<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4131: byang chub sems dpa'i spyod pa mdo tsam gdams ngag tu byas pa<br><table><tr><td>
<input type="button" onclick="location.href='tcompleteup.php?id=N4131&coll=TN&volcur=0';" value="show page break" />
<td width=150><td>
<input type="button" onclick="location.href='tcompleteul.php?id=N4131&coll=TN&volcur=0';" value="show line break" />

<td width=150><td>
<a href="tcomplete.php?coll=TN&id=N4131&volcur=0" style=font-size:25px;">Wylie</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">@269བ
་སྐབས་ཀུན་ཏུ་ཡང། །སྦྱོར་བ་དངོས་གཞི་རྗེས་གསུམ་གྱི། །ལས་རྣམས་དྲན་པས་ཟིན་པར་བྱ། །སྐྱོན་སྤངས་ལེགས་སྒྲུབ་དོན་ཡོད་བྱ། །སྤྱོད་ལཾ་དོན་མེད་དུ་མི་གནS། །རྟག་ཏུ་རང་གི་ཡོན་ཏན?་སྦྱང། །དགེ་བའི་ཕྱོཌ་གྱི་སྦྱོར་བ་ལ། །སྤྲོ་བྱ་ཞུམ་དང་སེམས་མི་གསད། །ཉེས
་སྤོང་ཡོན་ཏན་དགེ་འཕེལ་བའི། །གྲོགས་བཙལ་མཐུན་པས་དེ་སེམས་གཟུང། །ཡོན་ཏན་ཅན་ལ་གུས་ཕྱག་བྱ། །ཉོན་མོངས་སྐྱེ་གྲོགས་ཐབས་ཀྱིས་སྤང། །མཐོ་དམན་ཟོགས?་ཀུན་དག་ལ་ཡང། །ཆུ་ལས་འོ་མ་ལེན་པ་བཞིན། །ཉེས་པ་དོར་ལ།
་ལེགས་པ་བླང། །བྱས་ལ་དྲིན་གཟོ་སླར་ཕན་གདགས། །གཞན་གྱི་སྡིག་རྐྱེན་མི་བྱ་ཞིང། །དགེ་བའི་བར་ཆད་མི་བྱའོ། །མཐོ་ལ་ཕུན་ཚོགས་ཕྲག་དོག་མེད། །གྲོགས་དང་དམན་ལ་བརྙས་ཐབས་དང། །ཁྱད་དུ་གསད་བ་ཉིད་མི་བྱ། །རང་སྐྱོན་གཞན
་གྱི་ཡོན་ཏན་བསྒྲག་། གཞན་སྐྱོན་མི་གླེང་རང་མི་བསྟོད། །འདི་བས་ཕྱི་མ་གཙར་གཟུང་སྟེ། །བྱེད་དགུ་ཆོས་དང་བསྟུན་ཏེ་བྱ། །འདི་ཡི་ཟང་ཟིང་རྣམ་སྤངས་ཏེ། །འཕགས་པའི་ནོར་གྱིས་ལུས་བརྒྱན་བྱ། །སྡུག་བསྔལ་དག་ལ་བདེར་མི་གཟུང། །
་གཉིད་རྨུགས་ལེ་ལོ་གཡེང་སྤངས་ཏེ། །དེས་བར་འཆི་བའི་འདུ་ཤེས་བསྐྱེད། །དགེ་བ་ཆུང་ཡང་འབད་པས་བསྒྲུབ། །སྡིག་པ་ཆུང་ཡང་རྣམ་པར་སྤང། །ཆོས་ཀྱི་ཆེད་དུ་མ་གཏོགས་པར། །ཁ་ཟས་གོས་སོགས་དོན་མི་གཉེར། །འདོད་པ་ཆུང་ལ
་ཆོག་ཤེས་བྱ། །འཇིག་རྟེན་ཆོས་བརྒྱད་རྣམ་པར་སྤང། །དོ་དགའ་གཞོག་སློང་སོགས་མི་བྱ། །རང་ལ་སྐྱོན་ཡོད་མི་ཚོར་བར། །གཞན་གྱི་སྐྱོན་ལ་དཔྱད་མི་བྱ། །སྨྲ་དགའ་ཁས་ལེན་པ་བྱས་ནས། །དེ་བཞིན་མི་སྒྲུབ་སྤང་བར་བྱ། །གཡོ་དང་སྒྱུ
