Wylie

e-texts based on the ACIP/ALL Input

ཟེར་རྣམས་ཀྱིས་མི་བསྐྱོད་པ་ལ་སོགས་པ་རྣམས་ཡང་དག་པར་བསྐུལ་ནས་གདན་དྲངས་ཏེ་དབང་བསྐུར་བ་བླངས་ནས་ཅོད་པན་གྱི་བདག་པོ་མི་བསྐྱོད་པ་བསམ་པར་བྱའོ། །དེ་ནས་རང་གི་སྙིང་ག་ལས་མཆོད་པའི་ལྷ་མོ་རྣམས ་ཡང་དག་པར་སྤྲོས་ནས་མཆོད་པ་དང་བསྟོད་པ་རྣམས་བྱས་ནས་ཡི་གེ་བརྒྱ་པའི་སྔགས་བཟླས་པར་བྱའོ། །ཇི་སྲིད་ངལ་བར་མ་གྱུར་པ་དེ་སྲིད་དུ་བསྒོམས་པར་བྱའོ། །སེམས་ངལ་བར་གྱུར་ན་སྔགས་བཟླས་པར་བྱའོ། །ོཾ་མ་ཎི་དྷ་རི་བཛྲི་ཎི་མ་ཧཱ་པྲ་ཏི་ས ་རེ་ཧཱུཾ་ཧཱུཾ་ཕཊ་ཕཊ་སྭཱཧཱ་ཞེས་སོ། །ཧཱུཾ་ཧཱུཾ་ཕཊ་ཕཊ་ཅེས་པའི་སྔགས་བྲལ་བར་ཡང་ངོ། །ོཾ་བཛྲ་སཏྭ་ས་མ་ཡཱ་མ་ནུ་པཱ་ལ་ཡ་བཛྲ་སཏྭ་ཏྭེ་ནོ་པ་ཏིཥྛ་ཌི?་ཌཧོ་མེ་བྷ་བ་སུ་ཏོ་ཥྱོ་མེ་བྷ་བ། སུ་བོ་ཥྱོ་མེ་བྷ་བ། ཨ་ནུ་རཀྟོ་མེ་བྷ་བ། སརྦ་སིདྡྷི་མེ་པྲ་ཡཙྪ་སརྦ་ཀརྨཱ་སུ ་ཙ་མ་ཙིཏྟཾ་ཤྲི་ཡཾ(རྒྱུད་འགྲེལ་རྫོགས་སོ།། །།རྒྱ་གར་སྐད་དུ། པྲ་ཏི་ས་རེ་སཱ་དྷ་ནཾ། བོད་སྐད་དུ། སོ་སོར་འབྲང་མའི་སྒྲུབ་ཐབས། འཕགས་མ་སོ་སོར་འབྲང་མ་ལ་ཕྱག་འཚལ་ལོ། །སྐྱེ་བོ་ཐམས་ཅད་ལ་ཡང་བྱམས་པ་སྟེ་སྐྱེ་བ་དང་རྒ་བ་དང་ན་བ་དང་འཆི་བའི་ཟུག་རྔུས་མནོར་ཞིང་མྱོས ་པ་རྣམས་ལ་སྙིང་རྗེ་དང་དགའ་བ་དང་བཏང་སྙོམས་ཀྱི་བློར་བྱས་ནས་མན་ངག་འདི་ལས་སྒྱུ་མ་དང་རྨི་ལམ་དང་མཚུངས་པས་ཤིན་ཏུ་མཆོག་ཏུ་མ་ལུས་པ་རྣམས་སྟོང་པ་ཉིད་དུ་རྣམ་པར་བརྟགས་ནས་འགྲོ་བ་རྣམས་ཀྱི་རྣམ་པར་ཤེས་པ་དང་ལུས་གཅིག་ཏུ ་བསྔགས་པས་མདུན་དུ་རྣམ་པར་བསྒོམས་ཏེ། དེ་ནས་དེ་རྣམས་ཀྱི་ཡང་ཨ་ཡིག་དཀར་པོ་ལ་རི་བོང་འཛིན་པའི་གཟུགས་སུ་གྱུར་ནས། སེར་པོའི་རྣམ་པའི་པྲཾ་ཡིག་བྱས་ཏེ། རང་གི་ས་བོན་གྱི་འོད་ཟེར་གྱི་ཕྱོགས་སོ་སོ་ནས་ཁམས་གསུམ་ཡང་སྣང་བར ་མཛད་པར་བསམས་ནས་སྣ་ཚོགས་ཆུ་སྐྱེས་ཀྱི་ཟེ་འབྲུ་ལ་རྣམ་པར་དངས་པའི་ཟླ་བའི་གདན་ལ་བཞུགས་པ། ཀུན་ནས་སེར་ཞིང་སེར་བ་དང། ཀུན་ནས་དཀར་ཞིང་དཀར་བ་དང། དམར་བའི་ཞལ་གསུམ་ལ་སྤྱན་གསུམ་གསུམ་གྱིས་སྤྲས་པ། རིན་པོ་ཆེའི་རང་བཞིན་གྱི་ཅོད ་པན་ཅན། ན་བཟའ་སྣ་ཚོགས་པ་མནབས་པ། འོད་ཀྱི་དཀྱིལ་འཁོར་དམར་པོ་ཅན་ཞབས་རོལ་པའི་སྟབས་ཀྱིས་བཞུགས་པ། དཀར་འཛིན་ཟུང་ལྡན་པ་ལ་གོས་ཀྱིས་སྟོད་གཡོགས་སུ་བྱས་པ། རལ་གྲི་དང། འཁོར་ལོ་དང། མདའ་དང། རྩེ་གསུམ་པ་དང། དགྲ་སྟ་དང། དཔལ ་གྱི་ཞགས་པ་དང། རྡོ་རྗེ་དང། གཞུ་རྣམས་ཕྱག་གི་འདབ་མ་རྣམས་ཀྱིས་བསྣམས་པའི་སོ་སོར་འབྲང་མར་སྒྲུབ་པ་རང་ཉིད་དུ་གྱུར་ནས་ཨོཾ་ཨཱ(རྒྱུད་འགྲེལ་པོ་དང། སེར་པོ་དང། སྔོན་པོའི་བདག་ཉིད་རྣམས་སོ། །ཟླ་བ་ལ་མཛེས་པའི་ནུ་མ་ཟུང་གི་དབུས་སུ་གཅིག་ཏུ་གྱུར་པའི་པྲཾ་ཡིག་ལས་སྐྱེས་པའི་འོད་ཟེར་རྫོགས་པས་རང་གི་ལུས་ཡོངས་སུ་གང་བར་བསམས་ནས་རང་གི་ལྷ་མོའི་ཚོགས་དེ་བཞིན་དུ་ཡང་སྤྲོ་བ་དང་བསྡུ་བའི ་ཆོ་གས་ཡང་དག་པར་བསྐྱེད་ནས། གང་གི་ཚེ་ངལ་ན་དེའི་ཚེ་མུ་ཏིག་གི་ཕྲེང་བ་བཞིན་དུ་བརྟན་ཞིང་འོད་ཟེར་ཤིན་ཏུ་རྒྱ་ཆེན་པོ་རབ་ཏུ་འབར་བས་རང་གི་སྙིང་གར་ཟླ་བའི་སྟེང་དུ་མཚུངས་པ་མེད་པར་བསམས་ནས་བཟླས་པར་བྱའོ། །འདི་བཞིན་དུ་རྟགས་ཏུ་གུས ་པ་དང་བཅས་ཤིང་འཇམ་པ་དུས་མང་པོ་དང་བཅས་པ་མ་ཡིན་པར་བསམ་པ་རྣམ་པར་དག་པས་སོ། །དེ་ལ་སྔགས་ཀྱི་རྒྱལ་པོ་འདིའོ། །ོཾ་མ་ཎི་དྷ་རི་བཛྲི་ཎི་མ་ཧཱ་པྲ་ཏི་ས་རེ་ཧཱུཾ་ཧཱུཾ་ཕཊ་ཕཊ་སྭཱཧཱ་སོ་སོར་འབྲང་མའི་སྒྲུབ་ཐབས་རྫོགས་སོ།། །།རྒྱ་གར་སྐད་དུ། ཨཱརྱ ་མཧཱ་མ?་ཡུ་རི་སཱ་དྷ་ནཾ། བོད་སྐད་དུ། འཕགས་པ་རྨ་བྱ་ཆེན་མོའི་སྒྲུབ་ཐབས། འཕགས་མ་རྨ་བྱ་ཆེན་མོ་ལ་ཕྱག་འཚལ་ལོ། །སྔོན་དུ་གསུངས་པའི་ཆོ་ག་འདིས་སྣ་ཚོགས་པདྨ་དང་ཟླ་བ་ལ་མཾ་ཡིག་ལྗང་གུ་ལས་སྐྱེས་པའི་རྨ་བྱ་ཆེན་མོ་སྐུ་མདོག་ལྗང་གུ་ཞལ་གསུམ ་