Wylie

e-texts based on the ACIP/ALL Input

པཎྜི་ཏ་སློབ་དཔོན་སྙིང་པོ་ཞབས་ཀྱིས་མཛད་པའོ།། །།རྒྱ་གར་སྐད་དུ། མཱ་རཱི་ཙཡཻ་སཱ་དྷ་ནཾ། བོད་སྐད་དུ། འོད་ཟེར་ཅན་གྱི་སྒྲུབ་ཐབས། འཕགས་མ་འོད་ཟེར་ཅན་ལ་ཕྱག་འཚལ་ལོ། །དང་པོ་ཉི་མའི་དཀྱིལ་འཁོར་གྱི་སྟེང་དུ་དང་པོའི་བཅུ ་གསུམ་པའི་ས་བོན་ཟླ་ཕྱེད་དང་ཐིག་ལེས་ཉེ་བར་བརྒྱན་པ་དེ་ལས་སྐྱེས་པའི་འོད་ཟེར་ཅན་སྐུ་མདོག་དམར་མོ་འོད་ཅན་ཞལ་དྲུག་པ་དང་པོ་དམར་པོ། གཉིས་པ་ནག་པོ། གསུམ་པ་ལྗང་གུ་བཞི་པ་སེར ་པོ། ལྔ་པ་དཀར་པོ་དྲུག་པ་ནི་སྟེང་གི་ཕག་ཞལ་ཏེ་ནག་པོའོ། །མྱ་ངན་མེད་པའི་ཤིང་དང་མཆོད་རྟེན་གྱིས་བརྒྱན་པ། ལྟོ་འཕྱང་བ་ཐོད་པའི་ཕྲེང་བས་མཛེས་ཤིང་དབུ་སྐྲ་བརྫེས་པ་སྦྲུལ་གྱིས་རྣམ་པར་བརྒྱན་པ། སྟག་གི་པགས ་པའི་ཤམ་ཐབས་ཅན། བགེགས་འཇོམས་པར་མཛད་པ། ཁ་དོག་སྣ་ཚོགས་པའི་ཕག་གི་ཤིང་རྟ་ལ་བཞུགས་པ། ཕྱག་གཡས་ན་རལ་གྲི་དང། རྡོ་རྗེ་དང། གཏུན་ཤིང་དང། མདའ་དང། རྡོ་རྗེ་རྩེ་གཅིག་པ་དང། དགྲ་སྟ ་བསྣམས་པ། གཡོན་པ་སྡིགས་མཛུབ་དང་བཅས་པའི་ཞགས་པ་དང། ཐོད་པ་དང། མྱ་ངན་མེད་པའི་ཡལ་ག་དང། ཚངས་པའི་མགོ་བོ་དང། གཞུ་དང། རྩེ་གསུམ་བསྣམས་པ་སྟེ། འདི་ཕྱག ་བཅུ་གཉིས་པ། སྤྱན་གསུམ་པ། ཁ་དོག་དམར་ཞིང་ཟླུམ་པ། ཞལ་གཙིགས་པའོ། །ཤིང་རྟའི་དབུས་སུ་ཕྱག་གཉིས་པ་སྡིགས་མཛུབ་དང་ཡལ་ག་བསྣམས་པ། མདུན་དུ་གཉིས་པ་བསྒོམ་པར་བྱའོ། ་དེ་ནས་བདག་ཉིད་བཅོམ་ལྡན་འདས་མ་འོད་ཟེར་གྱི་ཕྱག་རྒྱ་བཅིང་བར་བྱའོ། །རྡོ་རྗེའི་ཐལ་མོ་སྦྱར་ནས་ཏིང་ངེ་འཛིན་གྱིས་གུང་མོ་བརྐྱང་ནས་མཉམ་དུ་མྱུ་གྱུར་བྱས་ཏེ། མཐེབ་ཆེན་སྐྱིལ་ཀྲུང་བཅིངས་ནས་མཛུབ་མོའི་རྩེ་མོ་རྣམ ་པར་གཟུང་བར་བྱའོ། །ོཾ་མཱ་རཱི་ཙཡཻ་མཾ་ཧཱུཾ་ཧཱུཾ་ཕཊ་ཕཊ་སྭཱཧཱ། །འོད་ཟེར་ཅན་གྱི་སྒྲུབ་ཐབས་རྫོགས་སོ།། །།རྒྱ་གར་སྐད་དུ། ཤྲཱི་མཱ་རཱི་ཙཡཻ་བི་ཙུ་བཱ་སཱ་དྷ་ནཾ། བོད་སྐད་དུ། དཔལ་འོད་ཟེར་ཅན་པི་ཙུ་མའི་སྒྲུབ་ཐབས། འཕགས ་