Wylie

e-texts based on the ACIP/ALL Input

ལ་ཆགས་པ། །ལྷ་མོ་ཁྱོད་ཀྱི་སྔགས་བཟླས་པས། །ཤ་ཟ་དེ་དག་འཇིགས་པར་འགྱུར། །ཡན་ལག་ཆང་ཅིང་ཕྲེང་བའི། །ཁྲག་དང་སྣག་ནི་སྣ་ནས་འཛག་།ཁྱོད་ལ་འདུས་པ་ཙམ་གྱིས་ནི། །མཛེ ་གོ་འདོད་ཁམས་ལྔ་འདྲར་འགྱུར། །བཀྲེས་སྐོམ་ག་ཡིས་གདུང་གཅེར་བུ་དང། །སློང་བ་ཡི་དག་དང་འདྲ་བ། །ཁྱོད་ལ་བཏུད་པ་ཙམ་གྱིས་ནི། །འཁོར་ལོ་བསྒྱུར་བའི་རྒྱལ་པོར་འགྱུར། །འཇིགས་པ་ཆེན་པོ་འཇིགས་བྱེད་པ། ། ་དེ་ལྟར་དག་པ་ཁྱོད་བསྟོང་པས་།དགེ་བ་གང་བསགས་དེ་ཡིས་ནི། །འཇིག་རྟེན་བདེ་བ་ཐོབ་པར་ཤོག་།ལྷ་མོ་སྒྲོལ་མ་ལ་བསྟོད་པ་སློབ་དཔོན་ཙནྡྲ་གོ་མིས་མཛད་བ་རྫོགས་སོ།། །།སློབ་དཔོན་གྱིས་སྒྲོལ་མའི་ཤིང་སྐུ་དེ ་ལ་བསྟོད་པས་ཕྱག་འཇུག་ཀེ་རེ་མཛད་སྐད། །དེ་ལྟར་མཛད་པ་ཅི་ལགས་ཞུས་པས། །ཁྱོད་ཀྱི་བསྟོད་པ་དེ་སྙན་གསུངས་ཏེ་སྒྲོལ་མ་འཛུབ་ཀེར་དུ་གྲགས་སོ།། །།རྒྱ་གར་སྐད་དུ། ཨཱརྱ་ཏ་ར་སྟོང་ཏྲ་པྲ་ནི་དྷ་ན་ན་མ། ་བོད་སྐད་དུ། འཕགས་མ་སྒྲོལ་མ་ལ་བསྟོད་བ་སྨོན་ལམ་གྲུབ་པ་ཞེས་བྱ་བ། རྗེ་བཙུན་མ་འཕགས་མ་སྒྲོལ་མ་ལ་ཕྱག་འཚལ་ལོ། །ཡི་གེ་ལྗང་ཀུ་ཨུད་པ་ལ་ལས་བྱུང་བའི། །སྐུ་མདོག་ལྗང་ཀུ་ཞལ་གཅིག་ཕྱག་གཉིས་མ། ། ་ཕྱག་གཉིས་སྐུ་ལ་རིན་ཆེན་དུ་མས་སྤྲས། །ཡི་དམ་སྒྲོལ་མ་ཁྱོད་ལ་ཕྱག་འཚལ་བསྟོད། །དོན་གྲུབ་ལ་སོགས་རིགས་ལྔས་དབུ་བརྒྱན་ཅིང། །བཅུ་དྲུག་ན་ཚོད་འཛུམ་པའི་བཞིན་དང་ལྡན། །གཟི་བརྗིད་བཟོད་དཀའ་དགྲ་ཚོགས ་རྟག་པར་འདུལ། །ཡི་དམ་སྒྲོལ་མ་ཁྱོད་ལ་ཕྱག་འཚལ་བསྟོད། །ཕྱག་གཡས་མཆོད་སྦྱིན་ཕྱག་གཡོན་ཨུད་པལ་འཛིན། །སྣ་ཚོགས་པདྨ་ཉི་མའི་དཀྱིལ་འཁོར་ལ། །གཡས་བརྒྱད་གཡོན་བསྐུམ་ཚུལ་གྱིས་རབ་?