Wylie

e-texts based on the ACIP/ALL Input

བསྒྱུར་ཅིང་ཞུས་ཏེ་གཏན་ལ་ཕབ་པོའོ།། །། (!། །སྔགས་ཀྱི་ཚུལ་གྱི་སྣང་བ་ཞེས་བྱ་བ་བཞུགས།།)་།། *། །རྒྱ་གར་སྐད་དུ། མནྟྲ་ན་ཡཱ་ལོ་ཀ། བོད་སྐད་དུ། གསང་སྔགས་ཀྱི་ཚུལ་གྱི་སྣང་བ། ་བཅོམ་ལྡན་འདས་འཇམ་པའི་རྡོ་རྗེ་ལ་ཕྱག་འཚལ་ལོ། །རྣམ་དག་དགའ་བ་ཡང་དག་འབབ། །རབ་མཛེས་རྒྱ་ཆེའི་སྐུ་མངའ་བ། །ཤེས་རབ་ཐབས་བདག་ཉིད་རྡོ་རྗེ། །སྐུ་གསུང་ཐུགས་ལ་ཕྱག་འཚལ་ལོ། །དུས་ཀྱི་བདག་ཉིད་ངན་པ་དང། འགྲོ་བའང་སྐལ་བ ་མེད་པ་དག། གཟིགས་ནས་བདག་གི་བླ་མ་ཡིས། །གསང་སྔགས་ཚུལ་བཤད་བཀག་པ་ཡིན། འདི་ལྟར་དེ་ཉིད་ཀྱིས་མཛད་པའི། །དེ་ཉིད་སྙིང་པོ་བསྡུས་པར་ནི། །དེ་མ་བཤད་པའི་རིགས་པ་དང། །དགོངས་པ་ཡང་ནི་བསྟན་པ་ཡིན། །གང་ཡང་བློ་དམན་ཁ་ཅིག་ནི། །དེར ་དེས་མ་གཏོགས་པ་ཉིད་དང། །ཕྲག་དོག་ཡིན་པར་དོགས་བྱེད་ཅིང། །རྨོངས་པ་ཡིས་ཀྱང་དེ་བརྙས་བྱེད། །དེ་སྤོང་སྡིག་པའི་མེ་ནང་དུ། །ཕྱེ་མ་ལེབ་ལྟར་ཇི་སྲིད་ནི། །ལྟུང་བར་མ་གྱུར་དེ་སྲིད་དུ། །དེ་སྐྱོབ་པ་ལ་བདག་འབད་དོ། །འདི་ན་ཆོས་བདག་མེད་པ་ནི། །ཐོས་པ་ཙམ ་གྱིས་བློ་ངན་རྣམས། །ཕལ་ཆེར་རྒྱང་པན་གྲུབ་མཛའ་ཡི། །གཞུང་ལུགས་ལ་ནི་ཀུན་ཏུ་བརྟེན། །ཟས་དང་སྤྱོད་ལམ་ལ་སོགས་པ། །ངན་པ་རང་དགའ་ཉིད་དུ་བྱེད། །བླ་མ་དགེ་བའི་བཤེས་གཉེན་ཡང། །མི་ཤེས་དྲེགས་པས་སྨོད་པར་བྱེད། །བདག་དང་བདག་གིར ་འཛིན་སྨྱོ་བྱེད། །ཅུང་ཟད་ཙམ་ཡང་བཙལ་བར་ནི། །མི་ནུས་བཞིན་དུ་ཆོས་རྣམས་ཀྱི། །ངོ་བོ་མེད་པ་ཉིད་དཱུང་སྨྲ། །ཐུབ་པ་ཆེན་པོའི་བསྟན་པ་ཡི། །དེ་ཉིད་དོན་ནི་མི་ཤེས་པར། །མི་བཟད་ལས་ཀྱིས་བཅོམ་པ་རྣམས། །གཞན་དག་ཀྱང་ནི་རླག་པར་བྱེད། །བདེ་གཤེགས ་གཞུང་དུ་བཅོས་པ་ཡི། །བསྟན་པ་འཇིག་བྱེད་བདུད་དེ་ནི། །གཞོམ་པའི་དོན་དུ་བདག་ཅག་གིས། །དེ་ཉིད་ཅུང་ཟད་བསྟན་པར་བྱ། །འཇིག་རྟེན་གྲགས་ལམ་བཟང་སྤོང་བ། །འཇིག་རྟེན་རྒྱང་ཕན་མ་གཏོགས་པ། །མུ་སྟེགས་པ་ཡང་འདོད་མིན་ན། །སངས་རྒྱས་རྗེས་འབྲང་སྨོས་ཅི་དགོས ་ཉོན་མོངས་ཤེས་བྱའི་སྒྲིབ་འཇིག་ཅིང། །བདུད་རྣམས་འཇོམས་པའི་བརྟན་པ་ནི། །ཉེས་པ་ཀུན་ལས་རྣམ་གྲོལ་བ། །བློ་གྲོས་ངན་པས་དྲི་མས་བསྒོས། །བདེ་གཤེགས་གཞུང་ནི་གང་ཡིན་ལ། །ཟས་སྤྱོད་ངན་འདི་ག་ལ་ཡོད། །ཉི་མ་དག་དང་མུན་ནག་ནི།། ་ལྷན་ཅིག་གནས་པར་སྣང་བ་ཡིན། །འོན་ཏེ་དེ་ཉིད་རྣལ་འབྱོར་པ། །བདག་ཅག་ལ་ནི་ཁ་ཟས་དང། སྤྱོད་ལམ་སོགས་ཀུན་ཅི་དགའ་བར། །རྣལ་འབྱོར་རྒྱུད་ལས་སྐྱོབ་པས་གནང། །དེ་ཡང་འདི་ནི་གསལ་ཉིད་དུ། །ཟླ་གསང་ཐིག་ལེ་ལ་སོགས་ལས། །རྣལ་འབྱོར ་པ་ཡིས་མ་བྱ་བ། །ཅི་ཡང་མེད་ཅེས་གསུངས་པ་ཡིན། །གཞན་ཡང། ཆོས་དང་ཆོས་མིན་ལ་སོགས་པ། །ཐམས་ཅད་བསམ་པས་བརྟག་པར་ཟད། །དངོས་པོ་དེ་ལྟའི་རང་བཞིན་ཡིན། །ཁྱོད་ཀྱི་ཚང་མ་ཅི་ཡང་མེད། །བྱ་བའི་འབྲས་བུའི་བསམ་པ་ལ། །རག ་ལས་དེ་ཕྱིར་དེ་བཞིན་གཤེགས། །བརྩེར་ལྡན་དེ་ཉིད་གཟིགས་པ་ཡིས། །བཀག་པ་རྣམས་ཀྱང་གནང་བར་མཛད། །གཞན་ཡང་འདི་དག་རང་བཞིན་གྱིས། །ཆོས་རྣམས་ཐམས་ཅད་བདག་མེད་དེ། །ནམ་མཁའ་ཨི་ཨུཏཔལ་སོགས་བཞིན་གསོག་།ཉོན་མོངས་ཅི་ཞིག་བྱེད་པར ་འགྱུར། །ཡང་ན་འདི་དག་ཁྱད་འཕགས་པའི། །ཚོགས་པ་དང་ནི་ལྡན་གྱུར་པས། །འབྲས་བུ་ཁྱད་འཕགས་ཉིད་འབྱིན་ཏེ། །རྒྱ་སྐེགས་ཀྱིས་བསྒོས་ས་བོན་མཚུངས། །རྫས་སོགས་མཉམ་ཉིད་གོམས་པ་ལས། །ངེས་པར་དག་པ་ཉིད་གྱུར་བའི། །སེམས་ཀྱི་བྱང ་ཆུབ་ཐོབ་འགྱུར་ཞེས། །དེ་ལྟར་དེ་ཉིད་ཤེས་རྣམས་གནས། །ཆོས་རྣམས་སྒྱུ་མ་ལྟ་བུ་ཡི། །དོན་དམ་པ་ཉིད་མཐོང་ན་ནི། །རྫོགས་སངས་རྒྱས་ལྟར་འཇིག་རྟེན་འདིར། །ཅི་བདེ་བར་ནི་གནས་པར་བྱ། །དཀའ་བའི་ལས་ནི་གང་ཅི་ཡང་རུང། །གང་ཞིག་ཉོན་མོངས ་སྐྱེད་འགྱུར་བ། །དེ་ནི་འཇིག་རྟེན་མགོན་པོ་ཡིས། །སྔགས་སྤྱོད་གནས་པ་རྣམས་ཕྱིར་བཀག་།དེ་བས་བྱང་ཆུབ་ཐོབ་འགྱུར་སོགས། །གསུང་ལ་མ་གུས་པ་རྣམས་ནི། །བསྟན་བཅོས་མི་ཤེས་འདི་ཅི་ཞེས། །དམ་ཚིག་སྡང་རྣམས་བདག་ལ་སྨོད། །དེ་ལྟར་ཡིད་ནི་མ་རིག་པའི།། ་གཉིས་ཀྱིས་ཡེ་ཤེས་མིག་རྒྱ་བཏབ། །སད་མ་གྱུར་པས་བློ་ངན་རྣམས། །དེ་དང་དེ་ནི་སྨྲ་བར་བྱེད། །སྤྱིར་ནི་རྒྱུད་རྣམས་ཐམས་ཅད་ལས། །འདི་འདྲའི་དམ་ཚིག་སྡོམ་པ་ནི། །མགོན་པོས་གསུང་བ་བདེན་མོད་ཀྱི། །འོན་ཀྱང་འདི་དེ་རྣམས་དཔྱད་བྱ། །བཟའ་མིན་བགྲོད་མིན ་བརྟེན་ལ་སོགས། །གལ་ཏེ་བྱང་ཆུབ་འགྲུབ་འགྱུར་ན། །ཐ་མལ་པ་དང་དུད་འགྲོ་ཡང། །ཅི་ཕྱིར་ད་དུང་གྲོལ་མ་གྱུར། །དུག་གི་ནུས་པ་འཆི་བ་དང། །འཁྲུ་བུའི་ནུས་པ་འཁྲུ་བ་ལྟར། །བཟའ་མིན་སོགས་པ་སྡིག་སྐྱེད་དེ། །དངོས་རྣམས་ནུས་པ་སྣ་ཚོགས་ཡིན། །ལ་ལས ་དུག་ནི་ཟོས་པ་ཡིས། །དེའི་མཐུ་རྟོགས་མ་ཡིན་གྱིས། །འོན་ཀྱང་འཇིག་རྟེན་གྲགས་ཕྱིར་རམ། །བསྟན་བཅོས་ལས་ནི་ཤེས་པ་ཡིན། །གུར་ཀུམ་ལ་སོགས་སེར་བ་དང། །བཤད་པ་ལ་སོགས་སྨད་པ་ཉིད། །ངོ་བོ་ཉིད་ཀྱིས་གྲུབ་པ་ལ། །གཞན་དུ་བྱ་བར་སུ་ཡིས་ནུས།། ་དུག་སོགས་ནུས་པ་དེ་ཡང་ནི། །མཐོང་བ་ཉིད་ན་ཉམས་མྱོང་འགྱུར། །བཟའ་མིན་སོགས་ནི་མི་མཐོང་ཡང། །དེ་ནི་དེ་བཞིན་རྟོགས་པར་འགྱུར། །ཕྱིན་ཅི་ལོག་གི་ལས་བྱེད་ན། །རེ་ཞིག་འཇིག་རྟེན་སྨོད་བྱེད་ལ། །དེ་བཞིན་རྒྱལ་པོ་ལ་སོགས་ཀྱིས། །ཆད་པས་རྨོངས་པ ་འཇིག་པར་འགྱུར། །ཇི་ལྟར་བཅོས་མའི་གསེར་ལ་སོགས། །གསང་སྟེ་འཚོ་བར་བྱེད་པ་ཡིན། །དེ་བཞིན་སྔགས་སྤྱོད་རང་གི་ནི། །ཉམས་སུ་ལེན་ལ་འཇུག་པར་འོས། བཀྲེས་སྐོམ་ཆ་གྲང་རྨུགས་པ་དང། གཉིད་སོགས་ཀྱིས་རབ་གདུངས་གྱུར་པ། །སྣང་ན ་དེ་རུ་ཁྱོད་ཀྱི་ནི། །དངོས་པོ་མེད་པ་གང་དུ་སོང། །ཆོས་རྣམས་ཐམས་ཅད་བདག་མེད་ལ། །རྙེད་དང་བསྐུར་སྟི་འདོད་པ་ཉིད། སྣང་ན་རྣལ་འབྱོར་བ་དག་ནི། །ཤིན་ཏུ་ངོ་ཚར་ཅིས་མི་བྱེད། །ཕན་བྱེད་སྡུག་པར་མཐོང་བ་དང། །ལ་ལ་གནོད་བྱེད་མཐོང་བ་དག་།དངོས ་ལ་དབང་པོ་འདས་ཞེས་ལ། །མ་མཐོང་བ་ལའང་ངེས་པ་འདིའོ། །ཁྱེད་ཀྱིས་སྤང་བྱ་སྤང་བ་དང། །བླང་བྱ་བླང་བར་ཅིས་མི་སྣང། །འཇིག་རྟེན་ཕ་རོལ་དག་ཏུ་ཡང། །འདི་ལ་ཅི་ཕྱིར་མངོན་མི་དགའ་། །བྱ་བ་རྣམས་ཀྱི་འབྲས་ཡོད་ཅེས། །ཁྱེད་རྣམས་ཀྱིས་ཀྱང་ངེས་པར ་བྱ། །དེ་ལྟར་མིན་ན་ཟས་སྐོམ་སོགས། །འཐོབ་ཕྱིར་སྤྱོད་པ་ཅི་སྟེ་བྱེད། །ཐུབ་པའི་བསྟན་པ་ངེས་པ་དང། །དྲང་བའི་དོན་གྱི་དབྱེ་བས་ཕྱེ། །དམ་ཚིག་ལ་སོགས་དྲང་དོན་ནི། །མིན་ཞེས་ངེས་ཉིད་ཇི་ལྟར་བྱེད། །འདི་ནི་གསལ་བར་དྲང ་དོན་ནི། །ཡིན་པ་དང་ཡེ་ཤེས་གྲགས་པས་བཤད། །དེ་ནི་དེ་ཉིད་འཇུག་པ་ལས། །དེའི་ཚིག་འདི་ནི་མཉམ་པར་གྱིས། །གནོད་སྦྱིན་སྲིན་པོ་ཤ་ཟ་སོགས། །དམ་ཚིག་བསྟན་པར་མཛད་པ་ནི། །ཡིད་རྟོན་སེམས་ཀྱི་ཞེན་པ་དག་།དེ་རྣམས་དེ་བསྒྲུབ་ཕྱིར་ཡིན་ནོ། ། ་ལོག་རྟོག་དྲ་བ་ཐམས་ཅད་ལས། །ངེས་པར་ཟློག་ཕྱིར་སྐྱོབ་པ་ཡིས། །རིགས་ཀྱི་དབྱེ་བ་ལ་བརྟེན་ལ། །དམ་ཚིག་ངེས་པར་གསུང་པ་ཡིན། །གལ་ཏེ་དངོས་རྣམས་སྟོང་ཉིད་དུ། །ཡང་དག་ཉིད་དུ་ཁས་ལེན་ན། །ཅི་ཕྱིར་ལ་ལར་མངོན་ཞེན་པས། །འདི་ཉིད་ལ་ནི ་ཁས་འཆོས་བྱེད། །འོན་ཏེ་སེམས་ཅན་ཆེན་པོ་འགའ་། །དམ་ཚིག་ལ་སོགས་བརྟེན་པ་ཡིས། །དངོས་གྲུབ་ཉེ་བར་ཐོབ་ཅེས་ཐོས། །བདག་ཅག་རྣམས་ཀྱང་དེ་རྗེས་འབྲེད། །ཁྱེད་འདྲའི་བློ་གྲོས་ཆུང་ངུ་དག་།དེ་ཉིད་མཐོང་བ་དེ་ལྟ་བུའི། །བསམ་པའི་རྒྱ ་མཚོ་གཏིང་ཟབ་པར། །འཇུག་པར་ནུས་པ་ག་ལ་ཡིན། །བྱིས་པ་ས་རྡུལ་ཙམ་ལ་ནི། །བཟའ་བ་འདི་དང་བཏུང་བ་འདི། །ཚོད་མ་སྣ་ཚོགས་ཀྱང་ཟོ་ཞེས། །རྩེད་མོ་བྱེད་པ་ཇི་ལྟ་བར། །དེ་བཞིན་དེ་ཉིད་མི་ཤེས་པའི། །སྔགས་ཀྱི་བསྟན་བཅོས་ལ་བསྒོ་པ།། ་རང་གི་རྟོག་པས་ཀུན་བསྐྱེད་པའི། །འབྲས་བུ་མེད་པར་དེ་ལྟར་སྣང། །བསྟན་བཅོས་བདེན་པ་ལ་བརྟེན་ཅིང། །བླ་མའི་ལུང་ནི་བསྒོམ་པ་དག་།བྱེད་ན་རྣལ་འབྱོར་འབྲས་བུ་འདི། །མེད་ཅེས་ཅི་ཕྱིར་སེམས་པར་བྱེད། །ཡང་དག་པའི་རྣལ་འབྱོར་པ། །དངོས ་མེད་རྟོགས་ཤིང་བརྩེར་ལྡན་ལ། །རྒྱལ་བས་འདི་གསུངས་བ་དེན?