསྟན་པ་བརྒྱུད་པ་ཁོ་ན་ལས་དོན་གྱི་གཙོ་བོ་ལ་བསླུ་བ་མེད་པའི་དོན་དུ་སྐྱབས་སུ ་འགྲོ་བ་ཡིན་ཏེ། གཞན་ལ་ཤེས་པ་ཡང་སྤངས་པ་ལས་ནི་མ་ཡིན་ནོ་ཞེས་བྱ་བའི་དོན་ཏོ། །ཚིགས་སུ་བཅད་པའི་ཚིགས་སྔ་མ་རྣམ་པར་འགྲེལ་པ་ནི། ཚད་མ་མེད་པ་བརྟག་པ་ཉིད་ལ་སོགས་པ་ལ་ཞེས་བྱ་བའོ། །ཕྱེད་ཕྱི་མ་བཤད་པ་ནི། ཚད ་མ་དངོས་པོ་ཞེས་བྱ་བ་སྟེ། མ་ཤེས་པ་སྟེ་མངོན་དུ་མི་བྱེད་པ་ལ། དེ་ལ་དོགས་པ་ནི་མངོན་དུ་བྱེད་པ་སྟེ་མ་ངེས་པའོ། །ཚད་མས་ཡོངས་སུ་བཅད་པ་ནི་མངོན་སུམ་ཡོངས་སུ་བཅད་པ་ལ་གཉིས་སུ་མེད་པའམ། སྐད་ཅིག་མ་ཉིད་ཀྱི་དངོས ་པོ་ལ་དངོས་པོ་རྣམས་ཀྱི་སྔ་མ་དང་ཕྱི་མ་དག་གིས་གཉིས་དང་བྲལ་བ་ཉིད་ནི་དེ་དང་ལྡན་པ་ཉིད་དང་འགལ་བ་ལས་དེ་དང་ལྡན་པ་ཉིད་དུ་མཐོང་བ་འོངས་པ་ཡིན་ནོ། །དེ་ལས་ཀྱང་དེ་ལས་བྱུང་བའི་འདོད་ཆགས་ལ་སོགས་པ་རྣམས་ཏེ། དེའི་ཕྱིར་སྐད ་ཅིག་མའམ་གཉིས་སུ་མེད་པ་མངོན་དུ་བྱེད་པ་ནི་དེ་དང་འགལ་བ་སྤངས་པ་སྔོན་དུ་བྱེད་པའི་ངོ་བོ་ཡིན་པར་འུ་བུ་ཅག་ལ་སོགས་པའི་ཡང་མངོན་སུམ་པར་གཉིས་སུ་མེད་པ་ལ་སོགས་པ་མངོན་དུ་བྱེད་པ་ཡང་བསྒོམ་པ་ཁྱད་པར་ཅན་གྱི ་ཕུལ་དུ་བྱུང་བར་འགྲོ་བ་ཡིན་ཏེ། སྤངས་པ་ཕུལ་དུ་བྱུང་བ་དང་ལྡན་པ་ཞེས་བྱ་བ་ཡང་མངོན་སུམ་ཡིན་ནོ། །གཉིས་ཀྱིས་དབྱེན་པའི་བསྒོམ་པ་ནི་གཉིས་ཀྱི་ངོ་བོར་འགྱུར་པ་ནི་མ་ཡིན་ནོ། །བདེ་བ་དང་འདོད་ཆགས་ལ་སོགས་པ་གཞན་ལས་ཐོས ་ནས་སམ། རང་ཉིད་ཀྱི་རིག་པ་བསྒོམ་བཞིན་བ་ཕུལ་དུ་བྱུང་བར་འགྲོ་བ་ནི་གཟུང་བ་ལ་སོགས་པའི་ངོ་བོར་འགྱུར་བ་མ་ཡིན་ནོ། །དེ་བཞིན་དུ་གཉིས་སུ་མེད་པ་ལ་སོགས་པ་བསྒོམ་པས་འདོད་ཆགས་དང་བྲལ་བ་མ་བསླུས་པ་ཡིན་ཏེ། དྲན་པ་གོམས་པ་ཕུལ ་དུ་བྱུང་བས་བློ་ཕུལ་དུ་བྱུང་བ་སྐྱེས་པ་ཡིན་ན། ཉམས་སུ་མྱོང་བ་ཐམས་ཅད་དྲན་པའི་ཐམས་ཅད་ཀྱི་ཤེས་པར་འགྱུར་པ་ཡིན་ནོ་ཞེས་རྟོགས་པ་ཉེ་བར་སྟོན་པ་པོས་བསྟན་པ་ལས་རྟོགས་པ་ཡིན་ནོ། །ཉེ་བར་བསྟན་པ་གཅིག་པུའི་ཡུལ་ལ་ཤེས་པ་ནི་ཉེ་བར ་བསྟན་པ་ལས་ཡིན་ཏེ། ཉེ་བར་བསྟན་པ་སྔོན་དུ་འགྲོ་བ་ཅན་དུ་རྟོགས་པ་ཡིན་གྱི་མངོན་སུམ་གྱི་ཡུལ་ལ་ནི་མ་ཡིན་ནོ། །དེའི་ཕྱིར་མངོན་སུམ་གྱི་ཡུལ་གྱིས་ཁྱད་པར་ཅན་གྱི་ཉེ་བར་བསྟན་པ་ལས་མངོན་སུམ་ཁོ་ནར་རྟོགས་བཞིན་པ་ནི་ཉེ་བར་བསྟན་པ་ཙམ་གྱི ་ཤེས་པ་དང་འགལ་བ་དགག་པར་བྱེད་པ་ཡིན་པའི་ཕྱིར་ཉེ་བར་བསྟན་པ་བརྒྱུད་པ་ཡིན་ན་མངོན་སུམ་གྱི་ཡུལ་ཁྱད་པར་ཅན་ཉེ་བར་བསྟན་པ་ནི། འགལ་བ་ཁྱབ་པ་ཡིན་ནོ་ཞེས་བྱ་བའི་དོན་ཏོ། །རང་ཉིད་མངོན་སུམ་གྱི་ཡུལ་ཡིན་ན་དེ་ཉིད། ཁོ་ན་འཇུག་པ ་མ་ཡིན་ནམ། མངོན་སུམ་གྱི་སྤྱི་དགོས། དེ་ནི་དེའི་འཇུག་པར་བྱེད་པ་ཡང་མ་ཡིན་ལ། བསླུ་བར་དོགས་པ་ཡང་མ་ཡིན་ཏེ། རང་ཉིད་མངོན་སུམ་ཡིན་པའི་ཕྱིར་རོ་སྙམ་དུ་སེམས་པ་ལ། དོགས་སུ་ཆུག་པ་དེ་ལྟ་ན་ཡང་ཞེས་བྱ་བ་སྟེ། རང་ཉིད་མངོན་དུ་བྱེད ་པ་ཁོ་ནས་མགུ་བ་ཡིན་པའི་ཕྱིར་ཉེ་བར་སྟོན་པ་པོ་མིང་མངོན་དུ་བྱེད་པར་ངེས་པར་འགྱུར་པ་ཡིན་གྱི། མེད་པ་ལས་སམ་ཚད་མ་མེད་པ་ལས་མ་ཡིན་ཞེས་བྱ་བའི་དོན་ཏོ། །ད་ལྟར་བྱུང་བའི་ཤེས་པ་དང་སྤངས་པ་དག་ཕུལ་དུ་བྱུང་བ་ནི་བདག་ཅག་ལ ་སོགས་པ་བཞིན་དུ་ཉེ་བར་སྟོན་པ་པོ་ཡིན་དུ་ཟིན?་ཀྱང?། དེའི་ཁྱད་པར་འགོག་པ་མངོན་དུ་བྱེད་པ་ལ་སོགས་བདག་གི་ནི་འབྱུང་བར་འགྱུར་བ་ཡིན་ལ། དེའི་ནི་བྱུང་བར་གྱུར་པ་ཡིན་པར་ཅི་ལས་ཤེས་སྙམ་དུ་སེམས་པ་ནི་འོན་ཏེ་ཚད་མས་མཐོང་བ་ཡིན་ལ? ་ཞེས་བྱ་བ་སྟེ། འདིར་སྔོན་དུ་བྱེད་པ་ཞེས་བྱ་བ་ནི་འགོག་པ་ཡིན་ཞེས་བྱ་བ་བལྟོས་པ་ཡིན་ནོ། །ལན་ནི་དེ་ནི་འདིར་འགྱུར་ཏེ་ཞེས་བྱ་བ་སྟེ། རེ་ཞིག་རང་ཉིད་ལ་ཤེས་རབ་དང་སྤངས་པ་དག་ཡུལ་དུ་བྱུང་བ་མེད་པས་འབྱུང་བ་འགྱུར ་བ་དེའི་ཕུལ་དུ་བྱུང་བར་ངེས་པ་མ་ཡིན་ཏེ། རིགས་པ་མཚུངས་པ་ཉིད་ཀྱིས་སྟོན་པ་པོའི་ཡང་འབྱུང་བར་འགྱུར་བ་ལས་ངེས་པ་མ་ཡིན་ནོ་ཞེས་ཚད་མས་མཐོང་བར་སྟོན་པ་ནི་གོ་བྱེད་ཡིན་པའི་ཕྱིར་བལྟོས་པ་དང་བཅས་པའི་བསྡུ་བ་ཡིན་ནོ། །ཚད ་མས་མཐོང་བ་སྟོན་པ་འམ་དེ་ལྟར་བསྟན་པ་ཡིན་ནོ། །ཉེ་བར་བསྟན་པ་ཡང་ཤེས་པ་སྔོན་དུ་འགྲོ་བ་ཅན་དུ་མཐོང་བ་ཡིན་ན་ཤེས་པ་གོ་བྱེད་ཡིན་ལ་མངོན་སུམ་གྱི་ཡུལ་ཉིད་ཀྱི་རང་གི་བྱེ་བྲག་གིས་རྟོགས་བྱའི་ཤེས་པའི་ཁྱད་པར་མངོན་དུ་བྱེད་པར ་རྟོགས་པར་བྱེད་པ་ཡིན་པར་བསྟན་པ་ནི། བཅོམ་ལྡན་འདས་དེ་བཞིན་གཤེགས་པ་ནི་ཚད་མས་མཐོང་བ་གསུང་པ་ཡིན་ཞེས་བྱ་བའོ། །དེ་བཞིན་དུ་ཉེ་བར་བསྟན་པའི་ཁྱད་པར་ནི་མངོན་དུ་བྱེད་པ་ཡིན་ནོ་ཞེས་ཉེ་བར་བསྡུ་བ་ནི། བཅོམ་ལྡན་འདས་ནི ་ཚད་མ་ཉིད་དོ་ཞེས་བྱ་བའོ། །མཐོ་རིས་དང་བྱང་གྲོལ་ལམ་ཞེས་བྱ་བ་ནི་བསྡུ་བའི་ཚིགས་སུ་བཅད་པའོ། །དེ་བཞིན་དུ་ཞེས་བྱ་བ་ནི་སྐྱེས་བུའི་དོན་ལས་གཞན་གྱི་ཡུལ་ཅན་གྱི་ཤེས་པའོ། །བྱུང་གྱུར་བྱུང་དང་འབྱུང་འགྱུར་དངོས། །ཐོག་མཛའ་མེད ་པར་རིམ་གྱིས་ནི། །སོ་སོ་རེ་རེར་རྟོག་པར་ནི། །བསྐལ་བའི་བར་དུ་འང་ནུས་མ་ཡིན་ཞེས་བྱ་བ་ལ་སོགས་པ་ཡུལ་གཞན་གྱི་ཤེས་པ་བཀག་པ་ནི་ཤེས་པ་དེ་ཁས་བླངས་པ་ཁོ་ནས་བསལ་བ་ཡིན་པར་བསྟན་པ་ནི། འདིར་ནི་ཆོས་མཁྱེན་འགོག ་པ་ཉིད་ཅེས་བྱ་བ་སྟེ། །ཕྱོགས་གཅིག་མཁྱེན་པ་ཞེས་བྱ་བ་ནི་སྐྱེས་བུའི་དོན་གྱི་ངོ་བོ་ཕྱོགས་གཅིག་ཡོངས་སུ་མཁྱེན་པ་ཡིན་པར་སྲིད་ནའོ། །མེ་ནི་གྲང་བའི་སྨན་ཡིན་པའི་ཉེ་བར་བླང་བྱ་ཡིན་པར་བསྟན་པ་ནི་མེ་ནི་ཞེས་བྱ་བ་ལ་སོགས་པའོ། ་སྐྱེས་བུའི་དོན་མ་ཡིན་པའི་མཚན་ཉིད་ཅེས་བྱ་བ་ནི་སྐྱེས་བུའི་དོན་གྱི་གཙོ་བོ་ལས་གཞན་པའི་སྐྱེས་བུའི་དོན་ཉིད་མ་ཡིན་པའོ། །ལས་དང་འབྲས་བུ་འབྲེལ་པའི་ཤེས་པ་ནི་དྲན་པ་གོམས་པས་བློ་གསལ་བ་ཡིན་ན་འདི་འབྱུང་ངོ་ཞེས་བསྟན་པ་མ་ཡིན་ནམ། དེ་ནི་མི ་ཤེས་ཏེ་དེ་ཅི་མེའི་སྦྱིན་སྲེག་ལ་སོགས་པ་འམ། སྦྱིན་པ་ལ་སོགས་པ་ཡིན་ནོ་སྙམ་དུ་སེམས་པ་ལ། ངེས་པའི་ལས་བསྟན་པའི་ཕྱིར། མཐོ་རིས་དང་ནི་བྱང་གྲོལ་ལམ་ཞེས་བྱ་བ་སྨོས་ཏེ། ཡུལ་རྣམ་པར་དག་པ་གཉིས་ལ་མངོན་སུམ་དང་རྗེས་སུ་དཔག ་པར་བཞག་པ་ཡིན་ལ། སྐྱེས་བུའི་དོན་ཐར་པའི་ལམ་གྱི་ངོ་བོ་ལ་ནི་བསྟན་བཅོས་དེའི་ཕྱོགས་གཅིག་བསྟན་པ་དང་འགལ་བ་ཅན་གཞན་ཚད་མས་ཡོངས་སུ་དཔྱད་བྱ་ཉིད་མ་ཡིན་པའི་ལས་མེའི་སྦྱིན་སྲེག་ལ་སོགས་པ་བ་ནི་མ་ཡིན་ནོ་ཞེས་བྱ་བའི་དོན ་ཏོ། །གཞན་ཡང་ཞེས་བྱ་བ་ནི་དངུལ་ཆུ་དང་བཅུད་ཀྱི་ལེན་དང་དབང་དུ་བྱེད་པ་ལ་སོགས་པའི་རྣམ་པར་དབྱེ་བས་མི་ཤེས་པས་མགུ་བར་བསྟན་པ་ནི་ཐམས་ཅད་ཤེས་པ་མ་ཡིན་ཞེས་བྱ་བས་ནི་ཐམས་ཅད་མཁྱེན་པའི་ཤེས་པ་མ་ཡིན་ཞེས་བྱ་བ་སྟེ ་མི་བསླུ་བ་དེ་ནི་ཤེས་པ་སྲིད་པ་དང་མི་འགལ་པའི་ཕྱིར་ཉེ་བར་བསྟན་པ་བརྒྱུད་པ་དོར་བྱ་མ་ཡིན་པར་བསྟན་པ་ནི། དེའི་ཕྱིར་ཚད་མ་ཅན་གྱི་དོན་གསུང་བའི་ཕྱིར་ཞེས་བྱ་བ་སྟེ། གང་གི་ཕྱིར་ཤེས་པ་དང་ལྡན་པ་ནན་ཏན་བྱ་བའི་དོན་དུ་བཙལ་བ་ནི། དེ་ཕྱིར ་དེ་ཡི་ཡེ་ཤེས་ནི། ནན་ཏན་བྱ་རྟོགས་རྣམ་དཔྱད་བྱའོ་ཞེས་བྱ་བའོ། །ཡུལ་གཞན་ནི་མ་ཡིན་ཏེ་དགོས་པ་མེད་པའི་ཕྱིར་དང་མི་ནུས་པའི་ཕྱིར་རོ། །ལས་དང་འབྲས་བུའི་འབྲེལ་པ་ཤེས་པ་སྲིད་པ་བཞིན་དུ་ཡུལ་གཞན་ཤེས་པ་སྲིད་པ་ནི་དོན་གྱི་གཙོ ་བོ་ལ་མི་བསླུ་བར་ཁྱད་པར་མེད་པས་སོ། །དེའི་ཤེས་པའི་ཤེས་བྱའམ་པར་རིག་པ་དང་བྲལ་བ་རྣམས་ཀྱིས་ཇི་ལྟར་གོ་བ་ཡིན་ཞེ་ན་ལས་དང་འབྲས་བུ་ལ་སོགས་པ་ཤེས་པར་མཚུངས་པ་ཡིན་ནོ། །འོན་ཏེ། རྒྱུ་ཡོད་པ་ལས་དེ་ལ་མི་བསླུ་བའི་ཕྱིར་དེ་ཡོད ་པ་ཡིན་ནོ་ཞེ་ན། དེ་ནི་གཞན་ལ་ཡང་མཚུངས་སོ། །འདི་ལ་རྣམ་པར་དབྱེ་བས་ཤེས་པ་མེད་དོ་ཞེས་ལ་སོགས་པ་ལ་ཡང་ངོ། །དེའི་ཕྱིར་ཡུལ་གཞན་ཤེས་པ་དགོས་པ་མེད་པ་ཉིད་ཀྱི་ཕྱིར་བརྟག་བྱ་མ་ཡིན་པར་བསྟན་པ་ནི། ་དེ་ཡི་སྲིན་བུའི་གྲངས་མཁྱེན་པ། །དེད་ལ་འགའ་ཡང་ཉེར་མཁོ་མེད། ཅེས་བྱའོ། །དེ་ལྟ་ཡིན་ན་ལས་དང་འབྲས་བུ་ལ་སོགས་པའི་ཤེས་པ་དང་ཤེས་པ་གཞན་ཡང་གང་གི་སྲིད་པར་བྱེད་པ་སྟེ། ཕྱོགས་གཅིག་ཤེས་པ་ཙམ་དུ་མི་འགྱུར་པ་ཡིན་ཏེ་ཐལ་ཆེས ་པའི་ཕྱིར་རོ་སྙམ་དུ་སེམས་པ་ལ་རྒྱུ་མཚན་གྱི་ཁྱད་པར་བསྟན་པ་ནི། དོར་དང་བླང་བྱའི་དེ་ཉིད་ནི་ཞེས་བྱ་བ་སྟེ། དོན་གྱི་གཙོ་བོ་ལ་མི་བསླུ་བའི་ཕྱིར་ཞེས་བྱ་བའི་དོན་ཏོ། །ནན་ཏན་དུ་བྱ་བའི་ཤེས་པ་རྟོགས་པ་ལ་དོན་གྱི་གཙོ་བོ་མི་བསླུ་བ་བཞིན་དུ་ ་ཐམས་ཅད་ཤེས་པ་ཉིད་ཀྱང་རྒྱུ་མཚན་མ་ཡིན་པར་གང་གིས་ཤེས་པར་བྱ་བར་འགྱུར་བར་བསྟན་པ་ནི། རིང་པོར་མཐོང་ངམ་མིན་ཡང་རུང། །འདོད་པའི་དེ་ཉིད་མཐོང་བ་ཡིན། ཞེས་བྱ་བ་སྟེ། ཐག་རིང་པོར་མཐོང་བ་པོའི་རྟོགས་པ་ལ་ཡང་དོན་གྱི ་གཙོ་བོ་ལ་མི་བསླུ་བ་མེད་ན་ནན་ཏན་བྱ་བ་ཤེས་པ་སྲིད་པ་ཇི་སྐད་བསྟན་པའི་རིམ་པས་མེད་པའི་ཕྱིར་རོ། །དེ་བསྟན་པ་ནི། གལ་ཏེ་རེད་མཐོང་ཚད་ཡིན་ན། ཚུར་ཤོག་བྱ་རྒོད་བསྙེན་བཀུར་གྱིས་ཞེས་བྱ་བའོ། །དེ་ལྟར་རྣམ་པར་འགྲེལ་པར་ནི། རིང་པོ ་མཐོང་བ་ཡོད་དོ། ཞེས་བྱ་བ་ཙམ་གྱིས་ཞེས་བྱ་བ་སྟེ། དེ་དེ་བཞིན་དུ་རྟོགས་པར་འདོད་པ་པོའི་ཐམས་ཅད་ཀྱི་ཤེས་པ་དགོངས་པ་ཅན་མ་ཡིན་ལ་མཐོང་བ་པོ་དང་སྟོན་པ་པོའི་ནི་དགོས་པ་ཡོད་པ་ཁོ་ན་ཡིན་ཏེ། གཅིག་ཀྱང་ཡོངས་སུ་མི་ཤེས ་ན་བསྒྲུབ་པ་མ་ཉམས་པ་མི་རིགས་པའི་ཕྱིར་ཞེས་བརྗོད་པས་ཡོད་པ་དང་ཡིན་པར་བསྟན་པ་ནི། ཐམས་ཅད་རིག་པར་མཛད་པ་ཡི། །ཐམས་ཅད་མཁྱེན་པ་འགོག་པ་མིན་ཞེས་བྱ་བ་སྟེ། དེས་ཀྱི་ཤེས་པར་མི་ནུས་པས་ཏེ་དགོས་པ་ཡོད་པ ་ཉིད་ཀྱིས་ཞེས་བྱ་བ་ལ་བལྟོས་པ་ཡིན་ཏེ། ལ་སོགས་པའི་ཤེས་པ་སྲིད་པ་བཞིན་དུ་དེའི་སྲིད་པར་ཡང་ནུས་པའི་ཕྱིར་རོ། །མཐོ་རིས་དང་བྱང་འགྲེལ་གྱི་ལམ་གྱི་ཤེས་པའི་ངོ་བོའི་ལྐོག་ཏུ་གྱུར་པའི་དོན་ཤེས་པ་པོ་ཉིད་ཚད་མ་ཉིད་ཡིན་གྱི་ཐམས་ཅད་ནི་མ ་ཡིན་ཏེ་ནན་ཏན་དུ་བྱ་བའི་ཡུལ་ཡིན་པའི་ཕྱིར་དང། དོན་གྱི་གཙོ་བོ་ལ་མི་བསླུ་བའི་འབྲས་བུས་ཤེས་པར་བྱ་བ་ཡང་ཡིན་ནོ་ཞེས་ཚད་མ་ཉིད་ཀྱིས་རང་གི་ངོ་བོ་གོ་བར་བྱེད་པ་ཡང་རྟོགས་པར་བྱས་ནས་ང་ནི་རྒྱུ་བསྟན་པ་ནི། སྒྲུབ་བྱེད་ཐུགས་རྗེ་གོམས ་ལས་དེ་ཞེས་བྱ་བ་སྟེ་ཐུགས་རྗེ་ལ་སོགས་པ་བསྒོམ་པའི་རིམ་གྱིས་དྲན་པ་གོམས་པ་ནི་དབང་པོ་ལས་འདས་པ་ཤེས་པའི་རྒྱུ་ཡིན་ཞེས་བྱ་བའི་དོན་ཏོ། །གཉི་ཀའི་མཚན་ཉིད་ལ་ཡང་ཞེས་བྱ་བ་ནི་སྐྱེས་བུའི་དོན་གྱི་གཙོ་བོ་ཤེས་པ་དང་ཐམས་ཅད་ཀྱི་ཤེས ་པ་ཡང་ངོ། །སྒྲུབ་པ་གང་ལས་ཞེས་བྱ་བ་ནི་རྫོགས་པའོ། །རྒྱུ་ཡང་གང་ཡིན་ཞེས་བྱ་བ་ནི་དེ་ལྟར་རྫོགས་པ་ཡང་གཞན་གྱི་དོན་ལ་འཇུག་པ་མེད་ན་ཚད་མ་ཉིད་མ་ཡིན་པའི་ཕྱིར་དེ་ལ་འཇུག་པའི་རྒྱུ་ཡིན་ནོ་ཞེས་བྱ་བའི་དོན་ཏོ། །རྒྱུ་ཡང་གང་ཡིན་ཞེས ་བྱ་བ་འདི་ལ་སྦྱོར་བར་བྱེད་པ་ཡིན་ནོ། །ཡང་ན་སྒྲུབ་པ་ཞེས་བྱ་བ་ཐུགས་རྗེ་བསྒོམས་པའི་སྒོ་ནས་བློ་ཙམ་ནི་ལུས་ལ་རྟེན་པ་ཉིད་ཀྱིས་དྲན་པ་གོམས་པ་ལས་ཀྱང་སྔོན་གྱི་གནས་ཤེས་པ་མེད་པ་ཁོ་ན་ཡིན་ནོ་སྙམ་དུ་སེམས་པ་ནི། བློ་ནི་ལུས་ལ ་བརྟེན་པའི་ཕྱིར་བྱ་བ་སྟེ་འཇིག་རྟེན་འདི་ནི་འཇིག་རྟེན་གཞན་གྱི་འབྲས་བུ་མིན་ན། དྲན་པ་གོམས་པ་ལས་དང་འབྲས་བུ་འབྲེལ་པའི་ཁྱད་པར་ཤེས་པ་ནི་སྔོན་གྱི་གནས་ཤེས་པའི་རིམ་གྱིས་འགྱུར་བ་ཡིན་གྱི། འདི་སྲིད་པ་ནི་མ་ཡིན་ཏེ། འཇིག་རྟེན ་འདི་ནི་འཇིག་རྟེན་གཞན་ཙམ་གྱི་འབྲེས་བུ་ཡིན་པའི་ཕྱིར་རོ་ཞེས་བྱ་བའི་དོན་ཏོ། །རྟེན་ནི་བཀག་ཕྱིར་རོ་ཞེས་བྱ་བ་ནི་བློའི་རྟེན་ཉིད་རང་གི་ངོ་བོ་རིག་པ་ལས་གཞན་པ་རིག་པ་མ་ཡིན་ཏེ། གང་གི་ཕྱིར་དཀར་པོ་ལ་སོགས་པའི་ངོ་བོ་ལྟ་བུར་དེ་སྲོག་ལ་སོགས ་པ་བཞིན་དུ་རྫས་ལ་རྟེན་པར་དམིགས་པ་མ་ཡིན་ནོ། །ཤེས་པ་དང་ལྡན་པ་ནི་སྲོག་དང་ལྡན་པ་དམིགས་པ་ཡིན་ནོ་ཞེ་ན། མ་ཡིན་ཏེ་ལུས་ནི་ཡུལ་མཚུངས་པ་ཉིད་ཀྱིས་དེ་ལྟར་སྒྲོ་བཏགས་པའི་ཕྱིར་རོ། །འོན་ཏེ་ལུས་ལས ་གཞན་པོ་ཤེས་པ་ཅན་དང་སྲོག་ཅན་དུ་འགྱུར་པ་དེ་ལྟ་ན་ཡང་འཇིག་རྟེན་ཕ་རོལ་པོ་ཡོད་པའི་ཕྱིར་ཐོག་མ་མེད་པའི་སྐྱེ་བ་བརྒྱུད་པར་གོམས་པ་ལས་གསལ་བར་འགྱུར་བ་ཡིན་ནོ། །འབའ་ཞིག་པ་གཞན་པོ་འདི་དག་གང་ཁོ་ན་ཡིན་པ་ཁོ་བོ་ཅག ་ལ་ངེས་པ་མེད་དོ། །དབུགས་རྡུབ་པ་དང་འབྱིན་པར་བྱེད་པ་གང་ཡིན་པ་དེ་ཡིན་ནོ་ཞེ་ན། ལུས་ཉིད་དབུགས་འབྱུང་རྡུབ་བྱེད་པ་མ་ཡིན་ནམ་གཞན་ནི་མ་ཡིན་ཏེ། མི་རྟོགས་པའི་ཕྱིར་རོ། །གང་གི་ཕྱིར་སྲོག་ལ་སོགས་པ་རྣམས་ནི་གཞན་པོའི ་ཆོས་ཉིད་དང་འབྲས་བུ་ཉིད་དུ་དམིགས་པ་ནི་མ་ཡིན་ལ། ལུས་ཀྱི་ནི་ཡིན་ཏེ། དེ་ཡང་ཡོད་པ་ཉིད་དུ་དམིགས་པའི་ཕྱིར་རོ་ལུས་ཀྱི་ཡོན་ཏན་དང་ཆོས་མི་མཐུན་པ་མ་ཡིན་ཏེ། ཇི་སྲིད་རྫས་ཡོད་པ་ཉིད་ཀྱིས་དེའི་ཡོན་ཏན་རྣམ་པ་གཉིས་ཡིན་པའི་ཕྱིར་ལུས་ནི ་ཇི་སྲིད་པ་དེ་སྲིད་དུ་འདིའི་ཡོན་ཏན་གཟུགས་ལ་སོགས་པ་རྣམས་ཡིན་ལ། ཇི་སྲིད་རྫས་ཡོད་པ་ཉིད་དུ་རིང་པ་ལ་སོགས་པ་ཡང་ཡིན་ལ། ཚོ་བ་ཉིད་ལ་སོགས་པའི་གནས་སྐབས་གཞན་བསྐྱེད་པས་རིད་པ་མེད་པར་བྱེད་པ་ཡིན་ཏེ། གཟུགས་ལ་སོགས ་པ་འམ་གཟུགས་ལ་སོགས་པ་གཞན་སྐྱེད་པའི་མི་མཐུན་པ་མ་ཡིན་ནོ། །དེ་ལྟ་ཡིན་ན་དེ་སྲོག་ལ་སོགས་པའི་ཡོན་ཏན་རྣམས་ཀྱང་ཞིག་པའི་རྒྱུ་ནི་དེའི་བྲལ་བ་ཉེ་བར་མཚོན་པ་གནས་སྐབས་གཞན་སྐྱེད་པ་ཡོད་པའི་ཕྱིར། ཆོས་མི་མཐུན་པ ་ཉིད་མ་ཡིན་ནོ། །དེ་ཡང་འོན་ཏེ་དེ་ལ་གནས་སྐབས་གཞན་དེ་བཞིན་དུ་འཆི་བ་ལ་ཡང་འདོད་ཅེས་སྨོས་པའོ། །དེ་ལྟ་ཡིན་ན་གང་གི་ཚེ་ལུས་གནས་སྐབས་དེ་ཁོ་ན་ཡིན་ན། སྲོག་ལ་སོགས་པ་དང་བྲལ་བར་གྱུར་པ་ཇི་ལྟར་ཡིན། རེ་ཞིག་གནས ་སྐབས་གཞན་ནི་དེ་མེད་པ་མ་རྟོགས་པ་དམིགས་པ་མ་ཡིན་ལ། གང་གི་ཚེ་བྲལ་པ་ཁོ་ན་བྲལ་བའི་རྒྱུ་ནི་མ་ཡིན་ནོ། །དེ་བསྟན་པ་ནི་འདི་ལ་དབྱེ་བ་འདི་ཙམ་སྟེ། ལུས་ལ་བརྟན་པོ་ཉིད་ཡིན་པའི། །ཚང་ཡོད་དེ་དང་བྲལ་བ་ཡི། །རྒྱུ་མཚན་ཤེས་པ་མ་ཡིན་ནོ་ཞེས ་བྱ་བའོ། །དམིགས་བྱ་མ་ཡིན་པའི་གནས་སྐབས་གཞན་ནི་བརྟག་པར་འོས་པ་མ་ཡིན་ཏེ། དམིགས་བྱ་ལུས་ལ་དམིགས་བྱ་མ་ཡིན་པའི་གནས་སྐབས་མི་རིགས་པའི་ཕྱིར་རོ། །གཟུགས་ལ་སོགས་པ་ནི་མེ་དང་ཕྲད་པ་བཞིན་དུ་འདིའི་རྒྱུ་གཞན་དུ ་རྟོག་པ་ཡང་མ་ཡིན་ཏེ། རྫས་མ་ཞིག་ན་དེའི་ཡོན་ཏན་གཞིག་པར་མི་ནུས་པའི་ཕྱིར་རོ། །ནུས་ན་ནི་ཡོན་ཏན་གཞན་སྐྱེད་པར་མི་ནུས་ཏེ། དེ་གཉི་ཀ་ཡང་ལུས་ལ་དམིགས་པ་མ་ཡིན་ལ། ཡོན་ཏན་ནི་རྫས་ཞིག་པ་ལས་སམ་རྫས་གཞན་གྱི་གནོད་པས ་འཇིག་པར་ཉེ་བར་འགྲོ་བ་མ་ཡིན་ནོ། །དེའི་ཕྱིར་གཏུགས་པས་ཞིག་པར་བྱེད་པ་ཡིན་ནོ། །རེ་ཞིག་ཐམས་ཅད་ཀྱི་འཆི་བ་ལ་ནི་དེ་གཉིས་མཐོང་བ་མ་ཡིན་ཏེ། མ་ཉམས་པའི་ལུས་ལས་སྲོག་ལ་སོགས་པ་བྲལ་བ་ཡིན་ཏེ། རང་དང་གཞན་གྱི་མངོན ་སུམ་མ་ཡིན་པའི་ཕྱིར་འདོད་པ་དང་སྡང་བ་དང་འབད་པ་དང་དགེ་བ་དང་སྡུག་བསྔལ་གྱི་ཤེས་པ་རྣམས་ནི་ལུས་ཀྱི་མ་ཡིན་ཏེ། གཟུགས་ལ་སོགས་པ་དེའི་ཆོས་གཞན་གྱི་དབང་པོ་རྣམས་ཀྱིས། མི་འཛིན་པའི་ཕྱིར་རོ། །བདེ་བ་ལ་སོགས་པ་ནི་དེ ་མ་ཐག་པ་ཡིན་པའི་ཕྱིར་རྟོགས་པ་ཡིན་ཏེ། རྟག་ཏུ་རབ་ཏུ་དགའ་བའི་རང་བཞིན་ཅན་ཡིན་པ་ལ་སོགས་པའི་རྟགས་ལས་གོ་བ་ཡིན་ནོ། །ལུས་ལ་ནི་དེ་རྣམས་ཀྱི་དམིགས་པ་ལོངས་སྤྱོད་པའི་གནས་འདི་ཡིན་པའི་ཕྱིར་རོ། །དེ་རྣམས་གང་གི་ཡིན ་པ་དེའི་ལོངས་སྤྱོད་ཀྱི་གནས་ནི་ལུས་དང་ཡོན་ཏན་ཉིད་ཀྱང་ཡིན་ཏེ། དེ་རྣམས་ཀྱི་སྤྱི་དང་ཁྱད་པར་དང་ལྡན་པ་ཉིད་ཡིན་ན་རོ་ལ་སོགས་པ་བཞིན་དུ་མིག་གི་མངོན་སུམ་མ་ཡིན་པའི་ཕྱིར་རོ། །ཡོན་ཏན་རྣམས་ཀྱང་ཡོན་ཏན་གྱི་རྟེན་དུ་བྱ་བ་མ་ཡིན ་པ་གོ་བར་བྱེད་པ་ཡིན་གྱི་ལུས་ལ་སོགས་པ་ནི་གནས་མ་ཡིན་ཏེ། དེའི་ཡོན་ཏན་དང་ཆོས་ཅན་མི་མཐུན་པའི་ཕྱིར་རོ། །གནས་སྐབས་ཀྱི་དགག་པ་ལ་ཡང་ལྷག་པ་ཅིག་ཤོས་རྟོགས་པ་ཡིན་པའི་ཕྱིར་འདོད་པ་ལ་སོགས ་པ་རྣམས་ལས་བདག་གྲུབ་པ་ཡིན་ནོ། །ཡོན་ཏན་ཉིད་ཡིན་པའི་ཕྱིར་བདེ་བ་ལ་སོགས་པ་ནི་རོ་ལ་སོགས་པ་བཞིན་དུ་བརྟེན་པ་ཉིད་ཡིན་ལ། གང་ལ་བརྟེན་པ་དེ་ཡང་བདག་ཡིན་ནོ་ཞེས་ཟེར་བ་ལ། དེའི་ལན་དུ་བརྟེན་པ་ཉིད་དུ་དམིགས་པའི་རྒྱུ་མཚན་ནི་ཡོན ་ཏན་ཉིད་ཡིན་ཏེ། རང་གི་ངོ་བོ་དམིགས་པ་ནི་རྒྱུ་མཚན་མ་ཡིན་ཏེ་ཐལ་ཆེས་པའི་ཕྱིར་རོ། །མིག་གིས་སམ་གཞན་གྱིས་ཀྱང་ཉེ་བར་དམིགས་པ་ལ་ནི་བྱེ་བྲག་ཅི་ཡང་མེད་དོ། །བདེ་བ་ཅན་ཞེས་བྱ་བ་དང་དབྱིག་པ་ཅན་ཞེས་བྱ་བའི་ཤེས་པའི་རྒྱུ ་མཚན་ནི་དེ་དང་འབྲེལ་པ་ཡིན་གྱི་ཡོན་ཏན་ཉིད་ནི་རྒྱུ་མཚན་མ་ཡིན་པའི་ཕྱིར་དང། ཡོན་ཏན་རྣམས་ནི་གཞན་དབང་ཡིན་པའི་ཕྱིར་ཡོན་ཏན་དང་ལྡན་པ་རྗེས་སུ་དཔག་པར་བྱ་བ་ཡིན་པ་ནི། ཡོན་ཏན་ཉིད་དུ་གྲུབ་ནའོ། །དེའི་ཕྱིར་དེ་ནི་བདེ ་བ་ལ་སོགས་པ་རྣམས་ལ་མ་གྲུབ་པོ། །སྲོག་ཅན་དང་བདེ་བ་ཅན་དང་ཤེས་པ་ཅན་ལ་སོགས་པ་བདེ་བ་ལ་སོགས་པ་དང་འབྲེལ་པ་ཅན་ནི་ལུས་ལས་གཞན་མ་ཡིན་ནོ། །ང་ནི་བདེ་བ་ཅན་ནོ་ཞེས་བྱ་བ་ནི་གཞན་ཡིན་ནོ་ཞེ་ན། མ་ཡིན་ཏེ་ང་འགྲོ་ཞེས ་བྱ་བ་ནི་ལུས་ཡིན་པར་རྟོགས་པའི་ཕྱིར་རོ། །བདག་གི་ལུས་ཞེས་བྱ་བ་ཡང་བདག་གི་བདག་ཉིད་དེ་གནས་སྐབས་ནི་དེའི་རྒྱུ་མཚན་ཡིན་ནོ། །ཤེས་པ་ནི་ཤེས་བྱ་རེ་རེ་ལ་ཐ་དད་པ་ཡིན་ལ། །ཐ་མི་དད་པའི་བདག་གི་གནས་སྐབས་ཡིན་ཞེས ་?་ལ་བ་དང་མཐོང་བའི་དབྱེ་བ་ཡང་ཤེས་པའི་རྒྱུ་ཅན་ཡིན་ཞེས་བྱ་བའི་ཚིག་ལས་ཡིན་ལ། དེ་བཞིན་དུ་བོང་ཚོང་དང་གདོད་དང་དབང་པོ་ལ་སོགས་པའི་ཚོགས་པ་ནི་བདག་ཡིན་ཞེས་བྱ་བར་ལྟ་བ་ལ་ནི་དེའི་ལུས་ཞེས་བྱ་བར་འགྱུར་པ་ཁོ་ན ་ཡིན་གྱི། འཁྲུལ་པ་ཉིད་ཀྱང་མ་ཡིན་ཏེ། གཞན་ལ་བདག་མ་གྲུབ་པའི་ཕྱིར་རོ། །གཞན་གྱི་མཐོང་བ་ཡིན་ན་དྲན་པ་མི་འགྲུབ་པའི་ཕྱིར་རོ། །དྲན་པ་པོ་ཉེ་བར་དམིགས་པ་ཡིན་ནོ་ཞེས་བྱ་བར་ཡང་མི་རིགས་ཏེ། ཉེ་བར་དམིགས་པ་ཙམ་གྱི་འབྲས་བུ་ཉིད་ནི་དྲན ་པ་ཡིན་པའི་ཕྱིར། དེ་ཙམ་གྱི་འབྲས་བུ་ཉིད་ནི་འདོད་པ་ཡིན་ནོ། །དམིགས་པ་ལ་མི་བརྟན་པར་དྲན་པ་ཁོ་ནས་འདོད་པ་འཇུག་པ་ཡིན་ཏེ། དམིགས་པ་མཚུངས་པ་འདིའི་བྱེད་པོར་ངེས་པ་མ་ཡིན་ཏེ། ཉེ་བར་དམིགས་པའི་རྗེས་སུ་འབྲངས་ནས་དྲན་པའི་བདག ་ཉིད་དུ་མཚུངས་པར་འདོད་པ་ཡིན་ནོ། །དེས་ན་བྱེད་པ་པོ་ཡོད་པ་ཡིན་ཏེ། དེ་ནི་དོན་གཉིས་པར་བརྗོད་པ་ཡིན་ནོ། །ཉེ་བར་དམིགས་པ་དེ་ཡང་ཤུཀྲ་དང་རཀྟ་ལ་སོགས་པ་འབྱུང་བའི་འབྲས་བུ་ནི་དེ་ཡོན་ཏན་ཡིན་ནམ། རང་དབང་ཡང་རུང་སྟེ་ཐལ་ཆེས་པ་མ་ཡིན་ནོ།། ་འབྱུང་བ་རྣམས་ཉིད་རང་བཞིན་ཁོ་ནས་གཅིག་ལ་གཅིག་ཉིད་ཀྱིས་ཐ་དད་པ་ཡིན་པའི་ཕྱིར་གཅིག་གི་ངོ་བོ་ཉིད་ལ་ཡོངས་སུ་འགྱུར་བའི་ཁྱད་པར་གྱིས། དེ་རྣམས་ལས་སེམས་པ་ཅན་དུ་འགྱུར་པ་ཡིན་ལ། ཡོངས་སུ་གྱུར་པའི་དབྱེ་བ་ལས་ནུས་པ་དང་མངོན་པར ་གསལ་བ་དང་རྗེས་སུ་འཛིན་པ་གང་ཡིན་པ་དེ་རྣམས་ཁོ་ན་ལས་འབྱུང་བའི་བློ་ཡིན་གྱི། བློ་གཞན་དུ་འགྲོ་བ་ཅན་ནི་མ་ཡིན་ནོ། །འབྱུང་བའི་བསྐྱེད་བྱ་ཡང་དབང་པོ་དང་བཅས་པའི་འབྱུང་བའི་བསྐྱེད་བྱ་མ་ཡིན་ནམ། གཞན་ནི་བསྐྱེད་བྱ་མ་ཡིན་ནོ། །དེ་ལྟ་ཡིན ་ན་ནུར་ནུར་པོ་ལ་སོགས་པ་རྣམས་ལ་དེ་མེད་པའི་ཕྱིར་མི་འབྱུང་ངོ། །མེད་ན་མངལ་དུ་འཕེལ་བར་མི་འགྱུར་རོ། །འོན་ཏེ་དབང་པོ་མེད་པར་ཡང་སེམས་པ་ཅན་ཙམ་དུ་སྐྱེ་བ་ཡིན་ནོ། །ཡིན་ན་ཡང་གཟུགས་ལ་སོགས་པའི་ངོ་བོ་ཉིད་ཡིན་ཏེ། དབང་པོ་ལ་གཟུང ་འཛིན་པར་སོ་སོར་ངེས་པ་ཡིན་ཞེས་བརྗོད་པའི་ཕྱིར་རོ། །མ་ཡིན་ཏེ་སེམས་ཙམ་ནི་སེམས་ཙམ་རྩོམ་པར་བྱེད་པ་མ་མཐོང་བའི་ཕྱིར་རོ། །གཉིད་སྟུག་པོས་ནོན་པ་དང་བརྒྱལ་བ་ལ་སོགས་པའི་དུས་སུ་ཡང་སེམས་པ་ཅན་རྣམ་པར་ཆད་པས་བདག་ནི་སེམས ་དང་མི་ལྡན་པར་རབ་ཏུ་གཉིད་ལོག་པ་ཡིན་ནོ་ཞེས་དྲན་པ་ཡིན་ཏེ། གཉིད་ལོག་པར་རྩོམ་པའི་སེམས་ཀྱིས་དེའི་དུས་ཀྱིས་རང་གི་ངོ་བོ་རིག་པས་དུས་ཕྱི་མ་ལ་དངོས་པོའི་མི་རིག་པའི་ཕྱིར། གཟུགས་ལ་སོགས་པ་རྟོགས་པ་ཁོ་ན་བློ ་ཡིན་པའི་ཕྱིར་རོ། །གཞན་དུ་ན་བློ་གཞན་ལས་སྐྱེས་པས་འབྱུང་བ་དང་སེམས་པ་ཅན་མ་ཡིན་པར་ཐལ་བར་འགྱུར་བའི་ཕྱིར་རོ། །ནུར་ནུར་པོ་ལ་སོགས་པ་རྣམས་ལ་རྣམ་ཤེས་ཡོད་དོ་ཞེས་བྱ་བ་དེ་ཡང་གྱ་ཚོམ་དུ་སྨྲ་བ་ཡིན་ཏེ། དབང་པོ་མ་དོད་པའི ་པའི་ཕྱིར་དེ་ལ་དོན་རྟོགས་པ་མེད་པ་ཡིན་ལ། དོན་རྟོགས་པ་ལས་གཞན་པའི་ངོ་བོ་ནི། ཤེས་པ་ཡིན་པར་མི་རིགས་སོ། །དེས་ན་བརྒྱལ་སོགས་ན་ཡང་འདི། །ཡོད་པ་ཉིད་དུ་མི་འཐད་དོ། །འདི་ལ་སྨྲས་པ་མ་དང་ཕའི་སེམས་ལས་ནུར་ནུར་པོ་ལ་སོགས ་པའི་ཡུས་སུ་རིམ་གྱིས་ཡོངས་སུ་གྱུར་པ་ལས་སེམས་ཉེ་བར་དམིགས་བཞིན་པ་དེ་ཁོ་ན་བཞིན་དུ་ཁས་བླང་བར་འོས་པ་ཡིན་གྱི། སེམས་གཞན་ནམ་གཞན་ནི་མ་ཡིན་ཏེ་ཚད་མ་མེད་པའི་ཕྱིར་རོ། །བདག་གོ་ཞེས་ཀྱང་རིག་པའི་དྲན་པ་ཡིན་གྱི་འདི ་ཉིད་ཁོ་ན་རིག་པ་ནི་མ་ཡིན་ཏེ། རྟ་འོ་ཞེས་རྣམ་པར་རྟོག་པ་ན་བ་ལང་མཐོང་ན་དགལ་བ་དང་རྣམ་པར་རྟོག་པ་མེད་པ་ཉིད་དག་ཏུ་མི་སྲིད་པའི་ཕྱིར་རོ། །ནུར་ནུར་པོ་ལ་སོགས་པའི་གནས་སྐབས་ན་རིག་པ་མེད་ན་ཁྱེད་ཀྱི་ཇི་ལྟར་དེ་དམིགས་པ་ཡིན ་ཞེ་ན་ཡང་དེ་ཉིད་དམིགས་པ་ཡོད་པ་ཡིན་ཏེ། དེ་ཁོ་ན་ལས་སྐྱེ་བ་ཡིན་པའི་ཕྱིར་རོ། །དེ་ཡང་སྔ་རོལ་ན་ཡོད་པ་ཡིན་ནོ་ཞེ་ན། ཡང་ལུས་མེད་པ་ལ་བདག་གོ་ཞེས་པ་ཡོད་པར་གྱུར་པ་ཡིན་ནོ་ཞེས་བྱ་བ་འདི་ལ་ནི་ཚད་མ་གང་ཡང་མེད་དོ། །བྱུང་བར ་གྱུར་པ་རྣམས་ཀྱི་སེམས་པ་ཅན་ལ་རང་དབང་ཡིན་ན་ཕན་ཚུན་ཡན་ལག་དང་ཡན་ལག་ཅན་ཉིད་ཀྱིས་མི་འབྱེ་བར་མི་འགྱུར་བ་མ་ཡིན་ནམ། སེམས་པ་ཅན་ནི་གཅིག་ཁོ་ན་ཡིན་གྱི་ཅིག་ཤོས་མ་ཡིན་པ་ནི་མ་ཡིན་ཏེ། བྱེ་བྲག་མེད་པའི་ཕྱིར་རོ། ། ་སེམས་པ་ཅན་ཉིད་ལ་ནི་ཐམས་ཅད་ཀྱི་ཕན་ཚུན་འབྲེལ་པ་མ་ཡིན་ཏེ། སེམས་པ་ཅན་གཅིག་དང་འབྲེལ་པ་ལས་གཞན་གང་ཡང་རུང་བའི་ཡན་ལག་ཡིན་པར་ནི་འགལ་བ་ཡིན་ནོ། །འདི་ལ་ཟེར་བ་ནི་བྱུང་བར་གྱུར་པའི་ཁྱད་པར་རམ། དེ་ཡོངས་སུ་གྱུར་པའི ་ཁྱད་པར་ཡང་སེམས་པ་ཅན་ལས་ཡིན་ནོ། །འདི་ནི་བདག་གི་ལུས་སོ་ཞེས་བྱ་བ་ལ་སོགས་པ་ལ་ཐ་མི་དད་པའི་འདིའི་ཤེས་པའི་བདག་ཏུ་ཤེས་པ་ནི། རང་ལ་དམིགས་པ་མ་ཡིན་ནམ། བདག་གི་བདག་ཉིད་ཅེས་བྱ་བ་ནི་སྒྲ་གཞན་གྱི་མགོ་བོ་ཞེས་བྱ་བ་བཞིན་དུ ་བཏགས་པ་བཞིན་ནོ། །བདག་གཞན་ལ་དམིགས་པ་ཡིན་ན་ཡང་ཐམས་ཅད་དུ་ལྡོག་པ་གྲུབ་པ་མ་ཡིན་ནོ། །འདིས་ནི་བདག་ཏུ་ཤེས་པའི་རྣམ་ཤེས་ནི། རང་ཉིད་བདག་ཏུ་འཐད་པ་ཡིན་ཞེས་བྱ་བ་བསྟན་པ་ཡིན་ནོ། །རེ་ཞིག་དེ་ལྟར་བདག་ཏུ་ཤེས་པའི ་རྣམ་ཤེས་ཉིད་ཅེས་བྱ་བའི་ལན་གནས་པ་ཡིན་ནོ། །གང་གི་ཚེ་ཡང་རིག་པ་དང་ལྡན་པའི་རིག་པ་གཅིག་ཉིད་རྣམ་པར་འཇོག་པར་བྱེད་པ་སྐྱེས་པ་དེའི་ཚེ། བདག་ལྐོག་ཏུ་མ་གྱུར་པ་ཡིན་པ་ཁོ་ན་ཡིན་གྱི་གཟུང་བྱ་ནི་མ་ཡིན་ནོ། །ཇི་སྐད་དུ་ལྐོག་གྱུར་མིན་པ ་མངོན་སུམ་ཡིན་ཞེས་སྨོས་ཏེ། ཇི་ལྟར་རིག་པ་ནི་རིག་པ་གཞན་ལ་མི་བལྟོས་པས་ལྐོག་ཏུ་མ་གྱུར་པ་ཡིན་པ་དེ་བཞིན་དུ། ཤེས་པ་ལ་གཞན་མི་བལྟོས་པས་བདག་མངོན་སུམ་ཡིན་ཏེ། དེ་བསྟན་པ་ནི་རང་ཉིད་རིག་བྱར་འགྲུབ་པ་ཡིན་ཞེས་བྱ་བའོ། །བདག ་ཤེས་པ་འདི་ནི་བདག་མཐོང་བར་གྱུར་པ་ཡིན་ནོ་ཞེས་ཉེ་བར་དགོད་པ་ཉིད་དེ། བདག་ཅེས་ནི་མ་ཡིན་ནོ། །སྔོན་པོར་ཉམས་སུ་མྱོང་བ་ཡོད་ན་གསུམ་ཅར་ལྐོག་ཏུ་མ་གྱུར་པ་ཡིན་གྱི་བདག་ཉམས་སུ་མྱོང་བ་ལ་ནི་ཤེས་པ་ཅུང་ཟད་ཀྱང་ཡོད་པ་མ་ཡིན་ཞེས ་བྱ་བའི་དོན་ཏོ། །གང་གི་ཚེ་བདག་གི་ཤེས་པ་ཡང་མ་སྐྱེས་ན་དོན་ཉམས་སུ་མྱོང་བ་གསུམ་ཙར་ཡང་ལྐོག་ཏུ་མ་གྱུར་པ་ཡིན་པ་དེ་དེའི་ཚེ་རྣལ་འབྱོར་པའི་གནས་སྐབས་དང། ཤི་བ་དང་བརྒྱལ་བ་ལ་སོགས་པ་རྣམས་ལ་དེ་ཇི་ལྟར་ཡིན་ཞེ་ན ་ཡང་བདེན་ཏེ་གང་གི་ཚེ་སྔར་མཐོང་བ་ངོ་ཤེས་པའི་སྟོབས་ཀྱིས་བདག་རྟག་པ་ཡིན་པ་དེའི་ཚེ་དོན་ཉམས་སུ་མྱོང་བ་མེད་ཀྱང་བདག་ཤེས་པ་ཡོད་ན་འགྱུར་པ་ཁོ་ན་ཡིན་ནོ། །གནས་སྐབས་འདི་རེ་འགའ་གཉིད་མ་ལོག ་པ་ལ་ཡང་ཡོད་པ་ཡིན་ཏེ། དོན་རིག་པ་མ་ཡིན་ཞིང་བདག་ཏུ་འཛིན་པ་མ་ཡིན་ལ། གཉིད་སྟུག་པོས་ནོན་པ་ཡང་མ་ཡིན་པར་ཡང་ངོ། །དེ་ལྟ་ན་ཡང་བདག་ནི་རང་ཉིད་གསལ་བ་ཡིན་ཏེ། དེ་འདི་ནི་ཆངས་པའི་གནས་སྐབས་ཡིན་གྱི་དེ་ལ་ནི་བྱེད་པ་པོ ་ཉིད་དམ་ཟ་བ་པོ་ཉིད་དམ་ཟ་བ་པོ་ཉིད་དུ་རྟོགས་པ་མ་ཡིན་ལ། དེ་དག་ཙམ་ནི་ཞིང་ཤེས་པའི་གནས་སྐབས་བྱེད་པ་པོ་ཉིད་ལ་སོགས་པ་མི་བདེན་པ་ཡང་མ་ཡིན་ཏེ། བྱ་བ་རྒྱུ་མཚན་ཡིན་པའི་ཕྱིར་བྱ་བ་མེད་ན་ཚངས་པའི་གནས་སྐབས་ལ་མེད ་པ་ཡིན་གྱི་མི་བདེན་པའི་ཕྱིར་མེད་པ་ནི་མ་ཡིན་ཏེ། གནོད་པ་ཅན་མེད་པའི་ཕྱིར་རོ། །དེ་ནི་དེ་བཞིན་དུ་རེས་འགའ་བདག་ཏུ་ཤེས་པ་པས་དམིགས། རེས་འགའ་དོན་རིག་པ་པོ་ཉིད་ཀྱིས་ལྐོག་ཏུ་མ་གྱུར་པ་ཡིན་ཞིང། རེས་འགའ་དོན་ཉམས་སུ ་མྱོང་བ་དང་བདག་ཏུ་ཤེས་པ་ལ་ཡང་མ་བལྟོས་པར་རྟག་པར་བདག་ཉིད་ཀྱི་ངོ་བོ་ལ་གནས་པ་ཁོ་ན་ཡིན་ཞེས་བྱ་བའི་གནས་སྐབས་གསུམ་ཅན་བདག་གི་ཡིན་ནོ། །དེ་ཡང་གནས་སྐབས་གསུམ་པ་འདི་ནི་ལས་ཀྱི་གནས་སྐབས་ལ་མི་དགོས་པའི་ཕྱིར ་འགྲེལ་པ་མཛད་པ་ལ་སོགས་པས་མ་སྤྲོས་ཏེ། ལས་དང་འབྲེལ་པ་མི་ཤེས་པ་རྣམས་ཀྱི་བློའི་དབྱེ་བ་སྐྱེ་བར་བྱེད་པ་མ་ཡིན་ཞེས་བྱ་བའི་རིག་པས་སོ། འདི་སྐད་བསྟན་པར་འགྱུར་ཏེ། ཉིན་གཞན་ལ་མཐོང་བ་རྣམས་ལ་ཉིན་གཞག་ཕྱི་མ་ལ་བདག་འདི ་མཐོང་བར་གྱུར་ཏོ་ཞེས་བྱ་བར་འགྱུར་པ་འདི་ལ་བདག་ཅེས་བྱ་བའི་དངོས་པོའོ་ཞེས་སྔོན་པོ་ལ་སོགས་རྣམས་ཀྱི་མཐོང་བ་པོ་བརྗོད་པ་ཡིན་གྱི། ལུས་སམ་དབང་པོ་ནི་མ་ཡིན་ལ། དེ་བཞིན་དུ་བསྡུ་བ་དང་དབྱེ་བ་ལ་སོགས་པའི་རྣམ་པར་རྟོག་པ ་མི་རིགས་པས་བདག་གིས་ལུས་སམ་དབང་པོ་ཞེས་ཐ་དད་པར་སྣང་བ་ནི་བདག་གི་བདག་ཅེས་བྱ་བ་བཞིན་དུ། གནས་སྐབས་ཀྱི་དབྱེ་བའི་རྒྱུ་མཚན་ཉིད་ལ་མི་བརྟེན་པའི་ཕྱིར་རོ། །ཤེས་པ་ནི་བདག་གི་གནས་སྐབས་གཞན་གྱི་ངོ་བོ་ནི་ལུས་ཡིན་ཞེས ་པར་རིགས་ཏེ། ཇི་སྐད་དུ་བདག་གི་ཞེས་བྱ་བའི་དོན་གཙོ་བོ་འདིས་བདག་ལས་གཞན་དུ་ཤེས་པ་མིན། །དེས་འདི་དབྱེ་བའི་རྒྱུར་འགྱུར་རོ་ཞེས་སྨོས་སོ། །བདག་གི་བདག་ནི་དེ་ལྟ་མ་ཡིན་ནོ་ཞེས་ཟེར་བ་ནི། དབྱེ་བ་ཤེས་པའི་རྒྱུ་ཅན་ཡིན་ཞེས་བྱ་བ་སྟེ། ཤེས ་པ་ཉིད་མཐོང་བ་པོ་ཡང་མ་ཡིན་ལ། ཁ་རྩད་དང་དེང་གི་དུས་ཀྱི་དབྱེ་བ་ལ་ཡང་འདི་མཐོང་བར་གྱུར་པ་ཡིན་ནོ་ཞེས་ཐ་མི་དད་པར་སྣང་བའི་ཕྱིར་ཏེ། །བདག་ཉིད་འདི་ནི་མངོན་ཤེས་གྱུར། །ད་ལྟའི་བདག་རིག་བྱེད་ཡིན་པའི། །སྐད་ཅིག་ང་ནི་ཤེས་པའི་ཡུལ། །གང ་ཡིན་དཔྱད་པར་བྱ་བ་ཡིན། །སྔར་འཇུག་པ་ཡི་ཡུལ་ལ་ནི། །ཤེས་གྱུར་ཡིན་པར་སྲིད་པ་ཡིན། །དེ་ལྟར་འདི་མེད་པ་གང་ལས། །ཤེས་ཞེས་བྱ་འདི་མི་བདེན་འགྱུར། །ད་ལྟར་བ་ཡི་གཟུང་བྱ་གང། །ཤེས་ཞེས་བྱ་བ་འཐད་པ་ཡིན། །དེའི་ཕྱིར་ཤེས་གྱུར ་བདེན་མིན་ཏེ། །གང་ལས་ཤེས་གྱུར་འདི་མིན་ཕྱིར། །རྒྱུ་མ་གཏོགས་པའི་རྒྱུད་གཅིག་ཡོད་པ་མ་ཡིན་ལ། ཤེས་པ་ཉིད་དང་འདྲ་བ་ཉིད་ཀྱང་བདག་ཏུ་ཤེས་པའི་ཡུལ་མ་ཡིན་ཏེ། གཞན་ལ་ཡང་ཐལ་བར་འགྱུར་པའི་ཕྱིར་རོ། །འོན་ཏེ་ཤེས་པོ་ཉིད་འདྲ་ན ་ལུས་གཞན་རྣམས་ལའང་དེར་འགྱུར་ཏེ། །དེ་ལ་ཐམས་ཅད་ཀྱི་ཤེས་ན། བདག་གོ་ཞེས་ཀྱང་དྲན་པར་འགྱུར། །འོན་ཏེ་ཐ་དད་པ་ཉིད་ཡིན་ན་རྒྱུད་གཅིག་ལ་ཡང་སྔ་མ་དང་ཕྱི་མ་དག་ཐ་དད་པ་ཉིད་ཁོ་ན་ཡིན་ནོ། །རྒྱུད་གཅིག་ལ་ནི་སྐྱེས་པ་ཡང། །སྐད་ཅིག ་ལ་དེ་ཞེས་བློར་འགྱུར། །ཇི་ལྟར་ལུས། གཞན་ཤེས་པ་བཞིན། །བུམ་སོགས་ཕྱི་ལའང་གནས་པ་ནའོ། །སྐད་ཅིག་གཞན་རེ་རེ་ལ་ཤེས་པའམ་ཤེས་བྱང་དམིགས་ནས་ཉམས་སུ་མྱོང་བ་སྔ་མ་སྔ་མའི་བག་ཆགས་ཀྱི་དབང་གིས་བདག་ཅེས་བྱ་བ་འམ ་འདི་ཞེས་བྱ་བའི་སྔ་མ་དང་ཕྱི་མའི་ཤེས་པ་དང་ཤེས་བྱ་དག་གཅིག་པ་ཉིད་དུ་ངེས་པར་བྱེད་པ་ཡིན་ཏེ། སྣ་ཚོགས་པ་ཉིད་དུ་མ་མཚོན་པའི་ཕྱིར་རོ་ཞེས་བྱ་བར་རྟོག་པ་ནི་མི་རིགས་ཏེ། སྐད་ཅིག་རེ་རེ་ལ་ཤེས་པ་འམ་ཤེས ་བྱ་དག་ཐ་དད་པར་ཉམས་སུ་མྱོང་པའི་ཕྱིར། འདི་ཉིད་ཀྱི་ཕྱིར་མཐོང་བ་ལ་ཡང་མཐོང་བ་ཡིན་ན། ཐ་དད་པའི་ཤེས་པ་ཉམས་སུ་མྱོང་བར་བྱེད་པ་ནི་བག་ཆགས་ཡིན་ནོ། །དེ་ཉིད་ཀྱིས་ན་ཡུལ་དེ་ལ་སྔར་མཐོང་བ་ངོ་ཤེས་པ་མ་ཡིན་ཏེ། ཡུལ་གང ་ཡིན་པ་ཉམས་སུ་མྱོང་བ་མ་ཡིན་པའི་ཕྱིར། བག་ཆགས་ནི་འཁྲུལ་པའི་རྒྱུ་མཚན་མ་ཡིན་ལ། ཤེས་པ་པོ་ལ་ནི་སྔར་མཐོང་བ་ངོ་ཤེས་པ་ལ་ཡང་བག་ཆགས་བྱེད་པ་པོར་འོས་པ་མ་ཡིན་ནོ། །མ་ཡིན་ཏེ། དེ་མིན་ལ་དེ་ཞེས་ཤེས་པ། །འདི་ནི་འཁྲུལ ་པའི་རྒྱུ་ཡིན་ཏེ། །བདག་ཅེས་པ་ཉིད་སྔོན་འགྲོ་བའི། །ཉམས་མྱོང་བག་ཆགས་རྒྱུ་ཡིན་ལ། །དེ་ཡང་བག་ཆགས་ཀྱི་རྒྱུ་ཡིན་ཞེས་བྱ་བ་དེ་ལྟར་བདག་ཅེས་པའི་ཤེས་པ་རྣམས་སམ། ཐོག་མ་མེད་པའི་བག་ཆགས་ཀྱི་རྒྱུ་དང་འབྲས་བུ་ཉིད་ཡིན་ནོ། ། ་བདག་ཅེས་བྱ་བའི་རྣམ་པར་རྟོག་པ་ལ་སྔོན་པོའི་རྣམ་པར་རྟོག་པ་བཞིན་དུ་ཉམས་སུ་མྱོང་བ་དབང་བྱེད་པ་མ་ཡིན་ནམ། དབང་བྱེད་པ་མ་ཡིན་ན་གཙོ་བོ་ལ་སོགས་པའི་རྣམ་པར་རྟོག་པ་བཞིན་དུ་བག་ཆགས་ཙམ་འབྱུང་བ་ཉིད་ཀྱི་རིག་པ་མ་ཡིན ་པ་ཉིད་དུ་ཐལ་བར་འགྱུར་པའི་ཕྱིར་རོ། །བདག་གི་བདག་ཅེས་བྱ་བའི་ཤེས་པ་ལ་ཡང་བདག་ཅེས་བྱ་བ་དང་ཐ་དད་པ་ཡང་ཤེས་པའི་རྒྱུ་ཅན་ཡིན་ཞེས་བསྟན་པ་ཡིན་ནོ། །དེའི་ཕྱིར་རང་རིག་པའི་ཤེས་པ་ཡིན་ན་བདག་གོ་ཞེས་བྱ་བ་འབྱུང་བ ་ཡིན་གྱི། སྔོན་པོ་ལ་སོགས་པ་རིག་པའི་གཞན་རིག་ཡིན་པ་ལ་ནི་མ་ཡིན་ནོ། །དེའི་ཕྱིར་བདག་གོ་ཞེས་པའི་ཤེས་པ་ནི་རང་རིག་པའི་བྱ་བའི་རྗེས་སུ་འབྲང་བ་ཡིན་ནོ། །དེའི་སྐྱེ་མཆེད་ཉིད་ཀྱིས་ཉེ་བར་འགྲེལ་པ་ཡིན་ལ། ལུས་དང་དབང་པོའི་སྒྲུབ་བྱེད་ཉིད ་ཀྱིས་རང་རིག་པ་མ་ཡིན་པ་ལ་བདག་གོ་ཞེས་ཉེ་བར་བཏགས་པ་ཡིན་ནོ། །བདག་གི་ལུས་ཞེས་བྱ་བ་ནི་བཟློག་པ་སྟེ་གཙོ་བོ་ཡིན་ཏེ། རང་རིག་པ་དང་ཅིག་ཤོས་ཀྱི་ཕྱི་བ་ཡིན་པའི་ཕྱིར་རོ། །བདག་གི་ཤེས་པ་ཞེས་བྱ་བ་ཡང་ཤེས་པའི་རྒྱུན་ཡིན་ཏེ་དེའི་སྐད ་ཅིག་དང་འབྲེལ་པ་ཅན་དེ་ཡིན་པར་བརྗོད་པ་ཡིན་ནོ། །བདག་ནི་འདི་མཐོང་བར་གྱུར་པ་ཡིན་ནོ་ཞེས་བྱ་བ་ཡང་མཐོང་བའི་གཞི་ལ་བདག་ཅེས་པ་ཉེ་བར་བཀོད་པ་ཡིན་གྱི་གཞི་གཞན་ལ་ནི་མ་ཡིན་ནོ། །སྣང་བ་ན་ནི་སྣང་བ་ཁོ་ན་བྱེད་པ་པོ་ཡིན་གྱི། གཞན་ནི ་མ་ཡིན་ནོ། །དེའི་ཕྱིར་མཐོང་བའི་བདག་ཉིད་ཁོ་ན་བདག་ཡིན་གྱི་འདས་པ་དང་ད་ལྟར་བའི་དུས་ཀྱི་རྗེས་སུ་འགྲོ་བའི་གཅིག་པུ་ཡིན་པར་ནི་མི་རིགས་ཏེ། སྐད་ཅིག་རེ་རེ་ལ་སྣང་བ་དང་མཐོང་བ་དག་ཐ་དད་པར་ཉམས་སུ་མྱོང་བའི་ཕྱིར་རོ། །དེ་བདག་གོ་དེ ་འདིའི་ཞེས་དབྱེ་བ་མེད་པར་ཡང་རྟོགས་པ་ཡིན་ནོ་ཞེ་ན། བདེན་ཏེ་འདི་དབྱེ་བ་མེད་པར་མངོན་པར་ང་རྒྱལ་བ་ཡིན་ཏེ། ནང་དང་ཕྱི་རོལ་དུ་ཡང་དམིགས་པ་དང་མ་དམིགས་པར་དབྱེ་བ་མ་ཡིན་པའི་ཕྱིར་དང་འདྲ་བ་གཞན་འབྱུང་བའི་ཕྱིར། རྣམ་པར་རྟོག ་པའི་བག་ཆགས་བསླད་པས་ཞེས་བསྟན་པ་ནི་རྟག་ཏུ་ཡོད་པ་སྟེ། དམིགས་པའི་ཉེ་བར་དམིགས་པས་ཞེས་བྱ་བ་འདིས་རང་རིག་པའི་ཤེས་པའི་བྱ་བའི་རྗེས་སུ་འཇུག་པ་ནི། བདག་གོ་ཞེས་པའི་ཤེས་པ་བསྟེན་པ་ཡིན་ནོ། །དེའི་ཆེ་ཡང་ཤེས་པ་ཐམས ་ཅད་དུ་ཡོད་ན་དེའི་ཐམས་ཅད་དུ་འབྱུང་བ་ཡིན་ནོ། །དེའི་ཕྱིར་དེ་ཉིད་ད་ལྟར་ཡང་རྗེས་སུ་འཇུག་པའི་ཕྱིར། དེ་ཡོད་པར་ནི་སྔར་གྱི་བདག་ཁོ་ན་ཡིན་ནོ་ཞེས་དོགས་པ་དང་སྲད་པར་བྱེད་པ་ཡིན་ནོ། །ངེས་ཏེ་དེ་ལྟ་བུའི་རྣམ་པ་དེས་བསླུས་པ་ནི་སྐད ་ཅིག་གི་བདེ་བས་ཉམས་སུ་མྱོང་བ་ཡང་མཆོག་ཏུ་མི་འཛིན་ཏེ་ཐམས་ཅད་དུ་འབྱུང་བའི་ཤེས་པ་ལ་ཇི་སྲིད་ཤེས་པ་ཡོད་པར་དེའི་བྱ་བ་དམིགས་ནས། སྔར་གྱི་ཡང་བདག་ཁོ་ན་ཡིན་ནོ་ཞེས་འཁྲུལ་པས་དེ་ཉིད་སྲིད་པར་བྱེད་དེ་ཞེས་བྱ་བའི ་དོན་ཏོ། །དེ་ཁོ་ན་སྐད་ཅིག་རེ་རེ་ལ་མཐོང་བའི་དབྱེ་བ་ལ་སྣང་བའི་དབྱེ་བ་ཉམས་སུ་མྱོང་བ་ཡིན་ཡང་འདྲ་བ་གཞན་བྱུང་བ་དེ་འདི་ཁོ་ན་ཡིན་ནོ་ཞེས་འཁྲུལ་བས་ཐ་དད་པར་མི་འཛིན་ཏོ་ཞེས་བྱ་བ་སྔ་མ་བཞིན ་ནོ། །མཐོང་བ་དེ་ཉིད་སྣང་བ་ཡང་ཡིན་པར་འཁྲུལ་པས་བདག་ནི་འདི་མཐོང་བར་གྱུར་ཏོ་ཞེས་རློམ་སེམས་པར་བསྟན་པ་ཡིན་ནོ། །ཡང་ན་བདག་ཅེས་བྱ་བའི་ཤེས་པ་འདི་ལུས་ལ་སོགས་པ་འདུས་པ་ཉེ་བར་དམིགས་བཞིན་པར་འབྱུང ་བ་ཡིན་ན་དེ་ལ་དམིགས་པ་ཡིན་ནོ། །དེ་ལྟར་ཡང་དོན་རིག་པ་གཞན་སྒྲུབ་པ་མ་ཡིན་པ་ནི་བདག་གི་ངོ་བོར་བརྗོད་དོ། །དེ་ཡང་སྐད་ཅིག་རེ་རེ་ལ་གཞན་དང་གཞན་ཡིན་ཏེ། བརྒྱལ་བ་ལ་སོགས་པའི་གནས་སྐབས་ན་ལྡོག་པ་ཡིན་པའི ་ཕྱིར། འཛིན་པར་བྱེད་པ་ཡོད་པ་ལས་རིག་པ་མ་ཡིན་པ་ཡང་མ་ཡིན་ཏེ། ལྐོག་ཏུ་མ་གྱུར་པ་ཉིད་དུ་ཁས་ལེན་པའི་ཕྱིར་རོ། །བརྒྱལ་བ་དང་བྲལ་བ་ན་ལུས་འབའ་ཞིག་ཁོ་ན་ལས་འབྱུང་བར་དམིགས་པ་མ་ཡིན་ཏེ། རིག་པ་མ་ཡིན་པའི ་བདག་ནམ་མཁའ་དང་མཚུངས་པར་གྱུར་ནས་གནས་པ་ཡིན་པར་ནི་མི་རིགས་ཏེ། བདག་ནི་གསལ་ཞིང་འབར་བ་ཉིད་ཡིན་ཞེས་ཟེར་བའི་ཕྱིར་ཏེ། བདག་ནི་འབར་བ་ཡང་དག་པར་གསལ་བ་ཡིན་པའི་ཕྱིར་དེ་ཁོ་ན་རིགས་པ་ཡིན་ཏེ། རྟོགས ་པར་བྱེད་པ་ཉིད་ཀྱི་འབྲེལ་པ་ཡིན་ལ། དེའི་ངོ་བོ་གཙོ་བོ་ཡང་ལུས་ལ་བདག་ཅེས་པར་འབྱུང་བ་ཡིན་ནོ། །འབྲེལ་པའི་རྒྱུ་མཚན་ཅན་ཐ་མི་དད་པའི་བློ་འཁྲུལ་པ་ཡིན་ལ། འདུས་པ་ཉིད་ལ་དམིགས་པའི་ཕྱིར་གཙོ་བོ་ཡིན་ནོ། །བདག་གི་ཞེས ་བྱ་བ་ནི་རིག་པའི་བདག་ཉིད་ལའམ་འདུས་པ་ལ་བལྟོས་ནས་ཐ་དད་པ་ཡིན་དུ་ཟིན་ཀྱང་དེ་བཞིན་དུ་བདག་གྲུབ་པ་ནི་མ་ཡིན་ལ། བདག་ཅེས་བྱ་བ་རིག་པ་ལས་གཞན་བདག་གི་གནས་སྐབས་གསུམ་དམིགས་པ་ནི་མ་ཡིན་ཏེ། འགལ ་བའི་ཕྱིར་རོ། །སྐད་ཅིག་བར་ཡང་རིག་པ་ནི་གཅིག་ཉིད་དུ་རྗེས་སུ་འབྲེལ་བའི་དོན་བྱེད་པ་ལ་མངོན་སུམ་དུ་དམིགས་པ་ཡིན་ཏེ། བ་ལང་ཁྲ་བོ་མཐོང་བ་ན་ཁུ་ཡུ་ལ་བ་ལང་ཉིད་དུ་རྗེས་སུ་སྦྱོར་བ་བཞིན་དུ་རྣམ་པར་འཇོག་པར་བྱེད་པ་ཡིན་གྱི་རང་གི་ངོ་བོ་ལ ་ནི་མ་ཡིན་ཏེ། མངོན་སུམ་དང་འགལ་བའི་ཕྱིར་རོ། །སྐྱེས་པ་ནས་བརྩམས་ནས་འཆི་བའི་བར་དུ་རྗེས་སུ་འཇུག་པས་བདག་གཅིག་པུ་ཡིན་ཡང། སྔ་རོལ་དུ་དང་ཕྱིས་ཀྱང་དེ་ཡོད་པ་ལ་ནི་ཚད་མ་ཅུང་ཟད་ཀྱང་ཡོད་པ་མ་ཡིན་ནོ། །སྐྱེ་བ་དྲན་པ་ལ་སོགས་པ་མཐོང ་བ་ཡིན་ན་དེ་ཉིད་ཡིན་གྱི། དེ་བཞིན་དུ་གཞན་ནི་མ་ཡིན་ནོ། །སྨྲས་པ་བདག་ཅེས་བྱ་བ་འདིས་དེ་འཛིན་པ་ནི་ཡི་གེ་ག་ལ་སོགས་པ་བཞིན་དུ་ཡུལ་མ་ངེས་པ་ཡིན་ནོ། །དེའི་ཕྱིར་ཁྱབ་བདག་དང། དུས་ངེས་པ་མེད་པ་ཉིད་ཀྱིས་བརྟག་པ་ཡིན་ནོ། །ཇི་སྐད་དུ ་མ་བཅད་པ་ཡི་ཡོད་བ་ཅན། །དངོས་གང་ཡུལ་དང་དུས་དག་ལས། །དེ་བཞིན་དུ་ཡོད་པ་ཡིན་ནོ་ཞེས་དེ་དག་ཙམ་དུ་བསྟན་པར་ནུས་ཀྱི། སྐྱེས་པ་དང་འཇིག་བཞེས་ན་མ་ཡིན་ནོ། །མཐོ་རིས་འདོད་པས་སྦྱིན་སྲེག་གྱིས་ཤིག་ཅེས་བྱ་བའི་རྒྱུ་ནི། །འཇིག་རྟེན ་ཕ་རོལ་གྱི་འབྲས་བུ་དང་འབྲེལ་པ་ཅན་དུ་འཕངས་པ་ཡིན་ལ། དེ་བཞིན་དུ་རྙིངས་པ་མེད་པ་ཞེས་བྱ་བ་ནི་མ་རྙིངས་པའོ་ཞེས་དོན་དུ་སྨྲ་བ་ཡིན་ནོ། །བདག་གི་གཟུགས་ལྟ་བུའི་ལུས་ཀྱི་ཆོས་སམ། ཆ་ཤས་ཅན་ནི་མ་ཡིན་ཏེ། དེ་ལྟར་མ་རྟོགས་པའི ་ཕྱིར་རོ། །དེའི་ཕྱིར་དེ་ཞིག་པ་ཡིན་ན་ཡང་ནམ་མཁའ་བཞིན་དུ་འཇིག་པ་མ་ཡིན་ནོ། །བ་ལང་དང་རྟ་ཞེས་བྱ་བའི་རྣམ་པར་རྟག་པ་ངེས་པ་ཅན་མ་ཡིན་པར་སྣང་བ་ཡང་ངེས་པ་ཅན་མཐོང་བའི་སྟོབས་ཀྱིས་འབྱུང་བ་ཡིན་གྱི། དེ་ལྟ་བུ་མ ་ཡིན་པའི་ཕྱིར་ཁྱབ་བདག་ནི་མ་ཡིན་ནོ། །ད་ལྟ་ན་ཡུལ་སྣ་ཚོགས་པ་ལ་དེ་ལ་ངེས་པའི་སྒྲ་དམིགས་པ་ན་རྗེས་སུ་འབྲེལ་བ་ལས་རྟག་པ་ཉིད་དུ་ཤེས་པར་གྱུར་གྱི་ཁྱབ་བདག་ཉིད་དུ་ནི་མ་ཡིན་ནོ། །བུམ་པ་ལ་སོགས་པ་མཐོང་བ་བཞིན་དུ་ཡི་གེ་ག་ལ ་སོགས་མཐོང་བ་ཡུལ་ངེས་པ་ཅན་ཁོ་ན་ཡིན་ཏེ། ཆ་ཤས་མེད་པ་ཉིད་ཀྱིས་འཇིག་པར་བྱེད་པ་མེད་པའི་ཕྱིར་རྗེས་སུ་འབྲེལ་པས་རྟག་པ་ཉིད་ཡིན་ན། ཁྱབ་བདག་ཉིད་ཡིན་ནོ། །ཡུལ་ངེས་པ་ཅན་ཡང་ཇི་ལྟར་ཡང་གསལ་བྱེད ་འཁྲུལ་པ་ལས་བྱུང་བ་འཁྲུལ་པ་ཡིན་ནོ་ཞེ་ན། ཆ་ཤས་དང་བཅས་པའི་ཐོ་བ་ལ་སོགས་པ་ཡོད་ན་འཇིག་པ་ཡིན་ཞེས་བྱ་བ་མ་མཐོང་བའི་ཕྱིར་འདི་ཅི་ལས་ཤེས། ཆ་ཤས་མེད་པ་ལ་ཡང་ཁྱད་པར་མེད་དོ། །གྱོ་མོ་རོ་ཞེ་ན། འདི་ལ་ཡང་དེ་དང་བྲལ་བའི ་ཡུལ་ཡོད་དོ། །ཡུལ་ནི་མ་ངེས་པ་ཡིན་ནོ་ཞེ་ན། གྱོ་མོ་ལ་ཡང་བུམ་པ་ལ་རྩོམ་པ་མ་ཡིན་པ་ཅན་བཞིན་དུ་ཡིན་པའི་ཕྱིར་ཁྱད་པར་མཐོང་བ་མ་ཡིན་ནོ། །སྔར་མཐོང་བ་ངོ་ཤེས་པ་ཡང་དེ་དང་གཅིག་པར་འཛིན་པའི་དོན་བྱེད་པའི་རྒྱུ་མཚན་ཡིན་པར་བརྗོད ་དོ། །འདིས་ནི་ལྐོག་ཏུ་མ་གྱུར་པ་རིག་པར་དམིགས་ནས་བདག་ཅེས་བྱ་བ་འབྱུང་བས་ཡུལ་ངེས་པ་ཅན་ལ་སོགས་པ་དང། བདག་མེད་པ་མ་ཡིན་པར་ལུང་དང་འབྲེལ་བ་ཅན་གྱི་ལུང་ལས་བརྟག་པ་ལ་སོགས་པ་རིག་པ་ཡང་བཤད་པ་ཡིན་ལ། སྐྱེས ་བུས་བྱས་པ་མ་ཡིན་པ་ཉིད་ལ་ཡང་བསྟན་པ་ཡིན་ནོ། །ད་ནི་དེ་བཞིན་དུ་ལྐོག་ཏུ་མ་གྱུར་བ་རིག་པ་བོར་ནས། བདག་ཏུ་བྱེད་པའི་ཡུལ་གཞན་སྟོན་པ་ཡིན་ཞེས་པའི་ཐབས་ལས་བྱུང་བ་གཞན་འཕེན་པའི་གནས་སྐབས་གཞན་ཡིན་གྱི། གལ་ཏེ་ཐབས ་ཉིད་འགོག་བར་བྱེད་ན་ཐབས་མེད་ན་ཐབས་ལས་བྱུང་བ་གྲུབ་བར་མི་ནུས་པ་ནི་མ་ཡིན་ཏེ། འདི་ཐབས་ཡོངས་སུ་འདོར་བར་བྱེད་པ་ནི་མ་ཡིན་ནོ། །བདག་ཏུ་ཤེས་པ་ཁོ་ན། བདག་རིག་པ་བདག་མ་ཡིན་ནམ། འདི་ལས་ཉིད་ཡོད་པ་ཡང་མ་ཡིན ་ཏེ། མངོན་སུམ་ཡིན་པའི་ཕྱིར་རང་རིག་པར་བྱ་བ་དེ་ཡོད་ཅེས་བྱ་བའི་ཚིག་ལས་སོ། །དེ་ནི་གཞན་གྱིས་མཐོང་བར་མི་ནུས་ཏེ། བདག་གིས་མཐོང་བ་ཡིན་ནོ་ཞེ་ན། མ་ཡིན་ཏེ་འདི་ནི་བུམ་པ་བཞིན་དུ་ལས་ཉིད་ཁས་ལེན་པའི་ཕྱིར་དང། བྱེད་པ ་པོ་ཉིད་མངོན་སུམ་ཡིན་པའི་ཕྱིར་རོ། །བདག་ཏུ་ཤེས་པའི་ཤེས་བྱ་ནི། །རང་ཉིད་བདག་ཏུ་འཐད་པ་ཡིན། །ཞེས་བྱ་བ་ཡང། འདི་ཤེས་པ་ཡང་ཡིན་ལ་བུམ་པ་ལ་སོགས་པ་རིག་པ་ཅན་ཡང་ཡིན་པའི་ཕྱིར་རིག་པའོ། །དེ་ནི་དེ་ལྟ་བུའི་བདག་ཏུ་འཐད ་པ་ཡིན་ནོ། །དེ་སུས་ཤེས་ཤེ་ན། བདག་རང་ཉིད་ཀྱིས་ཤེས་བྱ་ཡིན་ཏེ། རང་རིག་པར་བྱ་བ་བདག་གི་མངོན་སུམ་ཡིན་ཞེས་བྱ་བའི་དོན་ཏོ། །གང་ཞིག་དང་པོ་ཡིན་པ་ལས་ཀྱི་ཤེས་པ་ནི་ཕྱི་རོལ་དུ་གཙོ་བོ་ཡིན་ཏེ། ཇི་ལྟར་ཡང་འདི་ལ་སྒྲོ་འདོགས་པའི་ཡུལ་དུ ་རྣམ་པར་གནས་པ་ཡིན་ལ། དེ་འདི་དང་མངོན་པར་འབྲེལ་བས་འདི་ལས་བྱེད་པ་པོ་དམ་པ་ཡིན་ཏེ། རང་ཉིད་རང་གིས་ཞེས་བྱ་བའི་ཚིག་ཡིན་ནོ། །གཞན་དུ་ན་དམ་བ་ཞེས་བསྟན་པར་མི་འགྱུར་ཏེ། ཕྱི་རོལ་གྱི་ལས་བྱེད་པ་པོ་ཉིད་དང་མཚན་ཉིད་མི་མཐུན ་པ་ཉིད་འདི་ནི་དམ་པ་ཉིད་ཡིན་ནོ། །དེ་ལྟར་ཡང་ཤེས་པ་པོ་ལས་གཞན་པའི་ཡུལ་ཡང་དེར་མི་འགྱུར་ཏེ། རང་བཞིན་གྱི་ཤེས་པ་པོ་ཡིན་པའི་ཕྱིར་འདིའི་ལས་ཉིད་གཞན་རང་བཞིན་གྱིས་ཡོད་པ་མ་ཡིན་པ་ནི་བརྟགས་པའི་དངོས་པོ་ལས་གཞན་ཞེས ་བྱ་བའི་དོན་ཏོ། །ཤེས་པ་བོར་ཅི་ལས་འགྱུར་བ་ཡིན་ཞེ་ན་ཡང། ཡང། བདག་ཏུ་ཤེས་པའི་རྣམ་ཤེས་ནི། ཐམས་ཅད་ཉིད་དུ་ཤེས་པར་བྱ་ཞེས་སྨོས་པའོ། །ཐམས་ཅད་ཅེས་སྨོས་པས་ཤེས་པ་པོ་གཟུང་བ་ཡིན་ནོ་ཞེ་ན། མ་ཡིན་ཏེ་མི་སྲིད་པའི་ཕྱིར ་རོ། །དེའི་ཕྱིར་གཞན་ཐམས་ཅད་ཁོ་ན་ཞེས་བྱ་བ་ཡང་མི་འགལ་བའི་ཕྱིར་རོ། །ཤེས་པར་བྱ་ཞེས་བྱ་བ་ནི་ཁྱད་པར་ཡིན་གྱི་བདག་འདི་ཤེས་པར་བྱ་བ་ནི་མ་ཡིན་ཏེ། ཤེས་པ་པོ་ཡིན་པའི་ཕྱིར་རོ། །བདག་འདི་ཞེས་བྱ་བའི་ཤེས་པ་དེ་ཡང ་བདག་འདི་ཤེས་པར་གྱུར་ཞེས་རྗེས་སུ་སྦྱོར་བཞིན་པའི་རྣམ་པར་ཤེས་པས་འབྱེད་པ་ཡིན་ལ། རྣམ་ཤེས་འདི་སྔར་མཐོང་བ་ནི་མ་ཡིན་ཏེ། གང་གིས་དྲན་པར་བྱེད་པའམ། །རྗེས་སུ་སྦྱོར་བར་བྱེད་པར་འགྱུར། །དྲན་དང་སྔར་མཐོང་ངོ་ཤེས་དག། བག་ཆགས ་དབང་གིས་བྱུང་བ་ཉིད། །ཤེས་པ་པོ་ཡི་ཡུལ་གཞན་ལ། །སྔར་མཐོང་ངོ་ཤེས་རྙེད་པར་དཀའ་། །དེ་ལྟ་ཡིན་ན་རྟར་རྣམས་པོར་རྟག་པར་བྱེད་པ་ན་བ་ལང་མཐོང་བ་ཇི་ལྟར་ཡིན། བདག་ཏུ་ཤེས་པ་མེད་པའི་ཕྱིར་རོ། །རྟོག་པ ་འདི་རྣམས་སོ་སོར་མི་རིག་པ་ཁོ་ན་སྐྱེ་བ་དང་འཇིག་པ་ནི་མ་ཡིན་ནོ། །རྟག་པའི་ཕྱིར་ཡོད་པ་ཡིན་ནོ་ཞེ་ན། མ་ཡིན་ཏེ་ཤེས་པ་ལས་གཞན་མ་དམིགས་པའི་ཕྱིར་རོ། །བདག་ཤེས་པར་གྱུར་པ་ཡིན་ནོ་ཞེས་བདག་ཏུ་ཤེས་པའི་ཤེས་པ་པོ་ཉིད ་རྗེས་སུ་སྦྱོར་བ་དེ་ལ་ཡང་ཡིན་ནོ་ཞེ་ན། མ་ཡིན་ཏེ་ཤེས་པ་ལས་གཞན་པའི་མ་དམིགས་པས་གནོད་བའི་ཕྱིར་རོ། །ཤེས་པ་ཉིད་བདག་ནི་མ་ཡིན་ཏེ། ཁས་མི་ལེན་པའི་ཕྱིར་དང། རང་རིག་པ་ཉིད་ཀྱིས་ལྐོག་ཏུ་གྱུར་པ་ཉིད་ཁས་མི་ལེན་པའི ་ཕྱིར་རོ། །ཀ་བ་ལ་ཡང་དེ་རིག་པ་ལས་གཞན་དུ་འཛིན་པ་པོར་ཉམས་སུ་མྱོང་བ་མ་ཡིན་ལ། དེ་ལྟར་རྟོག་པ་ཡིན་ན་མཐོང་བ་ཉམས་པ་དང་མ་མཐོང་བའི་རྟོག་བ་དང། རིག་པ་འགལ་བར་ཡང་འགྱུར་རོ། །འོན་ཏེ་ཀ་བ་ལ་སོགས་པའི་ངོ་བོས་དམིགས ་བྱ་མེད་པ་ཉིད་དུ་བརྗོད་བ་ཡིན་ན། རིག་པར་མཐོང་བའི་ཕྱིར་དེ་དང་འགལ་བར་ཡང་ཐལ་བར་འགྱུར་རོ། །ཀ་བ་རིག་པའི་བདག་ཉིད་ཅན་གྱི་རྣམ་ཤེས་ནི་རིག་པ་མ་ཡིན་པའི་བདག་ཉིད་དམིགས་བྱ་མེད་པ་ཉིད་དེ་རིག་པ་དང་འགལ་བ་ཁོ་ནར་འགྱུར ་རོ་ཞེས་བྱ་བའི་དོན་ཏོ། །ཤེས་པ་ཉིད་ཤེས་པ་པོ་ཡིན་པར་ནི་བདེན་མོད་ཀྱི། འབའ་ཞིག་པོ་ནི་རྟག་པ་ཡིན་ཏེ། དེའི་ཕྱིར་བདག་ཏུ་བྱེད་པའི་ཡུལ་ཡང་བདག་ཏུ་འགྱུར་རོ། །ཀ་བའི་ཤེས་པ་པོ་ཉིད་ཀ་བར་ཉམས་སུ་མྱོང་བའི་སྒོ་ནས་དེ ་ཞེས་བྱ་བ་འམ། ཀ་བ་ཞེས་བྱ་བར་ཇི་ལྟར་རྣམ་པར་རྟོག་པར་བྱེད་པ་དེ་བཞིན་དུ། ཤེས་པ་པོ་ཉིད་ཀྱི་ཉམས་སུ་མྱོང་བ་ལ་བདག་གོ་ཞེས་འཇུག་པ་ཡིན་ཏེ། ཇི་ལྟར་གོམས་པའི་ལས་ཡིན་གྱི། །ཉམས་སུ་མྱོང་བ་མེད་ན་ནི་མ་ཡིན་ནོ། །དེས ་འོན་ཏེ་ཤེས་པ་པོ་ཉིད་འདྲ་ན། ལུས་གཞན་རྣམས་ལའང་དེར་འགྱུར་ཏེ། །དེ་ལ་ཐམས་ཅད་ཀྱིས་ཤེས་ན། །བདག་གོ་ཞེས་ཀྱང་དྲན་པར་འགྱུར། །ཞེས་བྱ་བ་འདི་གསལ་བ་ཡིན་ནོ། །ཤེས་པ་པོ་ཉིད་ལ་སོགས་པ་འདྲ་བ་ལ་སོགས་པ་བདག་ཏུ་བྱེད་པའི ་རྒྱུ་མཚན་མ་ཡིན་ཏེ། འོན་ཀྱང་བདག་རིག་པ་རྒྱུ་མཚན་ཡིན་ནོ། །འོན་ཏེ་བདག་ཤེས་པ་པོར་གྱུར་པ་ཞེས་བྱ་བས་སྔ་མ་དང་ཕྱི་མའི་ཤེས་པ་པོ་དག་ལ། གཅིག་པ་ཡིན་ནོ་ཞེ་ན། དེ་གཅིག་པ་ཉིད་ཡིན་ན་བུམ་པའི་ཤེས་པའི་དུས་སུ་དེའི་གྱོ་མོ་ཤེས་པར ་གྱུར་ལ། དེ་ཤེས་པའི་དུས་སུ་ཡང་བུམ་པ་ཤེས་པར་འགྱུར་རོ། །ཤེས་པ་གཅིག་ཉིད་ཀྱང་གནས་སྐབས་ཐ་དད་པའི་ཕྱིར་སྐྱོན་མེད་དོ་ཞེ་ན་དེ་ལྟ་ཡིན་ཉམས་སུ་མྱོང་བ་ཐ་དད་པ་ནི་གནས་སྐབས་ཐ་དད་པའི་རྗེས་སུ་བྱེད་པ་ཡིན་གྱི། དེ་གཅིག་པ ་ཉིད་རྗེས་སུ་བྱེད་པ་ནི་མ་ཡིན་ན། །དེའི་གནས་སྐབས་ཡིན་ནོ་ཞེ་ན། མ་ཡིན་ཏེ་དེ་ལས་འགྱུར་བ་མེད་པའི་ཕྱིར་ལ། འགྱུར་བ་ཡིན་ན་ཡང་གནས་སྐབས་ཁོ་ནར་འགྱུར་རོ། །སྔ་མའི་གནས་སྐབས་སུ་ཤི་བ་ཕྱིས་ཡོད་པར་ངོ་ཤེས་པ་ཡིན་ནོ་ཞེ་ན། ་བདེན་ཏེ་བྲེགས་བའི་སྐྲ་དང་སེན་མོ་ལ་སོགས་པ་བཞིན་དུ་ཤི་བ་ཡང་ངོ་ཤེས་པ་ནི་འཁྲུལ་པ་ཡིན་ནོ། །གནོད་པ་ཅན་མེད་ན་ཇི་ལྟར་འཁྲུལ་པ་ཡིན། ཤི་བ་ཉིད་དུ་ཤེས་པ་ཁོ་ན་གནོད་པ་ཅན་ཡིན་ནོ། །འདིས་ནི་གཅིག་པུ་བྱེད་པ་པོ་དང་ན་བ་པོ་ཉིད་དུ་བཤད ་པ་ཡིན་ནོ། །གནས་སྐབས་ཐ་དད་པ་དང་ཐ་མི་དད་པ་དག་གིས་བྱེད་པ་དང། ཟ་བ་དག་གིས་ཐ་དད་པ་འམ་ཐ་མི་དད་པ་ཡིན་གྱི་གནས་སྐབས་ཐམས་ཅད་པའམ། ནམ་མཁའ་ཨི་ནི་མ་ཡིན་ཏེ། དེ་དག་ལ་གནས་སྐབས་ཐམས་ཅད་པ་ནི་རྒྱུ་ཡིན་གྱི་ནམ ་མཁའ་ཨི་ནི་མ་ཡིན་ནོ་ཞེས་བྱ་བ་འདི་སུའི་རིགས་པ་ཡིན། ཇི་སྐད་དུ། ཚངས་པ་ཤེས་པས། ཇི་ལྟར་དངོས་དེ་རྒྱུ་ཡིན་པ། །དེ་ལྟར་དེ་ཉིད་གང་གི་ཚེ། །རྒྱུ་མིན་དེ་ནི་གང་གི་རྒྱུར། །འདོད་ལ་རྒྱུ་མ་ཡིན་མི་འདོད། །ཅེས་གང་སྨྲས་པའོ། །འཇིག་རྟེན་པ་ཡང ་གནས་སྐབས་ཁོ་ན་ཡིན་པར་སྨྲ་བ་ནི། གནས་སྐབས་གཞན་ལས་བྱུང་བའི་བདག་གི་དགེ་བ་དང་མི་དགེ་བའི་འབྲས་བུ་ཡིན་ནོ་ཞེས་ཤེས་ནས་ཀྱང་འགྲོ་བ་རྣམས་འཇུག་པ་དང་རོར་བ་ཡང་མཐོང་བ་ཡིན་ནོ། །གང་ཡང་སེམས ་པ་ཅན་དང་ཡོད་པའི་རྫས་ཉིད་ནི་གནས་སྐབས་ཐ་དད་ཀྱང་དབྱེ་བ་མ་ཡིན་པའི་ཕྱིར། གནས་སྐབས་ཐམས་ཅད་པར་འགྱུར་བ་ཡིན་ལ། བདེ་བ་དང་སྡུག་བསྔལ་བ་ལ་སོགས་པའི་གནས་སྐབས་ཀྱང་མི་རྣམས་འགྲོ་ཡང་རུང་བ་ན། བདག་གི་སེམས ་པ་ཅན་གྱི་རྫས་ཡོད་པ་ལ་སོགས་པའི་ངོ་བོ་གྲོལ་བ་མ་ཡིན་ནོ་ཞེས་བྱ་བ་གང་ཡིན་པ་དེ་ཡང་སྔ་མ་དང་ཕྱི་མའི་གནས་སྐབས་ཐ་དད་པ་ལ། དེ་ཐ་མི་དད་པའི་སེམས་པ་ཅན་ལ་སོགས་པའི་བྱེ་བྲག་ལས་མི་རིགས་སོ། །འདིས་ནི་ཐ་དད་པ་ལ་ཡང་རྒྱུ ་ཉིད་དུ་བསྟན་པ་ཡིན་ཏེ། གནས་སྐབས་རྣམས་ཀྱི་མེད་པ་ལ་སོགས་པ་བཞིན་དུ། རྒྱུ་ཉིད་དུ་བརྗོད་པ་ཡིན་ནོ། །འོན་ཏེ་གནས་སྐབས་ཉིད་སྔ་མ་དང་ཕྱི་མའི་དུས་རྗེས་སུ་སྦྱོར་བར་བྱེད་པ་ཡིན་ན། དེའི་ཚེ་འདི་མེད་པ་ཡིན་ན་ཇི་ལྟར་རྗེས་སུ་སྦྱོར་བར ་བྱེད། ཤི་བ་ལ་རྗེས་སུ་སྦྱོར་བར་བྱེད་པ་ཡིན་ནོ། བྲེགས་པའི་སྐྲ་ལ་རྗེས་སུ་སྦྱོར་བ་བཞིན་དུ་འཁྲུལ་པ་ཡིན་ནོ། །ནང་དང་ཕྱི་དང་སྐད་ཅིག་རེ་རེ་ལ་ཐ་དད་པ་ཡིན་ན་དེ་ཉིད་ལ་རྗེས་སུ་སྦྱོར་བ་ནི་འཁྲུལ་པ་ཡིན་ན་ཇི་ལྟར་འཇུག་པ་ཡིན། རབ་ཏུ་གྲུབ་པ ་ཉིད་མེད་ན་ཐ་སྙད་ཐམས་ཅད་མི་འདོད་པ་ཡིན་ཏེ། ཐེར་ཟུག་ཏུ་གནས་པའི་རྟག་པ་གཅིག་པུ་འདོད་པ་དང། འབྲེལ་བ་ཅན་མཐོང་བ་དང་སྣང་བཞིན་པ་ནི་ཐ་སྙད་ཀྱི་རྒྱུ་མཚན་དུ་འདོད་པ་མ་ཡིན་ནོ། །རྒྱུན་ནི་རྒྱུ་མཚན་ཡིན་ནོ་ཞེ་ན། རྒྱུན་ཡིན་ཡང་དེ་ནི་སྔ་མ ་ཉིད་ཀྱིས་རྗེས་སུ་སྦྱོར་བ་མེད་ན་ཇི་ལྟར་ཐ་སྙད་ཀྱི་རྒྱུ་མཚན་ཡིན། བདག་དང་འདི་ཞེས་བྱ་བ་ཡང་རྗེས་སུ་སྦྱོར་བ་ཡིན་ན་ཐ་སྙད་ཀྱི་ཡན་ལག་ཡིན་པར་ནི་བདེན་ཏེ། དེ་གཅིག་པུ་འཛིན་པ་སྐྱེད་པར་བྱེད་པ་འབའ་ཞིག་ནི་དེ་མི་བྱེད་པར་གཅོད་པར་བྱེད་པའི ་ངོ་བོས་ཡིན་ལ། དེས་ན་འཛིན་བཞིན་པ་ནི་ཐ་སྙད་ཀྱི་རྒྱུ་མཚན་ཡིན་པར་ནི། དེས་ཐོང་བ་ནི་མཐོང་རྣམས་ལ། །རིག་པའི་ནུས་བས་བྱུང་བ་ཡི། །དྲན་ལས་བྱུང་བ་འདོད་པ་ལས། ཐ་སྙད་འཇུག་པར་འགྱུར་བ་ཡིན། །ཞེས་བྱ་བས་བསྟན་པ་ཡིན་ནོ། །འདིས་ནི་བདག ་ཅེས་ཏེ་གཅིག་ཏུ་འཛིན་པར་ངེས་པ་ནི་བྱེད་པ་པོ་དང་ཟ་བ་པོར་འགྱུར་གྱི། །ཅིག་ཤོས་ནི་མ་ཡིན་ནོ་ཞེས་རྣམ་པར་དབྱེ་བ་ལས། ལས་བྱས་པ་ཡིན་ན་བྱེད་པ་པོ་ཞིག་པ་ཡིན་ལ། བྱས་པའི་ལས་ཀྱི་བྱེད་པ་པོ་མེད་ན་འབྲས་བུ་སྟེར་བའི་ཕྱིར་ལ་བྱས་པའི ་ལས་ལ་ཟ་བ་པོ་འབྲས་བུ་དང་ལྡན་པ་འོངས་པ་ཡིན་ནོ་ཞེས་བྱ་བའི་སྐྱོན་བསལ་བ་ཡིན་ལ། བྱས་པའི་ལས་ལ་ནི་འགའ་ཡང་ཞིག་པ་མ་ཡིན་ཏེ། བདག་ཏུ་ཤེས་པའི་ཡུལ་སེམས་ཀྱི་རྒྱུད་མི་འཆད་པའི་ཆོས་ཅན་ཡིན་པའི་ཕྱིར་རོ། །གཉིད ་ལོག་པ་དང་བརྒྱལ་བ་ལ་སོགས་པའི་དུས་ན་ཚད་པ་ཡང་སྐྱེ་བའི་ཕྱིར། ཟ་བ་པོའི་གཞན་ཉིད་ནི་བདག་ཏུ་མི་བྱེད་པའི་ཡུལ་འབྲས་བུ་ཡིན་ན་ནི་འགྱུར་གྱི། སྔ་མ་དང་ཕྱི་མའི་སེམས་ཀྱི་སྐད་ཅིག་དག་ལ་ནི་དེ་ཡོད་པ་ནི་མ་ཡིན་ནོ། །སྐད་ཅིག་བ་ཐ་དད ་བའི་སྐྱོན་ཡོད་དོ་ཞེ་ན་ནི། གནས་སྐབས་ཐ་དད་པ་ཡིན་ཡང་གནས་སྐབས་པ་ནི་མ་ཡིན་ནོ། །ནམ་མཁའ་བཞིན་དུ་བྱེད་པོའམ། ཟ་བ་པོ་ནི་གནས་སྐབས་ཀྱི་སྒོ་ནས་དེ་ཉིད་བྱེད་པ་ནི་མ་ཡིན་ལ། བྱེད་པ་པོ་དང་ཟ་བ་པོ་ཉིད་དག་སྐྱེས་བུའི་གནས་སྐབས ་ལ་བརྟེན་པ་ནི་མ་ཡིན་ནོ། །དེས་ན་གནས་སྐབས་དང་ལྡན་པ་དེ་ཉིད་ཀྱི་ཕྱིར་བྱེད་པ་པོ་ཁོ་ན་འབྲས་བུ་ཐོབ་པ་ཡིན་ནོ་ཞེ་ན། འདི་ལ་གནས་སྐབས་ཐ་དད་པའི་རྗེས་སུ་བྱེད་པའི་འབྲས་བུ་ནི་ཧྒནས་སྐབས་ཅན་ལས་འགྱུར་བ་མ་ཡིན་ཏེ། གཞན་དུ ་ན་ནམ་མཁའ་ལས་ཀྱང་འགྱུར་རོ་ཞེས་བསྟན་པ་ཡིན་ནོ། །དེའི་གནས་སྐབས་ཡིན་ནོ་ཞེ་ན། ཁྱད་པར་མེད་ན་ནམ་མཁའ་ལས་ཀྱང་འགྱུར་རོ། །དེ་དང་གཅིག་པར་ཐ་སྙད་འདོགས་པའི་རྒྱུ་མཚན་ནི་གནས་སྐབས་ཅན་ཡིན་གྱི་ནམ་མཁའ་ནི་མ་ཡིན ་ནོ་ཞེ་ན། བདེན་མོད་ཀྱི་གཅིག་ཏུ་འཛིན་པ་ཁོ་ན་དེ་མི་བྱེད་པར་རྣམ་པར་གཅོད་པར་རྒྱུ་མཚན་མེད་པའི་ཕྱིར་ཇི་ལྟར་བྱེད་པ་པོ་ཉིད་ཡིན། དེ་གཅིག་ཏུ་ཐ་སྙད་འདོགས་པ་གྲུབ་པ་ལ་གནས་སྐབས་ཅན་ནི་གྲུབ་པ་ལ་ཉེ་བར ་གནས་པ་ཡིན་ནོ། དགོས་པ་མེད་པ་ཅིའི་ཕྱིར་སྐྱོད་པ་ཡིན། །དེའི་ཕྱིར་འབྲས་བུ་དང་རྒྱུ་ཉིད་དུ་མ་རྒྱུད་གཅིག་ཏུ་བྱས་པ་ཞིག་བར་སྨྲ་བ་ནི་སྣ་ཚོགས་པ་ཉིད་མ་པོར་ན། དེའི་སྐྱོན་ཡང་མ་པོར་བ་བསལ་བ་ཡིན་ནོ། །རྒྱུད་གཞན་གྱིས་བྱས་པའི ་འབྲས་བུ་དེ་ལས་གཞན་པས་ཟོས་པ་ཡིན་ན། བྱས་པ་ཞིག་པ་ལ་སོགས་པར་འགྱུར་གྱི་དེ་ཉིད་ཀྱི་ཡིན་ན་ནི་ཞིག་པ་མ་ཡིན་ནོ། །འབྲས་བུ་དང་རྒྱུའི་རྒྱུན་གྱི་ཡུལ་ལ་དེ་ཉིད་ཀྱི་ཐ་སྙད་འདི་འཇིག་རྟེན་དུ་མཐོང་བ་ཡིན་ནོ། །དེའི་ཕྱིར་རྒྱུ་ལ ་སོགས་པ་ཡང?་པ་ལས་བྱེད་པ་དང་ཟ་བ་ལ་སོགས་པ་ལ་ངེས་པ་ཡིན་པར་སྨྲ་བ་པོ་ནི་ཀླན་ཀ་བཙལ་བྱ་མ་ཡིན་ནོ། །དེའི་ཕྱིར་འཇིག་རྟེན་ཕ་རོལ་ཁས་ལེན་ཀྱང། །རྣམ་རིག་ཙམ་ཉིད་བདག་སྨྲ་བས། །ཤེས་རྣམས་སྐད་ཅིག་མ་ཉིད་ཕྱིར། །བྱེད ་པོ?་བྲ?་པོ་གཞན་ཉིད་འགྱུར། །ཞེས་བྱ་བ་ནི་མི་བདེན་པ་ཡིན་ནོ། །གང་གི་ཕྱིར་དེ་ཁོ་ན་ཉིད་རིག་པ་པོ་རྣམས་སྐད་ཅིག་མའི་དབྱེ་བ་ལ་དཔྱོད་པར་བྱེད་པ་ཡིན་གྱི་འཇིག་རྟེན་ནི་རྒྱུ་མེད་པའི་ཕྱིར། རྣམ་པར་དཔྱོད་པར་བྱེད་པ་མ་ཡིན་ནོ།། ་སྟོབས་དང་སྟོབས་མ་ཡིན་པ་ལ་སོགས་པ་གྲུབ་པའི་དོན་དུ་དེ་ཁོ་ན་ཉིད་ཤེས་པ་རྣམས། རྣམ་པར་དཔྱོད་བར་བྱེད་པ་ཡིན་ལ། འཇིག་རྟེན་ནི་དེ་མངོན་སུམ་གྱིས་མཐོང་ཡང་དགོས་པ་མེད་པའི་ཕྱིར་དང། །འདྲ་བ་གཞན་བྱུང་བའི་ཕྱིར། དོན་བྱེད ་པ་དོན་དུ་ནི་གཉེར་བ་ནི་འདིའོ། །བདག་གོ་ཞེས་དེ་ལྟར་ངེས་པར་བྱེད་པ་ཡིན་ནོ། །དེ་བཞིན་དུ་ངེས་པ་དང་ལྡན་པ་ཡང་འཇུག་པ་ཁོ་ན་ཡིན་ནོ། །དེའི་ཕྱིར་བདག་མེད་པར་སྨྲ་བའི་ཕྱོགས་ལ་ནི། བདག་ཤིའི་འོག་ཏུ་འབྲས་བདག་གིར། །མི་འགྱུར་ན་ཡང ་གཞན་གྱིར་འགྱུར། །ཞེས་ནི་སྔར་ཉིད་ཤེས་པ་ཡིན། །དེའི་ཕྱིར་འཇུག་པར་མི་འགྱུར་ཡིན། ཞེས་བྱ་བ་ནི་ངན་པར་སྨྲ་བ་ཡིན་ཏེ། རིག་པར་བྱ་བ་ཐམས་ཅད་མཁྱེན་པ་ནི་ཉེས་པ་མ་ལུས་པ་ཟད་པ་ནི་གཞན་ནི་སྡུག་བསྔལ་བསལ་བར་བཞེད་པ་ཁོ་ནས་འཇུག ་པའི་ཕྱིར། སེམས་འཇིག་རྟེན་ཕ་རོལ་པ་ཡིན་པའི་ཕྱོགས་ལ་ཐམས་ཅད་ཁ་ན་མ་ཐོ་བ་མེད་པ་ཡིན་ནོ། །སེམས་དེ་ཉིད་ཁོ་ན་འབའ་ཞིག་སྐྱེ?་བའི་དང་པོར་ལུས་ཙམ་ལས་སམ། ཕའི་སེམས་ལས་བྱུང་པར་མཐོང་བ་ཡིན་གྱི་སྐྱེ་བ་སྔ་མའི་སེམས་ལས ་མ་ཡིན་ཞིང། འཆི་བའི་སེམས་བཞིན་དུ་འབྱུང་བར་འགྱུར་བའི་སེམས་གཞན་ཡང་མ་ཡིན་ནོ་སྙམ་དུ་སེམས་པ་ལ། སྐྱེ་བ་ཡོངས་སུ་ལེན་བ་ན། །འབྱུང་རྡུབ་དབང་པོ་བློ་དག་ནི། །རང་གི་རིགས་ལ་བལྟོས་མེད་ཅན། །ལུས་ཉིད་འབའ་ཞིག་ལས་སྐྱེ་མིན། །ཧ ་ཅང་ཐལ་ཕྱིར། ཞེས་བྱ་བ་སྨོས་ཏེ། དབུགས་འབྱུང་བ་ལ་སོགས་པ་དང། སེམས་དང་དབང་པོ་རྣམས་ཀྱང་བརྟན་པ་ཉིད་དང། གཡོ་བ་པོ་ཉིད་ལ་སོགས་པའི་གོམས་པས་དེ་ལྟ་དེ་ལྟ་བུར་འགྱུར་བ་ཡིན་ཏེ། དང་པོ་སྐྱེ་བ་ལ་ཡང་དེ་བཞིན་དེ་རྣམས་སུ་སྣང ་བ་ཡིན་གྱི་ཕ་ལ་སོགས་པ་ནི་དེ་ལྟར་གོམས་པ་མ་ཡིན་ཏེ། གླེན་པའི་བུ་ཡང་མཁས་པར་མཐོང་བའི་ཕྱིར་རོ། །དེའི་སྐྱེ་བ་འདི་ལ་གོམས་པ་ཡང་མ་ཡིན་ནོ། །མེས་པོའི་གོམས་པ་ལས་བྱུང་བ་ཡིན་ནོ་ཞེ་ན། མ་ཡིན་ཏེ། བྱས་པ་རང་ཉིད་གོམས་པ ་བཞིན་དུ་མཚམས་སྦྱོར་བར་འགྱུར་རོ། །རང་གི་གོམས་པ་ནི་མ་ཡིན་ཏེ། མངལ་ན་འདུག་པ་ལ་སོགས་པའི་སྡུག་བསྔལ་མང་པོས་བརྗེད་པ་སྲིད་པའི་ཕྱིར་རོ། །གྲུབ་པའི་དངོས་པོ་ནི་གོམས་པས་བོགས?་བྱུང་བ་མ་ཡིན་ནམ། བརྟན་པོ་དང་གཡོ་བ་པོ་ཡང ་གྲུབ་པ་ཡིན་ཏེ། གོམས་པ་གཞན་ཁོ་ན་ལས་བྱེ་བྲག་ཐམས་ཅད་དེ་ལས་བྱུང་བ་ཉིད་ཤེས་པའི་ཕྱིར་བྱེ་བྲག་མེད་པའི་དངོས་པོ་ཙམ་ནི་ལུས་ལས་དང་པོར་གྲུབ་པ་ཡིན་ལ། གོམས་པས་ནི་ཁྱད་པར་དུ་གྱུར་པ་ཡིན་ཏེ། གླེན་པ་ཡང་གོམས་པ་ལས་མཁས ་པར་འགྱུར་རོ་ཞེ་ན། མ་ཡིན་ཏེ་གླེན་པ་རྣམས་ཀྱི་ནི་གོམས་པ་དམན་པ་ལས་བྱུང་བ་ཉིད་ཡིན་པའི་ཕྱིར་རོ། །ཇི་ལྟར་བུམ་པ་རྫ་མཁན་ལས་བྱུང་བ་ལ་མེད་ཀྱང་ཕྲད་བ་ལས་ཁྱད་པར་ཡིན་ལ། དེ་བཞིན་དུ་ལུས་ལས་བྱུང་བ་ལ་གོམས་པ ་ལས་ཁྱད་པར་དུ་འགྱུར་བ་མ་ཡིན་ནམ། འོན་ཏེ་མེ་དང་ཕྲད་པ་ལས་བུམ་པ་གཞན་ཁོ་ན་ཡིན་ན། དབང་པོ་ལ་སོགས་པ་གོམས་པ་ལས་ཀྱང་གཞན་ཁོ་ན་ཡིན་པར་མཚུངས་སོ། །མཚུངས་པ་མ་ཡིན་ཏེ། མེ་དང་ཕྲད་པའི་སྔ་རོལ་གྱི་རྫ་མཁན་གྱི་བསྐྱེད་བྱའི ་བུམ་པ་ནི་གཞན་ཁོ་ནར་མཐོང་བ་ཡིན་ལ། འདི་ལ་ནི་གོམས་པའི་སྔ་རོལ་དུ་དེའི་བསྐྱེད་བྱ་མ་ཡིན་པ་ནི་དེའི་ཁྱད་པར་མ་ཡིན་ལ་དེ་དངོས་པོ་ཙམ་ནི་ཉེ་བར་དམིགས་པ་ཡང་མ་ཡིན་ནོ། །རྗེས་སུ་དཔོག་པར་བྱེད་དོ་ཞེ་ན། དེ་ལྟར་ཡིན་ན་གོམས་པ་ཁོ་ན་མཐོང ་བ་ལ་རྗེས་སུ་དཔོག་བར་འགྱུར་ཏེ། མ་མཐོང་བ་ལ་རྗེས་སུ་དཔོག་བ་མེད་པའི་ཕྱིར་རོ། །ུཏཔ་ལའི་རྩ་བ་ནི་བ་ལང་གི་ལྕིང་ལས་སྐྱེ་བར་དང། ཨུཏཔ་ལའི་རྩ་བ་ལས་ཀྱང་སྐྱེ་བར་མཐོང་ལ། དེ་བཞིན་དུ་ལུས་ལས་སྐྱེས་བ་ནི་གོམས་པ་ལས་ཀྱང་འདི་སྐྱེ་བར ་འགྱུར་བའི་ཕྱིར། འདི་སྐྱེ་བ་ཡིན་ནོ་ཞེས་རྗེས་སུ་དཔོག་པར་མི་རིགས་སོ། །གང་གི་ཕྱིར་བ་ལང་གི་ལྕི་བ་ལས་སྐྱེས་པའི་ཨུཏཔ་ལའི་རྩ་བ་དང། མེ་ལས་དུ་བ་ནི་རྒྱུན་གྱི་འཇུག་པ་ཡིན་གྱི། འདི་ལ་ནི་སྐྱེ་བའི་དང་པོ་ལ་གོམས་པ་ལས་མ་བྱུང་བའི་ཁྱད་པར ་གང་ཡང་མེད་དོ། །དུ་བའི་བསྐྱེད་བྱའི་དུ་བ་བཞིན་དུ་མས་ཡང་དུ་བ་ཡིན་ནོ་ཞེས་བྱ་བ་འདི་ལ་ཡང་གོམས་པའི་བསྐྱེད་བྱའི་ཁྱད་པར་བཞིན་དུ་ཁྱད་པར་ཡིན་ནོ་ཞེ་ན། དེ་ལྟ་ཡིན་ན་དུ་བ་ལས་དུ་བའི་བསྐྱེད་བྱ་དང་འདྲ་བའི་མེ?་རྗེས་སུ་དཔོག་པ་མི་འགྱུར་ལ། དེ་དང ་འདྲ་བ་ལས་དེའི་རྗེས་སུ་དཔོག་པ་མ་ཉམས་པ་ཡིན་ནོ། །དེའི་བསྐྱེད་བྱའི་ཡང་རྩ་བ་ཡང་མེ་ཡིན་ནོ་ཞེ་ན། འདི་ལ་ཡང་གོམས་པའི་བསྐྱེད་བྱའི་ཁྱད་པར་འདྲེ་བའི་རྩ་བ་གོམས་པ་ཡིན་པའི་ཕྱིར། རྗེས་སུ་དཔག་པ་མ་ཉམས་པ་ཡིན་ནོ། །གོམས་པའི ་བསྐྱེད་བྱའི་ཁྱད་པར་ནི་ཁྱད་པར་གསང་གྱི་རྒྱུན་ཕྱེད་བ་ཡིན་བ་ནི་མེའི་བསྐྱེད་བྱའི་དུ་བ་ལས་དུ་བ་གཞན་ལྟ་བུའོ། །དེའི་རྒྱུན་འཇུག་པར་བྱེད་པ་ཙམ་གོམས་པ་ནི་མ་ཡིན་ལ། ནུར་ནུར་པོ་ལ་སོགས་པའི་ལུས་ཀྱི་བསྐྱེད་བྱ་ཉིད་ནི་ཁྱད་པར་དེ་མ་ཡིན་ཏེ། དུ་བ ་ཡང་རི་བོ་ཙམ་གྱི་བསྐྱད་བྱར་འགྱུར་རོ། །རི་བོའི་བསྐྱེད་བྱ་ཉིད་ཡིན་ན། ཐམས་ཅད་དུ་ཐམས་ཅད་ལ་ཡང་འགྱུར་རོ་ཞེ་ན། འདི་ལ་ཡང་འབྱུང་བའི་བསྐྱེད་བྱ་ཉིད་ཡིན་ན། བོང་བ་ལ་སོགས་པ་ལ་ཡང་འགྱུར་རོ། །བྱེ་བྲག་ཅན་རྣམས་ཀྱི་ནི་སེམས ་བ་ཅན་ཡིན་གྱི་བོང་བ་ལ་སོགས་པའི་མ་ཡིན་ཏེ། ཡོངས་སུ་གྱུར་པའི་ཁྱད་པར་ཡང་ངེས་པར་བྱེད་པ་ཡིན་ནོ་ཞེ་ན། ཤི་བ་ལ་འདི་ཐམས་ཅད་ཡོད་པའི་ཕྱིར་ཕལ་ཆེས་པ་ལས་ཐར་པ་མ་ཡིན་ནོ། །གོམས་པ་ཡི་བསྐྱེད་བྱ་ཉིད་ཡིན་ཡང་ཤི་བ་ལ ་ཅིས་མི་འགྱུར། གནས་པ་འཕེན་བར་བྱེད་པའི་ལས་ཟད་པའི་ཕྱིར་རོ་ཞེས་འཆད་བར་འགྱུར་བའོ། །ལས་ཀྱི་ནུས་པ་སྣ་ཚོགས་པ་ཉིད་བཞིན་དུ་འབྱུང་བའི་ནུས་པ་སྣ་ཚོགས་བ་ཉིད་དུ་བརྟག་པ་མ་ཡིན་ཏེ། འགྱུར་བ་རྣམས་ནི་དཔག་ཏུ་ཡོད་པའི་ཕྱིར་རོ།། ་ས་ཉིད་ལ་སོགས་པའི་ནུས་པ་སྣ་ཚོགས་པ་དེ་རྣམས་ཀྱི་ནུས་པ་མ་མཐོང་བར་རྟག་པ་ཡིན་ནོ་ཞེ་ན། མ་མཐོང་པའི་ནུས་པ་དེ་ཉིད་ལས་ཡིན་པའི་ཕྱིར་ལོག་པར་རྟོག་པ་མ་ཡིན་ནོ། །སྐྱེ་བ་སྔ་མའི་ལུས་ལས་སྐྱེ་བ་འདིའི་ལུས་ལ་དབང་པོ་ལ་སོགས ་པ་ཇི་ལྟར་འཕོ་བ་ཡིན། སྤྲུལ་གྱི་དུག་གི་ནུས་པ་འཕོ་བ་ཁོ་ན་བཞིན་དུ་བལྟ་བར་བྱའོ། །སྔགས་ལ་སོགས་པའི་སྟོབས་ཀྱིས་དུག་གཞན་དུ་འཕོ་བ་མ་ཡིན་ནམ། ལས་ཀྱི་སྟོབས་ཀྱིས་འདི་ལ་ཡང་དབང་པོ་ལ་སོགས་པ་གཞན་དུ་འཕོ་བ་ཡིན ་པར་མཚུངས་སོ། །གང་གི་ཚེ་དབང་པོ་ལ་སོགས་པ་འཕོ་བ་དེ་ཉིད་ཀྱི་ཚེ་སེམས་ཀྱང་ཡིན་ཏེ། ཚོགས་པ་གཅིག་བའི་ཕྱིར་རོ། །དེའི་ཕྱིར་ནུར་ནུར་པོ་ལ་སོགས་པ་རྣམས་ལ་རྣམ་ཤེས་ཡོད་ཅེས་བྱ་བ་འདི་ཡང་གྱ་ཚོམ་ཡིན་པར་མཐུན་པ་ཡིན ་ནོ། །དེའི་ཚེ་ནི་དབང་པོ་ལས་སྐྱེས་བ་མ་ཡིན་ཏེ། རང་ཡོད་པའི་དུས་སུ་བྱུང་བ་ནི་དེ་ལས་འབྱུང་བའི་ཕྱིར་རོ། །བདག་གོ་ཞེས་བྱ་བ་བྱུང་བ་ནི་དབང་པོ་དང་བདེ་བ་ལ་སོགས་པ་ང་རྒྱལ་དང་བཅས་པ་ཁོ་ནར་མཐོང་བ་དེ་ཁོ་ན་བཞིན ་དུ་རྒྱུ་ཞེས་བྱ་བའི་དོན་ཏོ། །རང་དབང་ཡོད་ན་ལུས་མེད་པའི་ཕྱིར་ན་མཁའ་བཞིན་དུ་ཇི་ལྟར་སེམས་ཀུན་ཏུ་རྒྱུ་བ་ཡིན་ཞེ་ན། རྒྱལ་པོའི་བསྙན་བཀུར་བ་བཞིན་དུ་རེ་བ་ལ་གཞན་དབང་ཡིན་པའི་ཕྱིར་རླུང་གིས་བསྐྱོད་བཞིན་པའི་མེ། གཞན་དུ་འགྲོ་བ ་ཡོད?་སྲིད་ཀྱི། །བློ་ནི་རྒྱུར་གྱུར་ལུས་ཉིད་ལས། །འགས་བྱད་སྐྱོད་པར་བྱེད་པ་ཡིན། །ལུས་མེད་ཕྱིར་ན་འདི་རང་ཉིད། །འཕགས་ནས་འགྲོ་བའང་མ་ཡིན་ནོ། །ཞེས་བྱ་བ་འདི་མ་གྲུབ་པ་ཡིན་ནོ། །དེ་སྐད་དུ་ཡང། བདག་ལ་ཆགས་པ་དང་ལྡན་པ། །སེམས ་ཅན་གཞན་གྱིས་བཀྲ?་མིན་པ། །བདེ་སྡུག་དོར་འཐོབ་འདོད་པས་ན། །དམན་པའི་གནས་ནི་ཡོངས་སུ་ལེན་ཞེས་འཆད་པར་འགྱུར་བའོ། །ཇི་ལྟར་ཡང?་སང?་པའི་ལུས་ལས་དབང་པོ་ལ་སོགས་པ་རྨི་ལམ་རྨི་བའི་ལུས་ལ་ཀུན་དུ་རྒྱུ་བར་མཐོང་བ་ལྟ ་བུའོ། །དེ་ལས་ཀྱང་སད་པའི་ལུས་ལའོ། །དེ་བཞིན་དུ་སྐྱེ་བ་སྔ་མའི་ལུས་ལས་སྲིད་པ་བར་མ་དོའི་ལུས་ལའོ། །དེ་ལས་ཀྱང་ལུས་འདི་ལ་ཡིན་པའི་ཕྱིར་གནོད་པར་བྱེད་པ་ལ་ལན་གདབ་པར་དཀའ་བ་ཅུང་ཟད་ཀྱང་མེད་དོ། །དེ་ནི་རྨི་ལམ་རྨི་བའི་ལུས ་ལ་ནི་མི་བདེན་པ་ཡིན་ནོ་ཞེ་ན། མ་ཡིན་ཏེ་སོ་སོར་སྣང་བ་ལ་མི་བདེན་པ་ཉིད་དུ་མི་རིགས་པའི་ཕྱིར་རོ། །ཕྱི་རོལ་གྱི་མི་བདེན་པ་ཉིད་ནི་སད་བ་ལ་ཡང་མཚུངས་སོ། །གནོད་པ་ཅན་མེད་པ་ཅི་ལས་ཡིན་ཞེ་ན། གནོད་པ་ཞེས་བྱ་བ་ཡང་སོ་སོར་སྣང་བ་ཙམ་ཉིད ་དུ་ངེས་པ་ཕྱི་རོལ་མ་ཡིན་པའི་སོ་སོར་སྣང་བའི་རྒྱུ་མཚན་དུ་བརྗོད་པ་ལ། ཕྱི་རོལ་དུ་ཞེན་པའི་གནོད་པ་ཉིད་ནི་བག་ཆགས་བརྟན་པོ་ཉིད་དང། བརྟན་པོ་མ་ཡིན་པ་ཉིད་དག་གིས་ཁ་ཅིག་ཏུ་འབྱུང་ལ། གཞན་ལ་ནི་མ་ཡིན་ནོ་ཞེས་བྱ་བ་ནི་རྣམ་པར་དབྱེ་བ ་ཡིན་ནོ། །དེའི་ཕྱིར་དང་པོར་སྐྱེས་བ་ལ་དབང་པོ་ལ་སོགས་པ་ནི་སྐྱེ་བ་སྔ་མའི་ལུས་ལས་འོངས་པ་ཡིན་ནོ། །ཇི་ལྟར་འོངས་བ་ཡིན་ཞེས་བྱ་བ་བལྟོས་པ་ལ་མ་མཐོང་བའི་རྟོག་པ་ལ་ནི་ཚད་མ་མེད་པའི་ཕྱིར། མཐོང་བའི་རྨི་ལམ་རྨི་བའི་ལུས་བཞིན་དུ་སྲིད་པ ་བར་མ་དོའི་ལུས་ལས་ཞེས་སྨྲས་བ་ནི། སྙན་དངགས?་མཁན་གྱིས་བྱས་པའི་ལུས་ལ་རྩོམ་པ་དང་འཇིག་པའི་རྒྱུ་མེད་ན། ཇི་ལྟར་སྐྱེ་བའམ་འཇིག་པ་ཡིན་ཞིང་ཇི་ལྟར་ཡང་མ་མཐོང་བ་ཡིན་ཞེས་བྱ་བའི་རྒོལ་བ་འདི་ཅི་ལས་ཡིན། བབ་ཆོལ་དུ་སྐྱེ་ཞིང་དེ་ཡང?་བབ ་ཆོལ་ཁོ་ནར་འཇིག་པ་ཡིན་ལ། ཕྲ་བའི་ངོ་བོ་ལ་སོགས་པ་དང་ལྡན་པ་ཞེས་བྱ་བ་དེ་ནི་ཉེ་བར་རྟོག་པ་ཙམ་ཉིད་ཤེས་པའི་རྒྱུ་བ་ཡོད་པ་ཡང། དེ་ལ་ཚད་མ་ཅན་མིན་འགྱུར། །དེ་ཡི་ལུས་གཞན་རྣམས་ལ་ནི། །སླར་ཡང་རྣམ་གཡེང་རྟོག་པ་ཡིན། །ཞེས ་བྱ་བ་དེ་ནི་མི་རིགས?་ཏེ། འདི་འདྲ་བ་ཉིད་ནི་རྨི་ལམ་གྱིས་ལུས་ལ་ཡང་མཐོང་བའི་ཕྱིར་རོ། །སྦྱོར་བ་དང། དངོས་གཞི་དང། རྗེས་ཀྱི་རྣམས་ལ་ཤེས་པ་གཞན་དང་གཞན་མ་ཡིན་ནམ། དེ་ལ་ཡང་གནས་པར་འདོད་པ་གཅིག་མེད་ན་འབྲས་བུ ་འབྱུང་བ་ནི་རིགས་ཀྱི་རྟོག་པ་ལྟ་བུ་ཡིན་ཏེ། བུ་དང་ཚ་བོ་ལ་སོགས་པ་འགྱུར་བར་བྱ་བའི་རིགས་བ་དང་འདྲ་བའི་བྱེད་པ་པོ་ཉིད་ཁོ་ན་སྒྲུབ་པར?་དཀའ་བ་ཡིན་ཏེ། དུས་ཡུན་རིང་པོར་ལས་རྣམས་ལ་སྐྱེ་བར་འདོད་པའི་ཤེས་པ་སྟོང་ཕྲག་རྣམས་ལ་དེ ་ནི་རིགས་དང་འདྲ་བ་ལྟ་བུ་ཡིན་ནོ། །འདི་ལ་སྨྲས་པའི་རིགས་དང་འདྲ་བ་བཞིན་དུ་ཉིན་གཅིག་གི་ཤེས་པའི་ཡུལ་ཉིད་ཀྱིས་དབྱེ་བ་མི་རྟོགས་པའི་ཕྱིར་དཀའ་བ་ཉིད་ཡིན་པས་དམ་པའི་དོན་ལ་ངེས་པར་རྟོག་པ་ཡང་འབྲས་བུ་ཉིད་ཤེས་པ་འཇིག་རྟེན ་པ་ཡིན་པའི་ཕྱིར་ཞེས་བྱ་བའོ། །མཐོང་བ་ཡང་རིམ་གྱིས་འབྱུང་བ་དུས་གཅིག་ལ་མ་འཚོགས་དང་ཤ་དང་པོ་མས་ལ་སོགས་པའི་ཡི་གེ་རྣམས་སམ། བསྒོར་བའི་ཆ་ཤས་ལ་སོགས་པའི་རང་གི་དུས་ཙམ་ལ་ཡོད་པ་རྣམས། དོན་གཅིག་ཏུ་བྱེད་པའི ་བྱེད་པ་པོ་ཉིད་མཐོང་བ་ཡིན་གྱི། རིགས་དང་འདྲ་བ་ལྟ་བུ་རྟོགས་པ་ནི་མ་ཡིན་ནོ། །དེ་བཞིན་དུ་དབང་པོ་ལ་སོགས་པ་རྣམས་འཇིག་རྟེན་ཕ་རོལ་ཉིད་དུ་བརྗོད་པ་ནི། སེམས་འཇིག་རྟེན་ཕ་རོལ་པོ་ཉིད་ཡིན་པའི་དཔེ་དོན་ནམ ་བདག་ཏུ་བྱེད་པའི་སེམས་འཇིག་རྟེན་ཕ་རོལ་པོའི་ཡུལ་བསྟན་པ་ཡིན་ནོ། །གང་གི་ཚད་མོ་དང་གླུར་བླང་བར་བྱ་བ་ལ་སོགས་པ་བཞིན་དུ་དབང་པོའི་ཤེས་པ་ཡང་གོམས་པའི་བསྐྱེད་བྱ་ན་བསྐྱེད་བྱའི་ཁྱད་པར་ཡིན་པའི་ཕྱིར། འཇིག་རྟེན་ཕ་རོལ་པོར་བརྗོད ་པ་དེའི་ཚེ་ཡང། གོམས་པ་ལས་བྱུང་བའི་རྗེས་སུ་འཇུག་པ་ཅན་གྱི་དབང་པོ་ཡིན་གྱི། དེ་མེད་ན་དེ་བཞིན་དུ་འབྱུང་བ་ཡང་རི་མོ་ལ་སོགས་པའི་ཤེས་པར་འགྱུར་བ་མ་ཡིན་ནོ། །ཇི་ལྟར་དབང་པོ་དེའི་ཡུལ་མ་ཡིན་པའི་འབྱུང་བ་ཙམ་ལས་ཀྱང་འབྱུང་བ ་ཡིན་ཏེ་སྣ་དང་ལྕེ་དང་མིག་དང་པགས་པ་དང་རྣ་བ་ལ་སོགས་པ་དབང་པོ་རྣམས་ནི་འབྱུང་བ་རྣམས་ལས་བྱ་བའི་ཚིག་ལས་སོ། །གོམས་པས་ཀྱང་ཁྱད་པར་དུ་བྱེད་ལ་དེ་བཞིན་དུ་སེམས་པ་ཡང་འགྱུར་རོ་སྙམ་དུ་དོགས་པ་བཟློག་པའི་དོན་དུ་དབང་པོ ་ནི་འཇིག་རྟེན་ཕ་རོལ་ཉིད་དུ་མངོན་པར་བརྗོད་པ་ཡིན་ནོ། །དབང་པོ་འཇིག་རྟེན་ཕ་རོལ་བ་མ་ཡིན་ཞིང་འབྱུང་བའི་བསྐྱེད་བྱ་ཡང་མ་ཡིན་དུ་ཟིན་ཀྱང་གང་གིས་དཔེར་མི་འགྱུར། འོན་ཀྱང་ཇི་སྐད་བསྟན་པའི་ཡིད་ཀྱི་རྣམ་པར་ཤེས་པར་འགྱུར ་བའི་འགྱུར་བ་ཅན་ཡིན་པའི་ཕྱིར་དེའི་བསྐྱེད་བྱ་ཡིན་ན། །དེ་ལྟར་ན་སེམས་ནི་དེ་འདྲ་བའི་སེམས་གོམས་པའི་བསྐྱེད་ཡིན་ཏེ། དེའི་ཁྱད་པར་གྱི་ཁྱད་པར་ཅན་ཡིན་པའི་ཕྱིར་དབང་པོ་ལྟ་བུའོ། །དེའི་ཕྱིར་འཇིག་རྟེན་ཕ་རོལ་ལ་སྐུར་པ་འདེབས་པ་ལ ་གནོད་པ་ཡིན་ནོ། །ཡང་ན་དབང་པོའི་རྒྱུ་ཉིད་ཀྱིས་ནུར་ནུར་པོ་ལ་སོགས་པ་ལའམ། སྐྱེ་བ་སྔ་མའི་ཡིད་ཀྱི་རྣམ་པར་ཤེས་པ་ཡིན་པར་རྟགས་པ་ཡིན་གྱི། འབྱུང་བ་ནི་མ་ཡིན་ཏེ། མ་མཐོང་བའི་ཕྱིར་རོ་ཞེས་བྱ་བའི་དགོངས་པས་འཆད་འགྱུར ་བ་ནི། །འདི་འགྱུར་ན་ནི་དེ་དག་ཀྱང། །འགྱུར་བ་དག་ཏུ་མཐོང་བ་ཡིན། ཡིད་ཀྱི་རྣམ་པར་ཤེས་པའི་འགྱུར་བས་འགྱུར་བར་བྱ་བ་ཡིན་པའི་ཕྱིར། དེའི་འབྲས་བུ་དབང་པོ་རྣམས་ཡིན་ལ། དེ་ཁོ་ནར་རྟོག་པར་བྱེད་པ་ཡིན་ཞེས་བྱ་བའི་དོན་ཏོ། །བདག་ཅེས་བྱ ་བའི་བློ་ནི་དེའི་བསྐྱེད་བྱ་རྣམ་ཤེས་ཀྱིས་རྟོགས་པའི་དབང་པོ་རྣམས་སུ་ངེས་པར་བྱེད་པ་ཡིན་གྱི། མ་རྟོགས་པ་ནི་མ་ཡིན་པ་མ་ཡིན་ནམ། མ་མཐོང་བའི་སྔོན་པོ་ལ་འདི་སྔོན་པོའོ་ཞེས་དེས་པ་ནི་མ་ཡིན་ནོ། །འོན་ཏེ་དབང་པོ་ལས་སྐྱེས་པའི་ཤེས་པ་རྣམས ་ལ་བདག་གོ་ཞེས་ངེས་པར་བྱེད་པ་དེ་རྟ་ན་ཡང་རིམས་ཀྱིས་དབང་པོ་བསྐྱེད་བ་ཉིད་དུ་ཐལ་བར་འགྱུར་རོ། །འོན་ཏེ་ཡིན་གྱི་རྣམ་ཤེས་ཙམ་ནི་ཉེ་བར་རྟོག་པ་ལ་སོགས་པའི་རྣམ་པ་ཅན་ཡིན་ན། དེ་ཡང་ཇི་ལྟར་དབང་པོས་མཐོང་བའི་རྗེས་སུ་འབྲེད?་བ་ནི་རིམ ་གྱིས་དབང་པོ་པས་སྐྱེ་བ་ཁོ་ན་ཡིན་ནོ། །འོན་ཏེ་བདག་ཅེས་བྱ་བའི་ཤེས་པ་བདག་ཉིད་ཁོ་ནར་ངེས་པར་བྱེད་པ་ཡིན་གྱི་དབང་པོ་དང་དེའི་བསྐྱེད་བྱའི་ཤེས་པ་ཡང་མ་ཡིན་ནོ། །ཇི་སྐད་དུ་མ་བོར་བའི་བདག་ཉིད་ལ་འདིར་འབྱུང?་གྱི་གཞན་ལ་ནི་མ ་ཡིན་ནོ་ཞེས་སྨོས་བ་ནི། བདག་ཉིད་ལ་སོན་པའི་བདག་ལ་ཡང་བ་ཡིན་ནོ་ཞེས་བྱ་བའི་དོན་ཏོ། །གཞན་ཡང་འདིར་དབང་པོའི་ཤེས་པ་བསྟན་པ་ནི་ཀ་བའི་རིག་པ་པོ་ཡིན་གྱི་གཞན་གྱི་ནི་མ་ཡིན་ཏེ། མངོན་སུམ་དང་འགལ་བའི་ཕྱིར་རོ། །དབང ་པོ་ལས་སྐྱེས་པ་དེ་ཡང་དེའི་འོག་ཏུ་བདག་གོ་ཞེས་འབྱུང་བ་ཡིན་ལ། དེའི་རང་རིག་པའི་བྱ་བའི་རྗེས་སུ་འབྲེད་བ་ཡིན་ནོ། །དེ་ལྟར་ཡང་གཅིག་དམིགས་པ་ནི་ཉམས་མྱོང་ལས་འདི་ཞེས་ཉམས་སུ་མྱོང་བ་མིན་ཞེས་གསུངས་པའོ། །དམིགས་པ་ཉམས་སུ ་མྱོང་བ་ནི་བདག་ཉིད་ཀྱིས་རྟོག་པ་ལ་དེ་བཞིན་དུ་ངེས་པའི་ཡུལ་ཡིན་གྱི། རང་གི་བདག་ཉིད་ནི་མ་ཡིན་ཏེ། དེ་ལ་རྟོག་པ་མེད་པའི་ཕྱིར་དང། ཕྱི་རོལ་ལ་ཡང་རྣམ་པར་རྟོག་པའི་ཕྱིར་དང། བདག་ནི་སྔོན་པོ་ཤེས?་པ་ཡིན་ནོ་ཞེས་རིག་པ་དང་གཞི་མཐུན ་པ་ཉིད་ཀྱི་ཕྱིར་རོ། །གཞན་རིག་པར་བྱེད་པ་ནི་བྱ་བ་ཡིན་ལ་དེའི་བྱེད་པ་པོ་ནི་རྐྱེན་གྱི་བརྗོད་བྱ་བདག་གོ་ཞེས་བྱ་བ་ཡིན་ནོ་ཞེ་ན། སྔོན་པོ་རིག་པ་ཁོ་ན་དེ་ལ་བྱེད་པ་པོ་ཡིན་གྱི་གཞན་ནི་མ་ཡིན་ལ། དེའི་ཡང་ཉམས་སུ་མྱོང་བ ་ཡིན་ན་སྔོན་པོར་ཤེས་པར་འགྱུར་རོ། །དེའི་ཕྱིར་དེ་ནི་དེ་ལ་བྱེད་པ་པོ་ཉིད་ཀྱི་བདག་གོ་ཅེས་འཛིན་པ་ཡིན་ནོ། །དེའི་ཕྱིར་ཡང་ཇི་ལྟར་ཡིད་ཀྱི་རྣམ་ཤེས་གོམས་པའི་རྗེས་སུ་འབྲེང་བའི་ཁྱད་པར་ཅན་དབང་པོའི་བསྐྱེད་བྱ་ཡིན་གྱི་རང་གི་རིགས་ཀྱི་བསྐྱེད ་བྱ་ནི་མ་ཡིན་ནོ། །དེ་བཞིན་དུ་དེའི་རྗེས་སུ་འབྲང་བའི་ཁྱད་པར་ཅན་གྱི་དབང་པོ་ཡང་འབྱུང་བའི་བསྐྱེད་བྱ་ཡིན་གྱི། དབང་པོ་གཞན་གྱི་བསྐྱེད་བྱར་འགྱུར་བ་ནི་མ་ཡིན་ལ། དབང་པོ་རྣམས་ཡིད་ཀྱི་བསྐྱེད་བྱ་ཉིད་ཡིན་པས་ཀྱང་མ་ཡིན་ནོ། །དེ་རྣམས་ལས ་དེའི་ཤེས་པ་ཡིན་པ་ལས་བདག་གཞན་པོ་གྲུབ་པ་ཡིན་ནོ་སྙམ་དུ་སེམས་པ་ལ། །དབང་རྣམས་རེ་རེ་ལ་གནོད་ཀྱང། །ཡིད་བློ་ལ་གནོད་པ་མ་ཡིན། ཞེས་བྱ་བ་སྨོས་ཏེ། དབང་པོ་རྣམས་ནི་ཡིད་ཀྱི་བསྐྱེད་བྱ་ཉིད་དུ་བསྒྲུབ་པས་འདི་འགྱུར་ན་ནི་ཞེས ་བྱ་བ་ལ་སོགས་པས་སྐྱེ་བ་ཕྱི་མ་ལ་སྒྲུབ་བྱེད་གཞན་བསྟན་པ་ཡིན་ནོ། །དེ་དེ་ལ་ཞེས་བྱ་བ་ལ་སོགས་པས་ནི་གོང་དུ་བསྟན་པའི་སྒྲུབ་བྱེད་ལ་གོམས་པའི་རྗེས་སུ་འབྲངས་པའི་ཁྱད་པར་ཉིད། རང་གི་རིགས་སྒྲུབ་པ་ལ་མ་ངེས་པ་ཡིན་པར ་དོགས་པ་བསལ་བ་ཡིན་ནོ། །དེ་ལྟར་ཐོས་པ་དང་བསམ་པ་ལ་སོགས་པའི་ཤེས་པ་དཔྱོད་པ་དང་སེལ་བ་དང་ཉེ་བར་རྟོག་པ་ལ་སོགས་པའི་ངོ་བོ་རྣམ་པ་དུ་མ་ཡིད་ཙམ་ལས་བྱུང་བ་ནི་དབང་པོའི་བྱ་བ་མ་ལུས་པ་བསྡུས་པ་ལས་ཡིན ་གྱི། བྱ་བ་བྱེད་པའི་དབང་པོ་དང་ལྡན་པ་ནི་མ་ཡིན་ནོ། །ཡིད་ཀྱི་རྒྱལ་སྲིད་བྱེད་པ་ནི་དབང་པོའི་བྱ་བ་ལ་མི་གནོད་པ་མ་ཡིན་ཏེ། ཇི་སྐད་དུ་མིག་གཉིས་བཙུམས་ནས་རེ་ཤིག་སོམས་དང་ཞེས་གསུངས་པའོ། །གང་ཡང་གང་གི་བྱ་བ་ཕུལ་དུ་བྱུང ་པ་ཡིན་ན་འགྲིབ་པར་འགྱུར་གྱི། དེའི་འབྲས་བུ་ནི་མ་ཡིན་ཏེ། ཚབ་དང་བསྐ་བ་ལ་སོགས་པའི་ཉེ་བར་སྦྱོར་བས་བད་ཀན་ལྟ་བུའོ། །འགྲིབ་པར་འགྱུར་བ་ཡང་དབང་པོའི་བྱ་བ་ཕུལ་དུ་བྱུང་བ་ཡིན་ན། ཡིད་ཀྱིས་ཤེས་པ་བདག་གིར་བྱེད་པ་དང་བཅས་པ་ཡང། ་རང་རིག་པ་ཡིན་པའི་ཕྱིར་རོ། །དེ་ཉིད་ཀྱི་ཕྱིར་ཡིད་ཀྱི་བློ་བདག་ཅེས་བྱ་བ་དེ་ལྟ་བུའི་བདག་ཉིད་ཀྱི་རྟོག་པའི་ངོ་བོ་ཞེས་བཤད་པ་ལ་འགལ་བ་མེད་དོ། །ཇི་སྐད་དུ། ང་རྒྱལ་དང་བཅས་ཡིད་ཡིན་ན། །སྐྱེ་བའི་རྒྱུན་ནི་ཞི་མི་འགྱུར། །ཞེས་སྨོས་པའོ། །གཞན་ཡང ་ཡིད་ཀྱི་རྣམ་པར་ཤེས་པ་ལ་བརྟེན་པའི་ཞེས་བྱ་བ་ལ་སོགས་པས། དབང་པོ་རྣམས་ནི་ཡིད་ཀྱི་བསྐྱེད་བྱ་ཡིན་པ་ཉིད་ཀྱི་དེའི་ཐབས་མ་ཡིན་པ་ཉིད་ཀྱི་ཕྱིར། སྒྲུབ་པ་གཞན་གྱི་ཡུལ་ཉིད་བརྗོད་པ་ཡིན་ནོ། །ཡང་ན་རེ་ཞིག་ཡིད་ཀྱི་རྣམ་པར་ཤེས་པ་ཞེས་བྱ་བ་ལ་སོགས ་པས་ཡིད་ཀྱིས་གོམས་པའི་རྗེས་སུ་འབྲང་བའི་ཁྱད་པར་གྱི་དབང་པོ་ལས་སྐྱེས་པ་མ་ཡིན་པ་ཉིད་དུ་བརྗོད་པ་ཡིན་ན། དབང་པོ་རྣམས་རང་གི་རིགས་ཀྱི་རྗེས་སུ་དཔག་པ་ལ་མ་ངེས་པ་ཉིད་དུ་ལན་བསྟན་པ་ཡིན་ནོ། །བདག་བློ་དེ་ལྟར་ཡིན་གཞན་ནི། །དེ་རིག་པ་ཡི ་འགྲོ་བས་ཤེས། །འདི་དེ་བཞིན་དུ་ཡིན་ནམ་མིན། དེ་ལ་བདག་འདྲ་ག་ལ་དབང། །བྱེད་པ་པོ་དང་ཟ་བའི་ཤེས་པ་ནི་སེམས་པའི་ངོ་བོ་ལས་བྱེད་པ་མ་ཡིན་ཏེ། བསམས་ནས་ནི་ལུས་མེད་པ་ནམ་མཁའ་ལྟ་བུར་བྱེད་པ་མེད་པའི་ཕྱིར་ཇི་ལྟར་བྱེད་པ་པ་ན། སེམས ་བའི་ལས་དང་བསམས་པ་ཡང་ལས་ཡིན་ཞེས་བྱ་བ་ནི་གྲུབ་མཛའ་ཡིན་པའི་ཕྱིར་ཞེས་པ་སྟེ། སེམས་པས་བྱིན་གྱིས་བརླབས་པ་ལས་འབྱུང་བ་ཡོངས་སུ་སྐྱོད་པ་བྱུང་བ་ནི་ཤེས་པ་ཁོ་ན་ཡིན་ལ། འདི་སེམས་པས་བྱིན་གྱིས་བརླབས་པ་ཙམ་དང། བདག་པོས ་བྱིན་གྱིས་བརླབས་པའི་གཡོག་པོ་དང་རྒྱལ་པོ་ཉེ་བ་ན་གནས་པ་ཙམ་གྱིས། རེས་འགའ་མངགས་པས་གཡོ་བར་མཐོང་བ་ཡིན་ནོ། །དེའི་ཕྱིར་རང་ཉིད་མི་གཡོ་བ་ཡིན་ཡང། གཡོ་བའི་བྱེད་པ་པོ་ཉིད་དུ་འགྱུར་ཏེ། སེམས་པ་དེ་ལྟ་དེ་ལྟར་ཞེས་བྱ་བའི ་བདག་ཅན་གྱི་ཀུན་ཏུ་རྟོག་པ་ཁོ་ན་ཡིན་གྱི། ཤེས་པ་ཉེ་བ་ཙམ་གྱིས་སམ། དེའི་ལས་ཟིན་པ་ཉིད་ཀྱིས་འབྱུང་བ་རྣམས་ཀྱིས་བྱས་པ་ནི་ངེས་བྱས་པ་མ་ཡིན་ཏེ། ཀུན་ཏུ་རྟོག་པའི་ཕྱིར་རོ། །ནང་བསལ་བར་བྱ་བའི་དོན་དུ་སྨན་བྱེད ་བ་ལས་བྲམ་ཟེ་ཤི་བ་ཡིན་ན། བྲམ་ཟེ་གསོད་པ་ཡིན་པར་ཐལ་བར་འགྱུར་བའི་ཕྱིར་དང། ཤི་བའི་རོ་ཟོས་པ་ལས་མ་ཞུ་བའི་སྐྱོན་གྱི་མཁའ་འགྲོ་མ་ཤི་བ་ལན་ན་ཡང། ཤི་བ་པོའི་སྐྱོན་དུ་ཐལ་བར་འགྱུར་བའི་ཕྱིར་རོ། །དེའི་ཕྱིར་ཡོད་པ་དང་མེད ་པའི་ཀུན་ཏུ་རྟོག་པ་དག་གིས་སྐྱེས་བུའི་འདོད་པ་ལ་སྤྱོད་པར་བྱེད་པ་ཡིན་ལ། ཀུན་ཏུ་རྟོག་པ་རྣམས་ཀྱི་དབྱེ་བས་འདི་ལས་རེ་རེའི་བྱེད་པ་པོ་ཉིད་ཡིན་ན་ཞེས་བྱ་བ་དེ་ཁོ་ན་རིགས་པ་ཡིན་ནོ། །ཀུན་ཏུ་རྟོག་པ་ཇི་ལྟ་བ་ལས་རྫོགས་པ་ཡིན་ན། གང་བ་ཉིད ་ཡིན་ལ་དེ་མ་རྫོགས་པ་ན་ཉུང་བ་ཉིད་ཡིན་ཞེས་བྱ་བ་ལ་སོགས་པ་ཡང་བཤད་པར་བྱའོ། །ལས་གཞན་རྣམས་ཀྱིས་གང་ལེན་པ། །རང་གི་རང་གི་བྱ་བ་ཡིན། །ཞེས་བྱ་བ་ལ་སོགས་པ་བྱེད་པ་པོ་ཉིད་ཀྱི་རྣམ་པ་རྣམས་ལ་དད་བར་བྱ་བ་མ་ཡིན་ཏེ། ་ལས་ཟད་པའི་ཕྱིར་རོ། །བདག་ཉིད་མི་ཤེས་པ་རྣམས་ཀྱིས་བྱས་པའི་ལས་ནི་བགོད་པར་བྱེད་པ་མ་ཡིན་ནོ་ཞེ་ན། ལས་མ་ཟད་པ་ལ་ཡང་དེའི་འཛུད་བྱེད་མ་ཡིན་པ་རྣམས་ཀྱིས་བྱས་པ་ནི་བགོད་བྱེད་མ་ཡིན་པ་ཁོ་ན་ཡིན་ཏེ་འཕེན་བྱེད་མེད་པའི་རལ ་གྲི་མི་གཅོད་པ་བཞིན་དུ། བཙུད་པ་ཉིད་ཡིན་ན་འགྱུར་བ་ཁོ་ན་ཡིན་པའི་ཕྱིར། ཀུན་ཏུ་རྟོག་པས་འཛུད་བྱེད་ཁོ་ན་བྱེད་པ་པོ་ཉིད་ཡིན་པའི་ཕྱིར་འབྱུང་རྡུབ་དབང་པོ་བློ་དང་ནི། །ཞེས་བྱ་བ་ནི་གྲུབ་པ་ཡིན་ནོ། །གཟུགས་ལ་སོགས་པ་བཞིན་དུ་གཞན་ལ ་བརྟེན་པར་མི་དམིགས་པའི་ཕྱིར། གཞན་དབང་ངམ། དེ་རྟེན་ཉིད་ཀྱི་བློ་ནི་མ་ཡིན་ན་ཞེས་བསྟན་པ་ནི། རྟེན་ནི་བཀག་ཕྱིར་རོ་ཞེས་བྱ་བའོ། །བློ་ནི་གཟུགས་ལ་སོགས་པ་བཞིན་དུ་འབྱུང་བ་ལ་བརྟེན་པ་མ་ཡིན་དུ་ཆུག་ཀྱང་མེལ་དུ་བ་བཞིན་དུ་འབྱུང་བ་རྣམ ་ཀྱི་རྒྱུ་ཡིན་ནོ་སྙམ་དུ་སེམས་པ་ལས། འདི་སྔ་མ་ཡང་ཡིན་ལ་རྗེས་སུ་འགྲོ་བའི་བློ་ཡང་ཡིན་པ་ནི་རྒྱུའི་བློ་ཡིན་ཏེ། དེ་དང་བྲལ་བ་ནི་བརྟེན་པའི་འབྲས་བུ་ཉིད་ཀྱི་ཡིན་ལ། གང་འདི་འབྲས་བུ་ཉིད་ལ་འབའ་ཞིག་རྟེན་མ་ཡིན་པར་རིགས་པ་ནི། ཡོན་ཏན་ཉིད་ལ་སོགས ་པ་ལ་ཡང་སྦྱར་བར་ནུས་པར་བསྟན་པ་ནི། འབྲས་བུ་ཉིད་ལ་འམ་ཞེས་བྱ་བའོ། །གཞན་དུ་ཡིན་ཡང་ཞེས་བྱ་བ་ནི་དེ་བདག་ཉིད་ཀྱིས་སྔ་མའི་རྗེས་སུ་འགྲོ་བའི་བློ་དང་བཅས་པའི་ལུས་ནི་རྟེན་ཉིད་ཡིན་ནོ་ཞེས་བྱ་བར་མི་རིགས་སོ། །མ་མཐོང་བའི་ཕྱིར་རོ། །མ་ལ་སོགས ་པའི་བློ་ལས་ནུར་ནུར་པོ་ལ་སོགས་པ་འབྱུང་བ་ལས་སྐྱེས་པའི་བློ་ནི་གཞན་ལས་འབྱུང་བ་མ་ཡིན་ཏེ། ཐལ་ཆེས་པའི་ཕྱིར་རོ། །ཇི་སྐད་དུ། གང་དག་ཡོད་ན་གང་གྱུར་ཉིད། །དེ་ལས་གཞན་པ་རྟོག་པ་ན། །ང་རྒྱུ་ཉིད་དུ་ཐམས་ཅད་ལ། །རྒྱུ་རྣམས་ཐུག་པ་མེད་པར་འགྱུར། ་སྙམ་དུ་སེམས་པ་ནི། གལ་ཏེ་ཕ་མའི་ལུས་ལ་བརྟན་པར་ཞེས་བྱ་བའོ། །རི་མོ་ལ་སོགས་པ་བཞིན་ནོ་ཞེས་བྱ་བ་ནི་དེའི་དཔེའོ། །རི་མོ་ནི་རྩིག་བ་ལ་བརྟེན་པ་ན་ཡིན་ཏེ། སྨིན་པ་ལ་སོགས་པའི་གཟུགས་བཞིན་ན་ཞེས་བྱ་བ་ཅན་གྱི་འབྲས་བུ་ཡང་ཞེས་བྱ་བ་ཐ ་དད་པ་ནི་དུ་བ་གཞན་ལས་མེ་ཞེས་འདོན་པར་བལྟ་བར་བྱའི། མེ་གཞན་ལས་ཞེས་བྱ་བ་ནི་བག་མེད་པར་འདོན་པ་ཡིན་ནོ། །མྱོས་པའི་ནུས་པ་ནི་དེའི་བདག་ཉིད་དོ། །སྔ་ན་མེད་པ་ཞེས་བྱ་བ་ནི་ནུས་པ་གཞན་ལས་འབྱུང་བ་མ་ཡིན་ཞེས་བྱ་བའི་དོན་ཏོ། །དེ་བཞིན ་དུ་བློ་ཡང་ལུས་དང་འཕྲད་པ་ཅན་དང་འདུ་བ་ཅན་ནི་འབྲས་བཱུམ་ཐ་མི་དད་པ་ཡིན་གྱི། སྔོན་གྱི་རིགས་མཐུན་པ་ལས་མི་བལྟོས་པའམ་རྒྱུད་གཞན་དུ་བྱེད་པ་ཡང་མ་ཡིན་ཞེས་བྱ་བའི་དཔེ་ཅན་ལ་སྦྱོར་བར་བྱེད་པ་ནི། དེ་བཞིན་དབང་པོ་དང་སེམས་པ་ཞེས་བྱ་སྟེ། ་དབང་པོའི་ཁྱད་པར་དང་སེམས་པའི་ཁྱད་པར་ལས་ཀྱང་ཞེས་བྱ་བའི་དོན་ཏོ། །དེ་སྐད་དུ་བཤད་པ་ཡང་ཞེས་བྱ་བ་ནི་ཕ་རོལ་པོའི་ཁས་ལེན་པ་འདི་ཉིད་ལ་བཤད་པ་ཡིན་ནོ། །འདི་ལ་ནི་དེ་རྣམས་ལས་སེམས་པ་ཅན་དང་མྱོས་པའི་ནུས་པ་བཞིན་དུ་རྣམ་པར ་ཤེས་པ་ཡིན་ཞེས་བྱ་བ་དེ་དག་ཙམ་ལ་དགོས་པ་ཡིན་གྱི་ལྷག་མ་རྒྱས་པ་ནི་གང་ཡང་ངེས་པར་རྟག་པར་བྱ་བ་ཡིན་མོད་ཀྱི་ཞར་ལ་འདི་ཉིད་དུ་ངེས་པར་བརྟག་པ་ཡིན་པའི་ཕྱིར་བཞི་ཁོ་ན་ཞེས་བྱ་བར་གྲངས་ངེས་པར་བཟུང་བ་ཡིན ་ནོ། །འབྱུང་བ་ཆེན་པོ་རྣམས་ནི་གཟུགས་ལ་སོགས་པ་ལྔ་ལ་ཡོད་པ་ཡིན་ཏེ། གཞན་འཇིག་རྟེན་གྱི་མ་དམིགས་པས་དེ་སྐད་དུ་ཐ་སྙད་བྱེད་པའི་ཕྱིར་གཙོ་བོ་ཉིད་མ་ཡིན་པ་ལ་ཡང་མ་ཡིན་ཏེ། གཙོ་བོ་གཞན་མ་མཐོང་བའི་ཕྱིར་རོ། །གཞན་དུ་དམིགས ་པ་མེད་པའི་ཕྱིར་རོ་ཞེས་བྱ་བ་ནི་བརྡ་ལས་བྱུང་བའི་མིང་རྗེས་སུ་སྦྱོར་བ་རྣམས་གཅིག་ཏུ་ཤེས་པ་ལས་གཞན་དུ་མི་རྟོག་པའི་ཤེས་ལས་ཆ་ཤས་བཞིན་དུ་འམ། ཡོན་ཏན་གཞན་དུ་ཡོན་ཏན་ཅན་དམིགས་པ་མེད་པས་ཤེས་པ་གཅིག་ལ་གནོད་པའི ་ཕྱིར་རོ། །རྣམ་པར་རྟོག་པ་ནི་དེ་བཞིན་དུ་བདག་གི་རྗེས་སུ་འབྲང་བ་ཅན་ཐ་དད་པ་ལ། ཐ་མི་དད་པར་རྟོགས་པར་བྱེད་པའི་བྱ་བ་ཅན་གྱི་རྟོགས་བྱ་ནི་ཐ་དད་པ་ལས་གཞན་ཡིན་ཞེས་བྱ་བའི་དོན་ཏོ། །འོན་ཏེ་རོ་ནི་ཞེས་བྱ་བ་ནི་རེག་བྱའི་ཁྱད་པར་གྱི་རོ་སྟེ། ལྕེ ་ཡང་རེག་པའི་ཁྱད་པར་ཡིན་ཞེས་བྱ་བའི་དོན་ཏོ། །དེ་ཉིད་ཀྱི་ཕྱིར་བཞི་པོ་ཁོ་ནའོ་ཞེས་བྱ་བའི་རྣམ་གྲངས་བསལ་ནས་རྣམ་པར་བཅད་པར་བྱ་བ་མེད་པའི་ཕྱིར་ངེས་པར་གཟུང་བར་གསལ་བར་བྱེད་པ་ནི། སྐད་ཅིག་པ་ཉིད་ལ་སོགས་པ་ཞེས་བྱ་བའོ།། ་བཞི་ཁོ་ན་ཞེས་བྱ་བ་གྲངས་མ་ཡིན་ནམ། དེ་ཡང་བསྡུས་པའི་བསམ་པས་མ་ཡིན་ལ། རྒྱས་པའི་བསམ་པས་ཀྱང་མི་རིགས་པར་བཅད་པར་བྱ་བ་མེད་པའི་ཕྱིར་ངེས་པར་གཟུང་བར་གསལ་བར་བྱེད་པ་ནི། སྐད་ཅིག་པ་ཉིད་ལ་སོགས་པ་ཞེས་བྱ་བའོ།། ་བསྡུས་པ་རང་རྒྱས་པའི་རྣམ་པར་རྟོག་པ་སྲིད་པ་མེད་པའི་ཕྱིར་རོ་སྙམ་དུ་སེམས་པ་ལ། དེའི་ཕྱིར་རྟེན་ལྔའི་ཞེས་བྱ་བའོ། །ཉིད་དེ་ཉིད་ཅེས་བྱ་བ་ངེས་པར་གཟུང་བ་གཉིས་པ་ནི་རྣམ་པར་བཅད་པར་བྱ་བ་མེད་པར་མི་རིགས་པར་བསྟན་པ་ནི། ཐམས་ཅད་སྟོང ་པར་གང་བརྗོད་པ་ཞེས་བྱ་བ་སྟེ། གལ་ཏེ་སྟོང་ཉིད་ཅེས་བྱ་བ་སྟེ། འཇལ་བྱེད་དང་གཞལ་བྱ་ཐམས་ཅད་མེད་པ་ཡིན་ནའོ། །ཐམས་ཅད་སྟོང་ཉིད་ཅི་འདྲ་དང་ཞེས་བྱ་བ་ནི་གཟུང་བ་དང་འཛིན་པའི་རྣམ་པ་དང་བྲལ་བ་ལྐོག་ཏུ་མ་གྱུར་པ་རིག་པ་ནི། སྟོང་པ་ཉིད་ཡིན་ནོ་ཞེས ་བྱ་བའི་དོན་ཏོ། །གལ་ཏེ་གཟུགས་ལ་སོགས་པ་ཁོ་ན་འབྱུང་བ་ཆེན་པོ་སྔ་ཡིན་དུ་ཟིན་པ་དེ་ལྟ་ན་ཡང། དེ་དག་འདུས་པའི་ངོ་བོ་ལུས་ཀྱི་བསྐྱེད་བྱ་བློ་ཡིན་གྱི། འཇིག་རྟེན་ཕ་རོལ་པ་ནི་མ་ཡིན་ནོ་སྙམ་དུ་སེམས་པ་ནི། མ་དང་ཕའི་ལུས་ཀྱི་བྱའོ་ཞེས་གཞན ་དུ་མ་ཡིན་ཞེས་བྱ་བ་ནི་རང་དབང་ཉིད་དུའོ། །གལ་ཏེ་ཡང་མེ་ལས་བྱུང་བའི་དུ་བ་ནི་གཞན་ལས་འོངས་པ་ཉིད་དུ་རྟོགས་པ་མ་ཡིན་ཏེ། དེ་ལྟ་མོད་ཀྱི་དབང་པོ་དང་བློ་ལ་སོགས་པའི་གོམས་པའི་བསྐྱེད་བྱའི་ཁྱད་པར་ལས་རང་གི་རིགས་ལ་བལྟོས་པ་དང་བཅས་པ ་ཁོ་ནའི་ལུས་ལས་འབྱུང་བ་ཡིན་པར་བསྟན་པ་ནི། འབྱུང་རྡུབ་ཞེས་བྱ་བ་ལ་སོགས་པ་སྟེ། དུ་བ་ལ་སོགས་པ་ནི་མ་ཡིན་ནོ་ཞེས་བྱ་བའི་དོན་ཏོ། །གཡོ་བ་ལ་སོགས་པ་ཡང་ཞེས་བྱ་བའི་གཡོ་བ་ལ་སོགས་པ་ནི་རང་གོམས་པ་ལས་བྱུང་བ་ཉིད་དེ། དམ་པ་མ ་ཡིན་པ་དང་འགྲོགས་པ་ལ་མཐོང་བ་ཡིན་ན། ཇི་ལྟར་མ་ལ་སོགས་པའི་གོམས་པ་ལས་འབྱུང་བ་ཡིན། ཇི་ལྟར་བྱིས་པ་རང་ཉིད་གོམས་པ་ནི་རྒན་པོའི་གནས་སྐབས་ན་ཡང་དྲན་པ་ཡིན་ལ། དེ་བཞིན་དུ་མ་ལ་སོགས་པའི་གོམས་པ་ཡང་རྗེས་སུ་དྲན་པ་ཡིན་ཡང ་སྐྱེ་བ་སྔ་མའི་གོམས་པ་ནི། འདུ་བྱེད་པ་ཐམས་ཅད་གཅོད་པར་བྱེད་པའི་འཆི་བའི་འཆི་བ་དང། མངལ་ན་གནས་པའི་སྡུག་བསྔལ་གྱིས་བར་དུ་བཅད་པའི་ཕྱིར། མི་དྲན་པ་ཡིན་ཞེས་བྱ་བའི་དོན་ཏོ། །ཕ་དང་མ་སྨོས་པ་ནི་མེས་པོ་ལ་སོགས་པ་ཉེ་བར་མཚོན་པའི ་དོན་དུའོ། །ལུས་ཉིད་ལས་སྐྱེ་བ་མ་ཡིན་པར་མི་རིགས་པ་མ་ཡིན་ནམ། མ་ལ་སོགས་པའི་རྗེས་སུ་བྱེད་པའི་སྒྲིན་པོ་ལ་སོགས་པ་སྐྱེ་བ་སྔ་མའི་གོམས་པ་སྔོན་དུ་འགྲོ་བ་ཉིད་ལ་ཚད་མ་མེད་དོ་སྙམ་དུ་སེམས་པ་ལ། མ་དང་ཕའི་ལུས་ཙམ་ལས་ཞེས་བྱ་བ ་མ་ཡིན་ཏེ། ཞེས་བྱ་བའི་རྗེས་སུ་འཇུག་པ་ཡིན་ཏེ། རང་གོམས་པ་ལས་བྱུང་བ་ནི་ཁྱད་པར་མེད་ལ། དེ་མེད་ན་དེ་ལ་ཡང་ཇི་ལྟར་འབྱུང་བ་ཡིན་ཞེས་བྱ་བའི་དོན་ཏོ། །དེ་ཉིད་བསྟན་པ་ནི་གལ་ཏེ་འདོད་པ་ལ་སོགས་པ་ཞེས་བྱ་བའོ། །དེ ་ཡང་རྗེས་སུ་དཔག་པའི་ཞེས་བྱ་བ་སྟེ་འབྲས་བུ་དང་རྒྱུ་ཉིད་འཇིག་པའི་མཚན་ཉིད་དུ་ཐལ་པར་འགྱུར་ཏེ། ལན་ཅིག་གོམས་པའི་བསྐྱེད་བྱ་ཉིད་དུ་མཐོང་བའི་ཁྱད་པར་ནི། གལ་ཏེ་དེ་མེད་ཀྱང་འབྱུང་ན་རྒྱུ་མེད་པ་ཅན་དུ་འགྱུར་རོ། །དེ་ལྟ་ཉིད་ཡིན་ན་ཡང་ཆོས ་ཅན་ཡང་དེ་ལྟར་འགྱུར་བའི་ཕྱིར་སྣ་ཚོགས་པ་རྒྱུ་མེད་པ་ཅན་དུ་འགྱུར་རོ་ཞེས་བྱ་བའི་རིགས་པ་ནི་རྗེས་སུ་དཔག་པའི་ལེའུ་ལས་སོ་ཞེས་བྱ་བའི་དོན་ཏོ། །འོན་ཏེ་འབྲས་བཱུམ་རྒྱུ་ཡང་རུང་ཅུང་ཟད་ཁས་ལེན་པ་ད་ལྟ་ཡིན་ན། རིགས་པ་མཚུངས་པའི ་ཕྱིར་འདི་ཡང་ཁས་བླང་བྱ་ཡིན་ནོ་ཞེས་བསྟན་པ་ནི། གལ་ཏེ་འབྱུང་རྡུབ་ལ་སོགས་པ་ཞེས་བྱ་བ་སྟེ། སྐྱེ་བ་སྔ་མའི་གོམས་པ་ཁས་ལེན་པ་ཡིན་ན། རིགས་པ་དེ་ལ་གནོད་པར་འགྱུར་ཏེ། གང་གི་ཕྱིར་འབྲས་བུ་དང་རྒྱུ་ཉིད་དུ་ཡང་འགྱུར་ལ། འཇིག ་རྟེན་ཕ་རོལ་མེད་པར་ཡང་མི་རིགས་ཏེ་འགལ་བའི་ཕྱིར་རོ་ཞེས་བསྟན་པ་ནི། རང་གི་གོམས་པ་དང་བྲལ་བ་ཞེས་བྱ་བའོ། །དེ་ལྟ་མ་ཡིན་ན་ཞེས་བྱ་བ་ནི་གལ་ཏེ་གོམས་པའི་བསྐྱེད་བྱའི་ཁྱད་པར་ལུས་ལས་ཀྱང་འབྱུང་བ་ཡིན་པ་དེ་ལྟ་ན། གཞན ་གྱི་བསྐྱེད་བྱ་ཉིད་ཀྱི་དུས་སུ་རྒྱུ་དེ་ཉིད་བོར་བའི་ཕྱིར། དེའི་ཚེ་ན་ཡང་དེ་རྒྱུ་ཉིད་དུ་མི་འགྱུར་རོ་ཞེས་བྱ་བའི་དོན་ཏེ། །དེ་དང་དེ་མ་ཡིན་པ་ཡོད་ན་འབྱུང་བའི་ཕྱིར། དེའི་བསྐྱེད་བྱ་ཉིད་དུ་གོ་བར་བྱ་བ་མ་ཡིན་སྙམ་དུ་སེམས་པ་ལ། བསྐྱེད་བྱ་སྐྱེད་བྱེད་ཀྱི ་ཞེས་བྱ་བ་སྟེ་ཡོད་ན་འབྱུང་བ་ཙམ་ལས་ནི་དེའི་འབྲས་བུ་ཉིད་མ་ཡིན་ཏེ། འོན་ཀྱང་དེ་མེད་ན་མེད་པའི་ཁྱད་པར་ཅན་ཡོད་ན་འབྱུང་བ་ཡིན་ཞེས་བྱ་བའི་དོན་ཏོ། །དེའི་ཕྱིར་ཞེས་བྱ་བ་སྟེ་ཉེ་བར་བསྡུ་བ་ཡིན་ཏེ། གོམས་པའི་བསྐྱེད་བྱ་ཉིད་ཀྱི་ཁྱད་པར ་ཡིན་པའི་ཕྱིར། རིགས་མཐུན་པའི་མིག་ལ་སོགས་སྔོན་དུ་འགྲོ་བ་ཅན་གྱི་ཡང་མིག་ལ་སོགས་པ་ཡིན་གྱི། མལ་སོགས་པའི་རིགས་མཐུན་པའི་སྔོན་དུ་འགྲོ་བ་ཅན་ནི་མ་ཡིན་ནོ། །འོ་ན་ཅི་ཞེ་ན། རང་གོམས་པ་སྔོན་དུ་འགྲོ་བ་ཅན་གྱི་རིགས་མཐུན་པ་ལ་སོགས་པ ་སྔོན་དུ་འགྲོ་བ་ཅན་ཡིན་ནོ་ཞེས་བྱ་བའི་དོན་ཏོ། །གཞན་བསྐྱེད་བྱ་ཉིད་འདོར་བར་བྱེད་པ་མི་རིགས་པ་མ་ཡིན་ནམ། དུ་བ་ལ་སོགས་པ་ལ་ཡང་མ་མཐོང་བའི་ཕྱིར་རོ། །གང་གི་ཕྱིར་དུ་བ་ནི་དུ་བ་ལས་དང་བ་ལང་རྫིའི་བུམ་པ་ལ་ཡང་འབྱུང་བ་ནི་སེམས་ལས་ཀྱང་འབྱུང ་བ་ཡིན་ནོ། །དེ་བཞིན་དུ་མིག་ལ་སོགས་པ་ལ་ཡང་དེ་གཞན་ལས་ཀྱང་འབྱུང་བ་ནི་ལུས་ལས་ཀྱང་འབྱུང་བ་ཡིན་ནོ་སྙམ་དུ་སེམས་པ་ནི། དུ་བ་དུ་བ་ལས་སྐྱེ་བ་ཞེས་བྱ་བའོ། །འདི་ལ་ལན་ནི། དུ་བ་ལས་བྱུང་དུ་བ་ནི་ཞེས་བྱ་བ་སྟེ། བ་ལང་རྫིའི་བུམ་པའི་དུ ་བ་ནི་མེའི་བསྐྱེད་བྱའི་དུ་བའི་རྒྱུན་ལས་རིགས་གཞན་པ་ཡིན་གྱི། སྐྱེ་བའི་དང་པོའི?་མིག་ལ་སོགས་པའི་ཁྱད་པར་རྣམས་ནི་མ་ཡིན་ཏེ། དེ་ལས་གཞན་པའི་གོམས་པའི་བསྐྱེད་བྱ་ལས་རིགས་གཞན་པ་ཡིན་ནོ། །དེ་བཞིན་དུ་རི་མོ་ལ་སོགས་པ་ཡང ་བཤད་པར་བྱའོ་ཞེས་བྱ་བའི་དོན་ཏོ། །དེ་ཉིད་ཅེས་བྱ་བ་ནི་ཆོས་ཅན་གྱི་ཚིག་གོ་།དེ་ལྟ་བུར་གྱུར་པས་ཤེས་བྱ་བ་ནི། ཁྱད་པར་གྱི་ཚིག་སྟེ། ཆོས་ཅན་དང་དེའི་ཁྱད་པར་ཡང་དེ་ཁོ་ན་ཡིན་ལ། དེ་ལྟ་ཡིན་པ་དེའི་འོག་ཏུ་གོམས་པ་ཡོད་ན་དེ་ཉིད ་འབྱུང་བ་ཡིན་ནོ་ཞེས་བྱ་བའི་དོན་ཏོ། །གོམས་པའི་འབྲས་བུ་ཡང་སྐྱེ་བ་ལ་སོགས་པའི་འབྱུང་བའི་ཁྱད་པར་མ་ཡིན་ནམ། ཇི་ལྟར་འདས་པའི་སྐྱེ་བ་ལ་གོམས་པར་གོ་བར་བྱེད་པ་ཡིན། འདི་ལ་སྐྱེ་བ་འདིའི་ཞེས་བྱ་བ་སྨོས་ཏེ། མཐོང་བ་གོམས་པ ་ལས་བྱུང་བའི་ཁྱད་པར་དང་ལྡན་པའི་ཁྱད་པར་ནི། འདས་པའི་གོམས་པར་གོ་བར་བྱེད་པ་ཡིན་གྱི་འབའ་ཞིག་ནི་མ་ཡིན་ནོ་ཞེས་བྱ་བའི་དོན་ཏོ། །སྐྱེ་བའི་དངོས་པོ་ལ་ཁྱད་པར་དེ་འབའ་ཞིག་ཉེ་བར་དམིགས་པ་མ་ཡིན་ནམ་ཇི་ལྟར་གོམས ་པའི་བསྐྱེད་བྱ་ཡིན་དེ་དང་ལྷན་ཅིག་མ་དམིགས་ན་དེའི་བསྐྱེད་བྱ་འགར་ཡང་རྟོགས་པ་མ་ཡིན་ཞེས་བྱ་བ་འདི་ལ། དེ་གོམས་པ་དང་འབྲེལ་བ་ལ་ཞེས་བྱ་བ་སྨོས་ཏེ། སྐྱེ་བ་འདི་ལ་ཡང་ཡུལ་གཞན་ནས་འོངས ་པའི་མཁས་པ་དེའི་བློ་ལ་སོགས་པའི་ཁྱད་པར་གོམས་པའི་བསྐྱེད་བྱ་རྣམས་རྟོག་པ་ཡིན་ཏེ། འདས་པ་ཁོ་ནའི་གོམས་པ་ལ་བལྟོས་ནས་ཡིན་པར་བསྟན་པ་ནི། འདས་པར་གོམས་པ་དེའི་ཚེ་ཞེས་བྱ་བའོ། །འདི་ལ་ཡང་སྐྱེ་བ་སྔ་མའི་གོམས་པ ་སྔོན་དུ་འགྲོ་བ་ཅན་དུ་སྒྲུབ་པ་ཡིན་ན་དེ་ལས་བཟློག་པ་སྐྱེ་བ་འདི་པའི་གོམས་པ་སྔོན་དུ་འགྲོ་བ་ཅན་ཉིད་དུ་བསྒྲུབ་པར་བྱེད་པའི་ཕྱིར་འགལ་བ་ཡིན་ནོ་ཞེས་ཟེར་བ་གང་ཡིན་པ་དེ་བསལ་བ་ཡིན་ནོ། །དེ་ཉིད་ཀྱི་ཕྱིར་འདི་ལ་གོམས་པ་མེད་པའི ་ཁྱད་པར་ལས་གོམས་པའི་བསྐྱེད་བྱ་ཉིད་ཁོ་ན་ཡིན་པར་བསྟན་པ་ནི། དེ་ཉིད་ཀྱི་ཕྱིར་ཞེས་བྱ་བ་སྟེ། དེའི་བསྐྱེད་བྱ་ལས་དེ་རྟོགས་པ་དེ་ཇི་ལྟ་བ་བཞིན་དུ་དེའི་བསྐྱེད་བྱའི་ཁྱད་པར་ལས་དེའི་ཁྱད་པར་རྟོགས་པ་ཡང་རྟོགས་པ་ཡིན་ནོ་ཞེས་བྱ་བའི་དོན ་ཏོ།། སྐྱེ་བ་གཞན་ལས་བྱུང་བ་རེ་འགའ་ཡང་མ་དམིགས་པ་མ་ཡིན་ན་ཇི་ལྟར་རྟོགས་པ་ཡིན་ཞེས་བྱ་བ་འདི་ལ། འབྲས་བུ་ནི་རྒྱུ་དང་ལྷན་ཅིག་ཅེས་བྱ་བ་སྨོས་ཏེ། དེའི་འབྲས་བུ་ཉིད་དུ་གཞན་ལ་དམིགས་པའི་ཕྱིར་རོ་ཞེས་བྱ་བའི་དོན་ཏོ།། ་དེ་དང་ལྷན་ཅིག་དམིགས་པའི་ཕྱིར་དེའི་འབྲས་བུ་ཉིད་དུ་གཞན་ལ་མཐོང་བ་མ་ཡིན། གཞན་ལ་ནི་མ་ཡིན་ནོ་ཞེ་ན། འབའ་ཞིག་ཀྱང་དེའི་འབྲས་བུ་ཉིད་ཁོ་ན་ཡིན་པར་ལན་ཅིག་དེའི་འབྲས་བུ་ཉིད་དུ་དམིགས་པའི་ཕྱིར་དུ་བ་ལྟ་བུའོ་ཞེས་བསྟན ་པ་ནི། རྒྱུ་མ་མཐོང་བ་ཡང་ཞེས་བྱ་བའོ། །ཀྱེ་སམ་པ་པ་ཞེས་བོས་ནས། ཇི་ལྟར་གནས་པ་ཡིན་ཞེས་བྱ་བ་ནི། ལྟོ་བ་ན་ཞེས་པ་དང་སྦྱར་རོ། མའི་ལྟོ་ནས་སྐྱེས་མིན་གྱི་ཞེས་བྱ་བ་དང་ཡང་སྦྱར་རོ། །འདི་ནི་སྐྱེ་བ་སྔ་མ་ལས་མ་འོངས་པ་ཉིད ་ཀྱི་དཔེ་ཡིན་ནོ། །མ་ཧེ་འདི་དག་ཅེས་བྱ་བ་ནི་གོམས་པའི་བསྐྱེད་བྱ་སྐྱེ་བ་ལ་སོགས་པ་ལས་བྱུང་བའི་དབྱེ་བའི་དཔེ་ཡིན་ནོ། །ཚོང་དུས་ནས་འོངས་པ་ཞེས་བྱ་བ་ནི་གོམས་པ་དང་ལྷན་ཅིག་ཡོད་པས་དེའི་བསྐྱེད་བྱ་ཉིད་མ་ཡིན་པའི་ཕྱིར། འབྱུང་བ་ཙམ་གྱིས་བསྐྱེད་བྱ ་ཉིད་ཀྱི་དཔེ་ཡིན་ནོ། །གལ་ཏེ་ལུས་ཀྱི་རྣམ་པ་ཡོངས་སུ་འགྱུར་བའི་འབྱུང་བ་རྣམས་ལས་སེམས་པ་ཅན་ཡིན་ན། ཤི་བའི་ལུས་ལ་ཡང་འགྱུར་རོ་ཞེས་བསྟན་པ་ནི། མཛའ་དག་སྲོག་ཆགས་ཀྱི་རང་བཞིན་དུ་ཅི་སྟེ་མི་འགྱུར་ཞེས་བྱ་བ་སྟེ། མཛའ་དག་ཅེས་བྱ་བ ་ནི་ཤི་བ་ཡང་ངོ། །གསོན་པོའི་ལུས་ལས་ས་ལ་སོགས་པ་རྣམ་ཉིད་འགའ་ཞིག་ཡོངས་སུ་གྱུར་པ་འམ་ནང་གི་ཁྱད་པར་རམ། སེམས་ཅན་གྱི་གཞི་གཞན་ས་ལ་སོགས་པ་ཁོ་ན་ཡིན་ལ། ཤི་བ་ནི་དེ་དང་བྲལ་བ་ཡིན་ནོ། །དེའི་ཕྱིར་དེ་ལས་སེམས་པ་ཅན་མ ་ཡིན་ནོ་སྙམ་དུ་སེམས་པ་ནི། ཡོངས་སུ་གྱུར་པའི་རྣམ་པའི་བྱེ་བྲག་ཅེས་བྱ་བའོ། །ཡོངས་སུ་གྱུར་པ་དེ་འམ་དེའི་ཁྱད་པར་ནི་ལུས་ཡོངས་སུ་གྱུར་པའི་ཁྱད་པར་མ་ཡིན་ནམ། གསོན་པོའི་ལུས་བཞིན་དུ་ཤི་བ་ལ་ཡང་འགྱུར་རོ་ཞེས་བསྟན་པ་ནི་ཡོངས་སུ་གྱུར་པའི ་བྱེ་བྲག་དེ་ཉིད་ཅེས་བྱ་བའོ། །འོན་ཏེ་དེའི་འབྲས་བུའི་བསྐྱེད་བྱ་མ་ཡིན་པ་དེ་ལྟ་ན་ཡང་ཐོག་མ་མེད་པ་སྔ་མ་སྔ་མའི་རང་གི་རྒྱུ་ཙམ་ལས་བྱུང་བ་འབའ་ཞིག་ལུས་ལས་འབྱུང་བ་ཡིན་ལ། ལུས་ཡོད་ཀྱང་རེས་འགའ་མི་འབྱུང་བ་ཡིན་ནོ་སྙམ་དུ་སེམས་པ་ནི། ་འོན་ཏེ་གང་ལས་འགའ་ཞིག་ཅེས་བྱ་བ་ནི་གསོན་པོའི་ལུས་སོ། །གཞན་མ་ཡིན་པ་ཞེས་བྱ་བ་ནི་ཤི་བའི་ལུས་སོ། །ལན་ནི་གལ་ཏེ་ཡོངས་སུ་གྱུར་པའི་ཁྱད་པར་ཞེས་བྱ་བ་སྟེ། གལ་ཏེ་ཡོངས་སུ་གྱུར་པ་འམ། གཞན་ཡང་རང་གི་རྒྱུ་ལས་བྱུང་བའི་ཁྱད་པར་ནི་ཕུལ ་དུ་བྱུང་བའི་ངོ་བོ་ཡིན་པའི་ཕྱིར། སྣང་བ་ཡིན་ཏེ། མ་དམིགས་པ་མ་ཡིན་ནོ་ཞེས་བྱ་བར་འགྱུར་ཏེ། ཇི་ལྟར་རྟོག་པར་བྱེད་པ་ཡིན་པ་ནི་རྟོག་པ་དང་མངོན་སུམ་འགལ་བའི་ཕྱིར་རོ་ཞེས་བྱ་བའི་དོན་ཏོ། །མཐོང་བའི་ཁྱད་པར་གྱི་རྒྱུ་ནི་གོམས་པ་ཡིན་ན། མཐོང་བ་ཡང ་རྟོག་པའི་ཡུལ་མ་ཡིན་པར་བསྟན་པ་ནི། འོན་ཏེ་འབྲས་བུ་མཐོང་བ་ཉིད་ལས་ཞེས་བྱ་བའོ། །དེའི་ཕྱིར་ཞེས་བྱ་བ་ནི་གོམས་པའི་རྒྱུ་གྲུབ་པའོ། །འབྱུང་བར་འགྱུར་བའི་འཇིག་རྟེན་ཕ་རོལ་སྒྲུབ་པ་ལ། འབྲས་བཱུམ། རང་བཞིན་གྱི་གཏན ་ཚིགས་ཡོད་པ་མ་ཡིན་ཏེ། ངེས་པ་མེད་པའི་ཕྱིར་འཇུག་པ་མེད་དོ་ཞེས་ཟེར་བ་ནི། འབྲས་བུ་ལས་སྐྱེ་བ་སྔ་མའི་རྒྱུ་གྲུབ་མོད་ཅེས་བྱ་བའོ། །འབྲས་བུ་འམ་རང་བཞིན་གྱི་གཏན་ཚིགས་དེའི་ངེས་པ་ལམ་ཡིན་དུ་ཟིན་ཀྱང་འགལ་བ་དམིགས་པ་ཅན་ཡིན་ནོ། །དེ་ལྟར་ཡང ་མཚམས་སྦྱོར་བའི་གཅིག་གི་རང་བཞིན་གྱི་སེམས་དང་དབང་པོ་ལ་སོགས་སྐྱེ་བ་སྔ་མ་སྔ་མ་ལ་དམིགས་པ་ནི་དེའི་མེད་པ་མཚམས་སྦྱོར་བ་མ་ཡིན་པ་དང། འགལ་བ་ཡིན་པར་བསྟན་པ་ནི་མཐོང་བ་གང་ཞེས་བྱ་བ་སྟེ། མཚམས་སྦྱོར་བ་ཞེས་བྱ་བ་ནི་སྐྱེ་བ ་འདིའི་ངོ་བོ་མངོན་སུམ་མོ། །སྐྱེ་བ་སྔ་མའི་ཇི་ལྟར་ཡིན་པ་བསྟན་པ་ནི། རྗེས་སུ་དཔག་པས་ཞེས་བྱ་བའོ། །གཡེར་བག་ཅན་གྱི་རང་བཞིན་འབྱུང་བ་ནི་དེ་དང་མི་འགལ་བ་མ་ཡིན་ནམ། དུ་བ་བསྐྱེད་པར་བྱེད་པའི་མེ་ནི་དེའི་མེད་པ་སྐྱེད་པར་བྱེད་པ་མ་ཡིན་ཏེ། མེ་ལས ་བྱུང་བའི་དུ་བ་མེ་མ་ཡིན་པ་ཡོངས་སུ་གཅོད་པས་ཇི་ལྟར་འབྱུང་བ་དེ་བཞིན་དུ། དུ་བ་བསྐྱེད་པར་བྱེད་པའི་མེ་ཡང་དུ་བ་མ་ཡིན་པ་ཡོངས་སུ་གཅོད་པས་སྐྱེད་པར་བྱེད་པ་ཡིན་ནོ་སྙམ་དུ་སེམས་པ་ནི། གལ་ཏེ་གཡེར་བག་ཅན་ལ་སོགས་པ་ཞེས་བྱ་བ་སྟེ། དེ་གོམས ་པ་ཞེས་བྱ་བ་ནི་གཡེར་བག་ལ་གོམས་པ་ལས་སོ། །གཡེར་བག་མེད་པ་ལས་ཞེས་བྱ་བ་རྣམ་པར་འགྲེལ་བ་ནི་མི་གསལ་བ་དང་ཞན་པ་ཞེས་བྱ་བའོ། །དེ་ནི་ཞེས་བྱ་བ་ནི་མི་གསལ་བ་དང་ཞན་པ་ཉིད་དོ། །གལ་ཏེ་ཡང་ཐོག་མ་མེད་པ་ཉིད་མ་གྲུབ་ཀྱང་མཛའ་ཨི ་གནས་སྐབས་ལ་ཇི་ལྟར་མཚམས་མི་སྦྱོར་བ་ཡིན། བར་མའི་གནས་སྐབས་ལ་མཚམས་སྦྱོར་བ་མེད་པའི་ཕྱིར་རོ་སྙམ་དུ་སེམས་པ་ནི། ཐོག་མ་མེད་པ་ཉིད་མ་ཡིན་ནམ་ཞེས་བྱ་བ་སྟེ། ཡོད་པ་མ་ཡིན་པ་ཁོ་ན་འབྱུང་བ་ཇི་ལྟ་བ་ཡོད་པ་དེ་བཞིན་དུ ་ཡང་བཏིང་ནི་འབྱུང་བ་མ་ཡིན་ཏེ་དུ་བ་ལྟ་བུ་ཡིར་འོ། །ཐོག་མ་མེད་པ་ཉིད་ཡིན་ན་རྟག་ཏུ་ཡོད་པ་ཁོ་ན་ཡོད་པའི་ཕྱིར། མ་གཅོད་པའི་ཆོས་ཅན་ཉིད་དུ་ངེས་པར་གཟུང་བའི་ཕྱིར་མཚམས་མི་སྦྱོར་བ་བཀག་པ་ཡིན་ནོ་ཞེས་བྱ་བའི་དོན་ཏོ། །སྔ་ན་མེད་པའི་སེམས་ཅན་ཡིན་ཞེས ་བས་ལེན་པ་དང་འགལ་བ་ཡིན་ནོ། །ཞན་པ་ཉིད་ཀྱང་གོམས་པའི་བསྐྱེད་བྱར་མཐོང་བ་དེའི་ཚེ། སྐྱེ་བ་དང་པོ་ལ་ཡང་དེ་བཞིན་དུ་འགྱུར་བའི་ཕྱིར། ཐོག་མ་མེད་པ་ཁོ་ན་ཡིན་པར་བསྟན་པ་ནི། ཞན་འཇུག་ཅེས་བྱ་བ་སྟེ། དེ་སྔོན་འགྲོ་ཅན་ཞེས་བྱ་བ་ནི་གོམས་པ་སྔོན་དུ ་འགྲོ་བ་ཅན་ནོ། །འདི་མཐོང་བ་ཡིན་པར་བསྟན་པ་ནི་མིག་ལ་སོགས་པ་ཞན་པ་ནི་ཞེས་བྱ་བ་སྟེ། གོམས་པ་ལས་གཡེར་བག་ཅན་ཉིད་དུ་འགྱུར་བ་ཡིན་ཞེས་བྱ་བའི་དོན་ཏོ། །གོམས་པ་ལས་གཡེར་བ་ཉིད་གང་གི་ཚེ་ཡིན་པར་བསྟན་པ་ནི། གཉིད་སད?་པ་ཞེས་བྱ་བའི། །ཡང་ན ་གལ་ཏེ་གཉིད་ལོག་པ་ལ་སོགས་པ་གོམས་པ་ལས་ཞན་པ་ཉིད་དང། སད་པ་གོམས་པ་ལས་གཡེར་བག་ཉིད་ཡིན་པ་དེའི་ཚེ། གཉིད་ལོག་པ་རྩོམ་པ་དང། སད་པ་རྩོམ་པ་ལ་ཇི་ལྟར་ཞེན་པ་ཉིད་དང་གཡེར་བག་ཉིད་ཡིན། དེ་གོམས་པ་ཡང་མ་ཡིན་ཏེ། དེའི་གནས་སྐབས ་རྩོམ་པས་དེ་ལས་འབྱུང་བའི་བག་ཆགས་ནི། དེའི་རྩོམ་པ་པོ་སད་པ་ཡིན་པའི་ཕྱིར་ཞེས་བསྟན་པ་ནི། གཉིད་ལོག་པ་ལས་སད་པ་ཞེས་བྱ་བ་སྟེ། སྐྱེ་བའི་དང་པོ་ལ་ཡང་ཇི་ལྟ་བའི་བག་ཆགས་སད་པ་ལས་ཞན་པ་ཉིད་དང། གཡེར་བག་གི་མིག་ལ་སོགས་པར་འགྱུར་བའི ་ཕྱིར། འབྱུང་བ་ལས་བྱུང་བ་ཉིད་ཀྱིས་ཐོག་མ་མེད་པ་ཉིད་ཉམས་པ་ནི། མ་ཡིན་ནོ་ཞེས་གནས་སྐབས་ལ་སྦྱོར་བར་བྱེད་པ་ནི། དེས་ན་སྐྱེ་བ་དང་པོར་ཡང་ཞེས་བྱ་བ་སྟེ། གཉིད་ལོག་པ་དང་སད་པ་བཞིན་དུ་ཞན་པ་ཉིད་དང་གཡེར་བག་ཉིད་དུ་སྐྱེ་བའི་དང་པོ་ལ་འགྱུར ་བ་ཡིན་ནོ་ཞེས་བྱ་བའི་དོན་ཏོ། །ལུས་གཅིག་ལ་ཀུན་ཏུ་རྒྱུ་བར་མཐོང་བ་ལས་ལུས་གཞན་ཀུན་ཏུ་རྒྱུ་བར་ཡིན་པར་སྒྲུབ་པ་ལ་ཕྱིན་ཅི་ལོག་ཏུ་སྒྲུབ་པར་བྱེད་པས་འགལ་བ་མ་ཡིན་པར། ཇི་ལྟར་ལུས་གཞན་ལ་རྟེན་པ་ཞེས་བྱ་བའོ། །ལན་ནི་ཇི་ལྟར་རྫས་གཞན་ལ་རྟེན ་པ་ཞེས་བྱ་བ་སྟེ། ལུས་གཅིག་བཞིན་དུ་ལུས་གཞན་ལ་ཀུན་ཏུ་རྒྱུ་བར་མཐོང་པ། དེ་ལ་ལུས་གཅིག་བ་ཅིག་ལ་ཀུན་ཏུ་རྒྱུ་བ་མེད་ན་ལུས་གཞན་ལ། འབྱུང་བ་ཡིན་ཞེས་རྟོག་པ་ཡིན་ནོ་ཞེས་བྱ་བའི་དོན་ཏོ། །བདེན་པའི་ལུས་ལ་ཀུན་ཏུ་རྒྱུ ་བར་སྒྲུབ་པ་ལ་དེ་ལས་བཟློག་པར་སྒྲུབ་པར་བྱེད་པ་འགལ་བ་མ་ཡིན་ནམ་སྙམ་དུ་སེམས་པ་ལ། དཔེར་ན་རྨི་ལམ་རྨི་བའི་ལུས་ལ་ཡང་མངོན་དུ་བྱེད་པ་ཡིན་ན་བདེན་པ་ཁོ་ན་ཡིན་ནོ། །རྣམ་པར་དབྱེ་བ་ནི་འཇིག་རྟེན་པའི་རྣམ་པར་རྟོགས་པས་སྤྲུལ་པ་ཁོ་ན་ཡིན་པར ་བསྟན་པ་ནི། རང་བཞིན་མངོན་དུ་བྱེད་པ་ལ་ཞེས་བྱ་བ་སྟེ། དེས་ན་དེ་བཞིན་དུ་ཐོག་མ་མེད་པ་ཉིད་ཀྱིས་མི་གཅོད་པའི་ཆོས་ཅན་ཉིད་དུ་རབ་ཏུ་སྒྲུབ་ན་མ་གཅོད་པ་ནི་འགལ་བ་དམིགས་པ་ཡིན་པར་བསྟན་པ་ནི། དེའི་ཕྱིར་སྔ་མ་དང་ཕྱི་མ་མཚམས་སྦྱོར་ནུས་པ ་ཞེས་བྱ་བ་སྟེ། ཚོགས་པ་མེད་པ་ཉིད་ཀྱིས་འབྲས་བུ་མི་འབྱུང་བ་ལ་ཁྱབ་པ་ཡིན་ན། རྒྱུ་རྣམས་ཚོགས་པ་ཉིད་ནི་འགལ་བ་ཁྱབ་པ་ཡིན་པར་བསྟན་པ་ནི། རྒྱུ་མ་ཚང་ན་ཞེས་བྱའོ། །མ་ཚང་བ་ཉིད་ཀྱིས་མེད་པ་ལ་ཁྱབ་པ་མ་ཡིན་པ་མ་ཡིན་ནམ། ཚང་བ་ལ་ཡང ་ཡོད་པའི་ཕྱིར་རོ། །འབྲས་བུ་ཉིད་ནི་དེ་ལས་རེས་འགའ་འབྱུང་བའི་ཕྱིར་ཏེ། དེའི་ཕྱིར་ཚོགས་པ་ཉིད་ནི་ཁྱབ་པར་བྱེད་པ་འགལ་བ་མ་ཡིན་ནོ་སྙམ་དུ་སེམས་པ་ནི། འོན་ཏེ་འདི་ལ་འགལ་བ་ཅི་ཞིག་ཡོད་ཅེ་ན་ཞེས་བྱ་བའོ། །དེ་ལ་རེས་འགའ་འབྱུང་བ་ཙམ་ནི ་འབྲས་བུ་མ་ཡིན་ཏེ། རྒྱུ་མ་ཡིན་པ་ལ་ཡང་དེ་ཙམ་ཡོད་པའི་ཕྱིར་རོ། །འོན་ཏེ་དེ་ཡོད་ཀྱང་ཁ་ཅིག་ཏུ་མི་འབྱུང་བའི་ཕྱིར་རྒྱུ་ཉིད་མ་ཡིན་ཞིང་འབྲས་བུ་ཉིད་ཀྱང་མ་ཡིན་ལ་དེ་འདི་ནི། འདི་ཡང་མཚུངས་པ་ཡིན་པར་བསྟན་པ་ན། རྒྱུ་དང་འབྲས་བུའི་དངོས་པོ་མེད་པ ་ཞེས་བྱ་བ་སྟེ། ཚང་བ་ལ་ཡང་འབྲས་བུ་མེད་ན། དེ་རྒྱུ་དང་འབྲས་བུ་བྱུང་བ་མ་ཡིན་ནོ་སྙམ་དུ་སེམས་པ་ནི། འོན་ཏེ་དེ་མེད་ན་ཞེས་བྱ་བའོ། །རེས་འགའ་འབྱུང་བ་ཙམ་ནི་འཁྲུལ་པ་ཉིད་ཡིན་པས་རྒྱུ་ཉིད་དུ་མ་གྲུབ་པ་ཡིན་ལ། དེའི་མེད་པས་སྦྱར་བའི་མེད་པ་མི ་འགྲུབ་པར་བསྟན་པ་ནི་དེ་མེད་ན་ཞེས་བྱ་བའོ། །གལ་ཏེ་རེས་འགའ་འབྱུང་བ་འཁྲུལ་པ་ཡིན་ན། དེ་ཡོད་ན་གདོན་མི་ཟ་བར་འབྱུང་བ་ཡིན་ཞེས་ཇི་ལྟར་ཤེས་པ་ཡིན་སྙམ་དུ་སེམས་པ་ནི། གལ་ཏེ་དེ་ཡོད་ན་ཞེས་བྱ་བའོ། །ལན་ནི་དེ་ལྟར་ཡོངས་སུ་བཅད་པའི་ཕྱིར་རོ་ཞེས་བྱ་བ ་སྟེ། གང་གི་བྱེད་པ་དེའི་ཚེ་དེ་ལ་དེ་བྱེད་པ་པོ་ཉིད་ཀྱི་རང་བཞིན་ཉིད་དུ་གོ་བ་ཡིན་ཞེས་བྱ་བའི་དོན་ཏོ། །རྒྱུ་མ་ཡིན་པ་ལ་ཡང་དེ་བཞིན་དུ་གོ་བར་གྱུར་པ་མ་ཡིན་ནམ། རེས་འགའ་བྱུང་བ་ནི་དེ་ལ་ཡང་འབྱུང་བའི་ཕྱིར་རོ་སྙམ་དུ་སེམས་པ་ལ་དེ་མེད་ན་མི་འབྱུང་ངོ་ཞེས་བྱ་བ་སྟེ། དེ་ཡོད ་ན་འབྱུང་བ་དང་དེ་མེད་ན་མི་འབྱུང་བ་ཞེས་བྱ་བ་འདིས། ངེས་པར་ཁྱད་པར་ཅན་དུ་འབྱུང་བར་བྱེད་པ་ཡིན་ནོ་ཞེས་ཤེས་པར་བྱེད་པ་ཡིན་ལ། དེ་ལྟ་ཡིན་ན་རྒྱུ་ཡོད་ན་གདོན་མི་ཟ་བར་འབྱུང་བའི་འབྲས་བུ་ནི་ཁྱབ་པར་བྱེད་པ་ཡིན་གྱི། འབྱུང་བ་ལ་སོགས་པ་གཞན་ལས་ཀྱང ་འགྱུར་རོ་ཞེས་བསལ་བ་ཡིན་ཏེ། དེ་མེད་ན་མི་འབྱུང་བ་ཞེས་བྱ་བས་ནི་གཉི་ག་ཁྱབ་བྱེད་ཉིད་དུ་རྟོགས་པའི་ཕྱིར་རོ། །འདི་ཉིད་ནི་རྒྱུ་ཚོགས་པའི་སྟེ། མཛའ་ཨི་གནས་སྐབས་ཐོབ་པས་གཞན་ལས་མི་བལྟོས་པའི་ནུས་པ་ཡོངས་སུ་གྱུར་པས་འབྲས་བུ་སྐྱེ་བར་ཏེ། གདོན ་མི་ཟ་བར་སྐྱེ་བར་རྗེས་སུ་དཔོག་པའོ། །དེ་ནི་ཞེས་བྱ་བ་ནི་འབྲས་བུ་སྐྱེ་བའོ། །རང་ཡང་འདི་ཡིན་ལ་གཞན་ཡང་འདི་ཡིན་པ་ནི་རང་བཞིན་ཏེ་རྒྱུ་ཡིན་ལ། དེ་མེད་ན་མི་འབྱུང་བའི་ཕྱིར་འབྲས་བུ་ཡང་ཁྱབ་བྱེད་ཡིན་པའི་ཕྱིར། རྒྱུ་ཡང་ཡིན་ནོ། །འབྲེལ་པ་རྗེས་སུ ་དྲན་པ་ལ་སོགས་པར་ཇི་སྲིད་དུ་བྱེད་པར་དེ་སྲིད་ཁོ་ན། འབྲས་བུ་མངོན་སུམ་ཉིད་མ་ཡིན་ནམ། ཅིས་རྗེས་སུ་དཔོག་པ་ཡིན། བདེན་ཏེ་ཐམས་ཅད་ལ་མངོན་སུམ་སྐྱེ་བ་མ་ཡིན་ལ། དབང་པོ་ལས་འདས་པ་འམ། དེ་མ་ཐག་ཏུ་ཞུས་པ་ཡོངས་སུ་གྱུར་པས་འབྲེལ ་པ་ཅན་ལ་ཡང་རྗེས་སུ་དཔག་པ་འཇུག་པ་ཡིན་པའི་ཕྱིར་རོ། །ཡང་ན་རང་བཞིན་འགལ་བ་དམིགས་པའམ། ཁྱད་པར་བྱེད་པ་འགལ་བ་དམིགས་པ་ཡིན་ནོ། །དེ་མ་ཐག་ཏུ་ཞེས་ཇི་སྐད་བསྟན་པ་ཡིན་ནོ། །གཉི་ག་ལ་ཡང་ཞེས་བྱ་བ་ནི་དེ་མེད་ན་མི་འབྱུང་བ ་དང། དེ་ཡོད་ན་གདོན་མི་ཟ་བར་འབྱུང་བ་ལས་རྒྱུ་ཉིད་ཡིན་པར་རོ། །དེས་ན་དེ་བཞིན་དུ་མ་ཚང་བས་ཁྱབ་པའི་འབྲས་བུ་མི་འབྱུང་བ་ཡིན་ལ། ཚང་བ་ཡང་མ་ཚང་བ་དང་འགལ་བའི་ཕྱིར་མི་འབྱུང་བས་ཁྱབ་པར་བྱེད་པ་འགལ་བ་འམ། འགལ་བ ་ཁྱབ་པར་གྲུབ་པ་ཡིན་ནོ་ཞེས་ཉེ་བར་བསྡུ་བ་ནི་དེའི་ཕྱིར། ཇི་ལྟར་མཐོང་བ་ཞེས་བྱ་བའོ། །མངོན་སུམ་ཉེ་བའི་ཡུལ་ཡིན་པའི་ཕྱིར་ཁྱབ་བྱ་ཉིད་དུ་འཛིན་པའི་བྱ་བ་ཅན་མ་ཡིན་པ་མ་ཡིན་ནམ། རྣམ་པར་རྟོགས་པས་ཉེ་བར་བསླད་པ་ཡིན་གྱི་དངོས་པོ་འཇོག་པར་བྱེད ་པ་ནི་མ་ཡིན་ནོ་སྙམ་དུ་སེམས་པ་ནི། དེ་ལྟར་མཐོང་བ་མེད་པའི་ཕྱིར་ཞེས་བྱ་བས། འདི་ཡོད་པར་ནི་ཇི་ལྟར་མཐོང་ཞེས་བྱ་བའི་བར་དུ་སྟེ། ཁྱབ་པ་ཅན་གྱི་རྗེས་སུ་འགྲོ་བ་ལ་སོགས་པ་ཅན་ཁོ་ན་འབྲས་བུ་ཉིད་ལ་སོགས་པ་ཡིན་ཞེས་བྱ་བའི་དོན་ཏེ། །ལན་དུ ་ཟེར་བ་ནི། གལ་ཏེ་ཁྱབ་པར་མ་མཐོང་བའི་ཕྱིར་ཞེས་བྱ་བའོ། །འདི་ཐ་སྙད་དུ་ཡིན་ཞེས་བྱ་བ་ནི་རྣམ་པར་རྟོག་པས་རྫུན་པ་འཛིན་པའི་ནུས་པ་ལས། དེ་འདྲ་བའི་བག་ཆགས་ལས་བྱུང་བ་ཅི་ལས་ཉམས་སུ་མྱོང་བ་དང་འབྲེལ་པ་འགའ་ཞིག་གི་འབྲས་བུ་དང་འབྲེལ ་པ་དང། དེ་མེད་པ་ཡང་གཞན་དུ་འཇོག་པར་བྱེད་པའི་ཐ་སྙད་དང་ལྡན་པ་རྣམས་ཡིན་ནོ། །གཉིས་སུ་མེད་པར་བལྟ་བ་ཉིད་ནི་འཇིག་རྟེན་ཕ་རོལ་ལ་སྐུར་པ་འདེབས་པའི་ཕྱིར་རོ། །མེད་པར་སྨྲ་བ་རྣམས་ནི་བལྟ་བ་མ་ཡིན་ནམ། དེ་ལྟ་མ་ཡིན་ཏེ། འཇིག་རྟེན ་སྒྲུབ་པ་ལ་འབད་པས་བསྒྲུབ་པར་བྱ་བ་མྱ་ངན་ལས་འདས་པ་གང་ཡིན་པ་དེ་གཉིས་སུ་མེད་པ་ཡོད་ན། འབད་པ་མེད་པས་འགྲུབ་པའི་ཕྱིར་འདི་ནི་ཡོད་པར་སྨྲ་བའི་ལྟ་བ་དམ་པ་ཡིན་ལ། སྐྱེས་བུའི་དོན་མཐོ་རིས་དང་བྱང་གྲོལ་ལ་བསྐུར་བ་འདེབས་པའི་ལྟ་བ ་ནི་མེད་པར་སྨྲ་བའི་ལྟ་བ་ཡིན་པར་བསྟན་པ་ནི། གལ་ཏེ་གཉིས་མེད་ཀྱིས་ཚིམ་ན་ཞེས་བྱ་བ་སྟེ། གང་གི་ཕྱིར་གཉིས་སུ་མེད་པའི་ལྟ་བ་ནི་ཕྱིན་ཅི་ལོག་པ་དང་འགལ་བའི་ཕྱིར། དེའི་བསྐྱེད་བྱ་སྐྱེ་བ་ལ་སོགས་པ་ལྡོག་པར་བྱེད་པ་དང། གནས་པའི ་རྒྱུ་ཞིག་ན་ཟིན་པ་ཡང་ལྡོག་པ་ཡིན་ནོ། །ཡང་ན་འདས་པའི་བདེ་བའི་སྒྲུབ་བྱེད་དང་མ་འོངས་པའི་ཡང་དྲན་པའི་ཀུན་ཏུ་རྟོག་པ་དག་གིས་རྟོག་བཞིན་པ་ནི་བག་ཆགས་སད་པས་སྡུག་བསྔལ་གྱི་རྒྱུ་ཡིན་ལ། དེ་བཞིན་དུ་ད་ལྟར་བ་ཡང་ཡིན་ཏེ། མི་ཤེས་པ་ནི་དོན་གྱི་སྒོ་ནས ་བྱེད་པ་མ་ཡིན་ཞེས་བརྗོད་པས་སོ། །གཉིས་མེད་པ་ལ་གང་ལ་ལ་གང་གིས་འཛིན་པ་ལས་བག་ཆགས་སད་པའམ་སྡུག་བསྔལ་བ་ཡང་མ་ཡིན་ཏེ། བདེ་བ་མང་དུ་བསྒོམ་པས་དེའི་བག་ཆགས་སད་པ་ལ་གེགས་བྱས་པའི་ཕྱིར་རོ། །དབང་པོ་ལས་བྱུང ་བའི་སྡུག་བསྔལ་ཉིད་ཀྱང་མ་ཡིན་ཏེ། བསྒོམ་པས་ཁྱད་པར་ཅན་དུ་འགྱུར་བའི་ཕྱིར་རོ། །གཟུགས་ལ་སོགས་པ་ནི་དེའི་ཁྱད་པར་ལས་ཁྱད་པར་ཅན་དུ་འགྱུར་བ་མ་ཡིན་ནོ། །འོ་ན་ནི་ཕྱི་རོལ་དང་ནང་ཞེས་བྱ་བ་ལ་སོགས་པའི་རྣམ་པར་རྟོག་པ་ལ་རྟེན་ནས། དེ་ལས་བཟློག་པའི ་གཉིས་སུ་མེད་པ་ལ་སྐུར་པ་འདེབས་པར་བྱེད་པ་ཡིན་ནོ། །དེ་ལྟ་ཡིན་ན་འཇིག་རྟེན་སྒྲུབ་པར་བྱེད་པ་ལ་སོགས་པའི་རྣམ་པར་རྟོག་པ་ལས་དེ་རྗེས་སུ་བསྒྲུབ་པར་འགྱུར་བ་ཡིན་གྱི་འདོད་ཆགས་ལ་སོགས་པ་ནི་མ་ཡིན་ནོ་ཞེས་བསྟན་པ་ནི། ཐ་སྙད་འཇུག་པར་བྱེད་ན་ནི ་ཞེས་བྱ་བ་ཕྱེད་ཕྱི་མ་རྣམ་པར་འགྲེལ་པ་ནི་ཉེ་བར་བསླད་པ་ཡིན་གྱི་འོག་ཏུ་ཞེས་བྱ་བ་སྟེ། རབ་ཏུ་ཞི་བ་ནི་ཐར་པའོ། །འདོད་ཆགས་ཀྱི་རྗེས་སུ་སྒྲུབ་པ་ནི་མཐོང་བའི་ཆོས་ལ་ཡང་སྨད་པ་ཡིན་པར་བསྟན་པ་ནི། འདོད་ཆགས་ལ་སོགས་པས་ཉེ་བར ་བསླད་པ་ནི་ཞེས་བྱ་བ་སྟེ། རྣམ་པར་རྟོག་པ་ལ་རྟེན་ནས་འཇིག་རྟེན་ཕ་རོལ་པ་ལ་དཔྱོད་པ་ནི་དེའི་ཡུལ་གཟུང་བ་དང་འཛིན་པ་དང་ཡན་ལག་ཅན་དང། བདག་དང་བདག་གི་རྣམས་རྗེས་སུ་བསྒྲུབ་པ་ནི་འཇིག་རྟེན་ཕ་རོལ་ལ་ཡིན་གྱི། དགྲ་ལ་སོགས་པ་རྗེས་སུ ་སྒྲུབ་པ་ནི་མི་འགྱུར་རོ་སྙམ་དུ་སེམས་པ་ལ། འདི་ལྟར་ཞེས་བྱ་བ་སྨོས་ཏེ་མཐོང་བའི་རྗེས་སུ་འབྲང་བའི་རྣམ་པར་རྟོག་པ་ནི། ཐ་སྙད་ཀྱི་ཚད་མ་ཡིན་གྱི་ཅིག་ཤོས་ནི་མ་ཡིན་ནོ། །དེའི་ཕྱིར་གཉིས་སུ་མེད་པ་ལ་སོགས་པ་ལས་ལྡོག་པ་ནི་མ་ཡིན་ནོ་ཞེས ་མཐོང་བའི་རྗེས་སུ་འབྲང་བའི་དགོས་པ་བསྟན་པ་ནི། དེས་ན་ཞེས་བྱ་བ་སྟེ་རྣམ་པར་རིག་པ་ཙམ་དུ་སྨྲ་བ་ལ། མིག་ལ་སོགས་པ་ལ་ནི་རྨི་ལམ་བཞིན་དུ་མངོན་དུ་བྱེད་པ་ཙམ་གྱི་མི་བདེན་པ་ཡིན་ལ། དོན་བྱེད་པ་ལ་མི་བསླུ་བ་ནི ་བདེན་པ་ཡིན་ཏེ། གོམས་པའི་ཁྱད་པར་གྱི་ཁྱད་པར་ཅན་ཡིན་པའི་ཕྱིར། རྣམ་པར་ཤེས་པ་ཙམ་ཕྱི་རོལ་ཡིན་ཡང་འདོད་པ་ཙམ་འབྱུང་བ་ཡིན་ཏེ། གོམས་པའི་བསྐྱེད་བྱ་ཡིན་པའི་ཕྱིར་རོ། །ཕྱི་རོལ་གཞན་དང་མཚན་ཉིད་མི་མཐུན་པ་ནི་རྣམ་པར་ཤེས་ཁོ་ན་བཞིན ་དུ་འཇིག་རྟེན་ཕ་རོལ་པ་ཡིན་ཞེས་ཉེ་བར་བསྡུ་བ་ནི། མིག་ལ་སོགས་པ་བདེན་པ་ཉིད་དམ་ཞེས་བྱ་བའོ། །འབྲས་བུའི་ཁྱད་པར་མཐོང་བ་ལས་མ་མཐོང་བའི་ཁྱད་པར་རྟོག་པ་ཡིན་ན་ནུས་པ་ཅན་ཉིད་ཀྱིས་མཐོང་བ་ཁོ་ན་གོམས་པའི་བརྟག་བྱ་ཡིན་ཞེས་བྱ་བ་ནི་རིགས ་ཏེ། འབྱུང་བའི་ཁྱད་པར་ཡང་སྲ་བ་ཉིད་ལ་སོགས་པ་མཐོང་བའི་ཕྱིར་རོ་སྙམ་དུ་སེམས་པ་ནི། གལ་ཏེ་འབྱུང་བ་ཆེན་པོའི་ཁྱད་པར་ཞེས་བྱ་བའོ། །ལན་ནི་གང་དུ་དྲོད་གཤེར་སོགས་སྐྱེ་བའི་ཞེས་བྱ་བ་སྟེ། སྲ་བ་ཉིད་ལ་སོགས་པའི་ཁྱད་པར་གྱིས་སྲོག་ལ ་སོགས་པ་ནི་ངེས་པ་ནི་མ་ཡིན་ཏེ། དེ་མེད་ཀྱང་ཁྱད་པར་གཞན་ལ་མཐོང་བའི་ཕྱིར་རོ། །དེ་བཞིན་དུ་ཤི་བའི་ལུས་དང། གཞན་ལ་ཡང་སྲོག་ཆགས་མཐོང་བ་ཡིན་ལ། དེས་ན་འབྱུང་བ་ཡོངས་སུ་གྱུར་བ་ཐམས་ཅད་སྲོག་ལ་སོགས་པ་བསྐྱེད་པར་བྱེད་པ་ ་ཡིན་པར་ཕྱིར། ཤི་བའི་ལུས་དང་བོང་བ་ལ་སོགས་པ་ལ་ཡང་དེ་དང་འདྲ་བར་ཐལ་བར་འགྱུར་རོ་ཞེས་བྱ་བའི་དོན་ཏོ། །རྣམ་པར་དབྱེ་བ་ཞེས་བྱ་བ་ནི་ངེས་པའོ། །དེའི་ཕྱིར་ངེས་པ་ཅན་ནི་དེའི་ཕྱིར་ངེས་པར་བྱེད་པ་གཞན་བརྟག་པར་བྱ་བ་ཡིན་པར་བསྟན་པ་ནི། སེམས ་བའི་མཚན་ཉིད་ཀྱིས་ལས་ཙམ་ཞེས་བྱ་བ་སྟེ། ངེས་པ་ཅན་དང་མ་ངེས་པ་ཅན་མ་ཡིན་པའི་འབྲས་བུ་ཆུ་ལ་སོགས་པ་ལས་སྣང་བཞིན་པ་ནི་མ་ངེས་པ་ཅན་མཐོང་བར་གོ་བར་བྱེད་པ་ཡིན་ལ། ངེས་པ་ཅན་དང་ངེས་པ་ཅན་མ་ཡིན་པ་ལ་ཡང་དེ་ཉིད་སྦྱོར་བར ་བྱེད་པ་བསྟན་པ་ནི། དེའི་ཚེ་རིགས་མཚུངས་པ་ཐམས་ཅད་ཅེས་བྱ་བ་ནི་ངེས་པའོ། །བཙགས་ནས་ནི་ཆུ་ཚགས་ཀྱིས་སོ། །མི་འདྲ་བ་ཞེས་བྱ་བ་ནི་ངེས་པ་མེད་པའོ། །དེ་ཉིད་བསྟན་པ་ནི་མགོ་དམར་བ་ཞེས་བྱ་བའོ། །ངེས་པ་ཅན་ལ་ངེས་པ་ཅན་མ་ཡིན་པར་སྣང་བ་ཉིད ་མ་ཡིན་པར་བསྟན་བཞི། དེ་དངོས་ཞེས་བྱ་བའོ། །མཐོང་འདོད་དམ་ཅི་ཞེས་བྱ་བ་ལ། ངེས་མེད་ལས་ཞེས་བྱ་བ་སྨོས་སོ། །སྲོག་ཆགས་ཀྱི་ཁྱད་པར་ནི་མཐོང་བའི་ས་བོན་ལས་ངེས་པ་ཅན་དང། ངེས་པ་ཅན་མ་ཡིན་པར་ནམ་ཡང་སྣང་བ་མ་ཡིན་པར་བསྟན་པ་ནི། ནམ ་ཡང་ཞེས་བྱ་བའོ། །དེའི་ཕྱིར་མཐོང་བར་བྱེ་བྲག་མེད་པ་ལ་ཡང་ཁྱད་པར་དང་ལྡན་པའི་འབྲས་བུ་ནི། ཁྱད་པར་དང་ལྡན་པར་མ་མཐོང་བར་གོ་བར་བྱེད་པ་ཡིན་པར་བསྟན་པ་ནི། ལས་ཉིད་ངེས་པར་བྱེད་པ་ཡིན་ཞེས་བྱ་བའོ། །དོན་མེད་པའི་སྐྱེ་བོ་དང་འདྲེ་བ་དང། མ་ལ ་སོགས་པའི་རང་བཞིན་ཕྱིན་ཅི་ལོག་པར་མཐོང་བ་ལས། དེའི་བསྐྱེད་བྱ་ཉིད་མ་ཡིན་ལ་ཕྱིན་ཅི་མ་ལོག་པར་མཐོང་བ་ཡིན་ན། དེའི་བསྐྱེད་བྱ་ཉིད་དུ་མཐོང་བ་ཡིན་ནོ་ཞེ་ན། གལ་ཏེ་འདོད་པ་ལ་སོགས་པ་ཕ་མའི་རང་བཞིན་ཞེས་བྱ་བའོ། །གོམས་པའི་རྗེས་སུ་འབྲང་བའི ་ཁྱད་པར་ནི་སྲིད་པ་ལ་ཡོད་པ་ཡིན་ལ། འདོད་པ་ལ་སོགས་པ་ནི་གོམས་པའི་རྒྱུ་མཚན་ཡིན་ཏེ། གང་གིས་གང་ཁོ་ན་དོར་བ་དང་ལེན་པར་འདོད་པ་དང་གོམས་པར་བྱེད་པ་དེ་འདིའི་གོམས་པ་ཇི་ལྟ་བ་བཞིན་དུ་འགྱུར་བ་ཡིན་ལ། མ་ལ་སོགས་པ་རང་བཞིན ་ཡང་འདིས་བརྗོད་པ་སྔོན་དུ་འགྲོ་བ་ཅན་གྱི་གོམས་པར་གྱུར་པ་དེའི་ཕྱིར། འདི་འབྱུང་བ་ཡིན་གྱི་དེ་བཞིན་དུ་དུ་བ་ལ་སོགས་པ་གོམས་པ་སྔོན་དུ་འགྲོ་བ་ཅན་མ་ཡིན་ཏེ། རང་གི་རྒྱུ་ལ་རགས་ལས་པའི་ཕྱིར་རོ། །འདོད་པ་ལ་རག་ལས་པ་དང། ཅིག་ཤོས་དག ་ལ་དབྱེ་བ་མེད་པར་ཁས་ལེན་པ་ཡིན་ནོ། རྣམ་པར་དབྱེ་བ་དང་ལྡན་པའི་འབྲས་བུའི་སྤྱི་ལ་སོགས་པ་ཉིད་དུ་མི་འགྱུར་ཏེ། དེའི་ཁྱད་པར་འཇིག་པར་བྱེད་པའི་ཚད་མས་སྤྱི་འཇོག་པར་བྱེད་པ་མ་ཡིན་པའི་ཕྱིར་རོ་ཞེས་བསྟན་པ་ནི། འབྲས་བུའི་ཆོས་ནི་འདི་ཡིན ་ཏེ་ཞེས་བྱ་བའོ། །དུ་བ་ལ་སོགས་པ་ཡང་རང་གི་རྒྱུ་ལ་རག་ལས་པ་ཡིན། དེ་ལས་གཞན་པ་ལས་འབྱུང་བར་མི་འགྱུར་བ་ཞིག་ན། བསྲུབས་ཤིང་བསྲུབས་པ་དང། མེ་གཞན་ལས་ཀྱང་མི་འབྱུང་བར་མཐོང་ལ། ཨུཏཔ་ལའི་རྩ་བ ་དང་བ་ལང་གི་གཅི་བ་ལས་ཀྱང་ཨུཏཔ་ལའི་རྩེ་བ་འབྱུང་བ་དེའི་ཕྱིར་གོམས་པ་ལས་ཁྱད་པར་གང་ཡིན་པར་བསྟན་པ་དེ་ཡང་གཞན་དུ་ཡིན་ནོ། །འདོད་པ་ལས་རག་ལས་པ་ནི་མ་ཡིན་ཏེ། འོན་ཀྱང་རང་གི་རྒྱུད་ལས་རག་ལས་པའི་ཕྱིར་ཐལ་ཆེས་པ་མ ་ཡིན་ནོ། །ཡང་ན་དུ་བ་ལ་སོགས་པ་ཡང་འདོད་པ་ལ་རག་ལས་པ་ཡིན་གྱི། རང་གི་རྒྱུ་ལ་རག་ལས་པ་ནི་མ་ཡིན་ཏེ། གང་གི་ཕྱིར་ཁྱད་པར་གང་ཡིན་པ་གཞན་དུ་ཡང་གཞན་གྱི་བསྐྱེད་བྱར་འགྱུར་བ་དེ་གོམས་པ་ལས་བྱུང་བ་ཡིན་པར་བརྗོད་པ་ཡིན་ན། དུ་བ་ལ་སོགས ་པ་ཡང་དེ་བཞིན་དུ་ཡིན་ནོ་སྙམ་དུ་སེམས་པ་ནི། དུ་བ་དུ་བ་ལས་ཞེས་བྱ་བའོ། །ལན་དུ། དུ་བ་ལས་བྱུང་དུ་བ་ནི། ཅི་འདྲ་ཞེས་བྱ་བ་སྟེ། རང་གི་རྒྱུ་ལ་རག་ལས་པའི་ཁྱད་པར་ནི་གོམས་པ་དང། གཞན་ལས་ཁྱད་པར་ཅན་དུ་འགྱུར་བ་ནི་མ་ཡིན་ཏེ། དེ་ཡང ་སྐྱེ་བའི་དང་པོར་དེ་ཁོ་ན་བཞིན་དུ་མཐོང་བ་ཡིན་གྱི། འདོད་པ་ལ་རག་ལས་པ་ནི་མ་ཡིན་ཏེ། དེ་གོམས་པས་ཁྱད་པར་དུ་མི་འགྱུར་བ་མ་ཡིན་ལ། མེའི་བསྐྱེད་བྱ་དུ་བ་ལ་སོགས་པ་མའི་ཁྱད་པར་གྱིས་ཁྱད་པར་དུ་འགྱུར་བ་མ་ཡིན་ནོ། །འོན་ཏེ་དུ་བ་ཡང ་ཁྱད་པར་དང་ལྡན་པའི་འདོད་པ་ལ་རག་ལས་པ་ཁོ་ན་ཡིན་པའི་ཕྱོགས་ཡིན་པ་དེ་ལྟ་ན་ཡང་ཐལ་ཆེས་པ་ཡིན་ཏེ། འཇིག་རྟེན་ཕ་རོལ་ལ་སྐུར་པ་འདེབས་པ་རྣམས་དེ་ལྟ་བུ་ཁས་མི་ལེན་པའི་ཕྱིར་རོ། །དེ་སྨྲ་བ་རྣམས་ནི་འདོད་པ་ཁོ་ན་སྒྲུབ་པར་བྱེད་པའི་ཕྱིར་རོ།། ་དེ་དང་འདྲ་བ་ཁོ་ན་ཡིན་ཏེ། འབའ་ཞིག་ཚད་མ་མེད་པའི་ཕྱིར་ཁས་ལེན་པ་མ་ཡིན་ནོ་ཞེས་བྱ་བའི་དགོངས་པ་བསྟན་པ་ནི། དུ་བ་ཞེས་བྱ་བ་སྟེ། དུ་བ་དེ་གཞན་ལས་ཀྱང་སྟེ། གོམས་པ་ལས་ཀྱང་སྐྱེ་བ་མིན་ཏེ། ཁྱད་པར་དུ་འགྱུར་བ་མ་ཡིན་ཀྱང། མེ་ལས་ཀྱང་ཞེས ་བྱ་བ་མ་ཡིན་ཞེས་བྱ་བའི་དོན་ཏོ། །དེ་བཞིན་གནས་པ་ནི་གོམས་པའི་ཁྱད་པར་ཅན་དུ་འགྱུར་ཏེ། གོམས་པའི་བསྐྱེད་བྱ་ཡང་ཞེས་བྱ་བའི་དོན་ཏོ། །མེའི་བསྐྱེད་བྱའི་མེ་བསྲུབས་པའི་མེ་ནི་ནུས་པ་ལས་ཁྱད་པར་ཡིན་ཏེ། མེ་དེ་ལ་སྲེགས་པའི་ལྕགས་ཀྱི་རེང་བུ་དང ་བསྲེགས་པའི་རྨལ། དེའི་མོད་ལ་ཤ་སར་སྐྱེ་བ་ཐོས་པ་ཡིན་ནོ། །ས་བོན་དང་རྩ་བ་ལས་སྐྱེས་པ་ཤིང་ཀ་ད་ལི་ལ་སོགས་པའི་རང་གི་ངོ་བོ་ལས་ཁྱད་པར་ཡིན་ཞེས་བྱ་བ་ལ་སོགས་པ་ཐམས་ཅད་ལ་ཡང་གོ་བར་བྱའོ། །དེའི་ཕྱིར་ལུས་གཉིས་དབུགས་འབྱིན་པར ་བྱེད་པ་ཡིན་ནམ་ཞེས་བྱ་བ་ལ་སོགས་པར་གང་སྨྲས་པ། རང་གི་རིགས་ལ་བལྟོས་པ་མེད་པར་མི་རིགས་པ་ཁོ་ན་ཡིན་ནོ་ཞེས་ཉེ་བར་བསྟན་པ་ནི། རིགས་མཚུངས་པ་ཡིན་ནོ་ཞེས་བྱ་བ་ནི་ལེགས་པར་བརྗོད་པ་ཡིན་ནོ་ཞེས་བྱ་བའོ། །རང་བཞིན་དང་འབྲས་བུ་ཡང ་ཡོད་པའི་སྒྲུབ་བྱེད་ཡིན་ཏེ། འདི་ལ་གཉིས་ནི་དངོས་པོ་སྒྲུབ་པར་བྱེད་པ་དག་ཡིན་ནོ་ཞེས་བྱ་བའི་ཚིག་ལས་སོ། །བདག་ཉིད་མ་ཡིན་པའི་དངོས་པོའི་ངོ་བོ་ལ་རང་བཞིན་གྱིས་འབྲེལ་པ་ཡིན་པའི་ཕྱིར། འབྲས་བུ་གོ་བྱེད་ཡིན་གྱི་རྒྱུ་ནི་མ་ཡིན་ཏེ། འབྲེལ་བ་མེད་པའི ་ཕྱིར་རོ། །རྒྱུ་རྣམས་ནི་གདོན་མི་ཟ་བར་དེ་དང་ལྡན་པར་འགྱུར་བ་མ་ཡིན། ཚོགས་པ་རྣམས་ཡིན་ན་འགྱུར་རོ་ཞེ་ན་མ་ཡིན་ཏེ་བར་དུ་ཆོད་པ་སྲིད་པའི་ཕྱིར་རོ། །དེ་མེད་ན་ཡིན་ནོ་ཞེ་ན། འདི་ལ་བར་དུ་གཅོད་པ་འབྱུང་བར་མི་འགྱུར་རོ་ཞེས་བྱ་བ་འདི་ནི་ཤེས་པར ་དཀའ་བ་ཡིན་ཏེ། རེས་འགའ་མ་མཐོང་བ་རྣམས་ཀྱང་ཡང་ཡོད་པར་མཐོང་བས་ཐེ་ཚོམ་ཟ་བའི་ཕྱིར་རོ། །འབྲས་བུ་ལ་རུང་བ་ཉིད་ཀྱི་རྗེས་སུ་དཔོག་པ་ཡིན་ནོ་ཞེ་ན། རུང་བ་ཉིད་ཀྱང་འབྲས་བུ་ལ་བར་དུ་གཅོད་པ་མེད་ན། འདི་ཉིད་སྟོབས་དང་ལྡན་པ་ཁོ་ན ་ཡིན་ལ། དེའི་ཕྱིར་མེད་པར་ངེས་པ་ཡིན་ན་ནུས་པ་ཅན་ཁོ་ན་ཡིན་ནོ། །དེའི་ཕྱིར་མེད་པ་ལ་ཐེ་ཚོམ་ཟ་བ་ཁོ་ན་ཡིན་གྱི། འདས་པ་ལ་ངེས་པར་བྱེད་པའི་འབྲས་བུས་ཀྱང་དགོས་པ་ཅི་ཡང་མེད་པ་ཡིན་ཏེ། འགའ་ཡང་འདས་པ་ལ་འཇུག་པར་བྱེད་པ་མ་ཡིན་ལ། འཇུག? ་པའི་ཡུལ་ཉེ་བར་མཐོང་བ་ཡིན་ན་ཚད་མ་ཡིན་གྱི། སྲིད་པ་ཙམ་ནི་དགོས་པ་མེད་པ་རྒྱུ་མཚན་མ་ཡིན་ནོ། །དེའི་སྲིན་བུའི་གྲངས་མཁྱེན་པ། དེང་ལ་འགར་ཡང་ཉེར་མགོ་མེད་ཅེས་བྱ་བས་བཀག་པའི་ཕྱིར་རོ། །དུ་བ་ལས ་སམ་ཚིག་ལས་མེའམ། སྨྲ་བ་པོ་དེའི་ཚེ་རྗེས་སུ་དཔོག་པ་ནི་མ་ཡིན་ཏེ། འབྲེལ་པ་མེད་པའི་ཕྱིར་རོ། །འདས་པ་ཉིད་ཀྱང་དེའི་དུས་སུ་དཔོག་པ་མ་ཡིན་ཏེ། བལྟོས་པ་མེད་པ་ཉིད་ཀྱི་རྒྱུ་མ་ཡིན་པའི་ཕྱིར་རོ། །གང་གི་ཕྱིར་ཡོད་པ་མ་ཡིན་པའི་འབྲས ་བུ་ནི་རང་བསྒྲུབ་པ་ལ་གཞན་ལ་བལྟོས་པ་ཡིན་གྱི་ཡོད་པ་ནི་མ་ཡིན་ནོ། །དེ་དང་ཚོགས་པ་གཅིག་པ་ལ་རག་ལས་པའི་ཕྱིར། དུ་བས་རང་གིས་དུས་ཀྱི་མེ་རྗེས་སུ་དཔོག་པར་བྱེད་པར་ཡིན་ནོ་ཞེ་ན། འབྲས་བུ་སྨྲ་བ་དོན་མེད་པར་འགྱུར་རོ། །དེའི་ཕྱེད ་ཁོ་ན་ལ་དེ་སྨྲ་བ་ཡིན་ནོ་ཞེ་ན། དེ་ཡང་འདས་པའི་བྱེད་པ་པོའི་ཚིག་ལའམ་དབུགས་འབྱུང་བ་ལ་སོགས་པ་ལ་ནུས་པ་མེད་པ་ཡིན་ལ། དེས་རང་གི་དུས་ཀྱི་བྱེད་པ་པོའམ་དབུགས་འབྱིན་པ་ལ་སོགས་པ་རྗེས་སུ་དཔོགས་པར་བྱེད་པ་མ་ཡིན ་ལ། དུ་བ་ལ་སོགས་པ་གང་ལ་དཔོག་པ་དེ་ཡང། དུ་བ་བཞིན་དུ་འཇུག་པའི་ཡུལ་མ་ཡིན་ལ། འདས་པ་ཡང་འཇུག་པའི་ཡུལ་མ་ཡིན་ཏེ། ཚད་མར་མི་ནུས་པའི་ཕྱིར་རོ། །ཞེས་བསྟན་ཟིན་ཏོ། །རུང་བ་ཙམ་གྱི་ཐེ་ཚོམ་ཁོ་ན་ལས་འཇུག་པ ་ཡིན་ནོ་ཞེ་ན། དེ་ལྟ་ན་འཇིག་རྟེན་ཕ་རོལ་ཐེ་ཚོམ་ཡང། །མཁས་རྣམས་མི་དགེ་ཉིད་སྤོང་སྟེ། །ཞེས་བྱ་བ་འདིས་དེ་ཉིད་བརྗོད་བྱ་ཡིན་ནོ། །མཚམས་སྦྱོར་བར་ནུས་ལྡན་མཐོང་བ་གང་དེ་ལ་ཞེས་བྱ་བ་ལ་སོགས་ཅིའི་ཕྱིར་བརྗོད། ཚད་མ་ཅན ་རྣམས་ཐེ་ཚོམ་ལ་འཇུག་པ་ཡིན་ཞེས་བྱ་བ་ནི། ལེགས་པར་བྱེད་པ་མ་ཡིན་ནོ། །དེའི་ཕྱིར་འདི་དང་ཕ་རོལ་ལ་ཡང་རྗེས་སུ་དཔག་པ་ལས་འཇུག་པའི་ཡུལ་ལ་ཐེ་ཚོམ་ཟ་བ་ཁོ་ན་ཡིན་ནོ་སྙམ་དུ་སེམས་པ་ནི། འབྲས་བུ་ལས་རྒྱུ་གྲུབ་མོད་ཅེས་བྱ ་བའོ། །ལན་ནི་དེ་བཤད་པ་ནི་ཞེས་བྱ་བ་ལ་སོགས་པའོ། །སྔ་མ་སྔ་མ་ནི་ཞེས་བྱ་བ་ལ་སོགས་པ་ནས་མི་བདེན་སོགས་པ་འཐད་པར་དཀའ་ཞེས་བྱ་བའི་བར་གྱིས། མཚམས་སྦྱོར་བར་ནུས་པ་དང་ལྡན་པར་མཐོང་བ་གང་ཞེས་བྱ་བ་དེ་ཙམ་རྗེས་སུ་བརྗོད་པར་བྱ་བ ་ཉིད་གྲུབ་པའི་དོན་དུ། སྐྱེ་བའི་དང་པོར་དེ་བཞིན་གནས་ཞེས་བྱ་བ་ལ་སོགས་པས་བསྒྲུབས་པ་ཉིད་སྤྲོས་པར་བྱེད་པ་སྟེ། གནས་སྐབས་གྲུབ་པའི་དེ་མ་ཐག་པ་ཡིན་པའི་ཕྱིར་རྒྱུ་མ་ཚང་བ་མེད་པ་ནི་མངོན་སུམ་མམ་རྗེས་སུ་དཔག་པ་ལས་རྟོགས་པ་ནི། འཇིག་པར ་བྱེད་པ་མ་བྱུང་གི་བར་དུ་གནས་པ་ཡིན་པར་རྟོགས་པ་ནི་བུམ་པ་བཞིན་དུ་སྟེ། བུམ་པར་བྱུང་བ་ནི་རྒྱུན་ཡོད་པ་མ་ཡིན་ལ། དེ་བཞིན་དུ་བདག་དུ་བྱེད་པ་དང་བཅས་པའི་སེམས་ལ་སོགས་པ་ལ་ཡོད་པ་ཡང་རྒྱུན་ཉིད་དུ་དམིགས་པ་ཡིན་ནོ། །བུམ་པ་ནི་ཇི་སྲིད ་དུ་འཇིག་པའི་རྒྱུ་མ་བྱུང་བ་དེ་སྲིད་དུ་རྒྱུན་གནས་པ་ཡིན་ནོ་ཞེ་ན། འདི་ལ་ནི་འཇིག་པར་བྱེད་པ་མེད་པའི་ཕྱིར། ཕྱི་མར་ཡང་ཡིན་ནོ། །ཤི་བ་འཇིག་པར་བྱེད་པ་ཡིན་ནོ་ཞེ་ན། ཤི་བའི་འཇིག་བྱེད་མཐོང་བ་ནི། དེ་ཉིད་ལས་འདིར་འདས་པ་ལའོ། །མཐོང་བ ་ལ་སོགས་པ་མེད་ཀྱང་ཇི་ལྟར་ལན་ཚྭ་ལ་སོགས་པ་མེད་ཀྱང་ཇི་ལྟར་ལན་ཚྭ་ལ་སོགས་པའི་གནོད་པས། བུམ་པ་རང་ཉིད་རྒྱུན་ཆད་པར་འགྱུར་བ་མ་ཡིན་ནམ། དེ་བཞིན་དུ་སེམས་ལ་སོགས་པ་ཡང་ངོ། །དེ་ལ་ཕན་པར་བྱེད་པའི་ང་རྒྱལ་ལ་སོགས་པ་བདག་མེད་པར ་མཐོང་བས་ཉེ་བར་མཐོང་བ་ཡིན་ན་ནི་དེ་ལྟར་འགྱུར་བ་ཞིག་ན། སོ་སོའི་སྐྱེ་བོ་ནི་དེ་ལྟར་འགྱུར་བ་མ་ཡིན་ནོ། །དེའི་ཕྱིར་དེ་ནི་རང་ཉིད་རྒྱུན་ཆད་པ་མ་ཡིན་ནོ། །བུམ་པ་ཞེས་བྱ་བ་འམ་སྔོན་པོ་ཞེས་བྱ་བ་ནི་མཐོང་བའི་རྗེས་སུ་འབྲང་བའི་རྣམ་པར་རྟག་པ་ཡིན ་ཏོ། ཐོབ་པར་བྱ་བའི་འབྲས་བུར་མཐོང་བ་ལ་དེ་ཉིད་ཀྱིས་ངེས་པར་བྱེད་པ་ཡིན་ཞེས། ཚད་མ་ཉིད་སེམས་པ་ཞེས་བྱ་བར་རྣམ་པར་དཔྱད་པར་བྱ་བ་ཡིན་ནོ། །ཇི་སྐད་དུ། དངུལ་དུ་འཛིན་པ་ནི་ཡུན་རིང་པོར་གནས་པ་འཛིན་པ་ཡིན་ཏེ། ཇི་སྲིད་དུ་མ་འོངས་པའི ་ཉ་ཕྱིས་ཀྱི་ཤེས་པའི་དུས་ཀྱི་བར་དུ་ཁྱབ་པ་ཡིན་ལ། དེ་བཞིན་དུ་དེ་ལྟ་བུའི་དུ་བ་ལས་ཀྱང་མེ་ཤེས་པ་ལ་ཡང་འཇུག་པའི་དུས་ན་ཡོད་བ་ཁྱབ་པ་ཉིད་ཡིན་ནོ། །དེའི་བར་དུ་འཇིག་པར་བྱེད་པ་ཉེ་བར་འོངས་པ་ཐེ་ཚོམ་ཟ་བ་མ་ཡིན་ནམ ་ཇི་ལྟར་ཚད་མ་ཉིད་ཡིན་འཇོག་པར་བྱེད་པ་ཡིན་དུ་ཟིན་ཀྱང། ཡོད་པ་ཉིད་ཅེས་ད་ལྟར་བ་བཞིན་དུ་ཚད་མ་ཉིད་མ་ཉམས་པ་ཉིད་ཡིན་ཏེ། ཐོབ་པར་བྱེད་པའི་ནུས་པས་ཚད་མ་ཉིད་ཡིན་པའི་ཕྱིར་རོ། །ཡང་ན་ཤེས་པ་གདལ་བར་དུ་ཆོད་པ་དེ་མེད་པར ་ངེས་པའི་ཤེས་པ་དེ་ནི་ཐོབ་པར་བྱེད་པ་ཡིན་གྱི། གཞན་ནི་མ་ཡིན་ནོ། །འདི་འདྲ་བའི་ངེས་པ་ནི་འཇིག་རྟེན་དུ་རྙེད་སླ་བ་ཡིན་གྱི་ཡང་དག་པར་གསུངས་པ་ལས། ཐམས་ཅད་མཁྱེན་པ་བརྟེན་པ་ཉིད་དུ་རྟོགས་པ་ལ། འདི་འདྲ་བའི་ཐེ་ཚོམ་ཡང ་མེད་དོ། །དེ་ནི་དེ་འདྲ་བའི་གསུང་ལས་མཛད་པ་ཆེན་པོ་ལས་འགྲོ་བ་མ་ལུས་པའི་དེ་ཁོ་ན་ཉིད་ཐུགས་སུ་ཆུད་པས། འགྲོ་བའི་བྱ་བ་མི་ཟད་པ་དང་བསོད་ནམས་ལ་སོགས་པའི་ཚོགས་ཆེན་པོ་རྫོགས་པ་རྣམས་རྒྱུན་ཆད་པའི་རྒྱུ་མེད་པའི་ཕྱིར ་ཤིན་ཏུ་རྒྱུན་མི་འཆད་པའི་ཆོས་ཅན་དུ་ངེས་པ། ད་ལྟར་ཡང། བསྙེན་བསྐུར་བྱ་བ་ཁོ་ན་ཡིན་ལ། དེ་བཞིན་དུ་འཇིག་རྟེན་ཕ་རོལ་དུ་རྒྱུན་དུ་ཡང་ཡིན་ནོ། །འཇིག་རྟེན་འདི་པའི་རྗེས་སུ་དཔག་པ་ཡོད་དུ་ཟིན་ཀྱང། འཇིག་རྟེན་ཕ་རོལ་པོ་ནི་ངེས་པའི ་འབྲས་བུ་ཅན་མ་ཡིན་ཏེ། མ་མཐོང་བའི་ཡུལ་ཡིན་པའི་ཕྱིར་རོ་ཞེས་གང་སྨྲས་པ་དེ་བསལ་བ་ཡིན་ཏེ། རྒྱུན་གྱི་རྒྱུ་རྟོག་པ་མ་ཡིན་པ་ངེས་པའི་ཕྱིར་རོ། །མཚམས་སྦྱོར་བར། ནུས་ལྡན་མཐོང་བ་གང་དེ་ལ། །ཅི་ཞིག་ཡོད་ཅེས་བྱ་བས། རྒྱུ་ནི་གདོན ་མི་ཟ་བར་འབྱུང་བའི་འབྲས་བུ་ཅན་ཉིད་དུ་བསྟན་པ་ཡིན་ཞིང། དེ་ཡང་དེ་མེད་ན་མི་འབྱུང་བའི་འབྲས་བུ་ཁོ་ན་ཡིན་པར་ཡང་ངོ། །དེ་ནི་དེའི་ཚེ་མཚམས་སྦྱོར་བར་ནུས་པ་དང་ལྡན་པ་གང་ཡིན་པ་ནི་སྔ་མ་སྔ་མ་ནི་ཞེས་བྱ་བ་ལ་སོགས་པ་ནས། མིག ་ལ་སོགས་པ་བདེན་པ་ཉིད་དམ། ཕྱི་རོལ་གྱི་དོན་ཡིན་པ་དེ་ལྟ་ན་ཡང། རང་བཞིན་འདི་ཐོག་མ་མེད་པ་ཡིན་པའི་ཕྱིར། འཁོར་བ་ཐོག་མཛའ་མེད་པ་ཉིད་དོ་ཡིན་ནོ་ཞེས་བྱ་བའི་བར་གྱིས་བསྟན་པ་ཡིན་ནོ། །དེ་ཡོད་པ་ཉིད་ནི་འབྱུང་བའི་ཕྱིར། འབྲས་བུ་ནི་ངེས ་བ་ཅན་ཡིན་ལ། རྒྱུ་ནི་ངེས་པར་བྱེད་པ་ཡིན་པར་བསྟན་པ་ཡིན་གྱི། འབྱུང་བ་ཁོ་ན་ཞེས་བྱ་བ་གང་དུ་དགོས་པ་ཡིན། ངེས་པར་བྱེད་པ་ཡིན་ལ་ནི་དེ་བཞིན་དུ་འགྱུར་གྱི། དེ་ལྟ་བུ་ཉིད་རྟོགས་པའི་ཡན་ལག་ཀྱང་མ་ཡིན་ལ། ངེས་པ་ཅན་ཉིད་གཞན་དུ་མི་འགྱུར ་བ་ཡང་མ་ཡིན་ཏེ། དེ་ཡོད་ན་རེས་འགའ་འབྱུང་བས་ངེས་པ་ཅན་ཉིད་དུ་རྟོགས་པའི་ཕྱིར་རོ། །མི་རིགས་ཏེ་ཐལ་ཆེས་པའི་ཕྱིར་རོ། །རྒྱུ་མ་ཡིན་པ་ལ་ཡང་རེས་འགའ་འབྱུང་བ་ཡོད་པ་ཡིན་ནོ། །དེ་ལ་ནི་དེ་ཡོད་པ་ཉིད་ན་ཞེས་བྱ་བ་མེད་པ་ཡིན་ནོ་ཞེ་ན། ་དེ་ཡོད་པ་ཉིད་ན་ཞེས་བྱ་བ་འདི་ཡང་འབྲས་བུ་ནི་དེའི་དབང་ཉིད་ཡིན་པར་བརྗོད་པ་ཡིན་ནོ། །གང་གི་ཚེ་མ་ཚང་བ་མེད་པའི་རྒྱུ་མཚན་དེ་ཡོད་ཀྱང། རང་ཉིད་ཁོ་ན་མི་འབྱུང་བ་ཡིན་ནོ། དེའི་ཚེ་དེའི་དབང་དུ་འགྱུར་བ་མ་ཡིན་ནོ། །གང་གི་ཕྱིར་དེ་ཡོད་པ་ལ ་དབང་བ་ནི་ཡོད་ན་མི་འབྱུང་བ་མ་ཡིན་ལ། དེའི་ཚེ་རྒྱུ་མེད་བ་ཉིད་དུ་ཤེས་པ་ཡིན་ན། འབྲས་བུའི་དུས་སུ་ཡང་དེ་ཉིད་ཡིན་པའི་ཕྱིར་རྒྱུ་མ་ཡིན་པ་ཉིད་དུ་འགྱུར་ཞིང། འབྲས་བུ་ནི་རང་དབང་དུ་འགྱུར་ཏེ། རང་ཉིད་ཁོ་ན་རེས་འགའ་འབྱུང་བ་འམ་མི ་འབྱུང་བ་ཡིན་ནོ། །གལ་ཏེ་རང་དབང་ཡིན་ན་དེ་མེད་ཀྱང་ཅི་སྟེ་འབྱུང་བར་མི་འགྱུར། ཇི་ལྟར་མཐོང་བ་དེ་ཁོ་ན་བཞིན་དུ་འགྱུར་བ་ཡིན་ལ། ངེས་པ་ཅན་དུ་མཐོང་བ་དང་རང་དབང་ཉིད་ནི་འགལ་བ་ཡིན་ནོ། །དེའི་ཕྱིར་ངེས་པ་ཅན་མཐོང་བ་ལས་དེའི་དབང ་དུ་འགྱུར་བ་ཡིན་ནོ། །དེ་ལ་ཡང་རེས་འགལ་མི་འབྱུང་ན་གཞན་ལ་ནི་སྨོས་ཀྱང་ཅི་དགོས་དེ་མང་བ་ནི་རང་དབང་ཡིན་པ་ནི། དེ་མེད་ཀྱང་ཡོད་ལ། ཡོད་ཀྱང་རེས་འགའ་ཡོད་པའི་ཐམས་ཅད་དུ་ཅིས་མེད་པ་ཡིན་ཞེ་ན། འབྲས་བུས་གགས་བྱས་པའི ་ཕྱིར་རོ། །དེ་ཡང་ཡོད་ན་གེགས་བྱེད་ཀྱི་མེད་ན་ནི་མ་ཡིན་ནོ། །མེད་པ་ཉིད་ལ། ཅིའི་ཕྱིར་མ་ཡིན་ཞེ་ན། རྒྱུ་མེད་ན་དེ་མེད་པའི་ཕྱིར་ཞེས་བྱ་བ་ཡིན་གྱི་ཡོད་ན་ནི་མ་ཡིན་ནོ། །སྔ་ན་ཡོད་པ་མེད་པས་བར་དུ་བཅད་པའི་ཕྱིར་ཞེས་བསྟན་པ་ཡིན་ནོ་ཞེ་ན ་དེ་ལྟ་ན་གང་གི་ཚེ་འབྲས་བུ་ཡིན་པ་དེའི་ཚེ་ཡང་རྒྱུ་ཙམ་གྱི་གནས་སྐབས་ན་དེ་མེད་པ་ཡོད་པའི་ཕྱིར་བར་དུ་ཆོད་པར་འགྱུར་རོ། །རྒྱུ་ནི་མེད་པ་བསྒྲིབས་ནས་ནན་གྱིས་འབྲས་བུ་བསྐྱེད་པ་ཡིན་ནོ་ཞེ་ན། གཞན་གྱི་ཚེ་ཡང་དེ་དང་འདྲ་བ་ལ་ནན་གྱིས་བསྐྱེད་པར་བྱེད ་པར་འགྱུར་པའི་ཕྱིར་མེད་པས་བར་དུ་བཅད་པ་ནི་མ་ཡིན་ནོ། །འབྲས་བུ་ནི་རང་ཉིད་ཁོ་ན་མི་འབྱུང་བ་ཡིན་ནོ་ཞེ་ན། རང་ཉིད་ཁོ་ན་འབྱུང་བར་བྱང་འགྱུར་རོ། །གཞན་དབང་ཉིད་དུ་རྟོགས་པ་ཡིན་ནོ་ཞེ་ན། གདོན་མི་ཟ་བར་འབྱུང་བ་ཡང་དེའི་ཁྱབ་བྱེད་དུ་འགྱུར ་ལ། རྒྱུ་རྣམས་ནི་གདོན་མི་ཟ་བར་དེ་དང་ལྡན་པར་མི་འགྱུར་རོ་ཞེས་མ་ཚང་བའི་གནས་སྐབས་ལ་བལྟོས་ནས་ཡིན་ལ། གདོན་མི་ཟ་བར་འབྱུང་བ་ཡང་ཡོད་པ་ཙམ་ལས་ནི་མ་ཡིན་གྱི། འོན་ཀྱང་ངེས་པ་ཅན་ཉིད་ནི་རྒྱུ་མཚན་ཡིན་ལ། དེ་མེད་ན་རང ་དབང་ཉིད་ཀྱིས་ངེས་པ་མེད་པ་ཉིད་དུ་འགྱུར་རོ། །ངེས་པ་ཅན་ཉིད་ནི་འབྲས་བུ་ཉིད་མ་ཡིན་པ་མ་ཡིན་ནམ། ཤིང་ཤ་བ་ཡང་ཤིང་གི་དེ་ཉིད་དུ་ཐལ་བར་འགྱུར་པའི་ཕྱིར་རོ། །ལྡོག་པ་ངེས་པ་ཉིད་ཁོ་ན་འབྲས་བུ་ཉིད་ཡིན་ཏེ། དེ་ལས་མི་སྐྱེ་ནང་ལ་མི་འཁྲུལ་པར་ངེས་པ་མེད་པའི་ཕྱིར་རོ། །སྨིན་དྲུག་ཤར་བ་ལ་སོགས་པ་ལས་སྣར་མ་ཡང་ཉེ་བ་ལ་སོགས་པ་ཡིན་པར་འདིས་བཤད་པ་ཡིན་ནོ། །དེ་མེད་ན་མི་འབྱུང་བར་ངེས་པ་ཡིན་གྱི། གདོན་མི་ཟ་བར་འབྱུང་བ་ན་མ་ཡིན་ནོ། །དེ་དང ་འདྲ་བ་ཁོ་ན་ཡིན་པ་དེ་ལས་མི་འབྱུང་ན་དེ་ཇི་ལྟར་ངེས་པར་བྱེད་པ་ཡིན་ཞེ་ན། དེ་ངེས་པར་བྱེད་པ་མ་ཡིན་ན་དེ་ལ། དེ་ཇི་ལྟར་ངེས་པ་ཞེས་བྱ་བ་ཡིན། ཤིད?