Wylie

e-texts based on the ACIP/ALL Input

པདྨ་ཀ་ར་ཝརྨ་དང། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།རྒྱ་གར་སྐད་དུ། བུ་དྡྷཱ་ནུ་སྨྲི་ཏྱུཏྟ་ར་བྷ་བ་ནཱ་ནཱ་མོ། བོད་སྐད་དུ། སངས་རྒྱས་རྗེས་སུ་དྲན་པ་བླ་ན་མེད་བ་བསྒོམ་པ ་ཞེས་བྱ་བ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །སྤྲོས་པའི་རྒྱུན་བཅད་ཞི་བའི་གནས་རྙེད་བར་འབྱུང་གནས། སྐུ་གཉིས་སྐྱེད་པའི་ཡོན་ཏན་མཛའ་ཡས་གཞིར་གྱུར་པ། །ཆོས་སྐུ་རོ་གཅིག་བརྙེས་པས ་སྡུག་པའི་གནས་ཐིམ་པ། །རྒྱལ་བའི་རྒྱལ་བ་དམིགས་མི་མངལ་ལ་ཕྱག་འཚལ་ལོ། །མུན་པ་གཉིས་ནི་གཞོམ་འདོད་པའི། །ཡང་དག་སྣང་བ་འབྱུང་འདོད་པའི། །དོན་གྲུབ་བྱ་ཕྱིར་བདག་གིས་ནི། །སངས་རྒྱས་རྗེས་དྲན་བླ་མེད་བཤད། །དེ་ལ་སངས ་རྒྱས་རྗེས་དྲན་བླ་ན་མེད་པ་ནི་འདི་ལྟར་བལྟ་བར་བྱ་སྟེ། རྣལ་འབྱོར་པ་ཐོ་ནང་སམ་ལ་ནས་ལོངས་ཏེ། གཅོད་མར་གྱུར་བ་འམ། མི་གཙང་བ་ཡང་རུང་སྲགས་འདི་ལན་གསུམ་བརྗོད་དོ། །ོཾ་སྭ་བྷཱ་བ་ཤུདྡྷ(མདོ་འགྲེལ་སྟེ། ལུས་འདི་ནི་སྐྲ་དང། སྨིན་མ་དང། རྫི་མ་དང། ཁ་སྤུ་དང། མཆན་ཀུང་གི་སྤུ་དང། འདོམས་ཀྱི་སྤུ་དང། ལུས་གཞན་གྱི་བ་སྤུ་སྟེ། སྤུའི་ཚོགས་དང། མིག་གཉིས་དང། རྣ་བ་གཉིས་དང། སྣ་དང་སོའི་ཕྲེང་བ་དང། སེན་མོ་དང་པགས་པ་དང། ་ཤ་དང། ཚིལ་དང། ཁྲག་དང། རྩའི་དྲ་བ་དང། ཆུ་བ་དང། རྒྱུས་བ་དང། ཀླད་རྒྱས་དང། ཀླད་པ་དང། ལྕེ་དང། མིད་པ་དང། ཨོལ་ཀོད་དང། ཨོལ་མདུང་དང། གློ་བ་དང། སྙིང་དང། མཆིན་པ་དང། མཁལ་མ་དག་དང། མཆེར་པ་དང། ལྒང་བ་དང། ་མཚན་མ་དང། རྒྱུ་མ་དང། གཉེ་མ་དང། གཞང་དང། ཕོ་བ་དང། སུལ་མངས་དང། ལོང་ག་དང། གྲང་བ་དང། བཤད་བ་དང། གཅིག་དང། སྣབས་དང། ལུད་པ་དང། མཆིལ་མ་དང། མཆི་མ་དང། སྣ་ཆུ་སྣ་ལུགས་དང། མིག་དྲི་དང། དྲལ་དང། བད་ཀན ་དང། རྣག་དང། མ་བྲིས་པ་དང། རླུང་དང། ཁུ་ཆུ་དང། ཁ་ཆུ་དང། རླངས་པ་དང། སའི་ཁམས་དང། ཆུའི་ཁམས་དང། མེའི་ཁམས་དང། རླུང་གི་ཁམས་དང། ནམ་མཁའ་ཨི་ཁམས་དང། རུས་པའི་ཕྲེང་བ་དང། མཀོའི་རུས་པ་དང། མགྲིན་བའི་རུས་པ ་དང། ལག་པའི་རུས་པ་དང། བྲང་གི་རུས་པ་དང། ཚིགས་པའི་རུས་པ་དང། རྩིབ་མའི་རུས་པ་དང། ཚང་རའི་རུས་པ་དང། དཔྱིའི་རུས་པ་དང། བརླའི་རུས་པ་དང། བྱིན་པའི་རུས་པ་དང། རྐང་མཐིལ་གྱི་རུས་པ་དང། དེ་དག་ཉིད་ཀྱང་ཐོད་ཚལ ་གཅིག་པ་དང། གཉིས་པ་དང། གསུམ་པ་དང། བཞི་པ་དང། འགྲམ་པ་གཡས་པ་དང། གཡོན་པ་དང། ཚིགས་པ་རེ་རེ་དང། རྩིབ་མ་རེ་རེ་དང། སོག་པ་གཉིས་ལ་སོགས་པ་ཐ་དད་པ་འདི་དག་དང། དེ་དག་ཀྱང་རྡུལ་ཕྲ་རབ་ལ་ཐུག་པར་འགྱུར ་ཞིང་དེ་དག་ཀྱང་ཕྱོགས་ཐ་དད་པ་ཕྱེ་ན་མ་གྲུབ་སྟེ། འདི་ལྟར་ལུས་འདི་ནི་མ་གྲུབ་ཅིང། དེ་བཞིན་དུ་མཛའ་ཡས་པའི་ལུས་ཐམས་ཅད་དང། སྣོད་ཀྱི་འཇིག་རྟེན་ཐམས་ཅད་ཀྱང་དེ་དང་འདྲ་བར་མ་གྲུབ་བོ་ཞེས་ངེས་པར་བྱའོ། །དེ་ལྟར་ལུས་མ་གྲུབ་པས ་ཁོག་སྦུབས་དང། ལྕེ་དང་སོ་དང་མཆུ་ལ་སོགས་པ་ལ་བརྟེན་ནས་བྱུང་བའི་དག་མ་གྲུབ་པོ་ཞེས་ངེས་པར་བྱའོ། །དེ་ལྟར་ལུས་དང་ངག་མ་གྲུབ་པས་སེམས་ཀྱང་མ་གྲུབ་པར་དཔྱད་དེ། འདི་ལྟར་ལེགས་པར་དཔྱད་ན། སེམས་ནི་ཁ་དོག་ཏུ་མི་དམིགས། དབྱིབས ་སུ་ཡང་མ་ཡིན། ཕྱི་ན་ཡང་མ་ཡིན། ནང་ན་ཡང་མ་ཡིན། བར་ན་ཡང་མ་ཡིན། ཉེ་བ་ན་ཡང་མ་ཡིན། རིང་བ་ན་ཡང་མ་ཡིན། སྐད་ཅིག་སྔ་མ་ནི་འགགས་ཟིན་ལ། སྐད་ཅིག་ཕྱི་མ་ནི་མ་འོངས་ཤིང་མ་གྲུབ་པོ། །སྐད་ཅིག་ད་ལྟར་བ་ནི་མི་གནས ་ཤིང་མི་ཟིན་པའོ། །དེའི་ཕྱིར་ལུས་དང་ངག་དང་སེམས་འདི་དག་ནི་སྟོང་བ་ཞི་བ། ཡུལ་མེད་པ། འཇུག་པ་ཆད་པ། ཡུལ་ན་མི་གནས་པ། ཕྱོགས་ན་མི་གནས་པའོ། །ཞེས་བསམ་མོ། །དེ་ནས་ཡང་སྔ་མ་བཞིན་དུ་ལུས་ལ་སོགས་པ་ལ་བལྟ་སྟེ། ་ཡང་དང་ཡང་དུའོ། །དེ་ནས་ཡིད་སྐྱོ་བ་ན་ཆོས་ཐམས་ཅད་སྟོང་པ་ཉིད་དོ། །ཞེས་ཤིན་ཏུ་མོས་པས་ཡིད་ལ་བྱེད་པ་ཁྱོད་གཞན་འབྱུང་བ་བསྐྱེད་པར་མི་བྱ་བར་གསང་སྔགས་འདི་ཅི་དགར་བཟླས་སོ། །ོཾ་ཤུ་མྱཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོཉཧཾ། དེ ་ནས་ལྡང་བར་འདོད་པ་དང། འདི་སྙམ་དུ་ཨེ་མ་ཀྱི་ཧུད་ཆོས་འདི་དག་ཐམས་ཅད་ནི་རབ་ཏུ་ཞི་བ་སྤྲོས་པ་དང་བྲལ་བ་ཉེ་བར་འཚེ་བ་མེད་པས་བདེ་བ་དམ་པ། རང་བཞིན་གྱིས་འོད་གསལ་བ། ནམ་མཁའ་དང་མཉམ་པ་ཉིད་ཡིན་ན། བྱིས་པའི་རང ་བཞིན་ཅན། ཤེས་རབ་འཚལ་བ་འདི་དག་གིས་དེ་ལྟར་མ་ཤེས་པས་བདག་གིས་སྒྱུ་མ་དང་འདྲ་བས་དེ་དག་གི་དོན་བགྱིའོ་ཞེས་བསམས་ཏེ། བཅོས་མ་མ་ཡིན་པའི་སྙིང་རྗེས་སེམས་མཉེན་པར་བྱས་ལ། སྐད་ཅིག་གིས་རང་གི་སྡུག་པའི་ལྷའི་སྐུར་བལྟས ་ལ་ལངས་ཏེ། ཇི་ལྟ་ཇི་ལྟར་སེམས་ཅན་ལ་ཕན་པ་དང་བདེ་བར་འགྱུར་བ་དེ་ལྟ་དེ་ལྟར་དཔྱད་པར་བྱའོ། །སྔགས་བཤད་པའི་ཚུལ་གྱིས་སྔ་དྲོ་དང། གུང་དང་རྒོངས་མོ་ལ་སོགས་པར་ཡང་དང་ཡང་དུ་སངས་རྒྱས་རྗེས་སུ་དྲན་པར་བྱ་སྟེ་འདི་ལ་ནི་ཁ་ཟས་ཀྱི ་ངེས་པ་དང་དུས་ཀྱི་ངེས་པ་དང། སྤྱོད་ལམ་གྱི་ངེས་པ་དང། གཟའ་དང་སྐར་མའི་ངེས་པ་ཡང་མེད་དོ། །འོན་ཀྱང་རྣལ་འབྱོར་འདི་ལ་གཞོལ་བས་ཇི་སྐད་སངས་རྒྱས་རྗེས་སུ་དྲན་པ་མི་ཉམས་པ་དེ་ལ་གནས་ཀྱི་གྲོགས་འདོད་པར་མི་བྱ། བསྟོད་པ་དང། གྲགས ་པ་དང་བདེ་བ་དང། རྙེད་པ་དག་གིས་ཡིད་དགའ་བར་མི་བྱ་སྟེ། གལ་ཏེ་དཔའ་བ་བྱུང་ན་ཡང་འབད་པས་གཞོམ་པར་བྱའོ། །དེ་བཞིན་དུ་སྨད་པ་དང། མ་གྲགས་པ་དང། སྡུག་བསྔལ་བ་དང། མ་རྙེད་པ་དག་གིས་གདུང་བར་མི་བྱ་སྟེ། གལ་ཏེ་གདུང་བ ་བྱུང་ན་ཡང་ནན་ཏན་གྱིས་གཞོམ་པར་བྱའོ། །གང་ཞིག་འདི་ལྟར་སྤྱོད་པ་དེ་ནི་བླ་མའི་བླ་མ་སངས་རྒྱས་རྗེས་སུ་དྲན་པ་ཞེས་བྱ་སྟེ། དེ་ལྟར་ཡང་འཕགས་པ་ལངཀར་གཤེགས་པ་ལས་གསུངས་པ། དེ་ལྟར་སྐྱེ་འཇིག་སྤངས་པ་ཡི། །ཐུབ་པ་ཞི་བ་སུས་མཐོང ་བ། །དེ་དག་འདི་དང་སླད་མར་ཡང། ཆགས་ལེན་ཉེར་ལེན་མེད་པར་འགྱུར། །ཞེས་སོ། ཡང་གསུངས་བ། ཇི་ལྟར་མཐོང་བཞིན་སུ་ལྟ་བ། །དེ་དག་འདྲེན་པ་མི་མཐོང་ངོ། །རྣམ་པར་རྟོག་པ་མི་འཇུག་ཅིང། །གང་ཚེ་སངས་རྒྱས་མི་མཐོང་ལ། །འཇུག་མེད ་སངས་རྒྱས་ཡིན་པ་ནི། །གལ་ཏེ་མཐོང་ན་དེ་སངས་རྒྱས། །ཞེས་སོ་ཡང་གསུངས་པ། གང་གིས་གངྒཱའི་བྱེ་མཉམ་དུ། །འཇིག་མེད་ཚུལ་གྱིས་མཐར་ཐུག་པར། །འདྲེན་པ་རབ་ཏུ་མཐོང་བ་ནི། །དེ་དག་འདྲེན་པ་མཐོང་བ་ཡིན། །ཞེས་སོ། །དེ་བཞིན་དུ་འཕགས ་པ་ཤེས་རབ་ཀྱི་ཕ་རོལ་ཏུ་ཕྱིན་པ་རྡོ་རྗེ་གཅོད་པ་ལས་ཀྱང། གང་གིས་ང་ལ་གཟུགས་སུ་མཐོང། །གང་གིས་ང་ལ་སྒྲར་ཤེས་པ། །ལོག་པར་སྤོང་བར་ཞུགས་པ་སྟེ། །སྐྱེ་བོ་དེ་ནི་ང་མི་མཐོང། །སངས་རྒྱས་རྣམས་ནི་ཆོས་ཉིད་ལྟ། །འདྲེན་པ ་རྣམས་ནི་ཆོས་ཀྱི་སྐུ། །ཆོས་ཉིད་ཤེས་པར་བྱ་མིན་པས། །དེ་ནི་རྣམ་པར་ཤེས་མི་ནུས། །ཞེས་གསུངས་སོ། །དེ་བཞིན་དུ་འཕགས་པ་སངས་རྒྱས་ཐམས་ཅད་ཀྱི་ཡུལ་ལ་འཇུག་པ་ཡེ་ཤེས་སྣང་བའི་རྒྱན་ཅེས་བྱ་བའི་མདོ་ལས་ཀྱང་གསུངས་པ། རྟག ་ཏུ་སྐྱེ་མེད་ཆོས་ནི་དེ་བཞིན་གཤེགས། །ཆོས་རྣམས་ཐམས་ཅད་བདེ་བར་གཤེགས་དང་འདྲ། །བྱིས་པའི་བློ་ཅན་མཚན་མར་འཛིན་པ་རྣམས། །འཇིག་རྟེན་དག་ན་མེད་པའི་ཆོས་ལ་སྤྱོད་ཅེས་སོ། །གཞན་ཡང་འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ ་བརྒྱད་སྟོང་པ་ལས་ཀྱང་གསུངས་པ། སངས་རྒྱས་བཅོམ་ལྡན་འདས་རྣམས་ནི་ཆོས་ཀྱི་སྐུ་ཡིན་གྱིས། དགེ་སློང་དག་འཇིག་ཚོགས་ལ་སྐུར་མ་འཛིན་པར་དགེ་སློང་དག་ངའི་ཆོས་ཀྱི་སྐུ་ཡོངས་སུ་རྫོགས་པར་ལྟོས་ཤིག་ཅེས་གསུངས་སོ། །དེ་བཞིན ་གཤེགས་པའི་སྐུ་ནི་ཡང་དག་པའི་མཛའ་རྟོགས་པ་འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པར་བལྟའོ། །ཞེས་སོ། །ཡང་དེ་ཉིད་ལས་གསུངས་པ། དེ་བཞིན་གཤེགས་པ་ནི་གཟུགས་ཀྱི་སྐུར་མི་བལྟ་སྟེ། དེ་བཞིན་གཤེགས་པ་ནི་ཆོས་ཀྱི་སྐུའོ། །རིགས་ཀྱི་བུ ་ཆོས་ཉིད་ནི་འོང་བ་འམ་འགྲོ་བ་མེད་དེ། རིགས་ཀྱི་བུ་དེ་བཞིན་དུ་དེ་བཞིན་གཤེགས་པ་རྣམས་ལ་བྱོན་པ་འམ་བཞུད་པ་མེད་དོ་ཞེས་སོ། །གང་ཡང་འཕགས་པ་ལངཀར་གཤེགས་པ་ལས་ཀྱང་གསུངས་པ། གང་ཟག་མེད་ཅིང་ཕུང་པོ་མེད། །སངས ་རྒྱས་ཡེ་ཤེས་ཟག་མེད་པ། །རྟག་ཏུ་ཞི་བ་རྣམ་བསྒོམས་ཏེ། །དེ་ལ་བདག་ནི་སྐྱབས་སུ་མཆི། །ཞེས་སོ། །དེ་ལྟར་ལུས་རང་བཞིན་མེད་པ་དང། ངག་རང་བཞིན་མེད་པ་དང། ཡིད་རང་བཞིན་མེད་པར་བསྒོམས་པ་ནི་ཆོས་ཀྱི་སྐུ་རྗེས་སུ་དྲན་པའོ། །གཞན ་ཡང་ཕན་པར་དགའ་བར་འདོད་པའི་ལྷའི་སྐུའི་ང་རྒྱལ་འཆང་བ་ནི་གཟུགས་ཀྱི་སྐུ་རྗེས་སུ་དྲན་པའོ། །འདི་ལྟ་བུའི་རྗེས་སུ་དྲེན་པ་བསྒོམས་པས་ལུས་ཀྱི་སྤྱོད་པ་ནི་ཚུལ་མི་འཆོས་པར་བྱའོ། །གཅིག་ཏུ་རྒྱུ་བར་བྱའོ། །གནོད་པ་སྐྱོབ་པ་ཙམ་ལས་ལུས་བརྒྱན་པར་མི ་བྱའོ། །སློང་མོས་འཚོ་བར་བྱའོ། །མི་རིགས་པའི་བསྙེན་བཀུར་མི་བྱའོ། །ངག་གི་སྤྱོད་པ་ནི་དོན་མེད་པར་མི་སྨྲའོ། །འབྲེལ་པ་དང་བཅས་བཞིན་དུ་ཡིད་དུ་འོང་བར་སྨྲའོ། །གཞན་ལ་གདུང་བ་སྐྱེད་པར་མི་སྨྲའོ། །རྟོག་པ་སྔོན་ལ་སོང་བས་སྨྲའོ། །གསལ ་ཞིང་དཔེར་ཁྲིད་དེ་སྨྲའོ། །ཕ་རོལ་གྱིས་ལན་ཐེབས་པར་སྨྲའོ། །ཡིད་ཀྱི་སྤྱོད་པ་ནི་བལྟ་བ་དང། དུབ་པ་དང། མ་ཁེངས་པ་དང། མ་ཞུམ་པར་བྱའོ། །ཕྱོགས་ལ་རྒྱལ་བ་དང། ཕ་རོལ་གྱི་ངོར་མི་བལྟ་བ་དང། མ་ཡེངས་པར་བྱའོ། །དྲན་པ་དང་ཤེས་བཞིན་དང ་ལྷན་ཅིག་བར་བྱའོ། །མིའི་མཆོག་གང་ཞིག་འདི་ལྟ་བུའི་རྗེས་སུ་དྲན་པ་དང། སྤྱོད་པ་ལ་གཞོལ་བ་དེ་དག་ནི་རིང་པོར་མི་ཐོགས་པར་འབྱོར་པ་དམ་པ་ཐོབ་པར་འགྱུར་རོ། །ཆུ་ནང་པདྨ་ཉི་མའི་ཟེར་ཕྱེ་རབ་རྒྱས་དགའ་སྐྱེད་ལྟར། །བླ་མེད་རྗེས་དྲན་པདྨ ་གཞུང་གི་ཟེར་ཕྱེ་དགའ་སྐྱེད་བ། །པདྨའི་ཕྲེང་ལྟར་ལེགས་སྦྱར་འདིས་ནི་སྐྱེ་བོ་མ་ལུས་པར་བླ་མེད་སངས་རྒྱས་རྗེས་དྲན་ནམ་ཡང་མི་འབྲལ་དེར་འབད་ཤོག་།སངས་རྒྱས་རྗེས་སུ་དྲན་པ་བླ་ན་མེད་པ་བསྒོམ་པ་མདོའི་རྗེས་སུ་འགྲོ་བ་ཞེས་བྱ་བ། དཀྱིལ ་འཁོར་ཆེན་པོའི་སློབ་དཔོན་མ་ཧཱ་མ་ཏིའི་ཞལ་སྔ་ནས་མཛད་པ་རྫོགས་སོ།། །།ཱ་ཙརྱ་བི་ནཱ་ཡ་ཙནྡྲ་དང། ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།མི་མཆོག་གང་ཞིག་ནི། །ཆོས་སྐུ ་