Wylie

e-texts based on the ACIP/ALL Input

ཆེན་པོ་ཀྲིཥྞ་བ་དང། ཞུ་ཆེན་གྱི་ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱིས་བསྒྱུར་ཅིང་གཏན་ལ་ཕབ་པའོ།། (།།རྣལ་འབྱོར་བླ་ན་མེད་པའི་རྒྱུད་ཀྱི་དོན་ལ་འཇུག་པ་བསྡུས་པ་ཞེས་བྱ་བ་བཞུགས།།)་།། *། །རྒྱ་གར་སྐད་དུ་། ་ཡོ་གཱ་ནུཏྟ་ར་ཡ་ཏནྟརྠཱ་བ་ཏཱ་ར་སཾ་གྲཧ་ནཱ་མ། བོད་སྐད་དུ། རྣལ་འབྱོར་བླ་ན་མེད་པའི་རྒྱུད་ཀྱི་དོན་ལ་འཇུག་པ་བསྡུས་པ་ཞེས་བྱ་བ། བཅོམ་ལྡན་འདས་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །གང་ཞིག་ཐུགས་རྗེ་འགྲོ་བ་ཀུན་ལ་མཁའ་ ་ལྟར་ཁྱབ། །བྱིན་བརླབས་ཐེག་པ་ལ་སོགས་གསུང་གི་འོད་ཟེར་གྱིས། །མངོན་པར་མཐོ་དང་ངེས་པར་ལེགས་པ་སྒྲུབ་པའི་ཐབས། །སྟོན་མཛད་རྒྱུད་དང་མདོ་སྡེ་བཅས་པའི་ཚོགས་ལ་འདུད། །བདེ་གཤེགས་ཡོན་ཏན་ཀུན་གྱི་འབྱུང་གནས་ཀྱིས། །ཐོག ་མར་ཐུགས་བསྐྱེད་བར་དུ་ཚོགས་གཉིས་བསགས། །ཐ་མར་ཆོས་སྐུ་བརྙེས་ནས་གཞན་དོན་ནི། །སྐྱེ་མེད་དང་ལས་གཟུགས་ཀྱི་སྐུར་བསྟན་ཏེ། །འོག་མིན་གནས་སུ་ལོངས་སྤྱོད་རྫོགས་སྐུ་དང། སྤྲུལ་པའི་སྐུ་ཡིས་ཛམྦུའི་གླིང་ལ་སོགས། གདུལ་བྱ ་སྐུ་ལ་མོས་དབང་པོ་ཐ་དད་ལ། །དགོངས་ནས་རྣམ་ཐར་བསམ་གྱིས་མི་ཁྱབ་གསུངས།། །།དེ་ལ་བཅོམ་ལྡན་འདས་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་བཀའ་སྩལ་བ་དེ་དག་ཀྱང་འབྲས་བུའི་ཚུལ་གྱིས་ཐེག་པ་གཅིག་ཏུ་འདུས ་ཏེ། ཐེག་པ་ཆེན་པོའོ། །དེ་ཡང་མཚན་ཡང་དག་པར་བརྗོད་པ་ལས། ཐེག་པ་གསུམ་གྱི་ངེས་འབྱུང་ལ། ཐེག་པ་གཅིག་གི་འབྲས་བུར་གནས་ཞེས་གསུངས་པ་དང། སློབ་དཔོན་ཕྱོགས་ཀྱི་གླང་པོས་ཀྱང། འདི་ནི་མྱ་ངན་འདས་འགྲོ་ལམ་གཅིག་བུ། །བདེ ་གཤེགས་ཉི་མའི་གསུང་འོད་སྣང་བ་ཅན། །བདག་མེད་རང་བཞིན་འཕགས་པ་སྟོང་ཕྲག་འཇུག། རྣམ་པར་རྒྱས་པ་བློ་དམན་གྱིས་མི་མཐོང་ཞེས་གསུངས་པ་ཡིན་ནོ། །དེ་དག་ཀྱང་སྤྱིར་དུས་དེ་རེ་ཞིག་པའི་དབང་དུ་བྱས་ན། ཐེག་པ་ནི་གཉིས་སུ ་བཞག་སྟེ། མངོན་པར་མཐོ་བའི་ཐེག་པ་འཇིག་རྟེན་པ་དང། དེས་པར་ལེགས་པའི་ཐེག་པ་འཇིག་རྟེན་ལས་འདས་པའོ། །དེ་ཡང། ལྷ་དང་མིའི་ཐེག་པ་ནི། བཅུ་དྲུག་ཆར་ཡང་མི་ཕོད་དོ་ཞེས་གསུངས་པ་ཡིན་ནོ། །འཇིག་རྟེན་ལས་འདས་པའི་ཐེག ་པ་ལ་ཡང་རྣམ་པ་གསུམ་སྟེ། ཉན་ཐོས་ཀྱི་ཐེག་པ་དང། རང་རྒྱལ་བའི་ཐེག་པ་དང། བྱང་ཆུབ་སེམས་དཔའ་ཨི་ཐེག་པའོ། །དེ་ཡང་ལང་ཀར་གཤེགས་པའི་མདོ་ལས། །བྱིས་པ་རྣམས་ནི་དྲང་བའི་ཕྱིར། །ཐེག་པ་ཐ་དད་ངེས་བཤད་དོ་ཞེས ་གསུངས་སོ། །ཐེག་པ་དེ་དག་གི་དོན་མདོར་བསྡུས་རྣམ་པ་གསུམ་དུ་འགྱུར་ཏེ། ཡུལ་དང། དུས་དང། འབྲས་བུར་བཞག་པ་ཡིན་ནོ། །དེ་ཡང་འདི་སྐད་དུ། མངོན་པར་རྟོགས་པའི་རྒྱན་ལས། ཡུལ་གྱི་རྒྱུ་ནི་གསུམ་དག་དང། །སྦྱོར་བ་བཞི་ཡི་བདག ་ཉིད་དང། །ཆོས་སྐུ་ཕྲིན་ལས་འབྲས་བུ་ནི། །མདོར་བསྡུས་གཞན་དེ་རྣམ་པ་གསུམ་ཞེས་གསུངས་པ་ལྟ་བུའོ། །དེ་ལ་ཉན་ཐོས་དང་རང་རྒྱལ་བའི་འཇུག་པ་ནི་ཡེ་ཤེས་ལ་འཇུག་པ་ལ་སོགས་པ་མངོན་པ་སྡེ་བདུན་དང་། ་བྱེ་བྲག་ཏུ་བཤད་པ་ཆེན་པོ་ལ་སོགས་པ་གཞན་དུ་གྲགས་པར་ཟད་དོ། །དེ་ལ་བྱང་ཆུབ་སེམས་དཔའ་ཨི་ཐེག་པ་ནི་བདག་དང་གཞན་གྱི་དོན་ཕུན་སུམ་ཚོགས་པར་འགྱུར་བས་ཐེག་པ་ཆེན་པོའི་དོན་ནི་མཆོག་ཏུ་བླང་བར་བྱ་བ་ཡིན་ཏེ་སྨོན་ལམ ་ལ་སོགས་པས་བླ་ན་མེད་པའི་བདེ་བར་གཤེགས་པའི་གོ་འཕང་ཐོབ་པར་འགྱུར་པ་ནི་ཐེག་པ་ཆེན་པོའི་དོན་ཡིན་པའི་ཕྱིར་རོ། །དེ་ཡང་ཇི་སྐད་དུ་ཚུལ་གསུམ་གྱི་སྒྲོན་མ་ལས། སྨོན་པ་དང་ནི་འཇུག་པ་དང། །དེ་བཞིན་ཟབ་དང་རྒྱ་ཆེ་ཉིད། །མི་ལྡོག ་འབྲས་བུ་ཐོབ་པས་ཀྱང། །ཐེག་པ་ཆེན་པོ་ཁྱད་པར་འཕགས་ཞེས་གསུངས་པ་དང། ཐེག་པ་ཆེན་པོ་ཉི་ཤུ་པ་ལས་ཀྱང། །རྟོག་པའི་ཆུ་བོས་གང་བ་ཡིས། །འཁོར་བའི་རྒྱ་མཚོ་ཆེན་པོར་ནི། །ཐེག་ཆེན་གྲུ་ལ་མ་ཞུགས་པར། །སུ་ཞིག་ཕ་རོལ་འགྲོ་བར ་འགྱུར་ཞེས་གསུངས་སོ། །དེ་ལ་བྱང་ཆུབ་སེམས་དཔའ་ཨི་ཐེག་པ་ལ་ཡང་རྣམ་པ་གཉིས་ཏེ། ས་དང་ཕ་རོལ་ཏུ་ཕྱིན་པའི་ཐེག་པ་དང། གསང་སྔགས་འབྲས་བུ་རྡོ་རྗེའི་ཐེག་པའོ། །དེ་ལས་དང་ཕ་རོལ་ཏུ་ཕྱིན་པའི་ཐེག་པ་ནི་མདོ་སྡེའི་དོན་བསྡུས་པ་མངོན་པར་རྟོགས་པའི ་རྒྱན་ལ་སོགས་པས་དོན་གྱི་འགྲེལ་པ་རྒྱས་པར་གསུངས་པ་ཡིན་ནོ། །དེ་ཡང་ཇི་སྐད་དུ། མངོན་པར་རྟོགས་པའི་རྒྱན་ལས། རྣམ་ཀུན་མཁྱེན་ཉིད་ལམ་ཤེས་ཉིད། །དེ་ནས་ཐམས་ཅད་ཤེས་པ་ཉིད། །རྣམ་པ་ཀུན་རྫོབ་རྟོགས་པ་དང། རྩེ་མོར་ཕྱིན་དང་མཐར ་གྱིས་པ། །སྐད་ཅིག་གཅིག་མངོན་རྫོགས་བྱང་ཆུབ། །ཆོས་ཀྱི་སྐུ་དང་དེ་རྣམས་བརྒྱད་ཅེས་གསུངས་པ་ཡིན་ནོ། །དེ་ལ་གསང་སྔགས་འབྲས་བུ་རྡོ་རྗེ་ཐེག་པ་ནི་དེ་ཁོ་ན་ཉིད་དུ་སྨྲ་ཞིང་དབང་པོ་རྣོན་པོའི་དོན་དུ་གསུངས་པས་ནས་དང་ཕ་རོལ་ཏུ་ཕྱིན་པའི་ཐེག་པ་ལས ་ཁྱད་པར་དུ་འཕགས་པ་ཡིན་ཏེ། དེ་ཁོ་ནའི་དོན་ཕྱིན་ཅི་ལོག་པའི་དཀའ་བ་མེད་པར་མྱུར་དུ་སྒྲུབ་པའི་ཕྱིར་རོ། །དེ་ཡང་སྒྱུ་འཕྲུལ་དྲ་བ་ལས། རྫོགས་པའི་སངས་རྒྱས་གང་འདས་དང། དེ་བཞིན་གང་དག་མ་བྱོན་དང། །ད་ལྟར་བྱུང་བའི་མགོན་པོ་རྣམས། །འགྲོ་ལ་ཕན ་ཕྱིར་བཞུགས་པ་དང། །དེ་དག་ཀུན་གྱིས་གསང་སྔགས་ཀྱིས། །ཆོ་གམ་ཆོ་ག་བཟང་འདི་བརྙེས་ནས། །དཔའ་བོས་བྱང་ཆུབ་ཤིང་དྲུང་དུ། །ཐམས་ཅད་མཁྱེན་པ་མཚན་མེད་བརྙེས་ཞེས་གསུངས་པ་དང། གཞན་ཡང་ཚུལ་གསུམ་གྱི་སྒྲོན་མ་ལས། དོན ་གཅིག་ན་ཡང་མ་རྨོངས་དང། །ཐབས་མང་དཀའ་བ་མེད་པ་དང། །དབང་པོ་རྣོན་པོའི་དོན་གྱི་ཕྱིར། །སྔགས་ཀྱི་བསྟན་བཅོས་ཁྱད་པར་འཕགས་ཞེས་གསུངས་པ་ཡིན་ནོ། །གསང་སྔགས་འབྲས་བུ་རྡོ་རྗེ་ཐེག་པ་ལ་ནི་འཇུག་པའི་སྒོ་རྣམ་པ་བཞི་སྟེ། བྱ་བའི་རྒྱུད་དང། ་སྤྱོད་པའི་རྒྱུད་དང། རྣལ་འབྱོར་གྱི་རྒྱུད་དང། རྣལ་འབྱོར་ཆེན་པོའི་རྒྱུད་ཅེས་སྤྱིར་གྲགས་པ་ཡིན་ནོ། །དེ་དག་ཀྱང་གསང་ཞིང་སྤས་པས་འགྲུབ་ལ་སྣོད་མ་ཡིན་པ་རྣམས་ཀྱི་སྤྱོད་ཡུལ་མ་ཡིན་པས་ན་གསང་བའོ། །དེ་ནི་སྔགས་ཀྱི་ཐེག་པ་ཞེས་ཀྱང་བྱ་སྟེ། ་སྔགས་དང་ཕྱག་རྒྱའི་སྒོ་ནས་དངོས་གྲུབ་རྣམས་སྦྱང་པའི་ཕྱིར་དང། དེས་ཡིད་སྐྱོབ་པར་བྱེད་ཅིང་འཁོར་བའི་སྡུག་བསྔལ་ལས་དཀའ་བ་མེད་པར་མྱུར་དུ་སྒྲོལ་བའི་ཕྱིར་དང། ཉན་ཐོས་ལ་སོགས་པ་བློ་དམན་པ་རྣམས་སྐྲག་པར་བྱེད་པའི་ཕྱིར་དང། སངས ་རྒྱས་དང་བྱང་ཆུབ་སེམས་དཔའ་རྣམས་ཀྱིས་བསྟོད་ཅིག་བཀུ་ལ་བསྔགས་པའི་ཕྱིར་དང། དེ་ཁོ་ན་ཉིད་ཀྱི་དོན་ཕྱིན་ཅི་མ་ལོག་པར་སྟོན་པ་ལ་སོགས་པའི་ཕྱིར་སྔགས། །དེ་ནི་སྐུ་དང་ལོངས་སྤྱོད་དང་གནས་དང་མཛད་པ་ཡོངས་སུ་དག་པའི་ཚུལ་གྱིས་འཇུག་པས་ན ་འབྲས་བུ་སྟེ། ལམ་ཐམས་ཅད་ཀྱི་འབྲས་བུ་ཕྱག་རྒྱ་ཆེན་པོའི་དངོས་གྲུབ་ཡིན་པའི་ཕྱིར་རོ། །དེ་ཉིད་ནི་འཚེ་བ་མེད་ཅིང་ཡང་དག་པའི་དོན་ཐོགས་པ་མེད་པར་ཐོབ་པར་བྱེད་པས་ནི་རྡོ་རྗེའོ། །དེ་ནི་ཐེག་པ་ཡང་ཡིན་ཏེ། ལམ་དེས་དཀའ་བ་མེད་པར་མྱུར་དུ་ཡིད་ལ ་བྱེད་པའི་ཕྱིར་རོ། །དེ་ཡང་ཇི་སྐད་དུ། གསང་བས་གྲུབ་ཕྱིར་གསང་སྔགས་ཏེ། རྡོ་རྗེ་ཐེག་པ་འབྲས་བུ་ཆེ་ཞེས་གསུངས་པ་ཡིན་ནོ། །དེ་ལ་གསང་སྔགས་ཀྱི་ཐེག་པའི་སྡེ་སྣོད་ནི་ཐེག་པ་གསུམ་དུ་མ་གཏོགས་པར་འདོད་དེ། ་དེ་ནི་རིག་འཛིན་གྱི་སྡེ་སྣོད་ཅེས་བྱ་བར་གྲགས་པ་བྱང་ཆུབ་སེམས་དཔའ་ཨི་སྡེ་སྣོད་གཞན་ཡིན་ནོ། །དེ་ཡང་ཇི་སྐད་དུ། ཕྱི་ནང་གསང་བ་ཐེག་པ་གསུམ། །དམ་ཆོས་ཡོངས་སུ་གཟུང་བར་བྱ་ཞེས་གསུངས་པ་ཡིན་ནོ། །ཡང་ན་སྡེ་སྣོད་གསུམ་དུ ་འདུས་པར་ཡང་འཆད་དེ། གསུང་རབ་ཡན་ལག་དགུ་ནི་ཐེག་པ་ཆེན་པོའི་སྡེ་སྣོད་ཡིན་ལ། གསང་སྔགས་ཀྱི་ཐེག་པའི་སྡེ་སྣོད་ཀྱང་གསུང་རབ་ཡན་ལག་དགུར་འདུས་ཤིང། བསླབ་པ་རྣམ་པ་གསུམ་སྟོན་པའི་ཕྱིར་སྡེ་སྣོད་གསུམ་དུ་བཞག་པའོ།། ་དེ་ཡང་ཇི་སྐད་དུ་བཞི་བརྒྱ་ལྔ་བཅུ་པ་ལས། །གདུལ་བྱས་བསྐྱོད་པ་སྣ་ཚོགས་མཆོག་།དམ་ཆོས་གསུང་རབ་ཡན་ལག་དགུ་ཞེས་གསུངས་པ་ཡིན་ནོ། །དེ་ལ་བྱ་བའི་རྒྱུད་ནི་རིག་པ་མཆོག་དང་རབ་ཏུ་གྲུབ་པའི་རྒྱུད་ལ་སོགས་པ་སྟེ། རྒྱས་པར་ནི ་དབྱེ་བ་བསམ་གྱིས་མི་ཁྱབ་པ་ཡིན་ནོ། །དེའི་གདུལ་བྱ་ཟབ་མོའི་དོན་ལ་འཇིགས་པར་ལྟ་ཞིང་ཤིན་ཏུ་གཙང་སྦྲ་བྱེད་ལ། ཡེ་ཤེས་སེམས་དཔའ་ཨི་བདེ་བ་སྤངས་ཤིང། །ལྷའི་སྙེམས་པ་མེད་པ་རྨད་དུ་བྱུང་བའི་ཡུལ་ལ་སྐྱོན་གྱི་རྒྱུའི་རྟག ་པའི་རབ་ཏུ་སྤྱོད་པས་སྒྲུབ་པར་བྱེད་པའི་དོན་གསུངས་པ་ཡིན་ནོ། །དེ་ལ་སྤྱོད་པའི་རྒྱུད་ལ་ནི་མངོན་པར་བྱང་ཆུབ་པ་ལ་སོགས་པ་སྟེ། མདོར་བསྡུ་ན་སྟོང་ཕྲག་བརྒྱད་ཡིན་ལ། རྒྱས་པར་ནི་དབྱེ་བ་བསམ་གྱིས་མི་ཁྱབ་པ་ཡིན་ནོ། །གང་དག ་ལས་ཀྱི་བྱ་བ་སྣ་ཚོགས་རྒྱ་ཆེན་པོ་ཕྱག་རྒྱ་དམིགས་པའི་མཚན་ཉིད་ལ་སོགས་པ་དང། རྣལ་འབྱོར་གཉིས་ཀས་དངོས་གྲུབ་ཀྱི་དོན་ལ་སྒྲུབ་པར་བྱེད་པའི་དོན་དུ་གསུངས་པ་ཡིན་ནོ། །དེ་ལ་རྣལ་འབྱོར་གྱི་རྒྱུད་ནི་དེ་ཁོ་ན་ཉིད་བསྡུས་པ་ལ་སོགས་གསུངས་ཏེ། ་མདོར་བསྡུ་ན་སྟོང་ཕྲག་དྲུག་པ་ཡིན་ལ། རྒྱས་པར་ནི་དབྱེ་བ་བསམ་གྱིས་མི་ཁྱབ་པ་ཡིན་ནོ། །གང་དག་ལྷའི་དཀྱིལ་འཁོར་གྱི་འཁོར་ལོ་དགོད་པ་དང། དེ་ལས་བྱུང་བའི་ལས་སྒྲུབ་པ་དེ་ཁོ་ན་ཉིད་རྣམ་པ་བཅུ་རབ་ཏུ་བསྐྱེད་པས་དེ་རྣལ་འབྱོར་དང་ཕྱིའི་བྱ་བས་ཀྱང ་ཏིང་ངེ་འཛིན་གྱི་ཡན་ལག་ཏུ་སྒྱུར་བས་དངོས་གྲུབ་ཐམས་ཅད་ཐོབ་པར་འདོད་པའི་དོན་དུ་གསུངས་པ་ཡིན་ནོ། །རྣལ་འབྱོར་ཆེན་པོའི་རྒྱུད་ནི་གདུལ་བྱ་དབང་པོ་མཆོག་དང་རྣལ་འབྱོར་གཙོ་བོར་བྱེད་པའི་དོན་དུ་གསུངས་པ་ཡིན་ཏེ། མདོར་བསྡུ་ན་སྟོང་ཕྲག་བཅུ ་གཉིས་ཡིན་ལ། རྒྱས་པར་ནི་དབྱེ་བ་བསམ་གྱིས་མི་ཁྱབ་པ་ཡིན་ནོ། །དེ་ལ་རྣལ་འབྱོར་ཆེན་པོའི་རྒྱུད་ནི་རྣམ་པ་གཉིས་ཏེ། རང་བཞིན་གྱི་རྒྱུད་དང་བཏགས་པའི་རྒྱུད་དོ། །དེ་ལ་རང་བཞིན་གྱི་རྒྱུད་ནི་མདོར་བསྡུ་ན་རྣམ་པ་གསུམ་སྟེ། རྒྱུའི་རྒྱུད་དང། འབྲས ་བུའི་རྒྱུད་དང། ཐབས་ཀྱི་རྒྱུད་དོ། །དེ་ཡང་གསང་བ་འདུས་པའི་རྒྱུད་ཕྱི་མ་ལས། རྒྱུད་ནི་རྒྱུན་ཅེས་བྱ་བར་གྲགས། །དེ་ནི་རྣམ་པ་གསུམ་དུ་འགྱུར། །གཞི་དང་དེ་བཞིན་རང་བཞིན་དང། མི་འཕྲོགས་པའི་རབ་ཕྱེ་བ་གཞི་དང་རང་བཞིན་རྒྱུ་ཡིན་ཏེ་དེ་བཞིན་མི་འཕྲོགས་འབྲས་བུའོ་གཞི ་ནི་ཐབས་ཞེས་བྱ་བ་སྟེ། གསུམ་གྱིས་རྒྱུད་ཀྱི་དོན་བསྡུས་པའོ་ཞེས་གསུངས་པ་ཡིན་ནོ། །བཏགས་པའི་རྒྱུད་ཀྱང་རྣམ་པ་གཉིས་ཏེ། རྣལ་འབྱོར་ཐབས་ཀྱི་རྒྱུད་དང། རྣལ་འབྱོར་ཤེས་རབ་ཀྱི་རྒྱུད་དོ། །དེ་དག་ཀྱང་རྣམ་པ་གཉིས་སུ་འདོད་དེ། རྣལ་འབྱོར་མཆོག་གི ་རྒྱུད་དང། རྣལ་འབྱོར་བླ་ན་མེད་པའི་རྒྱུད་ཅེས་བྱ་སྟེ། རིག་པའི་རྒྱུད་དང། རྩ་བའི་རྒྱུད་ཅེས་བཏགས་པ་ཡིན་ནོ། །དེ་ལ་ཐབས་དང་ཤེས་རབ་ཀྱི་རྒྱུད་ཀྱི་དབྱེ་བ་ནི། དེ་ཁོ་ན་ཉིད་སྟོན་པ་དང། གདུལ་བྱ་དང། རྣམ་པར་དག་དང། ཐུན་མོང་དུ་མངོན་པར་གྲགས ་པ་ལ་སོགས་པས་ཐ་དད་པར་གཞག་པར་བྱའོ། །དེ་ཡང་རྒྱ་ཆེ་བའི་དེ་ཁོ་ན་ཉིད་གང་དུ་གཙོ་བོར་སྟོན་པའི་རྒྱུད་ནི་ཐབས་ཀྱི་རྒྱུད་དོ། །གང་དུ་ཟབ་པ་ཉིད་གཙོ་བོར་བྱས་ཏེ། སྟོན་པ་ནི་ཤེས་རབ་ཀྱི་རྒྱུད་དོ། །གང་དུ་སྐྱེས་པ་དང། རང་གི་སྡེ་བ་འདུལ་བའི ་ཕྱིར་ལྷ་ཕོའི་རྣམ་པ་མང་བར་སྟོན་པའི་དཀྱིལ་འཁོར་ནི་ཐབས་ཀྱི་རྒྱུད་དོ། །གང་དུ་བུད་མེད་དང། ཕྱི་རོལ་མུ་སྟེགས་ཅན་འདུལ་བའི་ཕྱིར་དེ་དག་དང་རྗེས་སུ་མཐུན་པའི་ལྷ་མོའི་རྣམ་པ་མང་བའི་དཀྱིལ་འཁོར་སྟོན་པ་ནི་ཤེས ་རབ་ཀྱི་རྒྱུད་དོ། །གང་དུ་ཕྱི་ནང་གི་ཕུང་པོ་དང་ཁམས་དང་སྐྱེ་མཆེད་ཀྱི་རྣམ་པར་དག་པའི་ལྷ་སྟོན་བཞི་ཐབས་ཀྱི་རྒྱུད་དོ། །གང་དུ་ཕྱི་ནང་གི་རྩ་དང། བྱང་ཆུབ་ཀྱི་སེམས་རྣམ་པར་དག་པའི་ལྷ་སྟོན་པ་ནི་ཤེས་རབ་ཀྱི་རྒྱུད་དོ། །གང་དུ་འཇིག་རྟེན་དང ་རྗེས་སུ་མཐུན་པའི་ལྷའི་རྣམ་པ་སྟོན་པ་ནི་ཐབས་ཀྱི་རྒྱུད་དོ། །གང་དུ་འཇིག་རྟེན་དང་འགལ་བའི་ལྷའི་རྣམ་པ་སྟོན་པ་ནི་ཤེས་རབ་རྒྱུད་ཅེས་བྱ་བ་ལ་སོགས་པ་བཏགས་པ་ཡིན་ནོ། །དེ་ཡང་ཤེས་རབ་ཀྱི་དབྱེ་བ་ཡིས། རྣལ་འབྱོར་བ་ནི་གཉིས་སུ ་འདོད་ཅེས་གསུངས་པ་ཡིན་ནོ། །དེ་ལ་ཐབས་དང་ཤེས་རབ་ཀྱི་རྒྱུད་དེ་དག་གི་དོན་མདོར་བསྡུ་ན་སྔ་མ་བཞིན་དུ་རྣམ་པ་གསུམ་ཡིན་ཏེ། ཡུལ་དང། འབྲས་བུ་དང། རྒྱུའི་རྣམ་པས་སོ། །དེ་ལ་གང་དག་དེ་ཁོ་ན་ཉིད་ཀྱི་དོན་མཐོང་བར་འདོད་པ ་རྣམས་ཀྱིས་རྟོགས་ཤིང་ཁོ་བུ་ཆུད་པར་བྱ་བའི་ཡུལ་ནི་མདོར་བསྡུ་ན་རྣམ་པ་གཉིས་ཡིན་ཏེ། །ཀུན་རྫོབ་ཀྱི་བདེན་པ་དང། དོན་དམ་པའི་བདེན་པའོ། །དེ་ལ་ཀུན་རྫོབ་ཀྱི་བདེན་པ་ལ་ཡང་རྣམ་པ་གཉིས་ཏེ། ཡང་དག་པ་དང། ཡང་དག ་པ་མ་ཡིན་པའོ། །དེ་ཡང་ཡང་དག་པའི་ཀུན་རྫོབ་ནི་སེམས་ཀྱི་རང་བཞིན་འོད་གསལ་བ་སྟེ། རྣམ་གྲངས་ཀྱི་དོན་དམ་པར་འདོད་པ་ཡིན་ནོ། །དེ་ཡང་ཡེ་ཤེས་རྡོ་རྗེ་ཀུན་ལས་བཏུས་པ་ལས། སེམས་ནི་ནམ་མཁའ་ཨི་མཚན་ཉིད ་ཅན། །རྣམ་པ་མེད་པའི་ངོ་བོར་ཁྱབ། །འགྲོ་དང་འོང་བ་དང་བྲལ་བའོ་ཞེས་གསུངས་པ་ཡིན་ནོ། །ཡང་དག་པ་མ་ཡིན་པའི་ཀུན་རྫོབ་ནི་དེ་ལས་བཟློག་པའི་ཆོས་ཐམས་ཅད་ཡིན་ནོ། །དེ་དག་གི་མཚན་ཉིད་ཐུན་མོང་དུ་བསྟན་པ་ནི། ་རླུང་གི་དབང་གིས་སྣ་ཚོགས་སྣང་ཞིང་ཉམས་སུ་མྱོང་བར་བྱེད་པ་ཡིན་ནོ། །དེ་ཡང་དགོངས་པ་ལུང་བསྟན་པ་ལས། ཇི་སྲིད་འཇིག་རྟེན་གྱིས་བརྟགས་དང། །དེ་བཞིན་བརྟགས་པ་སྣ་ཚོགས་རྣམས། །རྣམ་རྟོག་བྱང་ཆུབ་སེམས་ཞེས་པའི། །རླུང་ལྟར ་རྟག་ཏུ་འབྱུང་བ་ཡིན། །བདེ་སྡུག་ལ་སོགས་ཆོས་རྣམས་ཀྱི། །ས་བོན་ལྟ་བུར་བཤད་པ་ཡིན་ཞེས་གསུངས་པ་དང། གཞན་ཡང་ཡེ་ཤེས་རྡོ་རྗེ་ཀུན་ལས་བཏུས་པ་ལས། །རིགས་ཀྱི་བུ་ཀུན་རྫོབ་ནི་མི་བརྟན་པ་དང་གཡོ་བའོ། །དེའི་བདེན་པ་ནི་ཆུ ་ཟླ་ལྟ་བུའོ། །ཡང་དེ་ཉིད་ལས་རྣམ་པར་ཤེས་པ་ནི་འོད་གསལ་བ་ལས་འབྱུང་ངོ། །དེ་ནི་སེམས་དང་ཡིད་ཅེས་བྱ་སྟེ། ཀུན་ནས་ཉོན་མོངས་པ་དང། རྣམ་པར་བྱང་བའི་ཆོས་ཐམས་ཅད་ནི་དེའི་རྩ་བ་ཅན་ཡིན་ནོ། །ཞེས་གསུངས་པ་དང། རྒྱུད་ཐམས་ཅད་ཀྱི ་བླ་མར་གྱུར་པ་ལས། འགྲོ་བ་འདི་ཀུན་སངས་རྒྱས་ལྔ་བདག་ཉིད། །གར་མཁན་དག་དང་རོལ་མོ་བཟང་ལྟར་སྣང། །གང་དུ་བདེ་ཆེན་ཞེས་བྱ་གཅིག་པུ་ཉིད། །གཅིག་པུ་ཉམས་ནི་དུ་མར་གར་མཛད་དོ་ཞེས་གསུངས་པ་དང། དགོངས་པ་ལུང་བརྟན ་པ་ལས་ཀྱང། བྱང་ཆུབ་སེམས་ལས་རླུང་འབྱུང་ཞིང། །ནམ་མཁའ་ལས་ནི་རྣམ་གནས་པ། །སེམས་ཅན་ཀུན་གྱི་སོག་གྱུར་ཅིང། །ལྔ་ཡི་བདག་ཉིད་བཅུ་མིང་ཅན། །རྟེན་འབྲེལ་བཅུ་གཉིས་ཞེས་གྲགས་པ། །ངོ་བོ་ཉིད་རྣམས་གསུམ་དུ་འགྱུར ་ཞེས་གསུངས་པ་དང། ཡང་དེ་ཉིད་ལས། སྙིང་པོར་གྱུར་པ་རང་སྲོག་ལས། །ཁམས་གསུམ་ན་ནི་གཞན་མེད་དེ། །ཁམས་གསུམ་རླུང་གིས་སྤྲུལ་པ་སྟེ། རྨི་ལམ་རྨི་བ་བཞིན་དུ་བལྟ་ཞེས་གསུངས་པ་དང། ཡང་དེ་ཉིད་ལས། སྐྱེ་དང་གནས་དང ་འཇིག་པ་དང། །སྲིད་པ་བར་མར་གནས་པ་སྟེ། །ཇི་སྙེད་འཇིག་རྟེན་གྱིས་བརྟགས་པ། །སེམས་དང་རླུང་གིས་རྣམ་འཕྲུལ་ལོ་ཞེས་གསུངས་པ་དང། གཞན་ཡང་སྣང་བའི་ཕྲེང་བ་ལས་ཀྱང། སེམས་ཙམ་ལ་ནི་བརྟེན་ནས་སུ། །ཕྱི་རོལ་དོན་ལ་མི ་རྟག་གོ་དེ་བཞིན་ཉིད་ལ་དམིགས་ནས་སུ། །སེམས་ཙམ་ལས་ནི་བཟླ་བར་བྱ། །སེམས་ཙམ་ལས་ནི་བཟླས་ནས་སུ། །སྣང་བ་མེད་ལ་གནས་པར་འགྱུར། །སྣང་མེད་གནས་པའི་རྣལ་འབྱོར་པ། །དེ་ཡིས་ཐེག་པ་ཆེན་པོ་མཐོང་ཞེས་གསུངས་པ་དང ་རིན་པོ་ཆེ་ཕྲེང་བ་ལས་ཀྱང། ངར་འཛིན་ལས་བྱུང་ཕུང་པོ་རྣམས། །ངར་འཛིན་དེ་ནི་དོན་དུ་བརྫུན། །གང་གིས་ས་བོན་བརྫུན་པ་དེ། །སྐྱེ་བ་བདེན་པ་གང་ལ་ཞིག་ཅེས་གསུངས་པ་དང། །ཏིང་འཛིན་གྱི་རྒྱལ་པོ་ལས་ཀྱང། །དཔེར་ན་ཆུ་ཤིང་རློན་པའི ་ཕུང་པོ་ལས། །སྙིང་པོ་འདོད་པའི་སྐྱེས་བུས་རྣམ་བཙལ་ན། །ཕྱི་དང་ནང་དང་སྙིང་པོ་ཡོད་མ་ཡིན། །ཆོས་རྣམས་ཐམས་ཅད་དེ་འདྲར་ཤེས་པར་གྱིས་ཞེས་གསུངས་པ་དང། ཡང་དེ་ཉིད་ལས། དཔེར་ན་གཞོན་ནུ། རྨི་ལམ་ནང་གནས་ཆེ། དེས་ནི་བུ་སྐྱེས ་ཤི་བར་གྱུར་པ་མཐོང། །སྐྱེས་པས་དགའ་ལ་ཤི་བས་གདུང་བར་འགྱུར། །ཆོས་རྣམས་ཐམས་ཅད་དེ་འདྲར་ཤེས་པར་གྱིས་ཞེས་བྱ་བ་ལ་སོགས་པ་གསུངས་པ་ཡིན་ནོ། །དོན་དམ་པའི་བདེན་པ་ཡང་རྣམ་པ་གཉིས་ཏེ། རྣམ་གྲངས་པ་དང། རྣམ་གྲངས ་མ་ཡིན་པའོ། །དེ་ལ་རྣམ་གྲངས་པ་ནི་ཡེ་ཤེས་དང། དེ་ཁོ་ན་ཉིད་ལ་དམིགས་པའི་ཚུལ་གསུམ་པའི་རྟགས་ལས་སྐྱེས་པ་ལ་སོགས་པའོ། །རྣམ་གྲངས་མ་ཡིན་པ་ནི་ཆོས་ཐམས་ཅད་རང་བཞིན་གྱིས་མ་སྐྱེས་པ། །ངོ་བོ་ཉིད་ཀྱིས་གདོད་མ་ནས་མ་གྲུབ ་པ། ལས་དང་སྐྱེ་བ་ཐམས་ཅད་དང་བྲལ་བ། རྣམ་པར་རྟོག་པའི་ཡུལ་ལས་འདས་པ། སྤྲོས་བ་ཐམས་ཅད་རྣམ་པར་ཆད་པ་ཙམ་སྟེ། བདེན་པ་གཉིས་གཉིས་སུ་མེད་པའི་ངོ་བོ་ཉིད་དོ། །དེ་ཡང་ཡེ་ཤེས་རྡོ་རྗེ་ཀུན་ལས་བཏུས་པ་ལས། དོན་དམ་པའི་བདེན ་པ་ནི་སྟོང་པ་བཅོ་བརྒྱད་དེ། ཡང་དག་པའི་མཛའ་ཨོ་ཞེས་གསུངས་པ་དང། དཔལ་གསང་བ་འདུས་པ་ལས་ཀྱང། དངོས་པོ་མེད་པས་སྒོམ་པའི་དངོས། །བསྒོམ་པར་བྱ་བསྒོམ་པ་མིན། །དེ་བས་དངོས་པོ་དངོས་མེད་པས། །བསྒོམ་པ་དམིགས་སུ་མེད་པའོ ་ཞེས་བྱ་བ་ལ་སོགས་པ་གསུངས་པ་དང། གཞན་ཡང་དེ་ཉིད་ལས། རང་སེམས་སེམས་ནི་དམིགས་པ་ལས། །ཆོས་རྣམས་ཐམས་ཅད་རབ་ཏུ་གནས། །ནམ་མཁའ་ཨི་རྡོ་རྗེ་གནས་སེམས་འདི། །ཆོས་མེད་ཆོས་ཉིད་མེད་པའོ་ཞེས་གསུངས་པ་དང། ཚིགས་སུ་བཅད ་པ་དགུ་པ་ལས། སྤྲོས་པ་མེད་ཅིང་སྣང་བ་མེད། །རྣམ་རྟོག་མེད་ཅིང་ཤིན་ཏུ་ཕྲ་ཞེས་གསུངས་པ་དང། མངོན་པར་བྱང་ཆུབ་པ་ལས་ཀྱང། །ཐམས་ཅད་ནམ་མཁའ་ཨི་མཚན་ཉིད་དེ། །ནམ་མཁའ་ལ་ཡང་མཚན་ཉིད་མེད། །གང་ཞིག་དེ་རྟོགས་འདོད་པ་ནི། །བྱང་ཆུབ ་སེམས་དཔའ་ཞེས་བྱའོ་ཞེས་གསུངས་པ་དང། གླང་པོ་མཚན་བཅིངས་ཀྱི་མདོ་ལས་ཀྱང། །གང་གིས་སྐྱེ་བ་འབྱུང་བ་ནི། །དངོས་པོ་གང་ལའང་རྙེད་མི་འགྱུར། །དངོས་པོ་མེད་པའི་ངོ་བོ་ལ། །བྱིས་པ་རྣམས་ནི་འབྱུང་བར་འདོད་ཅེས་གསུངས་པ་དང། ་སངས་རྒྱས་ཐམས་ཅད་ཀྱི་ཡུལ་ལ་འཇུག་པ་ཡེ་ཤེས་སྣང་བའི་རྒྱན་ལས་ཀྱང། རྟག་ཏུ་སྐྱེ་མེད་ཆོས་ནི་དེ་བཞིན་གཤེགས། །ཆོས་རྣམས་ཀུན་ཀྱང་བདེ་བར་གཤེགས་དང་འདྲ། །བྱིས་བའི་བློ་ཅན་མཚན་མར་འཛིན་པ་ཡིས། །འཇིག་རྟེན་དག་ན ་མེད་པའི་ཆོས་ལ་སྤྱོད་ཅེས་གསུངས་པ་དང། །ཐེག་པ་ཆེན་པོ་ཉི་ཤུ་པ་ལས་ཀྱང། །གང་ཚེ་སྒྱུ་མཁན་སྒྱུ་མ་ནི། སྤངས་ཤིང་ཉེ་བར་བསྡུས་པ་ན། དེ་ཚེ་ཅི་ཡང་མི་སྣང་སྟེ། །དེ་ནི་ཆོས་ཀྱི་ཆོས་ཉིད་དོ་ཞེས་གསུངས་པ་དང། བྱང་ཆུབ་ཀྱི་སེམས་བཤད་པ ་ལས་ཀྱང། །རྟོགས་པ་པོ་ཡིས་རྟོགས་བྱ་གང། །ཤེས་བྱ་མེད་པས་ཤེས་པ་མེད། །དེ་ལྟར་ཤེས་དང་ཤེས་བྱ་གང། །དངོས་པོ་མེད་པར་ཅིས་མི་འདོད། །རྟོགས་བྱ་རྟོགས་བྱེད་རྣམ་པར་སེམས། །དེ་བཞིན་གཤེགས་པས་མ་གཟིགས་སོ་ཞེས་པ ་ལ་སོགས་པ་གཞུང་སྣ་ཚོགས་ལས་གསུངས་པ་ཡིན་ནོ། །དེ་ལྟ་བས་ན་དེ་ཁོ་ན་མཐོང་བར་འདོད་པ་རྣམས་ཀྱིས་ཁོང་དུ་ཆུད་ཅིང་རྟོགས་པར་བྱ་བའི་ཡུལ་ཐམས་ཅད་ནི་བདེན་པ་གཉིས་སུ་འདུས་པ་ཁོ་ན་ཡིན་ནོ། །དེ་ཡང་བདེན་པ་གཉིས་རྣམ་པར ་བསྟན་པ་ལས། སངས་རྒྱས་རྣམས་ཀྱིས་ཆོས་བསྟན་པ། །བདེན་པ་གཉིས་ལ་ཡང་དག་གནས། །འཇིག་རྟེན་ཀུན་རྫོབ་བདེན་པ་དང། །དམ་པའི་དོན་གྱི་བདེན་པའོ་ཞེས་གསུངས་པ་ཡིན་ནོ། །དེ་ལྟར་བདེན་པ་གཉིས་ཀྱི་མཚན ་ཉིད་རྟོགས་ན་འབྲས་བུ་སྐུ་གསུམ་གྱི་རང་བཞིན་ལ་མངོན་པར་འདོད་པ་འབྱུང་བས་ཐམས་ཅད་མཁྱེན་པ་ཡོན་ཏན་གྱི་དབང་ཕྱུག་དང་ལྡན་པ་བདེན་པ་གཉིས་ཀྱི་རང་བཞིན་ཅན་བདེ་བ་ཆེན་པོའི་རྣམ་པ་ཆོས་ཐམས་ཅད་ཀྱི་སྐུ་སྟེ། བདེ་བ་ཆེན་པོའི ་སྐུ་ཞེས་རྣལ་འབྱོར་ཆེན་པོའི་གྲུབ་པའི་མཛའ་ལས་འདོད་དོ། །དེ་ཡང་ཇི་སྐད་དུ། རྣལ་འབྱོར་ཆེན་པོའི་བཤད་པའི་རྒྱུད་ལས། །དབང་ཕྱུག་བརྒྱད་ཀྱིས་བཅོམ་ལྡན་འདས། །བདེ་བ་ཆེན་པོའི་གནས་ན་བཞུགས་ཞེས་གསུངས་པ་དང། དཔལ ་གསང་བ་འདུས་པ་ལས་ཀྱང། སྔགས་ཀྱི་སྐྱེས་བུ་ཇི་སྙེད་པ། །རྡོ་རྗེ་གསུམ་གྱི་ཡེ་ཤེས་རྫོགས། །དབང་པོ་གཉིས་ཀྱི་སྦྱོར་བ་ཡིས། །དངོས་པོ་ཐམས་ཅད་བརྟག་པར་བྱ་ཞེས་གསུངས་པ་དང། གཞན་ཡང་བཤད་པའི་རྒྱུད་ལས། །ཡོན་ཏན ་བརྒྱད་དང་ཉེར་བར་ལྡན་པས། སེམས་ཅན་ཐམས་ཅད་རིག་འགྱུར་ཞིང། །འཇིག་རྟེན་ཁམས་ནི་མ་ལུས་པ། །བདག་ཉིད་ཡེ་ཤེས་ལུས་ཀྱི་རྒྱུ། །གཙོ་བོ་གང་དུ་རྒྱུ་བ་ཡི། །དེ་ཡི་ཁྱིམ་ནི་ནམ་མཁའ་ཉིད། །བདེ་བ་ཆེན་པོའི་ཏིང་འཛིན་གྱིས ་དེ་ཉིད་དུ་ནི་རྟག་ཏུ་དགྱེས་ཞེས་གསུངས་པ་དང། བདེ་མཆོག་འཁོར་ལོ་ལས་ཀྱང། །རྣལ་འབྱོར་ཐམས་ཅད་བཅོམ་ལྡན་འདས། །རྡོ་རྗེ་སེམས་དཔའ་དེ་བཞིན་གཤེགས། །ཁམས་གསུམ་པ་ནི་མ་ལུས་ཀུན། །དེ་ཡི་ཉེ་བར་ལོངས་སྤྱོད་ཉིད་ཅེས ་གསུངས་པ་དང། །ཡང་དེ་ཉིད་ལས། །ལྷ་དང་མི་ཡི་བདེ་བ་ནི། །བསྡུས་བྱས་རྡོ་རྗེ་འཛིན་པ་ཡི། །བཅུ་དྲུག་ཆར་ཡང་མི་ཕོད་དོ་ཞེས་བྱ་བ་ལ་སོགས་པ་གསུངས་པ་དང། དེ་ཁོ་ན་ཉིད་རིན་པོ་ཆེ་སྣང་བ་ལས་ཀྱང། །ལོངས་སྤྱོད་རྫོགས་པ་ཁ ་སྦྱོར་བདེ་ཆེན་རང་བཞིན་མེད། །སྙིང་རྗེས་ངེས་གང་རྒྱུན་མི་འཆད་པ་འགོག་པ་མེད། །ཡན་ལག་བདུན་པོ་ཉིད་དང་ལྡན་པའི་བསྒྲུབ་བྱ་འདི། །ཚད་མར་ཡོངས་བསྒོམས་བློ་ཡིས་སྔགས་པ་བདག་ཉིད་འདོད་ཅེས་གསུངས་པ་དང། གཞན་ཡང། ཆོས་སྐུ་བདེ ་བ་ཆེན་པོ་ནི། །སྐུ་གཉིས་ལ་ནི་ཁྱབ་པར་གནས་ཞེས་བྱ་བ་ལ་སོགས་བ་གསུངས་པ་ཡིན་ནོ། །དེ་ལ་ལོངས་སྤྱོད་རྫོགས་པའི་སྐུ་ནི་ཆོས་ཀྱི་སྐུ་དམིགས་པ་མེད་པའི་ཐུགས་རྗེ་ཆེན་པོའི་དབང་གིས་མཚན་སུམ་ཅུ་རྩ་གཉིས་དང། དཔེ་བྱད་བཟང་པོ ་བརྒྱད་ཅུས་རྣམ་པར་བརྒྱན་པ་སྣང་བར་གྱུར་པ་ཡིན་ནོ། །དེ་ཡང་རྡོ་རྗེ་རྩེ་མོ་ལས། ཐུབ་པའི་ངོ་བོ་ཉིད་སྐུ་ལས། །སླར་ཡང་ལོངས་སྤྱོད་རྫོགས་པར་འགྱུར། །ཞེས་གསུངས་པ་ཡིན་ནོ། །དེ་ནི་འོག་མིན་དུ་དབང་ཕྱུག་ཆེན་པོའི་གནས་ཞོའི་སྤྲི་ལྟ་བུར་གྱུར་པ ་སྙིང་པོ་བྱང་ཆུབ་ཏུ་མངོན་པར་བྱང་ཆུབ་པ་བསྟན་ནས་བྱང་ཆུབ་སེམས་དཔའ་ཆེན་པོ་ས་བཅུ་པ་རྣམས་ལ་ཆོས་ཀྱི་ལོངས་སྤྱོད་པར་མཛད་པ་ཡིན་ནོ། །དེ་ཡང་ཇི་སྐད་དུ་འདོད་པའི་ཁམས་དང་གཟུགས་མེད་དུ། །སངས་རྒྱས་རྣམ་པར་འཚང་མི་རྒྱ ་གཟུགས་ཀྱི་ཁམས་ཀྱི་འོག་མིན་དུ། །འདོད་ཆགས་བྲལ་ཁྱོད་འཚང་རྒྱའོ་ཞེས་གསུངས་པ་ཡིན་ནོ། །གཞན་ཡང་ཆོས་ཀྱི་སྐུ་དང། ལོངས་སྤྱོད་རྫོགས་པའི་སྐུ་ནི་བྱིན་གྱིས་བརླབས་ལས་བྱུང་བ། སྤྲུལ་པའི་སྐུས་ཀྱང་འདོད་པའི་ཁམས་སུ ་སངས་རྒྱས་པའི་ཚུལ་གྱིས་འགྲོ་བ་དང་རྗེས་སུ་མཐུན་པར་སྐུ་བསྟན་པ་ཡིན་ནོ། །དེ་ཡང་ཇི་སྐད་དུ། གཙང་མའི་གནས་ནི་རྣམ་སྤངས་ནས། །འོག་མིན་གནས་ནི་ཉམས་དགའ་བར། །ཡང་དག་སངས་རྒྱས་དེར་སངས་རྒྱས། །སྤྲུལ་པ་པོ་དག་འདིར ་སངས་རྒྱས་ཞེས་གསུངས་པ་ཡིན་ནོ། །སྤྲུལ་པའི་སྐུས་ཀྱང་འཁོར་བ་ཇི་སྲིད་མ་སྟོབས་ཀྱི་བར་དུ་འཇིག་རྟེན་གྱི་ཁམས་མཛའ་ཡས་བར་གདུལ་བྱ་རྣམས་ཀྱི་མོས་པ་དང། སྐལ་པ་ཇི་ལྟ་བ་བཞིན་དུ་སྤྲུལ་སྐུ་འདྲ་བ་དང་མི་འགྲོ་བ་དང། །ངེས་པ་དང་མ་ངེས་པ ་དང། རྟག་པ་དང་མི་རྟག་པས་དོན་མཛད་ཅིང་བཞུགས་པ་ཡིན་ནོ། །དེ་ཡང་ཇི་སྐད་དུ་རྡོ་རྗེ་དྲ་པ་ལས། །གང་དང་གང་གི་གཟུགས་ཀྱིས་ནི། །མི་རྣམས་ཡིད་ནི་འཇུག་འགྱུར་བ། །དེ་དང་དེ་ཡི་གཟུགས་ཀྱིས་ནི། །སྣ་ཚོགས ་ནོར་བུ་ཇི་བཞིན་ནོ་ཞེས་གསུངས་པ་ཡིན་ནོ། །དེ་ལྟར་ན་སྐུ་གསུམ་གྱིས་ལམ་ཐམས་ཅད་ཀྱི་འབྲས་བུར་གྱུར་པ་བསྡུས་པ་ཡིན་ཏེ། བདག་དང་གཞན་གྱི་དོན་ཕུན་སུམ་ཚོགས་པའི་རབ་ཀྱི་མཐར་ཐུག་པའི་ཕྱིར་རོ། །དེ་ཡང་ཇི་སྐད་དུ། ལུས་དང ་ངག་སེམས་རྣམ་དག་པས། །སྐུ་གསུམ་དུ་ནི་བསྟན་པ་ཡིན་ཞེས་གསུངས་པ་ཡིན་ནོ། །དེ་ལྟར་བདེན་པ་གཉིས་ཀྱི་མཚན་ཉིད་ཤེས་ཤིང་འབྲས་བུ་སྐུ་གསུམ་གྱི་སྤྱིའི་རང་བཞིན་རྟོགས་ན་དེ་ལ་མངོན་པར་འདུན་ཅིང་དེའི་ཐོབ་པའི་ཐབས་ལ ་འཇུག་པར་འགྱུར་རོ། །དེ་བས་ན་དེའི་རྒྱུར་གྱུར་པ་ནི་སྔགས་ཀྱི་ལམ་རྣམ་པ་གཉིས་སུ་འདོད་དེ། སྨིན་པར་བྱེད་པའི་ལམ་དང། གྲོལ་བར་བྱེད་པའི་ལམ་མོ། །སྨིན་པར་བྱེད་པའི་ལམ་ལ་ཡང་བཞི་སྟེ། བུམ་པའི་དབང་བསྐུར་བ་དང། གསང་བའི་དབང ་བསྐུར་བ་དང། ཤེས་རབ་ཡེ་ཤེས་ཀྱི་དབང་བསྐུར་བ་དང། བཞི་པའི་དབང་བསྐུར་བའོ། །དེ་ཡང་དཔལ་གསང་བ་འདུས་པའི་རྒྱུད་ཕྱི་མ་ལས། དབང་བསྐུར་བ་ལ་གསུམ་དུ་འབྱེད། །བུམ་པའི་དབང་ནི་དང་པོ་སྟེ། གསང་བའི་དབང་བསྐུར ་གཉིས་པ་ཡིན། །ཤེས་རབ་ཡེ་ཤེས་གསུམ་པ་སྟེ། དེ་ལྟར་དེ་བཞིན་བཞི་པ་ཡང་ཞེས་གསུངས་པ་ཡིན་ནོ། །ཡང་ན་དབང་བསྐུར་བ་ལ་གསུམ་དུ་འབྱེད་ཅེས་གསུངས་པའི་དགོངས་པ་ནི་བུམ་པའི་དབང་བསྐུར་བ་དང། གསང་བའི་དབང་དང། ་ཤེས་རབ་ཡེ་ཤེས་ཏེ་གསུམ་ཡིན་ནོ། །དེ་ཡང་ཇི་སྐད་དུ། བཞི་བརྒྱ་ལྔ་བཅུ་པའི་རྣམ་པར་བཤད་པ་ལས། ཆུ་དང་ཅོད་པན་རྡོ་རྗེ་བདག་པོ་དང། །མིང་ཞེས་བཏགས་དང་བུམ་པ་ཞེས་བྱ་བ། །གསང་བ་དང་ནི་ཤེས་རབ་ཡེ་ཤེས་ཏེ། དབང ་བསྐུར་རྣམ་པ་གསུམ་དུ་ཤེས་པར་བྱ། ཞེས་གསུངས་པ་ཡིན་ནོ། །དེའི་དོན་ནི་འདི་ཡིན་ཏེ། བྱང་ཆུབ་ཏུ་སེམས་བསྐྱེད་ཅིང་དམ་ཚིག་དང། དབང་བསྐུར་བ་ཐོབ་པར་མ་གྱུར་པས་ནི་དེ་ཁོ་ན་ཉིད་འབའ་ཞིག་ཙམ་ལ་འབད་ཅིང་ཕྱིན་ཅི་མ་ལོག ་པར་བསྒྲུབས་ཀྱང། འབྲས་བུ་མཆོག་འདོད་པ་བཞིན་དུ་འབྱུང་བར་མི་འགྱུར་རོ། །དེ་ཡང་ཇི་སྐད་དུ། དཀྱིལ་འཁོར་དུ་ནི་མ་ཞུགས་ཤིང། དབང་བསྐུར་ཡང་ནི་མ་ཐོབ་དང། གསང་བའི་དེ་ཉིད་མི་ཤེས་ལ། །བསྒྲུབས་ཀྱང་ཅི་ཡང་མི་འགྲུབ་པོ་ཞེས ་གསུངས་པ་ཡིན་ནོ། །དེ་ལྟར་དབང་བསྐུར་ཞིང། ཡོངས་སུ་སྨིན་པར་བྱས་ཀྱང་སྒྲུབ་པ་པོ་གྲོལ་བར་བྱེད་པ་བྱང་ཆུབ་ཀྱི་སེམས་འཕེལ་བར་བྱེད་པའི་སྣོད་དུ་མ་གྱུར་ན་འདོད་པ་བཞིན་དུ་འབྲས་བུ་འབྱུང་བ་མི་འགྱུར་རོ། །དེ་བས་ན་དད་པ་དང། བརྩོན་འགྲུས ་དང། ཐོས་པ་དང། སྦྱིན་པ་དང། སྡོམ་པ་ལ་སོགས་པ་ངེས་པར་བསྟེན་པར་བྱའོ། །དེ་ཡང་རྡོ་རྗེ་རྩེ་མོ་ལས། །བྱང་ཆུབ་སེམས་བསྐྱེད་གྱུར་ནས་ནི། །ལྷ་གཞན་ལ་ནི་མི་མོས་པར། །གསོད་དང་རྐུ་དང་འཁྲིག་པ་དང། ཆང་དང་བརྫུན་ནི་རྣམ་པར ་སྤངས། ཁྱིམ་པའི་ཚུལ་དུ་གནས་ནས་ནི། །རིག་སྔགས་རྒྱལ་པོ་བསྒྲུབ་པར་བྱ། །གལ་ཏེ་དེ་རབ་ཏུ་བྱུང་ན། སྡོམ་པ་གསུམ་ལ་གནས་པར་བྱ། །སོ་སོར་ཐར་དང་བྱང་ཆུབ་སེམས། །རིག་འཛིན་རང་གི་སྡོམ་པའོ་ཞེས་གསུངས་པ་དང། ཡང་དེ ་ཉིད་ལས། བྱང་ཆུབ་སེམས་ནི་མ་བསྐྱེད་ཅིང། །གང་གིས་བཀའ་སྩོལ་མི་ཉན་དང། །ཐེ་ཚོམ་ཡོད་པ་ཉིད་དང་ནི། །མ་དད་པས་ནི་མི་འགྲུབ་པོ་ཞེས་གསུངས་པ་དང། གཞན་ཡང་སྒྱུ་འཕྲུལ་དྲ་བ་ལས། །བརྟན་ཞིང་དུལ་ལ་བློ་གྲོས་ལྡན། ་བཟོད་ལྡན་དང་ལ་གཡོ་སྒྱུ་མེད། །སྔགས་དང་རྒྱུད་ཀྱི་སྦྱོར་བ་དང། །དེ་ཉིད་བཅུ་ནི་ཡོངས་སུ་ཤེས། །དཀྱིལ་འཁོར་བྲི་བའི་ལས་ལ་མཁས། །འདི་ནི་སློབ་དཔོན་ཡིན་ཞེས་བྱ། །དེ་ཡིས་བསྟན་པའི་གསང་སྔགས་རྣམས། །འགྲུབ་འགྱུར་འདི ་ལ་ཐེ་ཚོམ་མེད་ཅེས་གསུངས་པས་ན་སློབ་མའང་ཡོན་ཏན་དེ་ལྟ་བུ་འམ། ཅུང་ཟད་དམན་པས་གསོལ་བ་བཏབ་ན། ཐར་རྒྱལ་འདོད་པས་བསྟན་པར་བྱའི། །གཞན་དུ་སློབ་དཔོན་སློབ་མ་དག་།གཉིས་ཀ་ཉམས་པ་ཉིད་དུ་འགྱུར ་ཞེས་གསུངས་པ་དང། གཤིན་རྗེ་ནག་པོའི་རྒྱུད་ལས་ཀྱང། བརྟན་ཞིང་དུལ་ལ་སྙིང་རྗེ་གཅིག་པུ་སེམས། །དད་ལྡན་ལྷག་པའི་བསམ་པས་བཟོད་པ་འཛིན། །སློབ་མ་བླ་མ་ལ་ནི་གུས་པ་དང། །དད་པས་གཤིན་རྗེ་གཤེད་ལ་གུས་པ་དང། ་བརྟུལ་ཞུགས་ལྡན་ཞིང་ཡོངས་སུ་སྨིན་པ་ཡིན་ཞེས་གསུངས་པ་ཡིན་ནོ། །དེ་ལྟ་བས་ན་ལུང་དང་མན་ངག་ཇི་ལྟ་བུ་བཞིན་དུ་བསྒྲུབ་པར་བྱ་བའི་དོན་ལ་ཐེ་ཚོམ་རྣམ་པར་བསལ་ཏེ་འཇུག་པར་བྱའི་སྒྲ་ཇི་བཞིན་པ་ལ་བརྟེན་ནས་རང་དགར་གྱུར ་པས་སྲོག་གཅོད་པ་ལ་སོགས་པ་བསྟེན་པས་ནི་འབྲས་བུ་མཐོ་རིས་ཀྱང་འབྱུང་བར་མི་འགྱུར་ན་ཐར་པ་ལྟ་སྨོས་ཀྱང་ཅི་དགོས་ཏེ། བདག་དང་གཞན་ལ་ཕན་པར་འདོད་པ་རྣམས་ཀྱིས་ལུང་གི་དོན་ལ་གུས་པ་ཙམ་གྱིས་འཇུག་པར་མི་བྱའོ། །དེ་ཡང ་བཅོམ་ལྡན་འདས་ཀྱིས་དགོངས་པ་ལུང་བསྟན་པ་ལས། གསང་བའི་བདག་པོ་དོན་རྒྱས་པའི། །ཚུལ་ཆེན་འདི་ནི་རྙེད་གྱུར་ནས། །ཇི་བཞིན་དོན་ནི་རྙེད་གཟུང་ན། །དེས་ན་ལམ་ངན་དག་ཏུ་ལྟུང་ཞེས་གསུངས་པ་དང། ཡང་དེ་ཉིད་ལས། ་གང་གིས་ཕུང་སོགས་དངོས་མེད་པར། །ཞི་གནས་ལས་བྱུང་སེམས་ཀྱིས་བྱ། །དེ་ནི་སྲོག་གཅོད་བྱ་བ་སྟེ། །ཐེག་པ་མཆོག་ལ་གནས་པ་ཡིན། །ནང་དང་དེ་བཞིན་ཕྱི་རོལ་དག་།རྟེན་འབྱུང་གཉིས་སུ་སྟོན་པ་ཡིན། །དེ་ནི་བརྫུན་སྨྲ་དགའ་བ་སྟེ། ་གནས་མེད་ལ་གནས་རྣལ་འབྱོར་པའོ། །རྫོགས་སངས་རྒྱས་ཀྱི་ཡེ་ཤེས་གང། །དེ་ནི་རྗེས་སུ་ཤེས་བྱ་སྟེ། །དེ་འཕྲོག་དང་ཚུལ་གང་ཡིན་པ། །གཞན་གྱི་ནོར་ལ་ཆགས་པར་འདོད། །དེ་བཞིན་ཉིད་ལ་རྟག་སྦྱོར་བ། སེམས་ཅན་དེ་ནི་འདོད་ལ་དགའ་། །སྒྲུབ ་པ་མཆོག་ལ་དམ་པར་འགྱུར་ཞེས་གསུངས་པ་དང། དཔལ་འཁོར་ལོ་སྡོམ་པ་ལས་ཀྱང། མཁར་གསིལ་ཆོས་གོས་ལྷུང་བཟེད་དང། །ཆུ་ཚགས་སྦྱངས་པའི་ཡོན་ཏན་གྱིས། །ཡན་ལག་ལུང་བཞིན་མི་སྤོང་སྟེ། །ལུང་མ་རྟོགས་པར་རྣལ་འབྱོར་པར། ། ་སངས་རྒྱས་མུ་སྟེགས་ཅན་དུ་འགྱུར་ཞེས་བྱ་བ་ལ་སོགས་པ་གསུངས་པ་དང། མངོན་པར་བྱང་ཆུབ་པའི་རྒྱུད་ལས། །རྡོ་རྗེ་ཐེག་པར་མཁས་འཆེ་ཞིང། །མཉམ་པའི་དོན་ཉིད་མི་ཤེས་པར། །གསང་སྔགས་དམ་ཚིག་མཉམ་ཟེར་ཞིང། །ཐུགས ་ཐུབ་དག་ཏུ་སྤྱད་བྱས་ན། །དམྱལ་ཁམས་དག་ཏུ་བརྒྱུད་པར་འགྱུར་ཞེས་བྱ་བ་ལ་སོགས་པ་གསུངས་པ་ཡིན་ནོ། །དེ་ལྟ་བས་ན་དམ་ཚིག་དང་དབང་བསྐུར་བ་ཐོབ་ཅིང། །སྙིང་རྗེ་ཆེན་པོས་རྒྱུད་བརླན་པ། །མཆོག་གི་བྱང་ཆུབ་ཀྱི་སེམས་ལ་གནས་ཤིང། ་དྲང་བ་དང་ངེས་པའི་དོན་གྱི་བྱེ་བྲག་ཤེས་པ། དེ་ཁོ་ནའི་དོན་ལ་བརྩོན་འགྲུས་འབར་བ་དང་ལྡན་པ་རྣམས་ནི་ཐེག་པ་ཆེན་པོ་འདིའི་སྣོད་ཡིན་ནོ། །དེ་ཡང་ཇི་སྐད་དུ། དགོས་པ་སྒྲུབ་ལ་མཁས་རྣམས་སྲན་ཐུབ་པས། །དཀའ་བ་རྣམས་ཀྱང་དཀའ་བ ་མེད་པར་དགའ་ཞེས་གསུངས་པ་ལྟ་བུའོ། །དེ་ལྟར་ཡོངས་སུ་སྨིན་ཅིང་སྣོད་དུ་གྱུར་པས་ནི་གྲོལ་ལམ་སྟེ་རྣལ་འབྱོར་ལ་མངོན་པར་བརྩོན་པར་བྱའི་ཏིང་ངེ་འཛིན་གྱི་གེགས་སུ་གྱུར་བ་རྣམ་པར་གཡེང་བ་སྣ་ཚོགས་བདུད་ཀྱི་སྤྱོད་ཡུལ་གྱིས་ཡིད་མགུ ་བ་རྣམས་ཀྱིས་ནི་ཚོགས་ཙམ་བསགས་པར་འགྱུར་གྱི་མཆོག་གི་དངོས་གྲུབ་ལ་སོགས་པའི་འབྲས་བུ་འདོད་པ་བཞིན་དུ་འབྱུང་བར་མི་འགྱུར་རོ། །དེ་ཡང་བཞི་བརྒྱ་ལྔ་བཅུ་པ་ལས། ཐོས་པ་ཙམ་གྱིས་སངས་མི་རྒྱ། །འཇུག་ཙམ་གྱིས་ཀྱང་མ་ཡིན་ཏེ། ་ཇི་སྲིད་བསམས་པར་གྱུར་པ་དང། །བསྒོམ་པ་ཉིད་ཀྱིས་འགག་པར་འགྱུར་ཞེས་གསུངས་པ་དང། གཞན་ཡང། དེ་ལྟར་རྟོགས་པའི་སྙིང་རྗེར་ལྡན་པའི་བདག་།ཡེ་ཤེས་བསམ་ཡས་སྐད་ཅིག་གིས་བསྒྲུབས་པ། དཔལ་ལྡན་ཀུན་ཏུ་བཟང་པོའི་རང་བཞིན ་གྱི། །ངོ་བོ་སུ་ཞིག་ངེས་པར་བསྒོམ་མི་བྱེད་ཅེས་གསུངས་པ་ཡིན་ནོ། །སྡོང་པོ་བརྒྱན་པ་ལས་ཀྱང། །ཡང་དག་སངས་རྒྱས་བསྟན་པ་འདི། །ཐོས་པ་ཙམ་གྱིས་མི་འགྲུབ་པོ། །ལ་ལ་སྟོབས་མེད་ཆུ་ཀླུང་གིས། །ནན་གྱིས་ཁྱེད་པར ་གྱུར་པ་དག་།སྐོམ་ཞིང་ཤི་བར་གྱུར་བ་བཞིན། །མ་བསྒོམས་ཆོས་ཀྱང་དེ་བཞིན་ནོ། །ཇི་ལྟར་འགྲོ་བ་མང་པོ་ལ། །ཟས་དང་སྐོམ་དག་བྱིན་བྱས་ཀྱང། །བདག་ཉིད་བཀྲེས་པས་ཤི་བ་ལྟར། །དེ་བཞིན་ཆོས་ལ་མ་བསྒོམས་པའོ། །ཇི་ལྟར་སྨན་པ་ལ ་མ་ཞིག་།སྨན་རྣམས་ཐ་དད་གཏོད་བཞིན་དུ། །ལྟོའི་ནད་ཀྱིས་ཤི་བ་བཞིན། །ཆོས་ལ་མ་བསྒོམས་དེ་བཞིན་ནོ། །ཇི་ལྟར་དབྱིག་གི་མཛོད་དག་ཏུ། །རིན་ཆེན་མང་པོ་འབྲང་བྱེད་ཀྱང། །ནམ་ཕྱེད་ཙམ་ཡང་མི་འཐོང་བ། །ཆོས་ལ་མ་བསྒོམས་དེ་བཞིན་ནོ། ། ་ཇི་ལྟར་བདེ་བ་ཀུན་ལྡན་པའི། །རྒྱལ་པོའི་ཕོ་བྲང་འཁོར་སྐྱེས་ཀྱང། །ཟས་དང་སྐོམ་དག་མི་བདོག་པ། །དེ་བཞིན་ཆོས་ལ་མ་བསྒོམས་པའོ། །ཇི་ལྟར་འོན་པ་རོལ་མོ་ཡི། །སིལ་སྙན་སྒྲ་ལ་མཁས་པ་ཞིག་།གཞན་དག་དེ་ཡིས་དགའ་བྱེད་པ། །ཆོས་ལ་མ་བསྒོམས ་དེ་བཞིན་ནོ། །ཇི་ལྟར་དམུན་ལོང་རི་མོ་མཁན། །ཚོང་དུས་དབུས་སུ་འདྲིར་བཅུག་ཀྱང། བདག་ཉིད་ཀྱིས་ནི་མི་མཐོང་བ། །མ་བསྒོམས་ཆོས་ཀྱང་དེ་བཞིན་ནོ། །ཇི་ལྟར་མཚོ་ཆེན་མཉན་པ་ཞིག་།སྐྱེ་བོ་མང་པོ་སྒྲོལ་བྱེད་ཀྱང། བདག་ཉིད་དེའི་ནང་འཆི་བ། །ཆོས ་ལ་མ་བསྒོམས་དེ་བཞིན་ནོ་ཞེས་བྱ་བ་ལ་སོགས་པ་གསུངས་པ་དང། སྣང་བའི་ཕྲེང་བ་ལས་ཀྱང། །རྟག་ཏུ་བརྩོན་འགྲུས་ལྡན་པ་ཡིས། །འདི་ལྟར་ལམ་གྱི་རྗེས་འཇུག་ན། །རིང་པོར་མི་ཐོགས་ཆོས་ཀུན་ནི། །སྟོང་པ་ཉིད་དུ་རྟོགས་པར་འགྱུར། །ཆོས་ཀྱི ་ཆོས་ཉིད་ཐོབ་པའི་ཕྱིར། །ཡོངས་སུ་མ་བསྒོམས་པས་མི་འགྱུར། །ཆུམ་འཐུངས་པས་ཐོས་པ་དང། །མཐོང་བས་སྐོམ་པ་སེལ་འགྱུར་རམ་ཞེས་གསུངས་པ་ཡིན་ནོ། །དེ་ལ་གྲོལ་བའི་ལམ་ལ་ཡང་གཉིས་ཏེ། བསྐྱེད་པ་དང་རྫོགས་པའི་རིམ་པའོ།། ་དེ་ཡང་གསང་བ་འདུས་པའི་རྒྱུད་ཕྱི་མ་ལས། སངས་རྒྱས་རྣམས་ཀྱིས་ཆོས་བསྟན་པ། །རིམ་པ་གཉིས་ལ་ཡང་དག་གནས། །བསྐྱེད་པ་ཡི་ནི་རིམ་པ་དང། རྫོགས་པའི་རིམ་པ་ཉིད་ཡིན་ནོ་ཞེས་གསུངས་པ་ཡིན་ནོ། །དེ་དག་ཀྱང་སྒྲུབ་པ་པོ་རྣམས་ཀྱི་རྣལ་འབྱོར་གྱི་བྱེ་བྲག ་གིས་རིམ་གྱི་ས་གོང་ནས་གོང་དུ་སེམས་སྦྱད་པར་བྱའི་ཅིག་ཅར་ནི་མ་ཡིན་ནོ། །དེ་ལ་ཤེས་རབ་ཀྱི་རྒྱུད་ཀྱི་མན་ངག་གི་རིམ་པ་ནི་སྔོན་གྱི་སློབ་དཔོན་དུ་མའི་དགོངས་པ་ཐ་དད་པར་འདོད་དོ། །དེ་ཡང་སློབ་དཔོན་ཁ་ཅིག་གིས་ནི་འདི་སྐད་དུ་བསྐྱེད་པའི་རིམ ་པ་དང། རང་ལ་བྱིན་གྱིས་བརླབ་པའི་རིམ་པ་དང། བསམ་གྱིས་མི་ཁྱབ་པའི་རིམ་པ་ཞེས་བྱ་བ་གསུམ་དུ་གཞག་པ་ཡིན་ནོ། །ཁ་ཅིག་གིས་རྒྱུད་ཀྱི་རིམ་པ་ཞེས་བྱ་བ་ལ་སོགས་པ་འམ། རྣམ་པ་གཞན་དུ་འདོད་པ་ཡིན་ནོ། །རྣལ་འབྱོར་ཐབས་ཀྱི་རྒྱུད་ཀྱི་རིམ་པ་ལ ་ཡང་སྔོན་གྱི་སློབ་དཔོན་དུ་མའི་མན་ངག་གིས་རིམ་པ་ཐ་དད་པ་གསུངས་སོ། །དེ་ཡང་ཁ་ཅིག་གིས་ནི་སངས་རྒྱས་ཀྱི་ཐེག་པ་ལ་བསླབ་པ་དང། ཐེག་པ་གསར་ལ་དྲན་པ་གཅིག་པའི་ཏིང་ངེ་འཛིན་དང། རྟོག་པའི་རྣལ་འབྱོར་དང། ལུས་རྣམ་པར ་དབེན་པ་དང། ངག་རྣམ་པར་དབེན་པ་དང། སེམས་རྣམ་པར་དབེན་པ་དང། ཀུན་རྫོབ་ཀྱི་བདེན་པ་དང། དོན་དམ་པའི་བདེན་པ་དང། ཟུང་དུ་འཇུག་པའི་རིམ་པ་སྟེ་རྣམ་པ་དགུར་གསུངས་པ་ཡིན་ནོ། །གཞན་དག་གིས་ནི་ལས་དང་པོ་དང་ཡེ་ཤེས་ཅུང་ཟད ་དབང་བ་ཞེས་བྱ་ལ་སོགས་པས་བསྐྱེད་པ་དང། །རྫོགས་པའི་རིམ་པ་རྣམ་པ་གཞན་དུ་གསུངས་པ་ཡིན་ནོ། །ཁ་ཅིག་གིས་ནི་རིམ་པ་བཞི་ལ་སོགས་པ་རྣམ་པ་དུ་མར་གསུངས་ཏེ། རིམ་གྱིས་བསླབ་པར་བཞེད་པ་ཡིན་ནོ། །དེ་ཡང་སྣང་བའི ་བྲེང་བ་ལས། །སེམས་ཅན་དང་པོའི་ལས་ཅན་རྣམས། །དམ་པའི་དོན་ལ་འཇུག་པའི་ཕྱིར། །ཐབས་འདི་རྫོགས་པའི་སངས་རྒྱས་ཀྱིས། །སྐས་ཀྱི་རིམ་པ་དུ་མར་གསུངས་ཞེས་བཤད་པ་ཡིན་ནོ། །དེ་ལྟར་སྒྲུབ་པ་ལ་གནས་པ་དེ་དག་ཀྱང་ཡང ་དག་པའི་ལྟ་བ་སྟེ། ཕྱིན་ཅི་མ་ལོག་པའི་བློ་མངོན་དུ་འགྲོ་བར་བྱའོ། །དེ་ཡང་ཇི་སྐད་དུ་ལྷ་མོ་བཞིས་ཞུས་པ་ལས། བསྐལ་པ་བྱེ་བ་བརྒྱར་ཡང་ནི། །དེ་ཉིད་བྲལ་བས་འགྲུབ་མི་འགྱུར་ཞེས་གསུངས་པ་ཡིན་ནོ། །དེ་ལ་ལྟ་བ་ནི ་སྡོད?་ཡུལ་བཤད་པའི་སྐབས་སུ་བདེན་པ་གཉིས་མདོར་བསྟན་པ་ཡིན་ནོ། །ལྷག་མ་ནི་མན་ངག་ལས་ཇི་ལྟ་བ་བཞིན་དུ་ཁོང་དུ་ཆུད་པར་བྱེད་དེ། ཕྱག་རྒྱ་ཆེན་པོའི་དངོས་གྲུབ་ཀྱི་རྒྱུའི་གཙོ་བོ་ཡིན་པའི་ཕྱིར་རོ། །དེ་ཡང་དེ་ཁོ་ན་ཉིད་བསྡུས་པ་ལས། ་ལྟ་བ་ངན་ཅིང་ཆགས་མེད་ལ། །གསང་བ་འདི་ནི་མི་རིགས་སོ་ཞེས་གསུངས་པ་ཡིན་ནོ། །དེ་དག་ཀྱང་བརྟུལ་ཞུགས་ཀྱི་རང་བཞིན་སྔགས་ཀྱི་སྤྱོད་པ་དང་ལྡན་པ་དེ་ཁོ་ན་ཉིད་མཐོང་ཞིང་འདོད་པ་བཞིན་དུ་དངོས་གྲུབ་མཆོག་ཏུ་འབྱུང་བར་འགྱུར་རོ། །དེ་ཡང ་ཇི་སྐད་དུ་མངོན་པར་བྱང་ཆུབ་པ་ལས། ཚུལ་ཁྲིམས་ཟིན་པའི་ལྟ་སྤྱོད་རྣམ་གཉིས་ནི། །ལག་མཐིལ་བསྙལ་ནས་འདག་པ་ཇི་བཞིན་དུ། །གཅིག་གིས་གཅིག་དག་དྲིན་པ་རྣམ་གཉིས་དང། །ལྡན་ན་བྱང་ཆུབ་འཐོབ་པར་རྒྱལ་བས་གསུངས།། ་སྤྱོད་པ་ལྟ་བྲལ་འདྲམ་གྱི་བླང་ཆེན་འདྲ་ཞེས་གསུངས་པ་དང། གཞན་ཡང་གསང་བ་འདུས་པ་ལས། །སྔགས་ཀྱི་སྤྱོད་མཆོག་སྤྱོད་པ་རྣམས། །ཆོས་ཀྱི་ཡི་གེ་མཆོག་བརྙེས་སོ་ཞེས་གསུངས་པ་ཡིན་ནོ། །དེ་ལ་སྔགས་ཀྱི་སྤྱོད་པ་ནི་མདོར་བསྡུ་ན་རྣམ ་པ་གཉིས་ཏེ། ཀུན་ཏུ་སྤྱོད་པ་དང། སྔགས་ཀྱི་སྤྱོད་པའོ། །དེ་ཡང་བླ་མའི་ལུང་ལས་ཤེས་པར་བྱ་བའི་སྤྱོད་པའི་དབྱེ་བ་རྣམ་པ་དུ་མའི་གཞུང་སྣང་བས་འདིར་བསྡུ་བ་མ་བྱས་པ་ཡིན་ནོ། །དེ་ཡང་སྤྲོས་བཅས་ལ་སོགས་སྤྱོད་པ་ཡིས། །རྣལ་འབྱོར་པ་ནི ་འདིར་སློབ་པོ་ཞེས་གསུངས་པ་ཡིན་ནོ། །གཞན་ཡང་སྤྱོད་པ་དང་རྗེས་སུ་འབྲེལ་པའི་དམ་ཚིག་དང། སྡོམ་པ་དག་ཀྱང་ལྷག་པའི་ཚུལ་ཁྲིམས་ཡིན་པས་དངོས་གྲུབ་ཐམས་ཅད་ཀྱི་ཡན་ལག་ཏུ་གྱུར་པ་ཡིན་ནོ། །དེ་ནི་སྡོམ་པའི་ཚུལ་ཁྲིམས་དང། ་དགེ་བའི་ཆོས་སྡུས་པའི་ཚུལ་ཁྲིམས་དང། སེམས་ཅན་གྱི་དོན་བྱེད་པའི་ཚུལ་ཁྲིམས་དང་རྣམ་པ་གསུམ་དུ་འདུས་པ་ཡིན་ནོ། །དེ་ཡང་ཇི་སྐད་དུ། ཚུལ་ཁྲིམས་ཀྱི་ནི་བསླབ་པ་དང། དགེ་བའི་ཆོས་ནི་སྡུད་པ་དང། །སེམས་ཅན་དོན་བྱེད་ཚུལ་ཁྲིམས ་གསུམ། །བདག་གིས་བརྟན་པོར་གཟུང་བར་གྱི་ཞེས་གསུངས་པ་ཡིན་ནོ། །དེ་དག་ཀྱང་ཐོག་མར་ཉེས་པ་འབྱུང་བའི་གཞི་དང། ཉེས་པ་ལྕི་བ་དང། ཡང་བའི་བྱེ་བྲག་དང། ཉེས་པ་ཕྱིར་བཅོས་པའི་ཐབས་ལ་མཁས་པ་ཆེན་པོ་དང། འབྲིང་དང། ་ཆུང་ངུའི་དབྱེ་བ་ཡིས་ཤེས་བཞིན་དང་ལྡན་པས་བསྲུང་བ་ལ་མངོན་པར་བརྩོན་པར་བྱའོ། །དེ་ཡང་དཔལ་འཁོར་ལོ་སྡོམ་པ་ལས། ཤིན་ཏུ་མཉམ་བཞག་སྒྲུབ་པ་པོས། །རྟག་ཏུ་དམ་ཚིག་བརྐྱང་པར་བྱ། །དམ་ཚིག་ཉམས་པས་དཀྱིལ་འཁོར ་དུ། །དབང་བསྐུར་དངོས་གྲུབ་ཐོབ་མི་འགྱུར་ཞེས་གསུངས་པ་ཡིན་ནོ། །དེ་ཡང་སྔར་སྣོད་དུ་རུང་བར་བྱ་བའི་ཕྱིར་སྐབས་སུ་གནང་བ་དང། བཀག་པའི་དགོངས་པ་དང་བཅས་པར་བཤད་པ་ཡིན་ནོ། །དེ་ལ་དམ་ཚིག་ནི་མདོར་བསྡུ་ན་ཆགས་པ་རྣམ་པ ་གསུམ་སྟེ། དད་པས་ལྷ་ལ་ཆགས་པ་དང། གུས་པས་སློབ་དཔོན་ལ་ཆགས་པ་དང། སྙིང་རྗེས་སེམས་ཅན་ལ་ཆགས་པ་ཡིན་ནོ། །དེ་ཡང་ལྷའི་རྣལ་འབྱོར་ནི་རྣམ་པ་གཉིས་ཏེ། ཟབ་པ་དང་རྒྱ་ཆེ་བའི་སྐུར་གྲགས་པ་ཡིན་ནོ། །དེ་ལ་ཟབ་པ་སྟེ་སྤྲོས་པའི ་མཛའ་ཐམས་ཅད་སྤངས་པའི་ཏིང་ངེ་འཛིན་གྱིས་ནི་དེ་ཁོ་ནའི་དོན་ཕྱིན་ཅི་མ་ལོག་པར་མྱུར་དུ་འདོད་པ་བཞིན་དུ་མཐོང་བར་འགྱུར་གྱི་གཞན་དུ་ནི་མ་ཡིན་ནོ། །དེ་ཡང་ཐམས་ཅད་གསང་བའི་རྒྱུད་ལས། འབྲས་བུ་རྒྱུས་ནི་རྒྱས་བཏབ་ཅིང། ། ་རྒྱུ་ཡང་འབྲས་བུས་རྒྱས་བཏབ་བར། །བསྒོམ་གྱི་གཞན་ན་དངོས་གྲུབ་ནི། །བསྐལ་པ་བྱེ་བར་འབྱུང་མི་འགྱུར་ཞེས་གསུངས་པ་དང། རྟོག་པ་ཀུན་ལས་བཏུས་པ་ལས་ཀྱང། །དག་པའི་སེམས་ནི་བཟུང་འགྱུར་ནས། །རྡོ་རྗེའི་ལུས་ནི་རྣམ་བསྒོམས ་བརྟན་ལུས་ཁོང་སྟོང་མ་ཡིན་པས། །རྡོ་རྗེའི་སྐུ་ནི་དེས་ཐོབ་འགྱུར་ཞེས་གསུངས་པ་དང། བྱང་ཆུབ་སེམས་བཤད་པ་ལས། གང་གིས་སྟོང་ཉིད་མི་ཤེས་པ། །དེ་ཡིས་ཐར་པའི་སྐལ་ཅན་མིན། །རྨོངས་པ་དེ་ནི་འགྲོ་དྲུག་གིས།། ་སྲིད་པའི་བཙོན་ར་འདིར་འཁྱམ་འགྱུར་ཞེས་བྱ་བ་ལ་སོགས་པ་གསུངས་པ་ཡིན་ནོ། །དེ་ལ་རྒྱ་ཆེ་བ་བསྒོམས་པས་ནི་ཐ་མལ་པའི་འདུ་ཤེས་འགོག་པར་འགྱུར་ཞིང། །རྣམ་པར་གྲོལ་བ་དང་རྗེས་སུ་མཐུན་པར་བྱིན་གྱིས་བརླབས་ཡིན་ནོ། དེ་ཡང་ཀུན་ཏུ་བཟང་པོ ་སྒྲུབ་པའི་ཐབས་ལས། ཐ་མལ་རྣམ་རྟོག་རྒྱུན་ལས་གཞན་པ་ཡི། །སྲིད་པའི་སྡུག་བསྔལ་གཞན་དག་ཡོད་མ་ཡིན་ཞེས་གསུངས་པ་དང། དཔལ་གསང་བ་འདུས་པ་ལས་ཀྱང། །སྐུ་གསུང་ཐུགས་ཀྱི་རྡོ་རྗེ་རྣམས། །ལུས་དང་ངག་སེམས་བསྒོམ ་པ་ནི། །བྱང་ཆུབ་ཐམས་ཅད་ཐོབ་པའི་ཕྱིར། །ཡེ་ཤེས་རྡོ་རྗེ་དག་གིས་བྱ་ཞེས་གསུངས་པ་དང། ཡང་དེ་ཉིད་ལས། མདོར་ན་ཕུན་པོ་ལྔ་རྣམས་ནི། །སངས་རྒྱས་ལྔར་ནི་རབ་ཏུ་གྲགས། །རྡོ་རྗེ་སྐྱེ་མཆེད་ཉིད་དག་ནི། །བྱང་ཆུབ་སེམས་དཔའ་དཀྱིལ ་འཁོར་མཆོག་།ས་ནི་སྤྱན་ཞེས་བྱ་བར་གྲགས། །ཆུའི་ཁམས་ནི་མཱ་མ་ཀཱི། གོས་དཀར་མོ་དང་སྒྲོལ་མ་ནི། །མེད་དང་རླུང་ཞེས་བྱ་བར་གྲགས། །གཟུགས་སྒྲ་ལ་སོགས་སྔགས་པ་ཡིས། །ལྷ་ཉིད་དུ་ནི་རྣམ་པར་བསྒོམ་ཞེས་གསུངས་པ་དང། དཔལ ་སངས་རྒྱས་ཐམས་ཅད་དང་མཉམ་སྦྱོར་བ་ལས་ཀྱང། བདག་ཉིད་སངས་རྒྱས་ཐམས་ཅད་དང། །དཔའ་བོ་ཐམས་ཅད་བདག་ཡིན་ནོ། །དེ་བས་བདག་ཉིད་ལྷར་སྦྱོར་བས། །བདག་ཉིད་རབ་ཏུ་བསྒྲུབ་པར་བྱ་ཞེས་གསུངས་པ་དང། དགྱེས་པའི་རྡོ་རྗེ ་ལས་ཀྱང། །ཐ་མལ་རྣམ་རྟོག་གཉེན་པོའི་ཚུལ། །སངས་རྒྱས་སྐུར་ནི་ཡོངས་བརྟགས་པ། །ལྷའི་སྐུ་ནི་གོམས་བྱས་ན། །དེས་ནི་སྣ་ཚོགས་རྒྱ་ཆེན་འགྲུབ་ཅེས་གསུངས་པ་དང། དཔའ་བོ་གཅིག་ཏུ་གྲུབ་པ་ལས་ཀྱང། ལྷ་ཉིད་གསང་སྔགས ་ཚུལ་ནི། །དངོས་གྲུབ་ཐམས་ཅད་སྩོལ་མཛད་པས། །སྔགས་པ་ལྔ་ཉིད་བསྒོམས་ནས་ནི། །དེ་གྲུབ་ན་ནི་དེ་འགྲུབ་འགྱུར། །རིམ་པ་འདི་ཡིས་འདི་ལ་ནི། །ས་ལ་སོགས་པའི་ཐོབ་བོ་ཀྱི་ཞེས་གསུངས་པ་དང། གཞན་ཡང་རྡོ་རྗེ་སེམས་དཔའ་ལ་སོགས་པ། ལྷ ་རྣམས་མངོན་དུ་མཐོང་བ་ལས། །བསོད་ནམས་རྟག་པ་ཛི་ལྟ་བ། །ཕྱིས་བྱས་པ་ཡང་དེ་བཞིན་ནོ་ཞེས་བྱ་བ་ལ་སོགས་པ་གསུངས་པ་ཡིན་ནོ། །དེ་ལ་གུས་པས་སློབ་དཔོན་ལ་ཆགས་པར་བྱ་བ་ནི་སྐྱབས་གསུམ་ཡོངས་སུ་བཟུང་བའི་རྩ་བ་ཡིན་ཏེ། དངོས ་གྲུབ་ཐམས་ཅད་ནི་གནས་སྐབས་གསུམ་དུ། སློབ་དཔོན་ལ་རག་ལས་པར་གྱུར་པའི་ཕྱིར་རོ། །དེ་ཡང་ཡེ་ཤེས་གྲུབ་པ་ལས། །བླ་མ་སངས་རྒྱས་ཆོས་གྱུར་ཅིང། དགེ་འདུན་ཡང་ནི་དེ་ཉིད་དེ། འདིའི་དྲིན་གྱིས་ཤེས་གྱུར་པས། །དེ་བས་དཀོན་མཆོག་གསུམ ་ཡིན་ནོ་ཞེས་གསུངས་པ་དང། གཞན་ཡང་སྒྱུ་འཕྲུལ་དྲ་བ་ལས། །སློབ་དཔོན་ཅི་འདྲ་བར་ལྟ་ཞེ་ན། བླ་མ་སངས་རྒྱས་ཀུན་དང་མཉམ། །དེ་ཡིས་རྟག་ཏུ་རྡོ་རྗེ་འཚང། །དེ་བཞིན་གཤེགས་པ་རིན་ཆེན་ཏོག་།དེ་ནི་ཡེ་ཤེས་རྒྱ་མཚོ་ཆེ། །ཡིད་བཞིན ་ནོར་བུ་རིན་ཆེན་སྦྱིན། །སློབ་དཔོན་གྱི་ས་ནི་ཡོན་ཏན་བཟུང། །སྐྱོན་རྣམས་ནམ་ཡང་མ་ཡིན་ནོ། །ཡོན་ཏན་གྱིས་ནི་དངོས་གྲུབ་ཅིང། །སྐྱོན་རྣམས་ཀྱིས་ནི་དངོས་གྲུབ་ཉམས། །དེ་ཕྱིར་ཀུན་ནས་རབ་བསྒྲིམས་ཏེ། བསམ་ཡས་འབྲས་བུ་སྨིན་བྱེད ་པ། སངས་རྒྱས་འབྲས་བུ་འདོད་པ་ཡིས། །སེམས་ཅན་དད་པས་དེ་མཆོད་ཅིང་ཞེས་གསུངས་པ་དང། གཞན་ཡང་རྒྱུད་ཐམས་ཅད་ཀྱི་དགོངས་པ་བསྡུས་པ་བླ་མ་ལྔ་བཅུ་པ་ལ་སོགས་པར་གསུངས་པ་ཡིན་ནོ། །དེ་ལ་སྙིང་རྗེས་སེམས་ཅན་ལ་ཆགས ་པར་བྱ་བ་ནི། །ཐེག་པ་ཆེན་པོའི་དོན་ལ་ཞུགས་པ་རྣམས་ཀྱི་ཐབས་ཀྱི་མཆོག་ཏུ་གསུངས་པ་ཡིན་ནོ། །དེ་ཡང་མངོན་པར་བྱང་ཆུབ་པ་ལས་སྙིང་རྗེ་ནི་རྩ་བ་ཡིན་ནོ། །ཞེས་གསུངས་པ་དང། གསང་བ་འདུས་པའི་རྒྱུད་ཕྱི་མ་ལས། །ཐབས་ནི་བྱང་ཆུབ་སེམས་དཔའ་ ་ཡི། །འགྲོ་ལ་སྙིང་རྗེ་ཆེན་པོ་སྟེ། །དེ་ཡང་དམིགས་པའི་བྱེ་བྲག་གིས། །རྣམ་པ་གསུམ་དུ་བཤད་པ་ཡིན་ཞེས་བྱ་བ་ལ་སོགས་པ་གསུངས་པ་ཡིན་ནོ། །དེ་ལྟར་བཅོམ་ལྡན་འདས་ཀྱི་གསུང་ཐམས་ཅད་ནི་གདུལ་བྱའི་དབང་པོ་མོས་པ་དང་སྐལ་པ་ཐ་དད་པ ་ལ་དགོངས་ནས་ཐུགས་རྗེ་ཆེན་པོས་གསུངས་པ་ཡིན་ནོ། །དེ་ཡང་ཇི་སྐད་དུ། བསམ་པ་གང་དང་གང་གིས་ནི། །མི་རྣམས་ཡིད་ནི་ཡང་དག་སྦྱོར། །དེས་ནི་དེའི་རང་བཞིན་འགྱུར། །སྣ་ཚོགས་ནོར་བུ་ཇི་བཞིན་ནོ་ཞེས་གསུངས་པ་ལྟ་བུའོ། །དེ་ལ་དབང་པོ་དམན ་པའི་དོན་དུ་ནི་མངོན་པར་མཐོ་བའི་ཐེག་པ་དང། ཉན་ཐོས་དང་རང་རྒྱལ་བའི་སྡེ་སྣོད་གསུངས་པ་ཡིན་ནོ། །དེ་ཡང། ཉན་ཐོས་རྣམས་ནི་འཇུག་པའི་ཕྱིར། །སྡུག་བསྔལ་སོགས་བདེན་ཉིད་གསུངས་པ། །མེད་དུ་ཟིན་ཀྱང་ཐུགས་རྗེ་ཡིས། །བདག་ཡོད་ཅེས ་གསུངས་ལྟ་བུ་ཡིན་ཞེས་གསུངས་པ་ཡིན་ནོ། །དཔང་པོ་འབྲིང་གི་དོན་དུ་ཕ་རོལ་ཏུ་ཕྱིན་པའི་ཐེག་པའི་སྡེ་སྣོད་གསུངས་པ་ཡིན་ནོ། །དེ་ཡང་ཇི་སྐད་དུ། ཐུབ་པ་ཆེན་པོའི་ཆོས་རྣམས་ཀྱི། །ཕུང་པོ་བརྒྱད་ཁྲི་བཞི་སྟོང་ལ། །གང་གིས་དེ་ཉིད་མི་ཤེས་པ། །དེའི་ཐམས ་ཅད་འབྲས་བུ་མེད་ཅེས་གསུངས་པ་ལྟ་བུའོ། །དེ་ལ་དབང་པོ་རྣོན་པོའི་མོས་པ་དང་སྐལ་པ་དང་ལྡན་པ་རྣམས་ཀྱི་ཕྱིར་ནི་གསང་སྔགས་ཀྱི་ཐེག་པའི་སྡེ་སྣོད་གསུངས་པ་ཡིན་ནོ། །དེ་ཡང་བྱ་བའི་རྒྱུད་ལ་སོགས་པ་དང་པོ་གསུམ་གྱི་རྣལ་འབྱོར་སེམས་སྦྱངས ་ཤིང་དེ་ཁོ་ན་མཐོང་བར་འགྱུར་བ་དང་འབྲེལ་པའི་ཚོགས་ཡོངས་སུ་བསགས་ནས་གོང་ནས་གོང་དུ་ལམ་སྦྱངས་ཏེ། རྣལ་འབྱོར་བླ་ན་མེད་པའི་རིམ་པས་དེ་ཁོ་ནའི་དོན་ལ་འཇུག་པར་འགྱུར་བ་ཡིན་ནོ། །དེ་ཡང་ཇི་སྐད་དུ། ཡུལ་དུས་ལ་སོགས་བསྟན ་པ་ནི། །མུན་དུ་བསྒྲིབས་པ་རྣམ་འཁོད་པས། །དེ་དག་ངེ་པར་གཟུང་བའི་ཕྱིར། །ཆོ་ག་འདི་ནི་བསྟན་པ་ཡིན་ནོ་ཞེས་བསྟན་པ་ཡིན་ནོ། །དེ་ལ་རྣལ་འབྱོར་བླ་ན་མེད་པའི་རྒྱུད་ཀྱི་རིམ་པའི་སྨིན་པ་དང། གྲོལ་བར་བྱེད་པའི་ལམ་གྱིས་ནི་དཀའ་བ ་མེད་པར་མྱུར་དུ་འབྲས་བུ་འདོད་པ་བཞིན་འགྲུབ་པར་འགྱུར་རོ། །དེ་ཉིད་ཚིགས་སུ་བཅད་པ་ནི། །རིགས་དང་བརྟུལ་ཞུགས་སྐྱེ་ནས་ཡན་ལག་རིས། །ལས་དང་ཉོན་མོངས་ཡུལ་དུས་འཆིང་བ་མེད་ཅེས་བྱ་བ་ཡིན་ནོ། །དེ་ཡང་དཔལ་གསང་བ་འདུས་པ་ལས། མཚམས ་མེད་པ་ལ་སོགས་པ་ཡི། །སྡིག་པ་ཆེན་པོ་བྱེད་པ་ཡང། །ཐེག་པ་བླ་ན་མེད་པ་ཡིན། ཐེག་མཆོག་འདི་ལ་འགྲུབ་པར་གྱུར་ཞེས་བྱ་བ་ལ་སོགས་པ་གསུངས་པ་ཡིན་ནོ། །དེ་ལྟ་བས་ན་རྣལ་འབྱོར་པ་སྣོད་དུ་གྱུར་ཅིང་དེ་ཁོ་ན་ཉིད་ཀྱི་མན་ངག་དང་ལྡན་པ་རྣམས ་ལ་ནི་རིག་པའི་གནས་ལྔ་ལ་ཡོངས་སུ་སྦྱང་བ་མ་བྱས་ཀྱང་དངོས་གྲུབ་རྣམ་པ་གཉིས་ཇི་ལྟར་འདོད་པ་བཞིན་དུ་འབྱུང་བར་འགྱུར་རོ། །དེ་ཡང་ཇི་སྐད་དུ། གསང་སྔགས་སྨྲ་རྣམས་མང་དུ་ནི། །སྤྲོས་ཏེ་སྨྲ་བས་ཅི་ཞིག་བྱ། །ཁྱད་པར་དུ་ནི་སེམས་བསྒྲུབས་ཏེ། ་སེམས་ལས་རྫོགས་པའི་བྱང་ཆུབ་འབྱུང་ཞེས་གསུངས་པ་དང། །གཞན་ཡང། གང་ཟག་ཇི་ཙམ་ཡོན་ཏན་ཆུང་པས་ཀྱང། །ལྷག་པའི་བསམ་པས་བསྐུལ་ནས་བྱང་ཆུབ་འཐོབ། །ཅེས་གསུངས་པ་དང། ཉལ་ལམ་ཡང་ན་འདུག་པ་འམ། །འཆག ་པ་འམ་ཡང་ན་ཅི་དགར་གནས། །རྒོད་པ་འམ་རབ་ཏུ་སྨྲ་བ་འམ། །གང་དང་གང་དུ་ཇི་ལྟར་གནས། །རང་ལྷར་སྦྱོར་བའི་བདག་ཉིད་ཅན། །བསོད་ནམས་ཆུང་ཡང་འགྲུབ་པར་འགྱུར་ཞེས་གསུངས་པ་དང། བསོད་ནམས་ཆུང་པའང་སངས་རྒྱས་མཆོད། ། ་བསྒྲུབས་ན་དངོས་གྲུབ་ཐོབ་པར་འགྱུར་ཞེས་གསུངས་པ་ཡིན་ནོ།། །།ཀྱེ་མའོ། བདེ་བར་གཤེགས་པ་མྱ་ངན་འབའ་?་རིང?་ཞིག་ལོན། །རྒྱལ་སྲས་དམ་ཆོས་འཛིན་པ་རྣམས་ཀྱང་དུས་ཀྱིས་མི་སྣང་འགྱུར། །སྙིགས་མའི་དུས ་ཀྱི་ཐ་མར་གྱུར་པས་སྡེ་སྣོད་ཕལ་ཆེར་ནུབ། །དེས་ན་དམན་པའི་འཇིག་རྟེན་འདི་ནི་སྐྱབས་མེད་དམུས་ལོང་བཞིན། །དམྱལ་བ་ལྟ་བུར་སྡུག་བསྔལ་གྱུར་ཀྱང་འཁྲུལ་པས་བདེ་བར་འཛིན། །ཡི་དགས་ལྟ་བུར་འབྱོར་བས་ཕོངས་ཀྱང་ཕུན་སུམ་ཚོགས ་པར་སེམས་།དུད་འགྲོ་ལྟ་བུར་རྨོངས་པར་གྱུར་ཀྱང་བློ་ཡིས་མངོན་པར་དྲེགས། །ལུས་སྲོག་རླུང་བཞིན་གཡོ་བར་མཐོང་ཡང་འཆི་བའི་འཇིགས་པ་མེད། །དེ་ལྟར་བསྟན་པ་ཉམས་ཆུང་འཁྲུལ་ཞིང་མི་ལུས་ཐོབ་པའི་ཚེ། །དཀའ་བའི ་དུས་སུ་འབད་པས་བསྒྲུབས་ན་འབྲས་བུ་མཆོག་ཏུ་འགྱུར། །འགྲོ་ཀུན་བདེ་གཤེགས་སྙིང་པོ་ཡོད་པས་བདག་གཞན་ཕན་པའི་ཕྱིར། །དོན་ལ་བརྟེན་ནས་དུས་དང་སྦྱར་ཏེ་སྒྲུབ་ལ་བརྩོན་པར་བྱའོ། །ཟབ་ཅིང་རྒྱ་ཆེའི་རང་བཞིན་ཐེག་པ་མཆོག་དོན་ལ།། ་མོས་པ་ཡོད་ཀྱང་རྨོངས་སྡིག་མི་དགེའི་གྲོགས་བཅས་ཀྱིས། །སྤང་དང་བླང་བའི་རང་བཞིན་མངོན་པར་མི་རྟོགས་པས། །དང་པོའི་ལས་ཅན་རྣམས་ལ་རྣམ་བསྡུས་དོན་དུ་འགྱུར། །གང་དག་དབང་པོ་དམན་ཞིང་ཐོས་པས་ཕོངས་པོ་དང། རྣལ་འབྱོར ་དོན་ལ་བརྩོན་པས་རྒྱས་བཤད་ཡུལ་མིན་དག་།མི་ཤེས་ལོག་པར་རྟོག་དང་ཐེ་ཚོམ་བཟློག་པའི་ཕྱིར། །མདོར་བསྡུས་འདི་ནི་བདག་གིས་དྲི་མེད་ལུང་བཞིན་བྲིས། །རྣལ་འབྱོར་བླ་ན་མེད་པའི་རྒྱུད་ཀྱི་དོན་ལ་འཇུག་པ་བསྡུས་པ་སློབ་དཔོན ་ཤྲདྡྷཱ་ཀ་ར་ཝ་རྨས་མཛད་པ་རྫོགས་སོ།། །།རྒྱ་གར་གྱི་མཁན་པོ་ཤྲདྡྷ་ཀ་ར་བརྨ་དང། ལོ་ཙ་བ་དགེ་སློང་རིན་ཆེན་བཟང་པོས་བསྒྱུར་བའོ།། །།སངས་རྒྱས་ལ་ཕྱག་འཚལ་ལོ། །ཐེག ་