་ནི་ཤ་པ་གདོན་མི་ཟ་བར་ཡོད་པ་ཁོ་ནར་ངེས་པར་བྱེད་པ་ཁོ་ན་ཡིན་ཏེ། དེ་དང་ལྡན ་པ་མ་ཡིན་པ་དེའི་ངེས་པར་བྱེད་པ་མ་ཡིན་པའི་ཕྱིར་རོ། །ཤིང་མ་ཡིན་པ་རྣམ་པར་གཅོད་པ་འབའ་ཞིག་གིས་སམ། མེ་མ་ཡིན་པ་རྣམ་པར་གཅོད་པས་དེས་བཞིན་པ་ན། དེ་དང་དེ་མ་ཡིན་པ་རྒྱུད་ཀྱི་སོ་སོར་སྣང་བ་ཡིན་ཏེ། གཞན་དུ་ན་ངེས་པར་བྱ་བར་མི་ནུས ་པའི་ཕྱིར་རོ། །དུ་བ་ལ་སོགས་པ་ནི་ངེས་པ་ལ་ཡང་ངེས་པ་ཅན་ཁོ་ན་ཡིན་ཏེ། ངེས་པ་དེ་ཁོ་ན་རྗེས་སུ་འབྲང་བ་རྣམས་ནི་དེ་ཡོད་པ་ཉིད་ན་འབྱུང་ལ། དེ་མེད་ན་མི་འབྱུང་བ་ཁོ་ན་ཞེས་བྱ་བ་ལ་སོགས་པར་ཐ་སྙད་དུ་བྱེད་ཀྱི། དེ་མེད་ན་འབྱུང་བ་ནི་དེ་ལ་ངེས་པར་བྱེད ་པ་མ་ཡིན་ནོ། །དེ་དག་ཙམ་ནི་ངེས་པར་བྱེད་པ་མ་ཡིན་པའི་ཕྱིར་རོ། །འབྲས་བུ་བཞིན་དུ་རྒྱུ་ཡང་དེ་མེད་ན་མི་འབྱུང་བའི་ཕྱིར་ཁྱད་པར་མེད་པས་རྟོགས་པར་བྱེད་པར་འགྱུར་རོ། །དེའི་ཕྱིར་འབྲས་བུ་འམ་རང་བཞིན་གྱིས་གཏན་ཚིགས་ཡིན་ཞེས་བྱ་བའི་ཕྱག་རྒྱ་ཆད ་པར་འགྱུར་རོ། །དེ་ལྟར་རྟོགས་པ་ཡིན་ན་དེ་ཡང་འབྲས་བུ་ཉིད་ཡིན་པས་ཁྱད་པར་མེད་པ་ཁོ་ན་ཡིན་པའི་ཕྱིར་ཕྱག་རྒྱ་བཅད་པ་མ་ཡིན་ནོ། །དེ་ལྟ་ཡིན་ན་ད་ལྟར་རྒྱུ་ཉིད་པོར་བ་ཡིན་པ་ལ་མ་བོར་ན་ནི་དེ་ཡང་གོ་བར་བྱེད་པ་ཉིད་ཡིན་པའི་ཕྱིར་དེ་དང་འདྲ་བར་ཕྱག ་རྒྱང་ཅད་པ་ཡིན་ནོ། །བདེན་ཏེ་འབའ་ཞིག་དེ་བཞིན་ན་འབྱུང་བ་ཁོ་ན་ཡིན་ཞེས་དེ་ཉིད་ཁོ་ན་དེས་པར་བྱ་བ་མ་ཡིན་ནོ། །འབྱུང་བར་བྱེད་པ་ཁོ་ན་བདག་ཉིད་ཀྱི་ཡང་དེ་དང་བྲལ་བའི་གནས་སྐབས་ལ་གནོད་པར་བྱེད་པ་ཡིན་ནོ། །དེའི་ཕྱིར་ཁོངས་སུ་རྟོགས་པའི ་བསྐྱེད་བྱ་ཉིད་ཡིན་པའི་ཕྱིར་སྐྱོན་མེད་དོ། །རེ་ཞིག་འབྲས་བུ་དེ་ལྟར་རྟོགས་པ་ནི་གོ་བྱེད་ཡིན་ལ། རྒྱུ་ཡང་དེ་ཉིད་དུ་རྟོགས་བཞིན་པ་ནི་འབྲས་བུ་ཁོ་ན་ཡིན་གྱི། འབའ་ཞིག་ནི་མ་ཡིན་ཏེ་གང་གིས་གཏན་ཚིགས་གསུམ་པར་འགྱུར་ཞེས་བྱ་བའི་དོན་ཏོ། །གལ ་ཏེ་ཡང་གོམས་པ་ལས་བྱུང་བ་ཡིན་ན་དེའི་ཁྱད་པར་ཅན་དུ་བྱས་པའི་དབུགས་ལ་སོགས་པ་ལུས་སམ། འབྱུང་བ་རྣམས་ཡོངས་སུ་གྱུར་པའི་ཁྱད་པར་ཡང་རུང་བ། དབྱེ་བ་དུ་མ་ལས་ཅེས་བལྟོས་པ་ཡིན། དེའི་ཕྱིར་ཡོངས་སུ་གྱུར་པའམ་ཁྱད་པར་ལས ་འབྱུང་བ་གོམས་པས་ཁྱད་པར་དུ་བྱེད་པ་ཡིན་ཏེ། མེ་ལ་སོགས་པ་དང་ཕྲད་པས་གཟུགས་ལ་སོགས་པ་ལྟ་བུ་ཡིན་གྱི། གོམས་པའི་བསྐྱེད་བྱ་ཡང་ཁྱད་པར་ལས་སམ། ཡོངས་སུ་གྱུར་པ་ལས་གཅིག་གི་རྣམ་པར་འགྱུར་བ ་ཅན་མ་ཡིན་ཏེ། སྣ་ཚོགས་ཉིད་དུ་སྦྱོར་བའི་ཕྱིར་རོ། །སྣ་ཚོགས་པ་དེ་ཉིད་ཡོངས་སུ་གྱུར་པའམ། གཞན་ཡང་འགྲོ་བ་སྣ་ཚོགས་པ་ཉིད་ཀྱི་རྒྱུ་ཡོད་པ་ཡིན་ན། ཅིས་རང་གི་རིགས་ཀྱི་རྒྱུར་རྟོག་པ་ཡིན། འབྲས་བུ་དང་རྒྱུ་ཉིད་མེད་པ་ཡང་མ་ཡིན་ཏེ། ་ཡོངས་སུ་གྱུར་པ་སྣ་ཚོགས་པ་ཉིད་དུ་མཐོང་བའི་ཕྱིར་རོ། །ད་ལྟར་ནི་གོམས་པ་ལས་ཡོངས་སུ་གྱུར་པ་ལ་སོགས་པ་ལས་འབྱུང་བའི་ཕྱིར་སྐྱེ་པ་དང་པོ་ལ་དེ་བཞིན་དུ་བསྟན་པ་ཡིན་ནོ་ཞེ་ན་ཡང། མེ་དང་ཕྲད་པ་ལས་སྔོན་རོལ་དུ་ཡང་གཟུགས ་ལ་སོགས་པ་ཁོ་ན་ཡིན་པའི་ཕྱིར་ཕྱིས་ཀྱི་བཞིན་དུ་དེ་ལས་འབྱུང་བ་ཉིད་དུ་འགྱུར་རོ། །སྔོན་པོ་ཉིད་དང་དམར་པོ་ལ་སོགས་པའི་དབྱེ་བ་ཡིན་ན་ནི་མཚུངས་པ་ཡིན་ཏེ། འདི་ལ་ཡང་ཇི་ལྟར་ཡང་དབྱེ་བ་མཐོང་བའི་ཕྱིར་རོ། །དེའི་ཕྱིར་དང་པོ་ཡོངས ་སུ་གྱུར་པའི་བྱེ་བྲག་ལས་འབྱུང་བ་ནི་དབུགས་ལ་སོགས་པ་ཡིན་ལ། ཡོངས་སུ་གྱུར་པ་ལ་སོགས་པ་ཡང་སྣང་བ་འམ། གཞན་ཡང་མ་ཡིན་ཏེ། ཁྱད་པར་དུ་རྟོགས་པ་དོགས་པ་མེད་པའི་ཕྱིར་རོ། །སྙམ་དུ་སེམས་པ་ལ། གང་དུ་དྲོད་གཤེ ་ལ་སོགས་སྐྱེ་བའི་ཞེས་བྱ་བ་སྨོས་ཏེ། རེ་ཞིག་འབྱུང་བ་རྣམས་ཀྱི་སེམས་པ་དང། ཅིག་ཤོས་ལ་སོགས་པ་རྣམས་ཀྱིས་འདི་རྣམ་པར་དབྱེ་བ་ནི་མ་ཡིན་ཏེ། ཐམས་ཅད་ལ་སྲོག་ཆགས་སྐྱེ་བ་མཐོང་བས་སྲ་བ་ལ་སོགས་པའི་ཁྱད་པར་ནི་ངེས་པར་བྱེད ་པ་མ་མིན་པའི་ཕྱིར་རོ། །ཁྱད་པར་ཅན་ཡོངས་སུ་གྱུར་པ་ཡང་མ་ཡིན་ཏེ། འབྱུང་བ་རྣམས་ཀྱི་ཁྱད་པར་དུ་མི་འཐད་པའི་ཕྱིར་རོ། །འཕེལ་བ་དང་འགྲིབ་པ་དག་འདྲེས་པའི་ཁྱད་པར་ལས་ཁྱད་པ་ཅན་དུ་གྱུར་པ་ཡིན་ནོ་ཞེ་ན། འབྱུང་བ་ལས ་ཁྱད་པར་མེད་ན་འདྲེས་པའི་འབྲེལ་པ་དང་འགྲིབ་པ་དག་གི་གཞན་སེམས་པ་ཅན་ལ་སོགས་པ་ཡོངས་སུ་གྱུར་པ་ནི་མི་རིགས་ཏེ། བ་ལང་དང་རྟ་ལ་སོགས་པའི་འདྲེས་པའི་ཁྱད་པར་གྱིས། དེའི་རང་བཞིན་མ་ཡིན་པའི་དངོས་པོ་སྐྱེ་བར་མཐོང་བ་མ་ཡིན་ནོ། །ཆད ་ལ་སོགས་པ་ནི་མ་ཡིན་པའི་ངོ་བོ་ཡིན་ནོ་ཞེ་ན། མ་ཡིན་ཏེ་དེ་ལ་ཡང་ལོག་པར་རྟོགས་པའི་ཕྱིར་རོ། །གང་གི་ཕྱིར་འགྲོ་བ་ཡོངས་སུ་གྱུར་པ་ཐམས་ཅད་ཁོ་ན་རྩོད་པའི་གཞི་ཡིན་ལ། དེའི་ཕྱིར་ཡོངས་སུ་གྱུར་པ་ཡང་སེམས་པ་དང་ཅིག་ཤོས་ཉིད་ལས་རྣམ་པར ་དབྱེ་བ་མ་ཡིན་ཏེ། ས་ལ་སོགས་པའི་ཆ་ལས་ཡོངས་སུ་གྱུར་པ་འགའ་ཡང་མེད་དེ། གང་དུ་དྲོད་གཤེར་སོགས་སྐྱེ་བའི། །སྐྱེ་བོ་ཞེས་བྱ་བ་ལ་སོགས་པའི་དབྱེ་བ་མེད་དོ་ཞེས་བྱ་བའི་དོན་ཏོ། །སྐྱེ་བོ་ཞེས་བྱ་བ་ནི་ཉེ་བར་མཚོན་པ་སྟེ། ཤིང་དང་ཆང་ལ་སོགས ་པའི་དབྱེ་བ་མེད་པར་ཡང་འབྱུང་བ་ལ་སོགས་པའི་སེམས་པ་དང། ཅིག་ཤོས་ལ་སོགས་པའི་རྣམ་པར་དབྱེ་བའི་རྒྱུ་མེད་ན་མི་རིགས་སོ་ཞེས་བྱ་བའི་དོན་ཏོ། །དེ་འགའ་ཡང་མེད་ཅེས་བྱ་བས་ནི་རྣམ་པར་དབྱེ་བ་མེད་པའི་འབྱུང་བ་རྣམས་བསྟན་པ་ཡིན་ནོ། །རྒྱུའི ་རྣམ་པར་དབྱེ་བ་མེད་ན་འབྲས་བུའི་རྣམ་པར་དབྱེ་བ་ལེགས་པ་མ་ཡིན་ཏེ། དེ་དངོས་ས་བོན་ལས་ཞེས་བྱ་བ་ནི་ཐ་མི་དད་པ་ལས་སོ། །མ་ངེས་པ་ནི་ཐ་དད་པའོ། །དེས་པ་མེད་པ་ནི་ངེས་པ་ཅན་གྱི་ངེས་པར་བྱེད་པ་བརྟགས་པ་ཡིན་ནོ། །དེ་ཡང་འབྱུང་བ ་ལ་ཡོད་པ་ཉིད་ཀྱི་སྣ་ཚོགས་པ་ལ་ལས་རྣམས་ངེས་པར་བྱེད་པ་ཡིན་ཞེས་ཅི་ལས་ཡིན། ཆོས་ཅན་གྱི་རྣམ་པར་རྟོག་པ་བས་ཆོས་སུ་རྣམ་པར་རྟོག་པ་ཡང་པའི་ཕྱིར་མཆོག་ཡིན་ནོ། །ཆོས་ཅན་དུ་བརྟགས་པའི་ནུས་པ་སྣ་ཚོགས་པ་ཙམ་ནི་ཆོས་ཡིན ་ནོ་སྙམ་དུ་སེམས་པ་ལ། དེང་ཕྱིར་དབང་སོགས་རང་རིག་ལ། །བལྟོས་པ་མེད་པར་ནི་ཞེས་བྱ་བ་སྨོས་ཏེ། གང་དག་ཁོ་ན་གོམས་པ་ལས་བྱུང་བའི་ཤེས་རབ་དང། མི་བརྗེད་པ་ལ་སོགས་རྣམས་དང་དབུགས་ལ་སོགས་པ་རྣམས་ཀྱང་མཐོང་བ་དེ་རྣམས ་ཁོ་ན་སྐྱེ་བའི་དབང་པོ་ལ་ཡང་དམིགས་པ་ཡིན་གྱི་མེ་དང་ཕྲད་པ་ལས་བྱུང་བའི་ཚོགས་པ་ལས་ནི་མ་ཡིན་ཏེ། སྔ་རོལ་དུ་ཡང་རིགས་ཀྱི་དབྱེ་བ་ཡོངས་སུ་གསལ་བའི་ཕྱིར་རོ། །དེ་དེ་བཞིན་དུ་སྐྱེ་བའི་དང་པོའི་དབུགས་ལ་སོགས་པ་ནི་རང ་གི་རིགས་ཀྱི་གོམས་པ་སྔོན་དུ་འགྲོ་བ་ཅན་ཉིད་ཀྱིས་སྐྱེ་བ་སྔ་མར་གྲུབ་པ་ཡིན་ལ། འགྲོ་བའི་སྣ་ཚོགས་པའི་རྒྱུ་འབྱུང་བའི་ཆོས་ཉིད་ཀྱི་རྟོག་པའི་ཁྱད་པར་བྱེད་པའི་དགོས་པ་ནི་འཇིག་རྟེན་ཕ་རོལ་མེད་པ་ནི་དེ་དང་འགལ་བའི་ཕྱིར་བཀག་པ ་ཡིན་ནོ། །རང་གི་རིགས་ཀྱི་གོམས་པ་ལས་བྱུང་བ་ཉིད་ལ་ཐལ་ཆེས་པའི་སྒོ་ནས་འཇིག་རྟེན་ཕ་རོལ་ཡོད་པས་ཁྱབ་པ་ཡིན་ཏེ། ཁྱབ་པར་བྱེད་པ་འགལ་བས་ཁྱབ་པ་ཡིན་པར་བསྟན་པ་ཡིན་ནོ་ཞེས་བྱ་བའི་དོན་ཏོ། །འབྲས་བུ་མེད་པའི་རྟོག ་པ་ནི། །འཐད་པར་བྱ་བ་མ་ཡིན་ཏེ། ནུས་པ་དུ་མ་ཅན་གྱི་འབྱུང་བ་འབྲས་བུ་གཅིག་བྱེད་པ་ཅན་ཡིན་ན། ནུས་པ་གཞན་གྱི་བསྐྱེད་བྱའི་འབྲས་བུ་གཞན་དུ་ཡང་དེའི་ཚེ་ཁོ་ནར་འགྱུར་རོ། །དེ་བཞིན་དུ་བསྐྱེད་བྱེད་མ་ཡིན་ན་རིམ་གྱིས་ཀྱང་མི ་འགྱུར་ཏེ། བལྟས་པ་མེད་པའི་ཕྱིར་རོ། །ལས་སུ་སྨྲ་བ་ལ་ནི་དེ་སླས་གཞན་བྱས་པ་ཡིན་ལ་བལྟོས་ས་གཞན་ཡང་ཡོད་པ་དེའི་ཕྱིར་སྐྱོན་མེད་དོ། །དེའི་ཕྱིར་འགྲོ་བ་སྣ་ཚོགས་པའི་རྒྱུ་འབྱུང་བའི་ཆོས་རྣམས་ཉིད་ནུས་པའི་ཁྱད་པར ་དུ་བརྟག་པ་མ་ཡིན་ཏེ། གང་གི་ཕྱིར་ཤེས་རབ་དང་མི་བརྗེད་པའི་བློ་ལ་སོགས་པ་རྣམས་སྐྱེ་བའི་དང་པོ་ལ་རང་གི་རིགས་ལ་མི་བལྟོས་པ་རྣམས་འབྱུང་བར་ཁས་ལེན་པ་ཡིན་ན། ཇི་ལྟར་སྐྱེ་བའི་དང་པོར་འབྱུང་བ་ཤེས་རབ་དང་མི་བརྗེད ་པའི་བློ་ལ་སོགས་པ་དང་ལྡན་པའི་ཡོངས་སུ་གྱུར་པ་རང་གི་རིགས་ལ་བལྟོས་པ་མེད་པ་དེ་ཁོ་ན་བཞིན་དུ། དེ་ལས་གཞན་ཡང་འགྱུར་བ་ལ་ཅི་ལས་ཡིན་ཞེ་ན། ཁྱད་པར་མེད་པས་སྐྱེ་བའི་དངོས་པོ་ལས་འབྱུང་བ་རྣམས་དང་གོམས་པ ་ལས་འབྱུང་བ་རྣམས་ཀྱང་ཐ་དད་པར་ཉེ་བར་མ་མཚོན་པའི་ཕྱིར་རོ། །འདི་ལ་ཡང་ཡོད་པ་མ་ཡིན་ཏེ། དེའི་བསྐྱེད་པ་ནི། གོམས་པ་ལས་རག་ལས་པའི་མཐོང་བའི་ཕྱིར། དེའི་ནུས་པ་མཐོང་བ་ཡིན་གྱི་འབྱུང་བའི་ནུས་པ་ནི་དེ་ལྟ་མ་ཡིན་ཏེ། གཞན་ལས ་འབྱུང་བ་ཡང་རིལ་དུ་བ་བཞིན་དུ་དེ་ལ་མཐོང་བ་འགལ་བ་མེད་པའི་ཕྱིར་རོ། །བུམ་པ་ནི་མེ་དང་ཕྲད་པའི་སྔོན་རོལ་དུ་ཁྱད་པར་ཅན་ཡོངས་སུ་གྱུར་པ་ནི་དེ་ལྟ་མ་ཡིན་ཏེ། སྔོན་པོ་དང་དམར་པོ་ལ་སོགས་པ་ཐ་དད་པར་ཡོངས་སུ་གསལ་བ་ཡིན་ནོ་ཞེས ་གཞུང་དང་སྦྱར་རོ། །ཡང་ན་འབྱུང་བ་རྣམས་ཀྱི་ཐ་མི་དད་པ་འམ་ཡོངས་སུ་གྱུར་པ་འམ། ཡོངས་སུ་གྱུར་པ་ཡང་ཁྱད་པར་ཅན་མེད་པའི་ཕྱིར་ཁྱད་པར་མེད་པས་མིག་ལ་སོགས་པ་དང་ལྡན་པའི་ཡོངས་སུ་གྱུར་པ། བོང་བ་དང་རྩིག་པ་ལ་སོགས ་པ་དང་འགྱུར་ཏེ། སྣ་ཚོགས་པ་གཅིག་གི་ངོ་བོར་འགྱུར་གྱི་སྣ་ཚོགས་པ་ཉིད་དུ་མ་ཡིན་ནོ་ཞེས་བྱ་བའི་དོན་ཏོ། །དབང་རྣམས་རེ་རེ་ལ་གནོད་ཀྱང་ཞེས་བྱ་བའི་ཚིགས་སུ་བཅད་པའི། སྐྱེ་བ་ཡོངས་སུ་ལེན་པ་ནི་ཞེས་བྱ་བ་ནི་བཤད་པ་དེ་ལ་གཏད ་པས་བཤད་པ་ཡིན་ནོ། །ད་ནི་དེའི་འགྲེལ་པ་བཤད་པར་བྱ་སྟེ། དེ་ལ་བུམ་པ་མེ་དང་ཕྲད་པའི་བསྐྱེད་བྱ་རྣམ་པར་འགྱུར་བ་ཡང་དེ་ཁོ་ན་ལས་སྐྱེ་བ་མ་ཡིན་ཏེ། རྫ་མཁན་ལས་སྐྱེ་བར་མཐོང་བའི་ཕྱིར་རོ། །དབང་པོ་རྣམས་ནི་ཡིད་ཀྱི་བསྒྱུར་ལ་ཡིན་ལ། དེ ་གསལ་བ་ཡིན་ན་དབང་པོ་རྣམས་གསལ་བ་ཡིན་ཏེ། བཟློག་པ་ཡིན་ན་ལོག་པ་ཡིན་གྱི་གཞན་ལས་སྐྱེ་བར་མཐོང་བ་ཡང་ཡིན་ནོ། །དེའི་ཕྱིར་དེ་ཁོ་ན་ལས་སྐྱེ་བ་ཡིན་པར་ཤེས་པར་བྱའོ། །བུམ་པ་ལ་སོགས་པ་མེས་བྱས་པའི་རྣམ་པར་འགྱུར་པ་ཁོ་ན་ཡིན་པའི ་ཕྱིར་དཔེ་མ་ཡིན་པར་མི་རིགས་ཏེ། སྐྱེ་བའི་དང་པོའི་དབང་པོ་ཡང་ཡིད་ཀྱི་རྣམ་པར་འགྱུར་བ་ཉིད་ལས་མ་མཐོང་བ་ཡིན་པར་འགྱུར་བའི་ཕྱིར་རོ། །ཕྱོགས་ལ་འཁྲུལ་པ་ཡིན་ཞེས་བྱ་བ་ཡང་མ་ཡིན་ནོ། །དེ་ལྟ་ན་ནི་གང་ཡང་མ་ངེས་པ་ཞེས་བྱ་བར་མི་འགྱུར་པ ་ནི་བུམ་པ་ལ་སོགས་པ་ཡང་རྫ་མཁན་གྱི་བསྐྱེད་བྱར་མི་འགྱུར་ཏེ། དེ་ཡང་ཕྱོགས་སུ་ཕྱེད་པའི་ཕྱིར་རོ། །དེ་ལ་ནི་རྫ་མཁན་གྱི་བསྐྱེད་བྱར་མཐོང་བ་ཡིན་ལ། དེས་ན་མེའི་བསྐྱེད་བྱ་ཉིད་མ་ཡིན་ནོ། །དེའི་ཕྱིར་མེ་ནི་རྣམ་པར་འགྱུར ་པ་སྐྱེད་པ་ཡིན་གྱི། རང་གི་ངོ་བོ་ནི་སྐྱེད་བྱེད་མ་ཡིན་ནོ། །དབང་པོ་ཡང་སྐྱེ་བའི་དང་པོ་འབྱུང་བའི་བསྐྱེད་བྱ་ཡིན་ཏེ། དེ་ལྟར་མ་མཐོང་བའི་ཕྱིར་རོ། །དེའི་ཚེ་ཡིད་ཀྱི་བསྐྱེད་བྱ་ཉིད་དུ་ཉེ་བར་མཚོན་པ་ནི་མ་ཡིན་ཏེ། གཞན་གྱི་ཚེའི་ཡིད་ཀྱི་བསྒྱུར་བྱ་ལྟ་བུའོ། །དེའི ་ཚེ་ཡོད་དེའི་བསྐྱེད་བྱ་ཉིད་མ་ཡིན་ཏེ། གཞན་དུ་དེའི་བསྒྱུར་བྱ་མིན་པའི་ཕྱིར་རོ། །གཞན་མེད་ཀྱང་མེས་བུམ་པ་བཞིན་དུ་ཡིན་ལ། དེའི་ཕྱིར་མཐོང་བ་ཁོ་ན་དེའི་འབྲས་བུ་ཉིད་ཡིན་གྱི་དེ་བཞིན་དུ་དུ་བ་ཡང་དེའི་བསྐྱེད་བྱ་ཉིད་དུ་འགྱུར་པ་མ་ཡིན་ཏེ། མེའི ་བསྐྱེད་བྱ་ཉིད་དུ་ཚད་བདེ་ལ་སོགས་པར་མཐོང་བའི་ཕྱིར་རོ། །དེ་བཞིན་དུ་དབང་པོ་ཡིད་ཀྱི་བསྐྱེད་བྱ་ཉིད་ཡིན་པར་འགར་ཡང་མཐོང་བ་མ་ཡིན་ཏེ། རྣམ་པ་རྟོག་པ་ཐམས་ཅད་བསྡུས་ཀྱང་དབང་པོ་ཡོད་པས་མཐོང་བ་ཡོད་པར་བརྗོད་པའི་ཕྱིར་རོ། ། ་འོན་ཏེ་སྔ་རོལ་དུ་ཡོད་པ་ལས་སྐྱེས་པའི་དབང་པོ་ནི་རྫ་མཁན་ལས་བུམ་པ་བཞིན་དུ་ཕྱིས་རྒྱུན་དུ་བྱེད་པ་ཡིན་ནོ། །དེའི་གནས་ཀྱང་རྣམ་པར་རྟོག་པ་གཞན་མེད་ཀྱང་བདག་གོ་ཞེས་བྱ་བའི་བློ་མེད་པ་མ་ཡིན་ཏེ། ང་རྒྱལ་དང་བཅས་པའི་རྒྱུ་ཡིན་པའི ་ཕྱིར་རམ། །དེའི་བག་ཆགས་རྗེས་སུ་འཇུག་པའི་ཕྱིར་ཏེ། དེས་ན་སྐྱོན་མེད་དོ། །གཉིད་ཐུག་པས་ནོན་ན་སེམས་ཉིད་ཆད་པའི་ཕྱིར་དབང་པོ་ཡང་ཆད་པ་ཡིན་ལ། སད་པའི་དུས་སུ་ནི་གཉིད་རྩོམ་པའི་སེམས་ཁོ་ན་ལས་སེམས་དང། དབང་པོ ་ཡང་འབྱུང་བ་ཡིན་ནོ། །དེ་འདི་ཡིད་ཀྱི་རྣམ་པར་ཤེས་པའི་འབྲས་བུ་ཉིད་དུ་གྲུབ་ན་རྟོག་པར་བྱེད་པར་རིགས་ཀྱི་གཞན་དུ་ཉེ་བར་རྟོག་པ་ཙམ་ནི་རྟོག་པ་དང་ལྡན་པ་རྣམས་ཀྱི་བཏང་སྙོམས་སུ་བྱ་བ་ཡིན་ནོ། །དེ་གྲུབ་བ་ནི་མ་ཡིན་ཏེ། ཕྱིན་ཅི ་ལོག་ཏུ་མཐོང་བའི་ཕྱིར་རོ། །དེ་ལྟར་བསྟན་པ་ནི་འོན་ཏེ་དེའི་རྣམ་པར་བསྒྱུར་བྱ་ཉིད་ཅེས་བརྗོད་པས། དེའི་བསྐྱེད་བྱ་ཉིད་ཁོ་ན་ཡིན་པར་བསམས་པ་ཡིན་ན། དེ་མ་གྲུབ་པ་ཡིན་ཏེ་མོས་བུམ་པ་ལྟ་བུའོ། །རྣམ་པར་བསྒྱུར་བྱ་ཉིད་ཙམ་ལས་རྒྱུན་ནི་དེའི་འབྲས་བུ ་བརྗོད་པ་མ་ཡིན་ཏེ། ལུས་དང་དབང་པོ་ལ་སོགས་པ་སྲིད་པར་རྟོགས་པ་ཐམས་ཅད་ཡིད་ཀྱི་རྣམ་པར་འགྱུར་པའི་རྗེས་སུ་བྱེད་པའི་རྣམ་པར་འགྱུར་བ་ཉིད་དུ་མཐོང་བ་ཡིན་ལ། སྐྱེ་བའི་དང་པོ་ལ་ཡང་དེའི་རྣམ་པར་འགྱུར་པ་དང་ལྡན་པ་དེ་སྔོན་དུ་འགྲོ་བ་ཅན ་དུ་རྟོགས་པ་ཡིན་ནོ། །རྒྱུན་ནི་དེའི་བསྐྱེད་བྱ་འམ་གཞན་གྱི་བསྐྱེད་བྱ་ཡིན་ཞེས་བྱ་བ་གང་དུ་དགོས་པ་ཡིན། རྣམ་པར་འགྱུར་པ་རྣམས་གཞན་ཉིད་ཀྱང་མ་ཡིན་ཏེ། དེ་ཉིད་ངོ་ཤེས་པའི་ཕྱིར་རོ། །དེ་དག་ཙམ་ལས་ཀྱང་སྐྱེ་བ་གཞན་གྲུབ་པ་ཡིན་ཏེ། རྣམ ་པར་འགྱུར་བ་ལ་རྟེན་པ་ཉིད་ཀྱིས་ཐམས་ཅད་དུ་ཡིད་ཉེ་བར་གནས་པ་ཡིན་ལ། དེའི་སྒོ་ནས་རྒྱུན་ཡང་ཡིན་པའི་ཕྱིར་དེ་རྟེན་ཉིད་དུ་བརྗོད་པར་ཡིན་པར་ཤེས་པར་བྱའོ། དབང་པོ་རྣམས་ནི་སྐྱེ་བའི་དང་པོ་རྣམས་ལས་བྱུང་བ་རྣམས་སོ། །ཡིད་ཀྱི་ཤེས་པ ་ལ་སྟེ། འདས་པའི་སྐྱེ་བ་ལས་འབྱུང་བའི་ཕྱིར། ཐོག་མ་མེད་པ་ཉིད་ཡིན་ལ་དེ་ལས་ཀྱང་ཞེས་བྱ་བ་སྐྱེ་བའི་དང་པོ་ལས་བྱུང་བའི་དབང་པོ་ལས་བྱུང་བ་རྣམས་ལས། རང་གི་ཤེས་པ་སྔ་པོའི་རིམ་གྱིས་ཡིད་ཀྱི་རྣམ་ཤེས་འབྱུང་བ་ཡིན་ལ། ་སྐྱེ་བ་ལ་ནི་དེ་ལས་ཀྱང་ཡང་གཞན་ཡིན་ལ་དེ་ལས་ཀྱང་གཞན་རྣམས་ཏེ། མ་འོངས་པའི་སྲིད་པ་ལས་འབྱུང་བ་རྣམས་འབྱུང་བ་ཡིན་ཏེ། ང་རྒྱལ་དང་བཅས་པ་ཉིད་ཀྱིས་གདོན་མི་ཟ་བར་འབྱུང་བའི་འབྲས་བུ་དང་ལྡན་པ་ཉིད་འཕེན་བྱེད་ཡིན་པའི ་ཕྱིར་རོ། །གཉེན་པོ་བསྒོམ་པ་མེད་པ་ལས་ནི་མཛའ་མེད་པ་ཡིན་པ་དེ་ལྟ་བུ་ནི་འགྲེལ་པའི་དགོངས་པ་ཡིན་ནོ། །ལྷག་མ་ནི་ཚིགས་སུ་བཅད་པའི་ཕྱི་མའི་ཕྱེད་སྔ་མས་གཏན་ཚིགས་གཞན་དང། ཕྱེད་ཕྱི་མས་གཏན་ཚིགས་མ་ངེས་པ་ཉིད་ཀྱིས ་ལན་བཏབ་པས་བཤད་ནས་ཚིག་གི་དོན་བཤད་པས་ཀྱང། དོན་འདི་ཁོ་ན་འཆད་པ་ནི་གང་གི་ཕྱིར་ཞེས་བྱ་བ་ལ་སོགས་པའོ། །ཕྱེད་སྔ་མ་འཆད་པ་ནི་དེ་བཞིན་དུ་ཡིད་གྱི་རྣམ་པར་ཤེས་པ་ནི་ཞེས་བྱ་བ་སྟེ། གོམས ་པའི་བསྐྱེད་བྱའི་ཁྱད་པར་ནི་ཡིད་ཀྱི་རྣམ་ཤེས་ཡིན་ལ། དབང་པོ་བསྟན་པ་ལུས་ལ་བརྟེན་པ་ཇི་ལྟར་ཡིན། ཡིད་ཀྱི་རྣམ་པར་ཤེས་པས་བསྒྱུར་བྱ་ཞེས་བྱ་བ་ནི་གཏན་ཚིགས་སོ། །གང་ཁོ་ན་ལས་ཡིན་དེ་ལས་དེའི་ཚོགས་པ་ནི་དེའི་རྟེན་མ་ཡིན ་ཏེ། དབང་པོ་ལྔ་ཚོགས་པ་ནི་དེའི་འབྲས་བུ་ལ། གཟུགས་དང་རོ་ལ་སོགས་པ་རྣམ་ཤེས་ལྔ་པ་དེ་ལ་བརྟེན་པ་ཡིན་ལ། དེའི་རང་རིག་པའི་བྱ་བའི་རྗེས་སུ་འབྲང་བར་བྱེད་པ་བདག་གོ་ཞེས་བྱ་བའི་རྣམ་པ་ཞེས་གང་སྨྲས་པ་དེ་མ་ཡིན་ནོ་ཞེས་བྱ ་བར་སྦྱར་རོ། །ཡིད་ཀྱི་རྣམ་ཤེས་ནི་དབང་པོའི་ཤེས་པའི་རྗེས་སུ་འབྲང་བ་མ་ཡིན་ནོ། །དེ་ལྟ་ཡིན་ན་འཇིག་རྟེན་ཕྱི་མའི་ཡིད་ཀྱི་རྒྱལ་སྲིད་བྱེད་པའི་ང་རྒྱལ་དང་བཅས་པ་ཡང་ཡིན་པར་འགྱུར་རོ། །དེ་ཡང་དབང་པོ་ལ་བརྟེན་པ་མ་ཡིན་ཏེ། དབང ་པོའི་བྱ་བ་འཕེལ་བ་ཡིན་ན་འདིའི་འགྲིབ་པར་འགྱུར་བའི་ཕྱིར་དང། དེ་འགྲིབ་ན་འཕེལ་བར་འགྱུར་བའི་ཕྱིར་བསྟན་པ་ཡིན་ནོ། །ཡིད་ཀྱི་བློ་འགྱུར་ན་ཞེས་བྱ་བ་ལ་སོགས་པས་གཏན་ཚིགས་གཞན་འཆད་པར་བྱེད་པས་དབང་པོ་རྣམས་ཀྱི་འགྱུར ་བར་བྱེད་པ་པོ་ཡིན་པའི་ཕྱིར། ཡིད་ཀྱི་རྣམ་པར་ཤེས་པ་བྱེད་པ་པོ་ཡིན་ཞེས་བྱ་བར་མི་རིགས་ཏེ། མེ་ནི་བུམ་པའི་རྣམ་པར་འགྱུར་བར་བྱེད་པ་ཡིན་ཡང་བྱེད་པ་པོར་འགྱུར་བ་ནི་མ་ཡིན་ནོ་སྙམ་དུ་སེམས་པ་ནི། གལ་ཏེ་མིག་ལ་སོགས་པ་ཞེས་བྱ ་བའོ། །བུམ་པ་ནི་མེའི་བསྐྱེད་བྱའི་རྣམ་པར་འགྱུར་བ་ཁོ་ན་མ་ཡིན་གྱི། དབང་པོ་ནི་ཡིད་ཀྱི་རྣམ་ཤེས་ཀྱི་བསྐྱེད་བྱའི་རྣམ་པར་འགྱུར་བ་ཁོ་ན་ཡིན་ནོ་ཞེས་བྱ་བར་བྱེ་བྲག་ཏུ་བསྟན་པ་ནི། བུམ་སོགས་གཞན་དུ་མཐོང་བ་ཡིན་པ་ཞེས་བྱ་བའོ། ། ་སྐྱེ་བའི་དང་པོ་ལ་འཇིག་པ་དང་མྱ་ངན་ལ་སོགས་པ་རྣམ་པར་འགྱུར་བའི་ཡིད་ཀྱི་རྣམ་ཤེས་ཀྱི་བསྒྱུར་བྱ་ཉིད་དབང་པོ་རྣམས་མ་ཡིན་པ་མ་ཡིན་ནམ། དང་པོ་ཉིད་ལ་སོགས་པར་མཐོང་བའི་ཕྱིར་རོ་སྙམ་དུ་སེམས་པས། དང་པོ་ཉིད་ཀྱང་ཉིད་ཀྱི་རྣམ་པར ་འགྱུར་བ་ཡིན་པར་བསྟན་པ་ནི། དང་པོ་ལ་སོགས་པའི་ཞེས་བྱ་བའོ། །གལ་ཏེ་སྐྱེ་བའི་དང་པོ་ལ་དབང་པོ་རྣམས་ཡིད་ཀྱི་བསྒྱུར་བྱ་ཡིན་ན་དེ་བཞིན་དུ་རང་ཉིད་ཀྱི་འམ། གཞན་གྱི་མངོན་སུམ་གྱི་ངེས་པར་ཅི་སྟེ་མི་འགྱུར་མེའི་བསྐྱེད་བྱ་དུ་བ་ནི་རྗེས་སུ ་དཔག་བྱ་ལ་ཐམས་ཅད་དུ་དེ་ཉིད་ཀྱིས་མངོན་སུམ་མ་ཡིན་པ་མ་ཡིན་ནོ་སྙམ་དུ་སེམས་པ་ནི་འོན་ཏེ། གལ་ཏེ་ཡང་ཞེས་བྱ་བའོ། །ལན་ནི། གལ་ཏེ་མེ་ལས་ཞེས་བྱ་བ་སྟེ། དུ་བ་ནི་རྗེས་སུ་དཔག་པར་བྱ་བ་ལ་མེ་ལས་བྱུང་བ་ཉིད་དུ་མངོན་སུམ་ཡིན་པའི ་ཕྱིར་དང་གོ་བྱེད་མ་ཡིན་ནོ། །འོན་ཀྱང་དེའི་འབྲས་བུ་ཉིད་ཀྱི་མངོན་སུམ་ཡིན་པའི་ཕྱིར་རོ། །གང་གི་ཕྱིར་དེ་མ་ཡིན་པ་ལས་ལོག་པས་དུ་བའི་ངོ་བོར་ངེས་པ་ཁོ་ན་དེའི་འབྲས་བུ་ཉིད་དུ་ངེས་པ་ཡིན་གྱི་མེའི་ངེས་པ་ནི་མ་ཡིན་ནོ་ཞེས་བྱ་བའི་དོན་ཏོ། །རིགས ་པ་བརྗོད་ནས་རྣལ་མ་ལ་སྦྱོར་བ་ནི། དེའི་ཕྱིར། དཔེར་ན་ཞེས་བྱ་བ་སྟེ་སྐྱེ་བའི་དང་པོ་ལ་ཡང། དབང་པོ་རྣམས་ལ་རྗེས་སུ་དཔག་པའི་ཡན་ལག་ནི། དེའི་འབྲས་བུ་ཉིད་དུ་ངེས་པ་ཡོད་པ་ཡིན་གྱི། དེ་ལྟ་མོད་ཀྱི་མངོན་སུམ་ཉིད་ཀྱིས་ཡིན་ཞེས་བྱ ་བའི་དོན་ཏོ། །དེ་སྔོན་དུ་འགྲོ་བ་ཅན་ཉིད་དུ་ཞེས་བྱ་བ་ནི་མཚུངས་པས་སོ། །གཞན་དུ་ཞེས་བྱ་བ་ནི་ཁྱད་པར་ལས་ཏེ། དུས་དང་ཡུལ་འདི་ནི་དུས་དང་ཡུལ་གཞན་གྱི་དངོས་པོས་བསྐྱེད་བྱ་མ་ཡིན་པའི་ཕྱིར་ཁྱད་པར་མ་ཡིན་ཞེས་བྱ་བའི་དོན་ཏོ། །ཇི་ལྟར ་སྐྱེ་བའི་དང་པོ་འདི་ལ་དབང་པོ་ནི་སྐྱེ་བ་སྔ་མ་ལ་བྱུང་བའི་ཡིད་དུ་གོ་བར་བྱེད་པ་དེ་བཞིན་དུ་སྐྱེ་བ་གཞན་ལ་ཡང། སྐྱེ་བ་གཞན་ལས་བྱུང་བའི་ཡིད་དུ་གོ་བར་བྱེད་པ་ཡིན་ནོ་ཞེས་སླར་ཡང་བཤད་པ་ཡིན་ནོ། །དབང་པོ་རྣམས་ཞེས་བྱ་བ་ནི ་འདི་ཡང་དབང་པོ་དང་ཡིད་ཀྱི་རྣམ་པར་ཤེས་པ་དག་གི་འབྲས་བུ་ཉིད་དུ་བརྗོད་པའི་ཤུགས་ཀྱིས་གོ་བྱ་གོ་བྱེད་དུ་བསྟན་པ་ཡིན་ཏེ། འདི་ནི་དེའི་རྒྱུ་མཚན་ཡིན་པའི་ཕྱིར། དེ་ལས་ཞེས་བྱ་བ་དབང་པོ་རྣམས་ལས་སོ། ། ་དབང་པོའི་བསྐྱེད་བྱ་ནི་ཡིན་ཞེས་འདས་མ་ཐག་ཁོ་ན་སྨྲས་བ་མ་ཡིན་ནམ། བདེན་ཏེ་ཡིད་ཀྱི་རྣམ་ཤེས་ཉིད་དབང་པོ་ལ་སྲེད་པ་དང་བཅས་པ་ཉིད་ཀྱིས་དེ་ལས་ཡིན་ཞེས་བརྗོད་པ་ཡིན་ནོ། །དེ་ལས་ཀྱང་ཞེས་བྱ་བ་ཡིད་ཀྱི་རྣམ་ཤེས་ཀྱང་ལས་ཞེས ་བྱ་བ་འདིས་ཐོག་མ་མེད་པ་དང་ཐ་མ་མེད་པ་ཞེས་བསྟན་པ་ནི། ཡིད་ཀྱི་ཤེས་པ་ལས་ཞེས་བྱ་བ་སྟེ། སྐྱེ་བ་གཞན་ལས་བྱུང་བ་ལས་དབང་པོ་ལས་སྲེད་པ་དང་བཅས་པ་ཉིད་ཀྱིས་དེ་བསྐྱེད་པར་བྱེད་པའི་ངོ་བོ་ཤེས་པའི་ཕྱིར་རོ། །དེ་ལས་ཞེས ་བྱ་བ་རྗེས་སུ་དཔག་པའི་དབང་པོ་རྣམས་ལས། དབང་པོ་ལ་སྲེད་པ་ལ་སོགས་པར་རྗེས་སུ་དཔག་པ་ལས་གྲུབ་པ་ཡིན་པར་བསྟན་པ་ནི། དེ་ལས་ཀྱང་ཡང་ཞེས་བྱ་བ་སྟེ། ཡིད་ཀྱི་རྣམ་ཤེས་ལས་དབང་པོ་རྣམས་ཞེས་བྱ་བའི་དོན་ཏོ། །དེའི་རྣམ་པར་འགྱུར ་བས་བསྒྱུར་བྱ་ཡིན་པའི་ཕྱིར། དེའི་བསྐྱེད་བྱ་ཉིད་དུ་བསྒྲུབ་པར་བྱ་བ་ཡིན་ན་དེའི་བསྐྱེད་བྱ་ཉིད་མ་ཡིན་པའི་ཡིད་ཀྱི་རྣམ་ཤེས་ལ་ཡང་ཡོད་པའི་ཕྱིར། མ་ངེས་པ་ཡིན་སྙམ་དུ་སེམས་པ་ནི། གལ་ཏེ་ཡིད་ཀྱི་བློ་ཡང་ཞེས་བྱ་བའོ། །རྣམ་པར་འགྱུར ་བ་གང་སོགས་བསྒྱུར་བར་བྱ་བ་གང་ཡིན་པ་དེ་ཁོ་ན་དེའི་འབྲས་བུ་མ་ཡིན་ནམ། ཇི་ལྟར་དབང་པོ་ནི་ཡིད་ཀྱི་རྣམ་ཤེས་ཀྱི་འབྲས་བུ་ཡིན་པ་དེ་བཞིན་དུ། བུམ་པ་ནི་མེའི་མ་ཡིན་ཏེ། ངེས་པ་མེད་པའི་ཕྱིར་རོ་ཞེས་བསྟན་པས་དེ་ལྟ་བུའི་རིགས ་ཅན་ཐམས་ཅད་བསལ་བ་ཁོ་ན་ཡིན་ལ། ཅིའི་ཕྱིར་ཡང་ཐེ་ཚོམ་བྱེད་ཅེས་བསྟན་པ་ནི་བསྒྱུར་བྱ་ཉིད་ཅེས་བྱ་བར་ངེས་བར་ཁོ་ན་བསྒྱུར་བྱ་ཉིད་ཡིན་ནོ། །མ་ངེས་པ་ཡིན་ནོ་སྙམ་དུ་སེམས་པ་ནི་ཡིད་ཀྱི་རྣམ་ཤེས་ཀྱི་རྣམ་པར་འགྱུར་བ ་ཁོ་ན་དབང་པོ་ཡིན་ཏེ། དང་པོ་ལ་སོགས་པ་ལ་ཡང་དེའི་རྣམ་པར་འགྱུར་བའི་ཕྱིར་ལ། དེ་བཞིན་དུ་ཡིད་ཀྱི་རྣམ་ཤེས་ཀྱང་མིག་ལ་སོགས་པས་འགྱུར་བ་ཁོ་ན་ཡིན་ཏེ། ངང་པ་ལ་སོགས་པ་ཡང་དེ་རྣམ་པར་འགྱུར་པའི་ཕྱིར་རོ་ཞེས་བྱ་བ་ནི་ཐེ་ཚོམ་གྱི ་དོན་ཡིན་ནོ། །ལན་གྱི་དོན་ནི་ངེས་པ་མེད་པ་ཡིན་ཏེ། དེ་སྐད་དུ་ཡང། ངེས་པ་གཉི་ག་ཡང་མེད་ཅེས་བསྟན་པའོ། །གལ་ཏེ་དབང་པོ་རྣམས་བློ་ལ་བརྟེན་པ་ཡིན་ན། དེ་ལྟ་ཡིན་ན་བརྟེན་པ་དང་རྟེན་བལྟོས་པ་མེད་པ་ཡིན་པའི་ཕྱིར། དེའི་རང་བཞིན་ཐོབ་པ ་མེད་པས་ལན་ཅིང་སྐྱེས་པའི་སྣ་ཚོགས་པ་ནི་མི་འཇིག་པ་ཐོབ་པར་འགྱུར་པ་མ་ཡིན་ནམ། དེའི་ཕྱིར་སྐྱེ་བ་དང་འཆི་བའི་རྒྱུན་མཐོང་བཅུག་པར་འགྱུར་རོ། །འོན་ཏེ་འདིའི་རྒྱུ་མཚན་དེ་དང་འདྲ་བ་གཞན་དུ་རྟོག་པར་བྱེད་པ་དེ་ལྟ་ཡིན་ན་དེ་འཇིག་རྟེན ་ཕ་རོལ་པ་མ་ཡིན་པའི་འབྱུང་བའི་ཆོས་འོངས་པ་ཡིན་ནོ་སྙམ་དུ་སེམས་པ་ལ། དེ་ཕྱིར་བློ་གནས་པའི་རྟེན་ཞེས་བྱ་བ་སྨོས་ཏེ། འགྲེལ་པར་ནི་ཡིད་རྟེན་མེད་པར་ཐལ་ལ་ཞེས་བྱ་བ་ལ་སོགས་པ་ཁོ་ན་ལ་ཡིད་ཀྱི་འབྲས་བུ་ནི་རྟེན་མེད་པ་ཉིད ་ཀྱིས་འཇིག་པ་མེད་པ་ཉིད་དུ་མཚོན་པར་བྱེད་པ་ཡིན་ཞེས་བྱ་བར་དགོངས་པ་ཡིན་ཏེ། འབྲས་བུ་དབང་པོ་ལ་སོགས་པ་འཇིག་པར་མི་འགྱུར་རོ་ཞེས་བྱ་བའི་དོན་ཏོ། །ཡིད་ཀྱི་རྣམ་ཤེས་ཀྱི་བསྐྱེད་བྱ་དབང་པོ་ལ་སོགས་པ་རྣམས་ཀྱི་ཁྱད་པར་ནི ་ཡིད་ཀྱི་རྣམ་ཤེས་ཀྱི་བསྐྱེད་བྱ་འམ་རང་གི་རིགས་གོམས་པའི་བསྐྱེད་བྱ་མིན་ལ། ཡིད་ཀྱི་རྣམ་ཤེས་ནི་རང་གི་རིགས་གོ་བར་བྱེད་པ་ཡིན་པའི་ཕྱིར་འབྱུང་བའི་ཆོས་ནི་དབང་པོ་རྣམས་ཀྱི་རྒྱུ་མཚན་མ་ཡིན་ཏེ། འོན་ཀྱང་བློ་ཁོ་ན་ལ་བརྟེན་པ ་ནི་བློའི་ཆོས་ཡིན་ནོ། །དབང་པོ་ལ་སྲེད་པ་དང་བཅས་པའི་ལས་སེམས་པའི་ངོ་བོ་སེམས་པ་ཡིད་ཀྱི་ཡང་ཞེས་བྱ་བ་དེ་ཡང། དབང་པོ་རྣམས་ཀྱི་རྒྱུ་མཚན་ནི་དེ་ལ་བརྟེན་པའི་བློ་འཕེན་པའི་སྒོ་ནས་ཡིན་པས། བློ་ཡང་བརྟེན་པའི་གནས་སུ ་འགྱུར་རོ། །འབྱུང་བའི་ཆོས་ཉིད་ཡིན་ན་བརྟེན་དང་ལྡན་པའི་དབང་པོ་རྣམས་ཀྱི་རྣམ་པར་འགྱུར་བ་ནི་ཡིད་ཀྱི་བསྐྱེད་བྱ་འམ། རང་གི་རིགས་ཀྱི་བསྐྱེད་བྱར་མི་འགྱུར་རོ། །བློའི་རྟེན་གང་ཡིན་པའི་རྒྱུ་མཚན་མ་ཉམས་པ་ཡིན ་པར་བཤད་པ་ནི་གནས་སྐབས་འདིར་དགོས་པ་མེད་དོ། །བློའི་རྟེན་ནི་འབྱུང་བའི་ཆོས་ཉིད་དུ་གྲུབ་པ་ཡང་མ་ཡིན་ལ། གང་གི་འབྱུང་བའི་ཆོས་མ་ཡིན་པའི་རྒྱུ་མཚན་ཡིན་པ་དེ་ལྟ་བུར་ཚིག་གཉིས་ལས་འགྲུབ་པར་འགྱུར་རོ། །གནས་སྐབས ་ཀྱི་དབང་པོའི་རྒྱུ་མཚན་གྱི་ཆོས་ཉིད་སྒྲུབ་པར་བྱེད་པ་ཡིན་ན། བློ་རྟེན་དུ་གྲུབ་པ་ཡིན་ན་གནས་སྐབས་ལ་མི་དགོས་པའི་སྐྱོན་མེད་པ་ཡིན་ཏེ། དབང་པོ་ལ་སྲེད་པ་དང་བཅས་པའི་ལས་བརྗོད་པའི་ཕྱིར་རོ། །བློ་རྟེན་ཡིན་པས་གདོན་མི་ཟ ་བར་འབྱུང་བར་འགྱུར་བ་ཡང་མ་ཡིན་ཏེ། གཟུགས་མེད་པའི་ཁམས་པ་རྣམས་ལ་མེད་པའི་ཕྱིར་རོ། །གང་གི་ཕྱིར་བློའི་ཆོས་རྒྱུ་མཚན་ཡིན་པ་དེའི་ཕྱིར་ཏེ། བློའི་བསྐྱེད་བྱ་རྣམ་པར་འགྱུར་བ་ཡིན་པའི་ཕྱིར། དེ་ཕྱིར་བློ་ལས་དབང་པོ ་ཡིན་ཞེས་བྱ་བ་སྐྱེ་བ་སྔ་མ་ལས་བྱུང་བའི་བློ་ལས་སོ། །མཚམས་སྦྱོར་བར། ནུས་ལྡན་མཐོང་བ་གང་དེ་ལ། ཞེས་བྱ་བ་ལ་སོགས་པ་དབུགས་ལ་སོགས་པ་འབྱུང་བར་འགྱུར་བའི་སྐྱེ་བ་ལ་མཚམས་སྦྱོར་བའི་རིགས་པ། ཡིད་བློ་ཡང་ཞེས ་བྱ་བ་རྗེས་སུ་བསྟན་བ་ནི། དེ་ཅི་འདྲ་ཞིག་འཕེན་བྱེད་འགྱུར། ཞེས་བྱ་བ་སྟེ། སྐྱེ་བ་སྔ་མ་ལས་བྱུང་བའི་ཇི་སྐད་གསུངས་པའི་ཚད་མས་གྲུབ་པ་ཡིན་པ། དེ་འདྲ་ཕྱིས་ཀྱང་འགྱུར་པ་ཡིན་ཏེ། ང་རྒྱལ་དང་བཅས་པ་ཉིད་ཀྱི་གདོན་མི་ཟ་བར་འབྱུང ་བའི་འབྲས་བུ་ཉིད་ཡིན་པའི་ཕྱིར་རོ། །རིགས་པ་བསྟན་ནས། ལུང་གི་རྗེས་སུ་འབྲང་བའི་འགྲོ་བ་རྣམས་ཚིམ་པར་བྱ་བའི་དོན་དུ། དེ་དང་མི་འགལ་བར་བསྟན་པ་ནི་དེའི་ཤེས་པས་ཏེ། དབང་པོའི་ངོ་བོའི་འབྲས་བུའི་ཤེས་པ་དམིགས ་པའི་ངོ་བོས་བདག་གོ་ཞེས་པའི་བློ་ལ་ཕན་འདོགས་པར་བྱེད་པ་སྟེ། སྔོན་པོས་དེའི་ཤེས་པ་ལ་བཞིན་དུ་ཚིམ་པ་ལ་སོགས་པ་དང་ལྡམ་པ་རྣམས་ཀྱིས་ཀྱང་ཡིན་པའི་ཕྱིར། དེ་ལ་རྟེན་པ་སྟེ་ལུས་དང་སེམས་དག་ཕན་ཚུན་རྗེས་སུ་བྱེད་པ་ཅན་ཉིད་ཡིན ་པར་བཅོམ་ལྡན་འདས་ཀྱིས་གསུངས་པའོ། །བདག་གོ་ཞེས་བྱ་བ་ནི་དེའི་བསྐྱེད་བྱ་ཡིན་པའི་ཕྱིར། ཤེས་པ་རྣམས་ཀྱི་རང་རིགས་པའི་རྗེས་སུ་འབྲང་བར་བྱེད་པ་མ་ཡིན་ནམ། དེས་ན་དེ་ལ་དམིགས་པ་ཡིན་ཏེ། ལུས་མེད་ན་དེའི་ཤེས་པ་མེད ་པའི་ཕྱིར་གཟུགས་མེད་པའི་ཁམས་ན་ཆོས་ལ་དམིགས་པའི་ཤེས་པའི་རྗེས་སུ་འབྲངས་ནས་འབྱུང་བ་ཡིན་པ་ཁས་བླངས་པའི་ཕྱིར་དང། ང་རྒྱལ་དང་བཅས་པའི་ཡིད་ཀྱི་རྣམ་ཤེས་ལུས་དང་ལྷན་ཅིག་པ་ཉིད་དུ་མཐོང་བའི་ཕྱིར་དང། དེ་དང ་བྲལ་བའི་གནས་སྐབས་མ་མཐོང་བས། ཡོད་པར་མི་རིགས་པའི་ཕྱིར་དེའི་འབྲས་བུ་ཉིད་ཡིན་ནོ། །དེ་ལྟ་ན་འོ་ན་དབང་པོ་དང་བཅས་པའི་ལུས་ཀྱང་ཡིད་ཀྱི་བསྐྱེད་བྱའི་ཁྱད་པར་དུ་མཐོང་བས་དེའི་བསྐྱེད་བྱ་ཉིད་ཡིན་ནོ། །དེ་ལྟར་ན་དེ་ཡང་ལུས་གཞན་གྱི ་བསྐྱེད་བྱ་ཉིད་ཡིན་ལ། དེ་ཡང་སེམས་གཞན་གྱི་བསྐྱེད་བྱ་ཉིད་ཡིན་པའི་ཕྱིར། སྐྱེ་བ་ཐོག་མ་མེད་པར་བརྒྱུད་པ་ཡིན་པར་གྲུབ་པ་ཁོ་ན་ཡིན་པར་བསྟན་པ་ནི། གལ་ཏེ་དབང་པོ་མེད་པར་བློ་མ་ཡིན་ཞེས་བྱ་བས་བསྐྱེད་པ་འདིའི་གནས་སྐབས ་དང། དེ་ཡང་དེ་མེད་པར་ཞེས་བྱ་བ་དང་འབྲེལ་བས་སྐྱེ་བ་སྔ་མའི་གནས་སྐབས་དང། དེའི་ཡང་འོག་ཏུ་ཡིད་ཀྱི་རྣམ་ཤེས་དང་ཕན་ཚུན་རྒྱུ་ཅན་ཡིན་ནོ་ཞེས་བྱ་བས། འབྱུང་བར་འགྱུར་བའི་སྐྱེ་བའི་གནས་སྐབས་བསྟན་པ་ཡིན། དེ་ལས ་ཅི་གྲུབ་ཅེ་ན། དེ་ལྟར་ཕན་ཚུན་རྒྱུ་མཚན་ཉིད་ཡིན་གྱི་ལུས་ཙམ་ནི་རྒྱུ་ཉིད་མ་ཡིན་ནོ། །དེ་བསྟེན་པ་ནི། དབང་པོ་མེད་པར་བློ་མི་འབྱུང་མོད་ཅེས་བྱ་བ་ལ་སོགས་པ་སྟེ། རེ་ཞིག་དབང་པོ་དང་བཅས་པའི་ལུས་ནི་དབང་པོའི་ཤེས་པ་བཞན ་དུ་ཡིད་ཀྱི་རྣམ་ཤེས་ཀྱི་རྒྱུ་མ་ཡིན་གྱི་འོན་ཀྱང་རང་གི་རྒྱུ་ལས་བྱུང་བའི་རྟེན་ཡིན་ཏེ། དེ་མེད་ན་འདམ་བུའི་བམ་པོ་བཞིན་དུ་དེ་ལས་གཞན་མེད་ན་གནས་པར་མི་འགྱུར་ཞེས་པ་དེའི་ཡིད་ཀྱིས་རྣམ་ཤེས་མེད་ན། ལུས ་ཀྱང་དུལ་བར་འགྱུར་བར་གནས་པ་མ་ཡིན་པ་ཁོ་ན་ཡིན་པའི་ཕྱིར་རོ། །དེ་དག་རྟེན་ཉིད་དུ་མཚུངས་པ་ཡིན་ཏེ། གོམས་པའི་ཡིད་ཀྱི་རྣམ་ཤེས་ཀྱི་བསྐྱེད་བྱ་ཡིན་པའི་ཕྱིར་འཇིག་རྟེན་ཡིན་ཞེས་བྱ་བའི་དོན་ཏོ། །དེ་ལྟར་གྱུར་ན་དབང་པོའི་ཤེས་པ་ནི་དབང ་པོ་ལས་སྐྱེས་པ་ཁོ་ན་གོམས་པས་ཁྱད་པར་དུ་གྱུར་པ་ཡིན་ལ། དེ་བཞིན་དུ་ཡིད་ཀྱི་རྣམ་ཤེས་དབང་པོ་ལས་སམ་དེའི་ཤེས་པ་ལས་འབྱུང་བ་ནི་ཁྱད་པར་ཅན་དུ་འགྱུར་རོ། །དེ་བཞིན་དུ་དབང་པོ་ཡང་འབྱུང་བ་རྣམས་ལས་ལྡང་བཞིན་པ་ཤེས་པས་ཁྱད ་པར་དུ་འགྱུར་རོ། །དེའི་ཕྱིར་དབང་པོ་དང་བཅས་པའི་ལུས་ཉིད་ཡིད་ཀྱི་རྣམ་ཤེས་སམ་ཅིག་ཤོས་ཀྱི་རྒྱུ་ཡིན་གྱི་དེ་ནི་ལུས་ཀྱི་མ་ཡིན་ནོ། །འདི་ལ་བརྗོད་པ་དབང་པོའི་ཤེས་པ་རྣམས་དང་པོའི་གོམས་པ་བསྐྱེད་བྱ་མ་ཡིན་ཏེ། གླུར་བླངས་པ་ལ་སོགས ་པའི་ཤེས་པ་བཞིན་དུ་དེའི་བསྐྱེད་བྱའི་ཁྱད་པར་དུ་མ་མཐོང་བའི་ཕྱིར་རོ། །མཐོང་བ་ཡིན་ན་དེའི་བསྐྱེད་བྱ་ཉིད་ཡིན་པ་ལ་སུ་ཞིག་འགོག་པར་བྱེད། དབང་པོ་དང་ཡིད་ཀྱི་རྣམ་ཤེས་དག་ཡིད་ཀྱི་བསྐྱེད་བྱའམ། གོམས་པའི་བསྐྱེད་བྱ་ཡང་རུང་བའི ་ཁྱད་པར་ཡིན་ན། དེའི་ཚེ་ཡང་དེ་བཞིན་དུ་ཡོད་པའི་ཕྱིར་ཇི་ལྟར་འཇིག་རྟེན་ཕ་རོལ་མེད་པ་ཡིན། འདི་ལྟར་རེ་ཤིག་བརྟག་པའི་ལུས་ཀྱང་རྒྱུ་མ་ཡིན་ཏེ་ཚད་མ་དང་འགལ་བའི་ཕྱིར་རོ། །མི་རྟག་པ་ཉིད་ཡིན་ན་དེ་ཉིད་ཕན་ཚུན་རྒྱུ་ཉིད་དུ་འགྱུར་རོ་སྙམ་པའི་དགོས ་པས་རིམ་བཞིན་སྐྱེ་བ་ཅན་དག་ནི། རྟག་ལས་སྐྱེ་བ་མི་འཐད་ཕྱིར། བལྟོས་པར་མི་རུང་བའི་ཕྱིར། ཞེས་བྱ་བ་ནི་རྟག་པ་ཚད་མ་ཡིན་པའི་རིགས་པ་སྟེ། ཡིད་རྟག་པའི་ལུས་ཀྱི་བསྐྱེད་བྱ་ཉིད་ཡིན་པ་དགག?་པ་ལ་ཡང་རྗེས་སུ་བསྟན་པ་ནི ་རིམ་ཅན་མིན་པས་རིམ་ཅན་མིན། །ཞེས་བྱ་བ་སྟེ། རྟག་པ་ཉིད་ཀྱང་ཡུལ་དང་དུས་མ་ཆད་པའི་ཡོད་པ་ཅན་གྱི་དངོས་པོ་ཡིན་ཞེས་བྱ་བའི་རིགས་པས། དུས་གསུམ་མ་ཆད་པ་དང། ཡུལ་མ་ཆད་པ་ལས་ཀྱང་མངོན་སུམ་ལ་སོགས་པ་རྣམས་ཀྱིས་ངེས ་ན་ངེས་པས་རྗེས་སུ་དཔོག་པར་བྱེད་པའི་བྱ་བ་ཅན་མཐོང་བ་ནི། མ་བཅད་པ་ཁོ་ན་ཡུལ་དུ་བྱེད་པའི་ཕྱིར་རིམ་པ་མ་ཡིན་པ་སྟེ། དུས་ཆད་པ་པོ་ཡོད་པ་མ་ཡིན་པ་ཉེ་བར་མཚན་པའི་ཕྱིར། ཡུལ་ཡང་མ་བཅད་པའི་དངོས་པོ་རྒྱུ་ཉིད་དུ་བརྟག་པ་དེ་སེལ་བར ་བྱེད་པ་ནི། རིམ་པ་མིན་ལས་ཞེས་བྱ་བ་སྟེ། རིམ་ཅན་ཞེས་བྱ་བ་རིམ་པ་ཅན་གྱི་འབྲས་བུ་ཉིད་ནི་རྒྱུའི་དུས་ན་མེད་པ་ཡིན་ན་ཡིན་གྱི། རྒྱུ་གཞན་དུ་ཡུལ་དང་དུས་ཀྱི་ངེས་པ་མེད་པ་ནི་འབྲས་བུ་ཞེས་བྱ་བ་མ་ཡིན་ལ། ལུས་ལ་དེ་བཞིན་དུ་ངེས་པ་ཡང་མ ་ཡིན་ཞིང་དེ་བཞིན་དུ་དེ་ལྟ་བུའི་རྒྱུ་ཉིད་མ་ཡིན་ཏེ། རང་ཡོད་པས་གཞན་གང་དུ་ཡང་ནམ་ཡང་ཡོད་པ་མ་ཡིན་པར་བྱེད་ན། དེ་ལྟ་བུ་ཉིད་བུ་སྨྲ་པ་ཡིན་ལ་དེ་ལྟར་ཁས་ལེན་པ་ཡིན་ན། རྒྱུ་མ་ཡིན་ཞིང། འབྲས་བུ་ཡང་མ་ཡིན་ཏེ། རྣམ་པར་དབྱེ་བ ་མེད་པའི་ཕྱིར་འགྲོ་བ་རྣམས་ལེན་པ་དང་འདོད་པ་མེད་པར་འགྱུར་ཏེ། དེའི་ཕྱིར། ཇི་ལྟར་བློ་ལུས་ལ་བརྟན་པར་འགྱུར། དེ་ལྟ་ཡིན་དུ་ཟད་མོང་ཅེས་བྱ་བར་ཡང་ཚངས་པ་རིག་པ་མ་ཡིན་པར་བརྗོད་བྱར་བྱེད་པ་མ་ཡིན་ནོ། །དེ་ལྟར་རྟོགས་པ་ལ ་མ་ཡིན་ཏེ། མཐོང་པའི་རྗེས་སུ་འབྲང་བའི་ངེས་པ་ལས་ཡུལ་ངེས་པ་ལ་སོགས་པའི་དངོས་པོ་ཁོ་ནར་ངེས་པའི་ཕྱིར་རོ། །མ་བཅད་པའི་རྟོགས་པས་ཁྱབ་པ་ཡང་མ་ཡིན་ཏེ། དེ་ལའམ་གཞན་ལ་ཡང་རྟོགས་པ་མི་ཁྱབ?་བ་མ་ཡིན་པའི་ཕྱིར་རོ།། ་སོ་སོར་སྣང་བ་ངེས་པ་ཉིད་ཀྱང་མཐོང་བ་ལས་འབྱུང་བར་ངེས་པ་ནི། དེ་ཁོ་ན་བཞིན་ཡིན་ལ། དེ་ཁོ་ན་ལས་ཁྱབ་པར་ངེས་པ་ཡིན་ཏེ། གཞན་དུ་མི་རིགས་པའི་ཕྱིར་རོ། །དེ་བཞིན་དུ་དུས་དུ་མ་ལ་སོགས་པ་ཉིད་དུ་མ་ངེས་པ་ཉིད་དུ་སྣང་བ་ནི་རྟག་པ་ཉིད་ཡིན ་ལ། དེ་ཁས་ལེན་པ་ཡང་རྗེས་སུ་དཔག་པ་ལ་སོགས་པར་སྨྲ་བ་ཁྱབ་པ་ངེས་པ་ལ་སོགས་པ་ཁས་ལེན་པ་དང་འགལ་པ་ཡིན་པའི་ཕྱིར། དགག་པ་ནི། ཁྱད་པར་ཅན་བལྟོས་པའང་མེད་ཅེས་བྱ་བའོ། །དེ་དེ་ལྟ་ཡིན་ན ་ཡུལ་ལམ་དུས་གཅིག་ལ་ཁྱབ་པ་ཁྱད་པར་ཅན་མ་ཡིན་པར་རྟོགས་པ་སྟེ། ཆ་དང་བྲལ་བ་ཡིན་ན་ཇི་ལྟར་དུས་དང་ཡུལ་གཞན་ལ་སོགས་པ་ལ་བལྟོས་པ་ཡིན། རྟོགས་པའི་འབྲས་བུའི་ཁྱད་པར་ཉིད་ཀྱིས་རྟོགས་པའི་མཐར་ཐུག་པའི་མ་ཡིན་ན། ཇི་སྲིད ་རྟོགས་པ་དེ་སྲིད་དུ་ཡོད་པ་ཡིན་ནོ། །དེ་སྲིད་དུ་ནི་མ་ཡིན་ཏེ། གཞན་དུ་དེ་ཉིད་ངེས་པའི་ཕྱིར་རོ་ཞེ་ན། མ་ཡིན་ཏེ་དེ་ཉིད་ཀྱི་ངེས་པ་ནི་དེའི་འབྲས་བུ་མ་ཡིན་པ་རྣམ་པར་གཅོད་པ་ཡུལ། ཡིན་པའི་ཕྱིར་ལ། དེ་ལྟ་བུའི་དགོངས་པས་ཀྱང་རྗེས་སུ་དཔག་པའི ་ཁྱབ་པ་བརྗོད་པ་ཡིན་ནོ། །དེ་བཞིན་དུ་འགྲེལ་པར་ཡང་དེའི་ཚེ་མ་རྟོགས་པ་དེའི་རྒྱུ་མ་ཡིན་ནོ། །གལ་ཏེ་རྟོགས་ན་ནི་དེ་དང་གཅིག་ཡིན་པའི་ཕྱིར། འཇིག་པའི་མཐར་ཐུག་པ་རྟོགས་པའི་ཕྱིར་དེ་ཉིད་ཀྱི་ཚེ་?་པར་འགྱུར་ཏེ་ཞེས ་བཤད་པ་ཡིན་ནོ། །ངེས་པ་རྣམ་པར་གཅོད་པ་མེད་ན་འབྲས་བུ་ཅིང་ལ་སོགས་པ་ཁྱབ་པ་ངེས་པ་མེད་པའི་ཕྱིར་དང། གཞན་གྱིས་རྟོགས་པའི་ཕྱིར་རམ་།དེ་སྲིད་དང་དེ་སྲིད་མ་ཡིན་པའི་ཞེས་འཛིན་པར་འགྱུར་བ་ཡང་མ་ཡིན་ནོ། །རྣམ་པར་ཤེས་པ ་ནི་གཞན་རིག་པ་མ་ཡིན་པ་ཉིད་ཀྱིས་ནི་མ་ཡིན་ཏེ། མ་རྟོགས་པ་ཐམས་ཅད་ཀྱི་དོགས་པ་རིང་དུ་ནུབ་པའི་ཕྱིར་དང། རིམ་པ་ངེས་པའི་ཕྱིར་རྒྱུའི་རིམ་པ་ངེས་པ་ཁོ་ནར་ཡིན་པར་བསྟན་པ་ནི། རིམ་གྱིས་བློ་འབྱུང་ན་ཞེས་བྱ་བའོ། །རིག་པ་ནི་ཉེ་བ་ཉིད་ཡིན ་ལ་རིག་པ་མ་ཡིན་པ་ན་དེ་དང་ཐ་དད་པ་ཡིན་ཏེ། དེ་དང་ཐ་མི་དད་པ་ཡིན་ན་དེ་རིག་པར་པར་དེ་རིག་པ་མ་ཡིན་པར་ནི་རིགས་པའི་ཕྱིར་རོ་ཞེས་བསྟན་པ་ནི། ཡིད་ཀྱི་བློ་འདི་ནི་རིམ་པ་དང་ལྡན་པ་ཞེས་བྱ་བ་ལ་སོགས་པའོ། །ཐ་མི་དད་པ་ཉིད་ནི་འདི་འདྲ་བ་ཉིད་ཡིན ་ལ། དེའི་ཚེ་ཡང་ཡོད་པ་ཡིན་ན་གཞན་གྱི་ཚེ་ཡང་ཇི་ལྟར་ཡིན། གཞན་གྱི་ཚེ་ནི་དེ་མེད་ཉིད་ཅེས་བྱ་བ་ཅི་ལས་ཡིན་ཞེ་ན། དེ་ལྟ་ན་དེ་འབྲས་བུ་བྱེད་པར་འགྱུར་རོ་ཞེས་བྱ་བ་སྨོས་ཏེ་སྲིད་བ་ནི་ཇི་ལྟར་རྟོགས་པ་བཞིན་འབྱུང་བའི་ཕྱིར། རྟོགས་པ་ཡང་མཐོང ་བའི་ངོ་བོ་ཡིན་ཏེ། རང་གི་དུས་ཙམ་ཡུལ་ཡིན་པའི་ཕྱིར་རོ། །དེ་ཉིད་ངོ་ཤེས་པ་ཡང་མཐོང་པ་དང་འགལ་བས་དོན་བྱེད་པའི་ཡུལ་མ་ཡིན་པའི་ཕྱིར་རོ། །རིམས་པ་མེད་པ་ཁོ་ན་རྟག་པ་ཉིད་རྒྱུ་ཡིན་ནོ། །དེའི་ཕྱིར་དེའི་འབྲས་བུ་ཡང་དེའི་ཚེ་ཁོ་ན་འབྱུང ་གི་།དུས་གཞན་གྱི་ཚེ་ནི་མ་ཡིན་ཏེ། རྒྱུ་མེད་པའི་ཕྱིར་རོ་ཞེས་བྱ་བའི་དོན་ཏོ། །གང་གི་འབྲས་བུ་གང་ཡིན་པ་དེ་དེ་དང་ཉེ་བ་ཡིན་ན། འབྲས་བུ་གཞན་བཞིན་དུ་འབྱུང་བ་ཁོ་ན་ཡིན་ཏེ། གཞན་དུ་ན་རྗེས་སུ་འགྲོ་བ་མེད་ན་ལྡོག་པ་ཡང་མེད་པས་རྒྱུ་མ ་ཡིན་པ་ཉིད་ཐོབ་པ་ཡིན་པར་བསྟན་པ་ནི། ཡང་ན་རྒྱུ་ལས་འབྲས་བུ་དེའི་ཞེས་བྱ་བ་སྟེ། འབྲེལ་པ་མཛད་པའི་བཤད་པ་ནི། རེ་ཤིག་རིམ་པ་ཅན་མི་རྟག་པ་ནི། འབྲས་བུའི་རྒྱུ་ཉིད་ཁོ་ན་མ་ཡིན་ཏེ། ཕན་ཚུན་རྒྱུ་ཉིད་དུ་ཐལ་བའི་ཕྱིར་རོ།། ་འབྲས་བུ་མ་ཡིན་པའི་ཕྱིར་རྟག་པ་ཉིད་དུ་འགྱུར་གྲང་ན། རྟག་པ་ནི་དུས་གཅིག་པའི་མཐར་ཐུག་པས་རིམ་པ་མ་ཡིན་པ་དུས་གཞན་ན་འབྱུང་བའི་འབྲས་བུའི་རྒྱུ་ནི་མ་ཡིན་ཏེ། དེའི་ཚེ་མེད་པར་འགྱུར་རོ་ཞེས་བསྟན་པ་ནི། གལ་ཏེ་ལུས་ཉིད་ཅེས ་བྱ་བའོ། །ཡིད་ཀྱི་རྣམ་ཤེས་ནི་རིམ་པ་མ་ཡིན་པ་མ་ཡིན་ཏེ། དུས་གཞན་དུ་རྗེས་སུ་འཇུག་པའི་ཕྱིར་རོ། །དང་པོ་འདུས་པ་ཉིད་དུས་ཕྱི་མ་ལ་རྟོགས་པ་ཡང་མ་ཡིན་ཏེ། དང་པོ་རྟོགས་པ་ལ་ཉེ་བ་ལ་མ་ཡིན་པའི་ཕྱིར། ཡིད་ཀྱི་རྣམ་ཤེས ་གཞན་དང་རིམ་པ་དང་ལྡན་པ་ཁོ་ན་ཡིན་པར་བསྟན་པ་ནི། ཡིད་ཀྱི་བློ་འདི་ནི་ཞེས་བྱ་བའོ། །ཉེ་བ་ལ་སྐྱོན་བསྟན་པ་ནི། དི་ལྟ་མ་ཡིན་ན་ཞེས་བྱའོ། །གནས་སྐབས་མི་འཛིན་པས་གནས་སྐབས་བཟུང་བ་ཁོ་ན་ཡིན་ལ། དེ་ཉིད་ཐམས་ཅད་ལ་ཡང ་ཡོད་པའི་ཕྱིར་སྙམ་དུ་སེམས་པ་ནི། འོན་ཏེ་གནས་སྐབས་མི་འཛིན་པས་ཞེས་བྱ་བའོ། །གནས་སྐབས་ཀྱི་ཉེ་བར་བསྒྱུར་བའི་ངོ་བོའི་གནས་སྐབས་ཅན་ཡིན་ལ། དེ་མི་འཛིན་ན་མ་བཟུང་པ་ཡིན་ཞེས་བྱ་བའི་དོན་བསྟན ་པ་ནི། གནས་སྐབས་བཟུང་པ་མ་ཡིན་ན་ཞེས་བྱ་བའོ། །གནས་སྐབས་ཀྱི་ཉེ་བར་བསྒྱུར་བ་ནི་རྗེས་སུ་བྱེད་པ་མ་ཡིན་ཏེ། འོན་ཀྱང་དེ་དང་འབྲེལ་བའི་ངོ་བོ་ཡིན་ནོ་སྙམ་དུ་སེམས་པ་ལ། རང་གི་ངོ་བོ་ཙམ་ནི་འབྲེལ་པ་མ་ཡིན་པར་བསྟན་པ་ནི། གལ ་ཏེ་བྱུང་བ་དང་ཞེས་བྱ་བའོ། །གང་དང་རྟོགས་པའི་ནུས་པ་མེད་པའི་ཕྱིར་ད་ལྟར་མ་རྟོགས་པ་ཡིན་ན། དངོས་སུ་བའི་པོ་པོ་ཡང་དེ་ཁོ་ན་བཞིན་དུ་འགྱུར་རོ་སྙམ་དུ་སེམས་པ་ལ། རྟོགས་པས་མཐོང་བ་མངོན་སུམ་པའམ། ཅིག་ཤོས་དངོས་སུ་མ ་ཡིན་པ་སྟེ། གཞན་ལ་ཚད་མ་མེད་དོ་ཞེས་བསྟན་པ་ནི། རྟོགས་པ་ཉིད་ཡིན་ནོ་ཞེས་བྱ་བའོ། །གཞན་རྟོགས་པ་ནི་ཤེས་པ་གཞན་ནོ། །དངོས་པོ་ནི་དངོས་པོ་གཞན་ལས་སྐྱེ་བ་ཡིན་ལ། དུས་ལ་སོགས་པའི་དངོས་པོ་གཞན་གྱིས་ཉེ་བར ་བསྒྱུར་པ་དང། ཅིག་ཤོས་དག་གི་རིམ་པ་ཅན་ནམ་།ཅིག་ཤོས་སུ་ཡང་འགྱུར་བ་ཡིན་གྱི་དེ་དག་ཙམ་གྱི་ཁྱད་པར་གྱིས་འབྲས་བུ་ཉིད་དམ་ཅིག་ཤོས་ནི་མ་ཡིན་ཏེ། རང་བཞིན་ཐ་མི་དད་པའི་ཕྱིར་རོ་སྙམ་དུ་སེམས་པ་ལ། གལ་ཏེ་རྒྱུའི་རིམ་པ ་ཅན་མ་ཡིན་མོད་ཅེས་བྱ་བའོ། །རིམ་པ་འམ་གཞན་དུ་དུས་ལ་སོགས་པ་ཉེ་བར་བསྒྱུར་བ་མ་ཡིན་ཏེ། འོན་ཅི་ཞེ་ན། དངོས་པོ་རྣམས་ཉིད་ཀྱི་རང་བཞིན་གྱི་ཁྱད་པར་ཉེ་བར་རིམ་པ་མ་ཡིན་པ་ཡིན་ལ་།ཉེ་བ་དང་ཉེ་བ་མ་ཡིན་པ་ནི་རིམ་པ ་ཡིན་ནོ། །དེ་བསྟན་པ་ནི། གལ་ཏེ་རིམ་མིན་ཞེས་བྱ་བའོ། །འབྲས་བུ་ནི་ཉེ་བ་མ་ཡིན་པ་མ་ཡིན་ནམ། དེ་ཁོ་ནའི་ཚེ་ཇི་ལྟར་འབྱུང་པ་ཡིན། དེའི་ངོ་བོ་གཞན་གྱི་ངོ་བོར་འགྱུར་བ་ནི་མ་ཡིན་ནོ། །དེ་ལྟ་ཡིན་ན་རྒྱུ་ཡང་ཉེ་བ་གཅིག་བུའི་རང་བཞིན ་ཡིན་ལ། ཉེ་བ་མ་ཡིན་པའི་རང་བཞིན་གྱིས་ཉེ་བ་མ་ཡིན་པའི་འབྲས་བུར་མི་འགྱུར་བ་ཁོ་ནར་བསྟན་པ་ན། གཞན་གྱི་ཚེ་ནི་ཞེས་བྱ་བའོ། །རྒྱུ་ཡང་ཉེ་བ་དང་མི་ཉེ་བ་མ་ཡིན་ནམ། དེ་ལྟ་བུའི་ངོ་བོ་འབྲས་བུ་ནི་ཐ་དད་པ་ཡིན་གྱི་རྒྱུ་ནི་མ་ཡིན་པའི་ཕྱིར་དེ་དག་དེའི ་ངོ་བོས་འབྲེལ་བ་ཡིན་ནོ་སྙམ་དུ་སེམས་པ་ལ། དེ་ལྟ་ན་དེ་འབྲས་བུ་བྱེད་པར་འགྱུར་ཞེས་བྱ་བ་སྟེ། ཉེ་བར་དམིགས་པའི་རྒྱུ་དང་ཉེ་བར་དམིགས་པ་དག་གིས་དེ་ཉིད་རྟོགས་པའི་དམིགས་པ་ཡང་ཉེ་བའི་དངོས་པོ་ཁོ་ན་ཡིན་གྱི། ཅིག་ཤོས་ནི་མ་ཡིན ་ནོ་ཞེས་བྱ་བའི་དོན་ཏོ། །གང་ཁོ་ན་ཉེ་བ་ཡིན་པར་རྟོགས་པ་དེ་རྟོགས་པ་གཞན་གྱིས་རྟོགས་བཞིན་པ་ན་ཉེ་བ་མ་ཡིན་པ་ཡིན་ཞེས་བྱ་བ་འདི་ལ་འགལ་བ་མེད་པ་མ་ཡིན་ནམ་སྙམ་དུ་སེམས་པ་ལ་འོན་ཏེ་རིམ་གྱིས་ཞེས་བྱ་བ་སྟེ། རྒྱུ ་གཞན་དང་གཞན་ཡོད་པས་གཞན་དང་གཞན་དུ་རྟོགས་པའི་ཡུལ་ཉིད་ནི་གཅིག་པུ་ལ་སྐྱེས་བའི་དབྱེ་པ་བཞིན་དུ་འགལ་བ་མེད་དོ་ཞེས་བྱ་བའི་དོན་ཏོ། །གཞན་དང་གཞན་ཉེ་བ་མ་ཡིན་པར་དམིག་པས་ཇི་ལྟ་བ་ཁོ་ནར་རྟོགས་པ་དེ ་བཞིན་དུ་རྟོགས་བཞིན་པ་ཡང་ཡིན་ཏེ། བྱང་བར་མེད་པའི་ཕྱིར་རོ་ཞེས་བསྟན་པ་ནི། དེ་ལྟ་ནི་རིམ་པ་མེད་པ་མ་ཡིན་ནོ་ཞེས་བྱ་བ་སྟེ། དེ་ལྟར་རེས་འགའ་བའ་ཨི་རྒྱུ་ལས་རེས་འགའ་བ་མ་ཡིན་པའི་འབྲས་དུ་མི་འབྱུང་ཞེས་བྱ་བའི་དོན་ཏོ། །རེས ་འགའ་མ་ཡིན་པ་ལས་རེས་འགའ་མི་འབྱུང་བའི་དོན་འཆད་པ་ནི། ཡང་ན་རྒྱུ་ལས་འབྲས་བུ་ཞེས་བྱ་བ་སྟེ་།རིམ་པ་མ་ཡིན་ཏེ། རྟག་པ་ལས་ཏེ་རེས་འགའ་བ་མ་ཡིན་པའི་རྒྱུ་ལ། རེས་འགའ་བའ་ཨི་འབྲས་བུ་རྗེས་སུ་འགྲོ་བ་ནི་མ་ཡིན ་ཏེ། དེ་ཡོད་ཀྱང་རེས་འགའ་མི་འབྱུང་བའི་ཕྱིར་རོ་ཞེས་བསྟན་པ་ནི། རྒྱུ་དང་མི་འདྲ་བ་ཡང་ཞེས་བྱ་བའོ། །རེས་འགའ་དེ་ལས་འབྱུང་བའི་ཕྱིར། དེའི་རྗེས་སུ་འགྲོ་བ་ཡོད་པ་མ་ཡིན་ནམ་སྙམ་དུ་སེམས་པ་ལ། གང་ཡང་དེ་ལྟ ་བུ་ཞེས་བྱ་བ་སྨོས་ཏེ། རེས་འགའ་འབྱུང་བའི་རྗེས་སུ་འགྲོ་བ་མ་ཡིན་ཏེ། འོན་ཏེ་ཡོད་པ་ན་ཡང་ཡང་དུ་འབྱུང་བས་རྗེས་སུ་བྱེད་པ་ཡིན་ཞེས་བྱ་བའི་དོན་ཏོ། །རྗེས་སུ་བྱེད་པ་རྗེས་སུ་འགྲོ་བ་མ་ཡིན་ནམ། མེད་ན་མི ་འབྱུང་ཞེས་བྱ་བར་འགྱུར་ལ། དེ་ལྟར་ཡོད་ན་འབྱུང་ཞེས་བྱ་བ་རིང་མེད་ན་མི་འབྱུང་ཞེས་བྱ་བ་ཁོ་ནར་རྟོགས་པ་ཡིན་ལ། དེ་བཞིན་དུ་ཁྱབ་བྱ་མེད་པ་ནི་ཁྱབ་བྱེད་ཡིན་ལ། དེ་བཟློག་པ་ཡིན་ན་ཁྱབ་བྱ་ཡོད་ཅིང། ཁྱབ་བྱེད་ཡོད་པ་ཁོ་ནར་གྲུབ་པ་ཡིན་གྱི། ་ཡོད་ན་གདོན་མི་ཟ་བར་འབྱུང་ཞེས་བྱ་བར་རྟོགས་པ་མ་ཡིན་ཞིང། རྗེས་སུ་དཔག་པའི་ཡན་ལག་ཀྱང་མ་ཡིན་ནོ་སྙམ་དུ་སེམས་པ་ནི། གལ་ཏེ་དེ་མེད་ན་མི་འབྱུང་བ་ཞེས་བྱ་བའོ། །འབྱུང་བ་ནི་དེའི་ངོ་བོས་རབ་ཏུ་སྦྱར་བ་ཡིན་ཏེ། དེ་མེད་ན ་མི་འབྱུང་ཞེས་བྱ་བ་ཡིན་ལ། དེའི་ངོ་བོས་རབ་ཏུ་སྦྱར་བ་ཉིད་ཀྱང། དེའི་ངོ་བོ་ཡོད་ན་འབྱུང་བའི་ཕྱིར། རེས་འགའ་འབྱུང་བ་མ་ཡིན་པར་བསྟན་པ་ནི། གལ་ཏེ་དེ་ཡོད་ཀྱང་མེད་ན་ཞེས་བྱ་བ་སྟེ། གལ་ཏེ་ཡང་མེད་པ་དག་རྟོགས་ན་སྦྱར་བྱ ་དང་སྦྱོར་བྱེད་ཉིད་རྟོགས་པ་མ་ཡིན་ལ། འབྱུང་བ་དང་འགྲེལ་པ་སྔོན་དུ་འགྲོ་བ་ཅན་ཉིད་མེད་པ་དང་འབྲེལ་པ་ཡིན་ཏེ། དེ་མེད་ན་མེད་པའི་ཕྱིར་རོ་ཞེས་བསྟན་པ་ནི། དེ་མེད་པ་འདི་མེད་པས་ཞེས་བྱ་བའོ། །ཇི་ལྟར་ཡོད་པ་ངག་གི་དངོས་པོ་ངག ་གི་རང་ཉིད་ཁོ་ན་འབྲེལ་བ་ཇི་ལྟ་བ་དེ་བཞིན་དུ། །མེད་པ་ངག་གིས་མ་ཡིན་ནམ། གང་གཞན་ལ་ཡང་བལྟོས་པ་ཡིན་ཏེ། རྒྱུ་མེད་བ་ལ་འབྲེལ་པ་ཅན་གྱི་འབྲས་བུ་མེད་པར་ཅིས་མི་འགྱུར་ལ། རྒྱུ་འབྲས་བུ་དང་འབྲེལ་བ་ཅན་དུ་ཅིས ་མི་འགྱུར་ཏེ། རྟོགས་པ་མེད་པར་ཁྱད་པར་མེད་པའི་ཕྱིར་རོ་སྙམ་དུ་སེམས་པ་ལ། མེད་པ་དག་རང་ཉིད་ཀྱིས་འབྲེལ་པ་ཡིན་ན། ཡོད་པ་དག་ཀྱང་ཡིན་པའི་ཕྱིར་གནས་སྐབས་པའི་རྒྱུ་ཉིད་དམ་ཅིག་དགོས་དག་ཀྱང་དར་བ་འགྱུར་བ ་དེ་ཡང་ཁས་བླངས་པས་དེས་བྱས་པའི་མེད་པ་དང་འབྲེལ་པ་ཉིད་བརྗོད་བྱ་ཡིན་པར་བསྟན་པ་ནི། གལ་ཏེ་འདི་ཞེས་བྱ་བ་སྟེ་དེའི་ངོ་བོ་ཡོད་ཀྱང་མི་འབྱུང་ན་འབྱུང་བ་ཡང་དེ་ལས་མི་འགྲུབ་པོ་ཞེས་བྱ་བའི་དོན་ཏོ། །དེ་ལ་ཅིར་འགྱུར་ཞེ་ན། ཇི་ལྟ་བ་དེའི ་གནས་སྐབས་ཞེས་བྱ་བ་སྨོས་ཏེ། དེ་མེད་ཀྱང་རང་ཉིད་ཁོ་ན་འབྱུང་བར་འགྱུར་བ་ནི་དེ་མེད་ན་མི་འབྱུང་ངོ་ཞེས་བྱ་བ་མི་འགྲུབ་པོ་ཞེས་བྱ་བའི་དོན་ཏོ། །མེད་པ་ནི་རྒྱུ་མ་ཡིན་པ་ཡིན་ན། རང་ཉིད་ཁོ་ན་མི་འབྱུང་བ་ཡང་དེ་ལས་མི་ཞེས་བྱ་བ་འདི་རིགས ་པ་ཡིན་པར་བསྟན་པ་ནི། དོན་རྣམས་དངོས་པོ་མེད་པ་ནི་ཞེས་བྱ་བ་སྟེ་མེད་པ་ནི་རང་ཉིད་ཀྱི་ཕྱིར། །དེ་ཡང་བར་དུ་གཅོད་པ་མེད་ན་ངེས་བྱས་པའི་ཡོད་པ་ལ་བདེ་དུ་གཅོད་པ་མེད་དོ་ཞེས་བྱ་བའི་དོན་ཏོ། །འབྱུང་བ་ནི་གཞན་དབང་ཉིད་ཀྱི་ཕྱིར། རང་ཉིད ་ཁོ་ན་འབྱུང་བར་མི་རིགས་པའི་ཕྱིར་མེད་པས་གེགས་བྱས་པ་ཡིན་པ་ནི་དེའི་ངོ་བོ་ཡོད་ཀྱང་མི་འབྱུང་བའི་ཕྱིར་མི་རིགས་པ་ཡིན་པར་བསྟན་པ་ནི། ཡོད་པ་ནི་རྒྱུའི་གཞན་གྱི་དབང་ཡིན་པའི་ཕྱིར་ཞེས་བྱ་བའོ། །ཡོད་པ་ཡིན་ན་འབྱུང་བའི་མེད ་པ་ནི་རྒྱུ་མེད་པ་ཅན་དུ་མི་རིགས་པ་མ་ཡིན་ནམ། གཞན་དུར་ཡོད་པའི་གནས་སུ་ཡང་འགྱུར་པའི་ཕྱིར་སྣ་ཚོགས་པ་རྟོགས་པ་མེད་པ་ཁོ་ནར་འགྱུར་རོ་སྙམ་དུ་སེམས་པ་ལ། དངོས་པོའི་ཡུལ་གཞན་ལ་སོགས་པ་མ་དམིགས་པ་ཉིད་ནི་མ ་ཡིན་ལ། དེ་ལྟར་ན་འདི་ཐལ་བར་འགྱུར་བ་མ་ཡིན་པར་བསྟན་པ་ནི། མེད་པ་ནི་ཞེས་བྱ་བའོ། །གལ་ཏེ་མ་དམིགས་པ་ཁོ་ན་མེད་པ་ཡིན་ན། དེ་ཡང་རྒྱུ་མེད་པ་ཡིན་ལ་རྒྱུ་ནུས་པ་ཅན་ཡོད་པའི་དམིགས་པའི་ངོ་བོར་མི་འགྱུར་བའི་ཕྱིར་ཇི་ལྟར་འབྱུང ་བ་ལ་གེགས་བྱེད་པ་ཡང་ཡིན་སྙམ་དུ་སེམས་པ་ནི། གལ་ཏེ་འབྲས་བུ་མེད་པ་ཞེས་བྱ་བའོ། །གལ་ཏེ་རྒྱུ་ནུས་པ་ཅན་ཡོད་ཀྱང་མེད་པ་ཡིན་ན། རྒྱུ་མེད་པས་འབྲས་བུ་མེད་པ་ཡིན་ཞེས་བྱ་བར་མི་འགྱུར་རོ། །དེས་ན་མེད་པས་བར་དུ་བཅད་པ་མ་ཡིན་པའི་ཕྱིར ་ཡོད་པ་དང་འབྲེལ་པ་ཡིན་བར་མི་འགྱུར་བ་བསྟན་པ་ནི། དེ་ལྟ་ན་འོ་ན། རང་ཉིད་མི་འབྱུང་བ་ཞེས་བྱ་བས་མེད་པ་ལ་བར་དུ་གཅོད་པ་མེད་པར་བསྟན་པ་ཡིན་ནོ། །དེས་དེས་པར་བྱས་པ་མ་ཡིན་པ་ཞེས་བྱ་བས་དེ་སྔོན་དུ་འགྲོ་བ་ཅན་གྱི ་ཡོད་པ་ལ་བར་དུ་གཅོག་པ་མེད་པར་བསྟན་ཏོ། །དེས་པ་མེད་པ་ཉིད་རྣམ་གྲངས་ཀྱི་བསྟན་པ་ནི། དེས་ན་འབྲས་བུ་མ་ཡིན་ནོ་ཞེས་པ་སྟེ། ཡོད་པའི་བར་དུ་གཅོད་པ་རང་དབང་ཡིན་ན། དངོས་པོས་ནན་གྱིས་དངོས་པོ་བསྐྱེད་པ་ཡིན་ན་རྒྱུ་མེད་པ་ཅན་གྱི་མེད་པ་ཡང ་ཡོད་པའི་འོག་ཏུ་འབྱུང་བ་ཡིན་པར་བསྟན་པ་ནི། གང་གི་ཚེ་རྒྱུ་ཡོད་ན་འབྱུང་བ་ཞེས་བྱ་བ་སྟེ། རང་གི་ངང་གིས་འགག་པ་ཡིན་ཡང་འབྱུང་བ་ཡིན་ནོ་ཞེས་སྐབས་དང་སྦྱར་རོ། །ཅི་ལས་ཤེས་ཤེ་ན། གཞན་དང་གཞན་ཞེས་བྱ་བའོ། །གལ་ཏེ་འབྱུང་བ་རང་གི ་ངང་གིས་འགག་པ་མེད་པ་ཡིན་ན། འདི་དེ་མེད་པར་རབ་ཏུ་སྦྱར་བ་མ་ཡིན་ཏེ། དེ་མེད་ཀྱང་ཡོད་པའི་ཕྱིར་རོ། །རང་གི་ངང་གིས་འགག་པ་དེའི་མེད་པས་རབ་ཏུ་སྦྱར་བ་ཡིན་ཞེས་དེ་སྐད་དུ་ཟེར། འོན་ཀྱང་རྒྱུའི་རྒྱུན་མེད་ན་འབྲས་བུའི་རྒྱུན་མེད་པ་དེ་མེད་པ་ཡིན ་པར་རྟོགས་པ་བསྟན་པ་ནི། དེ་མེད་པ་ཉིད་ན་ཞེས་བྱ་བའོ། །དེ་ལྟར་ཡང་རྒྱུ་ཡོད་ན་འབྱུང་བ་ཁོ་ནའི་ཕྱིར། འབྲས་བུ་ཁྱབ་པར་བྱེད་པ་ཡིན་པས་རྒྱུ་མེད་ཀྱང་འབྱུང་བ་ཡིན་པར་བསྟན་པ་ནི། དེའི་ཕྱིར་རྒྱུ་དང་འབྲེལ་པ་ཅན་ཉིད་ནི་ངེས་པ་ཅན་ཉིད་དེ་འགྱུར་བ་ཁོ་ན ་ཡིན་པའི་ཕྱིར་རྒྱུ་ངེས་པ་ཅན་ཁོ་ན་འབྲས་བུ་ཡིན་ནོ་ཞེས་བསྟན་པའི་དོན་ཏོ། །རིམ་ཅན་མ་ཡིན་པ་ལས་ཏེ། རེས་འགའ་བ་མ་ཡིན་པ་ལས་རིམ་ཅན་ཏེ། རེས་འགའ་བ་མ་ཡིན་ནོ། །ལྷན་ཅིག་བྱེད་པས་བསྒྲུབ་པར་བྱ་བའི་ཕུལ་དུ་བྱུང་བ་ནི་ཁྱད་པར་ཡིན་ལ། དེ ་མ་ཡིན་པ་གང་ལ་ཡོད་པ་དེ་ནི་ཁྱད་པར་ཅན་ཡིན་ཏེ། དེའི་བལྟོས་པ་མེད་པ་ཁྱད་པར་ཅན་དང་ཐ་མི་དད་བ་ཕུལ་དུ་བྱུང་བར་བྱེད་པའི་ལྷན་ཅིག་བྱེད་པ་ཡིན་པར་བསྟན་པ་ནི། ཁྱད་པར་བསྒྲུབ་ཏུ་མེད་པ་ནི་ཞེས་བྱ་བའོ། །འོན་ཏེ་ལྷན་ཅིག་བྱེད་པ་པོ་ཉིད་མཛའ་ཨི ་གནས་སྐབས་བཞིན་དུ་ལྷན་ཅིག་བྱེད་པ་ཡིན་ན། དེ་ལྟ་ཡིན་ན་དེའི་གནས་སྐབས་རྣམས་ཀྱི་རེ་རེའི་ནུས་པ་ཡིན་པའི་ཕྱིར། དེ་ཁོ་ན་ལྷན་ཅིག་བྱེད་པའི་རྒྱུར་འགྱུར་བ་ཡིན་ལ། རྟག་པ་དེ་ལ་ཉེ་བ་མ་བོར་བའི་ཕྱིར་།རྒྱུ་ཉིད་ཀྱི་ཕྱིར་ནི་མ་ཡིན་བར་བསྟན་པ་མི་ཁྱད ་པར་ཐ་དད་པར་ཁས་ལེན་ན་ཡང་ཞེས་བྱ་བའོ། །རྟག་པ་ཅི་ཡང་མི་བྱེད་ན་མཛའ་ཨི་གནས་སྐབས་བཞིན་དུ་ལྷན་ཅིག་བྱེད་པའི་དོན་དུ་མི་འགྱུར་རོ། །དེས་ན་མཛའ་ཨི་གནས་སྐབས་བཞིན་དུ། རྟག་པ་ཡང་བྱེད་པ་ཡིན་ནོ་སྙམ་དུ་སེམས་པ་ནི། ཁྱད་པར་དེ་དེའི་ཡིན ་ནོ་ཞེ་ན་ཞེས་བྱ་བའོ། །བདེན་ཏེ་རེ་ཞིག་ཁྱད་པར་དུ་བྱེད་པས་ལྷན་ཅིག་བྱེད་པ་ནི་མ་ཡིན་ཏེ། རྟག་པ་ཉིད་མེད་པར་ཐལ་བར་འགྱུར་རོ་ཞེས་བསྟན་པ་ནི། མ་ཡིན་ཏེ་ཁྱད་པར་ཞེས་བྱ་བའོ། །ཁྱད་པར་ལས་ནི་ལྷན་ཅིག་བྱེད་པའི་འོ། །ཁྱད་པར་ཞེས་བྱ་བ་ནི ་ཁྱད་པར་ལས་ལྷན་ཅིག་བྱེད་པ་ལས་ཁྱད་པར་དུ་བྱེད་པ་ཡིན་ཞེས་བསྒྲུབས་པས་ཁྱད་པར་ནི་ཕུལ་བུ་བྱུང་བའོ། །དོན་མེད་དོ་ཞེས་བྱ་བ་ནི་སྔ་མ་བཞིན་དུ་བྱེད་པ་པོ་ཉིད་མ་སྤངས་པའི་ཕྱིར་ཞེས་བྱ་བའོ། །ཁྱད་བར་རྟོགས་པ་ཁོ་ན་ཐམས་ཅད་དུ་ཡིན་ན ་རྟག་བ་ལ་ཡང་ཚད་མ་ཡོད་བར་འགྱུར་བ་ཞིག་ན། དེ་ནི་མེད་བ་ཁོ་ན་སྟེ་རེས་འགའ་ཁྱད་བར་མེད་པར་ཡང་རྟོགས་པའི་ཕྱིར་རོ་སྙམ་དུ་སེམས་པ་ནི། གལ་ཏེ་ཁྱད་པར་མི་རྟོགས་ན་ཞེས་བྱ་བའོ། །གལ་ཏེ་ལྷན་ཅིག་བྱེད་པའི་དུས་སུ་ཡང་ཁྱད་པར་མེད ་པ་ཉིད་ཡིན་ན། དེ་སྔ་མའི་ངོ་བོ་ཁོ་ན་མ་བོར་བ་ཡིན་ན། ཇི་ལྟར་གློ་བུར་བ་དེ་ལ་བལྟོས་པ་ཡིན། ནུས་པ་མེད་བ་བྱེད་པ་ལོ་མ་ཡིན་པ་ལ་བལྟོས་པ་ནི་མ་ཡིན་ཏེ། དེ་བྱེད་བ་ཡིན་ན་ལྷན་ཅིག་དེའི་བྱེད་བ་ལ་བལྟོས་པ་ཡིན་པར་བསྟན་པ་ནི། དེ་ལྟ་ན་བལྟོས ་ཇི་ལྟར་འགྱུར། གང་ཕྱིར་ཞེས་བྱ་བས་ཁྱད་པར་དུ་སྐྱེ་བ་གསལ་བ་ཡིན་བར་བསྟན་པ་ནི། དེ་ལ་ནི། ཁྱད་བར་ཡང་ནི་ཡོད་མ་ཡིན་ཞེས་བྱ་བའོ། །ཁྱད་བར་ཅན་གྱི་བྱེད་པ་ཡིན་ལ་བྱེད་པ་ཉིད་ཀྱང་གཞན་བྱེད་བ་བོར་ལྷན་ཅིག་བྱེད་བ་ལ་བལྟོས་པ་ཡིན ་གྱི། མི་བྱེད་པ་ལ་ནི་མ་ཡིན་པར་བསྟན་པ་ནི་ཁྱད་པར་ཡོད་ན་ནི་ཞེས་བྱ་བའོ། །བལྟོས་ས་ཁྱོད་པར་དུ་བྱེད་པ་པོ་ལ་ཁྱད་པར་དང་ལྡན་པ་བལྟོས་པ་ཡིན་པ་འདི་ལ་འཇིག་རྟེན་ལ་གྲགས་པའི་ཚད་མ་ཡོད་པར་བསྟན་པ་ནི། འདིའི ་དོན་དུ་ཞེས་བྱ་བ་ནི་ཁྱད་པར་གྱི་དོན་དཱུམ། འབྲས་བུའི་དོན་དུ་ཡིན་ནོ། །ཉེ་བར་བསྡུ་བ་ནི་དེའི་ཕྱིར་ཞེས་བྱ་བ་སྟེ། ཁྱད་པར་མེད་པ་ལ་སྟེ་ཁྱད་པར་བསྒྲུབ་ཏུ་མེད་པ་ནི་ལྷན་ཅིག་བྱེད་པ་ལ་བལྟོས་པ་མེད་པའོ། །མི་བྱེད་པའི་ངོ་བོ་ལས་གཞན་པ་དེ་བྱེད་པའི་ངོ་བོ་ནི ་ཁྱད་པར་ཡིན་ལ། དེ་དང་བྲལ་བ་ཁྱད་མེད་པ་འབྲས་བུ་མི་བྱེད་པ་དེ་བྱེད་པའི་ལྷན་ཅིག་བྱེད་པ་ལ་མི་བལྟོས་པ་ཡིན་ཞེས་བྱ་བའི་དོན་ཏོ། །གལ་ཏེ་ཡང་དེ་ཁྱད་པར་མེད་པ་འམ་རིམ་པ་མེད་པ་ན་དེ་ལས་སྐྱེ་བའི་འབྲས་བུ་ནི་ལྷན་ཅིག་བྱེད་པ་ལས་སམ། གཞན ་ལས་རིམ་པ་དང་ལྡན་པར་སྐྱེ་བ་ནི་མ་བསྲེགས་པའི་བུམ་པ་ལས་བསྲེགས་པའི་བུམ་པ་ལྟ་བུ་ཡིན་ནོ་སྙམ་དུ་སེམས་པ་ལ། ལུས་ལས་ཞེས་བྱ་བ་སྨོས་ཏེ། བུམ་པ་གཞན་ལས་སྐྱེ་བ་ཡིན་པར་མཐོང་བ་ནི། གཞན་དང་མེ་དང་ཕྲད་པ་ལས་ཁྱད་པར་ཅན་ཡིན ་པར་ནི་རིགས་ཀྱི་བློ་ནི་དེ་ལྟ་མ་ཡིན་ཏེ། གཞན་ལས་པར་མ་མཐོང་བའི་ཕྱིར་རོ། །མཐོང་བ་ཡིན་ཡང་ལུས་ནི་རྒྱུ་མ་ཡིན་ནོ། །དེས་ན་རིམ་པའི་ངོ་བོའི་ཁྱད་པར་དུ་བྱེད་པ་ཁོ་ན་དེ་བྱེད་པ་ཡིན་ནོ། །དེ་བཞིན་དུ་བློ་གཞན་ཡང་ཡིན་པའི་ཕྱིར་བློ་ནི་དེས་བྱས་པ་ཁོ་ན་ཡིན་གྱི། ་རྟག་པའི་ལུས་ཀྱིས་བྱས་པ་ནི་མ་ཡིན་ཏེ། རྗེས་སུ་འགྲོ་བ་ལ་སོགས་པ་མེད་པའི་ཕྱིར་རོ་ཞེས་བྱ་བའི་དོན་ཏོ། །སྔར་གྱི་བློ་ནི་བྱ་བ་ནི་འབྲས་བུ་ཡོད་པ་ཡིན་ན། དེའི་ཕྱིར་དེ་ཡང་རིམ་པ་དང་ལྡན་པའི་འབྲས་བུའི་རྒྱུ་མ་ཡིན་ནམ། དེ་ལྟ་ཡིན་ཏེ་རིམ་གྱིས ་བྱེད་པ་རིམ་པ་དང་ལྡན་པའི་ཁྱད་པར་དེ་ཡིན་ནོ། །རིམ་པ་ཅན་མ་ཡིན་པའི་ཁྱད་པར་ཅན་ཉིད་ཡིན་ན་འབྲས་བུ་ཅིག་ཅར་བའི་སྐྱོན་ཡིན་པར་བསྟན་པ་ནི། འོན་ཏེ་བློ་སྔ་མ་སྔ་མ་ཞེས་བྱ་བ་སྟེ། ཁྱད་པར་དུ་འགྱུར་བ་ཞེས་བྱ་བ་སྟེ། ཁྱད་པར་དུ་འགྱུར་བ ་ཞེས་བྱ་བ་ཁྱད་པར་ཅན་གྱིས་རིམ་གྱིས་སམ་རིམ་གྱིས་མ་ཡིན་པ་ཁོ་ནས་སོ། །རྟག་པ་ནི་འཇིག་པའི་མཐར་ཐུག་པར་སྣང་བ་ནི་གཅིག་ཡིན་པའི་ཕྱིར། གཅིག་གི་ཚེ་སྣང་བ་ནི་སྐད་ཅིག་མ་གཞན་ལ་མི་འབྱུང་བས་རྒྱུ་མེད་པའི་ཕྱིར་དེའི་འབྲས་བུ་མི་འབྱུང་ངོ ་ཞེས་སུན་འདོན་པ་ནི་སྐད་ཅིག་མ་ལ་ཡང་མཚུངས་པ་མ་ཡིན་ནམ། དེ་ཡང་སྐད་ཅིག་མ་གཞན་ལ་ཡོད་པ་མ་ཡིན་ཏེ། གཞན་དུ་ན་སྐད་ཅིག་མ་ཉིད་དུ་འགལ་བར་འགྱུར་བའི་ཕྱིར་རོ། །སྐད་ཅིག་མ་གཞན་ངེས་པའི་ཡུལ་ཡོད་པའི་ཕྱིར་སྐྱོན་མེད་དོ། ། ་དེ་དང་གཅིག་ཉིད་ཡིན་ན་དེ་ཡང་དམ་པའི་ཁོངས་སུ་གཏོགས་པས་དུས་ཕྱི་མ་ཉིད་མ་ཡིན་པའི་ཕྱིར་རྟག་པ་ཉིད་རིམ་གྱིས་མ་ཡིན་ནོ། །དེའི་ཚེ་བདག་ཉིད་ཐམས་ཅད་རྟོགས་པ་ཡང་དུས་གཞན་དུ་ཀུན་ཏུ་རྒྱུ་བ་ནི་མ་ཡིན་ཏེ། ཇི་སྲིད་དུ་འཇིག་བྱེད་མེད་པ་དེ ་སྲིད་དུ་གནས་པ་ཡིན་པར་ནི་མི་རིགས་ཏེ། མཛའ་མ་བཞིན་དུ་དང་པོ་ལ་ཡང་འཇིག་པའི་མཐར་ཐུག་པ་ཅན་དུ་སྣང་བར་ཁྱད་པར་མེད་པའི་ཕྱིར་རོ། །དེའི་ཚེ་འཇིག་པར་བྱེད་པའི་རྒྱུ་མེད་པའི་ཕྱིར་འཇིག་པ་མ་ཡིན་ཏེ། དངོས་པོ་ནི་བདག་ཉིད་ཐམས་ཅད་ཀྱིས ་སྣང་བ་ཡིན་ནོ་ཞེ་ན། འཇིག་པའི་རྒྱུ་མེད་དུ་ཟིན་ཀྱང་དེའི་མཐར་ཐུག་པར་ཡང་རྟོགས་པ་ཡིན་ན། མཛའ་ཨི་གནས་སྐབས་བཞིན་དུ་ཇི་ལྟར་ཕྱི་མའི་དུས་སུ་ཡོད་པ་ཡིན། མི་རྟག་པ་ཉིད་ནི་སྐད་ཅིག་རེ་རེ་ཞིང་གཞན་དང་གཞན་པའི་ཕྱིར་སྔ་མ་ཉིད་ཕྱིས་ཡོད་པ་ནི ་མ་ཡིན་ནོ། །དེའི་ཕྱིར་སྔ་ནི་ཕྱི་མ་ལས་རིམ་པ་དང་རྒྱུ་ཉིད་ཀྱང་ཡིན་ཏེ། དེ་ལྟར་མཐོང་བའི་ཕྱིར་དང། གཞན་དུ་མ་མཐོང་བའི་ཕྱིར་རོ། །གང་གི་ཚེ་ལས་འབྱུང་བ་ནི་དེ་ལས་གཞན་པ་ལས་ཞེས་ཡིན་པར་མ་དམིགས་པའི་ཕྱིར་དེའི་བསྐྱེད་བྱ་ཉིད་ཡིན་ནོ། །འཇིག་རྟེན ་གསུམ་པོ་ཡང་རྒྱུ་དུས་མཚུངས་པ་ཡིན་ན། རྒྱུ་ལས་ཇི་ལྟར་མ་བྱུང། དེ་ཉིད་དུ་མ་རྟོགས་པའི་ཕྱིར་ལ་འདི་ལ་ནི་དེ་ཉིད་དུ་ངེས་པས་དབྱེ་བ་ཡིན་ན། དེའི་འབྲས་བུ་ཉིད་ཡུལ་དུ་བྱེད་པ་ཡིན་པའི་ཕྱིར་རྒྱུ་ཉིད་དུ་རྟོགས་པར་རྟོགས་པ་ཡིན་ནོ། །དེ་ཉིད་ཀྱི་ཕྱིར ་དེ་ཁོ་ན་རིམ་གྱིས་བྱེད་པ་ཡིན་པར་ཡང་གྲུབ་པར་བསྟན་པ་ནི། སྔོན་མེད་སྐད་ཅིག་མ་རེ་རེ་ཡི་སྟེ། དེ་དང་དེའི། སྔ་མ་སྔ་མའི་སྐད་ཅིག་ནི་རྒྱུ་ཡིན་ནོ། །འབྲས་བུ་འདས་པས་རྒྱུ་འདའ་བར་རྟོགས་པའི་ཕྱིར་འབྲས་བུ་ཡང་སྔ་མ ་འམ་ཕྱི་མ་ཡང་ང་རྒྱལ་དང་བཅས་པའི་བློ་དང་ལྷན་ཅིག་པ་ཡིན་པས་དེ་དང་ལྷན་ཅིག་པའི་རྣམ་པར་འགྱུར་བ་ཡིན་ལ། དེ་ཁོ་ན་བཞིན་དུ་རྒྱུ་ཡང་ཡིན་ཏེ། དེ་ལ་ཡང་དེ་ཁོ་ན་བཞིན་དུ་མཐོང་བའི་ཕྱིར་རོ། །མེ་དང་དུ་བདག་གི་ཕན་ཚུན་འདོགས་བྱེད ་དང་ཕན་གདགས་བྱ་ཡིན་པ་བཞིན་དུ་ལྷན་ཅིག་པ་མ་ཡིན་ནོ། །དེའི་ཕྱིར་ཚོགས་པ་ལས་ཚོགས་པ་སྐྱེ་བ་མ་ཡིན་ལ། འདི་ལ་ནི་བཟློག་པ་ཡིན་པའི་ཕྱིར། ཅིའི་ཕྱིར་དེ་བཞིན་དུ་སྐྱེ་བ་མ་ཡིན་ཞེས་བྱ་བའི་དོན་ཏོ། །སྐྱེ་བ་འདི་ལ་ནི ་དེ་བཞིན་དུ་འགྱུར་ན་སྐྱེ་བ་ཕྱི་མ་ལ་ཇི་ལྟར་ཡིན་སྙམ་དུ་སེམས་པ་ལ། དེ་ལ་ཡང་སྐྱེ་བ་དང་པོ་ལ་བློ་དང་ལྷན་ཅིག་པའི་ལུས་སུ་དམིགས་པའི་ཕྱིར་བསྟན་པ་ནི། དེས་ན་བློ་དང་ལྷན་ཅིག་པའི་ལུས་ཞེས་བྱ་བ་སྟེ། དེའི་དེ་མ་ཐག་པའི་རྒྱུ་ཉིད་དུ ་མཐོང་བའི་ཕྱིར་སྔོན་དང་ཕྱི་མའི་དེ་ཁོ་ན་འདྲ་བའི་ལུས་ནི་རྒྱུ་ཡིན་པར་རྗེས་སུ་དཔོག་པ་ཡིན་པའི་དེ་ལྟ་བུའི་རྣམ་པ་ཅན་ཁོ་ནའི་ལུས་ནི་དུ་བ་ལས་མེ་བཞིན་ནམ། ཡན་ལག་གི་རྣམ་པར་འགྱུར་བ་ལ་སོགས་པའི་མངོན་པར་འབྱུང་བ་ལས་བཞིན ་དུ་དེའི་རྒྱུ་ཡིན་པར་རྗེས་སུ་དཔོག་པ་ཡིན་པའི་ཕྱིར་འཇིག་རྟེན་གྲུབ་པ་ཡིན་ནོ། །ལུས་ཀྱི་བསྐྱེད་བྱའི་ལུས་ནི་བློའི་རྒྱུར་སྐད་ཅིག་རེ་རེ་ལ་དམིགས་པ་ནི་སྲིད་པའི་ཐོག་མ་དང་ཐ་མ་ལ་ཡང་ཡོད་པ་རང་གི་རྒྱུ་མཚན་ལུས་གཞན་གྱིས་འཕངས་པ ་ཡིན་ལ། དེས་ན་སྲིད་པ་གཞན་འགྲུབ་པ་ཡིན་ནོ་ཞེས་བྱ་བའི་དོན་ཏོ། །སྐད་ཅིག་མའི་དངོས་པོ་རྣམས་ལ་དུས་གཞན་གྱི་རྗེས་སུ་འབྲང་པ་མེད་པའི་ཕྱིར་ཅི་འདྲ་བའི་རིམ་པ་ཡིན། གང་གི་ཕྱིར་དུས་ཀྱི་དབྱེ་བས་བྱ་བ་དང་ལྡན་པ་ཐ་དད་པ་ཡིན་ན། ་རིམ་པར་འགྱུར་གྱི་གཞན་དུ་ནི་མ་ཡིན་ནོ་སྙམ་དུ་སེམས་པ་ལ། སྐད་ཅིག་མའི་དངོས་པོ་ལས་སྐད་ཅིག་སྔ་མ་སྔ་མ་ལས་ཕྱི་མ་ཕྱི་མ་འབྱུང་བ་ཁོ་ནར་རིམ་པའི་ཐ་སྙད་ཀྱི་ཡུལ་ཡིན་གྱི། གཞན་དུ་ན་མ་ཡིན་པར་བསྟན་པ་ནི། སྔོན་མེད་སྐད་ཅིག་རེ་རེ་ཡེ་ཤེས ་བྱ་བ་སྟེ། གང་གི་ཕྱིར་སྐད་ཅིག་མ་ལ་ཡང་རིམ་པ་དང་ལྡན་པའི་ལུས་ནི་བློའི་རྒྱུ་ཡིན་ལ། དེ་ལྟ་བུའི་འབྲས་བུ་འབྱུང་བར་བྱེད་པར་སྲིད་པའི་དང་པོ་ལ་མཐོང་བ་ཇི་ལྟ་བ་དེ་བཞིན་དུ་མཛའ་མ་ལ་ཡང་དེ་ཁོ་ན་ལྟར་མཐོང་བ་དེ་ལྟ་བུ་ཁོ་ན་རང་ལས་བྱུང་བའི་ལུས ་གཞན་འཕེན་པར་བྱེད་པའི་ཕྱིར་སྐྱེ་བ་ཕྱི་མ་གྲུབ་པ་ཡིན་པར་བསྟན་པ་ནི། དེའི་ཕྱིར་ན་དུས་ཀུན་དུ་རྒྱུར་མཐོང་བ་ཉིད་ཅེས་བྱ་བ་སྟེ། བློའི་རྒྱུ་ལུས་ཀྱི་བསྐྱེད་བྱ་ཡིན་པའི་ཕྱིར། སྐྱེ་བ་དང་པོ་ལ་དེ་ལྟ་བུའི་ལུས་གཞན་འཕེན་པར་བྱེད་པ་ཡིན་ཞེས ་བྱ་བའི་དོན་ཏོ། །ཡང་ན་སྐད་ཅིག་མ་ཉིད་ཡིན་ཡང་སྐད་ཅིག་ཉིད་ཐམས་ཅད་ཀྱི་བྱེད་པ་པོ་ཡིད་པས་ཅིའི་ཕྱིར་འབྲས་བུ་ཅིག་ཅར་བ་མ་ཡིན་ཞེ་ན། སྔོན་མེད་སྐད་ཅིག་རེ་རེ་ནི་འབྲས་བུའོ། །སྔ་མ་སྔ་མ་ནི་རྒྱུ་གཞན་དང་གཞན་ཡིན་ལ། དེ་ཉིད་རེ་རེ ་ནི་མ་ཡིན་ན། གང་གིས་ཅིག་ཅར་བའི་སྐྱོན་དུ་འགྱུར། རྒྱུ་མིན་པ་ཉིད་དེ་རྟག་པ་ཉིད་ཡིན་ལ། རྟག་པ་ཉིད་ནི་དུས་ཀུན་དུ་སྟེ། དུས་ཐམས་ཅད་ཁྱབ་པར་བྱེད་པ་ཉིད་དུ་ཅིག་ཅར་མཐོང་བར་འགྱུར། གཞན་ནི་མ་ཡིན་ནོ་ཞེས་བྱ་བར་སྦྱར་རོ། །ཡང་ན ་རྒྱུའི་ཞིག་པ་ནི་རྒྱུ་ལས་གཞན་མ་ཡིན་པ་དེས་ན་དེ་དང་ལྷན་ཅིག་འབྱུང་བའི་འབྲས་བུ་དང་རྒྱུ་དང་ལྷན་ཅིག་འབྱུང་བ་ཡིན་པའི་སྐད་ཅིག་མ་ཉིད་ལ་ཡང་འབྲས་བུ་ཅིག་ཅར་བར་འགྱུར་ཏེ། དེ་དང་དེ་ནི། འདི་ཁོ་ན་ལས་འབྱུང་ངོ་སྙམ་དུ་སེམས་པ་ལ། ་སྔོན་མེད་སྐད་ཅིག་རེ་རེ་ཞེས་བྱ་བ་སྟེ། དུས་ངེས་པའི་དངོས་པོ་ནི་ཡུལ་དེས་པ་བཞིན་དུ་ཡུལ་གཞན་དང་དུས་གཞན་ཉིད་ལས་ལྡོག་པ་ཡིན་གྱི་རང་གི་དུས་ལ་ནི་མ་ཡིན་ཏེ། རང་ཉིད་མེད་པར་ཐལ་བར་འགྱུར་བའི་ཕྱིར་རོ། །ལྡོག་པ་ནི་ལྡོག་པ་པོ ་ལས་གཞན་མ་ཡིན་ཏེ། དེ་ལྟ་ཡིན་ན་ནི་དངོས་པོ་མི་འཇིག་པར་ཐལ་བར་འགྱུར་བའི་ཕྱིར་རོ། །དེའི་ཕྱིར་གཉིས་པ་ཁོ་ན་སྔ་མ་ཞིག་པ་ཡིན་ནོ། །ཞིག་པ་དང་ཕྱེད་ཞིག་པ་དང་མ་ཞིག་པ་ལ་སོགས་པའི། རྣམ་པར་རྟོག་པ་རྣམས ་སྐད་ཅིག་མའི་ཕྱོགས་ལ་སྐྱོན་མ་ཡིན་ཏེ། འབྲས་བུའི་སྔ་རོལ་ན་མེད་པར་ཁས་ལེན་པའི་ཕྱིར་རོ། །སྐད་ཅིག་མ་དང་སྐད་ཅིག་མ་མ་ཡིན་པ་ཉིད་ལ་འབྲས་བུའི་སྐྱེ་བ་དགོས་པ་མ་ཡིན་ཏེ། དེས་ལྟ་མོད་ཀྱི་དེས་རང་ཉིད་ཐོབ་པའི་དོན་དུ་ཡོད་པ་ལ་བལྟོས ་པ་ཡིན་ལ། དེ་ཡང་གང་གི་ཚེ་བལྟོས་པ་དེའི་ཚེ་ཁོ་ན་ཡིན་གི་དེའི་ཚེ་འབྲས་བུ་ནི་མ་ཡིན་ཏེ། བལྟོས་པ་མེད་པར་ཐལ་བར་འགྱུར་བའི་ཕྱིར་རོ། །གང་གི་ཕྱིར་བལྟོས་པ་ཞེས་བྱ་བ་ནི་དེ་ལས་རང་ཉིད་འཐོབ་པ་ཡིན་གྱི། ཐོབ་པའི་བདག་ཉིད་ཅན ་ལ་ནི་དེ་མི་སྲིད་པ་ཡིན་ཏེ། མི་བལྟོས་པའི་ཕྱིར་རོ་ཞེས་བྱ་བའི་དོན་ཏོ། །ཡོད་པའི་ཡང་སྔ་ན་ཡོད་པ་ཉིད་ནི་འབྲས་བུའི་བལྟོས་པ་ཡིན་ཏེ། དེས་འཕངས་པ་ཉིད་དུ་རྟོགས་པའི་ཕྱིར་རོ། །ཅིག་ཤོས་ནི་མ་ཡིན་ཏེ། དེའི་ཕྱིར་དེ་ཁོ་ན་རྒྱུ་ཉིད་ཀྱི་རྒྱུ་མཚན་ཡིན་ཏེ། ་འབྲས་བུའི་དུས་ན་མི་གནས་པ་ལ་ཡང་མཚུངས་པ་ཡིན་པར་བསྟན་པ་ནི། དེའི་ཕྱིར་ན་དུས་ཀུན་ཏུ་རྒྱུར་མཐོང་བར་འགྱུར་བ་ནི། དུས་ཀུན་ཏུ་སྟེ་ཐམས་ཅད་ལ་ཞེས་བྱ་བ་ལ་བལྟོས་པ་ཡིན་ནོ། །རྟག་པ་ཉིད་ལ་ནི་ཚད་མ་ཅི་ཡང་ཡོད་པ་མ་ཡིན་ནོ་ཞེས ་བྱ་བའི་དོན་ཏོ། །བློའི་རིམ་པ་ནི། ལུས་ཀྱི་ཡང་རིམ་པར་རྟོགས་པར་བྱེད་པའི་ཕྱིར་རོ། །བློ་དང་ལྷན་ཅིག་པའི་ལུས་ཁོ་ན་གནས་སྐབས་པ་ཡིན་ནོ། །དེའི་ཕྱིར་ལུས་ཀྱི་བསྐྱེད་བྱའི་བློ་ནི་ལུས་དང་ལྷན་ཅིག་པ་ཁོ་ན་ཡིན་ལ། བློའི་རྒྱུ་ལུས་དེ་ཡང་བློ་དང ་ལྷན་ཅིག་པ་ཁོ་ནར་བསྟན་པ་ཡིན་ནོ། །དེས་ན་བློ་དང་ལྷན་ཅིག་པའི་ལུས་ཀྱི་རྒྱུ་ཡང་སྐྱེ་བ་དང་པོ་ལ་དེ་ལྟ་བུ་ཁོ་ན་ཡིན་པར་འདི་ལས་གོ་བར་བྱ་བ་ཡིན་ལ། སྐྱེ་བ་ཕྱི་མ་ལ་ཡང་དེ་ལྟ་བུའི་རྒྱུ་མཐོང་བ་ལས་འབྲས་བུ་ཡང་དེ་ལྟ་བུ་ཁོ་ན་ཡིན ་བར་ཇི་ལྟ་བུར་མཐོང་བས་རྟོགས་པར་བྱ་བ་ཡིན་ཞེས་བྱ་བའི་ཐོབ་པ་ཡིན་ནོ་ཞེས་བསྟན་པ་ནི། གང་ཁོ་ན་བློའི་ལྷན་ཅིག་བྱེད་པའི་ལུས་ཤེས་བྱ་བའོ། །འོན་ཏེ་འབྲེལ་པ་འཛིན་པའི་ཐབས་གང་ཡིན་ཞེ་ན། དེའི་ཕྱིར་ལན་ཅིག་ཅེས་བྱ་བའོ། །ལན ་ཅིག་ཀྱང་རང་གི་དུས་སུ་འཛིན་པར་མཐོང་བས་འདིའི་འབྲས་བུ་ཡིན་ཞེས་བྱ་བ་ལ་སོགས་པ་སྔ་མ་དང་ཕྱི་མ་ལ་བལྟོས་པའི་ངོ་བོ་མི་འཛིན་པ་ཁོ་ན་མ་ཡིན་སྙམ་དུ་སེམས་པ་ལ། རྒྱུ་དང་འབྲས་བུ་ཉིད་ཅེས་བྱ་བ་སྟེ། འབྲས་བུ་ལ་སོགས་པ་ནི་ཐ་སྙད་དུ་གྲུབ ་པ་ཡིན་ནོ། །ཇི་སྐད་རྟོགས་པས་འབྲེལ་པར་བྱེད་པ་ཡིན་ཞེས་གསུངས་པའོ། །དེའི་ཕྱིར་རྗེས་སུ་འགྲོ་བ་དང་ལྡོག་པའི་ངོ་བོའི་རྣམ་པར་རྟོག་པས་གོ་བར་བྱ་བ་ནི། འབྲས་བུ་ཉིད་ལ་སོགས་པ་ཡིན་གྱི་གཞན་ན་མ་ཡིན་ནོ་ཞེས་བྱ་བའི་དོན་ཏོ། །གལ་ཏེ་ཡང ་བློ་དང་ལྷན་ཅིག་པའི་ལུས་ནི་དེ་དང་འདྲ་བའི་འབྲས་བུ་ཡིན་པའི་ཕྱིར་དང། རྒྱུ་ཡིན་པའི་ཕྱིར་རྟོགས་ཕྱེད་དུ་འདོད་པ་ཡིན་ན། འགལ་བ་ཅན་འཆི་བ་མཐོང་བའི་ཕྱིར་དྲོ་བ་མཐོང་བ་ལས་གྲང་བ་བཞིན་དུ་མེད་པར་ཡང་རྟོགས་པར་འགྱུར་རོ། །རྒྱུ་མ་ཚང ་བ་མེད་པའི་སེམས་རྒྱུན་དུ་ཡོད་པ་ནི་འཆི་བ་ཡོད་ན་མེད་པའི་ཕྱིར་འགལ་བ་ཡིན་ནོ། །དགྲ་བཅོམ་པའི་རྒྱུན་ལ་ཁྱེད་ཀྱང་འདི་ཁས་ལེན་པ་ཡིན་གྱི། མ་རིག་པ་དང་སྲིད་པ་མེད་པའི་ཕྱིར་དགྲ་བཅོམ་པ་ལ་འབྲས་བུ་ཉིང་མཚམས་སྦྱོར་བ་མེད་པ ་མ་ཡིན་ལ། དེ་དག་མེད་ཀྱང་འཚོ་བའི་གནས་སྐབས་ལ་ཡང་མཚམས་སྦྱོར་བ་མཐོང་བའི་ཕྱིར་རོ། །སྐད་ཅིག་མ་ཞིག་པ་ནི་འཆི་བ་མ་ཡིན་ཏེ། དེ་ཡོད་ཀྱང་འཚོ་བའི་གནས་སྐབས་ན་མཚམས་སྦྱོར་བར་མཐོང་བས་འགལ་བ་མེད་པར་ཐལ ་བར་འགྱུར་རོ། །རྒྱུན་ཆད་བ་ཡང་མ་ཡིན་ཏེ། དེའི་བསྒྲུབ་བྱ་ཡིན་པའི་ཕྱིར་རོ། །འོན་ཀྱང་དེའི་རྒྱུའི་དངོས་པོ་ནི་གཉིད་ལོག་པ་བཞིན་ནམ། འགོག་པའི་སྙོམས་པར་འཇུག་པ་ལྟ་བུའི་རྒྱུན་ཆད་པ་ལས་གཞན་པའི་རྒྱུན་ཆད་པ་ནི། གཞན་དུ་མི་འཐད ་པར་གོ་བར་བྱེད་པ་ཡིན་གྱི། དེར་རྒྱུ་ཆད་པ་མཚམས་སྦྱོར་བར་རིགས་པ་ནི་མ་ཡིན་ཏེ། གང་གི་ཕྱིར་གཉིད་ལོག་པ་ལ་སོགས་པ་ན་འགགས་པའི་སེམས་ནི། དེ་ཉིད་ཀྱི་ཚེ་གཞན་དུ་མཚམས་སྦྱོར་བ་མ་ཡིན་ལ། གནས་པས་འཕངས ་པའི་ལས་མེད་པ་ཙམ་ནི་འཆི་བ་མ་ཡིན་ཏེ། གཉིད་ལོག་པ་ལ་སོགས་པ་མ་མཐོང་བ་ཕྱིར་རོ། །དེའི་དུས་སུ་འབྱུང་བ་རྒྱུན་ཆད་པ་ཡང་མ་ཡིན་འཆི་བ་ཡང་མ་ཡིན་ཏེ། མ་མཐོང་བའི་ཕྱིར་རོ། །རྣམ་ཤེས་དང་ཚེ་འགགས་པའི་མཚན་ཉིད་ནི་འཆི་བ་ཡིན་ནོ་ཞེ ་ན། ཡང་དེ་ལྟ་ཡིན་དུ་ཟིན་ཀྱང་འགལ་བ་གཉིད་ལོག་པ་བཞིན་དུ་ཇི་ལྟར་མཚམས་སྦྱོར་བར་བྱེད་ཅེས་སྨྲོས་པ་ཡིན་ནོ། །རྒྱུན་ཆད་པའི་འགག་པ་ནི་རྒྱུན་མི་འཆད་པ་དང་འགལ་བའི་ཕྱིར་མཚམས་སྦྱོར་བ་མེད་པ་ཡིན་ནོ། །གཉིད་ལོག་པའི་འགག་པ་བཞིན་དུ ་མཚམས་སྦྱོར་བ་དང་འབྲེལ་བ་ཅན་གྱི་འཆི་བ་ནི་འགག་པ་མ་ཡིན་ཏེ། ད་ལྟར་མ་མཐོང་བའི་ཕྱིར་རོ། །ཚད་མ་ཐམས་ཅད་ནུབ་པ་ན་ཡོད་པ་སྲིད་པར་ཡང་ནུས་པ་མ་ཡིན་ཏེ། གཏན་ཚིགས་ཀྱི་འགྲན་ཟླ་རྙེད་སླ་བའི་ཕྱིར་རྒྱུན་ཆད་པ་དང་མཚམས་སྦྱོར?་མི ་མཐུན་པར་ཚད་མས་གྲུབ་པའི་ཕྱིར་རོ། །དེའི་ཕྱིར་རྒྱུ་ལས་སམ་འབྲས་བུ་ལས་འཆི་བའི་འོག་ཏུ་འབྲས་བུ་དང་རྒྱུ་དག?་ཤེས་པ་མ་ཡིན་ལ། འཆི་བས་བར་དུ་བཅད་པས་མ་སྐྱེས་པའི་ཕྱིར་རོ། །བར་དུ་གཅོད་པ་མེད་ན་སྐྱེ་བ་ཡིན་པ་ནི། ད་ལྟའི་གནས་སྐབས ་ཇི་ལྟ་བ་བཞིན་དུའོ་ཞེས་བྱ་བ་ནི་རྣམ་པར་དབྱེ་བ་ཡིན་ནོ་སྙམ་དུ་སེམས་པ་ལ། ཐ་མའི་སེམས་ནི་སེམས་གཞན་དང། །མཚམས་སྦྱོར་ཞེས་བྱ་བ་སྟེ། རེ་ཤིག་གཉིད་ལོག་པ་ལ་སོགས་པ་བཞིན་དུ་རྣམ་ཤེས་ལ་སོགས་པ་འགག་པ་ནི། གནས ་པ་འཕེན་པར་བྱེད་བའི་ལས་འགགས་པ་ཁོ་ན་ལས་གཞན་པ་ཡང་མ་ཡིན་ཏེ། འདི་ཡོད་ན་གཞན་ཤུགས་ཀྱིས་མི་འཐོབ་པའི་ཕྱིར་ལ། གནས་པའི་འཕེན་བྱེད་ཡོད་པས་འགག་པ་ནི་གཞན་དུ་མི་འཐད་པ་ཡིན་ཏེ། རྒྱུ་མཚན་གཞན་འཕན་བྱེད་ཡིན ་ནོ། །དེ་ལ་ཡང་གཉིད་ལོག་པ་ཡིན་ནོ་ཞེས་ཟེར་རོ། །རྒྱུ་མཚན་གཞན་ཡོད་དུ་ཆུག་ཀྱང་དེ་ཡང་མཚམས་སྦྱོར་བ་དང་འགལ་བ་མ་ཡིན་ཏེ། གཉིད་ལོག་བ་ཁོ་ན་བཞིན་དུ་དུས་ཉུང་ཟད་ཅིག་འགགས་པ་ཡང་སྐྱེ་བར་མཐོང་བའི་ཕྱིར་རོ། །འདི་ལ་ཡང་མ་མཐོང་ངོ ་ཞེ་ན། མ་ཡིན་ཏེ། སྐྱེ་བ་དང་པོའི་སེམས་དང་ལུས་ཀྱང་གོམས་པ་ལ་སོགས་པའི་བསྐྱེད་བྱའི་ཁྱད་པར་དུ་མཐོང་བ་ལས་སྐྱེ་བ་སྔ་མའི་མཛའ་ཨི་སེམས་མཚམས་སྦྱོར་བར་རྗེས་སུ་དཔག་པའི་ཕྱིར་རོ། །དགྲ་བཅོམ་པའི་སེམས་ཀྱང་དེ་བཞིན་དུ་འགྱུར་རོ་ཞེ་ན། འགྱུར? ་ཡང་སྐྱོན་ཅི་ཡོད་རྒྱུ་མ་ཚང་བ་ལས་དེ་མཚམས་སྦྱོར་བ་མ་ཡིན་པའི་ཕྱིར་ཐམས་ཅད་འཐད་པ་ཡིན་ནོ། །སེམས་གཞན་དང་མཚམས་སྦྱོར་བ་ནི་ཡུལ་ལའོ། །ཐ་མའི་སེམས་ནི་འཆི་བའི་སེམས་སོ། །འགལ་ཅི་ཡོད་ནི་མེད་པ་སྟེ་འགེགས་པར་བྱེད་པ་མེད་པ ་ཞེས་བྱ་བའི་དོན་ཏོ། །འགལ་བ་ཅན་ཉིད་ནི་འགེགས་པར་བྱེད་པ་ཡིན་པར་བརྗོད་དོ། །འབྲས་བུའི་གཏན་ཚིགས་ལས་སྔ་མ་དང་ཕྱི་མའི་སྐྱེ་བའི་གྲུབ་པ་དང་འགལ་པ་དམིགས་པ་ཡིན་པས་དེ་མི་འགྲུབ་པའི་ཕྱིར། འགལ་བ་མི་འཁྲུལ་བ་ཅན་ནི་ཐེ་ཚོམ ་གྱི་རྒྱུ་ཡིན་ནོ་སྙམ་དུ་སེམས་པ་ནི། གལ་ཏེ་ཇི་ལྟར་དབུགས་ཀྱི་གནས་ཞེས་བྱ་བའོ། །འདོད་ཆགས་བྲལ་བའི་འཆི་བའི་སེམས་དང་ཉིང་མཚམས་སྦྱོར་བ་ནི་དྲོ་བ་དང་གྲང་བ་བཞིན་དུ་འགལ་བར་མཐོང་བ་ཡིན་པར་བསྟན་པ་ནི། གང་གང་འཆི་སེམས་དེ་དང་དེ ་ཞེས་བྱ་བའོ། །འཆི་བ་ནི་སེམས་སྐད་ཅིག་ཕྱི་མ་ལ་མེད་པ་མ་ཡིན་ནམ། དེ་ནི་མཚམས་སྦྱོར་བ་དང་འགལ་བ་ཅན་མ་ཡིན་ཏེ། འཚོ་བའི་གནས་སྐབས་འགལ་བ་བར་མ་མཐོང་བའི་ཕྱིར་རོ། །འདིས་ནི་སྐྱོན་མེད་པར་ཡང་བཤད་པ་ཡིན་ནོ་སྙམ་དུ་སེམས་པས ་ཟེར་བ་ནི། འཆི་བའི་སེམས་གང་ཡིན་པ་དེ་ནི་ཞེས་བྱ་བ་སྟེ། རྣམ་ཤེས་མེད་པ་ཙམ་ནི་འཆི་བ་མ་ཡིན་ཏེ། འཚོ་བའི་གནས་སྐབས་བཞིན་དུ་དེ་ཉིད་ཀྱི་ཚོ་མཚམས་སྦྱོར་བར་ཐལ་བར་འགྱུར་བའི་ཕྱིར་རོ། །རྒྱུན་མེད་པ་ལ་ཡང་འཆི་བ་མ་ཡིན་ཏེ། ་རྒྱུན་མེད་པ་ནི་མཚམས་སྦྱོར་བ་མེད་པའི་ངོ་བོ་ཉིད་ཀྱིས་འདོད་པ་གྲུབ་པ་ཁོ་ན་ཡིན་པའི་ཕྱིར་རོ། །གཉིད་ལོག་པ་ལ་སོགས་པ་དང་མཚུངས་པ་ཡང་མ་ཡིན་ཏེ། དེ་ཉིད་ཀྱི་ཚེ་མཚམས་སྦྱོར་བར་ཐལ་བར་འགྱུར་བའི་ཞེས་བྱ་བའི ་དོན་ཏོ། །འགལ་བའི་སྒྲུབ་བྱ་དག་གིས་ཁྱབ་པ་ཡོད་ཀྱང་ཆོས་ཅན་ཅིག་ལ་བསྒྲུབ་བྱ་གཉིས་མ་ཡིན་ཏེ། མི་རིགས་པའི་ཕྱིར་གནོད་པ་དང་བར་དུ་གཅོད་པ་ཡང་མ་ཡིན་ཏེ་སྟོབས་མཚུངས་བའི་ཕྱིར་དང། ཁྱབ་པ་ཡོད་པའི་ཕྱིར་དོ་སྙམ་དུ་སེམས་པ ་ལ། སྒྲུབ་བྱེད་དང་གནོད་བྱེད་དག་ནི་འགལ་བ་ཡིན་ལ། བར་དུ་གཅོད་བ་ནི་ཁྱབ་པ་ཁོ་ན་ཡིན་ན་རིགས་པ་ཡིན་གྱི་གཞན་དུ་ན་གནོད་བ་ཡིན་པར་བསྟན་པ་ནི། འོན་ཏེ་བཟློག་པས་ཤེས་བྱ་བ་ནས་མཚུངས་སོ་ཞེས་བྱ་བའི་བར་དུའོ། །འགལ་བ་འམ ་བར་དུ་ཆོད་པ་འམ་ཡོད་པ་དང་མེད་པ་ཡང་རུང་བ་ཁས་བླངས་པ་ཁོ་ན་འདི་བསྒྲུབ་པར་བྱེད་པར་བསྟན་པ་ནི་།གང་གི་ཕྱིར་ཞེས་བྱ་བ་སྟེ། འོན་ཀྱང་འཆི་བ་ནི་མཚམས་སྦྱོར་བ་དང་འགལ་བ་མ་ཡིན་ཏེ། གནས་པའི་རྒྱུན་འགག་པ་ཡིན་ན་རྣམ་ཤེས ་འགག་པའི་ངོ་བོ་ཡིན་པའི་ཕྱིར་རོ། །འགལ་བ་ཞེས་བྱ་བ་ཁོ་ནས་མཚམས་སྦྱོར་བ་ནི་མ་ཡིན་ཏེ། རྒྱུ་གཞན་གྱིས་འཕངས་པས་མཚམས་སྦྱོར་པ་ཡིན་པའི་ཕྱིར་རོ། །དེ་བཞིན་དུ་སྐྱེ་བའི་དང་པོའི་སེམས་གོམས་པའི་བསྐྱེད་བྱའི་ཁྱད་པར་ནི ་དེ་དང་འདྲ་བའི་སེམས་གཞན་གྱིས་འཕངས་པ་ཡིན་པར་རྟོགས་པ་ཡིན་པར་བསྟེན་པ་ནི། འཆི་བའི་སེམས་ནི་ཞེས་བྱ་བ་སྟེ། དགག་བྱ་མཚམས་སྦྱོར་བ་ལ་དེ་བཞིན་དུ་དེའི་ཡུལ་ལ་ཡང་ཡིན་པར་རྣམ་པར་འབྲེལ་པ་ནི། རེ་ཤིག་སེམས་ནི ་སེམས་གཞན་དང་འགལ་བ་མ་ཡིན་ལ། དེ་བཞིན་དུ་འཆི་བ་ཡང་དེ་མེད་པའི་ངོ་བོ་འཚོ་བའི་གནས་སྐབས་ལྟ་བུའོ། །གཉིད་ལོག་པ་བཞིན་དུ་རྟོག་པ་ཡང་མ་ཡིན་ཏེ་ཚད་མ་མེད་པའི་ཕྱིར་རོ། །གནས་པའི་རྒྱུ་ཡོད་ཀྱང་སེམས་འགགས ་པས་དེའི་རྟོག་པ་ཡིན་ནོ། །དུས་མ་ཡིན་པར་འཆི་བ་འདི་ལ་ཡང་གནས་པའི་རྒྱུ་ནི་ཡོད་པ་ཁོ་ན་ཡིན་ནོ་ཞེ་ན། མ་ཡིན་ཏེ་ཡང་བ་མ་སྤངས་པ་ཁོ་ནས་དང་སེམས་འགག་པ་ལ་འགག་བྱེད་གཞན་དུ་རྟོག་པ་ལ་ནི་ཚད་མ་མེད་དོ་ཞེས་བསྟན་པ་ནི་ལྷན་ཅིག ་མི་གནས་པའི་མཚན་ཉིད་དམ་ཞེས་བྱ་བས་རྒྱུ་མ་ཚང་བ་མེད་པ་ཡིན་པ་ནི་གཞན་ཡོད་ན་མེད་པ་ཞེས་བྱ་བའི་འགལ་བའི་མཚན་ཉིད་དམ་ཞེས་བྱ་བས་མཚོན་པ་ཡིན་ནོ། །འཆི་བའི་སེམས་ཉིད་འོངས་ན་ཞེས་བྱ་བ་ནི་འཆི་བའི་སེམས་ཉིད་དང་མཚམས ་སྦྱོར་བར་བྱེད་པ་ཉིད་དང་འགལ་བ་མེད་དོ་ཞེས་བྱ་བའི་དོན་ཏོ། །རེ་ཞིག་སེམས་ནི་རང་ཉིད་ཀྱི་རང་རིག་པར་བྱ་བ་ཡིན་ལ་གཞན་གྱི་ཐ་སྙད་རྗེས་སུ་དཔག་བྱ་མ་ཡིན་ནམ། དེ་འགགས་པར་ཡང་ངེས་པ་ཁོ་ན་ཡིན་ཏེ། དེ་ལྟ་བུའི་སེམས་ཡོད?་ན་དེའི ་འབྲས་བུ་མེད་པར་མི་རིགས་ལ། དེ་ལྟ་བུའི་འགག་པ་གཞན་ལྟ་བུའི་མཚམས་སྦྱོར་བ་ཡིན་པར་ཡང་མི་རིགས་ཏེ། གཉིད་ལོག་པ་ལ་སོགས་པ་ལ་མ་མཐོང་བའི་ཕྱིར་རོ། །དེའི་ཕྱིར་འཆི་བ་ལ་སོགས་པ་ཡིན་ན་དེ་ལྟ་བུའི་སེམས་ཀྱི་རྒྱུན་ནུབ་པའི་ཕྱིར ་སྣང་བ་བཞིན་དུ་མུན་པ་འགལ་བར་རྟོགས་པ་ཡོད་པ་ཁོ་ན་ཡིན་ན་དེའི་ཕྱིར་ཇི་ལྟར་མཚམས་སྦྱོར་བ་ལས་བཟློག་པ་མཐོང་བ་མེད་པ་ཡིན་སྙམ་དུ་སེམས་པ་ལ། གཉིད་ལོག་པའི་དུས་བཞིན་དུ་འཆི་བའི་དུས་ན་འགག་པ་ཡང་རྨི་ལམ་གྱི་ཡུལ ་བཞིན་དུ་སྐྱེ་བ་ཕྱི་མའི་ལུས་མཚམས་སྦྱོར་བ་བསྒྲུབ་བྱ་ཡིན་པའི་ཕྱིར། དེ་དང་འགལ་བར་རྟོགས་པ་ཡང་མ་ཡིན་ཏེ་།འཆི་བའི་འོག་ཏུ་དེ་བཟློག་པ་རྟོགས་པ་མེད་པའི་ཕྱིར་དང། དེའི་ཚེ་མ་འོངས་པ་ཉིད་ཀྱིས་དབང་པོ་ལས་འདས་པའི་ཕྱིར་རོ། །མེ ་དང་དུས། ཕྱིས་འབྱུང་བའི་གྲངས་པའི་རྒྱུན་འགལ་བ་ནི་མ་ཡིན་ཏེ། རྒྱུ་མ་ཚང་བ་ཡོད་ན་ཡོད་པས་མེད་པ་འགལ་བར་རྟོགས་པའི་ཕྱིར་རོ་ཞེས་བྱ་བའི་དགོངས་པས། སྐྱེ་བ་གཞན་མཚམས་སྦྱོར་བ་ནི། སྣང་དུ་རུང་བ་མ་ཡིན་ནོ་ཞེས་བྱ ་བའོ། །རྨི་ལམ་བཞིན་དུ་འཆི་བ་ན་དུས་གཞན་དུ་མཚམས་སྦྱོར་བ་མ་མཐོང་བ་ཡིན་ན། ཇི་ལྟར་ཁས་ལེན་པ་ཡིན་ཞེ་ན། མ་ཡིན་ཏེ་སྐྱེ་བ་དང་པོ་ལུས་དང་སེམས་དག་རང་གི་རིག་པའི་བསྐྱེད་བྱའི་ཁྱད་པར་ཅན་དེའི་འབྲས ་བུ་ཡིན་བར་གོ་པ་ཡིན་ན། ཇི་ལྟར་མཚམས་མི་སྦྱོར་བ་ཡིན་ཏེ། བཟློག་པར་མཐོང་བའི་ཕྱིར་རོ་ཞེས་བསྟན་པ་ནི། འབྲས་བུ་ཉིད་ནི་མཚམས་སྦྱོར་བ་མེད་པ་དང་འགལ་བ་མ་ཡིན་ཏེ། དེ་ཉིད་ཀྱི་ཕྱིར་རྒྱུ་མཚན་ནུབ་ན། རྒྱུ་མཚན་ནད་ཞི་བ་བཞིན་དུ་ ་འཆི་བ་ཡིན་ན། རྒྱུ་སེམས་མེད་བའི་ཕྱིར་མཚམས་སྦྱོར་བ་མེད་པ་བསལ་བ་ཡིན་ནོ། །འཆི་བ་ཡོད་ན་རྒྱུ་ནུབ་པའི་ཕྱིར་འབྱུང་བར་འགྱུར་བ་ལ་མཚམས་སྦྱོར་བ་འབྲས་བུ་མེད་པར་གྲུབ་པ་ཁོ་ན་དགྲ་བཅོམ་པའི་མ་ཡིན་ནམ། དེ་ལྟར་འགལ་བ ་ཡིན། འདི་ལ་བསྟན་པ། དགྲ་བཅོམ་སེམས་གང་ཡིན་དེ་ཡང། གང་ལས་མཚམས་སྦྱོར་མེད་པ་སྟེ། མཚམས་སྦྱོར་དང་བྲལ་བ་ཡིན་པར་གང་ལས་ཏེ། ཚད་མ་གང་ལས། འདོད་པར་སྟེ་ཤེས་པ་མ་ཡིན་པའོ། །དེ་ཡང་འགོག་པ་ལ་སྙོམས ་པར་འཇུག་པ་ལྟ་བུར་མཚམས་སྦྱོར་བ་ཅན་དུ་ཚན་མས་རྟོགས་པ་ཡིན་ཏེ། སེམས་ལ་ནི་ཤིན་ཏུ་རྣམ་པར་གཅོད་པར་བྱེད་པ་ཅུང་ཟད་ཀྱང་ཡོད་པ་མ་ཡིན་ནོ། །མྱ་ངན་ལས་འདས་པ་ཡིན་ནོ་ཞེ་ན། མ་ཡིན་ཏེ་དེ་ནི་ཟག་པ་དང་བྲལ་བ་ཙམ ་ཡིན་པའི་ཕྱིར་རོ། །ལྷག་མ་དང་བཅས་པས་དེ་ཐོབ་པ་ཡིན་པའི་ཕྱིར་ལྷག་མ་དང་བཅས་པའི་མྱ་ངན་ལས་འདས་པར་བརྗོད་དོ། །ཟག་པ་ཐམས་ཅད་ཟད་པ་ཡིན་ན་དེ་ཉེ་བར་བསྟེན་པར་བྱེད་པ་མེད་པའི་ཕྱིར། རྣམ་པ་ཡིན་པར་མི་རིགས ་ཏེ། སེམས་ཉིད་སྔ་མའི་ཉེ་བར་བསྟེན་པར་བྱེད་པའི་ཕྱིར་རོ། །ཉེས་པ་ཐམས་ཅད་ཟད་ཀྱང་སྐྱོན་ཅན་མ་ཡིན་པའི་སེམས་ནི་རྣམ་པར་འོས་པ་མ་ཡིན་ཏེ། བཅད་བྱ་གཅོད་བྱེད་ཉིད་དག་ནི། །ཕྱི་རོལ་གྱི་ནི་ཁམས་བཞིའོ། །ཞེས་བསྟན་པའི་ཕྱིར ་རོ། །དེ་ཡང་དེ་ལྟ་བུའི་དགེ་བའི་བཤེས་གཉེན་དང་ཕྲད་ནས་སྙིང་རྗེ་ལ་སོགས་པ་གོམས་པས། སངས་རྒྱས་ཀྱི་རྗེས་སུ་ནོད་པར་བྱེད་པ་ཡིན་ལ། དེ་མེད་ན། སྲིད་པར་མཚམས་སྦྱོར་བ་ནི་རྒྱུན་ཟད་པས་མཚམས་སྦྱོར་བར་བྱེད་པ་ཁོ་ན་ཡིན་ཞེས་བྱ་བ་འདི ་ཉིད་རིགས་པ་ཡིན་པར་འཕགས་པ་དམ་པའི་ཆོས་པདྨ་དཀར་པོ་ལ་སོགས་པའི་རྗེས་སུ་འབྲང་བར་བྱའོ། །མར་མེ་ཤི་བ་ལྟ་བུར་ནི། །དེ་ཡི་སེམས་ནི་རྣམ་གྲོལ་ཡིན། །ཞེས་བྱ་བའི་ལུང་ལ་མཚམས་སྦྱོར་བ་མེད་པར་རྟོགས་པ་ཡིན་ནོ་ཞེ་ན། ཚད་མས་མ ་གྲུབ་དོན་ཅན་གྱི། ཞེས་བྱ་བ་སྨོས་ཏེ། དགྲ་བཅོམ་པའི་སེམས་ཀྱང་ཚད་མ་མཚམས་སྦྱོར་བ་འཛིན་པའི་རིགས་པས་མ་གྲུབ་པ་ཡུལ་ཡིན་ནོ། །དགྲ་བཅོམ་པའི་འཚོ་བའི་གནས་སྐབས་ཀྱི་སེམས་ནི་དེ་ལས་གཞན་པར་མཚམས་སྦྱོར་བར་མཐོང ་བ་ཡིན་ལ། སོ་སོའི་སྐྱེ་བོའི་སེམས་ཀྱང་སེམས་གཞན་གྱི་རྗེས་སུ་མཚམས་སྦྱོར་བར་བྱེད་པ་ཡིན་ཏེ། དེ་ལྟར་མཐོང་བ་ཁོ་ནའི་ཕྱིར་རོ། །སྐྱོན་ཅན་མ་ཡིན་པའི་ཕྱིར་དོར་བྱ་མ་ཡིན་ཏེ། གཞན་དུ་ན་མྱ་ངན་ལས་འདས་པ་ཡང་དེ་ལྟ་བུར་ཐལ ་བར་འགྱུར་རོ་ཞེས་བྱ་བ་ལ་སོགས་པའི་རིགས་པ་ནི། མདོ་སྡེ་ཇི་ལྟ་བ་བཞིན་དུ་བལྟེ་བར་བྱའོ། །གྲུབ་མཛའ་ཨི་རྗེས་སུ་འབྲང་ངམ་ཅི་ཞེས་བྱ་བ་ནི་མ་ཡིན་པ་ཉིད་དོ། །རིགས་པ་དང་འགལ་བའི་གྲུབ་ཐའི་ནི་རྟག་པའི་སྐུལ་བྱེད་བཞིན་དུ་རྗེས་སུ ་འགྲེད་བར་འོས་པ་མ་ཡིན་ནོ། །འོན་ཏེ་སོ་སོའི་སྐྱེ་བོའི་སེམས་ནི་མ་རིག་པ་པར་སྲིད་པ་ལ་སོགས་པའི་ཉོན་མོངས་པའི་དབང་གིས་མཚམས་སྦྱོར་བ་ཅན་དུ་མཐོང་བ་ཡིན་ལ། དགྲ་བཅོམ་པ་ལ་ནི་དེ་མེད་པའི་ཕྱིར་ཇི་ལྟར་མཚམས ་སྦྱོར་བ་ཅན་ཡིན་སྙམ་དུ་སེམས་པ་ནི། གལ་ཏེ་དེ་རྒྱུ་བྲལ་ཕྱིར་ན་ཞེས་བྱ་བ་སྟེ། དེ་སྟེ་དགྲ་བཅོམ་པའི་སེམས་མཚམས་སྦྱོར་བ་མེད་པ་ནི། རྒྱུ་སེར་སྣ་ལ་སོགས་པ་མ་ཚང་བའི་ཕྱིར་ཞེས་བརྗོད་པ་ཡིན་ན། ཚང་བ་ལ་ནི་མཚམས་སྦྱོར་བ་དང ་བཅས་པར་བསྟན་པར་འགྱུར་རོ། །ཁྱད་པར་དགག་པ་ན་ལྷག་མ་ཡང་ཁས་ལེན་པ་གཙོ་བའི་ཕྱིར་དེ་ཡང་སྔར་མཚམས་སྦྱོར་བ་མེད་པར་ཁས་བླངས་པ་དང་འགལ་བ་ཡིན་པར་བསྟན་པ་ནི་དེ་ཉིད་ཅེས་བྱ་བ་ཚང་བ ་ཡིན་ན། མཚམས་སྦྱོར་བ་ཅན་ཡིན་ཞེས་བྱ་བའི་ཁོ་བོ་ཅག་གི་འདོད་པ་ཁོ་ན་ཡིན་པར་མཚམས་སྦྱོར་བ་མེད་པ་ནི་ཡོད་པ་དང་མེད་པ་བཞིན་དུ་བརྗོད་པ་ཡིན་ཏེ། འོན་ཀྱང་བརྗོད་པ་ཡིན་ནོ་ཞེས་བྱ་བའི་དོན་ཏོ། །འོན་ཏེ་དགྲ་བཅོམ་པའི་སེམས ་མཚམས་སྦྱོར་བ་མ་ཡིན་པ་ནི་རྒྱུ་མ་ཚང་པ་སྟེ་མེད་པའི་ཕྱིར་ཞེས་བྱ་བ་ནི་དོགས་པའི་དོན་ཡིན་ན་འདི་ལ་དེ་ཉིད་དེ་དགྲ་བཅོམ་པའི་སེམས་།འདིར་ཏེ་མྱ་ངན་ལས་འདས་པ་ཐོབ་པ་ཡིན་པར་མ་བརྗོད་པ་སྟེ། མ་བྱུང་བ་ཡིན་ན་གང་གིས་བྱ ་མེད་པར་འགྱུར། དེ་བཞིན་དུ་རིམ་པ་ཇི་ལྟར་བྱ་བའི་ངོར་བྱ་ལ་སོགས་པ་ལ་གོམས་པར་གྱུར་པ་ཡལ་བར་འདུག་པ་དང་པོ་ཉིད་ནས་མ་ལུས་པ་ལ་བཏང་སྙོམས་པའི་ཡང་སེམས་ནི། རྒྱུན་དབྱེད་བ་ཁོ་ན་ཡིན་ཏེ། ལེགས་པར་སྤྱད་བ་དང་ཉེ་བར་སྤྱད་པ་དག་། ་། གིས་བདེ་འགྲོ་དང་ངན་འགྲོ་རྣམས་སུ་མཚམས་སྦྱོར་བར་བྱེད་པ་ཡིན་ལ། དེ་མེད་ན་བདེ་འགྲོ་དང་ངན་འགྲོ་ཡང་མཚམས་སྦྱོར་བ་མེད་པས་སེམས་འབའ་ཞིག་ཙམ་གྱིས་མཚམས་སྦྱོར་བར་བྱེད་པ་ཡིན་ཏེ། བསོད་ནམས་ཀྱི་ཚོགས ་བསྐྱེད་པས་སམ་ལས་དང་ཉོན་མོངས་པ་ལ་དབང་ཐོབ་པ་ཉིད་ནི་འདོད་བཞིན་དུ་སྲིད་པར་འཇུག་པ་ཡིན་པའི་ཕྱིར་ཉེས་པས་གོམས་བ་མ་ཡིན་པར་རིགས་བཞིན?་པར་ཁོ་བོས་མཐོང་ངོ། །འབྲེལ་པ་མཛད་པའི་བཤད་པ་ནི། དགྲ་བཅོམ ་སེམས་གང་ཡིན་དེ་ཡང། །གང་ལས་མཚམས་སྦྱོར་མེད་པར་འདོད། །ཅེས་བྱ་བ་ནས་བརྩམས་ནས་ཡོངས་སུ་གསལ་བར་ཁོ་ནར་རྣམ་པར་ཕྱེ་བ་ནི། དགྲ་བཅོམ་པ་འཆི་བ་མཚམས་སྦྱོར་བ་མེད་པ་ནི་ཡོད་པ་དང་མེད་པ་བཞིན་དུ། ་མཚམས་སྦྱོར་བ་ཉིད་དང་འགལ་བར་འགྱུར་བ་ཁོ་ན་མ་ཡིན་ནམ་སྙམ་དུ་སེམས་བ་ནི། གལ་ཏེ་འདིར་ཞེས་བྱ་བའོ། །མཚམས་སྦྱོར་བ་མེད་པའི་བསྒྲུབ་བྱར་རེ?། དགྲ་བཅོམ་པའི་འཆི་བ་མྱ་ངན་ལས་འདས་པའི་མིང་ཅན་འགལ་བ་ཅན་ཡིན་ཞེས ་ཟེར་བ་ནི། མར་མེ་ཞི་བར་འགྱུར་བ་ལྟར་ཞེས་བྱ་བའོ། །ལས་དང་ཉོན་མོངས་པ་ལས་བྱུང་བའི་སྐྱེ་བ་བདེ་འགྲོ་ལ་སོགས་པ་མ་ཡིན་པའི་ཕྱིར། དེ་ལ་བལྟོས་ནས་མར་མེ་བཞིན་དུ་གསུངས་པ་ཡིན་ནོ། །འགྲོ་བ་མ་གཏོགས་པར་ཡང་སེམས་ཅིས ་རྒྱུན་བྱེད་པ་མ་ཡིན་སྙམ་དུ་སེམས་པ་ན། འགྲོ་བ་མ་གཏོགས་པའི་རྒྱུན་མ་མཐོང་བའི་ཕྱིར་ཁས་བླངས་པ་མ་ཡིན་པར་བསྟན་པ་ནི། མར་མེ་བཞིན་དུ་ཞེས་བྱ་བའོ། །དགྲ་བཅོམ་པའི་སེམས་ངོ་བོ་གང་གིས་མཚམས་སྦྱོར་བ་མེད་པར་ཚད་མ་གང ་གིས་འདོད་པ་སྟེ། གཞུང་ལུགས་ཡིན་ཏེ། དེ་ལྟ་བུའི་སེམས་ཀྱི་ཁྱད་པར་གྲུབ་པ་ལ་ཁྱེད་ལ་ཚད་མ་ཡོད་པ་མ་ཡིན་ཏེ། ཐར་བ་ལ་སོགས་པའི་སྐྱེས་བུའི་དོན་གྱི་གཙོ་བོ་གནོད་པ་ཅན་ཡིན་ཞེས་བྱ་བའི་དོན་བསྟན་པ་ནི། དེ་ཡང་ཞེས་བྱ་བ ་སྟེ། མཚམས་སྦྱོར་བ་མེད་པ་ནི་མཚམས་སྦྱོར་བར་བྱེད་པ་མ་ཡིན་པ་ཉིད་དོ། །མཚམས་སྦྱོར་བ་དང་ནི་མཚམས་སྦྱོར་བར་བྱེད་པ་ཉིད་དང་སྟེ། དངོས་པོ་སྒྲུབ་པར་བྱེད་པའི་ཕྱིར་རོ། །དེ་ཡང་ཞེས་བྱ་བ་ནི་ཉོན་མོངས་པ་དང་བྲལ་བ་སྟེ་ཐར་བའོ ་གྲུབ་མཛའ་ཐམས་ཅད་འགལ་བར་ནི་ཞེས་བྱ་བ་ནི་སོ་སོའི་སྐྱེ་བོའི་ཡང་ངོ། །མཚམས་སྦྱོར་བར་ནི་མཚམས་སྦྱོར་བར་བྱེད་པ་ཉིད་དུའོ། །དེ་ལ་སོ་སོའི་སྐྱེ་བོ་འཆི་བའི་སེམས་ལ་ནི་ལུང་ཚད་མ་མ་ཡིན་པའི་ཕྱིར་ཉེ་བར་བརྟེན ་པའི་ཚད་མ་མེད་པ་དེ་ལྟ་ན་ཚད་མ་མེད་པ་ཉིད་ནི་སོ་སོའི་སྐྱེ་བོ་འཆི་བའི་མཚམས་སྦྱོར་བ་བཞིན་དུ། དགྲ་བཅོམ་པའི་འཆི་བའི་སེམས་མཚམས་སྦྱོར་བ་མེད་པ་ལ་ཡང་ཚང་མ་མེད་པ་ཁོ་ན་ཡིན་ནོ། །ཐམས་ཅད་དུ་ཞེས་བྱ་བ་ནི་སོ་སོའི ་སྐྱེ་བོའི་འཆི་བའི་སེམས་མཚམས་སྦྱོར་བ་ལ་ཡང་ངོ། །བཟློག་པ་འགྲུབ་པ་ནི་མཚམས་སྦྱོར་བ་མེད་པར་བསྒྲུབ་པ་ལ་མཚམས་སྦྱོར་བ་ཡོད་པར་འགྲུབ་པ་ཡིན་ནོ། །མ་ངེས་པའི་གཏན་ཚིགས་ཞེས་བྱ་བ་ནི་མཚམས ་སྦྱོར་བ་མེད་པར་སྒྲུབ་པ་ལ་འཆི་བའི་སེམས་ཉིད་ནི། སོ་སོའི་སྐྱེ་བོའི་སེམས་ཀྱི་མཚམས་སྦྱོར་བའི་ཕྱོགས་ཁོ་ན་ལ་མི་མཐུན་པའི་ཕྱོགས་ལ་འཇུག་པ་ཡིན་ནོ། །རང་རྟོགས་པ་ཡིན་ནོ་དེ་ཉིད་གཉི་ག་ལ་ཞུགས་པར་མཐོང་བས་ཕྱོགས་སུ་བྱེད་བ་ལ ་ལྡོག་པ་ཡིན་ཏེ། དངོས་སུ་པ་ཡིན་པའི་ཕྱིར་རོ། །དེ་ཉིད་ཅེས་བྱ་བ་ནི་དེ་ཉིད་གཏན་ཚིགས་ལྟར་སྣང་བ་ངོ་ཤེས་པ་ཡིན་པར་བསྟན་པ་ནི། འདི་ཡང་གཏན་ཚིགས་ལྟར་སྣང་བ་ཉིད་དོ་ཞེས་བྱ་བས་སོ། །དེ་ཉིད་ཅེས་བྱ་བ་ནི་མ་ངེས་པར་བཟུང་བ་ནི་གནས ་སྐབས་ཡིན་པའི་ཕྱིར། མི་སྲིད་པ་ཉིད་ཀྱིས་གཏན་ཚིགས་ལྟར་སྣང་བ་ཙམ་གྱིས་མཚན་པ་ཡིན་ནོ། །ཁྱད་པར་དེ་ཡང་མ་གྲུབ་པ་ཡིན་པའི་ཕྱིར། རྟག་པ་ཅིས་ཏེ་ཡིན་པས་མ་འགུ་ནས་བཤད་པ་གཞན་བསྟན་པ་ནི། ཡང་ན་དེ་ཉིད་ཅེས་བྱ་བ ་སྟེ། འོན་ཏེ་ཡང་དགྲ་བཅོམ་པའི་འཆི་པའི་སེམས་མཚམས་སྦྱོར་བ་མེད་པར་འདོད་པ་ནི་མཚམས་སྦྱོར་བར་སྒྲུབ་པར་བྱེད་པའི་ཚད་མས་མེད་པའི་ཕྱིར་རོ་ཞེས་བྱ་བ་ཕྱོགས་སྔ་མའི་དོན་ཡིན་ན་དེ་ལ་གང་ཁོ་ན་དབུགས་འབྱུང་རྡུབ་དང། དབང ་བོ་དང། བློ་རྣམས་ཞེས་བྱ་བ་ནས་བརྩམས་ནས་སྔོན་མེད་སྐད་ཅིག་རེ་རེ་ཡི། ཞེས་བྱ་བའི་བར་གྱིས་མཚམས་སྦྱོར་བ་གྲུབ་པར་བྱེད་པ་དེ་ཉིད་འདིར་ཡང་ཁོ་བོས་ཅིས་མ་བརྗོད་དེ་ཅེས་མ་བསྟན། ཁྱེད་ཀྱིས་ཀྱང་ཅིས་རྗེས་སུ་མི་འབྲང་དེ ་ཉིད་ནི་སྒྲུབ་བྱེད་མ་ཚད་པའམ། །ན་ཏི་ཏམ་སྟེ་མ་ཉམས་པ་ཞེས་བྱ་བ་ལ་སོགས་པར་སྦྱར་བར་བྱའོ། །དེའི་ཕྱིར་ལུས་ཀྱིས་སམ། བློ་ཡིས་སམ། དེ་གཉི་གས་ཀྱང་རུང་སྐྱེ་བ་གཞན་ལ་བློ་མཚམས་སྦྱོར་བ་ལ་འཆི་བའམ་གཞན་ཡང་བར་དུ་གཅོད ་པར་བྱེད་པ་མེད་པའི་ཕྱིར། སྔོན་མེད་སྐད་ཅིག་རེ་རེ་ཡི་ཞེས་བྱ་བ་ལ་སོགས་པ་གྲུབ་པ་ཡིན་ནོ། །དེས་ན་དེ་བཞིན་དུ་གལ་ཏེ་ཡང་དབང་མེད་པར་བློ། མ་ཡིན་དེ་ཡང་དེ་མེད་པར་ཞེས་བྱ་བ་ནས། དེ་ཉིད་འདིར་ནི་ཅིས་མ་བརྗོད་ཅེས་བྱ་བའི་བར་གྱིས་བློ་བཞིན་དུ ་ལུས་ཀྱི་ཡང་བློ་རྒྱུ་ཉིད་ཡིན་ན། ལུས་ཀྱང་བློའི་བསྐྱེད་བྱ་ཡིན་ཏེ། རིགས་པ་མཚུངས་པའི་ཕྱིར་རོ། །དེའི་ཕྱིར་ཕན་ཚུན་རྒྱུ་ཉིད་ཐོབ་པ་ཡིན་པར་སྟན་ནས། ད་ནི་བློ་ཉིད་བློའི་རྒྱུ་ཡིན་གྱི་ལུས་ནི་མ་ཡིན་ནོ་ཞེས་རྟོགས་པར་བྱེད་པས། དབང་རྣམས་རེ་རེ་ལ ་གནོད་ཀྱང་ཞེས་བྱ་བ་འདིས་ལུས་དང་བློ་ངག་ནི། བློ་དང་ལུས་ངག་གི་བསྐྱེད་བྱའི་རྣམ་པར་འགྱུར་བའི་ཡོད་པ་དང་མེད་པ་དག་གིས་དེའི་བསྐྱེད་བྱ་དང་བསྐྱེད་བྱ་མིན་པ་ཉིད་རྒྱས་པར་བརྗོད་ནས། དེའི་བསྐྱེད་བྱ་ཉིད་རྣམ་པ་གཞན་གྱིས་རབ་ཏུ་བསྒྲུབ་པར ་བྱེད་པ་བསྟན་པ་ནི། དེ་བློ་བཞིན་དུ་ཞེས་བྱ་བ་སྟེ། འགྲེལ་བར་ཡང་གཏན་ཚིགས་འདི་ནི་མ་གྲུབ་པ་མ་ཡིན་ཏེ་ཞེས་བྱ་བ་ལ་སོགས་པ་དང། སྙིང་གི་མཚན་ཉིད་དམ་གཞན་པའོ། །ལུས་ཉིད་ལས་སྐྱེ་བ་ཞེས་བྱ་བ་འམ། གཞན་ཡང་དེ་ལྟར་དགོངས་པ་ཁོ ་ན་ཡིན་པར་ཤེས་པར་བྱ་སྟེ། ལུས་ཀྱི་བྱ་བའི་རྗེས་སུ་འབྲངས་ནས་དེའི་བསྐྱེད་བྱ་ཉིད་རེ་རེའི་ཞེས་བྱ་བ་ཉིད་ཀྱིས་གསལ་བའི་ཕྱིར་རོ། །དེའི་བྱ་བའི་རྗེས་སུ་འབྲང་བ་མ་ཡིན་པར་བདེན་ན་དེ་མེད་ན་དམིགས་པ་ཡང་མ་ཡིན་ལ་ལུས་མེད་ན་ཡིད་ཀྱི་རྣམ་ཤེས ་ཀྱང་ཡོད་པ་མ་ཡིན་ཏེ། དེའི་ཕྱིར་བསྐྱེད་བྱ་ཡིན་ནོ། །མ་ཡིན་ཏེ་རང་གི་རིགས་གོམས་པའི་རྗེས་སུ་འབྲང་བའི་ཁྱད་པར་ཉིད་ཀྱིས་དེ་ལས་འབྱུང་བའི་ཕྱིར། དེ་ལྟར་གོང་དུ་རྣམ་པར་དཔྱད་ཟིན་ཏོ། །དེའི་ཕྱིར་མེ་ནི་དུ་བ་དང་ཐལ་བ་བསྐྱེད་པ་བཞིན་དུ། ་ལུས་ནི་དེ་འཛིན་པ་དང་མི་འཛིན་པ་དང་ཤེས་པ་དང་ལུས་དང་མཚན་ཉིད་མི་མཐུན་པར་སྨྲ་བ་ནི། འབྲེལ་བ་ཅན་མ་ཡིན་ནོ། །དེའི་བྱ་བ་ལས་མི་སྐྱེ་བ་ཉིད་ཀྱང་དེ་ལས་སྐྱེ་བ་སྲིད་པ་ཡང། དེ་ལས་བྱུང་བའི་འབྲས་བུའི་འབྲས་བུ་ངོ་བོར་མཐོང་བར ་སྒྲོ་བཏགས་པས་ཡིན་ནོ། །སྒྲོ་བཏགས་པས་མ་ཡིན་ན་དེའི་རྒྱུ་མཚན་དེ་ལས་བྱུང་བ་ཉིད་སྲིད་པ་ཡང་ལྡོག་པར་འགྱུར་རོ། །དེའི་ཡུལ་བཞིན་དུ་འཛིན་པ་ཡང་རང་གི་ཡུལ་གྱི་བྱ་བ་ཡིན་པ་དེ་ནི་ཐལ་བ་ཡིན་ཏེ། དེ་ལས་བྱུང ་བ་ཉིད་དེས་ཁྱབ་པར་ཁས་ལེན་པའི་ཕྱིར་རོ། །དེ་བཞིན་དུ་འཛིན་པ་མེད་ན་དེ་ལས་བྱུང་བ་ཉིད་ལ། དེས་ཁྱབ་པ་ཡང་མེད་པ་འགྱུར་ཏེ། དེ་ཉིད་སྲིད་པ་ནི་རྒྱུ་མཚན་ཡིན་པའི་ཕྱིར་རོ། །དེའི་ཡུལ་བཞིན་དུ་འཛིན་པར་དམིགས་པ་ནི་དེའི་བྱ་བའི་རྗེས་སུ ་འབྲང་བ་ཅན་ཉིད་ཡིན་ནོ་ཞེས་བྱ་བའི་བཤད་པ་ནི། དབང་རྣམས་རེ་རེ་ལ་ཞེས་བྱ་བ་ལ་སོགས་པས་ཟློས་པ་ཡིན་ནོ། །འདིས་ནི་ཤེས་བསྐྱེད་ནུས་པ་ཐ་དད་ཕྱིར། ཀུན་ལས་ཀྱང་ནི་མ་ཡིན་ནོ་ཞེས་བཤད་པ་ཡིན་ནོ། །དེ་ལས་བྱུང་བ་ཉིད་གྱི་ཐ་སྙད ་ཀྱི་རྒྱུ་མཚན་ནི་དེའི་བྱ་བའི་རྗེས་སུ་འབྲང་བ་འམ། དེའི་འབྲས་བུ་གཞན་གྱི་ངོ་བོའི་རྗེས་སུ་འཇུག་པ་ལས་ཡིན་གྲང་ན། རེ་ཞིག་དང་པོ་ནི་མ་ཡིན་ཏེ། དབང་རྣམས་རེ་རེ་ལ་ཞེས་བྱ་བ་ལ་སོགས་པས་བཀག་པའི་ཕྱིར་རོ། །གཉིས་པ་ཡང་མ ་ཡིན་ཏེ། གཅིག་ཅར་འབྲས་བུ་གཞན་བྱེད་པ་དམིགས་པའི་ཕྱིར་རོ། །དེ་ལྟར་ཡང་དེ་བློ་བཞིན་དུ་འཛིན་པ་ཡོད་པ་མ་ཡིན་ཞེས་བྱ་བའི་ཡང་གི་སྒྲ་ནི་རེ་རེའི་ཕྱོགས་ཉེ་བར་བསྡུ་བའི་དོན་དུ་ཡིན་གྱི་དེའི་རྒྱུ་བསྡུ་བའི་དོན་དུ་ནི་མ་ཡིན་ཏེ། ཚང ་བ་ཡིན་ཡང་འབྲས་བུ་མི་འབྱུང་བའི་ཕྱིར་རོ། །འབྱུང་བ་ཡིན་ན་ནི་དེ་བཞིན་དུ་འབྱུང་བ་ཡིན་གྱི། གཞན་གྱི་ནི་མ་ཡིན་ནོ། །དེ་ལྟར་ཡང་བསྐྱེད་པར་བྱེད་པའི་ནུས་པ་ཐ་དད་པར་སྨྲས་པས་ཚང་བ་ཡིན་ཡང་འབྲས་བུ་མི་འབྱུང་བར ་སྨྲ་བ་ཡིན་ནོ། །དེའི་རྣམ་པར་འགྱུར་བས་འགྱུར་བ་ཅན་གྱི་རྣམ་ཤེས་འཐོབ་པའི་ཕྱིར་ཞེས་བྱ་བ་ཡང། དབང་རྣམས་རེ་རེ་ལ་ཞེས་བྱ་བ་འདིས་ཟློས་པ་ཡིན་ཏེ། དབང་པོ་རྣམས་ཀྱི་ནུས་པ་ཡིད་ཀྱི་རྣམ་ཤེས་ལ་ཡིན་ལ། དེས་ནི་ཐམས ་ཅད་དུ་གསལ་བ་ཡིན་པའི་ཕྱིར་རོ། །དེའི་ཕྱིར་དེ་ཉིད་དེའི་བྱ་བའི་རྗེས་སུ་འཇུག་པ་ཐམས་ཅད་དུ་བསལ་བ་ཡིན་ན། དེའི་འབྲས་བུ་ཉིད་དུ་བརྗོད་པ་ནི་དེ་ལས་གཞན་པའི་འབྲས་བུ་བཞིན་དུ་རྒྱུ་ཉིད་ཀྱང་དེ་རྣམས་ཀྱི་གོ་རིམ་ཇི་ལྟ་བ་བཞིན་དུ་རེ་རེ་ཞིང་ཚང ་བའི་ཕྱོགས་ཀྱི་རྣམ་པར་མི་འགྱུར་བར་ནི་ཁྱབ་བྱའི་ཆོས་ཁས་བླངས་ན་ཁྱབ་བྱེད་ཀྱི་ཆོས་ཁས་ལེན་པའི་མཚན་ཉིད་དུ་ཐལ་བར་འགྱུར་བར་བརྗོད་བའི་ཕྱིར། འགྲེལ་བར་ཅིའི་ཕྱིར་ཟློས་པ་མ་ཡིན། འདི་ལ་བསྟན་པ་དབང་པོའི་བློ་བཞིན་དུ་ཡུལ་སོ་སོར ་འཛིན་བ་ཞེས་བྱ་བ་ནས། རྒྱུ་མེད་བར་འགྱུར་རོ་ཞེས་བྱ་བའི་བར་གྱིས་ཡིད་ཀྱི་རྣམ་ཤེས་དབང་པོའི་བསྐྱེད་བྱ་ཉིད་དུ་ཁས་ལེན་པ་ཡིན་ན་དེ་ལས་གཞན་པའི་འབྲས་བུ་ཉིད་དུ་འདྲ་བར་འགྱུར་རོ། །ཞེས་ཐལ་འགྱུར་དུ་བྱས་པ་ལ། རྒྱུ་གཅིག་ཡིན་ན་ཡང ་ཞེས་བྱ་བ་ནས། དེ་བཞིན་དུ་སྣང་བ་ལ་སོགས་པར་ཡང་བརྗོད་དོ་ཞེས་བྱ་བའི་བར་གྱི་རྒོལ་བ་ཡིན་ཏེ། གཅིག་ཡིན་ཡང་དུ་མ་མེད་དོ་ཞེས་བྱ་བའི་དོན་ཏོ། །ད་ལ་ལན་ནི་དབང་པོའི་བྱ་བ་ལ་རྟེན་ནས་ཤེས་བྱ་བ་སྟེ། དབང་རྣམས་རེ་རེ་ལ་ཡང ་གནོད་ཀྱང་ཞེས་བྱ་བས་གསུངས་པ་ཉིད་དྲན་ནས་དེ་ཉིད་ལ་བརྒལ་བ་དང་ལན་ཡང་བཏབ་ཟིན་ཞེས་བྱ་བའི་དོན་ཏོ། །འདི་ནི་དེའི་བྱ་བའི་རྗེས་སུ་འབྲང་བ་མེད་ཀྱང་ལྷན་ཅིག་པ་ཙམ་དུ་མཐོང་བ་ལས་དེའི་འབྲས་བུ་ཉིད་དུ་སྒྲོ་འདོགས་པ་ནི། དེའི ་འབྲས་བུ་གཞན་བཞིན་དུ་འགྱུར་བར་བརྗོད་པ་ཡིན་ནོ། །འདིའི་དོན་ནི་འདི་ཡིན་ཏེ་ཞེས་བྱ་བ་འདི་ནི་བཟླས་ནས་འདིའི་དོན་དུ་ཡང་སྦྱོར་བར་བྱེད་ནུས་སོ་ཞེས་བྱ་བའི་དགོངས་པས་དེའི་བྱ་བའི་རྗེས་སུ་འབྲངས་ནས་འཛིན་པ་ཉིད་དུ་འགྱུར་རོ་ཞེས ་བྱ་བ་དང་སྦྱར་བ་ནི། བློ་བཞིན་དུ་ཞེས་བྱ་བས་ཐོབ་བ་ཡིན་ནོ། །དབང་པོ་ལས་སྐྱེས་བ་ཉིད་ཡིན་ན་དེའི་འབྲས་བུ་གཞན་བཞིན་དུ་ཡིད་ཀྱི་རྣམ་ཤེས་ཀྱིས་འཛིན་པ་ཡིན་པར་གསལ་བར་སྣང་བར་འགྱུར་ཞེས་བྱ་བའི་གྲུབ་མཛའ་ལ་རྒལ་བ་ནི་གསལ་བར ་སྣར་བ་ཉིད་ནི་དབང་པོའི་དོན་གྱི་བསྐྱེད་བྱ་ཡིན་པར་མི་རིགས་ཏེ། དོན་མེད་ན་ཡང་འབྱུང་བའི་ཕྱིར་རོ་ཞེས་ཟེར་བ་ནི། དབང་པོ་ལས་ཀྱང་བྱེ་བའོ། །དབང་པོ་མེད་ཀྱང་རྨི་ལམ་ལ་སོགས་པར་འབྱུང་བ་ཡིན་ནོ་ཞེས་ཟེར་བ་ནི་མིང ་བཅུམས་ཀྱང་ཞེས་བྱ་བའོ། །ལན་ནི་གང་རྣམ་པར་འགྱུར་ཡང་ཞེས་བྱ་བ་སྟེ། གསལ་བར་སྣང་བའི་ཁྱད་པར་ནི་དབང་པོའི་དོན་གྱི་བསྐྱེད་བྱ་ཡིན་ནོ་ཞེས་བྱ་བའི་དོན་ཏོ། །བཟླས་ནས་བཤད་པ་གཞན་བསྟན་པ་ནི། དེ་ལ་དེ་བློ་བཞིན་དུའོ་ཞེས་བྱ་བ་སྟེ། ་གོང་མལ་འཛིན་པའི་བྱ་བ་ཡིན་པ་ཕྱི་མ་ལ་རྣམ་ཤེས་བྱ་བ་ནི་ཁྱད་པར་རོ། །ལན་འདི་ཉིད་ཡིན་ནོ་ཞེས་བྱ་བ་དེ་འགྱུར་བས་རྣམ་པར་ཤེས་པར་འགྱུར་རོ་ཞེས་བྱ་བ་འདིའོ། །ལན་གཞན་ཞེས་བྱ་བ་ནི་འདུས་པ་ལས་ཀྱང་ཞེས་བྱ་བ་འདི་ལ་སྔ་མའི ་གཏན་ཚིགས་ནི་སྐྱར་ནས་བཤད་པ་ནི་གྲུབ་མཛའ་ལ་ཡིན་ལ། ཚང་བ་བསྐྱེད་བྱེད་ཉིད་མ་ཡིན་ན། ཤེས་བ་དེ་མེད་པས་དེའི་བློ་བཞིན་དུ། འཛིན་པར་ཐལ་བར་འགྱུར་བ་མེད་པར་འགྱུར་རོ། །དབང་པོ་དང་བཅས་པ་ལས་ཡིད་ཀྱི་རྣམ་ཤེས ་མི་འབྱུང་མི་ཟིན་ཀྱང། དབང་པོ་མེད་པ་བས་ནི་འགྱུར་ལ། དེ་ལ་ཇི་སྐད་བསྟན་པའི་སྐྱོན་ཡང་མེད་དོ། །ཤེས་པའི་ངོ་བོའི་འབྲས་བུ་གཞན་མ་མཐོང་བ་ཡིན་ན། དེ་བཞིན་དུ་འབྲས་བུའི་ངོ་བོ་དང། རྒྱུ་ཉིད་དག་ཏུ་སྒྲོ་བཏགས་པས་འབྲས་བུ་ཉིད ་དམ། རྒྱུ་ཉིད་དུ་སྲིད་པ་ཡིན་གྱི། གཞན་དུ་ནི་མ་ཡིན་ཏེ། ཐལ་འགྱུར་མི་རིགས་པའི་ཕྱིར་རོ། །ཇི་ལྟར་མཐོང་བའི་ཡིད་ཀྱི་རྣམ་ཤེས་ནི། སྒྲ་དང་སེན་མོ་ལ་སོགས་པའི་འབྲས་བུ་ཡིན་པ་དེ་ཡང་དེའི་རྒྱུ་ཡིན་པར་འགྱུར་བ་ཞིག་ན། དེ་དང་འདྲ ་བའི་འབྲས་བུ་གཞན་བསྐྱེད་པར་མི་བྱེད་པས་དེ་ཁོ་ན་བསྐྱེད་བྱ་མ་ཡིན་པ་མ་ཡིན་ནོ། །དེ་ལྟ་ཡིན་ན་དུ་བ་ཡང་མེའི་བསྐྱེད་བྱར་མི་འགྱུར་རོ། །དབང་རྣམས་རེ་རེ་ཞེས་བྱ་བས་བཟླས་བ་ཡང་མ་ཡིན་ཏེ། དེས་དབང་པོ་རྣམས་ཀྱི་བསྐྱེད་བྱེད་ཉིད་བ ་པའི་ཕྱིར་རོ་སྙམ་དུ་སེམས་པ་ལ། སེམས་མེད་ཉིད་ཕྱིར་ཏེ་ཕྱི་རོལ་གྱི་འབྱུང་བ་བཞིན་དུ་སེམས་པ་ཅན་དང། ལྷན་ཅིག་པ་མ་ཡིན་པའི་ཕྱིར། ལྷན་ཅིག་པ་ཡིན་པའི་ངེས་པ་ཡོད་ན་སེམས་དང་དབང་པོ་དག་གི་འདི་དག་ལ་གང་ཞིག་གང་གིས་འབྲས་བུ་ཡིན་པར ་དཔྱོད་པར་འགྱུར་གྱི། ཤི་བའི་ལུས་ལ་ནི་སེམས་ལྡོག་པ་དབང་པོ་ལྡོག་པ་བཞིན་དུ་སྒྲ་དང་སེན་པོ་ལ་སོགས་པ་ལྡོག་པ་ནི་མ་ཡིན་ལ། དབང་པོ་བཞིན་དུ་འདི་ལ་ཡང་ནུས་པ་དང། བྱིན་གྱིས་བརླབ་པ་ཞེས་བྱ་བའི་རྣམ་པར་དབྱེ་བ་ཡང་ཡོད་པ་མ་ཡིན་ཏེ། ་དབང་པོའི་ནུས་པ་བཞིན་དུ་དེའི་ནུས་པར་རྟོག་པ་ཡང་ནུས་བ་མེད་པའི་ཕྱིར་དེ་རྣམས་སེམས་པ་ཅན་དང་ལྷན་ཅིག་པ་མ་ཡིན་པའི་མཚན་ཉིད་ཀྱི་སེམས་ཉིད་དུ་གྲུབ་པོ། དེ་དག་གི་ལྷན་ཅིག་པ་མ་ཡིན་པའི་དེས་པ་གྲུབ་ན་རྒྱུ་མཚན་མེད་པས་དེ་ལ་རག་ལས ་པའི་འབྲས་བུ་ཉིད་ལ་སོགས་པའི་རྣམ་པར་དཔྱད་པ་མི་འཇུག་པའི་ཕྱིར་རོ། །འགྲེལ་པར་ཡང། གང་ཚེ་སྐྲ་དང་སེན་མོ་སོགས། །སེམས་ལྡན་ཉིད་ནི་མ་མཐོང་བ་ཞེས་བྱ་བ་ལ་སོགས་པ་ལ་དོན་འདི་ཉིད་ཡིན་པར་ཤེས་པར་བྱའོ། །དེ་དང་འབྲེལ་བ་ཉིད་ཡིན ་ན་ནི། དེ་མེད་པར་ཡིད་ཀྱིས་ཤེས་པར་མི་འགྱུར་ཞེས་བྱ་བ་འདིས་ལྷན་ཅིག་པར་མེད་པ་ཁོ་ནར་གསལ་བར་བྱས་པ་ཡིན་ཞིང། སེམས་ལྡན་ཉིད་དུ་ཞེས་བྱ་བ་སེམས་པ་དང་ལྷན་ཅིག་པའི་འབྲས་བུ་ཉིད་དུ་སྒྲོ་བཏགས་པའི་རྒྱུ་མཚན་ཡང་ངོ། །རེག་པ་ལ ་སོགས་པ་དག་ནི་རེག་པའི་དབང་པོ་ལ་སོགས་པ་དག་གོ་།ཇི་ལྟར་ལྷན་ཅིག་གནས་ཞེས་བྱ་བ་ནི་འབྲས་བུ་དང་རྒྱུ་ཉིད་མེད་ན་ལྷན་ཅིག་གནས་པའི་ངེས་པ་མེད་དོ། །དབང་པོའི་ནུས་པ་དང་ལྷན་ཅིག་པའི་ལུས་དང། སེམས་ཇི་ལྟར་ལྷན་ཅིག་གནས་པ་? ་ཡིན། ནུར་ནུར་པོ་ལ་སོགས་པ་དབང་པོ་མེད་པ་ལ་ཡང་བདག་གོ་ཞེས་བྱ་བའི་ཡིད་ཡོད་པ་མ་ཡིན་ཏེ། དེའི་བསྐྱེད་བྱ་རྣམ་ཤེས་ཀྱི་བྱེད་པའི་རྗེས་སུ་འབྲངས་པ་ཉིད་ཀྱིས་བར་དུ་ཆོད་པའི་ཕྱིར་རོ། །རང་རིག་པའི་བྱ་བའི་རྣམ་ཤེས་རྣམས་ནི་བདག་གཞན? ་བརྗོད་པ་ཡིན་ཏེ། ཤེས་པའི་བདག་ལ་ནི་འདི་ལྟར་འགྱུར་རོ་ཞེས་བྱ་བའི་ཚིག་གིས་ཏེ། ངེས་པ་ཡང་བདག་ཉིད་ཀྱི་ཡུལ་མ་ཡིན་པའི་ཕྱིར་ལ། དབང་པོ་དང་དུས་མཚུངས་པའི་ཤེས་པ་དེ་ཡང་མ་ཡིན་ནོ། །ཡིད་ཀྱི་རྣམ་ཤེས ་གཞན་ནི་དེ་སྒྲུབ་པར་བྱེད་པའི་དུས་སུ་ཡིན་ནོ་ཞེ་ན། དེ་ནི་འཇིག་རྟེན་ཕ་རོལ་པོ་མ་ཡིན་ཏེ། ང་རྒྱལ་དང་བཅས་པའི་སེམས་ལ་དེ་ཉིད་དུ་ཁས་ལེན་པའི་ཕྱིར་རོ། །འོན་ཏེ་ཡིད་ཀྱི་རྣམ་ཤེས་གཞན་ཁོ་ན་ཡིད་ཀྱི་རྒྱལ་སྲིད་ལ་སོགས་པ་བཞིན་དུ་གོམས ་པ་ལས་བྱུང་བ་དབང་པོ་དང་དུས་མཚུངས་པའི་རང་རིག་པར་བྱ་བ་ལས། ང་རྒྱལ་དང་བཅས་པ་ཡང་འཇིག་རྟེན་ཕ་རོལ་པོ་ཡིན་ནོ། །དེ་ལྟ་ན་དེ་ནི་དབང་པོའི་ངེས་པ་མ་ཡིན་ཏེ། དེ་ལས་མ་བྱུང་བའི་ཕྱིར་སྐད་ཅིག་མ་མ་ཡིན་པ་ཡིན་ནོ། །ལྷན་ཅིག་པ ་ཡིན་ན་ནི་ངེས་པ་ཅན་ཡིན་ཏེ་དབང་པོ་མེད་ན་མི་འབྱུང་བའི་ཕྱིར་རོ། །དེའི་ཕྱིར་དེ་ལས་བྱུང་བ་ཉིད་ནི་ཁྱབ་བྱེད་ཡིན་ལ། ཁྱབ་བྱ་ལས་དེ་དང་ལྷན་ཅིག་པ་ཉིད་དུ་ངེས་པ་རྟོགས་པ་ཡིན་ནོ་ཞེས་བྱ་བ་འདི་ནི་རིགས་པ་མ་ཡིན་ནོ། །དེ་བློ་བཞིན་དུ་ཞེས་བྱ ་བ་ནི་མ་ངེས་པ་ཡིན་ཞིང་དེའི་འབྲས་བུ་ཐམས་ཅད་དེ་ཁོ་ན་བཞིན་དུ་འགྱུར་བར་བྱ་བ་མ་ཡིན་ལ། ངའི་བུ་ཡིན་པས་སྔོ་བསངས་ཁོ་ནར་ངེས་པར་འགྱུར་བར་བྱ་བ་མ་ཡིན་ཏེ། འདི་ལ་ཡང་མཚུངས་པ་ཡིན་པར་མཐོང་བ་ནི་གནོད་པ་ཅན ་ཡིན་ནོ་སྙམ་དུ་སེམས་པ་ལ། མཐོང་བ་གཞན་དུ་གྲུབ་པ་ཉིད་ཡིན་པར་བསྟན་པ་ནི། ལྷན་ཅིག་གནས་པར་ངེས་པར་བྱེད་པ་ནུས་པ་ལས་ཀྱི་མིང་ཅན་གྱིས་རྒྱུ་ཐ་མི་དད་པའི་ཕྱིར། དབང་པོ་ལ་སྲེད་པ་དང་བཅས་པའི་ལས་ཀྱི་དབང་པོ ་འཕངས་པས་དེའམ། བདག་གི་ཡང་རྟེན་ཉིད་ཀྱིས་ང་རྒྱལ་དང་བཅས་པའི་ཡིད་ཀྱི་རྣམ་ཤེས་གཞན་ནི་བདག་གོ་ཞེས་བྱ་བ་ཁོ་ནས་དབང་པོའི་ཤེས་པས་རྗེས་སུ་བྱེད་པས་འཕངས་པ་ཡིན་ལ་དབང་པོའི་ཤེས་པ་ཡང་གོམས་པའི ་བསྐྱེད་བྱ་ཉིད་ཀྱིས་ཡིད་གཞན་བཞིན་དུ་བདག་གི་བློ་འཇིག་རྟེན་ཕ་རོལ་པོ་ཉིད་དུ་བྱེ་བྲག་མེད་པའི་ཕྱིར་དང། གོམས་པའི་བསྐྱེད་བྱའི་ཁྱད་པར་ཉིད་ཡིན་པའི་ཕྱིར། ལྷན་ཅིག་གནས་པ་ཡིན་ཏེ། ལུས་ཀྱི་བསྐྱེད་བྱ་ཡིན་པའི་ཕྱིར་རམ་རྒྱུ་ཐ་མི་དད་པའི་ཕྱིར ་རོ། །དེའི་ཕྱིར་ཐེ་ཚོམ་མེད་པའི་ཕྱིར་རོ། །ཡང་ན་ལུས་དང་ཡིད་ཀྱི་རྣམ་ཤེས་དག་ངེས་པར་ལྷན་ཅིག་པར་དམིགས་པ་ནི། དེ་ལྟ་བུའི་ཚོགས་པས་འཕངས་པ་ཡིན་གྱི་ཕན་ཚུན་འབྲས་བུ་ཉིད་ནི་མ་ཡིན་ཏེ། དེ་ལྟ་བུ་ཁོ་ནར་འཚོ་བའི་གནས་སྐབས་སུ ་མཐོང་བའི་ཕྱིར་དང། ཇི་ལྟ་པ་མ་ཡིན་པའི་རྟོག་པ་མི་རིགས་པའི་ཕྱིར་རོ། །དེའི་ཕྱིར་དུས་ཀུན་ཏུ་རྒྱུར་མཐོང་བག་ཉིད་ཡིན་ཞེས་བརྗོད་པས་སོ། །ཚོགས་པ་གཅིག་ལ་རག་ལས་པ་ཉིད་ཀྱིས་ལྷན་ཅིག་པའི་ཡུལ་ཕྱི་རོལ་ལམ། ཅིག་ཤོས་ཀྱི་དབྱེ ་བས་བསྟན་པ་ནི། དབང་པོ་བཞིན་དུ་གཟུགས་དང་རོ་བཞིན་ནོ་ཞེས་བྱ་བ་སྟེ། དབང་རྣམས་རེ་རེ་ལ་གནོད་ཀྱང་ཞེས་བྱ་བ་འདི་ལ། དབང་པོའི་རྣམ་པར་འགྱུར་བ་ལས་ཀྱང་ཡིད་ཀྱི་རྣམ་ཤེས་འགྱུར་བ་ཡིན་ནོ་ཞེས་བརྒལ་བ་ལ། དེའི་ལན་ནི་བསྒྱུར ་བྱ་ཉིད་གང་ཡིན་པ་དེ་འབྲས་བུ་ཡིན་གྱི་དབང་པོའི་རྣམ་པར་འགྱུར་བ་ལས་ཡིད་ཀྱི་རྣམ་ཤེས་དབང་པོ་བཞིན་དུ་བསྒྱུར་བྱ་ཁོ་ན་མ་ཡིན་ཏེ། རྣམ་པར་འགྱུར་བ་ངེས་པ་མེད་པའི་ཕྱིར་འབྲས་བུ་མ་ཡིན་པ་ཉིད་དུ་བསྟན་ནས། ང་ནི་ཡིད་ཀྱི་རྣམ ་ཤེས་ཀྱི་འགྱུར་བ་ཉིད་ནི་དབང་པོས་བྱས་པ་མ་ཡིན་ཏེ། དམིགས་པར་བྱས་པ་ཉིད་ཀྱིས་གཞན་དུ་གྲུབ་པའི་ཕྱིར་རོ་ཞེས་ཕྱོགས་སྔ་ཕྱིའི་དབྱེ་བ་བསྟན་པ་ནི། དེ་འགྱུར་ན་འགྱུར་བའི་ཕྱིར་ཞེས་བྱ་བ་སྟེ་གང་གི་ཕྱིར་ཉོན་མོངས་པ་ཅན་གྱི ་ཡིད་ནི་ལུས་ལ་བརྟེན་པ་མ་ཡིན་ལ། དེའི་ཕྱིར་དེའི་རྟེན་ནི་གཞན་ཡིན་པར་བརྟག་པར་བྱ་བ་ཡིན་ཏེ། འདི་ནི་གང་ཞིག་ཡོད་པས་ཕན་འདོགས་བྱེད་ཅེས་འཆད་པར་འགྱུར་རོ། །གལ་ཏེ་ཡང་ཕྱི་རོལ་ནི་དོན་བྱེད་པ་ཡིན་ལ་དམིགས་པ ་མེད་པའི་ཡིད་ཀྱང་ཕྱི་རོལ་དེ་དང་ནང་དུ་དེ་དམིགས་པ་ནི་རྣམ་པར་འགྱུར་བར་བྱེད་པར་དམིགས་པ་མ་ཡིན་ནོ་སྙམ་དུ་སེམས་པ་ལ། སྔ་ཕྱི་ཞེས་བྱ་བ་སྟེ་སྒྲོ་བཏགས་པ་ཙམ་སྟེ་སྒྲོ་བཏགས་པ་ཉིད་ཀྱི་རྣམ་པར་རྟོག་པའི་བྱ་བ་ཙམ ་ཡིན་པར་ཟད་པ་ཡིན་གྱི། ནང་དང་ཕྱི་རོལ་ལས་གཞན་པ་ཡོད་པ་མ་ཡིན་ལ། དེ་ཡང་མི་སྣང་བ་ཡིན་པའི་ཕྱིར་དམིགས་པ་མེད་པ་ཡིན་ཞིང་མིག་ལ་སོགས་པའི་རྣམ་ཤེས་ནི་དབང་པོའི་རྣམ་པའི་ལུས་ལ་བརྟེན་པ་ཡང་མ་ཡིན་ཏེ། དེ་བསྟན་པ་ནི་རྟེན ་མེད་པ་ཞེས་བྱ་བའོ། །ཐ་མའི་སེམས་ནི་སེམས་གཞན་དང། མཚམས་སྦྱོར་བ་ལ་འགལ་བ་ཅི་ཡོད་ཞེས་བྱ་བས་འཆི་བ་ནི། ནང་དང་དུག་དང་མཚོན་ལ་སོགས་པ་ལས་གལ་ཏེ་ཡང་སེམས་དངོས་སུ་གཅོད་པར་བགྱེད་པ་ཉིད་བཀག་པ་ཡིན་ན་དེ་ལྟ་ན ་ཡང་ལུས་ལྡོག་པས་དེ་ཡང་ལྡོག་པ་དང། ལུས་རྣམ་པར་གྱུར་བས་རྣམ་པར་འགྱུར་བ་ཡང་མ་ཡིན་ནམ། དབང་རྣམས་རེ་རེ་ལ་གནོད་ཀྱང་ཞེས་བྱ་བ་འདིས་ཀྱང་དབང་པོ་རྣམ་པར་གྱུར་བས་རྣམ་པར་འགྱུར་བ་ཉིད་གསལ་བ་ཡིན་ནོ་སྙམ་དུ ་སེམས་པ་ལ། དོན་གྱི་སྒོ་ནས་ཏེ་ཡུལ་གྱི་སྒོ་ནས་དུག་དང་མཚོན་ལ་སོགས་པས་ནི། ལུས་ལྡོག་པའི་སྒོ་ནས་སེམས་ལྡོག་པར་བྱེད་པའམ། དེ་རྣམ་པར་འགྱུར་བའི་སྒོ་ནས་རྣམ་པར་འགྱུར་བར་བྱེད་པ་ཡང་མ་ཡིན་ཏེ། འོན་ཀྱང་གདུངས་པར་བྱེད་པ་ཉིད་ཀྱིས ་སམ། གཞན་དུ་ཡང་དམིགས་པར་བྱེད་ནའོ། །འདོད་པ་སྒྲུབ་པར་བྱེད་པ་བཞིན་དུ་ལུས་ལ་ཡང་རྣམ་པར་འགྱུར་བ་ཡོད་པ་ཡིན་ནོ་ཞེ་ན། ཡོད་དུ་ཆུག་ཀྱང་དེས་སེམས་རྣམ་པར་འགྱུར་བ་ནི་མ་ཡིན་ཏེ། དེ་མེད་ཀྱང་དམིགས་པ་ལས་རྣམ་པར་འགྱུར ་བ་གྲུབ་པའི་ཕྱིར་རོ། །གཞན་གྱི་ལས་ཚོགས་ཀྱིས་ཀྱང། དེའི་བྱས་པའི་རྣམ་པར་འགྱུར་བ་མཐོང་བས་དེ་ལ་དམིགས་པའི་ཕྱིར་དང། དེ་ཉིད་ལ་མཚམས་སྦྱོར་བར་ཅིས་མི་བྱེད་པ་ཡིན་ཞེ་ན། ཚེ་ཐད་པ་ལ་གནས་པའི་འཕེན་བྱེད་མེད་པའི ་ཕྱིར་རོ། །ཡོད་ཀྱང་དུག་ལ་སོགས་པའི་གནོད་པས་ལུས་ལ་རང་གི་རྣམ་ཤེས་མེད་པས། དེ་ཕན་མི་ཐོགས་པའི་ཕྱིར། དེའི་ཤེས་པས་ཕན་འདོགས་ཕྱིར། ཡིད་ཀྱི་ལུས་བརྟེན་པར་བཤད་ཅེས་གསུངས་པའོ། །ས་བོན་ལས་བྱུང་བའི་འབྲུ་ཡང་ཆར་ལ་སོགས་པས་ཕན ་མ་བཏགས་པས་ན་ཕུན་སུམ་ཚོགས་པར་མི་འགྱུར་ལ། ཕན་འདོགས་བྱེད་པ་འང་ཡིན་བླ་སྟེ་ཞེས་བྱ་བ་ནི། དངོས་སུ་རྟེན་ཡིན་པ་ཉིད་ཀྱིས་སམ། མ་ཡིན་ཡང་ཟློས་པ་ཡིན་ལ། ལུས་ལ་སྲེད་པ་དང་བཅས་པའི་ཡིད་དམ། ལས་ཀྱང་དེས་ཕན་འདོགས་པར་མི་བྱེད ་ན་མི་འགྱུར་ཞེས་བྱ་བ་འདི་ལ་དགོངས་པ་ནི། དེ་ལ་སྲེད་པས་དེར་འདྲེན་པའི་ཕྱིར་དང། ཕན་འདོགས་པར་མི་བྱེད་པ་ལ་ཡང་མི་བལྟོས་པའི་ཕྱིར་དང། དེ་དང་དེ་མ་ཡིན་པའི་རྟེན་ཉིད་ཀྱང་རང་གི་རིགས་གོམས་པའི་བསྐྱེད་བྱ་ཡིན་པར་སྐྱེ་བའི་དང་པོ་ལ་མཐོང ་བའི་ཕྱིར་རོ་ཞེས་བྱ་བ་ལ་སོགས་པ་རྗེས་སུ་རྟོགས་པའི་ཕྱིར་དེ་ལྡོག་པ་ཡིན་ཡང་མི་ལྡོག་པ་ཡིན་ནོ། །ཡང་ན་དོན་ནི་དོན་དུ་གཉར་བར་བྱ་བ་སྟེ། བླང་བྱ་འམ་དོར་བྱ་སྟེ། བདེ་བ་དང་སྡུག་བསྔལ་དང་དེའི་སྒྲུབ་བྱེད་རྣམས་ཡིན་ལ། ང་ཡང་འདིའི་སྒོ་ནས་ཏེ། དེས ་དོན་ཉིད་རྣམ་པར་འགྱུར་བར་སྒྲུབ་པར་བྱེད་ཅེས་བྱ་བའི་དོན་ཏེ། དེ་ཡང་དམིགས་པར་བྱ་བ་ཉིད་དེ་བཞིན་དུ་འགྱུར་བའི་ཕྱིར་དེ་ཡང་ཤུགས་ཀྱིས་བསྟན་པ་ཡིན་ནོ། །དེའི་ཤེས་པས་ཕན་འདོགས་ཕྱིའི་ཞེས་བྱ་བ་དང། ཤེས་པ་དང་ཤེས་པ་མ་ཡིན་པ ་དག་གི་དབྱེ་བ་ལ་ཡང་དགོངས་པ་འདི་ཡིན་ནོ། །ལུས་རྣམ་པར་འགྱུར་བ་ཡིན་ན་སེམས་རྣམ་པར་འགྱུར་བའི་ཕྱིར་འགྱུར་བ་ཅན་གྱི་སེམས་ནི་སེམས་ཁོ་ན་ལས་སྐྱེ་བར་མི་རིགས་པ་མ་ཡིན་ནམ་སེམས་ནི་ལུས་དང་བྲལ་བར་མ་མཐོང་བའི་ཕྱིར་རོ། །དེའི་ཕྱིར ་ལུས་ཁོ་ན་ལས་སྐྱེས་པའི་སེམས་ནི་སེམས་འགྱུར་བས་འགྱུར་བ་ཅན་དུ་འགྱུར་སྙམ་དུ་སེམས་པ་ལ། ལུས་ཡོད་པ་ནི་རྟག་ཏུ་ཞེས་བྱ་བ་སྟེ། གལ་ཏེ་ཡང་ལུས་ནི་སེམས་དང་མ་བྲལ་བར་མཐོང་བ་དེ་ལྟ་ན་ཡང་སེམས་ཀྱི་སྔ་རོལ་ཏུ་མེད་པར་མི་འགྱུར ་པོ་ཞེས་བྱ་བའི་དོན་ཏོ། །དེ་ལྟར་ན་མ་གྲུབ་བ་ཁོ་ན་ཡིན་པར་བསྟན་པ་ནི། རིག་པ་རང་ངམ་ཞེས་བྱ་བ་བདག་ཉིད་ཀྱིས་སྐྱེ་བཞིན་པར་རིག་པས་སམ། གཞན་གྱིས་ཏེ་སེམས་ཀྱིས་སམ་སྐྱེས་བུས་སོ། །རེ་ཤིག་འབྲས་བུའི ་ཤེས་པས་མ་ཡིན་ཏེ་རང་གི་དུས་འཛིན་པའི་ཕྱིར། སྔ་རོལ་དུ་བྱུང་བའི་འབྲས་བཱུམ་རྒྱུ་འམ་གཞན་ཡང་རུང་བ་རིག་པ་མ་ཡིན་ཞེས་བྱ་བའི་དོན་ཏོ། །མིག་ལ་སོགས་པ་བྱ་བའི་དུས་སུ་དེའི་ཤེས་པ་རྣམས་མེད་པའི་ཕྱིར། དེ་རྒྱུ་ཉིད་དུ་ཇི་ལྟར་རྟོགས་པ ་ཡིན་སྙམ་དུ་སེམས་པ་ནི། མིག་ལ་སོགས་པའི་རྣམ་པར་ཤེས་པ་རྣམས་ཤེས་བྱ་བའོ། །ལན་ནི་མ་ཡིན་ཏེ། དེ་དག་ལ་རྗེས་སུ་འགྲོ་བ་དང་ལྡོག་པ་ཞེས་བྱ་བ་སྟེ། མིག་ལ་སོགས་པ་བྱ་བའི་དུས་ཁོ་ནའི་ཚེ་ཤེས་པ་གཞན་རྗེས་སུ་འགྲོ་བ་དང ་ལྡོག་པ་འཛིན་པར་བྱེད་པ་ཡོད་ཅེས་བྱ་བའི་དོན་ཏོ། །དེ་འདི་ཉིད་ཉམས་སུ་མྱོང་བར་འཛིན་པས་སྒྲུབ་པར་བྱེད་པ་ནི། མིག་ཕྱེ་བ་ཉིད་ནི་ཞེས་བྱ་བ་སྟེ། དེ་བཞིན་དུ་སྐྱེ་བའི་དང་པོར་འབྱུང་བའི་ལུས་ནི་ལུས་ཀྱི་ཤེས་པ་སྐྱེ་བའི་སྔ་རོལ་དུ་ཤེས་པ ་མ་ཡིན་ཏེ། ཤེས་པ་མེད་པའི་ཕྱིར་རོ། །ཡོད་དུ་ཟིན་ཀྱང་དེ་ལས་སྐྱེ་བའི་ཕྱིར་ལུས་བསྒྱུར་མི་འགྱུར་བར་བསྟན་པ་ནི། སྐྱེ་བའི་དང་པོའི་ཕྱོགས་པའི་ལུས་ཞེས་བྱ་བའོ། །མིག་ལ་སོགས་པ་བཞིན་དུ་ཤེས་པ་ལ་ལུས་ཀྱང་རྒྱུ་ཡིན་པར་ཤེས ་པ་གཞན་གྱིས་རྟོགས་པ་མ་ཡིན་ནམ་སྙམ་དུ་སེམས་པ་ནི། གལ་ཏེ་གཞན་གྱིས་རྟོགས་ཤེ་ན་ཞེས་བྱ་བའོ། །ལན་ནི་སྔ་ན་མེད་པ་ག་ལས་རྟོགས་ཞེས་བྱ་བ་སྟེ། མིག་ལ་སོགས་པ་བྱ་བའི་དུས་ནི། དེའི་བྱ་བ་འཛིན་པའི་ཤེས་པ་ནི ་གཞན་རང་གི་རིག་བྱ་ནི་དེ་ཤེས་པ་དང་བྲེལ་བའི་ཕྱིར་དེ་མེད་པར་ཐ་སྙད་བྱེད་པ་ཡིན་གྱི། དེ་བཞིན་དུ་ལུས་ཀྱི་བྱ་བ་འཛིན་པའི་ཤེས་པ་གཞན་ནི། དེ་ཤེས་པ་མེད་པའི་འཛིན་པ་པོ་ཡོད་པ་ནི་མ་ཡིན་ནོ། །ཡོད་པ་ཡིན་ན་ཡང་དེ་ཁོ་ན་ལས་དེ་སྐྱེ་བ ་འགྱུར་ཏེ། མ་མཐོང་བ་ཙམ་ནི་ཐེ་ཚོམ་གྱི་རྒྱུ་ཡིན་ཞེས་བྱ་བ་ནི་དོན་ཏོ། །འོན་ཏེ་དུས་ཕྱིས་འབྱུང་བའི་ཤེས་པ་ནི་སྔར་ཤེས་པ་མེད་པར་རྟོགས་པ་ཡིན་ལ་དེ་ཡང་རང་གི་དུས་ཀྱི་ཤེས་པ་མེད་པར་རྟོགས་པ་ཡིན་གྱི། སྔར་ཤེས་པ་མེད་པ་མ་ཡིན་པར་བསྟན་པ་ནི། ་ལྟར་རུང་མ་ཡིན་ཞེས་བྱ་བའོ། །འདི་ལ་དཔེར་བྱ་བ་ནི་གཉིད་ལོག་པ་ལ་འང་ཞེས་བྱ་བ་སྟེ། ཇི་ལྟ་བ་ཁོ་ནའི་གཉིད་ལོག་པའི་གནས་སྐབས་ཀྱི་ཤེས་པ་ནི་དམིགས་པ་མེད་པ་ཁོ་ན་ཡིན་ཡང་དུས་ཕྱིས་སད་པ་ཡིན་གྱི། དེ་དག་ཙམ་གྱིས་མེད་པར་ངེས་པ་ནི ་མ་ཡིན་ནོ། །ལུས་སྐྱེ་བའི་དུས་ན་སེམས་ཀྱང་ཡོད་ན་རང་རིག་བར་འགྱུར་ལ། དུས་ཕྱིས་ཀྱང་དྲན་པར་འགྱུར་རོ་སྙམ་དུ་སེམས་པ་ནི། འོན་ཏེ་གལ་ཏེ་ཞེས་བྱ་བ་སྟེ། འདི་ལ་དཔེར་བྱེད་པ་ནི། གང་ཕྱིར་སད་པས་ཞེས་བྱ་བའོ། །ལན་ནི་རྟོག་པ་མེད་པ་ཡིན་ནམ་ཞེས ་བྱ་བ་སྟེ། ལུས་སྐྱེ་བའི་དུས་ནི་སེམས་ཉམས་སུ་མྱོང་བ་མེད་པ་མེད་པའི་ཐ་སྙད་ཀྱི་ཡུལ་ཡིན་པར་ནི་མི་རིགས་ཏེ། ཉམས་སུ་མྱོང་བ་ཡོད་ཀྱང་དྲན་པ་མེད་པས་ཉམས་སུ་མྱོང་བ་མེད་པར་མངོན་པར་སེམས་པའི་ཕྱིར་ཏེ། རྨི་ལམ་དུ་ཡང་སེད་པའི་ཚེ ་ཉམས་སུ་མྱོང་བ་བཞིན་དུའོ་ཞེས་བྱ་བའི་དོན་ཏོ། །ཕྱེད་ཕྱི་མ་རྣམ་པར་འགྲེལ་བ་ནི། རྨི་ལམ་གྱི་རིག་པ་ནི་ཞེས་བྱ་བའོ། །གལ་ཏེ་སད་པའི་ཤེས་བ་བསྐྱེད་བྱ་ཉིད་ཀྱིས་གཉིད་ལོག་པའི་ཤེས་པ་རྟོག་པ་མ་ཡིན་ན། དེ་ཁོ་ན་ལས་དེ་ཡིན་ཞེས་ཅི་ལས་ཤེས་ཞེ ་ན། དེའི་བསྐྱེད་བྱའི་ཁྱད་པར་མཐོང་བའི་ཕྱིར་རོ་ཞེས་བསྟན་པ་ནི། དེ་ལྟ་ན་ཡང་དེ་ནི་དེ་ལྟ་བུ་ཉིད་བ་ཞེས་བྱ་བའོ། །དེ་ལ་དེའི་བསྐྱེད་བྱའི་ཁྱད་པར་ཉིད་རྟོགས་པའི་ཕྱིར་དེའི་བསྐྱེད་བྱ་ཉིད་དུ་མི་རྟོགས་པ་མ་ཡིན་ནམ། འོན་ཀྱང་སད་པའི་གནས་སྐབས་ན་དེའི ་བསྐྱེད་བྱ་ཉིད་རྟོགས་པ་ཁོ་ན་ཡིན་ནོ་སྙམ་དུ་སེམས་པ་ནི། འོན་ཏེ་སད་ན་ཞེས་བྱ་བ་སྟེ། དེ་ཞེས་བྱ་བ་ནི་སད་པའི་ཤེས་པ་ལས་རྨི་ལམ་གྱི་ཤེས་པའོ། །འདི་ཡང་ཞེས་བྱ་བ་ནི་སྐྱེ་བ་སྔ་མའི་ཤེས་པ་ལས་སྐྱེ་བ་འདི་ལ་སོགས་པའི་ཤེས་པ ་ཡོད་པ་ལའོ། །མི་རྟོགས་སོ་ཞེས་བྱ་བ་ནི་སད་པ་ཡིན་ན་རུང་བའི་གནས་སྐབས་སུ་འདི་ཡང་འབྲེལ་པ་ཅན་དུ་རྟོགས་པ་མེད་པ་འདི་ཅི་ལས་ཤེས། འོ་ཐུག་རྣམས་ཀྱི་འཐུང་བ་དང་འཇིག་རྟེན་གྱི་ཕན་བ་ཞེས་བྱ་བ་བཞིན་དུ ་འདི་ཡང་འབྲེལ་བ་ཅན་ཙམ་གྱི་དྲུག་པ་ཡིན་ནོ། །གང་གི་ཕྱིར་ལུས་དང་མཚུངས་པའི་དུས་སུ་བྱུང་བའི་ཤེས་པའི་མེད་པ་ནི་རང་ཉིད་དམ། གཞན་གྱིས་ཀྱང་རྟོགས་པ་མ་ཡིན་ནོ། །དེའི་ཕྱིར་ལུས་ཉིད་ཤེས་པའི་རྒྱུར་མི་འགྲུབ་པ་ཡིན་པར་ཉེ་བར་བསྡུ ་བ་ནི། དེའི་ཕྱིར་ཞེས་བྱ་བའོ། །གང་ལས་སྐྱེས་པ་དང་དེས་བྱས་པའི་རྣམ་པར་འགྱུར་བ་ཅན་ཁོ་ན་དེར་འགྱུར་བ་ཡིན་ཞེས་བྱ་བ་འདི་ནི་མ་ངེས་པ་ཡིན་ཏེ། གང་གི་ཕྱིར་བ་ལང་གི་ལྕི་བ་ལས་སྐྱེས་པའི་ཨུཏཔ་ལའི་རྩ་བ་ནི་ཨུཏཔ་ལའི་རྩ་བ་གཞན་གྱིས་རྣམ ་པར་འགྱུར་པ་མ་ཡིན་པ་མ་ཡིན་ལ། དེ་ལྟ་ཡིན་དང་ལུས་ལས་སྐྱེས་པ་ཡིན་པའི་སེམས་ཡིན་པ་ནི། སེམས་གཞན་གྱིས་རྣམ་པར་འགྱུར་བར་བྱེད་པ་ཡིན་ནོ་སྙམ་དུ་སེམས་པ་ནི། འོན་ཏེ་ལྕི་བ་ལས་ཞེས་བྱ་བའོ། །ུཏཔ་ལའི་རྩ་བའི་བསྒྱུར་བྱ་ཁོ་ན ་བ་ལང་གི་ལྕི་བ་ལས་མཐོང་བ་ནི་མ་ཡིན་ལ། སེམས་ཀྱི་བསྒྱུར་བྱ་ནི་སེམས་ཁོ་ན་ཡིན་ཏེ་སྐྱེ་བའི་དང་པོ་ལ་གོམས་པའི་བསྐྱེད་བྱའི་ཁྱད་པར་ཡིན་པའི་ཕྱིར་རོ། །དེའི་ཕྱིར་དེ་ཁོ་ན་དེའི་རྒྱུ་ཡིན་གྱི་ཨུཏཔ་ལའི་རྩ་བ་ནི་མ་ཡིན་ནོ་ཞེ་ན། ལན་འདེབས ་པ་ནི། དང་པོ་ལྕི་བ་ལས་སྐྱེས་པ་ཞེས་བྱ་བའོ། །གང་ཞིག་ཡོད་པས་ཕན་འདོགས་བྱེད་དེ་རྒྱུ་ཞེས་བྱ་བ་ནི་བཅོམ་ལྡན་འདས་ཀྱིས་རྒྱུའི་མཚན་ཉིད་དུ་མ་གསུངས་པ་མ་ཡིན་ནམ། ཐམས་ཅད་མཁྱེན་པ་ཉིད་ཀྱིས་དེ་མི་མཁྱེན་པ་འམ་བག་མེད ་པའམ་ལེ་ལོ་ཡིན་པར་ཡང་མི་སྲིད་པའི་ཕྱིར་ལ། འདི་མི་སྲིད་པ་ཉིད་ཡིན་པར་ནི་ཐམས་ཅད་མཁྱེན་པའི་མིང་ཅན་གྱི་ཚད་མས་གནོད་པའི་ཕྱིར་རོ་སྙམ་དུ་སེམས་པ་ནི། འདི་ཡོད་ན་འདི་འབྱུང་ཞེས་བྱ་བ་ནི་བཅོམ་ལྡན་འདས་ཉིད་ཅེས་བྱ་བས་མི ་ཤེས་པ་བསལ་བ་ཡིན་ཞིང། ཡོད་ཅིང་ཞེས་བྱ་བ་ལ་སོགས་པས་བག་མེད་པ་དང་ལེ་ལོ་དག་བསལ་བ་ཡིན་ནོ། །ཁོ་བོ་ཅག་གིས་བཤད་པའི་རྒྱུ་མཚན་ཉིད་ལས་ཇི་ལྟར་བསྟན་པས་རྟག་ཏུ་ཕན་འདོགས་པར་བྱེད་པ་ཉིད་ཀྱིས་སོ། །གང་གི་ཕྱིར་འདི་ཉིད་རྒྱུའི་མཚན ་ཉིད་ཡིན་པ་དེ་ཉིད་ཀྱི་ཕྱིར་དོན་འདི་རྟོགས་པར་བྱེད་པའི་བདུན་པའམ། ལྔ་པ་ནི་འདི་ཡོད་ན་དང། འདི་འབྱུང་བ་ལས་ཞེས་བཅོམ་ལྡན་འདས་ཀྱིས་གསུངས་པ་ཡིན་ནོ། །དེས་ན་ལུས་དང་འགལ་བ་མ་ཡིན་ནོ་ཞེས་བྱ་བའི་དོན་ཏོ། །རྒྱུ་མཚན་གྱི་བདུན་པ་ཞེས ་བྱ་བ་ནི་རྒྱུ་མཚན་དང་བསྐྱེད་བྱེད་དང་རྒྱུ་རྣམས་ལ་ཐམས་ཅད་ཀྱིས་མང་པོར་མཐོང་བ་ཡིན་ནོ་ཞེས་བྱ་བས་བདུན་པ་ཡིན་ཏེ། རྣམ་གྲངས་ཀྱི་ཚིག་ནི་རང་གི་ངོ་བོ་འགེགས་པ་མ་ཡིན་པས། དོན་འཛིན་པའི་དོན་ཏུ་ཡིན་པའི་ཕྱིར་སྐྱེད་པར་བྱེད་པ་པོའི་ཤེས ་པའི་རང་བཞིན་ནི། རྒྱུ་དང་འབྱུང་གནས་ཞེས་བརྗོད་དོ། །ཇི་ལྟར་ལུས་སེམས་ཀྱི་རྟེན་མ་ཡིན་ཞེས་བརྗོད་པ་དང་དེའི་རྟེན་ཡིན་པར་བརྗོད་པ་འགལ་བ་ཡིན་ནོ་སྙམ་དུ་སེམས་པ་ལ། དེའི་ཤེས་པས་ཕན་འདོགས་ཕྱིར། །ཡིད་ནི་ལུས་ལ་བརྟེན་པར ་བཤད་ཅེས་བྱ་བས་འགལ་བར་བཤད་པ་ཡིན་གྱི་འདི་ལ་ནི་དེ་ལྟ་བུའི་འགལ་བར་དོགས་པའི་ས་བོན་ཡང་ཡོད་པ་མ་ཡིན་ཏེ། བདུན་པ་དང་ལྔ་པ་དག་གིས་དོན་གཞན་རྟོགས་པར་བྱེད་པ་མ་ཡིན་པའི་ཕྱིར་ཞེས་བྱ་བས་ཆོག་མི་ཤེས་པ་ལ་བཤད ་པ་གཞན་བསྟན་པ་ནི། ཡང་ན་བདག་ཅག་གིས་གཞན་དུ་བཤད་པར་བྱ་སྟེ་ཞེས་བྱ་བ་སྟེ། དེ་ཉིད་ནི་གལ་ཏེ་རྣམ་པར་ཤེས་པ་སྔོན་དུ་འགྲོ་བ་ཅན་ཞེས་བྱ་བ་ལ་སོགས་པའི་རྒོལ་བ་སྔོན་དུ་འགྲོ་བའི་བཤད་པ་ཡིན་ནོ། །རྒྱུ་ཙམ་འཁྲུལ་པ་ཅན ་ཡིན་ལ། དེའི་ཕྱིར་ནུས་པ་ཞེས་བྱ་བ་ནི་ཁྱད་པར་ཡིན་ནོ། །རྒྱུ་གཞན་དུ་ཐལ་ལོ་ཞེས་བྱ་བ་ནི་དོན་གཞན་རྟོགས་པར་བྱ་བ་ལ་འབྲས་བུ་ཉིད་ཅེས་བྱ་བ་དང་འགལ་བ་ཡིན་ནོ། །གང་གི་ཕྱིར་མཛའ་ཨི་རྒྱུ་ཚོགས་པ་ནི་འབྲས་བུ་སྐྱེ་བ་ནི་གཞན་ལ་མི ་བལྟོས་པར་ལན་ཅིག་མཐོང་བ་ལས་རྟོགས་པ་ཡིན་ལ། དེ་ཡོད་ཀྱང་འབྲས་བུ་མི་འབྱུང་ན་བལྟོས་པ་དང་བཅས་པར་འགྱུར་རོ་ཞེས་བྱ་བ་འདིས་བལྟོས་པ་མེད་པ་ཉིད་དེ། ཚང་བ་དང་བལྟོས་པ་དང་བཅས་པ་ཉིད་དེ། མ་ཚང ་བ་འགལ་བ་ཡིན་ལ། དེས་ཁྱབ་པའི་རེས་འགའ་བའ་ཨི་མི་འབྱུང་བ་དང་ཡང་འགལ་བའི་ཕྱིར། ཁྱབ་པར་བྱེད་པ་འགལ་བ་ཡིན་ན་ནི། རྒྱུ་ནུས་པ་ཅན་ནི་འབྲས་བུ་ལ་མ་འཁྲུལ་བ་མ་ཡིན་ནོ་ཞེས་བྱ་བའི་དོན་ཏོ། །དེ་ལྟ་ན་འོ་ན་རྒྱུའི་མཚན་ཉིད་ཀྱི་ཞེས་བྱ་བ ་འདི་ལ་ནུས་པའི་ཁྱད་པར་རྗེས་སུ་འཇུག་པ་ལ་བལྟོས་པ་ཡིན་ནོ། །ནུས་པ་ཅན་གྱི་རྒྱུ་མཐོང་བ་འབྲས་བུ་ལ་མི་འཁྲུལ་པ་དྲན་པའི་དུས་ཁོ་ན་ལ་བར་དུ་གཅོད་པ་མེད་པའི་འབྲས་བུ་མངོན་སུམ་དུ་འགྱུར་བ་མ་ཡིན་ནམ། རྗེས་སུ་དཔག་པས་ཅི་དགོས། ་གང་དུ་འབྲས་བུ་དབང་པ་ལས་འདས་པ་ཡིན་པ་དེ་ལ་རྗེས་སུ་དཔག་པ་དོན་མེད་པ་ཅན་མ་ཡིན་ནོ། །དེའི་ཕྱིར་འབྲས་བུ་ཁོ་ན་ཡིན་ཞེས་བྱ་བ་ནི་འགལ་བའི་སྐྱོན་ཁོ་ན་ཡིན་ནོ། །རྒྱུ་ཚོགས་པ་ཡང་བར་དུ་ཆོད་བ་སྲིད་པའི་ཕྱིར་འབྲས་བུ་ལ་ངེས་པའི་རྟགས ་མ་ཡིན་པ་མ་ཡིན་ནམ། དེ་ལྟ་མོད་ཀྱི་འབྲས་བུར་རུང་བ་ཉིད་དུ་ངེས་པ་ལ་ཡིན་གྱི་འབྲས་བུ་མ་ངེས་པས་རུང་བ་ཉིད་དུ་ངེས་པ་ལས་རྗེས་སུ་དཔོག་པ་ཉིད་མ་ཡིན་ཏེ། རུང་བ་ཉིད་དུ་ངེས་པ་མ་ཡིན་པས་ཟློག་པར་བྱེད་པ་ཉིད་ཀྱིས་ཚད་མ་ཉིད་མ ་ཡིན་པའི་ཕྱིར་རོ་སྙམ་དུ་སེམས་པ་ནི། འོན་ཏེ་འབྲས་བུ་ལ་ཐེ་ཚོམ་ཟ་བས་ཞེས་བྱ་བའོ། །ལན་ནི་མ་ཡིན་ཏེ། འབྱུང་བར་འགྱུར་བའི་ཞེས་བྱ་བ་སྟེ་རེ་ཞིག་འབྲས་བུ་འདས་པའི་རུང་བ་ཉིད་རྗེས་སུ་དཔོག་བ་ནི་མ་ཡིན་ཏེ། དེ་རིག་པ ་པོའི་མངོན་སུམ་ཡིན་པའི་ཕྱིར་རོ། །དེ་རིག་པ་མ་ཡིན་པ་ཡང་འབྲེལ་པ་མ་གཟུང་བའི་རྗེས་སུ་དཔག་པ་མི་སྐྱེ་བའི་ཕྱིར་རོ། །འབྱུང་བར་འགྱུར་བའི་འབྲས་བུའི་རུང་བ་ཉིད་ཀྱང་དེ་མ་ངེས་ན་མི་ངེས་པ་ཡིན་ནོ། །འདིས་ནི་རུང་བ་ཉིད་ཀྱི་སྤྱི ་བཤད་པ་ཡིན་ནོ། །རུང་བ་ཉིད་མ་ཡིན་པའི་ངེས་པ་ཡང་མངོན་སུམ་ཁོ་ན་ལས་མཐོང་བའི་འབྲས་བུའི་རུང་བ་ཉིད་གྲུབ་པའི་ཕྱིར་འབྱུང་བར་འགྱུར་བའི་འབྲས་བུ་ལ་ངེས་པ་མེད་ན། རྗེས་སུ་དཔག་པའི་ཡུལ་མ་མཐོང་སྟེ། ངེས་པ་ཅན་གྱི་རུང་བ་ཉིད་ནི་རེ ་འགའ་ངེས་པ་དང་འབྲེལ་པ་མེད་པའི་ཕྱིར་རོ། །གལ་ཏེ་ཡང་ཡུལ་དང་དུས་ལ་སོགས་པའི་ཁྱད་པར་མེད་པས་འབྲེལ་པ་འཛིན་པ་ཡིན་ཡང། རྗེས་སུ་དཔག་པ་ནི་དེའི་ཁྱད་པར་གྱིས་མི་ལྡན་པ་རྣམ་པར་གཅོད་པའི་ཡུལ་ཅན་ཡིན་ན། ཁྱད་པར ་གྱི་ཡུལ་ཁོ་ན་ཡིན་ནོ་ཞེས་ཟེར་བ་ནི་འབྱུང་བར་འགྱུར་བའི་འཇིག་རྟེན་ཕ་རོལ་རྗེས་སུ་དཔོག་ན་ནི་ཞེས་བྱ་བའོ། །རེ་ཞིག་རུང་བ་ཉིད་རྗེས་སུ་དཔོག་པ་ཉིད་རྒྱུ་ཙམ་ལ་མ་ཡིན་པ་མ་ཡིན་ནམ། འོ་ན་ཅི་ཞེ་ན། ཚོགས་པ་ཡིན་ལ། དེ་ཡང་བལྟོས་པ ་མེད་པ་ཡིན་ཏེ། འབྲས་བུ་མེད་ན་ཁྱབ་པར་བྱེད་པ་འགལ་བ་ཡིན་པའི་ཕྱིར། དེ་ཇི་ལྟར་འབྲས་བུ་ལ་ཐེ་ཚོམ་ཟ་བ་ཡིན། དེ་ལྟ་ཡིན་ན་དེ་རྒྱུ་མཐོང་བ་ལས་འབྲས་བུ་རྗེས་སུ་དཔོག་པ་ནི། དོན་གཞན་རྟོགས་པར་བྱ་བ་ལ་འབྲས་བུ་ཁོ་ན་ཞེས་བྱ་བ ་དང་འགལ་བ་ཡིན་ནོ། །འདི་ལ་བཤད་པ་ནི། རྒྱུ་ཉིད་ཡིན་ལ་ཞེས་བྱ་བ་སྟེ། འབྲས་བུ་མེད་ན་མི་འབྱུང་བའི་རྒྱུ་ནི་མེད་ན་མི་བྱུང་བ་ཁོ་ནའི་ཕྱིར། འབྲས་བུ་ཡིན་ཞེས་བྱ་བའི་དོན་ཏོ། །འབྱུང་བར་འགྱུར་བའི་འབྲས་བུ་ཡང་རྒྱུ་ཡིན ་པར་ཅི་ལས་ཤེས་ཤེ་ན། རྟག་ཏུ་ཞེས་བྱ་བ་སྟེ། གང་ཡོད་ན་དེ་གདོན་མི་ཟ་བར་འབྱུང་བ་སྟེ། རྗེས་སུ་འབྲེལ་པ་ནི་ཁྱབ་པར་བྱེད་པ་ཉིད་དུ་བརྗོད་པ་ཡིན་ཏེ། རྗེས་སུ་བརྗོད་པར་བྱ་བ་ལ་བསྒྲུབ་པ་ཁྱབ་བྱེད་ཡིན་པའི་ཕྱིར་རོ། །འདི་ལ་འབྱུང ་བས་ཅི་ཕན་ཞེ་ན། དེ་ཡོད་ན་འབྱུང་བ་སྟེ། དེ་ལྟར་ཡང་འབྲས་བུ་ཉིད་གཏན་ཚིགས་ཡིན་པ་ལ་འགལ་བ་མེད་དོ་ཞེས་བསྟན་པ་ནི། དོན་གཞན་གོ་བར་བྱ་བ་ལ་ཞེས་བྱ་བའོ། །རྒྱུ་ཡིན་པ་ཁོ་ན་གོ་བར་བྱེད་པ་ཅི་སྟེ། མ་ཡིན་སྙམ་དུ་སེམས་པ ་ལྡན་པས་ཆོས་གོས་དང་ལྷུང་བཟེད་བླངས་ལ་མདུད་པ་བཅིངས་ཏེ། མཆིལ་ལྷམ་བགོས་པ་ནས་དུས་ལ་བབ་བར་གྲོང་དུ་འཇུག་པ་ན་ཡང་ཉི་མ་དང་དུས་ཤེས་བར་བྱས་ལ་འཇུག་པར་བྱའོ། །འདི་ལྟ་སྟེ་སློངས་མོ་སྦྱོང ་པས་འཚེ་བ་འདི་ནི་འཚོ་བའི་ཐ་དད་ཡིན་ཞིང་འཇིག་རྟེན་འདི་ལྟར་སྐྲ་བྲེགས་པ་ལག་ན་ཐོད་པ་ཐོགས་ཤིང་གོས་ཐ་དད་པ་གྱེན་ནས་གཞན་གྱི་གྲོང་དུ་སློངས་མོ་རྒྱུ་བར་གྱུར་ཅིག་ཅེས་བྱ་བ་ཡིན་མོད་ཀྱིས། །དེ་བཞིན་གཤེགས་པའི ་གདམས་ངག་རྗེས་སུ་དྲན་ཞིང་ལུས་ཀྱི་དོན་དུ་འདི་ལྟར་ཆོལ་བ་ལ་ཞུགས་པ་ཡིན་ནོ་ཞེས་ལུས་ཀྱི་ཉེས་དམིགས་མཐོང་བ་དང། གྲོང་ཁྱེར་དུ་འཇུག་པའི་བསླབ་པའི་གཞི་ལ་རྗེས་སུ་སློབ་བཞིན་པ་དང། ཆོས་གོས་དང་ཤམ ་ཐབས་ཟླུམ་པོར་བགོས་པ་དང། མིག་གཞན་དུ་མ་ཡེངས་པ་དང། ལྐུགས་པ་མ་ཡིན་བཞིན་དུ་ལྐུགས་པ་ལྟ་བུར་བྱེད་ཅིང་བསྡམས་ལ་ལུས་ཤིན་ཏུ་བསྡམས་པས་འཇུག་པར་བྱའོ། །གྲོང་གི་ནང་དུ་ཞུགས་ཤིང་རྒྱུ་བ་དང། ་རྙེད་པ་དང། མ་རྙེད་པ་དང། བསྟོད་པ་དང། སྨད་པ་ན་དགའ་བར་གྱུར་པ་མེད་པ་དང། བསོད་སྙོམས་སྟེར་བ་རྩོམ་པའི་བུད་མེད་མཚན་མ་དང་ཡན་ལག་ལ་རྟོག་པ་ལྟར་སྤང་ཞིང་ཡོངས་སུ་ཆོལ་བ་མེད་པ་དང། འདོད་པའི་འདོད ་ཆགས་དང་ཞེ་སྡང་དང་གཏི་མུག་དང་དྲེགས་པ་སྐྱེ་བའི་དངོས་པོ་རྣམས་ལ་དྲན་པ་བརྟན་པས་བསྲུང་བ་དང། ཡོངས་སུ་ལེན་བའི་ཚད་ཤེས་པ་དང། སྙོམས་ཤིང་དུས་ལ་རྟོག་པ་དང། བག་ཡོད་པས་རྒྱུ་བར་བྱའོ། །འདྲིས་པ་མེད ་ཅིང་མཛའ་ཤེས་མིན་ཁྱིམ་དུ་།གྱོ་མོའི་སྣོད་ཐོགས་སློངས་མོའི་ཕྱིར་རྒྱུ་ལ། མགོ་བྲེགས་བརྩེམས་པའི་གོས་ངན་གྱོན་པ་ལ། །བག་མེད་གྱུར་ན་རན་པ་རྣམས་དང་སྙམ། །སྟན་གཅིག་པ་དག་གིས་ཀྱང་བཟའ་བ་དང། བཅའ་ ་བ་དང། བཏུང་བར་བྱ་བ་ལ་ལོངས་སྤྱོད་དམ་བཅའ་ནི་འགལ་བ་མེད་ན་ཡང། ཆོག་ཤེས་པ་དང། བརྐམ་ཆགས་མེད་པ་དང། རོ་ལ་ཞེན་པ་མེད་པ་དང། རང་གི་བྱ་བ་ལས་ཉམས་པར་མ་གྱུར་པ་ལས་ཡང་དག་པར་བལྟ་ཏེ་སྟན་གཅིག་པ ་ཉིད་ལ་གནས་ནས་ལོངས་སྤྱོད་བར་རིགས་མ་ཡིན་ཏེ། དེ་ཙམ་གྱི་འཚོ་བ་དང། བདེ་བ་ལ་རེག་པར་གནས་པར་འགྱུར་བར་བྱའོ། །ཅོག་བུར་འདུག་སྟེ་གཉིད་ལོག་བ་ལ་འཇུག་བར་མཆོག་ཏུ་གཞོལ་བས་ཕུང་པོ་འགྱེལ་ཞིང་མགོ་བོ ་འདུད་པ་དང། ཁ་ཆུ་འཛགས་པས་ཉལ་བ་དང་མཚུངས་པར་མི་བྱ་ཞིང་འདི་ནི་བརྩོན་འགྲུས་རྩོམ་པའི་ཕྱིར་སྒྲུབ་པ་ཡིན་པས་མལ་སྟན་གྱི་བདེ་བ་སྤང་བར་བྱའོ། །ཅོག་བུ་བ་ཡིན་ན་ཡང་སྣ་སྨན་བཏང་བའི་དོན་དུ་དུས་ཉུང་ཟད་ཅིག ་ལུས་ཕབ་ཏུ་ཟིན་ཀྱང་དམ་བཅས་པ་ལས་ཉམས་པར་མི་འགྱུར་རོ། །ཟས་ཕྱིས་མི་ལེན་པས་ཀྱང་བསྟབས་པ་ལས་ལྷག་པར་ལོངས་སྤྱོད་པར་མི་བྱ་ཞིང། མལ་བསྟབས་ལ་ཡང་ཟོས་ཟིན་ནས་ལོངས་སྤྱོད་པར་མི་བྱ་སྟེ། བརྐམ ་ཆགས་མེད་པ་དང། ཆོག་ཤེས་པའི་རྗེས་སུ་མཐུན་པར་བྱའོ། །ཆོས་གོས་གསུམ་པ་བས་ཀྱང་ཅི་ནས་ཀྱང་ཡོ་བྱད་བསྐྱུངས་པས་གནས་པར་བྱ་སྟེ། དབྱར་གྱི་རས་ཆེན་ལ་སོགས་པ་ཡང་ངམ་བཅས་པ་དང་མི་འགལ་བར་འཇུག་པར ་བྱའོ། །ཕྱིད་བ་བས་ཀྱང་ཕྱིད་བའི་རྒྱུ་ལས་བྱས་པའི་ཆོས་གོས་མ་རྙེད་པར་གྱུར་ན་བལ་ལས་བྱས་པ་སྣལ་མ་བཏགས་པ་ཡང་བཅག་བར་བྱ་སྟེ། དེ་དང་རྗེས་སུ་མཐུན་པ་ཡིན་པའི་ཕྱིར་རོ། །གཞི་ཇི་བཞིན་པས་ཀྱང་རྐྱེན་དེ་ལྟ ་བུ་བྱུང་ན་གཞན་ལས་རྗེས་སུ་གནང་བ་གནོས་ལ་དེའི་མལ་བསྟན་ལ་གནས་པར་བྱ་སྟེ། འདི་ལྟ་བུས་དེའི་དམ་བཅས་པ་ཉམས་པར་མི་འགྱུར་རོ། །དུར་ཁྲོད་པས་ཀྱང་བུར་མ་ཏིལ་དང་སྦྱར་ཚོད་དང་ཤའི་ཚོད་མ་ལ་ལོངས་སྤྱད་པར་མི ་བདོགས་བྱེད་ཅེས་བསྟན་པས་བལྟོས་པར་འགྱུར་བ་མ་ཡིན་ནམ་སྙམ་དུ་སེམས་པ་ནི། གལ་ཏེ་གང་ཕན་འདོགས་པ་ཞེས་བྱ་བ་སྟེ། འབྲས་བུའི་ངོ་བོ་ཕན་འདོགས་པ་ཡོད་པ་མ་ཡིན་པ་སྟེ། མེད་པ་ཞེས་བྱ ་བའི་དོན་ཏོ། །སྔ་ན་ཡོད་པ་མེད་འབྲས་བུའི་ངོ་བོའི་དུས་ན་མེད་པ་ནི་རྒྱུ་མ་ཡིན་ཏེ། ཕན་མི་འདོགས་པའི་ཕྱིར་རོ་ཤེས་བསྟན་པ་ནི། འོ་ན་འདས་པ་ཡང་ཞེས་བྱ་བའོ། །འབྲས་བུ་ནི་རང་སྔ་ན་མེད་པའི་དུས་ན་བདག་ཉིད་འཐོབ་པའི་དོན་དུ་རྒྱུ་ལ ་བལྟོས་པ་མ་ཡིན་ནམ། འབྱུང་བར་འགྱུར་བ་ནི་དེའི་ཚེ་ཡོད་པ་མ་ཡིན་ནོ། །འབྲས་བུའི་ངོ་བོ་ལ་བལྟོས་ནས་དེ་ལ་འབྱུང་བར་འགྱུར་བ་ཞེས་བརྗོད་པ་ཡིན་གྱི་ཡོད་པ་ཡིན་ན་ནི་རྒྱུའི་དོན་ཡོད་པར་མ་མཐོང་སྟེ། ཡོད་པའི་ངོ་བོ་ཐམས་ཅད་ལ། ། ་བལྟོས་མེད་ཇི་ལྟར་བལྟོས་པ་ཡིན། །ཞེས་གསུངས་པས་སོ། །དེ་ལ་དེ་བསྐྱེད་པའི་དུས་ན་ཡོད་པའི་ཕྱིར་རོ་ཞེས་ཟེར་བ་ལ། ལན་ནི། བསྐྱེད་པའི་དུས་དེ་གང་ཡིན་ཞེས་བྱ་བ་སྟེ། འབྲས་བུ་ཡོད་པ་ལ་བལྟོས་ནས་འབྱུང་བར་འགྱུར་བ་དེ་ཉིད ་ཀྱི་ཕྱིར། ཇི་ལྟར་རྒྱུ་མ་ཡིན་པ་དེ་བཞིན་དུ། དེ་ཡོད་པ་ཁོ་ན་ལ་བལྟོས་ནས་སྔ་ན་ཡོད་པ་ཡང་ཇི་ལྟར་རྒྱུ་ཡིན། འོན་ཏེ་དེའི་དུས་ན་དེ་མེད་པའི་ཕྱིར་རྒྱུ་ཡིན་ནོ། །འབྱུང་བར་འགྱུར་བ་ལ་བལྟོས་ནས་ཀྱང་དེ་མེད་པ་ཁོ་ན་ཡིན་ནོ། །རྒྱུའི་བྱེད་པའི་དུས་ནི ་འབྲས་བུ་འབྱུང་པའི་སྔ་རོལ་གྱི་དུས་མ་ཡིན་ནམ། དེ་ཡང་འབྲས་བུ་འབྱུང་བར་འགྱུར་བའི་དུས་ལས་ཐག་རིང་བ་ཡིན་ནོ། །རྒྱུའི་བྱེད་པ་དང་འབྲས་བུའི་ཡོད་པ་ཞེས་བྱ་བ་འགལ་བ་མ་ཡིན་ནམ། དེའི་དུས་ན་ཡང་འབྲས་བུ་ཡོད་ན་དུས་མཚུངས ་པར་འགྱུར་རོ། །དུས་ཕྱིས་ཡིན་ནོ་ཞེ་ན། འབྲས་བུའི་དུས་ཉིད་ན་རྒྱུའི་བྱེད་པའི་དུས་ཡིན་པའི་ཕྱིར། འབྱུང་བར་འགྱུར་བ་ལས་ཐག་རིང་བ་མ་ཡིན་ནམ། རྒྱུའི་བྱེད་པ་ནི་རང་གི་དུས་ཁོ་ན་ཡིན་ལ་འབྲས་བུ་ནི་དེའི་ཕྱིས་ཡིན་ནོ་ཞེ་ན། དེ་འདི་ནི ་འབྱུང་བར་འགྱུར་བ་ལ་ཡང་མཚུངས་སོ། །འོན་ཏེ་སྔ་ན་མེད་པ་འབྲས་བུ་མི་འགྱུར་རོ་ཞེ་ན། འདི་ཡང་ཕྱིས་མེད་པ་ཡིན་ན་མི་འབྱུང་བར་མཚུངས་སོ། །སྔ་རོལ་གྱི་བྱེད་བ་རྒྱུ་ཡིན་ལ་སྔ་རོལ་པས་བྱས་པ་འབྲས་བུ་མ་ཡིན་ནམ། འབྱུང་བར་འགྱུར་བ་ལ་ནི་འདི་མི ་སྲིད་དོ། །དེ་སྟེ་མ་ཡིན་ཏེ། བྱ་པ་ལ་ཉེ་བར་ཕྱོགས་པ་ཉིད་ནི་སྔ་རོལ་དུ་བྱས་པ་ཉིད་ཡིན་ལ། དེ་ལ་ཉེ་བར་ཕྱོགས་པའི་བྱེད་པ་ཉིད་ཀྱང་སྔ་རོལ་གྱི་བྱེད་པ་ཡིན་པའི་ཕྱིར་བྱེ་བྲག་ཅི་ཡང་མེད་དོ་ཞེས་བྱ་བའི་དོན་ཏོ། །གལ་ཏེ་འབྲས་བུ་ལས་སྔར་ཞེས་བྱ་བ ་ནས་ཇི་ལྟར་མེད་པ་ལ་ཕན་འདོགས་ཤེས་བྱ་བའི་བར་གྱིས་བྱེད་པ་པོའི་དུས་ན་ཡོད་པ་ཉིད་ཀྱི་འབྲས་བུ་ནི་དེ་དང་དུས་མཚུངས་པ་ཉིད་དུ་འགྱུར་བར་བསྟན་པ་དེ་ཉིད་ཀྱི་ཕྱིར་ཞེས་བྱ་བ་འདི་དུས་ཐ་དད་པ་ཉིད་དུའོ། །འབྲས་བུའི་ངོ་བོ་ཡིན་པའི་ཕྱིར་བྱ་བ ་ཡིན་ལ། བར་ཆད་ནི་རིགས་མཐུན་པས་བར་དུ་ཆོད་པ་ཡིན་ཏེ། དེ་མེད་པ་ནི་དེ་མ་ཐག་པའོ། །དེ་ལ་ཡོད་པའི་ཚུལ་དང་ལྡན་པ་ནི་དེ་མ་ཐག་ཏུ་ཡོད་པའོ། །འབྲས་བུའི་ངོ་བོའི་བྱ་བའི་དུས་སུ་གཉིས་ཀ་ཡང་མེད་པ་ཡིན་པར་མཚུངས་པ་ཡིན་པར་བསྟན ་བ་ནི། དེ་ནི་གཉི་ག་ལ་ཡང་ཞེས་བྱ་བའོ། །སྔར་ཡོད་པའི་རྒྱུ་ནི་དེ་མ་ཐག་ཏུ་འདས་པས་དེ་མ་ཐག་པ་མ་ཡིན་ནམ། འབྱུང་བར་འགྱུར་བ་ནི་ཅུང་ཟད་ནི་ཡུན་རིང་མོ་ནས་ཀྱང་ཡིན་པའི་ཕྱིར། དེ་མ་ཐག་ཁོ་ན་མ་ཡིན་ནོ་སྙམ་དུ་སེམས་པ་ལ། འདས་པ་ཅུང ་ཟད་ཀྱང་ཡུན་རིང་མོ་ཉིད་ཡིན་པར་མཚུངས་པར་བསྟན་པ་ནི། དེ་མ་ཐག་པ་ཉིད་ནི་ཞེས་བྱ་བའོ། །གཉིད་སྟུག་པོས་ནོན་པ་ལས་སང་པའི་ཤེས་པ་ནི་དུས་ཀྱིས་བར་དུ་ཆོད་པས་སྔར་གྱི་ཤེས་པ་ལས་འབྱུང་བར་ཅི་ལས་ཤེས། གཉིད་ལོག་པ་ན ་རྣམ་ཤེས་མེད་པའི་ཕྱིར་རོ། །དེ་ལྟ་མོད་ཀྱི་བདག་ནི་སེམས་མེད་པར་གཉིད་ལོག་གོ་ཞེས་ཤེས་པ་མེད་པར་དྲན་པ་ཡིན་ནོ། །ཉམས་སུ་མྱོང་བ་ཡོད་ན་དྲན་པའི་ཕྱིར་དེའི་ཚེ་ཡང་ཉམས་སུ་མྱོང་བ་ཡོད་པ་མ་ཡིན་ནམ་ཞེ་ན། མ་ཡིན་ཏེ། གཉིད ་ལོག་པར་རྩོམ་པའི་སེམས་རང་རིག་པས་རང་གི་དུས་ཙམ་རིག་པ་དང་གཉིད་ལོག་པའི་དུས་ན་མེད་པ་ནི་སད་པའི་རྩོམ་པའི་དུས་ན་འབྱུང་བས་ཀྱང་ཉམས་སུ་མྱོང་བའི་ཕྱིར་རོ། །དེ་གཉིས་ནི་རང་ཉིད་མེད་པར་ཉམས་སུ་མྱོང ་བ་མ་ཡིན་ནམ་ཞེས་པ་གཞན་མེད་པ་ཇི་ལྟར་ཡིན། དེ་ཡང་དེའི་ཚེ་ཡོད་ན་རྟོག་པ་དང་བཅས་པ་འམ་ཅིག་ཤོས་ཀྱང་རང་རིག་པ་ཡིན་ན་རྨི་ལམ་གཞན་བཞིན་དུ་ཅིའི་ཕྱིར་དྲན་པར་མི་འགྱུར། གཉིད་ཀྱིས་ཕྲ་མོར་བྱས་པའི་ཕྱིར་མི་རིགས་པ་ཡིན་ནོ་ཞེས་བྱ་བ་འདི་ ་ཡང་རང་རིག་པ་དང་འགལ་བ་ཡིན་ནོ། །གང་གི་ཕྱིར་མ་རྟོགས་པ་ཡིན་ན་ནི་དེ་སྐད་དུ་བརྗོད་དོ། །རྣམ་པར་དེས་ཤེས་བྱ་བ་ནི་སྐད་ཅིག་གིས་འཇིག་པར་རབ་ཏུ་བྱེད་པ་ནི། རྒྱས་པར་རྣམ་པར་དཔྱད་པ་ཡིན་ནོ་ཞེས་བྱ་བའི་དོན་ཏོ། །དེའི་ཚེ་ན་ཡང་ཁྱད་པར་མ ་ལུས་པའི་སེམས་ཙམ་ནི་དེ་མ་ཐག་པ་སད་པའི་བློའི་རྒྱུ་གང་ཡིན་པ་ཡོད་པར་མ་ཡིན་ནམ་སྙམ་དུ་སེམས་པ་ལ། དེ་ལ་ལུས་ནི་རྒྱུ་མ་ཡིན་ཏེ་ཞེས་བྱ་བ་སྨོས་ཏེ། གོམས་པས་འབྱུང་བའི་ཁྱད་པར་གྱི་ཡིད་ཀྱི་རྣམ་ཤེས་ནི་རྒྱུ་ལུས་ལས་བཞིན་དུ་དེ་ལས ་ཀྱང་མི་འབྱུང་བ་ཡིན་ནོ་ཞེས་བྱ་བའི་དོན་ཏོ། །སྔ་མའི་རྣམ་ཤེས་དང་འདྲ་བ་ཉིད་དེ་ལས་བྱུང་བའི་ཁྱད་པར་ཉིད་ཡིན་གྱི་དེའི་བསྐྱེད་བྱ་ཉིད་ནི་མ་ཡིན་པ་མ་ཡིན་ནམ་དེའི་ཕྱིར་སེམས་ཙམ་ལས་སྐྱེས་པ་ལ་ནི་སོན་གྱི་ཤེས་པ་ལས་སམ་དེའི་བག་ཆགས ་ལས་ཁྱད་པར་ཅན་དུ་སྐྱེས་པ་ཡིན་ནོ་སྙམ་དུ་སེམས་པ་ལ། དུ་བ་ལ་མེ་བཞིན་དུ་ཁྱད་པར་སྐྱེད་པར་བྱེད་པ་ཉིད་སྐྱེད་བྱེད་ཡིན་པའི་ཕྱིར་སེམས་ཙམ་ནི་སྐྱེད་བྱེད་མ་ཡིན་ནོ། །ཤེས་བཞིན་བ་མ་ཡིན་པ་དེ་ལ་དེའི་བག་ཆགས་ཀྱི་ལུས་ཅན་དུ་རྟོགས ་པར་འགྱུར་ཏེ་ཡང་བའི་ཕྱིར་རོ། །དེ་ཡང་བཀག་པ་ཡིན་ཏེ་ཐལ་ཆེས་པ་ཡིན་ནོ་ཞེས་བྱ་བ་ལ་སོགས་པ་བསྟན་པ་ནི། དེའི་ཕྱིར་རྗེས་སུ་འགྲོ་བ་དང་ལྡོག་པའི་རྗེས་སུ་བྱེད་པ་ཡིན་ལ་ཞེས་བྱ་བ་སྟེ། དེའི་བསྐྱེད་བྱའི་ཁྱད་པར་ཉིད་ནི་དེའི་ཁྱད་པར ་གྱིས་ཁྱད་བར་ཅན་ཉིད་ཡིན་ལ་དེ་ལ་མ་འཁྲུལ་བ་ཅན་ཉིད་ཡིན་ཞེས་བྱ་བའི་དོན་ཏོ། །དམིགས་བྱ་མ་ཡིན་པའི་སེམས་ཙམ་ལ་དེ་ལ་མ་འཁྲུལ་བ་ཅན་ཉིད་དུ་འཛིན་པ་ཡང་མ་ཡིན་ནོ། །ཉེ་བར་མ་དམིགས་པའི་འབྱུང་བར་འགྱུར་བ་ལ་ཇི་ལྟར་མ་འཁྲུལ་བ་ཅན་གྱིས་ཤེས ་པ་ཡིན་ཏེ་མི་ཤེས་པ་དེ་ལྟར་ན་འདིའི་ཡང་རྒྱུ་ཉིད་མི་ཤེས་པའི་ཕྱིར་དེ་ཉིད་ཐམས་ཅད་དུ་ནུབ་པར་འགྱུར་རོ། །དེའི་ཕྱིར་རིམ་གྱིས་དམིགས་པ་དག་གི་དེ་ཉིད་དམིགས་པ་ཡིན་ན་འབྱུང་བར་འགྱུར་བ་ལ་ཇི་ལྟར་མ་འཁྲུལ་བ་ཅན་ཉིད་ཀྱིས་ཤེས་པ་བཞིན ་དུ་མ་འཁྲུལ་བའི་ཡུལ་ཉིད་ཀྱིས་ཤེས་པ་མ་ཉམས་པར་བསྟན་པ་ནི། དེས་ན་འབྱུང་བར་འགྱུར་བ་ལ་ཡང་ཞེས་བྱ་བའོ། །མ་འཁྲུལ་བ་ཅན་ཉིད་བཞིན་དུ་འདིའི་མ་འཁྲུལ་པའི་ཡུལ་ཉིད་རྟོགས་པར་མི་ནུས་པ་མ་ཡིན་ནམ་དེ་དག་ཙམ་གྱིས་སྔར་བྱུང་བའི་རྒྱུད ་ཉིད་ནི་འཇིག་རྟེན་ལ་རྒྱུ་ཉིད་དུ་རྟོགས་པའི་ཕྱིར་རོ་སྙམ་དུ་སེམས་པ་ལ། དེ་ཡང་མ་འཁྲུལ་བའི་ཡུལ་ཉིད་ཁོ་ན་རྒྱུ་ཡིན་གྱི་སྔར་བྱུང་བ་ཉིད་དུ་མ་ཡིན་པར་བསྟན་པ་ནི། གང་ཞིག་གང་གི་ཞེས་བྱ་བ་སྟེ། དེ་དག་ཙམ་ནི་འཇིག་རྟེན་པ་ཡིན་ནོ་ཞེས་བྱ་བའི ་དོན་ཏོ། །རྒྱུ་མཚན་མ་འཁྲུལ་པའི་ཡུལ་ཉིད་མ་ཡིན་ནམ་དེ་ཡང་གོང་དུ་བདུན་པས་རྣམ་བར་གཞག་པ་ཡང་རྟོགས་པ་ཡིན་ལ་དེ་དང་འབྲེལ་བ་ཅན་གྱི་འབྲས་བུ་ནི་ཕྱིས་འབྱུང་བ་ཁོ་ན་ཡིན་ནོ་སྙམ་དུ་སེམས་པ་ནི། འོན་ཏེ་ཡང་འདི་ཡོད་ན་འདི་འབྱུང་ཞེས ་བྱ་བ་ནས། དེ་ནས་ཀྱང་ནི་བསྟན་པ་ཡིན་ཞེས་བྱ་པའི་བར་གྱིས་སོ། བདུན་པ་ནི་རྒྱུ་མཚན་ཙམ་ལས་ཡིན་གྱི་སྔ་མ་ཉིད་རྣམ་པར་འཇོག་པ་ནི་མ་ཡིན་ནམ་རྒྱུ་མཚན་དང་བྱེད་པ་དང་རྒྱུ་རྣམས་ལ་ཞེས་བརྗོད་པའི་ཕྱིར་རོ། །བདུན་པས་རྒྱུ་མཚན་ཉིད་དུ་ ་རྟོགས་པ་ནི་སྔ་མ་ཉིད་ལ་སྒྲོ་བཏགས་པ་ནི་མ་ཡིན་ཏེ། དབྱེ་བ་མ་དམིགས་པའི་ཕྱིར་རོ་ཞེས་བྱ་བ་འདི་ལ་སྨྲ་བ་ནི། དེའི་རྗེས་སུ་འགྲོ་ལྡོག་ནི་ཞེས་བྱ་བ་སྟེ། ཡོད་པ་དག་སྐྱེ་བ་དག་མེད་ན་རྒྱུ་མཚན་ཉིད་ཡིན་པས་མི་སྲིད་ལ་དེ་ལྟ་ཡིན་ན་སྔ་མ་ཉིད ་ཡིན་ནོ་ཞེས་བྱ་བའི་དོན་ཏོ། །གལ་ཏེ་ཡོད་པ་དང་སྐྱེ་བ་དག་གིས་སྔ་མ་ཉིད་འཕངས་པ་ཡིན་ན་གཞན་རྒྱུ་མཚན་མ་ཡིན་པའི་ཕྱིར་རོ། །དེ་ལྟ་ཡིན་ན་རྒྱུ་མཚན་ཅན་ཡང་ཡོད་པ་དང་སྐྱེ་བ་ཞེས་བྱ་བའི་ཚིག་གིས་སྔ་མ་ཉིད་དུ་འགྱུར ་བར་བསྟན་པ་ནི། དེ་ནི་མི་བདེན་ཏེ་ཞེས་བྱ་བའོ། །རྒྱུ་མཚན་དང་རྒྱུ་མཚན་མ་ཡིན་པ་འདི་ལས་འདིའོ་ཞེས་རྟོགས་པ་ནི་སྔར་གཞག་པ་ཁོ་ན་རྟོགས་པ་མ་ཡིན་ནམ་སྙམ་དུ་སེམས་པ་ནི། གལ་ཏེ་ཡོད་ན་ཞེས་བྱ་བས་ཤེས་བྱ་བ་སྟེ། འབྱུང་བར་འགྱུར ་བ་ཡོད་བ་མ་ཡིན་པ་དེ་ལྟར་རྟོགས་པར་མི་ནུས་སོ་ཞེས་བྱ་བའི་དོན་ཏོ། །སྔ་མའི་མངོན་པར་འདོད་པ་ཡང་འབྲས་བུའི་བདག་ཉིད་ཐོབ་པའི་དུས་སུ་མེད་པ་གོ་ན་མ་ཡིན་ན། དེ་ཉིད་དེའི་བྱ་བའི་དུས་སུའོ་ཞེ་ན། ཡང་དངོས་པོའི་རང་གི་དུས་ནི་བྱ་བའི ་དུས་མ་ཡིན་ཏེ། དངོས་པོས་སྟོང་བའི་ཕྱིར་རོ། །དེའི་ཚེ་ཡང་མེད་པའི་ཕྱིར་ཇི་ལྟར་སྔ་མ་ཉིད་ཀྱི་ཆོས་ཉིད་ཡིན་ཞེས་བསྟན་པ་ནི། འདས་པ་ཡང་ཇི་ལྟར་ཡོད་པ་ཡིན་ཞེས་བྱ་བ་སྟེ། དངོས་པོའི་རང་གི་ངོ་བོ་ཁོ་ན་བྱ་བ་ནི་མ་ཡིན་ཏེ། དེའི ་ཚེ་ཉིད་འབྲས་བུ་འབྱུང་བར་ཐལ་བས་སྔ་མ་ཉིད་མེད་པར་ཐལ་བར་འགྱུར་རོ་ཞེས་བྱ་བའི་དོན་ཏོ། །འབྲས་བུའི་དུས་སུ་རང་གི་དུས་ན་ཡོད་པའི་རྒྱུ་སྔ་མ་ཡོད་པ་ཡིན་པའི་ཕྱིར་སྔ་མ་ཉིད་དངོས་པོའི་ཆོས་སུ་འགྱུར་བ་མ་ཡིན་ནམ་སྙམ་དུ་སེམས་པ ་ནི་འགྱུར་བ་ཡིན་ནོ་ཞེ་ན་ཞེས་བྱ་བའོ། །གཞན་ཡང་འབྱུང་བར་འགྱུར་པ་རང་གི་དུས་ན་འབྱུང་བས་ཡོད་པ་དང་སྐྱེ་བ་དག་ཏུ་འགྱུར་བའི་ཕྱིར་ལ་དེ་ཡང་བློས་སྔ་མ་ཉིད་དུ་རྣམ་པར་བཞག་པ་རྟོགས་པ་ཁོ་ན་ཡིན་པར་བསྟན་པ་ནི། གཞན་ཡང་ཞེས་བྱ ་བའོ། །གང་གི་ཚེ་ཡང་མཚོན་བྱེད་ཙམ་གྱིས་བདུན་པ་ནི་དེའི་ཚེ་སྔ་མ་ཉིད་དམ་ཕྱི་མ་ཉིད་དམ་དེའི་ཚེ་ཡོད་པ་ཉིད་རྣམས་ནི་བརྗོད་པར་འདོད་པ་མ་ཡིན་པར་བསྟན་པ་ནི། དེས་ན་ཡོད་ན་ཞེས་བྱ་བའོ། །དེ་ལྟ་ཡིན་ན་བརྗོད་པར་འདོད་པ་ནི་གང་ཡིན་ཞེ་ན། དེ ་ཡོད་པས་ཤེས་བྱ་བ་སྨོས་སོ། །འབྱུང་བར་འགྱུར་བའི་ཡོད་པ་ཡང་ཇི་ལྟར་ཡིན་ཞེ་ན། ཡོད་པས་ཀྱང་ཞེས་བྱ་བ་སྨོས་ཏེ། དེ་ལྟར་ཡང་འཇིག་རྟེན་གྱི་ཐ་སྙད་ཡིན་པར་བསྟན་བ་ནི་འཆི་ལྟས་ནི་ཞེས་བྱ་བའོ། །དུས་ཀྱི་དབྱེ་བ་ལ་བདུན་པ་མ་ཡིན་དུ་ཟིན་ཀྱང་ལྔ་པ་དུས ་ཀྱི་རྣམ་པར་དབྱེ་བ་ཁོ་ན་ལ་འཇུག་པ་ཡིན་ཏེ་དུས་ལ་སོགས་པའི་དབྱེ་བ་ཅན་མ་ཡིན་པ་ནི་དངོས་པོ་མ་ཡིན་པ་ཉིད་ཀྱིས་བྱེད་པ་པོ་ཉིད་མ་ཡིན་པའི་ཕྱིར་རོ་སྙམ་དུ་སེམས་པ་ལ་སྐྱེས་པའི་ཕྱིར་ཞེས་བྱ་བས་ཀྱང་ཞེས་བྱ་བའི་བྱེད་པ་པོ་ཉིད་ནི་བྱེད་པ་པོ་དང ་ལས་འདི་ལ་སོགས་པ་བློས་སྒྲོ་བཏགས་པའི་ཡུལ་ཅན་ལ་ནི་འབྱུང་བར་འགྱུར་བ་དང་འདས་པ་ལ་ཡང་མཚུངས་པར་བསྟན་པ་ནི། ཇི་ལྟར་མྱུ་གུ་སྐྱེ་ཞེས་བྱ་བ་སྟེ། སྔར་དམིགས་པ་ཁོ་ན་རྒྱུ་ཉིད་ཡིན་པར་ནི་མི་རིགས་ཏེ་མ་དམིགས་པ་ཡང་རྒྱུ་ཡིན་པའི ་ཕྱིར་རོ་ཞེས་བསྟན་པ་ནི། གང་གི་དང་པོར་དམིགས་གྱུར་བ་ཞེས་བྱ་བ་སྟེ། དམིགས་པ་དང་མ་དམིགས་པ་དག་གིས་འབྲས་བུ་དང་རྒྱུ་ཉིད་ཡིན་ནོ་ཞེས་ཚད་མས་དམིགས་པས་གཞལ་བྱ་ཡོད་པ་ཡིན་པར་བརྗོད་པ་ཡིན་པར་བསྟན་པ་ནི་དེས་ན་དམིགས ་པས་ནི་ཞེས་བྱ་བའོ། །ཡོད་པར་མ་འཁྲུལ་བའི་ཡུལ་ནི་རྒྱུ་ཡིན་ལམ་འཁྲུལ་བ་ཅན་ནི་འབྲས་བུ་ཡིན་ཞེས་དམིགས་པས་མཚོན་པ་ཡིན་པར་བསྟན་པ་ནི། དེ་ཡང་མ་འཁྲུལ་བའི་ཡུལ་ཅན་ཡིན་ཞེས་བྱ་བའོ། །མ་འཁྲུལ་བ་ཉིད་ནི་དེ་ཡོད་ན་འབྱུང ་བ་ཉིད་མ་ཡིན་ནམ་དེ་ཡང་སྔ་མ་ཉིད་ཀྱིས་ཁྱད་པར་གྱི་རྒྱུ་ཉིད་ཡིན་གྱི་དེ་ཡོད་ན་འབྱུང་བ་ཙམ་འབའ་ཞིག་ནི་མ་ཡིན་ནོ། །སྔ་མ་དང་ཕྱི་མ་ཉིད་མ་ཡིན་པའི་འབྲས་བུ་དང་རྒྱུའི་མཚན་ཉིད་དེ་ཡིན་པར་རྒྱུར་འདོད་པ་རྣམས་ཀྱིས་སྨྲས་པ་མ་ཡིན་ནོ ་སྙམ་དུ་སེམས་པ་ནི། འོན་ཏེ་མི་འཁྲུལ་བའི་ཡུལ་ཅན་དུ་གྱུར་པ་ན་ཞེས་བྱ་བའོ། །མ་འཁྲུལ་བའི་ཡུལ་ཅན་ཉིད་ནི་རྒྱུ་ཉིད་ཡིན་ལ་མ་འཁྲུལ་བ་ཅན་ཉིད་ནི་འབྲས་བུ་ཉིད་ཡིན་གྱི་སྔ་མ་ཉིད་འདི་དག་ཁོངས་སུ་གཏོགས་པ་མ་ཡིན་པར་བསྟན ་པ་ནི། དེ་ཡོད་ན་འབྱུང་ཉིད་ཙམ་གྱིས་ཞེས་བྱ་བའོ། །གལ་ཏེ་ཡང་མ་འཁྲུལ་པའི་ཡུལ་ཉིད་དེ། རྒྱུ་ཉིད་དེ་རྒྱུ་ཉིད་ལ་སྔ་མ་ཉིད་ཁོངས་སུ་གཏོགས་པ་མ་ཡིན་པ་དེ་ལྟར་ན་ཡང་དེ་དང་ལྡན་པ་ཁོ་ན་རྒྱུར་བཙལ་བར་བྱ་བ་ཡིན་ཏེ། འཇུག་པའི ་ཡུལ་ཡིན་པའི་ཕྱིར་རོ། །གཞན་ནི་དེ་ལྟ་བུར་གྱུར་པ་ཡིན་ཡང་རྒྱུར་ཐ་སྙད་གདགས་པའི་ཡུལ་མ་ཡིན་ནོ་སྙམ་དུ་སེམས་པ་ནི། འོན་ཏེ་དང་པོ་ཉིད་ནི་ཞེས་བྱ་བའོ། །གལ་ཏེ་རྒྱུ་སྔ་མ་ནི་འབྱུང་བར་འགྱུར་བའི་འཇིག་རྟེན་ཕ་རོལ་མ་མཐོང་བའི་ཕྱིར་རྗེས་སུ ་དཔག་པ་མ་ཡིན་ཏེ། འཁྲུལ་བའི་ཕྱིར་འབྲས་བུ་ལ་མ་ངེས་པ་ནི་ཉིད་ཡིན་ཏེ། འཁྲུལ་བ་ཉིད་དུ་སྲིད་ཕྱིར་རོ། །དེའི་ཕྱིར་རྗེས་སུ་དཔག་པའི་དོན་ལ་འབྱུང་བར་འགྱུར་བའི་རྒྱུ་བརྗོད་བྱ་ཡིན་ནོ་ཞེས་བྱ་བ་འདི་ལ་གཞན་སྨྲ་བ་ནི་ཕྱི་མ་ཉིད་ནི་རྗེས་དཔོག་གང ་ཞེས་བྱ་བ་སྟེ། རྒྱུ་ཡིན་པའི་ནུས་པ་ལས་ཡིན་ཏེ་འབྲས་བུའི་ནི་མ་ཡིན་ཞེས་བྱ་བའི་དོན་ཏོ། །རྒྱུ་ལས་ཕྱི་ཉིད་ཡིན་པར་རྗེས་སུ་དཔོག་པ་གང་ཡིན་པ་དེ་ནི་རྒྱུའི་ནུས་པ་ལས་ཡིན་ནོ་ཞེས་བྱ་བར་སྦྱར་རོ། །ལན་དུ་དེ་ལ་རྒྱུ་ཉིད་ཀྱང་ཞེས་བྱ་བ་སྟེ། ་རྒྱུ་ཡིན་ཡང་མ་འཁྲུལ་བས་འབྲས་བུ་ཉིད་ཡིན་ནོ། །འབྲས་བུ་ཉིད་མ་ཉམས་པ་ཡིན་ཞེས་བྱ་བའི་དོན་ཏོ། །གྲོག་མོ་བུ་དང་བཅས་པར་གྲོས་པ་ལ་སོགས་པ་ནི་འབྲས་བུ་ཉིད་ཁོ་ན་ཡིན་ཏེ་དེ་ལ་རྗེས་སུ་དཔག་པ་ལས་གཞན་ཉེ་བར་ལེན་པ ་མ་ཡིན་ནོ་ཞེས་བྱ་བའི་དོན་ཏོ། །ཡང་ན་ཉེ་བར་ལེན་པའི་རྒྱུ་ཡང་དགོས་པ་ལ་མ་གྲུབ་པ་ཁོ་ན་ཡིན་ཏེ་འཁྲུལ་བ་ཡིན་ན་དེ་མི་རིགས་པའི་ཕྱིར་རོ། །དེ་ལྟ་ཡིན་ན་དེ་ཉིད་འབྲས་བུ་ཡིན་པའི་ཕྱིར་འབྲས་བུ་ཉིད་ཁོ་ན་རྗེས་སུ་དཔག་པ་བཞིན་དུ་ཉེ་བར་ལེན ་པ་ཡིན་ཡང་རྒྱུ་མཚན་ཡིན་པར་བསྟན་པ་ནི། གང་ཡང་རྒྱུ་ནུས་པ་ཅན་ཉིད་ལས་ཞེས་བྱ་བའོ། །ལག་ཏུ་ཐོབ་པ་ནི་ཐོབ་པར་ངེས་པ་ཡིན་ཏེ་དེ་ནི་འབྲས་བུ་ཉིད་དང་མཚུངས་པ་ཡིན་ནོ། །རྐང་གིས་བགྲོད་པ་ནི་ཐོབ་པར་ངེས་པ་མེད་པ་ཡིན་ཏེ། རྒྱུ ་འདི་དང་འཚུངས་པ་ཡིན་ནོ། །སེན་མོས་གཅད་པར་བྱ་བ་ནི་འབད་བ་མེད་པའི་བསྒྲུབ་བྱ་ཡིན་ལ་དེ་ནི་འབྲས་བུ་ཉིད་ཀྱིས་རྗེས་སུ་དཔག་པ་ཡིན་ཏེ། བལྟོས་པ་མེད་པའི་ཕྱིར་རོ། །སྟ་རེས་གཅད་པར་བྱ་བ་ནི་འབད་པས་བསྒྲུབ་པར་བྱ་བ་ཡིན་ལ་དེ་ནི་རྒྱུ་ཡིན་ཏེ། མ་ངེས ་པ་ཉིད་སྤང་བ་ནི་འབད་པ་ལ་བལྟོས་པའི་ཕྱིར་རོ། །དྲང་པོ་ཞེས་བྱ་བ་ནི་རྒྱུ་ཉིད་བཞིན་དུ་མ་ངེས་པ་སྤང་བ་ལ་བལྟོས་པ་ནི་འཁྱོག་པོ་ཉིད་ཡིན་པའི་ཕྱིར་རོ། །དོན་མེད་ཡིན་ཞེས་བྱ་བ་ནི་འབད་པ་མེད་པར་གྲུབ་པ་ལ་འབད་པ་ལ་བརྩོན་པར་བྱེད་པ་ནི་མཁས་བ་རྣམས ་ཀྱིས་སྨད་པ་ཡིན་ནོ། །རྐའི་ཤིང་ལས་སྦྲང་ཐོབ་ན། །གང་གི་དོན་དུ་རི་ལ་འཇིག?་།ཅེས་བྱ་བ་ནི་དོན་ཡིན་ནོ། །དེ་སྐད་དུ་ཡང། དེ་ཅི་འདྲ་ཞིག་འཕེན་བྱེད་འགྱུར། །དེ་འདྲ་ཕྱིས་ཀྱང་འགྱུར་བ་ཡིན་ཞེས་བྱ་བ་དང། ལུས་ནི་གནས་པ་ཡིན་ན་སེམས། ་ལྡོག་པ་མེད་པར་ཐལ་བར་འགྱུར་ཞེས་བྱ་བ་ལ་སོགས་པ་ནི་རྒྱུ་མ་འོངས་པ་ཡིན་པར། བརྗོད་པར་བྱེད་པ་ཡིན་ནོ་ཞེས་ཉེ་བར་བསྡུ་བ་ནི། དེའི་ཕྱིར་མི་འཁྲུལ་བས་ན་ཞེས་བྱ་བའོ། །མི་ཤེས་བཞིན་པ་ནི་ཡོད་པ་ཙམ་གྱིས་སྐྱེ་བ་ཉིད་ནས་བརྩམས་ནས ་ལུས་ཇི་སྲིད་ཡོད་བར་བདག་ཉིད་ཉེ་བས་ཕན་འདོགས་པར་བྱེད་པ་རྟེན་ཡིན་པར་བསྟན་པ་ནི་གང་ཞིག་ཡོད་པས་ཕན་འདོགས་ཡོད་ཅེས་བྱ་བ་སྟེ། དེའི་རྒྱུ་ནི་ཡིན་ཏེ་ལས་ཀྱི་མིང་ཅན་ནོ། །འབྲས་བུ་ལས་སྔར་རམ་ཕྱིས་ཀྱང་ངེས་པར་ཡོད་པར་ནི་རྗེས་སུ ་འཇུག་པའོ། །དེའི་ཕྱིར་མ་འོངས་པའི་ཡིད་དམ་སྔ་མ་ཡང་རུང་འདིའི་རྒྱུ་ཡིན་པར་བསྟན་པ་ཡིན་ནོ། །དེ་ལྟ་ཡིན་དང་ལུས་ནི་རྟེན་དུ་འགྱུར་བ་མ་ཡིན་ནོ། །དེའི་ཕྱིར་གནས་སྐབས་སུ་དགོས་པ་ཡིན་ནོ་ཞེས་བྱ་བ་ནི་འགྲེལ་པའི་དོན་ཡིན་ནོ། །སྐྱེ་བའི ་དང་པོའམ་ཐ་མ་ལའམ་སེམས་ཀྱི་འབྲས་བུ་ལའམ་སྔ་མའམ་ཕྱི་མ་ཡང་རུང་བའི་སེམས་ནི་ཤེས་པ་ཉིད་ཕན་འདོགས་པ་ཡང་མ་ཡིན་ལ། འཚོ་བའི་གནས་སྐབས་སུ་ཤེས་པ་ཉིད་ཡིན་ཡང་དེའི་རྒྱུ་མཚན་གྱི་ཕན་འདོགས་པ་ནི་མ་ཡིན་ཏེ། རང་ ་གི་ངོ་བོ་ཙམ་ལ་རག་ལས་པའི་ཕྱིར་རོ། །སེམས་ཀྱི་ཆོས་ཀྱང་ལས་ཀྱི་སེམས་ནི་རྒྱུས་བརྗོད་པས་རྟེན་ཡིན་པར་བརྗོད་པའི་ཕྱིར་སྐྱོན་མེད་དོ། །དེ་ཕྱིར་བློ་གནས་པ་ཡི་རྟེན། །བློ་ཉིད་ལ་ནི་བརྟེན་པ་འགའ་། ཞེས་བྱ་བ་ལ་སོགས ་པས་ལུས་འཕེན་པར་བྱེད་པ་དེ་ལ་སྲེད་པ་དང་བཅས་པའི་ལས་ནི་དེའི་རྟེན་ཡིན་པ་ཉིད་ཀྱིས་སམ་བདག་ཉིད་རྟེན་ཡིན་པ་ཉིད་ཀྱིས་བློ་འཕེན་པར་བྱེད་པས་བློའི་རྟེན་དུ་འགྱུར་བར་བསྟན་པའི་ཕྱིར་སྔར་གྱི་བཤད་པ་ལས་འདི་ལ་ཁྱད་པར་ཅི་ཞིག་ཡོད་ཅེ་ན། སྔ ་མས་ནི་སྐྱེ་བའི་དང་པོའི་སེམས་ཀྱི་རྟེན་ཡིན་པར་བརྗོད་ཀྱི་ནམ་མཁའ་ཨི་མ་ཡིན་ཏེ། ངེས་དེ་ཙམ་དུ་འཕེན་པའི་ཕྱིར་རོ། །འདིས་ནི་ཐ་མའི་ཡང?་ཡིན་པའི་ཕྱིར་ཁྱད་པར་ཆེའོ། །སྔ་མ་ལ་ནི་རྒྱུ་སྔ་ན་ཡོད་པའི་ཕྱིར་འདི་ཡོད་ན་དང་འདི་འབྱུང་བ་ལས་ཤེས་ཀྱང་འབྲས་བུ་ལ་བདུན ་པ་དང་ལྔ་པ་དང་རྒྱུ་མཚན་དང་རྒྱུ་ཡིན་པར་གསལ་བར་བྱེད་པར་རིགས་པ་མ་ཡིན་ནམ་གཞན་ལ་ནི་མ་ཡིན་ཏེ། དེའི་ཚེ་དེ་མ་སྐྱེས་པའི་ཕྱིར་རོ། །སྔ་མ་ནི་འབྲས་བུའི་དུས་ན་མེད་ཀྱང་སྐྱེས་པ་ཡིན་པས་རྒྱུ་མཚན་དང་རྒྱུར་ཡང་འགྱུར་རོ་སྙམ་དུ་སེམས་པ་ལ། ་དེའི་ཕྱིར་བདུན་པ་དང་ཞེས་བྱ་བ་སྟེ། རྒྱུ་མཚན་དང་རྒྱུ་ཉིད་ཙམ་ནི་བདུན་པ་དང་ལྡན་པ་དག་གི་རྒྱུ་མཚན་ཡིན་ལ་འབྱུང་བར་འགྱུར་པ་ལ་ཡང་དེ་ཡོད་པའི་ཕྱིར་མ་ཉམས་པ་ཡིན་ཏེ་དེ་ལྟར་རྟོགས་པའི་ཕྱིར་རོ། །འཆི་ལྟས་སམ་ཡན་ལག་རྣམ་པར ་འགྱུར་པ་ནི་འཆི་བའམ་མངོན་པར་འབྱུང་བའི་མ་འོངས་པའི་རྒྱུ་མེད་ན་མི་འབྱུང་བ་ནི་དེའི་འབྲས་བུ་རྟོགས་པ་ཁོ་ན་ཡིན་ལ་རྟོགས་པར་རྣམ་པར་བཞག་པ་ཡང་ཡོད་པ་འམ་རྒྱུ་མཚན་ཡིན་ནོ། །འབྱུང་བར་འགྱུར་པ་ཡང་ཚད་མས་རྣམ་པར་བཞག ་པ་མ་ཡིན་ཏེ། དེའི་ཚེ་རང་གི་ངོ་བོ་མེད་པའི་ཕྱིར་རོ། །འདས་པ་ཡོད་པ་ཡིན་ནོ་ཞེ་ན། འགལ་བ་ཡིན་ནོ། །དེའི་ཚེ་ཡིན་ནོ་ཞེ་ན། དེའི་ཚེ་ནི་མ་ཡིན་ཏེ། དེའི་ཚེ་ན་ཡང་མེད་པའི་ཕྱིར་རོ། །དེའི་ཕྱིར་འདས་པ་དང་མ་འོངས་པའི་དུས་གང་ལ་མེད་ཀྱང ་ཅུང་ཟད་རྣམ་པར་བཞག་ནས་རྒྱུ་མཚན་ནམ་རྒྱུར་དེ་རྟོགས་པས་ཐ་སྙད་དུ་བྱེད་པ་ཡིན་ལ་དེ་ཉིད་དེའི་བྱ་བའི་རྗེས་སུ་འཐད་ས་ནས་འཇིག་རྟེན་པ་རྣམས་དངོས་པོའི་དེ་ཁོ་ན་ཉིད་ལ་དེ་ལྟར་ཐ་སྙད་འདོགས་པ་ཡིན་ཞེས་བྱ་བའི་དོན་ཏོ། །ཁྱད་དུ་བྱ་བ་ལ་རྗེས ་སུ་དཔག་པ་ལ་སོགས་པའི་ཤེས་པའམ་རྣམ་པར་རྟོག་པའི་ཤེས་པ་ཡང་རུང། ཁྱད་པར་གྱི་རྟགས་ལ་སོགས་པའི་ཤེས་པ་ཅུང་ཟད་དམ་རྟོག་པ་མེད་པ་ཅན་ཡང་རུང་བ་མེད་ན་མི་སྲིད་པའི་ཕྱིར་དེ་ལ་བརྟན་པར་ནི་རིགས་ཀྱི་ཐམས་ཅད་ནི་མ་ཡིན་ནོ། །འདི་ལ་སྨྲས་པ ་རྣམ་པར་གཡེང་བ་ལ་སོགས་པས་སྔ་མའི་སེམས་ཡོན་ཏན་དམ་པ་ཅན་ཉིད་མ་ཡིན་ན་ཕྱི་མ་མི་འབྱུང་བའི་ཕྱིར་སེམས་ཐམས་ཅད་ཁོ་ན་སེམས་གཞན་ལ་བརྟེན་པ་ཡིན་ན་ང་རྒྱལ་དང་བཅས་པའི་ཡིད་ཀྱི་རྣམ་ཤེས་ཉིད་ནི་ཆར་ཡང་སེམས་ལ་བརྟེན་པ་ཡིན ་ཏེ་ཕྱི་རོལ་གྱི་ཉམས་སུ་མྱོང་བ་ལས་བྱུང་བ་མ་ཡིན་པ་དང་གོམས་པ་ལས་བྱུང་བའི་ཁྱད་པར་ཡིན་པའི་ཕྱིར་རོ། །རྒྱ་ཤུག་གི་འབྲས་བུ་དང་ཁམ་ཕོར་བཞིན་དུ་ལྷན་ཅིག་ཡོད་པའི་རྟེན་མ་ཡིན་ནམ་དེ་བཞིན་དུ་ཕྱི་མ་ནི་སྐྱེ་བ་སྔ་མའི་སེམས་ཀྱི་རྟེན་མ་ཡིན་ལ ་ཀུན་གཞིའི་བདག་ཉིད་ཀྱི་སེམས་རྟེན་ཉིད་དུ་བརྗོད་པས་དེའི་ཆོས་ཀྱི་ལས་བརྗོད་པར་བྱེད་པ་ཡང་མ་ཡིན་ནོ། །དེ་ཡང་དེའི་ཚེ་ཉེ་བ་ཁོ་ན་ཡིན་པའི་ཕྱིར་སྐྱོན་མེད་དོ། །འབྲས་བུའི་སེམས་ཀྱི་དུས་སུ་ཡང་རྒྱུའི་སེམས་ཐམས་ཅད་དུ་ཉེ་བ་ཡིན་པས་རྟེན་ཉིད་ནི ་རྟག་ཏུ་དེའི་རྗེས་སུ་འཇུག་པས་ཤེས་བརྗོད་པ་ཡིན་ནོ། །གོམས་པ་ལས་བྱུང་བའི་རྣམ་པར་རྟོག་པའི་ཚོགས་ནི་བསལ་བར་དཀའ་བ་ཡིན་ཏེ། ཕྱི་རོལ་དང་ནང་གི་ཉམས་སུ་མྱོང་བ་རྣམས་ལྷན་ཅིག་མ་ཡིན་པ་འམ་གཞན་པའང་རྒྱལ་དང་བཅས་པ ་རྟོགས་བཞིན་པའི་འཇིག་རྟེན་ཕ་རོལ་པོ་ནི་བརྙས་པར་འོས་པ་མ་ཡིན་པའི་ཕྱིར་ཐམས་ཅད་ཁ་ན་མ་ཐོ་བ་མེད་པ་ཡིན་ནོ། །འོ་ན་ལུས་ཀྱང་སེམས་ཀྱི་རྟེན་ཡིན་ཏེ་ཕན་བྱེད་པའི་ཕྱིར་འདོད་པ་ཡིན་ནོ། །དེ་ལྟ་ཡིན་ན་དེ་སེམས་བཞིན་དུ་རྟག་ཏུ་རྗེས་སུ ་འཇུག་པས་ཕན་འདོགས་པ་ཡིན་པ་འམ་གཞན་དུ་ཡང་འགྱུར་གྲང་ན་གལ་ཏེ་སེམས་བཞིན་གཞན་དུ་ཡིན་ན་སེམས་ཀྱང་དེའི་རྟེན་དུ་འགྱུར་པར་གལ་ཏེ་ཡང་དབང་པོ་མེད་པར་བློ་མ་ཡིན་ཞེས་བྱ་བ་ལ་སོགས་པས་ཕན་ཚུན་རྒྱུ་ཉིད ་དུ་བརྗོད་པས་བསྟན་པ་ཡིན་ནོ། །དབང་པོ་དང་བཅས་པའི་ལུས་སུ་བསྟན་པའི་རིགས་པ་ནི་དུས་ཐམས་ཅད་དུ་ཕན་འདོགས་པར་བྱེད་པའི་ཕྱོགས་ལ་ལྡོག་པ་མེད་པར་ཐལ་བར་འགྱུར་པར་བསྟན་པ་ནི། འགག་པ་བརྗོད་དོ་ཞེས་བྱ་བ་ནི་ཐལ་ཆེས་པ་ལས་སོ། ། ་གལ་ཏེ་ཡང་ཞེས་རྒོལ་བའི་བསམ་པའི་རིགས་པ་ནི་དེ་ལྟ་བུ་ཉིད་དུ་ཡིན་ཞེས་བྱ་བ་ལ་བལྟོས་ནས་གཞོན་དུ་ཡང་ཞེས་བྱ་བ་སྟེ། དེའི་གནས་སྐབས་སམ་གཞན་དུ་ཡང་ཞེས་བྱ་བའི་དོན་ཏོ། །ཡང་ན་ལྡོག་པ་མི་འཐད་པ་མ་ཡིན་ཞེས་བྱ་བར་སྦྱར་ནས་ལྡོག་པ ་དང་མི་ལྡོག་པ་དག་བསྡུས་ནས་བཀག་པ་ཡིན་ཏེ་གནས་སྐབས་ཐམས་ཅད་དུ་འབྲས་བུ་དང་ལྡན་པའི་ཕྱིར་རྟེན་ཉིད་ཡིན་ཞེས་བྱ་བའི་དོན་ཏོ། །དེ་དག་གི་རྒྱུ་ནི་སེམས་ལས་གཞན་པ་སྟེ་སེམས་ནི་ལྡན་ཅིག་བྱེད་པ་ཅན་ཡིན་ལ་འདིའི་རྒྱུ་དེ་ཉིད་ཡིན་པས ་དེའི་རྒྱུ་ཅན་དེ་འབྲས་བུའོ། །ངལ་བ་ཉིད་ནི་དབུགས་འདྲེན་ཞེས་བྱ་བར་མཚམས་ཅད་དོ། །གཞན་དུ་གྱུར་པ་ལས་ནི་དབུགས་རིང་དུ་རྡུབ་པ་ལ་སོགས་པ་ལས་སོ། །ལུས་ཀྱང་སེམས་ཀྱི་རྟེན་ཡིན་ན། གཟུགས་ལ་སོགས་པ་བཞིན་དཱུམ་རིང་བ་ལ ་སོགས་པའི་གནས་སྐབས་བཞིན་དུ་ཡིན་གྲང་ན་གཟུགས་ལ་སོགས་པ་བཞིན་ཡིན་ན་ནི་དེ་བཞིན་དུ་དེ་ཡང་དེ་ཡོད་ཀྱང་ལྡོག་པ་མེད་པར་ཐལ་བར་འགྱུར་པའོ། །ཅི་ལས་ཤེ་ན། དེ་ཡོད་ན་ཏེ་དེ་ཉིད་ཡོད་ན་འབྱུང་བ་སྟེ་དེ་ཙམ་བསྐྱེད་བྱ་ཡིན་པའི་ཕྱིར་རོ། ། ་དབང་འགྱུར་ཕྱིར་ཞེས་བྱ་བ་ནི་དེ་རྣམ་པར་འགྱུར་བ་མ་ཡིན་ན་འདི་བསྒྱུར་བྱ་མ་ཡིན་པའི་ཕྱིར་རོ། །ཡང་ན་རྟག་ཏུ་དེའི་རྗེས་སུ་འཇུག་པས་དེ་སྔ་མས་ལྡོག་པས་ཁྱབ་པའི་མེད་པ་ཡིན་པ་བཞིན་དུ་ཕྱི་མས་རྗེས་སུ་འགྲོ་བས་ཁྱབ་པ་ཡོད་པ་ཁོ་ན་ཡིན་ནོ། ་དེ་ལྟར་ན་དེ་ནི་དེ་ལ་བརྟེན་པ་ཡིན་གྱི་གཞན་དུ་ནི་མ་ཡིན་ནོ། །འོན་ཏེ་རིང་བ་ལ་སོགས་པ་བཞིན་དུ་ཡིན་དེ་ལྟ་ན་ཡང་རེས་འགའ་བ་ནི་དེ་ཙམ་ལས་མི་འབྱུང་བས་དེ་ལྟ་བུའི་དབུགས་ལ་སོགས་པ་ལ་བལྟོས་པ་ལས་འབྱུང་བ་མ་ཡིན་ནོ་སྙམ་དུ་སེམས་པ་ལ། དེ་ལས ་འབྱུང་རྡུབ་ཅེས་བྱ་བ་སྟེ་དེ་ལས་ནི་སེམས་ཉིད་ལས་སོ། །དེ་མ་ཡིན་ནི་སེམས་ཏེ་ལས་ནི་འབྱུང་རྡུབ་དག་ལས་སོ་ཞེས་བྱ་དང་སྦྱར་རོ། །ཅི་ལས་ཡིན་ཞེས་བྱ་བ་ལ་བལྟོས་པ་ཡིན་ན་གནས་སྐབས་ཀྱི་གཏན་ཚིགས་དང་སྦྱར་བར་བྱའོ། །ཇི་ལྟར་ཞེ་ན། དབང ་འགྱུར་ཕྱིར་ཏེ་སེམས་ཀྱི་དབང་དུ་འགྱུར་བའི་ཕྱིར་རོ། །སེམས་ཀྱི་དེ་དག་གི་རྒྱུན་དུ་འཇུག་པ་དང་ལྡོག་པ་དག་དང་ཕུལ་དུ་བྱུང་བ་དང་ཕུལ་དུ་བྱུང་བ་མ་ཡིན་པ་དག་ཀྱང་ཡིན་ནོ། །རྒྱལ་པོས་བྲན་བཞིན་དུ་གཞན་གྱི་བསྐྱེད་བྱ་ཉིད་དེས་དབང་དུ་བྱེད་པ་ཡིན་ནོ ་ཞེ་ན། དེ་ཡོད་པ་ཉིད་ན་འབྱུང་བས་གཞན་ལས་སྐྱེ་བར་མ་མཐོང་བའི་ཕྱིར་རོ། །བྲན་ནི་དེ་ལས་བཟློག་པ་ཡིན་ནོ། །དེའི་ཕྱིར་གཞན་ལས་སྐྱེ་བར་མ་མཐོང་བ་ཡིན་ན་དབང་དུ་འགྱུར་བ་ཉིད་གཏན་ཚིགས་ཡིན་ནོ་ཞེས་བྱ་བའི་དོན་ཏོ། །འགྲེལ་པ་མཛད་པས ་ནི་སོ་སོའི་གཏན་ཚིགས་གཉིས་ལས་བརྩམས་ནས་བྲན་ནི་གཞན་ལས་སྐྱེ་ཉིད་དུ། །མཐོང་བ་ཡིན་གྱི་དེ་དག་མིན། ཞེས་བྱ་བ་ནི་དབང་དུ་འགྱུར་པའི་ཁྱད་པར་ཁོ་ན་ཡིན་ཏེ་དེ་ཡོད་ན་འབྱུང་བ་ཉིད་དུ་ཉེ་བར་བསྡུས་པ་ཡིན་ནོ། །གལ་ཏེ་ཡང་དེ་ལས་འབྱུང་རྡུབ ་བྱེད་ཅེས་བྱ་བ་འདི་ཉིད་ཀྱིས་གཏན་ཚིགས་དག་ཏུ་ངེས་སྤྱིར་པ་ཡིན་ཡང་ལྡོག་པ་མེད་པར་ཐལ་པར་འགྱུར་ཞེས་བྱ་བ་ལའང་བལྟོས་པའི་ཕྱིར་སྦྱར་བར་བྱ་བ་དག་ཁོ་ན་ཡིན་ཏེ། གཞན་དུ་ནི་མི་འགྲུབ་པའི་ཕྱིར་དེ་ལ་གནས་པ་དག་འདི་ལ་དབང་བྱེད་པ་ཁོ་ན ་ཡིན་པར་རིགས་སོ། །དེ་བཞིན་དུ་འབྱུང་བ་ཙམ་མམ་དེ་ཡོངས་སུ་གྱུར་པའི་ཁྱད་པར་ཡང་ལུས་ཙམ་མམ་དབུགས་ལ་སོགས་པའི་ཁྱད་པར་ཡང་སེམས་ཀྱི་རྟེན་ཉིད་ཡིན་པ་འགག་པ་ན་གནས་པའི་ལུང་ངམ་དེའི་ཁྱད་པར་ཅན་གྱི་ལུས་དེ་ཅི་ལས་ཐོབ་པ ་ཡིན་དེའི་ཕྱིར་ལྡོག་པའི་དོན་དུ་འབྱིན་པ་དང་འདྲེན་པ་ཞེས་བྱ་བ་ཉེ་བར་སྦྱོར་བར་མི་རིགས་སོ། །དེའི་ཕྱིར་དབུགས་འབྱུང་བ་ལ་སོགས་པ་ནི་སེམས་ཀྱི་བསྐྱེད་བྱ་ཉིད་དུ་བསྒྲུབས་ནས་དེ་ལས་དེ་མ་ཡིན་ཞེས་བྱ་བའི་དམ་བཅའ་བ་ལ་གནས ་སྐབས་ཀྱི་གཏན་ཚིགས་ལས་བཟློག་བ་གཏན་ཚིགས་མ་ཡིན་པ་དང་དེ་མེད་ཀྱང་འབྱུང་བའི་ཕྱིར་དང་དབང་དུ་འགྱུར་པ་མ་ཡིན་པའི་ཕྱིར་ཞེས་བྱ་བ་ལ་སོགས་པ་ལ་བལྟོས་པ་ཡིན་ནོ། །དབུགས་འབྱུང་བ་དང་རྡུབ་པ་ལ་སོགས་པའི་གནས་སྐབས ་ན་དེ་མེད་ན། སེམས་ཡོད་པ་མ་ཡིན་པ་མ་ཡིན་ཞིང་དེའི་དབང་ཡིན་པར་རྟོགས་པ་ནི་མ་ཡིན་ནོ། །དེ་ལྟ་ཡིན་ན་དབུགས་འབྱུང་བ་ལ་སོགས་པ་ཡང་གཉིད་སྟུག་པོས་ནོན་པའི་གནས་སྐབས་ན་དེ་མེད་ཀྱང་འབྱུང་བ་ཡིན་ན་དབང་དུ་འགྱུར་པ་ཡང ་མ་ཡིན་པར་མཚུངས་སོ། །འོན་ཏེ་སེམས་ཀྱི་འདུ་བྱེད་པ་ལས་དེ་ལ་དབུགས་འབྱུང་བ་ལ་སོགས་པ་འབྱུང་བ་ཡིན་ན་ནི་དེ་ལྟར་ན་དེ་སེམས་བསྐྱེད་བྱའི་འདུ་བྱེད་པ་ཡིན་གྱི་ལུས་ཀྱི་མ་ཡིན་ཏེ། དེ་རྒྱུ་མ་ཡིན་པའི་ཕྱིར་རོ། །དབུགས་འབྱུང་བ་ལ ་སོགས་པ་འབྲས་བུ་ཉིད་ལ་དེ་དང་དེ་ལས་གཞན་པའི་རྒྱུས་སྒྲོ་བཏགས་པ་ཡིན་ནོ་ཞེ་ན། ཡང་འདི་ལ་ཡང་སེམས་ལ་སེམས་གཞན་གྱི་རྒྱུ་ཡིན་ན་འབྲས་བུ་ལ་དབུགས་འབྱུང་བ་ལ་སོགས་པར་འདུ་བྱེད་པར་སྒྲོ་བཏགས་པ་ཡིན་ལ་ངེས་ན ་དེའི་རྒྱུ་ཡིན་པའི་ཕྱིར་གཏན་ཚིགས་ལས་ཟློག་པ་ཡིན་པ་དང་དེ་མེད་ཀྱང་འབྱུང་བ་མ་གྲུབ་པ་ཡིན་ནོ་སྙམ་དུ་སེམས་པ་ལ་དབུགས་འབྱུང་བ་ལ་སོགས་པའི་སེམས་ཀྱི་བསྐྱེད་བྱའི་ཁྱད་པར་ཇི་ལྟ་བུའི་ངོ་བོ་ཉིད་ཡིན་པ་དེ་ལྟ་བུའི་སེམས ་ཀྱི་བསྐྱེད་བྱའི་ཁྱད་པར་ནི་མ་ཡིན་ཏེ། རང་གི་རིགས་གོམས་པའི་བསྐྱེད་བྱའི་ཁྱད་པར་ཉིད་རྟོགས་པའི་ཕྱིར་རོ་ཞེས་པ་བསྟེན་པ་ནི་རླུང་འབྱིན་པ་དང་འདྲེན་པ་ནི་ཞེས་བྱ་བ་སྟེ། དེའི་ངོ་བོ་ཡང་སེམས་ཀྱི་བསྐྱེད་བྱ་ཉིད་དུ་དེས་དང་གཟུང་བར ་ཡིན་པའི་ཕྱིར་རྨི་ལམ་ལ་སོགས་པ་ན་དེ་མེད་ཀྱང་དེའི་འདུ་བྱེད་པ་ལས་དེར་ངེས་པ་ཡིན་ནོ་ཞེས་བྱ་བར་ཡང་མ་གྲུབ་པོ། །ཇི་ལྟར་ཡང་སེམས་ཕུལ་དུ་བྱུང་བ་དང་འགྲིབ་པ་ཡིན་ན་དེ་དག་གི་ཕུལ་བྱུང་འགྲིབ་པ་འཐོབ་པར་འགྱུར་པའོ། །དེ་བཞིན་དུ་དེ་དག་གི་ཕུལ ་དུ་བྱུང་བ་དང་འགྲིབ་པ་ཡིན་ན་སེམས་ནི་དེ་འཐོབ་པར་འགྱུར་བ་མ་ཡིན་ནོ། །དེ་མེད་ན་དབུགས་འབྱུང་བ་ལ་སོགས་པ་ཡོད་ཀྱང་གང་ལས་ཡིན་ཞེས་བྱ་བའི་དབང་དུ་བྱས་ནས་སེམས་ཀྱི་བསྐྱེད་བྱའི་ངོ་བོ་ཡང་དེ་མེད་ཀྱང་དེའི་འདུ་བྱེད་པ་ཡིན་ནོ་ཞེས་བྱ ་བར་ཡང་སྦྱར་བར་བྱའོ། །འདུ་བྱེད་པའི་སྒོ་ནས་དེའི་གནས་སྐབས་ན་ཡང་དེ་ཉིད་ཡོད་པའི་ཕྱིར་རོ་ཞེས་བྱ་བའི་དོན་ཏོ། །དེའི་ཕྱིར་སེམས་ཀྱི་བསྐྱེད་བྱ་དབུགས་འབྱུང་བ་ལ་སོགས་པ་བཞིན་དུ་སེམས་ནི་དེ་དག་གི་བསྐྱེད་བྱ་ཡིན་པར་རྟོགས་པ་མ ་ཡིན་ཏེ། དེའི་བསྐྱེད་བྱ་མ་ཡིན་པའི་ཁྱད་པར་ཡིན་པའི་ཕྱིར་རོ། །དེའི་ཕྱིར་དེ་དེ་ལས་མ་ཡིན་པར་དམ་བཅས་པ་གྲུབ་པ་ཡིན་ནོ། །དབུགས་འབྱུང་བ་ལ་སོགས་པ་སེམས་ཡིན་ན་སེམས་ཕུལ་དུ་བྱུང་བ་དང་བསྐྱེད་བྱའི་ཁྱད་པར་ནི་དབུགས་འབྱུང་བ་ལ ་སོགས་པ་དེའི་བསྐྱེད་བྱ་མ་ཡིན་ལ། དེའི་བསྐྱེད་བྱེད་མེད་ན་གང་ལས་འབྱུང་སྟེ་དེའི་བསྐྱེད་བྱར་འགྱུར་བ་མ་ཡིན་ནོ་ཞེས་བྱ་བའི་དོན་ཏོ། །བསྐྱེད་བྱ་ནི་བསྐྱེད་བྱེད་ལ་ཕུལ་དུ་བྱུང་བ་ཅན་མ་ཡིན་ལ་དེ་བཞིན་དུ་དབུགས་འབྱུང་བ་ལ་སོགས་པ་ལ་ཡིན ་པའི་ཕྱིར་དེ་དབུགས་འབྱུང་བ་ལ་སོགས་པ་ནི་མ་ཡིན་ཏེ། སྐྱེད་བྱེད་ཀྱི་ཆོས་ཀྱི་རྗེས་སུ་བྱེད་པའི་ཕྱིར་རོ། །ཡང་ན་དེ་དག་སེམས་ཀྱི་བསྐྱེད་བྱ་ཉིད་མ་ཡིན་ལ་སེམས་ཀྱི་བསྐྱེད་བྱའི་ཁྱད་པར་ཉིད་ནི་གནོད་པ་ཅན་འཕེལ་བ་ཡིན་པར་ཕྱེད་སྔ་མ ་བསྟན་ནས་ཕྱེད་པ་ལས་སེམས་དབུགས་འབྱུང་བ་ལ་སོགས་པའི་བསྐྱེད་བྱ་ཡིན་ན། སེམས་ལ་དབུག་འབྱུང་བ་ལ་སོགས་པ་བཞིན་དུ་དེའི་སྐྱེད་བྱའི་ཁྱད་པར་ཉིད་དུ་ཐལ་བར་འགྱུར་བར་སྒྲུབ་པ་ཡིན་ནོ། །དེ་ཡོད་པ་མ་ཡིན་པའི་ཕྱིར་དེ་དེ་ལས་མ ་ཡིན་ཞེས་བྱ་བར་གྲུབ་པོ། །དབུགས་འབྱུང་བ་ལ་སོགས་པ་རྣམས་སེམས་ལས་བྱུང་བ་ཉིད་ཇི་ལྟར་ཡིན་རྨི་ལམ་ལ་སོགས་པ་ན་དེ་མེད་པའི་ཕྱིར་རོ་སྙམ་དུ་སེམས་པ་ལ་དེ་ལ་ཡང་སེམས་ཀྱི་འབྲས་བུའི་ཁྱད་པར་དུ་མཐོང་བའི་ཕྱིར ་དེ་རྗེས་སུ་དཔག་པ་ནི་རང་གི་ངོ་བོ་མེད་ཀྱང་འདུ་བྱེད་པའི་སྒོ་ནས་ཡོད་པར་ཤེས་པ་ཡིན་པར་བསྟན་པ་ནི། རླུང་འབྱིན་པ་དང་འདྲེན་པ་ནི་ཞེས་བྱ་བ་སྟེ། སེམས་ཕུལ་དུ་བྱུང་བ་དང་འགྲིབ་པ་ཡིན་ན་དབུགས་འབྱུང་བ་ལ་སོགས་པས་ཕུལ་དུ་བྱུང་བ་དང་འགྲིབ ་པ་སེམས་མེད་པ་གང་ལས་ཡིན་ཞེས་གནས་སྐབས་དང་སྦྱར་རོ། །གནས་སྐབས་སུ་བཤད་པ་རྣམས་ལ་ཅི་རིགས་པར་མཚུངས་པར་ཐལ་བར་འགྱུར་བ་དང་ཡང་སྤྱད་པར་བྱའོ། །སེམས་དབུགས་དབྱུང་བ་ལ་སོགས་པའི་བསྐྱེད་བྱ་ཡིན་ན་དེའི་ཁྱད ་པར་གྱིས་ཁྱད་པར་ཐོབ་པ་ཡིན་གྱི་ཁྱད་པར་ཐོབ་པ་འབའ་ཞིག་ནི་མ་ཡིན་ནོ། །འོ་ན་ཅི་ཞེ་ན། དེ་མ་ལོག་ན་ལུས་རྒྱུ་ཡིན་པས་འཆི་བའི་གནས་སྐབས་སུ་ཡང་མི་ལྡོག་པར་འགྱུར་རོ་ཞེས་ཐལ་བར་འགྱུར་ཡང་ལུས་རྒྱུ་ཡིན་པར་བསྟེན་པ་ལ་མཚུངས་པར ་འགྱུར་ལ་དེ་བཞིན་དུ་སེམས་བསྐྱེད་བྱེད་ཉིད་དུ་འགྱུར་པའི་ཕྱིར་དེ་དག་བསྐྱེད་བྱ་ཉིད་མེད་པ་འབའ་ཞིག་ནི་མ་ཡིན་ཏེ། སྔ་མ་བཞིན་དུ་ཐལ་བར་འགྱུར་པ་ཡང་མཚུངས་སོ། །ཡང་ན་སེམས་ཀྱི་བསྐྱེད་བྱ་ཕུལ་དུ་བྱུང་བ་དང་འགྲིབ་པ་ཡིན་པ་དེ་མེད་ན ་དབུགས་འབྱུང་བ་ལ་སོགས་པའི་ཡུལ་ཡིན་ན་ཡང་སེམས་ཀྱི་གང་ལས་ཡིན་ཏེ། མ་ཡིན་པ་ཁོ་ནའོ་ཞེས་བྱ་བ་འདི་ལ་ཡང་ཐལ་བར་འགྱུར་བ་མཚུངས་པ་ཡང་དབུགས་དབྱུང་བ་ལ་སོགས་པ་རྒྱུ་གནས་པ་ཡིན་ན་སེམས་ལྡོག་པ་མེད་པར་ཐལ ་བར་འགྱུར་པའོ། །ཡང་ན་ཇི་ལྟར་རྨི་ལམ་ལ་སོགས་པ་ན་སེམས་ཀྱི་བསྐྱེད་བྱ་ཉིད་ཡིན་ན་དབུགས་འབྱུང་བ་ལ་སོགས་པ་ལ། སེམས་ཀྱི་བསྐྱེད་བྱའི་ངོ་བོའི་སེམས་མེད་ན་མི་འགྱུར་རོ་ཞེས་ཐལ་པར་འགྱུར་པ་དེ་བཞིན་དུ་སེམས ་ཀྱི་བསྐྱེད་བྱ་མ་ཡིན་ན་ལུས་ཀྱི་བསྐྱེད་བྱ་ཡིན་པའི་ཕྱིར་ཤི་བའི་གནས་སྐབས་ན་སེམས་ལོག་ཀྱང་མི་ལྡོག་པར་འགྱུར་ལ་དབུགས་འབྱུང་བ་ལ་སོགས་པའི་བསྐྱེད་བྱ་ཡིན་ན། སེམས་ཕུལ་དུ་བྱུང་བ་དང་འགྲིབ་པའི་བསྐྱེད་བྱ་ཕུལ་བྱུང་བ་འམ་འགྲིབ་པ ་འམ་གཞན་ཡང་རུང་བ་དབུགས་འབྱུང་བ་ལ་སོགས་པ་དེའི་བསྐྱེད་བྱ་མ་ཡིན་པ་ལ། གང་ལས་ཡིན་ཞེས་བྱ་བ་འདི་ལ་ཡང་དབུགས་འབྱུང་བ་ལ་སོགས་པའི་བསྐྱེད་བྱའི་སེམས་དང་སེམས་ཀྱི་བསྐྱེད་བྱ་མ་ཡིན་པ་དེ་ལ་ཡང་སེམས་ལྡོག་པ་ཡིན་ན། ་ལྡོག་པ་སེམས་ཀྱི་བསྐྱེད་བྱ་ཉིད་མེད་ན་གང་ལས་ཡིན་ཞེས་བཟློག་པ་མེད་པར་ཐལ་པར་འགྱུར་ཏེ། སེམས་ལོག་ཀྱང་སེམས་ལ་བཤད་པའི་ཐལ་འགྱུར་དང་དེ་དག་གི་མཚུངས་པ་ཡིན་ཏེ། འབྲས་བུ་ལོག་ན་རྒྱུ་བཟློག་པ་མ་ཡིན་ཏེ། ཁས་མ ་བླངས་པའི་ཕྱིར་རོ། །འོན་ཏེ་དེ་དག་གི་ཕུལ་དུ་བྱུང་བ་དང་འགྲིབ་པ་ཡིན་ན་དེའི་བསྐྱེད་བྱ་སེམས་ལ་ཡང་ཕུལ་དུ་བྱུང་བ་འགྲིབ་པ་ཐོབ་པར་འགྱུར་རོ་ཞེས་བྱ་བ་དག་གི་དོན་ཡིན་ན། དེ་ལྟར་ན་དེ་དག་རྒྱུ་ཡིན་པས་དེ་དག་གི་འབྲས་བུ་སེམས་ལ་ལྡོག་པར་ཐལ་བར ་འགྱུར་བ་ནི་རྨི་ལམ་ལ་སོགས་པ་དང་གཞན་ལ་ཡང་ལུས་རྒྱུ་ཡིན་པར་མཚུངས་པ་ཡིན་ཏེ་རྨི་ལམ་བཞིན་དུ་གཞན་ལ་ཡང་ལུས་ཡོད་ན་དབུགས་འབྱུང་བ་ལ་སོགས་པ་ཡོད་པ་དང་རྗེས་སུ་འཇུག་པའི་ཕྱིར་རོ། །སེམས་རྒྱུ་ཡིན་ན་རྨི་ལམ་བཞིན ་དུ་གཞན་ལ་ཡང་སེམས་དེའི་འདུ་བྱེད་པ་ལས་ཡིན་པའི་ཐལ་འགྱུར་འདི་ནི་མཚུངས་པ་མ་ཡིན་ནོ། །རྒྱུ་གཞན་ཡང་ལྷན་ཅིག་བྱེད་པའམ་རང་དབང་དམ་ལས་ཀྱི་མིང་ཅན་དུ་ཁས་བླངས་པའི་ཕྱིར་དེ་མེད་ན་སེམས་མེད་པའི་ཕྱིར་དེའི་འབྲས་བུ་དབུགས ་འབྱུང་བ་ལ་སོགས་པ་ནི་ལུས་གནས་ཀྱང་སེམས་མེད་པ་ལ་སོགས་པའི་འབྲས་བུ་སྣ་ཚོགས་པ་མཐོང་བའི་ཕྱིར་བརྟག་བྱ་སྣ་ཚོགས་པའི་བག་ཆགས་ཀྱི་ངོ་བོ་ནི་སེམས་ཀྱི་ཆོས་ཡིན་གྱི་འབྱུང་བའི་ཆོས་མ་ཡིན་ཏེ། ཐམས་ཅད་དུ་འབྱུང་བ་རྣམས ་དབུགས་འབྱུང་བ་ལ་སོགས་པ་དང་ཐུན་མོང་པ་ཉིད་ཀྱིས་སྣ་ཚོགས་པ་མ་ཡིན་པར་ཐལ་བར་འགྱུར་རོ། །གནས་པའི་འཕེན་བྱེད་གཞན་དག་ཀྱང། །མཚུངས་པ་མ་ཡིན་ནི་མཚུངས་པ་མ་ཡིན་པ་སྟེ་ལུས་ཀྱི་རྒྱུ་དང་པོ ་སེམས་ཀྱི་ཆོས་ཀྱི་བག་ཆགས་སྣ་ཚོགས་པ་ལས་ལུས་དང་སེམས་ལ་སོགས་པ་སྣ་ཚོགས་པ་ཉིད་དུ་མཐོང་བ་ཡིན་པར་བསྟན་པ་ནི། །གཉིད་དང་འབྲེལ་པ་ཙམ་གྱིས་ཞི་ཞེས་བྱ་བའོ། །སེམས་ལ་སོགས་པ་སྣ་ཚོགས་པ་དེ་ཉིད་ཀྱང་སྐྱེ ་བའི་དང་པོ་ལ་བག་ཆགས་ཀྱི་བསྐྱེད་བྱེ་ཡོད་པའི་ཕྱིར་ཇི་ལྟར་སྐྱེ་བ་སྔ་མ་སྔ་མ་ཡིན་ཞེས་བསྟན་པ་ནི། དེ་ཕྱིར་སེམས་ཅན་ཐམས་ཅད་ཉིད་ཅེས་བྱ་བ་སྟེ། འབྲས་བུའི་ཤུགས་ཀྱིས་ཀྱང་རྒྱུ་སྐྱེ་བ་སྔ་མ་ལ་གང་ཞིག་མེད་པ་མི་འགྲུབ་པ་དེ་ཐམས ་ཅད་དེ་ཁོ་ན་བཞིན་དུ་བརྟག་བར་བྱ་བ་ཡིན་བར་བསྟེན་པ་ནི། བག་ཆགས་སྟོབས་ལས་བྱུང་གྱུར་ཀྱང་ཞེས་བྱ་བའོ། །སྐྱེ་བ་སྔ་མ་ལས་སྐྱེ་བ་འདིར་འཕོ་བ་ཡིན་པར་ཚད་མའི་ནུས་པས་གྲུབ་པ་ལ་དཔེ་ལ་བལྟོས་པ་བསལ་བ་ཡིན་ཡང་ནུས་པ་ཆེ། ་པོར་ཁས་བླངས་ནས་བསྟན་པ་ནི། །ལུས་གཞན་དུ་འཕོ་བ་ཇི་ལྟར་ཡིན་ཞེས་བྱ་བ་ནས་ལྟག་ཆོད་ཡིན་པར་བསལ་ཞེས་བྱ་བའི་བར་གྱིས་བསྟན་པ་ཡིན་ནོ། །སད་བ་དང་རྨི་ལམ་གྱི་སེམས་ལ་སོགས་པའི་རྒྱུན་ལ་བདེན་པ་དང། ཅིག་ཤོས་ཀྱི་རྣམ་པར་དབྱེ ་བ་མེད་པས་བག་ཆགས་ཀྱི་བསྐྱེད་བྱ་ཉིད་ཡིན་པ་འོ། གནོད་པ་མེད་པས་འབྲས་བུ་ལས་རྒྱ་རྗེས་སུ་དཔོག་པའི་ཕྱིར་འཇིག་རྟེན་ཕ་རོལ་གྲུབ་པ་ལ་གནོད་པ་ཅི་ཡང་མེད་དོ་ཞེས་བྱ་བའི་དོན་ཏོ། །ཉེ་བར་ལེན་པ་གཅིག་ལས་བྱུང་བར་གནས་ཀྱི་ས ་བོན་ཆུ་ལ་སོགས་པ་དང་ཕྲད་པ་ཆེ་བ་དང་ཆེས་ཆེ་བ་ལ་སོགས་གནས་སྐབས་སུ་སོན་པ་ཡོད་དབྱེ་བ་མེད་པ་མ་ཡིན་ནམ་དེ་བཞིན་དུ་ལུས་ཀྱང་བྱིས་བ་དང་གཞོན་ནུ་ལ་སོགས་པའི་གནས་སྐབས་དག་ལ་ཐ་དད་པ་མ་ཡིན་ནོ་སྙམ་དུ་སེམས་པ ་ཉེར་ལེན་གཅིག་གི་དངོས་པོ་ལས་ཞེས་བྱ་བའོ། །ལན་ནི་དེ་ལྟར་ན་ཡང་ལུས་གཞན་ཉིད་ལྡོག་པར་འགྱུར་བ་ནི་མེད་ཅེས་བྱ་བར་མཚམས་སྦྱར་རོ། །ཅིའི་ཕྱིར་ཞེ་ན། མཚན་ཉིད་མི་མཐུན་པ་ཉིད་ནི་ཐ་དད་པ་ཉིད་དོ། །དེ་ཉིད་ནི་གཅིག་ཉིད་དོ། །ས་བོན་ཡང་ཆེར་སྐྱེས་པ་ལ ་སོགས་པའི་དབྱེ་བས་བསྟན་པ་ནི། གཞོན་ནུ་ལ་སོགས་པའི་ལུས་ཞེས་བྱ་བའོ། །ལུས་བཞིན་དུ་སེམས་ཀྱང་ཐ་དད་པ་མ་ཡིན་ནམ། ཇི་ལྟར་འཕོ་བ་ཡིན་ཞེ་ན། དེ་དང་ལྷན་ཅིག་སྤྱོད་པར་ཞེས་སྨོས་སོ། །སྔ་མ་སྔ་མའི་སེམས་ཙམ་ལས་འབྱུང་བའི་སེམས་ཀྱང་ལུས ་དེ་ལ་སྲེད་པའི་བག་ཆགས་སྙིང་པོ་ཅན་ཡིན་པའི་ཕྱིར་ལུས་དང་ལྷན་ཅིག་འབྱུང་བ་ཡིན་པར་བསྟན་པ་ནི། །བག་ཆགས་ཀྱི་སྟོབས་ཀྱིས་ཞེས་བྱ་བའོ། །མཐོང་བ་ནི་ཞེས་བྱ་བ་ནི་ཉེ་བར་དམིགས་པ་ཡོད་པའོ། །དེ་ཇི་ལྟར་ཡིན་གཞན་དུ་ན་སད་བ་ན་དམིགས་པ་བཞིན་དུ ་དམིགས་པ་ཐམས་ཅད་ཡོད་པ་ནི་མ་ཡིན་ཏེ། འོ་ན་ཅི་ཞེ་ན། བདེན་པ་ཡིན་ནའོ་སྙམ་དུ་སེམས་པ་ནི་ཇི་ལྟར་མི་བདེན་པ་བཞིན་དུ་ཞེས་བྱའོ། །ཕྱིན་ཅི་ལོག་ཏུ་དམིགས་པ་ནི་གནོད་བ་ཅན་མ་ཡིན་ཏེ། གནོད་བྱ་གནོད་བྱེད་དག་ལ་བྱེ་བྲག་མེད་དོ་ཞེས ་བསྟན་པ་ནི། གང་གི་ཚེ་རྟོགས་པ་དེ་ཞེས་བྱ་བའོ། །འོན་ཏེ་སྔ་མ་ལ་གནོད་པས་ཤེས་པ་ཕྱི་མ་སྐྱེས་པ་ཡིན་ལ་དེ་ཉིད་གནོད་པ་ཅན་ཡིན་ནོ། །ཕྱི་མི་ནི་སྔ་མ་ལ་གནོད་པ་མ་ཡིན་ཏེ་མ་བྱུང་བའི་ཕྱིར་རོ། །སྔ་མ་ལ་གནོད་པ་མེད་ན་ཕྱི་མའི་སྐྱེ་བ་མི་འགྲུབ་པོ ་སྙམ་དུ་སེམས་པ་ནི། ཇི་སྟེ་སད་ནམ་དམིགས་སོ་ཞེ་ན་ཞེས་བྱ་བའོ། །ཕྱི་མས་སྔ་མ་ལ་གནོད་པ་ནི་རྨི་ལམ་ལ་ཡང་ཡོད་པའི་ཕྱིར་དེ་ཡང་ཁྱད་པར་མ་ཡིན་པར་བསྟན་པ་ནི། །སད་པ་དང་མ་སད་པ་ཀ་ཅེས་བྱ་བའོ། །སད་པ་པའི་སེམས་ནི་གཉིད་དང་བྲལ ་བའི་བདག་ཉིད་རིག་པར་བྱེད་པ་མ་ཡིན་ནམ་སྙམ་དུ་སེམས་པ་ནི། ད་སད་དོ་སྙམ་དུ་ཞེས་བྱ་བའོ། །རྨི་ལམ་གྱི་སེམས་ཀྱང་དེ་བཞིན་དུ་བདག་ཉིད་རིག་པ་ཡིན་པར་བསྟན་པ་ནི། དེ་སད་དོ་སྙམ་པ་ཞེས་བྱ་བའོ། །མེད་པ་ནི་གཞལ་བྱའི་འོ། །མི་བདེན་པ་ཉིད་ནི ་ཚད་མའི་འོ། །འོན་ཏེ་སད་པ་ན་བཟའ་བཏུང་དམིགས་བའི་དོན་བྱེད་པ་རྨི་ལམ་ན་རྗེས་སུ་འཇུག་པ་ཡིན་ཏེ། སད་པ་ན་བཤད་པ་ལ་སོགས་པ་དམིགས་པའི་ཕྱིར་བདེན་པ་ཉིད་ཡིན་ནོ། །རྨི་ལམ་དུ་དམིགས་པའི་གནས་སྐབས ་ན་རྗེས་སུ་འགྲོ་བ་མ་ཡིན་ཏེ། དེའི་ཕྱིར་མི་བདེན་པ་ཉིད་ཡིན་ནོ་སྙམ་དུ་སེམས་པ་ནི། འོན་ཏེ་བག་ཆགས་སྟོབས་ཆུང་བའི་ཕྱིར་ཞེས་བྱ་བའོ། །དེ་ལྟ་ཡིན་ན་མ་འོངས་པའི་དངོས་པོས་མི་བདེན་པ་ཡིན་གྱི་རང་གི་ངོ་བོས་མ་ཡིན་པར་བསྟན་པ་ནི། འོ ་ན་གང་ལ་བག་ཆགས་བརྟན་པ་ཡོད་པར་ཞེས་བྱ་བའོ། །རང་གི་ངོ་བོ་ཉིད་ཀྱིས་བདེན་པ་ལ་ལྟོས་ནས་འཕོ་བ་བདེན་པ་ཉིད་དུ་བསྟན་པ་ཉེ་བར་བསྡུ་བ་ནི། དེ་ནི་རང་གི་ངོ་བོར་ཡོད་པ་ཉིད་ཅེས་བྱ་བའོ། །རྨི་ལམ་དུ་དམིགས་པ་ཐུན་མོང་བ་ཉིད ་ལའང་བདེན་པའི་རྒྱུ་མཚན་ཡོད་པར་བསྟན་པ་ནི། གང་དུ་ལྷས་བསྟན་པས་ཞེས་བྱ་བའོ། །དེ་འདི་ལྟར་རྨི་ལམ་དུ་དམིགས་པ་ཡོད་པའི་ཕྱིར་འཕོ་བ་ཁོ་ནར་གྲུབ་ན་ཡུན་རིང་པོར་གནས་པ་དང་ཅིག་ཤོས་ཉིད་ཀྱིས་བདེན་པ་དང་མི་བདེན་པ ་ཉིད་ཀྱིས་ཁྱད་པར་དུ་རྟོགས་པས་དེ་དགག་པ་རྣམ་རྟོག་དང་མཚུངས་པ་ཡིན་པར་བསྟན་པ་ནི། འཕོ་བ་རབ་ཏུ་གྲུབ་པས་ན་ཞེས་བྱ་བའོ། །ཡུལ་གཞན་བཞིན་དུ་གོམས་པའི་ཁྱད་པར་གྱི་བསྐྱེད་བྱར་འདོད་པ་ཡིན་ཏེ་ཤིན་ཏུ་ཆེར་མཐོང་བའི ་ཕྱིར་སྐྱེ་བ་སྔ་མ་ལས་འཕོས་པ་རྗེས་སུ་དཔག་པའི་ཡུལ་ཡིན་པར་བསྟན་པ་ནི། སྐྱེ་བ་དང་པོའི་སེམས་ཀྱི་འདུ་བྱེད་པའི་འབྲས་བུ་ཞེས་བྱ་བའོ། ཡུན་རིང་པོར་མི་གནས་པས་གཟུང་བ་ལ་འཁྲུལ་པ་ཡིན་ཡང་བག་ཆགས་ཀྱི ་བསྐྱེད་བྱ་ཉིད་ལ་མི་གནོད་པའི་ཕྱིར་དཔེ་མིན་པར་སྔར་བསྟན་ནས་ད་ལྟར་ནི། གཟུང་བ་ལ་ཡང་འཁྲུལ་པ་མ་ཡིན་ནོ་ཞེས་བྱ་བ་ཁྱད་པར་ཡིན་ནོ། །གསལ་བ་ཞེས་བྱ་བ་ནི་མངོན་པར་འདོད་པའི་ཁྱད་པར་ཏེ་གོམས་པའི་བསྐྱེད་བྱའི ་མངོན་པར་འདོད་པའི་ཁྱད་པར་དང་ལྡན་པ་ནི་སྐྱེ་བ་འདི་ལ་གོམས་པ་མེད་པའི་ཕྱིར་སྐྱེ་བ་སྔ་མའི་གོམས་པ་དང་ལྡན་པ་ཡིན་པར་རྟོགས་པ་ཡིན་ལ་དེའི་ཕྱིར་འཕོས་པ་ཡིན་པར་རྟོགས་པའི་དོན་བསྟན་པ་ནི། ལུས་ལ་ཀུན་ཏུ་འཛིན་ཞེས་བྱ་བ་སྟེ། རེ་ཞིག་དང་པོ ་ཞེས་བྱ་བ་ནི་འབྲས་བུ་སྟེ་ཕྱོགས་ཀྱི་ཆོས་སོ། །སྔོན་གྱི་གོམས་པའི་ཞེས་བྱ་བ་ནི་བསྒྲུབ་བྱ་སྟེ་དེ་འཛིན་པར་བྱེད་པ་ཡང་ཡིན་པར་བསྟན་ལ་དེ་ནི་འདི་ལྟར་ཕྱིས་ཁྱབ་པ་གྲུབ་པ་ཡིན་ན་ཁྱད་པར་འགྲུབ་པ་རྗེས་སུ་དཔག་པའི་འབྲས་བུ་ཡིན་པར་བསྟན་པ་ནི ་སྔོན་གྱི་ལུས་ལ་ཀུན་ཏུ་འཛིན་པ་གོམས་པ་ཞེས་བྱ་བའོ། །ལྡོག་པ་བསྟན་ནས་རྗེས་སུ་འགྲོ་བ་བསྟན་པ་ནི། དེའི་ཤུགས་ཀྱིས་ཞེས་བྱ་བ་སྟེ། སྐྱེ་བ་འདི་ལ་གོམས་པ་མེད་པ་ཡིན་ན་གོམས་པའི་བསྐྱེད་བྱའི་ཁྱད་བར་སྐྱེ་བ་གཞན་ལ་གོམས་པ་ཡིན ་པར་སྒྲུབ་པར་བྱེད་པས་འཕོ་བ་སྒྲུབ་བར་བྱེད་པ་ཡིན་ནོ་ཞེས་བྱ་བའི་དོན་ཏོ། །ཁྱབ་བར་ཉེ་བར་མ་བཞག་པས་རྗེས་སུ་དཔག་པ་མི་འཇུག་པར་བསྟན་པ་ནི། དེ་ལྟ་མ་ཡིན་ན་ནི་ཞེས་བྱ་བའོ། །འབྲས་བུ་ལས་རྒྱུ་རྟོགས་བཞིན་པ་ནི། ཡུལ་དང་དུས་དེ་ལས་ཡིན ་གྱི་ཡུལ་དང་དུས་གཞན་ལས་མི་མ་ཡིན་ནོ་ཞེས་བྱ་བ་དེ་ཙམ་གྱི་རྗེས་སུ་དཔག་པ་འཇུག་པ་མ་ཡིན་ནམ་དེ་ཉིད་འདིར་འཕོས་པ་ནི་མ་ཡིན་ནོ་སྙམ་དུ་སེམས་པ་ནི། འོན་ཏེ་འཕོ་བ་ལ་མངོན་སུམ་མེད་བས་ཞེས་བྱ་བ་སྟེ། འཕོ་བ་ལ་ཁྱབ་པ་འཛིན་པ་མེད ་དོ་ཞེས་བྱ་བའི་དོན་ཏོ། །འབྲས་བུ་ལ་རྒྱུ་ཙམ་དུ་རྟོགས་པ་ལ་ནི་འཕོ་བ་མ་ཡིན་ཏེ། རྒྱུ་ཐ་དད་པ་ཡུལ་ཡིན་པའི་ཕྱིར་རོ། །རྒྱུད་གཅིག་ཡིན་ན་སྐྱོན་དེ་མེད་པར་བསྟན་པ་ནི། རྗེས་དཔག་བྱ་ལ་མངོན་སུམ་ནི་ཞེས་བྱ་བ་སྟེ། འབྲས་བུའི་སེམས་ལས ་རྒྱུའི་སེམས་རྟོགས་བཞིན་པ་ནི་དེ་ཁོ་ན་འདི་ཡིན་ཞེས་རྒྱུད་གཅིག་འཛིན་པའི་ཡུལ་ཡིན་པའི་ཕྱིར་འཕོ་བ་ཁོ་ན་ཡུལ་ཡིན་ཞེས་བྱ་བའི་དོན་ཏོ། །འཕོ་བའི་འབྲས་བུ་ཉིད་དུ་འགར་ཡང་ཅུང་ཟད་ཉེ་བར་དམིགས་པ་གཞན་དུ་ཡང་དམིགས ་ན་འཕོ་བ་ཡིན་པར་རྟོགས་པར་བྱེད་པ་མ་ཡིན་ནམ་ཞེས་ཐུན་མོང་བས་ཡིན་ནོ་སྙམ་དུ་སེམས་པ་ནི། འོན་ཏེ་དེའི་རིགས་ལ་ཞེས་བྱ་བའོ། །མངོན་པར་འདོད་པའི་ཁྱད་པར་ནི་ལུས་སམ་དེ་ལ་ཕན་བྱེད་པ་ཡང་རུང ་གོམས་པ་སྔོན་དུ་འགྲོ་བ་ཅན་ཉིད་དུ་དམིགས་པ་ལ་རྗེས་སུ་དཔག་པ་འཇུག་པར་བྱེད་པའི་ཕྱིར་དེའི་རིགས་ལ་མངོན་སུམ་དུ་འཇུག་པ་མེད་པ་མ་ཡིན་པར་བསྟན་པ་ནི། རེ་ཞིག་ལུས་སམ་ཞེས་བྱ་བའི་ལུས་ཉིད་གཅིག་ལ་མངོན་པར་འདོད་པའི་བྱེ ་བྲག་ནི་གོམས་པའི་སེམས་སྔོན་དུ་འགྲོ་བ་ཅན་དུ་དམིགས་པ་ཡིན་གྱི་ལུས་གཞན་ལ་ནི་མ་ཡིན་པ་མ་ཡིན་ནམ་དེ་ལ་ནི་འཕོ་བར་འདོད་པ་ཡིན་ནོ་སྙམ་དུ་སེམས་པ་ནི། ཇི་ལྟར་དེའི་རིགས་ལ་ཞེས་བྱ་བ་ཞེས་བྱ་བའོ། །ལན་ནི་གལ་ཏེ་མངོན ་སུམ་གྱིས་འཕོ་བ་མ་མཐོང་ཡང་འཕོ་བ་དང་རྗེས་སུ་མཐུན་པའི་ཞེས་བྱ་བ་སྟེ། གོམས་པའི་བསྐྱེད་བྱའི་དངོས་པོ་ནི་ལུས་འདི་ལ་གོམས་པ་མེད་པས་སྐྱེ་བ་སྔ་མའི་ལུས་ཀྱི་གོམས་པ་ཡིན་པར་རྟོགས་པས་འཕོ་བར་རྟོགས་པ་ཡིན ་པར་བརྗོད་དོ་ཞེས་བྱ་བའི་དོན་ཏོ། །རྗེས་སུ་དཔག་པ་ཐམས་ཅད་ལ་སྤྱིས་རྗེས་སུ་འགྲོ་བ་ཡིན་ལ་ཁྱད་པར་ནི་ཇི་ལྟ་བ་བཞིན་མ་ཡིན་པའི་འབྲེལ་བ་འཛིན་པའི་ཡུལ་མ་ཡིན་པར་བསྟན་པ་ནི་དུ་བ་ལས་ཤེས་བྱ་བའོ། །ལུས་གཞན་ལས ་ལུས་གཞན་དུ་འཕོ་བ་སྒྲུབ་པ་ལ་དེ་ལས་བཟློག་པའི་ལུས་གཞན་ལ་འཕོ་བར་སྒྲུབ་པར་བྱེད་པར་འགལ་བ་མ་ཡིན་ནམ། རྨི་ལམ་གྱི་ལུས་ལ་འཕོ་བར་མཐོང་བའི་ཕྱིར་ཞེས་བྱ་བ་འདི་ལ་ཡང་བདེན་པའི་ལུས་གཞན་ལ་འཕོ་བ་སྒྲུབ་པ་ལ་དེ་ལས། བཟློག ་པ་མི་བདེན་པའི་ལུས་གཞན་ལ་འཕོ་བར་སྒྲུབ་པར་བྱེད་པའི་ཕྱིར་འགལ་བ་ཡིན་ནོ་སྙམ་དུ་སེམས་པ་ནི། འོན་ཏེ་ཡང་དཔེར་ན་ཞེས་བྱ་བ་ལ་སོགས་པའོ། །དེའི་ཕྱིར་འཇིག་རྟེན་ཕ་རོལ་ནི་བདེན་པར་ཞེས་བྱ་བ་ནི་ཇི་ལྟར་མཐོང་བའི་རྗེས་སུ ་དཔག་པ་འཇུག་པ་ཡིན་ན་དེ་ལྟ་ན་ཡང་འགལ་བ་ཁོ་ན་ཡིན་ཞེས་བྱ་བའི་དོན་ཏོ། །རྨི་ལམ་བཞིན་དུ་ཡང་འཕོ་བར་སྒྲུབ་པ་ཡིན་ན་དེ་ཁོ་ན་བཞིན་དུ་འཕོ་བའི་འགལ་བ་རྣམ་པར་བཅད་པ་ནི་འདོད་པ་དང་འགལ་འགྲུབ་པར་འགྱུར་རོ་ཞེས་ཟེར་བ་ནི། ཡང་ཇི ་ལྟར་ཞེས་བྱ་བའོ། །ལུས་གཞན་ལ་འཕོ་བ་དོར་བ་ནི་ལུས་དེ་ཉིད་དུ་འཕོ་བ་ཡིན་ན་འགལ་བ་ཡིན་པར་ལན་གདབ་བར་འདོད་པས་ལུས་དེ་ཉིད་ཀྱིས་ཞེས་བྱ་བ་སྨོས་སོ། །མི་བདེན་བ་ལས་འོངས་བར་འགྱུར་ཞེས་བྱ་བའི་ལན་ནི། རྨི་ལམ་རིག་པ་ཐམས ་ཅད་ནི་ཞེས་བྱ་བའོ། །གཏན་དུ་རྣམ་ཆད་པ་ཞེས་བྱ་བའི་ལན་ནི། སད་པ་དག་དང་འབྲེལ་པར་དམིགས་ཞེས་བྱ་བའོ། །གལ་ཏེ་ལུས་དེ་ཉིད་ལ་འཕོ་བ་ལ་ནི་མངོན་སུམ་གྱིས་གནོད་པ་ཡིན་ལ་ལུས་གཞན་ལ་ཡང་མ་མཐོང་བའི་ཕྱིར་འཕོ་བ་ཉིད་དུ་མ ་འགྱུར་རོ་སྙམ་དུ་སེམས་པ་ལ། དེ་རྣམ་པར་འགྲེལ་བ་ན་འདི་ནི་བཤད་ཟིན་ཏེ། གོམས་པའི་བསྐྱེད་བྱའི་ཁྱད་པར་ནི་དེ་མེད་ན་མི་འབྱུང་ལ་འདི་ལ་ནི་དེ་མེད་པའི་ཕྱིར་སྲིད་པ་སྔ་མ་ལ་དེས་པས་ལུས་དེ་དང་འབྲེལ་བ་ཡིན་ནོ་ཞེས་བྱ་བའི་དོན་ཏོ། །ཡོངས་སུ ་གཏང་བ་ཞེས་བྱ་བ་རྣམ་པར་འགྲེལ་པ་ནི་སྔོན་གྱི་ལུས་མཐོང་བ་ཉིད་ཅེས་བྱ་བའོ། །སྐྱེ་བ་སྔ་མའི་ལུས་ནི་དུས་ལ་སོགས་པས་བསྐལ་པ་ཡིན་པའི་ཕྱིར་མི་སྣང་བ་ཡིན་ན། ཇི་ལྟར་མ་མཐོང་བས་མེད་པར་འབྱུང་ཞེས་ཟེར་བ་ནི། སྔོན་གྱི་ལུས་མ ་གྲུབ་པར་ཞེས་བྱ་བའོ། །མི་སྣང་བ་ཡང་རྗེས་སུ་དཔག་པ་ལས་འགྲུབ་པར་བསྟན་པ་ནི། མ་ཡིན་ཏེ་གང་གི་ཚེ་ལུས་ལ་སོགས་ཞེས་བྱ་བའོ། །རྗེས་སུ་དཔག་བྱ་ལ་མ་མཐོང་བ་ཙམ་ལས་མེད་པ་ཇི་ལྟར་འགྲུབ་པ་ཡིན་སྙམ་དུ་སེམས ་པ་ལ། དེ་ལ་དེ་ལྟར་ལུས་ཉིད་མེད་པ་ལ་མི་དམིགས་པ་ཚད་མ་ཁོ་ནར་ཡིན་ཏེ། དེའི་བདག་ཉིད་ཀྱི་ཁྱད་པར་ཡིན་པའི་ཕྱིར་རོ་ཞེས་བསྟན་པ་ནི། ལུས་དེ་ད་ལྟར་དམིགས་པ་ནི་མ་ཡིན་ནོ་ཞེས་བྱ་བའོ། །ཐ་དད་པ་དགག་པར་བྱ་བ་ལ་གཞན་གྱི་མི ་སྣང་བ་མི་དམིགས་པ་སྒྲུབ་པར་བྱེད་པ་མ་ཡིན་པར་བསྟན་པ་ནི། འདས་པ་མ་དམིགས་པས་ཤེས་བྱ་བའོ། །དེའི་བདག་ཉིད་དགག་པ་ཉེ་བར་བསྡུ་བ་ནི། དེ་ནས་སྔོན་གྱི་ལུས་ཞེས་བྱ་བའོ། །རྨི་ལམ་དུ་རིག་པ་ཐམས་ཅད་ཅེས ་བྱ་བ་ནི། ཇི་སྒང་དུ་ཇི་ལྟར་ཞེས་བྱ་བ་ལ་སོགས་པ་ནས་འཆད་པར་འགྱུར་རོ་ཞེས་བྱ་བའི་བར་གྱི་བཤད་པ་ཡིན་ནོ། །རྨི་ལམ་བཞིན་དུ་ཐམས་ཅད་རིག་པ་ཙམ་ནི་འབྲས་བུ་དང་ཅིག་ཤོས་ཉིད་དུ་བདེན་པ་ཡིན་གྱི་གཟུང་བ་དང། འཛིན་པས ་མ་ཡིན་ཏེ་རྣམ་པར་རྟོག་པ་ཙམ་ཡིན་པའི་ཕྱིར་རོ་ཞེས་བསྟན་པ་ནི་ཡང་ན་ཞེས་བྱ་བའོ། །གལ་ཏེ་ཐམས་ཅད་རྨི་ལམ་དང་མཚུངས་པ་ཉིད་ཡིན་ན་ཐོགས་པ་དང་བཅས་པ་ནི་སད་པ་ན་ཡིན་གྱི་གཞན་ལ་ནི་དེ་ལས་བཟློག་པ་ཡིན་ནོ་ཞེས་རྣམ་པར ་དབྱེ་བ་ཇི་ལྟར་ཡིན་བག་ཆགས་ཀྱི་རྣམ་པར་དབྱེ་བ་ལས་ཡིན་པར་བསྟན་པ་ནི། དེའི་ཕྱིར་གཞན་ནས་ཞེས་བྱ་བ་སྟེ། ཐོག་མ་དང་བཅས་པ་ཉིད་ལ་སོགས་པ་ཡང་རིག་པའི་གདག་ཉིད་ཡིན་གྱི་ཕྱི་རོལ་དུ་རྣམ་པར་འཇོག་པའི་རྒྱུ་མཚན་ནི་མ ་ཡིན་ནོ་ཞེས་བྱ་བའི་དོན་ཏོ། །གནས་དང་འཆི་བ་ལ་སོགས་པ་ཡང་ལས་ཀྱི་བག་ཆགས་སྣ་ཚོགས་པ་ཁོ་ན་ཡིན་བར་བསྟན་པ་ནི། འཆི་བ་ལ་སོགས་པ་ནི་གནས་པའི་ཞེས་བྱ་བ་སྟེ། དཔེ་ལ་ལུས་ལ་མ་བོར་ན་འཕོ་བ་འམ་མི་བདེན་པ་ཉིད་ཀྱི ་ཁྱད་པར་ནི་མངོན་པར་འདོད་པ་མ་ཡིན་པའི་ཁྱད་པར་ལ་སོགས་པའི་འབྲས་བུའི་ཁྱབ་བྱེད་མ་ཡིན་པའི་ཕྱིར་འཕོ་བ་ཙམ་སྒྲུབ་པར་བྱེད་པ་དང་འགལ་བ་མ་ཡིན་ལ་བུམ་པ་ལ་ཆོས་པར་བྱ་བ་ཉིད་ཀྱི་ཁྱད་པར་ནི་མི་རྟག་པ་ཉིད་དུ་གསལ་བར ་བྱེད་པའི་ཁྱབ་བྱེད་མ་ཡིན་ཏེ། དེ་ལྟ་མོད་ཀྱི་དེ་ཙམ་གྱི་ནི་མ་ཡིན་ནོ། །འདི་ལ་ཡང་འཕོ་བ་ཙམ་ཁྱབ་བྱེད་ཡིན་གྱི་ཅིག་ཤོས་ནི་མ་ཡིན་ཏེ་ནན?་ཁོ་ན་བཞིན་དུ་དམིགས་པའི་ཕྱིར་རོ་ཞེས་བསྟན་པ་ནི་ལུས་དེ་ཉིད་ཀྱི་འཐོབ་ལ་ཞེས་བྱ་བའོ། ་བསྐྱེད་བའི་ཁྱད་པར་ཅན་སེམས་པ་ཅན་མ་ཡིན་པའི་ཉེ་བར་ལེན་པ་ཉིད་ལ་ངེས་པ་ཅན་ཙམ་གྱིས་ཁྱབ་བ་ནི་བློ་དང་ལྡན་པ་རྣམས་ཀྱི་དེའི་ཁྱད་པར་མ་ཡིན་པའི་ཕྱིར་དེ་ཙམ་ལས་དམིགས་པ་དང་ལྡན་པའི་རྒྱུ་ཉིད་དུ་གྲུབ་པ་ནི་མ་ཡིན་ནོ་ཞེས་བྱ་བའི་དོན་ཏོ། །རྨི ་ལམ་གྱི་ཤེས་པ་ཡང་མངོན་པར་འདོད་པའི་ཁྱད་པར་དང་འབྲེལ་པའི་ཕྱིར་ཕྱི་རོལ་ཉིད་ལ་གནོད་པ་ཡིན་ཡང་རང་གི་ངོ་བོ་མེད་པ་མ་ཡིན་པས་རྒྱ་ཉིད་མ་ཉམས་པ་ཡིན་པར་བསྟན་པ་ནི་།རྨི་ལམ་རིག་པ་ཐམས་ཅད་ནི་ཞེས་བྱ་བ་སྟེ། བདེན་པ་དང་མི ་བདེན་པ་ཉིད་ནི་ཡུལ་གྱི་གནོད་པ་དང་གནོད་པ་མ་ཡིན་པ་དག་གིས་ཡིན་གྱིས་རང་གི་ངོ་བོ་སྒྲུབ་པར་བྱེད་པ་ལས་ནི་མ་ཡིན་ཞིང་རྨི་ལམ་ཉིད་ལ་འང་རྗེས་སུ་འབྲེལ་བ་ཉིད་མཐོང་ནས་གཞན་ལ་ཡང་དེ་ཁོ་ན་བཞིན་དུ་སྒྲུབ་པར་བྱེད་པ་ཡིན་ཞེས་བྱ་བའི་དོན ་ཏོ། །དེའི་ཕྱིར་དེ་བཞིན་དུ་ལུས་ཀྱི་འབྲས་བུ་སེམས་ཡིན་ན་ལུས་ཁོ་ན་གནས་པ་སྒྲུབ་པར་བྱེད་པ་ཡིན་གྱི་དབུགས་ལ་སོགས་པ་ནི་མ་ཡིན་ཏེ། དེ་ཡང་གཞན་གྱི་བསྐྱེད་བྱ་ཉིད་ཡིན་ན། སེམས་ཀྱི་དབང་ཉིད་ལ་སོགས་པས་དེའི་བསྐྱེད་བྱ་ཉིད་མིན ་པའི་ཕྱིར་རོ། །འོན་ཏེ་དང་པོ་ལུས་ཀྱིས་སམ་དེས་བསྐྱེད་པའི་སེམས་ཀྱིས་དབུགས་ལ་སོགས་པ་བསྐྱེད་པ་ཡིན་ལ་དེའི་འོག་ཏུ་རྒྱུ་ཙམ་དང་འབྲེལ་པ་ཅན་གྱི་སེམས་བགྱི་གནས་པ་སྒྲུབ་བར་བྱེད་པར་འགྱུར་རོ། །དེ་ནི་དེ་ལྟ་མ་ཡིན་ཏེ་།དབུགས་ལ་སོགས ་པ་དང་འབྲེལ་པ་ཉིད་སེམས་ཀྱི་བསྐྱེད་བྱ་ཉིད་དུ་ཤེས་པའི་ཕྱིར་ཏེ་དེ་ཡོད་རླུང་འབྱིན་པ་དང་འདྲེན་པ་ནི་འབད་རྩོལ་མེད་པར་གང་ལས་ཡིན་ཞེས་གསུངས་པ་སྟེ། འབད་པ་དང་ལྡན་པའི་སེམས་ཀྱི་རྒྱུན་གྱིས་བརྗོད་པ་ལ་སོགས་པ་བཞིན་དུ་རླུང་འབྱིན་པ ་འདྲེན་པ་འཕངས་པ་ཡིན་ཏེ། གོམས་པས་གསལ་པོ་ཡིན་པ་དེས་དུས་བྱས་པ་ཡིན་པའི་ཕྱིར་དེ་མེད་ཀྱང་རྗེས་སུ་འཇུག་པ་ཁོ་ན་ཡིན་ལ་དེ་བཞིན་དུ་འབྲས་བུ་གཞན་སྐྱེད་པར་བྱེད་པ་ལ་ལྷུན་གྱི་ས་གྲུབ་པ་མ་ཡིན་པའི་འབད་པ་དང་ལྡན་པས་འཐད་པ ་སྔ་མའི་འདུ་བྱེད་པ་ལ་བར་དུ་བཅད་པའི་ཕྱིར་རླུང་འབྱིན་བ་ལ་སོགས་པ་བཀག་པར་འགྱུར་ལ་དེ་ལོག་ན་ཡང་སྔ་མ་ཁོ་ན་ལས་འཕེལ་བར་བྱེད་པ་ཡིན་ནོ་དེའི་ཕྱིར་སེམས་ཁོ་ན་དབུགས་ལ་སོགས་པའི་གནས་པ་སྒྲུབ་པར ་བྱེད་པ་ཡིན་གྱི་དེ་དག་ནི་སེམས་ཀྱི་མ་ཡིན་པའི་ཕྱིར་ལུས་ཁོ་ན་བསྐྱེད་པ་འམ་གནས་པ་ལ་དེའི་སྒྲུབ་བྱེད་ཡིན་གྱི་གཞན་ནི་མ་ཡིན་ནོ། །དེའི་ཕྱིར་ལུས་ཡོད་ན་སེམས་ལྡོག་པར་མི་འགྱུར་བ་ཁོ་ནར་ཐལ་བར་འགྱུར་པ་གྲུབ་པ་ཡིན་ནོ། །སེམས ་ཀྱི་རྒྱུ་སེམས་ཡིན་ན་དེ་གནས་པ་སྒྲུབ་པར་བྱེད་པ་དེ་ལ་སྲིད་པ་དང་བཅས་པའི་ལས་ནི་ལུས་ལ་མངོན་པར་ཆགས་པའི་བྱེད་པར་བཞིན་དུ་སེམས་ཀྱི་ངོ་བོ་གཞན་ཡོད་པའི་ཕྱིར་དེ་ཡོད་པ་དང་མེད་པ་དག་གི་ལུས་ཡོད་ཀྱང་སེམས་ཡོད ་པ་དང་མེད་པར་འགལ་བ་མེད་དོ། །ལུས་ཡོད་ཀྱང་སེམས་ལྡོག་པའི་ཕྱིར་གཞན་སྒྲུབ་བྱེད་ཡིན་གྱི་ལུས་ནི་མ་ཡིན་ནོ་ཞེས་བྱ་བ་དེ་དག་ཙམ་དུ་གོ་བ་མ་ཡིན་ནམ་དེ་ནི་ལས་སམ་གཞན་ཡིན་པར་ཅི་ལས་ཤེས། རེ་ཞིག་མཐོང་བ་ནི་མ་ཡིན ་ཏེ་དེ་ནི་དབང་པོ་ལས་འདས་པ་ཡིན་པའི་ཕྱིར་རོ། །གཞན་དུ་སྣང་བ་ཡིན་པ་ལ་དེར་རྟོགས་པ་མ་ཡིན་ནོ། །ལུས་ཀྱི་གནས་སྐབས་ཀྱི་ཁྱད་པར་ལ་རླུང་ལ་སོགས་པའི་སྐྱོན་མཚུངས་པ་ཉིད་དུ་འཇིག་རྟེན་ཐམས་ཅད་ལ་གྲུབ་ན་སེམས ་གནས་པ་ཡིན་ལ་དེ་དང་མི་མཉམ་པ་ཡིན་ན་ལུས་དང་མི་མཐུན་པའི་ཕྱིར་ལྡོག་པ་ཡིན་ནོ། །མི་མཉམ་པ་ལ་སོགས་པ་ཡང་རིམས་ལ་སོགས་པའི་རྣམ་པར་འགྱུར་བ་ཡོད་པ་དང་མེད་པ་དག་གིས་ཤེས་པ་ཡིན་ནོ། །གང་གི་ཚེ་རྣམ ་པར་མི་འགྱུར་བ་དེའི་ཚེ་ཡང་དེའི་མི་མཉམ་པ་ཁོ་ན་སེམས་ལྡོག་པའི་སྒྲུབ་བྱེད་ཡིན་པར་མཐོང་བའི་ཤུགས་ཀྱིས་རྟོགས་པ་ཡིན་ནོ། །རྣམ་པར་འགྱུར་བ་ལས་རྗེས་སུ་དཔག་པའི་མི་མཉམ་པ་ནི་ལྡོག་བྱ་སེམས་ལྡོག་པ་དེ་ལྟ་བུའི་ཕུལ ་དུ་བྱུང་བ་ཡིན་པར་ལུས་ལ་སྒྲོ་བཏགས་པ་ཡིན་ལ་ཇི་ལྟར་དེར་ཡང་སྐྱེ་བར་མི་འགྱུར་བར་རོ། །སེམས་ནི་སེམས་གཞན་གྱི་བསྐྱེད་བྱ་མ་ཡིན་ཏེ། ལུས་ཀྱི་བསྐྱེད་བྱ་ཡིན་པའི་ཕྱིར་རོ། །ལུས་དང་སེམས་ཀྱི་རྒྱུན་གཉིས་རྗེས་སུ་འཇུག་པ་ནི་མེ་དང་དུ ་བའི་རྒྱུན་གཉིས་སུ་འཇུག་པ་ལྟ་བུའོ། །དེ་དག་ཙམ་གྱིས་སེམས་ནི་སྐྱེད་བྱེད་མ་ཡིན་ལ་ལུས་ལས་ཀྱང་ལན་ཅིག་སྐྱེས་པ་སྐྱོན་གྱི་མི་མཐུན་པ་སྐྱེས་ཀྱི་བར་དུ་རྗེས་སུ་འཇུག་པ་ཡིན་ལ་མཉམ་པ་ནི་གནས་པ་སྒྲུབ་པར་བྱེད་པ་ཡིན་ནོ། །དེ་བཞིན ་དུ་གོམས་པ་ཡང་གཞན་ལས་སྐྱེ་བའི་སེམས་ཉིད་ལ་བུམ་པ་མེ་དང་ཕྲད་པ་བཞིན་དུ་ཕན་འདོགས་པར་བྱེད་པ་ཡིན་ནོ་སྙམ་དུ་སེམས་པ་ནི། གལ་ཏེ་སྡོང་བུ་ལ་སོགས་བཞིན། །ཉེས་པས་མི་མཐུན་ལུས་རྒྱུ་མིན་ཞེས་བྱ་བ་སྟེ། མར་མེའི་སྡོང ་བུ་ནི་ཆུ་ལ་སོགས་པའི་ཉེ་བར་གནོད་པས་ནི་མར་མེའི་རྩེ་མོའི་རྒྱུན་གྱི་སྒྲུབ་བྱེད་མ་ཡིན་ལ་སྐྱོན་དེ་དང་བྲལ་ན་ཡང་མི་ལྡོག་པར་གནས་པ་མ་ཡིན་ཏེ། འདི་ལ་མཐོང་བ་ལས་གཞན་པའི་རྒྱུར་རྟོགས་པ་ཡང་མ་ཡིན་ནོ་ཞེས་བྱ་བའི་དོན་ཏོ། །འདི ་ལ་ལན་དུ། ཤི་བ་ཉེས་པ་མཉམ་འགྱུར་ཚེ། །སླར་ཡང་འཚོ་བ་ཡང་དག་འགྱུར་ཞེས་བྱ་བ་སྨོས་ཏེ་གོམས་པ་ལས་བྱུང་བའི་ཤེས་རབ་དང། མི་བརྗེད་པའི་བློ་ལ་སོགས་པ་དང། ཡང་དག་པར་ལྡན་པའི་སེམས་ཡིན་པར་སྐྱེ་བའི་དང་པོ་ལ་སྣང་བ ་ཡིན་གྱི་དེ་དང་འདྲ་བ་ནི་མ་ཡིན་ཏེ། རྩ་བ་དང་ས་བོན་ལས་བྱུང་བའི་ཆུ་ཤིང་བཞིན་དུ་དེ་ཉིད་དུ་རྟོགས་པ་ཡིན་པའི་ཕྱིར་བསྲུབས་ཤིང་བསྲུབས་པ་ལས་བྱུང་བའི་མིའི་བསྐྱེད་བྱ་མེ་ཡིན་པ་བཞིན་དུ་དེ་ཉིད་དུ་ཤེས་པ་ཡང་མ་ཡིན་ཏེ། གནོད་པ་ཅན་མེད་པའི ་ཕྱིར་རོ། །དེ་དག་ལ་བརྩོན་འགྲུས་ཀྱི་དབྱེ་བ་གནོད་པ་ཅན་ཡིན་ནོ། །བསྲུབས་ཤིང་བསྲུབས་པ་ལས་བྱུང་པའི་མེ་ལ་བསྲེགས་པའི་ལྕགས་ཀྱི་གར་བུ་ནི་དེའི་མོད་ལ་རྨ་འབྲུབས་པར་བྱེད་པ་ཐོས་པ་ཡིན་ནོ། །དེ་བཞིན་དུ་གཞན་ལ་ཡང་ཇི་ལྟར ་སྲིད་པའི་གནོད་པ་ཅན་དུ་གོ་བར་བྱའོ། །འདི་ལ་ཡུལ་གཞན་ནས་འོངས་པའི་མིའི་ཤེས་རབ་ལ་སོགས་པ་བཞིན་དུ་གོམས་པའི་སྔོན་དུ་འགྲོ་བ་ཅན་ཉིད་ལ་ནི་གནོད་པ་ཅན་ཅུང་ཟད་ཀྱང་མེད་པ་ཡིན་ཏེ། དེའི་བསྐྱེད་བྱ་ཉིད་ཀྱི ་ཁྱད་པར་མཐོང་བའི་ཕྱིར་རོ། །དེ་བཞིན་དུ་རང་གི་རིགས་ཀྱི་བསྐྱེད་བྱའི་སེམས་ནི་ལུས་དང་ལྷན་ཅིག་གནས་པ་ཡིན་ཏེ་མངོན་པར་འདོད་པའི་རང་བཞིན་ཡིན་པའི་ཕྱིར་ལ་མངོན་པར་འདོད་པའི་རང་བཞིན་ཡང་ལྷན་ཅིག་པར་རྒྱུ་མཚན་དུ་མཐོང་བ ་ཁོ་ན་ཡིན་ནོ། །དེ་མེད་ན་གང་དག་དང་ཡང་གར་ཡང་ལྷན་ཅིག་གནས་པ་མ་ཡིན་ནོ། །དེ་མེད་ན་དེ་ལས་བཟློག་པ་ལ་ཇི་ལྟར་འདོད་པ་བཞིན་འཇུག་པ་ཁོ་ན་ཡིན་པར་འདི་ཡང་མཐོང་བ་ཁོ་ན་ཡིན་ན་དེ་དག་ཙམ་གྱིས་ཀྱང་འདིའི་ཇི་ལྟར་འདོད་པ་ཕུན་སུམ ་ཚོགས་པ་མ་ཡིན་པའི་ཕྱིར་དེ་ལ་མངོན་པར་འདོད་པའི་སྙིང་པོ་ཅན་ནི་སྦྱིན་པ་ལ་སོགས་པའི་རྒྱུ་མཚན་ཀུན་ཏུ་སྤྱོད་པ་བྱེད་པ་ཡིན་ནོ། །དེའི་ཚེ་ཡང་ཇི་ལྟར་འདོད་པ་ཕུན་སུམ་ཚོགས་པར་འགྱུར་ཏེ། བསྙེན་བཀུར་དང་འདོད་པ་ལ་སོགས་པ་ལྟ་བུ་ཡིན་པར ་བརྗོད་དེ་བསྙེན་བཀུར་ལ་སོགས་པ་ཙམ་གྱི་འབྲས་བུ་འགྲུབ་པ་མ་ཡིན་ཏེ། ད་ལྟར་བའི་མངོན་པར་འདོད་པ་ནི་འདིའི་འཕེན་བྱེད་མ་ཡིན་པའི་ཕྱིར་རོ། །དེའི་ཕྱིར་འདི་ལྟར་རང་གི་རིགས་ལས་སྐྱེས་པའི་སེམས་མངོན་པར་འདོད་པའི་སྙིང་པོ་ཅན་གནས ་པ་ནི་དེས་དྲངས་པའི་སྐྱོན་མཉམ་པའི་རྒྱུ་མཚན་ཙམ་ཡིན་གྱི། གཞན་དུ་ན་དེ་དག་གི་རིམས་ལ་སོགས་པའི་རྣམ་པར་འགྱུར་བ་ཡོད་པ་དང་མེད་པ་གོ་བྱ་ཡིན་པའི་ཕྱིར་རོ། །སེམས་ཡོད་པ་དང་མེད་པ་དག་ཀྱང་ཇི་སྐད་བསྟན་པའི་རིགས་པས ་གཞན་དུ་ཡང་གྲུབ་པ་ཡིན་ཏེ་གོ་བྱེད་མ་ཡིན་པའི་ཕྱིར་རོ། །རྣམ་པར་འགྱུར་པ་མེད་ན་གང་ལ་ཡང་མི་མཐུན་པ་མེད་པས་མཉམ་པའི་དེའི་བསྐྱེད་བྱ་སེམས་གནས་པ་ཡིན་པ་བཟློག་པར་སུས་ནུས་པར་འགྱུར་ཏེ། རྣམ་པར་འགྱུར་བ་ཕྲ་མོ ་ཡོད་པ་དང་མ་ཡིན་ཏེ། དེ་རྟོགས་པའི་ཚད་མ་མེད་པའི་ཕྱིར་རོ། །ལན་ཅིག་རྗེས་སུ་དཔགས་པའི་མི་མཐུན་པ་ཉིད་ལྡོག་པ་ནི་སེམས་ཀྱི་གཉེན་པོ་འདུ་བྱེད་པར་སྒྲོ་བཏགས་པ་ཡང་མ་ཡིན་ཏེ་རིམས་ནད་ཅན་ཐམས་ཅད་འཆི་བར་ཐལ་བར་འགྱུར་བས་གསོ ་བར་རྩོམ་པ་འབྲས་བུ་མེད་པར་ཐལ་བར་འགྱུར་པར་སྨྲ་བའི་ཕྱིར་རོ། །ལས་ནི་ངེས་པར་སྦྱོར་བ་ལས་འཇོག་བྱེད་དམ་ཟློག་བྱེད་མ་ཡིན་ཏེ། ཤེས་པ་མཉམ་པ་དང་མི་མཉམ་པར་སྒྲོ་བཏགས་པའི་སྒོ་ནས་བདག་ཉིད་འཇུག་པ་དང་ལྡོག་པ་ཙམ་གྱི་རྒྱུ ་མཚན་ཡིན་པའི་ཕྱིར་དེའི་འཇུག་པ་དང་ལྡོག་པ་དག་ཡིན་ནོ། །ལས་ཀྱི་འཇུག་པའམ་ལྡོག་པ་ཡང་སྣ་ཚོགས་པ་ཡིན་ཏེ། མཉམ་པ་དང་མི་མཉམ་པ་དང་གཉི་ག་ལ་ཡང་ཡོད་པའི་ཕྱིར་དེ་དག་ནི་གར་ཡང་གནས་པ་མ་ཡིན་ནོ། །དེའི་ཕྱིར ་མཉམ་པ་དང་མི་མཉམ་པ་དག་ནི་དེ་དག་གི་སྒྲུབ་བྱེད་མ་ཡིན་ཏེ། འཁྲུལ་པའི་ཕྱིར་དང་ངེས་པ་ཅན་མ་ཡིན་པ་ནི་སྒྲུབ་བྱེད་མ་ཡིན་པའི་ཕྱིར་དང་རྣམ་པར་འགྱུར་བའི་རྒྱུ་མ་ཡིན་པ་ཡང་མི་མཉམ་པ་མེད་པར་མི་བྱེད་པའི་ཕྱིར་རོ། །བྱེད་པ་ཉིད ་ཡིན་ཡང་ཇི་ལྟར་ཡང་རྣམ་པར་འགྱུར་པ་ཐོབ་པའི་ཕྱིར་འུ་བུ་ཅག་མཚུངས་པ་ཉིད་མ་ཡིན་ནོ། །ལས་ཟད་པ་ལས་འཆི་བ་ཡིན་པའི་ཕྱིར་གསོ་བར་ནུས་པ་མ་ཡིན་ལ་ལས་ཡོད་ན་རྣམ་པར་འགྱུར་བ་དང་ཚོར་བ་ཟློག་པ་ཡིན་པའི་ཕྱིར་རོ།། ་མི་མཐུན་པ་མེད་པས་མཉམ་པ་ཡིན་ན་དེ་མི་སྐྱེ་བ་ཡིན་པའི་ཕྱིར་ལས་ཡོད་ན་སྐྱེས་བུའི་བྱེད་པ་ལྟ་བུ་ཡིན་གྱི། གཞན་དུ་ན་གསོ་བ་ཐམས་ཅད་འབྲས་བུ་མེད་པ་ཉིད་ཀྱིས་དེ་ལྟ་བུའི་རྣམ་པ་ཁོ་ནའི་རྣམ་པར་འགྱུར་བ་ཡོད་ཀྱང ་འགའ་ཡང་འཆི་བ་མེད་པར་ཐལ་བར་འགྱུར་བའི་ཕྱིར་རོ། །བཅུད་ཀྱི་ལེན་ཡང་ལས་ཡོད་པ་ཁོ་ན་ཡིན་ན་སྣང་བ་ཡིན་ཏེ། ལོ་སྟོང་ལ་སོགས་པར་འཚོ་བའི་རྒྱུ་མཚན་གྱི་ལས་འཁོར་བ་ཐོག་མ་མེད་པར་བསགས་པར་གྱུར་པ་བཅུད་ཀྱིས ་ལེན་བ་ལ་སོགས་པའི་སྦྱོར་བས་བསྒྲུབ་པར་བྱ་བ་འབྱུང་བ་ཡོངས་སུ་གྱུར་པ་ཕན་འདོགས་པར་བྱེད་པའི་ཁྱད་པར་ལ་བལྟོས་ནས་ཚེའི་འདུ་བྱེད་མཚམས་སྦྱོར་བར་བྱེད་པ་ཡིན་ནོ། །ཏིང་ངེ་འཛིན་ནི་དེ་ཡོངས་སུ ་གྱུར་པ་སྐྱེད་པར་བྱེད་པའི་སྒོ་ནས་རང་ཉིད་ཁོ་ན་ཚེ་དང་མཚམས་སྦྱོར་བ་ཡིན་ཏེ། ལས་ཀྱི་ངོ་བོ་ཡིན་པའི་ཕྱིར་ལས་གཞན་འགའ་ལ་ཡང་དེ་བལྟོས་པ་མ་ཡིན་ནོ་ཞེས་བྱ་བའི་དོན་ཏོ། །ལུས་འདི་དེ་ལྟ་བུ་ཁོ་ནའི་གནས་པ་སྒྲུབ་པར་བྱེད་པ་ཡིན་ཞེས ་གནས་པ་སྒྲུབ་པར་བྱེད་པར་མཚུངས་པའི་གནས་སྐབས་དང་ལྡན་པ་ཡིན་ནོ། །གང་གི་ཕྱིར་རྒྱུ་ཚོགས་པ་ནི་འབྲས་བུ་ལ་མི་བསླུ་བ་ཡིན་ནོ་ཞེས་བསྟན་པ་ཡིན་ལ་མཉམ་པ་ཡང་གནས་པའི་ཚོགས་པ་སྒྲུབ་པར་བྱེད་པ་ཡིན་ལ་འཆི་བ་ལ ་ནི་མི་མཉམ་པ་ཡིན་ནོ། །དེ་དག་ཀྱང་འདོད་པའི་རྗེས་སུ་འཇུག་པ་མ་ཡིན་པར་བསྟན་པ་ནི་ལུས་རྒྱུ་ཉིད་ཡིན་ན་ནི་ཞེས་བྱ་པའོ། །དེ་ཉིད་ཀྱིས་ནི་དེ་དག་གིས་འབྲས་བུ་ཡང་གནས་པ་ལ་སོགས་པ་འཁྲུལ་པ་ཅན་ཡིན་པར་བསྟན་པ་ནི། ཉེས་པ ་ཉེ་བར་ཞི་གྱུར་ཀྱང་ཞེས་བྱ་བའོ། །ཉེས་པས་སྐྱོན་ཅན་ཡིན་པའི་འབྲས་བུ་འཆི་བ་མ་ཡིན་ནམ། དེ་ལྡོག་པ་ཡིན་ན་རྣམ་པར་འགྱུར་བ་མེད་པར་རིགས་པ་ཡིན་ན་མི་རིགས་པ་ཇི་ལྟར་ཡིན་དེ་ལོག་ཀྱང་དེའི་བསྐྱེད་བྱའི་འདུ་བྱེད་ནི་མེའི་བསྐྱེད ་བྱ་ཤིང་བཞིན་དུ་མི་ལྡོག་པ་ཡིན་ལ་དེའི་ཕྱིར་འཁྲུལ་པ་མ་ཡིན་ནོ། །རྒྱུ་ལུས་ཀྱི་མཉམ་པའི་འབྲས་བུ་ལ་འཁྲུལ་པ་ཡིན་པ་ནི་འདིས་བསལ་བ་ཡིན་ནོ། །དེ་ལ་ཡང་མི་མཉམ་པའི་བསྐྱེད་བྱ་འདུ་བྱེད་ཕྲ་མོ་མི་ལྡོག་པའི་ཕྱིར་རོ་སྙམ་དུ ་སེམས་པ་ནི། གལ་ཏེ་མེ་ནི་ལྡོག་ན་ཡང། །ཤིང་གི་འགྱུར་བ་མི་ལྡོག་བཞིན། །དེ་ནི་ལྡོག་པ་མེད་ཅེ་ན་ཞེས་བྱ་བ་སྟེ། འཆི་བའི་དོན་གྱི་རྣམ་པར་འགྱུར་བ་ནི་འཆི་བའི་རྣམ་པར་འགྱུར་བའོ། །འཆི་བ་ཁོ་ན་ནི་མ་ཡིན་ཏེ། གནས་པ་དང ་འཆི་བ་དག་གི་འབྲས་བུ་ཡིན་པའི་ཕྱིར་དང་རྩོད་པའི་གཞི་ཡིན་པའི་ཕྱིར་ཡང་ངོ། །ལན་ནི་མ་ཡིན་གསོ་སྦྱོར་ཡོད་ཕྱིར་རོ་ཞེས་བྱ་བ་སྟེ། ཤིང་ལས་མེའི་བསྐྱེད་བྱའི་རྣམ་པར་འགྱུར་བ་བཞིན་དུ་མི་མཉམ་པའི་བསྐྱེད་བྱའི་རྣམ་པར་འགྱུར་བ་ནི་མ ་ཡིན་ཏེ། གསོ་བ་འབྲས་བུ་མེད་པར་ཐལ་བར་འགྱུར་བའི་ཕྱིར་རོ། །གང་གི་ཕྱིར་འབྲས་བུ་ཅུང་ཟད་ཀྱང་མེད་པ་ལ་ནི་སུ་ཡང་སྦྱོར་བར་བྱེད་པར་མི་འགྱུར་རོ། །དེའི་ཕྱིར་མི་མཉམ་པ་ལས་སྐྱེས་པའི་རྣམ་པར་འགྱུར་བ་ནི་བཟློག་བྱ་ཡིན་ནོ། །དེའི་བསྐྱེད ་བྱ་རིམས་ལ་སོགས་པ་གསོ་བའི་སྦྱོར་བ་ལ་སོགས་པས་བཟློག་བྱ་ཡིན་པར་ནི་བདེན་ན་རིམས་ལ་སོགས་པའི་སྒོ་ནས་འདུ་བྱེད་པ་ནི་མ་ཡིན་ཏེ། དེ་མི་ལྡོག་པ་ལས་ཀྱང་འཆི་བ་ཡིན་ཞེས་བྱ་བ་འདི་ལ་ཡང། མ་ཡིན་གསོ་སྦྱོར་ཡོད་ཕྱིར་རོ ་ཞེས་བྱ་བ་དེ་ཁོ་ན་རྗེས་སུ་འཇུག་པ་ཡིན་ནོ། །གལ་ཏེ་གསོ་བ་ལ་སོགས་པས་རིམས་ལ་སོགས་པ་ལྡོག་པ་ཡང་དེའི་སྒོ་ནས་འདུ་བྱེད་པ་ལྡོག་པ་མ་ཡིན་ན་དེ་ལས་ཀྱང་འཆི་བ་ཁོ་ན་ཡིན་ལ་དེའི་ཚེ་ཡང་གསོ་བ་ལ་སྦྱོར་བར་མི་བྱེད་དེ་གང་གི་ཕྱིར ་ཇི་ལྟར་འདི་འཚོ་བར་འགྱུར་ཞིང་འཆི་བར་མི་འགྱུར་ཞེས་དེ་ལ་སྦྱོར་བ་བྱེད་དེའི་སྦྱོར་བ་མ་བྱས་ཀྱང་ཤི་བ་ཡིན་ན་རིམས་ལ་སོགས་པ་ཡང་ཞི་བར་འགྱུར་བའི་ཕྱིར་དེའི་དོན་དུ་གསོ་བ་མ་ཡིན་ནོ། །འོན་ཏེ་འགའ་ཞིག་རིམས་ལ་སོགས་པའི་སྒོ་ནས་བྱུང ་བའི་རྣམ་པར་འགྱུར་བ་ནི་གསོ་བའི་སྦྱོར་བས་དེ་ལོག་ན་ལྡོག་པ་ཡིན་ལ་དེས་ན་འཚོ་བའི་ཕྱིར་དེ་ནི་འབྲས་བུ་དང་བཅས་པ་ཡིན་ལ་འགའ་ཞིག་གིས་སྤྱི་ལྡོག་པ་ཡིན་པ་དེས་ན་འཆི་བ་ཡིན་ནོ། །མ་ཡིན་ཏེ། རྣམ་པ་གཉིས་ཀྱི་རྒྱུ་མེད་པའི་ཕྱིར་དེས ་བསྐྱེད་པའི་མི་མཉམ་པ་འམ་རིགས་ལ་སོགས་པར་མཉམ་པ་ཡིན་ན་དེའི་བསྐྱེད་བྱ་འདུ་བྱེད་པ་གློ་བུར་དུ་ཇི་ལྟར་ཐ་དད་པར་འགྱུར་ཏེ། དེ་དང་དེ་མིན་དངོས་པོ་ཅན། །དེ་དང་དེ་མིན་དངོས་རྒྱུ་སྐྱེས་ཞེས་བསྟན་པས་སོ། །མེ་དང་ཕྲད་པར་ཅིག་ཀྱང་ཤིང་དང ་གསེར་ཡུལ་ཐ་དད་པ་ཡིན་པས་བཟློག་བྱ་མ་ཡིན་པ་དང། ཅིག་ཤོས་རྣམ་པར་འགྱུར་བའི་སྐྱེད་བྱེད་དུ་མཐོང་བ་མ་ཡིན་ནོ་སྙམ་དུ་སེམས་པ་ལ་ཡུལ་ཐ་དད་པ་ལས་འབྲས་བུ་ཐ་དད་པ་ཡུལ་ཅིག་ལ་མི་རིགས་པར ་བསྟན་པ་ནི། སླར་མི་འབྱུང་བས་རྣམ་པར་འགྱུར་བ་སྐྱེད་པར་བྱེད་པ་འགལ་ནི་མེ་དང་ཕྲད་པ་ལ་སོགས་པའོ། །འགའ་ཞིག་ནི་ཤིང་ལ་སོགས་པའི་ཡུལ་ལའོ། །འགའ་ཞིག་ནི་དེ་ཉིད་ཡུལ་གཞན་གསེར་ལ་སོགས་པ་ལ་སྟེ། འགའ་ཞིག་ཅེས་བྱ ་བ་ནི་དབང་དུ་བྱས་པའི་ཕྱིར་རོ། །བཟློག་པ་ཡིན་པ་ནི་སླར་འབྱུང་བ་སྟེ་འགྱུར་བ་སྐྱེད་པར་བྱེད་ཅེས་བྱ་བ་དང་འབྲེལ་པ་ཡིན་ཏེ་དེའི་ཚེ་ཉིད་ཁོ་ན་ལ་དེ་བཞིན་དཱུམ། གཞན་དུ་རྣམ་པར་འགྱུར་བ་སྐྱེད་པར་བྱེད་པ་ནི་མ་ཡིན་ནོ་ཞེས་བྱ་བའི་དོན་ཏོ། །དེ་ཉིད ་དེ་ཁོ་ན་ལས་བཟློག་བྱ་རྣམ་པར་འགྱུར་བ་ཆུང་ངུ་ཡིན་གྱི་ཆེན་པོ་ནི་མ་ཡིན་ནོ་ཞེ་ན། གང་གི་ཆུང་ངུ་བཟློག་བྱ་ཡིན་པ་དེའི་ཆེན་པོ་ཡང་ཡིན་ཏེ། དཔེར་ན་གསེར་མེ་དང་ཕྲད་པ་ལས་ཞུ་བ་ཉིད་ལྟ་བུའོ། །དེ་ཉིད་སྨན་གྱི་ཁྱད་པར་ལས་གཞན ་དུ་ཡིན་ནོ། །གང་གི་རྣམ་པར་འགྱུར་བ་ཆེན་པོ་བཟློག་བྱ་མ་ཡིན་པ་དེའི་ཆུང་ངུ་ཡང་ཡིན་ཏེ། དཔེར་ན་ཤིང་མེ་དང་ཕྲད་པ་ལས་ལྟ་བུའོ་ཞེས་དགོངས་པས་གསུངས་པ་ནི་དང་པོའི་ཞེས་བྱ་བ་སྟེ། སླར་འབྱུང་བའི་རྣམ་པར་འགྱུར་བ་བསྐྱེད་པར་བྱས ་པ་གང་ཡིན་པ་ཆུང་ཡང་ཞེས་བྱ་བ་དང་འབྲེལ་བ་ཡིན་ཏེ། ལས་ཀྱི་མིང་ཅན་གྱི་ཚོགས་ཐ་དད་པའི་བསྐྱེད་བྱ་མི་སྨན་གྱི་བསྐྱེད་བྱ་གསེར་ཞུ་བ་ཉིད་ཡིན་བཞིན་དུ་བཟློག་བྱ་མ་ཡིན་པར་ཡང་འགྱུར་བར་ཡིན་གྱི། མི་མཉམ་པ་ཙམ་གྱི་བསྐྱེད ་བྱ་ནི་དེ་བཞིན་དུ་འམ་གཞན་དུ་ཡང་འགྱུར་བ་མ་ཡིན་ཏེ། རྒྱུ་ཐ་མི་དད་པའི་ཕྱིར་རོ་ཞེས་བྱ་བའི་དོན་ཏོ། །གང་ལ་ཚོགས་པ་གཞན་གྱི་བསྐྱེད་བྱའི་རྣམ་པར་འགྱུར་བ་ཡང་སླར་བཟློག་པར་རུང་བ་དེ་ལ་མི་མཉམ་པ་ཙམ་གྱིས་བསྐྱེད་བྱར་འགྱུར་བ ་ལྟ་ཅི་སྨོས་ཞེས་བསྟན་པ་ནི། འདི་ལྟར་གཉིད་ཀྱི་སེམས་པ་དང་བྲལ་བ་ཞེས་བྱ་བའོ། །དུག་དང་རྨོངས་པ་དང་བརྒྱལ་བ་རྣམས་ལ་དབུགས་འབྱིན་པ་མེད་ཀྱང་སེམས་སྐྱེ་བ་མཐོང་བའི་ཕྱིར་རོ། །དབུགས་དབྱུང་བ་ལ་སོགས་པ་རྒྱུ་མ་ཡིན་ནོ་ཞེས་བསྟན་ནས་སྣ ་ཚོགས་པ་མ་ཡིན་པར་དེ་སྔར་གྱི་སེམས་སྣ་ཚོགས་པའི་ཆོས་ཀྱི་རྗེས་སུ་བྱེད་པའི་ཕྱིར་འབྲས་བུ་སེམས་ཐ་དད་པ་མ་ཡིན་པ་ལ་སོགས་པ་འབྲས་བུ་ཡིན་པར་བསྟན་པ་ནི། གཉིད་དང་བྲལ་བར་གྱུར་ན་བློ། །ཤེས་པ་སྔ་མའི་འདུ་བྱེད་ལས། །ལུས ་མཚུངས་པ་ཞེས་བྱ་བ་ནི། འབྱུང་བ་ཆེན་པོ་ཡོངས་སུ་གྱུར་པ་ཉིད་ཀྱིས་སྲོག་ཆགས་ཐམས་ཅད་ཀྱི་ལུས་མཚུངས་པའོ། །བློ་རྣམས་ནི་སྔ་མ་སྔ་མའི་བློའི་བག་ཆགས་ཐ་དད་པ་ལས་ཐ་དད་པར་སྣང་བ་ཡིན་ནོ་ཞེས་བྱ་བའི་དོན་ཏོ། །མཉམ་པར་བཞག་པའི ་སེམས་ལ་ཡོད་པའི་བག་ཆགས་རྨི་ལམ་གྱི་དུས་སུ་འཇུག་པ་མ་ཡིན་སྙམ་དུ་སེམས་པ་ལ། སད་པའི་གནས་སྐབས་ན་ཞེས་བྱ་བ་སྨོས་ཏེ། སད་པ་ནི་ནང་གི་རེག་པའི་རྣམ་ཤེས་ཡིན་ཏེ་ལུས་ཁོ་ནའི་སེམས་མེད་པ་དང་སེམས་པ་ཅན་ཞེས་བྱ་བར ་སྦྱར་བར་བྱའོ། །མཉམ་པར་གཞག་པའི་སེམས་ལ་ཡོད་པ་ལ་ཚད་མ་མེད་དེ་རང་རིག་པ་ཉིད་ཀྱི་དོན་ཤུགས་ཀྱིས་ཡུལ་མ་ཡིན་པའི་ཕྱིར་རོ་ཞེས་བྱ་བའི་དོན་ཏོ། །འབྱུང་བར་འགྱུར་བའི་རྒྱུ་འདས་པ་དང་ལྷན་ཅིག་བྱེད་པར་ཁྱེད་འདོད་པ་མ་ཡིན ་སྙམ་དུ་སེམས་པ་ལ། ཁྱེད་ལ་ཡོད་པ་ཁོ་ན་ལྷན་ཅིག་བྱེད་པ་ཡིན་གྱི་གཞན་མ་ཡིན་པར་བསྟན་པ་ནི། མེད་པ་ནི་ལན་ཅིག་བྱེད་པ་མ་ཡིན་ནོ་ཞེས་བྱ་བའོ། །བྱེད་པའི་བྱ་བ་ནི་དངོས་པོ་རྣམས་ཀྱི་ངོ་བོ་ཁོ་ན་ཡིན་པར་བསྟན་པ་ནི། ཡོད་པ་དང ་མེད་པ་ནི་ཞེས་བྱ་བའོ། །གལ་ཏེ་རྨི་ལམ་ལ་མཉམ་པར་བཞག་པའི་སེམས་སམ་ལུས་ཀྱང་སད་པའི་རྒྱུ་མ་ཡིན་ན་ལུས་ཀྱི་གནས་སུ་ཤས་ཆེ་བར་བསྣུན་པའི་བཟོད་པར་དཀའ་བའི་རེག་པ་ལ་སོགས་པ་སད་པའི་རྒྱུ་ཇི་ལྟར་ཡིན་སྙམ་དུ་སེམས་པ ་ནི་འོ་ན་ཇི་ལྟར་བསྣུན་པ་ཞེས་བྱ་བ་སྟེ། ལུས་རྒྱུ་ཉིད་མ་ཡིན་ན་དེའི་གནས་སུ་བསྣུན་པ་སད་པར་བྱེད་པར་མི་རིགས་སོ་ཞེས་བྱ་བའི་དོན་ཏོ། །འདི་ནི་སད་པའི་རྒྱུ་མ་ཡིན་ཏེ་དེ་མེད་ཀྱང་འབྱུང་བ་ཡིན་པར་བསྟན་པ་ནི། སད ་པ་གདོན་མི་ཟ་བར་ནི་ཞེས་བྱ་བའོ། །སད་པ་ནི་ནང་གི་རེག་པའི་ཤེས་པ་ཡིན་ལ་དེའི་འོག་ཏུ་མཐོང་བར་བྱ་བའི་དངོས་པོ་ཉེ་བ་གང་ཡིན་པ་དེ་དང་སྔར་གྱི་འདུ་བྱེད་པའི་སེམས་དག་དུས་ཐ་དད་པ་ཡིན་པ་ནི་ཇི་ལྟར་སད་པའི་འབྲས་བུ་ལ་ལྷན་ཅིག ་བྱེད་པ་དེ་བཞིན་དུ་ལུས་ཀྱང་སྔར་གྱི་འདུ་བྱེད་པ་དང་ལྷན་ཅིག་བྱེད་པ་ཡིན་ནོ་སྙམ་དུ་སེམས་པ་ནི། གལ་ཏེ་སད་མ་ཐག་ཏུ་མཐོང་བ་ནི་ཞེས་བྱ་བ་སྟེ། མཐོང་བྱའི་དངོས་པོ་ཡིན་ལ་དེ་དང་འབྲེལ་པ་ནི་ཉེ་བ་སྟེ་སྔར་གྱི་ཤེས་པ་དང་ལྷན་ཅིག་བྱེད་པ་ཉིད ་དོ། །དེ་ལས་རྣམ་པར་རྟོག་པ་སྟེ་འཇིགས་པ་དང་མྱ་ངན་ལ་སོགས་པའི་རྒྱུ་ཡིན་པའི་ཕྱིར་དེ་དང་ཡང་དག་པར་ལྡན་པའི་ཤེས་པ་སྐྱེ་བ་ཡིན་ན་དེ་ལ་ཇི་ལྟར་མཐོང་བ་ཡིན་སྣང་བ་ཡིན་པར་བསྒྲུབས་པས་བལྟ་བྱ་ཡིན་པར་བརྗོད་ལ། དེ་ཡང་སྔ་མའི ་ཤེས་པ་ཡང་འདུ་བྱེད་པའི་ངོ་བོ་ཡིན་ལ་དེ་དག་གི་ལྷན་ཅིག་བྱེད་པ་ཉིད་ནི་དུས་ཀྱི་དབྱེ་བ་ལས་ཡིན་ནོ་ཞེས་བྱ་བའི་དོན་ཏོ། །ཉེ་བར་གནས་པའི་དངོས་པོ་ཡང་ཡིད་སྨོན་ཙམ་ལས་བྱུང་བའི་སད་པ་ལ་ངེས་པ་མེད་པས་བསྒོམ་པ་ལས་བྱུང་བའི ་གསལ་བར་སྣང་བ་ལ་དབང་པོ་བཞིན་དུ་རྒྱུ་མ་ཡིན་པར་བསྟན་པ་ནི་འདི་ལ་ཡང་ངེས་པ་ཡོད་མིན་ཏེ་ཞེས་བྱ་བ་སྟེ། ཉེ་བར་གནས་པ་ཞེས་བྱ་བས་ནི། དངོས་པོ་ལ་ཡིད་སྨོན་རྒྱུ་ཉིད་ཡིན་ལ་གང་ཞིག་ཅེས་བྱ་བས་ཉེ་བ་ན་གནས་པའི་རྒྱུ་ཉིད་དུ ་བསྟན་པ་ཡིན་གྱི་སད་པའི་ནི་མ་ཡིན་ནོ། །གཉིད་ལོག་པ་ཁ་ཅིག་ལ་ཡིད་སྨོན་མེད་ཀྱང་སེམས་རྒྱུན་ཆད་པ་ལས་སད་པར་མཐོང་བ་མ་ཡིན་ནམ། དེ་ཡང་ཇི་ལྟར་རྒྱུ་ཡིན་སྙམ་དུ་སེམས་པ་ལ། གང་ཇི་ལྟར་གོམས་པ་ཞེས་བྱ་བའོ།། ་གོམས་པ་འཁྲུལ་པ་མ་ཡིན་པར་བསྟན་པ་ནི། གཞན་དུ་ནི་མ་ཡིན་ནོ་ཞེས་བྱ་བའོ། །གཉིད་ལོག་པ་ན་རྒྱུན་ཆད་པ་སད་པ་ན་འདས་པ་ཁོ་ན་ལས་འབྱུང་བ་ཡིན་ན་དེ་ལྟ་ན་དེ་མ་ཐག་ཁོ་ན་འབྱུང་བར་འགྱུར་རོ། །དེའི་ཕྱིར་གཉིད་མེད་དོ། །དེའི་ཚེ་མེད་ན་དུས་ཕྱིས ་ཀྱང་མི་འབྱུང་སྟེ་བལྟོས་པ་མེད་པའི་ཕྱིར་རོ་ཞེས་བྱ་བ་དེ་འདི་ཁོ་ནས་བསལ་བ་ཡིན་ཏེ། གོམས་པ་སྣ་ཚོགས་པ་ཉིད་ཀྱིས་ཇི་ལྟར་གོམས་པའི་སད་པ་སྣ་ཚོགས་པའི་ཕྱིར་ཞེས་བྱ་བའི་དོན་ཏོ། །གཉིད་ལོག་པའི་དུས་ན་ཤེས་པ་སྔ་མ་ཤོས་ལས་ཀྱང ་དབང་པོའི་བྱ་བ་མེད་ན། ཕྱི་རོལ་གྱི་ཡུལ་ཇི་ལྟར་ཤེས་པ་ཡིན་རྣམ་པར་རྟོག་པ་ཅན་ནི་མ་ཡིན་ཏེ། མཐོང་བ་མེད་ན་མི་ལྡང་བའི་ཕྱིར་རོ། །བདག་གོ་ཞེས་བྱ་བའི་ཕུང་པོ་ཉམས་སུ་མོང་བ་མེད་ན་མི་འབྱུང་བ་ཡིན་ཏེ་ཡུལ་མ་རྟོགས་ན་མི་འབྱུང་བའི་ཕྱིར་རོ་སྙམ་དུ ་སེམས་པ་ལ། བསྡད་པ་ནི་ཞེས་བྱ་བ་སྨོས་ཏེ། མུན་ཁུང་དུ་དེའི་ལག་ནོམ་ཡིན་ཞེས་བྱ་བ་བཞིན་དུ་ནང་གི་རེག་པའི་ཤེས་པ་ཇི་ལྟར་གོམས་པའི་འཇིགས་པ་དང་བརྟན་པ་ལ་སོགས་པ་དང་ལྡན་པའི་བདེ་བའི་ཚོར་བ་ནི་གཞན་སྒྲུབ་པར་བྱེད་པ་མ་ཡིན ་པ་ཁོ་ན་སད་པ་ཡིན་གྱི་དབང་པོའི་ཤེས་པ་ནི་མ་ཡིན་ནོ་ཞེས་བྱ་བའི་དོན་ཏོ། །སྔ་མའི་སེམས་ལས་འབྱུང་བ་སྔར་འཇུག་པ་གོམས་པའི་བག་ཆགས་ཡིན་གྱི་གཉིད་ཀྱི་དུས་སུ་འབྱུང་བ་ནི་མ་ཡིན་ལ་དེའི་སད་པ་ཡང་དེ་དང་རྗེས་སུ་མཐུན་པའི་ལུས་ཀྱི་རྣམ་ཤེས ་ཁོ་ན་ཡིན་པར་བསྟན་པ་ནི། འཇིགས་དང་བརྟན་སོགས་འདུ་བྱེད་ལས་ཞེས་བྱ་བའོ། །དེས་ན་ལུས་རང་ཞེས་བྱ་བ་དེ་ལ་དེ་ནས་ཞེས་བྱ་བ་འདིས་སྔ་མ་སྔ་མའི་སེམས་ཀྱི་འདུ་བྱེད་ཀྱི་རྗེས་སུ་གྲོལ་བ་ཉིད་རྒྱུ་ཉིད་དུ་བསྟན་པ་ཡིན་ནོ། །དེ་ལྟ་ཡིན་པ་ནི་བདེན ་ན་གང་གི་ཆུང་ངུ་བསལ་བྱ་ཡིན་པ་དེའི་ཚེ་ཆེན་པོ་ཡང་གོས་པས་བསལ་བར་བྱ་བ་ཡིན་ནོ། །གང་གི་ཚེ་ཆེན་པོ་མ་ཡིན་པ་དེའི་ཆུང་ངུ་ཡང་མ་ཡིན་ཏེ། ཉེས་པ་རྣམས་ཀྱི་ཡོངས་སུ་གྱུར་པ་ཐ་དད་པ་ལས་གསོ་བྱེད་དང་གསོ་བྱ་མ་ཡན་པ་མི་མཉམ ་པས་ཐ་དད་པའི་ཕྱིར་མེ་དང་ཕྲད་པ་ཙམ་གྱིས་སྨན་གྱི་བསྐྱེད་བྱའི་གསེར་ཞུ་བ་ཉིད་བཞིན་དུ་ཚོགས་པའི་དབྱེ་བས་འབྲས་བུ་ཐ་དད་པར་ཁས་བླངས་པའི་ཕྱིར་སྐྱོན་གཅིག་འཕེལ་བར་གྱུར་པ་ལས་ཐམས་ཅད་ཀྱང་འཕེལ་བར་བྱེད་པའི ་ཕྱིར་ཐམས་ཅད་སྐྱེད་བྱེད་ཉིད་དུ་ཐམས་ཅད་ལ་བྱེ་བྲག་མེད་པ་མ་ཡིན་ཏེ། ཐམས་ཅད་ལས་སྐྱེས་པ་ཡིན་ཡང་དབང་བྱེད་པའི་ཁྱད་པར་དུ་རྣམ་པར་བཞག་པའི་ཕྱིར་རོ། །ཇི་སྐད་དུ་མཛེ་ནད་ཐམས་ཅད་དང་རླུང་ནད་ཐམས་ཅད་དང་མཁྲིས་ནད་ཐམས་ཅད ་དང་བད་ཀན་ཐམས་ཅད་དང་འབུ་སྲིན་དང་བཅས་པ་རྣམས་ཀྱི་ནང་ནས་གང་ཤེས་ཆེ་བ་དེ་འཛིན་པ་ཡིན་ནོ། །ལན་ནི་ནད་དང་དེའི་བསྐྱེད་བྱའི་རྣམ་པར་འགྱུར་བ་འཆོས་པར་བྱེད་པ་ནི། སླར་གསོ་བར་བྱེད་པའི་སྨན་ལ་སོགས་པ་མེད་པའི་ཕྱིར་གསོ ་བྱ་མིན་པར་བརྗོད་པ་ཡིན་ལ་ཁྱེད་ཀྱི་འདོད་པ་ལ་ནི་དེ་མི་སྲིད་དོ། །ཤིན་ཉེས་པ་མཉམ་པར་བྱེད་པས་འབད་པ་མེད་པར་འཆོས་པར་བྱེད་པ་གྲུབ་པ་ཡིན་ནོ་ཞེས་བསྟན་པ་ནི། རྙེད་པར་དཀའ་ཕྱིར་ཞེས་བྱ་བ་སྟེ། ཁོ་བོའི་ཕྱོགས་ལ་ནི་གནས་བ་སྒྲུབ ་པར་བྱེད་པའི་ལས་ཟད་པ་ཡིན་ན་ཚེ་ཟད་པའི་ཕྱིར་ནད་དང་དེའི་རྣམ་པར་འགྱུར་བ་ཡང་གསོ་བྱ་མ་ཡིན་པར་འགྱུར་ཏེ་ལས་ཟད་པ་ཡིན་ན་འཆོས་པར་མི་སྲིད་པའི་ཕྱིར་རོ། །འདི་ལྟར་གལ་ཏེ་ལས་མ་ཟད་པ་ཡིན་ན་འཆི་བ་ལས་གཞན་དུ་ཡང ་འཆོས་པར་འགྱུར་བ་ཞིག་ན་དེ་ཡང་མི་སྲིད་པར་བསྟན་པ་ནི། ཚེ་ཟད་ཕྱིར་ཞེས་བྱ་བའོ། །རྣམ་པར་འགྱུར་བ་ནི་རྒྱུ་ཤི་བ་ལ་སོགས་པ་ཡིན་དུ་ཟིན་ཀྱང་གསོ་བྱ་མ་ཡིན་པར་བསྟན་པ་ནི། ཉེས་འབའ་ཞིག་ཡིན་ན་གསོ་མིན་མེད་པ་ཉིད་ཅེས ་བྱ་བའོ། །ཉེས་པ་མི་མཉམ་པ་ལ་སོགས་པ་རྣམ་པར་འགྱུར་བའི་རྒྱུས་སེམས་ཀྱི་རྒྱུ་མ་ཆད་པ་མ་ཡིན་ནམ་རྒྱུ་འཇིག་ན་ཡང་ཇི་ལྟར་འབྱུང་བ་ཡིན་ཐོབ་ལ་སོགས་པ་འཇིག་བྱེད་ཀྱིས་བཤིག་པའི་བུམ་པ་ནི་དེས་བཤིག་པ་ཡིན་ན ་ཡང་འབྱུང་བ་མ་ཡིན་ནོ། །མཉམ་པའི་ཁྱད་པར་ཅན་གྱི་ལུས་ནི་སེམས་གནས་པའི་སྒྲུབ་བྱེད་དུ་འདོད་པ་ཡིན་ནོ་ཞེ་ན་ཡང། བདེན་མོད་ཀྱི་ཡོད་པའི་སེམས་དེ་ནི་དེ་ལྟར་འགྱུར་གྱི་མེད་པ་ནི་མ་ཡིན་ནོ། །རྒྱུ་ཡང་དེ་བཞིན་དུ་ཡིན་ནོ་ཞེ་ན་ཡང་མ་ཡིན་ཏེ། ཁུ ་བ་ལ་སོགས་པའི་རིམ་གྱིས་སྐྱེས་པའི་སེམས་ཀྱི་བསྐྱེད་པའི་རྒྱུ་ཡིན་གྱི་དེ་བཞིན་དུ་སྐྱེས་ནས་འཇིག་པ་གཉིད་ལོག་པ་ན་རྣམ་པར་ཆད་པའི་འབྲས་བུ་ནི་མ་ཡིན་ནོ། །ཇི་ལྟར་རྒྱུ་ཡིན་ཞེ་ན་ཡང་མ་ཡིན་ཏེ། དེའི་ཚེ་འབྲས་བུ་དབུགས་འབྱིན་པ ་མཐོང་བས་སེམས་གཏན་རྒྱུན་ཆད་པར་རྟོགས་པ་མ་ཡིན་པའི་ཕྱིར་ཡིན་གྱི། དེའི་ཚེ་རིག་པར་ཁས་བླངས་པའི་ཕྱིར་ནི་མ་ཡིན་ནོ་སྙམ་དུ་སེམས་པ་ལ་ཤི་བ་ཞེས་བྱ་བ་སྨོས་ཏེ། འང་གི་སྒྲས་ནི་རིམ་པ་ལས་བཟློག་པའོ། །དུག་སོགས་ཀྱི ་སོགས་པའི་སྒྲ་ནི་རྒྱལ་བ་ལ་སོགས་པའི་རྒྱུ་མཚན་གང་གི་ཡིན་པ་དེ་དེ་ལྟར་ཡིན་ཏེ་ལོག་པའི་སྔགས་དང་སྨན་ལ་སོགས་པས་སོ། །དེའི་སོས་ཟིན་བཅད་ལས་ཀྱང་ཞེས་བྱ་བའི་ཡང་གི་སྒྲ་ནི་ལྡོག་པའི་རྒྱུ་གཞན་ཏེ་རྣམ་གྲངས་ཀྱི་དོན་ཏོ།། ་རྣམ་པར་འགྱུར་བ་ནི་ལུས་ལ་ཡོད་པའི་སེམས་རྒྱུན་ཆད་པའི་འདུ་བྱེད་ཡིན་ལ་དེའི་རྒྱུ་ནི་དུག་ལ་སོགས་པའི་སྐྱེད་བྱ་མི་མཉམ་པ་ཡིན་ཏེ། དེ་དང་བྲལ་བ་ན་རྒྱུ་ལོག་ན་དེའི་ཡང་རྒྱུ་སོས་བཅད་པ་ཡིན་ནོ། །དེ་བཞིན་དུ་རྣམ་པར་འགྱུར ་བའི་རྒྱུ་དང་བྲལ་བ་ཡིན་ན་དེ་སྟེ་ཤི་བ་ཞེས་སླར་ཡང་འཚོ་བར་མི་འགྱུར་བ་ནི་ཅིས་སླར་མི་འཚོ་སྟེ་འཚོ་བ་ཁོ་ནར་འགྱུར་རོ་ཞེས་བྱ་བའི་དོན་ཏོ། །ཅིས་ཤེས་བྱ་བ་ནི་སླར་ལྡོག་པའི་དོན་ཡིན་པའི་ཕྱིར་རོ། །ཅིས་ཤེས་འདྲི་བའི་དོན་ཉིད་ཁས ་བླངས་ནས་ཅིས་འཚོ་བར་མི་འགྱུར་ཞེས་འཆད་པ་ལ་ཤི་བ་ཉེས་པ་ཉམས་གྱུར་ཚེ་ཞེས་བྱ་བ་འདིས་དོན་རྟོགས་པར་འགྱུར་རོ། །འདི་སྐད་བསྟན་པར་འགྱུར་ཏེ་བྲལ་བའི་སེམས་ཀྱང་འཇིག་པའི་རྒྱུ་དང་བྲལ་ན། ལུས་དེ་ཉིད་ལ་སླར་སྐྱེ་བར་མཐོང་བ ་ཡིན་གྱི་བུམ་པ་ལ་སོགས་པ་ནི་མ་ཡིན་ནོ། །དེའི་ཕྱིར་ཇི་ལྟར་ལུས་སེམས་ཀྱི་མཉམ་པའི་ཁྱད་པར་ཅན་ནི་གནས་པ་སྒྲུབ་པར་བྱེད་པ་དེ་ལྟར་མཐོང་བའི་ཕྱིར་རོ། །དེ་བཞིན་དུ་རྒྱུ་ཡང་མ་ཡིན་ཏེ། དེ་ལྟར་མཐོང་བའི་ཁྱད་པར ་མེད་པའི་ཕྱིར་རོ། །ཉེས་པ་འབའ་ཞིག་ནི་སེམས་རྒྱུན་ཆད་པར་བྱེད་པ་ཁས་བླངས་པ་ཡིན་ན་གསོ་མིན་མེད་པ་ཉིད་དེ་སེམས་སླར་མི་འབྱུང་བ་མ་ཡིན་པའི་ཕྱིར་རྣལ་མ་འགྲུབ་པའི་ཕྱིར་རོ། །ལས་ཟད་པ་རྒྱུ་མཚན་ཡིན་པ་ལ་ནི་སྐྱོན་འདི་མེད ་དོ། །ལུས་ཉེ་བར་ལེན་པའི་སེམས་ཀྱང་འཇིགས་པ་དང་མྱ་ངན་དང་འཆི་བ་ལ་སོགས་པ་ཅིས་ཀྱང་དེ་རྣམ་པར་འགྱུར་བ་མ་ཡིན་ཡང་བསྒྱུར་བྱ་འམ་འཇིག་པར་འགྱུར་བ་མ་ཡིན་ནམ། དཔེར་ན་རྩིག་པ་ལ་སོགས་པའི་མི་འགྱུར་ཡང་རི་མོ་ལ ་སོགས་པ་ལག་པ་ལ་སོགས་པས་དང་མྱུ་གུ་ལ་གནོད་པ་ཅན་ལ་སོགས་པས་དང། གཟུགས་ལ་སོགས་པ་མེ་དང་ཕྲད་པས་ལྟ་བུའོ། །རྩིག་པ་དང་བུམ་པ་ལ་སོགས་པ་ནི་རྣམ་པར་བསྒྱུར་བྱ་འམ་བཤིག་བྱ་མ་ཡིན་ཏེ། དེ་ཉིད་ཡིན་པར ་རྟོགས་པའི་ཕྱིར་རོ་སྙམ་དུ་སེམས་པ་ལ། ཉེར་ལེན་འགྱུར་བ་མེད་པར་ནི་སྟེ་གང་ཞིག་གང་གི་ཉེ་བར་ལེན་པ་ཡིན་པ་དེ་རྣམ་པར་འགྱུར་བ་མ་ཡིན་པས་སོ། །ཉེ་བར་ལེན་པ་ནི་རྣམ་པ་གཉིས་ཏེ། གནས་སྐབས་པའི་དང། རྒྱུན་གྱིའོ། །ཉེ་བར་བླང ་བར་བྱ་བ་རྣམ་པར་བསྒྱུར་བ་འམ་གཞིག་པར་བྱེད་པར་མི་ནུས་སོ། །རེ་ཞིག་རྩིག་པ་ལ་སོགས་པ་ནི་རི་མོའི་ཉེ་བར་ལེན་པ་མ་ཡིན་ཏེ། དེ་ལྟ་མོད་ཀྱི་ཐ་མི་དད་པའི་ལྗང་གུ་ལ་སོགས་ཡིན་ཏེ་བུམ་པའི་འཇི་བ་ལྟ་བུ་ཡིན་ལ་དེ་ཡང་ལག་པ་ལ ་སོགས་པས་འཇིག་པར་བྱེད་དེ་རྩིག་པ་ནི་རྟེན་ཙམ་ཡིན་ནོ། །དེ་བཞིན་དུ་མེ་དང་ཕྲད་པར་གྱུར་པའི་བུམ་པ་ལས་བུམ་པ་གཞན་དམར་པོར་གྱུར་པ་བཤད་པ་ཡིན་ནོ། །ཐམས་ཅད་ལ་ཡང་ཐ་མི་དད་པའི་ཉེ་པར་ལེན་པ་ཡིན་ཏེ། ཉེ་བར་བླངས ་པའི་ངོ་བོ་ཡིན་པའི་ཕྱིར་ཏེ། ཅིག་ཤོས་རྒྱུ་མཚན་ཙམ་མམ་རྒྱུ་ཡང་ཡིན་ལ་རེ་ཞིག་སེམས་ཀྱི་རྒྱུ་ལུས་མ་ཡིན་ཏེ། ཐ་མི་དད་པར་ཁས་ལེན་པའི་ཕྱིར་རོ། །ཐ་དད་པ་ནི་རྒྱུ་ཡིན་ཏེ་རྟག་ཏུ་དེའི་རྗེས་སུ་འཇུག་པས། གང་ཞིག་ཡོད་པ་ཕན་འདོགས་བྱེད། ཅེས ་པ་བསྟོན་པས་སོ། །རྒྱུ་མཚན་ཡང་མ་ཡིན་ཏེ། ཐ་མི་དད་པའི་ཕྱིར་རོ། །ལུས་དང་སེམས་དག་ནི་འཇིམ་པ་དང་བུམ་པ་དང་གཟུགས་བཞིན་དཱུམ་ཐ་མི་དད་པ་ཡིན་ནོ། །ཐ་དད་པ་ལ་ནི་གང་ཞིག་ཡོད་པས་ཕན་འདོགས་བྱེད་ཅེས་བསྟན་པ་ཡིན་ཞིང་ལུས ་ཀྱི་རྗེས་སུ་བྱེད་པ་ཉིད་མ་ཡིན་ཏེ། རང་རིགས་གོམས་པའི་རྗེས་སུ་འཇུག་ཕྱིར་ཞེས་ཀྱང་བསྟན་པ་ཡིན་ནོ། །མྱུ་གུ་ལ་སོགས་པ་ལས་ཐ་མི་དད་པའི་ཆུ་ནི་ཉེ་བར་ལེན་པ་ཡིན་གྱི་ཐ་དད་པ་ནི་དེའི་གནས་པའི་རྒྱུ་ཡིན་ནོ། །ལུས་ནི་མཉམ་པའི་ཁྱད་པར ་གྱིས་ཤི་བའི་གནས་སྐབས་དང་འཚོ་བའི་གནས་སྐབས་ཀྱི་ལུས་ལ་བྱེ་བྲག་ཅི་ཡང་མེད་པའི་ཕྱིར་སེམས་མི་ལྡོག་པར་ཐལ་བར་འགྱུར་རོ། །འདི་སྐད་བསྟན་པར་འགྱུར་ཏེ་ཉེ་བར་བླང་བྱ་ནི་ཉེ་བར་ལེན་པའི་རྣམ་པར་འགྱུར་བའམ་རྒྱུའི་རྣམ་པར ་འགྱུར་པ་ལས་ཡིན་གྲང་ན་རེ་ཞིག་རྒྱུའི་རྣམ་པར་འགྱུར་པ་ལས་ནི་མ་ཡིན་ཏེ། ཉེ་བར་ལེན་པའི་འགྱུར་བ་ལས་དེ་འགྱུར་བ་ཡིན་པར་ཡོད་པས་ཕན་འདོགས་བྱེད་ཅེས་པ་བས་བསྟན་པ་ཡིན་ལ་ད་ལྟར་ནི་དངོས་སུ་ཉེ་བར་ལེན་པའི་འགྱུར་པ་ལས ་རྣམ་པར་འགྱུར་པ་ཡིན་གྱི་གཞན་དུ་ནི་མ་ཡིན་ནོ་ཞེས་སོ། །གང་ཞིག་གང་གི་འགྱུར་བ་ཁོ་ན་རྣམ་པར་འགྱུར་བ་དེ་དེའི་ཉེ་བར་ལེན་པ་ཡིན་གྱི་ལུས་ནི་སེམས་ཀྱི་དེ་ལྟ་བུར་མ་ཡིན་ཏེ། འཇིགས་པ་དང་མྱ་ངན་ལ་སོགས་པས་ཀྱང་རྣམ་པར་འགྱུར་བའི ་ཕྱིར་རོ། །ཉེ་བར་ལེན་པའི་མཚན་ཉིད་ལ་གནོད་པ་མེད་པའི་ཕྱིར་བཤད་པ་འདིའི་དབང་དུ་བྱས་ནས་བསྟན་པ་ནི། དངོས་གང་ཞེས་བྱ་བ་འདིས་དོན་རྟོགས་པའི་ཕྱིར་མི་རིགས་སོ། །དེའི་ཕྱིར་སེམས་ལུས་ཀྱི་ཉེ་བར་བླང་བྱ་ཉིད་ཁས་བླངས་པས ་དེ་རྣམ་པར་འགྱུར་བ་མ་ཡིན་ན་མི་འགྱུར་ཏེ་མི་འཇིག་པ་ཡིན་ནོ་ཞེས་བྱ་བ་ཁོ་ན་ལེགས་པ་ཡིན་ཏེ། གནས་སྐབས་ཀྱི་རྗེས་སུ་འཇུག་པའི་ཕྱིར་རོ། །འོན་ཏེ་ལུས་མི་འགྱུར་ཡང་སེམས་འགྱུར་བ་ཡིན་ན་དེ་ལྟ་ན་དེ་དེའི ་ཉེ་བར་ལེན་པ་མ་ཡིན་ཏེ། བ་མེན་ལ་བ་ལང་བཞིན་ནོ། །དེའི་ཕྱིར་ལུས་ཉེ་བར་ལེན་པ་ཉིད་དུ་ཁས་བླངས་པ་སྤངས་པར་འགྱུར་པར་བསྟན་པ་ནི། འགྱུར་བ་མེད་པར་ནི་ཞེས་བྱ་བའོ། །བ་མེན་ནི་བ་ལང་གི་ཉེ་བར་ལེན་པ་མ་ཡིན་ཏེ། ཐ་དད་པའི་ཕྱིར་རོ།། ་སེམས་ཀྱི་ཡང་ལུས་དེ་བཞིན་དུ་ཡིན་ཏེ་ཐ་དད་པར་སྒྲུབ་པར་བྱེད་པའི་སོ་སོར་སྣང་བའི་དབྱེ་བ་ལ་སོགས་པ་ལ་ཁྱད་པར་མེད་དོ་ཞེས་བསྟན་པ་ནི་སེམས་དང་ལུས་ཀྱང་དེ་བཞིན་ཏེ་ཐ་དད་པ་ཡིན་ཞེས་བྱ་བའི་དོན་ཏོ། །དེ་ལྟ་ཡིན་ན་ཐ་དད་པ་དག་ལ་ཉེ ་བར་ལེན་པ་ལ་སོགས་པ་ཉིད་མེད་པས་ཇི་ལྟར་ངེས་པས་ལྷན་ཅིག་གནས་པར་བྱེད་པ་ཡིན། དེ་རྒྱུ་སྟེ་ལུས་ཀྱི་རྒྱུ་ནི་སེམས་ཀྱི་རྒྱུ་སེམས་གཞན་དང་ལྷན་ཅིག་བྱེད་པ་ལས་སམ་སེམས་ཀྱི་རྒྱུ་ཡང་རུང་དེའི་རྒྱུ་ལས་ཀྱི་མེད་ཅན་གྱི་ནུར་ནུར་པོ ་ལ་སོགས་པས་སྐྱེ་བའི་འབྲས་བུ་ལུས་དང་སེམས་ཀྱི་བདག་ཉིད་ཅན་དང་ལྷན་ཅིག་གནས་པ་ཙམ་གྱི་དེ་ཁོ་ན་ཉིད་དུ་ནི་ཐ་དད་པ་ཡིན་ནོ། །རྒྱུ་དབྱེ་མེད་ཕྱིར་ལྷན་ཅིག་གནས་ཞེས་བྱ་བ་འདི་ནི་འབྲས་བུ་སེམས་དང་རྒྱུ་ལུས་ཡིན་པར་ཁས་བླངས ་བ་ཡིན་ལ་འདི་ནི་ཐ་དད་པར་ཁས་བླངས་པས་སོ། །གང་གི་ཕྱིར་ཐ་མི་དད་པ་ཉིད་དག་གི་ཉེ་བར་ལེན་པ་ལ་སོགས་པ་ཉིད་ཡིན་པ་ནི་འབྱུང་བ་དང་འབྱུང་བ་ལས་གྱུར་པ་ལྟ་བུའོ། །ཕྱོགས་སྔ་མ་དང་གྲུབ་པའི་མཛའ་ལ་ཡང་ཟད་མའི ་ཞུ་བ་བདག་ཉིད་ཅན་གྱི་མེ་རྗེས་སུ་འགྲོ་བ་དང་ལྡོག་པ་དག་གིས་བླངས་པའི་ཐ་དད་པ་ནི་དེ་ཉེ་ཚེ་བ་ཉིད་དུ་བསྟན་པ་ཡིན་གྱི་དུས་ཐ་དད་པ་ནི་གནས་སྐབས་པའི་རྒྱུ་འམ་རྒྱུན་གྱི་ཡང་རྒྱུ་ཡིན་གྱི་ཉེ་བར་ལེན་པ་ནི་མ་ཡིན་ནོ། །དེ་ལྟར་ཡང་གང་ཞིག ་ཡོད་པས་ཕན་འདོགས་བྱེད་པ་ཞེས་བྱ་བ་ལ་སོགས་པས་བསྟན་པས་བསྟན་པ་ཡིན་ནོ། །དེ་ཡང་ཉེ་བར་ལེན་པ་འབའ་ཞིག་མ་ཡིན་ཡང་དེ་ལྟར་ཉེ་བར་བཏགས་པ་ཡིན་གྱི་གནས་སྐབས་འདི་ལ་ཐ་སྙད་གདགས་པར་འོས་པར་མ་ཡིན་ནོ། །དེའི་ཕྱིར་གནས་སྐབས ་པའི་རྒྱུའི་དངོས་པོ་ནི་ཉེ་བར་ལེན་པའི་རྒྱུ་ཉིད་མ་ཡིན་ནོ་ཞེས་བྱ་བ་ལ་སོགས་པ་ནི་གནས་སྐབས་པ་དང་རྒྱུན་གྱི་རྒྱུའི་རྣམ་པར་དབྱེ་བའི་ཚིག་ཡིན་པར་གང་ཞིག་ཡོད་པས་ཕན་འདོགས་བྱེད་ཅེས་བྱ་བ་འདི་ནི་གནས་སྐབས་སུ་བསྟན་པར་བྱའོ། །ཡང་ན་འབྲས ་བུའི་བདག་ཉིད་ཁོ་ན་གནས་སྐབས་པ་དང། རྒྱུན་གྱི་རྒྱུ་མེད་དང་འཇི་བ་ལ་སོགས་པ་ཉེ་བར་ལེན་པ་ཡིན་པའི་ཕྱིར་ཞེས་བརྗོད་ཀྱི་དུས་ཐ་དད་པ་མ་ཡིན་ཏེ། དེའི་རྒྱུ་ཡིན་པའི་ཕྱིར་རོ། །ཇི་སྐད་དུ་འཇི་བར་འགྱུར་བ་མེད་པས་བུམ་སོགས་བཞིན་དང་མེ་དང ་ཟངས་མའི་ཞུ་ཉིད་ཡིན་ཞེས་བྱ་བར་ཡང་བསྟན་པ་ཡིན་ནོ། །དེ་ན་སྐྱོན་མེད་དོ། །སེམས་ཀྱི་ཉེ་བར་ལེན་པ་ཅི་ཞིག་ཡིན་རང་གི་ངོ་བོ་ཁོ་ན་ཡིན་ཏེ་འབྱུང་བ་བཞིན་ནོ། །ཉེ་བར་ལེན་གཞན་ནི་ཐམས་ཅད་དུ་སྲིད་པ་མ་ཡིན་ལ་རྒྱུ་ནི་སེམས་སྔ་མ་ཉིད་དོ། །དེའི ་རྒྱུན་གྱི་རྒྱུ་འམ་ཉེ་བར་ལེན་པ་ལ་རང་གི་འབྲས་བུ་དང་མཚམས་སྦྱོར་བ་ལ་གནོད་པའི་རྒྱུ་གང་ཡང་མེད་པ་ཁོ་ནར། ཐ་མའི་སེམས་ནི་སེམས་གཞན་དང། །མཚམས་སྦྱོར་བ་ལ་འགལ་ཅི་ཡོད། ཅེས་བྱ་བ་ལ་སོགས་པ་བསྟན་པ་ཡིན་ནོ། །དེ་ཉིད་ཀྱང ་འོན་ཏེ་ཡང་ཇི་ལྟར་ཆུ་ལ་སོགས་པ་ལས་འབྲུའི་རྒྱུན་གྱི་ཁྱད་པར་ཞེས་བྱ་བ་ནས་བརྩམས་ནས་རྒོལ་བ་དང་ལན་ཡང་བརྗོད་པ་ཡིན་ནོ། །འགྱུར་བའི་རྒྱུ་དང་བྲལ་བ་ན། །དེ་ཅི་སླར་ཡང་འཚོ་མི་འགྱུར་ཞེས་བྱ་བ་ལ་སོགས་པས་ལུས་ཀྱི་ཚོགས ་པ་ལ་དགོངས་ནས་དེ་བསྟན་པ་ཡིན་ལ་དེ་ནི་རྒྱུ་ཙམ་ལྡོག་ན་འབྲས་བུ་ལྡོག་པར་བྱེད་པ་མ་ཡིན་གྱི་འོ་ན་ཅི་ཞེ་ན། ཉེ་བར་ལེན་པའོ། །ལུས་ནི་ཉེ་བར་ལེན་པ་མ་ཡིན་ཏེ། ཉེ་བར་ལེན་པའི་མཚན་ཉིད་མི་ལྡན་པར་བསྟན་པ་ནི་ཉེ་བར་ལེན་པའི་རྒྱུ་མ ་ཡིན་པ་ལོགས་ན་ཞེས་བྱ་བའོ། །འོན་ཏེ་མཚན་ཉིད་དང་ལྡན་པའི་ལུས་ཡིན་པ་དེ་ལྟ་ན་ནི་དེའི་རྣམ་པར་འགྱུར་པ་ཁོ་ནས་སེམས་འགྱུར་པར་བསྟན་པ་ནི། གལ་ཏེ་ཡིན་ན་ཞེས་བྱ་བའོ། །དོན་འདི་ཉིད་ཚིགས་སུ་བཅད་པས་བསྟན ་པས་ནི། གང་གི་ཕྱིར་ཞེས་བྱ་བའོ། །གལ་ཏེ་ཐ་དད་པའི་ལུས་ཉེ་བར་ལེན་པ་ཡིན་པའི་དབང་དུ་བྱས་ནས་ལུས་མི་འགྱུར་བ་ལ་ནི་འཆི་བའི་གནས་སྐབས་ན་ཡང་སེམས་བསྒྲུབ་བྱ་མ་ཡིན་ཞེས་བརྗོད་པ་ཡིན་ན་ནི་འཇི་བའི་རྣམ་པར་འགྱུར་བ་མེད་ན་བུམ ་པའི་རྣམ་པའི་རྣམ་པར་འགྱུར་པ་ཞེས་བྱ་བ་ཇི་ལྟར་ཐ་དད་པའི་འཇི་བའི་འགྱུར་བས་བུམ་པར་འགྱུར་བ་མ་ཡིན་ཏེ། དེ་བུམ་པའི་དུས་ན་མེད་པའི་ཕྱིར་དེ་འགྱུར་པ་མེད་པ་ཉིད་ཀྱི་བུམ་པ་འཇིག་པ་ཡིན་ནོ། །འོན་ཏེ་འཇི་བ་ཞིག་པ་མེད་ན་བུམ་པའི ་འགྱུར་བ་སྟེ་སྐྱེ་བ་མ་ཡིན་ཞེས་བྱ་བ་དོན་ཡིན་ན་དེ་ལྟ་ན་ཡང་དོན་ལ་འབྲེལ་པ་མེད་ཡིན་ཏེ་ལུས་མ་ཞིག་ན་སེམས་མི་སྐྱེ་བ་ནི་མ་ཡིན་ནོ། །དེ་ན་ཉེ་བར་ལེན་པ་དང་ཅིག་ཤོས་དག་ནི་དེ་དག་གི་མ་ཡིན་ནོ་ཞེས་བྱ་བའི་དོན་ཡིན་ཏེ། གནས་སྐབས་དང་མི ་འབྲེལ་བ་ཡིན་ལ། ལུས་ནི་གནས་པ་ཡིན་ན་སེམས་ལྡོག་པ་མེད་པར་ཐལ་བར་འགྱུར་ཞེས་བྱ་བ་ནི་གནས་སྐབས་ཡིན་ཞིང་དོན་དང་ཡང་མ་འབྲེལ་པའི་ཕྱིར་སྔར་གྱི་ལུས་ལྡོག་པ་མེད་ན་སེམས་མི་སྐྱེ་བ་མ་ཡིན་ནོ། །དེའི་ཕྱིར་འབྱུང་བ་དང ་འབྱུང་བ་ལས་གྱུར་པ་བཞིན་ཐ་མི་དད་པའི་ཉེ་བར་ལེན་པ་ལ་དགོངས་ནས་བུམ་པ་ཉེ་བར་བླང་བྱར་བསྟན་པ་ཡིན་ནོ། །རྣམ་པར་འགྱུར་པ་ཡང་ཞིག་པ་ཁོ་ན་ཡིན་པའི་ཕྱིར་གདོན་མི་ཟ་བར་ལུས་འགྱུར་བ་ཁོ་ནས་སེམས་འགྱུར་བ་མ་ཡིན་ནོ ་ཞེས་བྱ་བ་ལ་སོགས་པ་ཡང་ཐ་མི་དད་པ་ལ་དགོངས་པ་ཁོ་ན་ཡིན་ཏེ། རེ་ཞིག་ཀྱང་མི་འཇིག་པའི་ཕྱིར་དེ་ནི་དེའི་ཉེ་བར་བླང་བྱ་མ་ཡིན་པར་བསྟན་པ་ནི། གནས་སྐབས་རྒྱུའི་དངོས་པོ་ནི་ཞེས་བྱ་བ་སྟེ། མྱུ་གུ་ལ་ཆུ་བཞིན་དུ་གནས ་སྐབས་པའི་རྒྱུ་ལོག་ན་དེས་བྱས་པའི་གནས་ཉིད་ལྡོག་པ་ཡིན་ནོ་ཞེས་བྱ་བའི་དོན་ཏོ། །དེ་ན་དེ་ལྟར་དེའི་མི་འཇིག་པ་དང་འཇིག་པ་དག་གི་འཇིག་པ་ཅན་དང་མི་འཇིག་པ་ཅན་དེའི་ཉེ་བར་བླང་བྱ་ཡིན་པར་བརྗོད་ལ་དེ་ལས་བཟློག་པའི་ཉེ་བར་བླང་བྱ་དང་ཅིག ་ཤོས་སུ་གྱུར་པའི་ཕྱིར་ཐ་མི་དད་པ་ལ་དགོངས་པ་ཡིན་པར་བསྟན་པ་ནི། རྒྱུན་གྱི་རྒྱུ་ནི་ཞེས་བྱ་བ་སྟེ་བུམ་པའི་ཁོངས་སུ་གཏོགས་པའི་འཇི་བ་ན་བུམ་པའི་རྒྱུན་གྱི་རྒྱུ་ཡིན་ལ་དེ་ལྡོག་པ་ནི་རྒྱུ་ལྡོག་པར་བྱེད་པ་ཡིན་ནོ། །དེ་བཞིན་དུ་སྔོན་པོ་ལ་སོགས་པའི ་རྣམ་པའི་སེམས་ལ་ནི་སེམས་ཀྱི་ངོ་བོ་རྒྱུན་གྱི་རྒྱུ་ཡིན་ནོ། །ཐ་དད་པ་ཡིན་ན་ནི་རྒྱུ་ཁོ་ན་ཡིན་ཏེ། ཇི་སྐད་དུ་གང་ཞིག་ཡོད་པས་ཕན་འདོགས་བྱེད་ཅེས་བསྟན་པའོ། །གནས་སྐབས་པའི་རྒྱུའི་དངོས་པོ་ནི་ཞེས་བྱ་བ་འདི་ལ་དཔེར་བརྗོད་པ་ནི། མེ་དང ་ཟངས་མའི་ཞེས་བྱ་བའོ། །གལ་ཏེ་ལུས་སེམས་ཀྱི་ཉེ་བར་ལེན་པ་མ་ཡིན་ན་འཇི་བ་དང་བུམ་པ་བཞིན་དུ་ཇི་ལྟར་ལྷན་ཅིག་གནས་པ་ཡིན། དེའི་རྒྱུ་དག་ལྷན་ཅིག་གནས་པའི་ཕྱིར་ཉེ་བར་ལེན་པ་དག་ཅིག་ཤོས་ཉིད་ལས་ནི་མ་ཡིན་པའི་ཕྱིར་རོ། །ཟངས ་མ་དང་ལྷན་ཅིག་འབྱུང་བའི་མེ་བཞིན་དུ་ཐ་དད་པ་དང་ཐ་དད་པ་ཡིན་པ་ཡང་རྗེས་སུ་འགྲོ་བ་དང་ལྡོག་པས་ཐ་དད་པ་ཡིན་པར་བསྟན་པ་ནི། སེམས་ནི་ལུས་དང་ལྷན་ཅིག་ཏུ་ཞེས་བྱ་བ་སྟེ་དེ་དག་གི་རྒྱུ་དག་ལྷན་ཅིག་བྱེད་པའི་ཕྱིར་རོ་ཞེས་བྱ་བར ་སྦྱར་རོ། །ལྷན་ཅིག་བྱེད་པ་ཉིད་ཀྱང་ལྷན་ཅིག་གནས་པས་རང་གི་འབྲས་བུའི་བྱེད་པ་པོ་ཉིད་ཡིན་གྱི་རྒྱུ་ལུས་ཀྱི་འབྲས་བུ་སེམས་མ་ཡིན་པར་བསྟན་པ་ནི། འབྲས་མིན་ན་ནི་སེམས་ཉིད་ཅེས་བྱ་བ་སྟེ། སེམས་དང་མ་བྲལ་བའི་ལུས་ཀྱི་རྒྱུ་ལུས་ལ ་སྲེད་པ་དང་བཅས་པའི་ལས་ཀྱི་བག་ཆགས་དང་འབྱུང་བ་ཆེན་པོ་ཡོངས་སུ་གྱུར་པའི་ནུར་ནུར་པོ་ལ་སོགས་པ་ཡིན་པར་བསྟན་པ་ནི། ལུས་ཀྱི་རྒྱུ་ནུར་ནུར་པོ་ཞེས་བྱ་བ་སྟེ། ལུས་ཀྱི་རྒྱུ་ནི་སེམས་ཀྱི་རྒྱུ་ལ་བརྟེན་ནས་བག་ཆགས་དང་བཅས་པའི ་སེམས་ཁོ་ན་ཡིན་ནོ། །དེའི་ཕྱིར་ལུས་ཁོ་ན་སེམས་ཀྱི་རྒྱུའི་བསྐྱེད་བྱ་ཡིན་པའི་སེམས་ཀྱི་བསྐྱེད་བྱ་ཡིན་གྱི་སེམས་ནི་ལུས་གྱི་རྒྱུའི་བསྐྱེད་བྱ་མ་ཡིན་ཞེས་བྱ་བའི་དོན་ཏོ། །ལུས་ཀྱི་རྒྱུ་ལ་མི་བརྟེན་པའི་སེམས ་རང་གི་རྒྱུ་ལས་བྱུང་བ་ནི་ལུས་མེད་ཀྱང་འབྱུང་བ་ཡིན་པར་བསྟན་པ་ནི་ལུས་ལོག་ན་ནི་ཞེས་བྱ་བའོ། །གནས་སྐབས་པའི་རྒྱུ་ལོག་ན་གནས་སྐབས་ཉིད་ལྡོག་པ་ཡིན་ཞེས་བྱ་བ་ནི་མ་ངེས་པ་ཡིན་ཏེ། མེ་དང་ཕྲད་པ་ལྡོག་ཀྱང་དེས་བྱས ་པའི་རྣམ་པར་འགྱུར་པ་མི་ལྡོག་པའི་ཕྱིར་རོ་ཞེས་ཟེར་བ་ནི་འོན་ཏེ་དེ་ཡང་ཞེས་བྱ་བ་སྟེ། དེ་ཞེས་བྱ་བ་ནི་མྱུ་གུ་རྣམ་པར་འཕེལ་བ་ལ་སོགས་པའི་མཚན་ཉིད་དེ་ལྡོག་པ་ཡིན་ཞེས་བྱ་བ་དང་སྦྱར་རོ། །ཇི་ལྟར་ལུས་ནི་རང་གི་ཉེ་བར་ལེན་པ་ལ་གནོད་པ ་གད་ལས་ལྡོག་པ་དེ་བཞིན་དུ་སེམས་ཀྱང་རང་གི་ཉེ་བར་ལེན་པ་ལ་གནོད་པར་བྱེད་པ་ལས་ལྡོག་པར་འགྱུར་བ་བཞིན་དུ་ལྡོག་པར་འགྱུར་བའི་ཕྱིར། །ལུས་ཁོ་ན་བཞིན་རྒྱུན་ཆད་པར་འགྱུར་རོ་ཞེས་ཟེར་བ་ནི། མེ་ལ་སོགས་པས་ཞེས་བྱ་བའོ།། ་གལ་ཏེ་སེམས་ཉེ་བར་ཆད་པ་ཡིན་ན་སྐྱེ་བའི་དང་པོར་ཅི་ལས་སྐྱེ་བར་འགྱུར་བ་ཡིན་ཞེ་ན་ཡང། ཇི་ལྟར་ཨུཏཔ་ལའི་རྩ་བ་བ་ལང་གི་ལྕི་བ་ལས་འབྱུང་བ་བཞིན་དུ་འབྱུང་བ་ཆེན་པོ་ཡོངས་སུ་གྱུར་པའི་ནུར་ནུར་པོ་ལ་སོགས་པ་ཁོ་ན་ལས་སྐྱེ ་པ་ཡིན་ནོ་ཞེས་ཟེར་བ་ནི། ཡང་ཇི་ལྟར་ཞེས་བྱ་བའོ། །ལན་ནི་འབྲུ་ལ་སོགས་པའི་ཞེས་བྱ་བ་སྟེ། ལུས་ལ་སོགས་པའི་ཉེ་བར་ལེན་པ་ནི་མེ་ལ་སོགས་པས་གནོད་པར་ནུས་པ་ཡིན་གྱི་རྒྱུའི་ངོ་བོ་སེམས་ཀྱི་ཉེ་བར་ལེན་པ་ནི་མ་ཡིན་ཏེ། ་ཐག་རིང་བ་ཡང་དེའི་འདུ་བྱེད་པའི་རྗེས་སུ་བྱེད་པའི་འབྲས་བུ་ལ་གོམས་པ་ཇི་ལྟ་བ་བཞིན་ནུས་པའི་ཕྱིར་གནོད་པར་བྱེད་པ་མ་ཡིན་ཞེས་བྱ་བ་ནི་ཡོད་པའི་ཕྱིར་ཡང་ཉེ་བར་གནས་པ་ཡིན་ཞེས་-བྱ་བའི་དོན་ཏོ། །དེའི་འདུ་བྱེད་པའི་རྗེས་སུ ་བྱེད་པ་ཉིད་ཀྱི་ཕྱིར་སེམས་ནི་དང་པོར་ལུས་ལས་སྐྱེ་བ་མ་ཡིན་ཏེ། བ་ལང་གི་ལྕི་བ་ལས་ཨུཏཔ་ལའི་རྩ་བ་ལྟ་བུར་རོ་ཞེས་བསྟན་པ་ནི་ལུས་ལས་ཤེས་བྱ་བའོ། །རྒྱུ་མ་ཉམས་པ་ཡིན་ན་སེམས་ཀྱི་ངོ་བོ་འབྲས་བུའི་བདག་ཉིད་ཀྱི་ཉེ་བར་ལེན་པ་ཡང་མ་ཉམས་པ ་ཡང་ཁོ་ན་མི་ཡང་བར་བསྟན་པ་ནི་ཉེར་ལེན་གནོད་པ་མེད་པ་ནི་ཞེས་བྱ་བའོ། །སེམས་སྔ་མ་པ་ཉིད་ཇི་ལྟར་གོམས་པའི་སྐྱེད་བྱེད་ནི་བར་དུ་ཆད་པ་ཉིད་ཀྱང་སྐྱེད་པར་བྱེད་པའི་ཕྱིར་གཉིད་ལོག་པའམ་གཞན་ཡང་དེ་ལ་གནོད་པ་བྱེད་པར་ནུས་པ་མ་ཡིན་པར ་བསྟན་པ་ནི། སྔོན་གྱི་འདུ་བྱེད་ལ་ལྟོས་ཅན་ཞེས་བྱ་བའོ། །དེ་དེ་ལྟར་སེམས་ལ་གནོད་པར་བྱེད་པ་མི་སྲིད་པའི་ཤེས་པ་ཡིན་པའི་ཕྱིར་ཤི་བ་ལ་ཡང་གཉིད་ལོག་པ་བཞིན་དུ་སྐྱེད་པར་བྱེད་པ་ཁོ་ན་ཡིན་པར་བསྟན་པ་ནི། བར་དུ་ཚོད་པ་ལས་ཀྱང་ཞེས་བྱ་བའོ། ། ་གཉིད་ལོག་པ་ན་ཆད་པ་གོམས་པ་ཁོ་ན་ལས་ཇི་ལྟར་ཡིན་པ་དེ་ཁོ་ན་བཞིན་དུ་ཤི་བ་ལ་ཡང་ཡིན་པའི་ཕྱིར་ཁྱད་པར་མེད་པར་བསྟན་པ་ནི། ཤི་དང་གཉིད་ལོག་པ་དག་ལ་ཞེས་བྱ་བའོ། །གལ་ཏེ་གོམས་པ་ལས་ཀྱང་སེམས་ཆད་པ་ཡིན་ན་གཏན་རྣམ་པར ་ཆད་པར་འགྱུར་ཏེ་དེ་ལྟར་གོམས་པ་སྲིད་པའི་ཕྱིར་རོ་སྙམ་དུ་སེམས་པ་ནི། འོན་ཏེ་རེས་འགའ་ཞེས་བྱ་བའོ། །རེ་ཞིག་གོམས་པ་ལས་བྱུང་བའི་རྣམ་པར་ཆད་པའི་སེམས་ནི་མཚམས་སྦྱོར་བ་ཁོ་ནར་མཐོང་བར་བསྟན་པ་ནི། སད་པ་མེད་པའི་ཞེས་བྱ་བ་སྟེ། ནུས་པ ་ཅན་གྱི་ཚོགས་པ་མཐོང་བའི་ཕྱིར་སྲིད་པ་ལས་བཟློག་པ་ཉིད་ཡིན་ཏེ། དེ་འདྲ་ཕྱིས་ཀྱང་འགྱུར་བ་ཡིན་ཞེས་བྱ་བའི་རིགས་པས་བསྟན་པ་ནི། རང་གི་བདག་ཉིད་ཀྱིས་སོ། །གཞན་ནི་རྒྱུ་གཞན་གྱིས་སོ། །གཞན་ཞེས་བྱ་བ་ནི་ཤེས་བྱའོ། །འཚོ་བའི་སེམས ་ནི་སྔ་མ་དང་ཕྱི་མའི་མཛའ་དང་བྲལ་བ་གཏན་རྣམ་པར་ཆད་པ་ཁོ་ནར་དམིགས་པ་ཡིན་ཞེས་བྱ་བ་ཡང་འགལ་བའི་འབྲས་བུ་དམིགས་པ་ཡིན་པའི་ཕྱིར་མི་རིགས་པ་བསྟན་པ་ནི། སྔོན་གྱི་འདུ་བྱེད་ན་བལྟོས་ཅན་ཞེས་བྱ་བའོ་སྐྱོན་དང་བཅས་པའི ་སེམས་སེམས་གཞན་དང་མཚམས་སྦྱོར་བར་བྱེད་པར་དེ་ཅི་འདྲ་ཞིག་འཕེན་བྱེད་འགྱུར་ཞེས་བྱ་བས་བསྟན་པ་མ་ཡིན་ནམ། དགྲ་བཅོམ་པ་ལ་ནི་དེ་མེད་པས་རྒྱུ་མ་ཚད་པའི་ཕྱིར་རྣམ་པར་ཆད་པར་འགྱུར་པ་ཁོ་ན ་ཡིན་ནོ་སྙམ་དུ་སེམས་ལ། འདོད་ཆགས་དང་བྲལ་བས་ཞེས་བྱ་བ་སྨོས་ཏེ། གཞན་ལ་མི་ཕྱོགས་པས་ཡོངས་སུ་འདོར་བའི་ངོ་བོའི་སྡང་བའི་ཕྱོགས་ཡོད་པའི་ཕྱིར་དགྲ་བཅོམ་པ་ལ་ཡང་ཇི་ལྟར་རྒྱུ་མ་ཚང་བའི་ཡིན། ཇི་ལྟར་གཞན་ལ་མི་ཕྱོགས ་པ་མ་ཡིན་པ་ནི་བདག་དང་བདག་གིར་མངོན་པར་ཞེན་པ་མ་ཡིན་པའི་སྙིང་པོ་ཅན་ཡིན་པའི་ཕྱིར་འདོད་ཆགས་མ་ཡིན་གྱི་སྙིང་རྗེ་མ་ཡིན་ནམ་དེ་བཞིན་དུ་མི་ཕྱོགས་པ་ནི་ཞེ་སྡང་མ་ཡིན་ནོ་སྙམ་དུ་སེམས་པ་ལའོ། །ཐམས་ཅད་དུ་ཡོངས་སུ་འདོར་བའི ་ངོ་བོའི་ཞེ་སྡང་ནི་ཕ་རོལ་གྱི་ཡུལ་ཅན་ཡིན་པའི་ཕྱིར་ལ་མི་ཕྱོགས་པ་ནི་དེའི་ཕྱོགས་ཁོ་ན་ཡིན་པར་བསྟན་པ་ནི། གཞན་གྱི་དོན་ལ་དགའ་བ་ཡིན་པས་ཞེས་བྱ་བའོ། །གལ་ཏེ་ཡང་དགྲ་བཅོམ་པ་ལ་ནི་རྒྱུ་མ་ཚད་པའི་ཕྱིར་རྣམ་པར་ཆད་པ ་ཡིན་ལ་དེ་མེད་པས་རྣམ་པར་མ་ཆད་པ་ཁོ་ན་སྲིད་པའི་ཡུལ་ཡིན་པར་བསྟན་པ་ནི། ཡང་ན་ཞེས་བྱ་བ་སྟེ། འདོད་ཆགས་དང་བྲལ་བ་ཉིད་ཀྱི་ཤེས་པ་ལ་ཁོ་ན་ཞེས་བྱ་བ་རིམ་པར་མ་ཡིན་པའི་ངེས་པར་གཟུང་བ་ཡིན་ནོ། །ཐམས་ཅད་དུ་རྣམ་པར ་ཆད་པ་ནི་རྟག་ཏུ་རྣམ་པར་ཆད་པ་ཡིན་ལ་ད་ལྟར་པའི་ཤེས་པའི་སྐད་ཅིག་ལ་དམིགས་པ་ནི་སྔ་མ་དང་ཕྱི་མས་དབེན་པ་ཉིད་ཁོ་ན་དེ་རྣམ་པར་ཆད་པར་དམིགས་པ་ཡིན་ཞེས་བྱ་བ་ནི་བདག་ཅག་གི་འདོད་པ་ཡིན་ནོ། །དེའི་ཕྱིར་འཇིག་རྟེན་ཕ་རོལ་མེད་པ་དེ ་ཁོ་ནར་ཁྱེད་འདོད་པ་ཡང་བདག་གི་འདོད་པར་འོས་པ་ཡིན་པའི་ཕྱིར་ལན་གདབ་པར་དཀའ་བ་ནི་རྒོལ་བ་འདི་ལ་ལན་མེད་པ་ཁོ་ན་ཡིན་ནོ་ཞེས་བྱ་བའི་དོན་ཏོ། །ལན་ནི་མངོན་གྱི་འདུ་བྱེད་ལ་བལྟོས་ཅན་ཞེས་བྱ་བ་སྟེ། སྔ་མ་དང་ཕྱི་མའི་མཛའ་ ་དག་ལ་སེམས་གཅིག་ཁོ་ན་ཡང་མ་ཡིན་ལ་གཞན་དང་གཞན་ཡང་མ་ཡིན་ཞེས་བྱ་བ་ནི་ཁོ་བོའི་འདོད་པ་ཡིན་གྱི་གཞན་ཡང་མ་དམིགས་པ་ཡིན་ཞེས་བྱ་བ་དེ་ལྟར་ནི་མ་ཡིན་ཏེ། མ་མཐོང་བ་ནི་མེད་པའི་སྒྲུབ་བྱེད་མ་ཡིན་པའི་ཕྱིར་ཞེས་བྱ་བའི་དོན་ཏོ། །དེ ་ཕྱིར་བློ་གནས་པ་ཡི་རྟེན། །བློ་ཉིད་ལ་ནི་བརྟེན་པ་འགའ་ཞེས་བྱ་བ་དང། དེ་ཡི་ཤེས་པས་ཕན་འདོགས་ཕྱིར། །ཡོད་ན་ལུས་ལ་བརྟེན་པར་བཤད། ཅེས་ཀྱང་གསུངས་པ་ཁོ་ན་ཡིན་པར་བསྟན་པ་ནི། རྟེན་ལྡོག་པས་ལྡོག་པ་ནི། བཟློག་དུ་མེད་པས་ཡིན ་ནོ་ཞེས་བྱ་བ་ལ་སོགས་པ་སྟེ། གལ་ཏེ་ལུས་ཀྱི་ཉེ་བར་བླང་བྱ་སེམས་ཡིན་ན་ལུས་རྣམ་པར་འགྱུར་བ་མ་ཡིན་པ་ཤི་བའི་གནས་སྐབས་ན་ཡང་མི་ལྡོག་པར་འགྱུར་རོ། །འོན་ཏེ་བཟློག་ན་ནི་ལུས་ཀྱི་ཉེ་བར་བླང་བྱ་མ་ཡིན་ཏེ། ཐ་དད་པའི་ཕྱིར་རོ་ཞེས་བྱ་བ་ནི། ཚིགས ་སུ་བཅད་པ་ཉིད་ཀྱི་དོན་ཡིན་ནོ། །འོན་ཏེ་སེམས་ཐ་དད་པ་ཡིན་ཡང་དེ་འདིའི་རྟེན་ཡིན་གྱི་བ་ལང་ལ་སོགས་པ་བཞིན་དུ་རང་དབང་ནི་མ་ཡིན་ནོ། །དེའི་ཕྱིར་རི་མོ་བཞིན་དུ་རྟེན་ལོག་ནའམ་གཞན་དུ་ཡང་བཟློག་པར་བྱེད་པ་ཉེ་བར་ཞུགས་པས་ལྡོག་པར་འགྱུར ་རོ། །དེའི་ཕྱིར་ལུས་མེད་ན་ལྡོག་པར་ཐལ་བར་འགྱུར་རོ་སྙམ་དུ་སེམས་པ་ལ། རྟེན་ནི་བཀག་པ་ཡིན་པའི་ཕྱིར་རོ་ཞེས་གང་གསུངས་པ་དེ་ཉིད་རྣམ་པར་འགྲེལ་པ་ནི། ཡོད་མེད་དག་ལ་རྟེན་མེད་ཕྱིར་ཞེས་བྱ་བ་སྟེ། རེ་ཞིག་ཐ་མི་དད་པའི་དངོས་པོ་ནི་རྟེན་མ ་ཡིན་ཏེ། ཉེ་བར་ལེན་པ་ཡིན་པའི་ཕྱིར་རོ། །ཐ་དད་པར་མི་འགྱུར་ན་དེ་ཡང་ཡོད་པ་ནི་མ་ཡིན་ཏེ། བསྐྱེད་བྱའི་དུས་བཞིན་དུ་བརྟེན་དང་བརྟེན་པ་མ་ཡིན་པ་ཁོ་ན་བསྐྱེད་པར་འགྱུར་རོ། །རི་མོ་བཞིན་དུ་ཡིན་ནོ་ཞེ་ན། ཐ་དད་པ་མ་ཡིན་པ་ནི་ཉེ་བར་ལེན་པ ་མ་ཡིན་ནོ། །ཐ་དད་པ་ཡིན་ན་མེ་དང་ཟངས་མའི་ཞུ་བ་ཉིད་བཞིན་དུ་ལྷན་ཅིག་སྐྱེ་བ་ཡིན་ནོ། །རྒྱུ་ལྷན་ཅིག་ཡོད་པའི་ཕྱིར་མེད་པའི་ཡང་རྟེན་མ་ཡིན་ནོ། །འདུ་བར་རྟོག་པ་ཡང་ཉེ་བར་ལེན་པ་དང་ཉེ་བར་བླང་བྱ་ཉིད་ཀྱི་རྒྱུ་མ་ཡིན་ལྷན་ཅིག ་སྐྱེ་བའི་རྒྱུ་མཚན་ཡང་ཡིན་ནོ། །ཉེ་བར་ལེན་པ་དང་ཉེ་བར་བླང་བྱའི་བྲེལ་པ་ནི་འདུ་བ་ཡིན་ཞེས་བྱ་བ་ཡང་གཏམ་ཙམ་ཡིན་ལ་ཐ་མི་དད་པ་དག་གི་འམ་ཐ་དད་པ་དག་གི་ཐ་མི་དད་པ་ན་ལྷན་ཅིག་སྐྱེ་བ་ཙམ་ཉིད་ཀྱི་དེ་རྟོགས ་པ་འབྱུང་བའི་ཕྱིར་ཐ་མི་དད་པའམ་ལྷན་ཅིག་སྐྱེ་བ་ཡང་རུང་དེ་ལྟ་བུའི་འདུ་བ་ཡིན་གྱི་གཞན་པ་ནི་མ་ཡིན་ཏམ་མཐོང་བའི་ཕྱིར་རོ། །གང་གི་ཕྱིར་སོ་སོ་མ་ཡིན་པར་གྲུབ་པ་རྣམས་ཀྱི་འབྲེལ་པ་ནི་འདུ་བ་ཡིན་ལ་སོ་སོ་བར་གྲུབ་པ་ནི་འབྱུང་བ་དང་རི་དག་རྟེན་དང ་རྟེན་ཅན་སོ་སོ་བ་ནི་རང་གི་ཆ་ཤས་འདུ་བ་ཡིན་ནོ། །དེ་ཉིད་ཀྱང་མཚོན་ཆ་ཡིན་གྱི་མཚན་ཉིད་ནི་མ་ཡིན་ཏེ། སོ་སོ་བར་རྟོགས་པ་དང་ལྡན་པ་ནི་མ་ཡིན་ནོ། །དེ་ལས་ཀྱང་སོ་སོ་མ་ཡིན་པ་གྲུབ་པས་ནི་སོ་སོ་མ་ཡིན་པར་རྟོག་པ་ཉིད་ཡིན་ཏེ་གཞན ་དུ་ན་མཚན་ཉིད་དུ་མི་རིགས་པའི་ཕྱིར་རོ། །དེ་ལ་ཡང་བརྡ་ཇི་ལྟ་བ་བཞིན་དུ་འདུ་བའི་ཤེས་པ་ཡང་ཡིན་ཏེ་དེ་ཡོད་ན་འབྱུང་བ་ཉིད་ཡིན་ན་འབྲས་བུ་རྟོགས་པ་ལྟ་བུའོ། །དེ་ནི་འདུ་བ་ལས་མེའི་ཤེས་པ་བཞིན་དུ་དེའི་ཤེས་པའི་རྒྱུ་མཚན་ཡང་མ ་ཡིན་ཏེ། དེ་ལྟར་རྟོགས་པ་མེད་པའི་ཕྱིར་རོ། །དེ་དག་གི་འདུ་བ་དག་ལ་མེ་ལ་སོགས་པ་བཞིན་དུ་ངེས་པར་རྟོགས་པ་མ་ཡིན་ལ་དོན་གྱི་གོ་བ་ཡང་མ་ཡིན་ནོ། །བསྲེག་པའི་ནུས་པ་འབྲུམ་བུ་ལ་སོགས་པ་བཞིན་དུ་སོ་སོ་བར་མ་རྟོགས་པ ་འབའ་ཞིག་ཙམ་གྱི་ཐ་མི་དད་པར་དམིགས་པས་བརྡའི་དབང་གི་འདུ་བ་ཡིན་པར་མངོན་པར་སེམས་པར་བྱེད་པ་ཡིན་གྱི་དེ་ལས་གཞན་པའི་ཤེས་པ་ནི་མ་ཡིན་ནོ། །སོ་སོ་བར་རྟོགས་པ་དང་ལྡན་པ་ཉིད་ཡིན་ན། ཕྲད་པ་ཡིན་ལ་འབྱེད་པ་ནི་དེ་ལྟ ་བུའི་ཕྲད་པ་ལས་སོ་སོ་བར་གྱུར་པ་ཡིན་ཞེས་བྱ་བ་ནི་རྣམ་པར་དབྱེ་བ་ཡིན་ནོ། །དེ་བཞིན་དུ་རྒྱུའི་དབང་གི་སྟེ་མ་དང་འོག་མ་ཉིད་དུ་སྐྱེ་བ་ཙམ་ནི་རྟེན་ལ་སོགས་པ་ཉིད་ཡིན་ནོ། །ལྟུང་བ་ལ་དེ་ཡོད་ན་མི་ལྟུང་བ་དེ་གནས་པ་ནི་དེའི་རྒྱུ་ཡིན་ན ་དངོས་པོའི་རྟེན་དུ་འགྱུར་པའི་ཕྱིར་གཞི་ཡིན་པར་བརྗོད་པ་མ་ཡིན་ནམ་དེ་ལྟར་སྐྱེ་བ་ཙམ་ནི་མ་ཡིན་ཏེ། དེ་བསྟན་པ་ནི། རྟེན་ཡོད་པ་གནས་པའི་རྒྱུ་ནི་ཡིན་ཞེ་ན་ཞེས་བྱ་བའོ། །ལན་ནི། དངོས་པོ་ལས་གཞན་མིན་ཕྱིར་ཞེས་བྱ་བའོ། །གང་གི་ཕྱིར་ལྟུང ་བའི་དངོས་པོ་ཁོ་ན་ལྟུང་བ་ཡིན་གྱི་གཞན་ནི་མ་ཡིན་ཞིང་དེ་ཉིད་ལྟུང་བ་ཡང་ཡིན་པར་འགྱུར་རོ་ཞེས་བྱ་བར་མི་རིགས་ཏེ་དེ་གཞན་ཡིན་པའི་ཕྱིར་རོ། །ལྟུང་བ་དང་གཅིག་མ་ཡིན་ཏེ། སྣང་བ་ཐ་དད་པའི་ཕྱིར་རོ། །དེའི་ཕྱིར་ད་ལྟར་སྐྱེ་བ་ཙམ་ནི་རྟན་ལ་སོགས་པ ་ཡིན་གྱི་གཞན་ནི་མ་ཡིན་ནོ། །དེ་ལྟ་བུར་སྐྱེ་བ་ལ་དེ་རྒྱུ་མཚན་ཡིན་ནོ་ཞེ་ན་མ་ཡིན་ཏེ། དེའི་རྒྱུ་དང་ལྷན་ཅིག་པའི་སྔ་མ་ཤོས་དེའི་རྒྱུ་མཚན་ཡིན་པའི་ཕྱིར་རོ། །དེའི་དུས་སུ་འབྱུང་བ་ཙམ་ནི་མ་ཡིན་ཏེ། རྒྱུ་མཚན་མ་ཡིན་པའི་ཕྱིར་རོ། །ཁྱད་པར་ལ་ཡང ་ཅུང་ཟད་འགའ་ཁོ་ན་རྟེན་ཉིད་དུ་རྟོག་པ་ཡིན་ཏེ། བརྡའི་དབང་དུ་བྱས་པའི་ཕྱིར་རོ། །ཡང་ན་དེའི་རྒྱུ་དང་དེའི་རྒྱུའི་ལྷན་ཅིག་བྱེད་པས་རྒྱུ་མཚན་ཡིན་ཏེ་རང་གི་འབྲས་བུ་དང་གཅིག་ཏུ་བྱེད་པའི་ཕྱིར་དེ་ཉིད་དུ་འགྱུར་བར་རྟེན་དུ་ཉེ་བར་བརྟགས་པ་ཡིན་ནོ། །ཐ་དད་པ ་ཡིན་ཡང་སྔ་མ་དང་ཕྱི་མ་ཉིད་ཀྱི་དངོས་པོ་གཅིག་ཉིད་དུ་གནས་པའི་ཕྱིར་རོ། །རེས་འགའ་བ་ཉིད་ཀྱིས་དངོས་པོ་ལས་ཐ་མི་དད་ཡིན་པ་ཡང་སོ་སོར་སྣང་བ་ཐ་དད་པ་དང་འགལ་བ་དེ་ཉིད་ཀྱི་ཤེས་པ་ནི་དེ་མི་བྱེད་པའི་དངོས་པོའམ་བར་གཅོད་པའི ་ཡུལ་ཡིན་པའི་གཅིག་ཉིད་ཡིན་གྱི་ཕ་རོལ་པོ་གཞན་གྱི་མངོན་པར་འདོད་པ་མེད་དོ་ཞེས་སྲིད་པའི་དོན་ལ་འམ་ཁས་ལེན་པའི་དོན་ལ་ཡང་སྒྲ་ཡིན་ཏེ། གལ་ཏེ་འདི་ལྟར་སྲིད་པ་འམ་ཁས་ལེན་ཡིན་ན་དེ་ནི་སྔ་མ་དང་ཕྱི་མ་དག་གི་གཅིག་ལ་ཉིད་ཡིན་ཡང ་གནས་པ་དང་གཡོ་བ་ཡང་ཚད་མས་གྲུབ་པ་ཡིན་པར་འཐད་པ་ཁོ་ན་ཡིན་ནོ་ཞེས་བྱ་བ་འདི་བསལ་བ་ཡིན་ནོ། །བྱེད་པ་ནུབ་པར་བྱེད་པའི་རྒྱུ་མཚན་སྐད་ཅིག་པར་སྨྲ་བར་ཡང་མ་ཡིན་ཏེ། སོ་སོར་སྣང་བས་གྲུབ་པའི་ཕྱིར་རོ། །དེའི་ཕྱིར་བྱེད་པ་ནུབ་པའི ་མ་ཡིན་ནོ། །དེའི་རྒྱུ་ནི་དེ་ཁོ་ནའི་རྒྱུ་ཁོ་ན་ཏེ་དངོས་པོའི་རྟེན་ནི་མ་ཡིན་ནོ་ཞེས་བྱ་བའི་དོན་ཏོ། །དེ་ཁོ་ནའི་བྱེད་པ་མ་ཡིན་པའི་ཕྱིར་དངོས་པོའི་རྟེན་ནི་མ་ཡིན་ཏེ། དེ་ལྟ་ཡིན་ན་ཁམས་གསུམ་པོ་རྟེན་དུ་ཐལ་བར་འགྱུར་རོ། །དེ་ནི ་དངོས་པོ་སྟེ། སེམས་ལ་ཅི་ཞིག་བྱས་ཏེ་རྟེན་མ་ཡིན་པའི་ལུས་ཀྱི་ནི་ཕན་བྱས་པ་མེད་པ་སྟེ་རང་གི་རྒྱུའི་དབང་གི་འབྱུང་བའམ་མི་འབྱུང་བ་ཡིན་ཞེས་བྱ་བའི་དོན་ཏོ། །ཉེ་བར་ལེན་པ་མ་ཡིན་པའི་ལུས་ནི་སེམས་ཀྱི་རྟེན་དུ་འགྱུར་རོ་ཞེས་རྒོལ་བ་ལ ་བརྟན་པ་ཉིད་ཡིན་དུ་ཆུག་ཀྱང་རྩིག་པ་ལ་རི་མོ་བཞིན་དུ་ལུས་ལ་སེམས་ནི་མ་ཡིན་ཏེ། འཕོ་བའི་ཕྱིར་རོ་ཞེས་རང་ཉིད་ཀྱི་ལན་འདེབས་པ་ནི། དེ་ཡང་མི་བདེན་རི་མོ་ལ་ཞེས་བྱ་བ་ལ་སོགས་པས་སོ། །ལུས་དང་སེམས་ཐ་མི་དད་ན་གང་ཞིག་གང་ལ་བརྟེན ་པ་ཡིན་ཞེས་བྱ་བ་ནི། གཞན་ཡང་རྟེན་ཉིད་ནི་ཞེས་བྱ་བ་སྟེ། ལུས་གྲུབ་པ་ཡིན་ཡང་སེམས་ཀྱི་དབྱེ་བ་ལ་ཐེ་ཚོམ་ཟ་བའི་ཕྱིར་དེ་དག་ཐ་དད་པ་མ་ཡིན་པར་ཟེར་བ་ནི་མ་ཡིན་མོད་ཅེས་བྱ་བའོ། །སྔ་མའི་རྒྱུ་ལས་དེ་བཞིན་དུ་སྐྱེ་བའི་ཕྱིར་མི་དང། ཟངས་མའི ་ཞུ་བ་ཉིད་བཞིན་དུ་ལྷན་ཅིག་སྐྱེ་བ་ཙམ་གྱི་རྟེན་དང་བརྟེན་པའི་དངོས་པོ་མི་རིགས་པ་མ་ཡིན་ནམ་རྣམ་ཤེས་སྐྱེ་བཞིན་པའི་ཚད་མ་དང་ལྡན་པ་ཉིད་ཀྱི་ཤེས་བཞིན་པ་ནི་རྟེན་དང་བརྟེན་པ་ཉིད་དུ་འཐད་པ་ཡིན་སྙམ་དུ་སེམས་པ་ལ། རེ་ཞིག་མེད་པ་ལ ་ནི་ཞེས་བྱ་བ་སྟེ། རྣམ་པར་ཤེས་པ་ནི་སྐྱེ་བཞིན་པ་ན་རྟོག་པའི་ངོ་བོ་ཡིན་པའི་ཕྱིར་ཚད་མ་ཉིད་དུ་སྐྱེ་བཞིན་པ་ཡིན་པར་ནི་རིགས་ན་བརྟེན་པ་ནི་རྟེན་གྱིས་ཕན་བཏགས་པ་ཡིན་གྱིས་དུས་ཐ་མི་དད་པ་ལ་ནི་མི་རིགས་ཏེ། ཕན་འདོགས་བྱ་དང་ཕན ་འདོགས་བྱེད་དག་འབྲས་བུ་དང་རྒྱུའི་ཁྱད་པར་ཉིད་ཀྱི་གཞི་ཡིན་ལ་དུས་ཕྱིས་དེ་གང་གི་བར་དུ་བཅད་པ་ནི་དེ་ལས་གཞན་པ་ཡིན་ནོ། །བོང་བུའི་རྭ་ལ་ནི་བརྟེན་གང་ཡང་མེད་པའི་ཕྱིར་དུས་ཐ་དད་པ་ནི་གདོན་མི་ཟ་བར་རྟེན་པར་བྱ་བ་ཡིན་ནོ་ཞེས་དགོག? ་པས་རང་གི་རྒྱུ་ལས་སྐྱེ་བ་ནི་རང་གི་ངོ་བོ་ཙམ་དུ་དེ་ལས་ཁྱད་པར་ཅི་ཡང་མེད་དོ། །ཁྱད་པར་ཡོད་ན་དེ་ཉིད་ལས་དེ་ཡིན་པར་ཕྱིར་དེ་ཁོ་ན་རྟེན་ཡིན་གྱི་དུས་མཚུངས་པ་ལ་ཡིན་པར་བསྟན་པ་ནི། མེད་པ་ནི་རྒྱུ་ལས་སྐྱེ་བར་འདོད་པ་འབའ་ཞིག་ཏུ་མ་ཟད་དེ་ཞེས་བྱ་བར་རོ།། ་ཇི་ལྟར་སྐྱེ་བའི་དུས་སུ་ཡོད་པའི་རྟེན་མ་ཡིན་པ་ནི་དེ་བཞིན་དུ་དུས་ཕྱིས་ཀྱང་ཡོད་པར་ཁྱད་པར་མེད་པའི་ཕྱིར་བརྟེན་པ་མ་ཡིན་ནོ་ཞེས་བྱ་བ་ནི་མ་རིགས་ཏེ། སྐྱེས་པ་ནི་བྱ་བའི་ཡུལ་ཉིད་ཀྱིས་རྟེན་ཡིན་པའི་ཕྱིར་སྟེ་རིའི་ཤིང་ལྟ་བུ་ཡིན་ནོ་སྙམ་དུ་སེམས་པ་ལ། ་ཡོད་པ་ལ་ཡང་ཞེས་བྱ་བ་སྟེ། སྟེ་རེ་དང་མེ་ལ་སོགས་པའི་འབྲས་བུ་ཁོ་ན་ཤིང་ཡིན་ཏེ། དུས་ཀྱི་དབྱེ་བ་ལས་རྣམ་པར་འགྱུར་བ་འབྱུང་བ་ཡིན་ཞེས་བྱ་བའི་དོན་ཏོ། །འོན་ཏེ་ཡོད་པ་ལ་རྟེན་ཏེ་བྱ་བ་བྱེད་པ་ཡིན་ཏེ་ལྟུང་བ་ལ་སོགས་པ་བཀག་པས་དེ་ལ་ཕན་འདོགས ་བའི་ཕྱིར་རོ། །མ་ཡིན་ཏེ། ལྟུང་བ་བཀག་པ་ནི་རང་གི་རྒྱུ་ཁོ་ན་ལས་ཡིན་པར་འདོད་པར་བསྟན་པ་ནི་ཡོད་པ་ཡང་ཞེས་བྱ་བའོ། །རང་གི་རྒྱུ་ལས་དངོས་པོའི་རང་གི་ངོ་བོས་མི་ལྟུང་བ་ཡིན་ཏེ་རྟེན་ཡིན་ནོ་སྙམ་དུ་སེམས་པ་ནི། འོན་ཏེ་སྐྱེས་པ་ལ་ཡང ་ཞེས་བྱ་བ་སྟེ། བདག་ཉིད་ཐམས་ཅད་ཅེས་བྱ་བ་ནི་རང་གི་ངོ་བོས་སོ། །གནས་པ་རང་གི་ངོ་བོ་དག་གི་དབྱེ་བ་རྗེས་སུ་འགྲོ་བ་དང་ལྡོག་པ་གྲུབ་པ་ཡིན་ནོ་ཞེས་ཟིན?་པ་ནི། གནས་པ་ནི་ཞེས་བྱ་བ་སྟེ། གནས་པ་དང་ཐ་དད་པ་མེད་པ་ཞེས་བྱ་བ་ནི། ་ཐ་མི་དད་པར་བྱེ་བྲག་མེད་པའི་ཕྱིར་གནས་བ་མེད་པའི་ཕྱིར་རོ་ཞེས་བྱ་བའོ། །ཤིང་ལ་སོགས་པའི་ཡན་ལག་ཅེས་བྱ་བ་ནི་ཡན་ལག་དག་ཀྱང་སོ་སོ་མ་ཡིན་པར་གྲུབ་པའི་ཕྱིར་འདུ་བའི་འབྲེལ་པ་ཡིན་ནོ། །འོན་ཏེ་ཡན་ལག་གི་རྟེན་དང་བརྟེན་ཅན ་སོ་སོ་ཡིན་པའི་ཕྱིར་སོ་སོ་བར་གྲུབ་པ་ཡིན་ན། འདི་ལ་ཡང་བརྗོད་པ་ནི། ཤིང་ལ་སོགས་པ་ཞེས་བྱ་བ་སྟེ། ཤིང་ནི་རང་གི་ཡན་ལག་ལ་འཇུག་པ་ཡིན་ལ་རང་གི་ཡན་ལག་དེ་ཡང་ཡིན་ཞེས་སོ་སོ་བ་གྲུབ་པ་ཉིད་དུ་འགྱུར་རོ། །འདུ་བ་ཁས་ལེན་པ་ཡིན ་ན་ནི་སོ་སོ་བ་གྲུབ་པ་ཉིད་དུ་ཐལ་བར་འགྱུར་རོ་ཞེས་འབྲེལ་པ་ཡིན་ནོ། །འདུ་བ་ཅན་གྱི་རང་གི་ཡན་ལག་ལ་འདུས་པ་ཉིད་ནི་ཐ་མི་དད་པ་གྲུབ་པ་ཉིད་ཡིན་པ་འདི་ལ་བརྗོད་པ་ནི། དེ་ལྟ་ན་ཡང་ཞེས་བྱ་བ་སྟེ། སོ་སོ་བ ་མ་ཡིན་པ་གྲུབ་པ་ཉིད་ཀྱིས་འདུ་བ་མཚོན་པར་བྱ་བ་ཡིན་ལ། དེས་ཀྱང་སོ་སོ་བ་མ་ཡིན་པ་ཉིད་གྲུབ་པ་ཡིན་པས་ཕན་ཚུན་ལྟོས་པའི་ཕྱིར་གཉི་ག་མ་གྲུབ་པ་ཡིན་ལ་དེ་ཡང་མཚན་ཉིད་དང་མཚོན་བྱེད་མི་རིག་སྟེ་མནན?་བྱ་དང་མཚན་ཉིད་དག་ཐ་དད ་པར་རྟོགས་པས་འདུ་བ་གང་ཡིན་པ་དེ་ནི་མ་ཡིན་ནོ་ཞེས་བྱ་བར་སྦྱར་རོ། །འདུ་བ་ཅན་དག་གི་ཡང་ཕྱོགས་གཅིག་གིས་འབྱར་བ་ནི། པིལྦ?