་དག་མི་བྱ་ཞིང། །ལོག་པའི་འཚོ་བ་རྣམ་པར་སྤང། །ཆོས་དང་མཐུན་པས་བསྒྲུབ་པར་བྱ། །ཉེ་དུ་འབྲེལ་པ་ལ་སོགས་ལ། །ཞེན་པས་ཆགས་པར་མི་བྱ་ཞིང། །ཕྱོགས་རིས་ཞེན་ཕྱོགས་མེད་པར་བྱ། །གཞན་ལ་རེ་བ་ཆུང་བར་བྱ། །མི་དགེའི
་ལག་ལ་མི་བསྟོད་སྨད། །དགོས་པ་མེད་པའི་འདུ་འཛི་སྤང། །བྲེ་མོའི་གཏམ་ལ་དགའ་མི་བྱ། །ཞེས་པས་འདོད་པའི་ཡིད་སྨོན་དགག་།ཡོན་ཏན་ཐོབ་དད་ཚོགས་འཕེལ་བའི། །ལས་ལ་ཞུམ་དང་ངོ་ཚ་སྤང། །ང་རྒྱལ་ཁེངS་པ
་གཉན་པོས་གཞོམ། །ཞེ་གདུག་ཁེང་གྲགས་རྣམ་པར་སྤངས། །དངོས་དང་བརྒྱུད་པས་སེམས་ཅན་ཀུན། །ཉེ་དུ་འབྲེལ་པར་གྱུར་པས་ན། །ལུས་ངག་ཡིད་གསུམ་དྲི་མེད་པS། །དེ་དག་ཀུན་ལ་བུ་བཞིན་བལྟ། །སྙིང་རྗེས་བཞིན་འཛུམ་གསོང་པོར
་སྨྲ། །དགའ་བའི་མིག་གིས་ཀུན་ལ་བལྟ། །འགྲོར་གྲོགས་མཐོ་དམན་ཉེ་རིང་སྙོམས། །བསྟོད་དང་བཀུར་སྟི་མི་དྲེགས་ཤིང། །སྨོད་དང་བརྙས་ལ་ཞེ་མི་སྡང། །ཕོངས་པ་རྣམས་ལ་སྙིང་རྗེ་ཡིས། །ཕན་ནི་གདགས་པ་ཉིད་དུ་བྱ། །གང་ལ་ཆཌ་བ
་སྤང་བྱ་སྟེ། །དམན་པ་རྣམས་ལ་སྙིང་རྗེ་དང། །ཕན་པའི་བསམ་པས་གདམས་ངག་བྱ། །སེམས་ཅན་བསམ་པ་ཐ་དད་པས། །བྱ་བ་དོན་ཆེན་བརྟགས་ཏེ་བྱ། །ཐམས་ཅད་མགུ་བར་སུ་ཡིས་ནུས། །འོན་ཀྱང་འགྱོད་པ་མེད་པ་ཡིས། །སྡུག་བསྔལ་ཁྱད
་བསད་བདེ་མ་ཆགས། །རང་གི་སེམས་སྦྱངས་གཞན་སེམས་བཟུང། །བརྙས་དད་ཉེས་པ་བྱུང་ལ་སོགས། །གཉེན་པོ་ལས་དང་བརྫུན་པས་སྤྱད། །དེ་ལྟར་བལྟ་ཞིང་བྱང་ཆུབ་ཀྱི། །སྤྱོད་པ་ཡི་དམ་བརྟན་པར་བྱ། །མི་ལུས་རིན་ཆེན་ཆུང་མི་གསན།།
་ངེས་པར་འཆི་བས་ལོང་མེད་སྲིད། །བརྩོན་འགྲུས་མེ་བཞིན་དྲག་ཏུ་སྤྱོད། །མངོན་ཞེན་བདག་ལྟའི་རྩ་བ་ཆོད། །དུག་གསུམ་འཁོར་བ་གཉེན་པོས་ཆོམ། །ཕྱིན་ཅི་ལེག་གི་གཡང་ས་དོར། །འཁོར་བའི་རྒྱུན་ཆོད་ལས་ཆུ་སྒོམས། །ངན་སོང་གསུམ་པོ་སྒོ
་ཆོད་ལ། །སྡུག་བསྔལ་གསུམ་གྱི་ནང་གཞི་ལ་ཏེ། །མཐོ་རིས་ཐར་པའི་སྐས་ལ་འཛེགས། །སྒྲིབ་པ་གཉིས་སྦྱོངས་ཚོགས་གཉིས་རྫོགས། །སྐུ་དང་ཡེ་ཤེས་ས་ཐོབ་སྟེ། །འགད?་བ་མེད་པར་གཞན་དོན་བསྒྲུབས། །བྱང་ཆུབ་སེམས་དཔའ་ཨི་སྤྱོད་པ་མདོ?
་ཙམ་གདམས་ངག་ཏུ་བྱས་པ། །སློབ་དཔོན་ཆེན་པོ་དཔལ་མར་མེ་མཛད་ཡེ་ཤེས་ཀྱིས་མཛད་པ་རྫོགས་སོ།། །།བྱང་ཆུབ་ལམ་སྒྲོན་ཇོ་བོ་རྗེས་མཛད་པ།། །།*། །རྒྱ་གར་སྐད་དུ་།བོ་དྷི་པ་ཐཱ་པྲ་དཱི་པཾ། བོད་སྐད་དུ། བྱང་ཆུབ་ལམ་གྱི
་