Wylie

e-texts based on the ACIP/ALL Input

ནི་མན་ངག་ཉིད་བསྡུས་ཀྱིས། །རྒྱུད་ལ་རྒྱབ་ཀྱིས་ཕྱོགས་མི་བྱ། །དཔལ་བདེ་ཞབས་དང་ཀམྦ?་ལ། །གྷཎྜའི་ཞབས་ཀྱི་ཡང་བཤད་དེ། །ལེགས་ལྡན་མོ་དང་རྗེ་བཙུན་དང། །སྤྱོད་པའི་རྡོ་རྗེས་བསྟན་པ་ནི།། ་དགེས་པའི་རྡོ་རྗེར་བརྗོད་པའོ། །ཅེས་པ་ནི་དགེས་པ་རྡོ་རྗེའི་མན་ངག་དངོས་གྲུབ་བརྙོས་པའི་སློབ་དཔོན་ཀུ་སཱ་ལས་མཛད་པ་རྫོགས་སོ།། །།ོཾ་སྭསྟི། སངས་རྒྱས་ལ་ཕྱག་འཚལ་ལོ། །བུམ་པར་ཆུ་ཡི་སྐང་པ་གནས། ། ་ཆུ་མཐར་བྱེད་པས་བུམ་པའོ། །བླ་མར་ཡང་བྱེད་བླ་མའི་ཞབས། །གནས་པའི་མི་དེ་ཡེ་ཤེས་བརྟན། །ེ་བཾ་ཡི་གེའི་སྒྲ་འདི་ནི། །ཧཱུཾ་ཞེས་འགྲོ་བའི་སྙིང་ཁར་སྒྲོག་།མཁའ་སྤྲིན་དག་ལྟར་ཐིག་ལེ་ལས། །དག་དང་སྒྲིབ་མེད་མཁའ་རྡོ་རྗེ། ། ་ཡུལ་བདེ་བར་སྒྱུ་མའི་ལྷ་བློ་གྲོས་དང་བཅས་པ་བླ་མའི་བླ་མས། སེམས་ཅན་ཐམས་ཅད་ཤིས་པར་གྱུར་ཅིག་།བྱཱ་ལའི་མན་ངག་གོ་།རྒྱ་གར་གྱི་སློབ་དཔོན་བུདྡ་གུཔཏའི་ཞལ་མདའ་ནས་དང། དགེ་ཚུལ་ཀུན་དགའ་སྙིང་པོས་བསྒྱུར་བའོ།། ། ་ཨོཾ་སྭསྟི། །རྒྱ་གར་སྐད་དུ། ཨུ་བདེ་ཤཔྲ་ཀཱསཥ་ཊཾ་གཡོག་།བོད་སྐད་དུ། རྣལ་འབྱོར་ཡན་ལག་དྲུག་པ་མན་ངག་གསལ་བ། རྡོ་རྗེ་སེམས་དཔའ་ལ་ཕྱག་འཚལ་ལོ། །སློབ་དཔོན་དམ་པའི་ཞབས་པད་རིང་དུ་བསྟན། །གུས་པས་བཀས ་གནང་ཐོབ་པས་བདག་ཉིད་ཀྱི། །དྲན་པའི་སྐྱེ་གནས་མན་ངག་འབྲི་བ་ལ། །བློ་ལྡན་མཁས་པ་སུ་ཞིག་དམོད་པར་བྱེད། །འདི་ལ་བསྐྱེད་པའི་གོ་རིམ་དེ་ཁོ་ན་ཉིད་བཞི་ལ་གནས་ནས་ཡན་ལག་དྲུག་པ་སྒོམ་མོ། །དེ་ལ་དྲན་ལ་གཅིག་པ་ནི་སོ་སོར ་བསྡུས་པའོ། །ཐིག་ལེའི་རྣལ་འབྱོར་དང་ཕྲ་མོའི་རྣལ་འབྱོར་ཁོག་བཤིག་པའི་སྦྱོར་བ་ནི་བསམ་གཏན་ཡིན་ཏེ། ལྡང་དང་འཇུག་པ་དང། ཡང་ན་ཀུམྦྷ་ཀས། འབར་བ་དང་འཛག་པ་འདིར་ཡང་མན་ངག་གིས་ཤེས་བར་བྱའོ། །ཐིག་ལེ་བསམ ་པ་ནི་རྟོག་པའོ། །ཕྲ་མོའི་དཀྱིལ་འཁོར་དེའི་ནང་དུ་ཆུད་པ་ནི་དཔྱོད་པའོ། །བདག་མེད་མ་འབར་བས་དགའ་བའོ། །ནོར་བུའི་ཐིག་ལེ་ནི་བདེ་བ་སྟེ། །ཡང་ན་ལྟེ་བར་བདེ་བ་གཡོ་བ་མེད་བ་འབྱུང་ངོ། །གཟུགས་ལས་འདས་པ་ནི་རྩེ་གཅིག་པ་དང་འབྲེལ་བའི ་ཤེས་རབ་པོ། །དེ་ནས་རྫོགས་པའི་དེ་ཉིད་བཞི་པོ་རང་གི་ནོར་བུ་དང་སྙིང་ཁའི་སྣ་རྩེར་ཟླ་བ་དམར་པོ་ལ་ཧཱུཾ་ཞེས་བསམ་མོ། །མཚན་མ་ལྔ་མཐོང་ནས། ཨོཾ་ཨཱ:ཧཱུཾ་ཞེས་འཇུག་པ་དང་ལྡང་བ་དང་གནས་པ་ལ། དཀྱིལ་འཁོར་བཞི་ལས་མི་ཤིགས་པའི ་སྔགས་བཟླས་པ་དང། དབང་པོའི་ལམ་ལས་ཀྱང་དེ་ལྟར་བྱ་སྟེ། མིག་དང་ཡིད་ཀྱི་བར་དུ་མངོན་པར་ཤེས་པ་དྲུག་ཏུ་འགྱུར་རོ། །རླུང་རྣམས་གསལ་བ་དད་བདེ་བར་གྱུར་པས། རྡོ་རྗེ་དང་ཐོད་པའི་ཨཱ་ལི་ས་བོན་ལས་སྟེང་དང་འོག་དང་སོ་སོར ་བཟླས་པ་བྱའོ། །སྲོག་དང་རྩལ་བའོ། །འཛིན་པའི་ཡེ་ཤེས་བསྐྱེད་པར་བྱེད་པ་ལྟེ་བའམ་གསང་བ་ལས། ལས་ཀྱི་རླུང་གིས་སྦང་པའི་ཙཎྜ་ལཱིས་དེ་བཞིན་གཤེགས་པའི་བདུད་རྩི་ཟླ་བའི་འོད་ཟེར་ལྟ་བུ་དགུག་པར་བྱས་ནས་བསྒོམ་པ་འདིས་ནི་དགའ་བ ་བཞི་པོ་འཐོབ་དེ་སྒོ་དག་འགག་གོ་།འཁོར་ལོ་བཞི་འགག་གོ་།སྒོ་གཉིས་དབྱེའོ། །ཆོས་ཀྱི་ཕྱག་རྒྱའི་ཡེ་ཤེས་སོ། །ཕྱིའི་བུ་མོ་རང་གི་རིགས་ཅན་ཡོངས་སུ་སྦྱངས་ལ། །དེ་ཁོ་ན་ཉིད་དང་ལྷའི་གཟུགས་ལ་ཡི་གེར་བཅས་པ་ཇི་ལྟར་དབྱེ་བར་མི་འགྱུར་བ་དེ་ལྟར ་བསྒོམ་མོ། །ཉམས་དགའ་ཨི་རོལ་པས་ཀུན་ཏུ་བལྟ་ཞིང་དེ་རྗེས་སྦྲང་རྩི་འདྲ་བའི་ཚིག་འཇམ་དང། དགའ་བའི་དྲི་བསྲུང་ལག་པའི་མཆོ་སྐྱེས་བསྐྱང་ནས་དེ་ལ་ཀུན་མཁྱུད་པའི། །ཆགས་བའི་རོ་མཐུང་གཅོད་དང་བཞིབས་པས་བདག་ཀྱན་ཅི་འགྱུར་མ་ཤེས་ཏེ། ་གཡོན་གཡས་ཁུ་རྡུལ་རབ་འབབ་གཡོན་གྱི་དཔུས་གནས་རྡོར་དབྱིངས་དབང་ཕྱུག་མ། བྷག་ཀུརྨའི་དབུས་སུ་སོར་མོ་གསུམ། །ཡང་ན་ཁོང་ནས་སིད་ཀྱི་སྒྲ་བྱུང་བ། །དེ་སྲིད་ལྕེ་ཡི་ཐུར་མས་བསྐུལ་བྱས་ནས། །དེ་ནས་ཆོས་ཁམས་བདེ་བ་འདི་ལ་བསྒྲུབ།། ་