་དང་སྐྱུ་རུ་ར་དག་བཞིན་དུ་ཕྲད་པ་ཡིན་གྱི་འདུ་བ་ནི་མ་ཡིན་ནོ་ཞེས་བསྟན་པ་ནི། ཡན་ལག་མེད་པའི་དངོས ་པོ་ཞེས་བྱ་བའོ། །དེ་ལྟ་མོད་ཀྱི་ཡན་ལག་གིས་ཡིན་ནོ། །དེ་ལ་ན་ཡང་འདུ་བ་ནི་མ་ཡིན་ཏེ། འདུ་བ་ཅན་དག་གི་དབྱེ་བ་མ་མཐོང་བས་མེད་པའི་ཕྱིར་རོ་ཞེས་བྱ་བའི་དོན་ཏོ། །དབྱེ་བ་མཐོང་ཡང་ཡན་ལག་དང་ཕྲག་པས་འདུ་བ་མ་ཡིན་པར་འགྱུར་རོ ་ཞེས་བསྟན་པ་ནི། ཡན་ལག་ཅན་ཞེས་བྱ་བའོ། །ཡན་ལག་མ་ཡིན་པ་དང་འབྱར་བ་ཡང་དེ་དག་གི་དབྱེ་བ་དམིགས་པ་ཡིན་པ་ཁོ་ན་ཡིན་ལ་ཡན་ལག་ཐམས་ཅད་དང་ལྡན་པ་ནི་ཡན་ལག་ཅན་ཡིན་ལ་རྣམ་པར་དབྱེ་བ་དམིགས་པ་ནི་ཡན་ལག ་རྣམས་ཡིན་ནོ་སྙམ་དུ་སེམས་པ་ནི། རྗེས་སུ་ཞུགས་པ་དང་མ་ཞུགས་པ་ཞེས་བྱ་བའོ། །རྣམ་པར་དབྱེ་བ་འདོད་པ་རྣམས་ཤེས་པ་གཅིག་ཏུ་སྣང་བ་རྣམས་ལ་རྣམ་པར་དབྱེ་བ་ཉེ་བར་མཚོན་པར་མ་བྱས་པས་དབྱེ་བ་མེད་པར་མཆོག་ཏུ ་འཛིན་པ་ཡིན་གྱི་ཤེས་པ་གཅིག་པོ་དེའི་བྱ་བའི་རྗེས་སུ་འཇུག་པ་འཛིན་པ་མ་གཏོགས་པར་དབྱེ་བ་མེད་པར་འཛིན་པ་ནི་མ་ཡིན་ནོ་ཞེས་བསྟན་པ་ནི། འཐད་པ་ཡིན་ཏེ་ཞེས་བྱ་བའོ། །སེམས་ཀྱི་རྟེན་དང་བརྟེན་པ་ཉིད་ཀྱང་བཀག་པའི་ཉེ་བར ་སྡུ་བས་རྒྱུ་དང་ལྷན་ཅིག་པའི་འབྲས་བུ་དང་ལྷན་ཅིག་གནས་པ་དེའི་ཐ་སྙད་ཀྱི་ཡུལ་ཡིན་པར་བསྟན་པ་ནི། དེའི་ཕྱིར་ཞེས་བྱ་བའོ། །ལུས་ཉེ་བར་ལེན་པ་ཉིད་ཡིན་པ་ཡང་གོང་དུ་བཀག་པ་ཁོ་ན་ཡིན་པར་བསྟན་པ་ནི་ལུས་ནི་ཞེས་བྱ་བའོ། །གལ་ཏེ་ཡང ་སེམས་གནས་པར་བྱེད་པའི་ཕྱིར་ལུས་རྟེན་ཡིན་ན། ལུས་ནི་གནས་པ་ཡིན་ན་སེམས། །ལྡོག་པ་མེད་པར་ཐལ་བར་འགྱུར་ཞེས་བྱ་བ་འདི་ཉིད་ཟླས་ནས་བསྟན་པ་ནི། འཇིག་པ་མེད་པར་ཐལ་བར་འགྱུར་དེ་ཞེས་བྱ་བའོ། །འོན་ཏེ་ལུས་ཀྱང་མི་མཉམ ་པ་ལ་སོགས་པས་སེམས་འཇིག་པས་འདོད་པ་ཡིན་ཞེས་ཟེར་བ་ནི། གལ་ཏེ་འཇིག་རྒྱུ་ལས་འདོད་ན་ཞེས་བྱ་བའོ། །ལན་ནི་དེ་ལས་ཐལ་བར་མཚུངས་པ་ཡིན་ཞེས་བྱ་བ་ལ་ཐལ་འགྱུར་ནི། ཤི་བ་ཉེས་པ་མཉམ་གྱུར་ཚེ། །སླར་ཡང་འཚོ་བ་དག་ཏུ ་འགྱུར་ཞེས་བྱ་བའོ། །འོན་ཏེ་རང་གི་རྒྱུ་ལས་བྱུང་བའི་འཇིག་པའི་རྒྱུས་འཇིག་པར་འགྱུར་བ་ཁོ་ན་ཡིན་ན། དེ་ལ་ཡང་གནས་པའི་རྒྱུས་ཀྱང་ཅི་ཞིག་བྱ་ཞེས་བྱ་བ་སྟེ། འཇིག་པའི་རྒྱུའི་སྔོན་རོལ་ན་དེ་མེད་པའི་ཕྱིར་རང་ཉིད་ཁོ་ན་གནས་པ་ཡིན་ཏེ། འཇིག ་པ་འབའ་ཞིག་ལས་ཀྱང་ཟད་ཀྱང་མི་བྱེད་པ་ཁོ་ན་མ་ཡིན་གྱི་གནས་པའི་རྒྱུ་འདི་ལ་ཡང་ངོ། །འོན་ཏེ་འཇིག་པའི་རྒྱུའི་སྔ་རོལ་ན་ཡང་གནས་པའི་རྒྱུ་མེད་ན་ཡང་མི་གནས་པ་ཡིན་ཏེ། འཇིག་པ་ཡིན་ནོ་ཞེས་བྱ་བའི་དོན་ནི། གལ་ཏེ་འཇིག་རྒྱུ་ཁྱད་པར ་དུ་དེས་གནས་ཞེས་བྱ་བའོ། །ལན་ནི། འཇིག་པ་དངོས་ཆོས་ཉིད་ཅེས་བྱ་བ་སྟེ། དངོས་པོའི་ཆོས་ནི་དེ་ཙམ་དང་རྗེས་སུ་འབྲེལ་བར་བྱེད་པས་གང་གིས་ཀྱང་བར་དུ་བཅད་པར་མི་ནུས་ཏེ་རང་བཞིན་གྱིས་མི་ལྡོག་པ་ལ་ཕྱིར་རོ་ཞེས་བསྟན་པ་ན ་དངོས་པོ་ཡོད་ན་དེ་ཙམ་དང་རྗེས་སུ་འབྲེལ་པ་ཅན་ཡིན་པའི་ཕྱིར་གནོད་མེད་དེ་འཇིག་པ་འདི་གཞན་དུ་བྱེད་པར་མི་ནུས་པའོ། །འདི་ནི་འཇིག་པ་རྒྱུ་མེད་པ་ཅན་ཡིན་ན་སྐད་ཅིག་གཉིས་པ་བཞིན་དུ་སྐད་ཅིག་དང་པོ་ལ་ཡང་འགྱུར་རོ་ཞེས་བྱ་བ ་བསལ་བ་ཡིན་ནོ། །གང་གི་ཕྱིར་དངོས་པོ་ཡོད་ན་དེའི་ཆོས་སུ་འགྱུར་ལ་རང་འདི་འཇིག་པ་དང་ཅིག་ཤོས་ཀྱི་ཕྱོགས་དག་ལ་གནས་པའི་རྒྱུ་ཅུང་ཟད་ཀྱང་བྱེད་པ་མ་ཡིན་ནོ་ཞེས་བྱ་བའི་དོན་ཏོ། །འགྲེལ་པ་མཛད ་པ་ནི་ཐལ་འགྱུར་མཚུངས་པ་དེ་ལ་ཡང་ཞེས་ངག་ཅིག་གིས་དེ་ལ་ཡང་སྟེ་འཇིག་པ་ལ་ཡང་ཡིན་གྱི་གནས་པའི་རྒྱུ་འབའ་ཞིག་ལ་ནི་མ་ཡིན་ནོ། །དེ་དངོས་པོ་ལས་ཐ་མི་དད་པ་ཡིན་ན། དངོས་པོ་ཁོ་ན་ཡིན་ལ་རྒྱུ་དེས་བྱས་པའི་ཐ་དད་པ་ཡིན་ན་དེས? ་དངོས་པོ་ལ་ཅི་ཞིག་བྱས་ཞེས་སྦྱོར་བར་བྱེད་པ་ཡིན་ནོ། །མེ་ལས་དོན་གཞན་འབྱུང་ན་ནི། ཡང་ན་གལ་ཏེ་ཞེས་བྱ་བ་སྟེ། རང་གི་རྒྱུ་ལས་འཇིག་པ་འབྱུང་ན་གནས་པར་བྱེད་པ་ལས་མི་འཇིག་པར་འགྱུར་རོ་ཞེས་བྱ་བར་ནུས་པ་མ་ཡིན་ཏེ། དེ་ལས ་སྐྱེས་པ་ནི་རྟག་པ་ཉིད་དུ་མི་རིགས་པའི་ཕྱིར་རོ། །མི་རྟག་པ་ཉིད་ཀྱི་རྒྱུས་འཇིག་པ་ནི་ཐ་དད་པ་དང་ཐ་མི་དད་པ་དག་ཏུ་མི་རིགས་པའི་ཕྱིར་རྒྱུ་གཞན་མེད་པ་ནི་དངོས་པོའི་ཆོས་ཁོ་ན་ཡིན་པར་བསྟན་པ་ནི་དེའི་འཇིག་པ་ཡང་ཞེས་བྱ་བ་སྟེ། རྩོད ་པ་ནི་དོན་འདི་ལ་ཡང་དངོས་པོའི་ཆོས་ཉིད་ཅེས་བྱ་བ་དེ་ཁོ་ན་ལན་འདས་པ་ཡིན་ནོ། །ཕྱོགས་འདི་ལ་ཡང་གནས་པའི་རྒྱུས་ཀྱང་ཅི་ཞིག་བྱ་ཞེས་བྱ་བ་རྒྱུ་ཁོ་ན་འཇོག་བྱེད་མ་ཡིན་ནོ་ཞེས་བྱ་བའི་དོན་ཏོ། །ཡང་ན་དུས་གཅིག་ཁོ་ན་དེས་དེ ་ལྟར་བསྐྱེད་པ་ཡིན་ན་ཡང་དེ་ཅི་དགོས་ཤེས་བསྟན་པ་ནི། ཡང་ན་གལ་ཏེ་ཞེས་བྱ་བའོ། །དུས་ཐ་དད་པའི་ཆུ་ལ་སོགས་པའི་རྟེན་བུམ་པ་ལ་སོགས་པ་མ་ཡིན་པ་མ་ཡིན་ནམ། དེའི་ཚེ་འབོ་བའི་ཕྱིར་ལ་བོ་ལ་ནི་རྟེན་ལ་ཡོད་པས་མ་ཡིན་ན ་ཇི་ལྟར་མི་འབོ་བ་བོ་བའི་རྟེན་ཡིན། དངོས་པོ་གཞན་ལྷན་ཅིག་བྱེད་པ་ལས་དེ་ཉིད་ལ་དེ་དང་ལྷན་ཅིག་བྱེད་པ་ཉིད་ནི་ལྷན་ཅིག་པ་ཉིད་ཡིན་ཏེ། ལྷན་ཅིག་པ་ནི་མི་ལྟུང་བ་ཡིན་པའི་ཕྱིར་རྟེན་ཉིད་དུ་རྒྱུ་མ་ཡིན་པ་གྲུབ་པ་ཡིན་ནོ། །འོན་ཏེ ་ལྷན་ཅིག་པ་མ་ཡིན་པ་ཡང་ལྷན་ཅིག་བྱེད་པ་ཉིད་ཡིན་ན་ནི་དེ་རྟག་ཏུ་ཡོད་པའི་ཕྱིར་རྟག་ཏུ་མི་ལྟུང་བར་འགྱུར་རོ། །རུང་བའི་ཡུལ་ན་གནས་པ་ཡིན་ནོ་ཞེ་ན་ཡང་ཇི་ཙམ་ལ་རུང་བ་ཉིད་པ་ནི་ཤེས་པར་དཀའ་ཨོ། བླ?་དེའི་ཕྱིར་རང་ཉིད་ཉེ་བར་ལེན་པ་ལས་སྐྱེ་བ ་ནི་དེ་ཡོད་ན་མི་ལྟུང་བ་ཡིན་པའི་ཕྱིར་རྟེན་ཉིད་ཡིན་གྱི་དེ་དེ་ལྟར་སྐྱེ་བ་ཙམ་ནི་མ་ཡིན་ལ་ལུས་ཀྱི་འདི་ཡང་སེམས་རེ་རེ་ལ་ཡོད་པའི་ཕྱིར་དེ་ཡང་དེའི་རྟེན་དུ་འགྱུར་རོ་སྙམ་དུ་སེམས་པ་ནི། གལ་ཏེ་དཔེར་ན་ཆུ་སོགས་ཀྱི་ཞེས་བྱ་བ་སྟེ། ལྟུང་བ་བཀག་པས ་རྒྱུ་ཉིད་མ་ཡིན་ནོ་ཞེས་བྱ་བའི་དོན་ཏོ། །ལན་ནི་འདི་ལའང་མཚུངས་ཏེ། སེམས་དང་ལུས་ངག་ལ། ཡོད་མེད་ངག་ལ་རྟེན་མེད་ཕྱིར་ཞེས་བྱ་བ་ལ་སོགས་པ་གང་གསུངས་པ་དེ་འདི་ལ་ཡང་ཆུ་དང་དོན་གཞན་དག་ཏུ་མཚུངས་པ་ཡིན་ཏེ་ཆུང་ངུ་ཅིག་ཤོས་ཀྱང ་ཉེ་བར་ལེན་བ་དང་ཉེ་བར་འགྲོ་བ་དག་གི་ཡུལ་མཚུངས་པར་སྐྱེད་པར་བྱེད་པ་ལ་ཕན་ཚུན་ཕན་འདོགས་པ་མེད་པ་ནི་རྟེན་དང་བརྟེན་པ་ཉིད་མ་ཡིན་ཞིང་སྐྱེས་པ་དེ། གཉིས་ཀྱི་དེ་དང་འདྲ་བ་གཞན་གཉིས་ཡིན་ལ་དེས་ཀྱང་དེ་དང་འདྲ་བ་གཞན་ཡིན་པའི་ཕྱིར ་གང་ལ་ཡང་ཕན་འདོགས་པ་མེད་དོ། །སྔ་མ་དང་མཚན་ཉིད་མི་མཐུན་པ་འབྲས་བུའི་རྒྱུན་འབའ་ཞིག་གཞན་ཡོད་ན་ཡང་དག་པར་དམིགས་པ་སྔ་མ་དང་ཕྱི་མ་གཅིག་པ་ཉིད་དུ་མངོན་པར་སེམས་པ་ནི་རྟེན་ནམ་ཅིག་ཤོས་སུ་ཤེས་པ་ཡིན་ནོ། །སྔ་མས ་ཕྱི་མ་ལ་ཕན་བྱེད་པ་ནི་དེ་དུས་སུ་མ་ཡིན་ལ། དེ་མ་ཡིན་པའི་དུས་སུ་ཡང་མ་ཡིན་ཏེ། དེའི་འབྲས་བུ་ཡིན་པའི་ཕྱིར་དེ་ཉིད་དུ་སྒྲོ་འདོགས་པའི་ཡུལ་ཡིན་པར་དེ་ལྟར་བརྗོད་པ་ཡིན་པར་བསྟན་པ་ནི། དངོས་རྣམས་སྐད་ཅིག་རེ་རེ་ནི་ཞེས་བྱ་བ་སྟེ། སྐད་ཅིག ་གཅིག་ལ་འགྲོ་བ་སྲེད་པ་མ་ཡིན་ཏེ། སྐད་ཅིག་གཞན་ན་མེད་པའི་གང་གགས་བྱེད་པས་རྟེན་དུ་འགྱུར་ཉེ་བར་ལེན་པ་དང། ཡུལ་ཐ་དད་པའི་འབྲས་བུ་ཁོ་ན་འགྲོ་བ་ཡིན་ལ། དེ་ཡོད་ན་མི་འབྱུང་བའི་ཕྱིར་ཇི་ལྟར་དེ་ལ་དེའི་དུས་སུ་གེགས་མི་བྱེད་པ་ཡིན ་འདི་ལྟ་བུའི་རྟེན་ཉིད་ནི་དེའི་དུས་ཀྱི་ཆུ་ལ་སོགས་པ་ལ་སྲིད་པ་ཡིན་གྱི་སེམས་ལ་ནི་མ་ཡིན་ཏེ། དུས་ལ་གནས་པའི་འབྲས་བུ་མ་ཡིན་པའི་ཕྱིར་དང། སེམས་དང་སེམས་ལས་བྱུང་བ་རྣམས་ནི་ཡུལ་ནི་མིང་གནས་པའི ་མཁས་བླང་པའི་ཕྱིར་རོ། །ཡོན་ཏན་དང་སྤྱི་རུ་དང་ལས་རྣམས་ཀྱང་འགྲོ་བ་མེད་པ་ཉིད་ཡིན་ལ། ལས་དང་ལྡན་པ་དང། ཡོན་ཏན་དང་ལྡན་པ་དང། འདུ་བ་ཅན་གྱི་རྒྱུ་ཡང་རྫས་ཡིན་པར་ཁས་བླངས་པ་ཡིན་པར་བསྟན་པ་ནི། ཆུ་སོགས་ཀྱི་ནི་རྟེན་འགྱུར ་གྱི་ཞེས་བྱ་བའོ། །ཆུ་དང་ཅིག་ཤོས་ཀྱང་ལྷན་ཅིག་པ་མ་ཡིན་པ་དེ་ལྟ་བུའི་འབྲས་བུ། སྐྱེད་པར་བྱེད་པ་ཡིན་ལ་ལྷན་ཅིག་པ་ཉིད་ཀྱང་རྒྱུ་མ་ཡིན་པའི་རྟེན་ཉིད་ཡིན་ཏེ། དེ་ཡང་སྣང་བ་ཉིད་ཁོ་ན་ཡིན་ནོ་ཞེས་ཟེར་བ་ནི། གལ་ཏེ་རྟེན་གྱི་དངོས་པོ། མཐོབ ་བའི་ཕྱིར་ཇི་ལྟར་མ་མཐོང་ཞེ་ན་ཞེས་བྱ་བའོ། །ཉེ་བར་ལེན་པ་དང་ཉེ་བར་འགྲོ་བ་དག་གིས་སྐད་ཅིག་དེ་དག་གི་ལྷན་ཅིག་སྐྱེ་བ་ཙམ་ཡིན་གྱི་ཕན་ཚུན་བྱ་བ་ཅི་ཡང་མེད་ལ་རྟོག་པའི་རྒྱུའི་སྟོབས་ཀྱིས་དེ་བཞིན་དུ་སྐྱེ་བ་ཙམ་ལས་འདོད་པ་གྲུབ་པ་ཡང ་མ་ཡིན་ཏེ། བྱ་བའི་དུས་ན་མེད་པའི་ཕྱིར་རོ་ཞེས་བསྟན་པ་ནི། མ་མཐོང་བ་ཉིད་ལ་མཐོང་བར་མངོན་པར་རློམ་པ་ཡིན་ནོ། །དེའི་དུས་ན་བྱ་བ་མེད་པ་ཁོ་ན་ཡིན་པར་བསྟན་པ་ནི། འཛིན་པའི་ཕྱིར་བརྟེན་པ་ཡིན་ནོ་ཞེས་བྱ་བའོ། །དེ་ལྟར་སྐྱེ་བའི ་རྒྱུ་ཉིད་ཀྱི་རྟེན་ཉིད་ནི་སེམས་ལ་སོགས་པའི་རྒྱུ་ལྡོག་པར་བྱེད་པ་མ་ཡིན་ཏེ། དེ་ལོག་ན་དེ་བཞིན་དུ་སྐྱེས་པ་ཉིད་ལྡོག་པའི་ཕྱིར་དང། ཉེ་བར་ལེན་པ་ལ་སོགས་པ་ལས་གཞན་དུ་སྐྱེ་བ་ཡོད་པའི་ཕྱིར་རོ། །དེའི་དུས་ཀྱི་རྟེན་ཉིད་ལ་སེམས ་ལུས་ཀྱི་ཉེ་བར་ལེན་པ་འམ། དེ་དང་འདུ་བ་ཅན་ཡང་དེ་ལོག་ནི་ལྡོག་པར་འགྱུར་རོ། །སེམས་དང་ཡོན་ཏན་ཉིད་ད?་ཕྲད་པ་མེད་པའི་ཕྱིར་ཇི་ལྟར་བསམས་པ་ཡིན་ཞེ་ན། དངོས་པོ་དང་དངོས་མེད་པ་ཉིད་ཅེས་བྱ་བ་སྟེ། མེད་པ་ནི་སྔ་ན་མེད་པ ་ཡིན་གྱི། གཅིག་ལ་གཅིག་མེད་པ་ནི་མ་ཡིན་ཏེ། ཅིག་ཅར་བ་ཡིན་པའི་ཕྱིར་དེ་ལ་ཡང་རྒྱུ་ཡོད་ན་ཡོད་པ་ཁོ་ནས་དེ་ཉིད་ཡིན་པའི་ཕྱིར་རོ། །འདི་ནི་མེད་པ་འཇོམས་པ་བཤད་པ་ཡིན་ནོ། །གང་གི་ཚེ་འཛིན་པར་བྱེད་པའི་རིམ་པ་དང། དེའི་རྟོགས་བྱ་གཟུང་བ ་ཡང་དེ་བཞིན་དུ་སྣང་བ་ནི་རིམ་པ་མ་ཡིན་པར་མི་རིགས་པ་ཁོ་ནའོ་ཞེས་བསྟན་པ་ནི། འཛིན་པར་བྱེད་པ་ཞེས་བྱ་བའོ། །འདིའི་བར་དུ་རྟེན་ལ་སོགས་པ་ཉིད་འབད་པས་བཀག་པ་ཡིན་ཏེ། དེའི་རྟོག་པ་ཡིན་ན་བག་ཆགས་ཙམ་འབྱུང་བ་ཉིད་ཀྱི ་ཐོས་མ་མེད་པ་ཉིད་དུ་བསལ་བའི་ཕྱིར་འཇིག་རྟེན་ཕ་རོལ་གྲུབ་པ་ལ་གཏན་ཚིགས་གཞན་ཉིད་ཡང་དག་པར་བསྟན་པའི་དོན་དུ། འདི་ནི་རྣམ་པར་རྟོག་པ་ཙམ་དུ་ཟད་དོ་ཞེས་བྱ་བ་སྨོས་སོ། །བག་ཆགས་ཙམ་ལ་འབྱུང་བ་ཉིད་ཡིན་ན། ཡིད་ཀྱི་རྒྱལ ་སྲིད་ཀྱི་རྣམ་པར་རྟོག་པ་བཞིན་དུ་ངེས་པར་མེད་པར་འགྱུར་བ་མ་ཡིན་ནམ་སྙམ་དུ་སེམས་པ་ལ། ཡུལ་དེས་པའི་རྒྱུ་མཚན་ནི་རྟེན་ལ་སོགས་པ་ཉིད་ཀྱི་ཡིན་པར་བསྟན་པ་ནི། སྐད་ཅིག་རེ་རེར་འཇིགས་པ་རྣམས་ཀྱི་ཞེས་བྱ་བའོ། །གལ་ཏེ་རྒྱུ་ཉིད ་རྟེན་ཡིན་ན་དེའི་ཡུལ་དུ་རྟོག་པ་དངོས་པོའི་ཡུལ་དུ་འགྱུར་བ་བསྟན་པ་ནི། སྔ་མ་དང་ཕྱི་མ་དག་ཅེས་བྱ་བ་སྟེ། དེ་ལ་གཅིག་པ་ཉིད་དུ་སྒྲོ་འདོགས་པ་ནི་ཐོག་མ་མེད་པའི་བག་ཆགས་ཀྱིས་བྱས་པ་ཡིན་ཞེས་བྱ་བའི་དོན་ཏོ། །དེའི་དུས་ཀྱི ་རྟེན་ཉིད་ཡིན་ན་དངོས་སུ་ཡིན་པའི་ཕྱིར་དེ་འཛིན་པའི་ཤེས་པ་གཞན་བཞིན་དུ། བག་ཆགས་ལས་འབྱུང་བ་མ་ཡིན་པའི་ཕྱིར་རོ། །དེའི་ཕྱིར་རྒྱུ་ཉིད་ཀྱི་ངོ་བོའི་དངོས་པོ་ཁོ་ན་འཇིག་རྟེན་ཕ་རོལ་གྲུབ་པར་བྱེད་པར་མི་འགྱུར་རོ། །བདེན་ཏེ། རྒྱུའི ་ངོ་བོའི་རྟེན་ལ་དེ་ཉིད་དུ་སྒྲོ་བཏགས་པ་ནི་དེའི་དུས་སུ་རྒྱུ་མ་ཡིན་པ་ལ་ཡང་ཡིན་པའི་ཕྱིར་བག་ཆགས་ཀྱི་ནུས་པ་བསལ་བར་བྱེད་པ་ཡིན་ནོ། །དེ་ལྟར་ན་འཇིག་རྟེན་ཕ་རོལ་གྲུབ་པ་ཡིན་པར་བསྟན་པ་ནི། ཡིད་ཀྱི་རྟོག་པ་ཐམས་ཅད་ནི་ཞེས ་བྱ་བའོ། །རྟོག་པ་ནི་སྣང་བཞིན་པ་ཅན་གྱི་ཡུལ་ཅན་མ་ཡིན་ནམ་ཁྱད་པར་ཅན་ཙམ་ཡུལ་ཡིན་པའི་ཕྱིར་རོ་སྙམ་དུ་སེམས་པ་ནི། དངོས་པོ་དུ་མ་ཉིད་ལས་ཞེས་བྱ་བ་སྟེ། དྲན་བཞིན་པ་དང་མཐོང་བཞིན་པ་གཅིག་པ ་ཉིད་དུ་སྒྲོ་འདོགས་པ་ནི་ཉམས་སུ་མྱོང་བ་ཙམ་ལས་འབྱུང་བ་མ་ཡིན་ཏེ། དྲན་པ་དང་ཉམས་སུ་མྱོང་བ་དག་ཐ་དད་པའི་ཕྱིར་ཞེས་བྱ་བའི་དོན་ཏོ། །ཇི་ལྟར་གཅིག་ལ་དྲན་པ་དང་ཉམས་སུ་མྱོང་བ་ཉིད་དུ་མ་ཉིད་ཡིན་པས་རྗེས་སུ་འབྲེལ་པ ་མ་ཡིན་པའི་ཕྱིར། རྗེས་སུ་འབྲེལ་མ་ཅན་གྱི་བག་ཆགས་ཀྱི་རྟོག་པ་ཡིན་པ་དེ་བཞིན་དུ་སྔ་མ་ལ་ཡིན་ལ། དེ་ལས་ཀྱང་སྔ་མའི་ཡུལ་གཞན་ཡིན་ལ། ཡུལ་དེ་ལ་རྗེས་སུ་འབྲེལ་པར་མི་འགྱུར་བ་ཡིན་ནོ་ཞེས་ཟེར་བ་ལ་འགྱུར་བ་ཡིན་པ ་ཡིན་པར་བསྟན་པ་ནི། གཅིག་ནི་སྔར་ཡང་མ་དམིགས་པ་ཞེས་བྱ་བའོ། །སྐྱེ་བ་གཅིག་ལ་མཐོང་བ་ཉིད་ལ། རྗེས་སུ་འབྲེལ་བ་ཡིན་པའི་ཕྱིར་དེ་ཙམ་ཁོ་ན་ལས་འབྱུང་བའི་བག་ཆགས་ཡིན་གྱི་སྐྱེ་བ་གཞན་ལ་འབྱུང་བ་ནི་མ་ཡིན་པའི་ཕྱིར་ཇི་ལྟར ་ཐོག་མ་མེད་པ་ཉིད་ཡིན་སྙམ་དུ་སེམས་པ་ལ། སྐྱེ་བ་དང་པོ་ལ་མཐོང་བ་ལ་གཉིས་པ་མཐོང་བ་ཡིན་ན་རྗེས་སུ་འབྲེལ་པ་ནི་སྐྱེ་བ་སྔ་མ་ལ་བྱུང་བའི་བག་ཆགས་མེད་ན་མི་འབྱུང་བར་བསྟན་པ་ནི། དེས་ན་སྐྱེ་བ་གཞན་དུ་ཡང་ཞེས་བྱ་བའོ། ། ་བདག་ནི་སྔ་མ་དང་ཕྱི་མ་དག་ལ་རྗེས་སུ་འཇུག་པ་ཡིན་ཡང་དེ་ལྟ་ན་ནི་མ་ཡིན་ཏེ། རྗེས་སུ་འབྲེལ་བར་ནུས་པའི་དོན་རྣམས་ལ་ཉམས་སུ་མྱོང་བ་དང་དྲན་པ་དང་དེའི་འདུ་བྱེད་པ་རྣམས་ལ་བལྟོས་པའི་ཕྱིར་རོ། །སྔ་མ་དང་ཕྱི་མ་དག་གཅིག ་པ་ཉིད་དུ་ཉམས་སུ་མྱོང་བ་ལས་དེའི་རྒྱུ་ལ་བལྟོས་པ་ཉིད་ཀྱིས་དེ་གྲུབ?་པ་ཡང་མ་ཡིན་ཏེ། དེ་ཙམ་ལས་སྐྱེ་བའི་ཕྱིར་རོ་ཞེས་བསྟན་པ་ནི། དེ་བཞིན་དུ་ཞེས་བྱ་བའོ། །འདུ་བ་ཅན་གྱི་རྒྱུས་ཡོན་ཏན་མི་འཇིགས་ཅེས་བྱ་བ་ནི། གལ་ཏེ་ཇི་ལྟར་འགྲོ ་བ་ཅན་ཉིད་ཅེས་བྱ་བ་ལ་སོགས་པ་ནས། འཇིག་པ་ཉིད་ཡིན་ནོ་ཞེས་བྱ་བའི་བར་གྱི་ཐེ་ཚོམ་ཟ་བ་ལ་རྒྱུ་ལས་ས?་ཐོབ་པའི་བདག་ཉིད་ཅན་གྱི་དངོས་པོ་ཇི་ལྟར་འཇིག་པར་བྱེད་པ་ཡིན། སྐད་ཅིག་གཉིས་པ་ལས་རྒྱུ་རིག་པས་འཇིག་པར་བྱེད་པ་ཡིན་པར་ནི ་མི་རིགས་ཏེ། དེ་མ་མཐོང་བའི་ཕྱིར་རོ། །དེའི་ཕྱིར་སྐད་ཅིག་མ་གཉིས་པ་ལ་དངོས་པོ་ནི་རྒྱུ་མེད་པས་མེད་པའི་ཕྱིར་རྒྱུ་ནི་སྐད་ཅིག་རེ་རེ་ཞིང་ཡོན་ཏན་གྱི་སྐྱེད་བྱེད་ཡིན་པར་གྲུབ་པར་བསྟན་པ་ནི། འགྲོ་བ་ལ་སོགས་པའི་ཞེས་བྱ་བ་སྟེ། གང་དུ ་འགྲོ་བ་ལ་སོགས་པ་ཡིན་པ་དེར་གནས་པར་བྱེད་པས་རྟེན་ཡིན་ལ་དེ་མེད་ན་སྐད་ཅིག་རེ་རེ་ཞིང་སྐྱེད་བྱེད་ཡིན་ནོ་ཞེས་བྱ་བའི་དོན་ཏོ། །ཇི་ལྟར་རྒྱུའི་དབང་གིས་དེ་ཉིད་དུ་སྒྲོ་བཏགས་པའི་ཡུལ་གྱི་ལྷན་ཅིག་སྐྱེ་བ་ཙམ་ནི་རྟེན་ཡིན་གྱི་གཞན ་ནི་མ་ཡིན་པ་དེ་བཞིན་དུ་སོ་སོ་བར་ཤེས་པ་དང་ལྡན་པའི་དེ་བཞིན་དུ་སྐྱེ་བ་ཙམ་ནི་འདུ་བ་ཡིན་ཏེ་ཇི་ལྟར་བརྡར་བྱས་པ་དེ་བཞིན་དུ་རྟོག་པའི་ཕྱིར་གཞན་འགའ་ཞིག་ཁོ་ན་ནི་མ་ཡིན་ལ་དེ་ལྟར་སྐྱེ་བ་ཙམ་གྱི་བྱེད་པ་པོ་ཉིད་དམ་འབྲས་བུ ་ཉིད་གཞན་ནི་མ་ཡིན་ཞིང་དེ་ལྟར་སྐྱེས་པ་ནི་རྒྱུའི་དབང་གིས་དེ་ལྡོག་པས་གཞན་དུ་མི་འགྱུར་བ་ཡང་མ་ཡིན་པར་བསྟན་པ་ནི། འདིས་ནི་འཕྲོད་པས་འདུ་བ་དང་ཞེས་བྱ་བའོ། །འགྲེལ་པར་ནི། རྣམ་པར་གནས་པ་རྒྱུ་ཉིད་མ་ཡིན་ཡང་དེར ་གནས་པ་འམ་འདུ་བ་ཅན་ཉིད་དུ་ཡང་དེ་ཉིད་ལ་འགྱུར་བ་ཡིན་གྱི་དེ་ལའམ་གཞན་ལ་ཡང་ཞེས་བྱ་བ་ནི་མ་ཡིན་ནོ། །འདུ་བ་ཅན་གྱི་རྒྱུ་ནི་མི་རྟག་པ་ལ་བལྟོས་ནས་བཤད་ལ། རྣམ་གནས་ཉིད་ནི་རྟོག་པ་ལ་བལྟོས་ནས་བཤད་པ་ཡིན་ནོ ་འདུས་པ་ཡང་རིགས་བཞིན་དུ་རྒྱུ་ཉིད་ཀྱི་རྟེན་གཞན་ལ་རྣམ་པར་གནས་པ་མ་ཡིན་ནམ། རྟེན་འཇིག་ན་སེམས་མི་འཇིག་པའི་འདུ་བ་ཅིའི་ཕྱིར་བསལ་བར་བྱེད་པ་ཡིན་སྙམ་དུ་སེམས་པ་ནི། འདུ་བ་ཡིན་ཡང་ཞེས་བྱ་བའོ། །རྟེན་དང་བསྟན ་པ་སྔོན་དུ་འགྲོ་བ་ཅན་གྱི་འདུ་བ་ནི་དེ་བཀག་ན་བཀག་པ་ཁོ་ན་ཡིན་པར་བསྟན་པ་ནི། རྟེན་དང་བརྟེན་པའི་དངོས་པོ་ཞེས་བྱ་བའོ། །རང་གི་ངོ་བོ་གཉིས་སུ་མཐོང་བ་སྔོན་དུ་འགྲོ་བ་ཅན་འདུ་བའི་ཤེས་པ་ཡིན་ན་སོ་སོ་བ ་གྲུབ་པ་ཉིད་དུ་འགྱུར་བར་བསྟན་པ་ནི། རིགས་ལ་སོགས་པ་རྒྱུ་མེད་པར་རྣམ་པར་གནས་པ་ཞེས་བྱ་བའོ། །གཞན་ཡང་འདིས་དུ་བ་ཁས་བླངས་པ་ཡིན་ཡང་འཇིག་རྟེན་ཕ་རོལ་གྲུབ་པ་ཡིན་པར་བསྟན་པ་ནི། ཡང་ན་ཞེས་བྱ་བའོ། །གལ་ཏེ ་འཇིག་རྒྱུ་ལས་འདོད་ན་ཞེས་བྱ་བ་འདི་ལ་ཐལ་བ་འཐུངས་པ་དང། སླར་ཡང་འཚོ་བར་འགྱུར་ཞེས་བྱ་བ་དང་གང་གི་ཚེ་ཡང་འཇིག་བྱེད་མེད་པ་དེའི་ཚེ་ཡང་དེ་མེད་པ་ཉིད་ཀྱི་གནས་པ་ཡིན་པའི་ཕྱིར་དེའི་རྒྱུས་ཀྱང་ཅི་ཞིག་བྱ་ཞེས་བྱ ་པ་འདིས་ཀྱང་སྔར་དང་ཕྱིས་ཀྱང་ཉེ་བར་དགོས་པ་མེད་པར་ལན་བཏབ་ཟིན་པ་ཡིན་ནོ། །གལ་ཏེ་འགྱུར་ན་འཇིག་བྱེད་མ་བྱུང་བའི་དུས་སུ་ཡང་འགྱུར་ལ་དེའི་ཚེ་ལྟོས་པ་ཡིན་ཡང་བྱ་བ་བྱེད་པ་མ་ཡིན་ཏེ། དབང་མེད་དུ་འཇིག་པ་ཡིན་པའི་ཕྱིར ་ལ་དེའི་ཕྱིར་གནས་པར་བྱེད་པས་ནི་རྟེན་མ་ཡིན་པར་བསྟན་པ་ནི། གཞན་ལས་ཏེ། འཇིག་པའོ་རྒྱུ་ལས་དངོས་པོ་འཇིག་པར་གལ་ཏེ་འགྱུར་ན། གནས་པར་བྱེད་པས་ཅི་ཞིག་བྱེད་པར་གནས་པར་བྱེད་པ་ཉིད་དང་བདག་ཉིད་འབྲེལ་པར་ཅི་ཞིག ་བྱེད་པ་ཡིན་ཏེ། འཇིག་པ་ལ་འདི་འབའ་ཞིག་དབང་དུ་གྱུར་པ་ཁོ་ན་ཡིན་ཞེས་བྱ་བའི་དོན་ཏོ། །དབང་པོ་ལ་ནི། དགོས་པ་ཅི་ཡང་མེད་པ་ཡིན་ཏེ། གང་གིས་ཕྱིར་དེ་མེད་ན་ཡང་འཇིག་པའི་རྒྱུ་གཞན་རྣམས་ཁོ་ནས་དེས་ཏེ་དངོས་པོའི་འཇིག་པར ་འགྱུར་ཏེ་འཇིག་པ་ལ་ཡང་དེ་རྣམས་ནུས་པ་མེད་པ་ཡིན་ཞེས་བྱ་བ་ཕུལ་དུ་བྱུང་བའི་ཚིག་ནི་གཞད་གང་གྱི་ཚིག་ཡིན་ནོ། །དེའི་ཕྱིར་ནུས་མེད་ཡིན་ཞེས་བྱ་བ་ནི་ཉེ་བར་བསྡུ་བའོ། །ཡང་ན་དངོས་པོ་ནི་སྐད་ཅིག་མ་མ་ཡིན་པ་ཁོ་ན་ཡིན། ་དེ་ལ་འཇིག་པའི་རྒྱུ་ནུས་པ་ཅན་མ་ཡིན་ལ་གནས་པའི་རྒྱུ་མེད་ན་མི་གནས་པ་ཁོ་ན་ཡིན་པའི་ཕྱིར་དེའི་རྒྱུ་ཚོལ་བ་ཡིན་ལ་དེ་ཡང་གང་གི་ཚེ་ཉེ་བར་གནོད་པ་ཡོད་པ་འམ་མེད་པ་དེའི་ཚེ་གནས་པར་བྱེད་པ་མ་ཡིན་ནོ། །དེ་ན་རང་ཉིད་ཁོ་ན་འཇིག་པ་ཁོ་ནའོ། འཇིག ་པ་ནི་དངོས་པོའི་ཆོས་ཡིན་ཡང་གནས་པར་བྱེད་པ་མེད་པ་དང་ཉེ་བར་གནོད་པ་ཡོད་པ་ཡོད་པ་དག་ལ་དེ་ལྟར་འགྱུར་གྱི་ཐམས་ཅད་དུ་ནི་མ་ཡིན་ཏེ། ཇི་ལྟར་མཐོང་བའི་དངོས་པོ་རྣམ་པར་བཞག་པ་ལ་སོགས་པ་ཡིན་པར་སེམས་པར་དོགས་པ་ལ། དེ ་འཇིག་འགྱུར་ཞེས་བྱ་བ་སྟེ། ལུས་སམ་གཞན་ཡང་རུང་བ་བརྟེན་ནི་སེམས་ལ་དེ་སོགས་པའི་ལས་གཞན་པ་ཉེ་བར་གནོད་པའི་རྒྱུ་རྣམས་གྱི་གནོད་པ་མ་ཡིན་པ་ཁོ་ན་ཡིན་ཏེ། སེམས་དང་མཚུངས་པའི་ཆོས་གཞན་གཟུགས་དང་རོ་ལ་སོགས་པ ་དང་རི?་རབ་ལ་སོགས་པར་མཐོང་བའི་ཕྱིར་རང་གི་ངོ་བོ་གང་ཁོ་ནས་དེ་རྣམས་ཀྱི་རྟེན་ཡིན་པ་དེ་ཁོ་ནས་སེམས་ཀྱི་ཡིན་གྱི་གཞན་དུ་ནི་མ་ཡིན་ནོ། །རང་གི་ངོ་བོ་ཐ་དད་པ་ཡིན་ཏེ་དེ་ཐ་དད་པ་ནི་དེའི་མཚན་ཉིད་ཡིན་པའི་ཕྱིར་རོ། །དེ་ལྟ་ཡིན་ན་གཞན་གྱི ་འདོད་པ་ལྟུང་བ་ཡིན་ཏེ་ལུས་ལས་གཞན་པ་དེའི་རིགས་དེའི་རིགས་ཉིད་དུ་ཁས་བླངས་པའི་ཕྱིར་རོ། །ཐལ་བར་མཚུངས་པ་ཡིན་ཞེས་བྱ་བ་ནི། ཤི་བ་ཉེས་པ་མཉམ་འགྱུར་ཚེ་ཞེས་བྱ་བས་ཤིན་ཏུ་བཤད་པ་ཡིན་པའི་ཕྱིར་ཟླས་པ་ཉིད་མ་ཡིན་ནོ། ་དེ་ནི་སེམས་ལ་སོགས་པའི་དངོས་པོའོ། །འཇིག་པར་འགྱུར་བ་ནི་གཞན་མེད་ན་དེ་ཉེ་བར་གནོད་པ་མེད་ན་ཡང་ངོ། །དེའི་མེད་པར་ཡང་དེ་དང་མཐུན་པའི་ཆོས་གཞན་མཐོང་བ་ལས་ཤེས་པ་ཡིན་ནོ། །དེའི་ཕྱིར་སེམས་ལ་ནི་གནས་པའི་རྒྱུར ་མངོན་པར་འདོད་པའི་ལ་སོགས་པ་རྣམས་ལ་ནུས་པ་མེད་པ་ཡིན་ཏེ། སྔ་རོལ་དུ་ཡང་དེ་ཡོད་ཀྱང་དེ་མེད་པའི་ཕྱིར་ཞེས་བྱ་བའི་དོན་ཏོ། །འོན་ཏེ་ཤི་བའི་གནས་སྐབས་ན་ཡང་སེམས་ཡོད་པ་ཁོ་ན་ཡིན་ཏེ་གནས་པའི་རྒྱུ་མཉམ་པར་ཡོད་པའི་ཕྱིར་རོ ་ནད་ལ་སོགས་པས་ཕྲ་མ་ཉིད་དུ་འགྱུར་བ་འབའ་ཞིག་ནི་མ་དམིགས་པ་ཡིན་ལ་རང་གི་བྱ་བ་མ་བྱེད་པ་ཐལ་བར་འགྱུར་བ་ལ་སོགས་པ་ན། དེའི་རྒྱུ་ལྡོག་ན་ལྡོག་པ་ཡིན་ནོ་སྙམ་དུ་སེམས་པ་མ་གནས་པ་སྒྲུབ་པར་བྱེད ་པའི་རྟེན་ཡང་རྟེན་གཞན་གྱིས་མི་གནོད་པའི་ཕྱིར་འཇིག་པ་མ་ཡིན་ལ་དེའི་ཚེ་ཡང་མི་ལྡོག་པར་འགྱུར་བར་བསྟན་པ་ནི། རྟེན་བཅོས་ཐམས་ཅད་གནས་ལྡན་དང་ཞེས་བྱ་བ་སྟེ། རྟེན་ལ་ཉེ་བར་གནོད་པས་སམ་རྟན་ལོག་པས་བརྟེན་པ་ལྡག་པ་ཡིན ་ལ་དེ་ཡང་དེའི་རྟེན་ལ་ཉེ་བར་གནོད་པས་སམ་རྟེན་ལོག་པས་དེ་ཡང་དེ་བཞིན་དུ་ཡིན་ནོ། །མཛའ་ཨི་རྡུལ་ཕྲ་རབ་རྣམས་ཀྱི་ཉེ་བར་གནོད་པའམ་འཇིག་པ་ཡང་མ་ཡིན་པའི་ཕྱིར་སྐྱེ་བ་ཅན་མ་ལུས་པའི་རྗེས་སུ་འཇུག་པ་ཁོ་ནར་ཐལ་བར་འགྱུར་རོ་ཞེས ་བྱ་བའི་དོན་ཏོ། །གནས་པ་དང་ལྡན་པ་གང་ཡིན་པ་དེ་རྟེན་དང་བཅས་པར་ཁས་བླངས་པ་ཡིན་ཞེས་བྱ་བར་བྱ་སྟེ། རྟེན་ལ་ཉེ་བར་གནོད་པ་ཁོ་ནར་བྱེད་པར་ནུས་སོ་ཞེས་བྱ་བའི་དོན་ཏོ། །ཚིགས་སུ་བཅད་པ་དང་པོས་ནི་དེ་ཡོད་པས་སྦྱར་བའི ་དེའི་ཡོད་པ་མ་ཡིན་པར་བསྟན་པ་ཡིན་ལ་གཉིས་པས་ནི་དེའི་མེད་པས་སྦྱར་བས་དེའི་མེད་པ་མ་ཡིན་པར་རོ། །དེའི་ཕྱིར་གནས་པར་བྱེད་པའི་ནུས་པ་མ་ཡིན་ནོ། །ད་ལྟར་ནི་གནས་བྱའི་རང་གི་ངོ་བོ་ཁོ་ན་འཇིག་པ་དང་འཇིག་པ་མ་ཡིན ་པའི་བདག་ཉིད་དུ་བརྟགས་ནས་གནས་པར་བྱེད་པའི་ནུས་པ་མི་སྲིད་པ་ཡིན་པར་བསྟན་པ་ནི། གལ་ཏེ་རང་འཇིག་དང་ཚུལ་བདག་ཅེས་བྱ་བ་སྟེ། འཇིག་པ་ཉིད་ནི་སྐད་ཅིག་པ་ཉིད་མ་ཡིན་འཇིག་པ་དངོས་ཆོས་ཉིད་ཅེས་བསྟན་པའི ་ཕྱིར་རོ། །འོ་ན་ཅི་ཞེ་ན། དུས་ཇི་སྲིད་པ་ཡིན་པར་ཕ་རོལ་པོ་འདོད་པའི་ཕྱིར་གང་ཡང་ཟློས་པ་མ་ཡིན་ནོ། །འགྲེལ་པ་མཛད་པས་ནི་འདི་རྣམས་བསྡུ་བའི་ཚིགས་སུ་བཅད་པས་བསྟན་པ་ཡིན་ནོ། །མར་མེ་ལ་སོགས་པ་རྟེན་ཡིན་པར ་དང། འོད་ལ་སོགས་བརྟེན་པ་ཡིན་པར་འདིས་བཤད་པ་ཡིན་ནོ། །གང་ལ་འགྲོ་བའི་གེགས་སྲིད་པ་ཡིན་ཡང། འབྲས་བུ་དང་རྒྱུ་ཉིད་མ་རྟོགས་པའི་རྟེན་དང་བརྟེན་ཅན་ཉིད་མ་ཡིན་ན། དེ་ལ་སྲིད་པ་མེད་པ་ལྟ་ཅི་སྨོས། མར་མེ་དང་འོད་གཉིས་པོ་འདི་ནི་དེའི་འམ ་གཉིས་ལས་འབྱུང་བ་ཡིན་གྱི། ཕན་ཚུན་ཕན་པ་བྱེད་པ་ནི་མ་ཡིན་ནོ་ཞེས་བྱ་བ་དེ་དག་ཙམ་ནི་ཚད་མའི་ཡུལ་མ་ཡིན་ནོ་དེའི་ཕྱིར་སེམས་དང་ལུས་ཀྱང་དེ་བཞིན་ནོ། །དེ་རྒྱུ་ལྷན་ཅིག་བྱེད་པ་ལས། །སྐྱེ་བའི་འབྲས་བུ་ལྷན་ཅིག་གནས། །མེ་དང་ཟངས་མེའི ་ཞུ་ཉིད་བཞིན། །ཞེས་བྱ་བ་འདི་གྲུབ་པ་ཡིན་ནོ། །དེའི་དུས་སུ་མར་མེ་འོད་ཀྱི་རྟེན་ཡིན་དུ་ཟིན་ཀྱང་དེ་ཡོད་ན་ཡོད་པའི་ཕྱིར་ཏེ་སྤྲུལ་ལ་སོགས་པའི་རྣམ་པར་འགྱུར་བ་ཡིན་ཡང་དེ་ལ་བརྟེན་པ་མ་ཡིན་ཏོ། མར་མེ་མེད་ན་དེ་ཡོད་ཀྱང་མེད་པའི་ཕྱིར ་ཏེ། ལུས་ནི་སེམས་ཀྱི་དེ་ལྟ་མ་ཡིན་ནོ། །ལུས་ཡོད་ཀྱང་མར་མེ་ལ་འོད་བཞིན་དུ་སེམས་མ་ཡིན་པ་མ་ཡིན་ནམ། སྨྲས་པ། ལུས་ཀྱི་ཕུལ་བྱུང་འགྲིབ་མེད་པར་ཞེས་བྱ་བ་སྟེ། མ་མཐོང་བ་ཙམ་ཡིན་པ་ཁོ་ན་ལས་དེའི་འབྲས་བུ་ཉིད་འབའ་ཞིག་ནི་མ ་ཡིན་ཏེ། མ་བག་མར་ལེན་པ་རིགས་པའི་ཡུལ་དུ་བྱུང་བའི་པཎྜི་ཁར་རྫུར་མ་བག་མར་ལེན་པར་རིགས་པ་ཉིད་མེད་ན་མ་མཐོང་བ་ཡང་དེའི་འབྲས་བུ་ཉིད་དུ་མི་ཤེས་པའི་ཕྱིར་རོ། །འོ་ན་ཅི་ཞེ་ན། དེའི་བྱ་བའི་ཁྱད་པར་གྱི་ཁྱད་པར་ཅན་ཡིན་པའི་ཕྱིར ་རོ། །དེ་ལྟ་མོད་ཀི་དེ་ཉིད་ལ་ཐེ་ཚོམ་ཟ་ན་དེ་ལ་དཔྱོད་པ་ནི་ཤེས་རབ་ཡིན་ལ་ཤེས་རབ་ཅན་ཡིན་པའི་ཕྱིར་དེ་ཉིད་ལས་རིགས་པ་ཡིན་ཞེས་བསྟན་པས་སོ། །ཇི་ལྟར་བཟུང་བ་རྣམས་དེ་ཁོ་ན་བཞིན་དུ་ཉེ་བར་སྟོན་པ་ནི་ཡིད་གཞུངས་པ་ཡིན་ལ་དེ ་ཡང་བློ་འདི་འཛིན་པ་དང་དྲན་པའི་ངོ་བོ་ཉིད་ཡིན་པའི་ཕྱིར་རང་གི་རིགས་གོམས་པའི་འགྲིབ་པ་དང་ཕུལ་དུ་བྱུང་བའི་བདག་ཉིད་ཀྱི་ཁྱད་པར་ཅན་ཡིན་ན་འགྲིབ་པ་དང་ཕུལ་དུ་བྱུང་བ་དང་ལྡན་པར་འགྱུར་རོ། །ལུས་ཀྱི་ཁྱད་པར་གྱི་བསྐྱེད་བྱ ་བློས་ཡིན་ནམ། དེ་ལྟ་ཡིན་ན་ལུས་མེད་ན་མེད་པའི་ཕྱིར་མར་མེ་ལ་བརྟེན་པའི་འོད་བཞིན་དུ་དེ་ལ་བརྟེན་པ་ཡིན་པར་འགྱུར་རོ་སྙམ་དུ་སེམས་པ་ལ། འདི་ནི་མར་མེའི་འོད་ལ་སོགས། །བརྟེན་པ་རྣམས་ལ་ཡོད་མ་ཡིན་ཞེས་བྱ་བ ་སྨོས་ཏེ། འོད་ནི་མར་མེའི་བྱེད་པའི་དབྱེ་བའི་རྗེས་སུ་འབྲེད་བར་བྱེད་པས་དེ་ཉིད་ལ་བརྟེན་པ་ཡིན་གྱི་གཞན་ལ་ནི་མ་ཡིན་ནོ། །དེ་བཞིན་བློ་ཡང་ཤེས་རབ་ལ་སོགས་པའི་ངོ་བོ་ནི་བློའི་བྱེད་པའི་ཁྱད་པར་གྱི་རྗེས་སུ་བྱེད་པས་དེ་ལ་བརྟེན་པ་ཁོ་ནར་ཤེས་པ་ཡིན ་གྱི་ལུས་ལ་བརྟེན་པ་ནི་མ་ཡིན་ཏེ་འདི་ནི་གཞན་ལ་མི་བརྟེན་པ་ཡིན་ནོ། །གལ་ཏེ་དུས་ཐ་དད་པའི་བློ་ཇི་ལྟར་བློ་གཞན་གྱི་རྟེན་ཡིན་ཞེ་ན། བག་ཆགས་ཀྱི་སྒོ་ནས་བློ་ཕྱི་མ་ལ་ཉེ་བ་ཡིན་པའི་ཕྱིར་སྐྱོན་མེད་དོ། །དེའི་དུས་སུ་བྱུང་བའི་སེམས་ལས་བྱུང་བ ་ལ་ནི་སེམས་དེ་ཉིད་ཡོད་པ་ཡིན་ལ། དེ་ལྟར་བཤད་པ་ནི་གང་ཞིག་ཡོད་པས་ཕན་འདོགས་ཅེས་བྱ་བ་འདིས་རྟོགས་པ་བྱེད་ཅེས་བྱ་བ་འདིས་རྟོགས་པའི་དོན་ཡིན་ནོ། །དེ་ལ་ཡང་སེམས་གཞན་གྱི་རྒྱུ་ཡིན་ཏེ། དེའི་བྱ་བའི་རྗེས་སུ ་འབྲང་བའི་ཕྱིར་རོ། །ལུས་ནི་མ་ཡིན་ནོ་ཞེས་བྱ་བ་འདི་ཁོ་ན་དོན་ཡིན་ནོ། །དེའི་ཕྱིར་གཞན་དུ་བརྗོད་པ་ནི་གལ་ཏེ་དངོས་པོའི་རྒྱུ་ན་དེ་ལྟར་སྐྱེ་བ་ནི་རྒྱུ་དང་བཅས་པའི་ཕྱིར་རྟེན་ཡིན་ན་ལུས་ཀྱང་སེམས་ཀྱི་རྒྱུ་ཡིན་པའི་ཕྱིར་རྟེན་ཡིན་པར་འགྱུར་རོ། །དེ་རྒྱུ ་ཉིད་ཡིན་བ་ནི། དེ་རྒྱུ་ལྷན་ཅིག་བྱེད་པ་ལས། །སྐྱེ་བའི་འབྲས་བུ་ལྷན་ཅིག་གནས་ཞེས་བྱ་བ་འདིས་སྨྲས་པ་ཡིན་ནོ་སྙམ་དུ་སེམས་པ་ལ། བློའི་བྱེད་པའི་ཁྱད་པར་གྱིས་ཞེས་བྱ་བ་སྨོས་ཏེ། ལུས་ཀྱི་རྒྱུ་ནི་དེ་ལ་སྲེད་པ་དང་བཅས་པའི་ལས་ཀྱི་མིང ་ཅན་སེམས་ཀྱི་རྒྱུ་སེམས་གཞན་རང་གི་འབྲས་བུ་ལ་བྱ་བ་བྱེད་པ་པོ་དང་ལྷན་ཅིག་ཏུ་རང་གི་འབྲས་བུ་ལ་བྱ་བ་བྱེད་པ་པོ་ཡིན་ཏེ་དེ་ལ་བརྟེན་པ་ཡིན་པའི་ཕྱིར་རོ། །དེའི་ཕྱིར་ལུས་དང་ལྷན་ཅིག་པ་ཡིན་གྱི་དེས་སམ་དེའི་རྒྱུས་སེམས་བྱེད་པ་ལས་ནི ་མ་ཡིན་ནོ། །གང་གི་ཕྱིར་སེམས་ནི་ཤེས་རབ་ལ་སོགས་པ་ཡིན་ལ་སེམས་ཉིད་ཀྱི་བྱེད་པར་ལ་རང་གི་ཁྱད་པར་གྱིས་རྗེས་སུ་བྱེད་པ་ཡིན་གྱི་ལུས་ལ་སོགས་པ་ནི་མ་ཡིན་ནོ། །དེའི་ཕྱིར་དེ་ལ་བརྟེན་པ་ཁོ་ན་ཡིན་གྱི་ལུས་ལ་སོགས་པ་ལ་བརྟེན་པ་ནི ་མ་ཡིན་ནོ། །རི་མོ་ལ་སོགས་པ་ལ་ཡང་ཤེས་རབ་ལ་སོགས་པའི་སེམས་ཀྱི་ཁྱད་པར་ལ་རང་གི་ཁྱད་པར་གྱི་རྗེས་སུ་བྱེད་པ་མ་ཡིན་ནོ། །དེ་ལ་བརྟེན་པ་ཡང་མ་ཡིན་ཏེ་རྩིག་པ་ལ་བརྟེན་པའི་ཕྱིར་རོ། །དེ་བཞིན་དུ་མར་མེ་ལ་མར་མེའི་འོད་ཡིན་ནོ། །དེ ་བཞིན་དུ་སེམས་ཀྱང་སེམས་གཞན་གྱི་རྗེས་སུ་བྱེད་པ་ནི་ལུས་ལ་བརྟེན་པར་འགྱུར་རོ་སྙམ་དུ་སེམས་པ་ལ། འདི་ནི་མར་མེའི་འོད་ལ་སོགས་པ་ཞེས་བྱ་བ་སྨོས་ཏེ། གལ་ཏེ་ཡང་རི་མོ་དང་མར་མེ་དང་མར་མའི་འོད་ལ་སོགས་པ་ཡང་སེམས་ཀྱི་ཁྱད ་པར་གྱི་རྗེས་སུ་བྱེད་པ་ཡིན་ཡང་དེ་བཞིན་དུ་རྩིག་པ་ལ་སོགས་པ་ལེགས་པར་སྦྱངས་པའི་ཁྱད་པར་ཡང་ཡིན་ནོ། །ལེགས་པར་མ་སྤངས་པའི་རྩིག་པ་ལ་ནི་མཁས་པ་ཡང་རི་མོ་ཕུན་སུམ་ཚོགས་པ་ལ་དབང་བྱེད་པ་མེད་དོ། །དེའི་ཕྱིར་སེམས་ཁོ་ན་རྟེན ་བྱེད་པ་ནི་མ་ཡིན་ནོ། །སེམས་ནི་ཇི་སྐད་བསྟན་པས་རིམ་པས་སེམས་གཞན་ཡིན་གྱི་ལུས་ནི་མ་ཡིན་ནོ། །བརྟེན་པ་རྣམས་ལ་ཞེས་བྱ་བ་ནི་སེམས་ལས་ཐ་དད་པར་རྗེས་སུ་སྒྲུབ་པར་བྱེད་པ་ཉིད་དུ་བསྟན་པ་ཡིན་ནོ། །གང་གི་ཕྱིར་གཞན་ལ་མི་རྟེན་པ ་འདི་དེ་རྣམས་ལ་ཡོད་པ་མ་ཡིན་ཏེ་དེ་ཉིད་དུ་དམིགས་པའི་ཕྱིར་རོ། །དེ་མ་ཡིན་པ་གཞན་དུ་ཡང་ཞེས་བྱ་བ་མར་མེ་གཞན་ལས་གཞན་པ་ནི་བུམ་པ་ལ་སོགས་པའོ། །བློ་རྟེན་དུ་གྱུར་པ་ལ་ཤེས་རབ་ལ་སོགས་པ་ལ་རྟེན་པ་ཡིན་ཏེ། དེ་རྣམས་རྟེན་དང ་བརྟེན་ཅན་ཉིད་ཡིན་ཞེས་བྱ་བར་སྦྱར་རོ། །ཇི་ལྟར་མར་མེ་ལ་བརྟེན་པ་ཡིན་པར་སྤྲུལ་གྱི་འོད་རྣམ་པར་འགྱུར་བ་མ་ཡིན་ནམ། ལུས་ལ་བརྟེན་པའི་སེམས་ཀྱང་སེམས་ཀྱི་འགྱུར་བས་འགྱུར་བ་ཡིན་ནོ་སྙམ་དུ་སེམས་པ་ནི། གལ་ཏེ་མར་མེའི་འོད་ཀྱང ་ཞེས་བྱ་བའོ། །སྤྲུལ་ལས་འོད་རྣམ་པར་འགྱུར་བ་ཡིན་པས་མར་མེའི་འགྱུར་བ་རྟོགས་པ་བཞིན་དུ་སེམས་འགྱུར་བ་ལས་དེའི་འགྱུར་བ་ལུས་ཀྱི་འགྱུར་བ་རྟོག་པ་མ་ཡིན་པར་བསྟན་པ་ནི། བློའི་བྱེད་པ་ཐ་དད་པའི་ཞེས་བྱ་བའོ།། ་བཅུད་ཀྱི་ལེན་པ་དང་བཟའ་བའི་ཁྱད་པར་ཉེ་པར་མཁོ་བ་ལས་ཇི་ལྟར་གོམས་པ་ཉིད་ཀྱི་ཤེས་རབ་ལ་སོགས་པ་རྣམས་བརྗོད་ནས་དེ་ལས་ཟློག་པ་མ་སྐྱོན་བསྟན་པ་ནི། བཅུད་ཀྱི་ལེན་པ་ལ་སོགས་པས་ཞེས་བྱ་བའོ། །འོན་ཏེ་བློ་ཙམ་ནི་བཅུད་ཀྱི་ལེན ་པ་ལ་སོགས་པས་ཉེ་བར་མཁོ་བས་བྱས་པའི་ལུས་ལས་འབྱུང་བ་ཡིན་ལ་དེའི་ཁྱད་པར་ནི་གོམ་པ་ལས་ཡིན་ནོ་སྙམ་དུ་སེམས་པ་ལ། མངོན་སུམ་དྲན་པ་མ་གཏོགས་པ་ཞེས་བྱ་བའོ། །དེ་བཞིན་མངོན་སྦྱོད་པ་ཞེས་བྱ་བ་ནི། དྲན་པའི་རྗེས ་སུ་འཇུག་པ་མེད་ཀྱང་ཞེས་བྱ་བའི་དོན་ཏོ། །ཤེས་རབ་དང་ཡིད་གཞུངས་པ་དག་གི་མཚན་ཉིད་གཞན་བསྟན་པ་ནི། སོ་སོ་སོ་སོར་ཞེས་བྱ་བ་སྟེ། དེའི་རིགས་ཀྱི་དོན་ཡིན་པས་ཏེ་གོམས་པའི་བསྐྱེད་བྱའི་ཁྱད་པར་གྱི་རིགས་ཀྱི་དོན་ལས་སོ། །དེ ་ལྟར་གྱུར་ན་དབང་པོའི་རྣམ་ཤེས་ནི་དབང་པོའི་བདག་ཉིད་ཀྱི་ཡུལ་གྱི་ཁྱད་པར་གྱི་རྗེས་སུ་བྱེད་པ་ཡིན་ལ། དེ་ལས་འབྱུང་བ་ཉིད་ཀྱིས་ཡིད་ཀྱི་རྣམ་ཤེས་སྐྱེད་པ་ཡིན་ནོ། །དེའི་ཕྱིར་དེ་ཡང་བརྒྱུད་བས་ལུས་ལ་བརྟེན་པ་ཡིན་ལ་དེ་ལོགས་ན ་ལོག་པར་འགྱུར་བ་ནི་དབང་པོའི་རྣམ་ཤེས་བཞིན་དུ་འཇིག་རྟེན་ཕ་རོལ་ནི་མ་ཡིན་ནོ་སྙམ་དུ་སེམས་པ་ལ། དེ་ལས་ཀྱང་སྟེ་ལུས་ལས་འདི་སྟེ་སེམས་ཀྱི་ཁྱད་པར་གྱི་སེམས་ཉིད་ལས་ནི་མ་ཡིན་ནོ་ཞེས་བྱ་བ་ནི་གཞན་གྱི་འདོད་པ་ཡིན་ལ་དེ་ལྟ ་ན་འཇིག་རྟེན་ཕ་རོལ་ངེས་པ་ཅན་དུ་འགྱུར་རོ། །ཀྱང་གི་སྒྲ་ནི་རང་ཁོ་ནའི་དོན་ཡང་ཡིན་ཏེ་དེས་ན་རང་ཁོ་ན་ལས་ཞེས་བྱ་བ་ཡིན་ནོ། །རེ་ཞིག་ཡིད་གཞུངས་པ་ནི་ཇི་ལྟར་གཟུང་བ་དྲན་པ་ཡིན་ལ། འཛིན་པ་ཡང་དབང་པོའི་ལས་ཡིན་ལ་ཤེས་རབ་ནི ་འཛིན་པའམ་དྲན་པ་ཡང་ཡིན་རུང་ཐམས་ཅད་དུ་དེ་ཁོ་ན་ལས་ཡིན་ལ་གོམས་པ་ནི་དེ་སྔོན་དུ་འགྲོ་བས་འཇུག་པ་ཡིན་ཞེས་བྱ་བ་འདི་ཕན་འདོགས་མེད་པར་མིན་ཞེས་བྱ་བ་དང་སྦྱར་རོ། །གང་གི་ཚེ་ཡིན་ཞེ་ན། སེམས་ལ་ཕན་འདོགས་མེད་པའི་ངང་ཚུལ་གང་གི ་ཡིན་པ་དེའི་ཚེ་སྟེ་ཕན་འདོགས་པའི་སེམས་ཁོ་ན་ལ་དབང་པོའི་ཤེས་པ་ཡང་ཡིན་ཏེ། སྔ་མའི་རྣམ་ཤེས་རྣམ་པར་གཡེང་བ་དང་ཅིག་ཤོས་དག་ལས་ཕྱི་མའི་རྣམ་ཤེས་རྣམ་པར་གཡེང་པ་དང་ཅིག་ཤོས་མཐོང་བའི་ཕྱིར་རོ། །སྔ་མ་ཡང་དེ་བཞིན་དུ་ཡིན་ལ་དེ ་ལས་ཀྱང་དེ་བཞིན་ཡིན་པའི་ཕྱིར་འཇིག་རྟེན་ཕ་རོལ་གྲུབ་པ་ཡིན་ནོ། །ཡང་ན་དེ་ལས་ཀྱང་སྟེ་དབང་པོའི་ངོ་བོའི་ལུས་ལས་ཁྱད་པར་ཏེ་རྣམ་ཤེས་ནི་གཟུགས་ལ་སོགས་པ་འཛིན་པ་ལ་ངེས་པའི་དོ?་ནི་རྗེས་སུ་བྱེད་པའི་སེམས་ལ་འགྱུར་བ་མིན་པ་ཁོ་ན་ཏེ། ་སེམས་དང་དབང་པོ་ལ་སོགས་པ་ལ་རྣམ་པར་ཤེས་པའི་ཁྱད་པར་དུ་འགྱུར་བ་ཡིན་གྱི་གཅིག་ལས་མ་ཡིན་ཏེ། ཆོས་ཅན་མེད་པའི་ཕྱིར་རོ་ཞེས་བྱ་བའི་དོན་ཏོ། །བློ་དང་དབང་པོ་ལ་སོགས་པའི་བསྐྱེད་ཕྱིར་མངོན་པར་འདོད་པའི་ཁྱད་པར་ཡིན་ལ་དེ་ཡང་དེ ་ལ་གོམས་པའི་ཁྱད་པར་ལས་དབང་པོ་ལ་སོགས་པའི་བྱ་བ་ལ་ཡང་གཉིད་ལོག་པ་ལ་སོགས་པ་དང་སད་པ་ཡང་རི་ལ་སོགས་པ་སྣ་ཚོགས་བར་འགྱུར་ལ་སེམས་ལ་ནི་ཕན་འདོགས་པ་མ་ཡིན་པས་གོམས་པའི་སྒོ་ནས་དབང་པོ་ལས་ཀྱང་མི་འབྱུང་ལ ་ཕན་པ་བྱེད་པ་ཡིན་ན་དེ་ལ་དབང་པོ་ཡང་ཕུལ་དུ་བྱུང་བར་འགྱུར་ཏེ་དེ་ཁོ་ན་ལས་འབྱུང་བའི་ཕྱིར་རོ། །ཉེ་བར་མཁོ་བའི་བཅུད་ཀྱི་ལེན་པ་ལས་སམ་ཏིང་ངེ་འཛིན་གྱི་ཁྱད་པར་ལས་ནང་གི་ལུས་ཁྱད་པར་ཅན་དུ་འབྱུང་བ་མ་ཡིན་དུ་ཟིན་ཀྱང་རྒྱས་པ་ལ ་སོགས་པ་ཆགས་པ་ལ་སོགས་པ་དང། ཤེས་རབ་ལ་སོགས་པ་ཡང་རུང་བ་སྔ་ན་མེད་པ་དེ་ཡོད་ན་འབྱུང་བའི་ཕྱིར་དེའི་སྐྱེད་བྱ་ཉིད་དུ་ཤེས་པ་མ་ཡིན་ནམ། དེའི་ཚེ་བདེ་བ་ལ་སོགས་པའི་སྐྱེད་བྱ་ཉིད་ཀྱི་སེམས་ཀྱི་བསྐྱེད་བྱ་ཉིད་ཁོ་ན་ཡིན་ནོ་ཞེས ་ཟེར་ན་ཡང་ལན་མ་ཡིན་ཏེ། རང་གི་རིགས་གོམས་པ་ལས་བྱུང་བ་ཉིད་ཀྱིས་སེམས་ཀྱི་བསྐྱེད་བྱ་ཉིད་དུ་ཁས་ལེན་པ་ཡིན་ན་དེ་ཡང་ཡོད་པ་མ་ཡིན་ནོ། །འདི་ལ་བརྗོད་པ་ནི་ཆགས་སོགས་འཕེལ་བ་ཞེས་བྱ་བ་སྟེ། བཅུད་ཀྱི ་ལེན་ལ་སོགས་པས་རྒྱས་པ་མིན་ན། རྒྱས་པའམ་གཞན་གྱིས་ཀྱང་ཆགས་པ་དང་ཤེས་རབ་ལ་སོགས་པ་འཕེལ་བ་ནི་རེས་འགའ་ཡིན་གྱིས་ཐམས་ཅད་དུ་མ་ཡིན་ཏེ། རྒྱས་པ་ཡོད་ཀྱང་རེས་འགའ་འབྲས་བུ་མཐོང་བ་ལས་དེའི་བསྐྱེད་པར་བྱེད་པའི་རྒྱུ ་རྟོག་པ་མཐོང་པའི་ཕྱིར་དེ?་རང་གི་རིགས་གོམས་པ་ཁོ་ན་ཆགས་པ་དང་ཤེས་རབ་ལ་སོགས་པ་རྟོགས་པ་ཡིན་ལ། རང་གི་རིགས་གོམས་པ་ཡང་བཅུད་ཀྱི་ལེན་ལ་སོགས་པས་བསྐྱེད་པའི་འབྱུང་བའི་ཁྱད་པར་འཛིན་པར་བྱེད་པའི ་བདེ་བ་ལ་སོགས་པའི་དབང་གིས་ཤེས་རབ་ལ་སོགས་པའི་ངོ་བོས་བག་ཆགས་བ་སད་པ་ཡིན་པའི་ཕྱིར་དེ་ཙམ་གྱིས་བསྐྱེད་བྱ་ཉིད་ཡིན་ན་ཐམས་ཅད་དེ་རྟེན་པར་བྱེ་བྲག་མེད་པར་འགྱུར་རོ། །འདིས་ནི་སྨན་གྱི་བྱེ་བྲག་ལས་ནང་འོ་བར་ཞི་བ་ལ་སོགས ་པའི་འབྲས་བུ་རེས་འགའ་བ་ནི་མ་མཐོང་བའི་རྒྱུ་གཞན་གོ་བར་བྱེད་པར་བཤད་པ་ཡིན་ཏེ་འབྲས་བུ་ཐམས་ཅད་དེ་ཙམ་ལས་ཡིན་པར་མི་སྲིད་པའི་ཕྱིར་རྒྱུ་གཞན་དུ་རྟོགས་པར་བྱེད་པ་ཡིན་ནོ། །ཡང་ན་བཅུད་ཀྱི་ལན་ལ་སོགས་པ་འབྱུང་བའི ་ཁྱད་པར་ནང་གི་རེག་བྱའི་ངོ་བོ་སྐྱ་བ་ཡིན་ལ་ཕྱི་རོལ་བཞིན་དུ་ཤེས་པ་ལ་ཡང་བག་ཆགས་སད་པའི་དབང་གིས་བདེ་བ་ལ་སོགས་པ་འབྱུང་བ་ན་ཆགས་པ་དང་ཤེས་རབ་ལ་སོགས་པ་ནི་རང་གི་ས་བོན་སྨིན་པ་ལས་བྱུང་བ་མ་ཡིན་པའི་ཕྱིར་ཁམས ་མཉམ་པ་ལ་སོགས་པའི་རྒྱས་པ་ལ་སོགས་པ་ཉིད་ཀྱི་རྒྱུ་མཚན་ནི་དེ་ཡིན་ནོ། །ནང་གི་རེག་བྱ་དེ་ཡང་རེག་པའི་དབང་པོ་ལས་སྐྱེད་པའི་ཤེས་པ་གཟུང་བ་ཡིན་ལ་དེ་ལས་ཀྱང་བདེ་བ་ལ་སོགས་པ་དེ་ཉིད་ཡིན་ནོ། །དོན་ནི་དམིགས་པ་ཡིན་ན?་དེ་ལོག ་ཀྱང་ཤེས་པ་ལྡོག་པ་མ་ཡིན་ནོ། །རྟེན་ཡིན་པོ་ཞེ་ན། དོན་གྱི་སྒོ་ནས་འགྱུར་བ་ཡིན་ཞེས་བྱ་བ་དེར་གོ་བར་བྱས་པ་ཁོ་ན་ཡིན་ནོ། །དེ་ཡང་ཁམས་མཉམ་ལ་སོགས་པ་ཞེས་བྱ་བའི་སོགས་པའི་སྒྲས་མི་མཉམ་པ་ཡིན་ལ་དེས་ཀྱང་རང་གི་ཤེས་པ་ཡིན ་ཞིང་དེ་ལས་ཀྱང་སྡུག་བསྔལ་ཡིན་ཏེ་དེའི་བག་ཆགས་སད་པའི་ལས་དེ་ཁོ་ན་མི་མཉམ་པའི་འཛིན་བྱེད་ཡིན་ལ་འཛིན་བྱེད་ཀྱང་ཐམས་ཅད་སྔར་གོམས་པ་ཁོ་ན་ལས་འབྱུང་བ་ཡིན་ལ་དབང་པོ་ནི་དེའི་རྗེས་སུ་འཇུག་པར་བྱེད་པ་ཡིན་ཏེ། ཡུལ་འཛིན་པ་ལ ་སོ་སོར་ངེས་པ་ཙམ་གྱི་བྱ་བ་ཡིན་པའི་ཕྱིར་ཞེས་བྱ་བ་ལས་སོགས་པར་སྦྱར་བར་བྱའོ། །རང་གི་སྡུག་བསྔལ་ལས་རྗེས་སུ་པགས?་ལས་གཞན་སྡུག་བསྔལ་བ་ཡིན་པར་ཤུགས་ཀྱིས་གོ་བ་ཡིན་ལ། དེའི་ཕྱིར་གཞིལ་རྒྱུ་ནི་ཞེ་སྡང་ཕྱིར་གཞིལ་བའི ་རྒྱུ་ཡིན་ནོ། །ཕྱི་རོལ་གྱི་ཆོས་ཡིད་དུ་འོང་པའི་ཡུལ་ན་དམིགས་བ་ན་ནང་གི་དོན་ཉེ་པ་ལས་བདེ་བ་སྐྱེ་བ་མ་ཡིན་ནམ། དེ་དེ་ལ་དམིགས་པ་ནི་མ་ཡིན་ནོ། །བདེན་ཏེ་རྟེན་དེ་ཁོ་ན་དེ་འདིའི་ཡིན་པར་བསྟན་པ་ནི། གང་གི་ཚེ་ཞེས་བྱ་བའོ། །གང་གི ་ཚེ་དམིགས་པ་དེའི་ཚེ་རྟེན་མ་ཡིན་པར་བསྟན་པ་ནི། དེ་ལོག་པས་ལྡོག་པ་ཡང་མ་ཡིན་ནོ། །འདུས་པ་ལ་སོགས་པ་མི་མཉམ་པ་ནི་ཁྱད་པར་ཉིད་ཡིན་ལ་དེ་ནས་ནི་རེག་པའི་བསྐྱེད་པ་དེའི་ཤེས་པ་ཡིན་ལ་དེ་ལས་ཀྱང་བག་ཆགས ་སད་པ་ལས་སམ། གཏི་མུག་ལ་སོགས་པ་ཁོ་ན་ལས་སམ། རེག་པའི་དབང་པོ་ལས་འདུས་པའི་ཡུལ་འཛིན་པར་བྱེད་པ་ནི་རི་མོ་དང་གླུར་ཡ་ལ་སོགས་པའི་ཤེས་པ་བཞིན་དུ། གོམས་པ་ལས་བྱུང་བ་ཡིན་ཞེས་བྱ་བ་ལ་སོགས ་པ་དང་སྦྱར་པར་བྱ་བ་ཡིན་པར་བསྟན་པ་ན། འདིས་ནི་འདུས་པ་ལ་སོགས་པས་ཞེས་བྱ་བ་སྟེ། འདུས་བ་ལ་སོགས་པའི་སྒྲས་གཟུང་བའི་བཅུད་ཀྱི་ལེན་ལ་སོགས་པ་དྲན་པ་ཉམས་པ་ལ་སོགས་པའི་སྒྲུབ་བྱེད་ཡིན་པར་བཤད་པ་ནི་བདེར?་ཡང་ཞེས ་བྱ་བ་སྟེ། བཅུད་ཀྱི་ལེན་ལ་སོགས་པའི་དབང་གིས་ནང་གི་དོན་ཁམས་མཉམས་པ་ལ་སོགས་པའི་ངོ་བོར་དམིགས་པའོ། །འདི་སུ་ཞིག་ཅེ་ན། བག་ཆགས་ལས་བྱུང་བའི་དྲན་པ་ཉམས་པ་ནི། རང་དང ་གཞན་གྱི་རྣམ་པར་དབྱེ་བ་མི་ཤེས་པའོ། །ལུས་ཀྱི་རྣམ་པར་འགྱུར་བ་ནི། ནང་གི་འབྱུང་བ་ཡོངས་སུ་གྱུར་པའོ། །མ་ཡིན་ནོ་ཞེས་བྱ་བ་ནི་རྟེན་ཉིད་དགག་པའོ། །ཇི་ལྟར་མིག་ལ་སོགས་པ་ཞེས་བྱ་བ་ནི་མི་མཉམ་པའི་དཔེའོ། །ཐམས་ཅད ་རྒྱུ་ཡིན་པར་ཐལ་ལོ་ཞེས་བྱ་བ་ནི་སྔོན་གྱི་གོམས་པ་སད་པར་བྱེད་པ་ཉིད་ཁས་མི་ལེན་ན་ཐམས་ཅད་ཀྱི་བྱེད་པ་པོ་ཤེས་རབ་ལ་སོགས་པ་ཐམས་ཅད་དུ་བྱེད་པར་འགྱུར་རོ། །ཞེས་བྱ་བའི་དོན་ཏོ། །དེ་བཞིན་དུ་ཞེས་བྱ་བ་ནི་གནས་སྐབས་ཀྱི་ཉེ་བར ་བསྡུ་བ་ཡིན་ནོ། །བཟུང་བའི་དངོས་པོ་ཡང་བདེ་བ་དང་རྨོངས་པ་ལ་སོགས་བསྐྱེད་པར་བྱེད་པར་མཐོང་བ་ཁོ་ན་ཡིན་པར་བསྟན་པ་ནི། དཔེར་རྒྱུད་ཁྱད་པར་ལ་ལ་ཞེས་བྱ་བའོ། །ཕན་པ་བྱེད་པའི་སེམས་ཁོ་ན་ལ་སེམས་ཀྱི་དབང་པོ་ལས་སམ་གོམས ་པ་ལས་ཁྱད་པར་ཡིན་པར་ནི་བདེན་ན། དེ་ནི་མ་ལ་སོགས་པའི་རྒྱུད་ལས་དང་པོ་སྐྱེས་པ་ནི་ཕྱི་མ་ཕྱི་མའི་རྒྱུར་འགྱུར་བ་ལས་གོམས་པ་ལས་སམ་དབང་པོ་ལས་ཁྱད་པར་དུ་འགྱུར་རོ། །གང་ལ་ཡང་དང་པོ་ཉིད་དུ་ཁྱད་པར་ཅན་གྱི་ཤེས་རབ ་ལ་སོགས་པའང་ང་རྒྱལ་དང་བཅས་པའི་ཡིད་ཀྱི་རྣམ་ཤེས་ཡིན་ལ། དེ་ལ་ཡང་མ་ལ་སོགས་པ་གོམས་པ་ཁོ་ན་རྒྱུ་ཡིན་ཏེ། དེའི་དེ་མེད་ན་མེས་པོའི་ཡིན་ལ། དེའི་ཡང་དེ་མེད་ན་ཡང་མེས་ཀྱི་ཡིན་པར་རྟོགས་པར་བྱ་བ་ཡིན་ཏེ། ་ཐག་རིང་བ་ལ་རྒྱུ་ཡིན་པ་ནི་སྔོན་པོའི་ཤེས་པའི་སེར་པོའི་ཤེས་པ་ལ་སོགས་པ་ཐག་རིང་པོའི་སྔོན་པོའི་ཤེས་པ་བཞིན་དུ་འདོད་པ་ཁོ་ན་ཡིན་ནོ། །དྲོད་གཤེར་ལས་སྐྱེས་པ་ལ་སོགས་པ་མེད་པའི་ཕྱིར་ཇི་ལྟར་ཡིན་ན་ཞེས་བྱ་བ ་འདི་ནི་ཁྱེད་ལ་ཡང་མཚུངས་སོ། །ལུས་གཞན་ལ་ཡོད་པ་རང་གི་རྒྱུད་ཀྱིས་བསྐྱེད་པ་ཡིན་ནོ་ཞེ་ན་ཡང་དེ་ཁོ་ན་ཡིན་པའི་ཕྱིར་བྱེ་བྲག་མེད་དོ་སྙམ་དུ་སེམས་པ་ལ། དེའི་ཕྱིར་ངེས་པར་གང་ཉིད་ཀྱི་ཞེས་བྱ་བ་སྟེ། དེའི་ཕྱིར་སེམས་ལུས་ལ་རྟེན་པ་མ་ཡིན་ཏེ ་དེའི་ཁྱད་པར་རྗེས་སུ་འཇུག་པ་མ་ཡིན་པའི་ཕྱིར་རོ། །དེ་ཉིད་ཀྱི་ཕྱིར་རྒྱུད་གཞན་གྱི་སེམས་ལ་བརྟེན་པ་མ་ཡིན་ནོ། །གང་གི་ཕྱིར་དེའི་ཁྱད་པར་ཡང་ངེས་པས་རྗེས་སུ་འཇུག་པ་མ་ཡིན་ནོ། །དེ་བཞིན་དུ་རྒྱུད་གཅིག་ལ་བྱིས་པའི་ཉམས་སུ་མྱོང་བ ་ལང་ཚོ་བ་སོགས་པ་ན་ལུས་ཐ་དད་ཀྱང་དྲན་པ་ཡིན་གྱི་དེའི་ཐ་དད་པ་དང་ཐ་དད་པ་མ་ཡིན་པ་དག་ནི་ཇི་སྐད་བསྟན་པའི་རིགས་པས་སེམས་ལ་ཕན་འདོགས་པར་བྱེད་པ་མ་ཡིན་ནོ། །རྒྱུད་གཞན་གྱི་སེམས་ཀྱི་བསྐྱེད་བྱའི་འདུ་བྱེད་པའི་རྗེས་སུ ་འབྲང་བས་དེར་ཉམས་སུ་མྱོང་བ་ལ་སོགས་པའི་གནས་སྐབས་སུ་ཉམས་སུ་མྱོང་བ་བཞིན་དྲན་པ་དང་གཉིད་ལོག་པ་ལ་སོགས་པའི་གནས་སྐབས་ཀྱི་ལུས་ཀྱི་དབྱེ་བ་ཉམས་སུ་མྱོང་བ་ལྟ་བུའོ། །སྐྱེ་བའི་དང་པོར་རང་གི་རྒྱུད་ཀྱི་འདུ་བྱེད་པ ་རྗེས་སུ་འཇུག་པ་ཡང་མེད་པ་ཉིད་མ་ཡིན་ནམ། དེར་ཉམས་སུ་མྱོང་བ་ཡང་མི་དྲན་པའི་ཕྱིར་རོ། །མངལ་གྱི་གནས་སུ་ཁྱད་པར་ཅན་གྱི་སྡུག་བསྔལ་གྱི་འདུ་བྱེད་པ་ཉིད་ཉམས་པའི་ཕྱིར་དེའི་ཚེ་མི་དྲན་པ་ཡིན་ལ་འདི་ལ་ནི་དེ་མི་སྲིད་པ་ཡིན་ནོ། །འདི་ལ ་ཡང་གང་ཉིད་ཀྱི་ཞེས་བྱ་བ་ངེས་པའི་དོན་ལ་ཉིད་ཀྱི་སྒྲ་ཡིན་ནོ། གང་ཁོ་ན་ཚིག་བརྗོད་པ་དེ་ཁོ་ན་རྟོག་གེ་ངན་པ་བཞིན་དུ་ངེས་པས་ཞེས་རྗེས་སུ་འཇུག་པའི་ཁྱད་པར་ཅན་གྱི་དེ་ཡང་མ་ཡིན་པ་ལས་ལོག་པའི་ཚིག་ཡིན་ནོ། །ཡང་ན་སྒོམ་པར་བསྟན ་པའི་འདུ་བྱེད་གང་གི་རྒྱུད་ཡིན་པའི་བསྒོམ་པ་ལས་སེམས་ཀྱང་རྗེས་སུ་འཇུག་པར་བྱེད་པ་དེའི་ཁྱད་པར་གྱི་ཁྱད་པར་ཅན་ཉིད་ཀྱི་ཡིན་གྱི་མཁས་པའི་རྒྱུད་ཀྱིས་བསྒོམ་པ་ལ་དེའི་སེམས་བཞིན་དུ་བུའི་སེམས་ཀྱང་རྗེས་སུ་འཇུག་པ་མ་ཡིན་ཏེ། རེས ་འགའ་བའ་ཨི་རྗེས་སུ་འཇུག་པ་ཅིག་ཤོས་ཀྱི་འདུ་བྱེད་པ་འབྱུང་བ་བཀག་པ་མ་ཡིན་པ་ནི་དེའི་འདུ་བྱེད་པའི་བསྐྱེད་བྱའི་བདག་ཉིད་དུ་ངེས་པར་བྱེད་པ་མ་ཡིན་ནོ། །དེའི་ཕྱིར་མ་ལ་སོགས་པའི་སེམས་ཀྱང་ལུས་བཞིན་དུ་རྟེན ་མ་ཡིན་ཏོ། དེ་ལ་ཁྱད་པར་མེད་ཀྱང་ཁྱད་པར་ཡོད་པའི་ཕྱིར་རོ་ཞེས་བསྟན་བ་ནི། བློའི་བྱེད་པའི་ཁྱད་པར་གྱིས་ཞེས་བྱ་བའོ། །དེའི་ཕྱིར་ངེས་པར་གང་ཉིད་ཀྱི། འདུ་བྱེད་ཅེས་བྱ་བ་ནི་དེའི་ཁྱད་པར་ལ་ཡང་ཁྱད་པར་ཡིན་པའི་ཕྱིར་ཞེས་བྱ་བའོ། །སྔོན་པོ ་ལ་སོགས་པ་དང་བདེ་ལ་སོགས་པའི་ཤེས་པ་བཞིན་དཱུམ་བཀྲེས་པ་ལ་སོགས་པ་བཞིན་དུ་ཐག་རིང་པོའི་གོམས་པ་ལས་བྱུང་བ་ཉིད་ཡིན་ནའང་མེས་པོ་ལ་སོགས་པའི་གོམས་པའི་བསྐྱེད་བྱ་ཉིད་དུ་ཤེས་པ་ནི་མ་ཡིན་ཏེ། ཕའི་གོམས་པ་ཡིན་ན ་ཡང་བུའི་ནི་དེ་ལས་བཟློག་པ་ཡིན་པའི་ཕྱིར་རོ། །རྗེས་སུ་དཔག་པ་ཡང་གོམས་པ་ཙམ་ལས་མཐོང་བའི་ཕྱིར་རང་གོམས་པ་ཁོ་ནར་གནས་པ་ཡིན་ནོ། །སྔོན་པོ་ལ་སོགས་པའི་ཤེས་པ་དང་བཀྲེས་པ་ལ་སོགས་པ་རྣམས་ཀྱང་འདི་ཁོ་ནར་རྟོགས་པ ་ཡིན་ཏེ། དེ་རྣམས་ཀྱི་རྒྱུ་ཡང་བདག་ཉིད་གོམས་པ་ཁོ་ན་ཡིན་པའི་ཕྱིར་རོ། །མེས་པོའི་གོམས་པ་ཁོ་ན་འདིའི་གོམས་པ་ཡང་མ་ཡིན་ཏེ། མེས་པོ་ག་སྟོན་པ་ན་ཡང་དེའི་གོམས་པའི་ཁྱད་པར་གྱིས། འདིའི་སེམས་ཁྱད་པར་དུ་མ་མཐོང་བའི་ཕྱིར་རོ། ། ་རང་གི་གོམས་པ་ནི་ཁྱད་པར་གྱི་རྒྱུར་ལ་ལར་མཐོང་བ་ཡིན་ནོ། །ཡང་ན་ལུས་བཞིན་དུ་གཞན་གྱི་སེམས་ཀྱང་རྟེན་མ་ཡིན་ཏེ་དེ་ལ་ཁྱད་པར་མེད་ཀྱང་རང་གོམས་པའི་ཁྱད་པར་གྱིས་ཁྱད་པར་མ་ཡིན་པའི་ཕྱིར་རོ། །བློའི་བྱེད་པའི་ཁྱད་པར་གྱིས་ཞེས ་བྱ་བ་ནི་འདི་ཁོ་ནས་བསྟན་པ་ཡིན་པར་བརྒྱུད་ཅིག་ལ་ཡང་བློ་རྣམས་མཚུངས་པའི་ཕྱིར་རོ་ཞེས་ལྷག་པར་བསྟན་པ་ནི། དེའི་ཕྱིར་ངེས་པ་གང་ཉིད་ཀྱིས་ཞེས་བྱ་བ་སྟེ། གང་དང་གང་གི་སེམས་སེམས་གང་དང་གང་ཡིན་པ་སྔོན་པོ་ལ་སོགས་པ་ཉིད་དུ་འདུ ་བྱེད་ཀྱི་རྗེས་སུ་འཇུག་པ་དེ་དང་དེ་ནི། དེ་དང་དེའི་རྟེན་ཡིན་ཏེ། ཐམས་ཅད་ཀྱི་ཐམས་ཅད་ནི་མ་ཡིན་ནོ་ཞེས་བྱ་པའི་དོན་ཏོ། །གང་གི་ཕྱིར་ལུས་དང་གཞན་གྱི་སེམས་དང་སེམས་གཞན་རྣམས་ལ་བྱེ་བྲག་མེད་ཀྱང་ཁྱད་པར་ཅན་གྱི་སེམས་གང་ཕུལ་དུ ་བྱུང་ན་གང་ཕུལ་དུ་བྱུང་བར་འགྲོ་བ་དེ་ནི་དེ་ལ་རྟེན་པ་ཡིན་ཞེས་ཉེ་བར་བསྡུ་བ་ནི། དེའི་ཕྱིར་སེམས་ལ་རྟེན་པ་ཡིན་ཞེས་བྱ་བའོ། །དེའི་ཕྱིར་སེམས་ལ་བརྟེན་ནོ་ཞེས་བྱ་བ་རྣམ་པར་འགྲེལ་པ་ནི། དེའི་ཕྱིར་སེམས་ཉིད་ལོག་ན་སེམས་ལྡོག་གོ་ཞེས་བྱ ་བའོ། །གོང་དུ་ལུས་དེ་དང་དེ་ལ་རྟེན་པ་དང་དབང་པོ་ཙམ་ལ་རྟེན་པ་འདི་ཀྱང་བཀག་པ་ཡིན་ལ་གལ་ཏེ་དབང་པོ་ལ་སོགས་པ་ཞེས་བྱ་བ་ལ་སོགས་པས་ནི་དབང་པོའི་ཤེས་པ་ཉིད་ཀྱིས་བརྒྱུད་པ་ཡིན་ནོ་ཞེས་བྱ་བ་ནི་ཁྱད་པར་ཡིན་ནོ། །བརྒྱུད་པས་འབྱུང་བ་དངོས ་སུ་འབྱུང་བ་ཁོ་ན་ཡིན་ཏེ་དེ་ཉིད་དུ་ངོ་ཤེས་པའི་ཕྱིར་རོ་ཞེས་ཟེར་བ་ནི། མེ་གཞན་དང་གཞན་ལས་ཞེས་བྱ་བ་སྟེ། སྔ་ན་མེད་པ་ནི་ཕྱི་མའོ། །མ་ཡིན་དེ་ཞེས་བྱ་བ་ནི་རྒོལ་བ་སེལ་བར་བྱེད་པ་ཡིན་ཏེ་དབང་པོའི་ཤེས་པ་མ་གཏོགས་པར་ཡིད་ཀྱི་རྒྱལ་སྲིད་དང ་དབང་ཕྱུག་དང་གཙོ་བོ་ལ་སོགས་པའི་ང་རྒྱལ་དང་བཅས་པའི་རང་རིག་པའི་རྟོག་པ་རབ་འབྱམ་དགག་པར་མི་ནུས་སོ། །དོན་ཡུལ་མ་ཡིན་པའི་ཕྱིར་སེལ་བའི་ཡུལ་ལ་ཡིན་ཏེ། རུང་བ་པོ་རྣམས་ཀྱིས་མ་ཤེས་པ་རང་གི་ཤེས་པའི་ཕྱིར་ཤེས་པ་ཙམ་ནི་སྔ་མ ་སྔ་མ་ལས་བྱུང་བ་ཉིད་ཀྱི་ཕྱིར་འཇིག་རྟེན་ཕ་རོལ་པོ་ཡིན་ནོ་ཞེས་བྱ་བའི་དོན་ཏོ། །དུ་བའི་བསྐྱེད་བྱ་ཁོ་ན་དེ་ཉིད་དུ་རྟོགས་པའི་ཕྱིར་མའི་བསྐྱེད་བྱ་ཡིན་ནོ་ཞེས་བྱ་བ་ལ་དུ་བ་མེ་ལས་ཅི་འདྲ་བ་ཅེས་བྱ་བ་སྟེ། ཡིད་ནི་ཤེས་རབ་ལ་སོགས་པའོ། །ཐམས་ཅད་ལ ་ཁྱབ་པ་ཞེས་བྱ་བ་ནི། རང་རིག་པ་ཙམ་ལས་བྱུང་བའི་ཕྱིར་རོ། །མེའི་བསྐྱེད་བྱ་ཡིན་པའི་དུ་བ་ནི་རྒྱུན་ཡིན་ལ་ཤེས་རབ་ལ་སོགས་པ་ཡང་ལུས་ཀྱི་བསྐྱེད་བྱ་ཡིན་པས་རྒྱུན་ཡིན་པར་འགྱུར་རོ་སྙམ་དུ་སེམས་པ་ལ། དུ་བ་ནི་ཞེས་བྱ་བ་སྨོས་ཏེ། མེའི་བསྐྱེད ་བྱའི་དུ་བ་བཞིན་དུ་ལུས་ཀྱི་སྐྱེད་བྱ་ཤེས་རབ་ལ་སོགས་པའི་རྒྱུན་མ་ཡིན་ཏེ། འོན་ཀྱང་གོམས་པའི་བསྐྱེད་བྱ་ཉིད་དོ། །དབང་པོའི་ཤེས་པའི་བསྐྱེད་བྱ་ཉིད་ཀྱི་རྣམ་ཤེས་ཡིན་དུ་ཟིན་ཀྱང་དབང་པོ་ཉིད་ལས་དབང་པོའི་རྣམ་ཤེས་ནི ་མ་ཡིན་ནོ། །འོ་ན་ཅི་ཞེ་ན། སྔ་མ་པའི་རྣམ་ཤེས་ཉིད་ལས་ཡིན་ཏེ་དེའི་བྱ་བའི་རྗེས་སུ་བྱེད་པའི་ཕྱིར་ཡིན་ལ། དབང་པོ་ནི་ངེས་པ་ཙམ་གྱིས་དེའི་རྗེས་སུ་འཇུག་པར་བྱེད་པ་ཡིན་པར་བསྟན་པ་ནི། གལ་ཏེ་རྣམས་ཤེས་འགའ་ཞིག་ནི་ཞེས་བྱ་བའོ། ། ་རྣམ་ཤེས་སྔ་མའི་བྱ་བ་དང་རྗེས་སུ་འཐུན་པ་ཉིད་ཡང་སྟེ། དབང་པོ་དང་སྣང་བ་དང་ཡུལ་ཙམ་ཉིད་ལས་དེ་སྐྱེ་པ་ཡིན་ཡང་མ་ངེས་པའི་ཕྱིར་མ་སྐྱེས་པ་བཞིན་དུ་ཐ་སྙད་བྱེད་པ་མ་ཡིན་ནམ། ཇི་ལྟར་སྔོན་པོའི་རྣམ་པར་རིག་པ་ཡང་མ་ངེས་པའི་ཕྱིར ་སྔོན་པོ་ཞེས་བརྗོད་པ་མ་ཡིན་ལ་ངེས་པ་ཡིན་ན་ནི་དེ་ལྟར་འགྱུར་རོ་སྙམ་དུ་སེམས་པ་ནི། དེ་ནི་སྐྱེས་མོད་ཀྱི་ཞེས་བྱ་བའོ། །དེ་ལྟར་ན་ཐམས་ཅད་དུ་རིག་པ་མེད་པ་ནི་ངེས་པ་མེད་པར་ཁོ་ནའི་ཕྱིར་ཞེས་ཐ་སྙད་དུ་བྱེད་པ་ཡིན་གྱི་རང་མེད་པས་ནི་མ་ཡིན་པ་དེ ་ལྟ་ཡིན་ན། རིག་པ་ལ་ཐེ་ཚོམ་ཟ་བས་འགར་ཡང་བུམ་པ་ལ་སོགས་པ་མེད་པར་འགྲུབ་པར་མི་འགྱུར་བར་བསྟན་པ་ནི། གལ་ཏེ་རྣམ་ཤེས་ཞེས་བྱ་བ་སྟེ། དེ་ཡང་ཞེས་བྱ་བ་ནི་རྣམ་ཤེས་སོ། །དེ་ཞེས་བྱ་བ་ནི་ངེས་པའི་རྒྱུ་རིག་པའོ། །དེ་བཞིན ་དུ་རིག་པའི་རྒྱུ་དབང་པོ་ལ་སོགས་པ་ཉམས་པ་ཡིན་ནོ། །དེ་དེ་ལྟར་སྔ་མའི་རྣམ་ཤེས་དང་ལྷན་ཅིག་པའི་དབང་པོ་ནི་རང་གི་ཤེས་པའི་རྒྱུ་ཡིན་པར་བསྟན་ནས་དེ་ལྟར་ནི་སྔ་མའི་རྣམ་ཤེས་ཉིད་ལས་འདིར་འབྱུང་བ་ཡིན་པའི་ཕྱིར་དབང་པོའི་རྒྱུ་མ ་ཡིན་པར་བསྟན་པ་ནི། གོམས་པའི་སྟོབས་ལས་བྱུང་བ་ཡིན་ཞེས་བྱ་བ་སྟེ། མི་འཁྲུལ་བ་ཉིད་ནི་མི་སླུ་བ་ཡིན་ཏེ་དོན་ཡོད་པའི་ཕྱིར་དང། འཁྲུལ་པ་ཉིད་ལ་ནི་དེ་མེད་པའི་ཕྱིར་དབང་པོ་ཡོད་པ་དང་མེད་པས་བྱས་པ་ནི་མ་ཡིན་ཏེ། དབང་པོ ་ཡོད་ཀྱང་རབ་རིབ་ཅན་གྱི་སླུ་བ་ཡོད་པའི་ཕྱིར་རོ་ཞེས་བསྟན་པ་ནི། དོན་ཡོད་པ་དང་མེད་པ་ལས་ཞེས་བྱ་བ་སྟེ་སད་པ་ཞེས་བྱ་བ་ནི་དབང་པོ་འདིའི་ཁྱད་པར་རོ། །གཉིད་ལོག་པའི་དབང་པོ་ནི་གོམས་པ་ལས་བྱུང་བ་ཡིན་ཡང་སད་པའི་ནི་མ་ཡིན་པ་མ་ཡིན ་ནམ། རང་གི་རྒྱུ་མེད་པའི་ཕྱིར་རོ་སྙམ་དུ་སེམས་པ་ལ། འབྲས་བུ་དབང་པོ་ཐ་མི་དད་པའི་ཕྱིར་དང། གོམས་བྱའི་བསྐྱེད་བྱའི་ཁྱད་པར་ཉིད་ནི་སད་པའི་དབང་པོ་ལ་ཡང་ཡོད་པའི་ཕྱིར་གོམས་པའི་བསྐྱེད་བྱ་ཉིད་ཁོ་ན་ཡིན་པར་བསྟན་པ་ནི། འབྲས་དངོས ་ཞེས་བྱ་བ་སྟེ། གོམས་པ་ལས་བྱུང་བའི་དབང་པོ་ལ་ནི་མ་ལ་སོགས་པའི་རྒྱུ་ལྷན་ཅིག་བྱེད་པ་ཡིན་ཞེས་བྱ་བའི་དོན་ཏོ། །རྣམ་ཤེས་འབའ་ཞིག་ནི་མ་ཡིན་ཏེ། དབང་པོ་ཡང་གོམས་པའི་བསྐྱེད་བྱ་ཡིན་པའི་ཕྱིར་རྣམ་ཤེས་ཀྱི་བསྐྱེད་བྱ་ཡིན་པར ་ཉེ་བར་བསྡུ་བ་ནི། དེས་ན་དབང་པོ་ཉིད་ཅེས་བྱ་བའོ། །དེ་ཡང་ཇི་ལྟར་སེམས་འབྱུང་བ་ལ་རྟེན་པ་ཉིད་ཀྱི་འཇིག་རྟེན་ཕ་རོལ་པོ་མ་ཡིན་པའི་སེམས་ཀྱི་རྟེན་ཉིད་དུ་སྒྲུབ་པ་ལ་གཏན་ཚིགས་དབང་པོའི་བསྐྱེད་བྱ་ཉིད་མ་གྲུབ་པ་ཡིན་ལ་འགལ་བར ་ཡང་བསྟན་ནས་དེ་ནི་སྐྱེ་བ་སྔ་མ་པའི་རང་གི་སེམས་རྟེན་ཉིད་དུ་སྒྲུབ་པ་ལ། འདུ་བྱེད་པ་ཙམ་གྱི་རྗེས་སུ་བྱེད་པ་ཅན་ཉིད་ནི་མ་ངེས་མ་ཡིན་ཏེ། སྐྱེ་བ་འདི་པ་ཙམ་ལ་སོགས་པའི་སེམས་ཀྱི་རྟེན་ཉིད་ལ་ཡང་ཡོད་པའི་ཕྱིར་ལ་དེའི་འདུ་བྱེད ་པའི་རྗེས་སུ་བྱེད་པ་ཅན་ཉིད་དུ་མ་གྲུབ་པར་བསྟན་པ་ན་འཇིག་རྟེན་ཕ་རོལ་པོའི་ཞེས་བྱ་བའོ། །དེའི་འདུ་བྱེད་པའི་རྗེས་སུ་འཇུག་པ་ཉིད་གཏན་ཚིགས་ཡིན་པས་མ་གྲུབ་པ་ཡིན་ཏེ། ངེས་པས་སེམས་ཀྱི་འདུ་བྱེད་པའི་རྗེས་སུ་འཇུག་པའི་ཕྱིར ་མཐོང་བ་ཡིན་པར་བསྟན་པ་ནི། ཕ་དང་མའི་རང་བཞིན་གྱིས་ཞེས་བྱ་བའོ། །དེ་འགྱུར་ཡང་ཞེས་བྱ་བ་འདི་ལས་བཟློག་པའི་སྐྱོན་བསྟན་པ་ནི། གལ་ཏེ་དེའི་ཞེས་བྱ་བའོ། །མ་དང་ཕའི་སེམས་ཀྱི་འདུ་བྱེད་པ་འབའ་ཞིག་ལས་ནི་བུའི་སེམས་ཀྱི་འདུ ་བྱེད་པ་མ་ཡིན་པ་མ་ཡིན་ནམ། ད་ལྟ་མོད་ཀྱི་དེར་སྒྲོ་འདོགས་པར་བྱེད་པའི་ལྷན་ཅིག་བྱེད་པ་ལས་ཡིན་ནོ། །ཇི་ལྟར་དེ་དག་ཉིད་དེ་ལས་གཞན་པའི་ལྷན་ཅིག་བྱེད་པ་ལས་ཡིན་ནོ་སྙམ་དུ་སེམས་པ་ནི་།འོན?་ཏེ་ཇི་ལྟར་ཞེས་བྱ ་བ་སྟེ། དེ་དག་གི་འདུ་བྱེད་པ་གང་མིན་པ་དེར་སྒྲོ་འདོགས་པ་འདོན་པ་པོའི་འཆད་པ་པོ་ལྷན་ཅིག་བྱེད་པའི་རྒྱུ་གང་ཡིན་པ་དེ་དེའི་རང་བཞིན་ཉིད་ནི། ད་སྟེ་ཕ་དང། དེའི་སྟེ་མ་དང་འབྲེལ་བ་ཅན་དུ་འགྱུར་རོ། །འདོན་པ་ནི་མ་ལ་སོགས་པའི་ལྷན ་ཅིག་བྱེད་པའི་རྒྱུ་ཡིན་ཏེ་དེའི་ངོ་བོ་ཉིད་ཀྱིས་ནི་མ་ཡིན་ནོ་ཞེ་ན་མ་ཡིན་ཏེ། དེའི་ཡང་བ་རི་རྒྱུ་ཡིན་པར་བྱེ་བྲག་མེད་པའི་ཕྱིར་རོ་ཞེས་བྱ་བའི་དོན་ཏོ། །འདུ་བྱེད་པ་ཡང་ཞེས་བྱ་བ་ནི། འདོན་པ་པོས་རྟག་ལས་པར་བྱ་བ་ལའོ། །རེས་འགའ་ནི་མངོན ་པར་འདོད་པ་མེད་ནའོ། །དེ་རྣམ་པར་འགྱུར་བ་མེད་ཀྱང་འགྱུར་བ་ཞེས་བྱ་བའི་རྣམ་པར་འགྲེལ་པ་ནི། དེ་ལྟ་མ་ཡིན་པར་ཞེས་བྱ་བའོ། །མ་ལ་སོགས་པའི་རང་བཞིན་གྱིས་རྗེས་སུ་འཇུག་པ་མ་ཡིན་དུ་ཟིན་ཀྱང་མཁན་པོའི་འདུ་བྱེད་པའི་རྗེས་འཇུག? ་བ་ཡང་རང་གི་འདུ་བྱེད་པའི་རྗེས་སུ་འཇུག་པ་ལ་འགལ་བ་མེད་པ་ཁོ་ན་ཡིན་ནོ་སྙམ་དུ་སེམས་པ་ནི། མཁན་པོའི་ཞེས་བྱ་བའོ། །རང་གི་རྣམ་ཤེས་སྔོན་དུ་འགྲོ་བར་སྔོན་པར་འདོད་པའི་ཁྱད་པར་ཁོ་ན་ལས་དེ་འབྱུང་བའི་ཕྱིར་སྐྱོན་མེད་པ་ཡིན་པར ་བསྟན་པ་ནི་མ་ཡིན་ཏེ། དེ་མེད་ན་ཞེས་བྱ་བའོ། །དེ་རྣམ་པར་འགྱུར་བ་མེད་ཀྱང་འགྱུར་བའི་ཕྱིར་ཞེས་བྱ་བ་འདི་ནི་འཇིག་རྟེན་ཕ་རོལ་སྒྲུབ་པར་བྱེད་པའི་མཆོག་ཡིན་པར་བསྟན་པ་ནི་དེས་ན་འཇིག་རྟེན་ཕ་རོལ་མེད་པར་ནི་ཞེས་བྱ་བའོ། །འདུ་བྱེད ་རྗེས་འཇུག་ཅེས་བྱ་བ་ནི། ?་ཞེས་བྱ་བ་ལ་བལྟོས་པ་ཡིན་ནོ། །ཅི་ལས་ཤེས་ཤེ་ན། ངའི?་རང་བཞིན་རྗེས་འཇུག་པར་ཞེས་བྱ་བའོ། །འོན་ཏེ་ཇི་ལྟར་ཞེས་བྱ་བ་འདི་རས་འགའ་ཞེས་བྱ་བ་ལ་བལྟོས་པ་ཡིན་ཏེ་དེ་རྒྱུ་མ་ཡིན་ན་རེས་འགའ་ཡང ་མི་འབྱུང་ངོ་ཞེས་བྱ་བའི་དོན་ཏོ། །དེ་བཞིན་རྒྱུ་དེའི་འབྲས་བུ་གཞན་ལས་ཀྱང་ཇི་ལྟར་འབྱུང་བར་བསྟན་པ་ནི་རང་བཞིན་ཐམས་ཅད་ཅེས་བྱ་བའོ། །རང་གི་སེམས་ཀྱི་བསྐྱེད་བྱ་ཁོ་ན་ཡིན་ན། ཇི་ལྟར་རེས་འགའ་བའ་ཨི་རང་བཞིན་གྱི་རྗེས་སུ་འཇུག་པར་བྱེད་ཅེས ་བ་སེལ་བ་བསྟན་པ་ནི། དེའི་རང་བཞིན་ཞེས་བྱ་བ་སྟེ་བའི་རང་བཞིན་ནོ། །དེའི་ཕྱིར་སེམས་ཐམས་ཅད་རང་གི་རྒྱུད་ཁོ་ནའི་འདུ་བྱེད་པའི་རྗེས་སུ་འཇུག་པ་ཡིན་གྱི་གཞན་ནི་མ་ཡིན་ནོ་ཞེས་བསྟན་པ་ཡིན་ནོ། །དེ་སྐད་དུ་ཡང་དེའི་ཕྱིར་ངེས་པར་བདག་ཉིད་ཀྱི་? ་བྱེད་ཀྱི་ནི་རྗེས་སུ་འཇུག་པ་ཞེས་གསུངས་པའོ། །འདི་ཁོ་ནས་རང་གི་རྒྱུད་ཀྱི་འདུ་བྱེད་པའི་རྗེས་སུ་འཇུག་པའི་ངེས་པས་རྣམ་ཤེས་གཅིག་སྲོག་ཆགས་ཐམས་ཀྱི་རྣམ་ཤེས་རྣམས་ཀྱི་སྐྱེ་གནས་ཡིན་ནོ་ཞེས་མ་ལེགས་པའི་རྣམ་ཤེས་བཞིན་དུ ་བསལ་བ་ཡིན་པར་བསྟན་པ་ནི། འོན་ཏེ་ཇི་ལྟར་ཞེས་བྱའོ། །གལ་ཏེ་འདུ་བྱེད་པའི་རྗེས་སུ་འཇུག་པ་ཡིན་ན་བདག་ཉིད་ཐམས་ཅད་ཀྱིས་འགྱུར་གྲང་ན་དེའི་རང་བཞིན་བཞིན་དུ་ཅིག་ཤོས་ཀྱང་མི་འགྱུར་བར་བསྟན་པ་ནི། འཇིག་རྟེན་ཕ་རོལ་དུ་སྨྲ་བ་ལ ་ཡང་ཞེས་བྱ་བའོ། །སྔོན་གྱི་འདུ་བྱེད་པའི་རྗེས་སུ་བྱེད་པའི་མངོན་པར་འདོད་པའི་ཁྱད་པར་ལ་སོགས་པ་རེ་ཞིག་རྗེས་སུ་འཇུག་པ་ཡིན་ལ། དེས་དེའི་བསྐྱེད་བྱ་ཡིན་པར་ཤེས་པས་རང་བཞིན་གྱི་རྗེས་སུ་འཇུག་པ་ལ་རྒྱུ་མཚན་གཞན་ཡིན་པར ་བརྟག་པར་བྱ་བ་ཡིན་པར་བསྟེན་པ་ནི་མ་ཡིན་ཏེ། རྣམ་པར་གཡེངས་པ་འམ་ཞེས་བྱ་བ་སྟེ། མ་ལ་སོགས་པ་དང་རྒྱུད་གཅིག་ཡིན་ན་བུའི་རང་གི་ཉམས་སུ་མྱོང་བའི་ཉམས་སུ་མྱོང་བ་དྲན་པ་ནི་དེའི་ལུས་ལ་ཡང་འགྱུར་རོ་ཞེས་དེའི་རྒྱུ་ཉིད་ལ ་འབྲས་བུ་མེད་པར་བསྟན་པ་ནི། དེ་ཉིད་ཀྱི་ལུས་བཞིན་དུ་ཞེས་བྱ་བའོ། །དུག་གི་སྲིན་བུ་བཞིན་ནོ་ཞེས་བྱ་བ་ནི། ཕ་རོལ་པོའི་བསམ་པའི་དཔེ་ཡིན་པ་དེའི་ནི་སེམས་ཐམས་ཅད་དེ་ཁོ་ནར་ཚེ་འབྱུང་བ་ཡིན་གྱི་སྐྱེ་བ་གཞན་ལ་ནི་དེ་འབྱུང་བ་མ་ཡིན ་ནོ་ཞེས་བྱ་བའི་དོན་ཏོ། །བྱིས་པ་ཉིད་ལ་འབྲས་བུའི་ཁྱད་པར་མེད་པས་སེམས་གསལ་གསལ་པོར་མ་གྱུར་པ་ཡིན་ལ་དེ་ཁྱད་པར་ཡིན་ན་ནི། ལང་ཚོ་ལ་སོགས་པ་ན་གསལ་པོར་འགྱུར་བ་མ་ཡིན་ནམ་བཟའ་བའི་ཁྱད་པར ་ལས་འབྱུང་བ་ཆེན་པོའི་ཁྱད་པར་ལས་འབྱུང་བ་ཆེན་པོའི་ཁྱད་པར་སྐྱེ་བའི་ཕྱི་ལུས་ཀྱི་ཁྱད་པར་ལས་ཁྱད་པར་ཡང་མ་ཡིན་ཏེ། བཅུད་ཀྱི་ལེན་བཞིན་དུ་འབྱུང་བའི་ཁྱད་པར་གྱིས་བསྐྱེད་པའི་བདེ་བའི་རེག་པའི་ཁྱད་པར་གྱིས་བག་ཆགས་ཀྱི་ཁྱད ་པར་སད་པས་སེམས་ཀྱི་ཁྱད་པར་འབྱུང་བ་མངོན་པར་བརྗོད་པའི་ཕྱིར། འགའ་ཚེ་ཆགས་སོགས་རྒྱས་སོགས་ཀྱིས། འཕེལ་བ་བདེ་སྡུག་ལས་སྐྱེས་ཡིན། །ཞེས་གསུངས་པས་སོ། །དེའི་ཕྱིར་བཟའ་བའི་བྱེ་བྲག་མེད་ཀྱང་ལུས་ཡོངས་སུ་གྱུར ་བའི་ཁྱད་པར་ཁོ་ན་ལས་བློའི་ཁྱད་པར་སྐྱེ་བར་མཐོང་བའི་ཕྱིར་དེའི་བསྐྱེད་བྱ་ཡིན་པས་གོམས་བས་ཁྱད་པར་དུ་ཡིན་ནོ་སྙམ་དུ་སེམས་པ་ལ་ཇི་ལྟར་ཐོས་སོགས་ཀྱི་ཡུལ་འདུ་བྱེད་པ་ནི་གོམས་པའོ། །སེམས་མ་བྱས་པ་ནི་ཤེས་རབ་ལ ་སོགས་པའི་སེམས་ཀྱི་བདག་ཉིད་ཀྱིས་གསལ་བར་བྱེད་པ་ཡིན་ལ་དེ་བཞིན་དུ་ལུས་ཀྱི་བདག་ཉིད་ཀྱིས་ཀྱང་གསལ་བར་འགྱུར་ཏེ། དེའི་རྗེས་སུ་འབྲང་བའི་སེམས་ལས་ཐ་དད་པ་མེད་པའི་ཕྱིར་དབྱེ་བ་ཕུལ་དུ་བྱུང་བ་ལས་བྱུང་བའི་ཤེས་པ ་ལས་གོམས་པ་ལས་བྱུང་བ་ཐ་དད་པ་མ་ཡིན་ནོ། །དེའི་ཕྱིར་དེ་ཡང་དེ་བཞིན་དུ་ལུས་ཕུལ་དུ་བྱུང་བའི་རྗེས་སུ་བྱེད་པ་ཁོ་ནར་འགྱུར་བ་ཡིན་གྱི་བྱིས་པ་ཉིད་ལ་སོགས་པ་ལ་ནི་མ་ཡིན་ཏེ། གོམས་པས་ཕུལ་དུ་བྱུང་བ་མེད་པའི་ཕྱིར་རོ། །འོན ་ཏེ་སེམས་ཙམ་ནི་ལུས་ལས་ཡིན་ལ་གོམས་པ་ལས་ནི་དེའི་ཁྱད་པར་ཡིན་ནོ། །མ་ཡིན་ཏེ། ཁྱད་པར་ལས་གཞན་པའི་དེ་ཙམ་ནི་མ་མཐོང་བའི་ཕྱིར་དང་ཁྱད་པར་ཐམས་ཅད་ཀྱང་གོམས་པ་ལས་བྱུང་བའི་ཕྱིར། ལུས་ལས་བྱུང་བ་མ་ཡིན་པ ་ཉིད་ཀྱི་ཤེས་པ་ཁོ་ན་ཡིན་ཏེ། གོམས་པའི་བསྐྱེད་བྱར་མངོན་པར་འདོད་པ་ལ་འདི་ཁྱད་པར་མེད་པའི་ཕྱིར་རོ། །ཡོན་ཏན་ཞེས་བྱ་བ་ནི་གཞན་གྱི་འདོད་པ་ཡོན་ཏན་ཉིད་དུ་མངོན་པར་འདོད་པ་ཡང་དེ་བཞིན་དུ་འགྱུར་རོ་ཞེས་བྱ་བའི་དོན་ཏོ། །འགྲེལ་པ ་མཛད་པས་ནི་སེམས་བཞིན་དུ་ལུས་ཀྱང་གསལ་བར་འགྱུར་པ་སྟེ། དམིགས་པར་འགྱུར་བ་ནི་ལུས་ལས་ཐ་མི་དད་པའི་ཕྱིར་ཏེ་ཡོན་ཏན་ཉིད་ཀྱིས་དེའི་དམིགས་པ་ཡིན་ན། གཟུགས་ལ་སོགས་པ་བཞིན་དུ་དམིགས་པར་འགྱུར་བ་ཞིག་ན་དམིགས་པ་ནི ་མ་ཡིན་ནོ། །དེའི་ཕྱིར་ལུས་ཉིད་བློ་མ་ཡིན་ནོ་ཞེས་བསྟེན་པ་ཡིན་ནོ། །ཇི་ལྟར་ཐོས་སོགས་འདུ་བྱེད་བ། སེམས་ལ་བྱས་བ་ཞེས་བྱ་བ་འདིས་ནི་བློའི་ཁྱད་པར་ཐེ་ཚོམ་གྱི་ཡུལ་ཡིན་པར་བསྟན་བ་ནི་ཐ་དད་པ་སྒྲུབ་པར་བྱེད་པ་ཡིན་ནོ། །དེ་ཡང་དེ ་གྲུབ་ན་ཡང་བློའི་ཁྱད་པར་ལ་ཐེ་ཚོམ་ཟ་བའི་ཕྱིར་རོ་ཞེས་སྨོས་སོ། །དངོས་པོ་གྲུབ་ཀྱང་མི་རྟག་པ་ཉིད་དུ་མ་སྒྲུབ་པ་མ་ཡིན་ནམ་མ་ཡིན་ཏེ། སྔ་མ་དང་ཕྱི་མའི་རྣམ་པར་དབྱེ་བ་དང་བྲལ་བའི་དངོས་པོ་དམིགས་པ་ཁོ་ན་མི་རྟག་པ་ཉིད་མངོན ་པར་བརྗོད་པའི་ཕྱིར་རོ། །དེ་ལྟར་ལུས་རིག་པས་གཟུགས་ལ་སོགས་པ་རིག་པ་བཞིན་དུ་བློའི་ཁོངས་བསུ་གཏོགས་པ་མ་ཡིན་ནོ་ཞེས་བཤད་པ་ཡིན་ནོ། །ཐོས་པ་ལ་སོགས་པའི་འདུ་བྱེད་པའི་བསྐྱེད་བྱ་ལུས་ཀྱི་གནས་སྐབས་ལས་ཕུལ་དུ ་བྱུང་བའམ་སྐྱེ་བའི་དད་པོ་ལ་བྱུང་བའི་ཁྱད་པར་གྱི་ཁྱེད་པར་ལས་དེའི་བསྐྱེད་ཕྱར་འགྱུར་བ་མ་ཡིན་ནམ་།འདི་ལས་གཞན་ནམ་གཞན་མ་ཡིན་པའི་སེམས་པ་ཅན་ཙམ་འབྱུང་བ་ཙམ་ལས་བྱུང་བ་ཡོད་པ་མ་ཡིན་ལ་ཁྱད་པར་ཡང་གོམས ་པ་ལས་གཞན་པ་ལས་མི་འབྱུང་བའི་ཕྱིར་སྐྱེ་བ་སྔ་མ་ལས་འདིར་འོངས་པར་འགྱུར་བ་ཡིན་ནོ། །བློ་དང་ལྡན་པ་འདི་རང་དབང་དུ་འདི་ཡིན་པར་མི་རིགས་ཏེ་གང་གི་ཕྱིར་བློ་དང་ལྡན་པ་ནི་སྡུག་བསྔལ་དུ་མ་ཅན་གྱི་སྐྱེ་བའི་རྒྱུན་རང་དབང་དུ ་མངོན་པར་འདོད་པ་མ་ཡིན་ཏེ། ལས་ཀྱི་དབང་གི་ཡིན་ནོ་ཞེ་ན། ལས་སམ་དེའི་རྒྱུ་ལ་ཡང་ཇི་ལྟར་འཇུག་པ་ཡིན་འདི་ནི་དཔྱད་པར་བྱ་བ་ཡིན་ནོ། །དེའི་ཕྱིར་དེ་བཞིན་དུ་སྐྱེ་བའི་འཆི་བ་ཁས་ལེན་པ་ལ་དེའི་རྒྱུ་ནི་ད་ལྟར་བ ་བཞིན་དུ་དབང་ཕྱུག་ཡིན་པར་འགྱུར་ཏེ། འཇུག་བྱེད་ཡིན་པའི་ཕྱིར་རོ། །ཁྱད་པར་ནི་འདི་ཙམ་ཡིན་ཏེ་དེ་ད་ལྟར་བ་ནི་མ་མཉེས་པ་ཡིན་ན་དེའི་རྒྱུ་ཡིན་ལ། གཞན་ནི་གཞན་དུ་ཡིན་ནོ། །འཆི་བ་ཡང་གང་ལ་ལའི་ཐབས་ཀྱིས་ཡིན་གྱི་གཞན་གྱི་ནི་གཞན་དུ་ཡིན ་ཏེ། ལས་ཐ་དད་པའི་ཕྱིར་རོ། །དེའི་དབྱེ་བ་ཡང་དེའི་བཀའ་དྲན་དང་ཅིག་ཤོས་ཀྱི་དབྱེ་བ་ལས་སོ། །དེ་ཡང་འདོད་པའི་དབྱེ་བ་ལས་ཡིན་ལ་འདོད་པ་ཡང་དེའི་དེ་བཞིན་དུ་གོམས་པའི་དབྱེ་བ་ལས་ཡིན་གྱི་རང་བཞིན་གྱི་དབྱེ་བ་ལས་ནི་མ་ཡིན་ཏེ། ་འབྲས་བུའི་དབྱེ་བ་མཛའ་ཡས་པ་ལ་དངོས་པོ་ཐ་དད་པར་ཐལ་བར་གྱུར་བའི་ཕྱིར་རོ། །དེ་ཐ་དད་པ་ཡང་རང་བཞིན་ཐ་དད་པའི་མཚན་ཉིད་ཡིན་པའི་ཕྱིར་རོ། །སྲོག་ཆགས་རྣམས་ཁོ་ན་རང་བཞིན་གྱི་དབྱེ་བས་མཛའ་ཡས་པ་ཡིན་ན་དབང་ཕྱུག ་ཀྱང་མཛའ་ཡས་ཤུགས་ཀྱི་ཐོབ་པ་མ་ཡིན་ཏེ། དེ་རྣམས་ཁོ་ན་དེ་ལྟ་བུའི་རང་བཞིན་དུ་འགྱུར་རོ། །དེའི་ཕྱིར་དབང་ཕྱུག་ཅིག་པུ་ཁོ་ན་ཇི་ལྟར་གོམས་པའི་འདོད་པའི་དབྱེ་བས་བཀའ་དྲིན་དང་ཅིག་ཤོས་ལེ་སོགས་པའི་དབྱེ་བ་དང་ལྡན་པ་ནི་སྣ་ཚོགས ་པའི་སྐྱེ་བའི་འཆི་བ་སྒྲུབ་པར་བྱེད་པ་ཡིན་པར་གྲུབ་པ་ཡིན་ཏེ་འབྲས་བུའི་ཁྱད་པར་གྱི་དམན་པའི་གནས་ཡོངས་སུ་ལེན་པ་ནི། གཞན་དབང་གཞན་དབང་མ་ཡིན་པ་ཉིད་དང་འགལ་བས་ཁྱད་པར་གྱི་རྒྱུ་སྒྲུབ་པའི་ཕྱིར་རོ། །དེ་ཡང་དབང་མེད་ཤེས ་མེད་སྐྱེ་བོ་འདི། །རང་གི་བདེ་སྡུག་གང་ཡིན་ལ། །དབང་ཕྱུག་གིས་འཕངས་མཐོ་རིས་སམ། །ངན་གྲོ་ཉིད་དུ་འགྲོ་བ་ཡིན་ཞེས་སྨོས་པའོ། །གོང་དུ་ནི་བློ་དང་ལྡན་པ་སྔོན་དུ་འགྲོ་བའི་ངོ་བོ་ནི་ཚིག་ལ་སོགས་པ་ཡོད་མ་ཡིན་ལ་འབྲས་བུའི ་ངེས་པ་ཡང་རྒྱུ་ཙམས་ཚད་མ་ཡིན་གྱི། ཁྱད་པར་ལ་མ་ཡིན་ནོ་ཞེས་བསྟན་པ་ཡིན་ལ་ད་ལྟར་ནི་སྐྱེ་བ་དང་ལྡན་པ་ཉིད་གོམས་པའི་སྐྱེད་བྱའི་ཁྱད་པར་གྱི་སེམས་དང་ཁྱད་པར་མེད་པའི་ཕྱིར་འཇིག་རྟེན་ཕ་རོལ་རྗེས་སུ་དཔག་པ་བཞིན་གཞན་གྱིས་བཅུད་པར ་ཁྱད་པར་མེད་པའི་ཕྱིར་སྦྱོར་བྱེད་དབང་ཕྱུག་རྗེས་སུ་དཔག་པ་ཡིན་པར་བསམས་པ་ནི་འདིའི་བྱེ་བྲག་ཡིན་ནོ། །ལན་ནི་བདག་ལ་ཆགས་པ་དང་ལྡན་པ་ཞེས་བྱ་བའོ། །བདེན་མོད་ཀྱི་གོམས་པའི་བསྐྱེད་བྱའི་སེམས་འཆིང་བའི་མིང་ཅན་ལས་འཛུད་བྱེད ་རྗེས་སུ་དཔོག་པ་ཡིན་ན་མངོན་པར་འདོད་པའི་ཁྱད་པར་ཅན་ཁོ་ན་ཡིན་པ་ནི་ཐོས་པ་གོམས་པ་བཞིན་དུ་མཐོང་བར་རྗེས་སུ་དཔོགས་པ་ཡིན་གྱི་གཞན་ནི་མ་ཡིན་ཏེ། གོམས་པའི་བསྐྱེད་བྱའི་ཁྱད་པར་ཡིན་པའི་ཕྱིར་རྗེས་སུ་དཔག་པ་ཡིན ་ཏེ། ཕན་ཚུན་འཆིང་བ་ཡིན་པའི་ཕྱིར་ཞེས་བྱ་བའི་དོན་ཏོ། །སེམས་ཅན་གཞན་གྱིས་བཀྲི་མིན་པ་ཞེས་བྱ་བས་ནི་གཞན་གྱི་ཁས་བླངས་པའི་འཛུད་བྱེད་བཀག་པ་ཡིན་དེ་དེས་གོམས་པའི་བསྐྱེད་བྱའི་ཁྱད་པར་ཉིད་ལ་མ་ཁྱབ་པའི ་ཕྱིར་དང། མིན་པར་འདོད་པའི་ཁྱད་པར་གྱིས་ཁྱབ་པར་དེ་གྲུབ་པ་ཡིན་པར་བསྟན་པ་ནི། བདག་ལ་ཆགས་པ་དང་ལྡན་པ་ཞེས་བྱ་བ་སྟེ། ཇི་ལྟར་བདག་ལ་ཆགས་པ་འཛུད་བྱེད་ཡིན་པར་བསྟན་པ་ནི། བདེ་སྡུག་འདོར་ཐུབ་ཅེས་བྱ་བ ་སྟེ། བདག་ལ་མངོན་པར་འདོད་པ་ནི་བདག་ལ་ཕན་པ་བྱེད་པ་ཕྲེང་བ་དང་ཙན་དན་ལ་སོགས་པའམ། སྦྱིན་པ་ལ་སོགས་པ་ལ་འབྲས་བུ་མཐོང་བ་དང། ཅིག་ཤོས་ལ་མངོན་པར་དགའ་བར་བྱེད་པ་ཡིན་ལ། དེ་ལ་མངོན་པར་དགའ་བར་བྱེད་པ་ནི། ་?་མི་ཉེར་བ་འཇོམས་པ་ཡིན་ལ་མངོན་པར་འདོད་པ་དང། སླར་གནོད་པ་དག་རབ་ཏུ་སྦྱོར་བས་དེ་དང་རྗེས་སུ་འཐུན་པའི་ལས་རྣམས་འཕེལ་བར་བྱེད་པ་ཡིན་ལ། དེ་རྣམས་ཀྱི་བདེ་འགྲོ་འམ་ངན་འགྲོར་སྐྱེ་བ་ཡིན་ནོ། །བདག་ཉིད་ཤེས་ན་གནོད་པར་བྱེད་པ ་དེ་ལ་མངོན་པར་འདོད་པར་མི་འགྱུར་ལ་སྒྲུབ་བྱེད་སྦྱིན་པ་ལ་སོགས་པ་ལ་མངོན་པར་དགའ་བར་འགྱུར་གྱི་ངན་འགྲོ་ལ་ནི་མ་ཡིན་ཏེ། གནོད་པ་བྱེད་པའི་ཕྱིར་ལ། གནོད་པར་བྱེད་པ་ལ་ནི་མངོན་པར་དགའ་བ་མ་ཡིན་ནོ། །འདིར་བརྗོད་པ་ནི། ངན་འགྲོ ་ལ་ཡང་བདག་ལ་ཆགས་པས་བདེ་བ་དང་སྡུག་བསྔལ་ལ་སོགས་པ་དང་སྔོན་པོ་ལ་སོགས་པར་སྣང་བ་རྣམས་གོམས་པའི་བསྐྱེད་བྱའི་ཁྱད་པར་ཡིན་པའི་ཕྱིར་རང་གི་རིགས་གོམས་པ་ལ་བལྟོས་པ་ཁོ་ན་ཡིན་པར་ཤེས་པར་བྱའོ། །གནོད་པར་བྱེད་པ་དེ་རྣམས ་བདག་ཉིད་དང་ལྡན་པ་ཇི་ལྟར་གོམས་པར་བྱེད་ཅེ་ན། བདག་ལ་ཆགས་པའི་ཕྱིར་རོ། །དེ་ནི་དེ་ལྟར་ཆགས་པར་འགྱུར་པས་གནོད་པར་བྱེད་པ་ལ་གནོད་པས་བསོད་ནམས་མ་ཡིན་པ་འཕེལ་བར་བྱེད་པ་འཕེལ་བ་དེ་རྣམས་ཀྱིས་ཀྱང་དེ་བཞིན་དུ་དེ་དེ་ལྟ་བུའི་སྲིད་པ་ཡིན་པར ་ལུང་ལས་གོ་བ་ཡིན་ནོ། །གོམས་པའི་བསྐྱེད་བྱ་ཉིད་ཡིན་ན་ཇི་ལྟར་ལས་རྒྱུ་མཚན་ཡིན་དེ་ལྟར་ཡིན་ན་དབང་ཕྱུག་ཀྱང་འགྱུར་བ་ནི་མ་ཡིན་ཏེ། དབང་པོ་རྣམས་སམ་ཤེས་པ་འམ་ཤེས་རབ་ལ་སོགས་པ་རྣམས་གོམས་པའི་བསྐྱེད་བྱའི་ཁྱད་པར་ཡིན་པའི་ཕྱིར ་རོ། །དགེ་བའི་སེམས་པ་ལ་དད་པའི་རྗེས་སུ་འཇུག་པ་ལས་བྱུང་བ་རྣམས་བདེ་བར་གཤེགས་པ་རྣམས་ལ་མངོན་པར་གསལ་བར་འགྱུར་ལ། མི་དགེ་བའི་སེམས་ལ་ནི་དེ་ལས་བཟློག་པ་ཡིན་པའི་ཕྱིར་གོམས་པ་ལས་བྱུང་བ་ཉིད་དགེ་བ་དང་ཅིག་ཤོས་ཀྱི ་སྒོམ་པ་ལས་བྱུང་བ་རྣམས་ལ་ཁྱད་པར་མེད་པ་ཡིན་ཏེ་འདྲ་བ་དང་མཐུན་པ་ནི་མཐུན་པ་ཡིན་ཞེས་བྱས་ནས་སོ། །གཞན་ནི་ཡུལ་ཏེ་སྣོད་ཡོངས་སུ་གྱུར་པ་ལ་སོགས་པ་ཕྱི་རོལ་གྱི་རྒྱུ་མཐུན་པ་དང་ལྷན་ཅིག་པའི་དུས་སུ་རྒྱུ་དེ་ལས་བྱུང་བ་ཡིན་པར་བརྗོད ་པ་ཡིན་ཏེ། དེ་ཙམ་གྱིས་གྲུབ་པའི་ཕྱིར་རོ། །དབང་ཕྱུག་ལ་སོགས་པར་རྟོགས་པ་ནི་མི་རིགས་ཏེ་མི་འདྲ་བར་སྨིན་པ་ནི་རྣམ་པར་སྨིན་པ་ཡིན་པའི་ཕྱིར་ཞེས་བྱས་ནས་རྒྱུ་མཐུན་པ་སྒྲུབ་པར་བྱེད་པ་ཉིད་དེ་དང་ལྷན་ཅིག་བྱུང་བའི་རྣམ་པར་སྨིན་པ་སྒྲུབ ་པར་བྱེད་པ་ཉིད་དུ་རིགས་པ་ཡིན་གྱི་དབང་ཕྱུག་ལ་སོགས་པ་ནི་མ་ཡིན་ཏེ། ཕྱོགས་གཅིག་ལ་ཡང་ནུས་པ་ཡོངས་སུ་མི་ཤེས་པའི་ཕྱིར་ཞེས་བྱ་བའི་དོན་ཏོ། །དམན་པའི་གནས་ཡོངས་སུ་འཛིན་པས་ནི་མ་ཡིན་ནོ། །འབྱུང་བའི་བསྐྱེད་བྱ་ཉིད་དུ་འགྱུར་རོ་ཞེས་བྱ ་བའི་ཕྱོགས་སྔ་མ་ནི། ཇི་ལྟར་ཐོས་སོགས་འདུ་བྱེད་དང་ཞེས་བྱ་བ་ལ་སོགས་པས་གོམས་པའི་བསྐྱེད་བྱའི་ཁྱད་པར་ཉིད་བསལ་ནས། འདིས་བསལ་བར་བྱ་བ་ནི། དེའི་ཕྱིར་འོ་ན་གལ་ཏེ་འབྱུང་བ་ཆེན་པོ་ཙམ་ལས་བྱུང་བ་མ་ཡིན་གྱི་བྱ་བ་ནས་བརྩམས་ནས་མི་འདོད་དོ ་ཞེས་བྱ་བའི་བར་གྱིས་བསྟན་པའི་རྗེས་སུ་བརྗོད་པ་ཡིན་ནོ། །དབང་ཕྱུག་གིས་བསྐུལ་བར་ཡང་མི་འདོད་དོ་ཞེས་བྱ་བའི་ཕྱོགས་སྔ་མ་ཡིན་པར་ཤེས་པར་བྱའོ། །བདག་ཏུ་བལྟ་བ་ཡིན་ཡང་ཆགས་པར་མ་བྱས་ན་མི་འཆིད་བ་ཡིན་ནོ་ཞེ་ན་བརྗོད་པ། སྡུག ་བསྔལ་དང་མི་རྟག་པ་ལ་རྒྱུ་མཚན་ལས་བྱུང་བ་ལ་རྒྱུ་མཚན་དུ་ཐ་སྙད་འདོགས་པའི་ཕྱིར་སྡུག་བསྔལ་ནི་རང་བཞིན་གྱིས་མི་རྟག་པ་ཡིན་ལ་དེ་ལས་བཟློག་པ་ནི་རྟག་པ་ཡིན་ཏེ་དེ་ཡང་བདེ་བའི་ངོ་བོའི་ཁོངས་སུ་གཏོགས་པ་ཡིན་ལ་དེ་ལ་བློ་གྲོས་ཏེ་བདག་གོ ་ཞེས་བྱ་བ་ནི་བློ་ཡིན་ལ། དེ་ཁོ་ན་ཆགས་པ་ཡིན་ཏེ། མངོན་པར་འདོད་པའི་རང་བཞིན་ཡིན་པའི་ཕྱིར་རོ། །བདག་ཏུ་ལྟ་བ་ནི་རྟག་པ་དང་བདེ་བ་དག་ཉིད་ཀྱི་ཡུལ་ཡིན་པ་ཉིད་ཀྱིས་མངོན་པར་འདོད་པའི་རང་བཞིན་ཡིན་གྱི་གཞན་ནི་མ་ཡིན་ནོ་ཞེས་བྱ་བའི་དོན ་ཏོ། །བདག་ལ་ཕན་འདོགས་པར་བྱེད་པ་ལ་སྐྱེ་བའི་དང་པོ་ལ་སྲེད་པ་ཡང་དེ་ལ་ཆགས་པ་ལས་འགྱུར་པའི་ཕྱིར་གཉིས་པོ་དེ་འཆིད་པའི་རྒྱུ་ཡིན་གྱི་དབང་ཕྱུག་ནི་མ་ཡིན་ཏེ། ནུས་པ་མི་ཤེས་པའི་ཕྱིར་རོ། །འདས་པའི་སྲིད་པ་ལས་འདིར་འོངས་པ་དང་འདི་ལས ་ཀྱང་མ་འོངས་པར་འགྲོ་བ་ནི་ཡུལ་ནས་ཡུལ་གཞན་བཞིན་དུ་འབྱུང་བའི་བསྐྱེད་བྱ་མ་ཡིན་ན་རྟོགས་པར་འགྱུར་ལ། དམིགས་པའི་ཡུལ་ཡིན་ཡང་མ་དམིགས་པའི་ཕྱིར་འབྱུང་བྱ་བསྐྱེད་བྱ་ཁོ་ན་ཉིད་ཡིན་ཏེ་དེ་ཡང་ན་འབྱུང་བའི་ཕྱིར་ཞེས་ཟེར་བ་ནི ་གལ་ཏེ་འགྲོ་འོང་མ་མཐོང་ན་ཞེས་བྱ་བའོ། །དེ་འདི་ནི་མི་རིགས་ཏེ། སྔ་མ་བཞིན་དུ་གོམས་པའི་བསྐྱེད་བྱའི་ཁྱད་པར་ཉིད་ལ་སོགས་པས་འབྱུང་བའི་བསྐྱེད་བྱ་ཉིད་ཡིན་པ་བསལ་བའི་ཕྱིར་རོ། །དེའི་ཕྱིར་འཇིག་རྟེན་ཕ་རོལ་གྱི་འགྲོ་བ་ལ་སོགས ་པ་མ་མཐོང་བ་ནི་ནུས་པ་དང་ལྡན་པའི་སྐྱེས་བུས་བཙུད་པས་མྱུར་དུ་འཕངས་པའི་བོང་བ་ལ་སོགས་པ་འམ། དབུགས་འབྱིན་པར་བྱེད་པ་བཞིན་དུ་ཤུགས་དང་ལྡན་པ་ཁོ་ནའི་ཕྱིར་ཉེ་བར་མཚོན་པར་མི་འགྱུར་རོ། །བདག་ལ་ཆགས་པ་དང་སྲེད་པ་དག་ཁོ་ན་འཛུད ་བྱེད་ཉིད་དུ་བརྗོད་པ་ཡིན་ནོ་ཞེ་ན། བདེན་ཏེ། དེ་གཉིས་ཀྱང་འགྲོ་བ་ལ་སོགས་པར་ཉེ་བར་མཚོན་པ་མ་ཡིན་པར་མཚོན་པ་ཡིན་ཏེ། བསྐུལ་བྱེད་ཀྱང་ཞེས་བྱ་བ་ནི། འགྲོ་བ་དང་འོང་བར་མཐོང་བའི་ཤུགས་དང་ལྡན་པའི་འཛུད་བྱེད་སྔོན་དུ་འགྲོ་བ་ཅན་ནི་ཕན་བྱེད ་ཀྱི་ཁྱད་པར་འཕེན་པར་བྱེད་པ་ཡིན་ནོ་ཞེས་བྱ་བའི་དོན་ཏོ། །ཡང་ན་མ་རིག་པ་དང་སྲེད་པ་དག་གི་བཙུད་པས་འགྲོ་བ་ནི་མཐོང་བའི་ལུས་ལ་ཡོད་པའི་ཕྱིར་དེ་མེད་ན་སྐྱེ་བ་སྔ་མ་ལས་འཇིག་རྟེན་འདི་དང་འདི་ལས་ཀྱང་ཕ་རོལ་དུ་ཇི་ལྟར་འོངས་པ་དང་འགྲོ་བ ་ཡང་ཡིན། རྣམ་ཤེས་ལས་གཞན་ཉེ་བར་བརྟེན་པ་མེད་ན་འགྲོ་བ་འམ་གཞན་ཡང་མ་ཡིན་ཏེ། སྐད་ཅིག་མ་ཡིན་པའི་ཕྱིར་དང་ལུས་ལ་སྲེད་པ་དང་བཅས་པ་ནི་དེ་མེད་ན་མི་གནས་པའི་ཕྱིར་རོ། །དེའི་ཕྱིར་འགྲོ་བ་དང་འོང་བ་དག་མཐོང་བར་མ་མཐོང་བའི ་ཕྱིར་རྣམ་ཤེས་འཇིག་རྟེན་ཕ་རོལ་པ་མ་ཡིན་ནོ། །འོན་ཀྱང་བདག་ནི་མིན་ཏེ། རྟག་པ་དང་ཁྱབ་བདག་ཉིད་དག་གི་ལུས་གཞན་དང་འབྲལ་བའི་ཕྱིར་ལ་དེ་ཡང་ཉིན་ཞག་གཞན་ལ་བདག་འདི་མཐོང་བར་འགྱུར་བ་ཡིན་ནོ་ཞེས་ཤེས་པ་ལས་ཡོད་པ ་ཡིན་ནོ། །སྐད་ཅིག་མའི་ཤེས་པ་རྣམས་ལ་ནི་དེ་ལྟ་བུ་མི་སྲིད་དོ། །དེའི་ཕྱིར་དེ་རྣམས་ནི་གཅིག་མ་ཡིན་ལ་བདག་དེ་ནི་འཇིག་རྟེན་ཕ་རོལ་པ་ཡིན་ནོ་ཞེས་ཟེར་བ་ནི། གལ་ཏེ་འགྲོ་འོང་ཞེས་བྱ་བའོ། །ལན་ནི། དབང་པོ་མི་གསལ་ཕྱིར་མི་མཐོང་ཞེས་བྱ་བའོ། ་འགྲོ་བ་དང་འོང་བ་དག་གི་མ་མཐོང་བ་ནི་ཤུགས་སམ་འཕེན་བྱེད་ཡིན་པར་གོ་བར་བྱེད་པ་མ་ཡིན་གྱི་འགྲོ་བ་དང་འོང་བ་ཡང་བདག་ལ་ཆགས་པས་འཕངས་པ་འབའ་ཞིག་ཁོ་ན་ཡིན་གྱི་དབང་པོས་རྟོགས་པ་ནི་མ་ཡིན་ཏེ། གསལ་པོ་མ་ཡིན་པའི་ཕྱིར་ཞེས་བྱ ་བ་ནི་འདི་ཡོད་ན་དོན་གྱིས་གོ་བ་ལ་ནུས་པ་མེད་དོ། །འཇུད་བྱེད་གཞན་ཡིན་པར་སྨྲ་པོ་ཡང་གསལ་པོ་ཉིད་ལ་སྐུར་པ་འདེབས་པ་ཡང་མ་ཡིན་ནོ། །ལུས་འདི་བསྲེགས་པ་འམ་པོར་བ་མ་ཡིན་ནམ། དེ་ཇི་ལྟར་འགྲོ་བ་དང་འོང་བ་ཡིན། ལུས་གཞན་ཁོ་ན་མ་འོངས ་པའི་སྲིད་པའི་རྣམ་པ་ཅན་ནི་དེའི་ཚེ་འབྱུང་བའི་ཕྱིར་སྐྱོན་མེད་དོ། །འདི་ནི་སད་པའི་ལུས་ལས་གཞན་པའི་ལུས་རྨི་ལམ་ན་མཐོང་བ་ཡིན་ནོ། །དེ་ཁོ་ན་ལ་ཇི་ལྟར་འཕོ་བ་ཡིན་ཞེ་ན། རྨི་ལམ་ལུས་ཁོ་ན་ལྟ་བུ་ཡིན་པའི་ཕྱིར་སྐྱོན་མེད་དོ། །འདི་སྐད་བསྟན ་པར་འགྱུར་ཏེ། སྐད་ཅིག་མའི་རྣམ་ཤེས་ནི་སྔ་མ་དང་ཕྱི་མའི་རྣམ་པས་དབེན་པའི་དམིགས་པ་ནི་དེ་དང་གཅིག་པ་ཉིད་དུ་འཛིན་པའི་དོན་བྱེད་པར་རྣམ་པར་གཞག་པར་བྱེད་པ་ཡིན་གྱི་རང་གི་ངོ་བོ་དང་འགལ་བས་ནི་མ་ཡིན་ནོ། །གོམས་པས ་ཉེ་བར་བསྐྱེད་པའི་ཁྱད་པར་ནི་རང་གི་རིགས་ལ་བལྟོས་པ་ནི་དེ་མེད་པས་དུས་གཞན་ལ་བལྟོས་པ་ཡིན་ཏེ་ཇི་ལྟར་རྒྱུར་འགྱུར་པ་དེ་བཞིན་དུ་བརྟག་པར་བྱ་བ་ཡིན་པའི་ཕྱིར་རྟོག་པ་ནི་མཐོང་བའི་རྗེས་སུ་འབྲང་བ་ཡིན་ལ། མཐོང་བ་ཡང་ཉིན་ཞག་རེ་རེ་ ་ལ་རྨི་ལམ་གྱི་ལུས་ལུས་ཀྱིས་བར་དུ་ཆོད་པའི་སད་པའི་ལུས་སོ། །དེ་བཞིན་དུ་འདི་ལ་ཡང་འཇིག་རྟེན་འདི་དང་ཕ་རོལ་དུ་བྱུང་བའི་ལུས་ངག་གི་བར་དུ་འབྱུང་བ་ནི་ཡུལ་གཞན་ཡིན་ནོ། །ཇི་ལྟར་ཡང་གཉིད་ལོག་པ་ན་འགགས་པའི་སེམས་ནི་དུས ་གཞན་ན་སད་པའི་སེམས་ལ་གཞན་མེད་ཀྱང་སྐྱེད་བྱེད་ཡིན་པ་དེ་བཞིན་དུ་སྐྱེ་བ་གཞན་གྱི་སེམས་ནི་ཡུལ་དང་དུས་ཀྱི་བར་དུ་ཆོད་པའི་སེམས་ཀྱིའོ། །དེ་ལྟར་ཡང་ཡུལ་ཐག་རིང་པོའི་ཟླ་བ་ནི། ཆུ་སྣོད་རྣམས་ཀྱི་ཆུ་ལ་བདག་ཉིད་སྣང་བར་བྱེད་ལ ་དེ་ནི་གཟུགས་བརྙན་ཡིན་པར་བརྗོད་ཀྱི་ཆུ་ལས་གཞན་པ་ཉིད་གཟུགས་བརྙན་གྱི་ངོ་བོ་ནི་མ་ཡིན་ཏེ། ཐོགས་པ་དང་བཅས་པ་དག་ནི་གཅིག་ལ་མི་འཇུག་པའི་ཕྱིར་རོ། །ཡང་ན་ཐོགས་པ་དང་བཅས་པ་ཉིད་གསེར་ལ་དངུལ་ཆུ ་བཞིན་དུ་དངོས་པོ་གཞན་ཡིན་ལ་རང་གི་ཡུལ་ལ་གཟུགས་འཛིན་པ་ནི་སོ་སོར་སྣང་བ་དང་འགལ་བ་ཡིན་གྱི། གཞན་དང་གཞན་པ་ཙམ་གྱིས་ཁས་བླང་བར་འོས་པ་ནི་མ་ཡིན་ནོ། །དེ་ལ་དབང་པོ་ལས་འདས་པའི་དུ་བ་འབའ་ཞིག་ནི་མ་ཡིན་ཏེ། འོ་ན ་ཅི་ཞེ་ན། ཐོགས་པ་མེད་པ་ནི། རི་ལ་སོགས་པ་གང་ལ་ཡང་ཐོགས་པ་མེད་པ་ཡིན་ཏེ། གསེར་ལ་དངུལ་ཆུ་ལྟ་བུ་ནི་ཕྲ་བའི་ཕྱིར་རོ། །འགྲོ་བ་དང་འོང་བ་མ་མཐོང་བ་མ་ཡིན་ཏེ། གང་གི་ཕྱིར་སྲིད་པ་བར་དོའི་ལུས་ནི་མེད་པ་ཁོ་ན་ཡིན་ནོ། །དེ་ལྟ་ཡིན ་ཡང་སྐྱེ་བ་སྔ་མའི་མཛའ་ཨི་སེམས་ཀྱིས་སྐྱེ་བ་འདིའི་དང་པོའི་སེམས་ཐག་རིང་བ་ཡིན་ཡང་གཉིད་ལོག་པར་རྩོམ་པའི་སེམས་ཀྱིས་སད་པའི་སེམས་བཞིན་དང་ཟླ་བ་བས་གཟུགས་བརྙན་བཞིན་དུ་བསྐྱེད་པ་ཁོ་ན་ཡིན་ནོ་ཞེས་བྱ་བའི་དོན་ཏོ། །ཡང ་ན་ལུས་ལ་མེ་ལོང་ལ་སོགས་པ་ལ་ལུས་ཀྱི་གཟུགས་བརྙན་ཡོད་པ་འདི་གཞན་ལ་ཡང་དེ་བཞིན་དུ་མཐོང་བ་ཡིན་ནོ། །གང་གི་ཕྱིར། ལུས་ཅན་ཡིན་ཡང་ཕྲ་བའི་ཕྱིར། །འགའ་ཞིག་ལ་ལར་ཐོགས་མེད་དེ། །ཇི་ལྟར་བུམ་པར་ཆུ་བཞིན་དང། ་གསེར་ལ་དངུལ་ཆུ་བཞིན་མཐོང་བ་ཡིན་ནོ། །འགྲེལ་པ་མཛད་པས་ནི་ཕྲ་བའི་ཕྱིར་ཞེས་བྱ་བ་ལ་སོགས་པས་སྲིད་པ་བར་མ་དོ་མ་མཐོང་བའི་རྒྱུ་ཡིན་ནོ་ཞེས་ཟེར་བ་ལ། མ་ཡིན་ཞེས་བྱ་བས་འགེགས་པར་བྱེད་པ་ཡིན་ཏེ། གང་གི་ཕྱིར་མ ་མཐོང་བའི་ཕྱིར་ཏེ་གཞན་དུ་ཡང་རྨི་ལམ་བཞིན་དང་གཟུགས་བརྙན་བཞིན་དུ་སྲིད་པ་གཞན་མཚམས་སྦྱོར་བ་རིག་པ་ཉིད་ཀྱི་མེད་པའང་ནི་སྲིད་པ་བར་མའི་ལུགས་ཡིན་པར་བསྟན་པ་ནི། འོན་ཀྱང་ཞེས་བྱ་བའོ། །འགའ་ཞིག་ཏུ་འགྲོ་བར་འདོད་པའི་སེམས ་ལུས་མེད་ན་བགྲོད་པ་ཡུལ་ཐག་རིང་པོར་ཇི་ལྟར་འགྲོ་བ་ཡིན། ལུས་མེད་པ་ཉིད་དུ་འགྲོ་བ་མི་སྲིད་པའི་ཕྱིར་རོ། །ལུས་ཡོད་པ་ཡིན་ན་ཐག་རིང་པོར་ཡང་དེ་འགྲོ་བ་ཁོ་ནས། ཡུལ་པཱ་ཊ་ལི་པུ་ཏྲ་ནས། ཡུལ་པཱཎྚི་དང། མ་ཐུ་རར་འགྲོ་བ་ལྟ་བུ་ཡིན་ནོ་སྙམ་དུ་སེམས ་པ་ལ། དེ་ལྟར་འདིར་ནི་མ་ཡིན་ཏེ་ཞེས་བྱ་བ་སྟེ། དུས་ཀྱི་བར་དུ་ཆོད་པ་ནི་གཉིད་ཀྱིས་ཆོད་ཀྱང་སད་པ་ན་འབྱུང་བའོ། །འདི་ལ་ཡུལ་གྱིས་བར་དུ་ཆོད་པ་བསྟན་པ་ནི། འགའ་ཞིག་ནི་གྲོང་དང་ཞེས་བྱ་བའོ། །ཡུལ་གྱིས་བར་དུ་ཆོད་པ་བསྟན་པ་ནི། འགའ་ ་ཞིག་ནི་འདི་ན་འདུག་པ་ཉིད་ཅེས་བྱ་བ་སྟེ། རྒྱུན་གྱིས་སོ། །རྨི་ལམ་ན་ནི་དེ་ལྟ་མ་ཡིན་ཏེ། གང་ལས་གང་དུ་འདི་འགྲོ་བ་དེ་དག་གི་བར་ན་ལུས་དང་སེམས་ཀྱི་རྒྱུད་དམིགས་པ་མ་ཡིན་ཏེ། དེ་མེད་པའི་ཕྱིར་ཏེ། བག་ཆགས་བརྟན་པོ་མེད་པའི་ཕྱིར་རོ། །སོ་སོར ་སྣང་བཞིན་པའི་གཟུགས་མེད་པའི་ཕྱིར་ནི་མ་ཡིན་ཏེ། དམིགས་པ་ནི་ཡོད་པར་བརྗོད་པ་ཡིན་པར་བསྟན་པའི་ཕྱིར་རོ། །དེའི་ཕྱིར་རྨི་ལམ་བཞིན་དུ་འཕོ་བ་ནི་འཇིག་རྟེན་ཕ་རོལ་དུ་འབྱུང་བ་མི་བདེན་པ་མ་ཡིན་ནོ། །འོན་ཏེ་སད་པའི་ཤེས་པ་ནི་རྨི་ལམ ་དུ་མཐོང་བ་ལས་བཟློག་པར་འཛིན་པ་ཡིན་པའི་ཕྱིར་དེས་རྟོགས་པ་མེད་པའི་བདག་ཉིད་གསལ་བར་བྱེད་པ་ནི་རྣམ་ཤེས་ཀྱི་ནུས་པ་ཡིན་པའི་ཕྱིར་དེ་སྣང་བ་ཡིན་ནོ་སྙམ་དུ་སེམས་པ་ལ། སད་པའི་སོ་སོར་སྣང་བ་ཡང་བདག་ཉིད་ཁོ་ནའི་མ་ཡིན ་ཏེ། མི་བདེན་པའི་རྨི་ལམ་དུ་དེ་ལས་བཟློག་པར་སྣང་བའི་ཕྱིར་རོ་ཞེས་བསྟན་པ་ནི། གལ་ཏེ་སྣང་བ་གཞན་ཐོབ་པས་ཞེས་བྱའོ། །དེས་ན་སྐྱེ་བ་གཞན་པ་ཡང་ཞེས་བྱ་བ་སྟེ། སད་པ་ན་མཐོང་བའོ། །གལ་ཏེ་གཟུང་བ་ཉིད་དུ་སྣང་བཞིན་པ་ཡང་མི་བདེན ་བ་ཡིན་ན། བྱེ་བྲག་མེད་པར་འགྱུར་ཏེ་ཁྱད་པར་མེད་པའི་ཕྱིར་རོ། །གཉི་ག་ཡང་གཉིས་ཀ་ལ་བལྟོས་པས་བཟློག་པ་ཉིད་ཀྱིས་ཕན་ཚུན་གེགས་བྱེད་པའི་ཕྱིར་རོ། །གེགས་བྱེད་པ་སྟོབས་མཉམ་པ་དག་མ་ཡིན་ནམ། རྨི་ལམ་དུ་མཐོང་བ་ནི་རྒྱུ་མེད་པ ་ཡིན་ཏེ་སྐྱེད་ཕྱེད་མེད་པའི་ཕྱིར་རོ། །།དམིགས་པར་བྱེད་པའི་དབང་པོ་ལ་སོགས་པ་མེད་པའི་ཕྱིར་གློ་བུར་དུ་དམིགས་བཞིན་པ་ནི། སད་པ་ན་མཐོང་བ་དང་ལྡན་པས་མཉམ་པ་ནི་མ་ཡིན་ནོ་སྙམ་དུ་སེམས་པ་ནི། འོན་ཏེ་རྨི་ལམ་གྱི་ཞེས་བྱ་བའོ། །ལན་ ་ནི་སད་པའི་བུམ་པ་ལ་སོགས་ཀྱང་ཞེས་བྱ་བ་སྟེ། སྐྱེད་བྱེད་ཀྱང་ངོ། །དེ་མེད་ཀྱང་དམིགས་བྱེད་ཡོད་པའི་ཕྱིར་དེ་ལ་དམིགས་པ་ཡིན་ནོ་ཞེ་ན། རྨི་ལམ་ན་ཡང་བག་ཆགས་ལ་སོགས་པ་དམིགས་བྱེད་ཡོད་པ་ཁོ་ན་ཡིན་ཏེ་དེ་མེད་ན་མི་འབྱུང་བའི་ཕྱིར ་རོ་ཞེས་བསྟན་པ་ནི། ཚོགས་པ་ལས་ནི་བྱུང་པར་མཐོང་ཞེས་བྱ་བ་སྟེ། སྐྱེད་བྱེད་མེད་པར་གཉིས་ཀ་ལ་ཡང་མཚུངས་སོ་ཞེས་བྱ་བའི་དོན་ཏོ། །དེ་ལ་སྐྱེད་བྱེད་དུ་རྟོག་པའི་རྒྱུ་མཚན་རེས་འགའ་བའ་ཨི་དམིགས་པ་ནི། རྨི་ལམ་ན་ཡང་ཞེས་བྱ་བའོ། །ཐུན ་མོང་མ་ཡིན་པ་ཉིད་ཀྱང་རྨི་ལམ་བཞིན་དུ་དེ་རྣམས་ལ་ཁྱད་པར་མེད་པར་བསྟན་པ་ནི། གཞན་གྱིས་ཤེས་བྱ་བའོ། །ཐུན་མོང་པ་ཁོ་ན་རི་ལ་སོགས་པ་རྣམས་མ་ཡིན་ནམ། དམིགས་བྱེད་ཀྱི་ཚོགས་པ་དང་བྲལ་བས་ལོང་བ་བཞིན་དུ་འབའ་ཞིག་དམིགས་པ་མ ་ཡིན་ནོ་སྙམ་དུ་སེམས་པ་ལ་རྨི་ལམ་དུ་མཐོང་བ་ཡང་ཐུན་མོང་བ་ཡིན་ཏེ། རྨི་ལམ་ཚོགས་པ་དང་བྲལ་བས་འབའ་ཞིག་ནི་མ་ཡིན་ནོ། །དེའི་ཕྱིར་དེ་ཡང་བདེན་པ་ཁོ་ན་ཡིན་པར་བསྟན་པ་ནི། ཇི་ལྟར་འཁོར་བའི་ཞེས་བྱ་བའོ། །རྨི་ལམ་དུ་མཐོང་བ ་ཉིད་ཀྱི་རྒྱུའི་སྐྱོན་གྱིས་འབྱུང་བ་ཡིན་ལ་དེས་ན་མི་བདེན་པ་མ་ཡིན་ནམ། སད་པ་ན་མཐོང་བ་ནི་མ་ཡིན་ཏེ། གང་གི་ཕྱིར་ཉིད་དང་བྲལ་བའི་སེམས་ནི་རང་རིག་པ་ཡིན་པར་བདག་ཉིད་རིག་པ་ནི་སད་པའི་གནས་སྐབས་སུ་བརྗོད་དོ། །དེའི་ཕྱིར་དེ་ནི་དེའི་གནོད་བྱེད ་ཡིན་ནོ་སྙམ་དུ་སེམས་པ་ནི། སད་པར་རྟོགས་པ་ཞེས་བྱ་བའོ། །གཉིད་དང་བྲལ་བ་རང་ཉིད་རིག་པ་དེ་ནི་རྨི་ལམ་དུ་མངོན་པར་འདོད་པ་ལ་ཡང་མཚུངས་པར་བསྟན་པ་ནི། རྨི་ལམ་དུ་ཡང་སད་པའི་བློ་ཞེས་བྱ་བའོ། །བདེན་པ་དང། ཅིག་ཤོས་ཉིད ་ནི་ད་ལྟར་ཡང་གཉིས་ཀ་ལ་གནས་པ་མ་ཡིན་ཏེ། གསལ་བར་སྣང་བའི་ཁྱད་པར་གྱིས་ཞེས་བསྟན་པ་ནི། སད་པར་འདོད་པའི་ཞེས་བྱ་བའོ། །སད་པར་འདོད་པའི་གནས་སྐབས་ལ་རྨི་ལམ་དུ་མཐོང་བ་མེད་དོ་ཞེས་བྱ་བར་ཤེས་པ་ཡིན་ཏེ། དེས་ན་མི་བདེན་པ་ཡིན་ནོ།། ་དེའི་ཕྱིར་ཁྱད་པར་མེད་པར་མ་གྲུབ་པོ། །སྔ་མ་ལ་ནི་སྣོད་མེད་ན། །ཕྱི་མ་སྐྱེ་བ་གྲུབ་པ་ནི། །སྙམ་དུ་སེམས་པ་ནི་འོན་ཏེ་འདི་ནི་མི་བདེན་ནོ་ཞེས་བྱ་བའོ། །གང་གི་ཕྱིར་འདི་མེད་དོ་ཞེས་བྱ་བའི་ཤེས་པ་དེ་ནི་དེའི་རྨི་ལམ་ན་ཡང་དེ་དང་བྲལ་པའི་དམིགས་པ་ཡོད ་པ་ཡིན་ཏེ། གོམས་པ་མེད་པ་འབའ་ཞིག་ལས་ནི་དེ་ལས་བྱུང་བ་དེ་མ་ཡིན་ལ། དེའི་ཕྱིར་འདི་ཡང་ཁྱད་པར་མེད་པ་ཁོ་ན་ཡིན་པར་བསྟན་པ་ནི། སད་པའི་རྟོག་པ་ལ་ཡང་ཞེས་བྱ་བ་སྟེ། དེ་ལྟར་རྟོགས་པ་ཉིད་ཀྱིས་ནི་མེད་དོ་ཞེས་བྱ་བར་རྟོགས་པ་ཁོ་ནས་སོ།། ་དེ་ཉིད་ཅེས་བྱ་བ་ནི་མེད་པ་ཉིད་དོ། །དེའི་མཚན་ཉིད་ཀྱིས་ཀྱང་ཞེས་བྱ་བ་ནི་དེའི་ངོ་བོ་ཉིད་དེ་མེད་ཉིད་ཤེས་བྱར་གནས་པ་ཡིན་ན། དེའི་ཤེས་པ་རྒྱུ་ཉིད་ལས་ཡིན་གྱི་དེ་ཉིད་ལས་དེ་བྱུང་བ་མ་ཡིན་ཏེ། ཐལ་ཆེས་པའི་ཕྱིར་རོ་ཞེས་བྱ་བའི་དོན་ཏོ། །འོན ་ཏེ་མེད་དོ་ཞེས་བྱ་བའི་ཤེས་པ་ལས་དེ་ཉིད་དུ་མི་འགྱུར་ཏེ། སོ་སོར་སྣང་བ་བསལ་བའི་ཕྱིར་རོ་ཞེས་ཟེར་བ་ལ་གཞན་ཡང་མི་བདེན་ནོ་སྙམ་པའི་བྱ་བ་སྟེ། བདེན་ལས་ཞེས་བྱ་བ་ནི་མ་ཡིན་པར་དགག་པ་ཡིན་ལ་བདེན་མེད་དེ་འདིར་དགག་པ་ཡིན་ཞེས ་བྱ་བ་ནི་མེད་པར་དགག་པའོ། །དེའི་རང་བཞིན་ཏེ་རྨི་ལམ་དུ་མཐོང་བའི་བསལ་བ་ནི་དེ་དང་འགལ་བར་དམིགས་པའི་ཕྱིར་གཉིས་ལྐ་ཡང་མི་རིགས་སོ། །འཐད་པ་མ་ཡིན་ཞེས་བྱ་བ་ནི་མ་ཡིན་པར་དགག་པ་བསྟན་པ་ཡིན་ལ་ཞེས་བྱ་བར་མི་འཐད་དོ་ཞེས ་བྱ་བས་ནི་མེད་པར་དགག་པ་ཡིན་ནོ། །སྔ་མ་ལ་འཐད་པ་ནི་དེ་ལས་གཞན་ཉིད་ཅེས་བྱ་བའོ། །ཕྱི་མ་ལ་ནི་མེད་པ་ཡང་མ་ཡིན་ཏེ་ཞེས་བྱ་བའོ། །ཡུན་རིང་ནས་དམིགས་པའི་རྟོགས་པ་ཙམ་ཁྱད་པར་མ་ཡིན་པར་བསྟན་པ་ནི། །སྐྱེས་མོད་ཀྱི་ཞེས ་བྱ་བའི་སྟེ་རང་གི་རྣམ་པ་ཉིད་ལ་ཕྱི་རོལ་དུ་མངོན་པར་སེམས་པ་ནི་རྟོག་པ་ཡིན་ནོ་ཞེས་བྱ་བའི་དོན་ཏོ། །ཇི་ལྟར་མངོན་པར་སེམས་པ་ལ་མི་བསླུ་བ་ཅན་ཡིན་པའི་ཕྱིར་གནོད་པ་མེད་པར་བསྟན་པ་མ་ཡིན་ནམ། རྨི་ལམ་དུ་མཐོང་བས་གནོད་པ་ནི་མ ་ཡིན་ནོ་ཞེས་བྱ་བའི་དོན་ཡིན་ནོ་ཞེས་ཟེར་བ་ནི། གལ་ཏེ་རྨི་ལམ་དུ་དམིགས་པའི་བུམ་པ་ཞེས་བྱ་བའོ། །མི་བསླུ་བ་ཅན་ཉིད་ཁོ་ན་ཡིན་ཞེས་ཟེར་བ་ནི་བགྲུས་མ་ཐག་ཏུ་ཞེས་བྱ་བའོ། །ལན་ནི། རྨི་ལམ་མཐོང་བ་ཆགས་པའི་ཞེས་བྱ་བ་སྟེ། རབ་ཏུ་དགའ་བ ་ལ་ལོངས་སྤྱོད་པའོ། །དེ་ལ་མི་བསླུ་བ་ལ་གནོད་པ་ཅན་མེད་པ་ནི་རྣལ་མ་ཡིན་ནོ། །ཅི་ལས་ཤེ་ན་རྨི་ལམ་དུ་སླར་ཡང་དེ་ཉིད་ལའང་གཞན་ལ་ཡང་ངོ། །འདི་ནི་ཞེས་བྱ་བ་ནི། རབ་ཏུ་དགའ་བ་ལ་ལོངས་སྤྱོད་པའོ། །རིག་ཕྱིར་རོ་ཞེས་བྱ་བ་ནི་དེའི་ཚེ་ཁོ་ན ་དོན་བྱེད་པར་ཉམས་སུ་མྱོང་བས་མི་བསླུ་བའི་ཕྱིར་རོ། །དེའི་ཕྱིར་སད་པ་དང་རྨི་ལམ་ཡང་མི་བསླུ་བ་དང་ཅིག་ཤོས་དག་གིས་ཚད་མ་དང་ཅིག་ཤོས་དག་ཡིན་ཞེས་བྱ་བའི་དོན་ཏོ། །རྨི་ལམ་དང་ཅིག་ཤོས་ཉིད་ལ་མཐོང་བ་ཉིད་ཀྱིས་དེ་དག་གིས ་མི་བདེན་པ་དང་ཅིག་ཤོས་ཉིད་དུ་རྣམ་པར་ཕྱེ་བ་ཁོ་ན་ཡིན་ན། རྣམ་པར་དབྱེ་བའི་རྒྱུ་གཞན་ཅི་དགོས་སྙམ་དུ་སེམས་པ་ལ། རྨི་ལམ་ཅིག་ཤོས་ཞེས་བྱ་བ་སྟེ། སོ་སོར་སྣང་བ་ཉིད་ནི་དེ་ཉིད་དང་ཅིག་ཤོས་ཀྱི་རྣམ་པར་དབྱེ་བ་བྱེད་པ ་མ་ཡིན་ཏེ། ཁྱད་པར་མེད་པའི་ཕྱིར་རོ། །བསླུ་བ་དང་ཅིག་ཤོས་ཀྱི་རྣམ་པར་དབྱེ་བ་མ་གྲུབ་པ་ཡིན་ཞེས་བྱ་བའི་དོན་ཏོ། །སྐྱེས་མོད་ཀྱི་འདི་ལ་དམིགས་པ་མེད་པའི་ཕྱིར་ཞེས་བྱ་བ་མི་རིགས་པ་མ་ཡིན་ནམ། གང་གི་ཕྱིར་མེད་པའི ་ཕྱིར་ཞེས་བྱ་བ་འདི་ནི་དམིགས་པ་མ་ཡིན་ཏེ། མེད་དོ་ཞེས་བྱ་བ་འདི་དམིགས་པ་ཡིན་པའི་ཕྱིར་རོ། །ཉེ་བར་བརྟེན་པ་དང་བྲལ་ན་ཤེས་ན་ཅུང་ཟད་སྐྱོ་མི་འགྱུར་སྙམ་དུ་སེམས་པ་ལ། འདི་ནི་མེད་ཅེས་ཞེས་པ་ནི་ཞེས་བྱ་བ་སྟེ། གཞན་གྱིས་རྟོགས ་པར་ཞེས་བྱ་བ་ནི་མངོན་སུམ་མམ་རྗེས་སུ་དཔག་པས་སོ། །གཟུགས་དང་རོ་ལ་སོགས་པ་ནི་དེར་སྣང་བའི་མངོན་སུམ་གྱིས་རྟོགས་པ་ཡིན་ཏེ། དེས་ན་ཡོད་པ་ཉིད་ནི་གཞན་ལས་དབེན་པ་དང་བྲལ་བས་མི་སྣང་བའི་ཕྱིར་རོ། །དེ་དེས་དབེན་པའི་ངོ་བོ་ཁོ་ན་ཡིན ་པའི་ཕྱིར་ཤེས་པ་ཡིན་ཏེ་དེ་ལ་རུང་བའི་ཡུལ་ཅན་རྣམས་ཀྱིས་མི་ཤེས་ཀྱང་རང་ཉིད་ཤེས་པའི་ཕྱིར་རོ། །དེ་དང་བྲལ་བའི་ངོ་བོ་འབའ་ཞིག་ནི་མངོན་སུམ་གྱིས་རྗེས་སུ་འབྲང་བས་ཤེས་པ་དེ་ནི་བདག་གི་རྣམ་པའི་སྐྱེད་བྱེད་དུ་མངོན་པར་སེམས་པ་ཡིན ་ནོ། །དེས་ན་འདིའི་དམིགས་བྱ་ནི་མངོན་པར་སེམས་པ་མ་གཏོག་པ་གཞན་མ་ཡིན་པར་བསྟན་པ་ནི། དེ་ལྟ་བུར་གྱུར་པ་ཞེས་བྱ་བའོ། །བག་ཆགས་ལས་བྱུང་བ་ཡང་དེ་ཁྱད་པར་གང་གིས་ངེས་པ་ཅན་གྱི་ཕྱི་རོལ་གྱི་ངོ་བོ་ལ་མངོན་པར་རློམ་པ ་ཡིན་ནོ་སྙམ་དུ་སེམས་པ་ནི། ཁྱད་པར་གང་གི་ཞེས་བྱ་བ་སྟེ། འདིའི་མངོན་པར་རློམ་པའི་བྱ་བ་འདི་ཕྱི་རོལ་གྱིས་བྱས་པའི་ཕྱིར་ཕྱི་རོལ་ཡུལ་ཡིན་པས་དེ་ལ་དམིགས་པ་ཡིན་ན་ཇི་ལྟར་དམིགས་པ་མེད་པ་ཡིན་ཞེས་བྱ་བའི་དོན་ཏོ། །ལན་ནི ་དེ་ལ་སེམས་བསྟད་པ་ཞེས་བྱ་བ་སྟེ། དྲན་བཞིན་པའི་དགག་བྱ་ལ་བསྟད་པས་མ་རྨོངས་པར་དྲན་པའི་འདུ་བྱེད་ཀྱི་དམིགས་པ་མེད་པ་སྟེ་གཞན་དམིགས་པས་རྨི་ལམ་ལས་ཁྱད་པར་དུ་བྱེད་པ་ཡིན་ནོ། །འདི་སད་པ་ཡང་ཡིན་ལ་བདག་ཉིད་ཀྱང་ཡིན་པ་དེ་ལ ་མངོན་པར་རློམ་པ་དེ་འདི་ལ་ཡོད་པ་དེས་རྨི་ལམ་གྱིས་སོ། །དེ་ལྟ་བུའི་དམིགས་པའི་བསྐྱེད་བྱ་ཞེས་པ་དེ་ནི་དེར་རློམ་པ་ལ་ཡིན་དེ་ལ་འཛིན་བྱེད་ནི་མ་ཡིན་ལ་དེའི་མེད་པ་ཉིད་འཛིན་པ་ནི་མ་ཡིན་ནོ། །དེའི་ངོ་བོ་སྣང་བཞིན་དུ་སྣང་བ་མ་ཡིན་པའི་ཕྱིར་ཞེས་བྱ ་བའི་དོན་ཏོ། །དེ་ཉིད་སད་པ་ཡིན་པར་དབྱེ་བ་གང་གིས་མངོན་པར་འདོད་པ་ཡིན་ཞེས་བྱ་བ་ལ་སད་པར་རློམ་པ་ཞེས་བྱ་བ་སྨོས་ཏེ། ཉལ་བའི་ལུས་ནི་རྨི་ལམ་ནའོ། །གཞན་ལ་ནི་གཞན་དུ་ཞེས་བྱ་བའི་ཁྱད་པར་ཡིན་ནོ། །མ་ངེས་པ་ཉིད་ནི་མ་ངེས་པ་ཅན་ནོ།། ་རྗེས་སུ་སྒྲུབ་པ་མེད་པ་ནི་རྣམ་པར་རྟོགས་པ་མེད་ཀྱང་དེའི་རྩ་བ་དབེན་པ་དམིགས་པ་ཡོད་པས་དེའི་འབྲས་བུ་ཐེ་ཚོམ་མེད་པར་འགྲོ་བའི་ཐ་སྙད་ནི་མི་དམིགས་པའི་མཚན་ཉིད་ཡིན་པའི་ཕྱིར་གཙོ་བོ་ནི་རྩ་བ་ཡིན་ཏེ། མེད་ཅེས་བྱ་བའི་རྣམ ་པར་རྟོག་པ་ཡང་དེའི་རྗེས་སུ་འབྲངས་པ་ཉིད་ཀྱིས་ཚད་མ་ཡིན་པའི་ཕྱིར་རོ། །དེ་དང་བྲལ་བ་ཚད་མ་མ་ཡིན་ནམ་ཞེས་ཟེར་བ་ལ། རྣམ་པར་རྟོག་པ་ཞེས་བྱ་བའོ། །ཕན་ཚུན་འགལ་བ་ནི་སྐད་ཅིག་མ་དང། དེ་མ་ཡིན་པ་དང་རྣམ་པར་རིག་པ་ཙམ་དང་དེ་མ་ཡིན་པ ་དག་གོ་།དེའི་ཕྱིར་སོ་སོར་སྣང་བཞིན་པ་ནི་རྨི་ལམ་མམ་གཞན་དུ་ཡང་བརྫུན་པ་མ་ཡིན་ནོ། །དེ་ལྟ་ཡིན་ན་མི་བདེན་པ་ཉིད་ཇི་ལྟར་ཡིན། ཐ་སྙད་པ་རྣམས་ནི་རྨི་ལམ་དུ་མཐོང་བ་ལ་མངོན་པར་རློམ་པ་ཡིན་པར་བསྟན་པ་ནི། དེའི་ཕྱིར་ཞེས་བྱ་བ་སྟེ། འདིས་ནི་མ་ངེས་པ ་ཉིད་མི་སྣང་བ་མི་དམིགས་པ་ཡིན་ཞེས་བྱ་བའི་དོན་ཏོ། །སེམས་ཀྱི་ཉེ་བར་ལེན་པ་ཉིད་ལུས་ཡིན་ལ། ཤི་བ་ལུས་ལ་ཡང་ཡོད་པས། ལུས་ནི་གནས་པ་ཡིན་པར་སེམས། །ལྡོག་པ་མེད་པ་ཐལ་བར་འགྱུར། ཞེས་བྱ་བ་ལ་སོགས་པས་བསྟན་ནས་ད་ལྟར ་ནི་གང་གི་ཚེ་ཡང་ཉེ་བར་ལེན་པ་མ་ཡིན་ཏེ། བཟློག་པར་དམིགས་པ་མ་ཡིན་ཞེས་བསྟན་པ་ནི། གཞན་ཡང་རིག་པ་ལུས་ལས་ཐ་མི་དད་པ་དང་ཞེས་བྱ་བའོ། །ལུས་ཉེ་བར་ལེན་པ་ནི་ཐ་མི་དད་པ་ཡིན་ན་འཇི་བ་དང་བུམ་པ་དག་གིས་ཉེ་བར་ལེན་པ་དང་ཉེ་བར་བླང་བྱ ་བཞིན་དུ་མངོན་པར་གསལ་བའི་སེམས་པ་ཅན་དུ་སྨྲ་བ་པོའི་མངོན་པར་འདོད་པ་ཞེས་བྱ་བ་རྡུལ་ཕྲ་རབ་ཀྱིས་ལུས་ཀྱི་ཕྱོགས་ཀྱི་སྐྱོན་ནི་ཡན་ལག་ཅན་གྱི་ཕྱོགས་ལ་ཡང་མཚུངས་པར་བསྟན་པ་ནི། འོན་ཏེ་ཡན་ལག་ཅན་ཞེས་བྱ་བ་སྟེ། རྡུལ་ཕྲ་རབ་རྣམས ་ཡོད་ནས་ཡན་ལག་ཅན་རྡུལ་ཕྲ་རབ་གཉིས་པ་ལ་སོགས་པ་རིམ་གྱིས་འབྱུང་བའི་ཕྱིར་རོ། །རེ་ཞིག་རྡུལ་ཕྲ་རབ་གཉིས་པ་ནི་རྡུལ་ཕྲ་རབ་ལ་གནས་པ་ཡིན་ལ་རྒྱུ་ལ་ཡོན་ཏན་གྱིས་རིམ་གྱིས་ཡོན་ཏན་དང་ལྡན་པའི་སེམས་བ་རྡུལ་ཕྲ་རབ་ཀྱི་སེམས ་ཅན་དུ་འགྱུར་གྱི་འབྲས་བུ་ལས་ས་ལུའི་ཁྱད་པར་བཞིན་དུ་མེད་པ་ཁོ་ན་ནི་མ་ཡིན་ཏེ། དེ་མི་མཐོང་བའི་དབང་གིས་འབྱུང་བ་ཡིན་པར་ནི་མི་རིགས་ཏེ་མི་མཐོང་བ་ཁས་མི་ལེན་པའི་ཕྱིར་རོ། །དེ་ཉིད་ཀྱིས་ན་མྱོས་པའི་ནུས་པ་བཞིན་དུ་རྣམ་ཤེས་ནི་མ་ཡིན་ཏེ། དེ ་བཞིན་དུ་འབྲས་བུ་འོག་མ་རྣམས་ལ་ཡང་རྒྱུའི་རིམ་གྱིས་རྡུལ་ཕྲ་རབ་འཛིན་པའི་ཉེ་བར་མཚོན་པའི་དོན་ཉིད་ཀྱི་ཕྱིར་སེམས་པ་ཅན་བརྗོད་བྱ་ཡིན་ནོ། །འོན་ཏེ་དེ་དག་ལས་སྐྱེས་པ་ཞེས་བྱ་བ་འདིས་ལུས་ལས་སེམས་པ་ཅན་ཐ་དད་པ་ཡིན་ལ། རྒྱུའི་དོན་ནི ་ཉེ་བར་ལེན་པའི་དོན་དུ་ཡིན་ཏེ་སེམས་པ་ཅན་གྱི་ལུས་ཡིན་ཞེས་བྱ་བའི་དོན་ཏོ། །ཕྱོགས་འདི་ལ་ཡང་དེའི་འཛིན་བྱེད་མེད་པའི་ཕྱིར་དེ་དག་ལས་སོ་ཞེས་འཛིན་པ་ཡིན་པར་བསྟན་པ་ནི། དེ་ལྟ་ཡིན་ན་ཞེས་བྱ་བའོ། །ཤེས་པ་ནི་རང་དང་གཞན་གྱི་རིག་པ ་མ་ཡིན་ནམ་ཞེ་ན། རང་རིག་པ་ནི་གཞན་རིག་པ་མ་ཡིན་ནོ་ཞེས་བྱ་བ་སྟེ། ཤེས་པ་ནི་རང་ལ་ཡོད་པའི་རིག་པའི་བྱ་བ་ཡིན་ན། ཇི་ལྟར་ཕྱི་རོལ་ལ་རྣམ་པར་གཅོད་པ་ཡིན་ཐ་དད་པར་ཐལ་བར་འགྱུར་བའི་ཕྱིར་རོ། །གལ་ཏེ་ཤེས་པ་རང་ཉིད་ཁོ་ན་རིག་བྱ་ཡིད་ན ་གཞལ་བྱ་ཡང་དེ་བཞིན་དུ་འགྱུར་རོ། །དེའི་ཕྱིར་འདིའི་ནི་རིག་བྱེད་གཞན་ཡིན་པ་ཁོ་ནར་རིགས་པ་ཡིན་ཏེ། གསལ་བྱེད་མར་མེ་ལ་ཡང་དེ་ཡོད་དོ་སྙམ་དུ་སེམས་པ་ནི། འོན་ཏེ་གཞན་རིག་པ་ཉིད་ནི་གཟུགས་ལ་སོགས་པ་ལྟ་བུའོ། །བདེ་བ་ཉིད་ཀྱང་རིག་བྱ་ཡིན་པའི ་ཕྱིར་གཞན་ཁོ་ནས་ཡིན་ནོ་ཞེས་ཟེར་བ་ནི། གཞན་དུ་གྱུར་པ་ཉིད་ཅེས་བྱ་བའོ། །ལན་ནི་གཞན་དུ་གྱུར་པ་ཞེས་བྱ་བ་སྟེ། སྔོན་པོ་དང་བདེ་བ་ལ་སོགས་པ་ཐམས་ཅད་གཞན་དུ་གྱུར་པ་ཁོ་ན་རིག་པ་ཡིན་པའི་ཕྱིར་རྣམ་ཤེས་མེད་པར་འགྱུར་རོ། །བདེ་བ་ལ་སོགས་པ ་འཛིན་པར་བྱེད་པ་གཞན་དོན་གྱིས་གོ་བས་སམ། བདག་དང་ཡིད་ཕྲད་པ་ལས་བྱུང་བའི་མངོན་སུམ་གྱིས་རིག་པ་ཁོ་ན་མ་ཡིན་ནམ་སྙམ་དུ་སེམས་པ་ལ། གང་ལ་རིག་པ་ཞེས་བྱ་བ་སྨོས་ཏེ། རིག་བྱ་ཉིད་དུ་ཐམས་ཅད་དུ་སྣང་བ་ཡིན་ན་རིག་བྱེད་ཉིད་དུ་འགལ་བ་ཡིན་ནོ ་ཞེས་བྱ་བའི་དོན་ཏོ། །འོན་ཏེ་རིག་པར་བྱེད་པ་ཉིད་ཀྱིས་རིག་བཞིན་པ་རིག་པར་བྱེད་པ་ནི་དེ་གང་ཡིན་ལུས་ལ་སོགས་པ་ཡང་མ་ཡིན་ལ་བདེ་བ་ཡང་མ་ཡིན་ཏེ། རིག་བྱ་ཡིན་ཏེ། རིག་བྱ་ཡིན་པའི་ཕྱིར་རོ། །གཞན་ཡང་མ་ཡིན་ཏེ། མི་སྣང་བའི་ཕྱིར་རོ་ཞེས་བསྟན ་བ་ནི། བདེ་བ་དང་སྔོ་སོགས་ཞེས་བྱ་བའོ། །སྣང་བ་མ་ཡིན་པར་ནི་བདེན་མོད་ཀྱི་རྟོགས་པ་ཡིན་ནོ་ཞེ་ན། རྟོག་བཞིན་པ་ནི་རི་བོང་གི་རྭ་བཞིན་དུ་རྟགས་མ་ཡིན་པའི་ཕྱིར་མེད་པ་ཡིན་པར་བསྟན་པ་ནི། མིག་སོགས་ཞེས་བྱ་བའོ། །བདེ་བ་ལ་སོགས་པའི་ཤེས་པ་ནི ་གཞན་དུ་མི་འཐད་པས་མིག་ལ་འཐད་པས་མིག་ལ་སོགས་པའི་བྱེད་པའི་ངོ་བོ་བདག་གི་རྣམ་པར་འགྱུར་བའི་བློར་རྟག་པ་ཡིན་པའི་ཕྱིར་རྟགས་མེད་པ་ཉིད་མ་ཡིན་ནོ་སྙམ་དུ་སེམས་པ་ལ། འབྲས་བུའི་སྒོ་ནས་ཞེས་བྱ་བའོ། །གང་ཁོ་ན་འབྲས་བུའི་ཤེས་པའི ་རྟགས་ཡིན་པ་དེ་ཁོ་ན་བསྒྲུབ་བྱར་ཇི་ལྟར་འགྱུར་ཞེས་བསྟན་པ་ནི། དེ་ཡང་ནུས་པ་ཉིད་ཅེས་བྱ་བའོ། །གཟུགས་ལ་སོགས་པ་རྣམས་ཀྱི་མིག་ལ་སོགས་པའི་བྱ་བ་ཡིན་ན། རེས་འགའ་ཨི་ངོ་བོ་ཡིན་ལ་ཤེས་པ་དེ་ཕྱིས་ཀྱང་མི་འབྱུང་བ་དེས་ན་དབང་པོ་ལ ་ཡོད་པ་འམ། བདག་ལ་ཡོད་པའི་རྣམ་པར་འགྱུར་བའི་ངོ་བོར་རྟོགས་པ་ཡིན་ལ་དེ་ནི་ནུས་པ་ཡིན་ནོ་སྙམ་དུ་སེམས་པ་ནི། དམིགས་པའི་གནས་སྐབས་ཞེས་བྱ་བའོ། །དབང་པོ་ལ་སོགས་པའི་འགྱུར་བའི་དབང་གིས་དམིགས་བྱའི་ངོ་བོ་རྡུལ་ཕྲ་རབ་རེ་རེར ་འགྱུར་བར་བསྟན་པ་ནི། རྡུལ་ཕྲ་རབ་རེ་རེར་ཞེས་བྱ་བའོ། །དབང་པོ་ལ་སོགས་པའི་དབང་གིས་ཤེས་པ་འབྱུང་བ་ཁོ་ན་དངོས་པོ་རྟོགས་པ་ཉིད་མ་ཡིན་ནམ། གཞན་ནི་མ་ཡིན་ནོ། །དེའི་ཕྱིར་སྔར་ཇི་ལྟ་བའི་ངོ་བོ་ཡིན་པ་དེ་ལྟ་བུ་ཁོ་ན་ཡིན་གྱི་དེ་ལ་ཁྱད ་པར་ནི་མེད་དོ་སྙམ་དུ་སེམས་པ་ལ་ཁྱད་པར་མེད་པར་ནི་ཞེས་བྱ་བའོ། །ཁྱད་པར་མེད་ན་ཤེས་པ་ཡོད་ཀྱང་ཅི་ལས་གཟུགས་རྟོགས་པ་ཡིན། གང་གི་ཕྱིར་གཟུགས་ནི་གཟུགས་སོ་ཞེས་བྱ་བའི་ལོང་བའི་རྣམ་པར་རྟོགས་པ་ཡང་སྔོན་པོ་ལ་སོགས་པ་མཐོང་བ་ནི ་མ་ཡིན་ནོ། །གཟུགས་དང་ཤེས་པ་དག་ལྷན་ཅིག་པས་སྐྱེ་བ་ཁོ་ན་ཁྱད་པར་ཡིན་ཞེས་བྱ་བར་ནི་མི་རིགས་ཏེ། ལྷན་ཅིག་པ་ཡིན་པ་བཞིན་དུ་ལྷན་ཅིག་པ་ལ་ཡང་ཁྱད་པར་མེད་པའི་ཕྱིར་རོ། །རང་ཉིད་ལ་ཡོད་པའི་ཁྱད་པར་མེད་ན་དེ་རིག་པ་ཞེས་བྱ་བ་མ་ཡིན ་ནོ། །དེ་བསྟན་པ་ནི། ལྷན་ཅིག་ཉིད་ན་ནུས་དཔོག་ཅིང་ཞེས་བྱ་བ་སྟེ། རྗེས་སུ་དཔག་པར་བྱ་བ་ཡིན་པའི་ཕྱིར་ནུས་པ་དམིགས་པ་ནི་མ་ཡིན་ལ་ཁྱད་པར་མེད་པའི་ངོ་བོ་ཡིན་པའི་ཕྱིར་མ་གྲུབ་པའི་ལྷན་ཅིག་པ་ནི་གཏན་ཚིགས་ཡིན་པ་ཞེས་བྱ་བའི ་དོན་ཏོ། །གང་གི་ཕྱིར་དེ་བཞིན་དུ་རིག་བྱ་ཉིད་ཡིན་ན་རིག་བྱེད་མེད་པ་དེའི་ཕྱིར་རང་རིག་པ་ཁོ་ན་རིག་པར་བྱེད་པ་ཡིན་གྱི་སྔོན་པོ་དང་བདེ་བ་ལ་སོགས་པ་ནི་རིག་པ་ལས་གཞན་པ་མ་ཡིན་ལ་དེ་ཉིད་རིག་པའི་བདག་ཉིད་ཡིན་པའི་ཕྱིར་རྣམ་ཤེས་ཡིན ་པར་བསྟན་པ་ནི། དེའི་ཕྱིར་ཞེས་བྱ་བ་སྟེ། དེ་ནི་ཙམ་ཡང་ཡིན་ལ་རང་རིག་པ་ཡང་ཡིན་པའོ། །རྣམ་ཤེས་ཀྱི་བདེ་བ་ལ་སོགས་པ་ཞེས་བྱ་བའི་གཞི་མཐུན་པ་ནི་རིག་པ་ཅན་གྱིས་མ་རྟོགས་པ་མ་ཡིན་ནམ། སངས་རྒྱས་བས་ནི་རྟོགས་པ་ཡིན་པར ་དེ་དག་ཙམ་གྱིས་བརྗོད་པ་ཡིན་ནོ། །གསོར་མདུང་རྣམས་ཁྱེར་ལ་ཤོག་ཅེས་བྱ་བ་བཞིན་དུ་ཤེས་པ་ནི་བདེ་བ་ཞེས་བྱ་བར་ཉེ་བར་བརྟགས་པ་བར་འགྱུར་རོ་སྙམ་དུ་སེམས་པ་ལ། གཞི་མཐུན་པ་ནི་གཙོ་བོ་དང་ཞེས་བྱ་བ་སྟེ། སྐྱེས་བུ་སེམས་པ་ཞེས ་བྱ་བ་བཞིན་དུ་གཙོ་བོ་ཁོ་ན་ཡིན་ཏེ། དབྱེ་བ་མ་དམིགས་པས་གསོར་མདུང་ཅན་བཞིན་དུ་ཉེ་བར་བཏགས་པར་མི་རིགས་པའི་ཕྱིར་རོ་ཞེས་བྱ་བའི་དོན་ཏོ། །གལ་ཏེ་ཞེས་བྱ་བ་ནི་གཙོ་བོ་དང་ཅིག་ཤོས་ཀྱི་རྣམ་པར་དང་བྱེ་བ་སྟེ་རྒྱུའི་རྗེས་སུ ་འབྲངས་ནས་ཁས་བླངས་བྱ་ཡིན་གྱི་ཕན་ཚུན་བསྲེས་པའི་འབྲས་བུ་ནི་མ་ཡིན་ཞེས་བྱ་བའི་དོན་ཏོ། །མེ་ལོང་བཞག་པ་ལ་བཞིན་དུ་བློ་གཅིག་པུ་ལ་སྔོན་པོ་ལ་སོགས་པ་གཞན་གྱི་གཟུགས་བརྙན་འཕོ་བ་ཉིད་དུ་སྣང་བ་མ་ཡིན་ན་མ། དེའི་ཕྱིར ་འཛིན་པ་དང་ཐ་དད་པ་ཁོ་ན་ཡིན་ནོ་སྙམ་དུ་སེམས་པ་ལ། གོམས་ལས་དེ་ལྟ་བུར་གྱུར་པའི་ཞེས་བྱ་བ་སྟེ། སྔོན་པོ་ལ་སོགས་པ་ཉིད་སྔོན་གྱི་བག་ཆགས་ཀྱི་དབང་གི་རྨི་ལམ་དུ་རྟོགས་པའི་བདག་ཉིད་ནི་གཞན་དང་གཞན་དུ་ཡང་འགྱུར་གྱི་རྟོགས ་པའི་ངོ་བོ་ནི་གཞན་མ་ཡིན་ཏེ། དེ་ཡོད་ཀྱང་སྔོན་པོ་ལ་སོགས་པའི་རང་གི་ངོ་བོ་ལ་ཁྱད་པར་མེད་པའི་ཕྱིར་རོ། །ཁྱད་པར་ཡོད་ན་ཡང་དམིགས་པ་ལས་གཞན་མེད་པའི་ཕྱིར་རོ་ཞེས་བྱ་བའི་དོན་ཏོ། །གལ་ཏེ་སྔོན་པོའི་ཁོངས་སུ་གཏོགས?་པ་ཡིན་བ་དེ་ལྟ་ན་སེར་པོ་ནི་དེ ་མ་ཡིན་པའི་ཕྱིར་དེ་རིག་པ་མ་ཡིན་ལ་ངོ་བོ་གཅིག་པ་ཉིད་ཀྱི་བློའི་ཕྲེང་བ་ཡིན་ནོ་སྙམ་དུ་སེམས་པ་ལ། གཟུགས་སོགས་གཞན་དང་གཞན་དག་ཏུ་ཞེས་བྱ་བ་སྟེ། སྔོན་པོ་རིག་པ་བཞིན་དུ་སེར་པོ་རིག་པ་ཡང་བག་ཆགས་ཇི་ལྟ་བ་བཞིན་དུ་འབྱུང་བ་ཁོ་ན ་ཡིན་ནོ་ཞེས་བྱ་བའི་དོན་ཏོ། །དམིགས་པ་མེད་པའི་ཤེས་པ་ཁོ་ན་ལུས་ལ་བརྟེན་པ་མ་ཡིན་ནམ་སྙམ་དུ་སེམས་པ་ལ། རྣམ་པར་ཤེས་པ་ནི་ཞེས་བྱ་བ་སྟེ། གཞན་དེ་རྟེན་དང་ངོ། །དེ་ལས་ཅིར་འགྱུར་ཞེ་ན། དེས་ན་བདེ་བ་ཞེས་བྱ་བ་སྟེ། ཉེ་བ་ལས ་བག་ཆགས་སད་པ་ནི་བདེ་བ་ལ་སོགས་པའི་ཤེས་པ་དང་འདྲེས་པ་ཡང་དང་པོ་དེ་ལྟར་སྐྱེས་པ་ཁོ་ན་ཡིན། གཞན་གྱི་བདེ་བ་ལ་སོགས་པ་དང་འདྲེས་པར་འགྱུར་བར་མི་རིགས་པ་མ་ཡིན་ནམ། གང་གི་ཕྱིར་མངོན་དུ་མ་བྱས་པའི་ཤེས་པ་དང་འདྲེས་པར ་འགྱུར་བར་མི་རིགས་པ་མ་ཡིན་ནམ། གང་གི་ཕྱིར་མངོན་སུམ་མ་བྱས་པའི་ཤེས་པ་དང་འདྲེས་པ་ནི་མ་ཡིན་ནོ་སྙམ་དུ་སེམས་པ་ལ། གང་གི་ཚེ་རྣམ་པ་ཐམས་ཅད་ཀྱི་རྟགས་འཛིན་པས་རྣམ་པ་ཐམས་ཅད་རིག་པ་ཡིན་ལ་གོམས་པས་ནི་བསལ་བ ་ཡིན་ཞིང་དེའི་ཚེ་དེ་མངོན་དུ་བྱེད་པས་ན་མངོན་སུམ་གྱི་ཤེས་པ་ནི་གཞན་གྱི་བདེ་བས་དང་སྔོན་པོ་བཞིན་དུ་འདྲེ་བར་བྱེད་པར་བརྗོད་པ་ཡིན་དེ་བརྟན་པ་ནི། གོམས་པ་ལས་ཞེས་བྱ་བའོ། །རྣམ་པར་དབྱེ་བ་འདི་ཅི་ལས་ཡིན་ཞེས་བྱ་བ་ནི་རིག་པ་ལས་ནི་མ་ཡིན་ལ་རིག་བྱ ་ཐ་དད་པར?་མ་ཡིན་ནོ། །ཁྱད་པར་གཞན་ཁྱད་པར་དུ་བྱེད་པ་ཡིན་ནོ། །དེའི་ཕྱིར་ཕྱི་རོལ་ཞེས་འཛིན་པ་ལ་ཐ་དད་པར་འཛིན་པ་ཡིན་ནོ་ཞེས་བྱ་བའི་དོན་ཏོ། །མེད་པར་ཞེས་བྱ་བ་ནི། རིག་པ་ཞེས་བྱ་བའི་བྱེད་པ་འདི་དང་སྦྱར་བར་བྱའོ། །བལྟོས་པ་ཡོད་མིན་ན་ཞེས་བྱ་བ ་ནི། དེའི་ངོ་བོ་བལྟོས་པའོ། །དོན་དམ་དུ་སྟེ་མངོན་སུམ་དུ་སྣང་བས་སོ། །ཀུན་རྫོབ་ནི་རྟགས་པ་ཅན་གྱི་མངོན་པའི་ང་རྒྱལ་གྱི་རྣམ་དཔྱོད་པ་སྟེ་རྣམ་པར་རྟོག་པའི་བྱེད་པ་ཁོ་ན་རང་གི་རྣམ་པ་ལ་ཕྱི་རོལ་ཉིད་དུ་འཛིན་པ་ཡིན་གྱི་འདི་ལ་གཟུང་?་ནི་མེད་དོ།། ་ཡོད་ཀྱང་རང་གི་མཚན་ཉིད་ལས་ཁྱད་པར་མེད་པར་ཐལ་བར་འགྱུར་ཏེ། བརྗོད་བྱ་མ་ཡིན་པའི་ཕྱིར་རོ་ཞེས་བྱ་བའི་དོན་ཏོ། །ཁུ་ཁྲག་གི་ལུས་ནི་ནུར་ནུར་བ་ལ་སོགས་པ་ཡིན་གྱི་མྱོས་པའི་ནུས་པ་བཞིན་དུ་ནུས་པ་ནི་ནུས་པ་མ་ཡིན་ནོ། རྣམ་ཤེས?་ལུས་ལ? ་བརྟེན་པའི་ཕྱིར་ཤེས་པའི་ནུས་པས་རྟེན་ལུས་གཡོ་བ་ཡིན་གྱི། དེ་མེད་ན་ཤི་པའི་ལུས་ནི་མ་ཡིན་ནོ་ཞེས་བྱ་བ་ནི་མི་རིགས་སོ། །རེག་པའི་རྣམ་ཤེས་ཁྱད་པར་ཅན་ནི་འབད་པ་དེ་ནང་གི་རེག་བྱའི་རྣམ་པའི་རྣམ་ཤེས་ཉིད་ཡིན་ལ་དེ་??་བ་ལས ་པ་ལ་མེད་དོ་ཞེས་བྱ་བའི་དོན་ཏོ། ཞེས་པ་ནི་བདེ་བ་ལ་སོགས་པ་དང་སྡུག་བསྔལ་ལ་སོགས་པ་ཙམ་རིག་བྱ་ཡིན་པའི་ཕྱིར་ཁྱད་ཀྱི་ལ་ཡང་སྐྱོན་མཚུངས་པ་མ་ཡིན་ནམ་འདོད་ཆགས་དང་བྲལ་བ་ཡང་གཞན་གྱི་འདོད་ཆགས་རིག་པས་འདོད་ཆགས་ཅན ་དུ་འགྱུར་རོ་སྙམ་དུ་སེམས་པ་ནི། ཁྱེད་ལ་ཡང་ཞེས་བྱ་བའོ། །ཕྱི་རོལ་ཉིད་ཤེས་པའི་བདག་ཉིད་ཡིན་པར་ནི་ཁོ་བོ་ཅག་འདོད་པ་མ་ཡིན་གྱི་འོ་ན་ཅི་ཞེ་ན། ཕྱི་རོལ་ལ་སོགས་པའི་ཚོགས་པ་ལས་དེ་དང་འདྲ་བའི་ཤེས་པ་སྐྱེ་བ་ཡིན་ནོ། །དེའི་ཕྱིར་དེ་ཉིད་ཡིན ་པར་མི་འགྱུར་ལ་བདག་ཉིད་ཐམས་ཅད་ཀྱིས་འདྲ་བ་ཡང་མ་ཡིན་ཏེ། ཕྱི་རོལ་དང་ཅིག་ཤེས་ལ་སོགས་བཞིན་དུ་ཁྱད་པར་ཡོད་པ་ཡིན་ནོ་ཞེས་བསྟན་པ་ནི། དེའི་རྣམ་པ་ཅན་གྱི་ཞེས་བྱ་བའོ། །འོན་ཏེ་ཡན་ལག་ཅན་ཉིད་ཤེས་པ་ལས་ཐ་མི་དད་པའི་ཕྱིར་དམིགས ་པ་ཉིད་ཀྱི་རྟེན་ཡིན་གྱི་རྡུལ་ཕྲ་རབ་དག་ནི་ཞེས་བྱ་བའོ། །ཤེས་པའི་དམིགས་པའི་འབྲས་བུ་ལས་ཐ་དད་བས་དེ་རྟོགས་བྱ་མ་ཡིན་པའི་ཕྱིར་དང་རྟོགས་པ་གཞན་མེད་པའི་ཕྱིར་དེའི་ཕྱིར་དེ་རྣམས་མེད་པ་ཉིད་དུ་འགྱུར་བར་བསྟན་པ་ནི་མེད་པ་ཉིད ་ཅེས་བྱ་བའོ། །མི་ཤེས་པའི་བདག་ཉིད་ཡིན་པའི་ཕྱིར་ཤེས་པའི་བདག་ཉིད་ཀྱི་ལུས་ནི་གཞན་དུ་མི་འཐད་པས་ཀྱང་བརྟག་བྱ་མ་ཡིན་པར་རྟོགས་པར་འདོད་པས་དེ་བསྟན་པ་ནི། ཕྲ་རབ་རྡུལ་རྣམས་ལུས་ཀྱི་ནི་ཞེས་བྱ་བ་སྟེ། ་ལུས་ཀྱི་དེའི་རིགས་སུ་རྟོགས་པ་ཡིན་ན། རྡུལ་ཕྲ་རབ་རེ་རེར་ནས་རིག་པར་ཐལ་བར་འགྱུར་བ་ཡིན་ཏེ། རྣམ་ཤེས་ཀྱི་བདག་ཉིད་ཡིན་པའི་ཕྱིར་རོ། །དེ་ལྟ་བུའི་ལུས་ཀྱི་དེ་འདྲ་བའི་རིགས་སུ་ཅིའི་ཕྱིར་རྟོག་པ་ཡིན་ཞེས་བསྟན་པ་ནི། ཕྲ་རབ་རྡུལ་རྣམས་ཀྱི ་ངོ་བོ་ཉིད་དུ་ཞེས་བྱ་བ་སྟེ། ཕྱེད་སྔ་མས་ནི་རྣམ་ཤེས་ཀྱི་བདག་ཉིད་ཀྱི་རྡུལ་ཕྲ་རབ་ཀྱིས་བྱས་པའི་ཕྱིར་ཞེས་རྡུལ་ཕྲ་རབ་རྣམས་རྟོགས་བྱ་ཉིད་དུ་བརྗོད་ལ་ཕྱི་མས་ནི་བྱེད་པ་པོ་རྣམས་སོ། །དེའི་ཕྱིར་རྡུལ་ཕྲ་རབ་བཀག་པས་ཡན་ལག་མ་ལུས་པ་བཀབ ་ནས་དེའི་ཕྱིར་ཞེས་བྱ་བ་སྨོས་སོ། །གཡོ་བ་དང་མི་གཡོ་བའི་སྐྱོན་ཁོ་ནས་སུན་འབྱིན་པ་ཡིན་ན་བསྒྲིབས་པ་དང་མ་བསྒྲིབས་པ་ལ་སོགས་པས་ཅི་དགོས་སྙམ་དུ་སེམས་པ་ལ། ཡན་ལག་ཅན་གྱི་རང་བཞིན་གྱིས་རྫས་ཞེས་བྱ་བ་སྨོས་ཏེ། ཕྲད་པ་ལ ་སོགས་པའི་རྒྱུ་ཡིན་པའི་འདུ་བའི་རྒྱུར་འགྱུར་རོ་ཞེས་བྱ་བའི་དོན་ཏོ། །བྱ་བ་ཞེས་བྱ་བ་ནི་ཡན་ལག་ཅན་སྒྲིབ་པ་ན་ཞེས་བྱ་བའོ། ཡོན་ཏན་ཅན་ཞེས་བྱ་བ་ནི་གཅིག་ཚོན་གྱིས་བསྒྱུར་ན་ཞེས་བྱ་བས་སུན་ཕྱུང་བར་བསྟན་པ་མཚོན་གྱིས་བསྒྱུར་པ་ལ ་ཡང་ཞེས་བྱ་བའོ། །ཡང་ན་གལ་ཏེ་སེམས་ཀྱི་ཉེ་བར་ལེན་པ་ལུས་ཡིན་ན་ཤི་བ་ལ་ཡང་འགྱུར་ཏེ་ཉེ་བར་ལེན་པ་ཡོད་པའི་ཕྱིར་རོ་ཞེས་བྱ་བར་རིགས་ལ་ཉེ་བར་ལེན་པ་ཡན་ལག་ཅན་ནི་ཉེས་པ་མི་མཉམ་པ་ལ་སོགས་པས་ལྡོག་པ་ཡིན་པའི ་ཕྱིར་ཞེས་བྱ་བ་ནི་མི་རིགས་ཏེ་འཚོ་བའི་གནས་སྐབས་ན་ཡང་ཚེར་མར?་ཕུག་པ་ལ་སོགས་ལས་ལུས་ཀྱི་ཡན་ལག་ཅན་ལྡོག་པས་འཆི་བར་ཐལ་བར་འགྱུར་བའི་ཕྱིར་རོ། །སྣང་བར་མངོན་པར་འདོད་པའི་ཡན་ལག་ཅན་ཁྱབ་བྱེད་ནི་ཉེ་བར་དམིགས་པ་ཡོད་པ་ནི ་མ་ཡིན་ལ་དེའི་ཡོད་པར་ཐ་སྙད་བྱེད་པ་ཡང་ཉེ་བར་དམིགས་པར་བྱེད་པ་མ་ཡིན་གྱི་འདི་ཡོད་དོ་ཞེས་བྱ་བ་བཀག་པ་ཡིན་ནོ། །གཅིག་ཏུ་འཛིན་པའི་ཡུལ་དགས?་པ་སྣང་བ་མ་ཡིན་ནམ། ཇི་ལྟར་ཉེ་བར་དམིགས་པ་སྣང་བ་ཡིན། འཕེན་སེལ་མེད་པ་ནི་སྟེང ་འོག་ལ་སོགས་པའི་ཆ་ཐ་དད་ཀྱང་གཅིག་ཏུ་སྣང་བ་ཡིན་གྱི་དུ་མར་ནི་མ་ཡིན་ཏེ། རྒྱ་ཁྱོན་ཆེ་བར་དམིགས་པའི་རྒྱུ་མཚན་ནི་ཆེ་བ་ཉིད་ཡིན་པའི་ཕྱིར་རོ། །ཇི་ལྟར་ནགས་ཀྱི་ཕྲེང་རྒྱུ་མཚན་མ་ཡིན་པ་ནི་སོ་སོ་བར་མི་འཛིན་པ་མ་ཡིན་ནམ་དེ་བཞིན་རྡུལ ་ཕྲ་རབ་ཀྱི་རྒྱུ་མཚན་ལས་སྣ་ཚོགས་པ་ཉིད་དུ་མ་མཚོན་པའི་ཐ་དད་པ་རྣམས་ཁོ་ན་གཅིག་ཏུ་འཛིན་པའི་ཡུལ་ཡིན་པར་མི་རིགས་ཏེ། སྣ་ཚོགས་པ་ཉིད་དུ་འཛིན་པའི་ཕྱིར་རོ། །ནགས་ལ་སོགས་པ་ལ་ནི་ཉེ་བ་ན་གནས་པས་དེ་འཛིན་པ ་ཡིན་ནོ་སྙམ་དུ་སེམས་པ་ལ་ཡན་ལག་ཅན་འཛིན་པ་ཡིན་པ་ལ་གནོད་པ་ཅན་བསྟན་པ་ནི། ལག་སོགས་གཡོན་ཞེས་བྱ་བ་སྟེ། གང་ལ་དམིགས་པས་སྣ་ཚོགས་པ་ཉིད་དུ་ཉེ་བར་མཚོན་པ་དེ་ལ་དམིགས་པས་ཐ་མི་དད་པར་ཤེས་པ་ཡིན་ལ ་དེའི་དམིགས་པ་ཡང་ཡན་ལག་རྣམས་ཁོ་ན་ཡིན་གྱི་གཞན་མ་ཡིན་པའི་ཕྱིར་ལག་པ་ལ་སོགས་པ་ཐ་དད་པ་གཡོ་བ་མིན་ཐམས་ཅད་གཡོ་བར་འགྱུར་ཏེ་དེ་དང་ཐ་མི་དད་པའི་ཕྱིར་རོ། །ཁྱབ་བྱ་ལས་ཐ་མི་དད་པས་ཁས་བླངས་པ་ཡིན་པས་ཁྱབ་བྱེད ་དུ་ཁས་ལེན་པ་ཡིན་ནོ། །གཡོ་བཞིན་པ་ལས་ཐ་མི་དད་པ་གཡོ་བ་ཁོ་ནར་སྣང་བར་འགྱུར་ལ་དེ་ལྟར་མི་སྣང་ན་ཐ་དད་པ་ཡིན་པའི་ཕྱིར་ཁྱད་པར་འབྱེད་པ་མེད་དོ། །ཕྱོགས་གཅིག་འཛིན་པས་ཀྱང་ཡན་ལག་ཅན་འཛིན་པ་ཁོ་ན་ཡིན་པར་དགོས་པ ་ཡིན་པར་ཉེ་བར་མཚོན་པར་བྱེད་པ་གཡོ་བ་དང་ཅིག་ཤོས་མཐོང་བས་དམིགས་པ་ནི་དེ་བཞིན་དུ་ཐ་མི་དད་པ་ལ་ཡང་གཅིག་ཏུ་མ་དམིགས་ན་ཐམས་ཅད་མ་དམིགས་བར་འགྱུར་རོ། །ཉེ་བར་དམིགས་པ་ཡང་ཡིན་ན་ཐ་དད་པའི་ཕྱིར་ཁྱབ་པར ་བྱེད་བ་མེད་པར་བསྟན་པ་ནི་གཅིག་ཅེས་བྱ་བ་ནི་གཡོ་བའོ། །སྔ་མ་དང་ཕྱི་མའི་ངོ་བོས་གཅིག་པ་ཡིན་པའི་ཕྱིར་སོ་སོར་སྣང་བ་ཐ་དད་པར་ཉེ་བར་མཚོན་པར་བྱེད་པ་རང་གི་འདོད་པས་བསྟན་པ་ནི། ཚོན་གྱི་ཞེས་བྱ་བ་སྟེ། ཚོན་གྱིས་བསྒྱུར་བ་ཅིག་གནང་བ་ན་དེ ་དང་ཐ་མི་དད་པ་ཡང་དེ་ཁོ་ན་བཞིན་དུ་སྣང་བར་འགྱུར་ཏེ། ཐ་མི་དད་པ་ཁྱབ་བྱ་ཡིན་ན་ནི་དེར་སྣང་བའི་ཁྱབ་བྱེད་དུ་འགྱུར་རོ། །དེ་མེད་ན་ཡང་ཁྱབ་བྱ་དང་ཐ་དད་པ་མེད་པར་འགྱུར་རོ། །འོ་ན་ཏེ་ཡན་ལག་རྣམས་ཉིད་གཡོ་བ་ལ་སོགས་པ་དང་ལྡན་པ་ཡིན ་གྱི་ཡན་ལག་ཅན་ནི་མ་ཡིན་ན་གཞན་དམིགས་པ་མ་ཡིན་ལ་སྣ་ཚོགས་པ་ཉིད་དུ་དམིགས་པའི་མཚན་ཉིད་ཀྱི་ཡུལ་ལ་ཐ་དད་པ་མེད་པར་ཤེས་པ་མ་ཡིན་ནོ། །གཡོ་བ་དང་བསྒྲིབས་པ་ལ་སོགས་པ་ནི་ཁྱབ་བྱ་ལ་འཇུག་པའི་ཕྱིར་དེ་དང་ལྡན་པ་ཉིད ་དུ་ཅིག་ཤོས་ཐ་དད་པ་ལས་མ་ཡིན་པ་མ་ཡིན་ནམ། བདག་དང་ནམ་མཁའ་ལ་སོགས་པ་བཞིན་དུ་བློ་དང་སྒྲ་ལ་སོགས་པ་ཞེས་བྱ་བར་ནི་མི་རིགས་ཏེ། གཅིག་ཉིད་ཡིན་ནམ་ཁྱབ་པར་མི་རིགས་པའི་ཕྱིར་དང་ངོ་བོ་གཞན་མེད་པའི་ཕྱིར་དེའི་ཕྱིར ་སོ་སོར་སྣང་བ་ཕན་ཚུན་རྗེས་སུ་འཇུག་པ་མ་ཡིན་པས་རྒྱ་ཆེ་བ་ནི་ཐ་དད་བ་ཉིད་ཅེས་བྱ་བའི་དོན་ཏོ། །སོ་སོར་སྣང་བ་ཐ་དད་པའི་རིགས་པ་འདི་ཁོ་ན་ལས་ཚོགས་པ་གཅིག་པ་སྟེ་ཕྲད་བ་ནི་ཚོགས་པ་ཅན་མ་རྟོགས་པ་གསལ་བ་ཡིན་པར་བསྟན་པ་ནི ་གཅིག་ཡོད་མིན་ཞེས་བྱ་བའོ། །རྡུལ་ཕྲ་རབ་རེ་རེ་རིག་པར་ཐལ་བར་འགྱུར་བ་ནི། རེ་རེ་ནུས་པ་ཉིད་ཡིན་ན། །ཅིག་ཅར་མང་པོ་འབྱུང་བར་འགྱུར་ཞེས་འཆད་པར་འགྱུར་བ་མ་ཡིན་ནམ། ཇི་ལྟར་སྔ་མ་བཞིན་ཞེས་བརྗོད་པར་བྱེད་ཅེ་ན། སྐྱོན་མེད་དེ། དེའི ་ཕྱིར་ཐམས་ཅད་ས་བོན་དངོས་ཤེས་བར་བསྟན་པའི་ཕྱིར་རོ། །རྡུལ་ཕྲ་རབ་རྣམས་རེ་རེ་ནས་དམིགས་པ་མ་ཡིན་ཏེ། ཆེས་ཕྲ་བའི་ཕྱིར་རོ། །འདུས་པ་ལ་ཡང་དེ་རྣམས་ཉིད་འདི་དག་ཡིན་པའི་ཕྱིར་ཕུལ་དུ་བྱུང་བ་མེད་པས་དམིགས་པ་མེད་པ་ཉིད་ཡིན་ལ་རྟེན་ཉིད ་ནི་དེའི་ཉེ་བར་ལེན་པ་ཉིད་ཡིན་ནོ་སྙམ་དུ་སེམས་པ་ནི། ཁྱད་པར་མེད་པའི་ཕྱིར་ཞེས་བྱ་བ་སྟེ། དམིགས་བྱ་མ་ཡིན་པ་ཤ་ཟ་ལ་སོགས་པ་རྣམས་འདུས་ན་ཡང་དམིགས་བྱར་མི་རུང་ཞེས་བྱ་བའི་དོན་ཏོ། །ཁྱད་པར་ཅན་རྣམས་ཞེས་བྱ་བ་བཤད་པ་ནི། ་རིག་པའི་གནས་སྐབས་ན་ཡང་ཞེས་བྱ་བའོ། །དབང་ཡུལ་ཞེས་བྱ་བའི་བཤད་པ་ནི། དམིགས་པ་ཡིན་པའི་ཕྱིར་རོ་ཞེས་བྱ་བའོ། །ཁྱད་པར་མེད་པའི་ཕྱིར་མི་དམིགས་པ་ཉིད་མ་ཡིན་ནོ་ཞེས་བྱ་བས་ཕ་རོལ་པོས་སྨྲས་པ་བཀག་པ་ཡིན་ནོ། །འདུས་པའི ་གནས་སྐབས་ན་ནི་རྡུལ་ཕྲ་རབ་ཀྱི་ཡུལ་མ་ཡིན་ཏེ། སྣམ་བུ་ལ་རྣལ་མའི་ཐ་སྙད་བཞིན་དུའོ་ཞེས་བྱ་བ་ལྟ་བུའོ་ཞེས་སླར་སེལ་བ་བསྟན་པ་ནི། དེ་ཉིད་ཀྱི་ཕྱིར་ཞེས་བྱ་བ་སྟེ། རྡུལ་ཕྲ་རབ་ཀྱི་ཐ་སྙད་ཀྱི་ཡུལ་ཉིད་ནི་འདི་ཁོ་ན་ཡིན་ཏེ་གཞན་མེད་པའི་ཕྱིར་རོ།། ་ཐ་སྙད་གཞན་མེད་ན་དེ་ཉིད་ཁོ་ན་འདོར་བ་ཡང་མ་ཡིན་ནོ། །དེའི་ཕྱིར་ཉེ་བར་དམིགས་པ་ལ་གེགས་མི་བྱེད་པ་ཉིད་འོ་ན་རྡུལ་ཕྲ་རབ་ཡིན་ཞེས་བྱ་བའི་དོན་ཏོ། ཡང་ན་སེམས་ཀྱི་ཉེ་བར་ལེན་པ་འབྱུང་བ་ཡིན་ན་ཕྱི་རོལ་གྱི་འབྱུང་བ་རྣམས་ལ་ཡང་ཐལ་བར ་འགྱུར་ཏེ་ཐལ་ཆེས་པའི་ཕྱིར་རོ་ཞེས་བྱ་བ་ལ་སོགས་པ་འགྱུར་བ་ཡིན་པར་བསྟན་པ་ནི་སྔ་མ་བཞིན་ཞེས་བྱ་བའོ། །འོན་ཏེ་ལུས་ཀྱི་རྣམ་པའི་ཁྱད་པར་མེད་པའི་ཕྱིར་ཕྱི་རོལ་ལ་སེམས་པ་ཅན་མེད་དེ་ཁྱད་པར་མེད་པ་ལས་ཀྱང་རྡུལ་ཕྲ་རབ་ཉིད་ཡིན་ནོ།། ་དེའི་ཕྱིར་ཡང་རྟོགས་པ་མ་ཡིན་ཏེ། སེམས་རྟེན་པ་འཛིན་པར་བྱེད་པ་ཉིད་ཀྱིས་ཡིན་ནོ་སྙམ་དུ་སེམས་པ་ནི་ཁྱད་པར་མེད་ཕྱིར་ཞེས་བྱ་བའོ། །ལུས་ཀྱི་རྣམ་པ་ནི་ཤི་བའི་ལུས་ལ་ཡང་ཡོད་པའི་ཕྱིར་སེམས་སུ་ཐལ་བར་འགྱུར་བར་བསྟན་པ་ནི། ཤི་བའི ་ལུས་ལ་ཡང་ལུས་ཀྱི་རྣམ་པར་ཁྱད་པར་མེད་པར་མ་གྲུབ་པའི་ཕྱིར་གང་ལ་དེའི་ཁྱད་པར་མེད་པ་ཁོ་ནས་རྡུལ་ཕྲ་རབ་ཉིད་ཡིན་ལ་དེའི་ཕྱིར་སེམས་ཀྱི་དམིགས་པ་ཉིད་ཀྱིས་བརྟེན་པ་ཉིད་ཅེས་བྱ་བ་ནི་མ་ཡིན་ནོ་ཞེས་བྱ་བ་དེ་ལ། ཁྱད་པར་ཅན་རྣམས ་ཞེས་བྱ་བ་སྨོས་ཏེ། ཕུལ་དུ་བྱུང་བ་ཅན་རྣམས་མེད་ཀྱང་ཕྱི་རོལ་གྱི་འདུས་པ་རྣམས་དབང་ཡུལ་ཉིད་དེ་དབང་པོའི་གཟུར་བ་ཉིད་དམིགས་བྱ་ཉིད་ཡིན་ནོ། །དེའི་ཕྱིར་ཤེས་པའི་དམིགས་པ་ཉིད་རྡུལ་ཕྲ་རབ་ཉིད་མ་ཡིན་ནོ་ཞེས་བྱ་བའི་དོན་ཏོ། །དབང་པོའི་གཟུང་བ ་ཉིད་རྡུལ་ཕྲ་རབ་རྣམས་སོ་སོ་ལ་མེད་ཀྱང་འདུས་པ་ཉིད་ལ་སྒྲ་ལ་སོགས་པ་བཞིན་དུ་ཡོད་པ་མ་ཡིན་ནམ་སྙམ་དུ་ཐོགས་པ་ནི་མ་ཡིན་ཏེ། ཆེན་པོའི་འབྲས་བུ་མ་ཡིན་པའི་ཕྱིར་རོ། །ཆེན་པོ་གཅིག་ནི་དེ་ལྟར་འགྱུར་བ་མ་ཡིན་ཏེ། གསེར་མེད་པའི་ཕྱིར་རོ་སྙམ ་དུ་སེམས་པ་ནི། གལ་ཏེ་རྡུལ་ཕྲ་རབ་ཙམ་ཡིན་ན་ཞེས་བྱ་བའོ། །སྣང་བ་ཉིད་ལས་ཐ་དད་པ་ཕུལ་དུ་འབྱུང་བ་གཞན་ལ་སྒྲིབ་པ་ལ་སོགས་རྒྱུ་མ་ཡིན་པར་བསྟན་པ་ནི། འདིས་ནི་སྒྲིབ་བྱེད་ཅེས་བྱ་བའོ། །སྣང་བ་ཉིད་ཕུལ་དུ་བྱུང་བ་ཁོ་ནས་ཐོགས་པ་ལ་སོགས ་པའི་འབྲས་བུ་འབྱུང་ངོ་ཞེས་ཕུལ་དུ་བྱུང་བ་གཞན་མེད་ཀྱང་མཐོང་བ་ཡིན་པར་བསྟན་པ་ནི། དངུལ་ཆུ་གསེར་སོགས་ཞེས་བྱ་བ་སྟེ། དངུལ་ཆུ་གསེར་ལ་ཞུགས་པ་ནི་རྡུལ་ཕྲ་རབ་ཀྱི་བར་དུ་ཐ་དད་པ་མ་ཡིན་པའི་ཡན་ལག་ཅན་ཡིན་ལ་གསེར་ཡང་རྫས་སུ ་མ་བརྩམས་པ་ཡིན་ཏེ། རིགས་མཐུན་པ་མ་ཡིན་པའི་ཕྱིར་ཐོགས་པ་དང་བཅས་པའི་དམིགས་བྱར་མཐོང་བ་ཡིན་ཏེ། དེ་ལ་ཕུལ་དུ་བྱུང་བ་ཡོད་པའི་ཕྱིར་རོ། །དེ་བཞིན་དུ་རྡོ་བསྲེགས་བ་ཡང་ཡིན་ནོ། །དེ་འདིས་ནི་རྡོ་དང་འབར་བའི་རྫས་གཉིས་མ་ཞིག ་པ་ཐོགས་པ་དང་བཅས་པ་འདྲེས་པ་ཡིན་ཞེས་བྱ་བ་བསལ་བ་ཡིན་ནོ། །ཡན་ལག་སོ་སོ་བ་ཡིན་ནོ་ཡན་ལག་རེ་རེ་འདྲེས་པ་མ་ཡིན་ཏེ། ཁབ་ལ་སོགས་པས་བཞིན་དུ་ཡན་ལག་རྣམས་དྲུབས་པ་མ་ཡིན་པའི་ཕྱིར་ཐོགས་པ་མེད་པར་བརྗོད་དུ་གལ ་ཏེ་རྡུལ་ཕྲ་རབ་ཙམ་སོ་སོ་ནི་དབང་པོ་ལས་འདས་པ་ཡིན་ན་འདས་པ་ཇི་ལྟར་དབང་ཡུལ་ཡིན་ཞེ་ན། དབང་སོགས་སོ་སོར་ཞེས་བྱ་བ་སྟེ། དབང་པོ་ལས་འདས་པའི་དབང་པོ་ཡང་དམིགས་བྱའི་ཤེས་པ་སྐྱེད་པར་བྱེད་པ་མཐོང་བ་ཡིན་ཞེས་བྱ་བའི་དོན་ཏོ། །འོན ་ཏེ་དབང་པོ་སོགས་པ་སོ་སོར་ནུས་པ་མེད་ཀྱི་དངོས་པོ་གཞན་ཕྲད་པ་ཡོད་ན་ནུས་པར་འགྱུར་རོ་ཞེ་ན། འདིར་ཐལ་མཚུངས་ཞེས་བྱ་བ་སྟེ། ཕུལ་དུ་བྱུང་བ་མ་སྐྱེས་ན་ཕྲད་བ་ཉིད་དུ་མི་བྱེད་ལ་གཞན་ནི་དེ་རྒྱུ་མ་ཡིན་ཏེ། དེས་བྱས་པ་ཉིད་ཡིན་ན་འདིའི་ཞེས་བྱ་བའི ་འབྲེལ་བ་མེད་པའི་ཕྱིར་རོ། །དེ་དང་འདུ་བ་ལས་ཡིན་ནོ་ཞེ་ན། དེ་ཉིད་འདི་རྒྱུ་ཉིད་ཡིན་པའི་ཕྱིར་རྟོགས་པ་བཞིན་དུ་དེ་ཡང་མི་འགྱུར་རོ་ཞེས་བྱ་བའི་དོན་ཏོ། །གསེར་དང་དངུལ་ཆུ་ལ་སོགས་པ་ཕན་ཚུན་ཐ་དད་པས་རྡུལ་ཕྲ་རབ་རྣམས་ནི་འབྲས་དུ་རྩོམ་པ་མ ་ཡིན་པའི་ཕྱིར་དབང་པོ་ལས་འདས་པ་མ་ཡིན་ནམ་མངོན་སུམ་པ་ནི་དོན་གཞན་ཕྲད་པ་ཡིན་ལ་དེས་ཁས་མི་ལེན་ན་རིག་པ་མེད་པར་ཐལ་བར་འགྱུར་རོ་སྙམ་དུ་སེམས་པ་ནི། ཕྲད་པ་སྣང་བ་ཞེས་བྱ་བ་སྟེ། མཐོང་བའི་ཡུལ་ཕྲད་པ་མེད་ན་གང་ཡང ་མེད་པའི་ཕྱིར་དེ་རྣམས་ལ་དེའི་ནུས་པ་རྗེས་སུ་དཔོག་པ་ཡིན་ཏེ་དབང་པོའི་ཡུལ་ཉིད་ཀྱི་ནུས་པ་ཞེས་བྱ་བའི་དོན་ཏོ། །དབང་པོའི་ཡུལ་ཉིད་ཀྱི་ནུས་པ་མེད་ན་ཕྲད་པ་མེད་ལ་རླུང་དང་ནགས་ཕྲད་པ་བཞིན་པ་དེ་རྣམས་མངོན་སུམ་དུ་འགྱུར་བ་ཡིན་པར ་བསྟན་པ་ནི། གང་ལ་རྟོགས་ཞེས་བྱ་བ་སྟེ། མི་སྣང་བ་ཉིད་ནི་དོན་གཞན་ཕྲད་པ་ཉིད་ལ་གཏན་ཚིགས་མ་ཡིན་ནོ། །འོན་ཀྱང་དེ་རྣམས་ཀྱི་དེ་ལ་ནུས་པ་བསྐྱེད་པ་ལ་ཞེས་བྱ་བའི་དོན་ཏོ། །དངུལ་ཆུ་དང་གསེར་ལ་སོགས་པའི་ངོ་བོ་སྣང་བ་གཟུགས་དང ་རོ་ལ་སོགས་པར་སྣང་བ་ཕྲད་པ་དང་འགལ་བར་བསྟན་པ་ནི། རོ་གཟུགས་ལ་སོགས་ཕྲད་པ་འགལ་ཞེས་བྱ་བ་སྟེ། གཟུགས་ལ་སོགས་པ་དང་ལྡན་པར་སྣང་བ་ནི། ཡོངས་སུ་བརྟགས་པའི་ཕྲད་པ་དང་འགལ་བ་ཡིན་ཏེ?། དྲོ་བ་དང་གྲང་བ་ལྟ་བུའོ་ཞེས་བྱ་བའི་དོན ་ཏོ། །འོན་ཏེ་རྟེན་ལ་ཡོད་པ་དེའི་བརྟེན་པ་ཕྲད་པ་ལ་ཉེ་བར་བཏགས་པ་ཡིན་ཏེ་།ཁྲི་ལ་འདུག་པ་ལ་ཁྲིའི་སྒྲ་ལྟ་བུ་ཞེས་ཟེར་བ་ན། ཉེ་བར་བཏགས་པ་ལས་ཞེས་བྱ་བའོ། །ཁྲི་དང་དེ་ལ་འདུག་པ་ཁོ་ན་བཞིན་དུ་རྡུལ་ཕྲ་རབ་དང་དེའི་ཕྲད་པ་དག ་སོ་སོར་སྣང་བ་ཐ་དད་པར་འགྱུར་ལ་དེ་རྣམས་རྟག་ཏུ་མ་དམིགས་པ་ཡིན་ན་གཟུགས་བཞིན་དུ་དམིགས་བྱ་ཡིན་པར་ཉེ་བར་བཏགས་པ་མ་ཡིན་ནོ། །ཉ་ཕྱིས་ལ་དངུལ་བཞིན་དུ་ལྷག་པར་སྒྲོ་འདོགས་པ་ཡང་འདིས་བསལ་བ་ཡིན་ནོ། །དཀར་པོ་ལ་སེར ་པོའི་ཤེས་པའི་རིགས་པ་ཡང་ཐ་དད་པར་མཐོང་བ་མེད་ན་མི་རིགས་སོ་ཞེས་བྱ་བའི་དོན་བསྟན་པ་ནི། བློ་ཐ་དད་པར་ཞེས་བྱ་བ་སྟེ། གཟུགས་བཞིན་དུ་གཅིག་ནི་བསགས་པ་ཡིན་པའི་ཕྱིར་རྡུལ་ཕྲ་རབ་འདུས་པ་ཙམ་ཕུལ་དུ་བྱུང་བ་སྐྱེས་པའི་དབང་པོའི ་ཡུལ་ཡིན་ཞེས་བྱ་བའི་དོན་ཏོ། །གཟུགས་ལ་སོགས་པ་དང་ལྡན་པ་སྣང་བ་མིན་པའི་ཕྱིར་ཕྲད་པ་ནི། སྣང་བ་འབའ་ཞིག་མ་ཡིན་ཏེ། དེ་ལས་གཞན་པ་ཕྲེང་བ་ལ་སོགས་པའི་ཚད་ཀྱི་ཡོན་ཏན་གཞན་མཐོང་བའི་ཕྱིར་ཞེས་བྱ་བ་ལ། ཕྲེང་རིང་ཞེས་བྱ་བ ་སྨོས་ཏེ། ངེས་པ་ཅན་གྱི་ཕྱོགས་དང་ཡུལ་རྣམས་ལ་དངོས་པོ་རྣམས་མ་ཕྲད་པ་ཡིན་ཡང་ཕྲེང་ཞེས་བྱ་བ་ནི་གྲངས་མང་པོ་ཉིད་ཡིན་ཡང་ཚད་དང་ལྡན་པ་མ་ཡིན་ལ་ཉེ་བར་བཏགས་པ་ཡང་མ་ཡིན་ཏེ། ཇི་སྐད་བསྟན་པའི་རིགས་པ་ལས་སོ། །དེ་འདི་ཕྲད ་པ་ལ་སོགས་པ་ཁས་བླངས་ནས་གཟུགས་ལ་སོགས་པའི་ཡོན་ཏན་དང་འབྲེལ་བ་མེད་པས་དེ་དང་ལྡན་པའི་ཤེས་བྱ་གཞན་མིན་པར་ཡན་ལག་ཅན་སྤངས་པ་བརྗོད་ནས་ང་ནི་གཟུགས་དང་རོ་ལ་སོགས་པའི་ངེས་པ་སྣང་བས་གཞན་གྱི་སྣང་བ་གཞན ་གྱི་སྣང་བ་མེད་པ་ནི་མེད་པའི་ཐ་སྙད་དུ་བརྗོད་པ་ཡིན་ནོ། །གྲངས་དང་ཕྲད་དང་ཞེས་བྱ་བ་སྟེ། ཐག་ཉེ་བའི་དངོས་པོ་གཉིས་དང་དེའི་བརྡ་ལས་བྱུང་བའི་སྒྲ་ཡང་སྣང་བ་ཡིན་གྱི་ཕྲད་པ་གཞན་ནམ་དེའི་སྒྲ་ཡང་མ་ཡིན་ནོ། །དབང་པོའི་ཡུལ་ཉིད་ཀྱི ་ནུས་པ་ལས་ནུས་པ་གཞན་ནི་སྒྲིབ་པ་ལ་སོགས་པའི་འབྲས་བུ་ཡིན་ནོ་ཞེས་བྱ་བ་ཕ་རོལ་པོའི་གཞུང་སྤོང་བར་བྱེད་པ་བསྟན་པ་ནི། རྡུལ་ཕྲ་རབ་རྣམས་ཞེས་བྱ་བ་སྟེ། ཡན་ལག་ཅན་གྱི་ནུས་པ་གཞན་དང་འབྲེལ་བ་ནི་དེ་ཉིད་མེད་པ་སྟེ་ཡན་ལག་ཅན་གྱི ་ནུས་པ་གཞན་མེད་ནའོ། །གསེར་དང་བཅས་ཕྱིར་ཞེས་བྱ་བ་སྟེ། ཕན་ཚུན་འདྲེས་པ་ཡིན་ན་གོང་བུ་རྡུལ་ཕྲ་རབ་ཙམ་ཐལ་བར་འགྱུར་བའི་ཕྱིར་རྡུལ་ཕྲ་རབ་རྣམས་མ་འདྲེས་པ་ཡིན་པར་ཁས་བླངས་པས་རླུང་ལ་སོགས་པའི་སྒྲིབ་པར་བྱེད་པའི་སྣམ་བུ་ལ ་སོགས་སྐར་ཁུང་ལྟ་བུར་འགྱུར་རོ། །གགས་མེད་པ་ནི་ཕན་ཚུན་ནང་དུ་སྟེ་ཁུང་དུ་རླུང་ལ་སོགས་པ་འཇུག་པ་གང་དག་གིས་དེ་རྣམས་དེ་ལྟ་བུར་རོ། །གང་དག་གིས་ཡན་ལག་ཅན་སྐྱེད་པར་བྱེད་པ་ཡང་ཕུལ་དུ་བྱུང་བ་སྐྱེ་བར་མི་བྱེད་ན་མི་སྲིད་པར་བསྟན་པ་ནི། ་རེག་པ་མེད་པ་ཞེས་བྱ་བའོ། །གང་གི་ཚེ་ཡང་ཕན་ཚུན་མ་རེག་པ་ཁོ་ན་མ་མཐོང་བ་ལས་ཉེ་བར་གནས་པའི་རྡུལ་ཕྲ་རབ་རྣམས་དོན་གཞན་བཞིན་དུ་སྒྲིབ་པ་ལ་སོགས་པར་བྱེད་པ་ཡིན་ལ་དེའི་ཚེ་ཡང་སོ་སོ་ཡིན་པ་ནི་ཆད་པའི་ཕུབ་མ་གཏོར་བ་བཞིན་དུ་མི ་འགྱུར་བ་ཁོ་ནར་བསྟན་པ་ནི། རྡུལ་ཕྲན་རྣམས་ནི་འདྲེས་མིན་ཡང་ཞེས་བྱ་བ་སྟེ། མཐོང་བ་འདི་ཡང་ཐག་རིང་བའི་རྒྱུ་མཚན་གྱིས་སོ་སོ་བ་ཉིད་མི་འཛིན་གྱི་བར་མཚམས་མེད་བར་སྣང་བར་བསྟན་པ་ན། ཇི་ལྟར་བར་མཚམས་དང་བཅས་པ་ཞེས་བྱ ་བ་སྟེ། རབ་རིབ་ཅན་གྱི་སྐྲག་ཉག་རེ་རེ་མི་འཛིན་ཡང་འདུས་པ་མི་འཛིན་པ་ནི་མ་ཡིན་ནོ། །དེ་བཞིན་དུ་རྡུལ་ཕྲ་རབ་ཀྱང་མི་སྣང་བ་ཁོ་ན་སྣང་བར་འགྱུར་ཞེས་རྒོལ་བས་གནོད་པ་ཡང་མ་ཡིན་ལ་དབང་པོ་རྣམས་ཡུལ་མ་ཡིན་པ་ལ་འཇུག་པའི་སྐྱོན ་ཡང་མེད་དོ། །རབ་རིབ་ཅན་ལ་ནི་སྐྲ་རྣམས་དབང་པོའི་ཡུལ་ཉིད་དུ་དགོས་པ་ཅན་མ་ཡིན་ནོ། །རྡུལ་ཕྲ་རབ་ཀྱང་རྣལ་འབྱོར་པའི་དབང་པོའི་ཡིན་ཞེས་ཚིག་ཡོད་པའི་ཕྱིར་རོ། །དེའི་ཕྱིར་གང་གིས་འདུས་པ་འཛིན་པ་ངེས་གཅིག་འཛིན་པ་མ་ཡིན་ཞེས་ ་བྱ་བའི་དགོས་པ་ཅན་པ་ཡིན་ནོ། །རྡུལ་ཕྲ་རབ་ཀྱི་ཚོགས་ལ་བརྟེན་ནས་ཡན་ལག་ཅན་ལ་འདུས་པའི་མཚན་ཉིད་དུ་སྒྲུབ་པ་ནི། དེ་ལ་གནོད་པའི་རྒྱུ་མཚན་མ་ཡིན་ཞེ་ན། བྱ་བ་དང་འགལ་པའི་ཕྱིར་སུན་འདོན་པ་མ་ཡིན་པ་མ་ཡིན་ནམ། རགས ་པ་གཞན་དུ་མི་འཐད་པས་རྟོག་བཞིན་པ་ནི་དེ་ཉིད་ལ་གནོད་པར་བྱེད་པ་མ་ཡིན་ཏེ། དེ་མེད་ན་རང་ཉིད་མེད་པའི་ཕྱིར་རོ། །རགས་པ་རྒྱ་ཆེ་བ་ཡིན་གྱི་གཅིག་ནི་རྒྱ་ཆེ་བ་མ་ཡིན་པ་མ་ཡིན་ནམ། ཡུལ་སྣ་ཚོགས་པ་ལ་ཕན་ཚུན་རྗེས་སུ་འཇུག་པ་ནི་གཅིག ་མ་ཡིན་ནོ། །དེ་ལྟར་འགའ་ཡང་རྟོག་པར་བྱེད་པ་ཡང་མ་ཡིན་ཏེ་སོ་སོར་སྣང་བ་ཉིད་དེ་ལྟ་བུའི་རྣམ་པ་ཡིན་པའི་ཕྱིར་རོ། །དེས་ན་འཇིག་པ་ནི་བློ་ལ་བརྟེན་པའི་ཕྱིར་མི་རིགས་ཏེ། རྡུལ་ཕྲ་རབ་རྣམས་ཁོ་ན་སྣང་བའི་ཕྱིར། མི་སྣང་ན་དེ་ལ་འདུ་བ་ཅན་གྱི་རྫས ་སྣང་བ་ཡིན་པར་ཅི་ལས་ཡིན། ཡན་ལག་འཛིན་པ་མ་ཡིན་ཏེ། མི་གསལ་བའི་སྣང་བ་ལ་ཡང་ཆུ་སྐྱར་དུ་འཛིན་པ་ལ་རྒྱ་ཆེ་བ་དམིགས་པས་ཡན་ལག་རྣམས་འཛིན་པའི་ཕྱིར་རོ། །དེས་ན་མཛའ་ཨི་སྣང་བ་ལ་ཡང་ཡན་ལག་སྣང་བ་ཉིད་ཡིན་པའི ་ཕྱིར་རྡུལ་ཕྲ་རབ་རྣམས་ཇི་ལྟར་དབང་པོ་ལས་འདས་པ་ཡིན་ཏེ་སྣང་བ་བཞིན་དུ་དེ་ཡན་ལག་རྣམས་ཀྱང་སྣང་བ་ཁོ་ནའི་ཕྱིར་དབྱེ་བྱ་ཡིན་ནོ། །དེ་ལྟ་མ་ཡིན་ཏེ། དེ་ལ་ཡང་ཡན་ལག་ཡོད་ན་སྣང་བ་ཉིད་དུ་ཐལ་བར་འགྱུར་རོ། །མི་སྣང་བ་ཉིད་ཡིན ་ཡང་དབྱེར་ཉིད་དུ་མ་རྟོགས་པའི་ཕྱིར་དེ་ཁོ་ན་རྡུལ་ཕྲ་རབ་རྣམས་ཀྱང་དབང་པོའི་ཡུལ་ཉིད་ཡིན་པ་མ་ཉམས་པ་ཡིན་ནོ། །གསེད་མེད་པའི་ཤེས་པ་བཞིན་དུ་གསེད་མེད་པའི་འབྲས་བུ་སྒྲེལ་པ་ལ་སོགས་པའི་འབྲས་བུ་འདི་ཉིད་ཀྱི་ཡིན་པར་བསྟན ་པ་ནི། དེ་བཞིན་དུ་འབྲས་བུ་གཞན་ཡང་ཞེས་བྱ་བ་སྨོས་ཏེ། རྡུལ་ཕྲ་རབ་རྣམས་ཀྱང་ཕྲ་བ་ཉིད་ཀྱིས་དབྱེ་བ་མ་ངེས་པས་དེ་ལྟར་སྣང་བ་ནི་ཐམས་ཅད་ཡུལ་གཅིག་ལ་འདྲེས་ན་གོང་བུ་རྡུལ་ཕྲ་རབ་ཙམ་དུ་ཐལ་བར་འགྱུར་བ་དང། རྡུལ་ཕྲ་རབ་ཆ ་ཤས་ཙམ་དུ་ཐལ་བར་འགྱུར་བར་རྟོགས་པ་ཡིན་པར་བསྟན་པ་ནི། འདི་ལ་ཡང་ཞེས་བྱ་བ་སྟེ། བུ་ག་ཅན་རྣམས་ཀྱི་རྒྱུ་མཚན་གྱི་དབང་གིས་བུ་ག་མེད་པར་མཐོང་བ་མ་ཡིན་གྱི་སྒྲིབ་པ་ལ་སོགས་པ་འབྲས་བུ་ཡང་མཐོང་བ་ཡིན་པར་བསྟན་པ་ནི། ་དཔེར་ན་ཞེས་བྱ་བ་སྟེ། ཡན་ལག་ཅན་མེད་ཀྱང་གཉི་གས་དངུལ་ཆུ་དང་གསེར་ལ་སོགས་པ་སྒྲིབ་པ་ལ་སོགས་པ་བྱེད་པར་མཐོང་བར་བསྟན་པ་ནི། ཡང་ན་ཞེས་བྱ་བའོ། །གལ་ཏེ་མ་མཐོང་བའི་དབང་གི་རྡུལ་ཕྲ་རབ་འདུས་པ་ནི་མ་འབྱར་བ་ཡིན་ཡང་སོ་སོ ་བ་མ་ཡིན་ན། ཕུབ་མ་ཕྱེ་མ་ཆད?