་མོད་ཀྱི། །དེ་ལྟར་འདི་འདྲ་འགའ་མ་མཐོང། །རྫོགས་སངས་རྒྱས་ལྟར་འཇིག་རྟེན་འདིར། །ཅི་བདེར་གནས་བྱ་གང་སྨྲ་བ། ཁྱོད་ལ་རྫོགས་སངས་མཚན་མའི་ཆ། །ཡོད་པར་ཅི་ཡི་ཕྱིར་མི་སྣང། ། ་གལ་ཏེ་སྔགས་ཀྱི་བསྟན་པ་ལ། །སྣོད་དུ་གྱུར་པ་ཁྱོད་ཡིན་ན། །བདག་ཅག་དམ་ཚིག་ལ་སྡང་བས། །འགལ་བར་སྨྲ་བར་གྱུར་པ་ཡིན། །གལ་ཏེ་ཟས་སྐོམ་སྒོ་ནས་ནི། །རྫས་སོགས་མཉམ་པར་སློབ་བྱེད་ན། །སྦྱིན་ལ་སོགས་པའི་ལམ་གྱིས་ནི། །མི་སློབ་ཅེས་པ་ངོ ་མཚར་ཚེ། །གལ་ཏེ་སྒྱུ་མ་ལྟར་གནས་པ། །འདི་ལ་ཁྱོད་ཀྱིས་བརྟེན་བཅས་ན། །བཀྲེས་སྐོམ་གྲང་སོགས་གནོད་པ་ལ། །ཁྱེད་ཀྱི་སྒྱུ་མ་གང་དུ་སོང། །འཇིག་རྟེན་གཉེན་གྱིས་སྔགས་པ་ལ། །ཚོགས་པ་ཁྱད་པར་ཅན་གསུངས་པ། །དེའི་ཆ་ཁྱོད་ལ་ཡོད་མིན་པས། །རྒྱུ་མེད ་འབྲས་བུ་ག་ལས་བྱུང། །བདེ་བས་བྱང་ཆུབ་ཐོབ་འགྱུར་དང། །དཀའ་བར་སྤྱོད་པའང་སྤང་བ་ནི། །ཉིན་མཚན་བསྒོམ་བརྩོན་རྣལ་འབྱོར་པ། །གང་ཡིན་དེ་ལ་དེ་གསུངས། །རྒྱལ་བས་གསུང་ཚིག་གང་གང་ཡིན། །སྔ་མའི་ཕྱོགས་སུ་བསྟན་པ་རྣམས། །རང་ཉིད་གསང་ཕྱིར ་གཤེད་བྱེད་ནི། །རང་ཉིད་ཇི་ལྟ་སློང་བར་བྱད། །དེ་བཞིན་ཉིད་གནས་རྣལ་འབྱོར་པ། །ཤེས་རབ་ཐབས་མཆོག་བདག་ཉིད་ཅན། །དེ་ལ་གསུངས་པ་དེའི་ནང་ནས། །ཁྱེད་ལ་ཆུང་ངཱུང་འགའ་མ་མཐོང། །གང་ཡང་མགོན་པོས་སྔགས་ཚུལ་ལས། །དགག་པ་མང་པོ་གསུངས་པ་དག་། ་དེ་ནི་སྐལ་མེད་ཕྱིར་ཡིན་ན། །རྨོངས་པ་ཁྱོད་ཀྱིས་ཅིས་མ་མཐོང། །རབ་བརྟགས་ཤིན་ཏུ་ལེགས་སྤྱད་ནས། །མཁས་པ་རྣམས་ནི་འཇུག་བྱ་ཡིན། །གཞན་དུ་འདི་ནི་མེར་འཇུག་པས། །བཅུ་དྲུག་ཆར་ཡང་མི་ཕོད་དོ། །དེ་ཉིད་དེ་ཉིད་ཀྱིས་ཤེས་ནས། །གང་ཞིག་ལྷག་མས་ངེས ་སྟོན་པ། །དེ་འགྲུབ་འགྱུར་གྱི་གཞན་དུ་དེ། །དམྱལ་བ་ཆེན་པོར་ལྟུང་བར་འགྱུར། །འཇིག་རྟེན་འདས་སྤྱོད་གསང་བར་ནི། །རྣམ་པར་མི་རྟོག་ཉིད་དུ་སྤྱད། །གཞན་དུ་བག་མེད་པར་གྱུར་ན། །དེ་ནི་རྣམ་རྟོག་འཕྱོས་པར་འགྱུར། །གལ་ཏེ་ཤེས་རབ་ཐབས་དག་ལས། །སེམས་ནི་གཞན ་དུ་མི་ཕྲོ་ན། དེ་ནི་ངེས་པར་བྱང་ཆུབ་ཆེ། །རབ་ཏུ་སྦྱིན་བྱེད་ཡིན་པར་བཤད། །སྟོན་བྱེད་སྐྱེ་བོ་ངན་པ་དང། །ཕྲད་པས་བསྟན་པ་དཀྲུགས་གྱུར་པས། །བདག་གི་བླ་མས་སེམས་ཅན་རྣམས། །དེ་བཞིན་ལམ་སོགས་སོང་བར་གཟིགས། །དེས་ན་སྔགས་ཚུལ་གསང་བར་ནི། །བྱ ་ཞེས་དེ་ལྟར་བསྟན་པ་ནི། །གང་ཞིག་བསྐལ་དང་ལྡན་པ་དེས། །བླ་མའི་ཁ་ལས་ཤེས་པར་འགྱུར། །དེ་ལྟར་གསང་སྔགས་ཚུལ་སྣང་བ། །བླ་མའི་བཀའ་ཡི་རྗེས་འབྲངས་ཏེ། །བྱས་པ་འདི་ནི་མཁས་པ་རྣམས། །དགའ་བར་འདིར་ནི་ངེས་པར་འགྱུར ་གང་ཞིག་ཅུང་ཟད་ཤེས་པ་ཡི། །དྲེགས་པས་འདི་ལས་བརྙས་མི་རིགས། །བདག་ཉིད་ཆེ་དང་སུ་ཞིག་འགྲོ་ན། །རྣལ་འབྱོར་ཅན་དེ་བཟོད་པར་མཛད། །བློ་ཆེན་གང་ཞིག་གསང་སྔགས་ཀྱི། །སྤྱོད་ལ་ཡང་དག་འཇུག་འགྱུར་བ། །དེས་ནི་བདག་གི་ཚིག་གི་ནི། །གཅེས་དང ་མི་གཅེས་རྟོགས་པར་འགྱུར། །དེ་ལྟར་བླ་མའི་ཚིག་གི་སྙིང་པོ་ལེགས་པར་བརྟགས་ནས་ནི། །རྒྱ་ཆེན་སེམས་ལྡན་དགའ་བར་བྱེད་པ་འདི་ནི་བཤད་བྱས་པས། །འདི་ལས་བདག་གིས་དགེ་བ་གང་བསགས་དེས་ནི་འཇིག་རྟེན་རྣམས། །ཐུབ་པའི་ཁྱུ་མཆོག་གསུང་གིས ་མུན་པ་ཐམས་ཅད་འཇིག་བྱེད་ཤོག་།གསང་སྔགས་ཀྱི་ཚུལ་གྱི་སྣང་བ་ཞེས་བྱ་བ། རྡོ་རྗེ་སློབ་དཔོན་ཆེན་པོ་མཐོ་བཙུན་བཅོ་ཡགས་ཀྱི་ཞལ་སྔ་ནས་མཛད་པ་རྫོགས་སོ།། །།རྒྱ་གར་གྱི་མཁན་པོ་པདམཱ་ཀ་ར་བ་རྨ་དང། ཞུ་ཆེན་གྱི་ལོ་ཙཱ་བ་དགེ ་སློང་རིན་ཆེན་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་པ།། །། !། (།དེ་ཁོ་ན་ཉིད་ཀྱི་སྙིང་པོ་བསྡུས་པ་སློབ་དཔོན་མཁས་པ་ཆེན་པོ་ཆོས་ཀྱི་དབང་པོས་མཛད་པ་བཞུགས།།)་།། *། །རྒྱ་གར་སྐད་དུ། ་