Wylie

e-texts based on the ACIP/ALL Input

ཐབས། །བྱས་པའི་བསོད་ནམས་གང་བསགས་པ། །དེ་ཡིས་འགྲོ་བ་ཐམས་ཅད་ནི། །འཇམ་པའི་རྡོ་རྗེ་མཚུངས་པར་ཤོག་།ཚིག་ལྷུག་པའི་བརྟན་པའི་འཁོར་ལོའི་སྒྲུབ་ཐབས་རྫོགས་སོ།། །།རྒྱ་གར་སྐད་དུ། ཨཱརྱ་མཉྫུ་ཤྲཱི་སཱ ་དྷ་ནཾ། བོད་སྐད་དུ། འཕགས་པ་འཇམ་དཔལ་གྱི་སྒྲུབ་ཐབས། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །དང་པོར་རེ་ཞིག་ཞལ་བཀྲུ་བ་ལ་སོགས་པ་བྱས་ནས། སྟན་འཇམ་ཞིང་བདེ་བ་ལ་ཉེ་བར་འདུག་སྟེ། ་རང་གི་སྙིང་གར་པཾ་ཡིག་ལས་སྐྱེས་པའི་པདྨའི་སྟེང་དུ་ཨ་ཡིག་ལས་སྐྱེས་པའི་ཟླ་བའི་དཀྱིལ་འཁོར་གྱི་སྟེང་དུ་མཾ་ཡིག་གི་འོད་ཟེར་གྱིས་འོག་མིན་གྱི་གནས་སུ་ཞུགས་དེ་གདན་དྲངས་ནས། ཐོག་མ་མེད་པ་ནས་ཡང་དག་པར་གྲུབ ་པའི་འཇམ་དཔལ་གཞོན་ནུར་གྱུར་པ་མདུན་དུ་བསྒོམ་པར་བྱའོ། །དེ་ནས་ཕྱིའ་མཆོད་པ་མེ་ཏོག་དང་སྤོས་ལ་སོགས་པ་ཕུལ་ནས་མངོན་པར་ཕྱག་འཚལ་ཏེ། ཡང་ཕྱི་ནས་སྡིག་པ་བཤགས་པ་དང། བསོད་ནམས་ལ་རྗེས་སུ་ཡི་རང ་བ་དང། དགེ་བ་བསྔོ་བ་དང། གསུམ་ལ་སྐྱབས་སུ་འགྲོ་བ་དང། བྱང་ཆུབ་ཏུ་སེམས་བསྐྱེད་པ་དང། གསོལ་བ་གདབ་པ་དང། བདག་ཉིད་ངེས་པར་དབུལ་བ་རྣམས་བྱས་ནས་ཚངས་པའི་གནས་བཞི་བསྒོམ་པར་བྱའོ། །ཡང་ ་དངོས་པོ་མཛའ་དག་དེ་ཁོ་ན་ཉིད་ཀྱི་སྙིང་པོ་བསྡུས་ནས་སྟོང་པ་ཉིད་དུ་བསྒོམ་པར་བྱའོ། །ོཾ་ཤཱུ་ནྱེ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ་ཧཾ། ཞེས་བརྗོད་ནས་སླར་ཡང་སྨོན་ལམ་རྗེས་སུ་དྲན་ནས། གཟུགས་བརྙན་ཙམ་དུ ་རྣམ་པར་བལྟས་ནས་པདྨ་དང་ཟླ་བའི་སྟེང་དུ་མཾ་ཡིག་གི་ས་བོན་གྱི་འོད་ཟེར་གྱིས་རབ་ཏུ་བཅུག་ནས་བདག་ཉིད་འཇམ་དཔལ་གྱི་སྐུར་བསྒོམ་པར་བྱའོ། །སྐུ་མདོག་སེར་པོ་བཤད་པའི་ཕྱག་རྒྱ་འཛིན་པ་རིན་པོ་ཆེའི་རྒྱན་དང། རིན་པོ་ཆེ ་ཅོད་པན་ཅན། གཡོན་ན་ཨུཏཔལ་བསྣམས་པ། སེང་གེའི་གདན་ལ་བཞུགས་ཤིང་སྤྱི་བོར་མི་བསྐྱོད་པ་བཞུགས་པ། ཟླ་བའི་གདན་ལ་ཟླ་བའི་འོད་ཟེར་ལྟ་བུའི་བདག་ཉིད་བསྒོམ་པར་བྱའོ། །དེ་ནས་གཡས་ཕྱོགས་སུ་སུཾ་ཡིག་གི་ས་བོན ་ལས་བྱུང་བའི་ནོར་བཟངས་གཞོན་ནུ་སྣ་ཚོགས་པའི་རིན་པོ་ཆེའི་རྒྱན་གྱིས་མཛེས་ཤིང། རིན་པོ་ཆེའི་ཅོད་པན་ཅན། ཆོས་ཐམས་ཅད་ཀྱི་པོ་ཏི་ཅིག་མཆན་ན་བཟུང་ནས་ཐལ་མོ་སྦྱར་བ་སྔོན་དུ་འགྲོ་བས་བཞུགས་པའོ། །གཡོན་ཕྱོགས ་ལོགས་ན་གཤིན་རྗེ་གཤེད་སྐུ་མདོག་ནག་པོ་ཧཱུཾ་ཡིག་གི་ས་བོན་ལས་བྱུང་བ་ཞལ་འཇིགས་ཤིང་ཕྱག་ན་ཐོབ་བསྣམས་པ། སྐྲ་དམར་སེར་གྱེན་དུ་བརྫེས་པ། སྦྲུལ་གྱི་རྒྱན་གྱིས་བརྒྱན་པའོ། །དེ་ནས་གཡས་དང་གཡོན་ཕྱོགས་ལོགས་སུ ་ཟླ་བའི་འོད་དང་ཉི་མའི་འོད་དག་གོ་།ཤར་ལ་སོགས་པའི་ཕྱོགས་ཀྱི་ཆ་ལ་རྣམ་པར་སྣང་མཛད་དང། རིན་ཆེན་འབྱུང་ལྡན་དང། འོད་དཔག་མེད་དང། དོན་ཡོད་གྲུབ་པ་རྣམས་སོ། །མེ་ལ་སོགས་པའི་མཚམས་རྣམས་སུ་སྤྱན་མ་དང། མཱ ་མ་ཀཱི་དང། གོས་དཀར་མོ་དང། སྒྲོ་མ་རྣམས་ཀྱང་ངོ་ཞེས་སོ། །དེ་ནས་ཡེ་ཤེས་སེམས་དཔའ་བཅུག་སྟེ། མིག་ལ་སོགས་པའི་བྱིན་བརླབས་དང། ལུས་དང་ངག་ཡིད་བྱིན་གྱིས་བརླབས་ཤིང་དབང་བསྐུར་ནས། མཆོད་པ་དང ་བསྟོད་པ་བྱས་ཏེ། སྤྱི་བོར་མི་བསྐྱོད་པས་རྒྱས་གདབ་བོ། །ཕྱི་ནས་བསམ་གཏན་དང་ལྡན་པས་སྔགས་བཟླས་པར་བྱའོ། །དེ་ལ་སྔགས་ནི་འདིའོ། །ོཾ་དྷརྨ་དྷཱ་ཏུ་བཱ་གཱི་ཤྭ་རི་མུ(རྒྱུད་འགྲེལ་སོ།། །།རྒྱ་གར་སྐད་དུ། ཤྲཱི་མདྒཱ་དཱི་རཱ་ཛ་སཱ་དྷ་ནཾ། བོད་སྐད་དུ། དཔལ་ལྡན་ངག་གི་རྒྱལ་པོའི་སྒྲུབ་ཐབས། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །འགྲོ་བ་མ་ལུས་པ་ལ་ཡང་དག་བདེ་བའི་མཆོག ་