Wylie

e-texts based on the ACIP/ALL Input

པའི་དབྱངས་དང་ལྡན། །སྙན་པའི་དབྱངས་ནི་སྐྱེ་འགྱུར་ཏེ། །སེམས་ཉིད་བསྒོམས་པའི་ནུས་པ་ཡིས། །འདིར་ནི་ཐེ་ཚོམ་མི་བྱའོ། །དབྱངས་ཅན་མ་ཆེན་མོའི་སྒྲུབ་ཐབས་རྫོགས་སོ།། །།རྒྱ་གར་སྐད་དུ། བཛྲ་སྭ་ར་སྭ་སྟི་སཱ་དྷ་ནཾ། བོད་སྐད་དུ། རྡོ་རྗེ ་དབྱངས་ཅན་མའི་སྒྲུབ་ཐབས། འཕགས་མ་དབྱངས་ཅན་མ་ལ་ཕྱག་འཚལ་ལོ། །སྔོན་དུ་གསུངས་པའི་ཆོ་གས་སྙིང་གར་ཆུ་སྐྱེས་དམར་པོ་དང་ཟླ་བ་ལ་དོ(རྒྱུད་འགྲེལ་གྱི་སྙིང་པོ་ཅན། དེ་ཡོངས་སུ་གྱུར་པ་ལས། བཅོམ་ལྡན་འདས་མ་རྡོ་རྗེ་དབྱངས་ཅན་མ་ཞལ་གསུམ། ཕྱག་དྲུག་པ། སྐུ་མདོག་དམར་མོ་སྤྱན་གསུམ་མ། སྔོན་པོ་དང་དཀར་མོ་ནི་གཡས་དང་གཡོན་གྱི་ཞལ་ལོ། །པདྨ་དང། ལ་ར་གྲི་དང། གྲི་གུག་རྣམས་ཕྱག ་གཡས་པ་ན་བསྣམས་པ། ཐོད་པ་དང། རིན་པོ་ཆེ་དང། འཁོར་ལོ་རྣམས་ཕྱག་གཡོན་པ་རྣམས་ན་བསྣམས་པ། ཞབས་གཡོན་བརྐྱང་བའི་གཞོན་ནུ་མའི་ལང་ཚོ་དང་ལྡན་པ། རྒྱན་སྣ་ཚོགས་པ་འཆང་བ། ཐུགས་ཀར་གནས་པའི་ས་བོན ་གྱི་མཚན་མས་གཞན་གྱི་དོན་མཛད་པར་སྤྲོ་བའི་བདག་ཉིད་བསྒོམས་ནས། །ོཾ་པི་ཙུ་པི་ཙུ་པྲཛྙཱ་བརྡྷ་ནི། ཛ་ལ་ཛ་ལ་མེ་དྷ་བརྡྷ་ནི། དྷི་རི་དྷི་རི་བུདྡྷ་བརྡྷ་ནི་སྭཱཧཱ་ཞེས་པའི་སྔགས་བཟླས་པར་བྱའོ། །རྡོ་རྗེ་དབྱངས་ཅན་མའི་སྒྲུབ་ཐབས ་རྫོགས་སོ།། །།རྒྱ་གར་སྐད་དུ། བཛྲ་སྭ་ར་སྭ་སྟི་སཱ་དྷ་ནཾ། བོད་སྐད་དུ། རྡོ་རྗེ་དབྱངས་ཅན་མའི་སྒྲུབ་ཐབས། རྡོ་རྗེ་དབྱངས་ཅན་མ་ལ་ཕྱག་འཚལ་ལོ། །དཔལ་སྟུག་སྟོན་ཀའི་བདུད་རྩིའི་འོད། །ཀུ་མུ་ཏ་ཡི་བླ་མེད་གང། །འགྲོ་བའི་མི་ཤེས ་