Wylie

e-texts based on the ACIP/ALL Input

ཀྱིས་སྒྱུར་ཅིང་ཞུས་ཏེ་གཏན་ལ་ཕབ་པའོ།། །།འཕགས་པ་ཀླུ་སྒྲུབ་ཀྱིས་མཛད་པ་ཡན་ལག་བདུན་པའི་ཆོ་ག་ཚིགས་སུ་བཅད་པ་ཉི་ཤུ་བ། །ཐམས་ཅད་མཁྱེན་པ་ལ་ཕྱག་འཚལ་ལོ། །དེ་ཕྱིར་སྐུ་གཟུགས་མཆོད ་རྟེན་གྱི། །སྤྱན་སྔ་འམ་ཡང་ན་གཞན་དཱུང་རུང། །ཚིགས་སུ་བཅད་པ་ཉི་ཤུ་འདི། །ཉིན་རེ་ཞིང་ནི་དུས་གསུམ་བརྗོད། །སངས་རྒྱས་དམ་ཆོས་དགེ་འདུན་དང། །བྱང་ཆུབ་སེམས་དཔའ་རྣམས་ལ་ཡང། །རྣམ་ཀུན་བཏུད་དེ་སྐྱབས་མཆིས་ནས། །མཆོད ་འོས་རྣམས་ལ་ཕྱག་འཚལ་ལོ། །སྡིག་པ་ལས་ནི་ལྡོག་བགྱིད་ཅིང། །བསོད་ནམས་ཐམས་ཅད་ཡོངས་སུ་བཟུང། །ལུས་ཅན་ཀུན་གྱི་བསོད་ནམས་དག་།ཀུན་ལ་རྗེས་སུ་ཡི་རང་ངོ། །བདག་གི་སྤྱིས་བཏུད་ཐལ་སྦྱར་ཏེ། །ཆོས་ཀྱི་འཁོར་ལོ ་བསྐོར་སླད་དང། །འགྲོ་གནས་བར་དུ་བཞུགས་སླད་དུ། །རྫོགས་པའི་སངས་རྒྱས་རྣམས་ལ་གསོལ། །དེ་ལྟར་བགྱིས་པའི་བསོད་ནམས་དང། །བདག་གིས་བགྱིས་དང་མ་བགྱིས་གང། །དེས་ནི་སེམས་ཅན་ཐམས་ཅད་ཀྱང། །བླ་མེད་བྱང ་ཆུབ་སེམས་ལྡན་ཤོག་།སེམས་ཅན་ཐམས་ཅད་དྲི་མེད་དབང། །ཡོངས་རྫོགས་མི་ཁོམ་ཀུན་འདས་ཤིང། །སྤྱོད་པ་རང་དབང་ཡོད་པ་དང། །འཚོ་བ་བཟད་དང་ལྡན་པར་ཤོག་།ལུས་ཅན་དག་ནི་ཐམས་ཅད་ཀྱང། །ལག་ན་རིན་ཆེན་ཉིད་ལྡན་ཞིང།། ་ཡོ་བྱད་ཐམས་ཅད་མཛའ་ཡས་པ། །འཁོར་བ་སྲིད་དུ་མི་ཟད་ཤོག་།བུད་མེད་ཐམས་ཅད་དུས་ཀུན་ཏུ། །སྐྱེས་མཆོག་ཉིད་དུ་འགྱུར་བར་ཤོག་།ལུས་ཅན་ཐམས་ཅད་རིག་པ་དང། །རྐང་པར་ལྡན་པ་ཉིད་དུ་ཤོག་།ལུས་ཅན་ཁ་དོག་བཟང་བ ་དང། །གཟུགས་བཟང་གཟི་བརྗིད་ཆེ་བ་དང། །བལྟ་ན་སྡུག་ཅིང་ནད་མེད་དང། །སྟོབས་ཅན་ཚེ་དང་ལྡན་པར་ཤོག་།ཐམས་ཅད་ཐབས་ལ་མཁས་གྱུར་ཏེ། །སྡུག་བསྔལ་ཀུན་ལས་ཐར་བ་དང། །དཀོན་མཆོག་གསུམ་ལ་གཞོལ་བ་དང། །སངས ་རྒྱས་ཆོས་ནོར་ཆེ་ལྡན་ཤོག་།བྱམས་དང་སྙིང་རྗེ་དགའ་བ་དང། །ཉོན་མོངས་བཏང་སྙོམས་གནས་པ་དང། །སྦྱིན་དང་ཚུལ་ཁྲིམས་བཟོད་བརྩོན་འགྲུས། །བསམ་གཏན་ཤེས་རབ་ཀྱིས་བརྒྱན་ཅིང། །ཚོགས་རྣམས་ཐམས་ཅད་ཡོངས་རྫོགས ་ཏེ། །མཚན་དང་དཔེ་བྱད་གསལ་བ་དང། །བསམ་གྱིས་མི་ཁྱབ་ས་བཅུ་དག་།རྒྱུན་མི་འཆད་པར་བགྲོད་པར་ཤོག་།བདག་ཀྱང་ཡོན་ཏན་དེ་དག་དང། །གཞན་ཀུན་གྱིས་ཀྱང་བརྒྱན་ལྡན་ཏེ། །ཉེས་པ་ཀུན་ལས་གྲོལ་བ་དང། །སེམས ་ཅན་ཀུན་མཆོག་བྱམས་པ་དང། །སེམས་ཅན་ཀུན་ཡིད་རེ་བ་ཡི། །བསམ་པ་ཐམས་ཅད་རྫོགས་བགྱིད་ཅིང། །རྟག་ཏུ་ལུས་ཅན་ཐམས་ཅད་ཀྱི། །སྡུག་བསྔལ་སེལ་བར་བགྱིད་པར་ཤོག་།འཇིག་རྟེན་ཀུན་ན་སྐྱེ་བོ་གང། །སུ་དག་འཇིགས ་པས་སྐྱེ་བོ་དེ། །བདག་གི་མིང་ཙམ་ཐོས་པས་ཀྱང། །ཤིན་ཏུ་འཇིགས་པ་མེད་པར་ཤོག་།བདག་ནི་མཐོང་དང་དྲན་པ་དང། །མིང་ཙམ་ཐོས་བས་སྐྱེ་བོ་རྣམས། །རབ་དང་འཁྲུག་མེད་རྣལ་མ་དང། །རྫོགས་པའི་བྱང་ཆུབ་ངེས་པ་དང། །ཚེ ་རབས་ཀུན་ཏུ་རྗེས་འབྲང་བའི། །མངོན་ཤེས་ལྔ་པོ་ཐོབ་པར་ཤོག་།སེམས་ཅན་ཀུན་ལ་རྣམ་ཀུན་ཏུ། །རྟག་ཏུ་ཕན་བདེ་བགྱིད་པར་ཤོག་།འཇིག་རྟེན་ཀུན་ལ་སྐྱེ་བོ་གང། །སྡིག་པ་བྱེད་པར་འདོད་གྱུར་པ། །དེ་དག་ཐམས་ཅད་གནོད་མེད་པར།། ་རྟག་ཏུ་ཅིག་ཅར་ཟློག་གྱུར་ཅིག་།ས་དང་ཆུ་དང་མེ་དང་རླུང། །སྨན་དང་དགོན་པའི་ཤིང་བཞིན་དང། །རྟག་ཏུ་སེམས་ཅན་ཐམས་ཅད་ཀྱིས། །རང་དགར་དཔག་མེད་སྤྱོད་པར་ཤོག་།སེམས་ཅན་རྣམས་ལ་སྲོག་བཞིན་ཕངས། །དེ་དག་ལ་བདག ་ཆེས་ཕངས་ཤོག་།བདག་ལ་དེ་དག་སྡིག་སྨིན་ཅིང། །བདག་དགེ་མ་ལུས་དེར་སྨིན་ཤོག་།ཇི་སྲིད་སེམས་ཅན་འགའ་ཞིག་ཀྱང། །གང་དུ་མ་གྲོལ་དེ་སྲིད་དུ། །དེ་ཕྱིར་བླ་ན་མེད་པ་ཡི། །བྱང་ཆུབ་ཐོབ་ཀྱང་གནས་གྱུར་ཅིག་།དེ་སྐད་བརྗོད ་པའི་བསོད་ནམས་གང། །གལ་ཏེ་དེ་ནི་གཟུགས་ཅན་གྱུར། །གང་གཱའི་བྱེ་མ་སྙེད་ཀྱི་ནི། །འཇིག་རྟེན་ཁམས་སུ་འང་ཤོང་མི་འགྱུར། །དེ་ནི་བཅོམ་ལྡན་འདས་ཀྱིས་གསུངས། །གཏན་ཚིགས་ཀྱང་ནི་འདི་ལ་སྣང། །སེམས་ཅན་ཁམས་ནི ་ཚད་མེད་པ། །ཕན་འདོད་དེ་ནི་དེ་འདྲ་འོ། །ཡན་ལག་བདུན་པའི་ཆོ་ག་ཚིགས་སུ་བཅད་པ་ཉི་ཤུ་པ་རིན་པོ་ཆེའི་ཕྲེང་བ་ལས་འབྱུང་བ། སློབ་དཔོན་ཆེན་པོ་འཕགས་པ་ཀླུ་སྒྲུབ་ཀྱི་ཞལ་སྔ་ནས་མཛད་པ་རྫོགས་སོ།། །།རྒྱ་གར་སྐད་དུ ་