་བ་ལ་སོགས་པས་འཕངས་པ་ཡང་ཇི་ཉིད་དུ་འགྱུར་རོ། །འདི་ལ་བརྗོད་པ་ནི། རྟོགས་པ་ལ་སོགས་པ་ཞེས་བྱ་བ་སྟེ། མ་མཐོང་བས་སྦྱར་བའི་རྡུལ་ཕྲ་རབ་རྣམས་ཇི་ལྟར་མ་ཐོར་བ་ཁོ་ནར་རིགས་པ་ཡིན་ནོ་ཞེས་བྱ་བའི་དོན ་ཏོ། །གཏོར་བ་དང་ཅིག་ཤོས་ལ་སོགས་པའི་འབྲས་བུ་སྣ་ཚོགས་པ་ཅན་ཉིད་ཁོ་ན་རྟོགས་པ་ཡིན་པར་བསྟན་པ་ནི། ཇི་ལྟར་གཟུགས་ལ་སོགས་པ་ཞེས་བྱ་བའོ། །རྟེན་ཏེ་རྟེན་དང་ཕྲད་པ་ལས་དབང་པོ་ཕྲད་པར་རྟོགས་པ་ནི་མ་ཡིན་ནོ། །འོན་ཀྱང ་ཕྲད་བ་ཁོ་ན་ལས་ཡིན་ནོ། །འདི་ལ་བརྗོད་པ་ནི་འོ་ན་རྟེན་མཐོང་བ་མེད་པར་ཞེས་བྱ་བའོ། །རྫས་དང་དབང་པོ་དང་དངུལ་ཆུ་དང་གསེར་དོག་གི་ཕྲད་པ་ནི་ཕྲད་པ་མ་ཡིན་ཏེ། གང་གི་ཕྱིར་རྫས་དང་ཡོན་ཏན་དག་ལ་འདིར་རྟོག་པ་ནི་མ་ཡིན་ནོ། །དེ་ལྟ་ཡིན་ན ་ཁས་བླངས་པ་ཡིན་པར་བསྟན་པ་ནི། དེའི་ཚེ་ཞེས་བྱ་བ་སྟེ། རྒྱུ་མ་ཡིན་པ་ནི་འདུ་བ་ཅན་གྱི་རྒྱུ་མ་ཡིན་པའོ། །དབང་པོ་དང་ལྡན་པའི་རྡུལ་ཕྲ་རབ་རྣམས་ལ་འདུ་བ་ལས་ཕྲད་བ་འཛིན་པ་ཡིན་ན། དེའི་ཁྱད་པར་དང་ལྡན་པའི་རྡུལ་ཕྲ་རབ་རྣམས་སྣང་བ ་འམ་འབྲས་བུ་གཞན་བྱེད་པར་འགྱུར་པའི་ཕྱིར་ཡན་ལག་ནི་རྟོགས་པའི་ཡུལ་མ་ཡིན་པར་བསྟན་པ་ནི། དེ་ལྟ་ན་ནིའོ་ན་ཞེས་བྱ་བའོ། །ལྡན་པའི་འདུ་བ་འཛིན་པར་བྱེད་པ་ཉིད་ཡིན་ན། ཕྲ་བའི་ཡན་ལག་གི་ཕྲད་པ་ཡང་འཛིན་པར་འགྱུར་པ་ཡིན་པར ་བསྟན་པ་ནི། ཕྲད་བ་ཐམས་ཅད་ཅེས་བྱ་བའོ། །ཐག་རིང་བ་ལ་ཡང་རགས་པ་མཐོང་བའི་རྗེས་སུ་དཔོག་པ་ནི་དབང་པོ་དང་ཕྲད་པ་ཡིན་པར་བསྟན་པ་ནི། མ་ཡིན་ཏེ་རགས་པ་རྣམས་ཀྱང་ཞེས་བྱ་བའོ། །རྒྱུ་མཚན་གྱི་རྒྱུ་ཉིད་ཁས་བླང ་བ་དང་འགལ་བ་སེལ་བར་བྱེད་པ་ནི། འོན་ཏེ་ཕྲད་པ་ཞེས་བྱ་བ་སྟེ། དབང་པོ་དང་ཕྲད་པ་ལ་དངུལ་ཆུ་དང་གསེར་ཕྲད་པའི་རྒྱུ་མཚན་ཡིན་པ་དེ་ཅི་ལས་ཡིན་པ་བསམས་ན། གཞན་མེད་པས་དེ་ཁོ་ན་ཡིན་པའི་ཕྱིར་དེ་ཉིད་སྐྱོན་ཡིན་པར་བསྟན་པ་མ་ཡིན་ཏེ། ་འདུ་བ་ནི་འདི་ལའོ་ཞེས་བྱ་བའོ། །གལ་ཏེ་འབྲས་བུ་རྫས་ཡོད་པ་ཡིན་ན། དེ་དང་དབང་པོའི་དངོས་སུ་འབྲེལ་པ་ཡིན་པས་བརྒྱུད་པའི་ལྡན་པ་འདུ་བར་རྟོགས་པ་ལ་དོན་མེད་དོ། །དེ་ལྟ་ཡིན་ན་དེ་བཞིན་རྡུལ་ཕྲ་རབ་ཕྲད་བ་ཡོད་ན་ཡན་ལག་ཅན་དུ་བརྟགས ་པ་དེས་ཅི་ཞིག་བྱ། དེ་རྣམས་ཁོ་ན་ཕྲད་པའི་ཁྱད་པར་དང་ལྡན་པའི་མངོན་སུམ་པ་རྣམས་སུ་འགྱུར་རོ་ཞེས་ཟེར་བ་ནི། འོན་ཏེ་འབྲས་བུའི་རྫས་ཞེས་བྱ་བ་སྟེ། བཟློག་པ་ལ་ཡང་ཞེས་བྱ་བ་ནི་རྡུལ་ཕྲ་རབ་རྣམས་མེད་ན་ཡང་ཡན་ལག་ཅན་ཏུ་རྟོག་པ ་ཡིན་ཏེ། རྣམ་པར་དབྱེ་པའི་རྒྱུ་མེད་ཅེས་བྱ་བའི་དོན་ཏོ། །གང་ཡང་ཡན་ལག་ཅན་ཡོད་པ་ཡིན་ན་རྡུལ་ཕྲ་རབ་དང་ཕྲད་པ་དབང་པོ་ལ་མི་སྲིད་དོ་ཞེས་བྱ་བ་དེ་མི་རིགས་ཏེ། ཡན་ལག་ཅན་དང་ཕྲད་པ་ལ་ཡང་དེ་རྣམས་དང་ཡུལ་ཐ་མི་དད་པ ་ཉིད་ཀྱིས་དེ་ཡོད་པའི་ཕྱིར་རོ་ཞེས་བསྟན་པ་ནི། ཡན་ལག་ཅན་དང་ཕྲད་པ་ནི་ཞེས་བྱ་བ་སྟེ། ཡན་ལག་ཅན་དང་ཕྲད་པར་སྨྲ་བས་ཀྱང་རྡུལ་ཕྲ་རབ་དང་ཕྲད་པར་དགག་པར་བྱེད་པ་མ་ཡིན་ནོ། །དེའི་ཕྱིར་ལྡན་པའི་འདུ་བ་ཁོ་ན་འཛིན་པའི་རྒྱུ་མ་ཡིན ་ནོ། །དྲུག་པོ་འབྱར་བ་ཡིན་པའི་ཕྱིར་ཡན་ལག་ཅན་བཞིན་དུ་རྡུལ་ཕྲ་རབ་དང་ཕྲད་པས་ཀྱང་དབང་པོ་དང་ཕྲད་པ་ཡིན་དུ་ཆུག་ཀྱང་མཐོང་བ་ལ་མི་ཟད་པ་ལུང་ལས་སམ་གཞན་ལས་ཀྱང་མ་ཡིན་པར་བསྟན་པ་ནི། ཡོད་ན་རྟོགས་པའི་ཞེས་བྱ ་བ་སྟེ། ཕྲད་པ་ལ་ཡང་དབང་པོའི་ཕྲད་བས་རོ་དང་གཟུགས་ལ་སོགས་པ་རྣམས་ཀྱང་དེའི་ལྡན་པའི་འདུ་བ་ལས་དམིགས་བྱར་འགྱུར་རོ། །དེ་མ་མཐོང་ན་དེ་རྣམས་ལ་དབང་པོ་དང་ཕྲད་པ་མེད་པའི་ཕྱིར་དེ་རྣམས་ལྡན་པའི་འདུ་བ་ལས་འཛིན་པ་མི་འགྱུར ་རོ། །དེ་བསྟན་བ་ནི་གཞན་ཡང་ཞེས་བྱ་བའོ། །བློ་ཐ་དད་བར་ཞེས་བྱ་བ་ནི་དེ་ཡོད་པ་དང་མེད་པ་དག་གིས་སོ་སོར་སྣང་བ་ཐ་དད་པའོ། །གཞན་གྱི་ནི་དེ་ལས་གཞན་པ་ལ་ཉེ་བར་བཏགས་པ་ཡང་དེ་ཁོ་ན་བཞིན་དུ་འགྱུར་གྱི་གཞན་དུ་ནི་མ་ཡིན་ནོ། །གཞན་དུ ་ཡང་སྣང་བར་བསྟན་པ་ནི། གཟུགས་སམ་རོ་གང་ཡིན་པ་དེ་ཉིད་ཅེས་བྱ་བའོ། །གལ་ཏེ་ཤིན་ཏུ་འདྲེས་པ་ནི་སྣ་ཚོགས་པར་མཚོན་པ་ཉིད་ལ་གཞན་དུ་རྟོགས་པ་ཡིན་ན་རྡུལ་ཕྲ་རབ་རྣམས་ཁོ་ན་ཕྲ་བ་ཡིན་པའི་ཕྱིར་དེ་ལྟ་འགྱུར་རོ་ཞེས་བསྟན་པ་ནི། ད་ལྟ ་ནི་འོ་ན་ཞེས་བྱ་བ་སྟེ། རྡུལ་ཕྲ་རབ་རྣམས་དངར་བའི་ཁྱད་པར་ལས་ཕྲེད་ལ་སོགས་ལ་དེ་ལྟར་རྟོགས་པའི་རྒྱུ་ཉིད་མཐོང་བ་ཡང་ཡིན་ཏེ་གཞན་མེད་པའི་ཕྱིར་རོ་ཞེས་བསྟན་པ་ནི། གལ་ཏེ་རྡུལ་ཕྲ་རབ་ཅེས་བྱ་བའོ། །དངར་བ་ཞེས་བྱ་བ་འདིའི་བཤད་པ ་ནི། དངར་བའི་ཁྱད་པར་ཙམ་ཉིད་ཀྱི་ཞེས་བྱ་བའོ། །དེས་ན་དེ་ལྟའི་ཞེས་བྱ་བའི་བཤད་པ་ནི། དེ་བ་ཉིད་དུ་ཞེས་བྱ་བ་ལ་སོགས་པའོ། །རྩོད་པ་ནི་རབ་ཏུ་རྩོད་པའོ། །གཞི་ནི་གང་གི་ཡན་ལག་ཅན་གྱི་ཡུལ་དུ་མངོན་པར་འདོད་པ་དངར་བ་ཙམ་ཉིད་ལ ་རབ་ཏུ་རྩོད་པ་ཙམ་དུ་རྟོགས་པ་ཉིད་ཀྱིས་མངོན་སུམ་ལ་སོགས་པ་རྩ་བ་མེད་པ་ཉིད་གཏན་ཚིགས་སུ་བརྗོད་པ་ཡིན་ལ་དེའི་ཕྱིར་དེ་བཞིན་དུ་ཕྲད་པར་ཁས་བླངས་པས་དེ་དང་དེར་བསྟན་ནས་ང་ནི་ཕྲད་པ་ཉིད་དེ་ལ་རུང་བར་མངོན་པར་འདོད་པ་དང་ཐ་དད ་པས་མ་དམིགས་པར་བསྟན་པ་ནི། གང་ཡང་བརྗོད་བ་ཞེས་བྱ་བ་ནི། ཕྲད་ལས་ཤེ་ན་འདིར་ཐལ་མཚུངས་ཞེས་བྱ་བ་དར་རོ། །ཕྲད་བ་ཅན་འབའ་ཞིག་ནི་ཉེ་བ་ཉིད་ཀྱིས་ཕྲད་བ་ཅན་གྱི་ཤེས་པའི་ཡུལ་ཁོ་ན་ཡིན་ནོ། །གནོད་པ་མེད་པའི་རྣམ་རྟོག ་གི་བློ་ནི་ཐ་དད་པའི་ཡུལ་ཅན་ཡིན་ལ་དེའི་ཕྱིར་མངོན་སུམ་ཡང་ཐ་དད་པར་འཛིན་པ་ཡིན་ནོ། །གང་གི་ཕྱིར་དེ་ནི་གཞན་དུ་མཐོང་བ་ལས་སྐྱེས་པ་མ་ཡིན་ལ་དེས་མ་སྐྱེད་པ་ནི་དེ་ལྟ་ཡིན་ཡང་འདི་ཡང་དེ་ལྟར་འགྱུར་བ་ནི་མ་ཡིན་ནོ་སྙམ་དུ་སེམས ་པ་ལ་དངོས་པོའི་གནས་སྐབས་ཀྱི་ཁྱད་པར་མཐོང་བ་ལས་སྐྱེས་པའི་ཕྱིར་དེ་དངོས་པོའི་དབྱེ་བའི་འཕེན་བྱེད་མ་ཡིན་ནོ་ཞེས་བྱ་བའི་དོན་འདི་སྒྲོ་ཞེས་དངོས་པོ་ཞེས་བྱ་བ་འདིའི་རྟོགས་བྱ་བསྟན་པ་ནི། ལྡན་པ་ཡིན་ནོ་ཞེས་བློས་བཟུང་བ་ཞེས་བྱ་བའོ། །གནས་སྐབས ་ཀྱི་ཁྱད་པར་བསྟན་པ་ནི། དེར་ནི་ཉེ་བར་སྐྱེས་གྱུར་པ་ཞེས་བྱ་བའོ། །གནས་སྐབས་དེ་མ་གཏོགས་པར་དེ་འབྱུང་ན་དེ་དང་ལྡན་པ་བཞིན་དུ་སོ་སོར་སྣང་བར་འགྱུར་བར་བསྟན་པ་ནི། ཇི་ལྟར་དོན་དེ་མདུན་གནས་པ་ཞེས་བྱ་བའོ། །གནས་སྐབས་ཀྱི་ཁྱད་པར་ཡང་དེ་མ ་གཏོགས་པར་མེད་པར་བསྟན་པ་ནི། རྗེས་འགྲོའི་ལྡོག་པ་དག་ལས་ནི་ཞེས་བྱ་བའོ། །རྗེས་སུ་འགྲོ་བ་དང་ལྡོག་པ་ཉིད་བསྟན་པ་ནི་འབའ་ཞིག་པ་ཞེས་བྱ་བའོ། །འབྱོར་བ་ལས་མ་འབྱོར་བ་གཞན་ཉིད་ཡིན་པར་མངོན་སུམ་གྱིས་རྟོགས་པ་མ་ཡིན་ནམ། དེ་ཡང ་གནས་སྐབས་ཡིན་ལ་དེ་མངོན་སུམ་པ་ཡིན་པར་ཁོ་ནར་བསྟན་པ་ནི། མངོན་སུམ་གྱིས་ཞེས་བྱ་བ་སྟེ། དངོས་པོ་གཞན་ཁོ་ན་མངོན་སུམ་གྱི་རྟོགས་པ་ཡིན་གྱི། གནས་སྐབས་གཞན་ནི་མ་ཡིན་ནོ་ཞེ་ན། དངོས་པོ་ཉིད་གནས་སྐབས་གཞན་དང ་ཕྲད་བ་ཡང་ཡིན་པར་བརྗོད་པ་ཡིན་ནོ། །དེ་ཉིད་ཀྱི་ཕྱིར་ཞེས་བྱ་བ་འདི། གཅིག་ཉིད་དང་ཕྲད་པ་ལ་སོགས་པ་ཅན་ཕྱི་རོལ་གྱི་བསྡུས་པ་ལས་ལྡོག་པའི་ནུས་པ་ཅན་ཉེ་བ་དད་བསྐྱེད་པ་ཡང་བོར་ནས་གཞན་ནི་མ་ཡིན་ནོ། །དེ་ཡང་རང་དབང་དུ་རྣམ་རྟོག་གི ་ཤེས་པས་འཛིན་པ་མ་ཡིན་ཏེ། འོ་ན་ཅི་ཞེ་ན། རྣམ་པར་རྟོག་པའི་དོན་ཡིན་ནོ། །ཇི་ལྟར་ཡིན་ཞེ་ན། རྣམ་རྟོག་གིས་ཏེ་ཐ་དད་པས་སོ། །དངོས་པོ་ཐ་དད་པ་ནི་མེད་པ་ཉེ་བ་ལས་ལྡོག་པ་ནི་དངོས་པོའི་རྗེས་སུ་འབྲང་བས་ཞེས་བྱ་བས་ནི་རྣམ་པ་འདིས་སོ། ་རྣམ་རྟོག་གི་དོན་ལ་ཡང་དེ་ལྟར་ཡིན་ནོ། །བག་ཆགས་ལས་དངོས་པོ་ཐ་དད་པའི་རྗེས་སུ་འབྲང་བའི་ཕྱིར་ཐ་དད་པར་རྣམ་པར་བརྟགས་པའི་དོན་ལ་རྣམ་རྟོག་གི་ཤེས་པ་ཡིན་གྱི་ཕྱི་རོལ་གྱི་དབྱེ་བ་རྣམ་པར་འཇོག་པར་བྱེད་པ་ནི་མ་ཡིན་ལ་གཟུགས་གཅིག་དང་རོ་གཅིག་ཅེས ་བྱ་བ་ལྟ་བུ་ལ་དང་རྫ་མ་ཆག་གོ་ཞེས་མྱ་ངན་བྱེད་པ་དང། མི་སྐྱེས་པའི་བུ་རྣམས་རྒན་པོར་གྱུར་པ་བཞིན་དུ་ཡང་མཐོང་བ་ཡིན་ནོ་ཞེས་བསྟན་པ་ནི། ཡོན་ཏན་ལ་སོགས་པ་ལ་འམ་ཞེས་བྱ་བའོ། །དངོས་པོ་ལ་མེད་ཀྱང་རྣམ་རྟོག་གི་ཐ་དད་པར་མཐོང་བར ་བྱེད་པར་བསྟན་པ་ནི། སྒྲ་དང་ཤེས་པ་ཞེས་བྱ་བ་ནས་གནས་པར་འགྱུར་བ་མ་ཡིན་ནོ་ཞེས་བྱ་བའི་བར་དུའོ། །གལ་ཏེ་བག་ཆགས་ཀྱི་དབང་གིས་དེ་ལྟ་བུའི་རྣམ་པར་རྟོག་པ་དོན་གྱི་ཡུལ་ལ་མ་ཡིན་ན་འོན་ཏེ་དེ་ལྟ་ན། ཇི་ལྟར་དོན་མཆོག་ཏུ་འཛིན་པ་ཡིན ་བྲལ་བ་དང་མ་བྲལ་བ་ལ་ཡང་དེ་ཉིད་དེ་ལ་མེད་ཀྱང་དེ་ཁོ་ན་བྲལ་བ་དེ་ལ་ཡོད་ཀྱང་མེད་པ་ཡིན་ལ་ཞེས་རྗེས་སུ་འགྲོ་བ་དང་ལྡོག་པས་གཟུང་བ་ཡིན་ལ་ཐ་དད་པའི་ཤེས་པ་དེ་ལྟ་བུའི་བག་ཆགས་ལས་བྱུང་བ་ནི་དེ་ལྟར་གྱུར་པ་མ་ཡིན་པའི་དོན་ཉིད་དེ ་ལྟ་བུ་བྱེད་པ་ཡིན་པར་བསྟན་པ་ནི། དེ་ལ་རྗེས་སུ་འགྲོ་བ་དང་ལྡོག་པས་ཞེས་བྱ་བའོ། །རྣམ་པར་རྟོག་པ་ནི་དེ་ལྟ་བུར་གྱུར་པ་མ་ཡིན་པའི་དངོས་པོ་ཁོ་ན་དེ་ལྟ་བུར་མངོན་པར་འདོད་པ་ཡིན་པར་བསྟན་པ་ནི། བརྟགས་པ་ཉིད་ཅེས་བྱ་བའོ། །རྣམ་པར་བརྟགས ་པ་ཉིད་ནི་དོན་མ་ཡིན་ལ་སྐད་ཅིག་མ་དང་སྐད་ཅིག་མ་མ་ཡིན་པ་ཉིད་ལ་སོགས་པའི་ཐ་དད་པར་འཛིན་པའི་དབྱེ་བས་དངོས་པོ་ཡོད་ན་ཡུལ་གྱི་རྣམ་པར་དབྱེ་བས་འཇུག་པ་དང་ལྡོག་པ་དག་ཏུ་མི་འགྱུར་བར་བསྟན་པ་ནི། རྣམ་པར་རྟོག་པའི་དོན་ཐ་དད ་པ་ནི་ཞེས་བྱ་བ་སྟེ། རྗེས་སུ་འགྲོ་བ་དང་ལྡོག་པ་དག་གི་བག་ཆགས་གང་ཡིན་པ་དེ་ལས་རྣམ་པར་རྟོག་པ་ཡིན་ལ་དེའི་ཡུལ་ཡང་སྒྲ་ཡིན་ནོ། །གལ་ཏེ་ལྡོག་པ་ཡང་དངོས་པོ་ལས་གཞན་པ་ཡིན་ན་དེ་ལ་དམིགས་པའི་རྣམ་པར་རྟོགས་པ་ཡང་ཐ་དད་པ ་ཁོ་ནས་དམིགས་པར་འགྱུར་ཞེས་བྱ་བ་འདི་ལ་ལྡོག་པ་ཡང་ལོག་པ་ལས་ཞེས་བྱ་བ་སྨོས་ཏེ། དེ་ཉིད་ནི་གསེང་གི་དབྱེ་བ་བསྡུས་པ་མ་ཡིན་པ་དང། མི་ལྡན་པ་ལས་ལྡོག་པ་ནི་བསྡུས་པ་དང་ཅིག་ཤོས་ཀྱང་དེ་ཉིད་ཡིན་པའི་ཕྱིར་མི ་ལྡན་པ་ལས་ཐ་དད་པ་ལས་རྣམ་རོག་གི་ཡུལ་ཡིན་ནོ། །དེ་བཞིན་དུ་མི་ལྡན་པ་དང་ཅིག་ཤོས་ལ་ཡང་སྦྱར་བར་བྱའོ། ཞེས་འཇུག་སྡུད་པར་བྱེད་པ་ནི། དེ་ལས་ཀྱང་ཞེས་བྱ་བའོ། །གཟུགས་གཅིག་རོ་གཅིག་ཅེས་པ་ལས་བཟློག་པ་ནི་རྫས་ཀྱི་ཐུན་མོང ་བ་ཉིད་དམིགས་ནས་དེའི་ཡོན་ཏན་གྲངས་སུ་ཉེ་བར་བཏགས་པ་མ་ཡིན་ནམ། དེ་བཞིན་དུ་རྫ་མི་ཆག་པ་རྗེས་སུ་དྲན་པས་གཟུང་བ་ཡིན་ན། མྱ་ངན་ནི་ལས་ཡིན་པས་ཉེ་བར་བཏགས་པ་ཡིན་ནོ། །ངེས་པར་བཏགས་པས་གཟུང་བའི་བུ་ལ་ནི་རྒས་པ་བྱེད་པ ་བོ་ཉིད་ཡིན་ནོ། །དེ་བལྟན་པ་ནི། གལ་ཏེ་འདིར་ནི་བཏགས་འདོད་ན་ཞེས་བྱ་བའོ། །དེ་ལྟ་ཡིན་ན་བསྡུས་པ་ལས་ལྡོག་པ་ལས་གཅིག་ཉིད་ཡིན་པ་ནི། གཞན་མ་དམིགས་པའི་ཕྱིར་ཡིན་ལ་གཉིས་ནི་མ་ཡིན་ནོ། །དེ་ལྟ་ཡིན་ན། བསྡུས་པ་ལས་ལྡོག་པ ་ཡིན་པས་གཅིག་ཉིད་དུ་ངེས་པར་འགྱུར་ཏེ། འདི་ནི་དེ་ཙམ་ཡིན་པའི་ཕྱིར་གསུམ་ཉིད་དམ་གཅིག་ཉིད་དག་ཏུ་ཐེ་ཚོམ་ཟ་བར་མི་འགྱུར་རོ། །དེ་ལྟ་མ་ཡིན་ཏེ། བསྡུས་པ་ལྡོག་པ་ཙམ་གཅིག་ཉིད་ཡིན་ལ་དེའི་ཁྱད་པར་ལྡོག་པ་ནི་མ་ཡིན་ནོ། །གཉིས་མ ་ཡིན་ཞེས་བྱ་བ་འདི་ཡང་ཁྱད་པར་ལྡོག་པ་ཡིན་པ་ནི། གསུམ་ཉིད་ལ་སོགས་པའི་བསྡུས་པ་གཞན་དང་ཐུན་མོང་བ་ཡིན་ནོ། །དེའི་ཕྱིར་ཐེ་ཚོམ་ནི་ཡོན་ཏན་ནམ་གཞན་ཡང་རུང་བ་ལྡོག་པར་བྱེད་པ་མ་ཡིན་པར་བསྟན་པ་ནི། དེ་འདོད་པ་ཞེས ་བྱ་བ་སྟེ། ཞིག་པ་དང་མ་སྐྱེས་པ་དག་བཞིན་དུ་ངེས་པར་རྟོག་པ་དང་རྗེས་སུ་དྲན་པ་དག་།གིས་བཟུང་བའི་དངོས་པོ་ཐམས་ཅད་ལ་སྒྲ་དང་ཤེས་པ་ནི་ཆོས་ཅན་ཡོད་ཀྱང་བསྡུས་པ་ལྡོག་པ་ལ་སོགས་པ་རྒྱུ་མཚན་ཡིན་ཏེ། གཟུགས་ལ ་སོགས་པ་བཞིན་དུ་རྫས?་ཡང་གཅིག་ཉིད་དུ་འཛིན་པར་བྱེད་ཅེས་བྱ་བའི་དོན་ཏོ། །རྒྱུ་མཚན་གང་གིས་ཞེས་བྱ་བ་ནི་ཞིག་པ་དང་མ་སྐྱེས་པའི་བུམ་པ་དང། བུ་ལ་སོགས་པ་རྣམས་ལ་ངེས་པར་རྟོག་པ་དང་རྗེས་སུ་དྲན་པས་གཟུང་བ་ཉིད་ནི་ཉེ་བར་གདགས ་པའི་རྒྱུ་མཚན་ཡིན་ནོ། །ཉེ་བར་བཏགས་པ་སྟེ་དེ་ཉིད་ཡིན་པར་སྒྲོ་བཏགས་པ་ནི། སྒྲ་དང་ཤེས་པའི་རྒྱུ་ཡིན་གྱི་ཤེས་པ་དེ་ལས་གཞན་སྒྲོ་འདོགས་པ་མ་ཡིན་ཏེ། དེ་དང་འདྲ་བ་ཉིད་འབའ་ཞིག་ལས་དེ་ཉིད་ལ་སྒྲོ་འདོགས་པ་ཡིན་ལ་དེ་ཤེས་པའི་ངོ་བོ་དང་དེའི ་རྗེས་སུ་འབྲང་བ་བྱེད་པ་ཡང་དེའི་སྒྲ་ཡིན་ནོ། །དེ་བཞིན་དུ་གཟུགས་ལ་སོགས་པ་རྣམས་ལ་ཡང་བསྡུས་པ་ལས་བཟློག་པའི་རྒྱུ་མཚན་ལས་གཅིག་ཉིད་དུ་སྒྲོ་འདོགས་པ་དང་དེའི་སྒྲ་ཡིན་ནོ། །དེ་ཉིད་དུ་སྒྲོ་འདོགས་པ་དང་དེའི་ཤེས་པ་དག་ལ་ཐ་དད ་པ་མེད་ཀྱང་ཐ་དད་པར་བརྗོད་པར་སྦྱར་བར་བྱའོ། །དེ་ཉིད་ཅེས་བྱ་བ་ནི་དེ་རྒྱུ་མཚན་ཉིད་དུ་ཉེ་བར་བཏགས་པ་དེ་དག་གི་རྒྱུ་ཡིན་ཞེས་བཤད་པ་ནི། གལ་ཏེ་ཞིག་པ་དང་མ་སྐྱེས་པ་དག་ལ་ཞེས་བྱ་བའོ། །གཞན་དག་ནི་གང་གི་སྒྲར་བསྟན་པའི་རྒྱུ་མཚན་ཁོ་ན་དེ ་ཉིད་ཡིན་ཞེས་མཆོག་ཏུ་འཛིན་པར་བྱེད་དེ་རྒྱུ་ནི་རྟགས་སུ་བཟུང་ནས་དེ་རྗེས་སུ་དཔག་པའི་ཡུལ་ཡིན་ནོ་ཞེས་བྱ་བ་བཞིན་ནམ། ཕོ་རྟགས་ཉིད་ཡིན་ལ་རྒྱུ་ནི་རྒྱུ་མཚན་ཁོ་ན་ཡིན་ནོ། །ཞིག་པ་ལ་སོགས་པ་རྣམས་ལ་དེའི་སྒྲ་དང་ཤེས་པ་དག་ཏུ་ཉེ་བ ་བཏགས་པ་ཡིན་ལ་གང་ཞིག་དེ་ལ་དེའི་རྒྱུ་མཚན་ཡིན་པ་དེ་ཁོ་ན་ཐམས་ཅད་ལ་འགྱུར་ལ་མ་མཐོང་པའི་རྒྱུ་མཚན་གཞན་བཏགས་པས་ཅི་ཞིག་བྱ་ཞེས་བྱ་བའི་དོན་ཡིན་པར་འཆད་དོ། །བཏགས་པ་ནི་དེའི་ཤེས་པ་དག་ལ་ཐ་དད་པ་མེད་ཀྱང་རྒྱུ་དང་དེ ་དང་ལྡན་པ་ཉིད་དུ་བརྗོད་པ་ཡིན་ནོ། །བྱ་བ་དང་དེ་དང་ལྡན་པ་དག་གི་ཐ་དད་པར་ཡོངས་སུ་བཏགས་པས་ཡིན་པར་བསྟན་པ་ནི། ཐོག་མ་མེད་པའི་རྟོག་པ་སྟེ་ཐོག་མ་མེད་པའི་བག་ཆགས་གང་ཡིན་པ་དེ་ལ་སྒྲོ་བཏགས་པ་ནི་བྱེད་པ་ཡིན་ནོ། །གཞན ་ལ་མཐོང་བ་རྒྱུ་མཚན་གང་གིས་ཀྱང་གཞན་དུ་ཤེས་བཞིན་པའི་སྒྲོ་འདོགས་པ་ནི་ཉེ་བར་བཏགས་པ་ཡིན་པར་ཐ་སྙད་འདོགས་པ་ཡིན་ནོ། །གལ་ཏེ་དེ་འདི་ལ་བཞིན་དུ་གཞན་ལ་ཡང་མི་འགྱུར་ན་དེའི་ཤེས་པ་ཉིད་དུ་ཡང་མི་འགྱུར་པར ་བསྟན་པ་ནི། གལ་ཏེ་ཀུན་ལ་ཉེར་བཏགས་མིན་ཞེས་བྱ་བ་སྟེ། ཀུན་ལ་ནི་གཙོ་བོ་དང་ཕལ་པ་ལ་ཡང་ངོ། །རྒྱུ་མཚན་གང་ལས་ཕལ་པར་མངོན་པར་འདོད་པ་དེའི་ཤེས་པ་དེ་ཁོ་ན་ལས་གཙོ་བོར་མངོན་པ་འདོད་པ་ལ་ཡང་དེར་འགྱུར་ཏེ། རྒྱུ་མཚན་གཞན ་ལ་མཐོང་བའི་ཕྱིར་རོ། །མཐོང་ན་ཡང་རྨོ་བར་འདོད་པའི་མི་ལ་བ་ལང་ཞེས་བྱ་བ་ལ་སོགས་པ་ཁོ་ན་ཕལ་པ་དང་ཅིག་ཤོས་ཡིན་པར་བསྟན་པ་ནི། ཐ་དད་ཁྱད་པར་ནི་བ་ལང་གི་ལྐོག་ཤལ་ལ་ཡིན་ལ་རྨོ་བྱེད་ཀྱི་མི་ལ་སོགས་པ་ནི་གཙོ་བོའི་ཐ་དད་ཁྱད ་པར་ཡིན་ནོ། །གལ་ཏེ་ག་ལས་ནི་མ་ཡིན་པ་སྟེ། གཙོ་བོ་ཐམས་ཅད་ཐ་དད་པའི་ཁྱད་པར་མ་ཡིན་ཏེ། ཁ་ཅིག་ཡིན་ནོ་ཞེས་བྱ་བའི་དོན་ཏོ། །ཐ་དད་པའི་ཁྱད་པར་ཉིད་མེད་ན་གཙོ་བོ་དང་ཅིག་ཤོས་ཀྱི་དབྱེ་བ་ཇི་ལྟར་ཡིན་ཇི་ལྟར་ཡང་མ་ཡིན་ཏེ་གང ་གི་ཕྱིར་ཐ་མི་དད་པའི་རྒྱུ་མཚན་ལས་ཐ་སྙད་དག་ལ་དེ་ལྟར་དབྱེ་བ་ནི་མ་ཡིན་ནོ། །བསྡུས་པ་ལས་རྟོག་པ་ཙམ་ལ་ཐ་སྙད་འདོགས་པ་ནི་གཟུགས་ལ་སོགས་པ་འམ་དེ་དང་ལྡན་པ་ལ་ཡང་མཚུངས་པ་མ་ཡིན་ནམ་ཞེ་ན། དེའི་སྒྲ་དག་ལ་བུམ ་པ་དང་རྩིག་པའི་སྒྲ་དག་བཞིན་དུ་ཐ་མི་དད་པའི་དོན་ཉིད་ཀྱི་ཡོན་ཏན་དང་ཡོན་ཏན་ཅན་གྱི་སྒྲ་ཉིད་དུ་མི་འགྱུར་རོ་ཞེས་བསྟན་པ་ནི། ཐ་དད་པ་མེད་པ་ཞེས་བྱ་བས་སོ། ཁྱད་ཀྱི་གཅིག་པ་ཉིད་ཀྱི་གྲངས་རྗོད་པར་བྱེད་པའི་གཅིག་གི་སྒྲའི་རྫས་ལ ་དེ་མེད་ཀྱང་གཟུགས་ལ་སོགས་པ་ལ་ཡིན་ཡང་གཟུགས་ལ་སོགས་པའི་སྒྲའི་རྣམ་གྲངས་ནི་མ་ཡིན་ཏེ། རྒྱུ་མཚན་གང་ལས་ཀྱང་ཇི་ལྟ་བ་བཞིན་དུ་ཁོ་བོ་ཡང་གཟུགས་པོ་དང་བུམ་པ་ལ་སོགས་པའི་སྒྲ་རྣམས་མཚུངས་པའི་དོན་ལ ་མ་ཡིན་ཏེ། རྒྱུ་མཚན་ཐ་དད་པའི་ཕྱིར་ཞེས་བསྟན་པ་ནི། དོན་གཞན་རྒྱུ་མཚན་ཅན་མིན་ཡང་ཞེས་བྱ་བའོ། །གཟུགས་ལ་སོགས་པ་ལ་ཡང་རྫས་བཞིན་དུ་གྲངས་གཅིག་པ་ཉིད་ནི་ཁྱེད་ཀྱི་ཡང་ཡོན་ཏན་དང་ལྡན་པ་ཉིད་ཀྱི་རྫས་ལས་ཐ་མི་དད་པའི་དོན ་ཉིད་དུ་ཐལ་བར་འགྱུར་བར་བསྟན་པ་ནི། གལ་ཏེ་དེར་ཡང་དོན་གཞན་ན་ཞེས་བྱ་བའོ། །གཟུགས་ལ་སོགས་པ་དང་བུམ་པ་ལ་སོགས་པའི་སྒྲ་དག་གི་རྒྱུ་མཚན་གང་ཡིན་གང་གིས་ཐ་དད་མ་ཡིན་པའི་རྒྱུ་མཚན་དུ་བསྟན་པ་ནི། ལྡོག་པའི་དབྱེ་བས་ཐ ་དད་པ་ཡིན་ཏེ་ཞེས་བྱ་བ་སྟེ། གཟུགས་ལ་སོགས་པའི་སྒྲ་ནི་ཁྱད་པར་གྱི་ནུས་པའི་ཡུལ་ཡིན་ལ་བུམ་པའི་སྒྲ་ནི་སྤྱིའི་ནུས་པའི་ཡུལ་ལ་ཡིན་ནོ་ཞེས་བྱ་བའི་དོན་ཏོ། །དེ་མ་ཡིན་པ་ལས་ལྡོག་པ་ཁོ་ནའི་ངོ་བོ་ནི་ནུས་པ་ཡིན་ཏེ་ལས་མ་ཡིན་པ་ལ་སོགས ་པ་བཞིན་དུ་གཞན་མ་ཡིན་པར་བསྟན་པ་ནི། ལས་རྫས་མིན་བ་ཞེས་བྱ་བ་སྟེ། གཙོ་བོའི་རྒྱུ་མཚན་ཞེས་བྱ་བ་ནི་ངར་སྒྲོ་འདོགས་པའི་ངོ་བོ་ཡིན་པའི་ཕྱིར་ཏེ། དེ་མེད་ན་གང་ལ་སྒྲོ་འདོགས་པ་ཡིན་དེས་ན་ཉེ་བར་བཏགས་པ་མ་ཡིན་ཞེས་བྱ་བའི ་དོན་ཏོ། །མཐོང་བ་མེད་ན་ཇི་ལྟར་སྒྲོ་འདོགས་པར་བྱེད་པ་ཡིན་ཞེས་བྱ་བར་ནི་མི་རིགས་ཏེ་མཐོང་བ་མེད་ཀྱང་དབང་ཕྱུག་རྟག་པ་ལ་སོགས་པ་བཞིན་དུ་རྟོག་པ་ཙམ་གྱིས་དམིགས་པ་ལ་སྒྲོ་འདོགས་པ་སྲིད་པའི་ཕྱིར་རོ་ཞེས་བསྟན་པ་ནི། རྟོག ་པས་བྱས་པའི་ཁྱད་པར་ཐ་དད་པ་ཞེས་བྱ་བ་སྟེ། ཐ་དད་པའི་ཁྱད་པར་ཉིད་གཙོ་བོ་ཡིན་ནོ་ཞེས་རིམ་པ་གཞན་དུ་ངེས་པར་བཟུང་བའི་དོན་དུ་བརྗོད་ནས་གནས་ཇི་ལྟ་བཞིན་བསྟན་པ་ནི། གཞན་ཡང་གལ་ཏེ་ཞེས་བྱ་བའོ། །ཐ་དད་པའི་ཁྱད་པར ་གཙོ་བོ་ཡིན་ནོ་ཞེས་བྱ་བ་ཉིད་ཅི་ལས་གཅིག་ཏུ་ངས་པ་ཡིན་ཏེ་མ་ཡིན་པ་ཉིད་དོ། །འོན་ཀྱང་ཐ་མི་དད་པའི་ཁྱད་པར་གཙོ་བོ་མ་ཡིན་ཞེས་བྱ་བ་འདི་ཡང་མཛའ་ཡོད་པའི་ཕྱིར་སྔ་མ་སྔ་མར་ཉེ་བར་བཏགས་པ་ནི་ཕྱི་མ་ཕྱི་མ་ལས་གཙོ་བོ ་ཡིན་ཞེས་བྱ་བའི་དོན་ཏོ། །ཡོན་ཏན་ལ་སོགས་པ་ལ་འམ་ཞེས་བྱ་བ་འདིས་མེད་པའི་ཁྱད་པར་དང་ཞིག་པ་ལ་འམ་མ་སྐྱེས་ལ་ཞེས་བྱ་བས་མེད་པའི་ཁྱད་པར་ཅན་བརྗོད་པ་ཡིན་པར་བསྟན་པ་ནི། ཞིག་པ་དང་མ་སྐྱེས་པ་ལ་ནི་ཞེས་བྱ་བའོ། །གལ་ཏེ་མེད ་པའི་ཁྱད་པར་ཡང་གཙོ་བོ་ཡིན་ཡང་ཁྱད་པར་དང་ཁྱད་པར་ཅན་གྱི་སྒྲ་དག་རྣམ་གྲངས་ཉིད་དུ་འགྱུར་ཏོ། ཁྱད་པར་ཅན་ཙམ་ཡོད་པའི་ཕྱིར་ཞེས་བྱ་བའི་དོན་དང་ཐ་དད་པ་མེད་པ་ཐ་དད་དོན་ཞེས་བྱ་བ་འདི་འཆད་པ་བསྟན་པ་ནི་གལ་ཏེ་ཁྱད་པར་ཞེས་བྱ་བའོ། །གལ ་ཏེ་སྒྲ་དག་གི་འཇུག་པའི་རྒྱུ་མཚན་ཐ་དད་པ་ཡིན་ན་འདི་དག་ལ་གནས་པ་དག་ལ་བ་ལང་དང་རྟ་ཞེས་བྱ་བ་བཞིན་དུ་གཞི་མཐུན་པར་མི་འགྱུར་ཞེས་ཟེར་བ་ནི་ཐ་དད་པར་འགྱུར་བའི་ཕྱིར་ཐ་སྙད་པ་ཡིན་ལ་འཇུག་པའི་རྒྱུ་མཚན་ཐ་དད་པ་སྒྲ་གང་གི་ཡིན་པ ་དེ་དེ་ལྟར་འགྱུར་རོ། །དེའི་ངོ་བོ་ནི་དེ་ཙམ་མོ། །སྣང་བ་ནི་སྣང་བར་བྱེད་པ་ཉིད་ཡིན་པའོ། །གཞི་མཐུན་པ་ཉིད་ནི་སྒྲ་ལས་བྱུང་བ་ཡིན་ཡང་དོན་ལ་བྱུང་བར་འགྱུར་བ་མ་ཡིན་ནོ། །སྔོན་པོའི་སྒྲ་ནི་ཡོན་ཏན་ཙམ་ལ་འཇུག་པ་ཡིན་གྱི་ཡོན་ཏན་ཅན་ལ ་འཇུག་པ་ནི་མ་ཡིན་གྱི། ཨུཏཔ་ལའི་སྒྲ་ཡང་རིགས་པ་ཙམ་ལ་འཇུག་པ་ཡིན་གྱི་དེ་དང་ལྡན་པ་ལ་ནི་མ་ཡིན་ན། །འོན་ཏེ་ཡོན་ཏན་གྱིས་མཚོན་པའི་ཡོན་ཏན་ལ་འཇུག་པ་ཡིན་ན་ནི། དེ་ལྟ་ན་ཡོན་ཏན་ཅན་ཏེ་སྤྱི་ཉིད་དུ་མཚོན་པ་མ་ཡིན་ཏེ། ་གཞི་མཐུན་པ་མེད་པར་ཐལ་བར་འགྱུར་བའི་ཕྱིར་རོ། །ཁྱད་པར་ལས་ཡིན་ནོ་ཞེ་ན། དེའི་ཕྱིར་བརྗོད་པ་གཅིག་ཉིད་དང་ནི་ཞེས་བྱ་བ་སྟེ། འབྲེལ་བ་ནི་ཞེས་བྱ་བ་ནི་རྒྱུ་མཚན་གྱི་བདུན་པ་སྟེ་རྒྱུ་མཚན་དང་བྱེད་པ་དང་རྒྱུ་རྣམས་ལ་ཐམས་ཅད་ལ་མང ་པོར་མཐོང་བ་ཡིན་ཞེས་བྱ་བའི་ཚིག་ལས་སོ། །འདུ་བའི་འབྲེལ་པ་ནི་དེ་ལྟར་མཚོན་པའི་རྒྱུ་མཚན་ཡིན་པའི་ཕྱིར་གཅིག་ཉིད་ཀྱིས་ཐམས་ཅད་མཚོན་བ་ནི་དོན་གྱི་སྒོ་ཁོ་ན་ལས་ཡིན་ནོ། །དེའི་ཕྱིར་དཔྱོད་པ་ཁོ་ནས་དེ་ཡང་དཔྱད་པ་ཡིན་པར་བསྟན ་པ་ནི། དོན་རྣམས་གཞི་མཐུན་པ་ཉིད་ཀྱང་ཞེས་བྱ་བའོ། །ཡོན་ཏན་ནི་ཡོན་ཏན་ཅན་གྱི་ཁྱད་པར་མཚོན་པར་བྱེད་པ་ཡང་རང་ཡོངས་སུ་གཅོད་པས་མཚོན་པར་བྱེད་པ་ཡིན་གྱི་གཞན་མཚོན་པར་བྱེད་པ་ནི་མ་ཡིན་ཏེ། དེའི་ཕྱིར་གཉིས་པའི་སྦྱོར་བ་ཡིན་ནོ་སྙམ་སེམས ་པ་ནི་འབྲེལ་པ་ཡོད་པ་ཡིན་ན་ཡང་ཞེས་བྱ་བ་སྟེ། གང་ལས་ཞེས་བྱ་བ་འདིའི་ལན་ནི། འདུ་བའི་སྟོབས་ཀྱིས་ནི་ཞེས་བྱ་བ་སྟེ། གཞན་མི་སྲིད་པའི་ཕྱིར་རོ། །ཇི་ལྟར་ཞེས་བྱ་བ་འདི་ལ་ནི་ཐ་མི་དད་པར་ཞེས་བྱ་བའོ། །འདུ་བ་ལ་ནི་ཕྲད་པ་བཞིན་དུ་དོན་དམིགས ་བ་མ་ཡིན་ཏེ། སོ་སོ་བར་གྲུབ་པར་ཐལ་བར་འགྱུར་བའི་ཕྱིར་རོ། །དེའི་ཕྱིར་ཡོན་ཏན་དང་ཡོན་ཏན་ཅན་ཡང་ཐ་མི་དད་པར་དམིགས་པ་ཡིན་ན་དེ་དག་ལ་འདུས་པ་དག་གི་ཡོན་ཏན་དང་རིགས་དག་ལ་དེ་ལྟར་དམིགས་པ་ཡིན་པའི་ཕྱིར་གཅིག་གི་སྒྲ་དོན་མེད ་པ་ཁོ་ན་ཡིན་པར་བསྟན་པ་ནི། གཅིག་ཉིད་ལས་ནི་ཞེས་བྱ་བའོ། །འོན་ཏེ་སྔོན་པོ་དང་ཨུཏཔ་ལའི་སྒྲ་དག་ལ་ཕན་ཚུན་ཡོངས་སུ་གཅོད་པའི་ཆོས་ཅན་ལ་ཁྱད་པ་ནི་མ་ཡིན་ཏེ། རང་གི་བརྗོད་བྱ་ཡོངས་སུ་གཅོད་པ་ཙམ་ལ་མཐར་ཐུག་པ་ཡིན་ནོ་སྙམ ་དུ་སེམས་པ་ནི། འོན་ཏེ་སྔོན་སོགས་ཤེས་བྱ་བའོ། །ུཏཔ་ལ་ཉིད་འདུ་བ་ཅན་གྱི་ཆོས་ཅན་སྔོན་པོའི་སྒྲ་ལས་རྟོགས་པ་ཡིན་ན། ཇི་ལྟར་དབྱེ་བ་འདི་ཡིན་ཞེས་ཟེར་བ་ལ་འདུ་བ་ཅན་ཏེ། ཆོས་ཅན་ནི་ཨུཏཔ་ལ་ཉིད་ཀྱིས་སོ། །རྟོགས་པ་ནི་སྔོན་པོའི་སྒྲ ་ལས་སོ། །དེའི་མངོན་སུམ་གྱིས་སྔོན་པོའི་ཆོས་རྟོགས་པ་ན་དེའི་འདུ་བ་ཅན་ཨུཏཔ་ལ་ཉིད་ཀྱང་རྟོགས་བྱ་ཉིད་དུ་མཐོང་བར་བསྟན་པ་ནི། ཇི་ལྟར་སྔོན་པོ་མངོན་སུམ་གྱིས་ཞེས་བྱ་བའོ། །ཁྱད་པར་གྱི་མཐར་ཐུག་པ་ཡིན་ན་ཡང་སྒྲ་དག་གཞི་མཐུན་པ་ཉིད་དུ་མི ་འགྱུར་བ་ཡིན་ནོ་ཞེས་བྱ་བ་ནི། སྒམ་ནི་ངེས་པ་ཉིད་ཀྱི་དོན་ཞེས་བྱ་བའོ། །བླངས་པའི་སྔོན་པོ་ཉིད་ཆོས་ཅན་ལས་གཞན་ཡོད་པ་མ་ཡིན་ཏེ། མངོན་སུམ་གྱིས་མ་དམིགས་པའི་ཕྱིར་རོ་ཞེས་བསྟན་པ་ནི། ཨིནྡྲ་ནཱི་ལ་ཨུཏཔ་ལ་སོགས་བྱ་པའོ། ། ་དེའི་ཕྱིར་ཚ་ཙམ་བསལ་བ་མ་ཡིན་ནོ་ཞེས་བྱ་བ་བསལ་བ་ཡིན་ཏེ་མེ་བཞིན་པའི་ཆ་ཉིད་ལེན་པ་ཡིན་ན་སྒྲ་དོན་དང་རེག་པར་མི་འགྱུར་རོ་ཞེས་བྱ་བའི་དོན་ཏོ། །སྔོན་པོའི་སྒྲ་ལས་ཨུཏཔ་ལར་ཡང་ཉེ་བར་འཇོག་པར་བྱེད་པ་ན་ཨུཏཔ་ལའི ་སྒྲ་ཡོད་ན་ཨུཏཔ་ལ་མ་ཡིན་པ་ལས་ལྡོག་པ་མ་ཡིན་ནམ། དེ་བཞིན་དུ་ཨུཏཔ་ལའི་སྒྲ་ལ་ཡང་སྔོན་པོའི་སྒྲ་ཡོད་ན། སྔོན་པོ་མ་ཡིན་པ་ལས་ལྡོག་པ་ཡིན་པའི་ཕྱིར་གཉི་གའི་ནུས་པ་ཡིན་ནོ་སྙམ་དུ་སེམས་པ་ལ། གལ་ཏེ་སྔོ་ཉིད་ཅེས་བྱ་བ་སྟེ། གལ ་ཏེ་སྔོན་པོའི་སྒྲ་ཨུཏཔ་ལ་ཙམ་གྱིས་ནུས་པ་ཅན་ཡིན་ན། སྔོན་པོའི་སྒྲ་དོན་མེད་པར་འགྱུར་ལ། འོན་ཏེ་དེ་དང་དེ་མ་ཡིན་པ་ལ་ནུས་པ་ཅན་ཡིན་ན་ཇི་ལྟར་ཨུཏཔ་ལའི་སྒྲ་ཉེ་བ་ན་ལྡོག་པར་འགྱུར། འོན་ཏེ་དེ་ཉེ་བ་དང་མ་འབྲེལ་ཡང་སྐྱེས་བུས་དེ་ལྟར་རྣམ་པར ་བཞག་པར་བྱ་བ་ཡིན་ནོ། །དེ་ལྟ་ཡིན་ན་སྐྱེས་བུའི་བློ་ལས་བྱུང་བའི་ཁྱད་པར་ལ་སོགས་པ་ཉིད་ཡིན་གྱི་སྒྲ་ལས་བྱུང་བ་ནི་མ་ཡིན་ནོ། །འོན་ཏེ་སྒྲ་ཡང་བློ་དེའི་རྗེས་སུ་འཇུག་པ་ཡིན་ན་དེ་ལྟ་ཡིན་ན་བློ་སྒྲུབ་པ་ནི་འདི་བརྗོད་བྱ་ཡིན་པའི་ཕྱིར་ཕྱི ་རོལ་གྱི་དོན་ཉིད་ནི་མ་ཡིན་ནོ། འོན་ཏེ་ཁྱད་པར་ལ་ཡང་སྒྲ་ཉིད་ནུས་པ་ཅན་ཡིན་ན་ཐམས་ཅད་ལ་དེ་བཞིན་དུ་འགྱུར་རོ། །འོན་ཏེ་གཞན་ལ་ཡང་ནུས་ན་འདི་ལ་ཡང་དེ་བཞིན་དུ་འགྱུར་ཏེ་ནུས་པ་དེ་དང་མ་བྲལ་བའི་ཕྱིར་རོ། །གནས་སྐབས་ལ་སོགས ་པ་ཡང་འདིས་བཤད་པ་ཡིན་ནོ། །གང་གི་ཕྱིར་སྐྱེས་བུ་ནི་གནས་སྐབས་བས་དེ་ལ་མེད་པའི་ཁྱད་པར་ཡང་རྟོགས་པ་ཡང་ཡིན་ནོ། །ཞེས་བྱ་བའི་དོན་ཏོ། །གང་གི་ལ་ཡང་སྔོན་པོ་མ་ཡིན་པ་ལོག་པས་སྔོན་པོའི་སྒྲས་རྟོགས་པར་བྱ་བ་དེ་ཉིད་ཨུཏཔ་ལའི་སྒྲའི ་ཡང་ཨུཏཔ་ལ་མ་ཡིན་པ་ལས་ལྡོག་པ་ཕན་ཚུན་ཁྱབ་པ་མེད་པས་གཞི་མཐུན་པ་མེད་པ་ཡིན་ཏེ། ཁྱད་པར་དང་ཅིག་ཤོས་ཡོད་པ་དང་མེད་པར་ཐལ་བར་འགྱུར་རོ་སྙམ་དུ་སེམས་པ་ལ་དེའི་ཕྱིར་རང་གི་བག་ཆགས་ཀྱི་དབང་གིས་སྐྱེས་པའི་བློ ་ཉིད་ཅེས་བྱ་བ་སྟེ། བག་ཆགས་ལས་བྱུང་བའི་རྟོགས་བ་སྔོན་པོ་ཉིད་དང་ཅིག་ཤོས་ཐ་དད་པར་བྱེད་ཅིང་སླར་ཡང་ཐ་མི་དད་པར་བྱེད་པ་དེའི་ཕྱིར་གཞི་མཐུན་པ་ཉིད་དམ་ཅིག་ཤོས་སུ་འགྱུར་གྱི་དངོས་པོ་ཐ་མི་དད་པ་ལས་ནི་མ་ཡིན་ནོ། །རྫས་ལྷུང་ན་དེའི ་གཟུགས་ལ་སོགས་པ་ལྷུང་བ་ཡིན་གྱི་གཞན་མ་ལྷུང་བར་མཐོང་བ་ལ་གཞན་དུ་རྫས་དང་ལྡན་པར་སྣང་བ་ནི་མ་ཡིན་ལ་གཞན་ལྕི་བ་ཉིད་ནི་གཞན་གྱི་ལྷུང་བའི་རྒྱུ་མ་ཡིན་ཏེ། ཐལ་ཆེས་པའི་ཕྱིར་རོ། །དེའི་ཕྱིར་ལྕི་བ་ཉིད་ཀྱི་ཕྱིར་ལྷུང་བ་ཡིན་པས་གཟུགས ་ལ་སོགས་པ་བྱེད་པ་དང་ལྡན་པར་བསྟན་པ་ནི། ལྕི་བ་ཉིད་ཡོད་པས་ན་ཞེས་བྱ་བའོ། །གལ་ཏེ་ལྕི་བ་ཉིད་བཞིན་དུ་གཟུགས་ལ་སོགས་པ་ལྷུང་བ་ལས་ལྕི་བ་ཉིད་ཀྱང་དེ་ལྟར་འགྱུར་ན་དེ་ལྟར་ན་ཐུག་པ་མེད་པ་ཡིན་ནོ། །རང་གི་ངོ་བོ་ནི་དེ་ལྟར་ལྷུང་བ་མ་ཡིན ་ལ་དེའི་བར་གྱི་གཞན་དེ་ལྟ་བུར་གྱུར་པ་མ་ཡིན་ཡང་ལྷུང་བར་བྱེད་པ་ནི་མ་ཡིན་ནོ། །དེ་ལ་རང་ཉིད་དེ་ལྟར་གྱུར་པ་ཡང་མ་ཡིན་པའི་ཕྱིར་ཆེར་དཔྱོད་པ་ཡིན་ནོ། །ཡོན་ཏན་ལྷུང་བ་ཡིན་ཞེས་འདིས་མཐོང་བ་ཡིན་པར་བསྟན་པ་ནི། བཏུང་པ་ལ་སོགས་པ་ཞེས་བྱ ་བའོ། །གལ་ཏེ་བག་ཆགས་ལས་བྱུང་བའི་རྟོག་པ་ནི། ཐ་དད་པ་དང་ཐ་མི་དད་པར་ཡང་བྱེད་ན། ཇི་ལྟར་དངོས་པོའི་ངོ་བོ་གཞན་དུ་འགྱུར་དེའི་དབང་དུ་བྱས་པ་ཡིན་ན། དེ་ཉིད་རྣམ་གྲངས་ཉིད་ཡིན་ནོ་སྙམ་དུ་སེམས་པ་ལ། དངོས་པོ་ཐ་མི་དད་ཀྱང་ལྡོག་པའི ་བྱ་བའི་དབང་གིས་རྟོག་པ་བག་ཆགས་ལས་བྱུང་བ་ཡིན་པར་བསྟན་པ་ནི། དེའི་ཕྱིར་ལྡོག་པའི་ཁྱད་པར་གྱིས་ཞེས་བྱ་བ་སྟེ། ཐ་དད་པ་ཞེས་བྱ་བ་སྟེ། ཕོ་བཏགས་ཡིན་ཏེ། སྒྲ་དང་ཤེས་པའི་བསམ་པས་ཡིན་པར་བསྟན་པ་ནི། སྒྲ་དང་རྟོག་པ་ཐ་དད ་པ་ཡིན་ཏེ་ཞེས་བྱ་བའོ། །གལ་ཏེ་ལྡོག་པའི་ཡུལ་ལ་རྟག་པ་ཡིན་ན་བ་ལང་གི་བ་ལང་ཉིད་ཅེས་བྱ་བ་བཞིན་དུ། བ་ཡང་ཐུ་ཡུ་ཞེས་བྱ་བར་ཡང་འགྱུར་གྱི་གཞི་མཐུན་པར་ནི་མི་འགྱུར་རོ་སྙམ་དུ་སེམས་པ་ནི། འོ་ན་ཇི་ལྟར་ཞེས་བྱ་བའོ། །དེ་ལ་རེ་ཞིག ་བ་ལང་གི་བ་ལང་ཉིད་ཅེས་བྱ་བ་ལ་སོགས་པ་དངོས་པོ་བརྗོད་པ་ཉིད་ཀྱི་རྟ་དང་རྟ་ལ་སོགས་པ་རྣམས་ཀྱིས་ཐ་དད་བཞིན་དུ་སྟེ་ཡན་འགར་པ་བཞིན་དུ་མཚོན་པ་ཡིན་ནོ། །གང་དེ་ལ་ཆོས་གཞན་རྣམས་ཀྱིས་ཏེ་དཀར་པོ་ཉིད་ལ་སོགས ་པ་རྣམས་ཀྱིའོ། །ཁྱད་པར་བྱེད་པ་ནི་རྣམ་པར་གཅོད་པར་བྱེད་པ་ཉིད་དོ། །དེའི་ཕྱིར་དེ་ལ་གཞི་མཐུན་པ་མ་ཡིན་ནོ། །འདི་ལྟ་བུའི་སྦྱོར་བ་འདི་ནི་ཐ་སྙད་པའི་མ་ཡིན་པ་མ་ཡིན་ནམ་དོན་བྱེད་པར་མི་སྟོན་པའི་ཕྱིར་རོ། །དེ་རྣམས་དོན་མེད་པ་ཅན་ལ་ཐ་སྙད་དུ་བྱེད་པ་ནི ་མ་ཡིན་ཏེ་ཐ་སྙད་དུ་བྱེད་པའི་ཕྱིར་རོ། །རྟོག་པ་དང་ལྡན་པའི་ཕྱིར་རོ་ཞེས་བསྟན་པ་ནི། ཐོས་པ་དེ་ཙམ་ཞེས་བྱ་བ་སྟེ། ཐ་སྙད་འདི་ཡང་དོན་གྱི་མཐར་ཐུག་བ་ཁོ་ན་ཡིན་གྱི། ཇི་ལྟར་ཐུ་ཡུལ་འཇུག་པའི་བ་ལང་གི་བརྡ་ནི་ཁྲ་མོ་ལ་བ་ལང་ཉིད་ཀྱི་ཐ་སྙད་མི ་བྱེད་ཀྱང། བ་ལང་གི་སྒྲའི་ཡུལ་ཡོད་པ་ཡིན་ལ་དེ་འདི་ལ་ཡང་དེས་ཐ་སྙད་པ་འདིའི་གོ་སྐབས་ཡོད་པ་ཡིན་ནོ་ཞེས་བྱ་བའི་དོན་ཏོ། །འཕངས་པ་མེད་པ་ནི་ཁོངས་སུ་གཏོགས་པ་མ་ཡིན་པ་སྟེ། གཞན་ཀུན་ནི་ཆོས་གཞན་ཏེ་དཀར་པོ་ལ་སོགས་པ ་གང་གིས་དེ་དེ་ལྟར་ཡིན་པའོ། །མངོན་སུམ་གྱིས་བཟུང་བའི་དངོས་པོར་ཐ་མི་དད་པ་ཡིན་ཡང་རྟོག་པས་བླང་བའི་བསམ་པ་ཁོ་ནས་ཐ་དད་པ་ཡིན་ཏེ། འདི་ལ་དཔེ་ནི། སོར་མོའི་ལྡན་པ་ཞེས་བྱ་བའོ། །གཞི་མཐུན་པའི་ཡུལ་ཉེ་བར་བསྟན་པ་ནི། སོར་མོ་ལྡན ་གྱུར་ཞེས་བྱ་བ་སྟེ། མི་ལྡན་པ་ལས་ལོག་པ་ཙམ་ཡུལ་ཉིད་ཡིན་པའི་ཕྱིར་རོ། །དེ་དང་མཐུན་པ་ཡང་ཆོས་གཞན་དང་མ་བྲལ་བ་ཡིན་པར་བརྗོད་པའི་ཕྱིར་དེ་ལས་གཞན་བ་རྗོད་པར་བྱེད་དེ་ལྟ་བུ་རྣམས་ཀྱིས་གཞི་མཐུན་པ་འཐོབ་པ་ཡིན་ལ་ཆོས ་ཅན་བརྗོད་པར་གྲགས་པ་ཡིན་ནོ། །དེས་ཐམས་ཅད་ཁོངས་སུ་གཏོགས་པ་བརྗོད་ན་ཆོས་གཞན་བརྗོད་པ་རྣམས་ཀྱི་རྣམ་གྲངས་སུ་འགྱུར་བ་མ་ཡིན་ནམ་ཞེས་ཟེར་བ་ལ། དོན་གཅིག་བརྗོད་ཀྱང་ཞེས་བྱ་བ་སྨོས་ཏེ། ཐ་དད་པ་དང་ཐ་མི་དད་པ་དག་ལ ་བརྗོད་བྱ་གཅིག་ཁོ་ན་ཡིན་ལ་བྲལ་བ་དང་མ་བྲལ་བ་དག་ཁོ་ན་འབའ་ཞིག་ཁོ་ན་ཡིན་ནོ། །གལ་ཏེ་འདི་ཁོ་ན་ཅི་ལས་ཤེ་ན། དེ་ལྟར་ཏེ་རྣམ་པ་དེ་ཉིད་ཀྱིས་བྱས་པ་ནི་རྒན་པོ་རྣམས་ཀྱིས་སོ། །བརྡ་ནི་རྣམ་པར་བཞག་པ་སྟེ། གང་གི་ཡིན་པ་དེ་དེ་བཞིན་ཏེ་གང་གི་ཕྱིར ་ཡིན་པ་དེའི་ཕྱིར་འདི་ཁྱད་པར་ཡིན་ནོ་ཞེས་བྱ་བའི་དོན་ཏོ། །འགྲེལ་པ་མཛད་པ་ནི་ལྡོག་པའི་ཡུལ་ལ་ཆོས་དང་ཆོས་ཅན་བརྗོད་པའི་སྒྲ་དག་གི་ཐ་དད་པ་དང་ཐ་མི་དད་པ་ཡང་རྟོག་པས་སྤྲུལ་པ་ཡིན་པ་ཡིན་པར་བསྟན་ནས་ལྡོག་པའི་ཐ་དད་མེད་ཀྱང་རྟོག་པས ་བྱས་པའི་ཐ་དད་པའི་འཇིག་རྟེན་གྱི་བརྡ་ལ་བརྟན་ནས་གོ་བར་བྱའོ་ཞེས་བྱ་བའི་དོན་དོན་གཅིག་བརྗོད་པའི་ཞེས་བྱ་བས་བཤད་པ་ཡིན་ནོ། །དེ་བཞིན་དུ་བ་ལང་གི་ཞེས་བྱ་བ་ལ་སོགས་པས་ཐ་དད་བཞིན་དུ་ཞེས་བྱ་བ་ལ་སོགས་པ་ལྡོག་པའི་ཐ་དད་ཡོད ་པ་ཅན་གྱི་ཡུལ་ཞེས་བྱ་བ་ནི་རྣམ་པར་དབྱེ་བའོ། །དེ་བཞིན་དུ་ཞེས་བྱ་བས་ཀྱང་བརྟགས་པའི་ཐ་དད་པས་ཤེས་འཛིན་པ་ཡིན་ནོ། །རིལ་ཞེས་བྱ་བ་ནི་ཆོས་བསྡུས་པ་དང་ཆོས་གཞན་ཡང་བརྗོད་པ་ཡིན་ནོ། །འཛིན་པ་གཞན་ཞེས་བྱ་བས་ནི་ཇི་ལྟ་བའི་རྣམ་གྲངས ་བསལ་བ་ཡིན་ནོ། །ཐ་དད་པ་ནི་ཞེས་བྱ་བས་ནི་དངོས་སུ་བའི་ཐ་དད་བསལ་བ་ཡིན་ནོ། །གང་གི་ཚེ་བ་ལང་གི་རྣམ་པ་ཞེས་བྱ་བ་ལ་སོགས་པས་ནི་ཐ་དད་པར་མངོན་པར་བརྗོད་པ་ནི་ཐ་སྙད་ལ་དགོངས་པ་ཅན་ཉིད་དུ་བསྟན་པས་ཐོས་པ་དེ་ཙམ་ཞེས་བྱ ་བའི་ཚིགས་བཅད་བཤད་པ་ཡིན་ནོ། །དེའི་བདག་ཉིད་ཀྱིས་འབྲེལ་པ་ཉིད་ཅེས་བྱ་བ་ནི་མངོན་སུམ་གྱིས་དེ་ཉིད་མཐོང་བའི་ཕྱིར་རོ། །འབའ་ཞིག་ཅེས་བྱ་བ་ནི་ཡུལ་ཐག་རིང་པོ་ལ་བ་ལང་དང་རྟའི་བྱེ་བྲག་ལ་རྣམ་པར་དཔྱོད་པ་མེད་པའི་ཕྱིར་རོ། །བ ་ལང་དཀར་པོ་ཞེས་བྱ་བས་ཐ་དད་པའི་ཐ་སྙད་ཀྱི་ཡུལ་བསྟན་པ་ནི། སོར་མོ་ལྡན་གྱུར་ཅེས་བྱ་བའོ། །གང་གི་ཚེ་ཞེས་བྱ་བ་ལ་སོགས་པས་ཚིགས་སུ་བཅད་པའི་ཕྱིར་བཤད་པ་ཡིན་ནོ། །མཁས་པ་ཞེས་བྱ་བ་ལ་སོགས་པས་ནི་ཇི་སྐད་བསྟན་པ་སྡུད ་པར་བྱེད་པ་ཡིན་ནོ། །འདི་རྣམས་ཚིགས་སུ་བཅད་པ་དང་པོས་ནི་གང་གི་ཚེ་བ་ལང་གི་རྣམ་པ་ཞེས་བསྟན་པའི་དྲི་བ་བསྡུས་པ་ཡིན་ནོ། །གཉིས་པས་ནི་དེའི་ཚེ་བ་ལང་གིའོ་ཞེས་སྔར་མཐོང་བ་ལས་ཞེས་བྱ་བ་བསྡུས་པ་ཡིན་ནོ། །གང་གི ་ཚེ་གལ་ཏེ་མཐོང་བ་དམན་པ་ཞེས་བྱ་བ་བསྟན་པ་ནི། གལ་ཏེ་ཚད་མའི་འཇུག་པ་ལ་ཞེས་བྱ་བ་འདིས་བསྡུས་པ་ཡིན་ནོ། །དེའི་ཚེ་ནི་ལན་དུ་ཞེས་བསྟན་པ་ནི། དེའི་ཚེ་དངོས་རག་པ་དེ་ཞེས་བྱ་བ་འདིས་བསྡུས་པ་ཡིན་ནོ། །གཞན་དུ་ན་ཐ་དད་པ་དང་ཐ་མི ་དད་པའི་ཐ་སྙད་མི་རིགས་པར་བསྟན་པ་ནི། ཚུལ་ལུགས་གཞན་གྱི་གོ་སྐབས་ནི་ཞེས་བྱ་བའོ། །ཅི་ལས་ཡིན་ཞེ་ན། མངོན་སུམ་ཉིད་དམ་ཞེས་བྱ་བ་སྟེ། ཆོས་ཅན་གྱི་ཐ་དད་པ་འམ་ཐ་མི་དད་པ་ཡང་རུང་མངོན་སུམ་གྱིས་འཛིན་པ་མ་ཡིན་ནོ་ཞེས ་བྱ་བའི་དོན་ཏོ། །ངེས་པར་གཟུང་བ་ཡང་ཆོས་དང་ཆོས་ཅན་དག་ལ་མངོན་སུམ་མེད་ན་མ་ཡིན་པ་མ་ཡིན་ནམ་ཇི་ལྟར་ཐོག་མ་མེད་པའི་བག་ཆགས་རྩ་བ་ཡིན་ཞེས་ཟེར་བ་ལ། གང་ཚེ་རྗེས་འགྲོ་ལྡོག་པ་དག་ཅེས་བྱ་བའོ། །ཐ་སྙད་དེ་ནི་དེ་ལྟ་ཉིད་ཅེས ་བྱ་བ་ནི་ཐོག་མ་མེད་པའི་བག་ཆགས་ཀྱི་རྒྱུ་མཚན་ལས་ངེས་པར་བཟུང་བ་ཡིན་ནོ། །གང་གི་ཕྱིར་སྒྲ་དང་ཤེས་པ་ནི་ཐོག་མ་མེད་པའི་བག་ཆགས་ལས་བྱུང་བའི་རྣམ་པར་རྟོག་པའི་དོན་གྱི་ཡུལ་ཡིན་པ་དེའི་ཕྱིར་དེ་ལས་ཡན་ལག་ཅན་ལ་སོགས ་པ་མི་འགྲུབ་པོ་ཞེས་བྱ་བ་ཉེ་བར་བསྡུ་བ་ནི། དེའི་ཕྱིར་ཡན་ལག་ཉིད་ཅེས་བྱ་བའོ། །གལ་ཏེ་ཆོས་ཅན་གྱི་སྒྲ་ལྡོག་པའི་དངོས་པོའི་ཡུལ་ལ་ཆོས་གཞན་མ་སྤངས་པའི་ཕྱིར་དེའི་བརྗོད་པ་རྣམས་ཀྱིས་གཞི་མཐུན་པ་ཡིན་པ་གཟུགས་ནི་བུམ ་པའོ་ཞེས་བྱ་བར་ཡང་འགྱུར་རོ། །གཟུགས་ལ་སོགས་པ་སྒྲའི་བརྗོད་བྱ་ལས་གཞན་པ་ཡན་ལག་ཅན་དང་འདུས་པ་ལ་སོགས་པ་དེའི་ཡུལ་མ་ཡིན་ན་གང་གིས་འདི་སྐྱོན་མ་ཡིན་སྙམ་དུ་སེམས་པ་ནི། གལ་ཏེ་ཡན་ལག་ཅན་ནི་ཞེས ་བྱ་བའོ། །གལ་ཏེ་ཡང་གཟུགས་ལ་སོགས་པ་ཐ་དད་པ་ཅུང་ཟད་ཀྱང་མེད་པ་ལ་གཟུགས་ལ་སོགས་པ་རྣམས་མཐུན་པའི་འབྲས་བུ་དེ་ལ་མི་བྱེད་པར་རྣམ་པར་གཅོད་པའི་ངོ་བོའི་ནུས་པ་ནི་བུམ་སྒྲ་བརྗོད་པ་ནི་གཟུགས་ལ་སོགས་པའི་ནུས་པས་བླངས་པ ་མ་ཡིན་ལ་དཀར་པོ་ལ་སོགས་པའི་ངེས་པ་ནི་བླངས་པ་ཡིན་ནོ། །བླངས་པ་དང་མ་བླངས་པ་དེ་དག་ནི་གཞི་མཐུན་པ་ཉིད་དང་མི་མཐུན་པ་ཉིད་ལ་ཡང་འདུས་པའི་སྒྲ་ཉིད་དང་གཞན་ལ་ནི་རིགས་ཀྱི་སྒྲ་ཉིད་ཡིན་པར་བསྟན་པ་ནི། གཟུགས་སོགས་ཞེས་བྱ ་བ་སྟེ། གཟུགས་ལ་སོགས་པ་རྣམས་ཀྱི་ནུས་པ་ཐ་དད་པ་ནི་ཁྱད་པར་ཏེ་ངེས་པའི་འབྲས་བུ་ལ་ཐུན་མོང་མ་ཡིན་པའི་འབྲས་བུ་ཡིན་ལ་དེ་རྣམས་འཕེན་པ་མ་ཡིན་པ་སྟེ། བླངས་པས་འཇུག་པ་ཞེས་བྱ་བ་ནི་སྒྲའི་ནུས་པ་ཡིན་པར་འཇིག་རྟེན་གྱི་ཐ་སྙད་ཀྱི ་རྗེས་སུ་འགྲོ་བ་བརྗོད་པ་ཡིན་ན། དེའི་ཕྱིར་འདི་ལྟ་བུར་ནུས་པའི་ཁྱད་པར་མི་འཕེན་པར་བསྟན་པས་ནུས་པའི་སྤྱིའི་ཡུལ་བསྟན་པ་ཡིན་ནོ། །དེ་ལྟ་ཡིན་ན་ནུས་པའི་སྤྱི་ཉིད་ཀྱི་དངོས་པོ་ཉིད་བརྗོད་བྱ་ཡིན་པའི་ཕྱིར་ཡན་ལག་ཅན་ལ་སོགས་པ་ཇི་ལྟར་སྤངས ་པ་ཡིན་ཞེས་ཟེར་བ་ལ། དེ་མཚུངས་ཞེས་བྱ་བ་སྨོས་ཏེ། དེས་ཏེ་གཟུགས་ལ་སོགས་པ་རྣམས་དེ་མཚུངས་པ་ཡང་ཡིན་ལ། འབྲས་བུ་ཡང་ཡིན་པ་ནི་ཆུ་འཛིན་པ་ལ་སོགས་པའི་འབྲས་བུའོ། །དེའི་རྒྱུ་མ་ཡིན་པ་ནི་བྱེད་པ་མ་ཡིན་པ་སྟེ། སྣམ་བུ་ལ ་སོགས་པའི་གཟུགས་ལ་དེ་རྣམ་པར་གཅོད་པའི་ངོ་བོ་སྟེ། བྱེད་པ་པོ་ལ་ཡོད་པའི་བྱ་བ་ཡིན་པར་ཁས་བླངས་པའི་ཕྱིར་རོ། །གང་གི་ཕྱིར་ནུས་པ་ནི་ནུས་པ་མ་ཡིན་པ་ལས་ལོག་པའི་ངོ་བོ་ཡིན་གྱི་གཞན་ནི་མ་ཡིན་ནོ། །གལ་ཏེ་གཟུགས་ལ་སོགས་པའི ་ནུས་པའི་སྤྱི་བུམ་པའི་སྒྲས་བརྗོད་པ་ཡིན་ན། དེ་ཉིད་འདུས་པའི་སྒྲ་ཁོ་ན་ཡིན་གྱི་རིགས་ཀྱི་སྒྲར་མི་འགྱུར་ཞེས་ཟེར་བ་ལ། དེས་ན་འདི་ནི་ཞེས་བྱ་བ་སྨོས་ཏེ། བུམ་པའི་སྒྲ་ཁོ་ན་ནུས་པའི་སྤྱི་ལ་བལྟོས་ནས་འདུས་པ་ཡིན་ཏེ། ཁྱད་པར་གྱི་ནུས་པ་ལ ་མི་འཕེན་པའི་ཕྱིར་རོ། །དེ་འཕེན་པ་ལས་ནི་དཀར་པོ་བཞིན་དུ་རིགས་ཀྱི་སྒྲ་ཡིན་ནོ། །ནུས་པའི་ཁྱད་པར་མི་འཕེན་པ་ཁོ་ནས་ནུས་པའི་སྤྱི་ལས་དེ་དེའི་ཞེས་བྱ་བར་ཐ་དད་པར་རྣམ་པར་དབྱེ་བ་བསྟན་པ་ནི། བུམ་པ་ཡི་ནི་གཟུགས ་སོགས་ཞེས་བྱ་བ་སྟེ། ཙན་དན་གྱི་དྲི་ཞེས་ཐ་སྙད་འདོགས་པ་ནི་ཡོན་ཏན་དང་ཡོན་ཏན་ཅན་ཐ་དད་པར་བྱེད་པ་མ་ཡིན་ཏེ། གཞན་དུ་ཡང་ཡོད་པའི་ཕྱིར་རོ། །ནུས་པའི་སྤྱིས་ཁྱད་པར་ཅན་དུ་གྱུར་བ་རྣམས་ནི་དེ་ལས་གཞན་ལས་ཁྱད་པར་ཅན་དུ་བྱས་པའི ་གཟུགས་ལ་སོགས་པ་རྣམས་ལས་གཞན་པ་འཇུག་པའི་ཡུལ་དུ་འགྱུར་བར་བསྟན་པ་ནི། དེ་སྤྱི་ཡན་ལག་ཏུ་བྱས་པ་གང་དག་གི་ཡིན་པ་དེ་དག་གི་ཡིན་གྱི་གཟུགས་ལ་སོགས་པ་ཙམ་གྱིས་ནི་མ་ཡིན་ཏེ། བུམ་པ་ལ་ངེས་པའི་དོན་བྱེད་པ་ལ་གནས ་པའི་དོན་བྱེད་ནུས་པའི་སྤྱིའི་དབྱེ་བ་ཡིན་པའི་ཕྱིར། སྣ་ཚོགས་པ་ཉིད་ཀྱི་ངོ་བོ་ལ་ཉེ་བར་གནོད་པ་ཡིན་ཞེས་བྱ་བའི་དོན་ཏོ། །དེ་དེ་ལྟར་བུམ་པ་ལ་སོགས་པའི་མིང་གི་ཚིག་ནི་ཐོག་མ་མེད་པའི་བག་ཆགས་ལས་བྱུང་བའི་རྣམ་རྟོག་གིས་སྤྲུལ་པའི ་རྣམ་རྟོག་གིས་སྤྲུལ་པའི་དོན་གྱི་དབྱེ་བ་ལ་གནས་པའི་དོན་དང་འཇིག་རྟེན་གྱི་ལུགས་ལ་ཡང་བརྟེན་ནས་རྣམ་གྲངས་མ་ཡིན་པ་ལ་སོགས་པར་བསྟན་ནས། ད་ནི་ཉེ་བར་བསྒྱུར་བ་དང། ཚིག་ཕྲད་དང། ཨཱ་ཁྱ་ཏ་ལ་སོགས་པ་རྣམས་ཀྱང་བརྟགས ་པའི་དོན་གྱི་དབྱེ་བས་གཞི་མཐུན་པ་ཉིད་དང་ཅིག་ཤོས་ལ་སོགས་པ་འཇིག་རྟེན་གྱི་རྣམ་བཞག་ལ་བརྟེན་ནས་ཡང་བཤད་པར་བྱའོ་ཞེས་བསྟན་པ་ནི། ཕྱོགས་འདིས་གཞན་ལ་ཡང་བརྗོད་པར་བྱ་ཞེས་བྱ་བ་སྟེ། འདིས་ཏེ་བརྟགས་པའི་དངོས ་པོའི་དབྱེ་བ་དང་འཇིག་རྟེན་གྱི་རྣམ་བཞག་དང། སྒྲའི་ནུས་པའི་ངོ་བོས་འདི་ཁོ་ནས་སེལ་བ་རྣམས་ཁྱད་པར་མེད་པ་ཉིད་ཀྱིས་རང་ལ་ཡོད་པའི་དབྱེ་བ་མེད་པའི་ཕྱིར་སྒྲ་མ་ལུས་པའི་རྣམ་གྲངས་ཉིད་བསལ་བ་ཡིན་ཏེ། བརྟགས་པ་རྣམས་ཀྱི་དབྱེ་བ ་མ་རྟོགས་པའི་ཕྱིར་རོ། །རིགས་ཀྱི་སྒྲ་ནི་ཞེས་བྱ་ནི་འདི་ཞེས་བྱ་བ་ལ་བལྟོས་པ་ཡིན་ལ་ཚོགས་པའི་སྒྲ་འདི་ཉིད་ཅེས་བྱ་བ་ནི་རིགས་ཀྱི་སྒྲར་འགྱུར་ཏེ། ནུས་པ་དེའི་སྤྱི་ནི་གསལ་བྱ་སོ་སོ་ལ་ངེས་པར་གང་གི་ཚེ་རྗོད་པར་བྱེད་ཆོས་གཞན་མ་སྤངས་པས་ཞེས་བྱ་བ ་འདི་ལ་ཞེས་བྱ་བ་ནི་བསམ་པའོ། །ཚོགས་པའི་སྒྲ་འདི་ལ་དཔེ་ནི། དཔེར་ན་ནགས་ཞེས་བྱ་བའོ། །རིགས་ཀྱི་སྒྲ་ཞེས་བྱ་བ་འདི་ལ། དཔེ་ནི། དཔེར་ན་ཤིང་ཞེས་བྱ་བའོ། །ནུས་པའི་སྤྱིའི་བརྗོད་བྱེད་ཀྱང་ནུས་པའི་ཁྱད་པར་གྱི་རྗོད་བྱེད་རྣམས་ཀྱི་རེས་འགའ་ཞིག་མཐུན་པ་ནི ་ཤིང་དང་ནགས་ཞེས་བྱ་བ་བཞིན་དུ་འཇིག་རྟེན་ལ་སྦྱོར་བ་ཁོ་ན་མ་ཡིན་སྙམ་དུ་སེམས་པ་ནི། འོན་ཏེ་ཇི་ལྟར་ཞེས་བྱ་བའོ། །ཤིང་དང་ནགས་ཞེས་བྱ་བ་ནི་འཇིག་རྟེན་གྱི་རྣམ་བཞག་ལས་དེ་ལྟར་ཡོད་པ་ལས་འགྱུར་བ་ཡིན་གྱི་གཟུགས་བུམ་པ་ཞེས་བྱ་བ་ནི ་མ་ཡིན་ཏེ། དེ་མེད་པའི་ཕྱིར་རོ་ཞེས་བསྟན་པ་ནི། གལ་ཏེ་བསྟན་བཅོས་ཞེས་བྱ་བ་སྟེ། བསྟན་བཅོས་གཞན་ནི། རྐང་མིག་ལ་སོགས་པའི་རིགས་པའི་རྗེས་སུ་འབྲངས་པའོ། །འཇིག་རྟེན་གྱི་རྣམ་བཞག་གི་རྗེས་སུ་འཇུག་པ་ཡིན་ན། གཟུགས་ལ་སོགས ་པ་རྣམས་བུམ་པར་འགྱུར་བར་བསྟན་པ་ཁོ་ན་ནི་དངོས་པོ་ཡང་དག་པར་ཞེས་བྱ་བ་སྟེ། དེ་མཚུངས་པ་ནི་འབྲས་བུ་ཡི། །རྒྱུ་མིན་པ་ནི་རྣམ་གཅོད་པ། །ཞེས་བྱ་བ་འདི་ལ་དབྱིབས་ཀྱི་ཁྱད་པར་དུ་མངོན་པར་འདོད་པ་ཡིན་ནོ། །གཞན་དུ་ན་སྤྱིའི་འབྲས་བུ་ལ ་ནུས་པ་མེད་པར་ཐལ་པར་འགྱུར་བར་བསྟན་པ་ནི། དབྱིབས་ཀྱི་ཁྱད་པར་གང་ལས་ཞེས་བྱ་བའོ། །དབྱིབས་དང་ལྡན་པ་ལས་ཐ་དད་པ་དེའི་དབྱིབས་ནི་མ་ཡིན་ནོ། །དེ་རྣམས་དེ་ལྟར་འབྱུང་བ་འབའ་ཞིག་ནི་དེ་ལྟ་བུའི་ཐ་སྙད་ཀྱི་ཡུལ་ཡིན་པའི་ཕྱིར ་གཟུགས་ལ་སོགས་པ་རྣམས་བུམ་པ་བཞིན་དུ་རིགས་པ་ཤེས་པ་པོ་ལ་གཟུགས་བུམ་པ་ཞེས་བྱ་བར་ནི་མི་འགྱུར་ཏེ། ཕྱོགས་གཅིག་ལ་བསྡུས་པའི་ཚིག་མེད་པའི་ཕྱིར་རོ་ཞེས་བྱ་བ་ནི་གཟུགས་ལ་བུམ་པ་ཞེས་བྱ་བའོ། །གལ་ཏེ་ཕན་ཚུན ་ཁྱབ་པ་མེད་པའི་ཕྱིར་གཟུགས་ནི་བུམ་པ་ཞེས་བྱ་བར་གཞི་མཐུན་པ་མ་ཡིན་ནོ། དེ་བཞིན་དུ་འདིར་ཡང་ཤིང་ནི་ཤིང་ཤ་པ་ཞེས་བྱ་བར་མི་འགྱུར་རོ། །ཤིང་ཤ་པས་ཤིང་ལ་ཁྱབ་བ་ནི་མ་ཡིན་ཏེ། སེང་ལྡེང་ལ་ཡང་ཡོད་པའི་ཕྱིར་རོ་སྙམ ་དུ་སེམས་པ་ནི། གལ་ཏེ་ཤིང་དང་ཞེས་བྱ་བའོ། །དེ་ཡོད་པ་ཁོ་ནས་ཡོད་པ་ལ་ཁྱབ་པ་ནི་མ་ཡིན་ཏེ། འོན་ཀྱང་རྟོགས་པ་འཕེན་པ་ནི་མ་ཡིན་ལ། དེ་མི་འཕེན་པ་ཁྱབ་བྱ་མ་ཡིན་པར་བསྟན་པ་ནི། ཤིང་བློ་ཞེས་བྱ་བའོ། །འདིར་ཡང་ཞེས་བྱ་བ་ནི་ཁྱད་པར་ཅན་གྱི ་ནུས་པ་དང་ལྡན་པ་ཡང་འཕངས་པ་ཡིན་ཞེས་བྱ་བ་འདི་ལ་ཡང་ངོ། གནའི་ཐ་སྙད་ནི་འཇིག་རྟེན་གྱི་ཐ་སྙད་དོ། །རྒྱུ་མཚན་དེ་ལས་ཀྱང་སྒྲའི་ནུས་པ་ཡིན་གྱིས་རང་བཞིན་གྱི་ནི་མ་ཡིན་ཏེ། བརྡམ་བཟུང་ན་མི་རྟོགས་པའི་ཕྱིར་རོ། །འདི་ཤིང་རྟོག་པ་ན་ས་ཞེས ་བྱ་བས་སྒྲ་ལས་རྟོགས་པ་ནི་མ་ཡིན་ཏེ། དོན་མངོན་སུམ་པ་ཡིན་པའི་ཕྱིར་འདི་ཞེས་བྱ་བར་རབ་ཏུ་གྲུབ་པར་རྗེས་སུ་བརྗོད་ནས་ཤིང་རྟོག་པ་ནས་ཞེས་པ་ན་སའི་སྒྲས་བརྗོད་པར་བྱ་བ་ཉིད་དུ་སྒྲུབ་པར་བྱེད་པ་ཡིན་ནོ། །དེའི་ཕྱིར་སྒྲ་མ་བཟུང་བ་ལས ་གཉིས་ཀ་ལས་བྱུང་བའི་ཤེས་པ་ཡོད་པ་ཡིན་ཏེ། བརྡ་ཅན་མ་ཡིན་པ་ཉིད་དུ་ཐལ་བར་འགྱུར་བའི་ཕྱིར་རོ། །གལ་ཏེ་བ་ལང་དག་ནི་ཉི་ཤུའོ་ཞེས་བྱ་བ་ལ་སོགས་པའི་འདྲི་བ་ཡང་གྲངས་ལ་ཇི་ལྟ་བ་བཞིན་དུ་ཉེ་བར་བསྒྱུར་བ་དང་ཚིག་ཕྲད་དང ་ཨཱ་ཁྱ་ཏ་དག་ལ་ཡང་མཚུངས་པ་བཅུ་འདུས་པ་སྟེ་བཅུ་ཕྲག་གཉིས་ཀྱི་ངོ་བོ་གཞན་ཁོ་ན་ཡིན་པར་བསྟན་པ་ནི། བསྟན་པའི་ནུས་པ་ཞེས་བྱ་བ་སྟེ། རབ་ཏུ་གནས་པ་དང་མངོན་པར་འགྲོ་བ་ཞེས་བྱ་བ་ནི་ཉེ་བར་བསྒྱུར་བའོ། །ཡོད་པ་འམ་མེད་པ ་ཞེས་བྱ་བ་ནི་ཚིག་ཕྲད་དོ། །འཚེད་པར་བྱེད་ཅེས་བྱ་བ་ནི། ཨཱ་ཁྱ་ཏ་རྣམས་ཀྱི་བྱ་བ་བྱེད་པ་པོའི་གནས་སྐབས་ཀྱི་ཚིག་ལས་དོན་གྱི་བྱེ་བྲག་གསལ་བ་ཡིན་ནོ། །དེ་བཞིན་དུ་དོན་གྱི་དབྱེ་བའི་རྗེས་སུ་འབྲང་བའི་རྣམ་རྟོག་གི་གོ་བྱའི་དོན་གྱི་བྱེ ་བྲག་ལ་ཐ་སྙད་དུ་བྱེད་པ་ནི་སྒྲ་ལས་ཕྱུང་བ་ཡིན་གྱི། སྒྲུབ་པ་ལ་ནི་མ་ཡིན་ཏེ། སྒྲུབ་པ་སྨྲ་བ་པོ་རྣམས་ཀྱིས་ཀྱང་མ་བོར་བའི་ཕྱིར་རོ། །ཡན་ལག་ཅན་ནམ་སྤྱི་ལ་ཡང་ཡན་ལག་གི་དབྱིབས་ཀྱི་ཁྱད་པར་དེ་ལས་གཞན་པ་ལས་ལོག་པ་མ་རྟོགས་པས ་རྟོགས་པར་མི་ནུས་ཏེ་རྗེས་སུ་འཇུག་པ་ཙམ་ཡིན་པའི་ཕྱིར་རོ། །བག་ཆགས་ཇི་ལྟ་བ་བཞིན་དང་བརྡ་ཇི་ལྟ་བ་བཞིན་དུ་རྟོག་པ་དོན་གྱི་དབྱེ་བ་རྗེས་སུ་སྒྲུབ་པ་བཞིན་པ་ནི་ཡུལ་དེ་ཁོ་ན་ལ་རིགས་ཀྱི་དམིགས་བཞིན་པ་མ་ཡིན་པ་ཡན་ལག་ཅན་དང་སྤྱི ་ལ་སོགས་པའི་ཡུལ་ལ་ནི་མ་ཡིན་ནོ། །དེ་ལྟར་སྤྱིའི་དོན་གྱི་དབྱེ་བ་ཡུལ་ལ་བརྟེན་ནས་སྒྲའི་ཐ་སྙད་རྣམ་པར་དབྱེ་བ་བྱས་ནས། དེ་ནི་དེར་གཏོང་པ་མ་བྱས་པས་ཐོག་མ་མེད་པའི་བག་ཆགས་ཙམ་གྱི་རྣམ་རྟོག་གིས་བརྟགས་པའི་དོན་གྱིས་དབྱེ ་བ་ལ་བརྟེན་ནས་རྣམ་གྲངས་མ་ཡིན་པ་ཉིད་དུ་བརྗོད་པ་ནི། ཡང་ན་ཐོག་མ་མེད་པའི་ཞེས་བྱ་བའོ། །ཕྱི་རོལ་གྱི་དོན་ལ་ཡང་དེ་ལྟ་བུའི་བག་ཆགས་ཡོད་པའི་ཕྱིར་བརྟག་པར་བྱ་བ་དང་གཅིག་ཏུ་བྱས་ནས་ཐ་སྙད་དུ་བྱེད་པ་ནི་སྒྲུབ་པའི་ཡུལ་ཁོ་ན་ལ ་ཡིན་དུ་ཟིན་ཀྱང་དེ་བཞིན་དུ་སྤྱི་དང་ཡན་ལག་ཅན་ལ་སོགས་པར་འགྱུར་བའི་སྐྱོན་མེད་པར་བསྟན་པ་ནི། གལ་ཏེ་སྒྲ་དོན་དེ་ལྟ་བུ་ཡིན་ཡང་ཞེས་བྱ་བ་སྟེ། དེ་ལ་སྟེ། བསྒྲུབ་པའི་ངོ་བོའི་བརྗོད་བྱ་ལ་རྩོད་བྱེད་ནི་སྒྲུབ་བྱེད་རྟོགས་པར་བྱེད་པ་ཡིན་ཏེ། དེས ་ཀྱང་གཞན་གྱི་འདོད་པ་ཅུང་ཟད་ཀྱང་མི་སྒྲུབ་པོ་ཞེས་བྱ་བའི་དོན་ཏོ། །དེ་ལྟར་བརྗོད་བྱའི་རྣམ་པར་དབྱེ་བ་ནི་རྟོག་པ་ཙམ་གྱི་རྒྱུ་མཚན་ལས་ཡིན་པར་བསྟན་ནས་བརྗོད་ཀྱི་རྣམ་པར་དབྱེ་བ་ཡང་ལེགས་པ་འམ་མ་ལེགས་པའི་ངོ་བོ་བག་ཆགས ་ཙམ་ལས་བྱུང་བ་ཡིན་ཏེ། རྣམ་པར་རྟོག་པའི་རྒྱུ་མཚན་ཅན་ཁོ་ན་ཡིན་ནོ། །འདི་ལྟར་དོན་གྱི་རྣམ་པར་དབྱེ་བ་ཉིད་ནི་ལེགས་པ་ཉིད་ཀྱི་རྒྱུ་མཚན་མ་ཡིན་ཏེ། མི་ལེགས་པར་འདོད་པ་ལ་ཡང་ཡོད་པའི་ཕྱིར་རོ་ཞེས་བསྟན་པ་ནི། ཐ་མལ་པའི ་སྒྲ་ཞེས་བྱ་བའོ། །འདུ་བྱེད་དང་ལྡན་པས་འདུས་བྱས་པ་ཉིད་ནི་ཐ་མལ་པ་ལ་ཡོད་པ་འདི་ཡང་མི་རིགས་པར་བསྟེན་པ་ནི། མཚན་ཉིད་ཀྱིས་ནི་འདོད་པ་ནི་མངོན་པར་འདོད་པའོ། །འོན་ཏེ་ལེགས་པ་ཉིད་དང་ཅིག་ཤོས་ཉིད་འདུས་བྱས་དང ་ཅིག་ཤོས་ཉིད་ཡིན་ན་དེ་ཡང་རབ་ཏུ་གྲགས་པ་མེད་ན་རྟོགས་པ་མ་ཡིན་ནོ། །རྟོགས་པ་མ་ཡིན་པར་བསྟན་པ་ནི། ལེགས་པར་སྦྱར་དང་ལེགས་མིན་ཞེས་བྱ་བ་སྟེ། ཆོས་དང་ཅིག་ཤོས་ཀྱི་རྒྱུ་མཚན་ལས་ནི་ལེགས་པ་དང་མི་ལེགས་པ་ཉིད་ཀྱི་ངོ་བོ་ལེགས ་པར་སྦྱར་བ་དང་གཅིག་ཉིད་ཚད་མས་གོ་བར་བྱ་བ་མ་ཡིན་ནོ་ཞེས་བྱ་བའི་དོན་ཏོ། །ཚད་མའི་རྗེས་སུ་འཇུག་པ་མེད་ན་གྲགས་པ་ནི་མེད་པར་སྨྲ་བའི་ཚིག་བཞིན་དུ་ཕྱིན་ཅི་ལོག་ཏུ་གོ་བར་བསྟན་པ་ནི། རྣམ་པར་བཞག་པ་ཙམ་དུ་ཟད་ཅེས་བྱ་བའོ། །ཡན ་ལག་དྲུག་པའི་རིག་བྱེད་རྒྱུ་མེད་པར་འདོན་པར་བྱ་བ་ཡིན་ནོ་ཞེས་བྱའི་ལུང་ནི་བྱཱ་ཀར་ཎའི་རྩ་བ་ཡིན་ནོ། །ལུང་ཡང་ཚད་མ་ཁོ་ན་ཡིན་སྙམ་དུ་སེམས་པ་ལ། མ་མཐོང་བའི་དོན་བརྗོད་ནི་ཞེས་བྱ་བ་སྟེ། ལུང་ནི་བག་ཆགས་ལས་བྱུང་བའི་རྣམ་པར ་རྟོག་པ་ཙམ་གྱིས་མཐོང་བའི་དོན་གྱི་ཡུལ་ལ་ཡིན་གྱི་དངོས་པོ་ལ་བརྟེན་པ་ནི་མ་ཡིན་ནོ། །དེ་ལ་བརྟེན་པ་ཡིན་ན་ནི་དེ་སྒྲུབ་པ་ཡིན་ནོ། །མ་མཐོང་བའི་དོན་ལ་མ་ཡིན་དུ་ཟིན་ཀྱང་འབྲས་བུར་རྟོག་པ་ན་ཆོས་ཀྱི་འབྲས་བུར་འགྱུར་རོ་ཞེས་བྱ་བའི་དོན ་ཏོ། དེ་ལ་ཡིས་ཆེས་ཡོད་མིན་ཏེ་ཞེས་བྱ་བ་ནི། མངོན་སུམ་ལ་སོགས་པའི་ཚད་མ་མེད་པའོ། །དེ་བཞིན་དུ་ཐ་མི་དད་པའི་ཡན་ལག་ཅན་དང་སྤྱི་ལ་སོགས་པ་རྣམ་པར་ཤེས་པའི་རྒྱུ་ནི་མངོན་སུམ་ལ་སོགས་པས་སམ་ཐ་སྙད་ལས་ཀྱང་རྟོགས་བྱ ་མ་ཡིན་ནོ་ཞེས་བསྟན་པ་ཡིན་ནོ། །སོ་སོར་སྣང་བའི་དབྱེ་བས་ཐ་དད་པར་ཞེ་འགྱུར་ན་རྒྱ་ཆེན་པོར་དམིགས་པས་ཕན་ཚུན་རྗེས་སུ་མི་འགྲོ་བར་འགྱུར་བའི་ཕྱིར་རོ་སྙམ་དུ་སེམས་པ་ནི། གལ་ཏེ་ལུས་ཀྱི་ཞེས་བྱ་བ་སྟེ། གལ་ཏེ་ཞེས་བྱ་བ་ནི ་ཁས་སླངས་པ་ཞེས་བྱ་བའི་དོན་འདི་ལ་འམ་དེ་བཞིན་གྱི་དོན་ལ་ཡིན་ཏེ། ཡན་ལག་ཅན་ལ་སོགས་པ་མེད་པར་བྱས་པ་ཡིན་ནོ། །དེ་ལ་ཞེས་བྱ་བ་ནི་ཁས་བླངས་པ་ལ་ཕྱོགས་གཉི་ག་ལ་ཡང་གོ་རིམ་བཞིན་དུ་སྐྱོན་བསྟན་པ་ནི། མ་ལུས་རྒྱུ་ཉིད་ཅེས་བྱ་བ་སྟེ། ་རྒྱུ་མ་ལུས་པ་ཅན་ནི་ཡན་ལག་གཅིག་མ་ཚད་ན་རྒྱུ་མེད་པའི་ཕྱིར་མི་འབྱུང་ངོ། །དེ་མེད་ཀྱང་འབྱུང་བ་ཡིན་ན་ནི་རྒྱུ་དེ་ཉིད་དང་འགལ་བའི་ཕྱིར་རྒྱུ་གཞན་ཉིད་ཁྱབ་བྱེད་དུ་རྟོགས་པར་བྱེད་པས་འགལ་བ་ཁྱབ་པར་འགྱུར་རོ། །རེ་དེའི་རྒྱུ་ཉིད་ཡིན་ན་ཡང་བྱ? ་བྱེད་མང་པོ་འབྱུང་བ་ཡིན་ལ་དེ་དང་འགལ་བ་གཅིག་ཉིད་ནི་ཁྱབ་པར་བྱེད་པ་འགལ་བར་འགྱུར་བར་བསྟན་པ་ནི། རེ་རེ་ནུས་པ་ཉིད་ཡིན་ན་ཞེས་བྱ་བའོ། །ལུས་ཀྱི་ཡན་ལག་གི་བསྐྱེད་བྱའི་ཡང་ཤེས་པ་ནི་དབུགས་འབྱུང་བ་ལ་སོགས་པ་རྒྱུ་གཅིག ་གིས་ངེས་པར་གྱུར་པ་ནི་གཅིག་ཁོ་ནར་འགྱུར་བ་མ་ཡིན་ནམ་དེའི་ཕྱིར་རྒྱུ་རེ་རེ་ཉིད་ལ་མང་པོ་ཉིད་སྐྱོན་མ་ཡིན་ནོ་སྙམ་དུ་སེམས་པ་ལ། དུ་མ་ཉིད་དུ་ཞེས་བྱ་བ་སྨོས་སོ། །དབུགས་འབྱུང་བ་ལ་སོགས་པ་ལ་ཡང་དུ་མ་ཉིད་ཀྱི་ཕྱིར་དུ་མ་ཉིད་ཀྱི ་སྐྱོན་སྤངས་པ་མ་ཡིན་ནོ་ཞེས་བྱ་བའི་དོན་ཏོ། །ཕྱོགས་དང་པོ་འཆད་པ་ནི། འབྲས་བུ་གང་ལ་ཞེས་བྱ་བའོ། །གཉིས་པ་འཆད་པ་ནི། འོན་ཏེ་ཡན་ལག་རྣམས་ཞེས་བྱ་བའོ། །དབུགས་འབྱུང་རྡུབ་དག་གི་དུ་མ་ཉིད་དུ་ཁས་ལེན་པ་ལ་སྐྱོན་བརྗོད་ནས་གཅིག ་པ་ཉིད་ཁས་ལེན་པ་པ་ལ་ཡང་ཕྱོགས་གཉིས་པའི་སྐྱོན་གཞན་ལ་ཐལ་འགྱུར་ཡིན་པ་བསྟན་པ་ནི། གཅིག་ཉིད་ཡིན་ན་ཡང་ཞེས་བྱ་བ་སྟེ། ནུས་པའི་རྒྱུ་ནི་རང་གི་འབྲས་བུ་ལ་བལྟོས་པ་དང་བཅས་པ་ཡིན་ལ་དེས་ན་ཁྱབ་པ་ཡིན་ཏེ་དེའི་ཁྱབ་བྱེད་འབྲས་བུ་ཉེ ་བར་བྱེད་པ་ཡིན་ནོ། །དེ་ཡོད་ཀྱང་མེད་ན་ནི་ཁྱབ་བྱེད་མ་ཡིན་པའི་ཕྱིར་དེའི་ཕྱིར་ཤིང་འདི་ལ་ཤིང་ཤ་པ་ཉིད་བཞིན་དུ་རྟག་ཏུ་ཉེ་བ་ཡིན་ནོ་ཞེས་བྱ་བས་དང་པོའི་འབྲས་བུའི་དུས་སུ་གཉིས་པ་ལ་སོགས་པའི་བྱེད་པ་པོ་ཉེ་བ་ཡིན་པར་མཚོན་པ་ཡིན་ནོ། །རྟག་ཏུ ་ཉེ་བ་དེ་དེའི་ཚེ་མི་ཉེ་བར་གྱུར་པ་ནི་མ་ཡིན་ནོ། །འོན་ཏེ་རྒྱུའི་ཆོས་ཡིན་པའི་ཕྱིར་རམ་གཞན་ལས་ཀྱང་དུད་འབྲས་བུ་དེའི་དུས་སུ་འབྲས་བུ་གཞན་བྱེད་པ་མ་ཡིན་ལ་དེ་ལྟ་ཡིན་ན་དུས་གཞན་ལ་ཡང་དེ་ཉིད་ཁྱབ་པར་མི་འགྲུབ་པའི་ཕྱིར་མི ་འབྱུང་བ་ཡིན་ནོ་སྙམ་དུ་སེམས་པ་ལ། གལ་ཏེ་དུ་མའི་རྒྱུ་མིན་ན་ཞེས་བྱ་བའོ། །དབུགས་འབྱུང་རྡུབ་ལ་སོགས་པ་ཞེས་བྱ་བའི་སོགས་པའི་སྒྲས་ནི་ལུས་བཟུང་ངོ། །ནུས་པའི་རྒྱུ་ནི་རང་ཡོད་པས་འབྲས་བུ་ཡོད་པར་གོ་བར་བྱེད་པ་ཡིན་ཏེ། དེས་ཁྱབ ་པའི་ཕྱིར་རོ་ཞེས་བསྟན་པ་ནི། རྒྱུ་ཉེ་ཡང་ངོ་ཞེས་བྱ་བའོ། །བདེན་ཏེ། འབྲས་བུ་སྐྱེད་པར་བྱེད་པའི་རང་བཞིན་ནི་ལྷན་ཅིག་བྱེད་པ་ལ་བལྟོས་པ་ཡིན་གྱི་འབའ་ཞིག་ནི་མི་ཡིན་ལ་དེས་ཀྱང་འདིའི་བདག་ཉིད་དུ་གྱུར་པ་འམ་གཞན་ཡང་ཕུལ་དུ་བྱུང ་བར་བྱེད་པ་ནི་མ་ཡིན་ནོ། །འོ་ན་ཅི་ཞེ་ན། འབྲས་བུ་ཡིན་ནོ་སྙམ་དུ་སེམས་པ་ནི། གཞན་ཡང་གཞན་ཞེས་བྱ་བའོ། །གཞན་ལ་བལྟོས་པའི་བྱེད་པ་རང་བཞིན་ཡིན་པའི་ཕྱིར། ཨ་རུ་ར་ལ་བལྟོས་ནས་ལྷ་འཁྲུ་བར་བྱེད་པ་ཡིན་པ་བཞིན་དུ་རིགས ་པ་ཤེས་པ་རྣམས་ཀྱི་མཉན་པར་བྱ་བ་མ་ཡིན་ནོ། །འབྲས་བུའི་རང་བཞིན་བལྟོས་ས་ཁོ་ན་ལས་ཡིན་ཏེ། གཞན་ནི་དེའི་འབྲས་བུ་ཉིད་དུ་མ་རྟོགས་པའི་ཕྱིར་རོ། །སང་པར་བྱེད་པ་རྣམས་ཀྱང་དབུགས་ལ་སོགས་པ་ཁོ་ན་བཞིན་དུ་སེམས ་ཀྱི་རྒྱུ་ཉིད་མ་ཡིན?་ཏེ། དེ་མེད་ཀྱང་འབྱུང་བའི་ཕྱིར་རོ་ཞེས་བསྟན་པ་ནི། སད་པར་བྱེད་པའི་སྐྱེན་ཀྱང་ཞེས་བྱ་བའོ། །ད་ལྟ་ཡིན་ན་དེའི་ངེས་པ་གང་ན་ཡོད་ཅེ་ན། སྔོན་གྱི་འདུ་བྱེད་པ་ཞེས་བྱ་བ་སྨོས་སོ། །འདུ་བྱེད་པ་འབྲས་བུ་ལ་མི་འཁྲུལ་བར ་རྟོགས་པ་ཡིན་ན། དབུགས་ལ་སོགས་པའི་ནུས་པ་ནི་མ་ཡིན་ནོ་ཞེས་བསྟན་པ་ནི། དེས་ན་གལ་ཏེ་ཞེས་བྱ་བའོ། །དབུགས་འབྱུང་བ་ལ་སོགས་པ་གཅིག་ཉིད་ཅེས་བྱ་བ་འདི་དེས་ཉིད་ཅེས་བྱ་བ་འདི་དང་སྦྱར་བར་བྱའོ། །དབུགས་འབྱུང་བ་ལ ་སོགས་པ་གཅིག་ཉིད་དུ་ངེས་པར་བྱེད་པར་གཞན་འདོད་པར་ཁས་བླངས་ནས་དེ་མི་རིགས་པར་བསྟན་པ་ཡིན་ནོ། །ད་ནི་རྟོགས་པ་དང་འགལ་བར་བརྗོད་པ་ཡིན་པར་བསྟན་པ་ནི། གཅིག་ཉིད་དུ་འཐད་པ་ནི་མ་ཡིན་ཏེ་ཞེས་བྱ་བ་སྟེ། དབུགས་འབྱུང་བ་གཅིག ་གི་དུས་སུ་ཡང་དོན་དུ་མའི་ཤེས་པ་ཅིག་ཅར་སྐྱེས་པར་མཐོང་བའི་ཕྱིར་དབུགས་འབྱུང་བ་དེ་ལས་ངེས་པར་འབྱུང་བ་ནི་མ་ཡིན་ནོ། །དེ་ལྟ་མོད་ཀྱི་གང་དུ་ཡང་འགྲོ་བ་ན་བགྲོད་བྱ་དྲན་པ་ཁོ་ནའི་ཚེ་མདུན་ན་གནས་པའི་ཤིང་མཐོང་བ་དང་དེའི་མེ་ཏོག་གི་དྲི ་མནམས་པར?་གསོ?་རྩོལ?་སོགས་པའི་རོ་མྱོང་བར་བྱེད་པ་དང་མཁྲད་བ་ལ་རེག་པའི་རླུང་ལ་སོགས་པས་རེག་པར་ཡང་བྱེད་པ་ལ་སོགས་པ་རྣམས་ལ་རིམ་གྱིས་རྟོགས་པ་མ་ཡིན་ལ་ཅིག་ཅར་རྟོགས་ཀྱང་མ་འཁྲུལ་པ་ཡིན་ཏེ། གནོད་པ་ཅན ་མེད་པའི་ཕྱིར་རོ། །རེས་འགའ་རིམ་གྱིས་རྟོགས་པས་རྟོགས་པ་ལ་ངེས་པར་བྱེད་པ་ཅིག་ཅར་བར་མངོན་པར་རློམ་པའི་འཁྲུལ་པ་ནི་མ་ཡིན་ཏེ། དེ་ཁོ་ནའི་འགོར་བ་དང་ཅིག་ཤོས་དག་གི་རིམ་གྱིས་དང་ཅིག་ཤོས་སུ་ཡང་ལེགས་པ་ཡིན་པའི ་ཕྱིར་རོ། །དབུགས་འབྱུང་བ་གཅིག་གི་དུས་གཅིག་ཉིད་ཀྱི་བློ་སྐྱེ་བཞིན་པ་ནི་དོན་ཏུ་མ་འཛིན་པའི་བདག་ཉིད་ཅན་མ་ཡིན་ནམ། དུ་མ་ཉིད་ནི་མ་ཡིན་ནོ་སྙམ་དུ་སེམས་པ་ལ། དུ་མ་བློ་གཅིག་གིས་ཤེས་ན་ཞེས་སྨོས་སོ། །རྣམ་པ་མེད་པ་ཉིད ་ཀྱིས་ཉེ་བ་དང་ལྐོག་ཏུ་གྱུར་པ་མེད་པའི་ཕྱིར་དེ་དག་ཙམ་འཛིན་པ་བཞིན་དུ་དོན་མ་ལུས་པ་འཛིན་པར་འགྱུར་རོ། །སྐྱེད་པར་བྱེད་པ་ཉིད་དམ་ཉེ་བ་ནི་ངེས་པའི་རྒྱུ་མ་ཡིན་ནོ་ཞེ་ན། འགལ་བ་མེད་ཕྱིར་ཞེས་བྱ་བ་སྨོས་ཏེ། སྐྱེས་པར་བྱེད་པ་ནི ་ཤེས་པའི་བདག་ཉིད་ཐོབ་པར་བྱེད་པ་དང་བྱ་བ་ངེས་པས་ཀྱང་ཉེ་བ་འམ་དབང་པོ་ཡང་རུང་ཡུལ་འཛིན་པ་ལ་ངེས་པར་བྱེད་པ་ཡིན་ཏེ། ངེས་པར་མེད་པ་འཛིན་པ་ནི། གཅིག་ཡིན་ཞེས་ཁས་བླངས་པའི་ཕྱིར་རོ། །འཛིན་པར་འདོད་པ ་ཡང་ངེས་པར་འདོད་པ་མ་ཡིན་ཏེ། ཐ་དད་པའི་ཕྱིར་དང་སྐྱེད་བྱེད་མ་ཡིན་པའི་ཕྱིར་ཡང?་ངོ། །དེ་ཤེས་པའི་ཁོངས་སུ་གཏོགས་པ་ཡང་མ་ཡིན་ནོ། །དེའི་ཕྱིར་འགལ་བ་མེད་ཕྱིར་ཏེ། མི་མཐུན་པ་མ་ཡིན་པའི་ཕྱིར་རྣམ་ཤེས་ཐམས་ཅད་འབྱུང ་བར་འགྱུར་རོ། །གང་གི་ཚེ་རྗེས་སུ་མཐུན་པ་མ་ཡིན་པའི་བློ་ཡང་དུས་གཅིག་གི་ཚེ་བྱུང་བ་ནི་ཐམས་ཅད་འཛིན་པར་བྱེད་པ་མ་ཡིན་ལ་དེའི་རིམ་གྱིས་ཀྱང་ཡུལ་དེ་དང་དེ་འཛིན་པ་མ་ཡིན་ཏེ། མི་མཐུན་པ་མ་ཡིན་པ་ཉིད་ཀྱི་ཁྱད་པར་དང་མཚན་ཉིད་མི་མཐུན་པ ་མེད་པའི་ཕྱིར་རོ། །མི་མཐུན་པ་མ་ཡིན་པ་ཉིད་ཙམ་རྒྱུ་མཚན་ཅན་ཁྱབ་བྱེད་ཡིན་ན་དེ་ཡོད་ན་ངེས་པར་འགྱུར་ལ་མི་འགྱུར་ན་ནི་དེའི་རྒྱུ་མཚན་ཅན་མ་ཡིན་གྱི་གཞན་གྱི་རྒྱུ་མཚན་དུ་འགྱུར་བའི་ཕྱིར་འགལ་བ་ཁྱབ་པ་ཡིན་ནོ། །དེའི་ཕྱིར་གཅིག་ལ་ཡང་མི་འགྱུར་རོ། ་རིམ་གྱིས་ཀྱང་ཞེས་བྱ་བ་ནི་རེ་རེ་ནས་ཀྱང་ཞེས་བྱ་བའི་དོན་ཏོ། །དབུགས་གཅིག་ཀྱང་ངེས་པ་མེད་པ་ཁོ་ནར་འགྱུར་ན་ངེས་པ་དང་འགལ་བ་ཁྱབ་པ་ཡིན་ནོ་ཞེས་བསྟན་པ་ཡིན་ཡང་དབུགས་དེ་ལས་རྟོགས་པ་ཡིན་ན་དེ་ལས་ཞེས་ཡང་བརྗོད་པ་དོན ་གཞན་དུ་འགྱུར་བར་བསྟན་པ་ནི། འཛིན་པ་དེ་ཉིད་ཅེས་བྱ་བ་སྟེ། འདི་ཡང་རྣམ་ཤེས་ནུས་པ་ངེས་པའི་ཕྱིར་ཞེས་བྱ་བ་འདིས་རྣམ་པར་དཔྱད་པ་ཁོ་ན་ཡིན་པར་བསམ་པར་བྱའོ། །དུ་མ་བློ་གཅིག་གིས་ཤེས་ན་ཞེས་བྱ་བ་འདི་ཡང་གནས་སྐབས ་པའི་ཆད་མ་ལ་མི་ལྟོས་པ་མེ་ལོང་དྲི་མ་མེད་པ་ལྟ་བུའི་བློ་གཅིག་པུ་རྟག་པའི་སེམས་ཀྱི་ངོ་བོར་གཞན་གྱིས་ཁས་བླངས་པ་ལ་བརྟེན་ནས་བཤད་པ་ནི། འོན་ཏེ་ཡིད་ཀྱི་རྣམ་པར་ཤེས་པ་ཞེས་བྱ་བའོ། །འདིས་ནི་རྒྱལ་དཔོག་པའི་གཞུང་བསལ ་བ་ཡིན་གྱི། རྒྱང་འཕེན་པའི་བསལ་བ་ནི་མ་ཡིན་ཏེ། དེ་ནི་བློ་རྟག་པར་ཁས་ལེན་པ་མ་ཡིན་ཏེ། འཇིག་རྟེན་ཕ་རོལ་མེད་པར་འདོད་ཕྱིར་རོ། །དེའི་གཞུང་ལ་ནི་དབུགས་གཅིག་པོ་ལས་སྐྱེས་པའི་བློ་གཅིག་ཁོ་ན་རིམ་གྱིས་དོན་དུ་མ་ཤེས་པ་ཡིན་ཞེས་བྱ ་བ་ཁོ་ནས་བཤད་པར་བྱ་བ་ཡིན་ནོ། །གལ་ཏེ་རྣམ་པར་ཤེས་པ་བྱ་བ་མེད་པ་ཉིད་ཐོབ་ནས་ཏེ། ཐོབ་པར་བྱས་ནས་སོ། །ཉེ་བའི་རིམ་པ་ཁྱད་པར་ཅན་མེད་པའི་ཕྱིར་ཞེས་བྱ་བ་ནི་རྟག་པའི་བློ་ལ་དོན་གྱི་ཁྱད་པར་བསྐྱེད་བྱ་དང་ཅིག་ཤོས་མེད་པས་དོན་ཉེ་བ་དང་ཉེ་བ ་མ་ཡིན་པ་དག་ལ་ཁྱད་པར་མེད་པའི་ཕྱིར་རོ་ཞེས་བྱ་བའོ། །ཉེ་བའི་དོན་འཛིན་པ་ལ་རྒྱུ་རྣམ་ཤེས་ཀྱི་བདག་ཉིད་དུ་གནས་པ་ནི་ཉེ་བ་མ་ཡིན་པའི་ཡང་མཚུངས་སོ། །མཚུངས་པའི་ཕྱིར་འགལ་བའི་དོན་མ་ཡིན་པར་བསྟན་པ་ནི། མེ་ལོང་རྣམ་པར་གནས་པའི ་ཞེས་བྱ་བ་ནི་ཉེ་བ་འཛིན་པའི་རྒྱུ་མཚན་ཉེ་བ་མ་ཡིན་པ་ལ་ཡང་མཚུངས་སོ་ཞེས་བྱ་བའི་དོན་ཏོ། །རྒྱུ་མཚན་ལ་ཁྱད་པར་མེད་ཀྱང་གལ་ཏེ་ཉེ་བ་མེད་ཡིན་པ་མི་འཛིན་ན་ཉེ་བ་ལ་ཡང་དེར་མི་འགྱུར་བར་བསྟན་པ་ནི། འོན་ཏེ་དེའི་ཚེ་ནུས་པ་མེད་ན་ཞེས་བྱ་བའོ།། ་བློ་རྟག་པའི་ཕྱོགས་ཞར་ལ་བྱུང་བ་ཡོངས་སུ་རྫོགས་པར་བྱས་ནས་དབུགས་འབྱུང་བ་ངེས་པ་ཅན་གྱི་ཕྱོགས་ཉིད་རྗེས་སུ་འབྲེལ་པ་ཡིན་པར་བསྟན་པ་ནི། འོན་ཏེ་འདི་སྙམ་དུ་སེམས་ཞེས་བྱ་བ་སྟེ། དེ་ལ་ཡང་ཞེས་པ་ནི་དབུགས་ངེས་པར་བྱེད ་པའི་ཕྱོགས་ལ་ཡང་ངོ། །དབུགས་ལ་སོགས་པ་གཅིག་ཉིད་ཡིན་ཡང་རྟག་པའི་ཕྱིར་འབྲས་བུ་ཕྱི་མ་བྱེད་པའི་ངོ་བོ་སྔ་ན་མེད་པའི་ཕྱིར་དེའི་ཚེ་ཁོ་ན་དེ་ཡང་འབྱུང་པར་འགྱུར་རོ། །ཤེས་པ་གསལ་བ་མང་པོ་ཡིན་པར་ནི་མི་རིགས་ཏེ། དབུགས་གཅིག་པ ་ཉིད་ཡིན་པའི་ཕྱིར་རོ། །སྐད་ཅིག་མའི་དབུགས་མང་པོ་ཞེས་བྱ་བའོ། །དུས་གཅིག་པ་རྣམས་ཀྱང་ཡོད་པ་དེའི་ཕྱིར་དེ་ཁོ་ན་གསལ་བ་མང་པོ་ཡིན་ནོ་ཞེ་ན་ཡང་ཞེས་བྱ་བ་ལ་ཟེར་བ་ནི། རང་རིགས་མིན་པའི་དུས་ཅན་གྱི་སྟེ་རིམ་གྱིས་འབྱུང་བ་ཞེས་བྱ་བའོ། །དེ་འདྲའི ་ཞེས་བྱ་བ་ནི་རིམ་གྱིས་འབྱུང་བ་རྣམས་ཀྱི་སྟེ་སེམས་རེ་རེའི་སྐྱེད་བྱེད་ཁོ་ན་དབུགས་རེ་རེའི་སྐྱེད་བྱེད་ཡིན་ནོ་ཞེས་བྱ་བའི་དོན་ཏོ། །དེ་ལྟ་ཡིན་ཡང་དབུགས་དེ་རྣམས་ཉིད་རིམ་པ་དང་ལྡན་པར་མི་འགྲུབ་སྟེ་རྒྱུ་མེད་པའི་ཕྱིར་རོ། །ལུས་ནི་མ་ཡིན་ཏེ། དུ་མ ་ཉིད་ཡིན་པས་རྣམ་ཤེས་བཞིན་དུ་དེ་ཡང་ཐལ་བར་འགྱུར་རོ། །གོ་རིམ་ལྡན་པའི་རྒྱུ་མེད་ཕྱིར་ཞེས་བྱའོ། །ད་ལྟར་བ་བཞིན་དུ་སྔ་མ་སྔ་མའི་རང་གི་རིགས་རྒྱུ་ཉིད་ཡིན་ཡང་སྐྱེ་བའི་དབང་པོ་ལ་འབྱུང་བར་མི་འགྱུར་ཏེ། འཇིག་རྟེན་ཕ་རོལ ་ཁས་མི་ལེན་པས་རང་གི་རིགས་ཀྱི་སྔ་མ་མེད་པའི་ཕྱིར་རོ་ཞེས་བསྟན་པ་ནི། རང་རིགས་སྔ་མ་རྒྱུ་ཉིད་ནི་ཞེས་བྱ་བའོ། །སྐྱེ་བའི་དང་པོའི་དབུགས་ནི་རེས་འགའ་བ་མ་ཡིན་པའི་ཕྱིར་འབྲས་བུ་ཡིན་གྱི་རྒྱུ་ཅི་ཡིན་པར་རྟོགས་པར་བྱེད ་པ་མ་ཡིན་ནམ་སྙམ་སེམས་པ་ལ། དེས་དེ་དབུགས་དེ་འདྲ་ཞེས་བྱ་བ་རང་གི་རིགས་ཡོད་པ་མ་ཡིན་ཏེ། འཇིག་རྟེན་ཕ་རོལ་ཁས་མི་ལེན་པའི་ཕྱིར་རོ། །རིགས་ཐ་དད་པ་ཡང་རྒྱུ་མ་ཡིན་ཏེ་འཚོ་བའི་གནས་སྐབས་ན་མ་མཐོང་བའི་ཕྱིར་རོ། །དེའི་བསྐྱེད་བྱ་གཞན ་གྱི་ཚེ་གཞན་གྱི་བསྐྱེད་བྱ་ནི་མ་ཡིན་ཏེ། འབྲས་བུ་ཉིད་མ་ཡིན་པར་ཐལ་བར་འགྱུར་བའི་ཕྱིར་རོ། །གཞན་གྱི་བསྐྱེད་བྱ་ཉིད་དུ་ཁས་ལེན་པ་ཡིན་ན་དེ་ཡང་གཞན་གྱི་ལུས་ཡིན་ཏེ་གཞན་མ་མཐོང་བའི་ཕྱིར་རོ། །དེ་ཡང་དུ་མ་ཡིན་པའི་ཕྱིར་དབུགས་ཀྱང་དུ་མ་ཡིན ་ནོ། །དེའི་ཕྱིར་དེའི་འབྲས་བུ་ཡང་དུས་གཅིག་ལ་དུ་མར་འགྱུར་རོ། །དེའི་ཕྱིར་དེ་ཁོ་ན་མ་ངེས་པ་ཉིད་ཡིན་པར་བསྟན་པ་ནི། དུ་མ་ཉིད་ཡོད་ཀྱང་ཞེས་བྱ་བའོ། །རྒྱུ་དུ་མ་ཉིད་མ་ཡིན་གྱི་སོ་སོ་སྣང་བ་ལས་ཀྱང་ཐ་དད་པ་ཡུལ་ཅན་ཕྱིར་ཞེས་བྱ་བ་ནི་རྒྱ་ཆེ་བར་དམིགས ་པའི་ཕྱིར་རོ། །ཁས་བླངས་པ་དེ་དང་འགལ་བ་ཡིན་པར་བསྟན་པ་ནི། ཁྱེད་ལ་ནི་ཞེས་བྱ་བའོ། །ཕའི་དབུགས་སྔོན་དུ་འགྲོ་བ་ཅན་ཡིན་ཡང་རང་གི་རིགས་སྔ་མ་དང་ལྡན་པ་ཉིད་ཀྱི་རང་གི་གོམས་པའི་འབྲས་བུ་ལ་དབྱེ་བ་མེད་པའི་ཕྱིར་གཅིག་གི་ངོ་བོའི་དབུགས ་སུ་འགྱུར་ཞེས་བསྟན་པ་ནི། དེ་ལྟ་བུའི་བདག་ཉིད་དུ་གྱུར་པ་ཞེས་བྱ་བ་སྟེ། ཐལ་བ་སྔ་མ་ཞེས་བྱ་བ་ནི་རང་གི་གོམ་པའི་འབྲས་བུའི་དབྱེ་བྱེད་མེད་པའི་ཕྱིར་གཅིག་གི་ངོ་བོར་འགྱུར་ཏེ། ཕ་དང་མའི་དབུགས་རྒྱུ་ཉིད་ཡིན་པར་ཁས་བླངས་ཀྱང་ངོ། །བརྡར ་རྟོག་པར་བྱེད་པ་ན་ཡང་བ་ལང་མཐོང་བ་ལས་ཞེས་བྱ་བའི་རིགས་པས་རྣམ་ཤེས་དུ་མ་སྐྱེ་བར་འདོད་པ་ཁོ་ན་ཡིན་ནོ་སྙམ་དུ་སེམས་པ་ལ། རིགས་མཐུན་པའི་ཞེས་བྱ་བ་སྟེ། གལ་ཏེ་རིགས་ཐ་དད་པ་ཅིག་ཅར་སྐྱེ་ཡང་མཚུངས་པར་ནི་མ་ཡིན་ཏེ། མ་མཐོང་བའི་ཕྱིར ་རོ། །གལ་ཏེ་ཡང་དབུགས་ཀྱི་སྐད་ཅིག་མ་མང་པོ་རྣམས་ཅིག་ཅར་སྐྱེ་བ་ཡིན་ན་དེ་རྣམས་ཁོ་ན་ཤེས་པ་རེ་རེ་སྐྱེད་པར་བྱེད་པ་ཡིན་ཏེ་ཐ་དད་པའི་ཕྱིར་རིགས་ཐ་དད་པ་སྐྱེད་པར་བྱེད་པ་ཡིན་གྱི་རིགས་མཚུངས་པའི་སྐྱེད་བྱེད་ནི་མ་ཡིན་ནོ་སྙམ་དུ་སེམས ་པ་ལ། སྐད་ཅིག་ཐ་དད་པོ་ཉིད་ཀྱིས་ཞེས་བྱ་བའོ། །དབུགས་ལུས་བཞིན་དུ་དུ་མ་ཉིད་ཡིན་ན། རེ་རེ་རྒྱུ་ཉིད་ཡིན་པས་ཅིག་ཅར་མང་པོ་འབྱུང་བར་འགྱུར་བའི་སྐྱོན་ལ་དེའི་ཕྱིར་བློ་ནི་ཅིག་ཅར་སྐྱེ་བ་ཞེས་བྱ་བ་འདིས་བསྟན་ནས། མ་ལུས་རྒྱུ་ཉིད་ཡིན་ན ་ནི། ཡན་ལག་ཅིག་དང་བྲལ་ནའང་མིན་ཞེས་བྱ་བ་བཟླས་ནས་བརྗོད་པས་བསྟན་པ་ནི། གལ་ཏེ་དུ་མའང་གཅིག་དུས་ཅན་ཞེས་བྱ་བའོ། །འོན་ཏེ་གང་དང་གང་དབུགས་ཀྱི་ཉེ་བའི་ཡན་ལག་ཡིན་པ་དེ་དང་དེ་ཤེས་པའི་རྒྱུར་འགྱུར་རོ་སྙམ་དུ་སེམས་པ་ནི ་ཇི་སྟེ་ཇི་ལྟར་ཡོད་རྒྱུ་ཡིན་ཞེས་བྱ་བ་སྟེ། ཇི་ལྟར་ཡོད་པ་ནི་ཇི་ལྟར་སྲིད་པ་ཡིན་ལ། དབུགས་ནི་ཕུལ་དུ་བྱུང་བའི་ཡན་ལག་དང་འགྲིབ་པའི་ཡན་ལག་ཀྱང་རྒྱུ་ཡིན་ནོ་ཞེས་བྱ་བའི་དོན་ཏོ། །ལན་ནི། ཤེས་པ་ལ་ཡང་ཁྱད་ཡོད་འགྱུར་ཏེ་ཕུལ་དུ་བྱུང་བ་དང ་འགྲོ་བ་ཉིད་དོ། །རྒྱུ་རྣམ་པར་འགྱུར་བ་ཡིན་ཡང་དེའི་འབྲས་བུ་རྣམ་པར་འགྱུར་བ་མ་ཡིན་པར་བསྟན་པ་ནི། དེ་དེའི་འབྲས་མིན་ཞེས་བྱ་བ་སྟེ། ཐ་དད་པར་ཁྱད་པར་མེད་པས་ཐ་དད་མིན་ཏེ། ཁྱད་པར་དུ་མི་འགྱུར་བ་སྟེ། དེའི་ཁྱད་པར་གྱི་ཁྱད་པར ་ཉིད་ཡིན་ན་དེའི་འབྲས་བུ་ཉིད་རྟོགས་པ་ཡིན་ཞེས་བྱ་བའི་དོན་ཏོ། །ཚོགས་པ་དང་མ་ཚོགས་པ་དག་ཟད་པ་དབུགས་ཞེན་པར་རྒྱུ་བ་ལ་སོགས་པ་རྣམས་ལ་སྟེ། ཉུང་བ་ཉིད་ལ་མ་ཚད་པ་ཉིད་ནི་མེད་པའོ། །དེ་ལྟ་བུ་དེ་ནི་གཉི་ག་ལ་ཡང་ཚོགས ་པ་མེད་པ་ཁོ་ན་མ་ཡིན་པར་བསྟན་པ་ནི། དེ་མེད་པར་འབྱུང་བ་ཞེས་བྱ་བའོ། །ཇི་ལྟར་ཡོད་རྒྱུ་ཞེས་བྱ་བའི་བཤད་པ་ནི་ཇི་ལྟར་གནས་པ་ཞེས་བྱ་བའོ། །གལ་ཏེ་ཇི་ལྟར་ཡོད་རྒྱུ་ཡིན་ན་ཉེ་བ་ན་གནས་པ་མ་ཡིན་པ་ཡང་རྒྱུར་འགྱུར་རོ་ཞེས ་བསྟན་པ་ནི། དེ་ལྟ་ན་འོ་ན་ཞེས་བྱ་བའོ། །དེ་ལྟར་ནི་མ་ཡིན་ཏེ་ཞེས་བྱ་བ་ནི་ཡུལ་ལ་སོགས་པས་བསལ་བ་ནི། རྒྱུ་ཡིན་པ་མི་སྲིད་དེ་རྗེས་སུ་འགྲོ་བ་དང་ལྡོག་པ་མེད་དོ་ཞེས་བྱ་བའི་དོན་ཏོ། །དེའི་ཕྱིར་རྒྱུའི་ཁྱད་པར་གྱིས་ཁྱད་པ་ཅན་འབྲས་བུ་ཡིན་པར་བསྟན་པ་ནི ་དེའི་ཕྱིར་ཚོགས་པ་ལས་ཞེས་བྱ་བའོ། །གཞན་དུ་གྱུར་པ་ལས་ཞེས་བྱ་བ་ནི་མི་ཉེ་བ་ལས་སོ། །གང་ཞིག་གང་གིས་རྣམ་པར་འགྱུར་བར་བྱེད་པ་ནི། དེ་དེ་ཡོད་ན་འབྱུང་བ་ཡིན་པར་ཤེས་པ་ཡིན་ནོ་ཞེས་བསྟན་པ་ནི། མ་ཡིན་ཏེ། དེ་འགྱུར་ན་འགྱུར་བ ་ཉིད་ལས་ཞེས་བྱ་བའོ། །དེ་འགྱུར་ན་འགྱུར་བ་ཉིད་མེད་ན་ཡང་དེའི་ཆོས་ཀྱི་ངོ་བོ་ནི་དེ་མེད་ན་མེད་པའི་ཕྱིར་ཅི་ལས་དེའི་འབྲས་བུར་མི་འགྱུར་སྙམ་དུ་སེམས་པ་ལ། དེ་ཡོད་ན་ནི་ཡོད་ཙམ་གྱིས་ཞེས་བྱ་བ་སྨོས་ཏེ། དེའི་འགྱུར་བ་དག་རྒྱུ་དང་ལྡན་པ་དག ་མ་ཡིན་ན། དེའི་ཆོས་ཅན་དག་གི་ཡང་དེ་ལྟ་བུ་ཉིད་ཁོ་ནར་རྟོགས་པར་འགྱུར་ཏེ་རྒྱུ་མེད་པའི་ཤེས་པ་ཡིན་པར་ཁྱད་པར་མེད་པའི་ཕྱིར་རོ་ཞེས་བྱ་བའི་དོན་ཏོ། །ཡོངས་སུ་གྱུར་པའི་ཁྱད་པར་ལས་བལྟོས་པའི་ལུས་ནི་སེམས་ཀྱི་རྒྱུ་ཡིན་ལ་ཡོངས ་སུ་གྱུར་པ་གཅིག་པའི་ཕྱིར་སྐྱེད་པར་བྱེད་པ་ཡིན་ཏེ། ཤི་བ་ལ་དེ་མེད་པའི་ཕྱིར་སྐྱེད་བྱེད་མ་ཡིན་ནོ་སྙམ་དུ་སེམས་པ་ལ། འདིས་ནི་ཡོངས་སུ་གྱུར་པ་ཞེས་བྱ་བའོ། །དབུགས་བཞིན་དུ་ཡོངས་སུ་གྱུར་པ་ཡང་འཇིག་རྟེན་ཕ་རོལ་མེད་ན་དང་པོ་ཡང་ ་མི་འགྱུར་བ་ཁོ་ན་འདི་ཏེ། རྒྱུ་མེད་པའི་ཕྱིར་རོ་ཞེས་བསྟན་པ་ནི། ཡོངས་སུ་གྱུར་པའི་རིམ་པ་དེའང་ཞེས་བྱ་བ་སྟེ། དེ་བཞིན་དུ་དེའི་ཁྱད་པར་མེད་པ་ཡང་རྣམ་ཤེས་ཀྱི་ཁྱད་པར་གྱི་རྒྱུར་མི་འགྱུར་ཏེ། ལུས་ལ་ཁྱད་པར་མེད་པའི་ཕྱིར་རོ། །ཁྱད ་བར་ཡིན་ན་ཡང་ལུས་ཙམ་ལས་མི་འབྱུང་བའི་ཕྱིར་སླར་ཡང་ཁྱད་པར་རྟོགས་པ་ཡིན་ན་ཐུག་པ་མེད་པར་འགྱུར་བར་བསྟན་པ་ནི། ལུས་ཁྱད་མེད་ཕྱིར་དེའི་ཡང་ཞེས་བྱ་བའོ། །ཡོངས་སུ་གྱུར་པའི་ཁྱད་པར་མེད་ན་རྣམ་ཤེས་ཀྱིས་ཁྱད་པར་འདོད་པ་མ་ཡིན་ཏེ། ་དེ་རྒྱུ་མེད་ན་ཉིད་ཡིན་ན། རྣམ་ཤེས་ཀྱང་རྒྱུ་མེད་པ་ཉིད་དུ་ཐལ་བར་འགྱུར་པའི་ཕྱིར་རོ། །དེ་བཞིན་དུ་ཡོངས་སུ་འགྱུར་བའི་ཁྱད་པར་ཡང་ལུས་ཀྱི་ཁྱད་པར་མེད་ན་མི་འབྱུང་བར་བསྟན་པ་ནི། ཇི་ལྟར་ཡོངས་སུ་གྱུར་པའི་ཁྱད་པར་མེད་ཀྱང་ཞེས་བྱ་བ་ལ་སོགས ་པའི་ཡོངས་སུ་གྱུར་པ་ལ་ཁྱད་པར་ཡིན་ན་ནི། རྩུབ་པ་དང་ཅིག་ཤོས་ཉིད་དུ་མཐོང་བ་ཡིན་ལ་དེ་བཞིན་དུ་ལུས་ལ་ཁྱད་པར་མེད་ཀྱང་དེའི་ཡོངས་སུ་གྱུར་པར་འགྱུར་བ་མ་ཡིན་ནམ་སྙམ་དུ་སེམས་པ་ནི། གལ་ཏེ་འོ་མ་ལ་སོགས་པའི་ཞེས་བྱ་བའོ། །འོ་མ ་གཉིས་དུས་མཚུངས་པར་བཞག་པ་ཁབས་དྲོ་བར་མཚུངས་པ་ནི་ཡོངས་སུ་གྱུར་པར་མཚུངས་པར་འགྱུར་བ་ཡིན་གྱི་ལུས་གཉིས་དུས་མཚུངས་པར་གནས་པ་ལ་སོགས་པ་ཡིན་ཡང་རྣམ་ཤེས་ཡོངས་སུ་གྱུར་པ་མཚུངས་པར་འགྱུར་བ་མ་ཡིན་ཏེ། ་མཚན་ཉིད་མི་མཐུན་པ་གཞན་དང་གཞན་པའི་རྣམ་ཤེས་མཐོང་བའི་ཕྱིར་རོ། །དེའི་ཕྱིར་མི་མཉམ་པའི་དཔེ་ཡིན་པར་བསྟན་པ་ནི། འོ་ན་མཚུངས་པ་ཞེས་བྱ་བ་ལ་སོགས་པ་ནས་མཚུངས་པ་ཉིད་དོ་ཞེས་བྱ་བའི་བར་གྱི་དག་གཅིག་ཡིན་ནོ། །ལུས་ཉིད ་ནི་ཞེས་བྱ་བ་ནི་ཡོངས་སུ་གྱུར་པའི་ཞེས་བལྟ་བར་བྱའོ། །གལ་ཏེ་ལུས་རྣམ་ཤེས་ཡོངས་སུ་གྱུར་པའི་རྒྱུ་མ་ཡིན་ན། གཞན་གང་ཡིན་ཞེས་ཟེར་བ་ལ། ལུས་མཚུངས་པ་དང་མི་མཚུངས་པ་དག་ལ་རྗེས་སུ་མཚུངས་པ་གོམས་པའི་བག་ཆགས་ནི་རྒྱུ་མཚན ་ཡིན་ནོ་ཞེས་བྱ་བར་སྦྱར་རོ། །དེའི་ཕྱིར་ཇི་ལྟར་སྲིད་པའི་རྒྱུ་ལ་དེའི་ཁྱད་པར་ཡིན་ན་འབྲས་བུའི་ཁྱད་པར་ཁོ་ན་ཡིན་པར་ཉེ་བར་བསྡུ་བ་ནི། དེའི་ཕྱིར་ཚོགས་པའི་འབྲས་བུ་ཉིད་ཅེས་བྱ་བ་སྟེ། ཇི་ལྟར་ཡོད་པའི་འབྲས་བུ་ཉིད་ལ་སྟེ། ཕུལ་དུ་བྱུང་བ་དང་འགྲིབ་པ ་ཉིད་ལ་ཡོད་པའོ། །དེ་ལྟ་མ་མིན་ན་ཞེས་བྱ་བ་ནི་རེ་རེའི་ནུས་པ་ཉིད་ཡིན་ནའང་ངོ། །དུ་མ་ཉིད་དོ་ཞེས་བྱ་བ་ནི་ཅིག་ཅར་མང་པོ་འབྱུང་བར་འགྱུར་པའོ། །དེ་ལྟ་ན་རྒྱུ་མཚན་གང་ལས་རྣམ་ཤེས་རིམ་གྱིས་འབྱུང་བར་འགྱུར་སྙམ་དུ་སེམས་པ་ནི། གང་གི ་ཞེས་བྱ་པའོ། །རྒྱུ་རྣམ་ཤེས་ནི་གཅིག་ཡིན་ལ། དེ་ལ་བསྡུས་པ་དང་རེ་རེའི་རྣམ་པར་རྟོག་པ་མེད་པའི་ཕྱིར་དེའི་ཕྱོགས་ལ་འབྱུང་བའི་སྐྱོན་མ་ཡིན་ནོ། །གཅིག་པོ་དེ་ཡང་གཅིག་གི་རྒྱུ་ཡིན་ལ་དུས་གཞན་ལ་འབྱུང་བའི་རྣམ་ཤེས་ནི་དེའི་བསྐྱེད་བྱ་མ་ཡིན་ནོ། །གང ་གི་ཕྱིར་དེ་ཡོད་པ་ལས་སྐད་ཅིག་མ་དང་པོ་ཁོ་ན་ལ་འབྱུང་པ་ཡིན་སྐད་ཅིག་མ་གཅིག་ལ་ཡོད་པ་ཅིག་པོ་ཁོ་ན་དུ་མ་ལ་ནུས་པ་ཅན་ནི་མ་ཡིན་ཏེ། རྗེས་སུ་འགྲོ་བ་དང་ལྡོག་པ་དག་གིས་མ་རྟོགས་པའི་ཕྱིར་རོ། །རྒྱུ་གཅིག་པའི་འབྲས་བུ་ནི་རྒྱུ་ཡོད་ན ་གདོན་མི་ཟ་བ་མ་ཡིན་ནམ་དེའི་ཕྱིར་སྔ་ན་མེད་པའི་ཕྱིར་རྟག་ཏུ་པར་འགྱུར་རོ། །འདི་ཅི་མིག་གཉིས་བཅུམས་ནས་རྒོལ་བ་ཡིན་ནམ་གང་གི་ཕྱིར་འབྲས་བུའི་ཤེས་པ་མ་སྐྱེས་པ་ནུས་པ་ཅན་གཞན་ལས་སྐྱེ་བ་ཡིན་ལ་དེའི་གནས་སྐབས་སུ་འདིའི་འབྲས་བུ ་ཡང་མ་ཡིན་ཏེ། རྒྱུ་མེད་པའི་ཕྱིར་རོ། དེའི་ཕྱིར་ཇི་ལྟར་སྔ་ན་མེད་པ་མ་ཡིན་དེ་སྐྱེས་ན་དེ་ལ་སྐྱེ་བ་ཡིན་པའི་ཕྱིར་ཇི་ལྟར་རྟག་ཏུ་བར་འགྱུར་ཞེས་བསྟན་པ་ནི། རྣམ་ཤེས་ནུས་པ་ངེས་པའི་ཕྱིར་ཞེས་བྱ་བ་སྟེ། སྐད་ཅིག་མའི་རྣམ་ཤེས་ནི་ཤེས་པ་གཅིག་སྐྱེད་པ་ཁོ་ན་ལ ་ནུས་པ་ཅན་དུ་རྗེས་སུ་འགྲོ་བ་དང་ལྡོག་པ་དག་རྟོགས་པ་ཡིན་ཏེ། གཞན་གྱི་སྐྱེད་བྱེད་མ་ཡིན་ནོ་ཞེས་བྱ་བར་ངེས་པའོ། །འགྲེལ་པ་མཛད་པ་ནི་མེ་ལ་སོགས་པ་བཞིན་དུ་འབྲས་བུ་གཞན་དུ་མི་འཐད་པར་རྟོགས་པའི་ནུས་པས་རྗེས་སུ་མཐུན་པའི་བག་ཆགས ་ཀྱི་རྣམ་ཤེས་མཐོང་བ་ཁོ་ན་ཡིན་པར་བསྟན་པ་ན། ནུས་པ་ངེས་པའི་ཞེས་བྱ་བའོ། །ནུས་པའི་མཚན་ཉིད་གཉིས་པ་བསྟན་པ་ནི། ཆགས་པའི་ཁྱད་པར་ཞེས་བྱ་བ་སྟེ། དེ་ཡང་ཤེས་པ་གཞན་འབྱུང་བ་ལ་གནོད་པ་ཁོ་ནར་མཐོང་བ་ཡིན་ནོ། །བག་ཆགས་དང་རྗེས་སུ ་མཐུན་པ་ཞེས་བྱ་བ་བཤད་པ་ནི། བག་ཆགས་བསྟན་པ་ཞེས་བྱ་བའོ། །འབའ་ཞིག་གམ་ཞེས་བྱ་བ་ནི། གཉིད་ལོག་པ་ལ་སོགས་པས་སེམས་རྒྱུན་ཆད་པ་ཡིན་ནོ། །དེའི་ཚེ་རྣམ་རྟོག་ཁོ་ན་སད་པ་ཡིན་གྱི་གཞན་ནི་མ་ཡིན་ནོ། །ཆགས་པའི་ཁྱད་པར་རམ་གནས ་པའི་ངེས་པ་ཞེས་བྱ་བ་འདིའི་ཡུལ་བསྟན་པ་ནི། སྔོན་པོར་མཐོང་བའི་མཚུངས་པ་དེ་མ་ཐག་པའི་རྐྱེན་ནི། སྔོན་པོའི་རྣམ་པར་རྟོག་པ་འབྱུང་བ་ལ་རྗེས་སུ་མཐུན་པའི་བག་ཆགས་སད་པ་ནི་དེ་ལ་ཆགས་པས་དེ་ལས་འབྱུང་བ་ཡིན་ནོ། །འབའ་ཞིག་གམ་ཞེས ་བྱ་བ་འདི་ལ་ཉམས་སུ་མྱོང་བར་འཛིན་པ་ནི། འདི་ལྟར་ཞེས་བྱ་བའོ། །མཚུངས་པ་དེ་མ་ཐག་པའི་རྐྱེན་ནམ་རྗེས་སུ་མཐུན་པ་སད་པ་ཞེས་བྱ་བ་འདི་ལ་སྦྱོར་བ་ནི་མཚུངས་པ་དེ་མ་ཐག་རྐྱེན་ལས་ཞེས་བྱ་བ་སྟེ། ཉེ་བ་ཉིད་དུ་ཞེས་བྱ་བ་ནི། སྔོན་པོ་མཐོང་བ ་ནི་སྔོན་པོ་ནི་རྣམ་རྟོག་དང་ཉེ་བ་ཞེས་བྱ་བས་ཆགས་པའི་ཁྱད་པར་བསྟན་པ་ཡིན་ནོ། །བར་དུ་བཅད་པ་ནི་བར་ཆད་ལས་སོ། །འདི་ཉིད་འཆད་པ་ནི། རྣམ་པར་ཤེས་པ་ལ་བར་དུ་གཅོད་པའི་བག་ཆགས་གང་དག་ཡིན་པ་དེ་དག་གི་རྣམ་པར་རྟོག་པའོ། །གཞན་གྱི ་ཞེས་བྱ་གནས་སྐབས་ཡིན་པའི་ཕྱིར་རྣམ་རྟོག་ལས་སོ། །ཅི་ལས་ཤེས་ཤེ་ན། ཆགས་པའི་ཡུལ་ཡིན་པས་ངེས་པར་དུ་ཆོད་པའི་ཕྱིར་དེ་རྣམས་སྐྱེ་བ་མིན་ཞེས་བྱ་བར་སྦྱར་རོ། །རེའི་ཕྱིར་དེ་ལྟར་ཆགས་པའི་ཁྱད་པར་གྱི་ངེས་པ་ལས་གཅིག་གམ་དེ་མེད་ན ་དུ་མ་ཡང་སེམས་གཅིག་ལས་ཀྱང་སེམས་སྐྱེ་བར་འགྱུར་བ་ཡིན་གྱི་ནུས་པ་ཉིད་ཀྱི་ངོ་བོའི་ནུས་པ་ལ་ནི་མ་ཡིན་ནོ་ཞེས་བྱ་བ་ཉེ་བར་བསྡུ་བ་ནི། དེ་བས་ན་རྣམ་པར་ཤེས་པ་ལས་ཞེས་བྱ་བའོ། །ཤེས་པ་གཅིག་ལན་ཅིག་སྐྱེ་བཞིན་པ་ནི། རྒྱུ་གཅིག ་པར་གོ་བར་བྱེད་ན་དུ་མའི་ངོ་བོའི་ལུས་ལ་མཚན་ཉིད་མི་མཐུན་པར་གོ་བར་བྱེད་པ་ཡིན་ཞེས་བྱ་བ་དེ་དག་ཙམ་ལ་ཆད་མ་འཇུག་པ་མ་ཡིན་ནམ་དེ་རྣམ་པར་ཤེས་པ་ཞེས་བྱ་བ་ཅི་ལས་ཡིན། ཡོད་ཀྱང་ཡོད་པ་ཁོ་ན་ཡིན་ཏེ་ཅིག་ཅར་ཤེས་པ་མི་སྐྱེ་བ ་ནི་ཡིད་ཀྱི་རྟགས་ཡིན་གྱི་ནང་གི་ཆོས་བདེ་བ་ལ་སོགས་པ་རྣམས་ལ་ནི་རྒྱུ་མེད་པར་སྐྱེས་པ་སྐྱེ་བ་མ་ཡིན་ནོ་སྙམ་དུ་སེམས་པ་ལ། དོན་གཞན་ཆགས་པ་ཡིས་ནུས་མེད་ཅེས་བྱ་བ་སྟེ། སྔ་མའི་ཤེས་པ་ཁོ་ན་ཤེས་པ་གཅིག་གི་དུས་ན་ཤེས་པ་གཞན ་མི་འབྱུང་བར་ནུས་པར་རྟོགས་པ་ཡིན་གྱི་ཡིད་ཀྱི་ནི་མ་ཡིན་ཞེས་བྱ་བའི་དོན་ཏོ། །ཤེས་པ་གཅིག་དུས་གཅིག་གི་ཚེ་འབྱུང་བ་ངེས་པ་ཅན་དེ་མ་ཐག་པ་གཅིག་གི་ངོ་བོའི་རྣམ་ཤེས་གོ་བར་བྱེད་པ་མ་ཡིན་ནམ་དེ་ཡང་རང་གི་རྒྱུ་དེ་ལྟ་བུ་ཡིན་ལ་དེ་ཡང་དེ་ལྟ་བུ་ཡིན ་པ་ནི་ཇི་སྲིད་དང་པོའི་རྣམ་ཤེས་ནི་ལུས་གཅིག་ལས་སམ་དུ་མ་ལས་ཀྱང་རུང་ཚོགས་པའི་ངོ་བོ་ལས་སྐྱེ་བ་དེ་སྐྱེ་བ་དེ་སྲིད་དུ་གོ་བ་ཡིན་གྱི་དུས་གཞན་ན་འབྱུང་བ་ནི་མ་ཡིན་ཏེ། དེ་ལ་བལྟོས་ནས་དེ་སྐྱེད་བྱེད་མ་ཡིན་པའི་ཕྱིར་དང་དང་པོ་ཤེས་པ་སྐྱེ་བ ་ཁོ་ན་ལ་ནུས་པ་ཡིན་པའི་ཕྱིར་རོ། །དེའི་ཕྱིར་ཤེས་པ་ཐམས་ཅད་དེ་ཁོ་ན་བཞིན་དུ་འགྱུར་ཏེ། ནུས་པའི་ཁྱད་པར་མེད་པའི་ཕྱིར་རོ་ཞེས་བྱ་བར་ཐལ་བར་འགྱུར་རོ་སྙམ་དུ་སེམས་པ་ནི། གལ་ཏེ་ལུས་ཉིད་ལས་ཞེས་བྱ་བ་སྟེ་ཡང་གི་སྒྲས་ནི་ཤེས་པ ་གཅིག་སྐྱེ་བ་ཡང་ངོ། །གལ་ཏེ་ཤེས་པ་དུ་མ་ཡིན་ན་ཇི་ལྟར་ཤེས་པ་གཅིག་ཡིན་རྒྱུ། དུ་མ་ཉིད་ལ་འབྲས་བུ་མང་པོ་མཐོང་བའི་ཕྱིར་རོ་སྙམ་དུ་སེམས་ན་ཡང་དེ་ལ་ཟེར་བ་ནི། དཔེར་ན་དབང་པོའི་རྣམ་པར་ཤེས་པ་དུ་མ་ཞེས་བྱ་བ་སྟེ། དེ་ཟེར་བ་ནི། ་གལ་ཏེ་ལུས་ཞེས་བྱ་བའོ། །ལན་ཅིག་ཅེས་བྱ་བ་ནི། དུས་གཞན་ན་མི་སྐྱེ་བ་ཞེས་བྱ་བའི་དོན་ཏོ། །འདི་ཡང་རང་ཡིན་ལ་རིགས་ཀྱང་ཡིན་ལ་ཞེས་བྱ་བའི་ཤེས་པའི་ནུས་པ་ཞེས་བྱ་བའི་དོན་ཏོ། །དང་པོའི་སྐྱེད་བྱེད་ཀྱི་ལུས་དུས་ཕྱིས་དོ་ཤེས་པ་ལས་རྗེས་སུ ་འཇུག་པར་མཐོང་བའི་ཕྱིར་རོ། །ཇི་ལྟར་སྐྱེད་བྱེད་མ་ཡིན་པའམ་དེའི་ཚ་བོ་ན་དེའི་བསྐྱེད་བྱ་མེད་པ་ཇི་ལྟར་ཡིན་ཏེ་བསྟན་པ་ནི། དེས་ན་ལུས་ཀྱི་ནུས་པ་ནི་ཞེས་བྱ་བ་སྟེ། ལུས་ཀྱང་སྐྱེད་བྱེད་ཡིན་ལ་རྣམ་ཤེས་ཀྱང་ཡིན་ཞེས་བྱ་བ་རྣམ་པར་འགྲོལ་པ ་ནི། གལ་ཏེ་ལུས་ལས་ཞེས་བྱ་བ་སྟེ། གང་གི་ཚེ་ཡང་དང་ཡང་དུ་སྐྱེད་པར་བྱེད་པ་དེའི་ཁྱད་པར་མེད་པའི་ཕྱིར་དང་པོའི་ཚེ་ཁོ་ན་སྐྱེད་པར་བྱེད་པ་ཁོ་ན་ཞེས་བྱ་བའི་དོན་ཏོ། །འོན་ཏེ་ཡང་དང་ཡང་དུ་སྐྱེད་པར་བྱེད་པ་ཡིན་ཏེ། བསྐྱེད་བྱའི་ཤེས་པས་ཉེ་བར་གནོད ་པའི་ཕྱིར་རོ་སྙམ་དུ་སེམས་པ་ནི། འོན་ཏེ་རྣམ་པར་ཤེས་པ་དེས་ཞེས་བྱ་བ་སྟེ། ཤེས་པ་གཅིག་ཁོ་ན་ལས་ནུས་པའི་ཕྱིར་དང་དུས་གཞན་གྱི་བསྐྱེད་བྱ་མེད་པའི་ཕྱིར་ཁྱད་པར་མེད་པར་ཤེས་པ་དུ་མ་ཅིག་ཅར་སྐྱེས་པ་མ་ཡིན་ནོ་ཞེས་བྱ་བའི་དོན་ཏོ། །ལན ་ནི་དོན་འདི་ཞེས་བྱ་བ་སྟེ། འབྲས་བུའི་རྒྱུའི་ནུས་པ་ལ་ཉེ་བར་གནོད་པའོ། །གང་ཡུལ་དུ་བྱས་པ་ཡིན་ཞེ་ན། རྣམ་ཤེས་ཉིད་ལས་ཞེས་བྱ་བའོ། །ཚད་མས་གཉི་ག་ལས་གྲུང?་བའི་རྣམ་ཤེས་ནི་རྣམ་ཤེས་ཉིད་ལས་སོ། །དཔེར་ན་འཚོ་བའི་གནས་སྐབས་ན ་རྣམ་ཤེས་ཉིད་ལས་རྣམ་ཤེས་ཡིན་པ་ནི་དེའི་འདུ་བྱེད་ཀྱི་རྗེས་སུ་བྱེད་པའི་ཕྱིར་ཡིན་ལ། དེ་བཞིན་དུ་དང་པོའི་གནས་སྐབས་ལ་ཡང་ཡིན་གྱི་ལུས་ལས་ནི་མ་ཡིན་ཏེ་འགལ་བའི་འབྲས་བུ་ཡིན་ནོ་ཞེས་བསྟན་པའི་ཕྱིར་རྣམ་པར་ཤེས་པ་དང་དྲལ་བའི་ལུས ་ཉིད་ལས་ཞེས་བྱ་བ་སྟེ། རྣམ་པར་ཤེས་པ་དུ་མ་སྐྱེ་ཞིང་ཞེས་བྱ་བ་ནི། གཅིག་གམ་དུ་མ་ལ་ཡང་མ་གུས་པའི་བསམ་པས་སོ། །ཤེས་པ་དུ་མ་གཞན་དང་གཞན་སྐྱེད་པར་བྱེད་པ་ནི་ནུས་པ་ལ་ཁྱད་པར་མེད་པའི་ཕྱིར་དུས་གཅིག་ལ་ཤེས་པ་དུ་མ་སྐྱེད་པར ་བྱེད་པར་ཡིན་པར་དགོངས་པའོ། །འབྲས་བུ་རྒྱུ་རྣམས་ཀྱི་ནུས་པ་ལ་ཉེ་བར་གནོད་པ་མ་བྱས་ཀྱང་གཅིག་གིས་བྱས་པ་ལ་གཞན་ཡལ་བར་འདུག་པར་མཐོང་བ་ཡིན་ནོ་སྙམ་དུ་སེམས་པ་ལ། རྒྱུ་རྣམས་རྟོག་པ་དང་ལྡན་པ་ནི་འགའ་ཡང་མེད་དོ་ཞེས ་བྱ་བ་སྟེ། གང་གིས་གང་ལས་ཞེས་བྱ་བ་ནི་རྒྱུ་ལྔ་པ་ཡིན་ནོ། །གལ་ཏེ་ཡང་འབྲས་བུ་ཉེ་བར་གནོད་པ་ནི་གཞན་ལ་མི་སྣང་ཡང་འདི་ཉིད་ལ་ཅིས་མི་སྲིད་པ་ཡིན་སྙམ་དུ་སེམས་པ་ནི། འོན་ཏེ་བརྒྱུ་ལས་ཞེས་བྱ་བ་ནི། ལན་ནི་ལུས་ལས་ཞེས་བྱ་བ་སྟེ། ་ལུས་ནི་ཤེས་པ་ལས་སྐྱེད་བྱེད་ཉིད་དུ་ངེས་པ་ཡིན་ན་ཕྱི་མའི་དུས་སུ་སྐྱེད་པར་མི་བྱེད་པས་ཉེ་བར་གནོད་པ་སྲིད་པར་འགྱུར་རོ། །རྣམ་ཤེས་དུ་མ་ཞེས་བྱ་བ་ནི་སྐྱེད་བྱེད་ཉིད་ཙམ་དུ་དགོངས་པས་སོ། །དོགས་པར་འགྱུར་བ་ལ། ལ་ལང་ཞེས་བྱ་བ་ནི ་དུས་ཕྱིས་ཤེས་པ་ཉིད་ལ་ཤེས་པ་ཡིན་ནའོ། །རྒྱུ་མཚན་ནི་སྐྱེད་པར་བྱེད་པའི་ནུས་པ་ཅན་དུ་ངེས་པའོ། །ལུས་བཞིན་དུ་རྣམ་ཤེས་ཀྱི་ཡང་ཅི་ལས་དངོས་པོ་ཡིན་ཞེས་པ་ལ། དེའི་ཕྱོགས་སུ་ལྷུང་བའི་ཞེས་བྱ་བ་སྨོས་ཏེ། གོམས་པའི་འདུ་བྱེད་པའི་ཁྱད ་པར་གྱིས་ངེས་པ་པའི་རྣམ་ཤེས་ཀྱི་སྐྱེད་བྱེད་ཡིན་ལ་གཅིག་སྐྱེད་པར་བྱེད་པ་འདི་ཡིན་པར་ཉམས་སུ་མྱོང་བ་ཡིན་ནོ་ཞེས་བྱ་བའི་དོན་ཏོ། །དབང་པོ་དུ་མའི་བསྐྱེད་བྱ་ཤེས་པ་དུ་མ་ཡིན་པར་མཐོང་བ་མ་ཡིན་ནམ། དེ་བཞིན་དུ་ལུས་ཀྱི་བསྐྱེད་བྱར་ཡང ་འགྱུར་སྙམ་དུ་སེམས་པ་ནི། བརྗོད་བྱ་མ་ཡིན་ནམ་ཞེས་བྱ་བའོ། །དབང་པོ་ཡང་སྔ་མའི་རྣམ་ཤེས་དང་བྲལ་ན་རྣམ་ཤེས་ཀྱི་རྒྱུ་མ་ཡིན་ཏེ། རྣམ་ཤེས་ཀྱི་འདུ་བྱེད་པ་མེད་ན་མེད་པའི་ཕྱིར་རོ། །དེ་ནི་གཅིག་གམ་དུ་མ་ཡང་རུང་ནུས་པ་ཡོད་པ་དང་མེད་པ ་ངག་གིས་རྣམ་ཤེས་སྐྱེད་པར་བྱེད་པ་ཡིན་པར་བརྗོད་པ་ནི། བདེན་ཏེ་ཞེས་བྱ་བ་ལ་སོགས་པའོ། །དེ་དེ་ལྟར་རྣམ་ཤེས་ཀྱི་ངེས་པར་རྣམ་ཤེས་གཞན་གྱི་འདུ་བྱེད་པའི་རྗེས་སུ་བྱེད་ན། འཇིག་རྟེན་ཕ་རོལ་མེད་ན་མི་སྲིད་པ་ཡིན་པར་བསྟན་པ་ནི། གཞན་ལ་ཞེས ་བྱ་བའོ། །ལུས་རྒྱུ་ཉིད་ཡིན་ན་གསལ་བ་མང་པོ་ཁོ་ན་ཡིན་ཏེ། དེའི་རྟག་ཏུ་ཉེ་བ་ཡིན་ནོ་ཞེས་བསྟན་པ་ནི། དེས་ན་ལུས་དེ་ཞེས་བྱ་བའོ། །ནུར་ནུར་པོའི་ངོ་བོའི་ལུས་ཤེས་པའི་སྐྱེད་བྱེད་མ་ཡིན་ནམ། དེ་དང་ལྷན་ཅིག་མ་བྲལ་བའི་རྣམ་ཤེས་སུ་མི་འགྱུར་བར ་བསྟན་པ་ནི། གལ་ཏེ་དང་པོའི་ལུས་ཉིད་ཀྱི་ཞེས་བྱ་བ་ལ་སོགས་པ་སྟེ། ལན་ཅིག་ཉེ་བར་ལེན་པ་ཉིད་དུ་འབྲས་བུའི་ཁྱད་པར་ལ་ངེས་ན་དེ་ཉིད་ལ་ལྷན་ཅིག་བྱེད་པ་ཉིད་ནི་དེ་དང་འགལ་བ་ཉིད་དུ་མི་འགྱུར་བར་བསྟན་པ་ནི། གལ་ཏེ་ལུས་ཞེས་བྱ་བའོ། །བ་ལང་གི་ལྕི ་བ་དང་ཨུཏཔ་ལའི་རྩ་བའི་དབྱེ་བ་བཞིན་དུ་ལུས་དང་རྣམ་ཤེས་ལས་བྱུང་བའི་རྣམ་ཤེས་ཀྱི་དབྱེ་བ་ཡིན་ན་སྙམ་དུ་སེམས་པ་ལ། རྣམ་ཤེས་དག་གི་དབྱེ་བ་ནི་གོམས་པའི་བསྐྱེད་བྱའི་ཁྱད་པར་ཉིད་དུ་བྱེ་བྲག་མེད་པའི་ཕྱིར་རོ་ཞེས་བསྟན་པ་ནི། གསལ་བ་ལ་སོགས་ཞེས ་བྱ་བའོ། །སེམས་ལ་ལུས་ནི་ཉེ་བར་ལེན་པ་ཉིད་མ་ཡིན་ན་སེམས་ཀྱི་འདུ་བྱེད་པའི་རྗེས་སུ་འཇུག་པར་ངེས་པས་ལྷན་ཅིག་བྱེད་པ་ཉིད་མེད་པ་ལ་ཡང་རྒྱུ་མཚན་མཚུངས་པ་ཡིན་ནོ་ཞེས་ཟེར་བ་ནི། ཁྱེད་ཀྱི་ལྟར་ན་ཡང་ངོ་ཞེས་བྱ་བའོ། །རྟེན་མིན་ཕྱིར་ན་ཉེ་བར་ལེན་པ་མ ་ཡིན་པའི་ཕྱིར་རོ། །ལྷན་ཅིག་བྱེད་པ་མ་ཡིན་པའི་ཕྱིར་ལུས་ལ་བརྟེན་པ་མ་ཡིན་པའི་སེམས་ནི་ལུས་མེད་ཀྱང་རྣམ་པར་གནས་པར་འགྱུར་རོ་ཞེས་བྱ་བའི་ཕྱོགས་ལ་ཁས་ལེན་པ་ཡིན་པར་བསྟན་པ་ནི། སེམས་ཀྱི་རྒྱུ་ནི་གནས་པའི་རྒྱུ་སྟེ། གནས་པ་ནི་རྒྱུན་མ་ཆད ་པ་ཡིན་ལ་དེའི་རྒྱུ་ནི་ལས་ཀྱི་མིང་ཅན་ཏེ་དེ་ནི་ལུས་ཀྱི་རྒྱུ་ཡིན་ནོ། །དེའི་ལུས་ཀྱི་རྒྱུ་ནི་སྐྱེ་མཆེད་ལྔའོ། །དེའི་འཇུག་པ་ཐོབ་པ་ནི་ལུས་གཞན་བསྐྱེད་པའི་བྱ་བའོ། །དེའི་དོན་དུ་ཡན་ལག་ཉིད་དེ་རྒྱུ་མཚན་དུ་གང་གི་ཚེ་མི་འགྱུར་ན་ཏེ་ལུས་ལ་སྲེད་པ་དང་བཅས་པའོ། །དེའི་ཚེ ་རྒོལ་བ་ཁས་བླངས་པ་ཡིན་ནོ་ཞེས་གནས་སྐབས་ལ་བལྟོས་ནས་ལྷག་མའི་དོན་ཡིན་ནོ། །དེའི་རྒྱུ་འཇུག་པ་ན་ཐོབ་དོན་དུ་ཞེས་བསྟན་པ་དེའི་རྒྱུ་གང་ཡིན་པ་ཞེས་པ་དེ་ལ་བསྟན་པ་ནི། ཚེ་འདི་ཉིད་སྐྱེ་མཆེད་ལྔ་སྲིད་པ་ཉིད་ལས་གཞན་པའི་ལུས་སྐྱེ་བ་གཞན་ལ ་འབྱུང་པར་འགྱུར་བ་ནི་ལུས་གཞན་ཡིན་ལ་དེའི་བསྐྱེད་པའི་ལུས་ལ་རྒྱུ་ཡིན་ནོ། །ཡང་ན་ཡན་ལག་ཅན་ཉིད་དུ་མི་འགྱུར་པའི་ཕྱོགས་ལ་འབའ་ཞིག་གནས་པར་དམ་བཅས་ནས་ཕྱོགས་གཞན་ལ་དེ་མེད་པར་བསྟན་པ་ནི། དེ་ཉིད་ཀྱི་ཕྱིར་གང་གི་ཚེ་ཡང་ཞེས་བྱ་བ ་སྟེ། ཡང་གི་སྒྲ་ནི་ཁྱད་པར་གྱི་ཚིག་དག་གོ་།འདི་ལ་ཡང་བག་ཆགས་ལ་གནས་པའི་ལམ་གྱི་ངོ་བོ་ནི། དེ་དང་ལྷན་ཅིག་བརྗོད་པ་ཅན་དུ་བྱེད་པ་ཡིན་ནོ། །ནུར་ནུར་པོ་ནི་སྲིད་པ་གཞན་ལ་འབྱུང་བའོ། །སོགས་པའི་སྒྲས་ནི་ཚེ་འདི་པའི་སྐྱེ་མཆེད་ལྔ་བསྟན་པ་ཡིན ་ཏེ། འབྱུང་རྡུབ་དབང་པོ་བློ་དག་ནི། །ལུས་ཉིད་འབའ་ཞིག་ལས་སྐྱེས་མིན། ཞེས་གསུངས་པའི་ཕྱིར་རོ། །མངོན་པར་ཕྱོགས་པའི་བྱ་བའི་དངོས་པོ་བསྟན་ནས་དེར་གཏོང་བ་བསྟན་པ་ནི། དེ་ཐོབ་པ་ནི་ལུས་ཀྱི་རྒྱུ་འབའ་ཞིག་ལ་ཞེས་བྱ་བའོ། །དགག་བྱ ་བསྟན་ནས། དགག་པ་བསྟན་པ་ནི། དེ་ཡན་ལག་ཏུ་མི་འགྱུར་ན་ཞེས་བྱ་བའོ། །འབའ་ཞིག་གནས་པའི་སེམས་བག་ཆགས་ལ་གནས་པའི་སྐྱེ་མཆེད་ལྔའི་དབང་གིས་དུས་ཕྱིས་ལུས་དང་བཅས་པར་འབྱུང་བར་བསྟན་པ་ནི། ལུས་གཞན་སྐྱེ་བ་ལ་ནི་ཞེས ་བྱ་བའོ། །སེམས་ཀྱི་ངོ་བོའི་ལས་ཀྱང་སྐྱེ་བ་ཕྱི་མའི་ལུས་མ་མཐོང་ན་ཇི་ལྟར་རྒྱུ་ཡིན་པར་རྟོགས་སྙམ་དུ་སེམས་པ་ནི། དེའི་ཡན་ལག་གི་ཞེས་བྱ་བའོ། །དེའི་ནི་ལས་ཀྱིའོ། །ཡན་ལག་དངོས་པོ་ནི་སྐྱེ་མཆེད་ལྔ་པོ་རྒྱུ་ཉིད་དོ། །དེ་དག་དགག་པ་ལ་མི་དམིགས ་པ་ནི་འབྲས་བུ་མི་དམིགས་པའོ། །ངེས་བྱེད་མིན་ནི་ཁྱད་པར་མེད་པ་ཉིད་ཀྱིས་མ་ངེས་པ་ཡིན་པའི་ཕྱིར་རོ། །ཚེ་འདི་བའི་སྐྱེ་མཆེད་ལྔ་ནི་སྐྱེ་འཕྱི་མ་འབྲས་བུའི་ལུས་ལ་བཟློག་པས་ཁྱབ་པས་འགལ་བ་ཡིན་ཞེས་བྱ་བར་ཡང་འགྱུར་པའི་ཕྱིར་མི་དམིགས ་པ་ཉིད་རྟོགས་བྱ་ཡིན་པའི་ཕྱིར་མི་མཐུན་པའི་ཕྱོགས་ལས་བཟློག་པ་ལ་ཐེ་ཚོམ་ཟ་བ་ཉིད་ཀྱིས་འགལ་བར་མ་རྟོགས་པས་མ་ངེས་པ་ཁོ་ན་ཡིན་པར་བསྟན་པ་ནི། དེའི་ཡན་ལག་དངོས་པོ་དང་ཞེས་བྱ་བའོ། །གལ་ཏེ་ཡང་སྐྱེ་མཆེད་ལྔ་མངོན ་སུམ་པ་ཡིན་ཡང་དེའི་འབྲས་བུ་སྐྱེ་བ་ཕྱི་མའི་ལུས་དབང་པོ་ལས་འདས་པ་ཡིན་པའི་ཕྱིར་དེའི་རྒྱུ་ཉིད་དབང་པོ་ལས་འདས་པ་ཁོ་ན་ཡིན་ནོ། །དེ་ལྟ་ཡིན་ཡང་ཁས་བླངས་བ་ཡིན་པར་བསྟན་པ་ནི། གལ་ཏེ་ཡང་ཞེས་བྱ་བ་སྟེ། དེ་ལྟར་མིང་ངོ་ཞེས་བྱ་བ ་ནི་མ་དམིགས་པའི་ཁྱད་པར་ཏེ་ནུས་པའི་ངོ་བོའི་ལས་ཀྱང་དབང་པོ་ལས་འདས་པའི་ཕྱིར་ཞེས་བྱ་བའི་དོན་ཏོ། །ཁྱབ་པ་སྔོན་དུ་འགྲོ་བ་ཅན་ཞེས་བྱ་བ་ནི། དབང་པོ་མཚམས་སྦྱོར་བ་ལས་བཟློག་པས་ཁྱབ་སྟེ། འགལ་བས་ཁྱབ་པ་ཞེས་བྱ་བའི་དོན ་ཏོ་ཞེས་བཤད་པ་ཞེས་བྱ་བ་ནི། འབྲས་བུའི་འདོད་པས་སྔགས་རྣམས་ནི། །བྱས་དང་སྐྱེས་བུས་བྱས་བརྗོད་བྱ། །བློ་དབང་སྨྲ་དང་སྐྱེས་བུ་ཉིད། །ལ་སོགས་སྒྲུབ་བྱེད་གང་བརྗོད་པ། །ཚད་ལྟར་སྣང་ཡིན་ལྷག་ལྡན་པས། །ཇི་བཞིན་དོན་རྟོགས་ཡོད་མ་ཡིན། ཞེས་གསུངས ་པའོ། །དེ་དང་མཚམས་སྦྱོར་བར་ཞེས་བྱ་བ་ནི། འདི་པའི་ལུས་སུ་གྱུར་པའི་དབང་པོ་དང་མཚམས་སྦྱོར་བའོ། །དེ་ཡང་ནི། འཇིག་རྟེན་ཕ་རོལ་དུ་འབྱུང་བའི་མཚམས་སྦྱོར་བའོ། །དེའི་ཚེ་ནི་དེའི་དུས་སུ་འདི་བ་ཡིན་པའི་ཕྱིར་རོ། །ཁུ་ཁྲག་གཞན་གྱིས་བསྐྱེད་པའི་དབང་པོ་ཞེ ་བྱ་བ་ནི། ལས་ཀྱི་མཚམས་སྦྱོར་བའི་བྱེད་པ་ལ་བལྟོས་ནས་མི་དམིགས་པ་ཙམ་ནི་མི་སྣང་བ་མི་དམིགས་པའོ། །མ་རྟོགས་པར་ཞེས་བྱ་བ་ནི། གཞན་གྱིས་ཏེ་སྣང་བ་མི་དམིགས་པས་རྟོགས་པ་མ་ཡིན་ནོ་ཞེས་བྱ་བར་སྦྱར་རོ། །ཇི་ལྟར་བསྒྲུབ་བྱའི་ཐུན་མོང་བའི་ཡུལ ་ནི། ཁྱད་པར་མ་ཡིན་པ་དེ་བཞིན་དུ་རྒྱུའི་ཁྱད་པར་ལས་བྱུང་བ་ཉིད་ཀྱང། རྩ་བའི་མེ་བཞིན་དུ་ཁྱད་པར་མ་ཡིན་པ་ཁོ་ནར་བསྟན་པ་ནི། ཁུ་ཁྲག་གཞན་ཉིད་ཀྱིས་ཞེས་བྱ་བའོ། །དཔེ་དང་དོན་གྱི་ཡུལ་གྱི་ཁྱད་པར་གྱི་དཔེ་བརྗོད་པ་ནི་བུམ་པ་དང་སྒྲའི་ཞེས་བྱ་བའོ།། ་ཡུལ་དང་རྒྱུའི་ཁྱད་པར་ལ་སོགས་པ་རྣམས་ནི་ཁྱད་པར་བྱེད་པ་ཉིད་ལ་གཏན་ཚིགས་ཉིད་ཡིན་ཏེ། དབང་པོ་གཞན་དང་མཚམས་སོར་བ་ལ་གེགས་མེད་པའི་ཕྱིར་རོ་ཞེས་བསྟན་པ་ནི། དབང་པོ་སྔ་མ་ཞེས་བྱ་བ་སྟེ། རང་རིགས་ལ་ནི་རང་གི་རྒྱུད་ལས་བྱུང་བ་རྣམས ་ལ་སྟེ། རྒྱུད་གཞན་གྱི་དབང་པོ་ལ་མཚམས་སྦྱོར་བ་མ་ཡིན་ན་རང་གི་རྒྱུད་ལ་མཚམས་ཀྱི་སྦྱོར་བ་མ་ཡིན་ནོ། །གང་གི་ཕྱིར་མེ་ནི་བྱ་གཞན་གྱི་བསྐྱེད་བྱའི་དུ་བ་སྐྱེད་པར་མི་བྱེད་པ་མ་ཡིན་ནོ། །འཇིག་རྟེན་ཕ་རོལ་དུ་འབྱུང་བའི་དབང་པོ་ནི་འཇིག་རྟེན་ཕ ་རོལ་གཞན་ལས་འབྱུང་བའི་རང་གི་རྒྱུད་ཀྱི་སྐྱེད་བྱེད་དུ་མ་ཡིན་ནོ་ཞེ་ན། འགྱུར་བ་མཐོང་ཕྱིར་ཞེས་བྱ་བ་སྨོས་ཏེ། གོམས་པའི་བསྐྱེད་བྱའི་དབང་རྣམས་ཀྱི་འགྱུར་བ་སྟེ། གཡེང་བག་ཅན་ལ་སོགས་པའི་ཁྱད་པར་དུ་སྐྱེ་བ་དང་པོ་ལ་མཐོང་བའི་ཕྱིར ་གཞན་ལས་ཏེ་སྐྱེ་བ་སྔ་མ་ལས་གཞན་ཏེ་སྐྱེ་བ་ཕྱི་མ་གཞན་གྱི་དབང་པོ་རྣམས་འགྲུབ་པ་ཉིད་ཅེས་བྱ་བ་གནས་སྐབས་ཡིན་པའི་ཕྱིར་འཚོ་བའི་གནས་སྐབས་སུ་འགྲེལ་པ་འཛིན་པ་ལས་སྐྱེ་བའི་དང་པོ་ལ་རྗེས་སུ་དཔོག་པ་ཡིན་ནོ་ཞེས་བྱེ ་བའི་དོན་ཏོ། །གསལ་བའི་ཁྱད་པར་ལ་འབྲེལ་པ་འཛིན་པ་ན་དེ་དང་འདྲ་བ་ལ་ཡང་འཛིན་པ་ཡིན་གྱི། གཞན་དུ་ན་འབྲས་བུ་མཐོང་བ་ཉིད་ལ་རྒྱུར་རྟོགས་པར་བྱ་བ་ཡིན་པའི་ཕྱིར་འབྲས་བུ་མི་མཐོང་བ་ནི་ཉེ་བར་ལེན་པར་མི་བྱེད་དོ། །དེ་ལྟ་ཡིན་ན་ཐ་སྙད་ཆད་པར་འགྱུར ་བ་ཡིན་པར་བསྟན་པ་ནི། གསལ་བའི་ཁྱད་པར་ཞེས་བྱ་བའོ། །དེ་ལྟར་ན་གཡོ་བ་ཞེས་བྱ་བ་ལ་སོགས་པ་ནས་སྐྱེས་པ་ནི་དེ་ལྟ་བུར་གྱུར་པའི་བར་གྱིས་འབྲེལ་པ་འཛིན་པ་ཡིན་པར་བསྟན་པ་ཡིན་ནོ། །དེ་ལྟ་བུར་གྱུར་པ་མཐོང་བ་ལས་ཞེས་བྱ་བ་ནི་རྗེས་སུ་དཔག ་པའོ། །འོན་ཏེ་དབང་པོ་ནི་ཞེས་བྱ་བ་ནི་དབང་པོ་གཞན་དང་མཚམས་སྦྱོར་བ་ཉིད་ཀྱིས་གཟུང་བ་ཡིན་ནོ་ཞེས་ཟེར་ལ། གལ་ཏེ་དེ་ལྟ་ན་ཞེས་བྱ་བ་སྟེ། གལ་ཏེ་ཡང་དབང་པོ་ཆོས་ཅན་ཅིག་ཡིན་ཡང་དེའི་ཁྱད་པར་གཡོ་བ་ལ་སོགས་པ་རྣམས་ཏེ། གོམས་པའི་བསྐྱེད ་བྱ་ནི། སྐད་ཅིག་རེ་རེ་ཞིང་ཐ་དད་པ་ཁོ་ན་ཡིན་པར་བསྟན་པ་ནི། གཡོ་བ་ལ་སོགས་པ་གོམས་པ་སྔོན་དུ་འགྲོ་བ་ཅན་ཞེས་བྱ་བ་སྟེ། དེས་ན་དབུགས་ཀྱི་གནས་སྐབས་སུ་ཞེས་བྱ་བ་ན་གཡོ་བ་ལ་སོགས་པའི་མཚན་ཉིད་ཀྱི་རང་བཞིན་དུ་གྱུར་པ་ལས་ཏེ། རང ་བཞིན་མ་ཡིན་ན་སྐྱེ་བ་གཞན་དང་གཞན་གྱི་དབང་པོ་རྣམས་མི་འགྲུབ་པོ་ཞེས་བྱ་བའི་དོན་ཏོ། །སྐྱེ་བ་གཞན་དང་གཞན་ཡང་སྐད་ཅིག་རེ་རེ་ཞིང་གཞན་དང་གཞན་ཉིད་དུ་འབྲེལ་པ་མཛད་པ་བཞེད་པ་ཡིན་ནོ། །ས་ལ་སོགས་པ་བཞིན་ཞེས་བྱ་བ་ནི་ས་ལ་སོགས ་པའི་རང་བཞིན་དུ་གྱུར་པའི་ཁམ་ཕོར་ལ་སོགས་པའི་འགྱུར་བ་ཐ་དད་པ་ཡིན་པ་ནི། ས་ལ་སོགས་པ་ཉིད་ཐ་དད་པ་ཡིན་གྱི་ཤེས་པ་མ་ཡིན་ནོ། །གལ་ཏེ་ལུས་ལས་ལན་ཅིག་བློ། །སྐྱེ་ཞིང་ཕྱིས་ནི་རང་རིག་ལས། །དེས་པ་ན་ཞེས་རྒོལ་བ་དང། །ལུས་ཀྱི་ནུས ་པ་ནི་ཅིའི་ཕྱིར་ན་ལྡོག་པ་ཡིན་ཞེས་བྱ་བ་ལ་དེའི་ངོ་བོར་ཁྱད་པར་མེད་པ་ལས་སྐྱེད་བྱེད་ཡིན་ན་ཅིག་ཅར་དུ་མའི་སྐྱེད་བྱེད་ཉིད་དུ་ཐལ་བར་འགྱུར་བར་ཡང་ངོ། །དབང་པོ་ལ་ཡང་ལྷག་པར་བསྟན་པ་ནི། གལ་ཏེ་ལུས་ལས་དེ་སྐྱེ་ན་ཞེས་བྱ་བའོ། །དེ་ཉིད་རྣམ་པར་འགྲེལ་པ་ནི། །འོན་ཀྱང ་དང་པོ་ཞེས་བྱ་བའོ། །ལན་ལྷག་པར་བསྟན་པ་ནི། སྔ་མ་བཞིན་དུ་ཐལ་བར་འགྱུར་ཞེས་བྱ་བ་དེར་རྣམ་པར་འཆད་པ་སྟེ། གལ་ཏེ་ལུས་ལས་ཞེས་བྱ་བའོ། །ཡང་ན་ལུས་ལས་དབང་པོ་སྐྱེ་བར་ཁས་ལེན་པ་ཡིན་ན་གནས་སྐབས་ལ་སོགས་པ་ལ་ཐལ་བར་འགྱུར ་ཞེས་བྱ་བ་དེར་རྣམ་པར་འཆད་པ་སྟེ། གལ་ཏེ་ལུས་ལས་ཞེས་བྱ་བའོ། །ཡང་ན་ལུས་ལས་དབང་པོ་སྐྱེ་བར་ཁས་ལེན་པ་ཡིན་ན་གནས་སྐབས་ལ་སོགས་པ་ལ་ཐལ་ཆེས་པ་ཡིན་པར་སྐྱེ་བ་ཡོངས་སུ་འཛིན་པ་ལ་ཐལ་ཆེས་པའི་ཕྱིར་ཞེས་གསུངས་པ་ལྷག ་པར་བསྟན་པ་ནི། སྔ་མ་བཞིན་དུ་ཐལ་པར་འགྱུར་ཞེས་བྱ་བའོ། །སྔ་མ་དེ་ཉིད་གཙོ་བོ་ཡིན་ཏེ་རྩིག་པ་དང་བུམ་པ་ལ་སོགས་པ་དང། ཤི་བའི་ལུས་ཡང་སེམས་མེད་པའི་ཕྱིར་དབང་པོ་མེད་ན་དེའི་རྒྱུ་དེ་ཉིད་ཡིན་ཏེ། འབྲས་བུ་དེ་ལ་ངེས་པའི་ཕྱིར་རོ་ཞེས ་བྱ་བའི་དོགས་པ་སྔོན་དུ་སོང་བས་བསྟན་པ་ནི། སེམས་ལས་ཀྱང་ཞེས་བྱ་བ་སྟེ། ཀྱང་གི་སྒྲས་སེམས་ཀྱི་ཞེས་བྱ་བ་བསྡུས་པ་ཡིན་པར་བསྟན་པ་ནི། སེམས་ཀྱི་ཡང་ཞེས་བྱ་བའོ། །གང་གི་ཕྱིར་གོམས་པའི་བསྐྱེད་བྱའི་རྣམ་པ་མཐོང་བ་ལས་དབང་པོ་རྣམས ་སྐྱེ་བའི་དང་པོ་ལ་སྐྱེ་བ་སྔ་མའི་དབང་པོའམ་སེམས་རྒྱུའི་ཁྱད་པར་དུ་གྲུབ་པ་ཡིན་གྱི་འབྲས་བུའི་ཁྱད་པར་ནི་མེད་ན་གྲུབ་པ་མ་ཡིན་ལ། དེ་ལས་གཞན་པ་ལུས་ལ་སོགས་པ་ཡང་རྒྱུ་མ་ཡིན་ནོ། །དེའི་ཕྱིར་རྒྱུ་མ་ཚད་བ་ལས་ཤི་བ་སྐྱེ་བ་གཞན་དུ་མཚམས ་སྦྱོར་བ་མ་ཡིན་པ་མི་རིགས་པར་བསྟན་པ་ནི། དེས་ནི་རྒྱུ་དང་བྲལ་བའི་ཕྱིར་ཞེས་བྱ་བ་སྟེ། མེད་པའི་ཕྱིར་རོ། །ཀུན་ཞེས་བྱ་བ་ནི་དགྲ་བཅོམ་པ་འབའ་ཞིག་ཁོ་ན་མ་ཡིན་ཏེ། སོ་སོའི་སྐྱེ་བོ་རྣམས་ཀྱི་ཡང་ཞེས་བྱ་བར་དགོངས་པས་དགག་པའི་དག་གཅིག་ཡིན ་པ་འམ། སོ་སོའི་སྐྱེ་བོ་རྣམས་སུ་མ་ཟད་ཀྱི་དགྲ་བཅོམ་པ་རྣམས་ཀྱི་ཡང་ཡིན་ནོ། །གང་གི་ཕྱིར་ཉོན་མོངས་པ་མེད་པའི་སེམས་སམ་དབང་པོ་ཡང་རུང་དེའི་ཡང་རྒྱུན་ཏུ་བྱེད་པ་བཀག་པ་ནི་མ་ཡིན་ནོ། །འོན་ཏེ་དབང་པོ་འམ་སེམས་ཀྱང་མཚམས ་སྦྱོར་བར་བྱེད་པ་མ་མཐོང་བའི་ཕྱིར་བཟློག་པས་ཁྱབ་པ་ཡིན་ན་མ་མཐོང་བ་ལ་ཁྱད་པར་མེད་པ་ཉིད་ཀྱིས་མ་ངེས་པའི་ཕྱིར་མི་རིགས་པ་ཡིན་པར་བསྟན་པ་ནི། དེའི་ཕྱིར་འདི་འདྲ་ཞེས་བྱ་བའོ། །འཆི་བ་སེམས་ཉིད་ཡིན་པའི་ཕྱིར་ཞེས་བྱ་བ་ཉེ་བར་མཚོན་པ་ནི ་དབང་པོ་ཉིད་ལ་སོགས་པར་རོ། །ནང་གི་རེག་པའི་ཁྱད་པར་གྱིས་ནི་ལུས་ཀྱི་ཞེས་བྱ་བ་དང་སྦྱར་བར་བྱའོ། །ཇི་ལྟར་ལུས་ཐ་དད་པ་ལ་འཇུག་པ་ཉིད་ལུས་ཐ་དད་པ་ལ་དམིགས་པ་ཉིད་ཡིན་པ་དེ་བཞིན་དུ་ལུས་གཞན་ལ་མཚམས་སྦྱོར་བ་ཅན་ཉིད་ཀྱང་ལུས ་གཞན་ལ་དམིགས་པ་ནི་སེམས་གཞན་སྐྱེད་པར་བྱེད་པ་ཉིད་ཡིན་ནོ། །དེའི་ཕྱིར་ཡང་མ་ངེས་པའི་གཏན་ཚིགས་སུ་འགྱུར་བར་བསྟན་པ་ནི། དེས་ན་མ་ངེས་པ་ཡིན་ནོ་ཞེས་བྱ་བའོ། །རབ་ཏུ་གྲུབ་པ་མ་ཡིན་པའི་ཁྱད་པར་ཡང་གཏན་ཚིགས་ཡིན་པར ་བསྟན་པ་ནི། ལུས་གཞན་པ་ཉིད་ཀྱང་མ་ཡིན་ཏེ། དེའི་ཕྱིར་ལུས་ནི་ཡིད་ཀྱི་རྣམ་ཤེས་ཀྱི་རྒྱུན་ལ་ཕན་བྱེད་པའི་ཕྱིར་རྟེན་ཡིན་གྱི་སྐྱེད་པར་བྱེད་པའི་ཕྱིར་ནི་མ་ཡིན་ནོ། །དེའི་ཤེས་པས་ཕན་འདོགས་ཕྱིར། །ཡིད་ནི་ལུས་ལ་བརྟེན་པར་བཤད། །འགའ་ ་ཞིག་ཚེ་ན་སེམས་རྒྱུན་གྱི། །ཕན་འདོགས་བྱེད་པའང་ཡིན་བླ་སྟེ། ཞེས་གསུངས་པ་ཡིན་པའི་ཕྱིར་ཞེས་བསྟན་པ་ནི། དེའི་ཕྱིར་ཡིད་ཀྱི་རྒྱུན་ལ་ཞེས་བྱ་བའོ། །འབྲུའི་རྒྱུན་བཞིན་ཞེས་བྱ་བ་ནི་ས་བོན་ལས་སྐྱེད་པ་ནི་ཆུ་ལ་སོགས་པས་ཕན་བྱེད ་པ་ཡིན་ནོ། །དེ་ལྟ་བུ་དེ་ཡང་སེམས་སྐྱེ་བ་བརྒྱུད་པར་རྒྱུན་མི་འཆད་པར་རྗེས་སུ་འཇུག་པ་ཡིན་ལ། སྙིང་རྗེ་ལ་སོགས་པ་དེའི་ཆོས་རྣམས་ཕུལ་དུ་བྱུང་བར་འགྱུར་བ་ཡིན་ནོ། །དེའི་ཕྱིར་སྒྲུབ་བྱེད་སྙིང་རྗེ་གོམས་ལས་དེ་ཞེས་བྱ་བ་འདིའི་གཉེན ་པོ་འདི་གྲུབ་པ་ཡིན་པར་བསྟན་པ་ནི། དེས་ན་སེམས་ཀྱི་རྒྱུན་ཐོག་མ་མེད་པ་ཞེས་བྱ་བའོ། །དེའི་ཕྱིར་གང་གི་འདུ་བྱེད་ཉིད་ངེས་པ་ཡིན་པ་ནི་རྗེས་སུ་འཇུག་པ་ཞེས་བྱ་བ་ལ་སོགས་པས་སེམས་ན་སེམས་ལས་ཡིན་ཏེ། སྐྱེ་བ་དང་པོ་ལ་ལུས་ལ་སོགས་པ ་འགྱུར་བ་མ་ཡིན་ཡང་དེ་འགྱུར་ན་འགྱུར་པའི་ཕྱིར་རོ། །སེམས་ནི་ལུས་འཛིན་པའི་བདག་ཉིད་ཡིན་ལ་འབད་པ་མེད་པའི་རྒྱུན་ཉིད་ཀྱིས་བརྟན་པ་ཡིན་ཡང་སྙིང་ལ་དེའི་ཆོས་རྣམས་གོམས་པ་ལས་འབྱུང་བ་ཉིད་ཀྱིས་འབད་པ་ལ་བལྟོས་པ་ཡིན་པའི་ཕྱིར ་གདོན་མི་ཟ་བར་བྱུང་པ་འམ་ཕུལ་དུ་བྱུང་བ་ཡང་མ་ཡིན་ཏེ། མཆོངས?་པ་ལ་སོགས་པ་ལྟ་བུ་ཡིན་པར་བསྟན་པ་ནི། གལ་ཏེ་གོམས་པ་ཡོད་མེད་ཅེས་བྱ་བ་སྟེ། རབ་ཀྱི་ནི་ཡུལ་མ་ཡིན་པ་དཔལ་ལྡན་པའོ། །མཐར་ཕྱིན་པ་ནི་མཐར་ཐུག་པ་གང་གི་ཡིན་པ་དར ་ཅུང་ཟད་ཙམ་ནི་དཔག་ཏུ་ཡོད་པ་ཕུལ་དུ་བྱུང་བ་མ་ཡིན་ནོ། །ཁྱད་པར་ནི་ཕུལ་དུ་བྱུང་བར་སྣང་བའོ། །ཁྱད་པར་འགྱུར་ན་ཡང་ཞེས་བྱ་བ་ནི་ཕུལ་དུ་བྱུང་བར་འགྱུར་ན་ཡང་ངོ། །རང་བཞིན་ནི་དུས་ཇི་ཙམ་པ་ཉིད་དང་ཁྱད་པར་ཇི་ཙམ་པ་ཉིད་ཀྱང་ངོ། །དེ་ལས་འདེས? ་མིན་ནི་འབད་པ་མེད་པའི་རྒྱུན་ཉིད་དང་ཚད་མེད་པའི་ཕུལ་དུ་བྱུང་བ་ཉིད་ཀྱང་ངོ། །ཤིན་ཏུ་གོམས་པའི་མཆོངས་པ་ཡང་དཔག་ཚད་དམ་ཕྱེད་དུ་མི་འགྱུར་རོ། །ཆུ་ཁྱད་པར་ཅན་བསྐོལ་བ་ཡིན་ཡང་འབར་བའི་མཐར་ཐུག་པར་མི་འགྱུར་ཏེ། རྟེན་ཆུ་ཉིད ་མེད་པའི་ཕྱིར་རོ། །གོམས་པ་ནི་རང་བཞིན་ལ་ཁྱད་པར་གྱི་རྒྱུ་མ་ཡིན་ཏེ། དེ་མེད་ན་རྒྱུ་ནི་དེའི་རྒྱུ་མ་ཡིན་པར་ཐལ་བར་འགྱུར་བའི་ཕྱིར་ཏེ་ཤིན་ཏུ་ཕུལ་དུ་བྱུང་བ་ཉིད་དང་ཕུལ་དུ་བྱུང་བའི་རྒྱུ་ཉིད་འགལ་བའི་ཕྱིར་རོ། །མཆོད་པ་ཕུལ་དུ་བྱུང་བ་ཙམ ་དང་ལྡན་པ་ནི་ཤིན་ཏུ་ཕུལ་དུ་བྱུང་བ་ཡིན་ཡང་མཆོད་པའི་བདག་ཉིད་ལས་ལྡོག་པ་མ་ཡིན་ན་གང་གིས་འགལ་བར་འགྱུར་ཕུལ་དུ་བྱུང་བར་ལན་ཅིག་སྒྲོ་བཏགས་པས་ཀྱང་རང་བཞིན་ལས་ལྡོག་པ་མ་ཡིན་ཏེ། མཆོངས་པ་དང་སྙིང་རྗེ་བ་ལ་སོགས ་པ་དང་ཁྱད་པར་ཅི་ཡོད་སྙམ་དུ་སེམས་པ་ལ། བྱས་ཏེ་གལ་ཏེ་ཞེས་བྱ་བ་སྟེ། གོམས་པས་བྱས་པའི་ཁྱད་པར་རོ། །རང་ཡོད་པ་ལ་འབད་རྩོལ་གཞན་ལ་བལྟོས་པ་ནི་མཆོད་པ་འཕེལ་བ་མ་ཡིན་ཏེ། ཕུལ་དུ་བྱུང་བ་གཞན་ལ་རྟེན་མེད་པའི ་ཕྱིར། །ཁྱད་པར་དག་ནི་མེད་འཕེལ་ཞིང་ཞེས་བྱ་བའོ། །ཡང་འབད་པ་ལ་སོགས་པ་ཡིན་ཡང་ཆུ་ཤིན་ཏུ་ཆེར་བསྐོལ་བ་ལ་སོགས་པའི་དབྱེ་བས་འཕེལ་བ་ཁོ་ན་ཡིན་ནོ་སྙམ་དུ་སེམས་པ་ལ། ཁྱད་པར་དང་རྟེན་དངོས་སུ་འགལ་བ་མ་ཡིན་ཡང་ཁྱད་པར་བྱེད ་པ་དང་འགལ་བའི་ཕྱིར་འགལ་བའི་འབྲས་བུ་ཉིད་ཀྱིས་དང་རང་བཞིན་ཡིན་པར་བསྟན་པ་ནི། རང་བཞིན་དེ་འདྲ་མ་ཡིན་ཏེ་ཞེས་བྱ་བའོ། །སླར་ཡང་འབད་པ་ལ་བརྟེན་པ་དང་རྟེན་མི་བརྟན་པ་ཉིད་དག་ལ་གོ་རིམས་བཞིན་དུ་མི་འཕེལ་བ་དང་རང་བཞིན་མ ་ཡིན་པའི་སྐྱོན་ཡིན་ནོ། །ཅི་ལས་ཡིན་སྙམ་དུ་སེམས་པ་ལ་དང་པོ་ལ་གཏན་ཚིགས་བསྟན་པ་ནི། དེ་ལ་ཞེས་བྱ་བ་ལ། དེ་ལ་ནི་སྔ་མའི་རྒྱུས་རྫོགས་པའི་ཁྱད་པར་ལ་འདོགས་པའི་ནུས་པ་ཡོངས་སུ་རྫོགས་པ་གང་དག་གི་ཡིན་པ་དེ་དག་གིའོ། །ཕྱོགས ་གཉིས་པ་ཡང་རྟག་ཏུ་ཞེས་བྱ་བ་ལ་སོགས་པ་ནས། ཁྱད་པར་འཕེལ་ཡང་ཞེས་བྱ་བའི་བར་ཏེ། རྟེན་གནས་མ་ཡིན་པ་ནི། རྟེན་གནས་པ་མེད་པས་རང་བཞིན་མ་ཡིན་པའི་ཕྱིར། ཁྱད་པར་དག་ནི་མི་འཕེལ་ཞིང། འཕེལ་ཡང་ཕུལ་དུ་བྱུང་བ་མ་ཡིན་ཞེས ་བྱ་བར་སྦྱར་རོ། །ཕུལ་དུ་བྱུང་བའི་འཕེལ་བ་མ་ཡིན་པ་ནི། སླར་ཡང་འབད་པ་ལ་ལྟོས་པ་དང། རྟེན་བརྟན་པ་ཉིད་མེད་ན་མི་འབྱུང་བའི་ཕྱིར་དེས་ཁྱབ་པ་ནི་དེ་ལས་བཟློག་པ་ལ་མི་འགྱུར་རོ་ཞེས་བཟློག་པ་བསྟན་པ་ནི། གང་ཚེ་བྱས་འགྱུར་བ་ཞེས་བྱ་བ་སྟེ། རྟེན ་མི་བརྟན་པ་ཉིད་ལོག་ན་རང་བཞིན་མ་ཡིན་པ་ཉིད་ལྡོག་པ་ཡིན་ནོ་ཞེས་བྱ་བའི་དོན་ཏོ། །འགྲེལ་པར་ཡང་དེ་ལྟ་བུའི་དོན་གོ་བར་བྱའོ། །ཁྱད་པར་ནི་ཕུལ་དུ་བྱུང་བ་སྟེ་དེ་ཙམ་དུ་གྱུར་བར་རྣམ་པར་གནས་པ་ཕུལ་དུ་བྱུང་བ་ཉིད་ཁྱད་པར་དེ་ལ་འབྱུང་བ་འཕེལ ་བར་ཅི་སྟེ་མི་འགྱུར། །དེ་བསྟན་པ་ནི། ཁྱད་པར་ཡིན་ནོ་ཅོག་ཅེས་བྱ་བའོ། །རང་གི་རྒྱུན་དུ་གྱུར་པ་ཙམ་གྱིས་ནི་ཁྱད་པར་ནི་རང་གི་ངོ་བོ་ཙམ་དུ་གྱུར་པ་དེ་ལྟར་རྣམ་པར་གཞག་པ་ཕུལ་དུ་བྱུང་བ་མ་ཡིན་ནོ། །འོན་ཀྱང་ཞེས་བྱ་བས་ཁྱད་པར་བསྟན་པ་ནི། མཆོད་པའི ་ཡུལ་སྔ་མ་ཉིད་ལ་སླར་ཡང་འབད་རྩོལ་ལ་ལྟོས་པ་ཡང་ཆུ་བསྐོལ་བ་འཕེལ་བ་ཡང་རྟེན་མི་བརྟན་པ་ཉིད་ཀྱིས་ཕུལ་དུ་བྱུང་བར་འཕེལ་བ་མ་ཡིན་པར་བསྟན་པ་ནི། འདི་དང་མེ་དང་འབྲེལ་པ་མེད་ཀྱང་ཡོད་པ་ནི་མ་ཡིན་ནོ་ཞེས་བྱ་བའི་དེ་མ་ཐག་ཏུ་རྟེན་ཡང ་མ་ཡིན་ཞེས་བྱ་བར་བལྟ་བར་བྱའོ། །གང་གི་ཕྱི་ཡོད་པ་ལས་འཕེལ་བ་མཐར་ཐུག་པར་མི་འགྱུར་བ་ནི། ཕུལ་དུ་བྱུང་བར་མི་འཕེལ་བའོ། །ཁྱབ་པ་ཞེས་བྱ་བ་ནི་དེ་ཉིད་ལ་ཡོད་པའི་ཕྱིར་རོ། །དེ་མེད་པའི་ཕྱིར་ནི་ཁྱབ་པར་བྱེད་པ་མེད་པའི་ཕྱིར་རོ། །དེ་ལས ་བཟློག་པ་སྲིད་པའི་ཕྱིར་ཞེས་བྱ་བ་ནི་ཁྱབ་པར་བྱེད་པ་འགལ་བ་ཡིན་ནོ། །འདིས་ནི་གང་ཚེ་བྱས་གྱུར་པ་ཞེས་བྱ་བ་བཤད་པ་ཡིན་ནོ། །རྟེན་མི་བརྟན་པ་ཉིད་གྱུར་ནི། །རང་བཞིན་དེ་འདྲ་འདུ?་མ་ཡིན་ཏེ། ཞེས་བྱ་བ་འབའ་ཞིག་མ་ཡིན་ཏེ། འོན་ཀྱང་སླར་ཡང་འབད ་རྩོལ་ལ་བལྟོས་པ་ལ་ཡང་སྦྱར་བར་ནུས་པ་ཡིན་ནོ་ཞེས་བསྟན་པ་ནི། ཡང་རྩོལ་བ་ལ་བལྟོས་པ་གང་ཡིན་པ་ཞེས་བྱ་བའོ། །ཁྱད་པར་བྱེད་པ་དང་བཅས་པ་ཞེས་བྱ་བ་ནི་ཁྱབ་པར་བྱེད་པ་མེད་པའམ་ཁྱབ་པར་བྱེད་པ་དང་འགལ་བའོ། །གང་ཞིག ་ཡང་རྩོལ་པ་ཞེས་བྱ་བ་ལ་སོགས་པ་ཡང་འབད་རྩོལ་ལ་བལྟོས་པ་ལ་ཡང་ཕུལ་དུ་བྱུང་བར་འཕེལ་བ་ནི། རྟེན་དང་འགལ་བའི་འབྲས་བུ་ཡིན་པའི་ཕྱིར། རང་བཞིན་མེད་པ་ཡིན་ནོ་ཞེས་དགོངས་པ་ཡིན་ཏེ། རང་བཞིན་མེད་པ་ཉིད་ཅེས་བྱ་བ ་ནི་རྟེན་མི་བརྟན་པ་ཉིད་ཀྱི་ཕྱིར་རོ། །རྒྱུ་ཉེ་བ་ལ་བལྟོས་པ་ཞེས་བྱ་བ་ནི་འབྲས་བུ་འབྱུང་བའི་འཕེལ་བ་དང་ལྡན་པའི་རྟེན་ལ་དགོངས་ནས་འགལ་བའི་འབྲས་བུ་ཡིན་པའི་ཕྱིར་རོ། །རང་གི་ངང་གིས་འཇུག་པ་ཞེས་བྱ་བ་ནི། འགལ་བ་མེད་པའི་འབྲས ་བུ་ཡིན་ནོ། །མཆོད་པ་དང་ཆུ་བསྐོལ་བ་བཞིན་ཞེས་བྱ་བ་འདི་ལ། ཆུ་བསྐོལ་བ་ལ་ནི་དཔེ་ཡིན་ཏེ་མཆོད་པ་ལ་ནི་སྦྱོར་བར་ནུས་པ་ཡིན་ནོ་ཞེས་དགོངས་པས་སོ། །གང་ཚེ་བྱས་གྱུར་པ་ཞེས་བྱ་བ་དེ་འཆད་པ་ཡིན། བརྩེ་བ་ལ་སོགས་པ ་ཡིད་ཀྱི་ཡོན་ཏན་ཞེས་བྱ་བ་སྟེ། འདི་ལ་དཔེ་ནི་ཤིང་དག་དང་དངུལ་ཆུ་ཞེས་བྱ་བ་སྟེ། དེ་རྣམ་པར་འགྲེལ་པ་ནི། ཕྱི་རོལ་གྱི་ཡོན་ཏན་འགའ་ཞིག་ཅེས་བྱ་བའོ། །ཡང་འབད་རྩོལ་ལ་མི་བལྟོས་པ་ཁོ་ན་ནི་ཕྱིར་གོམས་པ་ལས་བྱུང་བའི་སྙིང་རྗེ་ལ་སོགས་པ་ཡང ་གོམས་པ་ཡང་རང་གི་ངང་གིས་ཏེ། རང་གི་རྒྱུ་མཚན་གྱིས་ཡིན་པར་ཉེ་བར་བསྡུ་བ་ནི། སེམས་ལ་ཞེས་བྱ་བ་སྟེ། བདེ་སོགས་ཞེས་བྱ་བས་ཆོས་ཅན་རྣམས་ཆོས་ཀྱི་ཁྱད་པར་དང་ལྡན་པར་བསྟན་པ་ཡིན་ནོ། །དེ་བཞིན་དུ་འབད་རྩོལ་གཞན་གྱིས་བསྐྱེད་བྱའི ་ཁྱད་པར་གཞན་ནི་རང་གིས་འཇུག་པའི་བརྗོད་བྱ་ཡིན་པར་བསྟན་པ་ནི། ཡང་ནས་ཡང་དུ་ཞེས་བྱ་བ་སྟེ། དེ་གོམས་པས་ནི་དེའི་རྗེས་སུ་འཇུག་པ་སྟེ། བྱས་པའི་ཁྱད་པར་ནི་ཕུལ་དེ་བྱུང་བ་གང་དག་ཡིན་པ་དེ་དག་ཡིན་ནོ། །དེ་རྗེས་སུ་འཇུག་པའི་ཁྱད་པར་བཞི ་ཡིན་ཡང། མཆོངས་པ་ལ་སོགས་པ་རྣམས་ལྡོག་པ་ཁོ་ན་མ་ཡིན་ནམ་དེ་ལ་བསྟན་པ་ནི། དེའི་ཚེ་སྙིང་རྗེ་ལ་སོགས་པའི་ཁྱད་པར་བྱས་ཟིན་པར་བརྗོད་པ་ནི། གང་གི་ཚེ་ཡང་འབད་རྩོལ་ལ་མིར་ལྟོས་པ་མཆོངས་པ་ལ་སོགས་པའི་ཁྱད་པར་དང་མ་ཚད་ཉིད ་མི་མཐུན་པའི་ཁྱད་པར་བསྟན་པ་མིན་གྱི། ཁྱད་པར་ཙམ་ནི་མ་ཡིན་ནོ་ཞེས་བྱ་བའི་དོན་ཏོ། །ཁྱད་པར་འདི་ལ་བལྟོས་པ་ཡིན་ན་འདིར་འགྱུར་རོ་ཞེས་བསྟན་པ་ནི། སྩོལ་བ་གཞན་ཞེས་བྱ་བའོ། །གལ་ཏེ་ཁྱད་པར་འདི་ཉིད་གོམས་པའི་བསྐྱེད་བྱ་ལ་ཁྱད་པར་མེད ་ན་འདི་ཇི་ལྟར་ཡིན། རྒྱུ་ལ་ཁྱད་པར་མེད་ན་འབྲས་བུ་ལ་ཁྱད་པར་མེད་དོ་སྙམ་དུ་སེམས་པ་ནི། གོམས་པའི་བསྐྱེད་བྱའི་ཁྱད་པར་ཡིན་ཡང། ཁྱད་པར་དག་ལ་ཡང་འབད་རྩོལ་ལ་བལྟོས་པ་དང་མི་བལྟོས་པ་ཆོས་ཅན་ལ་གནས་པ་ཉིད་ཀྱིས་ཁྱད་པར་ཆེ ་བ་ཡིན་པར་བསྟན་པ་ནི། འདི་ལ་བཤད་ཟིན་ཏོ་ཞེས་བྱ་བ་སྟེ། ཡང་འབད་རྩོལ་ལ་བལྟོས་པའི་ཁྱད་པར་ནི་འཕེལ་བ་ཡིན་ཡང་ཆུ་བསྐོལ་བ་བཞིན་དུ་ཤིན་ཏུ་འཕེལ་བ་མ་ཡིན་ཏེ། རྟེན་དང་འགལ་བའི་འབྲས་བུ་ཉིད་ཀྱིས་རང་ཉིད་ཁོ་ན་མེད་པའི་ཕྱིར་རོ་ཞེས་བསྟན་པ་ཉེ་བར ་བསྡུ་བ་ནི། དེའི་ཕྱིར་ཞེས་བྱ་བ་སྟེ། རྟེན་བརྟན་པའི་ཕྱིར་འཕེལ་བའི་ཁྱད་པར་ནི་རྟེན་དང་འགལ་བའི་འབྲས་བུ་མ་ཡིན་ནོ། །དེའི་ཕྱིར་ཤིན་ཏུ་འཕེལ་བ་ཁོ་ན་ཡིན་ཏེ། ཁྱད་པར་གྱི་རྒྱུ་དང་རྟེན་མི་འགལ་བའི་ཕྱིར་དང། ཁྱད་པར་ལ་ཡང་འབད་རྩོལ་ལ་བལྟོས་པ་མེད་པའི ་ཕྱིར་རོ། །ད་ནི་སྙིང་རྗེ་ལ་སོགས་པའི་ཆོས་ཁོ་ན་ཕུལ་དུ་བྱུང་བའི་མིང་ཅན་ནི་གོམས་པའི་བསྐྱེད་བྱ་ཡིན་གྱི་ཆོས་ཅན་ནི་མ་ཡིན་ཏེ། རང་གི་རྒྱུད་ལས་བྱུང་བའི་ཕྱིར་དང་དེ་ཁོ་ན་ཉིད་དེ་བཞིན་དུ་ཕུལ་དུ་བྱུང་བའི་གནས་སྐབས་མཐོང་བའི་ཕྱིར་རོ། །མཆོངས་པ་ལ ་སོགས་པའི་ཆོས་ཅན་ཡང་འབད་རྩོལ་མེད་ན་མི་སྲིད་པར་བསྟན་པ་ནི། གང་ཕྱིར་ཞེས་བྱ་བ་སྟེ། རིགས་མཐུན་པའི་སྔར་གྱི་ས་བོན་ལས་གྱུར་བ་ཉིད་ཀྱི་འབད་རྩོལ་ཉིད་ཀྱི་བསྐྱེད་བྱ་ཉིད་སེལ་བར་བྱེད་པས་ཡུལ་གྱི་ཕན་འདོགས་པ་ལ་སོགས་པ་ལ་བལྟོས་པའི ་ཡིན་ནོ། །དེའི་ཕྱིར་ཆོས་ལ་མི་དམིགས་པ་ལ་སོགས་པ་ཉིད་ཀྱིས་སྙིང་རྗེ་ལ་སོགས་པ་རབ་ཏུ་འཇུག་པ་བརྗོད་པ་ཡིན་པར་བསྟན་པ་ནི། ཡུལ་ཉེ་བ་ཞེས་བྱ་བ་ལ་སོགས་པའོ། །དེ་ལ་དམིགས་པ་ཉིད་ནི་དངུལ་ཡང་སྣང་བ་ཉིད་ཁོ་ན་ཡིན་པར་བསྟན་པ་ནི་དྲན་པ་དང་ཐོས ་སོགས་ཀྱིས་ཀྱང་ཞེས་བྱ་བ་སྟེ། དྲན་པ་ལ་སོགས་པའི་མི་དམིགས་པ་ནི། དངོས་པོར་མི་སྣང་ཕྱིད?