Wylie

e-texts based on the ACIP/ALL Input

འོད་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།རྒྱ་གར་སྐད་དུ། ད་ཤ་ཀུ་ཤ་པ་ཀརྨ་པ་ཐཱ་ནི་རྡེ་ཤ། བོད་སྐད་དུ། དགེ་བ་བཅུའི་ལས་ཀྱི་ལམ་བསྟན་པ། དཀོན་མཆོག་གསུམ་ལ་ཕྱག་འཚལ་ལོ། །དགེ་བ་བཅུ་པོ་འདི་དག་ནི་མངོན་པར་མཐོ་བ ་དང་ངེས་པར་ལེགས་པ་ཐམས་ཅད་ཀྱི་རྒྱུ་ཡིན་པས་ན། སངས་རྒྱས་ཀྱི་སློབ་པ་དག་གིས་འདི་ལྟར་བསླབ་པར་བྱའོ། །དེ་ལ་དགེ་བ་བཅུ་གང་ཞེ་ན། ལུས་ཀྱི་ལས་ནི་རྣམ་པ་གསུམ་སྟེ། སྲོག་མི་གཅོད་པ་དང། མ་བྱིན་པར་མི་ལེན་པ་དང། འདོད ་པས་ལོག་པར་མི་གཡེམ་པའོ། །ངག་གི་ལས་ནི་རྣམ་པ་བཞི་སྟེ། བརྫུན་མི་སྨྲ་བ་དང། ཕྲ་མ་མི་སྨྲ་བ་དང། ཚིག་རྩུབ་མོ་མི་སྨྲ་བ་དང། ཚིག་འཁྱལ་བ་མི་སྨྲ་བའོ། །ཡིད་ཀྱི་ལས་རྣམ་པ་གསུམ་སྟེ། བརྣབ་སེམས་སྤང་བ་དང། གནོད་སེམས ་སྤང་བ་དང། ལོག་པར་ལྟ་བ་སྤང་བའོ། །དེ་ཡང་མི་དགེ་བཅུ་སྤངས་པ་ནི་དགེ་བ་བཅུ་ཡིན་པས། སྤང་བར་བྱ་བ་བཅུ་བརྗོད་པར་བྱ་སྟེ། དེ་ནི་བྱང་ཆུབ་སེམས་དཔའ་ཨི་སྡེ་སྣོད་ལས་ཇི་སྐད་དུ། །སྲོག་གཅོད་པ་ཡི་སེམས་ཅན་དང། །གཞན་གྱི ་ནོར་ལ་འཕྲོག་བ་དང། །འདོད་པས་ལོག་པར་གཡེམ་པ་དང། །སེམས་ཅན་དམྱལ་བའི་བར་དུ་འགྲོ་།དབྱེན་བྱེད་པ་དང་ཚིག་རྩུབ་དང། །བརྫུན་དུ་སྨྲ་ཞིང་མི་སྡོམ་དང། །བྱིས་པ་འཁྱལ་བར་སྨྲ་བ་རྣམས། །སོ་སོའི་སྐྱེ་བོ་བསླུ་བས་བཅིངས།། ་གཞན་གྱིས་སྤྱོད་ལ་བརྣབ་སེམས་དང། །གནོད་སེམས་དག་ནི་མང་བ་དང། །མི་གང་ལྟ་བ་ལོག་ཞུགས་པ། །ངན་འགྲོ་དག་ཏུ་འགྲོ་བར་འགྱུར། །ལུས་ཀྱི་སྡིག་པ་རྣམ་གསུམ་དང། །ངག་གི་སྡིག་པ་རྣམ་བཞི་དང། །ཡིད་ཀྱི་སྡིག་པ་རྣམ ་གསུམ་ནི། །སྡིག་བྱེད་པ་དག་རབ་ཏུ་བྱེད། །སྡིག་པའི་ལས་རྣམས་བྱས་པས་ན། །དེ་ཕྱིར་ངན་འགྲོར་འགྲོ་བར་འགྱུར། །ཅི་ནས་ངན་འགྲོར་མི་གཏང་བར། །བསྐྱབ་པའི་ཕྱིར་ནི་རབ་ཏུ་བྱུང། །ཞེས་བཅོམ་ལྡན་འདས་ཀྱིས་རབ་ཏུ་གསུངས་པ་དག ་གོ་།ཇི་ལྟར་ན་ཉེས་པ་དེ་དག་རྫོགས་པར་འགྱུར་ཞེ་ན། སྲོག་གཅོད་པ་ནི་གཞི་སེམས་ཅན་ཡིན་པ་དང། དེར་འདུ་ཤེས་པ་དང། བསད་པར་བསམས་པ་དང། སྦྱོར་བ་བྱས་པ་དང། སྦྱོར་བ་བྱས་པ་དེ་ཉིད་ཀྱི་ཚེ་འམ། གཞན་གྱི་ཚེ་ཤི་བ་ཞེས ་པ་ཡན་ལག་ལྔས་རྫོགས་པར་འགྱུར་རོ། །མ་ཤི་བར་འགྱོད་པ་ལས་ཤི་བ་ལ་ནི་སྨད་དོ། །སྨྱོས་པ་དང། སེམས་འཁྲུགས་པ་དང། ཚོར་བས་གཟིར་བ་ལ་ཉེས་པ་མེད་པར་ཐམས་ཅད་ལ་སྦྱོར་རོ། །མ་བྱིན་པར་ལེན་པ་ནི་ཡན་ལག་བཞིས ་རྫོགས་པར་འགྱུར་ཏེ། བླང་བར་བྱ་བ་གཞན་གྱིས་ཡོངས་སུ་བཟུང་བར་གྱུར་པ་ཡིན་པ་དང། དེར་འདུ་ཤེས་པ་དང། རྐུ་བར་བསམས་པ་དང། གནས་ནས་སྤོས་པའོ། །འདོད་པས་ལོག་པར་གཡེམ་པ་ནི་རྣམ་པ་བདུན་ཏེ། །བདག་ཉིད ་ལས་བྱུང་བ་དང། རང་གི་ཆུང་མ་ལས་བྱུང་བ་དང། ཆུང་མར་མི་རིགས་པ་ཆུང་མར་བྱས་པ་ལས་བྱུང་བ་དང། ཆུང་མ་མ་ཡིན་པ་ལས་བྱུང་བ་དང། སྐྱེས་པ་ལས་བྱུང་བ་དང། དུད་འགྲོ་ལས་བྱུང་བ་དང། ཁྱིའུ་དང་བུ་མོ་ལས་བྱུང་བའོ ་དེ་ལ་བདག་ཉིད་ལས་བྱུང་བ་ནི་མི་རིགས་པའི་ཡུལ་དྲན་པ་ལས་དབང་པོ་ལས་རང་དམ་གཞན་གྱི་ཁུ་བ་འབྱིན་པའོ། །རང་གི་ཆུང་མི་ལས་བྱུང་བ་ནི་དུས་མ་ཡིན་པ་ཉིན་པར་དང། བསྙེན་གནས་ལ་གནས་པ་དང། ན་བ་དང། ་སྦྲུམ་མ་དང། མྱ་ངན་གྱིས་གདུངས་པ་དང། ཟླ་མཚན་དང་ལྡན་པ་དང། བང་མ་སངས་པ་ལ་སོགས་པ་དག་དང་གནས་མ་ཡིན་པ་ཕ་མ་དང། བླ་མ་དང། དཀོན་མཆོག་དང། མཆོད་རྟེན་ལ་སོགས་པའི་གནས་དང། ཡན་ལག་མ ་ཡིན་པ་ཁ་དང་བཤང་བའི་ལམ་དང་ལྟེ་བ་ལ་སོགས་པ་སྟེ། མདོར་ན་བུད་མེད་ཀྱི་དབང་པོ་ལས་གཞན་པ་ཐམས་ཅད་དོ། །དེ་ལྟར་དུས་དང་གནས་དང། ཡན་ལག་མ་ཡིན་པ་དག་ཏུ་རང་གི་ཆུང་མ་ལ་འཁྲིག་པ་སྤྱོད་པ་ནི་རང་གི་ཆུང་མ ་ལས་བྱུང་བའི་འདོད་པས་ལོག་པར་གཡེམ་པའོ། །ཆུང་མར་མི་རིགས་པ་ཆུང་མར་བྱས་པ་ལས་བྱུང་བ་ནི། ཚངས་པར་སྤྱོད་པའི་དགེ་བསྙེན་མོ་འམ་དགེ་སློང་མ་འམ། དགེ་སློང་མ་འམ། དགེ་ཚུལ་མ་འམ། བསྙེན་གནས་ལ་གནས་པའི ་བུད་མེད་ཆུང་མར་བླངས་ཏེ། དེ་དག་མི་དགའ་འམ། དགའ་ཡང་རུང་སྟེ། སྡོམ་པ་གཏོར་བའི་རྐྱེན་བྱས་པ་སྟེ། འདི་ནི་ཆུང་མར་མི་རིགས་པ། ཆུང་མར་བྱས་པ་ལས་བྱུང་བའོ། །ཆུང་མ་མ་ཡིན་པ་ལས་བྱུང་བ་ནི་བུད་མེད་གང་ཁྱིམ་ཐབ ་གཞན་གྱིས་བཟུང་བ་དང། རང་གི་བདུན་རྒྱུད་ལས་མ་འདས་པའི་འབྲེལ་པར་གྱུར་པ་དང། ཆོས་ཀྱི་རྒྱལ་མཚན་ཅན་དང། སྡོམ་པ་ཅན་དང། ཕ་མ་དང། མིང་པོ་དང། སྤུན་ཟླ་དང། རུས་ཆགས་དང། ཚོ་འབྲང་དུ་སྨོས་པར་བསྲུངས ་པ་དང། གྱོས་སྒྱུག་དང། རྐུད་པོ་ལ་སོགས་པ་བྱོའི?་ཕྱོགས་སྨོས་པས་བསྲུངས་པ་དང། མི་མཉམ་པའི་རིགས་དང་ཡོན་ཏན་གྱིས་བསྲུངས་པ། སྨད་འཚོང་མ་དག་ཀྱང་སྐྱེས་བུ་གཞན་གྱིས་རིན་སྔར་བྱིན་པས་བཟུང་བ་དང། སྐྱེས ་བུ་གཞན་གྱི་ཆུང་མ་དང་འདྲ་བར་བདག་གིར་བྱས་པ་རྣམས་ཏེ། དེ་དག་དང་འཁྲིག་པ་སྤྱོད་པ་རྣམས་ནི་གཞན་གྱིས་ཚོར་བ་ན་ནི་ཆེས་སྡིག་པ་ཆེ་ལ། མཚོར་དུ་ཟིན་ཀྱང་འདོད་པས་ལོག་པར་གཡེམ་པའི་རྣམ་པར་སྨིན་པ་འབྱུང་ངོ། །སྐྱེས་པ་ལས ་བྱུང་བ་ནི་སྐྱེས་བུ་གཞན་གྱི་ཁ་དང་བཤང་བའི་ལམ་ལ་སོགས་པར་མཚན་སྦྱོར་བའོ། དུད་འགྲོ་ལས་བྱུང་བ་ནི་བ་ལང་དང། ར་ལུག་དང་རྟ་བོང་ལ་སོགས་པའི་མཚན་དང། བཤང་བའི་ལམ་ལ་སོགས་པར་མཚན་སྦྱོར་བའོ། །ཁྱེའུ་དང་བུ་མོ ་ལས་བྱུང་བ་ནི་འཁྲིག་པ་སྤྱད་མི་བཟོད་པའི་ཁྱེའུ་དང་བུ་མོའི་ཁ་དང་མཚན་དང་བཤང་བའི་ལམ་དུ་མཚན་སྦྱོར་བའོ། །དེ་ལྟར་འདོད་པས་ལོག་པར་གཡེམ་པ་དེ་དག་ནི་ཡན་ལག་གསུམ་གྱིས་རྫོགས་པར་འགྱུར་ཏེ། དུས་ལ་སོགས་པ་དེ་དག ་ལ་དེ་དག་ཏུ་འདུ་ཤེས་པ་དང། སྦྱོར་བ་བྱས་པ་དང། རྗེས་སུ་མཐུན་པའི་ཚོར་བ་ཉམས་སུ་མྱོང་བའོ། །དེ་ལྟར་དེ་དག་ནི་ལུས་ཀྱི་ཉེས་བར་སྤྱོད་པ་གསུམ་མོ། །བརྫུན་དུ་སྨྲ་བ་ནི་ཡན་ལག་གསུམ་གྱི་རྫོགས་པར་འགྱུར་ཏེ། གཞི་མ་ནོར་བར ་ཁོང་དུ་ཆུད་པ་དང། དེ་ལ་འདུ་ཤེས་བསྒྱུར་བ་དང། ལོག་པར་སྨྲས་པའོ། །ཕྲ་མ་ནི་ཡན་ལག་གཉིས་ཀྱིས་རྫོགས་པར་འགྱུར་ཏེ། དབྱེ་བར་བྱ་བ་སེམས་ཅན་ཉིད་དང། དབྱེན་གྱི་ཚིག་སྨྲས་པའོ། །ཚིག་རྩུབ་མོ་ནི་ཡན་ལག་གཉིས་ཀྱིས ་རྫོགས་པར་འགྱུར་ཏེ། གཞི་སེམས་ཅན་ཡིན་པ་དང། ཚིག་རྩུབ་མོ་སྨྲས་པའོ། །ཚིག་འཁྱལ་བ་ནི་ཡན་ལག་གཉིས་ཀྱིས་རྫོགས་པར་འགྱུར་ཏེ། ཆོས་དང་མི་ལྡན་པ་དེར་བསམ་པ་དང། ཚིག་འཁྱལ་པར་སྨྲས་པའོ། །དེ་དག་ནི་དག ་གཉིས་པོར་སྤྱོད་པ་བཞིའོ། །བརྣབ་སེམས་ནི་ཡན་ལག་གཉིས་ཀྱིས་རྫོགས་པར་འགྱུར་ཏེ། གཞི་གཞན་གྱི་ཡིན་པ་དང། དེ་ལ་བརྣབ་སེམས་བསྐྱེད་པའོ། །གནོད་སེམས་ནི་ཡན་ལག་གཉིས་ཀྱིས་རྫོགས་པར་འགྱུར་ཏེ། གཞི་སེམས ་ཅན་ཡིན་པ་དང། དེ་ལ་ཀུན་ནས་མནར་སེམས་པར་གྱུར་པའོ། །ལོག་པར་ལྟ་བ་ནི་ཡན་ལག་གཉིས་ཀྱིས་རྫོགས་པར་འགྱུར་ཏེ། གཞི་ཕྱིན་ཅི་མ་ལོག་པ་དང། དེ་ཉིད་ལ་བསམ་པ་ཕྱིན་ཅི་ལོག་བསྐྱེད་པའོ། །དེ་དག་ནི་ཁྱད་པར ་གྱི་ཡན་ལག་གོ་།ཐུན་མོང་གི་ཡན་ལག་ནི་སེམས་གཙོ་བོ་ཞེས་བྱའོ། །དེ་དག་ནི་ཡིད་ཀྱི་ཉེས་པར་སྤྱོད་པ་གསུམ་མོ། །དེ་ལྟར་ན་ཀུན་ནས་སློང་བའི་སེམས་པ་དང། རྗེས་སུ་སྤྱོད་པའི་སྦྱོར་བ་དང། སྦྱོར་བའི་གཞི་བསམ་པ་དེ་ཉིད་དང། སྦྱོར་བའི ་འབྲས་བུ་དངོས་གཞི་ཉིད་སྤྱད་པ་དང། མཇུག་རྗེས་སུ་ཡི་རང་བ་སྟེ། ཡན་ལག་ལྔ་རྫོགས་པས་ནི་མི་དགེ་བ་གང་ཡང་ལེགས་པར་རྫོགས་པ་ཡིན་ནོ། །ཐམས་ཅད་མ་ཚང་ན་ནི་ཅུང་ཟད་སྤྱད་པས་ཅི་རིགས་སུ་སྦྱར་རོ། །ཅུང་ཟད་དུ་ན་བཞི་མ་ནོར་བ ་ཉིད་ནི་ཁ་ཅིག་ཏུ་མ་ངེས་པར་སྲིད་དོ། །དེ་ལྟར་མི་དགེ་བ་བཅུ་པོ་དེ་དག་སྤྱད་པའི་འབྲས་བུ་རྒྱ་ཆེར་ནི་དམ་པའི་ཆོས་དྲན་པ་ཉེ་བར་གཞག་པ་ལས་ཤེས་པར་བྱ་ཞིང། མདོར་བསྡུས་པ་ནི་ཇི་སྐད་དུ། བཅོམ་ལྡན་འདས་ཀྱིས་འཕགས་པ་སྡོང་པོ ་བཀོད་པ་ལས་གསུངས་པ། སྲོག་གཅོད་པས་སེམས་ཅན་དམྱལ་བར་ཁྲིད་དོ། །བྱོལ་སོང་གི་སྐྱེ་གནས་སུ་ཁྲིད་དོ། །གཤིན་རྗེའི་འཇིག་རྟེན་དུ་ཁྲིད་དོ། །དེ་ནས་ཇི་སྟེ་མིར་སྐྱེས་ན་རྣམ་པར་སྨིན་པ་གཉིས་མངོན་པར་སྒྲུབ་པ་ནི་འདི་ལྟ་སྟེ། ཚེ ་ཐུང་བ་དང། ནད་མང་བའོ། །མ་བྱིན་པར་ལེན་པས་ནི་སེམས་ཅན་དམྱལ་བར་ཁྲིད་དོ། །བྱོལ་སོང་གི་སྐྱེ་གནས་སུ་ཁྲིད་དོ། །གཤིན་རྗེའི་འཇིག་རྟེན་དུ་ཁྲིད་དོ། །དེ་ནས་ཅི་སྟེ་མིར་སྐྱེས་ན་ཡང་རྣམ་པར་སྨིན་པ་གཉིས་མངོན་པར་སྒྲུབ་པ ་ནི་འདི་ལྟ་སྟེ། ལོངས་སྤྱོད་ཆུང་བ་དང། ཐུན་མོང་གི་ལོངས་སྤྱོད་དུ་འགྱུར་བའོ། །འདོད་པས་ལོག་པར་གཡེམ་པས་ནི་སེམས་ཅན་དམྱལ་བར་ཁྲིད་དོ། །བྱོལ་སོང་གི་སྐྱེ་གནས་སུ་ཁྲིད་དོ། །གཤིན་རྗེའི་འཇིག་རྟེན་དུ་ཁྲིད་དོ། །དེ་ནས་ཅི ་སྟེ་མིར་སྐྱེས་ན་ཡང་རྣམ་པར་སྨིན་པ་གཉིས་མངོན་པར་སྒྲུབ་པ་ནི་འདི་ལྟ་སྟེ། ལྷོད་པ་དང་བཅས་པའི་ཆུང་མ་དང། གཡོག་འཁོར་མི་བསྲུངས་པའོ། །བརྫུན་དུ་སྨྲས་པས་ནི་སེམས་ཅན་དམྱལ་བར་ཁྲིད་དོ། །བྱོལ་སོང་གི་སྐྱེ་གནས་སུ་ཁྲིད་དོ། །གཤིན ་རྗེའི་འཇིག་རྟེན་དུ་ཁྲིད་དོ། །དེ་ནས་ཅི་སྟེ་མིར་སྐྱེས་ན་ཡང་རྣམ་པར་སྨིན་པ་གཉིས་མངོན་པར་བསྒྲུབ་པ་ནི་འདི་ལྟ་སྟེ། སྐུར་པ་མང་བ་དང། གཞན་གྱིས་བསླུ་བའོ། །ཕྲ་མས་ནི་སེམས་ཅན་དམྱལ་བར་ཁྲིད་དོ། །བྱོལ་སོང་གི་སྐྱེ་གནས་སུ་ཁྲིད་དོ། ། ་གཤིན་རྗེའི་འཇིག་རྟེན་དུ་ཁྲིད་དོ། །དེ་ནས་ཅི་སྟེ་མིར་སྐྱེས་ན་ཡང་རྣམ་པར་སྨིན་པ་གཉིས་མངོན་པར་སྒྲུབ་པ་ནི་འདི་ལྟ་སྟེ། གཡོག་མི་མཐུན་པ་དང། གཡོག་ངན་པར་འགྱུར་བའོ། །ཚིག་རྩུབ་པོས་ནི་སེམས་ཅན་དམྱལ་བར་ཁྲིད་དོ། །བྱོལ་སོང ་གི་སྐྱེ་གནས་སུ་ཁྲིད་དོ། །གཤིན་རྗེའི་འཇིག་རྟེན་དུ་ཁྲིད་དོ་།དེ་ནས་ཅི་སྟེ་མིར་སྐྱེས་ན་ཡང་རྣམ་པར་སྨིན་པ་གཉིས་མངོན་པར་སྒྲུབ་པ་ནི་འདི་ལྟ་སྟེ། ཡིད་དུ་མི་འོང་བའི་ཚིག་ཐོས་པ་དང། འཐབ་མོའི་ཚིག་ཐོས་པར་འགྱུར་བའོ། །ངག་འཁྱལ ་པས་ནི་སེམས་ཅན་དམྱལ་བར་ཁྲིད་དོ། །བྱོལ་སོང་གི་སྐྱེ་གནས་སུ་ཁྲིད་དོ། །གཤིན་རྗེའི་འཇིག་རྟེན་དུ་ཁྲིད་དོ། །དེ་ནས་ཅི་སྟེ་མིར་སྐྱེས་ན་ཡང་རྣམ་པར་སྨིན་པ་གཉིས་ཉེ་བར་སྒྲུབ་པ་ནི་འདི་ལྟ་སྟེ། ཚིག་མི་བཙུན་པ་དང། སྤོབས་པ་མང ་བའོ། །བརྣབ་སེམས་ཀྱིས་ནི་སེམས་ཅན་དམྱལ་བར་ཁྲིད་དོ། །བྱོལ་སོང་གི་སྐྱེ་གནས་སུ་ཁྲིད་དོ། །གཤིན་རྗེའི་འཇིག་རྟེན་དུ་ཁྲིད་དོ། །དེ་ནས་ཅི་སྟེ་མིར་སྐྱེས་ན་ཡང་རྣམ་པར་སྨིན་པ་གཉིས་ཉེ་བར་སྒྲུབ་པ་ནི་འདི་ལྟ་སྟེ། ཆོག་མི་ཤེས་པ ་དང། འདོད་པ་ཆེ་བའོ། །གནོད་སེམས་ཀྱི་ནི་སེམས་ཅན་དམྱལ་བར་ཁྲིད་དོ། །བྱོལ་སོང་གི་སྐྱེ་གནས་སུ་ཁྲིད་དོ། །གཤིན་རྗེའི་འཇིག་རྟེན་དུ་ཁྲིད་དོ། །དེ་ནས་ཅི་སྟེ་མིར་སྐྱེས་ན་ཡང་རྣམ་པར་སྨིན་པ་གཉིས་མངོན་པར་སྒྲུབ་པ་ནི་འདི་ལྟ་སྟེ། ་གནོད་པར་གླགས་ལྟ་བ་དང་ཕ་རོལ་གྱིས་མནར་བའོ། །ལོག་པར་ལྟ་བས་ནི་སེམས་ཅན་དམྱལ་བར་ཁྲིད་དོ། །བྱོལ་སོང་གི་སྐྱེ་གནས་སུ་ཁྲིད་དོ། །གཤིན་རྗེའི་འཇིག་རྟེན་དུ་ཁྲིད་དོ། །དེ་ནས་ཅི་སྟེ་མིར་སྐྱེས་ན་ཡང་རྣམ ་པར་སྨིན་པ་གཉིས་མངོན་པར་སྒྲུབ་པ་ནི་འདི་ནི་ལྟ་སྟེ། ལྟ་བ་ངན་པར་ལྟུང་བ་དང། གཡོ་སྒྱུ་ཅན་དུ་འགྱུར་བའོ་ཞེས་གསུངས་ཏེ། དེ་དག་ཀྱང་མཚོན་པ་སྟེ། མི་དགེ་བ་བཅུ་པོ་འདི་དག་ནི་རེ་རེ་ལ་ཡང་རྣམ་པར་སྨིན་པ་ཡང་བ་ཤིན་ཏུ ་མང་པོ་ཡོད་བར་རིག་པར་བྱའོ། །ད་ནི་འདི་དག་གི་ལྕི་བ་ཉིད་བརྗོད་པར་བྱ་སྟེ། དེ་ནི་འཕགས་པ་དེ་བཞིན་གཤེགས་པའི་མཛོད་ཀྱི་མདོ་ལས་གསུངས་པ། འོད་སྲུངས་ཕ་ཡང་ཡིན་ལ། རང་སངས་རྒྱས་ཀྱང་ཡིན་པ་གསོད་པ་གང ་ཡིན་པ་འདི་ནི་སྲོག་གཅོད་པའི་ནང་ན་མ་རུངས་པའོ། །དཀོན་མཆོག་གསུམ་གྱི་དཀོར་འཕྲོག་པ་འདི་ནི་མ་བྱིན་པར་ལེན་པའི་ནང་ནས་མ་རུངས་པའོ། །མ་ཡང་ཡིན་ལ་དགྲ་བཅོམ་མ་ཡང་ཡིན་པ་ལ་ཉལ་པོ་བྱས་པ་འདི་ནི་འདོད་པས ་ལོག་པར་གཡེམ་པའི་ནང་ན་མ་རུངས་པའོ། །དེ་བཞིན་གཤེགས་པ་ལ་སྐུར་པ་འདེབས་པ་འདི་ནི་བརྫུན་དུ་སྨྲ་བའི་ནང་ནས་མ་རུངས་པའོ། །དགེ་འདུན་གྱི་དབྱེན་བྱས་པ་འདི་ནི་ཕྲ་མའི་ནང་ནས་མ་རུངས་པ་ཡིན་ནོ། །འཕགས་པ ་རྣམས་ལ་མི་སྙན་པ་བརྗོད་པ་འདི་ནི་ངག་རྩུབ་པོ་རྣམས་ཀྱི་ནང་ནས་མ་རུངས་པ་ཡིན་ནོ། །ཆོས་ཐོས་པར་འདོད་པ་རྣམས་རྣམ་པར་གཡེང་བར་བྱེད་པ་འདི་ནི་ཚིག་འཁྱལ་པའི་ནང་ནས་མ་རུངས་པ་ཡིན་ནོ། །ཡང་དག་པར་སོང་བ་དང ་ཡང་དག་པར་ཞུགས་པ་རྣམས་ཀྱི་རྙེད་པ་འཕྲོག་པར་སེམས་པ་འདི་ནི་བརྣབ་སེམས་ཀྱི་ནང་ན་མ་རུངས་པ་ཡིན་ནོ། །མཚམས་མེད་པ་བྱེད་པ་འདི་ནི་གནོད་སེམས་ཀྱི་ནང་ན་མ་རུངས་པ་ཡིན་ནོ། །ལྟ་བ་མཆོག་ཏུ་འཛིན་པ་ནི ་ལོག་པར་ལྟ་བའི་ནང་ན་མ་རུངས་པ་ཡིན་ནོ། །ཞེས་བྱ་བ་ལ་སོགས་པའོ། །མདོར་བསྡུ་ན་རྒྱུན་ཏུ་སྤྱོད་པ་དང། ཉོན་མོངས་པ་དྲག་པོས་སྤྱོད་པ་དང། རྟེན་གྱི་རང་བཞིན་བྱང་ཆུབ་ཀྱི་སེམས་དང། དཀོན་མཆོག་གསུམ་ལ་མི་བརྟེན་ཅིང། རྣམ ་པར་སུན་འབྱིན་བ་ཀུན་ཏུ་སྤྱོད་པ་ལ་སོགས་པ་མེད་པ་དང། ཡོན་ཏན་དང་གཙོ་བོས་འཕགས་པའི་གཞི་ལས་བྱུང་བ་སྟེ། དེ་དག་དང་གང་ལྡན་པའི་མི་དགེ་བ་བཅུ་ནི་ལྕི་བ་ཉིད་དོ། །དེ་བས་ན་འཕགས་པ་ནཱ་གཱ་རྫུ་ནས་ཀྱང། རྟག་དང་མངོན་པར ་ཞེན་དང་གཉེན་པོ་མེད། །ཡོན་ཏན་གཙོ་ལྡན་གཞི་ལས་བྱུང་བའི་ལས། །དགེ་དང་མི་དགེ་རྣམ་ལྔ་ཆེན་པོ་སྟེ། །དེ་ལས་དགེ་བ་སྤྱོད་པ་བརྩོན་པར་བགྱི། ཞེས་བཤད་པའོ། །ད་ནི་དེ་དག་རྩ་བའི་ཉོན་མོངས་པ་གང་གིས་རྫོགས་པར་བྱེད་པར ་བསྟན་ཅེ་ན། དེ་ནི་ཆོས་མངོན་པའི་ཚིག་ལེའུར་བྱས་པ་ལས། གསོད་དང་གནོད་སེམས་ཚིག་རྩུབ་དང། །ཞེ་སྡང་གིས་ནི་མཐར་ཕྱིན་བྱེད། །ལོག་གཡེམ་བརྣབ་སེམས་མ་བྱིན་ལེན། །ཆགས་པ་ཡིས་ནི་མཐར་ཕྱིན་བྱེད། །ལོག་པར་ལྟ་བ ་གཏི་མུག་གིས། །ལྷག་མ་གསུམ་གྱིས་རྫོགས་པར་འདོད། །ཅེས་བཤད་པ་ལས་ཤེས་པར་བྱའོ། །ད་ནི་དེ་དག་གི་གནང་བ་ཉིད་བརྗོད་པར་བྱ་སྟེ། གང་བདག་གི་དོན་ལ་རྗེས་སུ་ལྟ་བ་ཅུང་ཟད་ཙམ་ཡང་མེད་ལ། བྱེད་པ་གཞན་གྱི་དོན་ལ ་འབའ་ཞིག་འདོད་ཅིང། ཐམས་ཅད་དུ་སྙིང་རྗེ་དང་ལྡན་པ་དག་ལ་ནི་ཡིད་ཀྱི་ཉེས་པར་སྤྱོད་པ་གསུམ་མ་གཏོགས་པ་འམ་ལོག་པར་ལྟག་ཉིད་མ་གཏོགས་པ་དག་ལ་རྗེས་སུ་གནང་བ་སྣང་སྟེ། དེ་ནི་བྱང་ཆུབ་སེམས་དཔའ་ཨི་སྡོམ་པ ་གཏན་ལ་དབབ་པའི་གཙུག་ལག་དག་ལས་བལྟའོ། །དེ་ལྟར་བླང་བར་བྱ་བ་དང། མི་མཐུན་པའི་ཕྱོགས་དང། ཡན་ལག་དང། འབྲས་བུ་དང། ལྕི་ཡང་དང། རྒྱུ་དང་རྗེས་སུ་གནང་བ་དག་གིས་དགེ་བ་བཅུའི་ལས་ཀྱི་ལམ་རྒྱས་པར ་བསྟན་པ་ཡིན་ནོ། །དགེ་བ་བཅུ་ཡི་ལས་ཀྱི་ལམ། །ལེགས་བརྗོད་བསོད་ནམས་དྲི་མེད་གང། །དེ་འདིར་བདག་གིས་བསྒྲུབས་པ་དེས། །འགྲོ་བ་མི་དགེ་བཅུ་སྤང་ཤོག་།བདག་ཀྱང་དགེ་བཅུའི་ཡོན་ཏན་གྱིས། །བརྒྱན ་ཅིང་ངན་འགྲོ་སྤངས་པ་དང། །འགྲོ་བའི་མི་དགེའི་ལས་ལམ་བཅུ། །གཏན་ནས་རྒྱུན་ཆད་བྱེད་པར་ཤོག་།དགེ་བ་བཅུའི་ལས་ཀྱི་ལམ་བསྟན་པ་ཞེས་བྱ་བ། སློབ་དཔོན་བྲམ་ཟེའི་བཙུན་པ་ཆོས་ལྡན་རབ་འབྱོར་དབྱངས་ཀྱིས་ཞལ ་སྔ་ནས་མཛེད་པ་རྫོགས་སོ།། །།རྒྱ་གར་གྱི་མཁན་པོ་བུདྡྷཱ་ཀ་ར་ཝརྨ་དང། བོད་ཀྱི་ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།རྒྱ་གར་སྐད་དུ། ཤོ་ཀ་བཱི་ནོ་ད ་