Wylie

e-texts based on the ACIP/ALL Input

ལོཙྪ་བ་དགེ་སློང་བ་རིས་བསྒྱུར་བའོ།། །།རྒྱ་གར་སྐད་དུ། ཨོཾ་ཌི་ཡཱ་ཎ་མཱ་རཱི་ཙཡེ་ས་དྷ་ནཾ། བོད་སྐད་དུ། ཨུ་རྒྱན་གྱི་འོད་ཟེར་ཅན་གྱི་སྒྲུབ་པའི་ཐབས། འཕགས་པ་འོད་ཟེར་ཅན་ལ་ཕྱག་འཚལ་ལོ། །དང་པོར་རེ་ཞིག་རང་གི་སྙིང་གར་ཨཾ་ཡིག་ཡོངས་སུ་ ་གྱུར་པ་ལས་ཉི་མའི་དཀྱིལ་འཁོར་རོ། །དེའི་སྟེང་དུ་དང་པོའི་བཅུ་གསུམ་གྱི་ས་འོད་ཟླ་ཕྱེད་ཐིག་ལེས་བརྒྱན་པའོ། །དེ་ཁོ་ན་བཞིན་དུ་སྡིག་པ་བཤགས་པ་ལ་སོགས་པ་བྱས་ནས་དེ་ཉིད་ཀྱིས་ཡོངས་སུ་རྫོགས་པའི་ཨཾ་དེ། །དེ་ཐམས ་ཅད་ཡོངས་སུ་གྱུར་པ་ལས་འོད་ཟེར་ཅན་མདོག་དམར་ལ་ཞལ་དྲུག་པ་ཕྱག་བཅུ་གཉིས་མ་ཞལ་དང་པོ་དམར་བ། གཉིས་པ་ནག་པོ། གསུམ་པ་ལྗང་གུ་།བཞི་པ་སེར་པོ། ལྔ་པ་དཀར་པོ། མགོ་བོའི་སྟེང་ན་གནས་པའི་ཕག་གི་ཞལ་ནི་ནག་པོ་སྟེ་དྲུག་པའོ། ། ་མཆོད་རྟེན་དང་མྱ་ངན་མེད་པས་བརྒྱན་པ། རྣམ་པར་སྣང་མཛད་སེར་པོ་མགོན་པོས་དབུ་བརྒྱན་པ། བསུས་པ་འཕྱང་བ་ཐོད་པའི་ཕྲེང་བས་བརྒྱན་པ། སྐྲ་ཁམ་པ་གྱེན་དུ་བགྲེད་བ། སྦྲུལ་གྱིས་བརྒྱན་པ། སྟག་གི་པགས་པའི་ཤམ་ཐབས་ཅན། གཡོན་བརྐྱང ་བའི་ཞབས་ཀྱིས་ཕག་གིས་བགེགས་ཀྱི་ཚོགས་མནན་པའི་སྟེང་ན་གནས་པའོ། །གཡས་པའི་ཕྱག་ན་རལ་གྲི་དང་རྡོ་རྗེ་དང་གཏུན་ཤིང?་དང། མདའ་དང། རྡོ་རྗེ་རྩེ་གཅིག་པ་སྒྲ་སྟའོ། །གཡོན་པའི་ཕྱག་ན་སྡིགས་མཛུབ་དང་བཅས་པའི་ཞགས་པ་དང། ཐོད་པ ་དང། མྱ་ངན་མེད་པའི་ཡལ་ག་དང། ཚངས་པའི་མགོ་བོ་དང། གཞུ་དང། རྩེ་གསུམ་མོ། །སྤྱན་གསུམ་ཟླུམ་ཞིང་དམར་བ། ཞལ་མཆེ་བ་གཙིགས་པའོ། །ཤིང་རྟའི་དབུས་ན་གནས་བའོ། །ལྷ་མོ་གཞན་ནི་ཕྱག་གཉིས་པ་སྡིགས་འཛུབ་དང་བཅས་པའི ་ཞགས་པ་མྱ་ངན་མེད་པའི་ཡལ་ག་ཡང་བསྒོམ་པར་བྱའོ། །བདག་ཉིད་བཅོམ་ལྡན་འདས་མ་ཞེས་བྱའོ། །དེ་ནས་ཕྱག་རྒྱ་བཅིང་བར་བྱ་སྟེ། རྡོ་རྗེ་ཐལ་མོ་སྦྱར་ལ་གུང་མོ་གཉིས་མཉམ་པར་བཀུག་སྟེ། མཐེབ་ཆེན་གཉིས་སྐྱིལ་མོ་ཀྲུང་བཅས་ལ། རྩེ་མོའི ་ཚིགས་ནི་ཅུང་ཞིག་བསྐུམ་པའོ། །སྔགས་ནི། ཨོཾ་མཱ་རཱི་ཙཡེ་ཨ་མཱཾ་ཧཱུཾ་ཧཱུཾ་ཧཱུཾ་ཕཊ་ཕཊ་སྭཱཧཱ། ཨུ་རྒྱན་གྱི་འོད་ཟེར་ཅན་གྱི་སྒྲུབ་ཐབས་རྫོགས་སོ།། །།པཎྜི་ཏ་དོན་ཡོད་རྡོ་རྗེ་དང། །ཁམས་པ་ལོཙྪ་བ་དགེ་སློང་བ་རིས་བསྒྱུར་བའོ།། །། ་