Wylie

e-texts based on the ACIP/ALL Input

པའི་སྒྲུབ་ཐབས། དཔལ་ལྷན་ཅིག་སྐྱེས་པའི་རོལ་པས་མཛད་པ་རྫོགས་སོ།། །།པཎྜི་ཏ་དོན་ཡོད་རྡོ་རྗེ་དང། ཁ་མོས་པ་ལོཙྪ་བ་དགེ་སློང་བ་རིས་བསྒྱུར་བའོ།། །།རྒྱ་གར་སྐད་དུ། ཧ་རི་ཧ་རི་ཧ་རི་བཱ་ཧ་ནོདབྷ་བཾ་ལོ་ཀེ་ཤྭ་ར་སཱ་དྷ་ནཾ། བོད་སྐད ་དུ། ཧ་རི་ཧ་རི་ཧ་རི་ལ་ཞོན་པར་གྱུར་པའི་སྤྱན་རས་གཟིགས་དབང་ཕྱུག་གི་སྒྲུབ་པའི་ཐབས། འཕགས་པ་སྤྱན་རས་གཟིགས་བདེ་བའི་གདན་ལ་འདུག་སྟེ། འགྲོ་བའི་དོན་བྱ་བའི་བསམ་པས་བདེ་བའི་གདན་ལ་འདུག་སྟེ། འགྲོ་བའི་དོན་བྱ་བའི་བསམ་པས ་སྡིག་པ་བཤགས་པ་ལ་སོགས་པ་བདུན་ཡོངས་སུ་དག་པའི་མཆོད་པ་བྱས་ནས། ཡཾ་ལས་རྫོགས་པའི་རླུང་གི་དཀྱིལ་འཁོར་གཞུའི་རྣམ་པ་ལྟ་བུ་མདོག་སྔོན་པོ་བ་དན་གྱིས་མཚན་པའོ། །དེའི་སྟེང་དུ་རཾ་ལས་བྱུང་བ་མེའི་དཀྱིལ་འཁོར་གྲུ་གསུམ ་དམར་པོ་རཾ་དམར་པོས་མཚན་པའོ། །དེའི་སྟེང་དུ་བཾ་ལས་རྫོགས་པ་ཆུའི་དཀྱིལ་འཁོར་དཀར་པོ་བུམ་པ་དཀར་པོས་དབུས་སུ་མཚན་པའོ། །དེའི་སྟེང་དུ་ལཾ་ལས་བྱུང་བ་དབང་ཆེན་གྱི་དཀྱིལ་འཁོར་གྲུ་བཞི་པ་མདོག་སེར་པོ་རྡོ་རྗེ་རྩེ་གསུམ་པ ་སེར་པོས་གྲུ་བཞིར་གནས་ཤིང་མཛེས་པའོ། །དེའི་སྟེང་དུ་སུཾ་ལས་རྫོགས་པའི་རིན་པོ་ཆེ་སྣ་བདུན་གྱི་རང་བཞིན་ལྕོག་བརྒྱད་དང་ལྡན་པའི་རི་རབ་བོ། །དེའི་སྟེང་དུ་པཾ་ཡོངས་སུ་གྱུར་པ་ལས་སྣ་ཚོགས་ཀྱི་པདྨའོ། །དེའི་སྟེང་དུ་བདག་ཉིད་བསམས་ལ། ཨོཾ ་ཧྲཱི(རྒྱུད་འགྲེལ་ལྟ་བུ་འོད་ཟེར་འབར་ཞིང་འཁྲིག་པ་གཞོན་ནུའི་གཟུགས་སུ་སྔགས་པས་རྣམ་པར་བསམ་པར་བྱའོ། །ཕྱིས་ནི་རང་གི་སྙིང་གར་བསོད་ནམས་དང་ཡེ་ཤེས་ཀྱི་ཚོགས་རྣམ་པར་དག་པ་ཟླ་བའི་དཀྱིལ་འཁོར་དང་ཉི་མའི་དཀྱིལ ་འཁོར་རོ། །དེ་ལ་ཧྲཱི(རྒྱུད་འགྲེལ་བཅོམ་ལྡན་འདས་ཧ་རི་ཧ་རི་ཧ་རི་ལ་ཞོན་པར་གྱུར་པའི་སྤྱན་རས་གཟིགས་སེམས་བརྟན་པས་བདག་ཉིད་བསྒོམ་པར་བྱའོ། །ཕྱག་དྲུག་པ་མདོག་དཀར་བ་རལ་པའི་ཅོད་པན་ཅན། ཞི་བའི་ཆ་ལུགས་ཅན་ཕྱག་གཡས་པར་ཡང་དག་པར་རྫོགས་པའི་སངས ་རྒྱས་དབང་པོ་བྱེད་པ། གཉིས་པ་ན་ཕྲེང་བ་བསྣམས་པ། གསུམ་པ་ན་ངན་སོང་ན་གནས་པའི་འཇིག་རྟེན་ལ་དགེ་བ་ཉེ་བར་སྟོན་པའོ། །གཡོན་པའི་དང་པོ་ན་དབྱུག་པ། གཉིས་པ་ན་རི་དགས་ནག་པོའི་འཕགས་པ་འཛིན་པ། གསུམ་པ་ན་རིལ་པ ་སྤྱི་བླུགས་བསྣམས་པའི་བཅོམ་ལྡན་འདས་ཀྱིས་རྣམ་པར་བསྒོམ་པར་བྱའོ། །དེ་ལ་རྣམ་པར་དག་པ་ནི་རླུང་དང་མེའི་དཀྱིལ་འཁོར་གཉིས་ནི་སེང་གེའོ། །ཆུའི་དཀྱིལ་འཁོར་ནི་བྱ་ཁྱུང་ངོ། །སའི་དཀྱིལ་འཁོར་དང་རི་རབ་ནི་ཁྱབ་འཇུག་རྣམ་པར ་དག་པའོ། །རྒྱུན་དུ་བསྒོམ་པར་བྱེད་པའི་རྣལ་འབྱོར་པས་སེམས་ཅན་ཐམས་ཅད་ཀྱི་དོན་བྱེད་པའི་ནུས་པ་དང་ལྡན་པར་འགྱུར་རོ། །ཤེས་རབ་ཆེན་པོར་འགྱུར་རོ། །ནད་མེད་པར་འགྱུར་རོ། །ཉེ་བར་འཚེ་བ་མེད་པར་འགྱུར་རོ། ་ཉིད་ནོར་ཕྱུག་པར་འགྱུར་རོ། །དབང་དུ་བྱེད་པ་དང་དུག་གི་ལས་ལ་ནུས་པ་ཆེན་པོར་འགྱུར་རོ། །སྔགས་ཀྱི་བཟླས་པ་ནི་གདམས་ངག་ལས་ཤེས་པར་བྱའོ། །ཧ་རི་ཧ་རི་ཧ་རི་ལ་ཞོན་པར་གྱུར་པའི་འཕགས་པ་སྤྱན་རས་གཟིགས་དབང་ཕྱུག་གི་སྒྲུབ་ཐབས་རྫོགས་པའི ་སངས་རྒྱས་ཀྱིས་གསུངས་པ་རྫོགས་སོ།། །།པཎྜི་ཏ་དོན་ཡོད་རྡོ་རྗེ་དང། ཁམས་པ་ལོཙྪ་པ་དགེ་སློང་བ་རིས་བསྒྱུར་བའོ།། །།རྒྱ་གར་སྐད་དུ། ཧ་ལ་ཧ་ལ་སཱ་དྷ་ནཾ། བོད་སྐད་དུ། ཧ་ལ་ཧ་ལའི་སྒྲུབ་པའི་ཐབས། བཅོམ་ལྡན་འདས་ཧ་ལ་ཧ ་