Wylie

e-texts based on the ACIP/ALL Input

*། (།གཏོར་བའི་འགྲེལ་པ་ཞེས་བྱ་བ་རྒྱལ་བའི་སྡེས་མཛད་པ་བཞུགས།།)་།།*། །རྒྱ་གར་སྐད་དུ། བ་ལིཾ་ཏ་པྲིཏྟི། བོད་སྐད་དུ། གཏོར་མའི་འགྲེལ་པ། འཕགས་པ་འཇམ་དཔལ་ལ་ཕྱག་འཚལ་ལོ། །འགྲོ་མགོན་བྱམས ་ལྡན་ཐུགས་རྗེ་ཆེ་མཆོག་ཉིད་ཀྱི་གསུང་དག་སྐྱོན་གྱིས་མགོས་པ་ཡིས། །སངས་རྒྱས་ཉིད་དང་དགོངས་མཉམ་གདན་མཆོག་དེ་དང་ཉེར་གྱུར་དེ་ལ་ཕྱག་འཚལ་ཏེ། །དྲུག་པའི་དོན་དུ་ཆེར་བསྒྲུབས་ཞལ་མཐོང་གསོལ་གདབ་རྩེར་དགོངས་བཀའ་སྩལ ་པ། དེ་དོན་ཛ་ཡ་སེ་ནས་གསལ་བཤད་དེ་ལ་མ་གསལ་གང་ཡིན་དང་ལྡན་དང་བས་བདག་ལ་མང་དུ་གསོལ་བཏབ་ནས། །དད་ལྡན་དེ་དང་རྒྱུད་ལྔར་བརྩེ་ཕྱིར་ཤུགས་ཕྱུང་ལུང་དང་བདེན་གཉིས་མི་འགལ་མདོ་ཙམ་ཞིག་།བདག་གིས་འདི་བརྩམས ་དེ་ལ་སྐྱེས་བུ་མཆོག་གྱུར་མང་ཐོས་ནད?་མཁས་རྣམས་ཀྱིས་བཟོད་པར་མཛོད། །ཇི་ལྟར་འཕགས་པ་རྣམས་ཀྱིས་བཀའ་སྩལ་པ་ཡང། དབང་པོ་རབ་འབྲིང་གསུམ་གྱི་དོན་དུ་གསུངས་ཏེ། འདིར་ཡང་དབང་པོ་རྣོན་པོ་རྣམས་ཀྱིས་ནི། མཚན་བསྟན ་པས་གོ་བ་ལ་དབང་པོ་རྣོན་པོ་ཞེས་བྱ་སྟེ། མཚན་བསྟན་པ་ནི་ཐེག་པ་ཆེན་པོ་ཉིད་ཀྱི་གཞུང་གིས་གཏོར་མ་ཞེས་བྱ་བ་ཐབས་དང་ཤེས་རབ་ཟུང་དུ་འབྲེལ་བ་ལ་བྱ་སྟེ། དབང་པོ་རྣོན་པོ་རྣམས་ལ་དེ་ཙམ་ཞིག་བསྟན་པས་གོ་བར་འགྱུར་རོ། །དབང ་པོ་འབྲིང་པོ་རྣམས་ཀྱི་དོན་དུ་བསྟན་པ་ནི་སྤྱི་དོན་དྲུག་ཏུ་བསྟན་ནས་ཏེ། དྲུག་པ་དེ་དག་ཉིད་རྣམ་པར་ཕྱེ་སྟེ་བསྟན་པས་གོ་བར་འགྱུར་རོ། །དབང་པོ་ཐ་མའི་དོན་དུ་བསྟན་པ་ནི། དཀོན་མཆོག་གསུམ་ལ་ཕྱག་འཚལ་ལོ་ཞེས་བྱ་བ་ལ ་སོགས་པ་རེ་རེ་ནས་བསྟན་པ་སྟེ། འོན་ཀྱང་དཀོན་མཆོག་གསུམ་ལ་ཞེས་བྱ་བས་ནི། དོན་དྲུག་གི་སྐབས་དང་པོ་བསྡུས་ཏེ། ཨུ་དུམ་བ་རའི་མེ་ཏོག་ལ་དཀོན་པའི་དཔེ་གཞག་པ་དང། ཆེ་བའི་ཡོན་ཏན་གྱི་མཆོག་དམ་པ་དང། ལྡན་པ་དང ་སངས་རྒྱས་ཆོས་དང་དགེ་འདུན་དང་གསུམ་དུ་གྲངས་ངེས་པར་གཞག་པས་ན། །དཀོན་མཆོག་གསུམ་ཞེས་བྱའོ། །ལ་ཞེས་བྱ་བ་ནི་གོང་མ་དེ་ཉིད་དང་འབྲེལ་ཏོ། །ཕྱག་འཚལ་ལོ་ཞེས་བྱ་བ་ནི་བདག་ཉིད་དང་འབྲེལ་ཏོ། །དེ་ཡན་ཆད་ཀྱིས་ནི ་རྣམ་པར་དབྱེ་བ་དང་པོ་བསྡུས་སོ། །ད་ནི་སྐབས་གཉིས་པ་སྟོན་ཏེ། །དད་པ་ཞེས་བྱ་བ་ནི། །འདིར་དད་པ་གསུམ་དང་ལྡན་པ་སྟེ། འདི་ལ་སེམས་དད་བ་དང། དད་བའི་སྒོ་ནས་འདི་ཉིད་ལ་འབད་པར་འདོད་པ་དང། འབད་པར་འདོད་པའི་སྒོ་ནས ་འདི་ལ་ཡིད་ཆེས་པ་དང་གསུམ་ལ་དད་པ་ཞེས་བྱའོ། །ཅན་ཞེས་བྱ་བ་ནི་གསུམ་པོ་ཉིད་དང་འབྲེལ་ཏོ། །གང་ཞིག་གིས་ཞེས་བྱ་བས་ནི། ཐམས་ཅད་ཀྱིས་མི་དམིགས་པའི་སྦྱིན་གཏོང་བྱའོ་ཞེས་བྱ་བའི་ཐ་ཚིག་གོ་།ལས་སུ་བྱ་བ་ལ་ཞེས་བྱ ་བ་ནི་གང་ཟག་གི་ལས་དགེ་སྡིག་རྣམ་པ་མང་པོའི་ནང་ནས་ཞེས་བྱ་བའི་དོན་ཏོ། །ཕན་ཡོན་ཆེ་ལ་བླ་བ་ནི་ཆུ་གཏོར་འདི་ཡིན་པས་འདི་ལ་བརྩོན་པར་བྱའོ་ཞེས་བྱ་བ་ལས་སུ་བྱ་བར་ཞེས་བྱ་བའི་ཚིག་དང་འབྲེལ་ཏེ། དེ་ཡང་ཕན་ཡོན་ཆེ་ལ ་ཞེས་བྱ་བ་ནི། འདི་དང་ཕྱི་མ་གཉིས་ཀར་མངོན་པར་མཐོ་བ་དང། ངེས་པར་ལེགས་པའི་ལམ་གཉིས་དང། ཕན་ཡོན་གཞན་དག་ཀྱང་འབྱུང་ཞེས་བྱ་བའི་ཐ་ཚིག་གོ་།བླ་བ་ནི་ཞེས་བྱ་བ་ནི་འབད་རྩོལ་ཆེན་པོ་བསྐྱེད་དགོས་པའི་ཐ་ཚིག་གོ་། ་ཆུ་གཏོར་འདི་ཡིན་པས་ཞེས་བྱ་བ་ནི་དོན་སྟོང་པ་ཉིད་དང་འབྲེལ་ཏོ། །འདི་ལ་བརྩོན་པར་བྱའོ་ཞེས་བྱ་བ་ནི། གོང་མའི་ཚིག་རྣམས་དང་འབྲེལ་ཏེ་གོ་བར་བླའོ། །དེ་ཡན་ཆད་ཀྱིས་ནི་རྣམ་པར་དབྱེ་བ་གཉིས་པ་བསྡུས་སོ། །ད་ནི་སྐབས་གསུམ ་པ་སྟོན་ཏེ། དེ་ལ་ཞེས་བྱ་བ་ནི་སྐབས་གསུམ་པ་བཀར་བའི་ཐ་ཚིག་གོ་།རིན་པོ་ཆེའི་སྣོད་མཛེས་པའི་ནང་དུ་ཆུ་བླུགས་ལ། ཕྱེ་དང་མེ་ཏོག་ལ་སོགས་པ་ཅི་འབྱོར་པ་དང། གསེར་དངུལ་ལ་སོགས་པ་རིན་པོ་ཆེ་སྣ་ལྔ་བདར་བ་དང། ཁ་ཟས ་མ་སྨས་པ་སྣ་ཚོགས་པ་དང། སྨན་དང། འབྲུ་དང། དྲི་སྣ་ཚོགས་པ་དང། སྦྱར་ན་ལྷག་པར་ཡང་བཟང་ངོ་ཞེས་བྱ་བ་སྐབས་གཉིས་པའི་ཆུ་གཏོར་ཞེས་བྱ་བ་དང་འབྲེལ་ཏེ། དེ་ཉིད་ཀྱིས་སྣོད་དང་རྫས་ཀྱི་ཁྱད ་པར་བསྟན་པ་ཡིན་ཏེ། དེ་ནི་དཀྱུས་མ་ཉིད་བརྗོད་པས་གོ་སླའོ། །དེ་ཡན་ཆད་ཀྱིས་ནི་རྣམ་པར་དབྱེ་བ་གསུམ་པ་བསྡུས་སོ། །ད་ནི་སྐབས་བཞི་པ་སྟོན་ཏེ། སྤྱིར་གཏོར་མའི་ལས་བགྱིའོ་འཚལ་ཞེས་བྱ་བ་ནི། གཏོར་མ་ཐམས་ཅད་ཀྱི་མཚན་ཉིད་སྟོན ་ཏེ། འོག་ནས་འབྱུང་བ་རྣམས་དང་ལྡན་པར་བྱ་བའི་དོན་ཏེ། །བརྟག་པ་རྣམ་པ་དྲུག་སྟེ། ཞེས་བྱ་བ་ནི། འདིར་དངོས་པོ་དང་མཚན་མར་བརྟག་པར་བྱ་བ་ནི་མ་ཡིན་ཏེ། རང་རིག་པའི་ཏིང་ངེ་འཛིན་གྱིས་བདག་དང་གཞན་དང་རྫས ་གསུམ་དུ་དམིགས་སུ་མེད་པར་སྒོམ་པ་འམ། རྟག་པ་ལ་གྲངས་ངེས་པ་དྲུག་ཏུ་བསྟན་ཏེ། བསྟན་པ་དེ་ཡང་དངོས་གང་ཞེ་ན། ཞེས་དྲིས་པའི་ཐ་ཚིག་གོ་།དེའི་ལན་དུ་གྲངས་དྲུག་པོ་ཉིད་བསྟན་པ་ལ་རྫས་དང་ཡོ་བྱད་རྣམས་ཀྱི་ཉེས ་པའི་སྐྱོན་རྣམ་པར་དག་པར་སྦྱར་བ་དང། རྫས་དང་ཡོ་བྱད་གྲངས་ཉུང་བ་རྣམས་མང་པོར་སྤེལ་བ་དང། སྤེལ་བ་རྣམས་འགྲོན་སོ་སོ་ལ་འདོད་པ་བཞིན་དུ་མོས་པར་བསྒྱུར་བ་དང། དེ་ལྟར་མོས་པར་བསྒྱུར་བ་རྣམས་མགྲོན་སོ་སོ་ལ་སྤྱོད་པར ་དབང་བསྐུར་བ་དང། དེ་ལྟར་དབང་བསྐུར་བ་རྣམས་ཀྱི་ནང་ན་འདོད་པ་བཞིན་དུ་མ་ཐོབ་པ་རྣམས་ལ་ཇི་ལྟར་འདོད་པ་བཞིན་དུ་སོ་སོར་ཐོབ་པར་བྱ་བ་དང། དེ་ལྟར་སོ་སོར་ཐོབ་ནས་མགྲོན་རྣམས་བདག་གི་དབང་དུ་བྱ་བ་བསྡུས་བ་དང་དྲུག་གོ་། ་དེ་ལ་ཞེས་བྱ་བ་ནི་བཀར་ནས་སྟོན་པའི་ཐ་ཚིག་གོ་།ཉེས་པའི་སྐྱོན་སྤྱད་པ་ནི་ཆོས་ཉིད་རྣམ་པར་དག་པའི་སྔགས་དང་ཕྱག་རྒྱ་སྦྱད་པར་བྱའོ་ཞེས་བྱ་བའི་ཐ་ཚིག་གོ་།མང་པོར་སྤེལ་བ་ནི་ནམ་མཁའ་མཛོད་ཀྱི་སྔགས་དང་ཕྱག་རྒྱས་སྤེལ་བར་བྱའོ ་ཞེས་བྱ་བའི་ཐ་ཚིག་གོ་།མགྲོན་སོ་སོ་ལ་མོས་པར་བསྒྱུར་བ་ནི་བདུད་རྩི་ཐབས་སྦྱོར་གྱི་སྔགས་དང་ཕྱག་རྒྱས་མོས་པར་བསྒྱུར་རོ་ཞེས་བྱ་བའི་ཐ་ཚིག་གོ་།མགྲོན་སོ་སོ་ལ་སྤྱོད་པར་དབང་བསྐུར་བ་ནི་རྒྱལ་ཆེན་ཤུགས་ལྡན་འོད་ཀྱི་སྔགས་དང་ཕྱག་རྒྱས་སྤྱོད་པར ་དབང་བསྐུར་རོ་ཞེས་བྱ་བའི་ཐ་ཚིག་གོ་།སོ་སོའི་ཡིད་ལ་འདོད་པ་བཞིན་དུ་མ་ཐོབ་པ་རྣམས་ལ་སོ་སོར་འདོད་པ་བཞིན་ཐོབ་པར་བྱ་བ་ནི། ཡེ་ཤེས་སྐད་མདའི་སྔགས་དང་ཕྱག་རྒྱས་འདོད་པ་བཞིན་དུ་ཐོབ་པར་བྱའོ་ཞེས་བྱ་བའི་དོན་ཏོ། །མགྲོན ་རྣམས་བདག་གི་དབང་དུ་བསྡུ་བ་ནི། །ལྷ་མགོན་སྤྱིའི་སྔགས་དང་ཕྱག་རྒྱ་སྟེ། མིང་དབང་བསྐུར་འཁོར་ལོའི་སྔགས་དང་ཕྱག་རྒྱས་མགྲོན་རྣམས་བདག་གི་དབང་དུ་བསྡུ་འོ་ཞེས་བྱ་བའི་དོན་ཏོ། །དེ་ཡན་ཆད་ཀྱིས་ནི་རྣམ་པར་དབྱེ་བ་བཞི་བསྡུས་སོ། །ད ་ནི་སྐབས་ལྔ་བ་སྟོན་ཏེ། དེ་ལ་ཞེས་བྱ་བ་ནི་སྐབས་ལྔ་བཀར་ནས་སྟོན་པའི་ཐ་ཚིག་གོ་།བསམ་རྒྱུད་ནི་ཞེས་བྱ་བ་ནི་བདག་ཉིད་དང་འབྲེལ་ཏེ། བདག་ཏིང་ངེ་འཛིན་གྱིས་བསྒོམ་པར་བྱ་བའི་ཡུལ་བཅད་པ་འམ། བསྒོམ་པ་ནི་ཞེས་བྱ་བའི་ཐ་ཚིག ་གོ་།གནས་སྐབས་འདིར་མ་རྟོག་པའི་གང་ཟག་གང་ཞིག་དགེ་བའི་བཤེས་གཉེན་ལ་མི་རྟེན་པ་རྣམས་སུན་དབྱུང་བའི་ཕྱིར། དཀྱུས་མ་དཀྲུགས་ཏེ། དེ་བས་ན་བརྟེན་ཏེ། དང་པོར་ཚད་མེད་པ་བཞིས་བྱང་ཆུབ་ཏུ་སེམས་བསྐྱེད་ལ ་ཞེས་བྱ་བ་ནི་ཕྱོགས་མེད་པའི་བྱམས་པ་དང། ཕན་འདོགས་པའི་སྙིང་རྗེ་དང། འགྱོད་པ་མེད་པའི་དགའ་བ་དང། དམིགས་པ་མེད་པའི་བཏང་སྙོམས་དང་བཞིའོ། །དེ་རྣམས་ལ་ཅིའི་ཕྱིར་ཆད་མེད་པ་ཞེས་བྱ་ཞེ་ན། བསྒོམ་པའི་ཡུལ ་དང། བསྒོམ་པའི་འབྲས་བུ་དང། དེ་དག་གི་རང་བཞིན་གསུམ་གྱི་ཚད་འདི་ཙམ་མོ། །ཞེས་བཟུང་དུ་མེད་པའི་ཕྱིར་རོ། །བྱང་ཆུབ་ཏུ་སེམས་བསྐྱེད་ལ་ཞེས་བྱ་བ་ནི། དོན་དམ་པ་བྱང་ཆུབ་ཀྱི་སེམས་ཇི་ལྟ་བུར་ཡང་དམིགས་སུ་མེད་ ་པ་དང་ཀུན་རྫོབ་ཀྱི་བྱང་ཆུབ་ཀྱི་སེམས་ཕྱག་རྒྱ་ཆེན་པོའི་སྒོ་ནས་སེམས་ཅན་གྱི་དོན་བྱ་བ་ན། བྱང་ཆུབ་ཏུ་སེམས་བསྐྱེད་ལ་ཞེས་བྱའོ། །དེའི་འོག་ཏུ་ལྷའི་སྐུ་ཕྱག་རྒྱ་ཆེན་པོར་དྲན་པ་དགོས་ཏེ། དེ་ཡང་བྱ་བའི་རྒྱུད་ཀྱི་གསུང ་གིས་ལྷ་དྲུག་གི་སྒོ་ནས་སྐྱེད་པར་གསུངས་ཏེ། ལྷ་དྲུག་ཀྱང་དངོས་པོ་གང་ཞེ་ན། སྨེ་བརྩེགས་ཀྱི་རྒྱུད་ལས། དང་པོ་སྟོང་ཆོས་ཀྱི་སྒྲ། ཡིག་འབྲུ་ཕྱག་མཚན་ཡེ་ཤེས་ལྷ། ཡོངས་སུ་རྫོགས་པ་སྐུའི་ལྷ་ཞེས་འབྱུང་སྟེ། དྲུག་པོ་དེའི་སྒོ་ནས་བདག་ཉིད་དམ ་ཚིག་གི་སེམས་དཔར་གསལ་བར་བསྒོམ་པ་ཡིན་ཏེ། དེ་ཡང་བདག་ཉིད་ཀྱི་སྒོ་གསུམ་དང་ལྷའི་སྒོ་གསུམ་མཉམ་པར་དམ་ཚིག་གི་སེམས་དཔའ་བསྒོམ་པས་ན་དྲན་པ་བསྐྱེད་ཅེས་བྱའོ། །དེའི་འོག་ཏུ་བདག་གིས་ལུས་བསྲུང་སྟེ། ལུས ་བསྲུང་བ་ཡང་ཡི་གེ་ཧཱུཾ་གི་འཕྲོ་འདུ་ལས་རྡོ་རྗེ་ཕྲ་མོས་བདག་གི་ལུས་ལ་དཔེར་ན་ཤིང་ཀ་རན་ཏ་བྱི་རའི་ཚར་མ་ལྟར་གཏམས་པ་ལས་རྡོ་རྗེ་གོ་ཆའི་ཕྱག་རྒྱས་གནས་ལྔར་གཏུགས་པས་གོ་ཆ་རྣམས་རྡོ་རྗེ་གོ་ཆ་བགོ་བ་དང། །དེའི་འོག་ཏུ ་མི་འཇིགས་པའི་མཛུབ་མོ་ལ་ཁྲོ་བོ་གཤིན་རྗེ་གཤེད་དང། རྡོ་རྗེ་གནོད་སྦྱིན་བསྒོམ་པའི་ཏིང་ངེ་འཛིན་གྱིས་ཀ་ནན་ལུ་གུ་རྒྱུད་ཀྱི་གནས་ལྟར་བཅིང་བ་དང། ཏིང་ངེ་འཛིན་ཕྲ་མོ་གཞན་དག་ཀྱང་བསྒོམ་པས་ན་ལུས་བསྲུང་ཞིང་ཞེས ་བྱའོ། །དེའི་འོག་ཏུ་ལུས་དང་ངག་དང་ཡིད་ཀྱི་སྒོ་གསུམ་ནས་ཅི་རན་དུ། དཀོན་མཆོག་གསུམ་ལ་སྐྱབས་སུ་གསོལ་ཞིང། དེའི་འོག་ཏུ་ལྷ་ཡེ་ཤེས་སེམས་དཔའ་ཡང་བསྒོམ་བར་བྱའོ། །དེ་ལྟར་བདག་ལྷའི་སྐུ་ཕྱག་རྒྱར་ང་རྒྱལ་ཆེན ་པོར་བསྐྱེད་པ་དེ། གོལ་བའི་ས་དག་ཏུ་སོང་གིས་དོགས་པའི་ཕྱིར་སྙིང་རྗེ་ཆེན་པོས་འགྲོ་པའི་དོན་བྱ་བར་བདག་གིས་དྲན་པར་བྱའོ། །ཞེས་བྱ་བའི་ཐ་ཚིག་གོ། དེ་ཡན་ཆད་ཀྱིས་ནི་རྣམ་པར་དབྱེ་བ་ལྔ་པ་བསྡུས་སོ། །ད་ནི་སྐབས་དྲུག་པ ་སྟོན་ཏེ་དགེ་བའི་རྩ་བ་གང་ཐབས་གང་གིས་བླ་ན་མེད་པའི་བྱང་ཆུབ་ཏུ་བསྔོ་བ་ཡིན་ཏེ། དེ་ཡང་བསྔོ་བ་ནི་ཞེས་བྱ་བ་ནི། སྐབས་དྲུག་པ་ལ་གསུམ་གྱིས་བསྟན་པའི་དང་པོ་སྟོན་ཏེ། དགེ་བའི་རྩ་བ་རྣམས་བསྔོ་བ་ཡང་ཞེས་བྱ་བའི་དོན་ཏོ། །གང ་ཞིག་གར་བསྔོ་ཞེ་ན། དང་པོར་སེམས་བསྐྱེད་ནས་ཐ་མ་བྱང་མ་ཆུབ་ཀྱི་བར་གྱི་དགེ་བའི་རྩ་བ་རྣམས་དང། མཆོད་སྦྱིན་འདི་ཉིད་འཇིག་རྟེན་འདི་དང་འཇིག་རྟེན་ཕྱི་མར་བསྔོ་བ་ཡང་མ་ཡིན། བདག་དང་གཞན་གྱི་དོན་དུ་བསྔོ་བ་ཡང་མ་ཡིན། ་འོ་ན་གར་བསྔོ་ཞེ་ན། བདག་དང་སེམས་ཅན་ཐམས་ཅད་ཀྱི་དོན་བྱ་བའི་ཕྱིར། བླ་ན་མེད་པའི་བྱང་ཆུབ་ཆེན་པོར་མི་དམིགས་བར་བསྔོ་སྟེ་ཞེས་བྱ་བའི་ཐ་ཚིག་གོ་།བླ་ན་མེད་པའི་བྱང་ཆུབ་ཏུ་འདི་དག་ལ་ཡང་མཉམ་སྙོམས་སུ་བསྔོ ་མོད་ཀྱི་དེ་ཞིག་མགྲོན་དེ་ཡང་དམིགས་ཀྱིས་འདི་དག་ཡིན་ནོ་ཞེས་བསྔོ་བ་ནི་ཞེས་བྱ་བའི་དོན་ཏོ། །འདི་ལ་མགྲོན་ནི་རྣམ་པ་བཞིར་ངེས་ཏེ། སྣར་བ་དང་མི་སྣར་བ་ཀུན་བྱང་བཞི་པོ་འདིར་ནི་མ་འདུས་པ་མེད་དོ། །བཞི་པོ་ཉིད་བསྟན་པ ་ལ་སྲི་ཞུའི་མགྲོན་ཞེས་བྱ་བ་ནི། ལྷ་དང་བཅས་པའི་འཇིག་རྟེན་པ་རྣམས་ཀྱིས་གུས་པའི་སྒོ་ནས་མཆོད་ཅིང་བསྟོད་པའི་གནས་ཡིན་བས་ན། སྲི་ཞུའི་མགྲོན་ཞེས་བྱའོ། །དངོས་གང་ཞེ་ན། འདིར་མགྲོན་དག་ལ་ངོ་བོ་དང་ངེས་པའི་ཚིག་དག ་ཏུ་ཤེས་པར་བྱའོ། །སངས་རྒྱས་དང་ཞེས་བྱ་བ་ནི། ཆོས་ཀྱི་སྐུ་ལ་སོགས་པའི་སྐུ་གསུམ་གྱིས་བསྡུས་པའོ། །ཅིའི་ཕྱིར་ཞེ་ན་རྒྱུད་ལས་མ་རིག་གཉིད་ལས་སངས་རྒྱས་ཕྱིར་དང། བློ་རྒྱས་གཉིས་ཕྱིར་སངས་རྒྱས་ཡིན་ཞེས་འབྱུང་བ་ལྟ་བུའོ།། ་བྱང་ཆུབ་སེམས་དཔའ་དང་ཞེས་བྱ་བ་ནི་ངེས་པར་འབྱེད་པའི་ས་ལ་མོས་པར་སྤྱོད་པ་ནས། ས་དང་པོ་ནས་ས་བཅུའི་བར་ལ་རྟོགས་པའི་ཁྱད་པར་གྱིས་གནས་པ་དག་གོ་།དེ་ཡང་རྣམ་པར་སྣང་མཛད་དག་ལས། བྱང་ཆུབ་ནམ་མཁའ་ཨི་མཚན ་ཉིད་དེ། རྟོགས་པ་ཐམས་ཅད་སྤངས་པ་ཡིན། གང་ཞིག་དེ་རྟོགས་འདོད་པ་དེ། བྱང་ཆུབ་སེམས་དཔའ་ཞེས་བྱའོ་ཞེས་འབྱུང་བ་ལྟ་བུའོ། །ཅིའི་ཕྱིར་ཞེ་ན། སྤང་པའི་རྒྱུ་གཉིས་པོ་དག་ལས་མི་གནས་པར ་སྤངས་པ་དང། ཤེས་རབ་ཀྱི་རྟོགས་པར་བྱ་བའི་ཡུལ་ཤེས་བྱ་རྟོགས་ནས། ཚོགས་གཉིས་རྫོགས་ཤིང་ཆུབ་པ་དང། བསམ་པའི་ཡུལ་གཉིས་ལ་ཆེར་སེམས་ཤིང་དེ་ཉིད་ལ་དཔའ་བའ་ཨི་ཕྱིར་རོ། །ཉན་ཐོས་དང་ཞེས་བྱ་བ་ནི། སྒོ་བཞིར ་ཞུགས་ནས་རྒྱུ་འབྲས་བརྒྱད་པོ་སྒྲུབ་ཅིང་ཐོབ་པའི་སྐྱེས་བུ་དག་གོ་།ཅིའི་ཕྱིར་ཞེ་ན། རྫུ་འཕྲུལ་གྱི་རྣ་བ་ལྟ་བུས་ཞལ་ནས་གསུངས་པ་དག་ཐོས་ཤིང་ཤེས་པ་སྟེ། དེའི་ཕྱིར་མིང་དུ་བཏགས་པའོ། །རང་སངས་རྒྱས་དང་ཞེས་བྱ་བ་ནི། ཤེས ་རབ་ཆེན་པོ་དག་ཅིག་པུར་གནས་པ་དང། དེ་མ་ཡིན་པ་དག་ནི་གཅིག་གི་སློབ་དཔོན་གཅིག་ལ་ལྟོས་པའི་ཕྱིར་ཁྱུས་གནས་པ་དག་གོ་།ཅིའི་ཕྱིར་ཞེ་ན། རང་གི་ཤེས་རབ་ཀྱིས་བརྟགས་ནས་འབྲས་བུ་ཐོབ་པར་འདོད་ཅིང་ཐོབ་པ་དག་གོ་། ་དེ་དག་ཀྱང་ཐུགས་ཀྱི་སྲས་དང། གསུང་གི་སྲས་དང། བྱིན་གྱིས་བརླབས་ཀྱི་སྲས་སོ། །ལ་སོགས་པ་དང་ཞེས་བྱ་བ་ནི། །བྱང་ཆུབ་དེ་གསུམ་གྱི་སྒོར་ཞུགས་པ་དག་བསྡུས་སོ། །མགྲོན་གཉིས་པ་བསྟན་པ་ལ་ཡོན་ཏན་གྱི་མགྲོན་ཞེས་བྱ་བ་ནི། ཡོན་ཏན་ཆེན་པོ་ཅན་དུ ་བྱིན་གྱིས་རླབས་པའི་སྲུང་མ་དམ་ཚིག་ཅན་རྣམས་ཁོ་ན་སྟེ། དེ་ཉིད་བསྟན་པ་ལ། ཚངས་པ་དང་ཞེས་བྱ་བ་ནི། གཞན་འཕྲུལ་དབང་བྱེད་ཀྱི་གནས་ན། ཚངས་རིས་ཀྱིས་བསྐོར་ཅིང་དེ་དག་ལ་དབང་བྱེད་པ་སྟེ། ཅིའི་ཕྱིར་ཞེ་ན། འདོད་པའི ་ཁམས་ཀྱིས་འདོད་ཆགས་དང། མི་དགེ་བ་བཅུའི་གྱོད་ཁྲིན་དང་འདྲ་བ་ལས་ཚངས་པའི་ཕྱིར་རོ། །བརྒྱ་བྱིན་དང་ཞེས་བྱ་བ་ནི། སུམ་ཅུ་རྩ་གསུམ་གྱི་གནས་ན་སུམ་ཅུ་རྩ་གསུམ་གྱི་ལྷའི་རྒྱལ་པོ་བློན་པོ་ཉེ་དབང་རྣམས་ཀྱིས་བསྐོར་བ་སྟེ། ་ཅིའི་ཕྱིར་ཞེ་ན། འདོད་བའི་ཁམས་ཀྱི་ལྷའི་རྒྱལ་པོ་ཡབ་ཏི་ན་ཀ་པ་ཏི་ཡིས། །ལོངས་སྤྱོད་ཀྱི་རྐྱེན་ཡིད་བཞིན་གྱི་ནོར་བུ་བརྒྱ་བྱིན་པས་དེ་ལས་བྱུང་བའི་ལོངས་སྤྱོད་བརྒྱ་བརྒྱས་མཆོད་པ་བྱེད་ཅིང་སྦྱིན་པ་བརྒྱ་བརྒྱ་འགྱེད་པའི་ཕྱིར་བརྒྱ་བྱིན་ནོ། །འཇིག ་རྟེན་སྐྱོང་བ་བཞི་དང་ཞེས་བྱ་བ་ནི། ཡུལ་འཁོར་བསྲུང་ལ་སོགས་པ་བཞི། རི་རབ་ཀྱི་ངོས་བཞིན། དྲི་ཟ་ལ་སོགས་པ་བཞི་ལ་དབང་བྱེད་ཅིང་གནས་པ་ལ་བྱ་སྟེ་།ཅིའི་ཕྱིར་ཞེ་ན། ཕྱི་ནང་སྣོད་དང་བཅུད་ཀྱི་འཇིག་རྟེན་ལ། སོ་སོའི་ཕྱོགས་ཕྱོགས་ནས ་ཆགས་འཇིག་མ་བྱུང་གི་བར་དུ། སྔོན་གྱི་དམ་ཚིག་དྲན་པ་ལ་བཞག་ནས་བདེ་བར་སྐྱོང་བ་བཞི་དང་ཞེས་བྱའོ། །ཕྱོགས་སྐྱོང་བ་བཅུ་གཅིག་དང་ཞེས་བྱ་བ་ནི། འབྱུང་བོའི་རྒྱལ་པོ་དབང་ལྡན་ལ་སོགས་པ་བཅུ་གཅིག་ཏུ་ངེས་སོ། །ཅིའི ་ཕྱིར་ཞེ་ན། ཤར་ཕྱོགས་ལ་སོགས་པ་ན་གནས་ཤིང། སྔོན་གྱི་དམ་ཚིག་དྲན་པ་ལ་གཞག་ནས་རང་རང་གི་ཕྱོགས་ན་བདེ་བར་སྐྱོང་བས་ཕྱོགས་སྐྱོང་བ་བཅུ་དང་ཞེས་བྱའོ། །སྲུང་མ་དམ་ཚིག་ཅན་རྣམས་དང་ཞེས་བྱ་བ་ནི། ལྷ་མ་སྲིན་སྡེ་བརྒྱད ་ཀྱི་གཙོ་བོ་དང། གཙུག་ལག་ཁང་གི་སྲུང་མ་གང་བ་བཟང་པོ་ལ་སོགས་པ་ལ་བྱ་སྟེ། ཅིའི་ཕྱིར་ཞེ་ན། བསྟན་པ་བསྲུང་བར་དམ་བཅས་པའི་སྒོ་ནས། སྔོན་གྱི་དམ་ཚིག་དྲན་པ་ལ་གཞག་ནས་།རྣལ་འབྱོར་པ་རྣམས་བསྲུང་བ་སྟེ། དེ་བས་ན་སྲུང ་མ་དམ་ཚིག་ཅན་རྣམས་དང་ཞེས་བྱའོ། །མགྲོན་གསུམ་པ་བསྟན་པའི་ཕྱིར། སྙིང་རྗེའི་མགྲོན་འགྲོ་བ་རིགས་དྲུག་གི་སེམས་ཅན་དང་ཞེས་བྱ་བ་ནི། ལྷ་དང་མི་ལ་སོགས་པ་འགྲོ་བ་རིགས་དྲུག་ལ་བྱ་སྟེ། ཅིའི་ཕྱིར་ཞེ་ན། སྡུག་བསྔལ་གསུམ ་དང་བརྒྱད་ཀྱིས་གཙེས་ཤིང་ཉེན་པའི་ཕྱིར་དང། གྲངས་དྲུག་ཏུ་ངས་པས་ན། སྙིང་རྗེའི་མགྲོན་འགྲོ་བ་རིགས་དྲུག་གི་སེམས་ཅན་དང་ཞེས་བྱ་བའི་དོན་ཏོ། །ཁྱད་པར་དུ་ཡང་བདག་གི་ལྷ་མགོན་དང་ཞེས་བྱ་བ་ནི། བདག་ལ་གནོད་སྦྱིན་ལྟ་བུ ་འཇིག་རྟེན་བ་གྲོགས་བྱེད་པ་དག་ལ་བསྔོའོ་ཞེས་བྱ་བའི་ཐ་ཚིག་གོ་།ཅིའི་ཕྱིར་ཞེ་ན། གནོད་སྦྱིན་ཡིན་ཡང་བདག་ལ་གྲོགས་བྱེད་པའི་ཐད་ཀར་ཚིག་བླ་དགས་སུ་ལྷ་ཞེས་བྱ་སྟེ། སྔོན་ཆད་པས་གྲོགས་ཆེར་བྱེད་དུ་གཞུག་པའི ་ཕྱིར་བདག་ཉིད་ཡུལ་གང་ན་གནས་པའི་ཡུལ་དེའི་ས་བདག་ལྷ་ཀླུ་དང་ཞེས་བྱ་བ་ནི། ས་བདག་ཆེན་པོ་པ་ཏི་ལའི་འཁོར་དུ་གཏོགས་པའི་ས་བདག་དང་།ལྷ་ཀླུ་དག་གང་ན་གནས་པའི་ཡུལ་དེའི་ཉེ་འཁོར་ན་གནས་པའི་ས་འམ་ཆུ་འམ་བར་སྣང ་ལ་གནས་པ་གང་དག་གོ་།ཅིའི་ཕྱིར་ཞེ་ན། ཡུལ་གང་ཡིན་པའི་ས་བདག་ཏུ་གྱུར་པའི་ཕྱིར་དང། ཡུལ་གང་གིས་མི་རྣམས་ལ་འགོ་བའི་ཕྱིར་དང། ཡུལ་གང་གིས་སྐྱེ་འཁྲུང་སྐྱེད་པའི་ཕྱིར་ས་བདག་ལྷ་ཀླུ་ཞེས་བྱ་བའི་ཐ་ཚིག་གོ་། ་མགྲོན་ཐ་མ་བསྟན་པའི་ཕྱིར་ལན་ཆགས་ཀྱི་མགྲོན་དངོས་གང་ཞེ་ན། ཚེ་རབས་བགྲངས་པའི་བགེགས་དང་ཞེས་བྱ་བ་ནི། བགེགས་སྟོང་ཕྲག་བརྒྱད་ཅུ་རྩ་བཞིའོ། །དེ་ཅིའི་ཕྱིར་ཞེ་ན། སྔོན་གྱི་དུས་ནས་བར་དུ་གཅོད་བའི་ཕྱིར་བགེགས ་ཞེས་བྱའོ། །སྤྱོད་ལམ་མ་ལེགས་པ་ལས་གྱུར་པ་འམ། ཕྲ་མོ་ཀླན་ཀ་ཚོལ་བ་སྟེ། འཕྲལ་དུ་གནོད་བ་བྱེད་པའོ། །དངོས་གང་ཞེ་ན། རྐྱེན་བགེགས་དང་ཡི་དགས་ཀྱི་བགེགས་ཀྱི་རིས་ལ་བྱ་སྟེ། དེ་ཅིའི་ཕྱིར་ཞེ་ན། འཕྲལ་དུ་བར ་ཆད་བྱེད་པའི་ཕྱིར་བགེགས་དང་ཞེས་བྱའོ། །དེ་དག་ཀུན་ལ་མཉམ་སྙོམས་ཀྱི་ཏིང་ངེ་འཛིན་བསྟན་བ་ལ་ཕན་པ་བྱེད་པ་ལ་ཚིག་བླ་དགས་སུ་ལྷ་ཞེས་བྱ་བ་དང། གནོད་པར་བྱེད་པ་ལ་ཚིག་བླ་དགས་སུ་གནོད་པ་བྱེད་པའི་འདྲ་ཞེས་བྱ་བ ་གཉིས་ཀྱིས་བསྡུས་བ་གཞན་དག་དང། འགྲོ་བ་རིས་དྲུག་ཀུན་ལ་ཡང་བདག་ཏིང་ངེ་འཛིན་གྱིས་མཉམ་སྙོམས་སུ་བསྔོ་པར་བྱའོ་ཞེས་བྱ་བ་ནི། གཅིག་ཏུ་བསྡུས་ནས་འཕམ་རྒྱལ་མེད་བར་བྱ་བའི་ཕྱིར་ཏེ། གོང་གི་བླ་ན་མེད་པའི་བྱང ་ཆུབ་ཏུ་བསྔོ་བ་དང་འབྲེལ་ཏོ། །དེ་ལ་ཞེས་བྱ་བ་ནི་སྔགས་དང་ཕྱག་རྒྱ་དང། ཡིག་འབྲུ་དང། དེ་བཞིན་གཤེགས་པ་རྣམས་དང། ཏིང་ངེ་འཛིན་རྣམས་ཉི་ཚེ་ཞིག་བཀར་ཏེ་བསྟན་པ་ལ་དེ་ལ་ཞེས་བྱའོ། །འདིར་བརྗོད་པ་རྣམས་ནི་སྐབས་བཞི་དང་འབྲེལ ་ཏེ། སྐབས་བཞི་པ་ལས་སྦྱང་བ་དང་ཞེས་བྱ་བ་དང། དེ་ལ་སྦྱང་བ་ནི་ཆོས་ཉིད་རྣམ་པར་དག་པའི་སྔགས་དང། ཕྱག་རྒྱས་ཞེས་བྱ་བ་ལ་སོགས་པའི་སྔགས་དང་ཕྱག་རྒྱ་ཉིད་རྣམ་པར་ཕྱེ་བ་དྲུག་པའི་སྐབས་འདིར་གསལ་བར་བྱས་པས། དེ་ཡང་སྔགས ་ནི་འདིར་སློབ་དཔོན་གྱིས་སྔགས་ཀྱིས་ཐུ་ཉམས་སུ་དོགས་པའི་ཕྱིར་མ་བཤད་དོ། །ཕྱག་རྒྱ་རྣམས་ནི་དཀྱུས་མ་ཉིད་བརྗོད་པས་གོ་བར་སླའོ། །ཡིག་འབྲུ་རྣམས་ནི་ཨ་སྟེ་སྐྱེ་བ་མེད་པ་དང། སྭ་སྟེ་འདོད་པ་འབྱུང་བའི་རྒྱུ་དང་རམ་སྟེ་མོས་པར ་བསྒྱུར་བའི་རྟེན་དང་།ཧ་སྟེ་སྤྱོད་པར་དབང་བསྐུར་བའི་རྒྱུ་དང། ཨོཾ་སྟེ་སྐྱེ་བ་མེད་པ་ལས་སྐྱེ་བའི་ཆོ་འཕྲུལ་གྱིས་མ་ཐོབ་པ་རྣམས་ཐུགས་རྗེ་མྱུར་པོས་ཐོབ་པར་གདོན་པར་བྱ་བ་དང། ཛཛ་སྟེ་མགྲོན་དབང་དུ་བསྡུ་བ་རྣམས་ནི་གོ་རིམས་བཞིན་དུ ་སྦྱར་རོ། །དེ་བཞིན་གཤེགས་པ་རྣམས་ནི། དེ་བཞིན་གཤེགས་པ་ཤཱཀྱ་ཐུབ་པ་དང། དེ་བཞིན་གཤེགས་པ་རིན་ཆེན་འབྱུང་ལྡན་དང། དེ་བཞིན་གཤེགས་པ་སྣང་བ་མཛའ་ཡས་དང། དེ་བཞིན་གཤེགས་པ་ཕྱག་ན་རྡོ་རྗེ་དང། དེ་བཞིན ་གཤེགས་པ་མི་འཁྲུགས་པ་དང། དེ་བཞིན་གཤེགས་པ་རྣམ་པར་སྣང་མཛད་རྣམས་ཀྱང་རིམ་པ་བཞིན་སྦྱར་རོ། །ཏིང་ངེ་འཛིན་རྣམས་ནི་ཆོས་ཉིད་རྣམ་པར་དག་པས་སྦྱང་བ་དང། ནམ་མཁའ་མཛོད་དུ་བྱིན་གྱིས་བརློབས་དང། བདུད་རྩི་ཐབ ་སྦྱོར་དང་རྒྱལ་ཆེན་ཤུགས་ལྡན་འོད་དང། ཡེ་ཤེས་སྐར་མངའ་དང། དབང་སྒྱུར་འཁོར་ལོ་དང། དྲུག་ཀྱང་གོ་རིམས་བཞིན་དུ་སྦྱར་རོ། །གོང་དུ་བསྟན་པའི་སྔགས་དང་ཕྱག་རྒྱ་འདི་གཅིག་ལ་ཡང་ལན་བདུན་བདུན་བཅའ་ཞིང་བཟླས་པའི་དགོས ་ཆེད་ནི། ཏིང་ངེ་འཛིན་མ་གསལ་གྱི་བར་གྲངས་བདུན་ཡན་ཆད་བཟླས་སོ། །ཏིང་ངེ་འཛིན་དེ་རྣམས་བསྟན་པ་ལ། ཏིང་ངེ་འཛིན་དེ་ཡང་སྔགས་དང་ཕྱག་རྒྱ་དང་པོས་ནི་གཏོར་མ་འདི་ཉིད་ལ་མཚན་མ་ལ་སོགས་པ་ཉེས་པའི ་སྐྱོན་མེད་ཅིང་དག་པ་ཆེན་པོར་བྱིན་གྱིས་བརླབ་བོ། །སྔགས་དང་ཕྱག་རྒྱ་གཉིས་པས་ནི་མཆོད་པའི་རྫས་ཀྱི་ཁྱད་པར་འཇིག་རྟེན་དང་འཇིག་རྟེན་ལས་འདས་པའི་ལོངས་སྤྱོད་བསམ་གྱིས་མི་ཁྱབ་པ་དང། འགྲོ་བ་རིས་དྲུག་གི་སེམས་ཅན་ཐམས ་ཅད་ཀྱི་སོ་སོའི་ཡིད་ལ་མོས་པ་ཇི་ལྟ་བ་བཞིན་དུ་ནམ་མཁའ་ཨི་ཁམས་རིན་པོ་ཆེའི་རྒྱུ་ལས་བྱུང་བའི་འདོད་པའི་ཡོན་ཏན་ལྔས་གང་ཞིང་རྒྱས་པར་བྱིན་གྱིས་བརླབ་བོ། །གོང་མ་དེ་ལྟར་སྤེལ་ནས་སྔགས་དང་ཕྱག་རྒྱ་གསུམ་པས་ནི་བདུད ་རྩི་རྒྱ་མཚོ་དང་ཞེས་བྱ་བ་ནི། སྐབས་གསུམ་པ་དང་འབྲེལ་ཏེ། ཆུ་བླུགས་པ་ཞེས་བྱ་བའི་ཚིག་ཁོ་ན་སྟེ། །ཆུ་ཐིགས་བ་གཅིག་ལ་བདུད་རྩིའི་རྒྱ་མཚོར་བྱིན་གྱིས་བརླབ་པོ། །ཞེས་བྱ་བའི་ཐ་ཚིག་གོ། ཟས་ལ་སོགས་པའི ་ཞེས་བྱ་བ་དེ་ཡང་སྐབས་གསུམ་པ་ལས་ཕྱེ་དང་ཞེས་བྱ་བ་ནས། ཁ་ཟས་མ་སྨས་པ་བྱ་བའི་བར་དང་འབྲེལ་ཏེ། ཟས་ཙམ་པ་ཉག་གཅིག་ལ་ཡང་རི་རབ་ཙམ་དུ་བྱིན་གྱིས་རླབ་པོ་ཞེས་པའི་ཐ་ཚིག་གོ། སོགས་པའི་ཁོངས་སུ་ནི་མེ ་ཏོག་དང་རིན་པོ་ཆེ་དང་དྲི་ལ་སོགས་པ་སྐབས་གསུམ་པའི་ཡོ་བྱད་བསྡུའོ། །འདོད་པའི་ཡོན་ཏན་ཡང་དངོས་གང་ཞེས་ན་།འགྲོ་བ་རིས་དྲུག་སོ་སོའི་ལོངས་སྤྱོད་ལ་ཡིད་ལ་ཇི་ལྟར་མགྲོན་སོ་སོའི་མོས་པ་ཇི་བ་བཞིན་དུ་ལོངས་སྤྱོད་འདོད ་པ་རྣམས་ལ་ལོངས་སྤྱོད་ཀྱི་རྐྱེན་འདོད་ཆགས་ལ་སོགས་པ་དུག་ལྔའི་གསོས། དེ་ཡང་དངོས་གང་ཞེ་ན་ཡེ་ཤེས་ལྔར་བྱིན་གྱིས་བརླབ་པོ། །སྔགས་དང་ཕྱག་རྒྱ་བཞི་པས་ནི། །འཁོར་བའི་སྡུག་བསྔལ་ལས་ཁྱད་ཆེས་འཕགས་པ་དང ་འགྲོ་བའི་དོན་ལ་དགོངས་པས་སྲི་ཞུའི་མགྲོན་མ་ལུས་པ་ཐམས་ཅད་ཀྱི་སྤྱན་ལམ་དུ་ཡང་གནས་ཀྱི་ཁྱད་པར་རིན་པོ་ཆེའི་གཞལ་མེད་ཁང་བརྩེགས་པ་ལ་སོགས་པའི་ནང་དུ་ལོངས་སྤྱོད་ཀྱི་ཁྱད་པར་འཇིག་རྟེན་དང་འཇིག་རྟེན་ལས་འདས ་པའི་མཆོད་པའི་སྤྲིན་ཕུང་མང་པོར་སྤྲུལ་ནས་འཕགས་པ་རྣམས་ལ་མཆོད་པ་དང། ཡོན་ཏན་གྱི་མགྲོན་དང། །སྙིང་རྗེའི་མགྲོན་དང། ལན་ཆགས་གྱི་མགྲོན་དག་སྟེ། དེ་དག་ཀྱང་དམ་ཚིག་ཅན་དང། རིས་དྲུག་དང། གནོད་པ་བྱེད་པ་ལ་སོགས་པ ་སྟེ། སེམས་ཅན་ཐམས་ཅད་ཀྱི་སོ་སོའི་དབང་པོ་ལྔའི་སྤྱོད་ཡུལ་དང། སོ་སོའི་འདོད་པའི་ཁྱད་པར་གྱིས་ཇི་ལྟར་འདོད་པ་བཞིན་དུ། འདོད་པའི་ཡོན་ཏན་ལྔས་དཔེར་བྱ་ན་ཆར་གྱི་རྒྱུན་བཞིན་དུ་འབྱུང་བར་བསམ་ཞིང། སྙིང་རྗེའི ་མགྲོན་ཁུང་པ་སྟེ། དེ་ཉིད་བསྟན་པ་ལ་ཁྱད་པར་དུ་ཡང་ཡི་དགས་ཀྱི་སྡུག་བསྔལ་བཀྲེས་སྐོམ་དང། དབྱུག་ཏོ་ཅན་གྱིས་སྲུང་བ་ལ་སོགས་པའི་སྡུག་བསྔལ་གྱི་རྣམ་པ་མང་པོ་ཅན་དང། གཞན་ཡང་བཞི་པོ་དག་གིས་བསྡུས་པའི ་སེམས་ཅན་མ་ལུས་པ་ཀུན་གྱི་སོ་སོའི་བསམ་པ་ཡོངས་སུ་རྫོགས་པར་བྱིན་གྱིས་བརླབ་ཅིང་དབང་བསྐུར་རོ། །སྔགས་དང་ཕྱག་རྒྱ་ལྔ་པས་ནི། བདག་ཉིད་ཀྱི་ལུས་རྡུལ་ཕྲ་མོ་སྙེད་དུ་སྤྲུལ་ནས། རྡུལ་ཕྲ་མོ་རེ་རེ་ལས་མཆོད་སྦྱིན་རྡུལ ་ཕྲ་མོ་རེ་རེའི་གྲངས་རི་རབ་ཙམ་མང་བོ་འབྱུང་བས། འཕགས་པ་ཐམས་ཅད་ལ་ཕུལ་བས་མཉེས་པ་དང། ཏིང་ངེ་འཛིན་སྐར་མདའ་ལྟ་བུས་སེམས་ཅན་རྣམས་ལ་བྱིན་པས་ཐོབ་བ་དང་མ་ཐོབ་པའི་འཕམ་རྒྱལ་མེད་པ་དང། དེ་དག་ཀྱང ་ཕན་ཚུན་འཐབ་རྩོད་མེད་པར་སོ་སོར་ཡིད་ལ་མོས་པ་བཞིན་ཐོབ་པར་བྱིན་གྱིས་བརླབ་བོ། །སྔགས་དང་ཕྱག་རྒྱ་དྲུག་པས་ནི་།སྲི?་ཞུའི་མགྲོན་དང། ཡོན་ཏན་གྱི་མགྲོན་དང། སྙིང་རྗེའི་མགྲོན་དང། །ལན་ཆགས་ཀྱི་མགྲོན་དང། དེ་མ ་ཡིན་པའི་བཞིས་བསྡུས་པ་གཞན་གང་དག་མགྲོན་དུ་གྱུར་པ་ཀུན་ལ་ཡང་སྔོན་སྟོན་པས་དམ་ཚིག་ཕོག་པ་རྣམས་ནི། དམ་ཚིག་གི་དབང་གིས་མགོ་ཞིང་སྟོང་གྲོགས་བྱེད་པར་འགྱུར་ལ། དམ་ཚིག་མ་ཕོག་པ་རྣམས་ལ་མཆོད་སྦྱིན ་བྱིན་པ་དེ་དྲན་པ་ལ་གཞག་ནས། འགོ་ཞིང་སྟོང་གྲོགས་སུ་གྱུར་པར་མངོན་སུམ་དུ་དམིགས་སོ། །དེ་ལྟར་གྱུར་པ་དང། སེམས་ཅན་གྱི་དོན་དུ་གྱུར་པའི་ལས་སེམས་ཅན་གྱི་དོན་དང་མི་འགལ་བ་ཅི་བཅོལ་བ་ཡང་འགྲུབ་སྟེ། ཕྱག ་རྒྱ་ཡང་ཕྱོགས་བཅུར་བསྟན་ལ། མགྲོན་རྣམས་བདག་གི་དབང་དུ་བྱའོ། །ཕྲིན་ལས་ཇི་ལྟར་བདག་འདོད་པ་དེ་ཡང་སེམས་ཅན་གྱི་དོན་བྱ་བ་དང། །བདག་དང་གཞན་དགྲོལ་བའི་ཕྲིན་ལས་བཅོལ་བའི་ཐ་ཚིག་གོ་།གཞན ་དུ་ན་མགྲོན་དང་བདག་ཉིད་དོན་དམ་པར་མ་སྐྱེས་པའི་ཕྱིར་བཅོལ་དུ་ཉིད་མེད། མེད་པའི་ཕྱིར་མཆོད་སྦྱིན་ཉིད་ཀྱང་མེད་ཅེས་བྱའོ། །འདི་མན་ཆད་ཚིགས་སུ་བཅད་ནས། སྦྱིན་པ་གཉིས་བདག་དང་གཞན་གྱི་དོན་དུ་སྔོ་བར་སྟོན ་ཏེ། སྟོན་པ་དེ་ཉིད་བསྟན་པ་ལ། མཆོད་སྦྱིན་ལ་སོགས་པ་ཟང་ཟིང་རྣམས་ཚུལ་ཇི་ལྟར་གང་དག་བསྔོ་ཞེ་ན། ལན་ཉིད་སྟོན་པ་ལ། དེ་ནས་ཚིགས་སུ་བཅད་པ་འདི་དག་གིས་ཀྱང་བསྔོ་བར་བྱའོ་ཞེས་བྱ་བ་སྨོས་པ་ནི། དེ་ནས་ཞེས ་བྱ་བ་ལ་སོགས་པ་ནི་ཏིང་ཐོགས་སུ་སྨོས་པ་སྟེ། འདི་དག་ནི་མངོན་སུམ་པ་ཁོ་ནའོ། །གཏན་པ་མེད་པ་ཞེས་བྱ་བ་ནི། འཁོར་གསུམ་ཡོངས་སུ་དག་པའི་བསྔོ་བ་མི་དམིགས་པ་དེ་ལ་དམིགས་པའི་གཏན་པ་མེད་པས་ན་གཏན་པ ་མེད་ཅེས་བྱ་བ་འམ། གཞན་དུ་ཆོས་ཉིད་ཆོས་ཀྱི་དབྱིངས་ཤེས་རབ་ཀྱི་རྟོགས་པའི་དུས་ན་མི་རྟོགས་དམིགས་པའི་གཏན་པ་མེད་པའོ་ཞེས་བྱ་བའི་དོན་ཏོ། །མཆོད་པའི་རྒྱལ་པོ་འདི་ཞེས་སྨོས་པ་ནི། འཕགས་པ་ལ་མཆོད ་པ་དང། སེམས་ཅན་ལ་སྦྱིན་པ་རྣམས་ཀྱི་ནང་ན་མི་དམིགས་པའི་སྦྱིན་པ་འདི་ནི་དམ་པ་ཡིན་པས་ན། རྒྱལ་པོ་ཞེས་བྱ་བའི་ཐ་ཚིག་གོ་།གོང་མ་ལྟ་བུའི་མི་དམིགས་པ་དེ་ལས་བྱིན་བརླབས་དགུ་པས་བསྔོ་སྟེ། དེ་ཉིད་བསྟན་པ་ལ་ཆོས་ཉིད་རྣམ ་པར་དག་པའི་བྱིན་བརླབས་དང། ཞེས་སྨོས་པ་ནི། ཆོས་ཉིད་རྣམ་པར་དག་པ་ནི་ཇི་ལྟར་སྔོན་དུ་སྨོས་པའི་ཕྱིར་འདིར་ཡང་སྔོན་དུ་སྨོས་པ་སྟེ། ནམ་མཁའ་མཛོད་ལ་སོགས་ཏེ། ཚོགས་དྲུག་ཅར་གྱིས་ཇི་ལྟར་བྱིན་གྱིས་བརླབས་པའི་བྱིན་བརླབས ་གང་ཡིན་པ་དང་ཞེས་བྱ་བའི་ཐ་ཚིག་གོ་།ཇི་ལྟར་སྐབས་དང་པོར་བསྟན་པའི་དཀོན་མཆོག་གསུམ་གྱི་ཆེ་བའི་ཡོན་ཏན་ཁམས་གསུམ་དག་ལས་ཁྱད་ཆེས་དཔགས་ཏེ་ཆེ་བ་གང་ཡིན་པ་དང་ཞེས་བྱ་བའི་ཐ་ཚིག་གོ་།ཇི་སྐད་དུ་གོང་དུ་སྨོས ་པའི་ཨ་ལ་སོགས་པའི་སྙིང་པོ་རྣམས་དང། ཐལ་མོ་ཁོང་སྟོང་ལ་སོགས་པའི་ཕྱག་རྒྱ་རྣམས་དོན་མ་ནོར་བའི་ཕྱིར་ངེས་པའོ། །ཅིའི་ཕྱིར་ཞེ་ན། ཇི་ལྟར་ཏིང་ངེ་འཛིན་ཀྱིས་སྒྲུབ་པ་སེམས་ལ་གནས་པ་དང། བདག་ཉིད་ཆེན་པོ ་རྣམས་ཀྱི་ཕྱག་རྒྱའི་མཚན་མའི་གཟུགས་སུ་གྱུར་པའི་དོན་དེ་ལས་ཕ་རོལ་པོས་འདའ་བར་བྱ་བ་མ་ཡིན་པའི་ཕྱིར་དམ་ཚིག་དང་ཞེས་སྨོས་པ་ཡིན་ནོ། །སྐབས་གསུམ་པ་ལས་སྨོས་པའི་རྒྱུ་དང་སྐབས་ལྔ་པ་ལས་སྨོས་པའི་རྐྱེན ་གཉིས་དམིགས་པའི་རྟེན་དང། དོན་ཟབ་མོ་དང་འབྲེལ་པ་དེ་དང་བདག་རྣལ་འབྱོར་པ་གཉིས་གང་དུ་ཚོགས་པའི་དུས་ན་བསམ་པ་རྣམ་པར་དག་པའི་ནུས་པའི་མཐུ་གང་ཡིན་པ་དང། ཞེས་བྱ་བའི་དོན་ཏོ། །འདིར་བྱང་ཆུབ་སེམས ་དཔའ་རྣམས་ཀྱི་ཆེ་བའི་ཡོན་ཏན་གྱི་མིང་བསྟན་པ་སྟེ། འཁོར་བའི་སེམས་ཅན། འཁྱོགས་པའི་ལམ་ངན་པར་འགྲོ་བ་གང་ཡིན་པ་དག། ཐབས་ཐུགས་རྗེའི་མཛད་སྤྱོད་ཀྱིས་མངོན་པར་མཐོ་བ་དང། ངེས་པར་ལེགས ་པའི་ལམ་དྲང་པོས་སྲོང་བས་ན། དྲང་སྲོང་ཞེས་བྱ་བའི་དོན་ཏོ། །འདིའི་སྒོ་ནས་བྱང་ཆུབ་སེམས་དཔའ་རྣམས་ཀྱི་རིགས་མ་ནོར་བར་འཛིན་པ་འམ། །གཞན་དུ་ན་ཐེག་པ་ཆེན་པོ་ལ་འབད་པར་བྱེད་པའི་ཕྱག་རྒྱ་ཆེན་པོ ་དང། ལྷུན་གྱིས་གྲུབ་པ་དང། ཚེ་ལ་དབང་བའི་གྲུབ་པ་ཚེ་གཅིག་གིས་ཐོགས་པ་སྟེ། དེ་ལྟ་བུ་གྲངས་མང་པོ་རྣམས་ཀྱིས་བསྒྲུབས་ནས། གྲུབ་པ་དག་གིས་བྱིན་གྱིས་བརླབས་གང་ཡིན་པ་དང་ཞེས་བྱ་བའི་ཐ་ཚིག་གོ། ཇི་ལྟར་རྣལ་འབྱོར ་པ་བདག་གིས་སྨོན་ལམ་རྒྱ་ཆེན་པོ་བཏབ་སྟེ། དངོས་གང་ཞེ་ན། འདི་ཉིད་ཀྱི་སྐབས་ལྔ་པ་ལས་ཚད་མེད་པ་བཞི་པོ་དག་གིས་སྨོན་ལམ་རྒྱ་ཆེན་པོར་བཏབ་པ་དེ་དག་ཤེས་རབ་ཀྱིས་རྟོགས་ཤིང་ཏིང་ངེ་འཛིན་གྱིས་བསྒོམས་པའི ་བྱིན་གྱིས་བརླབས་ཀྱིས་ཞེས་བྱ་བའི་དོན་ཏོ། །དེ་ལྟ་བུའི་བྱིན་བརླབས་དགུ་ཡིས། །མཆོད་སྦྱིན་འདི་ཇི་ལྟར་སྣང་ཞེས་དྲིས་པའི་ལན་དུ། ཡེ་ཤེས་ལྔའི་འོད་ཟེར་རྣམ་པར་འཕྲོ་ཞེས་བྱ་བ་ལ་སོགས་པ་སྨོས་ཏེ། དེ་ནི་སེམས་ཅན་གྱི་དུག ་འདོད་ཆགས་ལ་སོགས་པ་ལྔ་གསོས་ཏེ། །དངོས་གང་ཞེ་ན། །ཡེ་ཤེས་ལྔར་བྱིན་གྱིས་བརླབས་པ་དང་འདྲེལ་ཏེ། དུག་ལྔ་གསོས་ནས། ཁ་དོག་དཀར་པོ་ལ་སོགས་པ་ལྔར་འཕྲོས་ཏེ། འོད་ཟེར་དེ་ཡང་རིགས་དང ་གོ་རིམས་སུ་ཁ་དོག་དང་ཡེ་ཤེས་སུ་སྦྱར་ཏེ། རྟགས་ཀྱི་འོད་ཟེར་ཁ་དོག་གི་འོད་ཟེར་རྣམ་པ་ལྔར་འཕྲོ་ཞེས་བྱ་བའི་ཐ་ཚིག་གོ་དབང་པོ་ལྔའི་ལོངས་སྤྱོད་མཁོ་དགུར་ལྡན་ཞེས་བྱ་བ་ནི། མིག་གི་དབང་པོ་ལ་སོགས་པ་ལྔའི་ཡོན་ཏན་ལྔ་འབྱུང་སྟེ ་ཇི་ལྟར་མཁོ་བའི་རྫས་ཀྱང་ལྔ་པོ་ཉིད་ཡིན་པའི་ཕྱིར་རོ། །དེ་ལྟར་འདོད་པ་ལྔ་དག་བསྔོས་པའི་རྫས་དེ། མང་ཉུང་གི་ཚད་ཇི་ཙམ་ཞེ་ན། ནམ་མཁའ་ཨི་མཐས་ཀླས་ཤེས་བྱ་བ་སྨོས་ཏེ། ཇི་ལྟར་ནམ་མཁའ་ལ་མཐར་ཐུག་པ ་མེད་པ་དེ་ཀུན་འདོད་པའི་ཡོན་ཏན་ལྔས་གང་བར་བསྔོ་འོ། །འོ་ན་འདི་ལྟར་བསྔོ་བ་ནི་ཡུན་ཇི་ཙམ་ཞེ་ན། གཏེར་ཆེན་གྱུར་པ་འདི་ཞེས་བྱ་བ་སྨོས་ཏེ། གཏེར་ཆེན་པོ་ཡོད་པ་ལ་ཟད་པའི་དུས་མེད་པ་དང་འདྲ་བར་གོང་མ་ལྟར་ཕྱོགས་བཅུའི་ནམ་མཁའ་ ་ལ་ཐུག་པ་མཛའ་མེད་པ་དེ་ཀུན་ཀྱང་སྦྱིན་པའི་གཏེར་འདི་ཟད་པའི་མཛའ་མེད་པར་བསྔོའོ་ཞེས་བྱ་བའི་ཐ་ཚིག་གོ། དེ་ལྟ་བུ་དེ་ཡང་གང་ལ་བསྔོ་ཞེ་ན། ལན་དུ་གཉིས་བསྟན་པ་མཆོད་གནས་བླ་མ་ཁྱེད་ཀྱི་ཕོ་བྲང་དུ་ཞེས་བྱ་བ་སྨོས་ཏེ། དེ་ནི ་སངས་རྒྱས་དང་བྱང་ཆུབ་སེམས་དཔའ་དང་ཞེས་བྱ་བ་ལ་སོགས་པ་དང་འབྲེལ་ཏོ། །སྲི་ཞུའི་གནས་ཀྱི་གན་དུ་ཞེས་བྱ་བའི་དོན་ཏོ། །ཇི་ལྟ་བུ་ཞེ་ན། མཆོད་པའི་སྤྲིན་གྱིས་རྒྱས་ཤིང་གཏིབས་པར་སྨོན་ཞེས་བྱ་བ་སྨོས་ཏེ། འདོད་པའི ་ཡོན་ཏན་ལྔ་ལས་གྱུར་པའི་མཆོད་པའི་སྤྲིན་མང་པོས་ཀུན་ནས་ཀུན་ཏུ་རྒྱས་ཤིང་གཏིབས་པར་སྨོན་ཏོ་ཞེས་བྱ་བའི་དོན་ཏོ། །ཡོན་ཏན་གྱི་མགྲོན་དང། སྙིང་རྗེའི་མགྲོན་ལ་ཡང་སྔོ་སྟེ། སེམས་ཅན་ཐམས་ཅད་ཅེས་བྱ་བ་ནི། ་སངས་རྒྱས་པའི་ས་བོན་རྩ་བ་རང་གི་སེམས་ཡོད་པ་སྟེ། དེ་ཉིད་བསྟན་པ་ལ་ཚངས་པ་དང་ཞེས་བྱ་བ་ལ་སོགས་པའི་ལྷ་དང། འགྲོ་བ་རིས་ལྔ་དང། ཡི་དགས་བགེགས་ཀྱི་རིགས་པ་ཤཱ་ཙི་པ་ལ་སོགས་པ་ཐམས་ཅད་སྦྱིན་པ་འདིས ་བདེ་བར་གྱུར་ཅིག་བྱ་བའི་དོན་ཏོ། །དེ་ལྟ་བུའི་མགྲོན་ཀུན་ཀྱང་གནོད་པའི་འཚེ་བ་རྣམས་དང་བྲལ་བར་གྱུར་ཅིག་ཅེས་བྱ་བའི་དོན་ཏོ། །དེའི་ཐོག་ཏུ་སྦྱིན་པ་དག་བསྣན་པ་ལ། ཡང་ན་དེ་བཞིན་གཤེགས་བསྔགས་པའི། །འདོད་པ་ཕུན ་སུམ་ཚོགས་གྱུར་ཅིག་ཅེས་བྱ་བ་ནི། དེ་བཞིན་གཤེགས་པས་བྱིན་གྱིས་བརླབས་ནས། མཆོད་པའི་རྐྱེན་དུ་བསྔགས་པའི་འདོད་པ་ལྔ?་པོ་དག་གིས་ཡིད་ལ་འདོད་པ་ཕུན་སུམ་ཚོགས་པར་གྱུར་ཅིག་ཅེས་བྱ་བའི་ཐ་ཚིག་གོ་།ཡང་བསྣན་པ ་ལ། ཡང་ན་སེམས་ཅན་ཐམས་ཅད་ཀྱང། བསམ་པ་ཡིད་བཞིན་འགྲུབ་གྱུར་ཅིག་ཅེས་བྱ་བ་ནི། གོང་དུ་སེམས་ཅན་ཞེས་སྨོས་པ་དག་ལ། འདོད་ཅིང་དགོས་པའི་བསམ་པ་དག། དཔེར་བྱ་ན་ནོར་བུ་དམ་པ་རྙེད་པ་ལྟར་གྲུབ་པར་གྱུར ་ཅིག་ཅེས་བྱ་བའི་ཐ་ཚིག་གོ་།དེ་ཡན་ཆད་དུ་མགྲོན་དག་ལ་སྤྱིར་བསྔོས་ནས། ང་ནི་སྙིང་རྗེའི་མགྲོན་ཁུང་བ་སྡུག་བསྔལ་ཅན་དག་ལ་བསྔོ་སྟེ། དེ་དག་གི་གོ་རིམས་ནི་མདོན་ནོ། །དུད་འགྲོ་གཅིག་ལ་གཅིག་ཟ་བའི། །གནོད་པ་དེ་དག་ཡོད ་མི་འགྱུར་ཞེས་བྱ་བ་ནི། ཇི་ལྟར་ཆུ་སྲིན་ཉ་མིང་ལྟ་བུ་དང། ཁྲ་དང་འཕར་སྤྱད་ལྟ་བུ་དང། བརྡེག་བརྡད་དང་བཀོལ་ངས་བ་དང། གླེན་ལྐུགས་ལ་སོགས་པའི་སྡུག་བསྔལ་ཡོང་གིས་མ་བྱུང་ཞིག་ཅེས་བྱ་བའི་ཐ་ཚིག་གོ་།ཡི་དགས ་རྣམས་ལ་ཟས་སྐོམ་སོགས། ཐོགས་པ་མེད་པར་འབྱུང་གྱུར་ཅིག་ཅེས་བྱ་བ་ནི་ཟས་འདོད་པ་ལ་ཟས། སྐོམ་འདོད་པ་ལ་སྐོམ། སྩོག་པའི་ནང་དུ་སྡུག་བསྔལ་ཕྱི་དང་ནང་གི་སྒྲིབ་པས་སྒྲིབས་ཏེ། བསྐལ་བ་མཛའ་ཨི་བར་དུ་གོར་མ་མ་མྱོང ་ནས་རིང་ཅིང་སྐེམ་པ་དག་ལ་ལྷ་དང་མིའི་ཁ་ཟས་ལྟ་བུས་ཐོབ་པ་མེད་པར་འབྱུང་གྱུར་ཅིག་ཅེས་བྱ་བའི་ཐ་ཚིག་གོ་།སེམས་ཅན་དམྱལ་བའི་སྡུག་བསྔལ་གང། མི་བཟད་རྣམ་པ་སྣ་ཚོགས་པ། །བསོད་ནམས་བྱིན་པའི་བྱིན་བརླབས་ཀྱིས།། ་དེ་དག་མྱུར་དུ་ཞི་གྱུར་ཅིག་ཅེས་བྱ་བ་ནི། སྡུག་བསྔལ་གྱི་རྣམ་པ་གང་ཞེ་ན། བརྗོད་ཀྱི་མི་ལང་སྟེ། སྣ་ཚོགས་པ་ཞེས་བྱ་བའི་ཁོངས་སུ་བཙོ་ཞིང་བསྲེག་པ་དང། གཤེག་ཅིང་བཏུབ་པ་དང། ཨ་ཚ་ཚ་དང། ཨ་ཆུ་ཆུ་དང་ལ་སོགས་ཏེ། སྡུག ་བསྔལ་དེ་དག་ཀུན་ཀྱང་སྦྱིན་པའི་སྟོབས་ཀྱིས་མྱུར་དུ་ཞི་བར་གྱུར་ཅིག་ཅེས་བྱ་བའི་ཐ་ཚིག་གོ་།ས་འམ་ཆུ་འམ་མཁའ་ལ་འཁོད་པ་ཡི། །ལྷ་ཀླུ་གནོད་སྦྱིན་དྲི་ཟ་དང། །འབྱུང་པོ་གར་འཁོད་པ། དགེ་བའི་བསམ་པ་རྫོགས་གྱུར་ཅིག ་ཅེས་བྱ་བ་ནི། ཡུལ་གང་ན་གནས་པའི་ཞེས་བྱ་བ་དང་འབྲེལ་ཏེ། ཡུལ་གང་ན་གནས་ཤིང་སྐྱེ་འཁྲུང་ལོ་ཏོག་སྐྱེད་པ་འམ། སའི་བདག་ཏུ་གྱུར་པ་ལ་སོགས་པའི་བྱ་བ་བྱེད་པ་དང་གནས་སྐབས་ཀུན་ཏུ་ཀླན་ཀ་ཚོལ་དུ་འབྱུང་བའི་འདྲེ་སྲིན་ལ་སོགས་པ ་ཡུལ་ཁམས་གང་དག་ན་འཁོར་བ་རྣམས་སོ་སོའི་སྡུག་བསྔལ་ཞི་ནས། མི་དགེ་བ་ཞེ་ལ་འཆང་བ་གང་དག་དགེ་བའི་བསམ་པ་རྫོགས་གྱུར་ཅིག་ཅེས་བྱ་བའི་ཐ་ཚིག་གོ་།མཆོད་སྦྱིན་ལ་སོགས་པའི་ཟང་ཟིང་དེ་ལྟར་བསྔོས་ནས་ད་ནི་ཆོས་ཀྱི་སྦྱིན་པ། ་ཕྱག་རྒྱ་ཆེན་པོ་བསྔོ་སྟེ། དེ་ཡང་ཇི་ལྟར་བསྔོ་ཞེ་ན། ལན་གཉིས་བསྟན་པ་ལ། སྐབས་ལྔ་པ་ལས། བདག་ཉིད་ལྷའི་རྣལ་འབྱོར་དུ་བྱས་པ་གང་ཡིན་པ་དེའི་ཞལ་གྱི་སྒོ་ནས་ལྗགས་ཀྱི་དབང་པོ་བྱེ་བ་འཕྲག་བརྒྱ་ཕྱུང་ནས། ལྗགས ་ཀྱི་དབང་པོ་དེ་རེ་རེ་ལས་ཀྱང་གསུང་དབྱངས་ཀྱི་ཡན་ལག་བརྒྱ་ཕྲག་དྲུག་ཅུ་དྲུག་ཅུ་ཕྱུང་བས། །ཛམ་བུའི་གླིང་བྱེ་བ་ཕྲག་བརྒྱར། སྤྲུལ་པ་བྱེ་བ་ཕྲག་བརྒྱས་གསུང་གི་སྒོ་ནས། འགྲོ་བ་སོ་སོའི་སྐད་དང་མཐུན་པར་འགྲོ་བ་རེ་རེ་ལ་ཡང་ཐེག་པའི་ཁྱད ་པར་མི་མཐུན་པ་སྣ་ཚོགས་པས་སོ་སོའི་མོས་པ་དང། སྐལ་པ་ཇི་ལྟ་བ་བཞིན་དུ་ཆོས་བསྟན་པས་སེམས་ཅན་ཐམས་ཅད་སྒྲོལ་ཞིང་སྨིན་པར་རྣལ་འབྱོར་རོ། །དེ་ལྟར་རྣལ་འབྱོར་པས་དེ་ནས་ཟང་ཟིང་ལས་གཞན་པ་དེ་གང་ཞེ་ན། དེ་ནས་ཆོས ་ཀྱི་སྦྱིན་པ་རྒྱ་ཆེར་བྱའོ་ཞེས་བྱ་བ་སྨོས་ཏེ་ཆོས་ཀྱི་སྦྱིན་པ་ནི་འདི་ལྟ་སྟེ། ཆོས་རྣམས་ཐམས་ཅད་རྒྱུ་ལས་བྱུང། དེ་རྒྱུ་དེ་བཞིན་གཤེགས་པས་གསུངས། །དེ་ལ་འགོག་པ་གང་ཡིན་པ། དགེ་སྦྱོར་ཆེན་པོས་འདི་སྐད་གསུངས། །ཤེས་བྱ་བ་སྨོས་ཏ ་དེ་ལ་ཆོས་རྣམས་ཐམས་ཅད་ཅེས་བྱ་བ་ནི། སྡུག་བསྔལ་བདུན་གྱིས་བསྡུས་པའི་ཟག་པ་དང་བཅས་པའི་ཆོས་རྣམས་ཐམས་ཅད་ལ་བྱ་སྟེ། དེ་དག་ནི་རང་འབྱུང་མི་སྲིད་དེ་རྒྱུ་རྐྱེན་ལ་བརྟེན་ནས་འབྱུང་བའི་ཕྱིར་རྒྱུ་ལས་བྱུང་ཞེས་བྱའོ། །རྒྱུ ་རྐྱེན་དེ་ཡང་གང་ཡིན་ཞེ་ན། ལན་བདུན་དུ་རྟེན་ཅིང་འབྲེལ་པ་བཅུ་གཉིས་ལ། དང་པོ་མ་རིག་པ་དང། བརྒྱད་པ་སྲེད་པ་དང། དགུ་པ་ལེན་པ་ནི་ཉོན་མོངས་པ་སྟེ་རྒྱུའོ། །གཉིས་པ་འདུ་བྱེད་དང། བཅུ་པ་སྲེད ་པ་ནི་ལས་ཏེ་རྐྱེན་ནོ། །གསུམ་པ་རྣམ་པར་ཤེས་པ་དང། བཞི་པ་མིང་དང་གཟུགས་དང། ལྔ་པ་སྐྱེ་མཆེད་དྲུག་དང། དྲུག་པ་རེག་པ་དང། བདུན་པ་ཚོར་བའི་བར་དག་དང། བཅུ་གཅིག་པ་སྐྱེ་བ་དང། བཅུ་གཉིས་པ་རྒ་ཤི་སྟེ་བདུན་ནི་སྡུག ་བསྔལ་བ་སྟེ་འབྲས་བུའོ། །དེ་ལྟར་འབྲས་བུ་སྡུག་བསྔལ་བདུན་པོ་དེ་ནི་རྒྱུ་ཉོན་མོངས་པ་གསུམ་དང་ཞེས་བྱ་བ་དང། རྐྱེན་ལས་གཉིས་ཞེས་བྱ་བ་དང། གཉིས་ལས་འབྱུང་བས་ན་ཆོས་རྣམས་ཐམས་ཅད་རྒྱུ་ལས་བྱུང་ཞེས་བྱ་བ། གཞན ་དུ་ན་ཀུན་ནས་ཉོན་མོངས་པ་དང། རྣམ་པར་བྱང་བས་བསྡུས་པའི་ཆོས་རྣམས་ཐམས་ཅད་ཀྱི་རྒྱུ་ནི་དགེ་བ་དང། མི་དགེ་བ་ལས་བྱུང་ལ། དགེ་བ་དང་མི་དགེ་བ་དེ་ནི། འཁྲུལ་པའི་རྟོག་པ་རང་སྣང་བ་ཅན། རྩ་བ་རང་གི་སེམས་ལས ་བྱུང་བས་ན། ཆོས་རྣམས་ཐམས་ཅད་རྒྱུ་ལས་བྱུང་ཞེས་བྱ་བའི་དོན་ཏོ། །འོན་ཀྱང་ཀུན་རྫོབ་ཏུ་རྟེན་ཅིང་འབྲེལ་བར་འབྱུང་བ་ལས་དང་འབྲས་བུ་དང། ཀུན་ནས་ཉོན་མོངས་པ་དང། དོན་དམ་པར་རྩོ་བོ་རང་གི་སེམས་དེ་ནི་ཆོས་ཐམས་ཅད ་ཀྱི་རྒྱུ་ཡིན་པར་གང་གིས་གསུངས་ཤེ་ན། ལན་དུ་དེ་ལྟ་ཞིག་ཡིད་བརྟན་དུ་རུང་བའི་ཚད་མ། དེ་བཞིན་གཤེགས་པས་གསུངས་ན། དེ་རྒྱུ་དེ་བཞིན་གཤེགས་པས་གསུངས་ཤེས་བྱ་བའོ། །དེ་ལ་འགོག་པ་གང་ཡིན་པ་ཞེས་བྱ་བ་ནི། ་འཁོར་བའི་ཡན་ལག་བཅུ་གཉིས་དང། རྩ་བ་རང་གི་སེམས་ཆོས་ཀྱི་རྒྱུ་གཉིས་ལ་ལུགས་ལས་བཟློག་པའི་ཐབས་གང་གིས་འཁོར་བ་རྒྱུ་དང་འབྲས་བུར་བཅས་པ་དང། སེམས་ཀྱི་རྟོག་པ་ཆོས་ཀྱི་རྒྱུ་དེ་ལ་འགོག་པ་ནི། མྱ་ངན ་ལས་འདས་པ་སྟེ། དེ་ནི་སྐྱེ་རྒ་ན་འཆི་སྡུག་བསྔལ་བཞི་དང་བྲལ་བ་ཡིན་ལ། དེ་ཐོབ་པར་བྱ་བའི་ཐབས་གང་ཡིན་པ་ནི། དགེ་སྦྱོང་ཆེན་པོ་ཤཱཀྱ་ཐུབ་པས་འདི་སྐད་གསུངས་སོ་ཞེས་བྱ་བའི་ཐ་ཚིག་གོ་།ད?་ནི་སྡོམ་པ་བཤད་དེ་སྡིག་པ་ཅི ་ཡང་མི་བྱ་སྟེ་ཞེས་བྱ་བ་ནི་ལྷག་པའི་ཚུལ་ཁྲིམས་ལ་བཞག་པ་སྟེ། སྡིག་པ་ཅི་ཡང་ནི་དཔེར་བྱ་ན་ལྟས་ངན་དང་འདྲ་སྟེ། སྡིག་པ་བྱས་པ་ནས་གཟུང་སྟེ། འདི་དང་ཕྱི་མ་ལ་སྡུག་བསྔལ་འབྱུང་བའི་ཕྱིར་སྡིག་བ་ཅི་ཡང་མི་བྱ་སྟེ། ཞེས་བྱ་བའི་དོན ་ཏོ། །དགེ་བ་ཕུན་སུམ་ཚོགས་པར་སྤྱད་ཅེས་བྱ་བ་ནི་སྒོ་གསུམ་གྱི་ཁ་ན་མ་ཐོ་བ་དག་པར་བྱས་ལ་སྤྱོད་པ་བཅུ་དང། ཤེས་རབ་གསུམ་གྱི་སྒོ་ནས་ཕུན་སུམ་ཚོགས་པར་སྤྱད་དོ་ཞེས་བྱ་བའི་ཐ་ཚིག་གོ་།དེ་ལས་ལྷག་པའི་ཤེས་རབ་འཕེལ ་པར་འགྱུར་རོ། །རང་གི་སེམས་ནི་ཡོངས་སུ་གདུལ་ཞེས་བྱ་བ་ནི། སེམས་ནི་ཐོག་མ་མེད་པ་ནས་ཉོན་མོངས་པ་ལ་རང་ཡན་དུ་འཕྱན་པའི་དཔེ་ནི། རྟ་དམུ་རྒོད་དང་འདྲ་སྟེ། དེ་དག་འདུལ་བ་ནི་སྲབ་ཡིན་པའི་དཔེ་དེ་བཞིན་དུ་སེམས ་རང་ཡན་དུ་ཡུལ་ལ་འཕྱན་པའི་རྟོག་གེ་འདུལ་བའི་ཐབས་ནི། ལྷག་པའི་ཏིང་ངེ་འཛིན་གྱིས་སེམས་མཉམ་པར་གཞག་པས་ཡོངས་སུ་འདུལ་ཞེས་བྱ་བའི་ཐ་ཚིག་གོ་།དེ་ལྟར་ལྷག་པའི་བསླབ་པ་གསུམ་ལ་གནས་པར་བསྟན་དེ་ནི། ་དུས་གསུམ་གྱི་དེ་བཞིན་གཤེགས་པ་དེ་དག་གིས་འགྲོ་བ་རྣམས་སངས་རྒྱས་པར་བྱ་བའི་ཕྱིར་བསྟན་པ་ཡིན་ཞེས་བྱ་བ་ལ་སོགས་པ་སྟོན་པའི་ཞལ་ནས་གསུངས་པའི་མདོ་སྡེ་རྣམས་ཀྱི་ནང་ནས་འབྱུང་བའི་ཚིགས་བཅད་མང་པོས ་ཆོས་ཀྱི་སྦྱིན་པ་ཡང་རྒྱ་ཆེར་བྱའོ། །གོང་དུ་གསུངས་པའི་ཚུལ་དེ་ལྟར་ཆོས་ཀྱི་སྦྱིན་པས་ཐེ་ཚོམ་བསལ་བ་དང། དེའི་སྒོ་ནས་ཤེས་བྱའི་སྒྲིབ་པ་སྤོང་ལ། ཟང་ཟིང་གི་སྦྱིན་པས་འདོད་པའི་ཉོན་མོངས་པ་ཞི་པར་བྱས་པ་དང། དེའི་སྒོ་ནས ་ཉོན་མོངས་པའི་སྒྲིབ་པ་སྤོང་སྟེ། དེ་ལྟར་ཆོས་དང་ཟང་ཟིང་གཉིས་ཀྱིས་ཉོན་མོངས་པའི་སྒྲིབ་པ་དང། ཤེས་བྱའི་སྒྲིབ་པ་གཉིས་བྱང་ནས། དེའི་གཉེན་པོ་བསོད་ནམས་དང། ཡེ་ཤེས་ཀྱི་ཚོགས་ཆེན་པོ་གཉིས་རྫོགས ་ནས། བླ་ན་མེད་པའི་སངས་རྒྱས་སུ་འགྲུབ་པར་ཤེས་པར་བྱའོ། །དེ་ཡན་ཆད་དུ་རྣམ་པར་ཕྱེ་བ་དྲུག་པ་བསྡུས་སོ། །གཏོར་མ་ལས་རྣམས་ཀུན་གྱི་མཆོག། ལས་རྣམས་ཀུན་གྱི་སྣ་ལ་འགྲོ། ཤེས་རབ་དམན་ལ་བསྟན་པའི་ཕྱིར། །གཏོར ་མའི་དོན་ནི་རྒྱ་ཆེ་བ། །དོན་ཆེན་ཡི་གེ་དམ་པ་འདིས། །རྒྱུད་ལྔར་སྐྱེས་པ་དགྲོལ་བའི་ཕྱིར། །མ་ནོར་ཙམ་དུ་བཤད་པ་ཡིས། །འདི་བྱས་བསོད་ནམས་ཅི་ཡོད་པས། །མཛའ་ཡས་སེམས་ཅན་མ་ལུས་ཀུན། །བདེན་གཉིས་ཆུ་གཏོར་དོན ་རྟོགས་ནས། །བླ་མེད་བྱང་ཆུབ་ཐོབ་པར་ཤོག་།གཏོར་མའི་འགྲེལ་པ་སློབ་དཔོན་ཆེན་པོ་བིད་ད་ཛྙཱ་ནས་མཛད་པ་རྫོགས་སོ།། །།རྒྱ་གར་གྱི་མཁན་པོ་ཤཱན་ཏིང་གརྦྷ་དང། ཞུ་ཆེན་གྱི་ལོ་ཚ་བ་ཨཱ་ཙཨཱརྱ་རིན་ཆེན ་མཆོག་གིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། (།།བདུད་རྩི་འབྱུང་བ་ཞེས་བྱ་བའི་གཏོར་མའི་ཆོ་ག་བཞུགས།།)་།། *། །རྒྱ་གར་སྐད་དུ། ཨ་མྲི་ཏ་དཱ་ཡ་བི་དྷི་བ་ལིཾ་ནཱ་མ། བོད་སྐད་དུ། བདུད་རྩི་འབྱུང་བ ་