Wylie

e-texts based on the ACIP/ALL Input

།རྒྱ་གར་སྐད་དུ། བོ་དྷི་ས་ཏྭ་སམ་བ་རི་བ་དྷི། བོད་སྐད་དུ། བྱང་ཆུབ་སེམས་དཔའ་ཨི་སྡོམ་པའི་ཆོ་ག་།སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །གང་འདི་རྣམས་ནི་བྱང་ཆུབ་སེམས་དཔའ་རྣམས་ཀྱི་ཚུལ་ཁྲིམས་ཀྱི་ཕུང ་པོ་རྣམས་སུ་བརྗོད་པ་སྟེ། སྡོམ་པའི་ཚུལ་ཁྲིམས་དང། དགེ་བ་ཆོས་སྡུད་པའི་ཚུལ་ཁྲིམས་དང། སེམས་ཅན་དོན་བྱེད་པའི་ཚུལ་ཁྲིམས་སོ། །དེ་རྣམས་ལ་སློབ་པར་འདོད་པའི་ཁྱིམ་པ་འམ་རབ་ཏུ་བྱུང་བ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྨོན་ལམ་བཏབ ་པས། ལྷན་ཅིག་ཏུ་ཆོས་མཐུན་པའི་བྱང་ཆུབ་སེམས་དཔའ་མཁས་པ་ནུས་པ། ངག་གི་རྣམ་པར་རིག་བྱེད་ཀྱི་དོན་མཛད་པ་དང། གོ་བར་ནུས་པའི་ཞབས་དག་ལ་ཕྱག་འཚལ་ནས་གསོལ་བ་གདབ་པར་བྱ་སྟེ། བདག་རིགས་ཀྱི་ཁྱོད་དམ། ཚེ་དང་ལྡན་པ་འམ། བཙུན ་པ་གང་ཉེ་བས་བྱང་ཆུབ་སེམས་དཔའ་ཨི་ཚུལ་ཁྲིམས་ཀྱི་སྡོམ་པ་ཡང་དག་པར་ལེན་པར་འཚལ་བས། དེ་སྩལ་བ་ལ་རུང་ཞིང། དཀའ་བ་མ་མཆིས་ན། ཐད་ཅིག་བདག་ལ་རྗེས་སུ་བརྩེ་བས་སྩལ་ཅིང་གསོན་ཅིག་ཅེས་སོ། །འདི་ལྟར་ལན་གསུམ་གསོལ་བ་བཏབ་ནས། ་བླ་གོས་ཕྲག་པ་ཅིག་ཏུ་གཟར་ཏེ། ཕྱོགས་བཅུའི་འཇིག་རྟེན་རྣམས་ན་འདས་པ་དང་མ་བྱོན་པ་དང་ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་དང། ས་ཆེན་པོར་ཆུད་པའི་བྱང་ཆུབ་སེམས་དཔའ་རྣམས་ལ་བཏུད་ནས། དེ་རྣམས་ཀྱི་ཡོན་ཏན་རྣམས ་མངོན་སུམ་དུ་བྱས་ནས་སེམས་དཔའ་ཆེན་པོ་བསྐྱེད་ནས། པུས་མོ་བཙུགས་པ་འམ་ས་ལ་ཙོག་ཙོག་པོར་འདུག་པས། དེ་བཞིན་གཤེགས་པའི་སྐུ་མདུན་དུ་བཞུགས་སུ་གསོལ་ནས་མཆོད་དོ། མངོན་སུམ་དུ་བྱས་ནས་ཚིག་འདི་སྐད་ཅེས་བརྗོད་དོ། །རིགས་ཀྱི་བཱུམ་ཚེ ་དང་ལྡན་པའམ་བཙུན་པ་གང་ཉེ་བས་བྱང་ཆུབ་སེམས་དཔའ་ཨི་ཚུལ་ཁྲིམས་ཀྱི་སྡོམ་པ་ཡང་དག་པར་བླང་བ་བདག་ལ་རྗེས་སུ་སྩལ་དུ་གསོལ་ཞེས་སོ། །དེ་ནས་རྩེ་གཅིག་ཏུ་ཉེ་བར་བཞག་ནས་སེམས་དང་བ་རྗེས་སུ་བསྐྱེད་དེ། བདག་ནི ་ད་རིང་པོར་མི་ཐོགས་པར་ཟད་པ་མེད་ཅིང་དཔག་ཏུ་མེད་པ་བླ་ན་མེད་པའི་བསོད་ནམས་ཀྱི་གཏེར་ཐོབ་པར་འགྱུར་རོ་ཞེས་དོན་འདི་ཉིད་བསམ་ཞིང་ཅད་མི་སྨྲ་བར་བྱའོ། །སླར་ཡང་བྱང་ཆུབ་སེམས་དཔའ་མཁས་པ་དེས། དེ་ལྟར་གནས་བའི་བྱང་ཆུབ་སེམས ་དཔའ་དེ་ལ་སེམས་མ་ཡེངས་པར་འདུག་པ་འམ། འགྲང་བས་འདི་སྐད་བརྗོད་དེ། །བྱོང་མིང་འདི་སྐད་ཅེས་བྱ་བས་བྱང་ཆུབ་སེམས་དཔའ་ཨི་བསླབ་པའི་གནས་ཐམས་ཅད་དང། བྱང་ཆུབ་སེམས་དཔའ་ཨི་ཚུལ་ཁྲིམས་ཐམས་ཅད་དེ། འདས་པའི་བྱང་ཆུབ་སེམས་དཔའ་ ་རྣམས་ཀྱི་ཚུལ་ཁྲིམས་དང་བསླབ་པའི་གནས་རྣམས་དང། ཚུལ་ཁྲིམས་གང་མ་འོངས་པའི་བྱང་ཆུབ་སེམས་དཔའ་རྣམས་ཀྱི་འགྱུར་བ་དང། གང་བསླབ་པའི་གནས་རྣམས་དང། ཚུལ་ཁྲིམས་གང་ད་ལྟར་ཕྱོགས་བཅུ་ན་ད་ལྟར་བྱུང་བའི་བྱང ་ཆུབ་སེམས་དཔའ་རྣམས་ཀྱི་ཚུལ་ཁྲིམས་དང་བསླབ་པའི་གཞི་གང་ཡིན་པ་རྣམས་ཏེ། བསླབ་པའི་གནས་རྣམ་པ་དང། ཚུལ་ཁྲིམས་གང་རྣམས་ལ་འདས་པའི་བྱང་ཆུབ་སེམས་དཔའ་བྱང་ཆུབ་སེམས་དཔའ་ཐམས་ཅད་ཀྱིས་བསླབ་པ་དང་ལྡན ་པ་དང། མ་འོངས་པའི་བྱང་ཆུབ་སེམས་དཔའ་རྣམས་ཀྱིས་སློབ་པར་འགྱུར་བ་དང། ད་ལྟར་བྱུང་བའི་བྱང་ཆུབ་སེམས་དཔའ་རྣམས་ད་ལྟར་སློབ་པ་རྣམས་ནོད་དམ། དེས་ཀྱང་ནོད་ལགས་ཞེས་དམ་བཅའ་ཨོ། །ལན་གསུམ་དུའོ། །ཕྱོགས་བཅུའི་འཇིག ་རྟེན་གྱི་ཁམས་ན་བཞུགས་པའི་སངས་རྒྱས་བཅོམ་ལྡན་འདས་རྣམས་དང་བྱང་ཆུབ་སེམས་དཔའ་རྣམས་བདག་ལ་དགོངས་སུ་གསོལ། སློབ་དཔོན་བདག་ལ་དགོངས་སུ་གསོལ། བདག་མིང་འདི་ཞེས་བགྱི་བས། གང་ཅུང་ཟད་ལུས་དང་ངག་དང་ཡིད་རྣམས ་ཀྱིས་སངས་རྒྱས་དང་བྱང་ཆུབ་སེམས་དཔའ་རྣམས་དང། མ་དང་ཕ་དང། དེ་ལས་གཞན་པའི་སེམས་ཅན་རྣམས་ལ་བརྟེན་ནས་བསྐྱེད་པ་འདི་དང་སྲིད་པ་གཞན་རྣམས་སུ་བདག་གིས་སྡིག་པ་བགྱིས་པ་དང་བགྱིད་དུ་སྩལ་པ་དང། རྗེས་སུ་ཡི་རང་པ་ཡང་རུང་སྟེ། ་དེ་དག་ཐམས་ཅད་གཅིག་ཏུ་བསྡུས་ཤིང་བཟླུམས་ཏེ་བསྡོམས་ནས། སངས་རྒྱས་དང་བྱང་ཆུབ་སེམས་དཔའ་རྣམས་དང། སློབ་དཔོན་གྱི་སྤྱན་སྔར་མཆོག་དང་གཙོ་བོའི་བཤགས་པར་བགྱིའོ། །ཤེས་ཤིང་དྲན་པ་རབ་ཏུ་མི་འཆ་བོ། །འདི་ལྟར་ལན་གསུམ་དུའོ ་བདག་མིང་འདི་སྐད་ཅེས་བགྱི་བས་འདི་ལྟར་སྡིག་པ་བཤགས་ནས་དུས་འདི་ནས་ཉེ་བར་བཟུང་སྟེ་བྱང་ཆུབ་ཀྱི་སྙིང་པོ་ལ་ཉེ་བར་མཆིས་ཀྱི་བར་དུ་སངས་རྒྱས་བཅོམ་ལྡན་འདས་ཐུགས་རྗེ་ཆེན་པོ་ཅན། ཐམས་ཅད་མཁྱེན་པ། ཐམས་ཅད་གཟིགས་པ། སྒྲའི་འཇིགས ་པ་ཐམས་ཅད་ལས་འདས་པ་སྐྱེས་བུ་ཆེན་པོ་མི་ཕྱེད་པའི་སྐུ། བླ་ན་མེད་པའི་སྐུ། ཆོས་ཀྱི་སྐུ། རྐང་གཉིས་རྣམས་ཀྱི་མཆོག་ལ་སྐྱབས་སུ་མཆིའོ། །བདག་མིང་འདི་སྐད་ཅེས་བགྱི་བས་འདི་ལྟར་སྡིག་པ་བཤགས་ནས། དུས་འདི་ནས་ཉེ་བར་བཟུང་སྟེ། བྱང་ཆུབ་ཀྱི་སྙིང ་པོ་ལ་མཆིས་ཀྱི་བར་དུ་ཞི་བ་འདོད་ཆགས་དང་བྲལ་བའི་མཆོག་ཆོས་ལ་སྐྱབས་སུ་མཆིའོ། །བདག་མིང་འདི་སྐད་ཅེས་བགྱི་བས་འདི་ལྟར་སྡིག་པ་བཤགས་ནས། དུས་འདི་ནས་ཉེ་བར་བཟུང་སྟེ་བྱང་ཆུབ་ཀྱི་སྙིང་པོ་ལ་མཆིས་ཀྱི་བར་དུ་ཕྱིར་མ་ལྡོག་པའི་བྱང་ཆུབ ་སེམས་དཔའ་ཨི་དགེ་འདུན་ཚོགས་རྣམས་ཀྱི་མཆོག་ལ་སྐྱབས་སུ་མཆིའོ། །འདི་ལྟར་ལན་གསུམ་དུའོ། །བདག་མིང་འདི་སྐད་ཅེས་བགྱི་བས་འདི་ལྟར་སྡིག་པ་བཤགས་ནས། གསུམ་ལ་སྐྱབས་སུ་མཆིས་ཏེ། མཛའ་ཡས་པའི་སེམས་ཅན་གྱི་ཁམས་བསྒྲལ་པའི་ཕྱིར ་དང། དབང་པའི་ཕྱིར་དང། འཁོར་བའི་སྡུག་བསྔལ་ལས་ཡོངས་སུ་བསྐྱབ་པའི་ཕྱིར་དང། ཐམས་ཅད་མཁྱེན་པའི་ཡེ་ཤེས་བླ་ན་མེད་པ་ལ་བཞག་པའི་ཕྱིར། ཇི་ལྟར་འདས་པ་དང་མ་འོངས་པ་དང་ད་ལྟར་བྱུང་བའི་བྱང་ཆུབ་སེམས་དཔའ་དེ་རྣམས་ཀྱིས་བྱང་ཆུབ ་ཏུ་སེམས་བསྐྱེད་ནས། སངས་རྒྱས་ཉིད་རྟོགས་པ་དང་ལྡན་པ་དང། རྟོགས་པར་གྱུར་པ་དང། རྟོགས་པར་འགྱུར་བ་དང། ཇི་ལྟར་སངས་རྒྱས་ཐམས་ཅད་སྒྲིབ་པ་དང་བྲལ་བ་དང། སངས་རྒྱས་ཀྱི་ཡེ་ཤེས་དང། སངས་རྒྱས་ཀྱི་སྦྱན་གྱིས ་མཁྱེན་ཅིང་གཟིགས་པ་རྣམས་དང། ཇི་ལྟར་ཆོས་ཀྱི་ཆོས་ཉིད་མཁྱེན་པའི་ཆོ་ག་དེས། བདག་མིང་འདི་སྐད་ཅེས་བགྱི་བ་སློབ་དཔོན་དང་ཉེ་བས་སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་སྤྱན་སྔར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ ་སེམས་བསྐྱེད་པར་བགྱིའོ། །འདི་ལྟར་ལན་གསུམ་མོ། །བདག་གིས་སྡིག་པ་བཤགས་པ་འདི་དང། གསུམ་ལ་སྐྱབས་སུ་འགྲོ་བ་དང། བྱང་ཆུབ་ཏུ་སེམས་བསྐྱེད་པ་ལས་བྱུང་བའི་དགེ་བའི་རྩ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བགྱིའོ། ་སྐྱབས་མེད་པ་དང། སྐྱོབ་པ་མེད་པ་དང། གནས་མེད་པ་དང། དཔུང་གཉེན་མེད་པ་དང། གླིང་མེད་པའི་འཇིག་རྟེན་ལ་སྐྱབས་དང། སྐྱོབ་པ་དང། གནས་དང་དཔུང་གཉེན་དང་།གླིང་དུ་གྱུར་ཅིག་།སེམས་ཅན་ཐམས་ཅད་ཀྱང་འཁོར་བའི་རྒྱ་མཚོ་ལབ་མ་སྒྲལ་བ ་ལས་བསྒྲལ་བར་གྱུར་ཅིག་།སྒྲིབ་པ་ལས་ཡོངས་སུ་མ་འདས་པ་ཆོས་ཀྱི་དབྱིངས་ཀྱི་མྱ་ངན་ལས་འདས་པས་ཡོངས་སུ་མྱ་ངན་ལས་བཟླ་བར་གྱུར་ཅིག་།དབུགས་མ་ཕྱིན་པ་རྣམས་དབུགས་འབྱིན་པར་གྱུར་ཅིག་།འདི་ལྟར་ལན་གསུམ་མོ། །བདག་མིང་འདི་ཞེས་བགྱི ་པས་འདི་ལྟར་བྱང་ཆུབ་ཏུ་སེམས་བསྐྱེད་པས། སེམས་ཅན་གྱི་ཁམས་མཛའ་མེད་པ་ལ་ཇི་ལྟར་མ་དང་ཕ་དང་སྲིད་མོ་དང། སྤུན་དང། བུ་དང་བུ་མོ་དང། གཞན་གཉེན་དང་སྣག་གི་གཉེན་མཚམས་སུ་གྱུར་པ་རྣམས་འདི་ལྟར་སོ་སོར་བཟུང་བར་བགྱིའོ། །གཟུང ་ནས་ཀྱང་ནུས་པ་ཇི་ལྟ་བ་དང། སྟོབས་ཇི་ལྟ་བ་དང། བརྟེན་པ་ཇི་ལྟ་བར་དགེ་བའི་རྩ་བ་ཡང་དག་པར་བསྐྱེད་པར་བགྱིའོ། །འདི་ནས་བཟུང་སྟེ་ཅུང་ཟང་སྦྱིན་པ་བཏང་བར་བགྱིའོ། །ཚུལ་ཁྲིམས་བསྲུང་བར་བགྱིའོ། །བཟོད་པ་བསྐྱེད་པར་བགྱིའོ། །བརྩོན་འགྲུས ་བརྩམ་པར་བགྱིའོ། །བསམ་གཏན་ལ་སྙོམས་པར་འཇུག་གོ་།ཤེས་རབ་བརྟན་པར་བགྱིའོ། །དགེ་བའི་རྩ་བ་ཐམས་ཅད་ལ་ཡང་སློབ་བོ། །དེ་དག་ཐམས་ཅད་སེམས་ཅན་ཐམས་ཅད་ཀྱི་དོན་དང། ཕན་པ་དང། བདེ་པ་དང། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས ་བརྩམས་ཏེ། ས་ཆེན་པོར་ཆུང་པའི་བྱང་ཆུབ་སེམས་དཔའ་ཐུགས་རྗེ་ཆེན་པོ་ཅན་དེ་རྣམས་ཀྱི་ཐེག་པ་ཆེན་པོའི་འཇུག་པའི་རྗེས་སུ་མཆིའོ། །འདི་ལྟར་སློབ་པའི་བྱང་ཆུབ་སེམས་དཔའ་བདག་བྱང་ཆུབ་སེམས་དཔར་དུས་འདི་ནས་བཟུང་སྟེ། བདག་སློབ་དཔོན་གྱིས་གཟུང་དུ ་གསོལ། འདི་ལྟར་ལན་གསུམ་མོ། །དེ་ནས་སློབ་དཔོན་ངེས་སྐུ་དེའི་སྤྱན་སྔར་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་བཞུགས་ཤིང། འཚོ་ཞིང་འཛིན་པ་དང། གཞེས་པ་རྣམས་ལ་ཞབས་གཉིས་ལ་ཕྱག་འཚལ་ནས་བཏུ་དེ་གསོལ་བར་བྱའོ། །མིང་འདི་སྐད ་ཅེས་བགྱི་བའི་བྱང་ཆུབ་སེམས་དཔས་བདག་མིང་འདི་སྐད་ཅེས་བགྱི་བའི་བྱང་ཆུབ་སེམས་དཔའ་དང་ཉེ་བ་ལས་ཇི་སྲིད་དུ་ལན་གསུམ་དུ་ཡང་བྱང་ཆུབ་སེམས་དཔའ་ཨི་ཚུལ་ཁྲིམས་ཀྱི་སྡོམ་པ་ཡང་དག་པར་བླངས་པ་ལ། བདག་མིང་འདི་སྐད་ཅེས་བགྱི་བའི་བྱང་ཆུབ་སེམས ་དཔས། མིང་འདི་སྐད་ཅེས་བགྱི་བའི་བྱང་ཆུབ་སེམས་དཔའ་ཨི་བདག་ཉིད་དབང་དུ་གྱུར་པར་ཡང་དག་པར་ཤེས་ཏེ། ཕྱོགས་བཅུའི་འཇིག་རྟེན་གྱི་ཁམས་མཛའ་མེད་པ་རྣམས་སུ་འཕགས་པའི་མཆོག་ལྐོག་ཏུ་གྱུར་ཀྱང། སེམས་ཅན་གྱི་དོན་ལ་ལྐོག་ཏུ་མ་གྱུར་པ་རྣམས་ལ། འདི་བྱང ་ཆུབ་སེམས་དཔའ་ཨི་ཚུལ་ཁྲིམས་ཀྱི་སྡོམ་པ་ཡང་དག་པར་བླང་བ་ལ་མཁྱེན་པར་གསོལ་ལོ། །འདི་ལྟར་ལན་གསུམ་མོ། །འདི་ལྟར་ཡང་ཚུལ་ཁྲིམས་ཀྱི་སྡོམ་པ་ཡང་དག་པར་བླངས་པའི་ལས་ཀྱི་རྗེས་ལ། འདི་ནི་ངེས་པར་ཆོས་ཉིད་ཡིན་ཏེ། ཕྱོགས་བཅུའི་འཇིག་རྟེན་གྱི་ཁམས་མཛའ་ ་ཡས་པ་ལ་གཏུགས་པ་ན། དེ་བཞིན་གཤེགས་པ་རྣམས་བཞུགས་ཤིང་འཛིན་པ་རྣམས་གཞེས་པ་རྣམས་དང་ས་ཆེན་པོར་ཆུད་པའི་བྱང་ཆུབ་སེམས་དཔའ་རྣམས་ལ་འདི་ལྟ་བུའི་རང་བཞིན་གྱི་ལྟས་འབྱུང་བར་འགྱུར་རོ། །གང་གིས་དེ་རྣམས་ལ་འདི་ལྟ་བུར་འགྱུར་བ་སྟེ། ་མིང་འདི་སྐད་ཅེས་བྱ་བའི་བྱང་ཆུབ་སེམས་དཔའ་དང་ཉེ་བས་མིང་འདི་སྐད་ཅེས?