Wylie

e-texts based on the ACIP/ALL Input

ནས་ངེས་འབྱུང་བའི། །ཧཱུཾ་ཡིག་དུད་ཁ་ལས་བྱུང་བའི། །སྒྲ་ཡིས་ནམ་མཁའ་ཁྱབ་པར་བལྟ། །སྒྲའི་འོད་ཀྱི་རེ་ཁའོ། ཞེས་པ་ནི་ཤེས་རབ་འཕེལ་བའི་ཆོ་ག་རྫོགས་སོ།། །།རྒྱ་གར་སྐད་དུ། ན་མ་སཾ་གཱི་ཏྱཱ་མ་ནཱ་ཡེ་ན་སིདྡྷ་པྲཛྙཱ་ཙཀྲ་བ་ལ་བ ་དྷཾ་སཱ་དྷ་ནཾ། བོད་སྐད་དུ། མཚན་ཡང་དག་པར་བརྗོད་པའི་མན་ངག་ཤེས་རབ་འཁོར་ལོའི་དངོས་གྲུབ་མཆོག་ཐོབ་པའི་སྒྲུབ་ཐབས། འཕགས་པ་འཇམ་དཔལ་ལ་ཕྱག་འཚལ་ལོ། །བླ་མའི་ཞབས་ལ་བདག་ཕྱག་འཚལ། །རྡོ་རྗེ་སློབ ་དཔོན་དེ་བཞིན་དུ། །དག་གི་དབང་པོ་ཕྱག་འཚལ་ནས། །འཇམ་དཔལ་སྒྲུབ་ཐབས་བདག་གིས་བྲི། །སེམས་དཔའ་ཨི་སྐྱིལ་ཀྲུང་གིས་བཞུགས་ཏེ། །སྙིང་ཁར་ཟླ་བ་ཨཱ་ཡིས་བརྒྱན། །ཀུན་ད་དུད་འདྲ་ས་བོན་འབར། །སྣ་ཚོགས་འོད་ཟེར་ཀུན ་ཏུ་འཁྲིགས། །དེ་སྐྱོང་རྫོགས་པའི་སངས་རྒྱས་དང། །བླ་མ་བྱང་ཆུབ་སེམས་དཔའ་དང། །ཆེན་པོ་དེ་རྣམས་བལྟས་ནས་ནི། །སྔགས་འདི་ཡིས་ནི་མཆོད་པར་བྱ། །ོཾ་བཛྲ་པུཥཔེ་ཧཱུཾ། ཨོཾ་བཛྲ་དྷུ་པེ་ཧཱུཾ། ཨོཾ་བཛྲ་དཱི་པེ་ཧཱུཾ། ཨོཾ་བཛྲ་གནདྷེ་ཧཱུཾ། ཨོཾ་བཛྲ་ནཻ་བི་དྱ་ཧཱུཾ། དེ་ནས ་དཀོན་མཆོག་གསུམ་ལ་བདག་སྐྱབས་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེ་ཡི་རང། །སངས་རྒྱས་བྱང་ཆུབ་ཡིད་ཀྱིས་བཟུང། །སངས་རྒྱས་ཆོས་དང་ཚོགས་མཆོག་ལ། བྱང་ཆུབ་བར་དུ་བདག་སྐྱབས་མཆི། །རང་གཞན ་དོན་ནི་རབ་སྒྲུབ་ཕྱིར། །བྱང་ཆུབ་སེམས་ནི་བདག་གིས་བསྐྱེད། །བྱང་ཆུབ་མཆོག་ཏུ་བདག་གིས་སེམས་བསྐྱེད་ནས། །སེམས་ཅན་ཐམས་ཅད་བདག་གི་མགྲོན་དུ་གཉེར། །བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི། །འགྲོ་ལ་ཕན་ཕྱིར་སངས་རྒྱས ་འགྲུབ་པར་ཤོག་།ཅེས་པའི་སྨོན་ལམ་སྔོན་དུ་འགྲོ་བ་ཡིས། །ཆོས་ཀུན་བདག་མེད་སྔགས་འདི་བརྗོད་པར་བྱ། །ོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ་ཧཾ། ས་བོན་སྒྱུ་མ་ལྟ་བུ་བསམ། །ཁམས་གསུམ་རྣམས་ནི་མ་ལུས་པ། །མཐོང་བ་དང་ནི ་རེག་པ་ཉིད། །དཔེར་ན་ཐམས་ཅད་སྒྱུ་མ་བཞིན། །དེ་བཞིན་དམིགས་པའང་མེད་པ་སྟེ། །ཀུན་ཀྱང་སྒྱུ་མ་ཇི་བཞིན་ནོ། །འགྲོ་བ་ཐམས་ཅད་གནས་པ་ནི། །དེ་ཡང་དམིགས་པ་མེད་པར་བྱ། །ཞེས་པས་ལྷག་པར་མོས་པར་བྱ། །དེ་ནས་ཐོག ་མ་མེད་པའི་དུས་ཀྱི་ཡང་དག་པ་མ་ཡིན་པའི་རྣམ་པར་རྟོག་པའི་ས་བོན་སྤངས་ནས་རང་བཞིན་གྱིས་དག་པ་ཞེས་ལྷག་པར་མོས་པར་བྱའོ། །ོཾ་སྭ་བྷཱ་བ་ཤུདྡྷ(རྒྱུད་འགྲེལ་ས་བོན་ཡོངས་སུ་གྱུར་པ་ལས་རལ་གྲིའོ། །དེའི་ཆད་པའི་དབུས་སུ་ཟླ་བའི་དཀྱིལ་འཁོར། དེའི་སྟེང་དུ་སྔོན་དུ་གསུངས་པའི་ས་བོན། དེ་ཐམས་ཅད་ཡོངས་སུ་གྱུར་པ་ལས་འཇམ་དཔལ་གྱི་སྐུར་བདག་ཉིད་བསམ་པར་བྱའོ། །བདག་ཉིད་འགྲོ ་བ་ཐམས་ཅད་ཀྱི་གཙོ་བོ་ཞེས་བྱའོ། །པདྨ་དང་ཟླ་བའི་གདན་ལ་སེམས་དཔའ་ཨི་སྐྱིལ་ཀྲུང་གིས་མཉམ་པར་བཞུགས་པའོ། །ཟླ་བ་དུ་མའི་འོད་ཟེར་འཕྲོ་བའི་ནམ་མཁའ་ཨི་མཐིལ་ཁྱབ་པར་མཛད་པ་སྣ་ཚོགས་པའི་ན་བཟའ་ ་མནབས་ཤིང། འགྲོ་བ་རྣམས་དགའ་བར་མཛད་པ། གཟུགས་མཛེས་ཤིང་སྐུ་མདོག་དཀར་པོ་ཡིད་དུ་འོང་བའི་ཟུར་ཕུད་ལྔས་སྤྲས་པའི་དཔའ་བོ་ཆེན་པོ་རྒྱན་ཐམས་ཅད་ཀྱིས་བརྒྱན་པ། ཕྱག་གཡས་པ་ན་རལ་གྲི་འཕྱར་བ། ཕྱག ་གཡོན་གྱི་ཐུགས་ཀར་པོ་ཏི་བསྣམས་པའོ། །དེ་ནས་ཕྱག་རྒྱ་བཅིང་བར་བྱའོ། །ལག་པ་གཉིས་ཐལ་མོ་སྦྱར་ཏེ། མཛུབ་མོ་དག་དང་མིང་མེད་དག་གིས་སེན་མོ་དག་བཀག་ནས་ཨུདྤ་ལ་ཁ་བྱེ་བ་ལྟར་གནས་པའོ། །སྙིང་ག་དང། ་མཛོད་སྦུ་དང། མགྲིན་པ་དང། སྤྱི་བོ་རྣམས་སུ་རང་གི་སྔགས་ཀྱིས་དགོད་པར་བྱའོ། །ཕྱི་ནས་ལྟེ་བའི་འོག་ཏུ་བྷྲུཾ་ཡིག་དཀར་པོ་ཨ་ཤྭ་ད་ཐའི་ལོ་མ་ལྟ་བུ་བསམ་པར་བྱའོ། །ཟླ་བའི་དཀྱིལ་འཁོར་ལ་དེའི་སྟེང་དུ་བརྒྱད་པའི་བཞི་པ ་དང་པོའི་བཅུ་དྲུག་པ་བདུན་པའི་གཉིས་པ་དང་པོའི་བཞི་པས་བརྒྱན་པའོ། །དེ་ཡོངས་སུ་གྱུར་པ་ལས་པདྨ་ཁ་ཟུམ་པ་སྟེ། ལྟེ་བའི་སྟེང་དུ་ཧཱུཾ་ཡིག་ཁ་འབྱེད་པ་བསམ་པར་བྱའོ། །དེའི་སྟེང་དུ་ཟླ་བའི་དཀྱིལ་འཁོར་རོ། །དེའི་སྟེང་དུ་སོར ་གཅིག་ཙམ་སྤངས་ནས་འཁོར་ལོ་རྩིབས་དྲུག་པ་འོད་ཟེར་དང་བཅས་པའོ། །དེའི་རྩིབས་རྣམས་ལ་དབྱངས་ཡིག་བཅུ་གཉིས་ཡི་གེ་ཟུང་རེ་རེ་དགོད་པར་བྱའོ། །རྩིབས་སོ་སོའི་སྟེང་དུ་རྩ་བའི་སྔགས་ཀྱི་ཡི་གེ་རེ་རེ་རྣམ་པར་བཀོད ་ནས་འཁོར་ལོའི་ནང་གི་ལྟེ་བ་ལ་དྷཱི(རྒྱུད་འགྲེལ་དུ་སོར་གཅིག་ཙམ་སྤངས་ནས་ཟླ་བའི་དཀྱིལ་འཁོར་ལ་དེའི་སྟེང་དུ་ཨ་ར་པ་ཙ་ན་ཞེས་པ་བལྟས་ནས་ཤིན་ཏུ་མྱུར་དུ་འཁོར་བའི་འཁོར་ལོ་བསྒོམ་པར་བྱའོ། །ཇི་སྲིད་ཟླ་བ་དྲུག་གི་བར་དུ་སྔགས་འདི་བཟླས་པར་བྱའོ། །ོཾ་བཛྲ་ཏཱཾ་ཀྵ་ཎ་མ?་ཞེས? ་ཉི་མ་རེ་རེ་ཁྲི་ཕྲག་རེ་བཟླས་པར་བྱའོ། །དེ་ནས་ལྐུགས་པ་ཡིན་ཡང་ངག་གི་དབང་པོར་འགྱུར་ཞིང་བློ་དང་ལྡན་པར་འགྱུར་རོ། །གཞུང་སྟོང་ཕྲག་རེ་འཛིན་ནུས་སོ། །རྒྱུན་ཆད་མེད་པར་ལེགས་པར་སྦྱར་བའི་སྐད་དང་ལྡན་ཞིང་སྙན་ངག་མཁན ་པོར་གྱུར་ནས་བསྟན་བཅོས་ཐམས་ཅད་ཀྱི་མཐར་ཕྱིན་པར་འགྱུར་རོ། །གྲུབ་པར་གྱུར་ནས་རལ་གྲིའི་རིག་པ་འཛིན་པའི་བདག་པོར་འགྱུར་ཞིང་རིག་འཛིན་མ་རྣམས་དང་ལྷན་ཅིག་ཏུ་བརྩེ་བར་བྱེད་དོ། །འཁོར་ལོ་མཆོག་འདིར་མི་གསལ་བ་རྣམས ་སློབ་དཔོན་གྱི་མན་ངག་ལས་ཁོང་དུ་ཆུད་པར་བྱའོ། །ཤེས་རབ་འཁོར་ལོའི་མཆོག་གྱུར་འདི། །བྲིས་པའི་འབྲས་བུ་གང་ཐོབ་པ། །དེ་ཡིས་འཇིག་རྟེན་ཐམས་ཅད་འདིར། །འཇམ་དཔལ་གོ་འཕང་ཐོབ་པར་ཤོག་།མཚན་ཡང་དག་པར་བརྗོད ་