Wylie

e-texts based on the ACIP/ALL Input

པ་དང། དགེ་སློང་དེ་དག་མངོན་པར་དགའ་ཨོ། །ཀུ་ན་ལའི་རྟོགས་པ་བརྗོད་པ་རྫོགས་སོ།། །།རྒྱ་གར་གྱི་མཁན་པོ་པདྨ་ཀ་ར་བརྨ་དང།། །།ཞུ་ཆེན་གྱི་ལོཙྪ་བ་དགེ་སློང་རིན་ཆེན་བཟང་པོས་བསྒྱུར་ཅིང་ཞུས་ཏེ་གཏན་ལ་བབ་པ།། །། ་དགའ་བའི་བཤེས་གཉེན་རྟགས་བརྗོད་བཞུགས་སོ། །རྒྱ་གར་སྐད་དུ། ཨཱརྱ་ན་མིངམི?་ཏྲཱ་བ་ནཱ་ནཱ་མ། བོད་སྐད་དུ། འཕགས་པ་དགའ་བའི་བཤེས་གཉེན་གྱི་རྟོགས་པ་བརྗོད་པ་ཞེས་བྱ་བ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། ་འདི་སྐད་བདག་གིས་ཐོས་ཏེ། བཅོམ་ལྡན་འདས་མྱ་ངན་ལས་འདས་ནས་ལོ་བརྒྱད་བརྒྱ་ལོན་པར་གྱུར་པ་ན། དེའི་ཚེ་དེའི་དུས་ན་ཡུལ་ཤི་བི་ཀ་ཞེས་བྱ་བ་ན་གྲོང་ཁྱེར་བྱིན་གྱིས་བརླབས་པ་ཞེས་བྱ་བ་ཡོད་དོ། དེ་ན་རྒྱལ་པོ་རིགས་པའི ་སྡེ་ཞེས་བྱ་བ་གནས་སོ། །དེའི་ཚེ་རྒྱལ་པོ་རིགས་པའི་སྡེའི་ཡུལ་ན་དགེ་སློང་དགའ་བའི་བཤེས་གཉེན་ཞེས་བྱ་བ་རྣམ་པར་ཐར་པ་བརྒྱད་ལ་བསམ་གཏན་པ་མངོན་པར་ཤེས་པ་དྲུག་དང་ལྡན་པ། རྫུ་འཕྲུལ་ཆེ་བ། མཐུ་ཆེ་བ། དཔག ་ཚད་བརྒྱ་སྟོང་ཕྲག་དུ་མ་ན་གནས་པའི་སེམས་ཅན་རྣམས་ལས་གྲོག་མོ་དང་ཀུ་ཏའི་སེམས་ཀྱི་སྤྱོད་པ་ཞིག་གནས་ཏེ། དེ་ཡོངས་སུ་མྱ་ངན་ལས་འདའ་བའ་ཨི་དུས་ཀྱི་ཚེ་དགེ་སློང་གི་དགེ་འདུན་འདུས་པ་རྣམས་ཀྱིས་འདི་སྐད་དུ། ཁྱོད ་ལྟ་བུ་མྱ་ངན་ལས་འདས་ན་སངས་རྒྱས་ཀྱི་བསྟན་པ་ནུབ་པར་མི་འགྱུར་རམ་ཞེས་སྨྲས་པ་དང། དེས་དེ་དག་ལ་སྨྲས་པ། ནུབ་པར་མི་འགྱུར་ཏེ། བཅོམ་ལྡན་འདས་ཀྱིས་ལུང་བསྟན་ནས་བཤད་དོ། །འདི་ལྟར་ཡང ་དགེ་སློང་རྣམས་ཐེ་ཚོམ་སྐྱེས་ནས་དྲིས་པ། གནས་བརྟན་ཡུན་ཇི་སྲིད་ཅིག་གི་བར་དུ་བཅོམ་ལྡན་འདས་ཤཱཀྱ་ཐུབ་པའི་དམ་པའི་ཆོས་གནས་པར་འགྱུར། དེས་སྨྲས་པ། བཞིན་བཟངས་དག་དོགས་པ་མེད་ཀྱིས་མྱ་ངན་དང་སྨྲེ་སྔགས་མ་འདོན ་ཅིག་།དེ་ཅིའི་ཕྱིར་ཞེ་ན། བཅོམ་ལྡན་འདས་ཡོངས་སུ་མྱ་ངན་ལས་འདས་པའི་དུས་ཀྱི་ཚེ། གནས་བརྟན་ཆེན་པོ་བཅུ་དྲུག་གི་ལག་དུ་དམ་པའི་ཆོས་གཏད་པར་གྱུར་ཏེ། སྦྱིན་བདག་དང་སྦྱིན་པ་པོའི་སྦྱིན་པ་ཡོངས་སུ་དག་པར་བྱ་བའི་ཕྱིར་རོ། །དེ་སྐད ་ཅེས་སྨྲས་པ་དང། གནས་བརྟན་དགའ་བའི་བཤེས་གཉེན་ལ་དགེ་སློང་དེ་དག་གི་འདི་སྐད་ཅེས་སྨྲས་སོ། །གནས་བརྟན་བདག་ཅག་གིས་གནས་བརྟན་དེ་དག་གི་མཚན་ཡང་མི་འཚལ་ལོ། །གནས་བརྟན་གྱིས་སྨྲས་པ། ཚེ་དང་ལྡན་པ་དག་གནས ་བརྟེན་དང་པོའི་མཚན་ནི་བ་ར་དྭ་ཛ་བསོད་སྙོམས་ལེན་ཞེས་བྱའོ། །གནས་བརྟན་གཉིས་པའི་མཚན་ནི་གསེར་བེའུ་ཞེས་བྱའོ། །གནས་བརྟན་གསུམ་པའི་མཚན་ནི་བར་དྭ་ཛ་ཞེས་བྱའོ། །གནས་བརྟན་བཞི་པའི་མཚན་ནི་མི་ཕྱེད་པ་ཞེས་བྱའོ། །གནས ་བརྟན་ལྔ་པའི་མཚན་ནི་ཤིང་ཤུན་ཅན་ཞེས་བྱའོ། །གནས་བརྟན་དྲུག་པའི་མཚན་ནི་བཟང་པོ་ཞེས་བྱའོ། །གནས་བརྟན་བདུན་པའི་མཚན་ནི་ནག་པོ་ཞེས་བྱའོ། །གནས་བརྟན་བརྒྱད་པའི་མཚན་ནི་བད་སའི་བུ་ཞེས་བྱའོ། །གནས་བརྟན་དགུ་པའི ་མཚན་ནི་བ་ལང་སྐྱོང་ཞེས་བྱའོ། །གནས་བརྟན་བཅུ་པའི་མཚན་ནི་ལམ་པ་ཞེས་བྱའོ། །གནས་བརྟན་བཅུ་གཅིག་པའི་མཚན་ནི་སྒྲ་གཅན་འཛིན་ཞེས་བྱའོ། །གནས་བརྟན་བཅུ་གཉིས་པའི་མཚན་ནི་ཀླུ་སྡེ་ཞེས་བྱའོ། །གནས་བརྟན་བཅུ་གསུམ་པའི ་མཚན་ནི་ཟུར་གྱིས་ཞེས་བྱའོ། །གནས་བརྟན་བཅུ་བཞི་པའི་མཚན་ནི་ནགས་ན་གནས་ཞེས་བྱའོ། །གནས་བརྟན་བཅོ་ལྔ་པའི་མཚན་ནི་མི་ཕམ་པ་ཞེས་བྱའོ། །གནས་བརྟན་བཅུ་དྲུག་པའི་མཚན་ནི་གཙུག་གི་ལམ་པ་ཞེས་བྱའོ། །གནས ་བརྟན་དེ་དག་ནི་རིག་པ་གསུམ་དང་ལྡན་པ། སྡེ་སྣོད་གསུམ་པ་ཁམས་གསུམ་པའི་འདོད་ཆགས་དང་བྲལ་བ། རྫུ་འཕྲུལ་གྱི་སྟོབས་ཀྱིས་ཚེ་བྱིན་གྱིས་བརླབས་ཏེ་བསྲིངས་ནས་བཅོམ་ལྡན་འདས་ཀྱིས་བཀའ་གནས་པ་ཡིན་ནོ། །སྦྱིན་པ་པོ་དང་སྦྱིན་བདག ་རྣམས་ཀྱིས་སྦྱིན་པ་ཡོངས་སུ་དག་པར་བྱེད་དོ། །ད་སྐད་ཅེས་སྨྲས་པ་དང། དགེ་སློང་རྣམས་ཀྱིས་གནས་བརྟན་དགའ་བའི་བཤེས་གཉེན་ལ་འདི་སྐད་ཅེས་སྨྲས་སོ། །གནས་བརྟན་བདག་ཅག་གིས་གནས་བརྟན་དེ་དག་གང་ན་བཞུགས་པ་མི་འཚལ་ལོ།། ་གནས་བརྟན་གྱིས་སྨྲས་པ། ཚེ་དང་ལྡན་པ་དག་གནས་བརྟན་དང་པོ་བ་ར་དྭ་ཛ་བསོད་སྙོམས་ལེན་ནི་འཁོར་དགྲ་བཅོམ་པ་སྟོང་དང་ལྷན་ཅིག་བ་ལང་སྤྱོད་ཀྱི་གླིང་ན་གནས་སོ། །གནས་བརྟན་གསེར་བེའུ་ཞེས་བྱ་བ་ནི་འཁོར་དགྲ་བཅོམ་པ་ལྔ་སྟོང་དང་ལྷན ་ཅིག་ཤར་གྱི་ལུས་འཕགས་པོའི་གླིང་ན་གནས་སོ། །གནས་བརྟན་བ་ར་དྭ་ཛ་ནི་འཁོར་དགྲ་བཅོམ་པ་དྲུག་སྟོང་དང་ལྷན་ཅིག་བྱང་ཕྱོགས་ཀྱི་ཁ་ཆེའི་ཡུལ་ན་གནས་སོ། །གནས་བརྟན་མི་ཕྱེད་པ་ནི་འཁོར་དགྲ་བཅོམ་པ་བདུན་སྟོང་དང་ལྷན་ཅིག་འཛམྦུའི ་གླིང་ན་གནས་སོ། །གནས་བརྟན་ཤིང་ཤུན་ཅན་ནི་འཁོར་དགྲ་བཅོམ་པ་དྲུག་སྟོང་དང་ལྷན་ཅིག་བྱང་གི་སྒྲ་མི་སྙན་གྱི་གླིང་ན་གནས་སོ། །གནས་བརྟན་བཟང་པོ་ནི་འཁོར་དགྲ་བཅོམ་པ་དགུ་སྟོང་དང་ལྷན་ཅིག་ཟངས་གླིང་ན་གནས་སོ། །གནས་བརྟན ་ནགས་པོ་ནི་འཁོར་དགྲ་བཅོམ་པ་ཁྲི་དང་ལྷན་ཅིག་སིང་ག་ལའི་གླིང་ན་གནས་སོ། །གནས་བརྟན་བད་སའི་བུ་ནི་འཁོར་དགྲ་བཅོམ་པ་ཁྲི་ཆིག་སྟོང་དང་ལྷན་ཅིག་པ་ན་སའི་གླིང་ན་གནས་སོ། །གནས་བརྟན་བ་ལང་སྐྱོང་ནི་འཁོར་དགྲ་བཅོམ་པ་བརྒྱད ་སྟོང་དང་ལྷན་ཅིག་རི་བོ་སྤོས་ཀྱི་དད་ལྡང་ལ་གནས་སོ། །གནས་བརྟན་ལམ་པ་ནི་འཁོར་དགྲ་བཅོམ་པ་སྟོང་ཕྲག་བཅུ་གསུམ་དང་ལྷན་ཅིག་ལྷའི་གནས་སུམ་ཅུ་རྩ་གསུམ་ན་གནས་སོ། །གནས་བརྟེན་སྒྲ་གཅན་འཛིན་ནི་འཁོར ་དགྲ་བཅོམ་པ་སྟོང་དང་ལྷན་ཅིག་པྲི་ཡང་ཀུའི་གླིང་ན་གནས་སོ། །གནས་བརྟན་ཀླུ་སྡེ་ནི་འཁོར་དགྲ་བཅོམ་པ་སྟོང་ཕྲག་བཅུ་གཉིས་དང་ལྷན་ཅིག་རི་བོ་སྐྱ་བོ་ན་བཞུགས་སོ། །གནས་བརྟན་ཟུར་གྱིས་ཤེས་ནི་འཁོར་དགྲ་བཅོམ་པ་སྟོང་ཕྲག ་གསུམ་དང་ལྷན་ཅིག་རི་བོ་ངོས་ཡངས་ན་གནས་སོ། །གནས་བརྟན་ནགས་ན་གནས་ནི་འཁོར་དགྲ་བཅོམ་པ་སྟོང་ཕྲག་བཅུ་བཞི་དང་ལྷན་ཅིག་ལུས་འཕགས་ཀྱི་རི་ལ་གནས་སོ། །གནས་བརྟན་མི་ཕམ་པ་ནི་འཁོར་དགྲ་བཅོམ་པ་སྟོང་ཕྲག ་བཅོ་ལྔ་དང་ལྷན་ཅིག་རྒྱལ་པོའི་ཁབ་བྱ་རྒོད་ཕུང་པོའི་རི་ལ་གནས་སོ། །གནས་བརྟན་གཙུག་གི་ལམ་པ་ནི་འཁོར་དགྲ་བཅོམ་པ་སྟོང་ཕྲག་དྲུག་ཅུ་དང་ལྷན་ཅིག་རི་བོ་གཉའ་ཤིང་འཛིན་ན་གནས་སོ། །གནས་བརྟན་དེ་དག་གིས་ནི་མི་ཤེས ་པ་འམ། མ་མཐོང་བའམ། མ་ཐོས་པའམ། མངོན་སུམ་དུ་མ་བྱས་པ་ནི་ཅུང་ཟད་ཀྱང་མེད་དོ། །དགེ་འདུན་གྱི་བཞེས་པའམ། སྤྱན་དྲང་བའམ། བཅོ་ལྔ་སྟོན་ནམ། གཙུག་ལག་ཁང་འབུལ་བའམ། རབ་གནས་སམ། གང་ཅུང་ཟད་མི་ཤེས་པ ་མེད་དོ། །དེ་དག་ཏུ་གནས་བརྟན་བཅུ་དྲུག་པོ་དེ་དག་ལ་འཁོར་དུ་མ་དང་བཅས་པ་ཆ་ལུགས་གཞན་དང་གཞན་གྱིས་དེ་དང་དེར་བྱོན་ཞིང་གནས་ཏེ། དེ་ལྟར་སྦྱིན་པ་ཡོངས་སུ་དག་པར་བྱེད་དོ། །མ་འོངས་པ་ན་མཚོན་གྱིས་བསྐལ་པ་བྱུང་བ་འདས ་ནས་མི་རྣམས་དགེ་བ་བཅུ་དང་ལྡན་པས་ཚེ་སླར་འཕེལ་ཏེ། ལོ་བརྒྱད་ཅུ་ཐུབ་པ་ན་སྟོན་པའི་ཉན་ཐོས་དེ་དག་ཡང་ཕྱིར་ལ་འཛམྦུའི་གླིང་དུ་བྱོན་ནས་དམ་པའི་ཆོས་ཡང་དག་པར་སྟོན་པར་བྱེད་ཅིང་རབ་ཏུ་འབྱིན་པར་བྱེད་དོ། །ཇི་སྲིད་སྐྱེ་དགུ་རྣམས ་ཀྱི་ཚེ་ལོ་དྲུག་བརྒྱ་བར་གྱུར་པ་དེ་སྲིད་དུ་བཅོམ་ལྡན་འདས་ཤཱཀྱ་ཐུབ་པའི་བསྟན་པ་དམ་པའི་ཆོས་གནས་པར་གྱུར་ཏེ། མི་རྣམས་ཀྱི་ཚེ་ལོ་བདུན་བརྒྱ་པར་གྱུར་པ་ན་ཉན་ཐོས་དེ་དག་གིས་གང་སའི་སྟེང་འདི་ན་བཅོམ་ལྡན་འདས་ཤཱཀྱ་ཐུབ་པའི་བསྟན་པའི་ཚོགས ་ཇི་སྙེད་པ་དེ་དག་གཅིག་ཏུ་བསྡུས་ནས་རིན་པོ་ཆེ་སྣ་བདུན་གྱི་མཆོད་རྟེན་གཅིག་བྱས་ཏེ། ཀུན་ནས་བསྐོར་ནས་སྐྱིལ་མོ་ཀྲུང་བཅས་ཏེ་འདུག་ནས་འདི་སྐད་ཅེས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས ་ཤཱཀྱ་ཐུབ་པ་ལ་འདུད་པས་ཕྱག་འཚལ་ལོ་ཞེས་བརྗོད་དོ། །ཕྱག་བྱས་ནས་ཕུང་པོ་ལྷག་མ་མེད་པའི་ཡོངས་སུ་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བར་འགྱུར་རོ། །རིན་པོ་ཆེ་སྣ་བདུན་གྱི་མཆོད་རྟེན་དེ་ཡང་ནུབ་ནས་འོག ་གི་གསེར་གྱི་ས་གཞི་གང་ཡིན་པ་དེ་ལ་གནས་སོ། །དེ་ནས་བཅོམ་ལྡན་འདས་ཤཱཀྱ་ཐུབ་པའི་བསྟན་པ་དམ་པའི་ཆོས་ནུབ་པར་འགྱུར་རོ། །དེ་ནས་དེའི་རྗེས་ལ་རང་སངས་རྒྱས་བྱེ་བ་ཕྲག་བདུན་འཇིག་རྟེན་དུ་འབྱུང་ངོ། །དེ་ནས་མི་རྣམས་ཀྱི་ཚེ་ལོ་བརྒྱད ་ཁྲི་པར་གྱུར་པ་ན་དེ་བཞིན་གཤེགས་པ་བྱམས་པ་ཞེས་བྱ་བ་འཇིག་རྟེན་དུ་བྱུང། དེའི་ཚེ་ཛམྦུའི་གླིང་ནི་འབྱོར་བ་རྒྱས་པ། བདེ་བ་ལོ་ལེགས་པ། མི་དང་སྐྱེ་བོ་མང་པོས་ཡོངས་སུ་གང་ཞིང། བྱ་གག་འཕུར་བ་ཙམ་ན་གྲོང་ཁྱེར་དང། གྲོང་དང། ་གྲོང་རྡལ་དང། ལྗོངས་དང། ཡུལ་འཁོར་དང། རྒྱལ་པོའི་ཕོ་བྲང་ཡོད་པར་འགྱུར་རོ། །ལན་ཅིག་ས་བོན་བཏབ་པས་ལོ་བདུན་གྱི་བར་དུ་འབྲས་བུ་རྣམས་སྐྱེ་བར་འགྱུར་རོ། འདིའི་ཉན་ཐོས་འདུས་པ་ཡང་གསུམ་དུ་འགྱུར་ཏེ། འདུས་པ་དང་པོ་ལ་ནི་ཉན ་ཐོས་འདུས་པ་བྱེ་བ་ཕྲག་དགུ་བཅུ་རྩ་དྲུག་འབྱུང་བར་འགྱུར་རོ། །འདུས་པ་གཉིས་པ་ལ་ནི་ཉན་ཐོས་འདུས་པ་བྱེ་བ་ཕྲག་དགུ་བཅུ་རྩ་བཞི་འབྱུང་བར་འགྱུར་རོ། །འདུས་པ་གསུམ་པ་ལ་ནི་ཉན་ཐོས་བྱེ་བ་ཕྲག་དགུ་བཅུ་རྩ་གཉིས་ཀྱིས་འདུས་པ ་ཆེན་པོ་འབྱུང་བར་འགྱུར་བ་ཡིན་ཏེ། གང་འདི་དག་ནི་སྦྱིན་པ་པོ་དང་སྦྱིན་བདག་ཡིན་ཏེ། ཡང་དེ་དག་གིས་གཞན་དུ་བཅོམ་ལྡན་འདས་ཤཱཀྱ་ཐུབ་པའི་གསུང་རབ་ལ་སངས་རྒྱས་ལ་དགེ་བའི་རྩ་བ་བསྐྲུན་ཞིང་བྱ་བ་བྱས་པར ་གྱུར་པ་ཡིན་ཏེ། འདི་ལྟ་སྟེ། གསེར་གྱི་རང་བཞིན་དང། དངུལ་གྱི་རང་བཞིན་དང། བཻ་ཌཱུརྱའི་རང་བཞིན་དང། ཤེལ་གྱི་རང་བཞིན་དང། རིན་པོ་ཆེའི་རང་བཞིན་དང། ར་གན་གྱི་དངོས་པོ་དང། མཁར་བའི་དངོས་པོ་དང། མུ་ཏིག་དང། ལྕགས་ཀྱི་རང་བཞིན ་དང། ཟངས་ཀྱི་དངོས་པོ་དང། ཙནདན་གྱི་རང་བཞིན་དང། ཨ་ཀ་རུའི་རང་བཞིན་དང། དུང་གི་རང་བཞིན་དང། རའི་རང་བཞིན་དང། བ་སོའི་རང་བཞིན་དང། སའི་རང་བཞིན་དང། སྣ་ཚོགས་པའི་རང་བཞིན་དང། རུས་པའི་རང་བཞིན་དང་ས་ལ་སྐུ་གཟུགས ་སམ་མཆོད་རྟེན་བཞེངས་སུ་གསོལ་ཞིང། ཐན་སོར་མོ་ཙམ་གྱིས་སྐུའི་མཆོད་རྟེན་བཞེངས་སུ་གསོལ་བས་དགེ་བའི་རྩ་བ་དེ་དག་ཐམས་ཅད་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས ་བྱམས་པའི་གསུང་རབ་ལ་མིའི་འཐོབ་པ་རབ་ཏུ་ཐོབ་ནས། འདུས་པ་དང་པོ་ལ་དད་པ་དང་ལྡན་པས་རབ་ཏུ་བྱུང་ནས་སྐྲ་དང་ཁ་སྤུ་བྲེགས་ཏེ་ཆོས་གོས་བགོས་ནས་ཁྱིམ་མེད་པར་རབ་ཏུ་བྱུང་ཏེ། སྨོན་ལམ་ཇི་ལྟ་བ་བཞིན་དུ་ཡོངས་སུ་མྱ ་ངན་ལས་འདའ་ཨོ། །ཚེ་དང་ལྡན་པ་དག་རེ་ཞིག་སངས་རྒྱས་ལ་དགེ་བའི་རྩ་བ་བསྐྲུན་པ་ཡིན་ནོ། །ཡང་གང་དག་སྣང་བ་ཆོས་ཀྱི་ཕུང་པོ་བརྒྱད་ཁྲི་པོ་བཅོམ་ལྡན་འདས་ཤཱཀྱ་ཐུབ་པའི་ཆོས་ཀྱི་བདུད་རྩི་ལ་དགེ་བའི་རྩ་བ་སྐྱེད་པར་གྱུར་ཅིང། སྐྱེད་དུ ་བཅུག་པ་དང། བྲིས་པ་དང། འདིར་བཅུག་པ་དང། ཀླག་པ་དང། ཀློག་ཏུ་བཅུག་པ་དང། གང་དག་ཐེག་པ་ཆེན་པོའི་མདོ་སྡེ་ཟབ་པ་ཟོབ་པར་གྱུར་པ་སྟོང་པ་ཉིད་དང་ལྡན་པ་ནི་འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་དང། དམ་པའི་ཆོས་པད་མ ་དཀར་པོ་དང། རྒྱ་ཆར་རོལ་པ་དང། གསེར་འོད་དམ་པ་དང། ཡོན་ཏན་འོད་མཆོག་དང། སྟོང་པ་ཉིད་ཀྱི་འོད་མཆག་དང། ཕྱག་ན་རྡོ་རྗེ་གསང་བ་ལ་སོགས་པ་དང། སྒྱུ་མ་ལྟ་བུའི་ཏིང་ངེ་འཛིན་དང། ཆོ་འཕྲུལ་ཆེན་པོའི་ཏིང་ངེ་འཛིན་དང། བསོད་ནམས་ཐམས ་ཅད་དུ་བསྡུས་པའི་ཏིང་ངེ་འཛིན་དང། འཕགས་པ་ཟླ་བ་སྒྲོན་མའི་ཏིང་ངེ་འཛིན་དང། དེ་བཞིན་གཤེགས་པའི་ཡེ་ཤེས་ཀྱི་ཏིང་ངེ་འཛིན་དང། གཟི་བརྗིད་དང་ལྡན་པའི་ཏིང་ངེ་འཛིན་དང། བྱང་ཆུབ་ཀྱི་ཏིང་ངེ་འཛིན་དང། བྱང་ཆུབ་བསྡུས་པ་དང། སངས་རྒྱས ་ཐམས་ཅད་ཡོངས་སུ་འཛིན་པ་དང། གླང་པོའི་རྩལ་དང། སྤྲིན་ཆེན་པོ་དང། སོར་མོའི་ཕྲེང་བ་དང། ལང་ཀར་གཤེགས་པ་དང། ཡོངས་སུ་མྱ་ངན་ལས་འདས་པ་ཆེན་པོ་དང། ཟླ་བའི་སྙིང་པོ་དང། ཉི་མའི་སྙིང་པོ་དང། ནམ་མཁའ་ཨི་སྙིང་པོ་དང། སའི་སྙིང་པོ ་དང། །བྱམས་པས།?