Wylie

e-texts based on the ACIP/ALL Input

ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།*། (།དེ་ཉིད་སྣང་པ་ཀ་མ་ལ་ཤཱི་ལས་མཛེད་པ་བཞུགས་སོ།)་།རྒྱ་གར་སྐད་དུ། ཏཏྭཱ་ལོ་ཀ་ན་ནཱ་མ་པྲ་ཀ་ར་ཎ། བོད་སྐད་དུ། དེ་ཁོ་ན་ཉིད་སྣང་བ་ཞེས་བྱ་བའི་རབ་ཏུ་བྱེད་པ། སངས་རྒྱས ་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །ཡང་དག་བདུད་རྩི་ཤིན་ཏུ་བརྙེས་ནས་ཅི་བཞེད་གསོལ། །སྐྱེ་ཤི་མི་མངའ་གོ་འཕང་བརྙེས་ཏེ་ཐུགས་རྗེ་ཡིས། །འགྲོ་བ་ཀུན་ལ་དེ་དག་ཐོབ་མཛད་བཞུགས་པ་གང། །དེ་ལ ་བཏུད་ནས་ཡང་དག་དེ་ཉིད་རྟོགས་པར་བྱ། །གང་ཕྱིར་འགྲོ་བ་འདི་དག་ཀུན། །རྨོངས་པའི་ངོ་བོ་ཞགས་པས་བཅིངས། །ཡང་དག་རྟོགས་པས་ཐར་པ་ཞེས། །མཁས་པ་རྣམས་ནི་རབ་ཏུ་གསུངས། །ཐར་པ་འདོད་པ་རྣམས ་གྱིས་ནི། །དོན་མེད་བརྩད་པ་འདིར་མི་བྱ། །འགའ་ཞིག་རྨོངས་པ་མེད་པ་ནི། །དམན་པའི་དངོས་དག་མི་ཚོལ་ལོ། །སྐྱེ་བ་སྡུག་བསྔལ་རྩ་བ་བས། །དེ་ནི་དམན་བ་ཉིད་དུ་བཤད། །ཐོག་མ་མེད་པའི་མི་ཤེས ་པ་།དེ་ཡང་རྩ་བར་མཁས་པས་བསྟན། །རྒྱུ་ལ་རག་ལས་སྐྱེ་བའི་ཕྱིར། །གཉེན་པོ་དག་ཀྱང་ཡོད་པའི་ཕྱིར། །ཡེ་ཤེས་སྣང་བ་བྱུང་བ་ན། །མུན་བ་བཞིན་དུ་དེ་སྤོང་ངོ། །མི་ཤེས་རང་བཞིན་རྨོངས་པ་ནི། །སྤང་དགོས་དེ་བས་གུས ་པ་ཡིས། །ཡང་དག་སྣང་བ་སྐྱེད་པའི་ཕྱིར། །ཐར་བ་འདོད་པས་མཆོག་བརྩོན་བྱ། །གཟུགས་ལ་སོགས་བ་གསལ་འདི་དག་།བྱིས་བ་ཀུན་ལ་གྲགས་པ་གང། །དེ་ཉིད་ཇི་སྟེ་ཡང་དག་ན་།ལུས་ཅན་ཐམས་ཅད་གྲོལ་བར་འགྱུར་། ་མཁས་པ་རྣམས་ཀྱི་ང་རྒྱལ་ཅན། །ཀུན་གྱིས་དེ་འདིར་མཐོང་ན་ནི། །ཡང་དག་སོ་སོར་སྨྲ་བ་བས། །བརྩོད་པ་སྣ་ཚོགས་མི་འགྱུར་རོ། །འཆད་པ་པོ་དག་རྣམས་ལ་ཡང། །ཕན་ཚུན་འགལ་བ་སྲིད་པའི་ཕྱིར། །གཞན་གྱི་མན་ངག་ཙམ་གྱིས་ན། ་ཡང་དག་གཏན་ལ་ཕེབས་པའང་མེད། །གཅིག་ལ་གཅིག་ནི་མི་མཐུན་ཞིང། །བདག་ཉིད་ངོ་བོ་ཕན་ཚུན་དུ། །འགལ་བཞིན་དུ་ནི་ཡང་དག་པ། །དུ་མ་ཉིད་དུ་འགྱུར་མི་སྲིད། །དེ་བས་རྟོག་ལྡན་རྣམས་ཀྱིས་ནི། །རང་གི་རིགས་པས་དེ ་དཔྱོད་ལ། །ལུང་དང་རིགས་བར་ལྡན་བ་ཡིས། །བསྟན་པོར་གྱུར་ནས་བསྒོམ་པར་བྱ། །གཟུགས་ལ་སོགས་པའི་དངོས་པོ་རྣམས། །ཡང་དག་ཉིད་དུ་ཁས་ལེན་གང། །དེ་དག་ལས་ནི་འགྲུབ་བ་ཡི། །ཚད་མ་ཡོད་དམ་མེད་བར་བྱེད།། ་ཡོད་དང་མེད་པའི་ཐ་སྙད་ནི། །ཚད་མ་ལ་བརྟེན་མཁས་པ་རྣམས། །དེ་མེད་གྱུར་ན་དེ་དག་གིས། རྟོག་པ་ལྡན་པ་སྤངས་པ་ཡིན། །འདོད་པ་ཙམ་ལས་དབྱུང་ཕྱིར་དང། །དེ་ལས་བཟློག་པའི་དོན་གྱིས་ཀྱང། །དེ་ཡང་མི་འགྲུབ་ཐལ་འགྱུར ་ཕྱིར། །ཚིག་ཙམ་གྱིས་ཀྱང་དེ་མི་འགྲུབ། །ཚད་མ་རྗེས་སུ་འགྲོ་བ་དང། །ལྡོག་པ་གཉིས་ཀྱིས་ཡང་དག་པར། །ཐ་སྙད་དག་ལ་ཁྱབ་ན་ཡང། །དངོས་པོར་སྨྲ་བ་ལེགས་པར་གནས། །རྟག་པ་ལ་སོགས་དག་གིས་ཀྱང། །སྒྲ་ལ་ཁྱབ་པར ་ཐལ་འགྱུར་ཕྱིར། །འདི་ལྟར་ལྡོག་པ་འབའ་ཞིག་ལས། །ཁྱབ་པ་གྲུབ་པ་མ་ཡིན་ནོ། །དེས་ནའང་རྗེས་སུ་འགྲོ་མེད་ན། །ལྡོག་བ་འདི་ནི་ཡོད་མིན་ཏེ། །དེ་དངོས་རྗེས་སུ་མི་འབྲང་གང། །དེ་ལྡོག་ཅན་དུ་དེ་མི་འགྱུར། །དེ་བས་ཁྱབ་པར་འདོད་པ ་ཡིས། །ངེས་པར་རྗེས་སུ་འགྲོ་བར་འདོད། །དེ་གྲུབ་ན་ཡང་ཚད་མ་ལས། །དངོས་པོ་གཏན་དུ་གྲུབ་བ་ཡིན། །འདི་ལྟར་གང་ན་ཡོད་ཅེས་པའི། །ཐ་སྙད་ཚད་མ་ཡོད་པ་ཡི། །རྗེས་སུ་འབྲང་དེ་གར་བསྒྲུབ་ན། །ངེད་ཀྱི་དངོས་པོ་དེ་ཉིད་གྲུབ། ། ་ཁྱབ་བ་དེ་ནི་གྲུབ་ན་ཡང། །ཡང་དག་དངོས་པོ་དེས་མི་འགྲུབ། །འདི་ལྟར་ཁྱབ་བྱེད་ཡོད་པ་ལས། །ཁྱབ་བྱ་ཐམས་ཅད་མངོན་པ་མེད། །ཤིཾ་ཤ་པ་དང་སེང་ལྡེང་སོགས། །འདི་ལྟར་ཤིང་ཉིད་ཀྱིས་ཁྱབ་ཀྱང། །དེ་ཙམ་གྱིས་ན་དེ ་དག་ཅི། །དེ་ལས་ངེས་པར་འགྲུབ་འགྱུར་རམ། །དེ་བཞིན་ཚད་མ་འཇུག་ན་ཡང། །དངོས་པོ་ཡོད་པའི་ཐ་སྙད་འདི། །ཡང་དག་དོན་གྱི་ཡུལ་ཅན་དུ། །ཁྱེད་ལ་ངེས་པར་འགྲུབ་པ་མེད། །བསྟན་པ་འདི་ནི་ནོར་པ་སྟེ། །ཤིང་ནི་སེང ་ལྡེང་ལ་སོགས་ལ། །ཐུན་མོང་ཡིན་པས་དེ་ལས་ནི། །བྱེ་བྲག་གསལ་བར་རྟོག་མི་འགྱུར། །ཚད་མ་དག་གིས་དངོས་པོ་ཡིས། །ངོ་བོ་འདས་ནས་འཇུག་པ་མེད། །གཞན་དཱུང་རབ་ཏུ་འཇུག་ན་ནི། །དེ་ནི་ཚད་མར་མི་རུང་ངོ། །འདི ་ལྟར་དངོས་པོས་ཚད་མ་ཁྱབ། །དེ་ཡིས་ཐ་སྙད་ལ་ཡང་ཁྱབ། །དངོས་པོས་ཁྱབ་པའི་ཚད་མས་བྱུང། །དེ་ཡང་བཞན་དུ་མི་འཇུག་གོ་།འཇིག་རྟེན་ཀུན་རྫོབ་བདེན་དོན་གྱི། །ཡུལ་ཅན་དག་ཀྱང་སྲིད་པའི་ཕྱིར། །དེ་ཕྱིར་ཡང་དག་དངོས ་པོ་ཡིས། །ཚད་མ་ཁྱབ་པར་མི་འགྲུབ་པོ། །ཇི་སྟེ་ཡང་དག་དངོས་པོ་ལ། །ཚད་མ་ཐམས་ཅད་ཡོད་ན་ནི། །ཀུན་གྱིས་ཡང་དག་ཉིད་མཐོང་ཕྱིར། །འཕགས་པའི་ལམ་ནི་དགོས་པ་མེད། །འབད་པ་མ་བྱས་གྲོལ ་བའི་ཕྱིར། །ཐར་འདོད་རྣམས་ཀྱི་ཚངས་སྤྱོད་དང། །བསྙེན་གནས་ལ་སོགས་དོན་མེད་དེ། །ཉོན་མོངས་སྐྱེས་པ་ཁོ་ནར་ཟད། །རྣལ་འབྱོར་པ་ཡིས་མངོན་སུམ་ལས། །གཞན་གྱི་དབང་པོའི་ཤེས་ཁྱད་མེད། །རབ་ཏུ་གྲུབ་པའི་དོན་དག་ལ། ། ་ཡང་དག་རྟོགས་འདོད་རྩོད་མི་འགྱུར། །ཚད་མའི་མཚན་ཉིད་བསྟན་བཅོས་དག་།རབ་ཏུ་བྱེད་པ་དོན་མེད་ཅིང། །ཕན་ཚུན་དག་ཏུ་དང་འགལ་ཡི། །མཚན་ཉིད་དག་ཀྱང་བྱེད་མི་འགྱུར། །བདག་དང་གཞན་གྱི་གྲུབ་པའི་མཛའ་། །ཕན་ཚུན ་ཐ་དད་མེད་པར་འགྱུར། །ཚད་མ་ཀུན་གྱི་ཚད་མ་ཉིད། །བདག་ཉིད་ལ་ནི་གྲུབ་པར་ཐལ། །དོན་དམ་བ་ཡི་དངོས་པོ་ཡི། །ངོ་བོ་འདས་ནས་མི་འཇུག་སྟེ། །གཞན་དཱུང་ཚད་མ་འཇུག་ན་ནི། །དེ་ནི་ཇི་ལྟར་ཚད་མ་ཉིད། །རྨི་ལམ་སོགས ་བཞིན་བརྫུན་པ་ཉིད། །འདོད་པའི་དོན་ལ་མི་བསླུ་ཕྱིར། །འཇིག་རྟེན་དངོས་ལ་མཚན་མ་ཡོད། །ཐ་སྙད་དུ་ནི་བརྗོད་པར་བྱ། །དེ་ཉིད་ཇི་སྟེ་དོན་དམ་ཡིན། །མིང་ཙམ་ཟད་པ་བཟློག་མེད་དེ། །རང་དགའ་དག་གིས་བྱུང་བ་ལ། །དེ་ནི་སུ ་ཞིག་ཟློག་པར་བྱེད། །འོན་ཀྱང་རྨི་ལམ་བྱེད་པ་ནི། །བརྫུན་པའི་དངོས་པོ་རྣམས་ལ་ཡང། །འདོད་པའི་དོན་བྱེད་སྒྲུབ་ནུས་པ། །འདི་ལྟར་དམིགས་ཤིང་སྣང་ཡིན་ན། །དེ་ཡང་དོན་དམ་ཅིར་མི་འདོད། །འགལ་བའི་ཕྱིར་རོ་ཞེ་ན་ནི། དེ་བཞིན ་གཞན་དུ་གཉིད་སད་ལ། །དེ་དང་མཐུན་ན་ཅི་ཕྱིར་འདོད། །དེ་ལ་མི་བསླུ་བ་དག་ཀྱང། །མ་སད་པ་དང་གཉི་ག་མཐུན། །སད་པ་དག་གི་བསླུ་བྱེད་པ། །གཉི་ག་ཡང་ནི་མཐུན་པ་ཉིད། །རྫོགས་སངས་རྒྱས་ཀྱི་ཆོས་རྣམས་ཀུན། །རྨི་ལམ་ལྟ ་བུར་རབ་ཏུ་བསྟན། །དབང་པོ་ལྔ་པོ་དེ་དག་གིས། །དངོས་པོ་ཅུང་ཟད་མཐོང་བ་མེད། །ཇི་སྟེ་དོན་བྱེད་ནུས་པ་ཡི། །སྣང་བ་ཙམ་ཡང་མི་འདོད་ན། །འཁྲུལ་པའི་ཕྱིར་ན་འདི་དག་ནི། །དོན་དམ་ཉིད་ཀྱི་མཚན་ཉིད་མིན། །རྨི་ལམ་དག་ན་དངོས་པོའི་དོན ་ཤེས་པའི་ངོ་བོ་ཉིད་མ་ཡིན། །ཤེལ་སྒོང་བཞིན་དུ་དག་པ་ཡི། །ཤེས་པ་ཡིན་ཞེས་ཉེ་བར་བརྗོད། །སྔོན་པོ་ལ་སོགས་གཟུགས་སྣ་ཚོགས། །དེ་ལ་དེ་ནི་གང་ནས་འོངས། །འཕྲུལ་པས་ཡིན་ནའང་འཁྲུལ་འདི་ཅི། །འཁྲུལ་པ་ཤེས་པ་ཉིད་ཅན་འང?།། ་དེ་ལས་དེ་ཉིད་ཡིན་ཞེས་པ། །མཆོག་ཏུ་དེ་ནི་ལེགས་པར་བཤད། །འོན་ཏེ་སྔ་མའི་རྣམ་པར་ཤེས། །ཤེས་པ་ཕྱི་མའི་རྒྱུ་ཡིན་ན། །འཁྲུལ་བ་དེ་ནི་དེ་དག་ལས། །རྒྱུ་མེད་པར་ནི་ཇི་ལྟར་འབྱུང། །སྔོན་པོ་ལ་སོགས་དེ་འབྱུང་ན། །འབྱུང་ལ་རག་སྟེ་འོན ་ཀྱང་ནི། །ཤེས་དང་ཐ་དད་མ་ཡིན་ཕྱིར། །ཇི་ལྟར་གཅིག་ལ་སྣ་ཚོགས་ཉིད། །རྣམ་པར་ཤེས་པ་དུ་མའང། །འབྱུང་བར་རྟག་ཏུ་རིགས་པ་མིན། །ལུས་མེད་ཡུལ་ན་མི་གནས་ཕྱིར། །ཡུལ་ན་བཀྲམ་སྟེ་འདུག་པ་མེད། །དེ་ལ་དེ་ནི་སྣ་ཚོགས་པ། ། ་བརྫུན་པ་ཉིད་ཆོས་འདོད་ན་ཡང། །བརྫུན་དང་ཅིག་ཤོས་འགལ་བ་དག་།གཅིག་པོ་ཉིད་དུ་ཇི་ལྟར་རུང། །བརྫུན་པ་རྣམས་ཀྱང་རྒྱུ་དག་ལས། །འབྱུང་བར་ཇི་སྟེ་འདོད་ན་ནི། །བདེན་པ་ཉིད་ཀྱི་མཚན་ཉིད་དག་།དངོས་པོ་གཞན་ལ་ཅི་ཞིག་ཡོད། ་རང་བར་དབྱེར་མེད་སྣ་ཚོགས་པའི། །སྔོ་སོགས་བརྫུན་པའི་རང་བཞིན་ན། །རྣམ་པར་ཤེས་པའང་བརྫུན་ཉིད་དུ། །ཅིའི་ཕྱིར་གསང་བསྟོད་བརྗོད་མི་བྱ། །ཤེས་པའི་རྣམ་པ་སྣ་ཚོགས་རྣམས། །ཇི་སྟེ་དེའི་བདག་མ་ཡིན་ཏེ། །གཞན་ཡིན་དེ་ལ་དེ་བཞིན ་དུ། །ཇི་ལྟར་སོ་སོར་སྣང་བར་འགྱུར། །གཞན་ཡང་གང་དེ་སྔོ་ལ་སོགས། །འདི་དག་བརྫུན་པ་ཉིད་བརྗོད་ན། །དེ་ཉིད་མཚན་ཉིད་འཁྲུལ་པ་ཡི། །ཡུལ་དུ་མ་གྱུར་མ་ཡིན་ནམ། །རྨི་ལམ་དག་ལ་དེ་ལས་གཞན། །ཁྱེད་ཀྱི་འདོད་པའི་དོན་བསྒྲུབ་ཅིང། ། ་གང་གིས་མཚན་ཉིད་འཁྲུལ་བར་ནི། །མི་འགྱུར་བཟུང་དུ་ཡོད་མ་ཡིན། །ཇི་སྟེ་དོན་བྱེད་རུང་བ་ལ། །དེ་དག་ཁོང་དུ་ཆུད་པ་དེ། །དེ་ཚེ་ཡང་དག་རྟོགས་པར་འགྱུར། །གང་གི་ངོ་བོ་རྟོགས་པས་ནི། །རྣལ་འབྱོར་སྲིད་པར ་འཁྱམ་ལས་གྲོལ། །འདིར་ནི་དེ་ཉིད་དོན་དམ་དུ། །རྟག་པའི་ཡུལ་དུ་བྱ་བ་ཡིན། །འགྲོ་ལ་གྲོལ་བ་ཐོབ་འགྱུར་ཞིང། །ཐམས་ཅད་ཐར་པར་ཐལ་བའི་ཕྱིར། །དངོས་ཙམ་རབ་ཏུ་གྲུབ་པ་ལས། །འདོད་པའི་དོན་བྱེད་རུང་བ་མིན། །དེ་བས ་འདོད་དོན་མི་བསླུ་བ། །ཚད་མའི་མཚན་ཉིད་ཡིན་ནོ་ཞེས། །འཇིག་རྟེན་པ་ལའང་རབ་གྲུབ་ཕྱིར། །ཐུན་མོང་ཡིན་པར་གནས་པ་ཡིན། །དེས་ན་ཡོད་པའི་ཐ་སྙད་སོགས། །ཁྱབ་པ་ཡིན་ཡང་ཡང་དག་དོན། །འགྲུབ་མིན་ཇི་ལྟར་དེ་ལས་ནི། ། ་དངོས་པོར་སྨྲ་བ་ལེགས་པར་གནས། །ཚུ་རོལ་མཐོང་བ་ཐམས་ཅད་ཀྱི། །སེམས་ནི་དེ་ལ་ནོར་པའི་ཕྱིར། །ཡང་དག་དངོས་པོ་ཅུང་ཟད་ཀྱང། །མངོན་སུམ་དག་གིས་གྲུབ་པ་མེད། །རྟོག་དང་བྲལ་ལ་མ་འཁྲུལ་བ། །མངོན་སུམ་ཞེས་ནི་དེ ་བརྗོད་ལ། །ཚུ་རོལ་མཐོང་བ་ཀུན་གྱིས་ཀྱང། །ཡང་དག་མཚན་ཉིད་འཁྲུལ་བ་མེད། །ཡང་དག་མངོན་སུམ་རྟོགས་པ་དེ། །ཇི་ལྟར་ཚུ་རོལ་མཐོང་ཞེས་བྱ། །ཆ་ཤས་འཁྲུལ་མེད་རང་བཞིན་ན། །དབང་པོའི་རྣམ་པར་ཤེས་པ་དག་།སྤྱི་དོན ་ཡིན་ཕྱིར་ཉེར་རྗོད་ཕྱིར། །རང་གི་མཚན་ཉིད་སྤྱོད་ཡུལ་མིན། །ཇི་སྟེ་གཞན་ལས་བཟློག་པ་ཡི། །སྤྱི་སྟེ་ཡུལ་ཞེས་མི་བརྗོད་ན། །གཞན་དུ་གཅིག་གི་དངོས་པོ་ལ། །ཇི་ལྟར་ཆ་ཤས་རྟག་ཏུ་ཡོད། །སྒྲ་ལ་སོགས་པའི་ཆོས་ཅན་ལ། །ཚད་མ ་གཞན་དག་མི་བསླུ་ཕྱིར། །མངོན་སུམ་རྟོགས་པའི་བདག་ཉིད་ལས། །ཡང་དག་རྣམ་པར་ངེས་པ་མེད། །རང་གི་མཚན་ཉིད་རྣམ་པ་ཀུན། །འདི་དག་གཟུང་ཉིད་མ་ཡིན་ནམ། །འོན་ཀྱང་ཟིན་དང་བྲལ་བའི་ཕྱིར། །རྣམ་པ་ཐམས་ཅད་ངེས ་བ་མེད། །དོན་དུ་གཉེར་དང་གོམས་འདུས་ལས། །སོགས་པའང་དེ་ཡི་རྒྱུ་ཡིན་ཕྱིར། །འདི་ལྟར་མྱོང་བ་ཞེས་བྱ་བས། །ངེས་པར་སྐྱེ་བར་མི་སྲིད་དོ། །རྣམ་པ་ཐམས་ཅད་གཟུང་ན་ཡང། །གང་ན་དོན་དུ་གཉེར་སོགས་རྒྱུ། །མེད་པ་དོན?་ཕྱིན་ཅི་ལོག་། ་འཁྲུལ་པའི་ས་བོན་དག་ལས་སྐྱེ། །རྗེས་སུ་དཔག་པ་རྣམས་ཀྱིས་ནི། །སྒྲོ་འདོགས་དེ་ཙམ་ཉི་ཚེ་ཞིག་།བསམ་པ་བསྒྲུབ་པར་བྱ་ཡིན་གྱི། །མངོན་སུམ་སྤྱོད་ཡུལ་དངོས་པོ་མིན། །རྣམ་པ་ཐམས་ཅད་ངེས་པ་དག་།ཇི་སྟེ་དེ་ལས་མ་སྐྱེས་ན། །དེ་ནི་གཟུང ་བ་ཡིན་ནོ་ཞེས། །མནའ་ཆུང་རྣམས་ཀྱིས་བསྐྱལ་བར་བགྱིས། །ཚད་མ་རྣམས་ནི་གཞན་དག་ལས། །ཡང་དག་དངོས་པོ་གྲུབ་ན་ནི། །མངོན་སུམ་དེས་ནི་རྣམ་པ་ཀུན། །གཟུང་ཞེས་བྱ་བའི་རིགས་པ་སྙམ། །མ་གྲུབ་ན་ཡང་རྣམ་ངེས་པ། །དེར་མ ་སྐྱེས་པར་གཟུང་ངོ་ཞེས། །ཁྱོད་ཀྱི་ཐ་མལ་སེམས་ཀྱིས་ནི། །བརྗོད་པར་ཇི་ལྟར་རིགས་པ་ཡིན། །དོན་བྱེད་པ་རྣམས་སྣང་བ་ཡི། །ཤེས་པས་ཀྱང་ནི་འཁྲུལ་པའི་ཕྱིར། །གཟུང་བ་ཉིད་དུ་དེས་མིན་ཏེ། །ཇི་ལྟར་སྔར་ནི་བཤད་པ་བཞིན། །འགའ་ ་ཞིག་ཏུ་ནི་ཡང་དག་དངོས། །ཇི་སྟེ་ལན་འགའ་མཐོང་གྱུར་ན། །དོན་བྱེད་པས་ནི་དེ་བསྒྲུབ་ཅེས། །རྣམ་པར་ངེས་པ་དེ་དག་རིགས། །ཕ་རོལ་མ་ཡིན་མཐོང་རྣམས་ཀྱིས། །གང་ཚེ་ལན་འགའ་དེ་གཅིག་ཀྱང། །མཐོང་བ་མེད་པས་དེ་བས་ན། །རྣམ ་པར་ངེས་པར་ཇི་ལྟར་བྱ། །སྤྲུལ་པ་རྣམས་ཀྱང་སྣ་ཚོགས་པའི། །དོན་རྣམས་བྱ་བ་བྱེད་པར་བརྗོད། །གཟུགས་བརྙན་ལ་སོགས་ལ་ཡང་མཐོང། །དེའི་ཕྱིར་ངེས་པར་གྱུར་པ་མེད། །ཕྱི་རོལ་དོན་ཐོབ་མཚན་ཉིད་ཀྱི། །མི་བསླུ་བ་ནི་དོན་གྲུབ་མེད།། ་འདི་ལྟར་སྣང་བ་ངོ་བོ་ནི། །རྨི་ལམ་སོགས་པ་ལ་ཡང་ཡོད། །ཤེས་པ་ལྔ་ལ་ཁྱད་མེད་པའི། །གཞན་ལས་ཇི་ལྟར་ངེས་པ་ཡིན། །ཡུལ་ནི་ཐ་དད་ཡིན་ཕྱིར་ཡང། །དེ་སྒྲུབ་དོན་ལ་མི་བསླུ་བ་དེ། །སྔར་མྱོང་བ་ལ་མི་བསླུ་བ། །སྐད་ཅིག་པ་ལ ་ཤིན་ཏུ་དཀོན། །སྐད་ཅིག་མ་ཡིན་རྣམས་ལ་ཡང། །གང་ན་དོན་བྱེད་ཡོད་མི་སྲིད། །ཇི་སྟེ་རྟོགས་པར་བྱེད་པ་རྣམས། །ཐ་དད་མེད་པར་ཞེན་པ་ཡིས། །འདོད་ན་གཉིས་ལ་གཅིག་དོན་ཏེ། །བརྟགས་པ་འདི་ཡིན་ཡང་དག་མིན། ། ་རང་གི་མཚན་ཉིད་ཇི་བཞིན་དུ། །ཇི་སྟེ་དབང་པོས་མ་གཟུང་ན། །དེ་ཚེ་ཡུལ་དེ་ངེས་པ་ནས། །དེ་ནི་ཇི་ལྟར་རིགས་པ་ཡིན། །ཡུལ་གྱི་དོན་ལ་མངོན་སུམ་དག་།ཇི་སྟེ་སྒྲོ་འདོགས་སྲིད་ན་ཡང། །རང་གི་མཚན་ཉིད་དངོས་པོ་ལ། །དེ་ནི་ཇི་ལྟར་ཚད་མ ་ཡིན། །དེ་བས་དེ་ཡི་སེམས་ཀྱིས་ནི། །ཡང་དག་དངོས་པོ་རྟོག་མེད་ཀྱི། །སྨིག་རྒྱུ་བཞིན་དུ་གང་དག་གིས། །འདི་ལ་སྒྲོ་འདོགས་བྱེད་པར་འགྱུར། །སྒྲོ་འདོགས་པ་ཡིས་ཐམས་ཅད་དུ། །སེམས་ཀྱི་རྐེད་པས་གཏུབས་པ་དག་།ཟླ་བ་གཉིས་སོགས ་མངོན་སུམ་གྱི། །ཤེས་པ་དག་དང་ཅི་མི་མཚུངས། །གང་ཚེ་རྟག་ཏུ་ཡང་དག་ཉིད། །ལོག་པར་སྒྲོ་འདོགས་མུན་པས་གཡོགས། །མངོན་སུམ་མི་བསླུ་ཡིན་པ་ལས། །རྣམ་པར་ངེས་པ་དེ་ནི་མེད། །གཞན་ཡང་དངོས་པོའི་ངོ་བོ་ཉིད། །རྟག ་པའམ་མི་རྟག་གཅིག་ཏུ་འགྱུར། །ཕན་ཚུན་སྤངས་ཏེ་གནས་པའི་ཕྱིར། །ཕུང་པོ་གསུམ་པ་ཡོད་པ་མིན། །ཕན་ཚུན་ཡོངས་སུ་སྤངས་ལ་སོགས། །འགལ་བ་རབ་ཏུ་གྲུབ་བྱའི་ཕྱིར། །ཇི་སྟེ་ཚད་མ་ཁས་ལེན་ན། །ངེད་ཀྱི་དངོས་པོ་འགལ་བ ་གྲུབ། །དེ་མི་རིགས་ཏེ་ཚད་མ་ཡིས། །དངོས་པོ་རྣམས་ཀྱིས་སྤྱི་འགྲུབ་ཕྱིར། །ཁྱབ་པར་དངོས་པོ་མི་འགྲུབ་ཅེས། །གོང་དུ་རབ་ཏུ་བསྒྲུབས་པ་ཡིན། །དངོས་པོ་རྣམས་ཀྱི་འགལ་བ་ནི། །ཐ་སྙད་པ་ཡི་ཚད་མ་ཉིད། །འདི་ལ་བརྟེན་ནས ་བརྗོད་པས་ན། །དེ་ཕྱིར་ཡང་དག་རྟོགས་པ་མིན། །འདི་ལྟར་མར་མེ་ལ་སོགས་པ། །སྐྱེ་ཞིང་འཇིག་པའི་ཆོས་ཅན་རྣམས། །བརྟེན་པའི་རྣམ་པས་རྣམ་གཅད་པས། །འགལ་བར་རྟོགས་པ་རྣམས་ལ་བལྟོས། །གང་ཚེ་རྣམ་པ་རྣམ་བཅད་པ།། ་མེད་ན་མེད་པར་ངས་པ་ཡིས། །ཆོས་དེ་གང་ཡིན་དེ་གཉིས་ནི། །མཚན་ཉིད་ཀྱིས་ནི་འགལ་བར་འདོད། །སྐྱེ་འཇིག་དག་དང་འབྲེལ་བ་ནི། །སྒྱུ་མ་ལ་སོགས་ལ་ཡང་ཡོད། །དེ་ཙམ་གྱིས་ན་དེ་དག་ཅི། །ཡང་དག་དངོས་པོ་ཉིད་ཡིན་ནམ། །ཤེས ་པའི་རྣམ་པ་ནོར་ཕྱིར་དང། །ཕྱི་རོལ་དོན་ཡང་མ་གྲུབ་ཕྱིར། །མར་མེ་ལ་སོགས་རྣམས་ལ་ཡང། །ཡང་དག་དངོས་པོ་ཅུང་ཟད་མེད། །དེ་ལྟ་བས་ན་འཇིག་རྟེན་གྱི། །དོན་ལ་བརྟེན་ནས་འགལ་བ་དག་།དོན་དམ་ཉིད་ལ་འཇུག་བྱའི་ཕྱིར། །རིགས ་པ་ཤེས་པ་རྣམས་ཀྱིས་བཞག་།དེ་བཞིན་གཞན་ཡང་འགལ་བ་དག་།ཐ་སྙད་ཡིན་པར་ཤེས་པར་བྱོས། །ཡང་དག་དངོས་པོ་ཉིད་ལ་ནི། །འགལ་བ་ཉིད་ནི་འགལ་ཡང་མེད། །ཚད་མའི་མཚན་ཉིད་འདི་དག་ཀྱང། །ཡང་དག་ཉིད་ལ་འཇུག ་བྱ་ཕྱིར། །ཐ་སྙད་པ་ནི་ཡིན་ནོ་ཞེས། །བསྟན་པ་དེ་ཕྱིར་འདོད་པར་གྱིས། །གཞན་དུ་བྱིས་པ་གནག་རྫི་སོགས། །བུད་མེད་རྣམས་ལ་གྲགས་པ་ཉིད། །མན་ངག་མེད་པར་དུ་སོགས་ལས། །ཅི་ཕྱིར་མེ་ཕྱོགས་ངེས་མི་འགྱུར། །ཐ་སྙད་རྣམས་ལ ་མ་བརྟེན་ན། །ཐབས་གཞན་དག་ལ་བརྟེན་བྱས་ཀྱང། །རང་དང་གཞན་གྱིས་ཡང་དག་པ། །རྣམ་པར་དབྱེ་བར་ནུས་པ་མིན། །རྟགས་དང་རྟགས་ཅན་འགལ་བ་དང། །དེ་བཞིན་ཁྱབ་བྱ་ཁྱབ་བྱེད་པ། །ཡང་དག་དོན་ལ་མ་བརྟགས་ཀྱི། ། ་དོན་དམ་པ་ལ་འཇུག་བྱའི་ཕྱིར། །ཇི་ལྟར་འཇིག་རྟེན་གྲགས་པ་ལ། །བརྟེན་ནས་དེ་བཞིན་བསྒྲུབ་བྱ་དང། །སྒྲུབ་བྱེད་འདི་དག་གནས་པར་ནི། །དེ་བས་ཐམས་ཅད་བརྗོད་པ་ཡིན། །དེ་བས་ཁྱབ་དང་འགལ་ལ་སོགས། །མ་གྲུབ་པ ་སོགས་གང་གོ་ལ་བ། །དེ་དག་ཐམས་ཅད་འཁྱམ་པ་ཞེས། །མཁས་པ་རྣམས་ཀྱིས་ཤེས་པར་བྱ། །གཏན་དུ་མ་གྲུབ་གང་ཡིན་པ། །དེ་ལ་བརྒལ?