Wylie

e-texts based on the ACIP/ALL Input

ལ་བསྟོད་པ། སློབ་དཔོན་མ་ཏྲི་ཅི་ཊས་མཛད་པ་རྫོགས་སོ།། །།རྒྱ་གར་སྐད་དུ། ཨཱརྱ་ཏཱ་རེ་སྟོ་ཏྲ། བོད་སྐད་དུ། འཕགས་མ་སྒྲོལ་མ་ལ་བསྟོད་པ། རྗེ་བཙུན་ཐུགས་རྗེ་ཆེན་པོ་ལ་ཕྱག་འཚལ་ལོ། ། ་འོད་དཔག་མེད་ཀྱི་སྨོན་ལམ་མ། །མེ་ཏོག་ཟླ་མཛེས་སེམས་བསྐྱེད་མ། །འཇིག་རྟེན་མགོན་གྱི་ཆུ་སྐྱེས་མ། །ཕྱག་གི་མཐིལ་ན་བཞིན་བཟངས་མ། །བསྟོང་རྒྱས་མེ་ཏོག་ཕྲེང་འཛིན་མ། །བགྲས་མེ་འགྱིང་བག་དྲང་པོ་མ། །གཤེགས་ཤིང ་བཞུགས་པ་ལྡེམ་ལྡེམ་མ། །ཕྲག་རྒྱས་སྐུ་ནི་ཡིད་འོང་མ། །གསུང་གི་དབང་ཕྱུག་དབྱངས་སྙན་མ། །དྲན་པ་ཙམ་གྱིས་བྱིན་རློབ་མ། །ཡུམ་ནི་འདོད་པའི་སྐུ་མངའ་མ། །བདེ་གཤེགས་དབུ་ཡི་གཙུག་ཏོར་མ། །རྒྱལ་བས་དབང་བསྐུར ་ཅོད་པན་མ། །ཕོ་ཉས་དུས་མིན་འཆི་བསླུ་མ། །སྤྱན་ནས་ཐུགས་རྗེའི་ཆུ་འཛག་མ། །དགེ་སློང་སྔོམ་བརྩེན་དམ་ཚིག་མ། །བདག་མེད་བརྩེ་བས་མཐར་ཕྱིན་མ། །ས་དགུ་འདས་པའི་ཕ་རོལ་མ། །མ་བྱོན་སྔ་དྲོ་གཞོན་ནུ་མ། །ད་ལྟ་ཉིན་གུང ་དར་བབ་མ། །འདས་སོ་བགྲེས་མོ་རྒོངས་ཀ་མ། །དུས་གསུམ་འགྱུར་བའི་མེ་སྟག་མ། །འཇིགས་ཆེན་བརྒྱད་ལས་སྐྱབ་མཛད་མ། །ཕྲ་མོ་ཆེན་མོ་སྒྲུབ་གསོལ་མ། །མཆོག་འདོད་མ་ལ་མཆོད་སྦྱིན་མ། །སེམས་ཅན་གསོ་བའི་འོ་རྒྱུན་མ། །དུག་སེལ ་སྨན་མཆོག་མ་གྷི་མ། །སྡིག་སྤོང་དགེ་པའི་བདུད་རྩི་མ། །སངས་རྒྱས་བསྐྱེད་པའི་རྒྱལ་ཡུམ་མ། །བདག་ལ་ཐུགས་རྗེས་ཞལ་སྟོན་མ། །རྗེ་བཙུན་འཕགས་མ་སྒྲོལ་མ་ལ་ཆོས་ཀྱི་རྗེ་པཎྜི་ཏ་འབུམ་ཕྲག་གསུམ་པས་བསྟོད་པ་རྫོགས ་སོ།། །།རྒྱ་གར་སྐད་དུ། ཨཱརྱ་ཏཱ་ར་དེ་བི་སྟོ་ཏྲ། བོད་སྐད་དུ། འཕགས་མ་ལྷ་མོ་སྒྲོལ་མ་ལ་བསྟོད་པ། རྗེ་བཙུན་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ལྷ་མོ་སྒྲོལ་མ་ལྷ་ཡི་ལྷ། །འཇིག་རྟེན ་གསུམ་ན་མཆོག་གྱུར་པ། །ཐུགས་རྗེ་ཆེན་པོའི་དབང་གྱུར་པས། །ཁམས་གསུམ་འགྲོ་བ་སྒྲོལ་ལ་མཁས། །ཚོར་བ་བཏང་སྙོམས་ངོ་བོ་ཉིད། །མི་མཐུན་ཚོར་བ་བདེ་སྡུག་ལྡན། །ཕྲག་དོག་འཇོམས་པའི་ཕྲིན་ལས་ཅན། །མཁས་ལྟར་དངོས་པོ ་བླ་ན་མེད། །གཟུང་བ་དང་ནི་འཛིན་པ་ཡི། །རྣམ་རྟོག་སྤངས་པའི་བདེ་བ་ཅན། །པདྨ་ཆུ་ས་མི་ཆགས་པ་ལྟར། །འཁོར་བའི་སྐྱོན་གྱིས་མ་གོས་པ། །རང་བཞིན་གྱིས་དག་བླ་ན་མེད། །རྒོལ་བ་དག་ནི་ཚར་གཅོད་པ། །འགྲོ་བ་ཡིད་འོང་ཕུན་ཚོགས་པ། ། ་སྐུ་མདོག་མཚན་དང་དཔེ་བྱད་ལྡན། །སྒྲོལ་མ་སྣ་ཚོགས་མདོག་ཅན་ནི། །འབྱུང་པོ་ལས་བྱུང་གདོན་ཆེན་དང། །འདུ་བ་ལས་བྱུང་ནད་རྣམས་དང། །བཀྲ་མི་ཤིས་ནི་སྣ་ཚོགས་དང། །མཚོན་དང་དུག་དང་རིག་སྔགས་དང། །ཕྲ་མེན་ལས་བྱུང་སྦྱོར ་ཡིས། །ཤིན་ཏུ་མི་ཟད་ཐབས་ལྡན་པའི། །སྟོབས་ནི་སྣ་ཚོགས་འཇོམས་པ་དང། །སེང་གེ་གླང་པོ་སྟག་དང་སྦྲུལ། །ཆེན་རྐུན་མ་ཆུ་ཤ་ཟ་ཡི། །འཇིགས་པ་ཆེན་པོ་དེ་རྣམས་ལས། །སྐྱབས་མཛད་དེ་ལ་བསྟོད་ཕྱག་འཚལ། །འཕགས་མ་ལྷ་མོ་སྒྲོལ་མ ་ལ་བསྟོད་པ་རྫོགས་སོ།། །།རྒྱ་གར་སྐད་དུ། ཨཱརྱ་ཏཱ་ར་སཱ་དྷ་ནཾ། བོད་སྐད་དུ། འཕགས་མ་སྒྲོལ་མ་སྒྲུབ་པའི་ཐབས། དང་པོར་རེ་ཞིགས་སྔགས་པས་ཁ་ལ་སོགས་པ་དག་པར་བྱས་ནས། ས་ཕྱོགས་དབེན་པར་འདུག ་?། བྱང་ཆུབ་མཆོག་ཏུ་སེམས་བསྐྱེད་ལ། རང་གི་སྙིང་གར་ཨ་ལས་བྱུང་བའི་ཟླ་བའི་སྟེང་དུ་ཡི་གེ་ཏཱི་ལྗང་གུ་འོད་ཟེར་དང་ལྡན་པར་བསམས་ནས། དེའི་འོད་ཟེར་གྱིས་མ་རིག་པའི་མུན་པ་བསལ་ནས་ཁམས་གསུམ་དུ་སྤྲོས་ཏེ། འགྲོ་བའི་དོན་བྱས་ནས་ཕྱོགས ་བཅུ་ན་བཞུགས་པའི་སྒྲོལ་མ་སྤྱན་དྲངས་ཏེ། མདུན་དུ་བལྟས་ལ། ཕྱག་དང། མཆོད་པ་དང། སྡིག་པ་བཤགས་པ་དང། གསུམ་ལ་སྐྱབས་སུ་འགྲོ་བ་དང། བསོད་ནམས་ལ་རྗེས་སུ་ཡི་རང་བ་དང། བསྐུལ་མ་གདབ་པ་དང། མྱ་ངན་ལས་མི་འདའ་བར ་