་བྱ་བའི་བྱང་ཆུབ་སེམས་དཔའ་དང་ཉེ་བ་ལས་བྱང་ཆུབ་སེམས་དཔའ་ཨི་ཚུལ་ཁྲིམས་ཀྱི་སྡོམ་པ་ཡང་དག་པར་བླང་བ་བླངས་སོ་ཞེས་སོ། །འདི་ལྟར་མེ་ཞིག་གཞན་པར ་བླང་བའི་ཆོ་ག་བརྗོད་པ། གལ་ཏེ་ཡོན་ཏན་དང་ལྡན་པ་གང་ཟག་དེ་དང་ཉེ་བར་མ་གྱུར་ན། དེ་ནས་བྱང་ཆུབ་སེམས་དཔའ་ངེས་དེ་བཞིན་གཤེགས་པའི་སྐུའི་མདུན་དུ་རང་ཉིད་ཀྱིས་བྱང་ཆུབ་སེམས་དཔའ་ཨི་ཚུལ་ཁྲིམས་ཀྱི་སྡོམ་པ་བླང་བར་བྱའོ། །འདི་ལྟར་བྱ་སྟེ་བླ ་གོས་ཕྲག་པ་གཅིག་ཏུ་གཟར་ནས། ཕྱོགས་བཅུའི་འཇིག་རྟེན་གྱི་ཁམས་ན་འདས་པ་དང་མ་བྱོན་པ་དང་ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་དང། ས་ཆེན་པོར་བཞུགས་པའི་བྱང་ཆུབ་སེམས་དཔའ་རྣམས་ལ་བཏུང་བར་བྱ་སྟེ། བུས་མོ ་གཡས་པའི་ལྡང་ས?་ལ་བཙུགས་པ་འམ། ཙོག་ཙོག་པོས་ཚིག་འདི་སྐད་ཅེས་བརྗོད་པར་བྱ་སྟེ། བདག་མིང་འདི་སྐད་ཅེས་བགྱི་བས་ཕྱོགས་བཅུའི་འཇིག་རྟེན་གྱི་ཁམས་ན་དེ་བཞིན་གཤེགས་པ་ཐམས་ཅད་དང། ས་ཆེན་པོར་ཆུང་པའི་བྱང་ཆུབ་སེམས་དཔའ་ ་རྣམས་ལ་གསོལ་བར་བགྱིའོ། །དེ་རྣམས་ཀྱི་ཡང་སྤྱན་སྔར་བྱང་ཆུབ་སེམས་དཔའ་ཨི་བསླབ་པ་ཐམས་ཅད་དང། བྱང་ཆུབ་སེམས་དཔའ་ཨི་ཚུལ་ཁྲིམས་ཀྱི་སྡོམ་པ་ཐམས་ཅད་བླང་བ་ལ། ཚུལ་ཁྲིམས་གང་ཞེས་བྱ་བ་ལ་སོགས་པ་སྔར་བཞིན་ནོ། །ཇི་སྲིད་དུ་བྱང་ཆུབ ་སེམས་དཔའ་བདག་བྱང་ཆུབ་སེམས་དཔའ་འདི་ནས་བཟུང་སྟེ། སངས་རྒྱས་དང་བྱང་ཆུབ་སེམས་དཔས་ཀྱང་བདག་བཟུང་དུ་གསོལ་ཞེས་པ་ནི་ལས་སོ་།བྱང་ཆུབ་སེམས་དཔའ་ཨི་སྡོམ་པའི་ཆོ་ག་།སློབ་དཔོན་མཁས་པ་ཆེན་པོ་བྱང་ཆུབ་བཟང་པོའི་ཞལ་སྔ་ནས ་མཛད་པ་རྫོགས་སོ།། །།རྒྱ་གར་གྱི་མཁན་པོ་ཆེན་པོ་བླ་མ་སུ་ནཱ་ཡ་ཤྲཱི་མི་ཏྲ་དང། ཞུ་ཆེན་གྱི་ལོ་ཙྪ་བ་དགེ་སློང་དར་མ་གྲགས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།*། །བྱང་ཆུབ་ཀྱི་སེམས་བསྐྱེད་པ་དང་ཡིད་དམ ་