་བར་རིགས་པ་ཡིན། །ཡང་དག་བརྟེན་ནས་པ་རྩོད་པ་ནི། །མི་འདོད་ཐལ་བར་འགྱུར་བ ་མེད། །དེ་ལ་མི་རྟག་དངོས་པོའི་བདག་།ཡང་དག་མངོན་སུམ་ཤེས་པ་མེད། །རྒྱུ་དང་འབྲས་བུ་རྟོགས་གྲུབ་ན། །དེ་ནི་རབ་ཏུ་འགྲུབ་པ་ཡིན། །གཞན་གྱི་བདག་ཉིད་འབྲས་བུ་དང། །རྒྱུར་གྱུར་པ་ལ་རྣམ་ཤེས་ཀྱི། ། ་གང་ཕྱིར་འཛིན་པར་མི་རིགས་ན། །མངོན་སུམ་ཉིད་དུ་དེ་མ་གྲུབ། །རྣམ་པར་ཤེས་པ་འདྲ་ཙམ་གྱིས། །གཞན་དག་ཤེས་པ་མ་ཡིན་ཏེ། །དེ་ལྟ་ཡིན་ན་འདྲ་པ་ཀུན། །ཕན་ཡོན་རིག་པ་ཉིད་དུ་འགྱུར། །འདྲ་གང་ཤེས་པའི་ངོ་བོ་ཞེས། ། ་བྱེ་བྲག་རུང་བ་མ་ཡིན་ཏེ། །རང་གི་ངོ་བོ་གནས་པ་ཡི། །ཤེས་བྱ་ཁྱབ་པའི་བདག་པོར་རུང། །ཤེས་པའི་ངོ་བོ་བྱེ་བྲག་གིས། །བདག་ཉིད་ཉེ་བར་གནས་ན་ཡང། །དེ་ལྟ་ཡིན་ཡང་མི་ཕན་ཕྱིར། །གཞན་དག་ཇི་ལྟར་འཛིན་པར ་འགྱུར། །འདྲ་བ་ཤེས་པའི་ངོ་བོའི་ཕྱིར། །ཇི་སྟེ་རིག་པར་འགྱུར་ན་ཡང། །ཟླ་བ་ལ་སོགས་ལྟ་བ་ན། །ཕན་ཚུན་དེ་ཤེས་ཅིས་མ་གྱུར། །དེ་ལས་བྱུང་བ་ཡིན་ན་ཞེས། །དེ་ལྟར་ཁྱད་པར་གཞན་དག་ཀྱང། །ཇི་སྟེ་བརྗོད་པར་བྱེད་ན་ནི།། ་འོན་ཀྱང་འདོད་པ་སྒྲུབ་མི་བྱེད། །དངོས་པོ་རྣམས་ཀྱི་དོན་བྱེད་པ། །རང་གི་དངོས་དང་འབྲེལ་བས་ན། །སྐྱེས་བུ་འདོད་པའི་རྗེས་འབྲེངས་པའི། །བྱེ་བྲག་རྣམས་ལས་ཇི་ལྟར་འགྱུར། །རྣམ་ཤེས་དེ་ལས་བྱུང་ན་ཡང། །རང་གི་ངོ་བོར་དེ། ་གནས་ལས། །ཇི་ལྟར་གཞན་ལས་མངོན་སུམ་དུ། །བྱེད་ཅེས་བྱ་བ་འདི་ཡང་སྨྲོས། །གཞན་གྱི་ངོ་བོ་མངོན་སུམ་དུ། །གྲུབ་ན་དེ་དང་འདྲ་བ་དང། །དེ་ལས་བྱུང་བ་འགྲུབ་པར་འགྱུར། །དེས་ནི་བྱེ་བྲག་གྲུབ་པ་མེད། །མཚུངས་པའི ་དོན་སྟོབས་བྱུང་བ་ཡི། །རྣམ་ཤེས་དེ་མ་ཐག་པ་དང། །དེ་འདྲ་དེ་ལས་བྱུང་བའི་ཕྱིར། །ཤེས་པ་རིག་པར་ཐལ་བར་འགྱུར། །སེམས་ལ་ཀུན་ཏུ་སྣ་ཚོགས་པའི། །རྣམ་པ་འདི་དག་སྣང་བའི་ཕྱིར། །ཆ་ཤས་ཅན་གྱི་ངོ་བོ་དྲང། ། ་འདྲ་བ་འབྲེལ་བ་མ་ཡིན་ནོ། །སྣ་ཚོགས་པ་ཡང་གཅིག་པ་མིན། །དེ་ཡི་ཡོན་ཏན་སྣ་ཚོགས་མེད། །རྟེན་ལ་འཛིན་པ་མེད་པར་ནི། །འདི་ལ་འཛིན་པ་མི་སྣང་ངོ། །སྣ་ཚོགས་རྣམ་པས་དབེན་པ་ཡི། །རྟེན་ནི་སོ་སོར་སྣང་བ་མེད། །གཞན་ཡང ་རབ་རིབ་ལྟས་ངན་དང། །མིག་སེར་སོགས་པས་ཉམས་པའི་མིག་།གང་ཕྱིར་དངོས་པོ་གཅིག་ལ་ཡང། །ཉེ་རིང་ལ་སོགས་བྱེ་བྲག་གིས། །མི་མཐུན་རྣམ་པར་མྱོང་བ་ཡིས། །ཤེས་པ་དག་ཀྱང་སྣང་བ་ཡིན། །དེ་ལ་དེ་དག་དེ་སྙེད་ཀྱི། །དངོས ་པོ་ཐ་དད་ཡོད་པ་མིན། །མི་མཐུན་ཆོས་ཅན་གཅིག་ཡིན་ན། །ཐམས་ཅད་གཅིག་པར་ཐལ་བར་འགྱུར། །གཅིག་ན་ལྷན་ཅིག་སྐྱེ་བ་དང། །འཇིག་དང་གནས་པ་ཅན་དུ་འགྱུར། །དེ་ཕྱིར་འདྲ་བ་མ་གྲུབ་སྟེ། །དོན་མེད་པར་ཡང་སྣང་བ་ཡིན། ། ་རྨི་ལམ་སོགས་ན་སྔོ་སོགས་ཀྱི། །ངོ་བོ་སྣང་བའི་མྱོང་བ་དང། །འཁྲུལ་པར་འགྱུར་བ་དེ་ཡི་ཕྱིར། །འདི་ལས་གཞན་རིག་འགྲུབ་པ་མེད། །ཆུང་བའི་ངོ་བོའང་དོན་མིན་ཏེ། །དེ་ཤེས་སོ་སོར་མྱོང་མེད་ཕྱིར། །གཅིག་པུ་ཕྲ་བ་དེ་སྣང་བའི། ། ་རྣམ་པ་སེམས་ཀྱི་མྱོང་བ་མེད། །རེ་རེ་དག་ནི་ཚོགས་པ་ཡི། །ཡུལ་ཉིད་ཡིན་པར་ཁས་བླངས་དུ། །རྟག་ཏུ་གོང་བུའི་ངོ་བོ་ཡི། །སྣང་བའི་ཤེས་པ་མྱོང་བ་ཡིན། །འདུས་པ་ཅན་ལས་འདུས་པ་ཡི། །མཚན་ཉིད་ཐ་དད་ཡོད་པ་མིན། །བརྟགས ་པའང་དངོས་པོ་མེད་པའི་ཕྱིར། །ཇི་ལྟར་དེ་ནི་སོ་སོར་སྣང། །ཇི་སྟེ་ཕྲ་བའི་དངོས་འཛིན་ནི། །བར་མེད་གནས་པ་གང་གིས་འཛིན། །རགས་པ་འཁྲུལ་པ་ཡིན་ན་ཡང། །ཇི་ལྟར་འདི་དག་ཚད་མ་ཡིན། །ཡིད་ལ་ཡོད་ན་ཇི་ལྟར་འདིའི། །རྣམ་པ ་གསལ་བར་སྣང་བ་ཡིན། །དབང་པོའི་ཡིན་ན་རྡུལ་ཕྲན་རྣམས། །རྟག་ཏུ་འཛིན་པ་མེད་པར་འགྱུར། །དེ་ཡི་ངོ་བོ་སྣང་བ་ཡི། །ཤེས་པ་རྟག་ཏུ་མ་སྐྱེས་ཕྱིར། །དེ་བས་དེ་འཛིན་སྔར་གྱུར་པའི། །འཁྲུལ་པ་འགྲུབ་པར་མི་འགྱུར་རོ། །ཇི་སྟེ་ཚད་མ་ ་གཞན་དག་ལས། །རྡུལ་ཕྲན་གྲུབ་པར་གྱུར་ན་ནི། །དེ་འཛིན་སྔ་མར་གྱུར་བ་ཡིས། །རག་པའི་རྣམ་པའི་སེམས་སུ་འགྱུར། །གང་ཕྱིར་དེ་ཉིད་མ་གྲུབ་སྟེ། །ཚད་མས་ཀྱང་ནི་རབ་ཏུ་བཙལ། །རྨི་ལམ་སོགས་ནའང་འཕྲ་མེད ་པར། །རགས་པར་འཁྲུལ་བར་སྣང་བ་ཡིན། །རིང་བའི་དོན་ལ་ཆུང་ངུ་ཡང། །ཆེན་པོ་ཉིད་དུ་ཉེ་བར་དམིགས། །དེ་བས་དེ་འཛིན་ལས་འདི་མེན། །རི་མོ་བརྐྱང་བ་མཐོང་བ་ཡི། །རྣམ་པ་ཇི་སྟེ་ཡང་དག་ན། །རྣམ་པར་ཤེས་པ་གཅིག་པ་ཡང།། ་དེ་དང་འདྲ་བར་སྣ་ཚོགས་འགྱུར། །ལུས་མེད་ཕྱིར་ན་རྣམ་པར་ཤེས། །ཡུལ་ལ་བཀྲམ་ཏེ་སྐྱེ་མི་སྲིད། །དེ་ཕྱིར་རྣམ་ཤེས་དུ་མ་རུ། །རྟོག་པ་ལེགས་པ་མ་ཡིན་ནོ། །ཤེས་པ་གཅིག་དང་ཐ་མི་དད། །རྣམ་པ་སྣ་ཚོགས་འགྱུར་བ་མེད། །ཐ་དད་གྱུར ་ན་རྣམ་པ་དང། །ཤེས་པར་འབྲེལ་པ་མེད་པར་གྱུར། །རྣམ་པའང་ཇི་སྟེ་རྣམ་པ་བཅས། །རྟོག་པར་བྱེད་ནས་དེ་མེད་དོ། །དེ་ལྟར་རྣམ་པར་གཞན་དང་གཞན། །སུས་ཀྱང་མྱོང་བ་མ་ཡིན་ནོ། །ཇི་སྟེ་རྣམ་པ་མེད་ན་ནི། །ཤེས་པ་རྣམ་བཅས་རྟོག་དོན ་མེད། །ཐ་དད་ཐ་དད་མེད་མ་རྟོགས། །ཕུང་པོ་གཞན་ཡང་རིགས་པ་མིན། །འོན་ཏེ་དོན་གྱི་རྣམ་སྣང་བ། །བརྫུན་པ་ཉིད་དུ་འདོད་ན་ཡང། །ཇི་ལྟར་བརྫུན་པ་འདི་དག་གིས། །གཞན་གྱི་དངོས་པོ་འགྲུབ་པར་འགྱུར། །ཇི་སྟེ་བརྫུན་པ་མངོན་སུམ ་དུ། །གསལ་བར་རབ་ཏུ་མྱོང་ན་ནི། །མངོན་སུམ་པ་ཡི་དངོས་པོ་ཡང། །དེ་ཚེ་ཡང་དག་ཉིད་མ་ཡིན། །གཞན་ཡང་ཇི་སྟེ་འདྲ་བའི་དོན། །བདག་ཉིད་ཐམས་ཅད་ཀྱིས་ཡིན་ན། །དོན་བཞིན་ཤེས་པ་བླུན་པ་ཡི། །ངོ་བོར་འགྱུར་བ་གང་གིས ་བཟློག་།རྣལ་འབྱོར་པ་དག་གྲོལ་བ་ཡང། །གཞན་གྱི་ཕྱག་སོགས་མཐོང་བ་ན། །དེ་བཞིན་ཕྱག་སོགས་ལྡན་པར་འགྱུར། །གཉི་གའང་ཆ་ཤས་མེད་པའི་ཕྱིར། །ཆ་ཅིག་གིས་ནི་འདྲ་བ་མིན། །ཆ་དང་བཅས་པ་མ་གྲུབ་ན། །ཡང་དག ་དངོས་པོ་ཅི་ཞིག་འགྲུབ། །འོན་ཏེ་བཟློག་པའི་བྱེ་བྲག་གིས། །ཆ་ཤས་རྟོག་པར་བྱེད་ན་ཡང། །བརྟགས་པ་ཡིན་ཕྱིར་འདྲ་བ་ནི། །གནས་པ་མེད་པ་ཉིད་དུ་འགྱུར། །ཐམས་ཅད་དུ་ཡང་བདག་རྟོགས་པའི། །དེ་ཡི་རྣམ་པ་མྱོང་བའི་ཕྱིར། །འདྲ་བ་ཡོད་ཀྱང ་ཕྱི་རོལ་ལ། །ཤེས་པས་སོ་སོར་མྱོང་བ་མེད། །མི་འཛིན་པ་ཡི་དུས་ན་ནི། །ཡུལ་འདི་ཡོད་པ་མ་ཡིན་ནོ། །མཉམ་པའི་དུས་ན་རྒྱུ་མིན་ཕྱིར། །རྒྱུ་མ་ཡིན་དང་ཡུལ་ཡང་མིན། །གནས་པ་ཡིན་དུ་ཟིན་ན་ཡང། །རྣམ་པ་གཉིས་པ་མྱོང་བ་མེད། །མྱོང་བ ་ཡོད་པར་གྱུར་ན་ཡང། །དེ་ལ་བརྒལ་ཞིང་བརྟག་པ་མཚུངས། །འདྲ་བ་དེ་མྱོང་གང་ཡིན་པ། །དེ་ཉིད་ཕྱི་རོལ་མྱོང་བ་ཡང། །ཉེ་བར་བརྟགས་པ་ཡིན་པའི་ཕྱིར། །དེ་ནི་ཡང་དག་ཉིད་མ་ཡིན། །ཉེ་བར་བརྟགས་པ་ཙམ་གྱིས་ནི། །དོན་བྱེད་འདོད་པའི ་འགྲུབ་པ་མེད། །བྲམ་ཟེའི་བུ་ལ་མེ་བཏགས་པས། །འདི་ལྟར་འཚེད་ལ་སྦྱོར་བ་མེད། །དོན་ནི་ཡོངས་སུ་མ་མཐོང་ཕྱིར། །དེ་དང་འདྲ་བར་འགྲུབ་པ་མེད། །བྱེད་རྒྱུ་ཡིན་ནའང་འབྲས་བུ་ལ། །འདྲ་བ་བསྐྱེད་པའི་མ་ཡིན་ཏེ། །གཟུགས་སྣང་བ་ཡི་རྣམ ་ཤེས་ཀྱི། །འོན་ཏེ་སྒྲ་རིག་བྱུང་བ་དང། །སྔོན་པོ་ལ་སོགས་སྣང་བ་ན། །མིག་ལ་སོགས་པས་མ་ངེས་འགྱུར། །རྣམ་པར་དག་ལས་དོན་འགྲུབ་པ། །དེ་ནི་རྗེས་སུ་དཔག་ཡིན་ན། །རྨི་ལམ་ལ་སོགས་འཁྲུལ་པའི་ཕྱིར། །དོན་གྱིས་དེ་ལ་ཁྱབ་པའང ་མེད། །གཞན་དུ་དབང་པོ་དྲུག་པོ་དག་།ཚད་མ་སོ་སོར་འགོག་ཕྱིར་དང། །ཤིན་ཏུ་ཆུང་བའི་གཟུགས་སོགས་ཀྱིས། །སྔོན་པོ་ལ་སོགས་མ་གྲུབ་ཕྱིར། །མིག་གི་རྣམ་ཤེས་ལྡན་པ་ཡིས། །སྔོན་པོ་ཤེས་ཀྱི་སྔོན་པོའི་མིང། །ཤེས་པ་མིན ་ཞེས་གསུངས་པ་གང། །ད་ནི་ཐ་སྙད་བརྟེན་པ་ཡིན། །གཟུགས་ལ་སོགས་པའི་དངོས་པོ་རྣམས། །ཡང་དག་མིན་ཞེས་ངས་བཤད་པས། །སེམས་ཅན་རྣམས་ནི་དྲང་བའི་ཕྱིར། །ཐ་སྙད་དུ་ནི་བསྟན་པ་ཡིན། །སྣང་བས་སྟོང་པའི་ཤེས ་པས་ཀྱང། །གཞན་རིག་པ་ནི་རིགས་པ་མིན། །དེ་ནི་ཁྱད་པར་མེད་པའི་ཕྱིར། །དོན་ནི་ངེས་པ་མེད་པར་འགྱུར། །གང་ཕྱིར་ཉེ་བ་ཙམ་དག་གིས། །གཞན་རིག་དེ་རུ་འགྱུར་ན་ནི། །དེ་ནི་ཀུན་ལ་འདྲ་བའི་ཕྱིར། །ཐམས་ཅད་རིག་པར་ཙམ ་འགྱུར། །ཐམས་ཅད་དོན་ཀུན་མཐོང་འགྱུར་ཏེ། །འདི་ལྟར་སྣ་ཚོགས་བློ་ལྡན་གྱིས། །ཡུལ་དུ་གཟུགས་ལ་སོགས་པ་རྣམས། །བྱེ་བྲག་མེད་ཕྱིར་ཅིས་མི་འགྱུར། །འོན་ཏེ་ཡང་ནི་ཡུལ་འགའ་ཡིས། །བློ་དག་ཤིན་ཏུ་བསྐྱེད་བྱས་ནས། །ཡོད་ཅེས ་ཁས་ལེན་བྱེད་ན་ནི། །འདྲ་བ་སླར་ཡང་འོངས་པ་ཡིན། །རྟོགས་པའི་ངོ་བོ་ཐ་དད་མེད། །འདྲ་བ་དག་ལས་གཞན་ཅི་ཡོད། །ཤེས་པ་གང་ཡིན་རྟོགས་ཡིན་ན། །དེ་ལའང་ཉེས་པ་གོང་དུ་བསྟན། །ངེས་འབྱུང་བྱེ་བྲག་ཡོད་ན་ཡང། །མ་ཡིན ་དབང་པོའང་དེ་དང་འདྲ། །ཤེས་པའི་དུས་ན་འདི་མེད་ན། །རྒྱུ་ལས་ཇི་ལྟར་རབ་ཏུ་མྱོང། །ཚོགས་པ་གཅིག་ལ་རག་ལས་ཉིད། །ཇི་སྟེ་བྱེ་བྲག་རྟོགས་བྱེད་ན། །སེམས་དང་སེམས་བྱུང་ཚོགས་པ་ཡི། །མིག་ལ་སོགས་པའང་དེ་དང་འདྲ། ། ་ཚོགས་པ་གཅིག་ལའང་རག་ལས་ཀྱང། །དབང་པོ་ལ་སོགས་རྟོགས་མེད་དེ། །ཡུལ་མ་ཡིན་ཕྱིར་ཞེ་ན་ཡང། །དེ་འདིར་དཔྱོད་ཕྱིར་མི་རུང་ངོ། །ཡུལ་ཉིད་ཡིན་པ་གྲུབ་ན་ནི། །ལན་འདི་རབ་ཏུ་འགྲུབ་པར་འགྱུར། །མཚན་ཉིད་འཁྲུལ་པ ་ཡིན་པའི་ཕྱིར། །དེ་ཉིད་མ་གྲུབ་བརྗོད་པ་ཡིན། །རྟོགས་བྱ་དང་ནི་ཡུལ་གཉིས་ལ། །བྱེ་བྲག་འགའ་ཡང་ཡོད་མིན་ཏེ། །བསྒྲུབ་བྱ་སྒྲུབ་བྱེད་འགོག་དེ་གཉིས། །དེ་ཕྱིར་བྱེ་བྲག་ཡོད་པ་མིན། །གང་ཕྱིར་ཡུལ་མིན་དེ་བས་ན། །འདི་ནི ་ཡུལ་དུ་མི་འགྱུར་ཞེས། །དངོས་པོ་རྣམ་པར་དག་པ་ཡི། །སྨྲ་བ་ཤེས་པ་གཞན་སུ་ཡོད། །གཞན་དུ་སྣང་བའི་ཤེས་པ་ཡི། །འཛིན་པར་རིགས་པ་མ་ཡིན་ཏེ། །དེ་ལྟ་ཡིན་ན་ཡུལ་གྱི་ཕྱིར། །ཤེས་པ་ངེས་པར་མི་འགྱུར་རོ། །སྔོ་སོགས ་ངོ་བོ་སྣང་བ་ཡི། །ཡུལ་དུ་སྒྲ་ལ་སོགས་གྱུར་ཏེ། །ཐམས་ཅད་ཀྱིས་ནི་ཡུལ་ཐམས་ཅད། །རྣམ་པར་ཤེས་པར་ཐལ་བར་འགྱུར། །དངོས་སུ་གཞན་གྱི་ངོ་བོ་ལ། །མངོན་སུམ་སོ་སོར་མྱོང་མེད་ན། །དེ་དང་མཚན་ཉིད་མི་མཐུན་སྣང། །དེ་ཤེས་པར་ནི་ཇི ་ལྟར་འགྱུར། །ཡུལ་གྱི་ཆེད་དུ་དུས་ཀུན་ཏུ། །འདིར་ཡང་ཕན་པ་མི་བྱེད་དེ། །མི་སྣང་བ་དང་གཞན་དུ་སྣང། །ཕྱོགས་གཉིས་སྔ་མ་བཞིན་དུ་མཚུངས། །ཅུང་ཟད་བྱེད་པ་མེད་ན་ཡང། །འཛིན་པར་རྟོག་པ་རིགས་པ་མིན། །གཞན་ལ་དངོས་ཀྱི ་སྟོང་ན་ནི། །བརྗོད་པ་འཐད་པ་མ་ཡིན་ནོ། །དེས་དབེན་དེ་ཡི་རྣམ་པ་ཡི། །མངོན་སུམ་གཉིས་ཀྱིས་རྒྱུ་འབྲས་ཀྱི། །དངོས་པོ་རྣམ་པར་ངེས་པ་འདི། །དེ་ཕྱིར་ཡང་དག་ཉིད་མ་ཡིན། །འདི་ནི་འདི་ལས་འབྱུང་ངོ་ཞེས། །གནག་རྫི་ཡན་ཆད་ཇི་ལྟར་འགྱུར།། ་གྲགས་ཡིན་ན་ཡང་ཡིན་དུ་ཟད། །གྲགས་པ་དེ་དག་གསལ་བ་མེད། །དེ་འདོད་རྣམས་ལ་སྐབས་འདིར་ནི། །ཡང་དག་ཆེད་དུ་དཔྱད་པ་བྱེད། །ཇི་སྟེ་གྲགས་པ་འགོག་བྱེད་ན། །རྣམ་པར་དཔྱད་པ་རྒྱུན་ཆད་འགྱུར། །གང་དག་གྲགས་པའི་དངོས ་པོ་ལ། །འགོག་པར་བྱེད་པ་རབ་ཏུ་གླེན། །དེ་དག་རྣམས་ཀྱིས་ངེས་འགལ་འགྱུར། །ཟླ་བ་རི་བོང་ཅན་འགོག་བཞིན། །གྲགས་པ་འདི་ཅི་བདེན་པ་འམ། །བདེན་པ་མིན་ཞེས་ངེས་བྱ་ཕྱིར། །གང་ཕྱིར་གྲགས་པའི་དོན་ཉིད་ལ། །རབ་ཏུ་གྲགས ་པ་ཙམ་གྱིས་ནི། །ཡང་དག་མིན་ཞེས་ཉེ་བར་བསྒྲུབས། །བརྫུན་པའང་རྨི་ལམ་ལ་སོགས་ན། །འབྱུང་བ་འདི་དག་ཡོངས་སུ་ངེས། །བདེན་པ་ཉིད་ནི་ལོག་ན་ཡང། །གང་ཚེ་དེ་ནི་མི་ལོག་པ། །དེ་ཚེ་ཡང་དག་རྣམ་དག་པ། །དེ་ཡིས་འགལ་བར་ཇི ་ལྟར་འགྱུར། །རྒྱུ་དང་འབྲས་བུ་མངོན་སུམ་དུ། །ཇི་སྟེ་མྱོང་བ་མ་ཡིན་ན། །འདི་ལས་འདི་ནི་འབྱུང་ངོ་ཞེས། །ཇི་ལྟར་དྲན་པ་འབྱུང་བ་ཡིན། །རྨི་ལམ་ན་ཡང་བརྫུན་པ་ཡི། །འབྲས་བུ་ལ་སོགས་དངོས་མྱོང་ཕྱིར། །དྲན་པ་འདི་ནི་དེ་ན་སྣང། །དེ་ལས ་དངོས་པོ་རྣམ་ངེས་མེད། །འོན་ཏེ་དྲན་པའི་རྟགས་དག་ལས། །རྗེས་སུ་མྱོང་བ་རྣམས་ངེས་པ། །སྦྱིར་ནི་རབ་ཏུ་སྒྲུབ་བྱེད་ན། །དེ་ཚེ་སྒྲུབ་པ་སྒྲུབ་པ་ཡིན། །འབྲས་བུ་ལ་སོགས་དོན་དམ་པའི། །ཡུལ་ནི་རྗེས་སུ་མྱོང་བར་ཡང། །ཇི་སྟེ ་སྒྲུབ་པར་བྱེད་འདོད་ན། །རྗེས་སུ་འགྲོ་བ་མེད་པའི་ཕྱིར། །དེ་ལས་དེ་ནི་གྲུབ་པ་མེད། །སྣང་བཅས་ལ་སོགས་རྣམ་ཤེས་ཀྱིས། །དོན་ལ་འཛིན་པ་དེས་བཟློག་པ། །ཁྱེད་ཀྱིས་བྱས་པ་མ་ཡིན་ནམ། །གྲོགས་ཀྱིས་བསྟངས་བས་ངོ་བོ་འཕེལ། ། ་རྒྱུ་དང་འབྲས་བུའི་དངོས་པོ་ནི། །རྟག་ཏུ་རྣམ་ཤེས་བདག་ཉིད་ཉིད། །བདག་ཉིད་རིག་པའི་ངོ་བོ་ཡི། །མངོན་སུམ་དག་གིས་རྣམ་པར་ངེས། །ཡང་དག་ཇི་བཞིན་དུ་མ་ཀུན་ཏུ། །དེ་མྱོང་མེད་ཕྱིར་དེ་མ་རིགས། །ཁྱེད་ནི་ཇི་ལྟར་མྱང་བ་དེར། ། ་ཡང་དག་ཉིད་དཱུང་འདོད་པ་མེད། །དེ་ལྟར་གཟུང་དང་འཛིན་པ་ཡི། །རྣམ་པ་ཡོད་པ་མ་ཡིན་འདོད། །རྟག་ཏུ་དངོས་པོ་ཡོད་པ་ཡི། །ཤེས་པ་དེ་བཞིན་དེ་མྱོང་མདོ། །དེ་ལྟ་མིན་ན་འགྲོ་བ་ཀུན། །རྟག་དུ་དེ་ཉིད་མཐོང་བར་འགྱུར། །ཡང་དག ་གོམས་བྱ་ཆེད་དུ་དེ། །ཐར་འདོད་རྐང་སྨྱང་འདུག་ལ་རག་།གཅིག་ལ་རྣམ་པ་གཉིས་འགལ་ཕྱིར། །ཇི་ལྟར་མྱོང་བའི་གཟུང་བ་དང། །འཛིན་པའི་རྣམ་སྣང་དེ་བཞིན་དུ། །ཡང་དག་ཉིད་ནི་མ་ཡིན་ནོ། །གནས་ངན་ལེན་གྱི་བག་ཆགས་ལས།། ་ཇི་སྟེ་འཁྲུལ་པའི་རྟགས་བྱུང་ན། །འཁྲུལ་པ་ཉིད་དུ་དེ་སྣང་བ། འདི་ནི་མངོན་སུམ་གྲུབ་པ་མེད། །འདི་ལྟར་མ་འཁྲུལ་མཚན་ཉིད་ནི། །མངོན་སུམ་ཉིད་དུ་ཉེ་བར་བརྗོད། །རྟག་ཏུ་བདག་ལ་འཁྲུལ་པ་དེ། །ཇི་ལྟར་མངོན་སུམ་ཉིད་དུ ་འགྱུར། །གསལ་བར་གནས་ཀྱི་ངོ་བོར་ནི། །དེ་ནི་རང་སྣང་ཉིད་ཡིན་ཕྱིར། །རང་གིས་མ་འཁྲུལ་གང་གྱུར་བ། །དེ་ལས་འཁྲུལ་པ་ཐ་དད་མེད། །ཇི་སྟེ་འཁྲུལ་བ་ཐ་དད་གྱུར། །གཉིས་ཀྱི་ངོ་བོ་དེ་གསལ་བར། །དེ་ཡང་རང་གི་གནས ་ཡིན་ན། །ཇི་ལྟར་དེ་ནི་ཤེས་པར་བྱ། །ཇི་སྟེ་ཤེས་པ་དེ་ནི་ཡིད། །གཉིས་ཀྱི་རྣམ་པར་རྣམ་རྟོག་པ། །དེ་ལ་འཁྲུལ་པ་འབྱུང་ན་ནི། །གཉིས་སུ་འཛིན་པ་གསལ་མི་འགྱུར། །ཡིད་ཀྱི་འཁྲུལ་པ་དོན་གཞན་དུ། །འདྲ་བ་པོར་ནས་འགྲོ་བ་མེད། །གང ་གིས་དེ་ནི་འཁྲུལ་འགྱུར་བ། །གཉིས་དང་གཉིས་མིན་མཚུངས་ཅི་འགྱུར། །གྲང་དུ་འགའ་ཡིས་ཅུང་ཟད་ཀྱང། །ལན་འགའ་མཐོང་བ་མ་ཡིན་ན། །གཞན་གྱི་འདྲ་བ་མཐོང་ཕྱིར་ཏེ། །དེ་ལ་འཁྲུལ་པར་ཇི་ལྟར་འགྱུར། །འོན་ཏེ་ཐོག་མ ་མེད་བ་ཡི། །ས་བོན་གནས་ངན་ལེན་སྨིན་ལས། །འཁྲུལ་ན་འདྲ་བ་མཐོང་མེད་པར། །རང་ལས་སྐྱེས་བ་འདི་ཉིད་ཡིན། །དེ་ལྟ་ཡིན་ནའང་དེ་ཡི་ཚེ། །འཁྲུལ་བ་དོན་གཞན་བརྟག་མི་རིགས། །ཤེས་པ་ཐམས་ཅད་རང་ཉིད་ཀྱིས། །རང་གི་ས་བོན ་དག་ལས་འཁྲུལ། །འཁྲུལ་པའི་ས་བོན་ལས་བྱུང་བ། །ཐམས་ཅད་ཡིན་པར་ཁྱེད་ཀྱང་འདོད། །དེ་ཕྱིར་ཕ་རོལ་མིན་མཐོང་བའི། །ཤེས་ཀུན་འདི་ལྟར་རང་ལས་འཁྲུལ། །དེ་ཕྱིར་མངོན་སུམ་ཉིད་འདི་ཡི། །གཉིས་མིན་ཡང་དག་གྲུབ་པ་མེད། །དེ ་མ་གྲུབ་ན་དེ་ཡི་ཕྱིར། །རྒྱུ་འབྲས་དེ་ཉིད་འགྲུབ་པ་མེད། །ཇི་སྟེ་གཉིས་ནི་འཁྲུལ་གྱུར་ཀྱང། །རྟག་ཏུ་རྟོགས་པའི་ངོ་བོ་དེ། །མ་འཁྲུལ་པ་དག་ཁོ་ནར་ནི། །མངོན་སུམ་ལས་གྲུབ་མ་ཡིན་ནམ། །རྟོགས་པའི་ངོ་བོ་ཉིད་ན་སྤྱིར། །ཡུལ་ལ་ཉེ་བར་རྗོད ་བྱེད་པ། །དེ་ལྟར་མངོན་སུམ་ཡིན་གྱུར་ཀྱང། །རང་གི་མཚན་ཉིད་སྤྱོད་ཡུལ་མིན། །སྤྱི་ཡི་མཚན་ཉིད་མ་གཏོགས་པར། །འདི་ལྟར་རྟོགས་པའི་ངོ་བོ་མེད། །གང་ཡང་ཐུན་མོང་མ་ཡིན་པའི། །ངོ་བོ་དེ་ནི་གཉིས་སུ་སྣང། །རིགས་མི་མཐུན་པ ་རྣམས་གསལ་བས། །ཁྱད་པར་ཁོ་ན་སྤྱི་ཉིད་ཡིན། །དེ་ཡང་བརྫུན་པའི་རང་བཞིན་ན། །ཁྱེད་ཀྱི་སྤྱི་ཡང་ག་ལ་ཡོད། །དངོས་པོ་རྣམས་ཀྱི་ཡོད་པ་ཉིད། །བདེན་ཡིན་གཞན་ནི་བརྫུན་ཞེས་པ། །རིག་བྱེད་མཐར་ནི་སྨྲ་བ་ཡི། །གྲུབ་མཛའ་གསལ ་བར་བརྗོད་པར་གྱུར། །གཞན་དུ་དེ་དག་ཤེས་པ་ཅན། །སྤྱི་ཡི་མཚན་ཉིད་སྐྱེས་བུར་རིག་།རྟག་པ་གཅིག་ཡིན་བྱེ་བྲག་རྣམས། །དེ་ནི་ཐམས་ཅད་ནོར་པར་ནི། །ལྟ་བ་དེ་དག་ངན་པ་ཡིན། །ཐམས་ཅད་བཅིངས་དང་གྲོལ ་འགྱུར་ཏེ། །གཅིག་ནི་བཅིངས་དང་གྲོལ་བ་ན། །ཐམས་ཅད་དུ་ཡང་ཅིས་མི་འགྱུར། །འཆི་དང་སྐྱེ་དང་གནས་པ་དང། །གཉིད་ལོག་སད་དང་གླེན་ལ་སོགས། །ཐམས་ཅད་བྱེ་བྲག་མེད་པའི་ཕྱིར། །ཅིག་ཅར་ཁོ་ནར་རབ་ཏུ་འགྱུར། །གཞན ་ཡང་རྟོགས་པའི་ངོ་བོ་ཡི། །མཚན་ཉིད་མཁས་པས་བསྟན་པ་ནི། །སྣང་བ་གཞན་ལ་མི་བལྟོས་པར། །གང་ཞིག་རང་ཉིད་རྟག་ཏུ་སྣང། །དེ་ལྟར་ཡིན་ན་གཉིས་སྣང་བ། །རང་ཉིད་རབ་ཏུ་གསལ་བའི་ཕྱིར། །རྟོག་པའི་ངོ་བོས་གཟུང་བ ་ཡི། །བདག་ཉིད་རྟག་ཏུ་གནས་པ་ཡིན། །དེ་ནི་རྟག་ཏུ་རྫུན་ཉིད་ཀྱི། །རིགས་ཀྱི་ཁྱིམ་དུ་འཇུག་པ་འདི། །ཁྱད་པར་མེད་པ་བདག་ཉིད་དག་།ངེས་པར་པང་དུ་བླངས་ནས་འཇུག་།ཇི་སྟེ་རྟོགས་པའི་ངོ་བོ་ཉིད། །བརྫུན་པའི་ངོ་བོ་ཉིད་ཡིན ་ན། །རྣལ་འབྱོར་སྤྱོད་པ་གཞན་དེ་བཞིན། །དེ་ནི་སྤོང་བྱེད་མ་ཡིན་ནམ། །མ་སྤངས་ཕྱིན་ཅི་ལོག་འགྱུར་ཞིང། །སྤངས་པས་རྣལ་འབྱོར་ཅན་དུ་འགྱུར། །རྣལ་འབྱོར་མངོན་སུམ་རིག་བྱ་བ། །ཡང་དག་དེ་ཡིན་མི་རིགས་ན། །སངས་རྒྱས ་རྣམས་ཀྱི་གནས་པ་ཡི། །མྱ་ངན་འདས་པའང་མི་འགྲུབ་ཅིང། །རྣམ་པ་ཐམས་ཅད་མཁྱེན་པ་ཡི། །ཡེ་ཤེས་རིང་དུ་སྤངས་པ་ཡིན། །དེ་ལྟ་ཡིན་ན་ཐལ་སྒོ་ནས། །ཇི་སྟེ་དེ་ལ་བདེན་ཞེ་ན་སྤོངས། །སྒྲུབ་ན་དེ་བཞིན་འདོད་པའི་ཕྱིར། ། ་འདོད་པ་ཁོ་ན་རབ་ཏུ་བསྒྲུབས། །འོན་ཏེ་དངོས་པོ་ཐམས་ཅད་དུ། །མེད་པའི་མཚན་ཉིད་དེ་སྒྲུབ་ན། །མི་མཐུན་ཕྱོགས་ལས་མ་ལོག་ཕྱིར། །གཏན་ཚིགས་མ་ངེས་ཉིད་དུ་འགྱུར། །བརྫུན་པ་ཡིན་ཞེས་ཐམས་ཅད་དུ། །གཏང་བར ་འོས་པ་མ་ཡིན་ནོ། །སྒྱུ་མ་རྣམས་ནི་བརྫུན་ཉིད་ཀྱང། །དེ་བྱེད་པ་རྣམས་ཉེ་བར་བརྟེན། །བདག་དང་གཞན་གྱི་དོན་རྣམས་ལ། །ནམ་ཡང་མཁོ་བར་མི་འགྱུར་གང། །དེ་དག་ཐམས་ཅད་ཡོངས་གཏང་ཞིང། །སྤོང་བ་ཉིད་དུ་རིགས་པ་ཡིན། །བདག ་གཞན་དོན་གྱི་རྣམ་པ་ལ། །མཁོ་བའི་ཡོན་ཏན་གང་ཡིན་པ། །མཁས་ཤིང་སྙིང་རྗེའི་བདག་ཉིད་ཀྱིས། །དེ་དག་ཇི་ལྟར་སྤོང་བར་བྱེད། །དེ་ཕྱིར་ཇི་སྲིད་གཞན་དོན་ལ། །ཉེ་བར་མཁོ་བར་འགྱུར་བ་རྣམས། །སྤངས་ཀྱང་སངས་རྒྱས་རྣམ ་དག་ནི། །དེ་དག་ཐམས་ཅད་བཟློག་པ་མེད། །ཐམས་ཅད་སྒྱུ་མ་བྱས་འདྲ་ཞེས། །བརྟུན་པ་ཉིད་དུ་དེ་དག་ཤེས། །ཡང་དག་ཇི་བཞིན་རྟོགས་པའི་ཕྱིར། །དེས་དེ་ཕྱིན་ཅི་ལོག་པ་མེད། །དངོས་པོ་ཉིད་དུ་བླང་བ་དང། །དངོས་པོ་མེད་པ་ངོར ་བ་ཡི། རྒྱུར་ནི་ངེས་པ་མ་ཡིན་ཏེ། །འདི་ལ་འཁྲུལ་པ་དེ་ལྟར་སྣང། །ཉན་ཐོས་པ་ལ་སོགས་པ་དག་།དངོས་པོར་ལྟ་བ་རྣམས་ཀྱིས་ནི། །སྡུག་བསྔལ་ཀུན་འབྱུང་གཉེས་པར་བྱེད། །འགོག་པ་དངོས་པོ་མེད་པའང་ལེན། །སྙིང་རྗེས་ཁྲིད ་པའི་རྣལ་འབྱོར་རྣམས། །གཞན་དོན་བྱ་བའི་ཆེད་དུ་ནི། །གླང་པོ་ལ་སོགས་བརྫུན་པ་ཡང། །སྤྲུལ་པ་རབ་ཏུ་བྱེད་པ་ཡིན། །དེ་བཞིན་གཞན་ལ་ཕན་པར་བཞེད། །ཐབས་དང་ཤེས་རབ་བརྟེན་པ་ཡི། །སངས་རྒྱས་རྣམས་ནི་ཕྱིན་ཅི་ལོག ་སྤངས་ཀྱང་བཞུགས་བར་བཞེད་པ་ཡིན། །དེ་བཞིན་བརྫུན་པའི་ངོ་བོ་ཡང། །རྒྱུ་མེད་ཅན་འབྱུང་གང་ནའང་མེད། །སྒྱུ་མ་ལ་སོགས་བརྫུན་ཡིན་ཡང། །ཚོགས་པ་རྣམས་ལས་འབྱུང་བར་སྣང། །སྒྱུ་མ་ལ་སོགས་འཁྲུལ་པའི་ཕྱིར།། ་རྗེས་སུ་འགྲོ་བའང་མ་གྲུབ་ཕྱིར། །རྒྱུ་དང་ལྡན་པ་ཡིན་ཞེས་ཏེ། །དངོས་པོ་ཡོད་པར་འགྱུར་བའང་མེད། །གང་ཞིག་ཐོག་མ་མེད་པ་ནས། །ཀུན་རྫོབ་དུ་ཡང་གཅིག་ནས་གཅིག་།རྒྱུ་མེད་གྱུར་པ་དེ་དག་ནི། །བརྫུན་པར་ཡང་ནི་ ་འབྱུང་བ་མེད། །དེ་བས་རང་རྒྱུ་ཚོགས་པ་ཡི། །སྣ་ཚོགས་རྣམ་པར་འབྲེལ་པ་ལས། །སྒྱུ་མ་ཇི་ལྟར་རབ་ཏུ་འབྱུང། །རྣལ་འབྱོར་སྒྱུ་མའང་དེ་བཞིན་ནོ། །རྣལ་འབྱོར་ཡེ་ཤེས་དག་གི་རྒྱུ། །རང་གི་བསོད་ནམས་ཡེ་ཤེས་ཚོགས་ཏུ། ་མི་གནས་མྱ་ངན་འདས་པ་ནི། །བློ་ལྡན་སྙིང་རྗེ་ཤེས་རབ་ཡིན། །འགྲོ་བ་མ་ལུས་སྒྱུ་མ་བཞིན། །གནས་པར་ཤེས་རབ་དག་གི་རིག་།རྨོངས་བྱེད་སྒྱུ་མའི་མཁན་པོ་འདྲ། །སྔོན་གྱི་སྨོན་ལམ་རྣམས་ཀྱི་མཐུས། །ཆུ་དང་པདྨ་འདམ་གྱིས་ལྟར། ། ་སྲིད་པའི་སྐྱོན་གྱིས་ཡོད་མི་གོས། །དཔག་མེད་རྨད་བྱུང་བསམ་མི་ཁྱབ། །མེ་ལུས་ཡོན་ཏན་ཕ་རོལ་ཕྱིན། །ཇི་སྲིད་འཁོར་བ་འདི་དག་ན། །འགྲོ་བ་མ་ལུས་དོན་སྒྲུབ་ཕྱིར། །ཐུབ་པ་ཐུགས་རྗེ་ཆེན་པོ་ཡིས། །གཞན་ལ་དག་ལུས ་བཞུགས་པ་ཡིན། །དེ་བས་སྟོང་པ་ཉིད་བརྟེན་པ། །མེ་ལ་བྱ་བ་བཞིན་དུ་གསུངས། །དེར་ལྟུང་འགྱུར་བ་དགག་པའི་ཕྱིར། །ཐད་ས་ལའང་བརྟེན་པར་བྱ་བ་ཡིན། །རྣམ་པ་མ་ལུས་ཐམས་ཅད་དང། །འགྲོ་བ་གསུམ་པོ་དག་ལ་ཡང། ། ་དོན་དམ་ཀུན་རྫོབ་ངོ་བོ་ཉིད། །ཇི་ལྟར་སྣང་བཞིན་མངོམ་སུམ་སྟེ། །འཇིག་རྟེན་པ་དག་མངོན་སུམ་ནི། །ཇི་ལྟར་སྣང་བཅས་སྣང་མེད་ཤེས། །དེ་བཞིན་ནུས་པ་བསམ་ཡས་ཕྱིར། །རིག་སྟེ་དེ་བས་ཐམས་ཅད་མཁྱེན། །ཡང་དག་དོན ་བསྒོམས་ལས་བྱུང་བའི། །ཡེ་ཤེས་དེ་ནི་རྣམ་མི་རྟོག་།ཆོས་རྣམས་སྣང་མེད་གང་ཡིན་པ། །དེས་ན་ཡང་དག་ཡེ་ཤེས་བརྗོད། །དེས་ན་བདག་ཉིད་ཆེན་པོ་ཡི། །མི་གནས་མྱ་ངན་འདས་པ་གྲུབ། །རྣལ་འབྱོར་ཀུན་ཤེས་ཡང་དག ་ཤེས། །རྣམ་པར་བཞག་པ་འགལ་བ་མེད། །རྟོགས་པའི་ངོ་བོ་གང་ཡིན་བདེན། །གཉིས་ཀྱི་རྣམ་པར་ཡང་དག་མིན། །འདོད་པ་དེ་ནི་སྔར་བཤད་པའི། །སྐྱོན་དུ་རབ་ཏུ་འགྱུར་བ་ཡིན། །རྣལ་འབྱོར་སྤྱོད་པ་པ་རྣམས་ནི། །འདི་ལྟར ་གཉིས་སྣང་ཐ་དད་མེད། །ཤེས་པའི་ངོ་བོ་སྤོང་བར་ཡང། །དེ་ལས་གཞན་བཞིན་ཅིས་མི་བྱེད། །ཇི་སྟེ་གནོད་པ་མེད་པའི་ཕྱིར། །ཁྱེད་ཅག་དེ་ནི་མི་བྱེད་ན། །ཡང་དག་དོན་དང་དབྱེར་མེད་པས། །གཉིས་པོའང་བྱ་བར་མི་འགྱུར་རོ། །ཆོས་ལ ་བདག་མེད་བསྒོམ་པ་རྣམས། །དོན་མེད་འགྱུར་ཏེ་གཉིས་ལས་གཞན། །ཀུན་བརྟགས་ཆོས་ནི་ཡོད་པ་མིན། །འོན་ཏེ་གང་ཞིག་ཉོན་མོངས་ཅན། །གཉིས་ཀྱི་ངོ་བོ་ལུང་མ་བསྟན། །དེ་དང་རྟོགས་པའི་ངོ་བོ་དག་།བཅས་སྟེ་རྣལ་འབྱོར་པ ་རྣམས་སྤོང། །བདེན་པར་སྒྲོ་འདོགས་སྤངས་པའི་ཕྱིར། །སྐྱོབ་བ་རྣམས་ཀྱིས་ཡོངས་བཏང་ཡང། །རྣམ་པར་དག་ནའང་གཉིས་སྣང་བ། །འགྲོ་ལ་ཕན་དང་བདེ་བྱེད་དེ། །སྔོན་གྱི་སྨོན་ལ་ལམ་ཤུགས་དག་ལས། །ཐུགས་རྗེ་གོམས ་པ་རྣམས་ཀྱིས་འབྱུང། །གང་ཕྱིར་དེ་ལྟར་ཁོ་ན་ཡིན། །དེ་བས་རྣལ་འབྱོར་ལ་སོགས་འགྲུབ། །རྟག་ཏུ་ཐུབ་པ་མི་རྟོག་པར། །ཡིད་བཞིན་ནོར་བུ་བཞིན་བཞུགས་ཏེ། །འགྲོ་བ་མ་ལུས་ཕན་མཛད་པར། །གང་དག་སྨྲ་བ་དེ་ལ་ཡང། ་གཉིས་པོ་དག་གི་རྣམ་པ་ལས། །རྟོག་པའི་ངོ་བོ་དབྱེར་མེད་པའི། །རང་གི་ངོ་བོ་དེས་སྤངས་ཀྱང། །བཟློག་པ་མེད་པ་ཁོ་ན་ཡིན། །འོན་ཀྱང་སྨོན་ལམ་མཐུ་རྣམས་དང། །ཚོགས་ཀྱི་ཤུགས་ཀྱིས་ཐུབ་པ་ནི། །འཁྲུལ་པ་མ་ལུས་རྣམ་སྤངས་ན། །དྲི ་མེད་བསྟན་བ་གཉིས་སུ་མེད། །ཡེ་ཤེས་དག་པ་འབྱུང་བ་དེ། །རྟག་ཏུ་ཡིད་བཞིན་ནོར་བུ་བཞིན། །བསྐལ་པ་ཇི་བཞིན་མ་ལུས་དོན། །བྱ་བ་མཛད་པ་ཐམས་ཅད་མཁྱེན། །གྲུབ་ཅེས་བརྗོད་པ་དེ་བས་ན། །ཐམས་ཅད་མཁྱེན་སོགས་རྣམ་པར ་གནས། །དེ་ལྟ་ཡིན་ན་ཐུབ་པ་ཡི། །གཉིས་སུ་སྣང་བ་བརྫུན་ཡིན་ཡང། །ཇི་སྟེ་འདོད་ན་བྱང་ཆུབ་ཀྱང། །དབྱེར་མེད་དེ་བཞིན་འདོད་པར་གྱིས། །བརྫུན་པ་དག་ནི་རབ་སྤངས་ཀྱང། །ཐུབ་པའི་ཐབས་ཀྱིས་མཐུ་རྣམས་ལས། །འབྱུང་ན་དེ་ཚེ་བྱང ་ཆུབ་ཀྱི། །བདེན་པར་མངོན་ཞེ་ན་གང་ཞིག་ཡིན། །མི་རྟོག་ཡེ་ཤེས་གང་ཡིན་པ། །དེ་ཡོད་པ་ནི་སེལ་མི་བྱེད། །འོན་ཀྱང་ཡང་དག་དངོས་པོ་ཉིད། །དེ་ནི་འགྲུབ་པར་ཉིད་མི་འགྱུར། །རྣམ་པར་མི་རྟོག་ག་ལས་འགྲུབ། ། ་གཉིས་སུ་རྣམ་རྟོག་སྤངས་པ་ཡིས། །རྣམ་པར་མི་རྟོག་དེ་འདོད་ནའང། །རང་གི་དངོས་ལ་རྣམ་རྟོག་འདི། །གང་གིས་བརྩལ་བ་སྨྲ་བར་གྱིས། །དེ་ལ་སུ་ནི་མི་ཕྱུང་བར། །རྣམ་པར་རྟོག་དེས་སྤོང་པ་མེད། །དངོས་པོར་འཛིན་པ་སངས་རྒྱས་ཀྱིས།། ་མཛའ་ཉིད་དུ་ནི་རབ་ཏུ་བསྟན། །སྐྱོབ་པའི་མ་འདྲེས་ཆོས་རྣམས་དང། །དེ་བཞིན་བྱམས་པ་ཐུགས་རྗེ་སོགས། །གསུངས་པ་གང་ཡིན་དེ་དག་ནི། །མི་རྟོག་འདི་ཡིན་བསྒྲུབ་པར་དཀའ་། །ཇི་སྟེ་འདུལ་ལ་དེ་བཞིན་དུ། །སོ་སོར་སྣང་ཞེས་རྣམ་རྟོག ་ན། །སངས་རྒྱས་རྣམས་ཀྱི་ཡོན་ཏན་ཀུན། །ཀུན་བརྟགས་ཉིད་དུ་ཐལ་བར་འགྱུར། །གནས་སྐབས་ཀུན་ཏུ་རྟག་པར་ཡང། །རྟོག་བཅས་མི་རྟོག་པ་ཡང་རུང། །ཡོད་ཡེ་བསམ་པར་མི་ནུས་ཕྱིར། །རྣམ་པ་ཀུན་ནས་ཐམས་ཅད་རིག་། ་དེ་ནི་སྐལ་བ་ཇི་བཞིན་དུ། །ལུས་ཅན་ཀུན་གྱི་འདོད་པའི་དོན། །སྒྲུབ་པར་བྱེད་ཅེས་འཆད་ན་ནི། །ཐམས་ཅད་འགལ་བ་མེད་པ་ཡིན། །རྟོགས་པའི་ངོ་བོ་ཡང་དག་པ། །དེ་བས་མངོན་སུམ་གྲུབ་པ་མེད། །རྒྱུ་དང་འབྲས་བུ་དེ་དག་ཀྱང། ། ་དེ་མ་གྲུབ་ན་དེ་གྲུབ་མེད། །ཐ་དད་དུས་ཀྱི་བདག་ཉིད་གཉིས། །དེས་ནི་སོ་སོར་མི་མྱོང་ཕྱིར། །རང་རིག་པ་ཡི་མངོན་སུམ་ལས། །རྒྱུ་དང་འབྲས་བུ་རྟོགས་པ་མེད། །བདག་ཉིད་གཅིག་གི་ངོ་བོའི་ཕྱིར། །གཉིས་ཀྱི་ངོ་བོ་ཉིད་མི་སྲིད། །དེ་ནི་བལྟོས ་པས་ཐ་དད་ནའང། །ཀུན་བརྟགས་ཡིན་གྱིས་ཡང་དག་མིན། །བལྟོས་པར་བྱ་བ་ཐ་དད་ཕྱིར། །རང་རིག་པ་ཡིས་འཛིན་པ་མེད། །དེ་མ་བཟུང་ན་དེ་མི་འགྲུབ། །བལྟོས་པ་དེ་ཡང་ཀུན་བརྟགས་ཡིན། །རྒྱུ་དང་འབྲས་བུ་འཛིན་བ་ནི། །སོ ་སོར་རབ་ཏུ་རྟོགས་པ་ལས། །རྣམ་པར་རྟོག་དེ་མཚམས་སྦྱར་ནས། །དེ་གཉིས་གསལ་གྲུབ་མ་ཡིན་ནམ། །དེ་མི་རིགས་ཏེ་རྣམ་རྟོག་ཀྱང། །རང་རིག་པ་ཡི་མཐར་ཐུག་པས། །གཞན་དངོས་ལན་འགའ་དམ་མཐོང་ན། །དེ་ན་ཇི་ལྟར་མཚམས་སྦྱོར་བྱེད། ། ་སེམས་ཅན་དག་ནི་ཐམས་ཅད་ཀྱང། །རང་གི་ངོ་བོ་རྟོགས་ཕྱིར་དང། །དྲན་པའང་བདག་ཉིད་མཐར་ཐུག་ཕྱིར། །དེ་ལ་དྲན་པའང་མི་འགྲུབ་པོ། །གཞན་དུ་འཛིན་པའི་དོན་དག་ནི། །གཞན་དུ་སྦྱར་བར་མི་རིགས་སོ། །རྒྱུད་ཅན་དག་ལ་མ་གཏོགས ་པར། །རྒྱུད་ནི་མ་བརྟགས་ཡོད་པ་མིན། །གཞན་གྱིས་འབྲས་བུ་ཙམ་ལ་འཛིན། །དེ་བཞིན་རྒྱུ་ཙམ་གཞན་གྱིས་འཛིན། །གཉི་ག་གཅིག་ཆར་མྱོང་མེད་ན། །ལོད་བས་གཉིས་སྦྱོར་བྱེད་དམ་ཅི། །ཅི་ཙམ་འབྲས་བུ་མི་སྣང་ཞིང། །རྒྱུ་ཡང་འགའ་ ་ཡིས་མ་ཡིན་པ། །དེ་སྲིད་བདག་ནི་འབྲས་བུ་ལས། །སོགས་པའི་ངོ་བོ་དེས་མྱོང་མེད། །ཆུ་སོགས་རྣམ་པའི་རྣམ་པར་ཤེས། །འདས་མ་ཐག་དུ་མེ་སོགས་ཀྱིས། །རྣམ་པར་འབྱུང་བ་ཤེས་པ་དང། །དུ་བའི་ཤེས་ལས་མེ་བློ་མཐོང། །དེ ་ཕྱིར་མེ་ལས་དུ་བ་དང། །ས་བོན་ཉིད་ལས་མྱུ་གུ་ཞེས། །བྱ་བ་ལ་སོགས་རྒྱུ་འབྲས་ཀྱི། །ངེས་པ་འགྲུབ་པ་མེད་པར་འགྱུར། །གཞན་ལས་ཀྱང་ནི་དུ་བ་དག་།འབྱུང་ཕྱིར་དུ་བ་མཐོང་བ་ལས། །མེར་སྣང་བ་ཡི་རྣམ་པར་ཤེས། །རྗེས་སུ་དཔག་བའང ་མི་འགྲུབ་པོ། །མེད་དང་དུ་པའི་བློ་གཉིས་དག་།འདྲ་བར་འབྱུང་བར་ངེས་ཡོད་ན། །དུ་བ་ཁོ་ན་རྟགས་ཡིན་གྱི། །མེ་མ་ཡིན་དེ་ཅི་ཡི་ཕྱིར། །ཇི་ལྟར་དུ་བའི་བློ་དག་གིས། །བག་ཆགས་གསལ་བར་སད་བྱས་ཏེ། །མེ་བློ་རྟོགས་བྱེད་དེ་བཞིན་དུ། ་མེ་བློའང་དེ་ལ་ཇི་སྟེ་མིན། །དེ་ལྟར་ཀུན་ལས་ཤེས་པ་ཀུན། །འབྱུང་བ་དག་ནི་མཐོད་བའི་ཕྱིར། །ཀུན་གྱི་རྟགས་སུ་ཀུན་གྱུར་པས། །ཀྱེ་མའོ་གོ་བྱེད་གནས་པ་ཡིན། །དེ་བས་དེ་ཞིག་མངོན་སུམ་ལས། །རྒྱུ་འབྲས་རྟོགས་པ་ཡང་དག་པ། །ཡོད ་པ་མ་ཡིན་དེས་ན་འདི། །མངོན་སུམ་གཉིས་ནི་ངེས་པ་མེད། །དེ་གཉིས་དང་ནི་རྟགས་འགྱུར་ཡང། །འབྲེལ་བ་རབ་ཏུ་མ་གྲུབ་ཕྱིར། །རྗེས་སུ་དཔག་པ་དག་ལས་ཀྱང། །རྒྱུ་འབྲས་དངོས་པོ་གྲུབ་པ་མེད། །རྟགས་དང་འབྲེལ ་པར་ངེས་པ་ནི། །མངོན་སུམ་ཉིད་དུ་གྲུབ་པ་མེད་དེ། །དེ་གཉིས་ལྐོག་དུ་གྱུར་པའི་ཕྱིར། །སྡར་ན་ཇི་ལྟར་བཤད་པ་བཞིན། །གནས་པ་མེད་པར་འདི་ཐལ་ཕྱིར། །རྗེས་སུ་དཔག་པས་ཀྱང་མི་རིགས། །འབྲེལ་པ་ངེས་པ་མེད་པ་ཡི། །རྟགས་ལས་དེ ་དངོས་ངེས་པའང་མེད། །རྟགས་ཀྱང་མངོན་སུམ་ཉིད་དུ་ནི། །གྲུབ་པ་མ་ཡིན་དེ་དངོས་བཞིན། །རྗེས་སུ་དཔག་པས་མི་འགྲུབ་སྟེ། །དེ་བཞིན་འདིར་ཡང་གནས་པ་མེད། །ཇི་སྟེ་རྒྱུ་འབྲས་དངོས་པོ་ཡི། །ཡོད་པ་སྒྲུབ་པར་བྱེད་ན་ནི། །དེ་ཚེ་གཏན ་ཚིགས་ཐམས་ཅད་དག་།ཉེས་པ་གསུམ་ལས་ལྡོག་པ་མེད། །འདི་ལྟར་ཡོད་པ་བསྒྲུབ་པའི་ཕྱིར། །དངོས་པོ་རྣམས་ཀྱི་ཆོས་ཀྱིས་སམ། །དངོས་པ་མེད་དང་གཉི་གའི་འམ། །གཉིས་མིན་ཆོས་ཀྱི་གཏན་ཚིགས་གྲང། །དངོས་མ་གྲུབ ་ན་དེ་ལ་བརྟེན། །དངོས་པོའི་ཆོས་ནི་གྲུབ་པ་མེད། །དེ་ལས་བཟློག་པ་བསྒྲུབ་པའི་ཕྱིར། །མེད་པའི་ཆོས་ནི་འགལ་བར་འགྱུར། །གཉི་གའི་ཆོས་ནི་མ་ངེས་ཏེ། །གཉེན་པོ་ལ་ཡང་ཡོད་པའི་ཕྱིར། །གཉིས་མིན་ཆོས་ཀྱི་ངོ་བོ་དག་།ཡིད་ཀྱིས ་ཀྱང་ནི་རིག་པ་མེད། །འོན་ཏེ་ཡོད་པ་མི་སྒྲུབ་ཀྱི། །དེ་གཉིས་འབྲེལ་པ་ཅན་སྒྲུབ་ནི། །སྒྲུབ་པ་དེ་ཡང་རིགས་པ་ཡིན། །དེ་ལྟ་མིན་ན་གཏན་ཚིགས་ཀུན། །གཞི་མ་གྲུབ་པར་ཐལ་བར་འགྱུར། །རང་གི་ངོ་བོ་དེ་གཉིས་ཀྱང། །གྲུབ་པ་མེད་པར་སྔར ་བསྟན་ཟིན། །གཞན་ཡང་འབྲས་དེ་གྲུབ་བྱ་ཕྱིར། །རྒྱུ་ལ་ནུས་པ་ཡོད་པ་མིན། །དེ་གྲུབ་ན་ནི་འགྲུབ་འགྱུར་ན། །གྲུབ་ན་རྒྱུ་དེས་ཅི་ཞིག་བྱ། །དེ་བས་གཅིག་ལ་གཅིག་བརྟེན་ནས། །དེ་གཉིས་གྲུབ་པར་འགྱུར་བ་ཡིན། །བདག་ཉིད ་རབ་ཏུ་མ་གྲུབ་པར། །གཞན་གྱི་སྐྱབས་སུ་འགྱུར་བ་མེད། །དུ་བ་ལས་ནི་མེ་ཤེས་ཏེ། །ཆུ་སྐྱར་ལས་ནི་ཆུར་ཤེས་ཞེས། །བྱ་བ་ལ་སོགས་འབྲས་བུ་གང། །གསུངས་པ་དེ་ནི་ཐ་སྙད་བརྟེན། །ཡང་དག་དུ་ཡང་དུས་ལ་སོགས། །མདོ་སྡེ་གཞན་ལས ་བཀག་ཕྱིར་དང། །ཡང་དག་ཉིད་ཀྱི་དངོས་དེ་ནི། །རིགས་པས་ཀྱང་ནི་མི་འགྲུབ་པོ། །དེ་གྲུབ་བྱ་ཕྱིར་རང་བཞིན་གྱི། །གཏན་ཚིགས་ཀྱང་ནི་བརྟག་མེད་དེ། །གཞི་ནི་རབ་ཏུ་མ་གྲུབ་པས། །རང་ཉིད་དེ་ནི་མ་གྲུབ་ཕྱིར། །གཞི་ཡོད་ན་ཡང་གྲུབ་བྱ ་ཕྱིར། །སྤྱི་རུ་རབ་ཏུ་སྒྲུབ་བྱེད་པ། །ཐ་སྙད་དུ་ནི་འདོད་པའི་ཕྱིར། །འདི་ལྟར་གྲུབ་པ་སྒྲུབ་པ་ཡིན། །རྒྱུ་དང་འབྲས་བུའི་དངོས་པོ་འདི། །ཡང་དག་ཉིད་དུ་གྲུབ་བྱའི་ཕྱིར། །གཏན་ཚིགས་འདི་ཡི་རྗེས་འགྲོ་བ། །མ་གྲུབ་བརྒལ་ཞིང་བརྟག ་པ་མཚུངས། །སྐྱེ་བའི་ཆོས་ཅན་གང་ཡིན་པ། །དེ་ཀུན་འཇིག་པའི་ཆོས་ཅན་ཞེས། །བྱ་བ་ལ་སོགས་སྐྱེ་འཇིག་ཉིད། །མདོ་སྡེ་ལས་ནི་གསུངས་པ་གང། །དེ་ནི་གང་ཟག་བདག་མེད་ཙམ། །ཡང་དག་ཉིད་ལ་འཇུག་བྱ་ཕྱིར། །ཉན་ཐོས ་པ་ཡི་དབང་དུ་གསུངས། །ཟབ་མོའི་གཏམ་ལ་བརྟེན་པ་མིན། །ཆོས་རྣམས་ཀུན་གྱི་ཡང་དག་ཉིད། །སྐྱེ་དང་འཇིག་པའི་ཆོས་ཉིད་དུ། །རྗེས་སུ་མཐོང་བ་དེ་དག་གི་།ཤེས་རབ་གཟུགས་བརྙན་ཡིན་པར་གསུངས། །དེ་ཡོད་ན་ནི་ཡོད་ཡིན་ཞེས། ་དེ་གྲུབ་བྱ་ཕྱིར་བརྗོད་པ་ཡང། །བསྒྲུབ་བྱ་སྒྲུབ་པར་བྱེད་པ་གཉིས། །དེ་ལ་བྱེ་བྲག་མངོན་པ་མེད། །འོན་ཏེ་རབ་ཏུ་རྨོངས་རྣམས་ཀྱིས། །ཐ་སྙད་རུང་བར་བྱ་བ་དེ། །བསྒྲུབ་པར་བྱ་བ་དེ་བས་ནི། །དམ་བཅས་ཕྱོགས་ཅིག་འགྱུར་བ་མེད། །རྒྱུ་དང ་འབྲས་བུའི་ཆོས་ཅན་ལ། །ཡང་དག་མངོན་སུམ་གྲུབ་ན་ནི། །ཐ་སྙད་དེ་ནི་སྒྲུབ་ལ་རག་།དེ་ཡང་མ་གྲུབ་སྔར་བསྟན་ཟིན། །དེ་ཡི་ཐ་སྙད་ཙམ་དག་ནི། །བསྒྲུབས་སུ་ཟིན་ཀྱང་ཡང་དག་པའི། །དངོས་པོ་མི་འགྲུབ་དེ་ཡིས་འདིར། །ཁྱབ་པ་གང་དུས ་མ་གྲུབ་པོ། །གཞན་ཡང་དེ་ཡི་དུས་ན་ནི། །འགྲོ་བ་མ་ལུས་ཡོད་ན་ཡང། །འབྲས་བུ་ཡོད་པ་ཡིན་པའི་ཕྱིར། །དེ་ཡི་འབྲས་བུར་སྒྲུབ་པ་ལ། །མ་ངེས་པ་ཡི་གཏན་ཚིགས་འགྱུར། །ཇི་ལྟར་དེ་ཡོད་ན་ནི་མཐོང། ། ་དེ་མེད་གྱུར་ན་མ་མཐོང་བ། །དེ་བཞིན་མཚུངས་པའི་དུས་རྣམས་ཀྱི། །ཡོད་དང་མེད་པའང་དེ་དང་མཚུངས། །དེ་ནི་གྲུབ་པར་བྱ་བའི་ཕྱིར། །རྒྱུ་དང་འབྲས་བུ་རྒྱུན་རྣམས་ལ། །བརྟེན་ཏེ་རྗེས་འགྲོ་ལྡོག་པ་ཉིད། །དེས་པ་བརྗོད་པ ་མ་ཡིན་ནམ། །སྐད་ཅིག་པ་ནི་མ་གཏོགས་པར། །གང་ཡང་རྒྱུ་དང་འབྲས་བུ་ཉིད། །གང་དཱུང་སྨན་པ་ཁ་ཅིག་གིས། །ནམ་ཡང་གཟུང་བར་ནུས་པ་མེད། །རྒྱུ་དང་འབྲས་བུའི་དངོས་པོ་ཡི། །ཡང་དག་པ་ནི་དཔྱད་པ་ཡི། །སྐབས ་འདི་ཡིན་སྐད་ཅིག་ལས། །གཞན་དུ་རྒྱུན་ནི་ཡང་དག་མེད། །སྐད་ཅིག་པ་ཉིད་འབྲས་བུ་དང། །རྒྱུ་ཡང་ཡང་དག་ཡིན་གྲང་ན། །དེ་མ་གྲུབ་ན་རྒྱུ་འབྲས་ཀྱི། །ཡང་དག་ཉིད་ནི་ཇི་ལྟར་འགྲུབ། །འོན་ཏེ་ཡང་ནི་རྒྱུན་གཅིག་པར། ་འབྱུང་བ་རྣམས་ལ་དེ་སྒྲུབ་ཀྱི། །སྐད་ཅིག་རྒྱུ་ནི་ཐ་དད་པར། །འབྱུང་བ་རྣམས་ལ་མ་ཡིན་ན། །ཐ་སྙད་དེ་ཡང་མཐོང་ནས་ནི། །དེ་ཚེ་དེ་ནི་སྒྲུབ་ལ་རག་།རྒྱུ་དང་འབྲས་བུར་རྟོགས་པ་ཡི། །དངོས་པོ་ཞིག་ན་གང་དུ་བསྒྲུབ། །ཇི ་སྟེ་དེ་དང་འདྲེ་བ་ཡི། །གཞན་གྱི་དངོས་ལ་སྒྲུབ་བྱེད་ན། །ཤིན་ཏུ་ཐལ་བར་འགྱུར་བ་སྟེ། །ཡང་དག་དངོས་དེ་འགྲུབ་པ་མེད། །མི་དམིགས་པ་ཡི་གཏན་ཚིགས་ཀྱིས། །དངོས་པོ་དེ་ནི་ངེས་མེད་དེ། །གང་ཕྱིར་དེ་ཡིས་ཡོད ་མི་སྒྲུབ། །འགོག་པ་ཁོ་ན་སྒྲུབ་པར་བྱེད། །མངོན་སུམ་ཉིད་དང་མི་དམིགས་པས། །རྒྱུ་དང་འབྲས་བུ་སྒྲུབ་བྱེད་ཅེས། །གར་སྨྲས་འདིར་ནི་མངོན་སུམ་ལས། །མ་གཏོགས་མི་དམིགས་ཡོད་པ་མིན། །སློབ་དཔོན་རྣམས་ཀྱི ་སྒྲུབ་པ་དེ། །ཐ་སྙད་དུ་ནི་གསུངས་པ་དག་།དེ་ནི་སྒྲུབ་བྱེད་ཁོ་ན་ཞེས། །རྒྱས་པར་རབ་ཏུ་བསྣན་པ་ཡིན། །མཐོང་བའི་མཚན་ཉིད་ཡིན་པ་དག་།མ་མཐོང་བ་ལས་གང་ཡོད་ན། །གང་དུ་སྣང་དེ་རྗེས་འགྲོ་ལས། །གང་དེ་འབྲས་བུ་ཡིན་ནོ་ཞེས། །རྒྱུ་དང ་འབྲས་བུ་ཉིད་བསྒྲུབ་པར། །རྗོད་པ་དེ་ལ་ཐེ་ཚོམ་ནི། །ལྡོག་པ་མ་དེ་གཞན་དག་གི་།རྒྱུ་ལས་ཡིན་པར་དོགས་པའི་ཕྱིར། །དེ་ན་དེ་ཡོད་པས་སམ་ཅི། །འོན་ཏེ་རྒྱང་རིང་གཞན་གྱིས་སམ། །མི་སྣང་འདྲེ་ལ་སོགས་པས་སམ། །ཞེས་ནི་ཐེ་ཙོམ ་འབྱུང་བར་འགྱུར། །ཟླ་བ་ལ་སོགས་རིང་གནས་པ། །རྒྱུར་ནི་ཁས་མི་ལེན་པའང་མེད། །འདྲེ་ལ་སོགས་པ་འབབས་ལ་སོགས། །བྱེད་པ་དག་ཀྱང་མེད་དམ་ཅི། །མ་མཐོང་ཙམ་ལས་འདི་དག་གི་།སྔ་ནས་ཡོད་པ་ཉིད་འགོག་གི་།གཞན་དག ་རྒྱུ་ཉིད་ཡིན་གྲུབ་བ། །དེ་ལ་གང་གིས་བཟློག་པར་བྱེད། །དེ་ན་ཡོད་ན་གང་ཡོད་པར། །འགྱུར་བ་ཉིད་ནི་དེ་དག་ཀྱང། །འདོད་རྒྱས་བར་ཡང་སྲིད་པར་ནི། །དོགས་ཕ་དེ་བཞིན་འབྱུང་བར་འགྱུར། །འདོད་རྒྱས་ཉིད་ནི་མི་བསླུ་བ། །གང་གིས་སྐད ་ཅིག་མང་པོ་ལས། །ལོག་ཏེ་རྟག་པར་ངེས་པ་དང། །ཅུང་ཟད་ཡོད་པ་མ་ཡིན་ནོ། །ལན་ཅིག་མཐོང་བའི་དོན་རྣམས་ཀྱང། གཞན་དུ་སྣང་བ་མ་ཡིན་ཏེ། །གཞན་དུ་མཐོང་ལ་གཞན་དག་ལ། །བརྟགས་པར་རིགས་པ་མ་ཡིན་ནོ། །གཞན་དག ་ཡོད་ལས་གང་ཕྱིར་ཕྱིར། །གང་མི་འབྱུང་བ་དེ་དག་ནི། །དེ་ནི་འབྲས་བུ་ཡིན་ཞེས་སྨྲས། །ལྡོག་པའི་སྒོ་ནས་འབྲས་བུ་དེ། །སྒྲུབ་པ་གང་ཡིན་དེ་ལ་ཡང། །གཞན་དག་མེད་པར་འགྱུར་བས་ན། །དེ་མ་བྱུང་ཞེས་དོགས་པའི་ཕྱིར། །ཐེ་ཚོམ ་དེ་བཞིན་གནས་པ་ཡིན། །གཞན་དག་ནུས་པ་ཡོད་པ་ཡི། །རྒྱུ་ནི་ས་བྱེ་བྲག་ཡོད་པའི་ཕྱིར། །དེ་ནི་གཞན་དག་ལོག་པར་ནི། །དོགས་པ་མེད་ཅེས་འདོད་ན་ཡང། །དེ་ནི་མི་རིགས་རྒྱུ་དེ་ཉིད། །བྱེ་བྲག་ཡོད་པར་ག་ལས་གྲུབ། །གཞན་གྱིས ་ཡང་ནི་རྒྱུ་ཡི་ཞེས། །འདི་ནི་བརྗོད་པར་ཡང་བྱེད་ཅིང། །དེ་དག་ལོག་ཉིད་ཅེ་ན་ཡང། །དེ་ཚེ་དེ་ནི་གནས་པ་མེད། །དེས་ན་མ་ངེས་པ་ཡི་ཕྱིར། །བྱེ་བྲག་གྲུབ་པ་མ་ཡིན་ནོ། །རྒྱུ་འབྲས་ཅི་ཞེས་ཐེ་ཚོམ་ཟ། །མ་གྲུབ་ཅེས་ཏེ་གྲུབ ་བྱ་ཕྱིར། །དེ་དག་ཉིད་ལ་ཀུན་རྟེན་ནས། །གྲུབ་པར་རྟོག་པ་ངོ་མཚར་ཆེ། །དེ་ལྟར་རྗེས་སུ་དཔག་པས་ཀྱང། །རྒྱུ་དང་འབྲས་བུ་གྲུབ་པ་མེད། །སྐྱེ་བ་རྨི་ལམ་སྐྱེ་བཞིན་ཞེས། །དེ་ཡི་ཕྱིར་ན་མཁས་པས་བརྗོད། །རྟག་པའི་ངོ་བོ་བདག་ཉིད་ཀྱང། །མངོན ་སུམ་ཉིད་དུ་རྟོག་པ་མེད། །བདག་སོགས་ཤེས་པ་གང་དུ་ཡང། །ཐ་སྙད་དུ་ཡང་མྱོང་མེད་ཕྱིར། །དེ་ནི་རྟག་ཏུ་མ་བྲལ་ལ། །དེ་ཡོད་ཙམ་ལས་ཤེས་པ་འབྱུང། །དེ་རྟོག་རྣམས་ཀྱི་དུས་རྟག་དུ། །དེ་ཡི་བདག་ཉིད་བཞིན་ཡོད་འགྱུར། ། ་ཕན་པ་དག་ནི་མི་བྱེད་ན། །ཡུལ་དུ་བརྟག་པར་མི་རིགས་ཏེ། །དེ་རྟོག་བྱེད་ནའང་ཉེས་པ་འདིར། །སྔ་མ་བཞིན་དུ་ལྡོག་པ་མེད། །དེ་ཡི་རྣམ་ཤེས་རྗེས་འབྲང་ན། །དེ་དང་འབྲེལ་ཕྱིར་དེ་བདག་བཞིན། །ཤེས་པ་དེ་ཡང་རྟག་ཡོད་འགྱུར། །ཡུལ ་ཉིད་ལ་ནི་ཤེས་པ་དེ། །ཇི་སྟེ་རྟག་ཏུ་མི་འབྲང་སྟེ། །དེ་ལྟ་མིན་ན་དེ་ཤེས་པའི། །ཤེས་བྱའི་ངོ་བོར་འགྱུར་བ་མེད། །དེ་ཡོད་སྒྲུབ་ལ་སྔ་མ་བཞིན། །གཏན་ཚིགས་ཀུན་ནི་ཐམས་ཅད་དུ། །ཉེས་པ་གསུམ་གྱི་སྐྱོན་ཆགས་ཕྱིར། །རྗེས་སུ་དཔག ་པས་ཀྱང་མི་འགྲུབ། །རིམ་འམ་ཅིག་ཅར་འཇུག་པ་ཡི། །སྐྱེད་པ་ཉིད་ནི་མི་སྲིད་ན། །དེས་ན་རྟག་པའི་འབྲས་བུ་ལས། །འདི་ཡོད་ངེས་པ་མ་ཡིན་ནོ། །རྗེས་སུ་འགྲོ་དང་ལྡོག་ཉིད་ཀྱིས། །རྒྱུ་དང་འབྲས་བུ་འགྲུབ་ཡིན་ན། །དེ་ན་མ་བྲལ་ཡོད་ན་ཡང། ། ་ལན་འགའ་རྟག་ཏུ་མེད་པའི་ཕྱིར། །བདག་ལ་སོགས་པ་གང་དུ་ཡང། །འབྲས་བུ་བདེ་སོགས་རྗེས་འགྲོ་མེད། །བདེ་བ་ལ་སོགས་ལོག་པ་ཡང། །རྟག་པ་རྣམས་ལ་མི་སྲིད་དོ། །མི་ཤེས་རྨོངས་པས་བརྟགས་པ་ཡིས། །བདེ་ལ་སོགས་པས ་དེ་སྒྲུབ་ཏུ། །དེ་བས་འབྲས་བུ་མ་གྲུབ་ཕྱིར། །འབྲས་བུ་དག་ལས་དེ་ངེས་མེད། །ཆོས་ཅན་དག་ནི་མ་གྲུབ་ན། །རང་བཞིན་གཏན་ཚིགས་འདིར་མི་སྲིད། །ཡོད་པ་ཉིད་བསྒྲུབ་བྱ་ཡིན་ཕྱིར། །མི་དམིགས་པ་ཡང་རུང་བ་མིན། །དེ་ལྟར་ཡང་ནི་དངོས་པོ་ནི། ། ་ཚད་མ་དག་ལས་གྲུབ་པ་མེད། །ཚད་མ་གཉིས་ལས་མ་གཏོགས་པའི། །ཚད་མ་གཞན་ཡང་ཡོད་པ་མིན། །དོན་ནི་གྲུབ་པར་བྱ་བའི་ཕྱིར། །ཕྱི་རོལ་གཏན་ཚིགས་ཡོད་མིན་ནམ། །འདི་ལྟར་ཐ་མལ་མིག་ལ་སོགས། །སྔོན་པོ་ལ་སོགས་སྣང་བ ་གང། །དེ་ནི་རྒྱུ་གཞན་འདྲ་བ་ལས། །སྐྱེས་སོ་ཞེས་ནི་རྟོག་པར་བྱེད། །ཤེས་པའི་རྣམ་པའི་ངོ་བོའི་ཕྱིར། །ཤེས་པ་བཞིན་དུ་བསླུ་བ་མེད། །སྐྱེ་བ་ཡང་དག་སྒྲུབ་པའི་ཕྱིར། །འདིར་ནི་དཔེ་འགྲུབ་མེད་པ་ཡིན། །ཀུན་རྫོབ་ཏུ་ཡང་མ་འབྲེལ་ཕྱིར། །མ ་ངེས་པ་ཡི་གཏན་ཚིགས་འགྱུར། །རྒྱུ་ཡིས་རང་དང་འདྲ་བ་དག་།འབྲས་བུ་ལ་སྐྱེད་དེས་མེད་དེ། །ཤིང་སོགས་མཚན་ཉིད་མི་མཐུན་པའི། །མེ་ཏོག་ལ་སོགས་སྣ་ཚོགས་སྲིད། །རྒྱུ་གཞན་གྱིས་ནི་ཙམ་བསྒྲུབས་ཀྱང། །ཕྱི་རོལ་དོན་ནི་མི་འགྲུབ་ ་སྟེ། །ཁྱད་པར་དུ་ནི་དེ་དག་གི་།རྗེས་འགྲོ་གང་དཱུང་མ་གྲུབ་པོ། །རྟོགས་པའི་ངོ་བོ་ལས་གཞན་པ། །གཟུང་བའི་རྣམ་པ་སྔོ་ལ་སོགས། །ཡང་དག་མེད་པས་བསྒྲུབ་བྱ་དང། །དཔེ་ཡི་ཆོས་ཅན་ཐ་དད་མེད། །མི་བསླུ་བར་ཡང་ཕྱི་རོལ ་དོན། །ཕྲད་པ་ཇི་སྟེ་འདོད་ན་ནི། །དེ་ཚེ་ཉིད་སྒྲུབ་བྱ་ཡིན་ཕྱིར། །དེ་ཚེ་གཏན་ཚིགས་མ་གྲུབ་ཉིད། །དོན་བྱེད་པ་དག་སྣང་ཙམ་གྱིས། །ངོ་བོ་ཇི་སྟེ་འདོད་ན་ནི། །རྨི་ལམ་དག་ན་དོན་མེད་ཀྱང། །དེ་བཞིན་མཐོང་ཕྱིར་མ་ངེས་འགྱུར། །ལྡོག་པ་ལས ་ཀྱང་ཕྱི་རོལ་དོན། །འགྲུབ་པར་རིགས་པ་མ་ཡིན་ཏེ། །རྗེས་སུ་འགྲོ་བ་མེད་པར་ཡང། །ལྡོག་པ་ནམ་ཡང་འགྲུབ་པ་མེད། །ནུས་པ་བྲལ་མ་ཐག་ཏུ་ཡང། །ལྡོག་པ་ཉིད་དུ་རབ་འགྱུར་བ། །གང་དཱུང་ཤེས་པ་དོན་རྟོགས་པའི། །རྗེས་སུ་འགྲོ་བ ་འགྲུབ་པ་མེད། །གཞན་དག་ནུས་པ་ཡོད་ན་ནི། །ཤེས་པ་ལག་པ་མེད་པ་ཉིད། །གྲུབ་དང་མ་གྲུབ་ཐེ་ཚོམ་ཕྱིར། །འོན་ཀྱང་དོན་ནི་གྲུབ་པ་མེད། །བདག་ནི་ཤེས་འདི་མ་སྐྱེས་པ། །དེ་མ་ཐག་དང་བྲལ་བས་སམ་།འོན ་ཏེ་དོན་དང་བྲལ་བ་ཞེས། །ཐེ་ཚོམ་དག་ཀྱང་འབྱུང་བར་འགྱུར། །རྒྱུ་ལྡན་གཞལ་བྱ་ཉིད་སོགས་ཀྱིས། །ཕྱི་རོལ་དོན་སྒྲུབ་སྐྱོན་ཆགས་པར། །མུ་སྟེགས་རྣམས་ཀྱིས་སྨྲས་པ་གང། །དེ་ནི་ཚུལ་འདིས་རིག་པར་གྱིས། །དེ་ལྟར་ཕྱི་རོལ་དོན ་དག་ནི། །རྗེས་སུ་དཔག་ལས་གྲུབ་པ་མེད། །ཤེས་པ་སྨྲ་པའི་ཤེས་པ་ཡང། །ཡང་དག་པ་ནི་ཡོད་པ་མིན། །ཤེས་པ་གཉིས་སུ་མེད་པ་དེ། །རྟག་ཏུ་དབང་པོ་ལས་འདས་ཕྱིར། །རྟགས་ཀྱི་འདི་ནི་རྣམ་ངེས་པའི། །འབྲེལ་པ་ཡང་ནི་ཡོད་པ་མིན། །གཉིས ་སུ་མེད་པའི་ཆོས་ཅན་ལ། །རང་བཞིན་ཉིད་ནི་བསྒྲུབ་བྱའི་ཕྱིར། །འདི་ལྟར་རང་བཞིན་ཞེས་བྱའི་རྟགས། །འདི་སྒྲུབ་པ་ལ་ཡོད་པ་མིན། །གཉིས་སུ་མེད་པའི་ཤེས་པ་ལ། །རྒྱུ་དང་འབྲས་བུ་མ་གྲུབ་ཕྱིར། །དེས་ན་འབྲས་བུ་ཞེས་བྱ་བའི། །རྟགས་ནི ་གང་ཡང་སྲེད་པ་མེད། །གཉིས་སུ་མེད་ལ་མ་གཏོགས་པར། །འབྲས་བུར་ཁྱེད་འདོད་ཅུང་ཟད་མེད། །དེ་ཉིད་སྒྲུབ་པར་བྱེད་པའི་ཕྱིར། །ཁྱེད་ཀྱི་དེ་ཡང་མ་གྲུབ་པོ། །གཉིས་དེ་གྲུབ་པ་གང་ཡིན་པའང། །འབྲས་བུ་ཡང་དག་ཉིད་མེད་དེ། །དེ་ནི་རྟག་ཏུ ་མ་སྐྱེས་ཕྱིར། །རྟ་ཡི་རྭ་ལ་སོགས་པ་བཞིན། །འགོག་པའི་ཡུལ་ཅན་ཉིད་དུ་ནི། །དེ་ནི་མཁས་པས་བརྗོད་པའི་ཕྱིར། །དེ་ཡོད་སྒྲུབ་པར་བྱེད་པ་ལ། །མི་དམིགས་པ་ཡང་རིགས་པ་མིན། །དགའ་དང་གདུང་པའི་རང་བཞིན་སོགས། །དེ་ནི་གསལ ་བར་ངས་བཟུང་ཕྱིར། །རྣམ་ཤེས་མཚན་ཉིད་ཆོས་ཅན་ནི། །བྱིས་པ་ཡན་ཆད་གྲུབ་མིན་ནམ། །དེ་ལའང་གཉིས་ཀྱི་ངོ་བོ་ནི། །འགལ་ཕྱིར་དེ་ནི་དབེན་པར་དུ། །བསྒྲུབ་བྱ་གྲང་བའི་ངོ་བོ་ཡི། །དྲོ་བ་ཇི་ལྟར་དབེན་པ་བཞིན། །གང་ཡང་གང ་གི་ངོ་བོ་གསལ། །གཟུང་པ་དང་ནི་འཛིན་པ་ཡང། །གཅིག་དང་དུ་མ་བྲལ་ཕྱིར་དང། །དེ་མེད་པར་ཡང་དེ་མེད་ཕྱིར། །དེ་ཕྱིར་ཤེས་པ་གཉིས་མེད་གྲུབ། །ཁྱེད་ཅག་གཉིས་པོ་དབེན་བ་ཙམ། །ཇི་སྟེ་སྒྲུབ་པར་འདོད་ན་ནི། །དེ་ནི་གྲུབ་བ་སྒྲུབ་ཡིན་ཏེ། ་གང་ཕྱིར་བདེན་པ་ཉིད་མི་འདོད། །ཡིན་པས་སྒོ་ནས་ཤེས་པ་ལ། །གཉིས་ཀྱི་རྣམ་པ་དབེན་པ་ཉིད། །སྒྲུབ་ན་འདིར་ཡང་འདོད་པ་དང། །མི་འགལ་ཕྱིར་ན་གྲུབ་པ་སྒྲུབ། །དོན་དམ་ཉིད་དུ་མ་སྐྱེས་པའི། །རྣམ་ཤེས་བདག་ཉིད་ཆོས་ཅན་ལ། །གཉིས ་ཀྱི་རྣམ་པ་དབེན་པ་ཉིད། །འདོད་ན་ཡང་དག་གང་ཞིག་ཡིན། །ཇི་སྟེ་གཉིས་མེད་ངོ་བོ་དང། །དངོས་པོ་ཉིད་དཱུང་རྟོགས་བྱེད་ཅིང། །ཤེས་པ་གཉི་ག་སྒྲུབ་འདོད་ན། །དེ་ལྟར་རྗེས་འགྲོ་འདིར་མི་གྲུབ། །དཔེ་ནི་བསྒྲུབ་བྱས་སྟོང་པ་སྟེ། །ཀུན་ཏུ ་བརྟགས་པ་བརྗོད་པའི་ཕྱིར། །ཡང་དག་པ་ཡི་དངོས་པོ་ཉིད། །དྲོ་བའི་རེག་པ་གྲུབ་པ་མེད། །ཕྱི་རོལ་དོན་གྱི་ངོ་བོ་རུ། །དྲོ་བའི་རེག་པ་འདོད་ན་ཡང། །དེ་ནི་གཉི་གར་མ་གྲུབ་ཅེས། །བརྟག་པ་ཅི་ག་མ་བྱས་སམ། །གྲང་དྲའི་རིག་གཉིས་རྣམ ་ཤེས་ཀྱི། །རྣམ་པའི་ངོ་བོར་འདོད་ན་ནི། །ཤེས་པ་གཅིག་ལའང་སྣང་པའི་ཕྱིར། །ཡང་དག་ཉིད་དུ་འགལ་བ་མེད། །སྒྲུབ་པར་བྱེད་པས་སྟོང་པ་ཡི། །དཔེ་འདི་ཡིན་པ་དེ་ཡི་མངོན། །མ་བརྟགས་པ་ཡི་ངོ་བོ་ལ། དཔེར་བྱེད་ནའང་འདོད་གྲུབ ་མེད། །འོན་ཏེའང་གཉིས་ཀྱི་ངོ་བོ་ཉིད། །བྲལ་བར་བསྒྲུབ་པའི་དོན་གྱིས་ན། །ཤེས་པའི་དངོས་པོ་ཉིད་ཀྱང་ནི། །རབ་ཏུ་གྲུབ་ཅེས་སེམས་ན་ནི། །འབྲེལ་པ་རབ་ཏུ་མ་གྲུབ་པས། །དེ་མི་རིགས་ཏེ་དངོས་པོ་ཡིས། །གཉིས་ཀྱི་རྣམ་པ་དབེན་པ་ལ། ་ཁྱབ?་པ་གང་དཱུང་མ་གྲུབ་པོ། །གང་དང་གང་ན་གཉིས་མེད་པ། །དེ་དང་དེ་ན་དངོས་ཡོད་པར། །འདི་ལ་འབྲེལ་པ་བྱ་བའི་ཕྱིར། །མི་མཐུན་ཕྱོགས་སེལ་ཚད་མ་མེད། །ནམ་མཁའ་ཨི་མེ་ཏོག་ལ་སོགས་དང། །གཉིས་དེ་ཉིད་ཀྱི་མ་དེས་འགྱུར།། ་གནས་པ་མེད་པར་ཐལ་བའི་ཕྱིར། །གཉིས་ལ་གཞན་གཉིས་ཡོད་པ་མིན་།གཉིས་དང་གཉིས་མེད་ངོ་བོ་དག་།ཇི་སྟེ་འགལ་བ་ཡོད་ན་ནི། །གཅིག་ཏུ་གནས་པར་མི་འགྱུར་ཏེ། །གྲང་དང་དྲོ་བ་དེ་གཉིས་བཞིན། །འོན་ཏེ་མ ་རིག་དབང་གིས་ན་།དེ་ལ་གཉིས་ནི་བརྫུན་པ་སྣང། །དེས་ན་འགལ་བ་མེད་ཡིན་ཏེ། །དངོས་པོ་ཉིད་ལ་དེ་བཞག་ཕྱིར། །ཇི་སྟེ་འགལ་བ་མེད་ཉིད་ན། །ཇི་སྟེ་དེར་ནི་འདིར་ལ་གནོད། །འགལ་བ་མེད་པ་ཅན་དག་ལ། །དྲོལ་གྲང་བཞིན་གནོད་མ ་སྲིད། །བདེན་དང་བདེན་མིན་ངོ་བོ་དག་།ཇི་ལྟར་འགལ་བ་ཉིད་མི་འགྱུར། །བརྫུན་པ་ཉིད་དུ་ཇི་ལྟར་སྣང། །བརྫུན་པའི་ངོ་བོ་སྣང་ཡིན་ན། །ཤེས་པ་ཡང་ནི་བརྫུན་པར་འགྱུར། །དེ་ལྟ་མིན་ན་འགལ་བ་དེ། །སྣང་བའི་ངོ་བོར་ཇི་ལྟར་འགྱུར། ། ་བརྫུན་པ་ཡིན་ནའང་གང་དུ་གཉིས། །གནོད་པར་འགྱུར་བའི་ཆོས་ཅན་དུ། །སྤྱི་ཡི་མཚན་ཉིད་གྲུབ་པ་མེད། །དེས་ན་གཏན་ཚིགས་མ་གྲུབ་ཉིད། །གཉིས་ཀྱི་རྣམ་ཤེས་ཁོ་ན་ནི། །དེ་ཉིད་རང་ཉིད་གསལ་བའི་ཕྱིར། །གཉིས་སུ་སྣང་བ་མ་གཏོགས ་པར། །ཆོས་ཅན་ཉིད་ནི་ཡོད་པ་མིན། །གཅིག་དང་དུ་མ་དབེན་པའི་ཕྱིར། །གཟུང་བ་ཇི་ལྟར་སྟོང་པ་ཉིད། །ཤེས་པའང་དེ་ལས་དབྱེར་མེད་པ་།དེ་བཞིན་སྟོང་པ་ཉིད་དུ་གནོད། །ངོ་བོ་ཉིད་ཀྱིས་སྟོང་པ་ཡང། །ཇི་ལྟར་རྣམ་པར་སྣང་བར ་ནི། །འགལ་བ་མེད་པ་དེ་བཞིན་གཞན། །ཤེས་པ་ལ་སོགས་ཇི་ཞིག་འགལ། །རྣམ་པར་ཤེས་ལ་གཉིས་ཡོད་པ། །ཆ་ཤེས་གཉིས་ནི་མི་རིགས་ཕྱིར། །མདོ་སྡེ་པ་ལ་སོགས་པ་ཡིས། །ཡང་དག་ཉིད་དུ་འདོད་པ་མེད། །གཉིས་སུ ་མེད་པའི་རྣམ་ཤེས་ལ། །ཕྱི་རོལ་དོན་ཡང་མི་འགལ་ཕྱིར། །དེས་ན་གཉིས་མེད་ངོ་བོ་ཉིད། །སྒྲུབ་ན་ཅི་ཞིག་བསྒྲུབས་པར་འགྱུར། །ཇི་སྟེ་ཚད་མ་གཞན་དག་གིས། །ཕྱི་རོལ་གནོད་པར་བརྗོད་ན་ནི། །རྣམ་པར་ཤེས་པའང་དེ་བཞིན ་དུ། །རབ་ཏུ་གནོད་པར་ཅི་མི་འདོད། །གཅིག་དང་དུ་མ་བྲལ་བའི་ཕྱིར། །དོན་ནི་སྣ་ཚོགས་ངོ་བོ་དག་།ཇི་ལྟར་ཡང་དག་མི་རིགས་པ། །དེ་བཞིན་རྣམ་ཤེས་ཀྱང་འདོད་ཀྱིས། །དེ་བས་ཚད་མས་གྲུབ་པ་ཡིས། །དོན་དམ་དངོས་པོ་ཡོད་པ ་མིན། །དེས་ན་རྟོག་དང་ལྡན་རྣམས་ཀྱིས། །ཡོད་པའི་ཐ་སྙད་འདིར་མི་རིགས། །གནོད་པར་བྱེད་པའང་ཡོད་པའི་ཕྱིར། །འདི་ལ་ཀུན་ཏུ་ཐེ་ཚོམ་ཡོད། །དངོས་པོར་མེད་པ་སྨྲ་བར་ཡང། །ཚད་མ་མེད་པར་མི་རིགས་སོ། །འདི་ལྟར་དངོས ་པོ་ཀུན་དབེན་པ་།མངོན་སུམ་དག་གིས་རྟོགས་པ་མེད། །དེ་ཡི་སྟོབས་ཀྱིས་འབྱུང་བའི་ཕྱིར་།དོན་དེ་དངོས་པོ་ཉིད་ལ་ཡིན། །གཞན་ཡང་གཞན་གྱིས་དབེན་པ་ཡི། །ཕྱོགས་ལ་སོགས་པ་འཛིན་ན་ནི། །དེ་ལས་གཞན་པས་དབེན་པ་ཉིད། །མངོན ་སུམ་དག་གིས་རྟོགས་པ་ཡིན། །དངོས་པོ་གང་ཞིག་རྣམ་བརྟགས་ན། །དངོས་པོ་ཀུན་གྱི་དབེན་པ་ཉིད། །མངོན་སུམ་ཉིད་དུ་རྟོགས་འགྱུར་བ་།དངོས་པོ་མེད་པར་སྨྲ་བ་ལའང། །ཐམས་ཅད་ནང་དུ་དེ་འདུས་ཕྱིར། །ཆོས་རྣམས་ཀུན་གྱི་དངོས ་པོ་ཡིས་།དབེན་པ་ཅི་ཡང་ཡོད་པ་མིན། །དེ་ལྟ་མ་ཡིན་དམ་བཅས་ཉམས་།ཐམས་ཅད་དངོས་པོ་མེད་ཡིན་ན། །བསྒྲུབ་བྱ་དཔེ་ཡི་ཆོས་ཅན་དང། །གཏན་ཚིགས་ལ་སོགས་མ་གྲུབ་ཕྱིར། །རྗེས་སུ་དཔག་པས་རིག་པ་མེད། །གཞན ་ཡང་རང་བཞིན་འབྲས་བུ་ཡི། །གཏན་ཚིགས་གཉིས་ཀྱིས་དེ་མི་སྒྲུབ། དེ་གཉིས་དངོས་པོ་ཉིད་སྒྲུབ་སྟེ། །དངོས་པོ་མེད་པར་འགལ་བ་ཉིད། །མ་སྐྱེས་ངོ་བོའི་ཆོས་ཡིན་ན། །དེ་ཡི་གཏན་ཚིགས་གང་འགྱུར་བ་།འབྲས་བུ་དང་ནི་རང་བཞིན ་དག་།གང་ཡང་ཡོད་པ་མ་ཡིན་ནོ། །ཡུལ་དང་དུས་སོགས་བྱེ་བྲག་གིས། །སྔོ་དང་བདེ་སོགས་ངོ་བོ་བཞིན་དངོས་པོ་རྣམས་ནི་དམིགས་པའི་ཕྱིར། །མི་དམིགས་པ་ཡང་གྲུབ་པ་མེད། །གཞན་ཡང་གཞན་གྱིས་དབེན་པའི་དོན། །མངོན ་སུམ་རྟོགས་པ་ཡོད་ན་ནི། །དེ་ལ་གཞན་དོན་དབེན་པ་ཡི། །ཐ་སྙད་བསྒྲུབ་པ་རབ་ཏུ་བྱེད། །རང་བཞིན་མི་དམིགས་པ་དག་གིས། །ཐམས་ཅད་དབེན་པར་མི་འགྱུར་ཏེ། །དེས་ན་བདག་ཉིད་མི་དམིགས་པས། །རེ་ཞིག་དེ་ནི་སྒྲུབ་མི ་བྱེད། །ཁྱབ་བྱ་ཁྱད་པར་བྱེད་པ་ཡི། །དངོས་པོ་ལ་སོགས་གྲུབ་ཡིན་ན། །ཁྱབ་བྱ་ལ་སོགས་དགག་པ་ལ། །ཁྱབ་བྱེད་མི་དམིགས་ལ་སོགས་སྦྱོར། །ཆོས་རྣམས་ཀུན་གྱི་རང་བཞིན་ནི། །ཁྱབ་པར་བྱ་ལ་སོགས་གྲུབ་པར། །འགའ་དང་ལྷན་ཅིག ་ཅི་སྟེ་ངེས། །དེ་ཚེ་དངོས་པོར་བཅས་པ་ཡིན། །ཆོས་རྣམས་མ་ལུས་དངོས་མེད་པར། །སྒྲུབ་ན་དཔེ་ནི་ཡོད་པ་མིན། །ཉི་ཚེ་བ་དག་རབ་བསྒྲུབ་ན། །མི་འདོད་པར་ནི་འགྱུར་བ་མེད། །དངོས་པོ་མེད་པ་བསྒྲུབ་པ་ལ། །དངོས་པོའི་ཆོས་ཀྱི་གཏན་ཚིགས ་འགལ། །མེད་པའི་ཆོས་ཀྱང་འབྲེལ་པ་མེད། །གཉིས་ལ་བརྟེན་པ་འཁྲུལ་པར་འགྱུར། །ཆོས་རྣམས་ཐམས་ཅད་བདག་མེད་པ། །སྐྱེས་བུ་ཀུན་གྱི་མངོན་སུམ་གྱིས། །རྟོགས་པ་མེད་ཅེས་བྱ་བ་འདིར། །ཁྱོད་ལ་མཚན་མ་ཅི་ཞིག་ཡོད། །དེ་ནི ་དགག་པར་བྱ་བ་ལ། །རང་གི་དམིགས་པ་ལོག་པ་ཡང། །མ་ངེས་ཕྱིར་ན་ཐམས་ཅད་ཀྱི། །དམིགས་པ་ལོག་པར་ངེས་པ་མེད། །རབ་རིབ་ཅན་བཞིན་གཟུགས་ལ་སོགས། །བརྫུན་པ་རྣམས་ནི་མཐོང་བའི་ཕྱིར། །ཡང་དག་པ་ཡི་དངོས་པོའི ་དོན། །མངོན་སུམ་འགའ་ཡང་གྲུབ་པ་མེད། །ཡང་དག་དོན་བསྒོམས་རབ་མཛའ་ལས། །བྱུང་བའི་ཡེ་ཤེས་ཡང་དག་པའི། །དོན་གྱི་ཡུལ་ཅན་ཡིན་འདོད་ཀྱི། །དམིགས་པའི་སྟོབས་ཀྱིས་བྱུང་བ་མིན། །དེ་དག་ཁོ་ན་དོན་དམ་པ། །མཐོང ་པ་གང་ཡིན་མཐོང་མེད་ཡིན། །འགྲོ་བའི་ཆོས་རྣམས་ཤེས་རབ་ཀྱི། །ཐམས་ཅད་ཇི་བཞིན་མཐོང་བ་མིན། །ཆོས་ཀུན་སྣང་མེད་གང་ཡིན་དེ། །འཇིག་རྟེན་འདས་པའི་འདས་པ་ཡི། །ཡེ་ཤེས་དེ་ཉིད་ཆོས་རྣམས་ལ། །མཐོང་བ་མེད་པར་ཉེ་བར ་བརྗོད། །ཆོས་རྣམས་མ་ལུས་ཇི་བཞིན་དུ། །བསྒོམས་པའི་སྟོབས་ཀྱིས་བྱུང་བའི་ཕྱིར། །དངོས་པོ་མེད་པ་མ་ཡིན་ཡང། །དེ་ནི་འཁྲུལ་པ་གང་ཡང་མེད། །རྣལ་འབྱོར་དེ་ཡི་རྟོགས་དེ་ནི། །སོ་སོར་རང་རིག་བསམ་མི་ཁྱབ། །དེ་ནི་ཀུན་ཏུ་གསལ་བྱ་བར། །ནུས ་པ་དག་ལ་ཡོད་པ་མིན། །འཁྲུལ་པ་གང་ཡིན་འཁྲུལ་ཉིད་དུ། །ཇི་ལྟ་བ་བཞིན་དུ་དེ་ཀུན་རྟོགས། །དེ་ཡང་དེས་ན་འདི་དག་ལ། །མ་འཁྲུལ་པ་ཡིས་བརྗོད་པ་ཡིན། །ཡང་དག་པ་ལས་ལྡོག་མེད་དོ། །དངོས་རྣམས་ཡང་དག་མེད་ཡིན་ཡང།། ་རང་གི་ཚོགས་ལས་རྣལ་འབྱོར་པའི། །ཞེས་པ་གྱུར་ཞེས་སྔར་བསྒྲུབས་ཟིན། །དངོས་པོ་མེད་པར་སྨྲ་བ་ཡིས། །སྒྱུ་མ་དང་ནི་རྨི་ལམ་མཚུངས། །དངོས་པོ་རྣམས་ལ་རྗོད་བྱེད་ཀྱི། །རི་བོང་རྭ་དང་འདྲ་བར་མིན། །ལས་དང་ཉོན་མོངས་དབང ་གིས་ན། །དེ་ལྟར་སྲིད་པའི་འཁོར་ལོ་འབྱུང། །རང་གི་ཚོགས་ལས་རྣལ་འབྱོར་པའི། །ཤེས་པའི་འཁོར་ལོ་དེ་བཞིན་འབྱུང། །དེ་ནི་སྟེའུ་དང་ཙན་དན་མཉམ། །ཤེས་རབ་ཐུགས་རྗེ་དྲི་མ་མེད། །ཆོས་ཀུན་ཕྱིན་ཅི་མ་ལོག་པར་།མཁས་པ ་རྣམས་ནི་བཞུགས་པ་ཡིན། །དེ་དག་ཁོ་ནས་ཡང་དག་པ། །མངོན་སུམ་རྟོགས་ཀྱིས་གཞན་དག་ནི། །ལུང་དང་རིགས་པའི་རྗེས་འབྲངས་ནས། །རིགས་པའི་ལམ་ལ་མཁས་བ་ཡིན། །ཁ་ཅིག་དུ་ནི་དངོས་པོ་འགའ་། །དོན་གཞན་གྱིས་ནི ་དབེན་པ་དག་།འཛིན་པ་ཡོད་ན་སྟོང་པ་ཉིད། །མངོན་སུམ་རྟོགས་པ་གང་ཡིན་པ། །དངོས་པོ་རྣམས་ཀྱི་གཅིག་ལ་གཅིག་།སྟོང་པ་ཉིད་དེ་ཡོད་པར་འདོད། །ཆོས་རྣམས་དེ་ཡིས་སྟོང་པ་ཅན། །མཚན་ཉིད་སྟོང་པ་ཉིད་མ་ཡིན། །རང་དང་སྤྱི ་ཡི་མཚན་ཉིད་དུ། །ཇི་ལྟར་བཞག་པ་དེ་དག་ནི། །ཡང་དག་ཡོད་པ་མ་ཡིན་པས། །དེས་ན་ཆོས་ཀུན་དངོས་མེད་འདོད། །གཅིག་ལ་གཅིག་གི་སྟོང་པ་ཉིད། །བརྟགས་པ་ཡིན་གྱི་ཡང་དག་མིན། སྒྱུ་མ་ལ་སོགས་མཚུངས་པ་ལ། །གཞན ་གྱིས་དབེན་པ་ཡང་དག་མེད། རྨི་ལམ་བཞིན་དུ་དངོས་པོ་ཀུན། །ཕན་ཚུན་དབེན་པ་བཞིན་དུ་སྣང། །དེ་ཡི་དབང་གིས་འདི་དག་གི་།གཅིག་ལ་གཅིག་གི་སྟོང་པ་ཉིད། །བརྟགས་ཡིན་དེའི་ཕྱིར་རང་བྱུང་གིས། །ཐ་ཆད ་སྤང་བ་ཁོ་ནར་གསུང། །དེ་བས་དེ་ལ་བརྟན་ནས་ནི། །སུན་འབྱིན་པ་ནི་རིགས་པ་མིན། །མཚན་ཉིད་སྟོང་ཉིད་གང་ཡིན་པ། །དེ་ནི་ཆོས་ལ་བརྟགས་པ་མིན། །རྣལ་འབྱོར་པ་ཡེ་ཤེས་པ་ཡིས། །དེ་ཡང་ཇི་ལྟར་བསྟན་བཞིན་རྟོགས། །གོམས ་པར་བྱས་ན་བརྫུན་པ་ཡང། །ཤིན་ཏུ་གསལ་བར་སྣང་བ་ཡིན། །དེ་བས་ཡང་དག་བསྒོམ་བྱས་ན། །རྣམ་པར་གསལ་བའི་ཡེ་ཤེས་འབྱུང། །གསལ་ཞིང་མི་བསླུ་ལ་སོགས་པའི། །རྣལ་འབྱོར་ཡེ་ཤེས་གང་ཡིན་པ། །དེ་ནི་མངོན་སུམ་མཚན ་ཉིད་གྲུབ། །དེར་གྱུར་དེ་ཕྱིར་ཚད་མ་ཡིན། །ཚད་མ་ལྡན་པའི་ཡུལ་ཉིད་ཀྱིས། །མི་བསླུ་ལ་སོགས་ཕྱི་ནས་འཆད། །དེས་ན་བློ་དང་ལྡན་པ་ཡི། །རྣལ་འབྱོར་ཤེས་པ་སྤང་མི་རིགས། །ཇི་སྟེ་ཡང་དག་ཉིད་བརྟེན་ནས། །ཆོས་ཅན་ལ་སོགས ་མ་གྲུབ་པར། །གླེང་བར་བྱེད་ན་དེ་ཡི་ཚེ། །མི་འདོད་གྱུར་པ་མེད་བསྟན་ཟིན། །དེ་ལྟར་དོན་དམ་ཉིད་དུ་ན། །ཁྱོད་ཀྱི་སུན་འབྱིན་པ་དག་ཀྱང། །གནས་ཐོད་པ་ནི་དེར་མེད་དེ། །མཁའ་ལ་དབྱུ་གུས་རྡེག་པ་བཞིན། དེ་ལྟ་ཡིན་ཡང་ཐ་སྙད་དུ། ། ་སུན་འབྱིན་ལ་སོགས་རབ་གྲུབ་ཕྱིར། །ཁྱེད་ཀྱི་སུན་འབྱིན་སྨྲས་པ་དང། །དེ་བཞིན་ངེས་ཀྱི་ཚད་མ་སོགས། །མཁས་པས་ཇི་ལྟར་བསྟན་པ་བཞིན། །ཐ་སྙད་ཁོ་ནར་དེ་དག་བསྟན། །གཟུང་དང་འཛིན་པ་རིག་པ་དག་།མེད་ཀྱང་ཇི་ལྟར ་སྣང་འདི་ལ། །དཔག་པར་བྱ་དང་དཔོག་པ་ཡི། །འབྲས་བུ་གནས་པར་བྱེད་པ་ཡིན། །དེ་ལྟ་མིན་ན་དངོས་གཅིག་ལ། །སྣ་ཚོགས་ངོ་བོ་སྣང་བ་ཡི། །རྣམ་པར་ཇི་ལྟར་བདེན་འགྱུར་ཏེ། །གཅིག་པ་ཉིད་དེ་ཉམས་པར་འོང། །ཆོས་དང ་ཆོས་ཅན་རྣམ་བཞག་དང། །ཐ་དད་ཐ་དད་མིན་ཅི་འདྲ། །ཡང་དག་ཉིད་དོན་མ་བརྟགས་ཀྱི། །འཇིག་རྟེན་ཇི་ལྟར་གྲགས་པ་ལ། །དེ་བཞིན་དེ་ལ་བརྟེན་ནས་ནི། །བསྒྲུབ་བྱ་སྒྲུབ་བྱེད་རབ་གནས་པ། །དོན་དམ་ཉིད་ལ་འཇུག་བྱ་ཕྱིར། །མཁས་པར་བརྟགས ་པ་ཡིན་ཞེའོ། །འོན་ཀྱང་ཇི་སྟེ་དོན་དམ་པར། །ཚད་མ་ལ་སོགས་མེད་ན་ནི། །ཐ་སྙད་དུ་ཡང་དེའི་འཇུག་པ། །འཇིག་པ་མིན་ཞེས་ཁྱེད་སེམས་ན། །བློ་དེ་ངན་ཏེ་གང་དག་གིས། །དེ་ལྡོག་པ་ན་འདི་ལྡོག་པ། །ཡང་དག་ངོ་བོ་ཐ་སྙད་ལ། །ཁྱབ་པར་ངེས ་པ་མ་ཡིན་ནོ། །རྨི་ལམ་ལ་སོགས་དེ་བཞིན་དུ། །བརྫུན་པ་ཡིན་ཡང་འདི་དག་སྣང། །སྤྲུལ་པ་ཉིད་ཀྱིས་འགོག་ལ་སོགས། །ཇི་ལྟ་བ་བཞིན་འདོད་པ་ཡིན། །ཇི་སྟེ་ཆོས་ལ་སོགས་པ་ལ། །དོན་དམ་གྲགས་པའི་ཡིན་ན་ནི། །དེ་ཚེ་འདི་ལ་ཅི་ཕྱིར་རྩོད། ། ་གཏན་ཚིགས་རྣམས་ཀྱིས་བསྒྲུབ་ཅི་དགོས། །ཇི་སྟེང་ང་ལ་གཏན་ཚིགས་དང། །ཆོས་ཅན་ལ་སོགས་མ་གྲུབ་ན། །ཁྱེད་ཀྱིས་གང་གི་སྒྲུབ་པ་སྨོས། །དེ་འགྲུབ་འདོད་པའི་རྗེས་འབྲང་མིན། །ཇི་ལྟར་ཆོས་ཅན་མ་གྲུབ་པར། །འགྱུར་བ་ངེད་ལ་ཁྱེད་བྱེད ་པ། །དེ་བཞིན་དེང་ཀྱང་ཁྱེད་ཅག་གི་།དངོས་པོ་མ་གྲུབ་སྒྲུབ་པར་བྱེད། །ཚད་མས་གྲུབ་པའི་ཡིན་ན་ནི། །ཡོད་པར་ཁས་བླང་རུང་བར་འདོད། །དཔྱོད་པ་འཇུག་པའི་སྔ་རོལ་ཏུ། །གྲུབ་པའི་མཛའ་ནི་གང་ཡང་མེད། །དེ་བས་དཔྱོད་པའི་དུས་ན་ནི། ་གྲུབ་མཛའ་རྟེན་ནི་འགའ་མེད་ན། །དེ་ཡི་སྒོ་ནས་ཆོས་ཅན་སོགས། །མ་གྲུབ་རྩོད་པར་སུ་ཞིག་བྱེད། །རང་ལ་གྲུབ་མཛའ་རྣམ་ངེས་ནས། །གཞན་དག་རྟོགས་པར་བྱ་བའི་ཕྱིར། །འཇུག་པ་མིན་ནམ་དེ་བས་ན། །གྲུབ་མཛའ་ཁས་ལེན་སྔ་ནས ་གནས། །རྒོལ་བ་རང་ལ་རྣམ་ངེས་བཞིན། །གཞན་གྱིས་ངེས་པ་བསྐྱིད་འདོད་པས། །དེ་ཚེ་གཏན་ཚིགས་དཔེ་དག་ནི། །རབ་ཏུ་སྦྱོར་བ་མ་ཡིན་ནམ། །རང་ལ་དེ་ངེས་བྱེད་པ་ན། །གྲུབ་མཛའ་ཁས་ལེན་སྔར་མ་ཡིན། །དེ་བཞིན་གཞན་རྟོག་དེ ་བྱེད་པ། །ལུང་ལ་ཇི་ལྟར་བརྟེན་པར་འགྱུར། །ཐ་སྙད་དུ་ཡང་ཆོས་ཅན་སོགས། །འགའ་ཡང་གང་ལ་མ་གྲུབ་པ། །དེ་ཚེ་ཆོས་ཅན་མ་གྲུབ་སོགས། །རྩོད་པར་སྦྱོར་བ་རིགས་པ་ཡིན། །མི་འཁྲུལ་བ་ཡི་གཏན་ཚིགས ་ཀྱིས། །བསྒྲུབ་པར་བྱ་བའི་དོན་གྲུབ་ཀྱང། །གྲུབ་མཛའ་ཁས་བླང་དགོས་ཕྱིར་རོ། །མི་འགྲུབ་ཅེས་པ་གཞུང་རེ་ཆེ། དེ་བས་གྲུབ་མཛའ་ལས་གྲུབ་པའི་།ཆོས་ཅན་ལ་བརྟེན་མཁས་མི་བྱེད། །དེ་ལྟ་བུ་ཡི་རྣམ་པ་ནི། །ཀུན་ལ་ཕན་ཚུན་མ་གྲུབ ་ཕྱིར། །གཞི་མ་གྲུབ་པའི་གཏན་ཚིགས་དང། །དེ་བཞིན་བསྒྲུབ་བྱ་རྗེས་འགྲོ་མེད། །རྒོལ་བ་དེ་དང་སླར་རྒོལ་བ། །གཉི་ག་ལ་ཡང་འབྱུང་བར་འགྱུར། །སྒྲ་སོགས་ཆོས་ཅན་བདེ་གཤེགས་པས། །འབྱུང་བ་ལས་གྱུར་ལ་སོགས་པར། ཇི ་ལྟར་འདོད་པ་དེ་བཞིན་དུ། །གྲངས་ཅན་གཞན་སོགས་དེ་འདོད་མེད། །དེ་བས་གཞུང་ལུགས་ཀྱིས་བསྐྱེད་པའི། །བྱེ་བྲག་ཆོས་ཅན་རྣམ་གསལ་ནས། །གནག་རྫི་ཡན་ཆད་གྲགས་པ་ལ། །བརྟེན་ནས་ཚད་མ་ལ་སོགས་པ། །ཡང་དག་རྟོགས ་པར་འདོད་པ་ཡི། །མཁས་པ་ཀུན་གྱིས་དེ་སྐད་བརྗོད། །དེ་བཞིན་བདག་གི་གཟུགས་སྒྲ་དང། །རོལ་སོགས་པ་གྲགས་པ་ལ། །ཇི་ལྟར་འཇིག་རྟེན་གྲགས་པ་ཡི། །རྟོགས་པར་བྱེད་པའི་གཏན་ཚིགས་ཀྱིས། །དོན་དམ་པ་ལ་འཇུག ་པ་ཕྱིར། །ཡང་དག་བསམ་པ་རྒྱས་པར་བྱེད། །དེས་ན་གྲུབ་མཛའ་ལས་གྲུབ་པའི། ཆོས་ཅན་དག་ལ་བརྟེན་ནས་ནི། །གཞི་མ་གྲུབ་པ་ལ་སོགས་པར། །རྒོལ་བ་གང་ཡིན་དེ་འབྲེལ་མེད། །གཞན་ཡང་དངོས་པོར་ངོ་བོ་ཉིད། །ཡིན་པའི ་སྒོ་ནས་གང་དུ་བསྒྲུབ། དེ་ལ་ཆོས་ཅན་དངོས་པོ་ཡི། །ངོ་བོ་ཡིན་ཞེས་བརྩལ་བའི་རིགས། །དེ་མ་གྲུབ་ན་བསྒྲུབ་བྱ་བ། །རབ་ཏུ་གྲུབ་པའི་བགེགས་བྱེད་ཕྱིར། །གཞི་མ་གྲུབ་པ་ལ་སོགས་པའི། །སྐྱོན་ཡང་དེར་ནི་བརྗོད་པར་བྱེད། །རྟག་པ ་ཕྱིར་རོ། །དེས་ན་གང་ལ་ལ་དག་ན་རེ་ཁྱབ་པར་བྱ་བ་དང་ཁྱབ་པར་བྱེད་པའི་དངོས་པོའང་ལ་མ་གྲུབ་པའི་ཕྱིར་གཏན་ཚིགས་མ་གྲུབ་པ་ཡིན་ནོ། །དེ་བཞིན་དུ་ཆོས་ཅན་གང་ཁོ་ན་ལ་ཁྱབ་པར་བྱེད་པ་དང། ཁྱབ་པར་བྱ་བའི་དངོས་པོ་གྲུབ་པ་ཁོ་ན་ལ་ཁྱབ་པར ་བྱེད་པ་ལོག་པས་ཁྱབ་པར་བྱ་བ་ལྡོག་པ་མ་གྲུབ་པོ་ཞེས་ཟེར་བ་དེ་དག་ཐམས་ཅད་ལ་ལན་བདབ་པ་ཁོ་ན་ཡིན་ནོ། །འདི་ལྟར་ཁྱབ་པར་བྱ་བ་དང་ཁྱབ་པར་བྱེད་པའི་དངོས་པོ་ལ་སོགས་པ་ཐམས་ཅད་ནི་ཀུན་རྫོབ་ཀྱི་བདེན་པ་ལ་བརྟེན་ནས་ཕྱིར་བཞག་གོ ་ཞེས་སྔར་བསྟན་ཟིན་ཏོ། །ཁྱབ་པར་བྱེད་པ་ཉེ་ན་གདོན་མི་ཟ་བར་ཁྱབ་པར་བྱ་བ་བྱེ་བྲག་རྟོགས་པ་ཡང་མ་ཡིན་ནོ་ཞེས་དེ་ཡང་སྔར་བསྟན་པ་ཉིད་དོ། །དེའི་ཕྱིར་ཐ་སྙད་ཀྱི་སྒོ་ནས་གཅིག་དང་དུ་མའི་ངོ་བོ་དག་གིས་ངོ་བོ་ཉིད་དང་བཅས་པ་ཙམ་ལ་ཁྱབ ་མོད་ཀྱི། འོན་ཀྱང་དེ་ལས་དོན་དམ་པའི་ངོ་བོ་ཉིད་དུ་ངེས་པ་ནི་མ་ཡིན་ཏེ། བུམ་པ་ལ་སོགས་པ་གཅིག་དང་དུ་མའི་རང་བཞིན་ཅན་ཀུན་རྫོབ་པ་ཡང་སྣང་བའི་ཕྱིར་རོ། །ཁྱད་པར་དུ་ན་ཁྱབ་པར་བྱེད་པ་དང། ཁྱབ་པར་བྱ་བའི་དངོས་པོ་འགྲུབ་པ་ནི ་ཐ་སྙད་པའི་ཆོས་ཅན་ལ་བརྟེན་པ་ཡིན་ལ། ཁྱབ་པར་བྱེད་པ་ལྡོག་པ་ནི་དོན་དམ་པ་ལ་བརྟེན་པའི་རྩོད་པའི་གཞིར་གྱུར་པའི་ཆོས་ཅན་ཐམས་ཅད་ལ་སྤྱིར་སྒྲུབ་པའི་ཕྱིར་འདི་གཉིས་ཆོས་ཅན་གཅིག་ལ་བརྟེན་པ་ཉིད་ལྟ་ག་ལ་ཡིན། ཆོས ་ཅན་གཅིག་ལ་བརྟེན་པ་ཉིད་ཡིན་དུ་ཆུག་ན་ཡང། འོན་ཀྱང་བལྟོས་པས་ཐ་དད་པའི་ཕྱིར་ཉེས་པ་མེད་པ་ཁོ་ན་སྟེ། འདི་ལྟར་ཁྱབ་པར་བྱེད་པ་དང་ཁྱབ་པར་བྱ་བའི་དངོས་པོ་གྲུབ་པ་ནི་ཐ་སྙད་ཀྱི་བདེན་པ་ལ་བརྟེན་པ་ཡིན་ལ། ཁྱབ ་པར་བྱེད་པ་ལྡོག་པ་ནི་དོན་དམ་པའི་བདེན་པ་ལ་བརྟེན་པ་ཡིན་པས་འགལ་རེ་སྐན། གང་ཡང་སྒྲུབ་པར་བྱ་བ་དང་སྒྲུབ་པ་དག་ཅི་མེད་པར་དགག་པའི་ངོ་བོ་ཞིག་ཡིན་ནམ། འོན་ཏེ་མ་ཡིན་པའི་ངོ་བོ་ཡིན། ཕྱོགས་དང་པོ་ལྟར་ཡིན་ན་ནི་དེ ་སྒྲུབ་པ་ཉིད་ཡིན་པས། །ཇི་སྟེ་དེ་འདིར་མི་འབྱུང་ན། །ཚད་མ་མེད་ན་དེ་ཡི་ཚེ། །མེད་པའི་ཐ་སྙད་འདིར་མི་འགྱུར། །ཐལ་བའང་ཚད་མ་ཡིན་ན་ནི། །འདི་ལ་དེ་སྐྱོན་ཅིང་མི་འབྱུང། །རང་དགའ་ཨི་དབང་གིས་ཡུལ་རྟག་ཏུ། །རིགས ་པར་ལྡན་པ་མ་ཡིན་ནོ། །འོན་ཏེ་ཡང་ནི་དེ་ལ་བཞི། །བློ་ཡོད་པ་ཉིད་ཆོས་ཅན་ཡིན། །ཕྱི་དང་གཙོ་བོ་ལ་སོགས་པས། །དེ་ལ་བསྐྱེད་བྱ་ཉིད་འགོག་ན། །དེ་ལྟར་ཡིན་ན་དེ་དག་པ་ཕྱིར། །ནུས་པ་སྟོང་པ་ཉིད་དང་ནི། །གཅིག་དང་དུ་མ་བྲལ་ལ་སོགས།། ་དེ་ལྟ་ཇི་ལྟར་རི་ཚད་མ་འགྲུབ། །གཏན་ཚིགས་རང་ཉིད་མ་གྲུབ་པར། །དེ་ལ་བསྒྲུབ་བྱ་སྒྲུབ་མི་བྱེད། །གྲུབ་ནའང་དེ་བཞིན་བློ་ཉིད་ཀྱང། །རང་བཞིན་མེད་པར་ཅི་མི་འགྱུར། །སོ་སོར་བརྟགས་པའི་འགོག་ལ་སོགས། །ཇི་སྟེ་བྱེད་རྒྱུར་ཀུན་བརྟགས་པ། །དེ ་དགག་པ་ལ་ཇི་ལྟར་བློ། །ཆོས་ཅན་ཉིད་དུ་བརྟག་པར་བྱ། །ཕྱི་དང་གཙོ་བོ་ལ་སོགས་པས། །དེ་ལ་བསྐྱེད་བྱ་ཉིད་བཀག་ཀྱང། །ཕྱི་རོལ་ལ་སོགས་སྟོང་པ་ཉིད། །ཇི་ལྟར་གཅིག་ཏུ་འགྲུབ་པར་འགྱུར། །འོན་ཏེ་ཐོག་མ་མེད་པ་ཡི། །རང་གི་ས ་བོན་ལས་བྱུང་བ། །རྣམ་རྟོག་མཐར་གཏུགས་བློ་ལ་ཡོད། །ཆོས་ཅན་ལ་བརྟེན་གཙོ་སོགས་འགོག་།ཕྱི་རོལ་བཞིན་དུ་ཕྱི་རོལ་སོགས། །ཐ་དད་མེད་བཞིན་དེ་ལ་རྟོག་།གཅིག་དང་དུ་མ་དབེན་པ་དང། །ནུས་པ་མེད་པ་བཞིན་དུ་མཐོང། །ཤིན་ཏུ ་དངོས་མེད་དེ་གྲུབ་ན། །ཕྱི་རོལ་ལ་སོགས་སྟོང་ཉིད་འགྲུབ། །བསྒྲུབ་པར་བྱ་དང་སྒྲུབ་བྱེད་པ། །གཞི་གཅིག་པ་ཡང་ཡོད་པ་ཡིན། །ཕྱི་རོལ་ལ་སོགས་ཀུན་བརྟགས་པའི། །རང་བཞིན་དེ་ནི་རབ་ཏུ་འགོག་།དེ་ཉིད་དགག་པར་བྱ་བའི་ཕྱིར། །སྒྲུབ་པ་ལ ་སོགས་བྱེད་པ་མིན། །རྗེས་སུ་དཔག་པ་ལ་སོགས་པའི། །ཐ་སྙད་ཐམས་ཅད་དེར་བརྟེན་ཏེ། །དོན་དམ་ཉིད་ལ་འཇུག་བྱ་ཕྱིར། །རིགས་པ་སྨྲ་བ་རྣམས་ཀྱིས་བྱས། །ཇི་སྟེ་བརྫུན་པ་ཀུན་བརྟགས་པའོ། །ཆོས་ཅན་ལ་ཡང་ཐ་སྙད་འདི། །འདོད་ན་ཅི་ཕྱིར ་རྡུལ་དུ་དུ་མའང་མིན་ཞེས་བྱ་བ་དང། དེ་བཞིན་དུ། དངོས་རྣམས་གང་དུ་རྣམས་དཔྱད་ན། །དེ་ཡི་ངོ་བོར་ཡང་དག་མེད། །གང་གི་ཕྱིར་ན་དེ་དག་ལ། །གཅིག་དང་དུ་མའི་ངོ་བོ་མེད། །ཅེས་བྱ་བ་ལ་སོགས་པས་ཕྱིའི་དོན་ལ་སོགས་པ་ཀུན་བརྟགས ་པ་འགོག་པ་དེ་ལ་ཡང་ཀླན་ཀ་འདི་ཅི་སྟེ་འབྱུང་བར་མི་འགྱུར། གལ་ཏེ་ཡང་ངོ་བོ་ཉིད་མེད་པ་ལ་གོ་བར་བྱེད་པ་ཉིད་མེད་ན་དེའི་ཚེ་རྟའི་རྭ་གོ་བར་བྱེད་པ་མ་ཡིན་པ་ཉིད་ཀྱང་ཅི་སྟེ་ཉེ་བར་དགོད། ཁྱོད་ཀྱི་ཉེ་བར་བརྗོད་པ་ཐམས་ཅད་དང་བྲལ ་བའི་མཚན་ཉིད་གང་ཡིན་པ་དེ་ནི་ཅུང་ཟད་ཀྱང་གོ་བར་མི་བྱེད་ཅེས་བྱ་བ་ལ་སོགས་པའི་སྦྱོར་བ་དེ་ཉིད་ལ་ཡང་བསྒྲུབ་པར་བྱ་བ་དང། སྒྲུབ་པར་བྱེད་པ་དགག་པའི་ངོ་བོ་དག་ཇི་ལྟར་གོ་བར་བྱ་བ་དང། གོ་བར་བྱེད་པའི་དངོས་པོ་ཡིན། དེ་ལ ་བས་ན་སྦྱོར་བ་འདི་ནི་མཚོན་ཆའི་ཐབས་བསླབ་ཉེས་པར་བྱེད་པ་བཞིན་དུ་རང་ལ་གནོད་པར་བྱེད་པ་ཉེ་བར་བཀོད་པ་འབའ་ཞིག་དུ་ཟད་པས། །སྦྱོར་བ་ལ་ཏེ་པོར་མཁས་པ་ཡང་མ་ཡིན་ནོ། །ཐམས་ཅད་ཀྱི་དངོས་པོ་ཐམས་ཅད་རྟག་ཏུ་གཏན ་ལ་འབེབས་པར་ཐལ་བར་འགྱུར་བའི་ཕྱིར་རྟགས་དངོས་པོར་གྱུར་པ་ཁོ་ན་གོ་བར་བྱེད་པ་ཉིད་དུ་ནི་སུ་ཡང་མི་འདོད་དེ། གདོན་མི་ཟ་བར་གང་ཡང་རུང་བ་ལ་རྟགས་གང་ཡང་རུང་བ་ཞིག་གོ་བར་བྱེད་པར་གནས་པའི་ཕྱིར་རོ། །དེ་ལྟ་བས་ན ་རྟག་ངེས་པ་ཁོ་ན་མངོན་སུམ་དུ་གོ་བར་བྱེད་པ་ཡིན་ཏེ། བསྒྲུབ་པར་བྱ་བའི་རྣམ་པ་ལ་ངེས་པ་སྐྱོད་པའི་ཕྱིར་རོ། །རྟགས་ནི་ཉེ་བར་འདོགས་པའི་སྒོ་ཁོ་ན་ནས་གོ་བར་བྱེད་པར་བཞག་གོ་ཞེས་བྱ་བར་རིག་སྟེ། དེས་ན་རྟགས་ངོ་བོ་མེད་པ་ཡིན ་ཡང་དེའི་རྣམ་པར་ངེས་པ་ནི་འདོད་པའི་བ་སྒྲུབ་པར་བྱ་བའི་རྣམ་པ་གཏན་ལ་འབེབས་པ་སྐྱེ་བའི་རྒྱུ་ཡིན་པའི་ཕྱིར་གོ་བར་བྱེད་པ་ཉིད་དུ་ཉེ་བར་བརྟགས་པས་ཉེས་པ་མེད་དོ། །ཐམས་ཅད་དུ་རྟགས་དངོས་པོར་གྱུར་པ་ཁོ་ན་དགོད་པ་ཡང ་རིགས་པས་ཕྱིས་འདིར་བཤད། །ཕྱིན་ཅི་ལོག་གི་བློ་རྣམས་ཀྱི། །དམིགས་པ་ཡང་དག་མཐོང་ཡིན་ནམ། །ཡང་དག་དོན་ནི་གྲུབ་བྱའི་ཕྱིར། །ཚད་མ་རྗོད་པར་བྱེད་དམ་ཅི། །དང་ཐོ་རེ་ཞིག་མ་ངེས་ཏེ། །འགལ་བ་དག་ཀྱང་མཐོང་བ ་ཡིན། །རབ་རིབ་ཅན་གྱི་སྐྲ་ལ་སོགས། །མཐོང་བ་བདེན་པར་གྱུར་པ་མེད། །གཉིས་པ་ཡང་ནི་ཚད་མ་དང། །ལུང་ལས་གྲུབ་པ་མ་ཡིན་ནོ། །ཆོས་རྣམས་མ་མཐོང་གང་ཡིན་པ། །ཡང་དག་ཤེས་པར་བསྟན་མ་ཐག་།མངོན་སུམ་པས་མི་གྲུབ་པ ་ཡི། །དངོས་པོ་མེད་ཅེས་ཉེར་བསྟན་ཟིན། །དེས་ན་དངོས་པོའི་ཡང་དག་པ། །དམིགས་པར་གྲུབ་པ་མ་ཡིན་ནོ། །གཅིག་ལ་གཅིག་ནི་སྟོང་པ་ཉིད། །ཐ་སྙད་ཡིན་གྱིས་ཡང་དག་པ། །མ་ཡིན་ཞེས་པ་དེ་ཡི་ཕྱིར། །དངོས་པོ་ཐམས་ཅད་དབྱེར་མི ་འགྲུབ། །ཁྱབ་བྱ་ཁྱབ་བྱེད་དངོས་ལ་སོགས། །ཐ་སྙད་ལ་ནི་ཤིན་ཏུ་འགྲུབ། །དོན་དམ་པ་ལ་འཇུག་བྱ་ཕྱིར། །མཁས་པ་དེ་ལ་བརྟེན་མི་བྱེད། །རྒྱུ་དང་འབྲས་བུའི་དངོས་ལ་སོགས། །ཇི་ལྟར་མཐོང་བ་བཞིན་དུ་འདོད། །ཆོས་རྣམས་ཀུན་གྱི་ངོ་བོ་ལ།། ་ཁྱབ་པར་བྱེད་པ་ཡང་དག་མིན། །ཡང་དག་ཉིད་དུ་དེ་ལོག་ན། །སྒྱུ་མ་ལ་སོགས་ལྟར་བརྟགས་པར། །དངོས་པོ་རྣམས་ཀྱི་དོན་དམ་པའི། །ངོ་བོ་ཉིད་ནི་ལྡོག་པར་འགྱུར། །འབྲེལ་པ་ཤིན་ཏུ་གྲུབ་བྱ་ཕྱིར། །མངོན་སུམ་ཇི་སྟེ་འདོད་ན་ནི། །དེ ་ཡང་མཚན་ཉིད་མ་འཁྲུལ་བ། །རྗེས་སུ་དཔག་པ་ཇི་ལྟར་གསལ། །དེ་དག་ཉིད་ལས་འབྲེལ་བ་རྙེད། །དེ་ཉིད་ཇི་སྟེ་སེལ་ན་ནི། །རྩ་བ་མེད་ཕྱིར་རང་དེ་ཡང། །མེད་པས་ཚད་མ་མེད་པར་འགྱུར། །མཐོང་བ་ལ་སོགས་ཐ་སྙད་ཀྱི། །དེ་ཡི་ངོ་བོ་མི་འགོག ་ཕྱིར། །མངོན་སུམ་ཉིད་ནི་སེལ་བ་མིན། །བརྟགས་པ་དག་ནི་འགོག་པར་བྱེད། །ཀུན་རྫོབ་དོན་ནི་མི་བསླུའི་ཕྱིར། །དེ་ནི་འཁྲུལ་པ་མེད་པར་བཤད། །ཡང་དག་མ་མཐོང་མངོན་སུམ་ནི། །ཡང་དག་ཡུལ་ལ་མ་འཁྲུལ་མེད། །གང་ལ་མ་འཁལ ་ཕྱིར། །འབྲས་བུ་རག་ལས་མེད་ན་ཡང། གྲུབ་པ་གཞན་རག་མ་ལས་པའང། །འབྲས་བུ་རང་གི་རྒྱུ་དག་ལས། །རྟོགས་པ་ཡིས་ནི་འབྲེལ་བར་བྱེད། །འབྲས་མིན་ཇི་ལྟར་ཡང་ཅི་ཞིག་ཅེས་ཀྱང་བཤད་དོ། །དེའི་བདག་ཉིད་ཀྱི་འབྲེལ་བ་ཡང ་ཡང་དག་པ་པ་མ་ཡིན་ཏེ། དེ་ནི་གཉིས་པ་བརྟེན་པའི་ཕྱིར་ལ། དེའི་བདག་ཉིད་ཡིན་ན་ཡང་གཉིས་ཉིད་མི་རུང་བའི་ཕྱིར་རོ། །གཉིས་ཉིད་མེད་ན་ཡང་འབྲེལ་པ་ཅན་དག་མེད་པའི་ཕྱིར་གང་ཞིག་གང་དང་འབྲེལ་པ་ཡིན། །དེ་ལྟ་བས་ན་འབྲེལ་བ ་ཐམས་ཅད་རྟོག་པས་བཀོད་པའི་བདག་ཉིད་ཡིན་པའི་ཕྱིར་དངོས་པོ་མེད་པ་ལ་འཇུག་ན་ཡང་ཉམས་པ་མེད་པ་ཉིད་པས་གཏན་ཚིགས་མ་གྲུབ་པ་ཉིད་དོ། །གཞན་ཡང་གལ་ཏེ་འབྲེལ་པ་མེད་པ་ཁོ་ན་ཡིན་ན་ནི་ཇི་ལྟར་ཐ་དད་པ ་མེད་པའི་ཕྱིར་ཞེས་གཏན་ཚིགས་གཞན་སྨོས་པར་བྱེད། ཐ་དད་པ་མེད་པ་ཉིད་ཡིན་ན་ནི་དེའི་བདག་ཉིད་ཀྱི་འབྲེལ་པ་ཁོ་ན་བསྟན་པར་གྱུར་ཏོ། །གལ་ཏེ་དངོས་པོ་ཁོ་ན་ལ་དེའི་བདག་ཉིད་ཀྱི་འབྲེལ་པ་ཡིན་གྱི། གཞན་ལ་ནི་མ་ཡིན ་ནོ་ཞེ་ན། དེ་ནི་རིགས་པ་མ་ཡིན་ཏེ། དེའི་བདག་ཉིད་ནི་ཐ་དད་པ་མེད་པའི་རྣམ་གྲངས་ཡིན་པའི་ཕྱིར་ལ། དེ་ནི་ངོ་བོ་ཉིད་མེད་པ་དག་ཀྱང་བདག་མེད་པ་ཉིད་དུ་མཚུངས་པས་འགལ་བ་མེད་པ་ཁོ་ནའོ། །དེ་ལྟ་མ་ཡིན་ན་ཐ་དད ་པ་མེད་པའི་ཕྱིར་ཞེས་བྱ་བ་ཡང་བརྗོད་པར་མི་བྱ་བར་འགྱུར་རོ། །དེ་ལ་ཐ་དད་པ་མེད་པའི་ཕྱིར་ཞེས་བྱ་བའི་གཏན་ཚིགས་འདི་གལ་ཏེ་དོན་དམ་པའི་དབང་དུ་བྱས་ནས་བརྗོད་ན་ནི་དེའི་ཚེ་མ་ངེས་པ་ཡིན་ཏེ། བྱས་པ་དང་མི་རྟག་པ ་ལྟ་བུ་དོན་དམ་པར་ཐ་དད་པ་མེད་པ་ཡིན་ཡང་གོ་བར་བྱ་བ་དང་གོ་བར་བྱེད་པའི་དངོས་པོ་མཐོང་བའི་ཕྱིར་རོ། །འོན་ཏེ་ཐ་སྙད་དུ་ཡང་འདི་ལ་ཐ་དད་པ་མེད་དོ་ཞེས་བྱ་བར་འདོད་ན་ནི་དེ་མ་གྲུབ་སྟེ། ལྡོག་པའི་བྱེ་བྲག་གིས་ཉེ་བར ་འགའ་། །ངེས་པར་འཁྲུལ་པ་འདོད་བྱ་དགོས། །དེ་ལྟ་མིན་ན་འགའ་ཡང་ནི། །གང་དཱུང་བསླུས་པ་མེད་པར་འགྱུར། །ཐམས་ཅད་དངོས་མེད་བསྒྲུབ་བྱ་ཕྱིར། །དེ་ལ་སྣང་བའི་ངོ་བོ་གང། །བརྫུན་པ་ཉིད་དུ་འདོད་པ་དག?