་བཞུགས་། ་ཐུགས་རྗེའི་སྤྱན་གྱིས་འགྲོ་ལ་རྟག་ཏུ་གཟིགས། །སྐུ་ལ་འཇིགས་པ་བརྒྱད་སྐྱོབ་སྒྲོལ་མ་འགྲོ། །འཁོར་བའི་སྡུག་བསྔལ་ཀུན་ནས་སྒྲོལ་མཛད་པའི། །ཡི་དམ་སྒྲོལ་མ་ཁྱོད་ལ་ཕྱག་འཚལ་བསྟོད། །ཞི་དང་རྒྱས་དང་དབང་དང་དྲག་པོ་དང། ་སྣ་ཚོགས་ལས་རྣམས་མྱུར་དུ་སྒྲུབ་མཛད་ཅིང། །ཕྲིན་ལས་རྒྱ་མཚོ་མྱུར་དུ་བསྒྲུབ་མཛད་པའི། །ཡི་དམ་སྒྲོལ་མ་ཁྱོད་ལ་ཕྱག་འཚལ་བསྟོད། །སེང་གེ་གླང་ཆེན་མེ་སྦྲུལ?་ཆོཾ?་རྐུན་དང། །ལྕགས་སྒྲོག་རྒྱ་མཚོ་ཤ་ཟའི་འཇིགས་པ་བརྒྱད།། ་དེ་དག་ཀུན་ལས་ཡོངས་སུ་སྒྲོལ་མཛོད་པའི། །ཡི་དམ་སྒྲོལ་མ་ཁྱོད་ལ་ཕྱག་འཚལ་བསྟོད། །སྐྱེ་བ་སྔོན་བསགས་ལས་དང་ཉོན་མོངས་དང། །འཚམས་མེད་ལྔ་དང་མི་དགེ་བཙུལ?་སོགས། །མི་བཟང་སྡིག་པའི་ལས་རྣམས་ཅི་བགྱིས ་པ་།དེ་དག་ཐམས་ཅད་མ་ལུས་བྱང་བར་ཤོག་།བདག་ལ་དེ་ལྟའི་སྐྱེ་བ་འདི་ལས་ཀྱང། །རྨི་ངན་ལྟས་དན་དུས་མིན་འཆི་དང་དགྲ། །བཀྲ་མི་ཤིས་པ་ཐམས་ཅད་བྱང་གྱུར་ཅིག་།ཆེ་དང་བསོད་ནམས་ལོངས་སྤྱོད་རྒྱས་པར་ཤོག་། ་བདག་ནི་མ་འོངས་སྐྱེ་བ་ཐམས་ཅད་དུ། །ཡི་དམ་སྒྲོལ་མ་རྗེས་སུ་དྲན་གྱུར་ནས། །མཆོག་དང་ཐུན་མོང་དངོས་གྲུབ་ཐམས་ཅད་དང། །བསམ་པ་ཐམས་ཅད་ཡིད་བཞིན་འགྲུབ་འགྱུར་ཅིང། །ཕྲིན་ལས་མ་ལུས་ཀུན་ལ་དབང་བསྒྱུར ་ཤོག་།ཡི་དམ་སྒྲོལ་མ་ཐུགས་རྗེ་ལྡན་པ་ལ། །བདག་ནི་རབ་ཏུ་བརྩོན་པའི་གདུང་སེམས་ཀྱིས། །བསྟོད་པ་བགྱིས་པའི་བསོད་ནམས་གང་བསགས་ངེས། །རྗེ་བཙུན་སྒྲོལ་མ་ཁྱེད་དང་མི་འབྲལ་ཤོག་།རྗེ་བཙུན་མ་སྒྲོལ་མ་ལ་བསྟོད་པ ་སྨོན་ལམ་ཐམས་ཅད་རབ་ཏུ་གྲུབ་པ་ཞེས་བྱ་བ། སློབ་དཔོན་ཆེན་པོ་ཙནྡྲ་གོ་མིས་མཛད་པའོ།། །།*། །རྒྱ་གར་སྐད་དུ། བྷ་ག་ཝ་ཏི་ཨརྱ་ཏ་ར་སྟོ་ཏྲ་ན་མ། བོད་སྐད་དུ། བཅོམ?་ལྡན་འདས ་