Wylie

e-texts based on the ACIP/ALL Input

རྟོག་པ་ལས་གསུངས་པའི་འོད་ཟེར་ཅན་གྱི་སྒྲུབ་ཐབས་རྫོགས་སོ།། །།རྒྱ་གར་སྐད་དུ། ཀལྤོ་ཀ་ཏ་བི་དྷི་ནཱ་སི་ཏ་མཱ་རཱི་ཙཡཻ་སཱ་དྷ་ནཾ། བོད་སྐད་དུ། རྟོག་པ་ལས་གསུངས་བའི་ཆོ་ག་འོད་ཟེར་ཅན་དཀར་མོའི་སྒྲུབ་ཐབས། འཕགས་མ་འོད་ཟེར ་ཅན་ལ་ཕྱག་འཚལ་ལོ། །དང་པོར་རེ་ཞིག་རང་གི་སྙིང་གར་ཟླ་བ་ལ་མཾ་ཡིག་དཀར་པོའི་འོད་ཟེར་གྱིས་བཅོམ་ལྡན་འདས་མ་གདན་དྲངས་ཏེ་ཉེ་བར་སྤྱད་པ་སྣ་ཚོགས་པས་མཆོད་ནས་སྡིག་པ་བཤགས་པ་ལ་སོགས་པ་བྱས་ནས་ཚད་མེད་པའི ་གནས་བཞི་བསྒོམས་ཏེ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ་ཧཾ་ཞེས་བརྗོད་ནས། པཾ་ཡིག་ལས་སྐྱེས་པའི་སྣ་ཚོགས་པདྨའི་སྟེང་དུ་ཟླ་བའི་དཀྱིལ་འཁོར་ལ་སླར་ཡང་མཾ་ཡིག་དཀར་པོ་ཡོངས་སུ་གྱུར་པ་ལས་འོད ་ཟེར་ཅན་ཀུན་དང་ཟླ་བའི་འོད་ལྟ་བུ་ཞལ་ལྔ་པ། ཕྱག་བཅུ་པ། ཞབས་བཞི་པའི་བདག་ཉིད་དུ་སྐད་ཅིག་ཏུ་བསམ་པར་བྱའོ། །དེ་ལ་ཞལ་གྱི་གཙོ་བོ་སྐུའི་མདོག་ལྟ་བུ། ཞལ་གཡས་པ་ནག་བ། ཞལ་གཡོན་པ་ཕག་ཞལ་དམར་པོ། ་རྒྱབ་ཞལ་ལྗང་གུ་དབུའི་སྟེང་དུ་ཞལ་སེར་པོ་རིན་པོ་ཆེ་སྣ་ཚོགས་བས་བརྒྱན་པའི་ཟུར་ཕུང་གསུམ་པ་རལ་པའི་ཅོད་པན་ཅན། ཕྱག་གཡས་པ་ལྔ་རྣམས་ན་ཉི་མའི་དཀྱིལ་འཁོར་དང། རྡོ་རྗེ་སྔོན་པོ་དང། མདའ་དང། ལྕགས ་ཀྱུ་དང། ཁབ་རྣམས་ཕྱག་ན་བསྣམས་པའོ། །ཕྱག་གཡོན་པ་ལྔ་རྣམས་ན། །ཟླ་བའི་དཀྱིལ་འཁོར་དང། གཞུ་དང། མྱ་ངན་མེད་པའི་ཤིང་གི་ཡལ་ག་དང། ཞགས་པ་དང་བཅས་པའི་སྡིགས་མཛུབ་དང། སྐུད་པ་ཕྱག་ན་བསྣམས་པའོ། ་རིན་པོ་ཆེ་སྣ་ཚོགས་པས་བརྒྱན་པའི་རྣ་རྒྱན་དང། དཔུང་རྒྱན་དང། གཙུག་ཕུད་དང། དྲིལ་བུ་གཡེར་གའི་དྲ་བའི་སྐ་རགས་དང། གོས་ཀྱིས་སྐུ་ལ་བརྒྱན་པ། ལང་ཚོ་གཞོན་ཞིང་ཤ་འགག་གིས་སྟོད་གཡོགས་དཀར་པོ་དང། ་མཆོད་རྟེན་གྱི་ནང་ན་བཞུགས་ཤིང་ཕག་བདུན་གྱི་ཤིང་རྟ་ལ་བཞུགས་པ། ཁྱབ་འཇུག་དང། དབང་པོ་དང། བདེ་བྱེད་དང། ཚངས་པ་རྣམས་ཞབས་བཞིས་མནན་པ། དེའི་ཡང་ཤིང་རྟའི་དབུས་སུ་གནས་པའི་ཆུ་སྲིན་མནན ་པའི་བཅོམ་ལྡན་འདས་མ་དེ་ཡང་སྐུ་མདོག་ནག་པོ་ཕག་གི་ཞལ་ཅན་མ། རྡོ་རྗེ་དང། སྡིགས་མཛུབ་དག་གིས་གཡས་དང། གཡོན་པའི་ཕྱག་དག་ནའོ། །གཡས་ཕྱོགས་ན་བཅོམ་ལྡན་འདས་མ་གཞན་ཏེ། དེ་ཡང་ཕག་ཞལ ་དམར་པོ་ཕྱག་བཞི་པ་ལྕགས་ཀྱུ་དང། ཁབ་དག་ཕྱག་གཡས་པ་གཉིས་ནའོ། །ཞགས་པ་དང་བཅས་པའི་སྡིགས་མཛུབ་དང། སྐུད་པ་དག་ཕྱག་གཡོན་པ་གཉིས་ནའོ། །མཛེས་པའི་རྒྱན་གྱིས་བརྒྱན་པའོ། །ཞེས་སོ། །གཡོན་ཕྱོགས་ན་རྗེ་བཙུན ་མ་གཞན་ཏེ། དེ་ཡང་སྐུ་མདོག་དམར་མོ་ཕག་པའི་ཞལ་ཅན་ནོ། །རྣ་བའི་རྩར་བཀང་བའི་གཞུ་དང། མདའ་དང། རྡོ་རྗེ་དང། མྱ་ངན་མེད་པའི་ཤིང་གི་ཡལ་ག་རྣམས་གཡས་དང་གཡོན་གྱི་ཕྱག་རྣམས་ན་བསྣམས་པའོ། །སྣ་ཚོགས ་པའི་ན་བཟས་བརྒྱན་པའོ་ཞེས་ཏེ། ཤིང་རྟ་འདྲེན་པའི་ཕག་གི་འོག་ན་ཉི་མ་ལ་སོགས་པའི་གཟའ་དགུ་དང་ཉེ་བར་འཚོ་བའི་ནད་ཀྱི་ཚོགས་ལྷུང་ནས་མི་གཟུགས་ཀྱིས་ཞི་ཞིང་དེ་ལྟ་བུའི་བཅོམ་ལྡན་འདས་མ་བསམས་ནས། སྙིང་གར་ཟླ་བ ་ལ་མཱཾ་ཡིག་ལས་བྱུང་བའི་འོད་ཟེར་རྣམས་ཀྱིས་དེ་བཞིན་གཤེགས་པ་གདན་དྲངས་ཏེ། དབང་བསྐུར་བླང་ཞིང་རྣམ་པར་སྣང་མཛད་ཀྱིས་དབུ་བརྒྱན་པའོ། །དེ་ནས་སྙིང་གའི་ས་བོན་ལས་ཕྲེང་བའི་རྣམ་པ་ལྟ་བུའི་སྔགས་ཀྱི་ཡི་གེ ་རྣམས་ཁ་ནས་འཐོན་ནས་ལྟེ་བ། ལྟེ་བ་ནས་ཁ། ཁ་ནས་སླར་ཡང་ལྟེ་བ་ལ་སོགས་པར་འཁོར་ལོ་?་བའི་རིམ་པ་བཞིན་དུ་སྔགས་བཟླས་པར་བྱའོ། །མཛའ་གསུམ་གྱི་དེ་བཞིན་ཉིད་ཀྱང་ཡིད་ཀྱིས་བྱའོ། །དེ་ལ་སྔགས་ནི་འདི་ཡིན་ཏེ། ་ཨོཾ་མཱ་རཱི་ཙཡཻ་མཾ་ཧཱུཾ་ཕཊ་སྭཱཧཱ། །རང་གི་ས་བོན་གྱིས་བྱིན་གྱིས་བརླབས་ལ་ཟླ་བ་ལ་སོགས་པ་ཐམས་ཅད་ལ་རྗེས་སུ་གནང་བར་བྱའོ། །སྐྱོ་ན་ཡི་གེ་བརྒྱ་བའི་སྔགས་བརྗོད་ལ་ཅི་བདེར་གནས་པར་བྱའོ། །ཞེས་སོ། །རྟོག་པ་ལས་གསུངས་པའི་ཆོ་ག་འོད་ཟེར་ཅན་དཀར ་མོའི་སྒྲུབ་ཐབས་རྫོགས་སོ།། །།རྒྱ་གར་སྐད་དུ། བཛྲ་དྷཝཱ་ཏྭཱི་ཤཱ་རཱི་མཱ་རཱི་ཙཡཻ་སཱ་དྷ་ནཾ། བོད་སྐད་དུ། རྡོ་རྗེ་དབྱིངས་ཀྱི་དབང་ཕྱུག་མ་འོད་ཟེར་ཅན་གྱི་སྒྲུབ་ཐབས། འཕགས་མ་འོད་ཟེར་ཅན་ལ་ཕྱག་འཚལ་ལོ། །ོཾ་ཨཱ(རྒྱུད་འགྲེལ་