་།?? ་ཁོ་ན་དཔེར་བྱེད་དོ། །ཉི་ཚེ་བ་ཡི་རྩོད་པ་ལའང། །དེ་ལ་དངོས་འཛིན་ལྡོག་པའི་ཕྱིར། །ཇི་ལྟར་བསྟན་པ་ཁོ་ན་བཞིན། །དཔེར་ནི་ཐམས་ཅད་གྱུར་པ་ཡིན། །སྒྲུབ་པར་བྱེད་པ་འཁྲུལ་པས་ན། །ཕ་རོལ་པོ་ཡི་འདོད་པའི་དོན། །སེལ་བར་བྱེད་དེ་ཇི་ལྟར ་ན། །མི་འདོད་ཐལ་བར་འགྱུར་བ་ཡིན། །རྨི་ལམ་ལ་སོགས་དཔེ་འགྲུབ་ཅིང། །ཇི་ལྟར་ངེས་ལ་གཏན་ཚིགས་ཀྱིས། །བསྒྲུབ་བྱ་སྒྲུབ་བྱེད་ལ་ཁྱབ་པ། །དེ་ལྟར་དངོས་པོར་སྨྲ་ལ་མིན། །ཕྱོགས་གཅིག་པ་ཡི་དངོས་ཉིད་དམ། །ཐམས་ཅད་དངོས ་པོར་སྒྲུབ་ན་ཡང། །དངོས་པོར་སྨྲ་བ་རྣམས་ལ་ནི། །གཉི་གར་གྲུབ་པའི་དཔེ་ཡོད་མིན། །བདག་མེད་སྐད་ཅིག་ལ་སོགས་པ། །སྒྲུབ་པ་ལ་ཡང་མེད་དམ་ཅི། །རྒོལ་ཏེ་ངན?་པ་ཉི་ཚེ་ཡིས། །ངེད་ལ་བྱ་བ་ཅི་ཞིག་ཡོད། །དངོས་ཡོད་དངོས་མེད ་གཉི་ག་ཡི། །ཆོས་ནི་ཡོད་པ་བསྒྲུབ་པ་ལ། །མ་གྲུབ་ལ་སོགས་སྐྱོན་སྒོ་ནས། །མཁས་པ་རྣམས་ཀྱིས་སུན་དབྱུང་སྨྲས། །མི་འཁྲུལ་པ་ཡི་སྒོ་དག་ནས། །ཁྱབ་བྱེད་ལ་སོགས་བཀག་པ་ཡིས། །དངོས་པོ་མེད་ཆོས་ཅིར་བསྒྲུབ་ན། །དེ་ལ ་མ་འབྲེལ་ཅི་ཞིག་ཡོད། །ཡོད་པ་ཡིན་ན་དངོས་མེད་པར། །རེ་ཞིག་སྒྲུབ་པར་ནུས་པ་མེད། །བརྫུན་ཏེ་བསྒྲུབ་པར་མི་བྱ་ནའང། །གང་དུ་རབ་ཏུ་བསྒྲུབ་པར་བྱ། །མི་སྒྲུབ་ན་ཡང་གཞན་དག་གིས། །དེ་ལ་བདག་སོགས་བརྟགས་པ་ཡིས། །དངོས ་པོ་དགག་པ་ཁྱེད་ཅག་གི་།ཚད་མ་མེད་པ་ཇི་ལྟར་འགྲུབ། །དངོས་པོའི་བདག་ཉིད་ཡང་དག་གང། །འགའ་ཡང་གང་དུ་མ་གྲུབ་ན། །གང་གིས་དེ་ནི་རྒྱུར་བརྗོད་པའི། །དངོས་པོའི་ཆོས་ནི་ག་ལས་ཡོད། །དངོས་པོ་གྲུབ་པ་མ་ཡིན་ན། ། ་དངོས་པོ་མེད་པའང་འགའ་མི་འགྲུབ། །དངོས་པོ་གཞན་དུ་གྱུར་པ་ཉིད། །དངོས་མེད་མཚན་སྨྲ་གཞན་དུ་མིན། །དེ་ཡི་ཆོས་ཀྱང་མི་འགྲུབ་ཅིང། །གཉིས་ལ་བརྟེན་པའང་ཡོད་པ་མིན། །གཉིས་ལ་གྲུབ་པ་དེ་ཡི་ཕྱིར། །གཉིས་མིན་གཏན་ཚིགས ་སྲིད་པའང་མེད། །དངོས་དང་དངོས་མེད་རྣམ་བྲལ་ཆོས། །རྨི་ལམ་ལ་སོགས་བཞིན་དུ་སྣང། །དེའི་ཕྱིར་ཆོས་ཀུན་དེ་དག་གིས། །རང་དང་མཐུན་པ་སྒྲུབ་བྱེད་ཡིན། །ཇི་ལྟར་བདག་སོགས་དངོས་མེད་ཉིད། །ནུས་དང་བྲལ་བ་ལ་སོགས་པས། ། ་ཁྱེད་ཅག་རྣམས་ཀྱིས་སྒྲུབ་པར་བྱེད། །ངེད་ཀྱིའང་དེ་བཞིན་ཀུན་ཏུ་ཡིན། །ཡང་དག་ཉིད་དུ་འདོད་པ་ཡིས། །དངོས་པོར་འདི་ལྟར་རྣམ་གཉིས་ཏེ། །རྟག་དང་མི་རྟག་གཉིས་ག་ལའང། །གནོད་པར་བྱེད་པའི་ཚང་མ་ཡོད། །ཡང་དག་ཉིད་དུ ་བརྟགས་པ་ཡི། །མི་རྟག་པ་ལ་སྐྱེ་བས་ཁྱབ། །འདི་ལྟར་སྐྱེ་མེད་ངོ་བོ་ལ། །སྐྱེ་དང་འཇིག་པའི་ཆོས་ཉིད་མེད། །སྐྱེ་བ་རྣམས་ཀྱི་སྐྱེ་འཇིག་པའི། །ཆོས་ཉིད་ཚད་མ་ལས་གྲུབ་ནའང། །མི་རྟག་བདག་ཉིད་གྲུབ་མོད་ཀྱི། །དངོས་པོ་ཡིན་ཞེས་མི་རྟག་སྟེ།། ་བུ་ལ་སོགས་པ་བརྫུན་པ་ཡང། །སྐྱེ་སོགས་རྨི་ལམ་མཐོང་བའི་ཕྱིར། །འཇིག་དང་སྐྱེ་བའི་ཆོས་ཉིད་ལས། །དངོས་པོ་ཉིད་ཀྱིས་ཁྱབ་པ་མེད། །དེ་བས་མི་རྟག་ངོ་བོ་ལ། །སྐྱེ་བས་ཁྱབ་པ་ཡིན་མོད་ཀྱི། །དངོས་པོ་རྣམས་ཀྱི་ཡང་དག་ཉིད། །འགའ་ཡང ་འགྲུབ་པ་མ་ཡིན་ཏེ། །ཁྱབ་པར་བྱེད་པ་ཡོད་པ་ལས། །ཁྱབ་བྱ་མ་ལུས་ངེས་འགྱུར་མེད། །ཇི་ལྟར་སྣང་བ་འདི་དག་ལ། །ཁྱབ་པ་ཡིན་ཞེས་ཉེ་བར་བརྗོད། །ཡང་དག་ཉིད་དུ་སྐྱེ་མེད་ན། །མི་རྟག་རྗེས་འབྲེལ་དངོས་པོ་ལ། །ཡང་དག་ཉིད་དུ་ཀུན ་བརྟགས་པ། །དེ་ནི་ལྡོག་པ་ཁོ་ནར་འགྱུར། །དེ་ལོག་པ་ན་དེ་ལྡོག་པར། །ཇི་སྟེ་དེ་ལྟར་ངེས་མེད་ན། །དེ་ལྟར་མིན་ན་སྐྱེ་བ་ཡི། མི་རྟག་ཁྱབ་པར་མི་འགྱུར་རོ། །རང་གཞན་གཉི་ག་རྒྱུ་མེད་ལས། །སྐྱེ་བ་བསལ་བ་གང་ཡིན་པ། །ཡང་དག་ཉིད་དུ་དེ་དངོས ་མེད། །མོ་གཤམ་བུ་ལ་སོགས་པ་བཞིན། །དེ་བཞིན་འདུས་བྱས་དངོས་པོ་ཀུན། །འདིར་ནི་ཡང་དག་ཉིད་དུ་ན། །སྒྱུ་མ་རྨི་ལམ་ལྟ་བུ་སྟེ། །དེ་བས་འདུས་བྱས་ཀུན་རིག་བྱ། །གྲངས་ཅན་ལ་སོགས་དེ་དག་གིས། །རང་ཉིད ་ལས་ཀྱི་དངོས་པོ་རྣམས། །སྐྱེ་བར་བརྟགས་ཏེ་རྒྱུ་དག་ལས། །འབྲས་བུ་ཐ་དད་མེད་པར་འདོད། །དེ་ནི་མི་རིགས་བདག་ཉིད་ཀྱི། །དངོས་པོ་སྐྱེད་པར་བྱེད་པ་འདི། །མ་གྲུབ་པ་ཡི་སྐྱེད་བྱེད་དམ། །གྲུབ་པས་ཡིན་ཞེས་རྣམ་པར་བརྟག་།མ་གྲུབ་རང ་ཉིད་མེད་ཡིན་ན། །དེ་ཚེ་གང་ཞིག་ཅི་ཞིག་སྐྱེད། མོ་གཤམ་ནུ་མ་འཐུང་བའི་བུ། །རང་གི་བདག་ཉིད་སྐྱེད་པ་མེད། །གྲུབ་པ་ཡིན་ནའང་དབྱེ་མེད་ཕྱིར། །བདག་ཉིད་སྐྱེད་པར་བྱེད་མེད། །འདི་ལྟར་བདག་ཉིད་གྲུབ་ན་ཡང། །དེ་ཚེ་དེས་སྐྱེད་ཅི་ཞིག ་ཡོད། །ཕན་པ་ཉེ་བར་བྱེད་ན་ནི། །སྐྱེད་བྱེད་བསྐྱེད་བྱ་ཉིད་དུ་གྲགས། །རང་གི་ངོ་བོ་གྲུབ་ན་འདིའི། །རྒྱུ་མཚན་རྣམ་བཞག་ཅི་ཞིག་ཡོད། །དངོས་མེད་པར་ཡང་རབ་སྨྲ་ན། །སེམས་པ་ཅན་ལའང་ཅིན་མི་འདོད། །བསྐྱེད་བྱ་སྐྱེད་བྱེད་ཉིད་གང་གིས།། ་རང་བཞིན་འབའ་ཞིག་ཡིན་པར་བརྗོད། །སེམས་པ་ཅན་བཞིན་རང་ཡོད་ཕྱིར། །ནང་གི་སྐྱེ་མཆེད་རྣམས་ཀྱང་ནི། །སྐྱེ་བ་མིན་ཞེས་ཕ་རོལ་ལ། །རབ་ཏུ་ཐལ་དོན་དེ་ཕྱིར་སྨྲས། །དེས་ན་སེམས་པ་ཅན་དེ་དཔེར་བླངས། །ཐལ་བའི་དོན་ནི་སྨྲས་བ ་ལ། །ཐལ་དོན་ཡོངས་སུ་མ་ཤེས་ནས། །མ་གྲུབ་པར་ཡང་རྒོལ་བར་བྱེད། །འགལ་བར་རབ་ཏུ་བརྗོད་པའི་ཕྱིར། །གཞན་ལ་གྲུབ་པ་རྗེས་བསླས་ཏེ། །ཐལ་བར་བསྒྲུབ་པར་རིགས་པ་ཡིན། །རང་ལ་གྲུབ་ལ་ཐལ་བྱེད་མིན། །དེས་ན་དེ་ལམ་གྲུབ ་དང། །འགལ་བ་ཉིད་དུ་རྒོལ་བྱེད་པ། །དེ་ཡི་མི་ཤེས་སྟུག་པོ་ཡི། །མཐུ་ཡིས་བརྗོད་པ་ཁོ་ནར་ཟད། །འོན་ཏེ་གྲུབ་ཀྱང་བདག་དངོས་ལ། །ཕན་པར་བྱེད་པ་ཡོད་ན་ཡང། །དེ་ལས་ཕན་པ་ཐ་དད་ན། །རང་ལས་ཇི་ལྟར་སྐྱེ་བ་ཡིན། །འདིས་ན ་ཕན་པའང་དུས་རྟག་ཏུ། །རང་གི་བདག་ཉིད་བཞིན་གྲུབ་ན། །ཇི་ལྟར་དེ་ཡིས་དེ་བྱེད་པའི། །རྒྱུ་མཚན་དེར་ནི་བརྗོད་བྱ་དགོས། །རྒྱུ་དང་འབྲས་བུ་ཞེས་བྱ་བའི། །རྣམ་པར་བཞག་འདི་ག་ལས་འགྱུར། །ཇི་སྟེ་འདི་ནི་དབྱེར་མེད་ན། །རྣམ་གྲངས་སུ་ནི་བརྗོད་པ་མིན། ། ་གསལ་བ་འམ་ཡོངས་སུ་འགྱུར་བ་ནི། །དེ་རྣམས་བཞག་པའི་རྒྱུ་ཡིན་ནའང། །དེ་ལས་དེ་གཉིས་ཐ་དད་ན། །རང་ལས་སྐྱེ་བར་རིགས་པ་མིན། །ཐ་མི་དད་པ་ཉིད་ཡིན་ནའང། །རྒྱུ་དང་འབྲས་བཱུང་འཆོལ་བར་འགྱུར། །གསལ་དང་མི་གསལ་ལ་སོགས ་ཆོས། །འགལ་བ་དུས་གཅིག་ཇི་ལྟར་རུང། །ཆ་ཤས་ཐ་དད་འདོད་ན་ཡང། །གཉི་ག་ལ་ཆ་ཤས་ག་ལ་ཡོད། །ཐ་དད་ཐ་དད་མི་འགལ་བ། །དངོས་པོ་གཅིག་ལ་ཇི་ལྟར་རུང། །དངོས་པོ་གཅིག་ནི་དགག་ན་ཡང། །གཉིས་བསྒྲུབ་པ་མེད་པར་བྱེད། ། ་དེས་ན་གཉིས་མིན་ཕྱོགས་ལ་ཡང། །དངོས་པོར་བརྟག་པར་མི་བྱའོ། །སྔོན་གྱི་ངོ་བོ་མ་བོར་བར། །དེ་གསལ་བ་དང་ཡོངས་འགྱུར་བར། །ཇི་སྟེ་འགྱུར་ན་གནས་སྐབས་རྣམས། །ཐམས་ཅད་དུ་ཡང་འདྲེས་པར་འགྱུར། །བུམ་པ་ལ་སོགས་སྣང་བ ་ཡང། །མི་སྣང་འགྱུར་ཞིང་བྱིས་སོགས་ལ། །རྒན་པའང་དམིགས་འགྱུར་སྔ་མ་བཞིན། །རྟག་ཏུ་གཉི་ག་ཡོད་པར་འགྱུར། །ཇི་སྟེ་འགལ་བའི་ཆོས་རྣམས་ཀྱང། །གཅིག་ཏུ་འདོད་ན་དེ་ཡི་ཚེ། །སེམས་ཅན་ལས་ལ་གཙོ་བོ་དང། །མི་རྣམས་ཐ་དད་ཇི ་ལྟར་འགྱུར། །དེ་ལྟར་གཅིག་ཏུ་འདོད་པ་ཡང། །ཇི་སྟེ་བཟློག་པར་མི་བྱ་ན། །ཅིག་ཅར་སྐྱེ་དང་ཐར་ལ་སོགས། ཁྱེད་ཀྱི་ཀུན་འགྱུར་མིན་ནམ་ཅི། །ཇི་སྟེ་ཕྱི་ནས་བོར་ན་ནི། །རང་ལས་སྐྱེ་བ་ཉམས་པར་འགྱུར། །སྔོན་པོར་བ་ལས་ཐ་དད་ཕྱིར། ། ་རྟག་ཏུ་དེ་ཉིད་གསལ་བ་ཡིན། །ཡུལ་དད་དུས་ལ་སོགས་པ་ཡི། །གནས་སྐབས་ངེས་པ་འདི་སྣང་ན། །རང་ཉིད་ལས་ནི་སྐྱེ་བ་ཡི། །དངོས་ལ་གཏན་ཚིགས་ཅི་ཞིག་ཡོད། །བལྟོས་པ་མེད་ཕྱིར་ཕོམ་རིལ་དུ། །རྟག་ཏུ་གསལ་བ་མང་པར་འགྱུར། ་རྒྱུ་གཞན་ལ་ནི་བལྟོས་ནས་ནི། རྟག་ཏུ་དངོས་པོ་ཐམས་ཅད་ནི། །རང་གི་དངོས་ལས་གནས་པས་ན། །རྟག་པར་གནས་ཕྱིར་སྐྱེ་དོན་མེད། །གསལ་དང་ཡོངས་སུ་འགྱུར་བ་མེད། །རྟག་རྣམས་ངོ་བོ་གཅིག་པའི་ཕྱིར། །གསལ ་དང་ཡོངས་སུ་འགྱུར་བ་མེད། །དངོས་པོ་མི་རྟག་པ་རྣམས་ནི། །ཤིན་ཏུ་གནས་པ་མེད་པ་ཡིན། །དེ་ཉིད་དང་ནི་གཞན་ཉིད་དག་།ཕན་ཚུན་སྤངས་ཏེ་གནས་པའི་ཕྱིར། །ཡོངས་སུ་འགྱུར་བ་གཞན་གྱུར་པ། །དེ་ནི་དེ་ཡིན་ཇི་ལྟར་འགྱུར། ། ་གསལ་བར་གཞན་དུ་གྱུར་པ་ཡང། །རྟག་པར་གྱུར་པ་ཡིན་པར་བརྗོད། །འགལ་བའི་ཆོས་དང་འདྲེས་གྱུར་པ། །འདིར་ཡང་འཇིག་པ་བཞིན་དུ་འགྱུར། །གང་ཞིག་ཕྱི་ནས་བྱུང་བའི་ཆོས། །དངོས་པོ་དེ་ནི་གཞན་མིན་ནམ། །གང ་ཞིག་གཞན་གྱི་དངོས་པོ་དེ། །དེ་ཡི་མིང་དུ་ཇི་ལྟར་འགྱུར། །ཇི་སྟེ་ཆོས་དེ་སྔ་ན་ཡོད། །ཅི་ཡི་ཕྱིར་ན་དེ་མི་སྣང། །ཅི་སྟེ་མི་སྣང་ངོ་བོ་འདི། །ཕྱི་ནས་ཅི་ཕྱིར་འདི་སྣང་ཡིན། །བསྒྲིབས་ནའང་སྣང་ཤར་དེ་ཡི་ཚེ། །འོ་མ་ལ་ཞོ་ཅིས་མ་མཐོང། ། ་དེ་ནི་རྣམ་པར་འདྲེས་པར་བལྟོས། །ཞོ་ལས་ཐ་དད་མ་ཡིན་ཕྱིར། །འོ་མའང་བསྒྲིབས་པ་ཉིད་དུ་འགྱུར། །ཕྱི་ནས་ཞོ་ལ་སྒྲིབ་པ་ཡང། །སྔ་མ་བཞིན་དུ་ཐལ་བར་འགྱུར། །དེ་བས་གསལ་དང་འགྱུར་སྒོ་ནས། །རང་ལ་སྐྱེ་བར་ཕ་རོལ་པོས། ། ་བརྟགས་པ་གང་དེ་དེ་དག་གི་།རྨོངས་པ་ཆེན་པོའི་རློམ་པ་ཡིན། །གཞན་ལས་ཀྱང་ནི་དངོས་པོ་རྣམས། །ཡང་དག་སྐྱེ་བར་རིགས་མིན་ཏེ། །གཞན་ལས་འགྱུར་ན་རྟག་པ་འམ། །མི་རྟག་པ་ལས་དེ་འགྱུར་གྲང། །རིམ་དང་ཅིག ་ཅར་འཇུག་པ་ཡིས། །རྟག་པ་སྐྱེད་པར་བྱེད་པ་མེད། །དེ་བས་དངོས་རྣམ་སྐྱེ་མེད་པ། །མཁའ་ཡི་མེ་ཏོག་སོགས་བཞིན་རིགས། །རྟག་པ་རང་ཉིད་ནུས་ན་ཡང། །དེ་ནི་གཞན་ལ་ཅི་ཕྱིར་བལྟོས། །བྱར་མེད་པ་ནི་འདི་ཡིན་ན། །གཞན་ལ ་བལྟོས་པ་གང་ཡང་མེད། །དེ་བས་འདི་ནི་བལྟོས་མེད་ཕྱིར། །རིམ་གྱིས་སྐྱེད་པར་བྱེད་མི་རིགས། །རྒྱུ་རྣམས་མཚང་མེད་པའི་ཕྱིར། །འབྲས་བུ་སྐྱོ་བ་འམ་རིགས་མི་དམིགས། །ཐམས་ཅད་ཅིག་ཅར་བསྐྱེད་ནས་ནི། །ཇི་སྟེ་ཕྱི་ནས་མི་སྐྱེད་ན། །ཕྱི་མ་བཞིན ་དུ་ནུས་མེད་ཕྱིར། །སྔར་ཡང་སྐྱེད་པ་མ་ཡིན་འགྱུར། །རང་ལས་མེད་པའི་ནུས་པ་ཡི། །རང་གི་ངོ་བོ་རྗེས་འབྲང་ན། །སྔ་མ་བཞིན་དུ་སྐྱེད་བྱེད་པ། །རྟག་པར་འགྱུར་གྱི་ལྡོག་མི་འགྱུར། །ཐ་སྙད་དུ་ཡང་ནུས་མེད་ཕྱིར། །དེ་བས་རྟག་པའི་དངོས་དོན་མེད།། ་དངོས་པོ་དེ་ཡི་མཚན་ཉིད་ནི། །ནུས་པ་ཡིན་ཞེས་མཁས་པ་སྨྲ། །མི་རྟག་པ་ཡང་ཞིག་པ་ལས། །མེད་ཕྱིར་དངོས་པོ་སྐྱེ་མི་རིགས། །ཡོད་པ་ལས་ཀྱང་མི་རིགས་ཏེ། །འདས་པ་ནམ་ཡང་ཡོད་པ་མིན། །བྱེད་པ་ཞིག་ཕྱིར་དེ་ཡིན་ནའང། །འདས་པ ་རང་གི་དངོས་པོ་མེད། །གཞན་དག་ཞིག་པར་གྱུར་པའི་ཕྱིར། །གཞན་དག་འདས་པར་ཇི་ལྟར་རིགས། །ཇི་སྟེ་བྱེད་པ་གཞན་ཞིག་པས། །བྱེད་པའང་འཇིག་པར་འགྱུར་ན་ནི། །གནས་པ་མེད་པ་ཡིན་པའི་ཕྱིར། །བྱེད་པ་རྣམས་ལ་མཛའ་མེད ་འགྱུར། །འོན་ཏེ་བྱེད་པ་རང་ཁོ་ན། །ཞིག་པ་ཉིད་དུ་རྟག་ན་ནི། །དངོས་པོ་རྣམས་ཀྱང་དེ་བཞིན་དུ། །རྣམ་པར་འཇིག་པར་ཅིར་མི་འགྱུར། །ཐ་དད་ན་ནི་དངོས་པོ་དང། །བྱེད་པར་འབྲེལ་པ་མི་འགྲུབ་བོ། །གཅིག་པ་ཡིན་ན་བྱེད་པ་བཞིན།། ་དངོས་པོ་རང་ཉིད་ཞིག་པར་ཡོད། །བྱེད་པའང་འདས་པ་ཉིད་ཡོད་པར། །དངོས་པོ་བཞིན་དུ་ཐལ་བར་འགྱུར། །བྱེད་པ་བརྗོད་དུ་མེད་ཡིན་ནའང། །བརྟགས་པར་འགྱུར་གྱི་ཡང་དག་མིན། །མ་འོངས་མ་ཞིག་པ་ལས་ཀྱང། །འབྲས་བུ་སྐྱེ་བར ་མི་རིགས་ཏེ། །དེ་ཡི་རང་བཞིན་མ་ཐོབ་ཕྱིར། །མོ་གཤམ་བུ་ལས་ཇི་བཞིན་ནོ། །ཇི་ལྟར་དངོས་པོའི་ཞིག་པ་ཉིད། །བྱེད་པའི་དབང་གིས་མི་རིགས་པ། །དེ་བཞིན་མ་འོངས་དངོས་པོ་ཡང། །དེ་ཡི་དབང་གིས་རྟག་ཏུ་མེད། །ད་ལྟར་ལས་ཀྱང ་འབྲས་མིན་ཏེ། །དུས་གཅིག་རྣམ་པར་རྟོག་ན་ནི། །རྒྱུ་བཞིན་ཡོངས་སུ་གྲུབ་པའི་ཕྱིར། །དེ་ལྟ་མིན་ན་དུས་གཅིག་མིན། །ཐ་དད་དུས་ཀྱང་འབྲས་བུ་ནི། །ཇི་སྟེ་མ་འོངས་པ་ལས་སྔ། །དེ་ཆེ་དེ་ལྟར་མི་རིགས་པར། །དེ་ནི་སྔ ་རོལ་ཉེ་བར་བསྟན། །སྐད་ཅིག་གཞན་གྱིས་བར་བཅད་ནས། །ཕྱི་ནས་འབྱུང་ནའང་དེ་ཡི་ཚེ། །འདས་བ་དག་ལས་དེ་འབྱུང་བས། །དེ་ཡང་སྔར་བསལ་ཟིན་པ་ཡིན། །འོན་ཏེ་བར་ནི་མཆོད་པར། །འབྲས་བུ་འབྱུང་ན་དེ་ཡི་ཚེ། །རྒྱུ་དང ་འབྲས་བུ་གཉི་ག་ཡང། །དུས་གཅིག་ཁོ་ནར་འགྱུར་བ་ཡིན། །འོན་ཏེ་འདི་སྐད་ཅིག་ཉིད་ཀྱིས་ན། །འབྲས་བུའི་དུས་ན་རྒྱུ་མི་གནས། །ཅིག་ཅར་འགྱུར་བར་ཐལ་པར་ནི། །དེ་ཕྱིར་རིགས་པ་མ་ཡིན་ཏེ། །འཇིག་དང་སྐྱེ་བ་དུས་མཉམ་པ། ། ་སྲད་མདའི་མཐོན་དམན་བཞིན་དུ་ཡིན། །དེས་ན་རྒྱུ་དང་འབྲས་བུ་གཉིས། །དུས་གཅིག་ཉིད་དུ་འགྱུར་བ་མེད། །ཇི་ལྟར་ཆུ་བོ་དྲག་པའི་རྒྱུན། །གང་ཚེ་ཆུ་གཞན་རྣུས་པ་ན། །དེ་ཚེ་ཆུ་གཞན་འབབ་པ་ཡིན། །དེ་བཞིན་འཇིག་དང ་སྐྱེ་དུས་མཉམ། །གང་ཚེ་རང་གི་སྔ་མ་འདོར། །དེ་ཚེ་ཅིག་ཤོས་འོང་བ་ཡིན། །ཇི་ལྟར་གྲིབ་མས་ཉི་མའི་ཡུལ། །སེལ་བའི་དངོས་པོའི་གནས་སྐབས་དང། །དངོས་དང་བར་དག་མཆོད་པར། །འཇིག་པར་ཇི་ལྟར་འགྱུར་ཡང ་ན། །དུས་གཅིག་འགྱུར་བ་མ་ཡིན་པ། །དེ་བཞིན་འབྲས་བུ་ལྟ་བར་གྱིས། །རྒྱུ་དང་འབྲས་བུ་ཉིད་ཀྱི་ཚུལ། །མ་བརྟགས་པར་ནི་གྲུབ་པ་ཡིན། །ཇི་སྟེ་འདོད་རྒྱལ་འདི་སྨྲ་ན། །གཞན་དག་ལ་ནི་སྨྲ་ལ་རག་།སྐབས་འདི་ཉིད་ནི ་ཡང་དག་པའི། །དོན་ལ་རྣམ་པར་དཔྱད་པ་ཡིན། །ཞིབ་མོར་དཔྱོད་པར་མཁས་པ་ལ། །འདོད་རྒྱལ་སྨྲ་བར་རིགས་པ་མིན། །འདི་ལྟར་བར་ནི་མཆོད་པར། །འབྲས་བུ་ཡིན་ཞེས་ཁྱེད་ཀྱིས་བརྗོད། །མཁས་པ་རྣམས་ཀྱིས་དེ་དག ་བརྗོད། །རྣམ་པར་དཔྱོད་ན་ཕྱོགས་མེད་བྱ། །བར་མེད་པར་ནི་འདོད་ན་ཡང། །དེ་ཚེ་རྒྱུ་དང་འབྲས་བུ་དག་།དུས་གཅིག་འགྱུར་བ་མ་གཏོགས་པར། །གཞན་དུ་འགྱུར་བར་ཡོད་དམ་ཅི། །རྣམ་པར་ཆད་པར་བྱེད་དུས་དེ། །ཐུང་པའམ་དབུས་ན་མེད། ་ན་ནི། །རང་གི་ཞིབ་མོའི་མི་དག་གིས། །དེ་གཉིས་ཚུལ་དེ་རྟོགས་ཏེ་སྨྲོས། །འདི་ལྟར་བདག་ཉིད་ཀུན་གྱིས་ནི། །དེ་གཉིས་ཇི་ལྟར་པར་མ་ཆད། །སྐད་ཅིག་པ་རྣམས་དུས་གཅིག་ཕྱིར། །བསྐལ་པ་འང་སྐད་ཅིག་ཙམ་དུ་འགྱུར། །དེ་ཚེ་ཐམས་ཅད ་ཀུན་རྫོབ་ཏུ། །འགྱུར་བ་ཉེ་བར་བསྟན་ཟིན་ཏོ། །བར་མེད་འཇུག་པའི་རྒྱུན་དག་ལ། །དབུས་ན་གནས་པའི་སྐད་ཅིག་གི་།བདག་ཉིད་དང་ནི་སྔ་མ་རུ། །བར་ཆད་མེད་པ་ཉིད་ཡིན་ལ། །གང་གིས་འདོད་པ་དེ་ཉིད་ཀྱང། །དེ་དང་འོག་མར་ཡང་ཡིན་ན། ། ་དེ་ཚེ་མ་སྐྱེས་འདས་པ་ཡི། །སྐད་ཅིག་རྣམས་ཀྱི་དབུས་གནས་པའི། །སྨད་ཅིག་དང་ནི་དུས་གཅིག་པ། །བཟློག་མེད་འོན་ཏེ་བདག་ཉིད་ལ། །གཞན་གྱི་བར་ནི་མཆོད་ན། །སྐད་ཅིག་གཅིག་ཉིད་ཉམས་པར་འགྱུར། །འབྲས་བུའི་ཚེ་ན་རྒྱུ་མེད་ཕྱིར།། ་མེད་དང་ལྷན་ཅིག་ཐམས་ཅད་དུ། །བར་མཆོད་པའི་བསམ་པ་ཉིད། །མི་རིགས་སྙམ་དུ་སེམས་ན་ཡང། །ཁྱོད་ཀྱིས་དེ་ནི་མི་རིགས་ཏེ། །རྒྱུ་དང་འབྲས་བུ་གཉིས་པར་ན། །དུས་གཞན་ཡོད་པར་མི་འདོད་ན། །དེ་ཚེ་མེད་པ་དེ་མི་རུང། །དེ་གཉིས ་བར་ནི་མཆོད་པར། །ཁྱེད་ཅག་མངོན་མི་འདོད་ནའང། །རྒྱུ་དང་བར་མེད་འབྲས་བུ་ཞེས། །རྨོངས་ཏེ་ཅི་ཞིག་བརྗོད་པར་བྱེད། །རེག་དང་བར་ནི་མཆོད་དང། །མཇུག་ཐོགས་དང་ནི་བར་མེད་པ། རྣམ་གྲངས་ཡིན་ཏེ་ནམ་དུ་ཡང། །དོན་གྱི ་དབྱེ་བ་འགའ་ཡང་མེད། །བར་མེད་ཡིན་པར་མངོན་འདོད་ནའང། །དེ་ཅི་བདག་ཉིད་ཀུན་གྱིས་སམ། །དེ་གཉིས་ཕྱོགས་གཅིག་གིས་འདོད་ཅེས། །དེ་ཚེ་བསམ་པར་མི་འགྱུར་རམ། །གཉི་ག་འང་སྐྱོན་འདིར་འགྱུར་བ་ནི། །སྔར་ནི་ཉེ ་བར་བསྟན་ཟིན་ཏོ། །རྣམ་པ་གཉིས་ལ་མ་གཏོགས་པར། །བར་མེད་ཚུལ་ནི་ཡོད་པ་མིན། །རྒྱུ་དང་མ་ཆོད་པར་ཡོད་པ། །འབྲས་བུ་ཡིན་ཞེས་ཉེར་བརྗོད་ལ། །དེ་ཡང་བར་ཆད་མེད་པར་ནི། །མ་ཡིན་ཞེས་པ་དགེ་བར ་གསུངས། །འབྲས་བུ་ཚེ་ན་རྒྱུ་མེད་ནའང། །དེ་ནི་གང་ལས་འབྱུང་བར་འགྱུར། །མེད་ན་ད་ལྟར་མ་ཡིན་ཕྱིར། །ཞིག་པ་ལས་ནི་སྐྱེ་བར་འགྱུར། །ཡོད་ན་བར་ཆད་མེད་ལ་སོགས། །དེ་ཚེ་བསམ་པར་ཅིར་མི་འགྱུར། །དེ་ལྟ་མིན་ནམ་ཞིག་ལས། ། ་འབྲས་བུ་ཁྱེད་ནི་ཇི་ལྟར་འདོད། །འབྲས་བུ་སྐྱེ་བའི་དུས་ན་ནི། །རྒྱུ་ཡོད་འདོད་པ་མ་ཡིན་ནམ། །དེ་ཡོད་དུས་ན་དེ་དག་ནི། །ཞིག་པའི་ཕྱིར་ན་གནས་པ་མེད། །དེས་ནམ་ཞིག་པ་དག་ལས། །འབྲས་བུ་ཡིན་ནའང་སྐྱེ་བ་ལས། །ཡོད་པ་ཐ་དད་མེད ་པ་ཉིད། །སྐྱེ་བ་བསྐྱེད་བྱ་ཡིན་པའི་ཕྱིར། །དེ་ཚེ་འབྲས་བུ་རྒྱུ་མེད་འགྱུར། །དེ་གཉིས་ཕན་པ་མི་བྱེད་ཕྱིར། །འབྲས་བུ་སྐྱེད་ཅེས་བྱ་བ་ཡི། །འབྲེལ་པ་འདི་ཡང་འགྲུབ་མི་འགྱུར། །དེ་བས་ཡོད་པ་ཁོ་ན་ལ། །འབྲས་བུ་སྐྱོ་ཞེས་བརྗོད་པ་ཡིན། །དེ་ཡི ་དུས་ན་རྒྱུ་ཡོད་ཕྱིར། །དེ་གཉིས་དུས་ནི་གཅིག་པར་འགྱུར། །ཡང་དག་བརྟགས་ན་སྲང་མངའ་ཡི། །དཔེ་ཡང་གྲུབ་པ་མ་ཡིན་ཏེ། །ཆ་ཤས་ཅན་གྱི་ངོ་བོ་དང། །ཆུང་ངུ་བསགས་པ་འདི་མི་རིགས། །གཅིག་ལ་འགལ་བའི་ལས་རྣམས་ནི། ། ་འཐད་པ་མེད་ཕྱིར་ཆ་ཅན་མེད། །ཆ་ཤས་མེད་པའི་རྡུལ་ཕྲན་ཡང། །བསགས་པར་རུང་བ་མ་ཡིན་ནོ། །ཤེས་པ་སྣང་བའི་ངོ་བོ་ཡི། །སྲད་མདའི་དོན་དམ་ཉིད་དུ་ན། །ལུས་ཅན་མིན་ན་མཐོན་དམན་དུ། །འགྱུར་བ་མ་གྲུབ་རྣམ་པ་ཡང།། ་བརྫུན་པའི་ཕྱིར་ན་དེ་མི་སྲིད། དེ་བཞིན་རྒྱུ་འབྲས་དངོས་པོ་འདི། །ཀུན་རྫོབ་ཡིན་པར་བསྒྲུབས་པར་གྱུར། །ཡང་དག་ཉིད་ནི་དེ་མ་ཡིན། །དེ་བཞིན་གྲིབ་མ་ཆུང་ལ་སོགས། །ཡང་དག་པར་ནི་གྲུབ་པ་མེད། །དེ་དང་ཆོས་ནི་མཐུན་པའི་ཕྱིར། ། ་རྒྱུ་འབྲས་ཡང་དག་ཉིད་མི་འགྲུབ། །བདག་ཉིད་ཀུན་དང་ཕྱོགས་གཅིག་གིས། །ཕར་མེད་རྣམ་པར་དཔྱོད་པ་ན། །ཕྱོགས་གཅིག་ཉིད་དང་ཆ་ཤས་ཀྱི། །སྐྱོན་འགྱུར་འདིར་ཡང་མཚུངས་པ་ཡིན། །དངོས་མ་གྲུབ་ན་དངོས་མེད་པའང། །གང་དུ་འགའ་ཡང་གྲུབ ་པ་མེད། །དེས་ན་ཞིག་པའི་དཔེ་དག་ནི། །དེ་སྒྲུབ་པ་ལ་མི་རིགས་སོ། །འདི་ལ་ཡང་ནི་དེ་བཞིན་དུ། །བར་ཆད་མེད་པ་དཔྱད་ན་ནི། །དུས་གཅིག་ཉིད་དང་ཆ་ཤས་བཅས། །ཐལ་བར་འགྱུར་བ་བཟློག་དུ་མེད། །སྐད་ཅིག་མ་ལས་རིང་དུ་འདི། །དངོས་མེད་ཉེ་ཚེ ་ཟད་ཡིན་གྱི། །འདི་དང་བར་ནི་མེད་པ་འདི། །ཞིག་ཅེས་བྱ་བ་གང་ཡིན་མེད། །དེས་ན་བར་ཆད་མེད་སོགས་འདིར། །དེ་བཞིན་བསམ་པ་འཇུག་པ་མེད། །བར་མ་ཆེད་པར་འབྲས་བུ་དག་།ཡོད་ན་བསམ་པར་རིགས་པ་མིན། །ངེས་ན་འདི་ལ་གཞན ་དག་ལས། །སྐྱེ་མི་རིགས་ཞེས་གནོད་བྱེད་པ། །གཞན་ཕྱིར་ཞེས་པ་ཡོད་པ་བཞིན། །མཁས་པ་རྣམས་ཀྱི་གཏན་ཚིགས་རིགས། །གང་དུ་བསྒྲུབ་པར་འདོད་པ་ལ། །མི་མཐུན་ཕྱོགས་ལ་གནོད་བྱེད་མེད། །དེ་དག་ལ་ནི་གཞན་ཉིད་ཀྱིས། །གླེན་པ་ལ ་སོགས་སྒྲུབ་མི་ནུས། །སྐྱེ་པ་དགག་པར་བསྒྲུབ་བྱ་ལ། །མི་མཐུན་ཕྱོགས་ལ་གནོད་བྱེད་པ། །ཇི་སྐད་སྨོས་བཞིན་ཡོད་པ་ཉིད། །འདིར་ལྡོག་པ་ལ་ཐེ་ཚོམ་མེད། །གཞན་ཉིད་ལ་སོགས་སྒྲ་རྣམས་ནི། །གང་དག་དངོས་པོའི་རྒྱུ་ཅན་འདོད། །དེ་ལ ་སུན་འབྱིན་སྨྲས་པ་ནི། །དངོས་པོ་རྣམས་ཀྱི་ཞེས་སོགས་ཡིན། །སྒྲ་དེའི་དོན་ནི་བརྟགས་ཡིན་ཡང། །དངོས་པོའི་མཐར་ཐུག་གང་དག་འདོད། །དེ་ལ་རྒྱུ་མཚན་བདུན་པ་ཡིས། །སྐྱེ་དོན་ཉེས་པ་རིག་པར་བྱ། །གཞན་དུ་གྱུར་པ་ཡོད་པ་ཡི། ། ་རྐྱེན་ལ་དོན་དམ་ཉིད་དུ་ན། །རིགས་པ་མིན་ཏེ་ཇི་སྐད་དུ། །རྒྱས་པར་དེ་བཞིན་བསྟན་པ་ཡིན། །གང་ཚེ་དངོས་པོ་ཐམས་ཅད་ནི། །ཡང་དག་ཉིད་དུ་སྐྱེ་མེད་ན། །དེ་ཚེ་སྒྲ་དེའི་མཐར་ཐུག་པ། །གཞན་ཉིད་འགྲུབ་པ་མ་ཡིན་ནོ། །གཙོ་བོ་དབང ་ཕྱུག་བཅས་སོགས་ལས། །དངོས་རྣམས་སྐྱེ་བ་བརྗོད་པའི་ཕྱིར། །གཉིས་ལས་སྐྱེ་བར་འདོད་པར་ནི། །གང་དག་རྣམ་པར་མི་མཁས་པའོ། །གང་དག་རེ་འགའ་རྣམ་གཉིས་སམ། །གཅིག་གི་ངོ་བོར་རྟོག་པ་ནི། །སོ་སོར ་སྨོས་པའི་ཉེས་པ་ཡིས། །དེ་དང་གཞན་ཀུན་སུན་ཕྱུང་ཟིན། །ཁ་ཅིག་ཚེར་མ་ལ་སོགས་པའི། །རྣོ་སོགས་དཔེ་ནི་འབའ་ཞིག་གིས། །སྐྱེ་བ་ཐམས་ཅད་ཡང་དག་པར། །རྒྱུ་མེད་ཁོ་ནར་རྣམ་སྨྲ་བ། །སྐྱེ་བ་ཡང་དག་སྒྲུབ་པ་ལ། །དཔེ་ནི ་རབ་ཏུ་མ་གྲུབ་པོ། །ཀུན་རྫོབ་ཏུ་ཡང་ཁས་ལེན་ན། །འདི་ལྟར་མངོན་སུམ་ལ་སོགས་འགལ། །རྗེས་སུ་དཔག་དང་ལྡོག་པར་ནི། །མངོན་སུམ་དག་གིས་རྣམ་ངེས་པ། །ས་བོན་སོགས་ལས་མྱུ་གུ་སོགས། །སྐྱེ་བའི་མངོན་སུམ་ཞེས ་པ་གནོད། །གང་ཕྱིར་རང་གི་ས་བོན་ལས། །ཚེར་མ་ལ་སོགས་སྐྱེ་བ་ཉིད། །རྣོ་སོགས་དེ་ཉིད་ལས་ཡིན་པས། །དེས་ན་དཔེ་ནི་གྲུབ་པ་མེད། །དེ་དག་རེས་འགའ་ཁ་ཅིག་ཏུ། །འབྱུང་བར་ཡོངས་སུ་ངེས་པ་ནི། །བལྟོས་དང་བཅས་པར ་སྐྱེ་བ་སྟེ། །བལྟོས་བྱ་དེ་དག་རྒྱུར་འདོད་དོ། །རྒྱུ་ནི་ཕན་པར་བྱེད་པ་སྟེ། །ཕན་པ་མེད་པ་བལྟོས་བྱ་མིན། །ཕན་པ་མེད་ལ་བརྟེན་ན་ནི། །རེས་འགའ་བ་དག་རིག་པ་མིན། །རྒྱུ་ལ་ངེས་པ་ཡོད་པའི་ཕྱིར། །འབྲས་བུ་ངེས་པར་འགྱུར ་བ་ཡིན། །རྒྱུ་མེད་ན་ནི་ཅི་ཡི་ཕྱིར། །ཚེར་མེད་ལ་སོགས་རྣོ་སོགས་ངེས། །དངོས་པོ་རྣམས་ནི་རྒྱུ་མེད་པར། །ངེས་པར་སྐྱེད་པར་འདོད་པ་ཡིས། །ཁྱོད་ནི་གཏན་ཚིགས་སྦྱོར་བྱེད་པ། །དོན་མེད་ཁོ་ནར་འགྱུར་བ་ཡིན། །དེ་བས ་རྒྱུ་མེད་སྨྲ་བ་འདི། །མངོན་སུམ་ལ་སོགས་ཚད་མ་ཡིས། །ཀུན་རྫོབ་ཏུ་ཡང་འགལ་བ་ཡིན། །དེ་ཕྱིར་མཁས་པ་རྣམས་ཀྱིས་སྤང། །དངོས་པོ་ཇི་ལྟར་གྲགས་པ་ཡི། །རྒྱུ་ལ་སོགས་པ་མི་འགོག་ཕྱིར། །དེས་ནི་སྐྱེ་བ་མི་སྨྲ་ལ། །མངོན ་སུམ་ལ་སོགས་འགལ་བ་མེད། །མཐུན་པའི་ཕྱོགས་ལ་ཡོད་པའི་ཕྱིར། །དེ་ཕྱིར་གཏན་ཚིགས་མ་གྲུབ་མེད། །འགལ་མེད་མ་ངེས་འདི་ཡང་མེད། །གང་ཕྱིར་ཚུལ་ནི་གཞན་མེད་ལ། །བདག་དང་གཞན་སྨྲས་དངོས་པོ་ཡི། །བྲག་ནི་མ་ལུས་གཞོམ ་པའི་ཕྱིར། །བཞི་ཆར་ཕྱིར་ནི་མི་ལྡོག་པའང། །རྡོ་རྗེ་ཕྲ་མོ་དེ་འདི་ཡིན། །རང་གི་དངོས་པོ་ཡང་དག་པ། །རྟག་པའི་ངོ་བོའང་གང་ནའང་མེད། །དེ་ནི་ནུས་པས་སྟོང་པའི་ཕྱིར། །ཀུན་ཏུ་རྟ་ཡི་རྭ་བཞིན་ནོ། །ནུས་པ་ཐམས་ཅད་སྟོང་པ་ཉིད། ། ་དེ་ནི་གོང་དུ་བསྟན་པ་ཡིན། །ནུས་མེད་དངོས་པོ་ཡིན་ན་ནི། །མཁའ་ཡི་མེ་ཏོག་ཀྱང་དེར་འགྱུར། །ནུས་པ་དག་དང་བྲལ་བ་ལས། །དངོས་མེད་མཚན་ཉིད་གཞན་ཡོད་མིན། །ནམ་མཁའ་ཨི་མེ་ཏོག་ལ་སོགས་དང། །རྟག་པའང་ཡོད་པས ་དེ་དངོས་མིན། །ཇི་སྟེ་དངོས་པོ་ཀུན་རྫོབ་ཏཱུང། །ནུས་དང་བྲལ་བར་གྱུར་ན་ནི། །གཞན་དུ་འགར་ནི་དངོས་པོ་དང། །དངོས་མེད་དབྱེ་བ་འདིར་མི་འགྱུར། །དེ་བས་དངོས་པོ་ཐམས་ཅད་ཀྱི། །རང་བཞིན་མེད་པ་གང་ཡིན་པ། །ཡང་དག ་ཉིད་དུ་དེ་རིག་བྱ། །དྲི་ཟའི་གྲོང་ཁྱེར་ལ་སོགས་བཞིན། །གང་ཕྱིར་ཡང་དག་དོན་དགག་སྒྲུབ། །མངོན་སུམ་ལ་སོགས་གནོད་པ་མེད། །མངོན་སུམ་རྗེས་སུ་དཔག་པ་ཡིན། །དངོས་པོ་གྲུབ་མེད་ཅེས་བསྒྲུབས་ཟིན། །སྐྱེ་བ་སྒྱུ་མ་སྐྱེ་བ་བཞིན། ། ་གང་ཕྱིར་ཀུན་རྫོབ་ཉིད་དུ་ཡོད། །དེ་ཕྱིར་འཇིག་རྟེན་ལུང་དང་ནི། །འགལ་བ་འཇུག་པ་མེད་པ་ཡིན། །ཇི་སྟེ་ཡང་དག་སྐྱེ་བ་ལ། །ཚད་མ་གནོད་བྱེད་ཡིན་ན་ནི། །སྦྱོར་བ་འདོད་པས་འགྱུར་བ་མེད། །མངོན་སུམ་གནོད་པའི་ཚུལ་དག་གིས། །ཇི་སྟེ ་དེ་འདིར་མི་སྦྱར་ན། །འགར་ནི་གནོད་པར་བྱར་རུང་ཕྱིར། །དེ་ཚེ་གཏན་ཚིགས་འདིར་མི་རུང། །སྣང་བཅས་ལ་སོགས་རྣམ་ཤེས་ཀྱིས། །ཇི་ལྟར་སྒྱུ་དང་འབྲས་བུ་ཡི། །ཡང་དག་གང་ཡིན་མི་འགྲུབ་པ། །དེ་བཞིན་ཀུན་རྫོབ་ཀྱང་མི་འགྲུབ། ། ་གནོད་བྱེད་བྱ་བ་དེ་འདིར་ནི། །གང་ཞིག་བརྫུན་པར་རྟོགས་པའོ། །དེ་ཡིས་དེ་ནི་འདོད་ཉིད་པས། །མི་འདོད་པར་ནི་བསྒྲུབས་པ་མེད། །དེ་བས་བརྫུན་ཉིད་ཡིན་པའི་ཕྱིར། །འདི་ནི་ཀུན་རྫོབ་ཡིན་པར་འདོད། །དེ་ནི་རིགས་པར ་ལྡན་ཡིན་ན། །དོན་དམ་ཉིད་དུ་འགྱུར་བ་ཡིན། །གནོད་པ་གྲགས་པ་སེལ་ཅེ་ན། །དེ་མི་རིགས་ཏེ་ཚད་མ་ཡིས། །གནོད་ཀྱང་སྒྱུ་མ་ལ་སོགས་པ། །གསལ་བ་འཇིག་རྟེན་མ་གྲགས་མིན། །ཇི་སྟེ་བརྫུན་ན་འཇིག་རྟེན་ལ། །གང་དུ་ཅུང་ཟད་སྣང་མེད ་པ། །དེ་ཚེ་ཡང་དག་མཐོང་བའི་ཕྱིར། །ཀུན་གྱིས་དེ་ཉིད་མཐོང་བར་འགྱུར། །ཚད་མ་གང་ཡང་བརྫུན་ཞེས་པའི། །ཐ་སྙད་བྱར་ཡང་མེད་པར་འགྱུར། །གནོད་པར་འཇུག་པ་མ་ཡིན་ལ། །གང་ཡང་ནོར་བ་མེད་པ་ཡིན། །འོན་ཏེ་གནོད ་པ་འགལ་ཡིན་ན། །དེ་ནི་ཚད་མས་ཇི་ལྟར་བྱེད། །དེ་ཡིས་བརྗོད་ན་བརྗོད་ལ་རག་།འདོད་ཡིན་དེ་ལས་དེ་ཅིར་འགྱུར། །འདི་ཡིས་སྣང་བར་མི་འགྱུར་ནའང། །སྔན་ཆད་དེ་ནི་ཇི་ལྟར་ཡིན། །སྔན་ཆད་འདི་ནི་མེད་ན་ཡང། །གང་ལ་འགལ ་བརྗོད་པར་འགྱུར། །འགལ་བ་མེད་པས་འགལ་བརྗོད་པས། །དེ་ནི་འཇིགས་སམ་ཅི་ཞིག་ན། །གང་ཕྱིར་འགལ་བ་བརྗོད་ན་ནི། །དེ་ནི་འདི་རུ་ལྡོག་པ་ཡིན། །ཤེས་པར་སྨྲ་བས་གཉིས་པོ་དག་།འགལ་བ་ཉིད་དུ་བརྗོད་བྱས་ཀྱང། ་གཉིས་སུ་མེད་ལ་སྣང་གྱུར་པ། ཇི་ལྟར་སེམས་ཅན་གསལ་བཅས་ཡིན། །ཟླ་བ་གཉིས་དང་འགལ་མེ་ཡི། །འཁོར་ལོ་ལ་སོགས་ནོར་བ་ལ། །རྟོག་གེ་པ་ཡིས་འགལ་བརྗོད་ཀྱང། །སྣང་བ་ལོག་པར་འགྱུར་བའང་མེད། །འོན་ཏེ ་འདི་སྙམ་བརྫུན་པ་རྣམས། །འགའ་ཡང་འགལ་བར་མི་བཞག་སྟེ། །འཁྲུལ་པ་དེ་ན་སེམས་ལ་ནི། །རྣམ་པ་རྣམས་ནི་སྣང་བ་ཡིན། །དངོས་པོ་མཐུ་ཡིས་བྱུང་བ་ཡི། །ཚད་མས་རྣམ་པར་འགལ་བར་ནི། །དངོས་པོ་ཉིད ་ལ་རྗོད་བྱེད་ཀྱི། །དེ་མི་སྲིད་ཕྱིར་བརྫུན་ལ་མིན། དེ་ལྟ་ཡིན་ན་ཀུན་རྫོབ་ཏུ། །སྐྱེ་བ་ལ་ནི་ཅི་ཡི་ཕྱིར། །ཁྱེད་ཀྱིས་འགལ་བ་རྗོད་པར་བྱེད། །འདིར་ཡང་དེ་བཞིན་མ་བྱེད་ཅིག་།འཇིག་རྟེན་གྲགས་པ་ཁོ་ན་ཡིན། །དོན་ལ་ཚད་མ་འཇུག་པའི་ཕྱིར། །ངེད ་ཀྱིས་ཀྱང་ནི་ཁ་ཅིག་ཏུ། །གཞན་དུ་ཚད་མས་སྦྱར་བས་མེད། །ཇི་ལྟར་གྲགས་པའི་དངོས་པོ་རྣམས། །གང་དག་ཉིད་དུ་ཁས་ལེན་གང། །དེ་གཞུང་སོ་སོར་དགག་པའི་ཕྱིར། །དངོས་པོ་ཐམས་ཅད་རྣམ་པར་དཔྱད། །དེ་དག་ཇི་བཞིན་དཔྱད་ན་ནི།། ་ཡང་དག་ཉིད་དུ་དེ་མི་གནས། །དེ་ཚེ་བརྫུན་པར་རབ་ཏུ་འགྲུབ། །ཐམས་ཅད་སྒྱུ་མའི་རང་བཞིན་བཞིན། །ཡང་དག་ཉིད་ཀྱི་དངོས་པོ་དེ། །མངོན་སུམ་དུ་ནི་གྲུབ་པ་མེད། །དེ་ལ་ཚད་མས་གནོད་ན་ཡང། །ཇི་ལྟར་མངོན་སུམ་གནོད་པ་ཡིན།། ་དེ་ཕྱིར་ཇི་ལྟར་གྲགས་པ་ཡི། །སྐྱེ་བའི་དངོས་པོ་གནས་པ་ཡིན། །མཐུན་པའམ་མི་མཐུན་པའང་རུང། །སྒྱུ་མ་བཞིན་དུ་འགལ་བ་མེད། །འདིར་ནི་སྐད་ཅིག་མ་ཡིན་སོགས། །ཐལ་བར་འགྱུར་ཞེས་བརྩད་མི་རིགས། བརྫུན་པར་འདི་ནི ་མི་འཇུག་ཅེས། །དེ་ནི་སྔ་ལོགས་ཉེ་བར་བསྟན། །སྒྱུ་མ་རྨི་ལམ་མཚུངས་པ་ཡི། །དངོས་ལ་དེ་ནི་མི་སྲིད་ཕྱིར། །སྐད་ཅིག་སྐད་ཅིག་མ་ཡིན་ཉིད། །བརྟགས་པ་ཡིན་གྱི་ཡང་དག་མིན། །དེ་ཕྱིར་རྟག་སོགས་དངོས་པོ་ཡི། །གཟུགས་ལ ་སོགས་པ་ལྟ་བ་ནི། །ཤེས་རབ་དག་ལ་སྤྱོད་མིན་གྱི། །ཤེས་རབ་གཟུགས་བརྙན་ཡིན་ཞེས་གསུངས། །བག་མེད་པ་ཡི་བྱིས་པ་རྣམས། །འདུ་བྱེད་དག་ལ་ཡིད་དབྱུང་ཕྱིར། །བདག་མེད་ཉིད་ལ་འཇུག་བྱ་ཕྱིར། །སྐད་ཅིག་པ་ཉིད་བསྟན ་པ་ཡིན། །འོན་ཏེ་ཇི་སྟེ་ཀུན་རྫོབ་ཏུ། །དངོས་པོ་སྐྱེ་བར་འདོད་ན་ནི། །དངོས་པོ་ཁས་བླངས་ཁོ་ན་ཡིན། །མིང་ལ་དབྱེ་བ་ཡོད་དུ་ཟད། །འདི་ལྟར་རི་བོང་རྭ་ལ་སོགས། །བརྗོད་དུ་མེད་ལས་རྣམ་ལོག་པར། །ས་བོན་ལ་སོགས་ངེད་འདོད་བྱ། ། ་དེ་ལྟ་མིན་ན་མཐོང་དང་འགལ། །གང་ཡང་ནུས་པ་མ་ལུས་དང། །བྲལ་ཞིང་བརྗོད་དུ་མེད་པ་ལས། །རྣམ་པར་ལོག་ཅེས་བྱ་བར་བགྲང། །དེ་ཉིད་ངེས་ཀྱིས་དངོས་པོར་བགྲང། །རྨི་ལམ་ལ་སོགས་དག་ན ་ནི། །གླང་པོ་ལ་སོགས་བརྫུན་པར་སྣང། །བརྗོད་དུ་མེད་ལས་རྣམ་ལོག་པ། །དེ་ཅི་ཡིན་ནམ་མ་ཡིན་སྨོས། །རྣམ་ལྡོག་ཇི་སྟེ་དངོས་ཉིད་ན། །དེ་དག་བརྫུན་པ་ཉིད་མི་འགྱུར། །མ་ཡིན་ན་ཡང་དེ་ཡི་ཚེ། །དེ་ལ་གྲགས་གནོད་ཇི་ལྟར་སྤང། ། ་ཤེས་པའི་ངོ་བོ་དང་མི་མཐུན། །ལུས་ཅན་རྣམས་ལ་སྣང་བའི་ཕྱིར། །ཤེས་པའི་ངོ་བོར་དེ་དག་ནི། །དངོས་པོ་ཉིད་ཅེས་བྱར་མི་རུང། །གཞན་དུ་སྣང་བ་ཇི་ལྟར་ན། །གཞན་གྱི་ངོ་བོ་ཡིན་པར་འགྱུར། །དེ་དང་མཚན་ཉིད་མི་མཐུན་པའི། །ངོ་བོ ་གང་དེ་ཉིད་འདིར་དཔེ། །ཇི་སྟེ་ཡང་ནི་འདི་སྙམ་དུ། དེ་དག་དངོས་པོའི་བག་བཞིན་དུ། །གསལ་བར་སྣང་བ་འོན་ཀྱང་ནི། །ཚད་མས་གནོད་པའི་ངོ་བོའི་ཕྱིར། །བརྫུན་པ་ཁོ་ནར་སྣང་བའི་ཕྱིར། །དངོས་པོའི་ངོ་བོར་མི་བཞག་གོ་།དེས་ན་རི་བོང ་རྭ་ལ་སོགས་ལས། །རྣམ་ལྡོག་ལ་སོགས་འདིར་མི་བསམ། །གཞན་ཡང་དེ་ནི་སྣང་བའི་ཕྱིར། །མེད་ལས་ཐ་དད་མེད་པ་མིན། །བརྫུན་པའི་ངོ་བོར་སྣང་བའི་ཕྱིར། །ཐ་དད་པར་ཡང་རིགས་པ་མིན། །དེ་ལྟ་ཡིན་ན་ཀུན་རྫོབ་དངོས། །སྒྱུ་མ་སོགས ་ལས་དབྱེར་མེད་ལ། །ཚད་མས་གནོད་པ་ཡིན་པ་ལའང། །ལྡོག་པ་ལ་སོགས་ཇི་སྟེ་བསམ། །དངོས་དང་དངོས་མེད་ངོ་བོ་ཡི། །རྣམ་ལྡོག་ཐམས་ཅད་རྣམ་འཁྲུལ་པའི། །རྣམ་པ་བཞིན་ཡིན་དེ་དག་ལ། ལྡོག་དེ་ལ་སོགས་ཇི་ལྟར་བསམ།། ་དངོས་པོའི་རང་བཞིན་ཉིད་གྲུབ་ན། །དེ་ཕྱིར་རྣམ་ལྡོག་ཉིད་དུ་འགྱུར། །ཚད་མས་གནོད་པ་ཡིན་པའི་ཕྱིར། །དེ་མ་གྲུབ་ཅེས་སྔར་བསྟན་ཟིན། །རྒྱུ་དང་རྐྱེན་ནི་ཚོགས་པ་ཡི། །མཐུ་ལས་སོ་སོར་སྣང་བའི་ཕྱིར། །རྣམ་མི་ལྡོག་པའི་ངོ་བོ་ཉིད། ། ་གཅིག་དུ་དེའི་ཕྱིར་ཡོད་པ་མིན། །རྒྱུ་དང་རྐྱེན་ཉིད་ཚོགས་པ་ལ། སྒྱུ་མ་ལ་སོགས་བལྟོས་གྱུར་ཀྱང། །དེ་ཙམ་གྱིས་ན་དངོས་ཉིད་དུ། །དེ་ལ་ཡོངས་སུ་བརྟག་མི་རིགས། །ཇི་ལྟར་གྲགས་པའི་དངོས་པོ་རྣམས། །དེ་ནི་བལྟོས་དང་བཅས་པར་བཤད། །ཡང་དག ་ཉིད་མིན་ཇི་ལྟར་སྔར། །རྒྱས་པར་རབ་ཏུ་བསྒྲུབས་པ་ཡིན། །རྒྱུ་དང་འབྲས་བུའི་དངོས་པོ་དག་།ཀུན་རྫོབ་ཏུ་ནི་རབ་གྲུབ་ཕྱིར། །དེ་ནི་ཇི་ལྟར་གྲུབ་ཡིན་ཞེས། །རྣམ་པར་དཔྱད་པ་འདིར་མི་རིགས། །ཐ་སྙད་བྱེད་པ་རྣམས་ཀྱིས་ནི། །ཇི་ལྟར་གྲགས ་པའི་དངོས་པོའི་དོན། །དེ་བཞིན་བཟུང་བར་བྱ་བ་ཡིན། །ཐར་འདོད་རྣམས་ཀྱིས་ཡང་དག་དཔྱད། །དོན་དམ་ཉིད་དུ་གང་མེད་པ། །ཐ་སྙད་དུ་ནི་ཡོད་པ་མིན། །དེ་དག་མེད་པ་ཉིད་གྱུར་པ། །རྟ་ཡི་རྭ་ལ་སོགས་པ་བཞིན། །དེ་བཞིན་ཇི་སྟེ་དངོས་པོ ་རྣམས། །ཡང་དག་ཉིད་དུ་མེད་གྱུར་པ། །དེ་དག་ཀུན་རྫོབ་ཏུ་ཡང་མེད། །ཅེ་ན་དེ་ནི་རིགས་ལྡན་མིན། །འདི་ལྟར་བདེན་པའི་དངོས་པོ་ནི། ལྡོག་ན་ཀུན་རྫོབ་དངོས་པོ་ཡང། །ལྡོག་པར་འགྱུར་ཞེས་བྱར་ནི་འདིར། །འབྲེལ་པ་གང་ཡང་ཡོད་པ ་མིན། །བདེན་དང་བརྫུན་གཉིས་འགལ་བའི་ཕྱིར། །དེ་ཡི་བདག་ཉིད་ཡོད་པ་ཡིན། །དེ་ཡི་ཕྱིར་ན་བདེན་པ་ལས། །བརྫུན་པའི་ངོ་བོ་སྐྱེ་བ་མེད། །སྒྱུ་མ་ལ་སོགས་དག་ལ་ནི། །བདེན་པའི་ངོ་བོ་སྤངས་པ་སྣང། །དེ་ལྟ་མིན་ན་ཇི་ལྟར་དེ། །བརྫུན ་པ་ཉིད་དུ་རྣམ་པར་གནས། །དོན་དམ་པ་ཡི་ངོ་བོ་ཉིད། །སྤངས་པ་ཉིད་ནི་ཀུན་རྫོབ་ཀྱི། །དངོས་པོའི་ངོ་བོར་འདོད་ཡིན་ན། །ཇི་ལྟར་དེ་མེད་ན་དེ་མེད། །ཇི་སྟེ་དོན་དམ་པར་ཡོད་ཀྱིས། །ཇི་སྟེ་ཀུན་རྫོབ་དེ་མེད་ན། །དེ་བཞིན་ཀུན་གྱི་ཡང་དག ་མཐོང། །ཀུན་རྫོབ་རྣམ་པར་འཇིག་པར་འགྱུར། །གང་ཡང་རི་བོང་རྭ་ལ་སོགས། །ཀུན་རྫོབ་ཏུ་ཡང་མི་སྐྱེ་པ། །དེ་ནི་དེ་འདྲའི་ས་ལ་སོགས། །ཚོགས་པ་མེད་པ་ཁོ་ནས་ཡིན། །རྒྱུ་ཚོགས་ཡོད་པ་མ་ཡིན་ན། །སྒྱུ་མ་ཡང་ནི་འབྱུང་མི་འགྱུར། །དེ ་ཡོད་ན་ནི་འདི་འབྱུང་བའི། །དངོས་པོ་ཉིད་ནི་ཀུན་རྫོབ་ཡིན། །དངོས་པོ་རྣམས་ཀྱི་རང་བཞིན་ནི། །མེད་པར་མཐུན་ན་ཇི་ལྟར་འགར། །རེས་འགལ་བ་ཅིག་སྐྱེ་བར་འགྱུར། །ཀུན་ཏུ་ཐམས་ཅད་ཇི་སྟེ་མིན། །རབ་རིབ་དག་གིས ་འཁྲུགས་པའི་མིག་།མཐུན་པ་དག་ལ་བརྫུན་སྣང་ན། །སྐྲ་སོགས་སོ་སོར་སྣང་བ་ཡང། །ངེས་པའི་རྒྱུ་མཚན་ཅི་ཞིག་ཡོད། །དེ་ལ་རབ་རིབ་རྒྱུ་ཡིན་ནའང། །དེ་ནི་བརྫུན་དུ་ཇི་ལྟར་འགྱུར། །དངོས་པོ་མེད་ལ་ཁྱེད་ཅག་ནི། །རྒྱུ་རྣམས་ཡོད་པར ་འགར་མི་འདོད། །སྒྲ་ལ་སོགས་པ་བརྫུན་པ་ལའང། །ཇི་སྟེ་ངེས་པའི་རྒྱུ་ཡོད་པར། །བརྗོད་ན་ཀུན་རྫོབ་དངོས་པོ་ལའང། །ཅི་ཡི་ཕྱིར་ནི་བརྗོད་མི་བྱེད། །རྒྱུ་མེད་ཅན་དུ་མི་སྐྱེ་བར། །ཇི་སྟེ་འདོད་ན་དེ་ཡི་ཚེ། །དེ་ལྟ་ཡིན་ན་ཐལ་འགྱུར་བ། ཅི་ཕྱིར ་ཐམས་ཅད་ཀུན་ཏུ་མིན། །རྒྱུ་དང་རྐྱེན་ནི་ཚོགས་པ་ཅན། །ངེས་པའི་སྐྲ་ལ་སོགས་པ་ཡང། །ཇི་སྟར་དངོས་པོ་ཉིད་མིན་པ། །དེ་བཞིན་ཀུན་རྫོབ་པ་ལ་འང་བལྟོས། །དེ་ནི་ཤེས་པའི་ངོ་བོ་ཡི། །དངོས་པོ་ཉིད་དུ་རིགས་ལྡན་མིན། །དེ་དང ་མཚན་ཉིད་མི་མཐུན་ཕྱིར། །ཞེས་བྱ་བ་ནི་སྔར་བསྟན་ཟིན། །ཤེས་པ་དངོས་པོའི་རང་བཞིན་དུ། །གྱུར་ན་དེ་དང་དབྱེར་མེད་པའི། །སྐྲ་ལ་སོགས་ཡང་དངོས་ཉིད་ཅེས། །བརྗོད་པ་ཡང་ནི་མཛེས་པ་ཡིན། །དེ་ཡང་ཚད་མས་མ་གྲུབ་ཅིང ་གནོད་པ་ཡོད་པར་ཉེ་བར་བསྒྲུབས། །དངོས་པོ་མེད་པར་གྲགས་པ་ཡི། །སྐྲ་སོགས་བདེན་པར་ཇི་ལྟར་འགྱུར། །རང་ལ་ངེས་པ་ཡོད་པ་བཞིན། །གཞན་ལ་ངེས་པ་བསྐྱེད་འདོད་པས། །སྐྱེ་བ་སོ་སོར་འགོག་པ་འདི། །མི་རིགས་ཞེ ་ནའང་དེ་མི་རིགས། །ངེས་པ་སྐྱེ་བ་ཙམ་དག་གིས། །གཏན་ཚིགས་ཁས་ལེན་པ་ཡིན་གྱི། །བྱེ་བྲག་མ་ཡིན་བྱེ་བྲག་ཏུ། །འདི་ལྟར་དངོས་པོ་སྐྱེ་བ་ལ། །ཡང་དག་ཡོངས་སུ་བརྟགས་པ་ཡི། །སྐྱེ་བ་འདིར་ནི་འགོག་བྱེད་ཀྱི། །སྒྱུ་མ་བཞིན ་དུ་ཀུན་རྫོབ་ནི། །ནམ་ཡང་མི་འགྲུབ་མ་ཡིན་ནོ། །དེས་ན་སྐྱེ་བ་བཀག་གྱུར་ཀྱང། །བསྒྲུབ་པར་བྱ་ལ་ངེས་འབྱུང་བ། །གཟུགས་ལས་གཟུགས་བརྙན་ཇི་བཞིན་དུ། །ཀུན་རྫོབ་ཏུ་ནི་ཡོད་ཡིན་པ། །ཇི་སྟེ་ཤེས་སོགས་དངོས་ཡོད་པ། །མི་འདོད་ན ་ཡང་ཀུན་རྫོབ་ནི། །རྒྱུ་མེད་པར་ན་མི་རིགས་ཕྱིར། །གང་དུ་བདག་དང་ཆོས་འདི་འདོགས། །འོན་ཏེ་ཡང་ནི་རྒྱུ་བརྗོད་ན། །དེ་ཉིད་དངོས་པོ་གྲུབ་པ་ཡིན། །ཀུན་ནས་ཉོན་མོངས་རྣམ་བྱང་དུ། །འགྱུར་བའི་རྒྱུ་ཡང་ཅི་ཞིག་ཡིན། །ཀུན་རྫོབ་རྣམས ་ཀྱི་རྒྱུ་ཙམ་ཞིག་།རབ་ཏུ་བསྒྲུབ་ནའང་གྲུབ་པ་སྒྲུབ། །འདི་ཡི་ས་བོན་ཀུན་རྫོབ་ཏུ། །རང་དང་རྗེས་སུ་མཐུན་པར་འདོད། །ཇི་སྟེ་དངོས་ཡོད་དེ་སྒྲུབ་ན། །དེ་དང་རྗེས་སུ་འགྲོ་བ་མེད། །ཤིང་ལ་སོགས་ལ་གྲུབ་པ་ནི། །ཀུན་རྫོབ་ཁོ་ནར་ཀུན་ཏུ་གྲུབ། ། ་རང་གི་རྒྱུ་ལ་བལྟོས་པར་ནི། །མ་བརྟགས་ཤིན་ཏུ་གྲུབ་པ་ཡིན། །གང་ཕྱིར་ཀུན་ཏུ་ཀུན་རྫོབ་ནི། །གནོད་སྦྱིན་རྗེས་མཐུན་གཏོར་མ་བཞིན། །བརྫུན་པའི་དངོས་པོ་དེ་ལ་ནི། །ཇི་སྟེ་དངོས་པོ་ཡོད་དོ་ཞེས། །མིང་དུ་བརྗོད་ན་མིང་ལ་ནི། །བརྩད་ ་པ་ནམ་ཡང་ཡོད་པ་མིན། །ཇི་ལྟར་རྨི་ལམ་སྦྲུལ་གདུག་པས། །ཟིན་ཏེ་རྒྱལ་དང་དེ་བྲལ་ལྟར། །ཀུན་ནས་ཉོན་མོངས་རྣམ་བྱང་ཡང། །དེ་བཞིན་འདོད་ཀྱི་ཡང་དག་མིན། །སྐྱེ་བ་དང་ནི་འགག་པ་དང། །ཀུན་ནས་ཉོན་མོངས་རྣམ་བྱང་སོགས། ་འཕགས་པ་ཤེས་རབ་ཕ་རོལ་ཏུ། །ཕྱིན་སོགས་ལ་བརྗོད་ཐ་སྙད་ཡིན། །དོན་དམ་པ་ཡི་དངོས་པོ་དང། །རབ་ཏུ་འབྲེལ་པ་མ་གྲུབ་ན། །དེ་མེད་པ་ཡིས་ཉོན་མོངས་སོགས། །དངོས་པོ་མེད་པར་རིགས་པ་མིན། །མ་བརྟགས་རབ་ཏུ་དགའ་ ་རྣམས་ཀྱི། །ཤིན་ཏུ་འཇུག་དང་ལྡོག་པ་ལས། །རྨོངས་ལ་སོགས་ལ་ཉོན་མོངས་དང། །རྣམ་པར་བྱེད་བ་རྣམ་པར་གནས། །ཀུན་རྫོབ་ཉིད་དུ་ཐམས་ཅད་ཡོད། །དམ་པའི་དོན་དེ་མེད་མིན་ནམ། །དངོས་དང་དངོས་མེད་ལ་སོགས་པའི ་ཆོས་རྣམས་གཅིག་ལ་ཇི་ལྟར་འཐད། །ཀུན་རྫོབ་ཅི་ཡིན་བརྗོད་བྱ་དགོས། །ཐ་སྙད་ལས་བྱུང་བློ་ཡིན་ན། །དེ་ལྟར་གྱུར་ན་བློ་ཙམ་ཏེ། །རྣམ་རིག་ཙམ་ཉིད་གྲུབ་པ་ཡིན། །སྒྲ་ནི་ཀུན་རྫོབ་ཡིན་ན་ཡང། །ལེགས ་བཤད་ཉེས་བཤད་དབྱེ་མེད་འགྱུར། །སྒྲ་ལས་ཐམས་ཅད་གྲུབ་པའི་ཕྱིར། །དངོས་པོ་འགའ་ཡང་མེད་པར་འགྱུར། །ཇི་སྟེ་སྒྲ་དོན་སྤྱི་ཡིན་ན། །ཁྱད་པར་མེད་པར་ཇི་ལྟར་རུང། །གང་ཡང་བསྟན་དུ་མེད་པའི་དོན། །མྱོང་བ་དེ་དག ་ཇི་ལྟར་འདོད། །སོ་སོ་རང་གིས་མྱོང་བའི་ཕྱིར། །བདེ་བ་ལ་སོགས་ཀུན་རྫོབ་མིང། །དངོས་པོ་བག་ཙམ་ཡོད་པའི་ཕྱིར། །དེ་དག་དོན་དམ་པ་ཡང་མིན། །ཀུན་རྫོབ་དང་ནི་དོན་དམ་ལས། །ཁྱོད་ཀྱི་ཕུང་པོ་གཞན་ཡང་མེད། །བདེ་བ ་ལ་སོགས་དེ་དག་ནི། །རང་གི་ངོ་བོ་ཅི་ཡིན་སྨྲོས། །དེ་ཡང་སྒྲོ་བཏགས་ངོ་བོ་ཡིས། །བརྗོད་ཕྱིར་ཇི་སྟེ་ཀུན་རྫོབ་ཡིན། །ཡང་དག་པ་ཡང་དེ་བཞིན་དུ། །ཀུན་རྫོབ་ངོ་བོ་ཉིད་དུ་འགྱུར། །ཀུན་རྫོབ་དག་ནི་ཆད་ཆུང་ཡང། །དངོས ་པོར་ཁས་ནི་བླང་བྱ་དགོས། །དེས་ན་འདི་ཀུན་བདེན་ཡིན་གྱི། །ད་ལྟར་མིན་ན་ཇི་ལྟར་འདོད། །ཀུན་རྫོབ་དངོས་པོ་ཡིན་ན་ཡང། །མིང་ལ་བརྩད་པ་འགའ་ཡང་མེད། དངོས་པོ་མེད་ན་དེ་དག་ནི། །དངོས་པོ་ཡོད་པར་ཇི་ལྟར ་བརྗོད། །འོན་ཏེ་མེད་དོན་དེ་ཡིན་ན། །དེར་འགལ་བདེན་ཉིད་ཇི་ལྟར་རུང། །འདི་ནི་སྒྱུ?་མའི་དོན་ཡིན་ནའང། །སྒྱུ་མ་ཇི་སྟེ་མེད་ན་འགལ། །འོན་ཏེ་རྣམ་ཤེས་འཁྲུལ་ཡིན་ན། །དེ་ཉིད་རྣམ་པར་རིག་ཙམ་ཉིད། །མིང་ཙམ་ཉིད་ལ་དབྱེ ་བ་ཡོད། །ཇི་སྟེ་ཀུན་རྫོབ་གཡོ་བའི་དོན། །བློ་ཡིས་རྣམ་པར་དཔྱད་པ་ན། །རང་གི་ངོ་བོ་གནས་མེད་དེ། །མ་བརྟགས་རབ་ཏུ་གྲུབ་པ་ཡི། །དངོས་པོ་ཀུན་རྫོབ་སྨྲ་བ་རྣམས། །ཇི་སྟེ་མ་བརྟགས་ཡིན་པར་བསྒྲུབ། །མངོན་སུམ ་ངེས་འགྱུར་དེ་ཡང་ནི། །རང་གི་མཚན་ཉིད་ལས་གཞན་མིན། དེ་ལྟར་གྱུར་ན་བརྩད་དུ་མེད། །རྗེས་སུ་དཔག་པས་རབ་གྲུབ་པའི། །དོན་ནི་སྤང་བ་བྱས་པར་གྱུར། །མེད་པ་དགག་པ་ཡིན་ན་ཡང། །ཡོད་པར་དེ་ལ་ཇི་ལྟར་འགྲུབ། མ་པ་རྟགས་འཇིག ་རྟེན་སྨྲ་ཡིན་ནའང། །ལས་དང་འབྲས་བུ་ཇི་ལྟར་ཡོད། །འདི་ལྟར་འཇིག་རྟེན་ལས་མ་གྲུབ། །དེ་དག་བསྟན་བཅོས་ལས་རྟེན་གྲུབ། །བསྟན་བཅོས་བྱེད་པ་འང་འཇིག་རྟེན་ནའང། །དེ་ཚེ་ཅི་ཞིག་ཡོངས་སུ་སྤངས། །དེ་ལས་ཕན་ཚུན་འགལ་བ་དག་།གྲུབ ་པར་ཇི་ལྟར་འདོད་པར་བྱ། །དོན་དམ་ཅི་ཡང་མ་ཡིན་ནའང། །གང་གི་དོན་གྱིས་དེ་ལྟར་འདོད། །དེ་བཟུང་བར་ཡང་ཇི་ལྟར་བྱ། །འདི་ཡི་དོན་ཀྱང་ཇི་ལྟར་བསྒྲུབ། །རེ་ཞིག་དོན་དེ་དམ་པ་མིན། །དམ་པའི་དོན་ཀྱང་དེ་མ་ཡིན། །དེ་ཡི་དོན་ཀྱང་དམ ་པ་མིན། །དོན་དམ་ཇི་ལྟར་འདོད་པར་བྱ། །དོན་དམ་ཀུན་རྫོབ་གཅིག་ཡིན་ན། །རྣམ་པར་དབྱེ་བ་མེད་པར་འགྱུར། །ཐ་དད་གྱུར་ན་གཉི་ག་ཡང། །དངོས་པོ་ཡོད་པར་ཐལ་བར་འགྱུར། །འདི་ལ་ཐོག་མར་རྒོལ་བ་དེ། །སྨྲ་བ་ཀུན་ལ་འདྲ་བ་སྟེ།། ་རབ་རིབ་ཅན་གྱི་དམིགས་པ་ཡི། །སྐ་ལ་སོགས་པའང་འབྱུང་བར་འགྱུར། །འདི་ལྟར་དེ་ཡང་བརྫུན་པའི་ཕྱིར། །དོན་དམ་པར་ནི་ཡོད་པ་མིན། །ཤེས་པ་སོ་སོར་དེ་སྣང་ཕྱིར། །དེ་ཡི་ལུགས་ཀྱིས་ཡོད་པའང་ཡིན། །དེ་འདའ་ཨི་ཡོད་དང་མེད་པ ་ཉིད། །ཇི་ལྟར་གཅིག་ལ་མི་འགལ་བ། །བལྟོས་ནས་དབྱེ་བ་དེ་བཞིན་དུ། །ཀུན་རྫོབ་ལ་ཡང་རུང་བ་ཡིན། །ཇི་ལྟར་གཉིས་སུ་མེད་པ་ལ། །གཟུང་དང་འཛིན་པ་འགལ་མེད་དང། །ཇི་ལྟར་གཉིས་ཀྱི་རྣམ་པ་ཡི། །ཡོད་མེད་ལ་སོགས་ངོ་བོ་ཉིད།། ་དེ་བཞིན་འདི་དག་ཐ་སྙད་དུ། །ཐམས་ཅད་བདེན་པ་གཉིས་བརྟེན་ནས། །བསྟན་པ་ཡིན་གྱི་ཡང་དག་པར། །ཡོད་མེད་ལ་སོགས་ཆོས་ཉིད་མིན། །རྣམ་པར་ཤེས་པས་དོན་བཞག་པའི། །ངོ་བོ་འཁྲུལ་བ་ཡིན་པའི་ཕྱིར། །བདེན་བ་གཉིས ་ཀྱི་དབྱེ་བ་ཡང། །སྒྱུ་མའི་སྐྱེས་བུ་བཞིན་དུ་གནས། །ཇི་ལྟར་སྒྱུ་མའི་སྐྱེས་བུ་ཡི། །ངོ་བོ་འཁྲུལ་པ་ཤེས་པས་བརྟགས། །དེ་བཞིན་དངོས་དོན་ཐམས་ཅད་ཀྱི། །དངོས ་པོ་ཀུན་རྫོབ་ཡོད་པར་འདོད། །ཇི་ལྟར་དེར་ནི་རང་གི་དངོས། །འཁྲུལ་དང་པྲལ་བའི་ཤེས་པས་བཞག་།དེ་བཞིན་དུ་ནི་དངོས་རྣམས་ཀྱི། །ངོ་བོ་ཡང་དག་ཉིད་དུ་བརྗོད། །དེ་བས་བལྟོས ་པའི་བྱེ་བྲག་གིས། །ཆུང་མ་ལ་སོགས་འདོད་པ་བཞིན། །དེ་བཞིན་བདེན་པ་གཉིས་བརྟེན་པ། །ཐ་སྙད་དུ་ནི་འགལ་བ་མེད། །དངོས་པོ་དག་ལ་ཡང་དག་པའི། །ངོ་བོ་ཉིད་དུ་ཚད ་མས་བསྒྲུབས། །དེ་གྲུབ་ན་ནི་བཟློག་པ་ལས། །ཀུན་རྫོབ་ངོ་བོ་འགྲུབ་པ་ཉིད། །ཡང་དག་པ་དང་ཀུན་རྫོབ་ཀྱི། །ངོ་བོ་ངེས་ན་གྲུབ་པའི་ཕྱིར། །བལྟོས་ནས་དབྱེ་བ་ཤིན་ཏུ་འགྲུབ།། ་དེ་བས་ཐ་སྙད་ཀྱང་དེ་བཞིན། །དེ་དག་རྣམས་ཀྱི་བློ་གང་གིས། །ཡང་དག་ངོ་བོ་སྒྲིབ་བྱེད་དེ། །ཀུན་རྫོབ་ཡིན་ཞིང་བརྟགས་པ་ཀུན། །དེ་ལས་བྱུང་ཕྱིར་ཀུན་རྫོབ་པའོ། །ཤེས་པ་དངོས་པོ་མེད་ཡིན ་ཡང། །དངོས་སམ་བཞིན་དུ་འཁྲུལ་པའི་ཕྱིར། །དེ་བཞག་ཕྱིར་ན་ཀུན་རྫོབ་པ། །ཆུ་ལ་སོགས་པ་བཞིན་དུ་འདོད། །རྣམ་པ་བརྫུན་པ་དག་ཀྱང་ནི། །རང་ཉིད་སྣང་བ་ཡིན་པས་ན། །བརྫུན་ཕྱིར་དེ་བསམ་གྲུབ་སྟེ། ། ་དེས་ན་རྣམ་རིག་ཉིད་དུ་བདེན། །ལང་ཀའི་མདོ་དང་གཞན་དག་ལས། །དངོས་པོའི་ངོ་བོ་མེད་པ་ལ། །འཁྲུལ་པ་ཀུན་རྫོབ་ཡིན་པར་གསུངས། །སྒྲ་ཡང་ཐ་སྙད་པ་ཡིན་ཏེ། །འགྲོ་ཀུན་སྒྲ་ཉིད་ཡིན་པའི་ཚིག་།སངས་རྒྱས་པ་ལ་གང ་ནའང་མེད། །སྒྲ་ཉིད་ཁོ་ན་ཀུན་རྫོབ་ཏུ། །དེ་ནི་ཁྱེད་ཀྱི་རང་དགའ་ཡིན། །ལེགས་བཤད་ཉེས་བཤད་དབྱེ་བ་ནི། །ཇི་སྟེ་ཡང་དག་དོན་བསམས་ཏེ། །རྒོལ་ན་གནོད་སྦྱིན་སྟོང་ཉིད་ལ། །འདི་ལྟར་དབྱེ་བ་འདོད་པ་མེད། །ཀུན་རྫོབ་ཅེ་ནའང་ཕྱུགས་?་? ་སྐྱེ་བ་ཀུན་ལ་ལེགས་བཤད་དང། །ཉེས་བཤད་དབྱེ་བའང་རབ་གྲགས་ཕྱིར། །དེ་ནི་སོ་སོར་ཇི་ལྟར་དགག་།ལུས་ཅན་རྣམས་ལ་ཚིག་གང་ཞིག་།ཕན་དང་བདེ་བར་ཉེར་བརྟགས་པ། །ལེགས་བཤད་དེ་ཡིན་ཐ་སྙད་དུ། །བཟློག་ན་ཉེས་པར་བཤད་པ ་ཡིན། །མིང་ནི་བརྟགས་པའི་དངོས་པོ་ཡིས། །བསྡུས་པ་རྗོད་པར་བྱེད་པའི་ཕྱིར། །གང་དག་རྗོད་པའི་དངོས་པོ་ནི། །ངོ་བོ་ཉིད་དུ་མི་འདོད་པ། །དེ་ཡི་ལེགས་བཤད་ཉེས་བཤད་པ། །རབ་ཏུ་དབྱེ་འདི་ཇི་ལྟར་རུང། །དེ་ཡི་ལན་འདིར་གང་ཡིན་པ། ་དེ་ནི་བདག་གི་ལན་ཀྱང་ཡིན། །ཇི་ལྟར་སྣང་བ་དེ་དག་ནི། །རྒྱུ་དང་བཅས་ལས་བྱུང་བའི་ཕྱིར། །སྒྲ་ཙམ་ལས་ནི་དངོས་པོ་རྣམས། །ཡོད་པ་ཉིད་དུ་སུ་ཁས་ལེན། །བསྟན་དུ་མེད་པའི་དངོས་པོ་ཡི། །ངོ་བོ་སྒྱུ་མ་ལ་སོགས་འདྲ། །དངོས་པོ་མེད་པ ་ཉིད་ཀྱིས་ན། །དེ་དག་བརྟགས་པ་ཉིད་དུ་བརྗོད། །སྒྱུ་མའི་མིང་ནི་མང་པོ་དག་།ཇི་ལྟར་སྤྱི་ཞེས་བྱ་བ་སྲིད། །དོན་དམ་པ་ཡི་དངོས་པོ་ཡི། །ངོ་བོ་ལ་ཡང་དེ་བཞིན་བལྟོས། །ཇི་སྟེ་དངོས་པོ་བྱེ་བྲག་ཉིད། །སྒྲ་དོན་ཡིན་གྱི་གཞན་མིན་ན། །སྔ་ན་མེད ་པ་ལ་སོགས་པ། །ཡོད?་ཡེ་བརྗོད་དུ་མེད་པར་འགྱུར། །མ་བརྟགས་གཅིག་པུ་དགའ་བའི་ཕྱིར། །བདེ་བ་ལ་སོགས་ངོ་བོ་ཀུན། །དེ་ལྟར་མདོ་ལས་བརྗོད་པས་ན། །ཀུན་རྫོབ་ཁོ་ནར་འདོད་པ་ཡིན། །བསྟན་དུ་མེད་པའི་ངོ་བོ་དག་།ཇི་སྟེ་དངོས་པོ ་ཉིད་བརྗོད་ན། །ཟླ་བ་གཉིས་དང་སྒྲ་ཤད་འཛིངས། །བརྗོད་དུ་མེད་པ་ཉིད་མི་འགྱུར། །སྤྱི་ཡི་ངོ་བོར་སྒོ་བཏགས་ཏེ། །རྗོད་པར་བྱེད་པ་ཡིན་པའི་ཕྱིར། །དོན་དམ་སྤྲོས་དང་བྲལ་བ་ཡང། །ཀུན་རྫོབ་པ་དེར་གྱུར་པ་ཡིན། །ཕྱིན་ཅི་ལོག ་ཏུ་སྣང་བའི་ཕྱིར། །ཀུན་རྫོབ་རྣམས་ཀྱི་དངོས་ཉིད་མེད། །དེ་ཡི་རང་བཞིན་ཁོ་ན་ནི། །གཞན་དུ་འགྱུར་བར་ཇི་ལྟར་རུང། །ཚངས་ལ་སོགས་པའི་ཡོངས་འགྱུར་བར། །མུ་སྟེགས་ཅན་གྱི་བརྟགས་པ་ལ། །ཞེ་སྡང་བྱ་བ ་ཅི་ཡོད་ན། །གང་ཕྱིར་དེ་དག་སོ་སོར་འགོག་།དེ་ཕྱིར་ལོག་པར་སྣང་བའི་ཕྱིར། །དངོས་པོའི་ངོ་བོར་ཡང་མི་རིགས། །སོ་སོར་སྣང་ཕྱིར་རྟའི་རྭ་བཞིན། །དངོས་པོའི་ངོ་བོ་གཏན་མེད་མིན། །དེས་ན་ཡོད་པ་བཞིན་སྣང་བ། །སྒྱུ་མའི་གླང་པོ་ལ་སོགས ་བཞིན། །དེ་ཡི་བསམ་པའི་དབང་གིས་ན། །དེ་དག་ཡོད་ཡིན་ཡང་དག་མིན། །བརྫུན་པའི་རྣམ་པར་སྣང་བའི་ཕྱིར། །མི་བདེན་ཀུན་རྫོབ་ཡིན་པར་འདོད། །དེས་བཞག་པ་ཡི་ངོ་བོ་ནི། །དེ་ལས་བྱུང་ཕྱིར་བདེན་པར་བརྗོད། །ཤེས་དང ་ཤེས་བྱར་བརྗོད་ལ་སོགས། །ཐ་སྙད་གང་ཚེ་ཀུན་རྫོབ་ཡིན། །དེ་ཚེ་གྲགས་པའི་དོར་བྱས་ནས། །དེ་ནི་བདེན་པ་ཉིད་དུ་བརྗོད། །མིང་ཙམ་སྒྲོ་བཏགས་ཡིན་པའི་ཕྱིར། །མིང་ནི་ཇི་ལྟར་འགལ་བ་ཡིན། །སྒྱུ་མའི་དོན་ནི་མེད་དོན་ཀྱང།། ་གཏན་དུ་དབེན་པ་ཉིད་མ་ཡིན། །རྣམ་པར་རིག་པའང་བརྫུན་ཉིད་དུ། །སྔར་ནི་ཉེ་བར་བསྒྲུབས་པ་ཡིན། །དེ་ལྟ་མིན་ལ་དེ་དག་ལས། །འཁྲུལ་པའི་ངོ་བོར་ཇི་ལྟར་འགྱུར། །ཡང་དག་ཉིད་དུ་མི་གནས་ཤིང། །གནས་པའང་ཡིན་ན ་འགོལ་མི་འགྱུར། །དངོས་པོ་རྣམས་ཀྱི་རང་བཞིན་ནི། །ནམ་ཡང་གཞན་དུ་འགྱུར་མི་རིགས། །ཇི་སྟེ་གཡོ་ཡོད་ཀུན་རྫོབ་ཀྱང། །དངོས་རྣམས་རང་བཞིན་མེད་པར་ནི། །གཡོ་བ་ཉིད་ཀྱིས་དེ་དག་སྟོན། །དེས་ན་མི་འདོད་སྨྲ་མི ་འགྱུར། །ཡང་དག་དཔྱོད་པའི་ཤེས་རབ་ནི། །བརྟགས་ཡིན་དེ་ལས་ཕྱིར་བཟློག་པའི། །རྣམ་པར་ཤེས་པ་ཐམས་ཅད་ནི། །དེ་ལས་གཞན་ཕྱིར་མ་བརྟགས་པའོ། །དེ་ལ་གྲགས་པའི་སྒོ་ནས་ནི། །དངོས་པོ་ཐམས་ཅད་ཀུན་རྫོབ ་བརྗོད། །རྣམ་པར་བརྟགས་ན་ཡང་དག་པ། །དེ་ནི་གྲུབ་པར་མཐོང་བ་མེད། །མ་བརྟགས་ཡིན་པར་གྲུབ་ན་ཡང། །དེ་ཕྱིར་མི་རྟོག་ཉི་ཚེ་ནི། །འཛིན་བ་མེད་ཅིང་རྗེས་དཔག་ལས། །རྣམ་ངེས་སོ་སོར་སེལ་བ་མིན། །འདིར་ནི་མེད་པར་དགག་ཡིན་ཏེ། །དེས ་ན་སུན་འབྱིན་འདོད་པ་མེད། །ཐོམ་ཆོལ་སྒྲ་ཙམ་ཡིན་པའི་ཕྱིར། །བྱིས་པ་རྨོངས་བྱེད་ཁོ་ནར་ཟད། །འཇིག་རྟེན་གྲགས་པ་ཁོ་ནའི་དོན། །ཀུན་རྫོབ་ཡིན་ཡང་འགའ་ཞིག་གིས། །འགའ་ཞིག་རྟོགས་ཕྱིར་མཛའ་དག་ནི། །ཀུན་གྱི་སྤྱོད་ཡུལ་མ་ཡིན་ནོ།། ་དེས་ན་ཤིན་ཏུ་ལྐོག་གྱུར་དོན། །རྣལ་འབྱོར་ཤེས་པའི་སྤྱོད་ཡུལ་ཡིན། །ཅིག་ཤོས་ཀྱིས་ནི་ཤེས་པ་མེད། །དེ་ཡི་ཤེས་ལ་བརྟེན་དགོས་པས། །བསྟན་བཅོས་བྱེད་ལ་གྲགས་པ་ཡི། །དངོས་པོའང་དེད་ཀྱི་ཀུན་རྫོབ་ཡིན། །དེ་ལྟ་མིན་ན་ཆོས་ཀུན ་ལ། །སྟོང་པས་ཁྱབ་པར་མི་འགྱུར་རོ། །གང་དུ་གྲགས་པ་ལས་འདས་ཏེ། །དངོས་པོའི་ངོ་བོ་རྟག་ལ་སོགས། །དེ་དག་རྣམས་ཀྱིས་བརྟགས་པ་དེ། །ལོག་པའི་ཀུན་རྫོབ་ཉིད་དུ་འདོད། །ངེས་ན་དངོས་པོའི་ཅིག་ཤོས་ནི། །ཡང་དག་ཀུན་རྫོབ་ཡིན་བར ་སྨྲ། །ཕན་ཚུན་ཏུ་ནི་འགལ་བ་ཉིད། །གཅིག་ལ་དུས་གཅིག་འགྱུར་མི་སྲིད། །རིགས་པར་ལྡན་པའི་ཡང་དག་ཉིད། །དམ་པའི་ཡིན་ཞིང་དམ་པ་ཡི། །ཤེས་པའི་དོན་ཞེས་མཁས་པ་ཡིས། །དོན་དམ་པར་ནི་མངོན་པར་སྨྲས། །དེ་ཡི་ཡུལ ་ལ་ཤེས་པ་གང། །དེ་ཡི་གཞན་གྱི་དོན་གྱིས་ན། །དོན་དམ་ཡིན་ཏེ་དེ་བཞིན་གཞན། །ཡང་དག་རྗེས་མཐུན་ཤེས་རབ་ཀྱང། །ཡང་དག་བསྒོམ་པར་བྱེད་པ་ཡིས། །སྒྲིབ་དང་བྲལ་བ་རྟོགས་པར་འགྱུར། །གང་ཕྱིར་དེས་ན་དོན་ཆེན་པོ། །དེ་དག་སྒྲུབ ་བར་བྱེད་པར་འདོད། །ཆོས་ཀུན་སྣང་བ་མེད་པ་ཡི། །ཤེས་པ་རྟོགས་པ་མ་ལུས་པའི། །སྤྲོས་དང་བྲལ་བ་ཉིད་ཀྱིས་ནི། །དེ་དག་རྟོགས་ཞེས་བརྗོད་པ་ཡིན། །ཡེ་ཤེས་བདག་ཉིད་ཡང་དག་པའང། །ཡོན་ཏན་ཕུན་སུམ་ཚོགས་ཀུན་གྱི། །གནས ་དེ་ཡིན་པར་དོན་ཆེན་པོར། །འདོད་ལ་དེ་ཡང་བསྒྲུབ་པར་བྱེད། །དོན་དམ་ཅི་ཡང་མེད་ཅེ་ན། །མྱ་ངན་འདས་པ་དོན་དམ་པར། །མི་འགྱུར་དེ་ལ་དངོས་པོ་ཡི། །ངོ་བོ་ཅི་ཡང་ཡོད་པ་མིན། །དེར་ཡང་ཁྱོད་ཀྱི་རྒོལ་བ་ཀུན།། ་ཅི་ཡི་ཕྱིར་ན་འབྱུང་མི་འགྱུར། །དེ་ལ་ཁྱོད་ཀྱི་ལན་གང་ཡིན། །ངའི་ཡང་དེ་འདིར་ཡིན་པར་འགྱུར། །བདག་མེད་རང་བཞིན་མེད་པ་ཡི། །མཚན་ཉིད་ཡང་དག་ཡིན་པར་བརྗོད། །ཇི་སྟེ་ཆོས་ལ་ཐ་དད་འགྱུར། །དེ་ཚེ་ཆོས་ལ་ཡོད་པ་མིན།། ་ཆོས་རྣམས་ལས་ནི་ཐ་དད་པའི། །ཡང་དག་སོ་སོར་རྟོགས་པའི་ཕྱིར། །རྣལ་འབྱོར་པ་རྣམས་ཆོས་ལ་ནི། །ཕྱིན་ཅི་ལོག་དང་བྲལ་མི་འགྱུར། །ཐ་དད་ཡིན་ན་འང་དེ་ཡི་ཚེ། །ཀུན་གྱིས་ཡང་དག་མཐོང་བར་འགྱུར། །ཐུན་མོང་དཱུང་མ ་གྱུར་ཅིང། །རྟག་ཏུ་ཉོན་མོངས་ཅན་དུ་འགྱུར། །དེ་བས་བརྗོད་དུ་མེད་པ་ཞེས། །རང་བྱུང་རང་ཉིད་ཀྱིས་བཤད་པས། །ཐ་དད་ཐ་དད་མ་ཡིན་པར། །རྟོག་པ་རིགས་པ་མ་ཡིན་ནོ། །དངོས་པོ་ཡོད་ན་དེ་ཉིད་དང། །གཞན་སོགས་རྟོག་པ་རུང། ་བར་འགྱུར། །དངོས་པོ་མེད་ན་ཇི་ལྟར་གང། །གང་གིས་གཞན་ལ་སོགས་པར་འགྱུར། །དངོས་དང་དངོས་མེད་ལ་སོགས་པའི། །སྤྲོས་པ་མ་ལུས་བྲལ་ཞིང་ཞི། །རང་གི་རྟོགས་པ་དེ་ཁོ་ན། །ཐ་དད་ལ་སོགས་སྤངས་པར་བསྟན། །དེ ་ཁོ་ན་ཉིད་སྣང་བ་ཞེས་བྱ་བའི། རབ་ཏུ་བྱེད་པ། སློབ་དཔོན་ཀ་མ་ལ་ཤཱི་ལས་མཛད་པ་རྫོགས་སོ།། ། (ཆོས་ཀུན་རང་བཞིན་མེད་པར་གྲུབ་པ་ཀ་མ་ལ་ཤཱི་ལས་མཛད་པ་བཞུགས་སོ།)་།ཆོས་ཐམས་ཅད་རང་བཞིན་མེད་པར་གྲུབ་པ། ་