Wylie

e-texts based on the ACIP/ALL Input

གསེར་གྱི་མདོག་དང་ལྡན། །མི་འཇིགས་རབ་སྦྱིན་འོད་ཟེར་ཅན། །གོས་དཀར་ཅན་ལ་བདག་ཕྱག་འཚལ། །འཕགས་མ་འོད་ཟེར་ཅན་གྱི་གཟུངས་བཀླག་པའི་མན་ངག་རྫོགས་སོ།། །།རྒྱ་གར་སྐད་དུ། པརྞ་ཤཱ་བ་རི་སཱ་དྷ་ནཾ། བོད ་སྐད་དུ། རི་ཁྲོད་ལོ་མ་ཅན་གྱི་སྒྲུབ་ཐབས། འཕགས་མ་རི་ཁྲོད་ལོ་མ་ཅན་ལ་ཕྱག་འཚལ་ལོ། །སྔོན་མ་བཞིན་དུ་ཐམས་ཅད་བསྒྲུབས་ནས་རང་གི་སྙིང་གར་པདྨ་དཀར་པོ་དང་ཟླ་བའི་དཀྱིལ་འཁོར་ལ་པཾ་ཡིག་སེར་པོ་ལས་སྐྱེས་པའི་རྡོ་རྗེའོ ་དེའི་ལྷེ?་བ་ལ་པཾ་ཡིག་གོ་།དེ་ཐམས་ཅད་ཡོངས་སུ་གྱུར་པ་ལས། བཅོམ་ལྡན་འདས་སྐུ་མདོག་སེར་མོ་ཞལ་གསུམ་པ། སྤྱན་གསུམ་པ། ཕྱག་དྲུག་པ། དང་པོའི་ཞལ་སེར་པོ། གཡས་དཀར་པོ། གཡོན་དམར་པོ་འགྱིང་ཞིང་གཞད་པ ་རྒྱན་ཐམས་ཅད་ཀྱིས་བརྒྱན་པ། ལོ་མ་དང་རྨ་བྱའི་མདོངས་ཀྱི་ཤམ་ཐབས་ཅན། ལང་ཚོ་གཞོན་ཞིང་རྒྱས་པ། ཕྱག་གཡས་པ་རྣམས་ཀྱིས་རྡོ་རྗེ་དང། དགྲ་སྟ་དང། མདའ་རྣམས་བསྣམས་པ། ཕྱག་གཡོན་པ་རྣམས་ཀྱིས་སྡིགས་མཛུབ་དང ་བཅས་པའི་ཞགས་པ་དང། ཡལ་ག་དང་བཅས་པའི་རྨ་བྱའི་མདོངས་དང། གཞུ་རྣམས་བསྣམས་པ། མེ་ཏོག་བཅིངས་པའི་རལ་པའི་ཅོད་པན་ལ་གནས་པའི་མི་བསྐྱོད་པ་འཆང་བ། ཉི་མའི་འོད་ཀྱི་དཀྱིལ་འཁོར་ཅན། འོག་ཏུ་བགེགས ་རྣམས་མནན་པའི་པདྨ་དཀར་པོ་དང་ཟླ་བའི་གདན་ལ་གཡོན་བརྐྱང་གིས་བཞུགས་པ། ཐུགས་ཀར་གཡོན་པའི་སྡིགས་མཛུབ་ཀྱིས་འོག་གི་བགེགས་ཀྱི་ཚོགས་སྐྲག་པར་མཛད་པ། གཡས་རྡོ་རྗེའི་ཁུ་ཚུར་གྱིས ་མཚོན་ཆ་འཕྱར་བའི་ཚུལ། དེ་བཞིན་དུ་ཕྱག་བཞིའི་གཡོན་པ་དག་གིས་སྡིགས་མཛུབ་དང་བཅས་པའི་ཞགས་པ་དང། ལོ་མ་དང་བཅས་པའི་མདོངས་བསྣམས་པ། ཕྱག་གཡས་པ་དག་གིས་རྡོ་རྗེ་དང། དགྲ་སྟ་བསྣམས་པ ་ཤིན་ཏུ་འཇིགས་པ་སྟེར་བ་བསྒོམ་པར་བྱའོ། །དེ་ནས་སྔགས་བཟླས་པར་བྱ་སྟེ། ཨོཾ་པི་ཤཱ་ཙི་པརྞ་ཤ་བ་རི་སརྦ་མ་རི་པྲ་ཤ་མ་ཎི་སྭཱཧཱ། །དེ་ནས་ཇི་ལྟ་བ་བཞིན་དུ་གཤེགས་ནས་ཅི་བདེར་གནས་པར་བྱའོ། །རི་ཁྲོད་མ་ལོ་མ་ཅན་གྱི ་སྒྲུབ་ཐབས་རྫོགས་སོ།། །།རྒྱ་གར་སྐད་དུ། པརྞ་ཤ་བ་རི་སཱ་དྷ་ནཾ། བོད་སྐད་དུ། རི་ཁྲོད་ལོ་མ་ཅན་གྱི་སྒྲུབ་ཐབས། འཕགས་མ་རི་ཁྲོད་ལོ་མ་ཅན་ལ་ཕྱག་འཚལ་ལོ། །སྔོན་དུ་གསུངས་པའི་ཆོ་གས་སྟོང་པ་ཉིད་བསྒོམས ་