Wylie

e-texts based on the ACIP/ALL Input

རྣམས་ཀྱིས་བསྒྱུར་བ་སྟེ་འགྱུར་རྙིང་ལགས་སྐད་དོ།། །།རྒྱ་གར་སྐད་དུ། ཀཱ་ཡ་པ་རིསྐ་བྷ་བ་ནཱ་ཀྲ་མ། བོད་སྐད་དུ། ལུས་ཡོངས་སུ་དཔྱད་པའི་བསྒོམ་པའི་རིམ་པ། །སངས་རྒྱས་ལ་ཕྱག་འཚལ་ལོ། །འདི་ལ་སློབ་དཔོན་ཀླུ ་གྲུབ་ཀྱི་ཞལ་སྔ་ནས། འཇིག་རྟེན་རྣམ་པར་རྟོག་ལས་བྱུང། །རྣམ་པར་རྟོག་པ་སེམས་ལས་བྱུང། །སེམས་ཀྱང་ལུས་ལས་བྱུང་བས་ན། །དེ་ཕྱིར་ལུས་ལ་དཔྱད་པར་བྱ། །ཞེས་གསུངས་ཏེ། དེས་ལུས་ལ་བརྟགས་པ་ནི་སྙིང་པོ་གསུམ་དང། ལུས་ཟུངས་བདུན་དང། ་སྤུའི་ཚོགས་བརྒྱད་དང། བ་སྤུའི་ཁུང་བུ་བྱེ་བ་ཕྲག་བརྒྱད་ཅུ་དང་སོ་སུམ་ཅུ་རྩ་གཉིས་དང། སེན་མོ་ཉི་ཤུ་དང། པགས་པའི་རིམ་པ་བདུན་དང། བུ་ག་དགུ་དང། འབུར་བཅུ་གཅིག་དང། ནང་གི་དངོས་པོ་ཉི་ཤུ་རྩ་གཅིག་དང། ཤ་སྤར་ཚད་ལྔ་བརྒྱ ་དང། རྩ་སྟོང་ཕྲག་བདུན་ཅུ་རྩ་གཉིས་དང། རྒྱུས་པ་བདུན་བརྒྱ་དང། ཆུ་བ་བཅུ་དྲུག་དང། སྲིན་བུའི་རིགས་བྱེ་བ་ཕྲག་བརྒྱད་ཅུ་དང། ནད་གཞི་རྣམ་པ་བཞི་དང། མི་གཙང་བ་ཉི་ཤུ་རྩ་གཉིས་དང། འབྱུང་བ་ཆེན་པོ་བཞི་དང། གང་ནམ་མཁའ་ཨི་ཁམས ་དང། རུས་པ་སུམ་བརྒྱ་དྲུག་ཅུ་དང། ཚིགས་སུམ་བརྒྱ་དང། གནད་བརྒྱ་རྩ་བདུན་ཆས་པ་དང། ཡང་ཕུང་པོ་ལྔ་དང། ཁམས་བཅོ་བརྒྱད་དང། རྟེན་ཅིང་འབྲེལ་བར་འབྱུང་བ་དང། སྐྱེ་མཆེད་རྣམས་ཀྱང་འདིའི་ཆར་ཆོས་ཇི་ལྟ་བར་བརྟག་ཅིང ་དཔྱད་དོ། །དེ་ནས་ཡང་ཇི་ལྟར་སློབ་དཔོན་ཕྱོགས་ཀྱི་གླང་པོའི་ཞལ་སྔ་ནས། རྣམ་པར་མི་རྟོག་ཡེ་ཤེས་རྡོ་རྗེ་ཡིས། །ལུས་ཀྱི་འཁྲུལ་འཁོར་ཐམས་ཅད་གཞིག་པར་བྱ། །ཞེས་བཤད་པའི་རིམ་པས་སོར་ཚིགས་དང། ནས་དང། ཤིག་དང། སྲོ་མ་དང། ་གླང་དང། ལུག་དང། རི་བོང་དང། ཉི་ཟེར་དང། ལྕགས་དང། ཆུའི་རྡུལ་དང། །རྡུལ་ཕྲ་མོ་དང། ཕྲ་རབ་དག་གོང་ནས་འོག་ཏུ་བདུན་དུ་བསྐྱུངས་པས་དཔྱད་ནས། ཐ་མར་རྡུལ་ཕྲ་རབ་དེ་ནི་ཇི་ལྟར་འཕགས་པས་དག་པར་སྤྱོད་པའི་ཚུལ་ནམ་མཁའ་ཨི ་མདོག་གིས་འདུལ་བའི་བཟོད་པའི་མདོ་ལས་ཇི་སྐད་དུ་གསུངས་པ་བཞིན་དུ་བསྒོམ་སྟེ། ཤིན་ཏུ་ཕྲ་བའི་རྡུལ་གཅིག་པོ་དེ་ལ་ཇི་ལྟར་ལྷག་མཐོང་ཕྲ་མོས་བརྟག་ཅེ་ན། རྡུལ་ཕྲ་མོ་གཅིག་པོ་དེ་ལ་ཇི་ལྟར་མཚན་ཉིད་མེད་པ་ཉོན་མོངས་པ་ཐམས ་ཅད་དང་བྲལ་བར་གྱུར་པར་རབ་ཏུ་ཤེས། བདག་མེད་པ་དང་རྣམ་པར་བྲལ་བར་རབ་ཏུ་ཤེས་དངོས་པོ་མེད་པ་དང་དོན་དམ་པའི་ཚིག་གི་ལམ་དང་བྲལ་བར་རབ་ཏུ་ཤེས། དམིགས་པ་མེད་པ་དང་སྒྲ་དབྱངས་ཐམས་ཅད་དང་བྲལ ་བར་རབ་ཏུ་ཤེས། བདག་མེད་པ་དང་བྲལ་བ་དང། བདུད་ཀྱི་མཚན་ཉིད་དུ་རབ་ཏུ་ཤེས། ཡི་གེ་མེད་པ་རྒྱུ་རྐྱེན་དང་བྲལ་བར་རབ་ཏུ་ཤེས། དངོས་པོ་མེད་པ་དང་རྒྱུ་རྐྱེན་དང་བྲལ་བར་རབ་ཏུ་ཤེས། མཚན་མ་མེད་པ་ལས་རྡུལ་ཤིན་ཏུ་ཕྲ་བར ་རབ་ཏུ་ཤེས་ཏེ། ཇི་ལྟར་འདུ་བྱེད་ཐམས་ཅད་རབ་ཏུ་ཞི་བ་ལ་རྣམ་པ་བརྒྱད་པོ་དེ་དག་གིས་ཤིན་ཏུ་ཕྲ་མོ་ཞིག་ཏུ་བརྟག་གོ་།དེ་བཞིན་དུ་གཉིས་པ་དང། དེ་བཞིན་དུ་གསུམ་པ་ནས་ནང་གི་ལུས་ཐམས་ཅད་ཀྱི་བར་དུ་གཅིག་ལ་ཡང་སོ་སོར་རྣམ ་པ་བརྒྱད་པོ་འདི་དག་གིས་རྡུལ་ཕྲ་མོ་ཞིབ་ཏུ་བརྟག་གོ་།ནང་གི་ལུས་ཇི་ལྟ་བ་བཞིན་དུ་ཕྱི་རོལ་གྱི་ལུས་ཐམས་ཅད་ཀྱི་བར་དུ་སའི་ཁམས་རྣམས་བརྒྱད་པོ་འདི་དག་གིས་སོ་སོར་རྡུལ་ཤིན་ཏུ་ཕྲ་བར་བརྟག་གོ་ཞེས་བྱ་བ་ལ་སོགས་པ་རྒྱས ་བར་སྟོན་ཏེ། དེ་ལྟར་ལུས་ལ་རྣམ་པར་དཔྱད་ནས་ནམ་མཁའ་དང་འདྲ་བར་བསྒོམ་མོ། །དེ་ནས་དག་ཀྱང་བྱུང་མ་ཐག་ཏུ་ཞིག་ཅིང་ནམ་མཁར་ཐིམ་པ་བྲག་ཆ་དང་འདྲ་བར་ཡུལ་ན་མི་གནས་ཤིང། སེམས་ཀྱང་ཁ་དོག་དང་དབྱིབས་དང། སྐྱེ་གནས ་དང། སྣོད་དང། སེམས་ཅན་དུ་མི་དམིགས་པར་གྱུར་གྱི་བར་དུ་བལྟ་སྟེ། དེའི་ཚེ་ཐམས་ཅད་ནམ་མཁའ་ཨི་ངོ་བོར་གནས་སོ། །འདི་ཉིད་ལ་གོམ་པ་ཚུལ་བཞིན་མ་ཡིན་པ་ཡིད་ལ་བྱེད་པ་དང། ཡང་དག་པ་མ་ཡིན་པར་རྟོག་པ་ནས་ཇི ་སྲིད་རྒ་ཤིའི་བར་དུ་ཇི་ལྟ་བར་ཤེས་པས་བདེ་བར་གནས་སོ། །དེ་ནས་ནི་ཇི་ལྟར་དགའ་བའི་གཟུགས་ཀྱི་ལུས་ཀྱིས་བདག་དང་གཞན་ལ་ཕན་པ་དང་བདེ་བ་སྒྱུ་མ་ལྟར་དཔྱད་དོ། །ལུས་ཡོངས་སུ་དཔྱད་པའི་བསྒོམ་པའི་རིམ་པ། སློབ ་དཔོན་ནག་པོ་ཞབས་ཀྱིས་མཛད་པ་རྫོགས་སོ།། །།རྒྱ་གར་གྱི་མཁན་པོ་དེ་ཉིད་དང། ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱིས་བསྒྱུར་ཅིང་ཞུས་པའོ།། །།ཕ་རོལ་ཏུ་ཕྱིན་པའི་ཐེག་པའི་བསྒོམ་པའི་རིམ་པའི་མན་ངག་། ་