Wylie

e-texts based on the ACIP/ALL Input

གྱི་མཁན་པོ་སརྦ་ཛྙཱ་དེ་བ་དང། ལོ་ཙཱ་བ་བནདེ་རིན་ཆེན་མཆོག་གིས་བསྒྱུར། ཞུས་ཆེན་གྱི་ལོ་ཙཱ་བ་བནདེ་དཔལ་བརྩེགས་རཀྵི་ཏཱ་ས་ཞུས་ནས་གཏན་ལ་ཕབ་པ།། །།རྒྱ་གར་སྐད་དུ། གུ་ཎཱ་བརྱནྟ་སྟོ་ཏྲ་བསྟུ་ཀཱ་རི་ཀཱ། བོད་སྐད་དུ། ཡོན ་ཏན་མཛའ་ཡས་པར་བསྟོང་པའི་དོན་གྱི་ཚིག་ལེའུར་བྱས་པ། འཕགས་པ་འཇམ་དཔལ་ལ་ཕྱག་འཚལ་ལོ། །ཡོན་ཏན་མ?་ཤེས་སྒྲོ་བཏགས་དང། །ང་རྒྱལ་མེད་དང་འདོད་དོན་བསྒྲུབ། །ཚིགས་བཅད་དོན་བཞི་ལྡན་པ་ཡིས། །བསྟོད་པའི་གླེང་ནི ་བསླངས་པ་བསྟན། །རྒྱུ་དང་འབྲས་བུ་གཞན་དོན་གྱིས། །བསྟོང་པའི་དོན་རྣམས་ཐམས་ཅད་བསྡུས། །དེ་ལ་དང་པོར་བྱང་ཆུབ་རྒྱུ། །འབྲས་བུ་སེམས་ཅན་དོན་ཉིད་བསྟན། །བསམ་པ་སྦྱོར་བ་དབང་མཛད་པའི། །གནས་སྐབས་གསུམ་གྱི་རྒྱུ་བསྟན་ཏོ།། ་གཞན་དོན་བྱང་ཆུབ་སྨོན་ལམ་གྱི། །རང་བཞིན་གྱིས་ནི་བསམ་པ་སྟེ། །ཚིགས་བཅད་ལྔ་དང་ལྔ་རྣམས་ཀྱིས། །དེའི་རྒྱུ་གཞི་དང་བཅས་པ་བསྟན། །འདོད་དང་མ་འདོད་སེལ་བ་དང། །གྲོགས་དང་ལོངས་སྤྱོད་བྱས་པས་བསྟན། །རིགས་དང་དགེ་བཤེས ་སྙིང་རྗེ་དང། །སྐྱོ་མེད་བསམ་པ་གཉིས་ཀྱི་རྒྱུ། །དེ་མིན་དེ་ཉིད་སར་གནས་པས། །འདིར་ནི་སྦྱོར་བ་རྣམ་གཉིས་བྱ། །སྔ་མའི་ཕ་རོལ་ཕྱིན་པ་བཅུ། །གཞན་གྱི་ཕ་རོལ་ཕྱིན་པ་བདུན། །ཚིགས་བཅད་དྲུག་གིས་དྲུག་རྣམས་བསྟན། །གཉིས་ཀྱིས ་གཅིག་ཡིན་གསུམ་གྱིས་གཞན། །དང་པོར་ཁྱད་པར་བསམ་པ་དང། །སྦྱོར་བ་ལེན་པ་སྦྱིན་བྱ་བའི། །དངོས་པོ་ལྔ་ནི་རེ་རེ་ཡིས། །ཟག་མེད་གཞན་ནི་གཉིས་ཀྱིས་སོ། །ཉོན་མོངས་པ་དང་སྐྱེ་དང་ལས། །ཐབས་དང་རབ་ཏུ་སྨིན ་བྱ་བ། །དབང་མཛད་ལྔ་ནི་དགོས་བཅས་པར། །གཉིས་གཉིས་གཉིས་གཉིས་གསུམ་གྱིས་སོ། །དེ་ལ་ཁ་ཅིག་དངོས་མ་གསུངས། །མི་མཐུན་ཕྱོགས་ཟད་པ་ལས་ཡིན། །འབྲས་བུ་གསུམ་སྟེ་བྱང་ཆུབ་དང། །ཉེས་དང་ཡོན་ཏན་སྤངས ་འབྱོར་བའོ། །གཞན་དོན་གསུམ་སྟེ་ཆོས་བསྟན་དང། །དེ་མཉམ་པ་དང་ཡུན་རིང་གནས། །ཐ་མས་ཡོངས་སུ་བསྔོ་བ་སྟེ། །བསྟོད་པའི་དོན་ནི་བསྡུས་པ་བསྟན། །ཡོན་ཏན་མཛའ་ཡས་པར་བསྟོང་པའི་དོན་གྱི་ཚིག་ལེའུར་བྱས་པ་སློབ་དཔོན ་ཆེན་པོ་ཕྱོགས་ཀྱི་གླང་པོས་མཛད་པ་རྫོགས་སོ།། །།རྒྱ་གར་གྱི་མཁན་པོ་སརྦ་ཛྙཱ་དེ་བ་དང། ལོ་ཙཱ་བ་བནདེ་རིན་ཆེན་མཆོག་གིས་བསྒྱུར། ཞུས་ཆེན་གྱི་ལོ་ཙཱ་བ་བནདེ་དཔལ་བརྩེགས་རཀྵི་ཏས་ཞུས་ཏེ་གཏན་ལ་ཕབ་པའོ།། །། ་