Wylie

e-texts based on the ACIP/ALL Input

འཕགས་པ་རྟོགས་པ་ཆེན་པོ་ཡོངས་སུ་རྒྱས་པའི་མདོ་སྡེ། རྒྱ་གར་ལས་འགྱུར་བ་ལགས། འཕགས་པ་ཐར་པ་ཆེན་པོ་ཕྱོགས་སུ་རྒྱས་པའི་མདོ་སྡེ་རྒྱ་ནག་ལས་འགྱུར་བ་ལགས་སོ། །དེ་བཞིན་གཤེགས་པའི་སྙིང ་པོ་ཡི་གེ་བརྒྱ་བའི་སྲུང་བ་དང། སྡིག་པ་བཤགས་པའི་ཆོ་ག། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །དེ་བཞིན་གཤེགས་པའི་སྙིང་པོ་བརྒྱད་སྟོང་བཟླས་ན། འཇིག་རྟེན་པ་དང་འཇིག་རྟེན་ལས་འདས་པའི་དཀྱིལ་འཁོར་ཐམས་ཅད་དུ་ཞུགས ་པར་འགྱུར་རོ། །དེ་ཡང་གང་ཞེ་ན། ན་མ་སྟཻ་ཡ་དྷཝི་ཀཱ་ནཱཾ་ཏ་ཐཱ་ག་ཏཱ་ནཱཾ། སརྦ་ཏྲཱ་པྲ་ཏི་ཧ་ཏཱ་བ་བྷི་དྷརྨ་ཏཱ་བཱ་ལི་ནཱཾ། ཨ་ས་མ་ས་མ། ས་མནྟ་ཏོ་ནཱནྟ། བཱབྷི། ཤཱ་ས་ནི། ཧ་ར་ཧ་ར། སྨ་ར་སྨ་ར་ཎ། བི་ག་ཏ་རཱ་ག་བུ་དྷ་དྷརྨ་ཏེ། ས་ར་ས་ར། སམ་བ་ལ་ཧ་ས་ཧ ་ས། །ཏྲ་ཡ་ཏྲ་ཡ། བྷ་ག་བཾ་མཧཱ་བ་ར་ལཀྵ་ཎེ། ཛཝ་ལ་ཛཝ་ལ་ན་སཱ་ག་རེ་སྭཱ་ཧཱ།། །།དེ་ནི་དེ་བཞིན་གཤེགས་པ་ཐམས་ཅད་ཀྱི་སྐུ་ཡིན་ཏེ། འདི་ལ་གུས་པ་བླ་ན་མེད་པ་བྱའོ། །འདི་ལས་དང་པོ་པ་དག་ཀྱང་སེམས་ཅན་རྣམས་ལ་སངས་རྒྱས་ཀྱི ་མཛད་པ་བྱེད་པར་འགྱུར་རོ། །འདི་ཉིད་བདུད་ལ་སོགས་པ་དང་མ་རུངས་པ་ཐམས་ཅད་ཀྱི་ལས་བསྲུང་བར་བྱེད་པའི་མཆོག་ཡིན་ནོ། །ཐལ་མོ་བརྡབ་པ་འམ། ཐལ་པ་འམ། ཡུངས་ཀར་རམ། ཆུ་འམ། བལྟ་བ་འམ། ཡིད་ཀྱིས་ཀྱང་མཚམས་གཅོད ་པར་བྱེད་དོ། །ནད་ཀྱིས་བཏབ་ན་སྨན་གྱི་ཆུ་ལ་སྔགས་ཀྱིས་བཏབ་སྟེ་བཏུང་ངོ། །ཡང་ན་མཆོད་རྟེན་ནམ། སྐུ་གཟུགས་སམ། དམ་པའི་ཆོས་ཀྱི་གླེགས་བམ་ལ་ནགས་ཀྱི་མེ་ཏོག་སེམས་མཉམ་པར་བཞག་སྟེ་འབུལ་ཞིང་ཟླ་བ་ཕྱེད་སྦྱོར་བ ་བྱས་ན་ནད་ཆེན་པོ་དག་ལས་ཐར་བར་འགྱུར་རོ། །སངས་རྒྱས་དང་བྱང་ཆུབ་སེམས་དཔའ་ལ་དམིགས་པ་དང། སེམས་ཅན་ཐམས་ཅད་ལ་དམིགས་པ་དང། སེམས་ཅན་ཐམས་ཅད་ཀྱི་དོན་བྱ་བར་འདོད་པའི་སེམས་ཀྱིས་བཟང་པོ ་སྤྱོད་པ་དོན་དུ་བྱས་པས་བཟླས་བརྗོད་བྱའོ། །ཆོ་ག་འདི་ནི་ཆོ་ག་འདིའི་མཇུག་ནས་འབྱུང་བའོ། །དམ་ཚིག་གསུམ་གྱི་བཟླས་བརྗོད་བྱེད་པ་ནི་ཁྲུས་མ་བྱས་ཀྱང་ཉེས་པ་མེད་དོ། །ལྷག་མདང་གཙང་སྦྲ་མ་བྱས་ཀྱང་ཉེས་པ་མེད་དོ།། ་ཕྱག་རྒྱ་འདྲ་བ་དག་མི་བཟའ་ཨོ། །མི་བསྒོམ་མོ། །ཁྲི་ལ་ཉལ་བར་མི་བྱའོ། །ཆང་མི་བཏུང་ངོ། །མོས་པས་པས་སྤྱོད་པའི་བསླབ་པའི་གཞི་དག་ལས་མི་གཡོ་བ་དང། ཐེ་ཚོམ་མེད་ན་སྔོན་དང་ཚུལ་ངན་པར་འགྱུར་ཀྱང་འགྲུབ་པོ། །མཁས་སམ་མི ་མཁས་ཀྱང་རུང་སྟེ། ངེས་པར་འགྲུབ་པོ། །དེ་སྐད་དུ་དེ་ཉིད་ལས། གང་ཞིག་བྱང་ཆུབ་སེམས་བརྟན་ཞིང། །བློ་གྲོས་ཆགས་པ་མེད་པ་དང། །ཐེ་ཚོམ་དག་ཀྱང་མི་བྱེད་པ། །དེ་ལ་ངེས་པར་འགྲུབ་པར་འགྱུར། །ཞེས་གསུངས་སོ། །བྱང་ཆུབ་ཀྱི ་སེམས་བརྟན་པ་ནི་འདིར་སོ་སོའི་སྐྱེ་བོའི་སྟོབས་དང་ལྡན་པར་ངེས་པར་བྱ་བའི་ཕྱིར་གསུངས་ཀྱི། སར་ཆུད་པའི་དབང་དུ་བྱས་པ་ནི་མ་ཡིན་ནོ། །འདི་ལ་མ་ཤེས་ན་སྔགས་རྣམས་ཡི་གེ་ལྷག་པར་བརྗོད་ཀྱང་ཉེས་པ་མེད་དོ། །ཉུངས་ཀྱང་ཉེས ་པར་མི་འགྱུར་རོ། །ཆོ་ག་ཉམས་ཀྱང་ཉེས་པར་མི་འགྱུར་རོ། །འོན་ཀྱང་དད་པའི་ཤུགས་དང། བྱང་ཆུབ་ཀྱི་སེམས་ཀྱི་ཤུགས་དང། རང་གི་དོན་དོར་བའི་སེམས་བཙན་པར་བྱ་སྟེ། རྣམ་པར་མི་བརྟག་པར་བརྗོད་ན་གདོན་མི་ཟ་བར་ཚེ་འདི ་ཉིད་ལ་བྱང་ཆུབ་སེམས་དཔའ་མཐོང་བ་དང། ཅི་འདོད་པ་ཡང་འགྲུབ་པར་འགྱུར་རོ། །བསླབ་པ་ཀུན་ལས་བཏུས་པ་ལས་འབྱུང་བ་དེ་བཞིན་གཤེགས་པའི་སྙིང་པོ་ཡི་གེ་བརྒྱ་པའི་སྲུང་བ་དང་སྡིག་པ་བཤགས་པའི་ཆོ་ག་སློབ་དཔོན ་ཞི་བའི་ལྷས་མཛད་པ་རྫོགས་སོ།། །།རྒྱ་གར་སྐད་དུ། མཎྜལ་ཀྲི་ཡ་བི་དྷི། བོད་སྐད་དུ། མཎྜལ་བྱ་བའི་ཚོག?་།སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །དང་པོ་དཀྱིལ་འཁོར་ཆེ་ཆུང་གི་།བསྐུས ་