Wylie

e-texts based on the ACIP/ALL Input

ཏེ་གཏན་ལ་ཕབ་པའོ།། །།རྒྱ་གར་སྐད་དུ། པྲ་ཎི་དྷཱ་ན་སཔཏ་ཏི་ནཱ་མ་གཱ་ཐཱ། བོད་སྐད་དུ། སྨོན་ལམ་བདུན་ཅུ་པ། ཞེས་བྱ་བའི་ཚིགས་སུ་བཅད་པ། བྱང་ཆུབ་སེམས་དཔའ་ཀུན་ཏུ་བཟང་པོ་ལ་ཕྱག་འཚལ་ལོ། །ཡོན་ཏན་རིན་ཆེན་དཔག ་མེད་ཚོགས་མངའ་ཞིང། །ཉེས་པའི་དུག་སྡོང་མཛའ་དག་དྲུངས་ཆུང་བ། །ཕྱོགས་བཅུ་དག་ན་དུས་གསུམ་བཞུགས་པ་ཡི། །བདེ་བར་གཤེགས་པ་རྣམས་ལ་ཕྱག་འཚལ་ལོ། །མི་ཤེས་པ་ཡི་རབ་རིབ་སེལ་མཛད་ཅིང། །བག་ལ་ཉལ་བའི ་མངའ་དུག་འབྱིན་པའི་ཐབས། །འགྲོ་བ་གསུམ་པོ་ཀུན་གྱི་བློ་གྲོས་ཀྱི། །མིག་འབྱེད་པ་ཡི་ཆོས་ལ་ཕྱག་འཚལ་ལོ། །བདེ་གཤེགས་སྲས་པོ་དགེ་འདུན་མི་ལྡོག་པ། །ཐུགས་རྗེ་ཆེན་པོས་ཡིད་ནི་དྲངས་གྱུར་ཏེ། །བློ་ཅན་བྱེ་བར་གྱུར་པ་མ ་ལུས་ལ། །རྒྱུན་མི་འཆད་པར་མགོ་བོས་ཕྱག་འཚལ་ལོ། །འགྲོ་བ་རྣམས་སུ་བདག་གིས་མི་དགེ་གང། །ཅུང་ཟད་བགྱིས་སམ་བགྱིད་བརྩལ་རྗེས་ཡི་རང། །རྒྱལ་བ་རྣམས་ལ་དེ་དག་བཤགས་ནས་ནི། །སླན་ཆད་མི་བགྱིད་པ་ཡི་སྡོམ་པ་ནོད།། ་བདེ་གཤེགས་རང་རྒྱལ་དང་ནི་ཉན་ཐོས་དང། །རྒྱལ་བའི་སྲས་ཀྱིས་དགེ་བ་བསགས་པ་དང། །འཇིག་རྟེན་པ་ཡི་ལེགས་པར་སྤྱད་པ་གཞན། །མ་ལུས་པ་ལའང་བདག་ནི་ཡི་རང་ངོ། །སྐྱེ་བོ་ཉོན་མོངས་དུག་གིས་མགོ་རྨོངས་པ། །དེ་དག་རྣམས ་ལ་མི་དགེ་གང་མཆིས་པ། །དེ་ནི་བདག་ཉིད་ཁོ་ན་དགའ་བཞིན་དུ། །ཤི་ནས་དམྱལ་བ་རྣམས་སུ་གཞོལ་བར་བགྱི། །འཇིག་རྟེན་རབ་ཞི་བདེ་བའི་བདུད་རྩི་ཡིས། །ཚིམ་ནས་ཡིད་ནི་དགེ་བ་བགྱིད་གྱུར་ཅིག་།འགྲོ་བ་དག་གི་སྡུག་བསྔལ་ཇི་སྙེད ་པ། །དེ་ནི་བདག་གིས་དང་དུ་ལེན་པར་ཤོག་།འགྲོ་བ་འདི་དག་ཡིད་ལ་མྱུར་དུ་ནི། །ཡང་དག་བྱང་ཆུབ་ཉིད་ནི་སྐྱེད་གྱུར་ཅིག་།ཡིད་ལ་བྱང་ཆུབ་དག་ནི་སྐྱེད་པ་དག་།བྱང་ཆུབ་ཚོགས་རྣམས་ཡང་དག་སྒྲུབ་པར་ཤོག་།དགེ་བའི་ཚོགས ་བསྒྲུབས་ནས་ནི་ས་ཐོབ་ཅིང། །སྲིད་པ་གསུམ་གྱི་མགོན་པོའི་གདུད་བཟུང་ནས། །དགྲ་རྣམས་བཅོམ་ནས་འཇིག་རྟེན་གསུམ་དག་གི་།ཆོས་ཀྱི་རྒྱལ་སྲིད་ཆེན་པོའི་གནས་ཐོབ་ཤོག་།བྱང་ཆུབ་ཤིང་དྲུང་སངས་རྒྱས་རང་སངས་རྒྱས།། ་ཉིན་ཞག་ཇི་སྙེད་གཞེས་ཤིང་བཞུགས་པ་དག་།དཔེ་མ་མཆིས་པའི་ཆུ་ཡི་བདུད་རྩིའི་ཆར། །འགྲོ་ལ་དབབ་པའི་སླད་དུ་གསོལ་བར་བགྱི། །གཞན་དོན་ཕུན་སུམ་ཚོགས་པ་རྫོགས་མཛད་ནས། །མྱ་ངན་འདས་པ་མཆོག་ཏུ་གཤེགས ་པ་གང། །གཞན་ལ་ཕན་པ་མཛད་ཅིང་ཡུན་རིང་དུ། །བཞུགས་པར་བློ་བཟང་དེ་ལ་གསོལ་བར་བགྱི། །འཇིག་རྟེན་གསུམ་པོ་ཐིབས་པོ་དེར་རྒྱུ་བའི། །སེམས་ཅན་སུ་དག་ཇི་སྙེད་མཆིས་པ་དག་།དེ་དག་རབ་ཏུ་ཞི་བའི་བདེ་བ་ཡི། །བདུད ་རྩིའི་ལོངས་སྤྱོད་མགྲོན་དུ་གཉེར་བར་བགྱི། །དེ་ལྟར་དགེ་བ་གང་དག་བསྒྲུབས་པ་འདི། །མ་ལུས་ཡང་དག་བྱང་ཆུབ་བསྔོ་བར་བགྱི། །དེས་ནི་བདག་ནི་བྱང་ཆུབ་སེམས་དང་ནི། །སྐད་ཅིག་ཙམ་ཡང་འབྲལ་བར་མ་གྱུར་ཅིག་།ཇི་སྲིད་ཕུན ་སུམ་ཚོགས་པའི་གཞིར་གྱུར་པའི། །བདེ་བར་གཤེགས་པའི་གོ་འཕངས་མི་དམན་པ། །དེ་སྲིད་དེ་ནི་ཐུབ་པའི་ཁྱུ་མཆོག་དང། །བྱང་ཆུབ་སེམས་དཔའ་རྣམས་དང་འབྲལ་མ་གྱུར། །དེ་དག་ཁོ་ནས་གཞན་ལ་སྨན་པ་ཡི། །སྤྱོད་པའི ་ལམ་དག་ཉེ་བར་བསྟན་པ་ལ། །སྐྱོ་བ་མ་མཆིས་པར་ནི་སངས་རྒྱས་ཀྱི། །སྲས་ཀྱི་ས་ཀུན་ལའང་སྤར་བར་བགྱི། །བདག་གི་ལུས་ཀྱི་ཡན་ལག་ཉིད་ལག་དག་།ཚང་ཞིང་སྐྱེ་བོ་ཀུན་གྱིས་བསྟོད་འོས་པའི། །ཡོན་ཏན་ཕུང་པོ་ཚེ་རབས་དྲན ་པ་དང། །ཚེ་རིག་བཙུན་ཞིང་ལུས་ནི་མཛེས་པར་ཤོག་།གཞན་ཕན་སྤངས་ནས་རང་དོན་ལྷུར་ལེན་པ། །ཐ་ཆད་དུག་དང་འདྲ་བ་སྤངས་ནས་སུ། །སྙིང་རྗེས་གདུངས་པའི་ཡིད་ཀྱི་སྐྱེ་བོ་ཀུན། །གཅིག་ཏུ་གཞོལ་བར་རྗེས་སུ་འཛིན་པར་ཤོག་།བདག་གི ་བདོག་པ་རྣམས་ལ་གཞན་གྱི་བློ། །གཞན་གྱི་ནོར་སྙམ་ཅུང་ཟད་མི་འཛིན་ཅིང། །རང་གི་ནོར་ལ་སོམ་ཉི་མ་མཆིས་ལྟར། །བག་ཡངས་དག་ཏུ་ལེན་ཅིང་སྤྱོད་པར་ཤོག་།བདག་གི་ཤ་ཞིག་སློང་པ་མཆིས་ན་ཡང། །ཁྲོད་ལ་འཛུམ་པའི་མིག་གིས ་སྩལ་བར་བགྱི། །བདག་གིས་རྐང་ལ་སོགས་པ་རྟག་ཏུ་ཡང། །ལུས་ཅན་རྣམས་ཀྱི་ནོར་ཏུ་གཏོང་བར་ཤོག་།བདག་ནི་ཡིད་བཞིན་ནོར་བུས་འགྲོ་བ་ཡི། །འདོད་པའི་དངོས་པོ་མཛའ་དག་སྒྲུབ་པ་དང། །ཡིད་ལ་རེ་བ་ཡོངས་རྫོགས་བགྱིད་པ ་ཡི། །དཔག་བསམ་གྱི་ནི་ཤིང་དང་འདྲ་བར་ཤོག་།བདག་ནི་རང་གི་ངང་གིས་སྡིག་པ་དག་།མི་གཙང་བ་ལྟར་རྒྱང་རིང་སྤོང་བ་དང། །ཐུབ་པའི་སྐྱེས་མཆོག་གིས་ནི་བསླབ་བཅས་པའི། །ཆུ་ལོན་འདྲལ་བར་བགྱིད་པར་མ་གྱུར་ཅིག་།ལུས་དང ་སྲོག་ལ་ལྟ་བར་རྒྱང་བསྲིངས་ནས། །རྟག་པར་དགོན་པ་རྣམས་སུ་དགའ་བར་བགྱི། །རྙེད་པ་དགའ་དང་བཀུར་སྟི་མཛའ་དག་ལ། །སློན་པའི་ཟས་བཞིན་བློ་ནི་བཟློག་པར་བགྱི། །འགྲོ་བ་རྣམས་ལ་གདོལ་པའི་ཕྲུག་གུ་བཞིན། །རྒྱགས་དང་ང ་རྒྱལ་དྲེགས་པ་སྤངས་པ་དང། །རིགས་བཙུན་པ་ཡི་ཉེ་དུའི་ཚོགས་བཞིན་དུ། །རྗེས་སུ་མཐུན་པ་བསྒྲུབ་ཅིང་སྤྱད་པར་བགྱི། །ཟླ་ཟར་པདྨ་ཙ་ལག་དྲི་མ་བྲལ། །མ་རལ་མ་འདྲེས་ནག་ནོག་མ་མཆིས་ལ། །མ་ལུས་རབ་ཏུ་ཞི་བའི་རྒྱན ་གྱུར་པའི། །ཚུལ་ཁྲིམས་ལ་ནི་བདག་གིས་གོམས་པར་བགྱི། །སུ་དག་ནོངས་མ་མཆིས་པར་བདག་གི་མགོ་།སོག་ལེས་ཚལ་པ་བརྒྱར་ནི་གཤེགས་བགྱིད་ཀྱང། །དེ་ལའང་བུ་གཅིག་གཅེས་པ་བཞིན་དུ་ནི། །རྒྱུན་མི་འཆད་པར ་སེམས་ནི་ཕངས་པར་བགྱི། །སུ་དག་སྙིང་ནས་བདག་ལ་ཁྲོས་གྱུར་ཏེ། །དགོས་པ་མ་མཆིས་བཞིན་དུ་སྲོག་འཕྲོག་ནའང། །དེ་ལའང་ལས་ཀྱི་འབྲས་བུ་མི་བཟད་པ། །མི་འཚལ་བ་དག་འབྱུང་བར་མ་གྱུར་ཅིག་ཁྲོ་བ་དང ་ནི་གཤེ་དང་མཚང་འདྲུ་དང། །བདག་པར་གྱུར་ཀྱང་བཟོད་པ་མི་གཏོང་སྟེ། །རྒྱལ་བའི་སྲས་ཀྱི་སྤྱོད་པ་བསྒྲུབ་པའི་ཕྱིར། །སྡུག་བསྔལ་མ་ལུས་པ་དག་དང་དུ་བླང། །སྔོན་ཆད་རྙེད་མ་མྱོང་བ་ཐུབ་པའི་ཆོས། །ཤིན་ཏུ་ཟབ་ཅིང་རིགས ་པའི་མཆོག་ལ་ཡང། །བདག་གིས་སེམས་ལ་སྐད་ཅིག་ཙམ་ཡང་ནི། །སོམ་ཉིའི་དཔྱད་ཐག་གཡོ་བར་མ་གྱུར་ཅིག་།བདག་གི་སྐྱེ་བ་ཚེ་རབས་ཚེ་རབས་སུ། །འགྲོ་བ་ཀུན་ལ་སྨན་པ་ལྷུར་སྤྱད་ཀྱིས། །སྐད་ཅིག་ཙམ་ཡང་དགེ་བ་རྒྱ ་ཆེན་པོ། །བགྱིད་པར་མི་འགྱུར་བ་ནི་མ་གྱུར་ཅིག་།བྲན་དང་འདྲ་བར་འགྲོ་བ་ཐམས་ཅད་ཀྱི། །བགྱི་བ་མ་ལུས་པ་དག་བསྒྲུབ་པར་བགྱི། །བདག་ལ་ཀུན་གྱིས་བགྱི་བའི་ཁུར་སྤངས་ནས། །སེམས་ཅན་རྣམས་ནི་བདེ་བར་གནས་པར་ཤོག་། ་ལུས་ནི་གཞན་གྱི་བྲན་བགྱིད་ཚིགས་སྨྲ་ནའང། །གཞན་ལ་ཆོས་སྟོན་པ་ལ་དགའ་བ་དང། །བདག་གིས་ཡིད་ཀྱང་རྟག་ཏུ་གཞན་དག་ལ། །ཕན་པར་སེམས་པའི་དབང་དུ་བགྱིད་པར་ཤོག་།གལ་ཏེ་དམྱལ་བར་བསྐལ་པ་གྲངས་མེད་པར། །གཅིག་ཏུ་སྡུག ་བསྔལ་ཉམས་སུ་མྱོང་ན་ཡང། །འོན་ཀྱང་སྐྱོ་བ་དག་ནི་མ་མཆིས་པར། །སེམས་ཅན་ཡོངས་སུ་སྨིན་པར་བགྱིད་པར་ཤོག་།ཅི་ནས་བསྒྲུབ་པའི་རིམ་པ་འདི་ཉིད་ཀྱིས། །ལུས་ཅན་རྣམས་ནི་འདུལ་བར་བགྱི་སླད་དུ། །འགྲོ་བ་གསུམ་པོ་ཡོངས་སུ ་སྨིན་བགྱིད་པའི། །གོ་ཆ་འདི་ཉིད་ཀྱང་ནི་བགོ་བར་བགྱི། །མེ་ཡི་མདག་མས་བར་མཚམས་མ་མཆིས་པའི། །འོབས་རྣམས་གང་ལས་བརྒལ་ནས་ལེགས་གསུངས་པའི། །ཚིག་ཅིག་ཙམ་ཡང་མཉན་པའི་ཆེད་དུ་ནི། །ལེ་ལོ་མ་མཆིས་སྤྲོ་བ་བགྱིད ་པར་ཤོག་།བསམ་གཏན་གཟུགས་མེད་ཏིང་འཛིན་མཛའ་དག་གི་།འབྲས་བུ་རྣམས་ལ་དགའ་བ་སྤངས་ནས་ནི། །རབ་ཏུ་གནས་མཐར་ཕྱིན་པའི་གནས་པ་ཡིས། །དགའ་བར་འགྱུར་བ་དག་ཏུ་གོམས་པར་བགྱི། །ཞེན་པ་མ་མཆིས་ཞི་གནས་རྟ་ཞོན་ནས། །རང་བཞིན་གཡོ ་བའི་སེམས་ཀྱི་གླང་པོ་ཆེ། །ཤིན་ཏུ་གདུལ་བར་དཀའ་བ་ལོག་པ་ཡི། །ལམ་དུ་ཞུགས་པ་རྣམས་ནི་གདུལ་བར་བགྱི། །ལྷ་དབང་དག་དང་འཁོར་ལོས་བསྒྱུར་བ་ཡི། །འབྱོར་བ་དམ་པ་མཆོག་དག་མཆིས་པ་རྣམས། །འདོད་པའི་རང་བཞིན་མི་གཙང་བ་བཞིན ་དུ། །བདག་གི་ཡིད་ནི་བལྟོས་པ་མ་མཆིས་ཤོག་།ལྕགས་ཀྱི་ཁང་པ་འབར་བ་འདྲ་བ་ཡི། །སྲིད་པར་རྒྱུ་བར་བདག་ནི་དགའ་མ་གྱུར། །སྙིང་རྗེས་དྲངས་ནས་གཞན་ལ་སྨན་པ་དག་།བགྱིད་པར་རྗེས་སུ་མཐུན་པར་སྐྱེ་བར་ཤོག་།འགྲོ་བའི་མགོན་གྱི ་སྲས་པོ་ཐམས་ཅད་ཀྱི། །ཏིང་འཛིན་གང་ཞིག་ལ་ནི་དབང་བརྙེས་པས། །རྣམ་པར་བསྒྱིངས་པ་བསམ་གྱིས་མི་ཁྱབ་པ། །དཔའ་བོ་རལ་པ་སྣ་ཚོགས་མཛད་པ་ཡི། །སྤ་བར་འགྲོ་བ་དག་དང་ནམ་མཁའ་མཛོད། །དྲི་མེད་ལ་སོགས་མ་ལུས་ཐོབ་བགྱིས་ནས།། ་འགྲོ་བ་གསུམ་པོ་མ་ལུས་པ་དག་གི་།བདེ་བ་གྱ་ནོམ་བསྒྲུབས་ནས་རྩེར་སྩལ་ཏེ། །བཟོ་དང་བསྟན་བཅོས་སྒྱུ་རྩལ་རྒྱ་མཚོ་དག་།མཆོག་ཏུ་ཕ་མཛའ་ཕུལ་དུ་ཕྱིན་པ་དང། །སེམས་ཅན་ཐམས་ཅད་ཀྱིས་ནི་ཚིག་གི་དོན། །མ་ལུས་པ་དག་རྟོགས་ཤིང་མཁས ་པར་ཤོག་།ཚིག་དོན་མ་ལུས་དཔྱོད་པའི་ཤེས་རབ་ནི། །དྲི་མེད་རྣོན་པ་དཔག་ཏུ་མེད་ཐོབ་ནས། །སེམས་ཅན་རྣམས་ལ་ཤིན་ཏུ་ཟབ་པ་ཡི། །རིགས་པའི་ཆོས་རྣམས་ཀྱི་ནི་བགོ་བཤའ་བགྱི། །སངས་རྒྱས་གསུང་དག་མཐར་ཕྱིན་མ་རྟོགས་པའི། །སེམས ་ཅན་མ་ལུས་པ་ནི་མཛའ་དག་ལ། །སེམས་ལ་ཡི་གེ་བྲིས་པ་འདྲ་བར་ནི། །མང་པོ་བདག་གིས་རབ་ཏུ་བརྟན་པར་བགྱི། །ཅི་ནས་འབྲས་བུར་བཅས་པ་སྟོབས་བཅུ་ཡི། །གོ་འཕང་མངོན་པར་འཇོགས་ནས་འགྲོ་བའི་དོན། །མ་ཚང་མ་ལུས་འབྲས་མཆི ་བགྱིད་པ་ཡི། །ཐབས་ཀྱི་སྤྱོད་པ་དེ་དག་བསྒྲུབ་པར་བགྱི། །ཇི་ལྟ་ཇི་ལྟར་སེམས་ཅན་ཕན་པའི་རྒྱུ། །ཐུབ་བ་རྣམས་ཀྱི་སྨོན་ལམ་མ་ལུས་པ། །དེ་ལྟ་དེ་ལྟར་རྒྱུན་དུ་སྨོན་ལམ་གྱིས། །ཕ་རོལ་ཕྱིན་པ་དག་ནི་ཐོབ་པར་བགྱི། །ཡུལ་གྱི་དགྲ་ཡི་ཚོར ་ནི་མི་བཟད་པ། །མོད་ལ་མ་ལུས་ཅི་དགར་ཟིལ་མནན་ནས། །སེམས་ཀྱི་སྤྱོད་པ་རྣམས་ནི་མི་གཡོ་ཞིང། །ས་སྟེང་ཕན་པ་ཁོ་ནས་གནས་པར་བགྱི། །ཆོས་འདི་དག་ནི་སྒྱུ་མ་སྨིག་རྒྱུ་དང། །སྤྲུལ་པ་ལྟ་བུར་ཡང་དག་རྟོགས་བགྱིས་ནས། །རྟོག་པའི་དྲི་མ ་རྣམས་ནི་སྤངས་ནས་སུ། །འཇིག་རྟེན་གསུམ་ལ་ཕན་པ་བགྱིད་གྱུར་ཅིག་།ཕ་དག་བུ་གཅིག་ལྷག་བར་གཅེས་པ་བཞིན། །ནག་ནོག་མ་ལུས་པ་དག་སྤངས་ནས་སུ། །རྒྱུན་མི་འཆད་པར་འགྲོ་བ་མཛའ་དག་ལ། །བྱམས་པའི་བསྒོམ་པ་དག ་གིས་གནས་པར་བགྱི། །ཇི་ལྟར་མ་དག་བརྩེ་བའི་ཁུ་འཇོ་བའི། །བུ་ན་བ་ལ་རྗེས་སུ་མཐུན་སྤྱོད་པ། །དེ་བཞིན་བདག་ཀྱང་འགྲོ་བ་སེམས་ཅན་ལ། །སྙིང་རྗེ་རྒྱས་འགྱུར་སོ་སོར་བགྱིད་པར་ཤོག་།ཕ་རོལ་བདེ་བའི་འབྱོར་བ་མཐོང་ནས་ནི།། ་ལྷག་པར་དགའ་བ་མང་པོ་སྐྱེས་ནས་སུ། །སྙིང་གི་བུ་གཅིག་པ་ལ་བདེ་སྐྱེས་བཞིན། །དགའ་བའི་བསྒོམ་པ་བདག་གིས་གནས་པར་བགྱི། །སེམས་ཅན་རྣམས་ལ་ཕན་དང་གནོད་པའི་རྒྱུ། །ཁོང་ཁྲོ་རྗེས་སུ་ཆགས་པ་སྤངས་ནས་ནི། །རང ་གི་བུ་ལ་བགྱི་བ་བསྒྲུབ་པ་བཞིན། །འཇིག་རྟེན་གསུམ་པོ་ཀུན་གྱི་བགྱི་བ་བསྒྲུབ། །དབང་དང་མངོན་ཤེས་སོ་སོར་རིག་པ་དང། །གཟུངས་དང་རྣམ་པར་ཐར་པའི་སྒོ་རྟོགས་ནས། །འཇིག་རྟེན་ཁམས་ནི་དཔག་ཏུ་མ་མཆིས་པའི། །སེམས ་ཅན་རྣམས་ལ་ཕན་པ་དུས་གཅིག་བགྱི། །སངས་རྒྱས་ཞེས་བགྱིའི་སྒྲ་ནི་རྣ་ལམ་དུ། །ཐོས་མ་མྱོང་བའི་ཡུལ་ཁམས་གང་ལགས་པ། །དེར་ནི་ཐབས་ཀྱིས་རྣམ་པ་སྣ་ཚོགས་ཀྱིས། །སངས་རྒྱས་མཛད་པ་དག་དང་མཐུན་པར་བགྱི། །ནམ ་ཞིག་འཇིག་རྟེན་འདིར་ནི་སྲིད་གསུམ་གྱི། །བླ་མའི་ཉི་མ་ཤར་པར་མ་གྱུར་བ། །དེར་ནི་བདག་གིས་ཉི་མ་བཞིན་དུ་ནི། །ལུས་ཅན་ཀུན་གྱི་རབ་རིབ་བསལ་བར་བགྱི། །བདེ་གཤེགས་རབ་ཏུ་མང་པོས་སྤངས་པ་ཡི། །ཡིད་དག་སྡིག་པས་སྦགས་པ་གང་ལགས ་པའི། །འགྲོ་བ་དེ་ནི་བདག་གི་ཚིག་དག་གི་།སྤྱོད་ཡུལ་རྣམས་ལ་བརྟེན་ནས་འདུལ་བར་ཤོག་།བདག་ནི་འཇིག་རྟེན་མ་ལུས་པ་དག་གིས། །བསྙེན་བཀུར་བགྱིད་པ་དག་ལ་ཉེ་དུ་དང། །བྱམས་ལ་མཛའ་བཤེས་མ་བཞིན་བསྒྲུབ་པ་དང། །ཕ་བཞིན་ཕན་པའི ་གདམས་ངག་འདོམས་པར་ཤོག་།བདག་གིས་མིང་ནི་དྲན་པ་ཙམ་གྱིས་ཀྱང། །འགྲོ་བ་མ་ལུས་པ་དག་འཇིག་པ་ལས། །མོད་ལ་སྐྱོབ་པར་གྱུར་ཅིང་སྲིད་གསུམ་གྱི། །སྡུག་བསྔལ་མ་ལུས་པ་དག་སྤངས་བར་ཤོག་།ཕོངས་པ་བརྒྱ་ཕྲག་བསྟེན ་པའི་མི་དག་ལ། །བུམ་པ་བཟང་དང་ནད་པའི་སྨན་དང་ནི། །ཡི་དགས་སོགས་ལ་རྒྱུན་མི་འཆད་བར་ཡང། །བདུད་རྩིའི་ཆབ་ཀྱི་རྫིང་བུ་བཟང་པོར་ཤོག་།བདག་ནི་གྲང་བའི་དམྱལ་བར་དྲོ་བ་དང། །ཚ་བར་རྫི་ཆར་བཅས་པའི་ཆར་འབེབས་ཤིང ་གཞན་ཡང་ཤིན་ཏུ་སྨད་པའི་ངན་འགྲོ་དག་།གནོད་པ་མ་ལུས་ཞི་བར་བགྱིད་པར་ཤོག་།འགྲོ་བ་བདག་ནི་དྲན་པ་ཙམ་གྱིས་ཀྱང། །ཕོངས་པ་མངོན་སུམ་གྱུར་ལ་གཉེན་བཤེས་དང། །ཉམ་ཐག་མདའ་ཆར་འབབ་ལ་གོ་སྲ་དང། །མྱ་ངན་མི་ལ ་བསིལ་བའི་ཆུར་གྱུར་ཅིག་།འགྲོ་བ་དག་གིས་དྲན་ན་ཉོན་མོངས་པའི། །དུག་གི་གཉེན་པོར་གྱུར་ཅིང་སྲིད་གསུམ་གྱི། །ཆུ་བོ་དག་ལ་ཟམ་པ་བསྟན་པོ་དང། །ངན་སོང་རྣམས་ཀྱི་སྒོ་གཏན་བགྱིད་པར་ཤོག་།བདག་གི་མིང་ཙམ་དྲན་ནའང་འཇུས་པ ་བཞིན། །འགྲོ་བ་མ་ལུས་སྲིད་པའི་གཡང་ས་རུ། །ལྷུང་བཞི་བ་དག་གི་རྩེ་མོ་ལ། །འཛེགས་པར་གྱུར་བའི་ཐེམ་སྐས་གཞིར་གྱུར་ཅིག་།སྐད་ཅིག་ཙམ་ཡང་ཁྲོ་ཞིང་བདག་གི་མིང། །བློ་ལ་དྲན་པ་ཙམ་ཞིག་བགྱིད་ན་ཡང། །ངན་སོང་རྣམས་སུ་ལྟུང ་བར་མི་འགྱུར་ཞིང། །ངེས་པར་ཡང་དག་བྱང་ཆུབ་སྒྲུབ་པར་ཤོག་།བདག་གི་ཡོན་ཏན་ཟླ་ཟེར་དྲི་མེད་ལྟར། །འཇིག་རྟེན་མ་ལུས་པ་ལ་བདེར་གྱུར་ཅིག་།དབུགས་ཙམ་ཕྱུང་བ་རྣམས་ཀྱང་ཕ་རོལ་ལ། །བདེ་བ་དཔག་མེད་བསྐྱེད་པར ་བགྱིད་པར་ཤོག་།ཤིན་ཏུ་ཕུན་སུམ་ཚོགས་པ་མ་ལུས་པ། །མཐར་ཕྱིན་པ་ཡི་སངས་རྒྱས་ཉིད་ཐོབ་ནས། །དམ་པའི་སངས་རྒྱས་དེ་ཉིད་ཁོ་ན་ལ། །འགྲོ་བ་མ་ལུས་པ་ཡང་སྤྱིར་བ་བགྱི། །དེ་ཡི་ཚེ་ན་སུ་ཡི་སེམས་ལ་ཡང། །ཉེས་བྱས ་ཕྲན་ཚགས་ཙམ་ཡང་མི་འབྱུང་ལ། །སྐྱེ་བོ་གཞན་ལ་རྒྱུན་ཏུ་ཕན་བགྱིད་ཅིང། །དགེ་བ་བཅུ་ཡི་ལམ་ལ་གནས་པར་ཤོག་།སུ་ཡང་རུང་སྟེ་ངན་སོང་གནས་རྣམས་ནི། །རྨི་ལམ་ན་ཡང་མཐོང་བར་མི་འགྱུར་ཞིང། །ངན་འགྲོ་རྣམས་ཀྱི་གནས ་ནི་མཛའ་དག་ཀྱང། །ལྷ་ཡི་འཇིག་རྟེན་བཞིན་དུ་དགའ་བར་ཤོག་།ཇི་སྲིད་འཇིག་རྟེན་གསུམ་གྱི་མི་དགེ་བའི། །མཚོ་ཀློང་དབུས་སུ་འགའ་ཞིག་ཆུང་ན་ཡང། །སངས་རྒྱས་བགྱི་བ་ཡོངས་སུ་མཐར་ཕྱིན་ཀྱང། །དེ་སྲིད་དེ་ཡི་ཆེད་དུ་བསྡད ་པར་བགྱི། །བདག་ནི་མྱ་ངན་འདས་འགྲོ་སྟོན་པ་ནི། །གསུང་རབ་རྣམས་ནི་འཁྲུག་པར་མི་འགྱུར་ཞིང། །དེ་ལ་འགའ་ཡང་སོམ་ཉིའི་དཔྱད་ཐག་ལ། །སྐད་ཅིག་ཙམ་ཡང་འཇུ་བར་མ་གྱུར་ཅིག་།དེ་ལྟར་རྒྱལ་བའི་སྲས་ཀྱི་རྣམ་འཕྲུལ་ལ།། ་སྔོན་དག་བདག་གིས་དགེ་བ་བསྒྲུབས་པ་གང། །དེས་ནི་འགྲོ་བ་མ་ལུས་འདི་དག་གི། །མ་ལུས་པར་ནི་ཐུན་མོང་འགྱུར་བར་ཤོག་།སློབ་དཔོན་བཙུན་པ་གཞན་ལ་ཕན་པའི་དབྱངས་དགོན་པ་པ། །གསུང་རབ་མཛའ་དག་ཆུབ་པར་བྱས་པ་སྟག ་གིས་རང་ལ་བསྐྱོན་ཏེ་ནགས་ཁུང་དུ་ཕྱིན་པ་ན། །སྙིང་རྗེས་གདུངས་པའི་ཡིད་ཀྱིས་འགྲོ་བའི་དོན་བསྒྲུབ་པའི་སྨོན་ལམ། །བདུན་ཅུ་པ་མཛད་པ་རྫོགས་སོ།། །།རྒྱ་གར་གྱི་མཁན་པོ་པཎྜི་ཏ་དྷརྨ་ཤྲི་པྲ་བྷཱ་དང། ལོ་ཙཱ་བ་བནདེ་དཔལ་གྱི་ལྷུན ་པོའི་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།རྒྱ་གར་སྐད་དུ། པ་ར་མནཔ་བོ་དྷཱི་ཙིཏྟ་བྷ་བ་ནཱ་ཀྲ་མ་ཝརྨ་སཾ་གྲ་ཧ། བོད་སྐད་དུ། དོན་དམ་པ་བྱང་ཆུབ་ཀྱི་སེམས་བསྒོམ་པའི་རིམ་པ་ཡི་གེར་བྲིས་པ། སངས་རྒྱས་དང་བྱང་ཆུབ་སེམས་དཔའ་ ་