་རྣམ་རྟོག་ཅེས་བསྟན་པ་ཡིན་ནོ། །ཡུལ་ལ་སོགས་པ་ལ་བལྟོས་པ་མེད་པ་འབའ་ཞིག་ནི་མ་ཡིན་ཏེ། མི་མཐུན་པའི་ཕྱོགས་ཀྱིས་ཀྱང་བཟློག་བྱ་མ་ཡིན་པར ་བསྟན་པ་ནི། དེའི་ཞིང་དུ་བྱས་པ་དག་ཅེས་བྱ་བའོ། །རྒྱས་པ་ལས་གཞན་པ་ནི། རྒྱས་པ་ལ་མ་ཡིན་པ་སྟེ་གཞན་པའོ། །དེ་ཁོ་ན་གཞན་པ་ཉིད་ཡིན་ཏེ། མི་མཐུན་པའི་ཕྱོགས་ཀྱིས་མི་གསལ་བར་བྱས་པའི་ཕྱིར་དང། གོམས་པའི་ཡུལ་ལ་སོགས་པ་ལ་མི་བལྟོས ་པའི་ཕྱིར་ཞན་པ་ཉིད་མ་ཡིན་ནོ། །འདི་ལྟར་སེམས་ཅན་དང་ཆོས་དང་མི་དམིགས་པའི་སྙིང་རྗེ་རྣམས་ནི་སོ་སོའི་སྐྱེ་བོ་དང། འཕགས་པ་དང་བྱང་ཆུབ་སེམས་དཔའ་རྣམས་ཀྱི་ཡིན་པར་འགྲུབ་ཅེས་བྱ་བའི་དོན་ཏོ། །མཆོད་བ་ཡང་རང་གི་ས་བོན་ལས ་བྱུང་བ་ཉིད་མ་ཡིན་ནམ། གོམས་པ་ནི་ཕུལ་དུ་བྱུང་བ་ཁོ་ན་ལ་སྙིང་རྗེ་ལ་སོགས་པ་བཞིན་དུ་བྱེད་པ་ཡིན་པའི་ཕྱིར་རོ་སྙམ་དུ་སེམས་པ་ནི། ཇི་སྟེ་ཞེས་བྱ་བ་ལ་སོགས་པའོ། །མཚོང་པ་ནི་མཆོངས་པས་བྱུང་བ་ནི་ཡིན་ཏེ་སྟོབས་དང་འབད་རྩོལ་ལས་བྱུང་བ་ཡིན་ནོ ་ཞེས་བྱ་བར་བསྟན་པ་ནི། དེ་ལྟར་མཆོད་ཉིད་ལས་མཆོངས་མིན་ཅེས་བྱ་བའོ། །སྟོབས་ལས་སམ་འབད་རྩོལ་ལས་བྱུང་བ་ནི་གོམས་པས་ཤིན་ཏུ་ཕུལ་དུ་བྱུང་བར་འབྱུང་བར་འགྱུར་བ་མ་ཡིན་ནམ་སྙམ་དུ་སེམས་པ་ནི། དེ་རྒྱུ་ཞེས་བྱ་བ་སྟེ་གནས་པའི་ནུས ་ཉིད་ཡིན་པའི་ཕྱིར་གནས་པའི་འབྲས་བུ་ཉིད་ཡིན་གྱི། གོམས་པ་འམ་གཞན་ཡང་རུང་དེའི་རང་བཞིན་གྱི་མཆོད་བ་ནི་མ་ཡིན་ནོ། །གོམས་པ་ནི་སྟོབས་ཀྱི་རང་བཞིན་ཁོ་ན་ལ་བརྟེན་པ་ཡིན་པར་བསྟན་བ་ནི། རང་གི་མཆོངས་པ་གོམས་པར་ཞེས་བྱ་བའོ། །གོམས ་པ་ཡོད་པའི་མཆོད་པ་གང་ཡིན་པ་ནི། སྔ་རོལ་ན་དེ་སྟོབས་ཡོད་ཀྱང་མེད་པ་མ་ཡིན་ནམ་སྙམ་དུ་སེམས་པ་ནི། ཇི་སྟེ་ཡང་ཞེས་བྱ་བ་ལ་སོགས་པའོ། །སྔར་གྱི་སྟོབས་བད་ཀན་ལ་སོགས་པས་ལུས་ལྕི་བ་ལ་སོགས་པར་ཉེ་བ་གནོད་པ་ཡིན་ལ་གོམས་པས་ནི་ ་ཉེ་བར་གནོད་པ་མེད་པར་བྱེད་པ་བསྟན་པ་ནི། དེ་ནི་དང་པོ་ཞེས་བྱ་བའོ། །གལ་ཏེ་སྟོབས་རང་གི་ས་བོན་ཙམ་ལས་བྱུང་བར་འབད་རྩོལ་མེད་པར་ཕུལ་དུ་བྱུང་བའི་སྙིང་རྗེར་འགྱུར་རོ། །གང་གི་ཕྱིར་འབྲས་བུ་མི་དམིགས་པ་ནི། རྒྱུའི་ཚོགས་པ་མེད་པར་གོ་བར་བྱེད་པ ་ཡིན་ནོ་སྙམ་དུ་སེམས་པ་ནི། གལ་ཏེ་བརྩེ་བ་ལ་སོགས་པ་ཞེས་བྱ་བའོ། །དེའི་ཚེ་དེའི་བདག་ཉིད་དུ་ཡང་ཞེས་ཡང་གི་སྒྲ་རིམ་ལས་བཟློག་པས་ཡིན་ཏེ། གང་གི་ཚེ་ཞེ་ན། རྟེན་བརྟན་པ་ཡང་ཡིན་ན་ཡིན་གྱི་གཞན་གྱི་ཚེ་ནི་མ་ཡིན་པའོ། །མི་མཐུན་པའི་ཕྱོགས ་སུ་བྱེད་པ་ལ་སོགས་པ་ལས་རྟོགས་པ་ཡིན་གྱི་རང་གི་ངོ་བོ་ལས་ནི་མ་ཡིན་ཞེས་ཅི་ལས་རྟོགས་པ་ཡིན་ཞེས། འདི་ལྟར་གོམས་པ་ཞེས་བྱ་བ་ལ་སོགས་པ་སྨོས་སོ། །གསལ་བ་ནི་བྱ་བ་ལ་ཕུལ་དུ་བྱུང་བ་གོམས་པ་གང་ཡིན་པ་དེ་སྔ་མ་སྔ་མིན་ཕྱི་མ་ཕྱི་མའི་སྙིང་རྗེ་ལ་སོགས ་པའི་རྩ་བ་ཡིན་ཏེ། སྔ་མའི་རང་གི་རིགས་ཀྱི་ས་བོན་ཉིད་མེད་ན། གོམས་པ་ཉིད་དུ་མི་འགྱུར་རོ་ཞེས་བྱ་བའི་དོན་ཏོ། །སྔ་མའི་རང་གི་རིགས་ལས་བྱུང་བ་ཡིན་ན་གོམས་པར་འགྱུར་བར་བསྟེན་པ་ནི་ཁོ་ན་བ་ལ་སོགས་པ་ཞེས་བྱ་བ་ལ་སོགས་པའོ། །དེ་ཡང་གང་ལ་འགྱུར་ཞེ་ན།། ་གསལ་བ་ཞེས་བྱ་བའོ། །སྐྱེ་བ་ལ་ནི་མ་ཡིན་ནོ། །དེའི་ཕྱིར་འདི་ལྟར་རང་གི་ས་བོན་ལས་བྱུང་བའི་གོམས་པ་ཡིན་པའི་ཕྱིར་སྙིང་རྗེ་ནི་སེམས་ཀྱི་རང་བཞིན་ཁོ་ན་ཡིན་པར་བསྟན་པ་ནི། དེས་ན་ཞེས་བྱ་བ་སྟེ། རང་གི་དོན་ཞེས་བྱ་བས་གེགས་བྱེད་པ་མེད་པ་ལ་མཆོག་ཏུ ་འཛིན་པ་ཡིན་ནོ། །རང་གི་ས་བོན་ལས་བྱུང་བ་ཉིད་ཅེས་བྱ་བས་གོམས་པས་ཕུལ་དུ་བྱུང་བ་ཉིད་དུ་བསྟན་པ་ཡིན་ནོ། །འདི་ཉིད་ནི་ཚད་མ་ཀུན་ལས་བཏུས་པ་ལ་སོགས་པར་འགྲོ་བ་ལ་ཕན་པར་བཞེད་པ་ཉིད་ཀྱི་བསམ་པས་དགོངས་པ་ཕུན་སུམ་ཚོགས་པ་ཡིན་པར ་བསྟན་ཏོ། །ཤིན་ཏུ་གོམས་པ་ནི་བསམ་པ་ཇི་ལྟ་བ་བཞིན་དུ་སྦྱོར་བར་བསྟན་པ་ནི། དེ་ལྟར་ན་ཞེས་བྱ་བའོ། །ཐུགས་རྗེ་ཕུལ་བྱུང་ཞེས་བྱ་བ་ལ་སོགས་པ་ནི་བརྩེ་བ་དང་ལྡན་པ་ཞེས་བྱ་བ་འདི་བཤད་པའོ། །སྡུག་བསྔལ་གཞོམ་པའི་ཕྱིར་ཞེས་བྱ་བ་ནི་རང་དང་གཞན་གྱི ་སྡུག་བསྔལ་གཞོམ་པའི་དོན་ཏུའོ། །གཞན་གྱི་སྡུག་བསྔལ་གཞོམ་པ་མངོན་དུ་བྱེད་པ་ཁོ་ན་སྙིང་རྗེ་དང་ལྡན་པའི་རྗེས་སུ་མཐུན་པ་མ་ཡིན་ནམ། རང་གི་སྡུག་བསྔལ་གཞོམ་པ་མངོན་དུ་བྱེད་པ་ནི། དེ་ལྟ་བུའི་བསམ་པ་མེད་པའི་ཕྱིར་རོ། །རང་གི་སྡུག་བསྔལ ་གཞོམ་པ་མངོན་དུ་བྱེད་པ་ཡང། གཞན་གྱི་སྡུག་བསྔལ་གཞོམ་པ་མངོན་དུ་བྱེད་པའི་ཐབས་ཡིན་པའི་ཕྱིར་གདོན་མི་ཟ་བར་དགོངས་པ་ཡིན་ཏེ། དེ་མེད་ན་དེ་ཉིད་མེད་པའི་ཕྱིར་རོ་ཞེས་བསྟན་པ་ནི། ལྐོག་ཏུ་གྱུར་པ་ཞེས་བྱ་བ་སྟེ། ཐབས་དང་དེའི་རྒྱུ་མངོན་དུ་བྱེད་པ་པོས ་དེ་བཤད་པ་ནི་ཤིན་ཏུ་བླ་བར་མཐོ་རིས་དང་བྱང་གྲོལ་ཞེས་བྱ་བའོ། །མཐོ་རིས་ཀྱི་ལམ་མངོན་དུ་མ་བྱས་པ་ནི། ཆད་པར་ནུས་བ་མ་ཡིན་ཏེ། རྗེས་སུ་དཔག་པའི་ཡུལ་ཡིན་པའི་ཕྱིར་རོ་ཞེས་བསྟན་པ་ནི། དེ་ལ་ནི་དེས་ཞེས་བྱ་བའོ། །རྗེས་སུ་དཔག་བས ་ཡོངས་སུ་ངེས་པུའི་དེ་ཁོ་ན་ཉིད་ཡོད་པ་ལ་སོགས་པས་སྐད་ཅིག་མ་ཉིད་ལ་སོགས་པར་ངེས་བ་ཡིན་ན། རང་གི་དོན་ནི་རྗེས་སུ་དཔག་པ་འོ། །འདོད་པ་ནི་བྱེད་བ་སྟེ་དེའི་དུས་ན་མེད་པ་ནི་སྟོན་པ་མེད་པའོ། །ཇི་ཙམ་དུ་ཞེ་ན། ཐམས་ཅད་ཀྱི་ཚེ་ནི་མ་ཡིན་ཞེས་བྱ་བར ་སྦྱར་རོ། །གཞན་གྱི་དོན་གྱི་རྗེས་སུ་དཔག་པའི་ངོ་བོ་སྟོན་པ་ནི། རང་གི་དོན་སྔོན་དུ་འགྲོ་བ་ཅན་ཡིན་ན། དེའི་ཚེ་གདུལ་བྱ་ཉེ་བ་ཡང་ཡོད་པ་མ་ཡིན་ཏེ། རང་ཉིད་མ་ངེས་པའི་ཕྱིར་རོ། །ལྐོག་ཏུ་མ་གྱུར་པའི་ཐབས་ལས་བྱུང་བ་དང། དེའི་རྒྱུའི་སྐྱོན་ནི་འདི་མ་ཡིན་ཏེ། ་ངེས་པར་འབྱེད་པའི་ཆ་ལས་བཙམས་ནས་ཁྱད་པར་ཐམས་ཅད་མངོན་སུམ་ཡིན་པའི་ཕྱིར་རོ། །རྗེས་སུ་དཔག་པས་ཁྱད་པར་ཐམས་ཅད་ངེས་བ་ཡང་མ་ཡིན་ཏེ། མངོན་སུམ་ཉིད་དུ་ཐལ་བར་འགྱུར་བའི་ཕྱིར་རོ། །ཐབས་བྱུང་དེ་རྒྱུ་ལྐོག་ཏུ་གྱུར་བ་ལ་སྐྱོན་གཞན ་བསྟན་བ་ནི། དམྱལ་བ་ལ་སོགས་པར་སྐྱེས་པ་ན་མེད་པའི་ཕྱིར་རོ། །འབྲས་བུ་མངོན་དུ་བྱེད་ན་ནི་དམྱལ་བ་ལ་སོགས་པར་འགྲོ་བ་མེད་པའི་ཕྱིར་དུས་ཐམས་ཅད་དུ་སྟོན་པར་བྱེད་པར་འགྱུར་གྱི། གཞན་དུ་ནི་མ་ཡིན་ནོ་ཞེས་བྱ་བའི་དོན་ཏོ། །དེ་བཞིན་དུ་སྡུག་བསྔལ ་གཞོམ་པ་མངོན་དུ་བྱེད་བས་འཁྲུགས་པ་མ་ཡིན་པ་ཉིད་མེད་ན་དྲན་པ་གོམས་པའི་ཡིད་ཀྱི་གསལ་བ་ཉིད་དང་བྲལ་བའི་ཕྱིར་སྔོན་གྱི་གནས་རྗེས་སུ་དྲན་པའི་ཤེས་པ་མེད་པ་ཡིན་ན་སོ་སོར་ངེས་པའི་ལས་ཀྱི་འབྲས་བུ་སྟོན་པ་མ་ཡིན་ལ་འབྲས་བུ་དང ་རྒྱུའི་རང་གི་ངོ་བོའི་ཁྱད་པར་མེད་པས་རྣམ་པ་ཐམས་ཅད་བའི་དངོས་པོ་ཐམས་ཅད་མངོན་དུ་བྱེད་བ་མིང་སྲིད་པའི་ཕྱིར་འོད་ཟེར་ཅན་གྱི་འཇིག་རྟེན་གྱི་ཁམས་ལ་སོགས་པའི་བསྲུང་གཏམ་སྟོན་པར་མི་འགྱུར་རོ། །བསྟན་པ་ནི། འཇིག་རྟེན་གྱི་ཁམས་ཞེས ་བྱ་བའོ། །དེ་བས་ན་ཐམས་ཅད་ཅེས་བྱ་བ་ནི་གཞན་གྱི་སྡུག་བསྔལ་གཞོམ་པ་བཞིན་དུ་རང་གི་སྡུག་བསྔལ་གཞོམ་བ་ཡང་ཞེས་བྱ་བའོ། །དེ་ལ་ཞེས་བྱ་བ་ནི། སྡུག་བསྔལ་གཞོམ་བ་དང་དེའི་རྒྱུ་མངོན་དུ་བྱེད་བ་དག་གོ་།རྒྱུ་ནི་ཐབས་ཡིན་ཏེ་དེ་བཞིན་དུ་སྡུག་བསྔལ ་གཞོམ་པའི་ཕྱིར་ཞེས་བྱ་བ་ནི་སྡུག་བསྔལ་གཞོམ་པ་དེའི་རྒྱུ་མངོན་དུ་བྱེད་པའི་རྒྱུའི་ཕྱིར་ཞེས་བྱ་བས་བཤད་བ་ཡིན་ཏེ་སྡུག་བསྔལ་གཞོམ་པ་ནི་ཉེ་བར་མཚོན་པའི་དོན་ཡིན་པའི་ཕྱིར་རོ། །དེ་ཉིད་ཅེས་བྱ་བ་ནི་རྒྱུ་དང་ཡུལ་ལས་སོ། །དེ་ལ་རྒྱུ་ནི་ལུང་དང་རིགས་བས ་ཞེས་བྱ་བ་སྟེ། རིགས་པས་ནི་རིགས་པ་དང་མི་རིགས་པ་ཉིད་ཤེས་པ་ཡིན་ལ། ལུང་གིས་ནི་ལས་ཀྱི་ལམ་སྟེ། འདི་བྱས་ནས་འདི་བྱ་བ་ཡིན་ཞེས་བྱ་བའོ། །རིགས་པ་ལས་གཞན་པ་ནི་ལུང་ཡིན་ཏེ་དེ་འཛིན་པ་བསྟན་པས་སྒྲ་རྣམས་ནི་དོན་ལ་མི་རེག་པ་ཉིད་དུ ་ཡང་འདིས་བསྟན་པ་ཡིན་ནོ། །ལམ་ཡང་རིགས་པ་ཁོ་ན་མ་ཡིན་ནམ་མ་མཐོང་བ་དེའི་ཆོས་ཡོད་པས་གོ་བར་མི་ནུས་པའི་ཕྱིར། དེ་ཡང་དེ་ལ་ཚད་མ་མ་ཡིན་ནོ། །དེ་འདི་ལྟར་རིགས་པ་དང་ལུང་དག་ལྷན་ཅིག་པ་དང་འཇུག་པའི་ཡུལ་དུ་ངེས་བར་བྱེད་པ ་ཡིན་གྱི་རེ་རེ་ན་མ་ཡིན་ནོ། །གང་གི་ཕྱིར་ཡུལ་མེད་བ་ནི་རིགས་བ་མ་ཡིན་ལ་ཡུལ་ཡང་རིགས་པ་དང་བྲལ་བ་ཡང་མ་ཡིན་ནོ། །ངེས་དེ་ལྟར་སྤྱི་ཉིད་ལ་འཛིན་རྣམ་པར་དཔྱད་པ་བསྟན་ནས་སྔ་མ་གང་ཡིན་བ་དང། ཕྱི་མ་གང་ཡིན་པ་ཞེས་བྱ་བའི་ཁྱད་པར ་གྱིས་བསྟན་པ་ནི། སྡུག་བསྔལ་རྒྱུ་དང་ཞེས་བྱ་བ་སྟེ། དེ་མེད་ན་རྒྱུ་མེད་བ་ཅན་གྱི་སྡུག་བསྔལ་དེ་གཞོམ་པའི་དོན་གྱི་འབད་རྩོལ་ཉིད་དུ་མི་འགྱུར་བའི་ཕྱིར་འཇུག་པའི་ཡན་ལག་ཏུ་དང་པོ་རྒྱུ་ཡོངས་སུ་རྟོགས་པ་ཡིན་ནོ། །དེའི་རྗེས་ལ་ཡོངས་སུ་རྟོག་པ་ནི། ་དེའི་ཞེས་བྱ་བའི་རྒྱུའི་འོ། །མི་རྟག་པ་ཉིད་ལ་སྔ་མ་བཞིན་དུ་འཕྱིན་ཅི་ལོག་བས་རྒྱུ་མ་ཚད་བ་མེད་པ་ལ་གཞོམ་པ་ཉིད་དུ་མི་ནུས་བས་མི་འཇུག་པར་ཐལ་བར་།འགྱུར་རོ། །གཉིས་པོ་ཅི་ལས་རྟོག་པ་ཡིན་ཞེ་ན། སྡུག་བསྔལ་ཉིད་ཀྱིས་ཞེས་བྱ་བ ་སྨོས་ཏེ། རེས་འགའ་བའ་ཨི་སྡུག་བསྔལ་ནི། རྒྱུ་དང་དེའི་མི་རྟག་པ་ཡང་གོ་བར་བྱེད་པ་ཡིན་ཏེ་དེ་མ་ཐག་པ་ཤིན་ཏུ་སྦྱོར་བར་བྱེད་པ་མ་ཡིན་པར་བསྟན་པ་ནི། འདི་ཐམས་ཅད་ཀྱང་ཞེས་བྱ་བའོ། །ཚད་མ་ཅན་གྱི་ཡུལ་ལ་ཡང་ཚད་མ་དེ་ཡིན་པའི་ཕྱིར་རོ། ། ་འགྲེལ་བར་ནི་རིགས་པའི་ཡུལ་མ་ཡིན་པ་བསྡུ་བའི་དོན་དུ་ལུང་འཛིན་པ་ཡིན། ལུང་འཛིན་པ་ནི་རིགས་པ་ལ་འཇུག་པའི་དོན་དཱུམ་ཞེས་བྱ་བ་ལ་སོགས་རྗོད་པར་བྱེད་པར་བསལ་བ་ཡིན་ནོ། །རྣམ་པར་དཔྱོད་པ་ལ་མངོན་དུ་ཕྱོགས་པ་མ་ཡིན་པ་ནི་རིགས་པ ་མཐོང་ཡང་ཤིན་ཏུ་སྦྱོར་བར་བྱེད་པ་མ་ཡིན་པར་བསྟན་པ་ནི། འདི་ཐམས་ཅད་ཀྱང་ཞེས་བྱ་བའོ། །ཚད་མ་ཅན་གྱི་ཡུལ་ལ་ཡང་ཚད་མ་དེ་མི་འཐོབ་ན་གོ་བར་བྱེད་པ་མ་ཡིན་ནོ་སྙམ་དུ་སེམས་པ་ལ། མ་རྨོངས་པ་ལ་ནི་མ་ཡིན་ནོ་ཞེས་བྱ་བར་སྦྱར་རོ། །ཅི་སྔར་རམ ་ཕྱིས་ཀྱང་ཡོངས་སུ་རྟོག་པ་ཞེས་བྱ་བ་ལ། ཁྱད་པར་དུ་ཡོངས་སུ་རྟོག་པ་ཡིན་པར་བསྟན་པ་ནི། དེ་ལ་རེ་ཞིག་ཅེས་བྱ་བའོ། །རྒྱུ་འམ་དེའི་མི་རྟག་པ་ཡོངས་སུ་མ་བརྟགས་ན་འདི་ལོག་པར་རུང་བ་ནི་འཇུག་པ་ལ་ཁྱབ་པར་བྱ་བ་འགལ་བ་ཡིན་ལ་མི་འཇུག ་པར་རུང་བ་ཉིད་རྒྱུ་མེད་པ་ཡིན་ནོ། །རྒྱུ་མེད་པ་ཉིད་ཀྱི་ངོ་བོ་དམིགས་པ་ཡིན་པར་བསྟན་པ་ནི། རྒྱུ་མེད་པ་ཞེས་བྱ་བའོ། །གལ་ཏེ་དངོས་པོ་སྐད་ཅིག་མ་རང་གི་ངང་གིས་འཇིག་པ་ཅན་ཡིན་གྱི་དེ་བཞིན་དུ་རྒྱུན་ནི་མ་ཡིན་པར་བསྟན་པ་ནི། རྒྱུ་དང་བྲལ་བ་མེད་པར ་ནི་ཞེས་བྱ་བའོ། །རྒྱུ་རྟག་པ་ལས་ཀྱང་ལན་ཅིག་སྐྱེས་པ་ནི་རང་གི་ངོ་བོ་ཁོ་ན་འཇིག་པ་མ་ཡིན་ནམ། གང་གི་ཕྱིར་རྟག་པ་ཡང་འདི་དེ་ཁོ་ནའི་སྐྱེད་བྱེད་མ་ཡིན་ཏེ། སྐྱེས་པར་བྱས་པའི་ཕྱིར་རོ་སྙམ་དུ་སེམས་པ་ལ། རྒྱུ་ཡིས་བྱས་པའི་ཞེས་བྱ་བ་སྟེ། གལ་ཏེ ་སྐྱེས་པ་ཡིན་ཡང་དེ་དང་འདྲ་བ་གཞན་ནི་རྒྱུ་ཡོད་ན་འཇུག་པ་ཁོ་ན་ཡིན་ནོ། །གལ་ཏེ་མེད་པ་ཁོ་ནས་དེ་མེད་པར་འགྱུར་ཞེས་ཅི་ལས་ཡིན་རྫ་མཁན་ལ་སོགས་པ་མེད་ཀྱང་བུམ་པ་མེད་པ་ནི་མ་ཡིན་ནོ། །འདི་ལ་བརྗོད་པ་ནི། གལ་ཏེ་དེ་མེད་ཀྱང་ཡོད་ན ་ཞེས་བྱ་བ་སྟེ། རྫ་མཁན་གྱི་དེ་མ་ཐག་ཏུ་འབྱུང་བའི་སྐད་ཅིག་མ་ཡིན་གྱི། ཕྱི་མ་ནི་མ་ཡིན་ཏེ། སྐད་ཅིག་མ་སྔ་མ་རྒྱུ་ཡིན་ནོ་ཞེས་བྱ་བའི་དོན་ཏོ། །རྒྱུ་མེད་པར་ཉིད་ཅེས་བྱ་བ་ལ་སོགས་པ་ལས་བཟློག་པའི་ཡོན་ཏན་བསྟན་པ་ནི། མི་རྟག་རྒྱུ་ཅན་ཞེས་བྱ་བ་ལ་སོགས ་པའོ། །རྟག་པའི་རྒྱུ་ཅན་ལ་རྒྱུ་མེད་པར་བསྟན་པ་ནི། རྟག་ཏུ་རྒྱུ་ཅན་ལ་ཞེས་བྱ་བའོ། །དེ་ལས་ཅིར་འགྱུར་ཞེ་ན། ལྡོག་པ་ཡོད་མ་ཡིན་ཞེས་བྱ་བ་སྨོས་ཏེ། ལྡོག་པ་ཡོད་པ་མ་ཡིན་ཏེ། མ་བྲལ་བ་ཡིན་ཞེས་བྱ་བའི་དོན་ཏོ། །རྟག་རྒྱུ་ཅན་ལ་ཞེས་བྱ་བ་འདི་ཡིན་པ་འདི་ཡིན ་བ་དེའི་ཡང་རྒྱུ་གང་ཡིན། དེ་ལ་ནི་མེད་པ་མེད་དོ་ཞེས་སྦྱར་རོ། །མི་རྟག་པའི་རྒྱུ་ཅན་ཡིན་ཡང་རྒྱུ་རང་ཉིད་ཁོ་ནས་འཇིག་པའི་ཕྱིར་དེའི་དོན་དུ་རྟོག་པ་དང་ལྡན་པ་རྣམས་ཀྱི་བྱ་བ་འབྲས་བུ་མེད་པ་ཁོ་ན་ཡིན་ནོ་སྙམ་དུ་སེམས་བ་ལ། གང་ཕྱིར་དེ་ལྟར་རྒྱུ་གནས་ན་ཞེས་བྱ་བ་སྟེ། ་དེ་ལྟར་གནས་པ་ནི་རྒྱུན་གྱིས་འཇུག་པ་འམ་བག་ཆགས་ཀྱིས་ངོ་བོས་གནས་པ་ནའོ། །འབྲས་བུ་ནི་སྡུག་བསྔལ་ལོ། །ལོག་པ་མེད་ཅེས་བྱ་བར་དགོངས་ནས་རྒྱུའི་རྒྱུན་ནམ་བག་ཆགས་ལྡོག་པའི་དོན་དུ་འབད་རྩོལ་ནི་རིགས་པ་ཁོ་ནའོ། །འགྲེལ་བ་མཛད་པས ་ནི་དེ་ལྟར་གནས་ན་ཞེས་བྱ་བ་རྒྱུ་རྟག་པ་ཡིན་ནའོ་ཞེས་བསྟན་ཏོ། །དེ་ཡང་རྒྱུའི་རྒྱུན་ནམ་བག་ཆགས་ཀྱང་རུང་འགལ་བ་ཅན་གྱི་ལམ་མེད་ན། མི་ལྡོག་པ་ཡིན་པའི་ཕྱིར་དེའི་འགལ་བའི་ཕྱོགས་ཀྱི་ལམ་ཤེས་པ་ཡིན་ལ་དེ་ཡང་རྒྱུའི་རང་གི་ངོ་བོ་ཁོ་ན་རྟོགས་པ ་ལས་ཤེས་པར་བླ་བར་བསྟན་པ་ནི། དེ་རྒྱུ་ཞེས་བྱ་བ་སྨོས་ཏེ། སྙམ་པའི་བློ་དང་ལྡན་པ་ཞེས་བྱ་བ་ནི། དེ་ལྟའི་རིག་པ་དང་ལྡན་པར་འགྱུར་བའོ། །རྟག་པའི་རྒྱུ་ཅན་གྱི་སྡུག་བསྔལ་ལ་དེ་ལྟར་དགོངས་པ་ཡིན་གྱི་མི་རྟག་པའི་རྒྱུ་ཅན་ལ་ནི་མ་ཡིན་ཞེས་བྱ་བའི ་དོན་ཏོ། །རྒྱུ་འཇིག་པ་ནི་འགལ་བ་ཅན་མེད་ནམ་ཡིན་པར་བསྟན་པ་ནི། བྱུང་བ་ཞེས་བྱ་བ་རྒྱུན་གྱིས་འཇུག་པ་ཡིན་ཏེ། གྲང་བ་ལ་དྲོ་བ་བཞིན་ནོ། །འདིའི་ཡང་ཕྱི་རོལ་ཉིད་དུ་ཅུང་ཟད་འགལ་བ་ཅན་དུ་འགྱུར་རོ་སྙམ་དུ་སེམས་པ་ལ། རྒྱུ་མེད་པར་མི་འགྱུར་རོ་ཞེས་བྱ ་བའོ། །སྐྱེ་བའི་རྒྱུ་ནི་ལས་དགེ་པ་དང་མི་དགེ་བའི་རྒྱུ་མ་ཡིན་ནམ། དེ་ཡང་འདོད་ཆགས་དང་ཞེ་སྡང་གིས་བྱས་པ་ཡིན་ལ། རྒོད་པར་བྱེད་པ་ལ་སོགས་པའི་རྣམ་རྟོག་གིས་བྱས་པ་ཡིན་ན་ཀུན་ཏུ་རྟོག་པ་དེ་ལྡོག་ན་དེ་ལས་བྱུང་བའི་ཆགས་པ ་ལ་སོགས་པ་ལྡོག་པ་ཡིན་པ་ཡིན་ལ་དེ་ལས་ཀྱང། དེའི་ལས་ལྡོག་པ་ཡིན་ནོ། །ད་ལྟར་བའི་ལས་ཀྱང་འབྲས་བུ་བྱུང་ན་ཟད་པ་ཡིན་པའི་ཕྱིར་ལས་ཟད་པས་ནི་སྡུག་བསྔལ་ཐམས་ཅད་ལས་རྣམ་པར་གྲོལ་བར་བརྗོད་པ་ཡིན་ནོ་སྙམ་དུ་སེམས་པ་ནི། གལ་ཏེ ་རྒྱུ་མེད་པ་ཉིད་ལས་ཞེས་བྱ་བའོ། །བདག་ཏུ་ལྟ་བ་ཡོད་ན་རང་ལ་ཆགས་པ་དང་ལྡན་པ་ནི་བདག་གི་ལུས་ལ་སོགས་པ་ལ་ཆགས་པར་བྱེད་པའི་ཕྱིར་ཆགས་པ་དེ་ཉིད་རྒོད་པར་བྱེད་པའི་ཀུན་ཏུ་རྟོག་པ་མ་རིག་པ་དང་ལས་ཀྱི་རྒྱུ་ཅན་ནི། བདག་ཏུ་རྟོག་པ་དང་མ ་བྲལ་བ་ཡིན་ནོ། །དེའི་ཚེ་ལས་གཞན་དང་གཞན་ཡིན་གྱི་སྡུག་བསྔལ་གྲོལ་བ་མ་ཡིན་པར་བསྟན་པ་ནི། མ་ཡིན་ཏེ། མ་རིག་པ་ལས་ཞེས་བྱ་བའོ། །སྡུག་བསྔལ་ཕྱིན་ཅི་ལོག་བློ་དང། སྲེད་པ་ཀུན་ནས་འཆིང་བ་ནི། ཞེས་བྱ་བ་སོགས་པའི་རིགས་པ་བསྟན་པ་ནི། ལས་དང ་སྡུག་བསྔལ་གྱི་རྒྱུ་ནི་མ་རིག་པ་ཞེས་བྱ་བའོ། བདེ་བ་དང་དགེ་པ་ལ་སོགས་པ་མཐོང་བ་ནི། མ་རིག་པ་དང་ལས་ཀྱི་སྒོ་ནས་སྡུག་བསྔལ་གྱི་རྒྱུ་མ་ཡིན་ནམ། དེ་ལས་བཟློག་པ་སྡུག་བསྔལ་ལ་སོགས་པར་མཐོང་བ་ནི། གཉེན་པོ་ཡིན་ནོ་ཞེས་བྱ་བ་ན་ཁ་ཅིག་གིའོ ་གཞན་དག་ན་རེ་རང་བཞིན་དང་སྐྱེས་བུ་དག་གཞན་ཡིན་པར་མ་མཐོང་བ་ནི། ལས་ལས་ཡིན་པས་སྡུག་བསྔལ་གྱི་རྒྱུ་ཡིན་ཞིང་བདག་དང་བདག་མ་ཡིན་པ་དག་གི་རྣམ་པར་དབྱེ་བ་དག་ལ་མཐོང་ན་འཆིང་བ་ཡིན་ལ། དབྱེ་བ་མཐོང་བ་ནི་དེའི་གཉེན་པོ་ཡིན་ནོ ་ཞེས་ཟེར་རོ། །དེ་ལྟར་རྒྱུའི་ངོ་བོ་ལ་ལོག་པར་རྟོག་པ་ཡིན་ན། དེའི་གཉེན་པོ་ཡང་ངེས་པར་གནས་པ་མ་ཡིན་ནོ་སྙམ་དུ་སེམས་པ་ནི། གལ་ཏེ་སྡུག་བསྔལ་གྱི་རྒྱུ་ཞེས་བྱ་བ་སྟེ། མཐོང་བ་ཡང་སྣ་ཚོགས་པར་མཐོང་བ་ཉིད་ཀྱང་སྡུག་བསྔལ་གྱི་རྒྱུ་སྣ་ཚོགས་པ་ལས ་ཡིན་ནོ་ཞེས་ཟེར་བ་ནི། སྡུག་པ་དང་བྲལ་བ་ཞེས་བྱ་བ་ལ་སོགས་པས་བཟློག་པར་ཞེས་བྱ་བ་ནི་རྒྱུ་ཞེས་བྱ་བ་དང་སྦྱར་རོ། །བདག་ཅེས་བྱ་བ་ཉིད་དང། བདག་གི་ཞེས་བྱ་བ་ཉིད་ཀྱང་ཆགས་པའི་གཞི་ཉིད་ཡིན་ཏེ། གཞན་དུ་ན་བདེ་བ་དང་དགེ་བའི་འདུ་ཤེས་ཡིན་ཡང་བླང་བྱ་ཉིད ་མེད་པས་ཉེ་བར་ལེན་པ་མེད་པའི་ཕྱིར་རོ། །དེ་བཞིན་དུ་སྡུག་བསྔལ་གྱི་འདུ་ཤེས་ལ་ཡང་དོར་བྱ་ཉིད་མེད་པས་གཞོམ་བྱ་མ་ཡིན་པར་བཤད་པ་ཡིན་ནོ། །དེ་ལྟར་ན་གཞོམ་པ་དང་ཉེ་བར་ལེན་པ་ཡང་བདག་གོ་ཞེས་བྱ་བ་ལ་སོགས་པ་ཆགས་པའི་རྒྱུ་མཚན་ནི་དེའི་རྒྱུ་མཚན་དེ ་དང་འགལ་བ་བདག་མེད་པ་མཐོང་བས་ལྡོག་པ་ཡིན་ནོ། །དེ་ཁོ་ན་ཡང་བདག་ཉིད་ཐམས་ཅད་ཀྱིས་གཞོམ་པ་དང་ཉེ་བར་ལྡོག་པར་བྱེད་པ་ཡིན་ལ། དེའི་བདག་ཉིད་ཀྱི་སྡུག་བསྔལ་བཟློག་པ་དང་སྡུག་བསྔལ་གཞོམ་པ་ཡིན་པར་བརྗོད་པ་ཡིན་ནོ། །དེ་བཞིན་དུ་བདག་དང ་བདག་མ་ཡིན་པའི་རྣམ་པར་དབྱེ་བ་མ་མཐོང་བ་ནི། བདག་དང་བདག་གིར་ཆགས་པའི་རྩ་བ་ནི། གཞོམ་པ་དང་ཉེ་བར་ལེན་པའི་རྒྱུ་མཚན་དུ་རིག་པར་བྱ་བ་ཡིན་པར་བསྟན་པ་ནི། བདག་དང་བདག་གིར་འཛིན་བྱས་པ་ཞེས་བྱ་བའོ། །བདག་ཁོ་ན་ལ་བདག་ཏུ་ལྟ་བ་སེལ་བ ་ནི། འདུས་བྱས་སྤྱོད་ཡུལ་ཅན་ཞེས་བྱ་བ་སྟེ། ཇི་ལྟར་ལུས་དང་དབང་པོ་དང་བློ་དང་ཚོར་བ་ལ་སོགས་པ་རྣམས་བདག་མ་ཡིན་པ་ལ་བདག་ཏུ་ལྟ་བས་ཆགས་པར་བྱེད་པ་ཡིན་ཏེ། ཡོངས་སུ་མི་འདོར་ཞིང་ལེན་པར་བྱེད་པ་དེ་བཞིན་དུ་བདག་གི་བ་ཡང་སྡུག་བསྔལ་བ་ལམ ་སྡུག་བསྔལ་དང་འབྲེལ་པ་ནི། ཉེ་བར་ལེན་པར་མི་བྱེད་ཅིང་ཡོངས་སུ་འདོར་བར་བྱེད་དོ། །དེ་བཞིན་དུ་གཅིག་པུ་མི་དགའ་ན། དེ་གཉིས་པ་འདོད་པ་ཡིན་ཞེས་བྱ་བ་ལ་སོགས་པའི་རིགས་པས་རེ་ཞིག་བདག་དང་བདག་གིར་ལྟ་བ་ནི་སྐྱེ་བའི་རྒྱུ་ཡིན་ནོ་ཞེས་བྱ་བར་གནས་པ ་ཡིན་ནོ། །བདེ་བ་དང་དེའི་རྒྱུ་ཉིད་ལ་སོགས་པ་མཐོང་བ་ཡང་བདག་མེད་པར་རིག་པའི་འཆིང་བའི་རྒྱུ་མ་ཡིན་ནོ་ཞེས་བསྟན་ནོ། །དེ་ལྟར་རྒྱུའི་ངོ་བོ་ངེས་པར་བརྟགས་པས་དེ་ལས་བཟློག་པས་བདག་མེད་པར་འཛིན་པ་འམ་ཡིན་ནོ་ཞེས་བྱ་བ་ཤེས་བར་བླ་བ་ཡིན་པར ་བསྟན་པ་ནི། བདག་མེད་མཐོང་བ་འགལ་བ་ཡིན་ཞེས་བྱ་བ་སྟེ། ཡིད་ཀྱི་སྡུག་བསྔལ་བདག་དང་བདག་གིར་རྟོག་པ་ལས་བྱུང་བ་ནི་ཀུན་རྟོག་མེད་ན་མི་འབྱུང་ངོ། །རྩུབ་མོ་ལ་རེག་པ་ལ་སོགས་པའི་ཡུལ་གྱི་བསྐྱེད་བྱའི་དམིགས་པ་ནི། ཚོགས་པ་ལས་བྱུང་བ ་ཡིན་པ་ཡིན་པའི་ཕྱིར་དམིགས་པ་ཁོ་ན་བཞིན་དུ་འབྱུང་བར་འགྱུར་རོ་སྙམ་དུ་སེམས་པ་ནི། གལ་ཏེ་ཆགས་པ་དང་བྲལ་ན་ཞེས་བྱ་བའོ། གལ་ཏེ་དམིགས་པ་བཞིན་དུ་སྡུག་བསྔལ་ལ། ཅིག་ཤོས་དེའི་བསྐྱེད་བྱ་ཡིན་ན། དེ་གཅིག་གི་ངོ་བོར་འགྱུར་གྱི་ཅིག་ཤོས ་ནི་མ་ཡིན་ནོ། །འགྱུར་ན་ཡང་དེས་རྟོགས་པ་ནི་ཡུལ་ལ་སོགས་པའི་ཚོགས་པ་བདེ་བ་ལ་སོགས་པའི་བག་ཆགས་དང་ལྷན་ཅིག་པ་ཉིད་བདེ་བའི་རྒྱུ་ཡིན་ནོ། །གང་ཡང་གཞན་སྡུག་བསྔལ་དང་བྲལ་བར་འདོད་པ་ཕུལ་དུ་བྱུང་བའི་བག་ཆགས་ཀྱིས་རང་གི་བདེ་བ ་ལ་སོགས་པའི་བག་ཆགས་བསྒྲིབས་པ་དེའི་ཡུལ་ལ་དམིགས་པའི་ཚོགས་པ་ཡོད་པས་དམིགས་པ་ཡོད་ན་བདེ་བ་ལ་སོགས་པ་འབྱུང་བ་མ་ཡིན་ཏེ། རྒྱུ་མེད་པའི་ཕྱིར་རོ་ཞེས་བསྟན་པ་ནི། གཞན་སྡུག་བསྔལ་བས་ཞེས་བྱ་བའོ། །གལ་ཏེ་གཞན་བདེ ་བར་བྱེད་པ་འམ། སྡུག་བསྔལ་གཞོམ་པས་ཀྱང་རང་ལ་འབྲས་བུ་ཅི་ཞིག་འབྱུང་བ་ཡིན། དེ་མེད་ན་རྟོགས་པ་དང་ལྡན་པ་རྣམས་གང་ལ་ཡང་འཇུག་པ་མ་ཡིན་སྙམ་དུ་སེམས་པ་ལ། གཞན་གྱི་བདེ་བ་ལ་འམ། གཞན་གྱི་སྡུག་བསྔལ་གཞོམ་པ་ལ་བདག་གི ་ཉིད་དུ་མངོན་པར་ཞེན་པ་ཡིན་ན། རང་གི་བདེ་བ་ལ་སོགས་པ་ལ་བལྟོས་པ་མེད་པས་བདག་ལ་ཆགས་པ་བསྒྲིབས་བཞིན་པ་ལ་འཇུག་པ་ནི། བདག་ལ་ཡོད་པའི་འབྲས་མེད་ན་ཇི་ལྟར་འཇུག་པ་ཡིན་ཞེས་གླགས་བཙལ་བར་བྱ་བ་མ་ཡིན་ནོ། །བདག་གི་བའི ་འབྲས་བུ་ཡང་དེ་ཉིད་ལ་མངོན་པར་ཞེན་པ་མེད་ན་འཇུག་པར་བྱེད་པ་མ་ཡིན་པར་བསྟན་པ། བདག་གི་བ་ལ་མངོན་པར་ཞེན་པས་ཞེས་བྱ་བ་སྟེ། གཞན་ལ་རང་ཉིད་ཀྱི་བླ་ཡིན་ན་རང་ལ་ཆགས་པས་ལྡོག་པ་ཁོ་ན་ཡིན་ཏེ། མངོན་པར་འདོད་པའི་ཁྱད་པར་ལས་ཞེས ་བྱ་བའི་དོན་ཏོ། །འདི་མཐོང་བ་ཡིན་པར་བསྟན་པ་ནི། བུ་ལ་ཆགས་པས་ཞེས་བྱ་བའོ། །ཁ་ཅིག་ནི་གཞན་ལ་རང་ཉིད་དུ་མངོན་པར་ཞེན་པ་ཕུལ་དུ་བྱུང་བ་མེད་ཀྱང་བདག་མེད་པ་བསྒོམ་པ་ཕུལ་དུ་བྱུང་བས་བདག་དང་བདག་གིར་མངོན་པར་ཞེན་པ་ལྡོག་པ་ཕུལ་དུ་བྱུང་བ་ཡིན ་ན་དེའི་སྙིང་པོ་ཅན་གྱི་བག་ཆགས་ཀྱི་ངོ་བོའི་རྒྱུ་སྤངས་པའི་ཕྱིར་དམིགས་པའི་ཚོགས་ལས་དམིགས་པ་འབྱུང་བ་ཡིན་ཡང། བདེ་བ་དང་སྡུག་བསྔལ་བ་ལ་སོགས་པའི་འབྲས་བུ་འབྱུང་བ་མ་ཡིན་པར་བསྟན་པ་ནི། ངེས་ན་བདག་མེད་པ་དེའི་བདག་ཏུ་གྱུར་པ ་ཞེས་བྱ་བ་ནས། དེའི་གནོད་པ་ཅི་ཞིག་ཡོད་ཅེས་བྱ་བའི་བར་དུའོ། །འདི་ལས་ཀྱང་བདག་མེད་པ་མཐོང་བ་གོམས་པར་མངོན་པར་འདོད་པའི་བག་ཆགས་ཕུལ་དུ་བྱུང་བ་ལས་ཀྱང་སྡུག་བསྔལ་གྱི་བག་ཆགས་བསྒྲིབས་པས་དེའི་འབྲས་བུ་སྡུག་བསྔལ་ནི་ཡུལ་ལ ་དམིགས་པ་བཞིན་དུ་སྐྱེ་བ་མ་ཡིན་པར་བསྟན་པ་ནི། གང་ལ་ཁོ་ན་ལ་གོམས་པ་ཞེས་བྱ་བ་སྟེ། བདག་དང་བདག་གིར་འཛིན་པ་མེད་ན། འདུ་བྱེད་པ་ཙམ་མཐོང་བའི་ཡལ་བར་འདུག་པ་ནི་ཕུལ་དུ་བྱུང་བ་དང་ལྡན་པ་ཡིན་ཏེ་བསྒོམ་པ་ཕུལ་དུ་བྱུང་བའི་ཕྱིར་རོ། །སྡུག ་བསྔལ་ནི་བདག་ལ་སོགས་པར་མངོན་པར་ཞེན་པའི་སྙིང་པོ་ཅན་གྱི་བག་ཆགས་ཀྱི་བསྐྱེད་བྱ་ཡིན་ལ། །དེ་མེད་ན་མི་འབྱུང་ངོ་ཞེས་སྔར་བསྟན་པ་ཉེ་བར་སྡུད་པ་ནི་ཤིན་ཏུ་ཞེས་བྱ་བའོ། །མང་པོ་ཞེས་བྱ་བ་ནི་སྦྱོར་བ་ཕལ་ཆེ་བ་ཉིད་དེ། རྩ་བའི་སེམས་བསྡུས་བའོ། །རྣམ་པ ་དུ་མར་ཞེས་བྱ་བ་ནི། དེའི་རྗེས་སུ་སྤྱོད་བའི་སེམས་ཀྱི་ཕུང་པོ་དང། ཁམས་དང་སྐྱེ་མཆེད་ལ་སོགས་པར་གནས་པའི་རྣམ་པར་དབྱེ་བ་ཡིན་ལ། རྣམ་པར་དབྱེ་བ་བསྡུས་བ་ཡིན་ཏེ། བསྡུས་པའི་སེམས་ཀྱི་དུས་མང་པོ་ཉིད་དུ་བསྒོམ་པ་ལ་སྦྱོར་བ་མང་པོ་ཉིད་འཐོབ་པ་ཡིན ་པས་རྣམ་བ་ཐམས་ཅད་གསལ་བར་འགྱུར་ཞེས་བྱ་བའི་དོན་ཏོ། །འགྲེལ་བར་ནི་བདག་མེད་པ་མཐོང་བ་ཞེས་བྱ་བ་ནི་སྤངས་པའི་ཁྱད་པར་ཡོད་ནའོ། །རྟོགས་པ་ཞེས་བྱ་བ་ནི་ཤེས་རབ་འཕེལ་བའོ། །ཐབས་རྣམ་པ་མང་པོ་ཞེས་བྱ་བ་ནི། རྫུ་འཕྲུལ་དང་མངོན ་པར་ཤེས་པ་ལ་སོགས་པའི་ཡོན་ཏན་ཡིན་ལ། དེ་མེད་པ་ནི་སྐྱོན་ཡིན་པ་སྟེ། ཡིད་ཀྱི་ཉེ་བར་སྤྱོད་པ་ལ་སོགས་པའོ། །ཉེས་པ་ཕྲ་མོ་དང་རགས་པ་ནང་ན་གནས་པ་ནི་བདག་མེད་པར་མཐོང་བའི་བསྒོམ་པ་ཕུལ་དུ་བྱུང་བས་འདས་པ་དང་མ་འོངས ་པའི་སྐྱོན་ཕྲ་མོར་འགྱུར་བ་ཡང་དེའི་ནང་ན་གནས་པའི་རིགས་མཐུན་པ་བསྒོམས་པས་ཤིན་ཏུ་མཚོན་པར་དཀའ་བ་ཡང་མཚོན་པར་བྱེད་པ་ཡིན་ཞེས་བྱ་བས་རྟོགས་པ་ཕུལ་དུ་བྱུང་བར་བསྟན་པ་ཡིན་ནོ། །བག་ཆགས་ནི་དག་མ་དག་པ་ཁོལ་མོ་ཞེས་ཟེར་བ་ལྟ་བུ ་དང། ལུས་མ་དག་པ་མཆོངས་པས་འགྲོ་བ་ལྟ་བུ་དང། ཡིད་མ་དག་པ་རྣམ་པ་རྟག་ཏུ་མཉམ་པར་བཞག་པ་མེད་པས་ལུང་དུ་མ་བསྟན་པའི་སེམས་མངོན་དུ་རྒྱུ་བ་ཡིན་ཏེ། བདག་ཏུ་ང་རྒྱལ་བ་ལ་སོགས་པའི་ཉོན་མོངས་པའི་འབྲས་བུའི་ཁྱད་པར་ནི་ཉོན་མོངས་པ ་མེད་ཀྱང་འཕགས་པ་ཉན་ཐོས་ལ་སོགས་པ་རྣམས་ལ་འབྱུང་བ་ཡིན་ནོ། །གཞན་གྱི་དོན་ལ་འཇུག་པ་གང་གི་ཡིན་པ་དེའི་སྟེ། ཐུབ་པ་ཆེན་པོ་འདིའི་བས་རུ་ལྟ་བུ་ལ་སོགས་པའི་རང་སངས་རྒྱས་ལ་སོགས་པ་ལས་ཁྱད་པར་ནི་བག་ཆགས་སྤངས་པའི ་མཚན་ཉིད་ཡིན་ནོ། །ལུས་དང་དབང་པོ་དང་བློ་དང་ཚོར་བ་ལ་སོགས་པ་རྣམས་ལ་བདག་དང་བདག་གིར་འཛིན་པ་ནི་སྡུག་བསྔལ་གྱི་ཡིན་པར་ངེས་པ་ལ་དེ་ལས་བཟློག་པ་བདག་མེད་པར་མཐོང་བ་ནི་གཉེན་པོ་ཡིན་གྱི། སྡུག་བསྔལ་གྱི་འདུ་ཤེས་མེད་པའི ་ཕྱིར་བདག་དང་བདག་གིར་འཛིན་པས་བྱས་པ་ཞེས་བྱ་བའོ། །རྣམ་པ་མང་པོ་ཐབས་མང་པོ་ཞེས་བྱ་བ་ལ་སོགས་པ་ནི་དེ་ལས་བསྒོམ་པ་ལ་སོགས་པས་ནི་དེ་ལ་བསྒོམ་པ་ཅིག་ཕུལ་དུ་བྱུང་བས་རྣམ་པ་ཐམས་ཅད་མཐོང་བ་ཡིན་ན། རྒྱུ་འཇོམས་པ ་ཕུལ་དུ་བྱུང་བ་ཡིན་ན། དེ་ལས་ཀྱང་མངོན་པར་ཤེས་པ་ལ་སོགས་པའི་ཡོན་ཏན་གྱི་ཐབས་གོམས་པས་དེ་ཡོན་ཏན་ཕུན་སུམ་ཚོགས་པ་དང་ལྡན་པ་ཡིན་ནོ་ཞེས་དེ་དག་ཙམ་དུ་བསྟན་པ་ཡིན་གྱི་དེ་དག་ཙམ་གྱིས་ཐམས་ཅད་མཁྱེན་པ་ཉིད་ནི་མ ་ཡིན་ཏེ། ཉན་ཐོས་ལ་སོགས་པའི་རྣམ་པར་དབྱེ་བ་མེད་པར་ཐལ་བར་འགྱུར་རོ་སྙམ་དུ་སེམས་པ་ནི། ཡང་ན་གལ་ཏེ་ཞེས་བྱ་བའོ། རྒོལ་བ་འདི་ལ་ཡང་དང་ཡང་དུ་ལན་བཏབ་པ་ཡིན་པར་བསྟན་པ་ནི། འདི་ལ་བཤད་པ་ནི་ཞེས་བྱ་བའོ། །འཁོར་བ་པའི་སྐྱོན་ཡོན་མཛའ་དག ་གསལ་ལོ་ཞེས་བྱ་བ་ནི། སྣ་ཚོགས་པ་རྣམ་པ་གཉིས་ཏེ། ཡོན་ཏན་གྱི་ཕྱོགས་དང་སྐྱོན་གྱིས་ཀྱང་ངོ་ཞེས་བྱ་བ་སྟེ། རྣམ་པ་གཞན་མེད་པའི་ཕྱིར་རོ། །བཏང་སྙོམས་སུ་བྱ་བ་ཡང་བླང་བྱ་མ་ཡིན་ཏེ། དོར་བྱ་ཡིན་པའི་ཕྱིར་རོ། །རྣམ་པ་དུ་མར་ཐབས་མང་པོ་ནི་སྤྲོས ་བ་སྟེ། དེ་ལ་རེ་ཞིག་ལས་དང་འབྲས་བུ་དང་འབྲེལ་པ་ཡོངས་སུ་ཤེས་པའི་ཐབས་བསྟན་པ་ནི་དྲན་པ་སྟེ། གོམས་པ་དང་བཅས་པའི་དྲན་པས་ཡིད་ཀྱི་གསལ་བ་ཉིད་འདི་ལ་མཐོང་བའི་ནུས་པ་ཉིད་ཡིན་ནོ། །དེའི་ཚེ་ཉམས་སུ་མྱོང་བ་གསལ་བ་ནི་དྲན་པའི་གསལ་བའི ་སྒྲུབ་བྱེད་མ་ཡིན་ཏེ། ཡིད་གསལ་བོ་མེད་པ་འདོད་པ་ཡིན་ན་དེ་ཡོད་ན་སྐྱེ་བ་སྔ་མ་ལ་ཉམས་སུ་མྱོང་བ་དྲན་བ་ཡིན་ལ། གང་གི་ཕྱིར་གང་ཞིག་དྲན་པར་འདོད་པས་སེམས་ཀྱི་འབད་རྩོལ་ལམ། ཆུ་ཚོད་དང་ཐུན་ཕྱེད་དང་ཐུན་ལ་སོགས་པར་ཉམས་སུ་མྱོང་བ་དྲན་པ་ཡིན ་ན། ཉིན་ཞག་ལ་བྱུང་བ་ལ་ཡང་དྲན་ལ། དེ་བཞིན་དུ་ཟླ་བ་བྱེད་པ་དང་ཟླ་བ་དང་ལོ་ལ་སོགས་པའི་རིམ་གྱིས་བྱིས་པའི་བར་དུ་དྲན་པ་ཡིན་ཞིང། ཡིད་ཀྱི་དྲན་པའི་ནུས་པ་དང་ལྡན་པ་ཡིན་ན་སྐྱེ་བ་གཞན་ལ་ཉམས་སུ་མྱོང་བ་ཡང་དྲན་པ་ཡིན་པར་སྲིད་པ་ཡིན་ཏེ། ་གོམས་པ་དང་ལྡན་པ་ཕུལ་དུ་བྱུང་བ་ནི་གཅིག་ཏུ་མི་གནས་པའི་ངོ་བོ་ཡིན་པའི་ཕྱིར་རོ། །དེ་ལས་ཀྱང་དེ་ལས་གཞན་པ་ཡིན་པའི་ཕྱིར་སྐྱེ་བ་ཐོག་མ་མེད་པ་ནས་བརྒྱུད་པ་དྲན་པ་ཡིན་ན་དེའི་རྒྱུ་དང་དེའི་འབྲས་བུ་དང་དེའི་ཁྱད་པར་ཡང་དེའི་ཁྱད་པར་སྐྱེད་པར་བྱེད་པ ་ཉིད་ལ་རྗེས་སུ་འགྲོ་བ་དང་ལྡོག་པ་ཉམས་སུ་མྱོང་བ་ལས་རྟོགས་པ་ཡིན་པར་བསྟན་པ་ནི། དེའི་ཚེ་དེའི་རྗེས་སུ་འབྲངས་པས་ཞེས་བྱ་བའོ། །དེ་བཞིན་དུ་རང་གི་རྒྱུད་ལ་འབྲེལ་པ་བཟུང་བའི་འབྲས་བུ་དང། དེའི་ཁྱད་པར་ཡང་གཞན་ལ་རྟོགས་པ་ཡིན་ན། དེའི ་རྒྱུ་དང་དེའི་འབྲས་བུ་ཡང་མངོན་པར་རྟོགས་པ་ཡིན་པར་བསྟན་པ་ནི། ཇི་ལྟར་གྲོང་གཞན་ནས་འོངས་བ་ཞེས་བྱ་བ་ཤེས་འགྱུར་བ་ཞེས་བྱ་བ་དང་སྦྱོར་བའི་རྒྱུ་བསྟན་བ་ནི། དེ་དང་བརྟེན་པ་ཞེས་བྱ་བའོ། །དེ་རིག་པ་ནི། དེ་དང་འབྲེལ་པ་རིག་པའོ། །གནས ་སྐབས་དང་སྦྱོར་བ་ནི་དེ་བཞིན་དུ་ཞེས་བྱ་བ་སྟེ། རང་གི་རྒྱུད་ལ་ལས་དང་འབྲས་བུའི་འབྲེལ་བ་ཤེས་པས་གཞན་ལ་ཡང་ལས་དང་འབྲས་བུའི་འབྲེལ་པ་ཤེས་པའི་དོན་ཏོ། །དེ་དང་བརྟེན་པ་ཞེས་བྱ་བ་ནི་གྲོང་གཞན་བསྟེན་པའོ། །ལྐོག་ཏུ་གྱུར་པ་ཞེས་བྱ་བ་ནི་གཞན ་གྱི་རྒྱུད་ལ་ཡོད་པའོ། །དེས་ན་ཞེས་བྱ་བ་ནི་རང་གི་རྒྱུད་ལ་མངོན་སུམ་གྱིས་སོ། །གཞན་གྱི་རྒྱུད་ལ་ནི་རྗེས་སུ་དཔག་པས་སོ། །སོ་སོར་ངེས་པ་ནི་ཁྱད་པར་ཅན་གྱི་ཡུལ་ལ་སོགས་པའོ། །དེ་དང་འབྲེལ་བ་ནི་ལས་ལས་ཡོད་པའོ། །དེའི་འབྲས་བུ་ནི་བྱ་བའོ། །དེ་དག ་གི་ཁྱད་བར་དེ་ལ་ངེས་པར་རྟོག་བ་ན་རང་གི་རྒྱུད་ལ་ཡིད་གསལ་བ་ལས་བྱུང་བའི་མངོན་སུམ་གྱིས་ཡིན་ལ། དེའི་ཚེ་ཡང་དེའི་རྒྱུ་དང་འབྲས་བུ་དང་རང་བཞིན་དང་དབྱེ་བ་རྣམས་ཀྱི་འབྲེལ་པ་ནི་འབྲས་བུ་དང་རྒྱུ་ཉིད་དེ་རིག་པ་ཡིན་པར་བསྟན་པ་ནི། རྒྱུའི་རང་བཞིན་དང ་ཞེས་བྱ་བའོ། །དེ་ལྟར་འབྲེལ་པ་རིག་པ་ཡིན་ན་གཞན་ལ་ཡང་རྗེས་སུ་འཇུག་པ་ཡིན་པར་བསྟན་པ་ལ་རིག་པ་ཡིན་པའི་ཕྱིར་ཞེས་བྱ་བ་ནི་གཏན་ཚིགས་ཡིན་ལ། སོ་སོར་ངེས་པ་ནི་ལས་སོ། །རང་བཞིན་ཐམས་ཅད་རྗེས་དཔོག་པ་ཞེས་བྱ་བ་ནི་རིམ་པའོ། ། ་ལས་དང་འབྲས་བུ་ཞེས་བྱ་བ་ནི་རང་དང་གཞན་གྱི་རྒྱུད་ལ་ཡོད་པ་སྟེ། སོགས་པའི་སྒྲས་བྱེ་བྲག་བཟུང་ངོ། །དེ་ལྟར་གཞན་གྱིས་སྨྲས་པ་ལ། འདིར་ཆོས་མཁྱེན་པ་འབའ་ཞིག་བགེགས་པར་སྦྱོར་བར་བྱེད་པའི་ཕྱིར། དེ་དགག་པ་བསྟན་པ་ནི། མཐོ་རིས་དང་ནི ་བྱང་གྲོལ་ལམ། ཙམ་གྱིས་ནི་ཞེས་བྱ་བ་ནི་ཐམས་ཅད་མཁྱེན་པ་ཉིད་མེད་ཀྱང་ངོ། །ཐམས་ཅད་མཁྱེན་པ་ཉིད་ཀྱང་ཐབས་ཡོད་པར་བསྟན་པ་ནི། འགྲོ་པ་མཛའ་དག་ཅེས་བྱ་བ་སྟེ། ཕན་ཚུན་ཞེས་བྱ་བ་ནི་རྒྱུ་ལ་བལྟོས་པའི་འབྲས་བུ་དང། དེ་ལ་ཡང ་བལྟོས་པའི་རྒྱུ་ཡང་རྒྱུ་ཡིན་གྱི་རྒྱུ་ཉིད་ལ་བལྟོས་ནས་འབྲས་བུ་འམ་རྒྱུ་འམ་ཅིག་ཤོས་ནི་མ་ཡིན་ནོ་ཞེས་བྱ་བའི་དོན་ཏོ། །དེ་ལས་ཅིར་འགྱུར་ཞེ་ན། དེས་ན་རྒྱུ་འབྲས་ཞེས་བྱ་བ་སྨོས་ཏེ། རྣམ་པ་དུ་མ་ཞེས་བྱ་བ་ནི་འབྲས་བུ་དང་རྒྱུ་དག་གི་རང་གི་ངོ་བོ་དང་དེའི་ཁྱད་པར་རྣམས་ཀྱི ་དངོས་པོ་ནི་འབྲེལ་པའོ། དེ་བསྒོམས་པ་ནི་ཤེས་པ་སྟེ། དེ་དང་རྗེས་སུ་འབྲེལ་པ་ནི་ཡང་དང་ཡང་དུ་འབྱུང་བའོ། །དེས་ན་དེའི་བསྐྱེད་བྱའི་ཁྱད་པར་འཛིན་ན་མངོན་པར་འདོད་པའི་ཕྱིར་རོ་ཞེས་བྱ་བའི་རིགས་པས་འགྲོ་བ་ཐམས་ཅད་ཀྱི་ཤེས་པ་ཡིན་ནོ། །ཇི་ལྟ་བུའི་རྣམ་པར ་མཐོང་བ་དེ་ལྟ་བུའི་རྣམ་པར་ཉེ་བ་ཡིན་པར་མཚོན་པར་བྱེད་པའི་ཕྱིར་མཐོང་བ་དང་ཐུན་མོང་བ་དེ་མ་ཡིན་པ་ལས་ལོག་པའི་ངོ་བོས་འཇུག་པའི་ཡུལ་རྟོགས་པར་བྱེད་པ་རྗེས་སུ་དཔག་པ་མ་ཡིན་ནམ། ཁྱད་པར་གྱི་རྣམ་པ་དང་འབྲེལ་བ་ཡིན་ཡང་རྣམ་པར་རྟོག་པ་ཡིན ་པའི་ཕྱིར། སྤྱིའི་ཡུལ་ཅན་ཡིན་གྱི་མངོན་སུམ་གྱི་ནི་མ་ཡིན་ནོ། །མངོན་སུམ་ནི་གང་གི་སྐད་ཅིག་མཐོང་བ་དེའི་རྒྱུན་ལ་རྒྱུན་གཞན་ལས་ལྡོག་པས་རྣམ་པར་བཞག་པར་བྱེད་ན། འཇུག་པའི་ཡུལ་ལ་བལྟོས་ནས་ཀྱང་ཁྱད་པར་གྱི་ཡུལ་མངོན་དུ་བྱེད་པ་ཡིན་གྱི ་རྗེས་སུ་དཔག་པ་ནི་མ་ཡིན་ཏེ། སྤྱིའི་ཡུལ་ཅན་ནི་མ་ཡིན་ནོ་སྙམ་དུ་སེམས་པ་ནི། འོན་ཏེ་རྗེས་སུ་དཔག་པས་ཞེས་བྱ་བའོ། །མངོན་སུམ་ནི་རང་གི་ངོ་བོས་དངོས་པོ་མཐོང་བ་ཡིན་ལ། རྗེས་སུ་དཔག་པ་ནི་དངོས་སུ་མ་མཐོང་ཡང་ངེས་པ་ཅན་མཐོང་བ་ལས་རྣམ་པར? ་འཇོག་པ་ཡིན་ནོ། །ངེས་པ་ཅན་མཐོང་བས་ཁྱད་པར་དུ་བྱེད་པ་ནི་འཇུག་པའི་ཡུལ་ལ་སྐད་ཅིག་གི་ཁྱད་པར་གྱིས་ཁྱད་པར་དུ་མི་བྱེད་པ་ནི་མ་ཡིན་ནོ། །འདི་སྤྱིའི་ཡུལ་ཅན་ཡིན་པ་ནི་ཁྱད་པར་མ་མཐོང་བས་བྱས་པ་ཡིན་ཏེ། རྟགས་ནི་སྤྱིའི་ཡུལ་ཅན་དུ་བརྗོད་པ་ཁྱད ་པར་མི་གནས་ཞེས་གསུངས་པས་སོ། །ཐ་དད་པའི་ཚད་མའི་མཚན་ཉིད་འཆད་པ་པོས་གཟུང་བ་དང་འཇུག་པའི་ཡུལ་ལ་སོགས་པའི་ཡུལ་གྱི་དབྱེ་བ་བྱས་པས་བསྟན་པར་བྱ་མ་ཡིན་ཏེ། འགལ་བའི་ཕྱིར་རོ། །རྣམ་འགྲེལ་འཛད་པ་པོའི་དེ་ལྟ་བུའི་སྒྲོགས ་རྣམས་ནི་དོན་དམ་པའི་ཡུལ་ལ་ཡིན་གྱི་ཐ་སྙད་དུ་འདོན་པར་འོས་པ་ནི་མ་ཡིན་ནོ། །དེ་ལ་ནི་མཐོང་བ་འམ་ངེས་པ་ཅན་མཐོང་བ་ནི་འཇུག་པའི་ཡུལ་དུ་རྣམ་པར་འཇོག་པར་བྱེད་པ་འདི་ཉིད་རིགས་པ་ཡིན་པར་བསྟན་པ་ནི། རྣམ་ཀུན་རྗེས་དཔོག་གང་ཡིན་པའོ། ་རྣམ་པ་ཐམས་ཅད་རྗེས་སུ་དཔོག་པ་ནི་གོམས་པ་དང་བཅས་པ་ཡིན་ལ། མངོན་སུམ་ཉིད་ནི་མངོན་དུ་བྱེད་པ་མ་ཡིན་ནམ་ཞེས་བྱ་བ་མི་རིགས་པ་མ་ཡིན་ནམ། དབང་པོ་དང་དོན་དུ་ཕྲད་པའི་ཤེས་པ་ནི་མངོན་སུམ་ཡིན་ཏེ། དབང་པོ་ལས་བྱུང་བའི་ཕྱིར་རོ་སྙམ་དུ་སེམས ་པ་ལ། དབང་པོ་དང་ནི་ཕྲད་པས་ཀྱང་ཞེས་བྱ་བ་སྟེ། མངོན་སུམ་དུ་དབང་པོ་ཚོལ་བ་ནི་མངོན་དུ་བྱེད་པའི་དོན་ཁོ་ནས་ཡིན་གྱི་མ་མཐོང་བའི་དོན་ནི་མ་ཡིན་ནོ་ཞེས་བྱ་བའི་དོན་ཏོ། །དོན་ཐམས་ཅད་ཟློས་པའི་ཚིག་གི་དབང་པོ་ལ་འབྲས་བུ་ཉིད་དུ་བརྗོད་པས་མཚན་ཉིད་ཁོ ་ནས་ལྡན་པ་ནི་མ་ཡིན་ཏེ། སྦྱོར་བ་བྱེད་པ་མ་ཡིན་པའི་ཕྱིར་རོ་ཞེས་བསྟན་པ་ནི། འདི་ནི་མངོན་སུམ་གྱི་མཚན་ཉིད་མ་ཡིན་ཏེ། སྦྱོར་བར་བྱེད་པ་ཡིན་པར་བསྟན་པ་ནི། འོན་ཀྱང་ཞེས་བྱ་བའོ། །དབང་པོ་ནི་འདི་ཉིད་ཀྱི་མིང་ལ་ཉེ་བར་མཚོན་པ་ཡིན་ཏེ། དོན་གཅིག་ལ་ཚོགས ་པའི་ཕྱིར་རོ་ཞེས་བསྟན་པ་ནི་དབང་པོ་ནི་ཞེས་བྱ་བའོ། །མངོན་སུམ་དུ་ཐ་སྙད་འདོགས་པ་ལ་དབང་པོ་སྦྱོར་བ་མ་ཡིན་དུ་ཟིན་ཀྱང། སྦྱོར་བར་བྱེད་པའི་རང་གི་ངོ་བོར་སྣང་བ་ནི་སྦྱོར་བྱེད་ཁོ་ན་ཡིན་ནོ་སྙམ་དུ་སེམས་པ་ལ། གཞན་ཡང་གང་ཞིག་ཅེས་བྱ་བ་སྨོས་ཏེ། ་མངོན་དུ་བྱེད་པ་ནི་དབང་པོའི་བསྐྱེད་བྱེད་མ་ཡིན་ཏེ། དེ་ཡོད་ཀྱང་གཞན་གྱི་རྣམ་རྟོག་གི་གནས་སྐབས་དང། གང་ཉི་ག་རབ་རིབ་ཅན་གྱི་ཤེས་པའི་གནས་སྐབས་ནི་དོན་མངོན་དུ་མི་བྱེད་པའི་ཕྱིར་རོ། །འོན་ཏེ་དབང་པོ་མ་ཉམས་པ་འདིའི་རྒྱུ་ཡིན་པའི་ཕྱིར། ཁྱད་པར ་དང་བཅས་པ་འཁྲུལ་པ་ཅན་མ་ཡིན་ནོ་ཞེས་ཟེར་བ་ནི། དེ་ནི་དབང་པོ་ཉིད་མ་ཡིན་ཏེ་ཞེས་བྱ་བའོ། །མངོན་དུ་བྱེད་པར་མི་བྱེད་པ་ནི་དབང་པོ་མ་ཡིན་ཏེ་ཞེས་བྱ་བའི་ངག་ཡིན་ལ། དེ་ལས་ཟློག་བ་རྗེས་སུ་ཤེས་པ་ཡིན་ཏེ། གཞན་དུ་ན་ཁྱད་པར་དོན་མེད་པ་ཡིན ་པར་བསྟན་པ་ནི། མངོན་དུ་བྱེད་རྒྱུ་ཞེས་བྱ་བའོ། །དབང་པོ་ལ་སོགས་པའི་བསྐྱེད་བྱ་ཡང་མངོན་དུ་བྱེད་པ་ནི། ཡིད་གསལ་བའི་རྗེས་སུ་འགྲོ་བ་དང་ལྡོག་པའི་རྗེས་སུ་བྱེད་པའི་ཕྱིར། དབང་པོས་བྱས་པ་མ་ཡིན་ནོ་ཞེས་བསྟན་པ་ནི། གཞན་ཡང་ཞེས་བྱ་བའོ། །མཉམ་པར ་བཞག་པ་དང་འབྲེལ་པ་ལས་ནི་རྣམ་པར་འཁྲུགས་པ་ཉིད་དང་བྲལ་བ་ལས་ཏེ། དབང་པོ་ལ་སོགས་པ་རྣམས་ཡོད་ན་ཞེས་བྱ་བའོ། །དེ་བསྟན་པ་ནི། དབང་པོའི་ཤེས་པ་ཡང་ཞེས་བྱ་བ་སྟེ། དེའི་ཕྱིར་ཡིད་ཙམ་གྱི་རྣམ་རྟོག་ཙམ་ལ་ནི་མི་འབྱུང་ངོ་ཞེས་བྱ་བའི་དོན ་ཏོ། །གལ་ཏེ་འདས་པ་ལ་སོགས་པ་ཞེས་བྱ་བ་ནི་ལྐོག་ཏུ་གྱུར་པའི་དོན་རྟོགས་པ་རྗེས་སུ་དཔག་པ་ལ་བརྟེན་པའི་ཕྱིར་རོ་ཞེས་བསམས་པའོ། །མངོན་དུ་བྱེད་པ་ཡོད་པས་ན་ཞེས་བྱ་བ་ནི་རང་གི་ངོ་བོ་སྣང་བ་ཡིན་ནའོ། །ལྐོག་གྱུར་མ་ཡིན་མེད་པར་འགྱུར་ཞེས་བྱ་བ ་ནི་ད་ལྟར་བ་ལ་ཡང་ལྐོག་ཏུ་གྱུར་པ་མ་ཡིན་པ་མེད་པར་འགྱུར་རོ་ཞེས་བྱ་བའི་དོན་ཏོ། །འོན་ཏེ་དབང་པོའི་བྱེད་པ་ལས་ཞེས་བྱ་བ་ནི་ད་ལྟར་བ་ལའོ། །རྣམ་པ་ཐམས་ཅད་ཅེས་བྱ་བ་ནི་ད་ལྟར་བཞིན་དུ་འདས་པ་ལ་སོགས་པ་ལ་ཡང་རྟགས་ཡོད་པས་རྟོགས་པ་ཞེས་བྱ་བའི་དོན་ཏོ། །མིག་ལ ་སོགས་པའི་བྱེད་པ་ཡང་ཞེས་བྱ་བ་ནི་དེ་ལྟར་བའོ། །གལ་ཏེ་འདས་པ་ལ་སོགས་པའི་དངོས་པོ་མངོན་དུ་བྱེད་པ་ལ་དབང་པོའི་བྱ་བ་ཇི་ལྟར་འགྱུར། དབང་པོ་དང་ལྷན་ཅིག་བྱེད་པ་ནི་མ་ཡིན་ནོ་སྙམ་དུ་སེམས་པ་ལ། འདས་པའི་དངོས་པོ་ལ་ནི་འདས་པ་ཁོ ་ན་དབང་པོའི་བྱ་བ་ཡིན་ལ། འབྱུང་བར་འགྱུར་བ་ལ་ནི་འབྱུང་བར་འགྱུར་བ་ལྷན་ཅིག་བྱེད་པ་ཡིན་ཏེ། དེ་ལྟ་བུ་ཉིད་དུ་རྗེས་སུ་དཔག་པར་བྱ་བ་ཉིད་ཡིན་ནོ་ཞེས་བསྟན་པ་ནི། རྣམ་པ་ཐམས་ཅད་རྗེས་སུ་དཔོག་པ་ལ་ཞེས་བྱ་བའོ། །དེའི་ཚེ་ཉིད་སྐྱེས་པ་ཞེས་བྱ་བ་ནི ་མངོན་སུམ་མ་ཡིན་པའོ། །མངོན་སུམ་མ་ཡིན་ན་ནི་དེ་ཡང་མངོན་སུམ་ཡིན་པའོ། །ལྐོག་ཏུ་མ་གྱུར་པ་ཉིད་ཡིན་ན་ད་ལྟར་བ་ཉིད་ཁོ་ན་ཡིན་ཏེ། དེ་དེས་ཁྱབ་པའི་ཕྱིར་རོ་སྙམ་དུ་སེམས་པ་ནི། གལ་ཏེ་བྱུང་བ་དང་ཞེས་བྱ་བའོ། །དེ་ནི་དེའི་ཚེ་འདས་པ་ལ་སོགས་པ ་ཡིན་ནོ་ཞེས་དེ་སྐད་སྨྲ་བ་སུ་ཡིན་ཞེས་བསྟན་པ་ནི། མངོན་དུ་བྱེད་ཉིད་ཅེས་བྱ་བ་སྟེ། ཐམས་ཅད་དུ་ནི་ད་ལྟར་བ་ལ་ཡང་ངོ། །མངོན་དུ་བྱེད་པ་མེད་ཀྱང་མི་སླུ་བ་ཅན་ཡིན་པའི་ཕྱིར་རྗེས་སུ་དཔག་པ་ལ་ཡོད་པ་ནི་དེའི་ཕྱིར་དེ་ལས་གཞན་པ་ཁོ་ན ་ཡོད་པ་ཡིན་ནོ་ཞེས་ཟེར་བ་ནི། གལ་ཏེ་མེ་ལ་སོགས་པ་མངོན་དུ་མ་བྱས་པ་ཞེས་བྱ་བའོ། །རྗེས་སུ་དཔག་པ་ལ་ཡང་སྣང་བ་ཁོ་ནར་བརྟག་པར་བྱ་བ་ཡིན་ཏེ། དེ་ལྟར་ངེས་པའི་ཕྱིར་རོ་ཞེས་བསྟན་པ་ནི་མ་ཡིན་ཏེ། དེར་ཡང་ཞེས་བྱ་བ་སྟེ། སྣང་བ་དང་རྣམ་པར་བརྟགས ་པ་དག་གཅིག་པ་ཉིད་དུ་ཞེན་པ་ཁོ་ན་རྗེས་སུ་དཔག་པ་ཡིན་པར་བསྟན་ཏོ། །གཞན་དུ་ན་རྗེས་སུ་དཔག་པ་མི་འཇུག་པའི་ཕྱིར་རོ། །སྣང་བ་ནི་མཐོང་དུ་རུང་བ་མ་ཡིན་ནམ། མཐོང་བའི་ཡུལ་མ་ཡིན་པར་ཅིའི་ཕྱིར་མི་འགྱུར་ཞེ་ན། མི་འགྱུར་བར་ཡིན་པར་བསྟན་པ་ནི། མཐོང་བའི ་རྗེས་སུ་འབྲང་བ་ན་ཞེས་བྱ་བའོ། །ཅི་ལས་ཡིན་ཞེ་ན། གཞན་དུ་མི་འཐད་པ་སྟེ་མ་འབྲེལ་བའི་ཕྱིར་རོ། །སྣང་བ་ཉིད་ཁྱབ་བྱེད་དུ་བཟུང་བ་ནི་རྗེས་སུ་དཔག་པར་བྱ་བ་ཡིན་ལ། མི་སྣང་བ་ཉིད་ཡིན་ན་མིག་ལ་སོགས་པ་གཞན་གྱི་དོན་བྱེད་པ་ཡིན་ཞེས་བྱ ་བས་མི་སྣང་བའི་འདུས་པ་ཅན་མ་ཡིན་པ་གཞན་གྱི་དོན་ཉིད་དུ་འགྲུབ་པར་འགྱུར་རོ། །དེའི་ཕྱིར་སྣང་བ་ཞེས་བྱ་བ་ནི་ཡོད་པའི་མཚོན་བྱེད་མ་ཡིན་ནོ། །འོན་ཀྱང་ཡོད་པ་ཁོ་ན་ཡིན་ནོ། །གང་དུ་རྟགས་ཁོ་ན་མངོན་སུམ་ཡིན་གྱི་རྟགས་ཅན་གང་གི་ཡང་མ་ཡིན་ཏེ། དེ ་ལྟ་བུའི་ཡུལ་ལ་མ་མཐོང་ཞིང་མི་སྣང་ལ། མཐོང་བར་མི་འགྱུར་བ་རྗེས་སུ་དཔག་པར་བྱ་བ་མ་ཡིན་ནམ། མངོན་དུ་བྱེད་པ་ལས་ཡོད་པ་གཞན་ཇི་ལྟར་མ་ཡིན་སྙམ་དུ་སེམས་པ་ལ། དེ་ལ་ཡང་འབྲེལ་བ་ཅན་ཁོ་ན་མཐོང་བ་ནི་གཞན་དུ་མི་འཐད་པས་མཐོབ ་བར་འགྱུར་བ་ཁོ་ན་རྗེས་སུ་དཔག་པར་བྱ་བ་ཡིན་ཏེ། མི་བསླུ་བའི་ཕྱིར་རོ། །མི་སྣང་བ་ནི་བསླུ་བ་མ་ཡིན་ནོ། །གལ་ཏེ་དེ་ལྟར་བ་མེད་ན་མ་འོངས་པ་ཇི་ལྟར་འབྱུང། འདི་གཞན་ལས་ཀྱང་འབྱུང་བ་ནི་མ་ཡིན་ནོ། །བདེན་ཏེ། དེའི་བསྐྱེད་བྱ་འམ་དེས་འདུས་བྱས་པ་ལས ་ཡིན་པའི་ཕྱིར་རྒྱུ་མ་ངེས་པར་བསྟན་པ་ནི། གལ་ཏེ་འགས་ཀྱང་ཞེས་བྱ་བའོ། །སྣང་བ་ཉིད་ཡོད་པ་ཉིད་ཡིན་ན་འུ་བུ་ཅག་ལ་སོགས་པས་མཐོང་བ་དང་མཐོང་བར་འགྱུར་བ་ལ་སོགས་པའི་རྣམ་པར་དབྱེ་བ་ལས་འདས་པ་དང་མ་འོངས་པའི་དབྱེ་བ་མ་ཡིན་ནམ། རྣལ་འབྱོར་བའི་ནི་མ ་ཡིན་ཏེ། ཐམས་ཅད་སྣང་བཞིན་པ་ཉིད་ཀྱིས་ད་ལྟར་བ་ཡིན་པའི་ཕྱིར་རོ་སྙམ་དུ་སོམས་པ་ནི། གལ་ཏེ་ད་ལྟར་བའི་ཞེས་བྱ་བའོ། །གཟུགས་ལ་སོགས་པ་བཞིན་དུ་དུས་ལ་མངོན་སུམ་མ་ཡིན་པ་ནི་མེ་ལ་བཞིན་དུ་མ་ཡིན་ཏེ། མི་སྣང་བའི་ཕྱིར་རོ་ཞེས་བསྟན་པ་ནི། ་དུས་ནི་ཚད་མ་གང་གིས་ཀྱང་ཞེས་བྱ་བའོ། །དངོས་པོས་ཉེ་བར་མངོན་དུ་བྱེད་པའི་རང་བཞིན་མངོན་སུམ་གྱིས་བདག་གིར་བྱས་པ་ཡིན་ན། དོན་ཉེ་བར་སྣང་བ་བྱེད་པ་ཡིན་གྱི་རྣམ་པ་གཞན་གྱིས་ནི་མ་ཡིན་ནོ་ཞེས་བསྟན་པ་ནི། མདུན་ན་གནས་པའི་རྣམ་པའི་ཞེས་བྱ ་བའོ། །བུམ་པ་ཞེས་སམ། གཡོ་བ་ཞེས་བྱ་བའི་རྣམ་པ་གཞན་དུ་ཡང་སྣང་བ་ཁོ་ན་མ་ཡིན་ནམ་སྙམ་དུ་སོམས་པ་ལ། དེ་ལྟ་མ་ཡིན་ན་ཞེས་བྱ་བ་སྟེ། མདུན་ན་གནས་པ་མ་ཡིན་པའི་རྣམ་པ་འཛིན་པ་དང་ཁྱད་པར་མེད་པའི་ཕྱིར་རོ་ཞེས་བྱ་བའི་དོན་ཏོ། །ཅིག་ཅར ་མ་ཡིན་པར་བྱས་པ་ཞེས་བྱ་བ་ལ་སོགས་པ་ལ་རྫས་དང་བྱ་བ་ལས་ཐ་དད་པས་དེའི་ཁྱད་པར་ཅིག་ཅར་བ་ལ་སོགས་པའི་ཤེས་པས་རྟོགས་པར་བྱ་བ་མ་ཡིན་ནམ། དེ་ལ་རྟགས་ཅུང་ཟད་ཀྱང་འབྲེལ་བ་ཅན་དུ་དམིགས་པ་མ་ཡིན། གཟུགས་མེད་པ་དང་འདུ ་བ་ལས་ནི་ནམ་མཁའ་བཞིན་དུ་མངོན་སུམ་པ་མ་ཡིན་པ་ཡང་མ་ཡིན་ཏེ། རྟགས་ལས་མཁྱུང་བ་ཉིད་དང། གནོད་པ་མེད་པ་ཉིད་ཀྱིས་མངོན་སུམ་ཚད་མ་ཉིད་ཡིན་པའི་ཕྱིར་རོ། །གཟུགས་མེད་པ་དང་འདུ་བ་ལས་ཞེས་བྱ་བར་རྗེས་སུ་དཔག་པ་ནི་མངོན་སུམ་དང་འགལ ་བ་ཡིན་ན་ཚད་མ་མ་ཡིན་ནོ། །ནམ་མཁའ་ནི་མངོན་སུམ་གྱི་ཤེས་པའི་ཡུལ་མ་ཡིན་པའི་ཕྱིར་མངོན་སུམ་པ་མ་ཡིན་ནོ། །གཟུགས་དང་འདུ་བ་མེད་པ་ལས་ནི་མ་ཡིན་ནོ། །དེ་ལྟ་ཡིན་ན་ཅིག་ཅར་དང་ཅིག་ཅར་མ་ཡིན་པའི་ཤེས་པའི་དབྱེ་བས་དུས་གཅིག་མ་ཡིན་ནོ། །དེ ་ལྟ་མ་ཡིན་ཏེ། འབྲས་བུ་གཅིག་ལ་དེ་ཉིད་མེད་པའི་ཕྱིར་ལ། དེ་ལྟ་ཡིན་ན་ནི་ཤེས་པ་གཉིས་སུ་ཐལ་བའི་ཕྱིར་རོ། །དེ་ལྟ་ཡིན་ན་དེ་ལྟ་བུའི་དབྱེ་བས་གཅིག་ཏུ་ཡང་ཇི་ལྟར་རྟོགས་པར་འགྱུར། གསལ་བྱེད་རྫས་ལ་སོགས་པ་གཉིས་ཡོད་པའི་ཕྱིར ་མིག་བཙུམ་གཅིག་དང། ཆུ་ཚོད་ལ་སོགས་པས་གཉིས་གཅོད་པ་ནི་དངོས་པོ་ཅིག་ཅར་མངོན་པར་གསལ་བར་བྱེད་པ་ཡིན་གྱི། དེ་ལས་བཟློག་གཅིག་ཤེས་ཀྱི་གསལ་བྱེད་ཡིན་ནོ་སྙམ་དུ་སེམས་པ་ནི། འོན་ཏེ་མྱུར་བ་དང་ཞེས་བྱ་བའོ། །དུས་ཀྱི་དབྱེ་བ་ནི་གསལ ་བྱེད་ཀྱི་རྫས་ལ་སོགས་པའི་དབྱེ་བ་ཙམ་ཡིན་ཏེ། དེ་ལྟར་བརྡར་བྱས་པའི་ཕྱིར། དུས་ཀྱི་ཤེས་པའི་ཡུལ་ནི་དངོས་པོ་གཞན་མ་ཡིན་ནོ། །བུམ་པ་ལ་སོགས་པའི་ཤེས་པ་གཟུགས་ལ་སོགས་པའི་དབྱིབས་ཀྱི་ཁྱད་པར་ལྟ་བུའོ་ཞེས་བྱ་བའི་དོན་འདི་བསྟན་པ ་ནི། དུས་ནི་ཡུན་རིང་ཞེས་བྱ་བའོ། །བདེན་ཏེ། དངོས་པོའི་ཁྱད་པར་ཁོ་ན་དེ་ལྟ་བུའི་བརྡ་ལས་དེ་ལྟར་ཤེས་པའི་ཡུལ་ཡིན་ལ། གང་གི་དེ་ལྟར་འགྱུར་བ་དེ་ནི་དུས་ཡིན་ནོ་སྙམ་དུ་སེམས་པ་ནི། གལ་ཏེ་དུས་མེད་ན་ཞེས་བྱ་བའོ། །འབྲས་བུ་ལ་ཡོད་པའི་ངལ་བ་ལ་སོགས་པའི ་ཁྱད་པར་གྱི་སྐྱེད་བྱེད་རང་གི་ངོ་བོའི་སྐྱེད་བྱེད་ཡིན་པའི་ཕྱིར་དུས་ཉིད་དངོས་པོ་རྣམས་ཀྱི་རྒྱུ་ཡིན་གྱི་དངོས་པོ་རྣམས་ནི་མ་ཡིན་ནོ། །དེ་དེའི་འབྲས་བུ་མ་ཡིན་པ་ནི་གང་ཞིག་གང་གིས་དབྱེ་བས་འབྱེད་པ་མ་ཡིན་ནོ་ཞེས་ཟེར་བ་ནི། འོན་ཏེ་འབྲས་བུའི་ཞེས་བྱ་བའོ།། ་རྟག་པ་དང་ཁྱད་པར་ཅན་གྱི་དུས་ནི་བཟློག་པ་མེད་པ་ཡིན་ཏེ། ཉེ་བ་མ་བཏབ་པའི་ཕྱིར་རོ་ཞེས་བྱ་བ་ནི་དུས་ནི་མེད་པ་མ་ཡིན་ཏེ་ཞེས་བྱ་བའོ། །མི་རྟག་པ་དང་ཁྱབ་པ་མ་ཡིན་པའི་དུས་ནི་རྐྱེན་གྱི་དབང་གིས་གསལ་བ་ཡིན་ཞེས་བྱ་བའི་ཕྱོགས་སུ་སེམས་པ་ནི། འོན་ཏེ་དུས ་ཞེས་བྱ་བའོ། །གང་ཁོ་ན་ལས་དུས་ཀྱི་རིམ་པ་ཡིན་པ་དེ་ཁོ་ན་ལས་འབྲས་བུའི་རིམ་པ་ཡིན་དུ་ཟིན་ཀྱང་གཞན་དབང་གི་རིམ་པ་ཅན་གྱི་དུས་ལས་མ་ཡིན་པར་བསྟན་པ་ནི། འོན་ཏེ་དེ་ཉིད་ལས་ཞེས་བྱ་བ་སྟེ། རང་ལ་ཡོད་པའི་རིམ་པ་ཡོད་པའི་ཕྱིར་འདི་ནི་རང ་ཉིད་བྱེད་པ་མ་ཡིན་ཞེས་བྱ་བའི་དོན་ཏོ། །དངོས་པོ་དག་གི་ལྷན་ཅིག་བྱེད་པ་ཉིད་ཅིག་ཅར་པ་ཁོ་ན་མ་ཡིན་ནམ། ཉེ་བ་མ་ཡིན་པ་ཉིད་ནི་ཅིག་ཅར་བ་མ་ཡིན་ལ། དེ་དངོས་པོ་ཙམ་ནི་མ་ཡིན་ཏེ། ཉེ་བ་མ་ཡིན་པ་བཞིན་དུ་ལྷན་ཅིག་པ་ཉིད་ལ་ཡང་དངོས་པོ་ཡོད་པས་རིམ་པར་ཐལ ་བར་འགྱུར་བའི་ཕྱིར་འདིས་ནི་རིམ་པ་མ་ཡིན་པ་ཡང་ཐལ་ཆེས་པ་ཉིད་དུ་བསྟན་པར་བྱ་བ་ཡིན་ནོ་སྙམ་དུ་སེམས་པ་ནི། རིམ་པ་ཉིད་དུས་ཡིན་ནོ་ཞེས་བྱ་བ་ནི་རིམ་པ་མ་ཡིན་པ་ཁོ་ན་ཞེས་བྱ་བའི་ཉེ་བར་མཚོན་པ་ཡིན་ནོ། །མ་ཡིན་ཏེ་རིམ་པ་ནི་ལྷན་ཅིག་པ་དང་ལྷན ་ཅིག་པ་མ་ཡིན་པ་ཞེས་བྱ་བ་ལ་ལྷན་ཅིག་པ་དམིགས་པ་མ་ཡིན་པ་ལས་ལྷན་ཅིག་པར་དམིགས་པ་གཞན་ཁོ་ན་ཡིན་ཏེ། དངོས་པོའི་དབྱེ་བ་ལ་གནས་སྐབས་ཀྱི་དབྱེ་བ་རྒྱུ་མཚན་ཡིན་པའི་ཕྱིར་རོ་ཞེས་བྱ་བའི་དོན་ཏོ། །རང་གི་ངོ་བོ་ལས་ཐ་དད་པ་ཞེས་བྱ་བ་ནི ་གནས་སྐབས་ཀྱི་དབྱེ་བས་ཁྱད་པར་དུ་བྱས་པའི་རང་གི་ངོ་བོ་ལས་ཐ་དད་པས་ཞེས་བྱ་བའི་དོན་ཏོ། །ད་ནི་དུས་གསུམ་དུ་རྣམ་པར་བཞག་པ་ཇི་ལྟར་ཡིན་སྙམ་དུ་སེམས་པ་ལ། ད་ལྟར་བ་དང་བྱ་བའི་འབྲེལ་པ་ཡོད་ན་ད་ལྟར་བ་ཡིན་ལ། འདས་པ་དང ་ཡིན་ན་འདས་པ་ཉིད་ཡིན་ཞིང། མ་འོངས་པ་དང་ཡིན་ན་མ་འོངས་པ་ཉིད་དོ་ཞེས་བསྟན་པ་ནི། མཐོང་འགྱུར་ཞེས་བྱ་བ་སྟེ། དུས་མེད་ན་མཐོང་བར་གྱུར་པ་ཉིད་ལ་སོགས་པ་ཇི་ལྟར་ཞེས་ཟེར་བ་ནི་མི་རིགས་སོ། །དམིགས་པར་གྱུར་པ་གང་གི་ཚེ་མ ་དམིགས་པ་ད་འདས་པ་ཡིན་ཞེས་བྱ་བ་ལ་སོགས་པ་ནི་རེ་རེའི་བདག་ཉིད་དུ་རིག་པར་བྱ་བའི་དབྱེ་བའོ། །དེ་ཁས་མི་ལེན་ན་དུས་སུ་སྨྲ་བས་གསལ་གྱི་དབྱེ་བ་མ་རྟོགས་པས་ཇི་ལྟར་སྨྲ་བར་བྱེད། ཁྱད་ཀྱི་དུས་གང་གི་ཚེ་གོང་ལ་སོགས་པར ་དུས་གང་བྱུང་བ་ཞེས་གོང་ལ་སོགས་པའི་རང་གི་ངོ་བོ་ཉིད་ཁོ་ན་བདེ་བར་གནས་སམ། མི་བདེ་བར་གནས་ཞེས་འཇིག་རྟེན་གྱི་དྲི་བའི་ཡུལ་ཡིན་གྱི་ཐ་དད་པ་ཅན་ནི་མ་ཡིན་ནོ་ཞེས་བསྟན་པ་ནི། དུས་གང་ཡིན་ཞེས་བྱ་བའོ། །འདྲིན་ཞེས་བྱ ་བ་ནི་འདྲི་བའི་ཡུལ་ལའོ། །རྣལ་འབྱོར་པ་ལ་ནི་ཐམས་ཅད་སྣང་བཞིན་པ་ཁོ་ན་ཡིན་པའི་ཕྱིར་འདས་པ་ལ་སོགས་པའི་རྣམ་པར་དབྱེ་བ་མེད་པས་དེ་ཇི་ལྟར་རིག་པ་ཡིན་ཞེས་པ་ལ་གཞན་གྱིས་ཞེས་བྱ་བ་སྟེ། དེས་མཐོང་བ་ཉིད་ཀྱི་ཞེས་བྱ་བ ་ནི་རྣལ་འབྱོར་པས་མཐོང་བ་ཉིད་ཀྱིས་སོ། །དེ་ལ་བལྟོས་ནས་དབྱེ་བ་ཡོད་པ་མ་ཡིན་ཏེ། མཐོང་བཞིན་པ་ཉིད་ཙམ་ད་ལྟར་བའི་ཐ་སྙད་ཀྱི་རྒྱུན་ཚན་ཡིན་པའི་དོན་ཏོ། །དེའི་ཕྱིར་དེ་ལྟར་འུ་བུ་ཅག་ལ་སོགས་པ་ལ་བལྟས་ནས་རྣལ་འབྱོར་བ་ལ་འདས་པ་ལ་སོགས་པའི ་རྣམ་པར་དབྱེ་བ་ཡིན་གྱི་རང་ཉིད་ནི་མ་ཡིན་ནོ་ཞེས་བསྟན་ནས་ལྐོག་ཏུ་མ་གྱུར་པ་ཉིད་ཀྱི་དངོས་པོ་རྣམས་ནི་རང་གི་ངོ་བོར་སྣང་བ་འདས་པ་ལ་སོགས་པ་ལ་ཡང་འགྱུར་བ་ཡིན་ལ། ད་ལྟར་བ་ཉིད་ལ་སོགས་པ་ནི་དུས་ཀྱི་ཁྱད་པར་ཡིན་ལ། ཤེས་པ་དང་དེའི་ངེས ་པར་བྱ་བ་ནི་རྣལ་འབྱོར་པ་རང་ཉིད་ལ་ཡང་འགྱུར་བ་ཡིན་པར་བསྟན་པ་ནི། གཞན་ཡང་དུས་དེ་དང་འབྲེལ་པས་ཤེས་བྱ་བའོ། །ད་ལྟར་བ་ཉིད་དང་འདས་པ་ལ་སོགས་པ་རང་གི་ངོ་བོས་གསལ་བ་ཡིན་ན། དེ་ལྟར་འདས་པ་དང་ཅིག་ཤོས་ཇི་ལྟར་ཐ་དད་པ་ཡིན་སྙམ ་དུ་སེམས་པ་ལ་འུ་བུ་ཅག་ལ་སོགས་པ་དང་རྣལ་འབྱོར་པའི་སེམས་ད་ལྟར་བ་རང་གི་རྒྱུའི་དབང་གིས་དམིགས་པ་ཡིན་གྱི་སྣང་བ་ནི་མ་ཡིན་ནོ། །དེའི་ཕྱིར་དེ་རྣམ་པར་བཞག་པ་བསྟན་པ་ནི། འོ་ན་དེ་ཇི་ལྟར་ཞེས་བྱ་བའོ། །མི་འཛིན་པའི་ཕྱིར་ཞེས་བྱ་བ་ནི ་སྣང་བ་ཞེས་བྱ་བ་དང་སྦྱར་བར་བྱའོ། །གལ་ཏེ་ཡང་ད་ལྟར་མཐོང་བ་འདི་དེ་ཉིད་མཐོང་བ་ཡིན་ནོ་ཞེས་བསྟན་པ་ནི། ད་ལྟར་བའི་ཞེས་བྱ་བ་སྟེ། གཞན་གྱི་ནི་སྣང་བའི་འོ། །གང་ཞིག་གང་གི་ཞེས་བྱ་བ་ནི་སྐྱེས་བུའི་འོ། །དེའི་ཚེ་སྟེ་དེའི་དུས་དང་འབྲལ་པས་སམ། ་དེའི་དུས་མ་ཡིན་པ་དང་འབྲེལ་པས་གང་གི་ངོ་བོར་རིག་པ་ནི་དེའི་སྟེ། སྐྱེས་བུའི་འོ། །དེའི་ངོ་བོ་ཉིད་ནི་དེའི་དུས་ཁོ་ན་ལའོ་ཞེས་སྦྱར་རོ། །དེའི་མིང་ཞེས་བྱ་བ་ནི་དོན་གྱི་དུས་གཞན་དང་འབྲེལ་པ་ཅན་གྱི་གཞལ་བྱ་ནི་མཐོང་བ་པོའི་རྗེས་སུ་བྱེད་བཞིན ་པའི་དུས་དང་འབྲེལ་བ་ཅན་ནི་རང་གི་རྒྱུའི་གཞན་དབང་ཡིན་པར་བསྟན་ནས། ད་ནི་མཐོང་བ་པ་དང་སྣང་བ་དག་ད་ལྟར་བ་ཉིད་མཉམ་པར་བཞག་པའི་གནས་སྐབས་ལ་ཡིན་ལ། དུས་ཕྱིས་ནི་དུས་ཐ་དད་པ་ཉིད་ཡིན་ཏེ། ད་ལྟར་བ་དང་ཅིག་ཤོས་ཉིད་ཀྱིས་སོ་ཞེས ་ལྡན་པ་ནི། གཞན་ཡང་དེའི་ཚེ་ནི་བྱེད་པ་པོ་ཡང་ཞེས་བྱ་བ་སྟེ། ཡང་གི་སྒྲས་ནི་གཞལ་བྱ་ཡང་ཞེས་བྱ་བ་སྡུད་པར་བྱེད་པ་ཡིན་ནོ། །དེའི་དུས་ཉིད་དུ་ནི་རྟོགས་པའི་དུས་ཉིད་དུའོ། །ད་ལྟར་པའི་དུས་ཉིད་ཡིན་ནོ། །ཕྱིས་ནི་ལྡང་བའི་དུས་སུའོ། །དུས་གཞན་ཉིད་དུ་ནི་མཐོང ་བ་པོའི་ད་ལྟར་བ་ཉིད་དང་འདས་པ་ཉིད་ཀྱང་སྣང་བ་ཡིན་ནོ། །གཞན་ཉིད་དུ་ཞེས་བྱ་བ་ནི་ཕྱོགས་པར་མ་རྒྱས་པར་བྱ་བའི་ཕྱིར་དྲན་པར་བྱེད་པ་ཡིན་ལ། དེ་ཉིད་རྒྱས་པར་བསྟན་པ་ནི། དེའི་ཕྱི་ཞེས་བྱ་བ་སྟེ། དེའི་དུས་ཉིད་དུ་ནི་འདས་པའི་དུས་ཉིད་དོ། །དེ་ལ་ཞེས་བྱ་བ ་ནི་ད་ལྟར་བའི་དུས་ཀྱིས་གཞལ་བྱ་ཉིད་ལ་སྟེ། ལྐོག་ཏུ་མ་གྱུར་པ་ཉིད་ཙམ་གྱི་ཡུལ་ཉིད་ཀྱིས་མངོན་སུམ་འཇུག་པ་མ་ཡིན་ནོ། །བུ་དང་ལྡན་པ་ནི་མ་འོངས་པའི་བུ་དང་འབྲེལ་པ་ཅན་ཉིད་ནི་རྣལ་འབྱོར་བའི་མངོན་སུམ་དུ་བྱེད་བཞིན་པ་དེའི་མངོན་སུམ་དུ་ཡང་ཅིས་མི ་འགྱུར། རུང་བ་མ་དམིགས་བཞིན་པ་ནི་ཡོད་པ་མ་ཡིན་ནོ་སྙམ་དུ་སེམས་པ་ནི། འོན་ཏེ་ཡང་ཞེས་བྱ་བའོ། །དེ་དང་ལྷན་ཅིག་པའི་མཚན་ཉིད་ནི་འབྱུང་བར་འགྱུར་བ་ཁོ་ན་ཡིན་ནོ། །དེའི་ཕྱིར་བུ་དང་ལྡན་པའི་མི་རུང་བ་མ་དམིགས་པ་མེད་པ་སྒྲུབ་པར་བྱེད་པ་མ་ཡིན་ལ ་རྣལ་འབྱོར་པས་ནི་རྟགས་ཀྱི་ཁྱད་པར་མ་ལུས་པ་ལ་ངེས་པ་ཅན་ནི་མངོན་སུམ་དང་ལྡན་པ་ཡིན་ལ། ཇི་ལྟར་སྟོན་སོགས་ཞེས་བྱ་བ་སྟེ། དུས་དེར་ལྡན་ནི་ད་ལྟར་གྱི་དུས་སུ་ལྡན་པའོ། །དེ་ཡིས་མཐོང་མེད་ནི་རྣལ་འབྱོར་པས་སོ། དེ་ལྟར་མ་རྟོགས་ན་ཡང་ཞེས་བྱ ་བས་ནི་རྣལ་འབྱོར་པས་མ་འོངས་པའི་དུས་ཉིད་ཡིན་པས་མ་དམིགས་པ་ཡང་སྐྱོན་ཡིན་མིན་ཞེས་བྱ་བ་ནི་རུང་བ་མ་ཡིན་པ་མ་དམིགས་པའི་ཕྱིར་ཏེ། གནོད་པ་ཉིད་མེད་པའི་མཚན་ཉིད་མེད་པར་ངེས་པ་བསྐལ་བ་རྣམས་ཀྱི་ནི་མ་ཡིན་ནོ་ཞེས་བསྟན་པའི་ཕྱིར་རོ། །གལ་ཏེ ་དེའི་ཚེ་ཡང་ཞེས་བྱ་བ་ནི་སྟོན་ལ་སོགས་པའི་དུས་སུ་ཡང་ངོ། །རྣལ་འབྱོར་མ་ཡིན་པས་མ་དམིགས་པ་དང། རྣལ་འབྱོར་པས་དམིགས་པ་ཁོ་ན་ལ་དངོས་པོ་འདི་ཡོད་པ་ཡིན་ཞེས་བྱ་བའི་ཕྱོགས་འདི་ལ་གནོད་པ་ཅན་ཅིས་མེད་པ་ཡིན། ཡུལ ་མཚུངས་པའི་ཕྱིར་རོ་སྙམ་དུ་སེམས་པ་ནི། འོན་ཏེ་ཇི་ལྟར་དེ་ཞེས་བྱ་བའོ། །གལ་ཏེ་ཡང་རིང་པོ་མ་ཡིན་པ་ན་གནས་པས་ཆེས་ཤིན་ཏུ་ཆུང་བ་ལ་སོགས་པའི་ཁྱད་པར་ལ་ཡོད་པའི་དངོས་པོ་རྟོགས་པ་ཡིན་ནོ། །ཐག་རིང་བ་ན་གནས་པས་ནི་མ་ཡིན་ཏེ། །ཉེ་བར་རུང་བ་ཉིད ་མེད་པའི་ཕྱིར་རོ་ཞེས་བྱ་བའི་དཔེ་བསྟན་པ་ནི། ཇི་ལྟར་གཞན་གྱི་ཤེས་བྱ་བ་སྟེ། རིང་པོ་མ་ཡིན་པའི་དབང་དུ་བྱས་པ་དང་འབྲེལ་པ་ཡིན་ནོ། །ཕྲ་མོ་ལ་སོགས་པ་ནི་ཆེས་ཤིན་ཏུ་ཆུང་བ་ལ་སོགས་པའི་ཁྱད་པར་རོ། །རུང་བའི་ཡུལ་ན་གནས་པ་ཡང་ཐམས ་ཅད་ཀྱིས་མཚུངས་པར་རྟོགས་པ་ནི་མ་ཡིན་ཏེ། སྐད་ཅིག་མ་ཉིད་ལ་སོགས་པས་སྒྲིབ་པ་དང་ཞན་པ་ཉིད་ཀྱིས་དབང་པོ་རྣམས་ཁོ་ན་ཐ་དད་པ་ཡིན་པར་བསྟན་པ་ནི། གང་ལ་ཅིག་གི་ནུས་པ་ཡོད་པ་ཞེས་བྱ་བ་སྟེ། རྣལ་འབྱོར་བ་ནི་དབང་པོ་གསལ་བ་ཡིན་པའི་ཕྱིར ་དང། རྗེས་སུ་དཔག་པར་བྱ་བ་ཉིད་ཀྱིས་ཀྱང་ཉེ་བའི་ཕྱིར་མཐོང་བ་ཁོ་ན་ཞེས་བྱ་བའི་དོན་ཏོ། །དེ་དེ་ལྟར་སློབ་དཔོན་རྣམས་ཀྱི་བཞེད་གཞུང་བསྟན་ནས་མི་འདོད་པ་ཉིད་སྟོན་པ་ཡིན་ལ། དེ་ལ་ཡང་རྣལ་འབྱོར་པ་ལ་སྣང་བཞིན་པ་ཉིད་ཀྱིས་ད་ལྟར ་བ་ཁོ་ན་ཡིན་ལ། གཞན་གྱིས་ནི་སྣང་བཞིན་པ་མ་ཡིན་པའི་ཕྱིར་འདས་པ་དང་མ་འོངས་པ་ཡང་བརྗོད་པ་ཡིན་ནོ་ཞེས་བྱ་བའི་ཕྱོགས་མི་འདོད་པའི་བསྟན་པ་ནི། འོན་ཏེ་ཡང་གལ་ཏེ་ཞེས་བྱ་བ་ལ་སོགས་པས་ཉེ་བ་མ་ཡིན་པ་ཐག་རིང་བ་ན་གནས་པས་སྣང་བཞིན་པ ་མ་ཡིན་པ་ནི། འདས་པ་དང་མ་འོངས་པར་ཡང་མི་འགྱུར་རོ་ཞེས་བྱ་བའི་དོན་ཏོ། །དེ་ཉིད་ནི་ད་ལྟར་བའི་མཚན་ཉིད་ཡིན་པར་བསྟན་པ་ནི། གང་ཕྱིར་དམིགས་པ་ཞེས་བྱ་བ་སྟེ། རྟོགས་པ་དང་མ་རྟོགས་པ་དག་ནི་ཡོད་པ་དང་མེད་པ་དག་དང་ད་ལྟར་བ་དང་ཅིག་ཤོས་དག ་ཀྱང་ངོ་ཞེས་བྱ་བའི་དོན་ཏོ། །དངོས་པོ་ནི་འདས་པ་ལ་སོགས་པའི་དུས་ཁོ་ན་ལ་རྣམ་པ་ཐམས་ཅད་དང་རྗེས་སུ་དཔག་པས་ལྐོག་ཏུ་གྱུར་པ་མ་ཡིན་པ་ཅན་དུ་བྱེད་ལ་ལྐོག་ཏུ་མ་གྱུར་པ་ཉིད་ཁོ་ན་ད་ལྟར་བ་ལ་ཡང་ད་ལྟར་བ་ཉིད་མ་ཡིན་ཏེ། ཤེས་པས་དམིགས་པ་ནི་དངོས་པོ ་དང་དུས་ཀྱི་འབྲེལ་པ་དག་གི་དབྱེ་བ་ཡིན་པའི་ཕྱིར་རོ་ཞེས་བྱ་བའི་ཕྱོགས་འདི་ལ་ཡང་སྐྱོན་བརྗོད་པར་དོགས་པ་ཡིན་སྙམ་དུ་སེམས་པ་ནི། ཇི་སྟེ་དུས་གང་དུ་ཞེས་བྱ་བའོ། །དཔྱིད་ཀྱི་དུས་ལ་སོགས་པ་རྣམས་ལ་ཡང་དངོས་པོའི་ཁྱད་པར་ཐ་དད་པ་མེད་པའི་ཕྱིར་དུས་འགའ་ཡང ་མེད་པར་བསྟན་པ་ནི། དངོས་པོ་ལས་ནི་ཐ་དད་པའི་ཞེས་བྱ་བའོ། །དུས་ནི་འགའ་ཡང་ཞེས་བྱ་བ་ནི་རྣམ་པར་དབྱེ་བའི་ཡན་ལག་གི་རྫས་ནི་གྲང་བའི་དུས་ཡིན་ལ། དེ་བཞིན་དུ་རབ་ཏུ་སྙི་བའི་ཡན་ལག་མའི་རྫས་ཀྱི་དཔྱིད་ཀྱི་དུས་ལ་སོགས་པར་བལྟ་བར་བྱའོ། །དུས་མེད ་ཀྱང་མཐོང་བར་གྱུར་པ་འདས་པའི་དུས་ཉིད་དང། སྣང་བའི་དུས་ད་ལྟར་བ་ཉིད་དང། མ་འོངས་པ་མཐོང་བར་འགྱུར་བ་ཉིད་ཅེས་བྱ་བར་དུས་རྣམ་པར་གནས་པར་ཡིན་ནོ་ཞེས་བྱ་བའི་རྣམ་པར་དབྱེ་བ་ཡིན་པ་མ་ཡིན་ནམ་སྙམ་དུ་སེམས་པ་ལ། དེ་དག་ནི་ཞེས་བྱ ་བའོ། །ཐམས་ཅད་མངོན་དུ་བྱེད་པའི་རྣལ་འབྱོར་པ་ལ་ནི་མཐོང་བར་གྱུར་པ་ཉིད་དང། མཐོང་བར་གྱུར་པ་ཉིད་ཀྱང་ཡོད་པ་མ་ཡིན་ནོ། །རྣལ་འབྱོར་པའི་མཐོང་བ་ལ་ནི་འདས་པ་ལ་སོགས་པ་ཡོད་པ་མ་ཡིན་པ་ཁོ་ནར་གསལ་བར་བྱེད་པ་ནི། དཔྱིད་སོགས ་པ་ནི་ཞེས་བྱ་བའོ། །རྣལ་འབྱོར་པ་ལ་དེ་ལྟ་བུའི་དབྱེ་བ་མེད་དུ་ཟིན་ཀྱང་ཚུ་རོལ་མཐོང་བ་ལ་བལྟོས་ནས་འགྱུར་རོ་སྙམ་དུ་སེམས་པ་ལ། གཉིས་པོ་ཞེས་བྱ་བ་སྨོས་པ་ནི་འདས་པ་དང་མ་འོངས་པ་དག་གོ་།དེ་ལྟར་སློབ་དཔོན་རྣམས་ཀྱི་བཞེད་གཞུང་རྣམས་མངོན་པར ་འདོད་པ་མ་ཡིན་པར་བསྟན་ནས། རང་གི་འདོད་པ་བསྟན་པ་ནི། ཇི་ལྟར་རྗེས་སུ་དཔག་པ་ནི་ཞེས་བྱ་བའོ། །རྗེས་སུ་དཔག་པས་དེ་རྟོགས་བཞིན་པ་ནི་དེ་ལྟར་འགྱུར་གྱི་མངོན་སུམ་གྱིས་ནི་མ་ཡིན་པ་མ་ཡིན་ནམ། ལྐོག་ཏུ་མ་གྱུར་པ་ཉིད་ལས་འདས་པ་ཉིད་ལ་སོགས་པ་མི ་སྲིད་པའི་ཕྱིར་རོ་སྙམ་དུ་སེམས་པ་ལ། མངོན་སུམ་ཡང་ནི་ཞེས་བྱ་བ་སྨོས་སོ། །ཅི་ལས་ཡིན་ཞེ་ན། རྗེས་སུ་དཔག་པ་དེས་ཞེས་བྱ་བ་སྨོས་སོ། །འདས་པའི་རྒྱུས་བསྐྱེད་པའི་འབྲས་བུ་གང་ལས་འདས་པར་འགྱུར་ཞེས་ཟེར་བ་ལ། རྗེས་སུ ་དཔག་པ་དེས་ཞེས་བྱ་བ་སྨོས་སོ། །དེ་ལྟར་མངོན་སུམ་གྱིས་མཐོང་བ་རྗེས་སུ་རྟོགས་པ་དེ་བཞིན་དུ་རྗེས་སུ་དཔག་པས་མཐོང་བ་མངོན་སུམ་གྱིས་ཡིན་གྱི་འབྲས་བུ་དང་རྒྱུ་དག་ལ་ནི་རིགས་པ་འདི་མ་ཡིན་ནོ། །རྗེས་སུ་དཔག་པས་བསྐྱེད་པའི་མངོན་སུམ་ནི་རྗེས ་སུ་དཔག་པའི་རྟགས་དང་རྟགས་ཅན་འཛིན་པའི་རིམ་པས་རིམ་གྱིས་འཇུག་པར་འགྱུར་ལ། འཁྲུལ་བས་དངོས་པོ་མི་སྣང་བའི་ཕྱིར་དང། སྤྱིའི་རྣམ་པ་ཉིད་ཀྱི་ཕྱིར་དེ་ལྟ་བུར་འགྱུར་བ་ཡིན་ནོ་སྙམ་དུ་སེམས་པ་ནི། གལ་ཏེ་མངོན་སུམ་རྗེས་སུ་དཔག་པས་བསྐྱེད ་བ་ཉིད་ཡིན་ན་ཞེས་བྱ་བའོ། །རིམ་གྱིས་རྟོགས་པ་ནི་གོམས་པ་ཕུལ་དུ་བྱུང་བ་སྣ་ཚོགས་པའི་རྣམ་རྟོག་དང་སྒྲའི་དོན་གྱི་བདག་ཉིད་ཅན་གྱི་བསྟན་བཅོས་ཀྱི་རྣམ་རྟོག་བཞིན་དུ་རིམ་པ་མ་ཡིན་པས་སྣང་བ་བསྟན་པ་ནི། དེ་ནི་ཤིན་ཏུ་གོམས་པ་ལ་ཞེས་བྱ་བའོ། ་ཤིན་ཏུ་གོམས་པ་ལས་དུ་མ་ཤེས་བ་ཅིག་ལ་སྣང་བ་མ་ཡིན་ནམ། ཤེས་པ་དུ་མ་དུས་ཅིག་ལ་ནི་མ་ཡིན་ནོ། །དེའི་ཕྱིར་ཇི་ལྟར་གློ་བུར་དུ་དུ་བ་མཐོང་བ་དང་དུས་མཚུངས་པར་མེའི་ཤེས་པ་ཡིན། ཅིག་ཅར་བར་མངོན་པར་འདོད་པ་ནི་ཡིད་མྱུར་དུ་རྒྱུ་བ་ཡིན ་བས་རིམ་པར་མཚོན་པའི་ཕྱིར་མགལ་མེ་ལ་འཁོར་ལོར་མཐོང་བ་ལྟ་བུའོ། །དེ་ལྟ་ཡིན་ན་རྫུ་འཕྲུལ་གྱི་ཆོས་ཅན་གྱི་རྣལ་འབྱོར་པས་སྤྲུལ་པའི་ལུས་དང་དབང་པོ་རྣམས་ལ་ཡིད་གཅིག་དབང་པོའི་རྣམ་ཤེས་དུ་མའི་སྐྱེད་བྱེད་དུ་མི་འགྱུར་རོ། །དེའི་ཕྱིན་དོན་དུ་མ ་བཞིན་དུ་གཅིག་དུ་མ་ལ་ཡང་རྒྱུ་གཞན་ཚང་བ་ཡིན་ན། དུ་མར་ཡང་བྱེད་པ་ཡིན་ཏེ། མ་ཆགས་པའི་ཕྱིར་རོ། །མ་ཚང་ནི་རིམ་པ་ཡིན་ནོ་ཞེས་བྱ་བ་ནི་རིགས་པ་མཐོང་བ་ཡིན་ནོ། །འཁྲུལ་བ་ཉིད་ནི་མངོན་སུམ་ལ་ཡང་མཚུངས་ཏེ་སོ་སོར་སྣང་བ་ལ་རྣམ ་རྟོག་གི་དོན་གྱི་ཕྱོགས་ལ་འཛུད་པའི་ཕྱིར་རོ། །འོན་ཏེ་དེ་ལ་རྣམ་རྟོག་ཉིད་ནི་འཁྲུལ་པ་ཡིན་གྱི་མངོན་སུམ་ནི་མ་ཡིན་ནོ། །དེ་ལྟ་མ་ཡིན་ཏེ། གང་གི་ཕྱིར་མངོན་སུམ་གྱི་བྱ་བ་ལ་རྣམ་རྟོག་ནི་རང་གི་བྱེད་པའི་སྒྲིབ་པར་བྱེད་པ་འདི་མཐོང་ངོ་ཞེས་རྗེས་སུ་འབྲང་བར་བྱེད་པ་ཡིན ་ནོ། །དེའི་ཕྱིར་དེ་ཡང་དེ་ལྟ་བུ་ཉིད་ལ་འཇུག་པ་ཡིན་ལ། སོ་སོར་སྣང་བ་མ་ཡིན་པ་ཉིད་དེ། དངོས་པོ་སྣང་བ་མ་ཡིན་པ་ཉིད་ནི་རྣམ་པ་མ་ལུས་པ་ཡོངས་སུ་འཛིན་པ་མ་ཡིན་ནོ། །འདིས་ནི་སྤྱིའི་རྣམ་པ་ཉིད་གསལ་བ་ཡིན་ནོ། །གང་ལ་གཉིས་གའི་སྐྱོན་མཚུངས ་བ། དེ་ལ་ལན་ཡང་མཚུངས་པ་ཡིན། །དེ་འདྲའི་དོན་ནི་རྣམ་དཔྱད་ལ། །གཅིག་ལ་བརྒལ་ཞིང་བརྟག་བྱ་མིན། ཅེས་བྱ་བའི་རིགས་པ་བསྟན་པ་ནི། ཐོག་མེད་གལ་ཏེ་རིག་བྱེད་ཀྱང་ཞེས་བྱ་བ་སྟེ། དེ་ལས་ཏེ་རིག་བྱེད་ལས་རྟོགས་པ་ནི་འཇུག་པར་བྱེད་པར་བརྗོད་པར ་བྱེད་པ་ཉིད་ཀྱིས་དེ་འཛིན་པར་བྱེད་པ་ཇི་ལྟར་ཡིན་ཏེ། མ་ཡིན་པ་ཁོ་ནའོ། །ད་ལྟར་འདོད་བཞིན་པ་ནི་ཐོག་མ་མེད་པ་ཉིད་དུ་རྟོགས་པ་མ་ཡིན་ཏེ། ཇི་སྲིད་ཇི་སྲིད་དུ་རྟོགས་པ་དེ་སྲིད་དེ་སྲིད་དུ་ཉེ་བ་ཁོ་ན་ཡིན་ཞེས་བྱ་བའི་དོན་ཏོ། །ད་ལྟར་བ་བཞིན་དུ་དུས་གཞན་ལ་ཡང ་འཇུག་པར་བྱེད་པར་བརྗོད་པར་བྱེད་པ་ཉིད་དུ་མ་རྟོགས་ན་རིག་བྱེད་ཇི་སྲིད་ཡོད་ཀྱི་བར་དུ་དོན་དང་འབྲེལ་པ་མ་ཡིན་པར་བསྟན་པ་ནི། གལ་ཏེ་འདི་ཞེས་བྱ་བའོ། །ད་ལྟར་ནི་དེ་ལྟ་བུའི་རང་བཞིན་རྟོགས་པ་ན་དུས་ཐམས་ཅད་དུ་དེའི་རང་བཞིན་ཁོ་ན་མ་ཡིན་ནམ། བྱེད་པ་པོ ་མ་ཡིན་པ་ཉིད་དྲན་པའི་ཕྱིར་རོ་སྙམ་དུ་སེམས་པ་ནི། གལ་ཏེ་སྔོན་ཡང་ཞེས་བྱ་བའོ། །སྤྱི་ནི་ཕན་ཚུན་ཐ་དད་པས་མ་རྟོགས་བཞིན་པ་ནི་ཁྱད་པར་རྣམས་ཁོ་ན་ཡིན་ནོ། །རང་རྒྱུད་ཡོངས་སུ་བཅད་པ་ཞེས་བྱ་བ་ནི་གནས་སྐབས་ཀྱི་དོན་ཉེ་བར་བསྡུ་བ་ཡིན་ནོ། །ཡོངས ་སུ་ཤེས་སུ་ཟིན་ཀྱང་ཞེས་བྱ་བ་ནི་ཐོག་མ་མེད་པ་ཉིད་ཀྱིས་ཐབས་མ་ཡིན་པ་ཞེས་བྱ་བའི་དོན་ཏོ། འབྲེལ་བ་ནི་རང་བཞིན་པ་མ་ཡིན་པའི་ཕྱིར་དང། དུ་པའི་འབྲེལ་པ་བཞིན་དུ་རྟོགས་པ་མངོན་སུམ་མ་ཡིན་པའི་ཕྱིར་འབྲེལ་པ་ཅན་ཉིད་ཙམ་འཛིན་པའི་རྒྱུ་མཚན ་ཅན་ཡིན་པ་ཉིད་ཀྱིས་རང་བཞིན་མ་ཡིན་པའི་འབྲེལ་པ་སྔོན་དུ་འགྲོ་བ་ཅན་ཡིན་པའི་ཕྱིར། རྟོགས་པ་ཙམ་ནི་ཚད་མ་མ་ཡིན་ནོ། །གནོད་པ་ཅན་མ་དམིགས་པ་ཡང་ཐེ་ཚོམ་ཡིན་ཏེ། གང་གི་ཕྱིར་མ་འོངས་པའི་འབྲས་བུ་ལ་འབྱུང་བར་འགྱུར་བའི་གནོད ་བ་ཅན་ནི་ད་ལྟར་ཉེ་བ་མ་ཡིན་པའི་ཕྱིར། །རྟོགས་པ་མ་ཡིན་ནོ། །སྐྱེས་བུ་མེད་པས་དེ་ལ་འབྱུང་བའི་སྐྱོན་དུ་མི་འགྱུར་བ་ནི་མ་ཡིན་ཏེ། རབ་རིབ་ཅན་བཞིན་དུ་སྐྱོན་གཞན་ཡིན་ཞེས་བྱ་བས་བསྟན་པ་ཡིན་པར་བརྗོད་པ་ནི། སྔར་བསྟན་པ་ཉིད་དོན་ཞེས་བྱ་བའོ། །གལ་ཏེ ་ཡང་འདོད་ཆགས་ལ་སོགས་པ་རྣམས་མི་ཤེས་པ་གཞན་ཉིད་དུ་སྟོན་པའི་རྒྱུ་མ་ཡིན་དུ་ཟིན་ཀྱང་བག་ཆགས་ཀྱི་གནས་ངན་ལེན་ཉིད་གཞན་དུ་རིག་པ་ཡིན་ཡང་གཞན་དུ་བརྗོད་པར་འདོད་པ་ཡིན་ཞེས་བྱ་བའི་རིགས་པ་འམ། བཀྲེས་པ་ལ་སོགས་པས་ཏིང་ངེ ་འཛིན་ལ་གནོད་པར་བྱེད་པ་ཅིས་མི་སྲིད་པ་ཡིན་སྙམ་དུ་སེམས་པ་ནི། གལ་ཏེ་ཐབས་གོམས་པ་ལ་ཞེས་བྱ་བའོ། །རྒན་པོས་སྒྲ་ཐོས་ནས་ཐ་སྙད་དུ་བྱེད་པ་བྱིས་པས་མཐོང་བ་ནི་དེ་དང་འབྲེལ་པའི་ཤེས་པ་རྟོགས་པ་མ་ཡིན་ནམ། དེ་ཡང་དེ་བཞིན་དུ་གཞན ་གྱི་ཡིན་ལ། དེ་ཡང་དེ་བཞིན་ཁོ་ན་ཡིན་ནོ་སྙམ་དུ་སེམས་པ་ལ། དེས་ན་དམུས་ལོང་བརྒྱུད་པ་ཞེས་བྱ་བའོ། །ཐ་སྙད་བྱེད་པ་པོའི་བརྒྱུད་པ་ནི་སྔ་མས་སྔ་མའི་འབྲེལ་བ་ཡིན་གྱི་མེ་དང་དུ་བ་བཞིན་དུ་འབྲེལ་བ་ནི་མ་ཡིན་ཏེ། མངོན་སུམ་པ་མ་ཡིན་པའི་ཕྱིར་རོ་ཞེ ་ཟེར་བའི་དོན་ཏོ། །གཞན་ལ་ཡང་ཞེས་བྱ་བ་ནི་སྐྱེས་བུས་བྱས་པ་ལ་ཡང་ངོ། །འདི་ལ་ནི་ཞེས་བྱ་བ་ནི་ཐམས་ཅད་མཁྱེན་པ་རྗེས་སུ་དཔག་པ་ལ་རྩ་བ་ཡིན་པའི་ཕྱིར། དོན་དང་འབྲེལ་བ་རང་བཞིན་གྱིས་ཤེས་པ་ཁོ་ན་ཡིན་ན་ཞེས་བྱ་བའི་དོན་ཏོ། འདིས་ནི ་འདི་དང་ཉིད་དོན་དང་འབྲེལ་པ་ལ་བག་ཆགས་ནི་གནོད་བྱེད་མ་ཡིན་པར་བསྟན་ལ། གཞན་ལ་ཡང་མ་ཡིན་ཏེ། རང་ཉིད་ཁོ་ན་མེད་པའི་ཕྱིར་རོ་ཞེས་བསྟན་པ་ནི། གཞན་ཡང་དེས་ན་ཐུགས་ཀྱང་ཞེས་བྱ་བ་ལ་དེས་ན་གསལ་བའི་ཕྱིར་ཞེས་བྱ་བར་སྦྱར་རོ། །ཐབས་གོམས ་པ་ཕུལ་བྱུང་བ་ལས་བྱུང་བའི་གསལ་བ་དེས་ཞེས་བྱ་བ་ལ་བལྟོས་པ་ཡིན་ནོ། །དེ་ཡོད་ཀྱང་རང་གི་དོན་རྒྱས་པའི་ཕྱིར་དེ་སྤང་བའི་དོན་དུ་ཅི་རི་ཕྱིར་འབད་རྩོལ་བྱེད་ཅེས་ཟེར་བ་ལ་བསྟན་པ་ནི། གཞན་དོན་ལ་འཇུག་པ་ཅན་གང་ཡིན་པ་དེའི་གཞན་གྱི་དོན་ལ་གནོད་པར་བྱེད་པའི ་ཕྱིར་འདི་ནི་དེས་སྤང་བར་བྱ་བ་ཁོ་ན་ཡིན་ནོ། །ཁྱད་པར་འདི་ཡིན་ཞེས་བྱ་བ་ནི་རང་གི་དོན་ལ་འཇུག་པ་བསེ་རུ་ལྟ་བུ་ལ་སོགས་པ་མཚན་ཉིད་མི་མཐུན་པ་ཉིད་དུ། བཀྲེས་པ་ལ་སོགས་པའི་སྡུག་བསྔལ་ཡང་བདག་དང་བདག་གི་འཛིན་པས་ཆགས་པའི་སྙིང་པོ་ཅན་ནི་བག ་ཆགས་དང་ལྡན་པ་རྣམས་ཁོ་ན་ཡིན་གྱི་དམིགས་པའི་ཚོགས་བ་ཙམ་ལས་ནི་མ་ཡིན་ཏེ། གཅིག་གི་རྣམ་པའི་བདེ་བ་ལ་སོགས་པའི་ཐལ་བར་འགྱུར་བའི་ཕྱིར་རོ་ཞེས་བསྟན་པ་ནི། བྲུ་བ་ཚ་བ་བ་ལ་སོགས་པ་ཡང་ཞེས་བྱ་བའོ། །དེ་བཞིན་དུ་ཁམ་གྱི་ཟས་དང་འགལ ་བ་ཅན་གཟུགས་ན་སྦྱོད་པའི་དགེ་བ་བསགས་པ་ལས་ཀྱང་སྐྱེ་བ་སྔ་མ་ལས་བྱུང་བའི་སྐྱེ་བ་དྲན་པས་སམ། ལས་ལ་དབང་དུ་གྱུར་པ་ཉིད་ཀྱིས་འཇུག་པའི་ཕྱིར། བཀྲེས་པ་ལ་སོགས་པ་རྣམས་ཤིན་ཏུ་མི་སྲིད་པར་བསྟན་པ་ནི། གལ་ཏེ་སྐྱེ་བ་དྲན་པ་ཡིས་ཞེས ་བྱ་བའོ། །ལྷ་སོགས་ངོ་བོ་ཡིས་ཞེས་བྱ་བ་ནི་གཟུགས་ན་སྤྱོད་པའི་ལྷ་ཉིད་ཐོབ་པས་སོ། །མིག་ལ་སོགས་པ་ནི་ས་བོན་དང་མྱུ་གུལ་སོགས་པ་བཞིན་དུ་ཕྱི་རོལ་གྱི་རྒྱུ་ཙམ་ལས་བྱུང་བ་མ་ཡིན་ཏེ། འོ་ན་ཅི་ཞེ་ན། གོམས། པ་ལས་བྱུང་བ་ཡིན་ལ། ཡོད་པ་དང ་མེད་པ་ནི་འདོད་པའི་གཞན་དབང་ཁོ་ན་ཡིན་པར་བསྟན་པ་ནི། ལན་གསུམ་ཟ་བ་གོམས་པ་ལས་ཞེས་བྱ་བ་སྟེ། གཏན་མེད་འགྱུར་ཞེས་བྱ་བ་ནི་གནས་སྐབས་ཀྱི་བཅོམ་ལྡན་འདས་སོ། །ཡང་ན་ཕྱི་རོལ་བཞིན་དུ་རྒྱུ་ཙམ་ལས་བྱུང་བ་འདི་ནི་ཡོད་པ་མ་ཡིན་ཏེ། ་འདོད་པ་ལས་བྱུང་བའི་གོམས་པ་ལས་བྱུང་བ་ཉིད་ཡིན་པར་བསྟན་པ་ནི། གལ་ཏེ་འདི་ཞེས་བྱ་བ་སྟེ། འདི་གཞན་གྱི་དོན་ལ་འཇུག་པའི་ཕྱིར། བཀྲེས་པ་ལ་སོགས་པའི་སྐྱོན་ལས་ལྡོག་པ་ཁོ་ན་གོམས་པར་རྟོགས་པ་ཡིན་པར་བསྟན་པ་ནི། དེའི་ཕྱིར་ཐམས་ཅད ་གོམས་པའི་རྩ་བ་ཅན་ཞེས་བྱ་བའོ། །སྔོན་གྱི་སློབ་དཔོན་གྱི་བཞེད་གཞུང་འགལ་བ་ཉིད་ཀྱིས་གདམས་ཀྱི་དེ་ཁོ་ན་ཉིད་མེད་དོ་སྙམ་དུ་སེམས་པ་ནི། གལ་ཏེ་སློབ་དཔོན་གྱིས་ཞེས་བྱ་བ་སྟེ། སྦྱོར་བ་ནི་ཐབས་སྟོན་པ་པོ་ཉིད་ཡིན་གྱི་གཞན་ནི ་མ་ཡིན་ནོ། །གཞན་ཐབས་གོམས་པ་ཡིན་པའི་ཕྱིར་འགལ་བ་ཡིན་ནོ། །ཐབས་གོམས་པ་འདི་ཉིད་སྔོན་གྱི་སློབ་དཔོན་རྣམས་གྱིས་ཉེ་བར་བཏགས་པས་བསྟན་པར་བརྗོད་པ་ཡིན་ནོ། །བསྟན་པ་ནི། དེ་དོན་ཕྱིར་ན་ཐབས་གོམས་པ་ཞེས་བྱ་བ་སྟེ། འདི་ཉིད་ཅེས་བྱ་བ ་ནི་རིམ་པ་ལས་བཟློག་པས་ངེས་པར་གཟུང་བས་བདག་མཐོང་བ་ཁོ་ནའི་ལུས་དང་དབང་པོ་ལ་སོགས་པ་ལ་བདག་ཏུ་བལྟ་བས་སམ། ཁམས་གསུམ་པོ་ལ་ཡང་སྡུག་བསྔལ་བའི་འདུ་ཤེས་འདོར་བའི་རྒྱུ་ཡིན་པའི་ཕྱིར། ཐབས་ཡིན་ཞེས་བྱ་བའི་གཞན་གྱི ་འདོད་པ་གསལ་བ་ཡིན་ནོ། །བདག་ཏུ་ལྟ་བ་ནི་ལུས་ལ་སོགས་པ་ལ་ཡང་དེ་མ་མཐོང་ཡང་བདག་གིར་མཐོང་བས་ཆགས་པ་སྐྱེ་བའི་ཕྱིར། སྡུག་བསྔལ་གྱི་འདུ་ཤེས་ཉིད་མི་འཇུག་པའི་ཕྱིར་རོ། །རེས་འགའ་འཇུག་པ་ཡིན་ཡང་ཆགས་པ་ལས་བཟློག་པ་ཡིན ་ནོ། །འདི་ཉིད་ཐབས་གོམས་པ་ཡིན་པར་ཅི་ལས་ཤེས་ཤེ་ན། དེ་དོན་ཕྱིར་ཞེས་བྱ་བ་སྨོས་སོ། །བསྟན་པ་ནི་འབྲས་བུ་ཡིན་གྱི་ཐབས་མ་ཡིན་པ་མ་ཡིན་ནམ་ཞེས་ཟེར་བ་ལ། དེ་དོན་ཕྱིར་ནི་བསྟན་པའི་དོན་ཡིན་པའི་ཕྱིར་བསྟན་པའི་རྒྱུའི་ཕྱིར་རོ། །འདི་ཉིད་ཁོ་ན ་ཐབས་གོམས་པ་ཡིན་གྱི་གཞན་ནི་མ་ཡིན་ཏེ། དེའི་ཚེ་རྒྱུ་ཡིན་ནོ། །འདི་ཅི་ལས་ངེས་པ་ཡིན་ཞེ་ན། ཐུབ་ལས་ཏེ་བདེ་བར་གཤེགས་པ་ཉིད་ལས་དང་པོ་འབྱུང་བའི་ཕྱིར། དེ་ཉིད་གྲུབ་པའི་ངོ་བོ་བསྟན་པའི་སྒྲར་གདགས་པར་རུང་བ་ཡིན་གྱི་གཞན་ནི་མ་ཡིན་ནོ།། ་འདི་ལ་ཡང་རྒྱུ་ཉིད་བསྒྲུབ་བྱ་ཁོ་ན་མ་ཡིན་ནམ་སྙམ་དུ་སེམས་པ་ལ། རྒྱུ་གཉིས་པོ་འདི་ཇི་ལྟ་བ་དེ་ལྟར་བཤད་པ་ནི་དེ་མ་ཐག་ཏུའོ། །འགྲེལ་བར་ནི་གསལ་བ་ཁོ་ན་ཡིན་ནོ། །དེ་ཅི་མངོན་ཞེ་ན་ཞེས་བྱ་བ་ནི་བསྟན་པའི་རྒྱུ་ཉིད་ཀྱི་ཕྱིར་བསྟན་པ་ཡིན་གྱི་དེ་ཉིད་མ ་ཡིན་ཞེས་ཅི་ལས་ཤེས་པའོ། །འདི་ནི་རྒྱུ་རུ་བཤད་ཅེས་བྱ་བ་ནི་རྒྱུ་ཕུན་སུམ་ཚོགས་པའི་དབང་དུ་བྱས་ནས་འགྲོ་བ་ལ་ཕན་པར་བཞེད་པ་ཉིད་དང། སྟོན་པ་ཉིད་དུ་བསྟན་པ་ཡིན་གྱི་འབྲས་བུ་ཕུན་སུམ་ཚོགས་པའི་དབང་དུ་བྱས་པ་ནི་མ་ཡིན་ནོ། །དེའི་ཕྱིར་གཙོ་བོ་མ ་ཡིན་པར་ཤེས་པ་ཡིན་ནོ། །དང་པོ་བརྗོད་པ་ཉིད་ཀྱི་ཕྱིར་ཞེས་བྱ་བ་ནི་ཚད་མར་གྱུར་བ་ལ་ཞེས་བྱ་བའི་ཚིགས་སུ་བཅད་པ་དེར་རོ། །གྲུབ་པའི་ངོ་བོ་ནི་བདེ་བར་གཤེགས་པ་ཉིད་ཡིན་པ་དེ་ཇི་ལྟ་བུ་ཡིན་པར་བསྟན་པ་ནི་རྒྱུ་སྤངས་ཞེས་བྱ་བའོ། །དོགས་པ་མེད་པ་ཡུལ ་མེད་པ་ནི་གཅིག་པུ་མི་དགའ་ན་གཉིས་པ་འདོད་པ་ཡིན་ཞེས་བྱ་བའི་རིགས་པ་ལས་སོ། །བདག་མེད་པ་མཐོང་བར་རིགས་པས་འཐད་པ་ཡིན་ནོ། །དེ་བདེན་ཐ་དད་བདག་ཉིད་ཀྱིས་ཞེས་བྱ་བས་བརྗོད་བྱ་ཟློས་པ་མ་ཡིན་པར་དགོངས་པས་མཐོང་བ་དང་རིགས་པའི ་སྒྲ་དག་གི་མཐོང་བ་དང་སྒོམ་པའི་ལམ་བརྗོད་པར་བྱེད་པ་ཉིད་དུ་བསྟན་པ་ནི། སྦྱོར་བ་ནི་གོམས་པ་སྟེ། བསྒོམ་པས་ཞེས་བྱ་བ་ནི་རྣལ་འབྱོར་ལ་མཉམ་པར་འཇོག་པར་བྱེད་པ་ཞེས་མདོ་སྡེ་ལས་གསུངས་པའི་ཕྱིར་རོ། །ཡང་ན་བདག་མེད་པ་མཐོང་བ་ཞེས་བྱ་བ ་ནི་ཕ་རོལ་པོ་མངོན་པར་འདོད་པའི་སེམས་ཅན་ཡོད་པ་ཙམ་ནི་དངོས་སུ་གནོད་པར་བྱེད་པ་ཉིད་ཀྱིས་ཆོས་ལ་བདག་མེད་པ་མ་བསྡུས་པས་དེ་མངོན་པར་བརྗོད་པའི་དོན་དུ་བསྟན་པ་ནི། ཡང་ན་སྦྱོར་བ་ནི་ཞེས་བྱ་བའོ། །གཉིས་སུ་མེད་པ་ནི་ཐ་དད་པ་མ་ཡིན་ཏེ། གཅིག་གི ་རྣམ་པ་འདི་ཤེས་པ་ལ་ཡོད་པ་ཞེས་གསུངས་པས་སོ། །ཡང་ན་གཅིག་ཅེས་བྱ་བ་རྒྱ་ཆེ་བ་ལ་དམིགས་པས་ཕན་ཚུན་མི་རིག་པའི་ཕྱིར་དབྱེ་བ་མ་རྟོགས་པར་དགོངས་པས་སོ། །དེ་དེ་ལྟར་ཡིན་ན་གཞན་དམིགས་པར་རིག་པ་ནི་མ་དམིགས་པ་ཡིན་ནོ། །ཕན་ཚུན ་མ་འདྲེས་པར་ཇི་ལྟར་འགྱུར། དེ་ལྟར་ཉམས་སུ་མྱོང་བ་ཡིན་ན་དེ་ལྟར་འཛིན་པའི་རྣམ་རྟོག་མ་ཡིན་ལ། ཡིན་ན་ཡང་དེ་ཡང་དེ་ལྟར་རྟོག་པ་ལས་མ་འདས་པའི་ཕྱིར། མ་ལུས་པ་མ་རྟོགས་པར་གྱུར་བ་ཡིན། གྲང་ན་དེ་དེ་ལྟ་ནི་མ་ཡིན་ནོ། །དེའི་ཕྱིར་གཉིས་སུ་མེད ་པ་ཉིད་ཕན་ཚུན་རྗེས་སུ་འཇུག་པར་རིག་པ་ཡིན་ནོ། །ཡང་ན་བདག་མེད་པ་མཐོང་ན་ཞེས་བྱ་བ་ནི་བདག་མེད་པ་གཉིས་མངོན་དུ་བྱེད་པ་ནི་འཕགས་པ་ཉན་ཐོས་ལ་སོགས་པར་བརྗོད་པ་ཡིན་ལ། བྱང་ཆུབ་སེམས་དཔའ་རྣམས་ནི་བདག་མེད་པ་དེ་ལ་སྦྱོར ་བ་ནི་ལྡན་པ་སྟེ། ཡོངས་སུ་འདྲིས་པ་ཡིན་གྱི་མངོན་དུ་བྱེད་པ་ནི་མ་ཡིན་ཏེ། སངས་རྒྱས་ཀྱི་ཆོས་རྣམས་མ་ཐོབ་པར་བར་མ་དོར་མྱ་ངན་ལས་འདས་པར་འགྱུར་བར་ཐལ་བའི་ཕྱིར་རོ། །དེ་འདིས་ཁྱབ་འཇུག་གི་འཇིག་རྟེན་ལ་སོགས་པར་འགྲོ་བས་གྲོལ་བར་འགྱུར་བ ་ཡིན་ཞེས་བྱ་བ་གསལ་བར་བསྟན་པ་ནི། ཐམས་ཅད་དུ་བདག་མེད་པ་མཐོང་བ་ལས་ཞེས་བྱ་བའོ། །གང་གི་ཚེ་བདག་མཐོང་བ་ཅན་ལ་བདེ་བ་ནི་སྐྱེས་བུའི་དོན་ཡིན་ལ། བདེ་བ་ཐོབ་ན་བྱ་བ་བྱས་པར་འགྱུར་བ་ཡིན་པར་ལྟ་ན་བདེ་བའི་འདུ་ཤེས་ལ་ཉེ་བར་གནས་པ ་ནི་ཆགས་པར་བྱ་བ་འམ། ཁྲོ་བར་བྱ་བའི་ཀུན་ཏུ་རྟོག་པར་གྱུར་ནས་འཁོར་བར་ཀུན་ཏུ་རྒྱུག་པར་བྱེད་ཀྱི་ལྡོག་པར་མི་བྱེད་དོ། །དེའི་ཚེ་འདི་དྲང་སྲོང་རྣམས་ཀྱིས་སྐྱེ་བ་ནི་སྡུག་བསྔལ་ཁོ་ན་ཡིན་ནོ་ཞེས་སྡུག་བསྔལ་བསྒོམ་པ་ལས་སད་པ་ཡིན་ན་ཡོངས་སུ ་ཚོལ་བའི་སྐྱོན་རྣམས་རིག་པར་བྱེད་པ་ཡིན་ལ། འདི་གང་ཡོངས་སུ་ཚོལ་བར་བྱེད་པ་སྟེ་དགྲ་མང་པོ་ཅན་ནི་རྙེད་ན་ཡང་ཉུང་བ་ཡིན་ལ། དེའི་རྒྱུ་མཚན་ལས་ཀྱང་ལུས་དང་ཡིད་ལ་ཡལ་ག་མང་པོ་ཅན་གྱི་གདུངས་པ་སྐྱེ་བར་ཤེས་ན་ཆགས་པར་མི་བྱེད་ཅིང། ཡང ་སྲིད་ཀྱི་རྒྱུ་འཁོར་བ་རྣམས་སོགས་པར་མི་བྱེད་དོ། །དེས་ན་སྡུག་བསྔལ་ཐམས་ཅད་ལས་གྲོལ་བར་འགྱུར་བའི་ཕྱིར་དང། བདག་ཏུ་ཡང་ཡོད་པའི་ཕྱིར་སུ་ཞིག་བདག་མེད་པ་མཐོང་བའི་རྣམ་པར་གྲོལ་བར་འགྱུར་ཏེ། མི་སྲིད་པ་ཁོ་ན་ཡིན་ནོ་སྙམ་དུ་སེམས ་པ་ནི། ཕྱིར་མི་ལྡོག་པ་དེ་གང་ཞེ་ན། ཞེས་བྱ་བའོ། །དེ་ལ་རེ་ཞིག་བདག་ཏུ་ལྟ་བ་ཡིན་ན་སྡུག་བསྔལ་བསྒོམས་པས་ཉེས་པས་དང་ལས་མེད་པ་མི་སྲིད་པ་ཡིན་ཏེ། སྡུག་བསྔལ་གྱི་འདུ་ཤེས་མེད་པའི་ཕྱིར་རོ་ཞེས་བསྟན་པ་ནི། སླར་ཡང་ལྡོག་ཅེས་དེ་ཤད ་པ་ཡིན་ཞེས་བྱ་བ་སྟེ། སླར་ཡང་མི་ལྡོག་པའི་རྒྱུ་ནི་བདག་ཏུ་ལྟ་བ་བཅོམ་པ་ལས་ལྡོག་པའི་བདག་ཏུ་ལྟ་བ་ཡོད་པ་ཐོབ་པ་ཡིན་ལ། དེའི་ཕྱིར་བདག་ཏུ་ལྟ་བའི་ས་བོན་ཡོད་པ་ན་འམ། ལུས་ལ་སོགས་པ་ལ་བདག་གིར་ལྟ་བའི་ས་བོན་ཡོད་ན་འདི་ཆགས་པའི་སྙིང་པོ ་ཅན་ཡིན་པའི་ཕྱིར། སྡུག་བསྔལ་གྱི་འདུ་ཤེས་ཉིད་འདོར་བའི་ཡན་ལག་ལ་འཇུག་པར་མི་འགྱུར་ཏེ། སྡུག་བསྔལ་ལྟ་བུར་རོ། །ལུས་ལ་སོགས་པ་ལ་ཡང་སྡུག་བསྔལ་མང་བས་བདག་གི་བ་ཉིད་ཀྱང་འདོར་བའི་སེམས་སུ་འགྱུར་རོ་ཞེ་ན། དེའི་རྒྱུ་ཡོད་པ་ཡིན་ན ་དེ་ཉིད་འདི་ལ་སྔར་བ་ཡིན་ཞིང། དེ་ལས་བཟློག་པ་ལ་ཆགས་པ་ཡིན་པའི་ཕྱིར་དེ་ལས་བྱུང་བའི་ལས་ནི་སྐྱེ་རྒྱུ་ཡིན་པའི་ཕྱིར་སྐྱེ་བ་ཡིན་པར་བརྗོད་དོ། །དེའི་ཕྱིར་བདག་གི་ལ་སོགས་པར་ལྟ་བ་ཆགས་པའི་སྙིང་པོ་ཅན་ཡིན་པའི་ཕྱིར། ཕན་བྱེད་པ་ལ་བལྟོས་ནས ་ཆགས་པར་བྱ་བའི་ཀུན་ཏུ་རྟོག་པ་ཡིན་ལ། གནོད་པར་བྱེད་པ་ལ་བལྟོས་ནས་ནི་སྡང་བར་བྱ་བ་ཡིན་ནོ། །དེའི་ཕྱིར་ཆགས་པར་བྱ་བའི་ཀུན་ཏུ་རྟོག་པ་རྣམས་དང། སྡང་བར་བྱ་བ་རྣམས་ཀྱང་བརྫུན་པར་རྟོགས་པའི་ངོ་བོ་ཡིན་པའི་ཕྱིར་བདག་ཏུ་ལྟ་བ་ནི་གཏི་མུག ་ཡིན་ནོ། །དེ་དག་ཀྱང་དེ་མཐོང་བ་ཉིད་ཁོ་ན་བདེ་བ་དང་སྡུག་བསྔལ་བསྒོམ་པས་རྟོགས་པ་ཡིན་ཞེས་གཉི་ག་མི་འཐད་པའི་ཕྱིར་རྒོལ་བ་དེ་ནི་གྱི་ནའོ། །དེ་ལྟ་ན་དེ་ཅིའི་ཕྱིར་སྤངས་པ་ཡིན་ཞེས་བསྟན་པ་ནི། བདག་ལྟའི་ས་བོན་སྤངས་པའི་ཕྱིར་ཞེས་བྱ་བ་སྟེ། བདག ་ཏུ་ལྟ་བ་ལ་སོགས་པའི་སྙིང་པོ་ཅན་གྱི་རྟོག་པ་རྣམས་བཅོམ་པ་ནི་ཡང་འབྱུང་བ་མ་ཡིན་ཏེ། ས་བོན་མེད་པའི་ཕྱིར་རོ་ཞེས་བྱ་བའི་དོན་ཏོ། །སྐྱེ་དང་ཞེས་བྱ་བ་ནི་ལས་སོ། །སྐྱོན་མེད་པའི་གནས་སྐབས་དང་ཡང་སྐྱེ་བ་མེད་པའི་ཕྱིར་ཞེས་བྱ་བར་སྦྱར་རོ། །དེ་ཡང ་བྱང་ཆུབ་སེམས་དཔའ་རྣམས་ལ་དགེ་བའི་ལས་དང་སྐྱེ་བ་དག་ཡོད་པའི་ཕྱིར་རོ། །ཉན་ཐོས་རྣམས་ལ་ནི་དེ་མེད་པའི་ཕྱིར། སྐྱེ་བ་མེད་པ་ཡིན་ནོ། །སོ་སོའི་སྐྱེ་བོ་རྣམས་ལ་ནི་དེ་གཉི་ག་མེད་པའི་ཕྱིར་ཉེས་པ་དང་སྐྱེ་བ་ཡོད་པ་ཡིན་པར་བསྟན་པ་ནི། ཉེས ་པ་དང་ཞེས་བྱ་བའོ། །དེ་ཡང་ཉེ་བ་མེད་པའི་གནས་སྐབས་ཅི་ལས་བྱུང་བ་ཡིན་ཞེ་ན། དེས་ན་ཞེས་བྱ་བ་སྨོས་སོ། །གནས་སྐབས་གཉིས་པའི་རྒྱུ་བསྟན་པ་ནི། སྐྱེ་བ་ཡང་ཞེས་བྱ་བའོ། །བདག་དང་བདག་གི་བདག་ནི་རང་གི་ངོ་བོས་མཐོང་བ་འདོད་ཆགས ་ལ་སོགས་པའི་རྒྱུ་མ་ཡིན་པ་མ་ཡིན་ནམ། འོ་ན་ཅི་ཞེ་ན། བདེ་བ་བསྒྲུབ་པ་ལ་སོགས་པའི་ཤེས་པ་ཉིད་ཀྱིས་ཆགས་པའི་ཡུལ་ཉིད་ཀྱིས་སམ། ཆགས་པའི་སྙིང་པོ་ཅན་ཉིད་ཀྱིས་ཡིན་ནོ། །དེའི་ཕྱིར་དེ་ཉིད་འདིའི་སྤང་བྱ་ཡིན་གྱི་རང་གི་ངོ་བོ་ནི་མ་ཡིན་ནོ་སྙམ ་དུ་སེམས་པ་ལ་བསྟན་པ་ནི། བདག་ཏུ་ལྟ་བ་མེད་པའི་ཕྱིར་ལྡོག་པས་སོ། །གཞན་ཅི་ལས་ཉོན་མོངས་པ་ཡོད་པ་ཡིན། བདག་ལ་སོགས་པར་ལྟ་བ་ཁོ་ན་ཆགས་པའི་ངོ་བོ་ཡིན་ཞེས་བྱ་བའི་དོན་ཏོ། །བདག་ཏུ་ལྟ་བའི་ངོ་བོའི་ཆགས་པ་དང་ཕན་འདོགས་པ ་དྲན་པ་ཡིན་ན་ཆགས་པར་བྱ་བའི་རྟོག་པས་འདོད་ཆགས་ཡིན། དེ་བཞིན་དུ་གཞན་དྲན་པ་ཡིན་ན་འཁྲུགས་པའི་རྟོག་པས་ཞེ་སྡང་ཡིན་ནོ། །བདག་ཏུ་ལྟ་བའི་ཆགས་པ་ཕན་བྱེད་པ་དང། གཅིག་བལྟོས་པའི་ངོ་བོ་ཡོད་ན་དེ་ལ་བལྟོས་པ་ཉིད་ཁོ་ན་གཞོམ ་པར་མི་ནུས་སོ། །ནུས་ན་ཡང་རང་གི་ངོ་བོ་འཇོམས་པར་ཐལ་བར་འགྱུར་རོ། །དེ་དེ་ལས་ཐ་དད་པར་འགྱུར་ཡང་བྱང་གྲོལ་འདོད་པའི་དོན་གང་ཡིན་པ་རྒྱས་པར་བྱེད་པ་ཡིན། སྔོན་པོ་ལ་སོགས་པའི་རང་གི་ངོ་བོ་ནི་ཐ་དད་པ་ཅན་ཉིད་ཁོ་ན་མ་དོགས་པ་དང ་ལྡན་པ་མ་ཡིན་ལ། དེ་ནི་བདག་གོ་ཞེས་བྱས་ནས་ཚོལ་བའི་སྡུག་བསྔལ་ཡིན་ལ། དེ་ནི་མེད་པ་ཁོ་ན་ལ་བལྟོས་པ་ཡིན་གྱི་ཡོད་པ་ནི་མ་ཡིན་ནོ། །འདིས་ནི་བདག་ནི་འདི་རྣམས་ཀྱིའོ། །འདི་རྣམས་ནི་བདག་གིའོ་ཞེས་འབྲེལ་པའི་བློའི་བརྒྱུ་མཚན་གྱི ་དེའི་ངོ་བོ་ནི་མ་ཡིན་ནོ་ཞེས་བྱ་བ་བསལ་བ་ཡིན་ནོ། །བདག་མེད་པ་དང་བདག་ཏུ་ལྟ་བ་དག་མཚུངས་པ་ཉིད་སྟོབས་མཚུངས་པ་འགལ་བར་རྣམ་པར་རྟོག་པ་ཡིན་ནོ་སྙམ་དུ་སེམས་པ་ནི། གལ་ཏེ་བདག་མེད་པ་མཐོང་བ་ཞེས་བྱ་བའོ། །བདེན་པ་དང་བདེན་པ་མ ་ཡིན་པའི་ཡུལ་ཉིད་ཀྱིས་སྟོབས་མཚུངས་པ་མ་ཡིན་པར་བསྟན་པ་ནི། དེ་བ་དེན་ཞེས་བྱ་བ་སྟེ། ཕྱིན་ཕྱི་ལོག་ཏུ་གྱུར་པ་ཞེས་བྱ་བ་ནི་འགལ་བ་ཅན་ཡིན་པའི་ཕྱིར་རོ། །དེ་ལས་བཟློག་པ་ཡིན་པའི་ཕྱིར་ཞེས་བྱ་བ་ནི་བདེན་པར་ཡོད་པ་དང་འགལ་བ་ཅན་ཉིད་མེད་པའི་ཕྱིར ་རོ། །དེ་ལྟར་བདེན་པ་དང་ཐ་དད་པའི་སྒྲ་དག་བཤད་ནས། བདག་ཉིད་ཀྱི་སྒྲ་བཤད་པ་ནི། ཐ་དད་པའི་བདག་ཉིད་ཀྱང་ཞེས་བྱ་བ་སྟེ། བསྡུ་བར་བྱས་པ་ཡིན་པའི་ཕྱིར་ཐ་དད་པའི་སྒྲ་དང་ལྷན་ཅིག་བར་རྗེས་སུ་བརྗོད་པ་ཡིན་ནོ། །རང་བཞིན་བརྗོད་པར་བྱེད་པ་འདི་ནི་གཏན ་ཚིགས་ཀྱི་ཚིག་ཀྱང་ཡིན་ནོ། །བདག་མེད་པར་ལྟ་བ་ནི་བདེན་པ་དང་འགལ་བ་ཅན་ཡིན་ཏེ། ཅི་ལས་ཤེ་ན། རང་ཡུལ་ཡིན་པའི་ཕྱིར་རོ། །གང་གི་ཚེ་ཚད་མ་དང་ལྷན་ཅིག་པ་ཡིན་པའི་ཕྱིར་བདེན་པ་དང་འགལ་བ་ཅན་མ་ཡིན་ཏེ། ཅི་ལས་ཤེ་ན། རང་ཡུལ་ཡིན་པའི་ཕྱིར་རོ།། ་གང་གི་ཚེ་ཚད་མ་དང་ལྷན་ཅིག་པ་ཡིན་པའི་ཕྱིར་བདེན་པ་འགལ་བ་ཅན་ཡིན་ནོ་ཞེས་རྟོགས་པ་དེའི་ཚེ་བདག་ཉིད་ཀྱི་སྒྲ་ནི་རང་བཞིན་བརྗོད་པར་བྱེད་པ་ཡིན་པའི་ཕྱིར། གཙང་སྒྲ་ཅན་ཐོད་པ་ཅན་དུ་གྱུར་པའི་རང་བཞིན་དུ་འབད་པས་ལྡོག་བྱ་ཉིད་ཡིན་ཞེས་ཟེར་བ་ནི། གཏན ་ཚིགས་ཀྱི་ཉིད་མེད་པ་ལ་ལྟ་བར་བྱའོ། །དེའི་ཚེ་ཡང་དངོས་པོའི་ངོ་བོར་བརྗོད་བྱེད་ཡིན་ནོ། །ཕྱིར་ལྡོག་པ་མེད་པའི་ཕྱིར་རོ་ཞེས་བྱ་བ་ནི་ཕྱིར་ལྡོག་པ་མེད་པས་སོ། །ནད་མེད་པ་ནི་ཉོན་མོངས་པ་མེད་པ་སྟེ། ཡོངས་སུ་བཟུང་བ་མེད་པ་ནི་འཁོར་བའི་སྡུག་བསྔལ་གྱིས་གདུངས ་པ་མེད་པའི་ཕྱིར་རོ། །ལམ་བཤད་པ་ལ་མི་གསལ་བ་ནི་འབྲས་བུ་འམ་རྒྱུ་ཡང་རུང་རྣམ་པ་ཐམས་ཅད་པའི་ལམ་བསྟན་པ་ལ་མི་གསལ་བར་མཚོན་པར་བྱེད་པར་བསྟན་པ་ནི། ངེས་པའི་ཚིག་ལ་མི་གསལ་བ་ཞེས་བྱ་བ་ནི་གཙོ་བོ་ཉིད་ཀྱང་ངོ། །བདག་མེད་པས་མ ་སྤངས་པ་ལ་ཞེས་བྱ་བ་ནི་འཕགས་པ་ཉན་ཐོས་ལ་སོགས་པ་ལ་ནི་བདག་མེད་པ་འགལ་བ་ཅན་མ་ཡིན་ལ། ལམ་གཞན་ཡོད་པ་མ་ཡིན་ནོ་ཞེས་བྱ་བ་ནི་ཡོན་ཏན་གསུམ་པ་མེད་པའི་ཕྱིར་རོ་ཞེས་བྱ་བའི་དོན་ཏོ། །ཇི་སྲིད་སྨྲ་བ་ཞེས་བྱ་བ་ནི་སྨྲ་བ་པོ་ཉིད་དོ། ། ་ཉེས་པ་དང་ལྡན་པ་ཉིད་ཀྱིས་འུ་བུ་ཅག་ལ་སོགས་པ་རྣམས་ལ་ཁྱབ་པ་ཡིན་ཏེ། འདོད་ཆགས་དང་བྲལ་བ་མ་མཐོང་བ་ཡིན་ལ་མ་མཐོང་བ་དེ་ལ་འདོད་པ་མེད་པའི་ཕྱིར་རོ། །ཡང་ན་སྨྲ་བ་ནི་འབྲས་བུ་དང་རྒྱུའི་རྣམ་པར་རྟོག་པའི་གོ་བྱེད་ཡིན་ཞེས་ཟེར ་བ་ནི། སྨྲ་བ་ནི་ཞེས་བྱ་བ་སྟེ། རྣམ་པར་རྟོག་པ་ནི་རང་གི་རྣམ་པ་ལ་དོན་དུ་ཞེན་པའི་འཁྲུལ་པ་ཡིན་ཏེ། དེ་མ་ཡིན་པ་ལ་དེར་ཞེན་པའི་ཕྱིར་རོ། །གལ་ཏེ་ཡང་ལུས་པ་ནི་ལམ་ཙམ་ལས་མཉམས་པ་ཡིན་ལ། དེ་ལ་ཡོད་པའི་ཁྱད་པར་གྱི་རྣམ་པ་མཐོང་བ་ཁོ་ན་ལས ་འདི་ནི་ལམ་གཞན་ལ་སྦྱོར་བར་བྱེད་པ་མ་ཡིན་ནོ་ཞེས་ཟེར་བ་ནི་འདི་ལ་ལྷག་མ་ཡོད་པ་མ་ཡིན་པས་མ་ལུས་པར་རོ། །གོམས་ཕྱིར་ནི་ཞེས་བྱ་བ་ནི་ཁྱད་པར་གྱི་རྣམ་པའི་ཡུལ་ལས་སོ། །ཐེ་ཚོམ་ཟ་བ་ཞེས་བྱ་བ་ནི་མི་འགལ་བའི་བསྒྲུབ་པ་ལས་ལྡོག་པ་མ་གྲུབ་པའི ་ཕྱིར་རོ། །རྣམ་པར་རྟོག་པ་སྒྲུབ་པ་ལས་ང་ཞེས་བྱ་བ་ནི་དེ་མེད་ཀྱང་ཤིན་ཏུ་གོས་པ་ཡིན་ན་ཚིག་རེ་རེ་དང་རེ་རེ་བརྗོད་པར་བྱེད་པ་རྣམས་ལ་རྣམ་པར་རྟོག་པ་མེད་ཀྱང་སྨྲ་བར་མཐོང་བའི་ཕྱིར་མི་ཤེས་ཀྱང་དེ་རྣམས་ཡོད་པ་ནི་མ་ཡིན་ཏེ། རང་རིག་པར་བྱ་བ ་ཉིད་ཀྱིས་རྣམ་པར་རྟོག་པ་གཞན་མེད་པ་རྣམས་ཀྱིས་རྣམ་པར་རྟོག་པ་གཞན་མེད་པའི་ཕྱིར་རོ། །འཕེན་པ་སྟེ་གོམས་པའི་ཤུགས་ཀྱིས་གདུལ་བྱ་དེའི་བསམ་པ་ཅན་ལ་དེའི་ལམ་དངོས་སུ་མཐོང་བ་ཁོ་ན་ལས་རྣལ་འབྱོར་བའི་ཚིག་འཇུག་པ་ཡིན་ནོ།། ་ཇི་ལྟར་འུ་བུ་ཅག་ལ་སོགས་པས་ཀ་བ་ལ་སོགས་པ་མཐོང་བ་ན་འདི་ཀ་བའོ་ཞེས་བྱ་བའོ། །བཤད་ཟིན་ཞེས་བྱ་བ་ནི་རྟོག་པ་འདི་རྣམས་སོ་སོར་མ་རིག་པ་ཁོ་ན་སྐྱེ་བའམ་ཞིག་པ་ཡང་མ་ཡིན་ནོ་ཞེས་གསུངས་པ་ཡིན་ཏེ། དེའི་ཚེ་རྣམ་རྟོག་ནི་མ་ཡིན་ནོ་ཞེས ་བྱ་བའི་དོན་ཏོ། །དོན་གང་བློ་ལ་རབ་གསལ་བ། །སྒྲ་ནི་དེ་ལ་ཚད་མ་ཉིད། །དོན་གྱི་དེ་ཉིད་རྒྱུ་ཅན་མིན། ཞེས་བྱ་བ་ལ་སོགས་པ་ནི་རྣམ་པའི་རྣམ་ཤེས་ལ་དོན་གང་གསལ་བ་ནི་སྨྲ་བ་པོའི་བློའི་ཡུལ་ལ་དོན་དེ་ལྟར་ཡིན་པའི་ཕྱིར། སྐྱོན་མེད་པར་བསྟན་པའི་ཕྱིར ་སྐྱོན་མེད་པར་བསྟན་པ་ནི་འདིར་ནི་ཤེས་པ་མི་གསལ་བར་ཞེས་བྱ་བའོ། །དེ་ལྟར་རྗེས་སུ་དཔག་པ་བཞིན་དུ་མངོན་སུམ་གྱིས་ཀྱང་གཞན་གྱི་ཐོབ་པར་བསྟན་པ་ནི། མངོན་སུམ་གྱིས་མཐོང་བ་ཞེས་བྱ་བ་སྟེ། །ཚུལ་གསུམ ་པའི་རྟགས་སུ་བསྟན་པ་ནི་གཞན་གྱི་དོན་གྱི་རྗེས་སུ་དཔག་པ་མངོན་སུམ་པ་མ་ཡིན་པ་ལ་ཡིན་གྱི་བུམ་པ་ལ་ནི་མ་ཡིན་ནོ། །དེ་ལྟ་ཡིན་ན་ཇི་ལྟར་རྗེས་སུ་དཔག་པ་ཡིན། རྟགས་བཞིན་དུ་གཞན་གྱི་རྗེས་སུ་དཔག་པར་བྱ་བའི་ཤེས་པ་བསྐྱེད་པར་བྱེད་པའི ་ཕྱིར་རོ། །དེ་ལྟ་ཡིན་ན་དེའི་དེ་རང་དོན་ཁོ་ན་ཡིན་ནོ། །དེ་ལྟ་ཡིན་ན་ཡང་སྨྲ་བའི་དེ་དེ་ལྟ་ཡིན་པའི་ཕྱིར་དེ་ལྟར་བརྗོད་དོ། །གཞན་དུ་རྗེས་སུ་དཔག་པར་བྱ་བའི་ཚིག་རྗེས་སུ་དཔག་པར་འགྱུར་རོ། །གལ་ཏེ་མངོན་སུམ་གྱི་ཡུལ་གྱི་ཤེས་པ་བསྐྱེད་པར་བྱེད་པའི་ཕྱིར། ་མངོན་སུམ་ཡང་གཞན་གྱི་དོན་དུ་ཅིས་མི་འགྱུར། མ་ཡིན་ཏེ། དེ་དེ་ལ་འབྲེལ་པ་རང་བཞིན་ཅན་མ་ཡིན་པ་ཉིད་ཀྱི་ཚད་མ་ཉིད་མ་ཡིན་པའི་ཕྱིར་དང། དོན་རྟོགས་པ་ལ་བརྡ་ཅན་ཡིན་པའི་ཕྱིར་རོ། །ཇི་ལྟར་ཡང་ཚུལ་གསུམ་པར་བསྟན་ན་དེ་རིག་པ་པོ་ལ་རྗེས ་སུ་དཔག་པར་བྱ་བའི་ཤེས་པའི་རྒྱུ་ཉིད་ན་བ་ཉིད་ཀྱི་རྗེས་སུ་དཔག་པར་ཉེ་བར་གདམས་སུ་རུང་བའི་ཕྱིར་སྒྲ་ཚད་མ་ཡིན་ནོ། །གཞན་དུ་ནི་མ་ཡིན་ནོ་ཞེ་ན་བསྟན་པར་འདོད་ནས་དེ་ལྟར་ཐ་སྙད་འདོགས་པ་ཡིན་ཏེ། ནུས་པ་མཚོན་པར་བྱེད་པའི་རྒྱུ་ཚིག་ནི་ཞེས ་གསུངས་པའི་ཕྱིར། དེ་ལྟར་རྣམ་པར་རྟོག་པ་མེད་པའི་ཚིག་ཡོད་པ་མིན་ན་རྣམ་པར་ངེས་པ་མེད་པའི་ཕྱིར་སྨྲ་བ་པོ་ཉིད་མ་ངེས་པ་ཡིན་ནོ། །འདོད་ཆགས་ལ་སོགས་པ་དང་ལྡན་པ་ཉིད་དུ་ནི་འགལ་བ་མེད་པར་སྒྲུབ་པའི་ཕྱིར། ལྡོག་པ་ལ་ཐེ་ཚོམ་ཟ་བ་ཡིན ་པར་ཉེ་བར་བསྡུ་བ་ནི། དེ་ཕྱིར་སྒྲ་ཡང་ཞེས་བྱ་བའོ། །ལུས་ལ་འམ་གཟུགས་ལ་སོགས་པ་ལ་ཡང་བདག་ཅེས་བྱ་བ་དང། བདག་གི་ཞེས་བྱ་བ་ཡང་ཐུན་མོང་མ་ཡིན་པ་ཉིད་དུ་འཛིན་པ་ཡིན་ལ། བདག་དང་བདག་གིར་ལྟ་བ་ནི་ཉོན་མོངས་པའི་རྒྱུ་མ ་ཡིན་པ་མ་ཡིན་ནམ། འོན་ཀྱང་གཙོ་བོ་དང་ཅིག་ཤོས་སྒྲུབ་པར་བྱེད་པ་ཉིད་དུ་འཛིན་པ་ཡིན་ནོ། །དྲན་པ་ཡང་བདག་ལ་སོགས་པར་ལྟ་བ་སྤངས་པ་ཡིན་ཡང། ཉོན་མོངས་པའི་རྒྱུན་ལ་ནི་ཐོག་མ་མེད་པའི་རྒྱུ་ཡོད་པའི་ཕྱིར། སེམས་ཀྱི་རྒྱུན ་ལས་ཉམས་པ་མ་ཡིན་ནོ། །དེའི་ཕྱིར་མི་མཐུན་པའི་ཕྱོགས་མེད་པས་འདོད་ཆགས་ལ་སོགས་པ་ལ་སྨྲ་བ་པོར་ལྡོག་པ་ལ་ཐེ་ཚོམ་ཟེར་བ་མ་ཡིན་ནོ། །ཡོད་པ་ལ་མི་རྟག་པ་ཉིད་ལྟ་བུའོ་སྙམ་དུ་སེམས་པ་ནི། གལ་ཏེ་གཞན་ལས་ཞེས་བྱ་བ་སྟེ། བདེ་བ་ལ་སོགས ་པ་སྒྲུབ་པར་བྱེད་པ་ཉིད་འཛིན་པ་དང། དྲན་པའི་རྒྱུ་ལས་ཉེས་པ་རྣམས་ཟད་པ་མ་ཡིན་ལ། དེའི་ཕྱིར་མེད་པ་སྒྲུབ་པ་མ་ཡིན་ནོ། །འོན་ཏེ་བདག་ལ་སོགས་པར་ལྟ་བ་སྤངས་པ་ལ་ནི་ཉོན་མོངས་པའི་རྒྱུ་མཐོང་བ་མ་ཡིན་སྙམ་ན་ཡང། མ་ཡིན་ཏེ། དེ་མི་དམིགས་པ་ནི ་འདོད་ཆགས་མེད་པ་ལས་མ་དམིགས་པ་བཞིན་དུ་རུང་བ་མ་ཡིན་པའི་ཡུལ་ཅན་ལ་ནི་མེད་པ་སྒྲུབ་པར་བྱེད་པ་མ་ཡིན་ནོ་ཞེས་ཟེར་བ་ནི། ཉེས་པ་ཟད་པ་མེད་པ་ཞེས་བྱ་བའོ། །བདེ་བ་ལ་སོགས་པ་སྒྲུབ་པར་བྱེད་པ་ཉིད་ཀྱི་ཤེས་པ་བདག་དང་འབྲེལ་པ་མེད་པས ་འདོད་ཆགས་ལ་སོགས་པའི་རྒྱུ་མ་ཡིན་ཏེ། ཐལ་ཆེས་པའི་ཕྱིར་རོ་ཞེས་བསྟན་པ་ནི། མ་མཐོང་བ་ཇི་ལྟར་ཞེས་བྱ་བའོ། །དེ་ལྟ་ཡིན་ན་ཞིག་པ་ཉིད་དུ་ཇི་ལྟར་རྟོག་ཅེ་ན། སྐྱོན་རྣམས་མི་ཐད་པ་ཉིད་ཅེས་བྱ་བ་སྨོས་ཏེ། གང་ལས་བསྒྲུབ་བྱ་ལ་སྦྱོར་བར ་བྱེད་པ་རྟོགས་པ་ཡིན་གྱི་སྦྱོར་བར་མི་བྱེད་པ་ལ་ནི་མ་ཡིན་ལ། དེ་ཡང་འཇིགས་པ་མེད་ན་རྟོག་པ་ཉིད་ཡིན་ན། མི་རྟག་པ་ལ་ཡང་རྒྱུན་དང་ལྡན་པ་ལ་སེམས་བཞིན་དུ་རྒྱུད་གཅོད་པར་བྱེད་པའི་ཐབས་མེད་པ་ཡིན་ལ། ཡོད་ཀྱང་སོ་སོའི་སྐྱེ་བོ ་བཞིན་དུ་ཡོངས་སུ་མི་ཤེས་པ་ཡིན་ནོ། །འོན་ཀྱང་རྒྱུ་ཞེས་བྱ་བ་སྦྱོར་བར་བྱེད་པའོ། །རྟག་པ་ཉིད་མ་གྲུབ་པ་ཡིན་ཏེ། འདོད་ཆགས་ལ་སོགས་པ་སྐྱེ་བ་དང་ལྡན་པ་ལ་སོགས་པའི་གཏན་ཚིགས་ཀྱིས་རྣམ་པར་བཅད་པའི་ཕྱིར། མི་མཐུན་པར་ཕྱོགས ་མ་བཅད་པ་ནི་སྒྲུབ་བྱེད་མ་ཡིན་པའི་ཕྱིར་ཞེས་བསྟན་པ་ནི། རྒྱུ་ཡོད་ཕྱིར་དང་ཞེས་བྱ་བའོ། །རྒྱུ་མ་ཚང་བ་མེད་པའི་ཕྱིར། ཡོད་ཀྱང་སྲང་བ་བཞིན་དུ་རྒྱུ་ལ་མི་མཐུན་པའི་ཕྱོགས་ཡོད་ན་རྩ་བ་དང་བཅས་པ་ཆད་པར་འགྱུར་པར་བསྟན་པ་ནི། གཉེན་པོ་ཞེས ་བྱ་བ་སྟེ། གཉེན་པོ་ཡང་རྒྱུའི་ངོ་བོ་ཤེས་ན་དེ་དང་འགལ་བ་ཅན་དུ་མཁས་པས་ཤེས་པ་ཁོ་ན་ཡིན་པར་བསྟན་པ་ནི། རྒྱུའི་རང་བཞིན་ཞེས་བྱ་བའོ། །འགྲེལ་པར་ནི་རྒྱུ་ཡོད་པ་ནི་རྒྱུ་དང་ལྡན་པ་ཉིད་དུ་བཞེད་དེ་རྒྱུ་དང་ལྡན་པ་ཞེས་བྱ་བའོ། །ཕྱི་རོལ་ནི་མར ་ཁུ་ལ་སོགས་པའོ། །ཕྱི་རོལ་གྱི་རླུང་ལ་སོགས་པའོ། །ནུས་མཐུ་ལ་སོགས་པའི་ཁྱད་པར་མེད་པ་ནི་སྨན་གྱི་རྫས་རྣམས་ཉེ་བར་འཇོམས་པའི་ཕྱིར་རོ། །བདག་མེད་པར་ལྟ་བ་ནི་ཞེས་བྱ་བ་ནི་ཡུལ་ལྷན་ཅིག་བྱེད་པ་ཅན་ཉིད་ཀྱི་ཕྱིར་འཇོམས་པ་མ་ཡིན ་ནོ། །ལོག་པར་རྟོག་པ་མེད་པ་ཉིད་ནི་བདག་མེད་པའི་ཡུལ་ལ་སོགས་པ་དང། ཐུན་མོང་མ་ཡིན་པའི་གཟུགས་ལ་སོགས་པ་ཡང་བདག་དང་བདག་གི་ཞེས་བྱ་བའི་བདག་ཏཱུམ། ཐུན་མོང་མ་ཡིན་པར་འཛིན་པར་བྱེད་ན་དེ་ཆད་པ་ལ་བདག་ཆད་པར་སེམས ་པར་བྱེད་པ་ནི་མི་འཆད་པར་སྲེད་པ་དང་མ་བྲལ་བ་ཡང་དང་ཡང་དུ་དེ་ཉེ་བར་ལེན་པས་རྣམ་པར་བཅོམ་པར་འགྱུར་རོ་ཞེས་བྱ་བ་ལ་སོགས་པར་ནི་ཕ་རོལ་པས་ཀྱང་ཁས་བླངས་པ་ཁོ་ན་ཡིན་ནོ། །བདེ་བར་གཤེགས་པ་བཅོམ་ལྡན་འདས་ནི་སྐྱེ་བ་གཞན་བཞིན ་ཚད་མ་ཡིན་གྱི། བདག་ཅག་རིག་བྱེད་འདོན་པ་རྣམས་ཀྱི་ནི་མ་ཡིན་ཏེ། གང་གི་ཕྱིར་གཞན་ལ་ཚད་མ་མ་ཡིན་ཏེ། ཉེ་བར་སྟོན་པར་མི་བྱེད་པའི་ཕྱིར་རོ། །རིག་བྱེད་ནི་དེ་དང་ལྡན་པའི་མིག་ལ་སོགས་པ་ཁོ་ན་ལྟ་བུ་ཡིན་གྱི་བཅོམ་ལྡན་འདས་ནི་མ་ཡིན་ཏེ། ཐ ་དད་པའི་ཕྱིར་རོ་སྙམ་དུ་སེམས་པ་ནི། གལ་ཏེ་ཡང་ཞེས་བྱ་བའོ། །འོན་ཏེ་གཞན་ཡང་ཚིག་གི་སྒོ་ནས་ཚད་མ་ཡིན་ན་ཡང། བདེན་ཏེ། ཕྱིན་ཅི་མ་ལོག་པར་སྨྲ་བ་ཡིན་ན་དེ་ལྟ་ཡིན་གྱི་བཅོམ་ལྡན་འདས་ནི་མ་ཡིན་ཏེ། རིག་བྱེད་ཚད་མས་གནོད་པའི་ཡུལ ་ཡིན་པའི་ཕྱིར་ཞེས་ཟེར་བ་ནི། ཚད་མ་ནི་ཕྱིན་ཅི་མ་ལོག་པ་ཞེས་བྱ་བ་སྟེ། ཐོག་མ་དང་ཐ་མ་མེད་པར་རྟོགས་ན་ཕྱིན་ཅི་ལོག་ལ་དགའ་བར་བྱེད་པ་མ་ཡིན་ནོ། །མ་ཡིན་ཏེ། རིག་བྱེད་ལ་ནི་སྐྱོབ་པ་མེད་པས་དོར་བའི་ཡན་ལག་ཡིན་པའི ་ཕྱིར། བཅོམ་ལྡན་འདས་ནི་དེ་ལས་བཟློག་པ་ཡིན་ནོ། །ཉ་ཕྱིས་ལ་དངུལ་གྱི་ཤེས་པ་ནི་ཟད་པ་ཁོ་ནའི་ཕྱིར་མི་འདོད་པར་ཐུགས་རྗེའི་དབང་གིས་ཞེས་བྱ་བ་སྟེ། བཅོམ་ལྡན་འདས་ནི་སྐྱོབ་པ་མངའ་བའི་ཕྱིར། ཕྱིན་ཅི་ལོག་ལ་གནོད་པར་བྱེད་པ་ཡིན་ཏེ། དེ་ལ་ཚད་མ ་མེད་པའི་ཕྱིར་རོ་ཞེས་བསྟན་པ་ནི། སྐྱོབ་པ་ཞེས་བྱ་བའོ། །དེ་རྣམ་པར་འཆད་པ་ནི། ཉིད་གཟིགས་ཞེས་བྱ་བ་སྟེ། མཐོང་བ་སྔོན་དུ་འགྲོ་བ་ཅན་ནི་རང་གི་ཚིག་མཐོང་བའི་ཕྱིར། བཅོམ་ལྡན་འདས་ཀྱི་དེ་ལྟར་འགྱུར་བ་ཡིན་ནོ། །གཞན་དུ་ཡང་བསླུ་བའི་བསམ་པ་མ་མཐོང ་བ་མ་ཡིན་ནམ། འབྲས་མེད་ཕྱིར་ཞེས་བྱ་བ་སྟེ། ཐོབ་པར་བྱ་བ་མ་ལུས་པ་བརྙེན་པ་ནི་གཞན་དུ་གསུངས་པ་ལ་དགོས་པ་མེད་དོ། །ཐོབ་པར་བྱ་བ་མ་ཐོབ་པའི་ཆེད་དུ་བདག་ཏུ་ལྟ་བ་ཅན་ནི་གཞན་དུས་ཡང་སྨྲ་བ་ཡིན་ཏེ། སྤངས་པ་ཕུན་སུམ་སོགས་པ་མེད་པའི་ཕྱིར ་ཞེས་བྱ་བའི་དོན་ཏོ། །ཐོབ་པར་བྱ་བ་ཐོབ་ཀྱང་འཕགས་པ་ཉན་ཐོས་བཞིན་དུ་དགོས་པ་མེད་པའི་ཕྱིར། ཉེ་བར་མི་སྟོན་པ་ཁོ་ན་མ་ཡིན་ནམ། མ་ཡིན་ཏེ། ཐུགས་རྗེ་དང་ལྡན་པའི་གཞན་གྱི་དོན་འབའ་ཞིག་ལ་འཇུག་པས་སྟོན་པར་མཛད་པ་ནི་ཐུགས་བརྩེར ་ལྡན་ཕྱིར་ཞེས་བྱ་བ་སྟེ། གཞན་གྱི་དོན་དུ་ནི་རང་ལ་དགོས་པ་མེད་ཀྱང་གཞན་གྱི་དོན་གྱི་དགོས་པ་ཚིག་གི་བྱེད་པ་གང་ལ་ཡིན་པ་ཞེས་བྱ་བ་ལ་ཁྱད་པར་གྱིས་གསུང་མ་ཡིན་ཞེས་བྱ་བར་སྦྱར་རོ། །ཐུགས་རྗེ་དང་ལྡན་པ་ཡང་དབང་པོ་ལས་འདས་པ ་ཤེས་པར་མི་ནུས་པ་མི་མཁྱེན་ན་རྨོངས་པས་སྟོན་པར་བྱེད་པར་རྟོགས་པ་མ་ཡིན་ནམ་ཞེ་ན། རྩོམ་ཀུན་ཡང་ཞེས་བྱ་བ་སྟེ། ཐམས་ཅད་མཁྱེན་པའི་དོན་དུ་རྩོམ་པ་ནི་རྩོམ་ཀུན་ནོ། །དེ་ལ་མངོན་པར་སྦྱོར་བ་ནི་གོམས་པ་ལས་སོ། །དེའི ་ཕྱིར་དྲན་པ་གོམས་པས་ཡིད་གསལ་བ་ཡིན་པའི་ཕྱིར། སྐྱེ་བ་སྟེ་མ་ལ་སོགས་པ་དྲན་པ་ཡིན་ན་ཆོས་དང་ཆོས་མ་ཡིན་པ་ཤེས་པ་དང། འབྲས་བུ་དང་རྒྱུའི་རང་གི་ངོ་བོའི་ཁྱད་པར་གྱི་དེ་ཉིད་ཤེས་པ་ཡིན་ན། ཁྱད་པར་མ་ལུས་པའི་རྣམ་པའི་རྗེས་སུ་དཔག ་པ་གོམས་པ་ཡིན་པའི་ཕྱིར་དབང་པོ་ལས་འདས་པར་མི་ནུས་པ་མ་ཡིན་ནོ་ཞེས་བྱ་བའི་དོན་ཏོ། །འབྲས་བུ་མེད་ཕྱིར་ཞེས་བྱ་བ་འདི་ཁོ་ནས་དགོས་པ་མེད་པ་བཞིན་དུ་དེས་དཔོག་པའི་རྒྱུ་མེད་པ་ཡིན་པར་ཡང་བསྟན་པ་ནི། རྒྱུ་མེད་པའི་ཕྱིར་ཞེས་བྱ་བའོ། ། ་ཐུགས་ནི་བརྩེ་བར་ལྡན་ཕྱིར་དང། རྩོམ་པ་ཀུན་ལ་སྦྱོར་བའི་ཕྱིར་ཞེས་བྱ་བ་དག་གིས་སྟོན་པའི་རྒྱུ་མཚན་བརྗོད་པ་ཡིན་པར་བསྟན་པ་ནི། ཐུགས་རྗེ་ལྡན་པའི་ཕྱིར་ཞེས་བྱ་བའོ། །འཕེན་པའི་ཤུགས་ལས་ཞེས་བྱ་བ་ནི་གོམས་པ་ཕུལ་དུ་བྱུང་བས་རྣམ ་པར་རྟོག་པ་མི་མངའ་བས་སྟོན་པ་ཡིན་པར་བརྗོད་དོ། །དེའི་ཕྱིར་དེ་ལྟར་བཅོམ་ལྡན་འདས་ནི་མི་བསླུ་བ་ཡིན་པའི་ཕྱིར། མངོན་སུམ་དང་རྗེས་སུ་དཔག་པ་བཞིན་དུ་ཚད་མ་ཡིན་པར་བསྟན་པ་ནི། དེས་ན་སྐྱོབ་པ་ནི་ཞེས་བྱ་བའོ། །སྟོན་པ་ནི་གསལ་བར ་མཛད་པ་ཡིན་ལ། དེ་འཕེན་པ་ལས་ཡོད་པའི་འབྲས་མེད་ཕྱིར་ཞེས་བྱ་བ་ལ་སོགས་པའི་ཁྱད་པར་རྣམ་པ་གསུམ་གྱིས་རྣམ་པར་དཔྱད་པར་བྱ་བ་མུ་སྟེགས་དང། འཕགས་པ་ཉན་ཐོས་དང་བྱང་ཆུབ་སེམས་དཔའ་རྣམས་ལ་རྣམ་གྲངས་ཇི་ལྟ་བ་བཞིན་དུ ་དོགས་པ་སྔོན་དུ་འགྲོ་བ་ཅན་དུ་བསྟན་པ་ནི། གལ་ཏེ་རང་གིས་ཞེས་བྱ་བའོ། །འདི་ཡང་དེ་ལྟ་བུའི་རྣམ་པ་ཅན་ཁོ་ནར་ཅིས་མི་འགྱུར་སྙམ་དུ་སེམས་པ་ནི། འོ་ན་འདི་ལ་ཡང་ཞེས་བྱ་བའོ། །དོན་གྱི་གཙོ་བོ་ལ་མི་བསླུ་བས་དེའི་ཤེས་པ་བཞིན་དུ་དེ་དང་མཚུངས ་པའི་བསྒོམ་པའི་ཚོགས་པ་ལས་བྱུང་བའི་རྣམ་པར་ཤེས་པ་གཞན་ནི་ཆོས་ལ་སོགས་པའི་ཡུལ་ཅན་དུ་རྟོགས་པ་ཡིན་ནོ། །དེའི་ཕྱིར་དེའི་རྣམ་པ་ཅན་གྱི་ཤེས་པ་དགག་པའི་རྒྱུ་དང་ལྡན་པར་བསྟན་པ་ནི། འདི་ལ་བཤད་ཟིན་ཏེ། དེ་ནི་བདག་མེད་པའི ་མཐོང་བ་འམ་ཞེས་བྱ་བའོ། །མི་བསླུ་བ་ཉིད་ཚད་མ་ཉིད་དུ་ཡོངས་སུ་གཅོད་པ་ཡིན་ན། །འདི་ཡོངས་སུ་གཅོད་པར་བྱེད་པ་ཡང་ཡོངས་སུ་ཤེས་པ་ཁོ་ན་ཡིན་ལ། དེ་ཡོངས་སུ་མ་ཤེས་ན་དེ་ཉིད་ཤེས་པར་མི་དུས་སོ་ཞེས་བསྟན་པ་ནི། བཅོམ་ལྡན ་འདས་ནི་ཞེས་བྱ་བའོ། །སྐྱོབ་པ་འམ་ཞེས་བྱ་བའི་རྣམ་གྲངས་གཞན་གྱིས་མི་བསླུ་བ་ཅན་ཉིད་ཁོ་ནར་བརྟག་པ་ཡིན་པར་བསྟན་པ་ནི། ཡང་ན་བདེན་པ་ཞེས་བྱ་བའོ། །ཆོས་དང་ཆོས་མ་ཡིན་པ་དང། བདེན་པ་བཞི་ལ་སོགས་པ་སྟོན་པ་ནི་ལྕི་བར་རྟོགས་པ ་ཡིན་པ་དེ་ལ་སྐྱོབ་པ་ཡིན་པར་བསྟན་པ་ཡིན་ལ། འདིར་ནི་ཚད་མར་འཐད་པ་བདེན་པ་ཙམ་ཡུལ་ཡིན་ནོ། །དེའི་ཕྱིར་ཕྱིན་ཅི་ལོག་དགག་པར་བྱ་བ་ལ་བལྟོས་བྱ་ཉུད་པ་ཡིན་པའི་ཕྱིར་རྟགས་པ་ཡང་བ་ཡིན་ནོ་ཞེས་བྱ་བ་ནི་ཁྱད་པར་རོ། རིགས་པའི་བསྟན ་བཅོས་ལ་སོགས་པ་གཞན་ལ་ཡང་བདག་ལ་འམ་ལུས་ལ་སོགས་པ་ལ་བདག་ཏུ་ལྟ་བ་དང། གཟུགས་ལ་སོགས་པ་ཐུན་མོང་བ་ལ་བདག་གིའོ་ཞེས་ཐུན་མོང་མ་ཡིན་པ་ཉིད་དུ་བདག་གིར་ལྟ་པ་ནི་སྡུག་བསྔལ་གྱི་རྒྱུ་ཡིན་ལ། དེ་ལས་བཟློག་པར ་མཐོང་བ་ནི་བྱང་གྲོལ་གྱི་ཡན་ལག་ཡིན་ཞེས་བྱ་བ་ལ་སོགས་པས་བསྟན་པ་ཁོ་ན་མ་ཡིན་ནམ། དེའི་ཕྱིར་བདེན་པར་སྟོན་པ་ཐུན་མོང་མ་ཡིན་པ་ཇི་ལྟར་ཡིན་སྙམ་དུ་སེམས་པ་ལ། གལ་ཏེ་ཡང་ཞེས་བྱ་བ་སྟེ། སྟོན་པར་བྱེད་པ་ནི་གསལ་བར་བྱེད་པའོ ་བདག་ཏུ་སྨྲས་པས་ཀྱང་ལུས་ལ་སོགས་པ་ལ་བདག་མེད་པར་ལྟ་བ་ཁོ་ན་ཡིན་གྱི་བདག་ཏུ་ལྟ་བ་ནི་མ་ཡིན་ཏེ་འགལ་བ་མེད་པའི་ཕྱིར་རོ་ཞེས་བསྟན་པ་ནི། རིགས་པ་དང་བྲལ་ཡང་ཞེས་བྱ་བའོ། །སྡུག་བསྔལ་ནི་མི་རྟག་པ་དང། སྡུག་བསྔལ་བ་དང། ་སྟོད་པ་དང། བདག་མེད་པ་ལས་ཞེས་བྱ་བ་རྣམ་བཞི་ལ་ཡང་སྡུག་བསྔལ་གྱི་རྣམ་པར་ཐ་སྙད་འདོགས་པ་ནི་གཞན་གྱི་རྣམ་པ་སྡུད་པར་བྱེད་པ་ཡིན་པའི་ཕྱིར། དེ་འདི་རྣམ་པ་གཞན་ལ་ཡང་མཚུངས་པ་ཡིན་ནོ་སྙམ་དུ་སེམས་པ་ལ། དེ་ལྟར་བསྟན ་པ་ཡིན་ན། ཀུན་འབྱུང་བའི་རྣམ་པ་ལ་རྒྱུ་དང། ཀུན་འབྱུང་བ་དང། རྐྱེན་དང། རབ་ཏུ་བསྐྱེད་པའི་རྣམ་པ་རྣམས་དང། འགོག་པའི་རྣམ་པ་ལ་འགོག་པ་དང། ཞི་བ་དང། གྱ་ནོམ་པ་དང། ངེས་པར་འབྱུང་བའི་རྣམ་པ་རྣམས་དང། ལམ་གྱི་རྣམ་པ་ལ་ཡང་ལམ་དང། ་རིགས་པ་དང། སྒྲུབ་པ་དང། ངེས་པར་འབྱིན་པའི་རྣམ་པ་རྣམས་སྡུད་པ་ཡིན་ནོ། །དེ་ལ་སྡུག་བསྔལ་གྱི་བདེན་པ་བསྟན་པ་ནི། སྡུག་བསྔལ་ཞེས་བྱ་བ་ནི་བསྒྲུབ་བྱའོ། །ཀུན་འབྱུང་རྒྱུ་ནི་འཁོར་བ་སྟེ་སྐྱེ་བ་དང་འཆི་བའི་རྒྱུན་ནི། །དེ་གང་དག་གི་ཡིན་པ་དེ་དག ་ཅེས་བྱ་བ་ནི་གཏན་ཚིགས་སོ། །ཕུང་པོ་ཞེས་བྱ་བ་ནི་ཆོས་ཅན་ནོ། །སྐྱེ་བ་སྔ་མ་ལས་འདིར་འོངས་པ་དང་འདི་ནས་དེའི་ཕྱི་མར་འགྲོ་བ་འཁོར་བ་མ་ཡིན་ནམ། དེ་ཡང་གྲུབ་པ་མ་ཡིན་ནོ་སྙམ་དུ་སེམས་པ་ལ། གོམས་ལས་ཞེས་བྱ་བའོ། །དེ་ཡང་ཅི་ལས་ཡིན། ་འདོད་ཆགས་ལ་སོགས་པ་ནི་ཕུང་པོ་ཀུན་ཏུ་འཛིན་པའི་ཡིད་ཀྱི་ཆོས་ཏེ། དེ་ལས་གསལ་བ་ཁྱད་པར་མཐོང་བའི་ཕྱིར་རོ། །གཞན་ལས་འབྱུང་བ་ནི་དེ་ལས་ཁྱད་པར་དུ་ངེས་པས་མ་ཡིན་ལ། འདོད་རྒྱལ་ཉིད་ཀྱང་མ་ཡིན་ནོ། །ཅི་འོས་ཤེ་ན། སྐྱེས་པའི་ཕྱིར ་སྐྱེ་བ་སྟེ་འབྲས་བུ་ཡིན་ལ། དེ་དང་འགལ་བའི་ཕྱིར་ནི་མེད་པའི་ཕྱིར་ཏེ། རྒྱུ་མེད་ན་འབྲས་བུ་འབྱུང་བ་མ་ཡིན་ཏེ། རྟག་ཏུ་མེད་པར་འགྱུར་རོ། །རྒྱུ་མེད་དེ་རྒྱུ་མེད་པའི་ཕྱིར། སྐྱེ་བ་མ་ཡིན་ཏེ། སྐྱེ་བར་འགལ་བའི་ཕྱིར་ནི་མེད་པའི་ཕྱིར་རྟག་ཏུ་ཡོད་པར་འགྱུར ་རོ། །འགྲེལ་པ་མཛད་པས་ནི་འཁོར་བ་ཅན་ཉིད་ནི་སྡུག་བསྔལ་དང་འགལ་བ་ཡིན་ཏེ། དེ་ལས་བཟློག་པ་ཁྱབ་པའི་ཕྱིར་ཞེས་བསྟན་པ་ནི། གལ་ཏེ་འདོད་ཆགས་ཞེས་བྱ་བའོ། །དེ་ལ་བདེ་བའི་རྣམ་པ་ཉིད་བཞིན་དུ་སྡུག་བསྔལ་གྱི་རྣམ་པ་ཉིད་ཀྱང་ཡོད ་པའི་ཕྱིར། འགལ་བ་ཉིད་ཡམ་ཡིན་ལ། མ་ངེས་པ་ཉིད་ཀྱང་མ་ཡིན་ནོ། །དུག་དང་བཅས་པའི་བཟའ་བ་བཞིན་དུ་སྡུག་བསྔལ་དུ་རོ་གཅིག་པ་ཉིད་ཀྱིས་བླང་བྱ་མ་ཡིན་པའི་ཕྱིར་རོ་ཞེས་བསྟན་པ་ནི། འཁོར་བའི་ལམ་དུ་ཞེས་བྱ་བ་སྟེ། གཞན་དུ་ནི་བདེ་བ་ཉིད་དུའོ། །བདེ ་བའི་རྣམ་པ་ཉིད་ནི་དངོས་སུ་བ་མ་ཡིན་ཏེ། ཕུང་པོ་རྣམས་གོམས་པ་ལས་བྱུང་བ་ཉིད་ཀྱི་ཕྱིར་རི་དགས་འཆོད་པ་པོ་ལ་སོགས་པ་ལྟ་བུའོ་ཞེས་བྱ་བའི་དོན་ཏོ། །འདོད་ཆགས་སོགས་ཞེས་བྱ་བ་ལ་སོགས་པ་ནི། འདོད་ཆགས་གོམས་པའི་རྒྱུ་ཅན ་ཏེ་ཞེས་བྱ་བའོ། །ངོ་བོ་ཉིད་དུ་ཞེས་བྱ་བ་ནི་ས་བོན་ལ་སོགས་པ་ལ་མྱུ་གུ་ལ་སོགས་པ་བཞིན་དུ་གོམས་པ་ལ་མི་བལྟོས་པར་སྐྱེ་བ་མ་ཡིན་པ་མ་ཡིན་ནམ། དེ་ལྟར་སྐྱེ་བ་ནི་དབང་མེད་པ་ཉིད་ཀྱིས་དོར་བར་མི་ནུས་པ་ཡིན་ལ། འགྲོ་བ་གཞན་ནི་མེད་པའི་ཕྱིར་བདེ ་བར་ཡང་སྲིད་པ་ཡིན་ནོ་ཞེས་བསྟན་པ་ནི། གལ་ཏེ་འདོད་ཆགས་ཞེས་བྱ་བའོ། །བདེ་བ་ཞེས་བྱ་བ་ནི་གོམས་པ་ལས་བྱུང་བ་ཉིད་ཀྱང་ཅིག་ཏུ་བདེ་བ་ཉིས?་ཅེས་བྱ་བར་སྦྱར་རོ། །གོམས་པ་ལས་བྱུང་བ་ཉིད་ཀྱི་ཕྱིར་དབང་ཡོད་པ་ཉིད་ཀྱིས་འདོད་ཆགས་ལ་སོགས་པ ་སྤང་བར་ནས་པ་ཉིད་དུ་བསྟན་པ་ནི། གང་གི་ཚེ་དེ་ཉིད་ལས་ཞེས་བྱ་བའོ། །ཡང་དག་པ་མ་ཡིན་པའི་ཀུན་ཏུ་རྟོག་པ་དང་འདྲ་བས་ཡང་དག་པ་མ་ཡིན་པའི་ཀུན་ཏུ་རྟོག་པ་སྟེ། འདོད་པ་ཙམ་གྱིས་གཞི་ཅན་ཉིད་དུ་མཚུངས་པའི་ཕྱིར་རོ། །མངོན་པར་དགའ་བའི་ངོ་བོ ་ནི་ཡིད་ཀྱི་བདེ་བ་ཡིན་གྱི་གཞན་ནི་མ་ཡིན་ནོ། དེའི་ཕྱིར་གོམས་པ་ལས་བྱུང་བ་ཡིན་གྱི་དངོས་སུ་མ་ཡིན་པར་བསྟན་པ་ནི། བདེ་བ་ནི་སེམས་མངོན་པར་དགའ་བ་ཞེས་བྱ་བའོ། །གཟིར་བའི་གཉེན་པོ་ཡིན་པའི་ཕྱིར་བདེ་བ་ཡིན་གྱི་རང་གི་ངོ་བོས་ནི་མ་ཡིན་པར ་བསྟན་པ་ནི། དེ་ལྟ་ཡིན་དང་ཞེས་བྱ་བའོ། །དེ་ཉིད་དང་ཅིག་ཤོས་ལ་མངོན་པར་དགའ་བ་ནི་གོམས་པ་ལ་མངོན་པར་དགའ་བས་དངོས་སུ་བ་ཉིད་དུ་ཁྱད་པར་མེད་ན་དེ་ཁོ་ན་ལ་གོམས་པ་ཉིད་མཆོག་ཡིན་ཞེས་བྱ་བ་འདི་ལ་བྱེ་བྲག་ཅི་ཞིག་ཡོད་ཅེས་ཟེར་བ་ལ ་གལ་ཏེ་དེ་ནི་འགྱུར་མེད་ན་ཞེས་བྱ་བ་སྟེ། དེ་ཁོ་ན་ཉིད་ལ་མངོན་པར་དགའ་བ་ནི་འདོར་བ་མ་ཡིན་ཏེ། གནོད་པ་ཅན་མེད་པར་རྟག་ཏུ་ཡོད་པའི་ཕྱིར་ཡིན་གྱི། ཅིག་ཤོས་ནི་མ་ཡིན་ཏེ། ཡུལ་ལ་གནོད་པས་ལྡོག་པའི་ཕྱིར་རོ་ཞེས་བྱ་བའི་དོན་ཏོ། །རྒྱུ་དེ་ཉིད་ཀྱིས ་དེ་ཁོ་ན་ཉིད་ནི་འདོད་པ་ལ་གནོད་པར་བྱེད་པར་བསྟན་པ་ནི། ཇི་ལྟར་འདོད་ཆགས་ལ་སོགས་པའི་ཞེས་བྱ་བའོ། །གོམས་པ་ལས་བྱུང་བས་ཐོག་མ་མེད་པའི་ཕྱིར། འདུས་བྱས་པའི་སྡུག་བསྔལ་ཉིད་ཀྱང་འདོད་ཆགས་ལ་སོགས་པ་ཡིན་པར་བསྟན་པ་ནི། གང་གི་ཕྱིར་ཞེས་བྱ་བ་སྟེ ་བདེ་བ་ཉིད་ཅེས་བྱ་བ་ནི་སྡུག་བསྔལ་དོན་དམ་པ་ཉིད་མ་ཡིན་ནོ། །ཐམས་ཅད་ཉིད་ལ་ཞེས་བྱ་བ་ནི་ཡུལ་པའོ། །བཟློག་པ་ནི་མ་ཡིན་ནོ་ཞེས་བྱ་བ་ནི་སྡུག་བསྔལ་འབད་པས་བསྒྲུབ་པར་བྱ་བ་ཡིན་ལ། བདེ་བ་ནི་དེ་མེད་པས་རང་བཞིན་གྱིས་གྲུབ་པའོ། །དེ་ལ་ཞེས་བྱ་བ་ནི་བདེ་བ་མེད ་པ་ལ་སྟེ?། འོང་བ་འགལ་བ་ཉིད་ཀྱིས་སྐྲག་པ་ཡིན་ལ། དེ་གོམས་པ་ནི་རྗེས་སུ་འཇུག་པ་ཡིན་ནོ། །དེས་ན་དེ་མེད་པའི་ཕྱིར་ནི་སྐྲག་པ་གོམས་པ་མེད་པའི་ཕྱིར་རོ། །སྡུག་བསྔལ་བ་ཉིད་ལ་ལམ་ནི་མི་འདོད་པ་ལའོ། །དེ་མེད་པའི་ཕྱིར་སྡུག་བསྔལ་ཞེས་བྱ་བ་དེ་ལ། བདེ་བ་ནི ་སྡུག་བསྔལ་གྱི་རྒྱུ་ཉིད་འདོར་བའི་ཡན་ལག་ཏུ་བརྗོད་པ་ནི་བར་བསྡུ་བ་ནི། དེའི་ཕྱིར་གོམས་པ་ཞེས་བྱ་བའོ། །དཔེ་བསྟན་པ་ནི་བུ་ལ་ཆགས་པ་ལ་ཞེས་བྱ་བ་སྟེ། ཡོད་པའི་བུལ་མངོན་པར་ཆགས་པ་དང་ལྡན་པ་ནི་དེ་མེད་པ་ལས་སྡུག་བསྔལ་བར་འགྱུར་ཏེ། དེ་ལ ་སྒྲག་བ་གོམས་པའི་ཕྱིར་ཏེ། །དེ་གོམས་པ་མེད་ན་སྡུག་བསྔལ་གྱི་རྒྱུ་བུ་དེ་ཉིད་ལ་བདེ་བ་ཡིན་པར་བསྟན་པ་ནི་བུ་སྐྱེས་ན་ཞེས་བྱ་བ་སྟེ། སྡུག་བསྔལ་གཞོམ་པར་འདོད་པས་བདེ་བ་ཉིད་གཞོམ་པར་བྱ་བ་ཡིན་ནོ་ཞེས་བྱ་བའི་དོན་ཏོ། །དེ་ལྟ་ཡིན་ན་མ་སྤངས ་པའི་དཔེར་དང་དེའི་རྒྱུ་ལ་གོམས་པར་བྱ་བ་ཡིན་གྱི་སྡུག་བསྔལ་མ་ཡིན་ནོ་ཞེ་ན། རྟག་ཏུ་རྒྱུ་འདོད་པ་དག་དང་ནི་ཞེས་བྱ་བ་སྟེ། སྡུག་བསྔལ་གྱི་དོན་དུ་ནི་འགྱུར་པའི་སྡུག་བསྔལ་གྱི་དོན་དུའོ། །སྡུག་བསྔལ་བསྐྱེད་ཅེས་བྱ་བ་ནི་སྡུག་བསྔལ་དུ་བསྟན་པ ་ཡིན་ནོ། །རྟོག་པ་དང་ལྡན་པ་ནི་བསྐྱེད་པར་བྱ་བའི་བདེ་བས་སྐྱེས་པའི་སྡུག་བསྔལ་བཟློག་པའི་དོན་དུ་མ་ཡིན་ནོ་ཞེས་འདི་ལ་འཇིག་རྟེན་པའི་དཔེ་བསྟན་པ་ནི་འཇམ་རྫུབ་ཅེས་བྱ་བའོ། །གང་ཡང་བདེ་བ་ཁོ་ན་སྐྱེས་བུའི་དོན་ཡིན་གྱི་གཞན་ནི་མ་ཡིན་ལ། དེ་ཡང་སྡུག ་བསྔལ་དང་སྤེལ་མ་ཁོ་ནར་འཐོབ་པ་ཡིན་ནོ་ཞེས་དགོངས་པ་ཡིན་ནོ། །དེའི་ཕྱིར་དམྱལ་བ་ལ་སོགས་པའི་སྡུག་བསྔལ་ཡང་དོར་བྱ་མ་ཡིན་ཏེ། བདེ་བ་ཐོབ་པའི་རྒྱུ་ཡིན་པའི་ཕྱིར་རོ། །འོན་ཏེ་བདེ་བ་ཐམས་ཅད་ནི་ཞེས་བྱ་བ་ལ་སོགས་པ་ཚོགས་སུ ་བཅད་པ་གཉིས་ཏེ། དམྱལ་བ་བཞིན་དུ་སྡུག་བསྔལ་ལ་ཡང་བདེ་བར་འགྱུར་བ་ནི་བསྙེན་བཀུར་ལ་སོགས་པ་སྡུག་བསྔལ་ཆེན་པོ་ལས་ཞེས་བྱ་བར་སྦྱར་རོ། །ཡང་ན་འཁོར་བ་པའི་དངོས་པོ་གང་དག་འབྱུང་བ་དང་འཇིག་པ་ཡང་ཕུང་པོ་སྟེ། སྤུངས་པའི་ངོ་བོ་ཡིན་གྱི ་གཅིག་གི་ངོ་བོ་མ་ཡིན་ལ། གཟུགས་ལ་སོགས་པ་ཐ་སྙད་ཀྱི་ཡུལ་ནི་རྡུལ་ཕྲ་རབ་འདུས་པ་ལ་སོགས་པ་ལས་གཞན་མ་ཡིན་པས་རེ་རེ་ནས་མི་སྣང་བ་ཡིན་གྱི་འདུས་པ་ཡང་མི་སྣང་བ་ནི་མ་ཡིན་ནོ། །རབ་རིབ་ཅན་གྱི་སྐྲ་ཤར་བཞིན་དུ་རབ་རིབ་ཅན་མ་ཡིན་པས ་ནི་རེ་རེར་ཡང་སྣང་བ་ཁོ་ན་ཡིན་ནོ་ཞེ་ན། རྣལ་འབྱོར་པས་ཀྱང་རྡུལ་ཕྲ་རབ་རེ་རེ་ནས་མཐོང་བ་ཡིན་པའི་ཕྱིར་མཚུངས་པ་ཡིན་ནོ། །འོན་ཏེ་བདག་ཅག་ལ་སོགས་པའི་དབང་པོ་ལས་འདས་པ་ཡིན་ནོ་ཞེ་ན། རབ་རིབ་ཅན་གྱི་སྐྲ་ཤད་རྣམས་ཀྱང་རེ་རེ་ནི་དབང་པོ་ལས ་འདས་པ་ཡིན་ན། འདུས་པ་ལ་ཡང་ཇི་ལྟར་ཕྱིན་ཅི་ལོག་ཡིན། དེའི་ཚེ་ནི་དེ་རྣམས་མ་ཡིན་པ་མ་ཡིན་ནོ། །ཇི་ལྟར་ཡང་དབང་པོ་ལས་འདས་པ་རེ་རེ་ཞིང་རྩོམ་བྱེད་མ་ཡིན་པ་མ་ཡིན་ནོ། དབང་པོའི་རྫས་རྩོམ་བྱེད་ཇི་ལྟར་ཡིན། དེའི་ཕྱིར་དེ་ཉིད་ཤིན་ཏུ་མི་འཐད་པ ་ཆེན་པོ་ཡིན་ནོ། །འདིས་ནི་ཐག་རིང་པོའི་སྤྲེད་བུའི་ཕུང་པོ་ལ་སོགས་པ་འཛིན་པ་ནི་རེ་རེར་འཛིན་པ་མེད་ན་ཇི་ལྟར་ཡིན་ཞེས་བྱ་བར་མཚུངས་པ་ཡིན་ཏེ། རབ་རིབ་ཅན་གྱིས་ཀྱང་སྤྱིའི་ངོ་བོར་སྒྲ་མཐོང་བ་ཡིན་གྱི་བྱེ་བྲག་ཏུ་ནི་མ་ཡིན་ལ། གཞན་ལ་ནི་གཉིས ་ཀར་ཡིན་ཞེས་བྱ་བར་མི་རིགས་ཏེ། དེ་ལྟ་ཡིན་ཡང་སྒྲ་ཉག་རེ་རེ་ནི་ཡུལ་མ་ཡིན་པའི་ཕྱིར་རོ། །འོན་ཏེ་མི་སྣང་བ་ཡང་ཕན་ཚུན་ཉེ་བས་ཕུལ་དུ་བྱུང་བ་བསྐྱེད་པར་བྱེད་པས་དེ་ལྟར་སྣང་བ་ཡིན་ནོ་ཞེ་ན། དེ་ལྟ་བུར་ན་རྡུལ་ཕྲ་རབ་ལ་ཡང་མཚུངས་སོ། །རྟག ་བ་ཕུལ་དུ་བྱུང་བ་ཇི་ལྟར་ཡིན་འདི་ཡང་གཏམ་ཙམ་ཡིན་ཏེ། གནས་སྐབས་ཐམས་ཅད་པ་མ་ཡིན་པའི་ཕྱིར་རྣམ་པར་འབྱེད་པ་ཉམས་པའི་ཕྱིར་མི་འཐད་པ་ཡིན་ནོ། རྡུལ་ཕྲ་རབ་ནི་འཇིག་པ་མ་ཡིན་ཏེ། ཆ་ཤས་མེད་པའི་ཕྱིར་རོ་ཞེ་ན། མ་ཡིན་ཏེ། སྒྲ་དང་བློ་ལ་སོགས ་པ་ཆ་ཤས་མེད་ཀྱང་འཇིག་པའི་ཕྱིར་རོ། །དབྱིབས་དང་ལྡན་པ་ཉིད་ཀྱིས་ཆ་ཤས་ཅན་ཡིན་ན་འགལ་བ་ཅི་ཡོད། སྟེང་དང་འོག་གི་རྡུལ་ཕྲ་རབ་དག་གི་བར་ན་ཡོད་པ་ཐོགས་པ་དང་བཅས་པ་ཉིད་ཀྱིས་བར་དུ་གཅོད་པར་བྱེད་པ་དང་འབྲལ་བ་ཡིན་ན་ཕྱོགས་གཅིག ་གིས་འབྲེལ་བར་མི་འགྱུར་བ་ནི་མ་ཡིན་ནོ། །ཆའི་ཤེས་པ་འདི་ནི་གནོད་པ་ཅན་མེད་པའི་ཕྱིར་བཏགས་པ་ཡང་མ་ཡིན་ནོ། །ཆ་ལ་ལ་ཡིད་ཆ་དང་ལྡན་པ་ཉིད་དུ་བཞག་པ་ནི་ཆ་ཤས་རྣམས་ནི་མཛའ་ཡས་པའི་ཕྱིར་དངོས་པོ་ཐམས་ཅད་ཀྱི་བོང་ཚོང་དང་ལྕི་བ་འདི་དག ་གི་དབྱེ་བ་མེད་པར་འགྱུར་རོ་ཞེ་ན། མ་ཡིན་ཏེ། ཞིག་པའི་མཛའ་ཡིན་ན་མཛའ་ཡས་པ་མི་འཐད་དོ། །རས་བལ་ལ་སོགས་པ་ཚིག་པ་ལ་སོགས་པས་ཞིག་ན་ཆ་ཤས་པ་མ་ཡིན་ནོ། །དེ་ཞིག་པ་ལ་ཡང་དེ་ལྟ་བུའི་རིགས་གཞན་ལས་བྱུང་བ་ཡིན་པའི་ཕྱིར ་གོང་བུ་མེད་པས་འདུ་བྱེད་ཀྱི་སྡུག་བསྔལ་ཉིད་ཀྱི་ཡུལ་སུན་ཕྱུང་བས་ཆགས་པ་མེད་པ་ཉེ་བར་ལེན་པ་མ་ཡིན་པའི་སེམས་ནི་སྡུག་བསྔལ་མ་ལུས་པ་ལས་གྲོལ་བར་འགྱུར་བ་ཡིན་ནོ། །གོང་བུ་ཡོད་ཀྱང་སྡུག་བསྔལ་གོམས་པ་དང་འཛིན་པར་བྱེད་པའི ་འབད་པས་དབང་པོ་ཡུལ་ལས་ལོག་པས་ཡིད་ཀྱི་བཟུང་བ་ལས་ནི་མ་ཡིན་ནོ། །འཇིགས་པའི་རྒྱུ་ཡུལ་སུན་མ་ཕྱུང་ན་ཐེ་ཚོམ་མེད་པར་སྡུག་བསྔལ་གྱི་འདུ་ཤེས་གོམས་པ་འམ་འཛིན་པ་ཡང་ཡིད་ནི་དཀའ་བ་བྱེད་པ་ཡིན་ནོ། །རིལ་པོར་འཛིན་པ་ནི་འདོད ་ཆགས་ཀྱི་རྒྱུ་མ་ཡིན་ཏེ། ནམ་མཁའ་དང་རྩཝ་དང་རྡོ་བ་ལ་སོགས་པ་ལ་མ་མཐོང་བའི་ཕྱིར་རོ། །དགོས་པ་གང་གི་དབང་གིས་དུམ་བུར་བྱས་པ་ཞེས་བྱ་བ་ལ་སོགས་པར་ཅིས་མི་འགྱུར། དེའི་ཚེ་འདོད་པ་ཅན་མེད་དོ་ཞེ་ན། དེ་ལྟ་ཡིན་ན་གོང་བུད་བྱེ་བྲག་ཏུ ་འཛིན་པ་ཁོ་ན་རྒྱུ་ཡིན་ནོ། །རྟོག་པ་མ་ཡིན་པའི་ཡུལ་ནི་རྒྱུ་མ་ཡིན་ནོ་ཞེ་ན། བུད་མེད་དད་པ་སྐྱེས་པ་འདིས་ཞེས་བྱ་བ་ནི་རྣམ་རྟོག་ཡིན་ལ། དེ་ཡང་རིལ་པོར་འཛིན་པ་ཁོ་ན་ཡིན་ནོ། །འདིས་ནི་བཟང་པོ་ལ་སོགས་པར་འཛིན་པར་བཤད་པ་ཡིན་ལ། ཆགས ་པར་བྱ་བ་ལ་སོགས་པའི་རྣམ་རྟོག་གི་བག་ཆགས་ཀྱང་རིལ་པོར་འཛིན་པའི་བྱེ་བྲག་གི་བག་ཆགས་ཡིན་ནོ། །སྡུག་བསྔལ་གྱི་རྣམ་པར་རྟོག་པ་ལ་བདེ་བར་མངོན་པར་འདོད་པ་སྡུག་བསྔལ་གོམས་པ་ཡིན་པར་བསྟན་པ་ཞེས་བྱ་བར་ཡང་མི་རིགས་སོ། །བྱ་བ ་ལ་སྦྱོར་བཞིན་པའི་འདོད་ཆགས་ཅན་ནི་བསྙེན་བཀུར་དང་འདོད་པ་ལ་སོགས་པའི་སྡུག་བསྔལ་ཁོ་ནར་རིག་པ་ཡིན་ཡང་བདེ་བའི་རྒྱུ་ཉིད་དུ་ལེན་པ་ཡིན་ལ། དེ་ལ་ཉེ་བར་སྟོན་པར་བྱེད་ན་དེས་བསམས་པའི་བདེ་བ་ལ་སྡུག་བསྔལ་དུ་སྟོན་པར་བྱེད་པ་ཡིན་ཏེ། ་གཞན་དུ་ན་མི་མཐུན་པའི་ཕྱིར་ལ། དེ་ལྟ་ཡིན་ན་ནི་དེ་མ་ཡིན་པ་ལ་དེ་འདི་ཞེས་ཉེ་བར་བསྟན་པ་ཡང་བརྫུན་པར་འགྱུར་རོ། །བརྫུན་ནི་མའི་མིང་བཞིན་དུ་ཡུལ་སུན་ཕྱུང་བས་བྱང་གྲོལ་དང་རྗེས་སུ་མཐུན་པ་ཡིན་པའི་ཕྱིར་གཞན་ནི་མ་ཡིན་ནོ། །དེ་ལྟ་ཡིན་ན་དེ ་སུན་ཕྱུང་པ་འདྲ་བའི་ཡོན་ཏན་ནི་བྱད་གྲོལ་དུ་རིགས་པས་སམ། གཞན་དུ་ཡང་རྗེས་སུ་གནང་བར་བྱ་བ་ཡིན་གྱི་གཞན་ནི་ངེས་བྱེད་པ་ཙམ་གྱིས་གསལ་བར་བྱ་བ་མ་ཡིན་ནོ། །དེའི་ཕྱིར་ཕུང་པོ་ཙམ་འདི་ནི་འཁོར་བ་ཅན་ཡིན་ལ། དེས་སྡུག་བསྔལ་ལོ་ཞེས ་བསྒོམ་པ་བསྟན་པ་ནི། ལེགས་པ་ཡིན་ཏེ། འཁོར་བའི་རྩ་བ་ནས་འདོན་པ་ཡིན་པའི་ཕྱིར། ཕ་རོལ་པོའི་ནི་མ་ཡིན་ནོ། །དེའི་ཕྱིར་ཡན་ལག་དང་ཡན་ལག་ཅན་དང། ཡོན་ཏན་དང་ཡོན་ཏན་ཅན་དང། སྐད་ཅིག་མ་དྲུག་གནས་པ་དང། རྟག་པ་དང། སྤྱི་དང། ་ཁྱད་པར་དང། འདུ་བ་ལ་སོགས་པ་དགོས་པ་མེད་པ་ཅན་དམ་པ་མ་ཡིན་པའི་རྟོག་པས་སྦྱར་བའི་འཁྲུགས་པ་ནི་ཅི་ནས་ཀྱང་རྗེས་སུ་གནང་བ་ཐོབ་པ་མ་ཡིན་ནོ། །གཉིད་ལོག་པ་ནི་འདི་དང་འདི་མཐོང་ངོ་ཞེས་སད་པ་ན་མཚམས་སྦྱོར་བར་བྱད་པ་མ ་ཡིན་ནམ། འདི་ནི་བདག་མེད་པ་ཅན་གྱི་ཕུང་པོ་རྣམས་ལ་འཐད་པ་མ་ཡིན་ནོ། །དེའི་ཕྱིར་གཉིད་དང་སད་པའི་དུས་ཀྱི་རྗེས་སུ་འཇུག་པ་ཡིན་པར་རྟོགས་པ་ཡིན་ན། །དེ་ཡང་སྒྲུབ་བྱེད་ཀྱི་ཤེས་པས་རྟོགས་པར་བྱེད་པ་མ་ཡིན་ནམ། མཚམས་སྦྱོར་བའི་ཤེས་པ་རྣམས ་ཀྱང་སྔ་མའི་ཤེས་པའི་བག་ཆགས་ནི་ཤེས་པ་ཕྱི་མ་ལ་མཚམས་སྦྱོར་བར་བྱེད་པ་ཡིན་ནོ། །བསྡུས་པ་ཅན་མལ་ཆལ་སོགས་པ་ནི་གཞན་གྱི་དོན་མཐོང་བར་བྱེད་པ་ཡིན་ལ། ལུས་དང་དབང་པོ་ལ་སོགས་པ་ཡང་འདུས་པ་ཅན་ཡིན་པའི་ཕྱིར། གཞན་གྱི་དོན་བྱེད་པ་ཡིན ་ན་འདུས་པ་ཅན་མ་ཡིན་པར་འགྱུར་ཏེ། འདུས་པ་ཅན་ཉིད་ཡིན་ན་དེ་ཡང་གཞན་གྱི་དོན་བྱེད་པ་ཉིད་ཡིན་པའི་ཕྱིར་ཐུག་པ་མེད་པ་ཡིན་ཞིང་སྒྲུབ་བྱེད་མ་ཡིན་པར་འགྱུར་བའི་ཕྱིར་འདུས་པ་ཅན་མ་ཡིན་པ་ནི་བདག་ཡིན་ཏེ་རྣམ་པར་དབྱེ་བ་མེད་པའི་ཕྱིར། འཇིག་པ་མ་ཡིན ་པ་དང། ཆགས་པའི་ཡུལ་ཡིན་པས་དར་བྱ་མ་ཡིན་ཏེ། དོན་དམ་པ་ལས་བདེ་བ་ཁོ་ན་ཡིན་ནོ་སྙམ་དུ་སེམས་པ་ལ་བདེ་བ་ཡང་དེ་ལས་བཟློག་པས་ཞེས་བྱ་བ་སྟེ། འདུ་བྱེད་པ་དང་ལྡན་པ་ནི་ཤེས་པ་སྔ་མ་དྲན་པ་ཁོ་ན་ཡིན་ན། ཇི་ལྟར་མཚམས་སྦྱོར་བར་བྱེད་པ་མ ་ཡིན། ཤེས་པ་སྔ་མའི་འདུ་བྱེད་པ་དང་ལྡན་པ་ཁོ་ན་ལས་ཤེས་པ་ཕྱི་མ་ཞེས་མཚམས་སྦྱོར་བར་བྱེད་པ་ནི་མ་ཡིན་ཏེ། དེ་ཉིད་དེའི་ངོའོ་ཉིད་དུ་ཐལ་བའི་ཕྱིར་རོ། །ཕྱི་མ་དེ་ཉིད་དུ་འདུ་ཕྱེད་པ་དང་ལྡན་པའི་ཕྱིར་མཚམས་སྦྱོར་བའི་རྒྱུ་མཚན་ཡིན་ན། དེ་ལྟར ་དེའི་རྒྱུ་མཚན་གཞན་གྱིས་ཅི་ཞིག་བྱ། འདུས་པ་ཅན་རྣམ་པར་བཞག་པ་མ་ཡིན་ན་ཇི་ལྟར་འདུས་པ་ཅན་ཡིན་ཞེས་དེ་ཡང་རྟོག་པ་ཅན་ཡིན་ཏེ། གང་གི་ཕྱིར་འབྲས་བུ་ལ་རྒྱུ་འབྲས་བུ་མ་ཡིན་པ་ཉིད་དུ་རྟོགས་པ་མ་ཡིན་ལ། དེ་ཡང་འབྲས་བུ་ཉིད་ཀྱིས་རྒྱུ་གཞན་དུ་རྟོག་པ ་ཡིན་ན་ཡང་ཐུག་པ་མེད་པའི་སྐྱེན་མ་ཡིན་ཞིང། བདག་གོ་ཞེས་བྱ་བ་ནི་ལུས་དང་དབང་པོ་དང་བློའི་རིག་པ་ལས་ཐ་དད་པ་ཡང་མ་ཡིན་པ་བསྟན་བཅོས་ལ་མི་བརྟེན་པའི་འཇིག་རྟེན་པའི་ངེས་པའི་ཡུལ་ཡང་མ་ཡིན་ནོ། །དེའི་ཕྱིར་འདི་ནི་ལུས་དང་དབང་པོ་ལ་སོགས ་པའི་འདུས་པ་ལ་བདག་གོ་ཞེས་གོམས་པའི་ཕྱིར་ངེས་པར་བྱེད་ལ། འདུས་པ་མ་ཡིན་པ་གཞན་དམིགས་པ་ལ་སོགས་པའི་ཡོན་ཏན་དང་ལྡན་པ་མ་ལུས་པ་ལ་ཁྱབ་པར་བྱེད་པ་ལ་དོན་དམ་པའི་བདག་ལ་སོགས་པ་དམིགས་པ་མེད་བཞིན ་པ་ནི་དེའི་རྟོག་པས་བདག་ཉིད་ཇི་ལྟར་འཁྲུགས་པར་བྱེད་པར་འགྱུར། རླུང་ལ་སོགས་པའི་སྐྱོན་ལས་བྱུང་བའི་རྨོངས་པ་ལ་སོགས་པ་རྣམས་ཁོ་ན་གོམས་པ་ལས་གསལ་བ་ཅི་མ་ཡིན་གྱི་རང་གི་ངོ་བོ་ནི་མ་ཡིན་པ་མ་ཡིན་ནམ། རླུང་ལ་སོགས་པ་མེད་ན་བོད་པ་ལ ་སོགས་པ་ལ་རྨོངས་པ་ལ་སོགས་པ་རྣམས་མ་ཡིན་ནོ་སྙམ་དུ་སེམས་པ་ནི། འོན་ཏེ་ཡང་འདོད་ཆགས་ལ་སོགས་གོམས་པ་ལས་སྐྱེས་པ་ཞེས་བྱ་བའོ། །ལུས་དང་བདག?་ཡོངས་སུ་གྱུར་པ་རྣམས་སམ། གཞན་རྣམས་ཀྱི་འམ། འབྱུང་བ་རྣམས་ཀྱི་ནི་འདོད ་ཆགས་ལ་སོགས་པ་རྣམས་ཡོན་ཏན་མ་ཡིན་པར་བསྟན་ཟིན་ནས། ད་ནི་རླུང་དང་མཁྲིས་པ་དང་བད་ཀན་གྱི་བདག་ཉིད་ཀྱི་ཁྱད་པར་ཡོངས་སུ་གྱུར་བའི་ལུས་ཀྱི་རང་བཞིན་འདོད་ཆགས་ལ་སོགས་པའི་རྒྱུ་རྣམ་པ་གཞན་གྱིས་བཀག་པ་ཡིན་པའི་ཕྱིར་ཟློས་བ་མ ་ཡིན་ནོ། །དུས་མིན་སྐྲ་དཀར་ཤ་སེར་དང། །བློ་གསལ་རྡུལ་མང་བློ་འཁྲུག་དང། །རྨི་ལམ་དུ་ནི་འོད་འབར་མཐོང། །མཁྲིས་པའི་རང་བཞིན་ཅན་གྱི་མིའོ་ཞེས་མཁྲིས་པའི་རང་བཞིན་ཞེ་སྡང་ཡིན་པ་ནི་འཁྲུལ་པ་ཡིན་པ་སྟེ། རླུང་ལ་སོགས་པའི་རང་བཞིན་ཅན་ལ་ཡང ་ཡོད་པའི་ཕྱིར་རོ་ཞེས་ལྡོག་པ་མེད་པར་བསྟན་པ་ནི། འཁྲུལ་ཕྱིར་ཞེས་བྱ་བའོ། །འབྲས་བུ་མཐོང་བ་ལས་རླུང་གི་རང་བཞིན་ཅན་ལ་མཁྲིས་པའི་རང་བཞིན་ཡང་ཡོད་པའི་ཕྱིར་འཁྲུལ་པ་མ་ཡིན་སྙམ་དུ་སེམས་པ་ནི་རང་བཞིན་འདྲེས་པའི་ཞེས་བྱ་བའོ། །མཁྲིས ་བ་ནི་ངོ་བོ་གང་ཁོ་ནས་ཞེ་སྡང་སྐྱེད་པར་བྱེད་པ་དེ་ཁོ་ནས་དུས་མ་ཡིན་པའི་སྐྲ་དཀར་ལ་སོགས་པའི་ཆོས་ཀྱང་སྐྱེད་བར་བྱེད་པའི་ཕྱིར་ཚོགས་པ་གཅིག་ལས་བྱུང་བའི་གཟུགས་ལ་རོ་བཞིན་དུ་དེ་ཡང་འགྱུར་བ་ཞིག་ན། མི་འགྱུར་ཏེ། འབྲས་བུ་མེད་པ་ལས་ཀྱང ་མཁྲིས་པའི་རང་བཞིན་ནི་ཞེ་སྡང་གི་ཚོགས་པ་མ་ཡིན་པར་གོ་བ་ཡིན་པར་བསྟན་པ་ནི། དེ་ལས་གཞན་ཡང་ཞེས་བྱ་བའོ། །དེ་ནི་ཞེས་བྱ་བ་ནི་འབྲས་བུའོ། །དེ་ལ་ནི་རྒྱུ་ལའོ། །འཁྲུལ་པ་ཞེས་བྱ་བ་ནི་རླུང་ལ་སོགས་པའི་ཆོས་མ་ཡིན་པའོ། །ཐལ་འགྱུར་ལས་ལྡོག་པ ་བསྟན་པ་ནི། དེ་ཡི་འབྲས་བུ་མེད་ན་ནི་ཞེས་བྱ་བ་སྟེ། རྒྱུ་ཞེས་བྱ་བ་ནི་ཚོགས་པའི་འོ། །གཞན་ཞེས་བྱ་བ་ནི་དུས་མ་ཡིན་པའི་སྐྲ་དཀར་ལ་སོགས་པའོ། །འདིར་ཞེས་བྱ་བ་ནི་ཞེ་སྡང་ལས་དཔགས་པའི་མཁྲིས་པ་ལའོ། །བདེན་ཏེ་འབྲས་བུས་དུས་མ་ཡིན་པའི་སྐྲ་དཀར ་ལ་སོགས་མེད་པའི་ཕྱིར་མཁྲིས་པའི་རང་བཞིན་མེད་པ་ཡིན་ནོ། །དེ་ལ་ཞེ་སྡང་ནི་མེད་ཀྱང་འབྱུང་བ་འཁྲུལ་པ་ཅན་ཡིན་པར་བསྟན་པ་ལ། གལ་ཏེ་འབྲས་དེ་ཞེས་བྱ་བ་ནི་ཞེ་སྡང་ངོ། །ཇི་ལྟར་འབྲས་བུ་ལས་ཞེས་བྱ་བ་ནི་དེ་བཞིན་དུ་བརྟགས་པའི་རྒྱུ་ཚོགས་པ་ཉིད་ནི ་འབྲས་བུ་མ་རྟོགས་བར་བསྟན་པ་ནི། དེ་བཞིན་དུ་འབྲས་བུ་ཡང་རྒྱུ་ནུས་པ་ཐོགས་པ་མེད་པ་ཞེས་བྱ་བའོ། །འབྲས་བུ་ལས་བད་ཀན་གྱི་རང་བཞིན་ཅན་དུ་དཔགས་པ་ལས་འབྲས་བུ་ཞེ་སྡང་མཐོང་བའི་ཕྱིར། མཁྲིས་བ་ནི་རང་བཞིན་གཞན་དུ་བརྟག་པར་མི་ནུས ་ཏེ། ཐལ་ཆེས་པའི་ཕྱིར་རོ་ཞེས་བསྟན་པ་ནི། གལ་ཏེ་མཐོང་བའི་རྒྱུ་སྤངས་ནས་ཞེས་བྱ་བའོ། །རླུང་ལ་སོགས་པ་རྣམས་ཀྱང་ཇི་ལྟར་ཡོད་པ་བཞིན་དུ་འདོད་ཆགས་ལ་སོགས་པའི་རྒྱུ་མ་ཡིན་ནོ། །ཡིན་ན་ནི་གང་ཁོ་ནའི་ཚེ་འདོད་ཆགས་ཡིན་པ་དེ་ཁོ་ནའི་ཚེ་ཞེ་སྡང་ལ་སོགས་པ་རྣམས་སུ་འགྱུར་རོ། ་དེ་བསྟན་པ་ནི། ཐམས་ཅད་འདོད་ཆགས་མཚུངས་པར་ནི། །ཐལ་ཕྱིར་ཀུན་གྱི་ཆོས་མ་ཡིན། །ཞེ་སྡང་ལ་སོགས་པའི་དུས་སུ་ཡང་དུས་མཚུངས་པར་འདོད་ཆགས་མཚུངས་པར་ཐལ་བར་འགྱུར་རོ། །དེ་བཞིན་དུ་ཞེ་སྡང་མཚུངས་པར་ཐལ་བར་འགྱུར་པ་ལ ་སོགས་པར་བརྗོད་པར་བྱ་བ་ཡིན་ནོ། །རྒྱུ་ནི་འབྲས་བུ་བསྐྱེད་པར་བྱེད་པ་དེ་ཉིད་ཀྱིས་གཞན་ཡང་བྱེད་པའི་ཕྱིར་འབྲས་བུ་རྣམས་ལྷན་ཅིག་པར་འགྱུར་བའམ། འདོད་ཆགས་ལ་སོགས་པ་ཡང་མཚུངས་པར་ཐལ་བར་འགྱུར་བ་ཡིན་ཏེ། རྒྱུ་མཚུངས་པའི ་ཕྱིར་འདོད་ཆགས་ཅན་དང། འདོད་ཆགས་ཤས་ཆེ་བ་ལ་སོགས་པར་མི་འགྱུར་རོ་ཞེས་བྱ་བའི་དོན་ཏོ། །འབྱུང་བ་ཙམ་གྱི་བསྐྱེད་བྱ་ཉིད་ཡིན་ཡང་དྲི་ལ་སོགས་པ་རེག་བྱའི་མཐར་ཐུག་པ་ནི་སའི་ནི་དྲི་དང་རེག་བྱ་དག་གོ། ཆུའི་ནི་རོ ་དང་རེག་བྱ་དག་གོ། མེའི་ནི་གཟུགས་དང་རེག་བྱ་དག་གོ། རླུང་གི་ནི་རེག་བྱའོ་ཞེས་བྱ་བར་ངེས་པ་མ་ཡིན་ནམ། དཀར་པོ་དང་སེར་པོ་ལ་སོགས་པའི་དེས་པ་བཞིན་དུ་འམ། འདོད་ཆགས་ལ་སོགས་པའི་ངེས་པར་འགྱུར་རོ་སྙམ་དུ་སེམས་པ་ནི། གཟུགས་ལ ་སོགས་བཞིན་ཞེས་བྱ་བའོ། །འབྱུང་བ་ལ་ཁྱད་པར་མེད་ཀྱང་ཁྱད་པར་ལྡན་པའི་གཟུགས་ལ་སོགས་པ་ནི་ཁྱད་པར་ཅན་གྱི་རྒྱུ་གཞན་དུ་རྟོགས་པར་བྱེད་པར་བསྟན་པ་ནི། དེར་ཡང་བརྩད་པ་མཚུངས་པ་ཡིན་ཞེས་བྱ་བའོ། །དེ་ཁས་མི་ལེན་ན་ནི་སྐྱོན་ཡིན་ནོ།། ་ནུས་མེད་རང་བཞིན་མེད་པས་ན་ཞེས་བྱ་བ་ནི་འགྲིབ་པ་དང་ཕུལ་དུ་བྱུང་བ་དག་ཀྱང་ཁྱད་པར་དུ་བྱེད་པ་མ་ཡིན་ཏེ། གང་གི་ཕྱིར་ཁྱད་པར་ཐམས་ཅད་ཁོ་ན་ཐམས་ཅད་ལ་འབྱུང་བ་ཡིན་ཞེས་བྱ་བའི་དོན་ཏོ། །ཁྱད་པར་གཞན་ཡོད་པའི་ཕྱིར་ཞེས་བྱ་བ་ནི ་སྐྱེས་བུ་རེ་རེ་ལ་རླུང་ལ་སོགས་པའི་རང་བཞིན་ལས་འབྱུང་བའི་ཁྱད་པར་ཡོད་པའི་ཕྱིར་རོ། །ཐམས་ཅད་ནི་རླུང་ལ་སོགས་པའོ། །རྒྱུ་གང་གི་ཡིན་པའི་ཁྱད་པར་དེ་དེ་ལྟ་བུ་ཡིན་གྱི་སྐྱེས་བུ་ཐམས་ཅད་ཀྱི་ནི་ཐམས་ཅད་ཀྱི་ཆོས་མ་ཡིན་ནོ། །ཐམས་ཅད་འདོད ་ཆགས་ལ་སོགས་པ་ཤིན་ཏུ་ཤས་ཆེ་བ་དང་ལྡན་པར་འགྱུར་བ་ཞིག་ན་འགྱུར་བ་ནི་མ་ཡིན་ནོ། །ཇི་ལྟར་ཞེས་བྱ་བ་ནི་འདོད་ཆགས་སྐྱེད་པར་བྱེད་པ་འམ། གཞན་ཡང་རུང་བའི་ཁྱད་པར་རོ། །དེ་ལ་ཡང་ཞེས་བྱ་བ་ནི་ཁྱད་པར་འཁྲུལ་པ་ཉིད་ཡིན་ཏེ། འབྲས ་བུ་འདོད་ཆགས་ལ་སོགས་པ་ནི་ཞེ་སྡང་ལ་ཡོད་པའོ། །ཡང་དག་པར་ནི་བསྟན་པ་ཡིན་ཞེས་བྱ་བ་ནི་བཞད་གང་ཡིན་ཏེ། ཡང་དག་པ་མ་ཡིན་ཞེས་བྱ་བའི་དོན་ཏོ། །གཏན་ཚིགས་གང་ལས་ཞེས་བྱ་བ་ནི་གོ་བྱེད་ལས་སོ། །ཐམས་ཅད་ཀྱི་ཆོས་ཞེས་བྱ ་བ་ནི་འདོད་ཆགས་ལ་སོགས་པ་སྟེ། ཐམས་ཅད་ཀྱི་རང་བཞིན་ཡིན་ན་དེ་ལ་ཡོད་པའི་ཁྱད་པར་ཡང་ཐམས་ཅད་ཀྱི་རང་བཞིན་ཁོ་ནར་འགྱུར་ཏེ། འཁྲུལ་པར་མཚུངས་པའི་ཕྱིར་རོ། །གལ་ཏེ་རླུང་ལ་སོགས་པ་གང་ཡང་རུང་རྒྱུ་ཉིད་ཡིན་ཡང་ཐམས་ཅད་འདོད་ཆགས་ལ ་སོགས་པ་ཐམས་ཅད་དང་ལྡན་པ་མ་ཡིན་ཏེ། ཐམས་ཅད་དུ་ངེས་པ་མཐོང་བ་ལས་རྗེས་སུ་དཔག་པའི་ངེས་པའི་ཁྱད་པར་ལྷན་ཅིག་བྱེད་པའི་ཕྱིར་རོ་སྙམ་དུ་སེམས་པ་ནི། འོན་ཏེ་འབྲས་བུའི་ཁྱད་པར་གྱིས་ཞེས་བྱ་བའོ། །དེ་ལྟ་ཡིན་ན་ལྷན་ཅིག་བྱེད་པའི་ཁྱད ་པར་དེ་ངེས་པའི་རྒྱུ་གོམས་པ་ཡིན་ཏེ། དེའི་དབྱེ་བས་འདོད་ཆགས་ལ་སོགས་པའི་དབྱེ་བ་མཐོང་བའི་ཕྱིར། རྟོག་པ་གཞན་ཡིན་ན་དུ་བ་ཡང་མེའི་རྒྱུ་ཅན་དུ་མི་འགྲུབ་པར་བསྟན་པ་ནི། མེ་མ་མཐོང་བའི་དུ་བ་གང་ཞེས་བྱ་བའོ། །མེ་དང་ལྡན་པའི་ཡུལ་ནི་མེའི་ཡུལ ་ཏེ། དེ་ལའོ། །གཞན་ལས་ཤེས་བྱ་བ་ནི་མེ་དང་བྲལ་བའོ། །རྒྱུའི་ཁྱད་པར་གྱི་ཁྱད་པར་དུ་བྱེད་པ་ཉིད་ཀྱིས་འབྲས་བུ་ཉིད་ལ་ཁྱབ་པར་བྱེད་པ་ཡིན་ནོ། །བད་ཀན་གྱི་ཁྱད་པར་ལ་ཡང་ཁྱད་པར་ཅན་དུ་མི་འགྱུར་བའི་འདོད་ཆགས་ནི་ཁྱད་པར་བྱེད་པ་མེད་པའི་ཕྱིར ་མི་འགྱུར་བར་བསྟན་པ་ནི། ཁྱད་པར་དང་བྲལ་བས་ཞེས་བྱ་བའོ། །མཁྲིས་པའི་ཁྱད་པར་ཡིན་ན་ཞེ་སྡང་གི་ཁྱད་པར་མཐོང་བའི་ཕྱིར། ཁྱབ་པའི་བྱེད་པ་མེད་པར་མ་གྲུབ་པ་ཡིན་ཞེས་ཟེར་བ་ནི། མ་གྲུབ་ཉིད་ཅེས་བྱ་བའོ། །མ་ཡིན་ཞེས་བྱ་བ་ནི་མ་གྲུབ ་པ་ཉིད་དགག་པའོ། །ཅི་ལས་ཤེས་ན། འགྱུར་བ་ཡིས་ཞེས་བྱ་བ་ནི་ཁྱད་པར་གྱིས་སོ། །ཐམས་ཅད་ནི་རླུང་ལ་སོགས་པ་རྣམས་ཀྱིའོ། །འགྱུར་བ་ཡིས་ཞེས་བྱ་བ་ནི་ཞེ་སྡང་གི་ཞེས་བྱ་བར་སྦྱར་རོ། །ཐམས་ཅད་ཀྱི་འགྱུར་བས་འགྱུར་བ་ཅན་ནི་གང་ཁོ་ནའི་ཡང་མ ་ཡིན་ནོ། །ཐམས་ཅད་ཀྱི་འབྲས་བུ་ཉིད་ཀྱང་ཀུན་གྱི་ཆོས་མ་ཡིན་ཞེས་བྱ་བར་བཀག་པར་བསྟན་པ་ནི། ཀུན་ལས་སྐྱེ་བའང་ཞེས་བསྟན་པའོ། །གལ་ཏེ་ཡང་རྒྱུ་ལ་ཁྱད་པར་སྤྱོད་ཀྱང་འབྲས་བུ་ཁྱད་པར་ཅན་དུ་མི་འགྱུར་ཏེ། དེ་ལྟ་ན་ཡང་རང་གི་ངོ་བོས་འགྲུབ ་སྟེ། འདི་མེད་པར་མི་འཐད་པ་ཁོ་ན་ཡིན་པར་བསྟན་པ་ནི། རྒྱུ་ནི་ཞེས་བྱ་བ་སྟེ། སླར་ཡང་འཕེལ་བ་ཁོ་ནས་མཁྲིས་པ་འཕེལ་བ་ལ་ཚ་བ་ལ་སོགས་པ་འཕེལ་བ་ལྟ་བུའོ་ཞེས་བསྟན་པ་ནི། ཚ་བ་ལ་སོགས་བཞིན་ཞེས་བསྟན་པའོ། །བཅུད་ཀྱིས་ལེན་ལ ་སོགས་པས་ཆགས་པ་འཕེལ་བ་ལ་དགོས་པ་དག་གིས་བད་ཀན་འཕེལ་ན་འདོད་ཆགས་འཕེལ་བ་མ་ཡིན་ནམ། དེའི་ཚེ་བདེ་བའི་ཁྱད་པར་འབྱུང་བས་རང་གི་བག་ཆགས་ཡོངས་སུ་སྨིན་པ་ལས་བྱུང་བ་ཡིན་པར་བསྟན་པ་ནི། ཆགས་སོགས་ཞེས་བྱ་བའོ། །རྒྱུ་གཞན་ཡོད་ན ་ཡང་ཞེས་བྱ་བ་ནི་བད་ཀན་ཡོད་ན་ཡང་ངོ། །འབྲས་བུ་གཞན་ནི་ཞེ་སྡང་མཐོང་བ་ཡིན་ལ། དེ་ནི་ཞེས་བྱ་བ་ནི་འབྲས་བུ་གཞན་ཏེ། མ་མཐོང་བའི་ཁྱད་པར་ནི་རྒྱུ་ལ་ཡོད་པའོ། །ཁྱད་པར་གཞན་ནི་དེར་ཞེས་བྱ་བ་སྟེ། རྒྱུ་ལའོ། །དེའི་འབྲས་བུ་གཞན་ཞེས་བྱ་བ་དང ་སྦྱར་རོ། །ཇི་ལྟར་འདོད་ཆགས་ཀྱི་རང་བཞིན་ལས་ཞེ་སྡང་གི་རྒྱུ་གཞན་དང་ལྡན་པ་ཡིན་པའི་ཕྱིར། ཁྱད་པར་གཞན་དུ་རྟོག་པ་དེ་བཞིན་དུ་འདོད་ཆགས་ཀྱི་ཁྱད་པར་ཡང་དེ་ལས་གཞན་པའི་ཁྱད་པར་གྱི་རྒྱུ་ཅན་ཡིན་སྙམ་དུ་སེམས་པ་ནི། དེར་ཡང་དེ་ལས་གཞན ་པའི་ཞེས་བྱ་བའོ། །ཁྱད་པར་དེ་ཞེས་བྱ་བ་ནི་འདོད་ཆགས་ཀྱི་རང་བཞིན་ལ་ཡོད་པའོ། །སྣང་བ་ཞེས་བྱ་བ་ནི་སྣང་བའི་ཁྱད་པར་གྱི་བསྐྱེད་བྱའོ། །མ་མཐོང་བའི་ཁྱད་པ་རྒྱུ་གང་གིས་ཡིན་པ་དེའི་མ་མཐོང་བའི་ཁྱད་པར་ཉིད་དོ། །ཐལ་འགྱུར་དང་དེ་ལས ་བཟློག་པ་དག་བདེ་བའི་ཁྱད་པར་ལས་ཞེས་བྱ་བའོ། །འདོད་ཆགས་ཀྱི་རང་བཞིན་གྱི་ཁྱད་པར་ཡིན་ན་འདོད་ཆགས་ཀྱི་ཁྱད་པར་ལ་ཁྱད་པར་གཞན་མེད་པའི་ཕྱིར་རོ། །མ་ཡིན་དུ་ཟིན་ཀྱང་རང་གི་ངོ་བོ་ལྟར་མི་འགྱུར། གལ་ཏེ་ཁྱད་པར་ཞེས་བྱ་བའོ། །འགྲིབ་པ ་ཞེས་བྱ་བ་ནི་མེད་པའོ། །གང་གི་ཕྱིར་ཞེས་བྱ་བ་ལ་སོགས་པས་ཐུན་མོང་གི་རིགས་པ་བསྟན་པ་ཡིན་ནོ། །ད་ལྟར་རྒྱུ་ནི་འཕེལ་བར་གྱུར་བ་ན་ཞེས་བྱ་བ་དང། སྐྱོན་རྣམས་ཡོད་ན་ཡང་ཞེས་བྱ་འདིས་ཟློས་པ་མ་ཡིན་ཞིང། རྣམ་པར་འགྲེལ་པ་ཉིད་ཀྱང་མ་ཡིན ་ཞེས་བྱ་བའི་དོན་ཏོ། །བད་ཀན་གྱི་ཁྱད་པར་ཡིན་ཡང་ཁྱད་པར་མེད་པ་ལས་སམ། མེད་པ་ལས་རྒྱུ་འདོད་ཆགས་ཀྱི་འབྲས་བུ་ཉིད་མ་ཡིན་ཏེ། ཁྱད་པར་བྱེད་པ་མེད་པའི་ཕྱིར་མི་རིགས་ཏེ། ཁམས་མཉམ་པ་ལས་བྱུང་བ་བདེ་བ་ལྷན་ཅིག་བྱེད་པ་ནི་རྒྱུ་ཉིད་དུ་ཁས་བླངས ་པའི་ཕྱིར་རོ། །དེ་དང་ལྷན་ཅིག་པའི་བད་ཀན་ནི་འདོད་ཆགས་ལ་འཁྲུལ་པ་མ་ཡིན་ནོ་སྙམ་དུ་སེམས་པ་ནི། གལ་ཏེ་བད་ཀན་འཕེལ་ན་ཞེས་བྱ་བའོ། །གཞན་གྱིས་གེགས་བྱས་ན་ཞེས་བྱ་བ་ནི། ལྷན་ཅིག་བྱེད་པ་མ་ཚང་ནའོ། །ཆ་མཉམ་ལས་ཞེས་བྱ་བ་ནི་མཉམ ་པ་ལས་བྱུང་བའི་ལྷན་ཅིག་པའི་བདེ་བ་ལས་སོ། །བདེ་བ་ཡང་རང་སྐྱེས་པ་ཙམ་གྱིས་སྐྱེད་བྱེད་མ་ཡིན་གྱིས། འོན་ཀྱང་ཁུ་བ་འཕེལ་བའི་རིམ་གྱིས་ཡིན་པར་བསྟན་པ་ནི། ཁུ་བ་འཕེལ་ཞེས་བྱ་བ་སྟེ། དེ་ལས་ནི་འདོད་ཆགས་སོ། །ཁྱད་པར་ཡོད་ན་ཡང་ཞེས་བྱ ་བས་བད་ཀན་ནི་འདོད་ཆགས་ལ་འཁྲུལ་པར་བསྟན་ནས། ཐུན་མོང་བ་བརྗོད་པ་ནི། ཆ་མི་ཉམ་པ་ལའང་ཞེས་བྱ་བ་སྟེ། དེ་མེད་ཀྱང་ཡོད་པ་ཡིན་ནོ། །གཞན་ནི་ཞེས་བྱ་བ་ནི་ཡོད་ནའང་མེད་པའོ། །གཞན་ནི་མི་གཙང་བ་བསྒོམས་པ་ལ་མངོན་པར་དགའ་བའོ། །ཟད་ནས་ཞེས ་བྱ་བ་ནི་ཞུ་བའོ། །དེ་མེད་ཀྱང་ཡོད་པའི་ཕྱིར་ལྡོག་པ་མེད་པ་ཡིན་ནོ། །རྗེས་སུ་འགྲོ་བ་མེད་པའི་བསྟན་པར་འདོད་ནས་རང་གི་ངོ་བོ་བསྟན་པ་ནི། བུད་མེད་ཅིག་ལ་ཞེས་བྱ་བའོ། །དེ་མེད་པ་བསྟན་པ་ནི། དེ་གཅིག་ལ་ཞེས་བྱ་བའོ། །ཁུ་བ་འབའ་ཞིག་རྒྱུ་མ་ཡིན་ཏེ། གང ་གི་ཐམས་ཅད་དུ་འདོད་ཆགས་ཡིན་པའི་ཕྱིར། རྗེས་སུ་འགྲོ་བར་འགྱུར་རོ། །འོན་ཀྱང་གཟུགས་དང་སྤྱོད་ཚུལ་ལ་སོགས་པའི་ལྷན་ཅིག་བྱེད་པ་ཡིན་ལ། བུད་མེད་གཅིག་ལ་རྗེས་སུ་འགྲོ་བ་ངེས་པ་ཁོ་ན་མ་ཡིན་ནོ་སྙམ་དུ་སེམས་པ་ནི། གལ་ཏེ་གཟུགས ་སོགས་ཀྱང་ཡན་ལག་ཅེས་བྱ་བའོ། །ངེས་པ་མེད་པར་ཞེས་བྱ་བ་ནི་གཟུགས་ལ་སོགས་པ་ཡང་འདོད་ཆགས་ལ་འཁྲུལ་པ་ཡིན་པའི་ཕྱིར་རྗེས་སུ་འགྲོ་བ་མེད་པ་ཡིན་ནོ། །གཟུགས་ལ་སོགས་པ་མེད་ཀྱང་ཁུ་བ་ཡོད་ན་ཡོད་པའི་ཕྱིར་ལྡོག་པ་མེད་པར་བསྟན་པ ་ནི། ངེས་པར་མེད་པར་འབྱུང་བའང་མིན་ཞེས་བྱ་བའོ། །གཟུགས་ལ་སོགས་པའི་ལྷན་ཅིག་བྱེད་པའི་ཁུ་བ་ནི་འདོད་ཆགས་ལ་སོགས་པ་མེད་པར་བསྟན་པས་རྗེས་སུ་འགྲོ་བ་ལ་སོགས་པ་མེད་པ་ཁོ་ནར་བསྟན་པར་བྱེད་པ་ནི། ཡོན་ཏན་མ་བཟུང་ཞེས་བྱ ་བ་སྟེ། མི་གཙང་བ་བསྒོམ་པ་ལ་སོགས་པས་མི་གཙང་བ་ལ་སོགས་པར་འཛིན་པ་ཡིན་ནོ། །གཟུགས་ལ་སོགས་པ་ཙམ་འཛིན་པ་ནི་ལྷན་ཅིག་བྱེད་པ་མ་ཡིན་ཏེ། འོན་ཀྱང་གཙང་བ་ལ་སོགས་པར་འཛིན་པ་ཡིན་པར་བསྟན་པ་ནི། དེའང་ཡན་ལག་ཡིན་ན་ཞེས་བྱ་བའོ། ་ཡོན་ཏན་འཛིན་པ་ནི་མི་གཙང་བ་ལ་སོགས་བསྒོམ་པ་མེད་པའི་ཕྱིར་བག་ཆགས་གཞན་ཡོད་པ་ཡིན་ནོ། །དེ་ཉིད་རེ་ཤིག་ཡོན་ཏན་འཛིན་པའི་ལྷན་ཅིག་བྱེད་པ་ཅི་ལས་ཡིན་ཞེ་ན། གཟུགས་ལ་སོགས་པའི་ལྷན་ཅིག་བྱེད་པ་ཐམས་ཅད་ནི་མི་གཙང་བ་བསྒོམ་པ་ལྡན ་པ་ཡང་ཅིག་ཤོས་བཞིན་དུ་དེ་དང་ལྡན་པར་འགྱུར་བའི་ཕྱིར་དེ་ཡང་འདོད་ཆགས་ཅན་དུ་འགྱུར་རོ། །ཅི་ལས་ཡིན་ཞེ་ན། རྒྱུ་ལས་ཏེ་འདོད་ཆགས་ཀྱི་རྒྱུ་མི་གཙང་བར་མཐོང་བ་ལས་བཟློག་པ་བཞིན་དུ་ཁྱད་པར་མེད་པ་ལས་སོ། །སོ་སོར་ངེས་པའི་རང་གི་རྒྱུ་ལས་བྱུང ་བའི་ཡོན་ཏན་འཛིན་པའི་བག་ཆགས་ནི་འཇིག་རྟེན་ཕ་རོལ་འགྲུབ་པའི་འཇིགས་པས་ཁས་མི་ལེན་པའི་ཕྱིར་རོ། །འདིས་ཡོན་ཏན་མི་འཛིན་པ་ཡང་ཡོན་ཏན་འཛིན་པར་འགྱུར་རོ་ཞེས་བྱ་བའི་ཐལ་འགྱུར་འདི་ཉིད་བསྟན་པར་བྱས་ནས་ཟད་ནི་གྲང་བ་དང ་དྲོ་བའི་རེག་པ་བཞིན་དུ་འགལ་བ་དག་ནི་འདོད་ཆགས་དང་ཞེ་སྡང་དག་གམ། བདེ་བ་དང་སྡུག་བསྔལ་བ་དག་ལ་མཚུངས་པའི་ཚོགས་པའི་སྐྱེད་བྱ་ཉིད་དུ་མི་རིགས་བད་ཀན་གྱི་རང་བཞིན་ལ་འདོད་ཆགས་ཡིན་པ་བཞིན་དུ་ཞེ་སྡང་ཡང་ཡིན་པར་བསྟན་པ་ནི་གནས ་སྐབས་གང་ཞེས་བྱ་བའོ། །འབྲས་བུ་བཞིན་དུ་དེའི་རང་བཞིན་དག་ཀྱང་འགལ་བ་ཁོ་ན་ཡིན་ལ་འགལ་བ་མ་ཡིན་ན། འབྲས་བུ་ལ་ཡང་དེར་མི་འགྱུར་བསྟན་པ་ནི། དེ་གཉིས་ཞེས་བྱ་བའོ། །འདོད་ཆགས་ལ་སོགས་པ་རྣམས་བད་ཀན་ལ་སོགས་པའི་རང་བཞིན་ལས ་ངེས་པ་མ་ཡིན་ན་གང་གིས་འགལ་བ་མེད་པར་འགྱུར་ཞེས་བསྟན་པ་ནི། འདི་ལ་ངེས་པ་ཞེས་བྱ་བའོ། །དེ་འདི་རྣམ་འགྲེལ་གྱི་རྣམ་པར་དབྱེ་བའི་ཁྱད་པར་ནི་འགྲེལ་པ་ཡང་སྦྱར་བར་བྱ་བ་ཡིན་ནོ། །གཟུགས་ལ་སོགས་པ་ཡང་ཁུ་བ་བཞིན་དུ་ནུས་པ་ཅན་ཡིན་ནོ། ཞེས་ཟེར་བ་ནི། ཁྱད ་པར་ཅན་གཟུགས་ཞགས་པ་ཡིས་ཞེས་བྱ་བ་སྟེ། འདོད་པ་ཡིན། ཞེས་བྱ་བ་དང་སྦྱར་རོ། །གཟུགས་ནི་སྐྱེད་བྱེད་མ་ཡིན་ཞེས་བྱ་བར་ལྟ་བར་བྱའོ། །ཐམས་ཅད་རྒྱུ་མ་ཡིན་ཞེས་བྱ་བ་ནི་གཟུགས་ལ་སོགས་པ་ནི་ཡོད་པ་ཇི་ལྟ་བ་བཞིན་དུ་རྒྱུ་ཉིད་ཡིན་པ་བཀག་པ་ཡིན་ནོ།། ་རྒྱུ་ངེས་པ་མེད་པ་ཉིད་ཅེས་བྱ་བ་ནི་ལྡོག་པ་ཅན་མ་ཡིན་པའོ། །གཟུགས་ལ་སོགས་པའི་ཡོན་ཏན་འཁྲུལ་པ་ཉིད་ཡིན་པར་བསྟན་པ་ནི། གཅིག་ལ་ངེས་པ་ཞེས་བྱ་བ་སྟེ། གཟུགས་དང་འདོད་ཆགས་དང་ལྡན་པ་ལ་ཡང་ངོ། །ཡུལ་མེད་པར་ནི་ཡུལ་མེད་ནའོ་ཞེས་བྱ་བ ་འདིར་མཚམས་བཅད་དོ། །འོན་ཏེ་མི་འབྱུང་ན་ཁོ་ན་ཞེས་རང་བཞིན་ངེས་པ་ཡིན་ན་རང་བཞིན་གཅིག་ཉིད་ལ་ཡང་ཅིག་ཅར་འབྲས་བུ་མི་འབྱུང་ངོ་སྙམ་དུ་སེམས་པ་ནི། འོན་ཏེ་མཁྲིས་པ་ཡིས་ཞེས་བྱ་བའོ། །མེ་ཞེས་བྱ་བ་ནི་ཕྱི་རོལ་གྱི་མེའོ། །ཆགས་སོགས་ལ་ནི་ཞེས ་བྱ་བ་ནི་ཕྱི་རོལ་ལ་བལྟོས་པ་མ་ཡིན་ནོ་ཞེས་བྱ་བའི་དོན་ཏོ། །དེ་བཞིན་དུ་རླུང་ལ་སོགས་པ་དང་གཟུགས་ལ་སོགས་པ་ནི་འདོད་ཆགས་ལ་སོགས་པ་ལ་ངེས་པར་བྱེད་བ་མ་ཡིན་ན་ངེས་པར་བྱེད་པ་གཞན་དུ་རྟོགས་པ་ན་མཐོང་བའི་ཕྱིར་ནང་གི་ནི་རང་གི་རྒྱུ་ལ་བྱུང་བ་ཡིན ་ལ། དེ་ཡང་རང་ལ་ཕན་འདོགས་པས་བྱས་པའི་བག་ཆགས་གང་ཡིན་པ་དེ་ནི་ཕན་འདོགས་པའི་བག་ཆགས་སོ། །བག་ཆགས་བར་འབྲེལ་པ་ལས་ཏེ་སད་པ་ལས་སོ། །ངེས་པ་ལས་ཟློག་པ་ནི་མ་ངེས་པ་སྟེ། འདོད་ཆགས་ལ་སོགས་པའི་འོ། །དེ་བཞིན་དུ་གནོད་པ ་བྱེད་པའི་བག་ཆགས་ལ་ཡང་བརྗོད་པར་བྱའོ་ཞེས་བསྟན་པ་ནི། འོན་ཏེ་ནང་གི་ཞེས་བྱ་བ་སྟེ། བག་ཆགས་ཉིད་ཅེས་བྱ་བ་ནི་ཕན་འདོགས་པའི་བག་ཆགས་ཉིད་དོ། །བག་ཆགས་ཀྱི་ཁྱད་པར་གྱི་རྒྱུ་ཡང་གཟུགས་ལ་སོགས་པ་སད་པར་བྱེད་པ་ལ་བལྟོས་པ ་ཡིན་པའི་ཕྱིར་མ་ངེས་པ་མ་ཡིན་ནམ་སྙམ་དུ་སེམས་པ་ནི། འོན་ཏེ་ཡང་གང་ཞིག་ཅེས་བྱ་བའོ། །འདོད་ཆགས་ལ་སོགས་པ་ལ་ངེས་པ་མེད་པ་འདི་ཡང་རྣམ་པ་འགའ་ཞིག་ཅེས་བྱ་བ་ནི་རྟུལ་པོ་དང་འབྲིང་པོ་ལ་སོགས་པའི་དབྱེ་བས་སོ། །འགའ་ཞིག ་གི་ཚེ་ཞེས་བྱ་བ་ནི་ལང་ཚོལ་སོགས་པའི་དུས་ཀྱི་ངེས་པས་སོ། །འགའ་ཞིག་གི་ཞེས་བྱ་བ་ནི་ཕྱི་རོལ་གྱི་གཟུགས་ལ་སོགས་པ་འམ། ནང་གི་སེམས་ལ་སོགས་པ་མ་མཚོན་པ་ཁྱད་པར་འབྲས་བུའི་ངེས་པ་གཅིག་པུ་ལ་ངེས་པས་སོ། །གཟུགས་ལ་སོགས་པ་ལས་བལྟོས ་པ་མེད་པའི་ཕྱིར་ཞེས་བྱ་བ་འདི་ནི་ངེས་པར་བལྟོས་པ་མེད་པས་ཞེས་བྱ་བ་ལ་བལྟོས་པ་ཡིན་ནོ། །དེ་བཞིན་དུ་འབྱུང་བ་ཡོངས་སུ་གྱུར་པའི་བད་ཀན་དང་རླུང་ལ་སོགས་པ་འདོད་ཆགས་ལ་སོགས་པའི་རང་བཞིན་པས་ལ་ནས་གཞན་གྱི་ཁས་བླངས་པའི་འབྱུང་བ་ཉིད་བསལ ་བར་བྱེད་པ་ནི་རླུང་ལ་སོགས་པའི་ཆོས་འདོད་ཆགས་མ་ཡིན་མོད་ཅེས་བྱ་བ་སྟེ། འདིས་ནི་ཞེས་བྱ་བ་ནི་རླུང་ལ་སོགས་པའི་རྗེས་སུ་བྱེད་པ་མ་ཡིན་པས་བག་ཆགས་ཀྱི་རྗེས་སུ་བྱེད་པས་སོ། །བློ་ནི་ལུས་ལ་བརྟེན་པའི་ཕྱིར། གོམས་པས་གྲུབ་པ་མེད་ཅེ་ན་ཞེས་བྱ་བ ་ལ་སོགས་པས་བཀག་པ་ཡང་གཞན་ལོག་པར་རྟོག་པ་སྲིད་པ་འགེགས་པར་འགྱུར་བ་ཡིན་ལ། དེ་མཐོང་བ་ཡང་ཡིན་པར་བསྟན་པ་ནི། འདི་དག་ནི་ཞེས་བྱ་བའོ། །གཟུགས་ལ་སོགས་པ་འབྱུང་བ་དག་ལས་ཐ་དད་པར་ཁས་བླངས་པས་ཞེས་བྱ་བ་ནི་བརྟེན་པ་ཉིད་ཐ་དད ་པས་བྱིན་གྱིས་བརླབས་པའི་ཕྱིར་ཞེས་བྱ་བའི་དོན་ཏོ། །འབྱུང་བ་དང་གཟུགས་ལ་སོགས་པ་དག་གི་རྟེན་དང་བརྟེན་པ་ཉིད་བཀག་པས་ཁས་བླངས་པ་དང་འགལ་བ་ཡང་མེད་པར་བསྟན་པ་ནི། དེ་རྟེན་ཞེས་བྱ་བ་སྟེ། རྒྱུའི་དོན་གྱི་སྒྲ་ཡིན་པས་རྟེན་དང་བརྟེན་པ་ཉིད་མ་ཡིན་ཏེ། ་དུས་ཐ་དད་པའི་ཕྱིར་རོ། །གྲུབ་པའི་ངོ་བོ་ལ་དེ་ནུས་པ་མེད་པའི་ཕྱིར། ལྷན་ཅིག་པར་གྲུབ་ཀྱང་དགོས་པ་མེད་པ་ཡིན་ཏེ། ལྷན་ཅིག་པའི་དོན་ལ་བལྟོས་པ་མེད་པའི་དོན་ཡིན་པའི་ཕྱིར་རོ། །འབྱུང་བའི་ངོ་བོ་ནི་རང་བྱུང་བའི་དོན་དུ་བལྟོས་པ་ཡིན་ན་ཇི་སྲིད་དུ་ཡོད་པ་ལ་བལྟོས ་པ་དེ་ཉིད་འདི་སྔ་ན་མེད་པ་ཡིན་ཇི་སྲིད་ལྷན་ཅིག་གནས་པ་དེ་སྲིད་དུ་བལྟོས་པ་མེད་པར་བསྟན་པ་ནི། རང་རྐྱེན་དག་དང་ཞེས་བྱ་བ་སྟེ། དབྱེར་མེད་པར་ནི་གནས་པའི་ཕྱིར་ནི་ལྷན་ཅིག་གནས་པའི་ཕྱིར། འདི་ཁོ་ན་རྒྱུའི་དོན་དང་རྐྱེན་གྱི་དོན་དག་ལ་དུས་ཐ་དད་པ་དང་ཐ་མི་དད་པའི ་ཡུལ་ཉིད་ཁོ་ན་གསལ་བར་བྱེད་པ་ནི། རྒྱུ་ནི་འབྲས་དང་ལྷན་ཅིག་ཏུ་ཞེས་བྱ་བའོ། །འདི་ཕན་ཚུན་མེད་ན་མི་འབྱུང་བ་ནི་དབྱེར་མེད་པར་གནས་པ་ཡིན་ཞེས་བཤད་པ་ནི། གལ་ཏེ་གཟུགས་སོགས་ཞེས་བྱ་བའོ། །དེའི་རྟེན་ཀྱང་ནི་བརྟེན་པའི་རྟེན་ཡིན་ནོ། །བརྟེན་པ་ལ ་བལྟོས་པའི་ངོ་བོ་ནི་བརྟེན་པ་མེད་ན་མེད་པ་ཁོ་ན་ཡིན་ནོ། །མི་འཇིགས་པ་ནི་བརྟེན་པ་དང་བྲལ་བར་གནས་ནའོ། །སྔར་ཡང་ཞེས་བྱ་བ་ནི་བརྟེན་པ་ཡིན་པར་མངོན་པར་འདོད་པའི་དུས་ན་ཡང་ངོ། །དེ་ཉིད་འདིའོ་ཞེས་ཤེས་པ་ལས་ནི་རྟེན་ཉིད་མ་ཡིན་ཏེ། འབྲེལ་པ་མེད ་པའི་ཕྱིར་རོ། །དབྱེ་བ་མེད་པར་གནས་པའི་ཁྱད་པར་ལས་རྟེན་ཁྱབ་བྱ་ཡིན་པར་ནི་མི་རིགས་སོ། །དབྱེར་མེད་པ་མེད་ཀྱང་ཆད་དང་མྱོས་པའི་ནུས་པ་དག་རྟན་ལ་སོགས་པ་ཡིན་པའི་ཕྱིར་རོ་ཞེས་ཟེར་བ་ནི། གལ་ཏེ་མྱོས་སོགས་ནུས་པ་བཞིན་ཞེས་བྱ་བའོ། །ལན་ནི ་དངོས་པོ་ལས་ཞེས་བྱ་བ་སྟེ། ཇི་ལྟར་འདི་དག་དབྱེར་མེད་པ་མ་ཡིན་པ། དེ་ཁོ་ན་བཞིན་དུ་རྟེན་ལ་སོགས་པ་ཉིད་ཀྱང་ཡིན་ཏེ། ཐ་མི་དད་པའི་ཕྱིར་རོ། །དེའི་ཕྱིར་ཁྱབ་པར་བྱ་བ་ཉིད་ཉམས་པ་མ་ཡིན་ཞེས་བྱ་བའི་དོན་ཏོ། །ཐ་དད་ཀྱང་བརྟེན་པས་བྱས་པས་ངོ་བོ་བརྟན ་པ་ཞིག་ན་འཇིག་པ་ཡིན་པར་བསྟན་པ་ནི། རྟེན་ཚད་པར་གནས་ན་བརྟེན་པ་ཞེས་བྱ་བའོ། །འདོད་ཆགས་ལ་སོགས་པ་ཡང་ལུས་ལས་ཐ་མི་དད་པའི་ཕྱིར་ལུས་ཉིད་ཞིག་ན་འཇིགས་པ་མ་ཡིན་ནམ། དེའི་ཕྱིར་རྟེན་དང་བརྟེན་པའི་དེ་མ་ཡིན་ཞིང། དབྱེར་མེད་པར ་གནས་པ་ཉིད་ཀྱང་མ་ཡིན་ནོ། །ཐ་དད་པ་མ་ཡིན་ཡང་རྟེན་གནས་ན་བརྟེན་པ་འཇིག་པ་མ་ཡིན་ཏེ། དེ་འཇིག་ན་དེས་བྱས་པའི་རྟེན་ཉིད་ཀྱང་འཇིག་པའི་ཕྱིར་རོ། །དེས་ན་འདོད་ཆགས་དང་ལུས་ལ་སོགས་པ་རྟེན་ལ་སོགས་པ་ཉིད་དང་དབྱེ་བ་མེད་པ་ཡིན་ནོ་སྙམ་དུ་སེམས ་པ་ནི། དེ་མཚུངས་ཞེས་བྱ་བའོ། །ཐ་མི་དད་པ་ལས་ཁྱབ་པ་ཉམས་པ་མ་ཡིན་ནོ་ཞེས་བྱ་བ་ནི་མི་རིགས་ཏེ། འདོད་ཆགས་དང་ལུས་ངག?