་ཞུས་པ་དང། ཚངས་པས་ཞུས་པ་དང། ལེགས་པའི་མཚན་གྱིས་ཞུས་པ་དང། དྲག་ཤུལ་ཅན་གྱིས་ཞུས་པ་དང། དྲ་བ་ཅན་གྱིས་པ་དང། ཀླུའི་རྒྱལ་པོ་རྒྱ་མཚོས་ཞུས་པ་དང། དྲང་སྲོང་རྒྱས་པས་ཞུས་པ་དང། བརྒྱ་བྱིན་གྱིས་ཞུས་པ་དང། ལག་ན་རིན་ཆེན ་གྱིས་ཞུས་པ་དང། མི་འམ་ཅིའི་རྒྱལ་པོ་ལྗོན་པས་ཞུས་པ་དང། དཔའ་བོ་ནམ་མཁས་ཞུས་པ་དང། བུ་མོ་འོད་ལྡན་མས་ཞུས་པ་དང། བུ་མོ་རིན་ཆེན་ལྡན་གྱིས་ཞུས་པ་དང། བུ་མོ་གསེར་གྱི་འོད་མཆོག་གི་ཞུས་པ་དང། བད་སའི་རྒྱལ་པོ་འཆར་བྱེད ་གྱིས་ཞུས་པ་དང། དབང་ཕྱུག་ཆེན་པོས་ཞུས་པ་དང། རྒྱལ་པོ་གཟུགས་ཅན་སྙིང་པོས་ཞུས་པ་དང། དགེ་བ་བཟང་པོ་གང་གིས་ཞུས་པ་དང། ལྷའི་བུ་མོ་ལེགས་པའི་མཚན་གྱིས་ཞུས་པ་དང། ལྷའི་བུ་ཙནདན་གྱིས་ཞུས་པ་དང། ལྷའི་བུ་རང ་གི་རྒྱན་གྱིས་ཞུས་པ་དང། ལག་བཟངས་ཀྱིས་ཞུས་པ་དང། སེང་གེས་ཞུས་པ་དང། སེང་གེ་རྣམ་པར་རོལ་པས་ཞུས་པ་དང། དཔས་བྱིན་གྱིས་ཞུས་པ་དང། གཙུག་ན་རིན་ཆེན་གྱིས་ཞུས་པ་དང། ཟུང་གི་མདོ་དང། བྱང་ཆུབ་སེམས་དཔའ་ཨི་ཟློས ་གར་དང། སྟག་སྣའི་རྟོགས་པ་བརྗོད་པ་དང། ལམ་རྣམ་པར་བཤད་པ་དང། བློ་གྲོས་མི་ཟད་པས་བསྟན་པ་དང། བློ་གྲོས་རྒྱ་མཚོས་བསྟན་པ་དང། དྲི་མ་མེད་པར་གྲགས་པས་བསྟན་པ་དང། བདེན་པ་ལ་འཇུག་པ་དང། ་མ་སྐྱེས་དགྲའི་འགྱུར་པ་དང། སྲེད་མེད་ཀྱི་བུའི་འགྱུར་བ་དང། སྟོང་འགྱུར་བ་དང། ཛམྦུའི་གླིང་འགྱུར་བ་དང། འདུས་པར་འགྱུར་བ་དང། སངས་རྒྱས་ཀྱི་རྒྱན་དང། ཐབས་ལ་མཁས་པ་དང། ལག་ན་ཨུཏཔ་ལ་དང། སངས་རྒྱས་བཅུ་པ་དང ་ཆོས་བཅུ་པ་དང། ས་བཅུ་པ་དང། འོད་དཔག་མེད་ཀྱི་བཀོད་པ་དང། བདེ་བ་ཅན་གྱི་བཀོད་པ་དང། དམ་པའི་ཆོས་ཀྱི་ཡོན་ཏན་བཀོད་པ་དང། ཚོགས་ཀྱིས་བཀོད་པ་དང། རྣམ་དག་མེ་ཏོག་བསྡུས་པ་དང། འཇིག་རྟེན་དག་པས་བསྡུས་པ་དང། ་བྱང་ཆུབ་སེམས་དཔའ་དག་པས་བསྡུས་པ་དང། ཐམས་ཅད་བསྡེགས་ལས་བབས་པ་དང། དེ་བཞིན་གཤེགས་པ་ཐམས་ཅད་ལྷ་ལས་བབས་པ་དང། རིན་པོ་ཆེའི་མེ་ཏོག་དང། རིན་པོ་ཆེའི་ཕུང་པོ་དང། རིན་པོ་ཆེའི་ཟ་མ་ཏོག་དང། མཛེས ་པ་བརྩེགས་པ་དང། རིན་ཆེན་སྐར་མདའ་དང། རིན་ཆེན་སྤྲིན་དང། རིན་ཆེན་ལྗོན་པ་དང། རིན་ཆེན་གཙུག་དང། རིན་ཆེན་འབྱུང་གནས་དང། ཅོད་པན་དྲ་བ་ཅན་དང། སྡོང་པོ་བཀོད་པ་དང། འདི་དག་ལ་སོགས་པ་བྱེ་བ་ཕྲག་བརྒྱ་ནི ་ཐེག་པ་ཆེན་པོའི་སྡེ་སྣོད་ཡིན་ནོ། །དེ་བཞིན་དུ་ཉན་ཐོས་ཀྱི་སྡེ་སྣོད་དེ། མངོན་པའི་སྡེ་སྣོད་དང། འདུལ་བའི་སྡེ་སྣོད་དང། མདོ་སྡེའི་སྡེ་སྣོད་འདི་ལྟ་སྟེ། ལུང་རིང་པ་དང། ལུང་བར་མ་དང། གཅིག་ལས་འཕྲོས་པའི་ལུང་དང། ཡང་དག་པར་ ་ལྡན་པའི་ལུང་དང། ལུང་ཕྲ་མོའོ། །དེ་དག་ནི་མདོ་སྡེའི་སྡེ་སྣོད་ཅེས་བྱའོ། །མངོན་པའི་སྡེ་སྣོད་གང་ཞེ་ན། འདི་ལྟ་སྟེ། དྲི་བ་དུག་དང་ཡང་དག་པར་སྦྱར་བ་བསྡུས་པ་ལ་ནི་མངོན་པའི་སྡེ་སྣོད་ཅེས་བྱའོ། །དེ་ལ་འདུལ་བའི་སྡེ་སྣོད་གང་ཞེ་ན། འདི ་ལྟ་སྟེ། དགེ་སློང་གི་འདུལ་བ་དང། དགེ་སློང་མའི་འདུལ་བ་དང། མ་མོའི་འདུལ་བ་དང། འདུལ་བའི་མ་མོ་སྟེ། ཚེ་དང་ལྡན་པ་དག་།དེ་དག་ལ་ནི་འདུལ་བའི་སྡེ་སྣོད་ཅེས་བྱའོ། །འདི་དག་ནི་སྐྱེས་པའི་རབས་ཏེ། རྟོགས་པ་བརྗོད་པའི་རབས་དང། རང་སངས ་རྒྱས་ཀྱི་རབས་དང། སངས་རྒྱས་ཀྱི་གསུངས་པ་དང། རང་སངས་རྒྱས་ཀྱི་བསྟན་པ་དང། བྱང་ཆུབ་སེམས་དཔའ་ཨི་བསྟན་པ་དང། ཉན་ཐོས་ཀྱིས་བསྟན་པ་དང། ལྷས་བསྟན་པ་དང། འབྱུང་བ་བསྡུས་པ་དང། ཆོས་ཉེ་བར་བསྡུས་པ་དང། ཐ་ན་ཚིག་བཞི ་པའི་ཚིགས་སུ་བཅད་པ་གཅིག་གསུང་བར་འགྱུར་བ་ཡང་ཀླག་པར་གྱུར་པ་དང། བཟུང་པར་གྱུར་པ་དང། གླེགས་བམ་དུ་བྲིས་པར་གྱུར་པ་དང། ཆོས་སྨྲ་བ་ལ་མཆོད་པར་གྱུར་པ་དང། དེ་དག་དང། ནང་པ་སངས་རྒྱས་པ་ལ་མཆོད་པར་འགྱུར ་པ་དང། དྲི་དང། ཕྲེང་བ་དང། བྱུལ?་བ་དང། སྤོས་དང། མར་མེ་དང། གདུགས་དང། རྒྱལ་མཚན་དང། གླེགས་བམ་ལ་ཁ་དོག་སྣ་ཚོགས་པའི་གོས་རྣམས་གཡོགས་ཤིང་དཀྲིས་པ་དང། གླེགས་ཤིང་མཆོག་བྱས་པར་གྱུར་པ་དང། གླེགས་ ་བམ་ཁ་དོག་སྣ་ཚོགས་པས་གླེགས་བམ་བཅིངས་པར་གྱུར་པས་དགེ་བའི་རྩ་བ་བསྐྱེད་པ་དེ་དག་ཐམས་ཅད་ནི་བཅོམ་ལྡན་འདས་དེ་བཞིན་གཤེགས་པ་བྱམས་པའི་གསུང་རབ་ལ་མིའི་འཐོབ་པ་རབ་ཏུ་ཐོབ་ནས་དད་པས་ཁྱིམ་སྤངས་ཏེ། ་སྐྲ་དང་ཁ་སྤུ་བྲགས་ནས་ཆོས་གོས་བགོས་ཏེ་ཁྱིམ་ནས་ཁྱིམ་མེད་པར་འདུས་པ་གཉིས་པ་ལ་རབ་ཏུ་བྱུང་ཏེ། སྨོན་ལམ་ཇི་ལྟ་བ་བཞིན་དུ་ཡོངས་སུ་མྱ་ངན་ལས་འདས་པར་འགྱུར་རོ། །ཚེ་དང་ལྡན་པ་དག་དེ་དག་ནི་རེ་ཞིག་ཆོས་ལ་དགེ་བའི ་རྩ་བ་བསྐྲུན་པ་ཡིན་ནོ། །འདི་ལྟར་འདི་དག་ནི་སྦྱིན་པ་པོ་དང་སྦྱིན་བདག་ཡིན་ཏེ། དགེ་འདུན་ལ་དགེ་པའི་རྩ་བ་བསྐྲུན་པ་དང། སྐྱེད་དུ་བཅུག་པ་ཡིན་ཏེ། འདི་ལྟར་འདི་དགེ་འདུན་སྤྱན་འདྲེན་པ་སྒྲགས་པ་དང། དགེ་བ་ལ་འཛུད་པ་དང། བརྒྱད ་སྟོན་བྱེད་པ་དང། གསོ་སྦྱོང་བྱེད་པ་དང། རབ་ཏུ་འགྲོན་ཏུ་འབོད་པ་དང། དགེ་འདུན་ལ་མཆོད་སྟོན་གསོལ་བ་དང། སྤྱན་འདྲེན་པ་དང། གློ་བུར་དུ་སྤྱན་འདྲེན་པ་དང། ཟླ་སྟོན་བྱེད་པ་དང། སྟག་རེས་སྐོར་བྱེད་པ་དང། ཆོས་སྒྲོགས ་པ་སྤྱན་འདྲེན་པ་དང། ལོ་ལྔ་སྟོན་བྱེད་པ་དང། གཙུག་ལག་ཁང་དབུལ་བ་དང། མལ་སྟན་འདིངས་པ་དང། ཆོས་གོས་འབུལ་བ་དང། གཙུག་ལག་ཁང་གསར་པའི་རབ་གནས་བྱེད་པ་དང། སྨན་འབུལ་བ་དང། ཡོ་བྱད་འབུལ་བས་དགེ་བའི་རྩ་བ་བསྐྱད་པ ་དེ་དག་ཐམས་ཅད་ནི་བཅོམ་ལྡན་འདས་དེ་བཞིན་གཤེགས་པ་བྱམས་པའི་གསུང་རབ་ལ་མིའི་འཐོབ་པ་རབ་ཏུ་ཐོབ་ནས་འདུས་པ་གསུམ་པ་ལ་དད་པས་ཁྱིམ་སྤངས་ཏེ། སྐྲ་དང་ཁ་སྤུ་ཕྱི་ནས་ཆོས་གོས་བགོས་ཏེ། ཡང་དག་པའི་ཁྱིམ་ནས་ཁྱིམ་མེད་པར་རབ ་ཏུ་བྱུང་སྟེ། སྨོན་ལམ་ཇི་ལྟ་བ་བཞིན་དུ་ཡོངས་སུ་མྱ་ངན་ལས་འདའ་བར་འགྱུར་རོ། །ཚེ་དང་ལྡན་པ་དག་དེ་དག་ནི་རེ་ཞིག་དགེ་འདུན་ལ་དགེ་བའི་རྩ་བ་བསྐྱེད་པ་ཡིན་ནོ། །དེ་ནས་གནས་བརྟན་དགའ་བའི་བཤེས་གཉེན་གྱིས་རྣམ་པར་རྒྱ་ཆེར་བཤད་ནས། ཤིང་ཏཱ་ལ ་བདུན་སྲིད་ཙམ་དུ་ནམ་མཁའ་ལ་འཕགས་ནས་དགེ་འདུན་དེ་དག་གི་མདུན་དུ་ཆོ་འཕྲུལ་ཡ་མ་ཟུང་སྣ་ཚོགས་བསྟན་ཏེ། སྟེང་གི་ནམ་མཁའ་ལ་འདུག་ནས་ཚེའི་འདུ་བྱེད་དང་སྲོག་གི་འདུ་བྱེད་བཏང་སྟེ། ཡོངས་སུ་མྱ་ངན་ལས་འདས་སོ། །དེ་ནས་དགེ་སློང་དེ་དག་གིས ་གནས་བརྟན་དགའ་བའི་བཤེས་གཉེན་ལ་ལུས་བསྲེགས་ནས་མཆོད་རྟེན་བྱས་ཏེ། དྲི་དང། མེ་ཏོག་དང། སྤོས་དང། མར་མེ་དང། གདུགས་དང། རྒྱལ་མཚན་དང། བ་དན་རྣམས་ཀྱིས་མཆོད་པར་བྱས་སོ། །རྣམ་པ་འདི་དག་འཕགས་པ་ནས་འཕགས་པར ་བརྒྱུད་ནས་བཤད་དོ། །ང་ཅིའི་ཕྱིར་ཞེ་ན། སྦྱིན་པ་པོ་དང། སྦྱིན་བདག་གང་ཡིན་པ་རྣམས་བཅོམ་ལྡན་འདས་ཀྱི་གསུང་རབ་ཡུན་རིང་དུ་གནས་པར་འགྱུར་རོ་སྙམ་ནས་དགའ་བ་རབ་ཏུ་བསྐྱེད་པའི་ཕྱིར་རྟོགས་པ་བརྗོད་པ་འདི་འཕགས་པ་དགའ་བའི་བཤེས ་གཉེན་གྱིས་བཤད་དོ།། །།འཕགས་པ་དགའ་བའི་བཤེས་གཉེན་གྱིས་རྟོགས་པ་བརྗོད་པ་ཞེས་བྱ་བ་རྫོགས་སོ།། །།རྒྱ་གར་གྱི་མཁན་པོ་ཨ་ཛེ་ཏ་ཤྲི་བྷ་ཏྲ་དང། དགེ་སློང་ཤཱཀྱ་འོད?་ཀྱིས་བསྒྱུར།། །།གཞོན་ནུ་མ་བདུན་གྱི་རྟོགས་བརྗོད་གསང་བ་བྱིན ་