Wylie

e-texts based on the ACIP/ALL Input

བ་དང། འཇོམས་པར་བྱེད་པའོ། །ོཾ་བཛྲ་དྷཱ་ཏྲཱི་ཤྭ་རཱི་སརྦ་དུཥྚ་སཏྭཱ་ན་ཧ་ན། ད་ཧ་ད་ཧ། པ་ཙ་པ་ཙ་ཨོཾ་མཱ་རཱི་ཙཡཻ་ཨོཾ་ཧཱུཾ་སྭཱཧཱ། ཞེས་པའི་སྔགས་བཟླས་པར་བྱའོ། །རྡོ་རྗེ་དབྱིངས་ཀྱི་དབང་ཕྱུག་མ་འོད་ཟེར་ཅན་གྱི་སྒྲུབ་ཐབས་རྫོགས་སོ།། །།རྒྱ་གར ་སྐད་དུ། ཨཥྚ་བྷུ་ཛ་པི་ཏཱ་མཱ་རཱི་ཙཡཻ་སཱ་དྷ་ནཾ། བོད་སྐད་དུ། འོད་ཟེར་ཅན་ཕྱག་བརྒྱད་མ་སེར་མོའི་སྒྲུབ་ཐབས། འཕགས་མ་འོད་ཟེར་ཅན་ལ་ཕྱག་འཚལ་ལོ། །དང་པོར་རེ་ཞིག་སྔགས་པས་སྟན་བདེ་བ་ལ་ཉེ་བར་འདུག་སྟེ། གཡོན་པ་ཁྲོ་བོའི ་ཁུ་ཚུར་གྱིས་སྙིང་ག་དང། མཛོད་སྤུ་དང། མགྲིན་པ་དང། སྤྱི་བོ་རྣམས་ཨོཾ་ཕཊ་ཅེས་པའི་སྔགས་ཀྱི་ཡང་དག་པར་རེག་ནས་གཡས་པ་ཁྲོ་བོའི་ཁུ་ཚུར་བསྟེད་པས་བགེགས་མེད་པར་བསམ་པར་བྱའོ། །དེ་ནས་ཁ་བསང་བ་ལ་སོགས ་པ་བྱས་ནས་སླར་ཡང་ཉེ་བར་གནས་ཏེ། རང་གི་སྙིང་གར་མཚན་མོ་དང་ཉིན་མོའི་དབྱེ་བས་ཨ་ཡིག་དང་ཨ་ཡིག་རྫོགས་པ་ལས་ཟླ་བ་དང་ཉི་མ་བལྟས་ལ། དེའི་སྟེང་དུ་ཨོཾ་ཡིག་སེར་པོའི་རྣམ་པར་བསྒོམས་ལ་དེའི་འོད་ཟེར་ལས ་སྐྱེས་བའི་བཅོམ་ལྡན་འདས་མ་མདུན་དུ་བལྟས་ཏེ། ཇི་ལྟར་རྙེད་པའི་མེ་ཏོག་ལ་སོགས་པ་རྣམས་ཀྱིས་ཡང་དག་པར་མཆོད་ནས་དེའི་མདུན་དུ་སྡིག་པ་བཤགས་པ་ལ་སོགས་པ་བྱས་ནས་ཐམས་ཅད་སྟོང་བར་ཉིད་དུ་བསྒོམ་པར ་བྱའོ། །ོཾ་སྭ་བྷཱ་བ་ཤུདྡྷ(རྒྱུད་འགྲེལ་རལ་པའི་ཅོད་པན་བསྣམས་པ། ཞི་བས་པདྨའི་སྙིང་པོ་སེང་གེའི་གདན་ལ་རྡོ་རྗེ་སྐྱིལ་ཀྲུང་གིས་བཞུགས་པ་རྒྱན་ཐམས་ཅད་ཀྱིས་བརྒྱན་པ། བྱང་ཆུབ་མཆོག་གི་ཕྱག་རྒྱ་མཛད་པ་བསམ་པར་བྱའོ། །དེའི་ཐུགས་ཀའི་ཟླ་བ་ལ་གནས་པའི་མཾ་ཡིག ་ཡོངས་སུ་གྱུར་པ་ལས་མྱ་ངན་མེད་པའི་མེ་ཏོག་།དེའི་སྟེང་དུ་མཾ་ཡིག་།དེ་ལས་འོད་ཟེར་བྱུང་ནས་སེམས་ཅན་མ་ལུས་པའི་དོན་མཛད་ནས་དེ་ལ་དེ་བཞིན་དུ་དགུག་པ་དང་གཞུག་པར་བྱའོ། །དེའི་མདུན་དུ་ཨཾ་ཡིག་ཡོངས་སུ་གྱུར ་བ་ལས་ཉི་མའི་དཀྱིལ་འཁོར་ལ་མཾ་ཡིག་ལས་སྐྱེས་པའི་བཅོམ་ལྡན་འདས་མ་ཕྱག་བརྒྱད་མ་འོད་ཟེར་གྱི་རང་བཞིན་ཅན་དུ་མན་ངག་གིས་བསྒོམ་པར་བྱའོ། །དེའི་རྗེས་ལ་ཨོཾ་མཱཾ་ཞེས་པའི་སྔགས་བརྗོད་ནས་བདག་ཉིད་མཆོད་རྟེན་གྱི་ནང་དུ ་གནས་པ་ཕག་བདུན་གྱི་ཤིང་རྟ་ལ་བཞུགས་པའི་འོད་ཟེར་ཅན་དུ་རྣམ་པར་བསྒོམ་པར་བྱའོ། །ཤིང་རྟའི་འོག་ཏུ་ཡཾ་ཡིག་ལས་སྐྱེས་པའི་རླུང་གི་དཀྱིལ་འཁོར་ལ་ཧཾ་ཡིག་ལས་སྤྲུལ་པའི་སྒྲ་གཅན་ནོ། །དེ་ལ་བཅོམ་ལྡན་འདས་མ་རིན་པོ་ཆེའི ་ཅོད་པན་ཅན། ཕྱག་བརྒྱད་གཞལ་གསུམ་པ། སྤྱན་གསུམ་པ། སྐུ་མདོག་སེར་མོ་རྩ་བའི་ཞལ་ཤིན་ཏུ་སེར་མོ། །བན་དྷུ་ཛི་བ་ཀའི་མེ་ཏོག་ལྟ་བུ་གཡས་དམར་ཞིང་ཟླུམ་པ། གཡོན་པ་ཕག་ཞལ་ཁྲོ་བ་དང་བཅས་པའི་ནག་པོ་ལྗགས་བསྐྱོད་པ། ཞལ ་མི་སྡུག་ཅིང་འཇིགས་པ། ཁྲོ་གཉེར་དང་མཆེ་བ་གཙིགས་པ། ཕྱག་གཡོན་པ་རྣམས་ན་སྡིགས་མཛུབ་དང་བཅས་པའི་ཞགས་པ་དང། གཞུ་དང། མྱ་ངན་མེད་པའི་མེ་ཏོག་དང། སྐུད་པ་བསྣམས་པ། གཡས་པ་རྣམས་ན་ཁབ་དང ་ལྕགས་ཀྱུ་དང། མདའ་དང། རྡོ་རྗེ་བསྣམས་པའོ། །སྣ་ཚོགས་པདྨའི་ཁོར་ལོ་སོགས་པ་དང། རྒྱན་ཐམས་ཅད་ཀྱིས་བརྒྱན་པ་སྣ་ཚོགས་པའི་ཤ་འགག་དམར་པོའི་སྟོད་གཡོགས་ཅན། གཡོན་བརྐྱང་གིས་བཞུགས་པ་ལྷ་མོ ་བཞིའི་འཁོར་གྱིས་ཡོངས་སུ་བསྐོར་བ་བསམ་པར་བྱའོ། །མདུན་དུ་བད་ཏཱ་ལཱི་གཡས་བརྐྱང་གིས་བཞུགས་པ། ཕྱག་བཞི་པ། ཕག་ཞལ་དམར་པོ་གཅིག་པ། ཕྱག་གཡས་ན་ཁབ་དང། ལྕགས་ཀྱུ་བསྣམས་པ། གཡོན་ན་ཞགས་པ་དང། ་མྱ་ངན་མེད་པའི་མེ་ཏོག་དང་བཅས་པའི་ཡལ་ག་བསྣམས་པའོ། །གཡས་སུ་བ་དཱ་ལི་གཡོན་བརྐྱང་གི་བཞུགས་པ། ཕྱག་བཞི་པ། ཕྱག་ཞལ་ཁ་དོག་སེར་པོ་གཅིག་པ། ཕྱག་གཡས་ན་མྱ་ངན་མེད་པའི་ཡལ་ག་དང། ཁབ་སྐུད་བསྣམས ་པ། གཡོན་ན་ཞགས་པ་དང། རྡོ་རྗེ་བསྣམས་པའོ། །རྒྱབ་ཏུ་བཱ་རཱ་ལཱི་གཡས་བརྐྱང་གིས་བཞུགས་པ། ཕྱག་བཞི་པ་སྐུ་མདོག་སེར་མོ། ཕག་ཞལ་གཅིག་པ། གཡས་ན་རྡོ་རྗེ་དང་ཁབ་བསྣམས་པ། གཡོན་ན་ཞགས་པ་དང། མྱ་ངན་མེད ་པའི་ཡལ་ག་བསྣམས་པའོ། །དེ་བཞིན་དུ་གཡོན་དུ་བ་རཱ་ཧཱི་ཞལ་དམར་པོ་ཉི་མ་ཤར་བའི་འོད་ཟེར་འབར་བ་ལྟ་བུ་གཡོན་བརྐྱང་གིས་བཞུགས་པ། ཕྱག་བཞི་པ། གཡས་ན་མདའ་དང། རྡོ་རྗེ་བསྣམས་པའོ། །གཡོན་པ་གཞུ་དང། མྱ་ངན་མེད ་པའི་ཡལ་ག་བསྣམས་པའོ། །འདི་རྣམས་ཐམས་ཅད་མཆོད་རྟེན་གྱི་གཞལ་ཡས་ཁང་ནས་ཞུགས་པ། སྣ་ཚོགས་པའི་རྒྱན་དང་རིན་པོ་ཆེའི་ཅོད་པན་ཅན། ཤ་འགག་དམར་པོའི་སྟོད་གཡོགས་ཅན། སྤྱན་གསུམ་པ། སྣ་ཚོགས་པའི་རྒྱན་ཅན ་བསམ་པར་བྱའོ། །དེ་ནས་ཛ(རྒྱུད་འགྲེལ་དག་།གུང་མོའི་རྩེ་མོ་ཡང་དག་སྦྱར། །འཁྱིལ་བའི་རྣམ་པའི་རྟགས་ཀྱིས་ནི། །སྐྱིལ་ཀྲུང་སྟེང་དུ་གཞག་ནས་ནི། །ལྟེ་བའི་ཕྱོགས་སུ་དགོད་པར་བྱ། །དེ་ནས་བསྒོམ་པ་སྔོན་དུ་འགྲོ་བས་སྔགས་བཟླས་པར་བྱའོ། །ོཾ་མཱ་རཱི་ཙཡཻ་སྭཱ་ཧཱ། ཆད་ལྷག་ཡི་གེ ་བརྒྱ་བའི་ཆོ་གས་བསྐད་བར་བྱའོ། །ོཾ་བཛྲ་སཏྭ་ཞེས་པ་ལ་སོགས་པའོ། །དེ་ནས་གཤེགས་སུ་གསོལ་བའི་དུས་སུ་ཨོཾ་མཱ་རཱི་ཙཡཻ་མུ(རྒྱུད་འགྲེལ་