Wylie

e-texts based on the ACIP/ALL Input

རྒྱ་གར་སྐད་དུ། མཉྫུ་ཤྲཱི་བཛྲ་སཱ་དྷ་ནཾ། བོད་སྐད་དུ། འཇམ་པའི་རྡོ་རྗེའི་སྒྲུབ་ཐབས། དཔལ་འཇམ་པའི་རྡོ་རྗེ་ལ་ཕྱག་འཚལ་ལོ། །དོན་རྣམས་ཕུན་སུམ་ཚོགས་གྱུར་པ། །བདག་ཉིད་འཇམ་པའི་རྡོ་རྗེར་བྱ། །སེམས་ཅན་རྣམས་ཀྱི་འཁྲུལ ་བལྟས་ནས། །དང་པོར་ཡོངས་སུ་བསྒོམ་པར་བྱ། །སྙིང་གར་མཾ་ཡིག་དེ་ཉིད་དགོད། །མཆོད་ཅིང་མངོན་པར་ཕྱག་འཚལ་ནས། །བླ་མ་རྫོགས་པའི་སངས་རྒྱས་ཀྱི། །སྐུར་གྱུར་གསུམ་ལ་སྐྱབས་འགྲོ་སོགས། །དཀོན་མཆོག་གསུམ ་ལ་བདག་སྐྱབས་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རང། །སངས་རྒྱས་བྱང་ཆུབ་ཡིད་ཀྱིས་བཟུང། །དངོས་མེད་ངོ་བོ་ཉིད་ཀྱིས་སྟོང། །མཚན་མེད་རྒྱུ་དང་བྲལ་བ་སྟེ། །སྨོན་པ་དང་བྲལ ་དངོས་ཀུན་གྱི། །རྟོག་པ་སྤངས་པ་ཉིད་དུ་འདོད། །ོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ་ཧཾ། གྲུ་གསུམ་དཀར་པོ་མཐོ་བའི་དབྱིབས། །སྣ་ཚོགས་ཆུ་སྐྱེས་རྡོ་རྗེའི་དབུལ། །མཆོད་རྟེན་ནང་དུ་རྫོགས་སངས་རྒྱས། །རྡོ་རྗེ་སེམས་དཔའ་ ་རིག་བཅས་བསྒོམ། །དེའི་ཞལ་ཞུགས་དེ་བཞིན་དུ། །རང་སེམས་རྡོ་རྗེ་ལས་འཐོན་ནས། །ཡི་གེ་གསུམ་བྱུང་ཆུ་སྐྱེས་ལ། །ཧོ་ཡིག་གཉིས་ཀྱིས་རྣམ་པར་བརྒྱན། །དེ་ལས་བྱུང་བའི་འོད་ཟེར་གྱིས། །དེ་ནས་ལུས་ནི་ཞི་བར་བལྟ། །ཟླ་བ་ཁུ་བའི་འོད་ཟེར ་ཞུ། །མེར་མེར་ལ་སོགས་ཡང་དག་འཛིན། །ཕྱོགས་ཀུན་ན་གནས་ལྷ་མོ་རྣམས། །གླུས་བསྐུལ་དེ་ཡི་ཕྱི་ནས་ནི། །འགྲོ་རྣམས་བདེ་བར་བསྒྲུབ་པའི། །བདག་ཉིད་བཞེངས་པ་བསམ་པར་བྱ། །རྡོ་རྗེའི་ཐུགས་ཁྱོད་གནས་ཀྱི་དབང་ཕྱུག་སེམས་ཅན ་ཁམས། །སྐྱོབ་པ་དག་ནི་དགའ་བ་ཡིད་འོང་དོན་ཆེན་འདོད། །གཉེན་ཆེན་སེམས་ཅན་ཡབ་ཉིད་བདག་ལ་འདོད་པ་ཡིས། །གལ་ཏེ་མགོན་པོས་བདག་ལ་འདོད་མཛད་འཚོ་བར་འགྱུར། །རྡོ་རྗེའི་སྐུ་ཁྱོད་སེམས་ཅན་མང་མཉེས་བཀའ་ཨི ་འཁོར་ལོ། །སངས་རྒྱས་ཆེད་དུ་དོན་དམ་བྱང་ཆུབ་ཕན་རྗེས་སྟོན། །ཆགས་པས་འདོད་ཆགས་དམ་ཚིག་མ་མཱ་ཀཱི་བདག་ལ། །གལ་ཏེ་མགོན་པོས་བདག་ལ་འདོད་མཛད་འཚོ་བར་འགྱུར། །རྡོ་རྗེ་གསུང་ཁྱོད་ཀུན་ལ་ཕན་མཛད་བརྩེ་བཅན ་འཇིག་རྟེན་དོན་གྱི་བྱ་མཛད་རྟག་ཏུ་ཡང་དག་འཇུག་།འདོད་པས་བདག་ལ་ཤིན་ཏུ་སྤྱོད་མཛད་ཀུན་ཏུ་བཟང། །གལ་ཏེ་མགོན་པོ་བདག་ལ་འདོད་མཛད་འཚོ་བར་འགྱུར། །རྡོ་རྗེའི་སྐུ་ཁྱོད་དམ་ཚིག་མཆོག་གི་ཕན་ཆེན་དོན། །རྫོགས་བྱ ་རྒྱུད་ལ་འདོད་བཞིན་མཉམ་ཉིད་བརྩེ་བ་ཅན། །འདོད་པས་བདག་ལ་ཡོན་ཏན་རིན་ཆེན་གཏེར་མང་འབྱུང། །གལ་ཏེ་མགོན་པོ་བདག་ལ་འདོད་མཛད་འཚོ་བར་འགྱུར། །བཅོམ་ལྡན་དེ་ཉིད་ལ་གཤེགས་ཀྱང། །ལྷ་མོ་རྣམས་ཀྱི་གླུ་ཡིས ་བསྐུལ། །དངོས་རྣམས་སྒྱུ་མ་ལྟར་རིག་ནས། །རང་གི་སྔགས་དོན་བསྒོམ་པར་བྱ། །སངས་རྒྱས་སྤྲུལ་ཚོགས་འཕྲོ་བ་ཡིས། །འགྲོ་བ་གསུམ་པོ་རབ་ཏུ་བསྒྲུབ། །མཾ་ཡིག་ལས་བྱུང་བརྟགས་ལས་ནི། །འཇམ་པའི་རྡོ་རྗེ་རང་བྱོན་ཉིད། །སྐུ ་ཁ་དོག་དམར་པོ་གུར་ཀུམ་འདྲ། །སྔོ་དང་དཀར་པོ་ཞལ་གསུམ་སྟེ། །ཕྱག་གཉིས་རང་འོད་རིག་མ་ལ། །མཉམ་འཁྱུད་ཆུ་ནི་ཞལ་གྱིས་འཛིན། །ཕྱག་ན་རལ་གྲི་མདའ་དང་ནི། །གཞུ་དང་ཨུཏཔལ་སྔོན་པོ་བསྣམས། །སྣ་ཚོགས ་ཆུ་སྐྱེས་ཟླ་བའི་གདན། །རྡོ་རྗེ་སྐྱིལ་ཀྲུང་ཟླ་འོད་བཞིན། །སྲིད་པར་ཆགས་ཤིང་འཁོར་བ་ལ། །ཡང་དག་ཆགས་ཤིང་ཆགས་བྲལ་མཛད། །དཔལ་འཇམ་རྡོ་རྗེར་ཀུན་བདག་ཉིད། །ཐམས་ཅད་སྒྱུ་མ་ལྟ་བུར་བསམ། །ོཾ་དྷརྨཱ་དྷཱ་ཏུ་སྭ་བྷཱ་བ་ཨཱཏྨ ་ཀོ་ཧཾ། མིག་སོགས་རྣམས་ལ་འོད་ཟེར་གྱིས། །དེ་ནས་ས་བོན་ལ་གཞུག་བྱ། །ཀྵིཾ་ཛྲིཾ་ཁཾ་གཾ་སྐཾ་སཾ་ཞེས། ས་བོན་རྣམས་ཀྱིས་ཉེར་སྒྲུབ་བོ། །ས་དབང་རྡོ་རྗེ་ནམ་མཁའ་དང། །འཇིག་དབང་སྒྲིབ་སེལ་ཀུན་ཏུ་བཟང། །དེ་བཞིན་རྡོ་རྗེ་སྐྱེ་མཆེད་རྣམས། ་ཉི་མའི་དཀྱིལ་འཁོར་ལ་ཞུགས་སོ། །རང་གི་མགོ་བོ་མགྲིན་སྙིང་ཟླ། །ོཾ་ཨཱ(རྒྱུད་འགྲེལ་ཨོཾ་སརྦ་ཏ་ཐཱ་ག་ཏ་བཱག་བཛྲ་སྭ་བྷཱ་བ་ཨཱཏྨ་ཀོ་ཧཾ་ཨོཾ་སརྦ་ཏ་ཐཱ་ག་ཏ་ཙིཏྟ་བཛྲ་སྭ་བྷཱ་བ་ཨཱཏྨ་ཀོ་ཧཾ། རྡོ་རྗེ་གསུམ་གྱི་མཚན་ཉིད་བལྟས། །སྙིང་གར་ཡེ་ཤེས་ས་བོན་ལས། །ཕྱོགས་རྣམས་ཀུན་བྱོན་རྫོགས་སངས་རྒྱས། །རིག་མ ་མཆོད་ཅིང་རིག་དབང་འཛིན། །སྤྱན་དང་སྐུ་སོགས་བྱིན་གྱིས་བརླབ། །རང་སྔགས་ལས་བྱུང་འོད་གསལ་མ། །མགོ་བོ་སྙིང་ག་ལྟེ་གསང་ཞབས། །སྐུ་སོགས་རྡོ་རྗེ་རྣམས་བལྟ་ཞིང། །ོཾ་ཧཱུཾ་སྭཱ་ཨཱ(རྒྱུད་འགྲེལ་གསལ། །སྐུ་དབང་མི་གཡོ་རིན་ཆེན་དབང། །འོད་དཔག་མེད་དང་དོན་ཡོད་གྲུབ། ཨོཾ་སརྦ་ཏ་ཐཱ་ག་ཏཱ་ནུ་རཱ་ག་ཎ་བཛྲ་སྭ་བྷཱ་བ་ཨཱཏྨ་ཀོ་ཧཾ། རྡོ་རྗེ་ཆུ་སྐྱེས་སྦྱོར་ལས་བྱུང། །ཕྱོགས་ཀུན་དུས་གསུམ་བཞུགས་པ་ཡི། །རྫོགས་སངས ་བསྒོམ་བྱ་རྣལ་འབྱོར་པས། །དེ་ཚེ་གཟུགས་རྡོ་རྗེ་སོགས་ཀྱིས། །ོཾ་སརྦ་ཏ་ཐཱ་ག་ཏ་པཱུ་ཛ་བཛྲ་སྭ་བྷ་བ་ཨཱཏྨ་ཀོ་ཧཾ། ཆོས་ཀུན་ལྷ་ལ་བསྟོད་པ་ནི། །སྒྲ་སྙན་སྒྲ་ནི་བཟང་པོ་ཡིས། །རང་གི་ང་རྒྱལ་མཆོག་ཞུགས་ཤིང། །རང་ཡིད་ལྷག་པའི་ཚིག་འདི་སྟེ།། ་མཆོག་སྦྱིན་རྡོ་རྗེ་མཆོག་ཁྱོད་འདུད། །ཡང་དག་མཐར་གྱུར་ཁྱོད་ལ་འདུད། །སྟོང་ཉིད་སྙིང་པོ་ཁྱོད་ལ་འདུད། །སངས་རྒྱས་བྱང་ཆུབ་ཁྱོད་ལ་འདུད། །སངས་རྒྱས་ཆགས་པ་ཁྱོད་ལ་འདུད། །སངས་རྒྱས་འདོད་ལ་ཕྱག་འཚལ་འདུད། །སངས་རྒྱས ་དགྱེས་པ་ཁྱོད་ལ་འདུད། །སངས་རྒྱས་རོལ་ལ་ཕྱག་འཚལ་འདུད། །སངས་རྒྱས་འཛུམ་པ་ཁྱོད་ལ་འདུད། །སངས་རྒྱས་བཞད་པ་ཕྱག་འཚལ་འདུད། །སངས་རྒྱས་གསུང་ཉིད་ཁྱོད་ལ་འདུད། །སངས་རྒྱས་ཐུགས་ལ་ཕྱག་འཚལ་འདུད། །མེད་པ ་ལས་བྱུང་ཁྱོད་ལ་འདུད། །སངས་རྒྱས་འབྱུང་བ་ཁྱོད་ལ་འདུད། །ནམ་མཁའ་ལས་བྱུང་ཁྱོད་ལ་འདུད། །ཡེ་ཤེས་ལས་བྱུང་ཁྱོད་ལ་འདུད། །སྒྱུ་འཕྲུལ་དྲ་པ་ཁྱོད་ལ་འདུད། །སངས་རྒྱས་རོལ་སྟོན་ཁྱོད་ལ་འདུད། །ཐམས་ཅད་ཐམས་ཅད་ཁྱོད་ལ ་འདུད། །ཡེ་ཤེས་སྐུ་ཉིད་ཁྱོད་ལ་འདུད། །ཤཱུ་མཱུ་མཱ་ར་བི་སོགས་དང། །ལྔ་ནི་ད་ཧ་ན་གོ་ཀུ། །ཡིད་གསུམ་བདུད་རྩིའི་ཟས་ཀྱིས་ནི། །ལུས་ངག་ཡིད་ནི་དག་པར་བྱ། །རྒྱུའི་ནུས་པ་མི་བསམ་སྟེ། །འདོད་ཆགས་ལ་སོགས་འཁྲུལ་པ་བྲལ། །འདི་ཉིད ་ཀྱི་ཡང་ཕ་རོལ་གྱིས། །བྱང་ཆུབ་ཐོབ་པར་ཐུབ་པས་གསུངས། །ཡི་གེ་གསུམ་གྱི་ནང་ཞུགས་སྔགས། །སྦྲུལ་ནས་སྐུ་སོགས་རྡོ་རྗེ་ཡིས། །མཁའ་ཁྱབ་སྔགས་མཐར་བསྡུ་བ་དང། །མཁས་པས་དེའི་བཟླས་པ་བྱ། །དེ་བཞིན་བཟླས་པས་སྐྱོ་གྱུར ་ན། །སྤྱི་བོར་ཟླ་བ་ཨོཾ་གཤེར་ལས། །ཚིམ་པ་ཉིད་དུ་འགྱུར་པའི་ཕྱིར། །བྱང་ཆུབ་སེམས་བཟླས་སླར་ཡང་ནི། །ཀུན་ལ་རྨི་ལམ་སྒྱུ་སོགས་བཞིན། །བྱ་བ་ཐམས་ཅད་འགྲོ་ཕན་ཕྱིར། །འཇམ་པའི་རྡོ་རྗེ་ཉིད་བསྐྱེད་ནས། །རྒྱུན་མི ་འཆད་པར་གཙོ་བོ་བསྒོམ། །སྔགས་པས་མཆོད་པ་ལ་སོགས་བྱ། །དམ་པའི་སྐྱེ་བོ་ལས་སྐྱེས་འདོད། །ཡི་གེ་གསུམ་ཕན་རྫོགས་སངས་བསྒོམ། །སྐུ་ལ་སོགས་པ་བརྟག་པར་བྱ། །ཐབས་དང་ཤེས་རབ་བདག་ཉིད་ཀྱིས། །དེ་ཉིད ་འགྲོ་ལ་འདིར་འདོད་ཅིང། །འགྲོ་བའི་དེ་ཉིད་ལས་སྐྱེས་པའི། །སྨོན་ལམ་དག་ནི་སྤེལ་བར་བྱ། །དཔལ་ལྡན་འཇམ་པའི་རྡོ་རྗེ་ནི། །བསྒོམས་པ་ལས་ཐོབ་དགེ་བ་འདིས། །འཇམ་དཔལ་ཡེ་ཤེས་སྐུར་གྱུར་ནས། །འགྲོ་བ་ཀུན་ལ་མཆོག ་སྦྱིན་ཤོག་།གང་ཚེ་བལྟ་བར་འདོད་པ་དང། །འགའ་ཞིག་འདྲི་བར་འདོད་པ་ལ། །དེ་ལ་དེ་བཞིན་མགོན་འདི་བསྟན། །འཇམ་པའི་མགོན་པོ་བགེགས་མེད་ཅིང། །ཕྱོགས་བཅུ་ནམ་མཁའ་ཨི་མཐར་ཐུག་པའི། །སེམས་ཅན་དོན་རྣམས་མ ་ལུས་བསྒྲུབ། །ཇི་ལྟར་འཇམ་པའི་སྤྱོད་བ་བཞིན། །བདག་ཀྱང་སྤྱོད་ཅིང་བསྟེན་པར་ཤོག་།ཇི་སྲིད་དང་པོ་མཐར་ཐུག་པའི། །འཁོར་བའི་མཛའ་ཡང་སྤངས་གྱུར་པ། །དེ་སྲིད་སེམས་ཅན་ཕན་མཛད་ཉིད། །སྤྱོད་པ་ཚད་མེད་བདག་གིས་སྤྱད། །ཇི་སྲིད ་སངས་རྒྱས་མ་ལུས་རྣམས། །ངེས་པར་མྱང་འདས་འཇིག་རྟེན་གཉེན། །དེ་རྣམས་ཀྱི་ཡང་བསྟན་པའི་ཕྱིར། །དུས་རེ་དུས་རེར་བདག་གིས་སྤྱད། །བྱིས་པ་གཞོན་ནུའི་གཟུགས་ཀྱིས་ནི། །ཐམས་ཅད་དུ་ནི་བདག་གིས་སྤྱད། །སྔགས་ཀྱི ་གཟུགས་ཀྱིས་སེམས་ཅན་རྣམས། །དེ་ནད་དེ་ཚེ་བདག་གིས་འདུལ། །ལངས་ནས་འཇམ་པའི་མགོན་པོ་ཡི། །སྤྱོད་པའི་ང་རྒྱལ་མཉམ་བཞག་ལས། །ཐམས་ཅད་ལྷ་ཡིས་གཟུགས་ཀྱིས་ནི། །ཡུལ་གྱི་རྗེས་འབྲངས་བཟླས་པར་བྱ། ། ་དབང་པོ་གཉིས་ནི་རབ་སྦྱོར་བས། །ཞལ་གསུམ་ཕྱག་དྲུག་དེ་བཞིན་དུ། །འཁོར་ལོ་རྡོ་རྗེ་རིན་པོ་ཆེ། །པདྨ་རལ་གྲི་ཕྱག་ན་བསྣམས། །གཟུགས་དང་སྒྲ་དང་དྲི་ཆེན་དང། །རོ་དང་རེག་བྱ་ཆོས་རྣམས་དང། །སྐུ་དང་རྡོ་རྗེ་རིན་དབང་དང། ་འོད་དཔག་དོན་ཡོད་ངོ་བོས་བསྐྱེད། །ཡུལ་ལྔའི་གཟུགས་སུ་གྱུར་པ་ལས། །སངས་རྒྱས་ཐམས་ཅད་ཁོང་དུ་ཆུད། །རང་གི་ལྷག་པའི་ལྷར་སྦྱོར་བས། །རང་གཞན་དེ་བཞིན་མཆོད་པར་བྱ། །ཟ་དང་ཉལ་དང་ཁྲུས་དང་ནི། །དེ་བཞིན་སྟན་ལ་འདུག ་པ་ཡང། །རང་གི་ལྷག་པའི་ལྷར་སྦྱོར་བས། །ཀུན་ཀྱང་རང་བཞིན་བརྟག་པར་བྱ། །མདོར་བསྡུས་ཡན་ལག་བཞི་པ་ཡི། །དོན་བྲིས་ལེགས་པར་བཤད་པ་ཡིས། །འཇམ་པའི་རྡོ་རྗེ་འདིར་གྱུར་ནས། །འཇིག་རྟེན་བདེ་འབྲས་རབ་སྦྱིན་ཤོག། ་འཇམ་པའི་རྡོ་རྗེའི་སྒྲུབ་ཐབས་རྫོགས་སོ།། །།རྒྱ་གར་སྐད་དུ། ཨེ་ཀཱ་ཀྵ་ར་ག་ཏི་བ་ཡ་པྲ་ཡོ་གི། བོད་སྐད་དུ། ཡི་གེ་གཅིག་པའི་རབ་ཏུ་སྦྱོར་བ་ཅུང་ཟད་པ། འཕགས་པ་འཇམ་པའི་མགོན་ལ་ཕྱག་འཚལ་ལོ། །ཐིཾ་ཞེས ་