་ཐ་མི་དད་པའི་ཕྱིར་རོ། །ཐ་དད་ན་ཡང་བརྟེན་པ་ཞིག་པས་རྟེན་ཉིད་འཇིག་པའི་ཕྱིར། རྟེན་ལ་སོགས་པ་ཉིད་ལ་གནོད ་པ་མེད་དོ་ཞེས་བྱ་བ་འདི་ལ་ཐ་དད་ནི་རྟེན་དང་བརྟེན་པ་ཉིད་དང་བྲལ་བའོ། །སྣང་བ་ནི་ཉམས་སུ་མྱོང་བ་ཡིན་ལ་དེ་རྟོགས་པས་རོ་དང་གཟུགས་བཞིན་དུ་གཉིས་ཀ་ལྷན་ཅིག་རིག་པ་ཡིན་ཡང་རྟེན་དང་བརྟེན་པ་ཉིད་ནི་མ་ཡིན་ནོ། །རྟེན་ལ་སོགས་པ་ཉིད་དབྱེར་མེད་པས་ཁྱབ་པ ་ཡིན་ཞེས་ཟེར་བ་ནི། འབྲུའི་ཆང་དང་བཅོས་པའི་ཆང་ལ་སོགས་པ་ཞེས་བྱ་བར་རོ། །རང་གི་ངོ་བོ་ནི་མེའི་རང་གི་ངོ་བོའོ། །གཞན་ལ་ནི་སྔགས་ལ་སོགས་པ་དང་བྲལ་བ་ལ་སྟེ། ནུས་པ་གཞན་གྱིས་སྲེག་པའི་ཕྱིར་རོ་ཞེས་བྱ་བའི་དོན་ཏོ། །དེས་ཞེས་བྱ་བ་ནི་ནུས་པ་གཞན་དང ་ལྡན་པའི་ངོ་བོའོ། །ནུས་པ་བཀག་པ་ལ་ཡང་ནི་ནུས་པ་གཅིག་ཉིད་རང་གི་ངོ་བོ་བཞིན་དུའོ་ཞེས་བྱ་བའི་བསམ་པས་རྒོལ་བའོ། །ནུས་པ་གཅིག་ཡིན་དུ་ཆུག་ཀྱང་སྔགས་ལ་སོགས་པས་གེགས་བྱས་པ་མ་ཡིན་ཏེ། དེ་ལྟ་མོད་ཀྱི་ཕྱི་རོལ་གྱི་སྐྱེས་བུས་བསྲེག་བྱ་མ་ཡིན ་པའི་ངོ་བོ་གཞན་དུ་བྱེད་པ་ཡིན་ནོ། །དེའི་ཕྱིར་དེ་དང་བྲལ་བ་ལ་སྲེག་པ་ཡིན་ནོ་ཞེས་ཟེར་བ་ནི་བསྲེག་བྱ་ཞེས་བྱ་བ་སྟེ། གཞན་ཉིད་དུ་ནི་བསྲེག་བྱ་མ་ཡིན་པ་ཉིད་དུའོ། །གཞན་གྱི་ཞེས་བྱ་བས་གནས་སྐབས་པའི་བསྲེག་བྱ་ཉིད་ལ་བལྟོས་ནས་བསྲེག་བྱ་ཉིད་བསྟན་པ་ཡིན ་ནོ། །གཞན་དུ་ནི་སྔགས་དང་བྲལ་བ་ལ་སོགས་པའོ། །གང་ལས་བྱུང་ཞེས་བྱ་བ་ནི། རྒྱུ་ལས་སམ་ཚད་མ་ལས་སོ། །འདི་སྲེག་པར་བྱེད་ན་དེ་རྣམས་མེད་ཀྱང་བྱེད་པ་ཡོད་པའི་ཕྱིར། དོན་གྱིས་གོ་བ་ཉམས་པར་འགྱུར་བར་བསྟན་པ་ནི། དེ་དག་གིས་ཞེས་བྱ་བའོ། །གལ་ཏེ ་གཅིག་གི་ངོ་བོ་རྒྱུ་ཡིན་ན་འབྲས་བུ་ཡང་གཅིག་གི་ངོ་བོར་འགྱུར་ཏེ། རྒྱུའི་ངོ་བོར་བྱེ་བྲག་མེད་པའི་ཕྱིར་ས་བོན་དང་མྱུ་གུ་ལྟ་བུའོ། །དུ་མའི་ངོ་བོ་ཡང་ཡུལ་ཐ་དད་པའི་མར་ཁུ་དང་སྡོང་བུ་ལ་སོགས་པ་ཟད་པའི་འོད་འཕྲོས་པ་ནི་རང་གི་རྒྱུད་དང་རང་གི་ཤེས་པ་དག་གི་རྒྱུ་ཞེས ་བྱ་བ་ལ་སོགས་པ་ཡིན་ལ། དེའི་ཕྱིར་དོན་གྱི་ཤུགས་ཀྱིས་རང་གི་ངོ་བོ་མེད་ན་དོན་གྱི་ཤུགས་ཀྱིས་ནུས་པའི་དབྱེ་བར་རྣམ་པར་གནས་པ་ཞེས་རྩོད་པ་བྱེད་པ་ནི། དངོས་འདི་བལྟོས་པ་ཡོད་མིན་ཏོ་ཞེས་བྱ་བའོ། །མེ་ལས་ཞེས་བྱ་བ་ལ་སོགས་པས་འབྲས་བུ་དུ་མར་བསྟན ་པ་ཡིན་ནོ། །ནུས་པ་དུ་མ་ཉིད་ལ་ཚད་མ་བརྗོད་ནས། ཁས་མི་ལེན་པའི་སྐྱོན་བརྗོད་པ་ནི། རང་བཞིན་གཅིག་པུ་ཞེས་བྱ་བའོ། །ཡོད་པ་ནི་སྔགས་ལ་སོགས་པ་དང་བྲལ་བའོ། །མེད་ཞེས་བྱ་བ་ནི་མི་སྲིད་པ་སྟེ། དེ་དང་ལྡན་པར་ཏེ་གཉིས་མ་ཡིན་ཏེ། དུས་གཅིག་པ་ལ་གནོད ་པ་ཡིན་ནོ་ཞེས་བྱ་བའི་དོན་ཏོ། །དེ་ལ་སྔགས་དང་བྲལ་བ་ལ་མེ་ནི་སྲེག་པར་བྱེད་པ་ཉིད་དུ་ཡོད་པ་ཡིན་གྱི་དེ་དང་ལྡན་པ་ལ་ཡོད་པ་མ་ཡིན་ཏེ། འགལ་བའི་ཕྱིར་རོ་ཞེས་ཟེར་བ་ནི། ཡོད་ན་ཐམས་ཅད་ཅེས་བྱ་བ་ནི་ཐམས་ཅད་སྔགས་ལ་སོགས་པ་དང་ལྡན་པ་ཡིན་ཡང ་བསྲེག་བྱ་ཉིད་ཡིན་ནོ། །ལན་ནི་ཇི་ལྟར་ནུས་པ་སྣ་ཚོགས་འདི་ཞེས་བྱ་བ་སྟེ། ཡུལ་ཐ་དད་པའི་འབྲས་བུ་དུ་མ་མཐོང་བ་ལས་ནུས་པ་སྣ་ཚོགས་པ་དང་ལྡན་པར་མངོན་པར་འདོད་པ་ཡིན་ཡང་འབྱུང་བ་མ་ཡིན་ནོ། །དེ་ལྟ་བུའི་ནུས་པ་དང་བྲལ་བ་ལས་དེ་ལྟར་ནུས་པ ་པ་བཞན་དུ་འབྲས་བུ་རྣམས་ཁོ་ན་སྣ་ཚོགས་པའི་ངོ་བོ་རྣམས་སུ་འབྱུང་བའི་དོན་ཏོ། །འབྲས་བུ་སྣ་ཚོགས་པ་ཉིད་མཐོང་བ་ནི་རང་བཞིན་མེད་པ་ཙམ་གྱིས་འབྱུང་ན་ནུས་པ་སྣ་ཚོགས་པ་ཉིད་ལ་གཞན་དུ་གྲུབ་པ་ཡིན་པར་བསྟན་པ་ནི། གལ་ཏེ་འབྲས་སུ་སྣ་ཚོགས་པ ་ནི་མཐོང་བས་ཞེས་བྱ་བའོ། །སྲེག་བྱེད་ཉིད་ཡོད་པ་དང་མེད་པར་འགལ་བ་ལན་དུ་བསྟན་པ་ནི། གང་གིས་སྔགས་སོགས་ཞེས་བྱ་བ་སྟེ། རང་གི་རྒྱུད་ལས་སྐྱེས་པའི་མེ་ནི་ས་བོན་བཞིན་དུ་ཡོད་པ་དང་མེད་པའི་ལྷན་ཅིག་བྱེད་པ་ཅན་གྱི་རྒྱུ་ལས་རྣམ་པར་དབྱེ་བའི ་འབྲས་བུ་བྱེད་པར་འགྱུར་ཞེས་བྱ་བར་སྦྱར་རོ། །སྔགས་ལ་སོགས་པས་བསྲེག་བྱར་བྱེད་པ་ཡིན་པར་བསྟན་པ་ནི། བསྲེག་བྱའི་རྫས་ཞེས་བྱ་བ་སྟེ། གཞན་གྱིས་ཞེས་བྱ་བ་ནི་ངོ་བོས་སོ། །དེ་ནི་ཞེས་བྱ་བ་ནི་སྲེག་བྱའི་ངོ་བོའོ། །དེ་ནི་ཞེས་བྱ་བ་ནི་ཆད་དང་མྱོས་པའི་ནུས་པའི ་དཔེའོ། །སྐབས་ཀྱི་ཞེས་བྱ་བ་ནི་དབྱེར་མེད་པ་ཉིད་མེད་ཀྱང་རྟེན་ལ་སོགས་པ་ཉིད་ཀྱིའོ། །ནུས་པ་ལྟར་འབྱུང་བ་དང་ཐ་མི་དད་པ་ཞེས་བྱ་བ་འདིའི་དེ་མ་ཐག་ཏུ་རྟེན་དང་བརྟེན་པ་གཉིས་ཞེས་བལྟ་བར་བྱའོ། །དེ་ཉིད་ཅེས་བྱ་བ་ནི་གཉིས་པོ་འདི་མེད་པ་རྣམས ་ལ་ཐ་དད་པ་མེད་པ་མ་ཡིན་ནོ། །སྣང་བའི་རྣམ་པར་ཐ་དད་པའི་ཕྱིར་རྟེན་དང་བརྟེན་པ་ཉིད་མ་ཡིན་ནོ། །དེ་ཉིད་ཀྱིས་ནི་སྣང་བ་ཐ་དད་པ་ལས་ཐ་དད་པ་ཡིན་པའི་ཕྱིར་ནི་ཐ་དད་པའི་ཕྱིར་ཏེ། བར་མཚམས་ན་གནས་པས་རྟེན་མར?་པ་ལ་སོགས་པར་སྣང་བའི་ཕྱིར་རོ་ཞེས་བསྟན་པ་ནི། སྣང ་བ་ཐ་དད་ཅེས་བྱ་བའོ། །འདི་ལ་ཁ་ཅིག་ན་རེ་ཡུལ་རྣམས་འདི་ལ་སྣང་བའི་ཕྱིར་སྣང་བ་ནི་དབང་པོ་ཡིན་ལ། དེ་ཐ་དད་པ་ཡང་ཡིན་པ་དེས་རྟོགས་པའི་ཐ་དད་པ་ཡིན་ཏེ། དབང་པོ་ཐ་དད་པའི་ཕྱིར་རོ། །དེ་བཞིན་དུ་གཞན་དག་ན་རེ་སྣང་བ་ཐ་དད་པ་སྐྱེས་བུ་གང་གི་ཡིན་པ་དེས་རྟོགས ་པའི་ཕྱིར། རང་དང་གཞན་གྱི་བདག་ཉིད་ཅན་གྱི་མངོན་སུམ་པ་ནི་ལུས་ཡིན་ལ། སེམས་པ་ནི་རང་གི་མངོན་སུམ་ཁོ་ན་ཡིན་ནོ། །འདི་གཉིས་ཀ་ཡང་སྣང་བ་ཐ་དད་པ་མ་ཡིན་ན། ཐ་དད་པར་སྒྲུབ་པར་བྱེད་པ་མ་ཡིན་ལ། དེ་ཡོད་ན་དེ་ཉིད་ཐ་དད་པའི་སྒྲུབ་བྱེད་ཉིད་ཡིན་གྱི་དབང་པོ་དང ་སྐྱེས་བུ་དག་ནི་མ་ཡིན་ནོ་ཞེས་བྱ་བ་དེ་བསལ་བ་ནི། དབང་པོ་ཐ་དད་པ་ཞེས་བྱ་བའོ། །སྣང་བའི་རང་བཞིན་ཞེས་བྱ་བ་ནི་རྟོགས་པ་མེད་པའོ། །ལུས་དང་སེམས་པ་དག་ཐ་མི་དད་པས་རྟེན་ལ་སོགས་པ་དང་དེ་ལས་བཟློག་པའི་སོ་སོར་སྣང་བ་བསྟན་པ་ནི། དེར་ཡང་སྣང་བ་ནི ་ཐ་དད་དོ་ཞེས་བྱ་བའོ། །ཐ་དད་པ་མ་ཡིན་ནོ་སྙམ་དུ་སེམས་པ་ནི། འོན་ཏེ་བདེ་བ་ལ་སོགས་པ་ནི་གང་གི་རེག་བྱ་ཞེས་བྱ་བའོ། །ཕྱི་རོལ་རིག་པ་མ་ཡིན་ཡང་ཐ་དད་པ་ལས་བཟློག་པ་མ་ཡིན་པར་བསྟན་པ་ནི། གང་ཞིག་གང་ན་ཞེས་བྱ་བ་སྟེ། ཕྱི་རོལ་གྱི་ཤིང་བཞིན་དུ ་རིག་པ་མ་ཡིན་པ་ནི། གཞན་གྱི་ཞེས་བྱ་བར་སྦྱར་བར་བྱའོ། །གཞན་གྱི་ཞེས་བྱ་བ་ནི་ཤེས་པས་སོ། །གཞན་གྱིས་ཅི་ཕྱིར་ཞེས་བྱ་བ་ནི་སྐྱེས་བུས་སོ། །གཉིས་པོ་ཕན་ཚུན་རེག་པ་ནི་འཁྱུད་བ་ནའོ། །གཉི་གས་ཀྱང་ནི་ཞེས་བྱ་བ་ནི་རེག་བྱ་དག་སྟེ་གཞན་ལ་གནས་པ ་གཞན་གྱིས་རིག་པ་བཞིན་དུ་རང་ལ་ཡང་གནས་པར་རིག་པར་འགྱུར་རོ་ཞེས་བྱ་བའི་དོན་ཏོ། །བདག་གི་རང་བཞིན་ནི་བདག་གི་རེག་པའི་ངོ་བོའོ། །ད་ལྟ་ཡིན་ནོ་ཞེས་བྱ་བ་ནི་གཞན་ལ་ཡོད་པ་དང། རང་ལ་ཡོད་པ་གཉིས་ཅིག་ཅར་ཁོ་ནར་རྟོགས་པར་འགྱུར་རོ་ཞེས་བྱ་བའི ་དོན་ཏོ། །རྣམ་པ་ཐམས་ཅད་ཅེས་བྱ་བ་རྣམ་པ་གཞན་ཁོ་ན་ཆ་ཤེས་མེད་པ་ཉིད་ཀྱིས་མེད་པའི་ཕྱིར་རོ། །དུ་མ་ཞེས་བྱ་བ་ནི་ཆ་ཤས་དང་བཅས་པའོ། །རང་ཉིད་ཅེས་བྱ་བ་ནི་རང་རིག་པ་རྣམས་ཀྱི་བདེ་བའི་རྡུལ་ཕྲ་རབ་རྣམས་ཀྱིའོ། །གཅིག་ཉིད་ཅེས་བྱ་བ་ནི་རྡུལ་ཕྲ་རབ་པོ། ་རྡུལ་ཕྲ་རབ་རེ་རེ་ནས་རིག་པ་མེད་པའི་ཕྱིར་རྡུལ་ཕྲ་རབ་དེ་རྣམས་ཀྱི་འབྱར་བ་ཡང་དབྱེ་བས་རྟོགས་པར་འགྱུར་རོ་ཞེས་བསྟན་པ་ནི། ཡོད་ཀྱང་ཞེས་བྱ་བ་ནི་འབྱར་པ་ཞེས་བྱ་བ་དང་སྦྱར་རོ། །འབྱར་པས་ཞེས་བྱ་བ་ནི་རྡུལ་ཕྲ་རབ་རྣམས་རེག་པའོ། །དེ་དག་གི་ཞེས་བྱ་བ ་ནི་རྡུལ་ཕྲ་རབ་དེ་རྣམས་ཀྱི་རང་གི་ངོ་བོ་ཐ་དད་པར་རྟོགས་པ་མ་མིན་ནོ། །འབྱུང་བ་དག་ལས་ཏེ་མ་རྟོགས་པའི་རྡུལ་ཕྲ་རབ་རྣམས་ལས་སེམས་པ་ཐ་དད་པར་རྟོགས་པ་ཡིན་ཏེ། རྟོགས་པ་དང་མ་རྟོགས་པ་ཐ་དད་པའི་ཕྱིར་རོ། །གཞན་གྱིས་ཞེས་བྱ་བ་ནི་རེག་བྱའོ།། ་དེའི་ཕྱིར་ཞེས་བྱ་བ་ནི་བསྡུ་བའོ། །ཇི་ལྟར་གནས་ཞེས་བྱ་བ་ནི་བདེ་བ་ཉིད་དེ། གང་དུ་ཡང་རུང་བས་རེག་པ་ན་དེ་ལྟ་བུ་ཉིད་དུ་འགྱུར་རོ་ཞེས་བྱ་བའི་དོན་ཏོ། །གཞན་མེད་ཀྱང་ཞེས་བྱ་བ་ནི་ལུས་ལས་སོ། །སེམས་པ་ནི་ཡིད་དུ་འོངས་པ་ངོ་བོ་ཉིད་ཀྱིའོ། །གནས་ཞེས་བྱ་བ་ནི་ལས? ་ཀྱི་ངོ་བོའི་རྒྱུའི་ཁྱད་པར་ལས་ཏེ་འདི་པ་ལ་མེད་པའི་ཕྱིར། ཡིད་དུ་འོང་བ་ཉིད་ནི་ལུས་ཀྱི་ཆོས་མ་ཡིན་གྱི། འོན་ཀྱང་ཤེས་པ་པོའི་ཤེས་པའི་ཆོས་ཡིན་ཏེ། རུང་བའི་ཡུལ་ན་ཡོད་པ་རྣམས་མི་ཤེས་ཀྱང་རང་ཉིད་ཤེས་པའི་ཕྱིར་རོ་ཞེས་བསྟན་པ་ནི། གལ་ཏེ་དེའི ་ཡིད་འོང་ཉིད་ཅེས་བྱ་བ་སྟེ། དེ་ལྟ་བུའི་ངོ་བོར་སྣང་བ་མཐོང་བ་ཉིད་ཀྱི་མིང་ཅན་སྐྱེས་བུ་རེ་རེ་ཞིང་ངེས་པ་རིག་པའི་ཤེས་པ་ཁོ་ན་ཡིན་པར་བསྟན་པ་ནི། གཟུགས་ནི་སྣང་བར་གྱུར་ན་ཡང་ཞེས་བྱ་བའོ། །ལུས་ཀྱི་ནང་དུ་ཆུད་ཉིད་ན་ཞེས་བྱ་བ་ནི་ལུས་ལས་ཐ་མི་དད་ན་སྟེ། ལུས ་ལུས་འབའ་ཞིག་གཞན་གྱིས་ཇི་ལྟར་རིག་པར་འགྱུར་ཞེས་བྱ་བར་སྦྱར་རོ། །ལུས་མ་རྟོགས་ཀྱང་ཤེས་པ་རྟོགས་པར་བསྟན་པ་ནི། མུན་ནག་གནས་པ་ཞེས་བྱ་བའོ། །ལུས་ཀྱི་ཁོངས་སུ་གཏོགས་པ་ཉིད་ཅེས་བྱ་བའི་ངེས་པ་བསྟན་པ་ནི། རྣམ་པར ་རྟོགས་པ་མེད་པར་ནི་ཞེས་བྱ་བའོ། །མུན་གནས་གནས་པ་ཞེས་བྱ་བ་འདིའི་བཤད་པ་ནི། དེས་ན་ཞེས་བྱ་བ་ནི་ལུས་ཀྱིས་སོ། །དེ་མེད་པར་ནི་རྟོག་པ་མེད་པར་ཏེ་རིག་པར་ཞེས་བྱ་བར་སྦྱར་རོ། །ལྷན་ཅིག་དམིགས་པར་ངེས་པ་ཞེས་བྱ་བ་ཡོད་པ་ཞེས་བྱ་བའི་དོན་ཏོ། ་ལུས་ཀྱི་འབྲས་བུ་འམ་ལུས་ཀྱི་བདག་ཉིད་ཡིན་ན་ལུས་རྣམ་པར་འགྱུར་ན་རྣམ་རྟག་ཏུ་གཅིག་པའི་རྣམ་པ་ཁོ་ནར་འགྱུར་པ་ཡིན་པར་བསྟན་པ་ནི། ཇི་སྲིད་ལུས་ནི་འགྱུར་བར་ཞེས་བྱ་བ་སྟེ། དེའི་འགྱུར་བས་འགྱུར་བ་ཉིད་ཀྱིས་དེའི་འབྲས་བུ་ཉིད་ལ་ཁྱབ་པ་ཡིན ་ལ། དེ་དང་འགལ་བ་ལ་ནི་དེ་རྣམ་པར་འགྱུར་བ་མ་ཡིན་པས་རྣམ་པར་འགྱུར་པ་ཉིད་ཡིན་ན་ནི་མི་འགྱུར་རོ། །ལུས་འབའ་ཞིག་གི་འབྲས་བུ་ཉིད་ཡིན་ན་དེ་ལྟར་འགྱུར་བ་ཞིག་ན། འོ་ན་ཅི་ཞེ་ན། ཡིད་ཀྱིས་རྣམ་ཤེས་ནི་དོན་དང་ལྷན་ཅིག་བྱེད་པའི་ལུས ་ཀྱི་འབྲས་བུ་ཡིན་ལ། ལུས་ལ་དབྱེ་བ་མེད་ཀྱང་དོན་གྱི་དབྱེ་བས་ཕྱེ་བ་ཡིན་ནོ། །དེའི་ཕྱིར་དེའི་ཚོགས་པའི་དབྱེ་བས་ཕྱེ་བ་ཡིན་ཏེ། དེའི་འབྲས་བུ་ཁོ་ན་དེ་ཡིན་ནོ་སྙམ་དུ་སེམས་པ་ལ། རྣམ་པར་རྟོག་པ་ནི་ཞེས་བྱ་བ་སྟེ། རྣམ་པར་རྟོག་པ་ནི་དོན་ལ་མི ་བལྟོས་པའི་ཕྱིར་ཏེ། ལུས་ཙམ་རྒྱུ་ཉིད་དུ་ཁས་ལེན་ན་ཁྱབ་པར་བྱེད་པར་འགལ་བར་གྲུབ་པ་ཁོ་ན་ཡིན་ནོ་ཞེས་བྱ་བའི་དོན་ཏོ། །ཡིད་ཀྱི་རྣམ་ཤེས་ཀྱི་རྒྱུ་ལུས་ཉིད་ཡིན་ན་ལུས་ཐ་མི་དད་ན་ཡིད་ལ་སྣང་བཞིན་པ་ཐ་མི་དད་པར་བསྟན་ནས། བག་ཆགས་སད ་པའི་རྒྱུ་ཉིད་ཡིན་ན་ལུས་ལ་དབྱེ་བ་མེད་ཀྱང་དེའི་དབྱེ་བས་ཕྱེ་བར་འཐད་བ་ཁོ་ནར་བསྟན་པ་ནི། གང་ཚེ་བལྟོས་པ་མེད་པ་ནི་ལུས་ཀྱི་བྱེ་བྲག་ལ་སྟེ། གང་གི་ཚེ་བག་ཆགས་སད་པ་ཁོ་ན་ཤེས་པ་གང་གི་རྒྱུ་ཡིན་པའི་ཤེས་པ་དེ་འགའ་ཞིག་ཏུ ་འགྱུར། གང་དང་དེ་རྟག་ཏུ་འབྲེལ་པའི་ཕྱིར་དེའི་ཚེ་དེས་ན་དེས་རྒྱུས་སོ། །འགའ་ཞིག་གི་སྐྱེས་བུའིའོ། །རེས་འགའ་འགའ་ཞིག་ཏུ་འགྱུར་གྱི་གཅིག་གི་ངོ་བོ་ནི་མ་ཡིན་ཞེས་བྱ་བར་སྦྱར་རོ། །གང་གི་ཚེ་བག་ཆགས་སད་པའི་རྒྱུ་ཤེས་པ་འགའ་ཞིག་ན་འབྱུང་བར་འགྱུར་བ་འགའ་ཞིག་གི་ཡིན་ལ ་དེའི་ཚེ?་དེས?་ཏེ། རྒྱུས་རེས་འགའ་ཞིག་ཁོ་ནར་འགྱུར་ཞེས་བྱ་བ་ནི་གཞན་གྱི་འདོད་པའོ། །འགྲེལ་བ་མཛད་པ་ནི་ལུས་ལ་བལྟོས་པ་མེད་པར་ཞེས་བྱ་བས་ཁྱད་པར་བཀག་ནས་ལྷག་མ་ཁས་བླངས་པས་བག་ཆགས་སད་པའི་རྒྱུ་ཅུང་ཟད་ལ་བལྟོས་ནས་དས་ཏེ་རྒྱུས་སྐྱེས་བུ ་གདུལ?་པའི་ནམ་ཞིག་གིས་དུས་སུ་ཤེས་པ་ཅུང་ཟད་དུ་འགྱུར་ཞེས་འཆད་པ་ནི། ལུས་རྒྱུ་ཡིན་ན་ནི་ཞེས་བྱ་བ་ལ་སོགས་པས་བཤད་པ་ཡིན་ནོ། །ལུས་ཀྱི་ལྷན་ཅིག་བྱེད་པ་ཉིད་ཀྱིས་རྒྱུ་ཉིད་དུ་འགྱུར་དུ་ཟིན་ཀྱང། གང་གིས་འགྱུར་བས་ངེས་པར་འགྱུར་བ་དེ་ཉེ་བར་ལེན་པའི་ཤེས་པ ་བཙལ་པར་བྱུང?་བ་ཁོ་ན་ཡིན་པའི་ཕྱིར། ཤེས་པ་རྒྱུ་ཉིད་ཡིན་པ་ལ་གཏན་ཚིགས་གཞན་བསྟན་པ་ནི། རྣམ་ཤེས་མིན་པ་ཞེས་བྱ་བའོ། །གལ་ཏེ་ལུས་ཀྱི་ལྷན་ཅིག་བྱེད་པ་ཡིན་ན། དེ་ཉིད་ཀྱི་ཤེས་པ་ནུས་པའི་ངོ་བོར་འགྱུར་ལ། ཆོས་ཅན་གཞན་དུ་རྟོག་པ་མིན་ན་དེ་དང ་ནུས་པའི་རྟོག་པར་ཡང་འགྱུར་བའི་ཕྱིར་རྟོག་པ་ལྕི་བར་འགྱུར་རོ་སྙམ་དུ་སེམས་པ་ནི། གལ་ཏེ་དངོས་པོ་ཐམས་ཅད་ནི་ཞེས་བྱ་བའོ། །འདོད་པ་འདི་ནི་གྲངས་ཅན་གྱི་ཡིན་གྱི། རྒྱང་ཕན་པའི་མ་ཡིན་ཞེས་བསྟན་པ་ནི། དེ་སྐད་གྲངས་ཅན་ཞེས་བྱ་བའོ། །འདི་མི་རིགས་པར་བསྟན་པ་ནི ་ངོ་བོ་གང་ཞིག་ནི་རྣམ་ཤེས་ཀྱི་སྣང་བ་ཡིན་ལ། དེ་ནུས་པའི་གནས་སྐབས་ཀྱི་ཤེས་པ་ལ་མེད་པའི་ཕྱིར་ཐ་དད་པ་ཡིན་ནོ། །དེའི་ཕྱིར་སྣང་བ་ཉེ་བར་ལེན་བ་ནི་སྣང་བ་རྟོགས་པ་ཡིན་གྱི་གཞན་ནི་མ་ཡིན་ནོ་ཞེས་བྱ་བའི་དོན་ཏོ། །རྒྱུ་ནི་རྣམ་བརྒྱུར?་རྣམ་ཕྱེ་ཡང། ཐ་དད་པར་རོ་ཞེས་བྱ ་བ་ནི་བཞད་གང་ཡིན་པས་མི་དམིགས་པ་བསྟན་པ་ཡིན་ནོ། །སྣང་བའི་རྣམ་ཤེས་ཉེ་བར་ལེན་པ་ཉིད་རྣམ་ཤེས་ཡིན་པར་བསྟན་པ་ནི། རྣམ་པར་ཤེས་པ་མཐུན་པ་དང་མི་མཐུན་བ་ཞེས་བྱ་བའོ། །རྩ་མཆོག་གི་རྩེ་མོ་ན་གླང་པོ་ཆེ་བརྒྱ་བཞིན་དུ་འོ་མ་ལ་མ་མཐོང་བའི་ཁོ?་ཁས་ལེན ་པ་དང་འདྲ་བ་ཡིན་པར་བསྟན་པ་ནི། ཞོ་སོགས་རྣམས་ཀྱིས་ཞེས་བྱ་བའོ། །རང་བཞིན་གཞན་གྱིས་ནི་ཡུལ་འཛིན་པའི་རང་བཞིན་ལས་གཞན་པའི་རང་བཞིན་ནི་རང་བཞིན་གཞན་ནོ། །དེས་དེ་ཉིད་ཡུལ་འཛིན་པའི་རང་བཞིན་ཡིན་ནོ། །རྣམ་ཤེས་ལས་ཞེས ་བྱ་བ་ནི་ཡུལ་འཛིན་པ་ལས་སོ། །འདུ་བྱེད་མངོན་ཕྱོགས་པ་ནི་མཁས་པ་ཉིད་ལ་སོགས་པའོ། །མ་ཡིན་ཞེས་བྱ་བ་ནི་ས་བོན་ལས་བྱུང་བ་ཡང་སླར་ཡང་རྩ་བ་ལས་འཕྲོས་པའི་རིས་ཀྱིས་རྩ་བ་ལས་སྐྱེས་པ་གཞན་ལས་ཐ་དད་པ་མ་ཡིན་ནོ། །དེའི་ཕྱིར་དེ་མ་ཐག་པའི ་རྒྱུ་ནི་འབྲས་བུའི་དབྱེ་བ་བྱེད་བ་ཡིན་གྱི། བར་དུ་ཆོད་པ་ནི་མ་ཡིན་ནོ། །རྣམ་པར་ཤེས་པ་ལས་ཞེས་བྱ་བ་ནི་ཡུལ་འཛིན་པའི་བདག་ཉིད་ལས་སོ། །རེ་ཞིག་འབྱུང་བ་རྣམས་ཀྱི་ངོ་བོ་ནི་འདོད་ཆགས་ལ་སོགས་པ་མ་ཡིན་ཏེ། འདོད་ཆགས་ལ་སོགས་པ་མེད ་ཀྱང་ཤིང་དང་རྡོ་བ་ལ་སོགས་པའི་འབྱུང་བ་མཐོང་བའི་ཕྱིར། ལུས་ཀྱང་རྒྱུ་མ་ཡིན་ཏེ། དེ་ཡོད་ཀྱང་རེས་འགའ་མེད་པའི་ཕྱིར་དང། འཚོ་བ་ཡང་བཏང་སྙོམས་ཀྱི་དུས་ན་དེ་མེད་ཀྱང་འབྱུང་བའི་ངོ་བོ་མཐོང་བའི་ཕྱིར་ལ། དེ་ཉིད་ཀྱི་ན་འབྱུང་བ་ཙམ ་གྱི་བསྐྱེད་བྱ་མ་ཡིན་ཏེ། སྔ་ན་མེད་པའི་སེམས་ཅན་འབྱུང་བ་སྔོན་དུ་འགྲོ་བ་ལས་འབྱུང་བ་མ་ཡིན་ནོ། །དེ་ལྟ་ན་ཤིང་ལ་སོགས་པ་བཞིན་དུ་ལུས་ཡོངས་སུ་གྱུར་པ་ཡང་འཚོ་བ་ན་འདོད་ཆགས་ལ་སོགས་པ་དང་ལྡན་པ་ཇི་ལྟ་བ་བཞིན་ཞེས་ངེས་པ ་མེད་པར་འགྱུར། གང་གི་ཕྱིར་རང་བཞིན་གྱི་ངེས་པ་ལ་ཁྱབ་པ་ཡིན་ལ། རང་བཞིན་མ་ཡིན་པ་ཉིད་ནི་དེ་དང་འགལ་བ་ཡིན་པས་ཁྱབ་པར་བྱེད་པ་འགལ་བ་ཡིན་པར་བསྟན་པ་ནི། སྔ་ན་མེད་པ་འབྱུང་བ་ལ་ཞེས་བྱ་བའོ། །གལ་ཏེ་འཇིག་རྟེན་ཕ་རོལ་ཏུ་འབྱུང ་བ་ངེས་པ་ཅན་དུ་ཁས་མི་ལེན། འབྱུང་བར་གཏོགས་པ་ཡང་མེད་པའི་ཕྱིར་ཇི་ལྟར་ངེས་པ་ཡིན་ཞེས་རྣམ་པར་འགྲེལ་པ་ནི། གལ་ཏེ་འཇིག་རྟེན་ཕ་རོལ་ཞེས་བྱ་བའོ། །འཇིག་རྟེན་ཕ་རོལ་ཡོད་ན་སྐྱེ་བ་སྔ་མ་ལས་བྱུང་བའི་སྲེད་པ་པ་ལ་སོགས་པའི་ངེས ་པ་ཅན་ཡིན་པའི་ཕྱིར། ངེས་པ་མེད་པ་མ་ཡིན་ནོ་ཞེས་བྱ་བ་མ་ཡིན་པར་བསྟན་པ་ནི། གང་གི་ཚེ་ཞེས་བྱ་བའོ། །ཅི་ལས་ཤེ་ན། སྲེད་པ་ཉིད་ཡོད་པའི་སྲོག་ཆགས་སྐྱེ་བ་ཡིན་པ་དེའི་ཕྱིར་སྲེད་པ་ཉིད་རྒྱུ་ཡིན་ཞེས་བྱ་བར་སྦྱར་རོ། །དེ་ལྟར་ན་ཞེས་བྱ་བ་སྟེ། འཇིག་རྟེན་ཕ་རོལ་གྱི་རྒྱུ་ཡིན་པའི ་ཕྱིར། སྐྱེ་བ་ཅན་འདོད་ཆགས་དང་བྲལ་བར་མི་འགྱུར་ཞེས་བྱ་བ་ནི་འདོད་ཆགས་ཅན་ཉིད་སྐྱེ་བ་ཡིན་ཞེས་བྱ་བ་ནི་ངེས་པའོ། །འབྱུང་བ་ཙམ་གྱི་བདག་ཉིད་ནི་འདོད་ཆགས་མ་ཡིན་ནོ། །དེ་ལྟ་མོད་ཀྱི་ལུས་ཀྱི་རྣམ་པ་ཡིན་སྙམ་དུ་སེམས་པ་ནི། འབྱུང་བའི་བདག་ལས་མ་འདས ་ཕྱིར་ཞེས་བྱ་བ་སྟེ། ཀུན་ཞེས་བྱ་བ་ནི་ལུས་ཀྱི་རྣམ་པའོ། །རྒྱུ་དེ་ཉིད་ཀྱིས་ཞེས་བྱ་བ་ནི་ལུས་ཀྱི་རྣམ་པའི་འབྱུང་བའི་བདག་ཉིད་ཡིན་པའི་ཕྱིར་རོ། །རྒྱུ་ལ་ཁྱད་པར་མེད་ན་འབྲས་བུ་ལ་ཁྱད་པར་མེད་དེ་དེས་ཁྱབ་པའི་ཕྱིར་སྲོག་ཆགས་ཉིད་ལྟ་བུའོ། །འོན་ཏེ་ལུས་ཀྱི་རྣམ་པ་ཅན་གྱིས ་འབྱུང་བ་རྣམས་ལས་འདོད་ཆགས་ལ་སོགས་པ་ཕུལ་དུ་བྱུང་བས་རྗེས་སུ་དཔགས་པའི་ཕུལ་དུ་བྱུང་བ་དང། འདོད་ཆགས་ཉིད་མཚུངས་པ་མ་ཡིན་ནོ་སྙམ་དུ་སེམས་པ་ལ། གལ་ཏེ་འབྱུང་འཆད་ལས་མིན་ན་ཞེས་བྱ་བའོ། །ལུས་ཀྱི་རྣམ་པ་ཅན་རྣམས་ཀྱི་སྲོག་ཆགས ་ཉིད་ལ་འབྲས་བུའི་ཁྱད་པར་མེད་པ་ཡིན་ཏེ། དེ་ཙམ་པ་བསྐྱེད་བྱ་ཡིན་པའི་ཕྱིར་རོ། །འདོད་ཆགས་ལ་སོགས་པ་ནི་དེ་ལྟ་མ་ཡིན་པའི་ཕྱིར་དེ་ཙམ་གྱི་བསྐྱེད་བྱ་མ་ཡིན་པས་ཁྱད་པར་གྱི་རིམ་པ་སྐྱེ་བར་བྱེད་པར་རྟོགས་པར་བྱེད་པ་ཡིན་ལ་དེ་ཡང་དེ་ལྟར་རྟོགས་པ་ནི་དེ་ཞེས་བྱ་བ་ནི་ལུས ་ཀྱི་རྣམ་པའི་འབྱུང་བ་རྣམས་ཏེ། དེ་འགྱུར་བ་ལས་ནི་འདོད་ཆགས་ལ་སོགས་པ་ཉིད་ལས་སོ། །མེད་པར་བྱེད་པ་ལས་ནི་འདོར་བར་བྱེད་པའོ། །ཅི་ལས་ཡིན་ཞེ་ན། ཕུལ་བྱུང་འགྲིབ་པར་ལྡན་ཏེ་ཕུལ་དུ་བྱུང་དང་ལྡན་པ་འགྲིབ་པ་དང་ལྡན་པ་ཡང་གང་ཚེ་འགྲིབ་པ་དང་ལྡན་པ་ཉིད་ཀྱིས་བསྐྱེད ་བྱེད་མ་ཡིན་པ་དེའི་ཚེ་འདོད་ཆགས་དང་བྲལ་བ་ཉིད་དུ་འགྱུར་ཞེས་བྱ་བའི་དོན་ཏོ། །སྔར་མེད་པ་ཞེས་བྱ་བ་ལ་སོགས་པ་ཚིགས་སུ་བཅད་པ་ཕྱེད་དང་གསུམ་གྱི་བསྡུས་པའི་དོན་ནི་ཆགས་སོགས་ངེས་མེད་ཅེས་བྱ་བ་ལ་སོགས་པས་བསྟན་པ་ཡིན་ནོ། །ཇི་ལྟར་སྲོག་ཆགས་མ་ཡིན ་བ་ཞེས་བྱ་བ་ནི་ཤིང་ལ་སོགས་པའི་བྱེ་བྲག་ཁྱད་པར་གྱི་རིམ་པ་ཐ་དད་པ་དང་ལྡན་པའོ། །ཐ་དད་པ་ནི་ཁྱད་པར་གྱི་རིམ་པའོ། །ཐ་དད་པ་ལ་ཡང་ནི་འགྲིབ་པ་དང་ཕུལ་དུ་བྱུང་བ་དང་ལྡན་པ་ལ་ཡང་ངོ། །འདོད་ཆགས་ལ་སོགས་པའི་རྒྱུའི་མཚུངས་པའི་བདག་ཉིད ་ནི་སྤྱིའི་རྒྱུ་ཉིད་ཡིན་ལ། དེ་མི་ལྡོག་པ་ནི་རྟག་པའི་ཕྱིར་རོ། །དེའི་ཕྱིར་འདོད་ཆགས་ལ་སོགས་པ་ཟད་པ་མ་ཡིན་ནོ་སྙམ་དུ་སེམས་པའི་དོན་ཏོ། །འདོད་ཆགས་ལ་སོགས་པའི་རྒྱུའི་ཁྱད་པར་མེད་ན་སྤྱི་ཇི་ལྟར་ཡིན། རྒྱུད་གཞན་ལ་ཡོད་པ་ནི་རྒྱུད་གཞན་ལ་འདོད་ཆགས་ཀྱི་རྒྱུ་ཡང ་མ་ཡིན་ནོ། །བརྗོད་པ་འདོད་ཆགས་ནི་ལུས་ཀྱི་རྣམ་པ་ཁོ་ནའི་འབྱུང་བ་ལས་བྱུང་བ་ཡིན་ལ། དེ་ཉིད་རྒྱུའི་སྤྱི་ཡིན་པར་བརྗོད་དོ། །དེ་ལ་ཡོད་ན་འདོད་ཆགས་འབྱུང་བའི་ཕྱིར་རོ། །འབྱུང་བའི་བདག་ལས་མ་འདས་ཕྱིར་ཞེས་དོགས་པར་གྱུར་པ་མ་ཡིན་ནམ། བདེན་མོད་ཀྱི་བྱུང ་བ་ཙམ་ལས་འདོད་ཆགས་ཡིན་ལ། དེ་ཕུལ་དུ་ཕྱུང་བ་ལས་འདོད་ཆགས་ཕུལ་དུ་བྱུང་བ་ཡིན་གྱི། དེ་མེད་པ་ལས་ནི་འབྱུང་བ་མ་ཡིན་ལ། འདོད་ཆགས་ཙམ་ནི་འབྱུང་བ་ཙམ་ལས་བྱུང་བ་ཡིན་ཞེས་བྱ་བ་ནི་ཁྱད་པར་ཡིན་ནོ། །འདྲ་བའི་རྒྱུ་ཅན་གྱི་ཞེས་བྱ་བ་ནི་ལུས་ཀྱི་རྣམ ་པའི་འབྱུང་བ་ཙམ་ལས་སོ། །མཚུངས་པ་ཉིད་ཅེས་བྱ་བ་ནི་འབྱུང་བ་ཙམ་དུའོ། །འབྱུང་བ་ལ་ཁྱད་པར་མེད་ཀྱང་ཁྱད་པར་དང་ལྡན་པ། གཞན་གྱི་འབྲས་བུ་ཡིན་གྱི་འབྱུང་བའི་འབྲས་བུ་མ་ཡིན་ནོ་ཞེས་བསྟན་པ་ནི། གལ་ཏེ་ཞེས་བྱ་བའོ། །གང་ལ་ཞེས་བྱ་བ་ནི་བྱུང་བའི་ཁྱད ་པར་ལའོ། །མཚུངས་པ་ལས་ཞེས་བྱ་བ་ནི་འབྱུང་བ་ཙམ་གྱི་བསྐྱེད་བྱ་ཉིད་ལས་སོ། །འདི་ཉིད་ཀྱི་དཔེ་བསྟན་པ་ནི་བ་ལང་གི་ཤེས་བ་ཞེས་བྱའོ། །བ་ལང་གི་ཤེས་པ་ནི་མཚུངས་པའི་བདག་ཉིད་ཀྱི་བ་ལང་ཉིད་ལས་སམ། བ་ལང་མ་ཡིན་པ་ལས་ལོག་པ་ལས་འབྱུང་བ་ལ ་ཁྱད་པར་མེད་པར་བསྟན་པ་ནི། འདིར་ཡང་ཞེས་བྱ་བའོ། །གནས་སྐབས་ཀྱི་འབྱུང་བ་ཙམ་གྱི་བསྐྱེད་བྱའི་སྲོག་ཆགས་ཉིད་ལ་སོགས་པ་ཞེས་བྱ་བའི་ཡུལ་འདི་ལ་འབྱུང་བ་ཙམ་གྱི་བསྐྱེད་བྱ་སྲོག་ཆགས་ཉིད་ལ་ཁྱད་པར་མེད་པའི་ཕྱིར་དཔེ་གཞན་ཡིན་ནོ། །འཇིག་རྟེན ་རྒྱང་པན་པའི་ལྟ་བ་ལ་བལྟོས་ནས་གནས་སྐབས་ཀྱི་དཔེ་ཡིན་ནོ་ཞེས་བྱ་བའི་དོན་ཏོ། །ཆད་པར་ཡང་ཞེས་བྱ་བ་ནི་ཕྱོགས་གཞན་མེད་པར་དགོངས་པའོ། །ཁྱད་པར་གྱི་རིམ་པ་དང་ལྡན་པའི་ཆོས་ཅན་ཡོད་ན་ཤིན་ཏུ་ལྡོག་པ་མ་ཡིན་ནོ། །མེ་ཡོད་པ་ཁོ་ན་ཡིན་ན་དྲོ་བ་ཉིད་ལྡོག་པ ་མ་ཡིན་པའི་ཕྱིར་ཁྱད་པར་གྱི་རིམ་པ་དང་ལྡན་པ་ནི་ཤིན་ཏུ་མེད་པས་ཁྱབ་པ་མ་ཡིན་ཏེ། དེ་མེད་ཀྱང་ཡོད་པའི་ཕྱིར་རོ་སྙམ་དུ་སེམས་པ་ནི། དྲོ་རིམ་ཁྱད་པར་ཞེས་བྱ་བའོ། །ཆོས་ཅན་གནས་ན་ཁྱད་པར་གྱི་རིམ་པ་དང་ལྡན་པ་གང་ཡིན་པ་དེ་ལྡོག་པ་ཡིན་ཏེ། དེ་དེ་ལ་རེས ་འགའ་སྔ་ན་མེད་པ་ཡང་ཡིན་པའི་ཕྱིར་བསྒྲུབ་པར་བྱ་བ་ཡིན་གྱི། དེ་བཞིན་དུ་དྲོ་བ་ཉིད་ནི་མེ་ཡོད་ན་ལྡོག་པ་མ་ཡིན་ནོ། །མ་ཡིན་ཏེ། དེ་མེད་ན་མེ་ཉིད་མེད་པའི་ཕྱིར་རོ། །དེ་ཉིད་ཀྱི་ཕྱིར་མེ་ལས་དྲོ་བའི་ཐ་དད་པ་བཀག་པས་ཐ་མི་དད་པ་ཐ་སྙད་ཀྱི་ཡུལ་ཉིད་དུ་བརྗོད་པ་ཡིན་ཏེ། ངེས་པ ་དམིགས་པ་དང་མ་དམིགས་པ་དག་ཁོ་ན་ཐ་མི་དད་པར་རྟོགས་པའི་ཡུལ་ཉིད་རྟོགས་པར་བསྟན་པ་ནི་མིན། དྲོ་ལས་མེ་ཞེས་བྱ་བ་སྟེ། ཐམས་ཅད་སྔ་ན་ཡང་ཡོད་པ་མ་ཡིན་པ་མ་ཡིན་ནམ་ཞེས་བྱ་བར་སྦྱར་རོ། །ལུས་ལ་ཐ་དད་པའི་ཕྱིར་ཞེས་བྱ་བ་ནི་ལུས་ཡོད་ཀྱང་མེད་པའི ་ཕྱིར་རོ། །དེ་བཞིན་དུ་མེ་ཡོད་ཀྱང་དྲོ་བ་མེད་པ་ནི་མ་ཡིན་ནོ་ཞེས་བསྟན་པ་ནི། འདིར་མེ་ནི་ཞེས་བྱ་བའོ། །འདི་ཉིད་མེ་མ་ཡིན་ཞེས་བྱ་བ་ཉིད་ཀྱིས་སྒྲ་ནི་རིམ་པ་གཞན་དུ་སྦྱར་བ་ཡིན་ཏེ། ལུས་ཀྱི་རྣམ་པའི་འབྱུང་བ་ཉིད་ཡལ་བར་འདུག་པའི་གནས་སྐབས་ན་འདོད་ཆགས ་ལ་སོགས་པ་མེད་པ་ནི་མི་འབྱུང་བ་མ་ཡིན་ཞེས་བྱ་བར་སྦྱར་རོ། །དེ་བཞིན་དུ་ཐལ་བའི་གནས་སྐབས་སུ་དྲོ་བ་མེད་པ་ན་མེ་ཡོད་པ་མ་ཡིན་པར་བསྟན་པ་ནི། གལ་ཏེ་འབྱུང་བ་འདུས་པ་ཞེས་བྱ་བ་སྟེ། རྒྱུན་ཆད་པ་ཉིད་སྔ་ན་མེད་པར་མ་འཁྲུལ་བ་ཡིན་པར་ཐལ་བར ་འགྱུར་གྲང་ན། འགྱུར་བ་མ་ཡིན་ཞེས་བྱ་བར་བཟློག་པར་གོ་བར་བྱའོ། །དྲོ་བ་ཉིད་ལ་མི་འཁྲུལ་བ་ཅན་གྱི་ཆོས་ཅན་ནི་??་གྱི་དེ་བཞིན་དུ་འབར་བ་ཙམ་གྱི་མ་ཡིན་ནོ་ཞེས་བསྟན་པ་ནི། སྔགས་རྒྱུད་ལ་སོགས་ཞེས་བྱ་བ་སྟེ། དྲོ་བ་ལ་མི་འཁྲུལ་བ་ཅན་གྱི་འབར་བ་ནི ་དེ་མེད་ན་མེད་པ་ཁོ་ན་ཡིན་པའི་ཕྱིར་འབར་བ་ཡོད་ཀྱང་ཁྱད་པར་གྱི་རིམ་པ་དང་ལྡན་པའི་དྲོ་བ་ཉིད་མེད་པ་མ་ཡིན་ན་གང་གིས་སྔ་ན་ཡང་མེད་པར་རྟོགས་པར་འགྱུར་ཞེས་བསྟན་པ་ནི། འབར་བ་ལས་ཞེས་བྱ་བ་སྟེ། ཕྱིས་འབྲལ་བར་འགྱུར་བ་ནི། སྔན ་ཡང་ཡིན་ཞེས་བྱ་བའི་དོན་ཏོ། །སྔགས་ལ་སོགས་པའི་ནུས་པས་དྲོ་བ་ཉིད་མེད་ཀྱང་འབར་བ་ཡོད་པ་ཡིན་ན། འོན་ཏེ་འབར་བ་དེ་གང་ཡིན་ཞེ་ན། དབྱིབས་དང་ཁ་དོག་ཡིན་པར་བསྟན་པ་ནི། མདོག་དང་དབྱིབས་ཀྱི་འབར་བའོ་ཞེས་བྱ་བའོ། །ཁ་དོག་དང་དབྱིབས་སུ་འགྱུར ་པ་དེ་ཇི་ལྟར་ཡིན་ཞེ་ན། དྲོ་བ་ཉིད་ཡོད་པ་མ་ཡིན་ཞེས་བྱ་བར་སྦྱར་རོ། །དཔེ་མ་ཡིན་ཞེས་བྱ་བ་ནི་མི་མཐུན་པའི་ཕྱོགས་ལ་གཏན་ཚིགས་མ་ངེས་པ་ཉིད་མཐོང་བར་བྱེད་པ་མ་ཡིན་ཏེ། བྱུང་བ་བྱུང་ནས་འཇིག་པ་མ་ཡིན་ལ། སྔ་ན་ཡང་རེ་འགའ་མ་བྱུང་བར་རྟོགས་པ་ཡིན ་ནོ་ཞེས་བྱ་བའི་དོན་ཏོ། །སྔགས་དང་རྒྱུད་སོགས་ཞེས་བྱ་བའི་འགྲེལ་པ་ནི་འབར་བ་ནི་དྲོ་བ་མེད་པ་དེ་མི་འབྱུང་ལ་ཞེས་བྱ་བར་སྦྱར་རོ། །འོ་ན་ཅི་ཞེ་ན། འགྱུར་བ་ཡིན་ནོ། །དྲོ་བ་ལ་ཞེས་བྱ་བའི་འགྲེལ་པ་ནི་གཏན་མི་བྲལ་བའི་ཞེས་བྱ་བའོ། །དེའི་ཕྱིར་ཁྱད་པར་དང་བཅས ་པ་ཞེས་བྱ་བ་ནི་བྱུང་བ་བྱུང་ནས་ཞིག་པ་ནི་ཁྱད་པར་གྱི་རིམ་པ་དང་ལྡན་པ་ཡིན་པ་སྔ་ན་ཡང་ཁ་ཅིག་ཏུ་གཏན་མེད་པ་ཡིན་པ་ནི་བསྒྲུབ་བྱ་ཡིན་ཞེས་བྱ་བའི་དོན་ཏོ། །ཕྱད་པར་རིམ་པ་དང་ལྡན་པ་ཡོན་ཏན་དང་ལྡན་པ་ཞེས་བྱ་བར་སྦྱར་རོ། །གཞན་ཞེས་བྱ་བ་ནི་དེ ་རྣམས་མེད་ཀྱང་འབྱུང་བ་དེ་མེད་ཀྱང་འབྱུང་བའོ། །དེ་ཁྱད་པར་ནི་དེའི་ཁྱད་པར་རོ། །གང་ཞིག་ཅེས་བྱ་བ་ནི་སྤྱིའི་ཆོས་ཅན་དུ་བསྟན་པའོ། །ཁྱད་པར་ནི་དབྱེ་བ་ཡིན་ལ། དེ་ལྟ་བུའི་ཡོན་ཏན་དེ་རྣམས་ལ་ལར་ཆད་པ་ནི་སྔ་ནས་མེད་པ་སྟེ། དཀར་པོ་ལ་སོགས་པའི ་ཡོན་ཏན་བཞིན་དུ་ནག་པོ་ལ་སོགས་པའི་ཡོན་ཏན་ཡིན་ན། དཀར་པོ་རང་ཤིན་ཏུ་དཀར་པོ་ལ་སོགས་པའི་ཡོན་ཏན་དང་ལྡན་པ་མ་ཡིན་པ་ཁོ་ན་ཏེ། མངོན་པར་གྱུར་པ་དང་མི་མངོན་པར་གྱུར་པའི་ཆོས་ཅན་རྣམས་ལ་རྗེས་སུ་འཇུག་པ་གང་ཡིན་པ་དེ་ཆོས་ཅན ་ཡིན་ཞེས་བྱ་བའི་རིགས་པས་ཆོས་ཅན་ཡོད་པ་ན་ཁྱད་པར་གྱི་རིམ་པ་དང་ལྡན་པའི་ཡོན་ཏན་རང་ཉིད་ཁོ་ན་ལྡོག་པ་ཡིན་ན། ཁ་ཅིག་ཏུ་སྔ་ན་ཡང་རང་ཉིད་ཁོ་ན་མེད་པ་ཡིན་ཏེ། དེ་ལ་དབང་མེད་པའི་ཕྱིར་རོ་ཞེས་བྱ་བའི་དོན་ཏོ། །ཇི་ལྟར་དྲོ་བ་ཉིད་ཁོ་ན་མེ་ཡིན་པ་དེ་བཞིན་དུ ་དཀར་པོ་ལ་སོགས་པ་ཁོ་ན་ལ་སོགས་པས་ལྟ་བུ་ཡིན་ན། དེ་ལོག་ན་ལྡོག་པ་ཁོ་ན་ཡིན་ནོ་སྙམ་དུ་སེམས་པ་ནི། དེ་ལ་དཀར་པོ་ལ་སོགས་པ་ཞེས་བྱ་བའོ། །དེ་ལྟ་ཡིན་ན་ལུས་ཀྱི་རྣམ་པའི་འབྱུང་བ་ནི་འདོད་ཆགས་དང་བློ་དང་དབྱིབས་ལ་སོགས་པ་མ་གཏོགས ་པར་འདོད་ཆགས་ལ་སོགས་པའི་ཡོན་ཏན་མ་ཡིན་ཏེ། འདོད་ཆགས་ལ་སོགས་པ་སྐྱེ་བ་དང་འཇིག་པ་ཡིན་ཡང་ལུས་སོ་ལུས་སོ་ཞེས་བྱ་བའི་ཤེས་པ་རབ་ཏུ་འཇུག་པ་ནི་ཆོས་ཅན་ཡིན་གྱི་དྲོ་བ་མེད་པ་ལ་ནི་དེ་ལྟ་བུའི་ཤེས་པའི་ཡུལ་རྗེས་སུ་འཇུག་པ་ནི་མ་ཡིན ་ནོ། །གཞན་ལ་དཀར་པོ་ཉིད་ལ་སོགས་པའི་ལྡོག་པ་ཡིན་ཡང་དངོས་པོ་གཞན་འབྱུང་བས་རེག་བྱ་ལ་སོགས་པའི་ངོ་བོ་རྗེས་སུ་འཇུག་པར་བསྟན་པ་ནི། སྣམ་བུ་ལ་སོགས་པ་ཞེས་བྱ་བ་སྟེ། དེ་མེད་ཀྱང་ཞེས་བྱ་བ་ནི་ནག་པོའི་ངོ་བོར་གྱུར་ན་དཀར་པོ་ཉིད་མེད ་པའོ། །དེས་ན་ཞེས་བྱ་བ་ནི་དེ་དག་ལ་བསྟོད་པ་བརྗོད་པ་ཡིན་ནོ། །འབྱུང་བ་འགྱུར་བ་མ་ཡིན་ཡང་འགྱུར་པ་ཅན་ནི་དེ་ལ་དབང་མེད་པ་ཡིན་ལ། དེ་ཡོད་ཀྱང་ཁ་ཅིག་ཏུ་འབྱུང་བ་མ་ཡིན་ཞེས་དགོངས་པའོ། །མེ་ཐ་དད་པ་ཡིན་ན་ཡང་དྲོ་བ་ནི་ཁྱད་པར་གྱི་རིམ་པ་དང་ལྡན་པ ་ཡིན་ཏེ། དེ་ཡོད་ན་གཏན་ལྡོག་པ་མ་ཡིན་ནོ། །དེ་ལས་དབྱེ་བ་མེད་པས་ལྷན་ཅིག་སྐྱེ་དང་ང་འཇིག་པ་ཡིན་པའི་ཕྱིར་རོ། །དེ་བཞིན་དུ་འདོད་ཆགས་ལ་སོགས་པ་ལུས་ལས་ཐ་མི་དད་པ་མ་ཡིན་ཏེ། དེ་ཡོད་ཀྱང་མེད་པའི་ཕྱིར་རོ། །དེའི་ཕྱིར་ལུས་འགའ་ནི་འདོད་ཆགས་དང ་བྲལ་བར་ཡང་འགྱུར་ཏེ། དབྱེ་བ་དང་ལྡན་པ་ཉིད་ཡིན་ན། ཁྱད་པར་གྱི་རིམ་པ་དང་ལྡན་པའི་ཕྱིར་གོས་ལ་ཚོན་བཞིན་ནོ་ཞེས་བྱ་བའི་དོན་ཏོ། །གཟུགས་སོགས་བཞིན་དུ་ངེས་མིན་ཏེ་ཞེས་བྱ་བའི་ཚིགས་སུ་བཅད་པ་ནི། ཡང་ན་མེ་ཉིད་རྗེས་སུ་འཇུག་པ་ནི་ཞེས་བྱ་བའོ། །ཡང་ན ་དཀར་པོ་ལ་སོགས་པ་གང་ཡང་རུང་བ་ཆད་ཀྱང་གདོན་མི་ཟ་བར་གཞན་ཞིག་ཏུ་འགྱུར་བ་ཡིན་ནོ། །དེ་བཞིན་འདོད་ཆགས་ལ་སོགས་པ་ཡང་འགྱུར་རོ་སྙམ་དུ་སེམས་པ་ལ། གཟུགས་སོགས་བཞིན་དུ་ངེས་མིན་ཏེ་ཞེས་བྱ་བ་སྨོས་ཏེ། ངེས་པ་ནི་གང་ཡང ་རུང་བ་མེད་ཀྱང་གང་ཡང་རུང་བར་འབྱུང་བའི་ངོ་བོའོ། །ཅི་ལས་ཡིན་ཞེ་ན། དེ་དག་ནི་གཟུགས་ལ་སོགས་པ་རྣམས་སོ། །འབྱུང་བ་ལས་ནི་ལུས་ཀྱི་རྣམ་པའི་ལས་སོ། །དབྱེར་མེད་ཕྱིར་ནི་ཕན་ཚུན་མེད་ན་མི་འབྱུང་བའི་ཕྱིར་རོ། །གཟུགས་ལ་སོགས་པ་མེད་ན་འབྱུང་བ་རྣམས་མ་ཡིན ་ལ། དེ་རྣམས་ཀྱང་དེ་རྣམས་མེད་ན་མ་ཡིན་ནོ། །འདོད་ཆགས་ལ་སོགས་པ་མེད་ན་མི་འབྱུང་བའི་ལུས་ཀྱང་ངོ་སྙམ་དུ་སེམས་པ་ནི། དེ་མཚུངས་ཞེ་ན་ཞེས་བྱ་བའོ། །མིན་ཞེས་བྱ་བ་ནི་འདི་དགག་པའོ། །ཅི་ལས་ཡིན་ཞེ་ན། གང་ལ་འདོད་ཆགས་ལ་སོགས་པའི་ལྷན་ཅིག་པ་ཡུལ ་ཙམ་འབྱུང་བ་རྣམས་ཀྱི་བསྐྱེད་བ་གང་ཡིན་པ་དེ་ཐལ་བར་འགྱུར་རོ། །འདི་ཡང་རྒྱུ་ནི་ཉེ་ཕྱིར་བློ་རྣམས་ཀུན། །ཐམས་ཅད་ཚེ་ན་སྐྱེ་བར་འགྱུར་ཞེས་བྱ་བ་རྟོགས་པའི་དོན་ལ་དགོངས་ནས་ལྷན་ཅིག་ནམ་ལུས་དང་ངོ། །སྐྱེ་བ་ནི་གནས་སྐབས་ཀྱིས་ཡོད་པ་སྟེ། དེ ་ཐལ་བར་འགྱུར་བ་དེ་ལུས་དང་ལྷན་ཅིག་ཡོད་པར་ངེས་པར་འདོད་ཆགས་ལ་སོགས་པ་རྣམས་སུ་འགྱུར་བ་ཞེས་བྱ་བའི་དོན་དུ་བཤད་པ་ནི། འདོད་ཆགས་ལ་སོགས་པ་རྣམས་ཞེས་བྱའོ། །ཐམས་ཅད་ཀྱི་ཚེ་ཞེས་བྱ་བ་ནི་བདག་མེད་པ་ལ་སོགས་པ་བསྒོམ་པས ་ཡལ་བར་འདུག་པ་ནའོ། །ད་ནི་དོན་ཐ་མི་དད་པ་མི་འབྱེད་པའི་དོན་དུ་བཤད་པ་ནི། འབྱུང་བ་ཆེན་པོ་ཙམ་ཞེས་བྱ་བའོ། །ཡུལ་དང་དབང་པོ་ལ་སོགས་པ་ཉེ་བ་ཡིན་པས་ལུས་ལྷན་ཅིག་བྱེད་པ་མ་ཡིན་ནམ། རྣམ་ཤེས་བཞིན་དུ་འདོད་ཆགས་ལ་སོགས་པ་བསྒོམ་པས་ཡལ ་བར་འདུག་པ་གནས་སྐབས་ན་ལྷན་ཅིག་བྱེད་པ་མ་ཡིན་ནོ་སྙམ་དུ་སེམས་པ་ནི། ཡུལ་གྱི་རྒྱུ་ཅན་ཡིན་པའི་ཕྱིར་ཞེས་བྱ་བའོ། །བུད་མེད་དང་སྐྱེས་པ་ཞེས་བྱ་བ་ནི་རྣམ་རྟོག་གི་རྣམ་ཤེས་ཀྱི་ཡུལ་རྣམས་ལ་འདོད་ཆགས་ལ་སོགས་པ་ཡིན་གྱི། མཐོང་བ་ཙམ་རྣམས ་ལ་ཡང་མ་ཡིན་ལ། རྣམ་པར་རྟོགས་པའི་བག་ཆགས་ལས་བྱུང་བ་རྣམས་ཡུལ་ལ་བརྟེན་པ་ནི་མ་ཡིན་ནོ་ཞེས་བསྟན་པ་ནི། རྣམ་པར་རྟོག་པ་ཡུལ་ཡིན་ཕྱིར་ཞེས་བྱ་བའོ། །དེ་ལྟ་ཡིན་ན་བག་ཆགས་རེའི་སྐྱེ་གནས་བདག་དང་བདག་གི་ཡིན་ལ། ནུས་པ་དང་ལྷན་ཅིག་བྱེད་པ ་ཡིན་ནོ་སྙམ་དུ་སེམས་པ་ལ། སྐལ་མཉམ་ཞེས་བྱ་བ་སྨོས་ཏེ། སྐལ་མཉམ་ནི་འདྲ་བའི་ཚུལ་བཞིན་མ་ཡིན་པ་ཡིད་ལ་བྱེད་པའི་ས་བོན་རྒྱུ་ཡིན་ཏེ། འཇིག་རྟེན་ཕ་རོལ་ལ་སྐུར་པ་འདེབས་པའི་ཕྱོགས་ལ་མེད་པའི་ཕྱིར་རོ། །འདོད་ཆགས་ལ་སོགས་པ་ལུས་ཙམ་ལས་བྱུང ་ན་ངེས་པ་འམ་རེ་རེར་ཡང་འགྱུར་བར་བསྟན་པ་ནི། ངེས་པ་ཞེས་བྱ་བའོ། །ཅིག་ཅར་ཡང་འབྱུང་བ་ཡིན་པར་བསྟན་པ་ནི། ཐམས་ཅད་ཚེ་ན་ཞེས་བྱ་བ་སྟེ། འདོད་ཆགས་ཀྱི་དུས་སུ་ཞེ་སྡང་དང་དེའི་དུས་སུ་འདོད་ཆགས་སུ་འགྱུར་རོ། །རྣམ་པར་རྟོག་པ་མེད་པར་བསྟན་པ་ནི། འདོད་ཆགས ་ལ་སོགས་པའི་རྒྱུན་ཞེས་བྱ་བའོ། །གལ་ཏེ་ཡོངས་སུ་གྱུར་པའི་ཁྱད་པར་ལུས་ཙམ་ལ་འབྱུང་བ་ཡིན་ན། ལུས་བཞིན་དུ་དུས་ཐམས་ཅད་དུ་གནས་པའི་ཕྱིར། ཅིག་ཅར་བ་ཁོ་ན་ཡིན་པར་བསྟན་པ་ནི། གལ་ཏེ་དེ་ལྟ་ན་ཞེས་བྱ་བའོ། །འབྲས་བུའི་རིམ་པ་མཐོང་བ་ལས་རྒྱུ ་འམ་རྒྱུ་ཡི་རྒྱུ་ཡང་དུང། གང་ཡིན་པར་ཡང་རྟོགས་པ་ཡིན་ནོ་སྙམ་དུ་སེམས་པ་ནི། གང་ཡང་རུང་བ་ལ་ཞེ་ན་ཞེས་བྱ་བའོ། །མ་ཡིན་ཞེས་བྱ་བར་མཚམས་བྱས་པས་འདི་ཉིད་བཀག་པ་ཡིན་ནོ། །གང་ཞིག་གང་ལ་ལར་ཐམས་ཅད་དུ་ཡོད་པ་དེའི་ཅན་དུ ་དུས་ཐམས་ཅད་དུ་འགྱུར་བ་བསྟན་པ་ནི། ཐམས་ཅད་ཚེ་ནའང་རྒྱུར་ཞེས་བྱ་བའོ། །རྒྱུ་ཐམས་ཅད་པ་ནི་དུས་ཐམས་ཅད་དུ་འགྱུར་རོ། །གལ་ཏེ་མ་མཐོང་བ་མེད་པའི་ཕྱིར་ཞེས་ཟེར་ན། དུས་ཐམས་ཅད་དུས་ཐམས་ཅད་པར་མི་འགྱུར་ཏེ། མ་མཐོང་བའི་ཕྱིར་རོ་ཞེས་བྱ་བ་ཡང ་འགྱུར་བར་བསྟན་པ་ནི། འགའ་ཡང་རྒྱུ་དང་ཞེས་བྱ་བའོ། །གལ་ཏེ་ཡང་ཚུལ་བཞིན་མ་ཡིན་པ་ཡིད་ལ་བྱེད་པ་ས་བོན་དུ་མཐོང་བ་བོར་ནས་འདོད་ཆགས་ལ་སོགས་པར་ངེས་པའི་རྒྱུ་ཡོངས་སུ་གྱུར་པའི་ཁྱད་པར་ཡིན་པ་ཁས་ལེན་པ་ཡིན་པ་དེ་ལྟ་ན་དུ་བ་ཡང་མེའི ་བསྐྱེད་བྱར་མི་འགྱུར་བ་ཞིག་ན། ཐམས་ཅད་ལས་འགྱུར་བ་མ་ཡིན་ཏེ། ཡོངས་སུ་གྱུར་པའི་ཁྱད་པར་མེད་པར་བསྟན་པ་ནི། མེ་མེད་པར་ཡང་ཞེས་བྱ་བ་སྟེ། ཡུལ་ལ་སོགས་པ་ལས་ཀྱང་ངོ། །རྒྱུ་མེད་པ་ཅན་ལ་དུ་བ་མཐོང་བའི་སྟོབས་ཀྱིས་ཡུལ་ལ ་སོགས་པ་ངེས་པར་འགྱུར་བ་ཁོ་ནར་བསྟན་པ་ནི། དངོས་པོ་རྒྱུ་མེད་པ་ལ་ཡང་ཞེས་བྱ་བའོ། །དེ་བཞིན་དུ་འདོད་ཆགས་ལ་སོགས་པ་རྒྱུ་ཐམས་ཅད་པ་འམ། རྒྱུ་མེད་པ་ཡང་རུང། ལུས་ཀྱི་རྒྱུ་ཅན་མ་ཡིན་པ་ཡང། ངེས་པ་ནི་ཡོངས་སུ་གྱུར་པའི་ཁྱད་པར་ལས་སམ་མཐོང ་བ་ལས་འགྱུར་ཞེས་བྱ་བའི་དོན་ཏོ། །ལུས་ཀྱི་རྒྱུ་ཅན་ནི་མཐོང་བའི་རྒྱུ་ཐམས་ཅད་ཉིད་དམ་རྒྱུ་མེད་པ་ཉིད་དམ་རུང་བ་མ་མཐོང་བ་ཉིད་དམ། དེས་པ་ཅན་ནི་ཡོངས་སུ་གྱུར་པའི་ཁྱད་པར་ཙམ་མ་མཐོང་བ་ཡིན་ཡང་དེ་ནི་མ་མཐོང་བ་གཅིག་ཏུ་མ་མཐོང་བ་མ་ཡིན་ཏེ། མ་མཐོང་བའི་ལུས་ལས་མ་ལོག ་པའི་ཕྱིར་རོ་སྙམ་དུ་སེམས་པ་ལ། མཐོང་བའི་བརྟག་བྱ་རྣམ་པ་གཉིས་ཏེ། རྒྱུ་ཉིད་དཱུང་ཁྱད་པར་མེད་པར་འགྱུར་གྲང་ན། གལ་ཏེ་ཁྱད་པར་མེད་པ་མཐོང་བ་ཡིན་ན། ལུས་ཀྱི་རྒྱུ་ཅན་ཉིད་ཀྱང་མི་འགྲུབ་སྟེ། རང་རིག་པས་རྒྱུ་ཅན་དང། བདག་དང་གཞན་དང། རིམ་པ་གཅིག་དང་ཅིག་ཤོས་མ ་རྟོགས་པའི་ཕྱིར་རོ་ཞེས་བསྟན་པ་ནི། མཐོང་བ་ཙམ་ལ་རྟེན་བྱེད་ན་ཞེས་བྱ་བའོ། །འོན་ཏེ་རྒྱུ་ཉིད་དུ་མཐོང་ན་རྗེས་སུ་འགྲོ་བ་དང། ལྡོག་པའི་ཁྱད་པར་གྱིས་རང་རིག་པས་རྒྱུ་དང་དེ་འདྲ་བ་ལ་སོགས་པའི་རྣམ་པར་རྟོག་པ་ཐ་སྙད་ཀྱི་མིང་ཅན་ཡིན་ལ། དེས་རྒྱུ་ཉིད་ལ་སོགས་པ་གྲུབ་པ ་ཡིན་པ་དེ་ལྟ་ན། བདག་དང་བདག་གིར་འཛིན་པའི་ཆགས་པའི་རྒྱུ་ཅན་འདོད་ཆགས་ལ་སོགས་པ་རྣམས་ཡིན་གྱི་ལུས་ཀྱི་རྒྱུ་ཅན་ནི་མ་ཡིན་ཏེ། དེ་ལྟར་མ་རྟོགས་པའི་ཕྱིར་རོ་ཞེས་བསྟན་པ་ནི། ཐ་སྙད་འཇིག་པར་ཞེས་བྱ་བའོ། །གཞན་དུ་ཞེས་བྱ་བ་ནི་འདོར་བར་ནུས་པའོ། ་སྐྱེ་བའི་དང་པོ་ལ་འདོད་ཆགས་པ་སོགས་པའི་རྒྱུ་ལུས་ནི། རང་རིག་པ་ལས་བྱུང་བའི་རྟོག་པར་རྟོག་པ་མ་ཡིན་ནམ། འདས་པའི་བདག་དང་བདག་གིར་འཛིན་པའི་ཆགས་པ་རྒྱུ་ཉིད་མ་ཡིན་ནོ་སྙམ་དུ་སེམས་པ་ནི། དཔེར་ན་ཁ་ཅིག་ཏུ་མེའི་རྒྱུ་ཉིད་དུ་རྒྱུ་མཐོང་བ་ཡིན་ལ། མ ་མཐོང་ཡང་དེའི་རྒྱུ་ཉིད་དུ་རིག་པ་ཡིན་ལ་དེ་བཞིན་དུ་འདི་ལ་ཡང་བལྟ་བར་བྱ་བ་ཡིན་ཏེ། དེ་ལྟར་ངེས་པར་གནས་པའི་ཕྱིར་ཞེས་བསྟན་པ་ནི། ཇི་ལྟར་རྗེས་སུ་དཔག་པ་ཡིས། ཐ་སྙད་ཅེས་བྱ་བའོ། །མེད་ན་མི་འབྱུང་བར་ཁྱབ་པ་ཅན་ནི་མངོན་སུམ་མ་ཡིན་པའི་ཕྱིར་མ་མཐོང་བ་བཞིན ་དུ་མཐོངས་ཡང་རྗེས་སུ་དཔག་པ་ཡང་ཚད་མ་མ་ཡིན་པ་མ་ཡིན་ནམ། དེའི་ཚད་མ་ཉིད་དེ་ཙམ་རྩ་བ་ཅན་ཡིན་པའི་ཕྱིར་རོ་སྙམ་དུ་སེམས་པ་ལ། ཐ་དད་ཤེས་དང་ཞེས་བྱ་བ་སྨོས་ཏེ། རྗེས་སུ་འགྲོ་བ་དང་ལྡོག་པ་དང་ལྡན་པའི་རང་རིག་པ་ལས་བྱུང་བའི་རྣམ་པར་རྟོག་པའི་རྟོགས་བྱ ་མེད་ན་མི་འབྱུང་བ་ཡིན་ལ། དེའི་རྟོགས་བྱ་ཁོ་ན་ཡིན་ནོ་ཞེས་མངོན་པར་འདོད་པ་ཡིན་པ་ཁས་མི་ལེན་ན། ཁྱད་པར་མེད་པའི་བདག་ཉིད་རིག་པ་ཙམ་ཡིན་གྱི། དེ་ལ་བཟུང་བ་དང་འཛིན་པ་དང་སྔོན་པོ་དང་ཅིག་ཤོས་ལ་སོགས་པའི་རྣམ་པར་དབྱེ་བ་མེད་པ་ཡིན་ན། ཅེས་རྣམ ་པར་འབྱེད་པ་ཡིན་ཞེས་བསྟན་པ་ནི། དེས་ན་ཐ་སྙད་དབྱེ་བར་ནི་ཞེས་བྱ་བ་སྟེ། རང་རིག་པ་ལས་འདིས་ཕྱིས་དཔོག་པར་བྱེད་པ་ཡིན་པའི་ཕྱིར། རྗེས་སུ་དཔག་པ་ཡིན་པ་དེ་ལས་ཏེ། རང་གི་འདོད་པ་ཙམ་ལས་བྱུང་བའི་རྣམ་རྟོག་ལས་བྱུང་བའི་ཐ་སྙད་བྱེད་པ་ལས་མ་ཡིན་ནོ་ཞེས ་བྱ་བ་ཉིད་དོན་ཏོ། །བླང་བ་དང་དོར་བ་ཡོང་སུ་རྟོགས་བྱའི་ངོ་བོ་ཡིན་གྱི་གཞན་མ་ཡིན་པ་མ་ཡིན་ནམ། །དེ་ཇི་ལྟར་དེ་ལ་མངོན་སུམ་ལས་དབྱེ་བ་མེད་པ་ཡིན་སྙམ་དུ་སེམས་པ་ལ། དོར་ཞེས་བྱ་བ་དང་སྨོས་ཏེ། སྡུག་བསྔལ་སྒྲུབ་པར་བྱེད་པའི་ལུས་ལས་གནས་པའི ་ངོ་བོ་ནི་རང་གི་ངོ་བོ་ཙམ་གྱི་ཡུལ་ཅན་གྱིས་མངོན་སུམ་གྱིས་རྟོག་པ་མ་ཡིན་ནོ། །དེའི་ཕྱིར་དེ་ལས་གཞན་པའི་བླང་བྱ་བདེ་བའི་སྒྲུབ་བྱེད་ཡིན་པར་སྒྲུབ་པར་རྟོག་པ་ནི་མིན་ནོ་ཞེས་བྱ་བ་སྟེ། འདི་ནི་ཞེས་བྱ་བ་དང་སྦྱར་རོ། །ཇི་ལྟར་ལུས་ལ་གནས་པའི་ངོ་བོ་ལ་མངོན་སུམ་དུ་མི ་འཇུག་པ་དེ་ལྟར་སྤྲོས་ནས་དེ་བསྟན་པ་ནི། བླང་བྱ་ཉིད་ནི་ཡོད་ཕྱིར་ཡང་ཞེས་བྱ་བ་སྟེ། བདེ་བ་སྒྲུབ་པ་ཡོད་པའི་ཕྱིར་རམ། དོར་བྱ་ཉིད་ལ་ནི་སྡུག་བསྔལ་བསྒྲུབ་པར་བྱེད་པ་ཉིད་མེད་པའི་ཕྱིར་རམ་ཞེས་བརྟག་གྲང་ན། དོར་བྱ་ཉིད་དུ་རྣམ་པར་བཞག་པ་ནི་བླང ་བྱ་ཉིད་དུ་རྣམ་པར་བཞག་པ་ལས་བཟློག་པས་སྡུག་བསྔལ་སྒྲུབ་པར་བྱེད་པ་ཡིན་པའི་ཕྱིར་དང། བདེ་བ་བསྒྲུབ་པར་བྱེད་པ་ཉིད་དང་མེད་པའི་ཕྱིར་རོ་ཞེས་བསྟན་པ་ནི། དོར་བྱས་ལས་ནི་ཞེས་བྱ་བའོ། །རེ་ཞིག་བདེ་བའི་སྒྲུབ་བྱེད་ཉིད་ནི་བདེ་བ་ལ་མངོན་སུམ ་མ་ཡིན་ན། དངོས་པོ་ལ་མངོན་སུམ་གྱི་རྟོགས་བྱ་མ་ཡིན་ཞེས་བྱ་བ་བསྟན་པ་ནི། དོན་བྱེད་དོན་ཏུ་གཉེར་རྣམས་ཀྱི་ཞེས་བྱ་བ་སྟེ། དོན་ནི་བསྲེག་པ་ལ་སོགས་པའི་དགོས་པ་ཡིན་ལ། བྱེད་པ་ནི་བྱེད་པ་པོ་ཉིད་དེ། བླང་བྱ་ཉིད་ཡིན་པའི་ངོ་བོའི་འཛིན་པའི་མངོན་སུམ ་གྱིས་འཛིན་པ་མ་ཡིན་ནོ་ཞེས་བྱ་བའི་དོན་ཏོ། །བྱེད་པ་པོ་ཉིད་ནི་བྱེད་པ་པོ་ལས་ཐ་མི་དད་པ་ཡིན་གྱི་དེའི་འཛིན་པར་བཟུང་བ་ཁོ་ན་མ་ཡིན་ནམ། དེ་ལྟ་ན་ཡུལ་གྱི་མེ་དང་འབྲེལ་པ་ཅན་ཉིད་མངོན་སུམ་གྱིས་བཟུང་བ་ཁོ་ན་ཡིན་ཏེ། ཐ་མི་དད་པའི་ཕྱིར་རོ། །དེ་ལ་རྗེས་སུ་དཔག ་བ་ཅི་ཞིག་བྱ་ཞེས་བཟུང་བ་ཡིན་ཡང་མ་ངེས་པ་ངེས་པར་བྱ་བའི་དོན་དུ་རྗེས་སུ་དཔག་པ་ཡིན་ནོ་ཞེ་ན། མ་ཡིན་ཏེ། དེས་པ་ཡིན་ཡང་དུ་བའི་ཡུལ་ལས་ཐ་དད་པས་ཡུལ་གཞན་དུ་མི་སྣང་བའི་ཕྱིར་རོ། །དེ་མི་སྣང་ན་དེ་དང་འབྲེལ་པ་ཅན་ཉིད་སྣང་བ་མ་ཡིན་པར་བསྟན་པ་ནི། ་འབྱུང་འགྱུར་དོན་བྱེད་ནི་ཞེས་བྱ་བ་སྟེ། དོན་བྱེད་པ་དང་ལྷན་ཅིག་འབྱུང་བའི་ངོ་བོ་འཛིན་པར་བྱེད་བའི་མངོན་སུམ་ནི་དོན་བྱེད་པའི་མངོན་སུམ་བཞིན་དུ་རྟོག་པ་མེད་པ་ཡིན་ཏེ། འཇུག་པར་བྱེད་པ་མི་ཡིན་པའི་ཕྱིར་ལ། འཇུག་པར་བྱེད་པ་ཉིད་ནི་སྒྲུབ་བྱེད་སྣང་བ་ཅན ་ཡིན་ཏེ་དེ་ནི་སྒྲུབ་བྱེད་ཉིད་དུ་རྟོགས་པར་བྱེད་པ་ནུས་པ་མ་ཡིན་ནོ་ཞེས་བྱ་བའི་དོན་ཏོ། །དེ་ལྟར་ན་བླང་བྱ་ཉིད་དང་དམིགས་ལ། བཟློག་པ་ནི་མ་མཐོང་བ་ཙམ་ལས་མི་འགྲུབ་པར་བསྟན་པ་ནི། སྤང་བྱ་བཀག་པའང་ཞེས་བྱ་བའོ། །རྟོག་པ་ནི་མངོན་སུམ་ལས ་མ་ཡིན་ཞེས་བྱ་བ་ནི་འགལ་བ་དམིགས་པ་མེད་པའི་ཕྱིར་རོ་ཞེས་བྱ་བའི་དོན་ཏོ། །རིམས་ཀྱིས་འབྱུང་བའི་མངོན་སུམ་གཉིས་པོ་འདས་མ་ཐག་ཏུ་བསྟན་པའི་རིགས་པས་རང་གི་དུས་ལ་ཡོད་པ་ཙམ་འཛིན་པའི་ཕྱིར། སྒྲུབ་བྱེད་དང་བསྒྲུབ་བྱ་ཉིད་མི་འཛིན ་པར་བསྟན་པ་ནི། མངོན་སུམ་གཉི་ག་ཞེས་བྱ་བའོ། །དོན་བྱེད་པ་དང་ལྷན་ཅིག་འབྱུང་བའི་ངོ་བོ་ལྷན་ཅིག་མ་ཡིན་པར་ཉམས་སུ་མྱོང་བར་མཚོན་པ་ནི་འཁྲུལ་པ་མེད་པའི་མངོན་སུམ་ནི་དོན་བྱེད་པ་མེད་ཀྱང་འཇུག་པའི་ཡུན་མ་ཡིན་ནམ་སྙམ་དུ་སེམས་པ་ནི། གལ་ཏེ་ཤིན་ཏུ་གོམས ་པའི་ཞེས་བྱ་བའོ། །རེ་ཞིག་དོན་བྱེད་པ་དང་ལྷན་ཅིག་འབྱུང་བའི་གོམས་པ་དམིགས་པ་མ་ཡིན་ལ། དེ་ལ་དམིགས་པ་མེད་ན་དེ་ལ་རུང་བར་ཡང་མི་འགྱུར་ཞིང། ཉེ་བ་ལ་དམིགས་པའི་མངོན་སུམ་ནི་དེ་ཉིད་དམ། མཐོང་བ་ཉིད་ཀྱང་མ་གཏོགས་པ་ཡིན་གྱི་འདྲ་བ་ལ་ནི་ཡིན ་ནོ། །འདྲ་བ་ཡང་རིགས་པ་མ་ཡིན་ནོ། །འབའ་ཞིག་ནི་སྔ་མ་དང་མཚན་ཉིད་མི་མཐུན་པ་ཉིད་བཟུང་བ་ཡང་ངེས་པར་འཛིན་པ་མ་ཡིན་ནོ། །དེའི་ཕྱིར་དེ་ཉིད་ལ་དྲན་པ་ནི་སྒྲོ་འདོགས་པ་ཡིན་ནོ། །འཇུག་པ་ཡང་ཐ་དད་པ་ལ་ལྷན་ཅིག་པ་དང་ལྷན་ཅིག་པ་དག་ཏུ་དམིགས་པ་ཡིན་གྱི ་ལྷན་ཅིག་པ་དམིགས་པ་གོམས་པ་ཡིན་ན། ལྷན་ཅིག་པ་མ་ཡིན་པར་དམིགས་པ་ནི་ལྷན་ཅིག་པ་ལ་ཚད་མ་མ་ཡིན་ནོ། །གང་གི་ཚེ་ལྷན་ཅིག་པ་མ་ཡིན་པ་དང་རུང་བ་མ་ཡིན་པ་ཡང་དམིགས་བཞིན་པ་ཡིན་ན། གོམས་པ་ཡང་དེ་ཁོ་ན་བཞིན་དུ་བཟློག་པ་ཡིན་ལ། ་དེ?་གོམས་པས་དེའི་ངོ་བོར་འཛིན་པ་དང། སྔོན་དུ་དེའི་ངོ་བོ་བཟུང་པ་ལ་གོམས་པ་ཡིན་པའི་ཕྱིར། ཕན་ཚུན་བལྟོས་པ་ཡིན་པར་བསྟན་པ་ནི། མ་རྟོགས་པ་ལ་གནས་པར་བྱེད་ཅེས་བྱ་བ་སྟེ། དོན་བྱེད་པའི་སྒྲུབ་བྱེད་དང་དམིགས་པ་རིམས་ཀྱིས་འབྱུང་བ་དག་ཕན་ཚུན ་མི་རིག་པས་རུང་བ་ཉིད་དུ་ཉམས་སུ་མ་མྱོང་བའི་ཕྱིར་ཕན་ཚུན་བསྟན་པར?་གསལ་བ་ཡིན་ནོ་ཞེས་བྱ་བའི་དོན་ཏོ། །མངོན་སུམ་ཉིད་ནི་རུང་བ་ཉིད་ལ་སོགས་པ་སྐྱེ་བ་གོམས་པ་གང་གི་འབྲས་བུ་ཡིན་པ་དེ་དེ་ལྟ་མ་ཡིན་ཞེས་བྱ་བ་སྦྱར་རོ། །དོར་བ་དང་བླང་བར་མཐོང ་བ་མ་ཡིན་པར་བསྟན་པ་སྡུད་པ་ནི། མངོན་སུམ་ཙམ་ཞེས་བྱ་བ་སྟེ། ཙམ་སྨོས་པ་ནི་དེའི་རྗེས་ལ་འབྱུང་བའི་རྣམ་པར་རྟོག་པ་བསལ་བའི་དོན་དུའོ། །གལ་ཏེ་དོར་བ་དེ་དང་བླང་བ་ཡང་མངོན་སུམ་གྱི་ཡུལ་མ་ཡིན་པ་དེ་ལྟ་ན། གང་ཡིན་པ་བསྟན་པ་ནི། རང་གི ་རང་བཞིན་ཙམ་ཞེས་བྱ་བ་སྟེ། ཙམ་སྨོས་པ་ནི་རྣམ་པར་ཤེས་པ་རང་གི་ངོ་བོ་ཡང་བསྒྲུབ་བྱའི་ཤེས་པ་ལ་གནས་པའི་མངོན་སུམ་མ་ཡིན་ནམ་ཞེས་བསྟན་པའི་ཕྱིར་རོ། །དེ་ལྟ་ཡིན་ན་གང་ལས་དོར་བ་ལ་སོགས་པ་རྟོགས་པ་ཡིན་ཞེ་ན། རྗེས་སུ་དཔག ་པ་ཞེས་བྱ་བ་སྨོས་ཏེ། དེ་དང་འདྲ་བ་མཐོང་བ་ལས་དེའི་དོན་བྱེད་པའི་ཤེས་པ་ཡིན་ནོ། །གཉི་ག་རིག་པར་བྱེད་པ་མ་ཡིན་པའི་མངོན་སུམ་ནི་འབྲེལ་པ་མི་འཛིན་པ་མ་ཡིན་ནམ་སྙམ་དུ་སེམས་པ་ལ་མངོན་སུམ་གཉིས་པོ་ལས་བྱུང་བའི་རྣམ་པར་རྟོག་པས ་འབྲེལ་པ་གྲུབ་པ་ནི་མངོན་སུམ་དུ་གྲུབ་པ་ཁོ་ན་ཡིན་ཏེ། ཐ་སྙད་ཀྱིས་དེ་ལྟར་ངེས་པར་འབྱེད་པའི་ཕྱིར་རོ་ཞེས་བསྟན་པ་ནི། ཐ་སྙད་རྟོགས་པས་ཞེས་བྱ་བ་སྟེ། རྣམ་པར་རྟོག་པའོ། །དོར་བྱས་ལ་སོགས་པ་མངོན་སུམ་གྱིས་མཐོང་བ་མ་ཡིན་ནམ། འདི་ནི་ཁྱད ་བར་གྱི་མངོན་སུམ་ཡུལ་ཅན་ཡིན་པའི་ཕྱིར་རོ། །འོན་ཀྱང་ཐ་མི་དད་པའི་རང་གི་ངོ་བོ་གཞན་སྒྲུབ་བྱེད་མ་ཡིན་བསྐོས་ཏུ་མ་གྱུར་པ་ལ་བསམ་ལ། གནས་མཐོང་བའི་དོན་བཞག་ནས་ཞེས་བྱ་བ་ལ་སོགས་པས་འཇིག་རྟེན་ཕ་རོལ་ལ་སྐུར་པ་འདེབས་པར་སེམས་པ ་ནི་འོན་ཏེ་གཉིས་མེད་ཅེས་བྱ་བ་སྟེ། འདི་ཡང་མི་འཇིག་འདི་ཡང་ངོ། །འདི་ཡང་མངོན་སུམ་སྟེ། འཇིག་རྟེན་ཕ་རོལ་ལ་བལྟོས་ནས་རང་རིག་པ་འབའ་ཞིག་མ་ཡིན་ཏེ། འོན་ཀྱང་འཇིག་རྟེན་འདི་ལ་བལྟོས་ནས་ཀྱང་ཡིན་ཞེས་བྱ་བའི་དོན་ཏོ། །འཇིག་རྟེན་གཉི་གའི ་འབྲས་བུ་མེད་པར་སྨྲ་བ་ལ། ཆེས་ཤིན་ཏུ་མེད་པ་ཅན་ཡིན་པའི་ཕྱིར་ཇི་ལྟར་མེད་པ་ལ་ཡང་མེད་པ་ཉིད་ཡིན་སྙམ་དུ་སེམས་པ་ལ། སེམས་ནི་ཞེས་བྱ་བ་སྨོས་ཏེ། ཐམས་ཅད་ལས་ནི་དོར་བྱ་དང་བླང་བྱ་ལས་སོ། །སྤང་ཕྱིར་ནི་ཉེ་བར་བསྡུས་པའི་ཕྱིར་ཏེ ་བྱ་བ་ནུས་པའོ། །གཏན་ཚིགས་དེའི་ཕྱིར་རང་རིག་པའི་གནས་སྐབས་བསྟན་པ་གྲོལ་བ་ཉིད་དེ། སེམས་ཐར་པ་ཐོབ་པ་ཁོ་ནར་འགྱུར་བ་ཡིན་ནོ་ཞེས་འདོད་པ་ནི་མེད་པ་མ་ཡིན་ཏེ། སྐྱེས་བུའི་དོན་གྱི་གཙོ་བོ་ལ་སྐུར་པ་འདེབས་པའི་ཕྱིར། །དེ་ལ ་སྐུར་བ་འདེབས་བཞི་མེད་པར་སྨྲ་བ་ཡིན་ནོ་ཞེས་བྱ་བའི་དོན་ཏོ། །རང་རིག་པའི་མངོན་སུམ་འཇིག་རྟེན་ཕ་རོལ་སྒྲུབ་པར་བྱེད་པ་མ་ཡིན་ལ། འཇིག་རྟེན་འདི་ཡང་མ་ཡིན་པ་ནི་བདེན་མོད་ཀྱི། ས་ལ་སོགས་པ་དེ་ཉིད་གཞི་ཞེས་བྱ་བའི་དཔེའི་དོན་དུ་ཡིན་ལ། རྣམ་པར་དབྱད་ན་དེ་ལ ་རབ་ཏུ་གྲགས་པའི་ས་ལ་སོགས་པ་ཡང་དེ་ཉིད་མ་ཡིན་ལ། འཇིག་རྟེན་ཕ་རོལ་སྨོས་ཏེ། དེ་དག་ཙམ་ནི་སྐྱེས་བུའི་དོན་ཐར་པ་མ་ཡིན་ཏེ། རྣམ་པར་རྟོག་པ་ཡང་འཇིག་རྟེན་འདིའི་ཡུལ་ཅན་ཡིན་ཏེ། རང་རིག་པ་བཞིན་དུ་རང་བཞིན་པའི་ཕྱིར་རོ་སྙམ་དུ་སེམས་པ་ནི། འོན་ཏེ ་འཇིག་རྟེན་འདི་ལ་ཞེས་བྱ་བ་སྟེ། རྨོངས་པ་གཞན་ཞེས་བྱ་བ་སྟེ། རྣམ་པར་རྟོག་པ་གཞན་ཏེ། འཇིག་རྟེན་ཕ་རོལ་ལ་སོགས་པའི་ཡུལ་དུ་མ་གྲགས་པ་ཁོ་ནའི་ཕྱིར་དུ་མི་འདོད་པ་ཡིན་ཞེས་བྱ་བའི་དོན་ཏོ། །འདི་ཡང་ཞེས་བྱ་བ་ནི་ཡུལ་འཇིག་རྟེན་འདིའོ། །གང་ལས ་ཞེས་བྱ་བ་ནི་མ་ཡིན་པའོ། །གལ་ཏེ་རང་རིག་པ་ཙམ་གྱི་ངོ་བོ་ཐར་བ་ཡིན་ན་འདོད་པ་ཅན་དུ་མི་འགྱུར་ཞེས་བསྟན་པའོ། །དེའི་ཕྱིར་ངེས་པ་གང་ཉིད་ཀྱིས། །འདུ་བྱེད་ཀྱི་ནི་རྗེས་འཇུག་པ། སེམས་ནི་དེ་མེད་མི་འབྱུང་བ། །དེ་ཕྱིར་སེམས་ལ་རྟེན་ཞེས་བྱ་བའི་རིག་པའི་གང་གི ་ཚེ་ཐོག་མ་དང་ཐ་མ་མེད་པར་རྣམ་རྟོག་ནི་རང་གི་རིག་པ་ཙམ་ལས་གྲུབ་པ་དེའི་ཚེ། འཇིག་རྟེན་ཕ་རོལ་གྲུབ་པ་ཁོ་ན་ཡིན་ཏེ། ཐོག་མ་དང་ཐ་མ་མེད་པ་ཉིད་ལ་དེ་ལྟར་བརྗོད་པའི་ཕྱིར་རོ་ཞེས་བསྟན་པ་ནི། གལ་ཏེ་ཐོག་མཛའ་མེད་འགྲུབ་ན་ཞེས་བྱ་བའོ། །སྔ་མ་སྔ ་མའི་རྣམ་པར་རྟོག་པའི་བག་ཆགས་ཀྱི་རྗེས་སུ་བྱེད་པའི་རྣམ་པར་རྟོག་པ་ཡང་དེའི་བསྐྱེད་བྱ་མ་ཡིན་ན། འབྱུང་བའི་བསྐྱེད་བྱ་མ་ཡིན་པ་ལྟ་ཅི་སྨོས་ཏེ། དེའི་ཁྱད་པར་མ་ཡིན་པའི་ཁྱད་པར་ཅན་ཡིན་པའི་ཕྱིར་རོ། །དེའི་ཕྱིར་འདི་རྒྱུ་མེད་པ་ཉིད་ཡིན་ན་འབྲས་བུ་ཐམས ་ཅད་རྒྱུ་མེད་པ་ཅན་ཉིད་དུ་འགྱུར་ཏེ། འདི་རྒྱུ་མེད་པ་ཅན་དུ་བསྒྲུབས་ནས། རྒྱུ་མེད་ནི་རྒྱུ་མེད་པའོ། །རྒྱུ་མེད་པ་ཅན་ནི་མིང་ཡིན་པའི་ཕྱིར་བསྟན་པ་ནི། ཐམས་ཅད་རྒྱུ་མེད་ཉིད་དུ་ཞེས་བྱ་བས་ཏེ། ཁྱོད་ཀྱི་སྨྲས་པ་ཡང་གཞན་གྱིས་གོ་བའི་ཕྱིར་མ་ཡིན་ནོ་ཞེས་བྱ ་བའི་དོན་ཏོ། །ཅི་དོན་ཉིད་ནི་ཁྱེད་དོན་གང་ལ་ཡིན་པ་འམ། འདི་དོན་ཡང་ཡིན་ལ་གང་ཡང་ཡིན་པའི་ཕྱིར་ཅི་དོན་ནོ། །དེ་གང་ལ་ཡོད་པ་ནི་དེ་ཉིད་དོ། །སྨྲ་བ་པོ་ཁྱོད་ལ་དགོས་པ་ཅི་ཡོད་ཅེས་དགོངས་པའོ། །འོན་ཏེ་འདི་ལ་ཞེས་བྱ་བ་ནི་དོན་ནི་དགོས ་བ་སྟེ་དྲས་བུའོ། །དེས་ཞེས་བྱ་བ་ནི་གཞན་གྱིས་བརྒལ་ཞིང་བརྟགས་པས་སོ། །བརྒལ་ཞིང་བརྟག་པ་ལ་དགོས་པ་ཅུང་ཟད་བསྒྲུབ་པར་བྱ་བ་མེད་པ་མ་ཡིན་ནམ། དེ་ཉིད་ནི་མ་རིག་པ་འབའ་ཞིག་གིས་འགྱུར་བ་ཡིན་པར་བསྟན་པ་ནི། མ་རིག་པས་བྱས་པ ་ཉིད་ཅེས་བྱ་བའོ། །དོན་མེད་པ་ནི་ཚིག་ཙམ་མོ། །དེ་ཉིད་ཀྱི་སྐྱོན་བསྟན་པ་ནི། གཞན་གྱི་བཤད་པ་ཞེས་བྱ་བའོ། །གལ་ཏེ་མ་རིག་ཚད་མིན་ན་ཞེས་བྱ་བ་སྟེ། རྟོགས་སུ་གཞུག་བྱའི་མ་རིག་པ་གལ་ཏེ་མ་ཆད་ན་ཚིག་ཙམ་ནི་དོན་མེད་པ་ཡིན་ནོ། །འོན་ཏེ་ཆད་ན་ཡང་དེ་ལྟར ་ཆད་པར་བྱེད་པའི་ཚིག་རྒྱུ་ཁོ་ན་ཡིན་པའི་ཕྱིར། རྒྱུ་མེད་པ་སྨྲ་བ་ཇི་ལྟར་ཡིན། འོན་ཏེ་མ་རིག་ཆད་ན་ཡང། ཇི་ལྟར་ཐོག་མ་མེད་པར་གྲུབ་པས་འཁོར་བ་གྲུབ་པ་ཡིན་ཞེ་ན། མ་རིག་རྣམ་རྟོག་ལས་ཞེས་བྱའོ། །འདི་ཐོག་མ་མེད་པ་ཡིན་བག་ཆགས ་གོམས་པ་ཡང་ཡིན་ལ། དེའི་ཡོངས་སུ་སྨིན་པ་ནི་སད་པ་ཡིན་ལ། དེས་བྱས་པ་ནི་བསྐྱེད་པ་ཉིད་ཡིན་པའི་ཕྱིར་འདོད་ཆགས་དང་བདེ་བ་ལ་སོགས་པ་རྣམས་གོམས་པ་ལས་བྱུང་བ་ཉིད་དུ་ཉེ་བར་བསྡུ་བ་ཡིན་ནོ། །རྒྱུ་མེད་པ་ནི་སྐྱེ་བ་དང་འགལ་བའི ་ཕྱིར་གོམས་པ་ལས་སྡུག་བསྔལ་སྐྱེ་བ་ཡིན་ཞེས་བྱ་བར་ནི་མི་རིགས་པ་མ་ཡིན་ནམ། རྒྱུ་མེད་པ་ཉིད་རྟག་པ་གོམས་པས་མངོན་པར་གསལ་བ་ཡིན་ནོ་ཞེས་ཟེར་བ་ལ། དེ་ནི་རེས་འགའ་ཞེས་བྱ་བ་སྨོས་ཏེ། དམིགས་བྱ་མ་ཡིན་པ་ལ་དམིགས་བྱ ་ཉིད་ཀྱང་སྔ་ན་མེད་པ་ཁོ་ན་བྱུང་ན་དེ་ཉིད་ཡོད་པ་ཡིན་གྱི། དེ་ཡང་མི་རྟག་པ་ཞེས་བྱ་བ་ཁོ་ནས་སྡུག་བསྔལ་ཏེ། གནོད་པ་མ་ཡིན་ལ་ཟག་པ་མེད་པ་རྣམས་ཀྱང་དེ་ལྟ་བུ་ཉིད་དུ་འགྱུར་ཞེས་ཐལ་བར་འགྱུར་བའི་ཕྱིར་ཞེས་བསྟན་པ་ནི། ཉེས་པ ་རྣམས་ཏེ། བདག་ཏུ་འཛིན་པ་དང། འདོད་ཆགས་ལ་སོགས་པ་གོམས་པ་ལས་བྱུང་བ་རྣམས་ཀྱི་རྟེན་ཡིན་པའི་ཕྱིར། ཟག་པ་དང་བཅས་པ་ཡིན་པའི་ཕྱིར་ཞེས་དགོངས་པའོ། །རྒྱུ་ནི་བདག་དང་བདག་གིར་འཛིན་པའི་ལགས་པའི་སྙིང་པོ་ཅན་ཡིན་གྱི། རྒྱུ་ཙམ་ནི་མ་ཡིན་ཏེ། ་སྔ་མ་བཞིན་དུ་ཐལ་ཆེས་པའི་ཕྱིར་ལ། །དེའི་དབང་ནི་དེ་ལ་རག་ལས་པའོ། །དེའི་དངོས་པོ་ནི་དེ་ཉིད་དོ། །ཡང་གི་སྒྲ་ནི་སྡུག་བསྔལ་ཞེས་བྱ་བའི་རྗེས་སུ་འཇུག་པའི་དོན་དང་གོམས་པ་ཅན་ཉིད་བསྡུ?་བ་ཡིན་ནོ། །འགྲེལ་ཡང་ནི་གོམས་པ་ལས་བྱུང་བ་ནི་འདོད་པ་ལ་རག་ལས ་པའོ། །བདག་ཏུ་འཛིན་པ་ལ་སོགས་པ་མ་གོམས་པ་ནི་མཆོག་ཡིན་ཏེ། སྡུག་བསྔལ་གྱི་རྒྱུ་ཡིན་པའི་ཕྱིར་རོ། །དེ་ལས་བཟློག་པ་ལས་གོམས་པ་ཉིད་ཀྱང་མཆོག་ཡིན་ཏེ། མི་མཐུན་པ་ཡིན་པའི་ཕྱིར་རོ་ཞེས་བསྟན་པ་ལྡན་ནོ། །གལ་ཏེ་བདག་གོ་ཞེས་བྱ་བ་བདག་ཏུ ་འཛིན་?་ཡིན་ན། བདག་ཏུ་འཛིན་པའི་འདི་ནི་གོམས་པ་ལས་བྱུང་བ་མ་ཡིན་ཏེ། ལུས་དང་དབང་པོ་དང་ཐ་དད་པའི་ཡུལ་ཅན་ཡིན་པའི་ཕྱིར་སེམས་ལ་སོགས་པའི་གནས་སྐབས་རྣམས་ལ་དབང་པོ་བྱ་ཁྱེད་པ་མང་བས་ལྟས་མ་དམིགས་ཀྱང་བདག་གོ་ཞེས ་ཉམས་སུ་མྱོང་བ་ཡིན་ནོ། །དེ་ལྟར་ཡང་རེ་རེའི་བདག་ཉིད་ལ་དེ་ལྟར་འགྱུར་བ་ལ་ཡིན་ནོ་ཞེས་སྨོས་པ་ཡིན་ནོ་སྙམ་དུ་སེམས་པ་ལ། བདག་མིན་ཞེས་བྱ་བ་སྟེ། བདག་ཏུ་དམིགས་པ་མ་ཡིན་ཏེ། རེ་ཞིག་རང་རིག་པས་མ་ཡིན་ཏེ། ཡུལ་ཉེ་བ་ཡིན་པའི་ཕྱིར་རོ།། ་ཡུལ་དང་དུས་ལ་སོགས་པས་མཆོད་པའི་ཡུལ་ནི་ངེས་པ་ལས་ཀྱང་མ་ཡིན་ནོ། །མཐོང་བའི་རྗེས་སུ་འབྲང་བ་ཉིད་ཀྱི་ཕྱིར་དང། མཐོང་བའི་ལུས་ལ་སོགས་པ་ཉིད་ཕྱི་རོལ་དང་ཐ་དད་པ་ལ་ཡུལ་དང་དུས་ལ་སོགས་པ་ཐ་དད་བས་འཛིན་པའི་ཕྱིར་དང། རྒྱུན་མ ་འཆད་པར་ཡོད་པའི་ཕྱིར། །དངོས་གང་ཡུལ་དང་དུས་དག་ལས། །དེ་ནི་རྟག་པའི་ཁྱབ་བདག་འདོད། །དེའི་ཕྱིར་བདག་ནི་ཁྱབ་བདག་བརྗོད་ཅེས་བྱ་བ་ཇི་ལྟར་ཡིན་བདག་མངོན་སུམ་པ་མ་ཡིན་པ་ནི་བདེན་ཏེ། ཉེ་བ་ཙམ་ཉིད་ཀྱིས་སྐད་ཅིག་མ་ཉིད་ཐལ་བར་འགྱུར ་བའི་ཕྱིར་རོ། །འོན་ཀྱང་རྗེས་སུ་དཔག་པར་བྱ་བ་ནི་ཡིན་ནོ། །འདོད་པ་དང། ཞེ་སྡང་དང། འབད་པ་དང། བདེ་བ་དང། སྡུག་བསྔལ་གྱི་ཤེས་པ་རྣམས་ནི་འབྲས་བུ་ཡིན་པ་ཉིད་ཀྱི་རྒྱུ་རྣམས་ལས་ལུས་པའི་བདག་རྟེན་བྱུང?་གྱུར་བར་གོ་བར་བྱེད་པ་ཡིན་གྱི། བདག ་ནི་ཉམས་སུ་མ་མྱོང་བ་འམ་མ་དྲན་པ་འདོད་པ་འམ། སྡང་བ་ཡང་མ་ཡིན་པའི་ཕྱིར་ཉམས་སུ་མྱོང་བ་དང་དྲན་པ་དང། འདོད་པ་དུས་ཐ་དད་པ་རྣམས་དེའི་དུས་སུ་ཡོད་པའི་དངོས་པོ་མེད་ན་འབྱུང་བ་མ་ཡིན་ནོ་སྙམ་དུ་སེམས་པ་ལ། བྱིན་གྱིས་བརླབས་པའང་མ་ཡིན་པ་ནི ་འདོད་པ་ལ་སོགས་པའི་རྟེན་དུ་གྱུར་པའི་བདག་གིས་སོ། །རྟེན་པ་ཉིད་དུ་མ་དམིགས་པའི་ཕྱིར་ཉམས་སུ་མྱོང་བའི་བག་ཆགས་ཙམ་ལས་བྱུང་བའི་ཕྱིར་དེ་བདག་མ་ཡིན་ཞིང། བྱིན་གྱིས་བརླབས་པ་ཡང་མ་ཡིན་ནོ་ཞེས་བྱ་བ་དང་འབྲེལ་བའི་ཕྱིར་སྡུག་བསྔལ ་དང་གཞི་མཐུན་པ་ཉིད་ཡིན་ནོ། །འགྲེལ་བར་ནི་བག་ཆགས་ལས་བྱུང་བ་ཉིད་ཀྱིས་གཞན་དུ་ཡང་འཐད་པ་བསྟན་པ་ནི། རྒྱུ་མིན་ཞེས་བྱ་བའོ། །དེ་ལ་བརྟེན་པ་ཉིད་དུ་མ་མཐོང་བར་བསྟན་པ་ནི། རྟག་པའང་ཞེས་བྱ་བའོ། །རྟག་པ་ཉིད་དུ་ཁས་བླངས་ཀྱང ་མི་སྡོད་པ་དང། རིམས་ཀྱིས་བྱེད་པ་ཉིད་འགལ་བར་བསྟན་པ་ནི། དེའི་ཕྱིར་གཅིག་ལས་ཞེས་བྱ་བའོ། །དགོངས་པ་ཉིད་ཀྱིས་བཅོམ་ལྡན་འདས་ཀྱིས་རྣམ་པ་བཞི་པའི་སྡུག་བསྔལ་གསུངས་པར་ཡིན་པར་བསྟན་པ་ནི། མི་རྟག་པ་ཉིད་ཅེས་བྱ་བའོ། །དེ་ཞེས ་བྱ་བ་ནི་སྡུག་བསྔལ་འཁོར་བའི་ཞེས་བསྟན་པ་དང་སྦྱོར་བ་ཡིན་ནོ། །དེའི་ཕྱིར་ཟག་པ་མེད་པ་རྣམས་ལས་ཐལ་བ་མ་ཡིན་ནོ། །རྟག་པ་ཁོ་ན་ལས་གོམས་པ་ལ་སོགས་པའི་དབང་གིས་དམིགས་བྱ་གཞན་དང་གཞན་དུ་འགྱུར་བ་མ་ཡིན་ནམ། ་ངོ་བོ་མི་རྟག་པ་ཁོ་ན་ཡིན་ནོ་སྙམ་དུས་ཞེས་པ་ལ། དམིགས་པར་བྱ་བ་ཉིད་ནི་ཞེས་བྱ་བ་སྨོས་སོ། །རྟག་པ་ཉིད་ཡིན་ན་དམིགས་བྱ་ཉིད་མ་དམིགས་པའི་དུས་སུ་ཡོད་པར་འགྱུར་རོ་ཞེས་བསྟན་པ་ནི་ཐམས་ཅད་ཀྱི་ཚེ་ཞེས་བྱ་བ་སྟེ། རྒྱུ་ནི་བདག་དང ་བདག་གིར་འཛིན་པ་ཡིན་ལ། འགྲེལ་པའི་ཕྱིར་ནི་དབང་དུ་འགྱུར་བའི་ཕྱིར་རོ། །སྐྱེད་པར་བྱེད་པ་མ་ཡིན་པ་ཞེས་བྱ་བ་ནི་རྗེས་སུ་འགྲོ་བ་དང་ལྡོག་པར་དམིགས་པ་མེད་པའི་ཕྱིར་རོ་ཞེས་བྱ་བའི་དོན་ཏོ། །བྱིན་གྱིས་བརླབས་པའང་མིན་ཞེས་བྱ་བ་འདི་ལ་མི་དམིགས་པའི་ཚད་མ ་བསྟན་པ་ནི། བདག་གིས་བྱིན་གྱིས་བརླབས་པ་ཅན་ཞེས་བྱ་བའོ། །བདག་མིན་ཞེས་བྱ་བ་འདི་ལ་ཡང་དེ་ཁོ་ན་ཡིན་པར་བསྟན་པ་ནི། གང་ཡིན་པ་ཞེས་བྱ་བའོ། །དབང་པོ་ལས་འདས་པ་བྱིན་གྱིས་རློབ་པར་སྨྲ་བ་པོ་ཟེར་བ་ནི། གལ་ཏེ་བྱིན་གྱིས་མ་བརླབས་པའི་ཞེས ་བྱ་བའོ། །མི་རྟག་པའི་སེམས་ཅན་གྱིས་བྱིན་གྱིས་བརླབས་པ་ཡིན་ན་གཞན་དུ་མི་འཐད་པས་དོན་མི་རྟག་པར་སེམས་པས་བྱིན་གྱིས་རློབ་པ་ཐོབ་པ་ཡིན་ནོ་ཞེས་བསྟན་པ་ནི་མ་ཡིན་ཏེ། མི་རྟག་པའི་སེམས་པས་ཞེས་བྱ་བའོ། །གལ་ཏེ་ཡང་ཉམས་སུ་མྱོང ་བའི་བག་ཆགས་ལས་བྱུང་བའི་འབྲས་བུ་ཡིན་ལ། འདི་ལ་གཞན་མི་རྟེན་པ་ཅིག་ལས་ཡིན། དབང་པོ་ལས་འདས་པ་ལ་སོགས་པར་བྱེད་པ་ཡོད་པ་མ་ཡིན་ནོ་སྙམ་དུ་སེམས་པ་ལ། དབང་པོ་ལས་འདས་པ་སྤང་བར་བྱེད་པ་ནི་མ་ཡིན་གྱི། འོན་ཀྱང་འདིའི་རྒྱུ་ཉིད ་ལ་མཐོང་བ་ཙམ་ལས་བྱུང་བའི་འབྲས་བུ་ནི་ཁྱབ་པར་བྱེད་པ་འགལ་བ་ཡིན་པར་བསྟན་པ་ནི། འབྲས་བུའི་སྐྱེ་བ་མེད་པའི་ཕྱིར་ཞེས་བྱ་བ་སྟེ། དེ་ཙམ་ལས་མི་འབྱུང་བ་ནི་རྒྱུ་གཞན་ཉིད་ཁྱབ་པར་བྱེད་པ་ཉིད་ཀྱིས་ཁྱབ་པར་བྱེད་པ་ཡིན་ལ། འདི་ཡང་འགལ ་བ་འབྱུང་བ་ཡིན་ལ། ཡོད་ཀྱང་ཁྱབ་པར་བྱེད་པ་མེད་པ་ཡིན་ན་ཇི་ལྟར་ཁྱབ་བྱ་ནུས་པ་ཡོད་པ་ཡིན་ཞེས་བྱ་བའི་དོན་ཏོ། །རུང་བའི་ཁྱད་པར་ནི་བག་ཆགས་ཀྱི་ཁྱད་པར་རོ། །གང་གིས་དེ་མེད་པར་ཞེས་བྱ་བ་ནི་ཁྱབ་པར་བྱེད་པ་མེད་པས་སོ། །ཁྱབ་པར་བྱེད་པ་མེད ་ཀྱང་ཁྱབ་བྱ་སྲིད་པ་ཡིན་ན་རྒྱུ་རྣམས་ལ་འདི་ཙམ་ཞེས་མེད་པར་འགྱུར་བར་བསྟན་པ་ནི། རྗེས་སུ་འགྲོ་བ་མེད་པ་ཙམ་ཞེས་བྱ་བའོ། །ཡུལ་ལ་ཁྱབ་པ་མེད་པའི་ཕྱིར་དེ་ལ་མེད་པས་ཁྱབ་པར་བྱེད་པ་མེད་པ་ཡིན་ནོ་སྙམ་དུ་སེམས་པ་ལ། རྟག་པ་ཁྱབ་པ་མ ་ཡིན་ཡང་ཞེས་བྱ་བ་སྟེ། རྟག་པ་ཉིད་ཀྱིས་སྐྱེད་བྱེད་གཅིག་གི་ངོ་བོ་ཡིན་ཞེས་པའི་དོན་ཏོ། །དེའི་ཕྱིར་སྐད་ཅིག་མ་ཡང་ཅིས་ཐམས་ཅད་ཀྱི་སྐྱེད་བྱེད་མ་ཡིན་ཞེས་བྱ་བ་ནི་ཐལ་འགྱུར་མ་ཡིན་ནོ། །གང་ཁོ་ནའི་ཕྱིར་སྡུག་བསྔལ་ཐེར་ཟུག་པ་མ་ཡིན་པ་ནི་རེས ་འགའ་བ་ཡིན་པ་དེའི་ཕྱིར་རང་ཉིད་གྲུབ་པ་ལ་བག་ཆགས་ལ་སོགས་པ་ཅན་ནི་རྗེས་སུ་འགྲོ་བ་དང་ལྡོག་པ་དང་ལྡན་པའི་ཕྱིར་རྒྱུར་གོ་བར་བྱེད་པ་ཡིན་པའི་ཕྱིར། རྟག་པ་བཞིན་དུ་མི་རྟག་པ་ཡང་ཇི་ལྟར་རྒྱུ་ཡིན་ཞེས་ཟེར་བ་མི་རིགས་པར་བསྟན་པ་ནི། རེས་འགའ་བ་ཉིད་ཅེས ་བྱ་བའོ། །རྒྱུ་མེད་པ་ཅན་གྱི་སྡུག་བསྔལ་ནི་རྟག་ཏུ་བ་ཡིན་ལ། མི་རྟག་པ་ནི་མེད་པ་ཁོ་ན་ཡིན་ཏེ། སྔར་བཞིན་དུ་ཕྱིས་ཀྱང་སྐྱེ་བའི་རྒྱུ་མེད་པ་ཡིན་ན། མེད་པའི་ཕྱིར་རོ་ཞེས་བསྟན་པ་ནི། རྟག་ཏུ་ཡོད་པའམ་ཞེས་བྱ་བའོ། །ཡོད་བ་མ་ཡིན་པ་ནི། རང་ཉིད་འགྲུབ་པ་ལ་གཞན་ལ ་བལྟོས་པ་ཡིན་ན། ཕྱིས་ཀྱང་དེ་བཞིན་དུ་འགྱུར་རོ། །དེ་བཞིན་དུ་ཡོད་པ་ཡང་སྔར་ཉིད་ངོ་བོ་ཡོད་པས་རང་བཞིན་ལས་མ་ལོག་པའི་ཕྱིར་བལྟོས་པ་མེད་པ་ཁོ་ན་ཡིན་པར་བསྟན་པ་ནི། གཞན་ལ་མི་བལྟོས་ཕྱིར་ཞེས་བསྟན་པའོ། །དགོངས་པ་འདི་ཉིད་ཀྱིས་ཀུན་འབྱུང་གི་བདེན ་པ་སྟོན་པར་བསྟན་པ་འདི། ཀུན་འབྱུང་བའི་བདེན་པ་ལ་ཡང་ཞེས་བྱ་བའོ། །སྡུག་བསྔལ་ལ་རྒྱུ་མེད་ཅེས་ཟེར་བ་དགག་པའི་ཕྱིར། རྒྱུ་ཉིད་ཅེས་བྱ་བའི་རྣམ་པར་བསྟན་པ་ནི། དེ་ལ་རྒྱུ་ནི་ཞེས་བསྟན་པའོ། །རྒྱུ་གཅིག་ནི་གཙོ་བོ་ལ་སོགས་པའོ། །གཙོ་བོ་ལ་སོགས་པ་བཞིན་དུ ་སྲེད་པ་མི་ནུས་པ་མ་ཡིན་པར་བསྟན་པ་ནི། མི་ནུས་པ་སྤངས་པས་ཞེས་བྱ་བའོ། །དེ་ལ་རྣམ་པ་དང་པོའི་བཤད་པ་ནི། རེས་འགའ་བ་ཉིད་ཅེས་བྱ་བའི་ཚིགས་སུ་བཅད་པ་ཡིན་པར་བསྟན་པ་ནི། སྡུག་བསྔལ་གྱི་ནི་རྒྱུ་ཡོད་ཅེས་བྱ་བའོ། །གཞན་ནི་ཞེས་བྱ་བ་ནི་རྒྱུ་མ་ཡིན ་བའོ། །གཞན་དུ་ཞེས་བྱ་བ་ནི་རྒྱུ་དང་འབྲེལ་པ་མེད་པའོ། །ཡང་ན་སྣང་བཞིན་པའི་ཡོད་པ་ནི་མི་རྟག་པ་ཡིན་ལ། དེ་ལ་བལྟོས་ནས་གཞན་དུ་ནི་རྟག་པ་ཡིན་ནོ་ཞེས་བྱ་བའི་དོན་ཏོ། །རྟག་ཏུ་ཡོད་པའམ་ཞེས་བྱ་བ་འདི་ཉིད་ལ་བཤད་པ་གཞན་བསྟན་པ་ནི་ཡང་ན་ཞེས ་བྱ་བའོ། །རྟག་པ་ཞེས་བྱ་བ་ཐེར་ཟུག་ཏུ་གནས་པ་ནི་མ་ཡིན་ནོ། །འོན་ཀྱང་ཡུལ་ཐམས་ཅད་དུ་ཡང་འབྱུང་བ་ཡིན་ནོ། །དཔེར་ན་རབ་རིབ་ཅན་གྱི་ཡུལ་གྱི་རྒྱུ་མེད་པའི་སྐྲ་ལ་སོགས་པའི་ཤེས་པ་དབང་པོ་མངོན་པར་ཕྱོགས་པ་ཙམ་ལས་བྱུང་བ་ནི་ཐམས་ཅད་དུ་འབྱུང་བ་ཡིན་ལ། སྡུག་བསྔལ ་ཡང་རྒྱུ་མེད་ན་དེ་ལྟར་འགྱུར་བར་བསྟན་པ་ནི། ཇི་ལྟ་ཇི་ལྟར་ཞེས་བྱ་བའོ། །རང་རིག་པས་ནི་ཞེས་བྱ་བས་ཚད་མ་བསྟན་པ་ཡིན་ལ། དེའི་ཕྱིར་སྟོང་པ་ཉིད་ཙམ་དམིགས་པ་རྟོག་པ་མེད་པའི་ཤེས་པ་ནི་རྨི་ལམ་བཞིན་དུ་སྟེ། རྨི་ལམ་ལ་ཡང་རང་གི་ངོ་བོ་ཚད་མའི་ཡུལ་ཡིན་པའི ་ཕྱིར་རོ་ཞེས་བྱ་བའི་དོན་ཏོ། །རྟག་ཏུ་བ་ནི་ཐེར་ཟུག་དུ་གནས་པ་མ་ཡིན་པར་བསྟན་པ་ནི། རེས་འགའ་བ་མིན་མཚན་ཉིད་ཅན་ཞེས་བྱ་བའོ། །མེད་པར་ཞེས་བྱ་བས་བཤད་པ་ནི། མོ་གཤམ་བུ་སོགས་ཞེས་བྱ་བ་ནི་འདིར་ཡང། ཡང་ན་ཞེས་བྱ་བའི་བཤད་པ་གཞན་ནི་རྒྱུ་མེད་ན ་འབྲས་བུ་ཉིད་དོན་དམ་པར་མེད་དོ་ཞེས་བྱ་བའི་དབུ་མའི་ལྟ་བ་སླར་ཡང་བརྗོད་བྱ་ཡིན་པའོ། །སྡུག་བསྔལ་གྱི་རྒྱུ་རིས་འགའ་བ་ཡིན་དུ་ཟིན་ཀྱང་དེ་འབྱུང་བ་ཆེན་པོའི་བདག་ཉིད་ཁོ་ན་མ་ཡིན་ནམ། མ་རིག་པ་དང། སྲེད་པ་དང། ལས་ཀྱི་ངོ་བོ་མ་ཡིན་ཞིང། དབང་ཕྱུག་ལ་སོགས ་པའི་ངོ་བོ་ཡང་མ་ཡིན་ནོ། །འཇིག་རྟེན་ཕ་རོལ་གྲུབ་པ་ལ་འབྱུང་བ་ཆེན་པོ་རྒྱུ་ཉིད་ཡིན་པ་བཀག་པ་མ་ཡིན་ནམ། བརྗོད་པ། སྲིད་པ་དང་པོའི་སེམས་ནི་མ་ལ་སོགས་པ་དང། མཚན་ཉིད་མི་མཐུན་པའི་སེམས་ཀྱི་འདུ་བྱེད་པའི་རྗེས་སུ་བྱེད་པ་ཉིད་ཀྱིས་སེམས་གཞན་རྟོག ་པར་བྱེད་པ་ཡིན་པའི་ཕྱིར། སེམས་ཀྱི་ངོ་བོའི་འཇིག་རྟེན་ཕ་རོལ་གྲུབ་ཀྱང་སྡུག་བསྔལ་ལ་སོགས་པའི་གནས་སྐབས་ཀྱི་ངོ་བོ་རྣམས་ལ་སོགས་པ་སེམས་པ་ཅན་གྱི་རྒྱུ་ཅན་ནི་མ་ཡིན་ཏེ། རྒྱུ་འབྱུང་ཆེན་པོ་ཙམ་ཡོད་ན་འགྲུབ་པ་ཡིན་ནོ་ཞེས་རྒོལ་བར་བྱེད་པ་ནི ་ཇི་ལྟར་ཚེར་མ་ཞེས་བྱ་བ་ལ་སོགས་པ་སྟེ། འབྱུང་བ་ཆེན་པོ་ཙམ་ཁོ་ན་ཆོས་ཅན་སྐྱེད་བྱེད་ལས་ཡིན་པའི་ཕྱིར་རོ། །རྒྱུ་ཞེས་བྱ་བ་ནི་སེམས་པ་ཅན་ཡིན་ལ། དེ་བཞིན་དུ་སྲིད་པའི་ངོ་བོ་འདི་ཡང་བདེ་བ་དང་སྡུག་བསྔལ་ཅན་ལ་སོགས་པ་ཡུལ་ལ་ཡོད་པ་ནི ་འཇིག་རྟེན་ཕ་རོལ་དུ་འབྱུང་བའི་སེམས་ཅན་གྱི་ཡང་རྒྱུ་མེད་པ་ནི་ཡོད་པ་མ་ཡིན་པའི་སེམས་པ་དང་ལྡན་པའི་རྒྱུར་འགྱུར་ཞེས་རྒྱུ་མེད་པ་ཅན་སྨྲ་བ་འགའ་ཟེར་བ་ཡིན་ནོ། །རང་བཞིན་ཉིད་ཀྱིས་ཞེས་བྱ་བ་ལ་སོགས་པ་ནི་འཕང་ཞེས་བྱ་བ་ལ་སོགས་པས ་བཤད་པ་ཡིན་ནོ། །དེ་ལ་ཁྱད་པར་དག་ཀྱང་ཞེས་བྱ་བ་ལ་སོགས་པ་ནི་མགར་བ་ལ་སོགས་པ་མེད་ཀྱང་ཞེས་བྱ་བ་ལ་སོགས་པའོ། །དེ་ལ་དོན་ནི་འདི་ཡིན་ཏེ། འབྱུང་བ་ཆེན་པོའི་ངོ་བོ་ནི་འབྱུང་བ་ཆེན་པོ་ཁོ་ན་ལས་འབྱུང་བའི་ཕྱིར། སེམས་པ་ཅན་གྱིས་བྱས་པ་མ ་ཡིན་ལ། བདེ་བ་ཅན་དང་སྡུག་བསྔལ་ཅན་ལ་སོགས་པའི་ངོ་བོའི་ཁྱད་པར་ཡིན་ལ། དེ་རྣམས་ཀྱང་ཚེར་མའི་རྣོ་བ་ལ་སོགས་པའི་ཆོས་ཅན་གྱི་རྒྱུའི་བསྐྱེད་བྱ་ཁོ་ནར་སྣང་བ་ཡིན་གྱི་སེམས་པ་དང་ལྡན་པའི་རྒྱུ་ཅན་ནི་མ་ཡིན་ནོ། །དེ་མེད་ཀྱང་སྟེ་སེམས་པ་དང་ལྡན ་པའི་རྒྱུ་མེད་ཀྱང་ངོ། །ཡོད་པའི་ཕྱིར་ཞེས་བྱ་བ་ནི་རྣོ་བ་དང་ཞེས་བྱ་བར་སྦྱར་རོ། །གང་གི་ཚེ་སྙམ་དུ་སེམས་ན་ཁྱད་པར་ནི་མགར་བ་ལ་སོགས་པ་མེད་ཀྱང་ངོ། །གལ་ཏེ་རེས་འགའ་མགར་བ་ལས་འདི་ཡང་འབྱུང་བ་ཡིན་ནོ་སྙམ་དུ་སེམས་པ་ལ། རྒྱུ་ངེས་མེད་པ་ཅན་འདི ་ཉིད་དེ་གང་གི་རྒྱུ་ངེས་པ་མེད་པ་དེ་ནི་རྒྱུ་མེད་པ་ཅན་ཡིན་ནོ། །གལ་ཏེ་མ་ངེས་པའི་རྒྱུ་ཅན་དུ་འགྱུར་ན་ཡང་རྒྱུ་མེད་པ་ཅན་དུ་ཅི་ལྟར་འགྱུར། བརྗོད་པ། མ་ངེས་པའི་རྒྱུ་ཅན་ནི་དེའི་རྒྱུ་ཉིད་ཀྱི་དུས་སུ་གཞན་གྱི་རྒྱུ་ཉིད་སྤངས་པ་ཡིན་ལ། གཞན་གྱི་རྒྱུ་ཉིད་ཀྱི་དུས ་སུ་ཡང་དེའི་རྒྱུ་ཡིན་པའི་ཕྱིར། རྒྱུ་མེད་པ་ཅན་ཉིད་དུ་ཚེར་མ་ལ་སོགས་པའི་རྣོ་བའི་ཁྱད་པར་ཡང་འབྱུང་བ་ཙམ་གྱི་བསྐྱེད་བྱ་མ་ཡིན་ཏེ། ཁྱད་པར་མེད་པར་མི་འབྱུང་བའི་ཕྱིར་རོ། །རྒྱ་ཤུག་གི་ས་བོན་ལ་སོགས་པའི་ངོ་བོ་ཡོངས་སུ་གྱུར་པ་ལ་བལྟོས ་ནས་ཁ་ཅིག་ཏུ་འགྱུར་བ་ཁོ་ན་ཡིན་ཞེ་ན། ཡོངས་སུ་གྱུར་པ་ཉིད་ཀྱང་འབྱུང་བ་ཙམ་ལས་བྱུང་བ་ཡིན་གྱི་ཅིས་ཐམས་ཅད་ལ་མ་ཡིན། དེའི་ཕྱིར་འབྱུང་བ་ཙམ་ལ་མི་སྲིད་པའི་ཁྱད་པར་ནི་རྒྱུ་གཞན་ལས་ཇི་ལྟར་རང་གི་དབྱེ་བས་ཐ་དད་པའི་ལས་དང་སེམས ་པའི་ངོ་བོར་རྟོགས་པར་བྱེད་པའི་ཕྱིར། རྒྱུ་མེད་པ་ཅན་ཉིད་བསྟན་པ་ནི། གང་ཡོད་ཉིད་ན་ཞེས་བྱ་བའོ། །འོན་ཏེ་རྒྱ་ཤུག་གི་ས་བོན་གཞན་ལས་དེའི་སྐྱེད་བྱེད་ནི་དེ་ཡོངས་སུ་འགྱུར་བ་ཡིན་ལ། དེ་ཡང་དེ་ལས་གཞན་པ་ལས་དེའི་སྐྱེད་བྱེད་ཡོངས་སུ་གྱུར་པ་ཡིན་ཞེས ་ཐོག་པ་མེད་པའི་ཡོངས་སུ་གྱུར་པའི་ཁྱད་པར་ཡིན་ན། ཤུགས་ཀྱིས་ལས་འཐོབ་པ་ཡིན་ཞེས་ཟེར་ན། དེ་ལ་ཡང་གང་ཡོད་ཉིད་ན་ཞེས་བྱ་བ་ལ་སོགས་པ་སླར་འཁོར་བ་ཡིན་ནོ། །སྔ་མ་སྔ་མའི་ཁྱད་པར་ཇི་ལྟ་བ་ཁོ་ན་བཞིན་དུ་ཁྱད་པར་གྱི་བསྐྱེད་བྱེད་རྒྱ་ཤུག་གི་ཚེར ་མ་ལ་སོགས་པ་རྣམས་ལ། དེ་ཁོ་ན་བཞིན་དུ་མ་རིག་པ་དང་སྲེད་པ་དང་ལས་ཀྱི་ངོ་བོ་དག་འགེབས་པ་དང་ཁྱེར་བ་ལ་སོགས་པའི་བྱ་བ་ནི་སྲིད་པ་སྐྱེད་བྱེད་དུ་མཐོང་བའི་ཕྱིར་ཐོག་མ་མེད་པའི་ཡོངས་སུ་གྱུར་པའི་ཁྱད་པར་ནི་རྒྱུ་ཉིད་དུ་རྟག་པར་མི་ནུས་སོ་ཞེས་བྱ་བའི་དོན་ཏོ།། ་ཐོག་མ་མེད་པའི་ཡོངས་སུ་གྱུར་པའི་ཁྱད་པར་ལ་དགོངས་ནས་བསྟན་པ་ནི། རྒྱ་ཤུག་གི་ཚེར་མའི་ཞེས་བྱ་བའོ། །ལས་ཀྱི་ངོ་བོའི་སེམས་པས་བསྐྱེད་བྱེད་ཡིན་པ་ལ་དགོངས་ནས་བསྟན་པ་ནི་བློ་སྔོན་བྱེད་པ་དམིགས་པའི་ཕྱིར་ཞེས་བྱ་བའོ། །དེ་ཉིད་ལས་ནི་ཞེས་བྱ་བ ་ལྕགས་ཀྱི་ཚེར་མ་ལས་སོ། །ཁྱད་པར་ཡོད་མོད་ཅེས་བྱ་བ་ནི་ལྕགས་ཀྱི་ཚེར་མ་ལ་ཡོད་པའོ། །རྒྱུ་བཅས་ཉིད་ནི་སེམས་པ་དང་ལྡན་པའི་རྒྱུ་ཅན་ཏེ། སྔ་མ་སྔ་མའི་སེམས་པའི་ཁྱད་པར་གྱི་རྗེས་སུ་འགྲོ་བ་དང་ལྡོག་པའི་རྗེས་སུ་བྱེད་པ་ནི་སེམས་དང་དབང་པོ་ལ་སོགས ་པ་བཞིན་དུ་དེའི་རྒྱུ་ཅན་དུ་འགྱུར་རོ་ཞེས་བྱ་བའི་དོན་ཏོ། །དེའི་ཕྱིར་གཞན་ཡང་སྔ་མ་སྔ་མའི་ཡོངས་སུ་གྱུར་པའི་ཁྱད་པར་ལས་མངོན་པར་འབྱུང་བ་ཡིན་ཡང་ཡུལ་དང་དུས་ལ་སོགས་པ་ངེས་པའི་དབང་གིས་ངེས་པར་བྱེད་པ་འཕངས་པ་ཁོ་ན་ཡིན་པར་བསྟན ་པ་ནི། འགའ་ཞིག་རྒྱ་ཤུག་ས་བོན་ལས་ཞེས་བྱ་བའོ། །ལས་ཀྱི་སྦྱོར་བ་ལས་བྱས་པའི་གསེར་ཡང་མ་བྱས་པ་ལྟ་བུར་སྣང་བ་མ་ཡིན་ནམ། དེའི་ཕྱིར་བྱས་པ་དང་མ་བྱས་པ་དག་ལ་ཁྱད་པར་མེད་དོ། །དེ་ལྟ་ཡིན་ན་བདེན་པའི་སོ་སོར་སྣང་བར་མངོན་པར་འདོད་པ་ཡང ་མི་བདེན་པར་འགྱུར་ཏེ། མི་བདེན་པའི་རྨི་ལམ་ན་སོ་སོར་སྣང་བ་དང་ཁྱད་པར་མེད་པའི་ཕྱིར་རོ་ཞེས་བསྟན་པ་ནི། ཁྱད་པར་མེད་པ་ཁོ་ན་ཞེས་བྱ་བའོ། །དེ་ལྟར་ཡིན་ན་ཁྱད་པར་མེད་པའི་སོ་སོར་སྣང་བ་ཙམ་འགྱུར་བར་བསྟན་པ་ནི། གཉིས་མེད་དེ་ཉིད་ཅེས ་བྱ་བའོ། །དེའི་ཕྱིར་ཁ་ཅིག་ཏུ་ཐེ་ཚོམ་ཅན་དུ་མཐོང་བ་ལས་ཐམས་ཅད་ཐེ་ཚོམ་ཟ་བར་བྱ་བ་མ་ཡིན་པ་ནི། དེ་ཕྱིར་གང་ལས་ཞེས་བྱ་བའོ། །འདི་ལྟར་རྒྱུ་དང་བྲལ་བའི་ཞེས་བྱ་བ་ནི་རབ་རིབ་ཅན་གྱི་སྐའི?་ཤེས་པ་བཞིན་དུ་ཡུལ་དང་དུས་ལ་སོགས་པའི་ཁྱད་པར་ནི་མ་ཡིན ་ན། གང་ཡོད་ཉིད་ན་ཞེས་བྱ་བ་དེ་མེད་ན་མེད་པས་དེ་འབྲས་བུ་ཉིད་དམ། དེའི་རྒྱུ་ཉིད་དུ་མི་རིགས་པ་མ་ཡིན་ནམ། འབྲས་བུ་དང་རྒྱུ་མ་ཡིན་པ་དག་གི་རེག་བྱ་དང་གཟུགས་ཀྱི་ཤེས་པ་དག་ནི་དོ་མེད་ན་མེད་པ་ཡིན་པའི་ཕྱིར་རོ་སྙམ་དུ་སེམས་པ་ནི། གལ་ཏེ་གང་ཡོད ་པ་ཉིད་ན་ཞེས་བྱ་བའོ། །མཐོང་བ་ནི་མིག་གི་བསྐྱེད་བྱ་གཟུགས་ཀྱི་ཤེས་པ་ཡིན་ཞིང། གཟུགས་ཀྱི་རྒྱུ་ཅན་ནི་མཐོང་བ་ཡིན་ལ། རེག་པའི་རྗེས་སུ་འགྲོ་བ་དང་ལྡོག་པ་གཞན་དུ་གྲུབ་པ་ཡིན་ན་རྒྱུ་མེད་པའི་སྣ་ཚོགས་པ་ནི་ཚོགས་པ་གཅིག་ལ་རག་ལས་པ་ཉིད ་མ་ཡིན་ཏེ། གཞན་དུ་གྲུབ་པ་ཉིད་ལ་རྒྱུ་མཚན་ཡོད་པར་བསྟན་པ་ནི། ཚོགས་གཅིག་ལ་རེག་ལས་ཞེས་བྱ་བའོ། །དེ་ལྟ་བུའི་རྣམ་པ་ཅན་གྱི་ལྡོག་པ་ནི་སྡུག་བསྔལ་གྱི་རྒྱུ་ལས་རྒྱུ་ཉིད་ཀྱི་རྒྱུ་མཚན་བརྗོད་པ་མ་ཡིན་པར་བསྟན་པ་ནི། རྣམ་པ་འདི་ལྟ་བུའི་ལྡོག་པ ་ལ་ཞེས་བྱ་བའོ། །རེག་པ་མེད་ན་མེད་པ་ནི། གཟུགས་མེད་ན་མེད་པ་ཁོ་ན་འབའ་ཞིག་ནི་མ་ཡིན་གྱི་འབའ་ཞིག་ནི་རྒྱུ་ཉིད་ཀྱི་རྒྱུ་མཚན་ཡིན་པར་བསྟན་པ་ནི། འོན་ཀྱང་གལ་ཏེ་གཟུགས་ཞེས་བྱ་བའོ། །འབའ་ཞིག་ནི་དངོས་སུ་རྒྱུ་ཉིད་ཀྱི་རྒྱུ་མཚན་ཡིན་ལ། བརྒྱུད ་པས་ནི་འབའ་ཞིག་མ་ཡིན་པ་ཡང་ངོ་ཞེས་བསྟན་པ་ནི། ཡང་ན་ཞེས་བྱ་བའོ། །ལྷན་ཅིག་འབྱུང་བའི་རྒྱུ་ཉིད་ཁས་ལེན་པར་བྱེད་པས་བརྒྱུད་པ་ཡིན་གྱི་སྔ་མ་དང་ཕྱི་མ་ཉིད་ཀྱང་མ་ཡིན་པར་བསྟན་པ་ནི། ཕན་ཚུན་མི་བྲལ་བ་ཉིད་ཀྱིས་ཤེས་པར་བྱ་བའོ། །རྒྱུ ་ཡིན་པའི་ཕྱིར་ཞེས་བྱ་བ་སྟེ། རྒྱུ་ཉིད་དུ་སྒྲུབ་པ་ལ་རང་ཉིད་མེད་ན་མེད་པར་བྱེད་པ་ཉིད་ཀྱིའོ། །རྣམ་པ་གཉིས་པ་ཞེས་བྱ་བ་ནི་རྒྱུ་གཅིག་བཀག་པས་སོ། །རྒྱུ་དང་བཅས་པ་ཉིད་ཅེས་བྱ་བ་ནི་རྣམ་པ་དང་པོ་དང་འབྲེལ་པ་ཡང་རྒྱུ་གཅིག་ཉིད་མི་འདོད་པའི་ཕྱིར་དེ་དགག་པའི་དོན ་ཏུ་རྣམ་པ་གཉིས་པ་ཡིན་ཞེས་བྱ་བའི་དོན་ཏོ། །རྟག་པ་ཉིད་དུ་འགྱུར་ཞེས་བྱ་བ་གྱུར་ཏོ་ཞེས་བྱ་བ་ནི་དུས་ཐམས་ཅད་པར་འགྱུར་ཏེ། དུས་གཅིག་ཁོ་ནར་འགྱུར་ཞེས་བྱ་བའི་དོན་ཏོ། །བལྟོས་པ་མེད་པས་ཞེས་བྱ་བ་ནི་ཅིག་ཉིད་ཡིན་ན་བལྟོས་པར་བྱ་བ་མེད་པས ་རིམ་པ་ཅན་དུ་འགལ་པའི་ཕྱིར་དང། ཅིག་ཅར་བ་ཉིད་ཀྱང་མ་ཡིན་པར་བསྟན་པ་ནི། དེ་དག་ཅེས་བྱ་བའོ། །འདི་ཉིད་བཀག་པའི་རྒྱུ་མཚན་རིམ་པ་དང་རིམ་པ་མ་ཡིན་པ་མ་ཚད་བ་ཉིད་ལ། དེ་དག་ལས་ཞེས་བྱ་བ་ལ་སོགས་པའི་འདྲ་བ་སྔོན་དུ་འགྲོ་བ་ཅན་གྱིས་གསལ ་པར་བྱེད་པ་ཡིན་ནོ། །དེ་ཉིད་ཀྱི་ཕྱིར་དེ་རྣམས་ཀྱི་བར་དུ་སྐྱེ་བ་ཉིད་རྣམ་པ་གསུམ་པ་མ་ཡིན་པར་བསྟན་པ་ནི། རྣམ་པ་གསུམ་པ་རབ་ཏུ་སྐྱེ་བ་མ་ཡིན་ཞེས་བྱ་བའོ། །དེ་ལྟ་ཡིན་ན་དེ་གང་གི་ཡིན་ཞེ་ན། སྲེད་པ་ཉིད་ཀྱི་སྟེ། ནུས་པ་མེད་ཅིང་ཞེས་བྱ་བ་སྟེ་སྦྱར ་རོ། །ཡུལ་གྱི་ཁྱད་པར་ནི་མཐོ་རིས་ལ་སོགས་པའི་རིས་ཀྱིས་ཁྱད་པར་ཅན་ཡིན་ལ། དེ་ཡོངས་སུ་འཛིན་པ་ནི་རང་གིར་བྱེད་པའོ། །དེ་ཐོབ་པའི་བསམ་པས་བྱས་པ་ནི་ཡུལ་གྱི་ཁྱད་པར་ཐོབ་པའི་སྲེད་པས་བྱས་པའོ། །ལས་དང་ལུས་དང་མ་རིག ་པ་རྣམས་རྒྱུ་ཉིད་ཀྱང། ཡུལ་གྱི་ཁྱད་པར་ལ་སོགས་པ་ལ་འཇུག་པའི་སྲེད་པ་ཁོ་ན་ཡིན་པར་བསྟན་པ་ནི། རྒྱུ་གཞན་ནམ་ཞེས་བསྟན་པའོ། །སྲེད་པ་ནི་འདྲེན་པའི་བྱེད་པ་ལས་རབ་ཏུ་སྐྱེ་བ་ཡིན་དུ་ཟིན་ཀྱང་ཇི་ལྟར་སྲིད་པ་འདོད་པ་ཡིན་སྙམ་དུ་སེམས་པ་དེ ་ཁོ་ན་དེ་ཡིན་པར་བསྟན་པ་ནི། དེ་ནི་སྲིད་འདོད་ཅེས་བྱའོ། །ཀུན་འབྱུང་ནི་ཡང་ནུས་པ་སྲེད་པ་ཙམ་ཡང་མ་ཡིན་ལ། སྲེད་པ་འདོད་པ་ཙམ་ཡང་མ་ཡིན་པ་མ་ཡིན་ནམ། འདོད་པའི་སྲེད་པ་ལ་སོགས་པ་གསུམ་ཀུན་འབྱུང་བ་ཉིད་ཡིན་པར་མདོ་སྡེ་ལས ་གསུངས་པ་ཡིན་ནོ་སྙམ་དུ་སེམས་བ་ནི། གལ་ཏེ་ཡུལ་གྱི་ཁྱད་པར་ཞེས་བྱ་བའོ། །གང་ཕྱིར་ཡང་ཞེས་བྱ་པའི་ཡང་གི་སྒྲ་ནི་བསྡུས་པའི་དོན་དང་འབྲེལ་བའི་ཕྱིར་དེ་ཡང་ཞེས་པར་འགྱུར་ཏེ། སྲིད་པ་ལ་སྲིད་པ་པོ་ན་འབའ་ཞིག་སྲེད་པ་འདོད་པ ་ནི་མ་ཡིན་གྱི་འོན་ཀྱང་དེ་ཡང་ངོ། དེ་ཡང་གང་ཡིན་ཞེ་ན། གང་གི་ཕྱིར་ནི་སྲིད་པ་འདོད་པ་ལས་སོ། །སྲོག་ཆགས་ཞེས་བྱ་བས་ནི་ཤེས་རབ་དང་བྲལ་བས་བསྟན་ཏོ། །དེ་ལྟ་ཡིན་ན་ཇི་ལྟར་འཇུག་པར་བྱེད་ཅེས་བསྟན་པ་ནི། བདེ་བ་དང་སྡུག་བསྔལ་དང་འབྲེལ་བ་ཅན ་ཐོབ་པ་དང་མི་འཐོབ་པར་འདོད་བ་ཞེས་བྱ་བ་ནི་ཕན་འདོགས་པའི་ཡུལ་ལ་འཇུག་པའི་རྒྱུ་སྲེད་པ་ཡིན་པར་བརྗོད་ན། དེ་ཉིད་བདེ་བ་དང་སྡུག་བསྔལ་དག་ལ་འཕྲད་བ་དང་བྲལ་བར་འདོད་པ་དག་གིས་དབྱེ་བ་དོར་བའི་སྲེད་པ་ཡང་མདོ་སྡེར་གསུངས་པ་ཡིན ་པར་བསྟན་པ་ནི། འདོད་དང་འཇིག་སྲེད་ཅེས་བྱ་བ་སྟེ། འཐོབ་པ་དང་མི་འཐོབ་པར་འདོད་ཅེས་བྱ་བས་དབང་ཕྱུག་འཛུད་བྱེད་ཡིན་པ་བསལ་བ་ཡིན་པ་ནི་ཁ་ཅིག་གིས་འདོད་དོ། །དེ་ཡང་ཇི་ལྟར་འདོད་པ་སྲེད་པ་ཡིན་ཞེ་ན། སྲིད་པའི་སྒྲ་ནི་འཁོར་བའི་རྣམ་གྲང ་ཡིན་ལ། འཁོར་བ་ཡང་གནས་དང་ལོངས་སྤྱོད་པ་དེ་བ་དང་སྲིད་པ་དང། སྡུག་བསྔལ་དང་འབྲལ་བ་ཡང་ཡིན་ཏེ། དེས་འདོད་པ་རྣམ་པ་གསུམ་འབྱུང་ངོ་ཞེས་བྱ་བའི་དོན་ཏོ། །སོགས་པའི་སྒྲ་ནི་བདེ་བ་དང་འཕྲད་པ་དང། སྡུག་བསྔལ་དང་བྲལ་བ་འབྱུང? ་ངོ། །དགའ་བ་ནི་ཡིད་བདེ་བ་ཡིན་ལ། དེ་ཞེས་བྱ་བ་ནི་སྲིད་པ་འདོད་པའོ། །ཐམས་ཅད་ནི་གཅིག་ཁོ་ནས་ཡིན་པའི་ཕྱིར་རྫས་མ་ལུས་པར་བརྗོད་པའི་རྣམ་པའི་དབྱེ་བ་ནི། འདོད་པའི་སྲེད་བ་ཞེས་བྱ་བ་ལ་སོགས་པའོ། །ཕྱེ་བ་བསྟན་པ་ནི་གང་ཞིག་གནས ་ལ་སོགས་པ་ཞེས་བྱ་བ་སྟེ། སོགས་པའི་སྒྲ་ནི་ལོངས་སྤྱོད་དོ། །འདི་ལ་འགལ་བ་མེད་པ་དེ་དེ་བཞིན་དུ་འབྱུང་བར་བསྟན་པ་ཡིན་ནོ། །མ་རིག་པ་ནི་སྒྲིབ་པའི་བདག་ཉིད་ཅན་མ་ཡིན་ནམ། འདྲེན་པ་ཡང་རྣམ་ཤེས་ཀྱི་སྒྲིབས་པ་ལས་ཡིན་ཏེ། ་སྒྲོ་འདོག་པ་ཉིད་དང། འདྲེན་པ་ལས་ཤེས་གསུངས་པའི་ཕྱིར་སྲེད་པ་ལས་ནི་མ་ཡིན་ཏེ། འགུགས་པའི་བདག་ཉིད་ཡིན་ནོ་སྙམ་དུ་སེམས་པ་ལ་སྲིད་པའི་ཡན་ལག་ཐམས་ཅད་ལ་སྲེད་པའི་བྱ་བ་ཡོད་པ་ཡིན་ཏེ། ཆགས་པའི་བདག་ཉིད་ཡིན་པའི་ཕྱིར་རོ་ཞེས་བསྟན་པ་ནི། ་བདག་ཏུ་ཆགས་པའི་ཞེས་བྱ་བ་སྟེ། ཀུན་ལ་རབ་ཏུ་འཇུག་པ་སྟེ། འཁོར་བ་འདིས་ཡིན་པའི་ཕྱིར་འཇུག་པ་ནི་མ་རིག་པ་ལ་སོགས་པ་རྟེན་འབྲེལ་གྱི་ཡན་ལག་ཡིན་ལ། དེ་ཐམས་ཅད་དེ་བདག་ཏུ་ལྟ་བའི་མ་རིག་པ་ཡོད་པ་ཡིན་ཏེ། དེ་མེད་ན་མི་འཇུག་པར་ཐལ ་བར་འགྱུར་བའི་ཕྱིར་རོ། །དེ་ཡང་ཆགས་པའི་སྙིང་པོ་ཅན་ཡིན་པའི་ཕྱིར་སྲེད་པ་ཡིན་ནོ། །དེ་བཞིན་དུ་བདག་གིར་བལྟ་བ་ཡང་ཆགས་པའི་སྙིང་པོ་ཅན་དུ་བརྗོད་པར་བྱ་བ་ཡིན་ལ། དེ་མེད་ཀྱང་མེད་པར་ཐལ་བར་འགྱུར་བའི་ཕྱིར་རོ་ཞེས་བསྟན་པ་ནི། བདེ་མིན་ནི ་བདག་གི་བར་མངོན་པར་འདོད་པའོ། །བདེ་བར་འདུ་ཤེས་བ་ནི་བདག་གི་བ་ཉིད་ཀྱིས་འཁྱུང་བ་ཉིད་ལས་ཏེ། འགྲོ་བའི་ཡུལ་ལ་སོགས་པར་བདེ་བ་ཡིན་པའི་ཕྱིར་ཆགས་པའི་ཡུལ་ཉིད་དུ་བརྗོད་དོ། །དེ་ནི་ཞེས་བྱ་བ་ནི་མིང་གཞན་སྲེད་པ་ཞེས་བྱ་བའི་ཆགས ་བ་སྟ་རྒྱུ་ཉིད་ཅེས་བྱ་བའི་སྦྱར་རོ། །རབ་ཏུ་འཇུག་པ་ནི་ཡན་ལག་ལའོ། །ཡན་ལག་གི་ཡུལ་བསྟན་བ་ནི་གནས་དང་ལོངས་སྤྱོད་ལ་སོགས་ལ་བདག་གོ?་བར་མངོན་པར་འདོད་པ་ལའོ། །ཕྱིན་ཅི་ལོག་བ་ཞེས་ཉམས་པ་ཞེས་བྱ་བ་ནི་བདེ་བར་འདུ་ཤེས ་བ་ཞེས་བྱ་བ་འགྲེལ་པའོ། །བདག་གིར་བལྟ་བའི་ཆགས་པའི་སྙིང་པོ་ཅན་དུ་བསྟན་པ་ཡིན་ལ། འདིའི་རྒྱུ་ཉིད་ཀྱི་ལྷན་ཅིག་བྱེད་པ་ཉིད་ཀྱིས་ཕན་འདོགས་པར་བྱེད་པ་ཉིད་ཀྱི་ཡན་ལག་ཡིན་པའི་ཕྱིར་སྙིང་རྗེ་དང་ལྡན་པ་ཡིན་ནོ། །འདི་ཉིད་ལས་བྱ ་བ་ནི་ཆགས་པའི་ངོ་བོའི་སྲེད་པ་ན་ཐམས་ཅད་ལ་ཕན་འདོགས་པར་བྱེད་པ་ཉིད་ཀྱིས་ལྷན་ཅིག་བྱེད་པ་ཉིད་དུ་བརྗོད་པའི་ཕྱིར་རོ། །གལ་ཏེ་སྲེད་པ་མེད་པས་མེད་པའི་ཕྱིར། རྟེན་འབྲེལ་ཉིད་ཡིན་ན་ལུས་མེད་ན་ཡང་སྐྱེ་བ་མེད་པར་འགྱུར་རོ། །ཇི་སྐད་དུ། འབྱུང་རྡུབ་དབང་པོ་བློ་ཞེས་བྱ ་པའི་ཚིགས་སུ་བཅད་པའི་དོན་བསྟན་པ་ནི། གལ་ཏེ་རྐྱེན་ཉིད་ཀྱང་ཞེས་བྱ་བའོ། །ཇི་ལྟར་འདོད་ཆགས་དང་བྲལ་བ་ཅེས་བྱ་བ་ནི་ཚིག་གི་དོན་བཤད་པ་ཡིན་ནོ། །རིགས་པ་འདི་ཉིད་ཅེས་བྱ་བ་ནི་དེ་མེད་ན་མེད་པའོ། །རྒྱུ་མཚན་ཁས་བླངས་ཕྱིར་ཞེས ་བྱ་བའི་དོན་བསྟན་བ་ནི། འདོད་ཆགས་མེད་ཀྱང་ཞེས་བསྟན་པའོ། །འདི་ཞེས་བྱ་བ་ནི་ལུས་རྒྱུ་མཚན་ཉིད་ཅེས་བྱ་བ་ནི་ཚིག་ནི་ཉེ་བར་ལེན་པ་ཉིད་ཀྱི་ཚིག་ལས་གནོད་པ་ཡིན་ནོ། །ཟོས་པ་ནི་གསལ་བའོ། །དཔྱད་པ་ནི་ངེས་པར་བརྟགས་པའོ། །བློ་གྲོས་འབར་པས་ནི ་ཁྱོད་ཀྱིས་སོ། །སྐྱེ་བ་སྟེ་ལུས་དང་ལྷན་ཅིག་འབྱུང་བ་ནི་འདོད་ཆགས་དང་དུས་མཚུངས་པར་འབྱུང་བའི་ཕྱིར་རྒྱུ་ཉིད་མ་ཡིན་ཏེ། སྔར་ཡོད་པ་ཉིད་རྒྱུ་ཡིན་པའི་ཕྱིར་རོ་ཞེ་ན་ལྷན་ཅིག་འབྱུང་བའི་དེས་པ་བཤད་པའི་དོན་ཏུ་རྫས་ཡོན་ཏན་དང་བཅས་པ་ཉིད་རྒྱུ་མཚན ་ཡིན་ནོ་ཞེས་ཟེར་བ་ནི། གལ་ཏེ་ཡོན་ཏན་དང་བཅས་པ་ཞེས་བྱ་བ་སྟེ། འདི་ཉིད་བཤད་པ་ནི། གལ་ཏེ་སྐྱེས་ཞེས་བྱ་བ་སྟེ། སྐྱེ་བ་སྔ་རོལ་མ་མཐོང་བའི་ཕྱིར་དེ་ལྟར་མཐོང་བ་ལས་ལྷན་ཅིག་འབྱུང་བར་ངེས་པ་ཡིན་ལ། དེ་ལས་ཀྱང་ཡོན་ཏན་དང་བཅས་པའི ་རྫས་སྐྱེ་བའི་རྒྱུ་མཚན་ཡིན་ནོ་ཞེས་བྱ་བའི་དོན་ཏོ། །འདི་ལ་བརྗོད་པ་ནི། སྐལ་མཉམ་སྐྱེ་ལས་ཞེས་བྱ་བ་སྟེ། ཇི་ལྟར་ལྷན་ཅིག་འབྱུང་བའི་འདོད་ཆགས་སྐྱེ་བའི་རྒྱུ་མ་ཡིན་པ་དེ་བཞིན་དུ་སྐྱེ་བ་ཡང་ལྷན་ཅིག་འབྱུང་བའི་ཕྱིར་འདོད་ཆགས་ཀྱི་རྒྱུ་མ ་ཡིན་པའི་ཕྱིར་རྒྱུ་སྔར་བྱུང་བར་རྟོག་པ་ན། འཚོ་བའི་གནས་སྐབས་སུ་མཐོང་བའི་ཕྱིར་སྐལ་བ་མ་ཉམས་པ་ཉིད་དེ། འདྲ་བ་ཉིད་ཚུལ་བཞིན་མ་ཡིན་པ་ཡིད་ལ་བྱེད་པ་ཉིད་དུ་རྒྱུར་བཏགས་པ་ཡིན་ནོ་ཞེས་བྱ་བའི་དོན་ཏོ། །བདག་དང་བདག་གིར་ལྟ་བའི་ཆགས ་པའི་སྙིང་པོ་ཅན་རྒྱུ་མ་ཡིན་ནམ། ཆགས་བ་ནི་མ་ཡིན་ནོ། །འདི་བསྟན་བ་ནི་བདག་དང་བདག་གིར་འཛིན་པས་བྱས་པའི་ཆགས་པས་ཞེས་བྱ་བ་ལ་སོགས་པ་ཡིན་ནོ། །དེའི་ཕྱིར་དེར་བལྟ་བ་ཡང་རྒྱུ་ཁོ་ན་ཡིན་གྱི་སྲེད་པ་ནི་མ་ཡིན་ནོ་སྙམ་དུ་སེམས་པ་ལ། རྒྱུ ་ཡིན་ཡང་ཞེས་བྱ་བ་སྟེ། སྒྲིབ་པར་བྱེད་པའི་བདག་ཉིད་ཡིན་པས་འཛུད་བྱེད་མ་ཡིན་པའི་ཕྱིར་རོ། །དེའི་ཕྱིར་མི་ཤེས་པ་སྟེ་མ་རིགས་པ་ནི་ཀུན་འབྱུང་བའི་བདེན་པ་ལ་མ་བརྗོད་པ་ཡིན་ནོ། །སྲེད་པ་ནི་འཛུད་བྱེད་ཡིན་པའི་ཕྱིར་བརྗོད་པ་ཡིན་པར་བསྟན་པ་ནི་བཤད་པ་ཞེས་བྱ་བའོ།། ་གསུམ་རྒྱུ་ཡིན་པའི་ཕྱིར་ཞེས་བྱ་བ་ནི་རྟེན་ཅིང་འབྲེལ་པར་འབྱུང་བའི་ཡན་ལག་རྣམས་ལ་མ་རིག་པ་དང་ལས་དག་ཀྱང་བརྗོད་པའི་ཕྱིར་ཞེས་བྱ་བའི་དོན་ཏོ། །བར་དུ་མ་ཆོད་བས་ཞེས་བྱ་བ་ནི་ཉེས་བྱས་སོ། །དེ་མ་ཐག་ཉིད་དུ་སྒྲུབ་པར་བྱེད་པ་ནི་གཏི་མུག་དང་ལས་དག་ཅེས ་བྱའོ། །སྲེད་པ་མེད་ན་ལས་ལ་ནུས་པ་མེད་པར་བསྟན་པ་ནི། དེ་ཡོད་པ་ན་ཞེས་བྱ་བའོ། །ལས་ཀྱི་སྦྱར་ཅེས་བྱ་བ་ནི་འདི་ཉིད་ཀྱི་བཤད་པ་ཡིན་ནོ། །སྲེད་པ་མེད་པས་ཡོངས་སུ་འདོད་བ་མ་ཡིན་གྱི། འོན་ཀྱང་ལས་གཞན་?་གྱིས་བྱས་པ་ཁོ་ན་དེ་ཡང་ཡིན་པའི་ཕྱིར ་གྲོལ་བའི་བདག་ཉིད་ཅན་རྣམས་ཀྱི་སྐྱེ་བ་མེད་པ་ཡང་ལས་མེད་པས་བྱས་པ་ཁོ་ན་ཡིན་གྱི་སྲེད་པ་མེད་པ་ཉིད་ཀྱིས་བྱས་པ་མ་ཡིན་པར་བསྟན་པ་ནི། གལ་ཏེ་བློ་ཞེས་བྱ་བའོ། །རེ་ཞིག་སྲིད་པ་མེད་ན་འབྱུང་བ་ཡོངས་སུ་དོར་བ་ནི་ལས་གཞན་གྱི་ནུས་པས་འཕངས་པ ་མ་ཡིན་ཏེ། གཞན་དུ་ཡང་ཡིན་པའི་ཕྱིར་རོ། །འོན་ཏེ་སྲེད་པ་མེད་ན་ལས་ཉིད་མི་འབྱུང་བ་དེའི་ཕྱིར་ལས་མེད་པས་བྱས་པའི་ཡོངས་སུ་འདོར་བ་ཡིན་གྱི་ལས་གཞན་གྱིས་བྱས་པ་མ་ཡིན་ནོ། །འདི་ལ་ཡང་བརྗོད་པ། སྲེད་པ་དང་ནི་རྣམ་བྲལ་ན། ཞེས་བྱ་བ་ནི་ལས ་མེད་པའི་སྒོ་ནས་སྲེད་པ་ཉིད་དོར་བྱ་བ་བྱེད་པ་ཡིན་ནོ། །དེའི་ཕྱིར་སྲིད་པ་གཙོ་བོ་ཡིན་ཏེ་མེད་པ་ཁོ་ན་ལ་སྦྱོར་བར་བྱེད་པའི་ཕྱིར་རོ། །འོན་ཏེ་ལས་མེད་པ་ཉིད་སྦྱོར་བྱེད་ཡིན་ཏེ། སྲེད་པ་ཡོད་ཀྱང་དེ་མེད་ན་ཡོད་པའི་ཕྱིར་རོ། །དེ་མ་གྲུབ་པ་ཡིན་ཏེ། དེ་ཡོད་ན་དེ་མེད ་བ་ཉིད་འགྲུབ་པའི་ཕྱིར་རོ་ཞེས་བསྟན་པ་ནི། འོན་ཏེ་འདི་ལ་སྲེད་པ་ཡོད་ན་ཞེས་བྱ་བའོ། །སྡུལ་ཏེ་གཏན་དུ་བ་མ་ཡིན་པ་དང་མི་བརྟན་པ་ཡིན་ཏེ། རེས་འགའ་དམིགས་པའི་ཕྱིར་ཞེས་བསྟན་པ་དེ་ཅི་ལས་ཡིན་ཞེས་ཟེར་བ་ལ། དེ་ནི་གཏན་དུ་བ་ཡིན་ཏེ། རྒྱུ་ལ ་ཏེ་ཀུན་འབྱུང་བའོ། །གེགས་བྱེད་པ་ནི་འགལ་བ་ཅན་གྱི་ལས་སོ། །སོགས་པའི་སྒྲས་ནི་ལྷན་ཅིག་བྱེད་པ་མ་ཚང་བ་བསྡུ་བའོ། །འདིས་ནི་རྒྱུ་མེད་པ་བསྟན་པ་ཡིན་ནོ། །དེ་ལྟར་ན་འགོག་པའི་བདེན་པ་ཡང་འགོག་པ་ཉིད་ཅེས་བསྟན་པར་འགྱུར་བར ་བསྟན་པ་ནི་ད་ནི་ཞེས་བྱ་བའོ། །འདུས་བྱས་བ་ཅན་གྱི་ཕུང་པོའི་ངོ་བོ་གང་ཡིན་པ་དེ་རྒྱུ་ཚང་པ་ལ་སོགས་པ་དང་ལྡན་པ་མ་ཡིན་ནམ། ཇི་ལྟར་འདི་འགོག་པ་ཡིན། འགོག་པ་ཡིན་ན་ཇི་ལྟར་འཁོར་བ་ཡིན་སྙམ་དུ་སེམས་པ་ནི་འཁོར་ཕྱིར་ཞེས་བྱ་བའོ།། ་མ་ཡིན་ཞེས་བྱ་བ་ནི་ཕྱོགས་སྔ་མ་འགེགས་པའོ། །ཅི་ལས་ཡིན་ཞེ་ན། འདོད་པའི་ཕྱིར་ཏེ་འཁོར་བ་པ་གང་ཡིན་པ་དེ་གྲོལ་བ་མ་ཡིན་ཞེས་བྱ་བ་འདི་ནི་འདོད་པ་ཡིན་ནོ། །འཁོར་བ་པ་དང་འགོག་པ་ཡིན་པ་ནི་སྐད་ཅིག་མ་ལ་བལྟོས་ནས་འགལ་བ་ཡིན ་ལ། རྒྱུན་ལ་བལྟོས་ནས་འགལ་བ་མ་གྲུབ་པར་བསྟན་པ་ནི། མ་གྲུབ་ཕྱིར་ཞེས་བྱ་བའོ། །བདག་ཅེས་བྱ་བ་ནི་སྔ་མ་དང་ཕྱི་མ་ཅན་དུ་གྱུར་བ་ནི་འཁོར་བ་པ་ཡིན་ཏེ། རྒྱུ་དང་ལྡན་པའི་ཕྱིར་རོ། །འཁོར་བ་པ་མ་ཡིན་པ་ནི་དེ་དང་བྲལ་བའི་ཕྱིར་ཞེས་བྱ་བ ་གྲུབ་བོ། །འགང་ཡང་ཡོད་པ་མ་ཡིན་ནོ་ཞེས་བྱ་བའི་འདི་སྐད་ཅིག་མ་བལྟོས་ནས་འགལ་བ་ཉིད་བཤད་པ་ཡིན་ནོ། །འོན་ཀྱང་སེམས་ཀྱི་རྒྱུན་ཞེས་བྱ་བ་ལ་སོགས་པས་འགལ་བ་ཉིད་རྒྱུད་ལ་བལྟོས་ནས་ནི་འགལ་བ་མི་འགྲུབ་བོ་ཞེས་བསྟན་པ ་ཡིན་ནོ། །མ་གྲུབ་ཕྱིར་ཞེས་བྱ་བ་ཉིད་ཀྱི་དོན་ཡང་བསྟན་པ་ནི། དོན་དམ་པར་ནི་ཞེས་བྱ་བ་སྟེ། དོན་དམ་པར་ཡོངས་སུ་དཔྱད་པས་འཁོར་བ་པ་ཉིད་མ་གྲུབ་པ་ཡིན་ལ། ཀུན་རྫོབ་ཏུ་ནི་འཁོར་བ་པའི་ཕུང་པོ་ནི་སྡུག་བསྔལ་ཉིད་ཡིན་པ་ལ་འགལ་པ ་མེད་དོ། །གལ་ཏེ་གཞན་བཅིངས་པ་ཡིན་ལ། གཞན་གྲོལ་བ་ཡིན་ན་གཞན་འགའ་ཞིག་གི་རྒྱུད་དམ། གཞན་ཡང་བཅིངས་དང་འགྲོལ་བ་དག་ལ་གནས་པ་མ་ཡིན་པ་དེ་ལྟ་ན་ཆད་པ་དང་རྒྱུད་མེད་པར་སྨྲ་བ་དག་ཡིན་ཏེ། སྐད་ཅིག་སྔ་མ ་ནི་བདག་ཉིད་ཐམས་ཅད་ཀྱིས་འགགས་པ་ཡིན་ལ། ཕྱི་མ་ཡང་རྒྱུ་མེད་པས་མི་འབྱུང་པའི་ཕྱིར་རོ། །དེ་ལྟར་ཡོངས་སུ་ཤེས་ན་རྟོག་པ་དང་ལྡན་པ་ནི་ཚངས་པར་སྤྱོད་པ་ན་གནས་པར་མི་འགྱུར་ཞིང། དྲང་སྲོང་ཆེན་པོས་གསུངས་པ་ཡང་དོན་མེད་པར་འགྱུར་བར ་བསྟན་པ་ནི་གལ་ཏེ་བཅིངས་བ་ཞེས་བྱ་བ་སྟེ། འཇིག་རྟེན་བའི་བཟང་པོ་མང་པོ་བདག་མ་འདོད་པ་ལ་ནུབ་པར་འགྱུར་ཏེ། རྒྱུ་མཚན་གང་གིས་གང་ལ་ཡང་འཇུག་པ་མེད་པའི་ཕྱིར་རོ་ཞེས་དཔེ་མང་པོ་བསྟན་པ་ཡིན་ནོ། །བདག་ཏུ་སྨྲ་བ་ཡང་བདག་ཡོད་པ་ཁོ་ནས ་འཇུག་པ་དང་ལྡོག་པར་བྱེད་པ་མ་ཡིན་ནོ། །འོ་ན་ཅི་ཞེ་ན། དེའི་བསྐྱེད་པ་ཡིན་ན་དེ་འདི་ནི་བདག་མེད་པས་སྨྲ་བ་ལ་མཚུངས་པར་བསྟན་པ་ནི། ཇི་སྲིད་བདག་ཆགས་ཏེ། ཆགས་པའི་སྙིང་པོ་ཅན་གྱི་ཤེས་པ་ཇི་སྲིད་དུ་བཅོམ་པར་མ་གྱུར་པ་དེ་སྲིད་དུ་བདག་སྡུལ་ཅན ་འཁོར་བ་པ?་སྒྲོ་བཏགས་ནས་ནི་ཀུན་ཏུ་བཏགས་ནས་སོ། །ཡོངས་སུ་གདུང་བ་ནི་སྡུག་བསྔལ་པས་གནས་པ་དང་ལྡན་པར་འགྱུར་ལ། དེ་ནས་སྡུག་བསྔལ་དེ་གཞོམ་པའི་དོན་དུ་ཐབས་རྗེས་སུ་སྒྲུབ་པས་དཀྲིགས་པ་ནི་བདེ་བར་གནས་པ་ཉིད་འཐོབ ་པ་མ་ཡིན་ནོ། །དེའི་ཕྱིར་བདག་ལ་ཆགས་པའི་མཚན་ཉིད་དེ་ཁོ་ན་ལོག་པར་སྒྲོ་འདོགས་ལ་གཞོམ་པའི་ཕྱིར་རྩོམ་པ་ནི་དྲང་སྲོང་ཆེན་པོས་གསུངས་པའི་རྗེས་སུ་བསྒྲུབ་པ་ཡང་ཡིན་ཏེ། གྲོལ་བ་མེད་ན་ཡང་ཞེས་བྱ་བ་ནི་བདག་མེད་ཀྱང་ངོ། །དེའི་ཕྱིར་ཚངས་པར ་སྤྱོད་པ་ལ་གནས་པ་འབྲས་སུ་མེད་པ་མ་ཡིན་ནོ། འདི་ཉིད་བསྟན་པ་ནི། འོན་ཏེ་དེ་ལྟ་བུ་ཞེས་བྱ་བའོ། །གལ་ཏེ་དེ་ཁོ་ན་ཉིད་མཐོང་བ་པོ་ནི་དོན་བྱས་པ་ཡིན་པའི་ཕྱིར། རང་གི་དོན་ལ་འཇུག་པ་མ་ཡིན་གྱི་གཞན་དོན་ཁོ་ན་འཇུག་པ་ཡིན་ན། འདིའི་ཆེད་དུ་ལམ ་འདི་ཁོ་བོས་བསྟན་པར་བྱའོ་ཞེས་རྟོག་པར་མི་བྱེད་ན་ཇི་ལྟར་འབད་པ་བྱེད་པ་ཡིན་སྙམ་དུ་སེམས་པ་ནི། འོན་ཏེ་གལ་ཏེ་ཞེས་བྱ་བའོ། །ཀུན་རྫོབ་ཏུ་ཐ་སྙད་ཡོད་ཅེས་བྱ་བ་ནི། སློབ་མ་ལ་རྫོགས་པ་ཡིན་པའི་ཕྱིར་རོ། །ཇི་ལྟར་དོན་དམ་པའི་ཐ ་སྙད་དུ་འགྱུར་ཞེས་བྱ་བ་ནི་སྟོན་པ་པོ་རྫོགས་པའི་ཕྱིར་རོ། །རེ་ཞིག་སློབ་མ་ཡང་སྟོན་པ་པོ་བདག་ཉིད་ལ་ཡང་གཅིག་ཡིན་པར་བསྟན་པ་ནི། གཅིག་ཉིད་ཀུན་རྫོབ་པ་ཞེས་བྱ་བའོ། །སྟོན་པ་པོ་ནི་རྣམ་པར་རྟོག་པ་མེད་ཀྱང་སྔ་མའི་ཤུགས ་ཀྱིས་འཇུག་པ་ནི་དེ་ཁོ་ན་ཉིད་དུ་ཅིག་བ་ཉིད་དམ། ཐ་སྙད་དུ་ཡང་མཐོང་བ་མ་ཡིན་ནོ་ཞེས་བསྟན་པ་ནི། ཇི་ལྟར་དེ་ཉིད་ཅེས་བྱ་བའོ། །སྟོན་པ་པོ་ལ་བལྟོས་ནས་འབད་པ་པོའི་རྟོག་པ་ཡང་རང་རིག་པ་ཙམ་ནི་འདོད་ཆགས་དང་བྲལ་བ་ཡིན་པར ་བསྟན་བ་ནི། འབད་བའང་ཞེས་བྱ་བའོ། །ས་བོན་ལ་སོགས་པ་ལ་རྟོག་པ་མེད་ཀྱང་མྱུ་གུ་འབྱུང་བ་ཇི་ལྟ་བ་དེ་ཁོ་ན་བཞིན་དུ་ཡོངས་སུ་རྫོགས་པ་རྣམ་པར་རྟོག་པ་མི་མངའ་བ་ལས་ཀྱང་སྔོན་གྱི་འདུ་བྱེད་ལས་ཐ་སྙད་འབྱུང་བ་བསྟན་པ་ནི། རྒྱུ་དང ་འབྲས་བུའི་ཡོངས་སུ་རྫོགས་པ་མ་ཡིན་པ་ཡང་འབྲུས་ཉིད་ནི་རྣམ་པར་རྟོག་པ་ལས་གཞན་པ་ཚད་མ་མ་ཡིན་པར་རྟོགས་པ་ནི། ཡོད་མིན་ཞེས་བྱ་བ་སྟེ། གནོད་པ་ཞེས་བྱ་བ་ནི་རྣམ་པར་རྟོག་གོ་།སྐད་ཅིག་མ་རིག་པ་མངོན་སུམ་ནི་རྫོགས་པ་དང ་རྫོགས་པའི་སྙིང་རྗེ་དང་རྣམ་པར་རྟོག་པ་དག་གི་འཇུག་པར་བྱེད་པ་ཡིན་པར་བསྟན་པ་ནི། ཁས་བླངས་ནས་ཀྱང་ཞེས་བྱ་བའོ། །སངས་རྒྱས་བཅོམ་ལྡན་འདས་རྣམས་ནི་ཐུགས་རྗེས་འགྲོ་བ་ཇི་སྲིད་པར་བཞུགས་པ་ཡིན་ལ། ཉན་ཐོས་རྣམས་ནི་ལས ་ཀྱི་དུས་ཉུང་ཟད་པ་ཡིན་ཡང། ཚེ་རིང་པོར་འཕེལ་བའི་ལས་ཡོད་པ་ཁོ་ན་ཡིན་ནོ། །ཚིགས་སུ་བཅད་པ་འདི་ཉིད་རྒོལ་བ་ནི། དམ་པའི་དོན་རྟོགས་ཞེས་བྱ་བའོ། །འདི་ཉིད་ལ་ལན་འདེབས་པ་ཉིད་ཀྱིས་ཚིགས་སུ་བཅད་པའི་དོན་ལ་སྦྱོར་བར་བྱེད་པ ་ནི་དཔྱོད་པའི་ཡུལ་ཅན་གྱི་ཤེས་པ་དེ་རྟོགས་པ་ནི་རང་རིག་པའི་ངོ་བོ་ཉིད་དོ། །དེ་ལ་ཡང་བསྐལ་པ་གྲངས་མེད་པ་གསུམ་དུ་བསགས་པའི་ཚེ་འཕེལ་བར་བྱེད་པའི་བསོད་ནམས་ཀྱི་ཚོགས་དང་ལྡན་པའི་ཕྱིར་བཅོམ་ལྡན་འདས་ཉིད་ལ་བལྟོས་ནས་སོ། །ཡང་ན ་ལས་ཀྱི་ཞེས་རྣམ་པར་བརྟགས་པར་རིག་པ་ཡིན་པ་ནི། ཇི་ལྟར་རྒྱལ་པོ་སྐྱེ་དགུ་ལ་ཞེས་བྱ་བའོ། །རང་རྒྱུད་ལ་ནི་བུ་ལའོ། །རྩོད་ལྡན་ནི་རྗེས་སུ་སྟོན་པ་ལ་སོགས་པས་སོ། །འདོད་བཞིན་པའི་འབྲས་བུ་ནི་བསོད་ནམས་རྣམས་ཡིན་ལ། དེའི་ཕྱིར་བཅོམ་ལྡན་འདས་མཛའ་མི ་མངའ་བར་བསྟན་པ་ནི། སྨོན་ལམ་ཞེས་བྱ་བ་སྟེ། རྒྱུན་མཛའ་མེད་པར་འགྲུབ་པ་ཁོ་ནར་འདོད་པ་ཉིད་ནི་ལས་ཀྱི་འབྲས་བུ་ཡིན་ནོ་ཞེས་བྱ་བའི་དོན་ཏོ། །རྣམ་པ་དེ་ལྟ་བུའི་ཞེས་བྱ་བ་ནི་བདག་གི་སྡུག་བསྔལ་ཅན་ནོ་ཞེས་བྱ་བ་ལ་སོགས་པ་གཅིག་པ་ཉིད་དུ་སྒྲོ་བཏགས ་པའོ། །གལ་ཏེ་ལས་ཀྱི་ཞེས་བྱ་བའི་རྒོལ་བ་ལ་ལྷན་ཅིག་བྱེད་པ་ཟད་ཕྱིར་རོ་ཞེས་བྱ་བ་ལན་ཡིན་ལ། འོན་ཏེ་དགྲ་བཅོམ་པའི་ལས་ལ་ནུས་པ་མེད་ན་ཞེས་བྱ་བ་ལ་ནི་ཕངས་པ་ལྡོག་མེད་ཅེས་བྱ་བ་འདིས་སོ། །གལ་ཏེ་བརྩེ་བ་ནི་ཞེས་བྱ་བ་ནི་འདོད་ཆགས་དང་བྲལ་བས ་སེམས་ཅན་མཐོང་བ་སྒྲུབ་པ་ལ་འབྲས་བུའི་གཏན་ཚིགས་མ་ཡིན་ནམ། བརྗོད་པ་ནི་སྡུག་བསྔལ་ཤེས་ལ་ཞེས་བྱ་བ་སྟེ། གཞན་གྱི་སྡུག་བསྔལ་ཤེས་ན་ཞེས་བྱ་བ་འདིས་ནི་ཕྱི་རོལ་གྱི་རྒྱུ་བསྟན་པ་ཡིན་ནོ། །འགྲེལ་བ་མཛད་པས་ནི་སྲེད་པ་མེད་པ་བརྗོད་པ་ཡིན ་ལ། དེས་ན་འགལ་བ་མེད་པ་ཞེས་བྱ་བ་ནི་སྡང་བ་ཅན་མ་ཡིན་ལ། སྲེད་པ་དང་བཅས་པ་ནི་འགའ་ཞིག་ཏུ་དེ་ལ་གནོད་པར་བྱེད་པ་ལ་སྡང་བར་འགྱུར་རོ། །འདས?་ནི་མི་མཐུན་པའི་ཕྱོགས་མི་མངའ་བར་བསྟན་པ་ནི་སྔ་མ་ཞེས་བྱ་བ་སྟེ། ནང་གི་རྒྱུ་བསྟན་པ་ཡིན་ནོ།། ་དངོས་ཆོས་ཞེས་བྱ་བས་ནི་འདོད་པ་དང་གཏི་མུག་ལ་སོགས་པ་ལ་བལྟོས་པ་མེད་པ་ཉིད་དུའོ། །སེམས་ཅན་རྗེས་འབྲེལ་ཅན་མ་ཡིན་ཞེས་བྱ་བ་ནི། སེམས་ཅན་དུ་བལྟ་བ་ལ་བརྟེན་པ་མ་ཡིན་ནོ། །སྡུག་བསྔལ་གསུམ་ནི་སྡུག་བསྔལ་གྱི་སྡུག་བསྔལ་དང། འདུ་བྱེད ་ཀྱི་སྡུག་བསྔལ་དང། འགྱུར་བའི་སྡུག་བསྔལ་གྱི་ངོ་བོ་ཡིན་ནོ། །མཉམ་པ་ཉིད་ཅེས་བྱ་བ་ནི་དེ་རྣམས་བདག་ཁོ་ན་ཡིན་གྱི་གཞན་ནི་མ་ཡིན་པར་རོ། །སེམས་ཅན་ཐམས་ཅད་ལ་རྟག་ཏུ་བྱམས་པའི་སེམས་ནི་བདག་གོ་ཞེས་སམ། འོན་ཏེ་བདག་ཉིད་ཡིན་པ་མེད་ ་ཀྱང་བུ་སྡུག་ལ་མའི་ཚིག་རྩུབ་བཞིན་དུ་ཇི་ལྟར་འཇུག་པར་འགྱུར་ཞེས་བྱ་བའོ། །སེམས་ཅན་མཐོང་བ་ནི་འཁོར་བའི་རྒྱུ་ཡིན་བའི་ཕྱིར། སྡུག་བསྔལ་གྱི་རྒྱུ་མ་ཡིན་ནམ་ཞེས་ཟེར་བ་ལ། དེ་ལྟ་བུར་གྱུར་པ་ཞེས་བྱ་བའོ། །བརྩེ་བ་ནི ་སེམས་ཅན་དུ་ལྟ་བ་དང་འགལ་བ་དམིགས་པ་ཡིན་པར་བསྟན་པ་ནི། དེ་ཡང་ཞེས་བྱ་བའོ། །བརྩེ་བ་ནི་ཆགས་པའི་བདག་ཉིད་ཡིན་པའི་ཕྱིར་བདག་ལ་ཆགས་པ་མེད་ཀྱང་སེམས་ཅན་རྣམས་ལ་བདག་གི་བར་ཆགས་པ་ཡིན་པའི་ཕྱིར་དེ ་མེད་བའི་ངོ་བོ་ནི་འདིའི་འདོད་ཆགས་དང་བྲལ་བ་ཉིད་མ་ཡིན་ནོ་ཞེས་ཟེར་བ་ནི་གལ་ཏེ། འདོད་ཆགས་དང་ཞེས་བྱ་བའོ། །བདག་ལ་འམ་དེ་དང་འབྲེལ་པ་ཅན་ཡང་རུང་བ་ལ་ཆགས་པ་ནི་འདོད་ཆགས་ཡིན་ནོ་ཞེས་བསྟན་པ་ནི། དེ་བདག་མིན་པ་ཞེས ་བྱ་བའོ། །བདག་དང་འབྲེལ་ཅན་གྱི་བདེ་བ་སྒྲུབ་པ་ཉིད་ཀྱིས་སེམས་ཅན་གྱི་ཕུང་པོ་དང་བཟུར?་བ་ལ་ནི་མ་ཡིན་པར་བསྟན་པ་ནི། སྡུག་བསྔལ་གྱི་རྒྱུན་ནི་གཞན་གྱི་སྟེ། རེག་བ་ནི་འཛིན་པ་ཡིན་ལ་དེ་ཉིད་ལ་འབའ་ཞིག་ན་དེ་ཙམ་སྟེ། སེམས ་ཅན་ལ་ཆགས་པ་ཙམ་ནི་བདག་དང་འབྲེལ་པ་དང་བྲལ་བའི་བརྩེ་བ་ཡིན་ནོ། །གལ་ཏེ་ཡང་བདེ་བ་དང་འབྲེལ་པ་ཅན་ཉིད་ཀྱིས་བདག་ཏུ་མི་འཛིན་པ་ཡིན་ཡང་བྱེད་པ་ཉིད་ཀྱིས་གཞན་གྱི་བདེ་བ་རྣམས་ལ་བདག་ཏུ་སྒྲོ་འདོགས་པར ་འགྱུར་བ་ཁོ་ན་ཡིན་ནོ་སྙམ་དུ་སེམས་པ་ནི། གལ་ཏེ་བདག་གི་ཞེས་བྱ་བའོ། །བདག་བདེ་བ་གནས་པ་ཡིན་ན་ངེས་པར་བདག་ཏུ་སྒྲོ་འདོགས་པར་འགྱུར་བར་བསྟན་པ་ནི། གལ་ཏེ་བདག་དོན་ཞེས་བྱའོ། །གཞན་ལ་གནས་པ་ཡིན་ན་ཅེས་བདག ་ཏུ་སྒྲོ་འདོགས་བར་ཡིན་ཞེས་བསྟན་པ་ནི། གཞན་དོན་ཙམ་ལ་ཞེས་བྱ་བའོ། །ཇི་ལྟར་ཆེད་ཀ་ཆེ་བ་མ་ཡིན་ཞེས་ཟེར་བ་ལ། རྒྱལ་བོའི་དཔེ་ཞེས་བྱ་བ་སྟེ། གཞན་གྱི་དོན་ལ་འཇུག་པ་ཡིན་ཞེས་བྱ་བའི་དོན་ཏོ། །རྣམ་རྟོག་མི་མངའ་ཡང་སྔོན ་གྱི་མཛད་པའི་ཤུགས་ཀྱིས་འཇུག་པ་ཡིན་བར་བསྟན་པ་ནི། སྔ་མ་སྔ་མ་ལས་ཞེས་བྱ་བའོ། །དེ་ཉིད་གསལ་བར་བྱེད་པ་ནི། ཡོད་མིན་ཞེས་བྱ་བ་སྟེ། མངོན་སུམ་གྱི་ཡུལ་མ་ཡིན་པའི་ཕྱིར་རོ། །གནས་པ་མ་ཡིན་པ་ནི་སེམས་ཅན་གྱི་དོན་གྱིས་སྟོང་པ་ཉིད་དུའོ། ། ་ཁྱད་ཅག་ཅེས་བྱ་བ་ནི་འཁོར་བ་པའོ། །འཁྲུལ་པ་ཞེས་བྱ་བ་ནི་རྣམ་པར་རྟོག་པ་ཁོ་ན་ཏེ། མངོན་སུམ་མ་ཡིན་པའོ། །བདག་ལ་གནོད་པ་བྱེད་པ་ལ་རྒྱབ་ཀྱིས་ཕྱོགས་པ་ནི་ཞེ་སྡང་ཡིན་པ་ལ་བདག་དང་བདག་གིར་ལྟ་བའི་སྙིང་པོ་ཅན་གྱིས་རྒྱབ་ཀྱིས་ཕྱོགས་པ་མ ་ཡིན་དུ་ཟིན་ཀྱང། མི་ཕྱོགས་པ་ཙམ་ཡོད་པ་ཡིན་ནོ་ཞེས་ཟེར་བ་ལ་བསྟན་པ་ནི། མི་གཙང་བ་ལ་སོགས་པ་མཐོང་བ་ལས་ཞེས་བྱ་བའོ། །ཞེ་སྡང་གི་རང་བཞིན་དུ་ཞེས་བྱ་བ་ནི། ཞེ་སྡང་གི་ཡུལ་ཅིག་ལ་ཀུན་ཏུ་སྦྱོར་བའི་ཕྱིར་རོ། །འདི་ལ་ཡང། བྱམས་སོགས ་རྨོངས་དང་འགལ་མེད་ཕྱིར། ཤིན་ཏུ་ཉེས་པ་ཚར་གཅོད་ཡིན། ཞེས་འཆད་པར་འགྱུར་བའི་ལན་བསྟན་པ་ནི། མི་སྡུག་པ་བསྒོམ་པས་ཞེས་བྱ་བའོ། །མི་རྟག་པ་ལ་སོགས་བར་ལྟ་བ་ལ་ཡང་ཅིའི་ཕྱིར་མི་འགྱུར་བ་ཞེས་ཟེར་བ་ལ། བདག་ཡོད་ན་ནི་ཞེས་བྱ ་བའོ། །མི་རྟག་པ་ཉིད་དུ་ལྟ་བ་འཁྲུལ་པ་དང་འགལ་བར་བསྟན་པ་ནི། གང་གི་ཚེ་རྒྱུ་ལ་རག་ལས་པ་ཞེས་བྱ་བའོ། །འདོད་ཆགས་དང་བྲལ་བ་རྣམས་ལ་བདག་ཏུ་ལྟ་བ་མེད་པའི་ཕྱིར། བདག་ཏུ་ལྟ་བའི་སྙིང་པོ་ཅན་གྱི་ཞེ་སྡང་མི་སྲིད་དོ། །དེ་ཕྱིར་དེ་རྣམས་ཞེ ་སྡང་དང་ལྡན་པ་ཅན་ཡིན་གྱི་སྙིང་རྗེ་མ་ཡིན་པར་བསྟན་པ་ནི། གཏི་མུག་ཉེས་པའི་རྩ་བ་སྟེ་ཞེས་བྱ་བའོ། །ཉེས་རྒྱུ་ལ་ནི་གནོད་པར་བྱེད་པ་ལའོ། །ཉེས་མེད་ནི་ཉེས་པ་དང་ལྟང?་པ་མ་ཡིན་པའོ། །གལ་ཏེ་འདོད་ཆགས་དང་བྲལ་བའི་བཅོམ་ལྡན་འདས ་འཁོར་བ་ཇི་སྲིད་པར་བཞུགས་པ་ཡིན་ནོ། ལུས་ཀྱི་མཆིང་བ་ཡོད་པའི་ཕྱིར་མ་གྲོལ་བར་འགྱུར་རོ་སྙམ་དུ་སེམས་པ་ནི། གལ་ཏེ་འདོད་ཆགས་དང་བྲལ་བ་ཞེས་བྱ་བའོ། །ཐུགས་རྗེས་འཁོར་བ་ཇི་སྲིད་བར་བཞུགས་པའི་སྐུ་མངའ་ནས་ཡང་འདོད་ཆགས་ལ་སོགས ་པའི་དྲི་མ་སྤངས་པ་ཡིན་པའི་ཕྱིར་ཐུགས་གྲོལ་བ་ཁོ་ན་ཡིན་པར་བསྟན་པ་ནི། ཉེས་པ་དང་བྲལ་བའི་ཐུགས་ཞེས་བྱ་བའོ། །གྲོལ་མེད་མ་ཡིན་ཞེས་བྱ་བ་ནི་བཅོམ་ལྡན་འདས་ལ་བལྟོས་ནས་གྲོལ་བ་མེད་པ་མ་ཡིན་གྱི་འོན་ཀྱང ་གྲོལ་པ་ཁོ་ན་ཡིན་ནོ། །མ་གྲོལ་བའི་ངོ་བོ་ནི་འདི་ཡིན་ཏེ་སྔོན་གྱི་འདུ་བྱེད་པའི་ཕུང་པོ་རྣམས་ཟད་པ་ཡིན་ན་གཞན་དག་མཚམས་སྦྱོར་བ་ཡིན་ལ། འདི་ཡང་སངས་རྒྱས་བཅོམ་ལྡན་འདས་ལ་མི་མངའ་ཨོ། །དེའི་ཕྱིར་མ་གྲོལ་བ་མ་ཡིན་ནོ། །ཡང་བྱང་ཆུབ་སེམས་དཔའ་ ་རྣམས་ནི་མཚམས་སྦྱོར་བ་དང་ལྡན་པ་ཡིན་ཡང། སྙིང་རྗེའི་དབང་གིས་ཉེས་པ་མེད་པ་ཁོ་ན་ཡིན་གྱི། འཁོར་བ་པའི་འགྲོ་བ་ལྟ་བུ་མ་ཡིན་པར་བསྟན་པ་ནི། ནུས་པ་མ་ཟད་པ་སྟེ། སྔ་མ་ཟད་ཀྱང་གཞན་འབྱུང་བའི་ཕྱིར་བཞུགས་པ་ནི་འཚོ་བའོ། །ཡང་ན་སྔ་མ་ནི ་ཉན་ཐོས་ལ་བལྟོས་པའོ། །ཕྱི་མ་ནི་བཅོམ་ལྡན་འདས་ལ་བལྟོས་པའོ། །འདུ་བྱེད་ཀྱི་སྒྲ་ནི་དགེ་བའི་གནས་པ་ཡིན་ནོ། །འདུ་བྱེད་པ་ཡོད་པ་དང་མེད་པ་དག་ཁོ་ནས་གནས་པ་དང་གནས་པ་མ་ཡིན་པ་འབའ་ཞིག་ནི་མ་ཡིན་ཏེ། སྙིང་རྗེ་ཡོད་པ་དང་མེད་པ་དག ་ལས་ཀྱང་འབྱུང་བ་ཡིན་པར་བསྟན་པ་ནི། དམན་པ་ཉིད་ཕྱིར་ཞེས་བྱ་བའོ། །སེམས་ཅན་གཞན་གྱི་ངོ་བོར་ནི་གཞན་གྱི་དབང་གིས?་སོ། །བདག་ཏུ་བལྟ་བ་ཁོ་ན་གཏི་མུག་མ་ཡིན་ཏེ། རྒྱུན་ཏུ་ཞུགས་པ་ལ་དེ་མེད་ཀྱང་གཏི་མུག་ཁས ་ལེན་པའི་ཕྱིར་རོ་སྙམ་དུ་སེམས་པ་ནི། གལ་ཏེ་ལམ་གྱི་ནུས་པ་ཡིན་ན་ཞེས་བྱ་བའོ། །འདི་ལ་རྒོལ་བ་རྗེས་སུ་བརྗོད་ནས་ལན་བརྗོད་པ་ནི། རྒྱུན་ཏུ་ཞུགས་པ་ལ་ལྷན་ཅིག་སྐྱེས་པའི་བདག་ཏུ་ལྟ་བ་ཡོད་ཀྱང། གཏི་མུག་གཞན་དུ་ཡོད་པར་རྟོག་པ་ལ་ཚད་མ་མེད་དོ ་ཞེས་བསྟན་པ་ནི། ལྷན་ཅིག་སྐྱེས་པ་མི་སྤངས་ཕྱིར་ཞེས་བྱ་བ་ནི། བདག་ཏུ་ལྟ་བ་ཡང་མངོན་པར་སྤངས་པ་ནི་རྒྱུན་ཏུ་ཞུགས་པའི་ལམ་གྱིས་སྤང་བྱ་ཡིན་གྱི། ལྷན་ཅིག་སྐྱེས་པས་ནི་མ་ཡིན་ནོ། །དེའི་ཕྱིར་རྣམ་པ་གཉིས་པོ་འདི་ནི་གཏི་མུག་གཞན་དུ་རྟོག་པ ་འཇོམས་པར་བྱེད་བ་ཡིན་ནོ། །ཞེས་བྱ་བའི་དོན་ཏོ། །དབང་པོ་རྣོན་པོའི་ཡང་རྣོན་པོ་ཁ་ཅིག་ནི་དང་པོའི་ལམ་ཉིད་དུ་གཏི་མུག་གཉིས་ག་སྤངས་པ་ཉམས་སུ་མྱོང་བ་ཡིན་པས་སྲེད་པ་མེད་པ་ཡིན་པར་བསྟན་པ་ནི། སྤངས་ན་ཡང་ཞེས་བྱ་བའོ། །ལམ་གྱི་དང་པོ་ལ་གསལ ་པོ་མ་ཡིན་པར་བསྟན་པ་ནི། བདེ་བ་མཐོང་བ་ཙམ་ཉིད་ལ་ཞེས་བྱ་བའོ། །བཟློག་པ་ནི་བདག་མེད་བའོ། །བརྟན་བ་ནི་ཆེན་པོར་འགྱུར་བའོ། །བསྒོམ་པའི་ལམ་ཉིད་ཀྱིས་ཞེས་པ་ནི་གོམས་པ་ལས་བྱུང་བའི་བསྟན་པ་ཉིད་ཀྱིས་སོ། །གང་གི་འདོད་པས་ཞེས་བྱ་བ་ནི ་དབང་པོ་རྣོན་པོའི་ཡང་རྣོན་པོ་སྟེ། དེ་བསྟན་པ་ནི། ཤེས་རབ་རྣོན་པོའི་ཞེས་བྱ་བའོ། །མངོན་པར་སྦྱང་བ་ལས་ལྷན་ཅིག་སྐྱེས་པའི་དངོས་པོ་མེད་ན་རྒྱུ་དང་རྣམ་དག་གིས་ཐ་མི་དད་པ་ཡིན་ནོ་ཞེས་ཟེར་བ་ནི། གལ་ཏེ་སེམས་ཅན་དུ་ལྟ་བ་ལྷན་ཅིག་སྐྱེས་པ་ཞེས་བྱ ་པའོ། །རྣམ་པ་ཐ་མི་དད་ཀྱང་བག་ཆགས་ཙམ་ལས་བྱུང་བ་ཉིད་ཀྱིས་རྒྱུ་ཉེ་བར་སྟོན་པ་པོ་ཐ་དད་པ་ལས་ལྷན་ཅིག་སྐྱེས་པ་ཐ་དད་པར་བསྟན་པ་ནི། བདེ་བར་གྱུར་པ་འམ་ཞེས་བསྟན་པའོ། །དེ་བཞིན་དུ་མངོན་པར་སྦྱངས་པའི་ལས་ནི་མ་ཡིན་ཏེ། དེ་མེད་ཀྱང་བསྟན ་བཅོས་ཤེས་པ་རྣམས་དང་རྒྱུན་ཏུ་ཞུགས་པའང་ཡོད་པའི་ཕྱིར་རོ། །འོན་ཏེ་དེ་རྣམས་ཉེ་བར་སྟོན་པ་མེད་པས་བདག་གོ་ཞེས་བྱ་བ་ཁོ་ནར་མི་འགྱུར་རོ་ཞེས་ཟེར་བ་ལ། ང?་ཞེས་མཐོང་བ་མེད་པར་ནི་དེ་རྣམས་ཀྱི་བདག་ཏུ་ལྟ་བའི་རྣམ་པའི་བདག་ལ་ཆགས་ཉིད་ཉམས ་སུ་མྱོང་བ་གྲུབ་བོ་ཞེས་བྱ་བའི་དོན་ཏོ། །ཆགས་པ་ཉམས་སུ་མྱོང་བ་ལ་བྱེད་པ་ནི་འབྲས་བུའི་རྟགས་ཡིན་པར་བསྟན་པ་ནི། བདག་ལ་སྲེད་པ་མེད་པར་ཡང་ཞེས་བྱ་བའོ། །རྒྱུའི་དབྱེ་བ་ཉིད་བསྟན་པ་ནི། ཐོག་མ་མེད་བའི་བག་ཆགས་ཀྱི་དབང་གིས ་ཞེས་བྱ་བའོ། །ལམ་གྱི་དང་པོ་ལ་ལྷན་ཅིག་སྐྱེས་ཕ་མ་སྤངས་པས་ཐར་མ་ཡིན་ཞེས་ཟེར་བས་ཐར་པ་ལ་ཉོན་མོངས་པ་མེད་པར་བརྗོད་པ་ཡིན་པར་བསྟན་པ་ནི། འདི་ནི་ཞེས་བྱ་བའོ། །བདག་ཏུ་སྨྲ་བ་ཡོངས་སུ་མགུ་བ་མེད་པས ་གྱ་ནོམ་ཕ་ཡིན་པའི་ཐར་བ་ཡིན་ནོ། །དེའི་ཕྱིར་བདག་ཁས་ལེན་པ་ཉིད་གྱ་ནོམ་པའི་ཐར་པ་ཡིན་ནོ་སྙམ་དུ་སེམས་པ་ནི། གལ་ཏེ་བདག་ཡོད་ན་ཞེས་བྱ་བའོ། །པ་དག་ཁས་ལེན་ན་ཐར་པ་ཉིད་དུ་མི་འགྱུར་བ་བསྟན་པ་ནི། སྡུག ་བསྔལ་སྐྱེ་བའི་ཞེས་བྱ་བ་སྟེ། འཁོར་བ་སྐྱེ་བའོ། །བཅིངས་པ་དང་ཐར་པ་དག་གི་བདག་དང་འབྲེལ་པ་ནི་རྒྱུ་ཉིད་ཁོ་ན་ཡིན་ལ། དེ་ནི་རྟག་པ་ལ་མི་སྲིད་དོ། །འདུ་བ་དང་ཕྲད་པ་དག་ཀྱང་དེ་ཡོད་པ་དང་མེད་པའི་དུས་དག་ལ་ཁྱད་པར་མེད་པས་ཁོ་ན་ཡིན་ནོ ་ཞེས་བྱ་བའི་དོན་ཏོ། །རྟོག་པ་དང་ལྡན་པ་ཡང་རྨོངས་པའི་དབང་གིས་བྱེད་པ་ཡིན་ནོ་ཞེས་བྱ་བ་ནི། འོན་ཏེ་འདི་ཞེས་བྱ་བའོ། །བདག་ཤེས་པ་ནི་དེ་ཉིད་ཤེས་པ་ཡིན་ཏེ། རྨོངས་བའི་དུས་ན་གལ་ཏེ་མེད་པ་ཡིན་ན་མི་དམིགས་པ་ཉིད་འདིའི་མེད་བ་སྒྲུབ་པར ་ཡིན་པར་བསྟན་པ་ནི། དེའི་ཚེ་བདག་ཉིད་ཅེས་བྱ་བའོ། །དེའི་རང་བཞིན་ནི་གཏི་མུག་ཉིད་དོ། །སྡུག་བསྔལ་བ་ཡང་གཏི་མུག་གིས་མ་ཡིན་ཏེ་འོན་ཀྱང་ལས་ཀྱི་བསྟན་པ་ཡིན་ནོ་ཞེས་ཟེར་བ་ནི། འོན་ཏེ་བདག་ཉིད་ཤེས་ཀྱང་ཞེས་བྱ་བའོ། ། ་རྣམ་པར་བརྟག་པ་མི་འཐད་པའི་ཕྱིར་བཅིངས་པ་མ་ཡིན་པར་བསྟན་བ་ནི། གལ་ཏེ་འདི་ཞེས་བྱ་བའོ། །གཞན་གྱི་དངོས་པོ་མེད་ཀྱང་ཞེས་བྱ་བ་ནི་སྡུག་བསྔལ་མེད་པའི་རང་བཞིན་མེད་པ་ནི་སྡུག་བསྔལ་གྱི་རང་བཞིན་ཉིད་དོ། །རིགས་པ ་མ་ཡིན་པས་བདག་དང་བདག་ཅེས་བྱ་བའི་འཁྲུལ་པ་མ་གཏོགས་པའི་བདག་རིག་པ་མ་ཡིན་ནོ། །གལ་ཏེ་ཡོད་པའི་བདག་ཉིད་ཀྱི་མཛའ་ཐམས་ཅད་དུ་རྗེས་སུ་འཇུག་པ་ཡིན་ནོ་ཞེས་ཟེར་བ་ནི། དེའི་རང་བཞིན་རིག་ཅེ་ན། ཞེས་བྱ་བའོ། ། ་དགའ་བའི་ངོ་བོ་ཚངས་པ་ཡིན་ཞེས་བྱ་བ་འདི་ལ། གལ་ཏེ་ཐར་ཀྱང་བདེ་ཉིད་ལ་ཞེས་སྨོས་སོ། །བདག་མེད་པ་ཁས་ལེན་པ་གྱ་ནོམ་པ་ཉིད་ཡིན་པར་བསྟན་པ་ནི། ཡོངས་སུ་ཚིམ་བ་ཞེས་བྱ་བ་སྟེ། ནོན་པ་མེད་བ་ནི་བདག་དང་བདག་གིར་སྒྲོ་འདོགས་པར ་མེད་པའི་ཕྱིར་རོ། །མ་རིགས་པ་མེད་པ་ནི་རྟག?་པ་ཉིད་མེད་པའི་ཕྱིར་རོ། །གལ་ཏེ་ང་སྔོན་གྱུར་ཏོ་ཞེས་བྱ་བ་ནི་དཔེར་ན་སྐྱེ་བོ་ལ་ཕན་པའི་རྒྱལ་པོ་ཞེས་བྱ་བར་རོ། །རྟག་བ་བཞིན་དུ་བརྗོད་བྱ་མ་ཡིན་པ་ཡང་ཁས་བླངས་པར་འོས་པ་མ་ཡིན་ཏེ། རིགས་པ་དང་འགལ་པའི ་ཕྱིར་རོ་ཞེས་བསྟན་པ་ནི། མི་རྟག་ཉིད་དུ་ཞེས་བྱ་བ་སྟེ། རྟག་པ་ཉིད་ལ་སོགས་པ་དང་འགལ་བའི་རིམ་པ་དང་ཅིག་ཅར་བ་ཉིད་ཀྱིས་བྱེད་པ་པོ་ལ་ཁྱབ་པ་ནི་མི་རྟག་པ་ཉིད་དུ་རྣམ་པར་གནས་པ་ཡིན་པའི་ཕྱིར་མི་རྟག་པ་ཉིད་ཀྱིས་ཀྱང་ཁྱབ་པ་ཡིན་ཞེས་བྱ་བའི་དོན་ཏོ ་འོན་ཏེ་བཅིངས་པ་དང་ཐར་པ་དག་ཅེས་བྱ་བ་ལ་སོགས་པས་གཉི་གའི་བདག་ཉིད་མེད་པའི་རྒྱུ་ཡིན་ནོ་སྙམ་དུ་སེམས་བའོ། །གཉི་གའི་བདག་ཉིད་ཀྱིས་ཏེ་ཟློག་པ་ལ་ནི་གཞན་དུ་གྲུབ་བ་ཉིད་ཀྱིས་གཏན་ཚིགས་བསྟན་པ་ནི། རྟག་དང་མི་རྟག་ཅེས་བྱའོ། །མི་འཇིག ་པ་འཇིག་པ་དང་འགལ་བ་ཡིན་པར་བསྟན་པ་ནི། གང་གི་རང་བཞིན་ཞེས་བྱ་བའོ། །གལ་ཏེ་ཁོ་བོ་ཅག་གི་འདོད་པ་ལས་བཟློག་པ་བརྗོད་པར་བྱ་བར་ངེས་པ་ཡིན་ནོ། །རྟག་པ་ཡིན་ཞེས་བར་བརྗོད་བྱ་ཡིན་པར་བསྟན་པ་ནི། དེ་ནི་རྟག་བ་ཞེས་བྱ་བའོ། །རྟག་པ་དང ་ཅིག་ཤོས་འགལ་བར་ཚད་མས་གྲུབ་པར་བྱེད་པར་འདོད་བས་བསྟན་པ་ནི། ཞིག་བ་དང་མ་དམིགས་པ་ཞེས་བྱ་བ་ལ་སོགས་པའོ། །གལ་ཏེ་མངོན་མཐོང་བ་དེ་ལྟར་སྣང་བཞིན་པ་དང་གཅིག་པ་ཉིད་དུ་དེ་ཉིད་འདི་ཡིན་ནོ་ཞེས་ཤེས་བཞིན་དུ་ཇི་ལྟར་གཞན་དུ་མ ་ཡིན་སྙམ་དུ་སེམས་བ་ནི། ཅིག་ཉིད་དུ་རྟོགས་བཞིན་པ་ནི་ཞེས་བྱ་བའོ། །གང་ཞིག་ཅེས་བྱ་བ་ནི་མཐོང་བའི་འོ། །གཅིག་ཉིད་དུ་ཞེས་བྱ་བ་ནི་སྣང་བཞིན་པ་དང། ལྷན་ཅིག་རྟོགས་པ་དེ་ཉིད་འདི་ཡིན་ཞེས་བྱ་བའོ། །དེ་ནི་མཐོང་བའོ། །མ་རྟོགས་པ་ཞེས ་བྱ་བ་ནི་མེད་པ་དང་མ་སྐྱེས་པའི་ངོ་བོ་ནི་འགལ་བ་ཡིན་ཏེ། མཐོང་བ་ལས་མ་རྟོགས་པ་ནི་མཐོང་བ་ནི་མ་རྟོགས་པ་ཡིན་ནོ་ཞེས་ཟེར་བ་ནི། འོན་ཏེ་གཞན་རྟེགས?་པ་ཞེས་བྱ་བའོ། །ལན་ནི་དེས་ན་མ་རྟོགས་པ་ནི་ཡོད་པ་མ་རྫོགས་པ་ནི་ཡོད་པ་མ་ཡིན་ནོ ་ཞེས་བྱ་བ་སྟེ། གཞན་རྟོགས་པའི་ངོ་བོ་ཡིན་ཏེ་གཅིག་ཉིད་དུ་རྟོགས་པར་ཁས་བླངས་པའི་ཕྱིར་ཞེས་བྱ་བའི་དོན་ཏོ། །དེ་ཞེས་བྱ་བ་ནི་ད་ལྟར་བའོ། །གཞན་ཞེས་བྱ་བ་ནི་དེ་ལྟར་རྟོགས་པ་ཉིད་དོ། །དེའི་མཐོང་བ་མི་རྟོགས་བ་ཞེས ་རྒོལ་བའོ། །འདི་ཡང་ད་ལྟར་བ་ཉིད་མཐོང་པ་ཡིན་པ་ཞེས་བྱ་བ་འདིས་འགལ་བ་ཡིན་པར་བསྟན་པ་ནི། དེ་ལྟར་ན་འོ་ན་ཞེས་བྱ་བ་སྟེ། སྔ་མ་གང་ཡིན་པ་དེ་ཉིད་འདི་ཡིན་ན། དེ་ལ་བལྟོས་ནས་ཀྱང་གཞན་ཡིན་པའི་རང་ཉིད་ཁོ་ན་མ་བལྟོས་ནས་དེ ་གཞན་ཡིན་ནོ་ཞེས་བྱ་བའི་དོན་ཏོ། །དེ་ཡང་མི་རུང་ངོ་ཞེས་བྱ་བ་ནི་འགལ་བའོ། །འགལ་བ་ཉིད་བསྟན་བ་ནི་གཞན་བ་ཉིད་དུ་ཞེས་བྱ་བ་སྟེ། གཞན་པ་ཉིད་ནི་དབྱེ་བའོ། །གལ་ཏེ་འདི་སྔར་མཐོང་བ་ལས་གཞན་མ་ཡིན་ན། གཞན་མ་ཡིན་པ་ཁོ་ནར ་མི་འགྱུར་ཞེས་བྱ་བ་ནི་དབྱེ་བ་ཡིན་ཏེ། གཅིག་ཉིད་དེ་རྟོགས་བ་ནི་མ་ཡིན་ནོ། །གཞན་དུ་ཞེས་བྱ་བ་ནི་དམིགས་པའོ། །འོན་ཏེ་སྔ་མ་དང་ཕི་མ་དག་གི་ཁྱད་པར་ཐ་དད་པ་དག་ལ་གཅིག་དུ་རྗེས་སུ་འཇུག་པའི་ངོ་བོ་ནི་དེ་དང་མ་བྲལ་བར་རྟོགས་པ་ཡིན་ནོ ་སྙམས་དུ་སེམས་པ་ནི། གཅིག་ཉིད་ཅེས་བྱ་བའོ། །བྲལ་བ་ཞེས་བྱ་བ་ནི་དུས་གཅིག་ལ་གཞན་མེད་པའོ། །དེ་ཉིད་ཀྱི་ཞེས་བྱ་བ་ནི་རྒོལ་བའོ། ལན་ནི་ཇི་ལྟར་གཅིག་ཅན་ཞེས་བྱ་བའོ། །དེ་བཞིན་ཞེས་བྱ་བ་ནི་མ་བྲལ་བ་དང་བྲལ་བའི་ངོ་བོ་སྟེ། སྔ་མའི་ངོ་བོ ་དང་མཚན་ཉིད་མི་མཐུན་པའི་ངོ་བོ་དང་ལྡན་པ་ཉིད་དེ་དང་བྲལ་བ་ཡིན་ཏེ། རིམ་གྱིས་འབྱུང་བ་ཡིན་པའི་ཕྱིར་དེ་དག་ལ་རིམ་པ་མེད་པ་རིམ་གྱིས་འབྱུང་བར་མི་རིགས་སོ་ཞེས་བྱ་བའི་དོན་ཏོ། །རིམ་པ་མ་ཡིན་པ་ཡང་སྣང་བཞིན་པ་ནི་དུས་དང་ཡུལ་གཅིག་པ་མ ་ཡིན་པའི་ཕྱིར། སྔ་མ་དང་ཕྱི་མའི་ངོ་བོ་ལ་ཁྱབ?་པར་བྱེད་པ་ཉིད་ཡིན?་ནོ?་སྙམ་དུ་སེམས་པ་ལ། སྔ་ཕྱིའི་རང་བཞིན་མ་རྟོགས་ན་ཞེས་བྱ་བ་ནི་སྔ་མ་དང་ཕྱི་མའི་ངོ་བོ་དང་ལྡན་པའི་བདག་ཉིད་དང་བྲལ་བའི་ངོ་བོ་སྣང་བ་ཉིད་དེ་ལས་གཞན་བའི་སྣང་བ་ཡིན་ཏོ། ཉེ་བ་སྣང་བའི་ངོ་བོ་ཡིན ་ཞེས་བྱ་བའི་དོན་ཏོ། །སྔ་མའི་ངོ་བོ་དང་ལྡན་པ་ཕྱི་མའི་ངོ་བོ་དང་ལྡན་པར་མཐོང་བའི་དུས་སུ་མ་མཐོང་བ་ནི་ཐ་དད་པའི་ཐ་སྙད་ཀྱི་ཡུལ་ཡིན་ཏེ། ཐ་སྙད་དེའི་རྒྱུ་མཚན་ནི་དེ་ཙམ་ཡིན་པའི་ཕྱིར་རོ་ཞེས་བསྟན་པ་ནི། མཐོང་བ་དང་མ་མཐོང་བར་ཞེས་བྱ་བ་སྟེ། མཐོང་བ་ཞེས་བྱ་བ་ནི་མཐོང ་བའི་ངོ་བོའོ། །མཐོང་པའི་ཡུལ་གྱི་དངོས་པོ་ནི་བཟློག་པ་དང་འགལ་བ་ཡིན་པར་བསྟན་པ་ནི། གཅིག་ཕྱིར་ཞེས་བྱ་བ་སྟེ། རྟག་བ་མེད་པ་ལ་དགོངས་པའོ། །དེ་ནི་འདི་ཡིན་ནོ་ཞེས་བྱ་བའི་རྣམ་པར་རྟོག་པ་ནི་མཐོང་བ་དང། སྣང་བཞིན་པ་དག་ལ་གཅིག་ཏུ་ཞེན་པ་ནི་དྲན་པའི ་མངོན་སུམ་གྱི་ངོ་བོ་ཡིན་ལ། དྲན་པ་དང་དབང་པོ་ལ་སོགས་པའི་ཚོགས་པ་ལས་བྱུང་བ་ཡིན་ན་ཞེས་བྱ་བའི་བསམ་པས་དོགས་པ་ནི། ཡང་ནས་ཡང་དུ་ཞེས་བྱ་བའོ། །ལན་ནི། དྲན་པ་ཚད་མ་མ་ཡིན་བའི་ཕྱིར་ཞེས་བྱ་བའོ། །གཟུང་བ་ཙམ་འཛིན་པ་ནི་དྲན་པ་ཡིན་ལ། ་འདི་ནི་ད་ལྟ་མ་ཡིན་ཏེ། མ་བཟུང་བ་ཡང་སྔ་མ་དང་ཕྱི་མ་དག་གཅིག་ཏུ་འཛིན་པའི་ཕྱིར་རོ་སྙམ་དུ་སེམས་པ་ལ། མ་རྟོགས་པ་ནི་ཞེས་བྱ་བ་སྟེ། འདི་ཡང་སྔར་མཐོང་བ་ཉིད་ཀྱིས་བཟུང་བ་ཡིན་ཏེ། གཅིག་ཡིན་བའི་ཕྱིར་རོ་ཞེས་བྱ་བའི་དོན་ཏོ། །དངོས ་པོ་གཅིག་ཡིན་པ་དང་སྔར་བཟུང་བ་ཉིད་དུ་ནི་བདེན་མོད་ཀྱི། དེ་ནི་དེ་ལྟར་གྱི་དུས་ན་ཡོད་པ་ཉིད་སྔར་བཟུང་བ་མ་ཡིན་ཏེ། དེའི་དུས་ན་མེད་པའི་ཕྱིར་རོ་སྙམ་དུ་སེམས་པ་ནི། གལ་ཏེ་ད་ལྟར་ཡོད་པ་ཉིད་ཅེས་བྱ་བའོ། །སྔོན་དང་ཕྱིས་འབྱུང ་པའི་དུས་ཞེས་བྱ་བ་འགའ་ཡང་མེད་དོ། །འོ་ན་ཅི་ཞེ་ན། དབྱིད་དང་དགུན་ལ་སོགས་པ་ཉིད་ཡིན་ལ། དཔྱིད་དང་འབྲེལ་བའི་དངོས་པོ་འཛིན་པ་ཡིན་ན་དགུན་དང་འབྲེལ་པ་འཛིན་པ་མ་ཡིན་ཏེ། ཅིག་ཅར་བ་མ་ཡིན་པའི་ཕྱིར་རོ། །འབྲེལ་བ ་ཅན་མ་བཟུང་ན་འབྲེལ་བ་འཛིན་པ་མ་ཡིན་ནོ་ཞེས་བྱ་བའི་དོན་ཏོ། །དངོས་པོ་གཅིག་པའི་ཕྱིར་སྔར་ཉིད་བཟུང་བ་ཡིན་པས་དེ་ལ་དྲན་པ་དང་འབྲེལ་པ་ལ་ཚད་མ་གཞན་མངོན་སུམ་ཉིད་ཡིན་པའི་ཕྱིར་ཇི་ལྟར་སྔར་མཐོང་བ་ངོ་ཤེས་པའི་ཚད་མ ་ཡིན་ནོ། །དེ་བསྟན་པ་ནི། ཐ་དད་མེད་ཕྱིར་ཞེས་བྱ་བ་སྟེ། དངོས་པོའི་ཆ་དྲན་པ་ཁོ་ན་ཡིན་ཞེས་བྱ་བའི་དོན་ཏོ། །སྔ་མ་འམ་ཕྱི་མ་རུང་བ་མཐོང་བ་ནི་དུས་རིང་མོ་ཡིན་པས་དངོས་པོ་རྟོགས་པའི་ནུས་པ་མེད་པའི་ཕྱིར་མི་རྟོགས་པ་མ་ཡིན་ནམ། ་འོན་ཀྱང་རང་གི་དུས་ནི་ཡིན་ཏེ་གཅིག་པ་ཉིད་དུ་སྔར་མཐོང་བ་ངོ་ཤེས་པ་ཉིད་ཀྱིས་རྟོགས་པ་ཡིན་ནོ་སྙམ་དུ་སེམས་པ་ལ། མཐོང་ཟིན་ཉིད་ཅེས་བྱ་བ་སྟེ། སྔར་དང་ཕྱིས་མཐོང་བ་དག་གིས་རང་གིས་དུས་ཀྱི་ངོ་བོ་རྣམ་པར་འཇིག་པ་ཡིན་པའི་ཕྱིར། དེས་གནོད ་པའི་སྔར་མཐོང་བ་ངོ་ཤེས་པར་ནི་བག་ཆགས་ཀྱི་ནུས་པ་ལ་བརྟེན་པ་ཡིན་གྱི་གཅིག་ཉིད་དུ་སྡུད་པ་མ་ཡིན་ནོ་ཞེས་བྱ་བའི་དོན་ཏེ། །སྔར་མཐོང་བ་དེ་ཤེས་པ་ནི་སྔར་དང་ཕྱིས་མཐོང་བ་དག་ཅིག་ཅར་རྟོགས་པས་སྔ་མ་དང་ཕྱི་མ་དག་ཉིད་རྟོགས་པར་ཡིན་ནམ། དེ་ཕྱིར ་དེ་དག་གིས་འདི་ལ་གནོད་པ་མ་ཡིན་ཏེ། འགལ་བ་མེད་པའི་ཕྱིར་རོ་སྙམ་དུ་སེམས་པ་ནི། སྔ་ཕྱིའི་ཤེས་པ་ལས་ཤེ་ན་ཞེས་བྱ་བའོ། །ཤེས་བྱ་བཞིན་དུ་ཤེས་པ་ཡང་སྔར་མཐོང་བ་ངོ་ཤེས་པ་ལས་གཅིག་ཉིད་ཡིན་པའི་ཕྱིར། སྔ་མ་དང་ཕྱི་མ་དག་ཏུ་རྟོགས ་པ་ནི་ཚད་མ་ལས་མ་ཡིན་པར་བསྟན་པ་ནི། དེ་དག་ཅེས་བྱའོ། །རང་རིག་པ་ལས་ནི་སྔ་མ་དང་ཕྱི་མ་ཉིད་ཤེས་པ་འམ་ཤེས་བྱ་ལ་མི་སྲིད་པར་བསྟན་པ་ནི་རྟོགས་མི་འགྱུར་ཞེས་བྱ་བའོ། །གཞན་གྱི་ཞིག་པ་ཡིན་ཡང་ཉེ་བར་འཛིན་པའི་ཕྱིར་སྔ་མས ་ཕྱི་མ་འམ། དེས་སྔ་མ་འཛིན་པ་མ་ཡིན་པར་བསྟན་པ་ནི། མེད་པ་ནི་ཞེས་བྱ་བའོ། །མེད་པ་ནི་འཛིན་པར་བྱེད་པའི་དུས་ན་ཉེ་བར་མ་ཡིན་པའོ། །སྔ་མ་འམ་ཕྱི་མ་ཡང་རུང་ཕན་ཚུན་ཐ་དད་པ་མ་ཡིན་པ་མ་ཡིན་ནམ། གཅིག་ཉིད་ཡིན་པའི་ཕྱིར་རོ་སྙམ ་དུ་སེམས་པ་ནི། མྱོང་བ་དེ་དག་གཅིག་ཡིན་ན་ཞེས་བྱ་བའོ། །གལ་ཏེ་ཡང་མངོན་སུམ་བྱེད་པ་ལ་སྔ་མ་དང་ཕྱི་མ་ཉིད་མ་ཡིན་ཡང་རྣམ་པར་རྟོགས་པ་ལ་སྣང་བ་ཁོ་ན་ཡིན་ནོ་སྙམ་དུ་སེམས་པ་ནི། གལ་ཏེ་སྔ་མ་ཉིད་མེད་ན་ཞེས་བྱ་བའོ། །རྣམ་པར་རྟོག་པ་ནི ་མངོན་དུ་བྱེད་པའི་ངོ་བོ་རྟོགས་པ་མ་ཡིན་ལ། དྲན་པའི་ངོ་བོ་ནི་བག་ཆགས་ཀྱི་སྟོབས་ཁོ་ན་ལས་དམིགས་པ་ཡིན་པར་བསྟན་པ་ནི། མངོན་དུ་བྱེད་ཉིད་མ་ཡིན་པས་བྱ་བའོ། །ཞེན་པས་འཛིན་པ་རྣམ་པར་རྟོག་པ་རྣམས་ལ་ཡོད་པ་ཁོ་ན་ཡིན་ནོ་སྙམ་དུ་སེམས་པ ་ལ། ལན་ནི། མངོན་དུ་བྱེད་པ་ཉིད་ཅེས་བྱ་སྟེ། ཕྱིན་ཅི་ལོག་ཏུ་ཞེན་པས་ནི་མ་ཡིན་ནོ། །རྒྱུ་ཉིད་ནི་བཟུང་པ་ཉིད་ཡིན་ལ་འབྲས་བུ་ཉིད་ནི་འཛིན་པ་ཉིད་མ་ཡིན་ནམ། རིགས་པས་ཤེས་པ་བཟུང་བ་ནི། རྒྱུ་ཉིད་ཁོ་ནར་རྟོགས་པ་ཡིན་ཞེས་བྱའོ། །དེ་འདི་ནི ་དྲན་པ་ལ་ཡང་མ་ཉམས་པ་ཡིན་ནོ་སྙམ་དུ་སེམས་པ་ལ། དོན་ལས་དྲན་པ་ཞེས་བྱ་སྟེ། དྲན་པ་ལ་ནི་མྱོང་བ་ཁོ་ན་ནུས་པ་ཅན་ཡིན་ཏེ། དེའི་བག་ཆགས་དང་རྗེས་སུ་འབྲེལ་པ་ཡིན་པའི་ཕྱིར་ཞེས་བྱ་བའི་དོན་ཏོ། །མྱོང་བ་ནུས་པ་ལས་བྱུང་བའི་དྲན་པ ་དེ་ནི་དེའི་བྱ་བའི། ཡུལ་ཙམ་ལ་ཞེན་པ་ཡིན་གྱི། སྔ་མ་ཉིད་ལ་སོགས་པ་ཉིད་ནི་མ་ཡིན་ཏེ། འདི་ནི་མྱོང་བས་འཛིན་པ་ཡིན་པའི་ཕྱིར་རོ་ཞེས་བསྟན་པ་ནི་དེ་མྱོང་བ་སྔ་མས་ཞེས་བྱ་བའོ། །དེའི་ཕྱིར་སྔ་མ་ཉིད་ལ་སོགས་པ་ཐོག་མ་མེད་པའི་བག ་ཆགས་ལས་བྱུང་བའི་རྣམ་པར་རྟོགས་པས་རྟོགས་པར་བྱ་བ་ཡིན་པར་བསྟན་པ་ནི། འདས་པ་སྔོན་དུ་བྱས་པ་ཞེས་བྱ་བའོ། །འདི་ཙམ་གྱིས་སྔ་མ་དང་ཕྱི་མ་དག་གི་རྗེས་སུ་འཇུག་པ་ཅིག་ངོ་བོ་བསལ་ནས། ད་ནི་སྔ་མ་དང་ཕྱི་མ་ལ་གནས་པའི་ཅིག ་ཉིད་དུ་འདོད་པ་ཚད་མ་ཅན་མ་ཡིན་པའི་ཕྱིར་སེལ་བར་བྱེད་པ་བསྟན་པ་ནི། འོན་ཏེ་སྐྱེ་འཇིག་ཅེས་བྱ་བའོ། །འདི་ཉིད་ཀྱི་འབྲེལ་བ་ཉིད་ཅེས་བསྟན་པ་ནི། གང་ཚེ་ཞིག་པ་ཞེས་བྱ་བའོ། །ཡོད་པ་ནི་སྐྱེ་བ་དང་ལྡན་པ་ཡང་ཞིག་པ་མེད་པ་དང། རབ་ཏུ ་ཉམས་པར་འགལ་བ་ཡིན་ཞེས་བྱ་བའི་དོན་ཏོ། །སྔར་རྟོགས་པའི་བརྟན་པ་དང་སྐྱེ་བ་དག་ལ་ཡུལ་ཉེ་བའི་མངོན་སུམ་གྱིས་བརྟན་པར་མི་འགྱུར་བ་ཁོ་ན་ནི་བརྟན་ལའང་ཞེས་བྱ་བའོ། །ལམ་གྱི་ཞར་ལ་ཞེས་བྱ་བ་ནི་ལམ་བསྟན་པས་ཞར་ལ་འགོག ་པའི་རྣམ་པ་བཞི་པ་སྟེ། ངེས་པར་འབྱུང་པ་འདི་ལྟ་བུའི་ངོ་བོ་བསྟན་པ་ཡིན་ནོ། །བསྟན་ཟིན་ཞེས་བྱ་བ་ནི་དེའི་གནོད་བྱེད་ནི་བདག་མེད་མཐོང་བ་འགལ་བ་ཡིན་ཞེས་བྱ་བ་རས་སོ། །བདག་དང་བདག་གིར་འཛིན་པས་བྱས་པའི་ཆགས ་པ་གཞོམ་པར་ནི་གནས་གྱུར་པ་ནི་བདག་མེད་པ་མཐོང་བ་གོམས་པ་ལས་གྱུར་པ་ཡིན་པར་བསྟན་པ་ནི། དེ་གོམས་པ་ལས་ཞེས་བྱ་བའོ། །ཇི་ལྟར་བདག་དང་བདག་གིར་འཛིན་པ་གོམས་པ། བདག་ཏུ་གྱུར་པ་ཁོ་ན་ཡིན་ཡང། བདག་མེད་པ་དང་འགལ ་བ་ཅན་ཡིན་པ་དེ་བཞིན་དུ། འདི་བདག་ཏུ་གྱུར་པ་ཡིན་ཡང། བདག་ལ་སོགས་པ་འཛིན་པ་དང། འགལ་བར་འགྱུར་བ་ཁོ་ན་ཡིན་ན། ཇི་ལྟར་གནས་གྱུར་པ་ཡིན་ཏེ་འགལ་བར་ཁྱད་པར་མེད་དོ་སྙམ་དུ་སེམས་པ་ནི་ངས་གྱུར་ཀྱང་ཞེས་བྱ་བ་སྟེ། ལམ ་གྱི་སྐྱོན་བདག་ཏུ་འཛིན་པ་ལ་སོགས་པ་རྣམས་འབྱུང་བ་ནི་སྐྱོན་གྱི་བདག་ཉིད་དུ་འགྱུར་བ་ལ་ལམ་ལྟ་བུའོ། །ནུས་པ་མེད་ང་ནི་བདག་ཏུ་འཛིན་པ་ལ་སོགས་པ་ཁྱབ་བདག་མ་ཡིན་པའི་ཕྱིར་རོ། །ལམ་ནི་དེ་ལས་བཟློག་པ་ཡིན་པའི་ཕྱིར་ལམ་ཡོད་ན་སྐྱོན ་འབྱུང་པ་མི་རིགས་སོ་ཞེས་བྱ་བ་བཟློག་པ་ཡོན་ཏན་རྣམས་ལ་སྐྱོན་ཡོད་པས་གནོད་པའོ། ཡོན་ཏན་རྣམས་ནི་ཞེས་བྱ་བ་ནི་བདག་མེད་པ་མཐོང་པའོ། དངོས་པོའི་རང་བཞིན་ཡིན་པའི་ཕྱིར་ནི་དངོས་པོའི་ཡུལ་ཉིད་ཀྱིས་སོ། །ཉེས་པ་རྣམས་ནི་ཞེས ་བྱ་བ་ནི་བདག་ཏུ་འཛིན་པ་ལ་སོགས་པ་རྣམས་སོ། །བདག་ལ་སོགས་པར་འཛིན་པ་ཡང་རྣམ་པར་ཤེས་པ་ཡིན་ཏེ། ཐོག་མ་མེད་པའི་བག་ཆགས་ལས་བྱུང་བའི་ཕྱིར་རྒྱུ་དང་བཅས་པ་ཡིན་ལ་བདག་མེད་པར་མཐོང་བའི་དམིགས་པའི་རྒྱུ་ཅན་ལས་ཐ ་མི་དད་པ་མ་ཡིན་ནམ། དམིགས་པ་དང་བདག་པོའི་རྐྱེན་བདག་ལ་ཁྱད་པར་ཅི་ཡང་མེད་ན། གང་གིས་གཅིག་གནོད་པ་ཅན་ཡིན་ལ་ཅིག་ཤོས་རྒྱུ་དང་བཅས་པ་ཡིན་ཡང་མ་ཡིན་ཞེས་དྲི་བ་ནི། ཇི་ལྟར་ཞེ་ན་ཞེས་བྱ་བའོ། །ཁྱད་པར་བསྟན་པ་ནི། རྣམ་ཤེས ་ཡུལ་འཛིན་པའི་ཆོས་ནི་རང་བཞིན་ཡིན་ཏེ། གནོད་བྱ་མ་ཡིན་པའི་ཕྱིར་རོ། །ཉ་ཕྱིས་འཛིན་པ་བཞིན་དུ་ཡུལ་དང་བྲལ་བ་འཛིན་པའི་རྒྱུ་དང་བཅས་མ་ཡིན་ཡང་དངུལ་གྱི་ཞེས་པ་བཞིན་དུ་སྐྱེས་ནས་ཞིག་པ་ཡིན་ལ། རང་བཞིན་འདི་ནི་དེ་ལྟ་མ་ཡིན་ནོ། །ཅི་ལས ་ཡིན་ཞེ་ན། ཇི་ལྟར་ཡོད་དེ་འཛིན་པ་དང་ཞེས་འཆད་པར་འགྱུར་བའོ། ཞེས་བྱ་བ་ནི་གང་གི་ཕྱིར་ཞེས་བྱ་བ་དོན་དུ་ཡང་སྦྱར་རོ། །འདིས་ཀྱང་རྣམ་ཤེས་ལ་ཡོད་པ་གནོད་བྱ་མ་ཡིན་པ་ཉིད་ཀྱི་རྒྱུ་མཚན་བསྟན་པ་ཡིན་ནོ། །ཡུལ་ལ་ཡོད་པ་ཡང་བསྟན་པ ་ནི། དེས་ཏེ་ཡུལ་འདིའི་སྟི་རྣམ་ཤེས་ཀྱི་བསྐྱེད་པར་བྱེད་པ་ཡིན་ནོ། །འཁྲུལ་པ་ལ་ཡང་དེ་མཚུངས་ཡིན་པའི་ཕྱིར་ཁྱད་པར་དུ་བྱེད་པ་ནི་ཡོད་པའི་ནི་བདག་ཉིད་ཀྱི་སྟེ་རང་གི་བདག་ཉིད་རང་གི་རྣམ་པ་རྒོད་པས་སོ། །འཁྲུལ་པ་ལ་སྐྱེད་བྱེད་ཡིན ་ཡང་རང་གི་བདག་ཉིད་ཀྱི་སྐྱེད་བྱེད་མ་ཡིན་ནོ། །འང་གི་སྒྲ་ནི་ཤེས་པ་ལ་ཡོད་པའི་རྒྱུ་མཚན་ལ་བལྟོས་པ་སྡུད་པའོ། །ཡིན་ཞེས་བྱ་བ་ནི་གང་གི་ཕྱིར་ཞེས་བྱ་བའི་དོན་ཏོ། །བདག་མེད་པ་མཐོང་བ་ལ་ཡང་རྒྱུ་མཚན་གཉིས་ཡོད་པའི་ཕྱིར་རང་བཞིན ་ཁོ་ནར་བསྟན་པ་ནི། འདི་ཡང་ཞེས་བྱ་བའི་རང་གི་སྒྲར་བལྟ་བྱའོ། །འགྲེལ་པར་ཡང་འདི་ལྟ་བུར་གཏོང་པ་ཁོ་ནར་སྦྱར་བར་བྱའོ། །རྒྱུ་མཚན་འདི་གཉིས་དང་བྲལ་བའི་འཛིན་པ་ཙམ་ནི་གནོད་བྱ་མིན་པའི་ཕྱིར་རང་བཞིན་མ་ཡིན་པར་བསལ་བ་ནི། གཞན་ནི་དེའི? ་རང་བཞིན་ནོ་ཞེས་བྱ་བ་དང་སྦྱར་རོ། །རྐྱེན་གཞན་ཞེས་བྱ་བ་ནི་ཡུལ་ལ་ཡོད་པའི་རྒྱུ་མཚན་མེད་པར་བསྟན་པ་ཡིན་ནོ། །གོ་བ?