Wylie

e-texts based on the ACIP/ALL Input

ཤེས་རབ་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །། *། །རྒྱ་གར་སྐད་དུ། ཨཱ་དི་ཀརྨི་བྷཱུ་མི་ཀ་རི་པ་རི། བོད་སྐད་དུ། ལས་དང་པོ་པའི་ས་སྦྱང་བའི། སངས་རྒྱས་ལ་ཕྱག་འཚལ་ལོ། །ཉི་མ་ལྟ་བུར་གཟི་ལྡན་སྐུ། །སངས་རྒྱས་ཞབས ་ལ་ཕྱག་འཚལ་ཏེ། །ལས་ནི་དང་པོ་པ་ཡིས། །སྦྱང་བ་འདིར་ནི་བཤད་པར་བྱ། །ལམ་མ་སྦྱང་བའི་ཉེས་པ་དང། །ལམ་གྱི་སྦྱང་པ་གང་ཞེ་ན། །ལམ་མ་སྦྱངས་པའི་སྐྱེ་བོ་དག་།བྱེས་བགྲོད་ངལ་དུ་བ་ཚ་གྲང་དང། །ལྕི་དང་རྩུབ་དང་སྐྱོ་བ་དང། །བཀྲེས་སྐོམ་གདུངས ་ཤིང་བརྙས་པ་དང། །འཇིགས་དང་ཡི་མུག་ཉམས་སུ་མྱོང། །མྱ་ངན་འཆེར་འགྲིབ་བཅས་པ་དག་།ཁ་ཅིག་སྤྱིའུ་ཚུགས་དམྱལ་བ་དང། །དུད་འགྲོ་ཡི་དགས་རྣམས་སུ་སྟེན། །ནོར་དང་བཟའ་བཏུང་གྲགས་པ་དག་།འདོད་པས་བྱེས་བགྲོད་སྡུག་བསྔལ ་ཅན། རེ་བ་འབྲས་བུ་མེད་པ་དང། །སྡུག་དང་བྲལ་དང་མི་སྡུག་ཕྲད། །མི་བཟད་ན་རྒས་འཇོམས་བཞིན་དུ། །འཆི་བདག་དྲུང་དུ་མྱུར་འགྲོ་བ། །མ་ཚོར་གཞར་བཅས་ཤིང་རྩེ། །ཚེ་ནི་དོན་མེད་མྱུར་དུ་འདའ་། །ཡང་དང་ཡང་དུ་སྐྱེ་བ་ཡི།། ་འཁོར་བའི་ཉེས་པ་གྲངས་མེད་བསྟེན། །ཀྱི་ཧུད?་ལམ་ལས་ཉམས་པ་ཡི། །སྐྱེ་བོ་དག་ནི་ཉམ་དར་གནས། །མི་བཟང་མྱ་ངན་འབྲོག་དགོན་དུ། །ལམ་གོལ་གྱུར་པ་དག་དང་མཚུངས། །མིག་ལྡན་ལམ་ལོག་འགྲོ་བ་ལྟར། །ལམ་ལས་ཉམས་པའི་སྐྱེ་བོ་སྨྲད།། ་དེ་ལ་ལམ་སྦྱང་བ་གང་ཞེ་ན། །འདིར་ལས་དང་པོ་པའི་ས་ནི་ལམ་གྱི་དང་པོ་སྟེ། །དེ་སྦྱང་བ་ནི་དབྱེ་བ་རྣམ་པ་དུ་མ་དང་ལྡན་པའི་དཀོན་མཆོག་གསུམ་ལེགས་པར་ཤེས་ནས་ཕྱག་འཚལ་བ་དང། རྒྱ་ཆེར་མཆོད་པ་དང་ཡོན་ཏན་བརྗོད་པས་བསྟོད་པ་དང། སྙིང ་ཐག་པ་ནས་སྐྱབས་སུ་འགྲོ་བ་དང། རྗེས་སུ་དྲན་པ་བསྒོམས་པས་བསླབ་པ་ལ་སློབ་པས་སྐྱབས་ཕུན་སུམ་ཚོགས་པ་ཡིན། མི་དགེ་བ་བཅུའི་ཉེས་པ་ཤེས་པ་དང། དགེ་བ་བཅུའི་ཡོན་ཏན་ཤེས་པ་དང། དགེ་བ་བཅུའི་སྡོམ་པ་ལེན་པ་དང། བླངས་པ་སླར ་མི་གཏོང་བ་དང། ལན་འགའ་ཉམས་ན་ཡང་ཆོས་བཞིན་དུ་སླར་འཆོས་པས་སྡོམ་པ་ལ་གནས་པ་ཡིན། བྱང་ཆུབ་ཀྱི་སེམས་ཀྱི་ཕན་ཡོན་ལེགས་པར་ཤེས་པ་དང། དེ་སྐྱེ་བའི་རྒྱུ་ལ་གནས་པ་དང། སེམས་དེ་ཡང་དགེ་བར་བསྐྱེད་པ་དང། བསྐྱེད ་པའི་མི་མཐུན་པའི་ཕྱོགས་རིང་དུ་སྤོང་བར། །སེམས་དེ་འཕེལ་ཞིང་མི་བརྗེད་པའི་ཆོས་ལ་གནས་པས་བྱང་ཆུབ་ཀྱི་སེམས་ལ་གནས་པ་ཡིན་པས་དེ་ལྟར་ཆོས་རྣམ་པ་གསུམ་ལ་རྣམ་པ་བཅོ་ལྔ?་དབྱེ་བ་འདི་ནི། འདིར་ས་སྦྱང་བའི་གཞི་དང། རྟེན་དང ་གནས་ཤེས་བྱའོ། །དེ་གཞི་དེ་ལྟ་བུ་ལ་བརྟེན་ནས་ལམ་གྱི་དངོས་གཞི་གང། ཇི་ལྟར་སྦྱང་ཞེ་ན། གཞི་དེ་དག་ལ་ལེགས་པར་གནས་པས་འཇུག་པ་བྱང་ཆུབ་ཀྱི་སེམས་བླང་བ་བྱས་ནས། ཇི་ལྟར་བླངས་པའི་སྡོམ་པ་ལས་མི་འདའ་བར་བྱམས་པ་ཚད ་མེད་པ་བསྒོམ་པ་དང། དྲན་པ་ཉེ་བར་གཞག་པ་བཞི་བསྒོམ་ཞིང། ཡང་དག་པར་སྤོང་བ་བཞི་ལ་གནས་པར་བྱ་སྟེ། འདི་ནི་ལས་དང་པོ་པའི་སའི་དངོས་གཞི་ཡིད་ལ་བྱ་བས་རིམ་གྱིས་འཕགས་པའི་བདེན་པ་ལ་འཇུག་པར་བྱའོ། །དེ་ཡང་ན་དྲན་པ ་ཉེ་བར་གཞག་པ་དང། ཡང་དག་པར་སྤོང་བ་བཞི་གྲུབ་ནས་ཏིང་ངེ་འཛིན་གྱི་ངོ་བོ་རྫུ་འཕྲུལ་གྱི་རྐང་པ་བཞི་ལ་གནས་པ་ནས་དེ་ཉིད་ཀྱི་ཁྱད་པར་ཐར་པའི་ཆ་དང་མཐུན་པའི་དགེ་བའི་རྩ་བ་བསྐྱེད་པ་ཡིན་ཏེ། བདག་དང་གཞན་གྱི་འབྱོར་བ་དང། འདུན་དང ་ཚུལ་ཁྲིམས་དབང་པོ་དང། དེ་བཞིན་ཟས་དང་མི་ཉལ་དང། ཤེས་བཞིན་དུ་ནི་སྤྱོད་པ་དང། དེ་བཞིན་དགེ་བའི་བཤེས་གཉེན་དང། །དམ་ཆོས་ཉན་དང་སེམས་པ་དང། །བར་ཆད་མེད་དང་གཏོང་བ་དང། །དགེ་སྦྱོང་རྒྱན་ནི་ཐ་མ་ཡིན། དཔལ་ལྡན ་གཡོ་མེད་ནང་ཉུང་དང། །བརྩོན་འགྲུས་ཤེས་རབ་འདོར་ཆུང་དང། །ཆོག་ཤེས་གསོ་སླ་དགང་སླ་དང། །སྦྱངས་དང་མཛེས་དང་དྲོད་རིག་དང། །སྐྱེས་བུ་དམ་ཆོས་མཁས་རྟགས་དང། །བཟོད་དང་དེས་དང་གྱ་ནོམ་པའོ། །ཞེས་བྱ་བའི་ཡོན་ཏན ་དང་ལྡན་པ། དེ་ལས་གཞན་པ་ཐེག་པ་ཆེན་པོའི་ཚོགས་ལམ་གྱི་ཁྱད་པར་ལུས་ལ་དབང་བ་ལ་སོགས་པ་དང། །སྙིང་རྗེ་ཆེན་པོའི་སྒོ་མངོན་དུ་གྱུར་པས་སྡུག་བསྔལ་བ་མཐོང་བ་ན་རང་དབང་མེད་པར་མཆི་མའི་རྒྱུན་འབབ་པ་ལ་སོགས་པ་འབྱུང་ངོ། ་དེ་ལྟར་བྱང་ཆུབ་སེམས་དཔའ་ཨི་སྡོམ་པ་དང། བྱམས་པའི་ཏིང་ངེ་འཛིན་དང། དྲན་པ་ཉེ་བར་གཞག་པ་དང། ཡང་དག་པར་སྤོང་བ་དང། རྫུ་འཕྲུལ་གྱི་རྐང་པ་བཞི་པོ་སྔ་མའི་རྟེན་དང་བཅས་པ་འདི་ནི་ཚོགས་ཀྱི་ལམ་དང། ལས་དང་པོ་པའི་ས་དང། ་དད་པའི་ས་ཞེས་བྱའོ། །ད་ནི་འདིར་ཉིན་མཚན་གྱི་ཆ་ལས་ཡང་དག་པར་སྤོང་བ་བཞི་ལ་གནས་པས་ལམ་སྤྱད་པ་བརྗོད་པ། ཐོ་རངས་མལ་ནས་ལངས་ནས་ནི། །གཞི་གསུམ་དྲན་པས་བརྟུལ་ཞུགས་མཆོག་།བདག་གཞན་བརྗེ་དང་འཇིག་རྟེན་གྱི།། ་ཆོས་བརྒྱད་མཉམ་པར་མོས་པ་བསྐྱེད། །དེ་ནས་ཡིད་ནི་བསྡུས་པ་ཡིས། །ཀྱེ་མ་སེམས་ཅན་བདེ་འགྱུར་བསམ། །དེ་ནས་ལུས་དང་ཚོར་བ་དང། །སེམས་དང་ཆོས་ནི་མི་གཙང་དང། སྡུག་བསྔལ་མི་རྟག་བདག་མེད་ཅེས། །ཕྱིན་ཅི་ལོག ་བཞིའི་གཉེན་པོ་བསྒོམ། །རེ་རེ་འམ་ཡང་ན་རིམ་གྱིས་ཀྱང། །ནམ་ལངས་པར་དུ་འབད་པས་བསྒོམ། །གང་གི་ལུས་ཅན་གྲོལ་འགྱུར་བའི། །ལམ་གྱི་དང་པོ་འདི་ཉིད་ཡིན། །དེ་ནས་ནམ་ནི་ལངས་པ་དང། །ཅི་རིགས་གཙང་སྦྲ་བྱས་ནས་ནི། །མཆོད་རྟེན་ཕྱག ་འཚལ་མཎྜལ་བྱ། །སྡིག་བཤགས་ལ་སོགས་རྒྱས་བྱ་སྟེ། །ལྷག་པར་སྐྱབས་སུ་འགྲོ་བ་དང། །བྱང་ཆུབ་སེམས་ནི་བརྟན་པོ་བསྐྱེད། །ཅི་རིགས་བསྐོར་བ་བྱས་ནས་ནི། །བླ་མ་དང་ནི་རྒན་པོ་དང། །ཆོས་སྨྲ་བ་ལ་འང་ཕྱག་བྱ་སྟེ། །འཛུམ་ཞིང་སྙན་ ་པར་སྨྲ་བ་དང། །དེ་དག་དགོས་པ་འབད་དེ་བསྒྲུབ། །བར་དེ་དུས་ནི་ཉེར་གནས་ན། །ཆོས་བཤད་ལ་སོགས་སེམས་ཅན་དོན། །རང་བདེ་བཏང་ལ་འབད་པས་བསྒྲུབ། །ཁྱེའུ་སུས་ལ་སོགས་ཟས་ལ་སྤྱད། །དཀོན་མཆོག་སྤྲིན་ལས་གསུངས་པ་བཞིན། ། ་ཆ་བཞིར་བགོས་ཏེ་བཟའ་བར་བྱ། །ལྷག་པར་ཕོངས་ལ་བཟའ་བཏུང་བགོ་།སྔ་དྲོ་ཡི་ནི་དུས་དག་ཏུ། །བྲི་དང་ཀླག་པ་ལ་སོགས་པའི། །ཆོས་སྤྱོད་བཅུ་ལ་འབད་པ་འམ། །སཱ་ཙྪ་བྱ་བ་འམ་འགྲོ་ཕན་གདགས། །དུས་ཀྱི་དམ་པ་སྔ་དྲོ་ནི། །དོན་མེད་འདའ་བར ་མི་བྱའོ། །ཉི་མའི་གུང་ལ་བྱམས་པ་དང། །དྲན་པ་ཉེར་གཞག་ཅུང་ཟད་བསྒོམ། །དེ་ནས་ཡང་ནི་ཕྱག་འཚལ་སོགས། །སྔ་མ་བཞིན་དུ་རྒྱས་པར་བྱ། །ཕྱི་དྲོ་སྐྱེ་བོ་དམ་པ་དང། །འགྲོགས་ཤིང་ངལ་བསོ་བདེན་དོན་ལ། །སྤྲོ་ཞིང་སྲིད་ལས་ཡིད་འབྱུང་བའི། ། ་ལེགས་བཤད་རོ་ནི་མྱང་བར་བྱ། །ཕྱི་འཕྲེང་སླར་ཡང་སྔ་མ་བཞིན། །ཞི་གནས་ལྷག་མཐོང་བསྒོམ་པ་དང། །མཆོད་རྟེན་ཕྱག་འཚལ་ལ་སོགས་བྱ། །དམར་ཐག་ཆད་ནས་མཚན་མོ་ནི། །བླ་མའི་བསྙེན་བཀུར་ཚུལ་བཞིན་བྱ། །རང་གི་རྐད་པ་བཀྲུས་ནས་ནི། །ཞི ་གནས་ལྷག་མཐོང་བསྒོམ་པ་འམ། །དོན་ཆེན་ལྡན་པའི་ཁ་ཏོན་བྱ། །ནམ་གྱི་ཆ་སྟོད་འདས་པ་དང། །ཚུལ་བཞིན་ཡིད་ལ་བྱེད་པ་ཡིས། །རིགས་པ་བཞིན་དུ་ཉལ་བར་བྱ། །ཉིན་པར་དང་ནི་མཚན་མོ་ཡང། །ལག་བཟངས་ཀྱིས་ནི་ཞུས་པ་དང། །རིན་ཆེན་ཕྲེང་བ་ལས ་བཤད་ལྟར། །སྣ་ཚོགས་དགེ་བའི་ཕྱོགས་ལ་འབད། །དེ་ནས་ཚེ་འདི་ཉིད་ལ་ཡང། །དྲོད་ལ་སོགས་པ་ཐོབ་པར་འགྱུར། །དེ་ལྟར་ཐོས་པ་དང་བསམ་པ་དང་གནས་པས་ཚོགས་ཀྱི་ལམ་ཕལ་པ་དང། །བྱེད་པར་ཅན་སྦྱང་ངོ། །དེ་ལས་གོང་དུ་བསྒོམ་པ་ལས་བྱུང་བས ་མོས་པས་སྤྱོད་པའི་ས་དག་ལ་དབང་པོ་དང། སྟོབས་ཀྱིས་བདེན་པ་བསྒོམ་པའི་ས་སྦྱངས་པ་ནི་དཀོན་མཆོག་སྤྲིན་ལ་སོགས་པར་བལྟ་ཞིང། །རབ་ཏུ་དགའ་བ་ལ་སོགས་པའི་ས་སྦྱད་བ་ནི་ས་བཅུ་པའི་ལེའུ་ལས་བསྟན་ཏོ། །རྒྱལ་བའི་སྲས་ཀྱིས་ཡི་དང་པོ་པ། །ཚོགས ་ཀྱིས་སྟེ་དེ་སྦྱང་མདོར་བསྡུས་པ། །ཅུང་ཟད་བཤད་ལས་དགེ་བ་གང་ཐོབ་པ། །དེས་ནི་འགྲོ་རྣམས་དག་པའི་ས་ཐོབ་ཤོག་།ལས་དང་པོ་པའི་ས་སྦྱང་བ་ཞེས་བྱ་བ། སློབ་དཔོན་མཁས་པ་ཆེན་པོ་བྱང་ཆུབ་སེམས་དཔའ་དགྲ་ལས་རྒྱལ་བ་གསང་བའི་ཞལ་སྔ་ནས་མཛད་པ ་རྫོགས་སོ།། །།རྒྱ་གར་གྱི་མཁན་པོ་ཀྲིཥྞ་པ་དང། ཞུས་ཆེན་གྱི་ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།རྒྱ་གར་སྐད་དུ། ཙིཏྟ་རཏནཱ་བི་ཤོ་དྷ་ན་ཀྲ་མ་ནཱ་མ་ལེ་ཁ། བོད་སྐད་དུ། སེམས་རིན་པོ་ཆེ་རྣམ་པར ་