Wylie

e-texts based on the ACIP/ALL Input

རྟེན་མགོན་པོའི་སྒྲུབ་ཐབས་རྫོགས་སོ།། །།རྒྱ་གར་སྐད་དུ། ཏཱ་ར་དེ་བྱེ་སཱ་དྷ་ནཱཾ། བོད་སྐད་དུ། ལྷ་མོ་སྒྲོལ་མའི་སྒྲུབ་ཐབས། ལྷ་མོ་སྒྲོལ་མ་ལ་ཕྱག་འཚལ་ལོ། །སྔར་བཤད་པའི་ཆོ་གས་བདུད་རྩིའི་དཀྱིལ་འཁོར་དེའི་དབུས་སུ་ཡི་གེའི་སྡེ་མཚན་ལྔ ་པའི་དང་པོའི་ས་བོན་ལ། དང་པོའི་གཉིས་ལས་རྫོགས་པར་བྱས་པ་ལ་ཟླ་བ་ཕྱེད་པ་དང། ཐིག་ལེས་བརྒྱན་པ། དེ་ཉིད་ལས་བྱུང་བའི་ལྷ་མོ་སྒྲོལ་མ་བསྒོམ་པར་བྱའོ། །སྐུ་མདོག་ལྗང་གུ་ཕྱག་གཉིས་པ་གཡས་ཀྱིས་མཆོག་སྦྱིན་པ། གཡོན་ན་ཨུཏཔ་ལ་བསྣམས ་པ། པདྨ་དང་ཟླ་བ་ལ་བཞུགས་པ། རྒྱན་ཐམས་ཅད་ཀྱིས་བརྒྱན་པར་བསམ་པར་བྱའོ། །དེ་ནས་ཕྱག་རྒྱ་བཅིང་བར་བྱ་སྟེ། ལག་པ་གཉིས་ཐལ་མོ་སྦྱར་ལ། མཛུབ་མོ་གཉིས་གུང་མོ་བཅིངས་ལ་བཅར་བ་ནི་ལྷ་མོ་སྒྲོལ་མའི་སྒྲུབ ་ཐབས། ཨུད་པལ་ཁ་བྱེ་བའི་ཕྱག་རྒྱའོ། །དེའི་འོག་ཏུ་སྔགས་བཟླས་པར་བྱ་སྟེ། ཨོཾ་ཏཱ་རེ་ཏུད་ཏཱ་རེ་ཏུ་རེ་སྭཱཧཱ། ལྷ་མོ་སྒྲོལ་མའི་སྒྲུབ་ཐབས་རྫོགས་སོ།། །།རྒྱ་གར་སྐད་དུ། བྷ་ག་བ་ཏི་པྲཛྙཱ་པ་ར་མི་ཏཱ་དྷ་ནཾ། བོད་སྐད་དུ། བཅོམ་ལྡན་འདས་ཡུམ་ཤེས་རབ་ཀྱི ་