Wylie

e-texts based on the ACIP/ALL Input

རྒྱ་གར་སྐད་དུ། ཨཱརྱ་ཏཱ་ར་ཨཥྚ་བྷ་ཡ་ཏྲ་ཏ་ནཱ་མ་སཱ་དྷ་ནཾ། བོད་སྐད་དུ། འཕགས་མ་སྒྲོལ་མ་འཇིགས་པ་བརྒྱད་ལས་སྐྱོབ་པ་ཞེས་བྱ་བའི་སྒྲུབ་ཐབས། རྗེ་བཙུན་མ་སྒྲོལ་མ་ལ་ཕྱག་འཚལ་ལོ། །ཀུན་མཁྱེན་རྒྱལ་བའི་བདག་པོ་ལྷན་ཅིག་སྐྱེས་པའི་ཆོས་སྐུ་དེ ་བཞིན་དུ། །ལོངས་སྤྱོད་རྫོགས་དང་སྦྲུལ་བའི་སྐུ་སྟེ་པདྨའི་འདབ་མ་བཞིན་དུ་ཡངས་པའི་སྤྱན། །རྣལ་འབྱོར་དག་པར་རྣམ་པར་ཐར་གྱུར་སྲིད་དང་སྲིད་ལས་བྲལ་བའི་སྐུ་གསུང་ཐུགས་ཆགས་པ། །ཐབས་དང་ཤེས་རབ་གཉིས་མེད་ལྷ་དང་ལྷ་མིན་མིས་མཆོད ་དེ་ལ་ཕྱག་འཚལ་ཏེ། །སྐྱེ་འཇིག་རྣམ་པར་སྤངས་ཕྱིར་ཆོས་ཉིད་མི་འགྱུར་ཡང་དག་ཉིད་དུ་དབྱེར་མེད་ཀྱང། །འཁྲུལ་བཅས་འགྲོ་བའི་དོན་ཕྱིར་སྐུ་གསུང་ཐུགས་ཀྱི་ཕྲིན་ལས་ཁྱད་པར་གསང་སྔགས་ལམ། །སྒྲིབ་བ་མྱུར་འཇོམས་སྣ་ཚོགས་ཕྱག་རྒྱའི་གཟུགས ་འཕྲོས་སངས་རྒྱས་ཐམས་ཅད་བསྐྱེད་བྱེད་ཡུམ། །འཇིགས་པ་བརྒྱད་ལས་སྒྲོལ་བ་འདི་དེང་བསྒྲུབ་ལ་དགའ་ཕྱིར་དང་པས་བརྩམ་པར་བྱ། དད་ལྡན་རབ་བརྩོན་དམ་ཚིག་ལྡན། །རྗེ་བཙུན་སྒྲུབ་ལ་དགའ་བ་ཡིས། །རྣམ་པར་འཆི་མེད་དབེན་པའི་གནས། །ཉམས་དགའ་ ་དངོས་གྲུབ་འབྱུང་གནས་སུ། །རྟེན་དང་མཆོད་རྫས་སྣ་ཚོགས་པ། །རབ་བཤམས་བདེ་བའི་སྟན་ཉིད་ལ། །རྫོགས་སངས་རྒྱས་ཀྱི་བཞུགས་ཚུལ་གྱིས། །ཕྱི་ནང་ཁྲུས་ཀྱིས་དག་བྱས་ཏེ། །དེ་ནས་རང་གི་སྙིང་ག་རུ། །ང་རོ་དང་པོ་ལས་བྱུང་བའི། །ཆུ་ཤེལ་དབུས་སུ་ཡི་གེ་ནི། །སྡེ ་ཚན་བཞི་པའི་དང་པོ་ལ། །ལྔ་པའི་ཐ་མའི་ཐིག་ལེས་བརྒྱན། །དེ་ཡི་འོད་ཀྱིས་རྗེ་བཙུན་དང། །འཕགས་པའི་ཚོགས་རྣམས་སྤྱན་དྲངས་ཏེ། །སངས་རྒྱས་ཀུན་གྱི་ཡེ་ཤེས་སྐུ། །གཏི་མུག་ལྡོངས་པའི་སེམས་ཅན་གྱི། །མ་རིག་མུན་པ་སེལ་མཛད་མ། །བདེ་གཤེགས་སྒྲོལ་མ་ཕྱག ་འཚལ་ལོ། །དྲི་ཞིམ་མེ་ཏོག་ཐམས་ཅད་དང། ། ཀེ་རུ་སོགས་བདུག་སྤོས་དང། རབ་ཏུ་མུན་སེལ་སྒྲོན་མེ་དང། །ག་བུར་ལ་སོགས་དྲི་ཡི་མཆོག་།གཙང་སྦྱར་བཤོས་དང་གཞན་ཡང་ནི། །སྒྲ་སྙན་ལ་སོགས་མཆོད་པའི་ཚོགས། །ཐམས་ཅད་དབུལ་ཏེ་སྔགས་དང་ནི། །ཕྱག་རྒྱའི་རྒྱས ་ཀྱང་གདབ་བར་བྱ། །འཁོར་བ་ཐོག་མ་མེད་པར་དུ། །སྡིག་བགྱིས་གང་ལགས་མ་ལུས་པ། །ད་ལྟ་ཉིད་དུ་བཤགས་བགྱིས་ནས། །སླན་ཆང་ནམ་ཡང་མི་བགྱིད་དོ། །རྫོགས་སངས་རྒྱས་སོགས་འཕགས་རྣམས་དང། །འགྲོ་བ་ཀུན་གྱི་དགེ་བ་ནི། །ཟག་མེད་ཟག་དང་བཅས་པ་ལ། ་བསམ་པས་རྗེས་སུ་ཡི་མང་པོ། །འགྲོ་མགོན་སྤྲིན་བྲལ་ཉི་མ་ཡི། །དཀྱིལ་འཁོར་རྒྱས་པར་གྱུར་རྣམས་ལ། །འགྲོ་བ་རྣམས་ལ་ཕན་པའི་ཕྱིར། །ཆོས་ཀྱི་འཁོར་ལོ་བསྐོར་བར་བསྐུལ། །རྒྱལ་བ་ཟག་མེད་དབྱིངས་ཉིད་དུ། །མྱ་ངན་འདས་གཟིགས་བཞེད་རྣམས་ལ། །ཇི་སྲིད་འཁོར ་པ་གནས་ཀྱི་བར། །མྱ་ངན་མི་འདའ་བཞུགས་པར་གསོལ། །དོན་དམ་རང་བཞིན་མཚན་མ་མེད། །རྣམ་པར་མི་རྟོག་ཆོས་སྐུ་ལས་གཟུགས་སྐུ་ལྟ་བུའི་ཚུལ་འཆང་བའི། །འགྲོ་མགོན་ཁྱེད་ལ་སྐྱབས་སུ་མཆི། །ཇི་ལྟར་དུས་གསུམ་མགོན་པོ་རྣམས། །བྱང་ཆུབ་མཆོག་ཏུ་ཐུགས ་བསྐྱེད་ལྟར། །བདག་ཀྱང་འགྲོ་རྣམས་བསྒྲལ་བའི་ཕྱིར། །བྱང་ཆུབ་མཆོག་ཏུ་སེམས་བསྐྱེད་དོ། །ཕྱག་འཚལ་ལ་སོགས་བགྱིས་པ་ལས། །བདག་གིས་བསོད་ནམས་གང་ཐོབ་པས། །སེམས་ཅན་མ་ལུས་སངས་རྒྱས་ཀྱི། །ས་ནི་མྱུར་དུ་ཐོབ་པར་ཤོག་། ་འགྲོ་བ་བདེ་དང་ཕྲད་ལ་སོགས། །ཚད་མེད་བཞི་ཡང་བསྒོམ་བར་བྱ། །དེ་ནས་འཕགས་རྣམས་གཤེགས་བྱས་ལ། །བརྟན་གཡོའི་ཆོས་ཀུན་སྟོང་པར་བསྒོམ། །ོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷ་བ་ཨཱཏྨ་ཀོ་ཧཾ། དེ་ནས་ཆུ་སྐྱེས་སྟེང་དུ་ནི། །ཆུ་ཤེལ་དེ་སྟེངས་ས་བོན་ནོ། དེ་ཡོངས ་གྱུར་ལས་ཨུཏཔ་ལ། །ས་བོན་ཉིད་ཀྱིས་མཚན་པའོ། །དེ་ཡི་འོད་ཀྱིས་སྐྱེ་དགུ་རྣམས། །སྦྱངས་ནས་ཡོངས་གྱུར་བཅོམ་ལྡན་མ། །ཞལ་གཅིག་ཕྱག་གཉིས་དུར་བའི་མདོག། བཅུ་དྲུག་ན་ཚོད་རྒྱན་རྣམས་རྫོགས། །མཆོག་སྦྱིན་པ་དང་ཨུཏཔ་ལ། །གཡས་དང ་གཡོན་དུ་ཤེས་བྱ་སྟེ། །བྱེད་ཀྲུང་གིས་བཞུགས་འཛུམ་པའི་བཞིན། །མཆོ་སྟེངས་རིན་ཆེན་བྲག་ཕུག་ནང། །ལྟོས་འགྲོས་ཞབས་བརྟེན་བསྒོམ་པར་བྱ། །གཡས་དང་གཡོན་གྱི་དང་པོ་ནི། །མཾ་དང་པྲཾ་ལས་ལྷ་མོ་ནི། །འོད་ཟེར་ཅན་དང་སོ་སོར་འབྲང། །སེར་མདོག་ཞལ ་གཅིག་ཕྱག་གཉིས་མ། །རྒྱན་མཛེས་གཡོན་ན་ཤིང་ལོ་ནི། །མྱ་ངན་མེད་དང་རྡོ་རྗེ་བསྣམས། །གཡས་པ་བདུད་པའི་ཚུལ་དུའོ། །གཡས་ཀྱི་འོག་མར་ཕག་གདོང་མ། །པ་ལ་ཤ་མདོག་རྒྱན་གྱིས་མཛེས། །ཆོས་འཆད་པ་ཡི་ཕྱག་རྒྱ་ཅན། །གཡོན་གྱི་འོག་མར་ཁྲོ་གཉེར ་མ། །མིག་སྨན་མདོག་ཅན་ཁྲོ་མོའི་ཚུལ། །གྲི་གུག་ཐོད་ཁྲག་བསྣམས་པའོ། །དེ་དག་རྣམས་ཀྱི་ཕྱོགས་མཚམས་ནི། །བརྒྱད་ན་འཇིགས་པ་རྣམ་པ་བརྒྱད། །བགེགས་དང་དགྲ་དང་གླང་ཆེན་དང། །མེ་དང་སྦྲུལ་དང་མི་རྒོད་དང། ལྕགས་སྒྲོག་གིས་བཅིངས་ཆུ་རྣམས ་ལས། །སྐྱོབ་བྱེད་སྒྲོལ་མ་བརྒྱད་འཕྲོ་བ། །རྣལ་འབྱོར་པ་ཡིས་བསྒོམ་པར་བྱ། །དེ་ནས་སྙིང་གའི་ས་བོན་ལས། །འོད་འཕྲོས་ཡེ་ཤེས་སེམས་དཔའ་ནི། །སྔ་མའི་ཚུལ་ཅན་སྤྱན་དྲངས་ལ། །མཆོད་ནས་ཡི་གེ་བཞི་པོ་ཡིས། །གཉིས་སུ་མེད་པར་བསྟིམ་པར་བྱ། ། ་ཡི་གེ་གསུམ་གྱིས་གནས་གསུམ་དུ། །བྱིན་གྱིས་བརླབ་བྱ་དེ་ཡི་རྗེས། །དབང་བསྐུར་རིགས་ཀྱི་བདག་པོ་ནི། །དོན་ཡོད་གྲུབ་པས་སྤྱི་གཙུག་བརྒྱན། །དེ་ནས་ས་བོན་ལས་བྱུང་བའི། །འོད་ཀྱི་སྤྲོ་བསྡུ་ཅུང་ཟད་བྱ། །སྐྱོ་ན་གསང་སྔགས་བཟླས་པ་ནི། །ཡི་གེ་བཅུ་པ་བགྲང་བར་བྱ། །ོཾ ་ཏཱ་རེ་ཏུཏྟཱ་རེ་ཏུ་རེ་སྭཱཧཱ། །འབུམ་ཕྲག་འམ་ཡང་ན་དྲུག་།འབུམ་ཕྲག་བཅུ་ཡིས་ལས་རྣམས་འགྲུབ། །གལ་ཏེ་འབྱུང་པོ་རྣམས་ལ་ནི། །གཏོར་མ་སྦྱིན་ན་སྣོད་གཙང་དུ། །ཟན་བླུགས་ཆོ་གས་བྱིན་རླབས་ཏེ། །ལག་གཉིས་ཐལ་མོ་སྦྱར་བ་ལས། །མཛུབ་གཉིས་གུང་མོ་གཉིས ་བ་ལ། །ལེགས་བཅད་པ་ནི་ཨུཏ་པ་ལ། །ཁ་འབྱེ་བས་ནི་ཕྱག་རྒྱ་སྟེ། །གནས་གསུམ་དག་ཏུ་གཏུགས་བྱས་ནས། །འབྱུང་པོ་རྣམས་ལ་གཏོར་མ་སྦྱིན། །ོཾ་ཨཱ་ཀཱ་རོ་མུ་ཁཾ་སརྦ་དྷརྨཱ་ནཾ་ཨ་དྱ་ནུཏ་པན་ཊ་ཏྭཱཏ་ཨོཾ་ཨཱ(རྒྱུད་འགྲེལ་ནི། །རྒྱས་བར་རྒྱུད་ལས་གསུངས་པའི་ཕྱིར། །འདི་རུ་མ་བཀོད་དེ་རུ་བལྟ། །རྣལ་འབྱོར་པ་ནི་གང་ཞིག་གིས། །འདི་དོན་ཉམས་སུ་ལེན་བྱེད་ན། །དངོས་དང་དངོས་མེད་ཟད་གཙོ་བོ། །ཐོག་མ་ཐ་མ་མེད་ཞི་བ། །སྐྱེ་དང་ཟག་པ་རྣམས་སྤངས་པ། །དཔལ་ལྡན་ཡུམ་ཉིད ་ཐོབ་འགྱུར་ཏེ། །བུམ་པ་བཟང་སོགས་དངོས་གྲུབ་དང། །གཞན་ཡང་གསང་དང་བསྐྲད་དང་དབྱེ། །དགུག་དང་ཞི་དང་རྒྱས་པ་ཡི། །ལས་གྲུབ་འགྱུར་བ་སྨོས་ཅི་དགོས། །དེ་ལྟར་སྟོང་དང་སྙིང་རྗེ་བདག་ཅན་སྲིད་པ་གསུམ་སྐྱེས་ཟད་དངོས་ཤེས་དང་ནི། །ཤེས ་བྱ་གཉིས་སུ་མེད་སྐུ་ཀུན་ཏུ་བཟང་པོ་སྤྱོད་པའི་བདག་ཉིད་སྣ་ཚོགས་ཡུམ། །བཅོམ་ལྡན་འདས་མའི་སྒྲུབ་ཐབས་རྒྱུད་བཞིན་ལེགས་བཀོད་པ་ལས་བསོད་ནམས་དྲི་མ་མེད། །བདག་གིས་གང་ཐོབ་དེས་ནི་འགྲོ་བ་མ་ལུས་རྟོག་བ་དེ་མྱ་ངན་འདས་ཐོབ་ཤོག། ་འཕགས་པ་འཇིགས་པ་བརྒྱད་ལས་སྐྱོབ་པ་ཞེས་བྱ་བའི་སྒྲོལ་མའི་སྒྲུབ་ཐབས་སློབ་དཔོན་ཆེན་པོ་ཙན་དྲ་གོ་མིས་མཛད་པ་རྫོགས་སོ།། །།རྒྱ་གར་གྱི་མཁན་པོ་དཱི་བཾ་ཀར་ཤྲཱི་ཛྙཱ་ན་དང། བོད་ཀྱི་ལོཙྪ་བ་ཚུལ་ཁྲིམས་རྒྱལ་བས་བསྒྱུར་བ་ལས། ་སླད་ཀྱི་རྒྱ་གར་གྱི་མཁན་པོ་བྱང་ཆུབ་སེམས་དཔའ་དཱ་ན་ཤྲཱི་དང། བོད་ཀྱི་ལོཙྪ་བ་མལ་གྱི་བློ་གྲོས་གྲགས་བས་བཅོས་ཏེ་གཏན་ལ་ཕབ་པའོ།། །།རྒྱ་གར་སྐད་དུ། སཱི་ཏ་ཏཱ་ར་སཱ་དྷ་ནཾ། བོད་སྐད་དུ། སྒྲོལ་མ་དཀར་མོའི་སྒྲུབ་ཐབས། ་