་འགྱུར་ཞེས་བྱ་བ་ནི་ཤེས་པ་རང་ལ་ཡོད་པའི་རྒྱུ་མཚན་མེད་པར་བསྟན་པ་ཡིན་ནོ། །བཟློག་པ་རྒྱུ་མཚན་འདི་གཉིས་ཅི་ལས་རྟོགས་པ་ཡིན་ཞེས་ཟེར ་ལྡོག་པ་ལ་ནི་སྟེ། ལྡོག་པའི་རྒྱུ་མཚན་དུའོ། །གང་གི་ཕྱིར་གནོད་པ་ཅན་གྱི་རྐྱེན་ལ་བལྟོས་པ་དེའི་ཕྱིར་མི་བརྟན་པ་ནི་རང་བཞིན་མ་ཡིན་པ་སྟེ་ངོ་བོ་མ་ཡིན་པའོ། རང་བཞིན་མ་ཡིན་པའི་དཔེ་ནི། སྤྲུལ་གྱི་བློ་བཞིན་ཞེས་བྱ་བའོ། །རྩ་བ་མེད་པ་ཅན་མིན་པའི་ཕྱིར་ཞེས་བྱ ་པས་ནི་རང་གི་བདག་ཉིད་ཀྱིས་སྐྱེད་བྱེད་ཀྱི་ཡུལ་མེད་པར་བསྟན་པའོ། །བདག་ལ་སོགས་པར་འཛིན་པ་རང་བཞིན་མ་ཡིན་ན་སྐྱེད་པར་བྱེད་པ་མེད་པའི་ཕྱིར་མི་སྐྱེ་བ་ཁོ་ན་འགྱུར་བ་ཡིན་ནོ་ཞེས་ཟེར་བ་ནི། གལ་ཏེ་ཐག་པ་ལ ་སྤྲུལ་གྱི་བློ་ཞེས་བྱ་བའོ། །འདི་ལ་ཞེས་བྱ་བ་ནི་རྒོལ་བ་ལ་བཤད་པ་ནི་ཕྱོགས་གཞན་ནས་བསྟན་པའི་ལན་ཏེ། མི་རྟག་པ་ཉིད་ཅེས་བྱ་བ་ལ་སོགས་པ་ཡོད་པ་ལ་དམིགས་པར་བྱེད་པའི་ཕྱིར་ཡོད་པ་དམིགས་པ་ནི་ཐོག་མ་མེད་པའི་མ་རིགས་པས ་འདུས་བྱས་པ་དེས་ནང་གི་འཁྲུལ་པའི་རྒྱུ་བསྟན་པ་ཡིན་ནོ། །དེ་ལྟར་ནི་མཐོང་བའི་ཡོད་པའོ། །དེ་དོགས་པ་ནི་དེས་བསླུས་པ་འམ་དེའི་རྒྱུ་ཡུལ་ལ་ཡོད་པར་བསྟན་པ་ནི། འདྲ་བ་ཞེས་བྱ་བའོ། །ལམ་གྱི་སྒྲ་ནི་དང་གི་དོན་ཏོ། །ཁོ་བོ་སྨྲ་བ་ནི་གང་གི་ཚེ་མིག ་མ་བརྩུམས་པས་མཐོང་བ་དེའི་ཚེ། འདྲ་བ་གཞན་འབྱུང་བས་བསླུས་པ་ནི་མི་རྟག་པ་ཉིད་དུ་ངེས་པར་བྱེད་པ་མ་ཡིན་ནོ། །གནས་སྐབས་དེའི་འོག་ཏུ་ད་ལྟར་ཡུན་རིང་པོར་འཚོ་བ་ཉིད་ཀྱི་རྟགས་མཐོང་བ་བཞིན་དུ་ཡོད་པ་ལ་དམིགས་པའི་ཕྱིར་ཡོད་པ ་དམིགས་པར་ངེས་ཏེ་དེ་ཡོད་པར་དོགས་པ་སྲིད་པ་ནི་རྗེས་སུ་དཔག་ཡིན་ལ་དེས་བསླུས་པ་ཡིན་ནོ། །དེ་ཡོད་པས་ནི་ད་ལྟར་བ་ཉིད་ཀྱིས་དམིགས་པས་གཞན་དུ་མི་འཐད་པའི་ཕྱིར་སྔོན་ཡང་བྱུང་བར་འགྱུར་ཏོ་ཞེས་བྱ་བས་དེ་ཡོད་པར་རྗེས་སུ་དཔོག་པས ་བསླུས་པ་ཡིན་ནོ། །རྟག་ཏུ་ཞེས་བྱ་བ་ནི་སྔོན་དང་ཕྱིས་ཀྱང་ངོ། །ཡོད་པ་དམིགས་པ་ནི་ད་ལྟར་དམིགས་པས་རྒྱུ་འམ་འབྲས་བུ་ཉིད་དུ་སྲིད་པར་བྱེད་པས་མི་རྟག་པ་ཉིད་དུ་ངེས་པར་བྱེད་པ་མ་ཡིན་ནོ། །འགྲེལ་པ་མཛད་པས་ནི་གང་གི་ཚེ་སྔར་མཐོང་བའི ་དངོས་པོ་བར་དུ་མ་མཐོང་ལ། ཡང་སྣང་བ་དེའི་ཚེ་བར་བུ་ཡོད་པ་སྲིད་པའི་ཕྱིར་མི་རྟག་པ་ཉིད་དུ་ངེས་པར་བྱེད་པ་མ་ཡིན་པར་བསྟན་པ་ནི། གང་གི་ཚེ་ཇི་སྲིད་དུ་ཞེས་བྱ་བའོ། །ཐ་སྙད་པ་རྣམས་ལ་ཡང་སོ་སོར་སྣང་བ་ཐ་དད་པ་ཡོད་པ་མ་ཡིན་ནམ། བདེན་མོད་ཀྱི་ཡོད་ཀྱང་ཐ ་སྙད་པ་རྣམས་མཆོག་ཏུ་འཛིན་པ་མ་ཡིན་ཏེ། དགོས་པ་མེད་པའི་ཕྱིར་རོ་ཞེས་བསྟན་པ་ནི། ཐ་སྙད་པ་ཞེས་བྱ་བ་སྨོས་ཏེ། འདིས་དོན་བྱེད་པ་ཙམ་གྱིས་ཚིམ་པའི་ཕྱིར་སོ་སོར་སྣང་བ་ཐ་དད་པ་མཆོག་ཏུ་འཛིན་པ་མ་ཡིན་པ་ནི་དེ་ཁོ་ན་ཉིད་མཚོན་པའི་རྒྱུ་ཡིན་པར་བསྟན ་པ་ཡིན་ནོ། །འདྲ་བ་གཞན་དུ་འབྱུང་བ་ཡང་རྒྱུ་ཡིན་པར་བསྟན་པ་ནི། འདྲ་བ་གཞན་ཞེས་བྱ་བ་སྟེ། འདྲ་བ་ཉིད་ལ་གཅིག་ལ་སྒྲོ་འདོགས་པའི་རྒྱུ་མཚན་གྱི་དཔེ་ནི་མཚེ་མ་ཞེས་བྱ་བའོ། །ཡོད་པ་ལ་དམིགས་པས་ཞེས་བྱ་བ་འདི་ལ་ཡང་འདྲ་བ་གཞན་འབྱུང ་བ་ཡོད་པར་མ་ཡིན་པར་བསྟན་པ་ནི། སྔ་མར་ནི་ཞེས་བྱ་བའོ། །འདྲ་བ་གཞན་འབྱུང་བ་མེད་པ་ཉིད་འདོད་པའི་དབྱེ་བས་བསྟན་པ་ནི། གཞན་དང་གཞན་ཞེས་བྱ་བའོ། །འདོད་པ་གཞན་གྱིས་འདྲ་བ་གཞན་བྱུང་བ་བསྟན་པ་ནི། ཡང་ན་མེད་དེ་ཉིད་ཅེས་བྱ ་བ་སྟེ། མཐོང་བའི་རྗེས་སུ་འབྲངས་པས་རྗེས་སུ་དཔགས་པའི་ཕྱིར་ཞེས་བྱ་བའི་དོན་ཏོ། །རྩཝ་ལ་སོགས་པ་གཞན་དང་གཞན་ཉེ་བར་ལེན་པ་ཡིན་པའི་ཕྱོགས་ལ་མེ་ལ་སོགས་པ་གཅིག་ལས་སྐྱེ་བ་ཡིན་སྙམ་དུ་སེམས་པ་ནི། རིགས་མི་མཐུན་པ་ལས་ཞེས་བྱ ་བའོ། །འདོད་པ་འདི་གཉིས་ལ་བརྟེན་ནས་འདྲ་བ་གཞན་བྱུང་བས་བསླུས་པ་འམ་ཞེས་བྱ་བ་བརྟགས་པ་ཡིན་པར་བསྟན་པ་ནི། དེ་ཉིད་ཕྱིར་ཞེས་བྱ་བའོ། །ཡང་ན་དེ་མ་ཡིན་པ་མེད་པ་ཞེས་བྱ་བ་ལ་སོགས་པ་ཉམས་པ་དང་རྟག་ཏུ་རྒྱུན་མི་འཆད་པར་དམིགས ་པ་ཞེས་བྱ་བ་ཡང་ཡོད་པ་ལ་དམིགས་པ་ཞེས་བྱ་བ་དེའི་ཁྱད་པར་ཡིན་ལ། དམིགས་པ་ནི་བར་དུ་མ་དམིགས་ན་གང་གི་ཚེ་ཡང་དམིགས་པ་དེའི་ཚེ། འདྲ་བ་ལ་ཞེས་བྱ་བ་ལ་སོགས་པར་བལྟ་བར་བྱ་བ་ཡིན་པར་བསྟན་པ་ནི། གང་གི་ཚེ་བར་དུ་ཞེས་བྱ་བ ་ལ་སོགས་པའོ། །ཤེས་པ་ཚད་མ་མ་ཡིན་པའི་ཕྱིར་ཞེས་བྱ་བ་ནི་རྒྱུན་འཆད་པ་མཐོང་བས་རྣམ་པར་རྟོག་པའི་བག་ཆགས་ཙམ་ལས་བྱུང་བ་མ་གནོད་པའི་ཕྱིར་རོ། །དོན་བྱེད་པར་དམིགས་པ་འབའ་ཞིག་གམ། འདྲ་བ་གཞན་འབྱུང་བ་ཡང་རུང་སྟེ། དེ་ཉིད་མ་མཚོན་པའི་རྒྱུ་མ ་ཡིན་ཏེ། འོན་ཅི་ཞེ་ན། ཐོག་མ་མེད་པའི་མ་རིག་པའི་འདུ་བྱེད་ཉིད་ཀྱང་ཡིན་པར་ཉེ་བར་བསྡུ་བ་ནི། དེའི་ཕྱིར་ནང་གི་ཞེས་བྱ་བའོ། །བདག་ཏུ་འཛིན་པ་ཡང་རང་བཞིན་ཁོ་ན་མ་ཡིན་ནམ། གང་གི་ཕྱིར་སེམས་ཉིད་ཡུལ་དང ་དུས་རྣམ་པར་ཆད་པ་མ་ཡིན་པ་ནི་བདག་གམ་གཞན་པའི་ཕུང་པོ་དང་མཚན་ཉིད་མི་མཐུན་པ་ཡིན་ནོ་སྙམ་དུ་སེམས་ལ། སེམས་འདིའི་ཞེས་བྱ་བ་སྨོས་ཏེ། སྔ་མ་ཉི་དང་ཕྱི་མ་དང་བྲལ་བའོ། །ཅི་ལས་ཤེ་ན། འདི་ནི་ཞེས་བྱ་བ་ནི་ཉེ་བ་མངོན་སུམ་པའོ། །རང་རིག་པ་ལ་ནི་དུ་ལ་སོགས་པ་མ ་ཆད་པ་མ་ཡིན་ལ། འདིའི་གཟུང་བ་དེ་ཁོ་ན་འདྲི་བ་ཡིན་ཏེ། གཞན་དུ་ནི་དེས་རྟོགས་པར་མི་ནུས་པའི་ཕྱིར་རོ། །དེ་ལྟ་ཡིན་ན་འདིའི་གྲུབ་པ་ཡིན་པར་བསྟན་པ་ནི། དྲི་མ་རྣམས་ནི་གློ་བུར་བ་ཞེས་བྱ་བ་སྟེ། རང་བཞིན་མ་ཡིན་པའོ། །དྲི་མ་ནི་བདག་ཏུ ་འཛིན་པ་ལ་སོགས་པའོ། །རྩ་བ་མེད་པ་ཅན་ནི་ཡུལ་མེད་པས་སོ། །གླེན་པའི་རྒྱུ་ཙམ་དུ་ཟད་པ་ཡིན་པའི་ཕྱིར་ནི་མ་དཔྱད་པའི་མངོན་པར་འདོད་པ་ཙམ་ཡིན་པའི་ཕྱིར་ཏེ། རྣམ་པར་དཔྱད་ན་རང་རིག་པ་ཙམ་ཉིད་ཡིན་པས་སྒྲོ་འདོགས་པ་ཉིད་མེད་པའི ་ཕྱིར་ཞེས་བྱ་བར་དོན་ཏོ། །བདག་གྱུར་པ་ལ་ཡང་སྐྱོན་ཡོད་དོ་ཞེས་བྱ་བ་ལ་སོགས་པའི་རྒོལ་བ་སྤངས་པར་ཉེ་བར་བསྡུ་བ་ནི། དེ་ཕྱིར་སྔར་ཡང་ཞེས་བྱ་བ་སྨོས་ཏེ། བདག་གྱུར་པའི་སྔར་ནི་ཚུ་རོལ་མཐོང་པའི་གནས་སྐབས་ན་ཡང་ངོ། །བདག་ཏུ་གྲུབ་པའི ་ལམ་གང་ལ་ཡང་ཁ་ཅིག་ཏུ་སྐྱོན་ཡིན་པ་ནི་དེ་ལ་ཡང་གནས་པ་ཅན་མ་ཡིན་ཏེ། གང་ལས་ཕུལ་དུ་བྱུང་བ་ཐོབ་པའི་ལམ་དེ་ཉིད་ཀྱིས་གནོད་པ་ཡིན་པའི་ཕྱིར་རོ་ཞེས་བསྟན་པ་ནི། ནུས་ཡོད་ན་ཡང་ཞེས་བྱ་བ་སྟེ། གནོད་པ་ཅན་ནི་ལམ་མོ། །ནུས་པ་ཉིད་ནི ་ནུས་མཐུ་སྟེ་བག་ཆགས་ཀྱི་འདུ་བྱེད་ཅེས་བྱ་བའི་དོན་ཏོ། །དེའི་སྙིང་པོ་ཅན་དངོས་ལ་ནི་སེམས་ལ་ཏེ། ནུས་པ་ཡང་སྐྱེས་པ་ཙམ་གྱིས་སོ། །ཡུན་དུ་ནི་རྒྱུན་གྱིས་འཕེལ་བའི་ནུས་པ་ཡིན་ཞེས་བྱ་བར་སྦྱོར་རོ། །གལ་ཏེ་དད་པ་ཞེས་བྱ་བའི་རྒོལ་བ་ལ་ཚིགས་སུ་བཅད ་བ་བཤད་པ་ནི་གལ་ཏེ་དེ་ཡང་ཞེས་བྱ་བའོ། །ཇི་ལྟར་བདག་ཏུ་འཛིན་པ་ལ་སོགས་པའི་དྲི་མ་རྣམས་ནི་གོམས་པ་ལས་བྱུང་བ་ཡིན་ལ། འབད་པས་བཟློག་པར་བྱ་བ་ཡིན་པ་དེ་བཞིན་དུ་གོམས་པས་བདག་ཏུ་གྱུར་བའི་ལམ་ཡང་འབད་པས་བཟློག་བྱར་འགྱུར་རོ་ཞེས ་ཟེར་བ་ལ། འཚེ་བ་མེད་པ་ཞེས་བྱ་བ་ནི་སྐྱོན་མེད་པའོ། །སྐྱོན་མཐོང་ན་བསལ་བའི་འབད་རྩོལ་འབྱུང་བ་ཡིན་ན་དེ་ཡང་ཡོད་པ་མ་ཡིན་པའི་ཕྱིར་རྒྱུ་མེད་པ་ཡིན་ནོ། །ཡང་དག་དོན་དང་རང་བཞིན་ཞེས་བྱ་བའི་ཚིག་གཉིས་ནི་གསལ་བར་མི་ནུས་པ་ཉིད་དང་འབད ་པ་མེད་པ་ལ་རྒྱུ་བསྟན་པ་ཡིན་ནོ། །ཕྱིན་ཅི་ལོག་གིས་ནི་མི་མཐུན་པའི་ཕྱོགས་ཀྱིས་ཏེ་བདག་ཏུ་འཛིན་པ་ལ་སོགས་པ་རྣམས་ཀྱིས་སོ། །བསལ་བ་ལ་འབད་པ་ཉིད་དགག་པ་ལ་རྒྱུ་འགལ་བའི་ཡོན་ཏན་མཐོང་བའི་དམིགས་པ་བསྟན་པ་ནི། དེའི་ཕྱོགས་ཞེས་བྱ ་བའོ། །དེ་བཤད་པ་ནི། ཕྱོགས་སུ་ལྷུང་བས་ན་ཞེས་པའོ། །བྲལ་བའི་ཆོས་ཅན་གྱི་དགྲ་བཅོམ་པ་ལ་སྦྱོར་བར་བྱེད་པ་ནི། དངོས་པོ་མ་ལུས་པ་ཞེས་བྱ་བ་སྟེ། སྐྱོན་རྣམས་ལ་འཇུག་བཞིན་པ་ཡང་དེ་ལ་གནོད་པ་ཁོ་ནའི་ཕྱིར་འབད་པ་མེད་པ་ཡིན་ན། ཡོན་ཏན ་རྣམས་ལ་འཇུག་བཞིན་པ་ལྟ་ཅི་སྨོས་ཞེས་བྱ་བའི་དོན་ཏོ། །ནང་གི་ཆོས་ནི་འགལ་བ་ཅན་གྱིས་ཁོང་ཁྲོས་འདོད་ཆགས་བཞིན་དུ་འགག་པ་ཡིན་ཡང། ཡང་སྐྱེ་བ་ཡིན་ནོ། །བདག་ཏུ་འཛིན་པ་ཡང་ནང་ཁོ་ན་ཡིན་ནོ་ཞེས་ཟེར་བ་ནི། གལ་ཏེ་འདོད་ཆགས་དང་ཞེ་སྡང ་དག་ཅེས་བྱ་བའོ། །འདོད་ཆགས་དང་ཁོང་ཁྲོ་དག་ནང་གི་ཡིན་པའི། ཕྱིར་སྐྱེས་པ་མ་ཡིན་ཡང་འོན་ཀྱང་རྒྱུ་གཅིག་ཡིན་པའི་ཕྱིར་རོ། བདག་ཏུ་འཛིན་པ་ནི་འདི་དག་གི་རྒྱུ་ཡིན་ལ། རྒྱུ་དང་འབྲས་བུའི་དངོས་པོའི་ཕྱིར་ཡང་ཡིན་གྱི་དེ་བཞིན་དུ་བདག་ཏུ་འཛིན་པ ་དང། བདག་མེད་པར་མཐོང་བ་དག་ནི་རྒྱུ་གཅིག་པ་འམ་རྒྱུ་དང་འབྲས་བུ་ཉིད་ཀྱང་མ་ཡིན་ནོ། །ནང་ཉིད་དམ་ཕྱི་རོལ་ཡང་འགལ་བ་ལ་ཁྱད་པར་དུ་བྱེད་པ་མ་ཡིན་ཞེས་བྱ་བའི་དོན་བསྟན་པ་ནི། བདག་འཛིན་རྒྱུ་གཅིག་ཅན་ཞེས་བྱ་བའོ། །གང་ཁོ་ནའི་ཕྱིར་འདོད ་ཆགས་ལ་སོགས་པ་བདག་ཏུ་འཛིན་པའི་རྒྱུ་ཡིན་པ་ཁོ་ནའི་ཕྱིར་བདག་ཏུ་འཛིན་པ་དང་འགལ་བ་ཅན་བདག་མེད་པར་མཐོང་བ་ཉིད་ལམ་ཡིན་གྱི། དེ་དང་འགལ་བ་ཅན་མ་ཡིན་པའི་བྱམས་པ་ལ་སོགས་པ་མ་ཡིན་པར་བཏན? ་པ་ནི་དེ་ཉིད་ཀྱི་ཕྱིར་ཞེས་བྱའོ། །ཆགས་པར་བྱ་བ་དང་འཁྲུག་པར་བྱ་བར་ཀུན་ཏུ་རྟོག་པ་ཉིད་གཏི་མུག་མ་ཡིན་ནམ། དེ་ཡང་བྱམས་པ་ལ་སོགས་པས་ལྡོག་པ་ཉིད་ཡིན་པའི་ཕྱིར་འདི་ཇི་ལྟར་ལམ་མ་ཡིན་སྙམ་མོ་དུ་སེམས་པ་ལ། དེ་ཡང་ཞེས་བྱ་བ་སྟེ ་ཆགས་པར་བྱ་བ་ཀུན་ཏུ་རྟོག་པ་ཡང་དག་ལ་ཕན་བྱེད་པ་ཉིད་དུ་འཛིན་པ་ཁོ་ན་ཡིན་ལ། །དེའི་ཕྱིར་བདག་ཏུ་འཛིན་པ་ཉིད་ནི་གཏི་མུག་ཡིན་ནོ་ཞེས་བྱ་བའི་དོན་ཏོ། །ཆོས་སུ་འཛིན་པ་ཡང་གཏི་མུག་ཁོ་ན་མ་ཡིན་ནམ་དེ་ཡང་ཇི་ལྟར་འཇིག་ཚོགས་ལ ་ལྟ་བ་ཡིན་སྙམ་དུ་སེམས་པ་ལ། ཉོན་མོངས་པ་ཅན་གྱི་ཞེས་བྱ་བ་སྟེ། འདོད་ཆགས་དང་ཁོང་ཁྲོ་དག་གི་རྒྱུ་གཏི་མུག་ནི་འདིར་གནས་སྐབས་པ་ཡིན་ནོ། །མ་རིག་པའི་རྟེན་གྱིས་འདུ་བྱེད་རྣམས་ཞེས་གསུངས་པས་མ་རིག་པ་མི་རིག་པ་མེད་པ་ཙམ ་གྱི་གཏི་མུག་མ་ཡིན་ནམ། འཇིགས་ཚུགས་ལ་ལྟ་བ་ནི་མ་ཡིན་ནོ། །ཞེས་ཟེར་བ་ལ། མ་རིག་པའི་ཞེས་བྱ་བའོ། །དགག་པས་མི་བདེན་པ་དང་ཆོས་མ་ཡིན་པ་དང་སོགས་པ་བཞིན་དུ་འགལ་བརྗོད་པར་བྱེད་པ་ཡིན་པའི་ཕྱིར་མེད་པ་གཏི་མུག ་ཡིན་ནོ། །སོ་སོར་རྟོག་པ་མེད་པའི་རང་བཞིན་གཏི་མུག་ལ་མ་ཐོབ་དང་འགལ་བ་ཡིན་ནོ་ཞེས་ཟེར་བ་ནི། སོ་སོར་རྟོག་མེད་རང་བཞིན་ནི་ཤིན་ཏུ་ཁྱབ་པར་བྱེད་པ་ཡིན་པའི་ཕྱིར་མཚན་ཉིད་མ་ཡིན་པར་བསྟན་པ་ནི། འོན་ཏེ་ཞེས་བྱ་བའོ། །རིག་པའི་མི ་མཐུན་ཕྱོགས་ཉིད་ཕྱིར་ཞེས་བྱ་བ་འདི་བཤད་པ་ནི། རིགས་དང་འགལ་བའི་ཞེས་བྱ་བའོ། །མི་བདེན་པ་ཉིད་དུ་མི་འགྱུར་ལ་ཞེས་བྱ་བ་ནི་ཇི་ལྟར་རྟོགས་པར་བྱེད་པའི་དངོས་པོ་མེད་པའི་ཕྱིར་ཡང་དག་པར་རྟོགས་པར་བྱེད་པ་བསམ་པ་གཞན་ཉིད ་ཀྱིས་མི་བདེན་པ་ཉིད་འདོད་པར་མི་འགྱུར་རོ་ཞེས་བྱ་བའི་དོན་ཏོ། །མེད་པ་ལ་ཡོད་པར་རློམ་པ་ནི་ཡོད་དོ་ཞེས་རྟོགས་པར་བྱེད་ན་བསམ་པ་ལ་མི་བསླུ་བ་ཡིན་ཡང། དོན་དེ་བཞིན་དུ་མེད་པའི་ཕྱིར་བརྫུན་དུ་སྨྲ་བར་འགྱུར་རོ་ཞེས་ཟེར་བ་ནི། མེད་པ་ལ་ཞེས་བྱ་བའོ། ། ་འདི་ལ་ཡང་སེམས་པ་ཞེས་བྱ་བའི་དེ་མ་ཐག་ཏུ་ཡོད་ཞེས་བྱ་བར་རྟོག་པར་བྱེད་པ་དང་སྦྱར་བར་བྱའོ། །སྔ་མས་ནི་མི་འདོད་པ་ཐོབ་པ་དང། ཕྱི་མས་ནི་འདོད་པ་མི་ཐོབ་པར་བསྟན་པ་ཡིན་ནོ། །བསམ་པ་ལ་ཡོད་པ་ཉིད་ན་ཡང་དག་པ་ཉིད་དམ་ཡང་དག་པ་མ ་ཡིན་པ་ཉིད་ཡིན་གྱི་དོན་ལ་ཡོད་པ་ནི་མ་ཡིན་ནོ་ཞེས་བསྟན་པ་ནི། སྒྲ་རྣམས་རྣམ་རྟགས་ཡུལ་ཅན་ཏེ་ཞེས་བྱ་བའོ། །བྱང་ཆུབ་སེམས་དཔའ་རྣམས་ནི་དོན་ཇི་བཞིན་པའི་བསམ་པ་ཇི་བཞིན་པའི་ཚིག་ནི་བདེན་པ་ཡིན་ལ། ཅིག་ཤོས་མི་བདེན་པར་བསྟན་ས་ནི། ་བྱང་ཆུབ་སེམས་དཔའ་རྣམས་ལ་ནི་ཞེས་བྱ་བའོ། །དམིགས་པའི་ཕྱིར་ནི་དམིགས་པའི་ངོ་བོ་ཡིན་པའི་ཕྱིར་རོ། །དེ་ནི་དབང་པའོ། །རྣམ་པ་ནི་བློ་རྣམ་པའོ། །རྫས་ནི་ཤེས་པ་གཅིག་གོ། མཚུངས་པར་ལྷན་པ་ནི་རེ་རེས་ཞེས་བྱ་བའོ། །ཤེས་པར་ནི་སྒྲོ་འདོགས་པ ་དང་བྲལ་བའི་ངོ་བོའོ། །དེ་ལས་བཟློག་པ་ཉིད་དུ་རྟོགས་པ་ནི་སྒྲོ་འདོགས་པ་ཁོ་ན་ཡིན་ནོ། །གསུངས་པ་གཞན་ཡང་བསྟན་པ་ནི། དེ་བཞིན་དུ་ཞེས་བྱ་བའོ། །ལྟ་བ་ནི་འཇིག་ཚོགས་ལ་བལྟ་བ་ཡིན་ལ། དེ་ཡང་བདག་ཏུ་མངོན་པར་ཞེན་པའོ། །བདག་ཏུ ་མངོན་པར་ཞེན་པ་ལས་བྱུང་བའི་ཕྱིར་བདག་ཏུ་མངོན་པར་ཞེན་པའི་སྒྲས་དེ་དང་མཚུངས་པར་ལྡན་པ་ནི་མ་རིག་པ་ཉིད་དུ་བརྗོད་དོ་ཞེས་རྒོལ་བ་མ་རིག་པར?་ཡན་ལག་ཞེས་བྱ་བ་ནི་ཡན་ལག་བཅུ་གཉིས་དང་ལྡན་པའི་མ་རིག་པའི་ཡན་ལག་ཡིན་ལ། དེ་རང ་གི་ངོ་བོར་བརྗོད་པར་བྱ་བ་ཡིན་ན་ཉེ་བར་བཏགས་པས་ཅི་དགོས་ཞེས་བྱ་བའི་དོན་ཏོ། །བཟློག་པ་ལ་ནི་ཚད་མ་དག་ཅེས་བྱ་བ་ནི་འཇིག་ཚོགས་ལ་ལྷ་བ་ཉིད་མ་རིག་པ་མིན་ཞེས་བྱ་བ་འདི་ལ་སོ་སོར་རྟོག་པ། །མེད་པའི་སྐྱོན་ཚད་མ་ཡིན་ནོ། །ཁྱད་པར་གྱི་སྒྲ་ཞེས ་བྱ་བ་ནི་འཇིག་ཚོགས་ལ་བལྟ་བའི་སྒྲའོ། །མ་རིག་པ་ལ་ལྟ་བ་ལ་དབྱེ་བ་མེད་བ་ཡིན་ན་སོ་སོར་རྟོག་པའི་ཚིག་ཡུལ་དུ་མི་འགྱུར་རོ་སྙམ་དུ་སེམས་པ་ནི། དེ་བཞིན་དུ་གལ་ཏེ་ཞེས་བྱ་བ་འདི་དང་འགལ་བར་བྱེད་པ་ཡིན་པའི་ཕྱིར། འགལ ་བ་ནི་འགལ་བ་ཅན་གྱི་ཚིག་ཡིན་ནོ། །བཤད་བྱ་ཞེས་བྱ་བ་ནི་སྤྱི་དང་ཁྱད་པར་གྱི་རྟོག་པས་ཏེ་མ་རིག་པ་ཞེས་བྱ་བ་ནི་སྤྱི་ཡིན་ལ། ལྟ་བ་ཞེས་བྱ་བ་ནི་ཁྱད་པར་ཡིན་ནོ། །གཅིག་ལ་ཡང་ཐ་སྙད་ཅན་ཉིད་ཀྱིས་ཐ་དད་པར་ཉེ་བར་བརྟགས་པ་ཡིན་ཞེས་བྱ་བ ་མི་གཞན་གྱིའོ། །དེའི་བདག་ཉིད་ཀྱིས་ཀུན་ཏུ་སྦྱོར་བར་འགྱུར་ཞེས་བྱ་བ་ནི་དེ་ལས་གཞན་པའི་འོ། །དེ་བཞིན་དུ་བདག་མེད་པ་མཐོང་བ་ནི་ཡུལ་ལ་སོགས་པའི་དབང་གིས་སྟོབས་དང་ལྡོག་བྱ་མ་ཡིན་པ་ཉིད་ཀྱང་བསྟན་ནས། བདག་ཏུ་ལྟ་བ་ལ་ཡང ་ལྡོག་བྱ་མ་ཡིན་པའི་རྒྱུ་མཚན་ནམ། སྲོག་ཆགས་ཀྱི་རང་བཞིན་ནི། རང་བཞིན་འདི་ཡིན་འདི་ལས་ཏེ། རྐྱེན་གཞན་གྱིས་ནི་སྒོལ་འགྱུར་ཞིང་ཞེས་བྱ་བས་བཀག་པ་ཡིན་པར་བསྟན་པ་ནི། ཟད་མིན་ཏེ་ལྡོག་པ་མ་ཡིན་པའོ། །སྲོག་ཆགས་ཆོས་ཉིད ་ཕྱིར་ཞེས་བྱ་བ་ནི་སྲོག་ཆགས་ཀྱི་རང་བཞིན་ཕྱིར་རོ། །བདག་ཏུ་འཛིན་པ་ནི་ཐོག་མ་མེད་པའི་བག་ཆགས་ཙམ་ལས་བྱུང་བ་ཉིད་ཀྱིས་སྲོག་ཆགས་ཀྱི་རང་བཞིན་ཉིད་དུ་མ་གྲུབ་པའི་ཕྱིར་རོ། །བདག་ཏུ་འཛིན་པ་ཡང་མི་ལྡོག་པ་ཉིད་དུ་དམ་བཅའ་བ་ནི་མེ་དྲོ་བ ་མ་ཡིན་ནོ་ཞེས་བྱ་བ་བཞིན་དུ་མངོན་སུམ་དང་འགལ་བ་ཅན་ཡིན་པར་བསྟན་པ་ནི། འབྲེལ་པ། ན་ནི་མངོན་པར་ཕྱོགས་པ་ཡིན་ནའོ། །གཉེན་པོའི་ཕྱོགས་དང་ཞེས་བྱ་བ་ནི་བདག་མེད་པར་ལྟ་བ་དང་ངོ། །བདག་མེད་པར་ལྟ་བས་བདག་ཏུ་འཛིན་པ་ལྡོག ་ཀྱང་མེ་དང་ཕྲད་པ་ལས་ཟངས་ཀྱི་སྲ་བ་བཞིན་དུ་ཡང་འབྱུང་བར་འགྱུར་ཞེས་བྱ་བའི་བསམ་པས་དམ་བཅའ་བ་མངོན་སུམ་དང་འགལ་བ་ཡིན་ནོ་སྙམ་དུ་སེམས་པ་ལ་ངེས་པ་ནི་བདག་ཏུ་འཛིན་པ་ཡིན་ལ། འགལ་བ་ནི་བདག་མེད་པར་ལྟ་བ་སྟེ། དེའི་བདག ་ཉིད་ཀྱིས་འབྲེལ་པ་མེད་པ་ནི་ཉེ་བའི་ཕྱིར་རོ། །མེ་དང་ཕྲད་པ་ནི་དེ་ལྟར་རྟག་ཏུ་གནས་པ་མ་ཡིན་ནོ། །འབྲེལ་ན་ཡང་དེས་ལྡོག་པར་ཐམས་ཅད་དུ་སླར་འབྱུང་བ་མ་ཡིན་ཏེ། མེ་ལྡོག་པའི་ཐལ་བ་བཞིན་དུ་ཡང་སྔ་མར་མི་ལྡོག་པའི་ཕྱིར་ཞེས་བསྟན་པ་ནི། མ་ངེས་ཕྱིར ་ཞེས་བྱ་བའོ། །དེ་ལྟར་བདག་མེད་པར་ལྟ་བའི་ལམ་ལ་བདག་ཏུ་འཛིན་པ་དགོངས་པ་ཅན་ཡིན་པར་བསྟན་ནས། ལམ་ཉིད་ཡིན་ནོ་སྙམ་དུ་སེམས་པ་བསལ་བ་ནི། གལ་ཏེ་བདག་བསྒོམས་པས་ཀྱང་ཞེས་བྱ་བའོ། །བདག་བསམ་པར་བྱ་ཞེས་བྱ་བ་ལ་སོགས ་པའི་སྒྲས་ཤེས་པར་བྱ་བ་དང་དམིགས་པར་བྱ་བ་ཡིན་པའི་ཕྱིར་ཚིག་གཉིས་སྨོས་པ་ཡིན་ནོ། །དེའི་ཕྱིར་བདག་བསམ་བར་བྱ་ཞེས་བྱ་བ་ནི་ལུས་དང་དབང་པོ་ལ་སོགས་པ་འབྱུང་བ་ཆེན་པོ་མ་གཏོགས་པ་འབྱུང་བ་ཆེན་པོ་ལས་ཐ་དད་པར་བསམ་པར ་བྱ་བ་དང། བློ་ལ་སོགས་པ་ལས་ཐ་དད་པར་དམིགས་པར་བྱ་ཞེས་བྱ་བར་ཡང་འདོད་དོ། །ཡུལ་འཛིན་པའི་བདག་ཉིད་ཀྱི་ངོ་བོ་དང་བྲལ་བས་སེམས་དགའ་བའི་ངོ་བོ་གཅིག་པུའི་བདག་གི་དེ་ཁོ་ན་ཉིད་བསྒོམ་བྱ་ཡིན་པར་བསྟན་པ་ཡིན་ནོ། །གལ་ཏེ་རེ་ཞིག ་རིགས་པ་ཅན་ལ་སོགས་པ་ཐ་དད་པར་སྨྲ་བ་པོ་དེ་སྐད་སྨྲ་ན། དེའི་བདག་ཏུ་ལྟ་བ་ནི་བདག་གི་བའི་རྗེས་སུ་འཇུག་པ་ཁོ་ན་ཡིན་ཏེ། ཆགས་པའི་ངོ་བོ་ཡིན་པའི་ཕྱིར་ཞེས་བསྟན་པ་ནི། གང་ཞིག་བདག་མཐོང་བ་ཞེས་བྱ་བ་ནི་དེ་ལ་ནི་བདག་ལའོ། །འདི་ཞེས་བྱ་བ་ནི ་སྨྲ་བ་པོའོ། །ང?་ཞེས་བྱ་བ་ནི་ཆགས་པའི་བདག་ཉིད་ཁོ་ནར་མཐོང་བའོ། །བདག་ནི་རིགས་པ་ཉིད་དང་མ་བྲེལ་པའི་ཕྱིར་དེར་ལྟ་བ་ཡང་ཆགས་པའི་སྙིང་པོ་ཅན་དང་བྲལ་བ་མ་ཡིན་པ་ཁོ་ནར་བསྟན་པ་ནི། རྟག་ཏུ་ཞེས་བྱ་བ་སྟེ། ཆགས་པ་ཡོད་ན་ཆགས་པའི་ཡུལ ་ཕན?་འདོགས་པར་བྱེད་པ་རྣམས་ལ་དང། དེ་སྒྲུབ་པར་བྱེད་པ་རྣམས་ལ་ཡང་སྲེད་པ་ཡིན་ལ། དེས་དེ་རྣམས་ལ་སྡུག་བསྔལ་དང་རྗེས་སུ་འབྲེལ་པའི་སྐྱོན་གྱིས་བསྒྲིབས་པའི་ཕྱིར་དེ་ཉིད་མཐོང་བ་ཁོ་ན་མི་འཐོབ་པ་ནི་ཆགས་པ་དང་བྲལ་བར་མི་འགྱུར་རོ་ཞེས་བྱ་བའི་དོན་ཏོ ་འོན་ཏེ་བདག་གཉིས་སུ་སྨྲ་བར་ནི་བདག། མཐོང་བ་འབའ་ཞིག་ལ་ཐར་པའི་བདག་ཉིད་ཡིན་པའི་ཕྱིར། ཐར་པའི་ལམ་དེ་ལྟ་བུར་རྟོགས་པར་བྱེད་ན་འཁོར་བ་པའི་འགྲོ་བར་གྲུབ་པའི་སྤྲོས་པ་ཐམས་ཅད་འཁྲལ་ཕྱིར་ཡིན་ན། འདི་ལ ་ཡིན་གང་ཞིག་བདག་མཐོང་ཞེས་བྱ་བ་ཉིད་རྗེས་སུ་འཇུག་པ་ཡིན་ནོ། །བདེ་བ་རྣམས་དང་བདེ་བ་སྒྲུབ་པར་བྱེད་པ་རྣམས་ཇི་ལྟ་བ་དེ་ལྟ་བ་རྣམས་ལ་སྲེད་པར་བྱེད་པ་ཡིན་ལ། སྟོབས་དང་ལྡན་པའི་ཚད་ཉིད་ཀྱིས་འཁྲུལ་པ་ཉིད་ཀྱི་ངོ་བོའི་སྐྱོན་ནམ། དེའི ་མཐོང་བ་ཡང་མ་མཐོང་བས་འདོད་ཆགས་དང་བྲལ་བ་ཉིད་མི་འཐོབ་པ་ཡིན་ཞེས་བྱ་བའི་དོན་ཏོ། །བདག་ཏུ་བལྟ་བ་ལས་གཞན་པའི་ཆགས་པའི་དབང་དུ་བྱས་ནས་རྒོལ་བ་ནི། གལ་ཏེ་བདག་ཏུ་མཐོང་བ་ལས་ཞེས་བྱ་བའོ། །འདི་ཉིད་ལ་ལན་ནི། ཐ་དད་པར ་མཐོང་བས་བུད་མེད་གཞན་ལ་སོགས་པ་ལ་བདག་ལ་ཕན་འདོགས་པར་བྱེད་པ་ནི་ཆགས་པ་ཡིན་ལ། གལ་ཏེ་བདག་ལ་ཆགས་པ་མེད་ན་གཞན་དུ་མི་འགྱུར་རོ་ཞེས་བྱ་བའི་དོན་བསྟན་པ་ནི། གང་ཞིག་གཞན་ལ་ཞེས་བྱ་བའོ། །བདག་ཏུ་ལྟ་བ་ཁོ་ན་ཆགས ་པའི་སྙིང་པོ་ཅན་ཡིན་པར་བསྟན་པ་ནི། གང་ཞིག་བདག་ལ་ཞེས་བྱ་བའོ། །བདག་ཏུ་ལྟ་བས་བདག་ལས་གཞན་པ་ལ་ཕན་འདོགས་པར་བྱེད་པ་ནི་མ་བརྟགས་པ་ཁོ་ན་ཡིན་པར་བསྟན་པ་ནི། གལ་ཏེ་བདག་ཉིད་ཆེན་པོ་ཞེས་བྱ་བའོ། །རང་ལས་བྱུང་བའི ་འབྲས་བུ་མེད་ན་གཞན་ལ་ཕན་པ་ཙམ་ལ་འཇུག་པ་ནི་བྱོལ་སོང་རྣམས་བུ་ལ་སྤུང་བ་བཞིན་དུ་གཏི་མུག་ལས་བྱུང་བ་ཁོ་ན་ཡིན་ཞེས་བྱ་བའི་དོན་ཏོ། །རང་གི་དོན་ལ་གནས་པ་ཞེས་བྱ་བ་ནི་བདག་ཏུ་བལྟ་བའོ། །བདག་ཁོ་ན་དགའ་བའི་ངོ་བོ་ཉིད་ཀྱིས་ཉེ་བ ་ཡིན་པའི་ཕྱིར་སྲེད་བ་ནི་མ་འོངས་པའི་བདེ་བ་མངོན་པར་འདོད་པའི་ངོ་བོ་མ་ཡིན་ནམ་སྙམ་དུ་སེམས་པ་ལས། ཡོན་ཏན་མཐོང་བ་ཞེས་བྱ་བ་སྟེ། བུད་མེད་ལ་སོགས་པ་དེ་དང་དེ་བསྒྲུབ་པར་བྱེད་པ་ལས་བྱུང་བའི་བདེ་བ་དེ་མེད་ན་ཡིད་ཙམ་གྱིས་ནི་འགྲུབ་བ ་མ་ཡིན་ལ་།མངོན་པར་གསལ་བར་བྱ་བ་ཡང་གསལ་བར་བྱེད་བ་མེད་ན་མི་འབྱུང་བའི་ཕྱིར་གསལ་བྱེད་དམ་དེའི་སྒྲུབ་བྱེད་བླང་བྱ་ཁོ་ནར་འགྱུར་རོ་ཞེས་བྱ་བའི་དོན་ཏོ། །བདག་ཏུ་སྨྲ་བ་རྣམས་ལ་བདག་ཏུ་བལྟ་བ་ཡོད་ན་བདག་གི་བ་བཞིན་དུ་འབྱེད་པ་དང། ཕྱེ་བ ་ལས་བྱུང་བའི་སྐྱོན་དུ་ཡང་འགྱུར་རོ་ཞེས་བསྟན་པ་ནི། བདག་ཡོད་ན་ནི་ཞེས་བྱ་བ་བདག་གིར་བལྟ་བ་བཞིན་དུ་རང་དང་གཞན་དུ་འབྱེད་པ་ཡང་སྐྱོན?་གྱི་རྒྱུར་འགྱུར་བ་ཁོ་ན་ཡིན་ནོ་ཞེས་བྱ་བའི་དོན་ཏོ། །འཛིན་པ་ནི་འདོད་ཆགས་སོ། །བདག་ཏུ་ལྟ་བ་ནི་ཆགས་པའི ་ངོ་བོ་ཡིན་པར་མི་རིགས་པ་མ་ཡིན་ནམ། སྡོམ་པའི་སྣང་བ་བཞིན་དུ་བདག་གི་དངོས་པོའི་སྣང་བ་ཡང་ཆགས་པ་མ་གཏོགས་པར་ཡོད་པའི་ཕྱིར་དེའི་སྣང་བ་ཡོད་ན་དེ་ཉིད་དངོས་པོར་འགྱུར་པ་མ་ཡིན་ནོ། །དེ་བཞིན་དུ་བདག་གི་བར་ཆགས་པ་ཡང་མ་ཡིན་ཏེ། ལྟ ་བ་འབའ་ཞིག་ཁོ་ན་ཡིན་ལ་དེ་འཆིང་བ་མ་ཡིན་ནོ་སྙམ་དུ་སེམས་པ་ནི། འོན་ཏེ་བདག་ཁོ་ན་ཞེས་བྱ་བའོ། བདག་ཁོ་ན་ལ་ཆགས་པ་ཞེས་བྱ་བ་ནི་ཚིག་གི་ལ་དོར་བ་ཡིན་ཏེ། སེམས་རང་རིག་པ་ནི་བདག་མ་ཡིན་ཏེ། སྐད་ཅིག་མ་ཉིད་ཡིན་པའི་ཕྱིར་རོ། །གཞན ་ཡང་རྣམ་པར་མི་རྟོགས་པའི་ཤེས་བའི་རྟོགས་བྱ་ཇི་ལྟར་ཉམས་སུ་མྱོང་བ་ནི་སྐད་ཅིག་མ་ཁོ་ན་ཡིན་ནོ། །འོན་ཀྱང་ཁར་ཙང་གི་ཡང་དག་ཉིད་ཁོ་ན་ཡིན། དེ་རང་གི་བདག་ཉིད་ཡིན་པའི་རྣམ་པར་རྟོག་པའི་རྟོགས་བྱ་ཡིན་ན། རྣམ་པར་རྟོག་པ་ཡང་དེ་ལྟར་འཇུག ་བཞིན་པ་ཆགས་པ་ལས་གཞན་མ་ཡིན་པར་བསྟན་པ་ནི། ངེས་བར་བདག་ལ་ཞེས་བྱ་བའོ། །བདག་ཏུ་རྟོག་པ་ཉིད་བདག་ཅག་འདོར་བ་ཡིན་གྱི་བདག་ནི་མ་ཡིན་ནོ། །དེས་རྣམ་རྟོག་ཡོངས་སུ་བོར་བའི་ཕྱིར་འདོད་ཆགས་དང་བྲལ་བ་མེད་པ་མ་ཡིན་ལ། ་བདག་ལ་ཡོད་པས་ཐར་པ་མེད་པ་ནི་མ་ཡིན་ནོ་སྙམ་དུ་སེམས་པ་ལ། ཉེས་མེད་བདག་ལ་ཆགས་པ་ནི་བདག་ལ་ཚད་མས་གྲུ་པ་པ་ཉིད་དུ་བློ་ལ་ཡོད་པ་ཡིན་ན་བློ་དེ་ཁོ་ན་ཆགས་པ་ཡིན་ཏེ། ཚང་མ་ལ་སོགས་པ་མེད་ན་བདག་མེད་པ་བཞིན་དུ་འགྱུར་རོ་ཞེས་བྱ་བའི ་དོན་ཏོ། །བདག་དང་བདག་གིར་ལྟ་བ་ལས་གཞན་པ་ཉིད་ཆག་པར་ཁས་ལེན་པ་མ་ཡིན་ནམ། དེ་ཡང་འཁོར་བའི་རྒྱུ་ཡིན་པའི་ཕྱིར་སྐྱོན་ཅན་དོར་བྱ་ཡིན་ནོ་སྙམ་དུ་སེམས་པ་ནི། འོན་ཏེ་བདག་དང་ཞེས་བྱ་བའོ། །འདིར་ཞེས་བྱ་བ ་ནི་ཁས་ལེན་པ་ལའོ། །གལ་ཏེ་ཆགས་པ་སྐྱོན་བཅས་ན་ཞེས་བྱ་བའོ། །ཐ་དད་པ་ཁས་ལེན་ན་ཡང་འདོད་པ་ཅུང་ཟད་ཀྱང་གྲུབ་པ་མེད་པར་བསྟན་པ་ནི། དེ་ལས་ཅིང་ཏེ་ཅུང་ཟད་ཀྱང་མེད་དོ་ཞེས་བྱ་བའི་དོན་ཏོ། །ཐ་དད་པའི་ཆགས་པ་ནི་དོར?་བར་ནུས་པ་ཁོ་ན་ཡིན་ནོ ་སྙམ་དུ་སེམས་པ་ནི་དེ་སྤོང་སྟེ་ཆགས་པའི་འོ། །ཐ་དད་པའི་ཆགས་པ་ཡང་ཡུལ་གྱི་སྐྱོན་མཐོང་བ་ཁོ་ན་ལས་འདོར་བ་ཡིན་གྱི་གཞན་དུ་མ་ཡིན་པར་བསྟན་པ་ནི། སྔོན་བྱུང་མེད་པར་ཞེས་བྱ་བའོ། །སྐྱོན་གཞན་གྱིས་ནི་སྐྱོན་གཞན་གྱིས་ཏེ་རང་གི་སྐྱོན ་གྱིས་ཞེས་བྱ་བའི་ཤུགས་ཀྱིས་སྐྱོན་ཅན་མ་ཡིན་ཞེས་བྱ་བ་ནི་བདག་གི་ཡུལ་ལའོ། །ཆགས་པ་ནི་བུམ་པ་ལ་སོགས་པའི་དངོས་པོ་བཞིན་དུ་འདོད་པ་དང་ཞེ་སྡང་དག་གིས་ལེན་པར་བྱེད་པ་འམ། འདོར་བར་བྱེད་པ་མ་ཡིན་ནམ། དེ་ལ་ཡུལ་གྱི་ཡོན་ཏན་དང ་སྐྱོན་ལ་བརྟན་པ་ཡིན་ནོ་སྙམ་དུ་སེམས་པ་ལ། འདོད་དང་སྡང་སོགས་སྤང་བ་སྟེ། ཡུལ་གྱི་ཡོན་ཏན་དང་སྐྱོན་དང་རྗེས་སུ་འབྲེལ་པ་དང་ཞེས་བྱ་བར་སྦྱར་རོ། །ཡུལ་གྱི་ཡོན་ཏན་དང་སྐྱོན་དེ་དག་མཐོང་བ་མེད་པ་ནི་འདོར་བ་ནི་ཡུལ་གྱི་ཡོན་ཏན་མཐོང་བ་ལ་སོགས ་པ་དང། སྐྱོན་མཐོང་བ་ལས་ཞེ་སྡང་མི་འདོར་བ་མི་འབྱུང་བ་ཡུལ་གྱི་ཡོན་ཏན་དང་སྐྱོན་མཐོང་བའི་རྒྱུ་མི་སྐྱེ་བའི་དེས་ནི་ཕྱི་རོལ་གྱི་བུམ་པ་ལ་སོགས་པའི་ཡུལ?་རྣམས་ལ་ཡོན་ཏན་དང་སྐྱོན་མཐོན་བ་ལས་ཉེ་བར་ལེན་པ་དང་འཇོམས་པའི་ཆགས་པའོ། ་ཡུལ་ནི་བདག་དང་བདག་ཨི་སྟེ་དེའི་དངོས་པོ་ཉིད་དེ་ཡོན་ཏན་དང་ལྡན་པ་ཞེས་བྱ་བ་དང་སྦྱོར་རོ། །དེ་མེད་པའི་ཕྱིར་ནི་ཡོན་ཏན་དང་ལྡན་པ་མེད་པའོ། །དེའི་ཕྱིར་རིགས་པ་འདི་ཆགས་པ་མ་ཡིན་པར་བསྟན་པ་ནི་ཞེན་པ་ཞེས་པའོ། །ཕྱི་ཚུལ་གང་ཡིན་མིན་ཞེས་བྱ ་བ་འདི་གསལ་བར་བྱེད་པ་ནི། ཆགས་ཡོན་ཏན་གྱི་ཆགས་མིན་གྱི་ཞེས་བྱ་བའོ། །རིགས་པ་བརྗོད་ནས་རྣལ་མ་ལ་སྦྱོར་བར་བྱེད་པ་ནི་བདག་དང་བདག་གི་བ་ལ་མ་ཚང་བ་མེད་པའི་ཡོན་ཏན་མཐོང་བ་ཡིན་ན་བདག་ཏུ་ལྟ་བའི་འབྲས་དུ་ཆགས་པ་མི་ལྡོག་པར ་བསྟན་པ་ནི། མ་ཚད་མེད་རྒྱུ་ཞེས་བྱ་བའོ། །འདོད་དང་སྡང་སོགས་སྤོང་བ་ནི་ཞེས་བྱ་བ་འདི་དང། དེ་བཞིན་དུ་ཉེས་མེད་བདག་ལ་ཆགས་པ་དང། བྲལ་བའི་རྒྱུ་ཡང་ཡོད་མ་ཡིན་ཞེས་བྱ་བ་འདིས་ཀྱང། ཆགས་ཡོན་ཏན་གྱི་ཆགས་མིན་གྱིས་ཞེས་བྱ་བའི་དོན ་རྟོགས་པའི་ཕྱིར། མ་ཚད་མེད་རྒྱུ་དེ་ལ་ནི། འབྲས་བུ་གང་གིས་ཟློག་པར་བྱེད་ཅེས་བྱ་བའི་དགོངས་པས་བསྡུ་བའི་ཚིགས་སུ་བཅད་པའོ་ཞེས་བྱ་བའོ། །ཁོ་བོས་ཇི་ལྟར་བཤད་པས་ནི་དེས་རྟོགས་པའི་དོན་མ་ཡིན་ནོ། །ཉེས་མེད་བདག་ལ་ཞེས་བྱ་བ ་འདིས་བདག་ཏུ་ལྟ་བ་དང་ཆགས་པ་དག་ཐ་མི་དད་པར་དགོངས་པ་ཡིན་ལ། མ་ཚང?་མེད་རྒྱུ་ཞེས་བྱ་བ་ནི་ཐ་དད་པར་དགོངས་པ་ཡིན་ནོ། །ཆགས་པ་སྐྱོན་དང་ལྡན་པ་ཉིད་ཡིན་པ་ནི་སྡུག་བསྔལ་གྱི་རྒྱུ་ཡིན་པ་ཉིད་ཀྱིས་སྡུག་བསྔལ་གྱི་རྟེན་ཡིན་ནོ། །དེ་འདི ་བདག་ལ་ཡང་སྡུག་བསྔལ་དང་འདུ་བ་ཅན་ཉིད་མིན་པ་མཚུངས་བ་ཡིན་ནོ། །བདག་ནི་བདེ་བ་དང་སྡུག་བསྔལ་ཐམས་ཅད་སྒྲུབ་པར་བྱེད་པའི་ཤེས་པ་དང་དེའི་འབྲས་བུ་ཟ་བ་པོ་ཡིན་ལ། དེའི་ཕྱིར་བདག་ཁོ་ན་བཞིན་དུ་ཡིན་ལ། ཆགས་པ་ཡང་བདག ་གིར་ལྟ་བའི་ཡུལ་ཉིད་ཡིན་པའི་ཕྱིར། འདོད་ཆགས་དང་བྲལ་ཡུལ་དུ་མི་འགྱུར་བར་བསྟན་པ་ནི། སྐྱོན་ཡང་གང་ཞིག་མཐོང་ཞེས་བྱ་བའོ། །བདག་ཀྱང་སྡུག་བསྔལ་སྒྲུབ་པར་བྱེད་པའི་ཤེས་པ་པོ་དང་ཟ་བ་པོ་ཉིད་ཡིན་པས་འདོད་ཆགས་དང་བྲལ་བའི ་ཡུལ་ཁོ་ནར་འདོད་པ་མ་ཡིན་ནམ། དེ་ལྟར་ཡིན་ན་འདིའི་ངོ་བོ་གཞན་མེད་པའི་ཕྱིར་ཐར་པ་འདོད་པས་ཇི་ལྟར་བདག་ཤེས་པར་བྱ་བ་དང་འདོད་པར་བྱ་བ་དང་དམིགས་པར་བྱ་བ་ཞེས་བྱ་བ་ཡིན། དོར་བྱ་ཉིད་དུ་ཤེས་པར་བྱ་བ་ཡིན་ན་བདག་མེད་པར་བལྟ་བ་ཐར ་པ་སྒྲུབ་པར་བྱེད་པ་འཐོབ་པར་འགྱུར་རོ། །བདག་ཡོད་ན་ཞེས་བྱ་བ་ནི་ཐམས་ཅད་ཀྱི་ཤེས་པ་པོ་དང་ཟ་བ་པོའི་འདུ་བ་ཅན་གྱི་རྒྱུ་ཡོད་ནའོ། །ཆགས་པ་ལ་སོགས་པ་བསྐྱེད་བྱ་སྡུག་བསྔལ་གྱི་བདག་དང་འདུ་བ་འབའ་ཞིག་ཡིན ་གྱི་བདག་ནི་སྡུག་བསྔལ་གྱི་རྒྱུ་ཡིན་ཏེ། དེ་ཡོད་ན་འབྱུང་བ་ཉིད་དུ་མི་ཤེས་པའི་ཕྱིར་སྙམ་དུ་སེམས་པ་ནི། འོན་ཏེ་འདི་སྙམ་དུ་བདག་གི་ཞེས་བྱ་བའོ། །དེ་ཉིད་ཟེར་བ་ནི། གལ་ཏེ་དེ་མེད་ཅེས་བྱ་བའོ། །འདུ་བ་ཅན་བདག་ཡོད་ན་ཆགས་པ་ལ་སོགས་པ་སྡུག་བསྔལ ་གྱི་རྒྱུ་ཇི་ལྟར་ཡིན། དེའི་ཕྱིར་སྐྱོན་ཅན་དུ་མི་འགྱུར་ཏེ། འདོད་ཆགས་དང་བྲལ་བ་མི་སྲིད་པ་ཡིན་ཏེ། ཡུལ་མེད་པའི་ཕྱིར་རོ། །བདག་སྡུག་བསྔལ་གྱི་རྒྱུ་ཡིན་ཡང་དོར་བྱ་མ་ཡིན་པ་མ་ཡིན་ནམ། འདོར་བ་ནི་སྡུག་བསྔལ་སྒྲུབ་པར་བྱེད་པ་ཡིན་ལ། སྡུག་བསྔལ་དང ་འབྲེལ་པ་ནི་སྡུག་བསྔལ་བསྒོམས་པས་ཡིན་ཏེ། དེ་ལྟར་ན་སྡུག་བསྔལ་མི་སྐྱེ་བའི་ཕྱིར་བདག་ཀྱང་དེ་དང་འདུ་བ་ཅན་ཉིད་དང་བྲལ་བ་ཡིན་ནོ་སྙམ་དུ་སེམས་པ་ལ། སྡུག་བསྔལ་བསྒོམས་པས་ཞེས་བྱ་བའོ། །བདག་གི་བ་ཉིད་ཀྱི་བློས་བྱས་པ་ནི་བདག་མི་འདོར ་པའི་ཡུལ་ཉིད་ཡིན་བདག་གི་བ་ལ་ཡང་མཚུངས་པའི་ཕྱིར། སྡུག་བསྔལ་བསྒོམ་པ་འདོར་བའི་རྒྱུ་ཇི་ལྟར་ཡིན་ཞེས་བྱ་བའི་དོན་བསྟན་པ་ནི། བདག་གི་པའི་བློ་བཅོམ་པས་འདོར་བས་འདིར་ཞེས་བྱ་བའོ། །དེ་བཅོམ་ན་ཇི་ལྟར་བྲལ་བ་ཡིན་ཡང་ལེན་པ་ཁོ་ན ་ཡིན་པར་བསྟན་པ་ནི། བཟློག་པ་མིན་ཞེས་བྱ་བའོ། །བདག་གི་ཉིད་ཀྱི་བློ་ཁོ་ན་དེ་ལ་མེད་པ་ཡིན་པར་མི་རིགས་ཏེ། དེའི་ལོངས་སྤྱོད་ཀྱི་གནས་ནི་ལུས་ཡིན་ལ། ལོངས་སྤྱོད་སྒྲུབ་པར་བྱེད་པ་ནི་དབང་པོ་ཡིན་ཞེས་སྨྲས་པའི་ཕྱིར་རོ་ཞེས་བསྟན་པ་ནི། ལོངས་སྤྱོད ་ཀྱི་རྟེན་ཉིད་དུ་བཟུང་བ་ལ་ཞེས་བྱ་བ་སྟེ། སྡུག་བསྔལ་བསྒོམ་པ་དང་འགལ་བ་ཡིན་ན། བདག་བཞིན་དུ་བདག་གི་བ་ལ་ཡང་འགྱུར་རོ་ཞེས་བྱ་བའི་དོན་ཏོ། །སྡུག་བསྔལ་བསྒོམ་པས་ཅིར་འགྱུར་ན་ཞེས་བྱ་བ་འདྲི་བའི་དོན་ཟེར་བ་ནི། གལ་ཏེ་བདེ་བའི་རྒྱུ་ཉིད་ནི ་ཞེས་བྱ་བའོ། །དེ་ལ་བཟློག་པ་ནི་སྡུག་བསྔལ་གྱི་རྒྱུ་ཉིད་ཡོད་པ་ལས་སོ། །ལུས་ལ་སོགས་པ་ལ་རང་ཉིད་ཀྱི་བློ་ཁས་ལེན་པར་གྲུབ་པ་འབའ་ཞིག་ནི་མ་ཡིན་གྱི་མངོན་སུམ་གྱིས་གྲུབ་པ་ཡིན་པར་བསྟན་པ་ནི། མངོན་སུམ་ཡིན་ཞེས་བྱ་བའོ། །མིའི་མིང་ཅན་བཞིན ་དུ་ལུས་དང་དབང་པོ་ལ་སོགས་པ་རྣམས་ལ་བདག་གི་བ་ཡིན་པ་ལ། བདག་གི་བའི་མིང་ལ་གནས་པས་སྡུག་བསྔལ་བསྒོམས་པས་སྡུག་བསྔལ་བཅོམ་པ་ཐོབ་པ་ཡིན་ནོ་སྙམ་དུ་སེམས་པ་ལ། འདུ་སོགས་འབྲེལ་པ་ལས་ཤེས་བྱ་བའོ། །ལུས་ཀྱི ་དབང་པོ་ལ་སོགས་པ་ཀུན་ཏུ་དམིགས་ནས་སྡུག་བསྔལ་བསྒོམ་པ་བསྙད་པར་བྱེད་ལ་དེ་ལ་དམིགས་པ་ཡང་ལོངས་སྤྱོད་ཀྱི་རྟེན་ཉིད་ལ་སོགས་པའི་ངོ་བོ་ཡིན་གྱི་དེ་ཡང་འདུ་བ་ལ་སོགས་པ་དང་འབྲེལ་བ་ནི་བདག་གི་བའི་བློའི་ཡུལ་ཡིན་པའི་ཕྱིར། ་སྡུག་བསྔལ་བསྒོམ་པ་ཐོབ་བཞིན་པ་ཇི་ལྟར་བདག་གིར་འཛིན་པའི་བློ་དང་བྲལ་བ་ཡིན། ལོངས་སྤྱོད་ཀྱི་རྟེན་ལ་སོགས་པ་བློ་ཉིད་དང་འབྲེལ་པའི་བློ་ཉིད་ཀྱིས་བདག་གི་པའི་བློ་ཡིན་པའི་ཕྱིར། མཐོང་དུ་ཟིན་ཀྱང་ནི་སྡུག་བསྔལ་གྱི་རྒྱུ་ཉིད་ཤེས་ཀྱང་ངོ། ་མའི་འདུ་ཤེས་ནི་མཐོང་བའི་མའི་ངོ་བོར་སྒྲོ་བཏགས་པས་ཡིན་ལ། སྡུག་བསྔལ་ནི་འབྲེལ་པ་དང་བྲེལ་བ་མ་དམིགས་པའི་ཕྱིར་སྒྲོ་བཏགས་པ་མ་ཡིན་ནོ། །འོན་ཏེ་ཕན་འདོགས་པ་ཉིད་ཁོ་ན་ལུས་ལ་སོགས་པ་དང་འབྲེལ་བ་ཡིན་ལ། ཕྲད་པ་དང་འདུ་བ་ལ ་སོགས་པ་ཉིད་མ་ཡིན་ན་བདག་གི་བའི་ཕན་འདོགས་པའི་བློའི་རྒྱུ་མཚན་ཐམས་ཅད་ཡིན་པའི་ཕྱིར་དེ་དང་བྲལ་བ་ལ་སྡུག་བསྔལ་ཉིད་མ་མཐོང་བས་གཙོ་བོ་ཉིད་མེད་པའི་ཕྱིར་རོ་ཞེས་བསྟན་པ་ནི། འདུ་བ་ལ་སོགས་པ་མེད་ན་ཡང་ཞེས་བྱ་བ་སྟེ། ཀུན་ལ ་ཞེས་བྱ་བ་གཙོ་བོ་མེད་པའི་ཕྱིར་ཞེས་དགོངས་པའོ། །གལ་ཏེ་གཙོ་བོ་གཞན་གྱིས་ཅི་ཞིག་བྱ་བ་དག་གི་དབང་པོ་ལ་སོགས་པ་ཉིད་སྡུག་བསྔལ་གྱི་རྒྱུ་ཡིན་པའི་ཕྱིར་བདག་ཡིན་ཡང་བདག་གི་བློའི་ཡུལ་དུ་མི་འགྱུར་ཏེ། སྤྲུལ་གྱིས་ཟོས་པའི་མངར་མོ་བཞིན་དུ ་ཡིན་ལ། དེ་ཡང་བདག་གི་བ་ཁོ་ན་བདག་གི་ཕ་མ་ཡིན་པར་འགྱུར་བ་ཡིན་ནོ་སྙམ་དུ་སེམས་པ་ནི། སྡུག་བསྔལ་བསྐྱེད་ཕྱིར་ཞེས་བྱ་བའོ། །ལུས་དང་དབང་པོ་ལ་སོགས་པ་ནི་དེ་ནི་གཅིག་ཏུ་སྡུག་བསྔལ་མ་ཡིན་ཏེ། སྡུག་བསྔལ་ཁོ་ན ་མ་ཡིན་ཞིང་ཕལ་ཆེ་བ་ཡང་མ་ཡིན་ནོ། །དུག་དང་འདྲེས་པའི་བཟའ་བ་ཇི་ལྟ་བ་ཡིན་པར་བསྟན་པ་ནི། གཅིག་ཏུ་དེ་ནི་སྡུག་བསྔལ་མིན། སྡུག་བསྔལ་ཁོ་ན་འམ་སྡུག་བསྔལ་ཕལ་ཆེ་བ་ཁོ་ན་མ་ཡིན་དུ་ཟིན་ཀྱང་བདེ་བའི་ངོ་བོ་ཁོ་ན་ཕལ་ཆེར་ཡོད་པའི ་ཕྱིར་ལ། དེ་ལྟ་ན་ཡང་སྡུག་བསྔལ་གྱིས་སུན་ཕྱུང་བ་ཡིན་པའི་ཕྱིར་དུག་དང་བཅས་པའི་བཟའ་བ་བཞིན་དུ་བླང་བྱ་མ་ཡིན་པ་ཁོ་ནར་འགྱུར་རོ། །ལུས་མཛེས་པ་ཡང་མཛེ་ནད་གཅིག་པུས་སྐལ་བ་ངན་པ་ཡིན་ནོ། །ཞེས་བྱ་བའི་རིགས་སོ། སྙམ་དུ་སེམས ་པ་ལ། ཁྱད་པར་ཅན་ནི་སྡུག་བསྔལ་གྱི་ཆ་ཡང་མེད་པས་ལྷག་པ་ནི་གཅིག་ཏུ་བདེ་བའི་ངོ་བོ་ཡོད་པའི་ཕྱིར་རོ། །དེ་དང་འགལ་བ་ནི་སྡུག་བསྔལ་གྱི་ཆ་དང་འདྲེས་པ་དང་ཁྱད་པར་ཡོད་པ་ལ་དུག་དང་བཅས་པ་བཞིན་དུ་ཆགས་པ་དང་བྲལ་བ་ཉིད་ནི་རྒྱབ ་ཀྱིས་ཕྱོགས་པར་འགྱུར་རོ། །དེ་མེད་ན་ནི་བདག་ལ་ཆགས་པ་དང་ལྡན་པ་དག་ཇི་ལྟར་རྙེད་པ་ལ་འཇུག་པ་ཡིན་པར་བསྟན་པ་ནི། མ་རྙེད་ན་ཞེས་བྱ་བ་སྟེ། འདོད་ཆགས་ཀྱི་ནོན་པ་ཁྱད་པར་ཅན་གྱི་བུད་མེད་མ་རྙེད་ན་མོ་ཙམ་ལ་འཇུག་པ་ཡིན་ནོ། །རྒྱུའི ་སྟོབས་ལས་ཞེས་བྱ་བ་ནི་སྔ་མ་སྔ་མའི་བདེ་བ་གོམས་པའི་དབང་གིས། །སྡུག་བསྔལ་གྱི་ཆ་དང་ལྡན་པ་ཁོ་ན་བདེ་བ་ཉེ་བར་ལེན་པ་མ་ཡིན་ནམ། འགྲོས་གཞན་མེད་པའི་ཕྱིར་རོ། །བདེ་བའི་ཁྱད་པར་མེད་པའི་ཕྱིར་དེ་ལ་བལྟོས་ནས་རིགས་པ་ཡིན་གྱི ་ཤིན་དུ་བའི་སྡུག་བསྔལ་ལས་གྲོལ་བའི་བདག་ངོ་བོ་ལ་བལྟོས་ནས་ནི་མི་རིགས་སོ། །ཤིན་དུ་བའི་སྡུག་བསྔལ་ལས་གྲོལ་བ་ནི་སྡུག་བསྔལ་བསྒོམས་པས་དེ་ཁོ་ན་ཉིད་མཐོང་བར་འགྱུར་པ་ཡིན་ནོ་སྙམ་དུ་སེམས་པའོ། །བདག་བསྒོམ་པ་ནི་མི་སྲིད་པ་ཉིད་དོ་ཞེས ་བྱ་བ་ལ་སོགས་པ་ནས། དེ་ནི་འགར་ཡང་གཞན་འགྱུར་ཕྱིར། མིང་ཞེས་བྱ་བའི་བར་དུའོ། །དོན་འདི་ཁོ་ན་ལ་རྣམ?་འགྲེལ་དང་སྦྱོར་བ་ནི། དེ་ཉིད་ཀྱི་ཕྱིར་ཞེས་བྱ་བ་སྟེ། སྡུག་བསྔལ་གྱིས་བྱས་པའི་ངོ་བོ་ལས་གཞན་པ་ཁོ་ན་དེ་མེད་པས་བྱས་པ་ཡིན་དེའི་ཕྱིར་དེ ་ལ་བལྟོས་ནས་སྔ་མའི་ཞིག་པ་ཁོ་ན་ཡིན་ནོ་ཞེས་བྱ་བའི་དོན་ཏོ། །གང་གི་ཞེས་བྱ་བ་ནི་རྣལ་འབྱོར་པའི་འོ། །འདོད་པ་ནི་ཆགས་པའི་ཡུལ་ལོ། །དེ་ཞེས་བྱ་བ་ནི་བདག་གོ་།དེ་ནི་ཞེས་བྱ་བ་ནི་རྣལ་འབྱོར་པའོ། །གང་ནི་བདག་སྟེ་བདག་གི་རང་གི་ངོ་བོ་ཡིན་ཏེ ་ཆགས་པ་ཡུལ་ཡིན་ལ། དེའི་ནི་ངང་གི་ངོ་བོའི་འོ། །དེ་ཞེས་བྱ་བ་ནི་བདག་གོ་།འདོད་ཆགས་ལ་སོགས་པས་ནི་བདག་ལ་འགར་ཡང་ཕན་མི་འདོགས་པ་མ་ཡིན་ནམ། འོ་ན་ཅི་ཞེ་ན། སྦྱོར་བ་ཙམ་ཡིན་ལ་ཐར་བ་ལ་ནི་དེ་དང་བྲལ་བ་ཙམ་ཡིན་ནོ། །དེའི ་ཕྱིར་བདག་ཞིག་པ་ཐར་པ་མ་ཡིན་ནོ་སྙམ་དུ་སེམས་པ་ལ། སྐྱོན་ཅན་ཞེས་བྱ་བ་ནི། མིན་ཞེས་བྱ་བ་དང་སྦྱར་རོ། །དེ་ལྡན་པས་ནི་འདོད་ཆགས་ལ་སོགས་པ་དང་ལྡན་པས་སོ། །རང་ནི་རང་གིས་ངོ་བོས་སོ། །བདག་ནི་ལོག་པ་ཁོ་ན་ཡིན་ཏེ་དེ་དང་གཅིག་པ་ཉིད་དུ་མི་འགྱུར ་བ་ཡིན་ཞེས་བྱ་བའི་དོན་ནི། དབྱུག་པ་ཅན་ནི་དབྱུག་པ་མིན་ཞེས་བྱ་བའོ། །གལ་ཏེ་མྱོང་ཕྱིར་དེ་ནི་ཆགས་གལ་ཏེ་ཞེས་བྱ་བ་ནི་རྒོལ་བའོ། །དེ་ཉིད་སྒྲུབ་པར་བྱེད་པ་ནི་མྱོང་བ་ལས་མ་ཡིན་ཞེས་བྱ་བ་ལ་སོགས་པ་སྟེ། བདག་གིས་འདོད་ཆགས་ལ ་སོགས་པར་རང་རིག་པ་ཡིན་ན་འདོད་ཆགས་ལ་སོགས་པ་ཉིད་ཁོ་ནར་འགྱུར་བའི་ཕྱིར་ཐམས་ཅད་གནན་རིག་ཁོ་ན་ཡིན་གྱི་རང་རིག་པ་ནི་མ་ཡིན་ནོ། །དེ་ལྟར་བུད་མེད་ལ་སོགས་པ་རིག་པས་དེའི་ངོ་བོ་ཉིད་དུ་ཐལ་བར་འགྱུར་ཞེས་ལན་དུ་ཟེར་བ་ནི། བུད ་མེད་ཅེས་བྱ་བ་ལ་སོགས་པའོ། །དེ་ལྟར་ན་འདོད་ཆགས་ཅན་ཇི་ལྟར་ཡིན་ཞེས་ཟེར་བ་ལ། འབྲེལ་ཕྱིར་ཞེས་བྱ་བའོ། །རིགས་པ་དེ་དང་ལྡན་པ་ཉིད་ཡིན་ན་རྣལ་འབྱོར་བ་ཡང་དེ་དང་ལྡན་པ་ཉིད་དུ་འགྱུར་རོ། །དེའི་ཕྱིར་རིག་པ་ཡིན་ཡང་འདི་འདོད་ཆགས ་མེད་པ་ཉིད་དུ་འདོད་པ་འགལ་བ་ཡིན་ནོ་ཞེས་ཟེར་བ་ནི། ཆགས་སོགས་མྱོང་བས་རྣལ་འབྱོར་པ་ཞེས་བྱ་བའོ། །གྲུབ་པའི་མཛའ་བསྟན་པ་ནི། ཐ་དད་པ་ནི་བདག་ལས་འདོད་ཆགས་ལ་སོགས་པ་རྣམས་འདུ་བ་ལས་འདོད་ཆགས་ཅན་དུ་འགྱུར ་གྱི། ཕྲད་པ་ལས་ནི་ལྡན་པ་མ་ཡིན་ནོ། །དེའི་བདག་ནི་ཡིད་དང་ལྡན་པ་ཡིན་ཞིང་ཡིད་ནི་གཞན་གྱི་བདག་ཉིད་ཡིན་ལ་དེ་ལ་ཡོད་པའི་འདོད་ཆགས་ལ་སོགས་པ་དང་ལྡན་པ་དང་འདུ་བ་ཡིན་ནོ། །ཡང་ན་རྣལ་འབྱོར་པའི་བདག་གཞན་གྱི་བདག་དང་ལྡན་པ ་ཡིན་པས་མི་སྐྱེ་བའི་ཕྲད་པས་དེ་ལ་ཡོད་པའི་འདོད་ཆགས་ལ་སོགས་པ་དང་ཡང་ལྡན་པའི་འདུ་བ་ཡིན་ནོ། །དེས་ན་ཁྱད་པར་མེད་པའི་ཕྱིར་ཁྱོད་ཀྱི་རྣལ་འབྱོར་པ་ཡང་གཞན་གྱི་འདོད་ཆགས་དང་འབྲེལ་པ་ལས་འདོད་ཆགས་ཅན་དུ་འགྱུར་རོ། །འདུ་བ་དང ་ཕྲད་པ་ལ་ཁྱད་པར་ཡོད་ཅེས་ཟེར་བ་ནི། ཐ་དད་རྟོགས་མེད་ཅེས་བྱ་བའོ། །བདག་གི་ངོ་བོ་ཡང་རང་རིག་པ་དང་མ་འཁྲུལ་བ་ཡིན་ན། ཇི་ལྟར་ཐ་མི་དད་པར་འགྱུར་བ་ཡིན་པར་བསྟན་པ་ནི། བདག་ནི་རང་བཞིན་ཞེས་བྱའོ། །བདག་ནི་རིག་པའི་རང་བཞིན་མ་ཡིན ་ཏེ། ཐམས་ཅད་ཀྱང་ཐམས་ཅད་རིག་པར་ཐལ་བར་འགྱུར་རོ་སྙམ་དུ་སེམས་པ་ནི། འོན་ཏེ་འདི་ནི་ཞེས་བྱའོ། །ལན་ནི། གཟུང་བྱ་ཞེས་བྱ་བའོ། །ལོངས་སྤྱད་པར་བྱ་བ་དང་ལོངས་སྤྱོད་པར་བྱེད་པ་དེ་དག་གཅིག་པའི་དེ་ཉིད་ཡིན་ཞེས་བྱ་བ་འདི་ལ་དཔེ་མེད་པར ་བསྟན་པ་ནི། རོ་སོགས་ཞེས་བྱ་བ་སྟེ། ལོངས་སྤྱད་པར་བྱ་བ་ལས་གཞན་པ་ཉིད་ལོངས་སྤྱོད་པར་བྱེད་པ་དེ་ལས་ཀྱང་གཞན་ཡིན་ན། དེ་ལས་ཀྱང་གཞན་ཡིན་ཞིང་དེ་ལས་ཀྱང་གཞན་ཡིན་པའི་ཕྱིར་ཐུག་པ་མེད་པ་ཡིན་ནོ་ཞེས་བྱ་བ་འདི་ནི་སྐྱོན་མ་ཡིན་ནོ། །གང ་གི་ཕྱིར་འབྲས་བུ་དང་རྒྱུ་ཉིད་བཞིན་དུ་བཟུང་བ་དང་འཛིན་པ་ཉིད་ལ་ཐུག་པ་མེད་པའི་སྐྱོན་མེད་དོ། །དེ་ལྟ་བུའི་དགོངས་པ་ནི་གལ་ཏེ་ཡུལ་ཉམས་སུ་མྱོང་བ་ཉམས་སུ་མྱོང་བ་མ་ཡིན་ན་རྟགས་མེད་པའི་ཕྱིར་ཇི་ལྟར་ལོངས་སྤྱོད་པ་སོར་རྟོག་པར་བྱེད། དེ་ཉམས་སུ་མྱོང་ན ་ཡང་རང་རིག་པ་ཡིན་ན་ཇི་ལྟར་ལོངས་སྤྱོད་པར་བྱེད་པར་རྟོགས་པའི་ཐུག་པ་མེད་པ་མ་ཡིན་ཏེ། ལོངས་སྤྱོད་དང་འདུ་བ་ཅན་ལོངས་སྤྱོད་པ་པོ་ཉིད་ཡིན་པའི་ཕྱིར་རོ་ཞེས་ཟེར་བ་ནི། གལ་ཏེ་དེ་དང་ཞེས་བྱ་བའོ། །ལོངས་སྤྱོད་ཀྱི་གཞི་ལོངས་སྤྱོད་པ་པོ་ཡིན་ན་ནི་གཟུགས་ལ ་སྤྱོད་པའི་ཡུལ་ཉིད་ལོངས་སྤྱོད་པ་པོར་འགྱུར་བར་བསྟན་པ་ནི། ལོངས་སྤྱོད་ཉམས་མྱོང་ལས་ཞེས་བྱ་བའོ། །འཇིག་རྟེན་གྱི་ཐ་སྙད་ནི་བདག་བཞིན་དུ་ཡུལ་ཉིད་ལ་ཡང་བློའི་གཞི་ཉིད་དུ་མཚུངས་པ་ཡིན་པར་བསྟན་པ་ནི། དམྱལ་བའི་ཞེས་བྱ་བའོ། །ལོངས་སྤྱོད ་པར་བྱ་བ་ལ་ཡོད་པའི་ལོངས་སྤྱོད་ནི་གཞན་དུ་མི་འཐད་པས་ལོངས་སྤྱོད་པ་པོ་རྗེས་སུ་དཔོག་པ་པོ་ཡིན་ནོ་སྙམ་དུ་སེམས་པ་ཁོ་ནས་ཟེར་བ་ནི། ཅི་སྟེ་རྗེས་སུ་དཔག་བྱ་དེ་ཞེས་བྱ་བའོ། །གཞན་གྱིས་རིག་པའི་ལོངས་སྤྱོད་པ་པོ་བསལ་ནས་རང་རིག་པ་ཉིད་ཉེ་བར ་བསྡུ་བ་ནི། དེའི་ཕྱིར་བདག་ནི་རང་རིག་པའི་རང་བཞིན་ཉིད་ཅེས་བྱ་བའོ། །ཇི་ལྟར་མེ་ལོང་དང་བ་འམ། ཇི་ལྟར་ཤེལ་སྒོང་དག་པ་ལ། དེ་དང་ཉེར་གནས་གང་དང་གང། དེ་ལ་དེ་ཡི་གཟུགས་བརྙན་རྟོགས་ཞེས་བྱ་བའི་རིགས་པས་ཉེ་བའི་རུང་བ་འཛིན་པའི ་ཕྱིར་ཐམས་ཅད་ཀྱང་ཐམས་ཅད་རིག་པར་ཐལ་བར་འགྱུར་པ་མ་ཡིན་ནོ་ཞེས་བྱ་བའི་དོན་ཏོ། །གནས་སྐབས་པ་སྡུད་པ་ནི། གལ་ཏེ་དེས་བདག་ཅེས་བྱ་བའོ། །རང་རིག་པའི་བདག་ཉིད་ཤེལ་སྒོང་བཞིན་དུ་དད་བ་ལ་ཚོན་སྔོན་པོ་ལ་སོགས་པ་གཞན་དང་གཞན ་གྱི་གཟུགས་བརྙན་ཉིད་འབྱུང་བ་དང་ནུབ་པ་དང་ལྡན་པ་ཡིན་གྱི་རྟོགས་པའི་ངོ་བོ་ལ་ནི་མ་ཡིན་ཏེ། མངོན་པར་ཤེས་པའི་ཡུལ་ཡིན་ནོ་སྙམ་དུ་སེམས་པ་ནི། ཇི་སྟེ་ཡང་ཞེས་བྱ་བའོ། །ཚོན་སྔོན་པོ་ལ་སོགས་པ་དང་ཐ་མི་དད་པར་རིག་པ་ནི་དེ་ཁོ་ན་བཞིན ་དུ་ཐ་དད་པ་མི་རྟག་པར་འགྱུར་རོ་ཞེས་བྱ་བའི་དོན་བསྟན་པ་ནི། བདེ་བ་ལ་སོགས་པ་ཐ་དད་ཕྱིར་ཞེས་བྱ་བའོ། །ཐ་མི་དད་པའི་སྔོན་པོ་དང་བདེ་བ་ལ་སོགས་པ་དང་ཐ་མི་དད་པར་རིག་པ་ཡང་སྔོན་པོ་དང་བདེ་བ་ལ་སོགས་པ་བཞིན་དུ་ཐ་མི་དད་པའི་བདག་ཏུ ་རིག་པར་བྱེད་པ་མ་ཡིན་པར་བསྟན་པ་ནི། བདག་ཏུ་གྱུར་པས་ནི་ཐ་དད་པའི་སྔོན་པོ་དང་བདེ་བ་ལ་སོགས་པ་རྣམས་དང། དེ་ཁོ་ན་བཞིན་དུ་ཐ་དད་པས་ཐ་མི་དད་པར་རང་བཞིན་གཅིག་ཏུ་ཤེས་པ་མ་ཡིན་ནོ། །ཅི་དང་འདྲ་ཞེ་ན། ཇི་ལྟར ་དེ་ཉིད་ནི་ཚན་སྔོན་པོ་ལ་སོགས་པའི་ཐ་སྙད་པ་ནི་ཁྱད་པར་རོ། །གལ་ཏེ་རང་རིག་པ་ཐ་དད་པར་རིག་པ་མ་ཡིན་དུ་ཟིན་ཀྱང་རྣམ་རྟོག་ནི་རིག་པ་ཡིན་ཞེས་ཟེར་བ་ནི། རིག་པ་རིག་པ་ཞེས་བྱ་བའོ། །རྣམ་པར་བརྟགས་པའི་གཅིག་པ་ཉིད་ནི་རང་དང་གཞན ་གྱི་བདག་ཉིད་ལ་ཡང་འགྱུར་རོ་ཞེས་བསྟན་པ་ནི། དེའི་ཕྱིར་ཞེས་བྱ་བའོ། །འོན་ཏེ་གཞན་གྱི་བདག་གཞན་གྱིས་རིག་པ་མ་ཡིན་པ་ཁོ་ནའོ་ཞེ་ན། རིག་པའི་དངོས་པོ་མིན?། ཞེས་སྨོས་ཏེ། གཞན་གྱི་གཞན་གྱིས་བདག་མི་རིག་ན་གཞན་ནི་བདག་མེད་པར ་འགྱུར་རོ། །རང་དང་གཞན་གྱི་བདག་དག་ཕན་ཚུན་འཇུག་པ་མ་ཡིན་པར་རིག་པའི་ཕྱིར། དབྱེ་བ་ཡིན་ན་རང་གི་བདག་ལ་ཡང་སྐད་ཅིག་རེ་རེའི་རིག་པ་ཐ་དད་པས་ཐ་དད་པར་འགྱུར་པར་བསྟན་པ་ནི། དེ་ནི་སོ་སོར་རིག་ཅེ་ན། གང་དཱུང་ཅིག་པ་ཉིད་མི་འགྱུར ་ཞེས་བྱ་བ་སྟེ། ཅིག་མི་འགྱུར་ཞེས་བྱ་བ་ནི་རྒྱུན་ཅིག་ལའོ། །སྔ་མ་དང་ཕྱི་མ་དག་ནི་འཁོར་བ་དང་མྱ་ངན་ལས་འདས་པའོ། །བཤད་པའི་ཚིགས་སུ་བཅད་པ་ཉེ་བར་བསྡུ་བ་ནི་དེ་ལྟ་ཡིན་དང་ཞེས་བྱ་བའོ། །བཤད་པ་གཞན་བསྟན་པ་ནི། ཐེར་ཟུག་རྟག་པ་ཉིད ་ཡིན་ན་ཞེས་བྱ་བའོ། །དེ་ཉིད་ལ་ནི་འཁོར་བ་ཉིད་ལ་སྟེ་ཡོངས་སུ་རྫོགས་པའི་ཕྱིར་རོ། །དེར་ཞེས་བྱ་བ་ནི་ཐེར་ཟུག་ཏུ་གནས་པ་ཉིད་དེ་ཁོ་ན་ལ་ཡོངས་སུ་རྫོགས་པའི་ཕྱིར་རོ། །སྔར་མཐོང་བ་ངོ་ཤེས་པ་ནི་སྲིད་པ་མ་ཡིན་ལ། སྲིད་ན་ཡང་གང་གི་ཚེ་དངོས་པོ་ཡོད་པ་དེ ་ཁོ་ནའི་ཚེ་འབྱུང་བར་འགྱུར་ཏེ། དངོས་པོའི་སྟོབས་ལས་བྱུང་བའི་ཕྱིར་རོ། །དུས་ཕྱིས་ནི་མ་ཡིན་ཏེ། དངོས་པོ་མེད་པའི་ཕྱིར་རོ་ཞེས་བསྟན་པ་ནི། དེའི་རང་བཞིན་ཡོད་པ་ལ་ཞེས་བྱ་བའོ། །ཡུལ་གྱི་སྟོབས་ལ་མི་རྟེན་པ་བག་ཆགས་ལས་བྱུང་བ་སྔར་མཐོང་བ་ངོ་ཤེས ་པ་ཚད་མ་མ་ཡིན་པར་བསྟན་པ་ནི། ཡུལ་མེད་པར་ནི་ཞེས་བྱ་བའོ། །ཐེར་ཟུག་ཏུ་གནས་པ་ཡང་འགྱུར་བ་ཅན་མ་ཡིན་ཕྱིར་དང། དམིགས་པའི་རིམ་པ་མེད་པའི་ཕྱིར་མི་རྟག་པ་ཉིད་དུ་མ་རྟོགས་པའི་ཕྱིར་རྟག་པ་ཡིན་ནོ་ཞེས་ཟེར་བ་ནི། གལ་ཏེ་ཐེར་ཟུག་རྟག་ཉིད་ཞེས ་བྱ་བའོ། །ཚིགས་སུ་བཅད་པ་འདི་ཉིད་བཤད་པ་ནི། གལ་ཏེ་ཐེར་ཟུག་ཅེས་བྱ་བའོ། །འགྱུར་བ་ཅན་མ་ཡིན་པ་ཉིད་དང། དམིགས་པའི་རིམ་པ་མེད་པའི་ཕྱིར་ཞེས་བྱ་བའི་གཏན་ཚིགས་གཉིས་པོ་རྟག་པ་ཉིད་དུ་སྒྲུབ་པར་བྱེད་པར་འདོད་པ་ནི་འཁོར་བ་དང་མྱ ་ངན་ལས་འདས་པའི་རིམ་པ་དམིགས་པར་འདོད་པ་ཡིན་ན། མི་རྟག་པ་ཉིད་དུ་འགྱུར་པར་བསྟན་པ་ནི། དེའི་ཕྱིར་དམིགས་པ་རིམ་པ་དང་ལྡན་པ་ཞེས་བྱ་བའོ། །མ་དམིགས་པ་ཞེས་བྱ་བ་ནི་ཐེར་ཟུག་ཏུ་གནས་པར་རོ། །མཚུངས་པ་ཉིད་དུ་དམིགས་པ་ཡང་ཞེས ་བྱ་བ་ལ་སོགས་པའི་ཚིགས་སུ་བཅད་པ་ནི། ཡང་ན་མཚུངས་པའི་རང་བཞིན་དམིགས་པ་ལས་སྔ་མ་དང་ཕྱི་མ་དང་གཅིག་ཉིད་དུ་ཞེས་བྱ་བ་ལ་སོགས་པས་བཤད་པ་ཡིན་ནོ། །བཤད་པ་གཞན་བསྟན་པ་ནི། ཡང་ན་རྟོགས་པའི་རང་བཞིན་ཉིད་ཀྱིས་ཞེས་བྱ ་བ་སྟེ། སེམས་ཀྱི་བདག་ཉིད་དུ་གཅིག་ཡིན་པའི་ཕྱིར་རྒྱུ་ཐ་དད་པ་མ་ཡིན་ཞིང། སྔོན་པོ་དང་བདེ་བ་ལ་སོགས་པས་ཀྱང་མ་ཡིན་ཏེ། དབྱེ་བ་ཐམས་ཅད་འཁྲུལ་བ་ཅན་ཡིན་པའི་ཕྱིར་ལ། མ་འཁྲུལ་བ་ཉིད་ནི་ཡོད་པ་འམ་སེམས་ཀྱི་ངོ་བོ་ཉིད་ཀྱང་རུང་ཐམས ་ཅད་དུ་ཐོགས་པ་མེད་པའི་ཕྱིར་རོ། །རྣམ་གཅོད་མེད་པའི་ཡོད་ཅན། ཡུལ་དང་དུས་སུ་དངོས་པ?་གང། རྟག་པ་དེ་ནི་ཁྱབ་བདག་འདོད། །དེ་ཕྱིར་བདག་ནི་ཁྱབ་བདག་བརྗོད་ཅེས་བྱ་བའི་དོན་ཏོ། །ལན་ནི། གལ་ཏེ་དེ་ལྟར་ན་ཞེས་བྱ་བ་སྟེ། འཁྲུགས་པའི ་གནས་སྐབས་ན་ཐ་མི་དད་པར་སྐྱེས་པའི་ངོ་བོ་ཡིན་པའི་ཕྱིར་སྔ་མའི་ངོ་བོ་དུས་ཕྱིས་ན་དེ་ཉིད་འཇིག་པ་ཡིན་ནོ་ཞེས་བྱ་བའི་དོན་ཏོ། །གྲོལ་བའི་བདག་ཀྱང་འཁོར་བ་པའི་བདག་ཀྱང་ཐ་མི་དད་པ་ཡིན་ན་ནི་འཁོར་བ་པ་ཉིད་དུ་འགྱུར་པར་བསྟན་པ་ནི། དེའི་གནས ་སྐབས་ཞེས་བྱ་བའོ། །གལ་ཏེ་གྲོལ་བ་ཞེས་བྱ་བའི་དོན་ལ་སོགས་པའི་ཚིག་རྐང་པ་གསུམ་བཤད་པ་ནི། གལ་ཏེ་བུམ་པའི་ནམ་མཁའ་ཞེས་བྱ་བའོ། །དབྱེ་བ་མེད་པའི་གནས་སྐབས་ལ་བདག་ཏུ་ཤེས་པའི་ཡུལ་མ་ཡིན་པའི་ཕྱིར ་བདག་མེད་པའི་ངོ་བོ་ཉིད་དུ་ཐལ་བར་འགྱུར་བར་བསྟན་པ་ནི། ནམ་མཁའ་ཉིད་དུ་ཉེ་བར་སོན་པ་ཞེས་བྱ་བའོ། །འོ་ན་ནི་བདག་མེད་པ་ཉིད་དུ་ཞེས་བྱ་བ་ནི་བདག་ཏུ་ཤེས་པའི་ཡུལ་མ་ཡིན་པ་ནི་བདག་མ་ཡིན་པའི་ཕྱིར། སེམས་ཀྱི་ངོ་བོ་འམ་རྟག་པ ་འམ་ཁྱབ་པ་ཅན་ཡང་མ་ཡིན་ཏེ། སྣང་བ་དང་ཉེ་བའི་ཕྱིར་རོ། །ཐག་ཉེ་བའི་སྣང་བཞིན་བ་ནི་ཡུལ་གཞན་ནམ་དུས་གཞན་ལ་མ་ཡིན་ནོ། །དེ་ལྟ་བུ་ཉིད་མ་ཡིན་ན་ཡང་ཁྱད་པར་ཅན་དུ་མངོན་པར་འདོད་པའི་ངོ་བོ་ཡང་དེ་ལྟར་འགྱུར་བར་བསྟན་པ་ནི། ་རང་གི་རང་བཞིན་ཙམ་རིག་པ་ཞེས་བྱ་བའོ། །གཅིག་ལ་མཐོང་བའི་ཡོད་པའི་ངོ་བོ་འམ་སེམས་ཀྱི་ངོ་བོ་ནི་གཞན་ལ་ཡང་དེ་ཉིད་སྔར་མཐོང་བ་ངོ་ཤེས་པ་མ་ཡིན་ནམ་སྙམ་དུ་སེམས་པ་ནི། འོན་ཏེ་འདི་བུམ་པ་ལ་སོགས་པ་ཞེས་བྱའོ། །སྔར་མཐོང་བ་ངོ ་ཤེས་པ་ནི་གྲོལ་བ་དང་འཁོར་བ་པ་དག་ཀྱང་ཅིག་པ་ཉིད་དུ་སྒྲུབ་པར་བྱེད་པ་བསྟན་པ་ནི་ཤིན་ཏུ་གསལ་བར་བྱ་ཞེས་བྱ་བ་སྟེ། སྔར་མཐོང་བ་ངོ་ཤེས་པ་མེད་པ་མ་ཡིན་པའི་ཕྱིར་རོ། །བདག་གོ་ཞེས་བྱ་བ་ལ་སོགས་ཉམས་སུ་མྱོང་བའི་ཡུལ་ནི་ཡུལ་འཁོར ་བ་པོའི་བདག་ནི་གྲོལ་བའི་གནས་སྐབས་ན་ཡང་ཐམས་ཅད་ཉམས་སུ་མྱོང་བ་དང་བུ་དང་ཆུངས་ལ་སོགས་པའི་ཡུལ་གྱི་ཐ་སྙད་ཐམས་ཅད་དང་ཡོན་ཏན་ཀུན་ཤེས་རབ་དང་ཡིད་གཞུངས?་པ་ལ་སོགས་པ་ལྡོག་པས་དེ་ལ་ཆགས་པའི་རྒྱུ་མཚན་མེད་པ་ཁོ ་ན་ཡིན་ནོ། །དེའི་ཕྱིར་རྟོག་པ་དང་ལྡན་པ་འདི་ལ་དོན་དུ་གཉེར་བར་ཇི་ལྟར་འགྱུར་ཞེས་བསྟན་པ་ནི་ཀུན་ལྡོག་པ་ནི་ཉམས་སུ་མྱོང་བ་དང་ཡོན་ཏན་དང་ངོ་བོ་ཆགས་པའི་རྟེན་ཟློག་པ་གང་ལ་གྲོལ་པའི་གནས་སྐབས་ན་ལྡོག་པ་གང་ཡིན་པ་དེ་ལ་ཇི་ལྟར ་འདོད་བ་སྟེ་ཆགས་པ་ཇི་ལྟར་བདག་གིར་བྱེད་དེ་ཆགས་པའི་རྒྱུ་མཚན་མེད་ན་ཇི་ལྟར་ཆགས་པ་ཡིན་ཞེས་བྱ་བའི་དོན་ཡིན་ཞིང། ཆགས་པའི་ཡུལ་ནི་འདི་འདྲ་བ་ཡང་ཇི་ལྟར་གཞན་འདྲ་བར་འདོད་ཅེས་བྱ་བའི་དོན་ཏོ། །རྡོ་བ་དང་རས་བལ་ལ་སོགས་པ་ལ་ཁྱད་པ་ཅན? ་ནམ་མཁའ་བདག་ཉིད་དེ། རང་གི་ངོ་བོ་གང་ཡིན་མ་དེ་ཁོ་ན་བདག་ཡིན་ལ། ཐ་སྙད་དུ་ཐམས་ཅད་ནི་དོར་བྱ་དང་བླང་བྱ་ལ་སོགས་པ་སྟེ། དེ་ལས་འདས་པ་ནི་ཆགས་པའི་ཡུལ་ལས་བཟློག་པ་ཡིན་ནོ་ཞེས་བྱ་བའི་དོན་ཏོ། །དེ་འདྲ་བ་ཞེས་བྱ་བ་ནི་སྔ་མའི་ངོ་བོ་ལས ་བཟློག་པ་ཐར་བའི་ངོ་བོ་ལ་རྟོག་པ་དང་ལྡན་པ་འཇུག་པ་ལ་བར་དུ་གཅོད་པ་ཡིན་ཏེ་དོན་དུ་གཉེར་བ་མི་འབྱུང་བའི་ཕྱིར་ཞེས་བྱ་བའི་དོན་ཏོ། །བདག་ལ་ཆགས་པ་ནི་མངོན་དུ་བྱེད་པར་འགྱུར་ཞེས་བྱ་བ་དང་སྦྱར་རོ། །གྲོལ་བའི་གནས་སྐབས་ན་བདག་ནམ ་མཁའ་བཞིན་དུ་དངོས་པོ་མེད་པར་འགྱུར་བར་མི་རིགས་པ་མ་ཡིན་ནམ། བདག་ཏུ་ཤེས་པའི་ཡུལ་ཡིན་པའི་ཕྱིར། །འདི་རྣམས་ཀྱི་བདག་དང་བདག་གི་འདི་རྣམས་ཤེས་བྱ་བའི་འབྲེལ་པའམ་ཐུན་མོང་བ་མ་ཡིན་པ་ཉིད་ནི་འཆིད་བ་ཡིན་པ་ནི་བདག་དང ་བདག་གི་ཞེས་བརྗོད་པ་ཡིན་ལ། དེ་ནི་ཐར་བ་ལ་ཡོད་པ་མ་ཡིན་ནོ་སྙམ་དུ་སེམས་པ་ལ་རྣམ་པ་ཀུན་ཏུ་ཞེས་བྱ་བའོ། །བདག་གོ་ཞེས་བྱ་བར་རིག་པ་འདི་ཡང་དེའི་མེད་པ་ཁོ་ན་ཡིན་ནོ། །རྨི་ལམ་མཐོང་བ་མ་ཡིན་པའི་གཉིད་ལོག་པ་གྲོལ་བའི་དཔེར་བྱེད ་དོ། །ཡིན་ན་ཡང་བདག་གི་ཞེས་བདག་ཏུ་ལྟ་བའི་རྣམ་པ་ནི་འབྲེལ་པའི་རྣམ་པ་འམ་དེ་དང་ཐུན་མོང་མ་ཡིན་པའི་རྣམ་པ་ཡང་བདག་ཏུ་འཛིན་པ་ནི་ཐམས་ཅད་དུ་ཆགས་པའི་ངོ་བོའི་སྙིང་པོ་ཅན་ཁོ་ན་ཡིན་ནོ། །དེའི་ཕྱིར་ཡང་བདག་གི་ག་ལ་ནི་ཐུན་མོང་བ་འམ། ཐུན ་མོང་མ་ཡིན་པ་ཡང་ཆགས་པ་འདྲེན་པ་ཡིན་ཏེ་དེ་མེད་ན་རང་ཉིད་མེད་པའི་ཕྱིར་རོ་ཞེས་བྱ་བ་ནི་ཁོ་བོའི་བཤད་པ་ཡིན་ནོ། །འགྲེལ་པ་མཛད་པ་ནི་བསལ་བ་ཁོ་ན་ཡིན་ནོ། །བདག་ཏུ་འཛིན་པ་ཡོངས་སུ་འདོད་པ་ཡིན་ན་འཇུག་པའི་ལན་བདག་མེད་དོ། །གང་གི་ཕྱིར ་དེ་ཡོད་ན་སྔ་མ་དང་ཕྱི་མ་གཅིག་པའི་སྡུག་བསྔལ་ཅན་སྒྲོ་བཏགས་ནས་དེ་ལ་སོགས་པ་འཇུག་པ་ཡིན་ནོ། །སྐད་ཅིག་མར་རིག་པའི་བདག་ཉིད་ཀྱི་རིག་པ་ནི་འཇུག་པའི་ཡན་ལག་མ་ཡིན་པ་ཁོ་ནར་བསྟན་པ་ནི། གལ་ཏེ་འདི་ལ ་བདག་འཛིན་ཞེས་བྱ་བའི་ཚིགས་སུ་བཅད་པ་གཉིས་སོ། །བདག་ཏུ་འཛིན་པ་མེད་ཀྱང་གཞན་གྱི་དོན་ལ་འཇུག་པ་ཡིན་ན་བདག་ཏུ་སྨྲ་བ་དོན་མེད་པར་བསྟན་པ་ནི། གཞན་གྱིས་ཕྱེད་པ་ཞེས་བྱའོ། །ཡུན་རིང་བདེ་བ་ཞེས་བྱ་བ་ནི་མྱ་ངན་ལས ་འདས་པ་ལ་དགའ་བ་ཙམ་གྱིས་བདག་གི་ངོ་བོ་ནི་རྟག་ཏུ་བསལ་བ་ཡིན་ལ། དེའི་འབྲས་བུ་ཉིད་ཀྱིས་མི་རྟག་པའི་བདེ་བ་ཡོངས་སུ་འདོར་བ་ཡིན་ནོ། །མེད་པ་ཡང་ཞེས་བྱ་བ་ནི། ཐེ་ཚོམ་ཟ་བ་ཡོད་པ་དང་མེད་པའི་ཐུན་མོང་བ་ཉིད་ཀྱི་ཕྱོགས་ལ་འཇུག ་པ་ནི་མེད་པར་ཡང་སྲིད་པའོ། །སྐད་ཅིག་མའི་དངོས་པོ་སྣང་བ་ཙམ་ལ་སྤྲེའུའི་ཟླ་བ་ཞེས་པ་དང་སྦྱར་བ་ཡིན་ནོ། །དེའི་ཕྱིར་དེ་བཞིན་དུ་བདག་ཏུ་ལྟ་བ་ཅན་ནི་བདག་གི་བར་ཆགས་པ་ལྡོག་པ་ལ་འབད་པ་དང་བཅས་པ་ཡིན་ཡང་ཡོན་ཏན་གྱི་ཆ ་མཐོང་བས་དེ་ལ་སྐྱོན་དུ་མཐོང་བ་བསྒྲུབས་པའི་ཕྱིར་མི་རྙེད་པ་ཁོ་ན་ཡིན་པར་བསྟན་པ་ནི། བརྩོན་ཡང་ཞེས་བྱ་བ་སྟེ། ཆགས་པ་དང་བྲལ་བ་ལ་འབད་པ་ཡིན་ཡང། ཆགས་པ་དང་བྲལ་བ་ལ་གེགས་བྱེད་པ་ཡིན། །ཅི་ལས་ཤེ་ན། ཡོན་ཏན ་ཆད་རྟེན་ནས་གང་ལ་འཇུག་པ་དང་ལྡན་པའོ། །བདག་ཀྱང་བདེ་བ་དང་སྡུག་བསྔལ་སྒྲུབ་པར་བྱེད་པ་པོའི་ངོ་བོ་དང་དེའི་འབྲས་བུའི་ཟ་བ་པོའི་ངོ་བོས་ཀྱང་ཆགས་པ་དང་བྲལ་བའི་ཡུལ་ཡིན་པས་དོར་བྱ་ཁོ་ན་ཡིན་ནོ་སྙམ་དུ་སེམས་པ་ནི། གལ་ཏེ་བདག ་ལའང་ཞེས་བྱ་བ། ངོ་བོ་གང་གིས་བདག་དོར་བྱ་ཡིན་པ་དེ་ཁོ་ན་འདིའི་ངོ་བོ་ཡིན་གྱི། ངོ་བོ་གཞན་མ་ཡིན་པའི་ཕྱིར་བདག་བླང་བྱ་ཉིད་མ་ཡིན་པར་བསྟན་པ་ནི། ད་ནི་ཞེས་བྱ་བ་སྟེ། ཇི་ལྟར་ཏེ་རྣམ་པ་གང་གིས་བདག་འདོར་བ་ནི་དོར་བྱར་བྱེད་པའོ ་དེ་ནི་ཞེས་བྱ་བ་ནི་སྨྲ་བ་པོའོ། །བླང་བྱ་ལ་ཆགས་པ་དང་བྲལ་བ་རྣམ་པ་གཞན་ནི་མེད་དོ། །གཏན་ཚིགས་དེའི་ཕྱིར་སྡུག་བསྔལ་བསྒོམ་པར་བསྟན་པ་དོན་མེད་དོ། །འགྲེལ་པ་མཛད་པས་ནི་རྒལ་བའི་དོན། ཇི་ལྟར་ཡོད་པ་དེ་ལྟར་མིན་ཞེས་བྱ་བ་ལ་སོགས་པས་བཤད་དོ།། ་བདག་གི་བཞིན་དུ་བདག་ཉིད་འདོར་བ་ཡིན་ནོ་ཞེས་བྱ་བའི་དོན་ཏོ། །ཅི་ཞིག་འདོར་བ་ཡིན་ཞེ་ན། ཆགས་པ་འབའ་ཞིག་འདོར་བ་ཡིན་ཞེས་བྱ་བའོ། །ཆགས་པ་དང་བྲལ་བ་ནི་ཆགས་པ་མེད་པ་སྟེ། བྲལ་བའི་སྒྲ་ནི་དགག་པའི་དོན་ཡིན་པའི་ཕྱིར་རོ། །བདག་ལ་ཆགས ་པ་དང་བྲལ་བ་ནི་ཐར་པའི་བདེ་བ་ཡིན་གྱི་བདག་ཏུ་འཛིན་པ་ཡོད་པ་ལ་མི་སྲིད་པར་བསྟན་པ་ནི། བདེ་བར་གནས་པ་ནི་ཞེས་བྱ་བའོ། །ང་ནི་ཆགས་བྲལ་གང་ཡིན་མེད་ཅེས་བྱ་བའི་དོན་བསྟན་པ་ནི་གལ་ཏེ་བདག་ལ་ཤེས་བྱའོ། །འདི་ལ་ནི་རྒོལ་བ་ལའོ།། ་སྨྲས་པ་ནི་རྣམ་འགྲེལ་ལོ། །དེ་ནི་ཇི་ལྟར་བདག་འདོར་བ་དེ་བཞིན་དུ་སྡུག་བསྔལ་བསྒོམ་པ་དོན་མེད་པ་མ་ཡིན་ནོ། །ཅི་ལས་ཞེ་ན?། དེའི་ཕྱིར་དེ་དོར་བའི་ཕྱིར་རོ་ཞེས་བསྟན་པ་ཡིན་ནོ། །དོར་བ་ནི་ཆགས་པ་དང་བྲལ་བར་འགྱུར་བ་མ་ཡིན་ཏེ། གཞན་ཡོད ་བའི་ཕྱིར་རོ། །བདག་ནི་དོར་བ་ཉིད་དུ་མི་ནུས་སོ་ཞེས་བྱ་བ་རྟག་པ་ནི་ཆགས་པ་དང་བྲལ་བ་ལ་ཡང་མཚུངས་པར་བསྟན་པ་ནི་བདག་ལ་ཞེས་བྱ་བ་སྟེ། ཇི་ལྟར་དེ་མེད་པ་དང་ཞེས་བྱ་བ་དང་སྦྱར་རོ། །འོན་ཏེ་ཆགས་པ་ཉིད་ཆགས་པ་དང་བྲལ་བར་འགྱུར་རོ་ཞེས་བྱ་བ ་འདི་ལ་བསྟན་པ་ནི་དེ་ནི་ཞེས་བྱ་བ་ནི་ཆགས་པའོ། །གཞན་ཡང་ཞེས་བྱ་བ་ནི་ཆགས་པ་དང་བྲལ་བའོ། །དེ་ལྟར་ནི་ཆགས་པའི་ངོ་བོས་སོ། །ཟང་བ་དང་ཕྱོགས་གཅིག་ཅེས་བྱ་བའི་བདག་ཉིད་ཀུན་ནམ་ཞེས་བྱ་བའོ། །གཅིག་ནི་ཆ་ཤས་མེད་པའོ།། ་གཅིག་ལ་ཡང་ཡན་ལག་ཅན་བཞིན་དུ་ཕྱོགས་གཅིག་ཡོད་པ་ཡིན་ནོ་སྙམ་དུ་སེམས་པ་ལ། གང་ཞིག་ཅེས་བྱ་བ་སྟེ། ད་ལྟ་ཡིན་ན་ཡན་ལག་ཅན་དེ་ཡན་ལག་རེ་རེ་ལ་ཡོངས་སུ་རྫོགས་པས་ཐ་དད་པ་ཁོ་ན་ཡིན་ནོ། །ཐ་དད་པ་ལ་ཡང་ཐ་མི་དད་པའི་ངོ་བོ ་རིག་པའི་གནས་སྐབས་ན་ཡོད་པ་ཡིན་པ་བསྟན་པ་ནི། དེ་ལྟ་ཡིན་ན་ཞེས་བྱ་བའོ། །ཇི་ལྟར་ཐུག་པ་མེད་པ་ཡིན་ཞེ་ན། གཞན་དང་གཞན་བརྟགས་པས་ཞེས་བྱ་བའོ། །ངོ་བོ་གཅིག་བྱུང་བ་ཡིན་ན་ངོ་བོ་སྔ་མ་པོར་བ་དང་ངོ་བོ་གཞན ་བྱུང་བ་ཞེས་བྱ་བའི་རྣམ་པ་འདི་ཉིད་རིགས་པ་ཡིན་ནོ། །དེ་ནི་ཇི་ལྟར་བདག་འདོར་བ་ཞེས་བྱ་བ་ལ་སོགས་པས་བཤད་པ་ཡིན་པར་བསྟན་པ་ནི། དེའི་ཕྱིར་དེས་ན་ཞེས་བྱ་བའོ། །རྣམ་པ་གང་གིས་ཀྱང་ཞེས་བྱ་བ་ནི་ཆགས་པ་དང་བྲལ་བའི་རང་བཞིན་གྱིས་སོ ་རྣམ་པ་གཞན་དུ་སྦྱར་བ་ནི་གལ་ཏེ་བདག་ལ་ཞེས་བྱ་བའོ། །གང་ཞིག་ཅེས་བྱ་བ་ནི་དེ་ཉིད་ཅེས་བྱ་བ་དང་སྦྱར་རོ། །གང་ལ་ཆགས་པ་དང་བྲལ་བ་མེད་པ་དེ་འདོར་བ་མིན་ཞེས་བྱ་བ་དང་སྦྱར་རོ། །ཡུལ་ལ་བལྟོས་ནས་དོན་མེད་པ་ཡིན་ནོ། །རྣམ་པ་གཞན ་གྱིས་ཀྱང་བྱེད་པ་མ་ཡིན་ཏེ། མེད་པ་ཞེས་བྱ་བའི་དོན་ཏོ། །གལ་ཏེ་དོན་མེད་པ་ཡིན་ན་དེ་ལས་ཀྱང་ཅིར་འགྱུར་ཞེ་ན། སྡུག་བསྔལ་བསྒོམས་པས་ནི་ཞེས་བྱ་བའོ། །སྡུག་བསྔལ་བསྒོམས་པས་ནི་མངོན་དུ་འདོད་ཆགས་དང་བྲལ་བའི་ཕྱིར་ནི་མ་ཡིན ་ཏེ། འོན་ཀྱང་སེམས་ལ་དབང་དུ་འགྱུར་བར་བྱ་བའི་ཕྱིར་ཡིན་ལ། སེམས་དབང་དུ་བྱ་བ་ཡང་སྐྱེས་བུའི་གནས་སྐབས་ཐམས་ཅད་ན་ཡོད་པའི་ཕྱིར་སྡུག་བསྔལ་བསྒོམ་པ་བསྟན་པས་ཅི་དགོས་ཏེ་མ་བསྟན་ཀྱང་ཤེས་པའི་ཕྱིར་རོ་ཞེས་བྱ་བའི་དོན ་བསྟན་པ་ནི། སྡུག་བསྔལ་བསྒོམས་པས་ཏེ་ཉེ་བར་བསྟན་པས་ཀྱང་ངོ། །དེ་དག་ཅེས་བྱ་བ་ནི་སྐྱེས་བུའོ། །སྡུག་བསྔལ་ཉིད་ནི་སྡུག་བསྔལ་སྒྲུབ་པར་བྱེད་པའོ། །སྡུག་བསྔལ་དང་འབྲེས་བར་རྣམ་པར་ཤེས་པར་བྱེད་པ་ནི་ངེས་པར་བྱེད་པའོ། །དེ ་ནི་ཞེས་བྱ་བ་ནི་ངོ་བོའོ། །སྔར་ཡང་ནི་བསྟན་པའི་སྔ་རོལ་དུ་ཡང་མངོན་དུ་བྱེད་པ་ཁོ་ན་ཡིན་གྱི་དེ་ལས་ཆགས་པ་དང་མ་བྲལ་ན་ཉེ་བར་བསྟན་པ་ལས་ཀྱང་ཆགས་པ་དང་བྲལ་བར་མི་འགྱུར་ཏེ། གང་གི་ཕྱིར་དེ་ཡང་དེའི་རྗེས་སུ་སྨྲ་བ་ཡིན་ནོ། །སྔར་ཆགས་པ ་དང་བྲལ་བཞིན་པ་འམ་ཆགས་པ་དང་བྲལ་བའི་ཡུལ་ཡང་མེད་པར་བསྟན་ནས། བལྟར་ནི་ཆགས་པ་དང་བྲལ་བ་སྒྲུབ་པར་བྱེད་པ་ཉིད་མ་ཡིན་ནོ། །ཁོ་བོ་ཅག་གིས་ནི་འདུ་བྱེད་པའི་སྡུག་བསྔལ་ཉིད་དུ་རྟོགས་ནས་བླང་བྱ་དང་དོར་བྱ་དང་བྲལ་བའི ་ཕྱིར་སྟེའུ་དང་ཙན་དན་ངག་གིས་འདྲ་བ་ཉིད་ནི་ཆགས་པ་དང་བྲལ་བར་འགྱུར་བའི་ཕྱིར་དེའི་བསྒོམ་པ་བསྟན་པ་ཡིན་ནོ། །ཆགས་པ་དང་བྲལ་བའི་རྒྱུ་མ་ཡིན་པ་ཉིད་ཁོ་ན་བསྟན་པ་ནི། འདིས་ནི་འདོད་ཆགས་དང་བྲལ་བར་འགྱུར་བ་མ་ཡིན་ནོ།། ་འདི་ཉིད་གསལ་བར་བྱེད་པ་ནི་སྡུག་བསྔལ་བསྒོམ་པ་ནི་ཞེས་བྱ་བའོ། །སྡུག་བསྔལ་གྱི་ཚོགས་སུ་མངོན་སུམ་གྱི་ངེས་པ་ཡིན་ཡང་བདེ་བ་འདོད་པས་དབང་བྱས་པའི་ཡིད་ཅན་ནི་དྲན་པ་མེད་པས་ཉེ་བར་ཞི་བ་ལས་མི་ལྡད་པ་མ་ཡིན་ནམ། དགའ་ ་བའི་རོ་ཡིས་ཚིམ་རྣམས་ཀྱིས། ཞི་བའི་སེམས་ཀྱི་བདེ་གང་ཡིན། ནོར་ལ་བརྐམ་པས་དེ་དང་དེར། །དྲུག་པ་རྣམས་ལ་ག་ལ་ཡོད། །གཞན་ཡང་རྒྱ་མཚོའི་སྐགས། ཅན་གྱི་ས་གཞི་མ་ལུས་པ་དང། བ་ལང་དང་རྟ་ལ་སོགས་པ་ཐོབ་ཀྱང་ནོར་ལ ་བརྐམ་ཆགས་ཅན་ནི་དེ་རྣམས་ཀྱིས་ཀྱང་ཚིམ་པར་མི་འགྱུར་ལ། འོན་ཀྱང་བདེ་བ་ནི་ནོར་རྙེད་བ་ཡིན་ནོ། །བདེ་བ་ལ་སྦྱོར་བཞིན་པ་ནི་དེ་ཚོལ་བ་ལ་སོགས་པའི་རྣམ་པར་རྟོག་པས་སྡུག་བསྔལ་བ་ཁོ་ན་ལ་བདེ་བར་མངོན་པར་སེམས་པའི་ཕྱིར ་སྡུག་བསྔལ་བསྒོམས་པ་དྲང་སྲོང་རྣམས་ཀྱིས་བསྟན་པ་ཡིན་ནོ་སྙམ་དུ་སེམས་པ་ནི། གལ་ཏེ་རབ་ཏུ་ཞི་བའི་སྟེ། འཁོར་བའི་བདེ་བ་ལ་སྲེད་པ་མི་འགྱུར་བ་ནི་སྡུག་བསྔལ་བསྒོམས་པས་ཞེས་བྱ་བ་དང་སྦྱར་རོ་སྡུག་བསྔལ་བསྒོམ་པ་ཡིན་ཡང་བདག ་ཏུ་མངོན་པར་ཞུགས་པ་ཅན་ནི་བདག་གི་བ་ལ་ཆགས་པ་ལྡོག་པར་མི་འགྱུར་ཞེས་བསྟན་པ་ནི། འདིར་ནི་ཞི་བ་བདག་ཏུ་བལྟ་བ་ཞེས་བྱ་བའོ། །བདག་ཏུ་ལྟ་བ་ལ་ཡང་ཁ་ཅིག་ཏུ་སྡུག་བསྔལ་གྱི་རྒྱུ་ཉིད་དུ་མཐོང་བ་ལས་འདོད་ཆགས་དང་བྲལ་བ་ཉིད་དུ ་སྣང་བ་ཁོ་ན་ཡིན་ནམ། རིགས་པ་ཉིད་ཀྱིས་ཐམས་ཅད་དུ་དེ་བཞིན་དུ་འགྱུར་བ་སྲིད་དོ་སྙམ་དུ་སེམས་པ་ལ། གལ་ཏེ་དེ་ཉེས་པ་ཡིས་ཞེས་བྱ་བའོ། །བདག་ཏུ་ལྟ་བ་ལ་ཆགས་པ་དང་བྲལ་བས་ལྡོག་པར་སྣང་བ་ཡིན་གྱི་མཐོང ་བ་དང་འགལ་ག་སྲིད་པ་ནི་ཚད་མ་མ་ཡིན་ནོ་ཞེས་དགོངས་པའོ། །ཆགས་པའི་ནུས་པ་ནི་བདག་དང་བདག་གིར་འཛིན་པའོ། །བདག་ཏུ་འཛིན་པ་དང་འབྲེལ་པའི་ཤེས་རབ་ལྡོག་པའི་དོན་ཏུ་འཕགས་པའི་ཞེས་བྱ་བ་ནི་ཁྱད་པར་རོ། །གཞོམ་པ་དང་ཉེ ་བར་ལེན་པ་དག་འཇོམ?་པའི་རྒྱུ་བདག་མེད་པར་ལྟ་བ་ཡིན་གྱི་བདག་ཏུ་ལྟ་བ་ནི་མ་ཡིན་ནོ་ཞེས་བྱ་བའི་དོན་ཏོ། །བདག་ཤེས་པ་ནི་ཁམས་གསུམ་པོའི་སྐྱོན་མཐོང་བ་ཅན་གྱི་ཆགས་པ་དང་བྲལ་བ་མ་ཡིན་ནམ། དེ་ཇི་ལྟར་ཅིག་ལ་ཉེས་པས་བློ ་ལྡོག་པ་ཡིན་སྙམ་དུ་སེམས་པ་ལ། བླང་དང་དོར་བྱའི་ཁྱད་ཡོད་ན་ཞེས་བྱ་བའོ། །བདག་ཏུ་སྨྲ་བ་ནི་ཁམས་གསུམ་པོའི་གདོན་མི་ཟ་བར་དོར་བྱ་ཡིན་ཡང་ཉེ་བར་བླང་བར་བྱ་བ་ལ་བརྟེན་ནས་གདོན་མི་ཟ་བར་བླང་བྱ་ཡིན་ཞིང། ཉེ་བར་བླང་བྱ་ཡང ་བདག་གམ་དེའི་ཆོས་རྣམས་ཀྱང་ཡིན་ལ། དེ་འདི་ཡང་ཉེ་བར་བླང་བྱའི་ནུས་པ་ནི་བྱས་པ་ནི་བྱས་པའི་ཕན་པ་གཞན་ལས་དེའི་ནུས་པའི་ས་བོན་ཡིན་ཞེས་བརྗོད་དེ། དེ་ལ་ཕན་འདོགས་པར་བྱེད་པ་ཡིན་ཡང་རུང་མ་ཡིན་ཡང་རུང་ངོ་ལ་བལྟོས་པའི ་ཉེ་བར་བླང་བྱའི་ནུས་པ་དེ་ཉིད་ནི་གནོད་པ་པོ་ལ་རྒྱབ་ཀྱིས་ཕྱོགས་པར་ཉེ་བར་འགྲོ་བའི་ཞེ་སྡང་གི་ས་བོན་ཡིན་པར་ཡང་ཤེས་པར་བྱའོ། །གལ་ཏེ་ཐམས་ཅད་དུ་མི་འགྱུར་བ་དེ་ལྟ་ན་ཇི་ལྟར་འགྱུར་ཞེས་ཟེར་བ་ལ་བསྟན་པ་ནི། རྣམ་གྲངས་ཀྱིས་ཞེས ་བྱ་བའོ། །དེའི་རྒྱུ་ཅན་གྱི་འདོད་ཆགས་དང་ཞེ་སྡང་ཞེས་དག་དེ་ཁོ་ན་བཞིན་བུ་འབྱུང་བ་ཡིན་པར་བསྟན་པ་ནི། འདོད་པ་དང་སྡང་བ་ཞེས་བསྟན་པའོ། །བདག་མེད་པར་ལྟ་བ་པོའི་བླང་བྱའི་མ་ཡིན་པའི་ཕྱིར་ནུས་པ་མ་ཡིན་ཞིང། རྒྱབ་ཀྱིས་ཕྱོགས་པ་ཡང ་མ་ཡིན་པའི་ཕྱིར་གང་ཞིག་གང་གིས་ས་བོན་ཡིན་ཞེས་བསྟན་པ་ནི། བདག་མེད་པར་ལྟ་བ་ལ་ནི་ཞེས་བྱའོ། །བདག་ཏུ་ལྟ་བ་ཅན་ཡང་ཁམས་གསུམ་པོ་ལ་ཆགས་པ་དང་བྲལ་བ་མ་ཡིན་ནམ། ཡུལ་གཞན་ཡང་མེད་ན་ཇི་ལྟར་འགའ་ཞིག་ལ་བལྟོས་པ་འམ་ལྡང ་བར་བྱེད་པ་ཡིན་སྙམ་དུ་སེམས་པ་ལ། སྐྱོན་མེད་ཡུལ་ཅན་ཞེས་བྱ་བའོ། །བདག་ལ་ཆགས་པ་ཡོད་ན་ཁམས་གསུམ་པོ་དེ་ལ་ཕན་འདོགས་པར་བྱེད་པའི་ཆ་དང་ལྡན་པ་ཆགས་པ་དང་བྲལ་བ་ཉིད་མི་འཐོབ་པས། བསམ་མེད་བདག་ལ་ཆགས་པ་ཡིས། ་ཇི་ལྟར་རྙེད་བཞིན་ཞེས་བྱ་བ་ལ་སོགས་པས་བསྟན་པ་ཡིན་ནོ་ཞེས་བྱ་བའོ། །སྐྱོན་དང་ལྡན་པ་ཉིད་ལས་རྒྱབ་ཀྱིས་ཕྱོགས་པ་ནི་བདག་གི་བ་བཞིན་དུ་བདག་ལ་ཡང་ཡིན་ནོ་ཞེས་བྱ་ཟེར་བ་ནི། འོན་ཏེ་སྐྱོན་བཅས་ཞེས་བྱའོ། །བདེན་ཏེ། སོ་སོའི་སྐྱེ་བོས་ཡོན ་ཏན་མཐོང་བས་སྐྱོན་སྒྲིབས་ནས་ལེན་པར་བྱེད་ལ། སྡུག་བསྔལ་བསྒོམ་པའི་གདམ་ངག་དང་ལྡན་པའི་མཉམ་པར་བཞག་པ་ནི། སྐྱོན་མཐོང་ནས་ཡོན་ཏན་ལེན་པ་ཡིན་ནོ་སྙམ་དུ་སེམས་པ་ལ། ཡོན་ཏན་མཐོང་བ་ལས་བྱུང་བའི་ཞེས་བྱ་བའོ། །ཉེས་པ ་མཐོང་བ་ནི་བསྒོམ་པ་ལས་བྱུང་བས་ཉེས་པ་མཐོང་བའོ། །སོ་སོའི་སྐྱེ་བོ་རྣམས་ཀྱི་ལུས་དང་དབང་པོ་ལ་སོགས་པ་རྣམས་ལ་ཆགས་པ་ནི་ཡོན་ཏན་མཐོང་བའི་བསྐྱེད་མ་ཡིན་ཏེ། རྗེས་སུ་འགྲོ་བ་དང་ལྡོག་པ་མེད་པའི་ཕྱིར་རོ་ཞེས་བསྟན་པ་ནི། ་དེ་ཡང་ཞེས་བྱ་བ་ནི་ཆགས་པའོ། །དེ་ལྟར་ཡོན་ཏན་མཐོང་བ་ལས་སྐྱེས་པ་ནི་མ་ཡིན་ནོ། །ཕྱིས་སོགས་ལ་ཡང་ཞེས་བྱ་བས་ནི་ལྡོག་པ་མེད་པའོ། །ཡོན་ཏན་ལས་བྱུང་པ་ཡང་མ་ཡིན་ཏེ། ལྡོག་པ་མེད་པ་ཁོ་ནའི་ཕྱིར་ཞེས་བསྟན་པ་ནི། སྐྱོན ་ལྡན་ལ་ཡང་ཞེས་བྱ་བའོ། །རྗེས་སུ་འགྲོ་བ་མེད་པར་བསྟན་པ་ནི། མེད་ཕྱིར་ཞེས་བསྟན་པའོ། །གཞན་དག་ལ་ནི་གཞན་གྱི་ལུས་དང་དབང་པོ་ལ་སོགས་པའོ། །ཡོན་ཏན་དང་ལྡན་པའི་བདག་གི་བ་ལ་ཡང་ལྡོག་པ་དང། ལུས་ལས་བྱུང་ ་པ་ལ་མེད་པའི་ཕྱིར་ཡང་རྗེས་སུ་འགྲོ་བ་མེད་པར་བསྟན་པ་ནི། བདག་གི་བ་ལའང་ཞེས་བྱ་བའོ། །གལ་ཏེ་ཡོན་ཏན་མཐོང་བ་ལས་བྱུང་བ་མ་ཡིན་པ་དེ་ལྟ་ན་ཅིས་བསྐྱེད་པ་ཡིན་སྙམ་དུ་སེམས་པ་ལ་བདག་གི་བའི་བློ་བཅོམ་པས་འདིར ་དོར་བ་ཡིན་གྱི་བཟློག་པ་མིན་ཞེས་བྱ་བའི་དགོངས་པས་འོན་ཀྱང་བདག་གི་བ་ཞེས་བྱ་བའོ། །ཆགས་པ་བཞིན་དུ་བདག་གི་བའི་བློ་ལ་ཡང་རྗེས་སུ་འགྲོ་བ་དང་ལྡོག་པ་མེད་པར་སྦྱོར་བར་བྱེད་པ་ནི། དེ་ཉིད་ཀྱི་ཕྱིར་ན་ཞེས་བྱ་བའོ། །དེ ་ཡང་ནི་བདག་གི་བ་བློའོ། །དེའི་ཕྱིར་ཡོན་ཏན་མི་མཐོང་བས་ནི་སྐྱོན་མཐོང་བས་སྤོང་བ་ཡིན་ཞེས་བྱ་བར་སྦྱར་ཏེ། བདག་མེད་པ་མཐོང་བ་ཁོ་ན་ལས་སྤོང་བ་ཡིན་ནོ་ཞེས་བྱ་པའི་དོན་ཏོ། །བདག་གི་བའི་བློ་དང་ཆགས་པ་དག་གིས་སླར ་ཡང་ཡོན་ཏན་མཐོང་བའི་སྐྱེད་བྱ་ཉིད་ཡིན་པར་བསྟན་པ་ནི། གཞན་ཡང་ཡོད་མིན་ཡོན་ཏན་ནི། སྒྲོ་འདོགས་ཞེས་བྱ་བའོ། །ཆགས་པའི་རྒྱུ་ནི་བདག་དང་བདག་གིར་འཛིན་པ་ཡིན་ལ། དེ་དང་འགལ་བ་མ་ཡིན་པ་སྡུག་བསྔལ་བསྒོམ་པ་སྒྲུབ་པ་ཡིན་གྱི ་དེའི་འབྲས་བུ་ཆགས་པ་ལ་གནོད་པ་མ་ཡིན་ནོ། །ཞེས་ཉེ་བར་བསྡུ་བ་ནི། དེའི་ཕྱིར་ཅིག་ཉིད་ཅེས་བྱ་བའོ། །འགྲེལ་བར་ནི་ཡོན་ཏན་མཐོང་བ་ནི་སྐྱོན་མཐོང་བ་དང་འགལ་བ་ཅན་དུ་བསྟན་པ་ནི་ཞེས་པས་ཤེས་བྱ་བའོ། །ལྡོག་བྱ ་ཆགས་པས་བཟློག་བྱ་མ་ཡིན་པ་ཡང་སྐྱོན་དུ་མཐོང་བ་ནི་ལྡོག་པར་བྱེད་པས་ལྡོག་པ་ཁོ་ན་ཡིན་པར་བསྟན་པ་ནི། ལྡོག་བྱ་ཆགས་པའི་བསྐྱེད་བྱ་ཉིད་ལྡོག་བྱེད་ལ་ཡང་མི་འཇུག་པའི་མཚན་ཉིད་ཡིན་ནོ། །དེ་ལ་ཅེར་འགྱུར་ཞེ་ན། ་དེ་ལྟ་ཡིན་ན་ཞེས་བྱ་བ་སྟེ། སྐྱོན་དུ་ལྟ་བ་ལྡོག་པ་ཡིན་ནོ་ཞེས་བྱ་བར་སྦྱར་རོ། །རང་བཞིན་ནི་བདག་མ་ཡིན་པའི་ལུས་ལ་སོགས་པ་ཡིན་ལ། སྐྱེས་བུ་ནི་བདག་ཡིན་ཞིང། དེ་དང་བྱེ་བྲག་ནི་དབྱེ་བ་སྟེ་དེ་ཡོངས་སུ་ཤེས་པ་ལས ་གྲོལ་བ་ཡིན་ཏེ། དེ་ཡོངས་སུ་མ་ཤེས་པ་ནི་དེ་དང་འགལ་བའི་ཕྱིར་རོ། །དེ་ཡོངས་སུ་མི་ཤེས་པ་ཡང་ཆགས་པ་ལ་སོགས་པའི་སྒྲུབ་བྱེད་ཡིན་པའི་ཕྱིར་འཁོར་པའི་རྒྱུ་ཉིད་ཡིན་པར་བསྟན་པ་ནི། རྟོགས་པ་དག་པའི་ཞེས་བྱ་པའོ།། ་འདི་ལ་ལན་དུ་མ་གཞན་བར་གཞན་དོན་གཉེར་ཞེས་བྱ་བ་ལ་སོགས་པ་ནི་འགྲེལ་བ་མཁན་གྱིའོ། །བདེན་མོད་ཀྱི་བདག་ཏུ་སྨྲ་བ་རྣམས་ཀྱིས་སྡུག་བསྔལ་གྱི་ཤེས་པ་ཆགས་པ་དང་བྲལ་བ་མ་ཡིན་ཏེ། འོན་ཀྱང་བདག་མེད་པར་ལྟ་བ་ཡིན ་ནོ། །ལུས་དང་དབང་པོ་ལ་སོགས་འདུས་པ་བདག་མ་ཡིན་པ་ལ་བདག་ཏུ་འཛིན་པས་བཅོམ་པ་ཉིད་དུ་འདོད་པ་མ་ཡིན་ནོ། །དེའི་ཕྱིར་དེ་ནི་དེ་ལ་བདག་སྟོན་པ་མ་ཡིན་ནོ། །འདི་བདག་མ་ཡིན་ཏེ། ཁོ་ན་ཅི་ཞེ་ན། འདོད་པ་དང། སྡང ་བ་དང། འབད་པ་དང། བདེ་བ་དང། སྡུག་བསྔལ་ཤེས་པ་ནི་རྟགས་ཅན་ཡིན་ཏེ། འདོད་པ་ལ་སོགས་པ་ནི་འབྲས་བུ་ཡིན་པའི་ཕྱིར་བརྟེན་པ་ཡིན་གྱི་ལུས་ནི་རྟེན་མ་ཡིན་ཏེ། བྱིས་པ་ལ་སོགས་པའི་གནས་སྐབས་ཀྱི་དབྱེ ་བས་མི་རྟག་པའི་ཕྱིར་རོ། །གཞན་གྱིས་ཉམས་སུ་མྱོང་བ་གཞན་གྱིས་དྲན་པ་མ་ཡིན་ལ། མ་དྲན་ན་མཚམས་སྦྱོར་བར་བྱེད་པ་མ་ཡིན་ཏེ། གང་གི་ཕྱིར་སྔ་མ་དང་ཕྱི་མའི་ཉམས་སུ་མྱོང་བ་དག་མཚམས་སྦྱོར་པ་ནི་དྲན་པ་དང་ལྷན་ཅིག ་ཡུལ་གཅིག་ཉམས་སུ་མྱོང་བ་སྟེ། རིམ་གྱིས་དོན་དུ་མར་མཐར་བ་ཅིག་ཏུ་རྟོགས་པར་འགྱུར་བ་ཡིན་ལ། དེ་བཞིན་དུ་སྐྱེས་པའི་བྱིས་པའི་སྐྱེ་བའི་དང་པོ་ལ་སྐྱེ་བ་སྔ་མ་ལ་གོམས་པའི་བདེ་བ་དང་སྡུག་བསྔལ་སྒྲུབ་པར་བྱེད་པ་ལ་དྲན་པའི ་རྒྱུན་གྱིས་དགའ་བ་ལ་སོགས་པའི་འབྲས་བུ་ལས་སྐྱེ་བ་གཞན་ལ་བྱུང་བ་རྗེས་སུ་དཔོག་པ་ཡིན་ནོ་ཞེས་བྱ་བ་ལ་སོགས་པར་སེམས་པ་ནི་ཇི་ལྟར་སྡུག་བསྔལ་གྱི་ཤེས་པ་ཐར་པའི་ཡན་ལག་མ་ཡིན་པའི་ཕྱིར་མ་བསྟན་པ་ནི་ཤེས་པ་དེ ་སླ་བའི་ཕྱིར་ཡང་ཉེ་བར་བསྟན་པར་བྱ་བ་མ་ཡིན་ལ། དེ་བཞིན་དུ་བདག་དང་ཐ་དད་པའི་ཤེས་པ་ཡང་ངོ་ཞེས་བསྟན་པ་ནི། གཞན་དང་གཞན་ཞེས་བྱ་བ་རིགས་པར་མཐོང་སྟེ། གནས་སྐབས་ཀྱི་རྗེས་སུ་འཇུག་པའི་ཕྱིར་རོ།། ་ཆགས་པ་ནི་གཅིག་ཉིད་དུ་མཐོང་བ་མ་ཡིན་གྱི། འོན་ཀྱང་ཐ་དད་པས་མཐོང་བས་ཡིན་པར་བསྟན་པ་ནི། ཆགས་མིན་བདག་ལ་ཆགས་པ་སྟེ་ཞེས་བྱ་བ་སྟེ། དམིགས་པ་སྟེ་ལོངས་སྤྱོད་ཀྱི་ནང་གི་ཡན་ལག་ནི་ཉེ་བའི་སྒྲུབ་བྱེད་དབང་པོ་ལ་སོགས ་པ་རྣམས་སོ། །ཐ་དད་པར་མཐོང་བ་ནི་མི་རྟག་པ་ཉིད་དུ་མཐོང་བའོ། །ཐ་དད་པ་ཡིན་ཏེ་ཞེས་བྱ་བ་ནི་ལྡོག་པའོ། །དེ་ལ་ཡིན་ན་ཐར་པ་མེད་པ་ཉིད་དེ་ཞེས་བྱ་བ་ནི་ཐ་དད་པར་བསྟན་པ་ཚད་མ་དང་མ་འབྲེལ་པ་ཁོ་ན་ཡིན་ནོ་ཞེས་བྱ་བའི ་དོན་ཏོ། །བདེ་བ་དོན་དུ་གཉེར་བ་ཞེས་བྱ་བ་ནི་བདག་ལ་ཆགས་པ་ཡིན་པའི་ཕྱིར་རོ། །གཙོ་བོ་དང་ཞེས་བྱ་བ་ནི་སྔ་ན་གཅིག་པ་ཡིན་ན་སྤྲོས་པའི་འབྲས་བུ་ལ་གཙོ་བོ་དང་གཅིག་པར་སེམས་པའོ། །རང་ཉིད་སེམས་པའི་ཞེས་བྱ་བའི་ཕྱིར ་བཤད་པ་ནི། གཙོ་བོ་ནང་དུ་ཞུགས་པ་ནི་ཞེས་བྱ་བའོ། །ཡུལ་ཉིད་དུ་གཙོ་བོ་རྗེས་སུ་ཞུགས་པ་ཡོད་པ་ཁོ་ན་ཞེས་ཟེར་བ་ནི། ཡུལ་ཉིད་དུ་ཞེས་བྱ་བའོ། །བློ་མེད་པར་ཡང་ཞེས་བྱ་བ་ནི་སྤྲོས་པའི་སྔ་རོལ་ནའོ། །ཕྱེད་ཕྱི་མ་བཤད་པ་ནི། ་སྐྱེས་བུ་རྣམས་ཀྱི་འདོད་པ་ཡང་ཞེས་བྱ་བ་སྟེ། འདི་ཡན་ཆད་འདིའི་བློའི་མངོན་པར་འདོད་པ་ཡང་གཙོ་བོ་ལས་མ་ཡིན་གྱི་འོན་ཀྱང་ཐོག་མ་མེད་པའི་བག་ཆགས་ལས་ཡིན་ནོ། །གལ་ཏེ་དེ་ལྟ་ན་བདེ་བ་དང་སྡུག་བསྔལ?་ལ་སོགས་པ་ཡང ་དེ་ལྟ?་འབྱུང་བའི་ཕྱིར་གཙོ་བོ་ནི་མཐོ་རིས་ཀྱི་རྒྱུ་མ་ཡིན་ནོ་ཞེས་བསྟན་པ་ནི། གལ་ཏེ་ཐོག་མེད་བག་ཆགས་ལས་ཞེས་བྱའོ། །བག་ཆགས་ནི་གཙོ་བོའི་རྣམ་པར་འགྱུར་བ་མ་ཡིན་འོན་ཀྱང་རང་རིག་པ་བདག་ཁོ་ནའི་རང་བཞིན་ཡིན་ནོ ་ཞེ་ན། འདི་ལ་ཡང་བསྟན་པ་ནི། དེའི་ཕྱིར་རང་རྟོགས་ངོ་བོའི་ཞེས་བྱ་བའོ། །ད་ལྟར་བའི་སྡུག་བསྔལ་རིག་པ་ནི་ཀུན་ཏུ་སྐྱོ་བ་སྒྲུབ་པར་བྱེད་པར་དམིགས་ནས་བསྒོམ་པ་ལ་བྱུང་བ་ལ་ཡང་དེ་ལྟར་སྲིད་པར་འགྱུར་བ་བསྟན་པ་ནི། གང་ཞིག་དེ ་ལྟར་ཞེས་བྱ་བའོ། །ཞེ་སྡང་ཡང་ཆགས་པ་དང་བྲལ་བ་སྒྲུབ་པར་བྱེད་པ་ཡིན་པའི་ཕྱིར་སྐྱོན་མ་ཡིན་ནོ་ཞེས་ཟེར་བ་ལ། ཆགས་བྲལ་མ་ཡིན་ཞེས་བྱ་བ་སྨོས་ཏེ། ཆགས་བྲལ་མ་ཡིན་པ་ནི་ཆགས་པ་མེད་པ་མ་ཡིན་པའོ། །ཅི་ལས་ཡིན་ཞེ ་ན། དེ་ཚེ་ཡང་སྟེ་གང་གི་ཕྱིར་ད་ལྟར་གྱི་སྡུག་བསྔལ་གྱི་དུས་ན་ཡང་གནས་སྐབས་གཞན་གྱི་བདེ་བའི་སྒྲུབ་བྱེད་དུ་འདོད་པའི་ཕྱིར་རོ། །སྡུག་བསྔལ་སྐྱེ་བ་དང་བཅས་པ་འགལ་བ་ཅན་གྱི་རྒྱུད་ལ་ཇི་ལྟར་གནས་སྐབས་གཞན་ཚོལ་པའི ་ཕྱིར། འདོད་ཆགས་སྐྱེ་བ་ཡིན་སྙམ་དུ་སེམས་པ་ལ། ཞེ་སྡང་གི་རྒྱུ་སྟེ་སྐྱེ་གནས་ནི་སྡུག་བསྔལ་གང་གི་ཡིན་པ་དེའི་དངོས་པོ་ནི་ཞེ་སྡང་ངོ། །དེ་སྲིད་ཙམ་དུ་ནི་སྡུག་བསྔལ་ཡོད་པ་ཙམ་དུའོ། །གནས་པ་ནི་ཀུན་ཏུ་གནས་པ་གང་གི་ཡིན་པ ་དེ་ལྟ་བུ་སྟེ། དེ་ལོག་ན་འགལ་བ་མེད་པའི་ཕྱིར་ཆགས་པ་འབྱུང་བ་ཁོ་ན་ཡིན་ནོ་ཞེས་བྱ་བའི་དོན་ཏོ། །ཆགས་པ་ཉིད་ཀྱིས་ན་ཞེས་བྱ་བའི་གང་གི་ཕྱིར་གྱི་སྒྲ་ནི་གཏན་ཚིགས་ཀྱི་དོན་ནོ། །སྡང་བ་དང་ལྡན་པ་ནི་ཞེས་བྱ་བའི་ནའི་སྒྲ་ནི་ཡང་གི་སྒྲ ་ཡིན་ནོ། །ཐར་པ་འདི་ནི་ཞི་བར་མཛོད་ཅེས་བྱ་བར་སྦྱར་རོ། །གང་གི་ཕྱིར་འདི་ནི་ཐར་པ་མ་ཡིན་ཏེ། སྡུག་བསྔལ་རྗེས་སུ་འཇུག་པའི་ཕྱིར་རོ། །དེ་ནི་ཤིན་ཏུ་བའི་སྡུག་བསྔལ་ལྡོག་པའི་ངོ་བོ་ཡིན་པའི་ཕྱིར་རོ་ཞེས་བསྟན་པ་ནི། སྡུག ་དང་སྔར་བས་ཞེས་བྱའོ། །གལ་ཏེ་སྡུག་བསྔལ་གྱི་སྐྱེ་བོ་ཆགས་པ་དང་བྲལ་བ་མ་ཡིན་ལ། དེའི་སྒྲུབ་བྱེད་ཀྱང་མ་ཡིན་ན་དེ་ཅི་ཞིག་ཅེས་བསྟན་པ་ནི། བླང་དང་དོར་བྱ་ཞེས་བྱ་བའོ། །བདག་མེད་པར་ལྟ་བས་དེས་ཕན་འདོགས་པར་བྱེད ་བ་མེད་པའི་ཕྱིར་བླང་བྱ་མ་ཡིན་ལ། གནོད་པ་བྱེད་པ་མ་ཡིན་པའི་ཕྱིར་དོར་བྱ་མ་ཡིན་ཏེ། སྡུག་བསྔལ་གྱི་རྒྱུ་སྟེའུ་དང། བདེ་བའི་རྒྱུ་ཅན་དོན་དག་ལས་མཚུངས་པ་རྣམས་ཀྱི་བཏང་སྙོམས་ནི་ཆགས་པ་དང་བྲལ་བ ་ཡིན་ནོ། །གནས་སྐབས་འདི་ནི་གོམས་པ་རང་དབང་དུ་གྱུར་བའི་ཐར་པར་འདོད་པ་ཡིན་ནོ། །འདིས་ཀྱང་ཕན་འདོགས་བཞིན་པར་མ་མཐོང་ན་ཇི་ལྟར་གོམས་པར་བྱེད་པ་ཡིན་ཞེ་ན། འདིའི་མ་གོམས་པ་གང་ཡིན། ཕན་གདགས་བྱ་དང་ཕན་འདོགས ་བྱེད་དུ་ཞེན་པའོ། །ཇི་ལྟར་མ་གོམས་པ་ཡིན། འོན་ཏེ་དེ་མེད་པ་ཡིན་ནོ་ཞེ་ན། དེ་ལྟ་ན་ཡང་ཇི་ལྟར་མ་གོམས་པ་ཡིན། དེའི་ཕྱིར་དེ་ནི་གྱི་ནའོ། །ཇི་སྐད་དུ་བདེ་བར་གྱུར་པ་འམ་སྡུག་བསྔལ་བར་མ་གྱུར་ཅིག་ཅེས་འདོད་པ་ན། དེའི་སྙམ་པའི་བློ ་གང་དེ། ཞེས་གསུངས་པའོ། །དེ་ལྟར་མཐོང་ན་ལྡོག་པ་མ་ཡིན་ཞིང། མ་མཐོང་ན་ནི་གྲོལ་བ་ཁོ་ན་ལ་གནས་བ་ཡིན་ནོ། །ཆོས་ཉིད་དང་བདག་མེད་པ་དང་མཉམ་པ་ཉིད་ནི་བདག་དང་གཞན་དག་དོར་བྱ་དང་བླང་བྱ་དག་ལ་ཡང་ཆགས་པ་དང ་བྲལ་བའི་དོན་དུ་མ་ཡིན་ཞིང། གལ་ཏེ་སྡང་བའི་དོན་དུ་ཡིན་ན་དེ་ལྟ་ན་ཇི་ལྟར་མདོ་སྡེ་ལས་སྡུག་བསྔལ་གྱི་སྡུག་བསྔལ་དང། འདུ་བྱེད་ཀྱི་སྡུག་བསྔལ་དང། འགྱུར་བའི་སྡུག་བསྔལ་ཉིད་ཅེས་གསུངས་སྙམ་དུ་སེམས་པ་ལ། འདུ ་བྱེད་ཀྱི་སྡུག་བསྔལ་ལ་དགོངས་ནས་ཞེས་བྱ་བ་སྟེ། སྡུག་བསྔལ་དང་འགྱུར་བ་ལ་ཡང་སྡུག་བསྔལ་དུ་གསུངས་པ་གང་ཡིན་པ་དེ་ནི་འདུ་བྱེད་ཀྱི་སྡུག་བསྔལ་ཉིད་ལ་དགོངས་པ་ཁོ་ནས་ཡིན་གྱི་དགོངས་པ་གཞན་གྱིས་གཞན་གྱིས་ནི་མ་ཡིན ་ནོ། །དེ་ལྟ་ན་དེ་ཉིད་ན་ཞེ་སྡང་གི་རྒྱུ་ཡིན་ནོ་ཞེ་ན། དེ་ཡང་སྟེ་འདུ་བྱེད་ཀྱི་སྡུག་བསྔལ་ཉིད་རྐྱེན་ལས་སྐྱེས་པ་སྟེ། རྟེན་འབྲེལ་ཡན་ལག་བཅུ་གཉིས་ཡིན་ལ། རྐྱེན་ལས་སྐྱེས་པ་དེ་ཡང་བདག་མེད་པར་བལྟ་བའི་རྟེན་ཏེ་དམིགས་པའོ།། ་འདུ་བྱེད་ཀྱི་སྡུག་བསྔལ་ཉིད་དེ། རྟེན་ཅིང་འབྲེལ་བར་འབྱུང་བ་བདག་མེད་པ་ལ་ཡང་གཉིས་མེད་པ་འདི་མཐོང་བ་ནི་འདུ་བྱེད་ཀྱི་སྡུག་བསྔལ་མཐོང་བ་ནི་སྔོན་རོལ་དུ་ཡིན་ལ། བདག་མེད་པ་འདི་ལ?་མེད་ན་བྱང་གྲོལ་གྱི་སྒྲུབ་བྱེད་ཡིན་པར་བསྟན་པ་ནི། ་སྟོང་ཉིད་ལྟ་བས་གྲོལ་བར་འགྱུར་ཞེས་བྱ་བ་སྟེ། བདག་མེད་པ་མཐོང་བ་ཁོ་ན་གྲོལ་བའི་ནང་གི་ཡན་ལག་ཡིན་ཏེ། ཆགས་པའི་གཉེན་པོ་ཡིན་པའི་ཕྱིར་རོ། །འདུ་བྱེད་ཀྱི་སྡུག་བསྔལ་ཉིད་ལ་སོགས་པ་མཐོང་བ་ནི་དེ་ཉིད་ཀྱི་བསྐྱེད་བྱེད་ཡིན་པའི ་ཕྱིར་རྟེན་ཡིན་པར་བསྟན་པ་ནི། བསྒོམ་པ་ལྷག་མ་དེ་དོན་ཡིན་ཞེས་བྱ་བའོ། །འདུ་བྱེད་ཀྱི་སྡུག་བསྔལ་ཁོ་ན་སྡུག་བསྔལ་ཉིད་ཡིན་པ་འདི་ལ་ཤེས་པར་བྱེད་པ་འདི་ལ་མི་རྟག་ལས་ཞེས་བྱ་བའོ། །བདག་མེད་བར་མཐོང་བ་ནི་གྲོལ་བའི་ནང་གི ་ཡན་ལག་ཡིན་ཞེས་བྱ་བ་འདི་ལ་སྡུག་བསྔལ་ནི་ཞེས་བྱ་བ་སྨོས་ཏེ། བདག་མེད་པར་མཐར་གསུངས་པ་ཡིན་བ་ཁོ་ནའི་ཕྱིར་དེ་ཉིད་ཀྱི་ཡན་ལག་ཡིན་ནོ་ཞེས་བྱ་བའི་དོན་ཏོ། །འགྲེལ་པ་མཛད་པས་ནི་སྡུག་བསྔལ་གྱི་སྡུག་བསྔལ་ཉིད་ལ་དགོངས་ནས ་བཤད་པ་ནི། རྟོག་གམ་ནི་མི་རིགས་སམ་ཞེས་བྱ་བའོ། །རྣམ་པར་རྟོག་པའི་སྡུད་བར་བྱེད་བ་ནི། འགྲེལ་པ་དང་མི་མཐུན་པར་འཆད་པ་ཡིན་པར་ལྟའོ། །བདག་མེད་པ་ཉིད་དུ་མཐོང་བ་མེད་ན་མི་རྟག་པ་ཉིད་དང་སྡུག་བསྔལ་བ་ཉིད་དུ་མཐོང ་བ་ཡང་གྲལ་བ་མ་ཡིན་ནོ་ཞེས་ལྡོག་པ་ལས་ནུས་པ་བསྟན་པ་ནི། ཆགས་བྲལ་མིན་དང་ཞེས་བྱ་བ་སྟེ། བདག་ཏུ་ལྟ་བ་ཅན་དེ་འབྲས་བུ་རྒྱུ་བརྗོད་པའི་ཕྱིར་སྲེད་ལྡན་ནི་ཆགས་པ་དང་ལྡན་པ་སྟེ། བདག་ལ་བདག་གི་བ་ལ་འདོར་བ་དང་ལེན ་པར་རྩོམ་པ་དང་ལྡན་པ་ནི་འཁོར་བ་ཁོ་ན་ཡིན་གྱི་གྲོལ་བ་མ་ཡིན་ནོ། །སྐྱེས་བུ་ཉིད་ནི་འདི་དག་ཐམས་ཅད་ལ་དེ་ལྟར་ལྟ་བ་བདག་གི་བ་མེད་ཅིང་དེ་ལ་ཆགས་པ་ཡང་རྩོམ་པ་མེད་པ་མ་ཡིན་ནམ། དེའི་ཕྱིར་ཇི་ལྟར་བདག་ཏུ་ལྟ་བ་ཅན་གྲོལ་བ་མ་ཡིན ་བར་བརྗེད་སྙམ་དུ་སེམས་པ་ནི། ཇི་སྟེ་འགྱུར་ན་ཡང་ཞེས་བྱ་བའོ། །གལ་ཏེ་ཟ་བ་པོ་མ་ཡིན་ན་ཡང་དེ་ལས་ཅིར་འགྱུར་ཞེ་ན། བདག་ཀྱང་མེད་ཅེས་བྱ་བ་སྟེ། བྱ་བ་ལ་སོགས་པའི་ངོ་བོ་དང་བྲལ་བའི་ཡོད་པ་ཙམ་ནི་ནམ་མཁའ་བཞིན ་དུ་བདག་གི་ངོ་བོར་མི་འགྱུར་བའི་དོན་ཏོ། །རིག་པ་ཡང་གཞན་ཡིན་ལ་རིག་པར་བྱ་བ་ནི་བདག་ཡིན་ན་ཞེས་ལྟ་བ་འདི་ལ་གཟུང་བ་ཐམས་ཅད་ཀྱང་རིག་པར་ཐལ་བར་འགྱུར་པས། ཁྱད་པར་མེད་པའི་ཕྱིར་རོ་ཞེས་པ་བསྟན་པ་ནི། ཐམས ་ཅད་རིག་པར་ཐལ་ལོ་ཞེས་བྱ་བའོ། །རིག་པར་བྱ་བ་མེད་པར་ཁྱད་པར་མེད་པའི་ཕྱིར་བདག་ཀྱང་ཞེས་བྱ་བའོ། །འཛིན་པར་བྱེད་པ་མ་ཡིན་ལ་གཟུང་བར་བྱ་བ་ཡང་མ་ཡིན་ཞེས་བྱ་བར་ཁས་ལེན་ན་ཡང་སོ་སོར་སྣང་བ་གསལ་བར་འགྱུར ་བ་མ་ཡིན་ཏེ། མངོན་སུམ་དང་འགལ་བའི་ཕྱིར་རོ། །དེ་ཕྱིར་སྣང་བ་ནི་གཉིས་སུ་མེད་པ་ཡིན་གྱི་མེད་པའི་གཉིས་སུ་མེད་པ་ཡིན་ནོ་ཞེས་བསྟན་པ་ནི། དེའི་ཚེ་སྣ་ཚོགས་གཉིས་མེད་པ་ཞེས་བྱ་བའོ། །སོ་སོར་སྣང་བ་བཅོམ་ཉིད་རྟག་པའི་ཕྱིར་བདག་གཉིས་སུ ་མེད་པ་མ་ཡིན་ཏེ། ཉེ་བའི་རང་རིག་པ་ལ་རྟག་པ་མི་རིགས་པའི་ཕྱིར་རོ་ཞེས་བསྟན་པ་ནི། བདག་ཅེས་བྱ་བ་ཡོད་པར་མི་འགྱུར་ཏེ་ཞེས་བྱ་བའོ། །མངོན་སུམ་གྱིས་སོ་ཞེས་བྱ་བ་ནི་རང་རིག་པས་སོ། །གལ་ཏེ་བདག་མེད་པ་བདག་དང་བདག་གི་ཞེས ་བྱ་པའི་འཇིག་རྟེན་ལ་ཇི་ལྟར་གནོད་པ་མེད་པའི་ཤེས་པ་ཡིན་ཞེ་ན། དེ་ཕྱིར་གྲོལ་འདོད་ཅེས་བྱ་བ་སྟེ། གང་གི་ཕྱིར་བདག་ཏུ་ལྟ་བ་ཅན་གྲོལ་བ་མ་ཡིན་པ་དེའི་ཕྱིར། ཐོག་མ་མེད་པའི་རྒྱུད་དེ་རྒྱུན་གང་གི་ཡིན་པ་དེ་ལ་ཐོག་མ་མེད་པའོ།། ་རྒྱུད་ཀྱང་དེ་ཡིན་ལ་རིགས་མཐུན་པ་ཡང་དེ་ཡིན་ནོ། །དེ་གང་གི་ས་བོན་ཡིན་པ་ནི་སེམས་ཅན་དུ་ལྟ་བའི་འོ་ཞེས་བྱ་བ་འདིས་ཡུལ་མེད་པ་ལ་ཡང་ཁྱད་པར་ཅན་གྱི་ས་བོན་ཡིན་པ་ཡོད་པར་བསྟན་པ་ཡིན་ནོ། །བདག་མེད་པ་བསྒོམ་པ ་ལ་ནི་གཞན་གྱི་བག་ཆགས་ཅན་གྱི་རྒྱུད་ལ་དེའི་བག་ཆགས་འགལ་བའི་ཕྱིར་བདག་ཏུ་བྱེད་པ་འགག་པ་ཡིན་པར་བསྟན་པ་ནི། རྩ་བ་ཉིད་ནས་དབྱུང་བར་གྱིས་ཞེས་བྱ་བའོ། །བདག་གཤེས་པ་ནི་བྱང་གྲེལ་སྒྲུབ་པར་བྱེད་པ་ལུང་ལས་རྟོགས་པ ་མ་ཡིན་ནམ། མངོན་སུམ་གྱིས་གནོད་པ་མ་ཡིན་ཏེ། ཡུལ་ཉེ་བ་མ་ཡིན་པའི་ཕྱིར་རོ། །ལུང་ཡང་སྐྱེས་བུས་བྱས་པ་ནི་དོན་ལ་མི་འཁྲུལ་བས་ཚད་མ་ཡིན་ཏེ། ཡིད་ཆེས་པས་བསྟན་པའི་ཕྱིར་སྔགས་དང་ཚེའི་རིག་པ་ལྟ་བུའོ། །དེ་ལྟར་ཡང ་དབང་བ་ལས་འདས་པ་ཞེས་བྱ་བ་ལ་སོགས་པ་སྨྲ་བའོ། །སྐྱེས་བུས་བྱས་པ་ཡང་རྒྱུའི་སྐྱོན་མེད་པ་འདི་གྱིས་འཁྲུལ་པ་མེད་པ་གྲུབ་པ་ཡིན་པར་བསྟན་པ་ནི། སྐྱེས་བུས་མ་བྱས་པ་ཡང་ཞེས་བྱ་བའོ། །བདག་ཡོད་པ་ཉིད་དུ་བདག་ཏུ་ཤེས་པ་ཡིན ་ལ་བདག་ཏུ་ཤེས་པ་དེ་ཡང་ཐབས་ལས་བྱུང་བ་ཉིད་ཀྱིས་ཐར་པ་ནི་འབྲེལ་པ་ཅན་དུ་འགྱུར་རོ། །དབང་བསྐུར་བ་ལ་སོགས་པའི་ཆོ་གས་དབྱུག་པ་གསུམ་འཛིན་པ་དང་ཞི་བ་པའི་འདུས་བྱས་པའི་ལུང་མི་དེ་ལྟའི་དངོས་པོ་ནི་དོན་ལ་མ་འཁྲུལ་པ ་ཡིན་ལ། དེ་ལ་རྒྱུ་ནི་མངོན་སུམ་ལ་རང་གི་ངོ་བོའི་སྣང་བ་དང། རྗེས་སུ་དཔག་པ་ལ་འབྲེལ་པ་རྟོགས་པའོ། །འདི་ལ་ནི་དེ་གཉི་ག་མེད་དེ། །རབ་རིབ་ཅན་གྱི་ཤེས་པ་སྐྱེས་བུས་མ་བྱས་པ་ཡང་ཚད་མ་མ་ཡིན། གནོད་པ་ཅན་མ་དམིགས་པ་ནི ་རུང་བ་མ་ཡིན་པའི་ཕྱིར་རོ། །ཡིད་ཆེས་པས་བསྟན་པ་ཡང་མ་ཡིན་ཏེ། སྔགས་དང་ཚེའི་རིག་པ་སྨྲ་བ་པོས་བྱས་པ་ཉིད་ལ་ཚད་མ་མེད་པའི་ཕྱིར་ལ་དེ་དང་འདྲ་བ་གཞན་གྱིས་བྱས་པ་ཡིན་ཞེས་བྱ་བ་ལ་ཡང་ཚད་མ་མེད་ལ། ཚད་མ་མེད ་པ་ཉིད་ལ་རྒྱུ་མཚན་ནི་དོན་དང་འབྲེལ་བ་མེད་པ་ཁོ་ན་ཡིན་པར་དགོངས་པའོ། །བདག་མེད་པར་ལྟ་བ་དང་འདོད་ཆགས་ལ་སོགས་པ་འགལ་བ་བཞིན་དུ་དབང་བསྐུར་བའི་ཆོ་ག་དང། སྐྱེས་བུའི་ས་བོན་ལ་སོགས་འགའ་ཡང་སྣང་བ་མ་ཡིན་སྙམ་དུ ་སེམས་པ་ལ་བསྟན་པ་ནི། ནུས་མིན་ནི་ནུས་པ་མེད་པའོ། །ས་བོན་ལ་སོགས་གྲུབ་ཚིག་ནི་མི་སྐྱེ་བའི་ཆོས་ཉིད་དོ། །གང་གི་ཆེད་དུ་ཞེ་ན། སྐྱེས་བུ་རྣམས་མི་སྐྱེད་པ་སྟེ་གྲོལ་བ་སྒྲུབ་བྱེད་མ་ཡིན་པར་མངོན་པར་འདོད ་པ་རྣམས་ཏིལ་མར་བསྐུས་པ་ལ་སོགས་པ་རྣམས་ཀྱི་ས་བོན་ལ་སོགས་པ་ལ་མི་སྐྱེད་པའི་ཆོས་ཉིད་མཐོང་བའི་ཕྱིར་རོ། །སྐྱེད་པ་དང་འགལ་བ་ཅན་རྣམས་ཏིལ་མར་བསྐུས་བ་ལ་སོགས་པ་ལ་སྐྱེ་བ་ལ་འགལ་བ་མེད་པའི་ཕྱིར་དབང ་བསྐུར་བ་ལ་སོགས་པའི་ཆོ་ག་ལ་ཡང་དེ་ཁོ་ན་བཞིན་དུ་སྐྱེ་བ་དང་འགལ་བ་མ་ཡིན་དུ་ཟིན་ཀྱང་ལས་དང་འགལ་བ་ཉིད་དུ་འགྱུར་པ་ཁོ་ན་ནོ། །ཆོས་དང་ཆོས་མིན་ཟད་བྱེད་པ། དབང་ཕྱུག་ཆེན་པོའི་དབང་བསྐུར་སོགས་པས་ཞེས་བྱ་བའོ། །འདི ་ལྟར་སྐྱེས་བུ་ལྕི་བ་དེ་ཡང་དབང་བསྐུར་བའི་དེ་མ་ཐག་ཏུ་ཡང་བར་འགྱུར་རོ་སྙམ་དུ་སེམས་པ་ལ་བསྟན་པ་ནི། སྔར་ལྕི་བ་དབང་བསྐུར་བས་ཕྱིས་ཡང་བ་ཡིན་པའི་ཕྱིར་སྡིག་པ་འཕྲོག་པ་ཡིན་ཏེ། སྡིག་པ་ལྕི་བའི་ཕྱིར་རོ་ཞེས་རྒོལ་བ་ཡིན་ནོ། །དབང་བསྐུར་བས ་ལྕི་བ་ཉིད་བསལ་བ་ཡིན་ཏེ། དེ་ཡོད་ན་མེད་པས་འགལ་བ་རྟོགས་པའི་ཕྱིར་བརྐམ་ཆགས་ལ་སོགས་པ་དང་དེའི་འདུ་བྱེད་པའི་སྡིག་པ་ཡང་ལྕི་བ་ཡིན་ཏེ། ལུས་ཅན་མ་ཡིན་པའི་ཕྱིར་རོ། །ཡང་ན་དབང་བསྐུར་ནི་ཡང་བསྐྱེད་པར་བྱེད་པ་ཡིན་ལ། དེ་ཡང་ལྕི་བ ་སྤངས་པ་ཡིན་པའི་ཕྱིར་དེ་དང་འགལ་བ་ཡིན་གྱི་སྡིག་པ་དང་མ་ཡིན་པར་བསྟན་པ་ནི། ལྕི་བ་དང་འགལ་བའི་དང་བ་ཞེས་བྱ་བའོ། །ཡང་བ་ནི་འབྲས་བུ་འགལ་བ་དང། ཁྱབ་པར་བྱེད་པ་འགལ་བ་ཡིན་ནོ་སྙམ་དུ་སེམས་པ་ནི་སྡིག་པ་ཉིད་ཀྱིས་ཞེས་བྱ ་བའོ། །འགལ་བ་ཁས་བླངས་ཀྱང་བསྟན་པ་ནི། གཞན་ཡང་ཞེས་བྱ་བ་སྟེ། ལྕི་བ་ནི་སྡིག་པའི་འབྲས་བུ་མ་ཡིན་ཏེ། མངོན་སུམ་དང་མི་དམིགས་པ་མེད་པའི་ཕྱིར་རོ་ཞེས་དགོངས་པའོ། །མི་སྐྱེ་བའི་ཆོས་ཅན་གྱི་ཡང་དབང་བསྐུར་གྱི་ཆོ་ག་དང་སྐྱེ་བ་འགལ་བ་མ་ཡིན་ནོ། །གང་དང ་འགལ་བ་ཡིན་སྙམ་དུ་སེམས་པ་ལ་རྒྱུ་དང་འགལ་བས་འགལ་བ་ཡིན་པར་བསྟན་པ་ནི། ལོག་ཤེས་ཏེ་ཚོགས་པའི་སྙིང་པོ་ཅན་གྱི་བདག་ཏུ་འཛིན་པ་ཡིན་ལ། དེ་ལས་བྱུང་བའི་སྲེད་པ་དེ་ཉིད་སེམས་པ་ཡིན་ལ། དེའི་ནུས་པ་དེ་ཉིད་དམན་པའི་གནས་ཀྱི་འགྲོ་བ ་ནི་མངལ་ལ་སོགས་པར་ཐོབ་པའི་ངོ་བོའི་སྐྱེ་བར་འགྱུར་བའོ། །དེའི་རྒྱུ་ལོག་པའི་ཤེས་པ་དེས་ནི་སྟེ། འགལ་པ་ཅན་གྱི་བདག་མེད་བར་ལྷ་བ་བཅད་པ་ཡིན་ན་སྐྱེ་བ་མེད་པ་ཡིན་ནོ། །དབང་བསྐུར་བ་ལ་སོགས་པའི་ཆོ་ག་ནི་དེ་དང་འགལ་བ་ཅན་མ་ཡིན་པར ་ཞེས་དགོངས་པའོ། །འགྲེལ་བ་མཛད་པས་བཤད་པ་ནི་གསལ་བ་ཁོ་ན་ཡིན་ནོ། །དབང་བསྐུར་བ་ལ་སོགས་པ་དང་བྲལ་བ་འབྱུང་བ་ཆེན་པོ་རྣམས་སྐྱེ་བའི་རྒྱུ་ཡིན་ལ་དབང་བསྐུར་བ་ལ་སོགས་པའི་ཚོགས་སེལ་བར་བྱེད་པ་མ་ཡིན་ནམ་ཞེ་ན། བསྟན་པ་ནི་དེ་དག་ཉིད ་ནི་ལོག་པའི་ཤེས་པའི་སྲེད་པ་དང་སེམས་པ་དག་ཉིད་ཀྱི་སྐྱེ་བ་ལ་ནུས་པ་ཡིན་ནོ། །གང་གི་ཕྱིར་བདག་ཏུ་མངོན་པར་ཞེན་ནས་འདོད་ཆགས་ལས་སམ་ཞེ་སྡང་ལ་སོགས་པའི་ཤེས་པ་རྩོམ་པར་བྱེད། དམན་པའི་གནས་ལ་སོགས་པ་ཐོབ་པར་བྱེད་པ་ཡིན་གྱི་དབང་བསྐུར ་ལས་བཟློག་པ་མ་ཡིན་ལ། དབང་བསྐུར་དང་ལོག་པའི་ཤེས་པ་ཉིད་འགལ་བ་ཡང་མ་ཡིན་ནོ། །ལོག་པའི་ཤེས་པའི་སྲེད་པ་དང་སེམས་པ་དག་སྐྱེ་བའི་རྒྱུ་ཡིན་པར་མི་རིགས་ཏེ། ལས་རྒྱུ་ཡིན་པའི་ཕྱིར། ལས་ལས་འཇིག་རྟེན་སྣ་ཚོགས་སྐྱེས་ཞེས་བྱ་བ་ཡིན་ནོ་སྙམ་དུ ་སེམས་པ་ལ་སེམས་པ་དེ་དག་ཅེས་བྱ་བ་སྟེ། སེམས་པའི་ལས་དང་བསམ་པའི་ལས་ཞེས་དགོངས་པའོ། །ཉམས་པ་མེད་པ་སྟེ་མ་ཚང་བ་མེད་པའི་མ་རིག་པ་དང། སྲེད་པ་དང། ལས་ཀྱང་ཞེས་བྱ་བ་གསུམ་པོ་གཉིས་ཙམ་ལས་བྱུང་བའི་ཕྱིར་སྲེད་པའི་དབང ་ཉིད་ཀྱིས་ཤེས་བྱ་བ་ནི་སྲེད་པའི་ནུས་པའོ། །སྐྱེ་བ་སྔ་མ་ལ་བྱས་པའི་སྦྱིན་པ་ལ་སོགས་པ་ཡང་ལས་ཉིད་མ་ཡིན་ནམ་སྙམ་དུ་སེམས་པ་ལ་དེ་ཡང་རང་གི་འདུ་བྱེད་པ་ལ་རག་ལས་པ་ཡིན་ལ། འདི་ཉིད་ཀྱིས་ཀྱང་འདི་དག་གིས་རྒྱུ་ཡིན་གྱི་སྐྱེ་འམ་དངོས་ཀྱི་རྒྱུ་མ་ཡིན ་བར་བསྟན་པ་ནི། སྔར་གྱི་སེམས་པའི་ཞེས་བྱ་བ་ལ་སོགས་པའོ། །སྐྱེ་བ་གཞན་ལས་བྱུང་བར་འདོད་པ་ནི་བྱེད་པར་འདོད་པའི་ངང་ཚུལ་འདི་དག་ཡིན་པའི་ཕྱིར་སྐྱེ་བ་གཞན་ལ་བྱུང་བའོ། །ལས་ནི་དངོས་སུ་ཞེས་བྱ་བ་ནི་བྱེད་པ་འམ། བྱེད་པ ་ཡང་སྟེ་འདིས་ཡིན་པའི་ཕྱིར་སྔ་མ་དག་ནི་སྦྱིན་པ་ལ་སོགས་པའོ། །དེའི་རྒྱུ་ཡིན་པ་ཞེས་བྱ་བ་ནི་རྒྱུའི་རྒྱུ་ཡིན་པའི་ཕྱིར་རོ། །ལོག་པའི་ཤེས་པའི་སྲེད་པ་དང་སེམས་པའི་དབང་གིས་འགྲོ་བ་ཡིན་པར་མི་རིག་པ་མ་ཡིན་ནམ། འགྲོ་བ་ནི་བགྲོད་པར ་བྱ་བ་རྟོགས་པ་སྔོན་དུ་འགྲོ་བ་ཡིན་པའི་ཕྱིར་ལ། རྟོགས་པ་འང?་བྱེད་པ་སྔོན་དུ་འགྲོ་བ་ཅན་ཡིན་པའི་ཕྱིར་རོ། །ཡང་ན་འགྲོས་པ་ནི་བགྲོད་པར་བྱ་བར་རོ། །བྱེད་པ་ནི་ལས་ཀྱི་དབང་པོ་རྣམས་སོ། །རྟོགས་པའི་རྟེན་ནི་སྒྲ་ལ་སོགས་པ་ལ་དམིགས་པ་ལ་ཏེ་ལོངས་སྤྱོད་ལ་བློ་དང་དབང ་བོ་དེ་མ་ཐག་ཡིན་པའི་ཕྱིར་བྱེད་པ་རྣམས་ཉིད་ནི་སེམས་པ་དག་གིའོ་ཞེས་ཟེར་བ་ནི། དེ་ནི་མ་མཐོང་བ་ལས་ཏེ་དེ་ལས་གཞན་དུ་མི་འཐད་པར་རྟོགས་པ་ལས་སོ། །སེམས་པ་དེ་ཉིད་མ་མཐོང་བ་མ་ཡིན་ཏེ། ཁྱད་པར་ལ་ཚད་མ་མེད་པའི་ཕྱིར་རོ། །བསྟན་བཅོས ་ཀྱི་རྗེས་སུ་འཇུག་པས་ཀྱང་ཁྱད་པར་གྱི་སེམས་ཡིན་ན་བདག་ཅག་གི་འདོད་པའི་རྗེས་སུ་འབྲང་བ་ཡིན་ན་སེམས་པ་དེ་དག་ནི་མ་ཡིན་ཏེ། འོན་ཀྱང་དགེ་བ་བཅུ་རྣམས་ཀྱང་བཅུ་ཁོ་ན་ཡིན་ནོ་ཞེས་ཟེར་བ་ནི། རྣམ་པ་བཅུ་གཉིས་དོ་ཞེས་བྱ་བ་སྟེ། མ་མཐོང་བ ་དེ་ཡང་དབང་བསྐུར་བ་ལ་སོགས་པ་འགལ་བའི་ཆོ་གས་ཞིག་པའི་ཕྱིར་ཐར་པ་ཡིན་ནོ། །འགལ་བར་ཡང་ཁྱད་པར་ཅན་ཡི་ལུང་ལས་གྲུབ་པ་ཡིན་ནོ། །དེ་ཁས་མི་ལེན་ན་སེམས་པ་དེ་དག་ཀྱང་མི་འགྲུབ་བོ་ཞེས་ཟེར་བ་ནི། མ་མཐོང་ཞིག་ཕྱིར་ཞེས་བྱ ་བའོ། །མ་མཐོང་བ་དེ་འདུ་བྱེད་པ་ལས་ཐོག་མ་མེད་པའི་བྱེད་པས་བསྐྱེད་པའི་བདག་གི་ཆོས་ཡིན་ཞེས་བྱ་བ་དེ་བཞིན་དུ་གཞན་དུ་ཡང་སྣ་ཚོགས་པར་འགྱུར་ན། འདི་སེམས་པའི་ངོ་བོ་ཉིད་དུ་འཕགས་པ་ཞེས་བྱ་བའི་དོན་ཏོ། །འདི་ལ་ལ་ནི། ཡོད་དང ་མེད་པའི་ཞེས་བྱ་བ་སྟེ། བྱེད་པ་བསྐྱེད་པ་ལ་ཡིད་ཀྱི་བློ་ཁོ་ནའི་ནུས་པ་མཐོང་བ་ཡིན་ནོ། །དབང་རྣམས་རེ་རེ་ལ་གནོད་ཀྱང། །ཡིད་བློ་ལ་གནོད་ཡོད་མ་ཡིན། །འདི་འགྱུར་ན་ནི་འདི་དག་ཀྱང། །འགྱུར་བ་དག་ཏུ་མཐོང་བ་ཡིན། ཞེས་བྱ་བའི་རིགས་པ་ནི། ཡོད་དང ་མེད་པའི་རྗེས་འཇུག་ཕྱིར་ཞེས་བྱ་བ་འདིས་བསྟན་པ་ཡིན་ནོ། །མཐོང་བ་ཡིན་ན་ཤུགས་ཀྱིས་མ་མཐོང་བ་ཡིན་པར་བསྟན་པ་ནི། གཞན་གྱི་མ་ཡིན་ཞེས་བྱ་བ་སྟེ། ལུང་གི་སྟོབས་ཀྱིས་ཁྱད་པར་རྟོག་པ་མ་ཡིན་ཞེས་པའི་དོན་ཏོ། །དེ་དག་ནི་བྱེད ་པ་རྣམས་ཏེ་དབང་བསྐུར་བ་ལ་ཡང་བློ་ཡོད་པའི་ཕྱིར་རོ། །ཡོད་པ་ནི་རྒྱུན་གྱིས་འཇུག་པའོ། །ཅེས་མི་འགྲོ་བ་ནི་མངལ་གྱི་གནས་སུ་ཅིས་མི་འགྲོ་བ་འམ་ཅིས་མ་རྟོགས་པའོ། །བློའི་བསྐྱེད་བྱའི་བྱེད་པ་རྣམས་ཡིན་པར་ནི་བདེན་མོད་ཀྱི་མ་མཐོང་བ ་དེའི་ལྷན་ཅིག་བྱེད་པ་ནི་དབང་བསྐུར་གྱི་གནོད་པ་དེའི་ཕྱིར་དེ་དེ་རྣམས་ལྷན་ཅིག་བྱེད་པ་མ་ཚང་བའི་ཕྱིར་སྐྱེ་བ་གཞན་དུ་སྐྱེད་པར་བྱེད་པ་མ་ཡིན་ནོ་སྙམ་དུ་སེམས་པ་ལ། འཛིན་པ་ནི་འཇུག་པ་ལ་འཛིན་པའོ། །འཛུད་པ་ནི་མི་འཇུག་པའི་འོ། །འཁྲུགས ་པ་ནི་རྣམ་པར་འགྱུར་བ་ཉིད་དོ། །འགག་པ་ནི་ཞིག་པའོ། །དེ་དག་ནི་བྱེད་པ་རྣམས་སོ། །སེམས་པའི་དབང་གིས་ནི་བློའི་དབང་གིས་ཏེ། མེད་པར་འགྱུར་བ་དང་སྦྱར་རོ། །གང་གི་ཚེ་ཞེ་ན། དབང་སོགས་བྱས་མ་ཐག་པ་ཁོ་ནའོ། །མ་མཐོང་བས་ལྷན ་ཅིག་བྱེད་པའི་རྒྱུ་ལ་གནོད་པ་བྱེད་པ་ཡིན་ཞིང་བློ་ལ་ནུས་པ་མེད་ན་སྐྱེ་བ་གཞན་བཞིན་དུ་མི་འགྱུར་རོ། །བློ་ཉམས་པས་ན་ཞེས་བྱ་བ་ནི་མ་མཐོང་བའི་ལྷན་ཅིག་བྱེད་པའི་གནོད་པ་སྟེ་འདི་ཡང་རྒྱུ་ཉིད་ལ་ལོག་པར་རྟོག་པ་མེད་པའི་ཕྱིར། བློ་ཙམ ་ཡོད་ཀྱང་བྱེད་པ་པོ་རྣམས་ལ་ཁྱད་པར་མེད་པར་ཐལ་བར་འགྱུར་རོ་ཞེས་དགོངས་པའོ། །ཞེང་དང། ཆུ་དང། ས་བོན་གྱི་འདུས་པ་བཞིན་དུ་ཡོངས་སུ་གྱུར་པའི་བྱེ་བྲག་ལ་བལྟོས་ནས་དབང་བསྐུར་བ་དང་བློ་དང་མ་མཐོང་བའི་ཕུང་པོ་ལ་ཉེ་བར་གནོད་པ་ཡིན་ན། ་འབྲས་བུ་མ་ཡིན་ནོ་སྙམ་དུ་སེམས་པ་ནི། ཤི་མ་ཐག་ཏུ་ཞེས་བྱ་བའོ། །ཡོངས་སུ་གྱུར་པ་ལ་བལྟོས་པའི་རྒྱུ་ཡང་ཟླ་བ་བྱེད་པ་དང་ཟླ་བ་དང་ལོ་ལ་སོགས་པ་ལ་བལྟོས་པ་མ་ཡིན་ནོ་ཞེས་བསྟན་པ་ནི། གལ་ཏེ་དེ་ཉིད་ཅེས་བྱ་བའོ། །མ ་མཐོང་བས་བསྐྱེད་པའི་ལུས་དང་དབང་པོ་དང་རིག་པ་ལ་སོགས་པ་ནི་ཇི་སྲིད་དུ་ཡོད་ལ། དེ་མེད་ན་མེད་པ་མ་ཡིན་ནམ། དེའི་ཕྱིར་ལུས་དང་དབང་པོ་ལ་སོགས་པ་ཁོ་ན་བཞིན་དུ་བློ་མཚམས་སྦྱོར་བ་ཅན་མ་ཡིན་ནོ་སྙམ་དུ་སེམས་པ་ནི། འོན་ཏེ་དེ་ལྟ ་ན་ནི་བློ་ཞེས་བྱ་བའོ། །སྔ་མ་ནི་བློའི་བསྐྱེད་བྱ་དེ་མེད་ན་མི་འབྱུང་ངོ་ཞེས་སེམས་པ་ཡིན་ལ། ད་ལྟར་ནི་མ་མཐོང་བའི་བསྐྱེད་བྱ་དེ་མེད་པས་མི་འབྱུང་བ་ཡིན་ནོ་སྙམ་དུ་སེམས་པ་ཡིན་ཞེས་བྱ་བ་ནི་ཁྱད་པར་རོ། །མི་འགྱུར་ཞེས་བྱ་བ་ནི་བྱེད་པ་རྣམས་སུ ་མི་འགྱུར་བའི་ཕྱིར་གྲོལ་བ་ཡིན་ནོ། །འདི་ལ་ཡང་ལན་དུ་དྲི་མ་རྣམས་ཀྱི་སྟེ། བདག་ཏུ་འཛིན་པའི་ཆགས་པ་ལ་སོགས་པ་མཚམས་སྦྱོར་བའི་རྒྱུ་རྣམས་དང། མ་མཐོང་བ་གཞན་གྱིས་ཀྱང་བློ་མཚམས་སྦྱོར་བར་བྱེད་པ་ཁོ་ན་ཡིན་ནོ། །དེ་རྣམས་ཏེ ་དྲི་མ་རྣམས་སྔགས་དང་རྒྱུད་ལ་སོགས་པ་འམ་དབང་བསྐུར་བས་ཉེ་བར་གནོད་པའི་ཕྱིར་ནུས་པ་མེད་པ་ཡིན་ན་འཚོ་བའི་གནས་སྐབས་ཉིད་ན་ཡང་ནུས་པ་མེད་པར་འགྱུར་བར་བསྟན་པ་ནི། དེ་རྣམས་ཞེས་བྱ་བའོ། །དབང་བསྐུར་བ་ཡིན ་ཡང་དྲི་མ་རྣམས་ཀྱིས་མཚམས་སྦྱོར་བར་མཐོང་བ་ཡིན་ནོ། །དེ་ལྟ་ན་དྲི་མ་རྣམས་ཉིད་མ་མཐོང་བས་སམ་འབྱུང་བ་ཡོངས་སུ་གྱུར་པའི་ཁྱད་པར་ལས་འབྱུང་བ་ནི་ཤི་བ་ཡིན་ན་སླར་མི་འབྱུང་བ་ཡིན་ཏེ། མ་མཐོང་བ་མེད་པའི་ཕྱིར་རོ་སྙམ་དུ་སེམས ་པ་ལ། འགྲིབ་པ་ནི་གཉེན་པོའོ། འཕེལ་བ་ནི་རང་གི་ཕྱོགས་སོ། །འཕེལ་ན་ནི་སྐྱོན་རྣམས་སོ། །དེ་ལས་ཅིར་འགྱུར་ཞེ་ན། ཉེས་རྒྱུན་རང་གིས་ས་བོན་ཅན་ནི་རིགས་མཐུན་པ་སྔོན་དུ་འགྲོ་བ་ཅན་ཡིན་གྱི་མཐོང་བའི་འབྱུང་བ་ཆེན་པོ་ལ་སོགས་པ་ཙམ? ་ལྡོན་དུ་འགྲོ་བ་ཅན་མ་ཡིན་ལ། དབང་བསྐུར་བ་ལ་ཡང་ལྡོག་པ་མེད་པ་?་བ་ཉེན་པོ་འཕེལ་ན་སྐྱོན་རྣམས་འགྲིབ་པར་རང་གི་ཕྱོགས་རྒྱས་ཏེ། འཕེལ་བའི་ཕྱིར་རང་གི་ས་བོན་གྱི་རྒྱུ་ཅན་ཡིན་ཞེས་བྱ་བ་ནི་འགྲེལ་མཛད་པའི་སྟེ། ཚུལ་བཞིན་མ་ཡིན་པ་ཡིད་ལ་བྱེད་པ་འཕེལ ་ན་ཞེས་བྱལ?་དང་སྦྱར་རོ། །དབང་བསྐུར་བ་ལ་སོགས་པའི་ཆོ་གས་ཐར་པ་ཡིན་དུ་ཟིན་ཀྱང་བདག་ནི་མ་ཡིན་ཏེ། རྟག་པ་ཉིད་ཀྱིས་འཁོར་བ་ལ་སོགས་པའི་འབྲས་བུའི་རིམ་པ་མི་རིགས་སོ་ཞེས་བསྟན་པ་ནི། རྟག་པ་བལྟོས་པ་མེད་པའི་ཕྱིར་ཞེས་བྱ་བ ་སྟེ། བལྟོས་པ་མེད་པ་ནི་འབྲས་བུ་གཅིག་བསྐྱེད་པར་བྱེད་པའི་དུས་ཉིད་ན་འབྲས་བུ་གཞན་སྐྱེད་པར་རུང་བ་ཉིད་ཀྱང་ཡོད་པའི་ཕྱིར་རིམ་གྱིས་བསྐྱེད་པ་འབའ་ཞིག་དག་ནི་འགལ་བ་མ་ཡིན་གྱི་བྱེད་པ་དང་ཡང་འགལ་བ་ཡིན་ནོ་ཞེས་བྱ་བར་སྦྱར་རོ།། ་གང་གི་ཞེ་ན། འདྲ་བའི་བདག་ཉིད་དོ། །གང་ན་ཞེ་ན། མི་བྱེད་པ་དག་ཅེས་བྱ་བ་སྟེ། མི་བྱེད་པའི་ངོ་བོ་ནི་བྱེད་པའི་དུས་སུ་ཡང་ཡིན་ལ། དེས་ན་མི་བྱེད་པ་ཁོ་ནར་རིགས་པ་ཡིན་ནོ་ཞེས་དགོངས་པའོ། །དོན་འདི་བསྟན་པར་འདོད་ནས་རྟག་པའི ་ཕྱོགས་སློང་བར་བྱེད་པ་ནི། གལ་ཏེ་བདག་མེད་པ་མཐོང་ངོ་ཞེས་བྱ་བ་ལ་སོགས་པའོ། །བཅིངས་པ་དང་ཐར་བདག་ལ་གཞན་ཉིད་དུ་རྒོལ་བ་ཁས་ལེན་པ་ནི། དག་པ་གང་ཡིན་ཞེས་བྱ་བའོ། །ཐ་སྙད་དུ་གཅིག་པ་ཉིད་དུ་བསྟན་པ་ནི། དེ་ལྟ་ཡིན་ན་ཅེས ་བྱ་བའོ། །ལོངས་སྤྱོད་པའི་དུས་ན་ཡོད་ན་པ་ཁོ་ན་བྱེད་པོའི་དུས་ཉིད་ཟ་བ་པོ་ཉིད་དུ་འགལ་བ་ཡིན་པར་བསྟན་པ་ནི། རྒྱུ་དང་འབྲས་བུ་ཞེས་བྱ་བའོ། །བྱེད་པ་དང་ལོངས་སྤྱོད་པ་དག་ཀྱང་བདག་དེ་ལས་ཐ་དད་པ་ཡིན་ཡང་དེ་དང་འབྲེལ་བའི་ཕྱིར་བྱེད་པ་པོ ་དང་ཟ་བ་པོར་ཡང་འགྱུར་ཞེས་ཟེར་བ་ལ། དེ་དག་ལས་ཐ་དད་ན་ཞེས་བྱ་བ་སྨོས་ཏེ། ཐ་དད་པ་ནི་དབྱེ་བ་སྟེ་དེའི་བདག་ཉིད་མེད་པའི་ཕྱིར་བྱེད་པ་པོ་དང། ཟ་བ་པོ་མ་ཡིན་ཏེ། དེའི་རང་བཞིན་མ་ཡིན་པ་ལ་ཡང་དེ་ལྟར་མ་རྟོགས་པའི ་ཕྱིར་རོ། །འོན་ཏེ་དེ་དག་བྱེད་པའི་ཕྱིར་དེ་ལྟ་བུ་ཉིད་ཡིན་ནོ་ཞེ་ན། ནུས་པ་ཡང་ཞེས་བྱ་བའོ། །བྱེད་པ་པོ་ཉིད་ཡིན་ན་རིན་གྱིས་བསྐྱེད་པ་མ་ཡིན་ཏེ། སྡོད་པར་མི་རིག་པའི་ཕྱིར་རོ། །བྱེད་པ་པོ་ཉིད་མ་ཡིན་ན་ཡང་བྱེད་པ་པོ་མ་ཡིན་ནོ ་ཞེས་བཀག་པའི་ཕྱིར་ནུས་པ་གྲུབ་པ་ཡིན་ནོ། །གཞན་གྱིས་ཉམས་སུ་མྱོང་བ་གཞན་གྱིས་མི་དྲན་པ་མ་ཡིན་ནམ། །མི་མཐུན་པའི་ཕྱོགས་ལས་ལྡོག་པ་གཅིག་པ་ཉིད་ཀྱིས་ཁྱབ་པའི་དྲན་པ་ནི་གཅིག་ཉིད་དུ་རྟོགས་པར་བྱེད་པ་ཡིན་ནོ། །དེ ་བཞིན་དུ་གཞན་གྱིས་བྱས་པ་གཞན་ཟ་བ་མ་ཡིན་ཏེ། བྱ་པ་འཇིག་ཅིང་མ་བྱས་པ་འོངས་པར་ཐལ་བར་འགྱུར་བའི་ཕྱིར་བྱེད་པ་པོ་ཉིད་ལོངས་སྤྱོད་པར་གྲུབ་པོ། །དབུགས་ལ་སོགས་པ་ཡང་བདག་མེད་པ་བུམ་པ་ལ་སོགས་པ ་གང་མེད་པས་མེད་པ་ཡིན་ཞིང། ཡོད་ན་ཡང་རྟོགས་པར་བྱེད་པ་ཡིན་ཨ། མི་མཐུན་པའི་ཕྱོགས་ལས་ལྡོག་པ་ལ་མཐུན་པའི་ཕྱོགས་མེད་པའི་ཕྱིར་དེ་ལས་ནི་མ་ཡིན་ནོ། །དེའི་ཕྱིར་རྗེས་སུ་འགྲོ་བ་ལ་མ་འཁྲུལ་བཞིན་དུ་ལྡོག ་པ་ལ་མ་འཁྲུལ་བར་ཡང་གོ་བར་བྱེད་པ་ཡིན་ལ། ཐོས་པ་ཉིད་ནི་ལྡོག་པ་ལ་མི་འཁྲུལ་པ་མ་ཡིན་ཏེ། མཐུན་པའི་ཕྱོགས་ལ་ཡང་མེད་པའི་ཕྱིར་རོ། །འདུས་པ་ཅན་མལ་ཆ་དང་སྟན་ལ་སོགས་པ་གཞན་གྱི་དོན་དུ་མཐོང་བ་ཡིན་ལ། ་མིག་ལ་སོགས་པ་ཡང་འདུས་པ་ཙམ་ཡིན་པའི་ཕྱིར་གཞན་གྱི་དོན་ཡིན་ནོ། །གཞན་ཡང་འདི་ལ་འདུས་པ་ཅན་ཡིན་ནོ། །བཟློག་པ་ཡིན་ན་དེ་ཡང་གཞན་གྱི་དོན་ཡིན་ལ། དེ་ཡང་དེ་བཞིན་ཡིན་པས་ཐུག་པ་མེད་པའི་ཕྱིར་སྒྲུབ་པར ་བྱེད་པའི་ནུས་པ་མ་ཡིན་ནོ། །དེའི་ཕྱིར་མི་མཐུན་པའི་ཕྱོགས་བདག་མེད་པ་ལ་གནོད་པ་ཅན་ནི་བདག་དང་བཅས་པ་ཉིད་དུ་སྒྲུབ་པར་བྱེད་པ་ཡིན་ནོ་སྙམ་དུ་སེམས་པ་ལ། གཞན་གྱིས་ནི་ཉམས་སུ་མྱོང་བ་ཅན་གྱིས་དྲན་པ་ཡིན་ལ། བྱེད་པ ་པོ་གཞན་ལོངས་སྤྱོད་པའོ། །སོགས་པའི་སྒྲས་ནི་དབུགས་ལ་སོགས་པ་དང། ནུས་པ་ཅན་ལ་སོགས་པ་ཡང་བཟུང་ངོ། །དེ་རྣམས་ནི་བདག་མེད་པ་མི་མཐུན་པའི་ཕྱོགས་ལ་གནོད་པ་ཅན་མ་ཡིན་ནོ། །ཅི་ལས་ཤེ་ན། འགའ་ཨི་ཡང་དྲན་པ་མེད ་པའི་ཕྱིར་ཞེས་བྱ་བ་སྨོས་སོ། །དྲན་པ་ནི་ཉམས་སུ་མྱོང་བ་དྲན་པའི་དུས་ན་ཡོད་པ་གཅིག་བུས་ཁྱབ་པར་དམིགས་པ་ནི་མ་ཡིན་ཏེ། གང་གིས་རྒྱུད་གཞན་ལ་སྟེ་མེད་པས་མེད་པ་ཡིན་པར་རྟོགས་པར་འགྱུར་བ་ཡིན། མེད་པ་དག་ལྷན་ཅིག་ཡོད ་པ་ཙམ་གྱིས་ཁྱབ་པར་གྲུབ་པ་ཡིན་ཏེ། ཡོད་པའི་རྒྱུན་སྔོན་དུ་འགྲོ་བ་ཅན་ཡིན་པའི་ཕྱིར་རོ། །དྲན་པའི་བྱེད་པ་པོའི་ཆ་ལ་ཉམས་སུ་མྱོང་བར་བྱེད་པ་པོའི་ཆ་རྗེས་སུ་འཇུག་པ་མ་ཡིན་ནམ་ཞེས་ཟེར་བ་ལ་བརྟེན་པ་ནི། མྱོང་ལས་ཏེ་།ཉམས ་སུ་མྱོང་བའི་ཁྱད་པར་ལ། དྲན་པ་སྟེ་མ་བརྗེད་པ་ཞེས་དགོངས་པ་སྟེ། ཉམས་སུ་མྱོང་བའི་བག་ཆགས་ཀྱི་སྐྱེད་པ་དྲན་པ་ཞེས་བྱ་བའི་དོན་ཏོ། །བདག་ཙམ་ཞེས་བྱ་བས་ནི་དྲན་པ་མ་ཡིན་ཏེ། གཞན་གྱིས་ཡང་ཉམས་སུ་མྱོང་བ་ཐམས་ཅད ་དྲན་པར་ཐལ་བར་འགྱུར་བའི་ཕྱིར་རོ། །བདག་ཀྱང་ཉམས་སུ་མྱོང་བའི་བག་ཆགས་ཀྱི་དྲན་པ་ཡིན་ལ། ཉམས་སུ་མྱོང་བའི་བག་ཆགས་དང་བཅས་པའི་སེམས་ནི་སྐད་ཅིག་རེ་རེ་འཇིག་པའི་འབྲས་བུ་དང་གྱུར་བ་ཡིན་ན་ཤུགས་ཀྱིས་བདག ་འཐོབ་པ་མ་ཡིན་ནོ། །དབུགས་ལ་སོགས་པ་ཡང་ཐོབ་པ་ཉིད་བཞིན་དུ་ལྡོག་པ་མ་ངེས་པ་ཡིན་ཏེ། མཐུན་པའི་ཕྱོགས་ལ་མེད་པ་ཡིན་ན་མི་མཐུན་པའི་ཕྱོགས་མེད་པའི་ཕྱིར་ལྡོག་པ་ངེས་པ་མ་ཡིན་ནོ། །དེ་མེད་པ་ཉིད་ཅེས་བྱ་བ་ནི་ཕྱོགས ་མེད་པས་ཐེ་ཚོམ་མ་ལྡོག་པའི་ཕྱིར་རོ། །དེ་ཡང་མཐུན་པའི་ཕྱོགས་ཡོད་པས་མི་མཐུན་པའི་ཕྱོགས་ཡོད་པར་ཁྱབ་པར་བྱེད་པས་ལྡོག་པར་བྱེད་པ་ཡིན་གྱི་མི་མཐུན་པའི་ཕྱོགས་མ་མཐོང་བ་ཙམ་གྱིས་ལྡོག་པ་མ་ཡིན་གྱི། འོན ་ཀྱང་བསྒྲུབ་བྱ་ཕྱིན་ཅི་ལོག་པའི་ཆོས་དང་འགལ་བ་ཡིན་ལ། དེ་ཡང་མི་རྟག་པ་ཡིན་པའི་ཕྱིར་བདག་ལས་བཟློག་པས་དབུགས་ལ་སོགས་པ་དང། དེ་བཞིན་དུ་འགལ་བ་ནི་མ་ཡིན་ནོ། །འདུས་པ་ཅན་མལ་ཆ་ལ་སོགས་པ ་ལ་འདུས་པ་ཅན་གཞན་གྱི་དོན་གྱིས་ཁྱབ་པ་ཡིན་གྱི་དེ་ཙམ?་འཛིན་པར་འདོད་པས་ཐུག་པ་མེད་པ་ཡང་མ་ཡིན་ནོ། །གང་གི་ཕྱིར་དུ་བ་ནི་འབྲས་བུ་ཉིད་ཀྱིས་མེ་རྟོགས་ན་འབྲས་བུ་མ་ཡིན་པ་ཡང་རྟོགས་བྱེད་མ་ཡིན་ཞིང་ཐུག་པ་མེད་པ་ཡང་མ་ཡིན་ནོ། ་བྱེད་པ་དྲན་པ་འམ་ལོངས་སྤྱོད་ཀྱང་དྲན་པ་པོའམ?་ལོངས་སྤྱོད་པ་པོ་རྟེན་མེད་ན་མི་འབྱུང་བ་མ་ཡིན་ནམ། འབྱུང་བ་ནི་འབྱུང་བར་བྱེད་པ་པོ་ལ་བལྟོས་པའི་ཕྱིར་རོ་སྙམ་དུ་སེམས་པ་ལ། དྲན་པར་བྱེད་པ་པོ་འགའ་ཞིག་ཅེས་བྱ་བ་སྨོས་སོ། །རང་དང ་གཞན་དག་གི་ཉམས་སུ་མྱོང་བ་དང་ལས་དག་ལ་ཁྱད་པར་མེད་པ་ནི་མ་ཡིན་ཏེ། ཁྱད་པར་གང་གིས་དྲན་པ་དང་ལོངས་སྤྱོད་པར་འགྱུར། འབྲས་བུ་དང་རྒྱུ་ཉིད་དང་ཅིག་ཤོས་ཉིད་ཀྱིས་ཁྱད་པར་ཡོད་པའི་ཕྱིར་རོ། །གཞན་ཉིད་ཀྱང་བག་ཆགས་ལས ་བྱུང་བའི་དྲན་པ་ལ་གེགས་བྱེད་པ་མ་ཡིན་ཏེ། གཅིག་ཉིད་ཡང་དེ་མེད་ན་མི་འབྱུང་ངོ་ཞེས་བསྟན་པ་ནི། གལ་ཏེ་གཞན་གྱིས་ཞེས་བྱ་བ་སྟེ། ཉམས་སུ་མྱོང་བ་གཞན་ཉིད་ཀྱང་དྲན་པ་ལ་བལྟེས?་པའི་ཕྱིར་བདག་ལ་ཡོད་དོ་ཞེས་གཞན་གྱིས་ཞེས་བྱ ་བ་ནི་ཁྱད་པར་རོ། །ཇི་ལྟར་རང་དང་གཞན་དག་གིས་ཉམས་སུ་མྱོང་བར་ཉིད་ཀྱིས་སམ་གཞན་ཉིད་གྱིས་ཀྱང་ཁྱད་པར་དྲན་པ་ཡིན་ལ། དེ་བཞིན་དུ་བདག་ཉིད་དང་ཡང་ཁྱད་པར་མེད་པར་འགྱུར་རོ། །སྐྱེས་བུ་རེ་རེ་ཞིང་བདག་རྣམས་ཀྱི་གཅིག་པ་ཉིད་དུ ་ལ་ཁྱད་པར་མེད་པའི་ཡིན་ནོ། །ཉམས་སུ་མྱོང་བ་ཡོད་པ་དང་དྲན་པ་པོའི་ངོ་བོ་དག་ལ་ཁྱད་པར་ཡོད་པའི་ཕྱིར་དྲན་པ་ངེ་པ་ལས་ཉན་སུ་མྱོང་བ་སོར་དེས་པ་ནི་རྣམ་པར་སྨྲ་བ་ལ་གཏན་ཚིགས་ངེས་པ་ཡིན་པའི་ཕྱིར་རིགས་པ་ཡིན་ལ་།བདག་ཏུ ་སྨྲ་བ་ལ་ནི་མ་ཡིན་ཏེ། རྟག་བ་ཉིད་དུ་ཁས་ལེན་པའི་ཕྱིར་རོ། །རྟག་པ་ཉིད་ནི་རྒྱུ་མེད་པ་ཉིད་ཀྱིས་རྣམ་པར་དབྱེ་བ་དང་འགལ་བ་ཅན་གྱི་དབྱེ་བ་མེད་པས་ཁྱབ་པ་ཡིན་པར་བསྟན་པ་ནི། ཡིད་ལ་ཐ་དད་ཅེས་བྱ་བའོ། །ཞག་སྔ་མ་ལ་དམིགས་པའི་དོན ་རྣམས་ལ་ཞག་ཕྱི་མ་ལ་བདག་འདི་མཐོང་པར་འགྱུར་རོ། ཞེས་མཐོང་བ་པོ་དང་དྲན་པ་པོ་དག་གཅིག་པ་ཉིད་དུ་རྗེས་སུ་འབྲལ་པ་ནི་དེ་མཐོང་བ་མེད་ཀྱང་འགྱུར་རོ་སྙམ་དུ་སེམས་པ་ནི། བདག་གིས་མཐོང་བ་ཞེས་བྱ་བའོ། །བདེན་ཏེ། བདག་གཅིག ་ཡོད་ན་དེ་ལྟར་མཐོང་བར་མི་ནུས་པའི་ཕྱིར་དེ་མཐོང་བ་སྔོན་དུ་འགྲོ་བ་ཅན་དང་རྗེས་སུ་འབྲེལ་པ་མ་ཡིན་པར་བསྟན་པ་ནི། སྐྱོན་འདི་དག་ལའང་ཞེས་བྱ་བའོ། །།འདི་ལ་ནི་གཅིག་ལའོ། །ཚད་མ་སྐྱེ་བ་ནི་མཐོང་བ་ཡོད་པའོ། །བདག་ཡོད་པ་ཉིད ་གྱི་ཕྱིར་མཐོང་བ་མེད་ཀྱང་དེ་ལྟར་ཤེས་པ་ནི་མ་ཡིན་ནོ། །འདི་ཡང་གཞལ་བྱ་རྣམས་ཚད་མའི་དབང་ཡིན་པའི་ཕྱིར་དེ་བསྟན་པ་ནི། བདག་ཡོད་ཀྱང་ཞེས་བྱ་བའོ། །རང་གི་རྟོགས་པའི་ངོ་བོ་ནི་ཉེ་བ་རྟོགས་པའི་ངོ་བོ་ཡིན་པའི་ཕྱིར་དེ་ལྟ་བུ་ཉིད་དུ་རིགས ་པ་མ་ཡིན་པར་བསྟན་པ་ནི། སྔ་མའི་ངོ་བོར་དེ་ཉིད་ཅེས་བྱ་བའོ། །རྗེས་སུ་འབྲེལ་བ་ཁོ་ན་ཚད་མ་ཡིན་ཞེས་ཟེར་བ་ལ་ནི། དྲན་ལས་ཞེས་བྱ་བའོ། །མ་ཡིན་ཏེ་ཞེས་བྱ་བ་ནི་རྒོལ་བ་དགག་པའོ། །ཅི་ལས་ཤེ་ན། རྗེས་སུ་འབྲེལ་པ་ནི་མངོན ་སུམ་གྱི་ཚད་མ་མ་ཡིན་ཏེ། ཉེ་བ་མ་ཡིན་པའི་ཡུལ་ཅན་ཡིན་པའི་ཕྱིར་རོ། །རྗེས་སུ་དཔག་པ་ཡང་མ་ཡིན་ཏེ། རྟགས་ལས་སྐྱེས་པ་མ་ཡིན་པའི་ཕྱིར་རོ་ཞེས་བསྟན་པ་ནི། ཚད་མ་མིན་ཞེས་བྱ་བའོ། །ཉེ་བ་ཉམས་སུ་མྱོང་བས་སད་པའི ་ཐོག་མ་མེད་པ་ལ་སོགས་པའི་རྗེས་སུ་འབྲེལ་པའི་བག་ཆགས་ནི་སེམས་ཀྱི་རྒྱུན་གྱིས་ལྷན་ཅིག་བྱེད་པར་འགྱུར་།དེའི་ཕྱིར་ཤུགས་ཀྱིས་བདག་ཐོབ་པ་མ་ཡིན་པར་བསྟན་པ་ནི། དྲན་པ་ཉིད་ཅེས་བྱའོ། །ཇི་ལྟ་བ་ཁོ་ནའི་ལོག་པའི་བག་ཆགས་ནི ་སྔ་མ་དང་ཕྱི་མའི་ཉམས་སུ་མྱོང་བ་དང་དྲན་པ་དག་གཅིག་པ་ཉིད་དུ་མངོན་པར་ཞེན་པར་བྱེད། དེ་ལྟ་བུ་ཁོ་ནར་ད་ལྟར་བདག་ལ་ཡང་ཡིན་པར་བསྟན་པ་ནི། དེ་དག་ཅེས་བྱ་བའོ། །སྣང་བའི་རྒྱུན་བཞིན་དུ་མཐོང་བའི་རྒྱུན་ཡང ་གཅིག་ཏུ་འཛིན་པའི་འབྲས་བུ་ཉིད་ཀྱིས་ལྟར་མངོན་པར་ཞེན་པར་བྱད། དེ་ལྟ་བུ་ཁོ་ནར་དེ་ལྟར་བ་དག་ལ་ཡང་ཡིན་པར་བསྟན་པ་ནི། དེ་དག་ཅེས་བྱའོ། །སྣང་བའི་རྒྱུན་བཞིན་དུ་མཐོང་བའི་རྒྱུན་ཡང་གཅིག་ཏུ་འཛིན་པའི་འབྲས་བུ་ཉིད་ཀྱིས་དེ ་ལྟར་མངོན་བར་ཞེན་པ་ཡིན་པར་བསྟན་པ་ནི། འབྲས་བུ་གཅིག་ཉིད་ལས་ཞེས་བྱ་བའོ། །འདིས་ནི་སྣ་ཚོགས་པའི་དབང་པོ་ལས་བྱུང་བ་མཐོང་བ་རྣམས་དང། དྲན་པ་རྣམས་ཀྱང་བག་ཆགས་ཀྱི་སྐྱེད་བྱའི་རྗེས་སུ་འབྲེལ་པར་བཤད་པ་ཡིན་ནོ། །གལ་ཏེ་བདག ་མེད་པ་ཡིན་པ་དེ་ལྟ་ན་རྗེས་སུ་འབྲེལ་པ་ཡང་བརྫུན་པའི་བག་ཆགས་ཀྱིས་བསྐྱེད་བྱ་བ་ཡིན་པའི་ཕྱིར་ལ། སེམས་ཀྱི་སྔ་མ་སྔ་མའི་སེམས་ཀྱི་དབང་གི་རྒྱུན་ཡིན་ནོ་ཞེས་ལྟ་བ་ཡིན་ན། བདག་ཏུ་འཛིན་པ་དང་ཆགས་པ་ལ་སོགས་པས་རྣམས་ཐོག་མ ་ནས་མ་སྐྱེས་པའི་ཕྱིར་འཁོར་བར་མི་འགྱུར་བ་ཞིག་ན་ཡོད་པ་ཡང་ཡིན་ནོ། །དེའི་ཕྱིར་འཁོར་བ་ནི་གཞན་དུ་མི་འཐད་པས་བདག་གྲུབ་པ་ཡིན་ནོ་སྙམ་དུ་སེམས་པ་ནི། འོ་ན་ཇི་ལྟར་ཞེས་བྱ་བའོ། །བདག་ཡོད་ན་བདག་གོ་ཞེས་བྱ་བའི་བདག་ཏུ ་འཛིན་པ་ཐོག་མ་མེད་པའི་བག་ཆགས་ལས་བྱུང་བ་ནི་ཆགས་པ་འཕེལ་བར་བྱེད་པས་འཁོར་བའི་རྒྱུན་བྱེད་པ་ཡིན་པར་བསྟན་བ་ནི། བདེན་པ་བཞི་ལ་ཞེས་བྱ་བའོ། །བདག་གོ་ཞེས་བྱ་བ་ནི་བདག་ཏུ་འཛིན་པ་ནི་འཁོར་བའི་རྒྱུ་མ་ཡིན་ནམ། རེ་ཞིག་རྒྱུ ་མེད་པ་ཅན་ནི་མ་ཡིན་ཏེ། རྒྱུ་ཡང་ཡུལ་ལམ་བག་ཆགས་ཀྱང་ཡུལ་གྱི་སྐྱེད་བྱ་བཞིན་དུ་བག་ཆགས་ཀྱི་བསྐྱེད་བྱ་ཡང་ལྡོག་བྱད་མི་འགྱུར་རོ་ཞེས་བསྟན་པ་ནི། དེ་ཉིད་ལ་ནི་ཞེས་བསྟན་པའོ། །དེ་ཉིད་ནི་བདེན་བཞི་ལ་སྟེ། དེ་སྟེ་དེ་རྣམས་སྒྲོ ་འདོགས་པའི་རྣམ་པ་རྣམས་སོ། །འགལ་བ་དོན་དེ་ཉིད་ནི་ཡུལ་གྱི་དེ་ཉིད་དོ། །རྗེས་ཐོགས་ཅན་ནི་བདག་གིར་བྱེད་པ་གང་ཡིན་པ་དེ་ནི་ཡུལ་དུ་མའི་ལྷན་ཅིག་བྱེད་པའི་ཕྱིར་སྟོབས་དང་ལྡན་པ་ཉིད་དུ་བསྟན་པ་ཡིན་ནོ། །ཡང་དག་པ་ཞེས་བྱ་བ་ནི་ལྟ་བ ་ཕྱིན་ཅི་མ་ལོག་པ་ནི་ཡུལ་དང་བྲལ་བ་གང་ལས་ཀྱང་བྱུང་བའི་ལོག་པར་ལྟ་བའི་ལོག་པར་ལྟ་བ་ལ་གནོད་པ་ཡིན་ཏེ། དངུལ་དུ་མཐོང་བ་ལ་ཉེ་ཕྱིས་སུ་མཐོང་བ་ལྟ་བུའོ། །ལེགས་བསྒོམས་ཅི་ཤིན་ཏུ་དེས་པར་འགྱུར་བའོ། །སྒྲོ་འདོགས་པ་ནི་རྒྱུ་འབའ་ཞིག་མ ་ཡིན་གྱི་འབྲས་བུ་ཡང་དེ་བཞིན་དུ་ཡིན་པར་བསྟན་པ་ནི། ཡང་དག་པ་མ་ཡིན་པ་སྒྲོ་འདོགས་པ་ཉིད་ཅེས་བྱ་བའོ། །རྒྱུའི་ཡང་དག་པ་མ་ཡིན་པའི་སྒྲོ་འདོགས་པ་བསྟན་པ་ནི། ཡང་དག་པ་མ་ཡིན་པ་ནི་རང་རིགས་པ་ལས་ཐ་དད་པའོ།། ་མངོན་སུམ་གྱིས་རིག་པ་མ་ཡིན་པ་ཡང་ཐར་པ་ཇི་ལྟར་ཡིན། དེའི་ཕྱིར་བདག་ཏུ་འཛིན་པ་དང་སྲེད་པ་དག་ཁོ་ནས་དངོས་སུ་འམ་བརྒྱུད་པས་ཀྱང་བདག་མེད་པ་མཐོང་བ་དང་འགལ་བ་ཡིན་ལ། ལས་དང་ལུས་ངག་གི་ཉེ་བར་ལེན་པ་དག་གིས ་ནི་མ་ཡིན་ནོ། །དེའི་ཕྱིར་ཡང་དག་པའི་ལྟ་བ་ཡིན་ཡང་དེའི་བསྐྱེད་བྱ་སྲིད་པ་འབྱུང་བ་ཁོ་ན་ཡིན་ནོ་སྙམ་དུ་སེམས་པ་ལ། ལས་དང་ལུས་ངག་གནས་ཡང་ཞེས་བྱ་བའོ། །རྒྱུ་གསུམ་ནི་སྲིད་པའི་རྒྱུ་རྣམས་ཏེ། ལས་དང། ལུས་དང། སྲེད ་པའོ། །དེའི་ཕྱིར་སྲེད་པ་མེད་ན་འདི་ཡོད་ཀྱང་རྒྱུ་མ་ཚང་བའི་ཕྱིར་མི་འབྱུང་བ་ནི་རྒྱུ་མ་ཚང་བའོ། །སྲེད་པ་མེད་པ་བཞིན་དུ་ལས་ལ་སོགས་པ་མེད་ནའང་སྲེད་པ་ཡོད་ན་འབྱུང་ངོ་ཞེས་ཟེར་བ་ནི། དེ་ལྟ་ན་ནི་འོ་ན་ཞེས་བྱ་བའོ། །སྲེད་པའི་གཉེན ་པོ་ནི་བདག་མེད་བར་ལྟ་བ་ཡིན་གྱི་ལས་ལ་སོགས་པ་ནི་མ་ཡིན་ནོ་ཞེས་བསྟན་པ་ནི། གཉེན་པོ་དག་ནི་མེད་ཕྱིར་དང་ཞེས་བྱ་བའོ། །ཡོད་ཀྱང་སྲེད་པའི་ས་བོན་ན་ལས་གཞན་དང་གཞན་དང་འབྱུང་བ་ཁོ་ན་ཡིན་པར་བསྟན་པ་ནི། ནུས་མེད་ཕྱིར་རོ་ཞེས ་བསྟན་པའོ། །འབྱུང་བར་འགྱུར་བའི་ལས་ལ་བལྟོས་ནས་བསྟན་པ་ནི། སྲེད་པ་བཟློག་བ་མ་གཏོགས་བ་ཞེས་བྱ་བ་ལ། ལས་དང་ལུས་དང་འགལ་བ་ཅན་ཉིད་ཀྱིས་བདག་མེད་པ་ལས་གཞན་པར་ལུང་ལས་རྟོགས་པ་མ་ཡིན ་པར་བསྟན་པ་ནི། ལུས་ཡང་ཚད་མ་མ་ཡིན་ནོ་ཞེས་བསྟན་པའོ། །ཟླ་བའི་དཀའ་ཐུབ་དང་སྐྲ་འབལ?་བ་ལ་སོགས་པ་ནི་མི་མཐུན་པའི་ཕྱོགས་སུ་འགྱུར་བ་མ་ཡིན་ནམ་ཞེས་ཟེར་བ་ལ་བསྟན་པ་ནི། འབྲས་བུ་སྣ་ཚོགས་ཞེས་བྱ་བ་སྟེ། ་བདེ་བ་དང་སྡུག་བསྔལ་ལ་སོགས་པ་འབྲས་བུ་དུ་མ་ཡོད་པས་གཞན་དུ་མི་འཐད་པར་བརྟགས་པའི་ལས་ཀྱི་འབྲས་བུའི་མཐར་ཐུག་པ་ནི་དཀའ་ཐུབ་ལས་ཏེ། སྡུག་བསྔལ་ལ་ཉེ་བར་སྤྱོད་པའི་ངོ་བོ་ལས་འབྲས་བུ་ཉིད་ཀྱི་མཐར་ཐུག་པར ་འགྱུར་གྱི་གཞན་དུ་ནི་མ་ཡིན་ནོ་ཞེས་དགོངས་པའོ། །ནུས་པ་ཐ་དད་ནི་རང་གི་ངོ་བོ་ཐ་དད་བའོ། །ཤིན་ཏུ་རྒལ་དཀའ་ཨི་འམ་རྣམས་བྱས་བ་ནི། བདག་ཉིད་རྣམ་པར་སྨད་བས་བསྲབས་པར་འགྱུར། བཤགས་དང་སྡོམ་པར་བྱེད་པ་དེ་དག་གི ་གཏན་དུ་དྲུངས་ནས་བསྟན་པ་མ་ཡིན་ནོ་ཞེས་བྱ་བའི་རིག་པས་བྱས་པའི་ལས་རྣམས་ཀྱང་ཟད་པར་ཁྱད་ཅག་འདོད་པ་ཁོ་ན་མ་ཡིན་སྙམ་དུ་སེམས་པ་ལ་བསྟན་པ་ནི། འབྲས་བུ་དེའི་བསྐྱེད་བྱར་ཁོ་བོ་ཅག་འདོད་པ་ནི་རྣམ་འགས་ཞེས་བྱ་བ ་བདག་ཉིད་སྨད་བ་དང། །བཤགས་པ་ལ་སོགས་པས་རུང?་བ་འམ་གནས་སྐབས་ཀྱི་ཟད་པ་ཡིན་ལ། རིགས་མི་མཐུན་པ་ཅན་ནི་བསྐྱེད་བྱ་གཞན་དུ་མི་འགྱུར་རོ། །དཀའ་ཐུབ་ཉམས་སུ་མྱོང་བའི་ལས་གང་གི་བསྐྱེད་བྱའི་འབྲས་བུ་ཆུང་པ ་འགྱུར་བ་འམ། ཟད་བར་འགྱུར་གྱི་།རིགས་མི་མཐུན་པ་ཅན་ནི་མ་ཡིན་ནོ། །རིགས་མི་མཐུན་པའི་ལས་ཀྱི་བསྐྱེད་བྱེ་ཆུང་བར་འགྱུར་པ་འམ་ཟད་བར་འགྱུར་ཞེས་བྱ་བ་ནི་འབྲེལ་པ་མཛད་པའི་ཡིན་ཏེ་དེ་བསྟན་པ་ནི། ལས་ག?་རིགས་ཞེས་བྱ་བའོ།། ་སྡིག་པའི་འབྲས་བུ་དེ་སྐྱེད་པར་བྱེད་པའི་ནུས་པ་ནི་བསོད་ནམས་ཀྱི་ནུས་པ་དང་འདྲེས་བ་ཡིན་ཏེ། སྡིག་པའི་འབྲས་བུ་ཉམས་སུ་མྱོང་བ་ཁོ་ནས་བསོད་ནམས་ཀྱི་འབྲས་བུ་ཡང་ཟད་པས་འདི་དག་གི་གསལ་བའི་དབྱེ་བ་ལ་བལྟོས་ནས་མང་བོའི་ཚིག་ཡིན་ནོ།། ་འདི་རྣམས་ཅི་ལས་ཡིན་ཞེ་ན?། དཀའ་ཐུབ་ཅེས་བྱ་བའོ། །དཀའ་ཐུབ་ཀྱི་ནུས་པ་ཁོ་ན་ཡིན་པར་ཅི་ལས་ཤེས་ཤེ་ན། ཉོན་མོངས་འགས་ཞེས་བྱ་བའོ། །དེ་ལྟར་གྱུར་པ་ཡིན་ཡང་ནུས་པ་འདྲེས་པ་རྣམས་ཟད་པས་ཅི་ཞིག་བྱ་ཞེས་ཟེར་བ་ལ་ཆ་ནི་ཕྲ་བར ་བྱས་པའོ། །དེ་ལས་ཀྱང་ཅིར་འགྱུར་ཞེ་ན། སྤོང་འགྱུར་ཞེས་བྱ་བའོ། །ཅི་ལས་ཡིན་ཞེ་ན། ཉོན་མོངས་པ་མེད་པ་ལས་སམ། ཉོན་མོངས་པ་བསྲབས་པ་ལས་སྦོང་བར་འགྱུར་བའོ། །གལ་ཏེ་དཀའ་ཐུབ་ཅེས་བྱ་བ་ལ་སོགས་པ་བཤད་པ་ཡང་དོན་འདི ་ཉིད་ཀྱི་ཕྱོགས་སྔ་མ་བསྟན་པར་བྱེད་པ་ཡིན་ཏེ། གལ་ཏེ་དཀའ་ཐུབ་ཀྱི་ནུས་པ་ཁོ་བོས་ཁས་ལེན་པ་དེ་ལྟ་ན་དེའི་འབྲས་བུའི་ཆ་ནི་ནུས་པ་འདྲེས་བ་ལ་སོགས་པ་རྣམས་ཀྱིས་ཉོན་མོངས་པ་མེད་པས་རྩ་བ་དང་བཅས་པར་སྤོང་བར་འགྱུར་ཞེས་བྱ ་ནི་བའི་ཕྱོགས་སྔ་མའོ། །གལ་ཏེ་སྐྲ་འབལ?་བ་དང་ཟླ་བའི་དཀའ་ཐུབ་ལ་སོགས་པའི་ཉོན་མོངས་པས་གཞན་དཀའ་ཐུབ་ནི་སྦྱིན་པ་དང་ཚུལ་ཁྲིམས་ལ་སོགས་པ་བསོད་ནམས་དང་ཡེས?་དག་རྩོམ་པ་དང། བཤགས་པ་དང་སྡོམ་པ་ལ་སོགས་པ་ཡིན་ནོ ་ཁྱོད་ཀྱིས་སྨྲས་པ་དེ་ཁོ་བོ་ཅག་གི་འདོད་པ་ཁོ་ན་ཡིན་ཏེ། འདི་ཉོན་མོངས་པ་མ་ཡིན་པའི་ཆའི་ངོ་བོ་ཡིན་པའི་ཕྱིར་རོ་ཞེས་བསྟན་པ་ནི། གལ་ཏེ་དཀའ་ཐུབ་ཅེས་བྱ་བ་ལ་སོགས་པའོ། །སྦྱིན་པ་དང་ཚུལ་ཁྲིམས་ལ་སོགས་པས་ཉོན་མོངས་པ་བཞིན་དུ ་མེ་ལྔ་བསྟན་པ་ལ་སོགས་པའི་ཉོན་མོངས་པ་ཡང་དཀའ་ཐུབ་ཁོ་ན་མ་ཡིན་ནམ་ཞེས་ཟེར་བ་ནི་ཉོན་མོངས་ཉིད་ཅེ་ན་ཞེས་བྱ་བའོ། །ལས་ཀྱི་འབྲས་འདི་ལས་བློ་སྔོན་དུ་འགྲོ་བའི་རྩོམ་པའི་ཉོན་མོངས་པས་སྦྱིན་པ་ལ་སོགས་པ་དང་བྲལ་བའི་ལས་ཀྱི ་འབྲས་བུ་ཁོ་ན་ཡིན་ནོ། །དེ་ནི་སྦྱིན་བ་ལ་སོགས་པ་ཉིད་བཞིན་དུ་ལས་སྟོན་པའི་ལུང་ལས་ཉིད་ཡིན་ནོ་ཞེ་ན། ཐར་བ་མ་ཡིན་ཏེ། ལས་ཀྱི་འབྲས་བུའི་རྒྱུ་ཡིན་པའི་ཕྱིར་རོ། །ཤིན་ཏུ་བའི་བདེ་བ་འདིའི་འབྲས་བུ་ཡིན་ནོ་ཞེ་ན། ་འདི་ཡང་མི་རིགས་ཏེ། ཉོན་མོངས་པ་བཞིན་དུ་ཤིན་ཏུ་བའི་བདེ་བ་ཡིན་པར་མི་རིགས་སོ། །བདེ་བ་བཞིན་དུ་ཉོན་མོངས་པ་ཡང་རྒྱུན་དུ་གནས་པ་ཡིན་ནོ་ཞེས་ན། དེ་ལྟ་ན་འཁོར་བ་བཞིན་དུ་ཐར་པ་མ་ཡིན་ཏེ། ཉོན་མོངས་པའི་རྒྱུ་ཡིན་པའི་ཕྱིར་རོ།། ་དེ་ཉིད་ལས་ཞེས་བྱ་བ་ནི་སྦྱིན་པ་ལ་སོགས་པ་ཅན་གྱི་དཀའ་ཐུབ་ལས་སོ། །གཞན་གྱིས་ཞེས་བྱ་བ་ནི་བསོད་ནམས་ཀྱི་མིང་ཅན་གྱི་དཀའ་ཐུབ་ཀྱིས་ཏེ། གང་བྱས་བ་ལས་མ་ལུས་པའི་འབྲས་བུ་དེས་ཞེས་བྱ་བ་ནི་གཞི་མཐུན་པ་མ་ཡིན་པའི ་གསུམ་པའོ། །གཞན་གྱི་ཞེས་བྱ་བ་ནི། ཉོན་མོངས་བའི་འོ། །ལས་ཀྱི་འབྲས་བུ་ཉིད་ཁོ་ན་གཉིས་ལ་གྲུབ་པར་བསྟན་པ་ནི། ཉོན་མོངས་པ་ཞེས་བྱ་བའོ། །ཁས་བླངས་པ་དང་འགལ་བར་བསྟན་པ་ནི། འོ་ན་ཅི་ལྟར་ཞེས་བྱ་བའོ། །མ་ངེས་བ ་ཞེས་བྱ་བ་ལ་སྐྲ་འབལ?་བ་ལ་སོགས་པའི་སྡུག་བསྔལ་གྱིས་དེ་ཅི་སྟེ་དེར་མི་འགྱུར། དེའི་ཕྱིར་མ་ངེས་པ་ནི་ཕྱུགས་ཀྱིས་ཉོན་མོངས་པས་སོ། །གལ་ཏེ་ཡང་རྒྱལ་སྲིད་ལ་སོགས་པའི་བདེ་བ་འདོད་བ་ནི་འདོད་པ་མེད་པ་ཉིད་ལ་སོགས་པའི་བདག ་ཉིད་དུ་གྱུར་པའི་ཕྱིར་གནོད་པ་ཅན་མེད་ན་དམྱལ་བ་ལ་སོགས་པའི་སྡུག་བསྔལ་ཡང་ཡལ་བར་འདུག་པས་གོམས་པས་བདག་ཏུ་གྱུར་བ་ཁོ་ན་ཡིན་པར་བསྟན་པ་ནི། ཇི་ལྟར་རྒྱལ་སྲིད་ཅེས་བྱ་བའོ། །བཏང་སྙོམས་ཀྱི་བདག་ཉིད་ཁོ་ན་ཐར ་པ་ཡིན་གྱི་བདེན་པའི་བདག་ཉིད་མ་ཡིན་ཏེ། འདོད་པ་ལ་གནོད་པ་ཡིན་ནོ་ཞེས་ཟེར་བ་ལ། དེའི་ཕྱིར་གྲོལ་གནས་ཞེས་བྱ་བའོ། །ཁྱོད་ཀྱི་ནི་ཡུལ་རྣམས་ལྡག?་པ་ཡིན་ཏེ། མི་ཟ?་བའི་ལུས་ཅན་གྱིས་རོལ?་སྤངས་པ་ནི་རོ་ཡང་གཞན་མཐོང་ནས ་ལྡོག་པ་ཡིན་པའི་ཕྱིར། སྐྱོན་དང་འགལ་བ་ཅན་ནི་སྐྱོན་ལས་བྱུང་བའི་ལས་བཟློག་པར་བྱ་བ་ལ་བཟློག་པར་བྱེད་པར་ནུས་པ་ཡིན་ནོ། །ཅི་ལས་ཤེ་ན། བསྟན་པ་ནི། སྐྱེ་འདོད་ངེས་པ་སྟེ། རྒྱུ་ལ་གནོད་པ་བྱེད་པས་སོ། །བྱས་པའི་ལས་ནི་ཀུན་ཏུ་བསགས་ཤིང ་ཀུན་ཏུ་བསྟན་པ་ཇི་ལྟར་ཉམས་པར་འགྱུར། དེ་ནི?་མ་བྱས་པ་ཡིན་ཏེ། གང་གིས་རྒྱུ་མེད་པས་མི་འགྱུར་བ་ཡིན། བྱས་པའི་ལས་ནི་འགལ་བར་བྱེད་པ་མེད་པའི་ཕྱིར་དེ་ཉིད་ཤེས་པ་ལ་ཡང་འཁོར་རྒྱས་པར་བྱེད་པ་ཁོ་ན་ཡིན་ནོ། །སྐྱེ་བ་ཐ་མ་ལ་ལས་མ་ལུས་པ ་རྣམ་པར་སྨིན་པ་ནི། རྫུ་འཕྲུལ་གྱི་ཆོས་ཅན་ནོ་ཞེས་གང་སྨྲས་པ་ཡང། དེ་འདི་ལུང་མ་གཏོགས་པ་ཆད་མ་གཞན་གྱིས་རྟོགས་པར་འགྱུར་བ་མ་ཡིན་ཏེ། སྐྱེ་བ་དུ་མའི་བདེ་བ་དང་སྡུག་བསྔལ་རྣམ་པར་སྨིན་པ་ཁྱད་པར་ཅན་དང་ལྡན་པའི་ལས་ཀྱི ་འབྲས་བུ་ལུས་གཅིག་གིས་སྐད་ཅིག་ཙམ་གྱིས་ཉེ་བར་སྤྱོད་པར་ནུས་པ་མ་ཡིན་ནོ། །དེ་ལྟ་ཡིན་ན་ཁྱེད་ཀྱི་ཡང་ལས་ཟད་པ་མ་ཡིན་ཏེ། བཤགས་པ་ལ་སོགས་པ་ཟད་པར་བྱེད་པ་རྣམས་ཉིད་ཀྱང་ལུང་མ་གཏོགས་པར་རྟོགས་པ་མ་ཡིན་ཏེ། སྲེད ་པ་ཕྲ་མོ་ཡང་ལས་ཡོད་ན་ཡོད་པ་ཁོ་ན་དེའི་རྒྱུ་ཡིན་པའི་ཕྱིར་ལས་ལས་སྐྱེས་པ་ཕུག་དོན་ལ་སོགས་པའི་འདོད་ཆགས་དང། སྦྲུལ་ལ་སོགས་པའི་ཞེ་སྡང་དང། ཕག་ལ་སོགས་པའི་གཏི་མུག་ཡིན་པའི་ཕྱིར་འཁོར་བ་ཁོ་ན་ཡིན་ནོ་སྙམ་དུ ་སེམས་པ་ལ་བསྟན་པ་ནི། ལས་ལས་ངེས་པ་མ་ཡིན་ཏེ། འོན་ཀྱང་ཚུལ་བཞིན་མ་ཡིན་བ་ཡིད་ལ་བྱེད་པ་བདག་དང་བདག་གིར་འཛིན་པར་མངོན་པར་འདོད་པ་ལས་ཡིན་ནོ། །ཉེས་པ་རྣམས་ཁོ་ན་ལས་ཀྱི་རྒྱུ་ཡིན་པར་བསྟན་པ་ནི། སྐྱོན་ལྡན ་ཞེས་བྱ་བའོ། །འདོད་ཆགས་ལ་སོགས་པའི་སྐྱོན་རྣམས་ཁོ་ནས་ལས་ཀྱི་ནུས་པ་ཅན་ཡིན་ཏེ། འདོད་ཆགས་ཅན་ནམ་ཞེ་སྡང་ཅན་ལས་བྱེད་པར་མཐོང་བའི་ཕྱིར་རོ། །བདག་ཏུ་འཛིན་པ་ཆགས་པ་ལ་སོགས་པ་མེད་ན་གཞན་ཡོད་ཀྱང་བྱེད་པ་ཉིད ་མ་ཡིན་པར་བསྟན་པ་ནི། བཟློག་པས་མིན་ཞེས་བྱ་བའོ། །བདག་ཏུ་ང་རྒྱལ་བ་ཟད་པ་ཡང་བདེ་བ་སྐྱེ་བ་མ་ཡིན་ནམ། ལུས་ཀྱི་བདེ་བ་ནི་ཡུལ་མེད་ན་འབྱུང་བ་མ་ཡིན་ཏེ། ཡིད་བདེ་བ་ལ་སོགས་པ་བཞིན་དུ་རྣམ་པར ་རྟོག་པ་འབྱུང་བ་ནི་གཞན་དུ་ཡང་འབྱུང་བའི་ཕྱིར་རོ། །དེ་ལ་ཡང་རྗེས་སུ་འཛིན་པའི་བདག་ཉིད་ལས་ངེས་པར་མངོན་པར་འདོད་པའོ། །འདིས་ནི་སྡུག་བསྔལ་ལ་ཞེ་སྡང་དུ་བཤད་པ་ཡིན་ནོ། །དེ་ལྟ་ཡིན་ན་བྱེད་པར་འགྱུར་བ ་ཁོ་ན་ཡིན་པའི་ཕྱིར། ཇི་ལྟར་ཐར་པ་ཡིན་སྙམ་པ་ལ། ལོག་པའི་ཞེས་བྱ་བ་སྟེ། འདོད་པའི་བདག་དང་ལོངས་སྤྱོད་པར་བྱ་བའི་བདག་གི་བ་ལ་ཆགས་པ་སྟེ། སྲེད་པ་ཡིན་ལ་དེ་ཡང་དེ་འཛིན་པའི་སྐྱེ་གནས་ཡིན་ལ། དེ་མེད ་ན་མི་འབྱུང་བ་ཁོ་ན་ཡིན་ནོ། །ཉམས་སུ་མྱོང་བཞིན་པ་དེ་ལ་འདོད་པ་ནི་མ་ཡིན་ཏེ། མ་འོངས་པ་དོན་ཏུ་གཉེར་བའི་རྣམ་པ་ཅན་གྱི་རྣམ་པར་རྟོག་པ་ནི་རྣམ་རྟོག་སྤངས་པ་ལ་མི་སྲིད་དོ། །བསྒོམ་པ་ལས་བྱུང་བའི་བདེ་བ་ཡང་རང་ཉིད ་རིག་པ་ནི་མངོན་པར་འདོད་པའི་སྒྲོ་འདོགས་པའི་ཡུལ་མ་ཡིན། སྡུག་བསྔལ་ནི་བསྒོམ་པ་ལས་བྱུང་བ་ཡིན་ཡང་བདག་ཏུ་འཛིན་པ་བསྒོམ་པའི་སྙིང་པོ་ཅན་གྱི་བག་ཆགས་དང་ལྡན་པའི་བྱེད་པ་ནི། ཡུལ་གྱི་བསྐྱེད་བྱ་ཡིན་པའི་ཕྱིར་བདག ་ཏུ་འཛིན་པས་སྤངས་པའི་བསྒོམ་པ་ཅན་ནི་བཏང་སྙོམས་བསྒོམ་པའི་བདག་ཉིད་དུ་གྱུར་ན་མི་སྐྱེ་བ་ཁོ་ན་ཡིན་ནོ། །དེའི་ཕྱིར་བདེ་བ་ལ་སོགས་པ་ཉམས་སུ་མྱོང་བ་ལས་བྱུང་བའི་སྐྱོན་རྣམས་མ་ཡིན་ནོ། །བདེ་བ་ཉིད་ཅེས་བྱ་བ་འབྱུང ་བར་འགྱུར་བ་ལ་འཇུག་པའི་ཡུལ་ཅན་དུ་བསམ་ནས་བསྟན་པ་ཡིན་ནམ། ད་ལྟར་བའི་བདེ་བ་རང་རིག་པ་ལ་ནི་མངོན་པར་འདོད་པས་དོན་དུ་གཉེར་བའི་རྣམ་པ་ཅན་མ་ཡིན་ཏེ། ཉེ་བ་མ་ཡིན་པའི་ཕྱིར་རོ། །དུས་ཀྱི་འབྱུང་བར་འགྱུར་བ་ཉིད་དོན་དུ ་གཉེར་བ་ཡིན་ཞེ་ན། རྣམ་པར་བརྟག་པར་བྱ་བར་ཐལ་བར་བསྟན་པ་ནི། བདེ་བ་དེ་ཡང་ཞེས་བྱ་བ་སྨོས་སོ། །དེའི་ཕྱིར་དེ་བཞིན་དུ་བདག་ཏུ་བལྟ་བ་མ་ཡིན་པ་དང། སྡུག་བསྔལ་བསྒོམ་པ་དང། དབང་བསྐུར་བ་ལ་སོགས་པ་དང། སྐྲ་འབལ་བ་དང ་ཟླ་བའི་དཀའ་ཐུབ་ལ་སོགས་པ་ཡང་ཐར་བ་སྒྲུབ་པར་བྱེད་པ་ཡིན་ནོ། །འོན་ཀྱང་སྲིད་པའི་རྒྱུ་ཡིན་པའི་སྲིད་པའི་རྒྱུ་བདག་ཏུ་འཛིན་པ་དང་ཆགས་པ་ལ་སོགས་པ་ཡིན་པར་ཉེ་བར་བསྡུ་བ་ནི། དེའི་ཕྱིར་འཇིག་ཚོགས་ལ་ལྟ་བའོ་ཞེས་བྱ་བའོ། །སྐྱོབ་པ ་ལས་ཏེ་བདེན་པ་བཞི་སྟོན་པའི་ངོ་བོ་ལས་ཡིན་པར་ཇི་ལྟར་རྟོགས་ཤེ་ན། སྐྱོབ་ལས་ཞེས་བྱ་བ་སྨོས་ཏེ། སྐྱོབ་པ་ཉིད་གཟིགས་ལམ་གསུང་བ་ཞེས་བྱ་བས་ནི་གཤེགས་པའི་དོན་ལ་བརྟེན་ནས་རང་གི་དོན་དང་གཞན་གྱི་དོན་གྱི་ངོ་བོའི་འབྲས ་བུ་ཕུན་སུམ་ཚོགས་པ་དང། །རྒྱུ་ཕུན་སུམ་ཚོགས་པ་ཡང་བསྟན་པ་ཡིན་ལ། ད་ལྟར་ནི་རྟོགས་པའི་དོན་ལ་བརྟེན་ནས་ཡེ་ཤེས་ཕུན་སུམ་ཚོགས་པ་དང། དེའི་རྒྱུ་ཕུན་སུམ་ཚོགས་པ་བསྟན་པ་ནི། དེའི་ཁྱད་པར་ཡིན་ནོ། ་དེ་ཁོ་ན་ཉིད་མཁྱེན་པའི་ཆ་ནི་བསྔགས་པའི་དོན་ཉིད་དོ། །དེའི་ཕྱིར་རོལ་པ་རྣམས་ལས་ལྷག་པ་ཡིན་ནོ། །སླར་མི་ལྡོག་པའི་དོན་ཉིད་ལ་ནི་བསྟན་པའི་ཡེ་ཤེས་ཏེ། རྒྱུན་ཏུ་ཞུགས་པ་དང། བྱང་ཆུབ་སེམས་དཔའ་ལ་སོགས་པ་སློབ་པ་རྣམས ་ལས་སོ། །མ་ལུས་པའི་དོན་ཉིད་ལ་དགྲ་བཅོམ་པ་མི་སློབ་པ་རྣམས་དང། བསེ་རུ་ལྟ་བུ་ལ་སོགས་པ་རྣམས་ལས་ཀྱང་ངོ། །དེའི་ཕྱིར་ནི་ཞེས་བྱ་བ་ནི་སྒྲུབ་པར་བྱེད་པ་ལས་སོ། །དེ་ཁོ་ན་ཉིད་ལ་སོགས་པ་མཁྱེན་པ་ནི་མངོན་སུམ་ཡིན་ལ། ་སྐྱོབ་པ་ལས་ཏེ་བདེན་པ་བཞི་སྟོན་པའི་ངོ་བོའི་རྟགས་ཀྱི་ཁྱད་པར་ལས་རྟོགས་པའོ། །སྡུག་བསྔལ་ལ་ཆོས་ཤེས་པའི་ངོ་བོ་ཤེས་པ་དང། ཤེས་པ་དེ་ལ་ས་ཐོབ་པ་རྣམ་པར་གྲོལ་པའི་ཡེ་ཤེས་ནི་ཆོས་ཤེས་པའི་བཟོད་པ་ཡིན་ལ། དེ་དག་གི ་བསྒྲུབ་བྱ་བསྒྲུབ་བྱེད་ཀྱིས་ཉིན་གྱིས་རྗེས་སུ་ཤེས་པའོ། །དེ་ཡང་ང་ལ་ཡོད་ཅེས་ཤེས་པ་ནི་རྗེས་སུ་ཤེས་པའི་བཟོད་པ་ཡིན་ཞེས་བྱ་བ་ནི་མཐོང་བ་དང་བསྒོམ་པའི་ལམ་དང། སྤྲོས་པ་རྣམས་ལ་ཐེ་ཚོམ་མེད་པར་སྟོན་པ་ནི ་ཁྱད་པར་རྣམས་མངོན་དུ་བྱེད་པ་མེད་ན་རྗེས་སུ་དཔག་པ་ཙམ་ལས་འགྱུར་བ་མ་ཡིན་པར་བསྟན་པ་ནི། རྗེས་སུ་དཔག་པ་ལས་ནི་ཞེས་བྱ་བའོ། །གཞན་དག་ཀྱང་ཞེས་བྱ་བ་ནི་གྲངས་ཅན་ལ་སོགས་པ་ཡང་ངོ། །སྐད་ཅིག་མ་ལ ་སོགས་པའི་ཤེས་པ་ལ་རྟག་པའི་ཤེས་པ་བཞིན་དུ་འཁྲུལ་པའི་རྒྱུ་མི་སྲིད་པར་བསྟན་པ་ནི། རྟག་པ་ཉིད་ཞེས་བྱ་བའོ། །དེ་ཁོ་ན་ཉིད་ལ་སོགས་པའི་ཤེས་པའི་སྒྲུབ་བྱེད་ནི་རྫོགས་བྱེད་ཡིན་ལ། དེ་བཞིན་དུ་རང་གི་དོན་གྱི་ཡེ ་ཤེས་ཡོངས་སུ་རྫོགས་པ་དང་ལྡན་པའི་གཞན་གྱི་དོན་མཁྱེན་པ་ཡིན་ལ། དེ་ལ་སྦྱོར་བར་བྱེད་པ་ཡང་འགྱུར་བར་བསྟན་པ་ནི། གཞན་དོན་མཁྱེན་པའོ། །དེའི་ཕྱིར་ཞེས་བྱ་བ་ནི། དེ་ཁོ་ན་ཉིད་ལ་སོགས་པའི་ཡེ་ཤེས་སྒྲུབ ་བར་བྱེད་པའི་ཕྱིར་ཡིན་ལ་སྦྱོར་བ་དེ་ཉིད་སྟོན་པའི་རྒྱུ་ཡིན་པའི་ཕྱིར་སྟོན་པའོ། །སྦྱོར་བ་དེ་ལས་ཀྱང་བརྩེ་བའོ། །གང་ཡིན་ཞེ་ན། གནས་སྐབས་ཐམས་ཅད་དུ་གཞན་དོན་དོར་ཏེ་གཙོ་བོ་ཉིད་དོ། །དེའི་ངོ་བོའི་བརྩེ་བ་ཡིན་པར་ཅི ་ལས་རྟོགས་ཤེ་ན། དོན་གྲུབ་ཅེས་བྱ་བའོ། །བདེ་བར་གཤེགས་པ་ཡིན་ན་འཐོབ་པར་བྱ་བ་གཞན་མེད་ཀྱང་འཇུག་པ་ནི་གཞན་གྱི་དོན་ཁོ་ན་ཡིན་ལ། དེའི་ཕྱིར་བརྩེ་བ་དང་ལྡན་པར་རྟོགས་པ་ཡིན་ནོ། །གྲུབ་པ་དེ་ཡང་ཁ་ཅིག ་ལ་ཡོད་ལ། ཁ་ཅིག་ལ་མེད་པ་ཤེས་པར་མི་ནུས་ཏེ། དེའི་ཕྱིར་དེའི་གཞན་དབང་ཉིད་ཡིན་པར་བསྟན་པ་ནི། བརྩེ་བས་ཞེས་བྱའོ། །དེ་བཞིན་དུ་སྐྱོབ་པ་ལ་ཡེ་ཤེས་དང། དེ་ལ་མཛད་པ་དང། དེ་ལ་ཡང་བརྩེ་བ་ཞེས་བྱ་བ་དངོས་དང་བརྒྱུད ་པས་ཀྱང་ཡེ་ཤེས་ལ་སོགས་པ་རྒྱུ་ཉིད་བསྟན་ནས། ད་ནི་དངོས་སུ་པ་ཁོ་ན་བསྟན་པ་ནི། བརྩེ་བས་ཞེས་བྱ་བའོ། །ཡང་ན་གོང་དུ་ནི་འབྲས་བུའི་བྱེད་པ་བསྟན་པ་ཡིན་ལ། ད་ལྟར་ནི་རྒྱུའི་ཡིན་ནོ་ཞེས་བྱ་བ་ནི་རྣམ་པར་དབྱེ་བའོ། །རྒྱུ་བཞི་པོ་ཞེས་བྱ་བ་ནི ་འབྲས་བུ་ཚད་མ་ཉིད་ལ་བརྩེ་བ་དང། མཛད་པ་དང། ཡེ་ཤེས་དང། སྐྱོབ་པའི་ངོ་བོའོ། །འདིས་ནི་ཞེས་བྱ་བ་ནི་བརྩེ་བས་ཞེས་བྱ་བ་འདིས་སོ། །དངོས་པོ་ནི་བརྩེ་བའོ། །ཐ་མ་ནི་སྐྱོབ་པའོ། །དང་འོག་ནི་མཛད་པ་ལས་སོ། །མཛའ་དག་ནི་ཡེ ་ཤེས་སོ། །བཞི་པོ་འདི་ནི་ཚད་མ་ཉིད་ལ་རྒྱུ་ཡིན་ཏེ་ངེས་པའི་རྒྱུ་ཡིན་པའི་ཕྱིར་རོ། །ཚད་མ་ཉིད་ཁོ་ན་ཡོན་ཏན་ཡིན་ཏེ། བདག་ཅག་ལ་ཕན་འདོགས་པར་བྱེད་པའི་ཕྱིར་ཞེས་བསྟན་པ་ནི། དེ་ལྟའི་དངོས་སྟོན་ཏེ་ཚད་མ་ཉིད་དུ་བསྟོད་པའོ ་ཅི་ལས་ཡིན་ཞེ་ན། དེ་བསྟན་པ་ཉིད་ལས་ཞེས་བྱ་བ་སྨོས་སོ། །རྗེས་སུ་དཔག་པའང་མ་བཟློག་ཕྱིར་ནི་མ་བཀག་པའོ། །དེ་ལ་རིགས་པས་གྲུབ་པར་བསྟན་པ་ནི། རྗེས་སུ་དཔག་པའང་ཞེས་བྱ་བའོ། །ཡང་ན་མངོན་སུམ ་བཞིན་དུ་རྗེས་སུ་དཔག་པ་ཡང་ཕྱོགས་གཅིག་གིས་གསུངས་པ་ཡིན་པར་བསྟན་པ་ནི། སྦྱོར་བའང་མཐོང་ཕྱིར་རོ་ཞེས་བྱ་བ་སྟེ། སྦྱོར་བ་ནི་གཞན་གྱི་དོན་རྗེས་སུ་དཔག་པའོ། །ཚུལ་གསུམ་བརྗོད་པ་ནི་གཞན་གྱི་དོན་གྱི་རྗེས་སུ་དཔག ་པ་ཡིན་གྱི། ཅུང་ཟད་སྐྱེ་བའི་བདག་ཉིད་ཅན་ལ་སོགས་པ་ལ་ཡོད་པ་མ་ཡིན་ཏེ། མེད་ན་མི་འབྱུང་བ་ཙམ་བརྗོད་པའི་ཕྱིར་རོ་ཞེས་ཟེར་བ་ལ། རྗེས་དཔག་རྟེན་ཡིན་ནོ་ཞེས་བྱ་བ་སྟེ། མེད་ན་མི་འབྱུང་བ་ཉིད་རྗེས་སུ་དཔག་པ་ལ་གཙོ་བོའི ་ངོ་བོ་ཡིན་ལ། དེ་བརྗོད་ན་ཐམས་ཅད་བརྗོད་པ་ཡིན་ཞེས་བྱ་བའི་དོན་ཏོ། །གང་གི་ཕྱིར་བཅོམ་ལྡན་འདས་ཀྱིས་ཚད་མ་གསུངས་པའི་ཕྱིར། གཞན་ཚད་མ་མ་ཡིན་པར་བསྟན་པ་ནི། གང་ཕྱིར་གཉིས་ལྡན་ཞེས་བྱ་བའོ། །འདི་ལས་ཅིར་འགྱུར ་ཞེ་ན། དེ་བཞིན་གཤེགས་པ་ཉིད་ལས་ཐམས་ཅད་གྲུབ་ཅེས་བྱ་བའོ། །ཕྲག་དོག་སྒྲེགས་པའི་རླབས་འཇིགས་རུང། །ཀུན་རྟོག་ཆུ་སྲིན ་གྱིས་དཀྲིགས་པའི། །ཡིད་ཀྱི་རྒྱ་མཚོའི་དུས་རླབས་ལ། །རྒྱལ་བ་ཅན་ནི་མཛེས་པ་ཡིན། །རྣམ་འགྲེལ་དང་ནི་དེའི་རྒྱན་གྱི། །འགྲེལ་བཤད་ཡིད་ཀྱི་དྲི་མ་དག་།སེལ ་བྱེད་འདི་མཐོང་རྒྱལ་འགྱུར་ཞིང། །མཁས་པ་རྣམས་ཀྱི་བརྒྱན་དུ་འགྱུར། །ཚད་མ་རྣམ་འགྲེལ་གྱི་བརྒྱན་གྱི་འགྲེལ་བཤད་སློབ་དཔོན་རྒྱལ་བ་ཅན་གྱིས་མཛད་པ་ལས་། ་ལེའུ་དང་པོའོ།། །ཡེ་དྷརྨཱ་ཧེ་ཏུ་པྲ་བྷ་ཝཱ་ཧེ་ཏུནྟེ་ཥཱནྟ་ཐཱ་ག་ཏོ་ཧཡ་ཝ་ད་ཏ་།ཏེ་ཥཱཉྩ་ཡོ་ནི་རོ་དྷ?་ཨེ་ཝཾ ་