Wylie

e-texts based on the ACIP/ALL Input

རྒྱ་གར་སྐད་དུ། ཡོ་ག་ལཀྵ་ཎ་ས་ཏྱ། བོད་སྐད་དུ། རྣལ་འབྱོར་གྱི་མཚན་ཉིད་ཀྱི་བདེན་པ། རྗེ་བཙུན་སྒྲོལ་མ་ལ་ཕྱག་འཚལ་ལོ། །ཕྱོགས་བཅུ་ཀུན་གྱི་སངས་རྒྱས་དང། །ཆོས་དང་དགེ་འདུན་ཚགས་བཅས་ལ། །ཐལ་སྦྱར་གུས་པས་ཕྱག་འཚལ་ནས། །རྣལ ་འབྱོར་བསྒོམ་པའི་མན་ངག་འདི། །རིན་ཆེན་སྣ་ཚོགས་བསྡུས་པ་ལྟར། །རྣལ་འབྱོར་པ་རྣམས་གྲོལ་བའི་ཕྱིར། །མདོར་བསྡུས་ནས་ནི་བཤད་པར་བྱ། །ནམ་གྱི་ཆ་སྨད་གཉིད་ལས་སང། །བདག་མ་གཏོགས་པའི་སེམས་ཅན་ལ། །ཐོག་མ་ཉིད་དུ་སྙིང་རྗེ ་བསྒོམ། །དེ་ནས་བདག་ཉིད་ལ་བལྟས་ནས། །དེང་གི་ཉིན་ཞག་འདི་ལ་ནི། །སློང་བའི་སེམས་ཅན་དག་ལ་ནི། །ཇི་སྲེད་འོངས་ཀྱང་སེར་སྣ་ཡི། །དྲི་མས་མ་གོས་ཉིད་དུ་བྱ། །གལ་ཏེ་བསླབ་པ་ལས་འགལ་བའི། །ཡིད་ལ་རྒྱུ་བ་ཕྲ་མོ་ཡང།། ་བསམ་པ་ཉིད་དུ་མི་བྱ་ན། །ངག་དང་ལུས་ཀྱིས་སྨོས་ཅི་དགོས། །བདག་ལ་དེ་རིང་ཁྲོ་པ་དང། །རྡེག་པ་ལ་སོགས་འབྱུང་བར་ཤོག་།དེས་ཀྱང་འཁྲུག་པ་མི་བྱ་ཞིང། །ལེ་ལོ་བྱུང་ན་ཤེས་བཞིན་གྱིས། །མགོ་ལ་མེ་འབར་བཞིན་དུ་དོར། །བདག་གིས ་འགྲོ་འམ་ཉལ་འདུག་རུང། སྤྱོད་ལམ་ཇི་ལྟར་གནས་འདུག་ཀྱང། །ཡིད་ནི་ལྷ་ཡི་ང་རྒྱལ་དང། །སྐད་ཅིག་ཙམ་ཡང་མི་འབྲལ་བར། །རང་ཉིད་ཡིན་པར་རྟག་ཏུ་བསམ། །འཁོར་བ་མྱ་ངན་འདས་པ་ཡི། །ཤེས་དང་ཤེས་བྱ་བདག་གིས་ནི། །དེ་རིང་ཉིད་ནས ་བདག་གིས་བརྟག། སྟོད་དང་སྨད་པ་གྲགས་མ་གྲགས། གཞན་དག་ཇི་ལྟར་ཟེར་ཡང་ནི། །དེ་ཉིད་བྲག་ཆ་ལྟ་བུ་དང། །འོན་པ་ལྟ་བུར་བདག་གིས་བྱ། །ཆགས་པའི་གཟུགས་སྒྲ་དྲི་རོ་རེག། འདོད་ཡོན་ལྔ་ལ་གང་དུ་ཡང། །རྣམ་ཤེས་འཕྲོ་བའི་ཡུལ་བྱུང་ཡང། །ངག ་ཏུ་མ་ཐོན་བར་དུ་བཟློག་།གཟུགས་སུ་སྣང་རྣམས་སྐུ་ཡི་ཡིན། །སྒྲ་རྣམས་གསུང་དུ་བདག་ཉིད་བརྟག་།སེམས་ཅན་བྱང་ཆུབ་རྒྱུ་ཡིན་ཕྱིར། །དེ་ཡེ་ཤེས་པ་ཡེ་ཤེས་ཡིན། །སེམས་ཅན་ཇི་ལྟར་མཐོང་གྱུར་ཀྱང། །དེ་དག་ཉིད་ལ་བློས་ཕྱག་བྱ།། ་འདི་དག་ཉིད་ལ་བརྟན་ནས་བདག། སངས་རྒྱས་ཉིད་དུ་འགྲུབ་པས་ན། །དགེ་བའི་བཤེས་གཉེན་དམ་པ་ཡིན། །མང་པོ་ཚོགས་པར་གྱུར་པ་ན། །རོ་དང་དུར་ཁྲོད་འདུ་ཤེས་བསྐྱེད། །གྲོང་དུ་འཇུག་པར་བྱེད་པ་ན། །བརྩོན་ར་ཁྲི་མོན་འདུ་ཤེས་བསྐྱེད། ་རྒྱལ་པོའི་ཕོ་བྲང་འགྲོ་བ་ན། །ངན་འགྲོ་ནད་དང་འཆིང་བ་དང། །གཡང་ས་ཆེན་པོའི་འདུ་ཤེས་བསྐྱེད། །གལ་ཏེ་བུད་མེད་ཚོགས་མཐོང་ན། །མི་གཙང་རྫས་ནི་སུམ་ཅུ་དང། །འཁོར་བའི་ལམ་འདྲེན་ཡིན་པར་བསམ། །ཉེ་དུ་ཕ་མ་བུ་ཚ་རྣམས།། ་དེ་ལ་ཆགས་སྔར་བཏང་སྙོམས་བསམ། །དགྲ་རྣམས་མཐོང་ན་དེ་དག་གིས། །བཟོད་རྫོགས་བྱང་ཆུབ་ཡིན་པར་བསམ། །བདག་གིས་ལོངས་སྤྱོད་རྫས་ལ་ཡང། །འདིར་ནི་རྩོད་པའི་རྒྱུ་དང་ནི། །ཕྱི་མར་ངན་འགྲོར་འཁྲིད་པར་བསམ། །བདག་ལ་བསྟོད་པ ་བརྗོད་ན་ཡང། །འདི་ནི་ང་རྒྱལ་འཕེལ་བྱེད་པས། །ངན་འགྲོར་འཁྲིད་པར་བྱེད་པ་ཡིན། །གལ་ཏེ་སྨོད་པ་བྱུང་ན་ཡང། །འདི་ལ་བཟོད་བསྒོམ་བྱང་ཆུབ་ཡང། །འདིར་ནི་རྩོད་པའི་རྒྱུ་དང་ནི། །མཚན་རྣམས་རྫོགས་པར་རབ་ཏུ་བསམ། །གནས་ལ་ཞན་པ་བྱུང་གྱུར་ན།། ་རྨི་ལམ་གྲོང་ཁྱེར་ཇི་བཞིན་དུ། །རྣལ་འབྱོར་པ་ཡིས་རབ་ཏུ་བསྒོམ། །བདག་གིས་དེང་གི་ཉིན་ཞག་ལ། །དག་ལས་བཟླས་བརྗོད་ཁ་ཏོན་བྱ། །བཀླག་སོགས་བསླབ་ལས་མི་འགལ་བར། །དེ་རིང་བདག་གིས་སྨྲ་བར་བྱ། །ལུས་ཀྱི་གཡོ་བ་ཐམས་ཅད་ཀྱང། །མཆོད་དང ་བསྐོར་བ་ལ་སོགས་པ། །ངལ་གསོ་དོན་ཡོད་ཉིད་དུ་བྱ། །རྣམ་རྟོག་གཉེན་པོས་མ་བསྡམས་ན། །ཚིག་ཏུ་བརྗོད་པས་ཅི་ཞིག་འགྲུབ། །དེ་བས་རྣམ་པ་ཐམས་ཅད་དུ། །གཉེན་པོའི་དཔུང་ཚོགས་བསྐྱེད་ནས་ནི། །ཉོན་མོངས་རྣམས་ནི་དཔྱིས་ཕྱིན་བྱ། །བཟའ་ ་བཏུང་ཞིམ་པོ་ཟ་བའི་ཚེ། །རོ་ལ་ཞེན་པ་སྤང་བྱ་ཡིན། །མི་གཙང་རྒྱུ་ལས་བྱུང་བ་དང། །ཐ་མར་མི་གཙང་འགྱུར་བར་བསམ། །རེག་བྱ་འཇམ་པོ་ཚོར་བའི་ཚེ། །རེག་བྱ་ཇི་བཞིན་ཡིན་པར་བསམ། །འདིར་མང་སྨོས་པས་ཅི་ཞིག་དགོས། །གང་དུ་ཉོན་མོངས ་འཕེལ་བ་ཡི། །ཁྱིམ་བ་འམ་རབ་བྱུང་གང་ཡང་རུང། །དེ་དག་རབ་ཏུ་སྤང་བྱ་ཞིང། །ཉོན་མོངས་རྣམ་པར་མི་འཕེལ་བའི། །སྒྲུབ་པའི་གྲོགས་མཆོག་གང་ཡང་རུང། །དེ་དག་བསྟེན་པ་མིག་ལྟར་བྱ། །བདག་ནི་དེ་རིང་ནས་བརྩམས་ཏེ། །བྱང་ཆུབ་སྙིང ་པོར་མཆིས་པར་དུ། །རྟག་ཏུ་རབ་ཏུ་བྱུང་བ་དང། །ཚངས་པར་སྤྱོད་པ་ཉིད་དུ་བྱ། །ཉིན་མཚན་དུས་ལས་མི་ཡོལ་བར། །ཐུན་མཚམས་གསུམ་དུ་བསྒོམ་བར་དུ། །སྲོག་དང་ཙོལ་བ་བཀག་པ་དང། །རླུང་མེད་པ་ཡི་མར་མེ་ལྟར། །རྟག་ཏུ་སྤྲོས་བྲལ་བསྒོམ ་པར་བྱ། །དེ་ནས་ལྡང་ཚེ་ང་རྒྱལ་གྱིས། །མཚན་དང་དཔེ་བྱད་སྐུར་ལྡན་པའི། །ལྷ་ཡི་ང་རྒྱལ་བརྟན་པོར་བསམ། །མཚན་མོའི་ཐུན་ལ་བབ་པའི་ཚེ། །བདེ་གཤེགས་ཇི་ལྟར་གཟིམས་པ་ལྟར། །འཇིག་རྟེན་རྟོག་སྤངས་བདག་ཉིད་ཉལ ་མདོར་ན་ཆོས་རྣམས་ཐམས་ཅད་ཀུན། །རྨི་ལམ་ལྟ་བུར་བརྟག་པར་བྱ། །རྣལ་འབྱོར་བསྒོམ་རྣམས་གཙོར་བྱ་ཡི། །ལུས་ངག་དགེ་བ་གཙོར་མི་བྱ། །ཆོས་སྤྱོད་རྣམ་བཅུ་ལ་སོགས་པ། །ཉོན་མོངས་རྟོག་པས་མ་གཡེངས་པར། །བསྒྲིམས་ནས་བདག་གིས ་འབད་པས་བསྒྲུབ། །རྟག་ཏུ་འཆི་བསམས་མ་ཆགས་བློས། །དངོས་པོ་ཅི་ལ་འང་མ་ཆགས་པར། །སྤྱོད་ལམ་ཇི་ལྟར་གནས་ཀྱང་བསྒོམ། །བསོད་ནམས་སེམས་ཅན་ཀུན་ལ་བསྔོ། །བྱང་ཆུབ་བཟང་པོ་བདག་གིས་ནི། །རྣལ་འབྱོར་བསྒོམ་པ་བརྩམས ་པ་ཡི། །དགེ་བ་ཟླ་ཟེར་དྲི་མེད་དེས། །བདག་དང་འགྲོ་བ་མ་ལུས་པས། །དཔལ་ལྡན་རྡོ་རྗེ་འཆང་འགྲུབ་ཤོག་།རྣལ་འབྱོར་གྱི་མཚན་ཉིད་བདེན་པ་མཁས་པ་ཆེན་པོ་དཔལ་བྱང་ཆུབ་བཟང་པོའི་ཞལ་སྔ་ནས་མཛད་པ་རྫོགས་སོ།། །། ་