Wylie

e-texts based on the ACIP/ALL Input

པོའི་སྒྲུབ་ཐབས་ཆོ་ག་དང་བཅས་པ་རྫོགས།། །།སློབ་དཔོན་འོད་ཟེར་འབྱུང་གནས་གྲགས་པས་མཛད་པའོ།། །།རྒྱ་གར་སྐད་དུ། ཙཎྜ་མཧཱ་རོ་ཥ། སཱ་དྷ་ནཾ། བོད་སྐད་དུ། གཏུམ་པོ་ཆེན་པོའི་གྲུབ ་ཐབས། གཏུམ་པོ་ཆེན་པོ་ལ་ཕྱག་འཚལ་ལོ། །སྔོན་དུ་གསུངས་པའི་ཆོ་གས་འདིར་སྟོང་པ་ཉིད་དུ་བསྒོམས་ནས། དེ་ནས་པདྨ་དཀར་པོའི་སྟེང་དུ་ཉི་མ་ལ་ཧཱུཾ་ཡིག་ནག་པོ་ཡོངས་སུ་གྱུར་པ་ལས་བཅོམ་ལྡན་འདས་གཏུམ་པོ་ཆེན་པོ་ཟར་མའི་མེ་ཏོག་ལྟ ་བུ་གཞན་གྱིས་མི་གཡོ་བ་ཞལ་གཅིག་པ། སྤྱན་གཉིས་པ། ཟུར་གྱིས་གཟིགས་པ། མཆེ་བ་གཙིགས་པ། མི་བཟད་པའི་ཞལ་ཆེན་པོ། །རིན་པོ་ཆེའི་དབུ་རྒྱན་ཅན། མཆེ་བས་མ་མཆུ་མནན་པ། མགོའི་ཕྲེང་བས་དབུ་རྒྱན་པ། སྤྱན ་གཉིས་དམར་བ། ཕྱག་གཡས་ན་རལ་གྲི་བསྣམས་ཤིང། ཕྱག་གཡོན་པ་ཞགས་པ་དང། སྡིགས་མཛུབ་ཐུགས་ཀར་གནས་པའོ། །སྦྲུལ་དཀར་པོས་སེ་རལ་ག་མཛད་པ། སྟག་གི་པགས་པའི་ཤམ་ཐབས་ཅན། རིན་པོ་ཆེ་སྣ་ཚོགས་ཀྱི ་རྒྱན་གྱིས་བརྒྱན་པ། ཞབས་གཡོན་པ་ས་ལ་རེག་པ། ཞབས་གཡས་པ་ཅུང་ཞིག་བཏེག་པ། ཉི་མའི་འོད་ཟེར་གྱི་ཕྲེང་བ་ཅན་གྱི་བདག་ཉིད་དུ་རྣམ་པར་བསམ་པར་བྱའོ། །དམ་ཚིག་སེམས་དཔའ་དང་ཡེ་ཤེས་སེམས་དཔའ་བསྒོམ ་པ་སྔོན་དུ་འགྲོ་བས་མི་བསྐྱོད་པས་དབུ་བརྒྱན་པར་བསམ་པར་བྱའོ། །དེ་ནས་བཟླས་པའི་སྔགས་ནི་ཨོཾ་ཙཎྜ་མཧཱ་རོ་ཥ་ཎ་ཧཱུཾ་ཕཊ། གཏུམ་པོ་ཆེན་པོའི་སྒྲུབ་ཐབས་རྫོགས་སོ།། །།རྒྱ་གར་སྐད་དུ། ཙཎྜ་མཧཱ་རོ་ཥ་ཎ་སཱ་དྷ་ནཾ། ་བོད་སྐད་དུ། གཏུམ་མོ་ཆེན་མོའི་སྒྲུབ་ཐབས། ཁྲོ་བོའི་རྒྱལ་པོ་མི་གཡོ་བ་ལ་ཕྱག་འཚལ་ལོ། །རྣལ་འབྱོར་བས་ཡིད་དང་འཐུན་པའི་གནས་འགའ་ཞིག་ཏུ་སྟན་བདེ་བ་ལ་ཉེ་བར་འདུག་སྟེ། རང་གི་སྙིང་གར་ཉི་མའི་དཀྱིལ ་འཁོར་གྱི་སྟེང་དུ་ཧཱུཾ་ཡིག་ནག་པོ་ལྟ་བར་བྱའོ། །དེའི་འོད་ཟེར་གྱིས་བླ་མ་དང་སངས་རྒྱས་དང་བྱང་ཆུབ་སེམས་དཔའ་རྣམས་གདན་དྲངས་ཏེ་ནམ་མཁའ་ལ་བལྟ་བར་བྱའོ། །དེ་ནས་ཧཱུཾ་ཡིག་ལས་འོད་ཟེར་བྱུང་སྟེ་མེ་ཏོག་ལ་སོགས་པ་ཉེར་སྤྱོད་? ་དེ་རྣམས་ལ་ཡང་དག་པར་མཆོད་པར་བྱའོ། །དེ་རྣམས་ཀྱི་མདུན་དུ་སྡིག་པ་བཤགས་པ་དང། བསོད་ནམས་ལ་རྗེས་སུ་ཡི་རང་བ་དང། བསོད་ནམས་ཡོངས་སུ་བསྔོ་བ་ལ་སོགས་པ་རྣམས་བྱའོ། །དེ་ནས་བྱམས་པ་ནི་སེམས་ཅན་ཐམས་ཅད་ལ་བུ ་གཅིག་པ་བཞིན་དུ་དགའ་བའི་མཚན་ཉིད་དོ། །སྙིང་རྗེ་ནི་སྡུག་བསྔལ་དང་སྡུག་བསྔལ་གྱི་རྒྱུར་གྱུར་པ་རྣམས་ཡང་དག་པར་གདོན་པར་འདོད་པའོ། །དེ་ལ་རབ་ཏུ་དགའ་བའི་གཟུགས་ནི་དགའ་བའོ། །བཏང་སྙོམས་ནི་དམ་པ་མ་ཡིན་པའི་ཉེས ་པ་ཡོངས་སུ་ཞི་བའི་རང་བཞིན་དུ་བསྒོམ་པར་བྱའོ། །དེ་ནས་ཁམས་གསུམ་པོ་སྟོང་པ་ཉིད་དུ་རྣམ་པར་བལྟས་ནས་སྔགས་ཀྱིས་བྱིན་གྱིས་བརླབ་པར་བྱའོ། །ོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ་ཧཾ། དེ་ནས་བར་སྣང་ལ་པདྨའི་སྟེང་དུ་ཉི་མའི ་དཀྱིལ་འཁོར་ལ་གནས་པའི་ཧཱུཾ་ཡིག་ལས་བྱུང་བའི་རལ་གྲིའི་འཆར་བར་ཧཱུཾ་ཡིག་གནས་པའི་བདག་ཉིད་ཡོངས་སུ་གྱུར་པ་ལས་མི་གཡོ་བ་གཏུམ་པོའི་སྐུར་བལྟ་བར་བྱའོ། །ཟླུམ་ཞིང་དམར་ལ་འབར་བའི་ཁྲོ་བོའི་སྤྱན་བགྲང་པ་དཔྲལ ་ལ?་ཁྲོ་གཉེར་བསྡུས་པ། ཡ་སོས་མ་མཆུ་བསྡམས་པ། པུས་མོ་གཡོན་པ་ས་ལ་བཙུགས་པ། ཞབས་གཡས་པས་བདུད་གདུག་པ་ཅན་གནོན་པ། ཕྱག་གཡས་པས་རལ་གྲི་བསྣམས་པ། གཡོན་པ་ཁུ་ཚུར་སྡིགས་མཛུབ་དང། ཞགས ་པས་སྲིད་པ་གསུམ་གྱི་འཇིགས་པ་འཇོམས་པ། ཨིནྡྲ་ནཱི་ལ་དང་མཚུངས་པའི་འོད་ཟེར་ཅན། མེ་འབར་བའི་གཏུམ་པོ་ཆེན་པོའོ། །དེ་ནས་སྙིང་གའི་ས་བོན་གྱི་འོད་ཟེར་གྱིས་ཡེ་ཤེས་སེམས་དཔའ་བཀུག་ནས་དམ་ཚིག་སེམས་དཔའ་ ་