Wylie

e-texts based on the ACIP/ALL Input

རྒྱ་གར་གྱི་མཁན་པོ་སརྦ་ཛྙཱ་དེ་པ་དང། ལོ་ཙཱ་བ་བནདེ་རིན་ཆེན་མཆོག་གིས་བསྒྱུར། ཞུས་ཆེན་གྱི་ལོ་ཙཱ་བ་བནདེ་དཔལ་བརྩེགས་ཀྱིས་ཞུས་ཏེ་གཏན་ལ་ཕབ་པའོ།། །།རྒྱ་གར་སྐད་དུ། གུ་ཎཱ་པརྱནྟ་སྟྲོ་ཏྲ་ཊཱི་ཀ། བོད་སྐད་དུ། ་ཡོན་ཏན་མཛའ་ཡས་པར་བསྟོད་པའི་འགྲེལ་པ། འཕགས་པ་འཇམ་དཔལ་ལ་ཕྱག་འཚལ་ལོ། །རྒྱལ་བའི་ཡོན་ཏན་མཛའ་མི་འཚལ་ཞེས་བྱ་བ་གླེང་བསླད་པའི་ཚིགས་སུ་བཅད་པ་འདིས་ནི་བསྡུས་པའི་དོན་བཞི་པོ་འདི་ལྟ་སྟེ། ཡོན་ཏན ་ཡོངས་སུ་མི་ཤེས་པ་དང། སྒྲོ་འདོགས་པ་མེད་པར་བྱ་བ་དང། ང་རྒྱལ་མེད་པར་བྱ་བ་དང། འདོད་པའི་དོན་བསྒྲུབ་པར་བྱ་བ་རྣམས་བསྟན་ཏོ། །དེ་ལ་དང་པས་ནི་ཡོན་ཏན་ཡོངས་སུ་མི་ཤེས་པ་བསྟན་ཏོ། །གང་སླད་འགྲོ་འདིས་ཁྱོད་ལ ་བསྟོད་པ་བགྱིས་ཀྱང་ཞེས་བྱ་བ་འདིས་ནི་སྒྲོ་འདོགས་པ་མེད་པ་ཉིད་དོ། །རབ་ཏུ་ཆུང་ཡང་ཞེས་བྱ་བ་འདིས་ནི་ང་རྒྱལ་མེད་པ་ཉིད་དོ། །དོན་འདིར་བདག་ནི་བློ་གྲོས་རབ་ཏུ་ཆུང་ཡང་བརྩོན་པ་ལགས། །ཞེས་བྱ་བ་འདིས་ནི་འདོད་པའི་དོན ་བསྒྲུབ་པར་བྱ་བ་བསྟན་ཏོ། །དེ་ལ་ངན་སོང་གནས་ན་འང་ཞེས་བྱ་བ་ལ་སོགས་པའི་ཚིགས་སུ་བཅད་པ་ལྔ་བཅུས་བསྟོང་པ་རྩོན་པར་བྱེད་དོ། །དེ་ལ་བསྟེང་པ་ནི་ཐུན་མོང་མ་ཡིན་པའི་ཡོན་ཏན་རྗོད་པར་བྱེད་པའོ། །དེ་ཡང་གནས་སྐབས ་སུ་གསུམ་པོ་རྒྱུའི་གནས་སྐབས་དང། འབྲས་བུའི་གནས་སྐབས་དང། སེམས་ཅན་གྱི་དོན་བྱེད་པའི་གནས་སྐབས་རྣམས་དང་ལྡན་པ་ཡིན་ནོ། །དེ་རྒྱུའི་གནས་སྐབས་ནི་སེམས་བསྐྱེད་པ་ལ་སོགས་པ་ནས་བྱང་ཆུབ་ཀྱི་སྙིང་པོ་ལ་འདུག་གི ་བར་དག་ཡིན་ནོ། །འབྲས་བུའི་གནས་སྐབས་ནི་ཡང་དག་པར་རྫོགས་པའི་བྱང་ཆུབ་པའི་ཡེ་ཤེས་བསྐྱེད་པ་དང། །སྐྱོན་དང་ཡོན་ཏན་ཐམས་ཅད་སྤངས་ཤིང་བརྙེས་པའི་གནས་སྐབས་ཡིན་ནོ། །སེམས་ཅན་གྱི་དོན་བྱ་བའི་གནས་སྐབས ་ནི་ཆོས་ཀྱི་འཁོར་ལོ་བསྐོར་བ་ལ་སོགས་པ་བསྟན་པ་ནས་ནུབ་པ་ལ་ཐུག་པའི་བར་དག་ཡིན་ནོ། །དེ་ལ་རྒྱུའི་གནས་སྐབ་ནི་བསམ་པའི་གནས་སྐབས་དང། སྦྱོར་བའི་གནས་སྐབས་དང། དབང་མཛད་པའི་གནས་སྐབས་རྣམས་སོ། །བསམ ་པའི་གནས་སྐབས་ནི་གཞན་གྱི་དོན་ལ་འཇུག་པར་འགྱུར་བའི་སྨོན་ལམ་གང་ཡིན་པའོ། །དེའི་ཉེ་བར་རྟོན་པ་ཡང་བཞི་སྟེ། །སྡུག་བསྔལ་བསྐྱེད་པ་ལ་སོ་སོར་རྟོག་པ་དང། ཕན་བརྟགས་པ་ལ་སོ་སོར་རྟོག་པ་དང། །གྲོགས་བྱས་པ་ལ་སོ་སོར ་རྟོག་པ་དང། །ཡང་དག་པར་ལོངས་སྤྱད་པ་ལ་སོ་སོར་རྟོག་པའོ། །བྱང་ཆུབ་ཀྱི་སྨོན་ལམ་དེའི་རྒྱུ་བཞི་སྟེ། རིགས་དང་དགེ་ཤེས་སྙིང་རྗེ་དང། །སྡུག་བསྔལ་རྣམས་ཀྱིས་མི་ལྡོག་པ། །རྒྱུ་བཞི་རྐྱེན་ནི་འདི་དག་གིས། །བྱང་ཆུབ་སེམས་ནི་རབ་ཏུ ་འཇུག་།ཅེས་གསུངས་པ་དག་སྟེ། དེ་ལྟར་ན་དོན་བཅུས་ནི་བསམ་པ་བསྟན་ཏོ། །དེ་ལ། ངན་སོང་གནས་ནའང་ཞེས་བྱ་བ་འདིས་ནི་གཞན་གྱི་དོན་ལ་འཇུག་པར་འགྱུར་བའི་སྨོན་ལམ་བསྟན་ཏོ། །དེའི་ཉེ་བར་རྟོན་པ་བཞི་སྟེ། །རེ་ཞིག་དེ་ལ ་སྡུག་བསྔལ་རྣམས་ཀྱིས་རྨས་པའི་སེམས་ཅན་ལ། ཞེས་བྱ་བ་འདི་དག་ནི་སྡུག་བསྔལ་བསྐྱེད་པ་ལ་སོ་སོར་རྟོག་པའོ། །མ་རིག་ལྗོངས་པས་ཞེས་བྱ་བ་འདི་དག་ནི་ཕན་བཏགས་པ་ལ་སོ་སོར་རྟོག་པའོ། །སྔོན་ཆད་འཁོར་བར་ཞེས་བྱ་བ་འདི ་དག་ནི་གྲོགས་བྱས་པ་ལ་སོ་སོར་རྟོག་པའོ། །ལོངས་སྤྱོད་འདས་དགོངས་ཞེས་བྱ་བ་འདི་དག་ནི་ཡང་དག་པར་ལོངས་སྤྱད་པ་ལ་སོ་སོར་རྟོག་པའོ། །གང་སླད་འགྲོ་བ་མྱ་ངན་མ་བཟླས། ཞེས་བྱ་བ་འདི་དག་ནི་བྱང་ཆུབ་ཀྱི་སྨོན་ལམ་ཡིན་ནོ།། ་དེའི་རྒྱུ་ཡང་རྣམ་པ་བཞི་སྟེ། དེ་ལ་རེ་ཞིག་སྨད་པའི་གནས་སྐབས་དག་ཏུ་ཞེས་བྱ་བ་འདི་དག་ནི་རིགས་ཡོད་པ་ཉིད་ཡིན་ནོ། །གང་སླད་གལ་ཏེ་རང་ལ་རག་ལས་ཞེས་བྱ་བ་འདི་དག་ནི་དགེ་བའི་བཤེས་གཉེན་ལ་བརྟེན་པའོ། །ཉོན་མོངས་ཆུ་བོ་རབ ་འཁྲུག་ཅེས་བྱ་བ་འདི་དག་ནི་སྙིང་རྗེ་ཡིན་ནོ། །འཇིག་རྟེན་འདི་དག་རང་ལའང་བྱམས་པ་ཡི། ཞེས་བྱ་བ་འདི་དག་ནི་སྡུག་བསྔལ་གྱིས་མི་ཟློགས་པ་ཡིན་ཏེ། དེ་ལྟར་ཚིགས་སུ་བཅད་པ་བཅུ་གཅིག་གིས་དོན་བཅུ་བསྟན་པ་ཡིན་ནོ། །བསམ་པའི ་གནས་སྐབས་ཀྱི་ལེའུ་སྟེ་དང་པོའོ།། །།སྦྱོར་བའི་གནས་སྐབས་ཞེས་བྱ་བ་ཡང་ཕ་རོལ་ཏུ་ཕྱིན་པ་སྟོན་པ་ཇི་སྙེད་པ་ཡིན་ནོ། །དེ་ཡང་རྣམ་པ་གཉིས་ཏེ། མོས་པས་སྤྱོད་པ་རྣམས་ཀྱི་དང། ས་ཐོབ་པ་རྣམས་ཀྱིའོ། །དེ་ལ་རེ ་ཞིག་མོས་པས་སྤྱོད་པ་རྣམས་ཀྱི་ཕ་རོལ་ཏུ་ཕྱིན་པ་ནི་བཅུ་སྟེ། འདི་ལྟར་སྦྱིན་པ་དང། ཚུལ་ཁྲིམས་དང། བཟོད་པ་དང། བརྩོན་འགྲུས་དང། བསམ་གཏན་དང། ཤེས་རབ་དང། ཐབས་དང། སྨོན་ལམ་དང། སྟོབས་དང། ཡེ་ཤེས ་ཀྱི་ཕ་རོལ་ཏུ་ཕྱིན་པ་དག་གོ་།དེ་ལ་གང་ཞིག་སྐྱེ་བོ་དམན་དང་ཕོངས་པ་རེ་བའི་བསམ་ལྡན་མཐོང་ན་ཡང་ཞེས་བྱ་བ་འདི་དག་གིས་ནི་སྦྱིན་པའི་ཕ་རོལ་ཏུ་ཕྱིན་པ་བསྟན་ཏོ། །རིགས་པར་ལྡན་པའི་ཚིག་སྨྲས་ཡང་ཞེས་བྱ་བ་འདི་དག ་གིས་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་བསྟན་ཏོ། །གང་སླད་མཁས་པ་རྣམས་ཀྱི་མི་དགེའི་ལས་ཀྱང་ཞེས་བྱ་བ་འདི་དག་གིས་ནི་མི་མཐུན་པའི་ཕྱོགས་སྤངས་པའི་སྒོ་ནས་བཟོད་པའི་ཕ་རོལ་ཏུ་ཕྱིན་པ་བསྟན་ཏོ།། ་བདག་ཉིད་ཞི་བར་འགྲོ་བ་ཞེས་བྱ་བ་འདི་དག་གིས་ནི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་བསྟན་ཏོ། །སྦྱིན་པར་བཞེད་པ་མ་སྤངས་ཞེས་བྱ་བ་འདི་དག་གིས་ནི་མི་མཐུན་པའི་ཕྱོགས་སྤངས་པའི་སྒོ་ནས་བསམ་གཏན་གྱི་ཕ་རོལ་ཏུ་ཕྱིན་པ ་བསྟན་ཏོ། །བདག་བསྟོད་མ་མཛད་ལ་ཞེས་བྱ་བ་འདི་དག་གིས་ནི་མི་མཐུན་པའི་ཕྱོགས་སྤངས་པའི་སྒོ་ནས་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་ཏོ། །སྲིད་དང་ཉོན་མོངས་སྐྱོ་བས་ཞེས་བྱ་བ་འདི་དག་དང། ཤེས་རབ་ལ་སོགས་ཡོན ་ཏན་ཞེས་བྱ་བའི་ཚིགས་སུ་བཅད་པ་འདི་གཉིས་ཀྱིས་བརྒལ་བ་དང་ལན་དང་བཅས་པར་ཐབས་ཀྱི་ཕ་རོལ་ཏུ་ཕྱིན་པ་བསྟན་ཏོ། །དུས་འགའ་བྱུང་མ་གྱུར་ཞེས་བྱ་བ་འདི་དག་གིས་ནི་ཕུན་སུམ་ཚོགས་པ་རྫོགས་པར་འགྱུར་བའི་སྨོན་ལམ ་གྱི་ཕ་རོལ་ཏུ་ཕྱིན་པ་བསྟན་ཏོ། །མཚན་མོ་སྟོན་ཀའི་ཟླ་བ་ཞེས་བྱ་བ་འདི་དག་གིས་ནི་སྟོབས་ཀྱི་ཕ་རོལ་ཏུ་ཕྱིན་པ་བསྟན་ཏོ། །འཇིག་རྟེན་སྡུག་བསྔལ་དག་གིས་རྨས་ཚེ་ཞེས་བྱ་བ་འདི་དག་གིས་ནི་ཡེ་ཤེས་ཀྱི་ཕ་རོལ་ཏུ་ཕྱིན་པ ་བསྟན་ཏོ། །མོས་པས་སྤྱོད་པ་རྣམས་ཀྱི་སྦྱོར་བའི་གནས་སྐབས་ཏེ་ལེའུ་གཉིས་པའོ།། །།ས་ཐོབ་པ་རྣམས་ཀྱི་སྦྱིན་པ་ནི་ཕུན་སུམ་ཚོགས་པ་རྫོགས་པ་བཞི་དང་ལྡན་པ་ཡིན་ཏེ། བསམ་པ་ཕུན་སུམ་ཚོགས་པ་དང། སྤྱོད ་པ་ཕུན་སུམ་ཚོགས་པ་དང། ལེན་པ་པོ་ཕུན་སུམ་ཚོགས་པ་དང། སྦྱིན་པར་བྱ་བ་ཕུན་སུམ་ཚོགས་པའོ། །ཕྱུག་ཅིང་འབྱོར་པ་ཞེས་བྱ་བ་འདི་དག་གིས་ནི་བསམ་པ་ཕུན་སུམ་ཚོགས་པ་ཉིད་དོ། །སྦྱིན་པ་སྤྲོ་མ་མཆིས་ཞེས་བྱ་བ ་འདི་དག་གིས་ནི་སྦྱོར་བ་ཕུན་སུམ་ཚོགས་པའོ། །རི་ངོས་ལྗོན་ཤིང་འབྲས་བུ་སྨིན་པ་དག་ཏུ་བྱ་རྣམས་ལྟ་བུ་ཞེས་བྱ་བ་འདི་དག་གིས་ནི་ལེན་པ་པོ་ཕུན་སུམ་ཚོགས་པའོ། །དཔལ་འབྱོར་འབངས་དང་བཙུན་མོ་ཞེས་བྱ་བ་འདི་དག་གིས་ནི་སྦྱིན་པར་བྱ་བ ་ཕུན་སུམ་ཚོགས་པ་སྟེ་སྦྱིན་པའི་ཕ་རོལ་ཏུ་ཕྱིན་པའོ། །འཇིག་རྟེན་འདི་ལ་གནོད་པ་སྐྱེ་ཞེས་བྱ་བ་འདི་དག་གིས་ནི་རང་བཞིན་ཡོངས་སུ་དག་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཇི་ལྟར་སྨན་པ་གདོན་གྱིས་ཟིན་པ་ཞེས་བྱ་བ་འདི་དག་གིས་ནི ་རྣམ་པར་རྟོག་པ་དང་བྲལ་བའི་བཟོད་པའི་ཕ་རོལ་ཏུ་ཕྱིན་པའོ། །ཁྱོད་ཀྱིས་རྟག་ཏུ་ཡོན་ཏན་ནོར་ལྷག་རྣམས་ལྔ་གུས་པས་ཞེས་བྱ་བ་འདི་དག་གིས་ནི་ཐབས་ཀྱིས་རྒྱས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཇི་ལྟར་མ་མ་རང་ལུས་ཞེས་བྱ་བ ་འདི་དག་གིས་ནི་སྐྱེ་བས་སྟོང་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཁྱོད་ཀྱིས་བློ་གྲོས་ཞེས་བྱ་བ་འདི་དག་གིས་ནི་ཐབས་དང་བཅས་པའི་བརྩོན་འགྲུས་ཀྱིས་ཡང་དག་པ་ཇི་ལྟ་བ་བཞིན་དུ་ཐུགས་སུ་ཆུད་པའི་ཤེས་རབ་ཀྱི་ཕ་རོལ་ཏུ་ཕྱིན ་པའོ། །ཕྲིན་ལས་མངའ་བར་མི་བཞེད་ཅེས་བྱ་བ་འདི་དག་དང། གང་སླད?་ཤེས་རབ་དོན་དམ་ཞེས་བྱ་བའི་ཚིགས་སུ་བཅད་པ་འདི་དག་གཉིས་ཀྱིས་ནི་བརྒལ་བ་དང་ལན་དང་བཅས་པར་ཐབས་ཀྱི་ཕ་རོལ་ཏུ་ཕྱིན་པའོ། །དེ་ལྟར་ཚིགས་སུ་བཅད་པ ་བཅུ་གཅིག་གིས་ས་ཐོབ་པ་རྣམས་ཀྱི་ཕ་རོལ་ཏུ་ཕྱིན་པ་བདུན་བསྟན་པ་ཡིན་ནོ། །ས་ཐོབ་པ་རྣམས་ཀྱི་སྦྱོར་བའི་གནས་སྐབས་ཏེ་ལེའུ་སྟེ་གསུམ་པའོ།། །།དེ་ལ་མངའ་དབང་མཛད་པ་ནི་ལྔ་སྟེ། ཉོན་མོངས་པ་དང། སྐྱེ་བ་དང། ལས་དང། ་ཐབས་དང། སེམས་ཅན་ཡོངས་སུ་སྨིན་པར་མཛད་པ་དག་གོ་།དེ་ལ་ཉོན་མོངས་པ་བྱང་ཆུབ་ཅེས་བྱ་བ་འདི་དག་གིས་ནི་ཉོན་མོངས་པ་ལ་མངའ་དབང་མཛད་པའོ། །དྲན་དང་མཁྱེན་པས་བཟུང་བས་ཤེས་བྱ་བ་འདི་དག་གིས་ནི་དེའི་དགོས་པའོ།། ་འགྲོ་བ་ཉོན་མོངས་འགྱུར་ཞེས་བྱ་བ་འདི་དག་གིས་ནི་སྐྱེ་བ་ལ་མངའ་དབང་མཛད་པའོ། །ཅི་ཡང་མེད་པའི་སྐྱེ་མཆེད་ཀྱིས་ནི་ཡུལ་ཅན་ཕྲ་རྒྱས་རྣམས་བཅོམ་ནས་ཤེས་བྱ་བ་འདི་དག་གིས་ནི་དེའི་དགོས་པའོ། །སྔོན་གྱི་མི་དགེའི ་ཕྲིན་ལས་ཞེས་བྱ་བ་འདི་དག་གིས་ནི་ལས་ལ་མངའ་དབང་མཛད་པའོ། །དེ་བཞིན་དུ་མི་དགེའི་ཞེས་བྱ་བ་འདི་དག་གིས་ནི་དེའི་དགོས་པའོ། །མ་བཞིན་ངེས་འགའ་ཐུགས་རྗེ་དག་དང་མ་བྲལ་ཞེས་བྱ་བ་འདི་དག་གིས་ནི་ཐབས་ལ་མངའ་དབང ་མཛད་པའོ། །གང་སླད་སྣ་ཚོགས་ཐབས་ཀྱིས་ཞེས་བྱ་བ་འདི་དག་གིས་ནི་དེའི་དགོས་པའོ། །ཁ་ཅིག་བྱང་ཆུབ་གསུམ་ལ་བློ་གྲོས་ཅི་རིགས་ཞུགས་ཞེས་བྱ་བ་འདི་དག་གིས་ནི་སེམས་ཅན་ཡོངས་སུ་སྨིན་པར་བྱ་བ་ལ་མངའ་དབང་མཛད་པའོ། །ངེས་པར ་ཐར་འཚལ་བ་ཞེས་བྱ་བ་འདི་དག་གིས་ནི་དེའི་དགོས་པའོ། །གང་སླད་ཁྱོད་ནི་འགྲོ་བའི་སྐྱེ་བ་བཅད་དང་ཞེས་བྱ་བ་འདི་དག་གིས་ནི་རྒྱུ་རྫོགས་པའོ། །མངའ་དབང་མཛད་པ་བསྟན་པའི་ལེའུ་སྟེ་བཞི་པའོ།། །།རྒྱུའི་གནས་སྐབས་བསྟན ་པའོ། །འཇིག་རྟེན་མ་རིག་ལྗོངས་གྱུར་པ་ཞེས་བྱ་བ་འདི་དག་གིས་ནི་ལམ་གྱིས་ཡེ་ཤེས་བསྐྱེད་པ་བསྟན་ཏོ། །ཉི་མ་དུ་མས་ཞེས་བྱ་བ་འདི་དག་གིས་ནི་ཉོན་མོངས་པ་སྤངས་པའོ། །ལྷན་ཅིག་གནས་པར་འགལ་བ་ཞེས་བྱ་བ་འདི་དག་གིས་ནི ་ཡོན་ཏན་བརྙེས་པ་བསྟན་ཏེ། འདི་དག་རྣམས་ཀྱིས་ནི་སྐྱོབ་པའི་འབྲས་བུའི་གནས་སྐབས་ཀྱི་ཡོན་ཏན་བསྟན་ཏོ། །འབྲས་བུའི་གནས་སྐབས་བསྟན་པའི་ལེའུ་སྟེ་ལྔ་པའོ།། །།དེ་ལ་ནམ་མཁའ་ཨི་དཀྱིལ་ན་ཞེས་བྱ་བ་འདི་དག་གིས་ནི ་ཆོས་ཀྱི་འཁོར་ལོ་བསྐོར་བ་ཡང་དག་པར་བསྟན་ཏོ། །སྡུག་བསྔལ་འཁྱམས་པ་འདི་ཡིན་ཞེས་བྱ་བ་འདི་དག་གིས་ནི་ཆོས་སྟོན་པའི་རང་བཞིན་བསྟན་ཏོ། །ཇི་སྲིད་ཉི་མའི་སྣང་བ་ཞེས་བྱ་བ་འདི་དག་གིས་ནི་ཡུལ་དུ་གནས་པ་ཡང་དག་པར ་བསྟན་ཏོ། །དེ་ལྟར་དོན་གསུམ་དང་ལྡན་པ་ནི་སེམས་ཅན་གྱི་དོན་མཛད་པའི་གནས་སྐབས་བསྟན་པ་ཡིན་ནོ། །སེམས་ཅན་གྱི་དོན་མཛད་པའི་གནས་སྐབས་ཀྱི་ལེའུ་སྟེ་དྲུག་པའོ།། །།ཐ་མས་ནི་ཡོངས་སུ་བསྔོ་བ་བསྟན་ཏོ། །དེ་ལྟར་རྒྱུ་དང། འབྲས་བུ་དང། ་སེམས་ཅན་གྱི་དོན་མཛད་པའི་གནས་སྐབས་ཀྱི་སྨོན་ལམ་ཇི་སྲིད་པར་ཡོངས་སུ་མྱ་ངན་ལས་མི་འདའ་བ་ཡིན་ནོ། །ཡོན་ཏན་མཛའ་ཡས་པར་བསྟོད་པའི་འགྲེལ་པ་སློབ་དཔོན་ཆེན་པོ་ཕྱོགས་ཀྱི་གླང་པོས་མཛད་པ་རྫོགས་སོ།། །།རྒྱ་གར ་གྱི་མཁན་པོ་སརྦ་ཛྙཱ་དེ་བ་དང། ལོ་ཙཱ་བ་བནདེ་རིན་ཆེན་མཆོག་གིས་བསྒྱུར། ཞུས་ཆེན་གྱི་ལོ་ཙཱ་བ་བནདེ་དཔལ་བརྩེགས་རཀྵི་ཏཱ་ས་ཞུས་ནས་གཏན་ལ་ཕབ་པ།། །།རྒྱ་གར་སྐད་དུ། གུ་ཎཱ་བརྱནྟ་སྟོ་ཏྲ་བསྟུ་ཀཱ་རི་ཀཱ། བོད་སྐད་དུ། ཡོན ་