Wylie

e-texts based on the ACIP/ALL Input

ཡོངས་སུ་བྱང་བ་ཆེན་པོ། སྦྱིན་པའི་གནས་སུ་གྱུར་པ། ཀུན་ཏུ་ཡང་སྦྱིན་པའི་གནས་སུ་གྱུར་པའོ། །དགེ་འདུན་རྗེས་སུ་དྲན་པ་རྫོགས་སོ།། །།འདོད་པའི་ཡོན་ཏན་རྣམ་པ་ལྔའི་ཉེས་དམིགས་བཤད་པ། འཇམ་དཔལ་གཞོན ་ནུར་གྱུར་པ་ལ་ཕྱག་འཚལ་ལོ། །རི་དགས་གླང་པོ་ཕྱེ་མ་ལེབ་དང་ཉ། །སྦྲང་མ་ལྔ་པོ་དེ་ཡང་ལྔ་ཡིས་བཅོམ་འགྱུར་ཏེ། གཅིག་གིས་བཅོམ་ན་གང་ཞིག་ལྔ་རྣམས་ནི། །རྟག་ཏུ་བརྟེན་པ་ཅི་ཕྱིར་བཅོམ་མི་འགྱུར། །རྩཝ་ཡི་མྱུ་གུ ་གཅིང་མ་ཟ། །ཤིན་ཏུ་རིང་དུ་འགྲོ་ནུས་པ། །རི་དགས་རྔོན་པའི་གླུ་དབྱངས་ཀྱིས། །ངེས་པར་གསོད་པ་ཚོལ་བར་འགྱུར། །ས་སུངས་དང་ནི་རབ་འགྲན་ཅིང། །རི་ཡི་རྒྱལ་པོ་རྒྱུན་ཤེས་འདྲའི། །བན་ལང་མོ་ཡི་ཉེ་རེག་གིས། །ངེས་པར་གླང་པོ ་གསང་སར་སོང། །འབར་བ་ཆེན་པོའི་ཚོགས་དག་གིས། །མེ་ཆེན་དག་ནི་མཐོང་ནས་ཀྱང། །གཟུགས་ལ་ཆགས་པ་ཆེན་པོ་ཡིས། །ཕྱེ་ལེབ་མི་ལ་འཇུག་པར་འགྱུར། །བཀག་པ་མེད་པའི་ལམ་འགྲོ་ཞིང། །རྟག་ཏུ་རྣམ་པར་རྒྱུ་བ་ཡི། །རོ ་མྱང་བ་ལ་ཆགས་པ་ཡིས། །ཉ་ནི་ལྕགས་ཀྱུས་བརླག་པར་བྱེད། །རྟག་ཏུ་ནམ་མཁའ་ལ་རྒྱུ་ཞིང། །གཟུགས་ནི་ཤིན་ཏུ་ཡིད་འོང་བའི། །བུང་བ་དྲི་ཡི་ཉེས་པ་ཡིས། །ངེས་པར་འཆི་བར་འགྱུར་བ་ཡིན། །རི་དགས་ཉིད་ནི་སྒྲ་ཙམ་གྱིས། །རེག་པས ་གླང་པོ་བརླག་པར་འགྱུར། །གཟུགས་ཉིད་ཀྱིས་ནི་ཕྱེ་ལེབ་སྟེ། །རོ་ཡིས་ཉ་ནི་རྣམ་པར་བརླག་།བུང་བ་དྲི་ལ་ཆགས་པ་སྟེ། །འདི་དག་རྒྱུ་ནི་རེ་རེ་ཡིས། །སྐྱེས་བུ་དག་ནི་གཅིག་ལ་ཡང། །ལྔ་པོ་འདི་དག་རྟག་ལྡང་ཞིང། །ཉིན་མཚན་དུ་ནི་རབ ་འཇོམས་ན། །བདེ་གནས་ཇི་ལྟར་ཐོབ་པར་འགྱུར། །འདོད་པའི་ཡོན་ཏན་ལྔའི་ཉེས་དམིགས་བཤད་པ་སློབ་དཔོན་དབྱིག་ཉེན་གྱིས་མཛད་པ་རྫོགས་སོ།། །།རྒྱ་གར་གྱི་མཁན་པོ་དྷརྨ་ཤྲཱི་བྷ་དྲ་དང། ཞུ་ཆེན་གྱི་ལོ་ཙཱ་བ་དགེ ་སློང་རིན་ཆེན་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།འཕགས་པ་རྟོགས་པ་ཆེན་པོ་ཡོངས་སུ་རྒྱས་པའི་མདོ་སྡེའི་སྡིག་པ་བཤགས་པ་དང་སྒྲུབ་པའི་ཆོག། །ཐམས་ཅད་མཁྱེན་པ་ལ་ཕྱག་འཚལ་ལོ། །དེ་ནས ་