Wylie

e-texts based on the ACIP/ALL Input

མཁྱེན་རྒྱལ་བོའི་གོ་འཕང་མྱུར་འཐོབ་ཅིང། །འགྲོ་དོན་དཔག་ཡས་ལྷུན་གྱིས་གྲུབ་པར་ཤོག། །།སྙིང་པོ་བསྡུས་པ་ཇོ་བོས་མཛད་པ་བཞུགས།། །།*། །རྒྱ་གར་སྐད་དུ། ་སཾ་གྲ་ཧ་གརྦྷ་ནཱ་མ། བོད་སྐད་དུ་།སྙིང་པོ་བསྡུས་བ་ཞེས་བྱ་བ། །ཐུགས་རྗེ་ཆེན་པོ་དང་ལྡན་པ་ལ་ཕྱག་འཚལ་ལོ། །ཁམས་གསུམ་སྡུག་བསྔལ་རྒྱ་ཚོ་ཆེའི། །དཔའ་རླབས་ཤིན་ཏུ་འཁྲུགས་པ་ནི། །དགེ་དང་མི་དགེ་ལ་སོགས་པའི། ། ་ཟག་བཅས་ལས་ལས་ངེས་པར་འབྱུང། །དེ་དག་ཆགས་སྡང་ལ་སོགས་པའི། །ཉོན་མོངས་རྒྱུ་ཡིས་བསྐྱེད་པ་སྟེ། །དེ་དག་འབྱུང་བའི་རྒྱུ་ཉིད་ཀྱང། །ཡིད་དུ་འོད་དང་མི་འོང་སོགས། །གཉིས་སུ་འཛིན་པ་ཉིད་ལས་བྱུང། །ཐམས་ཅད ་འབྱུང་བའི་རྒྱུ་ཉིད་ནི། །རྟག་དང་བྱ་བ་དང་གཅིག་བུ་སོགས། །དངོས་པོར་འཛིན་པའི་གདོན་ཡིན་ཏེ། །དེ་བས་སྐལ་ལྡན་སྐྱེས་བུ་ནི། །བདག་གཞན་གྲོལ་བ་དོན་གཉེར་བས། །རྟེན་ཅིང་འབྲེལ་འབྱུང་ལ་སོགས་པའི། །རིགས་པ་གང ་ལ་གོམས་པ་ཡིས། །དངོས་པོར་འཛིན་པ་བཟློག་པར་བྱ། །ཕྱི་ནང་ཆོས་རྣམས་ཐམས་ཅད་ཀུན། །མཚན་མ་ཐམས་ཅད་དང་བྲལ་བའི། །ནམ་མཁའ་ལྟ་བུར་ཤེས་བྱས་ལ། །དངོས་འཛིན་གདོན་གྱིས་བརླམས་པ་ཡིས། །འགྲོ་ཀུན་ཡུལ་དུ ་བྱས་ནས་ནི། །སྡུག་བསྔལ་རྒྱ་མཚོ་སྐེམས་བྱེད་པ། །སྙིང་རྗེ་ཆེན་པོ་སྔོན་འགྲོ་བས། །བདག་གཞན་དོན་ཀུན་འབྱུང་བ་ཡི། །རིན་ཆེན་བྱང་ཆུབ་སེམས་བསྐྱེད་བྱ། །བྱང་ཆུབ་སྤྱོད་པ་རླབས་ཆེན་པོས། །ཕ་རོལ་ཕྱིན་དྲུག་ལ། ་སོགས་ལ། །མཉམ་གཞག་ལངས་པའི་སྦྱོར་བ་ཡིས། །ལམ་ལྔ་རིམ་གྱིས་བགྲོད་བྱས་ཏེ། །སྒྲིབ་པ་རྣམ་པ་གཉིས་གསལ་ནས། །ཚོགས་གཉིས་ཡོངས་སུ་རྫོགས་པ་ལས། །འབྲས་བུ་སྐུ་གསུམ་བསྒྲུབ་པར་བྱ། །སྐུ་གསུམ་འབྱུང་བའི ་མཚན་ཉིད་ཀྱང། །སྟོང་ཉིད་ནམ་མཁའ་ལྟ་བུ་ལས། །བརྩལ་མེད་ཐུགས་རྗེའི་སྤྲིན་འབྱུང་ཞིང། །སྐུ་གཉིས་བདུད་རྩིའི་ཆུ་རྒྱུན་གྱིས། །ཁམས་གསུམ་ཐ་མའི་རྒྱུད་བརླན་ཏེ། །བྱང་ཆུད་སྙིང་པོའི་ས་བོན་ལས། །དགེ་བའི་ལོ་ཏོག་སྨིན་པར་འགྱུར།། ་སངས་རྒྱས་ཀུན་གྱི་སྙིང་པོ་སྟེ། །འདི་ནི་སྙིང་པོ་བསྡུས་པ་ཡིན། །ཐ་མའི་དུས་སུ་གྱུར་པས་ན། །ཆེ་ཐུང་ནང་མང་ལོངས་སྤྱོད་དམན། །རྐྱེན་ངན་བར་ཆད་མང་བ་ཡིས། །ཡུན་རིང་གནས་པའི་མཐུ་མེད་པས། །ཆིག་རྗེས་གཅད་པར་མི་ནུས་ཀྱི། །བཤེས ་གཉེན་དམ་པ་བསྟེན་བྱ་སྟེ། ཤིན་ཏུ་བརྩོན་པའི་སེམས་ལྡན་པས། །གཡང་ས་རབ་ཏུ་དྲན་བྱས་ཏེ། །བདག་གཞན་གྲོལ་བར་བྱ་བའི་ཕྱིར། །སྙིང་པོ་མྱུར་དུ་བསྡུ་བ་ཡིན། །བརྩེ་བས་འདི་བྱས་བསོད་ནམས་ཀྱིས། །སྐལ་ངན་སེམས་ཅན ་ཐམས་ཅད་ཀྱང། །བྱང་ཆུབ་སེམས་དང་ལྡན་གྱུར་ནས། །སྙིང་པོ་མྱུར་དུ་སྡུད་པར་ཤོག་།སྙིང་པོ་བསྡུ་བ་ཞེས་བྱ་བ། །སློབ་དཔོན་ཆེན་པོ་དཔལ་མར་མེ་མཛད་ཡེ་ཤེས་ཀྱིས་མཛད་པ་རྫོགས་སོ།། །། ་པཎྜི་ཏ་དེ་ཉིད་དང། ལོ་ཙཱ་བ་དགེ་སློང་ཚུལ་ཁྲིམས་འབྱུང་གནས་དེ་བ་རྩེས་བསྒྱུར་ཅིང་ཞུས་ཏེ་གཏན་ལ་ཕབ་པ།། །།སྙིང་པོ་ངེས་པར་བསྡུ་བ་ཞེས་བྱ་བ་བཞུགས།། །།*། །རྒྱ་གར་སྐད་དུ། །ཧྲིད་ཡ ་ནི་ཀྲིབ་ཏ་ནཱ་མ། བོད་སྐད་དུ་།སྙིང་པོ་ངེས་པར་བསྡུ་བ་ཞེས་བྱ་བ་།དཀོན་མཆོག་གསུམ་ལ་ཕྱག་འཚལ་ལོ། །མངོན་མཐོ་དེས་པར་འབྱུང་སྟེར་བ། །དཀོན་མཆོག་གསུམ་ལ་གུས་བཏུད་ནས། །འཁོར་བའི་འཇིགས་པ་སེལ་བ་ཡི། །སྙིང་པོ ་བསྡུ་བ་བཤད་པར་བྱ། །འཁོར་བའི་མཚན་ཉིད་སྡུག་བསྔལ་དང། །ལས་དང་ཉོན་མོངས་རྣམ་རྟོགས་སྟེ། །དེ་དག་རྒྱུ་འབྲས་གོ་རིམ་ཅན། །འཁོར་བ་བསྡུས་ནས་བསྟན་པ་ཡིན། །ཐར?་པའི་མཚན་ཉིད་བྱང་ཆུབ་སྟེ། །ཤེས་རབ་ཐབས ་