Wylie

e-texts based on the ACIP/ALL Input

རྒྱ་གར་གྱི་མཁན་པོ་ཛྙཱ་ན་ཨཱ་ཀ་རོ་ཉིད་དང། ལོ་ཙ་བ་དགེ་སློང་ཚུལ་ཁྲིམས་རྒྱལ་བས་བསྒྱུར་ཅིང་ཞུས་ཏེ་གཏན་ལ་ཕབ་པའོ། །།*། །ཐེག་པ་ཆེན་པོ་བསྡུས་པའི་སྒྲོན་མ་སློབ་དཔོན་ནག་པོ་ཞབས་ཀྱིས་མཛད་པ་བཞུགས་སོ།། ་རྒྱ་གར་སྐད་དུ། མཧཱ་ཡཱ་ན་མེ་ལ་པ་ན་པྲ་དཱི་པཾ། བོད་སྐད་དུ། ཐེག་པ་ཆེན་པོ་བསྡུས་པའི་སྒྲོན་མ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །ཉེས་པའི་དྲི་མ་མ་ལུས་སྤངས་ཤིང ་ཆོས་ཉིད་ཟབ་མོ་རྒྱ་མཚོ་ལྟ་བུ་གཟིགས། །ཐུགས་རྗེས་འཁོར་བ་ཇི་སྲིད་བར་དུ་བཞུགས་ཤིང་གཞན་གྱི་དོན་མཛད་པའི། །ཐུབ་བའི་དབང་པོ་སྲས་དང་བཅས་པ་རྣམས་ལ་ཕྱག་འཚལ་ལོ། །མདོ་རྒྱུད་ཀུན་ལས་བཏུས་པའི་ཐེག་ཆེན ་བསྡུས་པའི་སྒྲོན་མ་འདི། མ་རིག་དབང་དུ་སོང་བའི་སེམས་ཅན་རྣམས་ཀྱི་དོན་དུ་བདག་གིས་རབ་གསལ་བྱ། །དེ་ལ་རིགས་ཀྱི་བུ་འམ་རིགས་ཀྱི་བུ་མོ་རིགས་དང་སྐལ་པ་དང་ལྡན་པ་དེས་སངས་རྒྱས་ཀྱི་བསྟན་པ་ལ་ཇི་ལྟར་འཇུག་པར་བྱ་ཞེ་ན། ་དེས་ནི་སངས་རྒྱས་ཀྱི་བསྟན་པ་ལ་རིམ་གྱིས་འཇུག་པ་ལ་བསླབ་པར་བྱའི། །ཅིག་ཅར་ནི་མ་ཡིན་ཏེ། དེ་ལྟར་ཡང་བཅོམ་ལྡན་འདས་ཀྱིས་ལང་ཀར་གཤེགས་པའི་མདོ་ལས་གསུངས་ཏེ། བཅོམ་ལྡན་འདས་ལ་བྱང་ཆུབ་སེམས་དཔའ་ ་བློ་གྲོས་ཆེན་པོས་ཞུས་པ། བཅོམ་ལྡན་འདས་རང་གི་སེམས་རིམ་གྱིས་སམ་ཅིག་ཅར་གྱིས་དག་པར་འགྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་ཆེན་པོ་རང་གི་སེམས་ནི་རིམ་གྱིས་འཇུག་པས་རྣམ་པར་དག་སྟེ་ཅིག་ཅར་ནི་མ ་ཡིན་ནོ། །བློ་གྲོས་ཆེན་པོ་འདི་ལྟ་སྟེ་ཤིང་ཨ་འབྲའི་འབྲས་བུ་ནི་རིམ་གྱིས་སྨིན་པར་འགྱུར་གྱི་ཅིག་ཅར་ནི་མ་ཡིན་ནོ། །བློ་གྲོས་ཆེན་པོ་དེ་བཞིན་དུ་སེམས་ཅན་རྣམས་ཀྱི་སེམས་ཀྱང་རིམ་གྱིས་རྣམ་པར་དག་སྟེ་ཅིག་ཅར་ནི་མ་ཡིན་ནོ། །བློ་གྲོས ་ཆེན་པོ་འདི་ལྟ་སྟེ་རྫ་མཁན་གྱིས་སྣོད་རྣམས་ནི་རིམ་གྱིས་བྱེད་ཀྱིས་ཅིག་ཅར་ནི་མ་ཡིན་ནོ། །བློ་གྲོས་ཆེན་པོ་དེ་བཞིན་དུ་དེ་བཞིན་གཤེགས་པ་ཡང་སེམས་ཅན་རྣམས་ཀྱི་སེམས་རིམ་གྱིས། རྣམ་པར་སྦྱོང?་སྟེ་ཅིག་ཅར་ནི་མ་ཡིན་ནོ། །བློ་གྲོས ་ཆེན་པོ་འདི་ལྟ་སྟེས་ཆེན་པོ་ལས་རྩ་བ་དང་ཤིང་གེལ་བ་དང་སྨན་དང་ནགས་ཚལ་རྣམས་རིམ་གྱིས་འཇུག་པར་སྐྱེ་ཅིག་ཅར་ནི་མ་ཡིན་ནོ། །དེ་བཞིན་དུ་བློ་གྲོས་ཆེན་པོ་དེ་བཞིན་གཤེགས་པ་ཡང་སེམས་ཅན་རྣམས་ཀྱི་སེམས་རིམ་གྱིས་སྦྱོང ་སྟེ་ཅིག་ཅར་ནི་མ་ཡིན་ནོ། །བློ་གྲོས་ཆེན་པོ་འདི་ལྟ་སྟེ་གཞད་གང་དང། རོལ་མོ་དང། གླུ་དང་པི་ཝང་དང་སིལ་སྙན་དང་རོལ་མོ་ལ་མཁས་པ་ནི་རིམ་གྱིས་འབྱུང་གི་ཅིག་ཅར་ནི་མ་ཡིན་ནོ། །དེ་བཞིན་དུ་བློ་གྲོས་ཆེན་པོ་དེ་བཞིན་གཤེགས ་པ་ཡང་སེམས་ཅན་རྣམས་ཀྱི་སེམས་རིམ་གྱིས་རྣམ་པར་སྤྱོད་སྟེ་ཅིག་ཅར་ནི་མ་ཡིན་ནོ། །རིམ་པ་འདི་གཉིས་ནི་སའི་སྙིང་པོའི་མདོ་ལས་གསུངས་ཏེ། གང་ལ་མཐོ་རིས་ཐེག་བ་ཡོད་མིན། །དེ་ལ་ཉན་ཐོས་ཐེག་བ་མེད་དེ། །གང་ལ་ཉན ་ཐོས་ཐེག་པ་ཡོད་མིན། །དེ་ལ་རང་རྒྱལ་ཐེག་པ་མེད་དེ། །གང་ལ་རང་རྒྱལ་ཐེག་པ་ཡོད་མིན། །དེ་ལ་ཐེག་པ་ཆེན་པོ་མེད་དེ་ཞེས་གསུངས་སོ། །སེམས་ཅན་དང་པོའི་ལས་ཅན་རྣམས།། །།དམ་པའི་ཆོས་ལ་འཇུག་པ་ལ། །ཐབས ་འདི་རྫོགས་པའི་སངས་རྒྱས་ཀྱིས། །སྐས་ཀྱི་རིམ་པ་ལྟ་བུར་གསུངས། །དེས་ན་སངས་རྒྱས་ཀྱི་བསྟན་པ་ལ་རིམ་གྱིས་བསླབ་པར་བྱའོ། །དེའི་ཕྱིར་རིགས་ཀྱི་བུ་འམ་རིགས་ཀྱི་བུ་མོ་དལ་འབྱོར་གྱི་རྟེན་ཐོབ་པ་རིགས་དང་སྐལ་པ་དང་ལྡན་པ་དེས་དང་པོ ་དཀོན་མཆོག་གསུམ་ལ་སྐྱབས་སུ་ཕྱིན་ལ་དད་པ་དང་ངོ་ཚ་ཤེས་པ་དང་ཁྲེལ་ཡོད་པ་དང་ལྡན་པ་དེས་སྲོག་གཅོད་བ་དང། མ་བྱིན་པར་ལན་པ་དང། །མི་ཚངས་པ་སྤྱོད་པ་དང། བརྫུན་དང། ཕྲ་མ་དང། ངག་འཁྱལ་བ་དང། ཚིག་རྩུབ་མོ་དང། ་བརྣབ་སེམས་དང། གནོད་སེམས་དང། ལོག་ལྟ་དང། ཆང་སྤང་བ་དང། །དྲན་བ་དང། ཤེས་བཞིན་དང། བག་ཡོད་པ་ལ་གནས་པར་བྱའོ། །རིན་པོ་ཆེའི་ཕྲེད་བ་ལས། །གསོད་པ་ཡིས་ནི་ཚེ་ཐུང་འགྱུར། །རྣམ་པར་འཚེ་བ་གནོད་པ་མང་། ་རྐུ་པ་ཡིས་ནི་ལོང་སྤྱོད་ཕོངས། །བྱི་བོ་བྱེད་བ་དགྲ་དང་བཅས། །བརྫུན་དུ་སྨྲས་པས་སྐུར་བ་སྟེ། ཕྲ་མ་ཡིས་ནི་བ་ཤེས་དང་འབྱེད། །ཚིག་རྩུབ་ཀྱིས་ནི་མི་སྙན་ཐོས། །མ་འབྲེལ་བ་ཡིས་ཚིག་མི་བཙུན། །བརྣབ་སེམས་ཡིད་ལ་རེ་བ་འཇོམས། །གནོད་སེམས ་འཇིགས་པ་སྦྱིན་པོར་བཤད། །ལོག་པར་ལྟ་བུས་ལྟ་ངན་ཉིད། །ཆང་འཐུང་བ་ཡིས་བློ་འཁྲུལ་ཏེ། མ་བྱིན་པ་ནི་དབུལ་བ་ཉིད། །ལོག་པས་འཚོ་བས་སླུ་བ་སྟེ། །བེངས་པ་ཡིས་ནི་རིགས་ངན་ཉིད། །ཕྲག་དོག་གིས་ནི་གཟི་ཆུང་ཉིད། །ཁྲོ་བོས་ཁ་དོག་ངན་པ ་ཉིད། །མཁས་པ་མི་འདྲི་བླུན་པ་ཉིད། །མི་ཉིད་ལ་ནི་འབྲས་བུ་འདི། །ཀུན་གྱི་དང་པོར་ངན་འགྲོའོ། །མི་དགེ་ཞེས་བྱ་དེ་དག་གི། །རྣམ་སྨིན་གྲགས་བ་གང་ཡིན་པ། །དགེ་བ་དག་ནི་ཐམས་ཅད་ལ། །འབྲས་བུ་དེ་ནི་བཟློག་སྟེ་འབྱུང། །ཆགས་དང་ཞེ་སྡང ་གཏི་མུག་དང། དེས་སྐྱེད་ལས་ནི་མི་དགེ་བ། །མ་ཆགས་ཞེ་སྡང་གཏི་མུག་མེད། །དེས་བསྐྱེད་ལས་ནི་དགེ་བ་ཡིན། །མི་དགེ་བ་ལས་སྡུག་བསྔལ་ཀུན། །དེ་བཞིན་ངན་འགྲོ་ཐམས་ཅད་དོ། །དགེ་ལས་བདེ་འགྲོ་ཐམས་ཅད ་དང། སྐྱེ་བ་ཀུན་ཏུ་བདེ་བ་དག། འབྱུང་བ་འདི་ལ་ཐེ་ཚོམ་མེད། །ཡིད་དང་ལུས་དང་ངག་གིས་ནི། །མི་དགེ་ཀུན་ལས་ལྡོག་བྱ་ཞིང། །དགེ་ལ་རྟག་ཏུ་འཇུག་པར་བྱ། །ཆོས་འདི་རྣམ་པ་གཉིས་སུ་བཤད། །ཆོས་འདིས་དམྱལ་བ་ཡི་དགས་དང། ་དུད་འགྲོ་དག་ལ་རྣམ་གྲོལ་ཞིང། །ལྷ་དང་མི་ཡི་ནང་དག་ཏུ། །བདེ་དཔལ་རྒྱལ་སྲིད་རྒྱས་པ་ཐོབ། །བསམ་གཏན་ཚད་མེད་གཟུགས་མེད་ནི། །ཚངས་སོགས་བདེ་བ་མྱོང་བར་བྱེད། །དེ་ལྟར་མཐོ་རིས་ཆོས་འདི་དང། །དེའི་འབྲས་བུ་མདོར ་བསྡུས་པའོ་ཞེས་གསུངས་སོ། །དེས་ནི་མི་དགེ་བ་བཅུ་ལས་ལོས་ཅིང་འཁོར་བ་ལ་ཡིད་སྤྲོ་བ་བཟློག་སྟེ་ཡིད་ཆེས་པའི་དད་པ་དང་དང་བའི་དད་པ་དང། འདོད་པའི་དད་པ་བརྟན་པ་བསྐྱེད་ལ་སྲོད་གིས་བསྡུས་པའི་སེམས་ཅན་ཐམས་ཅད་ལ་བྱམས་པ་དང ་སྙིང་རྗེ་སྔོན་དུ་འགྲོ་བས་སེམས་ཅན་ལ་བལྟ་བའི་སེམས་ཀྱི་ག་དཀོན་མཆོག་གསུམ་ལ་སྙིང་པོ་བྱང་ཆུབ་ལ་ཐུག་གི་བར་སྐྱབས་སུ་འགྲོ་བ་དང། དགེ་བའི་བཤེས་གཉེན་མཁས་པ་དང། བཙུན་པ་དང། སྙིང་རྗེ་དང་ལྡན་པ་དང། ཆོས་དང་ཟང་ཟིང ་ལ་སེར་སྣ་དང་ཕ་དོག་མེད་ཅིང་བྱ་བ་ལ་ཡིད་བཞུགས་པ་དང། སྐྱོ་བ་མེད་ཅིང་རིགས་དང་སྤབས་པ་དང་ཁ་དོག་དང་ལྡན་པ་ལ་བྱང་ཆུབ་མཆོག་ཏུ་སེམས་བསྐྱེད་པར་བྱའོ། །དེ་ནས་དད་པ་དང། ངོ་ཚ་ཤེས་པ་དང། ཁྲེལ་ཡོད་པ་དང། དྲན་པ་དང་ཤེས ་བཞིན་དང། བག་ཡོད་པ་ལ་གནས་ཏེ། བྱང་ཆུབ་ཀྱི་སེམས་དང་སྡོམ་པ་དང་འགལ་བའི་ལས་བརྟགས་ཏེ་སྤང་བར་བྱའོ། །སྲེག་གིས་བསྡུས་པའི་སེམས་ཅན་ལ་བྱམས་པ་དང་སྙིང་རྗེ་སྔོན་དུ་འགྲོ་བས་སྲོག་གཅོད་པ་དང། མ་བྱིན་པར་ལེན་པ ་དང། འདོད་པ་ལ་ཕྱིན་ཅི་ལོག་པ་དང། བརྫུན་དང། ཕྲ་མ་དང། ཚིག་རྩུབ་དང། ངག་འཁྱལ་བ་དང། བརྣབ་སེམས་དང། གནོད་སེམས་དང། ལོག་ལྷ་དང་ཤ་དང་ཉ་དང་ཆང་དང་སྒོག་པ་དང་ལ་ཕུག་དང། རྒྱ་སྐྱབས་ཀྱི་ལས་དང། ཏིལ ་གྱི་ལས་དང། ཞིང་ལྷས་སློགས་པ་ནི་རྟག་ཏུ་སྤང་བར་བྱའོ། །དགེ་སློང་དང། བྱང་ཆུབ་ཏུ་སེམས་བསྐྱེད་པ་དང། དམ་ཚིག་དང་ལྡན་པ་ལ་གུས་པར་བྱ་ཞིང་བརྙས་པར་མི་བྱའོ། །སྦྱངས་པའི་ཡོན་ཏན་དང་ལྡན་ཞིང་རང་ལ་རྣམ་པར་འཚོ་བ་ལ ་བཟོད་པར་བྱའོ། །བྱང་ཆུབ་ཀྱི་སེམས་རྒྱུན་དུབ་སྒོམ་ཞིང་སྨོན་ལམ་རྒྱ་ཆེན་པོ་གདབ་པར་བྱའོ། བླ་མ་དང། དཀོན་མཆོག་དང། ཕན་འདོགས་པ་དང། སྡུག་བསྔལ་བ་དང། ནོད་པ་དང། ནད་གཡོགས་པ་དང། ཕ་དང་མ་དང། གློ་བུར་གྱི ་འགྲོན་པོ་དང། བྲམ་ཟེ་ལ་ཟས་དང། གོས་དང་བཏུང་བ་དང། སྨན་དང། རིན་པོ་ཆེ་དང། མར་མེ་དང། དྲི་དང། སྤོས་དང། ཡོ་བྱད་ཀྱི་དངོས་པོ་སྦྱིན་ཞིང། ལུས་དང་བསོད་ནམས་ཀྱི་དངོས་པོ་ཐམས་ཅད་གཏད་བ་དང། ཆོས་དང ་མི་འཇིགས་པ་སྤྱིན་པ་དང། གཞན་གྱིས་དགོས་པའི་གྲོགས་དང་ནད་གཡོག་ལ་སོགས་པ་བྱའོ། །རིན་པོ་ཆེ་ཕྲེང་བ་ལས། གོམ་པ་བདུན་པའི་དུས་སུ་ཡང། །བདོག་པ་ཀུན་གཏོང་སེམས་འཆད་བ། བྱང་ཆུབ་སེམས་དཔའ་རྣམས་ལ་ནི། །བསོད ་ནམས་མཁའ་འདྲ་དཔག་མེད་སྐྱེ་གསུང། །རྒྱལ་བའི་ཡུམ་ལས་ཀྱང། རབ་འབྱོར་འདི་ཇི་སྙམ་དུ་སེམས་ཤར་ཕྱོགས་ཀྱི་ནམ་མཁའ་ཚང་གཟུང་བར་སླ་འམ། རབ་འབྱོར་གྱིས་གསོལ་པ། བཅོམ་ལྡན་འདས་དེ་ནི་མ་ལགས་སོ། །རབ་འབྱོར་དེ་བཞིན ་དུ་བྱང་ཆུབ་སེམས་དཔའ་གང་མི་གནས་པར་སྦྱིན་པ་ཡོངས་སུ་གཏོང་བ་དེའི་བསོད་རྣམས་ཀྱི་ཕུང་པོ་ཡང་ཚད་གཟུང་བར་སླ་བ་མ་ཡིན་ནོ། །ཡང་དེ་ཉིད་ལས། རབ་འབྱོར་འདི་ལྟ་སྟེ་དཔེར་ན། མིག་དང་ལྡན་པའི་མི་ཞིག་མུན་པར་ཞུགས་ན་ཅི ་ཡང་མི་ཐོང་བ་དེ་བཞིན་དུ་གང་དངོས་པོར་ལྟུང་བས་སྦྱིན་པ་ཡོངས་སུ་གཏོང་བའི་བྱང་ཆུབ་སེམས་དཔར་བལྟའོ། །རབ་འབྱོར་འདི་ལྟ་སྟེ་དཔེར་ན། ནམ་ལངས་ཏེ་ཉི་མ་ཤར་ནས་མིག་དང་ལྡན་པའི་མིས་གཟུགས་རྣམ ་པ་སྣ་ཚོགས་དག་མཐོང་བ་དེ་བཞིན་དུ་གང་དངོས་པོར་མ་ལྷུང་བས་སྦྱིན་པ་ཡོངས་སུ་གཏོང་བའི་བྱང་ཆུབ་སེམས་དཔར་ལྟའོ་ཞེས་གསུངས་སོ། །དེས་ན་གང་སྦྱིན་པ་དེ་འཁོར་གསུམ་ཡོངས་སུ་དག་པར་བྱིན་ན་ཉིད་བྱང་ཆུབ་སེམས་དཔའ་རྣམས་ཀྱིས ་ཕྱིན་ཅི་མ་ལོག་པའི་སྦྱིན་པ་སྟེ་མྱ་ངན་ལས་འདས་པའི་རྒྱུར་འགྱུར་པའོ། །དེ་ཡང་གཏི་མུག་མེད་པའི་དགེ་བའི་རྩ་བའོ། །དེ་བཞིན་དུ་ཐོས་པ་དང། བསམ་པ་དང། བསྒོམ་པ་དང། དཀའ་ཐུབ་ལ་གནས་པ་དང། གཞན་གྱི་གྲོགས ་བྱེད་པའི་ཚེ་ལུས་དང་སེམས་ཀྱི་སྡུག་བསྔལ་བྱུང་བ་དང་དུ་བླང་བ་དང། དེ་བཞིན་དུ་བདག་གི་བ་ལ་གནོད་པ་མཐོང་བའི་ཚེ་གཉེན་པོ་སྲན་ཐུབ་པར་བྱ་བ་དང། གནོད་པ་བྱེད་པ་དང། གནོད་པའི་དངོས་པོ་དང། གནོད་བྱ་རྣམས་སྒྱུ་མ་ལྟ་བུ་དང ་སྟོང་པར་ཤེས་ཏེ་བཟོད་པ་ལ་གནས་པར་བྱའོ། །དེ་ལྟར་བཟོད་པ་ལ་གནས་པའི་གང་ཟག་ནི་འདི་ཉིད་ལ་ལུས་དང་སེམས་བདེ་བ་དང། འཁོར་མང་བ་དང། ལྷ་ལ་སོགས་པས་སྲུང་བ་དང། ཚེ་འཕོས་ནས་ཀྱང་སངས་རྒྱས་ཀྱི་ཞིང་ཁམས ་དག་པར་སྐྱེ་བ་དང། རིགས་བཟང་པ་དང། གཟུགས་དང་ཁ་དོག་བཟང་བ་དང། ནད་མེད་པ་དང། ཚེ་རིང་བ་དང། འཁོར་གཡོག་བྱམས་པ་དང། འབྱོར་བ་ཕུན་སུམ་ཚོགས་པ་བསྐྱེ་ཞིང་མཐོ་རིས་ལྷ་དང་མིའི་རྒྱལ་པོར་འགྱུར་བ ་དང། མཐར་ཐུག་མྱ་ངན་ལས་འདས་པའི་རྒྱུར་འགྱུར་རོ། །དེ་ལྟར་བཟོད་པ་དང་ལྡན་པ་དེས་ལེ་ལོ་དང་སྙོམས་ལས་དང་ཞུམ་པ་བསལ་ཏེ། དགེ་བའི་ལས་ལ་སེམས་སྤྲོ་བ་དང་ཡིད་གཞུང་བར་བྱའོ། །ལེ་ལོ་དང་སྙོམས་ལས་དང་སེམས ་ཞུམ་པ་ལ་གནས་ན་སྦྱིན་པ་ནས་ཤེས་རབ་ཀྱི་བར་དུ་མེད་དོ། །བསྡུ་བའི་དངོས་པོ་བཞི་མེད་དོ། སྦྱངས་པའི་ཡོན་ཏན་དང། ཚད་མེད་པ་དང། དྲན་པ་ཉེ་བར་བཞག་པ་དང། ཡང་དག་པར་སྤོང་བ་དང། རྫུ་འཕྲུལ་གྱི་རྐང་པ་དང། དབང་པོ་ལྔ་དང ་བྱང་ཆུབ་ཀྱི་ཡན་ལག་བདུན་དང། འཕགས་པའི་ལམ་ཡན་ལག་བརྒྱད་ཐོབ་པ་མེད་དོ། །དཀོན་མཆོག་མཆོད་པ་དང། གཞན་གྱི་གྲོགས་བྱ་བ་དང། དགེ་བའི་བཤེས་གཉེན་བསྙེན་པ་མེད་དོ། །དེའི་ཕྱིར་ན་དགེ་བའི་ལས་ལ་དུས་རྟག་ཏུ ་མགོ་དང་གོས་ལ་མེ་འབར་བ་གསོད་པ་བཞིན་དུ་བྱའོ། །དཀོན་མཆོག་གསུམ་དང། བླ་མ་དང། གྲོགས་ཚངས་པ་མཚུངས་པར་སྤྱོད་པ་དང། བསླབ་པ་ལ་གུས་པ་བསྐྱེད་པར་བྱའོ། །སེམས་ཅན་ཐམས་ཅད་ལ་ཕ་དང་མ་དང། མཁན་པོ་དང། ་སློབ་དཔོན་དང། སྟོན་པའི་འདུ་ཤེས་སྐྱེད་ལ། མ་གུས་པ་དང། བརྙས་པ་དང། ཞེ་སྡང་དང། ཁོང་ཁྲོ་དང། ང་རྒྱལ་དང། ཁྱད་དུ་གསོད་པ་སྤང་བ་ལ་ནན་ཏན་བྱ་བ་དང། དེ་ལྟར་དགེ་བ་ལ་ལུས་དང་ངག་དང་སེམས་ལས་སུ ་རུང་ན་ལུས་དང་སེམས་ལྡང་བ་ཡང་བ་དང། དགེ་བའི་ཚོགས་མང་པོ་དང་ལྡན་པར་འགྱུར་རོ། །དེ་ལྟར་དགེ་བ་ལ་གནས་པའི་གང་ཟག་ལ་ལྷ་དང། ཀླུ་དང། གནད་སྦྱིན་དང། དྲི་ཟ་དང། ལྷ་མ་ཡིན་དང། ནམ་མཁའ་ལྡིང་དང། ལྟོ ་འཕྱེ་ཆེན་པོ་ལ་སོགས་དགའ་ཞིང་གུས་པ་དང་སྲུང་བ་བྱེད་པར་འགྱུར་རོ། །དེའི་ཕྱིར་འདུན་པ་དང་དད་པ་ལ་གནས་ཏེ་དགེ་བའི་བཤེས་གཉེན་བསྟེན་པ་དང། དེ་ལ་དམ་པའི་ཆོས་ཉན་པ་དང། ཚུལ་བཞིན་དུ་བསམ་པ་དང། དེའི་དོན ་ཡིན་ལ་བསྒོམ་པ་དང། བླ་མ་དང་དཀོན་མཆོག་ལ་མཆོད་པ་དང། བསྡུ་བའི་དངོས་པོ་བཞི་དང། འཕགས་པའི་བདེན་པ་བཞི་དང། རྗེས་སུ་དྲན་པ་དྲུག་དང། འཕགས་པའི་ནོར་བདུན་ཡིད་ལ་བྱ་བ་དང། ངོ་ཚ་ཤེས་པ་དང། ཁྲེལ ་ཡོད་པ་ལ་གནས་ཏེ་བསླབ་པ་ལ་གུས་པར་བྱ་བ་དང། གཞན་གྱི་འཁྲུལ་པ་ལ་མི་རྟག་པ་དང། རང་གི་འཁྲུལ་བ་ལ་རྟག་པ་དང། ང་རྒྱལ་སྤངས་ཏེ་ཞི་ཞིང་དུལ་བ་ལ་གནས་པར་བྱ་བ་དང། དྲན་པ་དང་ཤེས ་བཞིན་ལ་གནས་ཏེ་ལུས་དང་ངག་དང་ཡིད་ཀྱི་ལས་དོན་ཡོད་པར་བྱ་བ་དང། དབེན་པ་ལ་གནས་ཏེ་ཞི་གནས་དང་ལྷག་མཐོང་བསྒོམ་པ་དང། འཁོར་བའི་སྐྱོན་དང་མྱ་ངན་ལས་འདས་པའི་ཡོན་ཏན་ཡིད་ལ་བྱ་བ་དང། ཆོས་ཐམས་ཅད ་སྒྱུ་མ་ལྟ་བུ་དང། ཆུ་ཟླ་ལྟ་བུ་དང། མིག་ཡོར་ལྟ་བུ་དང། སྨིག་རྒྱུ་ལྟ་བུ་དང། རྨི་ལམ་ལྟ་བུ་དང། བྲག་ཆ་ལྟ་བུ་དང། དྲི་ཟའི་གྲོང་ཁྱེར་ལྟ་བུ་དང། མིག་འཕྲུལ་ལྟ་བུ་དང། འཇའ་ཚོན་ལྟ་བུ་དང། གླག་ལྟ་བུ་དང། ཆུའི་ཆུ་བུར ་ལྟ་བུ་དང། མེ་ལོང་གི་གཟུགས་བརྙན་ལྟ་བུ་སྟེ། སྒྱུ་མའི་དཔེ་བཅུ་གཉིས་ལྟ་བུར་ཡིད་ལ་བྱ་བ་དང། རང་བཞིན་གྱི་འོད་གསལ་ཞིང་སྐྱེ་བ་མེད་པར་ཡིད་ལ་བྱའོ། །དེ་ལྟར་དགེ་བ་ལ་སྤྲོ་བ་དང། འདུན་པ་དང། དད་པར་གྱུར་བའི་གང་ཟག ་དེས་འཁོར་བའི་རྩ་བ་འཇིག་རྟེན་གྱི་ཆོས་བརྒྱད་ལ་མེ་དང། མཚོན་དང། དུག་དང། ཟུག་རྔུ་ལྟ་བུའི་དུ་ཤེས་བསྐྱེད་ལ་ཏིང་ངེ་འཛིན་དང་རྗེས་སུ་མཐུན་པའི་གནས་སུ་ཟས་ཀྱི་ཚོད་རིག་པ་དང། སྲོད་དང་ཐོ་རངས་མི་ཉལ་བར་རྣལ ་འབྱོར་ལ་བརྩོན་པར་བྱའོ། །དེར་ཡང་ཡིད་དུ་འོང་བའི་སེམས་ཅན་ནས་ཕྱོགས་བཅུའི་སེམས་ཅན་ཐམས་ཅད་ལ་བྱམས་པ་དང་སྙིང་རྗེ་རྒྱུན་མ་ཆད་པར་རྟག་ཏུ་གུས་པར་བསྒོམ་པར་བྱའོ། །བྱམས་པ་དང་སྙིང་རྗེ་ཡིས་རྒྱུད་བརླན་ན་ཞེ་སྡང་དང་ཁོང་ཁྲོ ་ཞི་བར་འགྱུར་རོ། །འཕགས་པ་ཀླུ་སྒྲུབ་ཀྱི་ཞལ་ནས་ཀྱང་བྱམས་པའི་ཕན་ཡོན་གསུངས་པ། རོ་དང་ལྡན་པའི་ཁ་ཟས་དག་།ཉིན་རེ་དུས་གསུམ་བྱིན་པ་བས། བྱམས་པ་ཡུད་ཙམ་ཐང་གཅིག་གི། བསོད་ནམས་གང་ལ་ཆར་མི ་ཕོད། །ལྷ་མི་བྱམས་པར་འགྱུར་པ་དང། དེ་དག་ཀྱང་ནི་སྲུང་བ་དང། ཡིད་བདེ་བ་དང་བདེ་མང་དང། དུག་དང་མཚོན་གྱིས་གནོད་མེད་དང། འབད་བ་མེད་པར་ལོངས་སྤྱོད་ཐོབ། ཚངས་པའི་འཇིག་རྟེན་སྐྱེ་འགྱུར་ཏེ། གལ་ཏེ་གྲོལ་བར་མ་གྱུར ་ཀྱང། །བྱམས་ཆོས་ཡོན་ཏན་བརྒྱད་ཐོབ་པོ་ཞེས་གསུངས་སོ། །གཞན་ཡང་བྱམས་པ་དང་སྙིང་རྗེའི་ཕན་ཡོན་ནི་ཟླ་བ་སྒྲོན་མའི་མདོ་དང་ཆོས་ཡང་དག་པར་སྡུད་པའི་མདོ་ལས་ཤེས་པར་བྱའོ། །གཞན་ཡང་རང་དང་གཞན་གྱི་ལུས་མི་གཙང ་བའི་འདུ་ཤེས་རྒྱུན་མ་ཆད་པར་དུས་རྟག་ཏུ་ཡིད་ལ་བྱའོ། །དེ་ལྟར་ཡང་རིན་པོ་ཆེའི་ཕྲེང་བ་ལས་གསུངས་པ། །བུད་མེད་ཆགས་པ་ཕལ་ཆེར་ནི། །བུད་མེད་གཟུགས་གཙང་སེམས་ལས་བྱུང། །བུད་མེད་ལུས་ལ་དོན་དུ་ནི། །གཙང་བ ་ཅུང་ཟད་ཡོད་མ་ཡིན། །ཁ་ནི་ཁ་ཆུ་རུལ་པ་དང། །སོ་རྐྱག་མི་གཙང་སྣོད་ཡིན་ནོ། །སྣ་ནི་རྣག་སྣབས་སྣ་ཆུའི་སྣོད། །མིག་ནི་མིག་རྡུལ་མཆི་མའི་སྣོད། །ལྟོ་བའི་ཁོང་ནི་གཤང་གཅི་དང། གློ་བ་མཆིན་པའི་སྣོད་ཡིན་ནོ། །རྨོངས ་པས་བུད་མེད་མ་མཐོང་བ། །དེའི་ལུས་ལ་ཆགས་པར་བྱེད། །མི་ཤེས་འགའ་ཞིག་མི་གཙང་བའི། །བུམ་པ་བརྒྱན་ལ་ཆགས་པ་ལྟར། །འཇིག་རྟེན་མི་ཤེས་རྨོངས་པ་ཡིས། །བུད་མེད་རྣམས་ལ་དེ་བཞིན་ནོ། །ལུས་རུལ་ཤིན་ཏུ ་དྲིང་བ། །ཆགས་བྲལ་རྒྱུ་ནི་གང་ཡིན་པ། །དེ་ལའང་འཇིག་རྟེན་ཚེས་ཆགས་ན། །གང་གིས་འདོད་ཆགས་བྲལ་བར་འགྱུར། །ཇི་ལྟར་གཤང་གཅི་གཙང་བ་ལ། །ཁྱི་ཕག་རབ་ཏུ་ཆགས་པ་ལྟར། །དེ་བཞིན་བཤང་གཅི་གཅེར་བ་ལ།། ་འདོད་ལྡན་རྣམས་ནི་ཆགས་པར་འགྱུར། །ལུས་ཀྱི་གྲོང་ཁྱེར་མི་གཙང་བ། །འབྱུང་བའི་བུ་གདོད་པ་གང། དེ་ནི་སྐྱེ་བོ་བླུན་པོ་ཡིས། །དགའ་བའི་དོན་དུ་ཉེ་བར་བརྟགས། །ཁྱོད་རང་ཉིད་ཀྱིས་བཤང་གཅི་སོགས། །སོ་སོར་མི་གཙང ་མཐོང་ནས་ནི། །དེ་འདུས་ལུས་ལ་ཇི་ལྟ་བུར། །ཡིད་དུ་འོང་བ་ཉིད་དུ་འགྱུར། །ཁྲག་དང་ཁུ་བ་འདྲེས་པ་ཡི། །ས་བོན་མི་གཙང་སྙིང་པོས་བསྐྱེད། །མི་གཙང་གཟུགས་སུ་ཤེས་བཞིན་དུ། །འདི་ལ་འདོད་པ་གང་གིས་ཆགས། ་མི་གཙང་ཕུང་པོ་དེ་རླན་གྱིས། །བརླན་པའི་པགས་པས་གཡོགས་པ་གང། །ཉལ་བ་དེ་ཉིད་བུད་མེད་དང། །ལྟོ་བ་སྤྲང་དེ་ཉལ་བར་ཟད། །གཟུགས་བཟང་བའམ་གཟུགས་ངན་ནམ། །རྒན་ནམ་ཡང་ན་གཞོན་ཡང་རུང། །བུད་མེད་གཟུགས་ཀུན ་མི་གཙང་ན། །ཁྱོད་ཆགས་ཁྱད་པར་ག་ལ་སྐྱེ། །གལ་ཏེ་མི་གཙང་ཁ་དོག་བཟང། །ཤིན་ཏུ་གསལ་ལ་དབྱིབས་ལེགས་ཀྱང། །དེ་ལ་ཆགས་པར་མི་འོས་ལྟར། །ཁུང་མེད་གཟུགས་ལའང་དེ་བཞིན་ནོ། །ཁོང་རུལ་ཕྱི་རོལ་པགས་པས་གཡོགས།། ་རོ་མྱགས་འདི་ཡི་རང་བཞིན་ནི། །ཤིན་ཏུ་མི་བཟད་སྣང་བཞིན་དུ། །མི་གཙང་བར་ནི་མཐོང་མ་གྱུར། །མི་གཙང་གང་བའི་བུམ་པ་འདི། །ཕྱི་རོལ་བཀྲ་ཡང་སྨད་པ་ལྟར། །མི་གཙང་བ་ཡི་རང་བཞིན་ལུས། །མི་གཙང་གང་བ་ཅིས་མི་སྨད། །ཇི ་ལྟར་བུད་མེད་གཟུགས་མི་གཙང། །ཁྱོད་ཀྱི་རང་ལུས་དེ་དང་འདྲ། །དེ་བས་ཕྱི་དང་ནང་ཉིད་ལ། །འདོད་ཆགས་བྲལ་བ་རིག་མིན་ནམ། །རྨ་དགུ་དག་ནས་འཛག་པ་ཅན། །བདག་ཉིད་མངོན་སུམ་འཁྲུ་བྱེད་ཀྱང། །ལུས་མི་བཟང་བར་མི་རྟོགས་ནས། ་ཁྱོད་ལ་བཤད་པས་ཅི་ཞིག་ཕན། །ཞེས་གསུངས་སོ། །གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པའི་མདོ་དང་དཀོན་མཆོག་སྤྲིན་གྱིས་མདོ་ལས་ཀྱང་ཤེས་པར་བྱའོ། །ས་ལུ་ལྗང་པའི་མདོ་ལས་འབྱུང་བ་བཞིན་དུ་ཕྱི་རྟེན་ཅིང་འབྲེལ་པར་འབྱུང ་བ་དང། ནང་རྟེན་ཅིང་འབྲེལ་བར་འབྱུང་བ་ཡང་ཤེས་རབ་ཀྱི་མིག་གིས་བལྟ་བར་བྱའོ། །དེ་ལྟར་བྱམས་པ་དང། སྙིང་རྗེ་དང། མི་སྡུག་པ་དང། རྟེན་ཅིང་འབྲེལ་པར་འབྱུང་བའི་དོན་ཡིད་ལ་བྱེད་པའོ། །འོག་ནས་ལྷག་མཐོང་བསྒོམ་པའི ་དུས་སུ་ཡང་མདོར་ན་ཏིང་ངེ་འཛིན་ཐམས་ཅད་ཀྱི་ཉེས་པ་དྲུག་ཡོད་དེ། །ལེ་ལོ་དང། དམིགས་པ་བརྗེད་པ་དང། །བྱིང་བ་དང། རྒོད་པ་དང། མི་རྩོལ་བ་དང་རྩོལ་པའོ། །དེ་རྣམས་ཀྱི་གཉེན་པོར་སྤོང་བའི་འདུ་བྱེད་བརྒྱད་བསྒོམ་མོ། །འདི་ལྟ ་སྟེ་དད་པ་དང། འདུན་པ་དང། བརྩོན་འགྲུས་དང། ཤིན་ཏུ་སྦྱངས་པ་དང། དྲན་པ་དང། ཤེས་བཞིན་དང། སེམས་པ་དང། བཏང་སྙོམས་སོ། །དེ་ལ་གོང་མ་བཞི་ནི་ལེ་ལོའི་གཉེན་པོ་ཡིན་ཏེ། འདི་ལྟར་ཏིང་ངེ་འཛིན་གྱི་ཡོན་ཏན་དག་ལ་མངོན་པར་ཡིད ་ཆེས་པའི་མཚན་ཉིད་དང་ལྡན་པའི་དད་པས་རྣལ་འབྱོར་པ་རྣམས་དེ་ལ་འདོད་པ་སྐྱེའོ། །དེ་ནས་འདོད་པས་བརྩོན་འགྲུས་ཙོམ་མོ། །དེ་བརྩོན་འགྲུས་ཀྱི་སྟོབས་ཀྱིས་ལུས་དང་སེམས་ལས་སུ་རུང་བ་ཉིད་དུ་བྱེད་དོ། །དེ་ནས་ལུས་དང་སེམས་ཤིན་ཏུ་སྤངས ་པར་གྱུར་པས་ལེ་ལོ་ལྡོག་སྟེ། དེ་བས་ན་དད་པ་ལ་སོགས་པ་ནི་ལེ་ལོ་སྤོང་བའི་གཉེན་པོའོ། །དྲན་པ་ནི་དམིགས་པ་བརྗེད་པའི་གཉེན་པོའོ། །ཤེས་བཞིན་ནི་བྱིང་བ་དང་རྒོད་པའི་གཉེན་པོ་སྟེ། བྱིང་བ་དང་རྒོད་པ་ཡང་དག་པར་རྟོགས་པའི་ཕྱིར ་རོ། །བྱིང་བ་དང་རྒོད་པ་རབ་ཏུ་མ་ཞི་བའི་དུས་ན་མི་རྩོལ་བའི་གཉེན་པོ་སྟེ། དེའི་གཉེན་པོར་སེམས་པ་བསྒོམ་མོ། །བྱིང་བ་དང་རྒོད་པ་རབ་ཏུ་ཞི་སྟེ་གང་གི་ཚེ་སེམས་རྣལ་དུ་འཇུག་པ་དེའི་ཚེ་རྩོལ་བ་ཉེས་པ་ཡིན་ཏེ། དེའི་གཉེན་པོར་དེའི་ཚེ་བཏང ་སྙོམས་བསྒོམ་མོ། །སྤོང་བའི་འདུ་བྱེད་བརྒྱད་པོ་དེ་དག་དང་ལྡན་ན་ཏིང་ངེ་འཛིན་ཤིན་ཏུ་སྐྱོན་མེད་པར་འགྱུར་རོ། །ཏིང་ངེ་འཛིན་ལ་སྐྱོན་མེད་ན་རྫུ་འཕྲུལ་ལ་སོགས་ཕན་ཡོན་རྣམས་བསྒྲུབ་པར་བྱེད་དོ། །དེ་ལྟར་སེམས་ལས་སུ་རུང་པར ་གྱུར་པ་དེས་བདེན་པ་དེས་བདེན་པ་གཉིས་ཀྱི་དོན་ལ་འཇུག་པར་བྱ་སྟེ། དབུ་མ་རྩ་བ་ལས་གསུངས་པ། སངས་རྒྱས་རྣམས་ཀྱིས་ཆོས་བསྟན་པ། །བདེན་པ་གཉིས་ལ་ཡང་དག་བརྟེན། །འཇིག་རྟེན་ཀུན་རྫོབ་བདེན་པ་དང། དེ་བཞིན་དོན་དམ་བདེན་པའོ ་གང་གིས་བདེན་པ་གཉིས་པོ་ཡི། །རྣམ་དབྱེ་རྣམ་པར་མི་ཤེས་པ། །དེ་དག་སངས་རྒྱས་བསྟན་པ་ཡི། །ཟབ་མོ་དེ་དག་རྣམས་མི་ཤེས་ཞེས་གསུངས་སོ། །དེ་ལ་ཀུན་རྫོབ་ཀྱི་བདེན་པ་ནི་རྣམ་པ་གཉིས་ཏེ། །ཡང་དག་པའི ་ཀུན་རྫོབ་དང། །ལོག་པའི་ཀུན་རྫོབ་བོ། །དེ་ལ་ཡང་དག་པའི་ཀུན་རྫོབ་ནི་མ་བརྟགས་ན་ཉམས་དགའ་བ་དོན་བྱེད་ནུས་པའི་དངོས་པོའོ། །ལོག་པའི་ཀུན་རྫོབ་ནི་སྣང་བ་བཞིན་དུ་དོན་བྱེད་པས་སྟོང་པའི་ཕྱིར་རོ། །དོན་དམ་པའི་བདེན་པ་ནི་རང ་བཞིན་གྱིས་རྣམ་པར་དག་པ་སྤྲོས་པའི་མཛའ་དང་བྲལ་བ། སྐྱེ་བ་དང་གནས་པ་དང་འགག་པས་སྟོང་པས་བརྗོད་དུ་མེད་པ་དབྱིབས་དང་བྲལ་བའོ། །དེ་ལྟར་དྲི་མ་མེད་པར་གྲགས་པའི་མདོ་ལས་ཀྱང། གཟུགས་ཀྱི་རང་བཞིན་ནི་སྟོང་པ ་སྟེ། བཤིག་པས་སྟོང་པ་ནི་མ་ཡིན་ནོ། །དེ་བཞིན་དུ་ཚོར་བ་ནས་རྣམ་པར་ཤེས་པའི་བར་དུ་བཤིག་པས་སྟོང་པ་ནི་མ་ཡིན་ཏེ། རང་བཞིན་དང་བྲལ་ཕྱིར་རོ་ཞེས་གསུངས་སོ། །གསང་བ་འདུས་པའི་རྒྱུད་ལས་ཀྱང། །རང་སེམས་གཟོད་ནས ་མ་སྐྱེས་པ། །སྟོང་པ་ཉིད་ཀྱི་རང་བཞིན་ནོ་ཞེས་གསུངས་སོ། །ཆོས་ཡང་དག་པར་སྡུད་པའི་མདོ་ལས་ཀྱང་གསུངས་ཏེ། ཆོས་ཐམས་ཅད་ནི་དམིགས་པ་མེད་པ་སྟེ་དེ་ལ་རྣམ་པར་ཤེས་པ་མི་འཇུག་གོ་།ཡང་དེ་ཉིད་ལས། བཅོམ་ལྡན་འདས་ཆོས ་ཐམས་ཅད་མི་མཐོང་པ་ནི་ཡང་དག་པ་མཐོང་བའོ། །ཞེས་གསུངས་སོ། །དེ་ལྟར་ཆོས་ཐམས་ཅད་རང་བཞིན་མེད་པ་ཡིན་ན་འཇིག་རྟེན་མཛའ་དག་ནམ་མཁའ་ཨི་མེ་ཏོག་དང་འདྲ་བར་འགྱུར་ཏེ། །དེའི་ཕྱིར་མཐོང་བ་དང། ཐོས་པ་དང། བྱེ ་བྲག་ཕྱེད་པ་དང། འཕགས་པ་དང་འཕགས་པ་མ་ཡིན་པའི་ཐ་སྙད་ལ་སོགས་པ་མེད་པར་འགྱུར་རོ། །ཞེ་ན་ཀླན་ཀ་འདི་ནི་སྙིང་པོ་ཡོད་པ་མ་ཡིན་ཏེ། དངོས་པོ་རྣམས་ཀྱི་རང་བཞིན་ནི། །རིགས་པའི་ལམ་གྱི་རྗེས་འབྲང་བར། །གཞན་དག ་འདོད་པ་སེལ་བར་བྱེད། །དེ་ཕྱིར་རྒོལ་བ་དན་གནས་མེད། །ཡོད་དང་མེད་པ་གང་ཡང་རུང། །ཁས་མི་ལེན་པ་གང་ཡིན་པ། །སུས་ཀྱང་ཀླན་ཀ་བྱ་མི་ནུས། །བྱིས་པའི་གནས་སྐབས་ནས་བཟུང་སྟེ་ཐམས་ཅད་མཁྱེན་པའི་ཡེ་ཤེས་ཀྱི་བར་དུ་སྣང ་བ་ཉམས་སུ་མྱོང་བ་གང་མ་བརྟགས་ན་ཉམས་དགའ་བའི་དངོས་པོ་ནི་ཁོ་བོས་བཀག་པ་མེད་དེ། སེར་སྐྱ་ལ་སོགས་པས་བརྟགས་པ་གང་ཡིན་པ་དེ་ནི་མེད་དོ། །དེའི་ཕྱིར་ཆོས་ཐམས་ཅད་རང་བཞིན་མེད་པར་སྨྲ་བ་འདི་ནི་སྟོང་པ་ཉིད་ཀྱི་དོན་ལོག་པར ་མཐོང་བ་མ་ཡིན་ནོ། །དེའི་ཕྱིར་ཡང་དག་ཉིད་དུ་ན། །དངོས་པོ་གང་ཡང་གྲུབ་པ་མེད། །དེའི་ཕྱིར་དེ་བཞིན་གཤེགས་པ་རྣམས་ཀྱིས། །ཆོས་རྣམས་ཐམས་ཅད་མ་སྐྱེས་གསུང། །དངོས་པོ་རྣམས་ནི་རྣམ་དཔྱད་ན། །དེ་དང་དེ་ལ་གཅིག་ཉིད་མེད།། ་གང་ལ་གཅིག་ཉིད་ཡོད་མིན་པ། །དེ་ལ་དུ་མ་ཉིད་ཀྱང་མེད། །ཡང་དག་པར་གྲུབ་པའི་དངོས་པོ་གང་ཡང་མེད་དེ། གཅིག་དང་དུ་མའི་རང་བཞིན་དང་བྲལ་བའི་ཕྱིར་རོ། །གཅིག་དང་དུ་མ་མ་གཏོགས་པར། །རྣམ་པ་གཞན་དང་ལྡན་པ་ཡི ་དངོས་པོ་མི་རུང་འདི་གཉིས་ནི། །ཕན་ཚུན་སྤངས་ཏེ་གནས་ཕྱིར་རོ། །དེའི་ཕྱིར་ན་ཡང་དག་པར་ན་སྐྱེ་བ་དང་གནས་པ་དང་འགག་པ་ཡང་ཡོད་པར་མི་འགྱུར་རོ། །དེ་ལྟ་བས་ན་བློ་གྲོས་རྒྱ་མཚོས་བསྟན་པ་ལས་གསུངས་པ། གང་དག་ལྡན་ཅིང་འབྲེལ ་འབྱུང་བ། །དེ་དག་དངོས་ཉིད་ཅི་ཡང་མིན། །གང་དག་ངོ་བོ་ཉིད་མེད་པ། །དེ་དག་གང་དཱུང་འབྱུང་བ་མེད་ཅེས་གསུངས་སོ། །གླང་པོའི་རྩལ་གྱི་མདོ་ལས་ཀྱང། །གང་ཞིག་སྐྱེས་པར་གྱུར་པ་ཡི། །ཆོས་དེ་གང་ཡང་མི་དམིགས་ན། །འབྱུང་བ་མེད་པའི ་ཆོས་རྣམས་ལ། །བྱིས་པ་དག་ནི་འབྱུང་པར་འདོད་ཅེས་གསུངས་སོ། །ཡང་སྨྲས་པ། བདག་དང་གཞན་སྨྲས་དངོས་འདི་དག་།རང་ལས་མ་ཡིན་གཞན་ལས་མིན། །གཉིས་ལས་མ་ཡིན་རྒྱུ་མེད་མིན། །དངོས་པོ་གང་དང་གང་ཡང་ནི། །སྐྱེ་བ་ནམ ་ཡང་ཡོད་མ་ཡིན། །དེ་ལྟར་མ་སྐྱེས་ངོ་བོ་ལ། །སུས་ཀྱང་ཀླན་ཀ་བྱ་རུ་མེད། །དཀོན་མཆོག་འབྱུང་གནས་ཀྱི་མདོ་ལས་ཀྱང། །གང་ལ་རང་བཞིན་ཡོད་པ་མ་ཡིན་ཏེ། །རང་བཞིན་མེད་པས་གཞན་རྐྱེན་ཇི་ལྟར་འགྱུར། ་རང་བཞིན་མེད་པས་གཞན་གྱིས་ཇི་ལྟར་སྐྱེས་ཅེས་གསུངས་སོ། །ཡབ་དང་སྲས་མཇལ་བའི་མདོ་ལས་ཀྱང་གསུངས་པ། །ཆོས་གང་ལ་རང་བཞིན་མ་མཆིས་པ་དེ་ནི་དངོས་པོ་མ་མཆིས་པའོ། །གང་ལ་དངོས་པོ་མ་མཆིས་པ་དེ་ཡོངས་སུ་མ་གྲུབ་པའོ།། ་གང་ཡོངས་སུ་མ་གྲུབ་པ་དེ་ནི་མི་སྐྱེད་པའོ། །གང་མི་སྐྱེ་བ་དེ་ནི་མི་འགག་པའོ། །གང་མ་སྐྱེས་མ་འགག་པ་དེ་ནི་འདས་པ་ཞེས་བགྱི་བར་གདགས་པ་མ་ལགས། མ་འོངས་པ་དང་ད་ལྟར་བྱུང་བ་ཞེས་གདགས་པར་བགྱི་བ་མ་ལགས་སོ། །དེ་ལྟར་ན་དོན ་དམ་པར་ནི་དངོས་པོ་དང་དངོས་པོ་མེད་པ་དང། སྐྱེ་བ་དང་མི་སྐྱེ་བ་དང། སྟོང་པ་དང་མི་སྟོང་བ་ལ་སོགས་པའི་སྤྲོས་པའི་དྲ་བ་མཛའ་དག་དང་བྲལ་བའོ། །དེ་ཕྱིར་རྟག་ཚང་ལྟ་བ་རྣམས། །གཞུང་འདི་ལ་ནི་རིང་དུ་སྤངས། །དེ་ཡང་ཀུན་རྫོབ ་ཀྱི་བདེན་པ་ལ་བརྟེན་ནས་ནི་རྒྱུ་འཐུན་པའི་འབྲས་བུ་འབྱུང་སྟེ། རྒྱུ་རྣམ་པར་དག་པ་ལས་ནི་འབྲས་བུ་རྣམ་པར་དག་པ་འབྱུང་སྟེ། དད་པ་དང། འདུན་པ་དང། ངོ་ཚ་ཤེས་པ་དང། ཁྲེལ་ཡོད་པ་དང། བག་ཡོད་པ་ལ་གནས་ཏེ། སྦྱིན་ལ ་ནས་ཤེས་རབ་ཀྱི་བར་ལ་སློབ་པ་དང། བསྡུ་བའི་དངོས་པོ་དང། ཚད་མེད་པ་དང། སྦྱངས་པའི་ཡོན་ཏན་ལ་ནན་ཏན་བྱེད་པ་དང། དྲན་པ་ཉེ་བར་གཞག་པ་དང། ཡང་དག་པར་སྤོང་བ་དང། རྫུ་འཕྲུལ་གྱི་རྐང་པ་ལ་སོགས་པ་ལ་ནན ་ཏན་བྱེད་པ་ལ་འཁོར་ལོས་སྒྱུར་བའི་རྒྱལ་པོ་དང། ཚངས་པ་དང། བརྒྱ་བྱིན་དང། ཉན་ཐོས་ཀྱི་བྱང་ཆུབ་དང། རང་སངས་རྒྱས་ཀྱི་བྱང་ཆུབ་དང། བླ་ན་མེད་པ་ཡང་དག་པར་རྫོགས་པའི་སངས་རྒྱས་ཐོབ་པར་འགྱུར་ཏེ། དཔེར་ན་ས་བོན ་གྲུབ་པོ་ལ་སོགས་པ་ལས་འབྲས་བུ་འབྱུང་བ་བཞིན་ནོ་ཞེས་གསུངས་སོ། །རྒྱུ་རྣམ་པར་མ་དག་པ་གང་ཞེ་ན། དེ་ཡང་བཅོམ་ལྡན་འདས་ཀྱིས་རྡོ་རྗེ་ཕྲེང་བའི་རྒྱུད་ལས་གསུངས་པ། གསང་བ་པའི་བདག་པོ་ཉོན་ཅིག། ལུས་ཀྱི་ཉེས་པར་སྦྱོང་བ་ནི་རྣམ་པ་གསུམ ་མོ། །ངག་གི་ཉེས་པར་སྤྱོད་པ་ནི་རྣམ་པ་བཞིའོ། །ཡིད་ཀྱི་ཉེས་པར་སྤྱོད་པ་ནི་རྣམ་པ་གསུམ་སྟེ། དེ་དག་གིས་སེམས་ཅན་དམྱལ་བར་ལྟུང་བར་འགྱུར་རོ། །ཕྱག་ན་རྡོ་རྗེ་གསོལ་པ། ལུས་ཀྱིས་ཉེས་པར་སྤྱོད་པ་དང། ངག་གིས་ཉེས་པར་སྤྱོད་པ་དང། ་ཡིད་ཀྱིས་ཉེས་པར་སྤྱོད་པ་དུ་ཞིག་མཆིས་པ་བཅོམ་ལྡན་འདས་ཀྱིས་བཤད་དུ་གསོལ། བདེ་བར་གཤེགས་པ་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། གསང་བ་པའི་བདས་པོ་ཉེས་པར་སྤྱོད་པ་དེ་ཉིད་ནི་ལྕི་བར་གྱུར་པ ་དང། ཐ་མལ་པ་རྣམས་ཏེ། དེ་ལ་ཕ་དང། མ་དང། བླ་མར་གྱུར་པ་ལ་སོགས་པ་ལ་གསོད་པ་དང་བརྡེག་པ་ནི་ཉེས་པར་སྤྱོད་པ་ལྕི་བའོ། །སྲོག་གཅོད་པ་ལ་སོགས་པ་མི་དགེ་བའི་ལས་ཀྱི་ལམ་རྣམས་ནི་ཉེས་པར་སྤྱོད་པ་ཐ་མལ་པའོ། །ངག་གི་ཉེས ་པར་སྤྱོད་པ་གང་ཞེ་ན། དམ་པའི་ཆོས་སྤོང་བ་དང། ལྷ་རྣམས་ལ་ཚིག་རྩུབ་མོ་སྨྲ་བ་དང། ཕ་མ་དང་བླ་མར་གྱུར་པ་ལ་སོགས་པ་རྣམས་ལ་ཚིག་ངན་པ་སྨྲ་བ་ནི། ངག་གི་ཉེས་པ་ལྕི་བའོ། །སྐྱེས་བུ་འགའ་ཞིག་གང་ཟག་དད་པས་ནན་ཏན་ཉམས་སུ ་ལེན་ཅིང་དགེ་བ་རྩོམ་པའི་གཏམ་གྱི་སྐབས་དེ་ནི་འཇིག་རྟེན་ཕ་རོལ་མེད་དོ་ཞེས་བྱ་བའི་རྒྱ་ཆེ་བའི་ཚིག། འཇིག་རྟེན་ལས་འདས་པའི་བརྫུན་སྨྲ་བས་དགེ་བའི་ལས་ཀྱིས་བར་ཆད་བྱེད་པ་དང། ཚིག་འཁྱལ་པ་སྨྲ་བ་དང། ལྐོག་ཕྱས་བྱེད ་པ་དང། མི་དགེ་བའི་ལས་ཀྱི་ལམ་གྱི་གཏམ་རྣམས་ནི་དག་གི་ཉེས་པར་སྤྱོད་པ་ཐ་མལ་པའོ། །ཡིད་ཀྱི་ཉེས་པར་སྤྱོད་པ་ནི་བླ་མ་དང། ཕ་དང་མ་དང། ཐེག་པ་ཆེན་པོ་ལ་ཞུགས་པའི་སེམས་ཅན་རྣམས་ཡང་དག་པར་སྤོང་བ་ལ་ཞུགས ་པ་དང། ཡང་དག་པར་རྫོགས་པའི་སངས་རྒྱས་ལ་ངན་སེམས་པ་དང། གནོད་པར་སེམས་པ་ནི་ཡིད་ཀྱི་ཉེ་བར་སྤྱོད་པ་ལྕི་བའོ། །དུད་འགྲོ་ལ་སོགས་པ་ཐ་མལ་པའི་སེམས་ཅན་རྣམས་ལ་ངན་སེམས་དང་གནོད་པར ་སེམས་པ་ནི་ཐ་མལ་པའོ་ཞེས་གསུངས་སོ། །དེ་ལྟར་ན་འབྲས་བུ་ནི་རྒྱུའི་རྗེས་སུ་འཇིག་པའི་ཕྱིར་ན་དགེ་བ་ལ་འཇུག་ཅིང་མི་དགེ་བ་ལས་ལྡོག་པར་བྱའོ། །ད་ནི་མིང་ལ་མངོན་པར་ཞེན་པ་རྣམས་ཀྱི་འཁྲུལ་པ་བསལ་བའི་ཕྱིར་དོན་དམ་པའི ་བདེན་པའི་མིང་གི་རྣམ་གྲངས་འགའ་ཞིག་ལ་འཇུག་པར་བྱ་སྟེ། དེ་ལ་དང་པོ་འོད་གསལ་བ་དང། ཐམས་ཅད་སྟོང་པ་དང། དངོས་པོ་མེད་པ་དང། སྣང་བ་མེད་པ་དང། བདག་མེད་པ་དང། མྱ་ངན་ལས་འདས་པ་དང། སྲོག་མེད་པ་དང། ་གང་ཟག་མེད་པ་དང། གསོ་བ་མེད་པ་དང། སྐྱེ་བ་མེད་པ་དང། འགག་པ་མེད་པ་དང། ཡི་གེ་མེད་པ་དང། ཚིག་མེད་པ་དང། བརྗོད་དུ་མེད་པ་དང། བསམ་གྱིས་མི་ཁྱབ་པ་དང། མཛའ་ཡས་པ་དང། གྲངས་མེད་པ་དང། དབང་པོ་ལས་འདས ་པ་དང། གནས་མེད་པ་དང། མཚན་ཉིད་མེད་པ་དང། འདུས་མ་བྱས་པ་དང། མཚན་མ་མེད་པ་དང། ཟད་པ་མེད་པ་དང། སྒྲིབ་པ་མེད་པ་དང། ཚུལ་གཅིག་པ་དང། ཞི་བ་དང། ནམ་མཁའ་དང་མཉམ་པ་དང། རང་བཞིན་གྱིས་དག་པ་དང། ་ཐོག་མ་མེད་པ་དང། དབུས་མེད་པ་དང། ཐ་མ་མེད་པ་དང། འགྲོ་བ་མེད་པ་དང། འོང་བ་མེད་པ་དང། རིང་པོ་མ་ཡིན་པ་དང། ཉེ་བ་མ་ཡིན་པ་སྟེ། དེ་ལྟར་རྟོགས་པར་དཀའ་བའི་གནས་སོ། །དེའི་ཕྱིར་གསང་བ་འདུས་པའི་རྒྱུད་ལས་ཀྱང། ་བྱང་ཆུབ་ཀྱི་སེམས་ནི་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་འབྱུང་བ་མེད་པའི་གནས་ལྟ་བུ་སྟེ། བྱང་ཆུབ་ཀྱི་སེམས་དེ་ཡང་ལུས་ལ་མི་གནས། དག་ལ་མི་གནས། སེམས་ལ་མི་གནས་སོ། །ཆོས་གང་ཁམས་གསུམ ་ན་མི་གནས་པ་དེ་སྐྱེ་བ་ཡང་མེད། འགག་པ་ཡང་མེད་པ་སྟེ། འདི་ནི་ཡེ་ཤེས་འབྱུང་བའི་གནས་སོ་ཞེས་གསུངས་སོ། །དེ་ལྟར་བཟོད་ནས་ཞི་ཞིང་མ་སྐྱེས་པའི། །རང་བཞིན་དག་པའི་ཆོས་ཉིད་ལ། །བྱིས་པའི་བློ་དང་ལྡན་པ་རྣམས། །ཡོད་དང ་མེད་པར་རྟོག་པར་བྱ་ཞེས་གསུངས་སོ། །དེའི་ཕྱིར་བྱིས་པ་སོ་སོའི་སྐྱེ་བོ་ཐོག་མ་མེད་པ་ནས་སྒྲོ་འདོགས་པ་དང། སྐུར་བ་འདེབས་པས་དཀྲུགས་ཤིང་ལོག་པའི་ལྟ་བ་ཅན་གྱིས་དག་པའི་ཆོས་ཀྱི་དབྱིངས་འོད་གསལ་བའི་དོན་རྟོགས ་པར་དཀའ་བའི་ཕྱིར་ན་སྒྱུ་མ་རྣམ་པར་དག་པ་ཡིད་ལ་བྱའོ། །ཕུང་པོ་ཁམས་དང་སྐྱེ་མཆེད་རྣམས། །གཟུགས་བརྙན་ལྟ་བུར་ཡོངས་ཤེས་ན། ཡུལ་གྱིས་འདི་ལ་མི་ཆགས་སོ། །དེ་ལྟར་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་བརྒྱད་སྟོང་པ་ལས་གསུངས་པ། ་རབ་འབྱོར་གྱིས་སྨྲས་པ། ལྷའི་བུ་དག་མྱ་ངན་ལས་འདས་པ་ཡང་རྨི་ལམ་ལྟ་བུ་སྒྱུ་མ་ལྟ་བུར་བ་སྨྲའོ། །མྱ་ངན་ལས་འདས་པ་ལས་ཀྱང་ཆེས་ལྷག་པའི་ཆོས་གཞན་ཞིག་ཡོད་ཀྱང་དེ་ལ་སྒྱུ་མ་ལྟ་བུ་རྨི་ལམ་ལྟ་བུ་ཞེས་གསུངས་སོ། །དེ་བཞིན་དུ་རྒྱལ་བ ་སྐྱེས་མ་ལས་ཀྱང། གཟུགས་ནས་རྣམ་པ་ཐམས་ཅད་མཁྱེན་པའི་ཡེ་ཤེས་ཀྱི་བར་དུ་སྒྱུ་མ་ལྟ་བུ་རྨི་ལམ་ལྟ་བུར་གསུངས་སོ། དེ་ལྟར་ཡེ་ཤེས་རྡོ་རྗེ་ཀུན་ལས་བཏུས་པ་ཞེས་བྱ་བ་རྣལ་འབྱོར་ཆེན་པོའི་རྒྱུད་ལས་ཀྱང་གསུངས་པ། སེམས་དང་སེམས་ལས ་བྱུང་བའི་རྣལ་འབྱོར་ཆེན་པོ་ནི་བདེ་བ་ཆེན་པོའི་ཏིང་ངེ་འཛིན་ཏོ། །དེ་ནི་སྒྱུ་མའི་དཔེས་ཉེ་བར་མཚོན་པ་སྟེ། དེ་བས་ན་སངས་རྒྱས་ཀྱི་ཞིང་གངྒའི་ཀླུང་གི་བྱེ་མ་སྙེད་ཀྱི་དེ་བཞིན་གཤེགས་པ་ཐམས་ཅད་ནི་སྒྱུ་མ་ལྟ་བུ་དང། ཆུ་ཟླ་ལྟ་བུ་དང། མིག ་ཡོར་ལྟ་བུ་དང། སྨིག་རྒྱུ་ལྟ་བུ་དང། རྨི་ལམ་ལྟ་བུ་དང། བྲག་ཅ་ལྟ་བུ་དང། དྲི་ཟའི་གྲོང་ཁྱེར་དང། མིག་འཕྲུལ་དང། འཇའ་ཚོན་དང། གློག་དང། ཆུའི་ཆུ་བུར་དང། མེ་ལོང་གི་གཟུགས་བརྙན་ཏེ། སྒྱུ་མའི་དཔེ་བཅུ་གཉིས་ཀྱིས་བདེ་བ་ཆེན་པོའི ་ཏིང་ངེ་འཛིན་ཉེ་བར་མཚོན་པར་འགྱུར་བ་ཡིན་ཏེ། དེ་ལྟར་ཕྱོགས་བཅུའི་འཇིག་རྟེན་གྱི་ཁམས་ན་གནས་པའི་དེ་བཞིན་གཤེགས་པ་ཐམས་ཅད་འཁོར་བ་ཇི་སྙེད་པའི་བར་དུ་སྒྱུ་མ་ལྟ་བུའི་ཏིང་ངེ་འཛིན་གྱིས་བཞུགས་ནས་སངས་རྒྱས ་ཀྱི་ཞིང་ནས་སངས་རྒྱས་ཀྱི་ཞིང་དུ་སེམས་ཅན་གྱི་དོན་མཛད་དོ་ཞེས་གསུངས་སོ། །དཔལ་གསང་བ་འདུས་པའི་རྒྱུད་ལས་ཀྱང་གསུངས་པ། ཀྱེ་བཅོམ་ལྡན་འདས་དེ་བཞིན་གཤེགས་པ་ཐམས་ཅད་རྨི་ལམ་འདི་ནི་བདག་གིས་ཁམས་གསུམ་དུ་རྨི་ལམ ་མཐོང་བར་བྱའོ་སྙམ་དུ་མི་སེམས་སོ། །རྨི་ལམ་ཡང་བདག་གིས་རྨི་ལམ་མཐོང་ངོ་སྙམ་དུ་མི་སེམས་ཏེ། ཁམས་གསུམ་གྱི་བྱ་བ་དེ་རྣམས་ཀྱང་རྨི་ལམ་ལྟ་བུ་རྨི་ལམ་དང་འདྲ་བ་རྨི་ལམ་ལས་བྱུང་བའོ། །དེ་བཞིན་དུ་དེ་བཞིན་གཤེགས་པ་ཐམས་ཅད་དང། ་བྱང་ཆུབ་སེམས་དཔའ་རྣམས་དང། སེམས་ཅན་ཐམས་ཅད་རྨི་ལམ་ལྟ་བུ་བདག་མེད་པའོ། །རོག་མེད་པའོ། །གང་ཟག་མེད་པའོ་ཞེས་གསུངས་སོ། །གླང་པོའི་རྩལ་གྱི་མདོ་ལས་ཀྱང། ཤཱ་རིའི་བུ་འདི་ཇི་སྙམ་དུ་སེམས། །གང་ཆོས་རྣམས་ཀྱི་ངོ་བོ་ཉིད་ཤེས་པ ་དེ་ཡོད་པ་ཡིན་ནམ། འོན་ཏེ་མེད་པ་ཡིན། གསོལ་བ་བཅོམ་ལྡན་འདས་གང་ཆོས་ཐམས་ཅད་ཀྱི་ངོ་བོ་ཉིད་འཆོལ་བ་དེ་ནི་སྒྱུ་མའི་ངོ་བོ་ཉིད་འཚལ་ལོ། །དེ་ཅིའི་སླད་དུ་ཞེ་ན། བཅོམ་ལྡན་འདས་ཀྱིས་ཆོས་ཐམས་ཅད་སྒྱུ་མ་ངོ་བོ་ཉིད་དོ་ཞེས་བསྟན་པའི ་གླད་དུ་སྟེ་ཞེས་གསུངས་སོ། །ཡབ་དང་སྲས་མཇལ་བའི་མདོ་ལས་ཀྱང། མེ་ལོང་ཡོངས་སུ་དག་པ་ལ། ཇི་ལྟར་རང་བཞིན་མེད་པ་ཡི། གཟུགས་བརྙན་སྣང་བ་དེ་བཞིན་དུ། །ལྗོན་བ་ཆོས་རྣམས་ཤེས་པར་གྱིས་ཞེས་གསུངས་སོ། །རིགས་པ་དྲུག་ཅུ་པ ་ལས་ཀྱང། །དངོས་པོ་གཟུགས་བརྙན་ལྟ་བུར་ནི། །ཡེ་ཤེས་མིག་གིས་རབ་མཐོང་ན། །བདག་ཉིད་ཆེན་པོ་དེ་དག་ནི། །ཡུལ་གྱི་འདམ་ལ་མི་ཆགས་སོ་ཞེས་གསུངས་སོ། །ཐེག་པ་ཆེན་པོ་ཉི་ཤུ་བ་ལས་ཀྱང། །དངོས་པོ་རྣམས་ཀྱི་རང་བཞིན་ནི། །གཟུགས ་བརྙན་དང་ནི་མཚུངས་པར་འདོད་ཅེས་གསུངས་སོ། །རིན་ཆེན་ཕྲེང་བ་ལས་ཀྱང་གསུངས་པ། སོ་སོའི་སྐྱེ་བོ་ལ་གསང་བ། །གང་ཡིན་དེ་ནི་ཟབ་པའི་ཆོས། །འཇིག་རྟེན་སྒྱུ་མ་ལྟ་བུ་ཉིད། །སངས་རྒྱས་བསྟན་པ་བདུད་རྩི་ཡིན། །ཇི་ལྟར་སྒྱུ་མའི་གླང་པོ་ལ། །སྐྱེ་དང ་འཇིག་པ་ཉིད་སྣང་ཡང། །དེ་ལ་དོན་གྱིས་ཡང་དག་ཏུ། །སྐྱེ་དང་འཇིག་བ་ཉིད་མེད་ལྟར། །དེ་བཞིན་སྐྱ་འདྲའི་འཇིག་རྟེན་ལ། །སྐྱེ་དང་འཇིག་པ་འདི་སྣང་ཡང། །དམ་པའི་དོན་དུ་སྐྱེ་བ་དང། འཇིག་པ་ཉིད་ནི་ཡོད་མ་ཡིན། །ཇི་ལྟར་སྒྱུ་མའི་གླང་པོ་ནི། །གང་ནས ་མི་འོང་གང་མེ་འགྲོ། སེམས་རྨོངས་ཙམ་དུ་ཟད་པས་ན། །ཡང་དག་ཉིད་དུ་གནས་པ་མེད། །དེ་བཞིན་སྒྱུ་འདྲའི་འཇིག་རྟེན་ནི། །གང་ནས་མ་འོངས་གར་མི་འགྲོ། སེམས་རྨོངས་ཙམ་དུ་ཟད་པས་ན། །ཡང་དག་ཉིད་དུ་གནས་པ་མེད་ཅེས་གསུངས་སོ།། ་དེ་ལྟར་ཕུང་པོ་དང་ཁམས་དང་སྐྱེ་མཆེད་རྣམས་ནི་སྒྱུ་མའི་རང་བཞིན་ཏེ། སྒྱུ་མའི་རྣལ་འབྱོར་ཡིད་ལ་བྱེད་པའི་གང་ཟག་ནི་ཉོན་མོངས་པ་དང། ལས་དང། སྡུག་བསྔལ་ལས་གྲོལ་བར་འགྱུར་ཏེ། རིམ་གྱིས་སྒྱུ་མའི་རང་བཞིན་སྤྱོད་པར་ཤེས་པར ་འབྱུང་སྟེ། དེ་ལྟ་བས་ན་ཆོས་ཐམས་ཅད་སྒྱུ་ལྟ་བུར་ཡིད་ལ་བྱས་ན་ཡེ་ཤེས་སྒྱུ་མ་ལྟ་བུ་ཉིད་ཐོབ་པར་འགྱུར་རོ། །དེ་ལྟ་བས་ན་ལུས་དང་ངག་དང་སེམས་སྒྱུ་མ་ལྟ་བུས་ཉོན་མོངས་པ་དང་ལས་དང། སྡུག་བསྔལ་སྒྱུ་མ་ལྟ་བུ་ལས་ལོག་ལ། ཚོགས ་གཉིས་སྒྱུ་མ་ལྟ་བུ་ལ་འཇུག་ན་འཁོར་བ་སྒྱུ་མ་ལྟ་བུ་ལས་ཐར་བར་བྱེད་པ་འདི་ནི་ཡང་དག་པའི་ལམ་མོ། །དེ་ལྟར་ན་སྒྱུ་མའི་དཔེ་བརྒྱད་དི་བཅུ་གཉིས་ལ་བརྟེན་ཏེ་འཇུག་པར་བྱའོ། བྱིས་པ་སོ་སོའི་སྐྱེ་བོ་ཤེས་རབ་ཀྱི་མཐུ་ཆུང་བ་རྣམས་ཀྱིས་ལམ ་མ་ནོར་བའི་འཇུག་པའི་རིམ་པ་དང། ལམ་གྱི་ངོ་བོ་མི་ཤེས་པ་རྣམས་ཀྱི་དོན་དུ་བླ་མ་དང། མདོ་སྡེ་དང། རྒྱུད་སྡེ་ལ་རྟེན་ནས། གཞུང་དུ་བཀོད་པའོ། །ཐེག་ཆེན་དོན་བསྡུས་སྒྲོན་མ་འདི། །གཞུང་དུ་བཀོད་བའི་བསོད་ནམས་དེས། །འགྲོ་བ་མ ་ལུས་ཐམས་ཅད་དག་།སྐུ་གསུམ་མྱུར་དུ་ཐོབ་པར་ཤོག། ཐེག་པ་ཆེན་པོའི་དོན་བསྡུས་པའི་སྒྲོན་མ་ཞེས་བྱ་བ། སློབ་དཔོན་ནག་པོ་ཞབས་ཀྱིས་མཛད་པ་རྫོགས་སོ།། །།རྒྱ་གར་གྱི་མཁན་པོ་ཀྲིཥྞ་བ་ལ་ཉིད ་དང། ལོ་རྩ་བ་དགེ་སློང་ཆོས་ཀྱི་ཤེས་རབ་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །། *། །རྒྱ་གར་སྐད་དུ། གུ་རུ་པཉྩ་བི་ཤི་ཀ། བོད་སྐད་དུ། བླ་མ་ལྔ་བཅུ་པ། བཅོམ་ལྡན་འདས་རྡོ་རྗེ་སེམས་དཔའ་ལ་ཕྱག་འཚལ་ལོ། །དཔལ་ལྡན ་