Wylie

e-texts based on the ACIP/ALL Input

འོད་ཟེར་ཅན་གྱི་སྒྲུབ་ཐབས་རྫོགས་སོ།། །།པཎྜི་ཏ་དོན་ཡོད་རྡོ་རྗེ་དང། ཁམས་པ་ལོཙྪ་བ་པ་རི་དགེ་སློང་གིས་བསྒྱུར་བའོ།། །།རྒྱ་གར་སྐད་དུ། ཀཱ་ལ་བི་ཀ་ཏ་བི་དྷི་ནི་སི་ཏ་མ་རཱི་ཙཡེ་སཱ་དྷ་ནཾ། བོད་སྐད་དུ། རྟོག་པ་ལས་གསུངས་པའི ་ཆོ་གས་འོད་ཟེར་ཅན་དཀར་པོའི་སྒྲུབ་ཐབས། འཕགས་མ་འོད་ཟེར་ཅན་ལ་ཕྱག་འཚལ་ལོ། །དད་པར་ར?་ཞག?་རང་གི་སྙིང་གར་ཟླ་བ་ལ་མཾ་དཀར་པོའི་འོད་ཟེར་གྱིས་མཉམ་པར་བཀུག་པའི་བཅོམ་ལྡན་འདས་མ་ལ་སྣ་ཚོགས་ཀྱི་ཉེ་བར་སྦྱོར་པས་མངོན ་ཏུ་མཆོད་པ། སྡིག་པ་བཤགས?་པ་ལ་སོགས་པ་བྱས་ནས། ཚངས་པའི་གནས་བཞི་བསྒོམ་པར་བྱའོ། །ོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ་ཧཾ། ཞེས་བརྗོད་ལ་པཾ་ལས་སྐྱེས་པའི་སྣ་ཚོགས་པདྨའི་སྟེང་དུ་ཟླ་བ་ལ་ཡང་མཾ་དཀར་པོ་ཡོངས་སུ་གྱུར་པ་ལས ་འོད་ཟེར་ཅན་ཀུན་དེ་?་ཟླ་བ་དང་མཚུངས་པ། ཞལ་ལྔ་པ། ཕྱག་བཅུ་པ། ཞབས་བཞི་པ། སྐད་ཅིག་གིས་བསམ་པར་བྱའོ། །དེ་ལ་ཞལ་གྱི་གཙོ་བོ་ནི་སྐུའི་མདོག་གོ་།གཡས་པའི་ཞལ་ནི་ནག་པོའོ། །གཡན་པའི་ཞལ་ཕག་གདོད་དམར་པོའོ། །ཞལ? ་ཕྱི་མ་ནི་ལྗང་གུའོ། །མགོ་བོའི་སྟེང་གི་ཞལ་ནི་སེར་པོའོ། །རིན་པོ་ཆེ་སྣ་ཚོགས་ཀྱིས་སྤྲས་པའི་རྩེ་གསུམ་པས་རལ་པའི་ཅོད་པན་ནོ། །ཕྱག་གཡས་པའི་ཕྱག་ལྔ་ན་ཉི་མའི་དཀྱིལ་འཁོར་དང། རྡོ་རྗེ་སྔོན་པོ་དང། མདའ་དང། ། ་ལྕགས་ཀྱུ་དང། ཁབ་རྣམས་ཕྱག་ནའོ། །གཡོན་པའི་ཕྱག་ལྔ་རྣམས་སུ་ཟླ་བའི་དཀྱིལ་འཁོར་དང། གཞུ་དང། མྱ་ངན་མེད་པའི་ཡལ་ག་དང། ཞབས་པ་དང་བཅས་པའི་སྡིགས་མཛུབ་དང། སྐུད་པ་རྣམས་ཕྱག་ནའོ། །སྣ་ཚོགས་པའི་རིན་པོ་ཆེས་སྤྲས ་པའི་རྣ་རྒྱན་དང། དབུ་རྒྱན་དང། ལག་གདུབ་དང། དྲིལ་བུ་གཡེང་ག་དང་བཅས་པའི་སྐ་རིགས་ཀྱིས་གོས་ཀྱི་རྣམ་པར་བརྒྱན་པའི་ལུས་སོ། །ལང་ཚོ་གསར་ལ་བབ་པ་ཤ་འགག་དང། སྟོད་གཡོགས་དཀར་པོ་མཆོད་རྟེན་གྱི་ཁོངས་ན་གནས་པའི་ཕག ་པ་བདུན་གྱི་ཤིང་རྟ་ལ་ཞོན་པའོ། །ཁྱབ་འཇུག་དང། དབང་པོ་དང། བདེ་བྱེད་དང། ཚངས་པ་ཞབས་བཞིས་མནན་པའོ། །དེའི་ཤིང་རྟའི་དབུས་སུ་གནས་པའོ། །ཆུ་སྲིན་མནན་པའི་བཅོམ་ལྡན་འདས་མ་གཞན་ཏེ། དེ་ཡང་སྐུ་མདོག་ནག་པོ ་ཕག་གི་གདོང་བ་ཅན། སྡིགས་མཛུབ་ནི་གཡས་པ་དང་གཡོན་པའི་ཕྱག་ནའོ། །གཡས་ཕྱོགས་སུ་ལྷ་མོ་གཞན་ཕག་གི་ཞལ་དམར་པོ་ཕྱག་བཞི་པ་ལྕགས་ཀྱུ་དང། ཁབ་ནི་གཡས་ཀྱི་ཕྱག་གཉིས་ནའོ། །སྡིགས་མཛུབ་དང་བཅས་པའི ་ཞགས?་པ་དང་སྐུད་པ་ནི་གཡོན་གྱི་ཕྱག་གཉིས་ནའོ། །རྒྱན་བཟང་པོས་ཡང་དག་པར་བརྒྱན་པའོ། །གཡོན་ཕྱོགས་སུ་རྗེ་བཙུན་མ་གཞན་དེ་ཡང་ཕག་ཞལ་མདོག་དམར་བ་རྣ་བའི་བར་དུ་བཀང་བའི་གཞུ་དང། མདའ་དང། རྡོ་རྗེ་དང། མྱ་ངན་མེད ་པའི་ཡལ་ག་ནི་གཡས་དང། གཡོན་པའི་ཕྱག་ནའོ་།སྣ་ཚོགས་པའི་ན་བཟའ་བརྒྱན་པ་སྟེ། ཤིང་རྟ་འདྲེན་པའི་ཕག་གི་འོག་ན་ཉི་མ་ལ་སོགས་པའི་གཟའ་ཆེན་པོ་དགུ་དང། ཉེ་བར་འཚེ་པའི་ནད་ཀྱི་ཚོགས་རྣམས་ལྷུང?་ནས། མིའི་གཟུགས་ཀྱིས ་གནས་པའོ། །དེ་ལྟ་བུའི་གཟུགས་ཀྱིས་བཅོམ་ལྡན་འདས་མ་བསམས་ལ། སྙིང་གར་ཟླ་བ་ལ་མཾ་ལས་བྱུང་བའི་འོད་ཟེར་གྱིས་དེ་བཞིན་གཤེགས་པ་བཀུག་སྟེ། དབང་བསྐུར་བླངས་ནས་དབུ་བ་རྣམ་པར་སྣང་མཛད་ཀྱིས་དབུ་རྒྱན་པར་བསམ་པར་བྱའོ།། ་དེ་ནས་སྙིང་གའི་ས་བོན་ཉིད་ལས་ཕྲེང་བའི་རྣམ་པ་ལྟ་བུར་སྔགས་ཀྱིས་ཡི་གེ་ཁ་ནས་བྱུང་ནས་ལྟེ་བར་རོ། །ལྟེ་བ་ནས་ཁ་རུ། ཁ་ནས་ཡང་ལྟེ་བ་ལ་སོགས་པར་འཁོར་ལོ་འཁོར་བའི་རིམ་པས་སྔགས་བཟླས་པར་བྱའོ། །མཛའ་གསུམ་ན་དེ་ཉིད་ཡིད་ཀྱིས་བྱའོ། ། ་དེ་ལ་འདི་ནི་སྔགས་ཡིན་ཏེ། ཨོཾ་མཱ་རཱི་ཙཡཻ་མཱཾ་ཧཱུཾ་ཧཱུཾ་ཕཊ་ཕཊ་སྭཱཧཱ། རང་གི་ས་བོན་བྱིན་གྱིས་བརླབས་ལ། ཟས་ལ་སོགས་པ་ཐམས་ཅད་ལ་རྗེས་སུ་གནས་པར་བྱའོ། །སྐྱོན་ཡི་གེ་བརྒྱ་པའི་སྔགས་བརྗོད་ལ། དེ་ལྟར་བདེ་བས་གནས་པར་བྱའོ། །རྟོག་པ་ལས་གསུངས་པའི ་ཆོ?་གའི?་འོད་ཟེར་ཅན་དཀར་མོའི་སྒྲུབ་པའི་ཐབས་རྫོགས་སོ།། །།པཎྜི་ཏ་དོན་ཡོད་རྡོ་རྗེ་དང། ཁམས་བ་ལོ་ཙ་བ་དགེ་སློང་བ་རིས་བསྒྱུར་བའོ།། །།རྒྱ་གར་སྐད་དུ། ཨ་ཤཱོ་ཀ་ཀནྟཱ་མཱ་རཱ་ཙཡེ་སཱ་དྷ་ན། བོད་སྐད་དུ། མྱ་ངན་མེད་པའི་ཤིང་གི་འོད ་